Find program results

თავდაცვა და საზოგადოებრივი წესრიგი 1,476,608,039 c

ინსტიტუციონალური განვითარება 206,008,002 c

კულტურა, რელიგია, სპორტი 290,146,920 c

მაკროეკონომიკური სტაბილურობა 75,040,165 c

რეგიონული განვითარება და ტურიზმი 1,140,656,649 c

სასამართლო სისტემა 3,500,000 c

სოფლის მეურნეობა 180,985,130 c

იძულებით გადაადგილებულ პირთა მხარდაჭერა 110,327,081 c

ჯანდაცვა და სოციალური უზრუნველყოფა 3,326,556,057 c

საერთაშორისო ურთიერთობები 114,428,240 c

ელექტრონული მმართველობის განვითარება (26 05)

Program implementer

სსიპ - მონაცემთა გაცვლის სააგენტო

Program description

პროგრამა მიზნად ისახავს მოქალაქეებისათვის, ბიზნესისა და არასამთავრობო სექტორისათვის სახელმწიფოს ელექტრონული სერვისების უსაფრთხოდ, ეფექტურად, ერთი ფანჯრის პრინციპით მიწოდების ხელშეწყობას, აგრეთვე სახელმწიფო ორგანიზაციებისა და კერძო სექტორის ინფორმაციის, საინფორმაციო სისტემებისა და ტექნოლოგიების ურთიერთთავსებადობის საშუალებით მონაცემების ეფექტიანად და უსაფრთხოდ გაცვლის უზრუნველყოფას. აღნიშნული მიზნით შექმნილია მონაცემთა გაცვლის ინფრასტრუქტურა, რომელიც წარმოადგენს აპარატურულ/პროგრამულ კომპლექსს. პროგრამის ფარგლებში აღნიშნულ ინფრასტრუქტურაში ჩართული სერვისებისა და გაცვლილი მონაცემების მასშტაბების ზრდასთან ერთად დაგეგმილია მისი მუდმივი განვითარება და დახვეწა, ტექნიკური და პროგრამული მხარდაჭერა. მონაცემთა გაცვლის ინფრასტრუქტურის საფუძველზე, თავის მხრივ, შექმნილია მოქალაქეებისა და ბიზნესისთვის კრიტიკულად მნიშვნელოვანი ახალი პროდუქტი - მოქალაქის პორტალი, რომელშიც თავმოყრილია სახელმწიფო და ბიზნესსექტორის მიერ რეალიზებული სხვადასხვა ელექტრონული სერვისი. პროგრამის ფარგლებში აღნიშნულ პორტალში მომავალშიც ინტეგრირდება ყველა ის ელექტრონული სერვისი, რომელთაც ცენტრალური და ადგილობრივი მმართველობის ორგანოები სთავაზობენ მოქალაქეებს, ბიზნესს თუ არასამთავრობო სექტორს. პროგრამის ფარგლებში გასატარებელი ღონისძიებები აგრეთვე უზრუნველყოფს ამ სერვისების და მონაცემების ეფექტურ და უსაფრთხო გაცვლას. პროგრამის ერთ-ერთი უმთავრესი მიმართულებაა კიბერუსაფრთხოების საკითხები, რაც არა მხოლოდ კომპიუტერული ინციდენტების გამოვლენას, პრევენციასა და შედეგების მართვას გულისხმობს, არამედ ამ სფეროში შესაბამის საგანმანათლებლო საქმიანობის ორგანიზებასა და საზოგადოებრივი ცნობიერების ამაღლების ღონისძიებებსაც მოიცავს. პროგრამის ერთ-ერთი მთავარი მიმართულებაა აგრეთვე საქართველოს საერთაშორისო ვაჭრობის მხარდამჭერი სისტემის ეფექტური ოპერირება, საკონტეინერო გადაზიდვების პროცესში (იმპორტ/ექსპორტი) ჩართულ კერძო და სახელმწიფო სუბიექტებს შორის ინფორმაციის მიმოცვლის პროცესის გამარტივება, რაც თავის მხრივ, საერთაშორისო ვაჭრობაში ჩართული მხარეების ეფექტურ მხარდაჭერას უზრუნველყოფს. ელექტრონულ სერვისებზე ხელმისაწვდომობასთან ერთად, პროგრამა უზრუნველყოფს სამოქალაქო და ბიზნეს სექტორისთვის საჯარო, სტრუქტურირებულ ინფორმაციაზე ხელმისაწვდომობას. აღნიშნული მიზნით პროგრამის ფარგლებში ფუნქციონირებს და მუდმივად ვითარდება ღია მონაცემების ქართული პორტალი (data.gov.ge).

Expected outcome

მონაცემთა გაცვლის ინფრასტრუქტურის საშუალებით ელექტრონულ სერვისებზე ხელმისაწვდომობა კრიტიკული ინფორმაციული სისტემების სუბიექტების კომპიუტერულ ინციდენტებზე დროული და ეფექტური რეაგირება პორტალზე data.gov.ge გამოქვეყნებული ღია მონაცემთა ცხრილები

Achieved outcomes

· მონაცემთა გაცვლის ინფრასტრუქტურას დაემატა ახალი ელექტრონული სერვისები; · კრიტიკული ინფორმაციული სისტემების სუბიექტების კომპიუტერულ ინციდენტებზე მოხდა რეაგირება, რეკომენდაციების და რეაგირების გზების მეთოდების მიწოდება დაზარალებული ორგანიზაციებისათვის; · პორტალზე (data.gov.ge) გამოქვეყნდა ღია მონაცემთა ცხრილები XML და CSV ფორმატში.

Performance indicators

1 საბაზისო მაჩვენებელი - 2015 წლის ბოლომდე მოქალაქის პორტალზე ინტეგრირებული იქნება ცენტრალური და ადგილობრივი მმართველობის 56 სერვისი; მიზნობრივი მაჩვენებელი - 2016-2019 წლებში იგეგმება, ყოველწლიურად 15-მდე ელექტრონული სერვისის დამატება; ცდომილების ალბათობა (%/აღწერა) - +/- 5 ახალი ელექტრონული სერვისი 2 საბაზისო მაჩვენებელი - 2015 წელს მონაცემთა გაცვლის ინფრასტრუქტურაში განხორციელდა 50 მლნ ტრანზაქცია; მიზნობრივი მაჩვენებელი - 2016-2019 წლებში იგეგმება, ყოველწლიურად დამატებით 5 მლნ ტრანზაქციის განხორციელება; ცდომილების ალბათობა (%/აღწერა) - 5%; შესაძლო რისკები - შესაბამისი დაწესებულებების მიერ მონაცემთა გაცვლის ინფრასტრუქტურაში სერვისების და მონაცემების ინტეგრაციისათვის დაბალი პრიორიტეტის მინიჭება 3 საბაზისო მაჩვენებელი - 2015 წელს გამოვლენილია 600-მდე ინციდენტი; მიზნობრივი მაჩვენებელი - 2016 წლის ბოლომდე ინფორმაციული უსაფრთხოების ინციდენტების გამოვლენა გაიზრდება დაახლოებით 750-მდე, 2017 - 850-მდე, 2019 - 1050-მდე; ცდომილების ალბათობა (%/აღწერა) - 5%; შესაძლო რისკები - კრიტიკული ინფორმაციული სისტემების სუბიექტები არ ახდენენ ინციდენტების შესახებ დროულ და სრულყოფილ შეტყობინებას 4 საბაზისო მაჩვენებელი - 2015 წელს ღია მონაცემების პორტალზე გამოქვეყნებულია 130 მონაცემთა ცხრილი; მიზნობრივი მაჩვენებელი - 2016-2019 წლებში ღია მონაცემების პორტალზე ყოველწლიურად დამატებით გამოქვეყნდება 40 მონაცემთა ცხრილი; ცდომილების ალბათობა (%/აღწერა) - 5%

Achieved performance indicators

1.საბაზისო მაჩვენებელი - 2015 წლის ბოლომდე მოქალაქის პორტალზე ინტეგრირებული იქნება ცენტრალური და ადგილობრივი მმართველობის 56 სერვისი; მიზნობრივი მაჩვენებელი - 2016-2019 წლებში იგეგმება, ყოველწლიურად 15-მდე ელექტრონული სერვისის დამატება; მიღწეული მაჩვენებელი - მოქალაქის პორტალზე ინტეგრირებული 136 ელექტრონული სერვისი; 2.საბაზისო მაჩვენებელი - 2015 წელს მონაცემთა გაცვლის ინფრასტრუქტურაში განხორციელდა 50 მლნ ტრანზაქცია; მიზნობრივი მაჩვენებელი - 2016-2019 წლებში იგეგმება, ყოველწლიურად დამატებით 5 მლნ ტრანზაქციის განხორციელება; მიღწეული მაჩვენებელი - მონაცემთა გაცვლის ინფრასტრუქტურაში ტრანზაქციების რაოდენობამ გადააჭარბა 44 მილიონს; ცდომილების მაჩვენებელი (%/აღწერა) და განმარტება დაგეგმილ და მიღწეულ საბოლოო შედეგებს შორის არსებულ განსხვავებებზე - მონაცემთა გაცვლის ინფრასტრუქტურაში ტრანზაქციების რაოდენობა 2016 წლის მიზნობრივ მაჩვენებლთან შედარებით შემცირებულია, დაახლოებით, 20%-ით, რაც გამოწვეულია ბანკების მხრიდან ავთენტიფიკაციის ახალი მეთოდების დანერგვის შედეგად სახელმწიფო სერვისების განვითარების სააგენტოს ელექტრონულ მომსახურებაზე მოთხოვნის შემცირებით. 3.საბაზისო მაჩვენებელი - 2015 წელს გამოვლენილია 600-მდე ინციდენტი; მიზნობრივი მაჩვენებელი - 2016 წლის ბოლომდე ინფორმაციული უსაფრთხოების ინციდენტების გამოვლენა გაიზრდება დაახლოებით 750-მდე, 2017 - 850-მდე, 2019 - 1050-მდე; მიღწეული მაჩვენებელი - კომპიუტერულ ინციდენტებზე სწრაფი დახმარების ჯგუფმა სულ გამოავლინა და რეაგირება მოახდინა 1 258 ინციდენტზე; 4.საბაზისო მაჩვენებელი - 2015 წელს ღია მონაცემების პორტალზე გამოქვეყნებულია 130 მონაცემთა ცხრილი; მიზნობრივი მაჩვენებელი - 2016-2019 წლებში ღია მონაცემების პორტალზე ყოველწლიურად დამატებით გამოქვეყნდება 40 მონაცემთა ცხრილი; მიღწეული მაჩვენებელი - პორტალზე (data.gov.ge) ატვირთულია 480 მონაცემთა ცხრილი.