Find program results

თავდაცვა და საზოგადოებრივი წესრიგი 1,494,857,697 c

ინსტიტუციონალური განვითარება 200,922,086 c

კულტურა, რელიგია, სპორტი 325,329,360 c

მაკროეკონომიკური სტაბილურობა 433,983,044 c

რეგიონული განვითარება და ტურიზმი 1,620,858,870 c

სასამართლო სისტემა 2,500,000 c

სოფლის მეურნეობა 329,098,950 c

იძულებით გადაადგილებულ პირთა მხარდაჭერა 103,699,990 c

ჯანდაცვა და სოციალური უზრუნველყოფა 3,510,103,082 c

საერთაშორისო ურთიერთობები 119,050,810 c

პროფესიული განათლება (32 03)

Program implementer

საქართველოს განათლებისა და მეცნიერების სამინისტროს აპარატი; სსიპ – ზურაბ ჟვანიას სახელობის სახელმწიფო ადმინისტრირების სკოლა; სსიპ – განათლების ხარისხის განვითარების ეროვნული ცენტრი; სსიპ – განათლების მართვის საინფორმაციო სისტემა

Program description

მოსახლეობის პროფესიულ-საგანმანათლებლო მოთხოვნილების დაკმაყოფილება, პირის პროფესიული განვითარების და პროფესიული კარიერის ხელშეწყობა; ...

მოსახლეობის პროფესიულ-საგანმანათლებლო მოთხოვნილების დაკმაყოფილება, პირის პროფესიული განვითარების და პროფესიული კარიერის ხელშეწყობა; პროფესიული განათლებისა და მომზადების ერთიანი, ხარისხიანი და ეფექტიანი სისტემის ჩამოყალიბება; პროფესიული განათლების განვითარების 2013–2020 წლების სტრატეგიისა და სამოქმედო გეგმის განხორციელება; პროფესიული განათლების ხარისხის გაუმჯობესების ხელშეწყობა, პროფესიული განათლების ხელმისაწვდომობის გაზრდა; ეთნიკური უმცირესობების წარმომადგენელთა სახელმწიფო ენის ცოდნის დონისა და პროფესიული კვალიფიკაციის ამაღლებისათვის ეროვნული უმცირესობებით კომპაქტურად დასახლებული რეგიონების ადგილობრივი თვითმმართველობებისა და საჯარო სკოლების ადმინისტრაციების თანამშრომელთა გადამზადება;

Expected outcome

პროფესიული განათლების გაზრდილი მოთხოვნა/ხარისხი; პროფესიული განათლების თავსებადობა ევროპულ საგანმანათლებლო სივრცესთან და შესაბამისობა შრომის ბაზრის მოთხოვნებთან; სპეციალური საგანმანათლებლო საჭიროების მქონე პირების დასაქმების ხელშეწყობა; პროფესიული განათლების ხელმისაწვდომობა საზოგადოებისაგან გარიყვის რისკის ქვეშ მყოფი პირებისათვის (შშმპ, სსსმპ, ეთნიკური უმცირესობის წარმომადგენლები, დევნილები, პატიმრები, პრობაციონერები, განათლების სისტემის მიღმა დარჩენილები და ა.შ); ადაპტირებული ფიზიკური გარემოს მქონე პროფესიული საგანმანათლებლო დაწესებულებების გაზრდილი რაოდენობა; ფორმალური განათლების მიღმა დარჩენილ პირების პროფესიულ საგანმანათლებლო დაწესებულებებში ჩართვის მექანიზმის შემუშავება; ქვეყნის რეგიონული და ეკონომიკური განვითარების შესაბამისად ჩამოყალიბებულია ახალი და არსებული პროფესიული საგანმანათლებლო დაწესებულებების ბაზაზე ფუნქციონირებადი პროფესიული საგანმანათლებლო დაწესებულებები.

Achieved outcomes

· გადამუშავდა პროფესიული სტანდარტები, შემუშავდა საერთაშორისო სტანდარტების შესაბამისი 40-ზე მეტი პროფესიული საგანმანათლებლო პროგრამა, მომზადდა და დამტკიცდა 42 ჩარჩო დოკუმენტი, რომელიც შეესაბამება შრომის ბაზრის არსებულ და სამომავლო მოთხოვნებს; · სსიპ - სოციალური მომსახურების სააგენტოში შექმნილი მხარდაჭერით, დასაქმების სერვისის ფარგლებში დასაქმდა შეზღუდული შესაძლებლობის და სპეციალური საგანმანათლებლო საჭიროების მქონე 103 პირი; · გაიზარდა ადაპტირებული ფიზიკური გარემოს მქონე პროფესიული საგანმანათლებლო დაწესებულებების რაოდენობა; · ადაპტირებული სასწავლო გარემოს შესაქმნელად შშმ/სსმ პირებისათვის უნივერსალური დიზაინის პრინციპებით რეაბილიტირებული იქნა რიგი პროფესიული საგანმანათლებლო პროგრამების განმახორციელებელი დაწესებულებების შენობები, სადაც პროფესიულ პროგრამებზე ჩაირიცხა შშმ/სსმ 250-მდე პირი; · ეროვნული უმცირესობებით კომპაქტურად დასახლებული რეგიონების ადგილობრივი თვითმმართველობებისა და საჯარო სკოლების ადმინისტრაციების თანამშრომლებმა და ქართული ენის სწავლებით დაინტერესებულმა სხვა პირებმა აიმაღლეს ქართული ენის ცოდნის დონე;

Performance indicators

1 საბაზისო მაჩვენებელი - პროფესიული განათლების სტუდენტებისათვის ხარისხიანი განათლების მიწოდების მიზნით, პროფესიული საგანმანათლებლო პროგრამების განმახორციელებელი დაწესებულებები უზრუნველყოფილ იქნა შესაბამისი ინფრასტრუქტურით, თანამედროვე მატერიალურ-ტექნიკური ბაზითა და საჭირო ფინანსური რესურსით; მიზნობრივი მაჩვენებელი - პროფესიული განათლების სტუდენტების 100% უზრუნველყოფილ იქნება ხარისხიანი პროფესიული განათლებით; ცდომილების ალბათობა (%/აღწერა) - 15%; შესაძლო რისკები - ბენეფიციარების განსხვავებული შესაძლებლობები 2 საბაზისო მაჩვენებელი - საჯარო მართვასა და ადმინისტრირებაში საჭირო უნარ-ჩვევების განვითარებისა და ქართული ენის ცოდნის დონის ამაღლების მიზნით, გადამზადებული ეთნიკური უმცირესობებით კომპაქტურად დასახლებული და მაღალმთიანი რეგიონების ადგილობრივი თვითმმართველობის ორგანოებში დასაქმებული პირების რაოდენობის ყოველწლიურად 10%-ით ზრდა; მიზნობრივი მაჩვენებელი - ყოველწლიურად გადამზადებულთა 20-30%-ით ზრდა; ცდომილების ალბათობა (%/აღწერა) - 10%; შესაძლო რისკები - სხვადასხვა სასწავლო კურსებზე განათლების მიღების მსურველთა ნაკლები დაინტერესება

Achieved performance indicators

1. დაგეგმილი საბაზისო მაჩვენებელი პროფესიული განათლების სტუდენტებისათვის ხარისხიანი განათლების მიწოდების მიზნით, პროფესიული საგანმანათლებლო პროგრამების განმახორციელებელი დაწესებულებები უზრუნველყოფილ იქნა შესაბამისი ინფრასტრუქტურით, თანამედროვე მატერიალურ-ტექნიკური ბაზითა და საჭირო ფინანსური რესურსით; დაგეგმილი მიზნობრივი მაჩვენებელი პროფესიული განათლების სტუდენტების 100% უზრუნველყოფილ იქნება შესაბამისი დაფინანსებით. მიღწეული საბოლოო შედეგის შეფასების ინდიკატორი პროფესიული განათლების სტუდენტების 100% უზრუნველყოფილია პროფესიული შესაბამისი განათლებით. 2. დაგეგმილი საბაზისო მაჩვენებელი საჯარო მართვასა და ადმინისტრირებაში საჭირო უნარ-ჩვევების განვითარებისა და ქართული ენის ცოდნის დონის ამაღლების მიზნით, გადამზადებული ეთნიკური უმცირესობებით კომპაქტურად დასახლებული და მაღალმთიანი რეგიონების ადგილობრივი თვითმმართველობის ორგანოებში დასაქმებული პირების რაოდენობის ყოველწლიურად 10%-ით ზრდა; დაგეგმილი მიზნობრივი მაჩვენებელი ყოველწლიურად გადამზადებულთა 20-30%-ით ზრდა; მიღწეული საბოლოო შედეგის შეფასების ინდიკატორი საბაზისო მაჩვენებელთან შედარებით გადამზადებულთა რაოდენობა გაიზარდა 88.7%-ით.