·         საჯარო ფინანსების მართვის სისტემის (PFMS) დანერგვის შემდგომი პროცესები უზრუნველყოფილია და შესაბამისობაშია გეგმასთან; ·         უზრუნველყოფილია ფინანსთა სამინისტროს ეფექტიანად ფუნქციონირებისათვის საჭირო კონსოლიდირებული და ინტეგრირებული საინფორმაციო-საკომუნიკაციო ინფრასტრუქტურის შექმნა; ·         უზრუნველყოფილია საინფორმაციო ტექნოლოგიების ბაზაზე აგებული ფინანსთა სამინისტროს სისტემების ქვეყნის საინფორმაციო-საკომუნიკაციო სივრცეში ინტეგრაცია; ·         განსაზღვრულია მომხმარებელთა სხვადასხვა რესურსზე წვდომის უფლებები, უზრუნველყოფილია კონტროლი და მონიტორინგი; ·         ოპტიმიზებულია სხვადასხვა საკომუნიკაციო სერვისების გამოყენება მომხმარებელთა მიერ; ·         უზრუნველყოფილია ინფორმაციული ტექნოლოგიების ახალი სისტემებისა და ელექტრონული სერვისების, ვებპროდუქტებისა და ვებსერვისების, ელექტრონული მმართველობის კომპონენტების, სხვა ახალი ტექნიკური სისტემების შემუშავება, დანერგვა და განვითარება.

1. საბაზისო მაჩვენებელი - ქვეყნის საჯარო ფინანსების მართვის სისტემის (PFMS) კომპონენტები (eBudget, eTreasury, eDMS, eHRMS) დანერგილია ადგილობრივ თვითმმართველობებში და სსიპ-ებში; საინფორმაციო სისტემის ფუნქციონალში შეტანილია შესაბამისი ცვლილებები; მიზნობრივი მაჩვენებელი - PFMS-ის კომპონენტების ფარგლებში (eBudget, eTreasury, eDMS, eHRMS) არსებული ფუნქციონალების დახვეწა/გაუმჯობესება და სისტემის გარეთ დარჩენილი პროცესების ავტომატიზება; მიღწეული მაჩვენებელი - ქვეყნის საჯარო ფინანსების მართვის სისტემის (PFMS) ახალი კომპონენტების დანერგვის, უკვე არსებული ქვესისტემების სრულყოფის ფაქტობრივი ვადების და რესურსების ხარჯვის პარამეტრები შესაბამისობაშია დაგეგმილ მაჩვენებლებლებთან. 2. საბაზისო მაჩვენებელი - შექმნილია და წარმატებით ფუნქციონირებს უძრავ-მოძრავი ქონების გაყიდვის ელექტრონული აუქციონი (eAuction); მიზნობრივი მაჩვენებელი - eAuction საინფორმაციო სისტემის ფუნქციონალის და დიზაინის შესაბამისობაში მოყვანა ტექნიკურ დავალებასა და დაინტერესებული მხარის მოთხოვნებთან; მიღწეული მაჩვენებელი - სისტემის ფუნქციონალი შესაბამისობაშია ტექნიკურ დავალებასა და დაინტერესებული მხარის მოთხოვნებთან. 3. საბაზისო მაჩვენებელი - ქვეყნის მასშტაბით 100-ზე მეტ ორგანიზაციაში დანერგილი საქმისწარმოების ავტომატიზებული სისტემა eDocument და ჩართული 20.0 ათასამდე მომხმარებელი; უზრუნველყოფილია სხვა საინფორმაციო სისტემებთან მონაცემთა გაცვლა Interflow სერვისით; მიზნობრივი მაჩვენებელი - eDocument სისტემის ფუნქციონალობა შესაბამისობაშია დამკვეთის მოთხოვნებთან; ყველა მომხმარებელ ორგანიზაციაში სისტემის ახალი ვერსიის შემუშავება და დანერგვა; სხვა საინფორმაციო სისტემებთან ინტეგრაცია; მიღწეული მაჩვენებელი - სისტემის ფუნქციონალი შესაბამისობაშია დამკვეთის მოთხოვნებთან. სისტემა დანერგილი და მხარდაჭერილია ცენტრალური ხელისუფლებისა და თვითმმართველი ერთეულების, ჯამურად, 200-ზე მეტ ორგანიზაციაში. 4. საბაზისო მაჩვენებელი - გარემოს დაცვისა და ბუნებრივი რესურსების სამინისტროს დაკვეთით შექმნილია და წარმატებით ფუნქციონირებს ბუნებრივი რესურსების მართვის სისტემა (eNRMS); მიზნობრივი მაჩვენებელი - eNRMS საინფორმაციო სისტემის ფუნქციონალი და დიზაინი შესაბამისობაში მოყვანა ტექნიკურ დავალებასა და დაინტერესებული მხარის მოთხოვნებთან; მიღწეული მაჩვენებელი - სისტემის ფუნქციონალი შესაბამისობაშია ტექნიკურ დავალებასა და დაინტერესებული მხარის მოთხოვნებთან. 5. საბაზისო მაჩვენებელი - შემუშავებული და ექსპლუატაციაში გაშვებულია რამდენიმე ათეული ვებგვერდი. შემუშავების და განვითარების პროცესშია სხვა ავტომატიზებული სისტემები, მათ შორის, მთავრობის ადმინისტრაციის დაკვეთით შემუშავებულია საერთაშორისო დახმარებების მართვის ელექტრონული სისტემა (eAIMS); მიზნობრივი მაჩვენებელი - ვებ-გვერდების, საინფორმაციო სისტემების ფუნქციონალისა და დიზაინის შესაბამისობაში მოყვანა ტექნიკური დავალების და დაინტერესებული მხარეების მოთხოვნებთან; მიღწეული მაჩვენებელი - ფუნქციონალი შესაბამისობაშია დამკვეთის მოთხოვნებთან.