·   2017 წელს განხორციელდა ეროვნული სივრცითი მონაცემების ინფრასტრუქტურისა და საინფორმაციო ქსელურ-ანალიტიკური სისტემის შექმნისთვის საჭირო აქტივობები; შემუშავდა „ეროვნული სივრცითი მონაცემების ინფრასტრუქტურის შესახებ“ საქართველოს კანონის პროექტი და საქართველოს მთავრობის დადგენილების − „სივრცითი მონაცემების ნაკრებებისა და სივრცით მონაცემებთან დაკავშირებული ელექტრონული სერვისების აღწერის, მოძიების, მიღებისა და გამოყენების მიზნით მეტამონაცემების შექმნის, განახლებისა და შენახვის წესის დამტკიცების შესახებ“ − პროექტის ვერსია; ·   2017 წლის განმავლობაში დამუშავდა და აღიწერა უძრავ ნივთებზე რეგისტრირებული უფლებების ამსახველი რეესტრში დაცული სარეგისტრაციო დოკუმენტაცია, დამუშავდა მიწის მიღება-ჩაბარების აქტები (უძრავ ნივთებზე უფლებათა რეესტრის ელექტრონულ პროგრამაში სკანირებულ/ატვირთულ იქნა დოკუმენტები), აღიწერა და დასკანირდა საარქივო დოკუმენტაციები. საანგარიშო პერიოდში  განხორციელდა იურიდიული პირების სარეგისტრაციო დოკუმენტაციის სისტემატიზაცია, სარეგისტრაციო დოკუმენტაციის შესწავლა, მათი ელექტრონული რეესტრის მონაცემებთან შედარება, კვლევის შედეგად აღმოჩენილი უზუსტო/ხარვეზიანი ელექტრონული ჩანაწერის დოკუმენტაციასთან შესაბამისობაში მოყვანა, არქივში დაცული სარეგისტრაციო დოკუმენტაციის ადგილმდებარეობის განსაზღვრის და მათი გაციფრების სისტემური პროცესი; ·   განხორციელდა აეროფოტოგადაღება საქართველოს ტერიტორიის აქტუალურ რეგიონებში. დამუშავდა და შეიქმნა ორთოფოტოგეგმები. 2017 წელს  ფოტოგრამმეტრიული მეთოდის გამოყენებით მუშაობა დაიწყო  ურბანულ ტერიტორიებზე.

1.  დაგეგმილი საბაზისო მაჩვენებელი - სივრცითი მონაცემების ციფრულ ფორმატში წარმოების და გაზიარების სტანდარტიზებული სახელმწიფო სისტემის არარსებობა; დაგეგმილი მიზნობრივი მაჩვენებელი - 2017 წელი − ეროვნული სივრცითი მონაცემების ინფრასტრუქტურის შემუშავებული ვერსია v1.0; 2018 წელი − ეროვნული სივრცითი მონაცემების ინფრასტრუქტურის შემუშავებული ვერსია v2.0; მიღწეული საბოლოო შედეგის შეფასების ინდიკატორი - 2017 წელს შემუშავდა ეროვნული გეოპორტალის 0.2 ვერსია, მეტამონაცემების რედაქტორის 0.3 ვერსია, მეტამონაცემების კატალოგის 0.3 ვერსია. 2.  დაგეგმილი საბაზისო მაჩვენებელი - დამუშავებული 48 548 საქაღალდე და ელექტრონულ მატარებელზე გადატანილი 29 395 საქაღალდე, არქივირებულია 1 300 საქმე, წლის ბოლოსათვის არქივირებული იქნება 10 650 საქმე; დაგეგმილი მიზნობრივი მაჩვენებელი - 2017 წელი − დამატებით 9 528 საქაღალდის დამუშავება, 11 472 საქაღალდის გადატანა ელექტრონულ მატარებელზე, 34 080 საქმის დაარქივება; 2018 წელი − დამატებით 11 472 საქაღალდის გადატანა ელექტრონულ მატარებელზე, 34 080 საქმის დაარქივება; 2019 წელი − დამატებით 5 737 საქაღალდის გადატანა ელექტრონულ მატარებელზე, 21 300 საქმის დაარქივება; 2020 წელი − დამატებით 6 300 საქმის დაარქივება; მიღწეული საბოლოო შედეგის შეფასების ინდიკატორი - 2017 წელს დამუშავდა 18 871 საქაღალდე, 12 012 საქაღალდე გადატანილ იქნა ელექტრონულ მატარებელზე, 10 056 საქმე დაარქივდა. 3.  დაგეგმილი საბაზისო მაჩვენებელი - 9000 კვ. კმ დაფარულია თანამედროვე სტანდარტების შესაბამისად 2014 წლის აეროგადაღებით, 24 000 კვ. კმ დაფარულია 1:50000 მასშტაბის ციფრული კარტოგრაფიული მასალით; დაგეგმილი მიზნობრივი მაჩვენებელი - 2017 წელი − 2016 წელს გადაღებული 40 000 კვ. კმ-ის დამუშავება, 2000 კვ. კმ-ის დაფარვა ციფრული კარტოგრაფიული მასალით; 2018 წელი − 10 000 კვ. კმ-ის აეროგადაღება, 3000 კვ. კმ-ის დაფარვა ციფრული კარტოგრაფიული მასალით; 2019 წელი − 2018 წელს გადაღებული 10 000 კვ. კმ-ის დამუშავება და 10 000 კვ. კმ-ის აეროგადაღება, 3000 კვ. კმ-ის დაფარვა ციფრული კარტოგრაფიული მასალით; 2020 წელი − 2019 წელს გადაღებული 10 000 კვ. კმ-ის დამუშავება და 10 000 კვ. კმ-ის აეროგადაღება, 3000 კვ. კმ-ის დაფარვა ციფრული კარტოგრაფიული მასალით; მიღწეული საბოლოო შედეგის შეფასების ინდიკატორი - 2017 წელს განხორციელდა 40 000 კვ. კმ-ის გადაღება, 20 000 კვ. კმ დამუშავდა და 800 კვ. კმ დაიფარა ციფრული კარტოგრაფიული მასალით. ცდომილების მაჩვენებელი (% აღწერა) და განმარტება დაგეგმილ და მიღწეულ საბოლოო შედეგებს შორის არსებულ განსხვავებებზე: 1. ბაზარზე არსებული შესაბამისი პროფილის პროფესიონალი კადრების სიმცირის გამო ვერ მოხერხდა დაგეგმილის მიზნობრივი მაჩვენებლის მიღწევა; 2. 2017 წელს მომატებული აქტივობის გამო საჭირო გახდა ადამიანური რესურსის მიმართვა მიწის რეგისტრაციის სახელმწიფო პროექტზე, რის გამოც აღნიშნული საქმიანობა დროებით შეჩერდა. შემდგომ პროექტი განახლდა შემცირებული ადამიანური რესურსით. აქვე გასათვალისწინებელია, რომ პროექტის განახლების შემდეგ 3 თვის განმავლობაში მიმდინარეობდა პროექტში ჩართული ადამიანური რესურსის ტრენინგი. ყოველივე ზემოაღნიშნულიდან გამომდინარე, ვერ მოხერხდა დაგეგმილი მიზნობრივი მაჩვენებლის მიღწევა; 3. აეროგადაღებისათვის შეუსაბამო მეტეოროლოგიური პირობების გამო, ასევე, გამომდინარე იქიდან, რომ ურბანული ტერიტორიები (განსაკუთრებით, თბილისი) რთულ არეალს წარმოადგენს 3D ხაზვისთვის, ვერ მოხერხდა დაგეგმილი მიზნობრივი მაჩვენებლის მიღწევა.