მოძებნე პროგრამის შედეგები

თავდაცვა და საზოგადოებრივი წესრიგი 1,494,857,697 c

ინსტიტუციონალური განვითარება 200,922,086 c

კულტურა, რელიგია, სპორტი 325,329,360 c

მაკროეკონომიკური სტაბილურობა 433,983,044 c

რეგიონული განვითარება და ტურიზმი 1,620,858,870 c

სასამართლო სისტემა 2,500,000 c

სოფლის მეურნეობა 329,098,950 c

იძულებით გადაადგილებულ პირთა მხარდაჭერა 103,699,990 c

ჯანდაცვა და სოციალური უზრუნველყოფა 3,510,103,082 c

საერთაშორისო ურთიერთობები 119,050,810 c

მოსახლეობის ჯანმრთელობის დაცვა (35 03)

პროგრამის განმახორციელებლი

საქართველოს შრომის, ჯანმრთელობისა და სოციალური დაცვის სამინისტრო; სსიპ - სოციალური მომსახურების სააგენტო; სსიპ - ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრი; სსიპ - სასწრაფო სამედიცინო დახმარების ცენტრი

პროგრამის აღწერა და მიზანი

ჯანმრთელობის დაცვის სერვისებზე მოსახლეობის ფინანსური და გეოგრაფიული ხელმისაწვდომობის გაზრდა; დაავადებათა პრევენციის, საზოგადოებრივი ჯანმრთელობის დაცვის საფრთხეებისათვის მზადყოფნის და საპასუხო რეაგირების უზრუნველყოფა; გეგმური ამბულატორიული, გადაუდებელი ამბულატორიული და სტაციონარული, გეგმური ქირურგიული მომსახურება, ქიმიო, ჰორმონო და სხივური თერაპია; მშობიარობისა და საკეისრო კვეთის სერვისების დაფინანსება. ბენეფიციართა გარკვეული ჯუფების (მაგ.: სოციალურად დაუცველი, საპენსიო ასაკი, ვეტერანები) შესაბამისი მედიკამენტებით უზრუნველყოფა; მოსახლეობის ჯანმრთელობის ხელშეწყობა, ჯანსაღი ცხოვრების წესის დამკვიდრება და გადამდებ და არაგადამდებ დაავადებათა პრევენცია; იმუნიზაციის, დაავადებათა ადრეული გამოვლენისა და სკრინინგის ხელშეწყობა, აგრეთვე ისეთი გადამდები დაავადებების, როგორიცაა ტუბერკულოზი, მალარია, ვირუსული ჰეპატიტები, აივ-ინფექცია, სქესობრივი გზით გადამდები ინფექციების გავრცელების კონტროლი და C ჰეპატიტის მართვა; ფსიქიკური ჯანმრთელობის პრობლემების მქონე მოსახლეობის სპეციალიზებული დახმარებით უზრუნველყოფა; დიაბეტით დაავადებული პაციენტების მკურნალობა და მედიკამენტებით უზრუნველყოფა; ბავშვთა ონკოჰემატოლოგიური მომსახურება; თირკმლის ქრონიკული უკმარისობით დაავადებული პაციენტების დიალიზით, თირკმლის ტრანსპლანტაციითა და მედიკამენტებით უზრუნველყოფა; ინკურაბელური პაციენტების მკურნალობა და მედიკამენტებით უზრუნველყოფა; იშვიათი დაავადებების მქონე პაციენტთა მკურნალობითა და მედიკამენტებით უზრუნველყოფა; სასწრაფო სამედიცინო დახმარების, სამედიცინო ტრანსპორტირებისა და სოფლად ამბულატორიული მომსახურებით უზრუნველყოფა; რეფერალური დახმარების უზრუნველყოფა; სამხედრო ძალებში გასაწვევ მოქალაქეთა სამედიცინო შემოწმება; საექიმო სპეციალობის მაძიებელთა დიპლომისშემდგომი/სარეზიდენტო მზადების დაფინანსება მაღალმთიანი და საზღვრისპირა მუნიციპალიტეტებისათვის დეფიციტურ და პრიორიტეტულ საექიმო სპეციალობებში.

მოსალოდნელი შედეგები

მოსახლეობის სამედიცინო მომსახურებით უნივერსალური მოცვა; სიკვდილიანობის მაჩვენებლის შემცირება; დედათა და ბავშვთა ჯანმრთელობის გაუმჯობესება; ონკოლოგიური დაავადებების მქონე პირთა სიცოცხლის მოსალოდნელი ხანგრძლივობის გაზრდა; გადამდები და არაგადამდები დაავადებებით სიკვდილიანობისა და ავადობის შემცირება; ტუბერკულოზით, აივ–ინფექცია/შიდსით და სხვა სოციალურად საშიში დაავადებებით ავადობის შემცირება; ვაქცინებით მართვადი ინფექციებით გამოწვეული სიკვდილიანობის თავიდან აცილება; C ჰეპატიტის გავრცელების შემცირება; საზღვრისპირა და მაღალმთიან რეგიონებში ადამიანური რესურსების უზრუნველყოფა.

მიღწეული შედეგები

· უზურნველყოფილია უნივერსალური მოცვა მოსახლეობის სამედიცინო მომსახურებით; · დედათა და ბავშვთა სიკვდილიანობის მაჩვენებლების კლების ტენდენცია შენარჩუნებულია; · ინკურაბელური პაციენტები უზრუნველყოფილია სპეციალიზირებული სამედიცინო მომსახურებითა და მედიკამენტებით; · ნარკომანიით დაავადებული პირები უზრუნველყოფილი არიან ადექვატური მკურნალობითა და ჩამანაცვლებელი თერაპიით; · ფსიქიკური ჯანმრთელობის მქონე პირები უზრუნველყოფილი არიან ამბულატორიული და სტაციონარული მომსახურებით; · დიაბეტის მქონე პროგრამით მოსარგებლე პაციენტები უზრუნველყოფილი არიან სპეციალიზირებული სამედიცინო მომსახურებითა და მედიკამენტებით; · ტუბერკულოზის ინციდენტობა ქვეყანაში ხასიათდება კლების ტენდენციით; · ტუბერკულოზითა და აივ-ინფექცია/შიდსით დაავადებული პირები უზრუნველყოფილნი არიან უფასო ამბულატორიული და სტაციონარული მკურნალობით; · გაუმჯობესებულია იმუნიზაციით მოცვის მაჩვენებელი; · ქვეყანაში გაუმჯობესებულია ინფექციური დაავადებების ეპიდზედამხედველობის სისტემა; · C ჰეპატიტით დაავადებული საქართველოს მოქალაქეები უზრუნველყოფილნი არიან სადიაგნოსტიკო კვლევებითა და C ჰეპატიტის სამკურნალო უახლესი თაობის მედიკამენტებით; · თირკმლის ტერმინალური უკმარისობით დაავადებული საქართველოს მოსახლეობა სრულად მოცულია ადექვატური სამედიცინო მომსახურებით; · იშვიათი დაავადებების მქონე და მუდმივ ჩანაცვლებით მკურნალობას დაქვემდებარებული პაციენტები, რომელებიც ჩართულები არიან პროგრამაში, უზრუნველყოფილნი არიან ადეკვატური სამედიცინო მომსახურებით და მედიკამენტებით; · მოსახლეობა უზრუნველყოფილია სასწრაფო სამედიცინო დახმარებითა და ტრანსპორტირებით; · პირველად/ამბულატორიული მომსახურებაზე გაზრდილია უტილიზაციის მაჩვენებელი.

მოსალოდნელი შედეგების შეფასების ინდიკატორები

1 საბაზისო მაჩვენებელი - ტუბერკულოზის ინციდენტობა და პრევალენტობა; შიდსის გვიანი გამოვლენის მაჩვენებელი; იმუნიზაციით მართვადი დაავადებების ინციდენტობა; სარძევე ჯირკვლისა და საშვილოსნოს ყელის კიბოთი პირველად აღრიცხულ პირთა პროცენტული მაჩვენებელი, რომლებიც დიაგნოზის გამოვლენიდან ერთ წელიწადში გარდაიცვალა; ჩვილ ბავშვთა და დედათა სიკვდილიანობის მაჩვენებელი; მიზნობრივი მაჩვენებელი - გაგრძელდება და შენარჩუნებული იქნება მოსახლეობის უზრუნველყოფა სამედიცინო მომსახურებით, შემცირდება სიკვდილიანობის მაჩვენებელი

მიღწეული შედეგების შეფასების ინდიკატორები

1. საბაზისო მაჩვენებელი - ტუბერკულოზის ინციდენტობა და პრევალენტობა; შიდსის გვიანი გამოვლენის მაჩვენებელი; იმუნიზაციით მართვადი დაავადებების ინციდენტობა; სარძევე ჯირკვლისა და საშვილოსნოს ყელის კიბოთი პირველად აღრიცხულ პირთა პროცენტული მაჩვენებელი, რომლებიც დიაგნოზის გამოვლენიდან ერთ წელიწადში გარდაიცვალა; ჩვილ ბავშვთა და დედათა სიკვდილიანობის მაჩვენებელი; მიზნობრივი მაჩვენებელი - გაგრძელდება და შენარჩუნებული იქნება მოსახლეობის უზრუნველყოფა სამედიცინო მომსახურებით, შემცირდება სიკვდილიანობის მაჩვენებელი; სამინისტრომ წლიური ანგარიშის წარმოდგენისას დააკორექტირა მიზნობრივი მაჩვენებელი, კერძოდ: მიზნობრივი მაჩვენებელი - გაგრძელდება და შენარჩუნებული იქნება მოსახლეობის უზრუნველყოფა სამედიცინო მომსახურებით; მიღწეული მაჩვენებელი - შენარჩუნებულია მოსახლეობის უზრუნველყოფა სამედიცინო მომსახურებით.

გადაატრიალეთ თქვენი მოწყობილობა!

დიაგრამაზე წარმოდგენილია პროგრამებზე/ქვეპროგრამებზე ბიუჯეტის კანონით დამტკიცებული და ფაქტობრივად დახარჯული თანხების დინამიკა.

მონაცემთა წყარო: საქართველოს ფინანსთა სამინსიტრო

ბოლო განახლება: 15.08.2022

მოცემული ანალიტიკა საშუალებას გაძლევთ მთავრობის პრიორიტეტების მიხედვით იხილოთ პროგრამების/ქვეპროგრამების ფარგლებში დასახული მოსალოდნელი და რეალურად მიღწეული შედეგები.

წყარო: საქართველოს ფინანსთა სამინისტრო - პროგრამული დანართი

ბოლო განახლება: 25.01.2019