საკითხი 1.1 სხვა მოკლევადიანი მოთხოვნები საქართველოს გარემოს დაცვისა და სოფლის მეურნეობის სამინისტროს აპარატის 2018 წლის ფინანსურ ანგარიშგებაში ასახულია საგრანტო პროექტის ფარგლებში ავანსის სახით წარმოშობილი დებიტორული დავალიანება დონორი ორგანიზაციის (KFW) მიმართ, 397,726 ლარის ოდენობით. აუდიტის მიმდინარეობისას მოძიებული პირველადი დოკუმენტების მიხედვით, აღნიშნული თანხის შესაბამისი სამუშაოები შესრულებულია. შესაბამისად, ის აღარ აკმაყოფილებს აქტივად აღიარების კრიტერიუმებს. სამინისტროს განმარტებით, დავალიანება ჩამოიწერება და აისახება 2019 წლის 6 თვის ფინანსურ ანგარიშგებაში. სსიპ − დაცული ტერიტორიების სააგენტოს ფინანსურ ანგარიშგებაში საგრანტო პროექტის ფარგლებში ავანსის სახით წარმოშობილი დებიტორული დავალიანება 2018 წლის ბოლოსთვის, წინა წელთან შედარებით, გაზრდილია 145,529 ლარით. წარმოდგენილი დოკუმენტების მიხედვით, ზემოაღნიშნული დებიტორული დავალიანება უნდა გაზრდილიყო 347,701‬ ლარით. შესაბამისად, დაცული ტერიტორიების 2018 წლის 31 დეკემბრის მდგომარეობით მომზადებული ფინანსური ანგარიშგების ფორმა N1-ის „სხვა მოკლევადიანი მოთხოვნების“ მუხლი არასწორად არის შემცირებული 202,172 ლარით. ზემოაღნიშნულიდან გამომდინარე, სამინისტროს აპარატის ფინანსურ ანგარიშგებაში არასწორად არის გაზრდილი მოთხოვნების მუხლი 397,726 ლარით, ხოლო დაცული ტერიტორიების სააგენტოს მოთხოვნების მუხლი არასწორად არის შემცირებული 202,172 ლარით.

სსიპ − დაცული ტერიტორიების სააგენტოს, სსიპ − სოფლის მეურნეობის სამინისტროს ლაბორატორიისა და სსიპ − სურსათის ეროვნული სააგენტოს ფინანსურ ანგარიშგებებში ასახულია ჯამურად 927,064 ლარის ექსპლოატაციაში მყოფი ან გამოსაყენებლად უვარგისი მატერიალური მარაგები, რომლებიც აღრიცხვის ინსტრუქციის შესაბამისად, ექვემდებარება ხარჯად ჩამოწერას. სსიპ − ეროვნული სატყეო სააგენტოს მიერ ვერ იქნა წარმოდგენილი ინფორმაცია საწყობებში 2018 წელს ხე-ტყის მოძრაობის რაოდენობრივი მაჩვენებლების შესახებ. სათანადო კონტროლის მექანიზმები აქტივების დაცვასა და განკარგვასთან დაკავშირებით ორგანიზაციაში არ არის დანერგილი. აღნიშნული, წარმოშობს ხე-ტყის რესურსების არამიზნობრივად განკარგვისა და დანაკარგების რისკს. ზემოაღნიშნულიდან გამომდინარე, შეუძლებელია 2018 წლის 31 დეკემბრის მდგომარეობით მომზადებული ფინანსურ ანგარიშგების ფორმა N1-ის „სხვა მატერიალური მარაგების“ მუხლში ნაშთად ასახული 1,456,743 ლარის მარაგების და ასევე 2018 წელს 6,223,313 ლარის ხარჯებში ჩამოწერილი ხე-ტყის სიზუსტისა და სისრულის დადასტურება.

საქართველოს გარემოს დაცვისა და სოფლის მეურნეობის სამინისტროს კონსოლიდირებულ ფინანსურ ანგარიშგებაში „ძირითადი აქტივების“ მუხლში ასახული 6,717,058 ლარის ნაშთის შესახებ ვერ მოვიპოვეთ საკმარისი და შესაფერისი აუდიტორული მტკიცებულებები: სსიპ − გარემოს ეროვნული სააგენტოს ბალანსზე ასახულია 1,816,078 ლარის დაუმთავრებელი მშენებლობა, რომელზეც სააგენტომ ვერ წარმოადგინა შესაბამისი პირველადი დოკუმენტაცია. ასევე, სააგენტოს არ აქვს ინფორმაცია, თუ სად მდებარეობს აღნიშნული აქტივი. შესაბამისად, არასწორად არის გაზრდილი 2018 წლის 31 დეკემბრის მდგომარეობით მომზადებული ფინანსური ანგარიშგების ფორმა N1-ის „ძირითადი აქტივების“ მუხლი 1,816,078 ლარის ოდენობით. სსიპ − სურსათის ეროვნულ სააგენტოს ბალანსში სხვა მანქანა-დანადგარების და ინვენტარის ანგარიშზე აღრიცხულია ეზოს კეთილმოწყობასთან დაკავშირებული სამუშაოები ჯამური ღირებულებით − 51,449 ლარი. სააგენტოს მიერ წარმოდგენილი დოკუმენტაციით ვერ დასტურდება, რა სამუშაოები იყო ჩატარებული და შესაბამისად, აკმაყოფილებდა თუ არა აქტივად აღიარების კრიტერიუმებს. სურსათის სააგენტოს 2018 წელს სხვადასხვა მუნიციპალიტეტიდან უსასყიდლოდ გადმოეცა საოფისე ფართები და მიწის ნაკვეთი ნულოვანი ღირებულებით. სააგენტომ არ შეაფასა აღნიშნული აქტივები და 2018 წლის 31 დეკემბრის მდგომარეობით მომზადებული ფინანსური ანგარიშგების ფორმა N1-ში წარდგენილია მხოლოდ შენობაზე გაწეული კაპიტალიზებული ხარჯი, ღირებულებით − 53,645 ლარი. შესაბამისად, აღნიშნული თანხა სამართლიანად ვერ ასახავს შენობა-ნაგებობისა და მიწის ღირებულებას. სსიპ − დაცული ტერიტორიების სააგენტოს ფინანსურ ანგარიშგებაში გაორმაგებულად არის ასახული „გფა კონსალტინგ გრუპის“ მიერ 2018 წელს გადმოცემული ავტომობილების ღირებულება, რის გამოც 2018 წლის 31 დეკემბრის მდგომარეობით მომზადებული ფინანსური ანგარიშგების ფორმა N1-ის „ძირითადი აქტივების“ მუხლი არასწორად არის გაზრდილი 261,149 ლარით. ასევე არასწორად არის გაზრდილი ფორმა N2-ის „ძირითადი კაპიტალის მოხმარების“ მუხლი 32,938 ლარით. დაცული ტერიტორიების სააგენტოს ფინანსურ ანგარიშგებაში ასახული 1,815,139 ლარის ძირითადი აქტივების მიღების პირველადი დოკუმენტაცია სააგენტოს მიერ ვერ იქნა წარმოდგენილი. 2,719,598 ლარის ძირითად აქტივებზე კი წარმოდგენილ პირველად დოკუმენტაციაში მითითებულ ღირებულებებსა და ძირითადი საშუალებების რეესტრში ასახულ ისტორიულ ღირებულებებს შორის გამოვლინდა 543,418 ლარის სხვაობა. ზემოაღნიშნულიდან გამომდინარე, ვერ მივიღეთ საკმარისი მტკიცებულებები 4,534,737 ლარის ძირითადი აქტივების ღირებულების სისწორეზე. მიღებული განმარტებით, 2018 წლის ბოლოს სააგენტომ დაიწყო მუშაობა ზემოაღნიშნული ხარვეზების გამოსასწორებლად

სამინისტროს ბალანსზე ასახულია 2,831,291 ლარის ღირებულების მუნიციპალიტეტების ტერიტორიაზე არსებული აქტივები, რომელთა განკარგვის უფლებამოსილება ადგილობრივი თვითმმართველობის კოდექსით მიკუთვნებული აქვს მუნიციპალიტეტებს: გარემოს სააგენტოს ბალანსზე ასახულია 1,818,045 ლარის ღირებულების ნაპირსამაგრი ნაგებობები, საიდანაც 248,740 ლარის ღირებულების აქტივების იდენტიფიცირებას სააგენტო ვერ ახდენს. გარემოს სააგენტოს არ გააჩნია აღნიშნული აქტივების განკარგვისა და კონტროლის განხორციელების უფლებამოსილება, შესაბამისად, ექვემდებარება ხარჯად ჩამოწერას. აღსანიშნავია, რომ 2019 წლის მარტში ქ. ქობულეთის მუნიციპალიტეტს გადაეცა 21,397 ლარის ღირებულების ნაპირსამაგრი ნაგებობები. დანარჩენი ნაპირსამაგრი ნაგებობების გადაცემის მოთხოვნით, გარემოს სააგენტოს შესაბამისი მუნიციპალიტეტებისათვის გაგზავნილი აქვს წერილები. ამ ეტაპზე მიმდინარეობს მოლაპარაკება აქტივების გადაცემასთან დაკავშირებით; დაცული ტერიტორიების სააგენტოს ბალანსზე ასახულია 1,013,246 ლარის ღირებულების სხვა ნაგებობა − ჯავახეთის დაცული ტერიტორიების ვიზიტორთა ცენტრის წყალსადენი სისტემა, რომელზეც სამუშაოები შესრულებულია 2014-2015 წლებში. სააგენტოს არ გააჩნია აღნიშნული აქტივის განკარგვისა და კონტროლის უფლებამოსილება, შესაბამისად, ექვემდებარება ჩამოწერას.

სამინისტროს 2018 წლის კონსოლიდირებული ფინანსური ანგარიშგების ფორმა N1-ის „ძირითადი აქტივების“ მუხლთან დაკავშირებით ასევე გამოვლინდა შემდეგი გარემოებები: სურსათის სააგენტოს ბალანსზე აღრიცხული არ აქვს საერთაშორისო ორგანიზაცია USAID/Georgia-სგან 2018 წელს უსასყიდლოდ გადაცემული ძირითადი საშუალებები, რომელთა ჯამური ღირებულება შეადგენს 489,977 ლარს. აღნიშნულიდან გამომდინარე, სააგენტოს 2018 წლის ფინანსურ ანგარიშგებაში ძირითადი აქტივები და შემოსავალი არასწორად არის შემცირებული 489,977 ლარის ოდენობით. სააგენტოს განმარტებით, ხარვეზი გასწორებულია და ასახულია 2019 წლის კვარტალურ ფინანსურ ანგარიშგებაში. დაცული ტერიტორიების სააგენტოს 2018 წლის 31 დეკემბრის მდგომარეობით მომზადებული ფინანსური ანგარიშგების ფორმა N1-ში ასახულია 498,889 ლარის ღირებულების მიწა და 323,883 ლარის ღირებულების სხვა დანარჩენი ბუნებრივი აქტივები. 498,889 ლარის ღირებულების მიწიდან, ასეთი აქტივის სახით აღიარებას ექვემდებარება მხოლოდ ქობულეთში მდებარე 55,196 ლარის ღირებულების აქტივები. მიწის სახით აღრიცხული დანარჩენი 443,693 ლარის აქტივები წარმოადგენს სააგენტოს მართვაში არსებულ დაცულ ტერიტორიებზე განხორციელებულ სადემარკაციო და სხვა სახის სამუშაოებს, რაც, თავის მხრივ, წარმოადგენს ხარჯებს და არ აკმაყოფილებს აქტივად აღიარების კრიტერიუმებს. აგრეთვე, სააგენტოს მიერ წარმოდგენილი ინფორმაციით ვერ დასტურდება 323,883 ლარის აქტივები აკმაყოფილებს თუ არა „დანარჩენი ბუნებრივი აქტივების მუხლში“ აღიარების კრიტერიუმებს. ასევე აღსანიშნავია, რომ დაცული ტერიტორიების სააგენტოს 2018 წლის 31 დეკემბრის მდგომარეობით მომზადებულ ფინანსურ ანგარიშგებაში ასახული არ არის მიწის ნაკვეთები, საერთო ფართით − 166,222 კვ.მ, რაც საჯარო რეესტრის მონაცემებით სააგენტოს სარგებლობაშია და აღრიცხვის ინსტრუქციის მოთხოვნების შესაბამისად, ექვემდებარება სააგენტოს ფინანსურ ანგარიშგებაში ასახვას. გარემოს სააგენტოს ბალანსზე ასახულია 431,156 ლარის შენობა-ნაგებობები, რომლებიც საჯარო რეესტრის ამონაწერების მიხედვით ეკუთვნის სხვადასხვა ფიზიკურ და იურიდიულ პირებს, ხოლო ქ. ბათუმში მდებარე 30,380 ლარის ღირებულების შენობა, ფიზიკურად აღარ არსებობს. შესაბამისად, სააგენტოს ბალანსზე ასახული 461,536 ლარის შენობა-ნაგებობები არ აკმაყოფილებს აქტივად აღიარების კრიტერიუმებს და არასწორად არის გაზრდილი 2018 წლის 31 დეკემბრის მდგომარეობით მომზადებული ფინანსური ანგარიშგების ფორმა N1-ის „ძირითადი აქტივების“ მუხლი. სააგენტოს განმარტებით, აღნიშნული შენობა-ნაგებობების ჩამოსაწერად დაწყებულია შესაბამისი ღონისძიებები. 2018 წელს სატყეო სააგენტომ გადააფასა ბალანსზე რიცხული საგარეჯოში არსებული მიწა და შენობა-ნაგებობები, რომელთა ღირებულება შეადგენდა 100,809 ლარს. გადაფასების შემდეგ ღირებულება განისაზღვრა 130,226 ლარით. სააგენტოს მიერ არასაოპერაციო შემოსავლად აღიარდა მთლიანი გადაფასებული ღირებულება, ნაცვლად ნამეტი 29,417 ლარისა. შედეგად, ძირითადი აქტივების მუხლი და არასაოპერაციო შემოსავლები არასწორად არის გაზრდილი 100,809 ლარით. 2018 წელს სატყეო სააგენტომ გადააფასა სოფ. მარტყოფში მდებარე 1000 კვ.მ ფართის შენობა-ნაგებობა. შეფასების მიხედვით, ერთი კვ.მ შენობის საბაზრო ღირებულება შეადგენს 30 ლარს. დასკვნაში დაშვებული შეცდომის გამო, აღნიშნული ქონება ბალანსზე აყვანილია 3,000 ლარით, ნაცვლად 30,000 ლარისა. შედეგად აღნიშნული ქონება 2018 წლის 31 დეკემბრის მდგომარეობით მომზადებული ფინანსური ანგარიშგების ფორმა N1-ში წარმოდგენილია 2,898 ლარით, ნაცვლად − 27,960 ლარისა. სატყეო სააგენტომ განახორციელა ამბროლაურის რაიონის სოფ. სადმელში მდებარე შენობის სარემონტო /სარეაბილიტაციო სამუშაოები, ღირებულებით − 26,443 ლარი, რაც არ აღურიცხავს როგორც აქტივი. შესაბამისად, 2018 წლის ფინანსურ ანგარიშგებაში 26,443 ლარით არასწორად არის შემცირებული ძირითადი აქტივის ღირებულება ფორმა N1-ში და ამავე თანხით არასწორად არის გაზრდილი საქონლისა და მომსახურების ხარჯი ფორმა N2-ში. ზემოაღნიშნულიდან გამომდინარე, 2018 წლის 31 დეკემბრის მდგომარეობით მომზადებულ კონსოლიდირებული ფინანსური ანგარიშგების ფორმა N1-ში ასახული 163,661,288 ლარის ღირებულების „ძირითადი აქტივების“ ნაშთის სიზუსტეზე ვერ მოვიპოვეთ საკმარისი და შესაფერისი მტკიცებულებები.

სსიპ − დაცული ტერიტორიების სააგენტოს ა(ა)იპ − საქართველოს დაცული ტერიტორიების განვითარების ფონდიდან 2017 წელს უსასყიდლოდ გადმოცემული 87,197 ლარის ღირებულების არაფინანსური აქტივები ასახული აქვს 2018 წლის ფინანსურ ანგარიშგებაში. შესაბამისად, სააგენტოს ფინანსურ ანგარიშგების ფორმა N2-ის „გრანტების“ (შემოსავალი) მუხლი არასწორად არის გაზრდილი 87,197 ლარით. 2017 წელს სსიპ − სურსათის ეროვნული სააგენტოს მიერ მიღებული და აღიარებული მიზნობრივი გრანტის გაუხარჯავი ნაწილი − 1,796,955 ლარის ოდენობით, 2018 წელს განმეორებით აღიარებულია გრანტის სახით მიღებულ შემოსავლად. შედეგად, 2018 წლის 31 დეკემბრის მდგომარეობით მომზადებულ ფინანსურ ანგარიშგებაში 1,796,955 ლარით არასწორად არის გაზრდილი ფორმა N2-ის „გრანტების“ (შემოსავალი) მუხლი. ზემოაღნიშნულიდან გამომდინარე, 2018 წლის 31 დეკემბრის მდგომარეობით მომზადებულ კონსოლიდირებულ ფინანსურ ანგარიშგებაში 1,884,152 ლარით არასწორად არის გაზრდილი ფორმა N2-ის „გრანტების“ (შემოსავალი)მუხლი.

სსიპ − გარემოს ეროვნული სააგენტო − შემოსავლები რეგულირების საფასურიდან სსიპ − გარემოს ეროვნული სააგენტო, კანონმდებლობით ნებადართულ სხვა შემოსავლებთან ერთად, შემოსავალს იღებს ბუნებრივი რესურსებით სარგებლობის რეგულირების საფასურიდან, რომელსაც არეგულირებს საქართველოს კანონი „რეგულირების საფასურის შესახებ“. აღნიშნული კანონით, სააგენტოს მიერ გაცემული ბუნებრივი რესურსების სარგებლობის ლიცენზიებიდან, რეგულირების საფასურს იხდიან მხოლოდ თევზჭერის ლიცენზიით მოსარგებლეები. 2018 წელს სააგენტოს მიერ რეგულირების საფასურიდან მიღებულმა შემოსავლებმა მთლიანად მიღებული საკუთარი შემოსავლების 71% შეადგინა. გარემოს სააგენტოს მიერ 2018 წლის დეკემბრამდე თევზჭერის რეგულირების საფასურიდან მიღებული შემოსავლის აღიარება ხდებოდა დამტკიცებული კვოტის შესაბამისად თანაბარ ნაწილებად, წელიწადში − 2-ჯერ. აღნიშნული პრინციპი არ შეესაბამებოდა აღრიცხვის ინსტრუქციის მოთხოვნებს, რომლის მიხედვით, ისეთი ხელშეკრულების პირობებში, რომელიც ლიცენზიის მიმღებს უფლებას აძლევს თავისუფლად გამოიყენოს ეს უფლებები და ლიცენზიის გამცემს არ რჩება არავითარი შესასრულებელი ვალდებულება, შემოსავლის აღიარება ხდება გაყიდვისთანავე. 2018 წლის დეკემბერში სააგენტომ შეცვალა რეგულირების საფასურიდან მიღებული შემოსავლების აღიარების პრინციპი და დამტკიცებული კვოტის მიხედვით სრულად აღიარა მთელი წლის გეგმის შესაბამისი რეგულირების საფასური − 1,425,000 ლარის ოდენობით. 2018 წლის ივნისში, მანამდე არსებული პრინციპით, სააგენტოს უკვე აღიარებული ჰქონდა გეგმით გათვალისწინებული რეგულირების საფასურის ნაწილი − 562,500 ლარის ოდენობით, რომელიც უნდა აღიარებულიყო 2017 წელს. შედეგად, 2018 წელს დარიცხულმა შემოსავალმა შეადგინა 1,987,500 ლარი, რაც 562,500 ლარით აღემატება 2018 წელს მისაკუთვნებელ შემოსავლებს. დაცული ტერიტორიების სააგენტო სსიპ − დაცული ტერიტორიების სააგენტოში შემოსავლის აღიარება ხორციელდება საკასო მეთოდით, აგრეთვე არ არის შემუშავებული მისაღები შემოსავლების სიზუსტისა და დროულად აღრიცხვის კონტროლის მექანიზმი. დაცული ტერიტორიების სააგენტო იჯარით გასცემს ტურისტულ ობიექტებს. სააგენტოს მიერ იჯარიდან მისაღებ შემოსავლებზე გავლენას ახდენს იჯარით გაცემული ობიექტების მიერ გამომუშავებული შემოსავლები. შესაბამისად, ხელშეკრულების მიხედვით, მოიჯარემ დაცული ტერიტორიების სააგენტოს ყოველთვიურად უნდა წარუდგინოს საბანკო და სალარო აპარატის ამონაწერები, გადასახდელი იჯარის თანხის გამოსათვლელად. ზოგიერთ შემთხვევაში მოიჯარეების მიერ დროულად არ არის ან არასრულყოფილად არის წარდგენილი საბანკო და სალარო აპარატის ამონაწერები. ამასთანავე, უმეტეს შემთხვევაში მოიჯარეები ხელშეკრულებების მიხედვით ვალდებულნი არიან სააგენტოს წარუდგინონ გადაცემულ ქონებაზე გაწეული საქმიანობით მიღებული ბრუნვის აუდიტორული შემოწმების ანგარიში. აღნიშნული ანგარიშები სააგენტომ ვერ წარმოადგინა. შესაბამისად, დაცული ტერიტორიების სააგენტოს არ აქვს ზუსტი ინფორმაცია მოიჯარეების მიერ მიღებული შემოსავლების შესახებ, რაც ზრდის მისაღები შემოსავლების დაკარგვის რისკს. აღსანიშნავია, რომ სააგენტოში შექმნილია ინსპექტირების ჯგუფები, რომლებიც ამოწმებენ ხელშეკრულებით ნაკისრი ვალდებულებების შესრულების მდგომარეობას. თუმცა, აღნიშნული პროცესი წარმოადგენს გამოვლენითი ხასიათის კონტროლის ღონისძიებას და არა პრევენციულს. შესაბამისად, ვერ უზრუნველყოფს შემოსავლების ზუსტად და დროულად აღრიცხვის სათანადო კონტროლს. სსიპ − ეროვნული სატყეო სააგენტოს შემოსავლები ტყის მიწები კავშირგაბმულობის ნაგებობების განთავსების მიზნით მოიჯარეებზე გაიცემა აუქციონის წესით, გაფორმებული საიჯარო ხელშეკრულების საფუძველზე. რამდენიმე შემთხვევაში 2018 წელს და წინა პერიოდებზე, ხელშეკრულების ვადის ამოწურვის შემდგომ გარკვეული პერიოდებით მოიჯარეები ტყის მიწებით ფაქტობრივად სარგებლობენ ხელახალი აუქციონის გამოცხადების და ხელშეკრულების გაფორმების გარეშე, რითაც სატყეო სააგენტომ დაკარგა მნიშვნელოვანი ოდენობის შემოსავლები. მხოლოდ 2018 წელს, მეიჯარეს სააგენტოსთვის 129,674 ლარით ნაკლები აქვს გადახდილი. ამასთანავე, სააგენტოს არასწორად აქვს გამიჯნული შემოსავლები 2018 და 2019 წლებს შორის. 2018 წელს ნაცვლად 1,240,965 ლარის შემოსავლისა, აღიარებულია 1,560,673 ლარი. შესაბამისად, „სხვა შემოსავლების“ მუხლი არასწორად არის გაზრდილი 319,708 ლარით. სსიპ − ეროვნული სატყეო სააგენტო, კანონმდებლობით ნებადართულ სხვა შემოსავლებთან ერთად, შემოსავალს იღებს ტყის ფონდით სპეციალური დანიშნულების სარგებლობის უფლების გაცემიდან, რაც რეგულირდება მთავრობის დადგენილებით დამტკიცებული ტყითსარგებლობის წესით. აღნიშნული წესის შესაბამისად, მოსარგებლე ვალდებულია სარგებლობის უფლება დაარეგისტრიროს საჯარო რეესტრში და გადაიხადოს სარგებლობის უფლების მინიჭების საფასური. წარმოდგენილი დოკუმენტაციის მიხედვით, საჯარო რეესტრში რეგისტრირებულია ტყის ფონდით სარგებლობის 3 უფლება, თუმცა, შესაბამისი მოთხოვნა საკომპენსაციო თანხაზე, მიწის ფართობით სარგებლობისთვის, 75,744 ლარის ოდენობით არ არის აღიარებული. სააგენტოს არ განუხორციელებია შესაბამისი სამართლებრივი ღონისძიებები, რათა მოსარგებლეებმა შეასრულონ ვალდებულებები. არსებობს რისკი იმისა, რომ შესაბამისმა სუბიექტებმა ისარგებლონ მიწის ფართობით, თანხის გადახდის გარეშე.

სსიპ − დაცული ტერიტორიების სააგენტოში აუდიტის შედეგად გამოვლინდა, რომ რიგ შემთხვევებში არ ხორციელდებოდა საქართველოს საგადასახადო კოდექსით დადგენილი საშემოსავლო გადასახადის დაკავება და სახსრების მიმართვა სახელმწიფო ბიუჯეტში. წარმოდგენილი ინფორმაციის და დოკუმენტაციის მიხედვით, 2018 წელს სახელმწიფო ბიუჯეტის ნაცვლად თანამშრომელთა სახელფასო ანგარიშებზე ჯამურად ჩაირიცხა 57,772 ლარი. სააგენტოს განმარტებით, სახელმწიფო ბიუჯეტში თანხების დაბრუნების მიზნით დაწყებულია შესაბამისი პროცედურები და 2019 წლის 30 აგვისტოს მდგომარეობით დაბრუნებულია 51,533 ლარი.

სსიპ − დაცული ტერიტორიების სააგენტოს 2018 წლის ფინანსური ანგარიშგების ფორმა N2-ში გრანტის ხარჯად აღიარებული აქვს ა(ა)იპ − საქართველოს დაცული ტერიტორიების განვითარების ფონდისა და ა(ა)იპ − ასოციაცია „ატუს“ მიერ სააგენტოსათვის უსასყიდლოდ გაწეული მომსახურებები, საერთო ღირებულებით − 616,637 ლარი. აღრიცხვის ინსტრუქციის მიხედვით, მომსახურების უსასყიდლოდ მიღება ნაცვლად გრანტის ხარჯისა, აღიარებული უნდა იყოს შესაბამისი კატეგორიის ხარჯად და ამავდროულად მიღებული გრანტის ან „სხვა შემოსავლების“ მუხლში. შესაბამისად, 2018 წლის 31 დეკემბრის მდგომარეობით მომზადებული ფინანსური ანგარიშგების ფორმა N2-ში 616,637 ლარით არასწორად არის შემცირებული შემოსავლებისა და საქონლის და მომსახურების მუხლები. ამავდროულად, ამავე თანხით არასწორადაა გაზრდილი გრანტის ხარჯი. სსიპ − ეროვნული სატყეო სააგენტოს მიერ 2018 წელს ვანის მუნიციპალიტეტის მერიისათვის გადაცემულია 11,862 კვ.მ არასასოფლო-სამეურნეო დანიშნულების მიწის ნაკვეთი და მასზე არსებული შენობა-ნაგებობა. სააგენტოს ფინანსურ ანგარიშგებაში არ არის აღრიცხული აღნიშნული ქონების ღირებულება და შესაბამისად, გრანტის ხარჯი. გამომდინარე აქედან, აღნიშნული ქონების რეალური ღირებულებით არასწორად არის შემცირებული ფინანსური ანგარიშგების ფორმა N1-ის ძირითადი და არაწარმოებული აქტივების საწყისი ღირებულება და გრანტის ხარჯი. „საქართველოს 2018 წლის სახელმწიფო ბიუჯეტის შესახებ“ კანონის მოთხოვნების მიხედვით, საჯარო სამართლის იურიდიულმა პირებმა 2018 წელს მობილიზებული, საქართველოს კანონმდებლობით ნებადართული (საკუთარი) შემოსავლების არანაკლებ 10% უნდა მიმართონ საქართველოს სახელმწიფო ბიუჯეტში, ყოველი კვარტლის ბოლო სამუშაო დღეს. 2018 წელს სსიპ − სურსათის ეროვნულ სააგენტოს ბიუჯეტში მიმართული აქვს საკუთარი შემოსავლების მხოლოდ 8%, ანუ 470,000 ლარი, რაც არ შეესაბამება „საქართველოს 2018 წლის სახელმწიფო ბიუჯეტის შესახებ“ კანონის ზემოაღნიშნულ მოთხოვნას. ზემოხსენებული გარემოება გამოწვეულია იმით, რომ 2018 წელს ფაქტობრივად მიღებულმა საკუთარი შემოსავლებმა გადააჭარბა დაგეგმილ მაჩვენებელს, რაც მოითხოვდა შესაბამის ცვლილებას „ხარჯების“ მუხლში. კერძოდ, დაგეგმილი ხარჯის გაზრდას ფაქტობრივი შემოსავლების 10%-მდე.

სსიპ − სურსათის ეროვნული სააგენტო ისეთ აქტივებზე, რომლებსაც ღირებულება გაეზარდათ მიმდინარე პერიოდში გადაფასების ან არსებითი გაუმჯობესების შედეგად, ცვეთას ითვლის ახლად მიღებული ღირებულებიდან ინსტრუქციით გათვალისწინებული წლიური ცვეთის ნორმების შეუცვლელად, რაც იწვევს აქტივების ყოველწლიური ცვეთის ხარჯის შემცირებას. ზემოაღნიშული ეწინააღმდეგება ცვეთის ინსტრუქციის მოთხოვნებს. შესაბამისად, 2018 წლის 31 დეკემბრის მდგომარეობით მომზადებულ კონსოლიდირებულ ფინანასურ ანგარიშგებაში 663,479 ლარით არასწორად არის შემცირებული ფორმა N2-ის „კაპიტალის მოხმარების“ მუხლი, ხოლო ამავე თანხით არასწორად არის გაზრდილი ფორმა N1-ში „ძირითადი აქტივების“ მუხლი. სსიპ − დაცული ტერიტორიების სააგენტოს ბალანსზე აღრიცხულ 3,552,574 ლარის ძირითად აქტივებს 2018 წელს ცვეთა დარიცხული არ აქვს, რაც შეუსაბამობაშია აღრიცხვის ინსტრუქციის მოთხოვნებთან. აღნიშნულიდან გამომდინარე, 2018 წლის 31 დეკემბრის მდგომარეობით მომზადებული ფინანსური ანგარიშგების ფორმა N1-ის „ძირითადი აქტივების“ მუხლი არასწორად არის გაზრდილი, ხოლო ფორმა N2-ის „ძირითადი კაპიტალის მოხმარების“ მუხლი არასწორად არის შემცირებული. დაცული ტერიტორიების სააგენტოს ბალანსზე ირიცხება 39,785 ლარის იარაღი, თუმცა მათზე ცვეთის დარიცხვა არ ხორციელდება. მოქმედი ინსტრუქციით იარაღის ცვეთის ნორმა დადგენილი არ არის. ამავე ინსტრუქციის თანახმად, ასეთ შემთხვევაში, ორგანიზაციამ უნდა შეიმუშაოს ცვეთის ნორმების შესაბამისი პროექტი და დასამტკიცებლად წარუდგინოს საქართველოს ფინანსთა სამინისტროს. სსიპ − დაცული ტერიტორიების სააგენტოს 2018 წლის 31 დეკემბრის მდგომარეობით მომზადებული ფინანსური ანგარიშგების ფორმა N2-ში სუბსიდიის ხარჯად აღიარებული აქვს 2017 წლის ფინანსურ ანგარიშგებაში ასახული 1,589,727 ლარის ჩამოწერილი დებიტორული დავალიანება, რომლის მოთხოვნის უფლება სააგენტოს აღარ გააჩნდა. აღრიცხვის ინსტრუქციის შესაბამისად, აღნიშნული წარმოადგენს წინა პერიოდის ანგარიშგებაში დაშვებული შეცდომის კორექტირებას, შესაბამისად, ექვემდებარებოდა „საწყისი ნაშთისა და კაპიტალის“ მუხლის კორექტირებას, ნაცვლად საოპერაციო ხარჯად აღიარებისა. შედეგად, 1,589,727 ლარით არასწორად არის გაზრდილი ფორმა N2-ის „სუბსიდიის ხარჯის“ მუხლი და ამავე თანხით არასწორად არის შემცირებული ფორმა N4-ის „წინა წლების შეცდომების გასწორების“ მუხლი.

2018 წელს ა(ა)იპ − პროექტების მართვის სააგენტომ სსიპ − სახელმწიფო ქონების ეროვნული სააგენტოსგან შეიძინა ავტომანქანა და წყალტუბოს მუნიციპალიტეტის სოფელ მაღლაკში მდებარე 1,255,060 კვ.მ ფართობის მიწის ნაკვეთები, თითოეული ნომინალური ღირებულებით − ერთი ლარი. აქტივების ღირებულება ამავე წელს განისაზღვრა შესაბამისად, 26,773 ლარით და 652,631 ლარით, რაც სააგენტომ აღიარა არასაოპერაციო შემოსავლად. გამომდინარე იქიდან, რომ აქტივები შეძენილია ნომინალური ღირებულებებით, აღნიშნული არაგაცვლითი ოპერაციაა და შესაბამისად, გადმოცემული აქტივები, ნაცვლად „არასაოპერაციო შემოსავლების“ მუხლისა, უნდა ასახულიყო გრანტის სახით მიღებულ შემოსავლად. ზემოაღნიშნულიდან გამომდინარე, 2018 წლის 31 დეკემბრის მდგომარეობით მომზადებულ ფინანასურ ანგარიშგებაში 679,404 ლარით არასწორად არის შემცირებული ფორმა N2-ის „გრანტების“ (შემოსავალი) მუხლი, ხოლო ამავე თანხით არასწორად არის გაზრდილი ფორმა N4-ში „არასაოპერაციო შემოსავლების“ მუხლი. 2018 წელს სსიპ − გარემოს ეროვნული სააგენტოს ბალანსზე აღრიცხული არასაცხოვრებელი შენობა-ნაგებობები, ღირებულებით 1,504,916 ლარი, ჩამოიწერა არასაოპერაციო ხარჯებში, შენობის სართულებად გამიჯვნის და შეფასების მიზნით, შემდგომ სსიპ − წიაღის ეროვნული სააგენტოსთვის გადასაცემად. სამხარაულის ექსპერტიზის ბიუროს დასკვნის საფუძველზე, აღნიშნული არასაცხოვრებელი შენობის სართულების საბაზრო ღირებულება განისაზღვრა 7,565,366 ლარით, რომელიც სრულად აღიარდა არასაოპერაციო შემოსავლად. ასევე, 2018 წელს სსიპ − სოფლის მეურნეობის სამინისტროს ლაბორატორიის ბალანსზე არსებული გრძელვადიანი არაფინანსური აქტივები − ნარჩენი ღირებულებით 418,642 ლარი, ჩამოიწერა არასაოპერაციო ხარჯებში შემდგომში მათი ერთმანეთისგან გამიჯვნის და შეფასების მიზნით. დამოუკიდებელი აუდიტორის დასკვნის საფუძველზე აღნიშნული აქტივების საბაზრო ღირებულება განისაზღვრა 764,000 ლარით, რომელიც სრულად აღიარდა არასაოპერაციო შემოსავლად. ზემოაღნიშნული საკითხებიდან გამომდინარე, 2018 წლის 31 დეკემბრის მდგომარეობით მომზადებულ კონსოლიდირებულ ფინანსურ ანგარიშგებაში 2,602,962 ლარით არასწორად არის გაზრდილი ფორმა N4-ის „არასაოპერაციო შემოსავლების“ მუხლი და 1,923,558 ლარით - „არასაოპერაციო ხარჯების“ მუხლი. ასევე, 679,404 ლარით არასწორად არის შემცირებული ფორმა N2-ის „გრანტების“ (შემოსავალი) მუხლი.

ა(ა)იპ − პროექტების მართვის სააგენტოს 2018 წლის 31 დეკემბრის მდგომარეობით ბიუჯეტიდან მიღებული დაფინანსებით წარმოშობილი, საბანკო ანგარიშზე არსებული ფულის ნაშთი 242,331 ლარის ოდენობით, აღიარებული აქვს არასაოპერაციო ხარჯად, რაც აღრიცხვის ინსტრუქციის მიხედვით, უნდა აღიარებულიყო ბიუჯეტის წინაშე დარიცხულ ვალდებულებად. შესაბამისად, 2018 წლის 31 დეკემბრის მდგომარეობით მომზადებულ კონსოლიდირებულ ფინანსურ ანგარიშგებაში 242,331 ლარით არასწორად არის გაზრდილი ფორმა N4-ში „არასაოპერაციო ხარჯების“ მუხლი.

სსიპ − ეროვნული სატყეო სააგენტოს და სსიპ − დაცული ტერიტორიების სააგენტოში ბუღალტრული აღრიცხვა არის არასრულყოფილი და უზუსტო. უმეტეს შემთხვევაში საბალანსო მუხლების ნაშთები და ბრუნვები და მოგება-ზარალის ბრუნვები არ შეესაბამება ფინანსურ ანგარიშგებაში წარდგენილ მონაცემებს. ზემოაღნიშნულ სააგენტოებში არ გამოიყენება სპეციალიზებული ბუღალტრული აღრიცხვის სისტემები და აღრიცხვა წარმოებს MS Excel ფაილებში, რაც ზრდის ადამიანური ფაქტორებით გამოწვეული შეცდომების რისკს. ასევე, სატყეო სააგენტო ძირითადი აქტივების ანალიზურ აღრიცხვას აწარმოებს ხარვეზებით. კერძოდ, კანონმდებლობით დადგენილი მოთხოვნების შესაბამისად, არ წარმოებს შესაბამისი საინვენტარო ბარათები და არ აქვს მინიჭებული საინვენტარო კოდები.

სამინისტროს 2018 წლის 31 დეკემბრის მდგომარეობით მომზადებული კონსოლიდირებული ფინანსური ანგარიშგების ფორმა N2-ში არასწორად არის გაზრდილი „გრანტის“ სახით მიღებული შემოსავალი − 3,574,323 ლარით, ხოლო „გრანტის“ სახით გაწეული ხარჯი − 3,325,965 ლარით. ასევე არასწორად არის გაზრდილი „საქონელი და მომსახურების რეალიზაციის“ სახით მიღებული შემოსავალი − 272,594 ლარით, ხოლო „საქონელი და მომსახურების“ სახით გაწეული ხარჯი − 321,251 ლარით. ზემოაღნიშნულიდან გამომდინარე, სამინისტროს კონსოლიდირებულ ფინანსურ ანგარიშგებაში ელიმინირებულია მიღებული შემოსავლებიდან 10,071,840 ლარი და გაწეული ხარჯებიდან 10,071,840 ლარი, ხოლო 3,846,917‬ ლარი შემოსავლებიდან და 3,647,216 ლარი ხარჯებიდან − ელიმინირებული არ არის. 2009 წელს სამინისტრომ შპს „შავი ზღვის ტერმინალთან“ ერთად დააფუძნა ა(ა)იპ − საქართველოს დაცული ტერიტორიების განვითარების ფონდი. ფონდის მიზანია კოლხეთის ეროვნული პარკის, ქობულეთის ნაკრძალის, ქობულეთის აღკვეთილის და კოლხეთის დაცული ტერიტორიების განვითარების ხელშეწყობა. ფონდის უმაღლესი ხელმძღვანელი ორგანოა დამფუძნებელთა საერთო კრება. ნებისმიერი გადაწყვეტილება მიღებულად ითვლება, თუ მას მხარს დაუჭერს ყველა დამფუძნებელი. შესაბამისად, ფონდი განიხილება, როგორც ერთობლივ კონტროლს დაქვემდებარებული ერთეული. აქედან გამომდინარე, კონსოლიდირებულ ფინანსურ ანგარიშგებაში ასახული უნდა იყოს ერთობლივ საწარმოში ფლობილი ინვესტიციები, რაც არ არის განხორციელებული.

სამინისტროს 2018 წლის 31 დეკემბრის მდგომარეობით მომზადებული კონსოლიდირებული ფინანსური ანგარიშგება მოიცავს 18,644,738 ლარის ისეთ დებიტორულ დავალიანებებს, რომელთა ამოღების ალბათობა მცირეა.

სსიპ − ეროვნული სატყეო სააგენტოს მიერ გარკვეული ტიპის ხე-ტყის რეალიზაციიდან მიღებული შემოსავალი მიემართება სახელმწიფო ბიუჯეტში. სააგენტოს მიერ წარმოდგენილი ინფორმაციის მიხედვით, ზემოაღნიშნული ხე-ტყის შემსყიდველების მიერ ბიუჯეტში გადასახდელმა თანხამ 742,122 ლარი შეადგინა, ხოლო წარმოდგენილი სადეპოზიტო ამონაწერის მიხედვით ჩარიცხულმა თანხამ - 780,311 ლარი. აღნიშნული თანხები არ არის აღრიცხული სააგენტოს ფინანსურ ანგარიშგებაში და ასევე არ არის მოცემული ინფორმაცია ფინანსური ანგარიშგების ახსნა-განმარტებით შენიშვნებში. შესაბამისად, ფინანსური ანგარიშგება წარდგენილია არასამართლიანად.

ინვენტარიზაცია წარმოადგენს კონტროლის მექანიზმს, რომლის მიზანია დანაკლისის, ზედმეტობისა და დაზიანებული ან/და გამოუსადეგარი ძირითადი აქტივების იდენტიფიცირება. შესაბამისად, ინვენტარიზაციის ჩატარება მნიშვნელოვანია იმაში დასარწმუნებლად, რომ ფინანსურ ანგარიშგებაში ასახული ყველა ძირითადი საშუალება რეალურად არსებობს და ამასთანავე, ორგანიზაციის მფლობელობაში არსებული ყველა ძირითადი საშუალება სრულად არის ასახული ფინანსურ ანგარიშგებაში. სსიპ − დაცული ტერიტორიების სააგენტოს არ დაუსრულებია ქონების, მოთხოვნებისა და ვალდებულებების 2018 წლის ინვენტარიზაცია. კერძოდ, არ შედგენილა საინვენტარიზაციო კომისიის შემაჯამებელი სხდომის ოქმი შედეგების შესახებ. ამასთანავე, სსიპ − ეროვნულ სატყეო სააგენტოში არ ჩატარებულა ქონების, მოთხოვნებისა და ვალდებულებების ინვენტარიზაცია მოქმედი კანონმდებლობის შესაბამისად. ასევე, სსიპ − სოფლის მეურნეობის სამინისტროს ლაბორატორიისა და სსიპ − გარემოს ეროვნული სააგენტოს 2018 წლის 31 დეკემბრის მდგომარეობით დასრულებულ ფინანსურ ანგარიშგებებში გათვალისწინებული არ არის საანგარიშგებო პერიოდში ჩატარებული ინვენტარიზაციის შედეგები. ზემოაღნიშნულ შემთხვევებში, დარღვეულია „ინვენტარიზაციის ჩატარების წესის შესახებ“ ინსტრუქციის მოთხოვნები.

სამინისტროს სახაზინო სამსახური მოქმედი კანონმდებლობის მიხედვით, აწარმოებს სახელმწიფო ბიუჯეტიდან გაცემული და რესტრუქტურიზებული სესხების რეესტრებს. ქვემოთ მოცემულ N4 ცხრილში წარმოდგენილია ინფორმაცია რეესტრის მიხედვით ფინანსთა სამინისტროზე რიცხული სესხების შესახებ: ცხრილი N4 დასახელება სესხების რაოდენობა 31.12.2018 01.01.2018 31.12.2018 სულ 92 413,762,587 440,762,648 სესხები, რომელთა მოთხოვნის უფლება გააჩნია სამინისტროს 40 352,750,805 375,235,357 რესტრუქტურიზებული სესხები 29 11,716,550 13,596,170 სხვა სამინისტროებზე მისაკუთვნებელი სესხები 16 36,501,228 38,971,553 ლიკვიდირებულ ორგანიზაციებზე მიკუთვნებული სესხები 7 12,794,004 12,959,568 სამინისტროს კონსოლიდირებულ ანგარიშგებაში აღრიცხულია მხოლოდ ერთი სესხი რომლის ნაშთი 2018 წლის 31 დეკემბრისათვის შეადგენს 9,211,242 ლარს. ბუღალტრული აღრიცხვის ინსტრუქციის მიხედვით, გაცემული სესხები, რომლის დაბრუნებასაც მოელის სამინისტრო, აკმაყოფილებენ აქტივებად აღიარების კრიტერიუმებს. სამინისტროს არ აქვს შემუშავებული სააღრიცხვო პოლიტიკა მოცემული სესხების ანგარიშგებაში ასახვასთან დაკავშირებით, ასევე არ ხდება, ყოველწლიურად ფინანსური ანგარიშგების მომზადების თარიღისათვის სესხების ამოღების ალბათობის შეფასება. შედეგად, ვერ მივიღეთ რწმუნება სამინისტროს კონსოლიდირებულ ფინანსურ ანგარიშგების ფორმა N1-ში „სხვა მოკლევადიანი ფინანსური აქტივების“ ანგარიშზე რიცხული 92,124,220 ლარისა და 98,881,700 ლარის, ასევე, „გრძელვადიანი ფინანსური აქტივები და მოთხოვნების“ ანგარიშებზე რიცხული 6,262,360 ლარისა და 9,754,815 ლარის ნაშთის სისრულეზე.

მოქმედი კანონმდებლობის მიხედვით, სამინისტროს აქვს განსაკუთრებული უფლება, საქართველოს მთავრობის თანხმობით, საქართველოს ეროვნულ ბანკთან კონსულტაციით, დადოს ხელშეკრულებები ეროვნული და სხვა კონვერტირებადი ვალუტით ფულადი სახსრების ვალად აღების შესახებ. 2018 წლის 1 იანვრის და 2018 წლის 31 დეკემბრის მდგომარეობით სამინისტროს მიერ საქართველოს სახელით აღებული საგარეო ვალის ნაშთმა შეადგინა შესაბამისად 13,110,398,753 ლარი და 14,015,349,860 ლარი. 2018 წელს სამინისტროს საერთო-სახელმწიფოებრივი გადასახდელების კოდიდან (56 00) ზემოთ აღნიშნულ საგარეო სესხებზე გადახდილი აქვს 977,913,977 ლარი, საიდანაც 709,970,299 ლარი წარმოადგენს ძირითადი თანხის დაფარვას, ხოლო 267,943,678 ლარი გადახდილ პროცენტს, კომპენსაციას და პირგასამტეხლოს. აღებული საგარეო ვალიდან სამინისტროსა და სხვადასხვა სახელმწიფო ორგანიზაციებს შორის გაფორმებულია გადასესხების ხელშეკრულებები, რომელთა მიხედვითაც სამინისტრო ახდენს საგარეო საკრედიტო რესურსებიდან მოზიდული ფინანსური სახსრების გასესხებას ორგანიზაციებზე და კონტროლს და მონიტორინგს უწევს თანხების დაბრუნებას. უნდა აღინიშნოს, რომ ვებგვერდ www.reportall.ge -დან მიღებული ინფორმაციის თანახმად, შერჩევით გადამოწმებული ორგანიზაციები გადასესხებული ხელშეკრულებებიდან წარმოქმნილ დავალიანებას აღიარებენ ფინანსთა სამინისტროს წინაშე . ჯამში გადასესხებული ხელშეკრულებების შედეგად სხვადასხვა ორგანიზაციების დავალიანებების ჯამურმა ნაშთმა სამინისტროს მიმართ 2018 წლის 1 იანვრის და 2018 წლის 31 დეკემბრის მდგომარეობით შეადგინა 2,249,023,667 და 2,380,544,737 ლარი. 2018 წელს მსესხებლებს ჯამში გადახდილი აქვთ 130,476,379 ლარი. აქედან 89,020,641 ლარი წარმოადგენს დაფარულ ძირს, 41,455,108 ლარი კი გადახდილ პროცენტს, კომპენსაციას და პირგასამტეხლოს . გარე წყაროებიდან მიღებული სახსრები აკმაყოფილებენ ვალდებულებად ხოლო გადასესხებული სესხები აქტივებად აღიარების კრიტერიუმებს. შედეგად, სამინისტროს კონსოლიდირებულ ფინანსურ ანგარიშგებაში ფორმა N1-ში 2018 წლის 1 იანვრისა და 31 დეკემბრის მდგომარეობით ფინანსური ვალდებულებები შესაბამისად 13,110,398,753 და 14,015,349,860 ლარით ნაკლებად არის წარმოდგენილი, ხოლო ფორმა N2-ში ხარჯი 267,943,678 ლარით შემცირებულად არის ნაჩვენები. აგრეთვე, ფინანსური აქტივები ფორმა N1-ში 2018 წლის 1 იანვრისა და 31 დეკემბრის მდგომარეობით შესაბამისად 2,249,023,667 და 2,380,544,737 ლარით ხოლო, ფორმა N2-ში შემოსავალი 41,455,108 ლარით ნაკლებია ასახული.

სამინისტრო მოქმედი კანონმდებლობის მიხედვით, უშვებს სახაზინო ვალდებულებებს და სახაზინო ობლიგაციებს, რომლებიც სამინისტროს კონსოლიდირებულ ფინანსურ ანგარიშგებაში ასახული არ არის. ქვემოთ მოცემულ ცხრილში წარმოდგენილია ინფორმაცია სახაზინო ვალდებულებების და სახაზინო ობლიგაციების გამოშვების შედეგად წარმოშობილი ვალდებულებების ნაშთების შესახებ (ათას ლარებში): თარიღი მოკლევადიანი გრძელვადიანი სულ 01.01.2018 705,000 2,193,268 2,898,268 31.12.2018 600,000 2,665,868 3,265,868 2018 წელს სამინისტროს სახაზინო ვალდებულებებსა და სახაზინო ობლიგაციებზე პროცენტის სახით გადახდილი აქვს 244,334,266 ლარი. ბუღალტრული აღრიცხვის ინსტრუქციის მიხედვით, აღნიშნული ნაშთები აკმაყოფილებს ვალდებულებად აღიარების კრიტერიუმებს, რადგან სამინისტრო უშვებს სახაზინო ვალდებულებებს, სახაზინო ობლიგაციებს, და ფარავს დავალიანებებს (ძირი, პროცენტი). შედეგად, სამინისტროს კონსოლიდირებულ ფინანსურ ანგარიშგებაში ფინანსური ვალდებულებების ნაშთი ფორმა N1-ში 2018 წლის 1 იანვრის და 31 დეკემბრის მდგომარეობით 2,898,268,000 და 3,265,868,000 ლარის ოდენობით შემცირებულად არის წარმოდგენილი. ხოლო ფორმა N2-ში “საპროცენტო ხარჯი” შემცირებულია 244,334,266 ლარით.

სამინისტროს 2018 წლის 31 დეკემბრის მდგომარეობით მომზადებულ კონსოლიდირებულ ფინანსურ ანგარიშგებაში ასახულია შემოსავლების სამსახურის მიერ, საქართველოს მთავრობის 96-ე დადგენილების მიხედვით, გაწეული ან გასაწევი მომსახურებებიდან, წარმოქმნილი დებიტორული და კრედიტორული დავალიანებები შესაბამისად 14,293,829 და 16,873,223 ლარის ოდენობით. შემოსავლების სამსახური საკუთარი შემოსავლებს აღრიცხავს გადასახადების ადმინისტრირების საინფორმაციო სისტემით (Oracle). სამინისტროს ახსნა-განმარტებითი შენიშვნების თანახმად, წინა საანგარიშგებო პერიოდებში ზემოაღნიშნული პროგრამა არ იყო გამართული და დებიტორულ/კრედიტორული დავალიანებების აღრიცხვა ხორციელდებოდა ხარვეზებით, რომელთა გასწორება დაგეგმილია 2019 წლის ფინანსურ ანგარიშგებაში . შედეგად, ვერ მივიღეთ რწმუნება 2018 წლის 31 დეკემბრის მდგომარეობით ფინანსური ანგარიშგების ფორმა N1-ში „სხვა მოკლევადიანი ფინანსური აქტივების“ ანგარიშზე ასახული 14,293,829 ლარის და „სხვა მოკლევადიანი კრედიტორული დავალიანებების“ ანგარიშზე აღრიცხული 16,873,223 ლარის ნაშთის არსებობაზე, სისრულეზე და სისწორეზე.

მომსახურების სააგენტო ფლობს 100%-იან წილს შპს „რეგიონული განვითარების ფონდში“. წილის ღირებულება შეადგენს 25,429,310 დოლარს ფინანსურ ანგარიშგებაში წილი კი აღრიცხულია 22,129,480 დოლარით. შედეგად, კონსოლიდირებული ფინანსური ანგარიშგების ფორმა N1-ში „სხვა მოკლევადიანი ფინანსური აქტივების“ მუხლი შემცირებულია 8,832,324 ლარით.

სასამართლოს 2018 წლის გადაწყვეტილებებით, სხვადასხვა ორგანიზაციებს სამინისტროს სასარგებლოდ დაეკისრათ 2,970,454 ლარის გადახდა, რომელიც სამინისტროს ფინანსურ ანგარიშგებაში აღრიცხული არ არის. ასევე, აღრიცხული არ არის ფინანსური ანგარიშგების თარიღის შემდგომ შემოსავლების სამსახურის სასარგებლოდ გამოტანილი სასამართლოს გადაწყვეტილება 380,287 ლარის ოდენობით, რომელიც წარმოადგენს მაკორექტირებელ მოვლენას, რადგან იძლევა ინფორმაციას ანგარიშგების თარიღამდე არსებულ მოვლენებზე და შესაბამისად, ექვემდებარება 2018 წლის ფინანსურ ანგარიშგებაში ასახვას. სამინისტროში არ არის ჩამოყალიბებული სააღრიცხვო პოლიტიკა მოთხოვნების, პირობითი აქტივების და პირობითი ვალდებულებების შესახებ. არ არის გაწერილი პოლიტიკა სასამართლო დავებთან დაკავშირებით თუ როგორ უნდა მოხდეს მოთხოვნების ან ვალდებულებების აღიარება, არ არის დადგენილი იურიდიულ სამსახურთან კომუნიკაციის წესი და პირობები, არ ხდება სასამართლო დავების მოსალოდნელი შედეგების შეფასება და შესაბამისად ფინანსურ ანგარიშგებაში ასახვა. შედეგად, ვერ მივიღეთ რწმუნება სამინისტროს კონსოლიდირებულ ფინანსურ ანგარიშგების ფორმა N1 „სხვა მოკლევადიანი ფინანსური აქტივების“ სისრულის შესახებ.

საფინანსო-ანალიტიკური სამსახურის ფინანსურ ანგარიშგებაში 2018 წლის 1 იანვრის და 2018 წლის 31 დეკემბრის მდგომარეობით „სხვა მოკლევადიანი მოთხოვნების“ და „გრძელვადიანი ფინანსური აქტივები და მოთხოვნები ანგარიშზე“ აღრიცხულია არაფინანსური აქტივების რეალიზაციის შედეგად, სამი სამინისტროს მიმართ წარმოშობილი მოთხოვნები: დასახელება 01.01.2018 31.12.2018 ჯანმრთელობის დაცვის სამინისტრო 2,396,943 2,396,943 იუსტიციის სამინისტრო 5,222,455 3,492,455 შინაგან საქმეთა სამინისტრო 8,818,982 8,818,982 აღნიშნული მოთხოვნებიდან იუსტიციის სამინისტროს მიმართ არსებული მოთხოვნა 3,492,455 ლარის ოდენობით 2018 წლის 31 დეკემბრის მდგომარეობით დაკლასიფიცირებულია როგორც გრძელვადიანი ფინანსური აქტივი. გაფორმებული ხელშეკრულებების და მასში შეტანილი ცვლილებების შესწავლით გაირკვა, რომ შინაგან საქმეთა სამინისტროს მიმართ არსებული მოთხოვნა 2018 წლის 1 იანვრის მდგომარეობით 6,418,922 ლარი, ხოლო 2018 წლის 31 დეკემბრის მდგომარეობით 3,538,982 ლარი, ბუღალტრული აღრიცხვის ინსტრუქციის შესაბამისად არის გრძელვადიანი, ხოლო იუსტიციის სამინისტროს მიმართ არსებული მოთხოვნა 2018 წლის 31 დეკემბრის მდგომარეობით არის მოკლევადიანი. შედეგად, სამინისტროს კონსოლიდირებული ფინანსური ანგარიშგების ფორმა N1-ში 2018 წლის 1 იანვრის მდგომარეობით, შემცირებულია „გრძელვადიანი ფინანსური აქტივების და მოთხოვნების“ ნაშთი 6,418,922 ლარით და გაზრდილია „სხვა მოკლევადიანი ფინანსური აქტივების“ ანგარიში, ხოლო 2018 წლის 31 დეკემბრის მდგომარეობით „გრძელვადიანი ფინანსური აქტივების და მოთხოვნების“ ნაშთი შემცირებულია 46,527 ლარით და იმავე თანხით გაზრდილია „სხვა მოკლევადიანი ფინანსური აქტივების“ ანგარიში.

სამინისტროს კონსოლიდირებული ფინანსურ ანგარიშგების ფორმა N1-ში 2018 წლის 31 დეკემბრის მდგომარეობით აღრიცხულია შემოსავლების სამსახურის მოთხოვნები ზედმეტად გადახდილი მოგების და ქონების გადასახადებიდან თანხებით 7,599,222 ლარი და 1,675,700 ლარი, ასევე მომსახურების სააგენტოს მოთხოვნები ზედმეტად გადახდილი მოგების გადასახადის შედეგად 2018 წლის 1 იანვრის მდგომარეობით 55,318 ლარი და 2018 წლის 31 დეკემბრის მდგომარეობით 179,291 ლარი. სამინისტროს სტრუქტურაში არ არის დანერგილი ერთგვაროვანი პრაქტიკა მოგების და ქონების გადასახადის აღრიცხვასთან დაკავშირებით. შემოსავლების სამსახურში და მომსახურების სააგენტოში არ არის აღრიცხული, დეკლარირებული 2018 წლის მოგების გადასახადი (შესაბამისად თანხებით 5,999,443 და 21,531 ლარი), მაშინ როდესაც ანალიტიკურ სამსახურში დეკლარირებული 2018 წლის მოგების გადასახადი ასახულია წმინდა ღირებულების ანგარიშზე. მომსახურების სააგენტოში 2018 წელს აღრიცხულია 2017 წლის მოგების გადასახადის ნაწილი (103,581 ლარი). ასევე შემოსავლების სამსახურში არ არის აღრიცხული 2018 წლის ქონების გადასახადის ხარჯი (თანხით 1,814,598 ლარი) მაშინ როდესაც მომსახურების სააგენტოში და ანალიტიკურ სამსახურში აღნიშნული ხარჯი აღიარებულია. მოქმედი ბუღალტრული აღრიცხვის ინსტრუქციის მიხედვით, მოგების და ქონების გადასახადების დეკლარირება წარმოადგენს ფინანსური ანგარიშგების თარიღის შემდგომ მაკორექტირებელ მოვლენებს, შესაბამისად დეკლარირებული გადასახადები უნდა მიეკუთვნოს შესაბამის პერიოდს. შედეგად, სამინისტროს კონსოლიდირებულ ფინანსურ ანგარიშგებაში ფორმა N1-ში „სხვა მოკლევადიანი კრედიტორული დავალიანებების“ ანგარიში 2018 წლის 1 იანვრის მდგომარეობით შემცირებულია 103,581 ლარით და ამავე თანხით გაზრდილია „წმინდა ღირებულების“ ანგარიში, ხოლო 2018 წლის 31 დეკემბრის მდგომარეობით ფორმა N1-ში „სხვა მოკლევადიანი ფინანსური აქტივების“ ნაშთი გაზრდილია 7,696,673 ლარით, ხოლო „სხვა მოკლევადიანი კრედიტორული დავალიანებები“ შემცირებულია 138,898 ლარით.

უკრაინაში საქართველოს საელჩოს და სსიპ „საინფორმაციო ცენტრი ნატოსა და ევროკავშირის შესახებ“-ის ბალანსზე რიცხული შენობა-ნაგებობების აფასების შედეგი, ფორმა N4-ში ნაცვლად კონსოლიდირებული კაპიტალის ცვლილების ანგარიშგების „არასაოპერაციო შემოსავლების“ ანგარიშისა, შეცდომით ასახულია ფორმა N2-ში კონსოლიდირებული ფინანსური შედეგების ანგარიშგებაში. შედეგად, „გრანტების“ ანგარიში 6,802,306 ლარით გაზრდილად არის წარმოდგენილი.

საგამოძიებო სამსახურის ფინანსურ ანგარიშგებაში „საქონელი და მომსახურების“ ანგარიშზე ხარჯად აღიარებულია სასამართლოში, საგამოძიებო სამსახურის მიერ, ნივთმტკიცებად წარდგენილი თანხა, რაც არ შეესაბამება ბუღალტრული აღრიცხვის ინსტრუქციის მოთხოვნებს . ნაცვლად ხარჯად აღიარებისა, საგამოძიებო სამსახურს ნივთმტკიცებად ამოღებული თანხებით უნდა გაეზარდა „სხვა მოკლევადიანი მოთხოვნების“ ანგარიში. საგამოძიებო სამსახურმა ვერ წარმოადგინა ინფორმაცია 2018 წლის 31 დეკემბრის მდგომარეობით სასამართლოს მიერ ნივთმტკიცებად ამოღებული თანხის შესახებ. მხოლოდ 2018 წლის განმავლობაში, სასამართლოდან გასულ პერიოდებში ნივთმტკიცებად ამოღებული და საგამოძიებო სამსახურისთვის უკან დაბრუნებულმა თანხამ შეადგინა 177,350 ლარი. შედეგად, ვერ მივიღეთ რწმუნება 2018 წლის 31 დეკემბრის მდგომარეობით სამინისტროს ფინანსურ ანგარიშგებაში ფორმა N1-ში “სხვა მოკლევადიანი მოთხოვნების” ანგარიშზე აღრიცხული თანხის 12,649,995 ლარის სისრულეზე და სისწორეზე.

კონსოლიდირებულ ფორმა N2-ში „საქონლისა და მომსახურების რეალიზაციის“ ანგარიშზე სამინისტროს კონტროლირებული სსიპ-ების მიერ მიღებული დარიცხული შემოსავლის ნაცვლად, შეცდომით ასახულია საკასო შემოსავლები, რის გამოც „სხვა შემოსავლების“ ანგარიში გაზრდილია 108,011 ლარით.

სამინისტროს კონსოლიდირებული ფინანსურ ანგარიშგების ფორმა N1-ში ერიცხება 486,615 ლარის დანაკლისი. საიდანაც 341,440 ლარის დანაკლისი წარმოქმნილია შემოსავლების სამსახურში, ხოლო 84,489 ლარის დანაკლისი სამინისტროს აპარატში. ფინანსთა მინისტრის მიერ დამტკიცებული ინვენტარიზაციის ჩატარების წესის და ბუღალტრული აღრიცხვის ინსტრუქციის შესაბამისად ორგანიზაციები ვალდებულნი არიან შეაფასონ ყოველი წლის ბოლოს მოთხოვნებისა და ვალდებულებების რეალობა და ამოღების ალბათობა, რაც შემოსავლების სამსახურის შემთხვევაში, განხორციელებული არ არის, ხოლო აპარატის შემთხვევაში განხორციელებულია ნაწილობრივ. ასევე დანაკლისების ანგარიშზე აღრიცხული მთლიანი თანხიდან, 225,638 ლარის დანაკლისი წარმოქმნილია 2008 წლის საომარი მოქმედებების შედეგად. აღნიშნულ დანაკლისების ამოღების ალბათობა დაბალია, რადგანაც დაუდგენელია დამნაშავე პირები და სამართალდამცავ უწყებებში საქმე აღძრული არ არის. შედეგად, ვერ მივიღეთ რწმუნება სამინისტროს კონსოლიდირებულ ფინანსურ ანგარიშგებაში ფორმა N1-ში „სხვა მოკლევადიანი მოთხოვნების” ანგარიშზე აღრიცხული თანხის 440,922 ლარის არსებობაზე.

კონსოლიდირებულ ფორმა N2-ში „საქონელი და მომსახურების“ მუხლით გაწეული ხარჯები შეცდომით შემცირებულია 23,300 ლარით.

მომსახურების სააგენტოს ფინანსურ ანგარიშგებაში არ არის აღრიცხული მიქცეული და განსაკარგავად გადმოცემული ქონება. სააგენტოსათვის გადმოცემული ქონება აკმაყოფილებს აქტივად აღიარების კრიტერიუმებს, სააგენტოს გააჩნია კონტროლი აღნიშნულ მარაგებზე და იღებს სარგებელს მათი რეალიზაციის შედეგად . შედეგად, კონსოლიდირებული ფინანსური ანგარიშგების ფორმა N1-ში „სხვა მატერიალური მარაგების“ ნაშთი 2018 წლის 1 იანვრის და 31 დეკემბრის მდგომარეობით წარმოდგენილია შესაბამისად 4,263,394 და 6,106,766 ლარით შემცირებულად. ასევე აღნიშნული თარიღებით მომსახურების სააგენტოს ნაშთად ერიცხება შეუფასებელი/ნულოვანი ღირებულების მქონე 22,889 და 36,469 სხვადასხვა დასახელების საქონელი .

დიპ-დაწესებულებებისთვის სახელმწიფო ბიუჯეტიდან ასიგნებების გამოყოფა ხორციელდება მხოლოდ „საქონელი და მომსახურების“ მუხლით, მიუხედავად იმისა, რომ სახსრები განკუთვნილია როგორც ხარჯების სხვადასხვა კატეგორიის დაფინანსების, ასევე „არაფინანსური აქტივების ზრდისთვის“. დაფინანსების ზემოაღნიშნული სპეციფიკიდან გამომდინარე, დიპ-დაწესებულებების მიერ გაწეული ყველა ხარჯი კონსოლიდირებული ფინანსური შედეგების ფორმა N2-ში ასახულია „საქონელი და მომსახურების“ ანგარიშზე, მაშინ როდესაც გაწეულია ისეთი ტიპის ხარჯებიც, რომლებიც საბიუჯეტო კლასიფიკაციის მიხედვით „სხვა ხარჯებს“ მიეკუთვნება, რის შესახებ ინფორმაცია არ არის წარმოდგენილი ფინანსურ ანგარიშგების ახსნა-განმარტებებში. შედეგად, კონსოლიდირებულ ფორმა N2-ში „საქონელი და მომსახურების“ ანგარიში გაზრდილია 4,505,865 ლარით და იმავე თანხით შემცირებულია „სხვა ხარჯების“ მუხლი.

სამინისტროს კონსოლიდირებულ ფინანსურ ანგარიშგებაში 2018 წლის 31 დეკემბრის მდგომარეობით „სხვა მატერიალური მარაგების“ 3,924,028 ლარის ნაშთიდან, 1,534,250 ლარის მარაგებს წარმოადგენს აქციზური მარკები. აქედან, 1,187,376 ლარის ღირებულების მარკები შეძენილია/გადმოცემულია 2006-2010 წლებში, ხოლო 346,874 ლარის შეძენილია 2011 წელს. 2006-2010 წლებში შესყიდული/გადმოცემული 1,187,376 ლარის აქციზურ მარკებზე ვერ იქნა წარმოდგენილი პირველადი დოკუმენტაცია, რაც დაგვარწმუნებდა მარაგების ნაშთის ღირებულების სისწორეში, შემოსავლების სამსახურის განმარტებით დოკუმენტები ხანდაზმულობის გამო განადგურებულია. არც სააღრიცხვო პოლიტიკითაა განსაზღვრული მატერიალური მარაგების თვითღირებულების გაანგარიშების მეთოდი . შედეგად, ვერ მივიღეთ რწმუნება სამინისტროს კონსოლიდირებულ ფინანსურ ანგარიშგებაში „ სხვა მატერიალური მარაგების“ ანგარიშზე ასახული 1,187,376 ლარის ღირებულების მარაგების სისწორეზე, შეფასებასა და მიკუთვნებაზე.

2018 წლის 31 დეკემბრის მდგომარეობით, დიპ-დაწესებულებების საბანკო ანგარიშებზე არსებული ფულადი სახსრების ნაშთი არ ედრება ბალანსში ასახულ შესაბამის ნაშთებს, რაც გამოწვეულია ბუღალტრული გატარებების დაგვიანებით ასახვით. შედეგად, კონსოლიდირებული ფინანსური მდგომარეობის ანგარიშგებაში 2018 წლის ბოლოს „ფულადი სახსრების“ ნაშთი გაზრდილად არის წარმოდგენილი 54,415 ლარით.

ბუღალტრული აღრიცხვის ინსტრუქციის მიხედვით, აღრიცხვის ორგანიზებასა და მოვლა-შენახვაზე კონტროლის უზრუნველსაყოფად, ძირითად აქტივებს, გრძელვადიან მცირეფასიან აქტივებსა და ფასეულობებს მიღებისას ენიჭებათ საინვენტარო ნომრები, რომლებიც რჩებათ მოცემულ აქტივებს ორგანიზაციაში ყოფნის მთელი პერიოდის განმავლობაში . სამინისტროს აპარატში ასევე შემუშავებულია შიდა ინსტრუქცია გრძელვადიან მცირეფასიანი აქტივების აღრიცხვასთან დაკავშირებით, რომლითაც ასევე განსაზღვრულია გრძელვადიანი მცირეფასიანი აქტივების საინვენტარო ნომრების მინიჭების საკითხი . საგამოძიებო და შემოსავლების სამსახურის ინვენტარიზაციის მასალების შესწავლით გამოვლინდა, რომ როგორც საწყობში არსებულ, ისე ექსპლუატაციაში გადაცემულ გრძელვადიან მცირეფასიან აქტივებს, მთლიანი ღირებულებით 8,395,560 ლარი , არ აქვთ მინიჭებული საინვენტარიზაციო ნომრები. ორივე სამსახურს სპეციფიკიდან გამომდინარე ერიცხება 6,407,899 ლარის ღირებულების რბილი ინვენტარი და უნიფორმები , რომლებზეც საინვენტარო ნომრების მინიჭება და ინვენტარიზაციის შედეგებში ასახვა სრულყოფილად ვერ ხორციელდება. ასევე საგამოძიებო სამსახურში ჩატარებული 2017 წლის ფინანსური აუდიტის ფარგლებში გაცემული იყო რეკომენდაცია სპეციფიკურ აქტივებთან დაკავშირებით საინვენტარიზაციო ნომრების მინიჭების საკითხზე, რომელიც 2018 წლის ჩატარებული ინვენტარიზაციისას არ არის შესრულებელი. შემოსავლების სამსახურს 2014 წლიდან უცვლელად ერიცხება ასევე 265,888 ლარის ღირებულების სხვადასხვა სამსახურეობრივი უნიფორმები, რომელთა შემდგომი გამოყენების და სარგებლის მიღების ალბათობა დაბალია. შედეგად, ვერ მივიღეთ რწმუნება სამინისტროს კონსოლიდირებული ფინანსური ანგარიშგების ფორმა N1 785,756 ლარის ღირებულების „გრძელვადინი მცირეფასიანი აქტივების“ და დანართი N1-ში 7,609,804 ლარის ღირებულების ექსპლუატაციაში მყოფი ხარჯებში ჩამოწერილი გრძელვადიანი მცირეფასიანი აქტივების“ არსებობის შესახებ.

დიპ-დაწესებულებების ბალანსზე 2018 წლის 31 დეკემბრის მდგომარეობით ირიცხებოდა 6,510,343 ლარის დებიტორული დავალიანება, საიდანაც 1994-2013 წლებში წარმოქმნილი 614,570 ლარის მოთხოვნების რეალობის დამადასტურებელი დოკუმენტაცია სამინისტროში არ მოიპოვება. შედეგად, ვერ მივიღეთ რწმუნება კონსოლიდირებული ფინანსური ანგარიშგების ფორმა N1-ში ასახული 614,570 ლარის „დებიტორული დავალიანების“ ნაშთის არსებობასა და სისწორეზე. აღსანიშნავია, რომ დავალიანების რეალობის დადგენის მიზნით, 2019 წელს სამინისტრომ დაიწყო ღონისძიებების გატარება.

სამინისტროს კონსოლიდირებულ ფინანსურ ანგარიშგებაში არ არის აღრიცხული საფინანსო-ანალიტიკური სამსახურის მიერ შექმნილი საჯარო ფინანსების მართვის ელექტრონული სისტემები და ვებგვერდები, რომლებსაც სამინისტრო იყენებს და სარგებლობს დანიშნულებისამებრ. ასევე სამინისტროში არ არის შემუშავებული, შიდა წარმოების არამატერიალურ აქტივებზე, ხარჯების კაპიტალიზების სააღრიცხვო პოლიტიკა. შესაბამისად, უცნობია მათი რეალური ან საბალანსო ღირებულება. მაგალითად ფინანსურ ანგარიშგებაში არ არის ნაჩვენები ისეთი მნიშვნელოვანი სისტემები, როგორიცაა: eBudget - ბიუჯეტის მართვის ელექტრონული სისტემა, eTreasury - სახელმწიფო ხაზინის ელექტრონული მომსახურების სისტემა, eHRMS - ადამიანური რესურსების მართვის ელექტრონული სისტემა და ა.შ ყველა ზემოაღნიშნულ აქტივებს, სამინისტრო საკუთარი მიზნების მისაღწევად და ფუნქციების შესასრულებლად იყენებს, თუმცა ნაერთ კონსოლიდირებულ ფინანსურ ანგარიშგებაში არ არის აღიარებული არამატერიალურ ძირითად აქტივებად. შედეგად, ვერ მივიღეთ რწმუნება სამინისტროს კონსოლიდირებულ ფინანსურ ანგარიშგებაში „ძირითადი აქტივების“ მუხლში აღრიცხული არამატერიალური აქტივების 9,510,790 ლარის ნაშთის სისრულის შესახებ.

გერმანიის ფედერაციულ რესპუბლიკაში საქართველოს საელჩოს ბალანსზე „მოკლევადიანი მოთხოვნების“ ანგარიშზე აღრიცხულია საელჩოს კუთვნილი შენობის მომსახურე კომპანიისთვის 2013-2017 წლებში წინასწარ გადახდილი თანხებით წარმოქმნილი დებიტორული დავალიანება. მიუხედავად იმისა, რომ მიმწოდებელს ავანსად მიღებული თანხის შესაბამისი მომსახურება გაწეული ჰქონდა, დებიტორული დავალიანების ჩამოწერა არ განხორციელებულა. შედეგად, კონსოლიდირებულ ფორმა N1-ში “სხვა მოკლევადიანი მოთხოვნების“ საბოლოო ნაშთი 287,282 ლარით გაზრდილად არის წარმოდგენილი.

შემოსავლების სამსახურის ბალანსზე ირიცხება, 1,394,223 ლარის ღირებულების, ყაზბეგში განთავსებული რენტგენო სკანერი, რომელიც დაზიანებულია და არ ფუნქციონირებს წინა საანგარიშგებო პერიოდში მომხდარი სტიქიური უბედურების შედეგად. აღნიშნული აქტივის შემდგომი გამოყენების ალბათობა, სარგებლის მიღება და შეკეთების შესაძლებლობა მცირეა, რადგანაც სამსახურის განმარტებით დაკავშირებულია მნიშვნელოვან დანახარჯებთან და ხარჯ-სარგებლიანობის ანალიზიდან გამომდინარე მიზანშეუწონელია. დაზიანებული აქტივის შესახებ ინფორმაცია არ არის წარმოდგენილი ახსნა-განმარტებით შენიშვნებში. შედეგად, სამინისტროს კონსოლიდირებულ ფინანსურ ანგარიშგების ფორმა N1-ში „ძირითადი აქტივების“ მუხლი გაზრდილია 1,394,223 ლარით.

„დიპლომატიური ურთიერთობების შესახებ“ ვენის კონვენციით , დიპ-დაწესებულებები გათავისუფლებული არიან ყოველგვარი გადასახადებისაგან. კონკრეტული ქვეყნის საგადასახადო სისტემიდან გამომდინარე, დიპ-დაწესებულებების მიერ საქონლისა და მომსახურების შესყიდვა იბეგრება გადასახადით, რომელთა დაბრუნება შემდგომ პერიოდში ხორციელდება. სახელმწიფო აუდიტის სამსახურის მიერ, სამინისტროს 2017 წლის კონსოლიდირებული ფინანსური ანგარიშგების აუდიტის შედეგებზე დაყრდნობით, დიპ-დაწესებულებებს მიეცათ რეკომენდაცია ფინანსური ანგარიშგების სამართლიანი წარდგენის მიზნით, დაბრუნებადი გადასახადები ფინანსურ ანგარიშგებაში აქტივად ეღიარებინათ მათზე მოთხოვნის უფლების წარმოქმნისთანავე. რეკომენდაცია გათვალისწინებულია მხოლოდ 10 დიპ-დაწესებულების მიერ, მაშინ როდესაც წარმოდგენილი ინფორმაციით უკან დაბრუნებადი გადასახადები აქტივად აღრიცხული უნდა ჰქონოდა 44 დიპ-დაწესებულებას. დაბრუნებადი გადასახადების თანხებით უნდა შემცირებულიყო როგორც დარიცხული ხარჯების, ასევე აქტივების თვითღირებულება. აღნიშნული შეუსაბამობების ფინანსურ ანგარიშგებაზე შესაძლო გავლენის დადგენის შეუძლებლობის გამო, ვერ მივიღეთ რწმუნება კონსოლიდირებულ ფორმა N1-ში „სხვა მოკლევადიანი ფინანსური აქტივების“ ნაშთის სისრულესა და სისწორეზე, ასევე „ძირითადი აქტივების“ და „მატერიალური მარაგების“ ნაშთების სისწორეზე და კონსოლიდირებულ ფორმა N2-ში „ხარჯების“ მუხლის სისწორეზე.

შემოსავლების სამსახურის ფინანსურ ანგარიშგებაში 2018 წლის 31 დეკემბრის მდგომარეობით „სხვა მოკლევადიანი კრედიტორული დავალიანებების“ ანგარიშზე აღრიცხულია 2008 წლამდე წარმოქნილი სახელფასო ვალდებულებები 4,698,401 ლარის ოდენობით: მათ შორის: ხელზე გასაცემი ხელფასი 2,726,042 ლარი, საშემოსავლო გადასახადი 592,659 ლარი და სოციალური გადასახადი 1,379,700 ლარი. მოქმედი კანონმდებლობის თანახმად 2008 წლის 1 იანვრამდე პერიოდში გაუცემელ ანაზღაურებებზე დარიცხული სოციალური გადასახადი იანგარიშება საანგარიშო პერიოდში გაცემული ანაზღაურების 20%-ის ოდენობოთ. აღნიშნულიდან გამომდინარე სოციალური გადასახადის მაქსიმალური ოდენობა შესაძლებელია განისაზღვროს 663,740 ლარის ოდენობით ნაცვლად ბალანსში რიცხული 1,379,700 ლარისა. შედეგად, ფორმა N1-ში 2018 წლის 31 დეკემბრის მდგომარეობით „სხვა მოკლევადიანი კრედიტორული დავალიანებების“ მუხლი გაზრდილია 715,959 ლარით.

სამინისტროს აპარატის ბალანსზე, 2018 წლის საწყის და საბოლოო ნაშთად უცვლელად ირიცხებოდა 60,328 ლარის მატერიალური მარაგები , რომლებიც წარმოადგენენ გამოუყენებელ ქონებას. გამომდინარე იქიდან, რომ იუსტიციის სამინისტრომ შეცვალა სხვადასხვა მოწმობის ფორმები, აღნიშნული ქონებისგან მომავალი ეკონომიკური სარგებლის მიღება არ არის მოსალოდნელი და არ აკმაყოფილებს აქტივად აღიარების კრიტერიუმებს, ნაერთი ფინანსური მდგომარეობის ანგარიშგებაში „მატერიალური მარაგების“ საწყისი და საბოლოო ნაშთი 60,328 ლარით გაზრდილი თანხითაა წარმოდგენილი. აღსანიშნავია, რომ სამინისტროს დაწყებული აქვს ღონისძიებები ზემოაღნიშნული ხარვეზების აღმოსაფხვრელად.

სამინისტროს ფინანსურ ანგარიშგებაში არ არის ასახული სასამართლო გადაწყვეტილებების საფუძველზე აღსრულების ფონდიდან 2018 წლის განმავლობაში დაფარული 1,307,359 ლარის ოდენობის ვალდებულება. ფონდიდან ჩამოჭრილ თანხებზე ინფორმაცია მოცემულია ახსნა-განმარტებით შენიშვნებში. ვინაიდან სამინისტრო სასამართლო გადაწყვეტილებებში და სააღსრულებო ფურცლებში მოხსენიებულია როგორც მოვალე, აღნიშნულ საბიუჯეტო კოდს განკარგავს სამინისტრო და ზოგიერთ შემთხვევაში სამინისტროს იურიდიული დეპარტამენტი მონაწილეობს, როგორც მხარე სასამართლო დავებში. ამიტომ ზემოთ აღნიშნული თანხით უნდა გაზრდილიყო ფორმა N2-ში სამინისტროს შემოსავლები და ხარჯები. შედეგად, სამინისტროს კონსოლიდირებულ ფინანსურ ანგარიგებაში ფორმა N2 1,307,359 ლარით შემცირებულად არის წარმოდგენილი როგორც შემოსავალი ასევე ხარჯი. აღსანიშნავია ისიც, რომ სამინისტროში არ არის შემუშავებული აღნიშნული თანხების სააღრიცხვო პოლიტიკა, სასამართლო გადაწყვეტილებების შესაბამისად არ ხდება ვალდებულებების შეფასება და აღიარება. შედეგად, ვერ მივიღეთ რწმუნება სამინისტროს კონსოლიდირებულ ფინანსურ ანგარიშგებაში ფორმა N1-ში 24,913,163 ლარის „სხვა მოკლევადიანი კრედიტორული დავალიანებების“ ნაშთის სისრულის შესახებ.

გამოვლენილი გარემოება: 2018 წელს საკონსულო მომსახურებიდან მიღებულ შემოსავლად დიპ-დაწესებულებებს აღრიცხული აქვთ 1,638,648 ლარი, ხოლო იუსტიციის სამინისტროსგან დელეგირებული უფლებამოსილების ფარგლებში გაწეული მომსახურებებიდან - 4,620,525 ლარი. აღნიშნული მომსახურებების მისაღებად, მოქალაქეების მიერ წინასწარ გადახდილი თანხები, დიპ-დაწესებულებების მიერ შემოსავლად აღირიცხება საკასო მეთოდით, მაშინ როდესაც აღრიცხვის ინსტრუქციით საოპერაციო შემოსავლების აღრიცხვა უნდა განხორციელდეს დარიცხვის მეთოდით. ვინაიდან, ვერ იმიჯნება მიღებული თანხიდან რამდენია ფაქტობრივად გაწეული მომსახურება და რამდენია მიღებული ავანსი, ვერ შევძელით საკასო მეთოდით შემოსავლების აღრიცხვით გამოწვეული შეუსაბამობების ფინანსურ ანგარიშგებაზე შესაძლო ეფექტის განსაზღვრა. შედეგად, ვერ მივიღეთ რწმუნება კონსოლიდირებული ფინანსური ანგარიშგების ფორმა N1-ში „კრედიტორული დავალიანების“ ნაშთის სისრულესა და სისწორეზე, ასევე კონსოლიდირებულ ფორმა N2-ში 2018 წელს მიღებული „შემოსავლების“ სისწორეზე.

სამინისტროსა და აღორძინების საკრედიტო დაწესებულებას (KFW) შორის 1994 წლის 2 დეკემბერს გაფორმებულია საგარანტიო ხელშეკრულება, აღორძინების საკრედიტო დაწესებულებას (KFW) და ექსიმბანკს (მსესხებელი) შორის დადებულ სასესხო ხელშეკრულებასთან დაკავშირებით. საგარანტიო ხელშეკრულების მიხედვით სამინისტრომ აიღო ვალდებულება მსესხებლის მიერ სესხის გადაუხდელობის შემთხვევაში თანხის გადახდასთან დაკავშირებით. 2018 წლის 31 დეკემბრის მდგომარეობით აღნიშნული სესხის ოდენობა შეადგენს 4,968,000 ლარს. სამინისტროს კონსოლიდირებულ ფინანსურ ანგარიშგებაში არ არის აღრიცხული ზემოთ ნახსენები თანხა, რაც არ შეესაბამება ბუღალტრული აღრიცხვის ინსტრუქციის მოთხოვნებს , რომლის მიხედვითაც გაცემული გარანტია აკმაყოფილებს პირობითი ვალდებულებებად აღიარების კრიტერიუმებს. შედეგად სამინისტროს კონსოლიდირებული ფინანსური ანგარიშგების დანართ N1-ში „პირობითი ვალდებულებების“ ანგარიში 4,968,000 ლარით შემცირებულად არის წარმოდგენილი.

სამინისტროს 2018 წლის კონსოლიდირებული ფინანსური მდგომარეობის ანგარიშგებაში „ვალდებულებების“ ანგარიშზე არ არის ასახული 2018 წლის 31 დეკემბრის მდგომარეობით UNESCO-ს მიმართ რიცხული 3,833,783 ლარის დავალიანება , საიდანაც გრძელვადიანი ვალდებულება შეადგენს 3,244,930 ლარს, ხოლო მოკლევადიანი ვალდებულება 588,853 ლარს. შედეგად, 3,833,783 ლარით შემცირებულად არის წარმოდგენილი „კრედიტორული დავალიანების“ საბოლოო ნაშთი და იმავე თანხით გაზრდილია „წმინდა ღირებულების“ ანგარიშის ნაშთი.

სამინისტროს ახსნა-განმარტებით შენიშვნებში არ არის წარმოდგენილი ბუღალტრული აღრიცხვის ინსტრუქციის 52-ე მუხლის შესაბამისად დადგენილი ინფორმაცია, რომელიც ეხება უმაღლესი რანგის ხელმძღვანელობის შესახებ ინფორმაციის მიწოდებას, არ არის განმარტებული ინფორმაცია გამოყენებული სააღრიცხვო პოლიტიკის და სააღრიცხვო შეფასებების შესახებ, რომელიც ეხება მოთხოვნების, ვალდებულებების, პირობითი აქტივების და პირობითი ვალდებულებებს, მატერიალური მარაგების და ძირითადი აქტივების აღრიცხვის მეთოდებს, მათ შორის მარაგების ჩამოწერის და აქციზური მარკების აღრიცხვის საკითხს, გამოყენებულ ძირითად ნორმატიულ აქტებს და ა.შ ასევე არ არის წარმოდგენილი ინფორმაცია დაკავშირებულ მხარეებთან ოპერაციების შესახებ, რომელიც მნიშვნელოვანი საკითხია სამინისტროს ფინანსური ანგარიშგების მომხმარებლებისათვის, რადგანაც სამინისტროს დებულების მიხედვით სამინისტროს აპარატი უზრუნველყოფს საქვეუწყებო დაწესებულებების მატერიალურ-ტექნიკურ აღჭურვას, კაპიტალურ მშენებლობებს, სახელმწიფო შესყიდვების და სარემონტო-სამუშაოთა დაგეგმვა-წარმოებას, დაგეგმვა-წარმოებას, ბიუჯეტის პროექტის შემუშავებას და საბიუჯეტო დეპარტამენტში წარდგენას და ა.შ. რაც წინააღმდეგობაში მოდის მოქმედი ბუღალტრული აღრიცხვის ინსტრუქციის მოთხოვნებთან .

დიპ-დაწესებულებების ბალანსზე 2018 წლის 31 დეკემბრის მდგომარეობით ირიცხებოდა 922,623 ლარის კრედიტორული დავალიანება, საიდანაც 2000-2006 წლებში წარმოქმნილი 72,016 ლარის დავალიანების რეალობის დამადასტურებული დოკუმენტაცია სამინისტროში არ მოიპოვება. შედეგად, ვერ მივიღეთ რწმუნება კონსოლიდირებული ფინანსური მდგომარეობის ანგარიშგების ფორმა N1-ში ასახული 72,016 ლარის „კრედიტორული დავალიანების“ ნაშთის არსებობასა და სისწორეზე. აღსანიშნავია, რომ სამინისტროს დაწყებული აქვს ღონისძიებები ზემოაღნიშნული ხარვეზების აღმოსაფხვრელად.

სამინისტროს აპარატში და შემოსავლების სამსახურში არაერთგვაროვანი პრაქტიკა აქვთ საწვავის ხარჯის ჩამოწერასთან დაკავშირებით. სამინისტროს აპარატში 2018 წლის ხარჯად აღიარებულია 2017 წლის დეკემბრის თვის ხარჯი, ხოლო 2018 წლის დეკემბრის ხარჯი ასახულია 2019 წელს. შემოსავლების სამსახურში 2018 წლის ხარჯად აღრიცხულია 13 თვის განმავლობაში პლასტიკური ბარათებით გახარჯული საწვავი. 2018 წლის იანვრის თვეში ხარჯად აღიარებულია 2017 წლის დეკემბრის თვის ხარჯი 157,455 ლარის ოდენობით, ხოლო დეკემბრის თვეში 2018 წლის ნოემბრის და დეკემბრის თვის ხარჯები. აღნიშნული წინააღმდეგობაში მოდის მოქმედი ბუღალტრული აღრიცხვის ინსტრუქციის მოთხოვნებთან . ბუღალტრული აღრიცხვის ინსტრუქციის მიხედვით, მატერიალური მარაგების საკუთარი მოხმარებისთვის გამოყენება აისახება საქონლისა და მომსახურების ანგარიშის დებეტსა და მატერიალური მარაგების შესაბამისი ანგარიშების კრედიტში – ექსპლუატაციაში გადაცემის დროს. სამინისტროში არ არის ჩამოყალიბებული მატერიალური მარაგების ჩამოწერასთან დაკავშირებული სააღრიცხვო პოლიტიკა. შემოსავლების სამსახურში მატერალური მარაგების საწყობიდან გასვლის და სხვადასხვა ობიექტებზე მარაგების გადაცემისას ჩამოიწერება პირდაპირ ხარჯებში და არ ხდება მათი გადაცემა და აღრიცხვა ანგარიშვალდებულ პირებზე. მაგალითად: 2018 წელს შემოსავლების სამსახურის საწყობიდან საბაჟო დეპარტამენტის კინოლოგიის სამართველოზე გაცემული იყო ძაღლის საკვები და კომბინირებული ინსექტოაკარიციდები, შესაბამისად 13,224 კგ და 842 ცალი სულ ჯამში 125,755 ლარის ოდენობით, რაც საწყობიდან გაცემისთანავე ჩამოწერილია ხარჯებში. ანალოგიური სახით ხარჯებშია ჩამოწერილია საბაჟო გამშვებ პუნქტებზე გაცემული სხვადასხვა სახის მარაგები.

სამინისტროს 2018 წლის კონსოლიდირებული ფინანსური მდგომარეობის ანგარიშგებაში „გრძელვადიანი ვალდებულებების“ ანგარიშზე ასახულია აშშ-ში საქართველოს საელჩოს ბალანსზე რიცხული, ფინანსური იჯარით წარმოქმნილი 324,083 ლარის ვალდებულება. ვინაიდან, გრძელვადიანი ვალდებულების მიმდინარე ნაწილი არ არის გამოყოფილი, „გრძელვადიანი ვალდებულების“ საბოლოო ნაშთი გაზრდილადაა ნაჩვენები 162,042 ლარით და იმავე თანხით შემცირებულია „მოკლევადიანი ვალდებულებების“ ნაშთი.

საფინანსო-ანალიტიკური სამსახურის მიერ მიმდინარე საანგარიშგებო პერიოდში ხარჯად აღიარებულია წინა წლებში ექსპლუატაციაში გადაცემული 60,017 ლარის ღირებულების მცირეფასიანი აქტივები. ზემოთ აღნიშნული შეუსაბამოა ბუღალტრული აღრიცხვის ინსტრუქციის მოთხოვნებთან . აღნიშნული თანხებით, 2018 წლის ფინანსურ ანგარიშგებაში, ნაცვლად მიმდინარე ხარჯების ანგარიშის ზრდისა უნდა შემცირებულიყო კაპიტალის ანგარიშის საწყისი ნაშთი.

უნგრეთში საქართველოს საელჩოს ფინანსური ანგარიშგების ფორმა N1-ში გაზრდილად არის ნაჩვენები 21,184 ლარის „კრედიტორული დავალიანება“, საიდანაც 10,438 ლარის დავალიანება აღრიცხული უნდა იყოს „მოკლევადიანი მოთხოვნების“ ანგარიშზე, ვინაიდან აღნიშნული თანხა წარმოადგენს მოთხოვნას ავანსად გაცემული სახსრებით, ხოლო 10,745 ლარის დავალიანება 2018 წელს უნდა ჩამოწერილიყო მიმწოდებლის მიერ მომსახურების გაწევის დამადასტურებელი შესაბამისი პირველადი დოკუმენტაციის საფუძველზე.

მომსახურების სააგენტოს ფინანსური ანგარიშგების ფორმა N2-ში შემოსავლად აღიარებულია დაინტერესებული პირებისთვის საიტის მომსახურებიდან მიღებული შემოსავალი სულ 985,068 ლარის ოდენობით. ორ კომპანიასთან დაკავშირებული 2018 წლის დეკემბრის თვის შემოსავლები მომსახურების სააგენტოში აღრიცხულია 2019 წლის იანვრის თვეში. ხოლო ერთ ორგანიზაციასთან დაკავშირებით ადგილი ქონდა პროგრამულ ხარვეზს. სულ 2018 წელს აღურიცხავია 27,611 ლარის ოდენობის დარიცხული შემოსავალი. შემოსავლების სამსახურის ფინანსური ანგარიშგების ფორმა N2-ში შემოსავლად არ არის აღიარებული დეკემბრის თვის საპროცენტო შემოსავალი 76,375 ლარის ოდენობით. ყოველივე ზემოაღნიშნული წინააღმდეგობაშია ბუღალტრული აღრიცხვის ინსტრუქციის მოთხოვნებთან , რომლის მიხედვითაც შემოსავლების და ხარჯების მიკუთვნება უნდა მოხდეს იმ საანგარიშგებო პერიოდში, რომელშიც მოხდა მოვლენა. შემოსავლების სამსახური სხვადასხვა ფიზიკურ და იურიდიულ პირს უწევს პირადი საგადასახადო მრჩევლის მომსახურებას. მომსახურება საქართველოს მთავრობის 96-ე დადგენილების მიხედვით არის 1 წლიანი. აღნიშნულ მომსახურებებზე გადახდილი თანხები, გადახდისთანავე აღიარებულია 2018 წლის შემოსავლად და არ არის დროში გამიჯნული, რაც არ შეესაბამება ბუღალტრული აღრიცხვის ინსტრუქციის მოთხოვნებს .

წმინდა საყდართან (ვატიკანში) და უნგრეთში საქართველოს საელჩოების მიერ 2018 წელს ბუღალტრული აღრიცხვა არ მიმდინარეობდა სპეციალიზებული საბუღალტრო აღრიცხვის სისტემის საშუალებით, რაც ზრდის ადამიანური ფაქტორებით გამოწვეული შეცდომების რისკს. შედეგად, ვერ მივიღეთ რწმუნება კონსოლიდირებულ ფორმა N2-ში „საქონელი და მომსახურების“ მუხლზე ასახული 1,926,230 ლარის ხარჯების წარმოშობაზე, სისრულეზე, სისწორეზე, დროში გამიჯვნაზე, კლასიფიკაციასა და წარდგენაზე. პორტუგალიაში საქართველოს საელჩოს მიერ ბუღალტრული აღრიცხვა მიმდინარეობდა N429 ბრძანებით დამტკიცებული ინსტრუქციით განსაზღვრული მეთოდოლოგიის შეუსაბამოდ, არასწორი და არათანმიმდევრული აღრიცხვის გამო, ბუღალტრული ინფორმაცია წარმოდგენილია მნიშვნელოვანი უზუსტობებით და არსებითი თანხებით არ ედრება საელჩოს 2018 წლის ფინანსურ ანგარიშგებაში ასახულ შესაბამის მონაცემებს.

შემოსავლების სამსახურის ფინანსურ ანგარიშგებაში 2018 წლის 31 დეკემბრის მდგომარეობით, შენობა-ნაგებობებზე ირიცხება 23,063 ლარის ღირებულების შენობა-ნაგებობები, რომლებზეც სამსახურმა ვერ წარმოადგინა საკუთრების ან სარგებლობის უფლების დამადასტურებელი დოკუმენტაცია. აღნიშნული შენობა-ნაგებობების ბალანსიდან მოხსნა იგეგმება 2019 წელს. სამსახურის არასაცხოვრებელი შენობების მუხლში ირიცხება ნინოწმინდის საბაჟოს დაუმთავრებელი მშენებლობა 8,380,530 ლარის ღირებულების, რომელიც არ არის მიღებული ექსპლუატაციაში, ორგანიზაცია სარგებელს ვერ იღებს შენობიდან, ვერ იყენებს დანიშნულებისამებრ და ასევე შენობის დასასრულებლად საანგარიშგებო პერიოდში მიმდინარეობს სარემონტო სამუშაოები . რაც არ შეესაბამება ბუღალტრული აღრიცხვის ინსტრუქციის მოთხოვნებს , აქტივი ექვემდებარება „დაუმთავრებელი ძირითადი აქტივად“ რეკლასიფიკაციას. შენობა-ნაგებობების ანგარიშზე მიკუთვნებულია წინა საანგარიშგებო პერიოდებში შესყიდული ისეთი აქტივები, რომლებიც არ წარმოადგენენ შენობა-ნაგებობების განუყოფელ ნაწილს, მაგალითად: დიზელ-გენერატორები, ტრანსფორმატორები, ფანკოილები და ა.შ სულ 1,393,906 ლარის ღირებულების მანქანა-დანადგარები. აღნიშნული არ შეესაბამება ბუღალტრული აღრიცხვის ინსტრუქციის მოთხოვნებს და აქტივები ექვემდებარება „სხვა მანქანა-დანადგარები და ინვენტარის“ ანგარიშზე აღრიცხვას. აღნიშნული საკითხი ნახსენებია, სახელმწიფო აუდიტის სამსახურის მიერ ჩატარებულ შემოსავლების სამსახურის 2014-2015 წლების შესაბამისობის აუდიტის ანგარიში და 2016 წელს სამინისტროს შიდა აუდიტის „სსიპ შემოსავლების სამსახურის ძირითადი აქტივების შექმნის/შეძენის, შენახვის, აღრიცხვისა და მართვის ოპერაციების ფინანსური და შესაბამისობის აუდიტის“ ანგარიშში. გაცემულია რეკომენდაციები აქტივების აღრიცხვასთან დაკავშირებით, მაგრამ რეკომენდაციები შესრულებული არ არის.

აპარატის ბალანსზე რიცხულ ძირითად აქტივებზე არასწორად დარიცხული ცვეთის შედეგად, ნაერთი ფინანსური შედეგების ანგარიშგებაში (ფორმა N2) „ძირითადი კაპიტალის მოხმარება“ 311,863 ლარით გაზრდილად არის ნაჩვენები, ხოლო კონსოლიდირებულ ფორმა N1-ში „ძირითადი აქტივების“ საბოლოო ნაშთი გაზრდილია - 80,005 ლარით. პორტუგალიაში და უკრაინაში საქართველოს საელჩოს მიერ წარმოდგენილი ცვეთის დარიცხვის უწყისი არ შეიცავს ინფორმაციას აქტივების ისტორიულ ღირებულებაზე. შედეგად, ვერ მივიღეთ რწმუნება კონსოლიდირებული ფინანსური შედეგების ანგარიშგებაში (ფორმა N2) 405,255 ლარის „ძირითადი კაპიტალის მოხმარების“ სისწორეზე.

სამინისტროს აპარატის ფინანსური ანგარიშგების ფორმა N1-ში, ირიცხება 129,452 ლარის ღირებულების ძირითადი აქტივი და საცნობარო მუხლში 19,018 ლარის ღირებულების (ისტორიული ღირებულება) ამორტიზებული ძირითადი აქტივები ექსპლუატაციაში. აღნიშნული აქტივები სამინისტროს განმარტებით განთავსებულია დალუქულ სეიფებში, რომელთა გახსნა ვერ მოხერხდა და შესაბამისად აუდიტის ჯგუფმა აქტივების ფიზიკური დათვალიერება ვერ მოახერხა.

სამინისტროს 2018 წლის კონსოლიდირებულ ფინანსურ ანგარიშგებაში ასახული ნაშთები და ოპერაციები არ ედრება სამინისტროს სტრუქტურაში შემავალი ორგანიზაციების მიერ წარმოდგენილ, ინდივიდუალური ფინანსური ანგარიშგების შესაბამის მონაცემებს. აღნიშნული გამოწვეულია, ზოგიერთი ნაშთის მხოლოდ ნაერთ ფინანსურ ანგარიშგებებში ასახვით, კონსოლიდაციისას მათი რეკლასიფიცირებით და კორექტირებებით. შედეგად, იზრდება ფინანსური ანგარიშგების მომზადებისას, აღსარიცხი ინფორმაციის სისრულესთან და სისწორესთან დაკავშირებული რისკები.

2018 წლის 31 დეკემბრის მდგომარეობით, საგამოძიებო სამსახურის ფინანსურ ანგარიშგებაში რიცხულ 1,486,597 ლარის ოდენობის ძირითად აქტივებზე არ არის განსაზღვრული სასარგებლო მომსახურების ვადები, ცვეთის ნორმები და შესაბამისად, არ არის დარიცხული ცვეთა. სამინისტროს აპარატის ბალანსზე ირიცხება 141,905 ლარის ძირითადი აქტივი, რომელზეც ცვეთა დარიცხული არ არის. ყოველივე ზემოთ აღნიშნული შეუსაბამოა „საბიუჯეტო ორგანიზაციების ძირითადი აქტივების ფიზიკური ცვეთის ნორმებისა და მათი ბუღალტრულ აღრიცხვაში ასახვის შესახებ“ ინსტრუქციის დამტკიცების თაობაზე საქართველოს ფინანსთა მინისტრის 2002 წლის 31 დეკემბრის N439 ბრძანებასთან .

2018 წელს დიპ-დაწესებულებებს არ ჰქონდათ ჩატარებული 131,629 ლარის მატერიალური მარაგების ინვენტარიზაცია, ხოლო დებიტორ-კრედიტორების ინვენტარიზაცია არასრულყოფილად იყო განხორციელებული, ვინაიდან საინვენტარიზაციო კომისიებს არ ჰქონდათ მომზადებული დასკვნა დებიტორული და კრედიტორული დავალიანებების ჩამოწერის მიზანშეწონილობაზე ხელმძღვანელის მიერ გადაწყვეტილების მისაღებად, რაც შეუსაბამობაშია კანონმდებლობის მოთხოვნებთან. ყოველივე ზემოაღნიშნული ორგანიზაციაში არსებულ კონტროლის სისუსტეებზე მიუთითებს.

სამინისტროს აპარატს 2012 წლიდან უცვლელად ერიცხება მოთხოვნები AGM Aerospace Marketing Services Ltd-ს მიმართ 151,719 ლარის ოდენობით, საიდანაც 98,150 ლარი მოუწოდებელი საქონლის, ხოლო 53,769 ლარი დარიცხული პირგასამტეხლოს ოდენობაა. იუსტიციის სამინისტროსა და სამინისტროს კორესპონდენციიდან ირკვევა, რომ იუსტიციის სამინისტროს პოზიციით, დოკუმენტაციის იურიდიული გაუმართაობის გამო დავის წამოწყება აღნიშნული დავალიანების ამოღების მიზნით არ არის მიზანშეწონილი.

2018 წელს სამინისტროს კონტროლს დაქვემდებარებული 3 საჯარო სამართლის იურიდიული პირის ხელმძღვანელების მიერ 7 შემთხვევაში სახელფასო დანამატის სახით მიღებული 18,020 ლარი არ იყო შეთანხმებული სამინისტროსთან, რაც შეუსაბამოა კანონმდებლობის მოთხოვნებთან.

საგამოძიებო სამსახურის ბუღალტრულ ჩანაწერებსა და 2018 წელს ჩატარებულ ინვენტარიზაციის უწყისშიც რაოდენობრივად ფიქსირდება 360,704 ერთეული სტრატეგიული მარაგის ფაქტობრივი ნაშთი, რომელიც ფინანსურ ანგარიშგებაში არ არის თანხობრივად აღრიცხული.

ცენტრის და ბიუროს მიერ არ იყო გათვალისწინებული ზემოთ ხსენებული შეზღუდვები და 2018 წელს თანამშრომლებზე გაცემულმა სახელფასო დანამატმა 20,570 ლარით (9%) გადააჭარბა დადგენილ ზღვარს.

სამინისტროს კონსოლიდირებულ ფინანსურ ანგარიშგების ფორმა N2-ში არ არის ელიმინირებული სამინისტროს აპარატის მიერ საგამოძიებო სამსახურისათვის გადაცემული 108,405 ლარის დაუმთავრებელი მშენებლობა და შემოსავლების სამსახურის და აპარატის საგრანტო შემოსავალი, რომელიც მიღებულია მომსახურების სააგენტოს მიერ არაფინანსური აქტივების გადმოცემით 27,650 ლარის ღირებულებით, აღნიშნული აქტივების გადმოცემა მომსახურების სააგენტოს მიერ ხარჯად აღიარებული არ არის. ბუღალტრული აღრიცხვის ინსტრუქციის მიხედვით, შიდაჯგუფური ოპერაციები კონსოლიდირებული ფინანსური ანგარიშგების მომზადებისას ექვემდებარება გამორიცხვას .

სამინისტროს აპარატის მიერ წარმომადგენლობით ხარჯებთან დაკავშირებით წარმოდგენილ იქნა პასუხისმგებელ პირებზე მატერიალური მარაგების გაცემის დოკუმენტაცია და მოხსენებითი ბარათები, რომლებიც ზოგადი ხასიათისაა და არ ჩანს კონკრეტული ღონისძიების ფარგლებში გახარჯული მარაგების სახეობა და რაოდენობა. აპარატში არ იყო შედგენილი მატერიალური მარაგების ხარჯვის ამსახველი შესაბამისი დოკუმენტაცია (ჩამოწერის აქტი), რაც კონტროლის მექანიზმებთან დაკავშირებულ ნაკლოვანებებზე მიუთითებს.

2018 წლის პირველი იანვრის მდგომარეობით, მუნიციპალიტეტის ბიუჯეტის ნაშთმა შეადგინა 714.9 ათასი ლარი. აღნიშნული თანხიდან მუნიციპალიტეტის ბიუჯეტით გათვალისწინებული იყო 708.1 ათასი ლარის გამოყენება. მიუხედავად ამისა, 2018 წელს ნაშთის ცვლილებით გამოწვეული ფულადი სახსრების გამოყენებამ (კლებამ) მხოლოდ 247.2 ათასი ლარი შეადგინა და წლის ბოლოს დაფიქსირდა ნაშთი 467.7 ათასი ლარი, საიდანაც 420.0 ათასი ლარი - თავისუფალი ნაშთია. აღნიშნული თანხა, წლის განმავლობაში, ჭარბი შემოსავლების (საგადასახადო და სხვა შემოსავლების ნაწილში) და სატენდერო ეკონომიის შედეგად წარმოიქმნა.

ქონების ეროვნული სააგენტოს ბუღალტრულ ჩანაწერებსა და შესაბამისად, ფინანსურ ანგარიშგებაში არ არის ასახული: სააგენტოს მიერ 2016-2018 წლებში სხვადასხვა საწარმოებში ჯამურად 255,608,079 ლარი ღირებულების ქონებრივი და წილობრივი შენატანები; 2018 წელს პრივატიზებული 104,404,225 ლარის ქონება და საინვესტიციო ქონება, რომლის იჯარიდან მიღებულმა შემოსავალმა 2018 წელს 4,475,058 ლარი შეადგინა; აღნიშნული აქტივები არსებითია არა მარტო ქონების ეროვნული სააგენტოს, არამედ ეკონომიკის სამინისტროს და შესაძლოა სახელმწიფოს კონსოლიდირებული ფინანსური ანგარიშგების დონეზეც.

ქობულეთის მუნიციპალიტეტის 2018 წლის ბიუჯეტი არ არის შედგენილი კანონმდებლობით გათვალისწინებული მოთხოვნების შესაბამისად. კერძოდ, არ მოიცავს ისეთი პროგრამების და ქვეპროგრამების მიზნებს, მოსალოდნელ საბოლოო შედეგსა და პროგრამის საბოლოო შედეგის შეფასების ინდიკატორებს, როგორებიცაა, ინფრასტრუქტურის განვითარებისა და კეთილმოწყობის, განათლების, მოსახლეობის ჯანმრთელობის დაცვისა და სოციალური უზრუნველყოფის პროგრამები და ქვეპროგრამები.

2018 წლის კონსოლიდირებულ ფინანსურ ანგარიშგებაში ასახული 4,649,947 ლარის მოთხოვნებისა და 1,945,361 ლარის ვალდებულებების მაიდენტიფიცირებელი პირველადი დოკუმენტაცია სამინისტროში არ იძებნება. ზემოაღნიშნული მოთხოვნებისა და ვალდებულებების 99% წარმოშობილია სხვადასხვა სამინისტროების გაერთიანების შედეგად 1997-2007 წლებში. გარდა ამისა, ეკონომიკის სამინისტროს სტრუქტურაში შემავალ სხვადასხვა ორგანიზაციების ფინანსურ ანგარიშგებებში ფიქსირდება ისეთი მოთხოვნები, რომლებიც ვერ აკმაყოფილებენ ფინანსურ აქტივად აღიარების კრიტერიუმებს. კერძოდ: ნავთობისა და გაზის სააგენტო - ფინანსურ ანგარიშგებაში წარდგენილი აქვს 583,558 ლარის მოთხოვნები, რომელიც შედგება 2004-2007 წლებში ნავთობპროდუქტების რეგულირების საფასურის დარიცხვით წარმოშობილი დებიტორული დავალიანებისაგან. აღსანიშნავია, რომ დებიტორების ნაწილი (512,249 ლარი) არ აღიარებს დავალიანებას. ამასთანავე, უმსხვილეს დებიტორზე, სს „საქგეოსერვისი“ (495,619 ლარი), მიმდინარეობს გადახდისუუნარობის (გაკოტრება) საქმისწარმოება. წიაღის ეროვნული სააგენტო - ფინანსურ ანგარიშგებაში 2018 წლის 31 დეკემბრის მდგომარეობით ასახულია 1,010,974 ლარის მოთხოვნები, რომლებიც წარმოშობილია 2011-2013 წლებში. აღნიშნული მოთხოვნების უდიდეს ნაწილზე (923,824 ლარის მოთხოვნები) წიაღის სააგენტოს 2013 წელს მოგებული აქვს სასამართლო დავები, რის საფუძველზეც მიმდინარეობს აღსრულების პროცესები, თუმცა შესაბამისი თანხები 2018 წლის 31 დეკემბრის მდგომარეობით მიღებული არ არის. ჰიდროგრაფიის სამსახური - სასამართლოს 2009 წლის გადაწყვეტილების საფუძველზე შპს „ჰაიგმასტერს“ დაეკისრა ჰიდროგრაფიის სამსახურის სასარგებლოდ 430,252 ლარის ოდენობის ზარალის ანაზღაურება. 2010 წლის სააღსრულებო ფურცლის შესაბამისად დაიწყო აღსრულების პროცესი, თუმცა აღნიშნული თანხა 2018 წლის 31 დეკემბრის მდოგმარეობით ჯერ კიდევ გადაუხდელია. მისაღები თანხების ჯამური მოცულობა (6,674,731 ლარი) და მათი წარმოშობის პერიოდი მიუთითებს, რომ სამინისტრო და მისი სტრუქტურული ერთეულები ვერ უზრუნველყოფენ პრობლემური დებიტორული დავალიანებებთან დაკავშირებით სათანადო და დროული ღონისძიებების გატარებას, რაც ზრდის მოთხოვნებთან დაკავშირებული აქტივების დაკარგვის რისკს. აღსანიშნავია, რომ 2019 წლის ივნისში სამინისტროს აპარატმა ჩაატარა ფულადი სახსრების, მოთხოვნებისა და ვალდებულებების ინვენტარიზაცია და მიღებული შედეგები წარუდგინა ხელმძღვანელობას შემდგომი რეაგირებისთვის.

ქონების ეროვნული სააგენტოს ბალანსზე არ აქვს აღრიცხული შპს სახელმწიფო მომსახურების ბიუროსათვის გადაცემული 747,886 ლარის ღირებულების შენობა , რომელსაც სააგენტო დღემდე უწყვეტად და უსასყიდლოდ იყენებს საკუთარი საქმიანობისთვის. ფინანსური ანგარიშგების სამართლიანი წარდგენის მიზნებიდან გამომდინარე, აღნიშნული ძირითადი აქტივი 2018 წლის 31 დეკემბრის მდგომარეობით წარმოადგენს ქონების ეროვნული სააგენტოს და არა შპს სახელმწიფო მომსახურების ბიუროს აქტივს. შესაბამისად, კონსოლიდირებულ ფინანსურ ანგარიშგებაში ძირითადი აქტივები 747,886 ლარით შემცირებულად არის წარმოდგენილი.

2018 წლის მუნიციპალიტეტის ბიუჯეტის შესრულების ანგარიშის მიხედვით, „შრომის ანაზღაურების“ მუხლით დაიხარჯა 7,235.8 ათასი ლარი, ხოლო „სუბსიდიის“ მუხლით − 1,075.9 ათასი ლარი. საკითხის შესწავლით გამოვლინდა, რომ „შრომის ანაზღაურების“ მუხლით გაწეული ხარჯებიდან, 5,201.3 ათასი ლარი წარმოადგენს მუნიციპალიტეტის მიერ დაფუძნებული იურიდიული პირების მოსამსახურეთა ხელფასებს, რაც უნდა აღრიცხულიყო „სუბსიდიის“ მუხლში. ანალოგიურად, ა(ა)იპ-ებისთვის გასაცემი სუბსიდია, არასწორადაა კლასიფიცირებული „საქონელი და მომსახურების“, აგრეთვე „სხვა ხარჯების“ მუხლებში, შესაბამისად, 2,529.4 ათასი და 43.3 ათასი ლარი.

სსიპ - საზღვაო ტრანსპორტის სააგენტოს ბალანსზე ირიცხება 2,083,754 ლარის ღირებულების 513.3 კვ.მ შენობა-ნაგებობა და მასზე დამაგრებული 982 კვ.მ არასასოფლო სამეურნეო დანიშნულების მიწის ნაკვეთი (ს/კ 05.22.02.005), რომელიც საზღვაო ტრანსპორტის სააგენტოს სარგებლობაში გადმოეცა 2011 წელს 2 წლის ვადით. აღნიშნული პერიოდის გასვლის შემდეგ სარგებლობის უფლება არ გაგრძელებულა და შენობა გასხვისდა. შესაბამისად, სსიპ საზღვაო ტრანსპორტის სააგენტოს ფინანსურ ანგარიშგებაში ძირითადი აქტივები 2,083,754 ლარით გაზრდილად არის წარმოდგენილი.

ქონების მართვასა და განკარგვაში არსებული სუსტი კონტროლის მექანიზმების გამო, მუნიციპალიტეტის და სახელმწიფო საკუთრებაში არსებული ქონებით სარგებლობდნენ არაუფლებამოსილი პირები. მიუხედავად ამისა, მერიას შესაბამისი სამართლებრივი რეაგირება არ ჰქონდა განხორციელებული. შედეგად, მუნიციპალიტეტის და ავტონომიური რესპუბლიკის ბიუჯეტები კარგავენ დამატებითი შემოსავლების მიღების შესაძლებლობას. მუნიციპალიტეტის საკუთრებაში არსებულ არასასოფლო-სამეურნეო დანიშნულების მიწაზე, არაუფლებამოსილი პირების მიერ, წლებია უკანონოდ იყო განთავსებული ნაგებობები. აღნიშნულთან დაკავშირებით, მუნიციპალიტეტის შესაბამისი სამსახურის მიერ არ იყო განხორციელებული სათანადო სამართლებრივი რეაგირება. შესწავლით დასტურდება, რომ აუქციონის წესით ქონების განკარგვით მნიშვნელოვნად იზრდება საიჯარო ქირის ფასები და საბიუჯეტო შემოსავლები. შესაბამისად, მუნიციპალიტეტის მიერ ქონების განკარგვის ალტერნატიული მეთოდების გამოყენება (პირდაპირი განკარგვა და ა.შ.) ამცირებს საიჯარო ქირის საბაზრო პირობებთან დაახლოებისა და მეტი შემოსავლების მიღების შესაძლებლობას, რაც მუნიციპალიტეტის მნიშვნელოვან ინტერესს უნდა წარმოადგენდეს. მაგალითად, ერთ შემთხვევაში, ელექტრონული აუქციონით გაცემის შემთხვევაში, მუნიციპალიტეტი, სავარაუდოდ, დამატებით მიიღებდა, დაახლოებით, 26 ათას ლარს.

საზღვაო აკადემიის საკუთრებაშია ქ. ბათუმში მდებარე არასასოფლო სამეურნეო მიწა 2,821 კვ.მ და მასზედ მდებარე შენობა-ნაგებობა საერთო ფართით 3,267.74 კვ.მ. აღნიშნული აქტივები, ფინანსური ანგარიშგების ფორმა N1-ში წარდგენილია მხოლოდ შენობაზე გაწეული კაპიტალიზირებული ხარჯის ღირებულებით - 333,211 ლარით. შესაბამისად, აღნიშნული თანხა უტყუარად და სამართლიანად ვერ ასახავს შენობა-ნაგებობისა და მიწის ღირებულებას.

2018 წელს მუნიციპალიტეტში დასუფთავების მოსაკრებლის სახით მიღებულია 293.4 ათასი ლარი. აქედან, ძირითადი ნაწილი − 285.6 ათასი ლარი ამოღებულია რეგისტრირებული მეწარმე სუბიექტებისგან, ხოლო დანარჩენი 7.8 ათასი ლარი − ფიზიკური პირებიდან, რომელთაც სეზონურად გახსნილი აქვთ საოჯახო სასტუმროები, კაფე-ბარები და სხვა ობიექტები. მუნიციპალიტეტის მიერ წარმოდგენილი ინფორმაციით, 2018 წელს აღრიცხული იყო ამ კატეგორიის 110 ობიექტი. აქედან, 22 პირს არ ჰქონდა გადახდილი დასუფთავების მოსაკრებელი. პასუხისმგებელი პირის განმარტებით, მერიას სრულად არ აქვს აღრიცხული მსგავსი ტიპის ობიექტები. შესწავლით გამოვლინდა, რომ მოსახლეობიდან არ ხდებოდა დასუფთავების მოსაკრებლის ამოღება. აღსანიშნავია, რომ დასუფთავების მოსაკრებელი სულადობის მიხედვითაც არ აქვთ გადახდილი იმ ფიზიკურ პირებს, რომელთაც ტურისტული სეზონის გათვალისწინებით, ე.წ. საოჯახო სასტუმროები და კაფე-ბარები აქვთ გახსნილი, ეწევიან სამეწარმეოს საქმიანობას და მოსაკრებლის გადახდა დიფერენცირებული განაკვეთის მიხედვით უწევთ

აკრედიტაციის ცენტრის ბალანსზე 2018 წლის 31 დეკემბრის მდგომარეობით ასახულია 178,503 ლარის ძირითადი აქტივები. ორგანიზაცია ყველა ძირითად საშუალებას (გარდა შენობისა) ცვეთას არიცხავს 20%-იანი განაკვეთით, რაც შეუსაბამობაშია ფინანსთა მინისტრის ბრძანებით განსაზღვრულ ცვეთის ნორმებთან. ამასთან, ცენტრს არ გააჩნია ძირითადი საშუალებების ანალიზური აღრიცხვის ჟურნალი, სადაც მითითებული იქნებოდა ძირითადი აქტივის ისტორიული ღირებულება, შეძენა-მიღებისა და გაცემა-ჩამოწერის თარიღები. ანალიზური აღრიცხვის არასრულყოფილად წარმოების გამო აუდიტის ჯგუფმა ვერ შეძლო შესაბამისი ნორმების გამოყენებით ცვეთის ხარჯის ხელახალი გადათვლა და ცდომილების ეფექტის დადგენა. შესაბამისად, ჩვენ ვერ გამოვთქვით მოსაზრება აღნიშნული მუხლის (ნაშთი 2018 წლის 31 დეკემბრის მდგომარეობით 178,503 ლარი) სისწორესა და სიზუსტესთან დაკავშირებით.

სსიპ - აწარმოე საქართველოში-სა და ტურიზმის ადმინისტრაციის ბალანსზე ირიცხება შესაბამისად 85,246 ლარის და 210,167 ლარის ღირებულების არამატერიალური აქტივები, რომლებიც მორალურად მოძველებულია და აღარ გამოიყენება. აღნიშნული აქტივები აღრიცხვის ინსტრუქციის მიხედვით ვერ აკმაყოფილებენ ძირითად აქტივად აღიარების კრიტერიუმებს.

ინფრასტრუქტურული პროექტების დაგეგმვაში, შესრულებასა და კონტროლში არსებული სისუსტეების შედეგად, საგზაო და ნაპირსამაგრი სამუშაოების ნაწილი დაზიანებულია, რაც მიანიშნებს შესრულებული სამუშაოების ხარისხთან დაკავშირებულ პრობლემაზე. გარდა ამისა, საბავშვო ბაღების სარეაბილიტაციო სამუშაოების ძირითადი ნაწილი დაზიანებულია. მუნიციპალიტეტს არ მიუმართავს მიმწოდებლებისათვის ხელშეკრულების პირობებით გათვალისწინებულ საგარანტიო ვადაში ხარვეზების გამოსწორების მოთხოვნით. მუნიციპალიტეტმა არ შეისწავლა პრობლემის გამომწვევი მიზეზები და პასუხისმგებელი პირების მიმართ არ გაატარა შესაბამისი ღონისძიებები ზიანის ასანაზღაურებლად.

ქონების ეროვნული სააგენტოს ერთ-ერთი ფუნქციაა პრივატიზებული და მართვის უფლებით გადაცემული აქტივების შესახებ ინფორმაციის აღრიცხვა და შესაბამისი ხელშეკრულებების მონიტორინგი. კერძოდ, ხელშეკრულების პირობების დარღვევის საფუძველზე დაკისრებული გადასახდელების/ პირგასამტეხლოს აღრიცხვისა და ამოღების კონტროლი. 2018 წლის 31 დეკემბრის მდგომარეობით ხელშეკრულებების საფუძველზე მისაღები პირგასამტეხლო, დაახლოებით, 48,300,000 ლარს და 49,700,000 დოლარს შეადგენს. აღსანიშნავია, რომ პირგასამტეხლოს 80% წარმოშობილია 2006-2014 წლებში დადებული ხელშეკრულებებიდან და არ არის ასახული სააგენტოს ფინანსურ ანგარიშგების ახსნა-განმარტებით შენიშვნებში. ქონების ეროვნული სააგენტოს მიერ პირგასამტეხლოების მისაღებად განხორციელებული ღონისძიებების შესწავლის მიზნით, აუდიტის ჯგუფმა შეარჩია ათი კონტრაქტორი. ორგანიზაციამ ვერ წარმოგვიდგინა მტკიცებულებები აღნიშნული კონტრაქტორებისგან თანხების მიღებისათვის გატარებული ღონისძიებების შესახებ. ასევე, ვერ მივიღეთ დასაბუთება, თუ რატომ არ განხორციელდა შესაბამისი ქმედებები და აქვს თუ არა სააგენტოს შემუშავებული სამომავლო სტრატეგია, აღნიშნული თანხების მონიტორინგთან და მართვასთან დაკავშირებით. შესაბამისი კონტროლის მექანიზმების არსებობა მნიშვნელოვანია როგორც თანხების არსებითობის, ასევე მათი შინაარსიდან გამომდინარე. კერძოდ, პირგასამტეხლოები წარმოშობილია სახელმწიფო ქონების პრივატიზების/მართვის უფლებით გადაცემის შედეგად მესამე პირების მიერ აღებული გარკვეული ვალდებულებების შეუსრულებლობის გამო. ვინაიდან აღნიშნული საკითხი ერთის მხრივ უკავშირდება ბიუჯეტში მისამართ თანხებს და მეორეს მხრივ - ქვეყანაში განხორციელებულ ინვესტიციებს, მნიშვნელოვანია ისეთი კონტროლის მექანიზმების არსებობა, რომლებიც დაბალანსებულად უზრუნველყოფენ როგორც სახელმწიფოს, ასევე ინვესტორების ინტერესების გათვალისწინებას.

მიკრო და მცირე მეწარმეობის მხარდაჭერა - საქართველოს მთავრობის დადგენილების საფუძველზე სსიპ - აწარმოე საქართველოში ახორციელებს მიკრო და მცირე მეწარმეობის მხარდაჭერის პროგრამას, რის ფარგლებშიც ხელშეკრულება გაფორმებული აქვს 4 კომპანიასთან. კონტრაქტორები უშუალოდ ახორციელებენ პროგრამის იმპლემენტაციას, გასცემენ რეკომენდაციებს ორგანიზაციის მიერ პროგრამის ბენეფიციარის(ების) თანადაფინანსებასთან დაკავშირებით და ახდენენ ხელშეკრულებების შესრულების მონიტორინგს. კონტრაქტორი აწარმოე საქართველოში-ს აწვდის ინფორმაციას შერჩეული კანდიდატების შესახებ, რის შემდეგაც სსიპ იღებს გადაწყვეტილებას დაფინანსების შესახებ. დაფინანსების შემთხვევაში ორგანიზაციასა და ბენეფიციარს შორის ფორმდება ხელშეკრულება , რომლის მიხედვითაც ორგანიზაცია უფლებამოსილია უკან მოითხოვოს ბენეფიციარის მიერ არამიზნობრივად დახარჯული თანხა. მთავრობის დადგენილებით და კონტრაქტორ კომპანიებსა და სსიპ აწარმოე საქართველოში-ს შორის გაფორმებული ხელშეკრულებების მიხედვით, კონტრაქტორი ვალდებულია აწარმოე საქართველოს წარმოუდგინოს ბენეფიციარების მონიტორინგის პერიოდული და საბოლოო ანგარიშები. აღნიშნული ანგარიშები არ შეიცავს საკმარისად დეტალურ ინფორმაციას, კერძოდ: არ არის იდენტიფიცირებული უმოქმედო საწარმოები, არ არის დასახელებული უმოქმედო ბენეფიციარებზე გაცემული სუბსიდიის ოდენობა, არ არის ინფორმაცია უმოქმედობის მიზეზების შესახებ. სსიპ - აწარმოე საქართველოში ბენეფიციარების მიერ კონტრაქტის პირობების შესრულების შესახებ ინფორმაციას იღებს მხოლოდ კონტრაქტორებისგან და პროგრამის კონტროლისათვის იყენებს თავისივე შექმნილ ვებგვერდს. აღნიშნულ ვებგვერდზე კონტრაქტორები ტვირთავენ ბენეფიციარების შესახებ ინფორმაციას, მათ შორის საბოლოო მონიტორინგის აქტებს, რომლითაც ფასდება ბენეფიციარის მიერ ხელშეკრულების პირობების შესრულების მდგომარეობა. აღსანიშნავია, რომ ზოგიერთ შემთხვევაში, კონტრაქტორების მიერ სისტემაში არ არის ატვირთული ზემოხსენებული აქტები. შესაბამისად, სსიპ - აწარმოე საქართველოში ვერ ფლობს სრულ და სანდო ინფორმაციას ბენეფიციარების შესახებ, რაც მიუთითებს კონტროლის სისუსტეზე. გარდა ამისა, კონტრაქტორების მიერ წარმოდგენილ საბოლოო მონიტორინგის აქტებში ასახული ინფორმაცია ეყრდნობა მხოლოდ ბენეფიციარების გამოკითხვას, რაც არ შეიძლება იყოს მიჩნეული საკმარის და სარწმუნო წყაროდ. ამასთან, ორგანიზაციაში არ არის დანერგილი კონტროლის მექანიზმები რაც უზრუნველყოფდა კონტრაქტორების მიერ ბენეფიციარებისათვის გაწეული მომსახურების ხარისხის შემოწმებას. ზემოაღნიშნული მიუთითებს, რომ სსიპ - აწარმოე საქართველოში ვერ უზრუნველყოფს სრულყოფილი კონტროლის გარემოს შექმნას. შესაბამისად, შესაძლოა ვერ განხორციელდეს გაცემული თანხების მიზნობრიობის სრულყოფილი კონტროლი, ნაკლოვანებებისა და ხარვეზების იდენტიფიცირება და მათზე დროული და სათანადო რეაგირება. აღსანიშნავია, რომ ვებგვერდი, რომელზეც ატვირთულია მიკრო და მცირე მეწარმეობის მხარდასაჭერად გაცემული სუბსიდიების შესახებ სრული ინფორმაცია, არ არის დაცული ინფორმაციული უსაფრთხოების სტანდარტები. შესაბამისად, მაღალი რისკის ქვეშ დგას როგორც ორგანიზაციის იმ საოპერაციო საქმიანობის ნაწილი, რაც დამოკიდებულია ვებ-გვერდის გამართულად ფუნქციონირებაზე, ასევე აღნიშნულ ვებგვერდზე განთავსებული ინფორმაცია.

გარე განათების მომსახურების შესყიდვის სავარაუდო ღირებულება არ ეფუძნებოდა რეალურ გათვლებს. კერძოდ, ქვეკონტრაქტორი 50 ათასი ლარით უფრო დაბალი ღირებულებით ახორციელებდა ამ მომსახურებას. აგრეთვე მერიაში არ არის დანერგილი სათანადო კონტროლის მექანიზმები გარე განათების მომსახურების მონიტორინგისათვის. სუსტი კონტროლის მექანიზმების შედეგად, მერიამ ვერ წარმოადგინა შესაბამისი მტკიცებულებები იმისა, თუ რა აუცილებლობით იყო გამოწვეული მრიცხველების შემოწმებასა და ქსელის შემოვლა-დათვალიერებაში 14.9 ათასი ლარი გადახდა.

კრედიტის პროცენტის თანადაფინანსება - სახელმწიფო პროგრამის, აწარმოე საქართველოში ინდუსტრიული ნაწილის ფარგლებში სსიპ - აწარმოე საქართველოში ახორციელებს კრედიტის პროცენტის თანადაფინანსებას, არაუმეტეს 10%-ისა. დაფინანსების შემთხვევაში ორგანიზაციასა და ბენეფიციარს შორის ფორმდება ხელშეკრულება, რომელიც განსაზღვრავს ბენეფიციარის მიერ შესასრულებელ პირობებს. აღნიშნული პირობების შეუსრულებლობის შემთხვევაში ორგანიზაცია უფლებამოსილია უკან მოითხოვოს ბენეფიციარის მიერ არამიზნობრივად დახარჯული თანხა. აღსანიშნავია, რომ 2018 წელს სსიპ აწარმოე საქართველოში-ს მხრიდან ხელშეკრულებების პირობების შესრულების მონიტორინგი არ განხორციელებულა. ორგანიზაციის განმარტებით, კონტროლის ერთ-ერთ მექანიზმს წარმოადგენს სესხის გამცემი საფინანსო ინსტიტუტების მიერ ბენეფიციარების მიმართ გატარებული მონიტორინგის ღონისძიებები. თუმცა, აღსანიშნავია, რომ სსიპ - აწარმოე საქართველოში არ მონაწილეობს აღნიშნულ მონიტორინგში. ასევე, 2018 წლის ბოლოს ორგანიზაციის დაკვეთით შპს ბიდიომ ჩაატარა პროგრამის აწარმოე საქართველოში ტექნიკური მხარდაჭერისა და ფინანსებზე ხელმისაწვდომობის კომპონენტების შედეგების კვლევა. თუმცა, აღნიშნული კვლევა არ მოიცავს ხელშეკრულების პირობების შესრულების მონიტორინგის ელემენტებს. ყოველივე ზემოაღნიშნულიდან გამომდინარე ორგანიზაციაში არ არის დანერგილი კონტროლის სრულყოფილი მექანიზმები. აქედან გამომდინარე, არსებობს მაღალი რისკი, რომ ორგანიზაციამ ვერ შეძლოს ბენეფიციარების მხრიდან ხელშეკრულებების პირობების დარღვევის აღმოჩენა და დარღვევაზე დროული რეაგირება. შედეგად, იზრდება პროგრამის ფარგლებში გაცემული თანხების არამიზნობრივად განკარგვის რისკი.

COSO მოდელის თანახმად, კონტროლის გარემო არის შიდა კონტროლის სისტემის პირველი კომპონენტი, რომლის №3 პრინციპი განსაზღვრავს, როგორ უნდა ჩამოყალიბდეს ორგანიზაციული სტრუქტურა, პასუხისმგელობები და უფლებამოსილებები. ზემოაღნიშნულ პრინციპზე დაყრდნობით, მენეჯმენტმა ორგანიზაციის მიზნების მიღწევისათვის, უნდა განსაზღვროს ორგანიზაციული სტრუქტურა, გადაანაწილოს პასუხისმგელობები და უზრუნველყოს უფლებამოსილებების დელეგირება. აღნიშნული მოიცავს შემდეგი 3 პრინციპის შემუშავებას, დანერგვასა და ეფექტიანობას: ორგანიზაციული სტრუქტურა; პასუხისმგებლობების გამიჯვნა და უფლება-მოვალეობების დელეგირება; შიდა კონტროლის სისტემის დადოკუმენტირება . აუდიტის ობიექტისგან აუდიტის ჯგუფმა გამოითხოვა დოკუმენტაცია, მოქმედი შიდა რეგულაციები და შრომითი ხელშეკრულებები: ტესტირება გაიარა ყველა შრომითმა ხელშეკრულებამ, რათა შეგვეფასებინა, განსაზღვრული იყო თუ არა თანამშრომელთა უფლება-მოვალეობები და პასუხიმგებლობები შესაბამისად; შევისწვალეთ სამოქმედო გეგმის შემუშავების და გეგმის შესაბამისად განსახორციელებული ღონისძიებების დაგეგმვის პროცესი, რათა შეგვემოწმებინა მიღწეული იყო თუ არა დასახული მიზნები; გამოვითხოვეთ დამსწრეთა რეესტრი პროექტის ფარგლებში ჩატარებული ყველა ტრენინგისათვის. ზემოაღნიშნულის შედეგად დადგინდა, რომ პროექტის ფარგლებში შიდა კონტროლის პოლიტიკა და შესაბამისი ბიზნესპროცესები არ არის დადოკუმენტირებული სრულად. გამოვლენილია შემდეგი გარემოებები: პროექტის ფარგლებში არ არის დეტალურად გაწერილი მენეჯმენტისა და დასაქმებული პირების სამუშაო აღწერილობები, უფლება-მოვალეობები და პასუხისმგებლობები; განსაზღვრულია თანამშრომელთა ძირითადი უფლება-მოვალეობები და პასუხისმგებლობები, თუმცა არ არის გაწერილი დეტალური მოვალეობები; რამდენიმე მნიშვნელოვანი სამუშაო შეხვედრა არ არის დადოკუმენტირებული, რაც ზრდის რისკს იმისას, რომ აღნიშნული ინფორმაცია არ იქნება ხელმისაწვდომი ყველა საჭირო პირისთვის; რიგ შემთხვევაში, ფონდის მიერ ჩატარებულ ტრენინგებში მონაწილე პირების იდენტიფიცირება შეუძლებელია. კერძოდ, ვერ ხერხდება დამსწრეთა სრული რაოდენობის იდენტიფიცირება ან არ არის მითითებული ყველა დამსწრე პირის სახელი, გვარი, ორგანიზაცია და დაკავებული პოზიცია. დოკუმენტაციის წარმოება განუყოფელი ნაწილია ეფექტიანი შიდა კონტროლის სისტემის შესაქმნელად. საჭირო დოკუმენტაციის არქონამ შესაძლოა გამოიწვიოს შიდა კონტროლის გარემოს ნაკლოვანებების დაგვიანებული აღმოჩენა და შემდგომი ეფექტიანი რეაგირების დაგეგმვა.

ტექნიკური და სამშენებლო ზედამხედველობის სააგენტოში არ გამოიყენება სპეციალიზებული საბუღალტრო აღრიცხვის სისტემა, რაც ზრდის ადამიანური ფაქტორებით გამოწვეული შეცდომების რისკს. აკრედიტაციის ცენტრი ბუღალტერიას აწარმოებს სპეციალიზებულ საბუღალტრო აღრიცხვის პროგრამაში, თუმცა ეს აღრიცხვა არასრულყოფილი და არაზუსტია, კერძოდ, საბალანსო მუხლების ნაშთები და ბრუნვები არ შეესაბამება ფინანსურ ანგარიშგებაში წარდგენილ მონაცემებს.

შედეგების შეფასების ნაკლოვანებები მიგნება №2 გამოვლენილი რისკების საპასუხოდ, შიდა კონტროლის მექანიზმების ჩამოყალიბების მიზნით, მენეჯმენტმა უნდა განსაზღვროს სპეციფიკური და გაზომვადი მიზნები. აღნიშნული გულისხმობს მკაფიოდ გაიწეროს, თუ რა უნდა იქნეს მიღწეული, ვის მიერ, რა გზით და რა პერიოდში. სურათი №8. მიზნები შეფასების ინდიკატორების განსაზღვრა ერთ-ერთი ეფექტიანი გზაა პროექტის შედეგებისა და მიზნების შესაფასებლად, რომელიც აჩვენებს რამდენად ეფექტიანიად აღწევს ორგანიზაცია დასახულ მიზნებს განხორციელებული აქტივობებით. იმისათვის, რომ გაიზომოს შედეგები მიზნებთან მიმართებით, აუცილებელია შეფასების ინდიკატორები იყოს ეფექტიანი. სურათი №9. შესრულების ძირითადი ინდიკატორები ხელშეკრულების დანართი №2-ში - საქმიანობის აღწერილობაში მოცემულია აქტივობის მოსალოდნელი შედეგები. ასევე ფონდმა შეიმუშავა წლიური სამოქმედო გეგმები და შესრულების ანგარიშები. რომლებიც მოიცავდა ინფორმაციას დაგეგმილი აქტივობებისა და ღონისძიებების შესახებ, რათა ეჩვენებინა მიზნებისა და ამოცანების კავშირი და მათი პროგრესი. შესრულების ანგარიშებში ასევე მოცემული იყო შეფასებისა და მონიტორინგის შედეგების სტატუსი. აუდიტის პროცედურების წარმართვის მიზით, აუდიტის ჯგუფმა გამოითხოვა სამოქმედო გეგმები და შესრულების ანგარიშები, შეისწავალა რამდენად ეფექტიანი იყო შედეგების შესრულების ინდიკატორები. ასევე შეაფასა, რამდენად იძლეოდა ისინი მიღწეული შედეგების შეფასებისა და გაზომვის შესაძლებლობას. აუდიტის ჯგუფმა შეადარა, რამდენად შეესაბამებოდა შესრულებული აქტივობები სამოქმედო გეგმით განსაზღვრულ მოსალოდნელ შედეგებსა და ინდიკატორებს. შედეგად გამოვლინდა, რომ რიგ შემთხვევებში, შესრულების ძირითადი ინდიკატორები არ იყო სპეციფიკური, გაზომვადი და დროში გაწერილი, რაც ზრდის რისკს, რომ მიღწეული შედეგები შეფასდება არასათანადოდ. აღნიშნულის მაგალითები მოყვანილია ქვემოთ: მაგალითი N1. დაცვის კომპონენტის ერთ-ერთი აქტივობა: მიზანი: თავშესაფრებში დასაქმებული უფროსი სოციალური მუშაკებისა და სოციალური მუშაკების მონაწილეობით სამუშაო შეხვედრის ორგანიზება; შედეგების შესრულების ინდიკატორი : სამუშაო შეხვედრის ჩატარება; შედეგი: სამუშაო შეხვედრა ჩატარდა. გამოვლენილი ნაკლოვანება: შედეგების შესრულების ინდიკატორი არ არის დროში გაწერილი. მაგალითი N2. პრევენციის კომპონენტის ერთ-ერთი აქტივობა: მიზანი: სარეკლამო კამპანიის წარმოება საზოგადოებრივ ტრანსპორტსა და ბილბორდებზე; შედეგების შესრულების ინდიკატორი: საზოგადოებრივი ტრანსპორტისა და ბილბორდების რაოდენობა; შედეგი: 10 ბილბორდი საქართველოს ქალაქებში. გამოვლენილი ნაკლოვანება: შედეგების შესრულების ინდიკატორი არ არის საკამრისად სპეციფიკური.

ინვენტარიზაცია წარმოადგენს კონტროლის მექანიზმს, რომლის მიზანია დანაკლისის, ზედმეტობისა და დაზიანებული ან/და გამოუსადეგარი ძირითადი აქტივების იდენტიფიცირება. შესაბამისად, ინვენტარიზაციის ჩატარება მნიშვნელოვანია იმაში დასარწმუნებლად, რომ ფინანსურ ანგარიშგებაში ასახული ყველა ძირითადი საშუალება რეალურად არსებობს და ამასთანავე, ორგანიზაციის მფლობელობაში არსებული ყველა ძირითადი საშუალება სრულად არის ასახული ფინანსურ ანგარიშგებაში. ფინანსური აქტივების ინვენტარიზაციის სრულყოფილად ჩატარება მნიშვნელოვანია ფინანსურ ანგარიშგებაში ინფორმაციის სამართლიანი და უტყუარი წარდგენისათვის. ინვენტარიზაცია ასევე ზრდის აქტივების ეფექტიანად მართვის შესაძლებლობას. სამინისტროს დაქვემდებარებაში მყოფ ზოგიერთ უწყებაში, მაგ: სსიპ აწარმოე საქართველოში, ინოვაციების სააგენტოსა და საზღვაო აკადემიაში 2018 წელს არ ჩატარებულა სავალდებულო ინვენტარიზაცია. ინვენტარიზაცია ხარვეზებით ჩატარდა შემდეგ ორგანიზაციებში: ოუფენ ნეტში, ტურიზმის ეროვნულ ადმინისტრაციაში, ნავთობისა და გაზის სააგენტოში, ავიაციის სააგენტოში, ტექნიკური და სამშენებლო ზედამხედველობის სააგენტოში, სტანდარტებისა და მეტროლოგიის სააგენტოსა და ქონების ეროვნულ სააგენტოში.

მერიამ, 2018 წელს ტექნიკური ზედამხედველების მომსახურების შესყიდვაში 36.3 ათასი ლარი დახარჯა. შესწავლით გამოვლინდა, რომ ტექნიკური ზედამხედველები სათანადოდ არ ასრულებდნენ სატენდერო პირობებითა და ხელშეკრულებით ნაკისრ ვალდებულებებს. მუნიციპალიტეტმა ვერ დაასაბუთა რა აუცილებელი საჭიროებით იყო განპირობებული ტექნიკური ზედამხედველის მომსახურებისთვის ხარჯის გაღება, როდესაც ისინი რაიმე სახის განსაკუთრებულ სამუშაოებს არ ასრულებდნენ, რისი შესრულებაც არ შეეძლო მუნიციპალიტეტის შესაბამის სამსახურს და ინსპექტირების ჯგუფს. ამდენად, მერიის მიერ ტექნიკური ზედამხედველის მომსახურების შესყიდვისთვის გაწეულია არარაციონალური ხარჯი.

ხელშეკრულებასთან შეუსაბამობა: აუდიტის ჯგუფმა გააანალიზა ხელშეკრულებით განსაზღვრული ყველა უფლება-მოვალეობა, რომლებიც უნდა შეესრულებინა ფონდს. აუდიტის ჯგუფმა შეამოწმა ყველა დოკუმენტი, წარდგენილი ფორმა და კორესპონდენცია იმისათვის, რომ დაედასტურებინა ხელშეკრულების პირობებთან შესაბამისობა. მიგნება №3. ფონდსა და USAID-ს შორის გაფორმებული ხელშეკრულების თანახმად, გრანტის მიმღებს უნდა წარედგინა ყოველწლიურად და ყოველკვარტალურად ფინანსური ანგარიშგების ფორმა SF-425. აღნიშნული ფორმა არის აუცილებელი მოთხოვნა, რომლის მიხედვით მოწმდება გრანტის ფინანსური სტატუსი. ფონდს არ აქვს წარდგენილი ფინანსური ანგარიშების ფორმა SF-425. ზემოაღნიშნულმა შესაძლოა შეაფერხოს გრანტის ჩარიცხვის პროცესი. კერძოდ, არსებობს რისკი, რომ დარიცხული ხარჯი არ იყოს ნაჩვენები ზუსტად, რამაც შესაძლოა გამოიწვიოს განსაზღვრული ვალდებულებების არაეფექტიანი მართვა.

ეკონომიკის სამინისტროს სისტემაში არ არის შემუშავებული და დანერგილი ბუღალტრული აღრიცხვის ინსტრუქციით განსაზღვრული სააღრიცხვო პოლიტიკა. აღნიშნული პოლიტიკა შესაძლებელია მოიცავდეს ინსტრუქციას შემდეგ საკითხების აღრიცხვის შესახებ: უიმედო ვალებს, მოძველებულ მატერიალურ ფასეულობებს, ფინანსურ აქტივებსა და ვალდებულებებს, ცვეთად აქტივებზე გაწეული დანახარჯებს და სხვ. სააღრიცხვო პოლიტიკის არსებობა უზრუნველყოფს ორგანიზაციაში აღრიცხვის თანმიმდევრულობას.

დევნილთა საქმეებისა და სოფლის მეურნეობის დეპარტამენტების საქმიანობის დამტკიცებულ დებულებასთან შესაბამისობა კრიტერიუმი: მოქმედი კანონმდებლობის შესაბამისად, „საჯარო მოსამსახურე ვალდებულია რესურსების ეკონომიურად გამოყენებითა და ხარჯვით ეფექტიანად, სწორად და კოორდინირებულად წარმართოს საჯარო სამსახურში ორგანიზაციული პროცესი ხალხისა და სახელმწიფოს ინტერესების დასაცავად და ქვეყნის წინაშე მდგარი ამოცანების წარმატებით შესასრულებლად.“ დევნილთა საქმეების დეპარტამენტი ფაქტობრივი გარემოება: დევნილთა საქმეების დეპარტამენტის დებულებით განსაზღვრული 5 ძირითადი ამოცანიდან: არ დასტურდება აქტივობა აფხაზეთიდან იძულებით გადაადგილებული პირის პრობლემების გადაჭრის საკითხებში არსებული საერთაშორისო, სამთავრობო, საზოგადოებრივი და აკადემიური გამოცდილების, აპრობირებული პროგრამებისა და ინიციატივების, კვლევებისა და მოსაზრებების შეგროვების, გაანალიზების და შეჯერების საქმიანობაში. შესაბამისად, ამ მიმართულებით აფხაზეთის ავტონომიური რესპუბლიკის მთავრობისა და მთავრობის თავმჯდომარისათვის წინადადებები/დასკვნები წარდგენილა არ ყოფილა; დევნილი მოსახლეობის ყოფის გაუმჯობესების ხელშეწყობისა და პრობლემების გადაჭრის მიზნით დეპარტამენტის აქტივობები შემოიფარგლა დეპარტამენტის ხელმძღვანელის მონაწილეობით მთავრობასთან, ცენტრალური ხელისუფლებისა და ადგილობრივი თვითმმართველობის ორგანოებთან კოორდინირებული ურთიერთობის ფარგლებში საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მიერ შექმნილი სამეთვალყურეო საბჭოს მუშაობაში, რაც არ არის საკმარისი არსებული პრობლემების გადასაწყვეტად. არ შემუშავებულა რაიმე სახის წინადადება/პროექტი დევნილთა ქვეყნის სოციალურ-ეკონომიკური განვითარების პროცესში, პოლიტიკურ და კულტურულ ცხოვრებაში სრულფასოვნად ჩართვის მიზნით. სოფლის მეურნეობის დეპარტამენტი ფაქტობრივი გარემოება: არ ფიქსირდება გაწეული პრაქტიკული დახმარებები აფხაზეთიდან იძულებით გადაადგილებულ პირთა სასოფლო სამეურნეო კოოპერატიულ საქმიანობაში ჩასართავად; სასოფლო სამეურნეო სტატუსის მქონე შვიდ კოოპერატივში დასაქმდა 15 იძულებით გადაადგილებული პირი, რაც არასაკმარისი და არაეფექტიანია სოფლად მცხოვრებ აფხაზეთიდან იძულებით გადაადგილებულ პირთა და აფხაზეთის ოკუპირებულ ტერიტორიაზე მცხოვრები მოსახლეობის სოციალურ-ეკონომიკური მდგომარეობის გასაუმჯობესებლად და დასაქმების ხელშეწყობის პრობლემის მოსაგვარებლად; არ დასრულებულა მუშაობა დევნილთა საარსებო წყაროს მოძიებისა და თვითდასაქმების ინფორმაციული ბაზის, შექმნაზე. აფხაზეთიდან იძულებით გადაადგილებულ პირთა და აფხაზეთის ოკუპირებულ ტერიტორიაზე მცხოვრებთაგან ბიზნესპროექტებში ჩართულობის მსურველთა მონაცემების ბაზაში შეტანილია მხოლოდ სამი პირის მონაცემები; არ შემუშავებულა/განხორციელებულა აფხაზეთიდან დევნილთა და ადგილობრივი მოსახლეობის ინტეგრირების ხელშემწყობი პროექტები; არ ფიქსირდება ხელშემწყობი ღონისძიებები დევნილთა პროფესიული განათლებისა და გადამზადების სახელმწიფო პროგრამებში ჩართვის მიზნით; სოფლის მეურნეობის დეპარტამენტის (მხარჯავი დაწესებულება რესპუბლიკური ბიუჯეტის ორგანიზაციული ჭრილის პროგრამული კოდი: 12 00) 2018 წლის ბიუჯეტის პროექტის წარდგენის, მისი ფორმირების, დამტკიცებული ბიუჯეტის დაზუსტების, კვარტალური და ხარჯების მუხლების ჭრილში ბიუჯეტის განწერის, აგრეთვე წლის განმავლობაში ბიუჯეტში შეტანილი ცვლილებების პროცესი ხორციელდებოდა მხოლოდ სოფლის მეურნეობის დეპარტამენტის აპარატის (პროგრამული კოდი: 12 01) და მის მიერ განსახორციელებელ პროგრამაზე – „მცენარეთა დაცვითი და ინვაზიურ დაავადებათა საწინააღმდეგო ღონისძიებები“ (პროგრამული კოდი: 12 02). სოფლის მეურნეობის დეპარტამენტის სისტემაში მყოფი საჯარო სამართლის იურიდიული პირი – „გამწვანებისა და გარემოსდაცვითი პროექტების სააგენტო“, მიუხედავად იმისა, რომ წარმოადგენს საბიუჯეტო ორგანიზაციას, ინდივიდუალურად ახორციელებდა ზემოაღნიშნულ პროცესებს მისი განსახორციელებელი საბიუჯეტო პროგრამის (პროგრამული კოდი: 12 03) ჭრილში. შესაბამისად, სოფლის მეურნეობის დეპარტამენტის კონტროლის სფეროში ფაქტობრივად არ იყო მოქცეული კონტროლირებადი ერთეულის ბიუჯეტის ფორმირების, დამტკიცების, განწერის, წლის განმავლობაში განხორციელებული ცვლილებების, საბიუჯეტო სახსრების ხარჯვის პროცესები. ამრიგად, პასუხისმგებელი პირების მიერ მათზე დაკისრებული მოვალეობების არასათანადო შესრულებისა და ხელმძღვანელობის მხრიდან პროცესებზე არასაკმარისი, სუსტი კონტროლის გამო, დევნილთა საქმეებისა და სოფლის მეურნეობის დეპარტამენტების აქტივობებმა ვერ უზრუნველყო დებულებებით განსაზღვრული ამოცანების დროულად, სრულად და ეფექტიანად განხორციელება. სათანადო აქტივობების შესრულების ვალდებულება გაწერილია საშტატო ერთეულების თანამდებობრივ სამუშაო აღწერილობებში და პასუხისმგებლობა მათ განხორციელებაზე, საზედამხედველო კონტროლზე ეკისრება შესაბამის თანამდებობის პირებს. თუმცა იმ პირობებში, როდესაც ფიქსირდება შეუსრულებელი/განუხორციელებელი აქტივობები თანამშრომლებზე სრულად გაცემულია შრომის ანაზღაურება და მათ შორის, ფულადი ჯილდო (დანამატი). კერძოდ: დევნილთა საქმეების დეპარტამენტში დევნილთა პრობლემებზე მომუშავე ადგილობრივ და საერთაშორისო ორგანიზაციებთან ურთიერთობის და დევნილთა განსახლებისა და სოციალური დაცვის განყოფილებების 13 თანამშრომელზე ანაზღაურებულია 123,270 ლარი. მათ შორის ხელფასი – 114,690 ლარი, პრემია – 4,525 ლარი და სოციალური დახმარება ფულადი ფორმით – 4,055 ლარი. სოფლის მეურნეობის დეპარტამენტში აფხაზეთის ოკუპირებულ ტერიტორიაზე მცხოვრები მოსახლეობის აგრარულ პროგრამებსა და პროექტებში ჩართულობის ხელშემწყობი განყოფილების და სოფლად მცხოვრები იძულებით გადაადგილებულ პირთა მიერ საარსებო წყაროს მოძიებისა და პროექტების მართვის ხელშემწყობი საკონსულტაციო-საინფორმაციო განყოფილების 6 თანამშრომელზე ანაზღაურებულია 51,922 ლარი. მათ შორის ხელფასი – 51,132 ლარი და პრემია 790 ლარი. ზემოაღნიშულიდან გამომდინარე, იმ პირობებში, როდესაც არ განხორციელებულა სათანადო აქტივობები, შრომის ანაზღაურების ხარჯების საბიუჯეტო მუხლით შესაბამის მოსამსახურეებზე გაცემული თანხები ფაქტობრივად საბიუჯეტო სახსრების არაეფექტიანი და არამიზანშეწონილი ხარჯია. აღნიშნული ამავდროულად მიუთითებს საჯარო ფინანსების არაეფექტიან მართვასა და საჯარო მოსამსახურეების ქცევის მომწესრიგებელი ზოგადი პრინციპების დაუცველობაზე.

მუნიციპალიტეტში წყალმომარაგებას ახორციელებს თვითმმართველი ერთეულის მიერ დაფუძნებული იურიდიული პირი, რომელსაც არ გააჩნია შესაბამისი ლიცენზია. სოფლებში მომსახურე საწარმო ვერ უზრუნველყოფდა მოხმარებული წყლის გადასახადის ამოღებას, ხოლო ქალაქში მომსახურე კომპანია, წყლის გადასადახის ამოღებას ახორციელებდა სულადობის მიხედვით. აღნიშნულის გამო, მოსახლეობა სასმელ წყალს უკონტროლოდ ხარჯავდა. აღნიშნული აუარესებდა წყალმომარაგებას და ზრდიდა მუნიციპალიტეტიდან გაცემული სუბსიდიის მოცულობას. სასმელი წყლის ხარისხი ზოგჯერ არ შეესაბამებოდა მოთხოვნილ სტანდარტებს. შესაბამისად, მუნიციპალიტეტის საქმიანობა სასმელი წყლის ხარისხის უზრუნველსაყოფად, არასაკმარისი იყო. აღნიშნული პრობლემა ატარებს სისტემურ ხასიათს, თუმცა მერიას მისი მოგვარების მიზნით, სათანადო ღონისძიებები არ აქვს გატარებული.

მიგნება №4. ხელშეკრულების თანახმად, გრანტის მიმღებმა უნდა წარადგინოს წინასწარ მიღებული თანხების ლიკვიდაციის ფორმა SF-1034, ყოველი კვარტლის 15 რიცხვამდე. აღნიშნული სტანდარტული ფორმა არის რეგულარული შესყიდვებისა და მომსახურებისთვის, რომელსაც ორგანიზაცია იყენებს გადახდილი თანხების შესახებ ინფორმაციის წარდგენისთვის. გრანტის მიმღებს არ აქვს წარდგენილი წინასწარ მიღებული თანხების ლიკვიდაციის ფორმა SF-1034 დროულად, კერძოდ, 4 შემთხვევაში, რომელიც წარმოდგენილია ქვემოთ: ცხრილი №10. ინფორმაცია SF-1034 ფორმის შესახებ პერიოდი ვადა წარდგენის თარიღი დაგვიანება (დღე) 2018 წლის ივნისი 15-07-18 18-07-18 3 2018 წლის ივლისი-სექტემბერი 15-10-18 25-10-18 10 2019 წლის იანვარი-მარტი 15-04-19 18-04-19 3 2019 წლის ივნისი 15-07-19 31-07-19 16 დაგვიანებით წარდგენილმა ინფორმაციამ შესაძლოა გამოიწვიოს შემდგომში განსახორციელებელი აქტივობებისთვის დაფინანსება არასწორად და დაგვიანებით განისაზღვროს.

აქციების და სხვა კაპიტალის გარდა გრძელვადიანი ფინანსური აქტივებისა და მოთხოვნების მუხლი შეიცავს ქონების სააგენტოს მიერ საქონლისა და მომსახურების რეალიზაციიდან წარმოშობილ გრძელვადიან მოთხოვნებს 1,631,108 ლარის ოდენობით. აღნიშნული თანხა არ არის აღიარებული დისკონტირებული ღირებულებით, რაც შეუსაბამოა აღრიცხვის ინსტრუქციასთან . შედეგად, 2018 წლის 31 დეკემბრის მდგომარეობით, გრძელვადიანი მოთხოვნების ნაშთი და 2018 წელს გამომუშავებული შემოსავლები 363,972 ლარით გაზრდილად არის წარმოდგენილი.

2. შრომის ანაზღაურება დევნილთა საქმეების დეპარტამენტი კრიტერიუმი: მოქმედი კანონმდებლობით, „უფლებამოსილი თანამდებობის პირი ახორციელებს კოეფიციენტის შერჩევას საჯარო დაწესებულებაში არსებული კონკრეტული თანამდებობის/პოზიციის ფუნქციური დატვირთვის გათვალისწინებით, კანონის შესაბამისი დანართის ცხრილის მიხედვით“. ფაქტობრივი გარემოება: კანონმდებლობით დადგენილი კოეფიციენტის შეუსაბამოდ, 6 თანამშრომლისათვის საბაზო თანამდებობრივ სარგოზე ნაცვლად 0.6 ან 0.7-ისა, არასწორად იქნა მინიჭებული 0.65 სახელფასო კოეფიციენტი. საჯარო მოხელეების თანამდებობრივი სარგოების დადგენისას, აუდიტის ობიექტის მიერ მხედველობაში იქნა მიღებული ორი პირობა – არ შემცირებულიყო მანამდე მოქმედი თანამდებრივი სარგოები და გაეთვალისიწინებიათ ბიუჯეტით დამტკიცებული შრომის ანაზღაურების მუხლში არსებული (არასაკმარისი) ასიგნებები. ზემოაღნიშნული მიზეზების გამო, დადგენილი წესის შეუსაბამოდ საშტატო განრიგისა და თანამდებობრივი სარგოების დამტკიცება მიუთითებს ადმინისტრაციული და სამართლებრივი უზრუნველყოფისა და საზოგადოებასთან ურთიერთობის განყოფილებების თანამშრომლების მხრიდან დაკისრებული მოვალეობებისადმი არასათანადო დამოკიდებულებასა და ხელმძღვანელობის არაჯეროვან კონტროლზე. შესაბამისად, შრომის ანაზღაურების მუხლით ხელფასის სახით არამართლზომიერად გადახდილმა თანხამ შეადგინა 3,600 ლარი. კრიტერიუმი: მოქმედი კანონმდებლობის შესაბამისად, „დამხმარე ამოცანების შესრულების მიზნით მიღებული შრომითი ხელშეკრულებით დასაქმებულ საჯარო მოსამსახურეთა რიცხოვნობა არ უნდა აღემატებოდეს საჯარო დაწესებულების მთლიანი საშტატო რიცხოვნობის 5%-ს“. ფაქტობრივი გარემოება: არამუდმივი ამოცანების შესრულების მიზნით შრომითი ხელშეკრულებით ფაქტობრივად დასაქმებული იყო 8 პირი ნაცვლად კანონით დაშვებული 5 პირისა, რომლებზეც ხელფასის სახით არამიზნობრივად გაიხარჯა 1,800 ლარის საბიუჯეტო სახსრები. კრიტერიუმი: მოქმედი კანონმდებლობის შესაბამისად, „შრომითი ხელშეკრულებით დასაქმებული პირი არის პირი, რომელსაც საჯარო სამსახურის განხორციელების უზრუნველსაყოფად შრომითი ხელშეკრულების საფუძველზე მინიჭებული აქვს საჯარო დაწესებულების დამხმარე ან არამუდმივი ამოცანების შესრულების უფლებამოსილება“. ამავდროულად საჯარო სამსახურში შრომითი ხელშეკრულებით დასაქმებული პირის უფლებები და მოვალეობები განისაზღვრება შრომითი ხელშეკრულებით. ამასთანავე, „საჯარო მოსამსახურე ვალდებულია რესურსების ეკონომიურად გამოყენებითა და ხარჯვით ეფექტიანად, სწორად და კოორდინირებულად წარმართოს საჯარო სამსახურში ორგანიზაციული პროცესი ხალხისა და სახელმწიფოს ინტერესების დასაცავად და ქვეყნის წინაშე მდგარი ამოცანების წარმატებით შესასრულებლად“. ფაქტობრივი გარემოება: დაფიქსირდა ერთი მხრივ, განყოფილების საშტატო ერთეულების თანამდებობრივი სამუშაო აღწერილობების და, მეორე მხრივ, ხელშეკრულებით დასაქმებული 4 თანამშრომლის მოვალეობების თანხვედრა. ამავდროულად, ვერ დასტურდება შტატგარეშე თანამშრომელთა დასაქმების აუცილებლობა და რიგ შემთხვევებში, მათ მიერ შესრულებული სამუშაოს მიზანი, რის გამოც ხელმძღვანელობის მხრიდან დასაქმებულთა მიერ განსახორციელებელი სამუშაოს შესრულება/შეუსრულებლობის არასათანადო კონტროლის პირობებში, იქმნება საბიუჯეტო სახსრების არამიზნობრივად, არაეფექტიანად გახარჯვის რისკები. კრიტერიუმი: მოქმედი კანონმდებლობის შესაბამისად, „ხელფასის დარიცხვის საფუძველს წარმოადგენს: ორგანიზაციის ბრძანებები მომუშავეთა მიღების, გათავისუფლებისა და გადაადგილების შესახებ, დამტკიცებული შტატებისა და სარგოების შესაბამისად, სამუშაო დროის გამოყენების ყოველთვიური აღრიცხვა ორგანიზაციის მიერ დადგენილი ფორმით (სამუშაოზე გამოცხადების აღრიცხვის ჟურნალი ან/და სპეციალური ტექნიკური საშუალება)“. იუსტიციის დეპარტამენტი ფაქტობრივი გარემოება: თანამშრომელთა მოსვლა-წასვლის აღრიცხვის ელექტრონილი სისტემის არსებული მონაცემების შესწავლით გამოვლინდა, რომ სისტემის მიერ დაგენერირებული მონაცემები, არ ინახება და ყოველდღიურად მისი დამუშავების და სპეციალურ ფორმაში გადატანის შემდეგ იშლება. აღრიცხვის ელექტრონული სისტემის (პირველადი წყარო) მონაცემების არარსებობის და თანამშრომლის მიერ შევსებული სპეციალური ფორმების მონაცემების (აუდიტის ობიექტის მიერ დამუშავებული მონაცემები) სისწორეზე ნდობის დაბალი ხარისხის გამო, იკვეთება თანამშრომელთა სამსახურში ყოფნის არასწორი აღრიცხვისა და შესაბამისად, შრომის ანაზღაურების არასწორად გაანგარიშების რისკები. სოფლის მეურნეობის დეპარტამენტი თანამშრომელთა სამსახურში გამოცხადებისა და წასვლის ჟურნალში თითოეული თანამშრომლის სამუშაო ადგილზე გამოცხადების/გასვლის დროს დაფიქსირებულია არა მათი ფაქტობრივი მოსვლა-წასვლის დრო, არამედ შინაგანაწესით განსაზღვრული სამუშაოს დაწყებისა და დამთავრების დრო; კონტროლირებადი ერთეულის – გამწვანების სააგენტოს თანამშრომელთა სამსახურში მოსვლა-წასვლის აღრიცხვის ჟურნალში მხოლოდ ხელმოწერებია და არაა მითითებული სამსახურში გამოცხადების/გასვლის დრო. ზემოაღნიშნული ფაქტები ადასტურებს, რომ თანამშრომელთა სამუშაოზე ყოფნის აღრიცხვის ჟურნალი, რომელიც, თავის მხრივ, სამუშაო დროის აღრიცხვის ტაბელის შედგენისა და ხელფასის გაანგარიშების საფუძველია, ფორმალურადაა წარმოებული და არ ასახავს რეალურ მდგომარეობას, რის გამოც სრულად და ეფექტიანად ვერ უზრუნველყოფს თანამშრომელთა მიერ სამუშაო ადგილზე ყოფნის დროის კონტროლს. ამრიგად, პასუხისმგებელი პირების არაკვალიფიციური მიდგომის, დაკისრებული მოვალეობებისადმი არაჯეროვნი დამოკიდებულებისა და საბიუჯეტო სახსრების ხარჯვის პროცესში არასათანადო კონტროლის გამო, რაც, თავის მხრივ, ქმნის საბიუჯეტო სახსრების არამიზნობრივად, არეფექტიანად ხარჯვის რისკებს, ფაქტობრივად აუდიტის ჯგუფმა ვერ მიიღო საკმარისი რწმუნება შრომის ანაზღურების კანონშესაბამისობასთან დაკავშირებით.

მიგნება №5. ფონდსა და USAID-ს შორის გაფორმებული ხელშეკრულების შესაბამისად, გრანტის მიმღებმა წელიწადში ორჯერ უნდა წარადგინოს გრანტის შესრულების ანგარიში, საანგარიშგებო პერიოდის დასრულებიდან 45 კალენდარული დღის ვადაში. გრანტის მიმღები პასუხიმგებელი იყო პროექტის ფარგლებში განხორციელებული ყველა ღონისძიების, პროგრამის და სხვა აქტივობების მართვასა და მონიტორინგზე. გრანტის მიმღებმა წარადგინა გრანტის შესრულების ანგარიში, 2017 წლის სექტემბრიდან 2018 წლის მარტის პერიოდისათვის, 15 დღის დაგვიანებით.

შპს თეთნულდი დეველოპმენტი, წარმოადგენს სახელმწიფოს 100% - იანი წილობრივი მონაწილეობით შექმნილ საწარმოს , რომელშიც 2013 წელს მთავრობის განკარგულების საფუძველზე ეკონომიკის სამინისტროს განხორციელებული აქვს კაპიტალის შენატანი 3,000,000 ლარის ოდენობით, ხოლო ამავე წელს ქონების ეროვნულ სააგენტოს - 5,000,000 ლარის ოდენობით. 2016 წლის 22 დეკემბრის ბრძანების საფუძველზე აღნიშნული შპს-ს 100%-იანი წილი შეტანილი იქნა შპს მთის განვითარების კომპანიის კაპიტალში, რომელსაც, ასევე 100%-ით ფლობს ქონების ეროვნული სააგენტო. გადაცემის მომენტში შპს თეთნულდი დეველოპმენტის კაპიტალი დამოუკიდებელი აუდიტორის მიერ განისაზღვრა 77,366,020 ლარად. შესაბამისად, ეკონომიკის სამინისტროს კონსოლიდირებულ ფინანსურ ანგარიშგებაში უნდა ასახულიყო აქციებისა და კაპიტალის ზრდა შპს მთის განვითარების კომპანიაში 77,366,020 ლარის ოდენობით და კლება 8,000,000 ლარის ოდენობით, ვინაიდან აღნიშნული 3,000,000 და 5,000,000 ლარი მონაწილეობს 77,366,020 ლარის ფორმირებაში, რაც არ განხორციელებია.

3. საქონელი და მომსახურეობა - ტრანსპორტის ხარჯები კრიტერიუმი: მოქმედი კანონმდებლობის შესაბამისად, „სამორიგეო ავტომობილით სარგებლობის მოწესრიგებისა და ხარჯების ოპტიმიზაციის მიზნით აღმასრულებელი ხელისუფლების დაწესებულებებში წარმოებს ჟურნალი, სადაც დაწესებულების ხელმძღვანელის დავალებით, შესაბამისი უფლებამოსილი პირის მიერ, სამსახურებრივი უფლებამოსილების შესრულების მიზნით დაწესებულების თანამშრომლის მომართვის საფუძველზე ხდება ავტოსატრანსპორტო საშუალებით მოსარგებლე პირის, მარშრუტის, გასვლისა და დაბრუნების დროის შესახებ მონაცემების აღნიშვნა.“ ფაქტობრივი გარემოება: დევნილთა საქმეების დეპარტამენტი ავტომობილის მოძრაობის ამსახველი აღრიცხვის ჟურნალის მონაცემების ანალიზის საფუძველზე 2 სამორიგეო ავტომანქანასთან დაკავშირებით გამოვლინდა შემდეგი: ბენზინის ჩასხმის 77 შემთხვევიდან 28 შემთხვევაში ბენზინის ჩასხმის დრო არ ემთხვევა სააღრიცხვო ჟურნალში ასახულ ავტომანქანის გაყვანის და შემოყვანის პერიოდს, ან საერთოდ არ არის აღრიცხული ავტომანქანის გაყვანის ფაქტი; 77 შემთხვევიდან 14 შემთხვევაში ბენზინი ჩასხმულია არასამუშაო დღეს ან არასამუშაო საათებში, მათ შორის 7 შემთხვევაში ჟურნალში ავტომანქანის გაყვანა არ ფიქსირდება; 5 შემთხვევაში, ავტომანქანაში ბენზინი ჩასხმულია რეგიონებში, მაშინ როდესაც ფაქტობრივად მივლინება გაფორმებული არ ყოფილა. სოფლის მეურნეობის დეპარტამენტი ავტომობილის მოძრაობის აღრიცხვის ჟურნალის მონაცემებისა და საწვავის ჩასხმების ფაქტების შესწავლით, ბალანსზე რიცხულ 2 სამორიგეო ავტომანქანასთან დაკავშირებით გამოვლინდა შემდეგი: საწვავის ჩასხმის 109 შემთხვევიდან, 23 შემთხვევაში საწვავის ჩასხმის დღეს აღრიცხვის ჟურნალის მონაცმებით ავტომანქანის სამსახურებრივი ტერიტორიიდან გაყვანის ფაქტი არ დაფიქსირებულა; საწვავის ჩასხმის 109 შემთხვევიდან, 33 შემთხვევა არ ემთხვევა ჟურნალში დაფიქსირებულ ავტომობილის გაყვანა-შემოყვანის პერიოდს. დასკვნა ამრიგად, პასუხისმგებელი პირების მიერ მათზე დაკისრებული მოვალეობების არაჯეროვანი შესრულება (დარღვეულია დადგენილების მოთხოვნები) და ავტოსატრანსპორტო საშუალებების ექსპლუატაციაზე არასათანადო კონტროლი ქმნის საბიუჯეტო სახსრების არამიზნობრივი ხარჯვისა და ავტომანქანების არაეფექტიანად გამოყენების რისკებს.

2018 წელს მუნიციპალიტეტმა, მის მიერ დაფუძნებული 12 ა(ა)იპ-ის დაფინანსებაში დახარჯა 7,796.5 ათასი ლარი. ა(ა)იპების ფუნქციონირებისათვის გადარიცხული თანხის 67% − 5,201.3 ათასი ლარი მოსამსახურეთა ხელფასებზე დაიხარჯა. შესწავლით გამოვლინდა, რომ ა(ა)იპ-ებში მოსამსახურეთა ფუნქცია-მოვალეობები ზოგიერთ შემთხვევაში დუბლირებულია, ხოლო ზოგიერთი მოსამსახურე პრაქტიკულად არ არის ფუნქციურად დატვირთული. მუნიციპალიტეტმა ვერ წარმოადგინა შესაფერისი და საკმარისი მტკიცებულებები იმისა, თუ რა ობიექტური საჭიროებით იყო განპირობებული ა(ა)იპ-ებში ზოგიერთი შტატის არსებობა. შედეგად, დაგეგმვასა და კონტროლში არსებულმა მართვის სისუსტეებმა გამოიწვია ის, რომ ა(ა)იპ-ებში საშტატო რიცხოვნობა არაგონივრულად გაზრდილია და საბიუჯეტო სახსრები არარაციონალურად იხარჯება.

შეუსაბამობა შრომით ხელშეკრულებებთან: ხელშეკრულებით განსაზღვრულია პროექტის ფარგლებში დასაქმებულთა რაოდენობა, პოზიცია და ხელფასის ოდენობები. აუდიტის ჯგუფმა გამოითხოვა ყველა შრომითი ხელშეკრულება და შეადარა გრანტის ხელშეკრულების პირობებს. ასევე დაადგინა შრომის ანაზღაურების გაცემის წესი და აღნიშნულის შესაბამისად გადაიანგარიშა შრომის ანაზღაურება, რომელიც შეადარა ფაქტობრივ ხარჯებს, რის შემდეგაც გამოვლინდა შემდეგი: მიგნება №6. შრომითი ხელშეკრულებების მიხედვით, შრომის ანაზღაურება განსაზღვრულია უცხოურ ვალუტაში, კერძოდ, აშშ დოლარში და გაიცემა ეროვნულ ვალუტაში, გადარიცხვის დღეს არსებული ეროვნული ბანკის ოფიციალური კურსის შესაბამისად. რიგ შემთხვევებში, გადახდილი შრომის ანაზღაურება არ არის ხელშეკრულების პირობების შესაბამისი, კერძოდ, შრომის ანაზღაურება დაანგარიშებულია გადარიცხვისა და დონორისგან თანხის მიღების დღეებს შორის დაფიქსირებული უმცირესი კურსით. შედეგად, ჯამურად თანამშრომლებს მიღებული აქვთ ხელშეკრულებით განსაზღვრულზე, დაახლოებით, 500 აშშ დოლარის ოდენობით ნაკლები შრომის ანაზღაურება.

აკრედიტაციის ცენტის მიერ 2018 წლის 31 დეკემბრის მდგომარეობით წარდგენილ ფინანსურ ანგარიშგებაში მოკლევადიანი კრედიტორული დავალიანებების ნაშთი შეადგენს 51,147 ლარს. აკრედიტაციის ცენტრის მიერ ჩვენთვის წარმოდგენილ ფინანსურ ჩანაწერებში, შეუძლებელია კრედიტორული დავალიანების გრძელვადიან და მიმდინარე ნაწილად გამიჯვნა, ასევე ფინანსური აღრიცხვის არასათანადოდ წარმოების გამო, ვერ მივიღეთ რწმუნება კრედიტორული დავალიანების საწყისი და საბოლოო ნაშთების სიზუსტესა და სისრულეზე. აკრედიტაციის ცენტრის მიერ წარდგენილი ფინანსური ანგარიშგების დანართ N12 მოყვანილი მონაცემები კრედიტორული დავალიანებების შესახებ არ ემთხვევა ბუღალტრულ ჩანაწერებს (არც თანხით და არც კრედიტორების დასახელებების მიხედვით). შესაბამისად, ჩვენ მოკლებულნი ვართ შესაძლებლობას მოსაზრება გამოვთქვათ აღნიშნული მუხლის სისწორესა და სისრულესთან დაკავშირებით.

4. არაფინანსური აქტივების განკარგვა კრიტერიუმი: მოქმედი კანონმდებლობით, „არაფინანსური აქტივების მიღება და გასვლა ფორმდება შესაბამისი დოკუმენტებით, რომლებსაც ხელს აწერენ მიღებასა და გაცემაზე უფლებამოსილი პირები.“ ფაქტობრივი გარემოება: სოფლის მეურნეობის დეპარტამენტი საქართველოს მთავრობის განკარგულებით ქვეყანაში აზიური ფაროსანას წინააღმდეგ გასატარებელი ღონისძიებების დაგეგმვისა და განხორციელების კოორდინაციის მიზნით შეიქმნა სამთავრობო კომისია, რომლის მუშაობაში მონაწილეობდა აფხაზეთის მთავრობის ხელმძღვანელი. სამთავრობო კომისიის შექმნასთან ერთად დამტკიცდა აზიური ფაროსანას წინააღმდეგ ბრძოლის 2018 წლის სახელმწიფო პროგრამა. ზემოაღნიშნულიდან გამომდინარე, თავის მხრივ, აფხაზეთის მთავრობის განკარგულების საფუძველზე შეიქმნა სამუშაო ჯგუფი, დაიგეგმა ღონისძიებები და განისაზღვრა დავალებების შესრულებაზე პასუხისმგებელი პირები. შესაბამისად, სოფლის მეურნეობის დეპარტამენტს დაევალა „კომპეტენციის ფარგლებში, შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატთან და საქართველოს გარემოს დაცვისა და სოფლის მეურნეობის სამინისტროს სსიპ „სურსათის ეროვნულ სააგენტოსთან“ კოორდინაციაში, საერთაშორისო ორგანიზაციების ჩართულობით, ოკუპირებულ ტერიტორიაზე აზიური ფაროსანას წინააღმდეგ გასატარებელი ღონისძიებებისათვის გამოყოფილი მატერიალურ-ტექნიკური აქტივების გალის რაიონში ტრანსპორტირება და შემდგომში ამ ფასეულობათა გალის რაიონის მოსახლეობაზე დე-ფაქტო ადმინისტრაციის მიერ განაწილების სისტემური მონიტორინგი და რეაგირება“. აფხაზეთის ფინანსთა სამინისტროს ბრძანებების საფუძველზე შესაბამისი მიღება-ჩაბარების აქტებით, სოფლის მეურნეობის დეპარტამენტს გადაეცა 986,764 ლარის ღირებულების სასაქონლო-მატერიალური ფასეულობები (შესაწამლი ქიმიური პრეპარატები და შეწამლისათვის საჭირო სხვადასხვა ატრიბუტი). სოფლის მეურნეობის დეპარტამენტმა მიღებული სმფ-ები აღრიცხა ბალანსზე. რის შემდეგ სამ ეტაპად, 574,857 ლარის საერთო ღირებულების სმფ-ები მიღება-ჩაბარების აქტების გაფორმებით (შესაბამისი მინდობილობის გარეშე) , გადასცა გაერო-ს განვითარების პროგრამის პროექტის „დიალოგის“ მენეჯერს. ჩატარებული აუდიტორული პროცედურებით და აუდიტის ობიექტის მიერ მოწოდებული ინფორმაციით, დადგინდა, რომ: გაერო-ს განვითარების პროგრამის პროექტი „დიალოგი“ წარმოადგენს შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატისა და გაეროს ერთობლივი თანამშრომლობის პროექტს და დაახლოებით 3 წელია ჩართულია აფხაზეთის კონფლიქტის მოგვარების საკითხებში; ოკუპირებულ ტერიტორიაზე აზიური ფაროსანას წინააღმდეგ გასატარებელი ღონისძიებებისათვის გამოყოფილი მატერიალურ-ტექნიკური აქტივების აფხაზეთის ოკუპირებულ ტერიტორიაზე ტრანსპორტირებისათვის შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატის მიერ შეირჩა გაეროს განვითარების პროგრამის პროექტ „დიალოგის“ მენეჯერი; სოფლის მეურნეობის დეპარტამენტის ხელმძღვანელობის განმარტებით, პროექტ „დიალოგის“ მენეჯერმა ზემოთჩამოთვლილი სმფ-ები გადაიტანა დროებით ოკუპირებულ ტერიტორიაზე და გადასცა აფხაზეთის დეფაქტო ხელისუფლების წარმომადგენელს. თუმცა, აღნიშნულთან დაკავშირებით მიღება-ჩაბარების აქტი წარმოდგენილი არაა. გარდა ამისა, არ არის წარმოდგენილი შესაბამისი დოკუმენტაცია, რომლითაც დადასტურდებოდა 574,857 ლარის საერთო ღირებულების სმფ-ბის მიზნობრივად გამოყენებისა და პროგრამის მიხედვით დაგეგმილი ღონისძიებების შესრულება; სოფლის მეურნეობის დეპარტამენტის ხელმძღვანელობის განმარტებით: პროექტ „დიალოგის“ მიერ აფხაზეთის დროებით ოკუპირებულ ტერიტორიაზე სმფ-ების მთლიანად გადატანა ვერ განხორციელდა, რადგან აფხაზური მხარის მიზეზით შესაძლებელი გახდა მხოლოდ რამდენიმე რეისის განხორციელება. აღნიშნულის გამო, ნაწილი მატერიალური მარაგებისა (161,826 ლარის ღირებულების) გალის რაიონის დროებით ოკუპირებულ ტერიტორიაზე გადატანილი იქნა სოფლის მეურნეობის დეპარტამენტის მიერ, რაც შეთანხმდა შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატის ხელმძღვანელობასთან ზეპირი მოლაპარაკებების დროს; შესაბამისად, ქიმიური შეწამვლის ღონისძიებების ჩატარების მიზნით, 161,826 ლარის ღირებულების სმფ-ები (შესაწამლი ქიმიური პრეპარატი და შეწამლისათვის საჭირო სხვადასხვა ატრიბუტი) სოფლის მეურნეობის დეპარტამენტის თანამშრომლებისა და მოსახლეობის (კოორდინატორების) დახმარებით, გადატანილ იქნა და განაწილდა გალის რაიონის ოკუპირებულ ტერიტორიაზე მცხოვრებ მოსახლეობაზე. კერძოდ, მარაგების გადაცემა განხორციელდა შემდეგნაირად – ოკუპირებულ ტერიტორიაზე მცხოვრები ადგილობრივი მოსახლეობიდან შეირჩა სოფლების მიხედვით რამდენიმე ადგილობრივი მკვიდრი, რომლებიც 2017 წელს აზიური ფაროსანას წინააღმდეგ ღონისძიებებში იღებდნენ მონაწილეობას და გავლილი ჰქონდათ სსიპ ,,სურსათის ეროვნულ სააგენტოში“ შესაბამისი ტრენინგები. სოფლის მეურნეობის დეპარტამენტის ხელმძღვანელობის მიერ წარმოდგენილი დოკუმენტაციის მიხედვით, დეპარტამენტის თანამშრომლებთან და ადგილობრივ მოსახლეობასთან ერთად განხორციელდა ფაროსანას საწინააღმდეგო ქიმიური ღონისძიებები. თუმცა, არსებული (ცნობილი) ობიექტური მიზეზებიდან გამომდინარე, ვერ მოხერხდა გალის რაიონის ოკუპირებულ ტერიტორიაზე გადასვლა და ადგილზე ქიმიური პრეპარატების დარიგებისა და შესრულებული სამუშაოების რეალობის შემოწმება; სოფლის მეურნეობის დეპარტამენტის ხელმძღვანელობის განმარტებით, ბიფეტრინის შემცვლელი ქიმიური პრეპარატის მოსახლეობაზე განაწილება განხორციელდა სოფლების მიხედვით. (იხ. ცხრილი N1 დანართებში). ამრიგად, გაერო-ს განვითარების პროგრამის პროექტ „დიალოგის“ მენეჯერის მიერ აფხაზეთის დეფაქტო ხელისუფლების წარმომადგენლობაზე 574,857 ლარის საერთო ღირებულების სმფ-ების გადაცემის, მიზნობრივად გამოყენებისა და პროგრამის მიხედვით დაგეგმილი ღონისძიებების შესრულების ამსახველი დოკუმენტაცია აუდიტის პროცესში ვერ იქნა წარმოდგენილი, რის გამოც აუდიტის ჯგუფმა ვერ მოიპოვა დასაბუთებული რწმუნება გაწეული ხარჯების (574,857 ლარის) მიზნობრიობის შესახებ. სოფლის მეურნეობის დეპარტამენტის მიერ 151,362 ლარის სმფ-ების მიზნობრივად გამოყენებასთან დაკავშირებით, მიუხედავად წარმოდგენილი გარკვეული დოკუმენტაციისა (ოკუპირებული გალის რაიონის სოფლების მიხედვით სმფ-ების დარიგების თაობაზე კოორდინატორების მიერ წარმოდგენილი სიები) სხვა საკმარისი და შესაფერისი აუდიტორული მტკიცებულებების მოპოვება შეუძლებელი გახდა იმ გარემოებათა გამო, რომლებიც შესაძლო კონტროლის ფარგლებს სცილდება. კერძოდ, არსებული (ცნობილი) ობიექტური მიზეზებიდან გამომდინარე, ვერ მოხერხდა გალის რაიონის ოკუპირებულ ტერიტორიაზე გადასვლა და ადგილზე ქიმიური პრეპარატების დარიგებისა და შესრულებული სამუშაოების რეალობის შემოწმება. ვერც სხვა ალტერნატიული პროცედურებით იქნა შესაძლებელი ისეთი მტკიცებულებების მოპოვება, რომლებითაც უტყუარად და სრულად დადასტურდებოდა პროგრამის უშუალო ბენეფიციარების – ოკუპირებული გალის რაიონის მოსახლეობის მიერ სმფ-ბის მიღება-გახარჯვა და შესრულებული სამუშაოების რეალურობა. შესაბამისად, ზემოაღწერილი აუდიტის მასშტაბის შეზღუდვის გამო, აუდიტის ჯგუფმა ვერ მოიპოვა რწმუნება გაწეული ხარჯების (151,362 ლარის) შესაბამისობის, მიზნობრიობისა და ეფექტიანობის თაობაზე. კრიტერიუმი: მოქმედი კანონმდებლობის შესაბამისად, „აქტივების შეფასების სანდო ინფორმაციის არსებობის შემთხვევაში, აქტივის თანხა განისაზღვრება მისი რეალური ღირებულებით. სხვა შემთხვევაში შეფასება ემყარება მის თვითღირებულებას“. გამწვანების სააგენტო ფაქტობრივი გარემოება: გამწვანების სააგენტოს უზუფრუქტით, ათი წლის ვადით, უსასყიდლოდ გადაეცა 15,000 კვ.მ. სასოფლო-სამეურნეო დანიშნულების მიწის ნაკვეთი თელეთში. აღნიშნული ქონება სააგენტოს არაწარმოებული აქტივის სახით არ შეუფასებია და ბალანსზე არ აღურიცხავს. კერძოდ, გამწვანების სააგენტოსათვის უსასყიდლოდ გადაცემული მიწის ნაკვეთი მუნიციპალიტეტის საკრებულოს მიერ დადგენილი მიწის ნორმატიული ღირებულებით უნდა შეფასებულიყო და აღრიცხულიყო უზუფრუქტუარის ბალანსზე, რაც არ განხორციელებულა. დასკვნა პასუხიმგებელი პირების არაკვალიფიციური მიდგომის, მიმდინარე პროცესების არაეფექტიანი კონტროლისა და დადგენილი წესით აქტივად აღიარების კრიტერიუმების გაუთვალისწინებლობის გამო, აფხაზეთის ოკუპირებულ ტერიტორიაზე აზიური ფაროსანას წინააღმდეგ გასატარებელი ღონისძიებების ფარგლებში დაფიქსირდა არაფინანსური აქტივების – შესაწამლი ქიმიური პრეპარატებისა და შეწამლისათვის საჭირო სხვადასხვა ატრიბუტების არამიზნობრივად გამოყენების რისკები; ამავდროულად დაფიქსირდა უძრავი ქონების (სასოფლო-სამეურნეო დანიშნულების მიწის ნაკვეთის) შეუფასებლობის და აღურიცხაობის ფაქტი, რითაც შეიქმნა არაფინანსური აქტივის არამართლზომიერად გამოყენების რისკი.

შეუსაბამობა გეგმასთან: აუდიტის მიზნებიდან გამომდინარე, აუდიტის ჯგუფმა გამოითხოვა სამოქმედო გეგმა და შესრულების ანგარიშები. გააანალიზა და შეადარა დაგეგმილი და შესრულებული აქტივობები. მიგნება №7. სამოქმედო გეგმის მიხედვით, ფონდს უნდა გაეწია კოორდინაცია ეროვნული რეფერალური მექანიზმისთვის, მისი დამტკიცებისას. ასევე უნდა შეემუშავებინა კონცეფცია სოციალური მუშაკებისათვის და კითხვარი ოჯახში ძალადობის მსხვერპლის იდენტიფიცირების შესახებ. ფონდს მხარი უნდა დაეჭირა ოჯახში ძალადობის ეროვნული რეფერალური მექანიზმის განხორციელებისთვის მუნიციპალურ დონეზე. აუდიტის პერიოდში ეროვნული რეფერალური მექანიზმი იყო შემუშავებული, მაგრამ არ იყო დამტკიცებული და შესაბამისად, არ იყო მიღწეული ამ პუნქტით გათვალისწინებული მიზნები.

სახმელეთო ტრანსპორტის სააგენტოს ბალანსზე ირიცხება, 90,340 ლარის, მოთხოვნები არაფინანსური აქტივების დანაკლისებით, რაც წარმოადგენს თბილისში სააგენტოს ბალანსზე მყოფი შენობა-ნაგებობების უკანონო დემონტაჟის შედეგად წარმოქმნილ მოთხოვნას. ფაქტზე აღძრულია სისხლის სამართლის საქმე , თუმცა ამ ეტაპისთვის არ არის დადგენილი აღნიშნულ ზარალზე პასუხისმგებელი პირი. აღრიცხვის ინსტრუქციის მიხედვით, სასამართლო განჩინების მიღებამდე აღნიშნული მოთხოვნები არ უნდა ირიცხებოდეს სააგენტოს ბალანსზე და უნდა მოხდეს მათი პირობით აქტივად აღიარება და საცნობარო მუხლში გადატანა.

5. სახელმწიფო შესყიდვები გამწვანების სააგენტო კრიტერიუმი: მოქმედი კანონმდებლობის შესაბამისად, გამარტივებული შესყიდვა შესაძლებელია განხორციელდეს „5 000 ლარამდე ღირებულების შესყიდვის ერთგვაროვანი ობიექტების სახელმწიფო შესყიდვისას“, ,,ხელშეკრულება იდება წერილობითი ფორმით და უნდა შეიცავდეს შემდეგ ინფორმაციას: ვ) საქონლის მიწოდების, მომსახურების გაწევის ან/და სამუშაოს შესრულების ვადას; ი) სამუშაოს შესყიდვის შემთხვევაში – შესასრულებელი სამუშაოს გონივრულ საგარანტიო ვადას“. ფაქტობრივი გარემოება: განხორციელებული გამარტივებული შესყიდვების დროს დაფიქსირდა შემდეგი სახის დარღვევები: გამოვლინდა შესყიდვების ხელოვნური დაყოფა. კერძოდ: გამარტივებული შესყიდვის საშუალებით მონეტარული ზღვრის დაუცველად განხორციელდა: 1) 6,474 ლარის ჯამური სახელშეკრულებო ღირებულების 45200000 დანაყოფის კოდით გათვალისწინებული სახელმწიფო შესყიდვები; 2) 9,405 ლარის ჯამური სახელშეკრულებო ღირებულების 44100000 დანაყოფის კოდით გათვალისწინებული სახელმწიფო შესყიდვები. ამრიგად, ვინაიდან, შემსყიდველი ორგანიზაციის მიერ საბიუჯეტო (საფინანსო) წლის განმავლობაში ერთგვაროვანი საქონლის, მომსახურების ან სამუშაოს შესყიდვა განხორციელდა რამდენიმე შესყიდვად და იგი დაფინანსდა ერთი წყაროდან, ფაქტობრივად დაფიქსირდა სახელმწიფო შესყიდვის ხელოვნურად დაყოფა; შესყიდვის ხელშეკრულებებში მითითებულია საქართველოს კანონი და დებულება, რომელიც 2011 წლის 7 აპრილიდან ძალადაკარგულადაა გამოცხადებული, შესაბამისად მისი შესყიდვის საფუძვლად მითითება შეუსაბამოა; შესყიდვის ხელშეკრულებებით არ არის განსაზღვრული შესყიდვის ობიექტის მიწოდებისა და შესასრულებელი სამუშაოს საგარანტიო ვადები, რაც წინააღმდეგობაში მოდის გამარტივებული შესყიდვის წესის მოთხოვნებთან. ზემოაღწერილი ფაქტები დაფიქსირებულია სახელმწიფო შესყიდვების სააგენტოს წერილებში . აქვე აღსანიშნავია, რომ დადგენილ შეუსაბამობებთან დაკავშირებით იმსჯელა ქ. თბილისის საქალაქო სასამართლომ 2019 წლის 8 თებერვალს, განიხილა მასალები ადმინისტრაციული სახდელების დადების თაობაზე, დაადგინა, რომ განსახილველ შემთხვევაში არ იკვეთება სახელმწიფოსათვის მიყენებული ზიანი, გამოვლენილი გადაცდომა, მისი მართლსაწინააღმდეგო ხასიათის მიუხედავად, უხეშად არ ლახავს სხვათა პირად თუ ქონებრივ უფლებებსა და თავისუფლებებს და შემოიფარგლა სიტყვიერი შენიშვნით. დასკვნა ამრიგად, პასუხიმგებელი პირების მათზე დაკისრებული მოვალეობებისადმი უპასუხისმგებლო დამოკიდებულებამ და არაკვალიფიციურმა მიდგომებმა და დადგენილი მონეტარული ზღვრების დარღვევით სახელმწიფო შესყიდვების განხორციელებამ წარმოქმნა საბიუჯეტო სახსრების არაეფექტიანად გახარჯვის რისკები.

მუნიციპალიტეტის საკრებულოს არათანამდებობის პირებს, 2018 წელს, ხარჯების ანაზღაურების სახით მიღებული აქვთ სულ 114.8 ათასი ლარი. მუნიციპალიტეტმა ვერ წარმოადგინა დოკუმენტური მტკიცებულებები საკრებულოს წევრების ხარჯების დასადასტურებლად. თვითმმართველობის კოდექსის შესაბამისად, საკრებულოს არათანამდებობის პირებს, ეძლევათ არა ფიქსირებული გასამრჯელო, არამედ უნაზღაურდებათ უფლებამოსილების განხორციელებასთან დაკავშირებული ხარჯები. შესაბამისად, თანხის გაცემის საფუძველი უნდა იყოს ხარჯის დამადასტურებელი დოკუმენტაცია. ამდენად, ქობულეთის მუნიციპალიტეტმა (შესაბამისმა პასუხისმგებელმა პირებმა) 2018 წელს მუნიციპალიტეტის საკრებულოს არათანამდებობის პირებზე ხარჯების ასანაზღაურებლად 114.8 ათასი ლარი გასცა შესაბამისი დოკუმენტური დადასტურების გარეშე.

შეუსაბამობა სახელმწიფო შესყიდვების შესახებ კანონთან მიგნება №8. აუდიტის პერიოდში ფონდმა სულ გააფორმა 43 ხელშეკრულება. აქედან, 13 ხელშეკრულება, ჯამური ღირებულებით − 456,029 ლარი ტენდერით, ხოლო 30 ხელშეკრულება, ჯამური ღირებულებით − 77,893 ლარი, გამარტივებული წესით. აღნიშნულ პერიოდში ფონდს გამოცხადებული აქვს 16 ტენდერი, სავარაუდო ღირებულებით − 568,720 ლარი. ცხრილი №11. ინფორმაცია განხორციელბული შესყიდვების შესახებ შესყიდვის სტატუსი სავარაუდო ღირებულება ტენდერების რაოდენობა სულ გამოცხადებული ტენდერები 568,720 16 ხელშეკრულება დადებულია 500,170 13 შეწყვეტილი 50,000 1 არ შედგა 12,000 1 დასრულებულია უარყოფითი შედეგით 6,550 1 საქართველოს სახელმწიფო შესყიდვების კანონმდებლობა განსაზღვრავს სახელმწიფო შესყიდვების განხორციელების ზოგად სამართლებრივ, ორგანიზაციულ და ეკონომიკურ პრინციპებს. ქვემოთ განხილული მიგნებებისათვის გამოყენებულია შემდეგი კრიტერიუმები: შესყიდვების დაგეგმვის დროს მნიშვნელოვანია ბაზრის კვლევის ჩატარება მიმწოდებლების გამოვლენისა და შემსყიდველი ორგანიზაციისათვის მისაღები ხელშეკრულების პირობების განსაზღვრის მიზნით; ტენდერების გამოცხადებისას CPV კოდები და კლასიფიკაციები უნდა შეესაბამებოდეს კანონმდებლობას; საკვალიფიკაციო მოთხოვნები უნდა იყოს პროპორციული და არადისკრიმინაციული, ხელს უნდა უწყობდეს ჯანსაღი კონკურენციის დამკვიდრებას და პრეტენდენტთა მიმართ თანასწორ მოპყრობას. რისკზე დაფუძნებული შერჩევითი შესწავლის შედეგად, რიგ ტენდერებში გამოვლინდა შემდეგი სახის ნაკლოვანებები: რიგ შემთხვევებში ბაზრის კვლევა არ არის ჩატარებული ან არ არის დადოკუმენტირებული. ამასთანავე, ბაზრის კვლევა განხორციელებულია არაპროფილურ მიმწოდებლებთან; ზოგიერთი CPV კოდი განისაზღვრა შეუსაბამოდ; რიგ შემთხვევებში სატენდერო მოთხოვნები იყო სპეციფიკური, რასაც შესაძლოა გამოეწვია კონკურენციის შეზღუდვის რისკების ზრდა. ზემოაღნიშნული მიგნებების მაგალითები წარმოდგენილია ქვემოთ: მაგალითი №1. ტენდერის ნომერი − SPA180005304; ტენდერის გამოცხადების თარიღი − 07.06.2018; შესყიდვის სავარაუდო ღირებულება − 131 000 ლარი; ხელშეკრულების თავდაპირველი ღირებულება − 129 250 ლარი; შესყიდვის საგანი − სემინარების ორგანიზება; ტენდერში მონაწილე პრეტენდენტების რაოდენობა − 2. სახელმწიფო შესყიდვების კანონმდებლობის შესაბამისად, ორგანიზაციამ უნდა შეარჩიოს ყველაზე რელევანტური CPV კოდი შესყიდვის ობიექტთან მიმართებაში, კონკურენციის უზრუნველყოფის მიზნით. ზემოაღნიშნული ტენდერის გამოცხადებისას ფონდმა არასწორად განსაზღვრა CPV კოდი. კერძოდ, მხარეებს შორის გაფორმდა ხელშეკრულება სასტუმროსა და სატრანსპორტო მომსახურების მიწოდებაზე, მაშინ როცა ტენდერი გამოცხადდა სემინარების ორგანიზების შესყიდვის მიზნით. გარდა ამისა, გამოვლინდა შემდეგი საკითხები: ტენდერის გამოცხადებამდე ბაზრის კვლევა განხორციელდა 2 ერთმანეთთან დაკავშირებულ კომპანიასთან, კერძოდ, შპს „თიმბოუთთან“ და Creative Minds Union-თან, რომელთა საქმიანობის სფერო პირდაპირ არ უკავშირდება შეყიდვის ობიექტს. მათ მიერ წარდგენილი ფასების საფუძველზე გამოცხადდა ტენდერი და ხელშეკრულება გაფორმდა შპს „თიმბოუთთან“ 129 250 ლარზე; აღნიშნული კომპანია შესყიდვების პორტალზე დარეგისტრირებულია ტენდერის გამოცხადებამდე ერთი დღით ადრე და აღნიშნული შესყიდვის შემდეგ არ მიუღია მონაწილეობა არცერთ სხვა სახელმწიფო შესყიდვების ელექტრონულ პროცედურებში. ხელშეკრულების გაფორმების შემდეგ კონტრაქტორი კომპანია იყო შუამავალი. მომსახურება სრულად გაწეულია ქვეკონტრაქტორი კომპანიების მიერ. მაგალითი №2. ტენდერის ნომერი − SPA180002759; ტენდერის გამოცხადების თარიღი − 09.03.2018; შესყიდვის სავარაუდო ღირებულება − 98 500 ლარი; ხელშეკრულების თავდაპირველი ღირებულება − 98 500 ლარი; შესყიდვის საგანი − სატრენინგო მომსახურება; ტენდერში მონაწილე პრეტენდენტების რაოდენობა − 2. ფონდს სახელმძღვანელოს შექმნისა და სატრენინგო მომსახურების შესყიდვაზე გამოცხადებული აქვს ტენდერი. შემსყიდველს სატენდერო მოთხოვნებში განსაზღვრული აქვს დაუსაბუთებლად სპეციფიკური მოთხოვნები, რაც ზრდის ჯანსაღი კონკურენციის შეზღუდვის რისკს. გარდა ამისა, ყურადღება გავამახვილეთ შემდეგ საკითხებზე: ბაზრის კვლევა განხორციელებულია 2 ურთიერთდაკავშირებულ კომპანიასთან; სავარაუდო და სახელშეკრულებო ღირებულება განსაზღვრული იყო გამარჯვებული ორგანიზაციის წარმოდგენილი ფასით. ხელშეკრულების შესრულების პერიოდში კონტრაქტორ კომპანიას გამოყენებული აქვს სხვა კომპანიის − შპს „თიმბოუთის“ თანამშრომელთა მომსახურება, სატრენინგო მომსახურების პროცესში. უცნობია, აკმაყოფილებდნენ თუ არა შპს „თიმბოუთის“ თანამშრომლები სატენდერო დოკუმენტაციით განსაზღვრულ მოთხოვნებს. მაგალითი №3. ტენდერის ნომერი − SPA180007633; ტენდერის გამოცხადების თარიღი − 21.09.2018; შესყიდვის სავარაუდო ღირებულება − 50 000 ლარი; ხელშეკრულების თავდაპირველი ღირებულება − 50 000 ლარი; შესყიდვის საგანი − სარეკლამო კამპანია; ტენდერში მონაწილე პრეტენდენტების რაოდენობა − 1. ფონდს გამოცხადებული აქვს ტენდერი სარეკლამო მომსახურების შესყიდვაზე. მომსახურების გაწევა გულისხმობდა 4 ვიდეორგოლის მომზადებას და მათ განთავსებას საქართველოს, მინიმუმ, 6 სატელევიზიო არხსა და ერთ რადიოეთერში. სატენდერო დოკუმენტაციით განისაზღვრა მოთხოვნა პრეტენდენტის გამოცდილების მიმართ შემდეგი ფორმულირებით: მიმწოდებელს უნდა ჰქონოდა სატელევიზიო საქმიანობის მინიმუმ 5-წლიანი გამოცდილება, ასევე არანაკლებ 2-წლიანი გამოცდილება სახელმწიფო ან/და არასამთავრობო სექტორთან, რის დასტურადაც უნდა წარედგინა 2013 ან/და, 2015 ან/და 2017 წლებში გაფორმებული ხელშეკრულებები და შესაბამისი მიღება-ჩაბარების აქტები. ორგანიზაციის გამოცდილების მიმართ ამ სახით ჩამოყალიბებული მოთხოვნები ზრდის კონკურენციის შეზღუდვის რისკებს. ამასთანავე, სავარაუდო ღირებულების განსაზღვრის მიზნით ბაზრის კვლევა განხორციელებულია 2 ურთიერთდაკავშირებულ სუბიექტთან, რომელთა დირექტორი ერთი და იგივე პირია. ზემოაღნიშნული ფაქტები ზრდის კონკურენციის შეზღუდვისა და დისკრიმინაციული გარემოს ჩამოყალიბების რისკებს, რამაც შესაძლოა გამოიწვიოს ფინანსური სახსრების არარაციონალური ხარჯვა.

ეკონომიკის სამინისტროს კონსოლიდირებულ 2018 წლის 31 დეკემბრით მომზადებულ ფინანსურ ანგარიშგებაში ასახულია დაუმთავრებელი ძირითადი აქტივების ნაშთი 35,799,261 ლარის ოდენობით, საიდანაც 32,136,768 ლარის აქტივები წარმოადგენს საფრანგეთის სახელმწიფოს ხელშეწყობით ზემო სვანეთში სამთო- სათხილამურო საბაგიროების მოწყობის სამუშაოებს. აღნიშნული სამუშაოების ფარგლებში, 2011-2013 წლებში, უცხოეთიდან შეძენილი მანქანა-დანადგარების (საბაგირო მოწყობილობების) ღირებულება შეადგენდა 31,584,783 ლარს. ხოლო მათი იმპორტის გადასახადი 551,985 ლარს. საქართველოს მთავრობის 2013 წლის განკარგულების მიხედვით, აღნიშნული პროექტის ფარგლებში მიღებული საქონლისა და მომსახურების ღირებულება, ასევე საპროექტო, სამშენებლო-სამონტაჟო და სხვა ღონისძიებების განხორციელების მიზნით შესყიდული სამუშაოების და საქონლისა და მომსახურების ღირებულება აისახება კომპანია შპს თეთნულდი დეველოპმენტის კაპიტალში. შესაბამისად, დაუმთავრებელი ძირითადი აქტივის მუხლი 32,136,768 ლარის ოდენობით სამინისტროს უნდა გადაეცა შპს თეთნულდი დეველოპმენტისათვის. აღნიშნულთან დაკავშირებით, 2015 წელს, ეკონომიკის სამინისტროსა და მესტიის მუნიციპალიტეტს შორის შედგა კომუნიკაცია ამ აქტივების მუნიციპალიტეტისათვის გადაცემის თაობაზე. 2015 წლის 30 ივლისს ეკონომიკის მინისტრის მიერ გამოიცა ბრძანება აღნიშნული აქტივების გადაცემის თაობაზე. ბრძანება ითვალისწინებდა მიღება-ჩაბარების გაფორმებას სამინისტროსა და მუნიციპალიტეტს შორის, რაც არ განხორციელებულა. შედეგად, დაუმთავრებელი ძირითადი აქტივების ანგარიში კონსოლიდირებულ ფინანსურ ანგარიშგებაში წარდგენილია 32,136,768 ლარით მეტი ღირებულებით. აღსანიშნავია, რომ 2018 წლის 31 დეკემბრის მდგომარეობით აქტივებს განკარგავს ქონების ეროვნული სააგენტოს შვილობილი შპს მთის კურორტების განვითარების კომპანია, რომელიც წარმოადგენს შპს თეთნულდი დეველოპმენტის სამართალმემკვიდრეს.

ცალკეული პროგრამის ფარგლებში საბიუჯეტო პარამეტრების აუთვისებლობა და 2018 წელს საბიუჯეტო ანგარიშზე რიცხული გამოუყენებელი საბიუჯეტო რესურსი მიუთითებს, რომ ბიუჯეტი არასათანადოდ დაიგეგმა, ხოლო არსებული რეზერვები არაეფექტიანად იქნა გამოყენებული. ამასთანავე, ბიუჯეტის პროგრამების შედგენის არსებული სისტემა არ იძლევა მიღწეული შედეგების გაზომვის და შესაბამისად, პროგრამის ეფექტიანობის შეფასების საშუალებას, რაც საბიუჯეტო რესურსის სწორად გადანაწილებისა და გამოყენების მთავარი პირობაა.

ნავთობისა და გაზის სააგენტოს რეგულირების საფასურისაგან მიღებული შემოსავალი 143,115 ლარის ოდენობით აღიარებული აქვს 2019 წელს, ნაცვლად 2018 წლისა. ხოლო, 26,581 ლარის შემოსავალი აღიარებული აქვს 2018 წელს, ნაცვლად 2017-ისა. შესაბამისად, 2018 წლის 31 დეკემბრით წარდგენილ ფინანსურ ანგარიშგებაში 2018 წელს გამომუშავებული შემოსავლები 116,534 ლარით შემცირებულად არის წარმოდგენილი.

ა(ა)იპ − ხელვაჩაურის გამწვანების, დასუფთავებისა და კომუნალური მომსახურების სამსახურის მიერ არ ხდება დასუფთავების მოსაკრებლის ეფექტიანი ადმინისტირება. შედეგად, მუნიციპალიტეტის ბიუჯეტი კარგავს დამატებით შემოსავლების მიღების შესაძლებლობას.

მუნიციპალიტეტის მიერ სამსახურებრივი უფლებამოსილების განსახორციელებლად გამოყენებული სატრანსპორტო საშუალებების რაოდენობა მნიშვნელოვნად აღემატება საქართველოს მთავრობის დადგენილებით რეკომენდებულ ზღვრულ ოდენობას. კერძოდ, რეკომენდებული 7 ერთეულის ნაცვლად, მუნიციპალიტეტი განკარგავდა 18 სამორიგეო ავტომანქანას. ქობულეთის მუნიციპალიტეტს სათანადო კონტროლი არ აქვს დაწესებული საწვავის მიზნობრივ გამოყენებასა და რაციონალურ ხარჯვაზე. შესაბამისად, „აგაი“ სისტემის გამოყენება კონტროლის არარსებობის პირობებში, თავისუფლად არის შესაძლებელი არასამსახურებრივი მიზნებისთვის. აუდიტის ობიექტს არ გააჩნია რაციონალური მიდგომა, მისი ფუნქციონირებისათვის საჭირო ავტოსატრანსპორტო საშუალებების გამოყენებასა და საწვავის ხარჯვასთან დაკავშირებით.

აკრედიტაციის ცენტრს, 2018 წელს მიღებული საკუთარი შემოსავლები ფინანსურ ანგარიშგებაში წარდგენილი აქვს არა დარიცხვის არამედ საკასო მეთოდით, რაც აღრიცხვის ინსტრუქციის დარღვევას წარმოადგენს . შესაბამისად, ორგანიზაციის 2018 წლის შემოსავლები 247,644 ლარით გაზრდილად არის წარდგენილი.

ინფრასტრუქტურული პროექტების დაგეგმვის, შესრულებისა და კონტროლის მექანიზმში არსებული სისუსტეების შედეგად, წყლის სისტემის, ბაღის და გზის მოწყობის სამუშაოები უხარისხოდ და არასრულყოფილად არის შესრულებული. არ არის დადასტურებული ნაპირსამაგრი სამუშაოსათვის გაწეული ხარჯის საჭიროება. გარდა ამისა, საბიუჯეტო რესურსი დახარჯულია ისეთ სამუშაოებზე, რომლითაც ფაქტობრივად არ სარგებლობენ. მუნიციპალიტეტი ეფექტიანად ვერ იყენებს ხელშეკრულებით გათვალისწინებულ გარანტიას შესრულებულ სამუშაოებზე და ქმედით მექანიზმებს ზიანის ასანაზღაურებლად.

2018 წელს მუნიციპალიტეტის შიდა აუდიტის სამსახურის მიერ ჩატარდა 8 აუდიტორული შემოწმება. წარმოდგენილი მონაცემებით, შიდა აუდიტის სამსახურს არ შეუსწავლია მერიის სამსახურების საქმიანობა. სამსახურს არ განუხორციელებია წინასწარი შესწავლისა და რისკის შეფასების სათანადო პროცედურები. აღნიშნული პროცედურების საფუძველზე უნდა მომხდარიყო მუნიციპალიტეტის საქმიანობაში ძირითადი რისკების, არსებული დარღვევებისა და ხარვეზების იდენტიფიცირება. შიდა აუდიტის სამსახურის მიერ ჩატარებული აუდიტების შედეგად გამოვლენილია სხვადასხვა სახის კონკრეტული დარღვევა-ნაკლოვანებები, რომელთა გამოსწორების მიზნით გაცემულია რეკომენდაციები. თუმცა აღნიშნული რეკომენდაციები არის ზოგადი ხასიათის და არ მიუთითებს სისტემაში არსებულ ხარვეზებზე. სამსახურის მიერ არ გამოვლენილა სისტემური დარღვევა-ნაკლოვანებები და არ შემუშავებულა ამ ხარვეზების გაუმჯობესებაზე ორიენტირებული რეკომენდაციები. შესაბამისად, გაცემული რეკომენდაციები ვერ უზრუნველყოფს ორგანიზაციის წინაშე არსებული რისკების მართვისა და შიდა კონტროლის სისტემის გაუმჯობესებას.

2018 წლის 31 დეკემბრით წარდგენილ კონსოლიდირებულ ფინანსურ ანგარიშგებაში არ არის ასახული ქონების ეროვნული სააგენტოს მიერ 2018 წელს 747,886 ლარის ღირებულების შენობის უსასყიდლოდ მიღება. შესაბამისად, აღნიშნული თანხით შემცირებულია 2018 წელს გამომუშავებული შემოსავლები.

გარე განათების ქსელის მოვლა-ექსპლუატაციასთან დაკავშირებული მომსახურების შესყიდვის სატენდერო წინადადებით განსაზღვრული მოთხოვნები კონკურენციის შეზღუდვის ნიშნებს შეიცავს. ამასთანავე, არ ხდება სათანადო კონტროლი მიმწოდებლების მხრიდან სახელშეკრულებო პირობების შესრულებაზე, რაც მუნიციპალიტეტის ინტერესების საზიანოდ, საბიუჯეტო სახსრების ხარჯვის რისკებს წარმოშობს.

ტურიზმის ადმინისტრაციამ 2017 წელს გააფორმა სარეკლამო მომსახურების ხელშეკრულებები და იმავე წელს გადაიხადა მომსახურების მთლიანი საფასური. როგორც კომპანიებთან გაფორმებული მიღება-ჩაბარებებიდან ირკვევა, მათ ორგანიზაციას ხელშეკრულებით გათვალისწინებული მომსახურებები გაუწიეს 2017 წელს, ხოლო ტურიზმის ადმინისტრაციას აღნიშნული მომსახურება ნაცვლად 2017-ისა 2018 წლის ხარჯად აქვს აღიარებული. შესაბამისად 1,773,665 ლარით გაზრდილად არის წარმოდგენილი 2018 წლის ხარჯები და დებიტორული დავალიანების 2018 წლის საწყისი ნაშთი. 2017 წლის მსგავსად, ტურიზმის ადმინისტრაციამ 2018 წელს გააფორმა სარეკლამო მომსახურების ხელშეკრულებები , გაფორმებული ხელშეკრულებების საფუძველზე გაკეთებული მიღება-ჩაბარებებით დასტურდება, რომ კომპანიებმა ორგანიზაციას ხელშეკრულებით გათვალისწინებული მომსახურებები გაუწიეს 2018 წელს, ხოლო ტურიზმის ადმინისტრაციას აღნიშნული მომსახურება 2018 წლის ხარჯად არ აქვს აღიარებული. შესაბამისად 915,894 ლარით შემცირებულად არის წარმოდგენილი 2018 წლის ხარჯები, ხოლო დებიტორული დავალიანების 2018 წლის საბოლოო ნაშთი გაზრდილია ამავე თანხით.

მუნიციპალიტეტში არ მოქმედებს ერთიანი წესი მუნიციპალური ავტოპარკის გადანაწილების და კლასიფიკაციის შესახებ, რაც ზრდის საბიუჯეტო რესურსების ხარჯვის რისკებს. ამასთანავე, არ არის ჩამოყალიბებული კონტროლის მექანიზმი საწვავის ხარჯვაზე, ავტოსატრანსპორტო საშუალებების უმეტესობაზე არ არის დამონტაჟებული „აგაის“ სისტემის ჩიპები, შესაბამისად, არსებობს ავტომანქანების და საწვავის არასამსახურებრივი დანიშნულებით გამოყენების შესაძლებლობა.

სახელმწიფო აუდიტის სამსახურმა 2018 წელს ჩაატარა ქობულეთის მუნიციპალიტეტის 2017 წლის ბიუჯეტით გათვალისწინებული პროგრამების შესაბამისობის აუდიტი. აუდიტის ანგარიშში დაფიქსირდა სხვადასხვა ხასიათის დარღვევა-ნაკლოვანება. მიმდინარე აუდიტის პერიოდში გაირკვა, რომ დარღვევა-ნაკლოვანებების გამოსასწორებლად მუნიციპალიტეტის მიერ გატარებულია სხვადასხვა ღონისძიება, თუმცა 1 საკითხთან დაკავშირებით, მუნიციპალიტეტს არ გაუტარებია საკმარისი და შესაფერისი ღონისძიებები, აუდიტის ანგარიშში ასახული ხარვეზის აღმოსაფხვრელად. კერძოდ: საკრებულოს არათანამდებობის წევრებზე ხარჯების ანაზღაურებასთან დაკავშირებით, მიმდინარე აუდიტის ფარგლებშიც არ არის წარმოდგენილი შესაბამისი ხარჯვის დამადასტურებელი დოკუმენტები.

აკრედიტაციის ცენტრის 2018 წლის ფინანსურ ანგარიშგებაში წარდგენილია საკონსულტაციო ხარჯი 2,341,358 ლარის ოდენობით, აღნიშნული თანხიდან 1,125,901 ლარი წარმოადგენს 2017 წლის ხარჯს . შესაბამისად 2018 წლის ფინანსურ ანგარიშგებაში ხარჯები 1,125,901 ლარით გაზრდილად არის წარმოდგენილი. აკრედიტაციის ცენტრს 2018 წელს გადახდილი დღგ-ს გადასახადი (287,000 ლარი) ფინანსურ ანგარიშგებაში წარდგენილი აქვს ხარჯებში.

შპს „ხელვაჩაურის წყალკანალის“ მიერ განხორციელებულია სამუშაოები იმ ობიექტებზე, რომლებზეც მერიის მიერ გაფორმებული სახელმწიფო შესყიდვების შესახებ ხელშეკრულებებით ვრცელდებოდა საგარანტიო პირობები, შესაბამისად, მას არ ჰქონდა სამუშაოთა წარმოების უფლება. ხელშეკრულებით გათვალისწინებული საგარანტიო პირობების გამოუყენებლობა წარმოშობს საბიუჯეტო სახსრების არაეკონომიურად ხარჯვის რისკებს. ასევე ა(ა)იპ − ხელვაჩაურის გამწვანების, დასუფთავებისა და კომუნალური მომსახურების სამსახურის მიერ გაწეული ხარჯები არ შეესაბამება ორგანიზაციის წესდებით განსაზღვრულ მიზნებს და საქმიანობის სფეროს.

სსიპ ნავთობისა და გაზის სახელმწიფო სააგენტოს ფინანსურ ანგარიშგებაში არ არის ასახული ინფორმაცია სასამართლო დავის შესახებ, რომლის საფუძველზეც ორგანიზაცია ლიცენზიანტისაგან ითხოვს 1,000,000 აშშ დოლარის პირგასამტეხლოს გადახდას სახელმწიფო ბიუჯეტის სასარგებლოდ. აღნიშნული მოთხოვნა დაკმაყოფილებულია საქალაქო და სააპელაციო სასამართლოების მიერ ნაწილობრივ, 500,000 აშშ დოლარის ოდენობით. ფინანსური ანგარიშგების სამართლიანი წარდგენის პრინციპიდან გამომდინარე, მიზანშეწონილად მიგვაჩნია, ზემოაღნიშნული დავის შესახებ ინფორმაცია ასახული იყოს 2018 წლის 31 დეკემბრის მდგომარეობით წარდგენილ ფინანსურ ანგარიშგებაში.

იურიდიულ პირებში არ ხდება თანამშრომელთა დანიშვნა რეალურად ორგანიზაციის ფუნქციური საჭიროებებიდან გამომდინარე, არ არსებობს დასაქმებულ პირთა შეფასების სისტემა. შტატგარეშედ დასაქმებულ პირებთან გაფორმებულ შრომით ხელშეკრულებებში არ არის განსაზღვრული შესასრულებელ სამუშაოთა სახეობი და ფუნქცია-მოვალეობები. დასაქმებულ პირთა ნაწილი არ ასრულებს მათზე დაკისრებულ მოვალეობებს, რაც ორგანიზაციებში ადამიანური რესურსების მართვის სისუსტეზე მიუთითებს.

ა(ა)იპ ოუფენ ნეტმა 2018 წელს საქართველოს ბანკსა და თიბისი ბანკებში ვადიან ანაბრებზე განათავსა, შესაბამისად 10 მლნ ლარი და 11 მლნ ლარი. 2018 წლის 31 დეკემბრის მდგომარეობით ანაბრებზე დარიცხულმა საპროცენტო სარგებელმა საქართველოს ბანკში 754,521 ლარი, ხოლო თიბისი ბანკში 300,616 ლარი შეადგინა. ზემოაღნიშნული სარგებელი ორგანიზაციას ასახული არ ჰქონდა ბუღალტრულ ჩანაწერებში. რის შედეგადაც, 2018 წლის 31 დეკემბრით წარდგენილ ფინანსურ ანგარიშგებაში შემოსავლებისა და მოთხოვნების მუხლები შემცირებული იყო 1,055,137 ლარით. აუდიტის პერიოდში ოუფენ ნეტს ვაცნობეთ აღნიშნული უზუსტობის შესახებ. საპასუხოდ, ორგანიზაციამ დააკორექტირა წარდგენილი ფინანსური ანგარიშგება. თუმცა, 2018 წელს ანაბარზე განთავსებული თანხები არ არის ასახული ფინანსური ანგარიშგების დანართ N4-ში ვალუტა და დეპოზიტების მუხლში .

მუნიციპალიტეტის საკრებულოს არათანამდებობის პირებზე უფლებამოსილების განხორციელებასთან დაკავშირებული ხარჯები ანაზღაურებულია მოქმედი კანონმდებლობის დარღვევით, შესაბამისი ხარჯის დამადასტურებელი დოკუმენტების წარმოდგენის გარეშე.

ეკონომიკის სამინისტროს სტრუქტურაში შემავალ ზოგიერთ ორგანიზაციას კონსოლიდირებულ ფინანსურ ანგარიშგებაში საცნობარო მუხლში არასწორად აქვს წარდგენილი ვადაგადაცილებული დავალიანებები. კერძოდ, დავალიანების ვადაგადაცილებული ნაწილის ნაცვლად, წარდგენილია მიმდინარე ვალდებულებების თანხა 2018 წლის 31 დეკემბერის მდგომარეობით. ასევე, ეკონომიკის სამინისტროს 2018 წლის ფინანსურ ანგარიშგებაში არ არის ელიმინირებული სსიპ ბათუმის სახელმწიფო საზღვაო აკადემიასა და სსიპ საქართველოს საზღვაო ტრანსპორტის სააგენტოს შორის განხორციელებული 110,131 ლარის ოპერაცია.

ხელვაჩაურის მუნიციპალიტეტში არ არის დანერგილი ისეთი შიდა კონტროლის სისტემა, რომელიც უზრუნველყოფს მუნიციპალიტეტის მიერ განხორციელებული საქმიანობის და გაწეული ხარჯის გამჭვირვალობას, ეფექტიანობას და მიზნობრიობას.

2018 წლის 31 დეკემბრის მდგომარეობით წარდგენილ კონსოლიდირებულ ფინანსურ ანგარიშგებაში ასახულია დეპოზიტები ხაზინაში უცხოურ ვალუტაში - 3,798,244 ლარის ოდენობით. თუმცა, ფულადი სახსრების მოძრაობის ანგარიშგებაში ასახული არ არის დეპოზიტებით მიღებული კურსთაშორისი სხვაობა.

ხელვაჩაურის მუნიციპალიტეტში არ არის დანერგილი ისეთი შიდა კონტროლის სისტემა, რომელიც უზრუნველყოფს მუნიციპალიტეტის მიერ განხორციელებული საქმიანობის და გაწეული ხარჯის გამჭვირვალობას, ეფექტიანობას და მიზნობრიობას.

აღრიცხვის ინსტრუქციის მიხედვით, კონსოლიდირებული ფინანსური ანგარიშგება უნდა მომზადდეს ერთიანი სააღრიცხვო პოლიტიკის გამოყენებით. კერძოდ, თუ კონტროლირებული ერთეული ანალოგიური ოპერაციებისა და სხვა მოვლენებისათვის იყენებს კონსოლიდირებულ ფინანსურ ანგარიშგებაში დადგენილი სააღრიცხვო პოლიტიკისაგან განსხვავებულ სააღრიცხვო პოლიტიკას, კონსოლიდირებული ფინანსური ანგარიშგების მომზადებისას მაკონტროლებელმა ერთეულმა უნდა გააკეთოს ფინანსური ანგარიშგების შესაბამისი კორექტირება. მიუხედავად იმისა, რომ ეკონომიკის სამინისტროს სტრუქტურაში შემავალი ორგანიზაციები იყენებენ მატერიალური მარაგების აღრიცხვის სხვადასხვა მეთოდს, 2018 წლის 31 დეკემბრის მდგომარეობით მომზადებული კონსოლიდირებული ფინანსური ანგარიშგების წარდგენისას აღრიცხვის ინსტრუქციის ზემოაღნიშნული მოთხოვნა შესრულებული არ არის.

ეკონომიკის სამინისტროს დაქვემდებარებაში მყოფი ზოგიერთი ორგანიზაცია ძირითადი აქტივების ანალიზურ აღრიცხვას აწარმოებს ხარვეზებით. კერძოდ: საქართველოს ინოვაციებისა და ტექნოლოგიების სააგენტოში, აწარმოე საქართველოსა და ტექნიკური ზედამხედველობის სააგენტოში, აქტივებს არ აქვთ მინიჭებული საინვენტარო კოდები; ტურიზმის ეროვნულ ადმინისტრაციაში, ბათუმის სახელმწიფო საზღვაო აკადემიასა და ნავთობისა და გაზის სააგენტოში აქტივების ნაწილს არ აქვს მინიჭებული საინვენტარო კოდები; გარდა ამისა, აკრედიტაციის ცენტრი არ აწარმოებს მარაგებისა და გრძელვადიანი მცირეფასიანი აქტივების ანალიზური აღრიცხვის ჟურნალს. ასევე, აკრედიტაციის ცენტრი ბუღალტრულად არ ასახავს მარაგების მიღებას და შესყიდვისას პირდაპირ ჩამოწერს ხარჯებში. აღსანიშნავია, რომ ორგანიზაციას 2018 წელს არ ჩაუტარებია მარაგების ინვენტარიზაცია. მარაგების ნაშთი წლის დასაწყისში და წლის ბოლოს უცვლელია და შეადგენს 10,147 ლარს.

საქართველოს ეკონომიკისა და მდგრადი განვითარების სამინისტროს აპარატის საბალანსო ანგარიშზე, სხვა ანგარიშები ბანკში, ერიცხება ყოფილი სამინისტროების (ეკონომიკის, ქონების, მრეწველობისა და ვაჭრობის) ბალანსებიდან გადმოსული გაურკვეველი ნაშთი - 210,370 ლარი, რომლის არსებობაზე რწმუნება ვერ იქნა მოპოვებული. აღსანიშნავია, რომ აღნიშნული ნაშთი წარმოშობილია 2004 წელს. 2017 წლის 6 ივლისს ეკონომიკის სამინისტრომ წერილით მიმართა საქართველოს ეროვნულ ბანკს ყოფილი ეკონომიკის, ქონების, მრეწველობისა და ვაჭრობის სამინისტროს მიერ საქართველოს ეროვნულ ბანკში გახსნილ ანგარიშსწორების ანგარიშებზე რიცხული ფულადი სახსრების ნაშთების შესახებ ინფორმაციის მისაღებად. აღნიშნული წერილის პასუხად 2017 წლის 14 ივლისს საქართველოს ეროვნულმა ბანკმა სამინისტროს აცნობა , რომ ეროვნული ბანკის საარქივო მასალებში აღნიშნული კლიენტის ანგარიშსწორების ანგარიში არ იძებნება. აღსანიშნავია, რომ 2019 წლის ივნისში სამინისტროს აპარატმა ჩაატარა ფულადი სახსრების, მოთხოვნებისა და ვალდებულებების ინვენტარიზაცია და მიღებული შედეგები წარუდგინა ხელმძღვანელობას შემდგომი რეაგირებისთვის.

ქონების ეროვნული სააგენტოს ძირითად საშუალებებზე ცვეთის ხარჯის გადათვლის შედეგად ძირითადი საშუალებების საბოლოო ნაშთში გამოვლინდა 40,015 ლარის სხვაობა. აღნიშნული ძირითადად გამოწვეულია ობიექტის მიერ ავტოსატრანსპორტო საშუალებებზე არასწორი ნორმის მიყენებით, რამაც გამოიწვია ზედმეტი ცვეთის ხარჯის დარიცხვა.

საზღვაო აკადემიას 2017 წელს უსასყიდლოდ გადაეცა 1,134,700 ლარის ღირებულების აქტივები, რომლების მიღება აკადემიის ფინანსურ ანგარიშგებაში ნაცვლად 2017 წლისა ასახულია 2018 წელს. შესაბამისად, 2017 წლის განმავლობაში დაურიცხავი ცვეთის ხარჯის გათვალისწინებით, 2018 წლის 31 დეკემბრის მდგომარეობით ძირითადი აქტივების საბოლოო ნაშთი 75,647 ლარით გაზრდილად არის წარმოდგენილი.

ინოვაციების სააგენტოს საგრანტო პროგრამების ფარგლებში სსიპ აპოლონ ქუთათელიძის სახელმწიფო სამხატვრო აკადემიაზე და სსიპ ილიას სახელმწიფო უნივერსიტეტზე გაცემული გრანტის ხარჯები 45,119 ლარის ოდენობით, ნაცვლად 2017 წლისა აღიარებულია 2018 წლის ხარჯებში.

2014 წლის 30 ივლისიდან 2018 წლის 31 დეკემბრის ჩათვლით აწარმოე საქართველოს სს ბეჭდვითი სიტყვის კომბინატისაგან იჯარით აღებული აქვს არასაცხოვრებელი შენობა, რომელიც მდებარეობს ქ. თბილისში მარჯანიშვილის ქუჩა N5/16-18-ში. ხელშეკრულების მიხედვით საიჯარო ფართი განისაზღვრა 198 კვ.მ-ით, ხოლო ყოველთვიური საიჯარო ქირა 3,564 აშშ დოლარის ოდენობით. აღნიშნულ ხელშეკრულებაში პერიოდულად შედიოდა ცვლილებები, რაც ითვალისწინებდა საიჯარო ფართის ან/და იჯარის ყოველთვიური ქირის ზრდას. 2017 წლის 7 სექტემბრიდან საიჯარო ფართი შეადგენდა 921.59 კვ.მ-ს ხოლო საიჯარო ქირა 16,378 აშშ დოლარს. 2014-2018 წლებში აწარმოე საქართველოში-მ ქირის სახით გადაიხადა 1,442,259 ლარი, მათ შორის 2018 წლის საიჯარო ქირამ 495,376 ლარი შეადგინა. ორგანიზაციის მიერ ვერ იქნა წარმოდგენილი ხარჯ-ეფექტურობის ანალიზი, რითაც შესაძლებელი იქნებოდა სხვადასხვა ალტერნატივის დანახარჯისა და სარგებლის შედარება და საუკეთესო გადაწყვეტილების მიღება. შესაბამისად, ჩვენ ვერ მივიღეთ რწმუნება რამდენად ეკონომიურად და ეფექტიანად იხარჯება ზემოაღნიშნული თანხები.

მთავრობის განკარგულებების საფუძველზე ეკონომიკის სამინისტრო ახორციელებს ფულად და ქონებრივ შენატანებს სს საპარტნიორო ფონდში და ფონდისგან მართვის უფლებით გადმოცემულ სახელმწიფოს წილობრივი მონაწილეობით მოქმედ საწარმოებში . აღსანიშნავია, რომ სამინისტროში არ არსებობს შენატანების აღრიცხვის ერთიანი პოლიტიკა. კერძოდ, ფულადი შენატანები აღირიცხება როგორც განხორციელებული ინვესტიცია, ხოლო ქონებრივი შენატანების შესახებ ინფორმაცია არ არის ასახული ფინანსურ ანგარიშგებაში (2016, 2017 და 2018 წლებში ქონების ეროვნული სააგენტოს მიერ სს საპარტნიორო ფონდში შეტანილი ქონების რაოდენობა შესაბამისად შეადგინა 33-ს 48-ს და 48 -ს). ეკონომიკის სამინისტროს ვერ ასაბუთებს ზემოაღნიშნული ტრანზაქციების აღრიცხვისათვის განსხვავებული მიდგომის გამოყენების მიზანშეწონილობას.

სსიპ − საქართველოს მუნიციპალური ფონდის ფინანსურ ანგარიშგებაში „სხვა მოკლევადიანი ფინანსური აქტივების“ მუხლში საგადასახადო აქტივი 2018 წლის 31 დეკემბრის მდგომარეობით შეადგენს 1,121,974 ლარს, ხოლო ორგანიზაციის საგადასახადო ბარათზე ჯამური დადებითი სალდო შეადგენს 3,940,385 ლარს. შესაბამისად, ჩვენ ვერ დავრწმუნდით ფინანსური ანგარიშგების ფორმა N1-ში „სხვა მოკლევადიანი ფინანსური აქტივების“ მუხლში ასახული თანხის სისწორეში.

სსიპ − საქართველოს მუნიციპალური განვითარების ფონდი 2016 წლიდან განკარგავს „ქალაქ ჭიათურაში მდებარე ქალაქის ცენტრის პერიფერიებთან დამაკავშირებელი ურბანული მექანიკური საბაგიროების აღჭურვილობის განახლების“ პროექტს, რომლის მშენებლობაც ფინანსდება საფრანგეთის მთავრობის სესხით, საქართველოს ფინანსთა სამინისტროსა და საფრანგეთის მთავრობას შორის გაფორმებული სასესხო ხელშეკრულების საფუძველზე. პროექტის შემსრულებელია ფრანგული კომპანია POMA (შემდგომ − კონტრაქტორი). 2018 წლის 31 დეკემბრის მდგომარეობით, საფრანგეთის მთავრობის მიმართ გადასახდელმა სასესხო ვალდებულებამ შეადგინა 11,825,492 ევრო, რომელიც ხელშეკრულების პირობის შესაბამისად წარმოშობილია საფრანგეთის მთავრობის მიერ კონტრაქტორის მიმართ განხორციელებული პირდაპირი გადახდებით. მუნიციპალური განვითარების ფონდისგან მიღებული ინფორმაციით, 2018 წლის 31 დეკემბრის მდგომარეობით, ორგანიზაციას პროექტის ფარგლებში კონტრაქტორისგან მიღებული აქვს არა 11,825,492 ევროს, არამედ − 10,825,001 ევროს სამუშაოების შესრულების დოკუმენტაცია, რაც ფონდის ფინანსურ ანგარიშგებაში კომპანია POMA-ს მიმართ წარმოშობს 1,000,492 ევროს მოთხოვნას. აუდიტის პროცესში აღნიშნული მოთხოვნა მესამე პირის დასტურის წერილით ვერ დადასტურდა, რადგან კომპანია POMA ქართული მხარის მიმართ ნაკისრ ვალდებულებებს შესრულებულად თვლის და არ აღიარებს ფონდის მოთხოვნას. ზემოაღნიშნული გარემოება მიუთითებს, რომ მიუხედავად დაკისრებული ფუნქციისა, კომპანია POMA-ს მიერ განხორციელებული პროექტის ფარგლებში, ფონდს არ აქვს დანერგილი სათანადო კონტროლის მექანიზმები, რომლებიც უზრუნველყოფს სამუშოების ზედამხედველობასა და გადახდილი თანხის შესრულებულ სამუშაოებთან შესაბამისობის დადგენას. რაც, ასევე შექმნიდა ფინანსურ ანგარიშგებაში აღიარებული მოთხოვნის სამართლიანობისა და უტყუარობის საფუძველს. შესრულებული სამუშაოების ზედამხედველობა და საკმარისი კონტროლის მექანიზმების არსებობა მნიშვნელოვანია სამართლიანი აღრიცხვისთვის, პროექტის დროულად და ეფექტიანად განხორციელებისთვის და ასევე სახელმწიფოს მიერ გადასახდელი სესხის მიზნობრიობის დასადასტურებლად. ზემოაღნიშნულიდან გამომდინარე, ჩვენ ვერ მოვიპოვეთ საკმარისი და შესაფერისი მტკიცებულებები 2018 წლის 31 დეკემბრის მდგომარეობით მომზადებული კონსოლიდირებული ფინანსური ანგარიშგების ფორმა N1-ში 1,000,492 ევროს მოთხოვნის უფლებაზე.

ინსტრუქციის მოთხოვნების შესაბამისად, კონსოლიდაციის დროს კონტროლირებად ორგანიზაციებს შორის განხორციელებული ოპერაციები მთლიანად უნდა გამოირიცხოს და ანგარიშგება მომზადდეს ამ ოპერაციების გარეშე. შესაბამისი კონტროლის მექანიზმების არარსებობის გამო, ფინანსური ანგარიშგების კონსოლიდაციისას, სამინისტროს მიერ არასრულადაა ელიმინირებული სისტემაში შემავალ ერთეულებს შორის ოპერაციები. კერძოდ, შიდა ჯგუფური ოპერაციების თანხა შეადგენდა 17,736,729 ლარს, საიდანაც ელიმინირებულია მხოლოდ 16,676,279 ლარი. კონსოლიდირებულ ფინანსურ ანგარიშგებაში ასახულია 2018 წლის პირველი იანვრიდან 11 ივლისამდე პერიოდში ლტოლვილთა სამინისტროს ხარჯი, შემოსავალი, ბიუჯეტიდან დაფინანსება და ასევე 2017 წლის ნაშთები და ოპერაციები, მაშინ როცა ყოფილი სამინისტრო კონტროლირებადი ერთეული გახდა 2018 წლის 11 ივლისის შემდეგ. შედეგად, კონსოლიდირებულ ფინანსურ ანგარიშგებაში (ფორმა №1 და №2) გაზრდილია საწყისი ნაშთები და წინა წლის ოპერაციები, კერძოდ: აქტივები − 147,434,795 ლარით, ვალდებულებები − 4,631,820 ლარით, კაპიტალი − 142,802,975 ლარით, შემოსავლები − 583,977 ლარით და ხარჯი − 111,332,276 ლარით; ასევე კონსოლიდირებულ ფინანსურ ანგარიშგებაში (ფორმა №2) გაზრდილია მიმდინარე პერიოდის ბიუჯეტიდან დაფინანსება, შემოსავალი და ხარჯი, შესაბამისად, 57,763,471 ლარით, 1,849,753 ლარით და 22,475,790 ლარით.

სსიპ − საქართველოს მუნიციპალური განვითარების ფონდმა აზიის განვითარების ბანკის პროექტის ფარგლებში ქ. ფოთში განახორციელა კანალიზაციის სატუმბი სადგურებისა და წყალმომარაგების ქსელის რეაბილიტაცია, რომლის საფუძველს წარმოადგენს ქ. ფოთის მუნიციპალიტეტთან გაფორმებული პროექტის საინვესტიციო დაფინანსების ხელშეკრულებები. აღნიშნული ხელშეკრულებებით ქ. ფოთის მუნიციპალიტეტს ფონდის მიმართ წარმოეშვა სასესხო დავალიანება, რომლის ნაშთი 2018 წლის 31 დეკემბრის მდგომარეობით შეადგენს 4,057,004 ლარს და წარმოადგენს ვადაგადაცილებულ მოთხოვნას. სესხის გადახდაზე მუნიციპალიტეტმა უარი განაცხადა, ვინაიდან პროექტის შედეგად მიღებული აქტივი მთავრობის განკარგულებით გადაეცა შპს „საქართველოს გაერთიანებული წყალმომარაგების კომპანიას“, რომლის პარტნიორის უფლებამოსილებას ახორციელებს სახელმწიფო საკუთრებაში არსებული კომპანიის 100%-იანი წილის მმართველი − საქართველოს რეგიონული განვითარებისა და ინფრასტრუქტურის სამინისტრო და მუნიციპალიტეტი აღარ არის აქტივის განმკარგავი. აღსანიშნავია, რომ ფონდის შემოსავლები და მის მიერ სხვა პროექტების განხორციელება დამოკიდებულია მუნიციპალიტეტების მიერ საინვესტიციო ხელშეკრულებებით აღებული სასესხო ვალდებულებების კეთილსინდისიერად შესრულებაზე. აღნიშნულ საკითხზე აზიის განვითრების ბანკის პროექტების ადგილობრივი მმართველისგან ფონდს მიღებული აქვს არაერთი გაფრთხილება, რათა საკითხი დროულად გადაწყდეს და მუნიციპალიტეტმა უპირობოდ შეასრულოს ფონდის წინაშე სასესხო ხელშეკრულებით ნაკისრი ვალდებულებები. მიუხედავად ზემოაღნიშნულისა, საკითხი დღემდე მოუგვარებელია. შესაბამისად, ჩვენ ვერ მოვიპოვეთ შესაფერისი მტკიცებულებები ვადაგადაცილებული მოთხოვნის მისაღებად განხორციელებული ღონისძიებების შესახებ. შესაბამისად, ვერ გამოვთქვამთ მოსაზრებას, რამდენად აკმაყოფილებს აღნიშნული თანხები აქტივად აღიარების კრიტერიუმებს.

სააგენტოს 2,079,427 ლარის დებიტორული დავალიანება ზედმეტად აქვს აღრიცხული, რაც გამოწვეულია იმით, რომ საბუღალტრო სამსახურმა ერთი და იგივე დავალიანება (სამედიცინო დაწესებულების საჯარიმო სანქცია) სააღრიცხვო რეგისტრებში ასახა ორჯერ, ორი სხვადასხვა დეპარტამენტისგან მიღებული ინფორმაციის საფუძველზე. სააგენტოს აღრიცხული აქვს გაუქმებული სსიპ-ის შედეგად გადმოცემული 203,945 ლარის დებიტორული დავალიანება, წარმოდგენილი დოკუმენტაციის მიხედვით კი, აღნიშნული დავალიანების ამოღების ალბათობა ნულია, რაც ასევე ასახული იყო წინა პერიოდის ფინანსური აუდიტის ანგარიშში. სააგენტოს არ აქვს აღრიცხული 2018 წელს საყოველთაო ჯანმრთელობის დაცვის პროგრამის ფარგლებში დაფარული 15,175 ლარის დებიტორული დავალიანება. ლტოლვილთა სამინისტროს არ აქვს შემცირებული „მოთხოვნები წინასწარი ანგარიშსწორებით“ − თანხით 145,647 ლარი. აღნიშნული 2018 წელს მიმწოდებლის მიერ შესრულებული სამუშაოს ღირებულებაა. შედეგად, კონსოლიდირებული ფინანსური ანგარიშგების ფორმა №1-ში მოკლევადიანი აქტივების საბოლოო ნაშთი გაზრდილია 2,444,194 ლარით.

საქართველოს საავტომობილო გზების დეპარტამენტის ფინანსურ ანგარიშგებაში „დაუმთავრებელი ძირითადი აქტივები“ ასახულია 1,475,974,972 ლარის ოდენობით. აქედან, 103,236,067 ლარის აქტივები წარმოშობილია 2006-2017 წლებში. აღნიშნული აქტივები შედგება საპროექტო სამუშაოების, დაუმთავრებელი მშენებლობების, საკონსულტაციო მომსახურების და სხვა აქტივებისგან, აღსანიშნავია, რომ ზემოხსენებულ აქტივებზე 2018 წელს არ განხორციელებულა კაპიტალური დანახარჯები. ამასთანავე, დეპარტამენტის სტრუქტურულ ერთეულებს, რომლებიც ჩართული არიან საპროექტო, საზედამხედველო და სამშენებლო-სარეაბილიტაციო პროცესში არ გააჩნიათ სრულყოფილი ინფორმაცია ზემოხსენებულ აქტივებთან დაკავშირებით. ასევე დეპარტამენტს შემუშავებული არ აქვს უახლოეს მომავალში მათი გამოყენების გეგმა. შესაბამისად, ჩვენ ვერ დავრწმუნდით რამდენად აკმაყოფილებენ აღნიშნული დაუმთავრებელი ძირითადი საშუალებები, აქტივად აღიარების კრიტერიუმებს. შესაბამისი კონტროლის მექანიზმების არსებობა მნიშვნელოვანია როგორც სწორი ფინანსური აღრიცხვის, ასევე პროექტების განხორციელების სხვადასხვა ეტაპზე ხარვეზების დროულად გამოვლენისა და შესაბამისი რეაგირების მიზნით, რაც უზრუნველყოფს აქტივებში გადახდილი თანხების ეკონომიურ და ეფექტიან ხარჯვას. შესაბამისად, ჩვენ ვერ მოვიპოვეთ შესაფერისი მტკიცებულებები, აქტივების სამომავლო გამოყენებასთან დაკავშირებული ღონისძიებების შესახებ და რამდენად აკმაყოფილებენ აღნიშნული ძირითადი საშუალებები აქტივად აღიარების კრიტერიუმებს. გარდა ზემოაღნიშნულისა, 2018 წელს დეპარტამენტმა სახელმწიფო აუდიტის სამსახურის რეკომენდაციის საფუძველზე, „დაუმთავრებელი ძირითადი აქტივების“ მუხლიდან „ძირითად აქტივებში“ გადაიტანა 2011-2017 წლებში დასრულებული 792,768,792 ლარის ღირებულების აქტივი. თუმცა, დეპარტამენტმა არ დაარიცხა ცვეთის ხარჯი ექსპლუატაციაში შესვლის თარიღების შესაბამისად. ფინანსური ანგარიშგების მომზადების მიზნებისათვის, ზემოაღნიშნული იწვევს მნიშვნელოვან სხვაობებს ფინანსურ ანგარიშგებაში წარდგენილ აქტივების ნაშთებსა და „კაპიტალის მოხმარების“ ანგარიშზე საქართველოს ფინანსთა მინისტრის 2010 წლის 25 აგვისტოს N672 ბრძანების შესაბამისად. აუდიტის ჯგუფის მიერ გადათვლის შედეგად გამოვლინდა, რომ „ძირითადი აქტივების“ მუხლი არასწორად არის გაზრდილი 2018 წლის 1 იანვრამდე დაურიცხავი ცვეთის ხარჯით − 45,484,646 ლარის ოდენობით. ამდენად, კონსოლიდირებული ფინანსური ანგარიშგების ფორმა N1-ში „გრძელვადიანი აქტივები“ გაზრდილია 45,484,646 ლარით, ხოლო 103,236,067 ლარის აქტივის ნაშთზე ვერ მოვიპოვეთ საკმარისი და შესაფერისი მტკიცებულებები, თუ რამდენად აკმაყოფილებენ აქტივად აღიარების კრიტერიუმებს. ინვენტარიზაცია წარმოადგენს კონტროლის მექანიზმს, რომლის მიზანია დანაკლისის, ზედმეტობისა და დაზიანებული/გამოუსადეგარი ძირითადი აქტივების იდენტიფიცირება. შესაბამისად, ინვენტარიზაციის ჩატარება მნიშვნელოვანია იმაში დასარწმუნებლად, რომ ფინანსურ ანგარიშგებაში ასახული ყველა ძირითადი საშუალება რეალურად არსებობს და ამასთანავე, ორგანიზაციის მფლობელობაში არსებული ყველა ძირითადი საშუალება სრულად არის ასახული ფინანსურ ანგარიშგებაში. აღსანიშნავია, რომ საქართველოს საავტომობილო გზების დეპარტამენტი და სსიპ − მუნიციპალური განვითარების ფონდი არ ატარებენ დაუმთავრებელი ძირითადი აქტივების ინვეტარიზაციას, რაც მნიშვნელოვნად უშლის ხელს გამოუსადეგარი/შეჩერებული პროექტებისა და სამშენებლო სამუშაოების, ასევე ექსპლუატაციაში შესული ძირითად აქტივების დროულ იდენტიფიცირებას.

სააგენტოს არ აქვს აღრიცხული მოთხოვნები 2018 წელს შეცდომით გადარიცხული თანხებით, სულ − 55,555 ლარი, რომელიც აღდგენილია ბიუჯეტში 2019 წელს. არ არის აღრიცხული ლტოლვილთა სამინისტროს მიხედვით კონტრაქტორი საწარმოების მიმართ ხელშეკრულების პირობების დარღვევის გამო დაკისრებული 4,031,814 ლარის საჯარიმო სანქცია, საიდანაც 3,974,721 ლარის ჯარიმები დაკისრებულია სასამართლოს კანონიერ ძალაში შესული გადაწყვეტილებების საფუძველზე. სააგენტოს 2018 წელს ჩამოწერილი აქვს სახელმწიფო პროგრამების ფარგლებში სამედიცინო დაწესებულებების შემოწმების შედეგად დაკისრებული 214,583 ლარის დებიტორული დავალიანება. მოთხოვნის აღნიშნული თანხით კორექტირება განხორციელდა 2019 წელს და ეს ოპერაცია უნდა აისახოს ამავე პერიოდის ფინანსურ ანგარიშგებაში. სააგენტოს არ აქვს აღრიცხული შემოსავლების სამსახურის მიხედვით გადამხდელის პირადი ბარათის მონაცემებით საგადასახადო აქტივების ნაშთი 2018 წლის 31 დეკემბრის მდგომარეობით − 79,927 ლარი, რაც ასევე ასახული იყო წინა პერიოდის ფინანსური აუდიტის ანგარიშში. შედეგად, კონსოლიდირებული ფინანსური ანგარიშგების ფორმა №1-ში მოკლევადიანი აქტივების ნაშთი შემცირებულია 4,381,879 ლარით.

სსიპ − საქართველოს მუნიციპალური განვითარების ფონდის ფინანსურ ანგარიშგებაში „გრძელვადიანი ფინანსური ვალდებულებები“ შეადგენს 49,890,583 ლარს. აღსანიშნავია, რომ ფონდის მიერ არასწორ პერიოდშია აღრიცხული შპს „ინ-სის“ მიმართ წარმოშობილი 972,475 ლარის ვალდებულებები, რადგან პირველადი დოკუმენტები საოპერაციო პერიოდით ეკუთვნის 2018 წლის დეკემბერს, ხოლო ვალდებულება აღიარებულ იქნა 2019 წელს, როდესაც მოხდა აღნიშნული დავალიანების დაფარვა. გამომდინარე აქედან, 2018 წლის ფინანსურ ანგარიშგებაში ვალდებულებების და ხარჯის მუხლი არასწორად არის შემცირებული 972,475 ლარით. ფონდის ფინანსურ ანგარიშგებაში არ არის მოცემული ინფორმაცია ისეთი 11 სასამართლო დავის შესახებ, რომელთა სავარაუდო თანხა ცნობილი იყო 2018 წლის 31 დეკემბრის მდგომარეობით და შეადგენდა 27 მლნ ლარს. ფინანსური ანგარიშგების სამართლიანი წარდგენის პრინციპიდან გამომდინარე, მიზანშეწონილია, ზემოაღნიშნული დავების შესახებ ინფორმაცია ასახული იყოს 2018 წლის 31 დეკემბრის მდგომარეობით წარდგენილ ფინანსურ ანგარიშგებაში. სსიპ − ევრაზიის სატრანსპორტო დერეფნის საინვესტიციო ცენტრის მიერ წარმოდგენილი ფინანსური ანგარიშგების ფორმა N1-ში „გრძელვადიანი ფინანსური ვალდებულებები და კრედიტორული დავალიანებების“ მუხლში არ არის ასახული მომწოდებლის მიმართ დარიცხული ვალდებულებები 4,300,983 ლარის ოდენობით, ვინაიდან ცენტრი ფინანსურ ანგარიშგებას ამზადებს საკასო მეთოდით, რაც შეუსაბამოა აღრიცხვის ინსტრუქციასთან. აქედან გამომდინარე, არასწორად არის შემცირებული „არაფინანსური აქტივების“ მუხლით გაწეული ხარჯიც. ამდენად, კონსოლიდირებულ ფინანსურ ანგარიშგებაში „გრძელვადიანი ფინანსური ვალდებულებები და კრედიტორული დავალიანებების“ მუხლი არასწორად არის შემცირებული 5,273,458 ლარით, ხოლო „გრანტების“ და „სუბსიდიის“ მუხლი, შესაბამისად, 972,475 და 4,300,983 ლარით.

ფინანსურ ანგარიშგებაში − „მოთხოვნები არაფინანსური აქტივების დანაკლისებით“, ანგარიშზე 2018 წლის 31 დეკემბრის მდგომარეობით აღრიცხულია 779,411 ლარის დავალიანება. დანაკლისის აღდგენისთვის გატარებული ღონისძიებების დამადასტურებელი დოკუმენტაცია, კერძოდ, ცენტრალური აპარატის შემთხვევაში, სამართალდამცავ ორგანოებში გადაგზავნილი მასალები და ლტოლვილთა სამინისტროს გადაგზავნილ მასალებზე რეაგირების მდგომარეობის ამსახველი ინფორმაცია სამინისტრომ ვერ წარმოადგინა; ცენტრალური აპარატის დავალიანების შესახებ ასევე ასახული იყო წინა პერიოდის ფინანსური აუდიტის ანგარიშში.

საქართველოს საავტომობილო გზების დეპარტამენტის ფინანსურ ანგარიშგებაში ძირითადი კაპიტალის მოხმარების ხარჯი შეადგენს 102,097,553 ლარს. ცვეთის ხარჯი ორგანიზაციამ გაიანგარიშა ერთ-ერთი შიდა სტრუქტურული ერთეულის მიერ მომზადებული ბაზით. ამავე მონაცემებზე დაყრდნობით, აუდიტის ჯგუფმა გადათვალა ცვეთის ხარჯი და გამოვლინდა, რომ დეპარტამენტს ცვეთის ხარჯი აღრიცხული ჰქონდა 9,112,964 ლარით ნაკლები ოდენობით. ზემოაღნიშნულიდან გამომდინარე, კონსოლიდირებული ფინანსური ანგარიშგების ფორმა N1-ში „ძირითადი აქტივები“ არასწორად არის გაზრდილი 9,112,964 ლარით და ფორმა N2-ში „ძირითადი კაპიტალის მოხმარების“ მუხლი არასწორად არის შემცირებული 9,112,964 ლარით.

ვერ დადასტურდა ცენტრალური აპარატისა და სააგენტოს დებიტორული დავალიანება, სულ 67 ორგანიზაციის შემთხვევაში, რომელთა დავალიანება 2018 წლის 31 დეკემბრის მდგომარეობით შეადგენდა 51,246,404 ლარს. დებიტორული დავალიანების დასადასტურებლად ძირითადი აუდიტორული პროცედურები (გარე დადასტურება) საკმარისი არ აღმოჩნდა და ვერც ალტერნატიული პროცედურების განხორციელება გახდა შესაძლებელი, ვინაიდან სააგენტოს დებიტორული დავალიანების დიდ ნაწილს შეადგენს დავალიანებები, რომლებიც წარმოქმნილია სახელმწიფო პროგრამების ზედამხედველობის ფარგლებში დაკისრებული საჯარიმო სანქციებით. თანხების ბიუჯეტში აღდგენას ორგანიზაციები ახორციელებენ ხაზინის ერთიან ანგარიშზე ჩარიცხვით. იმ შემთხვევაში, თუ ორგანიზაციას საგადახდო დავალებაში არ აქვს მითითებული დავალიანების წარმოქმნის საფუძველი ან არ არის საგადახდო დავალება წარმოდგენილი სააგენტოში, ხაზინის ამონაწერით ვერ ხერხდება იმ დავალიანების იდენტიფიცირება, რომლის დაფარვის მიზნითაც განხორციელდა გადახდა. ცენტრალურ აპარატში კი, დავალიანებები ხანდაზმულია და არ არის განხორციელებული მოთხოვნა-ვალდებულებების ინვენტარიზაცია, შესაბამისად, არ არის გაფორმებული შედარების აქტები.

2018 წლის 27 აგვისტოს სამინისტროს აპარატსა და სსიპ − მუნიციპალური განვითარების ფონდს შორის გაფორმებული მიღება-ჩაბარების აქტის საფუძველზე ფონდს ჭიათურის საბაგირო გზების რეკონსტრუქცია-რეაბილიტაციის პროექტის ფარგლებში გადმოეცა სამინისტროს ბალანსზე რიცხული 5,366,518 ლარის ფინანსური და 264,730 ლარის ღირებულების არაფინანსური აქტივი. გადმოცემული აქტივი წარმოადგენდა 2015 წელს სამინისტროს აპარატის მიერ კონტრაქტორისთვის გადახდილ საავანსო თანხას. ფონდმა აქტივი მიიღო ლარებში განსაზღვრული თანხით, თუმცა ბუღალტრულად 2015 წელს გადარიცხული საავანსო თანხა − 2,379,092 ევრო და არაფინანსური აქტივის თანხა − 100,000 ევრო აღრიცხა 2018 წლის 27 აგვისტოს კურსის ეკვივალენტით ლარში, შესაბამისად, 7,087,553 და 297,910 ლარის ოდენობით. გამომდინარე აქედან, 1,754,215 ლარით გადააფასა გრანტის სახით მიღებული შემოსავალი. ზემოაღნიშნულიდან გამომდინარე, კონსოლიდირებულ ფინანსურ ანგარიშგებაში გრანტის სახით მიღებული შემოსავალი არასწორად არის გაზრდილი 1,754,215 ლარით.

ფინანსურ ანგარიშგებაში აღრიცხულია რეფერალური მომსახურების პროგრამის ფარგლებში, 2006 წლიდან 2018 წლამდე პერიოდში 1,106 ფიზიკური პირის მიმართ წარმოშობილი დებიტორული დავალიანება, სულ − 15,198,728 ლარი. აღნიშნული პროგრამის ფარგლებში ბენეფიციარები დახმარებას იღებენ კომისიის საოქმო გადაწყვეტილების საფუძველზე, რომელიც განსაზღვრავს კონკრეტული ბენეფიციარისთვის ქვეყნის გარეთ სამედიცინო დაწესებულებაში მომსახურების მისაღებად გადასარიცხ თანხას. გადაწყვეტილების საფუძველზე ფორმდება შეთანხმება ბენეფიციართან/მისი ნდობით აღჭურვილ პირთან, რომლის მიხედვით, იგი ვალდებულია გამგზავრების წინ წარმოადგინოს გამგზავრების დამადასტურებელი დოკუმენტი (ბილეთი/ჯავშანი), ხოლო მიღებული მომსახურების შემდეგ არა უგვიანეს 30 კალენდარული დღისა − ხარჯის დამადასტურებელი დოკუმენტები. ასევე ბენეფიციარი/მისი ნდობით აღჭურვილი პირი ვალდებულია სააგენტოს აცნობოს საზღვარგარეთ სამკურნალო დაწესებულებების მიერ მისთვის გადარიცხული თანხის არასრულად გამოყენების თაობაზე და არ გამოიტანოს აღნიშნული თანხა სამკურნალო დაწესებულებიდან. ვალდებულებების შეუსრულებლობის შემთხვევაში კი, ბენეფიციარი ან/და მისი ნდობით აღჭურვილი პირი ვალდებულია, სააგენტოში სრულად დააბრუნოს მისთვის გამოყოფილი თანხა. სამინისტროს განმარტებით, დებიტორული დავალიანება აღიარდება თანხის გადარიცხვის დროს, რომლის ჩამოწერის საფუძველი არის ბენეფიციარის ან/და მისი ნდობით აღჭურვილი პირის მიერ წარმოდგენილი მომსახურების დამადასტურებელი დოკუმენტაცია. სამინისტროს, ხარჯის დამადასტურებელი დოკუმენტაციის მისაღებად, შესაბამისი ღონისძიებები არ გაუტარებია. დებიტორული დავალიანების დასადასტურებლად დასტურის წერილი ვერ გაიგზავნა და არც აუდიტის ობიექტს შეუფასებია დებიტორული დავალიანება ინსტრუქციის და ფინანსთა მინისტრის მიერ დამტკიცებული ინვენტარიზაციის ჩატარების წესის შესაბამისად, რაც ასევე ასახული იყო წინა პერიოდის ფინანსური აუდიტის ანგარიშში.

სსიპ − მუნიციპალური განვითარების ფონდის ფინანსურ ანგარიშგებაში საბიუჯეტო სახსრებიდან გრანტების სახით გაწეულ ხარჯებში ასახულია 147,061,587 ლარი, რის საფუძვლადაც გამოყენებულია მხოლოდ კონტრაქტორებთან გაფორმებული მიღება-ჩაბარების აქტები. აღნიშნული ხარჯის გაწევის შედეგად იქმნება ძირითადი აქტივი, რომელიც გადაეცემა მუნიციპალიტეტებს, თუმცა ფონდის საბუღალტრო მონაცემებში აქტივის შექმნის ოპერაციები არ ფიქსირდება და პირდაპირ „გრანტის“ მუხლით გაწეულ ხარჯად აღიარდება, რაც, თავის მხრივ, მიუთითებს, რომ აქტივის შექმნის ეტაპზე კონტროლის მექანიზმი არ არსებობს. ფონდმა გრანტის სახით გაწეული ხარჯის საფუძვლად ვერ წარმოადგინა ბენეფიციარებისთვის აქტივების გადაცემის დამადასტურებელი დოკუმენტაცია. აქედან გამომდინარე, ჩვენ ვერ მოვიპოვეთ შესაბამისი რწმუნება 147,061,587 ლარის გრანტის ხარჯად აღიარების შესახებ. ზემოაღნიშნული თანხიდან 641,554 ლარი უნდა აღრიცხულიყო სუბსიდიის ხარჯად, ნაცვლად − გრანტის ხარჯისა, რადგან არაფინანსური აქტივის მიმღები ბენეფიციარი კერძო სუბიექტია. საქართველოს საავტომობილო გზების დეპარტამენტი შესრულებული სამუშაოების საფუძველზე შექმნილ ძირითად აქტივებს „გრანტების“ მუხლით გადასცემს შესაბამის მუნიციპალიტეტებს. 2018 წლის ფინანსურ ანგარიშგებაში აღნიშნული მუხლით გაწეული ხარჯი შეადგენს 43,251,951 ლარს, ხოლო წარმოდგენილი დოკუმენტაციის საფუძველზე გადაცემული აქტივის მოცულობა შეადგენს 41,169,733 ლარს, რაც 2,082,218 ლარით ნაკლებია ფინანსურ ანგარიშგებაში ასახულზე. შესაბამისად, 2018 წლის 31 დეკემბრის კონსოლიდირებული ფინანსური ანგარიშგების ფორმა N2-ში გრანტების სახით გაწეული ხარჯები არასწორად არის გაზრდილი 2,082,218 ლარით, ხოლო 147,061,587 ლარის გრანტის ხარჯად აღიარების შესახებ, შესაფერისი მტკიცებულებები ვერ მოვიპოვეთ.

ფინანსურ ანგარიშგებაში 2018 წლის 31 დეკემბრის მდგომარეობით აღრიცხულია 2010 წლამდე 6 პირის მიმართ წარმოშობილი 199,530 ლარის დებიტორული დავალიანება, რომლის წარმოშობის დამადასტურებელ დოკუმენტაციას სააგენტო არ ფლობს. ამასთანავე, ნაშთების რეალურობის დადგენის მიზნით, მოთხოვნების ინვენტარიზაციის დროს, ორგანიზაციებთან არ გაფორმებულა ურთიერთშედარების აქტები, რაც ასევე ასახული იყო წინა პერიოდის ფინანსური აუდიტის ანგარიშში.

სსიპ − მუნიციპალური განვითარების ფონდის ფინანსურ ანგარიშგებაში „სუბსიდიების“ მუხლით გაწეული ხარჯი შეადგენს 14,740,197 ლარს. გამოვლინდა, რომ 1,243,705 ლარის ოდენობის სუბსიდიის ხარჯი, ნაცვლად 2017 წლისა, მიკუთვნებულია 2018 წლისთვის. შესაბამისად, 2018 წლის 31 დეკემბრის კონსოლიდირებული ფინანსური ანგარიშგების ფორმა N2-ში „სუბსიდიის“ მუხლი არასწორად არის გაზრდილი 1,243,705 ლარით.

ცენტრალურ აპარატს „სხვა დანარჩენი მატერიალური მარაგების“ ანგარიშზე 2018 წლის 31 დეკემბრის მდგომარეობით აღრიცხული აქვს 121,285 ლარის მატერიალური მარაგები, რომელიც სამინისტროს შეფასებით, შემდგომი გამოყენებისთვის გამოუსადეგარია, რაც ასევე ასახული იყო წინა პერიოდის ფინანსური აუდიტის ანგარიშში. სააგენტოს სხვა დანარჩენი მატერიალური მარაგების ანგარიშზე, 2018 წლის 31 დეკემბრის მდგომარეობით აღრიცხული აქვს C ჰეპატიტის მართვის პროგრამის ფარგლებში 560,645,083 ლარის ვადაგასული მედიკამენტი. ვადაგასული მედიკამენტების შესახებ ინფორმაცია შემდეგია: ცხრილი №5. ვადაგასული მედიკამენტები დასახელება რაოდენობა (ცალი) ინტერფერონი 1,222 რიბავირინი 5,547 ზეპატიერი 2,268 სოვალდი 16,834 ჰარვონი 205,003 სააგენტოს განმარტებით, მედიკამენტების ვადის გასვლის ძირითადი მიზეზი იყო ის, რომ 2017 წლის ივლისიდან მკვეთრად შემცირდა ბენეფიციართა მომართვიანობა. ასევე პროგრამის ამოქმედების თავდაპირველ ეტაპზე (2015 წელი) ძირითადი სამკურნალო პრეპარატი იყო სოფოსბუვირი (სოვალდი), რომელიც სამკურნალო რეჟიმების მიხედვით, ინიშნებოდა სხვა მედიკამენტებთან (ინტერფერონი და რიბავირინი) კომბინაციით. 2016 წლის თებერვლიდან აღნიშნული პრეპარატი ჩანაცვლდა ახალი თაობის მედიკამენტით − ჰარვონით, რომლის მიხედვით შეიცვალა სამკურნალო რეჟიმები და აღნიშნულმა მკვეთრად შეამცირა თავდაპირველ ეტაპზე გამოყენებული პრეპარატების (სოფოსბუვირი, ინტერფერონი და რიბავირინი) მოხმარება. ასევე სააგენტოს განმარტებით, არსებობს მკურნალობის თვითნებური შეწყვეტის ან გარდაცვალების ფაქტები. ჩართული ბენეფიციარების დაგეგმილი და ფაქტობრივი რაოდენობრივი მაჩვენებლები შემდეგია: ცხრილი №6. პაციენტების დაგეგმილი და ფაქტობრივი რაოდენობა წელი დაგეგმილი რაოდენობა ფაქტობრივი რაოდენობა სხვაობა 2015 5,000 5,936 936.00 2016 20,000 21,654 1,654.00 2017 20,000 14,791 (5,209.00) 2018 20,000 10,206 (9,794.00) სააგენტოს მიერ წარმოდგენილი ინფორმაციით კი, მკურნალობის რეჟიმების გათვალისწინებით, ვადაგასული მედიკამენტი წარმოადგენს საშუალოდ შემდეგი რაოდენობის პაციენტების სამკურნალო საშუალებას: ცხრილი №7. პაციენტების წლიური საშუალო რაოდენობა დასახელება პაციენტების საშუალო რაოდენობა ინტერფერონი 85 რიბავირინი 9 ზეპატიერი 27 სოვალდი 167 ჰარვონი 2,033 შედეგად, კონსოლიდირებულ ფინანსურ ანგარიშგებაში − ფორმა №1-ში მოკლევადიანი აქტივების საბოლოო ნაშთი გაზრდილია 560,766,368 ლარით. მოცემული უზუსტობები ქმნის პროგრამის ფარგლებში მისაწოდებელი სამედიცინო სერვისის მედიკამენტებით უზრუნველყოფის დამახინჯებულ სურათს, ასევე ზრდის მედიკამენტების საჭიროების განსაზღვრის და მისი განაწილების დროს არაადეკვატური გადაწყვეტილებების მიღების რისკს.

სსიპ − მუნიციპალური განვითარების ფონდმა გადააფასა გაცემული ავანსები, რაც აღრიცხვის ინსტრუქციის დარღვევას წარმოადგენს. გადაფასების შედეგად მიღებულმა შემოსავალმა შეადგინა 635,154 ლარი, ხოლო ზარალმა − 1,241,545 ლარი. ასევე: ფონდის მიერ მყარი ნარჩენების მართვის პროექტის ფარგლებში გადაფასებულია მუნიციპალიტეტებზე დასარიცხი გრძელვადიანი სასესხო მოთხოვნა. აღნიშნული სესხი მუნიციპალიტეტებზე გაცემულია ლარში, შესაბამისად, 3,095,447 ლარით გაზრდილია არასაოპერაციო ხარჯების ანგარიში. შესაბამისად, 2018 წლის 31 დეკემბრის კონსოლიდირებული ფინანსური ანგარიშგების ფორმა N4-ში „კურსთაშორისი სხვაობით მიღებული შემოსავალი“ არასწორად არის გაზრდილი 635,154 ლარით, ხოლო „კურსთაშორისი სხვაობით მიღებული ზარალი“ არასწორად არის გაზრდილი 4,336,992 ლარით.

ლტოლვილთა სამინისტროს ძირითადი აქტივების ანგარიშზე აღრიცხული აქვს 50,509,937 ლარის ღირებულების არაფინანსური აქტივი საცხოვრებელი სახლების სახით, რომლებიც ნასყიდობის ხელშეკრულების საფუძველზე, გადაცემულია და საკუთრების უფლება საჯარო რეესტრში რეგისტრირებულია დევნილ და ეკომიგრანტ ბენეფიციარებზე. ლტოლვილთა სამინისტროს არაწარმოებული აქტივების ანგარიშზე აღრიცხული აქვს 33,000 ლარის ღირებულების არასასოფლო-სამეურნეო დანიშნულების მიწის ნაკვეთი, რომელიც კომისიის გადაწყვეტილების საფუძველზე, გადაცემულია და საკუთრების უფლება საჯარო რეესტრში რეგისტრირებულია საქართველოს შინაგან საქმეთა სამინისტროს სახელზე. ცენტრალურ აპარატს დაუმთავრებელი აქტივების ანგარიშზე აღრიცხული აქვს 363,520 ლარის ღირებულების პროექტები. აუდიტის ობიექტის განმარტებით, 3 პროექტის მიხედვით (საპროექტო მომსახურების ღირებულება 361,020 ლარი), სამშენებლო სამუშაოები არ განხორციელებულა და მათი შემდგომი გამოყენება შეუძლებელია, ხოლო ერთი პროექტის მიხედვით (საპროექტო მომსახურების ღირებულება 2,500 ლარი), სამშენებლო სამუშაოები დასრულებულია, რაც ასევე ასახული იყო წინა პერიოდის ფინანსური აუდიტის ანგარიშში. შედეგად, კონსოლიდირებულ ფინანსურ ანგარიშგებაში (ფორმა №1) ძირითადი და არაწარმოებული აქტივების საბოლოო ნაშთი გაზრდილია, შესაბამისად, 50,873,457 ლარით და 33,000 ლარით.

სსიპ − საქართველოს მუნიციპალური განვითარების ფონდმა საკუთარი სახსრების ანგარიშზე 2017 წლის 29 დეკემბერს კაპიტალური პროექტების დაფინანსების მიზნით, საქართველოს ეკონომიკისა და მდგრადი განვითარების სამინისტროდან მიიღო 91,936,465 ლარი. აქედან, მთავრობის 2017 წლის 18 დეკემბრის N2635 განკარგულებით − 61,012,000 ლარი, სახელმწიფო სერვისების მიწოდების უზრუნველსაყოფად საჭირო შენობა-ნაგებობების მშენებლობისთვის, ხოლო მთავრობის 2017 წლის 8 დეკემბრის N2570 განკარგულებით − 30,924,465 ლარი, ადმინისტრაციული შენობა-ნაგებობების მშენებლობისთვის. აღნიშნული თანხებიდან 9,900,000 ლარი 2018 წლის დასაწყისში ფონდმა დაუბრუნა ეკონომიკის სამინისტროს, ხოლო 82,012,000 ლარი განათავსა კომერციული ბანკების სადეპოზიტო ანგარიშებზე სარგებლის მიღების მიზნით. პროექტების განხორციელება აუდიტის დასრულების თარიღისთვის ჯერ არ იყო დაწყებული და შესაძლოა, 2019 წლის ბოლომდეც ვერ განხორციელდეს. გამომდინარე აქედან, მთავრობის ზემოხსენებული განკარგულებების მოთხოვნები ჯერ არ შესრულებულა. ამასთანავე, ფონდმა მიიღო საპროცენტო სარგებელი 4,842,449 ლარის ოდენობით, რომელსაც განკარგავს, როგორც საკუთარ შემოსავალს. გარდა ამისა, იზრდება რისკი, რომ პროექტის განხორციელების შემთხვევაში შესყიდვის პროცედურები ჩატარდეს დაჩქარებული გზით, რამაც შესაძლოა ვერ უზრუნველყოს გამოყოფილი სახსრების ეკონომიური ხარჯვა.

საყოველთაო ჯანმრთელობის დაცვის პროგრამის ფარგლებში 2017 წლის 31 დეკემბრის მდგომარეობით და ასანაზღაურებელი შემთხვევების მიხედვით გაფორმებული მიღება-ჩაბარების აქტების საფუძველზე, სამედიცინო დაწესებულებების მიმართ სააგენტოს აღურიცხველი კრედიტორული დავალიანება შეადგენდა 6,221,673 ლარს, ხოლო, 2018 წლის 31 დეკემბრის მდგომარეობით − 463,245 ლარს. შედეგად, კონსოლიდირებულ ფინანსურ ანგარიშგებაში (ფორმა №1) ფინანსური ვალდებულებების საწყისი ნაშთი და საბოლოო ნაშთი შემცირებულია, შესაბამისად, 6,221,673 ლარით და 463,245 ლარით.

2018 წლის 31 დეკემბრის მდგომარეობით სსიპ − ევრაზიის სატრანსპორტო დერეფნის საინვესტიციო ცენტრის საგადასახადო ბარათზე ჯამური დადებითი სალდო შეადგენდა 1,997,808 ლარს, რაც ფინანსური ანგარიშგების ფორმა N1-ში „სხვა მოკლევადიანი ფინანსური აქტივების“ მუხლში არ იყო ასახული. აღსანიშნავია, რომ აუდიტის პერიოდში ცენტრმა დააკორექტირა შემოსავლების სამსახურში დეკლარაციები და გამოვლენილი უზუსტობა გაასწორა.

ფინანსურ ანგარიშგებაში 2018 წლის 31 დეკემბრის მდგომარეობით აღრიცხულია 2004 წლიდან 2010 წლამდე წარმოქმნილი 4,413,295 ლარის ხანდაზმული კრედიტორული დავალიანება, რომლის წარმოშობის დამადასტურებელ დოკუმენტაციას სამინისტრო არ ფლობს ან არ არის იდენტიფიცირებადი კონკრეტული კრედიტორების დონეზე. ცენტრალური აპარატის დავალიანების შესახებ ასევე ასახული იყო წინა პერიოდის ფინანსური აუდიტის ანგარიშში.

სამინისტროს აპარატს საქართველოს მთავრობის განკარგულებით გადაეცა პროგრამები, რომელიც ითვალისწინებდა იძულებით გადაადგილებულ პირთა ინფრასტრუქტურული პროექტების ადმინისტრირებასა და ინფრასტრუქტურული პროექტების მხარდაჭერის ღონისძიებებს. აღნიშნული პროგრამების განსახორციელებლად სამინისტროს აპარატმა არაფინანსური აქტივების შექმნის მიზნით გასწია 4,546,225 ლარის ხარჯი, რაც ფინანსურ ანგარიშგებაში არ ასახა. შესაბამისად, „ძირითადი აქტივების“ მუხლი არასწორად იყო შემცირებული 4,546,225 ლარით. სსიპ − საქართველოს მუნიციპალური განვითარების ფონდს 2018 წლის 27 დეკემბერს მიღება-ჩაბარების აქტის საფუძველზე საქართველოს მთავრობის დადგენილებით გადმოეცა ზემოაღნიშნული პროგრამული კოდების ფარგლებში შექმნილი 13,812,459 ლარის „ძირითადი აქტივები“ და 68,409 ლარის ღირებულების „სხვა მოკლევადიანი ფინანსური აქტივები“. აღნიშნული აქტივები არ იყო ასახული ფონდის 2018 წლის 31 დეკემბრის მდგომარეობით მომზადებულ ფინანსურ ანგარიშგებაში. შედეგად, აქტივები არასწორად იყო შემცირებული 13,880,868 ლარით. აუდიტის პერიოდში სამინისტროს აპარატსა და ფონდს ვაცნობეთ ზემოაღნიშნული უზუსტობების შესახებ. საპასუხოდ, უწყებებმა დააკორექტირეს „ძირითადი აქტივებისა“ და „სხვა მოკლევადიანი აქტივების“ მუხლები და წარადგინეს დაზუსტებული ფინანსური ანგარიშგება.

დასტურის წერილის გასაგზავნად ცენტრალური აპარატის და სააგენტოს კრედიტორული დავალიანების რეესტრებიდან შერჩეულია 68 ორგანიზაცია, რომელთა დავალიანება 2018 წლის 31 დეკემბრის მდგომარეობით, შეადგენდა 25,994,261 ლარს. ცენტრალურ აპარატს არ გაუგზავნია დასტურის წერილები მათი ხანდაზმულობის გამო, ხოლო სააგენტოს 47 ორგანიზაციიდან, პასუხი მიღებულია 10 ორგანიზაციიდან, საიდანაც დადასტურდა მხოლოდ ერთი ორგანიზაციის ნაშთი − 524,840 ლარი, სხვა შემთხვევებში კი გამოვლენილია არსებითი სხვაობები. კრედიტორული დავალიანების დასადასტურებლად ძირითადი აუდიტორული პროცედურები (გარე დადასტურება) საკმარისი არ აღმოჩნდა და ვერც ალტერნატიული პროცედურების განხორციელება გახდა შესაძლებელი, ვინაიდან სააგენტოს კრედიტორული დავალიანების დიდი წილი სახელმწიფო პროგრამების ფარგლებში წარმოქმნილი დავალიანებებია. საყოველთაო ჯანმრთელობის დაცვის პროგრამის ფარგლებში შესრულებული სამუშაოს წარმოდგენა სამედიცინო დაწესებულებებს შეუძლიათ 3 საანგარიშგებო თვის ვადაში. შესაბამისად, მათ აღრიცხვაში ასახულია ის დავალიანებები, რომელთა წარმოქმნის საფუძველი ორგანიზაციას სამინისტროში ასანაზღაურებლად არ წარმოუდგენია, ხოლო ცენტრალურ აპარატში დავალიანებები ხანდაზმული დავალიანებებია და არ არის განხორციელებული მოთხოვნა-ვალდებულებების ინვენტარიზაცია, შესაბამისად, არ არის გაფორმებული შედარების აქტები;" შედეგად, ჩვენ ვერ მივიღეთ რწმუნება სამინისტროს კონსოლიდირებულ ფინანსურ ანგარიშგებაში (ფორმა №1) 29,882,716 ლარის საბოლოო ნაშთის კრედიტორული დავალიანების არსებობაზე, სიზუსტესა და სისრულეზე.

სსიპ − მუნიციპალური განვითარების ფონდის ფინანსურ ანგარიშგებაში „სხვა მოკლევადიანი მოთხოვნების“ მუხლში ასახული იყო ნოტარიუსის სადეპოზიტო ანგარიშზე განთავსებული 2,449,789 ლარი, რომელიც წარმოადგენდა ექსპროპრიაციის წესით მიღებული ქონების ღირებულებას. აქედან, 1,283,360 ლარი იყო შპს „სოკარ ჯორჯია პეტროლიუმისთვის“ ასანაზღაურებელი თანხა. გამოვლინდა, რომ შპს „სოკარ ჯორჯია პეტროლიუმს“ კუთვნილი თანხა მიღებული ჰქონდა 2017 წლის 30 მარტს და შესაბამისად, ფონდის მიერ წარდგენილ ფინანსურ ანგარიშგებაში „სხვა მოკლევადიანი მოთხოვნების“ მუხლი არასწორად იყო გაზრდილი 1,283,360 ლარით. აუდიტის პერიოდში ფონდს ვაცნობეთ ზემოაღნიშნული უზუსტობის შესახებ. საპასუხოდ, ფონდმა დააკორექტირა „სხვა მოკლევადიანი მოთხოვნების“ მუხლი და წარადგინა დაზუსტებული ფინანსური ანგარიშგება.

იმ ძირითად აქტივებზე, რომლებიც ნასყიდობის ხელშეკრულების საფუძველზე გადაცემულია და საკუთრების უფლება საჯარო რეესტრში რეგისტრირებულია დევნილ და ეკომიგრანტ ბენეფიციარებზე (იხ. გრძელვადიანი აქტივების ნაწილი) 2018 წელს დარიცხულია ცვეთა − 516,399 ლარი. შედეგად, კონსოლიდირებულ ფინანსურ ანგარიშგებაში (ფორმა №2) ძირითადი კაპიტალის ხარჯი გაზრდილია 516,399 ლარით.

2018 წლის 31 დეკემბრის მდგომარეობით წარდგენილი ფინანსური ანგარიშგების მიხედვით, ფონდის გრანტების ხარჯი ჯამში შეადგენს 160,158,628 ლარს, რომელიც შეიცავს არაფინანსური აქტივის შექმნისთვის გახარჯულ 1,186,214 ლარს. აუდიტის პერიოდში ფონდს ვაცნობეთ ზემოაღნიშნული უზუსტობების შესახებ. საპასუხოდ, ფონდმა შეამცირა „გრანტების“ მუხლი, გაზარდა „დაუმთავრებელი არაფინანსური აქტივები“ 1,186,214 ლარით და წარადგინა დაზუსტებული ფინანსური ანგარიშგება.

ფინანასური ანგარიშგების ახსნა-განმარტებით შენიშვნებში არ არის ასახული: ინფორმაცია იმ შემთხვევების შესახებ, რომლებზეც სააგენტოში არ არის დასრულებული ინსპექტირება. ფაქტობრივად კი, სამინისტროს 2018 წლის 31 დეკემბრის მდგომარეობით აქვს ვალდებულება, რომელიც საჭიროებს ვადის და თანხის დაზუსტებას. აუდიტის ობიექტის ინფორმაციით, საყოველთაო ჯანმრთელობის დაცვის პროგრამის ფარგლებში, ანგარიშგების მოდულში 2018 წელს სამედიცინო დაწესებულებების დაფიქსირებული შესრულებული სამუშაოების ჯამური ღირებულება, რომელთა ინსპექტირებაც 2018 წლის 31 დეკემბრის მდგომარეობით არ იყო დასრულებული, შეადგენდა 201,299,806 ლარს. ასევე წარმოდგენილი ინფორმაციით, სამედიცინო დაწესებულებების მიერ მოთხოვნილი ასანაზღაურებელი თანხებიდან, საშუალოდ, 3,56% კორექტირდება. ინფორმაცია სააგენტოს რეფერალური მომსახურების პროგრამის ფარგლებში, 2019 წელს ანაზღაურებული 2018 წლის შესრულებების შესახებ, სულ − 882,570 ლარი. ფაქტობრივი მდგომარეობით სამინისტროს 2018 წლის 31 დეკემბერს ჰქონდა ვალდებულება, რომელიც საჭიროებდა დაზუსტებას და პირველადი დოკუმენტის მიღება-ჩაბარების აქტის შედგენას. შედეგად, 2018 წლის 31 დეკემბრის მდგომარეობით, 2019 წლის მოსალოდნელი ხარჯი და ვალდებულება 2018 წლის შესრულებების შესაბამისად, შეადგენს 195,016,102 ლარს. არ არის ასახული ინფორმაცია იმ ძირითადი აქტივების შინაარსისა და დანიშნულების შესახებ, რომლებიც ლტოლვილთა სამინისტროს შეძენილი აქვს დევნილთა გრძელვადიანი საცხოვრებლით უზრუნველყოფის მიზნით. აღნიშნული საფუძვლით აღრიცხული ძირითადი აქტივების საბალანსო ღირებულება შეადგენს 120,623,024 ლარს, ხოლო დაუმთავრებელი ძირითადი აქტივებისა − 40,258,656 ლარს. აღნიშნული მოსალოდნელი ვალდებულებების და ძირითადი აქტივების შინაარსის და დანიშნულების შესახებ ინფორმაციის არ წარმოდგენის ფაქტი ფინანსურ ანგარიშგებაში ზრდის ფინანსური ანგარიშგების იმ მომხმარებლების მხრიდან (პარლამენტი, ფინანსთა სამინისტრო) არასწორი გადაწყვეტილების მიღების შესაძლებლობას, რომლებიც აფასებენ სამინისტროს მიერ მომსახურების მიწოდების ადეკვატური დონის შენარჩუნებას. არასრულად (შემცირებულად) წარმოდგენილი ინფორმაცია იწვევს სამინისტროზე გასანაწილებელი საბიუჯეტო რესურსის შესახებ არაადეკვატური გადაწყვეტილების მიღების შესაძლებლობას და საფრთხის წინაშე აყენებს ბენეფიციარებისათვის სამედიცინო სერვისების, როგორც მიწოდების შესაძლებლობას

სსიპ − მუნიციპალური განვითარების ფონდის „სუბსიდიების“ მუხლით გაწეული ხარჯი 2018 წლის ფინანსურ ანგარიშგებაში შეადგენდა 15,190,242 ლარს. გამოვლინდა, რომ აღნიშნული მუხლით გაწეული ხარჯი 450,000 ლარით არ შეესაბამება ხარჯად აღიარების კრიტერიუმს. 450,000 ლარით უნდა გაზრდილიყო დაუმთავრებელი არაფინანსური აქტივი. აუდიტის პერიოდში ფონდმა გაითვალისწინა გამოვლენილი უზუსტობა ზემოაღნიშნულ საკითხთან დაკავშირებით, დააკორექტირა „სუბსიდიის“ მუხლი და წარადგინა დაზუსტებული ფინანსური ანგარიშგება.

ინვენტარიზაცია არის კონტროლის მექანიზმი, რომლის მიზანია დანაკლისის, ზედმეტობისა და დაზიანებული ან/და გამოუსადეგარი ქონების, მოთხოვნებისა და ვალდებულებების იდენტიფიცირება. შესაბამისად, ინვენტარიზაციის ჩატარება მნიშვნელოვანია იმაში დასარწმუნებლად, რომ ფინანსურ ანგარიშგებაში ასახული ყველა მუხლი რეალურად არსებობს და ამასთანავე, ორგანიზაციის მფლობელობაში არსებული ყველა მუხლი სრულად არის ასახული ფინანსურ ანგარიშგებაში. ცენტრალურ აპარატსა და ლტოლვილთა სამინისტროში არ არის ჩატარებული კანონმდებლობით განსაზღვრული სავალდებულო ინვენტარიზაცია, ხოლო დახმარების ცენტრში მატერიალური მარაგების ინვენტარიზაციის შედეგები არ არის გამოყვანილი 2018 წლის 31 დეკემბრის მდგომარეობით. სააგენტოში სპეცმედიკამენტებისა და ქრონიკული მედიკამენტების ინვენტარიზაცია ჩატარებულია მხოლოდ თბილისში − შპს „პსპ-ს ცენტრალურ ბაზასა“ და შპს „მედფარმა პლუსში“, მაშინ როცა მედიკამენტები განთავსებულია მთელი ქვეყნის მასშტაბით სხვადასხვა აფთიაქებსა და სამედიცინო დაწესებულებებში. სააგენტოს განმარტებით, აღნიშნულის მიზეზია ის, რომ მედიკამენტები განთავსებულია 500-მდე ობიექტში, ინვენტარიზაციისთვის საჭიროა ობიექტების დალუქვა, რამაც შესაძლებელია გამოიწვიოს სამედიცინო მომსახურების უწყვეტობის შეფერხება.

სსიპ − მუნიციპალური განვითარების ფონდის „სუბსიდიების“ მუხლით გაწეული ხარჯი 2018 წლის ფინანსურ ანგარიშგებაში შეადგენდა 15,190,242 ლარს. გამოვლინდა, რომ აღნიშნული მუხლით გაწეული ხარჯი 450,000 ლარით არ შეესაბამება ხარჯად აღიარების კრიტერიუმს. 450,000 ლარით უნდა გაზრდილიყო დაუმთავრებელი არაფინანსური აქტივი. აუდიტის პერიოდში ფონდმა გაითვალისწინა გამოვლენილი უზუსტობა ზემოაღნიშნულ საკითხთან დაკავშირებით, დააკორექტირა „სუბსიდიის“ მუხლი და წარადგინა დაზუსტებული ფინანსური ანგარიშგება. სსიპ − მუნიციპალური განვითარების ფონდს და საქართველოს საავტომობილო გზების დეპარტამენტს 2018 წლის 31 დეკემბრის მდგომარეობით „გრძელვადიანი ფინანსური ვალდებულებების“ და „კრედიტორული დავალიანების“ მუხლში ასახული აქვს შესაბამისად, 49,890,593 და 64,111,345 ლარის ვალდებულებები, რომლებიც შესაძლებელია მომწოდებლის მიერ წარმოდგენილი საბანკო გარანტიის საფუძველზე ნებისმიერ დროს დაიფაროს. გამომდინარე აქედან, ვალდებულებების ნაწილი შესაძლოა არ აკმაყოფილებდეს გრძელვადიან ვალდებულებად აღიარების კრიტერიუმს. შესაბამისად, უნდა შემუშავდეს ვალდებულებების აღრიცხვის ერთიანი პოლიტიკა და განისაზღვროს ვალდებულებების დაფარვის ვადები, რომლის გათვალისწინებით, მოხდება გრძელვადიანი ვალდებულებების მოკლევადიან ვალდებულებებში გადატანა, ხოლო დარჩენილი ნაწილი აღიარდება რეალური ღირებულებით (მომავალში გადასახდელი თანხების დისკონტირებული ღირებულებით).

სახელმწიფო პროგრამების ფარგლებში ჩართული სამედიცინო დაწესებულებების ზედამხედველობისა და სამედიცინო მომსახურების ანაზღაურები მიზნით, სამინისტროში არსებობს მონიტორინგის და ინსპექტირების ეტაპები. სააგენტოში აღნიშნული ეტაპების განმახორციელებელი 14 პირი სამსახურებრივ საქმიანობას 2017 და 2018 წლებში ეწეოდა ერთდროულად − როგორც სააგენტოში, ასევე შესამოწმებელ სამედიცინო დაწესებულებებში; პროგრამების ზედამხედველობის ეტაპებისთვის დამახასიათებელი თანდაყოლილი თავისებურებებიდან გამომდინარე, აუცილებელია აღნიშნული პროცესის განმახორციელებელი ყველა პირის მიერ ისეთი ფუნდამენტური ეთიკური ღირებულების დაცვა, როგორიცაა: შესამოწმებელი დაწესებულებისაგან დამოუკიდებლობა, ობიექტურობა და მიუკერძოებლობა. შესაბამისად, აღნიშნულიდან გამომდინარე, ერთი მხრივ, ზედამხედველობის განხორციელების უფლებამოსილების ქონა, ხოლო მეორე მხრივ, ზედამხედველობას დაქვემდებარებულ დაწესებულებასთან ერთდროულად შრომითი ურთიერთობა, შეიცავს ზედამხედველობის განმახორციელებელი და სამედიცინო დაწესებულებების ინტერესების დაპირისპირების მომეტებულ რისკებს.

სსიპ − მუნიციპალური განვითარების ფონდის აღმასრულებელი დირექტორის 2018 წლის 11 დეკემბრის Nს-133 ბრძანებით, ფინანსური აქტივებისა და ფინანსური ვალდებულებების გეგმური ინვენტარიზაციის მიზნით, შეიქმნა საინვენტარიზაციო კომისია, რომელსაც დაევალა 2018 წლის 31 დეკემბრის მდგომარეობით ფინანსური აქტივებისა და ვალდებულებების ინვენტარიზაცია და ინვენტარიზაციის აქტის წარდგენა ფონდის აღმასრულებელი დირექტორისათვის 2019 წლის პირველ მარტამდე. ფინანსური მართვისა და ინვესტირების სამსახურის ფინანსური აღრიცხვისა და ანგარიშგების მენეჯერის ინფორმაციით, აღნიშნულთან დაკავშირებით საინვენტარიზაციო აქტი არ შემდგარა და შედარების აქტების გაფორმებაც არ არის დასრულებული აუდიტის ანგარიშის გამოცემის თარიღისთვის. ზემოხსენებული აქტივების კატეგორიების ინვენტარიზაციის სრულყოფილად ჩატარება მნიშვნელოვანია ფინანსურ ანგარიშგებაში ინფორმაციის სამართლიანი და უტყუარი წარდგენისათვის, ასევე აქტივების უდანაკარგოდ და ეფექტიანად მართვისთვის.

საყოველთაო ჯანმრთელობის დაცვის პროგრამის ფარგლებში სამედიცინო დაწესებულებები გაწეული მომსახურების ასანაზღაურებლად სამი თვის ვადაში სააგენტოში წარადგენენ შესრულებული სამუშაოს დამადასტურებელ დოკუმენტაციას. თანხის ანაზღაურებისთვის, 60 სამუშაო დღის განმავლობაში პროგრამის განმახორციელებელი ვალდებულია განახორციელოს დოკუმენტაციის ინსპექტირება, ასევე ხარვეზით წარდგენილი შემთხვევები მიმწოდებელს ელექტრონულად ეგზავნება მთლიან შესრულებასთან ერთად. ხარვეზის აღმოსაფხვრელად და, საჭიროების შემთხვევაში, ნაბეჭდი სახით დოკუმენტაციის განმეორებით წარსადგენად, მიმწოდებელს ეძლევა 5 სამუშაო დღე. დადგენილ ვადაში ხარვეზის აღმოფხვრის შემთხვევაში, შემთხვევები განიხილება როგორც ანაზღაურებას დაქვემდებარებული, ხოლო მითითებულ ვადაში ხარვეზის აღმოუფხვრელობისას, შემთხვევა არ ანაზღაურდება; აუდიტის ჯგუფმა შეისწავლა 2018 წლის 1 იანვრიდან და 2019 წლის 1 აპრილამდე გადარიცხვების შესაბამისად გაფორმებული მიღება-ჩაბარების აქტების ინსპექტირების ვადები და გამოავლინა შემდეგი: ინსპექტირების დასრულების ვადა აჭარბებდა დადგენილ ნორმას, სულ − 9,770 შემთხვევაში. განმეორებით წარმოდგენილი დოკუმენტაციის ვადები აჭარბებს დადგენილ ნორმას, სულ − 4,490 შემთხვევაში. მოცემული შეუსაბამობები იწვევს პროგრამის ფარგლებში აღრიცხული წლიური ხარჯის დამახინჯებულ სურათს და ზრდის სამედიცინო სერვისის უწყვეტად მიწოდების რისკებს. ამასთანავე, აღნიშნული ასახული იყო წინა პერიოდის ფინანსური აუდიტის ანგარიშში.

ფონდის 2018 წლის 31 დეკემბრის ფინანსური ანგარიშგება არ მოიცავს მიწის ორ ნაკვეთს: გარდაბანი, სოფ. ფონიჭალა − 2400 კვ.მ ფართი; ქ. თბილისი, რუსთავის გზატკეცილი − 238 კვ.მ ფართი. აღნიშნული მიწის ნაკვეთები გადმოცემულია 2013-2017 წლებში. ჩვენთვის უცნობია საბალანსო ღირებულება, რომლითაც შემცირებულია „არაწარმოებული აქტივების“ მუხლი.

C ჰეპატიტის მართვის სახელმწიფო პროგრამის ფარგლებში 2018 წელს 41-მა სამედიცინო დაწესებულებამ დააფიქსირა 25,495 შეტყობინება; მონიტორინგი საერთოდ არ განხორციელებულა 80%-ში, კერძოდ: 33 სამედიცინო დაწესებულებაში, რომელთაც დაფიქსირებული აქვთ 20,095 შეტყობინება, არ შემოწმებულა შეტყობინებათა 79%. ამასთანავე, შეტყობინებები დაფიქსირებულია 9 რეგიონში, საიდანაც 5 რეგიონში მონიტორინგი არ განხორციელებულა. − 2018 წელს, საყოველთაო ჯანმრთელობის დაცვის პროგრამის ფარგლებში, 332-მა სამედიცინო დაწესებულებამ დააფიქსირა 1,423,085 შემთხვევა, საიდანაც შემოწმებულია 23%, სულ 333,431 შემთხვევა; მონიტორინგი საერთოდ არ განხორციელებულა 35%-ში, კერძოდ, 115 სამედიცინო დაწესებულებაში, რომელთაც წლის განმავლობაში დაფიქსირებული ჰქონდათ 70,035 შეტყობინება. სააგენტოს განმარტებით, ეფექტური მონიტონგისთვის შერჩევისას პრიორიტეტი ენიჭება გადაუდებელი სტაციონარული მომსახურების (განსაკუთრებით კომპლექსურ, რამდენიმე პროგრამული კოდის შემცველ და გახანგრძლივებულ) შემთხვევებს, რითაც არის განპირობებული, ძირითადად, ამბულატორიული, დღის სტაციონარის (გეგმური ქირირგიული ოპერაციები, ძირითადად ოფთალმოლოგია), მონოპროფილური შემთხვევების ნაკლებ პრიორიტეტულობა. − ჯანმრთელობის დაცვის პროგრამის ფარგლებში, 2018 წელს 14,250 შეტყობინება დააფიქსირა 43-მა სამედიცინო დაწესებულებამ, განხორციელდა 4,583 შემთხვევის მონიტორინგი. აღსანიშნავია, რომ 7 სამედიცინო დაწესებულებაში სულ 1,329 შემთხვევა, თითოეულის მიერ დაფიქსირებული შემთხვევების 84% და მეტი შემოწმდა, მაშინ როცა 11 სამედიცინო დაწესებულებაში, რომლებმაც 1,266 შეტყობინება დააფიქსირეს, მონიტორინგი არ განხორციელებულა. წლის განმავლობაში 43 კონკრეტულ დღეს დაფიქსირებული შეტყობინების შესაბამისად, მონიტორინგი უნდა განხორციელებულიყო 303 შემთხვევაში, შემოწმებულია 186 შემთხვევა. მონიტორინგის პროცედურებისათვის სამედიცინო დაწესებულებების შერჩევის არსებული სისტემა წარმოშობს არასამართლიანი და არათანაბარი მიდგომის რისკებს. ამასთანავე, აღნიშნული ასახული იყო წინა პერიოდის ფინანსური აუდიტის ანგარიშში.

ფონდის ფინანსურ ანგარიშგებაში გაორმაგებულად არის ასახული ამხანაგობა „დაგი-სკის“ მიმართ მოკლევადიანი და გრძელვადიანი ვალდებულებები, ჯამში: 103,964 ლარით, რის გამოც აღნიშნული მუხლი არასწორად არის გაზრდილი ამავე ოდენობის თანხით.

სამინისტროში ხშირად ხორციელდება ბიუჯეტის კანონით განსაზღვრული გეგმური ასიგნებების გადანაწილებები, განსაკუთრებით ქვეპროგრამებისა და საბიუჯეტო კლასიფიკაციის მუხლების დონეზე. გარკვეულ შემთხვევებში ადგილი აქვს ასიგნებების გადანაწილების უკუპროცესს − ხშირად ბრუნდება უკან თანხები იმ პროგრამებზე/ქვეპროგრამებზე, საიდანაც წლის განმავლობაში ხდებოდა ასიგნებების გადატანა. აღნიშნული ბიუჯეტის დაგეგმვის ხარვეზებზე მიუთითებს. წლის განმავლობაში ხარჯთაღრიცხვის ცვლილებებით 16 პროგრამული კოდის შემთხვევაში, 87,920,387 ლარი გადანაწილებულია სხვა პროგრამებიდან ან სარეზერვო ფონდებიდან, მათ შორის, დეკემბერში − 67,378,729 ლარი. აღნიშნული ქმნის ცალკეული პროგრამის/ქვეპროგრამის ფარგლებში დაგეგმილი ღონისძიებების დაფინანსებისათვის საჭირო სახსრების დეფიციტის და დასახული მიზნების შეუსრულებლობის რისკს. ამასთანავე, მოსახლეობის საყოველთაო ჯანმრთელობის დაცვის პროგრამისთვის სამინისტრომ საბიუჯეტო განაცხადით (ჭერს ზევით) მოითხოვა 720,000,000 ლარი და დაუმტკიცდა 704,000,000 ლარი. სხვა პროგრამული კოდებიდან გადმოტანილმა თანხამ შეადგინა 56,410,090 ლარი, საიდანაც დეკემბერში გადმოტანილია 47,360,090 ლარი. პროგრამის ბიუჯეტი კი მასში განხორციელებული არსებითი ცვლილებების მიუხედავად, წლების განმავლობაში მზარდია. ასევე გამოვლინდა ბიუჯეტის საბოლოო კანონით დამტკიცებულ გეგმასთან მიმართებაში დაბალი ათვისების მქონე ზოგიერთი პროგრამა/ქვეპროგრამა, რომელთაც დაზუსტებულ გეგმასთან მიმართებაში მაღალი ათვისება აქვთ. მათ შორის, „C ჰეპატიტის მართვა“ (35 03 02 12 01), ასიგნებები ბიუჯეტის კანონით − 15,400,000 ლარის ოდენობით განისაზღვრა. თუმცა ათვისებულ იქნა მხოლოდ 4,741,000 ლარი, 10,656,000 ლარი კი გადანაწილდა სხვა პროგრამებზე/ქვეპროგრამებზე. სამინისტროს მხრიდან წარმოდგენილი განმარტებით, დაბალი ათვისების მაჩვენებელი გამოწვეულია პაციენტთა რაოდენობის კლებით. აღსანიშნავია, რომ ეს ქვეპროგრამა ბოლო წლებში მუდმივად დაბალი ათვისების მაჩვენებლით ხასიათდება, რაც ბიუჯეტის დაგეგმვის ეტაპზე სამინისტროს არ გაუთვალისწინებია; ასევე გამოვლინდა შემთხვევები, რომლებიც არ წარმოადგენდა გაუთვალისწინებელ გადასახდელებს და შესაძლებელი იყო მოვლენის/ღონისძიების გათვალისწინება ბიუჯეტის დაგეგმვის ეტაპზე, კერძოდ: სამინისტროს 2014 წლიდან 2018 წლის ჩათვლით პერიოდში, „სოფლის ექიმის“ პროგრამის ფარგლებში კონტრაქტით გაფორმებული ექიმებისა და ექთნების ერთჯერადი გასაცემლის დასაფინანსებლად აუთვისებელი თანხა „სოციალური უზრუნველყოფის“ და „საქონელი და მომსახურების“ მუხლიდან გადაჰქონდა „სხვა ხარჯების“ მუხლში. აღნიშნულმა თანხამ 2018 წელს შეადგინა 588,000 ლარი. მოსახლეობის მიზნობრივი ჯგუფების სოციალური დახმარების (კოდი: 35 02 02) ქვეპროგრამიდან, სხვა პროგრამებზე გადატანილი ასიგნებების ოდენობამ 39,304,000 ლარი შეადგინა, მაშინ როდესაც სამინისტროს მოსახლეობის მიზნობრივი ჯგუფების სოციალური დახმარების (კოდი: 35 02 02) ქვეპროგრამისთვის საქართველოს მთავრობის სარეზერვო ფონდიდან 2018 წელს მიღებული აქვს 2,688,077 ლარი, „სოციალურად დაუცველი მოსახლეობის მიერ მოხმარებული ელექტროენერგიის ღირებულების ნაწილობრივი სუბსიდირების შესახებ“ საქართველოს მთავრობის 2015 წლის 30 ივლისის №381 დადგენილების შესასრულებლად. აღნიშნული ღონისძიების დაფინანსებისთვის, საქართველოს მთავრობის სარეზერვო ფონდიდან თანხები გამოყოფილია წინა წლებშიც: 2015 წელს − 1,158,000 ლარი, 2016 წელს − 3,812,079 ლარი და 2017 წელს − 2,789,347 ლარი. დამტკიცებულ ბიუჯეტში ე.წ. „ბუფერული“/„სარეზერვო“ ხასიათის ქვეპროგრამების, ღონისძიებების და მუხლების არსებობის ხარჯზე ხარჯთაღრიცხვაში ხშირი და არსებითი ხასიათის კორექტირებები აყალიბებს დამტკიცებული საბიუჯეტო პარამეტრებისაგან განსხვავებულ პრიორიტეტებს და ქმნის დაბალი ლეგიტიმაციის გადაწყვეტილების საფუძველზე ასიგნებების გადანაწილების შესაძლებლობას. ამასთანავე, აღნიშნული ასახული იყო წინა პერიოდის ფინანსური აუდიტის ანგარიშში.

ევროპის რეკონსტრუქციისა და განვითარების ბანკის (EBRD) მიერ საქართველოში მყარი ნარჩენების მართვის პროექტის განსახორციელებლად მუნიციპალიტეტებზე ფონდის მიერ გადასესხებულია 27,922,000 ლარი, რომელიც თავად ფონდს მიღებული აქვს სესხად ფინანსთა სამინისტროდან. აღნიშნულ სესხზე ფონდის მიერ გადასახდელ პროცენტს ფინანსთა სამინისტრო ითვლის წელიწადში ორჯერ და დათვლისათვის იყენებს 28 აპრილს და 28 ოქტომბერს არსებულ რეფინანსირების განაკვეთს. თავის მხრივ, ფონდი მუნიციპალიტეტებთან გაფორმებული ხელშეკრულებების საფუძველზე, უფლებამოსილია მიიღოს: ზემოაღნიშნულ პროცენტს დამატებული 0.5% სარგებელი. მიუხედავად ზემოაღნიშნულისა, ფონდი იყენებს პროცენტის დათვლის განსხვავებულ მიდგომას და მუნიციპალიტეტებიდან მისაღებ პროცენტს ითვლის ყოველთვიური რეფინანსირების განაკვეთის გამოყენებით. აღნიშნულმა მიდგომამ 2018 წელს გამოიწვია მიღებული სარგებლის ზრდა. კერძოდ, აუდიტის ჯგუფის მიერ საპროცენტო შემოსავლის გაანგარიშებისას გამოვლინდა, რომ ფონდმა მიიღო 5%-იანი სარგებელი − 0.5%-ის ნაცვლად. 2018 წლის შემოსავალმა თანხობრივად 18,555 ლარის ნაცვლად შეადგინა 199,127 ლარი, რაც 180,572 ლარით აღემატება ფონდის მიერ მისაღებ სარგებელს. შესაბამისად, მუნიციპალიტეტებს ჯამურად 2018 წლის განმავლობაში დაერიცხათ 180,572 ლარით მეტი საპროცენტო ხარჯი. მიუხედავად პროექტის ფარგლებში მიღებული შემოსავლებისა, ზემოაღნიშნული პროექტი ფონდისთვის ზარალიანია, ვინაიდან მთლიანი საპროცენტო შემოსავლის 10%-ს იხდის ბიუჯეტში გადასახადის სახით.

პროგრამებისა და ქვეპროგრამების ნაწილი საჭიროებს დამატებით ინდიკატორს, ნაწილი მოიცავს მხოლოდ ერთი ტიპის ინდიკატორს, მაშინ როდესაც საჭიროა რამდენიმე ტიპის ინდიკატორის შემუშავება დაგეგმილი შედეგების სრულყოფილად შეფასებისათვის. ასევე რიგი პროგრამებისა და ქვეპროგრამების საბოლოო/შუალედური შედეგების შეფასების ინდიკატორები ვერ უზრუნველყოფს მიღწეული შედეგების შეფასებას, რადგან ინდიკატორი არარელევანტურია, არასწორადაა ფორმულირებული, ან არ წარმოადგენს ეფექტიანობის საზომს, კერძოდ: მოსახლეობის მიზნობრივი ჯგუფების სოციალური დახმარება (35 02 02) და სოციალური შეღავათები მაღალმთიან დასახლებაში (35 02 04) − პროგრამების მიზნობრივ მაჩვენებლებს წარმოადგენს დახმარების დროულად გაცემის მაჩვენებლის შენარჩუნება, მაშინ როცა, დაგეგმვისას გასათვალისწინებელია, ასევე თანხობრივი და რაოდენობრივი მაჩვენებლები. სახელმწიფო ზრუნვის, ადამიანით ვაჭრობის (ტრეფიკინგის) მსხვერპლთა დაცვისა და დახმარების უზრუნველყოფა (35 02 05) − ინდიკატორები წარმოდგენილია პროცენტულ მაჩვენებლებში, მაშინ, როცა პროგრამის შესრულება წარმოდგენილია ნომინალურ მაჩვენებელში. მოსახლეობის საყოველთაო ჯანმრთელობის დაცვა (35 03 01) − გამოყენებულია მხოლოდ რაოდენობრივი ინდიკატორები, რომლებიც სრულად არ ფარავს პროგრამის მიზნებს: გეოგრაფიულ ან/და ფინანსურ ხელისაწვდომობას. ამასთანავე, ინდიკატორები არ არის გაწერილი პროგრამის ფარგლებში განსახორციელებელ ყველა ღონისძებაზე, ისეთზე, როგორიცაა, მედიკამენტებით უზუნველყოფის კომპონენტი. ჯანმრთელობის ხელშეწყობა (35 03 02 11) − მიზნობრივი მაჩვენებელია საბაზისო მაჩვენებლის შენარჩუნება, რომელიც, თავის მხრივ, არ არის კონკრეტული, წარმოადგენს პროგრამის მიზანს და ვერ უზრუნველყოფს შედეგების შეფასებას. ქრონიკული დაავადებების სამკურნალო მედიკამენტებით უზრუნველყოფა (35 03 03 11) − საბაზისო მაჩვენებელია მედიკამენტების შესყიდვა დაგეგმილი რაოდენობით, ხოლო მიზნობრივი − აღნიშნულის შენარჩუნება. მოცემული ინდიკატორები არ შეესაბამება პროგრამის მოსალოდნელ შუალედურ შედეგს − „არაგადამდები დაავადებების მკურნალობისათვის საჭირო მედიკამენტებზე 80%-იან ხელმისაწვდომობას“. დიპლომისშემდგომი სამედიცინო განათლება (35 03 04) − საბაზისო და მიზნობრივი მაჩვენებელი არაშესადარისია და ვერ უზრუნველყოფს მიღწეული შედეგების შეფასებას. სამედიცინო დაწესებულებათა რეაბილიტაცია და აღჭურვა (35 04) − საბაზისო მაჩვენებელი მოიცავს ზუგდიდის მუნიციპალიტეტის სოფელ რუხის მრავალპროფილიანი საუნივერსიტეტო კლინიკის მშენებლობას და აღჭურვას 100%-ით, რაც 2017 წელს არ განხორციელებულა, ხოლო მიზნობრივი მაჩვენებელია რეაბილიტირებული და სრულად აღჭურვილი სამედიცინო დაწესებულებები. აღნიშნული ინდიკატორი არ არის კონკრეტული და ვერ უზრუნველყოფს შედეგის შეფასებას. ამასთანავე, მოსახლეობის საყოველთაო ჯანმრთელობის დაცვის (35 03 01) პროგრამის ამბულატორიული მომსახურების ინდიკატორის შესაბამისად, პროგრამების შესრულების ანგარიშში მოცემული ინფორმაცია და „სოფლის ექიმის“ (35 03 03 08) პროგრამების ამბოლატორიული მომსახურების ინდიკატორის შესრულება იდენტურია.

ფონდის ფინანსურ ანგარიშგებაში დანართი N2-ში ხარჯების საკასო შესრულება არასწორად არის შემცირებული 105,139 ლარით, სახაზინო მონაცემებთან შედარებით, რადგან ფონდს არ ჰქონდა ასახული იძულებით გადაადგილებულ პირთა ინფრასტრუქტურული პროექტების ადმინისტრირების პროგრამული კოდი: 34010104.

ზოგიერთ შემთხვევაში, დასაბუთებებში მითითებული მონაცემები არ იძლევა საშუალებას დადგინდეს, თუ რა კონკრეტული გარემოებების გათვალისწინებით იქნა მიღებული დასაქმებული პირის წახალისების გადაწყვეტილება ან ვერ ხდება ზეგანაკვეთური/დამატებითი ფუნქციების შესრულების დამადასტურებელი დოკუმენტების წარმოდგენა. კერძოდ, დახმარების ცენტრის მოხსენებით ბარათებში ყოველთვიურად გამოყენებულია ერთი და იგივე სტანდარტული ტექსტი, ხოლო სააგენტოში მოხსენებითი ბარათები ძირითადად არ არის შედგენილი კონკრეტული პირების მიხედვით და მოიცავს დეპარტამენტის შესრულებულ სამუშაოებს ჯამურად. ამასთანავე, დეკემბერში დანამატი გაცემულია სააგენტოს 3 თანამშრომელზე, რომლებსაც აღნიშნულ თვეში ნამუშევარი დღეები არ უფიქსირდებათ და შესაბამისად, მათზე არ არის გაცემული თანამდებობრივი სარგო. სააგენტოს განმარტებით, აღნიშნული გასწორებულია მიმდინარე პერიოდში.

ფონდს ფინანსურ ანგარიშგებაში გაორმაგებულად აქვს ასახული ორი ავტომობილის სამინისტროს აპარატისთვის გადაცემის საბუღალტრო გატარება. შესაბამისად, არასწორად არის გაზრდილი გრანტის სახით გაწეული ხარჯები 65,466 ლარის ოდენობით.

საყოველთაო ჯანმრთელობის დაცვის პროგრამა იმართება e-Health ინფორმაციული სისტემის საშუალებით, რომელიც მოიცავს სამედიცინო შემთხვევების შესახებ სრულ ინფორმაციას, კერძოდ, პაციენტის მიღებისას სამედიცინო შემთხვევის რეგისტრაციის, შესრულებული სამუშაოს, მიღება-ჩაბარების აქტის და გადასარიცხი თანხების მოდულებს. აღნიშნული სისტემის IT კონტროლების შესწავლის შედეგად გამოვლინდა, რომ პროცესების უმეტესობა არ არის ფორმალიზებული და მათი მართვა ხორციელდება არათანმიმდევრულად, კერძოდ: სააგენტო არ ასრულებს ინფორმაციული უსაფრთხოების საკანონმდებლო მოთხოვნებს. არ არის დანერგილი ინფორმაციული უსაფრთხოების მართვის სისტემა, არ არის შემუშავებული ინფორმაციული უსაფრთხოების პოლიტიკა და ფორმალური პროცედურები. არ არის შემუშავებული ბიზნესის უწყვეტობის გეგმა და კატასტროფიდან აღდგენის გეგმა. დამატებით არ არის ფორმალიზებული e-Health სისტემის მონაცემთა ბაზის სარეზერვო ასლების მართვის პრაქტიკა და არ ხორციელდება სარეზერვო ასლების პერიოდული ტესტირება. ზემოაღნიშნული გარემოებები განსაკუთრებით მნიშვნელოვანია იმის გათვალისწინებით, რომ სააგენტოს არ აქვს გამოყოფილი ალტერნატიული დატა ცენტრი, რომლის გამოყენებასაც შეძლებდა არსებული ძირითადი დატა ცენტრის დაზიანების შემთხვევაში. შესაბამისად, არ არის უზრუნველყოფილი ადეკვატური კონტროლის მექანიზმები, რომლებიც კანონმდებლობით დადგენილი კრიტიკული ინფორმაციული სისტემის უწყვეტ ფუნქციონირებას უზრუნველყოფდა. არ არსებობს e-Health სისტემაზე ლოგიკური წვდომის კონტროლების ფორმალიზებული პროცედურები. პრაქტიკაში არ ხორციელდება სისტემის მომხმარებელთა პრივილეგიების გადახედვა პერიოდულად, და ამავდროულად, უწყებებზე არ არის გაწერილი პერსონიფიცირებული მომხმარებლები (ერთი მომხმარებლის ანგარიშს შეიძლება იყენებდეს რამდენიმე პირი). აღნიშნული ზრდის კონფიდენციალურ ინფორმაციაზე არაავტორიზებული წვდომის რისკებს. სააგენტოს არ აქვს შემუშავებული პროცედურა სისტემებზე პაჩების ასახვისა და განახლებების მართვისათვის. აღნიშნული მნიშვნელოვანი საკითხია როგორც ინფორმაციული სისტემების ადმინისტრირების, ასევე, მათი უსაფრთხოების უზრუნველყოფისათვის. სააგენტოში არ არსებობს ფორმალური პროცედურები ცვლილებების მართვისათვის. აღსანიშნავია, რომ სააგენტოში სისტემის ცვლილებების განხორციელება ხორციელდება მხოლოდ ელექტრონულ ფოსტაზე მიმოწერის საშუალებით, ხოლო დადოკუმენტირება − შესაბამის ელექტრონულ სისტემაში. აღნიშნული პროცესი საჭიროებს ფორმალიზებას, ვინაიდან არსებული პრაქტიკა არასაკმარისია და არაადეკვატურია ბიზნესპროცესებზე მორგებული ცვლილებების განხორციელების უზრუნველყოფისათვის. ზოგადი IT კონტროლების მიმართულებით არსებული ნაკლოვანებები არსებით გავლენას ახდენს სააგენტოს სისტემების აპლიკაციის კონტროლების ეფექტიანობაზე. ამასთანავე, ზემოხსენებული კონტროლების საიმედოობა გავლენას ახდენს სააგენტოს სისტემების ინფორმაციულ უსაფრთხოებაზე, რაც გულისხმობს მონაცემების მთლიანობას (სისრულე და სიზუსტე), ინფორმაციის კონფიდენციალობასა და სერვისის უწყვეტობას (ხელმისაწვდომობა). შედეგად, კონტროლის გარემოს სისუსტე პირდაპირ მოქმედებს სააგენტოს სისტემაში არსებული მონაცემების სანდოობაზე.

ფონდი ბუღალტრულ აღრიცხვას აწარმოებს სისტემატიზირებული საბუღალტრო პროგრამა „ორისის“ მეშვეობით. აღსანიშნავია, რომ აუდიტის დროს ფონდის მიერ მოწოდებულ „ორისის“ მონაცემებში დაფიქსირდა სხვადასხვა უზუსტობა, კერძოდ: წლის ბოლოს არსებული უცხოური ვალუტის გაცვლითი კურსით გადაფასებული იყო ისეთი ნაშთები, რომლებიც არ ექვემდებარებოდა გადაფასებას; კონკრეტული დოკუმენტები დუბლირებით იყო გატარებული; ფინანსური ანგარიშგების მოსამზადებლად „ორისის“ მონაცემებთან ერთად გამოიყენება დამატებით სხვადასხვა, მათ შორის, არასისტემატიზებულად არსებული ინფორმაცია. ზემოთ აღნიშნული გარემოებები მიუთითებს, რომ ფონდი სრულყოფილად არ იყენებს სისტემატიზებულ პროგრამაში არსებულ სხვადასხვა ტიპის კონტროლის მექანიზმებს, რაც ზრდის ფინანსური ანგარიშგების შეცდომით წარდგენის რისკებს.

კონსოლიდირებული ფინანსური შედეგების შესახებ ანგარიშგებაში − ფორმა N2-ში გაზრდილია დარიცხული შემოსავალი და ხარჯი − 706,762,446 ლარის ოდენობით.

რეგიონული განვითარებისა და ინფრასტრუქტურის სამინისტროს დაქვემდებარებულ არცერთ უწყებაში არ არის შემუშავებული და დანერგილი ბუღალტრული აღრიცხვის ინსტრუქციით განსაზღვრული სააღრიცხვო პოლიტიკა. აღნიშნული პოლიტიკა შესაძლებელია მოიცავდეს ინსტრუქციას შემდეგი საკითხების აღრიცხვის შესახებ: უიმედო ვალები, მოძველებული მატერიალური ფასეულობები, ფინანსური აქტივები და ვალდებულებები, ცვეთად აქტივებზე გაწეული დანახარჯები და სხვ. სააღრიცხვო პოლიტიკის შემუშავება, დანერგვა და გამოყენება ორგანიზაციაში აღრიცხვის თანმიმდევრულობის ერთ-ერთი მთავარი წინაპირობაა.

1. კონსოლიდირებულ ფინანსურ ანგარიშგებაში − ფორმა N1-ში მოკლევადიანი აქტივები გაზრდილად არის წარდგენილია 22,585 ლარით; შემცირებულია − 26,036 ლარით. 2. კონსოლიდირებულ ფინანსურ ანგარიშგებაში (ფორმა N1) ვალდებულებები წარდგენილია 1,850,167 ლარით გაზრდილი ოდენობით (1,867,399-17,232). 3. ვერ მივიღეთ რწმუნება კონსოლიდირებული ფინანსური ანგარიშგების ფორმა N1-ში ასახული ზემოაღნიშნულ დებიტორული და კრედიტორული დავალიანებების ნაშთის არსებობასა და სისწორეზე.

სააღრიცხვო ინსტრუქციის მიხედვით, კონსოლიდაციის დროს სამინისტროში შემავალი სტრუქტურული ერთეულების ნაშთები და მათ შორის განხორციელებული ოპერაციები მთლიანად უნდა გამოირიცხოს. სამინისტროში ფინანსური ანგარიშგების კონსოლიდაციისას, არ ხდება საბალანსო ერთეულებს შორის შიდაჯგუფური ნაშთების/ოპერაციების იდენტიფიცირება, ურთიერთშედარება და მათი ელიმინირება, რაც არ შეესაბამება სააღრიცხვო ინსტრუქციის მოთხოვნებს. შედეგად, სამინისტროს კონსოლიდირებული ფინანსური ანგარიშგების შემოსავლები და ხარჯები გაზრდილია 42,805.35 ათასი ლარით, ხოლო მოთხოვნების და ვალდებულებების საბოლოო ნაშთები შესაბამისად 175.58 ათასი და 178.90 ათასი ლარით.

314,324 ლარით შემცირებულია, ხოლო 338,795 ლარის ოდენობით გაზრდილია არამატერიალური ძირითადი აქტივების ნაშთი.

სამინისტროს საბალანსო ერთეულების უმრავლესობაში 2018 წელს ქონების ინვენტარიზაცია არ ჩატარებულა ან არასრულად ჩატარდა, კერძოდ: სპეციალურ პენიტენციურ სამსახურში 2018 წლის აპრილში ინვენტარიზაცია დაიწყო მხოლოდ ცენტრალურ საწყობში. საინვენტარიზაციო კომისიის მიერ გამოვლენილია 915.05 ათასი ლარის ფასეულობათა დანაკლისი და შემდგომი რეაგირების მიზნით მასალები ამავე წლის ივლისში გადაგზავნილია სამსახურის საგამოძიებო დეპარტამენტისთვის. თუმცა ამ უკანასკნელმა, იმ მოტივით, რომ ინვენტარიზაცია ჩატარდა მხოლოდ სასაწყობო სამმართველოში და აღნიშნული ვერ უზრუნველყოფდა მატერიალური აქტივების სრულად მოძიებას, მიიჩნია, რომ საჭირო იყო სრული სტრუქტურული ინვენტარიზაცია. მასალები შემდგომი რეაგირების მიზნით გადაგზავნილია სამსახურის გენერალურ დირექტორთან. დანაკლისების მიზეზების დასადგენად, ამ ეტაპზე ინფორმაცია სამართალდამცავი ორგანოებისთვის არ არის გადაცემული; აღსრულების ეროვნულ ბიუროში არც 2018 წელს და არც წინა ორი საანგარიშო წლის განმავლობაში არ ჩატარებულა უძრავი ქონების (შენობა-ნაგებობები და მიწა) ინვენტარიზაცია; ინვენტარიზაცია არ არის ჩატარებული სამინისტროს აპარატში, სმართ ლოჯიქში, პრობაციის სააგენტოში, საჯარო რეესტრის სააგენტოსა და იუსტიციის სასწავლო ცენტრში; ინვენტარიზაცია ნაწილობრივ განხორციელდა ეროვნულ არქივში, კერძოდ, ჩატარებულია ფაქტობრივი აღწერა, თუმცა შედეგები არ არის ასახული 2018 წლის ფინანსურ ანგარიშგებაში; იუსტიციის სახლში 2018 წლის დეკემბერში დაწყებული ინვენტარიზაცია ჯერ არ არის დასრულებული. ზემოაღნიშნულიდან გამომდინარე, არ არის დაცული კანონმდებლობის მოთხოვნები. ამასთანავე, ვერ ვრწმუნდებით 2018 წლის 1 იანვარსა და 31 დეკემბერს, შესაბამისად, 65,000.67 ათასი და 63,792.91 ათასი ლარით ასახული მარაგების, გრძელვადიანი მცირეფასიანი აქტივების, მანქანა-დანადგარების/ინვენტარის და არამატერიალური აქტივების არსებობასა და სისრულეში. სამინისტროს განმარტებით, სამინისტროში დაწყებულია ინტენსიური სამუშაოები აღნიშნული ნაკლოვანების გამოსასწორებლად.

კონსოლიდირებული ფინანსური მდგომარეობის შესახებ ანგარიშგების ფორმა N1-ში გაზრდილად არის წარმოდგენილი „ძირითადი აქტივების“ საბოლოო ნაშთი 331,088 ლარით, „არაწარმოებული აქტივების“ – 28,560 ლარით, ხოლო „საინვესტიციო ქონების“ საბალანსო ანგარიშის საბოლოო ნაშთი შემცირებულია 359,648 ლარის ოდენობით.

2015 წლის 21 ივლისს იუსტიციის სახლს სამინისტროს აპარატისგან გადაეცა 17,318.60 ათასი ლარის საბალანსო ღირებულების მიწა, თუმცა 2015 წლის კონსოლიდირებულ ანგარიშგებაში აღნიშნული ოპერაცია აისახა ცალმხრივად − მხოლოდ სამინისტროს აპარატის მიერ, როგორც კაპიტალური გრანტის ხარჯი. იუსტიციის სახლის მიერ აქტივის მიღების ოპერაცია არ ასახულა საბუღალტრო აღრიცხვის სამმართველოსთვის დოკუმენტაციის მიუწოდებლობის გამო. აღნიშნულის მიზეზია ასევე ის, რომ საბალანსო ერთეულებს შორის პერიოდული ურთიერთშედარება არ ხორციელდება. აქტივის მიღება კონსოლიდირებულ ანგარიშგებაში ასახულია 2018 წელს. ასევე კაპიტალში ცვლილებების ანგარიშგებაში წმინდა ღირებულება გაზრდილია სხვა არასაოპერაციო შემოსავლების მუხლთან კორესპონდენციით და არა − წინა პერიოდ(ებ)ის შეცდომების კორექტირების გზით. ანალოგიურად, ეროვნული არქივის მიერ ძირითად აქტივებთან დაკავშირებული წინა პერიოდის შეცდომები შესწორებულია 2018 წელს და აქტივები და არასაოპერაციო შემოსავლები გაზრდილია 1,358.14 ათასი ლარით. სამინისტროს მიერ არ მომხდარა აღნიშნული შეცდომების რეტროსპექტულად გასწორება, სააღრიცხვო ინსტრუქციის შესაბამისად. შედეგად, ფინანსურ ანგარიშგებაში გრძელვადიანი აქტივების და წმინდა ღირებულების საწყისი ნაშთები წარმოდგენილია 18,676.75 ათასი ლარით შემცირებული ღირებულებით, ამავე თანხითაა გაზრდილი არასაოპერაციო შემოსავლების მუხლი კაპიტალში ცვლილების შესახებ ანგარიშგებაში (ფორმა N4).

1. არასწორად დარიცხული ცვეთის შედეგად, კონსოლიდირებული ფინანსური შედეგების ანგარიშგებაში (ფორმა N2) „ძირითადი კაპიტალის მოხმარება“ 27,160 ლარით გაზრდილად არის ნაჩვენები, ხოლო გასულ წლებში ცვეთის არასწორი პოლიტიკით გამოწვეული უზუსტობების გავლენით, ფორმა N1-ში „ძირითადი აქტივების“ საბოლოო ნაშთი შემცირებულია 989,316 ლარით. 2. გრძელვადიანი აქტივების აღრიცხვაში, მათ შორის, არამატერიალური აქტივების, არსებული ზემოაღნიშნული უზუსტობების შედეგად, კონსოლიდირებული ფინანსური ანგარიშგების ფორმა N1-ში „გრძელვადიანი აქტივების“ მუხლი წარდგენილია 4,652,607 ლარით შემცირებული ოდენობით.

ფინანსური შედეგების შესახებ ანგარიშგების მიხედვით, 2018 წელს სერვისების სააგენტოსა და საჯარო რეესტრის სააგენტოს მიერ მომსახურების რეალიზაციიდან მიღებული შემოსავლები 93,380.84 ათას ლარს შეადგენს. მომსახურების გაწევის დაწყებამდე, მომხმარებელთა მიერ მომსახურე ბანკებში გადახდილი თანხები აღირიცხება ბილინგის სისტემაში. სამუშაო დღის განმავლობაში მომხმარებელთა მიერ გადახდილი თანხა ბანკების მიერ გადაირიცხება ხაზინის შესაბამის ანგარიშზე. შემოსავალი არ აღიარდება ბილინგის სისტემის მიხედვით, რომელიც რეალურად ასახავს განხორციელებულ ოპერაციებს. აღრიცხვა ხორციელდება საკასო მეთოდით, ხაზინის ელექტრონულ პროგრამაში ასახული თანხების მიხედვით. ხშირ შემთხვევაში, წინა საანგარიშო პერიოდის დეკემბერში გადახდილი თანხები ხაზინის ელექტრონულ პროგრამაში მომდევნო წლის იანვარში აისახება. აუდიტის შედეგად, ხაზინის ელექტრონულ პროგრამაში იდენტიფიცირებულია 2017 წლის 308.35 ათასი და 2018 წლის − 148.75 ათასი ლარის შემოსავლის ტრანზაქცია, რომლებიც ასახულია, შესაბამისად, 2018 და 2019 წლებში. გამომდინარე აქედან, შემოსავლების აღიარება არ ხდება შესაბამის საანგარიშო პერიოდში. სააგენტოებში არ არსებობს შესაბამისი სისტემა, რომლის მეშვეობითაც ინტეგრირებული იქნება მომხმარებლის მიერ წინასწარ გადახდილი საფასურების და ფაქტობრივად გაწეული მომსახურებების შესახებ ინფორმაცია, რამაც, თავის მხრივ, უნდა უზრუნველყოს შემოსავლების დარიცხვის მეთოდით აღრიცხვა და შექმნას კონტროლის მექანიზმი იმ მიზნით, რომ სააგენტოები დარწმუნდნენ მიღებული შემოსავლების სისრულეში. სამინისტროს განმარტებით, აღნიშნულ საკითხთან დაკავშირებით დაწყებულია სამუშაოები IT დეპარტამენტის ჩართულობით.

არ არის დაცული კანონმდებლობის მოთხოვნები. ამასთანავე, ვერ ვრწმუნდებით ფინანსური მდგომარეობის შესახებ ანგარიშგებაში ფორმა N1-ში ასახული 114,473,415 ლარის ძირითადი და გრძელვადიანი მცირეფასიანი აქტივების, სხვა მოკლევადიანი ფინანსური აქტივების, მატერიალური მარაგების და 13,501,608 ლარის სხვა მოკლევადიანი კრედიტორული დავალიანებების საბოლოო ნაშთის არსებობაში, სიზუსტესა და სისრულეში.

აღსრულების ეროვნული ბიუროს ვალდებულებების N3110 ანგარიშზე − ვალდებულებები დეპოზიტით, 2018 წლის საწყისი და საბოლოო ნაშთები შეადგენს 119,012.76 ათას და 133,837.54 ათას ლარს, რომელიც წარმოადგენს სააღსრულებო პროცედურების შედეგად ამოღებულ და კრედიტორებისთვის გადასარიცხ თანხებს, ასევე გირაოს თანხებს. აღნიშნული ვალდებულებების აღრიცხვასთან მიმართებით ვლინდება შემდეგი გარემოებები: 2,767.95 ათასი ლარის წარმოშობის წელი და კრედიტორის ვინაობა არ არის იდენტიფიცირებული. აღსრულების ეროვნული ბიუროს განმარტებით, აღნიშნული საკითხი უკავშირდება ბიუროს შექმნის პერიოდში არსებულ აღრიცხვის პრობლემებს, რის შედეგადაც ვერ ხდება კრედიტორების იდენტიფიცირება; არ არის გადაფასებული უცხოურ ვალუტაში არსებული სადეპოზიტო ვალდებულებები. 2015-2018 წლებში კურსის ცვლილებით მიღებული ჯამური ზარალი 691.32 ათას ლარს შეადგენს, მათ შორის, 2018 წლის ზარალის თანხა 431.67 ათასი ლარია, რის შედეგადაც 2018 წლის ბოლოს ვალდებულების ანგარიში წარმოდგენილია შემცირებულად, 691.32 ათასი ლარით, ისევე როგორც ამ პერიოდის არასაოპერაციო ხარჯები − 431.67 ათასი ლარით. კორექტირება გაკეთებულია 2019 წლის ჩანაწერებში, თუმცა არ მომხდარა შეცდომის რეტროსპექტულად გასწორება; 2018 წლის ბოლოს სადეპოზიტო ანგარიშებზე არსებული თანხა დაკავშირებულია 87,000-ზე მეტ საქმესთან. ნაშთების და მათი ოპერაციების კონტროლისთვის არ არსებობს შესაბამისი პროგრამული უზრუნველყოფა, მონაცემთა დამუშავება ხდება მანუალურად, MS Excel-ის პროგრამაში, რაც საჭიროებს დიდ დროით რესურსს. კონტროლის სპეციფიკიდან გამომდინარე, არსებობს ადამიანური ფაქტორით გამოწვეული შეცდომის დაშვების რისკიც. ამგვარი სახის კონტროლი ვერ უზრუნველყოფს სადეპოზიტო თანხების შესახებ ოპერატიული ინფორმაციის მიღებას; შესაბამისი პროგრამული უზრუნველყოფის არარსებობის გამო, სადეპოზიტო ნაშთების და ბრუნვების ბუღალტრული აღრიცხვა არ წარმოებს ინდივიდუალურად, კრედიტორების მიხედვით. საბუღალტრო ანგარიშზე თანხების ზრდა და შემცირება აისახება ჯამურად, ბანკის ამონაწერებში დაფიქსირებული თანხების შესაბამისად. 2018 წლის დასაწყისში და ბოლოს, ვალდებულებების ანგარიშზე არსებული ნაშთი, მოიცავს როგორც სააღსრულებო პროცედურების შედეგად ამოღებულ და კრედიტორებისთვის გადასარიცხ, ასევე კანონმდებლობით დადგენილ, ბიუროს მომსახურების საფასურის თანხებს. მათი ოდენობა დგინდება ამოღებული თანხების განკარგვის შესახებ დოკუმენტაციის საფუძველზე (საფასურის განკარგვის შესახებ მიმართვა), რომელიც ხშირ შემთხვევებში დგება საანგარიშო წლის დასრულებამდე, რის საფუძველზეც ანგარიში ვალდებულებები დეპოზიტით(N3100) უნდა დაკლასიფიცირდეს როგორც წინასწარ მიღებული სხვა შემოსავლები(N3200). აუდიტის შედეგად იდენტიფიცირებულია სადეპოზიტო ვალდებულებების ანგარიშზე (N3100) 2018 წლის დასაწყისში და წლის ბოლოს რიცხული, შესაბამისად, 3,429.39 ათასი და 824.50 ათასი ლარის თანხები, რომლებიც ზემოაღნიშნული დოკუმენტაციის საფუძველზე ასახული უნდა იყოს არა სადეპოზიტო, არამედ წინასწარ მიღებული სხვა შემოსავლების (N3200) ანგარიშზე, შესაბამისად, 2018 წლის დასაწყისში და ბოლოს ვალდებულებები მითითებული თანხით, კლასიფიცირებულია არასწორად. ამასთან, სადეპოზიტო ვალდებულებები შემცირებულია 691.32 ათასი ლარით, ასევე ვერ ვრწმუნდებით 2,767.95 ათასი ლარის ვალდებულების არსებობაში.

სამინისტროს ზოგიერთ სსიპ-ში ასევე დადგენილ ნორმაზე მეტი ოდენობით ანაზღაურდა მივლინებების მუხლით გაწეული სადღეღამისო და სასტუმროს ხარჯები.

2018 წელს სამინისტროს ფინანსური შედეგების შესახებ ანგარიშგებაში მუხლით-შემოსავალი საკუთრებიდან- შეადგენს 15,034.52 ათას ლარს, რაც წარმოადგენს საბანკო დეპოზიტებზე განთავსებულ თანხებზე დარიცხულ საპროცენტო სარგებელს. სხვადასხვა სსიპ-ში აღნიშნული შემოსავალი არ არის აღიარებული შესაბამის საანგარიშო პერიოდში, სააღრიცხვო ინსტრუქციის შესაბამისად, ვინაიდან ხშირ შემთხვევაში საპროცენტო სარგებლის ყოველთვიური ჯამური თანხის ჩარიცხვა ბანკების მიერ ხდება მომდევნო თვის დასაწყისში, კერძოდ: აღსრულების ეროვნული ბიუროს და საჯარო რეესტრის სააგენტოს 2017 წლის დეკემბერში დარიცხული შემოსავალი, ჯამური თანხით − 574.46 ათასი ლარი, აღიარებულია 2018 წლის იანვარში; აღსრულების ეროვნული ბიუროს და ეროვნული არქივის 2018 წლის დეკემბერში დარიცხული და 2019 წლის იანვარში ჩარიცხული თანხა, ჯამურად 86.30 ათასი ლარი, არ არის აღიარებული შემოსავლად 2018 წელს. შედეგად, ფინანსური შედეგების შესახებ ანგარიშგებაში მუხლი შემოსავალი საკუთრებიდან − გაზრდილია 488.17 ათასი ლარით.

2018 წლის 31 დეკემბრის მდგომარეობით საჯარო რეესტრის სააგენტოს, სახელმწიფო სერვისების სააგენტოს და აღსრულების ეროვნული ბიუროს ბალანსზე ირიცხება თბილისის იუსტიციის სახლის მშენებლობაზე 2014 წლამდე შესრულებული სამუშაოების ღირებულება, ჯამური თანხით − 85,507.33 ათასი ლარი. სამინისტროში დღემდე მოუგვარებელია როგორც განხორციელებული სამუშაოების ღირებულების იუსტიციის სახლისთვის გადაცემის, ასევე შენობის ექსპლუატაციაში მიღების საკითხი, მიუხედავად იმისა, რომ შენობა ფაქტობრივად ფუნქციონირებს 2012 წლიდან. მიღებული განმარტებით, ექსპლუატაციაში მიღების პრობლემა გამოწვეულია მშენებლობის შეთანხმებულ პროექტთან შეუსაბამობის გამო. აღსანიშნავია, რომ პრობლემა ნაწილობრივ მოგვარებულია 2019 წლის ივნისში, კერძოდ, აღსრულების ეროვნულმა ბიურომ იუსტიციის სახლს გადასცა ბალანსზე რიცხული 2,807.66 ათასი ლარის სამუშაოები. ამასთანავე, სამინისტროს განმარტებით, საკითხთან დაკავშირებით დამატებით მიმდინარეობს ინტენსიური მუშაობა. ზემოაღნიშნულის შედეგად, აქტივი კლასიფიცირებულია არასწორად, როგორც დაუმთავრებელი მშენებლობა და მას ცვეთა არ ერიცხება. სმართ ლოჯიქის ბალანსზე დაუმთავრებელი მშენებლობის ანგარიშზე რიცხულია იუსტიციის სამინისტროს შენობის -2 სართულზე 2015-2016 წლებში 332.6 კვ.მ ფართზე (სასერვერო ოთახი) გაწეული სამუშაოების ღირებულება − 532.48 ათასი ლარი. ფაქტობრივი ექსპლუატაციის მიუხედავად, ფართის რეგისტრაციის საკითხი არ არის გადაწყვეტილი. შედეგად, აქტივი კლასიფიცირებულია არასწორად − ნაცვლად დაუმთავრებელი მშენებლობისა, ასახული უნდა იყოს შენობა-ნაგებობის ანგარიშზე და ერიცხებოდეს ცვეთა. სერვისების სააგენტოს ქ. დმანისის მომსახურების ცენტრის სამშენებლო სამუშაოები, ღირებულებით 431.56 ათასი ლარი, დასრულებულია და ექსპლუატაციაში მიღებულია 2018 წელს. მიუხედავად ამისა, აქტივი 2018 წლის ბოლოს, ნაცვლად არასაცხოვრებელი შენობებისა, ასახულია დაუმთავრებელი მშენებლობის ანგარიშზე და არ არის მასზე დარიცხული ცვეთა . აღსანიშნავია, რომ შესაბამისი კორექტირება განხორციელებულია 2019 წელს. სამინისტროს აპარატს 2016-2017 წლებში ფინანსთა სამინისტროს სსიპ − საფინანსო-ანალიტიკური სამსახურისგან მიღებული აქვს Microsoft-ის ლიცენზიები, საერთო ღირებულებით − 7,097.46 ათასი ლარი. 2017 წელს მათზე არ მომხდარა ინსტრუქციით გათვალისწინებული ამორტიზაციის თანხის (ღირებულების 10%) – 709.75 ათასი ლარის დარიცხვა. ზემოაღნიშნულიდან გამომდინარე, ფინანსურ ანგარიშგებაში გრძელვადიანი აქტივები 2018 წლის 31 დეკემბრის მდგომარეობით კლასიფიცირებულია არასწორად, ასევე წარმოდგენილია 5,431.49 ათასი ლარით გაზრდილი ღირებულებით, ხოლო საანგარიშო პერიოდის ცვეთის ხარჯი შემცირებულია 864.71 ათასი ლარით.

სამინისტროს სისტემაში შემავალი ერთეულების ბალანსზე აღრიცხულია შენობა-ნაგებობები, მიწა, დაუმთავრებელი მშენებლობები, კულტივირებული აქტივები, რომლებიც არ იმყოფება სამინისტროს ფაქტობრივ სარგებლობაში. აღნიშნული აქტივებიდან ვერ მიიღება რაიმე სახის სარგებელი, კერძოდ: პრივატიზებულია ან დაბრუნებულია სახელმწიფოსთვის; ინვენტარიზაციის განუხორციელებლობის გამო, ფაქტობრივი მფლობელის შესახებ ინფორმაცია არ არსებობს (სპეციალურ პენიტენციურ სამსახურში − გაუქმებული პენიტენციური დაწესებულებები და სხვა ობიექტები); იუსტიციის სახლში 2018 წელს ჩატარებული ინვენტარიზაციის შედეგად, გამოვლენილია გამხმარი მრავალწლიანი ნარგავები (355.47 ათასი ლარის ღირებულების); სპეციალური პენიტენციური სამსახურის სასაწყობო სამმართველოზე აღრიცხულია 232.09 ათასი ლარის ფასეულობები, რომელიც წარმოადგენს 2016 წელს ჩატარებული გამოძიების შედეგად პასუხისგებაში მიცემული 4 თანამშრომლის (სასაწყობო სამმართველო) მიერ მითვისებულ აქტივებს, რაც საჭიროებს ჩამოწერას; სპეციალური პენიტენციური სამსახურის მარაგების საწყისი და საბოლოო საბალანსო ნაშთები მოიცავს გაუქმებულ პენიტენციურ დაწესებულებებზე რიცხულ და ფაქტობრივად არარსებულ 141.04 ათასი ლარის მარაგებს და გრძელვადიან მცირეფასიან აქტივებს. ზემოაღნიშნული ქონება ვერ აკმაყოფილეს აქტივად აღიარების კრიტერიუმებს. შედეგად, ფინანსური მდგომარეობის შესახებ ანგარიშგებაში აქტივების საწყისი და საბოლოო ნაშთები წარმოდგენილია, შესაბამისად, 4,189.12 ათასი და 4,127.32 ათასი ლარით გაზრდილი ღირებულებით.

აუდიტის შედეგად სამინისტროს სხვადასხვა საბალანსო ერთეულებში იდენტიფიცირებულია ფაქტობრივ სარგებლობაში არსებული 2,582,421 კვმ მიწა, რომელიც არ არის შეფასებული და არაწარმოებული აქტივების ანგარიშზე ასახული, აღნიშნული მიწებიდან, უმეტესობა მოდის სპეციალურ პენიტენციურ სამსახურზე(2,536,866 კვმ). აქვე უნდა აღინიშნოს, რომ სპეციალური პენიტენციური სამსახურის შენობა-ნაგებობათა უმრავლესობის ფართები არ არის დადგენილი და სარეგისტრაციო მონაცემებში (საჯარო რეესტრის ამონაწერებში) ასახული. კერძოდ, 14 პენიტენციური დაწესებულებიდან და სხვა 4 შენობიდან , ფართობები დადგენილია მხოლოდ ცენტრალურ საწყობზე, 6 პენიტენციური დაწესებულების ფართები საჭიროებს დამატებით დაზუსტებას, დანარჩენი ნაგებობების სარეგისტრაციო მონაცემები კი მოიცავს ინფორმაციას მხოლოდ მიწის საერთო ფართის და მათზე განთავსებული ნაგებობების რაოდენობის შესახებ. აღნიშნული თავის მხრივ ართულებს შენობა-ნაგებობათა სრულყოფილად და ზუსტად აღრიცხვას. შედეგად, ზემოაღნიშნული მიწები არ არის ღირებულებით აღრიცხული ფინანსური მდგომარეობის შესახებ ანგარიშგებაში. მათი ოდენობიდან გამომდინარე, თანხობრივი გავლენა არსებითია, თუმცა ვერ ვსაზღვრავთ კორექტირებისთვის საჭირო ზუსტ თანხას.

ფინანსური აქტივების აღრიცხვაში გამოვლენილი გარემოებები: ფინანსური აქტივების 2018 წლის საწყისი და საბოლოო ნაშთები მოიცავს შიდაჯგუფურ, არაელიმინირებულ თანხებს, შესაბამისად, 374.97 ათასი და 175.58 ათასი ლარის ოდენობით; სამინისტროს 11 საბალანსო ერთეულში, სადაც ფინანსური აქტივების ჯამური მოცულობა 26,529.94 ათასი ლარია, არ ჩატარებულა კანონმდებლობით გათვალისწინებული ინვენტარიზაცია. გამომდინარე აქედან, არ არის განხილული და გადაწყვეტილი დავალიანების ამოღების ალბათობის და ბალანსზე არსებობის საკითხი; ფინანსური აქტივების, დაახლოებით, 20% (6,293.28 ათასი ლარი) წარმოშობილია 1996-2014 წლებში. აღნიშნული თანხიდან, ყველაზე დიდი წილი მოდის 2004 წელს წარმოშობილ, შპს „ნოლას“ დავალიანებაზე (სპეციალური პენიტენციური სამსახური), რომელიც შეადგენს 4,299.5 ათას ლარს. დავალიანების შესაბამისი დოკუმენტაცია გადაგზავნილია სამართალდამცავ უწყებაში, ხოლო დანარჩენი დავალიანებებიდან ნაწილზე მიმდინარეობს სასამართლო დავა (761.05 ათასი ლარი). დანარჩენ შემთხვევებში, დავალიანების უმეტეს ნაწილზე შესაბამისი დოკუმენტაცია არ მოიპოვება. მოცემული გარემოებებიდან გამომდინარე, 2018 წლის 31 დეკემბრის მდგომარეობით ფინანსური აქტივები წარმოდგენილია 191.02 ათასი ლარით გაზრდილი ღირებულებით, ამასთანავე, ვერ ვრწმუნდებით 6,177.01 ათასი ლარის მოთხოვნების არსებობასა და სიზუსტეში.

ვალდებულებების აღრიცხვაში გამოვლენილი გარემოებები: ვალდებულებების 2018 წლის საწყისი და საბოლოო ნაშთები მოიცავს შიდაჯგუფურ და არაელიმინირებულ თანხებს, შესაბამისად, 356.73 ათასი და 178.90 ათასი ლარის ოდენობებით; ბალანსის დანართი N12-ში ასახული ინფორმაციით, 2018 წლის ბოლოს არსებული დავალიანების თანხის, დაახლოებით, 35% (4,102.27 ათასი ლარი) 1996-2014 წლებში წარმოშობილი ვალდებულებებია. ნაშთების რეალურობის დადგენის მიზნით, სამინისტროს 11 საბალანსო ერთეულში (ვალდებულებების ჯამური თანხა პერიოდის ბოლოს − 10,690.12 ათასი ლარი) არ ჩატარებულა კანონმდებლობით გათვალისწინებული ინვენტარიზაცია. გამომდინარე აქედან, არ არის განხილული და გადაწყვეტილი ხანდაზმულობის და საცნობარო მუხლში (13 ანგარიში − „ჩამოწერილი კრედიტორული დავალიანება“) გადატანის საკითხი; 370.03 ათასი ლარი უკავშირდება ლიკვიდირებულ ორგანიზაციებს. შესაბამისად, თანხა ვერ აკმაყოფილებს ვალდებულებად აღიარების კრიტერიუმებს; გრძელვადიანი ვალდებულების ანგარიშზე 2018 წლის ბოლოს რიცხული ნაშთი, 3,492.76 ათასი ლარი, წარმოადგენს ფინანსთა სამინისტროს სსიპ − საფინანსო-ანალიტიკური სამსახურის მიმართ არსებულ დავალიანებას, რომლის დაფარვაც ხელშეკრულებით გათვალისწინებულია 2019 წლის საბიუჯეტო ასიგნებებით. შესაბამისად, დავალიანება ნაცვლად გრძელვადიანისა, ასახული უნდა იყოს „მოკლევადიანი ვალდებულებების“ მუხლში. მოცემული გარემოებებიდან გამომდინარე, 2018 წლის 31 დეკემბრის მდგომარეობით ვალდებულებები კლასიფიცირებულია არასწორად (3,492.76 ათასი ლარი), საწყისი და საბოლოო ნაშთები კი, წარმოდგენილია, შესაბამისად, 726.77 ათასი და 548.93 ათასი ლარით გაზრდილი ღირებულებით.

საჯარო რეესტრის სააგენტოს და „სმართ ლოჯიქის“ მიერ 2018 წლის მოგების გადასახადის დეკლარაციის საფუძველზე გაანგარიშებული მოგების გადასახადის თანხა 169.56 ათას ლარს შეადგენს, აღნიშნული თანხით კაპიტალში ცვლილების ანგარიშგებაში (ფორმა N4) არ არის შემცირებული წმინდა ღირებულება, სააღრიცხვო ინსტრუქციის შესაბამისად. აღსრულების ეროვნული ბიურო მოგების გადასახადის გაანგარიშების დროს ერთობლივი შემოსავლიდან ძირითადი საშუალებების ღირებულების გამოქვითვას ახდენს ფინანსური ანგარიშგების წლიური ცვეთის თანხით და არა − საგადასახადო კოდექსის მიხედვით, რაც ითვალისწინებს ძირითადი საშუალების თითოეული ჯგუფის საამორტიზაციო ანარიცხების გაანგარიშებას ჯგუფის ღირებულებითი ბალანსიდან. გამომდინარე აღნიშნულიდან, მოგების გადასახადის თანხა არ არის გაანგარიშებული საგადასახადო კოდექსით დადგენილი პრინციპებით, რაც გავლენას ახდენს საგადასახადო ვალდებულებების (N3240) და წმინდა ღირებულების (N5100) ანგარიშების ნაშთებზე, თუმცა კორექტირებისთვის საჭირო თანხა ვერ განისაზღვრება.

სამინისტროს ფინანსური შედეგების შესახებ ანგარიშგებაში (ფორმა N2) ხარჯის მუხლი − „ძირითადი კაპიტალის მოხმარება“, 2018 წელს 26,541.76 ათას ლარს შეადგენს. აღნიშნულ მუხლთან დაკავშირებით ვლინდება შემდეგი უზუსტობები: საჯარო რეესტრის სააგენტო ძირითად საშუალებებზე ცვეთის დასარიცხ ბაზად იყენებს არა ისტორიულ, არამედ 2012 წლის დასაწყისისთვის არსებულ ნარჩენ ღირებულებებს, რის გამოც, საანგარიშო პერიოდში დარიცხული ცვეთის ხარჯი ნაჩვენებია შემცირებულად. წარმოდგენილი ინფორმაციით შეუძლებელია აქტივების საწყისი ღირებულების დადგენა, შესაბამისად, კორექტირებისთვის საჭირო თანხა ზუსტად ვერ განისზაღვრება; საჯარო რეესტრის სააგენტოში არამატერიალურ აქტივებზე ამორტიზაციის დარიცხვისას გამოყენებულია 15%-იანი განაკვეთი და არა - სასარგებლო მომსახურების ვადები, რაც არ შეესაბამება სააღრიცხვო ინსტრუქციის მოთხოვნებს, რომლის მიხედვით „არამატერიალურ აქტივებს ცვეთა ერიცხება სასარგებლო მომსახურების ვადის პროპორციულად, თუ ეს შესაძლებელია, წინააღმდეგ შემთხვევაში, წლიურად − 10%-ის ოდენობით“; 2017 წელს სამინისტროს აპარატმა ფინანსთა სამინისტროს სსიპ − საფინანსო-ანალიტიკური სამსახურისგან მიიღო 7,097.46 ათასი ლარის Microsoft-ის ლიცენზიები, საიდანაც 6,409.16 ათასი ლარის ლიცენზიები განაწილდა სხვადასხვა საბალანსო ერთეულზე. სამინისტროს აპარატის, ეროვნული არქივის, საჯარო რეესტრის სააგენტოს და დანაშაულის პრევენციის ცენტრის მიერ, მათზე ამორტიზაცია არასწორად ან საერთოდ არ არის დარიცხული. კერძოდ, სამინისტროს აპარატის, ეროვნული არქივის და დანაშაულის პრევენციის ცენტრის მიერ, ამორტიზაცია არ არის დარიცხული ჯამური ღირებულებით − 76.30 ათასი ლარის ოდენობით, საჯარო რეესტრის სააგენტოს, ნაცვლად ინსტრუქციით გათვალისწინებული 10%-ისა, გამოყენებული აქვს 15%-იანი განაკვეთი, რის შედეგადაც დარიცხული ცვეთა გაზრდილია 78.57 ათასი ლარით; ეროვნული არქივის მიერ 2018 წელს ძირითად საშუალებებზე დარიცხულია 2017 წლის კუთვნილი ცვეთის თანხა − 270.48 ათასი ლარი. ასევე, 2018 წლის ბოლოს 1,101.56 ათასი ლარის ნარჩენი ღირებულების ძირითად საშუალებებზე ცვეთა არ არის დარიცხული; სპეციალური პენიტენციური სამსახურის და აღსრულების ეროვნული ბიუროს ბალანსზე ირიცხება 1,472.02 ათასი ლარის სტრატეგიული აქტივი, თუმცა მათზე ცვეთის დარიცხვა არ ხორციელდება. მოქმედი ინსტრუქციით, ასეთ აქტივებზე ცვეთის ნორმა დადგენილი არ არის. ამავე ინსტრუქციის მიხედვით, ასეთ შემთხვევაში ორგანიზაციამ „უნდა შეიმუშაოს ცვეთის ნორმების შესაბამისი პროექტი და დასამტკიცებლად წარუდგინოს საქართველოს ფინანსთა სამინისტროს”. 2018 წელს 864.71 ათასი ლარის ცვეთა არ არის დარიცხული ფაქტობრივ ექსპლუატაციაში არსებულ, თუმცა დაუმთავრებელი მშენებლობის ანგარიშზე რიცხულ ძირითად აქტივებზე (იხ. აბზაცი 1.5.1), ასევე, 61.80 ათასი ლარის ცვეთის ხარჯი ნაჩვენებია ფაქტობრივად არარსებულ აქტივებზე (იხ. აბზაცი 1.5.2). ზემოაღნიშნული გარემოებებიდან გამომდინარე, 2018 წლის ფინანსური შედეგების შესახებ ანგარიშგებაში მუხლი „ძირითადი კაპიტალის მოხმარება“, წარმოდგენილია ჯამურად 530.16 ათასი ლარით შემცირებულად. ასევე აქტივების ნაწილზე არ ან არასრულად არის დარიცხული ცვეთის თანხა, თუმცა ვერ განვსაზღვრავთ კორექტირებისთვის საჭირო ზუსტ ოდენობას.

სერვისების სააგენტოს მიერ სხვადასხვა სახის ბლანკები (ელექტრონული პირადობის მოწმობა, ბიომეტრიული პასპორტის ბლანკი, ბინადრობის მოწმობა) ხარჯად აღიარდება სააგენტოს ცენტრალური საწყობიდან სხვადასხვა საბეჭდ ცენტრებსა (თბილისის, ქუთაისის და ბათუმის საბეჭდი ცენტრები) და ტერიტორულ სამსახურებზე მოხსენებითი ბარათების საფუძველზე გადაცემის შემდეგ. აღნიშნული რეალურად წარმოადგენს შიდა გადაცემის და არა − ხარჯვის ოპერაციას. . მარაგების ხარჯად აღიარების ამგვარი პრაქტიკა ვერ უზრუნველყოფს ფინანსურ ანგარიშგებაში მათ სწორად წარდგენას. სააგენტოს ბალანსგარეშე ანგარიშზე 2018 წლის საწყის და საბოლოო ნაშთებად − 1,176.14 ათასი და 1,194.71 ათასი ლარის რიცხული მარაგები წარმოადგენს ხარჯად აღიარებულ, თუმცა ფაქტობრივად არსებულ აქტივებს. სპეციალურ პენიტენციურ სამსახურში მარაგების ანგარიშზე ირიცხება წინა პერიოდიდან მომდინარე გაურკვეველი უარყოფითი ნაშთი − 148.65 ათასი ლარი. ასევე, პროგრამული ხარვეზის გამო არ არის ასახული 126.0 ათასი ლარის მარაგის მიღება. შესაბამისად, მარაგების ღირებულება შემცირებულია 274.65 ათასი ლარით. ზემოაღნიშნულიდან გამომდინარე, სასაქონლო-მატერიალური მარაგების საწყისი და საბოლოო ნაშთები წარმოდგენილია, შესაბამისად, 1,324.79 ათასი და 1,469.37 ათასი ლარით შემცირებული ღირებულებით.

2016 წლის 30 მაისს გამოცხადებული აუქციონის საფუძველზე, 2016 წლის 9 ივნისს იუსტიციის სახლსა და შპს „ტრანს-პარკინგი 2016“-ს შორის გაფორმდა 3-წლიანი საიჯარო ხელშეკრულება თბილისის იუსტიციის სახლის ტერიტორიაზე მდებარე მიწის და მასზე განთავსებული შენობა-ნაგებობის (10,851 კვ.მ) გადაცემაზე, ფასიანი ავტოსადგომის მოწყობის მიზნით. კანონმდებლობა არ ითვალისწინებს აუქციონის საკვალიფიკაციო მოთხოვნების აუცილებელ განსაზღვრას. აღნიშნული წარმოადგენს მესაკუთრის დისკრეციას და საშუალებას იძლევა მოხდეს სათანადო და კვალიფიციური პრეტენდენტის შერჩევა. იუსტიციის სახლის მიერ გამოცხადებული აუქციონი არ ითვალისწინებდა პრეტენდენტის გამოცდილებას, შედეგად მასში მონაწილეობა არ იყო შეზღუდული სხვადასხვა კრიტერიუმით. იუსტიციის სახლის განმარტებით, აუქციონის გამოცხადებისას საკვალიფიკაციო პირობების დადგენით იზღუდება პოტენციურ მონაწილეთა წრე, ხოლო იმ პერიოდში ბაზარზე ამ მოცულობის პარკინგის გამოცდილების მქონე კომპანიის მოძიება პრაქტიკულად შეუძლებელი იყო. აუქციონში გაიმარჯვა შპს „ტრანს-პარკინგი 2016“-მა. მოიჯარე ქირას სრულად იხდიდა მხოლოდ 7 თვის განმავლობაში, ხოლო შემდგომ სახელშეკრულებო პირობები დაარღვია. მოიჯარემ 2016 წლის დეკემბერში, ითხოვა საიჯარო ქირის გადახედვა, რაზეც იუსტიციის სახლისგან მიიღო უარი. იუსტიციის სახლის განმარტებით, უარის მიზეზს წარმოადგენდა ის გარემოება, რომ საიჯარო თანხა დადგენილი იყო აუქციონის პირობებით და შესაბამისად შეცვლილი ფასი წინააღმდეგობაში იქნებოდა აუქციონით დადგენილ პირობებთან. 2017 წლის 11 აპრილს შპს „ტრანს პარკინგ-2016“-მა სასამართლოში შეტანილი სარჩელით მოითხოვა ხელშეკრულების პირობების მისადაგება შეცვლილი გარემოებებისადმი. იუსტიციის სახლმა შეგებებული სარჩელით მოითხოვა გადაუხდელი საიჯარო ქირის, დარიცხული ჯარიმის და მიყენებული ზიანის ანაზღაურება − 389.87 ათასი ლარის ოდენობით. ამასთანავე, იუსტიციის სახლმა სასამართლო დავის დაწყების შემდეგ, კომპანიასთან ხელშეკრულება ცალმხრივად გაწყვიტა, მიუხედავად ამისა მოიჯარემ არ დატოვა სარგებლობაში გადაცემული ტერიტორია და ოპერირებას 2019 წლის ივნისამდე (სასამართლო პროცესის პარალელურად) ფაქტობრივად 2 წლის განმავლობაში, ახორციელებდა თანხის გადაუხდელად. 2017 წლის იანვრიდან 2019 წლის მაისის ჩათვლით, გადაუხდელი თანხა 530.9 ათას ლარს შეადგენს. 2019 წელს იუსტიციის სახლის ზემოაღნიშნული სასარჩელო მოთხოვნა სასამართლოს მიერ დაკმაყოფილებულია სრულად. აღსანიშნავია, რომ მოიჯარის მიერ დაწყებული დავა გაგრძელდა 2 წლის განმავლობაში. ამასთანავე მოწინააღმდეგე მხარემ გადაწყვეტილება გაასაჩივრა შემდგომ ინსტანციაში, რაც თანხის მიღების პროცესს დროში მნიშვნელოვნად ახანგრძლივებს და რისკის ქვეშ აყენებს.

„სახელმწიფო შიდა ფინანსური კონტროლის შესახებ“ საქართველოს კანონი განსაზღვრავს სამინისტროში შიდა ფინანსური კონტროლის დანერგვის წესსა და პრინციპებს. „ფინანსური მართვისა და კონტროლის სისტემის ჩამოყალიბების წესისა და პროცედურების შესახებ“ საქართველოს მთავრობის დადგენილებით − „ფინანსური მართვისა და კონტროლის სისტემის დანერგვის ეტაპების გაწერა დროში თანხმდება დაწესებულებასა (მხარჯავ) და ფინანსთა სამინისტროს შორის“. ამავე დადგენილებით, უწყება წლის დასრულებიდან მომდევნო წლის იანვრის ბოლომდე ფინანსთა სამინისტროს წარუდგენს ფინანსური მართვისა და კონტროლის სისტემის დანერგვისა და განვითარების შესახებ წლიურ ანგარიშს. სამინისტროს მიერ არ არის მომზადებული და ფინანსთა სამინისტროსთვის წარდგენილი, როგორც ფინანსური მართვისა და კონტროლის სისტემის დანერგვის დროში გაწერილი ეტაპები, ასევე „ფინანსური მართვისა და კონტროლის სისტემის დანერგვის და განვითარების შესახებ“ 2018 წლის ანგარიში.

იუსტიციის სახლის, აღსრულების ეროვნული ბიუროს და სერვისების სააგენტოს შიდა აუდიტის სტრუქტურული ერთეულების საქმიანობა, მათი ანგარიშების მიხედვით, წარმოადგენს თანამშრომელთა სამსახურებრივი დისციპლინისა და საქმიანობის კანონიერების შემოწმებას, რაც რეალურად წარმოადგენს ინსპექტირებას და არ შეესაბამება „სახელმწიფოს შიდა ფინანსური კონტროლის შესახებ“ საქართველოს კანონით შიდა აუდიტის სუბიექტისთვის განსაზღვრულ საქმიანობის მასშტაბს. საქართველოს მთავრობის N391 დადგენილების − „საჯარო სამართლის იურიდიული პირების ჩამონათვალის და მათში შიდა აუდიტის სისტემის დანერგვის და განვითარების სტრატეგიის დამტკიცების შესახებ“ − შესაბამისად, საჯარო რეესტრის სააგენტოში შიდა აუდიტის სტრუქტურული დანაყოფის შექმნა და მის მიერ აუდიტორული საქმიანობის განხორციელება გათვალისწინებულია 2018 წლიდან, თუმცა სააგენტოში არ არის შექმნილი შიდა აუდიტის სუბიექტი (არსებობს შიდა კონტროლის სამსახური, რომელიც ინსპექტირებას ახორციელებს). სერვისების სააგენტოს დებულების თანახმად, შიდა აუდიტის სამსახურის ერთ-ერთი ამოცანაა „ინფორმაციული ტექნოლოგიების მიმართულებით სააგენტოში არსებული ინფრასტრუქტურის, ხელშეკრულებით გათვალისწინებული ვალდებულებების შესრულებისა და მოქმედი ელექტრონული პროგრამების აუდიტი“, თუმცა სამსახურის მიერ აღნიშნული ამოცანა არ სრულდება.

სააღრიცხვო პოლიტიკის შემუშავება, დანერგვა და გამოყენება ორგანიზაციაში აღრიცხვის თანმიმდევრულობის ერთ-ერთი მთავარი წინაპირობაა. სამინისტროში არ არის შემუშავებული და დანერგილი ბუღალტრული აღრიცხვის ინსტრუქციით განსაზღვრული სააღრიცხვო პოლიტიკა. აღნიშნული პოლიტიკა შესაძლებლია მოიცავდეს ინსტრუქციას შემდეგი საკითხების აღრიცხვის შესახებ: უიმედო ვალები, მოძველებული მატერიალური ფასეულობები, ფინანსური აქტივები და ვალდებულებები, ცვეთად აქტივებზე გაწეული დანახარჯები და სხვ. სააღრიცხვო პოლიტიკის არქონით არის გამოწვეული სხვადასხვა საბალანსო ერთეულში რიგ შემთხვევებში ერთსა და იმავე მუხლებთან მიმართებით (ძირითადი აქტივები, ცვეთის ხარჯი, მოგების გადასახადის გაანგარიშება, ქონების/მოგების გადასახადის ხარჯის აღიარება) აღიარების სხვადასხვა მეთოდის/პრინციპის არსებობა.

სამინისტროს აპარატს არ გააჩნია ბუღალტრული აღრიცხვის პროგრამული უზრუნველყოფა სააღრიცხვო ინფორმაციის დასამუშავებლად და ე.წ. „მთავარი წიგნის“ საწარმოებლად. სააღრიცხვო ჩანაწერების წარმოება ხორციელდება პროგრამა MS Excel-ის პროგრამით, რაც წარმოადგენს ფინანსური ანგარიშგების მომზადების პროცესთან დაკავშირებულ კონტროლის ნაკლოვანებას.

სპეციალურ პენიტენციურ სამსახურში არაფინანსურ აქტივებზე პასუხისმგებელი პირები ხელშეკრულებით განსაზღვრულია მხოლოდ სასაწყობო სამმართველოს 6 ქვედანაყოფზე. მატერიალურად პასუხისმგებლობის განსაზღვრის შესახებ ხელშეკრულება, კანონმდებლობის შესაბამისად, არ არის გაფორმებული 12 პენიტენციური დაწესებულების საწყობის მენეჯერთან, დაწესებულებათა აფთიაქებსა და სხვადასხვა ქვედანაყოფებში, სადაც ხდება ფასეულობათა მიღება, შენახვა და გაცემა (გარე დაცვის განყოფილებები, კინოლოგიის განყოფილება და ა.შ.), რაც წარმოშობს აქტივების დაცულობასთან დაკავშირებულ რისკებს, ვინაიდან ფორმალურად არ არსებობს მათ მიღება-შენახვასა და გაცემაზე პასუხისმგებელი პირი. ზემოაღნიშნულ 6 საწყობზე სააღრიცხვო მონაცემებით 2018 წლის დასაწყისში რიცხული მარაგების და გრძელვადიანი მცირეფასიანი აქტივების საერთო ღირებულება ამავე თარიღით სპეციალური პენიტენციური სამსახურის მარაგების და გრძელვადიანი მცირეფასიანი აქტივების ღირებულების დაახლოებით 39%-ს შეადგენს (საერთო ღირებულება − 10,886.70 ათასი ლარი, 6 საწყობზე რიცხული ფასეულობების ღირებულება, წარმოდგენილი ინფორმაციით − 4,191.93 ათასი ლარია).

საჯარო რეესტრის სააგენტო და სერვისების სააგენტო თავიანთი უფლებამოსილებიდან გამომდინარე, სარგებლობენ სხვადასხვა ფუნქციის საინფორმაციო-ტექნოლოგიური (IT) აპლიკაციებით/პროგრამებით, საიდანაც უმეტესობა შექმნილია საკუთარი რესურსით (საჯარო რეესტრი: 28 პროგრამა/აპლიკაცია, სერვისების სააგენტო − 36 პროგრამა/აპლიკაცია). აღნიშნული პროგრამების/აპლიკაციების უმრავლესობა უშუალოდ მონაწილეობს სააგენტოების ძირითადი შემოსავლების ფორმირებაში. გარდა ამისა, საჯარო რეესტრის სააგენტოს შიდა რესურსებით შემუშავებულია 15 პროგრამული უზრუნველყოფა, რომლებითაც ყოველწლიურად გადახდილი საფასურის სანაცვლოდ, სარგებლობენ გარე უწყებები. მათ შორისაა, ისეთი მნიშვნელოვანი პროგრამები, როგორიცაა, სახელმწიფო შესყიდვების ერთიანი ელექტრონული სისტემა და აღსრულების ეროვნული ბიუროს ძირითადი საქმისწარმოების პროგრამა. სააგენტოებში არ არსებობს შესაბამისი კონტროლის სისტემა მათზე გაწეული დანახარჯების ცალკე აღრიცხვისა და შეფასებისთვის, რათა შემდგომ განისაზღვროს, აღნიშნული დანახარჯები აქტივად აღიარების კრიტერიუმებს აკმაყოფილებს თუ არა.

სპეციალურ პენიტენციურ სამსახურში, 2017 წელს განხორციელებული მედიკამენტებისა და სამედიცინო სახარჯი მასალების ინვენტარიზაციის შედეგად, 2018 წლის 10 იანვრის სხდომის ოქმით, კომისიამ გამოავლინა 893.58 ათასი ლარის დანაკლისი (მათ შორის, გაუქმებულ პენიტენციური დაწესებულებებზე რიცხული, 134.78 ათასი ლარის მარაგები). ამავე ოქმში მოცემული განმარტებით, დანაკლისი განპირობებული იყო შემდეგი ძირითადი მიზეზებით: წინა პერიოდებში არ განხორციელებულა მედიკამენტების ინვენტარიზაცია; წლების განმავლობაში არასწორად ან რიგ შემთხვევებში საერთოდ არ აწარმოებდნენ მედიკამენტებისა და სამედიცინო სახარჯი მასალების ბრუნვის დამადასტურებელ დოკუმენტაციას (აღნიშნული ნაკლოვანებების შესახებ მითითებულია ასევე სასჯელაღსრულების და პრობაციის სამინისტროში სახელმწიფო აუდიტის სამსახურის მიერ ჩატარებული 2014-2015, 2016, 2017 წლების აუდიტის ანგარიშებში); არ არსებობს პენიტენციურ სისტემაში მედიკამენტებისა და სამედიცინო სახარჯი მასალების აღრიცხვის მარეგულირებელი ნორმატიული აქტები. კომისიის მიერ მიზანშეწონილად არ იქნა მიჩნეული აღნიშნული შედეგების ბუღალტრულად ასახვა. სამინისტროს განმარტებით, დანაკლისების შესახებ ინფორმაცია გაიგზავნება სამართალდამცავ უწყებებში. ხშირ შემთხვევაში სპეციალურ პენიტენციურ სამსახურში მედიკამენტების სრულად ჩამოწერის პროცედურა ვერ ხორციელდება დოკუმენტაციის მიხედვით, საკმარისი ბუღალტრული ნაშთების არარსებობის გამო (აუდიტის შედეგად იდენტიფიცირებულია 30.01 ათასი ლარის ხარჯად ჩამოწერის ოპერაცია, რომელიც ბუღალტრულად ვერ იქნა ასახული.). შედეგად, მარაგების N1620 ანგარიშზე საანგარიშო წლის ბოლოს ირიცხება 893.58 ათასი ლარის ფაქტობრივად არარსებული მარაგი, ხოლო ხარჯის მუხლი −„საქონელი და მომსახურება“ წარმოდგენილია 30.01 ათასი ლარით შემცირებული ღირებულებით. აღსანიშნავია ისიც, რომ დღეის მდგომარეობით, 12 პენიტენციური დაწესებულების აფთიაქებში, სადაც ხდება მედიკამენტების მიღება და შემდგომ განაწილება, შესაბამის პირებთან არ არის გაფორმებული ხელშეკრულებები სრული მატერიალური პასუხისმგებლობის შესახებ. ყოველივე აღნიშნული მიუთითებს სპეციალურ პენიტენციურ სამსახურში მედიკამენტების მიღება-გაცემასა და აღრიცხვაში არსებულ ნაკლოვანებებზე. შესაბამისად, მედიკამენტების აღრიცხვა-კონტროლის არსებული სისტემა ვერ უზრუნველყოფს არსებული მარაგების დაცულობას, მიზნობრივ ხარჯვასა და გამოყენებას.

ფინანსთა და ეკონომიკის სამინისტროს უფლებამოსილი პირის განმარტებით, სამინისტროს ბალანსზე არ აქვს აღრიცხული აჭარის ავტონომიური რესპუბლიკის საკუთრებაში არსებული ის არაფინანსური აქტივები, რომლის განკარგვის/სარგებლობის უფლებით გადაცემასაც ახორციელებს. არსებული პრაქტიკით, ქონების საბიუჯეტო ორგანიზაციის ბალანსზე აღრიცხვა ხდება მხოლოდ პირველადი გადაცემის შემდეგ, ქონების მიმღების მიერ. მოქმედი რეგულაციებით, არაფინანსური აქტივებით ოპერაციებისათვის აღრიცხვაში ასახვის დრო დგება მაშინ, როდესაც ხდება არაფინანსურ აქტივებზე საკუთრების უფლების მოპოვება ან დათმობა. ვინაიდან ფინანსთა და ეკონომიკის სამინისტრო წარმოადგენს არაფინანსური აქტივების მესაკუთრის − აჭარის ავტონომიური რესპუბლიკის უფლებამოსილების განმახორციელებელ კომპეტენტურ სახელმწიფო ორგანოს, სამინისტრო ვალდებული იყო შესაბამის პერიოდში ბუღალტრულად აღერიცხა აჭარის ავტონომიური რესპუბლიკის საკუთრებაში არსებული არაფინანსური აქტივებით განხორციელებული ყველა ოპერაცია, მათ შორის, ქონების საკუთრებაში მიღება, პრივატიზება, სარგებლობაში გადაცემა და სხვ. ზემოაღნიშნული ოპერაციების აღურიცხველობის გამო, 2018 წლის 31 დეკემბრის მდგომარეობით შედგენილ კონსოლიდირებულ ფინანსურ ანგარიშგებაში არსებითად უზუსტოდაა წარმოდგენილი ძირითადი აქტივების და არაწარმოებული აქტივების (მიწის) ღირებულების ნაშთები როგორც წლის დასაწყისისთვის, ისე წლის ბოლოსთვის.

აჭარის ავტონომიური რესპუბლიკის რესპუბლიკური ბიუჯეტით განსაზღვრული საბიუჯეტო ორგანიზაციების 2018 წლის 31 დეკემბრის მდგომარეობით შედგენილ კონსოლიდირებულ ფინანსურ ანგარიშგებაში, ძირითადი აქტივების ანგარიშზე ნაშთი არანაკლებ 681,972 ლარით უზუსტოდ, გაზრდილად არის წარმოდგენილი, რაც გამოწვეულია საბიუჯეტო ორგანიზაციების მიერ აღრიცხვისას დაშვებული შეცდომებით და ძირითადი აქტივების ფიზიკური ცვეთის ნორმების არასწორი გამოყენებით ან/და ცვეთის დაურიცხველობით. კერძოდ: გზების დეპარტამენტს ცვეთის ნორმების არასწორი გაანგარიშების, ასევე არამატერიალურ აქტივზე ცვეთის დაურიცხველობის გამო, ძირითადი აქტივების ანგარიში 497,818 ლარით გაზრდილად აქვს წარმოდგენილი, ხოლო ბალანსგარეშე 08 ანგარიში − „ამორტიზებული ძირითადი აქტივები“, 6,184 ლარით შემცირებულად აქვს წარმოდგენილი; გარემოს დაცვისა და ბუნებრივი რესურსების სამმართველოს, ცვეთის გაანგარიშებისას დაშვებული შეცდომების გამო, ძირითადი აქტივების ანგარიში 76,018 ლარით გაზრდილად აქვს წარმოდგენილი; სსიპ − აჭარის სატყეო სააგენტოს ბალანსზე ირიცხება 60,185 ლარის ნარჩენი საბალანსო ღირებულების შენობა-ნაგებობა, რომელიც ხელვაჩაურის მუნიციპალიტეტის საკუთრებაა და დადგენილი ფორმით არ არის გადაცემული სააგენტოსთვის; ტურიზმისა და კურორტების დეპარტამენტს, ცვეთის გაანგარიშებისას დაშვებული შეცდომების გამო, ძირითადი აქტივების ანგარიში 11,314 ლარით შემცირებულად აქვს წარმოდგენილი; ა(ა)იპ − ტურისტული პროდუქტების განვითარების სააგენტოს, ცვეთის გაანგარიშებისას დაშვებული შეცდომების გამო, ძირითადი აქტივების ანგარიში 106,948 ლარით შემცირებულად აქვს წარმოდგენილი; სსიპ − ბათუმის სახელმწიფო მუსიკალურ ცენტრს, არამატერიალურ აქტივებზე ცვეთის დაურიცხაობის გამო, ძირითადი აქტივების ღირებულება 45,786 ლარით გაზრდილად აქვს წარმოდგენილი; ა(ა)იპ − ქ. ბათუმის ვახტანგ ჭაბუკიანის სახელობის კლასიკური ბალეტის სკოლას ძირითადი აქტივების ანგარიში 9,035 ლარით გაზრდილად აქვს წარმოდგენილი, რაც გამოწვეულია ცვეთის დარიცხვის არასწორი მეთოდის გამოყენებით, ასევე ბალანსგარეშე 08 ანგარიში − „ამორტიზებული ძირითადი აქტივები“, 2,950 ლარით შემცირებულად აქვს წარმოდგენილი; სსიპ − ბათუმის თოჯინებისა და მოზარდ მაყურებელთა სახელმწიფო თეატრს, 500 ლარზე ნაკლები ღირებულების სხვადასხვა მატერიალური ფასეულობა, ჯამში − 20,875 ლარის ღირებულების, ნაცვლად მცირეფასიანი აქტივებისა, აღრიცხული აქვს ძირითადი აქტივების ანგარიშზე. ასევე ცვეთის არასწორი გაანგარიშების გამო, ძირითადი აქტივების ნაშთი 53,902 ლარით გაზრდილად, ხოლო ბალანსგარეშე 08 ანგარიში − „ამორტიზებული ძირითადი აქტივები“ , 10,221 ლარით შემცირებულად აქვს წარმოდგენილი; განათლების, კულტურისა და სპორტის სამინისტროს სისტემაში შემავალ სხვადასხვა ორგანიზაციას, ასევე ცვეთის გაანგარიშებისას დაშვებული შეცდომების გამო, ძირითადი აქტივების ანგარიში ჯამში 36,615 ლარით გაზრდილად აქვთ წარმოდგენილი, ხოლო ბალანსგარეშე 08 ანგარიში − „ამორტიზებული ძირითადი აქტივები“, 9,122 ლარით შემცირებულად აქვთ წარმოდგენილი.

ორგანიზაციებში ვლინდება აქტივების მართვასთან დაკავშირებული ხარვეზები, რაც გამოწვეულია იმით, რომ ინვენტარიზაცია ან საერთოდ არ ჩატარებულა, ან/და არასრულყოფილად ჩატარდა, რაც წარმოშობს ორგანიზაციების აქტივების და ვალდებულებების უზუსტოდ აღრიცხვის რისკებს. კერძოდ: სსიპ - აჭარის სავაჭრო-სამრეწველო პალატას 2018 წელს ბალანსზე რიცხული ქონების, მოთხოვნებისა და ვალდებულებების ინვენტარიზაცია ჩატარებული არ აქვს; რიგ ორგანიზაციებში საინვენტარიზაციო კომისიის წევრი იმავდროულად არის მატერიალურად პასუხისმგებელი პირი; გამოვლენილია შემთხვევები, როდესაც ქონებას საინვენტარო ნომრები არ აქვს მინიჭებული ან ბუღალტრულად მინიჭებული ნომრები არ არსებობს, ან/და ორ სხვადასხვა ტექნიკას ერთი და იგივე ნომერი აქვს. ასევე, რიგ შემთხვევაში, არ არის მითითებული ბრენდი და მოდელი. მიუხედავად იმისა, რომ შერჩევითი ინვენტარიზაციის შედეგად, ორი შემთხვევის გარდა, დანაკლისი არ გამოვლენილა, ზემოაღნიშნული შიდა კონტროლის სისტემის არსებით სისუსტეზე მიუთითებს.

აჭარის ავტონომიური რესპუბლიკის რესპუბლიკური ბიუჯეტით განსაზღვრული საბიუჯეტო ორგანიზაციების ნაერთ (კონსოლიდირებულ) ფინანსურ ანგარიშგებაში მოთხოვნების ნაშთი 2018 წლის 31 დეკემბრის მდგომარეობით შეადგენს 212,417,223 ლარს. მოპოვებული მტკიცებულებებით ირკვევა, რომ ნაშთი 112,767,397 ლარით უზუსტოდ, შემცირებულად არის წარმოდგენილი, რაც გამოწვეულია შემდეგ გარემოებათა გამო: მოქმედი კანონმდებლობით, აჭარის ავტონომიური რესპუბლიკის ქონების განკარგვას სარგებლობის/მართვის უფლებით გადაცემას დადგენილი უფლებამოსილების ფარგლებში, ახორციელებს ფინანსთა და ეკონომიკის სამინისტრო. აღნიშნული უფლებამოსილების ფარგლებში, სამინისტროს მიერ განხორციელებულია სხვადასხვა უძრავი/მოძრავი ქონების პრივატიზება და სარგებლობაში გადაცემა, ასევე წილობრივი მონაწილეობით მოქმედი საწარმოების მართვაში გადაცემა. აღნიშნული უფლებამოსილების ფარგლებში, სამინისტროს ხელშემკვრელი პირების მხრიდან ვალდებულებათა დროულად და ჯეროვნად შეუსრულებლობის გამო დარიცხული პირგასამტეხლო 2018 წლის 31 დეკემბრის მდგომარეობით შეადგენს 112,811,258 ლარს, რაც არ არის აღრიცხული ფინანსთა და ეკონომიკის სამინისტროს 2018 წლის ფინანსურ ანგარიშგებაში. სამინისტროს უფლებამოსილი პირის განმარტებით, სამინისტროს ბალანსზე არ აქვს აღრიცხული აჭარის ავტონომიური რესპუბლიკის საკუთრებაში არსებული ის არაფინანსური აქტივები, რომელთა განკარგვას/სარგებლობის უფლებით გადაცემასაც ახორციელებს. აღნიშნულის გამო, სამინისტრო არ აღრიცხავდა როგორც ქონების განკარგვიდან მიღებულ შემოსავლებს, ასევე ხელშეკრულების პირობების დარღვევის გამო დარიცხულ პირგასამტეხლოებს. რადგან ფინანსთა და ეკონომიკის სამინისტრო წარმოადგენს არაფინანსური აქტივების მესაკუთრის უფლებამოსილების განმახორციელებელ სახელმწიფო ორგანოს, სამინისტრო ვალდებულია ბუღალტრულად აღრიცხოს აჭარის ავტონომიური რესპუბლიკის საკუთრებაში არსებული ყველა ქონება, რომელიც არ არის გადაცემული სარგებლობაში და მასთან დაკავშირებული მოთხოვნები და ვალდებულებები. განათლების, კულტურისა და სპორტის სამინისტროს 2018 წლის ფინანსურ ანგარიშგებაში ანგარიში − „მოთხოვნები დარიცხული ჯარიმებით, სანქციებით და საკუთრებასთან დაკავშირებული სხვა შემოსავლებით“, წარმოდგენილი აქვს გაზრდილად − 39,734 ლარით, რაც გამოწვეულია შემდეგით: სამინისტროს ცენტრალურ აპარატს გაზრდილად აქვს აღრიცხული მოთხოვნები ღირებულებით 42,451 ლარი. ასევე, სამინისტროს სისტემაში შემავალ რამდენიმე ორგანიზაციას არ აქვს აღრიცხული ხელშეკრულების პირობების დაგვიანებით შესრულების გამო დარიცხული პირგასამტეხლოს თანხა, ჯამში 2,717 ლარი. სოფლის მეურნეობის სამინისტროს 2018 წლის ფინანსურ ანგარიშგებაში 28,139 ლარის მოცულობის მოთხოვნა ნაცვლად საბალანსე ანგარიშისა − „მოთხოვნები დარიცხული ჯარიმებით, სანქციებით და საკუთრებასთან დაკავშირებული სხვა შემოსავლებით“, აღრიცხული აქვს საცნობარო მუხლში − „პირობითი აქტივები“. გზების დეპარტამენტს 2018 წლის ფინანსურ ანგარიშგებაში ანგარიში − „მოთხოვნები დარიცხული ჯარიმებით, სანქციებით და საკუთრებასთან დაკავშირებული სხვა შემოსავლებით“ წარმოდგენილი აქვს შემცირებულად 7,685 ლარით. აღნიშნული გამოწვეულია 2018 წლის 21 თებერვალს შპს „ორბიტასთან“ გაფორმებული სახელმწიფო შესყიდვის შესახებ ხელშეკრულების ფარგლებში დარიცხული პირგასამტეხლოს აღურიცხველობით, რაც ბუღალტრულ აღრიცხვაში დაშვებული შეცდომის შედეგია.

განათლების, კულტურისა და სპორტის სამინისტროს, 2018 წლის ფინანსურ ანგარიშგებაში, ანგარიში − „მოთხოვნები წინასწარი გადახდებით“, 15,000 ლარით გაზრდილად აქვს წარმოდგენილი. კერძოდ, სამინისტროს ცენტრალურ აპარატს ბალანსიდან არ აქვს მოხსნილი 2017 წლის ბოლოს წარმოშობილი მოთხოვნა წინასწარი გადახდებით, რომელიც 2018 წლის 31 დეკემბრის მდგომარეობით სრულად დაფარულია და მოთხოვნის საფუძველი არ არსებობს. ზემოაღნიშნული გამოწვეულია სამინისტროს სტრუქტურულ ერთეულებს შორის კოორდინაციიის ნაკლებობით.

სსიპ − ბათუმის ბულვარს 2018 წლის 31 დეკემბრის მდგომარეობით, „მოთხოვნები ფულად სახსრებზე აქტივების/მომსახურების მიწოდებით“ ერიცხება ნაშთი 155,124 ლარის ოდენობით, საიდანაც 24,951 ლარის ღირებულების მოთხოვნებზე დავალიანების დამადასტურებელი რაიმე დოკუმენტაცია ვერ იქნა წარმოდგენილი. ასევე ვერ გაიგზავნა გარე დასტურის წერილები, რადგან ვერ იქნა მოწოდებული დებიტორი ორგანიზაციის საიდენტიფიკაციო მონაცემები, მათ შორის, საიდენტიფიკაციო კოდი, მისამართი, ტელეფონის ნომერი და ა. შ. ზემოაღნიშნული მოთხოვნები, ა(ა)იპ − ქ. ბათუმის პარკებისა და სკვერების გაერთიანების ლიკვიდაციის შემდეგ, ქალაქ ბათუმის მერის ბრძანებით, გადაეცა სსიპ − ბათუმის ბულვარს, თუმცა ამ უკანასკნელს დავალიანების ამოღებაზე ეფექტიანი რეაგირება არ განუხორციელებია. აღსანიშნავია, რომ ორგანიზაციებში წლების განმავლობაში არ ტარდება მოთხოვნების ინვენტარიზაცია მოქმედი კანონმდებლობის შესაბამისად. აღნიშნულიდან გამომდინარე, დებიტორ ორგანიზაციებთან არ გაფორმებულა ურთიერთშედარების აქტები და არ გატარებულა ღონისძიებები 2018 წლამდე წარმოშობილი დავალიანებების ამოღებასთან დაკავშირებით.

2018 წლის 31 დეკემბრის მდგომარეობით შედგენილ კონსოლიდირებულ (ნაერთ) ფინანსურ ანგარიშგებაში, ძირითადი კაპიტალის მოხმარების (ცვეთის) ანგარიში 27,847 ლარით უზუსტოდ, შემცირებულად არის წარმოდგენილი, რაც გამოწვეულია სხვადასხვა საბიუჯეტო ორგანიზაციის მიერ ცვეთის არასწორი ნორმების და ცალკეულ შემთხვევებში, გაანგარიშების არასწორი მეთოდის გამოყენებით.

მოქმედი კანონმდებლობით, ხელფასის დარიცხვის საფუძველს წარმოადგენს ორგანიზაციის ბრძანებები მომუშავეთა მიღების, გათავისუფლებისა და გადაადგილების შესახებ, დამტკიცებული შტატებისა და სარგოების შესაბამისად, სამუშაო დროის გამოყენების ყოველთვიური აღრიცხვა ორგანიზაციის მიერ დადგენილი ფორმით (სამუშაოზე გამოცხადების აღრიცხვის ჟურნალი ან/და სპეციალური ტექნიკური საშუალება) და შრომითი ხელშეკრულებით ან შრომის შინაგანაწესით (ასეთის არსებობის შემთხვევაში) გათვალისწინებული სხვა დოკუმენტები. აღნიშნული რეგულაციის დაუცველად, 2018 წელს სსიპ − აჭარის სავაჭრო-სამრეწველო პალატასა და ა(ა)იპ − ბათუმის ბიზნეს ინკუბატორში ნამუშევარი საათების აღრიცხვა არ ხდებოდა.

ა(ა)იპ − განათლების ფონდი, დამტკიცებული ტრენინგმოდულების შესაბამისად, საჯარო სკოლის მასწავლებლების და ადმინისტრაციული პერსონალის გადამზადების მიზნით, ატარებს ტრენინგებს სხვადასხვა თემაზე. 2018 წლის ოქტომბრიდან ტრენინგები უნდა ჩატარებულიყო ფონდის დირექტორის მიერ დამტკიცებული ტრენინგების ჩატარების განრიგის მიხედვით, რაც, შესაბამისად, აღნიშნულია ტრენერებსა და ფონდს შორის გაფორმებულ შრომით ხელშეკრულებებში. მოპოვებული მტკიცებულებებით, 2018 წლის ნოემბერ-დეკემბერში ტრენინგების ჩატარების განრიგი ფონდის დირექტორის მიერ არ ყოფილა დამტკიცებული. აღნიშნულ პირობებში, შესაბამისი შრომითი ხელშეკრულების პირობების დაუცველად, ბიუჯეტიდან გაწეულია ჯამში 7,320 ლარის ხარჯი.

2018 წლის კონსოლიდირებული ფინანსური ანგარიშგების თანახმად, აჭარის ავტონომიური რესპუბლიკის რესპუბლიკური ბიუჯეტით განსაზღვრული საბიუჯეტო ორგანიზაციებში დასაქმებული პირების მივლინებებზე გაწეულმა საკასო (ფაქტობრივმა) ხარჯებმა შეადგინა 1,299,095 ლარი, მათ შორის, ქვეყნის გარეთ მივლინებებზე გაწეულმა ხარჯმა შეადგინა 1,046,988 ლარი. აუდიტის შედეგად იდენტიფიცირებულია ზედმეტად ანაზღაურებული და დოკუმენტური დასაბუთების გარეშე გაწეული ხარჯები, რის გამოც ბიუჯეტში დაბრუნებას ექვემდებარება 5,032 ლარი.

სსიპ − აჭარის სახელმწიფო ვოკალური ანსამბლი „ბათუმი“ და ა(ა)იპ − ქ. ბათუმის სასპორტო სკოლა, გარდა ბალანსზე არსებული ავტოსატრანსპორტო საშუალებებისა, 2018 წელს სარგებლობდა შესაბამისი ორგანიზაციების თანამშრომელთა პირად საკუთრებაში/მფლობელობაში არსებული ავტოსატრანსპორტო საშუალებებით, რომლებზეც გაწეულმა საწვავის ხარჯებმა შეადგინა 10,860 ლარი. ორგანიზაციების მიერ ვერ იქნა წარმოდგენილი გაცემული საწვავის სამსახურებრივი მოვალეობების შესრულებისათვის ხარჯვის დოკუმენტური დადასტურება, რაც წარმოშობს საჯარო რესურსების არამიზნობრივი ხარჯვის რისკებს.

1. ფინანსური ანგარიშგების ფორმა N1-სა და დანართ ფორმა N5-ში წარმოდგენილია 2,744.84 ლარის მატერიალური მარაგების ნაშთი. მიუხედავად იმისა, რომ აღნიშნული მარაგები ფაქტობრივად არ არის გაცემული/ჩამოწერილი და ინახება ნაშთის სახით, ფინანსური ანგარიშგების დანართ ფორმა N2-სა და N3-ში წარმოდგენილია, როგორც ფაქტობრივი ხარჯი. შესაბამისად, აღნიშნულ ფორმებში „საქონელი და მომსახურების ფაქტობრივი ხარჯების“ მუხლი 2,744.84 ლარით არის გაზრდილი; 2. აუდიტის პერიოდში არასწორად აღიარებული 1,336.82 ლარის ნარჩენი ღირებულების ძირითადი აქტივის ხარჯებში ჩამოწერასთან დაკავშირებით ფინანსური ანგარიშგების დანართი ფორმა N5-ში არასწორად (ორჯერ) მოხდა ხარჯების გატარება. კერძოდ, პირველად მოხდა ძირითადი აქტივებიდან არასაოპერაციო ხარჯებად აღიარება, ხოლო მეორედ, ჯერ დაფიქსირდა უკვე ხარჯებში ჩამოწერილი აქტივის გრძელვადიან მცირეფასიან აქტივად მიღება (აღიარება) და შემდგომ − ისევ ხარჯებში ჩამოწერა. ამავდროულად, აღნიშნული აქტივის არასაოპერაციო ხარჯებად აღიარების მიუხედავად, ფინანსური ანგარიშგების დანართ ფორმა N3-ში მისი აღრიცხვა არ მომხდარა. შესაბამისად, ფინანსური ანგარიშგების დანართ ფორმა N3-ში ხარჯები არასწორადაა შემცირებული 1,336.82 ლარით, ხოლო დანართ ფორმა N5-ში კი, პირიქით − არასწორადაა გაზრდილი 1,336.82 ლარით. 3. სინთეზური აღრიცხვის დოკუმენტების (მემორიალური ორდერების) მიხედვით, მატერიალური მარაგების ანგარიშზე (N1626 – „სათადარიგო ნაწილები“) მოძრაობა არ ფიქსირდება, თუმცა ფინანსური ანგარიშგების დანართ ფორმა N5-ში აღრიცხულია 14,774.58 ლარის სათადარიგო ნაწილების მიღება და გასვლა. გამოვლინდა, რომ სათადარიგო ნაწილების შეძენასთან ერთად ხელშეკრულებით გათვალისწინებული იყო მათი მონტაჟის თანხაც. იქიდან გამომდინარე, რომ მარაგების მიღება ფაქტობრივად არ ხდებოდა და ოპერაცია წარმოადგენდა მომსახურებას, ზემოაღნიშნული უნდა აღიარებულიყო ხარჯად და არ უნდა აღრიცხულიყო როგორც მატერიალური მარაგი. შესაბამისად, ფინანსური ანგარიშგების დანართ ფორმა N5-ში 14,774.58 ლარის მატერიალური მარაგების მიღება და გასვლა ასახულია არასწორად (ზედმეტად); 4. ფინანსური ანგარიშგების N04 „ხარჯებში ჩამოწერილი მარაგები ექსპლუატაციაში“ ანგარიშზე არ ფიქსირდება ექსპლუატაციაში მყოფი 2,819.51 ლარის მატერიალური მარაგების საბოლოო ნაშთი. შესაბამისად, ფინანსური ანგარიშგების საცნობარო მუხლი წარმოდგენილია 2,819.51 ლარით ნაკლები თანხით. 5. ძირითად აქტივებზე დარიცხული ცვეთის შემოწმების შედეგად გამოვლინდა, რომ ორ შემთხვევაში ავტომობილებზე ცვეთის თანხა გაანგარიშებულია არა პირველადი საბალანსო, არამედ წინა წლის ნარჩენი ღირებულებიდან. შესაბამისად, ფინანსურ ანგარიშგებაში ძირითადი აქტივების ღირებულება არასწორადაა გაზრდილი 1,466.92 ლარით.

მოქმედი რეგულაციებით, ავტომანქანის გამართვისა და ავტომატური იდენტიფიცირების სისტემით ხორციელდება ავტოგასამართი სადგურის პისტოლეტისა და ავტორიზებული ავტომანქანის საწვავის ავზის ერთმანეთთან დაკავშირება და იდენტიფიცირება, რის შედეგადაც უზრუნველყოფილია ავტოგასამართ სადგურზე შესაბამისი მარკის საწვავის ჩასხმა მხოლოდ ავტორიზებული ავტომანქანის საწვავის ავზში. აუდიტის ჯგუფის მიერ შერჩევით იქნა დათვალიერებული სხვადასხვა ობიექტის ბალანსზე რიცხული სატრანსპორტო საშუალება, სულ 68 ერთეული, საიდანაც 20 ერთეულს მოხსნილი ჰქონდა „აგაის“ სისტემა (ჩიპი). ზემოაღნიშნული წარმოშობს არაავტორიზებულ ავტომანქანაში საწვავის ჩასხმის რისკებს.

ბუღალტრული დოკუმენტაციის (მემორიალური ორდერებისა და პირველადი დოკუმენტაციის) შესწავლის შედეგად გამოვლინდა რიგი შეუსაბამობები, როგორც ფინანსური ანგარიშგებისა და სახაზინო/საკასო მონაცემებთან შედარებით, ასევე მემორიალური ორდერების მონაცემებით წარმოდგენილი ინფორმაციის კუთხით. კერძოდ, მემორიალურ ორდერებში ფინანსური ანგარიშების სადებეტო და საკრედიტო ანგარიშების ბრუნვის ნაშთები უმეტესწილად არ შეესაბამება ფინანსურ ანგარიშგებაში წარმოდგენილ არც ბალანსის მუხლების ნაშთებს და არც ხარჯვითი მუხლების ბრუნვის ნაშთებს. მემორიალურ ორდერებში წარმოდგენილი გადახრები არსებით გავლენას არ ახდენს ფინანსურ ანგარიშგებაში წარმოდგენილ ინფორმაციაზე, თუმცა უნდა აღინიშნოს, რომ არაზუსტად და არასრულად განხორციელებული ბუღალტრული გატარებები ფინანსურ აღრიცხვაში არაეფექტურ/არასათანადო კონტროლზე მიუთითებს. ასევე კონტროლის მნიშვნელოვან სისუსტეებზე მიუთითებს ის ფაქტიც, რომ უმაღლესი საბჭოს ბალანსზე ირიცხება ბუღალტრული პროგრამა, რომელიც მართალია განახლდა, მაგრამ მასში ინფორმაცია შეტანილ იქნა მხოლოდ ნაწილობრივ და დღემდე იგი არასრულად გამოიყენება. ავტომატიზებული სისტემის გამოუყენებლობა, შესაბამისად, არაზუსტად და არასრულად განხორციელებული ბუღალტრული აღრიცხვა მიუთითებს ფინანსური ანგარიშგების არასწორად და არასრულად წარდგენის რისკებზე.

სსიპ − ბათუმის თოჯინებისა და მოზარდ მაყურებელთა სახელმწიფო თეატრის მიერ გასანათებელი მოწყობილობებისა და ელექტრონათურების, აგრეთვე ტელე- და რადიოსიგნალის მიმღებები და აუდიო- ან ვიდეოგამოსახულების ჩამწერი ან აღწარმოების აპარატურის სახელმწიფო შესყიდვების დროს, შესყიდვის სავარაუდო ღირებულების ბაზრის ფორმალური კვლევის საფუძველზე განსაზღვრამ და სატენდერო პირობების კონკრეტულ პირზე შესაძლო მისადაგებამ, ტენდერებში ერთი პრეტენდენტის მონაწილეობის პირობებში, ბიუჯეტიდან დიდი მოცულობის არაეკონომიური ხარჯი გამოიწვია.

1. უმაღლესი საბჭო იყენებს ავტომანქანის გამართვისა და იდენტიფიცირების სისტემას, ავტორიზებული ავტომობილის ავზზე მონტაჟდება სპეციალური „ჩიპი“ (მეხსიერების ბარათი), რომლის საშუალებითაც ხდება ავტომობილის იდენტიფიცირება ავტოგასამართ სადგურზე. საწვავის ყოველდღიური გამოყენების დამადასტურებელი ელექტრონული ტრანზაქციების დამუშავებით გამოვლინდა, რომ 2017 წლის 29 დეკემბერს უმაღლესი საბჭოს მიერ აფხაზეთის ფინანსთა და ეკონომიკის სამინისტროზე გადაცემულ ავტოსატრანსპორტო საშუალებაზე 2018 წლის პირველ იანვარს დაფიქსირდა უმაღლესი საბჭოს ერთ-ერთი კომისიის მძღოლის მიერ საწვავის ჩასხმა (ჩასხმულია 79.00 ლარის ღირებულების 38 ლიტრი საწვავი). ავტომანქანის გადაცემის დროს, პასუხისმგებელი პირის მიერ სისტემაში უნდა მომხდარიყო აღნიშნულ ავტომანქანაზე დაყენებული საწვავის ჩიპის დაბლოკვა, რაც არ განხორციელდა; 2. საანგარიშგებო წლის ბოლოს უმაღლესი საბჭოს ბალანსზე ირიცხებოდა 13 ერთეული ავტოსატრანსპორტო საშუალება, მათ შორის, 4 ერთეული – განპიროვნებული და 9 ერთეული – სამორიგეო ავტომანქანა. უმაღლესი საბჭოს საშტატო რიცხოვნობის (64 ერთეული) გათვალისწინებით, უნდა გამოყოფილიყო არა უმეტეს 3 (სამი) სამორიგეო ავტომანქანა; 3. სამორიგეო ავტომანქანებით სარგებლობის მოწესრიგებისა და ხარჯების ოპტიმიზაციის მიზნით, არ წარმოებდა ავტომანქანების წასვლა - მოსვლის აღრიცხვის ჟურნალი. ავტოსატრანსპორტო საშუალებების ექსპლუატაციაზე არასათანადო კონტროლის ღონისძიებები ქმნის საბიუჯეტო სახსრების არამიზნობრივი ხარჯვისა და ავტომანქანების არაეფექტიანად გამოყენების რისკებს.

ა(ა)იპ − აგროპროექტების მართვის ცენტრის მიერ, „მაღალეფექტური ერთწლიანი სასოფლო-სამეურნეო კულტურების წარმოების განვითარების ხელშეწყობის“ ქვეპროგრამის ფარგლებში, ქვეპროგრამის დაგეგმვასა და განხორციელებაში არსებულმა მნიშვნელოვანმა ხარვეზებმა, კერძოდ, მოსალოდნელი შედეგების შესწავლისა და შეფასების გარეშე ქვეპროგრამის დაგეგმვამ და შესყიდვის ეტაპზე ბაზრის ფორმალურმა კვლევამ, ბიუჯეტიდან არაეფექტიანი ხარჯი გამოიწვია.

თანამშრომელთა სამსახურში გამოცხადებისა და წასვლის ჟურნალი, სრულად და ეფექტიანად ვერ უზრუნველყოფს თანამშრომელთა სამუშაო დროის კონტროლს, რადგან ჟურნალში წარმოდგენილი მონაცემები შაბლონურია და მითითებულია ყველა თანამშრომლის მიერ სამსახურში გამოცხადებისა და სამსახურიდან წასვლის ერთი და იგივე დრო – შინაგანაწესით განსაზღვრული სამსახურში გამოცხადების დრო: დილის 9:00 საათი და სამსახურის დასრულების დრო: საღამოს 18:00 საათი. ფიქსირდება შემთხვევები, როდესაც სამსახურში დაგვიანებით გამოცხადების გამო, თანამშრომლების მიერ წარმოდგენილია ახსნა-განმარტებითი ბარათი, თუმცა ჟურნალში არ ჩანს დაგვიანების არცერთი ფაქტი, რაც ერთმნიშვნელოვნად ჟურნალის წარმოების ფორმალურ ხასიათზე მიუთითებს. თანამშრომელთა სამსახურში გამოცხადებისა და წასვლის კონტროლის მნიშვნელოვან სისუსტეებზე წინა აუდიტის დროსაც აღინიშნა, თუმცა პრობლემის მოგვარების მიზნით, უმაღლესი საბჭოს აპარატს ქმედითი ღონისძიება არ განუხორციელებია. შესაბამისად, კონტროლის მექანიზმი ისევ არაეფექტიანად ფუნქციონირებს და ხელფასების გაცემის საფუძვლების უტყუარობის მნიშვნელოვან რისკებს წარმოშობს.

ფინანსთა და ეკონომიკის სამინისტროს მიერ, საერთო ადმინისტრაციული შენობის მშენებლობის შესახებ გადაწყვეტილება, მიღებულია გარემოებათა დეტალური ანალიზის გარეშე. ამასთანავე, შენობის მშენებლობისათვის საჭირო საპროექტო-სახარჯთაღრიცხვო დოკუმენტაციის შედგენის მომსახურების შესყიდვის პროცესში ბაზრის კვლევა ჩატარდა ხარვეზებით, ვინაიდან პოტენციური მიმწოდებლებისთვის დასმული მთავარი შეკითხვა ვერ უზრუნველყოფდა შესყიდვის სავარაუდო ღირებულების სწორად დადგენას. იმის გათვალისწინებით, რომ 2018 წლის ბოლოსთვის საპროექტო-სახარჯთაღრიცხვო დოკუმენტაცია მზად იყო, ხოლო 2019 წლის რესპუბლიკურ ბიუჯეტში აღნიშნული შესყიდვა გათვალისწინებული არ არის და მოპოვებული ინფორმაციით, მისი გათვალისწინება არც 2020 წლის ბიუჯეტში იგეგმება, ბაზარზე ფასების ცვლილების გათვალისწინებით, შემდგომში ამ პროექტის სახარჯთაღრიცხვო ნაწილის გამოყენება შესაძლოა არარელევანტური გახდეს. შედეგად, ბიუჯეტიდან განხორციელებულია დანახარჯები, რომლის მოსალოდნელი სარგებელი გადახდილ ფასთან შესაძლოა არსებითად შეუსაბამო იყოს.

მოქმედი რეგულაციით, ორგანიზაციის ხელმძღვანელი აღრიცხვის და ანგარიშგების ორგანიზების მიზნით, ერთიანი მეთოდოლოგიისა და მოქმედ კანონმდებლობასთან შესაბამისობის დაცვით, საქმიანობის სპეციფიკიდან გამომდინარე, დამოუკიდებლად განსაზღვრავს სააღრიცხვო პოლიტიკას − ერთეულის მიერ ანგარიშგების მომზადებისა და წარდგენის დროს გამოყენებული გარკვეული პრინციპების, საფუძვლების, დაშვებების, წესებისა და პრაქტიკული მეთოდების ერთობლიობას. აჭარის ავტონომიური რესპუბლიკის რესპუბლიკური ბიუჯეტით განსაზღვრულ საბიუჯეტო ორგანიზაციებს, ფინანსთა და ეკონომიკის სამინისტროს გარდა, დამტკიცებული სახით სააღრიცხვო პოლიტიკა არ აქვთ.

აუდიტის შედეგად დგინდება, რომ ცალკეული პროგრამის/ქვეპროგრამის ათვისება დაბალი ინტენსივობით ხორციელდება. ამასთანავე, მათი ნაწილის შემთხვევაში, ასიგნებები საერთოდ არ იქნა ათვისებული. დაზუსტებული გეგმის 75%-ზე ნაკლები ათვისების მაჩვენებელი გააჩნია 12 პროგრამას/ ქვეპროგრამას.

სამინისტროს აპარატის მიერ „მიმდინარე − გრანტები ავტონომიური რესპუბლიკის სსიპ(ებ)-ს“ − 2.6.3 სახაზინო კოდით სხვადასხვა დროს ცამეტი საგადასახადო დავალებით ხუთი კონტროლირებადი ერთეულის ანგარიშზე გადარიცხულია სულ 37,714.40 ლარი. სამინისტროს აპარატის ანგარიშგებაში ბიუჯეტიდან თანხის მიღება აღიარებულია საოპერაციო შემოსავალში, როგორც ბიუჯეტიდან გრანტის სახით მიღებული დაფინანსება და ამ თანხის კონტროლირებადი ერთეულებისთვის გადარიცხვა მიკუთვნებულია მიმდინარე გრანტის ხარჯების მუხლს. ამავდროულად, სსიპ-ის მიერ მათი ხაზინის ანგარიშზე თანხების ჩარიცხვა აღრიცხულია, როგორც ეკონომიკური საქმიანობით მიღებული შემოსავალი და ხარჯები მიკუთვნებულია ეკონომიკური საქმიანობით გაწეული ხარჯების შესაბამის მუხლებს. იმის გამო, რომ კონსოლიდაციის პროცესის დროს არ არის ელიმინირებული სამინისტროს შიგნით განხორციელებული ოპერაციები, კონსოლიდირებულ (ნაერთ) ანგარიშგებაში ერთი და იგივე შემოსავლები და ხარჯები არასწორად (ორჯერ) არის ასახული: ერთხელ – როგორც სამინისტროს აპარატისთვის გრანტების მუხლით საბიუჯეტო სახსრებით დაფინანსება „ეკონომიკური კლასიფიკაციის მიხედვით ხარჯების ანგარიშსა“ და „წმინდა ღირებულების შესახებ ანგარიშში“ – და მეორედ – კონტროლირებადი ერთეულებისთვის „არასაბიუჯეტო საქმიანობით მიღებული სახსრების მოძრაობის შესახებ ანგარიშში“ . ამრიგად, ზემოაღნიშნულიდან გამომდინარე, 37,714.40 ლარით არასწორადაა გაზრდილი კონსოლიდირებული ფინანსური ანგარიშგების „არასაბიუჯეტო საქმიანობით მიღებული სახსრების მოძრაობის შესახებ ანგარიშში“ საოპერაციო შემოსავლები და საოპერაციო ხარჯები და ამავდროულად, დარღვეულია მოქმედი კანონმდებლობის (წესის) მოთხოვნები.

გალის რაიონის რესურსცენტრის ფინანსურ ანგარიშგებაში ბალანსის დანართებში: „ანგარიში ხარჯების ეკონომიკური კლასიფიკაციის მიხედვით“; „ანგარიში წმინდა ღირებულების შესახებ“ და „ანგარიში არაფინანსური აქტივების მიღება-გასვლის შესახებ“ „გრანტების“ მუხლით 211,923.88 ლარის არაფინანსური აქტივების მიღება, ხოლო „სხვა ხარჯების“ მუხლზე ჯამში 174,463.27 ლარის არაფინანსური აქტივების გადაცემა. გარდა აღნიშნულისა, „სხვა დანარჩენი მატერიალური მარაგების“ საბალანსე მუხლზე არ დაფიქსირებულა 35,492.00 ლარის სპორტული ინვენტარის ნაშთი, რომელიც სამინისტროსაგან რესურსცენტრს გადაეცა 2018 წლის ბოლოს, ხოლო რესურსცენტრიდან სკოლებს − 2019 წლის მარტში. შესაბამისად, 2018 წლის 31 დეკემბერს დასრულებულ საანგარიშგებო პერიოდში აღნიშნული აქტივები უნდა აღრიცხულიყო ნაშთად. ამრიგად, ბუღალტრული აღრიცხვის პროცესში არასათანადო კონტროლის გამო, ინფორმაცია 211,923.88 ლარის არაფინანსური აქტივების მიღებასთან, 174,463.27 ლარის არაფინანსური აქტივების და 35,492.00 ლარის სპორტული ინვენტარის გადაცემასთან დაკავშირებით წარმოდგენილია არასრულად (არასწორად). ზემოთ აღწერილის შედეგად, საბუღალტრო აღრიცხვაში დაშვებული შეცდომების, აგრეთვე სამინისტროს და მისი კონტროლირებადი ერთეულების ხელმძღვანელობების მხრიდან არასათანადო კონტროლის გამო, დაირღვა ინსტრუქციის მოთხოვნები და დებულების აუცილებელი პრინციპები. კერძოდ, სამინისტროს კონსოლიდირებულ და სსიპ − კ. გამსახურდიას სახელობის პროფესიული სახელმწიფო დრამატული თეატრის ფინანსურ ანგარიშგებებში 1,009,028.08 ლარის ღირებულების არაფინანსური აქტივის მიღება და გასვლა წარდგენილია არასწორად, გალის რაიონის რესურსცენტრის ფინანსურ ანგარიშგებაში ინფორმაცია 211,923.88 ლარის არაფინანსური აქტივების მიღებასთან და 174,463.27 ლარის არაფინანსური აქტივების გასვლასთან დაკავშირებით გამოტოვებულია, ხოლო სამინისტროს კონსოლიდირებულ და გალის რაიონის რესურსცენტრის ფინანსურ ანგარიშგებაში მატერიალური ფასეულობების ნაშთები 35,492.00 ლარის ღირებულებით საანგარიშგებო პერიოდის ბოლოსათვის არასრულად არის წარმოდგენილი.

სამინისტროს აპარატის მიერ 8 შემთხვევაში, დროებითი შრომისუუნარობის დროს თანამშრომლებზე ნაცვლად საბიუჯეტო კლასიფიკაციის „სოციალური დახმარების“ მუხლით „ფულადი ფორმით გაწეული დახმარებით ვალდებულებისა“, დარიცხულია „თანამდებობრივი სარგოს“ სახაზინო მუხლით „შტატით მომუშავეთა ხელფასები“ და გაცემულია სრულად, სულ: 5,324.80 ლარი. ზემოაღნიშნულიდან გამომდინარე, ბუღალტრულ აღრიცხვაში დაშვებული შეცდომისა და სამინისტროს აპარატის ხელმძღვანელობის მხრიდან არასათანადო კონტროლის გამო, დაირღვა ისტრუქციის მოთხოვნები და 5,324.80 ლარი გაცემულია არამართებული საბიუჯეტო კლასიფიკაციით განსაზღვრული სახაზინო მუხლით. ზემოთ აღწერილი შეცდომის გამო, კონსოლიდირებულ და სამინისტროს აპარატის ფინანსურ ანგარიშგებაში ბალანსის დანართი ფორმა N2 „ხარჯები ეკონომიკური კლასიფიკაციის მიხედვით“ ინფორმაცია ხარჯების მუხლების შესახებ წარმოდგენილია არასწორად: 5,324.80 ლარით გაზრდილია მუხლი „ხელფასები ფულადი ფორმით“ და იმავე თანხით შემცირებულია მუხლი „სოციალური დახმარება“.

აფხაზეთის ავტონომიური რესპუბლიკის განათლებისა და კულტურის სამინისტროს (მხარჯავი დაწესებულება რესპუბლიკური ბიუჯეტის ორგანიზაციული ჭრილის პროგრამული კოდი − 06 00) 2018 წლის ბიუჯეტის პროექტის წარდგენის, მისი ფორმირების, დამტკიცებული ბიუჯეტის დაზუსტების, კვარტალური და ხარჯების მუხლების ჭრილში ბიუჯეტის განწერის, აგრეთვე წლის განმავლობაში ბიუჯეტში შეტანილი ცვლილებების პროცესი ხორციელდებოდა მხოლოდ აფხაზეთის ა/რ განათლებისა და კულტურის სამინისტროს აპარატის (პროგრამული კოდი 06 01) და მის განკარგვაში არსებულ პროგრამებსა და ქვეპროგრამებზე. სამინისტროს კონტროლის დაქვემდებარებაში მყოფი ორგანიზაციები მიუხედავად იმისა, რომ წარმოადგენენ საბიუჯეტო ორგანიზაციებს, ინდივიდუალურად ახორციელებდნენ ზემოაღნიშნულ პროცესებს თავიანთი განსაკარგავი საბიუჯეტო პროგრამების ჭრილში. შესაბამისად, სამინისტროს კონტროლის სფეროში ფაქტობრივად არ იყო მოქცეული კონტროლირებადი ერთეულების (საბიუჯეტო ორგანიზაციების) ბიუჯეტის ფორმირების, დამტკიცების, განწერის, წლის განმავლობაში განხორციელებული ცვლილებების, საბიუჯეტო სახსრების ხარჯვის პროცესები. 2018 წლის განმავლობაში სამინისტროს სარგებლობაში არსებული ორი სამორიგეო მანქანის მიუხედავად ჟურნალში ხორციელდება მხოლოდ ერთი ავტომანქანის (სახელმწიფო ნომერი BDB-896) მოძრაობის აღრიცხვა, რომლის 2018 წლის საწვავის ჩასხმების პერიოდში, ავტომანქანის მოძრაობის 89%-ის შემთხვევაში, ავტომანქანის გაყვანის მიზნობრიობისა და შესაბამისი პასუხისმგებელი პირების ხელმოწერები აღნიშნულ ჟურნალში არ ფიქსირდება. ზემო აფხაზეთის რესურსცენტრში კანონში წარმოდგენილი თანამდებობრივ-საკვალიფიკაციო სარგოების შეუსაბამოდ, სამი თანამშრომლისათვის ნაცვლად 0.6 კოეფიციენტისა, არასწორად იყო მინიჭებული თანამდებობრივი სარგო 0.65 კოეფიციენტის ოდენობით. ადმინისტრაციის თანამშრომლებზე არ წარმოებდა სამსახურში მოსვლა-წასვლის აღრიცხვის ჟურნალი (ზემო აფხაზეთის რესურსცენტრი და სსიპ − აფხაზეთის სიმღერისა და ცეკვის სახელმწიფო აკადემიური ანსამბლი „აფხაზეთი“) და სამუშაო დროის გაანგარიშების ყოველთვიური აღრიცხვის ტაბელი (ზემო აფხაზეთის რესურსცენტრი). აფხაზეთის ავტონომიური რესპუბლიკის განათლებისა და კულტურის სამინისტროს აპარატის მიერ შემოსავლების სამსახურში წარდგენილ განაცემთა ინფორმაციაში (68 პიროვნებაზე) თანამშრომელთა პირადი ნომრები შეცდომით იყო მითითებული. საბიუჯეტო კლასიფიკაციის პროგრამული კოდით − 06 08 01 სამინისტროს აპარატის მიერ განხორციელებული „სპორტულ ინიციატივათა მხარდაჭერის ქვეპროგრამის“ ბენეფიციარები შეირჩა თითოეულ შემოსულ განაცხადთან დაკავშირებით ჩატარებული მოკვლევის საფუძველზე (მოკვლევა და შერჩევა მიმდინარეობდა შესაბამის ფედერაციებთან, სპორტის ორგანიზაციებთან, მწვრთნელებთან კონსულტაციის გზით და შემოსულ წერილში ან განცხადებაში მითითებულ სპორტის სახეობაში მიღწეული შედეგების მიხედვით), თუმცა ვერ იქნა წარმოდგენილი აღნიშნული მოკვლევის დამადასტურებელი დოკუმენტაცია და ოქმები მიღებული გადაწყვეტილებების შესახებ.

სამინისტროს კონსოლიდირებულ ფინანსურ ანგარიშგებაში წარმოდგენილი იყო ძირითადი საშუალებების არასწორი საბალანსო ღირებულება, რის გამოც „2112 – არასაცხოვრებელი შენობები“-ს მუხლი არასწორად იქნა გაზრდილი 13,199.00 ლარით, ხოლო „2122 – სხვა მანქანა-დანადგარები და ინვენტარი“-ს მუხლი არასწორად იქნა შემცირებული 25,191.96 ლარით. შედეგად, სამინისტროს კონსოლიდირებულ ფინანსურ ანგარიშგებაში არაფინანსური აქტივები წარმოდგენილია 11,992.96 ლარით არასწორად შემცირებული თანხით.

სამინისტროს კონსოლიდირებულ ფინანსურ ანგარიშგებაში „2112 – არასაცხოვრებელი შენობები“-ს მუხლზე არასწორად იყო ასახული 14,831.04 ლარის საბალანსო ღირებულების საოფისე ფართის რემონტის ხარჯი. ინფრასტრუქტურის დეპარტამენტის ბალანსზე „2122 - სხვა მანქანა-დანადგარები და ინვენტარი“-ს, ასევე სამინისტროს კონსოლიდირებულ ფინანსურ ანგარიშგებაში „2118 – გაყვანილობის სისტემები“-ს მუხლზე არასწორად იყო აღრიცხული 3,290.00 ლარის საბალანსო ღირებულების ელექტროგაყვანილობის ხარჯი. შედეგად, სამინისტროს კონსოლიდირებულ ფინანსურ ანგარიშგებაში არაფინანსური აქტივების ნაშთი წარმოდგენილია ჯამში 18,121.04 ლარით არასწორად გაზრდილად.

სამინისტროს კონსოლიდირებულ ფინანსურ ანგარიშგებაში „3251 – შტატით მომუშავეთათვის დარიცხული ხელფასები“-ს მუხლზე არამართებულად იყო აღიარებული 16,332.00 ლარის ვალდებულება. ვალდებულებაში აღრიცხული თანხა იყო არა დარიცხული/გასაცემი ხელფასი, არამედ შეცდომით დათვლილი თანხა. შედეგად, სამინისტროს კონსოლიდირებულ ფინანსურ ანგარიშგებაში ვალდებულებები 16,332.00 ლარით არასწორადა იქნა გაზრდილი.

სამინისტროს კონსოლიდირებულ ფინანსურ ანგარიშგებაში გამოვლინდა გრანტის სახით მიღებული და შეუსრულებელი ვალდებულებების აღურიცხაობა. ბიზნეს-ინკუბატორისათვის მოპოვებული გრანტის პირველი ტრანში საანგარიშგებო პერიოდის დასრულებისას წარმოადგენდა ავანსის სახით მიღებულ შემოსავლებს და უნდა აღრიცხულიყო ანგარიშზე „3282 - წინასწარ მიღებული სხვა შემოსავლები“ . ნაცვლად ამისა, ბიზნეს-ინკუბატორის ფინანსურ ანგარიშგებაში ვალდებულებები აღიარებული არ იყო. ამავდროულად, კონსოლიდაციის პროცესში სამინისტროს აპარატის საფინანსო სამსახურის არასათანადო შემოწმება-კონტროლის გამო, სამინისტროს კონსოლიდირებულ ფინანსურ ანგარიშგებაში ვალდებულებები 140,000.00 ლარით არასწორად იქნა შემცირებული.

სამინისტროს კონსოლიდირებულ ფინანსურ ანგარიშგებაში არ იყო აღრიცხული არასაბიუჯეტო საქმიანობით (ბიზნეს-ინკუბატორის სარგებლობაში არსებული ფართისა და სასათბურე კონსტრუქციების იჯარით გაცემა) მოიჯარეებისაგან წინასწარ/ზედმეტად მიღებული შემოსავლებით წარმოშობილი ვალდებულებები, ამავდროულად არასრულად იყო ასახული რიგი მოიჯარეების მიერ გადაუხდელი ყოველთვიური იჯარის საფასური. შედეგად, სამინისტროს კონსოლიდირებული ფინანსური ანგარიშგება წარმოდგენილია უზუსტოდ, კერძოდ მოთხოვნები – 4,208.00 ლარით, ხოლო ვალდებულებები – 4,118.00 ლარით არასწორადაა შემცირებული.

ბიზნეს-ინკუბატორის ფინანსურ ანგარიშგებაში ერთდროულად დაფიქსირებულია როგორც 128,571.00 ლარის „5220 - გაუნაწილებელი მოგების“ ნაშთი, ასევე „5230 - დაუფარავი ზარალის“ ნაშთი -11,429.00 ლარი. რეალურად ბიზნეს-ინკუბატორის 2018 წლის საანგარიშგებო პერიოდის მოგებამ შეადგინა 2,168.00 ლარი და შესაბამისად, წინა წლის ზარალის – 949.00 ლარის გათვალისწინებით (მისი გადაფარვის შედეგად), ბიზნეს-ინკუბატორის ფინანსურ ანგარიშგებაში უნდა ასახულიყო მხოლოდ 1,219.00 ლარის „5220 - გაუნაწილებელი მოგების“ ნაშთი, ხოლო „5230 - დაუფარავი ზარალის“ ნაშთი უნდა განულებულიყო. შედეგად, ბიზნეს-ინკუბატორის ფინანსურ ანგარიშგებაში საკუთარი კაპიტალი (გაუნაწილებელი მოგება და დაუფარავი ზარალი) წარმოდგენილია 115,923.00 ლარით, ხოლო სამინისტროს კონსოლიდირებულ ფინანსურ ანგარიშგებაში – 127,352.00 ლარით არასწორად გაზრდილი ოდენობით.

სამინისტროს კონსოლიდირებულ ფინანსურ ანგარიშგებაზე აღრიცხული 138,841.03 ლარის ღირებულების მოთხოვნები წარმოადგენს დაკარგული 104 ერთეული მოძრავი ქონების 2008 წლის საბალანსო ღირებულებას, რომელთა ფაქტობრივი არსებობის შესახებაც არანაირი დოკუმენტი ან სხვა სახის საფუძველი არ არსებობს. შესაბამისად, არსებობს რისკი იმისა, რომ სამინისტრო ვერ დაიბრუნებს კონტროლს დანაკლისებად აღიარებულ მოძრავ აქტივებზე. მოქმედი კანონდებლობით , დებიტორული დავალიანების თანხები, რომელთა ამოღების ალბათობა ნულის ტოლია, ჩამოიწერება ხელმძღვანელის ბრძანებით და აისახება არასაოპერაციო ხარჯების ანგარიშზე.

სამინისტროს არ ჰქონდა შემუშავებული ფინანსური ანგარიშგების კონსოლიდირების მეთოდოლოგია და მის კონტროლირებად ერთეულებში არ იყო დადგენილი სააღრიცხვო პოლიტიკა, შესაბამისად კომპონენტების მიერ ინდივიდუალური ფინანსური ანგარიშგებები მომზადებული იყო სხვადასხვა მიდგომის საფუძველზე, ხოლო სამინისტროს კონსოლიდირებული ფინანსური ანგარიშგება მომზადებული და წარდგენილი იყო შესადარისობის პრინციპის დარღვევით.

2018 წელს სამინისტროს ცენტრალური აპარატის ბალანსზე რიცხული მოთხოვნა-ვალდებულებების შემსწავლელი კომისიის მიერ ჩამოიწერა 2,752.76 ათასი ლარის კრედიტორული (161 კრედიტორი) და 2,224.01 ათასი ლარის დებიტორული დავალიანება (45 დებიტორი). მიუხედავად ამისა, ბალანსზე კვლავ ირიცხება მნიშვნელოვანი ოდენობის დებიტორულკრედიტორული დავალიანებები, რომლებიც გასულ პერიოდს (1994-2010 წლებს) უკავშირდება. აღნიშნულ დავალიანებათა უმეტეს ნაწილზე ეკონომიკურ დეპარტამენტში არ იძებნება დოკუმენტები, რომლითაც შესაძლებელი იქნებოდა კომპანიების იდენტიფიცირება და დადასტურდებოდა დავალიანებებისსისწორე.მაგალითად:  ანგ. N1431;1432 − ანგარიშებზე რიცხული 19,414.53 ათასი ლარის დებიტორული დავალიანებიდან, 1994-2010 წლებში წარმოქმნილი დავალიანება შეადგენს 3,470.0 ათას ლარს, მათ შორის, 2007-2009 წლებში წარმოქმნილი 2,832.7 ათასი ლარის დავალიანება უკავშირდება არარეზიდენტი კომპანიებისაგან საიდუმლო შესყიდვებს.  ანგ. N1356 − საბალანსო ანგარიშზე 2003-2004 წლებიდან ირიცხება 182.4 ათასი ლარის დანაკლისი,1 რომლის წარმოშობის დამადასტურებელი პირველადი დოკუმენტები სამინისტროში არ მოიპოვება.  ანგ. N1440 − ანგარიშზე მოთხოვნები არაფინანსური აქტივების დანაკლისებით რიცხულმა ნაშთმა შეადგინა 5,571.72 ათასი ლარი. აქედან, 5,310.7 ათასი ლარის დანაკლისი წარმოშობილია 1996-2010 წლებში, მათ შორის, 5,080.6 ათასი ლარი − 2008 წლის რუსეთსაქართველოს ომის დროს განადგურებული და დაკარგული ქონების საბალანსო ღირებულებაა.  2018 წლის ბოლოს არსებული 19,261.96 ათასი ლარის კრედიტორული დავალიანებებიდან, 9,437.19 ათასი ლარი 2005 წლამდე თანამშრომლებზე გაუცემელხელფასებსწარმოადგენს.  ბალანსზე კვლავ ირიცხება სხვადასხვა კომპანიის მიმართ 2000-2013 წლებში წარმოშობილი 141.70 ათასი ლარის კრედიტორული დავალიანება,რაც კომიიისმიერდამატებითშესწავლასსაჭიროებს.  ზოგ შემთხვევაში სამინისტროს ბუღალტრული აღრიცხვის მონაცემები არ ემთხვევა კრედიტორი/დებიტორი ორგანიზაციის სააღრიცხვო მონაცემებს. მოცემული გარემოებების გათვალისწინებით, ბალანსზე არსებული მოთხოვნა - ვალდებულებების ნაშთები არ ასახავს მათ რეალურ ოდენობას, რაც არსებით გავლენას ახდენს ფინანსურ ი ანგარიშგების სისწორეზე.

ინფრასტრუქტურის დეპარტამენტსა და ბიზნეს-ინკუბატორში ფაქტობროვად არ წარმოებდა ბუღალტრული აღრიცხვა (არც მატერიალური ფორმით და არც ელექტრონული საინფორმაციო სისტემების მეშვეობით). ამასთანავე, მოქმედი კანონმდებლობის მოთხოვნის მიუხედავად, ბიზნეს-ინკუბატორის 2018 წლის ბალანსი არ იყო შემოწმებული სახელმწიფო კონტროლის განმახორციელებელი ორგანოს მიერ დანიშნული დამოუკიდებელი აუდიტორის მიერ. იზრდება ფინანსური ანგარიშგების შეცდომით, არასწორად და არასრულად, ეკონომიკური მოვლენის გამოტოვებით შედგენის/წარდგენის რისკები. სამინისტროს კონსოლიდირებული და კომპონენტების ფინანსური ანგარიშგებების ბალანსისა და მისი დანართი ფორმების მონაცემების შესწავლით გამოვლინდა უზუსტობები:სამინისტროს კონსოლიდირებული, სამინისტროს აპარატისა და ბიზნეს-ინკუბატორის ფინანსური ანგარიშგების ფორმა N8-ში, ინფრასტრუქტურის დეპარტამენტისა და გეოლოგიის სააგენტოს ბალანსის დანართ ფორმა N5-ში, საინფორმაციო ცენტრის ბალანსის ფორმაში საწყის ნაშთებად ტექნიკური შეცდომით არასწორად არის გადმოტანილი.

კანონმდებლობის შესაბამისად, ინვენტარიზაციების ჩატარება აუცილებელიააქტივების დაცვისუზრუნველსაყოფად. მატერიალური ფასეულობების ინვენტარიზაცია ტარდება სამინისტროს ცალკეული დეპარტამენტის მიერ დამოუკიდებლად. 2018 წელს მხოლოდ ექვსმადეპარტამენტმაჩაატარაინვენტარიზაცია.2 ინვენტარიზაცია სრული მოცულობით ჩატარდა სამინისტროს ცენტრალური აპარატის ბალანსზე რიცხულ3 ან/და ფაქტობრივ მფლობელობაში არსებულ უძრავქონებაზე.ინვენტარიზაციის შედეგად გამოვლინდა:  სამინისტროს ბალანსზე აღურიცხავი 148 შენობა-ნაგებობა თბილისსა და სხვადასხვა რეგიონში, რომელიც 2018 წლის ბოლოს საბუღალტრო მონაცემებში აისახა რაოდენობრივად, ვინაიდან მათი დარეგისტრირება დასაბაზროღირებულებისდადგენავერ მოესწრო;  მიწის წილობრივი ფართის დადგენა შენობა-ნაგებობეთან მიმართებით, შესაბამის პერიოდში ვერ მოესწრო. აღნიშნულის განსახორციელებლად აუცილებელი იყო შესაბამისი აზომვითი ნახაზების გაკეთება, რაც მოითხოვსგარკვეულდროსადაფინანსურ რესურსს;  სამინისტროს ბალანსზე რიცხული 214.60 ათასი ლარის ნარჩენი ღირებულების 23 შენობა-ნაგებობა და საცნობარო მუხლში რიცხული 453.60 ათასი ლარის საწყისი ღირებულების შენობა-ნაგებობები ამორტიზებულია ან მათ ადგილზე აშენებულია სხვა შენობა-ნაგებობა და ა.შ. ასევე გამოვლენილია სხვადასხვა გაურკვეველი ქონება, რომელიც ბალანსზე ირიცხებოდა 1974-1995 წლებიდან (24 ერთეული საცნობარო მუხლში და 10 ერთეული − 191.20 ათასი ლარის ნარჩენი ღირებულების აქტიურ ანგარიშებზე). ინვენტარიზაციის კომისიის გადაწყვეტილებით, შემდგომი მოკვლევის მიზნით მასალები გადაეგზავნა გენერალურ ინსპექციას;  არაფინანსური აქტივების გარკვეული ნაწილი აღრიცხულია მხოლოდ რაოდენობრივად, რაც უკავშირდება სსღც-ის4 გაუქმების შედეგად გადმოცემულუძრავქონებას. შედეგად, სამინისტროს ბალანსზე რიცხული უძრავი ქონების საწყისი და ს ა ბ ო ლ ო ო ნ ა შ თ ე ბ ი წ ა რ მ ო დ გ ე ნ ი ლ ი ა ა რ ა ს რ უ ლ ა დ დ ა შ ე უ ძ ლ ე ბ ე ლ ი ა განისაზღვროს უზუსტობის გავლენა ფინანსურ ანგარიშგებაზე.

გეოლოგიის სააგენტოში საშტატო განრიგით არ იყო განსაზღვრული თანამდებობრივი რანგები და შესაბამისი კოეფიციენტები. ბიზნეს-ინკუბატორში არ იყო დადგენილი (დამტკიცებული) 2018 წლის საშტატო ნუსხა, თანამდებობრივი რანგები და სარგოები. სამუშაო დროის გამოყენების ყოველთვიური აღრიცხვის ფორმა (ტაბელი) და მოსვლა-წასვლის ჟურნალი ხელფასის დარიცხვის საფუძველია, ხოლო სამინისტროს ვერცერთი სტრუქტურა ვერ უზრუნველყოფს თანამშრომელთა ყოველდღიური სამუშაო დროის ზუსტ აღრიცხვა-კონტროლს, ფაქტობრივად ფიქსირდება სახელფასო თანხების კანონმდებლობით დადგენილი წესის შეუსაბამოდ გაცემა, რაც თავის მხრივ შეიცავს საბიუჯეტო სახსრების (1,352,680.74 ლარის) არამიზნობრივად, არეფექტიანად გახარჯვის რისკებს და არ იძლევა შესაბამისი რწმუნების გაცემის შესაძლებლობას კანონმდებლობასთან შესაბამისობაზე.

შინაგან საქმეთა სამინისტრომ, ფინანსთა სამინისტროს სსიპ − საფინანსო ანალიტიკური სამსახურისგან შესყიდვის ხელშეკრულების საფუძველზე, მიიღოMicrosoftლიცენზიებიღირებულებით−8,818.98ათასილარი.მიღებაჩაბარების აქტი დათარიღებულია 2017 წლის 29 მაისით. აღნიშნული ლიცენზიები ბუღალტრულ ჩანაწერებში აისახა დაგვიანებით − 2018 წლის პირველივლისს.5 აღნიშნული ლიცენზიებიდან 6,520.10 ათასი ლარის აქტივი წარმოადგენს არამატერიალურ ძირითად აქტივს, რომლის ცვეთის კოეფიციენტი მარეგულირებელი ნორმის მიხედვით, 10%-ია.6 სამინისტროს მიერ ამორტიზაციის კოეფიციენტის არასწორად გამოყენებით7 არამატერიალურ აქტივებზე ცვეთის ხარჯი გაზრდილია 3,694.30ათასი ლარით. შ ე დ ე გ ა დ, ა რ ა მ ა ტ ე რ ი ა ლ უ რ ი ძ ი რ ი თ ა დ ი ა ქ ტ ი ვ ე ბ ი ს ნ ა რ ჩ ე ნ ი ღ ი რ ე ბ უ ლ ე ბ ა წარმოდგენილია 3,042.3 0 ათასი ლარით ნაკლები ოდენობით. სამინისტროს მიერ შეიარაღების მნიშვნელოვანი ნაწილი აღრიცხულია მხოლოდ რაოდენობრივად. სამინისტროს არ აქვს შემუშავებული რაოდენობრივად აღრიცხული სხვადასხვა სპეცტექნიკისა და საბრძოლო მასალის ღირებულების განსაზღვრის კრიტერიუმები. აღნიშნული ნაკლოვანებასისტემურია ძალოვანი უწყებებისთვის. ცენტრალურ აპარატსღირებულების გარეშესაცნობარო მუხლშიძირითადი აქტივის სახით ერიცხება დიდი ოდენობის იარაღი, ასევე სხვადასხვა დასახელების საბრძოლო მასალა, გრძელვადიან მცირეფასიან აქტივებსა და მატერიალურ მარაგებში. ამასთანავე, იმის გამო, რომ მარეგულირებელი ნორმებით არ არის დადგენილი შეიარაღების ნაწილში ცვეთის კოეფიციენტები, სამინისტროს ბალანსზერიცხულძირითადაქტივებს ცვეთაარერიცხებათ. შესაბამისად, „ სხვა მანქანა - დანადგარები და ინვენტარის “, „ გრძელვადიანი მცირეფასიან აქტივების “ და „ მ ატერიალურ მარაგების “ ანგარიშის ნაშთები წარმოდგენილია არასწორად, რასაც არსებითი გავლენა აქვს ფინანსურ ანგარიშგებაზე. ხარჯების ჩამოწერასთან დაკავშირებული ნაკლოვანება „სამხედრო ტექნიკისა და ტყვია-წამლის შეძენის ხარჯების“ N7280 მუხლში ასახული 897.90 ათასი ლარის სხვადასხვა დასახელების ქონებიდან, 488.60 ათასი ლარის საქონელი გახარჯულია 2017 წლის მეორე ნახევარში. ინფორმაცია აღნიშნული მასალის გახარჯვის შესახებ, ეკონომიკურ დეპარტამენტს შესაბამისი სამსახურიდან8 მიეწოდა დაგვიანებით − 2018 წლის9იანვარს. შედეგად , 2 0 1 8 წლის სამხედრო ტექნიკისა და ტყვია - წამლ ის შეძენის ხარჯების მუხლი ( ანგ .7200) წარმოდგენილია 488.6 0 ათასი ლარით გაზრდილი ოდენობით.

შეუძლებელია გეოლოგიის სააგენტოში შრომითი ხელშეკრულებით დასაქმებული შვიდი პირის, რომლებზეც 2018 წელს ხელფასის სახით გაიცა 24,580.00 ლარი, რეალურად შესრულებული სამუშაოს იდენტიფიცირება, ასევე გაურკვეველია მათი დასაქმების აუცილებლობა და რიგ შემთხვევებში მათ მიერ შესრულებული სამუშაოს მიზანი. შესაბამისად, ზემოაღნიშნული საბიუჯეტო სახსრები არამიზნობრივად, არაეფექტიანად არის გახარჯული და ამავდროულად წარმოდგენილი შემთხვევები პირთა შრომითი ხელშეკრულებით დასაქმებისადმი დაინტერესების რისკების შემცველია.

სააღრიცხვო პოლიტიკის შემუშავება, დანერგვა და გამოყენება ორგანიზაციაში აღრიცხვის თანმიმდევრულობის ერთ-ერთი მთავარი წინაპირობაა. სამინისტროში არ არის შემუშავებული და დანერგილი ბუღალტრული აღრიცხვის ინსტრუქციით განსაზღვრული სააღრიცხვო პოლიტიკა. აღნიშნული პოლიტიკა შესაძლებლია მოიცავდეს ინსტრუქციას შემდეგი საკითხების აღრიცხვის შესახებ: უიმედო ვალები, მოძველებული მატერიალური ფასეულობები, ფინანსური აქტივები და ვალდებულებები, ცვეთადაქტივებზეგაწეულიდანახარჯებიდასხვ.

სამინისტროს ბალანსზე რიცხული უძრავი ქონების გამოყენების შესწავლით კვლავ დაფიქსირდა 1,603,096.00 ლარის საბალანსო ღირებულების სახელმწიფო ქონების კანონშეუსაბამოდ სარგებლობის ფაქტები და ბიუჯეტში აღნიშნული ქონების სარგებლობის საფასურის გადაუხდელობის შემთხვევები. კერძოდ, ერთ უძრავ ქონებაზე ყოველგვარი სამართლებრივი საფუძვლის გარეშე, ხოლო ხუთ ერთეულ უძრავ ქონებაზე – სამინისტროს ბრძანებებით მოვლა-პატრონობის მიზნით გადაცემის საფუძველზე, განთავსებული იყო და ფუნქციონირებდა სამინისტროს 100% წილობრივი მონაწილეობით დაფუძნებული შპს-ები, ხოლო ფართის სარგებლობაში გადაცემის საფასურს საბაზრო ღირებულების მიხედვით ბიუჯეტში არ იხდიდნენ.

მინისტრის ბრძანების შესაბამისად, სახელფასო რეესტრები (დარიცხული თანხების გარეშე) ყოველთვიურად იგზავნება ადამიანური რესურსების მართვის დეპარტამენტში, რომელსაც ევალება რეესტრების შედარება მათ ბაზაში არსებულ მონაცემებთან იმის დასადგენად, რეალურად ირიცხებოდა თუ არა რეესტრში არსებული პიროვნება სამინისტროს თანამშრომლად. აღნიშნულიპროცესისნაკლოვანებამდგომარეობსშემდეგში:  ადამიანური რესურსების დეპარტამენტის დასტური ავტომატურ რეჟიმში არ წარმოადგენს გადარიცხვის საფუძველს (არ აქვს ვიზირების ფუნქცია).  სტრუქტურული ერთეულების ხელმძღვანელები არ მონაწილეობენ შრომის ანაზღაურების დარიცხვის პროცესში. სამინისტროში არ არის დანერგილი სამუშაო დროის გამოყენების ყოველთვიური აღრიცხვის ფორმა. მიზეზად სახელდება „პოლიციის შესახებ“ საქართველოს კანონით პოლიციელისთვის დადგენილი არანორმირებული სამუშაო დღე, თუმცა მნიშვნელოვანია რომ სტრუქტურული ერთეულის ხელმძღვანელმა (ან მეორე დონის ერთეულის ხელმძღვანელმა, მაგალითად, სამმართველოს უფროსმა) დაადასტუროს, რომ კონკრეტული პირი ნამდვილად მისი თანამშრომელია. აღნიშნულისთვის კი არ არის აუცილებელი სტანდარტული ყოველთვიური აღრიცხვის (ე.წ. ტაბელის) სრული სიზუსტით გამოყენება.  სამინისტროში არსებული პროგრამული უზრუნველყოფის საშუალებით ვერ ხერხდება სისტემაში გაცემული, კანონით გათვალისწინებული დანამატებისა და ფულადი ჯილდოების მაქსიმალური ზღვრული ოდენობის გაკონტროლება, რისთვისაც აუცილებელია ადამიანური რესურსების მართვისა და შრომის ანაზღაურების გაანგარიშების ერთიანი პროგრამული უზრუნველყოფისშექმნა.  ხშირია შემთხვევები, როდესაც თანამშრომლის გათავისუფლება ხდება წინა თარიღით (გენერალური ინსპექციის დასკვნის საფუძველზე) ან შესაბამისი ბრძანება ეკონომიკურ დეპარტამენტს ეგზავნება დაგვიანებით. შესაბამისად, სამინისტროს 2018 წლის 31 დეკემბრის მდგომარეობით, „მომუშავეების მიმართ სხვა მოკლევადიანი მოთხოვნების“ N1463 ანგარიშზე ერიცხება 57.4 ათასი ლარის მოთხოვნა (მათ შორის, 2018 წელს წარმოშობილი 14.0 ათასი ლარი). ასევე „შტატით მომუშავეთათვის დარიცხული ხელფასების“ N3251 ანგარიშზე ერიცხება დათხოვნილი თანამშრომლების მიმართ 2018 წელსწარმოშობილი10.5ათასილარისდავალიანება.

2018 წლის დეკემბერში ინფრასტრუქტურის დეპარტამენტში ჩატარებულ ინვენტარიზაციაში არ ფიქსირდება 41 ერთეული 7,879.02 ლარის საწყისი ღირებულების აქტივების უვარგისობის შესახებ ინფორმაცია, ასევე არ არის შედგენილი მოქმედი კანონმდებლობით დადგენილი ცალკე აღწერები. ვერ იქნა წარმოდგენილი 2018 წელს შეძენილი 4,711.10 ლარის მარაგებისა და მცირეფასიანი გრძელვადიანი აქტივების საჭიროების/მიზნობრიობისა და შესაბამისი მოხმარების/ხარჯვის დამადასტურებელი რაიმე სახის დოკუმენტაცია, შესაბამისად ინფრასტრუქტურის დეპარტამენტში მცირეფსიანი აქტივების შეძენა და გამოყენება ხორციელდებოდა ყოველგვარი კონტროლის გარეშე. ბიზნეს-ინკუბატორში 2018 წელს არ ჩატარებულა მოქმედი კანონმდებლობით მოთხოვნილი ყოველწლიური სავალდებულო ინვენტარიზაცია, ასევე არ განხორციელებულა ფინანსური აქტივების, მოთხოვნებისა და ვალდებულებების ნაშთების რეალურობის შემოწმება.

2018 წელს 1,740.2 ათასი ლარი დანამატი დარიცხულია ზეგანაკვეთური მუშაობის ან/და დამატებითი ფუნქციების შესრულებისთვის მინისტრის ინდივიდუალურ-სამართლებრივი აქტების საფუძველზე. მიუხედავად შესაძლო ობიექტური და რაციონალური საფუძვლებისა (სამინისტროს თანამშრომელთა სპეციფიური საქმიანობა) არ არის დოკუმენტურად დასაბუთებული თუ რა სამუშაო და დამატებითი ფუნქცია შეასრულა კონკრეტულმაპირმა. აუდიტის შედეგად ასევე გამოვლინდა ერთი ბრძანების საფუძველზე მთელი წლის განმავლობაში დანამატის დანიშვნის ფაქტები, რაც ეკონომიკური შინაარსით − თანამდებობრივი სარგოს მატარებელია, ვინაიდან მოქმედი კანონმდებლობის შესაბამისად, დანამატი გაიცემა ზეგანაკვეთური და განსაკუთრებული დავალების სანიმუშო შესრულებისთვის (გარდა საკლასო და ნამსახურობის დანამატისა), შესაბამისად, წინასწარ, წლის განმავლობაში აღნიშნულის განსაზღვრა დაპროგნოზირებაპრაქტიკულად შეუძლებელია.

ბიზნეს-ინკუბატორმა არასწორი გაანგარიშებით წარადგინა მოქმედი კანონმდებლობით განსაზღვრული ქონების გადასახადის დეკლარაცია. კერძოდ ნაცვლად 7,495.96 ლარისა, დეკლარაციაში ასახული იყო 5,172.18 ლარის ქონების გადასახადი, რითაც ბიუჯეტში გადასახდელი თანხა შემცირებული იყო 2,323.78 ლარით.

აუდიტის ობიექტის ადამიანური რესურსების მართვის დეპარტამენტის მიერ არ განხორციელებულა არამუდმივ ამოცანათა და დამხმარე ფუნქციების მქონე თანამშრომელთა ერთმანეთისაგან გამიჯვნა. სამინისტროს ადამიანური რესურსების მართვის დეპარტამენტის მიერ წარმოდგენილი ინფორმაციით ირკვევა, რომ გარკვეულ შემთხვევებში შტატგარეშე მოსამსახურეთა შრომითი ხელშეკრულებები პირად საქმეში არ ინახება. შედეგად, გაურკვეველია აღნიშნულ მოსამსახურეთა სამუშაო აღწერილობები და სამუშაო შინაარსი (მუდმივი ამოცანების შესრულება, დამხმარე ფუნქცია), რაც კონტროლის მნიშვნელოვან ნაკლოვანებას წარმოადგენს, ვინაიდან კანონმდებლობით, შტატგარეშე მომუშავეების ფუნქციამკაცრადრეგლამენტირებულია.

გეოლოგიის სააგენტოს მიერ 2018 წელს შესრულებული სამუშაოები ძირითადად წარმოადგენდა გეოლოგიურ ფონდებში, ინტერნეტში და სხვა წყაროებიდან მოძიებული უცხო ენაზე დაწერილი გეოდინამიკურ პროცესებთან დაკავშირებული მასალების თარგმნასა და მიღებული ინფორმაციის შესაბამისი ტერიტორიის კოსმოსური სურათების (გუგლ სატელიტით მოძიებული) ფაქტობრივ მონაცემებთან შედარებას, ხოლო გამოვლენილი გარემოს ცვლილებების შესახებ ანგარიშის მომზადებასა და მის წარდგენას მაკონტროლებლისათვის, რაც (თარგმნა/შედარება) რეალურად ვერ ჩაითვლება სააგენტოსათვის დებულებით განსაზღვრულ ძირითად საქმიანობად. გარდა აღნიშნული საქმიანობისა, გეოლოგიის სააგენტოს სხვა პრაქტიკული გეოლოგიური სახის სამუშაოები არ განუხორციელებია.

იურიდიული დეპარტამენტიდან მოწოდებული ინფორმაციით, სამინისტროსთვის მიყენებული ქონებრივი და სხვა სახის ზიანის ანაზღაურებასთან მიმართებით, განხილვის სტადიაში მყოფ სასამართლო საქმეებთან დაკავშირებული დავის საგნის ღირებულება (მოთხოვნა) შეადგენს, დაახლოებით, 1,597.70 ათას ლარს. ასევე განხილვის სტადიაში მყოფ სასამართლო საქმეებთან დაკავშირებული (სხვადასხვა სახის ზიანის ანაზღაურება) დავის საგნის ღირებულება (ვალდებულებები) კი, დაახლოებით,8,000.00ათასლარს. ხელშეკრულებების პირობებით ნაკისრი ვალდებულებების შეუსრულებლობით კომპანიებისთვის დაკისრებული პირგასამტეხლოს საკითხთან დაკავშირებით, 2018 წელს დავა მიმდინარეობდა 40-მდე კომპანიასთან, დავის საგნის ღირებულებამ (მოთხოვნა) შეადგინა, დაახლოებით,900.00ათასილარი. ეკონომიკური დეპარტამენტი ხშირ შემთხევაში არ არის ინფორმირებული იურიდიული დეპარტამენტის მიერ სასამართლო დავებთან და სასამართლოს გადაწყვეტილების საფუძველზე თანხების დაკისრება/შემცირებასთან დაკავშირებით. შესაბამისად, საბუღალტრო სამსახური საცნობარო მუხლებში ან/და განმარტებით შენიშვნებშიარასახავსაღნიშნულინფორმაციას.

სამინისტროს აპარატსა და სამინისტროს კონტროლში შემავალ ორგანიზაციებში არ იყო შემუშავებული კონტროლის პოლიტიკა და პროცედურები, შესაბამისად არ არსებობდა ფორმალიზებული შიდა კონტროლის სისტემა (ავტომატიზებული ან მანუალური). ხოლო არაფორმალიზებული კონტროლის მექანიზმების, ორგანიზაციაში მნიშვნელოვანი პროცესების კონტროლის პროცედურების შესახებ რაიმე სახის ოფიციალური დოკუმენტიწარმოდგენილი ვერ იქნა, შესაბამისად ვერ დასტურდება მათი ფუნქციონირების ეფექტიანობა.

აუდიტის შედეგად გამოვლინდა სამინისტროში ფინანსური ანგარიშგების მომზადების პროცესში არსებული ორგანიზაციული სტრუქტურისა და კონტროლის გარემოს ნაკლოვანებები: 1. აღრიცხვის პრაქტიკა არ შეესაბამება არსებულ ორგანიზაციული დაქვემდებარების სისტემას. 2. ჯლუსი ვალდებულია გააკონტროლოს და აღრიცხოს როგორც საკუთარი სარდლობის, ასევე სამინისტროს ყველა სტრუქტურული ქვედანაყოფის მოძრავ-უძრავი ქონება და მატერიალურ-ტექნიკური საშუალებები. აღნიშნული კი ხორციელდება მხოლოდ მონაცემთა რაოდენობრივი შედარების გზით, შესაბამისად თანხობრივი მონაცემების კონტროლი ჯლუსის მიერ არ ხორციელდება. 3. ზემოაღნიშნულიდან გამომდინარე, სარდლობებისა და მათი ქვედანაყოფების მიერ სამინისტროს ფინანსების მართვის დეპარტამენტში და ჯლუსში დამოუკიდებლად (ინდივიდუალურ დონეზე) წარმოდგენილი აქტივების რაოდენობრივი მონაცემები და აქტივებთან დაკავშირებული სხვა ფინანსური ინფორმაცია ვერ უზრუნველყოფს ურთიერთშესადარისობასა და სანდოობას.

ეკონომიკური მოვლენები არ აისახება მათი მოხდენის თარიღის მიხედვით. მნიშვნელოვანი შეუსაბამობებია ქვედანაყოფებიდან მიღებულ ინფორმაციასა და ფინანსების მართვის დეპარტამენტში მარაგებზე არსებულ ნაშთებს შორის. რიგ შემთხვევებში, ქვედანაყოფიდან განხორციელებულია მარაგების ხარჯვა (გასვლა) მაშინ, როცა ფინანსების მართვის დეპარტამენტში საქონლის მიღება ჯერ არ არის აღრიცხული . მაგალითად: არ არის აღრიცხული 2018 წლის დეკემბრის თვეში დროებითი მიღება-ჩაბარების აქტის საფუძველზე მიღებული საქონელი:

აუდიტის შედეგად გამოვლინდა, რომ არ არის სარწმუნო ჩატარებული ინვენტარიზაციები და მათი შედეგები. ინვენტარიზაციის პროცესი არ მიმდინარეობს ყველა ქვედანაყოფში ერთიანი პოლიტიკით, არ არის წარმოდგენილი შემაჯამებელი ოქმები. აუდიტის შედეგად გამოვლინდა, რომ სამხედრო ქვედანაყოფების წლიური ნაშთები არსებითად განსხვავდება როგორც ფინანსების დეპარტამენტში არსებული ბრუნვითი უწყისების ნაშთებისგან, ისე ჯლუსის მიერ წარდგენილი ნაშთებისგან. აღნიშნული ტიპის უზუსტობებს კი უნდა ავლენდეს ჩატარებული ინვენტარიზაციები. 2018 წლის ფინანსურ ანგარიშგებაში არ არის გათვალისწინებული ინვენტარიზაციის შედეგები..

1. სხვა ქვეყნის მთავრობის მიერ გრანტის სახით 2018 წელს გადმოცემული 13,351.0 ათასი ლარის შეიარაღება და სათადარიგო ნაწილები, არ არის აღრიცხული ბუღალტრულად. 2. ჯავშანტექნიკა ჯლუსში აღრიცხულია მხოლოდ რაოდენობრივად. ამასთანავე, ტექნიკის გარკვეული ნაწილის ღირებულება ცნობილია, თუმცა ფინანსურად არ არის აღრიცხული. მაგალითად, ერთ-ერთ შერჩეულ ქვედანაყოფში არ არის ბუღალტრულად აღრიცხული 52,188.9 ათასი ლარის ღირებულების ჯავშანტექნიკა. 3. 2018 წელს არ არის ბუღალტრულად აღრიცხული ჯლუსის მიერ მიღებული 97,424.5 ათასი ლარის ღირებულების სამხედრო ტექნიკა. აღნიშნული საქონელი 2019 წლის ივნისის თვემდე არ არის განბაჟებული. ამავდროულად, საქონლის მიმწოდებელი ორგანიზაცია ზემოაღნიშული თანხით ფინანსურ ანგარიშგებაში წარმოდგენილია როგორც დებიტორი, მიუხედავად იმისა რომ ტექნიკა აკმაყოფილებს აქტივად აღიარების კრიტერიუმებს. 4. მოკლევადიანი არაფინანსური აქტივების „დაუმთავრებელი წარმოება/მომსახურების“ ანგარიშზე ნაშთად ირიცხება 661,915.0 ათასი ლარი. აღნიშნული ნაშთის წარმოშობა უკავშირდება წლების მანძილზე რეალურად მიღებულ განუბაჟებელ საქონელს , რომელიც აღირიცხებოდა მოთხოვნებში. შეცდომის გასწორების მიზნით, დებიტორული დავალიანებები ჩამოიწერა და დროებით მათი ასახვა მოხდა „დაუმთავრებელი წარმოება/მომსახურება“-ის ანგარიშზე. ფინანსების მართვის დეპარტამენტი არ ფლობს ინფორმაციას, თუ რომელ ქვედანაყოფებშია აღნიშნული საქონელი და როგორ ხდება მისი ხარჯვა წლის განმავლობაში, თუმცა ქვედანაყოფებში წარმოებს შესაბამისი დოკუმენტის შედგენა საქონლის რაოდენობრივი ხარჯვის შესახებ. „დაუმთავრებელი წარმოება/მომსახურების“ ანგარიშიდან 2018 წლის 31 დეკემბერს 9,614.2 ათასი ლარი გადატანილ იქნა დაუმთავრებელი მშენებლობის ანგარიშზე. სამინისტრომ ვერ წარმოადგინა ტრანზაქციის საფუძველი, რაც აღრიცხვის ნაკლოვანებებსა და კონტროლის სისუსტეს წარმოადგენს.

2018 წლის 31 დეკემბრის მდგომარეობით, უძრავი ქონების ნარჩენი საბალანსო ღირებულება 1,7 მილიარდ ლარს აღემატება. სამინისტროს ფინანსურ ანგარიშგებაში აქტივების მუხლის რეალური ღირებულების განსაზღვრა მასშტაბური შეუსაბამობის გამო შეუძლებელია , კერძოდ: ჯლუსის წარმოდგენილი ინფორმაციის საფუძველზე, ბალანსზე რიცხული შენობა-ნაგებობების დიდი ნაწილი არ აკმაყოფილებს აქტივად აღიარების კრიტერიუმს ; არაფინანსური აქტივების დიდი მოცულობა აღრიცხულია მხოლოდ რაოდენობრივად და ფინანსურ ანგარიშგებაში არ არის ასახული. შესაბამისად, სამინისტროს ერიცხება გაცილებით მეტი ღირებულების სახელმწიფო ქონება, ვიდრე ეს ბალანსით არის წარმოდგენილი. მაგალითად: სამინისტროს ფლობს საქართველოს სხვადასხვა ტერიტორიაზე არსებულ 79,768.2 ათას კვ.მ მიწას, რომელიც წარმოდგენილია ღირებულების გარეშე. ბალანსზე ირიცხება როგორც შენობა-ნაგებობის, ასევე მიწის რესურსის მნიშვნელოვანი ნაწილი, რომელიც დაურეგისტრირებელია როგორც სახელმწიფო ქონება; სამინისტროს განმარტებით, მიმდინარეობს მიწების შეფასების პროცესი და შესაბამისი შედეგები წარმოდგენილი იქნება 2019 წლის ანგარიშგებაში.

დაუმთავრებელი ძირითადი აქტივების მუხლიდან არ არის განხორციელებული 2,562.8 ათასი ლარის დასრულებული აქტივების რეკლასიფიკაცია შესაბამის მუხლებზე, რაც განპირობებულია სამინისტროს სტრუქტურულ ერთეულებს შორის (ჯლუსი და ფინანსების მართვის დეპარტამენტი) დოკუმენტაციის მოძიებისა და გაცვლის გართულებული, გახანგრძლივებული პროცესებით. ამასთანავე, როგორც უკვე აღინიშნა, ბუღალტრული აღრიცხვა არ ხდება ეკონომიკური მოვლენის მოხდენის თარიღით, რასაც მნიშვნელოვანი გავლენა აქვს არაფინანსური აქტივების აღრიცხვის სისწორეზე.

სამინისტროს ფინანსურ ანგარიშგებაში მოთხოვნების, მატერიალური მარაგების, ძირითადი აქტივების მუხლები შეიცავს 2008 წლის ომის შედეგად განადგურებულ/დაკარგულ აქტივებს. ქვედანაყოფებისგან წარმოდგენილი ინფორმაციის მიხედვით, დაკარგული აქტივების უმეტესი ნაწილის ღირებულების დადგენა შეუძლებელია, ვინაიდან აღრიცხულია რაოდენობრივად. აუდიტის შედეგად შესაძლებლობის ფარგლებში მოხდა დანაკლისად აღიარებული მატერიალური ფასეულობებისა და ძირითადი აქტივების თანხობრივი იდენტიფიცირება, რამაც 60,904.8 ათასი ლარი შეადგინა. სამინისტროს განმარტებით, დანაკლისების შესახებ ინფორმაცია გადაგზავნილია სამხედრო პოლიციაში, თუმცა გამოძიების შედეგები ცნობილი არ არის და შესაბამისად არ განხორციელებულა აღნიშნული აქტივების ჩამოწერა. ამასთანავე, მოთხოვნები არაფინანსური აქტივების დანაკლისით საბალანსო ანგარიშის ნაშთი შეადგენს 6,813.8 ათასი ლარს, რომელიც გამოვლენილია 1998 წელს ჩატარებული ინვენტარიზაციის შედეგად. აღნიშნულთან დაკავშირებით 2019 წლის 1 ივლისამდე არ არის მიღებული შესაბამისი გადაწყვეტილება.

აუდიტის შედეგად გამოვლინდა ისეთი არამატერიალური აქტივები, რომლის შესახებაც ფინანსების მართვის დეპარტამენტი არ ფლობდა ინფორმაციას და შესაბამისად არ ერიცხებოდა ნორმით გათვალისწინებული ცვეთა, კერძოდ: 584.6 ათასი ლარის სისტემა “SAP” , რომლის შეძენის თარიღი ფინანსების მართვის დეპარტამენტისთვის უცნობია; 2007 წელს შეძენილი 1,189.8 ათასი ლარის აქტივი ირიცხებოდა არამატერიალურ აქტივად. აქედან, 959.9 ათას ლარზე სამინისტოს არ გააჩნია მიღების დოკუმენტი, შესაბამისად აღნიშნული თანხა ასევე ირიცხება დებიტორულ დავალიანებად. სამინისტრომ, 2018 წლის ფინანსური ანგარიშგების შედგენამდე, აღნიშნულ არამატერიალურ აქტივებს დაარიცხა ცვეთა მთლიანი ღირებულებით. აღსანიშნავია რომ აქტივებს კვლავ გააჩნიათ სასარგებლო გამოყენების ვადა. შედეგად არამატერიალური ძირითადი აქტივების მუხლი არ ასახავს მათ რეალურ ოდენობას, რასაც არსებითი გავლენა აქვს ფინანსურ ანგარიშგებაზე.

სამინისტროს ბალანსზე 2007 წლიდან ოთხ ორგანიზაციას ერიცხება დებიტორული დავალიანება 9,810.2 ათასი ლარი , რომლის შესაბამისი საქონელი მიღებულია და მოთხოვნები არ არის შემცირებული. სამინისტროს ბალანსზე აღრიცხული მთლიანი დებიტორული დავალინების დაახლოებით 50% - თანხით 266,426.8 ათასი ლარი, წარმოადგენს ისეთ დებიტორულ დავალიანებებს, რომლებზეც მათი წარმოქმნიდან (1996-2014 წელი) არ განხორციელებულა მოძრაობა, შესაბამისად მათი დაფარვის ალბათობა მცირეა. სამინისტროს განმარტებით, დავალიანებების მნიშნელოვან ნაწილზე აღძრული იყო სისხლის სამართლის საქმეები. ანგარიში „მოთხოვნები არაფინანსური აქტივების მიღებაზე წინასწარი გადახდებით“ წარმოდგენილია 97,424.5 ათასი ლარით გაზრდილად. კერძოდ, აღნიშნული თანხის მარაგები მიღებულია, თუმცა არ არის აღრიცხული და შესაბამისად არ არის ჩამოწერილი დებიტორული დავალიანება. მოთხოვნებთან დაკავშირებით ასევე გამოვლენილია შემდეგი ნაკლოვანებები: • ვერ დასტურდება 143,497.3 ათასი ლარის დებიტორული დავალიანების არსებობა, ვინაიდან სამინისტრომ ვერ წარმოადგინა აღნიშნული დავალიანების წარმოშობის დამადასტურებელი დოკუმენტები. • სამინისტროს განმარტებით, ერთ-ერთ კომპანიასთან, რომლის მიმართაც 2007 წელს წარმოქმნილია მოთხოვნა 8,251.4 ათასი ლარზე, აღძრულია სისხლის სამართლის საქმე, ვინაიდან ვერ დგინდება არის თუ არა მოწოდებული ხელშეკრულებით გათვალისწინებული საქონელი. აუდიტორული პროცედურებით, ორგანიზაციებთან გაგზავნილი დასტურის წერილებით, ვერ დასტურდება 2018 წლის ბოლოს არსებული 5,273.1 ათასი ლარის დებიტორული დავალიანება.

სამინისტროში არსებული პრაქტიკის შესაბამისად 2018 წელს, ისევე როგორც წინა წლებში მოსამსახურეებზე „შრომის ანაზღაურების“ მუხლიდან თანხები გაიცემა როგორც ვადიანი, ასევე უვადო მინდობილობების საფუძველზე. აუდიტორული პროცედურებით გამოვლენილია თანხის ჩარიცხვის ფაქტები ისეთი მინდობილობების საფუძვლით, რომლებსაც მოქმედების ვადა აქვს გასული.

სამინისტრო არ აწარმოებს ბალანსის საცნობარო მუხლში ამორტიზებული ძირითადი აქტივების აღრიცხვას, რომელიც საწყისი (ისტორიული) ღირებულებით ექვემდებარება აღნიშნული მუხლის ანგარიშზე ასახვას მოქმედი კანონმდებლობის შესაბამისად. საცნობარო მუხლის „გადახდისუუნარო დებიტორების ჩამოწერილი დავალიანების“ (N03) ანგარიშზე არ არის ასახული გადახდისუუნარო დებიტორების დავალიანებები (შესაბამისი კომისიის გადაწყვეტილების საფუძველზე), რომელთა მიმართაც მათი ჩამოწერის მომენტიდან ხუთი წლის განმავლობაში სამინისტრო განახორციელებდა მათზე მეთვალყურეობას, დავალიანებების შესაძლო ამოღების მიზნით. ბალანსის საცნობარო მუხლის „პირობითი მოთხოვნების“ (N05) ანგარიშზე არ არის აღრიცხული 2015-2018 წელს განხილვის სტადიაში მყოფ სასამართლო საქმესთან დაკავშირებული მოთხოვნები . ბალანსის საცნობარო მუხლის ,,პირობითი ვალდებულებების“ (N06) ანგარიშზე არ არის აღრიცხული 2015-2018 წელს განხილვის სტადიაში მყოფ სასამართლო საქმესთან დაკავშირებული ვალდებულებები .

ორივე აუდიტის ობიექტი ექვემდებარება იუსტიციის სამინისტროს და ასრულებს საგანმანათლებლო ფუნქციას. შესაბამისად, ცენტრებში არსებული მსგავსი სტრუქტურული ერთეულების ოპტიმიზაციით არსებობს, დაახლოებით, 135,600 ლარის ოდენობის ადმინისტრაციული ხარჯების დაზოგვის შესაძლებლობა.

2018 წლის 31 დეკემბრის მდგომარებით, მერიის საკუთრებაში არსებული ქონების იჯარით გაცემის შესახებ გაფორმებული ხელშეკრულებების შესაბამისად, საიჯარო გადასახადის სახით გადაუხდელია 1,183,079 ლარი, ხოლო პირგასამტეხლოს სახით − 792,249 ლარი, რომლებიც ბუღალტრულად არ არის აღრიცხული. დიდი ოდენობით გადაუხდელი საიჯარო გადასახადის აღურიცხავი თანხები კონტროლის არსებით სისუსტეზე მიუთითებს და წარმოშობს მუნიციპალიტეტის საკუთრებაში არსებული ქონების არამართლზომიერი გამოყენების ან/და საიჯარო გადასახადის გადაუხდელობის შესაძლებლობას. ამასთანავე, საიჯარო ხელშეკრულებების მოქმედების პერიოდში შექმნილი აქტივების შეუფასებლობა ამცირებს ავტონომიური რესპუბლიკის ქონებით სარგებლობის საფასურს, რაც უარყოფითად აისახება საბიუჯეტო შემოსავლებზე და შესაძლოა აჭარის ავტონომიური რესპუბლიკის ქონების არამართლზომიერ განკარვასთან იყოს დაკავშირებული.

კომპანიამ არ დააწესა საკმარისი კონტროლი და სათანადოდ არ გამოიყენა მინიჭებული უფლებამოსილება დარღვევით გამოყენებული მგზავრობის შეღავათიანი გადახდების აღსაკვეთად მეტროთი გადაადგილებისას, სადაც არსებობს შეუსაბამობის მეტი ალბათობა. ამასთანავე, მერიის მიერ დაწესებული სატარიფო სისტემა და კომპანიის მომსახურე საწარმოს მართვის მექანიზმი შეიცავს ხარვეზებს და ვერ უზრუნველყოფს მგზავრობის ფასდაკლების სისტემის გამართულ მუშაობას. აღნიშნული ნაკლოვანებების გამო, ქ. თბილისის მერიამ 2017-2018 წლებში სავარაუდოდ 414 ათასი ლარით აანაზღაურა არსებული წესის შეუსაბამოდ გამოყენებული შეღავათიანი მგზავრობის ღირებულება.

საზღვაო აკადემიას 2017 წელს უსასყიდლოდ გადმოეცა აქტივები, რომელთა ღირებულების შეფასება აკადემიამ განახორციელა 2018 წელს, ექსპერტიზის დასკვნის მიხედვით აქტივების ღირებულება განისაზღვრა 1,134,700 ლარით. შესაბამისად, 2017 წლის 31 დეკემბრის მდგომარეობით საზღვაო აკადემიის ფორმა N1 კერძოდ სხვა მანქანა-დანადგარები და ინვენტარის მუხლი აღნიშნული თანხით ნაკლებად არის წარმოდგენილი.

დაცვის პოლიციის ფინანსური მდგომარეობა - დაცვის პოლიციის დეპარტამენტს 2017 წლის 1 იანვრის მდგომარეობით საკუთარი შემოსავლებიდან 5 მლნ ლარზე მეტი ნაშთის სახით ერიცხებოდა. 2017 წლის განმავლობაში დეპარტამენტმა შემოსულობების სახით მიიღო 112 მლნ ლარზე მეტი, ხოლო წლის ბოლოს დეპარტამენტს თავისუფალი ნაშთი გაეზარდა, რამაც 6 მლნ ლარს გადააჭარბა. გარდა თავისუფალი რესურსისა, მიღებული შემოსავლებიდან დეპარტამენტი უზრუნველყოფს შინაგან საქმეთა სამინისტროს სხვა უწყებებისთვის თანხების გადაცემას (3 მლნ ლარამდე ოდენობით). ამასთან, დეპარტამენტი დაფინანსებას იღებს სახელმწიფო ბიუჯეტიდანაც, რაც 9 მლნ ლარს აღემატება. ზემოაღნიშნულიდან გამომდინარე, შემოსავლებიდან მობილიზებული დაახლოებით 9 მლნ ლარი (არსებული ნაშთი და სხვა უწყებებისთვის გადაცემული რესურსი) თავისუფალ განკარგვას ექვემდებარება, თუმცა აღსანიშნავია რომ წლის დასაწყისში (შემოსავლების მიღებამდე) დეპარტამენტს საწყისი რესურსები განსაკარგავად უნდა გააჩნდეს.

სახელმწიფო შესყიდვის მიზნით გამოცხადებული ტენდერების გარკვეული ნაწილი უშედეგოდ დასრულდა ან არაკონკურენტულ გარემოში წარიმართა. აუდიტის შედეგად გამოვლინდა უშედეგოდ და არაკონკურენტულ გარემოში ჩატარებული ტენდერების მიზეზები: მიმწოდებლებისთვის წაყენებული შემზღუდველი მოთხოვნები, ზედმიწევნით დაკონკრეტებული პარამეტრები და სატენდერო დოკუმენტაციის ხარვეზები. ზემოაღნიშნული ნაკლოვანებები წარმოშობს არაეკონომიური ხარჯვის რისკებს.

2018 წლის 31 დეკემბრის მდგომარებით, მერიის საკუთრებაში არსებული ქონების იჯარით გაცემის შესახებ გაფორმებული ხელშეკრულებების შესაბამისად, საიჯარო გადასახადის სახით გადაუხდელია 1,183,079 ლარი, ხოლო პირგასამტეხლოს სახით − 792,249 ლარი, რომლებიც ბუღალტრულად არ არის აღრიცხული. დიდი ოდენობით გადაუხდელი საიჯარო გადასახადის აღურიცხავი თანხები კონტროლის არსებით სისუსტეზე მიუთითებს და წარმოშობს მუნიციპალიტეტის საკუთრებაში არსებული ქონების არამართლზომიერი გამოყენების ან/და საიჯარო გადასახადის გადაუხდელობის შესაძლებლობას. ამასთანავე, საიჯარო ხელშეკრულებების მოქმედების პერიოდში შექმნილი აქტივების შეუფასებლობა ამცირებს ავტონომიური რესპუბლიკის ქონებით სარგებლობის საფასურს, რაც უარყოფითად აისახება საბიუჯეტო შემოსავლებზე და შესაძლოა აჭარის ავტონომიური რესპუბლიკის ქონების არამართლზომიერ განკარვასთან იყოს დაკავშირებული.

მგზავრობის ღირებულების გადახდის მონაცემების შესწავლით გამოვლინდა უჩვეულო გადახდები. კერძოდ, მეტროს ტურნიკეტის გავლისას გამოყენებულია სამგზავრო ბარათები; გადახდების რაოდენობა დღის განმავლობაში აღემატება 50 ერთეულს და ანაზღაურებულია ძირითადად მეტროს ერთსა და იმავე სადგურებში; გადახდები განხორციელებულია მოკლე შუალედებით, თითოეულ გატარებაზე გადახდილია 50 თეთრი და როგორც წესი, ბარათზე არსებული თანხა ათვისებულია სრულად. ამ შემთხვევაში არ ფიქსირდება მგზავრობის შეღავათის გავრცელება, თუმცა, დიდი ალბათობით, ადგილი აქვს ჰაკერული ჩარევის შედეგად ელექტრონულ ბარათებზე წარმოქმნილი არარსებული თანხის ხარჯვას. კომპანიის პასუხისმგებელი პირების განმარტებით, ამგვარი უჩვეულო გადახდებისას კომპანია მაინც იღებს კუთვნილ შემოსავალს შპს „მეტრო სერვის+“-საგან, მაგრამ ზარალდება თავად მომსახურე საწარმო. მიუხედავად ამისა, არსებობს რისკი, რომ სისტემაში არასანქცირებული შეღწევა შესაძლებელია მოხდეს სხვა მიმართულებითაც, რაც დააზარალებს პროცესში მონაწილე ყველა მხარეს.

საზღვაო აკადემიის საკუთრებაშია ქ. ბათუმში მდებარე არასასოფლო სამეურნეო მიწა 2,821 მ2 და მასზედ მდებარე შენობა-ნაგებობა საერთო ფართით 3,267.74 მ2. აღნიშნული აქტივები, ფინანსური ანგარიშგების ფორმა N1-ში წარდგენილია მხოლოდ შენობაზე გაწეული კაპიტალიზირებული ხარჯის ღირებულებით 333,211 ლარით.

2014 წელს სახელმწიფო უწყებებს დაევალათ ავტოპარკის ოპტიმიზაციის გეგმების შედგენა და სახელმწიფო კომისიისთვის წარდგენა, რაც 2018 წლის 31 დეკემბრის მდგომარეობითაც არ არის დამტკიცებული. შედეგად, მთავრობის N121 დადგენილების უმთავრესი მიზანი, სახელმწიფო ავტოპარკის ოპტიმიზაცია მიღწეული არ არის.

ბანკმა ვერ უზრუნველყო ხელშეკრულებებითა და მემორანდუმებით ნაკისრი ვალდებულების სრულად შესრულება სატარიფო სისტემის რეგულირების ნაწილში. მერიისა და კომპანიის ინსპექტირების ჯგუფმა არ განახორციელა კონტროლი მომსახურე სუბიექტის მხრიდან ხელშეკრულებების პირობების სათანადო შესრულებაზე, რის გამოც მერიას მიადგა მნიშვნელოვანი ფინანსური ზარალი 592.1 ათასი ლარის ოდენობით. კერძოდ, თანხები გადახდილია სტატუსშწყვეტილ სტუდენტებზე საშეღავათო პირობების შეუსაბამოდ გავრცელების პროცესში. აღსანიშნავია, რომ ზემოთხსენებულ დარღვევას ადგილი ჰქონდა როგორც შესამოწმებელ პერიოდამდე, ასევე მას შემდეგ. ამდენად, მერიის მიერ ზედმეტად გადახდილი თანხების მოცულობა სავარაუდოდ მნიშვნელოვნად მეტია.

2017 წლის 25 მაისს საქართველოს ინფრასტრუქტურისა და რეგიონალური განვითარების სამინისტრომ ქონების ეროვნულ სააგენტოს გადასცა სხვადასხვა მანქანა-დანადგარები, სულ 6,728,604 ლარის ღირებულების. აღნიშნული აქტივები არ არის ასახული ქონების ეროვნული სააგენტოს ბუღალტრულ ჩანაწერებსა და ფინანსურ ანგარიშგებაში.

მთავრობის დადგენილებით, სახელმწიფო ავტოპარკი სარგებლობის ფორმირების მიხედვით იყოფა განპიროვნებულ და სამორიგეო ფუნქციის მქონე ავტომობილებად. გარდა ამისა, ორგანიზაციების სპეციფიკიდან გამომდინარე, განსაზღვრულია სპეციალიზებული და ოპერატიული დანიშნულების ავტომობილები. შესწავლილი 4,052 ერთეული ავტომობილიდან, 1,879-ს (46%) დადგენილებით განსაზღვრული სარგებლობის ფორმებიდან (განპიროვნებული, სამორიგეო, ოპერატიული, სპეციალური დანიშნულების), კლასიფიკაციის არც ერთი ფორმა არ აქვს მინიჭებული. სარგებლობის ფორმის განუსაზღვრელობის გამო, აღნიშნულ ავტომობილებზე მთავრობის დადგენილებით დაწესებული შეზღუდვების გავრცელება არ ხორციელდება, რაც იძლევა მათი არასამსახურებრივი დანიშნულებით გამოყენების შესაძლებლობას.

კომპანიის საანგარიშსწორებო დოკუმენტაციის შესწავლით გამოვლინდა, რომ ყოველი საბანკო დღისათვის ბანკის ანგარიშზე მიმართულია საკომისიო ანაზღაურება – ინკასირებული თანხის 0.3% (მინიმუმ 30 ლარის ოდენობით). კომპანიამ ვერ წარმოადგინა დოკუმენტაცია, რის საფუძველზე ხდებოდა ტარიფის განსაზღვრა და თანხების ჩარიცხვა. 2017 წელს კომპანიამ ბანკს ზედმეტად აუნაზღაურა სულ 19.7 ათასი ლარი. ინკასაციის საფასურის ანაზღაურება შესაძლებელია ხორციელდებოდა 2017 წლამდეც, კრიტერიუმში მითითებული ხელშეკრულების მოქმედების პერიოდში, რომელიც სცდება აუდიტის პერიოდს.

სამოქალაქო ავიაციის სააგენტოს, ტურიზმის ადმინისტრაციასა და საზღვაო აკადემიის მიერ 2017 წლის 31 დეკემბრის მდგომარეობით წარდგენილ ფინანსურ ანგარიშგებაში ასახული საგადასახადო აქტივები არ შეესაბამება შემოსავლების სამსახურში საგადასახადო ბარათზე არსებული აქტივების ნაშთებს.

საქართველოს მთავრობის დადგენილებით, თითოეული დაწესებულებისთვის განისაზღვრა განპიროვნებული ავტომობილებით მოსარგებლე თანამდებობის პირთა ჩამონათვალი და სამორიგეო ავტომობილების ზღვრული ოდენობები, შემდეგი პროპორციით: 100 საშტატო რიცხოვნობამდე დაწესებულების შემთხვევაში −1 (ერთი) სამორიგეო ავტომობილი ყოველ 20 საშტატო ერთეულზე, ხოლო ყოველ დანარჩენ 50 საშტატო ერთეულზე − დამატებით 1 (ერთი) ავტომობილი. შესწავლილი 34 ორგანიზაციიდან 14-ში ავტომობილების რაოდენობა მთავრობის დადგენილებით განსაზღვრულს 401 ერთეულით აღემატება, რითაც არ არის გათვალისწინებული მთავრობის დადგენილების მოთხოვნები. როგორც ზემოთ აღინიშნა, შესწავლილი ავტოპარკიდან 1,879-ს (46%) არ აქვს მინიჭებული ფუნქციური დანიშნულების სტატუსი (სამორიგეო, განპიროვნებული) მთვრობის დადგენილების მოთხოვნების მიხედვით, ხოლო ზღვრულ ოდენობაზე მეტია 401 (10%) ავტომობილი. ზემოაღნიშნული მიუთითებს, რომ დადგენილზე მეტი რაოდენობის და არაკლასიფიცირებული ავტოპარკი იძლევა შესაძლებლობას, რომ სამსახურებრივი ავტომობილით სარგებლობდეს ისეთი თანამშრომელი, რომელსაც თანამდებობრივად არ ეკუთვნის განპიროვნებული ავტომობილით სარგებლობა.

კომპანიამ მოთხოვნადი სავაჭრო ტერიტორია გასცა უკონკურენტო გარემოში, ქონების პირდაპირი განკარგვის ფორმის გამოყენებით. აღნიშნული ქმედებით კომპანიამ დაკარგა დამატებითი შემოსავლების მიღების შესაძლებლობა.

საზღვაო აკადემიის 2017 წლის 31 დეკემბრით მომზადებული ფინანსური ანგარიშგება მოიცავს 167,818 ლარის შემოსავლებს, რაც წარმოადგენს წინა წლებში გამომუშავებულ შემოსავალს რაც უნდა ასახულიყო წინა შესაბამის პერიოდებში. გამომდინარე აქედან, 167,818 ლარით არასწორად არის გაზრდილი 2017 წლის შემოსავლების ანგარიში.

მთავრობის დადგენილების მიხედვით, ავტომობილები კლასიფიცირდება ოთხ კატეგორიად და სპეციალიზებული კლასის ავტომობილებად. თითოეული კლასის ავტომობილისთვის მოცემულია ფლობის ღირებულების ზღვრული ოდენობა და განსაზღვრულია კონკრეტული კლასით სარგებლობის უფლების მქონე პირთა კატეგორია/თანამდებობა. ასევე, იმ შემთხვევაში, თუკი შემსყიდველი ორგანიზაციის საჭიროებიდან გამომდინარე ავტოსატრანსპორტო საშუალების სპეციფიკაცია განსხვავებულია ამ წესით დადგენილი სტანდარტებისგან, შემსყიდველი ორგანიზაცია ვალდებულია აღნიშნული სპეციფიკაციის ამსახველი პარამეტრები წარუდგინოს სამთავრობო კომისიას გადაწყვეტილების მისაღებად. დადგენილების ძალაში შესვლის შემდეგ, შეძენილი 274 ავტომობილიდან, მთავრობის დადგენილების მოთხოვნების დაცვით შესყიდულია მხოლოდ 59 ერთეული, ხოლო 5 (ხუთი) ორგანიზაციის მიერ შესყიდული 215 ავტომობილიდან 23 ერთეული შეძენილია მხოლოდ ავტომობილის ღირებულებით, ნაცვლად ზღვრული ფლობის ღირებულების გათვალისწინებისა (ავტომანქანქანის, ავტომანქანის სერვისის და საწვავის ხარჯის ჯამი ), ხოლო 192 ერთეული სპეციალიზირებული ავტომობილი შეძენლია სამთავრობო კომისიასთან შეუთანხმებლად.

კომპანია განკარგავს სამგორის მეტროს სადგურის მიწისქვეშა გადასასვლელს, სადაც 2011 წლიდან 18-წლიანი იჯარით გაცემულია 118.06 კვ.მ და 16.49 კვ.მ ფართობები. ქონება გაიცა აუქციონის ფორმით და 1 კვ.მ ფართის ყოველთვიური საიჯარო ქირა განისაზღვრა შესაბამისად, 25.0 და 24.8 ლარის ოდენობით. კომპანიამ არ გამოიყენა მისთვის ხელშეკრულებით მინიჭებული უფლება და არ გაზარდა ქირის ოდენობა 2017 წლიდან, პირველი საექსპერტო შეფასებისთანავე, რითაც დაკარგა დამატებითი შემოსავლების მიღბის შესასძლებლობა

2014 წლის 30 ივლისიდან 2017 წლის 31 დეკემბრის ჩათვლით აწარმოე საქართველოს სს ბეჭდვითი სიტყვის კომბინატისაგან იჯარით აღებული აქვს არასაცხოვრებელი შენობა, რომელიც მდებარეობს ქ. თბილისში მარჯანიშვილის ქუჩა N5/16-18-ში. ხელშეკრულების მიხედვით საიჯარო ფართი განისაზღვრა 198 მ2-ით, ხოლო ყოველთვიური საიჯარო ქირა 3,564 აშშ დოლარის ოდენობით. აღნიშნულ ხელშეკრულებაში პერიოდულად შედიოდა ცვლილებები, რაც ითვალისწინებდა საიჯარო ფართის ან/და იჯარის ყოველთვიური ქირის ზრდას. 2017 წლის 7 სექტემბრიდან საიჯარო ფართი შეადგენდა 921,59 მ2-ს ხოლო საიჯარო ქირა 16,378 აშშ დოლარს. 2014-2017 წლებში სსიპ-მა ქირის სახით გადაიხადა 946,883 ლარი, მათ შორის 2017 წლის საიჯარო ქირამ 420,735 ლარი შეადგინა. სსიპ-ის მიერ ვერ იქნა წარმოდგენილი ხარჯ-ეფექტურობის ანალიზი, რითაც შესაძლებელი იქნებოდა სხვადასხვა ალტერნატივის დანახარჯისა და სარგებლის შედარება და საუკეთესო გადაწყვეტილების მიღება.

მთავრობის დადგენილებაში მოცემული მოთხოვნები არ იძლევა ალტერნატიულ ენერგიაზე მომუშავე (მაგალითად: ჰიბრიდული და ელექტროავტომობილები) ავტომობილების შეძენის შესაძლებლობას, რაც, თავის მხრივ, ზღუდავს საწვავის და ავტომობილების საექსპლოატაციოდ საჭირო ფინანსების ეკონომიურ ხარჯვას და ეკოლოგიურად სუფთა სატრანსპორტო სისტემების ხელშეწყობას.

კომპანია განკარგავს მარჯანიშვილის ქუჩა №16-ის მიმდებარედ, მეტროს გვირაბთან განთავსებულ 495.38 კვ.მ ფართს. 2013 წლიდან ტერიტორია გაცემულია იჯარით, აუქციონის წესით, 30-წლიანი სარგებლობის ვადით. იჯარის ქირა 1 კვ.მ-ზე შეადგენს 1.21 ლარს, ხოლო წლიური გადასახადი 7.2 ათასი ლარია. აუქციონის პირობების თანახმად, ინფლაციის შემთხვევაში და სხვა ეკონომიკური პირობების ცვლილების გათვალისწინებით, სარგებლობის საფასურის გადახედვა შესაძლებელია ურთიერთობის მონაწილეების შეთანხმების საფუძველზე ან მესაკუთრე ქონების მიმღებს ატყობინებს სარგებლობის ახალი საფასურის ოდენობას. საექსპერტო შეფასებით, უძრავი ქონების წლიური ქირა 2017 წლის მდგომარეობით განისაზღვრა 14.4 ათასი ლარით, ხოლო 2018-2019 წლებში – 30.0 ათასი ლარით, რაც მნიშვნელოვნად აღემატება არსებული ობიექტის საიჯარო ქირის წლიურ ოდენობას (7.2 ათასი ლარი). კომპანიის მიერ ხელშეკრულებითა და აუქციონის პირობებით მისთვის მინიჭებული უფლების გამოყენების შემთხვევაში, საექსპერტო დასკვნებით განსაზღვრული საიჯარო ქირის ზღვრული ოდენობების გათვალისწინებით, ქონების იჯარიდან შესაძლებელი იქნებოდა არანაკლებ 17 ათასი ლარით მეტი შემოსავლის მიღება.

სამინისტროსა და მის დაქვემდებარებაში მყოფ ორგანიზაციებში სახელფასო დანამატები გაიცემოდა სხვადასხვა საფუძვლით, თუმცა დანამატის გაცემის შემთხვევაში, ზეგანაკვეთური მუშაობის ან/და განსაკუთრებული სამუშაოს შესრულების სათანადო დამადასტურებელი დოკუმენტების შედგენა ორგანიზაციაში არ ხდებოდა. სამინისტროს სისტემაში თანამშრომლებზე სულ 2017 წელს „შრომის ანაზღაურების“ მუხლით გაწეულია 26,365,952 ლარის ხარჯი, მათ შორის, დანამატი 3,926,265 ლარი, რაც „შრომის ანაზღაურების“ მუხლით გაწეული საკასო ხარჯის 14.9%-ს შეადგენს. საბიუჯეტო კლასიფიკაციის მიხედვით, დანამატის კატეგორია მოიცავს არასამუშაო საათებში, ღამის ცვლაში, სადღესასწაულო და დასვენების დღეებში მუშაობისათვის განკუთვნილ დამატებით საზღაურს და კანონმდებლობით გათვალისწინებულ ნებისმიერ სხვა დანამატს, მათ შორის განსაკუთრებით საპასუხისმგებლო ფუნქციური დატვირთვის საზღაურს. დანამატების გაცემის არსებული პრაქტიკა ვერ უზრუნველყოფს შრომის ანაზღაურების სათანადო გამჭვირვალობას, ვინაიდან ბრძანებები ზოგადია და არ არის სათანადოდ დასაბუთებული.

მსოფლიოში დანერგილი საუკეთესო პრაქტიკების მიხედვით, ნებისმიერი სატრანსპორტო საშუალების შეძენამდე, ხორციელდება ხარჯსარგებლიანობის ანალიზი (Cost-benefit analysis). აღნიშნული პრინციპით საქმიანობა ეხმარება სახელმწიფო ავტოპარკის მართვის ორგანოებს, აკონტროლონ რამდენად დროულია და ხარჯეფექტურია ავტოპარკის განახლება. კანონმდებლობა არ ითვალისწინებს სახელმწიფო ავტოპარკის მართვაში ხარჯეფექტურობის ანალიზის პრინციპებს და ის არც პრაქტიკაშია დანერგილი.

ყოველწლიური მნიშვნელოვანი დანახარჯების მიუხედავად, კიკეთის საცხოვრებელი კომპლექსისათვის კომპანიას არ აქვს შემუშავებული ქონების მართვისა და გამოყენების სტრატეგია, საცხოვრებელი კომპლექსის ეკონომიკურად ხელსაყრელი, ეფექტიანი და პროდუქტიული გამოყენებისათვის.

სსიპ - საქართველოს მუნიციპალური ფონდის ფინანსურ ანგარიშგებაში „სხვა მოკლევადიანი ფინანსური აქტივების“ მუხლში საგადასახადო აქტივი 2017 წლის 31 დეკემბრის მდგომარეობით შეადგენს 843,701 ლარს, რომელიც ძირითადად მოიცავს დამატებული ღირებულების გადასახადს. ხოლო, ფონდის საგადასახადო ბარათზე ჯამური დადებითი სალდო შეადგენს 2,537,152 ლარს. შესაბამისად, ფინანსური ანგარიშგების ფორმა N1-ში „სხვა მოკლევადიანი ფინანსური აქტივების“ მუხლში ასახული თანხა შემცირებულია 1,693,452 ლარით.

მთავრობის დადგენილებით, „სამორიგეო ავტომობილი − ზოგადი სამსახურებრივი საჭირო¬ე¬ბიდან გამომდინარე დაკისრებული სამსახურებრივი მოვალეობების შესასრულებლად გან¬კუთ¬ვნილი ავტოსატრანსპორტო საშუალებაა, რომელიც გამოიყოფა ყოველი კონკ¬რეტული მოთხოვნის საფუძველზე დაწესებულების კონკრეტულ თანამ¬შრომელზე“. 34 უწყებიდან − 33-ში არ ხდება დადგენილების მოთხოვნების დაცვა და სამორიგეო ავტომობილების დანიშნულებისამებრ გამოყენების კონტროლი, რაც სამორიგეო ავტომობილის არადანიშნულებით გამოყენების შესაძლებლობას იძლევა.

კომპანიამ ჩაიბარა ავტობაზის მშენებლობის საპროექტო-სახარჯთაღრიცხვო დოკუმენტაცია, ღირებულებით 51.3 ათასი ლარი, რომელიც ხასიათდებოდა არსებითი ხარვეზებით. მიუხედავად ამისა, კომპანიას შპს „გეომეფის“ მიმართ სათანადო ღონისძიებები არ გაუტარებია. აუდიტის ობიექტის მიერ დანერგილმა კონტროლის მექანიზმებმა ნაწილობრივ უზრუნველყვეს შესაძლო შეუსაბამობების გამოვლენა და გამოსწორება საპროექტო ნაწილში. რაც შეეხება მშენებლობის ხარჯთაღრიცხვას, დოკუმენტაციის შესაბამისობა ექსპერტულად არ დადასტურებულა. შესაბამისად, მშენებლობის საწყისი ღირებულების დაზუსტებისა და პროექტის შესაბამის სტრუქტურებთან შეთანხმების გარეშე, კომპანიამ დოკუმენტაცია გამოიყენა მნიშვნელოვანი ობიექტის ასაშენებლად, რომელიც აუცილებელი იყო საწარმოს გამართული ფუნქციონირებისათვის.

სამინისტროს აპარატის ფინანსურ ანგარიშგებაში „ქალაქ ჭიათურაში მდებარე ქალაქის ცენტრის პერიფერიებთან დამაკავშირებელი ურბანული მექანიკური საბაგიროების აღჭურვილობის განახლების“ პროექტთან დაკავშირებით, „სხვა მოკლევადიანი მოთხოვნების“ მუხლში 2015 წლიდან ასახულია 5,366,518 ლარის მოთხოვნა-ავანსი. 2016 წლიდან პროექტის განხორციელების უფლებამოსილება გადაეცა მუნიციპალური განვითარების ფონდს, რომელმაც სამინისტროს აპარატის მსგავსად, 25,751,715 ლარის ავანსი გადაურიცხა მომწოდებელს და 2017 წელს მიღება-ჩაბარების საფუძველზე 27,369,167 ლარის ავანსი ჩამოწერა, შესაბამისად, სხვაობა გადახდილ ავანსსა და ჩამოწერილ ავანსს შორის 1,617,167 ლარი - ფონდს აღიარებული აქვს ფორმა N1-ში „სხვა მოკლევადიანი კრედიტორული დავალიანებების“ მუხლში. ვინაიდან პროექტის განხორციელების უფლებამოსილება 2016 წლიდან სამინისტროს აპარატს აღარ გააჩნდა და პროექტის სრულ ადმინისტრირებას ფონდი ახორციელებდა, აღნიშნული მოთხოვნა სამინისტროს აპარატს უნდა გადაეცა ფონდისთვის.

აუდიტით შესწავლილი 34 ორგანიზაციების მიერ, საწვავის ლიმიტების განსაზღვრის წინაპიროებები არ არის ჩამოყალიბებული;

ავტობაზის მშენებლობისას, სატენდერო კომისიამ არ დაიცვა ფულადი სახსრების რაციონალური ხარჯვის პრინციპი და არ გამოიყენა ტენდერის განმეორებით, ოპტიმალური ფასით გამოცხადების უფლება, რითაც დაკარგა, სავარაუდოდ, მნიშვნელოვანი ეკონომიის მიღების შესაძლებლობა.

საქართველოს საავტომობილო გზების დეპარტამენტმა აუდიტის პროცედურების დასრულებამდე ვერ მოგვაწოდა სხვა მატერიალური მარაგების და ძირითადი აქტივების ინვენტარიზაციის აქტები, რადგან აუდიტორული პროცედურების დასრულების თარიღისათვის ინვენტარიზაციის აქტი დეპარტამენტის თავმჯდომარის მიერ დამტკიცებული არ იყო. აღნიშნული აქტი დამტკიცდა 2018 წლის 14 ივნისს. ზემოთ აღნიშნული გარემოებების შედეგად, საქართველოს საავტომობილო გზების დეპარტამენტი არ ფლობს ზუსტ ინფორმაციას საკუთრებაში არსებული მარაგების და ძირითადი აქტივების სისრულესა და არსებობაზე. აღნიშნული მიუთითებს აქტივების მართვასთან დაკავშირებულ ხარვეზებზე. ასევე, სსიპ - მუნიციპალური განვითარების ფონდის მიერ აუდიტის მსვლელობის პროცესში ვერ იქნა წარმოდგენილი ძირითადი აქტივების ინვენტარიზაციის აქტები, რადგან ინვენტარიზაციის პროცესი არ იყო დასრულებული.

"აუდიტის შედეგად ავტომობილების მიერ მოხმარებულ საწვავთან დაკავშირებით გამოვლინდა შემდეგი ნაკლოვანებები:

ავტობაზის ტერიტორიაზე ბეტონის საფარის მოწყობისათვის დაიხარჯა 2,032 ათასი ლარი. კომპანიამ ხელშეკრულების შესრულების პროცესი ვერ წარმართა იმგვარად და ვერ დანერგა კონტროლის საკმარისი და შესაფერისი პროცედურები, რომელიც უზრუნველყოფდა დაგეგმილი მახასიათებლების პროდუქტის მიღებას. კერძოდ, საექსპერტო დასკვნამ დაადასტურა, რომ მიმწოდებლის მიერ შესრულებული სამუშაოები იყო უხარისხო და ვერ უზრუნველყოფდა ობიექტის ხანგრძლივ ექსპლუატაციას. მიუხედავად იმისა, რომ ბეტონის სამუშაოების ხარვეზების გამოვლენიდან საკმაო დრო იყო გასული, კომპანიას შპს „დაგის“ მიმართ სათანადო სამართლებრივი ღონისძიებები აუდიტის დაწყებამდე არ გაუტარებია.

საქართველოს რეგიონული განვითარებისა და ინფრასტრუქტურის სამინისტროს აპარატის ფინანსურ ანგარიშგებაში აქტივად ასახულია სსიპ - ქონების ეროვნული სააგენტოსათვის გადაცემული კომპანიების კაპიტალში განხორციელებული შენატანები, რომლებიც 2016 წელს უნდა ჩამოწერილიყო ბალანსიდან, რაც არ განხორციელდა. შედეგად, კონსოლიდირებული ფინანსური ანგარიშგება არასწორად არის წარმოდგენილი.

შესწავლილი 34 ობიექტიდან 6-ში, გარდა სამსახურებრივი მანქანებისა, საწვავის ლიმიტი დაწესებული იყო თანამშრომლების პირად მანქანებზე. 2017 წლის განმავლობაში, სამსახურებრივი საჭიროებიდან გამომდინარე, პირად ავტომობილებზე გაცემულია 1,085,740 ლარის ღირებულების 548,654 ლიტრი საწვავი. ბრძანებებსა და პატაკებში არ არის დასაბუთებული კონკრეტულ თანამშრომლებზე საწვავის ლიმიტის დაწესების საჭიროება და რაოდენობის განსაზღვრის კრიტერიუმები. გამომდინარე აქედან, გაურკვეველია ლიმიტები დაწესებულია თუ არა რაციონალურობის პრინციპის გათვალისიწნებით. ზემოაღნიშნული ორგანიზაციებიდან შეირჩა 92 ერთეული კერძო საკუთრებაში არსებული ისეთი ავტომობილი, რომლებიც წლის განმავლობაში რეგულარულად მოიხმარდნენ საწვავს და თვიური ათვისების მაჩვენებლები ლიმიტებთან იყო მიახლოებული. აგაი-ს მონაცემების ანალიზით გამოიკვეთა, რომ შერჩეული ავტომობილებიდან 67 (73%)-ზე, საწვავის ლიმიტები გახარჯულია თანამშრომლების (მესაკუთრე) შვებულებაში ყოფნის პერიოდში,

ავტობაზის ტერიტორიაზე სარეცხი აპარატი დაზიანებულია და არასრულფასოვნად ფუნქციონირებს. ობიექტის საბოლოო მიღება-ჩაბარების აქტი შედგენილია 2017 წლის 18 აგვისტოს, ხოლო შპს „დაგის“ ავტოსამრეცხაოს გაუმართაობისა და ხარვეზის გასწორების შესახებ ეცნობა მხოლოდ 2018 წლის მაისში და განმეორებით – 2019 წლის მარტში . მიმწოდებელს დანადგარი არ შეუკეთებია. ხელშეკრულების პირობის თანახმად, ამ შემთხვევაში პირგასამტეხლო 2,211.7 ათას ლარს შეადგენს, რაც კომპანიას შესამოწმებელ პერიოდში არ დაურიცხავს.

დეპარტამენტის ფინანსური ანგარიშგების დაუმთავრებელი ძირითადი აქტივის მუხლში ასახულია 1,851,696,947 ლარის აქტივი. აღნიშნულ მუხლში გამოვლინდა დასრულებული პროექტები ჯამური ღირებულებით - 279,217,889 ლარის ოდენობით, რომელიც დასრულდა 2014 წელს და შესაბამისად, დღემდე არ მომხდარა მისი რეკლასიფიკაცია, რამაც ასევე გამოიწვია ძირითდი კაპიტალის მოხმარების, მინიმუმ, 8,376,536 ლარით შემცირება.

2014 წელს სახელმწიფო უწყებებს დაევალათ ავტოპარკის ოპტიმიზაციის გეგმების შედგენა და სახელმწიფო კომისიისთვის წარდგენა, რაც 2018 წლის 31 დეკემბრის მდგომარეობითაც არ არის დამტკიცებული. შედეგად, მთავრობის N121 დადგენილების უმთავრესი მიზანი, სახელმწიფო ავტოპარკის ოპტიმიზაცია მიღწეული არ არის.

ავტოსამრეცხაოს რეცირკულაციის დანადგარის გაუმართაობის გამო, ავტობუსები ირეცხებოდა სუფთა სასმელი წლით, ცენტრალური სისტემიდან. შესაბამისად, კომპანიის ავტობაზაზე გაზრდილია წყლის გადასახადის ხარჯები. აუდიტის ჯგუფის მოთხოვნის საფუძველზე, კომპანიამ ჩაატარა ავტობუსების საკონტროლო რეცხვა, რითაც დადგინდა წყლის საშუალო ხარჯი, ავტობუსების სახეობების მიხედვით. საერთო რაოდენობის გათვალისწინებით, 2018 წლის მაისიდან წლის ბოლომდე ავტობუსების რეცხვაზე დახარჯულია 9.3 ათასი კუბ.მ წყალი. გამომდინარე აქედან, რეცირკულაციის სიტემის გაუმართაობამ გამოიწვია 85%-ის – 7.9 ათასი კუბ.მ წყლის გადახარჯვა, რომლის ღირებულებაც 34 ათას ლარზე მეტია.

სსიპ - ევრაზიის სატრანსპორტო დერეფნის საინვენსტიციო ცენტრის ფინანსური ანგარიშგება არ მოიცავს შესრულებულ სამუშაოებზე დაკავებული 5%-იანი ხარისხის დაცვის თანხებს - 23,242,132 ლარის ოდენობით, რადგან ცენტრი აღრიცხვიანობას აწარმოებს საკასო მეთოდით და არ ხელმძღვანელობს საბიუჯეტო ორგანიზაციების ბუღალტრული აღრიცხვის და ფინანსური ანგარიშგების შესახებ საქართველოს ფინანსთა მინისტრის 2014 წლის 31 დეკემბრის N429 ბრძანებით დამტკიცებული ინსტრუქციით. აღნიშნული ვალდებულებები არც დეპარტამენტის ფინანსურ ანგარიშგებაშია ასახული.

მთავრობის დადგენილებით, სახელმწიფო ავტოპარკი სარგებლობის ფორმირების მიხედვით იყოფა განპიროვნებულ და სამორიგეო ფუნქციის მქონე ავტომობილებად. გარდა ამისა, ორგანიზაციების სპეციფიკიდან გამომდინარე, განსაზღვრულია სპეციალიზებული და ოპერატიული დანიშნულების ავტომობილები. შესწავლილი 4,052 ერთეული ავტომობილიდან, 1,879-ს (46%) დადგენილებით განსაზღვრული სარგებლობის ფორმებიდან (განპიროვნებული, სამორიგეო, ოპერატიული, სპეციალური დანიშნულების), კლასიფიკაციის არც ერთი ფორმა არ აქვს მინიჭებული. სარგებლობის ფორმის განუსაზღვრელობის გამო, აღნიშნულ ავტომობილებზე მთავრობის დადგენილებით დაწესებული შეზღუდვების გავრცელება არ ხორციელდება, რაც იძლევა მათი არასამსახურებრივი დანიშნულებით გამოყენების შესაძლებლობას.

მეტროს სადგურების რეაბილიტაციის სამუშაოები კომპანიამ წარმართა ხარვეზებით, რაც ძირითადად უხარისხო საპროექტო დოკუმენტაციის გამოყენებამ გამოიწვია. კომპანიამ წარმოადგინა დოკუმენტაციის მხოლოდ სახარჯთაღრიცხვო ნაწილის საექსპერტო შეფასება, ხოლო საპროექტო/კონსტრუქციული ნაწილის შესაბამისობა ექსპერტულად არ დადასტურებულა. შესაბამისად, აუდიტის ობიექტის მიერ დანერგილმა კონტროლის მექანიზმებმა სამუშაოების დაგეგმვის და ხარისხის ნაწილში ვერ უზრუნველყვეს არსებითი შეუსაბამობების გამოვლენა და გამოსწორება. გარდა ამისა, სარეაბილიტაციო სამუშაოების დაგეგმვის ხარვეზების გამო, კომპანიამ გასწია არაეფექტიანი ხარჯები, რადგან ვერ შეძლო ინფრასტრუქტურული პროექტის განხორციელებით განსაზღვრული შედეგის სრულად მიღწევა და მომხმარებლისათვის დროული მიწოდება.

დეპარტამენტის ფინანსურ ანგარიშგებაში ძირითადი კაპიტალის მოხმარების ხარჯი შეადგენს 82,269,690 ლარს. აღსანიშნავია, რომ დეპარტამენტს არ აქვს შემუშავებული შიდა პოლიტიკა გზების, ხიდების და გვირაბების ცვეთასთან დაკავშირებით და არც საქართველოს ფინანსთა მინისტრის 2002 წლის 31 დეკემბრის N439 ბრძანებით ხელმძღვანელობს. გარდა ამისა, ხაზგასასმელია, რომ დეპარტამენტს არ აქვს აღრიცხული გზებზე არსებული ხიდები და გვირაბები სრულად და ისინი კლასიფიცირდებიან როგორც გზები. ფინანსური ანგარიშგების მომზადების მიზნებისათვის ზემოაღნიშნული იწვევს მნიშვნელოვან სხვაობებს ფინანსურ ანგარიშგებაში წარდგენილ აქტივების საბალანსე ღირებულებასა და კაპიტალის მოხმარების ანგარიშზე.

საქართველოს მთავრობის დადგენილებით, თითოეული დაწესებულებისთვის განისაზღვრა განპიროვნებული ავტომობილებით მოსარგებლე თანამდებობის პირთა ჩამონათვალი და სამორიგეო ავტომობილების ზღვრული ოდენობები, შემდეგი პროპორციით: 100 საშტატო რიცხოვნობამდე დაწესებულების შემთხვევაში −1 (ერთი) სამორიგეო ავტომობილი ყოველ 20 საშტატო ერთეულზე, ხოლო ყოველ დანარჩენ 50 საშტატო ერთეულზე − დამატებით 1 (ერთი) ავტომობილი. შესწავლილი 34 ორგანიზაციიდან 14-ში ავტომობილების რაოდენობა მთავრობის დადგენილებით განსაზღვრულს 401 ერთეულით აღემატება, რითაც არ არის გათვალისწინებული მთავრობის დადგენილების მოთხოვნები. როგორც ზემოთ აღინიშნა, შესწავლილი ავტოპარკიდან 1,879-ს (46%) არ აქვს მინიჭებული ფუნქციური დანიშნულების სტატუსი (სამორიგეო, განპიროვნებული) მთვრობის დადგენილების მოთხოვნების მიხედვით, ხოლო ზღვრულ ოდენობაზე მეტია 401 (10%) ავტომობილი. ზემოაღნიშნული მიუთითებს, რომ დადგენილზე მეტი რაოდენობის და არაკლასიფიცირებული ავტოპარკი იძლევა შესაძლებლობას, რომ სამსახურებრივი ავტომობილით სარგებლობდეს ისეთი თანამშრომელი, რომელსაც თანამდებობრივად არ ეკუთვნის განპიროვნებული ავტომობილით სარგებლობა.

სატენდერო კომისიის სათანადოდ დაუსაბუთებელი გადაწყვეტილების შედეგად, დისკვალიფიკაცია მიენიჭა ტენდერში მონაწილე უმცირესი ფასის მქონე პრეტენდენტს, რის გამოც არაეკონომიურად იქნა გამოყენებული კომპანიის ფინანსური რესურსები 25.6 ათასი ლარის ოდენობით.

ევროპის რეკონსტრუქციისა და განვითარების ბანკის (EBRD) დაფინანსებით ხორციელდება მყარი ნარჩენების მართვის პროექტი, რომლის ფარგლებში შეძენილი ქონება გადაეცა მუნიციპალიტეტებს სესხებად და ფინანსურ ანგარიშებაში „გრძელვადიანი სესხები არასაბიუჯეტო სახსრებით“ მუხლზე ასახულია 27,397,810 ლარის მოცულობით, აღნიშნულ სესხებზე მუნიციპალიტეტებთან სასესხო თანხის განმსაზღვრელი ხელშეკრულებები და დანართი N1 არ გაფორმებულა, თუმცა აუდიტის მიმდინარეობის პროცესში ეტაპობრივად გაფორმდა შედარების აქტები, რის საფუძველზეც გაცემული სესხების - 26,635,796 ლარის გაცემა დადასტურდა, ხოლო 762,014 ლარის სესხების აღიარებაზე პირველადი დოკუმენტები ვერ იქნა წარმოდგენილი.

მთავრობის დადგენილების მიხედვით, ავტომობილები კლასიფიცირდება ოთხ კატეგორიად და სპეციალიზებული კლასის ავტომობილებად. თითოეული კლასის ავტომობილისთვის მოცემულია ფლობის ღირებულების ზღვრული ოდენობა და განსაზღვრულია კონკრეტული კლასით სარგებლობის უფლების მქონე პირთა კატეგორია/თანამდებობა. ასევე, იმ შემთხვევაში, თუკი შემსყიდველი ორგანიზაციის საჭიროებიდან გამომდინარე ავტოსატრანსპორტო საშუალების სპეციფიკაცია განსხვავებულია ამ წესით დადგენილი სტანდარტებისგან, შემსყიდველი ორგანიზაცია ვალდებულია აღნიშნული სპეციფიკაციის ამსახველი პარამეტრები წარუდგინოს სამთავრობო კომისიას გადაწყვეტილების მისაღებად. დადგენილების ძალაში შესვლის შემდეგ, შეძენილი 274 ავტომობილიდან, მთავრობის დადგენილების მოთხოვნების დაცვით შესყიდულია მხოლოდ 59 ერთეული, ხოლო 5 (ხუთი) ორგანიზაციის მიერ შესყიდული 215 ავტომობილიდან 23 ერთეული შეძენილია მხოლოდ ავტომობილის ღირებულებით, ნაცვლად ზღვრული ფლობის ღირებულების გათვალისწინებისა (ავტომანქანქანის, ავტომანქანის სერვისის და საწვავის ხარჯის ჯამი ), ხოლო 192 ერთეული სპეციალიზირებული ავტომობილი შეძენლია სამთავრობო კომისიასთან შეუთანხმებლად.

2017 წელს კვირაში 48 საათზე მეტი იმუშავა კომპანიის ავტობუსის 1,398-დან 1,379-მა მძღოლმა, ხოლო 2018 წელს – 1,438-დან 1,420-მა მძღოლმა. ზეგანაკვეთურ შრომას განაპირობებს მძღოლების სამუშაო რეჟიმი. კერძოდ, მათი ძირითადი ნაწილი დასაქმებულია დღეგამოშვებით და დღის განმავლობაში მუშაობს 17 საათს და მეტს. აღნიშნული კატეგორიის დასაქმებულების სამუშაო პერიოდის ზეგანაკვეთური გაზრდა შესაძლოა შეიცავდეს რისკებს მგზავრთა უსაფრთხო გადაადგილების თვალსაზრისით. ზეგანაკვეთური სამუშაოს დაფინანსება კომპანიისათვის წამგებიანია ფინანსურადაც. კვირაში 48 საათზე მეტი ზეგანაკვეთური სამუშაოს შესრულებისას, დასაქმებულის საათობრივი სახელფასო განაკვეთი იზრდება 25%-ით. 2017-2018 წლებში კომპანიამ გაზრდილი სატარიფო განაკვეთის სახით აანაზღაურა 1,310.9 ათასი ლარი.

სსიპ - საქართველოს მუნიციპალური განვითარების ფონდის ფინანსურ ანგარიშგებაში ასახულია 5,591,004 ლარის ვადაგადაცილებული დებიტორული დავალიანებები. ვადაგადაცილებები გამოწვეულია იმით, რომ დებიტორები - შპს „საქართველოს წყალმომარაგების კომპანია“ (3,447,644 ლარი) და ქ. ფოთის მუნიციპალიტეტი (2,143,360), არ ეთანხმებიან თანხის გადახდის ვალდებულებას. ფონდის განმარტებით, ამ ეტაპზე მიმდინარეობს მოლაპარაკებები და სამუშაო პროცესი დავალიანების ამოღებასთან დაკავშირებით. აღნიშნული პროცესის დროში გაჭიანურებამ შესაძლოა გავლენა იქონიოს ფონდის მიერ მისაღები ფინანსური რესურსის მიმდინარე ღირებულებაზე.

მთავრობის დადგენილებაში მოცემული მოთხოვნები არ იძლევა ალტერნატიულ ენერგიაზე მომუშავე (მაგალითად: ჰიბრიდული და ელექტროავტომობილები) ავტომობილების შეძენის შესაძლებლობას, რაც, თავის მხრივ, ზღუდავს საწვავის და ავტომობილების საექსპლოატაციოდ საჭირო ფინანსების ეკონომიურ ხარჯვას და ეკოლოგიურად სუფთა სატრანსპორტო სისტემების ხელშეწყობას.

კომპანიის ადმინისტრაციულ შენობაში დასაქმებულების მაგალითზე ფიქსირდება გაცდენილი დღეების, დაგვიანებების და ადრე წასვლის მრავალი შემთხვევა. გარდა ამისა, კომპანიაში დანერგილი სისტემა სამუშაო დროის აღრიცხვის შესახებ შეიცავს ხარვეზებს, რითაც არ არის გამორიცხული სრული შრომითი ანაზღაურება გაიცეს დასაქმებულზე, რომელსაც დაკისრებული მოვალეობა არ შეუსრულებია ან ნაწილობრივ შეასრულა.

საავტომობილო გზების დეპარტამენტი შესრულებული სამუშაოების საფუძველზე შექმნილ ძირითად აქტივებს (ადგილობრივი მნიშვნელობის გზები) „გრანტების“ მუხლით გადასცემს შესაბამის მუნიციპალიტეტებს. გადაცემის დროს დეპარტამენტსა და მუნიციპალიტეტებს შორის არ ფორმდება მიღება-ჩაბარების აქტები და გადაცემა ხდება წერილის და თანდართული საპროექტო და სამშენებლო სამუშაოების დოკუმენტების საფუძველზე, რომელიც, თავის მხრივ, არ აკისრებს მუნიციპალიტეტს ვალდებულებას გადმოცემულ აქტივზე განახორციელოს მოვლა-პატრონობა.

მსოფლიოში დანერგილი საუკეთესო პრაქტიკების მიხედვით, ნებისმიერი სატრანსპორტო საშუალების შეძენამდე, ხორციელდება ხარჯსარგებლიანობის ანალიზი (Cost-benefit analysis). აღნიშნული პრინციპით საქმიანობა ეხმარება სახელმწიფო ავტოპარკის მართვის ორგანოებს, აკონტროლონ რამდენად დროულია და ხარჯეფექტურია ავტოპარკის განახლება. კანონმდებლობა არ ითვალისწინებს სახელმწიფო ავტოპარკის მართვაში ხარჯეფექტურობის ანალიზის პრინციპებს და ის არც პრაქტიკაშია დანერგილი.

კომპანიამ ვერ უზრუნველყო შესასყიდი ბუნებრივი გაზის სავარაუდო მოცულობის სწორად განსაზღვრა, რის გამოც არარაციონალურად განკარგა 1,575.7 ათასი ლარის ფულადი რესურსი. აღნიშნული ოპერაციით კომპანიამ დაკარგა 90.2 ათასი ლარის შემოსავლის მიღების შესაძლებლობა, რომელიც დაერიცხებოდა სარგებლის სახით, მომსახურე ბანკში არსებულ ნაშთზე.

N1355 საბუღალტრო ანგარიშზე - „მოთხოვნები ფულად სახსრებსა და მათ ეკვივალენტებზე მომსახურების მიწოდებით“, 31,634.95 ათასი ლარის ნაშთი, რაც კონსოლიდირებულ ბალანსში წარმოდგენილი „სხვა მოკლევადიანი ფინანსური აქტივების“ და „სხვა მოკლევადიანი მოთხოვნების“ ნაშთების ჯამური თანხის 38%-ს შეადგენს, გადმოვიდა უმაღლესი დაწესებულებების ბალანსებიდან და შედგება სტუდენტების მიმართ მოთხოვნებისაგან, რომლებიც წარმოშობილია სწავლების მომსახურების გაწევის საფუძველზე. საანგარიშგებო პერიოდში არ განხორციელებულა აღნიშნული მოთხოვნების ინვენტარიზაცია. ამასთანავე, სტუდენტთა დიდი რიცხოვნობისა და სტუდენტთა იდენტიფიცირებისათვის პერსონალურ მონაცემთა წვდომის შეზღუდვის გამო, შეუძლებელი იყო დამატებითი აუდიტორული პროცედურებითაც საკმარისი და შესაფერისი მტკიცებულებების მოპოვება. ზოგიერთ უნივერსიტეტში, ბუღალტრულ აღრიცხვას და ფინანსურ ანგარიშგებას აწარმოებენ ქაღალდზე, არ არის დანერგილი ლიცენზირებული საბუღალტრო პროგრამები. ხშირ შემთხვევაში, ერთსა და იმავე საკითხზე მოპოვებული მტკიცებულებები წინააღმდეგობაშია ერთმანეთთან და არსებითი ხასიათის შეუსაბამობებს შეიცავს. დანერგილი და მოქმედი კონტროლის სისტემა არაეფექტიანია და არსებობს მაღალი რისკი, რომ შეცდომები არ იქნება გამოვლენილი. აქედან გამომდინარე, არ დასტურდება N1355 საბალანსო ანგარიშზე „მოთხოვნები ფულად სახსრებსა და მათ ეკვივალენტებზე მომსახურების მიწოდებით“ 31,634.95 ათასი ლარის ნაშთის სისწორე.

მთავრობის დადგენილებით, „სამორიგეო ავტომობილი − ზოგადი სამსახურებრივი საჭირო¬ე¬ბიდან გამომდინარე დაკისრებული სამსახურებრივი მოვალეობების შესასრულებლად გან¬კუთ¬ვნილი ავტოსატრანსპორტო საშუალებაა, რომელიც გამოიყოფა ყოველი კონკ¬რეტული მოთხოვნის საფუძველზე დაწესებულების კონკრეტულ თანამ¬შრომელზე“. 34 უწყებიდან − 33-ში არ ხდება დადგენილების მოთხოვნების დაცვა და სამორიგეო ავტომობილების დანიშნულებისამებრ გამოყენების კონტროლი, რაც სამორიგეო ავტომობილის არადანიშნულებით გამოყენების შესაძლებლობას იძლევა.

სასამართლო გადაწყვეტილებების მიხედვით, კომპანიამ ოთხ შემთხვევაში დასაქმებულები კანონშეუსაბამოდ გაათავისუფლა დაკავებული თანამდებობიდან და სრულად არ გამოიყენა მინიჭებული უფლება საკუთარი ინტერესების დასაცავად. შესაბამისად, მმართველობით პროცესში კანონმდებლობის დარღვევით მიღებული გადაწყვეტილების შედეგად, კომპანიამ 2017-2018 წლებში გასწია 200.0 ათასი ლარის დამატებითი ხარჯი.

• სახელმწიფო უნივერსიტეტებს: სსიპ - ბათუმის შოთა რუსთაველის სახელმწიფო უნივერსიტეტი სსიპ - იაკობ გოგებაშვილის სახელობის თელავის სახელმწიფო უნივერსიტეტი სსიპ - ივანე ჯავახიშვილის სახელობის თბილისის სახელმწიფო უნივერსიტეტი სსიპ - ილიას სახელმწიფო უნივერსიტეტი სსიპ – სამცხე - ჯავახეთის სახელმწიფო უნივერსიტეტი სსიპ - შოთა მესხიას ზუგდიდის სახელმწიფო სასწავლო უნივერსიტეტი სსიპ - გორის სახელმწიფო სასწავლო უნივერსიტეტი სსიპ - სოხუმის სახელმწიფო უნივერსიტეტი არ აქვთ შეფასებული და ბალანსზე აღრიცხული არასასოფლო-სამეურნეო დანიშნულების მიწა, რომლებზეც განთავსებულია შენობა-ნაგებობები. აღნიშნულის მიზეზია ის, რომ საქართველოს მთავრობის 2006 წლის 16 მარტის N58 დადგენილების საფუძველზე დაფუძნებული ზოგიერთი სამეცნიერო-კვლევითი დაწესებულების რეორგანიზაციის შედეგად, უნივერსიტეტებს გადმოეცათ ამავე კვლევითი დაწესებულებების უძრავი ქონება. გადმოცემის დროს უნივერსიტეტების ბალანსზე ასახულია მხოლოდ შენობა-ნაგებობები და ცალკე არ არის გამოყოფილი და აღრიცხული მიწის ნაკვეთები, რომელზედაც ეს შენობა-ნაგებობებია განთავსებული. • ახალგაზრდობის ეროვნული ცენტრის ბალანსზე „არაწარმოებული აქტივების“ სახით აღრიცხული არ არის 2014 წელს სარგებლობის უფლებით, არსებობის ვადით, გადაცემული ამბროლაურის რაიონის სოფელ ნიკორწმინდაში 29 983.00 კვ.მ; არასასოფლო-სამეურნეო მიწის ნაკვეთი, რომელზედაც განთავსებულია და ფუნქციონირებს შაორის „მომავლის ბანაკი“ .

ძალოვანი უწყებების მოსამსახურეები სრულყოფილად არ არიან უზრუნველყოფილნი, ნორმებით დადგენილი ოდენობების უნიფორმებით, ნორმები არ ასახავს რეალურ საჭიროებას და გადახედვას საჭიროებს. არასაკმარისი ფინანსური რესურსის გამო, ვერ ხდება სამხედრო მოსამსახურეების უნიფორმით სრულად უზრუნველყოფა. სხვადასხვა აუდიტის ობიექტზე არსებობს რესურსების პროდუქტიულად გამოყენების მნიშვნელოვანი პოტენციალი. კერძოდ, არაპრიორიტეტული ჯგუფებისთვის უნიფორმის მიწოდების შემცირებით, შესაძლოა მეტი რესურსის პრიორიტეტულ ჯგუფებზე მიმართვა. მაგალითად, თუ პირი ორგანიზაციაში ადმინისტრაციულ ფუნქციას ასრულებს, მასზე გაცემული საველე უნიფორმა ნაკლებად ცვდება, რადგან ის არ მონაწილეობს ყოველდღიურ წვრთნებში. შესაბამისად შესაძლებელია უნიფორმის მოხმარების ვადის გაზრდა, რაც გამოიწვევს ეკონომიას. აუდიტის მიერ შესწავლილი შემთხვევებიდან, დაახლოებით 4,2 მილიონი ლარი შესაძლოა უფრო პროდუქტიულად იქნეს გამოყენებული და მისი ნაწილი მიიმართოს უნიფორმის შესყიდვაზე იმ მოსამსახურეებისთვის, რომელთაც აღნიშნულის მეტი საჭიროება გააჩნიათ. შინაგან საქმეთა სამინისტროს სხვადასხვა უწყებაში უნიფორმები განსახვავებულად არის ნორმირებული სხვადასხვა ჯგუფებისთვის, რაც ლოგიკურია, თუმცა აღნიშნული არ არის საკმარისად არგუმენტირებული. მაგალითად, უბნის ინსპექტორს, რომელსაც ყოველდღიურად უწევს ფეხით სიარული, ნორმით არ ეკუთვნის ფეხსაცმელი, თუმცა ის გათვალისწინებულია საპატრულო პოლიციისა და დაცვის პოლიციის დეპარტამენტის თანამშრომლებისათვის.

აუდიტით შესწავლილი 34 ორგანიზაციების მიერ, საწვავის ლიმიტების განსაზღვრის წინაპიროებები არ არის ჩამოყალიბებული;

კომპანიამ მიმწოდებლისაგან დროულად არ მოთხოვა აუთვისებელი საავანსო თანხის დაბრუნება. შესაბამისად, დაკარგა ანგარიშზე არსებულ თანხაზე საბანკო პროცენტის მიღების შესაძლებლობა. კერძოდ, 2018 წლის 25 იანვრამდე პერიოდისათვის მას დაერიცხებოდა 727 ათას ლარზე მეტი სარგებელი.

• ახალგაზრდობის ეროვნული ცენტრის ბალანსზე ძირითადი აქტივების ანგარიშზე არასაცხოვრებელი შენობა-ნაგებობების სახით აღრიცხულია მსოფლიო ბანკთან გაფორმებული საგრანტო ხელშეკრულების ფარგლებში 2008-2012 წლებში საქართველოს რიგი მუნიციპალიტეტების საკუთრებაში არსებული ახალგაზრდული ოფისების სარემონტო სამუშაოების ღირებულება 119.42 ათასი ლარის ოდენობით . ფაქტობრივად კი, საბუღალტრო ჩანაწერების შესაბამისად , საბალანსო ღირებულება შეადგენს 195.41 ათას ლარს. საანგარიშგებო პერიოდში აღნიშნული ოფისები ახალგაზრდობის ეროვნული ცენტრის კონტროლირებად რესურსს აღარ წარმოადგენენ და შესაბამისად, აღარ გამოიყენება ეკონომიკურ საქმიანობაში. აქედან გამომდინარე, მოცემული კაპიტალიზებული ხარჯები არ აკმაყოფილებენ აქტივად აღიარების კრიტერიუმებს. • ეროვნული ცენტრის ბალანსზე არამატერიალური აქტივების სახით აღრიცხულია , 2008-2012 წლებში შეძენილი 22.86 ათასი ლარის საბალანსო ღირებულების ვიდეორგოლები, რომელთა მიხედვით, ორგანიზაციაში ეკონომიკური სარგებლის მიღება და მომსახურების პოტენციალის შემოსვლა არ ხდება.

ძალოვანი უწყებების მოსამსახურეები სრულყოფილად არ არიან უზრუნველყოფილნი, ნორმებით დადგენილი ოდენობების უნიფორმებით, ნორმები არ ასახავს რეალურ საჭიროებას და გადახედვას საჭიროებს. არასაკმარისი ფინანსური რესურსის გამო, ვერ ხდება სამხედრო მოსამსახურეების უნიფორმით სრულად უზრუნველყოფა. სხვადასხვა აუდიტის ობიექტზე არსებობს რესურსების პროდუქტიულად გამოყენების მნიშვნელოვანი პოტენციალი. კერძოდ, არაპრიორიტეტული ჯგუფებისთვის უნიფორმის მიწოდების შემცირებით, შესაძლოა მეტი რესურსის პრიორიტეტულ ჯგუფებზე მიმართვა. მაგალითად, თუ პირი ორგანიზაციაში ადმინისტრაციულ ფუნქციას ასრულებს, მასზე გაცემული საველე უნიფორმა ნაკლებად ცვდება, რადგან ის არ მონაწილეობს ყოველდღიურ წვრთნებში. შესაბამისად შესაძლებელია უნიფორმის მოხმარების ვადის გაზრდა, რაც გამოიწვევს ეკონომიას. აუდიტის მიერ შესწავლილი შემთხვევებიდან, დაახლოებით 4,2 მილიონი ლარი შესაძლოა უფრო პროდუქტიულად იქნეს გამოყენებული და მისი ნაწილი მიიმართოს უნიფორმის შესყიდვაზე იმ მოსამსახურეებისთვის, რომელთაც აღნიშნულის მეტი საჭიროება გააჩნიათ. შინაგან საქმეთა სამინისტროს სხვადასხვა უწყებაში უნიფორმები განსახვავებულად არის ნორმირებული სხვადასხვა ჯგუფებისთვის, რაც ლოგიკურია, თუმცა აღნიშნული არ არის საკმარისად არგუმენტირებული. მაგალითად, უბნის ინსპექტორს, რომელსაც ყოველდღიურად უწევს ფეხით სიარული, ნორმით არ ეკუთვნის ფეხსაცმელი, თუმცა ის გათვალისწინებულია საპატრულო პოლიციისა და დაცვის პოლიციის დეპარტამენტის თანამშრომლებისათვის.

"აუდიტის შედეგად ავტომობილების მიერ მოხმარებულ საწვავთან დაკავშირებით გამოვლინდა შემდეგი ნაკლოვანებები:

ქ. თბილისის მუნიციპალიტეტის მიერ დაწესებული კონტროლის მექანიზმები კომპანიის სამეურნეო საქმიანობის რეგულირების მხრივ, ზოგიერთ შემთხვევაში არასაკმარისია. კერძოდ, მოქმედი კონტროლის სისტემებით ვერ იქნა უზრუნველყოფილი მგზავრობისათვის დაწესებული შეღავათების დადგენილი წესის შეუსაბამოდ გამოყენების, ქონების არარაციონალური განკარგვისა და ფინანსური რესურსების არაეფექტიანი ხარჯვის რისკების გამოვლენა. გარდა ამისა, მუნიციპალიტეტში სათანადოდ არ არის გაანალიზებული კომპანიის სამეურნეო საქმიანობის ცალკეული მიმართულებები, რაც გააუმჯობესებდა კომპანიის საქმიანობის შედეგებს.

გამოვლენილი გარემოებები: • სამინისტროს დაქვემდებარებულ სსიპ-ებში (საქართველოს ტექნიკური უნივერსიტეტი, გორის სახელმწიფო სასწავლო უნივერსიტეტი, თბილისის ივანე ჯავახიშვილის სახელობის სახელწიფო უნივერსიტეტი, იაკობ გოგებაშვილის სახელობის თელავის სახელმწიფო უნივერსიტეტი, თბილისის სახელმწიფო სამედიცინო უნივერსიტეტი, სამცხე-ჯავახეთის სახელმწიფო უნივერსიტეტი, გიორგი ელიავას სახელობის ბაქტერიოფაგიის, მიკრობიოლოგიისა და ვირუსოლოგიის ინსტიტუტი) ძირითად საშუალებებზე, კერძოდ, შენობა-ნაგებობებზე დარიცხულმა ცვეთის ხარჯმა ჯამურად შეადგინა 2,032,440.81 ათასი ლარი. აღნიშნულ აქტივებზე, განურჩევლად მათი კატეგორიებისა, დარიცხულია ცვეთა 1%-ის ოდენობით. შესაბამისად, არ არის გამიჯნული ცვეთის ნორმა შენობა-ნაგებობის კატეგორიების მიხედვით . • ახალგაზრდობის ეროვნული ცენტრის მიერ 2010-2017 წლებში ცვეთის ნორმების არასწორი და შეუსაბამო კიეფიციენტების გამოყენების შედეგად , ანაკლიის „მომავლის ბანაკის“ შენობა-ნაგებობების საბალანსო ღირებულება 2017 წლის 31 დეკემბრის მდგომარეობით, შემცირებულია 1,169.20 ათასი ლარით და ამავე ოდენობით გაზრდილია ძირითადი კაპიტალის მოხმარება. • 2017 წლის 31 დეკემბრის მდგომარეობით, ეროვნული ცენტრის ბალანსის ძირითადი აქტივების ანგარიშზე შაორის ბანაკის სახით ირიცხება 1,032.86 ათასი ლარის არასაცხოვრებელი შენობა-ნაგებობები და სხვა აქტივები. შენობა-ნაგებობების ცალკეული კატეგორიების მიხედვით, ცვეთის ნორმების და წინა წლებში ცვეთის დაურიცხაობის გათვალისწინებით, ხის კოტეჯების და სხვა დანარჩენი ქონების ნარჩენ ღირებულებას უნდა შეედგინა 944.27 ათასი ლარი. შესაბამისად, აღნიშნული აქტივების საბალანსო ღირებულება 2017 წლის 31 დეკემბრის მდგომარეობით, გაზრდილია 88.63 ათასი ლარით. • არამატერიალურ აქტივებზე ცვეთის არასწორი გაანგარიშება - არამატერიალური ძირითადი აქტივები არ არის გამიჯნული ხელშეკრულებით განსაზღვრული მომსახურების ვადის მიხედვით. იქ სადაც შესაძლებელია აქტივის სასარგებლო მომსახურების ვადის განსაზღვრა, აუდიტის ობიექტის მიერ ცვეთის ხარჯი სასარგებლო მომსახურების ვადის პროპორციულად არ არის დაანგარიშებული , • იქ, სადაც შესაძლებელია აქტივის სასარგებლო მომსახურების ვადის განსაზღვრა, აუდიტის ობიექტის მიერ ცვეთის ხარჯი სასარგებლო მომსახურების ვადის პროპორციულად არ არის დაანგარიშებული , კერძოდ: o სსიპ - აკაკი წერეთელის სახელმწიფო სასწავლო უნივერსიტეტის ბალანსზე რიცხულ 357.55 ათასი ლარის ღირებულების არამატერიალურ ძირითად აქტივებზე ერთობლივად დარიცხულია 25%-იანი წლიური ცვეთა. o სსიპ - გორის სახელმწიფო სასწავლო უნივერსიტეტის ბალანსზე რიცხულ 32.30 ათასი ლარის ღირებულების არამატერიალურ ძირითად აქტივებზე ერთობლივად დარიცხულია 10%-იანი წლიური ცვეთა. • ცვეთის საამორტიზაციო ანარიცხების თანხა გაანგარიშებულია შემცირებული ნაშთის ანუ ცვეთის დაჩქარებული მეთოდით, რაც გულისხმობს ცვეთის თანხის გაანგარიშებას - პირველ წელს მათი საწყისი (ისტორიული) ღირებულების გამრავლებით ინსტრუქციით გათვალისწინებულ წლიურ ნორმაზე, ხოლო შემდგომ წლებში - საბალანსო ღირებულების გამრავლებით ინსტრუქციით გათვალისწინებულ წლიურ ნორმაზე. კერძოდ, ცვეთის ხარჯი დარიცხულია 31.12.2016 წლის მდგომარეობით გაანგარიშებულ საბალანსო ღირებულებაზე: o სსიპ აკაკი წერეთლის სახელწიფო სასწავლო უნივერსიტეტში - 792.23 ათასი ლარის ოდენობით; o სსიპ სოხუმის სახელმწიფო უნივერსიტეტში - 314.14 ათასი ლარის ოდენობით.

უნიფორმების მარაგების მართვის დადგენილი პოლიტიკა უწყებებში არ არსებობს. კერძოდ, არ არის დადგენილი უნიფორმის თითოეული ატრიბუტიკის სარეზერვო ნორმა. გარდა აღნიშნულისა, უწყებებში უნიფორმების ნორმების ცვლილებები ხშირია, რაც გულისხმობს უნიფორმის ფერის, დიზაინის ცვლილებას და ახალი შესყიდვის განხორციელების საჭიროებას.

შესწავლილი 34 ობიექტიდან 6-ში, გარდა სამსახურებრივი მანქანებისა, საწვავის ლიმიტი დაწესებული იყო თანამშრომლების პირად მანქანებზე. 2017 წლის განმავლობაში, სამსახურებრივი საჭიროებიდან გამომდინარე, პირად ავტომობილებზე გაცემულია 1,085,740 ლარის ღირებულების 548,654 ლიტრი საწვავი. ბრძანებებსა და პატაკებში არ არის დასაბუთებული კონკრეტულ თანამშრომლებზე საწვავის ლიმიტის დაწესების საჭიროება და რაოდენობის განსაზღვრის კრიტერიუმები. გამომდინარე აქედან, გაურკვეველია ლიმიტები დაწესებულია თუ არა რაციონალურობის პრინციპის გათვალისიწნებით. ზემოაღნიშნული ორგანიზაციებიდან შეირჩა 92 ერთეული კერძო საკუთრებაში არსებული ისეთი ავტომობილი, რომლებიც წლის განმავლობაში რეგულარულად მოიხმარდნენ საწვავს და თვიური ათვისების მაჩვენებლები ლიმიტებთან იყო მიახლოებული. აგაი-ს მონაცემების ანალიზით გამოიკვეთა, რომ შერჩეული ავტომობილებიდან 67 (73%)-ზე, საწვავის ლიმიტები გახარჯულია თანამშრომლების (მესაკუთრე) შვებულებაში ყოფნის პერიოდში,

არამატერიალური ძირითადი აქტივები არ არის გამიჯნული ხელშეკრულებით განსაზღვრული მომსახურების ვადის მიხედვით. იქ სადაც შესაძლებელია აქტივის სასარგებლო მომსახურების ვადის განსაზღვრა, აუდიტის ობიექტის მიერ ცვეთის ხარჯი სასარგებლო მომსახურების ვადის პროპორციულად არ არის დაანგარიშებული , კერძოდ: • სსიპ - აკაკი წერეთელის სახელმწიფო სასწავლო უნივერსიტეტის ბალანსზე რიცხულ 357.55 ათასი ლარის ღირებულების არამატერიალურ ძირითად აქტივებზე ერთობლივად დარიცხულია 25%-იანი წლიური ცვეთა. • სსიპ - გორის სახელმწიფო სასწავლო უნივერსიტეტის ბალანსზე რიცხულ 32.30 ათასი ლარის ღირებულების არამატერიალურ ძირითად აქტივებზე ერთობლივად დარიცხულია 10%-იანი წლიური ცვეთა.

უნიფორმების მარაგების მართვის დადგენილი პოლიტიკა უწყებებში არ არსებობს. კერძოდ, არ არის დადგენილი უნიფორმის თითოეული ატრიბუტიკის სარეზერვო ნორმა. გარდა აღნიშნულისა, უწყებებში უნიფორმების ნორმების ცვლილებები ხშირია, რაც გულისხმობს უნიფორმის ფერის, დიზაინის ცვლილებას და ახალი შესყიდვის განხორციელების საჭიროებას.

2014 წელს სახელმწიფო უწყებებს დაევალათ ავტოპარკის ოპტიმიზაციის გეგმების შედგენა და სახელმწიფო კომისიისთვის წარდგენა, რაც 2018 წლის 31 დეკემბრის მდგომარეობითაც არ არის დამტკიცებული. შედეგად, მთავრობის N121 დადგენილების უმთავრესი მიზანი, სახელმწიფო ავტოპარკის ოპტიმიზაცია მიღწეული არ არის.

საბიბლიოთეკო ფონდის წილი სხვა მანქანა-დანადგარები და ინვენტარის საბალანსე ანგარიშის საბოლოო ნაშთში შეადგენს 43%-ს. საბიბლიოთეკო ფონდებში ჩართულია საკოლექციო წიგნები, უნიკალური ხელნაწერები, გამოცემები და რარიტეტები, რომლებიც არ გამოიყენება მოხმარების მიზნით, გააჩნიათ მნიშვნელოვანი ღირებულება და წარმოადგენენ ღირებულების დაგროვების საშუალებას. აღნიშნულის გათვალისწინებით, მოცემული მწარმოებლური აქტივები აკმაყოფილებენ ფასეულობად აღიარების კრიტერიუმებს.

შინაგან საქმეთა სამინისტროს სხვადასხვა უწყებაში უნიფორმები განსახვავებულად არის ნორმირებული სხვადასხვა ჯგუფებისთვის, რაც ლოგიკურია, თუმცა აღნიშნული არ არის საკმარისად არგუმენტირებული. მაგალითად, უბნის ინსპექტორს, რომელსაც ყოველდღიურად უწევს ფეხით სიარული, ნორმით არ ეკუთვნის ფეხსაცმელი, თუმცა ის გათვალისწინებულია საპატრულო პოლიციისა და დაცვის პოლიციის დეპარტამენტის თანამშრომლებისათვის.

მთავრობის დადგენილებით, სახელმწიფო ავტოპარკი სარგებლობის ფორმირების მიხედვით იყოფა განპიროვნებულ და სამორიგეო ფუნქციის მქონე ავტომობილებად. გარდა ამისა, ორგანიზაციების სპეციფიკიდან გამომდინარე, განსაზღვრულია სპეციალიზებული და ოპერატიული დანიშნულების ავტომობილები. შესწავლილი 4,052 ერთეული ავტომობილიდან, 1,879-ს (46%) დადგენილებით განსაზღვრული სარგებლობის ფორმებიდან (განპიროვნებული, სამორიგეო, ოპერატიული, სპეციალური დანიშნულების), კლასიფიკაციის არც ერთი ფორმა არ აქვს მინიჭებული. სარგებლობის ფორმის განუსაზღვრელობის გამო, აღნიშნულ ავტომობილებზე მთავრობის დადგენილებით დაწესებული შეზღუდვების გავრცელება არ ხორციელდება, რაც იძლევა მათი არასამსახურებრივი დანიშნულებით გამოყენების შესაძლებლობას.

სამინისტროს და მის დაქვემდებარებულ უწყებებში (გარდა კოლეჯების,რესურსცენტრებისა და საჯარო სკოლების) თანამდებობრივი სარგოს ნაწილში დამტკიცებული საბიუჯეტო პარამეტრი 2,878.62 ათასი ლარით აღემატება საშტატო ნუსხით გათვალისწინებულ სახელფასო ფონდს. მოცემულ შემთხვევაში საბიუჯეტო პარამეტრი და მისი დაგეგმვის საფუძველი არსებითად განსხვავებულია, რამაც ბიუჯეტის დაგეგმვის ეტაპზე ხარჯის აღნიშნულ მუხლში წარმოშვა ეკონომიის შესაძლებლობა. ამასთან, საშტატოს ნუსხის შესაბამისად განსაზღვრული სახელფასო ფონდის მოცულობა 1,341.74 ათასი ლარით აღემატება ამ მუხლის მიხედვით საკასო ხარჯს (ფაქტობრივ შესრულებას). ამ ნაწილში ეკონომია თავის მხრივ განაპირობა ცალკეულ საშტატო პოზიციებზე ვაკანსიების არსებობამ, რომელიც წლების განმავლობაში არსებული არაოპტიმალური საშტატო სტრუქტურის შედეგია. ზემოაღნიშნული გარემოებების გამო წლის განმავლობაში თანამდებობრივი სარგოს მუხლში წარმოქმნილმა ჯამურმა ეკონომიამ შეადგინა 4,220.36 ათასი ლარი, რომელიც მიმართული იქნა შრომის ანაზღაურების სხვა ფორმის - პრემია/დანამატების - ხარჯების დაფინანსებაზე.

უნიფორმების შესყიდვის მიზნით გამოცხადებული ტენდერების 30% არაკონკურენტულ გარემოში მიმდინარეობდა. გამოვლინდა, რომ ასეთი შესყიდვების დროს ჯამური სავარაუდო ღირებულება შემცირდა მხოლოდ 3.3%-ით. აღნიშნული ნაკლოვანება გამოწვეულია სხვადასხვა მიზეზით, კერძოდ: საქონლის ტექნიკური მახასიათებლები ზედმეტად დეტალურად არის განსაზღვრული, რაც ზღუდავს კონკურენციას; საჯარიმო სანქციები დაწესებულია მხოლოდ მომწოდებლის მიერ პირობის შეუსრულებლობაზე და არ არის გათვალისწინებული ანალოგიური მიდგომა თავად შემსყიდველის მიმართ; პირგასამტეხლოს დაკისრება ხდება არა მისაწოდებელი საქონლის ღირებულებაზე, არამედ მთლიან სახელშეკრულებო ღირებულებაზე, ;გამოცდილების მოთხოვნების არაპროპორციულობა შესასყიდი ობიექტის ღირებულებასთან და მიწოდების ვადებთან მიმართებით.

საქართველოს მთავრობის დადგენილებით, თითოეული დაწესებულებისთვის განისაზღვრა განპიროვნებული ავტომობილებით მოსარგებლე თანამდებობის პირთა ჩამონათვალი და სამორიგეო ავტომობილების ზღვრული ოდენობები, შემდეგი პროპორციით: 100 საშტატო რიცხოვნობამდე დაწესებულების შემთხვევაში −1 (ერთი) სამორიგეო ავტომობილი ყოველ 20 საშტატო ერთეულზე, ხოლო ყოველ დანარჩენ 50 საშტატო ერთეულზე − დამატებით 1 (ერთი) ავტომობილი. შესწავლილი 34 ორგანიზაციიდან 14-ში ავტომობილების რაოდენობა მთავრობის დადგენილებით განსაზღვრულს 401 ერთეულით აღემატება, რითაც არ არის გათვალისწინებული მთავრობის დადგენილების მოთხოვნები. როგორც ზემოთ აღინიშნა, შესწავლილი ავტოპარკიდან 1,879-ს (46%) არ აქვს მინიჭებული ფუნქციური დანიშნულების სტატუსი (სამორიგეო, განპიროვნებული) მთვრობის დადგენილების მოთხოვნების მიხედვით, ხოლო ზღვრულ ოდენობაზე მეტია 401 (10%) ავტომობილი. ზემოაღნიშნული მიუთითებს, რომ დადგენილზე მეტი რაოდენობის და არაკლასიფიცირებული ავტოპარკი იძლევა შესაძლებლობას, რომ სამსახურებრივი ავტომობილით სარგებლობდეს ისეთი თანამშრომელი, რომელსაც თანამდებობრივად არ ეკუთვნის განპიროვნებული ავტომობილით სარგებლობა.

სამინისტროს ბალანსზე 2017 წლის 31 დეკემბრის მდგომარეობით რიცხული დებიტორული და კრედიტორული დავალიანებების უტყუარობა და სიზუსტე ვერ დასტურდება. შსს-ს ცენტრალური აპარატის აქტივები მოიცავს დიდი რაოდენობის დებიტორულ დავალიანებებს, რომელთა წარმოშობისა და სიზუსტის დადასტურება აუდიტის მიერ ვერ მოხდა. წლების განმავლობაში სამინისტროს მიერ არ ჩატარებულა მოთხოვნა-ვალდებულებების სრულყოფილი ინვენტარიზაცია. • 2,832.7 ათასი ლარი, 2007-2009 წლებში, საგარანტიო დოკუმენტაციის გარეშეა ავანსად გადარიცხული არარეზიდენტი იურიდიული პირების ანგარიშებზე, • ცენტრალური აპარატის ბალანსზე 2017 წელს აისახა ჯერ კიდევ 2007 წელს ლიკვიდირებული სსიპ სპეციალიზებული სამთო მაშველის ბალანსზე რიცხული, 10 წელიწადზე მეტი ხანდაზმულობის 1,891.9 ათასი ლარის დებიტორული დავალიანება. • N1356 საბალანსო ანგარიშზე 2003-2004 წლებიდან ირიცხება 182.4 ათასი ლარის დანაკლისი, რომლის წარმოშობის დამადასტურებელი პირველადი დოკუმენტები სამინისტროში არ არსებობს. • ბალანსზე აქტივებად ირიცხება 2008 წლის რუსეთ-საქართველოს ომის დროს განადგურებული და დაკარგული ქონების საბალანსო ღირებულება 4,982.2 ათასი ლარის ოდენობით, რაც ფინანსურ ანგარიშგებაში იწვევს აქტივების ნაშთის ზედმეტად წარმოდგენას.

უნიფორმების შესყიდვის მიზნით გამოცხადებული ტენდერების 30% არაკონკურენტულ გარემოში მიმდინარეობდა. გამოვლინდა, რომ ასეთი შესყიდვების დროს ჯამური სავარაუდო ღირებულება შემცირდა მხოლოდ 3.3%-ით. აღნიშნული ნაკლოვანება გამოწვეულია სხვადასხვა მიზეზით, კერძოდ: საქონლის ტექნიკური მახასიათებლები ზედმეტად დეტალურად არის განსაზღვრული, რაც ზღუდავს კონკურენციას; საჯარიმო სანქციები დაწესებულია მხოლოდ მომწოდებლის მიერ პირობის შეუსრულებლობაზე და არ არის გათვალისწინებული ანალოგიური მიდგომა თავად შემსყიდველის მიმართ; პირგასამტეხლოს დაკისრება ხდება არა მისაწოდებელი საქონლის ღირებულებაზე, არამედ მთლიან სახელშეკრულებო ღირებულებაზე, ;გამოცდილების მოთხოვნების არაპროპორციულობა შესასყიდი ობიექტის ღირებულებასთან და მიწოდების ვადებთან მიმართებით.

მთავრობის დადგენილების მიხედვით, ავტომობილები კლასიფიცირდება ოთხ კატეგორიად და სპეციალიზებული კლასის ავტომობილებად. თითოეული კლასის ავტომობილისთვის მოცემულია ფლობის ღირებულების ზღვრული ოდენობა და განსაზღვრულია კონკრეტული კლასით სარგებლობის უფლების მქონე პირთა კატეგორია/თანამდებობა. ასევე, იმ შემთხვევაში, თუკი შემსყიდველი ორგანიზაციის საჭიროებიდან გამომდინარე ავტოსატრანსპორტო საშუალების სპეციფიკაცია განსხვავებულია ამ წესით დადგენილი სტანდარტებისგან, შემსყიდველი ორგანიზაცია ვალდებულია აღნიშნული სპეციფიკაციის ამსახველი პარამეტრები წარუდგინოს სამთავრობო კომისიას გადაწყვეტილების მისაღებად. დადგენილების ძალაში შესვლის შემდეგ, შეძენილი 274 ავტომობილიდან, მთავრობის დადგენილების მოთხოვნების დაცვით შესყიდულია მხოლოდ 59 ერთეული, ხოლო 5 (ხუთი) ორგანიზაციის მიერ შესყიდული 215 ავტომობილიდან 23 ერთეული შეძენილია მხოლოდ ავტომობილის ღირებულებით, ნაცვლად ზღვრული ფლობის ღირებულების გათვალისწინებისა (ავტომანქანქანის, ავტომანქანის სერვისის და საწვავის ხარჯის ჯამი ), ხოლო 192 ერთეული სპეციალიზირებული ავტომობილი შეძენლია სამთავრობო კომისიასთან შეუთანხმებლად.

მუნიციპალიტეტს თავისუფალი ნაშთის სახით 2017 წელს უფიქსირდება - 1,641.7 ათასი ლარი, ხოლო 2018 წელს - 3,066.8 ათასი ლარი. ანგარიშზე არსებული მნიშვნელოვანი თანხების მიუხედავად, მუნიციპალიტეტმა ვერ უზრუნველყო დაუსრულებელი ინფრასტრუქტურული და სოციალური პროექტების დაფინანსება.

შეზღუდული პასუხისმგებლობის საზოგადოებების წილის მფლობელები შესაბამის ზედამხედველობას არ უწევდნენ შპს-ების საქმიანობას, არ ტარდება შესაბამისი მმართველობითი ღონისძიებები, შედეგად, 14 შპს-ს ფინანსური შედეგი დასრულებული აქვს ზარალით, 7 შპს არ ფუნქციონირებს და მათ საკუთრებაში არსებული აქტივების ძირითად ნაწილზე მიმდინარეობს სამართლებრივი პროცედურები, მათ შორის, 3 შპს-ის დამფუძნებლებს არ ჰქონდათ ინფორმაცია მათი არსებობის შესახებ, თუმცა საჯარო რეესტრის მონაცემებით, აჭარის ავტონომიური რესპუბლიკის წილობრივი მონაწილეობით მოქმედი საწარმოებია. ასევე აჭარის ავტონომიური რესპუბლიკის მმართველობაში მყოფ 10 შპს-ზე დადგა გადახდისუუნარობის და გაკოტრების წინაპირობა, რითაც სახელმწიფო ბიუჯეტს შესაძლოა მიადგეს ზიანი;

N1451 საბალანსო ანგარიშზე (მოთხოვნები ანგარიშვალდებული პირების მიმართ ავანსად გაცემული თანხებით) 2017 წლის 31 დეკემბრის მდგომარეობით ნაშთად ირიცხება 212.8 ათასი ლარით ნაკლები თანხა, ვიდრე ანალიზური აღრიცხვის მონაცემებით უნდა ერიცხებოდეთ ანგარიშვალდებულ პირებს. აღნიშნული თანხით შემცირებულია ბალანსზე რიცხული აქტივები.

მთავრობის აპარატის მიერ წარმოებულ „თანამშრომელთა აღრიცხვის ჟურნალში“ არ ფიქსირდება თანამშრომელთა სამსახურში გამოცხადებისა და სამუშაო ადგილის დატოვების ზუსტი დრო, რის გამოც დაუსაბუთებელი ხდება კონკრეტული თანამშრომლისათვის შინაგანაწესით განსაზღვრული ყოველდღიური სამუშაო დროის ხანგრძლივობის დადგენა. აგრეთვე, აპარატის ზოგიერთი თანამშრომელი არ ფიქსირდება აღრიცხვის ჟურნალში. ისინი ან საერთოდ არ აწერდნენ ხელს ჟურნალში, ან უმრავლეს შემთხვევაში, ჟურნალში დაფიქსირებული ხელმოწერები არასრულია, ან არ შეესაბამება რეალურ მდგომარეობას. შესაბამისად, მთავრობის აპარატში ნაწარმოებული აღრიცხვის ჟურნალი და სამუშაო დროის გამოყენების ყოველთვიური აღრიცხვის ფორმა ატარებს ფორმალურ ხასიათს, მთავრობის აპარატის მიერ არ ხორციელდება ყველა თანამშრომლის სამსახურში მოსვლისა და სამსახურიდან გასვლის სათანადო აღრიცხვა და მასზე შესაბამისი კონტროლი. ვინაიდან მოქმედი კანონმდებლობით, სამუშაო დროის გამოყენების ყოველთვიური აღრიცხვის ფორმა და სამუშაოზე გამოცხადების აღრიცხვის ჟურნალი ხელფასის დარიცხვის საფუძველია, ხოლო მთავრობის აპარატი ვერ უზრუნველყოფს თანამშრომელთა შრომის დისციპლინის ეფექტიან დაცვასა და ყოველდღიური სამუშაო დროის ზუსტ აღრიცხვა-კონტროლს, შესაბამისად, იქმნება ხელფასების სწორად გაანგარიშება-გაცემის რისკები.

მთავრობის დადგენილებაში მოცემული მოთხოვნები არ იძლევა ალტერნატიულ ენერგიაზე მომუშავე (მაგალითად: ჰიბრიდული და ელექტროავტომობილები) ავტომობილების შეძენის შესაძლებლობას, რაც, თავის მხრივ, ზღუდავს საწვავის და ავტომობილების საექსპლოატაციოდ საჭირო ფინანსების ეკონომიურ ხარჯვას და ეკოლოგიურად სუფთა სატრანსპორტო სისტემების ხელშეწყობას.

გორის მუნიციპალიტეტმა 2016 წელს შპს „სპეცმონოლითისაგან” შეისყიდა საბავშვო ბაღის არსებული სამშენებლო პროექტის გამოყოფილ ტერიტორიაზე მიბმის საპროექტო მომსახურება . მუნიციპალიტეტმა ჩაიბარა პროექტი და აანაზღაურა მისი ღირებულება - 10.3 ათასი ლარი. 2017 წლის 3 მაისს მუნიციპალიტეტმა აღნიშნული პროექტის საფუძველზე გამოაცხადა ტენდერი საბავშვო ბაღის მშენებლობის სამუშაოების შესყიდვისათვის . ტენდერში გაიმარჯვა უცხოური საწარმოს ფილიალმა „ინშაათ საქართველომ” (შემდგომში „ინშაათ საქართველო“) და მასთან გაფორმდა ხელშეკრულება ღირებულებით 533.3 ათასი ლარი. მხარეებმა განსაზღვრეს სამუშაოების შესრულების გეგმა-გრაფიკი და სამუშაოების დასრულების ვადა - 150 კალენდარული დღე - 2017 წლის 26 ნოემბერი. ინფრასტრუქტურული პროექტის შესყიდვა წარიმართა მნიშვნელოვანი ხარვეზებით, რაც გამოწვეული იყო ხელშეკრულების პირობების შესრულებაზე არასათანადო კონტროლით. შედეგად, პროექტი ვერ განხორციელდა და ვერ იქნა მიღწეული დასახული მიზანი, რითაც ზიანი მიადგა მუნიციპალიტეტისა და ადგილობრივი მოსახლეობის ინტერესებს. მერიის მიერ მიმწოდებელზე სულ ანაზღაურებული იქნა 80.7 ათასი ლარი. მუნიციპალიტეტი სათანადოდ არ აკონტროლებდა სამუშაოების მიმდინარეობის პროცესს, მან ვერ გამოავლინა მიმწოდებლის მხრიდან გეგმა-გრაფიკზე მნიშვნელოვანი ჩამორჩენა. მიუხედავად საქმიანობაში არსებული ხარვეზებისა და სამუშაოების ნაწილის უხარისხოდ შესრულებისა, მერიამ არ დააჯარიმა მიმწოდებელი, არ შეუწყვიტა მას ხელშეკრულება და პირიქით გაუზარდა მიწოდების ვადები. გარდა ამისა, საპროექტო სახარჯთაღრიცხვო დოკუმენტაციაში ხარვეზების არსებობის შემთხვევაში, მუნიციპალიტეტს უნდა დაედგინა გამომწვევი მიზეზები და გაეტარებინა შესაბამისი ღონისძიებები საპროექტო ორგანიზაციის მიმართ, რაც არ განუხორციელებია. აღნიშნულიდან გამომდინარე მერიის შესაბამისი პასუხისმგებელი პირები საბავშვო ბაღის მშენებლობის შესყიდვის პროცესში სავარაუდოდ მოქმედებდნენ არა მუნიციპალიტეტის, არამედ კერძო სუბიექტის ინტერესებიდან გამომდინარე. შედეგად, მუნიციპალიტეტმა 2 წლის განმავლობაში ვერ უზრუნველყო დაგეგმილი პროექტის განხორციელება და მოსახლეობა ვერ სარგებლობს შესაბამისი ინფრასტრუქტურით, ხოლო თანხა - 91.0 ათასი ლარი დახარჯულია არაეფექტიანად.

შეზღუდული პასუხისმგებლობის საზოგადოებების წილის მფლობელები შესაბამის ზედამხედველობას არ უწევდნენ შპს-ების საქმიანობას, არ ტარდება შესაბამისი მმართველობითი ღონისძიებები, შედეგად, 14 შპს-ს ფინანსური შედეგი დასრულებული აქვს ზარალით, 7 შპს არ ფუნქციონირებს და მათ საკუთრებაში არსებული აქტივების ძირითად ნაწილზე მიმდინარეობს სამართლებრივი პროცედურები, მათ შორის, 3 შპს-ის დამფუძნებლებს არ ჰქონდათ ინფორმაცია მათი არსებობის შესახებ, თუმცა საჯარო რეესტრის მონაცემებით, აჭარის ავტონომიური რესპუბლიკის წილობრივი მონაწილეობით მოქმედი საწარმოებია. ასევე აჭარის ავტონომიური რესპუბლიკის მმართველობაში მყოფ 10 შპს-ზე დადგა გადახდისუუნარობის და გაკოტრების წინაპირობა, რითაც სახელმწიფო ბიუჯეტს შესაძლოა მიადგეს ზიანი;

• სამინისტროს ობიექტებზე სხვადასხვა სახის დაზიანებების ოპერატიულად აღმოსაფხვრელად, ლოჯისტიკის დეპარტამენტის თანამშრომელს გარკვეული დასახელების და ოდენობის მარაგნაწილები, ნედლეული და მასალები გამოაქვს ცენტრალური საწყობიდან და ინახავს სპეციალურად გამოყოფილ სათავსოში. აღნიშნული ქონება, მათი დანიშნულებისამებრ გამოყენებამდე პირდაპირ ჩამოიწერება ხარჯებში და აღირიცხება საცნობარო მუხლში. მოქმედი ინსტრუქციის შესაბამისად, საცნობარო მუხლში უნდა აღირიცხოს ექსპლუატაციაში გადაცემული და არა რაიმე სახის სათავსოში დასაწყობებული მატერიალური მარაგები. შედეგად, 2017 წლის 31 დეკემბრის მდგომარეობით 242.5 ათასი ლარის ღირებულების ქონება ნაადრევად არის ჩამოწერილი ხარჯებში, რითაც შემცირებულია სამინისტროს აქტივების ჯამური საბალანსო ღირებულება.

მთავრობის აპარატში 2017 წლის გარკვეულ პერიოდში ან მთელი წლის განმავლობაში, დასაქმებული იყო 11 შტატგარეშე მომუშავე, მათ შორის, 9 შტატგარეშე პირი აყვანილი იყო ხანგრძლივი პერიოდით (6-12 თვე), მუდმივ ამოცანათა შესასრულებლად და მათზე ანაზღაურდა − 67,395.50 ლარი. ამასთანავე, 2017 წელს მომუშავე 6 შტატგარეშე მოსამსახურე მთავრობის აპარატში მუშაობდა 2016 წელსაც (6-12 თვით) და ექვსივე ასრულებდა მათზე თავდაპირველად დაკისრებულ სამუშაოებს (მოვალეობებს). კანონმდებლობის მოთხოვნათა მიუხედავად, იმასთან დაკავშირებით, რომ შრომითი ხელშეკრულებით დასაქმებულ პირს (შტატგარეშე მოსამსახურე) მინიჭებული უნდა ჰქონდეს საჯარო დაწესებულების დამხმარე ან არამუდმივი ამოცანების შესრულების უფლებამოსილება, მთავრობის აპარატში შტატგარეშე მომუშავეთა დასაქმება, ისევე როგორც წინა წლებში, 2017 წელსაც ხდებოდა ხანგრძლივი პერიოდით, მუდმივი ხასიათის სამუშაოების შესასრულებლად. ამასთანავე, კვლავ არ იყო განსაზღვრული შტატგარეშე მომუშავეებთან გაფორმებულ შრომით ხელშეკრულებებში შესასრულებელი სამუშაოს შესახებ ანგარიშის წარდგენის ფორმა, ხოლო წარმოდგენილი ანგარიშებით, მათი ზოგადი ხასიათიდან გამომდინარე, ვერ ხერხდება მათ მიერ შესრულებული კონკრეტული სამუშაოს (მომსახურების) შედეგისა და აქედან მიღებული სარგებლის იდენტიფიცირება. შესაბამისად, მთავრობის აპარატის მიერ შტატგარეშე მოსამსახურეთა დასაქმების კუთხით, არ იყო გათვალისწინებული მოქმედი კანონმდებლობის მოთხოვნები, რაც წარმოქმნის შტატგარეშე მომუშავეთა დასაქირავებლად განსაზღვრული საბიუჯეტო სახსრების არაეკონომიური და არაეფექტიანი ხარჯვის რისკებს.

მსოფლიოში დანერგილი საუკეთესო პრაქტიკების მიხედვით, ნებისმიერი სატრანსპორტო საშუალების შეძენამდე, ხორციელდება ხარჯსარგებლიანობის ანალიზი (Cost-benefit analysis). აღნიშნული პრინციპით საქმიანობა ეხმარება სახელმწიფო ავტოპარკის მართვის ორგანოებს, აკონტროლონ რამდენად დროულია და ხარჯეფექტურია ავტოპარკის განახლება. კანონმდებლობა არ ითვალისწინებს სახელმწიფო ავტოპარკის მართვაში ხარჯეფექტურობის ანალიზის პრინციპებს და ის არც პრაქტიკაშია დანერგილი.

2017 წელს მუნიციპალიტეტმა გამარტივებული შესყიდვის გზით, ხელშეკრულება გაუფორმა შპს „საუკს“ საფეხბურთო სტადიონის რეაბილიტაციის სამუშაოების საპროექტო სახარჯთაღრიცხვო დოკუმენტაციის შესყიდვასთან დაკავშირებით. სახელშეკრულებო ღირებულებამ შეადგინა 40.0 ათასი ლარი, რაც მერიის მიერ ანაზღაურებული იქნა სრულად. ხელშეკრულების თანახმად, გათვალისწინებული იყო აკრედიტირებული საექსპერტო ორგანიზაციის მიერ საპროექტო დოკუმენტაციის ექსპერტიზის ჩატარება. ამ პროექტის საფუძველზე, 2017 წელს გორის მუნიციპალიტეტმა გამარტივებული შესყიდვის საშუალებით, შეისყიდა საფეხბურთო სტადიონის რეაბილიტაცია, ღირებულებით 940.9 ათასი ლარი. აუდიტის ჯგუფის მიერ შესრულებული სამუშაოების დათვალიერების შედეგად გამოვლინდა, რომ სტადიონის ტრიბუნებს შორის სივრცის ამოსავსებად გამოყენებული ლინოკრომის ფილა დაზიანებულია. შედეგად, ტრიბუნების ქვემოთ განთავსებულ გასახდელში ჩადის წყალი. შესწავლით დგინდება, რომ ტრიბუნებს შორის სივრცის ამოვსება ლინოკრომის მასალით ვერ უზრუნველყოფს წყლის შეკავებას. შესაბამისად, პროექტით არ უნდა ყოფილიყო განსაზღვრული ამ მასალის გამოყენებით სამუშაოს ჩატარება. მიუხედავად იმისა, რომ პროექტი უხარისხოდ იყო შედგენილი, მუნიციპალიტეტს საპროექტო ორგანიზაციის მიმართ არ გაუტარებია შესაბამისი ღონისძიებები და არც ზარალის ანაზღაურებაა მოთხოვნილი. მუნიციპალიტეტმა ვერ წარმოადგინა აკრედიტირებული საექსპერტო ორგანიზაციის მიერ გაცემული საპროექტო დოკუმენტაციის ექსპერტიზის დასკვნა.

შეზღუდული პასუხისმგებლობის საზოგადოებების წილის მფლობელები შესაბამის ზედამხედველობას არ უწევდნენ შპს-ების საქმიანობას, არ ტარდება შესაბამისი მმართველობითი ღონისძიებები, შედეგად, 14 შპს-ს ფინანსური შედეგი დასრულებული აქვს ზარალით, 7 შპს არ ფუნქციონირებს და მათ საკუთრებაში არსებული აქტივების ძირითად ნაწილზე მიმდინარეობს სამართლებრივი პროცედურები, მათ შორის, 3 შპს-ის დამფუძნებლებს არ ჰქონდათ ინფორმაცია მათი არსებობის შესახებ, თუმცა საჯარო რეესტრის მონაცემებით, აჭარის ავტონომიური რესპუბლიკის წილობრივი მონაწილეობით მოქმედი საწარმოებია. ასევე აჭარის ავტონომიური რესპუბლიკის მმართველობაში მყოფ 10 შპს-ზე დადგა გადახდისუუნარობის და გაკოტრების წინაპირობა, რითაც სახელმწიფო ბიუჯეტს შესაძლოა მიადგეს ზიანი;

• საზღვარგარეთ მივლინებული პოლიციის ატაშეები, ოფისის მოსაწყობად, ხშირ შემთხვევაში ახორციელებენ ისეთი საოფისე ინვენტარის (ტელევიზორი, ლეპტოპი და ა. შ.) შეძენას, რომელთა ღირებულება აღემატება 500 ლარს და აკმაყოფილებს აქტივად აღიარებისათვის განსაზღვრულ მოთხოვნებს. მიუხედავად ამისა, ისინი არ აღირიცხებიან ძირითად აქტივებად და ხორციელდება მათი პირდაპირ ხარჯში ჩამოწერა, საცნობარო მუხლში ასახვით. სულ, 2017 წლის 31 დეკემბრის მდგომარეობით ატაშეებს საცნობარო მუხლით ერიცხებოდათ 42.9 ათასი ლარის პირდაპირ ხარჯებში ჩამოწერილი ძირითადი აქტივები, რითაც შემცირებულია სამინისტროს აქტივების ჯამური საბალანსო ღირებულება.

მიუხედავად იმისა, რომ მოქმედი კანონმდებლობით, მოხელე შესაძლებელია საჯარო დაწესებულების გადაწყვეტილებით, სამსახურებრივი უფლებამოსილების განსახორციელებლად გაგზავნილ იქნეს სამსახურებრივი მივლინებით როგორც ქვეყნის ფარგლებში, ისე მის ფარგლებს გარეთ, ფაქტობრივად ვერ დასტურდება კონკრეტულად რა სამსახურებრივი უფლებამოსილების განსახორციელებლად იქნა მივლინებული მთავრობის აპარატის საერთაშორისო და არასამთავრობო ორგანიზაციებთან ურთიერთობის სამსახურის მთავარი სპეციალისტი 2-ჯერ, პოლონეთის ქალაქ კრაკოვსა და იორდანიის ქალაქ ელ-მაფრაკში. ვინაიდან აღნიშნული გამგზავრებები, მათი მიზნებიდან და შინაარსიდან გამომდინარე, საერთოდ არ ყოფილა მივლინება, მთავრობის აპარატის მიერ ორივე „მივლინებაზე“ გაწეული ხარჯები, ჯამში 2,357.60 ლარი გახარჯულია კანონმდებლობის მოთხოვნების შეუსაბამოდ. აღნიშნული მიუთითებს შესაბამისი კონტროლების ნაკლოვანებებზე და იწვევს საბიუჯეტო სახსრების კანონშეუსაბამოდ, არამიზნობრივად და არაეკონომიურად ხარჯვას.

მთავრობის დადგენილებით, „სამორიგეო ავტომობილი − ზოგადი სამსახურებრივი საჭირო¬ე¬ბიდან გამომდინარე დაკისრებული სამსახურებრივი მოვალეობების შესასრულებლად გან¬კუთ¬ვნილი ავტოსატრანსპორტო საშუალებაა, რომელიც გამოიყოფა ყოველი კონკ¬რეტული მოთხოვნის საფუძველზე დაწესებულების კონკრეტულ თანამ¬შრომელზე“. 34 უწყებიდან − 33-ში არ ხდება დადგენილების მოთხოვნების დაცვა და სამორიგეო ავტომობილების დანიშნულებისამებრ გამოყენების კონტროლი, რაც სამორიგეო ავტომობილის არადანიშნულებით გამოყენების შესაძლებლობას იძლევა.

2017-2018 წლებში, მუნიციპალიტეტმა ტენდერის გზით, 33 ხელშეკრულება გააფორმა გზების მშენებლობა, რეაბილიტაცია და მოვლა-შენახვის სამუშაოების შესყიდვისთვის, სახელშეკრულებო ღირებულებით სულ 18,785.2 ათასი ლარი. 33 ტენდერიდან 21 შემთხვევაში - შპს „საგზაო სამმართველო N1-მა“ (სახელშეკრულებო ღირებულება 12,769.9 ათასი ლარი), 8 შემთხვევაში - შპს „იბოლიამ“ (სახელშეკრულებო ღირებულება 3,629.9 ათასი ლარი) და 4 შემთხვევაში შპს „შარამ“ (სახელშეკრულებო ღირებულება 2,385.4 ათასი ლარი) გაიმარჯვა . ამ შესყიდვებიდან 21 ტენდერი ჩატარდა უკონკურენტო გარემოში, 1 პრეტენდენტის მონაწილეობით. მუნიციპალიტეტის მიერ განხორციელებულ საგზაო ინფრასტრუქტურის სამუშაოების შესყიდვებზე, სატენდერო დოკუმენტაცია მოიცავდა სხვადასხვა სახის შემზღუდავ მოთხოვნებს. აღნიშნული შეზღუდვების გამო, ხშირ შემთხვევაში ტენდერები ტარდებოდა ერთი პრეტენდენტის მონაწილეობით, ხოლო კონკურენციის შემთხვევაში ხდებოდა დაბალფასიანი სატენდერო წინადადების მქონე პრეტენდენტების დისკვალიფიკაცია. გარდა ამისა, ზოგიერთ შემთხვევაში სატენდერო კომისიას პრეტენდენტების მიმართ გააჩნდა არაერთგვაროვანი მიდგომა. ამ გარემოებების გათვალისწინებით, არსებობს რისკი იმისა, მერიამ სატენდერო პროცესი წარიმართა იმგვარად, რომ შესაძლოა სატენდერო პირობები მორგებული ყოფილიყო კონკრეტული მიმწოდებლების ინტერესებს. შედეგად მერიამ დაკარგა 92.0 ათასი ლარის ეკონომიის მიღების შესაძლებლობა.

შპს „ქ. ბათუმის რესპუბლიკური კლინიკური საავადმყოფოს“ მოქმედი რეგულაციებით, სამედიცინო საქმიანობისათვის დამტკიცებულია ხარჯების ზღვრული ნორმები, თუმცა მედიკამენტების და კვლევის ნაწილში ჩამოწერილია ნორმებთან შედარებით გაცილებით მეტი ოდენობის მედიკამენტები, შედეგად, შპს-ს მიღებული აქვს საოპერაციო ზარალი;

სამინისტროში აქტივების არასწორი კლასიფიკაციის გამო, 500 ლარზე მეტი ღირებულების ისეთი კარვები, რომლებიც გამოიყენება ერთ წელზე მეტი დროის განმავლობაში, ირიცხება საბუღალტრო ანგარიშზე N2240, როგორც გრძელვადიანი მცირეფასიანი აქტივები. შედეგად, 19.1 ათასი ლარის ღირებულების ძირითადი აქტივები ხარჯებშია ჩამოწერილი, ხოლო 158.5 ათასი ლარის ღირებულების ძირითადი აქტივები აღრიცხულია, როგორც გრძელვადიანი მცირეფასიანი აქტივები და შესაბამისად მათზე ცვეთის დარიცხვა არ ხორციელდება.

2017 წელს მთავრობის თავმჯდომარის ბრძანებების საფუძველზე, მთავრობის სარეზერვო ფონდიდან სოციალური მდგომარეობის გამო გაიცა 97,600.00 ლარის მატერიალური დახმარება. უნდა აღინიშნოს, რომ სოციალური მდგომარეობის გამო მატერიალური დახმარებები 2017 წლის რესპუბლიკური ბიუჯეტით გათვალისწინებული იყო აფხაზეთის მთავრობის წარმომადგენლობების ასიგნებებში. გარდა ამისა დადგინდა, რომ ერთი და იგივე პიროვნებები ყოველწლიურად და წელიწადში რამდენიმეჯერაც კი ფინანსდებოდნენ, მაშინ როდესაც, მსგავსი პრობლემების მქონე პირების იმავე ტიპის რიგი განცხადებები არ დაკმაყოფილდა სარეზერვო ფონდიდან და გადაიგზავნა სხვადასხვა უწყებაში, ან არც დაკმაყოფილებულა და არც გადაგზავნილა. სარეზერვო ფონდიდან ფიზიკური პირების დაფინანსების პროცესში არ იყო დაცული მოქმედი კანონმდებლობის მოთხოვნები, აგრეთვე დაფინანსების მთხოვნელ განმცხადებელთა დაკმაყოფილების კონკრეტული კრიტერიუმების არარსებობის გამო, არ იყო დაცული შერჩევის სამართლიანობა, გამჭვირვალობა და თანაბარი პირობები, რაც წარმოშობს ინტერესთა კონფლიქტის, საბიუჯეტო სახსრების არამიზნობრივად ხარჯვისა და არაეკონომიური, არაეფექტიანი, არაპროდუქტიული მართვის რისკებს. მოქმედი კანონმდებლობის მიხედვით, სარეზერვო ფონდიდან უნდა ფინანსდებოდეს რესპუბლიკური ბიუჯეტით გაუთვალისწინებელი გადასახდელები, თუმცა კანონმდებლობის აღნიშნული მოთხოვნის მიუხედავად, უმეტესად, სარეზერვო ფონდიდან ღონისძიებების განხორციელების მიზნით გაცემული თანხები, ფაქტობრივად არ იყო ბიუჯეტით გაუთვალისწინებელი გადასახდელების დაფინანსება: 12,580.00 ლარით დაფინანსდა ისეთი ღონისძიებები, რომელთა დაფინანსება მხარჯავი დაწესებულებების ბიუჯეტის სწორი დაგეგმვისა და ეფექტიანი მენეჯმენტის პირობებში, უნდა ყოფილიყო გათვალისწინებული წლიურ ასიგნებებში. შესაბამისად, სარეზერვო ფონდიდან გაცემული საბიუჯეტო სახსრების მიზნობრივად ხარჯვის კონტროლი გამოირჩევა ნაკლოვანებებით და შეიცავს საბიუჯეტო სახსრების ხარჯვის არაეკონომიური, არაეფექტიანი და არაპროდუქტიული მართვის რისკებს.

აუდიტით შესწავლილი 34 ორგანიზაციების მიერ, საწვავის ლიმიტების განსაზღვრის წინაპიროებები არ არის ჩამოყალიბებული;

2017-2018 წლებში მუნიციპალიტეტის მიერ სამშენებლო-სარემონტო სამუშაოების განხორციელების მიზნით, გამარტივებული შესყიდვის ფორმით დადებულია 3 ხელშეკრულება, ღირებულებით 1,448.6 ათასი ლარი.მუნიციპალიტეტი მიმწოდებლებთან ანგარიშსწორებას ახორციელებდა ფაქტობრივი ხარჯის დამადასტურებელი დოკუმენტების გარეშე, მხოლოდ წარმოდგენილი შესრულებული სამუშაოს აქტების საფუძველზე. შესაბამისად, მუნიციპალიტეტის მიერ წარმოდგენილი ინფორმაციის მიხედვით, გამარტივებული შესყიდვის დროს 3 შემთხვევაში (სტადიონის რეაბილიტაცია, დიზელ-გენერატორის შეძენა-მონტაჟი), სახელშეკრულებო ღირებულებით 1,448.6 ათასი ლარი, სამშენებლო სამუშაოების ანაზღაურება არ განხორციელებულა ფაქტობრივი დანახარჯების დამადასტურებელი დოკუმენტების საფუძველზე. აუდიტის ჯგუფმა ჩაატარა დამატებითი აუდიტორული პროცედურები. აუდიტის ჯგუფის მოთხოვნით, მუნიციპალიტეტმა გამოითხოვა მიმწოდებლებისათვის აღნიშნული დოკუმენტაცია. მიმწოდებლებმა წარმოადგინეს ფაქტობრივი ხარჯის დამადასტურებელი არასრული დოკუმენტაცია. წარმოდგენილ სასაქონლო ზედნადებებისა და მუნიციპალიტეტის მიერ ანაზღაურებული ღირებულების შედარების შედეგად გამოვლინდა მნიშვნელოვანი სხვაობები. ამდენად, 2017-2018 წლებში სამშენებლო სამუშაოების გამარტივებული წესით შესყიდვისას, მუნიციპალიტეტის მიერ არ არის დაცული კანონმდებლობის მოთხოვნა ფაქტობრივი დანახარჯებით ანაზღაურების შესახებ, რაც არსებული პრაქტიკით იწვევს საბიუჯეტო სახსრების ზედმეტად ანაზღაურებას. აღნიშნული რისკი დადასტურდა აუდიტის ჯგუფის მიერ ფაქტობრივი ხარჯის დამადასტურებელი დოკუმენტაციის დათვლის შედეგად. ერთი ხელშეკრულების ფარგლებში მუნიციპალიტეტის მიერ ზედმეტად ანაზღაურებული იქნა 232 ათას ლარზე მეტი.

შპს „ბათუმის ავტოტრანსპორტის“ მიერ კომპანია Smoove-ზე ველოსიპედებისა და მათი ტერმინალების მომსახურებისათვის გადახდილია მნიშვნელოვანი თანხები, თუმცა მხარეებს შორის გაფორმებული ხელშეკრულება ვერ წარმოადგინეს და ანგარიშსწორება განხორციელებულია დასაბუთების გარეშე.

• იაპონიის მთავრობის მიერ გრანტის ფარგლებში გადმოცემულ, 51 ერთეულ ელექტრომობილს, ღირებულებით - 5,342.3 ათასი ლარი, ცვეთა დაერიცხა 14%-ის ოდენობით. ინსტრუქციის მიხედვით აღნიშნული წარმოადგენს ელექტროძრავების ცვეთის ნორმას, ხოლო ელექტრომობილების ცვეთის ნორმა დადგენილი არ არის. • სამინისტროს ერიცხება დიდი ოდენობით იარაღი, რომელთა ნაწილი აკმაყოფილებს ძირითად აქტივად აღიარებისათვის მოქმედი ინსტრუქციით განსაზღვრულ მოთხოვნებს, თუმცა დამკვიდრებული პრაქტიკით მათზე ცვეთის დარიცხვა არ ხორციელდება. მოქმედი ინსტრუქციით იარაღის ცვეთის ნორმა დადგენილი არ არის, თუმცა არც ის არის განსაზღვრული რომ იარაღს ცვეთა არ ერიცხება. • არამატერიალურ ძირითად აქტივებზე ცვეთის შეცდომით დარიცხვის გამო ძირითადი აქტივების ფიზიკური ცვეთა შემცირებულია 402.9 ათას ლარით.

"აუდიტის შედეგად ავტომობილების მიერ მოხმარებულ საწვავთან დაკავშირებით გამოვლინდა შემდეგი ნაკლოვანებები:

2017-2018 წლებში მოქმედებდა მუნიციპალიტეტსა და დაინტერესებულ პირებს შორის გაფორმებული 108 საიჯარო ხელშეკრულება. იჯარით გაცემულია სულ 51 716 კვ.მ ფართი. აქედან 21 საიჯარო ხელშეკრულება გაფორმებულია აუქციონის გზით (16095 კვ.მ), ხოლო 87 ერთეული პირდაპირი განკარგვის წესით (35621კვ.მ). ვინაიდან ქონება გაცემულია პირდაპირი განკარგვის წესით იჯარის ფორმით, აუდიტის ჯგუფი დაინტერესდა, მუნიციპალიტეტის საკუთრებაში არსებული ქონება იყო თუ არა საბაზრო ფასად გაქირავებული. შესწავლით გამოვლინდა ერთი შემთხვევა, როდესაც მუნიციპალიტეტს ქონება გაცემული აქვს არასაბაზრო ფასად. გარდა ამისა, მერიაში ქონების მართვასა და განკარგვაში არსებული სუსტი კონტროლის მექანიზმების შედეგად, მუნიციპალიტეტის საკუთრებაში არსებული ქონებით სარგებლობდნენ არაუფლებამოსილი პირები. ვინაიდან 2018 წელს არ იყო გაფორმებული შესაბამისი საიჯარო ხელშეკრულებები, მუნიციპალიტეტმა დაკარგა, მინიმუმ, 30 ათასი ლარის შემოსავლის მიღების შესაძლებლობა.

შპს „ბათუმის ავტოტრანსპორტის“ მიერ კომპანია Smoove-ზე ველოსიპედებისა და მათი ტერმინალების მომსახურებისათვის გადახდილია მნიშვნელოვანი თანხები, თუმცა მხარეებს შორის გაფორმებული ხელშეკრულება ვერ წარმოადგინეს და ანგარიშსწორება განხორციელებულია დასაბუთების გარეშე.

• მოქმედი ინსტრუქციით, სამინისტროს ცენტრალური აპარატის ბალანსზე რიცხული ან/და ფაქტობრივ მფლობელობაში არსებული უძრავი ქონების ინვენტარიზაცია 2017 წელს მაინც უნდა ჩატარებულიყო, თუმცა არ ჩატარებულა. (წინა ინვენტარიზაცია ჩატარებულია 2014 წლის 15 ოქტომბრის მდგომარეობით). • სამინისტროს კუთვნილი მატერიალური ფასეულობების ინვენტარიზაცია დროულად (ბრძანებით განსაზღვრულ ვადაში) ვერ სრულდება. აღნიშნულის გამო, ინვენტარიზაციის შედეგების ბუღალტრული ასახვა შესაბამისი პერიოდის ფინანსურ ანგარიშგებაში ან საერთოდ ვერ ესწრება, ან არასრულყოფილად ხორციელდება. სამინისტროში ჩატარებული 2017 წლის ინვენტარიზაციების მასალები ისე გაიგზავნა საბუღალტრო სამსახურში, რომ ზოგიერთ მათგანს არ ახლავს სპეციალური ოქმი და შესაბამისად ვერც ხდება მათი ასახვა ფინანსურ ანგარიშგებაში, რაც ინვენტარიზაციის ჩატარების წესის დარღვევაა. შედეგად, ვერ დასტურდება რიცხული მატერიალური ფასეულობების ნაშთების არსებობა. • სამინისტროში ინვენტარიზაციების შედეგებზე რეაგირების შესახებ შიდა ნორმატიული აქტი დამტკიცებული არ არის, თუმცა დამკვიდრებული პრაქტიკით, ინფორმაცია ინვენტარიზაციის შედეგად გამოვლენილი დანაკლისის/ზედმეტობის შესახებ მოსაკვლევად ეგზავნება გენერალურ ინსპექციას, რომელიც განსაზღვრავს მატერიალურად პასუხისმგებელი პირის ბრალეულობის საკითხს. ხოლო, ასანაზღაურებელი თანხის ოდენობა განისაზღვრება ექსპერტის მიერ. აღნიშნული პროცესი რამდენიმე თვე გრძელდება და ამ პერიოდში საბუღალტრო სამსახურს არ აქვს შესაძლებლობა ინვენტარიზაციის შედეგები სრულყოფილად ასახოს ფინანსურ ანგარიშგებაში. ასევე, ხანგრძლივდება ინვენტარიზაციების შედეგად გამოვლენილი ზედმეტობის შემოსავალში აღების პროცესი, რაც შესაბამისი პერიოდის ფინანსური ანგარიშგების შედეგებზე უარყოფითად აისახება. • სამინისტროში ზოგ შემთხვევაში არასაკმარისი რეაგირება ხორციელდება ინვენტარიზაციის შედეგებზე. დანაკლისის სახით უმეტეს შემთხვევაში ფიქსირდება სრულად ამორტიზირებული ქონება, რომლის ასანაზღაურებელი თანხის ოდენობა ექსპერტის მიერ უნდა განისაზღვროს და შესაბამის მატერიალურად პასუხისმგებელ პირს დაეკისროს მისი ანაზღაურება, რაც უმეტეს შემთხვევაში არ ხორციელდება. შედეგად, სამინისტროს ბალანსზე, წლების მანძილზე დაგროვდა საცნობრო მუხლში დანაკლისების კოდზე აღრიცხული დიდი ოდენობით შეუფასებელი ქონება, რომლებზეც არ არის დაკონკრეტებული პასუხისმგებელი პირების ვინაობა და არც შესაბამის ანგარიშზეა (N1440) ასახული.

შესწავლილი 34 ობიექტიდან 6-ში, გარდა სამსახურებრივი მანქანებისა, საწვავის ლიმიტი დაწესებული იყო თანამშრომლების პირად მანქანებზე. 2017 წლის განმავლობაში, სამსახურებრივი საჭიროებიდან გამომდინარე, პირად ავტომობილებზე გაცემულია 1,085,740 ლარის ღირებულების 548,654 ლიტრი საწვავი. ბრძანებებსა და პატაკებში არ არის დასაბუთებული კონკრეტულ თანამშრომლებზე საწვავის ლიმიტის დაწესების საჭიროება და რაოდენობის განსაზღვრის კრიტერიუმები. გამომდინარე აქედან, გაურკვეველია ლიმიტები დაწესებულია თუ არა რაციონალურობის პრინციპის გათვალისიწნებით. ზემოაღნიშნული ორგანიზაციებიდან შეირჩა 92 ერთეული კერძო საკუთრებაში არსებული ისეთი ავტომობილი, რომლებიც წლის განმავლობაში რეგულარულად მოიხმარდნენ საწვავს და თვიური ათვისების მაჩვენებლები ლიმიტებთან იყო მიახლოებული. აგაი-ს მონაცემების ანალიზით გამოიკვეთა, რომ შერჩეული ავტომობილებიდან 67 (73%)-ზე, საწვავის ლიმიტები გახარჯულია თანამშრომლების (მესაკუთრე) შვებულებაში ყოფნის პერიოდში,

2018 წელს მუნიციპალიტეტმა მემორანდუმი გააფორმა ა(ა)იპ „საქართველოს ადგილობრივი თვითმმართველი ერთეულების ფინანსისტთა ასოციაციასთან“. გარდა ამისა, 2018 წელს მუნიციპალიტეტმა თანამშრომლობის ხელშეკრულება გააფორმა ა(ა)იპ „კავშირი საქართველოს ადგილობრივ თვითმმართველობათა ეროვნულ ასოციაციასთან“. ასევე აღსანიშნავია, რომ 2017 წლის 5 თვის განმავლობაში , გორის მუნიციპალიტეტის გამგეობას შტატგარეშე მოსამსახურედ დაქირავებული ჰყავდა პირი. შრომითი ხელშეკრულების თანახმად, მის მოვალეობას შეადგენდა ინვენტარიზაციის ჩატარება და ორგანიზაციის ბალანსის მომზადება. ხელშეკრულების პირობების თანახმად, მან ხუთი თვის განმავლობაში ანაზღაურების სახით 20 ათასი ლარი მიიღო. აღნიშნულით, მუნიციპალიტეტის მიერ საკონსულტაციო მომსახურებისთვის ხარჯის გაღების მიზანშეწონილობა არ არის დასაბუთებული. 2018 წელს მუნიციპალიტეტის საფინანსო-საბიუჯეტო სამსახურში, იურიდიულ და ქონების განყოფილებებში სულ დასაქმებული იყო 37 მოსამსახურე, რომელთა შრომის ანაზღაურებამ 394.9 ათასი ლარი შეადგინა. მუნიციპალიტეტის თანამშრომლები ვალდებულნი არიან გააჩნდეთ კანონმდებლობის სათანადო ცოდნა, შეძლონ მათი საქმიანობაში გამოყენება და შესაბამისად დაიცვან მერიის ინტერესები სხვადასხვა მხარეებთან ურთიერთობაში. აგრეთვე, მათ ევალებათ უზრუნველყონ ბიუჯეტის შედგენა-შესრულება, აღწერონ საკუთრებაში არსებული ქონება, ჩაატარონ ინვენტარიზაცია და შეადგინონ ორგანიზაციის ბალანსი, კანონმდებლობით გათვალისწინებული მოთხოვნების დაცვით. მიუხედავად იმისა, რომ კანონმდებლობის თანახმად, მერია ვალდებული იყო შრომის ანაზღაურების არანაკლებ 1% მიემართა მოსამსახურეთა კვალიფიკაციის ასამაღლებლად, ამ მიმართულებით საბიუჯეტო სახსრები არ დახარჯულა. გორის მუნიციპალიტეტმა ვერ წარმოადგინა შესაფერისი და საკმარისი მტკიცებულებები იმისა, თუ რა აუცილებლობით იყო განპირობებული საკონსულტაციო მომსახურებისთვის 70.1 ათასი ლარის გადახდა, ვინაიდან მუნიციპალიტეტს გააჩნია შრომითი რესურსი და ვალდებულია საკუთარი რესურსებით უზრუნველყოს აღნიშნული საქმიანობის განხორციელება. გამომდინარე აქედან, მუნიციპალიტეტის პასუხისმგებელ პირებს არ უნდა განეხორციელებინათ საკონსულტაციო მომსახურებაზე ხარჯის გაწევა. შესაბამისად, მუნიციპალიტეტის მიერ გადახდილი 70.1 ათასი ლარი წარმოადგენს არარაციონალურ ხარჯს.

წლების განმავლობაში წყლისა და წყალარინების სისტემის რეაბილიტაციისათვის გახარჯული მნიშვნელოვანი თანხების მიუხედავად, 2017-2018 წლებში დანაკარგადაა აღიარებული შპს „ბათუმის წყლის“ მიერ მოპოვებული წყლის, საშუალოდ, 70%. აბონენტების მიერ სწრაფი გადახდის აპარატებით გადახდილი მოხმარებული წყლის საფასური მომსახურე ბანკმა დროულად არ მიმართა კომპანიის ანგარიშზე, შედეგად, შპს „ბათუმის წყალმა“ დაკარგა დამატებითი შემოსავლის მიღების შესაძლებლობა.

• სამინისტროს ბალანსზე (ანგარიში 2121) სხვა ქონებასთან ერთად 2005 წლიდან უცვლელად ირიცხება 14 ცალი სხვადასხვა მოდიფიკაციის ძრავა, ჯამური ღირებულებით 11.0 ათასი ლარი. ზემოხსენებული ძრავების შესახებ სამინისტრო ინფორმაციას არ ფლობს, მაგრამ ბუღალტრულად ისინი კვლავ ცენტრალური აპარატის ბალანსზე ირიცხება. • 2007 წელს პრეზიდენტის ბრძანებულებით ლიკვიდირებული სსიპ სპეციალიზებული სამთო მაშველის სალიკვიდაციო ბალანსში ფიგურირებს 8 დასახელების 5.2 ათასი ლარის საბალანსო ღირებულების მანქანა-დანადგარები და ინვენტარი, რომლებიც 2017 წელს ისე აისახა ცენტრალური აპარატის ბალანსზე, რომ მიღება-ჩაბარება არ განხორციელებულა. აქედან, 5 ერთეული სატრანსპორტო საშუალება, საბალანსო ღირებულებით 4.8 ათასი ლარი, წლის ბოლოს ჩატარებული ინვენტარიზაციით დაფიქსირდა დანაკლისად და აღირიცხა, როგორც მოთხოვნები არაფინანსური აქტივების დანაკლისებით, ისე რომ არ არის დადგენილ მატერიალურად პასუხისმგებელი პირი. აღნიშნული მოთხოვნა არ შეიძლება დაკლასიფიცირდეს როგორც აქტივი. • სამინისტროს კუთვნილი აქტივების ნაწილი, განსაკუთრებით იარაღი და სხვა სპეცდანიშნულების ქონება, სხვადასხვა მიზეზების გამო მხოლოდ რაოდენობრივად არის აღრიცხული, ანუ წარმოდგენილია ღირებულების გარეშე. ამიტომ, სამინისტროს წლიურ ფინანსურ ანგარიშგებაში არც მათი ღირებულება აისახება. შედეგად, სამინისტროს კუთვნილი აქტივების ჯამური ღირებულება შემცირებულად არის წარმოდგენილი.

2014 წელს სახელმწიფო უწყებებს დაევალათ ავტოპარკის ოპტიმიზაციის გეგმების შედგენა და სახელმწიფო კომისიისთვის წარდგენა, რაც 2018 წლის 31 დეკემბრის მდგომარეობითაც არ არის დამტკიცებული. შედეგად, მთავრობის N121 დადგენილების უმთავრესი მიზანი, სახელმწიფო ავტოპარკის ოპტიმიზაცია მიღწეული არ არის.

2017-2018 წლებში მუნიციპალიტეტის საჯარო მოხელეები ქვეყნის ფარგლებს გარეთ მივლინებულნი იყვნენ 35-ჯერ და მათ მივლინებაში სულ დაიხარჯა 73.3 ათასი ლარი. მიუხედავად ამისა, მივლინებული პირების მიერ არ ხდება მიღებული ცოდნისა და გამოცდილების თანამშრომლებისათვის გაზიარება და მუნიციპალური საქმიანობის გაუმჯობესების მიზნით მისი პრაქტიკაში გამოყენება.

წლების განმავლობაში წყლისა და წყალარინების სისტემის რეაბილიტაციისათვის გახარჯული მნიშვნელოვანი თანხების მიუხედავად, 2017-2018 წლებში დანაკარგადაა აღიარებული შპს „ბათუმის წყლის“ მიერ მოპოვებული წყლის, საშუალოდ, 70%. აბონენტების მიერ სწრაფი გადახდის აპარატებით გადახდილი მოხმარებული წყლის საფასური მომსახურე ბანკმა დროულად არ მიმართა კომპანიის ანგარიშზე, შედეგად, შპს „ბათუმის წყალმა“ დაკარგა დამატებითი შემოსავლის მიღების შესაძლებლობა.

მოქმედი ინსტრუქციის მოთხოვნათა მიუხედავად, სამინისტროს არ აქვს განსაზღვრული და დამტკიცებული სააღრიცხვო პოლიტიკა, რაც ზრდის ფინანსური ანგარიშგების არასწორად მომზადებისა და წარდგენის რისკებს.

მთავრობის დადგენილებით, სახელმწიფო ავტოპარკი სარგებლობის ფორმირების მიხედვით იყოფა განპიროვნებულ და სამორიგეო ფუნქციის მქონე ავტომობილებად. გარდა ამისა, ორგანიზაციების სპეციფიკიდან გამომდინარე, განსაზღვრულია სპეციალიზებული და ოპერატიული დანიშნულების ავტომობილები. შესწავლილი 4,052 ერთეული ავტომობილიდან, 1,879-ს (46%) დადგენილებით განსაზღვრული სარგებლობის ფორმებიდან (განპიროვნებული, სამორიგეო, ოპერატიული, სპეციალური დანიშნულების), კლასიფიკაციის არც ერთი ფორმა არ აქვს მინიჭებული. სარგებლობის ფორმის განუსაზღვრელობის გამო, აღნიშნულ ავტომობილებზე მთავრობის დადგენილებით დაწესებული შეზღუდვების გავრცელება არ ხორციელდება, რაც იძლევა მათი არასამსახურებრივი დანიშნულებით გამოყენების შესაძლებლობას.

გორის მუნიციპალიტეტმა (შესაბამისმა პასუხისმგებელმა პირებმა) 2017-2018 წლებში მუნიციპალიტეტის საკრებულოს არათანამდებობის პირებზე ხარჯების ასანაზღაურებლად 212.3 ათასი ლარი გასცა შესაბამისი დოკუმენტური დადასტურების გარეშე, საბიუჯეტო პროცესთან დაკავშირებული მარეგულირებელი საკანონმდებლო ნორმების შეუსაბამოდ.

შპს „სალიხ აბაშიძის ინფექციური პათოლოგიის, შიდსის და ტუბერკულოზის ცენტრის“ და შპს „ქ. ბათუმის რესპუბლიკური კლინიკური საავადმყოფოს“ მიერ უსასყიდლოდ მიღებული აქტივები ფინანსურ ანგარიშგებაში არ არის აღრიცხული, რამაც შპს-ის არასაოპერაციო შემოსავლის და კაპიტალის შემცირება განაპირობა;

სამინისტროში შრომის ანაზღაურების დარიცხვა წარმოებს ავტომატურად, სპეციალური პროგრამის მეშვეობით, რომელშიც თავდაპირველი მონაცემები მექანიკურად (ხელით) შეაქვს საბუღალტრო სამსახურის თანამშრომელს, რაც წარმოადგენს შრომის ანაზღაურების დარიცხვის საფუძველს, ისე რომ პროგრამაში ინფორმაციის შეტანის სისწორის გადამოწმება ოფიციალურად არ ხორციელდება. აქედან გამომდინარე, შრომის ანაზღაურების დარიცხვის პროცესში არსებობს მექანიკური შეცდომის რისკი, რომელსაც ვერ ფარავს შიდა კონტროლის არსებული მექანიზმები. ამასთან, არ არსებობს სამუშაო დროის გამოყენების ყოველთვიური აღრიცხვის ოფიციალური ფორმა, არ არის შექმნილი შიდა კონტროლის დამატებითი მექანიზმები. სამინისტროს იმ სტრუქტურული ერთეულების ხელმძღვანელები, რომლებიც ფინანსდებიან ცენტრალური აპარატის მიერ, მონაწილეობას არ იღებენ მათი თანამშრომლებისათვის ხელფასის დარიცხვის პროცესში, რაც მინიმუმამდე შეამცირებდა იმის რისკს, რომ უკვე განთავისუფლებულ თანამშრომელს, ან სხვა პირს დაერიცხოს ხელფასი. სამინისტროში ზოგჯერ თანამშრომლის განთავისუფლება ხდება გასული თარიღით, ან შესაბამისი ბრძანება ეკონომიკურ დეპარტამენტს ეგზავნება დაგვიანებით, მაშინ როდესაც აღნიშნულ თანამშრომელზე შრომის ანაზღაურების დარიცხვა-გაცემა უკვე განხორციელებულია. შედეგად წარმოიშობა ზედმეტად გაცემული თანხები, რაც სისტემურ პრობლემას წარმოადგენს.

საქართველოს მთავრობის დადგენილებით, თითოეული დაწესებულებისთვის განისაზღვრა განპიროვნებული ავტომობილებით მოსარგებლე თანამდებობის პირთა ჩამონათვალი და სამორიგეო ავტომობილების ზღვრული ოდენობები, შემდეგი პროპორციით: 100 საშტატო რიცხოვნობამდე დაწესებულების შემთხვევაში −1 (ერთი) სამორიგეო ავტომობილი ყოველ 20 საშტატო ერთეულზე, ხოლო ყოველ დანარჩენ 50 საშტატო ერთეულზე − დამატებით 1 (ერთი) ავტომობილი. შესწავლილი 34 ორგანიზაციიდან 14-ში ავტომობილების რაოდენობა მთავრობის დადგენილებით განსაზღვრულს 401 ერთეულით აღემატება, რითაც არ არის გათვალისწინებული მთავრობის დადგენილების მოთხოვნები. როგორც ზემოთ აღინიშნა, შესწავლილი ავტოპარკიდან 1,879-ს (46%) არ აქვს მინიჭებული ფუნქციური დანიშნულების სტატუსი (სამორიგეო, განპიროვნებული) მთვრობის დადგენილების მოთხოვნების მიხედვით, ხოლო ზღვრულ ოდენობაზე მეტია 401 (10%) ავტომობილი. ზემოაღნიშნული მიუთითებს, რომ დადგენილზე მეტი რაოდენობის და არაკლასიფიცირებული ავტოპარკი იძლევა შესაძლებლობას, რომ სამსახურებრივი ავტომობილით სარგებლობდეს ისეთი თანამშრომელი, რომელსაც თანამდებობრივად არ ეკუთვნის განპიროვნებული ავტომობილით სარგებლობა.

მერიამ ვერ წარმოადგინა „სახელმწიფო ავტოპარკის გადანაწილების, კლასიფიკაციისა და სამსახურებრივი ავტომანქანის შესყიდვის ან ჩანაცვლების წესის“ შესაბამისად მიღებული სამართლებრივი აქტი. მთავრობის დადგენილება თვითმმართველობებისათვის სარეკომენდაციო ხასიათისაა, თუმცა საბიუჯეტო სახსრების რაციონალური და გონივრული ხარჯვის პრინციპიდან გამომდინარე, მიზანშეწონილია მისი შესრულება. 2017-2018 წლებში მუნიციპალიტეტის მიერ სამსახურებრივი უფლებამოსილების განსახორციელებლად გამოყენებული სატრანსპორტო საშუალებების რაოდენობა აღემატება საქართველოს მთავრობის დადგენილებით რეკომენდებულ ზღვრულ ოდენობას. კერძოდ, რეკომენდებული 10 ერთეულის ნაცვლად მუნიციპალიტეტი განკარგავდა 22 სამორიგეო ავტომანქანას.

შპს „სალიხ აბაშიძის ინფექციური პათოლოგიის, შიდსის და ტუბერკულოზის ცენტრის“ და შპს „ქ. ბათუმის რესპუბლიკური კლინიკური საავადმყოფოს“ მიერ უსასყიდლოდ მიღებული აქტივები ფინანსურ ანგარიშგებაში არ არის აღრიცხული, რამაც შპს-ის არასაოპერაციო შემოსავლის და კაპიტალის შემცირება განაპირობა;

კონტრაქტორი კომპანიებისთვის ავანსად გადარიცხული თანხები, რომელიც აღრიცხულია როგორც მოთხოვნები (ანგარიშის ნომერი 1430) შესაბამისი კომპანიების მიმართ, უკან დაბრუნებისას ტარდება არასწორად, კერძოდ, ამავე ანგარიშის დებეტში, ოღონდ მინუსი ნიშნით. რაც ეწინააღმდეგება ბუღალტრული აღრიცხვის მოქმედ ნორმებს, რომლის მიხედვითაც, მიმდინარე წელს გადახდილი თანხების მობრუნება აისახება დაფინანსების (4000) შესაბამისი ანგარიშების დებეტში 1250 ანგარიშის კრედიტთან კორესპონდენციით. ამ მოთხოვნების დარღვევით, 2017 წელს კომპანიების მიერ ავანსად გადახდილი თანხებიდან უკან დაბრუნებული 162.63 ათასი ლარია აღრიცხულია N1430 („მოთხოვნები წინასწარი გადახდებით“) ანგარიშზე უარყოფითი ნიშნით. ანალოგიური მდგომარეობაა შრომის ანაზღაურების, მივლინებების და სხვა სახის ავანსად გადარიცხული და უკან დაბრუნებული თანხების აღრიცხვის თვალსაზრისითაც.

მთავრობის დადგენილების მიხედვით, ავტომობილები კლასიფიცირდება ოთხ კატეგორიად და სპეციალიზებული კლასის ავტომობილებად. თითოეული კლასის ავტომობილისთვის მოცემულია ფლობის ღირებულების ზღვრული ოდენობა და განსაზღვრულია კონკრეტული კლასით სარგებლობის უფლების მქონე პირთა კატეგორია/თანამდებობა. ასევე, იმ შემთხვევაში, თუკი შემსყიდველი ორგანიზაციის საჭიროებიდან გამომდინარე ავტოსატრანსპორტო საშუალების სპეციფიკაცია განსხვავებულია ამ წესით დადგენილი სტანდარტებისგან, შემსყიდველი ორგანიზაცია ვალდებულია აღნიშნული სპეციფიკაციის ამსახველი პარამეტრები წარუდგინოს სამთავრობო კომისიას გადაწყვეტილების მისაღებად. დადგენილების ძალაში შესვლის შემდეგ, შეძენილი 274 ავტომობილიდან, მთავრობის დადგენილების მოთხოვნების დაცვით შესყიდულია მხოლოდ 59 ერთეული, ხოლო 5 (ხუთი) ორგანიზაციის მიერ შესყიდული 215 ავტომობილიდან 23 ერთეული შეძენილია მხოლოდ ავტომობილის ღირებულებით, ნაცვლად ზღვრული ფლობის ღირებულების გათვალისწინებისა (ავტომანქანქანის, ავტომანქანის სერვისის და საწვავის ხარჯის ჯამი ), ხოლო 192 ერთეული სპეციალიზირებული ავტომობილი შეძენლია სამთავრობო კომისიასთან შეუთანხმებლად.

2017-2018 წლებში მუნიციპალიტეტის ბიუჯეტის გადასახდელების 34%-ს სუბსიდია შეადგენდა. სუბსიდიით დაფინანსებულია მუნიციპალიტეტის მიერ დაფუძნებული ა(ა)იპ-ები. ამ პერიოდში სუბსიდიის ხარჯმა მოიცვა 27,621.7 ათასი ლარი. მათ შორის: 2017 წელს - 13,366.9 ათასი ლარი, ხოლო 2018 წელს - 14,254.8 ათასი ლარი. ა(ა)იპ-ებში მოსამსახურეთა ფუნქცია-მოვალეობები ზოგიერთ შემთხვევაში დუბლირებულია, ზოგ შემთხვევაში საერთოდ არ არის განსაზღვრული, ხოლო ზოგიერთი მოსამსახურე პრაქტიკულად არ არის ფუნქციურად დატვირთული. მუნიციპალიტეტმა ვერ წარმოადგინა შესაფერისი და საკმარისი მტკიცებულებები იმისა, თუ რა ობიექტური საჭიროებით იყო განპირობებული ა(ა)იპ-ებში ზოგიერთი შტატიანი მოსამსახურის და შრომითი ხელშეკრულებით დაქირავებულთა არსებობა. შედეგად, დაგეგმვასა და კონტროლში არსებულმა მართვის სისუსტეებმა გამოიწვია ის, რომ ა(ა)იპ-ებში საშტატო რიცხოვნობა არაგონივრულად გაზრდილია.

2017-2018 წლებში, მუნიციპალიტეტის მიერ სტიქიის შედეგად მიყენებული ზიანის სალიკვიდაციოდ, მოსახლეობისათვის გადაცემული 282.7 ათასი ლარის სახურავის სამშენებლო მასალის უმეტესობა -187.7 ათასი ლარის მასალა (66%) არ არის გამოყენებული. მოსახლეობამ საკუთარი ძალებით ვერ შეძლო მასალის გამოყენება და შესაბამისად, სტიქიის შედეგები ვერ იქნა ლიკვიდირებული. ამდენად, მუნიციპალიტეტმა ვერ შეიმუშავა ისეთი სტრატეგია, რომელიც უზრუნველყოფდა სტიქიის შედეგად მოსახლეობისათვის მიყენებული ზიანის სრულად აღმოფხვრასა და საბოლოო მიზნის მიღწევას.

შპს „ბათუმის წყლის“ და შპს „ბათუმის ავტოტრანსპორტის“ მიერ მოქმედი რეგულაციებით გაუთვალისწინებლად ჩამოწერილია ბალანსზე რიცხული დებიტორული დავალიანებები. შედეგად, გაზრდილია შპს-ების ზარალი, რაც შესაძლოა განპირობებული იყოს დავალიანებების მქონე პირების სასარგებლოდ, ვალის უსაფუძვლო ჩამოწერით.

სამინისტროში, განსაკუთრებით ზოგიერთი საბალანსო ერთეულის მხრიდან არასათანადო ყურადღება ექცევა საბუღალტრო აღრიცხვა-ანგარიშგების მოწესრიგების საკითხს. შედეგად, ხშირია სამეურნეო ოპერაციის ბუღალტრულად დიდი დაგვიანებით ასახვის ფაქტები, რაც სამინისტროს სტრუქტურულ ერთეულებს შორის, ამ კუთხით არსებულ არასაკმარის კომუნიკაციაზე მიუთითებს. მაგალითად, 2016 წლის 31 დეკემბრის მდგომარეობით რუსეთ-საქართველოს ომის დროს განადგურებული და დაკარგული ქონების სახით რიცხული 95.9 ათასი ლარის ღირებულების იარაღი წლების წინ იყო აღმოჩენილი ერთ-ერთ დანაყოფში, მაგრამ ამის შესახებ მხოლოდ შესაბამისი წერილობითი შეკითხვის შემდეგ აცნობა ეკონომიკურ დეპარტამენტს. მიუხედავად ასეთი ფაქტისა, არ გააქტიურდა საქმიანობა განადგურებულად და დაკარგულად აღრიცხული ქონების შესახებ არსებული მონაცემების დაზუსტების და შესაფერისი გადაწყვეტილებების მიღების თვალსაზრისით. • სამინისტროს ცენტრალური აპარატის 2017 წლის ფინანსური ანგარიშგების განმარტებითი შენიშვნებში ანგარიშგების ზოგიერთი მუხლის შესახებ არასაკმარისი ინფორმაციაა წარმოდგენილი, ზოგიერთი მუხლი კი საერთოდ არ არის ნახსენები. მაგალითად, N1461 (მოთხოვნები მივლინებით ქვეყნის შიგნით) და N1462 (მოთხოვნები მივლინებით ქვეყნის გარეთ) საბალანსო ანგარიშების შესახებ განმარტებით შენიშვნებში არანაირი ინფორმაცია წარმოდგენილი არ არის, მაშინ როდესაც, N1462 ანგარიშზე ნაშთი წლის დასაწყისთან შედარებით გაზრდილია 283%-ით.

მთავრობის დადგენილებაში მოცემული მოთხოვნები არ იძლევა ალტერნატიულ ენერგიაზე მომუშავე (მაგალითად: ჰიბრიდული და ელექტროავტომობილები) ავტომობილების შეძენის შესაძლებლობას, რაც, თავის მხრივ, ზღუდავს საწვავის და ავტომობილების საექსპლოატაციოდ საჭირო ფინანსების ეკონომიურ ხარჯვას და ეკოლოგიურად სუფთა სატრანსპორტო სისტემების ხელშეწყობას.

2016 წლის 3 მაისს, მუნიციპალიტეტმა ხელშეკრულება გაუფორმა შპს „გელას“ სოფელ ატენის წყალსადენის ქსელის პირველი ეტაპის სამუშაოების შესყიდვისთვის. მუნიციპალიტეტმა მიმწოდებელს აუნაზღაურა 1,061.1 ათასი ლარი. 2017 წლის 7 ივნისს, მე-2 ეტაპის სამუშაოების შესყიდვისთვის, მუნიციპალიტეტმა ხელშეკრულება გაუფორმა შპს „ნდს მშენებლობას“, მერიამ სამუშაოები ჩაიბარა 2018 წლის 11 მაისს და მიმწოდებელს აუნაზღაურა 1,533.4 ათასი ლარი. ატენის წყალსადენის მოწყობაზე, მუნიციპალიტეტმა სულ დახარჯა 2,594.5 ათასი ლარი. 2019 წლის 14 თებერვალს, აუდიტის ჯგუფმა მუნიციპალიტეტის წარმომადგენლებთან ერთად დაათვალიერა პროექტი. გამოვლინდა, რომ რამდენიმე თვეა წყალი მოსახლეობის ნაწილს მიეწოდება შეფერხებით, ხოლო ნაწილს საერთოდ არ აქვს. მუნიციპალიტეტის წარმომადგენლების განმარტებით, მოსახლეობას წყალი არ მიეწოდება 2018 წლის ნოემბრის შემდეგ, რაც გამოწვეულია წყლის დებეტის შემცირებით. 2017 წლის ზაფხულიდან, სოფელ ატენში მიმდინარეობს სახელმწიფო მნიშვნელობის გზის რეაბილიტაციის სამუშაოები, რომელსაც აწარმოებს საავტომობილო გზების დეპარტამენტი. მერიის პასუხისმგებელი პირების განმარტებით, სამუშაოები მიმდინარეობდა სათავე ნაგებობის და მისი სადრენაჟო სისტემის უშუალო სიახლოვეს, რამაც გამოიწვია მიწის ქვეშა წყალშემცველი ფენების დაზიანება და მოპოვებული წყლის დებეტის შემცირება. მიუხედავად იმისა, რომ ცნობილი იყო სოფელ ატენის წყალსადენის შესაძლო დაზიანების საფრთხე, ვერ იქნა უზრუნველყოფილი შესაბამისი ღონისძიებების გატარება და მისი თავიდან აცილება. შედეგად წყლის სისტემა, რომლის მოწყობაზეც ჯამში დახარჯულია 2,594.5 ათასი ლარი, 2018 წლის ნოემბრიდან გამართულად ვერ ფუნქციონირებს.

მუნიციპალიტეტმა სასმელი წყლის სისტემების რეაბილიტაცია და ექსპლუატაციის მიმართულებით 2017-2018 წლებში დახარჯა მხოლოდ 101.7 ათასი ლარი. მუნიციპალიტეტში არსებობს მოსახლეობის წყალმომარაგების მნიშვნელოვანი პრობლემები: მოსახლეობის უმეტეს ნაწილს სასმელი წყალი არ მიეწოდება ან მიეწოდება შეფერხებით; წყლის ხარისხი ზოგ შემთხვევაში არ შეესაბამება მოთხოვნილ სტანდარტებს; პრობლემის მოსაგვარებლად ბიუჯეტიდან გამოყოფილი თანხები სავარაუდოდ არ არის საკმარისი. მიუხედავად იმისა, რომ პრობლემა სისტემურ ხასიათს ატარებს, მუნიციპალიტეტის პასუხისმგებელ პირებს ქმედითი ღონისძიება საკითხის მოსაგვარებლად არ განუხორცილებიათ.

შპს „ბათუმის წყლის“ და შპს „ბათუმის ავტოტრანსპორტის“ მიერ მოქმედი რეგულაციებით გაუთვალისწინებლად ჩამოწერილია ბალანსზე რიცხული დებიტორული დავალიანებები. შედეგად, გაზრდილია შპს-ების ზარალი, რაც შესაძლოა განპირობებული იყოს დავალიანებების მქონე პირების სასარგებლოდ, ვალის უსაფუძვლო ჩამოწერით.

საქართველოს გარემოს დაცვისა და სოფლის მეურნეობის სამინისტროს აპარატის და სსიპ − დაცული ტერიტორიების სააგენტოს ფინანსურ ანგარიშგებებში ასახულია საგრანტო პროექტის ფარგლებში ავანსის სახით წარმოშობილი დებიტორული დავალიანებები დონორი ორგანიზაციის (KFW) მიმართ, შესაბამისად, 397,726 ლარის და 1,589,727 ლარის ოდენობით. პროექტი დასრულდა 2014 წელს და გეგმით გათვალისწინებული ყველა სამუშაო ჩაბარებულია. გამომდინარე აქედან, აღნიშნული დებიტორული დავალიანების მოთხოვნის უფლება აღარ არსებობს და აღრიცხვის ინსტრუქციის მიხედვით, ექვემდებარება ჩამოწერას.

მსოფლიოში დანერგილი საუკეთესო პრაქტიკების მიხედვით, ნებისმიერი სატრანსპორტო საშუალების შეძენამდე, ხორციელდება ხარჯსარგებლიანობის ანალიზი (Cost-benefit analysis). აღნიშნული პრინციპით საქმიანობა ეხმარება სახელმწიფო ავტოპარკის მართვის ორგანოებს, აკონტროლონ რამდენად დროულია და ხარჯეფექტურია ავტოპარკის განახლება. კანონმდებლობა არ ითვალისწინებს სახელმწიფო ავტოპარკის მართვაში ხარჯეფექტურობის ანალიზის პრინციპებს და ის არც პრაქტიკაშია დანერგილი.

2017 წელს გორის მუნიციპალიტეტმა შპს „შარასგან“ შეისყიდა ქ. გორში, 26 მაისის სახელობის სანაპიროს ტროტუარის რეაბილიტაციის სამუშაოები, ღირებულებით 116.2 ათასი ლარი. მოწყობილი საფეხმავლო სივრცის დათვალიერებისას გამოვლინდა, რომ ტროტუარი დაზიანებული იყო სამ ადგილზე. აღნიშნული დაზიანების შესახებ მუნიციპალიტეტმა შეიტყო აუდიტის ჯგუფის მიერ ფაქტის გამოვლენის შემდგომ. პასუხისმგებელი პირის განმარტებით, შპს „შარამ“ ტროტუარების მოწყობის შემდეგ, სხვა ხელშეკრულების ფარგლებში შეასრულა მიმდებარე ტერიტორიაზე საკანალიზაციო ქსელის მოწყობის სამუშაოები, რომლის დროსაც დააზიანა ტროტუარი. მიუხედავად აღნიშნულისა, მუნიციპალიტეტს წერილობით არ მიუმართავს შპს-სთვის ხარვეზის გამოსწორების მოთხოვნით და დაზიანებები არ არის გამოსწორებული აუდიტის მიმდინარეობის პერიოდისთვის.

მუნიციპალიტეტმა ჩაიბარა საპროექტო-სახარჯთაღრიცხვო დოკუმენტაცია, ექსპერტიზის დასკვნებისა და გეოლოგიური კვლევების გარეშე, რაშიდაც გადახდილია 18.7 ათასი ლარიპასუხისმგებელმა პირებმა პროექტის ჩაბარების პროცესში ვერ გამოავლინეს მასში არსებული ხარვეზები. მუნიციპალიტეტმა აღნიშნული საპროექტო დოკუმენტაციის საფუძველზე გამოაცხადა და შეისყიდა გზების მოწყობის სამუშაოები, რომლებიც ნაწილობრივ დაზიანდა. აუდიტის ობიექტს არ შეუსწავლია საკითხი თუ რა მიზეზებით იყო გამოწვეული არსებული დაზიანებები. შესაბამისად, არ გაუტარებია სათანადო სამართლებრივი ღონისძიებები პროექტების ავტორისა და მიმწოდებლების მიმართ.

შპს „ბათუმის წყლის“ და შპს „ბათუმის ავტოტრანსპორტის“ მიერ მოქმედი რეგულაციებით გაუთვალისწინებლად ჩამოწერილია ბალანსზე რიცხული დებიტორული დავალიანებები. შედეგად, გაზრდილია შპს-ების ზარალი, რაც შესაძლოა განპირობებული იყოს დავალიანებების მქონე პირების სასარგებლოდ, ვალის უსაფუძვლო ჩამოწერით.

სსიპ − ეროვნული სატყეო სააგენტოს ფინანსურ ანგარიშგებაში ასახულია 70,772 ლარის ოდენობის მოთხოვნები, რომლებზეც არ არიან იდენტიფიცირებული ანგარიშვალდებული პირები. 2007-2011 წლებში ტერიტორიული ორგანოების (სატყეო მეურნეობები) გაუქმების შედეგად, მათ ბალანსზე რიცხული დანაკლისები, პირველადი დოკუმენტაციის არსებობის გარეშე, აღირიცხა სატყეო სააგენტოს ბალანსზე. აუდიტის ობიექტის პასუხისმგებელი პირების განმარტებით, გამომდინარე იქიდან, რომ სატყეო მეურნეობების ბალანსში არ იყო მოცემული ინფორმაცია დანაკლისების შესახებ, სატყეო სააგენტო ვერ ახორციელებს ანგარიშვალდებული პირების იდენტიფიცირებას. სახელმწიფო აუდიტის სამსახურს ვერ წარმოუდგენეს მტკიცებულებები იმის დასადასტურებლად, რომ ანგარიშვალდებული პირების იდენტიფიცირებისათვის განხორციელდა ღონისძიებები.

მთავრობის დადგენილებით, „სამორიგეო ავტომობილი − ზოგადი სამსახურებრივი საჭირო¬ე¬ბიდან გამომდინარე დაკისრებული სამსახურებრივი მოვალეობების შესასრულებლად გან¬კუთ¬ვნილი ავტოსატრანსპორტო საშუალებაა, რომელიც გამოიყოფა ყოველი კონკ¬რეტული მოთხოვნის საფუძველზე დაწესებულების კონკრეტულ თანამ¬შრომელზე“. 34 უწყებიდან − 33-ში არ ხდება დადგენილების მოთხოვნების დაცვა და სამორიგეო ავტომობილების დანიშნულებისამებრ გამოყენების კონტროლი, რაც სამორიგეო ავტომობილის არადანიშნულებით გამოყენების შესაძლებლობას იძლევა.

ქ. გორში, სტალინის სახლმუზეუმის მიმდებარედ სკვერში არსებული კასკადური შადრევნი წლების განმავლობაში არ ფუნქციონირებდა. მუნიციპალიტეტმა გადაწყვიტა პრობლემის გადაჭრა და 2017 წლის ბიუჯეტით დაგეგმა შადრევნის რეაბილიტაცია ღირებულებით 106.0 ათასი ლარი. 2017 წლის აპრილში გამოცხადდა ელექტრონული ტენდერი სავარაუდო ღირებულებით 63.3 ათასი ლარი . ხელშეკრულება გაფორმდა შპს ალონისთან. სამუშაოები დასრულდა 2017 წლის სექტემბერში და მიმწოდებელს აუნაზღაურდა 55.7 ათასი ლარი. მიუხედავად რეაბილიტაციის ჩატარებისა, ვერ მოხერხდა შადრევნის ამუშავება. პასუხისმგებელი პირის განმარტებით, დაზიანებული აღმოჩნდა წყლის სისტემის მილები, რომელთა ამოცვლაც ხარჯთაღრიცხვაში არ იყო გათვალისიწინებული. მუნიციპალიტეტმა ვერ გამოავლინა შადრევნის ფუნქციონირებასთან დაკავშირებული ყველა პრობლემა და მიუხედავად იმისა, რომ ბიუჯეტით გამოყოფილი დაფინანსება ამის საშუალებას იძლეოდა სრულად ვერ აღადგინა შადრევანი. აღნიშნული მიუთითებს, რომ ინფრასტრუქტურული პროექტის რეაბილიტაცია დაიგეგმა ხარვეზებით. შედეგად ვერ იქნა მიღწეული დასახული მიზანი - შადრევნის გამართული ფუნქციონირება. შადრევანზე დამატებით გამოვლენილი პრობლემების აღმოფხვრის მიზნით 2018 წელს მუნიციპალიტეტმა დაგეგმა შესაბამისი სამუშაოები, რომელთა შესრულებაც დაევალა ა(ა)იპ „გორის მუნიციპალიტეტის კეთილმოწყობის სააგენტოს“. პასუხისმგებელი პირის განმარტებით, ჩატარებული ღონისძიებების შედეგად შადრევანი ამუშავდა 2018 წლის ივნისის ბოლოს და იმუშავა 2018 წლის ნოემბრამდე. 2019 წლის თებერვალში აუდიტის ჯგუფმა მუნიციპალიტეტის წარმომადგენელთან ერთად დაათვალიერა ობიექტი. დათვალიერების შედეგად აღმოჩნდა, რომ შადრევანი კვლავ არ ფუნქციონირებს. მიუხედავად იმისა, რომ მუნიციპალიტეტმა საკითხი მიიჩნია მნიშვნელოვნად, წლიური ბიუჯეტით დაიგეგმა პროექტი და გამოიყო საკმარისი ფინანსური რესურსი, 2017-2019 წლებში შადრევანმა იმუშავა მხოლოდ 4 თვის განმავლობაში. ამდენად, ინფრასტრუქტურული პროექტის რეაბილიტაციის დაგეგმვაში არსებული ხარვეზების გამო, მუნიციპალიტეტმა ვერ უზრუნველყო დასახული მიზნის მიღწევა და არსებული პრობლემის მოგვარება დროულად.

2017 წელს მუნიციპალიტეტმა შეიყიდა სოფელ სარაქონში გზის ასფალტო-ბეტონის საფარით მოწყობის სამუშაოები, ღირებულებით 440.1 ათასი ლარი. გზა 3 მონაკვეთზე მნიშვნელოვნად დაზიანებულია. პასუხისმგებელი პირის განმარტებით, იგი გამოიწვია მეწყრულმა პროცესებმა. მიუხედავად იმისა, რომ გზის დაზიანებიდან გასულია რამდენიმე წელი, მუნიციპალიტეტს პრობლემის მოსაგვარებლად ღონისძიება არ გაუტარებია. კერძოდ, არ შეუსწავლია საკითხი, რამ გამოიწვია შესრულებული სამუშაოების დაზიანება - საპროექტო დავალების არასწორად განსაზღვრამ, არასწორად შედგენილმა პროექტმა თუ მიმწოდებლების მიერ უხარისხოდ შესრულებულმა სამუშაოებმა. შესაბამისად, მუნიციპალიტეტს არც მიმწოდებლისთვის მიუმართავას საგარანტიო ვადაში დაზიანებული ადგილების გამოსასწორებლად და არც პროექტის ავტორის მიმართ გაუტარებია სამართლებრივი ღონისძიებები. დაზიანებული გზით სარგებლობს მოსახლეობა და საფრთხეს უქმნის გადაადგილებას.

შპს „ქ. ბათუმის რესპუბლიკური კლინიკური საავადმყოფოს“ და შპს „ბათუმის სასწრაფო სამედიცინო დახმარების ცენტრის“ ხელმძღვანელებს, პარტნიორის გადაწყვეტილების გარეშე, შპს-ს წესდების პირობების შეუსაბამოდ, დამატებით მიღებული აქვთ შრომის ანაზღაურება. ამასთანავე, შპს „სასწრაფო სამედიცინო დახმარების ცენტრის“ მიერ, ადმინისტრაციულ პერსონალზე შრომის ანაზღაურება არ არის გაცემული თანასწორუფლებიანობის პირობებში ერთგვაროვანი მიდგომით; შპს „სარაგბო კლუბ ბათუმის“ საშტატო ერთეულით გათვალიწინებულ სხვადასხვა თანამდებობაზე დასაქმებული არიან შესაბამისი კვალიფიკაციის არმქონე ფიზიკური პირები, მათ მიერ განხორციელებულ მომსახურებაზე არ არის წარმოდგენილი მომსახურების ფაქტობრივად გაწევის დამადასტურებელი მტკიცებულება, თუმცა კლუბს გაცემული აქვს ანაზღაურება; შპს „ბათუმის წყლის“ მიერ, სანიაღვრე არხების მიმდინარე მოვლა-ექსპლუატაციის მომსახურებისათვის, თანამშრომლებზე ზეგანაკვეთური მუშაობისათვის ანაზღაურება გაცემულია შესრულებული სამუშაოს სახეების განსაზღვრის, არასამუშაო საათებში ფაქტობრივად შესრულების, მიზანშეწონილობის და სამუშაოს შესრულების ადგილმდებარეობის დადასტურების გარეშე.

დაცული ტერიტორიების სააგენტოს, სსიპ − სოფლის მეურნეობის ლაბორატორიისა და სსიპ − სურსათის ეროვნული სააგენტოს ფინანსურ ანგარიშგებებში ასახულია, შესაბამისად, 815,496 ლარის საწყობიდან გაცემული და ექსპლოატაციაში მყოფი, 53,352 ლარის გამოსაყენებლად უვარგისი და 49,082 ლარის, ასევე გამოსაყენებლად უვარგისი სხვა მატერიალური მარაგები, საერთო თანხით − 917,930 ლარი, რომელიც აღრიცხვის ინსტრუქციის შესაბამისად, ექვემდებარება ხარჯად ჩამოწერას

აუდიტით შესწავლილი 34 ორგანიზაციების მიერ, საწვავის ლიმიტების განსაზღვრის წინაპიროებები არ არის ჩამოყალიბებული;

2017-2018 წლებში მუნიციპალიტეტმა შეისყიდა სკვერების და სტადიონების მოწყობის სამუშაოები, რომელთა მოწყობაზეც დაიხარჯა 247.3 ათასი ლარი. 2019 წლის 19-21 თებერვალს აუდიტის ჯგუფმა დაათვალიერა მოწყობილი სკვერები და სტადიონები. ობიექტების დათვალიერების შედეგად გამოვლინდა, რომ ობიექტები დაზიანებულია და აღენიშნება სხვადასხვა ხასიათის ნაკლოვანებები. პასუხისმგებელი პირის განმარტებით, დაზიანებები გამოწვეულია არასწორი ექსპლოატაციისა და ფიზიკური ზემოქმედების შედეგად. მუნიციპალიტეტის ტერიტორიაზე არსებული სკვერებისა და სპორტული მოედნების მოვლა-პატრონობა და მათი გამართული ფუნქციონირება ევალებოდა ა(ა)იპ „გორის მუნიციპალიტეტის კეთილმოწყობის სააგენტოს“, თუმცა ა(ა)იპ-ის მიერ პრობლემის მოსაგვარებლად სათანადო ღონისძიებები არ იყო გატარებული.

მუნიციპალიტეტმა 2017-2018 წლებში შეიყიდა სოფელ ჭოღაში, სოფელ ზუმში მიქავას მიმართულებით გზის მოწყობის სამუშაოები, ღირებულებით 1130.4 ათასი ლარი. სამუშაოების საგარანტიო ვადად განისაზღვრა 2 წელი. აუდიტის შედეგად აღმოჩნდა, რომ დაზიანებულია ასფალტო-ბეტონის საფარის ნაწილი. მუნიციპალიტეტს არ შეუსწავლია შეუსწავლია საკითხი, რამ გამოიწვია შესრულებული სამუშაოების დაზიანება - საპროექტო დავალების არასწორად განსაზღვრამ, არასწორად შედგენილმა პროექტმა თუ მიმწოდებლების მიერ უხარისხოდ შესრულებულმა სამუშაოებმა. მუნიციპალიტეტს არ მიუმართვას მიმწოდებლისათვის დაზიანებული ადგილების გამოსასწორებლად, აგრეთვე არც პროექტის ავტორის მიმართ გაუტარებია სამართლებრივი ღონისძიებები.

შპს „ქ. ბათუმის რესპუბლიკური კლინიკური საავადმყოფოს“ და შპს „ბათუმის სასწრაფო სამედიცინო დახმარების ცენტრის“ ხელმძღვანელებს, პარტნიორის გადაწყვეტილების გარეშე, შპს-ს წესდების პირობების შეუსაბამოდ, დამატებით მიღებული აქვთ შრომის ანაზღაურება. ამასთანავე, შპს „სასწრაფო სამედიცინო დახმარების ცენტრის“ მიერ, ადმინისტრაციულ პერსონალზე შრომის ანაზღაურება არ არის გაცემული თანასწორუფლებიანობის პირობებში ერთგვაროვანი მიდგომით; შპს „სარაგბო კლუბ ბათუმის“ საშტატო ერთეულით გათვალიწინებულ სხვადასხვა თანამდებობაზე დასაქმებული არიან შესაბამისი კვალიფიკაციის არმქონე ფიზიკური პირები, მათ მიერ განხორციელებულ მომსახურებაზე არ არის წარმოდგენილი მომსახურების ფაქტობრივად გაწევის დამადასტურებელი მტკიცებულება, თუმცა კლუბს გაცემული აქვს ანაზღაურება; შპს „ბათუმის წყლის“ მიერ, სანიაღვრე არხების მიმდინარე მოვლა-ექსპლუატაციის მომსახურებისათვის, თანამშრომლებზე ზეგანაკვეთური მუშაობისათვის ანაზღაურება გაცემულია შესრულებული სამუშაოს სახეების განსაზღვრის, არასამუშაო საათებში ფაქტობრივად შესრულების, მიზანშეწონილობის და სამუშაოს შესრულების ადგილმდებარეობის დადასტურების გარეშე.

სატყეო სააგენტოს ფინანსურ ანგარიშგებაში ასახულია 119,688 ლარის ღირებულების უკანონოდ მოჭრილი და ჩამორთმეული ხე-ტყე, რომლის განკარგვის უფლება სატყეო სააგენტოს არ გააჩნია, ვინაიდან არ არის სასამართლოს გადაწყვეტილება. შესაბამისად, აღნიშნული მარაგი ვერ აკმაყოფილებს აქტივად აღიარების კრიტერიუმებს.

"აუდიტის შედეგად ავტომობილების მიერ მოხმარებულ საწვავთან დაკავშირებით გამოვლინდა შემდეგი ნაკლოვანებები:

2017 წლის 31 ივლისს გორის მუნიციპალიტეტსა და რაჩიეჰოვიცეს მუნიციპალიტეტს (პოლონეთი) შორის გაფორმდა შეთანხმება პარტნიორობაზე. შეთანხმების პირობების თანახმად პოლონურმა მხარემ გრანტის სახით გამოყო 68 354 ევრო, ხოლო გორის მუნიციპალიტეტმა აიღო ვალდებულება, რომ დაფინანსების ფარგლებში უნდა განეხორციელებინა სოფელ ტინისხიდში შეზღუდული შესაძლებლობების მქონე პირთათვის შენობის რეაბილიტაცია და აღჭურვა. გრანტის მისაღებად, მთავრობისგან შესაბამისი ნებართვების მიღების გაჭიანურების გამო, მუნიციპალიტეტმა ვერ უზრუნველყო პოლონურ მხარესთან დადებული შეთანხმების პირობების შესრულება და საგრანტო დაფინანსების ათვისება. აღნიშნული თანხა დაბრუნებული იქნა. ვალუტის გაცვლის გამო, თანხის დაბრუნება ბიუჯეტს, 10.2 ათასი ლარით მეტი დაუჯდა. ამდენად, ნაცვლად იმისა, რომ მუნიციპალიტეტის ბიუჯეტსა და ადგილობრივ მოსახლეობას მიეღო 200 ათასი ლარის სარგებელი, პროექტი არ განხორციელდა, დასახული მიზანი ვერ იქნა მიღწეული და ადგილობრივი ბიუჯეტიდან არაეფექტიანად დაიხარჯა 10.2 ათასი ლარი.

ჩხოროწყუს მუნიციპალიტეტი „სამედიცინო მომსახურეობის თანადაფინანსების“ პროგრამის ფარგლებში 2017-2018 წლებში იღებდა იმაზე მეტ ვალდებულებას, ვიდრე ბიუჯეტით ჰქონდა გათვალისწინებული. აგრეთვე, არ ითვალისწინებდა წინა წლებში დაუფარავ ვალდებულებებს. რამდენიმე სამედიცინო დაწესებულებამ დავალიანებების დაფარვის მოთხოვნით მიმართა სასამართლოს და მუნიციპალიტეტს დაეკისრა აღნიშნული თანხების ანაზღაურება. შედეგად, მუნიციპალიტეტმა ბიუჯეტიდან დამატებით გადაიხადა 7.5 ათასი ლარის სასამართლო დავასთან დაკავშირებული ხარჯები.

შპს „ქ. ბათუმის რესპუბლიკური კლინიკური საავადმყოფოს“ და შპს „ბათუმის სასწრაფო სამედიცინო დახმარების ცენტრის“ ხელმძღვანელებს, პარტნიორის გადაწყვეტილების გარეშე, შპს-ს წესდების პირობების შეუსაბამოდ, დამატებით მიღებული აქვთ შრომის ანაზღაურება. ამასთანავე, შპს „სასწრაფო სამედიცინო დახმარების ცენტრის“ მიერ, ადმინისტრაციულ პერსონალზე შრომის ანაზღაურება არ არის გაცემული თანასწორუფლებიანობის პირობებში ერთგვაროვანი მიდგომით; შპს „სარაგბო კლუბ ბათუმის“ საშტატო ერთეულით გათვალიწინებულ სხვადასხვა თანამდებობაზე დასაქმებული არიან შესაბამისი კვალიფიკაციის არმქონე ფიზიკური პირები, მათ მიერ განხორციელებულ მომსახურებაზე არ არის წარმოდგენილი მომსახურების ფაქტობრივად გაწევის დამადასტურებელი მტკიცებულება, თუმცა კლუბს გაცემული აქვს ანაზღაურება; შპს „ბათუმის წყლის“ მიერ, სანიაღვრე არხების მიმდინარე მოვლა-ექსპლუატაციის მომსახურებისათვის, თანამშრომლებზე ზეგანაკვეთური მუშაობისათვის ანაზღაურება გაცემულია შესრულებული სამუშაოს სახეების განსაზღვრის, არასამუშაო საათებში ფაქტობრივად შესრულების, მიზანშეწონილობის და სამუშაოს შესრულების ადგილმდებარეობის დადასტურების გარეშე.

კონსოლიდირებულ ფინანსურ ანგარიშგებაში ასახულია ყოფილი გარემოსა და ბუნებრივი რესურსების დაცვის სამინისტროს 635,044 ლარის საბალანსო ღირებულების შენობა-ნაგებობა, რომლის სიზუსტეზე დამადასტურებელი დოკუმენტაცია გარემოს დაცვის სამინისტროს მიერ ვერ იქნა მოწოდებული;

შესწავლილი 34 ობიექტიდან 6-ში, გარდა სამსახურებრივი მანქანებისა, საწვავის ლიმიტი დაწესებული იყო თანამშრომლების პირად მანქანებზე. 2017 წლის განმავლობაში, სამსახურებრივი საჭიროებიდან გამომდინარე, პირად ავტომობილებზე გაცემულია 1,085,740 ლარის ღირებულების 548,654 ლიტრი საწვავი. ბრძანებებსა და პატაკებში არ არის დასაბუთებული კონკრეტულ თანამშრომლებზე საწვავის ლიმიტის დაწესების საჭიროება და რაოდენობის განსაზღვრის კრიტერიუმები. გამომდინარე აქედან, გაურკვეველია ლიმიტები დაწესებულია თუ არა რაციონალურობის პრინციპის გათვალისიწნებით. ზემოაღნიშნული ორგანიზაციებიდან შეირჩა 92 ერთეული კერძო საკუთრებაში არსებული ისეთი ავტომობილი, რომლებიც წლის განმავლობაში რეგულარულად მოიხმარდნენ საწვავს და თვიური ათვისების მაჩვენებლები ლიმიტებთან იყო მიახლოებული. აგაი-ს მონაცემების ანალიზით გამოიკვეთა, რომ შერჩეული ავტომობილებიდან 67 (73%)-ზე, საწვავის ლიმიტები გახარჯულია თანამშრომლების (მესაკუთრე) შვებულებაში ყოფნის პერიოდში,

გორის მუნიციპალიტეტს ყოველწლიურად უნდა ჩაეტარებინა აქტივებისა და ვალდებულებების ინვენტარიზაცია. მუნიციპალიტეტმა ვერ წარმოადგინა ინვენტარიზაციის მასალები 2018 წლისათვის. პასუხისმგებელი პირის განმარტებით აღნიშნულ პერიოდში გორის მუნიციპალიტეტში ინვენტარიზაცია კანონმდებლობის შესაბამისად არ ჩატარებულა. მისივე განმარტებით, მუნიციპალიტეტს მემორანდუმი აქვს გაფორმებული ა(ა)იპ „საქართველოს ადგილობრივი თვითმმართველი ერთეულების ფინანსისტთა ასოციაციასთან“, რომელსაც ზეპირსიტყვიერად დაევალა ინვენტარიზაციის ჩატარება ორგანიზაციაში. ასოციაციისგან მუნიციპალიტეტმა მიიღო ინფორმაცია ელექტრონული ფორმით, რომელიც წარმოადგენს აქტივების სიას, არ არის გამოყვანილი სხვაობები და ის არ შეიძლება ჩაითვალოს კანონმდებლობის შესაბამისად ინვენტარიზაციის ჩატარებად.

ჩხოროწყუს მუნიციპალიტეტმა 2017-2018 წლებში მუნიციპალიტეტის საკრებულოს არათანამდებობის პირებზე ხარჯების ასანაზღაურებლად 112.6 ათასი ლარი გასცა შესაბამისი დოკუმენტური დადასტურების (საფუძვლის) გარეშე, საბიუჯეტო პროცესთან დაკავშირებული მარეგულირებელი საკანონმდებლო ნორმების შეუსაბამოდ.

შპს „ქ. ბათუმის რესპუბლიკური კლინიკური საავადმყოფოს“ და შპს „ბათუმის სასწრაფო სამედიცინო დახმარების ცენტრის“ ხელმძღვანელებს, პარტნიორის გადაწყვეტილების გარეშე, შპს-ს წესდების პირობების შეუსაბამოდ, დამატებით მიღებული აქვთ შრომის ანაზღაურება. ამასთანავე, შპს „სასწრაფო სამედიცინო დახმარების ცენტრის“ მიერ, ადმინისტრაციულ პერსონალზე შრომის ანაზღაურება არ არის გაცემული თანასწორუფლებიანობის პირობებში ერთგვაროვანი მიდგომით; შპს „სარაგბო კლუბ ბათუმის“ საშტატო ერთეულით გათვალიწინებულ სხვადასხვა თანამდებობაზე დასაქმებული არიან შესაბამისი კვალიფიკაციის არმქონე ფიზიკური პირები, მათ მიერ განხორციელებულ მომსახურებაზე არ არის წარმოდგენილი მომსახურების ფაქტობრივად გაწევის დამადასტურებელი მტკიცებულება, თუმცა კლუბს გაცემული აქვს ანაზღაურება; შპს „ბათუმის წყლის“ მიერ, სანიაღვრე არხების მიმდინარე მოვლა-ექსპლუატაციის მომსახურებისათვის, თანამშრომლებზე ზეგანაკვეთური მუშაობისათვის ანაზღაურება გაცემულია შესრულებული სამუშაოს სახეების განსაზღვრის, არასამუშაო საათებში ფაქტობრივად შესრულების, მიზანშეწონილობის და სამუშაოს შესრულების ადგილმდებარეობის დადასტურების გარეშე.

სამინისტროს კონსოლიდირებული ფინანსური ანგარიშგების შესაბამისად, 2017 წლის 31 დეკემბრის მდგომარეობით აქტივების მიწოდებით დარიცხული ვალდებულების სახით ირიცხება 270,166 ლარი, რაც 76,577 ლარით უზუსტოდ (გაზრდილად) არის წარმოდგენილი. აღნიშნული გამოწვეულია ფინანსურ აღრიცხვასთან დაკავშირებული სუსტი შიდა კონტროლის სისტემით, რომელიც ვერ უზრუნველყოფს დავალიანებების სწორ და დროულ აღრიცხვას.

სსიპ − გარემოს ეროვნული სააგენტოს ბალანსზე ასახული 1,943,728 ლარის შენობებზე წარმოშობის დოკუმენტაცია არ იძებნება. აქედან, გარემოს სააგენტოს არ აქვს ინფორმაცია თუ სად მდებარეობს 1,816,078 ლარის დაუმთავრებელი მშენებლობა. 362,413 ლარის შენობაზე არ დასტურდება სარგებლობის უფლება, ხოლო ქ. ბათუმში მდებარე 31,506 ლარის ღირებულების შენობა ფიზიკურად აღარ არსებობს;

2014 წელს სახელმწიფო უწყებებს დაევალათ ავტოპარკის ოპტიმიზაციის გეგმების შედგენა და სახელმწიფო კომისიისთვის წარდგენა, რაც 2018 წლის 31 დეკემბრის მდგომარეობითაც არ არის დამტკიცებული. შედეგად, მთავრობის N121 დადგენილების უმთავრესი მიზანი, სახელმწიფო ავტოპარკის ოპტიმიზაცია მიღწეული არ არის.

შიდა აუდიტის სამსახურის მიერ ჩატარებული აუდიტებით გამოვლენილია სხვადასხვა სახის დარღვევა-ნაკლოვანებები, რომელთა გამოსწორების მიზნით გაცემულია ზოგადი ხასიათის რეკომენდაციები. თუმცა შიდა აუდიტის სამსახურის მიერ 2017-2018 წლებში გაწეული საქმიანობის შედეგად, ვერ გამოვლინდა კონტროლის მექანიზმების ის სისუსტეები და ხარვეზები, რომელიც დაფიქსირდა სახელმწიფო აუდიტის სამსახურის მიერ ჩატარებული აუდიტის შედეგად. კერძოდ, მიმდინარე აუდიტის პერიოდში გამოვლინდა ქონების მართვასა და განკარგვაში არსებული ხარვეზები, შესყიდვების მართვაში არსებული ნაკლოვანებები და რისკის შემცველი გარემოებები, ინფრასტრუქტურული ღონისძიებების დაგეგმვის, შესრულებისა და კონტროლში არსებული ხარვეზები, ა(ა)იპ-ების დაფინანსებაში არსებული ხარვეზები, სოციალური, კულტურული და სპორტული პროექტების თანადაფინანსებაში არსებული რისკები.

ჩხოროწყუს მუნიციპალიტეტის მიერ სამუშაოების შესყიდვის მიზნით გამოცხადებულ ტენდერებზე არ ხდებოდა შესასრულებელი სამუშაოების დოკუმენტაციის სრულად ატვირთვა. შედეგად, პოტენციურ პრეტენდენტებს არ ეძლეოდათ შესაბამისი ინფორმაცია შესასრულებელი ობიექტების შესახებ. მუნიციპალიტეტი, ზოგ შემთხვევაში წინასწარ ანგარიშსწორებას ახორციელებდა მოქმედი კანონმდებლობის დარღვევით, რაც მაღალი რისკის შემცველია.

შპს „ქ. ბათუმის რესპუბლიკური კლინიკური საავადმყოფოს“ და შპს „ბათუმის სასწრაფო სამედიცინო დახმარების ცენტრის“ ხელმძღვანელებს, პარტნიორის გადაწყვეტილების გარეშე, შპს-ს წესდების პირობების შეუსაბამოდ, დამატებით მიღებული აქვთ შრომის ანაზღაურება. ამასთანავე, შპს „სასწრაფო სამედიცინო დახმარების ცენტრის“ მიერ, ადმინისტრაციულ პერსონალზე შრომის ანაზღაურება არ არის გაცემული თანასწორუფლებიანობის პირობებში ერთგვაროვანი მიდგომით; შპს „სარაგბო კლუბ ბათუმის“ საშტატო ერთეულით გათვალიწინებულ სხვადასხვა თანამდებობაზე დასაქმებული არიან შესაბამისი კვალიფიკაციის არმქონე ფიზიკური პირები, მათ მიერ განხორციელებულ მომსახურებაზე არ არის წარმოდგენილი მომსახურების ფაქტობრივად გაწევის დამადასტურებელი მტკიცებულება, თუმცა კლუბს გაცემული აქვს ანაზღაურება; შპს „ბათუმის წყლის“ მიერ, სანიაღვრე არხების მიმდინარე მოვლა-ექსპლუატაციის მომსახურებისათვის, თანამშრომლებზე ზეგანაკვეთური მუშაობისათვის ანაზღაურება გაცემულია შესრულებული სამუშაოს სახეების განსაზღვრის, არასამუშაო საათებში ფაქტობრივად შესრულების, მიზანშეწონილობის და სამუშაოს შესრულების ადგილმდებარეობის დადასტურების გარეშე.

სამინისტროს 2017 წლის ფინანსური ანგარიშგების შესაბამისად, აქციებისა და სხვა კაპიტალის ნაშთი 136,389,045 ლარს შეადგენს, რაც 4,872,309 ლარით უზუსტოდ (გაზრდილად) არის წარმოდგენილი. აღნიშნული გამოწვეულია ფინანსურ აღრიცხვასთან დაკავშირებული სუსტი შიდა კონტროლის სისტემით, რომელიც ვერ უზრუნველყოფს ფინანსური აღრიცხვის დოკუმენტების დანიშნულებისამებრ დროულ მიწოდებას.

დაცული ტერიტორიების სააგენტოს ფინანსურ ანგარიშგებაში ასახულ 4,845,024 ლარის ძირითადი აქტივების ღირებულების სიზუსტეზე ვერ მოვიპოვეთ რწმუნება. აღნიშნული აქტივების პირველად დოკუმენტაციაში, ნაცვლად თითოეული აქტივის ღირებულებისა, მოცემული იყო მათი საერთო ღირებულება. შესაბამისად, აღნიშნული ძირითადი აქტივების ღირებულებები დაცული ტერიტორიების სააგენტოს ბალანსზე სათანადო შეფასების გარეშე გადანაწილდა. აქედან გამომდინარე, შეუძლებელია მათზე დასარიცხი ცვეთის ხარჯისა და საბალანსო ნაშთის ზუსტად განსაზღვრა;

მთავრობის დადგენილებით, სახელმწიფო ავტოპარკი სარგებლობის ფორმირების მიხედვით იყოფა განპიროვნებულ და სამორიგეო ფუნქციის მქონე ავტომობილებად. გარდა ამისა, ორგანიზაციების სპეციფიკიდან გამომდინარე, განსაზღვრულია სპეციალიზებული და ოპერატიული დანიშნულების ავტომობილები. შესწავლილი 4,052 ერთეული ავტომობილიდან, 1,879-ს (46%) დადგენილებით განსაზღვრული სარგებლობის ფორმებიდან (განპიროვნებული, სამორიგეო, ოპერატიული, სპეციალური დანიშნულების), კლასიფიკაციის არც ერთი ფორმა არ აქვს მინიჭებული. სარგებლობის ფორმის განუსაზღვრელობის გამო, აღნიშნულ ავტომობილებზე მთავრობის დადგენილებით დაწესებული შეზღუდვების გავრცელება არ ხორციელდება, რაც იძლევა მათი არასამსახურებრივი დანიშნულებით გამოყენების შესაძლებლობას.

სახელმწიფო აუდიტის სამსახურმა წინა წლებში ჩაატარა გორის მუნიციპალიტეტის 2012-2013 წლების საფინანსო-ეკონომიკური საქმიანობის შესაბამისობის აუდიტი. აუდიტის ანგარიშში დაფიქსირდა სხვადასხვა არსებითი ხასიათის დარღვევა-ნაკლოვანება. მიმდინარე აუდიტის პერიოდში გაირკვა, რომ შესაბამისი ღონისძიებები გატარებულია სხვადასხვა დარღვევა-ნაკლოვანების გამოსასწორებლად. ანგარიშში მოცემული გარემოებები, მუნიციპალიტეტის მიერ შემდგომი რეაგირებისათვის გადაეგზავნა სამართალდამცავ ორგანოებს. მიუხედავად ამისა, მუნიციპალიტეტს არ გაუტარებია საკმარისი და შესაფერისი ღონისძიებები აუდიტის ანგარიშში ასახული ზოგიერთი გარემოების აღმოსაფხვრელად, კერძოდ: მერიის მიერ 2012-2013 წლებში სამშენებლო სამუშაოების შესასრულებლად, გამარტივებული შესყიდვის საშუალებით, გაფორმებული ხელშეკრულებების საერთო ღირებულება შეადგენდა 8,041.4 ათას ლარს. შესრულებული სამუშაოების ღირებულება მერიის მიერ ანაზღაურებული იყო ფაქტობრივი დანახარჯების გათვალისწინების გარეშე. მსგავსი სახის დარღვევა-ნაკლოვანებები დაფიქსირდა მიმდინარე აუდიტის პერიოდშიც.

2017-2018 წლებში მუნიციპალიტეტის „წარმომადგენლობითმა ხარჯებმა“ შეადგინა 30.3 ათასი ლარი, რომელიც დახარჯულია ოფიციალური სტუმრების გამასპინძლებისთვის. თანხები ანაზღაურებულია მიღება-ჩაბარების აქტის საფუძველზე, სადაც არ არის აღნიშნული მომსახურების მიმღებ პირთა რაოდენობა. მუნიციპალიტეტი სხვადასხვა დელეგაციასა და ჯგუფს, საშუალოდ, თვეში 2-3-ჯერ მასპინძლობდა კვების ობიექტებში. მუნიციპალიტეტის მიერ არ არის შემუშავებული შიდა ინსტრუქცია/წესი, რომელიც უზრუნველყოფდა აღნიშნული მუხლიდან კვებით მომსახურებაზე თანხების რაციონალურად, ეკონომიურად და გამჭვირვალედ ხარჯვას.

შპს „ქ. ბათუმის რესპუბლიკური კლინიკური საავადმყოფოს“ და შპს „ბათუმის სასწრაფო სამედიცინო დახმარების ცენტრის“ ხელმძღვანელებს, პარტნიორის გადაწყვეტილების გარეშე, შპს-ს წესდების პირობების შეუსაბამოდ, დამატებით მიღებული აქვთ შრომის ანაზღაურება. ამასთანავე, შპს „სასწრაფო სამედიცინო დახმარების ცენტრის“ მიერ, ადმინისტრაციულ პერსონალზე შრომის ანაზღაურება არ არის გაცემული თანასწორუფლებიანობის პირობებში ერთგვაროვანი მიდგომით; შპს „სარაგბო კლუბ ბათუმის“ საშტატო ერთეულით გათვალიწინებულ სხვადასხვა თანამდებობაზე დასაქმებული არიან შესაბამისი კვალიფიკაციის არმქონე ფიზიკური პირები, მათ მიერ განხორციელებულ მომსახურებაზე არ არის წარმოდგენილი მომსახურების ფაქტობრივად გაწევის დამადასტურებელი მტკიცებულება, თუმცა კლუბს გაცემული აქვს ანაზღაურება; შპს „ბათუმის წყლის“ მიერ, სანიაღვრე არხების მიმდინარე მოვლა-ექსპლუატაციის მომსახურებისათვის, თანამშრომლებზე ზეგანაკვეთური მუშაობისათვის ანაზღაურება გაცემულია შესრულებული სამუშაოს სახეების განსაზღვრის, არასამუშაო საათებში ფაქტობრივად შესრულების, მიზანშეწონილობის და სამუშაოს შესრულების ადგილმდებარეობის დადასტურების გარეშე.

სამინისტროს კონსოლიდირებულ ფინანსურ ანგარიშგებაში არ არის აღრიცხული გრანტის სახით მიღებული 1,425 კვ.მ შენობა-ნაგებობება, რაც არასწორი ფინანსური აღრიცხვის შედეგია. სამინისტროს კონსოლიდირებული ფინანსური ანგარიშგების შესაბამისად, 2017 წლის 31 დეკემბრის მდგომარეობით, სამინისტროს აქტივების წმინდა ღირებულებამ 426,312,574 ლარი შეადგინა, რაც 965,617 ლარით, უზუსტოდ (შემცირებულად) არის წარმოდგენილი, რაც აღრიცხვაში დაშვებული შეცდომით არის გამოწვეული.

სსიპ − სოფლის მეურნეობის სამეცნიერო-კვლევითი ცენტრის ბალანსზე ასახულია 6,505,151 ლარის ღირებულების შენობა-ნაგებობები, რომელთა თვითღირებულება მოიცავს მათზე დამონტაჟებულ მანქანა-დანადგარების ღირებულებებს. ვინაიდან ვერ მოვიპოვეთ აღნიშნული მანქანა-დანადაგარების რეესტრი, შეუძლებელია მათი ღირებულებისა და დასარიცხი ცვეთის ხარჯის განსაზღვრა. შედეგად, ვერ მივიღეთ რწმუნება 6,505,151 ლარის აქტივების ღირებულების სიზუსტეზე.

საქართველოს მთავრობის დადგენილებით, თითოეული დაწესებულებისთვის განისაზღვრა განპიროვნებული ავტომობილებით მოსარგებლე თანამდებობის პირთა ჩამონათვალი და სამორიგეო ავტომობილების ზღვრული ოდენობები, შემდეგი პროპორციით: 100 საშტატო რიცხოვნობამდე დაწესებულების შემთხვევაში −1 (ერთი) სამორიგეო ავტომობილი ყოველ 20 საშტატო ერთეულზე, ხოლო ყოველ დანარჩენ 50 საშტატო ერთეულზე − დამატებით 1 (ერთი) ავტომობილი. შესწავლილი 34 ორგანიზაციიდან 14-ში ავტომობილების რაოდენობა მთავრობის დადგენილებით განსაზღვრულს 401 ერთეულით აღემატება, რითაც არ არის გათვალისწინებული მთავრობის დადგენილების მოთხოვნები. როგორც ზემოთ აღინიშნა, შესწავლილი ავტოპარკიდან 1,879-ს (46%) არ აქვს მინიჭებული ფუნქციური დანიშნულების სტატუსი (სამორიგეო, განპიროვნებული) მთვრობის დადგენილების მოთხოვნების მიხედვით, ხოლო ზღვრულ ოდენობაზე მეტია 401 (10%) ავტომობილი. ზემოაღნიშნული მიუთითებს, რომ დადგენილზე მეტი რაოდენობის და არაკლასიფიცირებული ავტოპარკი იძლევა შესაძლებლობას, რომ სამსახურებრივი ავტომობილით სარგებლობდეს ისეთი თანამშრომელი, რომელსაც თანამდებობრივად არ ეკუთვნის განპიროვნებული ავტომობილით სარგებლობა.

2018 წელს ჩხოროწყუს მერიამ ხელშეკრულება გაუფორმა შპს „ლაიკას“, ღირებულებით 45.4 ათასი ლარი. მიმწოდებელს უნდა მიეწოდებინა სხვადასხვა მასალა, მაგრამ მან ნაკისრი ვალდებულება არ შეასრულა. მუნიციპალიტეტმა, არ დააჯარიმა შპს „ლაიკა“ არ დააჯარიმა 2.3 ათასი ლარით და არ მიმართა შესყიდვების სააგენტოს მიმწოდებლის შავ სიაში დარეგისტრირების მოთხოვნით. შედეგად, მუნიციპალიტეტმა დაკარგა შემოსავალის მიღების შესაძლებლობა და მოსახლეობამ დროულად ვერ მიიღო შესაბამისი სერვისი.

შპს „ბათუმის ავტოტრანსპორტის“ მიერ საზოგადოებრივი ტრანსპორტით მგზავრთა გადაყვანა განხორციელებულია ტექნიკურად გაუმართავი სატრანსპორტო საშუალებებით, ფიქსირდება მძღოლის არაფხიზელ მდგომარეობაში სატრანსპორტო საშუალების მართვის ფაქტი და შედეგად, ავტოსაგზაო შემთხვევა;

სსიპ - აჭარის ა/რ სავაჭრო - სამრეწველო პალატის 2017 წლის ბალანსის დანართ ფორმა N4-ში, არასაბიუჯეტო საქმიანობით მიღებული ფაქტობრივი შემოსავლი 45,165 ლარს შეადგენს, რაც 1,716 ლარით მეტია საბუღალტრო აღრიცხვის მონაცემებზე. ამასთან აღსანიშნავია, რომ გაწეული მომსახურების ღირებულების ანაზღაურება წარმოებს ნაღდი ანგარიშსწორების წესით. სალაროში ნაღდი ფულის მოძრაობის აღრიცხვისათვის არ გამოიყენება სალაროს წიგნი, არ არის განსაზღვრული ნაღდი ფულის ნაშთის მოცულობა და არ არის გაფორმებული ხელშეკრულება მატერიალური პასუხისმგებლობის შესახებ. შესაბამისად, მოქმედი ნორმატიული აქტებით განსაზღვრული მოთხოვნების დაუცველად, ნაღდი ფულის მიღება-ხარჯვა წარმოშობს საჯარო სამართლის იურიდიული პირის სახსრების არამიზნობრივად გამოყენების ან/და მითვისების შესაძლებლობას.

გარემოს სააგენტოს ბალანსზე ასახულია 2,510,692 ლარის ღირებულების ნაპირსამაგრი კედლები, საიდანაც 368,257 ლარის ღირებულების აქტივების იდენტიფიცირებას სააგენტო ვერ ახდენს. გარემოს სააგენტოს არ გააჩნია აღნიშნული აქტივის განკარგვისა და კონტროლის განხორციელების უფლებამოსილება, შესაბამისად, ექვემდებარება ხარჯად (გრანტი) ჩამოწერას. აღსანიშნავია, რომ გარემოს სააგენტოს შესაბამისი მუნიციპალიტეტებისათვის გაგზავნილი აქვს წერილები ნაპირსამაგრი კედლების გადაცემის მოთხოვნით. ამ ეტაპზე მიმდინარეობს მოლაპარაკება აქტივების გადაცემასთან დაკავშირებით;

მთავრობის დადგენილების მიხედვით, ავტომობილები კლასიფიცირდება ოთხ კატეგორიად და სპეციალიზებული კლასის ავტომობილებად. თითოეული კლასის ავტომობილისთვის მოცემულია ფლობის ღირებულების ზღვრული ოდენობა და განსაზღვრულია კონკრეტული კლასით სარგებლობის უფლების მქონე პირთა კატეგორია/თანამდებობა. ასევე, იმ შემთხვევაში, თუკი შემსყიდველი ორგანიზაციის საჭიროებიდან გამომდინარე ავტოსატრანსპორტო საშუალების სპეციფიკაცია განსხვავებულია ამ წესით დადგენილი სტანდარტებისგან, შემსყიდველი ორგანიზაცია ვალდებულია აღნიშნული სპეციფიკაციის ამსახველი პარამეტრები წარუდგინოს სამთავრობო კომისიას გადაწყვეტილების მისაღებად. დადგენილების ძალაში შესვლის შემდეგ, შეძენილი 274 ავტომობილიდან, მთავრობის დადგენილების მოთხოვნების დაცვით შესყიდულია მხოლოდ 59 ერთეული, ხოლო 5 (ხუთი) ორგანიზაციის მიერ შესყიდული 215 ავტომობილიდან 23 ერთეული შეძენილია მხოლოდ ავტომობილის ღირებულებით, ნაცვლად ზღვრული ფლობის ღირებულების გათვალისწინებისა (ავტომანქანქანის, ავტომანქანის სერვისის და საწვავის ხარჯის ჯამი ), ხოლო 192 ერთეული სპეციალიზირებული ავტომობილი შეძენლია სამთავრობო კომისიასთან შეუთანხმებლად.

შიდა აუდიტის სამსახურს სათანადოდ არ შეუსწავლია ორგანიზაციაში არსებული პროცესები და შიდა კონტროლის სისტემები, არ გამოუვლენია სისტემური ხასიათის რისკები და მათი აღმოფხვრის მიზნით, არ გაუცია შესაბამისი რეკომენდაციები. შიდა აუდიტის სამსახურმა ვერ უზრუნველყო მერიის საქმიანობის გაუმჯობესება, ფინანსების რაციონალური მართვის და ორგანიზაციის ეფექტიანობის გაზრდის ხელშეწყობა.

შპს „სანდასუფთავების“ მიერ უსასყიდლოდ, თხოვების ფორმით მიღებული ავტომანქანების ეკონომიკურ საქმიანობაში გამოყენება და სამსახურებრივი საჭიროებისათვის საწვავის ხარჯვა წარმოდგენილი დოკუმენტებით არ დასტურდება. ამასთანავე, შპს „სანდასუფთავების“ და შპს „დინამო ბათუმის“ ბალანსზე რიცხულ ავტომანქანებზე, გავლილი მანძილის და დადგენილი ნორმების შეუსაბამოდ, ჩამოწერილია საწვავი, რაც წარმოშობს სატრანსპორტო საშუალებების და მასზე გახარჯული საწვავის არასამსახურებრივი დანიშნულებით გამოყენების რისკებს.

სსიპ - აჭარის ავტონომიური რესპუბლიკის სავაჭრო-სამრეწველო პალატის საბუღალტრო აღრიცხვის მონაცემების შესაბამისად, ამავე დაწესებულების თავმჯდომარის მოადგილის სახელზე დებიტორული დავალიანების სახით ირიცხება 14,424 ლარი. აღნიშნული განაპირობა 2010 წელს სარემონტო სამუშაოებისათვის სალაროდან გაცემული თანხის დანიშნულებით გამოყენების სრულყოფილი დოკუმენტების წარმოუდგენლობამ. შესაბამისად, 2010 წელს ანგარიშქვეშ გაცემული თანხა, აუდიტის პერიოდისათვის ისევ დავალიანების სახით ირიცხება, თუმცა მისი დაფარვისათვის სავაჭრო-სამრეწველო პალატას რაიმე სახის ღონისძიებები არ გაუტარებია, რაც წარმოშობს სავაჭრო-სამრეწველო პალატის კუთვნილი თანხების მითვისების მიზნით, დავალიანების ხანდაზმულობის მოტივით ჩამოწერის რისკებს.

დაცული ტერიტორიების სააგენტოს ბალანსზე ასახულია 988,759 ლარის ღირებულების სხვა ნაგებობა - ჯავახეთის დაცული ტერიტორიების ვიზიტორთა ცენტრის წყალსადენი სისტემა, რომელზეც სამუშაოები შესრულებულია 2014-2015 წლებში. სააგენტოს არ გააჩნია აღნიშნული აქტივის განკარგვისა და კონტროლის განხორციელების უფლებამოსილება, შესაბამისად, ექვემდებარება ხარჯად (გრანტი) ჩამოწერას.

მთავრობის დადგენილებაში მოცემული მოთხოვნები არ იძლევა ალტერნატიულ ენერგიაზე მომუშავე (მაგალითად: ჰიბრიდული და ელექტროავტომობილები) ავტომობილების შეძენის შესაძლებლობას, რაც, თავის მხრივ, ზღუდავს საწვავის და ავტომობილების საექსპლოატაციოდ საჭირო ფინანსების ეკონომიურ ხარჯვას და ეკოლოგიურად სუფთა სატრანსპორტო სისტემების ხელშეწყობას.

მუნიციპალიტეტმა ვერ უზრუნველყო ბიუჯეტით დაგეგმილი პროექტების დროულად განხორციელება და სათანადოდ ვერ დაგეგმა საბიუჯეტო სახსრების ხარჯვა, შედეგად მუნიციპალიტეტის ნაშთმა 2017 წლის ბოლოს 805.4 ათასი და 2018 წლის ბოლოს 1977.1 ათასი ლარი შეადგინა.

შპს „სანდასუფთავების“ მიერ უსასყიდლოდ, თხოვების ფორმით მიღებული ავტომანქანების ეკონომიკურ საქმიანობაში გამოყენება და სამსახურებრივი საჭიროებისათვის საწვავის ხარჯვა წარმოდგენილი დოკუმენტებით არ დასტურდება. ამასთანავე, შპს „სანდასუფთავების“ და შპს „დინამო ბათუმის“ ბალანსზე რიცხულ ავტომანქანებზე, გავლილი მანძილის და დადგენილი ნორმების შეუსაბამოდ, ჩამოწერილია საწვავი, რაც წარმოშობს სატრანსპორტო საშუალებების და მასზე გახარჯული საწვავის არასამსახურებრივი დანიშნულებით გამოყენების რისკებს.

გაეროს განვითარების პროგრამის საქართველოს წარმომადგენლობასთან (UNDP) პროექტის - „მდგრადი სოფლის მეურნეობა აჭარის ავტონომიურ რესპუბლიკაში“ განხორციელებასთან დაკავშირებით გაფორმებული ხელშეკრულების შესაბამისად, ა(ა)იპ ბათუმის ბიზნეს ინკუბატორს ფულადი გრანტის სახით მიღებული აქვს 56,700 ლარი. გრანტის დანიშნულებით გამოყენებასთან დაკავშირებით მათ მიერ წარმოდგენილ ანგარიშებში აღნიშნულია, რომ 55,500 ლარი გამოყენებულია პროექტის ფარგლებში, ფერმერებისა და ფერმერთა კოოპერატივების კონსულტირების მიზნით, დაქირავებული სპეციალისტების მიერ მიწოდებული მომსახურების ღირებულების ანაზღაურებისათვის, თუმცა აუდიტის პერიოდისთვის ვერ იქნა წარმოდგენილი ინფორმაცია ხელშეკრულების ფარგლებში გაწეული საკონსულტაციო მომსახურების, შინაარსის, რაოდენობისა და პერიოდულობის შესახებ. შესაბამისად, ჩვენ ვერ მივიღეთ რწმუნება გრანტის სახით მიღებული 55,500 ლარის დანიშნულებით გამოყენებასთან დაკავშირებით, რაც შესაძლოა გრანტის სახით მიღებული სახსრების არამიზნობრივ გამოყენებასთან იყოს დაკავშირებული.

დაცული ტერიტორიების სააგენტოს, შემოსავლის მიღების მიზნით, ადმინისტრაციულ ერთეულებში იჯარით გაცემული აქვს შენობები და ნაგებობები, საბალანსო ღირებულებით − 1,702,045 ლარი. აღრიცხვის ინსტრუქციის თანახმად, აღნიშნული აქტივები, ნაცვლად ძირითადი აქტივების მუხლისა, ასახული უნდა იყოს საინვესტიციო ქონების მუხლში.

მსოფლიოში დანერგილი საუკეთესო პრაქტიკების მიხედვით, ნებისმიერი სატრანსპორტო საშუალების შეძენამდე, ხორციელდება ხარჯსარგებლიანობის ანალიზი (Cost-benefit analysis). აღნიშნული პრინციპით საქმიანობა ეხმარება სახელმწიფო ავტოპარკის მართვის ორგანოებს, აკონტროლონ რამდენად დროულია და ხარჯეფექტურია ავტოპარკის განახლება. კანონმდებლობა არ ითვალისწინებს სახელმწიფო ავტოპარკის მართვაში ხარჯეფექტურობის ანალიზის პრინციპებს და ის არც პრაქტიკაშია დანერგილი.

დათვალიერების შედეგად გამოვლინდა, რომ 7 ხელშეკრულების ფარგლებში მოწყობილი 2,834.2 ათასი ლარის ღირებულების ინფრასტრუქტურული პროექტი შესრულებულია უხარისხოდ და აღენიშნება სხვადასხვა დაზიანება

შპს „ბათუმის წყლის“ და შპს „ბათუმის სარაგბო კლუბის“ თანამშრომელთა მივლინებისათვის, თანხები დადგენილ ნორმებზე მეტი ოდენობითაა გახარჯული, ხოლო შპს „ბათუმის წყალის“ მიერ წარმომადგენლობითი ხარჯებისათვის თანხის ხარჯვა დოკუმენტებით არ დასტურდება. აღნიშნული გარემოებები ფულადი სახსრების არაეკონომიურად ხარჯვის რისკსა და შიდა კონტროლის არსებით სისუსტეზე მიუთითებს.

აჭარის მყარი ნარჩენების მართვის პროექტის საკრედიტო ხელშეკრულებას ხელი მოეწერა 2010 წელს, თუმცა აუდიტის პერიოდისთვის პროექტის განხორციელება არ დაწყებულა და არც სესხის თანხაა ათვისებული. შედეგად, ყოველწლიურად სესხის აუთვისებელ ნაწილზე (2,7 მლნ. ევრო) ხორციელდება ვალდებულების გადასახადის გადახდა, აუთვისებელი თანხის 0,5% ოდენობით. 2017 წლის 31 დეკემბრის მდგომარეობით, აღნიშნული სესხის ფარგლებში, ჯამურად გაწეულია 163,522 ევროს ხარჯი , მაშინ როდესაც, პროექტის განსახორციელებლად საკრედიტო რესურსიდან თანხები არ მიუმართავთ. საერთო დანიშნულების რესპუბლიკურ გადასახდელებში ვალდებულების კლების საბიუჯეტო გეგმის შესრულების მაჩვენებელი დაბალია. კერძოდ, სესხის დასაბრუნებლად 2017 წლის ბიუჯეტით გათვალისწინებული 592,809 ლარის ნაცვლად, გაიხარჯა 7038 ლარი, რაც გეგმის 1,2% -ს შეადგენს. აღნიშნული განპირობებულია პროექტის განხორციელებისათვის გამოყოფილი სახსრების ხარჯვასთან დაკავშირებული კონტროლის მექანიზმების არარსებობით და სხვადასხვა ეტაპზე ხელისშემშლელი გარემოებებით, რომელთა გადასაჭრელად ქმედითი და დროული ღონისძიებები არ არის გატარებული. შედეგად ვალდებულების გადასახადის სახით საბიუჯეტო სახსრები არაეფექტიანად დაიხარჯა.

სამეცნიერო-კვლევით ცენტრს მისთვის მართვის უფლებით გადაცემული შპს-ების კაპიტალი არ ჰქონდა ასახული სხვა აქციები და კაპიტალის ანგარიშზე. აღნიშნულ მუხლზე ასახავდა მართვის უფლებით გადაცემულ შპს-ებში მხოლოდ მის მიერ განხორციელებულ ფულად/ქონებრივ შენატანებს. სამეცნიერო-კვლევითმა ცენტრმა აღნიშნული შპს-ების კაპიტალი, 21,164,512 ლარის ოდენობით, 2017 წელს აღიარა გრანტის სახით მიღებულ შემოსავლად.

მთავრობის დადგენილებით, „სამორიგეო ავტომობილი − ზოგადი სამსახურებრივი საჭირო¬ე¬ბიდან გამომდინარე დაკისრებული სამსახურებრივი მოვალეობების შესასრულებლად გან¬კუთ¬ვნილი ავტოსატრანსპორტო საშუალებაა, რომელიც გამოიყოფა ყოველი კონკ¬რეტული მოთხოვნის საფუძველზე დაწესებულების კონკრეტულ თანამ¬შრომელზე“. 34 უწყებიდან − 33-ში არ ხდება დადგენილების მოთხოვნების დაცვა და სამორიგეო ავტომობილების დანიშნულებისამებრ გამოყენების კონტროლი, რაც სამორიგეო ავტომობილის არადანიშნულებით გამოყენების შესაძლებლობას იძლევა.

მერიამ, შესყიდვების განხორციელების პროცესში ვერ უზრუნველყო საბიუჯეტო სახსრების რაციონალური ხარჯვა. სატენდერო კომისიამ მიმწოდებლების შერჩევა-შეფასების ეტაპზე პრეტენდენტს არ გადაუწია ფასწარმოქმნის ადეკვატურობის დადასტურების მიზნით წარმოსადგენი დოკუმენტის ვადა და მიანიჭა დისკვალიფიკაცია. შედეგად, მუნიციპალიტეტმა სამუშაოები შეისყიდა 32.0 ათასი ლარით უფრო ძვირად.

შპს „ბათუმის წყლის“ და შპს „ბათუმის სარაგბო კლუბის“ თანამშრომელთა მივლინებისათვის, თანხები დადგენილ ნორმებზე მეტი ოდენობითაა გახარჯული, ხოლო შპს „ბათუმის წყალის“ მიერ წარმომადგენლობითი ხარჯებისათვის თანხის ხარჯვა დოკუმენტებით არ დასტურდება. აღნიშნული გარემოებები ფულადი სახსრების არაეკონომიურად ხარჯვის რისკსა და შიდა კონტროლის არსებით სისუსტეზე მიუთითებს.

საქართველოს საბიუჯეტო კლასიფიკაციის მიხედვით, დანამატის კატეგორია მოიცავს არასამუშაო საათებში, ღამის ცვლაში, სადღესასწაულო და დასვენების დღეებში მუშაობისათვის განკუთვნილ დამატებით საზღაურს და კანონმდებლობით გათვალისწინებულ ნებისმიერ სხვა დანამატს, მათ შორის, დანამატს განსაკუთრებით საპასუხისმგებლო ფუნქციური დატვირთვისათვის. აჭარის ა/რ ფინანსთა და ეკონომიკის სამინისტროში დანამატების გაცემის არსებული პრაქტიკა ვერ უზრუნველყოფს შრომის ანაზღაურების სათანადო გამჭვირვალობას, ვინაიდან ბრძანებები ზოგადია და არ არის სათანადოდ დასაბუთებული.

დაცული ტერიტორიების სააგენტოს 2016 წელს უსასყიდლოდ მიღებული აქტივები და მომსახურება, შესაბამისად, 401,365 და 51,955 ლარის ოდენობით, აღრიცხული აქვს 2017 წელს.

აუდიტით შესწავლილი 34 ორგანიზაციების მიერ, საწვავის ლიმიტების განსაზღვრის წინაპიროებები არ არის ჩამოყალიბებული;

მუნიციპალიტეტი აფინანსებდა ორგანიზაციას, რომელზეც ადმინისტრაციული ხარჯის გაწევა, მისი ფუნქცია-მოვალეობიდან გამომდინარე, არ იყო მიზანშეწონილი. გარდა ამისა, მუნიციპალიტეტმა ორი ა(ა)იპ-ის ლიკვიდაციის შემდეგ თანამშრომლები საჭიროების შესწავლის გარეშე სრულად გადაანაწილა ახალ შექმნილ ორგანიზაციაში. აღნიშნული გადაწყვეტილების მიზანშეწონილობა მუნიციპალიტეტის მიერ არ არის სათანადოდ დასაბუთებული.

შპს „სალიხ აბაშიძის ინფექციური პათოლოგიის, შიდსის და ტუბერკულოზის ცენტრის“ და შპს „ქ. ბათუმის რესპუბლიკური კლინიკური საავადმყოფოს“ შესაბამისი პასუხისმგებელი პირების მიერ კლინიკაში პაციენტების არასწორად დაყოვნების, სტაციონარიდან გაწერის შემდეგ პაციენტების განმეორებით ჰოსპიტალიზაციის და პაციენტთა ისტორიაში გაურკვეველი ჩანაწერების გამო, შპს-ებმა სადაზღვევო კომპანიებისგან ვერ მიიღეს გაწეული მომსახურების საფასური. შედეგად, გაზრდილია კლინიკების ფინანსური ზარალი.

აუდიტის პერიოდში, სამინისტროს შესყიდვების განყოფილების მიერ ბაზრის კვლევა, შესყიდვების გეგმით გათვალისწინებული 94 შესყიდვიდან, არ არის განხორციელებული 54 შემთხვევაში. შედეგად შეუსრულებელია „სახელმწიფო შესყიდვების შესახებ“ საქართველოს კანონის მე-9 მუხლის მე-6 პუნქტის „ე“ ქვეპუნქტის მოთხოვნები, რაც მისაღები ხელშეკრულების ოპტიმალური პირობების განსაზღვრისათვის ბაზრის მოკლვლევაში გამოიხატება.

დაცული ტერიტორიების სააგენტოში შემოსავლის აღიარება ხორციელდება საკასო მეთოდით, აგრეთვე არ არის შემუშავებული მისაღები შემოსავლების სიზუსტისა და დროულად აღრიცხვის კონტროლის მექანიზმი. დაცული ტერიტორიების სააგენტო იჯარით გასცემს ტურისტულ ობიექტებს. სააგენტოს მიერ იჯარიდან მისაღებ შემოსავლებზე გავლენას ახდენს იჯარით გაცემული ობიექტების მიერ გამომუშავებული შემოსავლები. შესაბამისად, ხელშეკრულების მიხედვით მოიჯარემ დაცული ტერიტორიების სააგენტოს ყოველთვიურად უნდა წარუდგინოს საბანკო და სალარო აპარატის ამონაწერები, გადასახდელი იჯარის თანხის გამოსათვლელად. ზოგიერთ შემთხვევაში, მოიჯარეების მიერ დროულად არ არის ან არასრულყოფილად არის წარდგენილი საბანკო და სალარო აპარატის ამონაწერები. შესაბამისად, სააგენტოს არ აქვს ზუსტი ინფორმაცია მოიჯარეების მიერ მიღებული შემოსავლების შესახებ, რაც ზრდის მისაღები შემოსავლების შემცირების რისკს. ზემოაღნიშნულიდან გამომდინარე, ვერ მოვიპოვეთ საკმარისი და შესაფერისი მტკიცებულებები ტურისტული ობიექტების იჯარიდან მიღებული შემოსავლის, 383,395 ლარის, სისრულეზე.

"აუდიტის შედეგად ავტომობილების მიერ მოხმარებულ საწვავთან დაკავშირებით გამოვლინდა შემდეგი ნაკლოვანებები:

მუნიციპალიტეტმა 9 ა(ა)იპ-ის სუბსიდიური დაფინანსების პროცესში არ გაითვალისწინა კანონის მოთხოვნა, კერძოდ, 2017 წლის დაფინანსება არ არის შემცირებული 2016 წლის მოსალოდნელი საკასო შესრულების 90%-მდე და აღნიშნულ მაჩვენებელს 99.4 ათასი ლარით აღემატება.

შპს „სალიხ აბაშიძის ინფექციური პათოლოგიის, შიდსის და ტუბერკულოზის ცენტრის“ და შპს „ქ. ბათუმის რესპუბლიკური კლინიკური საავადმყოფოს“ შესაბამისი პასუხისმგებელი პირების მიერ კლინიკაში პაციენტების არასწორად დაყოვნების, სტაციონარიდან გაწერის შემდეგ პაციენტების განმეორებით ჰოსპიტალიზაციის და პაციენტთა ისტორიაში გაურკვეველი ჩანაწერების გამო, შპს-ებმა სადაზღვევო კომპანიებისგან ვერ მიიღეს გაწეული მომსახურების საფასური. შედეგად, გაზრდილია კლინიკების ფინანსური ზარალი.

● სამინისტროში ადგილი აქვს ცალკეული პროგრამების/ქვეპროგრამების ფარგლებში აუთვისებელი საბიუჯეტო სახსრების მასშტაბურ გადანაწილებას სხვადასხვა პროგრამებზე და ქვეპროგრამებზე, რაც პროგრამის არასათანადო დაგეგმვაზე მიუთითებს. ● არ ხდება ასიგნებების გადანაწილების შედეგად პროგრამაში სათანადო ცვლილებების შეტანა და პარამეტრების დაზუსტება . ● რიგ შემთხვევებში არ ხდება მიღწეული შედეგების შესახებ ანგარიშგება, წინასწარ განსაზღვრული შედეგების შეფასების ინდიკატორებთან მიმართებაში.

სატყეო სააგენტოს 2016 წელს უსასყიდლოდ გადაცემული 1,571,850 ლარის მიწა გრანტის ხარჯად აღიარებული აქვს 2017 წელს, შედეგად, ამავე თანხით 2017 წლის 31 დეკემბრის მდგომარეობით მომზადებულ კონსოლიდირებულ ფინანსურ ანგარიშგების ფორმა N1-ში გაზრდილად არის წარმოდგენილი „ძირითადი აქტივების“ საწყისი ნაშთი და ფორმა N2-ში „გრანტის“ (ხარჯი) მუხლი.

შესწავლილი 34 ობიექტიდან 6-ში, გარდა სამსახურებრივი მანქანებისა, საწვავის ლიმიტი დაწესებული იყო თანამშრომლების პირად მანქანებზე. 2017 წლის განმავლობაში, სამსახურებრივი საჭიროებიდან გამომდინარე, პირად ავტომობილებზე გაცემულია 1,085,740 ლარის ღირებულების 548,654 ლიტრი საწვავი. ბრძანებებსა და პატაკებში არ არის დასაბუთებული კონკრეტულ თანამშრომლებზე საწვავის ლიმიტის დაწესების საჭიროება და რაოდენობის განსაზღვრის კრიტერიუმები. გამომდინარე აქედან, გაურკვეველია ლიმიტები დაწესებულია თუ არა რაციონალურობის პრინციპის გათვალისიწნებით. ზემოაღნიშნული ორგანიზაციებიდან შეირჩა 92 ერთეული კერძო საკუთრებაში არსებული ისეთი ავტომობილი, რომლებიც წლის განმავლობაში რეგულარულად მოიხმარდნენ საწვავს და თვიური ათვისების მაჩვენებლები ლიმიტებთან იყო მიახლოებული. აგაი-ს მონაცემების ანალიზით გამოიკვეთა, რომ შერჩეული ავტომობილებიდან 67 (73%)-ზე, საწვავის ლიმიტები გახარჯულია თანამშრომლების (მესაკუთრე) შვებულებაში ყოფნის პერიოდში,

მუნიციპალიტეტმა (შესაბამისმა პასუხისმგებელმა პირებმა) 2017-2018 წლებში საკრებულოს არათანამდებობის პირებზე ხარჯების ასანაზღაურებლად 127.2 ათასი ლარი გასცა ხარჯის დამადასტურებელი დოკუმენტის წარმოდგენის გარეშე.

შპს „სალიხ აბაშიძის ინფექციური პათოლოგიის, შიდსის და ტუბერკულოზის ცენტრის“ და შპს „ქ. ბათუმის რესპუბლიკური კლინიკური საავადმყოფოს“ შესაბამისი პასუხისმგებელი პირების მიერ კლინიკაში პაციენტების არასწორად დაყოვნების, სტაციონარიდან გაწერის შემდეგ პაციენტების განმეორებით ჰოსპიტალიზაციის და პაციენტთა ისტორიაში გაურკვეველი ჩანაწერების გამო, შპს-ებმა სადაზღვევო კომპანიებისგან ვერ მიიღეს გაწეული მომსახურების საფასური. შედეგად, გაზრდილია კლინიკების ფინანსური ზარალი.

აჭარის ავტონომიური რესპუბლიკის მთავრობის და მთავრობასთან არსებული ორგანიზაციების კონსოლიდირებული ფინანსური ანგარიშგების თანახმად, არასაოპერაციო შემოსავლები 2017 წლის 31 დეკემბრის მდგომარეობით შეადგენს 737,223 ლარს. მოპოვებული მტკიცებულებებით დგინდება, რომ არასაოპერაციო შემოსავლების მონაცემი 714,127 ლარით უზუსტოდ (გაზრდილად) არის წარმოდგენილი და ნაცვლად 737,223 ლარისა, შეადგენს 23,096 ლარს.

2017 წლის 5 მაისს პროექტების მართვის სააგენტომ სსიპ − ქონების ეროვნული სააგენტოსგან შეიძინა შპს „მარცვლეულის ლოგისტიკის კომპანიის“ 100%-იანი წილი, ნომინალური ღირებულებით - 1 ლარი, რომლის კაპიტალი ამავე წლის 8 აგვისტოს განისაზღვრა 21,566,892 ლარით. გამომდინარე იქიდან, რომ კომპანია შეძენილია ნომინალური ღირებულებით, აღნიშნული წარმოადგენს არაგაცვლით ოპერაციას და შესაბამისად, გადმოცემული აქტივი, ნაცვლად „არასაოპერაციო შემოსავლების“ მუხლისა, უნდა ასახულიყო გრანტის სახით მიღებულ შემოსავლად.

გამოვლინდა ისეთი გარემოებები, როდესაც საწვავი გამოიყენეს სავარაუდოდ, არაავტორიზებულ ავტომანქანაში. ცალკეულ ავტომანქანებზე ერთი დღის განმავლობაში, დროის მცირე ინტერვალში, საწვავი ჩასხმულია რამდენჯერმე და მათი ჯამური მოცულობა ავტომანქანის საწვავის ავზის მოცულობას აღემატება. ასევე, ხშირ შემთხვევაში, ავტომანქანაში ერთჯერადად ჩასხმული საწვავის ოდენობა აღემატება საწვავის ავზის მოცულობას

შპს „სალიხ აბაშიძის ინფექციური პათოლოგიის, შიდსის და ტუბერკულოზის ცენტრის“ და შპს „ქ. ბათუმის რესპუბლიკური კლინიკური საავადმყოფოს“ შესაბამისი პასუხისმგებელი პირების მიერ კლინიკაში პაციენტების არასწორად დაყოვნების, სტაციონარიდან გაწერის შემდეგ პაციენტების განმეორებით ჰოსპიტალიზაციის და პაციენტთა ისტორიაში გაურკვეველი ჩანაწერების გამო, შპს-ებმა სადაზღვევო კომპანიებისგან ვერ მიიღეს გაწეული მომსახურების საფასური. შედეგად, გაზრდილია კლინიკების ფინანსური ზარალი.

აჭარის ავტონომიური რესპუბლიკის მთავრობის და მთავრობასთან არსებული ორგანიზაციების კონსოლიდირებული ფინანსური ანგარიშგების თანახმად, არასაოპერაციო ხარჯები 2017 წლის 31 დეკემბრის მდგომარეობით, შეადგენს 59,439 ლარს. მოპოვებული მტკიცებულებებით დგინდება, რომ არასაოპერაციო ხარჯების მონაცემი 49,867 ლარით, უზუსტოდ (გაზრდილად) არის წარმოდგენილი და ნაცვლად 59,439 ლარისა, შეადგენს 9,572 ლარს.

სამინისტროს კონსოლიდირებულ ფინანსურ ანგარიშგებაში ელიმინირებულია (გამორიცხეს) მიღებული შემოსავლები და გაწეული ხარჯები 1,760,588 ლარის ოდენობით, ხოლო 2,310,258 ლარი - ელიმინირებული არ არის (არ გამორიცხეს).

2017-2018 წლების ბიუჯეტებისთვის პრიორიტეტების დოკუმენტის მომზადების მიზნით მუნიციპალიტეტის მერს შესაბამისი ბრძანებების არ გამოუცია

შპს „სარაგბო კლუბ ბათუმის“ სპორტსმენებზე მიმწოდებლის მიერ მომსახურების ფაქტობრივად გაწევა წარმოდგენილი დოკუმენტებით ვერ დგინდება. შედეგად, მიმწოდებელს თანხა მიღებული აქვს ისეთ მომსახურებაზე, რომელიც შესაძლოა არ განხორციელებულა. აღნიშნული გარემოება შპს-ის მიერ ფულადი სახსრების არამიზნობრივად ხარჯვის რისკზე მიუთითებს;

ა(ა)იპ - ტურისტული პროდუქტების განვითარების სააგენტოს საბუღალტრო მონაცემებით, ორგანიზაციის მიერ განხორციელებულია საკუთარი სახსრებით 80,975 ლარის ღირებულების კაპიტალის შექმნა. მოპოვებული მტკიცებულებებით დგინდება, რომ სააგენტოს 2017 წელს „საკუთარი სახსრებით კაპიტალის შექმნის“ ოპერაცია არ განუხორციელებია, ხოლო აღნიშნულ ანგარიშზე შეცდომით აღრიცხული აქვს ორგანიზაციის მიერ წლის განმავლობაში არასაბიუჯეტო სახსრებით შეძენილი მატერიალური მარაგები.

სოფლის მეურნეობის სამინისტროს აპარატის ფინანსურ ანგარიშგებაში სხვა მოკლევადიანი და გრძელვადიანი ფინანსური აქტივების მუხლი მოიცავს 18,633,385 ლარის ისეთ დებიტორულ დავალიანებებს, რომლებიც წარმოქმნილია 2004-2009 წლებში ფინანსური აქტივის მუხლით, მთავრობის განკარგულებების საფუძველზე სხვადასხვა იურიდიულ პირებზე გაცემული სესხების შედეგად, მათ შორის, 11,441,902 ლარი წარმოადგენს მოთხოვნას შპს „საქართველოს მელიორაციის“ მიმართ, რომლის 100%-იანი წილის მფლობელია სახელმწიფო.

2017-2018 წლების პრიორიტეტების დოკუმენტი არ მოიცავს გასული, კანონმდებლობით გათვალისწინებულ ყველა საჭირო ინფორმაციას.

შპს „ბათუმის ნავთობგადამამუშავებელი ქარხნის“ მიერ რეზერვუარის დემონტაჟის, გადაკეთება-მონტაჟის სამუშაოებისათვის მიმწოდებელზე თანხა გადახდილია შესასრულებელი სამუშაოების დასახელების, მოცულობის და მასალების ფაქტობრივად ხარჯვის დამადასტურებელი მტკიცებულების გარეშე. ანალოგიურად, შპს „სავაჭრო ცენტრ 2009“-ის მიერ ბაზრის ტერიტორიაზე, სარემონტო სამუშაოებისათვის, სატრანსპორტო ხარჯი გადახდილია ფაქტობრივად შესრულების დადასტურების გარეშე. აღნიშნულიდან გამომდინარე, ვერ დგინდება რამდენად შეესაბამება შპს-ების მიერ გაწეული ხარჯები რეალურად განხორციელებული სამუშაოების ღირებულებასთან;

სსიპ - აჭარის სატყეო სააგენტოს საბუღალტრო მონაცემებით, ორგანიზაციის მიერ „გრანტების“ სახით გაცემულია 45,673 ლარის ღირებულების მატერიალური მარაგები. აუდიტის შედეგად დგინდება, რომ სააგენტოს 2017 წელს მატერიალური მარაგების გაცემის ოპერაცია არ განუხორციელებია, ხოლო აღნიშნულ ანგარიშზე ორგანიზაციას შეცდომით აღრიცხული აქვს სააგენტოს სტრუქტურული ერთეულებისთვის გადაცემული მატერიალური მარაგები.

საშენი მეურნეობის ფინანსურ ანგარიშგებაში ასახულია შპს ,,მზიური XXI-ს“ მიმართ 2012 წელს წარმოშობილი დებიტორული დავალიანება 51,283 ლარის ოდენობით, რომლის ამოღების ალბათობა მცირეა.

საფინანსო ორგანოს, ბიუჯეტის პროექტის მომზადების მიზნით, საბიუჯეტო ორგანიზაციებისათვის არ გაუგზავნია საბიუჯეტო განაცხადის ფორმები ასიგნებებისა და მომუშავეთა რიცხოვნობის საორიენტაციო ზღვრული მოცულობების მითითებით

შპს „ბათუმის ნავთობგადამამუშავებელი ქარხნის“ მიერ რეზერვუარის დემონტაჟის, გადაკეთება-მონტაჟის სამუშაოებისათვის მიმწოდებელზე თანხა გადახდილია შესასრულებელი სამუშაოების დასახელების, მოცულობის და მასალების ფაქტობრივად ხარჯვის დამადასტურებელი მტკიცებულების გარეშე. ანალოგიურად, შპს „სავაჭრო ცენტრ 2009“-ის მიერ ბაზრის ტერიტორიაზე, სარემონტო სამუშაოებისათვის, სატრანსპორტო ხარჯი გადახდილია ფაქტობრივად შესრულების დადასტურების გარეშე. აღნიშნულიდან გამომდინარე, ვერ დგინდება რამდენად შეესაბამება შპს-ების მიერ გაწეული ხარჯები რეალურად განხორციელებული სამუშაოების ღირებულებასთან;

სატყეო სააგენტო, სხვა საქმიანობასთან ერთად, ახორციელებს ტყეებში გზების მშენებლობას და დაზიანებული გზების აღდგენით/გაწმენდით სამუშაოებს. დოკუმენტაციის მიხედვით, აღნიშნული საქმიანობის განსახორციელებლად, მხოლოდ სპეცტექნიკისათვის 2017 წელს გაიხარჯა 71,805 ლიტრი საწვავი. სპეცტექნიკის განთავსების ლოკაციების გათვალისწინებით, საწვავის გამართვა არ ხდება ბენზინგასამართ პუნქტებში და ხორციელდება საწვავის უშუალოდ სამშენებლო უბნებზე სატრანსპორტო საშუალებებით მიტანა. აღნიშნულ სამუშაოს წარმოდგენილი დოკუმენტაციით, დადგენილი რეგულაციის საფუძველზე, სამსახურებრივი ავტომანქანით უზრუნველყოფს შესაბამისი სატყეო ადმინისტრაციის დირექტორი. საწვავის ფიზიკურად გადაცემაზე სატყეო ადმინისტრაციის დირექტორსა და სპეცტექნიკის მექანიზატორს შორის ფორმდება მიღება-ჩაბარების აქტი. მოპოვებული მტკიცებულებებით ირკვევა, რომ ხშირია ისეთი შემთხვევები, როდესაც სატყეო ადმინისტრაციის უფროსი უშუალოდ არ მონაწილეობდა საწვავის გადაცემის პროცესში, თუმცა საწვავის გადაცემის დოკუმენტზე ფიქსირდება მისი ხელმოწერა. ხელმოწერის შესაბამის დროში განხორციელების ფორმალურობას ადასტურებს ფიჭური კავშირგაბმულობის ოპერატორის მიერ წარმოდგენილი ინფორმაციაც, რომლის თანახმად, უფლებამოსილი პირების მობილური ტელეფონები მითითებულ თარიღებში არ ფიქსირდება შესაბამის გეოგრაფიულ არეალებში. ზემოაღნიშნული გარემოებების გამო, არსებული კონტროლის მექანიზმი ვერ უზრუნველყოფს საწვავის მითითებულ დროში წარმოდგენილი მოცულობით გადაცემის დადასტურებას.

დაცული ტერიტორიების სააგენტო ვერ ახორციელებს საქმიანობის იმ ნაწილის გამიჯვნას, რომელიც უშუალოდ დაკავშირებულია მის ეკონომიკურ საქმიანობასთან. მიუხედავად ამისა, დაცული ტერიტორიების სააგენტო საანგარიშო პერიოდის მოგების გადასახადის გაანგარიშებისას ერთობლივი შემოსავლებიდან საკუთარი სახსრებით გაწეულ ხარჯებს სრულად გამოიქვითავს. საგადასახადო კოდექსის მიხედვით, თუ ორგანიზაცია ვერ მიჯნავს ეკონომიკურ საქმიანობასთან დაკავშირებულ ხარჯებს, მაშინ ასეთი ხარჯების გამოანგარიშებისას გამოიყენება შემოსავლების ხვედრითი წილის მეთოდი. ჩვენ (ერთობლივ გამოქვითვებს მიკუთვნებული შრომის ანაზღაურების ხარჯიდან ხვედრითი წილის შესაბამისად, გამოვთავლეთ გამოსაქვითი ხარჯის ოდენობა და არ ჩაგვიტარებია დამატებითი პროცედურები მოგების გაანგარშების მიზნით სრულად გამოქვითული ხარჯების სისწორის დადგენისათვის) მიერ გამოთვლილი მოგების გადასახადი შეადგენს 290,699 ლარს, მოგების გადასახადის დეკლარაციის მიხედვით - 104,492 ლარს, ხოლო ფინანსური ანგარიშგების ფორმა N2-ში “სხვა ხარჯების” მუხლში, ნაცვლად კაპიტალის ცვლილებების ანგარიშგებისა, ასახულია 65,308 ლარის მოგების გადასახადი.

მუნიციპალიტეტმა 2017-2018 წლების ბიუჯეტის პროექტების მომზადებისას, შემოსულობების განსაზღვრის დროს, არ გაითვალისწინა „პროცენტისა“ და „დასუფთავების მოსაკრებლის“ მუხლით მისაღები საპროგნოზო შემოსავლები და დაგეგმა ნულოვანი მაჩვენებლებით.

შპს „ბათუმის ნავთობგადამამუშავებელი ქარხნის“ მიერ რეზერვუარის დემონტაჟის, გადაკეთება-მონტაჟის სამუშაოებისათვის მიმწოდებელზე თანხა გადახდილია შესასრულებელი სამუშაოების დასახელების, მოცულობის და მასალების ფაქტობრივად ხარჯვის დამადასტურებელი მტკიცებულების გარეშე. ანალოგიურად, შპს „სავაჭრო ცენტრ 2009“-ის მიერ ბაზრის ტერიტორიაზე, სარემონტო სამუშაოებისათვის, სატრანსპორტო ხარჯი გადახდილია ფაქტობრივად შესრულების დადასტურების გარეშე. აღნიშნულიდან გამომდინარე, ვერ დგინდება რამდენად შეესაბამება შპს-ების მიერ გაწეული ხარჯები რეალურად განხორციელებული სამუშაოების ღირებულებასთან;

საქართველოს საბიუჯეტო კლასიფიკაციით, დანამატი მოიცავს არასამუშაო საათებში, ღამის ცვლაში, სადღესასწაულო და დასვენების დღეებში მუშაობისათვის განკუთვნილ დამატებით საზღაურს და კანონმდებლობით გათვალისწინებულ ნებისმიერ სხვა დანამატს, მათ შორის, დანამატს განსაკუთრებით საპასუხისმგებლო ფუნქციური დატვირთვისათვის. დანამატების გაცემის არსებული პრაქტიკა ვერ უზრუნველყოფდა შრომის ანაზღაურების სათანადო გამჭვირვალობას, რადგან შესაბამისი ბრძანებები ზოგადია და არ არის სათანადოდ დასაბუთებული.

დაცული ტერიტორიების სააგნეტოს არ დაუსრულებია მარაგების და აქტივების 2017 წლის სავალდებულო ინვენტარიზაცია, კერძოდ, არ არის საინვენტარიზაციო კომისიის შემაჯამებელი ოქმი შედეგების შესახებ. აღნიშნულით დარღვეულია ფინანსთა მინისტრის 2010 წლის 23 ივლისის N605 ბრძანებით დამტკიცებული „ინვენტარიზაციის ჩატარების წესის შესახებ“ ინსტრუქციის მე-3 მუხლის მოთხოვნები, ხოლო სატყეო სააგენტოს მიერ შედგენილი ოქმი შედეგების შესახებ არ პასუხობს ამავე ინსტრუქციის მე-15 მუხლის მოთხოვნებს.

2017-2018 წლების ბიუჯეტის შესრულების წლიური ანგარიშები, მუნიციპალიტეტის აღმასრულებელმა ორგანომ შეადგინა ხარვეზებით და მასში სრულყოფილად ასახული არ არის კანონმდებლობით მოთხოვნილი ინფორმაცია.

შპს „სარაგბო კლუბ ბათუმის“ მიერ სპორტსმენებისთვის ბინის დაქირავება, რიგ შემთხვევაში, განხორციელებულია საჭიროების დასაბუთების გარეშე, არაერთგვაროვანი მიდგომით და საბაზრო ფასებთან შეუსაბამოდ. შედეგად, შესაძლოა, შპს-ის მიერ ფულადი სახსრები არარაციონალურად დაიხარჯა;

„საგზაო და სამელიორაციო ინფრასტრუქტურის მშენებლობის, რეაბილიტაციისა და მოვლა-შენახვის“ პროგრამაში (პროგრამული კოდი: 03 06 02) შესყიდვების შედეგად გამოწვეულმა ჯამურმა ეკონომიამ შეადგინა 420,955 ლარი. ამასთანავე, აღსანიშნავია, რომ საავტომობილო გზების დეპარტამენტს, რომელიც ახორციელებს „საგზაო და სამელიორაციო ინფრასტრუქტურის მშენებლობის, რეაბილიტაციისა და მოვლა-შენახვის“ პროგრამას, წარმოქმნილი ეკონომიის ხარჯზე, ტენდერების დასრულების თარიღის გათვალისწინებით, შეეძლო ახალი პროექტების მომზადება და შესრულება, რაც არ განუხორციელებია.

სამინისტროსა და მის დაქვემდებარებაში მყოფ ორგანიზაციებში სახელფასო დანამატები გაიცემოდა სხვადასხვა საფუძვლით, თუმცა დანამატის გაცემის შემთხვევაში, ზეგანაკვეთური მუშაობის ან/და განსაკუთრებული სამუშაოს შესრულების სათანადო დამადასტურებელი დოკუმენტების შედგენა ორგანიზაციაში არ ხდებოდა. სამინისტროს სისტემაში თანამშრომლებზე სულ 2017 წელს „შრომის ანაზღაურების“ მუხლით გაწეულია 53,457,790 ლარის საკასო ხარჯი, მათ შორის, დანამატი 8,868,543 ლარი, რაც „შრომის ანაზღაურების“ მუხლით გაწეული საკასო ხარჯის 16.6%-ს შეადგენს. საბიუჯეტო კლასიფიკაციის მიხედვით, დანამატის კატეგორია მოიცავს არასამუშაო საათებში, ღამის ცვლაში, სადღესასწაულო და დასვენების დღეებში მუშაობისათვის განკუთვნილ დამატებით საზღაურს და კანონმდებლობით გათვალისწინებულ ნებისმიერ სხვა დანამატს, მათ შორის, განსაკუთრებით საპასუხისმგებლო ფუნქციური დატვირთვის საზღაურს. დანამატების გაცემის არსებული პრაქტიკა ვერ უზრუნველყოფს შრომის ანაზღაურების საკმარის გამჭვირვალობას, ვინაიდან, ბრძანებები ზოგადია და არ არის სათანადოდ დასაბუთებული.

2017-2018 წლებში ასპინძის მუნიციპალიტეტში მოიჯარეების მიერ გადაუხდელი საიჯარო თანხა შეადგენს 16.9 ათას ლარს,

შპს „სარაგბო კლუბ ბათუმის“ სპორტსმენთა საჭიროებისათვის კვების პროდუქტების შეძენა წარმოდგენილი დოკუმენტებით ვერ დგინდება. ამასთანავე, გასვლითი კალენდარული მატჩის ჩატარებისათვის, გუნდის უცხოეთში მგზავრობის მომსახურების შესყიდვა, ნაცვლად ელექტრონული ტენდერისა, განხორციელდა გამარტივებული შესყიდვის საშუალებით, ხოლო მიმწოდებლისთვის გადახდილ თანხაზე სრულად არ არის წარმოდგენილი ხარჯვის დამადასტურებელი დოკუმენტები;

სამინისტრომ 2017 წელს განახორციელა სარგებლობაში არსებული შენობა-ნაგებობის სახანძრო სიგნალიზაციით აღჭურვა, რომლის ღირებულებამ შეადგინა 4,663.36 ლარი. სამინისტროს მიერ მოხდა გაწეული ხარჯის კაპიტალიზაცია, აღნიშნული ფართის ისტორიული ღირებულების გაზრდა 669,680.00 ლარამდე და 2017 წლისათვის აქტივის ცვეთის გაანგარიშების ბაზად გამოყენებულ იქნა შენობა-ნაგებობის გაზრდილი ღირებულება. შესაბამისად, ფინანსური ანგარიშგების ფორმა №1-ში და დანართ ფორმა №5-ში ანგარიშზე - „(2112) არასაცხოვრებელი შენობები“ აღნიშნული აქტივი აღრიცხულია 664,882.68 ლარის ნარჩენი საბალანსო ღირებულებით. საკუთარი კაპიტალის მოხმარებამ შეადგინა 6,996.80 ლარი. მოქმედი კანონმდებლობით, ხარჯი, რომელიც არ იწვევს შენობა-ნაგებობის არსებით გაუმჯობესებას, ასევე არ წარმოადგენს შენობა-ნაგებობის განახლებას, რეკონსტრუქციას, ან გაფართოებას, რომელიც აუმჯობესებს აქტივის საექსპლუატაციო თვისებებს, ზრდის მოცულობას და მწარმოებლურობას, ან მნიშვნელოვნად ახანგრძლივებს აქტივის წინასწარ განსაზღვრულ სასარგებლო მომსახურების ვადას, არ წარმოადგენს კაპიტალიზებად ხარჯს. შესაბამისად, სახანძრო სიგნალიზაციის დანახარჯი არ განეკუთვნება კაპიტალიზებად ხარჯს, რის გამოც ის უნდა აღრიცხულიყო ცალკე აქტივად ფინანსური ანგარიშგების ფორმა №1-ში და დანართ ფორმა №5-ში ანგარიშზე - „(2122) სხვა მანქანა-დანადგარები და ინვენტარი“ და ცვეთის დარიცხვა უნდა განხორციელებულიყო არსებული კანონმდებლობის შესაბამისად. შედეგად, წლის ბოლოსათვის ფინანსური ანგარიშგების ფორმა №1-სა და დანართ №5-ში „(2112) არასაცხოვრებელი შენობების“ ანგარიშის ღირებულება არასწორად იქნა გაზრდილი 4,663.36 ლარით, იმავდროულად, „(2122) სხვა მანქანა-დანადგარები და ინვენტარის“ ანგარიშის ღირებულება არასწორად შემცირდა 4,197.02 ლარით . ჯამში, აქტივების ნეტო ღირებულება არასწორად გაიზარდა 419.70 ლარით, საკუთარი კაპიტალის მოხმარება ბალანსის დანართ ფორმა №2-ში, №3-სა და №5-ში შემცირდა, ხოლო წმინდა ღირებულება ბალანსის ფორმა №3-ში არასწორად იქნა გაზრდილი 419.70 ლარით

სსიპ − დაცული ტერიტორიების სააგენტოს ფინანსურ ანგარიშგებაში ასახულია საწყობიდან გაცემული (ექსპლოატაციაში მყოფი) 464,122 ლარის გრძელვადიანი მცირეფასიანი აქტივები. აღრიცხვის ინსტრუქციის შესაბამისად, აღნიშნული აქტივები ექვემდებარება ხარჯად ჩამოწერას.

შიდა აუდიტის სამსახურს სათანადოდ არ შეუფასებია რამდენად კანონიერად, მიზნობრივად და ეფექტიანად გამოიყენება დაფინანსება, დანერგილია თუ არა ადეკვატური მართვისა და კონტროლის მექანიზმები და სხვ. მერიის შიდა აუდიტის სამსახურის საქმიანობა სათანადოდ ვერ უზრუნველყოფს მერიის ფინანსების მართვის გაუმჯობესებას, მატერიალური ფასეულობების ხარჯვისა და გამოყენების კანონიერების, მიზნობრიობის დაცვასა და ეფექტიანობის გაზრდის ხელშეწყობას. პასუხისმგებელ პირებს ევალებოდათ შიდა აუდიტის სამსახურის რეკომენდაციების დროული შესრულების უზრუნველყოფა, მათი მხრიდან სათანადო რეაგირება არ მომხდარა.

შპს „სარაგბო კლუბ ბათუმის“ სპორტსმენთა საჭიროებისათვის კვების პროდუქტების შეძენა წარმოდგენილი დოკუმენტებით ვერ დგინდება. ამასთანავე, გასვლითი კალენდარული მატჩის ჩატარებისათვის, გუნდის უცხოეთში მგზავრობის მომსახურების შესყიდვა, ნაცვლად ელექტრონული ტენდერისა, განხორციელდა გამარტივებული შესყიდვის საშუალებით, ხოლო მიმწოდებლისთვის გადახდილ თანხაზე სრულად არ არის წარმოდგენილი ხარჯვის დამადასტურებელი დოკუმენტები;

ფინანსური ანგარიშგების ფორმა №1-სა და დანართ ფორმა №5-ში ანგარიშზე - „2132 არამატერიალური ძირითადი აქტივები“, ასახულია 1,800.00 ლარის ნარჩენი საბალანსო ღირებულების (საწყისი ისტორიული ღირებულება - 12,000.00 ლარი) მქონე ხაზინის პროგრამა, რომელსაც აუდირებულ წელს დაერიცხა ცვეთა 1,200.00 ლარის ოდენობით. მოწოდებული ინფორმაციით და შესაბამისი აუდიტორული პროცედურებით დადასტურდა, რომ აღნიშნული პროგრამა არ ფუნქციონირებს და დაარქივებულია სამინისტროს სერვერზე. ვინაიდან სამინისტროს აღნიშნული პროგრამა წლებია არ გამოუყენებია და არც მომავალში მოელის მისგან ეკონომიკური სარგებლის ან მომსახურების პოტენციალის მიღებას, მოქმედი კანონმდებლობის შესაბამისად, ის არ აკმაყოფილებს აქტივად აღიარების კრიტერიუმებს. აქედან გამომდინარე, ფინანსურ ანგარიშგებაში „არამატერიალური ძირითადი აქტივების“ ანგარიში წლის ბოლოს არასწორადაა გაზრდილი 1,800.00 ლარით, ასევე საკუთარი კაპიტალის მოხმარება ბალანსის დანართ ფორმა №2-ში, №3-სა და №5-ში არასწორადაა გაზრდილი 1,200.00 ლარით და შესაბამისად, საანგარიშო წლის „წმინდა ღირებულება“ ბალანსის ფორმა №3-ში არასწორადაა შემცირებული 1,200.00 ლარით.

სსიპ − დაცული ტერიტორიების სააგენტოს ფინანსურ ანგარიშგებაში ასახულია 347,742 ლარის კრედიტორული დავალიანებები, რომელთა მაიდენტიფიცირებელი პირველადი დოკუმენტაცია სააგენტოს არ გააჩნია.

მუნიციპალიტეტი ვალდებული იყო გაეტარებინა საკმარისი და შესაფერისი ღონისძიებები აუდიტის ანგარიშებში დაფიქსირებული ხარვეზების გამოსწორებისათვის და შედეგების მისაღებად, რაც სისრულის თვალსაზრისით, არ განხორციელებულა.

შპს „დინამო ბათუმის“ საწესდებო კაპიტალში შეტანილი, მერიის მიერ აშენებული, ანგისის დასახლებაში არსებული სპორტული ბაზის შენობა დაზიანებულია, თუმცა როგორც შპს-მ, ასევე ბათუმის მუნიციპალიტეტის მერიამ, ვერ უზრუნველყო დაზიანების გამომწვევი მიზეზების შესწავლა და ზიანის ოდენობის განსაზღვრა. ასევე პასუხისმგებელი პირების მიმართ არ არის გატარებული შესაბამისი ღონისძიებები შესაძლო ზიანის ასანაზღაურებლად;

ფინანსური ანგარიშგების ფორმა №1-სა და დანართ ფორმა №5-ში ანგარიშზე - „(2122) სხვა მანქანა-დანადგარები და ინვენტარი”, აღრიცხულია 5 ერთეული 998.91 ლარის ნარჩენი ღირებულების (საწყისი ისტორიული ღირებულება - 7,938.85 ლარი) მქონე ისეთი ძირითადი აქტივი, რომელიც 2017 წელს სამინისტროს გადმოეცა შემდგომი განკარგვის მიზნით და აუდირებულ წელს მას დაერიცხა ცვეთის თანხა - 706.82 ლარის ოდენობით. მოქმედი კანონმდებლობით, განსაკარგავად გადასაცემი მოძრავი ქონება წარმოადგენს შემდგომი რეალიზაციის მიზნით გადასაცემ ქონებას, რომლის აღრიცხვაც ხდება ფინანსური ანგარიშგების ფორმა №1-ის საცნობარო მუხლში - „(11) განსაკარგავად გადასაცემი მოძრავი ქონება“. შესაბამისად, ზემოაღნიშნული აქტივებიც სამინისტროს მიერ უნდა აღრიცხულიყო ფინანსური ფნგარიშგების ფორმა №1-ის საცნობარო მუხლში - „(11) განსაკარგავად გადასაცემი მოძრავი ქონება“ და მათზე ცვეთის თანხის დარიცხვა არ უნდა განხორციელებულიყო. ანალოგიურად, 2017 წელს შემდგომი განკარგვის მიზნით, სამინისტროსათვის გადმოცემული 1,455.00 ლარის აქტივები, ნაცვლად ბალანსის საცნობარო მუხლში - „(11) განსაკარგავად გადასაცემი მოძრავი ქონება“, აღრიცხვისა, არასწორად იქნა აღრიცხული ფინანსური ანგარიშგების ფორმა №1-ის საცნობარო მუხლში - „(10) ექსპლუატაციაში მყოფი ხარჯებში ჩამოწერილი გრძელვადიანი მცირეფასიანი აქტივები“. შედეგად, ფინანსური ანგარიშგების ფორმა №1-სა და დანართ ფორმა №5-ში ანგარიშზე - „სხვა მანქანა-დანადგარები და ინვენტარი“ აქტივების ნარჩენი საბალანსო ღირებულება არასწორადაა გაზრდილი 998.91 ლარით. ამავდროულად, საკუთარი კაპიტალის მოხმარება ბალანსის დანართ ფორმა №2-ში, №3-სა და №5-ში გაზრდილია და საანგარიშო წლის წმინდა ღირებულება ბალანსის ფორმა №3-ში არასწორადაა შემცირებული 706.82 ლარით, ასევე ბალანსის საცნობარო მუხლის - „განსაკარგავად გადასაცემი მოძრავი ქონება“, საბოლოო ნაშთი არასწორადაა შემცირებული 3,160.73 ლარით

სსიპ − ეროვნული სატყეო სააგენტო შემოსავლებს აღრიცხავს საკასო მეთოდით, რაც გავლენას ახდენს მომსახურების გაწევიდან წარმოშობილ მოთხოვნებზე და წინასწარ მიღებული შემოსავლების ნაშთის ოდენობაზე. სსიპ − ეროვნულ სატყეო სააგენტოს 2017 წლის 10 თვის შემოსავალი, 209,119 ლარის ოდენობით, აღრიცხული აქვს 2018 წლის იანვარში, ხაზინის ანგარიშზე თანხის ასახვის შემდგომ. ანალოგიურად, 19,915 ლარის ოდენობის წინასწარ მიღებული შემოსავალი, 2017 წელს ნაცვლად ვალდებულებისა, ასახულია შემოსავლებში.

სიღნაღის მუნიციპალიტეტმა წყლის სისტემის, საგზაო სამუშაოების, საბავშვო ბაღების რეაბილიტაციისა და საპროექტო-სახარჯთაღრიცხვო დოკუმენტაციის (საერთო ღირებულებით 1,127.8 ათასი ლარი) შესყიდვის პროცესი, წარმართა იმგვარად, რომ თავი აარიდა ელექტრონულ ტენდერებს და მათი შესყიდვა განახორციელა გამარტივებული შესყიდვით, როგორც გადაუდებელი აუცილებლობიდან გამომდინარე. შედეგად მუნიციპალიტეტმა დაკარგა მნიშვნელოვანი ეკონომიის მიღების შესაძლებლობა. ამრიგად, ვერ იქნა უზრუნველყოფილი კონკურენტული გარემო, პრეტენდენტთა მიმართ პროპორციული მიდგომა და შესყიდვის პროცესის გამჭვირვალობა. ამასთანავე, გზების მოხრეშვითი სამუშაოებზე, არსებობს რისკი, რომ მუნიციპალიტეტმა აანაზღაურა იმაზე მეტი სამუშაოს ღირებულება, ვიდრე შეასრულეს მიმწოდებლებმა.

შპს „დინამო ბათუმის“ საწესდებო კაპიტალში შეტანილი, მერიის მიერ აშენებული, ანგისის დასახლებაში არსებული სპორტული ბაზის შენობა დაზიანებულია, თუმცა როგორც შპს-მ, ასევე ბათუმის მუნიციპალიტეტის მერიამ, ვერ უზრუნველყო დაზიანების გამომწვევი მიზეზების შესწავლა და ზიანის ოდენობის განსაზღვრა. ასევე პასუხისმგებელი პირების მიმართ არ არის გატარებული შესაბამისი ღონისძიებები შესაძლო ზიანის ასანაზღაურებლად;

ფინანსური ანგარიშგების ფორმა №1-სა და დანართ ფორმა №5-ში ანგარიშზე - „(1627) სხვა დანარჩენი მატერიალური მარაგები”, წლის ბოლოს ნაშთი არ ფიქსირდება. აუდიტორული პროცედურებით დადგინდა, რომ აუდირებულ წელს სამინისტრომ შეისყიდა 28,427.11 ლარის მატერიალური მარაგები, ხოლო წლის განმავლობაში ხარჯებში ჩამოწერილი მატერიალური მარაგების გასვლასთან დაკავშირებით, ჩამოწერის საბუთები არაა წარმოდგენილი 8,427.71 ლარის აქტივებზე. აგრეთევე გამოვლინდა ისეთი მატერიალური მარაგები, რომლებიც ბალანსის შესაბამის მუხლზე წლის ბოლოს უნდა აღრიცხულიყო ნაშთის სახით. პასუხისმგებელი პირის ინფორმაციით, წლის ბოლოს მატერიალური მარაგების ნაშთი შეადგენდა 227.56 ლარს, რომელიც არ ასახულა ბალანსის შესაბამის მუხლში. მოქმედი კანონმდებლობით, არაფინანსური აქტივების მიღება და გასვლა უნდა ფორმდებოდეს მატერიალურად პასუხისმგებელი პირების მიერ ხელმოწერით დადასტურებული დოკუმენტებით, ხოლო ბუღალტერია პასუხისმგებელია დროულად და ქრონოლოგიური თანმიმდევრობით აღრიცხოს აღნიშნული შემოსვლა და გასვლა კანონმდებლობით დადგენილ შესაბამის ფორმებში. შესაბამისად, აუდიტის ჯგუფის მიერ ვერც სხვა ალტერნატიული საშუალებით იქნა მოპოვებული რწმუნება 2018 წლის იანვარში გასული მატერიალური მარაგების შესახებ, რის გამოც ვერ დასტურდება ფინანსური ანგარიშგების ფორმა №1-ში ანგარიშზე - „(1.2) სხვა დანარჩენი მატერიალური მარაგები”, წლის ბოლოს არსებული ნაშთის სიზუსტე

სამინისტროს დაქვემდებარებაში არსებული ორგანიზაციები ბუღალტრულ ჩანაწერებს აწარმოებენ არა სამეურნეო ოპერაციების განხორციელებისთანავე, არამედ მოგვიანებით, წლის დასრულების შემდგომ, ფინანსური ანგარიშგების მომზადების პერიოდში. შესაბამისად, 2018 წლის იანვარში სახელმწიფო აუდიტის სამსახურის მოთხოვნის საფუძველზე მოწოდებული 2017 წლის ბუღალტრული გატარებები არ იყო სრული. აღნიშნული გარემოება ზრდის ადამიანური ფაქტორით გამოწვეულ შეცდომის დაშვების რისკს და აფერხებს ფინანსური ანგარიშგების მომზადების პროცესს.

საბავშვო ბაღების, სკვერის და ხელოვნურსაფარიანი სპორტული მოედნების სარეაბილიტაციო სამუშაოების დაზიანების მიზეზია შესრულებული სამუშაოების დაბალი ხარისხი. კონტროლის მექანიზმში არსებულმა სისუსტეებმა   გამოიწვია უხარისხოდ შესრულებული სამუშაოების მიღება-ჩაბარება. მუნიციპალიტეტმა ვერ უზრუნველყო დაენერგა ქმედითი და ეფექტური კონტროლის მექანიზმები და ჩაიბარა 375.2 ათასი ლარის ღირებულების ისეთი ინფრასტრუქტურული პროექტები, რომელთა ხარისხი სათანადოდ დადასტურებული არ იყო. შედეგად, ობიექტები დაზიანებულია და საჭიროებს დამატებით რეაბილიტაციას. მუნიციპალიტეტი ვალდებული იყო დაედგინა დაზიანების გამომწვევი მიზეზები, პასუხისმგებელი პირები და ზარალის ანაზღაურების მიზნით, მათ მიმართ გაეტარებინა შესაბამისი ღონისძიებები, რაც არ განუხორციელებია.

შპს „სტადიონის“ მიერ ქალაქ ბათუმში, 170-საწოლიანი, მრავალპროფილური კლინიკური საავადმყოფოს შენობის სამშენებლო სამუშაოები მიმდინარეობს ხელშეკრულების პირობების დარღვევით. სამშენებლო სამუშაოების დასრულების ვადა − 2018 წლის 18 მაისი, არერთხელ შეიცვალა და მიუხედავად იმისა, რომ საბოლოო ვადად განისაზღვრა 2018 წლის 31 დეკემბერი, სამუშაოები 2019 წლის 31 დეკემბრის მდგომარეობითაც დაუსრულებელია. ამასთანავე, მხარეებს შორის გაფორმებული შეთანხმებით, შემცირებულია პირგასამტეხლოს სახით დასარიცხავი თანხის განაკვეთი და ოდენობა, რითაც შპს-მ დაკარგა დამატებითი შემოსავლის მიღების შესაძლებლობა.

2017 წელს სამინისტრომ შეიძინა 1,391.20 ლარის ღირებულების 10 ერთეული ავტომანქანის საბურავი. აღნიშნული შესყიდვების პირველადი დოკუმენტების შესწავლისას გამოვლინდა, რომ არცერთ საბუთში არ იყო დასახელებული, კონკრეტულად რომელი ავტომანქანისათვის იყო გათვალისწინებული თითოეული საბურავის შეძენა/მონტაჟი. შესაბამისად, წარმოდგენილი დოკუმენტაციით აუდიტის ჯგუფმა ვერ მიიღო სათანადო რწმუნება იმის თაობაზე, 1,391.20 ლარის ოდენობით გაწეული ხარჯი მიეკუთვნებოდა თუ არა სამინისტროს საკუთრებაში არსებული ავტომანქანების მოვლა-შენახვის ხარჯებს.

სსიპ − ეროვნული სატყეო სააგენტო შემოსავლებს აღრიცხავს საკასო მეთოდით, რაც გავლენას ახდენს მომსახურების გაწევიდან წარმოშობილ მოთხოვნებზე და წინასწარ მიღებული შემოსავლების ნაშთის ოდენობაზე. სსიპ − ეროვნულ სატყეო სააგენტოს 2017 წლის 10 თვის შემოსავალი, 209,119 ლარის ოდენობით, აღრიცხული აქვს 2018 წლის იანვარში, ხაზინის ანგარიშზე თანხის ასახვის შემდგომ. ანალოგიურად, 19,915 ლარის ოდენობის წინასწარ მიღებული შემოსავალი, 2017 წელს ნაცვლად ვალდებულებისა, ასახულია შემოსავლებში. .

სიღნაღის მუნიციპალიტეტის მერიასა და შპს „ტექნომშენ ჯგუფს“ შორის გაფორმებული ხელშეკრულების ფარგლებში შეუსრულებელი დარჩა 118.4 ათასი ლარის სამუშაო. მიმწოდებლის მიზეზები, რის გამოც დროულად ვერ უზრუნველყო სამუშაოების დასრულება, არ არის სათანადოდ არგუმენტირებული. გარდა ამისა, მუნიციპალიტეტმა შესაბამისი პასუხისმგებელი პირების ქმედებით თუ უმოქმედობით, დაკარგა საბანკო გარანტიის შესაბამისი თანხის 12.5 ათასი ლარის მიღების შესაძლებლობა.

შპს „სტადიონის“ მიერ ქალაქ ბათუმში, 170-საწოლიანი, მრავალპროფილური კლინიკური საავადმყოფოს შენობის სამშენებლო სამუშაოები მიმდინარეობს ხელშეკრულების პირობების დარღვევით. სამშენებლო სამუშაოების დასრულების ვადა − 2018 წლის 18 მაისი, არერთხელ შეიცვალა და მიუხედავად იმისა, რომ საბოლოო ვადად განისაზღვრა 2018 წლის 31 დეკემბერი, სამუშაოები 2019 წლის 31 დეკემბრის მდგომარეობითაც დაუსრულებელია. ამასთანავე, მხარეებს შორის გაფორმებული შეთანხმებით, შემცირებულია პირგასამტეხლოს სახით დასარიცხავი თანხის განაკვეთი და ოდენობა, რითაც შპს-მ დაკარგა დამატებითი შემოსავლის მიღების შესაძლებლობა.

სამინისტროს საქართველოს ეკონომიკისა და მდგრადი განვითარების სამინისტროდან სარგებლობის უფლებით გადმოცემულ უძრავ ქონებაზე, გარდაბნის რაიონის ვაზიანის დასახლებაში განთავსებული №1 შენობის მე-3 სართულზე არსებული 375.63 კვ. მეტრი ფართი, ჩატარებული აუქციონის შედეგებიდან, რომელშიც მხოლოდ ერთი იურიდიული პირი მონაწილეობდა, ფაქტობრივად უკონკურენტო გარემოში (კონკურენციის გარეშე) გაიმარჯვაშპს„კალამ“. აღნიშნული ფართი სარგებლობის ფორმით(იჯარით) 2016 წლის 07 მარტიდან გადაცემულია შპს ,,კალაზე”. აუდიტორული პროცედურებით დადგინდა, რომ დასახელებულ შპს-ს აუდირებულ წელს 7 თვის იჯარის ქირა-1,610.00 ლარის ოდენობით, გადახდილი არ ჰქონდა სახელმწიფო ბიუჯეტში. სამინისტრომ აღნიშნული საიჯარო თანხების ამოღებისა და ბიუჯეტში მიმართვის მიზნით არ გაატარა დროული ღონისძიებები, ასევე არ დაარიცხა ხელშეკრულებით განსაზღვრული პირგასამტეხლოს თანხა 756.70 ლარის ოდენობით და არც მისი გადახდი სმონიტორინგი განუხორციელებია. შესაბამისად, ფინანსური ანგარიშგების ფორმა №1-სა და დანართ ფორმა №7-ში, აგრეთვე №9-ში არ არის აღრიცხული შპს „კალას“ მიმართ წარმოშობილი დებიტორული დავალიანება 1,610.00 ლარის ოდენობით - ანგარიშზე „მოთხოვნები ფულად სახსრებზე აქტივების/მომსახურების მიწოდებით“, შპს „კალასადმი“ დაკისრებული პირგასამტეხლო 756.70 ლარის ოდენობით-ანგარიშზე„ მოთხოვნები დარიცხული ჯარიმებით, სანქციებით და საკუთრებასთან დაკავშირებული სხვა შემოსავლებით“, ხოლო ფინანსური ანგარიშგების ფორმა №1-ში და დანართ ფორმა №8-სა და №10-ში არ არის აღრიცხული 2,366.7011 ლარის „ბიუჯეტი სწინაშე დარიცხული ვალდებულებები საკასო შესრულებით“.

დევნილთა დეპარტამენტში, ისევე როგოც წინა 2016 წელს, ფაქტობრივად მთელი წლის განმავლობაში შტატგარეშე მომუშავეთა დასაქმება ხდებოდა მუდმივი ხასიათის სამუშაოების (ამოცანების) შესასრულებლად და ამასთანავე დინამიკაში (2016 წელთან შედარებით) ამ მხრივ მდგომარეობა შეცვლილი არ იყო.

სიღნაღის მუნიციპალიტეტის მერიასა და შპს „ტექნომშენ ჯგუფს“ შორის გაფორმებული ხელშეკრულების ფარგლებში შეუსრულებელი დარჩა 118.4 ათასი ლარის სამუშაო. მიმწოდებლის მიზეზები, რის გამოც დროულად ვერ უზრუნველყო სამუშაოების დასრულება, არ არის სათანადოდ არგუმენტირებული. გარდა ამისა, მუნიციპალიტეტმა შესაბამისი პასუხისმგებელი პირების ქმედებით თუ უმოქმედობით, დაკარგა საბანკო გარანტიის შესაბამისი თანხის 12.5 ათასი ლარის მიღების შესაძლებლობა.

შპს „ბათუმის წყლის“ მიერ 42,598 ლარის მომსახურების შესყიდვა განხორციელდა ბაზრის კვლევისა და ელექტრონული ტენდერის გარეშე, რაც კონკრეტული მიმწოდებლის ინტერესების სასარგებლოდ, შპს-ის სახსრების არასაბაზრო ფასებით ხარჯვის რისკზე მიუთითებს. ამასთანავე, სატრანსპორტო საშუალების ვიზუალისთვის ხარჯების გაწევა დაუსაბუთებელია და ეწინააღმდეგება ფულადი სახსრების რაციონალურად ხარჯვის პრინციპებს.

სამინისტროს საკუთრებაში რიცხული არაფინანსური აქტივების ანალიზური აღრიცხვის წარმოების შესწავლისას დაფიქსირდა შემდეგი ნაკლოვანებები:  მიუხედავად მოქმედი კანონმდებლობის მოთხოვნისა, იმის შესახებ, რომ მატერიალურად პასუხისმგებელი პირი უნდა აწარმოებდეს ძირითადი აქტივების, გრძელვადიანი მცირეფასიანი აქტივებისა და ფასეულობების საინვენტარო სიებს, კანონმდებლობით დამტკიცებული ფორმების შესაბამისად, სამინისტროს აქტივებზე მატერიალურად პასუხისმგებელ პირს, აუდიტის განმავლობაში არ გააჩნდა საფინანსო-საბუღალტრო ანგარიშსწორებისა და მატერიალური უზრუნველყოფის სამმართველოსგან დამოუკიდებლად, მატერიალური აქტივების საინვენტარო სიები. საფინანსო სამმართველოს მიერ ფაქტობრივად არასწორი სააღრიცხვო პოლიტიკის გამო, არ წარმოებდა მატერიალური მარაგების ანალიზური აღრიცხვა ბარათებზე, მატერიალური მარაგების თითოეული ჯგუფის მიხედვით . აქტივების სრულ ჩამონათვალზე (გარდა მარაგებისა) იწარმოებოდა მხოლოდ ელექტრონული საინვენტარო ბარათები, შესაბამისად, აქტივის მიმღები თანამშრომლის მიერ აქტივზე მატერიალური პასუხისმგებელობა არ დასტურდებოდა მისი ხელმოწერით, რასაც ითვალისწინებს მოქმედი კანონმდებლობა .  ყველა სახის აქტივების შესყიდვით მიღებას ახორციელებდა და მიღება –ჩაბარებაზე ხელს აწერდა ადმინისტრაციული დეპარტამენტის უფროსი ან საფინანსო-საბუღალტრო ანგარიშსწორებისა და მატერიალური უზრუნველყოფის სამმართველოს უფროსი, ხოლო სხვადასხვა სტრუქტურებიდან აქტივების გადმოცემის დროს - ქონების მართვისა და პრივატიზაციის დეპარტამენტის უფროსის მოადგილე. შესაბამისად, არაფინანსური აქტივების შემოსვლისას მოქმედი კანონმდებლობის მოთხოვნის თანახმად, არ ხდებოდა მომწოდებლის საბუთზე/მიღება-ჩაბარების აქტზე მატერიალურად პასუხისმგებელი პირის მიერ არაფინანსური აქტივის მიღების დადასტურება ხელმოწერით. ზემოაღნიშნული ქმედებებით, ფაქტობრივად იგნორირებული იყო „მატერიალურად პასუხიმგებელი პირის“ - როგორც ასეთის, არსი, ფუნქციები და მოვალეობების განხორციელების შესაძლებლობა.  მარაგებისა და გრძელვადიანი მცირეფასიანი აქტივების ხარჯებში ჩამოწერის დროს არ იყო შექმნილი გასავლის ზედდებული, მატერიალურად პასუხისმგებელი პირის ხელმოწერით. ამრიგად, წარმოდგენილი ფაქტები ნათლად მიუთითებს არაფინანსური აქტივების ანალიზურ აღრიცხვაში არსებულ სერიოზულ ნაკლოვანებებზე, მოქმედი კანონმდებლობის მოთხოვნების იგნორირებასა და საფინანსო სამმართველოს მიერ კანონმდებლობით დაკისრებული მოვალეობების შეუსრულებლობაზე

დევნილთა დეპარტამენტის მხრიდან ერთი კონკრეტული მიმწოდებლისგან, კერძოდ, ერთი და იმავე პიროვნების საკუთრებაში მქონე სხვადასხვა ორგანიზაციისგან (მათ შორის, ერთი - რეგისტრირებული შავ სიაში) შესყიდვის განხორციელების დაინტერესებისა და/ან სახელმწიფო შესყიდვებთან დაკავშირებით დაკისრებული მოვალეობებისადმი არასათანადო დამოკიდებულების რისკზე. გარდა ამისა, მიუხედავად კონკრეტული მიმწოდებლის მხრიდან კონკრეტულ შესყიდვასთან დაკავშირებით ვალდებულებების შესრულებისა, მაინც არსებობდა რისკი იმისა, რომ არაკეთილსინდისიერი ქმედების გამო, შავ სიაში რეგისტრირებული ორგანიზაცია და შესაბამისად, მისი წარმომადგენლის დაქვემდებარების ქვეშ მყოფი იმავე საქმიანობის განმახორციელებელი ორგანიზაცია ვერ ან/და არაჯეროვნად შეასრულებდა ხელშეკრულებით ნაკისრ ვალდებულებებს.

2017-2018 წლებში მუნიციპალიტეტის მიერ სამშენებლო სამუშაოების გამარტივებული გზით შესყიდვა განხორციელებულია კანონმდებლობის დარღვევით. ანგარიშსწორების პროცესში 25 ხელშეკრულების ფარგლებში 1,116.4 ათასი ლარი ანაზღაურებულია ფაქტობრივი დანახარჯების დათვლის გარეშე, რაც ქმნის თანხების ზედმეტად ანაზღაურების რისკს.

ფინანსური ანგარიშგების ფორმა №1-სა და დანართ ფორმა №5-ში ანგარიშზე - „(2.3.2) არამატერიალური ძირითადი აქტივები“, ირიცხება ბუღალტრული აღრიცხვის პროგრამა, რომლის ნარჩენი ღირებულება აუდირებული წლის ცვეთის 708.00 ლარის გათვალისწინებით, შეადგენდა 4,248.00 ლარს. აღნიშნული არამატერიალური აქტივი, ისევე როგორც წინა წლებში, საანგარიშგებო წლის განმავლობაშიც სამინისტროს მიერ არ გამოყენებულა. პროგრამა სამინისტრომ შეიძინა 2010 წელს - 2,360.00 ლარად, ხოლოს 2014 წელს განხორციელდა მისი განახლება - 4,720.00 ლარის ღირებულებით, რის შემდეგაც პროგრამის საწყისი ისტორიული ღირებულება განისაზღვრა - 7,080.00 ლარით. მიუხედავად პროგრამის შესყიდვაზე და შემდგომ მის განახლებაზე გაწეული ხარჯებისა, საფინანსო სამმართველოს მიერ, მისი გამოყენება დღემდე არ მომხდარა. აღნიშნული ნათლად ადასტურებს, რომ მოცემულ კონკრეტულ შემთხვევაში საბიუჯეტო სახსრები არაეფექტიანად და არამიზნობრივად გაიხარჯა

2017 წელს დევნილთა დეპარტამენტის მიერ გაფორმებული 64 სახელმწიფო შესყიდვის ხელშეკრულების შესრულების/შეუსრულებლობის დამადასტურებელი დოკუმენტი (მიღება-ჩაბარების აქტი და საგადახდო მოთხოვნა) 103 შემთხვევაში ელექტრონული სისტემის CMR მოდულში ატვირთული იყო დაგვიანებით . 2017 წელს დეპარტამენტის მიერ განხორციელებული სახელმწიფო შესყიდვების ხელშეკრულებების შესრულების დამადასტურებელი დოკუმენტების (მიღება-ჩაბარებების აქტების) შესწავლით გამოვლინდა ხარვეზები. კერძოდ, 14 შემთხვევაში არ ფიქსირდება მიმწოდებლის მხრიდან უფლებამოსილი წარმომადგენლის სახელი და გვარი, რომლის იდენტიფიცირება მიღება-ჩაბარების აქტზე ხელმოწერით ხშირ შემთხვევაში არ დასტურდება.

არაკვალიფიციურად შედგენილი საპროექტო-სახარჯთაღრიცხვო დოკუმენტაციის გამო, ქ. სიღნაღში დენდროლოგიური პარკის კეთილმოწყობისა და ქ. წნორში ცენტრალური პარკის რეაბილიტაციის სამუშაოები, საერთო ღირებულებით - 393.5 ათასი ლარი, შესრულებულია ხარვეზებით, კერძოდ, სამუშაოების ნაწილი დაუსრულებელია. მიუხედავად ამისა, მუნიციპალიტეტს, როგორც პროექტანტის, ასევე საექსპერტო   კომპანიის მიმართ, რომელმაც აღნიშნულ საპროექტო დოკუმენტაციაზე დადებითი დასკვნა გასცა, შესაბამისი ღონისძიებები არ გაუტარებია. ასევე, სოფ. ბოდბის საბავშვო ბაღის მშენებლობის დაუსრულებლობის მიზეზს წარმოადგენს, არაკვალიფიციურად შედგენილი საპროექტო-სახარჯთაღრიცხვო დოკუმენტაცია. შედეგად, მოსახლეობა ვერ სარგებლობს ობიექტის მომსახურებით.

2017 წელს მინისტრის ბრძანების შესაბამისად, აფხაზეთის ა/რ მთავრობის მიერ შექმნილი საწარმოების, რომლის 100%-იან წილსაც მართავს სამინისტრო, 2016 წლის მოგებიდან განხორციელდა თანხების რეინვესტირება 93,196.00 ლარის ოდენობით. ვინაიდან თანხების რეინვესტირებაზე გადაწყვეტილება მიღებულ იქნა 2017 წლის 19 მაისს, რეინვესტირებული თანხების ნეტო (დაბეგვრის შემდეგ) თანხამ შეადგინა 79,216.00 ლარი. აუდიტის ჯგუფის მოთხოვნის შესაბამისად, სამინისტროს საწარმოთა მართვის სამსახურმა შპს-ების მიერ რეინვესტირებული თანხებით განხორციელებული შესყიდვების დამადასტურებელი წერილები და უმეტეს შემთხვევაში, შესყიდვების ანგარიშფაქტურები, წარმოადგინა მხოლოდ 53,761.00 ლარზე, 79,216.00 ლარის 68%-ზე. სამინისტროს მხრიდან რეინვესტირებულ თანხებთან დაკავშირებით არ ხორციელდება აქტიური ანალიზი და მონიტორინგი, ვინაიდან რიგ შემთხვევებში დაფარულია ისეთი ხარჯები (საბრუნავი კაპიტალი, სარემონტო სამუშაოები, საოფისე ინვენტარი), რომელიც აუდიტის ჯგუფის მოსაზრებით, შეიძლებოდა შესყიდულიყო 2017 წლის საოპერაციო ხარჯის ფარგლებშიც და არ საჭიროებდა დამატებითი სახსრების რეინვესტირებას. აღნიშნულით კი შესაძლებელი იქნებოდა საბიუჯეტო სახსრების უფრო ეფექტიანად და მიზნობრივად გახარჯვა. ასევე მონიტორინგის ნაკლოვანებას ადასტურებს ის ფაქტიც, რომ რეინვესტირებული თანხების განკარგვის დამადასტურებელი საბუთები 2017 წელს სამინისტროს შესაბამისი სამსახურის მიერ გამოთხოვნილ იქნა მხოლოდ სამი შპს-ისგან, ხოლო დანარჩენი ერთეულებისგან ინფორმაცია მიღებულია მხოლოდ აუდიტის ჯგუფის მოთხოვნის შემდეგ.

იუსტიციის დეპარტამენტში განხორციელებული შესყიდვების შესწავლით გამოვლინდა შემთხვევა, როდესაც თავდაპირველად გაფორმებული შესყიდვების ხელშეკრულებით გათვალისწინებული მომსახურების შეუსრულებლობისა და შესაბამისი ცვლილებების აუცილებლობის დაუსაბუთებლობის პირობებში კანონმდებლობის მოთხოვნათა დარღვევით მოხდა ხელშეკრულების ღირებულების გაზრდა, რაც ფაქტობრივად საბიუჯეტო სახსრების არაეკონომიურად და არაეფექტიანად ხარჯვის ხელშეწყობის რისკების მატარებელი იყო.

სოფელ ანაგაში, მუნიციპალიტეტის მიერ მოწყობილი ჭაბურღილიდან მოსახლეობას მიეწოდება წყალი, რომელიც შესაძლოა საფრთხის შემცველი იყოს ჯანმრთელობისათვის, შედეგად, არ არის დაცული მოსახლეობის ინტერესები. აღნიშნულიდან გამომდინარე, ჭაბურღილისა და წყალსადენის ქსელის მოწყობის მიზნით გახარჯული 100.2 ათასი ლარი, წარმოადგენს არაეფექტიან ხარჯს.

სამინისტროში აუდირებულ პერიოდში შრომითი ხელშეკრულებით დასაქმებული იყო 6 პირი, რომლებიც მოქმედი კანონმდებლობის მოთხოვნათა მიუხედავად, დასაქმებული იყვნენ მუდმივ ამოცანათა შესასრულებლად 11-12 თვის ვადით და მათზე სულ გაიცა 45,042.00 ლარის ანაზღაურება (მათ შორის, პრემია - 2,750.00 ლარი). მომუშავეთა დასაქმება ხდებოდა არა დროებით, არამედ ხანგრძლივი პერიოდით მუდმივი ხასიათის სამუშაოების შესასრულებლად. კერძოდ, ექვსივე თანამშრომელი სამინისტროში დასაქმებული იყო და ასრულებდა ხელშეკრულებით დაკისრებულ სამუშაოებს (მოვალეობებს) 2016 წელსაც, მათ შორის, 5 მოსამსახურე - 10-12 თვით, ხოლო ერთი მოსამსახურე - ერთი თვით. ზემოააღნიშნული ცხადყოფს, რომ შტატგარეშე (ხელშეკრულებით დაქირავებულ) თანამშრომლების მიერ შესასრულებული ფუნქცია - მოვალეობები იყო არა დროებითი, არამედ მუდმივი ხასიათისა.

დევნილთა დეპარტამენტის საკუთრებაში არსებული ავტომანქანების საწვავის ხარჯვის შესწავლით გამოვლინდა საწვავის ჩასხმის ფაქტები არასამუშაო დროს, სადღესასწაულო დღეებში და ასევე საქართველოს სხვადასხვა რეგიონში, იმ დროს, როცა მივლინებაში არცერთი თანამშრომელი არ იმყოფებოდა. აღნიშნული ავტომანქანების საწვავის ჩასხმების დროს, მანქანის გაყვანის დანიშნულება არ დაფიქსირებულა სამსახურეობრივი მიმოსვლის ავტომანქანების მოძრაობის აღრიცხვის ჟურნალში.

სატენდერო კომისიის მიერ შესყიდვის ტექნიკური დოკუმენტაციის არასწორი ინტერპრეტაციისა და არაკვალიფიციური გადაწყვეტილების გამო, სოფ. ანაგაში ,,ღვინობაანთ'' უბანში ასფალტბეტონის საფარისა და სანიაღვრე არხების მოწყობის სამუშაოების შეძენის მიზნით გამოცხადებული ტენდერის შეწყვეტის შემდეგ, ახალი შესყიდვა განხორციელდა 27.0 ათასი ლარით მეტი ღირებულებით, რაც წარმოადგენს არაეკონომიურ ხარჯს.

საბიუჯეტო დეფიციტის მართვის მიზნით გასატარებელი ზოგიერთი ღონისძიების ძირითადი პრინციპების შესაბამისად, „შრომის ანაზღაურების“ მუხლით 2017 წელს გაწეული ხარჯი თითოეული საბიუჯეტო ორგანიზაციისათვის არ უნდა ყოფილიყო 2014 წლის საკასო ხარჯზე მეტი, ხოლო 2017 წელს საბიუჯეტო ორგანიზაციების მიერ მოხმარებული საწვავის ხარჯები 2014 წლის საკასო ხარჯთან შედარებით, უნდა შემცირებულიყო არანაკლებ 30%-ისა; თუმცა იმ პირობებში, როდესაც არსებითად არ გაზრდილა ორგანიზაციის ფუნქციები და კომპეტენცია, სამინისტროს მიერ 2017 წელს შრომის ანაზღაურება ჯამში გაზრდილი იყო 2%-ით, ხოლო საწვავის ხარჯები შემცირდა მხოლოდ 23%-ით.

იუსტიციის დეპარტამენტის საკუთრებაში არსებული ავტომანქანის საწვავის ხარჯვის შესწავლით გამოვლინდა ისეთი შემთხვევა, როდესაც ავტომანქანის საწვავის თვიური ლიმიტის გადაჭარბების ფაქტის გამართლების მიზნით დეპარტამენტის ხელმძღვანელობამ გაზარდა საწვავის ლიმიტი და ბრძანება მიუსადაგა იმ დროისათვის უკვე საწვავის ფაქტობრივ ხარჯს.

მუნიციპალიტეტს არ აქვს მიღებული საქართველოს მთავრობის დადგენილებით განსაზღვრული ნორმატიული აქტი მუნიციპალური ავტოპარკის გადანაწილების, კლასიფიკაციისა და სამსახურებრივი ავტომანქანის შესყიდვის წესის თაობაზე. აუდიტის ობიექტს არ გააჩნია რაციონალური მიდგომა მისი ფუნქციონირებისათვის საჭირო ავტოსატრანსპორტო საშუალებების გამოყენებისას საწვავის ხარჯვასთან დაკავშირებით. აუდიტის ჯგუფის მოსაზრებით, მუნიციპალიტეტმა ხარჯი გასწია საბიუჯეტო ასიგნებების ეკონომიური და რაციონალური ხარჯვის ვალდებულების დაცვის გარეშე.

სამინისტროს დადგენილი რეგულაციის შეუსაბამოდ, 2017 წლის 31 დეკემბრის მდგომარეობით, კონსოლიდირებულ ბალანსში აღრიცხული არ აქვს ხელშეკრულების პირობების დარღვევის გამო მიმწოდებლებზე დარიცხული პირგასამტეხლოები და სამინისტროსთვის ზედმეტად მოთხოვნილი თანხა - ჯამში 11,538 ლარის ოდენობით, რაც გამოწვეულია აღრიცხვის არასრულყოფილი წარმოებით, კერძოდ: სამინისტროს ცენტრალურ აპარატს არ აქვს აღრიცხული პროგრამების მართვის და მონიტორინგის განყოფილების მიერ 2017 წელს განხორციელებული მონიტორინგის შედეგების საფუძველზე, მიმწოდებლებზე დარიცხული პირგასამტეხლოები და სამედიცინო დაწესებულების მიერ სამინისტროსათვის ზედმეტად მოთხოვნილი თანხა - ჯამში 5,459 ლარი; ჯანდაცვის ცენტრს, 2017 წლის 31 დეკემბრის მდგომარეობით, აღრიცხული არ აქვს ღონისძიების - „ფარისებრი ჯირკვლის გამოკვლევა ორსულებში“, ფარგლებში 2016 წლის 22 აპრილს და 2017 წლის 15 თებერვალს გაფორმებული N03-01/28 და N03-01/26 ხელშეკრულებებით გათვალისწინებული ვალდებულების შეუსრულებლობის გამო დაკისრებული პირგასამტეხლოები - ჯამში 6,079 ლარი. სხვა მოკლევდიანი მოთხოვნების არასრულად აღრიცხვის შედეგად, სამინისტრო არ ფლობს სრულყოფილ ინფორმაციას, კონსოლიდირებულ ბალანსში შემავალი იურიდიული პირების მოთხოვნების რეალური ღირებულების შესახებ, რაც, თავის მხრივ, წარმოშობს მათი შეუსრულებლობის და შესაბამისად, ბიუჯეტში თანხების მიუმართაობის რისკებს.

სოფლის მეურნეობის დეპარტამენტის საკუთრებაში არსებული ავტომანქანის საწვავის ხარჯვის შესწავლით გამოვლინდა, რომ წლის განმავლობაში საწვავის ლიმიტი დეპარტამენტის ხელმძღვანელის ბრძანებებით შეიცვალა 8-ჯერ. დეპარტამენტის ინფორმაციით აღნიშნული გამოწვეული იყო დეპარტამენტის მივლინებების დროს საწვავის მოხმარების აუცილებლობით, თუმცა მივლინების ბრძანებებში არ იყო მითითებული ინფორმაცია, მივლინებისათვის საწვავის გამოყოფის შესახებ.

სიღნაღის მუნიციპალიტეტში არასაკმარისი კონტროლის მექანიზმებისა და შესაბამისი ღონისძიებების გაუტარებლობის გამო, დასუფთავების მოსაკრებლის მნიშვნელოვანი წილის გადამხდელები არიან ქალაქის ტერიტორიაზე რეგისტრირებული იურიდიული პირები. მუნიციპალიტეტს არ გააჩნია დასუფთავების მოსაკრებლის გადამხდელთა ბაზა, რომლის მეშვეობით შესაძლებელი იქნებოდა მისაღები შემოსავლის სრული აღრიცხვა. შედეგად, მუნიციპალიტეტში არ ფლობენ სრულყოფილ ინფორმაციას, დასუფთავების მოსაკრებლის სახით მისაღებ შემოსავალზე.

სამინისტროს კონსოლიდირებულ ბალანსში 2017 წლის 31 დეკემბრის მდგომარეობით, ძირითადი აქტივების ანგარიშზე ნაშთი - 63,546 ლარით უზუსტოდ, გაზრდილად აქვს წარმოდგენილი, რაც გამოწვეულია აღრიცხვისას დაშვებული შეცდომებით და ცვეთის არასწორი ნორმების გამოყენებით, კერძოდ: ჯანდაცვის ცენტრს ძირითადი აქტივების ანგარიშზე ზედმეტად აქვს აღრიცხული 80,899 ლარის დროებითი სარგებლობისათვის გადმოცემული სამაცივრე დანადგარები. აღნიშნული აქტივები 2017 წლის 31 დეკემბრის მდგომარეობით წარმოადგენს სსიპ - ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობისა ეროვნული ცენტრის საკუთრებას და ირიცხება მის ბალანსზე; ჯანდაცვის ცენტრის ბალანსში 2017 წლის 31 დეკემბრის მდგომარეობით, ძირითადი აქტივების ნაშთი წარმოდგენილია 34,069 ლარით შემცირებულად; ჯანდაცვის ცენტრს 500 ლარზე ნაკლები ღირებულების 33 ერთეული ლიცენზია - ჯამში 6,804 ლარის1, ნაცვლად მცირეფასიანი აქტივებისა, აღრიცხული აქვს ძირითადი აქტივების ანგარიშზე; ცენტრალური აპარატის ფინანსურ ანგარიშგებაში, 2017 წლის 31 დეკემბრის მდგომარეობით, ძირითადი აქტივების ნაშთი წარმოდგენილია 7,591 ლარით გაზრდილად; დასაქმების სააგენტოს, 500 ლარზე ნაკლები ღირებულების ავეჯი - ჯამში 2,321 ლარის2, ნაცვლად მცირეფასიანი აქტივებისა, აღრიცხული აქვს ძირითადი აქტივების ანგარიშზე. ცვეთის არასწორი დარიცხვა და აქტივების უზუსტოდ აღრიცხვა იძლევა არაფინანსური აქტივების ნარჩენი ღირებულების შესახებ წარმოდგენილი ინფორმაციის შეუსაბამობას რეალურ ფინანსურ მდგომარეობასთან.

თბილისის მერიის და ვაკის რაიონული გამგეობის მიერ განხორციელებულ პროგრამაში მონაწილეობასთან დაკავშირებით დევნილთა დეპარტამენტის მიერ ვერ მოხდა დევნილი ბავშვების შერჩევასთან დაკავშირებული შესაბამისი დამუშავებული/გაფილტრული ბაზის წარმოდგენა, ასევე დევნილთა დეპარტამენტმა არ გამოიყენა მის ხელთ არსებული ყველა საკომუნიკაციო საშუალება, რათა მომხდარიყო იგპ-თა სრულად ინფორმირება დაგეგმილ პროექტთან დაკავშირებით. ასევე პროექტის პასუხისმგებელ პირებს არ მოუხდენიათ იმ ბაზის დამუშავება და შენახვა, რომლის მიხედვითაც განხორციელდა იგპ-ებთან კომუნიკაცია. ზემოაღნიშნულის გამო, ფაქტობრივად შეიქმნა ინფორმაციის მიწოდების გაუმჭვირვალობისა და ინფორმაციაზე ხელმისაწვდომობის არათანაბარი უზრუნველყოფის რისკი.

2018 წელს ქ. სიღნაღის და ქ. წნორის მიმდებარე სოფლებში მცხოვრები მძიმე სოციალურ მდგომარეობაში მყოფი 184 მოქალაქისათვის საკვების მომზადების და მიწოდების მომსახურებას მიმწოდებელი ახორციელებდა არაჯეროვნად. მიუხედავად ამისა, მერიას შესაბამისი ღონისძიებები   არ გაუტარებია. შედეგად, მძიმე სოციალურ მდგომარეობაში მყოფმა მოსახლეობამ ვერ მიიღო ხელშეკრულებით განსაზღვრულ, ხარისხიანი მომსახურება.

2017 წლის 31 დეკემბრის მდგომარეობით, სამინისტროს კონსოლიდირებული ბალანსის საცნობარო მუხლში „ამორტიზებული ძირითადი აქტივების“ N08 ანგარიშზე ნაშთი - ჯამში 8,778 ლარით, ხოლო „პასუხსაგებ შენახვაზე მიღებული მატერიალური ფასეულობების“ N02 ანგარიშზე - 46,639 ლარით შემცირებულად არის წარმოდგენილი, რაც განპირობებულია ფინანსური ანგარიშგების შედგენისას დაშვებული შეცდომით და არასწორი ფინანსური აღრიცხვით, კერძოდ: ჯანდაცვის ცენტრის ბალანსის საცნობარო მუხლში, ამორტიზებული ძირითადი აქტივების ღირებულება 33,799 ლარით შემცირებულად არის წარმოდგენილი; 2017 წლის 31 დეკემბრის მდგომარეობით, სამინისტროს ცენტრალური აპარატის საცნობარო მუხლში, ამორტიზებული ძირითადი აქტივების ღირებულება 25,021 ლარით უზუსტოდ, გაზრდილად არის წარმოდგენილი; ჯანდაცვის ცენტრს საცნობარო მუხლის N02 ანგარიშზე - „პასუხსაგებ შენახვაზე მიღებული მატერიალური ფასეულობები“, აღრიცხული არ აქვს დროებით სარგებლობაში გადმოცემული სამაცივრე დანადგარები, ხოლო ზედმეტად აქვს აღრიცხული საკუთრებაში გადმოცემული ამორტიზებული ძირითადი აქტივების ნაწილი. შესაბამისად, პასუხსაგებ შენახვაზე მიღებული მატერიალური ფასეულობების ანგარიშზე ნაშთი შემცირებულია 46,639 ლარით. ფინანსური ანგარიშგების საცნობარო მუხლში აქტივების უზუსტო აღრიცხვა არ იძლევა ინფორმაციას მხარჯავ დაწესებულებაში არსებული აქტივების რეალური ღირებულების შესახებ და წარმოშობს სახელმწიფო საკუთრებაში არსებული ქონების არამართლზომიერად განკარგვის შესაძლებლობას.

2008 წელს აფხაზეთის მთავრობასა და სოლიდარობისა და ინტეგრაციის ფონდ „FINSOL”-თან გაფორმებული მემორანდუმის შესაბამისად ზაფხულობით ესპანეთში უნდა გამგზავრებულიყვნენ დასასვენებლად აფხაზეთიდან იძულებით გადაადგილებული (მძიმე ეკონომიური თუ სოციალურ მდგომარეობაში მყოფი) ბავშვები. ვინაიდან დევნილთა დეპარტამენტი აგვარებდა გასამგზავრებელი ბავშვებისათვის მხოლოდ ტექნიკურ და სამართლებრივ საკითხებს და არ იყო ჩართული ბავშვების შერჩევის პროცესში, ხოლო წლიდან წლამდე ესპანეთში მიემგზავრებოდნენ ძირითადად ერთი და იგივე პირები, ფაქტობრივად შექმნილი იყო პროექტში პოტენციურად მონაწილე ბავშვების არასამართლიანი შერჩევის, არათანაბარი პირობების შექმნისა და ინფორმაციის მიწოდების გაუმჭვირვალობის რისკები.

2017 წლის 1 იანვრის მდგომარეობით, მუნიციპალიტეტის ბიუჯეტის ნაშთმა შეადგინა 1,310.7 ათასი ლარი. მუნიციპალიტეტმა დაგეგმა წლის განმავლობაში ნაშთის სრულად გამოყენება. მიუხედავად ამისა, 2017 წელს ნაშთის ცვლილებით გამოწვეული ფულადი სახსრების დაგროვებამ (ზრდამ) შეადგინა 1,732.1 ათასი ლარი და წლის ბოლოს დაფიქსირდა ნაშთი 3,042.8 ათასი ლარი, მათ შორის, თავისუფალი ნაშთი 497.6 ათასი ლარი. 2018 წელს მუნიციპალიტეტმა დაგეგმა ნაშთის სრულად გამოყენება. თუმცა, წინა წლის მსგავსად, 774.9 ათასი ლარით გაიზარდა (დაგროვდა) ნაშთის ცვლილებით გამოწვეული ფულადი სახსრები და 2019 წლის 1 იანვრისთვის ნაშთმა 3,817.7 ათასი ლარი შეადგინა. მათ შორის, თავისუფალი ნაშთია 544.6 ათასი ლარი. 2017-2018 წლებში მუნიციპალიტეტში დიდი ოდენობით ნაშთების არსებობა ძირითადად გამოწვეულია, ერთი მხრივ, თავისუფალი ნაშთის არსებობით, ხოლო მეორე მხრივ, გარდამავალი პროექტების არსებობით, რომლებიც დაიწყო ერთ საბიუჯეტო წელს, სამუშაოები კი დასრულდა და შესაბამისად, ანაზღაურება განხორციელდა მომდევნო საბიუჯეტო წელს.

მუნიციპალიტეტმა ვერ წარმოადგინა შესაფერისი და საკმარისი მტკიცებულებები იმისა, თუ რა აუცილებლობით იყო განპირობებული საკონსულტაციო მომსახურების შესყიდვა, ვინაიდან მუნიციპალიტეტს გააჩნია შრომითი რესურსი და ვალდებულია საკუთარი რესურსებით უზრუნველყოს აღნიშნული საქმიანობის განხორციელება. გამომდინარე აქედან, მუნიციპალიტეტის პასუხისმგებელ პირებს არ უნდა განეხორციელებინათ საკონსულტაციო მომსახურებაზე ხარჯის გაწევა. შესაბამისად, მუნიციპალიტეტის მიერ გადახდილი 10.0 ათასი ლარი წარმოადგენს არარაციონალურ ხარჯს.

სამინისტრომ ცენტრალური აპარატის ბალანსზე რიცხული მატერიალური ფასეულობების სრული ინვენტარიზაციის შედეგების საფუძველზე მოახდინა ამორტიზებული და გამოუყენებელი მოძრავი ქონების ჩამოწერა/ლიკვიდაცია. სსიპ - ლევან სამხარაულის სახელობის ექსპერტიზის ეროვნული ბიუროს მიერ 2016 წლის 13 დეკემბრის დასკვნით, ჩამოსაწერი კომპიუტერების კომპლექტაციებიდან ვარგისი იყო 19 ერთეული მონიტორი, საიდანაც 14 ერთეული სამინიტრომ გადასცა აჭარის ავტონომიური რესპუბლიკის განათლების, კულტურისა და სპორტის სამინისტროს, ხოლო დარჩენილი 5 ერთეული მონიტორი, რომლებიც ფიზიკურად ინახება სამინისტროში, ნაცვლად შეფასებისა და ბალანსზე აღრიცხვისა - ჩამოიწერა. შესაბამისად, აქტივების ჩამოწერის შედეგად მიღებული ვარგისი მატერიალური ფასეულობების ბალანსზე აღურიცხაობა, განპირობებულია აქტივების შეცდომით ჩამოწერით და წარმოშობს მათი არამართლზომიერი განკარგვის შესაძლებლობას.

დევნილთა დეპარტამენტში შენობა-ნაგებობის სახანძრო სიგნალიზაციით აღჭურვის ხარჯის არასწორმა კაპიტალიზებამ გამოიწვია აქტივების ნეტო ღირებულების, ხოლო ცვეთის თანხის შემცირებით წმინდა ღირებულების არასწორი ზრდა. ასევე დადგენილი წესით არ იქნა ასახული შესყიდული მატერიალური მარაგების შეძენისა და გასვლის/ხარჯვის ოპერაციები, ხოლო „გრძელვადიანი მცირეფასიანი აქტივებში“ არასწორად დაფიქსირდა „ექსპლუატაციაში მყოფი ხარჯებში ჩამოწერილი გრძელვადიანი მცირეფასიანი აქტივების“ წლის საწყისი და საბოლოო ნაშთები.

მუნიციპალიტეტის ერთ-ერთ პრიორიტეტულ მიმართულებას წარმოადგენს სასმელი წყლის სისტემების რეაბილიტაცია და ექსპლუატაცია. 2017-2018 წლებში „არაფინანსური აქტივების ზრდის“ მუხლიდან, წყლის მომარაგების სისტემების მშენებლობასა და რეაბილიტაციაზე, გაწეულ იქნა დაახლოებით 1,990.0 ათასი ლარი. აუდიტის ჯგუფმა, მუნიციპალიტეტის მიერ წარმოდგენილ მასალებზე დაყრდნობით და შესრულებული პროექტების ვიზუალური დათვალიერებით, შეისწავლა წყლის სისტემების ზოგადი მდგომარეობა მუნიციპალიტეტში. წყლის სისტემა მოწყობილია ქალაქ თერჯოლასა და 32 სოფელში, ხოლო დანარჩენი 13 სოფლის მოსახლეობა სარგებლობს ჭებით და წყაროებით. აღსანიშნავია, რომ მუნიციპალიტეტში (გარდა ქალაქ თერჯოლისა და სოფელ ღვანკითისა) არსებულ წყლის სისტემებზე, გამწმენდი ნაგებობების არ არსებობის გამო, მიწოდებული წყალი არ იწმინდება და მოსახლეობას მიეწოდება სასმელად უვარგისი, ტექნიკური წყალი. მიუხედავად იმისა, რომ პრობლემა ატარებს სისტემურ ხასიათს, არ გატარებულა სათანადო ღონისძიებები, მოსახლეობისათვის სასმელად ვარგისი წყლის მისაწოდებლად, აღნიშნული მიმართულებით არსებული მდგომარეობის გაუმჯობესება მუნიციპალიტეტს შეეძლო თავისუფალი ნაშთის სახით არსებული ფინანსური რესურსის ეფექტიანი დაგეგმვითა და გამოყენებით, რაც არ განუხორციელებია. მოქმედი კანონმდებლობის შესაბამისად კომპანიას, რომელიც პასუხისმგებელია სისტემის გამართულ ფუნქციონირებასა და მიწოდებული წყლის ხარისხზე, უნდა გააჩნდეს შესაბამისი ლიცენზია. სასმელი წყლის მომსახურებისთვის კანონმდებლობით დადგენილი შესაბამისი საფასური, მომხმარებელმა უნდა გადაუხადოს ლიცენზირებულ საწარმოს. გამოვლინდა, რომ ა(ა)იპ − თერჯოლის დასუფთავებისა და კეთილმოწყობის მუნიციპალურ სამსახურს, რომელიც პასუხისმგებელია 31 სოფელში წყლის ქსელის გამართულ ფუნქციონირებაზე, ლიცენზია არ აქვს. მუნიციპალიტეტის 32 სოფლიდან წყლის მრიცხველები მოწყობილია 4 სოფელში. მუნიციპალიტეტის მიერ დაფუძნებული ა(ა)იპ − თერჯოლის დასუფთავებისა და კეთილმოწყობის მუნიციპალური სამსახურის დირექტორის ბრძანებით დადგენილია ტექნიკური წყლის საფასური − 1 კუბ.მ - 0.4 ლარი. თვითმმართველი ერთეულების მიხედვით წყლის ტარიფის განსაზღვრის უფლებამოსილება გააჩნია საქართველოს ენერგეტიკისა და წყალმომარაგების მარეგულირებელ ეროვნულ კომისიას (სემეკი). იგი აწესებს წყალმომარაგების ტარიფის ზღვრულ ოდენობას. სემეკის მიერ სხვადასხვა მიმწოდებელი კომპანიების მიხედვით, გამრიცხველიანებული საყოფაცხოვრებო მომხმარებლებისათვის წყალმომარაგების ზღვრული ტარიფი 1 კუბ.მ-ზე 7.1 - 42.3 თეთრს შეადგენს. მიუხედავად იმისა, რომ მუნიციპალიტეტი საბიუჯეტო რესურსების მნიშვნელოვან ნაწილს ხარჯავს წყლის სისტემების მოწყობასა და რეაბილიტაციაზე, მოსახლეობის სოციალურ-ეკონომიური მდგომარეობა მნიშვნელოვნად ვერ უმჯობესდება და ადგილობრივ მაცხოვრებლებს, წყალი ან არ მიეწოდება, ან უმრავლეს შემთხვევაში მიეწოდება სასმელად უვარგისი, ტექნიკური წყალი. ასევე, ტარიფი არ არის კანონმდებლობის შესაბამისად დადგენილი. აღსანიშნავია, რომ პრობლემა ატარებს სისტემურ ხასიათს, თუმცა მერიას მისი მოგვარების მიზნით, სათანადო ღონისძიებები არ გაუტარებია.

სიღნაღის მუნიციპალიტეტმა ვერ წარმოადგინა ინფორმაცია იმის შესახებ, თუ რა აქტივობები განახორციელა ა(ა)იპ   „კახეთის რეგიონალური განვითარების სააგენტომ“ და შედეგად რა სარგებელი მიიღო თვითმმართველობამ. აქედან გამომდინარე, ადგილობრივი ბიუჯეტიდან გაწეული 25.0 ათასი ლარის ხარჯის მიზანშეწონილობა არ არის სათანადოდ დასაბუთებული.

ცესკოს ფინანსურ ანგარიშგებაში 2017 წლის 31 დეკემბრის მდგომარეობით, ნაშთად ირიცხება წინა წლებში შეძენილი 4,843,817 ლარის ოდენობის მატერიალური მარაგები, საიდანაც 3,584,943 ლარის (74%) ოდენობის მარაგების არსებობის შესახებ ვერ იქნა წარმოდგენილი საკმარისი და შესაფერისი მტკიცებულებები, ვინაიდან ნაწილი აღნიშნული მარაგებისა არის 2008 წლამდე შეძენილი და არ არის საინვენტარო მონაცემები, არ იძებნება აქტივების ექსპლუატაციაში გაცემის პირველადი დოკუმენტები, ბალანსში მარაგების ნაშთი წარმოდგენილია ჯამურად და არ არის გაშიფრული. ხოლო ცესკოს განამრტებით, 2008 წლიდან მოყოლებულ პერიოდზე, მუშავდება პირველადი დოკუმენტაცია მარაგების გაშიფვრის მიზნით. შესაბამისად, ვერ მივიღეთ რწმუნება ფინანსურ ანგარიშგებაში, ფორმა N1-ში ასახული მატერიალური მარაგების - 3,585,465 ლარის ოდენობის ნაშთის არსებობაზე, სისრულესა და სიზუსტეზე.

იუსტიციის დეპარტამენტში შენობა-ნაგებობის სახანძრო სიგნალიზაცის სისტემის ღირებულება ნაცვლად აქტივად აღიარებისა, ხარჯის სახით ჩამოიწერა „ოფისის ხარჯების“ მუხლით, რამაც გამოიწვია ფინანსურ ანგარიშგებაში აქტივების ნეტო ღირებულების შემცირება, ხოლო ხარჯების ნეტო თანხის ზრდით შემცირდა წმინდა ღირებულება. გარდა აღნიშნულისა დაფიქსირდა ექსპლუატაციაში მყოფი მარაგებისა და გრძელვადიანი მცირეფასიანი აქტივების არასწორად აღრიცხვის შემთხვევები.

2018 წლის 14 ნოემბერს, მუნიციპალიტეტმა, სოფელ სიქთარვაში წყალსადენი სისტემის მოწყობისათვის, ხელშეკრულება გააფორმა შპს „კომფორტმშენ XXI“-სთან, ღირებულებით 671.4 ათასი ლარი. ხელშეკრულების შესაბამისად, სამუშაოები უნდა დასრულებულიყო 2019 წლის 14 თებერვალს (92 დღე). პროექტის მიხედვით, მიმწოდებელს უნდა შეესრულებინა შემდეგი სამუშაოები: წყალმომარაგების სისტემის სატუმბი სადგურის, სანიტარული ზონის (შემოღობვა და ჭიშკრები) და შიგა სასოფლო მილსადენის მოწყობა. სამუშაოების მიმდინარეობის პერიოდში პროექტში შევიდა მნიშვნელოვანი ცვლილებები და დასრულების ვადა, ურთიერთშეთანხმების საფუძველზე, გადაიწია 27 მარტის ჩათვლით. ხარჯთაღრიცხვის კორექტირება გამოწვეული იყო იმით, რომ პროექტში გამორჩენილი იყო 87 ოჯახისათვის წყლის მილებისა და მრიცხველების მოწყობა. მუნიციპალიტეტმა აღნიშნული ხარვეზის აღმოსაფხვრელად პროექტის ავტორს მოსთხოვა საპროექტო დოკუმენტაციის კორექტირება. პროექტის ავტორმა ხარჯთაღრიცხვით გათვალისწინებულ მოცულობებს ძირითადად დაამატა 8.2 ათასი მეტრი სხვადასხვა დიამეტრის მილი და 87 სააღრიცხვო კვანძი, თანმდევი სამუშაოებით, ხოლო ხარჯთაღრიცხვიდან ამოიღო სანიტარული ღობის მოწყობა. ცვლილებები განხორციელდა სამუშაოების საერთო ღირებულების შეუცვლელად. მერიის პასუხისმგებელმა პირებმა აუდიტის ჯგუფს ვერ განუმარტეს: ერთი მხრივ, თუ არ იყო აუცილებელი სანიტარული ღობე, მაშინ რატომ განისაზღვრა თავდაპირველი ხარჯთაღრიცხვით მისი მოწყობა და მეორე მხრივ, თუ აუცილებელი იყო, მაშინ რატომ არ იქნა მოძიებული დამატებითი რესურსი ღობის მოსაწყობად. მუნიციპალიტეტის მერს ყველა ადმინისტრაციულ ერთეულში ჰყავს წარმომადგენლები, რომლებიც სრულ ინფორმაციას უნდა ფლობდნენ, რამდენი ოჯახი ცხოვრობს თითოეულ სოფელში, შესაბამისად, აღნიშნული ინფორმაციის გამოყენებით, მერია ვალდებული იყო გაეკონტროლებინა, მოწოდებული პროექტის მიხედვით შესაძლებელი იყო თუ არა ყველა ოჯახის წყლით უზრუნველყოფა. მერიამ სათანადოდ არ შეისწავლა წარმოდგენილი საპროექტო დოკუმენტაცია. თავის მხრივ, მიმწოდებელმა არ ჩაატარა შესაფერისი სამუშაოები და მუნიციპალიტეტს ჩააბარა უხარისხოდ შესრულებული პროექტი, რომელიც შეიცავდა გარკვეულ უზუსტობებს. მიუხედავად ამისა, მერიას მიმწოდებლის მიმართ რაიმე ტიპის სამართლებრივი ღონისძიება არ გამოუყენებია. ამასთან, პროექტზე დადებითი საექსპერტო დასკვნა გაცემული ჰქონდა შპს „საინჟინრო მონიტორინგის ჯგუფს“, რომელმაც ასევე ვერ უზრუნველყო ხარვეზის გამოვლენა და თავიდან აცილება. შედეგად, წყლის სისტემის მოწყობის სამუშაოები წარიმართა გარკვეული ხარვეზებით და თავდაპირველად განსაზღვრულ ვადებში ვერ შესრულდა ხარჯთაღრიცხვით გათვალისწინებული ყველა სამუშაო. მუნიციპალიტეტს, სათანადო კონტროლის პირობებში, შეეძლო თავიდან აერიდებინა საპროექტო დოკუმენტაციის ხარვეზებით გამოწვეული პრობლემები და უზრუნველეყო ინფრასტრუქტურული პროექტის დროულად და ხარისხიანად მიწოდება მოსახლეობისათვის, რაც არ განხორციელებულა.

სიღნაღის მუნიციპალიტეტმა (შესაბამისმა პასუხისმგებელმა პირებმა) 2017-2018 წლებში მუნიციპალიტეტის საკრებულოს არათანამდებობის პირებზე ხარჯების ასანაზღაურებლად 133.5 ათასი ლარი გასცა შესაბამისი დოკუმენტური დადასტურების გარეშე, საბიუჯეტო პროცესთან დაკავშირებული მარეგულირებელი საკანონმდებლო ნორმების შეუსაბამოდ.

2017 წლის 31 დეკემბრის მდგომარეობით მომზადებულ ფინანსურ ანგარიშგებაში, მატერიალური მარაგების 4,631,115 ლარის ოდენობის საწყისი ნაშთი მიმდინარე წელს შემცირებულია 318,299 ლარის ოდენობის გრძელვადიანი მცირეფასიანი აქტივების ღირებულებით, რაც რეალურად წარმოადგენდა წინა წლებში ბუღალტრულად შეცდომით აღრიცხულ გრძელვადიან მცირეფასიან აქტივებს, რომელიც ნაცვლად საწყისი ნაშთის კორექტირებისა, ბუღალტრულად აღირიცხა მიმდინარე წელს და შეამცირა 2017 წლის საბოლოო ნაშთი. შედეგად, ფინანსური ანგარიშგების ფორმა N1-ში 2017 წლის 1 იანვრის მდგომარეობით, მატერიალური მარაგების და კაპიტალის ანგარიშებზე ნაშთები 318,299 ლარით ზედმეტად არის წარმოდგენილი. ანალოგიურად, წინა წლების მაკორექტირებელი გატარებებისას არ იყო დაცული აღრიცხვის ინსტრუქციის მოთხოვნები , შედეგად, ფინანსურ ანგარიშგებაში შემცირებულად არის წარმოდგენილი შემდეგი ანგარიშების საწყისი ნაშთები: • არასაცხოვრებელი შენობები - 33,018 ლარით; • მიწა - 177,116 ლარით; • კაპიტალი (წმინდა ცვლილება) - 17,940 ლარით. ხოლო ზედმეტი ოდენობით არის წარმოდგენილი შემდეგი ანგარიშების საწყისი ნაშთები: • სხვა მატერიალური მარაგები - 140,560 ლარით; • სხვა მანქანა-დანადგარები და ინვენტარი - 51,634 ლარით;

დეპარტამენტის მიერ 2017 წელს შეძენილი 70 ცალი, 945.00 ლარის ღირებულების რეცხვის ტალონები საანგარიშგებო წელს ბუღალტრულად ჩამოიწერა ხარჯებში როგორც მომსახურება. დეპარტამენტის მიერ მოწოდებული ინფორმაციით, ტალონებს არ გააჩნდათ ყუა, სარეგისტრაციო ნომერი ან სხვა ფულადი დოკუმენტისთვის საჭირო რეკვიზიტები, რის გამოც მოხდა აღნიშნული ტალონების რეცხვის მომსახურებად ჩამოწერა. თუმცა მოქმედი კანონმდებლობით , რეცხვის ტალონები წარმოადგენს ფულად დოკუმენტებს და მათი მიღება-გასვლა უნდა განხორციელდეს როგორც მატერიალური მარაგების მოძრაობა, რაც დეპარტამენტის მიერ საანგარიშგებო პერიოდში არ მომხდარა.

2017 წლის 10 ოქტომბერს, მუნიციპალიტეტმა, სოფელ კვახჭირსა და ოდილაურში სასმელი წყლის მაგისტრალის მოწყობის სამუშაოებისათვის, ხელშეკრულება გააფორმა შპს „ლ და კ“-სთან, ღირებულებით − 122.2 ათასი ლარი. სამუშაო ითვალისწინებდა წყლის სიტემის მოწყობას 458 ოჯახისათვის. ხელშეკრულების შესაბამისად, სამუშაოები უნდა დასრულებულიყო 2017 წლის 9 დეკემბერს. სამუშაოების მიმდინარეობის პროცესში აღმოჩნდა, რომ პროექტი შეიცავდა რიგ უზუსტობებს. ხარჯთაღრიცხვაში გათვალისწინებული მილების რაოდენობა არ იყო საკმარისი წყლის ამომყვანების მოსაწყობად და ნაცვლად პროექტით განსაზღვრული 458 ერთეულისა, მოეწყო მხოლოდ 403 ერთეული. მიუხედავად იმისა, რომ წარმოდგენილი საპროექტო დოკუმენტაცია შესრულებული იყო უხარისხოდ და შეიცავდა გარკვეულ უზუსტობებს, მუნიციპალიტეტს მიმწოდებლის მიმართ რაიმე ტიპის სამართლებრივი ღონისძიება არ გამოუყენებია. აღნიშნული პრობლემის აღმოსაფხვრელად, 2018 წელს მუნიციპალიტეტმა შეისყიდა სოფელ კვახჭირში წყალსადენი სისტემის მოწყობის გაგრძელების სამუშაო. 2018 წლის 4 ოქტომბერს ხელშეკრულება გაფორმდა შპს „ჯორჯიან პლასტიკთან“, ღირებულებით 114.3 ათასი ლარი. სამუშაოების დასრულების ვადად განისაზღვრა 2018 წლის 4 დეკემბერი. პროექტის მიხედვით, წყლის მიყვანა დაიგეგმა სოფელში მცხოვრებ ყველა ოჯახთან, ასევე უნდა მოწყობილიყო 520 მრიცხველი. სამუშაოების მიმდინარეობისას აღმოჩნდა, რომ პროექტის შესაბამისად, სამუშაოების შესასრულებლად საჭირო იყო დამატებით 6.8 ათასი ლარის ღირებულების 1530 მეტრი სხვადასხვა დიამეტრის მილი. ურთიერთშეთანხმების საფუძველზე, ხარჯთაღრიცხვაში შევიდა ცვლილება და სახელშეკრულებო თანხა გაიზარდა 3.6 ათასი ლარით, ხოლო დარჩენილი თანხა ათვისებულ იქნა „გაუთვალისწინებელი ხარჯების“ მუხლიდან. მიუხედავად იმისა, რომ მეორე ეტაპის სამუშაოების საპროექტო დოკუმენტაციაც შედგენილი იყო უხარისხოდ, მუნიციპალიტეტს არც ამ შემთხვევაში არ გაუტარებია სამართლებრივი ღონისძიებები მიმწოდებლის მიმართ. შპს „საინჟინრო მონიტორინგის ჯგუფის“ მიერ გაცემული დასკვნის საფუძველზე, საბოლოო მიღება-ჩაბარების აქტი გაფორმდა 2018 წლის 13 დეკემბერს. პასუხისმგებელი პირის განმარტებით, ქსელში წყლის გაშვების შემდეგ აღმოჩნდა, რომ ზოგიერთ ადგილას წყალი გაედინებოდა, რაც გამოწვეული იყო უხარისხო მექანიკური გადასაბმელებით, ასევე შპს „ლ და კ“-ს მიერ, ცენტრალურ მაგისტრალზე მოსახლეობასთან წყლის გადამყვანების დამონტაჟების დროს არსებული ხარვეზით. მუნიციპალიტეტის მოთხოვნით, მიმწოდებლებმა გამოასწორეს ხარვეზების ძირითადი ნაწილი, თუმცა 2019 წლის აგვისტომდე, ერთ უბანს (59 ოჯახი) წყალი არ მიეწოდებოდა. მიუხედავად იმისა, რომ ჩაბარების შემდეგ გასულია 7 თვეზე მეტი, აღნიშნული ქსელი მოვლა-პატრონობისათვის გადაცემული არ აქვს ა(ა)იპ − თერჯოლის დასუფთავებისა და კეთილმოწყობის მუნიციპალურ სამსახურს და მოსახლეობას წყალი მიწოდება შეფერხებით. ამასთანავე, არ ხდება წყლის საფასურის ამოღება მოსახლეობიდან.

მუნიციპალიტეტში ფინანსური და არაფინანსური აქტივების დაცულობაზე კონტროლი არ არის სათანადოდ დაწესებული. 2017-2018 წლებში არ არის ჩატარებული აქტივებისა და ვალდებულებების ინვენტარიზაცია. შედეგად, არსებობს რისკი, რომ შეუმჩნეველი დარჩეს მუნიციპალიტეტის კუთვნილი ქონების დაკარგვის ან დაზიანების შემთხვევები და არ მოხდეს შესაბამისი რეაგირება.

2017 წლის 31 დეკემბრის მდგომარეობით მომზადებულ ფინანსურ ანგარიშგებაში სხვა მოკლევადიანი კრედიტორული დავალიანების 2,990,821 ლარის ნაშთი მოიცავს 2,959,315 ლარის ოდენობის 1996-2003 წლებში წარმოშობილ კრედიტორულ დავალიანებას. აღნიშნული ნაშთის დადასტურების მიზნით, 2017 წელს კრედიტორების ინვენტარიზაცია არ ჩატარებულა. ვერც ალტერნატიული აუდიტორული პროცედურებით შევძელით მიგვეღო საკმარისი და შესაფერისი აუდიტორული მტკიცებულებები 2,950,315 ლარის ოდენობის ხანდაზმული კრედიტორული დავალიანების არსებობასა და სისრულეზე.

დევნილთა დეპარტამენტში თანამშრომლების მიერ ხშირად ირღვეოდა შინაგანაწესით განსაზღვრული სამსახურში გამოცხადებისა და წასვლის დრო, რასაც დეპარტამენტის მხრიდან ერთგვაროვანი რეაგირება არ მოჰყოლია. აღნიშნულიდან გამომდინარე ფაქტობრივად არ იყო უზრუნველყოფილი თანამშრომელთა ყოველდღიური სამუშაო დროის ზუსტი აღრიცხვა/კონტროლი, რაც საბოლოო ჯამში ქმნიდა სამუშაო დროის რეალურად აღრიცხვისა და აქედან გამომდინარე ხელფასების არასწორად დარიცხვის რისკებს.

2017 წელს თერჯოლის მუნიციპალიტეტმა გააფორმა ხელშეკრულება შპს New Road-თან ღირებულებით 474.9 ათასი ლარი . ხელშეკრულება ითვალისწინებდა ღვანკითი-ტელეფა-რუფოთის დამაკავშირებელ გზაზე ა/ბეტონის საფარის მოწყობას. შემსყიდველმა ორგანიზაციამ შპს არდას მიერ გაცემული დადებითი საექსპერტო დასკვნის საფუძველზე ჩაიბარა მოწყობილი ინფრასტრუქტურული პროექტი, რითიც აღიარა შესრულებული სამუშაოების ხარისხის შესაბამისობა ხელშეკრულებით განსაზღვრულ მოთხოვნებთან. აუდიტის ჯგუფმა ადგილზე დაათვალიერა ინფრასტრუქტურული პროექტი. შედეგად გამოვლინდა რომ მოწყობილი ა/ბეტონის საფარი დაზიანებულია და შეინიშნება განივი და გრძივი ბზარები. პასუხისმგებელი პირის განმარტებით, დაზიანებების შესახებ ინფორმაცია მერიისთვის ცნობილი გახდა 2017 წელს. მიმწოდებელმა ხარისხის უზრუნველყოფის გარანტიის ფარგლებში ნაწილობრივ გამოასწორა არსებული ხარვეზები. ხოლო რაც შეეხება ა/ბეტონისა საფარზე წარმოქმნილ გრძივ ბზარებს, გამომწვევი მიზეზების დადგენის მიზნით მუნიციპალიტეტმა შეისყიდა საექსპერტო მომსახურება. ექსპერტიზის დასკვნის მიხედვით, დაზიანება გამოწვეულია გეოლოგიური პროცესების გამო და საჭიროებს დამატებით კვლევას. მუნიციპალიტეტი ვალდებული იყო ემსჯელა ისეთი ღონისძიებების განხორციელებაზე რომელიც უზრუნველყოფდა ხარვეზების აღმოფხვრასა და ნაკლოვანებების გამოსწორებას. მერიას რაიმე ქმედება არსებული პრობლემების მოგვარების მიზნით არ განუხორციელებია. შესაბამისად ინფრასტრუქტურული პროექტი, მნიშვნელოვნადაა დაზიანებული და მოსახლეობას მიეწოდება ხარვეზებით.

შიდა აუდიტის სამსახურს არ შეუსწავლია ორგანიზაციაში არსებული პროცესების და შიდა კონტროლის სისტემები, არ გამოუვლენია სისტემური ხასიათის რისკები და მათი აღმოფხვრის მიზნით, არ გაუცია შესაბამისი რეკომენდაციები. ამასთანავე, შიდა აუდიტის სამსახურის საქმიანობა სათანადოდ ვერ უზრუნველყოფს მუნიციპალიტეტის წინაშე არსებული ამოცანების ეფექტიანად შესრულებას და დასახული მიზნების მიღწევას, რისკების მართვას და შიდა კონტროლის სისტემის გაუმჯობესებას. გამომდინარე აღნიშნულიდსან, 2017-2018 წლებში მუნიციპალიტეტის შიდა აუდიტის სამსახური ფუნქცია-მოვალეობებს ასრულებდა არასათანადოდ.

ცესკოს 2011 წლის შემდგომ არ ჩაუტარებია კანონმდებლობით განსაზღვრული სავალდებულო ინვენტარიზაციები, რის გამოც მოკლებულია შესაძლებლობას - განახორციელოს აქტივებისა და ვალდებულებების ზუსტი და სრული აღრიცხვა, რაც კონტროლის მექანიზმების მნიშვნელოვან სისუსტეზე მიუთითებს.

მიუხედავად იმისა, რომ იუსტიციის დეპარტამენტში დამონტაჟებული იყო ელექტრონული გასაღების სისტემა, რომელიც საშუალებას იძლეოდა მაღალი სიზუსტით დაფიქსირებულიყო თანამშრომლების სამსახურში გამოცხადების ყოველდღიური შემოსვლისა და გასვლის ზუსტი დრო, დეპარტამენტი არ იყენებდა ამ სისტემას თანამშრომელთა სამსახურში მოსვლა-წასვლის კონტროლის მიზნით და იმ პირობებში, როდესაც სამუშაო დროისა და სამუშაოზე გამოცხადების აღრიცხვის ფორმად გამოყენებული ჟურნალი წარმოადგენდა ხელფასის დარიცხვის საფუძველს, ხოლო იუსტიციის დეპარტამენტში აღრიცხვა ამ კუთხით ხასიათდება ნაკლოვანებებით, წარმოიშობოდა რისკი იმისა, რომ ხელფასების დარიცხვა-გაცემა განხორციელემულიყო არარეალური (არასწორი) მონაცემების საფუძველზე.

2017 წელს მუნიციპალიტეტმა შპს მიმდემისგან შეისყიდა სოფელ ზედა საზანო - 26 მაისის დამაკავშირებელ გზაზე ბეტონის საფარის მოწყობის სამუშაოები, ღირებულებით − 471.0 ათასი ლარი. შემსყიდველმა ორგანიზაციამ, შპს ზაისი და კომპანიის მიერ გაცემული დადებითი საექსპერტო დასკვნის საფუძველზე ჩაიბარა მოწყობილი ინფრასტრუქტურული პროექტი, რითაც აღიარა შესრულებული სამუშაოების ხარისხის შესაბამისობა ხელშეკრულებით განსაზღვრულ მოთხოვნებთან. 2019 წლის 22 თებერვალს აუდიტის ჯგუფმა ადგილზე დაათვალიერა ინფრასტრუქტურული პროექტი. შედეგად გამოვლინდა, რომ მოწყობილი ბეტონის საფარი ორ მონაკვეთზე დაზიანებულია და შეინიშნება განივი და გრძივი ბზარები. სამუშაოების მიმდინარეობის პერიოდში, 2017 წლის 23 აგვისტოს, მუნიციპალიტეტის ინსპექტირების ჯგუფმა ადგილზე შეამოწმა შესრულებული სამუშაოები. შედეგად აღმოჩნდა, რომ მოწყობილი ბეტონის საფარზე შეინიშნებოდა ბზარები, ასევე ბეტონის საფარის ზედაპირი იყო დეფორმირებული და უსწორმასწორო. მუნიციპალიტეტმა წერილობით აცნობა მიმწოდებელს, რომ ანგარიშსწორება განხორციელდებოდა მხოლოდ გამოვლენილი ნაკლოვანებების გამოსწორების შემდეგ. შემსრულებელმა აღმოფხვრა არსებული ხარვეზები, გააგრძელა ხელშეკრულებით გათვალისწინებული სამუშაოების შესრულება და საბოლოოდ, ინფრასტრუქტურული პროექტის მიღება-ჩაბარება მოხდა 2017 წლის 16 ნოემბერს. შესრულებული სამუშაოების ხარისხის დადასტურების მიზნით, მიმწოდებელს წარმოდგენილი აქვს ბეტონის კუბიკების ლაბორატორიული დასკვნები და ინსპექტირების ანგარიში, რომელთა თანახმად, სამუშაოები შესრულებული იყო ხარისხიანად. მიუხედავად ინსპექტირების დადებითი შეფასებისა, მოწყობილი ინფრასტრუქტურული პროექტი მალევე დაზიანდა და ორ მონაკვეთზე შეინიშნება მნიშვნელოვანი ხარვეზები. აღსანიშნავია, რომ სოფელ საზანო − 26 მაისის დამაკავშირებელ გზაზე მოწყობილ ბეტონის გზას, დათვალიერების მომენტისათვის გააჩნდა მოქმედი ხარისხის უზრუნველყოფის გარანტია. მუნიციპალიტეტის შესაბამისი პასუხისმგებელი პირები ვალდებული იყვნენ გამოევლინათ არსებული დაზიანებები და მიმწოდებლის მიმართ გაეტარებინათ ხელშეკრულებით გათვალისწინებული სამართლებრივი ღონისძიებები, რაც არ განხორციელებულა. შედეგად, ინფრასტრუქტურული პროექტი შესრულებულია უხარისხოდ, დაზიანებულია და მოსახლეობას მიეწოდება ხარვეზებით.

ლანჩხუთის მუნიციპალიტეტი მიერ 14 ხელშეკრულების ფარგლებში (საერთო ღირებულება 4,730.5 ათასი ლარი) მოწყობილი ინფრასტრუქტურული სამუშაოების ნაწილი დაზიანებულია და საჭიროებს დამატებით რეაბილიტაციას. აღნიშნული სამუშაოები მუნიციპალიტეტის მიერ ჩაბარებულია სრულად. ამ სამუშაოების მოცულობები და ხარისხი დადასტურებულია შპს „რეალექსპერტის“, შპს „არდას“, ლევან სამხარაულის სახელობის სასამართლო ექსპერტიზის ეროვნული ბიუროს და მუნიციპალიტეტის ინსპექტირების ჯგუფის დასკვნებით. მიუხედავად იმისა, რომ შესრულებული სამუშაოების ხარისხი დადასტურებულია ექსპერტიზით, აუდიტის ჯგუფის დათვალიერებით გამოვლინდა, რომ სამუშაოები შესრულებულია უხარისხოდ, ობიექტები დაზიანებულია და საჭიროებს დამატებით რეაბილიტაციას. დათვალიერების მომენტისათვის, ინფრასტრუქტურულ პროექტებს გააჩნდათ მოქმედი საგარანტიო ვადა, რომლის ფარგლებშიც უნდა მომხდარიყო არსებული ნაკლოვანებების გამოსწორება. მუნიციპალიტეტის მიერ დანერგილი კონტროლის მექანიზმი ვერ უზრუნველყოფს ინფრასტრუქტურული პროექტების მდგომარეობის შესახებ მერიის დროულ ინფორმირებას. სამუშაოების მონიტორინგის, მიღება-ჩაბარებისა და მოვლა-პატრონობის ეტაპზე არსებული მართვის სისუსტეების გამო, დაზიანებულია ინფრასტრუქტურული პროექტები და საბიუჯეტო სახსრები არაეფექტიანად იხარჯება. მუნიციპალიტეტი ვალდებული იყო დაედგინა დაზიანების გამომწვევი მიზეზები, პასუხისმგებელი პირები და ზარალის ანაზღაურების მიზნით, მათ მიმართ გაეტარებინა შესაბამისი ღონისძიებები, რაც არ განუხორციელებია.

საარჩევნო პერიოდში ცესკოს თანამშრომლებზე გაცემული აქვს როგორც სარგოს ორმაგი ოდენობა, ასევე იმავე ოდენობით დანამატი. იმის გამო, რომ საარჩევნო კოდექსი არ აკონკრეტებს დეტალურ მოტივს, თუ რისთვის არის საარჩევნო პერიოდში განსაზღვრული ხელფასის ორმაგი ოდენობით გაცემა, გაურკვეველი რჩება, დანამატი კიდევ რაიმე სხვა ზეგანაკვეთური სამუშაოსთვის გაიცა, რაც ორგანული კანონით არ იყო განსაზღვრული, თუ იმავე სამუშაოს კომპენსირებაა, რაც ორმაგი სარგოთი ისედაც ანაზღაურდა.

იუსტიციის დეპარტამენტი არ ახდენდა თანამშრომელთა დროებითი შრომისუუნარობის გამო დახმარების გაანგარიშებას და მათი შესაბამისი - „დამქირავებლის მიერ გაწეული სოციალური დახმარების“ გაცემას. ნაცვლად აღნიშნულისა, დეპარტამენტი თანამშრომელთა დროებითი შრომისუუნარობის დროს სრულად გასცემდა ყოველთვიურ ანაზღაურებას „თანამდებობრივი სარგოს“ სახით, რითაც ირღვეოდა კანონმდებლობის მოთხოვნები. იუსტიციის დეპარტამენტში ხარჯების არასწორი კლასიფიკაციის გამო 3,185.24 ლარით არასწორად არის გაზრდილი „შრომის ანაზღაურების“ ხარჯები, ხოლო შემცირებულია „სოციალური უზრუნველყოფის“ ხარჯები.

2017 წელს მუნიციპალიტეტმა განახორციელა თერჯოლა-სიქთარვის დამაკავშირებელი გზის სარეაბილიტაციო სამუშაოები ღირებულებით 687.5 ათასი ლარი . სამუშაოების განსახორციელებლად მერიამ ტენდერის გზით ხელშეკრულება გაუფორმა შპს გი-ან 2011-ს. მუნიციპალიტეტმა კონტროლის ჯგუფისა და ექსპერტიზის დადებითი დასკვნის საფუძველზე ჩაიბარა გზის სარეაბილიტაციო სამუშაოები და მიმწოდებელს სრულად აუნაზღაურა შესრულებული სამუშაოების ღირებულება. 2019 წლის 26 თებერვალს აუდიტის ჯგუფმა, მუნიციპალიტეტის წარმომადგენლებთან ერთად, ადგილზე დაათვალიერა შესრულებული სამუშაოები. შედეგად გამოვლინდა, რომ თერჯოლა-სიქთარვის დამაკავშირებელ გზაზე მოწყობილი ბეტონის საფარი მნიშვნელოვნადაა დაზიანებული და მთელს სიგრძეზე შეინიშნება განივი და გრძივი ბზარები. პასუხისმგებელი პირის განმარტებით, მუნიციპალიტეტისათვის არსებული დაზიანებების შესახებ ცნობილი გახდა 2018 წელს.მუნიციპალიტეტი ვალდებული იყო შეესწავლა არსებული დაზიანებების გამომწვევი მიზეზები და სამუშაოების უხარისხოდ შესრულების დადასტურების შემთხვევაში, მიმწოდებლის მიმართ გაეტარებინა სამართლებრივი ღონისძიებები. ხოლო დაზიანებების გეოლოგიური პროცესებით გამოწვევის შემთხვევაში მერიას უნდა ემსჯელა ისეთი ღონისძიებების განხორციელებაზე, რომელიც უზრუნველყოფდა ხარვეზების აღმოფხვრასა და ნაკლოვანებების გამოსწორებას. მუნიციპალიტეტს დაზიანებების გამომწვევი მიზეზები არ შეუსწავლია და არც რაიმე ღონისძიება განუხორციელებია არსებული პრობლემების მოგვარების მიზნით. შესაბამისად ინფრასტრუქტურული პროექტი, რომელშიც მუნიციპალიტეტს გადახდილი აქვს 687.5 ათასი ლარი, გამოსულია მწყობრიდან, დაზიანებულია და მოსახლეობას მიეწოდება ხარვეზებით.

2017-2018 წლებში, სტიქიის სალიკვიდაციო ღონისძიებების გასატარებლად, მუნიციპალიტეტმა 21 ხელშეკრულება გააფორმა მიმწოდებლებთან, სახურავის მასალის მიწოდებასთან დაკავშირებით . ხელშეკრულებების ფარგლებში, მუნიციპალიტეტმა მოსახლეობას გადასცა თუნუქის სახურავის ფურცლები, ხის ძელები, ცემენტი და სამშენებლო ბლოკები. აღნიშნული მასალების მიწოდებაზე ჯამში დაიხარჯა 1,455.3 ათასი ლარი. მასალებზე დახარჯული თანხის 62% - 904.7 ათასი ლარის ღირებულების მასალა არ არის გამოყენებული, ვერ ისარგებლა მოსახლეობამ და არც სტიქიის შედეგები იქნა ლიკვიდირებული. ამდენად, მუნიციპალიტემა ვერ შექმნა და დანერგა მასალების გაცემის და ხარჯვის კონტროლის ისეთი მექანიზმები, რომლებიც უზრუნველყოფდა სტიქიის შედეგად მიყენებული ზარალის აღმოფხვრას და საბოლოო მიზნის მიღწევას.

პრეზიდენტის ადმინისტრაციის ბალანსზე ირიცხება 2004 წელს შექმნილი საქართველოს პრეზიდენტთან არსებული საჯარო სამართლის იურიდიული პირის – განვითარებისა და რეფორმების ფონდის მიმართ არსებული 1,995,448 ლარის ოდენობის დებიტორული დავალიანება. ფონდის ლიკვიდაცია განხორციელდა 2010 წელს, ლიკვიდირებული ორგანიზაციიდან დებიტორული დავალიანების დაფარვის ალბათობა ძალიან მცირეა. შედეგად, ფინანსური ანგარიშგების ფორმა N1-ში ,,სხვა მოკლევადიანი მოთხოვნების“ ნაშთი 1,995,448 ლარით ზედმეტად არის წარმოდგენილი, რაც შეუსაბამოა ბუღალტრული აღრიცხვის ინსტრუქციის მოთხოვნებთან . პრეზიდენტის ადმინისტრაციის ბალანსზე 2017 წლის 31 დეკემბრის მდგომარეობით, ირიცხება 2007-2010 წლებში წარმოშობილი 3,775,406 ლარის ოდენობის დებიტორული დავალიანება, რომელიც ადმინისტრაციის განმარტებით, წარმოადგენს მივლინების ხარჯებთან დაკავშირებულ მოთხოვნებს. შესაბამისი დოკუმენტაციის არ არსებობის გამო, გაურკვეველია ანგარიშვალდებული პირები. შედეგად, ვერ მივიღეთ რწმუნება ფინანსური ანგარიშგების ფორმა N1-ში ასახული 3,775,406 ლარის ოდენობის ,,სხვა მოკლევადიანი მოთხოვნების“ ნაშთის არსებობაზე, სისრულესა და სიზუსტეზე.

მოქმედი მარეგულირებელი კანონით პრემიის გაცემის უფლებამოსილების შესაბამისად საჯარო დაწესებულებაში დასაქმებულ პირებზე პრემიის გაცემის საკითხის ინიცირების უფლება აქვს შესაბამისი სტრუქტურული ქვედანაყოფის ხელმძღვანელს, ხელმძღვანელ თანამდებობის პირს და ზემდგომ თანამდებობის პირს, თუმცა იუსტიციის დეპარტამენტში არცერთ შემთხვევაში არ ფიქსირდება კონკრეტულ თანამშრომელზე შესაბამისი სტრუქტურული ქვედანაყოფის ხელმძღვანელის, ხელმძღვანელი თანამდებობის პირის ან/და ზემდგომი თანამდებობის პირის მიერ პრემიის გაცემის საკითხის ინიცირებები.

ასევე დაზიანებულია და უხარისხოდ არის მოწყობილი 4 ხელშეკრულების ფარგლებში შესრულებული ინფრასტრუქტურული პროექტები. 1) ღვანკითი-ტელეფა-რუფოთის დამაკავშირებელ გზაზე ა/ბეტონის საფარის მოწყობა; 2) გოდოგანი-ნაგარევი-ბროლისქედის დამაკავშირებელ გზაზე ა/ბეტონისა და ბეტონის საფარის მოწყობა; 3) ჭოგნარი-ოდილაურის დამაკავშირებელ გზაზე ბეტონის საფარის მოწყობა; 4) სოფელ საზანოში საზოგადოებრივი ცენტრის ეზოს კეთილმოწყობა. აუდიტის ჯგუფის მიერ დათვალიერების მომენტისათვის, ინფრასტრუქტურულ პროექტებს გააჩნდა მოქმედი საგარანტიო ვადა, რომლის ფარგლებშიც უნდა მომხდარიყო არსებული ნაკლოვანებების გამოსწორება. მუნიციპალიტეტმა მიმწოდებლისგან ზეპირი კომუნიკაციით მოითხოვა ნაკლოვანებების აღმოფხვრა. წარმოდგენილი ინფორმაციით, 2019 წლის აპრილის ბოლოსთვის გოდოგანი-ნაგარევი-ბროლისქედის და ჭოგნარი-ოდილაურის დამაკავშირებელ გზაზე, შემსრულებლებმა განახორციელეს არსებული ბზარების გუდრონითა და გვერდულების ქვიშახრეშოვანი ნარევით შევსება. აუდიტის ჯგუფი ვერ გამოთქვამს მოსაზრებას, რამდენად უზრუნველყოფს მიმწოდებლის მიერ ხარვეზების გამოსასწორებლად განხორციელებული ქმედება არსებული დაზიანებების სრულფასოვნად აღმოფხვრას.

მუნიციპალიტეტმა 2018 წელს გამოაცხადა ტენდერი ადმინისტრაციულ ერთეულებში სახურავების შეკეთების მიზნით, სავარაუდო ღირებულებით 86.2 ათასი ლარი . ტენდერში მონაწილეობდა ორი პირი და ყველაზე დაბალი ფასი დააფიქსირა შპს „გუდა-1979“-მა - 70.0 ათასი ლარი, რომლის ფასი 9.4 ათასი ლარით ნაკლები იყო კონკურენტთან შედარებით. იმავე წელს გამოცხადდა საჭადრაკო სკოლის სარეაბილიტაციო სამუშაოების ტენდერი, რომლის სავარაუდო ღირებულება 86.4 ათასი ლარი იყო . ტენდერში ყველაზე დაბალი ფასი დააფიქსირა შპს „გუდა-1979“-მა - 74.4 ათასი ლარი, რომლის ფასი 10.6 ათასი ლარით ნაკლები იყო კონკურენტთან შედარებით. სატენდერო კომისიამ ორივე ტენდერში არასამართლიანად მიანიჭა დისკვალიფაკაცია დაბალი სატენდერო წინადადების მქონე პრეტენდენტს. მუნიციპალიტეტის მერიამ, შესყიდვების განხორციელების პროცესში ვერ უზრუნველყო საბიუჯეტო სახსრების რაციონალური ხარჯვა. შემსყიდველმა ორგანიზაციამ დისკვალიფიცირებული პრეტენდენტების მიმართ გამოიყენა არასამართლიანი მიდგომა. სატენდერო კომისიამ დაარღვია მოქმედი კანონმდებლობის მოთხოვნები, სათანადოდ არ შეისწავლა სატენდერო დოკუმენტაცია, რამაც საბოლოოდ გამოიწვია ყველაზე დაბალი ფასის მქონე პრეტენდენტების დისკვალიფიკაცია. შესყიდვების პროცესის არასწორად წარმართვის გამო, ადგილობრივი ბიუჯეტიდან 20.0 ათასი ლარი დაიხარჯა არაეკონომიურად.

საბიუჯეტო სახსრების ეფექტიანად ხარჯვის უზრუნველსაყოფად, დაგეგმილი ბიუჯეტი ზუსტად უნდა პასუხობდეს ორგანიზაციის ძირითად მიზნებს და ამოცანებს. საბიუჯეტო სახსრების ეფექტიანი და მიზნობრივი ხარჯვის ხელშეწყობის მიზნით, ბიუჯეტის დაგეგმვა უნდა განხორციელდეს შესაბამისი დასაბუთებისა და საჭიროებების გათვალისწინებით. პრეზიდენტის ადმინისტრაციის მიერ, საბიუჯეტო განაცხადის თანახმად, ,,კულტურული, სპორტული, საგანმანათლებლო და საგამოფენო ღონისძიებების ხარჯების“ კლასიფიკაციით დაგეგმილმა თანხამ შეადგინა 310,000 ლარი, ხოლო საკასო ხარჯმა 1,380,650 ლარი. 2017 წლის განმავლობაში, აღნიშნული მუხლიდან წინასწარი ანგარიშსწორებით 556,778 ლარი გახარჯულია 2018 წლის 4-5 იანვრის საახალწლო ღონისძიებისთვის. წლის ბოლოს, პრეზიდენტის ადმინისტრაციის ბიუჯეტის გეგმაში მნიშვნელოვანი ცვლილება მიუთითებს დაგეგმვის პროცესში არსებულ მნიშვნელოვან ხარვეზზე.

სოფლის მეურნეობის დეპარტამენტში თანამშრომელთა სამსახურში გამოცხადებისა და წასვლის ჟურნალის წარმოება, რომელიც წარმოადგენს სამუშაო დროის გამოყენებისა და ხელფასის გაანგარიშების აღრიცხვის ტაბელის შედგენის საფუძველს, არ ხდებოდა მოქმედი კანონმდებლობის სრული დაცვით, რაც სრულად და ეფექტიანად ვერ უზრუნველყოფდა თანამშრომელთა სამუშაო დროის კონტროლს, რის გამოც წარმოიშობოდა რისკი იმისა, რომ ხელფასების დარიცხვა-გაცემა განხორციელებულიყო არარეალური (არასწორი) მონაცემების საფუძველზე.

თერჯოლის მუნიციპალიტეტმა, 4 ელექტრონული ტენდერით შესყიდვის შემთხვევაში, დაზუსტების გარეშე დისკვალიფიკაცია მიანიჭა დაბალი ფასის წარმომდგენ პრეტენდენტებს და ხელშეკრულება გააფორმა მაღალი ფასის წარმომდგენ პრეტენდენტებთან, რითაც დაკარგა 61.4 ათასი ლარის სატენდერო ეკონომიის მიღების შესაძლებლობა.

2017-2018 წლებში მუნიციპალიტეტის მიერ სამშენებლო-სარემონტო სამუშაოების განხორციელების მიზნით, გამარტივებული შესყიდვის ფორმით დადებულია 12 ხელშეკრულება, ღირებულებით 1,200.7 ათასი ლარი. ამ შესყიდვებიდან 6 შემთხვევაში მუნიციპალიტეტის მიერ სამშენებლო სამუშაოების გამარტივებული შესყიდვები განხორციელებულია ხარვეზებით. მუნიციპალიტეტის მიერ არ არის დაცული კანონმდებლობის მოთხოვნა ფაქტობრივი დანახარჯებით ანგარიშსწორების შესახებ, 6 ხელშეკრულების ფარგლებში 273.0 ათასი ლარი ანაზღაურებულია ფაქტობრივი დანახარჯების დათვლის გარეშე, რაც ქმნის თანხების ზედმეტად ანაზღაურების რისკს.

სახელმწიფო შესყიდვების შესახებ ხელშეკრულებაში მკაფიოდ უნდა იყოს ასახული გასაწევი მომსახურების მახასიათებლები, რათა შემსყიდველს მიღება-ჩაბარების ეტაპზე მიეცეს შესაძლებლობა შეაფასოს შესყიდული ობიექტი შეესაბამება თუ არა იმ მოთხოვნებს, რაც ხელშეკრულებით იყო გათვალისწინებული. საახალწლო ღონისძიების მომსახურების შესყიდვის მიზნით, პრეზიდენტის ადმინისტრაციასა და შპს ,,ვანილა ივენთს“ შორის გაფორმდა ხელშეკრულება, საერთო ღირებულებით 499,777 ლარი, რომელიც ითვალისწინებდა ღონისძიების დაგეგმვა/ორგანიზებას, აქტივობებს, პირო ტექნიკას, ეზოს მოწყობას, დეკორაციებს და ა.შ. ხელშეკრულების პირობების თანახმად, მიღება-ჩაბარების აქტი პრეზიდენტის ადმინისტრაციის მიერ უნდა გაფორმებულიყო ხელშეკრულების შესრულების კონტროლის საფუძველზე. გაფორმებული ხელშეკრულება არ მოიცავდა ისეთ მნიშვნელოვან სპეციფიკაციებს (შესყიდული მომსახურებისთვის გამოყენებული დეკორაციების ხარისხი, რაოდენობა, ზომები, ესკიზები და სხვა მახასიათებლები), რომლითაც უნდა განსაზღვრულიყო ის მინიმალური მოთხოვნები, რაც უნდა დაეკმაყოფილებინა მიმწოდებლის მიერ გაწეულ მომსახურებას. მაგალითისთვის, ხელშეკრულების დანართით გათვალისწინებული იყო მხოლოდ: • დეკორატიული სასახლე (42,350 ლარი); • ლოლი პოპის დეკორაცია (22,500 ლარი); • საშობაო სახლები (16,250 ლარი); • ნაძვის ხეები (12,600 ლარი);

დევნილთა დეპარტამენტში ჩატარებული ძირითადი საშუალებებისა და მატერიალური ფასეულობების ინვენტარიზაცია არ აკმაყოფილებდა მოქმედი კანონმდებლობის მოთხოვნებს. კერძოდ, ვერ გამოვლინდა აღურიცხავი მატერიალური მარაგების ფაქტობრივი ნაშთი და „ხარჯებში ჩამოწერილი მარაგები ექსპლუატაციაში“ ზედმეტად აღრიცხული მარაგები. ასევე ინვენტარიზაცია არ ჩატარებულა აქტივების ადგილმდებარეობისა და მატერიალურად პასუხისმგებელი პირების მიხედვით და არ გამოვლენილა დეპარტამენტის მიერ ფაქტობრივად გამოუყენებელი, არასრულფასოვანი და უვარგისად ქცეული ყველა აქტივი.

თერჯოლის მუნიციპალიტეტმა 2018 წლის 6 სექტემბერს გამოაცხადა ტენდერი სოფელ სიქთარვაში წყალსადენი სისტემის მოწყობისათვის, ღირებულებით 689.3 ათასი ლარი . ტენდერში მონაწილეობა მიიღო ორმა პრეტენდენტმა: შპს „B&B“, სატენდერო წინადადება 629.1 ათასი ლარი და შპს „კომფორტმშენ XXI“ – 648.8 ათასი ლარი. სატენდერო კომისიამ, ორივე პრეტენდენტის მიერ წარმოდგენილ სატენდერო წინადადებას, დაზუსტების გარეშე, მიანიჭა დისკვალიფიკაცია და ტენდერი დამთავრდა უარყოფითი შედეგით. კომისიის სხდომების ოქმების მიხედვით, შპს „B&B“-ს მიერ წარმოდგენილი ხარჯთაღრიცხვის ერთ პუნქტში, „სამშენებლო ნაგვის ტრანსპორტირება“, ტრანსპორტის და მექანიზმების გრაფა განუფასებელია; შპს „კომფორტმშენ XXI“-ს მიერ წარმოდგენილი ხარჯთაღრიცხვის ერთ პუნქტში, „სხვადასხვა მანქანები“, ტრანსპორტის და მექანიზმების გრაფა განუფასებელია. სატენდერო კომისიას შეეძლო აღნიშნულ ხარვეზებთან დაკავშირებით მიეთითებინა პრეტენდენტებისათვის და მიეცა დაზუსტების საშუალება, ვინაიდან განუფასებელი იყო არა მთლიანად ხარჯთაღრიცხვა, არამედ ხარჯთაღრიცხვის თითო პოზიცია. აღსანიშნავია, რომ შპს „კომფორტმშენ XXI“-ის მიერ წარმოდგენილ ხარჯთაღრიცხვაში, პუნქტში „სხვადასხვა მანქანები“, ტრანსპორტი და მექანიზმები განფასებულია 440 ლარით. იმ შემთხვევაში, თუ პირველად გამოცხადებულ ტენდერში სატენდერო კომისია დაბალი ფასის წარმომდგენ პრეტენდენტს არ მიანიჭებდა დისკვალიფიკაციას დაზუსტების გარეშე, მუნიციპალიტეტს შეეძლო აღნიშნული სამუშაო შეესყიდა 42.3 ათასი ლარით უფრო იაფად.

2017 წელს, მუნიციპალიტეტმა დაგეგმა მდინარე სუფსაზე მოტივტივე ნარჩენების დამჭერი მოწყობილობის განთავსება, გამარტივებული შესყიდვის გზით. გამარტივებული შესყიდვის მოტივს წარმოადგენდა სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარება, რადგან მდინარე სუფსის მიერ შავ ზღვაში შეტანილი დიდი ოდენობით ნარჩენები ხელს უშლიდა საკურორტო სეზონის ჩატარებას.მუნიციპალიტეტის არგუმენტი იმასთან დაკავშირებით, რომ ტურისტული სეზონის მოახლოების გამო, პროექტი უნდა განხორციელებულიყო გამარტივებული შესყიდვის გზით შემჭიდროვებულ ვადებში, ვერ ჩაითვლება საკმარის და შესაფერის მტკიცებულებად. ვინაიდან მუნიციპალიტეტმა შესყიდვის პროცედურები წარმართა იმგვარად, რომ 2017 წლის ტურისტული სეზონისთვის ვერ მოასწრო პროექტის განხორციელება, ხელშეკრულება 3 თვის დაგვიანებით გააფორმა და ვერც წლის ბოლომდე დაასრულა პროექტი, აუდიტის ჯგუფმა ვერ მიიღო შესაბამისი რწმუნება იმისა, თუ რამდენად აუცილებელი იყო გამარტივებული შესყიდვის გზით პროექტის შეძენა. მუნიციპალიტეტს შეეძლო აღნიშნული სამუშაოები შეესყიდა ტენდერის გზით. აღნიშნულით მერიამ დაკარგა სატენდერო ეკონომიის მიღების შესაძლებლობა. გარდა ამისა, 2018 წელს დასრულებული პროექტი დაზიანებულია და დღეის მდგომარეობითაც არ ფუნქციონირებს. ამდენად მუნიციპალიტეტმა გასწია 158.4 ათასი ლარის არაეფექტიანი ხარჯი.

საქართველოს საბიუჯეტო კოდექსის შესაბამისად, სარეზერვო ფონდიდან სახსრები გამოიყოფა სახელმწიფო ბიუჯეტით გაუთვალისწინებელი გადასახდელების დასაფინანსებლად, რომლის მიმართულებებს განსაზღვრავს საქართველოს პრეზიდენტი. სარეზერვო ფონდიდან დაფინანსებულია პრეზიდენტის ადმინისტრაციის საჭიროებისათვის ისეთი ხარჯები, რომლებიც ვერ ჩაითვლება გაუთვალისწინებლად და სათანადოდ დაგეგმვის შემთხვევაში, შესაძლებელი იქნებოდა მათი ბიუჯეტის დაგეგმვის ეტაპზე გათვალისწინება . სარეზერვო ფონდიდან 76,121 ლარის ოდენობის პრეზიდენტის ადმინისტრაციის ხარჯების დაფინანსება არ შეესაბამება საბიუჯეტო კოდექსით დადგენილ მოთხოვნებს . საგულისხმოა, რომ პრეზიდენტის ადმინისტრაციაში ანალოგიურ ნაკლოვანებებზე, რეკომენდაცია წინა პერიოდში ჩატარებული აუდიტის შედეგებზეც იყო გაცემული.

იუსტიციის დეპარტამენტში ჩატარებული ძირითადი საშუალებებისა და მატერიალური ფასეულობების ინვენტარიზაციისას გამოვლინდა, რომ დეპარტამენტის ბალანსზე რიცხული ძირითადი და მცირეფასიანი აქტივები, რომლებსაც დეპარტამენტი არ იყენებს მათი უვარგისი მდგომარეობიდან გამომდინარე, არც აუდიტის პერიოდში ჩატარებულ ინვენტარიზაციის შედეგებში და არც 2017 წლის ბოლოს ჩატარებულ სავალდებულო ინვენტარიზაციის შედეგებში არ არის ასახული ცალკე, როგორც გამოსაყენებლად უვარგისი აქტივები. ასევე მიმდინარე აუდიტის პროცესში გამოვლინდა ჩატარებული ინვენტარიზაციის შედეგებში დაუფიქსირებელი მატერიალური მარაგების ნაშთი, რომელიც არ იყო ასახული დეპარტამენტის ბალანსზე.

2017 წელს მუნიციპალიტეტმა გამოაცხადა ელექტრონული ტენდერი სოფელ სიქთარვის წყალმომარაგების სისტემის და სამარაგო რეზერვუარის მოწყობისათვის, სავარაუდო ღირებულებით − 275.0 ათასი ლარი. სატენდერო დოკუმენტაციის მიხედვით, ტენდერით გათვალისწინებული სამუშაოების შესასრულებლად პრეტენდენტს მოეთხოვა ინფორმაცია მანქანა-მექანიზმების შესახებ. სატენდერო პირობით მოთხოვნილი, მინიმუმ, 6 ერთეული ტექნიკიდან (მინიმუმ, ორი ერთეული ავტოთვითმცლელი, ორი ერთეული ექსკავატორი, ორი ერთეული ბეტონმზიდი) პრეტენდენტს საკუთრებაში უნდა ჰყოლოდა, მინიმუმ, ორი ერთეული ტექნიკა, ხოლო სხვა დანარჩენი − საკუთრებაში, ან საქართველოს სამოქალაქო კოდექსით ნებადართული, ან აუკრძალავი ნებისმიერი ფორმით (ქირა, იჯარა, ლიზინგი და ა.შ.). ტენდერში მონაწილეობა მიიღო ორმა პრეტენდენტმა. შპს „გეოპლასტმა“ დააფიქსირა დაბალი ფასი − 249.9 ათასი ლარი, ასევე წარმოადგინა ინფორმაცია მანქანა-მექანიზმების შესახებ, რომლის მიხედვით, ორი ერთეული ავტოთვითმცლელი და ორი ერთეული ბეტონმზიდი იჯარით ჰყავდა ნაქირავები, ხოლო ორი ერთეული ექსკავატორი საკუთრებაში ჰქონდა შპს-ის 100%-იანი წილის მფლობელს. სატენდერო კომისიის სხდომის ოქმით ირკვევა, რომ წარმოდგენილი ინფორმაციის საფუძველზე კომისიამ ვერ შეაფასა შპს „გეოპლასტის“ მატერიალურ-ტექნიკური შესაძლებლობები და სატენდერო პირობებთან შეუსაბამობის გამო მიანიჭა დისკვალიფიკაცია. შესყიდვის ხელშეკრულება გაფორმდა მომდევნო პრეტენდენტთან, შპს „ჯორჯიან პლასტიკთან“, ღირებულებით − 275.0 ათასი ლარი. შესყიდვების ელექტრონულ ველში ატვირთული ინფორმაციის შესწავლით გაირკვა, რომ მიმწოდებელს სატენდერო პირობით მოთხოვნილი ტექნიკიდან ორი ერთეული ექსკავატორი ჰყავს საკუთრებაში, ხოლო ორი ერთეული ავტოთვითმცლელისა და ორი ერთეული ბეტონმზიდის მომსახურებაზე გაფორმებული აქვს ხელშეკრულება. აღსანიშნავია, რომ მიმწოდებელს ელექტრონულ ველში არ აუტვირთავს ორი ერთეული ავტოთვითმცლელისა და ერთი ერთეული ბეტონმზიდის საკუთრების დამადასტურებელი მოწმობები. შესაბამისად, წარმოდგენილი ინფორმაციით ვერ დგინდება, მომსახურების ხელშეკრულებაზე ხელმომწერი პირები ნამდვილად ფლობენ თუ არა სატენდერო პირობით მოთხოვნილ ტექნიკას. ამდენად, აუდიტის ჯგუფისთვის გაურკვეველია, სატენდერო კომისიამ რის საფუძველზე შეაფასა შპს „ჯორჯიან პლასტიკის“ მატერიალურ-ტექნიკური შესაძლებლობები და სატენდერო პირობებთან შესაბამისობა. მიმწოდებელი ორგანიზაცია − შპს „ჯორჯიან პლასტიკი“ გარკვეულწილად დაკავშირებულია მუნიციპალიტეტის განყოფილების უფროსთან. კერძოდ, შესყიდვების განხორციელების დროს შპს „ჯორჯიან პლასტიკის“ დირექტორის და 100%-იანი წილის მფლობელის ოჯახის წევრი (რომელიც 2013 წელს ამავე კომპანიის 50%-იანი წილის მფლობელი იყო) და მუნიციპალიტეტის შესყიდვების განყოფილების უფროსი, 2015 წლამდე ფლობდნენ შპს „ჯორჯიან გრუპის“ 50-50%-იან წილებს. შესყიდვების განყოფილების უფროსი, ამავდროულად იყო სატენდერო კომისიის აპარატის წევრი. შესაბამისად, არსებობს მაღალი რისკი იმისა, რომ სატენდერო კომისიამ ტენდერის შერჩევა-შეფასების ეტაპზე უპირატესობა მიანიჭა და გაამარჯვებინა მასთან დაახლოებულ ორგანიზაციას. შედეგად, მუნიციპალიტეტმა დაკარგა მნიშვნელოვანი სატენდერო ეკონომიის მიღების შესაძლებლობა.

ლანჩხუთის მუნიციპალიტეტში 2017-2018 წლებში მოქმედებდა 15 საიჯარო ხელშეკრულება. ჩატარებული აუდიტორული პროცედურებით გამოვლინდა, რომ მერია სრულად ვერ იღებდა ხელშეკრულებებით გათვალისწინებულ ქირის თანხას. 2017 წლის პირველი იანვრის მდგომარეობით გადაუხდელი საიჯარო ქირა შეადგენდა 13.2 ათას ლარს. 2017-2018 წლებში მუნიციპალიტეტმა 106.4 ათასი ლარის ნაცვლად, საიჯარო შემოსავლის სახით მიიღო მხოლოდ 92.1 ათასი ლარი, გადაუხდელი დარჩა 14.3 ათასი ლარი. შედეგად, 2019 წლის პირველი იანვრის მდგომარეობით, მუნიციპალიტეტს ბიუჯეტში არ მიუღია 27.5 ათასი ლარის ოდენობის საიჯარო შემოსავალი. აუდიტის ჯგუფმა, გარდა იჯარით გაცემული ობიექტებისა, შეისწავლა მუნიციპალიტეტის საკუთრებაში არსებული განუკარგავი ქონების მდგომარეობა. გამოვლინდა 18 შემთხვევა, როდესაც მუნიციპალური ქონებით სარგებლობდნენ არაუფლებამოსილი პირები, რომლებიც არ იხდიდნენ შესაბამის საფასურს. თვითნებურად სულ დაკავებული იყო 352.97კვ.მ ფართი, რომელიც გამოიყენებოდა ძირითადად კომერციული და საოფისე საქმიანობისთვის. კერძოდ, განთავსებულია სასურსათო მაღაზიები, სტომატოლოგიური კაბინეტები, სალონები, სამკერვალოები და სხვ.

პრეზიდენტის ადმინისტრაციის ბალანსზე 2017 წლის 31 დეკემბრის მდგომარეობით ირიცხება 2008 - 2010 წლებში წარმოშობილი 637,327 ლარის ოდენობის კრედიტორული დავალიანება, რომელიც ადმინისტრაციის განმარტებით წარმოადგენს მივლინებებთან დაკავშირებულ ვალდებულებებს. დოკუმენტაციის არარსებობის გამო, გაურკვეველია ანგარიშვალდებული პირები და კრედიტორული დავალიანების სისრულე და სიზუსტე. შესაბამისად, ვერ მივიღეთ რწმუნება ფინანსური ანგარიშგების ფორმა N1-ში ასახული ,,სხვა მოკლევადიანი კრედიტორული დავალიანებების“ 637,327 ლარის ოდენობის ნაშთის არსებობაზე, სისრულესა და სიზუსტეზე.

სოფლის მეურნეობის დეპარტამენტში ჩატარებული ძირითადი საშუალებებისა და მატერიალური ფასეულობების ინვენტარიზაციისას გამოვლინდა, რომ დეპარტამენტში მატერიალური მარაგების მიღება-გასვლაზე არ იყო განსაზღვრული პასუხისმგებელი პირი, რაც კონტროლის სისუსტეზე მეტყველებს. ასევე საანგარიშგებო პერიოდისათვის ბალანსზე ირიცხებოდა ისეთი არაფინანსური აქტივები, რომელთა ფიზიკური მდგომარეობის შემოწმება ვერ მოხდა საინვენტარიზაციო კომისიის მიერ, რადგან აქტივები იმყოფებოდა გალის რაიონში რუსეთის მიერ ოკუპირებულ ტერიტორიაზე, შესაბამისად ვერ დასტურდება აღნიშნული აქტივების არსებობა

მუნიციპალიტეტმა ტენდერის საშუალებით შეისყიდა სოფელ ჩხარი-ძევრის დამაკავშირებელი საავტომობილო გზის მოწყობის სამუშაო. 2018 წლის 11 ივლისს, შპს „საპოვნელა+“-თან გაფორმდა ხელშეკრულება, ღირებულებით − 721.1 ათასი ლარი. ხელშეკრულების შესაბამისად, სამუშაოები უნდა შესრულებულიყო ორ ეტაპად: პირველი ეტაპის – 500.0 ათასი ლარის სამუშაოების დასრულების ვადად განსაზღვრული იყო 2018 წლის 9 სექტემბერი; მეორე ეტაპი (ღირებულებით − 221.1 ათასი ლარი) უნდა დასრულებულიყო, მხარეთა შეთანხმებით, 2019 წელს, სამუშაოების დაწყებიდან არა უმეტეს 60 დღისა და არა უგვიანეს − 2019 წლის 31 აგვისტოს. მხარეთა ურთიერთშეთანხმებით, პირველ ეტაპზე შესასრულებელი სამუშაოების დასრულების ვადა გაგრძელდა 28 დღით. ვადის გახანგრძლივების მოტივი ნალექიანი დღეების რაოდენობა იყო, რისთვისაც მიმწოდებელმა წარმოადგინა ხარაგაულის მეტეოროლოგიური სადგურის მონაცემები. მუნიციპალიტეტს არ უმსჯელია, რომ სამშენებლო ობიექტთან უფრო ახლოს ზესტაფონის და ქუთაისის მეტეოროლოგიური სადგურები ფუნქციონირებს. ასევე არ გაითვალისწინა ის, რომ პროექტის ავტორმა მშენებლობის ხანგრძლივობად 90 დღე განსაზღვრა, ნალექიანი დღეების ჩათვლით. გარდა ამისა, სამუშაოს წარმოების პროცესში შედგენილი ფარული სამუშაოების აქტების თარიღები იძლევა ინფორმაციას, მიმწოდებელი მუშაობდა ნალექიან დღეებშიც და მშენებლობა არ შეუჩერებია. შესაბამისად, უამინდობის მოტივით არ უნდა გახანგრძლივებულიყო სამუშაოების დასრულების ვადა. აღსანიშნავია, რომ მიმწოდებელმა გაზრდილი ვადის პირობებშიც ვერ შეძლო სამუშაოების პირველი ეტაპის დასრულება. კერძოდ, 2018 წლის 5 ნოემბრის მდგომარეობით შესრულებული ჰქონდა 154.0 ათასი ლარის (პირველი ეტაპის 31%) სამუშაო. მუნიციპალიტეტმა მიმწოდებელი დააჯარიმა 47.6 ათასი ლარით, ჯამში − 112 დღის ვადაგადაცილებისათვის. თუ შემსყიდველი გაითვალისწინებდა ზემოხსენებულ ობიექტურ გარემოებებს და სამუშაოს ჩაბარების ვადას არ გაახანგრძლივებდა 28 დღით, მაშინ შპს „საპოვნელა+“-სს დამატებით დაეკისრებოდა ჯარიმა 10.1 ათასი ლარის ოდენობით. არსებობს რისკი, რომ ვადის გადაწევის საფუძველი, სავარაუდოდ, არა ნალექიანი ამინდები, არამედ მიმწოდებლის არასაკმარისი ფინანსური რესურსი იყო, რაც გარკვეულწილად დადასტურდა მიმწოდებელზე ავანსის გაცემით. კერძოდ, შპს „საპოვნელა+“-მა 2018 წლის 18 დეკემბერს მიმართა მერიას და მოითხოვა სახელშეკრულებო პირობების მიხედვით გათვალისწინებული ავანსის ჩარიცხვა, რისთვისაც წარმოადგინა საბანკო გარანტია. 20 დეკემბერს, ინსპექტირების ჯგუფის დასკვნის საფუძველზე, მიმწოდებელს ავანსის სახით ჩაერიცხა 144.0 ათასი ლარი. წარმოდგენილი დოკუმენტების შესწავლისას გამოვლინდა, რომ ავანსი გაიცა სახელშეკრულებო პირობების უგულვებელყოფით: მერიას არ მოუთხოვია მიმწოდებლისაგან ამონაწერი სამეწარმეო რეესტრიდან საგადასახადო დავალიანების არ არსებობის შესახებ; გასაცემი ავანსის ოდენობა უნდა გაანგარიშებულიყო თითოეულ ეტაპზე განსახორციელებელი სამუშაოების ღირებულების 20%-ის ფარგლებში. აქედან გამომდინარე, მერიას ნაცვლად 144.0 ათასი ლარისა, ავანსის სახით უნდა გაეცა 100.0 ათასი ლარი. აუდიტის მიმდინარეობისას, გაცემული ავანსი მთლიანად დაკავებულია შესრულებული სამუშაოების ღირებულებიდან.

2017-2018 წლებში მუნიციპალიტეტის ბიუჯეტის გადასახდელების 33.4%-ს სუბსიდია შეადგენდა. სუბსიდიით დაფინანსებულია მუნიციპალიტეტის მიერ დაფუძნებული ა(ა)იპ-ები და შპს, რომელთა ხარჯმა 10,663.4 ათასი ლარი შეადგინა . მათ შორის: 2017 წელს - 5,082.7 ათასი ლარი, ხოლო 2018 წელს - 5,580.7 ათასი ლარი. 2017 წელს ა(ა)იპ-ებსა და შპს-ში დასაქმებული იყო 1148 პირი, ხოლო 2018 წელს 1084 პირი. ა(ა)იპ-სა და მერიის სამსახურს შორის ფუნქციები დუბლირებულია, ასევე ა(ა)იპ-ებში მოსამსახურეთა ფუნქცია-მოვალეობები ზოგიერთ შემთხვევაში ერთიდაიმავეა, ხოლო ზოგიერთი მოსამსახურე პრაქტიკულად არ არის ფუნქციურად დატვირთული. მუნიციპალიტეტმა ვერ წარმოადგინა შესაფერისი და საკმარისი მტკიცებულებები იმისა, თუ რა ობიექტური საჭიროებით არის განპირობებული ზოგიერთი ა(ა)იპ-ის და შტატის არსებობა. შედეგად, დაგეგმვასა და კონტროლში არსებულმა მართვის სისუსტეებმა გამოიწვია ა(ა)იპ-ებში საშტატო რიცხოვნობის არაგონივრული ზრდა და საბიუჯეტო სახსრების არარაციონალური ხარჯვა. აუდიტის ანგარიშში წარმოდგენილია რამდენიმე მაგალითი, ა(ა)იპ-ებში კადრების მართვასთან დაკავშირებული ხარვეზების შესახებ. გარდა ზემოთ აღნიშნული მაგალითებისა, შესაძლოა არსებობდეს სხვა მსგავსი შემთხვევებიც, რომელთა გამოსავლენად და სათანადო ღონისძიებების გასატარებლად, საჭიროა მერიამ განახორციელოს შესაბამისი რეაგირება.

პრეზიდენტის ადმინისტრაციის უფროსის ბრძანებით დამტკიცებული წესის შესაბამისად, ,,დასაქმების ბაზარზე არსებული კონკურენციის გათვალისწინებით, საქართველოს პრეზიდენტის ადმინისტრაციაში კვალიფიციური კადრების მოზიდვისა და შენარჩუნების მიზნით“, პრეზიდენტის ადმინისტრაციის თანამშრომლებისთვის წინასწარ, დანიშნულია ყოველთვიური დანამატები (სულ 2017 წელს გაცემულია 1,067,922 ლარის დანამატი), რაც თავის შინაარსიდან გამომდინარე, ყოველთვიური თანამდებობრივი სარგოს ხასიათს უფრო ატარებდა ვიდრე დანამატის. შედეგად, 2017 წელს დანამატების გაცემის არსებული პრაქტიკა ვერ უზრუნველყოფდა შრომის ანაზღაურების სათანადო გამჭვირვალობას, ვინაიდან ბრძანებებში არ იყო სათანადოდ დასაბუთებული დანამატის გაცემის მიზანშეწონილობა.

სოფლის მეურნეობის დეპარტამენტში ჩატარებული რეორგანიზაციის შედეგად ჩამოყალიბდა რისკის ანალიზისა და შეფასების სამსახური, რომელიც ყოველგვარი სამართლებრივი (კანონიერი) საფუძვლის გარეშე, განთავსებულია აფხაზეთის ა/რ ჯანმრთელობისა და სოციალური დაცვის სამინისტროს სარგებლობაში არსებულ ფართზე. ამასთანავე აღნიშნული ქონების სარგებლობაში გადაცემა და საჯარო რეესტრში დარეგისტრირება არ განხორციელებულა

2017-2018 წლებში მუნიციპალიტეტის მიერ საწვავის ლიმიტების დადგენა და მასში ცვლილებების შეტანა ხორციელდებოდა საკრებულოს თავმჯდომარისა და მერიის ბრძანებების საფუძველზე. 2017-2018 წლებში საკრებულოს თავმჯდომარისა და მუნიციპალიტეტის მერის ბრძანებების საფუძველზე, 30-მდე შემთხვევაში, ერთჯერადად გაზრდილია საწვავის ხარჯვის ლიმიტი. აუდიტის ჯგუფის მიერ მოთხოვნის მიუხედავად, მუნიციპალიტეტმა (შესაბამისმა პასუხისმგებელმა პირმა) ვერ წარმოადგინა საწვავის გაზრდილი ლიმიტების შესაბამისი დოკუმენტური დასაბუთება. აღსანიშნავია, რომ საანგარიშო პერიოდში დადგენილი ლიმიტები დარღვეულია 27 შემთხვევაში. კერძოდ, განსაზღვრულთან შედარებით, გახარჯულია 1921 ლიტრით მეტი საწვავი. მუნიციპალიტეტმა (შესაბამისმა პასუხისმგებელმა პირმა) ვერ წარმოადგინა ლიმიტს ზევით გახარჯული საწვავის დოკუმენტური დასაბუთება. მუნიციპალიტეტმა სათანადო კონტროლის არარსებობის გამო, ვერ უზრუნველყო მის მიერ გამოცემული სამართლებრივი აქტებით დადგენილი ნორმების დაცვა. შედეგად, 1921 ლიტრი საწვავი გახარჯულია შესაბამისი დასაბუთების გარეშე. გარდა ზემოთ აღნიშნულისა, ავტოსატრანსპორტო საშუალება „ფორდ ტრანზიტზე“ 2017-2018 წლებში, შესაბამისი სამართლებრივი აქტის გამოცემის გარეშე, გაიხარჯა 8812 ლიტრი საწვავი. პასუხისმგებელი პირის განმარტებით, ავტოსატრანსპორტო საშუალება გამოიყენებოდა წვევამდელების ტრანსპორტირებისათვის და მოსწავლეების ექსკურსიაზე გადასაადგილებლად. აუდიტის ჯგუფმა მოითხოვა დოკუმენტური დასაბუთება, რამდენად გაიხარჯა აღნიშნული საწვავი მუნიციპალიტეტის საჭიროებებისათვის. შესაბამისმა პასუხისმგებელმა პირმა წარმოადგინა ავტომანქანის საგზურები, თუმცა არასრულად. შესაბამისად, აუდიტის ჯგუფი ვერ გამოთქვამს მოსაზრებას, ხორციელდებოდა თუ არა 8800 ლიტრზე მეტი საწვავის ხარჯვა ეკონომიური და რაციონალური პრინციპების დაცვით.

მერიამ ვერ წარმოადგინა „სახელმწიფო ავტოპარკის გადანაწილების, კლასიფიკაციისა და სამსახურებრივი ავტომანქანის შესყიდვის ან ჩანაცვლების წესის“ შესაბამისად მიღებული სამართლებრივი აქტი. მთავრობის დადგენილება თვითმმართველობებისათვის სარეკომენდაციო ხასიათისაა, თუმცა საბიუჯეტო სახსრების რაციონალური და გონივრული ხარჯვის პრინციპიდან გამომდინარე, მიზანშეწონილია მისი შესრულება. მუნიციპალიტეტის მიერ 2017-2018 წლებში სულ გახარჯულია 105.1 ტონა საწვავი. სატრანსპორტო საშუალებებზე საწვავის ჩასხმა ხორციელდებოდა „აგაი“ სისტემის მეშვეობით. აუდიტის ჯგუფმა შეისწავლა საწვავის ხარჯვა ცალკეული ავტოსატრანსპორტო საშუალებების მიხედვით. წარმოდგენილი მონაცემების შესწავლით გამოვლინდა, რომ დროის მცირე მონაკვეთში, ავზის მოცულობასთან შედარებით, ავტომანქანებში ჩასხმულია არარეალური ოდენობის საწვავი. მერიის წარმომადგენლებთან ერთად, აუდიტის ჯგუფმა დაათვალიერა მუნიციპალიტეტის მიერ სამსახურებრივი საჭიროებისათვის გამოყენებული სატრანსპორტო საშუალებები. გამოვლინდა, რომ ავტომანქანებზე „აგაი“ სისტემის ჩიპი ზოგან მოხსნილი იყო, ხოლო ზოგან არ იყო მყარად დამაგრებული. შესაბამისად, შესაძლებელია „აგაი“ სისტემის ჩიპის გამოყენება სხვა მანქანებზეც. აღნიშნული გარემოებები წარმოშობს არაავტორიზირებულ ავტომანქანაში საწვავის ჩასხმის რისკს და მიუთითებს საწვავის არასამსახურებრივი დანიშნულებით გამოყენებაზე

ფინანსთა სამინისტროს დებულების შესაბამისად, სამინისტროს აპარატი ახორციელებს საგამოძიებო სამსახურისათვის გარკვეული ხარჯების გაწევას, რაც საგამოძიებო სამსახურის ფინანსური შედეგების შესახებ ანგარიშგებაში (ფორმა N2) არ აისახება. ფინანსთა სამინისტროს აპარატის მიერ საგამოძიებო სამსახურისათვის გაწეულია 3,120,355 ლარის „საქონელი და მომსახურების“ და 253,870 ლარის ოდენობით „სხვა ხარჯების“ კატეგორიებიდან. ხარჯების შესახებ ინფორმაცია მოცემულია საგამოძიებო სამსახურის განმარტებით შენიშვნებში, აღნიშნული ხარჯებით უნდა გაზრდილიყო საგამოძიებო სამსახურის „ფორმა N2-ში“ „გრანტების“ და შესაბამისი ხარჯების ანგარიშები.

სოფლის მეურნეობის დეპარტამენტის ფინანსური ანგარიშგებაში ასახული არაფინანსური აქტივების დანაკლისებიდან წარმოქმნილი მოთხოვნები წარმოადგენს ოკუპაციის დროს დაკარგული მოძრავი ქონების საბალანსო ღირებულებას, რომელიც არ აკმაყოფილებს დებიტორულ დავალიანებად (დანაკლისად) აღიარების კრიტერიუმებს. ვინაიდან არსებობს რისკი იმისა, რომ აღნიშნული აქტივები (მოძრავი ქონება) უკვე ფაქტობრივად არარსებულ ქონებას წარმოადგენს და დეპარტამენტი ვერ დაიბრუნებს კონტროლს დანაკლისებად აღიარებულ აქტივებზე. შესაბამისად მოქმედი კანონდებლობით უნდა მომხდარიყო სათანადო ღონისძიებების გატარება, რაც არ განხორციელებულა.

მუნიციპალიტეტს არ აქვს მიღებული ნორმატიული აქტი მუნიციპალური ავტოპარკის გადანაწილების, კლასიფიკაციისა და სამსახურებრივი ავტომანქანის შესყიდვის წესის თაობაზე. მთავრობის რეკომენდაციის გათვალისწინების შემთხვევაში, 2017-2018 წლებში მუნიციპალიტეტისათვის სამსახურებრივი უფლებამოსილების განსახორციელებლად მიზანშეწონილი იყო 6 ერთეული სამორიგეო ავტომანქანა. 2017-2018 წლებში მუნიციპალიტეტი სამსახურებრივი უფლებამოსილების განსახორციელებლად სარგებლობდა ბალანსზე რიცხული 2 განპიროვნებული და 7 სამორიგეო ავტოსატრანსპორტო საშუალებით. საქართველოს მთავრობის დადგენილება ადგილობრივი თვითმმართველი ორგანოებისათვის სარეკომენდაციო ხასიათისაა, თუმცა საბიუჯეტო სახსრების რაციონალური და გონივრული ხარჯვიდან გამომდინარე, მისი შესრულება პრიორიტეტული უნდა იყოს, რაც მუნიციპალიტეტმა არ გაითვალისწინა. სახელმწიფო აუდიტის სამსახური წინა აუდიტის ანგარიშშიც ხაზს უსვამდა აღნიშნულ გარემოებას, თუმცა მიუხედავად ამისა, სათანადო რეაგირება არ მომხდარა. სამორიგეო და განპიროვნებული ავტომანქანების გარდა, მუნიციპალიტეტი 2017 წელს საწვავს ყოველთვიურად გასცემდა საჯარო მოსამსახურეების მფლობელობაში არსებულ 55 ავტომანქანაზე, ხოლო 2018 წელს − 52 ავტომანქანაზე. წარმოდგენილი მონაცემების მიხედვით, 2017-2018 წლებში ავტომანქანებზე დაიხარჯა 351.8 ათასი ლარის ღირებულების 175.6 ტონა საწვავი. მათ შორის, საჯარო მოსამსახურეების პირად საკუთრებაში არსებულ სატრანსპორტო საშუალებებზე გაიცა 101 ტონა საწვავი (58%), ღირებულებით − 201.8 ათასი ლარი. მუნიციპალიტეტში 2017-2018 წლებში საწვავის ხარჯვა ხორციელდებოდა „აგაი“ სისტემის გამოყენებით. აუდიტის ჯგუფმა შეისწავლა ცალკეულ საჯარო მოსამსახურეზე გამოყოფილი საწვავის ყოველდღიური ხარჯვა. გამოვლინდა, რომ ზოგიერთი მათგანი მიღებულ საწვავს სავარაუდოდ სრულად არ გამოიყენებდა სამსახურებრივი დანიშნულებით. კერძოდ, 350-ზე მეტ შემთხვევაში, საჯარო მოსამსახურეებმა 13 000 ლიტრზე მეტი საწვავი ჩაასხეს ისეთი მიმართულებით გადაადგილებისას, რომლებიც სავარაუდოდ არ უკავშირდება სამსახურში გამოცხადებას ან სხვა სამსახურებრივი მოვალეობის შესრულებას (მივლინებას). გარდა ამისა, 2300 ლიტრზე მეტი საწვავი გახარჯულია თანამშრომლის შვებულებაში ყოფნის დროს. შესწავლისას ასევე გამოვლინდა ისეთი შემთხვევები, როდესაც საწვავის გამოყენება მოხდა სავარაუდოდ, არაავტორიზებულ ავტომანქანაში. კერძოდ, ცალკეულ ავტომანქანაზე ერთი დღის განმავლობაში, დროის მცირე ინტერვალში, საწვავი ჩასხმულია რამდენჯერმე და მათი ჯამური მოცულობა ავტომანქანის საწვავის ავზის მოცულობას აღემატება. მაგალითად: კერძო ავტომანქანის მფლობელმა 2017 წლის 11 აპრილს ზესტაფონში ჩაასხა საწვავი 7-ჯერ, 12:05 სთ-დან 12:49 სთ-მდე ინტერვალში, ჯამში − 111 ლიტრის მოცულობით. წარმოდგენილი ინფორმაციის მიხედვით, ავტომანქანის საწვავის ავზის მოცულობა 50 ლიტრია; 2018 წლის 11 ივლისს, კერძო ავტომანქანის მფლობელმა თერჯოლაში 6-ჯერ ჩაასხა საწვავი 11:51 სთ-დან 12:43 სთ-მდე ინტერვალში, ჯამში − 60 ლიტრის მოცულობით. იმავე ავტომანქანის მფლობელმა 2018 წლის 2 სექტემბერს თერჯოლაში 3-ჯერ ჩაასხა საწვავი, ჯამში − 100 ლიტრი, 10:02 სთ-ზე, 14:10სთ-სა და 15:45სთ-ზე. წარმოდგენილი ინფორმაციის მიხედვით, ავტომანქანის საწვავის ავზის მოცულობა 80 ლიტრია. საკითხის შესწავლისას გამოვლენილი გარემოებები და მათი სიხშირე ნათლად მიუთითებს იმაზე, რომ მუნიციპალიტეტს სათანადო კონტროლი არ აქვს დაწესებული საწვავის მიზნობრივ გამოყენებასა და რაციონალურ ხარჯვაზე. პასუხისმგებელი პირის განმარტებით, ავტომანქანებზე, რომლებზეც ბრძანებით გამოიყოფოდა საწვავი, არ იყო დამაგრებული „აგაი“ სისტემის ჩიპი და საწვავის ჩასხმისას მექანიკურად, ხელით ხდებოდა მიწოდება. შესაბამისად, ჩიპის გამოყენება, კონტროლის არარსებობის პირობებში, თავისუფლად არის შესაძლებელი არასამსახურებრივი მიზნებისთვის, არაავტორიზებულ ავტომანქანებზე.

2017 წლის პირველ ივნისს ა(ა)იპ „ლანჩხუთის მუნიციპალიტეტის საგანმანათლებლო სააღმზრდელო ცენტრმა“ ხელშეკრულება გაუფორმა შპს „დაუ+“-ს, ღირებულებით 2.8 ათასი ლარი. მიღება-ჩაბარების აქტების თანახმად, შპს „დაუ+“-მა ა(ა)იპ-ს მიაწოდა ინფორმაცია საკანმდებლო ბაზაში შეტანილი ცვლილებების შესახებ, ასევე მერიის საფინასო-საბიუჯეტო სამსახურს გაეწია საკონსულტაციო მომსახურება. 2018 წლის 9 იანვარს მუნიციპალიტეტმა მემორანდუმი გააფორმა ა(ა)იპ „საქართველოს ადგილობრივი თვითმმართველი ერთეულების ფინანსისტთა ასოციაციასთან“ . მემორანდუმის ფარგლებში, 2018 წელს მუნიციპალიტეტმა ასოციაციას გადაუხადა 10.0 ათასი ლარი. ასოციაციის მიერ განხორციელებული საქმიანობის შესახებ, მერიამ რაიმე სახის დოკუმენტური მტკიცებულებები ვერ წარმოადგინა. აღსანიშნავია, რომ 2018 წელს მუნიციპალიტეტის საფინანსო-საბიუჯეტო და ქონების მართვის სამსახურებში სულ დასაქმებული იყო 21 მოსამსახურე, რომელთა შრომის ანაზღაურებამ 204.9 ათასი ლარი შეადგინა. ლანჩხუთის მუნიციპალიტეტმა ვერ წარმოადგინა შესაფერისი და საკმარისი მტკიცებულებები იმისა, თუ რა აუცილებლობით იყო განპირობებული საკონსულტაციო მომსახურებისთვის 12.8 ათასი ლარის გადახდა, ვინაიდან მუნიციპალიტეტს გააჩნია შრომითი რესურსი და ვალდებულია საკუთარი რესურსებით უზრუნველყოს აღნიშნული საქმიანობის განხორციელება. გამომდინარე აქედან, მუნიციპალიტეტის პასუხისმგებელ პირებს არ უნდა განეხორციელებინათ საკონსულტაციო მომსახურებაზე ხარჯის გაწევა. შესაბამისად, მუნიციპალიტეტის მიერ ამ მომსახურებისთვის გადახდილი თანხა წარმოადგენს არარაციონალურ ხარჯს.

საგამოძიებო სამსახურის ფინანსურ ანგარიშგებაში „საქონელი და მომსახურების“ შესაბამის ანგარიშზე ხარჯად აღიარებულია 1,399,824 ლარის „ოფისის“ და 28,612 ლარის „რბილი ინვენტარისა და უნიფორმის შეძენასთან დაკავშირებული“ ხარჯები, რომელიც რეალურად წარმოადგენს ბუღალტრულად წინა წლებში ექსპლუატაციაში გადაცემული მარაგების და გრძელვადიანი მცირეფასიანი აქტივების 2017 წელს ხარჯად აღიარების ოპერაციას, რაც შეუსაბამოა აღრიცხვის ინსტრუქციის მოთხოვნებთან . აღნიშნული თანხებით, 2017 წლის ფინანსურ ანგარიშგებაში, ნაცვლად მიმდინარე ხარჯების ანგარიშის ზრდისა უნდა შემცირებულიყო კაპიტალის შესაბამის ანგარიშზე საწყისი ნაშთი.

დევნილთა დეპარტანეტის მიერ აფხაზეთის ა/რ რესპუბლიკური ბიუჯეტის სარეზერვო ფონდიდან აფხაზეთიდან დევნილ პირებზე გაიცემოდა სოციალური დახმარებები. აღნიშნული განაცემების საფუძველს წამოადგენდა აფხაზეთის ა/რ მთავრობის თავმჯდომარის მოვალეობის შემსრულებლის მიერ გამოცემული ბრძანებები. გამომდინარე იქიდან, რომ სარეზერვო ფონდიდან თანხების გამოყოფის შესახებ გადაწყვეტილებების მიღება ხდებოდა აფხაზეთის ა/რ მთავრობაში და დეპარტამენტი აღნიშნულ გადაწყვეტილებაში ფუნქციონალურად მონაწილეობას არ იღებდა, იგი შესაბამისად არ ფლობდა დახმარებების მიზნობრივად გამოყოფის საფუძვლების ამსახველ დოკუმენტაციას.

მუნიციპალიტეტის მიერ წარმოდგენილი მონაცემების მიხედვით, ორგანიზაციას ბალანსზე ერიცხება 14 ერთეული სატრანსპორტო საშუალება. მათ შორის, მუნიციპალიტეტი 2017-2018 წლებში სარგებლობდა 9 ერთეული სატრანსპორტო საშუალებით. აღნიშნული ავტოსატრანსპორტო საშუალებები მუნიციპალიტეტმა შეისყიდა 2005-2014 წლებში, საერთო ღირებულებით − 163.2 ათასი ლარი. 2017 წლის პირველი იანვრის მდგომარეობით, ავტომანქანების ნარჩენმა ღირებულებამ შეადგინა 71.3 ათასი ლარი. სააუდიტო პერიოდში სატრანსპორტო საშუალებაზე ტექნიკური მომსახურების სახით მუნიციპალიტეტმა გადაიხადა 96.1 ათასი ლარი. აღნიშნული ავტოსატრანსპორტო საშუალებების ტექნიკური მომსახურებისათვის 2016 წელს გახარჯულია 75.6 ათასი ლარი. მონაცემების ანალიზით დადგინდა, რომ ზოგიერთი ავტოსატრანსპორტო საშუალების ტექნიკური მომსახურებისა და ავტოსათადარიგო ნაწილებით უზრუნველყოფისათვის გახარჯულია არაგონივრულად დიდი ოდენობის თანხები. მაგალითად: ავტომანქანის „ოპელ ვექტრა „ბ“, რომელსაც 2017 წლის პირველი იანვრის მდგომარეობით არ გააჩნდა ნარჩენი ღირებულება, ტექნიკური მომსახურებისა და ავტოსათადარიგო ნაწილებით უზრუნველყოფისათვის, 2017-2018 წლებში გაიხარჯა 9.5 ათასი ლარი. ავტომანქანის „ტოიოტა რავ 4“, რომლის ნარჩენი ღირებულება 2017 წლის პირველი იანვრისათვის იყო 1.4 ათასი ლარი, ტექნიკური მომსახურებისა და ავტოსათადარიგო ნაწილებით უზრუნველყოფისათვის 2017-2018 წლებში გაიხარჯა 11.6 ათასი ლარი. ავტომანქანის „მიცუბიში პაჯერო“, რომლის ნარჩენი ღირებულება 2017 წლის პირველი იანვრისათვის იყო 19.9 ათასი ლარი, ტექნიკური მომსახურებისა და ავტოსათადარიგო ნაწილებით უზრუნველყოფისათვის 2017-2018 წლებში გაიხარჯა 19.8 ათასი ლარი და სხვ. 2017-2018 წლებში მუნიციპალიტეტმა ორი ელექტრონული ტენდერის საშუალებით, შეისყიდა მერიის ბალანსზე რიცხული ავტომანქანების ტექნიკური მომსახურება და ავტოსათადარიგო ნაწილებით უზრუნველყოფა. ორივე ტენდერში მონაწილეობა მიიღო მხოლოდ ერთმა პრეტენდენტმა, შპს „ტრანს ჯორჯიამ“. გაფორმებული ხელშეკრულებების ფარგლებში შესრულებული და ანაზღაურებული სამუშაოების ღირებულებამ 96.0 ათასი ლარი შეადგინა. სატენდერო წინადადებების განხილვის, შერჩევისა და შეფასების ეტაპზე, სატენდერო კომისიის აპარატის წევრს პრეტენდენტთან ჰქონდა ინტერესთა კონფლიქტი, ხოლო შესყიდვების სააგენტოს ელექტრონულ ვებგვერდზე ხელწერილი ინტერესთა კონფლიქტის არარსებობის შესახებ ატვირთული არ არის.. აღნიშნული გარემოების გათვალისწინებით არსებობს რისკი იმისა, რომ ინტერესთა კონფლიქტს გავლენა მოეხდინა სავარაუდო ღირებულების განსაზღვრაზე, პრეტენდენტების შერჩევის პროცესსა და საბიუჯეტო სახსრების ეკონომიურ ხარჯვაზე. ავტომანქანების სათადარიგო ნაწილებისა და ტექნიკური მომსახურების შესყიდვის შესწავლის პროცესში აღნიშნული რისკები დადასტურდა ფაქტობრივი გარემოებებით: სატენდერო მოთხოვნების მიხედვით, პრეტენდენტს თერჯოლის მუნიციპალიტეტის ტერიტორიაზე უნდა გააჩნდეს ავტომანქანების ტექნიკური შეკეთებისათვის შესაბამისი ფართი და აღჭურვილობა (მინიმუმ, ერთი კეთილმოწყობილი „ბოქსი“ და მინიმუმ, ერთი ამწე მოწყობილობა) საკუთარი ან საქართველოს სამოქალაქო კოდექსით ნებადართული ნებისმიერი ფორმით. მერიის მიერ დაწესებული სატენდერო მოთხოვნები არ უზრუნველყოფს კონკურენტული გარემოს შექმნას და ზღუდავს სხვა პრეტენდენტების მონაწილეობას ტენდერში. პასუხისმგებელი პირის განმარტებით, თითოეული ავტოსატრანსპორტო საშუალების მიხედვით, შესყიდვის სავარაუდო ღირებულება განსაზღვრა და სატენდერო დოკუმენტაცია მოამზადა შესყიდვების განყოფილების უფროსმა, რომელიც ინტერესთა კონფლიქტში იმყოფებოდა მიმწოდებელთან. მისივე განმარტებით, ბაზრის კვლევა ჩატარდა მხოლოდ ინტერნეტში განთავსებული ინფორმაციის საფუძველზე, თუმცა შესაბამისი დამადასტურებელი დოკუმენტაცია აუდიტის ჯგუფს ვერ წარმოუდგინა. შედეგად, სავარაუდო ღირებულების დადგენა არ ეფუძნება სათანადო გათვლებს. აუდიტის ჯგუფმა ჩაატარა დამატებითი აუდიტორული პროცედურები. კერძოდ, შეისწავლა თერჯოლის მუნიციპალიტეტის მიმდებარედ თვითმმართველი ერთეულების (ბაღდათისა და ზესტაფონის მუნიციპალიტეტები) მიერ 2016 წელს ანალოგიური მომსახურების შესყიდვის სატენდერო მოთხოვნები და პრეისკურანტის ღირებულება. მოპოვებული ინფორმაცია შეუდარდა თერჯოლის მერიის ანალოგიურ მონაცემებს. შედეგად გამოვლინდა შემდეგი გარემოებები: ზესტაფონისა და ბაღდათის მუნიციპალიტეტების მიერ გამოცხადებულ ტენდერებში მითითებულია, რომ ავტომანქანას მომსახურება შესაძლებელია გაეწიოს 35-40კმ-მდე რადიუსში მდებარე სახელოსნოში. აღნიშნულ ტენდერებში მონაწილეობას იღებდა 3-4 პრეტენდენტი და სავარაუდო ღირებულება შემცირდა 20-24%-ით, ხოლო თერჯოლის მუნიციპალიტეტში ყოველთვის მონაწილეობას იღებს ერთი პრეტენდენტი, რასაც, სავარაუდოდ, ხელს უწყობს ის გარემოება, რომ ტენდერის აუცილებელი მოთხოვნაა, სახელოსნო მდებარეობდეს თერჯოლის მუნიციპალიტეტის ტერიტორიაზე. აღსანიშნავია, რომ როგორც შესწავლის შედეგად გაირკვა, მიმწოდებელი თერჯოლის მუნიციპალიტეტში სრულად ვერ ახერხებდა ავტომანქანების შეკეთებას და ქვეკონტრაქტორებად სხვადასხვა მიმწოდებელი ჰყავდა აყვანილი ზესტაფონსა და ქუთაისში. აღნიშნულის შესახებ ინფორმირებული იყვნენ მუნიციპალიტეტის პასუხისმგებელი პირები. შესაბამისად, გაურკვეველია რატომ იყო აუცილებელი თერჯოლის მუნიციპალიტეტის ტერიტორიაზე სახელოსნოს არსებობა, მაშინ როდესაც, საჭიროების შემთხვევაში ავტომანქანები რემონტდებოდა სხვადასხვა მიმდებარე ქალაქში. აუდიტის ჯგუფმა ერთმანეთს შეუდარა თერჯოლის მუნიციპალიტეტის მიერ დათვლილი პრეისკურანტის სავარაუდო ღირებულება ზესტაფონისა და ბაღდათის მუნიციპალიტეტების მიერ გაფორმებული ხელშეკრულებების პრეისკურანტებს. იქიდან გამომდინარე, რომ მუნიციპალიტეტებს განსხვავებული ავტოპარკი აქვთ, ასევე მომსახურების სპეციფიკურობიდან გამომდინარე, შედარდა ავტომანქანა „მიცუბიში პაჯეროს“ პრეისკურანტის მხოლოდ 43 პოზიცია. აღნიშნულ მომსახურებაში თერჯოლის მუნიციპალიტეტმა ხელშეკრულება გააფორმა 8.4 ათასი ლარზე, ხოლო ბაღდათის და ზესტაფონის მუნიციპალიტეტებმა − 36-52%-ით ნაკლებ თანხაზე. ამდენად, მუნიციპალიტეტის მერიის მიერ ავტოსატრანსპორტო საშუალების ტექნიკური მომსახურებისა და ავტოსათადარიგო ნაწილებით უზრუნველყოფისათვის გამოცხადებული ტენდერის სავარაუდო ღირებულების დადგენა არ ეფუძნება სათანადო გათვლებს. კერძოდ, პრეისკურანტში დაფიქსირებული თანხები მნიშვნელოვნად აღემატება იმ პერიოდისთვის არსებულ საბაზრო ფასს. მერიას სავარაუდო ღირებულების კვლევისას, პირველ რიგში უნდა გაეთვალისწინებინა ახლოს მდებარე მუნიციპალიტეტების ანალოგიური შესყიდვის გამოცხადების გამოცდილება. შედეგად, მუნიციპალიტეტი სავარაუდო ღირებულებას განსაზღვრავდა საბაზრო ფასთან მიახლოებულად, უზრუნველყოფდა ტენდერზე კონკურენტული გარემოს შექმნასა და შესაბამისად, საბიუჯეტო სახსრების ეკონომიურ ხარჯვას.

2017-2019 წლებში თვითმმართველმა ერთეულმა შეისყიდა აუდიტორული მომსახურებები, შპს „აუდიტორული ფირმა ლაზიკა აუდიტისგან“, ღირებულებით 4.3 ათასი ლარი . შესყიდვის საგანს წარმოადგენდა ლანჩხუთის მუნიციპალიტეტის 2016-2018 წლების ფინანსური საქმიანობის შესახებ აუდიტორული დასკვნის მომზადება. კერძო აუდიტორის მიერ მომზადებული დასკვნა არ შეესაბამება მარეგულირებელ ნორმებს და აუდიტის საერთაშორისო სტანდარტებს. ის არ არის სარწმუნო წყარო დაინტერესებული მხარეებისათვის და ვერ აწვდის მათ საკმარის ინფორმაციას მუნიციპალიტეტის საქმიანობისა და მისი ფინანსური მდგომარეობის შესაფასებლად. შესაბამისად, მუნიციპალიტეტის მიერ აუდიტორული შემოწმების მომსახურების შესყიდვაში არარაციონალურად დაიხარჯა საბიუჯეტო სახსრები.

ბუღალტრულ ჩანაწერებსა და 2017 წელს ჩატარებული ინვენტარიზაციის უწყისშიც რაოდენობრივად ფიქსირდება 361,506 ერთეული სტრატეგიული მარაგის ფაქტობრივი ნაშთი, რომელიც ფინანსურ ანგარიშგებაში არ არის თანხობრივად აღრიცხული. შედეგად ვერ მივიღეთ რწმუნება 2017 წლის 31 დეკემბრის მდგომარეობით ფინანსური ანგარიშგების ფორმა N1-ში 187,844 ლარის ოდენობის სტრატეგიული მარაგების ნაშთის სისრულეზე, სისწორეზე, შეფასებაზე და განაწილებაზე.

სოფლის მეურნეობის დეპარტამენტს 2017 წელს კანონმდებლობის მოთხოვნათა შესაბამისად არ დაუმტკიცებია მის დაქვემდებარებაში მყოფი სსიპ „გამწვანებისა და გარემოსდაცვითი პროექტების სააგენტოს“ მიერ წარმოდგენილი კვარტალური და წლიური ფინანსური ანგარიშები, რაც მიუთითებს დეპარტამენტში შესაბამისი კონტროლების არარსებობაზე.

აუდიტის ჯგუფმა, პრეისკურანტისა და შესრულებული სამუშაოების აქტების შედარების გზით, შეისწავლა ავტომანქანების სათადარიგო ნაწილებისა და ტექნიკური მომსახურების შესყიდვის შესრულება. შესწავლის შედეგად გამოვლინდა, რომ მუნიციპალიტეტმა შესრულებული სამუშაოების ღირებულება 77 შემთხვევაში მიმწოდებელს აუნაზღაურა პრეისკურანტით გათვალისწინებულზე მეტი ღირებულებით. შედეგად, მუნიციპალიტეტმა მიმწოდებელს 6.7 ათასი ლარი აუნაზღაურა ზედმეტად. შესწავლის შედეგად ასევე გამოვლინდა, რომ შესრულებული იყო ისეთი სახის სამუშაოები, რომლებსაც არ ითვალისწინებდა პრეისკურანტი. ასეთ შემთხვევაში ღირებულება უნდა განსაზღვრულიყო საბაზრო ფასების შესაბამისად. აუდიტის ჯგუფის მოთხოვნით, მუნიციპალიტეტმა მიმწოდებლისაგან გამოითხოვა სასაქონლო ზედნადებები. აუდიტის ჯგუფმა შეადარა შესრულებული სამუშაოს აქტები და მოწოდებული სასაქონლო ზედნადებები. შესწავლის შედეგად დადგინდა, რომ რიგ შემთხვევაში მუნიციპალიტეტმა მიმწოდებელს შესრულებული სამუშაოების ღირებულება აუნაზღაურა საბაზრო ფასზე მეტი ღირებულებით. მაგალითად: ტოიოტა ლენდ კრუიზერ 100-ის ხიდი მიმწოდებელმა სასაქონლო ზედნადების მიხედვით იყიდა 1.8 ათას ლარად, ხოლო მუნიციპალიტეტმა გადაუხადა 3.4 ათასი ლარი. ტოიოტა რავ4-ის ძრავის ფასი სასაქონლო ზედნადების მიხედვით არის 1.0 ათასი ლარი, ხოლო მუნიციპალიტეტმა გადაიხადა 2.2 ათასი ლარი. ტოიოტა რავ4-ის ძრავის ზეთის ტუმბო მიმწოდებელს სასაქონლო ზედნადების მიხედვით, ნაყიდი აქვს 150 ლარად, ხოლო მუნიციპალიტეტმა გადაუხადა 300 ლარი. ფორდ ტრანზიტის საქარე მინა სასაქონლო ზედნადების მიხედვით, ნაყიდი აქვს 150 ლარად, ხოლო მუნიციპალიტეტმა გადაიხადა 250 ლარი, შეცვლაში − 100 ლარი და წებოში − 45 ლარი. აღსანიშნავია, რომ ყველა გამოყენებული მასალის იდენტიფიცირება მათი სპეციფიკურობიდან გამომდინარე, ვერ მოხერხდა. შესაბამისად, აუდიტის ჯგუფი ვერ გამოთქვამს მოსაზრებას, სულ რა რაოდენობის თანხის ანაზღაურება მოხდა ზედმეტად.

წარმოდგენილი ინფორმაციის მიხედვით, მუნიციპალიტეტის საკრებულოს არათანამდებობის პირებს, 2017-2018 წლებში, ხარჯების ანაზღაურების სახით, მიღებული აქვთ სულ 148.6 ათასი ლარი . მუნიციპალიტეტმა ვერ წარმოადგინა დოკუმენტური მტკიცებულებები საკრებულოს წევრების ხარჯების დასადასტურებლად. თვითმმართველობის კოდექსის შესაბამისად, საკრებულოს არათანამდებობის პირებს, ეძლევათ არა ფიქსირებული გასამრჯელო, არამედ უნაზღაურდებათ უფლებამოსილების განხორციელებასთან დაკავშირებული ხარჯები. შესაბამისად, თანხის გაცემის საფუძველი უნდა იყოს ხარჯის დამადასტურებელი დოკუმენტაცია.

2017 წლის 31 დეკემბრის მდგომარეობით, საგამოძიებო სამსახურის ბალანსზე რიცხულ 1,464,440 ლარის ოდენობის ძირითად აქტივებზე („სხვა მანქანა-დანადგარები და ინვენტარი“) არ არის განსაზღვრული სასარგებლო მომსახურების ვადები, ცვეთის ნორმები და შესაბამისად, არ არის დარიცხული ცვეთა. რაც შეუსაბამოა „საბიუჯეტო ორგანიზაციების ძირითადი აქტივების ფიზიკური ცვეთის ნორმებისა და მათი ბუღალტრულ აღრიცხვაში ასახვის შესახებ“ ინსტრუქციის დამტკიცების თაობაზე საქართველოს ფინანსთა მინისტრის 2002 წლის 31 დეკემბრის N439 ბრძანებასთან . შედეგად, ვერ მივიღეთ რწმუნება 2017 წლის 31 დეკემბრის მდგომარეობით ფორმა N1-ში 1,464,440 ლარის ღირებულების ძირითადი აქტივების ნაშთის სისწორეზე, შეფასებაზე და განაწილებაზე.

აუდიტის ჯგუფმა შეისწავლა ა(ა)იპ − საფეხბურთო კლუბ „საპოვნელას“ საქმიანობა, შედეგად გამოვლინდა, რომ მუნიციპალიტეტის მერის და ასევე კლუბის ხელმძღვანელობის მიერ განხორციელებული ქმედებითა და უმოქმედობით დიდი ოდენობით მატერიალური და არამატერიალური ზიანი მიადგა მუნიციპალიტეტს, რაც გამოიხატა ა(ა)იპ-ის საქმიანობის დაგეგმვის, შესრულებისა და კონტროლის ეტაპებზე. ა(ა)იპ − ქართული ფეხბურთის განვითარების ფონდის მიერ დადგენილი წესის მიხედვით, საფეხბურთო კლუბ „საპოვნელას“ 2017 წელს გამოეყო 250.0 ათასი ლარი, რომლის შესახებაც კლუბის ხელმძღვანელობა ინფორმირებული იყო საბიუჯეტო წლის დაწყებამდე. შესაბამისად, ხელმძღვანელობას ბიუჯეტი უნდა დაეგეგმა გამოყოფილი თანხის ფარგლებში და დასამტკიცებლად წარედგინა მუნიციპალიტეტის მერისათვის. 2017 წლის 3 იანვარს, კლუბის გენერალურმა დირექტორმა მუნიციპალიტეტის მერს შესათანხმებლად წარუდგინა 2017 წლის ბიუჯეტი, რომელიც მოიცავდა 3 დოკუმენტს. აღნიშნულ 3 დოკუმენტში რამდენიმე პარამეტრი იყო საერთო, თუმცა რიცხობრივი მაჩვენებლები განსხვავებულად იყო ასახული და არ შეესაბამებოდა ერთმანეთს. პირველი დოკუმენტი − დაფინანსების პროგრამა, გათვლილი იყო 250.0 ათას ლარზე. აქედან, 26.9 ათასი ლარი უნდა გამოყენებულიყო წინა წლის დავალიანების დასაფარად, ხოლო დანარჩენი 223.1 ათასი ლარით უნდა დაფინანსებულიყო კლუბის მიმდინარე წლის ხარჯები. 2017 წელს გასაწევი ხარჯებიდან შრომის ანაზღაურება განისაზღვრა 51.6 ათასი ლარი, ხოლო შტატგარეშე მომუშავეთა ანაზღაურება − 151.0 ათასი ლარი. დანარჩენი 20.5 ათასი ლარი განსაზღვრული იყო მივლინებების, ოფისის, კომუნალური და სხვა მიმდინარე ხარჯების დასაფინანსებლად. მერმა, მეორე დოკუმენტით, შეითანხმა კლუბის საშტატო განრიგი, რომლის მიხედვით, შრომის ანაზღაურება განსაზღვრული იყო 69.0 ათასი ლარით, ხოლო მესამე დოკუმენტის მიხედვით, შტატგარეშე მოსამსახურეებთან გაფორმებული ხელშეკრულებების ჯამური ღირებულება შეადგენდა 366.8 ათას ლარს. კლუბს, ხელფასის გარდა, ფუნქციონირებისათვის ესაჭიროება სხვადასხვა ხარჯები, როგორიცაა, მივლინების, კვების, ფეხბურთელების საცხოვრებელი ფართის იჯარის, მათი ეკიპირებისა და სხვა ხარჯები. პასუხისმგებელი პირის განმარტებით ირკვევა, რომ აღნიშნული ხარჯები თვის განმავლობაში დაახლოებით 15.0 ათას ლარს შეადგენს, რაც წლის განმავლობაში დაახლოებით 180.0 ათასი ლარია. შესაბამისად, ა(ა)იპ-ს საბიუჯეტო წლის განმავლობაში ხარჯების სრულად დასაფინანსებლად ესაჭიროებოდა, მინიმუმ, 615.0 ათასი ლარი, მაშინ როდესაც, ფონდისაგან მისაღები შემოსავალი 250.0 ათას ლარს შეადგენდა. წლის განმავლობაში მისაღებ რესურსებზე მეტი ოდენობით ხარჯების დაგეგმვა თავიდანვე წარმოშობდა რისკს, რომ კლუბს მიადგებოდა დიდი ოდენობით ფინანსური ზარალი. პასუხისმგებელი პირის განმარტებით, მიმდინარეობდა მოლაპარაკება, რომ გასაწევ ხარჯებსა და მისაღებ შემოსავლებს შორის სხვაობა დაფინანსებულიყო სპონსორისაგან მიღებული თანხებით. აღნიშნულ მიდგომას ვერ გაიზიარებს აუდიტის ჯგუფი, რადგან კლუბის ხელმძღვანელობასა და მერიას საქმიანობა უნდა დაეგეგმა არსებული რესურსების ფარგლებში და ხარჯები გაეზარდა მხოლოდ იმ შემთხვევაში, თუ მოიძიებდა დამატებით დაფინანსებას. სპონსორთან შეთანხმება არ შედგა და კლუბმა დაფინანსების სხვა წყარო ვერ მოიძია. მიუხედავად ამისა, მერიამ და კლუბის ხელმძღვანელობამ არ გაატარა საკმარისი ღონისძიებები, რათა შეემცირებინა დაგეგმილი ხარჯვა, მათ შორის, თავიდან აეცილებინა ადმინისტრაციული ხარჯების ნაწილი. ფონდი, მისაღებ დაფინანსებას, კლუბს ურიცხავდა პროპორციულად, თვეების მიხედვით. შესაბამისად, კლუბი სრულად ვერ ფარავდა მიმდინარე თვეების ხარჯებს. შედეგად, არსებული კრიზისის პირობებში დაუგროვდა დავალიანება. აღნიშნულის შესახებ სრულად იყო ინფორმირებული როგორც ა(ა)იპ-ის, ასევე მერიის ხელმძღვანელობა, თუმცა სათანადო ღონისძიებები პრობლემების მოგვარების მიზნით არ განხორციელებულა. მოწოდებული ინფორმაციის მიხედვით, სახელფასო დავალიანებების ანაზღაურების მოთხოვნით, ა(ა)იპ-ს უჩივლა 33-მა თანამშრომელმა, მათ შორის, ორგანიზაციის დირექტორებმაც, რომელთა პირდაპირ მოვალეობას წარმოადგენდა კლუბში ფინანსური კრიზისის თავიდან აცილება. მოსარჩელეების მიერ სასამართლოზე მიმართვის მომენტისათვის, კლუბს არ ჰყავდა იურისტი და შესაბამისად, სასამართლო პროცესებზე არავინ იცავდა მის ინტერესებს, რის შესახებაც ინფორმირებული იყო მერი და იურიდიული სამსახური. მიუხედავად ამისა, მერიას ა(ა)იპ-ის ინტერესების დასაცავად არანაირი ღონისძიება არ გაუტარებია. უფრო მეტიც, თანამშრომელთა გამოკითხვით გაირკვა, რომ მუნიციპალიტეტი ურჩევდა გათავისუფლებულ მოხელეებს, მიემართათ სასამართლოსთვის. შესაბამისად, არსებობს რისკი იმისა, რომ მუნიციპალიტეტი შეგნებულად არ იცავდა ა(ა)იპ-ის ინტერესებს სასამართლო პროცესებზე. ყველა სასამართლო პროცესი დასრულდა მოსარჩელეების სასარგებლოდ და ა(ა)იპ-ს დაეკისრა 179.8 ათასი ლარის გადახდის ვალდებულება. აუდიტის ჯგუფმა საჭიროდ ჩათვალა დაეთვალა ყოფილი თანამშრომლების წინაშე არსებული დავალიანებები, რისთვისაც ა(ა)იპ-ისაგან გამოთხოვილი იქნა პირველადი დოკუმენტები. აუდიტის ჯგუფმა აღნიშნული დოკუმენტები ვერ მოიპოვა, ვინაიდან, საფეხბურთო კლუბის დოკუმენტაცია სრულად არ არის დაცული არც მუნიციპალიტეტში და არც შესაბამის საარქივო სამსახურში. შესაბამისად, დარღვეულია მოქმედი კანონმდებლობის მოთხოვნა პირველადი დოკუმენტების შენახვისა და დაცვის შესახებ. კლუბის ხელმძღვანელთა გამოკითხვით დადგინდა, რომ ა(ა)იპ-ს წლის ბოლოს დავალიანების სახით ერიცხებოდა 57.0 ათასი ლარი, მაშინ როდესაც, სასამართლოს გზით დაეკისრა 179.8 ათასი ლარის გადახდა. მოპოვებული ინფორმაციით, როდესაც ხდებოდა ფეხბურთელის სხვა გუნდში გადასვლა, მასთან ფორმდებოდა შეთანხმების აქტი, რომელშიც მითითებული იყო მის წინაშე კლუბის დავალიანების ოდენობა. შეთანხმების აქტში დაფიქსირებული კონკრეტული ვალდებულების მიუხედავად, გათავისუფლებულ თანამშრომლებს სასამართლო პროცესის შედეგად აუნაზღაურდათ დიდი ოდენობით თანხები. მოწოდებული ინფორმაციიდან, აუდიტის ჯგუფმა მხოლოდ ორი ფეხბურთელის შემთხვევაში შეძლო გაფორმებული შეთანხმებისა და გადახდილი თანხების შედარება. კერძოდ, ორი ფეხბურთელის მიმართ კლუბს ჰქონდა 4.3 ათასი ლარის სახელფასო დავალიანება, ხოლო სასამართლო განჩინების საფუძველზე აუნაზღაურდათ 19.0 ათასი ლარი. სხვაობა გამოწვეულია იმ გარემოებით, რომ ფეხბურთელების მიერ სასამართლოში სარჩელი წარდგენილია და მოთხოვნილია მთელი წლის განმავლობაში ხელფასის სახით მისაღები თანხები. აღსანიშნავია, რომ ეს ფეხბურთელები იმ პერიოდისათვის უკვე თამაშობდნენ სხვა გუნდებში. იმ შემთხვევაში, თუ ა(ა)იპ-ის ინტერესები იქნებოდა დაცული სასამართლო პროცესზე და წარდგენილი იქნებოდა ფეხბურთელებთან გაფორმებული შეთანხმების აქტები, სასამართლო, სავარაუდოდ, აღარ მიიღებდა აღიარებულ ვალდებულებაზე მეტი ოდენობით თანხების დაკისრების გადაწყვეტილებას. გამომდინარე იქედან, რომ მუნიციპალიტეტმა ვერ უზრუნველყო საფეხბურთო კლუბის პირველადი დოკუმენტების მოწოდება, აუდიტის ჯგუფმა ვერ შეძლო დავალიანებებისა და ზედმეტად გადახდილი თანხების გამოანგარიშება, თითოეული გათავისუფლებული თანამშრომლების მიხედვით. თუმცა, ვინაიდან თანამშრომლების გათავისუფლების და სასამართლო პროცესები წარიმართა მსგავს გარემოებებში და ა(ა)იპ-ის ინტერესები დაცული არ იყო შესაბამისი წარმომადგენლების მიერ, დოკუმენტაციის სრულად წარმოდგენისა და შესწავლის შემთხვევაში მნიშვნელოვნად გაიზრდება ზედმეტად გადახდილი თანხების მოცულობა. გათავისუფლებული თანამშრომლების საჩივრის საფუძველზე, სასამართლოს მიერ გადაწყვეტილების გამოტანის მომენტისათვის საფეხბურთო კლუბს უკვე აღარ გააჩნდა საკმარისი ფინანსური რესურსი. მოსარჩელეების დასაკმაყოფილებლად, სააღსრულებო ფურცლის საფუძველზე, თანხა ჩამოიჭრა ხაზინაში არსებული თერჯოლის მუნიციპალიტეტის ერთიანი ანგარიშიდან. მუნიციპალიტეტმა დაიწყო გარკვეული ღონისძიებების გატარება. კერძოდ, სასამართლოში წარადგინა სარჩელი სახელმწიფო ხაზინისა და აღსრულების ეროვნული ბიუროს წინააღმდეგ, არასწორად ჩამოჭრილი თანხის უკან დაბრუნების მოთხოვნით. გარდა 2017-2018 წლებში განხორციელებული ქმედებისა, ასევე აღსანიშნავია, რომ 2016 წელს მოქმედმა დირექტორმა 1 მარტს თანამდებობიდან გაათავისუფლა ოთხი თანამშრომელი. გათავისუფლების მოტივად მითითებულია, რომ ვერ უზრუნველყო მათი უსაფრთხოება. თუმცა აღნიშნული მიზეზი ვერ ჩაითვლება სათანადოდ დასაბუთებულად, რადგან: თუ თანამშრომლებისთვის საქმიანობა საფრთხის შემცველი იყო, ა(ა)იპ-ის ხელმძღვანელს უნდა გაეტარებია სამართლებრივი ღონისძიებები, მათ შორის, მიემართა სამართალდამცავი ორგანიზაციებისათვის, რაც არ განუხორციელებია. გათავისუფლებულ თანამშრომლებთან გაფორმებული ხელშეკრულებები იყო ერთწლიანი და შეიცავდა ა(ა)იპ-ის ინტერესებისათვის საზიანო პირობებს. კერძოდ, ვადაზე ადრე გათავისუფლების შემთხვევაში, გარდა ნამუშევარი დროისათვის შესაბამისი ხელფასის გაცემისა, ასევე ითვალისწინებდა პირგასამტეხლოს სახით, ერთჯერადად, მთლიანი წლიური სახელშეკრულებო ღირებულების გადახდას. რამდენადაც კლუბის დირექტორმა არაარგუმენტირებულად განახორციელა ოთხივე თანამშრომლის გათავისუფლება, მათი სარჩელის საფუძველზე, კლუბს დაეკისრა პირგასამტეხლოს გადახდა ჯამში 66.9 ათასი ლარის ოდენობით. შესაბამისად, ამ კონკრეტულ შემთხვევაში კლუბის დირექტორი მოქმედებდა ა(ა)იპ-ის ინტერესების საზიანოდ. შედეგად, ზიანი მიადგა როგორც საფეხბურთო კლუბს, ასევე მუნიციპალიტეტს. ამდენად, მუნიციპალიტეტისა და ა(ა)იპ-ის ხელმძღვანელობის ქმედებებითა და უმოქმედებით კლუბის საქმიანობა წარიმართა არაჯეროვნად. შესაბამისმა პასუხისმგებელმა პირებმა, დაგეგმვის, მართვისა და კონტროლის ეტაპზე ვერ უზრუნველყვეს სათანადო ღონისძიებების განხორციელება, მიიღეს არაეფექტიანი მმართველობითი გადაწყვეტილებები. შედეგად, საფეხბურთო კლუბმა შეწყვიტა ფუნქციონირება, ხოლო მუნიციპალიტეტს მიადგა დიდი ოდენობით როგორც მატერიალური, ისე არამატერიალური ზიანი.

მუნიციპალიტეტმა, 2017 წლის ბიუჯეტის დაგეგმვისას, განსაზღვრა ადგილობრივი ბიუჯეტის დაფინანსებაზე მყოფ საბიუჯეტო ორგანიზაციებში ადმინისტრაციული/საოპერაციო ხარჯები (სუბსიდია). წარმოდგენილი მონაცემებით, მუნიციპალიტეტმა მის დაფინანსებაზე მყოფ 6 იურიდიულ პირს განუსაზღვრა სუბსიდია, ჯამში 1,856.3 ათასი ლარი. 2017 წელს მოქმედი კანონმდებლობით, მუნიციპალიტეტის დაფინანსებაზე მყოფი ორგანიზაციებისათვის გასაცემი სუბსიდია, არ უნდა შეადგენდეს წინა წლის საკასო ხარჯის 90%-ზე მეტს. ამ მოთხოვნების გათვალისწინებით მუნიციპალიტეტს 6 ორგანიზაციისთვის უნდა დაეგეგმა სუბსიდია მაქსიმუმ 1,670.7 ათასი ლარი, რაც არ განახორციელა. მერიამ არ გაითვალისწინა კანონის მოთხოვნა და 10%-ით არ შეამცირა ადმინისტრაციული ხარჯები. მერიის მიერ დაფუძნებულ იურიდიულ პირებში, 185.6 ათასი ლარით შემცირების ნაცვლად, ადმინისტრაციული ხარჯები შემცირდა მხოლოდ 5.2 ათასი ლარით. სულ ზედმეტად გაწეული ხარჯები შეადგენს 180.4 ათას ლარს.

საგამოძიებო სამსახურის ფინანსურ ანგარიშგებაში „საქონელი და მომსახურების“ ანგარიშზე ხარჯად აღიარებულია სასამართლოში, საგამოძიებო სამსახურის მიერ, ნივთმტკიცებად წარდგენილი თანხა, რაც არ შეესაბამება აღრიცხვის ინსტრუქციის მოთხოვნებს . ნაცვლად ხარჯად აღიარებისა, საგამოძიებო სამსახურს ნივთმტკიცებად ამოღებული თანხებით უნდა გაეზარდა „სხვა მოკლევადიანი მოთხოვნების“ ანგარიში. საგამოძიებო სამსახურმა ვერ წარმოადგინა ინფორმაცია 2017 წლის 31 დეკემბრის მდგომარეობით სასამართლოს მიერ ნივთმტკიცებად ამოღებული თანხის შესახებ. მხოლოდ 2017 წლის განმავლობაში, სასამართლოდან გასულ პერიოდებში ნივთმტკიცებად ამოღებული და საგამოძიებო სამსახურისთვის უკან დაბრუნებულმა თანხამ შეადგინა 135,065 ლარი. შედეგად, ვერ მივიღეთ რწმუნება 2017 წლის 31 დეკემბრის მდგომარეობით ფინანსურ ანგარიშგებაში ფორმა N1-ში “სხვა მოკლევადიანი მოთხოვნების” ანგარიშზე აღრიცხული 47,660 ლარის ნაშთის სისრულეზე და სისწორეზე.

მუნიციპალიტეტის მიერ დაფუძნებულია ა(ა)იპ − სახელოვნებო განათლების, კულტურისა და ტურიზმის მუნიციპალური ცენტრი, რომლის დაფინანსებაზეც 2017-2018 წლებში მუნიციპალიტეტმა გასწია 1,533.0 ათასი ლარის ხარჯი. ა(ა)იპ-ში აღნიშნულ პერიოდში ფუნქციონირებდა კულტურის ცენტრი, სადაც დასაქმებული იყო, საშუალოდ, 32 პირი და მათზე შრომის ანაზღაურების სახით გაცემულია 330.5 ათასი ლარი. დასაქმებული პირებიდან 12 ცენტრის კოორდინატორია. აღნიშნული პირების უმრავლესობა კოორდინაციას უწევს ა(ა)იპ-ში შემავალი ფილიალების (კულტურის სახლის, სამხატვრო-საგანმანათლებლო სკოლის, ბიბლიოთეკის, სამუსიკო-საგანმანათლებლო სკოლის მუზეუმების და სხვ.) საქმიანობას. აუდიტის ჯგუფმა შეისწავლა 2017-2018 წლებში დასაქმებული კოორდინატორების ფუნქცია-მოვალეობები. შედეგად დადგინდა, რომ ცენტრის 7 კოორდინატორზე დაკისრებული მოვალეობები არის ზოგადი. პასუხისმგებელი პირის განმარტებით, აღნიშნული თანამშრომლები ძირითადად ასრულებენ ცენტრის დირექტორის ცალკეულ დავალებებს და მათ არ აქვთ ყოველდღიური დატვირთვა. სააუდიტო პერიოდში აღნიშნულ 7 კოორდინატორზე სულ ანაზღაურებულია 74.8 ათასი ლარი. მაშინ როდესაც, ორგანიზაციაში შემავალ ყველა ფილიალს ჰყავს დირექტორი, რომლის ფუნქციაა განყოფილების მთლიანი საქმიანობის ორგანიზება და ანგარიშვალდებულია ცენტრის დირექტორის წინაშე, დაუდგენელია დამატებით 7 კოორდინატორის დასაქმების საჭიროება და მათზე შრომის ანაზღაურების სახით ფინანსური რესურსების გახარჯვა. ამდენად, მუნიციპალიტეტის მიერ 2017-2018 წლებში ცენტრის კოორდინატორებზე ანაზღაურებული 74.8 ათასი ლარი წარმოადგენს არაეფექტიან ხარჯს. ა(ა)იპ − სახელოვნებო განათლების, კულტურისა და ტურიზმის მუნიციპალური ცენტრში ფუნქციონირებს ტურიზმის განყოფილება და დასაქმებული იყო 14 პირი. განყოფილება 2017-2018 წლებში დაფინანსებულია 143.3 ათასი ლარით. აქედან 95.2% (136.4 ათასი ლარი) გახარჯულია მოსამსახურეების შრომის ანაზღაურებაზე. ხოლო დანარჩენი 4.8% (6.8 ათასი ლარი) გამოყენებულია სხვადასხვა ღონისძიებებზე. კერძოდ: განყოფილების მიერ დამზადდა ბუკლეტები, შეიქმნა საინფორმაციო ბაზა სასტუმროებისა და კვების ობიექტების შესახებ, განხორციელდა შეხვედრა ადგილობრივ ტურისტულ ბიზნესში ჩართულ პირებთან, რამდენჯერმე მოეწყო დასუფთავების აქცია, განხორციელდა საცხენოსნო და საფეხმავლო ბილიკების მარკირება, მუნიციპალიტეტის შესასვლელში განთავსდა ტურისტული რუკა და სხვ. აღსანიშნავია, რომ მუნიციპალიტეტის მერიაში არსებობს განათლების, კულტურის, სპორტისა და ახალგაზრდულ საქმეთა სამსახური, რომლის დებულების თანახმად, ერთ-ერთ ფუნქციას წარმოადგენს მუნიციპალიტეტის ტერიტორიაზე ძეგლთა დაცვისა და ტურიზმის განვითარების მუნიციპალური პროგრამების განხორციელების კოორდინაცია. აღნიშნულიდან გამომდინარე, მუნიციპალიტეტს შეეძლო გამოეცხადებინა ტენდერი რუკებისა და ბუკლეტების შესყიდვაზე, ხოლო ა(ა)იპ-ის მიერ განხორციელებულ სხვა ზემოთ აღნიშნულ საქმიანობას გამგეობის შესაბამისი სამსახური უზრუნველყოფდა თავისი ფუნქციების ფარგლებში. შესაბამისად, ტურიზმის განყოფილების დაფინანსება ადგილობრივი ბიუჯეტის თანხების არარაციონალურ ხარჯვაზე მიუთითებს, რადგან მუნიციპალიტეტს ა(ა)იპ-ის გარეშე, გაცილებით ნაკლები დანახარჯებით შეეძლო შესაბამისი ღონისძიებების განხორციელება.

ლანჩხუთის მუნიციპალიტეტის საფინანსო ორგანომ 2017 და 2018 წლის ბიუჯეტის შესრულების ანგარიშები წარუდგინა საკრებულოს. ორივე დოკუმენტი ხასიათდება ხარვეზებით. კერძოდ, ორივე წლის ანგარიშში არ არის ასახული ბიუჯეტის ბალანსი საბიუჯეტო კლასიფიკაციის მიხედვით; არ მოიცავს ინფორმაციას წლის დასაწყისისა და დასასრულისათვის ბიუჯეტის ანგარიშებზე არსებული ნაშთების შესახებ, ასევე წლიური ბიუჯეტით დასახული პრიორიტეტების ფარგლებში საბიუჯეტო ორგანიზაციების მიერ განხორციელებული პროგრამების/ქვეპროგრამების აღწერას და მიღწეულ შედეგებს. გარდა ამისა, ზოგიერთი მონაცემი არასწორადაა წარმოდგენილი, კერძოდ: 2017 წლის 1 იანვრის მდგომარეობით, ხაზინის ამონაწერის მიხედვით ნაშთი 217.2 ათასი ლარი, ხოლო შესრულების ანგარიშში დაფიქსირებულია 211.4 ათასი ლარი; 2017 წლის ხაზინის ამონაწერით შემოსულობების საკასო 16,650.4 ათასი ლარია, ხოლო შესრულების ანგარიშით - 16,654.7 ათასი ლარი, ხოლო 2018 წელს - ხაზინის ამონაწერით 16,995.0 ათასი ლარი, ხოლო შესრულების ანგარიშში 16,984.8 ათასი ლარია. პასუხისმგებლი პირის განმარტებით, შეუსაბამობები გამოწვეულია მექანიკური შეცდომებით.

2017 წელს ფაქტობრივად დასაქმებილთა საშუალო წლიურმა რიცხოვნობამ 542 თანამშრომელი,(საშტატო 660) ხოლო წარმოქმნილმა ეკონომიამ 1,210,380 ლარი შეადგინა, საიდანაც 569,797 ლარი გაიცა პრემიის, ხოლო 613,684 ლარი დანამატის სახით.

მუნიციპალიტეტში მძიმე სოციალურ პირობებში მყოფი ოჯახების ერთჯერადი ფინანსური დახმარების პროგრამიდან თანხების გაცემის წესი რეგულირდება საკრებულოს განკარგულებით. განკარგულების თანახმად, სხვა პირებთან ერთად თანხა შეიძლება გაიცეს მძიმე სოციალურ პირობებში მყოფ ოჯახებზე. მუნიციპალიტეტის მიერ წარმოდგენილ მონაცემებზე დაყრდნობით, 2017 წელს ერთჯერადი ფინანსური დახმარება წერილობით მოთხოვნილი აქვს 1332 პირს და დაკმაყოფილებულია სრულიად. 2018 წელს კი 1966 პირიდან დაკმაყოფილებულია 1722 პირი. აუდიტის ჯგუფმა შეისწავლა მუნიციპალიტეტის მიერ, ერთჯერადი ფინანსური დახმარებების ფარგლებში, 2017-2018 წლებში მძიმე სოციალურ პირობებში მყოფ ოჯახებზე გაცემული დახმარებები. წარმოდგენილი დოკუმენტაციის შესწავლით დადგინდა, რომ განკარგულებით გაწერილი არ არის რაიმე სახის კონკრეტული კრიტერიუმი, რომელიც უნდა დააკმაყოფილოს განმცხადებელმა, რათა მიიღოს ერთჯერადი ფინანსური დახმარება. ამდენად, აუდიტის ჯგუფი ვერ გამოთქვამს მოსაზრებას, ობიექტურად იქნა თუ არა შერჩეული პროგრამით მოსარგებლე ბენეფიციარები და ატარებდა თუ არა კონკრეტულ პირებზე დახმარების გაცემა/გაუცემლობა სუბიექტურ ხასიათს. 2017 წელს, ხშირია შემთხვევები, როდესაც ადმინისტრაციული ერთეულის წარმომადგენელმა გადაწყვიტა კონკრეტულ ბენეფიციარზე გასაცემი თანხის ოდენობა. კრიტერიუმების არ არსებობის პირობებში, გაურკვეველია, როგორ და რის საფუძველზე ადგენდა ადმინისტრაციული ერთეულის წარმომადგენელი დახმარების ოდენობის ზღვრულ ოდენობას. ამასთან, აღნიშნული მიდგომა ეწინააღმდეგება მუნიციპალიტეტის მერის ბრძანებას, რომლის თანახმადაც, დადებითი დასკვნის შემთხვევაში, კომისიამ უნდა განსაზღვროს დახმარების ოდენობა.

2017-2018 წლებისთვის, ლანჩხუთის მუნიციპალიტეტს არ ჩაუტარებია აქტივებისა და ვალდებულებების ინვენტარიზაცია, არ არის შედგენილი საინვენტარიზაციო აქტი და არ არის გამოყვანილი ინვენტარიზაციის შედეგები. აღნიშნული მიუთითებს იმაზე, რომ ორგანიზაციას სათანადო კონტროლი არ აქვს დაწესებული მატერიალური მარაგების, ასევე მცირეფასიანი აქტივების მოძრაობაზე. ასევე არ ხდება გამოუყენებელი აქტივების გამოვლენა, არსებული აქტივებისა და ვალდებულებების შედარება ფაქტობრივ ნაშთებთან. გამოვლენილი გარემოების შედეგად დარღვეულია „საბიუჯეტო ორგანიზაციებში ქონების, მოთხოვნებისა და ვალდებულებების ინვენტარიზაციის ჩატარების წესის შესახებ“ საქართველოს ფინანსთა მინისტრის 2010 წლის №605 ბრძანების მოთხოვნები. შედეგად, მუნიციპალიტეტში მნიშვნელოვნად არის გაზრდილი აქტივების და სხვა რესურსების დაკარგვის, დაზიანების, არამართლზომიერი გამოყენების ან მართვის რისკები.

„საქართველოს ფინანსთა სამინისტროს საგამოძიებო სამსახურის შესახებ“ კანონის და „საქართველოს ფინანსთა სამინისტროს საგამოძიებო სამსახურის მოსამსახურეთა სპეციალური წოდებისათვის განაკვეთის, კვების ულუფის ფინანსური კომპენსაციის და ერთჯერადი ფულადი დახმარებების შესახებ“ ფინანსთა მინისტრის 2009 წლის 27 ნოემბრის N780 ბრძანების მიხედვით, განსაზღვრულია საგამოძიებო სამსახურში გასაცემი დანამატის შემდეგი სახე: • სპეციალური დანამატი წელთა ნამსახურობაზე • დანამატი ხელფასზე 2017 წელს მოქმედი რედაქციით, ფინანსთა მინისტრის N780 ბრძანებით არ მოითხოვებოდა ხელფასზე დანამატის გაცემის დასაბუთება. შესაბამისად, 2017 წელს 3,253,349 ლარის ოდენობის ხელფასზე დანამატი გაცემულია შესაბამისი დასაბუთების გარეშე. 2017 წელს დანამატების გაცემის არსებული პრაქტიკა ვერ უზრუნველყოფდა შრომის ანაზღაურების სათანადო გამჭვირვალობას, ვინაიდან ბრძანებებში არ იყო სათანადოდ დასაბუთებული დანამატის გაცემის მიზანშეწონილობა. ზემოაღნიშნულიდან გამომდინარე, 2017 წელს, ფინანსთა მინისტრის N780 ბრძანება ვერ უზრუნველყოფდა „საჯარო სამსახურის შესახებ“ კანონით განსაზღვრული ანაზღაურების ფორმის ანალოგიური პრაქტიკის დამკვიდრებას, როდესაც დანამატი გაიცემა მოსამსახურის მიერ ზეგანაკვეთური მუშაობისა და განსაკუთრებით საპასუხისმგებლო ფუნქციური დატვირთვის დასაბუთების შემთხვევაში. თუმცა აღსანიშნავია, რომ 2018 წლის 8 თებერვალს N780 ბრძანებაში შესული ცვლილებით , აღნიშნული ხარვეზი აღმოიფხვრა და განისაზღვრა დანამატის გაცემის კრიტერიუმები და გასაცემი თანხის ზედა ზღვარი.

2017 წელს მუნიციპალიტეტმა გაჭირვებულ მოქალაქეებზე მედიკამენტებით დახმარების მიზნით, ტენდერის საშუალებით ხელშეკრულება გააფორმა შპს „ავერსი-ფარმა“-სთან. წარმოდგენილი ინფორმაციის მიხედვით, 2017 წლის განმავლობაში 915 მოქალაქეზე გაიცა 68.6 ათასი ლარის ღირებულების მედიკამენტი. აუდიტის ჯგუფმა შეისწავლა მედიკამენტებით დახმარების გაწევის პროცესი. დახმარების მიღების მსურველი პირი განცხადებას და თანდართულ დოკუმენტაციას წარადგენს მუნიციპალიტეტის მერიაში. სოციალური სამსახური იხილავს განცხადებებს და დაკმაყოფილების შემთხვევაში, გასცემს ტალონს. პროგრამით მოსარგებლე პირი სააფთიაქო ქსელში წარადგენს ტალონს და იღებს მედიკამენტებს. დოკუმენტების შესწავლის შედეგად გამოვლინდა, რომ 2017 წელს მუნიციპალიტეტმა 58 შემთხვევაში, დაახლოებით, 4.0 ათასი ლარის ღირებულების მედიკამენტის ტალონი გასცა რეცეპტის წარმოდგენის გარეშე, მხოლოდ აფთიაქის ამონაწერის საფუძველზე. პასუხისმგებელი პირის განმარტებით, მედიკამენტების რეცეპტის გარეშე გაცემა ძირითადად განპირობებული იყო იმით, რომ ბენეფიციარებს ექიმთან ვიზიტისათვის არ გაეწიათ დამატებითი ხარჯი. აღნიშნული განმარტება ვერ ჩაითვლება ობიექტურ გარემოებად, რადგან არსებობს რისკი იმისა, რომ პროგრამით ისარგებლა კონკრეტული საჭიროების არმქონე ბენეფიციარმა.

2017-2018 წლებში მუნიციპალიტეტის შიდა აუდიტის სამსახურის მიერ ჩატარდა 11 აუდიტორული შემოწმება . შიდა აუდიტის სამსახურის მიერ ჩატარებული აუდიტების შედეგად, გამოვლენილია სხვადასხვა სახის კონკრეტული დარღვევა-ნაკლოვანებები, რომელთა გამოსწორების მიზნით გაცემულია რეკომენდაციები. თუმცა აღნიშნული რეკომენდაციები არის ზოგადი ხასიათის და არ მიუთითებს სისტემაში არსებულ ხარვეზებზე. სამსახურის მიერ არ გამოვლენილა სისტემური დარღვევა-ნაკლოვანებები და არ შემუშავებულა ამ ხარვეზების გაუმჯობესებაზე ორიენტირებული რეკომენდაციები. შესაბამისად გაცემული რეკომენდაციები ვერ უზრუნველყოფს ორგანიზაციის წინაშე არსებული რისკების მართვისა და შიდა კონტროლის სისტემის გაუმჯობესებას. სამსახურს არ შეუფასებია შეესაბამება თუ არა მუნიციპალიტეტის საქმიანობა დაგეგმილ მიზნებსა და ამოცანებს, რამდენად კანონიერად, მიზნობრივად და ეფექტიანად ხდება დაფინანსების გამოყენება, დანერგილია თუ არა ადეკვატური მართვისა და კონტროლის მექანიზმები და სხვ. მერიის შიდა აუდიტის სამსახურის საქმიანობა ვერ უზრუნველყოფდა მერიის ფინანსების მართვის გაუმჯობესებას, მატერიალური ფასეულობების ხარჯვისა და გამოყენების კანონიერების, მიზნობრიობის დაცვასა და ეფექტიანობის გაზრდის ხელშეწყობას.

ჩატარებული ინვენტარიზაციის მასალების შესწავლით გამოვლინდა შემდეგი ნაკლოვანებები: • ინვენტარიზაციის ბრძანებით, პროცესის დასრულების ვადად განისაზღვრა 2017 წლის 30 დეკემბერი. ფაქტობრივი ნაშთების შემოწმების პროცედურები დასრულებულია 30 დეკემბერს, ხოლო ინვენტარიზაცია დამტკიცებულია 2018 წლის 11 მაისს. • არ არის ჩატარებული მოთხოვნებისა და ვალდებულებების ინვენტარიზაცია . • ძირითად საშუალებებს, გრძელვადიან მცირეფასიან აქტივებს, ამორტიზებულ ძირითად საშუალებებს და ექსპლუატაციაში მყოფ ხარჯებში ჩამოწერილ გრძელვადიან მცირეფასიან აქტივებს ზოგიერთ შემთხვევაში არ აქვთ მითითებული საინვენტარო ნომერი . • საინვენტარიზაციო აღწერებს არ ახლავს მატერიალურად პასუხისმგებელი პირების ხელმოწერები ; • 2017 წლის 31 დეკემბერს საცნობარო მუხლში, „ამორტიზებული ძირითადი აქტივები“ აღრიცხულია ავტომანქანა VOLKSWAGEN VW HXO (საწყისი ისტორიული ღირებულაბა 8.2 ათასი ლარი), რომელიც 2005 წლის 26 მაისს სრულად განადგურდა ავტოსაგზაო შემთხვევის დროს, რაც გამორიცხავდა მისი აღდგენის შესაძლებლობას, საგამოძიებო სამსახურს მატერიალურად პასუხისმგებელი პირისთვის დღემდე არ მოუთხოვია მიყენებული ზიანის ანაზღაურება. საგამოძიებო სამსახურში ჩატარებულმა ინვენტარიზაციამ, სრულად ვერ უზრუნველყო კანონმდებლობით გათვალისწინებული მოთხოვნების შესრულება, რაც ორგანიზაციაში არსებულ კონტროლის სისუსტეებზე მიუთითებს.

მუნიციპალიტეტის 2017-2018 წლების ბიუჯეტიდან უსახლკაროდ დარჩენილთა დახმარების მიზნით გაიხარჯა 149.9 ათასი ლარი. 2017 წელს პროგრამა ითვალისწინებდა ბენეფიციარისათვის არა უმეტეს 500 ლარის ღირებულების საჭირო სამშენებლო მასალებით უზრუნველყოფას. აღნიშნულ წელს მუნიციპალიტეტს დაკმაყოფილებული აქვს 180 პირის განცხადება და გაცემული აქვს 68.7 ათასი ლარის ღირებულების მასალები. აუდიტის ჯგუფმა შეისწავლა მოსახლეობაზე სამშენებლო მასალების გადაცემის დოკუმენტაცია. შესწავლის შედეგად გამოვლინდა, რომ: მოსახლეობისათვის გადაცემული მასალების მნიშვნელოვანი ნაწილი (23.5 ათას ლარზე მეტი ღირებულების) აუდიტის მიმდინარეობის პერიოდში დასაწყობებული იყო და არ გამოიყენება დანიშნულებისამებრ. ხშირი შემთხვევაში მოქალაქეს განცხადებით მოთხოვნილი აქვს ერთი სახეობის სამშენებლო მასალა, ხოლო კომისიის დასკვნის მიხედვით, მასზე გაიცა სხვა სახეობის მასალა. მაგალითად, ქ. თერჯოლაში მცხოვრებმა მოქალაქემ მოითხოვა დახმარება სახურავის შეკეთების მიზნით, ხოლო მუნიციპალიტეტმა გასცა ბლოკი და ცემენტი. რამდენიმე შემთხვევაში, ბენეფიციარზე გაცემული სამშენებლო მასალები მიზერულია და მისი მიზნობრივი გამოყენების შემთხვევაშიც ვერ გაუმჯობესდება ბენეფიციარის საცხოვრებელი პირობები. მაგალითად, ბენეფიციარს მშენებლობა დაწყებული აქვს რამდენიმე ათეული წლის წინ, მხოლოდ კედლების ნაწილია აშენებული და არ დასტურდება, შეძლებს თუ არა მფლობელი აღნიშნული მშენებლობის დასრულებას მომავალში. 2018 წელს, საკრებულოს განკარგულების საფუძველზე, შეიცვალა პროგრამის ფარგლებში გასაცემი დახმარების ფორმა და გაიცემა ფულადი სახით, არა უმეტეს 1000 ლარის ოდენობით. 2018 წელს მერიამ განიხილა და დააკმაყოფილა 138 ოჯახის განცხადება და დახმარების სახით გასცა 70.0 ათასი ლარი. დახმარების მიღების მსურველი პირის წარმოდგენილ დოკუმენტაციას სწავლობს შესაბამისი კომისია. დადებითი პასუხის შემთხვევაში ბენეფიციარის ანგარიშზე ირიცხება დახმარება ფულადი ფორმით. წარმოდგენილი ინფორმაციის მიხედვით, დახმარების გაცემის შემდეგ, მუნიციპალიტეტი აღარ ახორციელებს რაიმე სახის ღონისძიებას თანხის მიზნობრივი გამოყენების შესახებ. აუდიტის ჯგუფის მიერ დოკუმენტაციის შესწავლის შედეგად გამოვლინდა, რომ 2018 წელს მუნიციპალიტეტმა 14 შემთხვევაში დახმარება გასცა ისეთ ოჯახებზე, რომლებმაც წინა წელს აღნიშნული პროგრამიდან მიიღეს სამშენებლო მასალები, თუმცა არ გამოუყენებიათ და 2019 წლის დასაწყისისთვის დასაწყობებული ჰქონდათ. მუნიციპალიტეტს ასევე არ გაუკონტროლებია 2018 წელს გაცემული ფულადი დახმარებების მიზნობრიობა. შესაბამისად, არსებობს რისკი, რომ ფულადი დახმარება 70.0 ათასი ლარის ოდენობით, გაიხარჯოს არამიზნობრივად, სხვა დანიშნულებით.

სახელმწიფო აუდიტის სამსახურმა 2017 წელს ჩაატარა ლანჩხუთის მუნიციპალიტეტის 2016 წლის ფინანსური ანგარიშგების ფინანსური და 2015-2016 წლების წარმომადგენლობითი და აღმასრულებელი ორგანოების დაფინანსების, ინფრასტრუქტურის მშენებლობა, რეაბილიტაცია, ექსპლოატაციის პროგრამების ფარგლებში გაწეული ხარჯების შესაბამისობის აუდიტი. აუდიტის ანგარიშში დაფიქსირდა სხვადასხვა ხასიათის დარღვევა-ნაკლოვანება. მიმდინარე აუდიტის პერიოდში გაირკვა, რომ დარღვევა-ნაკლოვანებების გამოსასწორებლად, მუნიციპალიტეტის მიერ გატარებულია სხვადასხვა ღონისძიებები. თუმცა ორ საკითხთან დაკავშირებით, მუნიციპალიტეტს არ გაუტარებია საკმარისი და შესაფერისი ღონისძიებები აუდიტის ანგარიშში ასახული ხარვეზის აღმოსაფხვრელად, კერძოდ: არარაციონალურად იხარჯება სატრანსპორტო საშუალებების საწვავისა და მოვლა-შენახვისთვის გამოყოფილი თანხები; საკრებულოს არათანამდებობის წევრებზე ხარჯების ანაზღაურებასთან დაკავშირებით, მიმდინარე აუდიტის ფარგლებშიც არ არის წარმოდგენილი შესაბამისი ხარჯვის დამადასტურებელი დოკუმენტები.

2017 წელს აპარატში არ ჩატარებულა ინვენტარიზაცია, რაც შეუსაბამოა არსებულ რეგულაციებთან . ჩვენ ალტერნატიული პროცედურებითაც ვერ მივიღეთ საკმარისი აუდიტორული რწმუნება, ფორმა N1-ში „სხვა მანქანა-დანადგარების“ საბალანსო ანგარიშზე რიცხული 46,709 ლარის და საცნობარო მუხლებში რიცხული 301,355 ლარის ოდენობის ნაშთის არსებობასა და სისრულეზე.

მუნიციპალიტეტმა წარმომადგენლობითი ხარჯების სახით 2017-2018 წლებში დახარჯა − 60.5 ათასი ლარი, მათ შორის, 2017 წელს − 40.0 ათასი ლარი, ხოლო 2018 წელს − 20.5 ათასი ლარი. მუნიციპალიტეტმა აღნიშნული საბიუჯეტო მუხლით განსაზღვრული თანხიდან 30.9 ათასი ლარი დახარჯა კვების ობიექტებში ოფიციალური სტუმრების გამასპინძლებაზე. გარდა ამისა, 2017-2018 წლებში განხორციელდა 11 შესყიდვა სხვადასხვა სახალხო ღონისძიებისა და ფესტივალის ორგანიზებაზე. აღნიშნული შესყიდვების ფარგლებში მოწვეული სტუმრების გამასპინძლებაზე დაიხარჯა 21.5 ათასი ლარი. წარმოდგენილი დოკუმენტების შესწავლით გამოვლინდა, რომ სააუდიტო პერიოდში მუნიციპალიტეტის მიერ დაფინანსებულია ფართომასშტაბიანი საბანკეტო ღონისძიებები. მაგალითად: 2017 წელს ქალაქ თერჯოლაში ორჯერ გაიმართა სახელმწიფო რწმუნებულთან არსებული საკონსულტაციო საბჭოს გასვლითი სხდომა, ხოლო ერთხელ − იმერეთის რეგიონალური თათბირი. აუდიტის ჯგუფი გაეცნო შეხვედრების სხდომის ოქმებს, საიდანაც გაირკვა, რომ სხდომებს ძირითადად ესწრებოდნენ: სახელმწიფო რწმუნებული-გუბერნატორი იმერეთში, გუბერნატორის მოადგილეები, მუნიციპალიტეტების მერები, საკრებულოს თავმჯდომარეები და მათი მოადგილეები, ასევე სხვა მოწვეული სტუმრები. საკონსულტაციო საბჭოს სხდომებს ესწრებოდა 35-38 წევრი, ხოლო იმერეთის რეგიონალურ თათბირს − 23 წევრი. მიუხედავად ამისა, ოფიციალურ სადილზე დამსწრეთა რაოდენობა თითოეულ შემთხვევაში მნიშვნელოვნად აღემატებოდა მოწვეული სტუმრების რაოდენობას, რაც გამოწვეულია მუნიციპალიტეტიდან სადილზე წასული მოხელეების რაოდენობის სიმრავლით. ოფიციალური სადილისთვის გაწეულმა ხარჯმა 10.2 ათასი ლარი შეადგინა. მუნიციპალიტეტის პასუხისმგებელმა პირებმა აუდიტის ჯგუფს ვერ მიაწოდეს შესაბამისი ინფორმაცია, რატომ მოხდა აღნიშნული ხარჯის გაწევა ბიუჯეტიდან. წარმომადგენლობითი ხარჯის დამადასტურებელი დოკუმენტაციის შესწავლისას ასევე გამოვლინდა შემთხვევები, როდესაც მუნიციპალიტეტი არ ფლობს ინფორმაციას ღონისძიების შინაარსის, დანიშნულების, მოწვეული სტუმრების, მასპინძელთა რაოდენობის შესახებ და სხვ. მაგალითად: 2018 წლის მაისში მერიამ შპს „მერედანისგან“ შეისყიდა კვების ობიექტის მომსახურება 90 პერსონაზე, საერთო ღირებულებით − 3.0 ათასი ლარი. 2018 წლის ივნისში მერიამ შპს „სამისგან“ შეისყიდა კვების ობიექტის მომსახურება საერთო ღირებულებით − 1.0 ათასი ლარი. წარმომადგენლობითი ხარჯების გაწევის პროცედურა და მასთან დაკავშირებით შესადგენი დოკუმენტაცია მოქმედი კანონმდებლობის მიხედვით, კონკრეტულად არ არის განსაზღვრული. მიუხედავად ამისა, საბიუჯეტო სახსრების ეკონომიურად და რაციონალურად ხარჯვის ვალდებულებიდან გამომდინარე, წარმომადგენლობითი ხარჯების მიზანშეწონილობის დასადასტურებლად უნდა არსებობდეს დოკუმენტური ინფორმაცია სტუმრების მიღებისას, ეტიკეტის შესაბამისად, დამხვედრი მხარის შემადგენლობის შესახებ. მუნიციპალიტეტს არ აქვს შემუშავებული წარმომადგენლობითი ხარჯის გაწევის წესი/ინსტრუქცია, რომელიც დაარეგულირებს ხარჯის გაწევის პროცედურასა და შესადგენი დოკუმენტაციის ჩამონათვალს. სახელმწიფო აუდიტის სამსახური წინა აუდიტის ანგარიშშიც ხაზს უსვამდა აღნიშნულ გარემოებას, თუმცა მიუხედავად ამისა, სათანადო რეაგირება არ მომხდარა.

2017 წლის 1-ლი იანვრის მდგომარეობით, მუნიციპალიტეტის ბიუჯეტის ნაშთმა შეადგინა 1,533.1 ათასი ლარი. აღნიშნული თანხიდან მუნიციპალიტეტის 2017 და2018 წლებში მუნიციპალიტეტმა დაგეგმა ნაშთის გამოყენება თუმცა ორივე წელს განხორციელდა ნაშთის ზრდა და 2019 წლის 1 იანვრისთვის ნაშთი დაფიქსირდა 2,224.6 ათასი ლარის ოდენობით. აღნიშნული თანხიდან 509.0 ათასი ლარი თავისუფალი ნაშთია.

2017 წელს აპარატში არ ჩატარებულა ინვენტარიზაცია, რაც შეუსაბამოა არსებულ რეგულაციებთან . ჩვენ ალტერნატიული პროცედურებითაც ვერ მივიღეთ საკმარისი აუდიტორული რწმუნება, ფორმა N1-ში „სხვა მანქანა-დანადგარების“ საბალანსო ანგარიშზე რიცხული 46,709 ლარის და საცნობარო მუხლებში რიცხული 301,355 ლარის ოდენობის ნაშთის არსებობასა და სისრულეზე.

მუნიციპალიტეტის საკრებულოს წევრების (არათანამდებობის პირები) ხარჯები 2017-2018 წლებში გაიცემოდა მუნიციპალიტეტის საკრებულოს დადგენილების საფუძველზე . დადგენილების შესაბამისად, უფლებამოსილების განხორციელების მიზნით გაწეული ხარჯების ანაზღაურების ყოველთვიურ ზღვრულ ოდენობად განისაზღვრა 397.5 ლარი. საკრებულოს აპარატი მითითებული დადგენილების თანახმად, საკრებულოს თითოეული წევრისთვის ასანაზღაურებელი ხარჯების ოდენობას განსაზღვრავს საკრებულოს თავმჯდომარის ბრძანების მიხედვით. ბრძანების საფუძველია აპარატის უფროსის მოხსენებითი ბარათი, სადაც მითითებულია თითოეული საკრებულოს წევრის საკრებულოს, საკრებულოს ბიუროს, საკრებულოს კომისიების, ფრაქციების სხდომებისა და საკრებულოს დროებით სამუშაო ჯგუფებში ფაქტობრივი დასწრების მონაცემები. წარმოდგენილი ინფორმაციის მიხედვით, მუნიციპალიტეტის საკრებულოს წევრებს (არათანამდებობის პირები), 2017-2018 წლებში უფლებამოსილების განხორციელებასთან დაკავშირებული ხარჯების ანაზღაურების სახით, სულ მიღებული აქვთ 174.1 ათასი ლარი, მათ შორის, 2017 წელს – 95.0 ათასი ლარი, ხოლო 2018 წელს – 79.1 ათასი ლარი. მუნიციპალიტეტმა ვერ წარმოადგინა დოკუმენტური მტკიცებულებები საკრებულოს წევრების ხარჯების დასადასტურებლად. თანხების გაცემის საფუძველია მუნიციპალიტეტის საკრებულოს თავმჯდომარის ბრძანებები საკრებულოს წევრებისათვის ხარჯის ანაზღაურების შესახებ. თავის მხრივ, საკრებულოს წევრები ხარჯების ასანაზღაურებლად ყოველთვიურ ინფორმაციას წარუდგენდნენ საკრებულოს აპარატის უფროსს, მათი აქტივობების შესახებ. აღნიშნული დოკუმენტები არ აკმაყოფილებს ხარჯის დამადასტურებელი პირველადი აღრიცხვის დოკუმენტის კრიტერიუმს. გარდა ამისა, ძირითად შემთხვევებში საკრებულოს წევრებზე ყოველთვიურად გაცემულია ფიქსირებული თანხა, ლიმიტის მაქსიმალური ოდენობა − 397.5 ლარი. ნაკლებად სარწმუნოა, რომ საკრებულოს წევრებს, რომლებიც წარმოადგენენ მუნიციპალიტეტის სხვადასხვა ადმინისტრაციულ ერთეულებს, ზუსტად იდენტური დანახარჯები ჰქონდეთ. ნაკლებად სარწმუნოა ასევე ის გარემოებაც, რომ დანახარჯები ყოველთვიურად უცვლელია.

მუნიციპალიტეტი საბიუჯეტო რესურსების მნიშვნელოვან ნაწილს ხარჯავს წყლის სისტემების მოწყობასა და რეაბილიტაციაზე, მიუხედავად ამისა, მოსახლეობის ნაწილს წყალი გრაფიკით მიეწოდება, ამასთან უმრავლეს შემთხვევაში მიეწოდება ტექნიკური წყალი. პრობლემა სისტემურია, თუმცა მერიას მისი მოგვარების მიზნით, სათანადო ღონისძიებები არ გაუტარებია და ამ მიმართულებით სამოქმედო გეგმაც არ აქვს შემუშავებული.

აპარატის 2017 წლის ბალანსში საწყის ნაშთად, არასწორად იყო კლასიფიცირებული გაერთიანებული ერების ორგანიზაციის განვითარების პროგრამისათვის (UNDP) გადასაცემად განკუთვნილი 37,452 ლარის ღირებულების სასოფლო-სამეურნეო ტექნიკა, როგორც „გრძელვადიანი აქტივები “ ნაცვლად „მოკლევადიანი აქტივებისა “.

2017 წელს მუნიციპალიტეტისა და შპს „დაუ+“-ს შორის გაფორმდა ხელშეკრულება, საფინანსო საკონსულტაციო მომსახურების შესყიდვაზე, ღირებულებით − 3.6 ათასი ლარი. ხელშეკრულების თანახმად, შპს „დაუ+“-ს ევალებოდა მუნიციპალიტეტის 2016 წლის ბიუჯეტის შესრულების და 2017-2020 წლების ბიუჯეტების პროექტების შედგენის, განხილვის, მიღების, ცვლილებების შეტანის, ანგარიშგების, მოქმედ ნორმატიულ აქტებში შეტანილი ახალი ცვლილებებისა და სხვა მასალების მიწოდება. ასევე მუნიციპალიტეტის ფინანსურ მენეჯმენტთან დაკავშირებულ ცალკეულ ნორმატიულ აქტზე საკონსულტაციო კომენტარებისა და განმარტების წარდგენა, საფინანსო-საბიუჯეტო საქმიანობის თაობაზე მოთხოვნილი ნებისმიერი კონსულტაციის მომზადება და მიწოდება, მათ შორის, საფინანსო-საბიუჯეტო საქმიანობაში დანერგილი სიახლეებისა და პროგრესული გამოცდილებების მოკვლევა და მიწოდება. მიღება-ჩაბარების აქტების მიხედვით, შპს „დაუ+“ მუნიციპალიტეტს ყოველთვიურად უწევდა კონსულტაციას საფინანსო-საბიუჯეტო საქმიანობისა და საკანონმდებლო ბაზაში შეტანილი ცვლილებების შესახებ. 2017 წელს მუნიციპალიტეტის საფინანსო-საბიუჯეტო და იურიდიულ სამსახურებში დასაქმებული იყო სულ 16 მოსამსახურე, რომელთა შრომის ანაზღაურებამ ჯამში 133.2 ათასი ლარი შეადგინა. აღსანიშნავია, რომ საკანონმდებლო სიახლეები ხელმისაწვდომია ყველა თვითმმართველი ერთეულისათვის. მუნიციპალიტეტის თანამშრომლებს უნდა ჰქონდეთ კანონმდებლობის სათანადო ცოდნა და შეძლონ მათი საქმიანობაში გამოყენება. იმ შემთხვევაში, თუ მერიის თანამშრომლები ვერ უზრუნველყოფენ საქმიანობის განხორციელებას საკუთარი ცოდნითა და გამოცდილებით, მუნიციპალიტეტმა უნდა მიმართოს შრომის ანაზღაურების ასიგნების ერთი პროცენტი მიმართოს კადრების მომზადება-გადამზადებასთან, კვალიფიკაციის ამაღლებასა და სტაჟირებასთან დაკავშირებული ხარჯების დასაფინანსებლად.

დათვალიერების შედეგად გამოვლინდა, რომ 6 ხელშეკრულების ფარგლებში მოწყობილი 1,282.8 ათასი ლარის ღირებულების ინფრასტრუქტურული პროექტებზე შეინიშნება დაზიანებები და ხარვეზები: მოწყობილ გზის მნიშვნელოვან მონაკვეთზე დაზიანებულია გვერდულები (ბეტონი დაშლილია), მოწყობილი საბავშვო ბაღებზე დაზიანებულია შენობის ფასადი, გათბობის ქვაბი, იატაკი და ჭერი, დაბზარულია კედლები და სხვ. მერიის მიერ განხორციელებული კონტროლის პროცედურები ვერ უზრუნველყოფდა სათანადო რწმუნების მიღებას შესრულებული სამუშაოების ხარისხის მოქმედ სტანდარტებთან და ნორმებთან შესაბამისობაზე.

2017 წელს საშტატო რიცხოვნობა განსაზღვრული იყო 31 თანამშრომლით, ფაქტობრივად დასაქმებულთა საშუალო წლიურმა რიცხოვნობამ 26 თანამშრომელი, ხოლო წარმოქმნილმა ეკონომიამ 97,670 ლარი შეადგინა, საიდანაც 36,890 ლარი გაიცა პრემიის, ხოლო 60,670 ლარი დანამატის სახით.

2018 წლის პირველ ოქტომბერს მუნიციპალიტეტმა გამარტივებული შესყიდვის საშუალებით შეისყიდა ინტერნეტკავშირის მომსახურების გაწევა. ხელშეკრულება გაფორმდა შპს მიკრონეტთან და მიწოდების ვადად განისაზღვრა 24 თვე. მომსახურების ღირებულება ყოველთვიურად შეადგენს 700 ლარს. აუდიტის ჯგუფმა მუნიციპალიტეტის IT-სპეციალისტთან ერთად შეამოწმა შპს მიკრონეტთან გაფორმებული ხელშეკრულების ფარგლებში მიწოდებული ინტერნეტის სიჩქარის პარამეტრები. შემოწმება განხორციელდა საქართველოს კომუნიკაციების ეროვნული კომისიის მიერ შექმნილი ვებგვერდის საშუალებით, ოთხი დღის განმავლობაში. მონაცემებიდან ჩანს, რომ შემოწმების შედეგები არ შეესაბამება ხელშეკრულებით გათვალისწინებულ ძირითად პარამეტრებს. პასუხისმგებელი პირის განმარტებით, შპს „მიკრონეტი“ სისტემატურად არღვევს ხელშეკრულებით ნაკისრ ვალდებულებებს, უხარისხო ინტერნეტი ხელს უშლის მერიისა და საკრებულოს საქმიანობის დროულ და ეფექტიან განხორციელებას. მრავალგზის სატელეფონო თუ წერილობითი მიმართვისა, ინტერნეტის მიწოდების პარამეტრები არ გაუმჯობესებულა. მუნიციპალიტეტს 2018 წელს ანალოგიურ მომსახურებას უწევდა შპს ახალი ქსელები. პასუხისმგებელი პირის განმარტებით, აღნიშნული მიმწოდებლის მიერ დაცული იყო ხელშეკრულებით გათვალისწინებული ინტერნეტის მიწოდების პარამეტრები და მერია გაწეული მომსახურებისათვის ყოველთვიურად იხდიდა 150 ლარს. მუნიციპალიტეტსა და შპს მიკრონეტს შორის გაფორმებული ხელშეკრულება ითვალისწინებს საჯარიმო სანქციებს, შეთანხმებული პირობების შეუსრულებლობის და/ან არაჯეროვანი შესრულებისათვის. ასევე ხელშეკრულების შესაბამისად განსაზღვრულია ხელშეკრულების შეწყვეტის პირობები. აღსანიშნავია, რომ მუნიციპალიტეტმა არ გამოიყენა მის ხელთ არსებული ყველა შესაძლებლობა პრობლემის გამოსასწორებლად.

დათვალიერებისას გამოვლინდა, რომ 9 ხელშეკრულების ფარგლებში 327.4 ათასი ლარის ღირებულების ინფრასტრუქტურული პროექტები დაზიანებულია და აღენიშნება ხარვეზები, კერძოდ, მინი სტადიონებზე დაზიანებულია ღობე, კალათბურთის ფარები და კარები, მოწყობილი საპირფარეშოები არ ფუნქციონირებს, დაზიანებულია კარი და ონკანები და სხვ. აღნიშნული დაზიანებები შესაძლოა გამოწვეული იყოს მოსახლეობის მიერ არასწორი ექსპლუატაციით (მექანიკური დაზიანებით). ასეთ შემთხვევაში, მერია ვალდებული იყო, ზარალის ანაზღაურებისა და მომავალში ანალოგიური ქმედებების თავიდან აცილების მიზნით, გაეტარებინა კანონით გათვალისწინებული სამართლებრივი ღონისძიებები, რაც არ განუხორციელებია.

აპარატში წარმომადგენლობითი ხარჯების გაწევისას არ არის დაცული ერთგვაროვანი მიდგომა, ნაწილი ხარჯებისა გაწეულია მინისტრის შესაბამისი ბრძანების გარეშე. წარმომადგენლობითი ხარჯების საფუძვლად მომზადებული მოხსენებითი ბარათები, ხშირ შემთხვევაში სრულად არ ასახავდა მოწვეული სტუმრების ვინაობას, სტატუსს, რაოდენობას, გასაწევი ხარჯის სავარაუდო ოდენობას. შესაფერისი კონტროლის მექანიზმის არ არსებობის გამო, შეზღუდულია საბიუჯეტო სახსრების ხარჯვის გამჭვირვალობა.

საჯარო რეესტრის ეროვნული სააგენტოს მონაცემებით, 2018 წლის 31 დეკემბრისათვის, მუნიციპალიტეტს საკუთრებაში ერიცხება 247 ერთეული ქონება. მათ შორის: 170 ერთეული არასასოფლო-სამეურნეო დანიშნულების მიწა, მათზე დამაგრებული შენობა-ნაგებობებით − 46.6ჰა, 46 ერთეული სასოფლო-სამეურნეო დანიშნულების მიწა − 206.5ჰა და 31 ერთეული შენობა-ნაგებობა და ხაზოვანი ნაგებობა. წარმოდგენილი ინფორმაციის მიხედვით, მერია საკუთრებაში არსებული ქონების სარგებლობისათვის, საიჯარო შემოსავლებს აღრიცხავდა 34 მოსარგებლისათვის. აუდიტის ჯგუფმა ჩაატარა დამატებითი აუდიტორული პროცედურები, მუნიციპალური ქონების სხვა შესაძლო განმკარგავი სუბიექტების მოძიების მიზნით. შედეგად გამოვლინდა, რომ 4 შემთხვევაში, მუნიციპალიტეტის საკუთრებაში არსებული ქონებით სარგებლობენ არაუფლებამოსილი პირები. ერთ შემთხვევაში 987 კვ.მ ფართობის შენობა-ნაგებობა (არასასოფლო-სამეურნეო დანიშნულების მიწის ნაკვეთი − 157.8 კვ.მ) თვითნებურად დაკავებული აქვს ოჯახს, საცხოვრებელი ფართობის არარსებობის გამო. მუნიციპალიტეტი (შესაბამისი პასუხისმგებელი პირები) ფლობდა აღნიშნულ ინფორმაციას და დაწყებული აქვს შესაბამისი ღონისძიების გატარება, კერძოდ, მოიძია ალტერნატიული საცხოვრებელი ფართი. დანარჩენ 3 შემთხვევაში, არაუფლებამოსილი პირები, სოფელ კვახჭირსა და ალისუბანში იყენებენ მუნიციპალიტეტის საკუთრებაში არსებულ სასოფლო-სამეურნეო დანიშნულების სახნავ-სათეს მიწას, ჯამში 4 ჰა-ზე მეტს. პასუხისმგებელი პირის განმარტებით, მუნიციპალიტეტის შესაბამის სამსახურებს არ ჰქონდათ ინფორმაცია აღნიშნულის შესახებ და მათთვის ცნობილი გახდა აუდიტის ჯგუფის მითითების საფუძველზე ადგილზე გასვლის შედეგად. აუდიტის ჯგუფის მიერ საკითხით დაინტერესების შემდეგ, მუნიციპალიტეტმა (შესაბამისმა პასუხისმგებელმა პირებმა) დაიწყო გარკვეული ღონისძიებების გატარება თვითნებურად დაკავებული სასოფლო-სამეურნეო დანიშნულების მიწებზე. პასუხისმგებელი პირის განმარტებით, მიმდინარეობს არაუფლებამოსილი პირების მოძიება/იდენტიფიცირება და გატარდება მათ მიმართ სამართლებრივი ღონისძიებები.

მერიის მიერ საბავშვო ბაღების მშენებლობა-რეაბილიტაციის პროცესი, კერძოდ, პროექტის დაგეგმვის, განხორციელებისა და კონტროლის ეტაპები წარიმართა ხარვეზებით. მიუხედავად იმისა, რომ მუნიციპალიტეტის ბიუჯეტიდან საბავშვო ბაღების მშენებლობა-რეაბილიტაციაზე დაიხარჯა 986.1 ათასი ლარი და პროექტები დასრულდა 2017-2018 წლებში, არცერთ მათგანში სასწავლო პროცესი არ დაწყებულა, 2019 წლის დეკემბრის მდგომარეობით ისინი არ ფუნქციონირებენ. აღნიშნულით ზიანი ადგება მოსახლეობის ინტერესებს. ამასთანავე, მიმწოდებლის მიმართ არ არის გატარებული სათანადო სამართლებრივი ღონისძიებები, რომლებიც უზრუნველყოფდა დაფიქსირებული ხარვეზების დროულად და სრულად აღმოფხვრას.

2017 წელს აპარატმა 37,732 ლარით დააფინანსა პროექტი „დაჩაგრულები.“ პროექტის მიხედვით, 2017 წლის 28 აგვისტოსთვისთვის უნდა განხორციელებულიყო 24 ტომისაგან შედგენილი „კომიქსების“ შექმნა და დაბეჭდვა. თუმცა ხელშეკრულების პირობებში არ ყოფილა დაკონკრეტებული კომიქსების დაბეჭდვასთან დაკავშირებული დეტალები, კერძოდ დაბეჭდილი კომიქსების ტირაჟი და გავრცელების პირობები. მიუხედავად იმისა, რომ კომიქსები შეიქმნა არ მომხდარა მისი ბეჭდვა, ასევე არც 2018 წლის დამტკიცებული ბიუჯეტით არის გათვალისწინებული აღნიშნული კომიქსების ბეჭდვის ხარჯი. შესაბამისად, 2017 წლის განმავლობაში 37,732 ლარის ოდენობის ხარჯს რაიმე შედეგი ჯერ არ მოუტანია, რაც მიუთითებს ფინანსების მართვისას „დროში ფულის ღირებულების“ (Future Value) პრინციპის უგულვებელყოფას.

2017-2018 წლებში მუნიციპალიტეტში დასუფთავების მოსაკრებლის ადმინისტრირებას საკრებულოს დადგენილების საფუძველზე ახორციელებდა მერიის ზედამხედველობის სამსახური. დასუფთავების მოსაკრებლის სახით ბიუჯეტში მობილიზებულმა თანხამ შეადგინა: 2017 წელს − 70.9 ათასი ლარი, 2018 წელს − 66.5 ათასი ლარი. საკრებულოს დადგენილების მიხედვით, დასუფთავების მოსაკრებელს იხდიან მხოლოდ იურიდიული პირები, ხოლო ფიზიკურ პირებზე შეჩერებულია გადახდის ვალდებულება. პასუხისმგებელი პირის განმარტებით, მერია არ ფლობს სრულყოფილ ინფორმაციას მოსაკრებლის გადამხდელი იურიდიული პირების შესახებ. შესაბამისად, საბიუჯეტო პარამეტრების გაანგარიშებისას, მუნიციპალიტეტი მისაღებ მოსაკრებელს გეგმავს რეალური გათვლების გარეშე. გამომდინარე იქიდან, რომ მერიის შესაბამის სამსახურს არ გააჩნია ერთიანი ბაზა მოსაკრებლის გადამხდელების შესახებ, არსებობს მაღალი რისკი იმისა, რომ მისაღები შემოსავალი გაცილებით მეტი იყოს, ვიდრე მობილიზებულია შესაბამისი წლის ბიუჯეტში.

მუნიციპალიტეტმა სარიტუალო სახლების სარეაბილიტაციო სამუშაოები ვერ დაგეგმა იმგვარად, რომ ობიექტების მშენებლობა დასრულებულიყო დროულად. შედეგად, მუნიციპალიტეტმა ინფრასტრუქტურული პროექტების შესასრულებლად ჯამში გადაიხადა 94.5 ათასი ლარი, მიუხედავად ამისა, სამუშაოები დაუსრულებელია და მოსახლეობა ვერ სარგებლობს.

2011 წლიდან საბალანსო ნაშთზე („მოთხოვნები არაფინანსური აქტივების დანაკლისებით“) დანაკლისად ირიცხება ჯამურად 1,468 ლარი, რაც წარმოადგენს ლეპტოპისა და მობილური ტელეფონის თანხას. აპარატს დანაკლისის მიღების მიზნით არავითარი კანონმდებლობით გათვალისწინებული ღონისძიება არ გაუტარებია.

2017 წლისა და 2018 წლის ბიუჯეტების პროექტის მომზადების მიზნით მუნიციპალიტეტის საფინანსო ორგანოს საბიუჯეტო ორგანიზაციებისათვის არ გაუგზავნია საბიუჯეტო განაცხადის ფორმები ასიგნებებისა და მომუშავეთა რიცხოვნობის საორიენტაციო ზღვრული მოცულობების მითითებით. მერიამ მის მიერ დაფუძნებულ იურიდიულ პირებს მხოლოდ წერილობით მიმართა განაცხადების წარმოდგენის მოთხოვნით. შედეგად, მუნიციპალიტეტის მიერ დარღვეულია საბიუჯეტო კოდექსით გათვალისწინებული მოთხოვნები.

მერიის მიერ გამოცხადებულ შესყიდვებზე რიგ შემთხვევებში სატენდერო მოთხოვნები განსაზღვრული იყო არაპროპორციულად, არ იყო განპირობებული აუცილებლობით და ხელს არ უწყობდა შესყიდვების კონკურენტულ გარემოში განხორციელებას. ამ გარემოებების გათვალისწინებით, არსებობს რისკი, მერიამ შესყიდვის პროცესი წარმართა იმგვარად, რომ სატენდერო პირობები მორგებული ყოფილიყო კონკრეტული მიმწოდებლების ინტერესებზე. შედეგად, მუნიციპალიტეტმა დაკარგა მინიმუმ 197.7 ათასი ლარის სატენდერო ეკონომიის მიღების შესაძლებლობა.

2017 წელს საქართველოს მთავრობის სარეზერვო ფონდიდან მთავრობის განკარგულებით , გამოეყო დაფინანსება არაქართულენოვან გაზეთებს (სომხურენოვანი „ვრასტანი“ და აზერბაიჯანულენოვანი „გურჯისტანი“), თითოეულს 60,000 ლარის ოდენობით. აპარატის მიერ აღნიშნული გაზეთები 2014 წლიდან სისტემატიურად ფინანსდება მთავრობის სარეზერვო ფონდიდან, რაც არ წარმოადგენს გაუთვალისწინებელ გადასახდელებს და დაფინანსების გათვალისწინება შესაძლებელია მომხადრიყო ბიუჯეტის დაგეგმვის ეტაპზე.

2017 წლის ბიუჯეტის შესრულების წლიური ანგარიშის თანახმად, გზების მშენებლობის, რეკონსტრუქციისა და მოვლა-შენახვის პროგრამა შესრულდა მხოლოდ 64.4%-ით და წყლის სისტემის რეაბილიტაცია და ექსპლოატაციის პროგრამა − 44.8%-ით. მიუხედავად კანონმდებლობით დადგენილი მოთხოვნებისა, აღნიშნული პროგრამების შეუსრულებლობის შესახებ განმარტება არ არის წარმოდგენილი ბიუჯეტის შესრულების წლიურ ანგარიშში. პასუხისმგებელი პირის განმარტებით, სხვაობა გამოწვეულია სტიქიის შედეგების სალიკვიდაციო ღონისძიებებისათვის გამოყოფილი თანხების აუთვისებლობითა და წყლის სისტემის სამუშაოებზე გარდამავალი პროექტების არსებობით. 2017 წლის ბიუჯეტის შესრულების წლიურ ანგარიშში, აგრეთვე ასახული არ არის ინფორმაცია მერიის სარეზერვო ფონდიდან სახსრების ხარჯვის მდგომარეობის შესახებ. შედეგად, დარღვეულია საქართველოს საბიუჯეტო კოდექსის მოთხოვნები.

მუნიციპალიტეტში არ არის დანერგილი სათანადო კონტროლის მექანიზმები, რომლებიც უზრუნველყოფდა გაუთვალისწინებელი ხარჯებისათვის განსაზღვრული თანხების არასწორად ასახვისა და ზედმეტად ანაზღაურების თავიდან აცილებას. ხარვეზი ვერ გამოვლინდა შესყიდვის შესაბამის ეტაპებზე და შედეგად მერიამ 10 შემთხვევაში მიმწოდებლებს ზედმეტად აუნაზღაურა ჯამში 97.1 ათასი ლარი.

2017 წელს თერჯოლის მუნიციპალიტეტმა მის მიერ დაფუძნებულ 6 ა(ა)იპ-ზე სუბსიდიის სახით გასცა ჯამში 4,535.0 ათასი ლარი. წარმოდგენილი მონაცემების შესწავლით გამოვლინდა, რომ მუნიციპალიტეტმა 3 ა(ა)იპ-ის სუბსიდიის დაგეგმვისა და დაფინანსების პროცესში არ გაითვალისწინა კანონის მოთხოვნა, 2016 წლის მოსალოდნელი საკასო შესრულების მაჩვენებლის 90%-მდე შეემცირებინა შრომის ანაზღაურების, საქონელისა და მომსახურების და სუბსიდიის მუხლები. მუნიციპალიტეტმა არ გაითვალისწინა კანონმდებლობით განსაზღვრული მოთხოვნები, ადმინისტრაციული ხარჯების შემცირების შესახებ. შესაბამისად, მუნიციპალიტეტის მიერ დაფუძნებული იურიდიული პირების სუბსიდიის მუხლით დაფინანსებამ კანონმდებლობით დადგენილ ზღვრულ ნორმას 321.5 ათასი ლარით გადააჭარბა

მუნიციპალიტეტმა 2017-2018 წლებში ადგილობრივი ბიუჯეტის სარეზერვო ფონდიდან დახარჯა 86.7 ათასი ლარი, მათ შორის, 2017 წელს − 39.3 ათასი, ხოლო 2018 წელს − 47.4 ათასი ლარი. მუნიციპალიტეტის საკრებულოს მიერ არ არის შემუშავებული წესი სარეზერვო ფონდიდან თანხების ხარჯვის შესახებ. შესწავლით გამოვლინდა, რომ მუნიციპალიტეტმა 2017-2018 წლებში სარეზერვო ფონდიდან 11 შემთხვევაში 20.8 ათასი ლარით დააფინანსა ისეთი ტიპის სპორტული და კულტურული ღონისძიებები, რომელთა დაგეგმვა შესაძლებელი იყო წინასწარ, წლიური ბიუჯეტის მომზადების დროს. მაგალითად, პროექტის − „პოეზია − მუდმივი გაზაფხული“ დაფინანსება, დიდი სამამულო ომის ვეტერანთა დახმარება, თერჯოლის საპატიო მოქალაქეთა წახალისება, შპს „გაზეთ თერჯოლის“ 85 წლის იუბილესთან დაკავშირებით თანამშრომელთა დაჯილდოება, ბერძნულ-რომაული ჭიდაობის ნაკრების წევრთა და მწვრთნელის წახალისება და სხვ. 2017-2018 წლებში სარეზერვო ფონდიდან გამოყოფილი თანხების ძირითადი ნაწილი გაცემულია ფულადი დახმარების სახით სოციალურად გაჭირვებულ ოჯახებსა და სხვადასხვა დაავადების მატარებელ პირებზე. წარმოდგენილი დოკუმენტაციის შესწავლით დადგინდა, რომ: 2017 წელს 3 შემთხვევაში, პირს მიღებული აქვს ფინანსური დახმარება მერიის სარეზერვო ფონდიდან და სოციალური პროგრამიდანაც. ასევე ერთჯერადი დახმარება სოციალური პროგრამიდან აღებული აქვს მისი ოჯახის წევრსაც. 2017 წელს 32 შემთხვევაში, პირს დახმარება აღებული აქვს როგორც მერიის სოციალური პროგრამიდან, ასევე სარეზერვო ფონდიდან.

2017 წელს მუნიციპალიტეტში ინვენტარიზაცია ჩაუტარდა მუნიციპალიტეტის ბალანსზე რიცხულ აქტივებს, მათ შორის, უძრავ ქონებას. პასუხისმგებელი პირის განმარტებით, ინვენტარიზაცია არ ჩატარებია ბალანსზე რიცხულ ვალდებულებებს. ამასთანავე, მუნიციპალიტეტში 2018 წელს ინვენტარიზაცია არ განხორციელებულა. აუდიტის ჯგუფმა შეისწავლა 2017 წელს ჩატარებული ინვენტარიზაციის დოკუმენტაცია. შესწავლით გამოვლინდა, რომ პროცესი განხორციელდა გარკვეული ხარვეზებით. კერძოდ, ინვენტარიზაციის შედეგების მიხედვით, საინვენტარიზაციო კომისიამ დაადასტურა, რომ მუნიციპალიტეტის სოფლებში, ჩხარსა და ბარდუბანში, დასაწყობებული იყო 6.3 ათასი ლარის ღირებულების სხვადასხვა სამშენებლო მასალა. აუდიტის ჯგუფმა გადაამოწმა ინფორმაცია დასაწყობებული მასალების შესახებ. გამოვლინდა, რომ აღნიშნული მასალები ინვენტარიზაციის ჩატარებამდე გახარჯული და გამოყენებული იყო სხვადასხვა პროექტისათვის. საინვენტარიზაციო კომისიის წევრებმა განმარტეს, რომ 2017 წლის საინვენტარიზაციო უწყისში წარმოდგენილი ინფორმაცია, სოფელ ჩხარსა და ბარდუბანში დასაწყობებულ მასალებზე, არის ტექნიკური ხარვეზი.

აუდიტის ჯგუფის მოსაზრებით, 4 ხელშეკრულებების ფარგლებში, სამუშაოს დასრულების ვადის გადაწევის საფუძვლები ვერ ჩაითვლება ობიექტურად. მერიას არ უნდა გაეხანგრძლივებინა მიწოდების ვადა და აემოქმედებინა ხელშეკრულებით გათვალისწინებულ საჯარიმო სანქციები. შედეგად, მიმწოდებლებს პირგასამტეხლოს სახით დაეკისრებოდათ ჯამში 18.8 ათასი ლარი.

მუნიციპალიტეტს 2017-2018 წლების ბალანსი და ბალანსის დანართი ფორმები შედგენილი არ ჰქონდა და მოამზადა აუდიტის ჯგუფის მოთხოვნის საფუძველზე. თუმცა მერიას ბალანსის დანართი 4 ფორმა (ფორმა №7 - ორგანიზაციების ანგარიშებზე რიცხული ფინანსური აქტივები და მოთხოვნები წარმოშობის წლების მიხედვით, ფორმა №8 - ორგანიზაციის ანგარიშებზე რიცხული ვალდებულებები წარმოშობის წლების მიხედვით, ფორმა №9 - ინფორმაცია ფინანსური აქტივების და მოთხოვნების შესახებ დებიტორების მიხედვით, ფორმა №10 - ინფორმაცია ვალდებულებების შესახებ კრედიტორების მიხედვით) არ მოუმზადებია. შესაბამისად, ბუღალტრული ანგარიშგება არასრულყოფილად არის წარმოდგენილი. შედეგად, მუნიციპალიტეტის ბუღალტრული ანგარიშგების მომხმარებლებს არ ეძლევათ საშუალება დროულად და სრულყოფილად მიიღონ ინფორმაცია მუნიციპალიტეტის ფინანსური მდგომარეობის შესახებ. მუნიციპალიტეტში არ არის დანერგილი საბუღალტრო აღრიცხვის სპეციალიზებული სისტემა. „სახელმწიფო შიდა ფინანსური კონტროლის შესახებ“ საქართველოს კანონის თანახმად, დაწესებულების ხელმძღვანელი ნერგავს და განავითარებს სანდო, სრულყოფილ და ხელმისაწვდომ საინფორმაციო და საკომუნიკაციო სისტემას, რომელიც უზრუნველყოფს დაწესებულების საქმიანობის შესახებ უახლესი და სანდო ინფორმაციის სათანადო ხელმისაწვდომობას. აღნიშნულიდან გამომდინარე, სასურველია, მუნიციპალიტეტმა იმსჯელოს საბუღალტრო პროგრამის შეძენის მიზანშეწონილობაზე.

მუნიციპალიტეტის მერიაში შექმნილია შიდა აუდიტის სამსახური. აუდიტის ჯგუფმა შეისწავლა შიდა აუდიტის სამსახურის საქმიანობა. შედეგად გამოვლინდა, რომ მიუხედავად კანონმდებლობის მოთხოვნისა, მუნიციპალიტეტს შემუშავებული არ აქვს შიდა აუდიტის სტრატეგიული გეგმა. 2017-2018 წლებში შიდა აუდიტის სამსახურს ჩატარებული აქვს სულ 14 აუდიტორული შემოწმება. მათ შორის, 4 შემთხვევაში შესწავლილი აქვს მერიის სტრუქტურული ერთეულების საქმიანობა. ძირითად შემთხვევებში ჩატარებულია თემატური აუდიტორული შემოწმებები, კონკრეტული საკითხების დეტალური გამოკვლევის მიზნით. შიდა აუდიტის სამსახურს არ აქვს სისტემაზე ორიენტირებული მიდგომა და ვერ განსაზღვრავს, რამდენად ეფექტიანად და პროდუქტიულად ფუნქციონირებს ცალკეული სისტემა/პროცესი. სამსახურს არ შეუფასებია, შეესაბამებოდა თუ არა მუნიციპალიტეტის საქმიანობა დაგეგმილ მიზნებსა და ამოცანებს, დანერგილი იყო თუ არა ადეკვატური მართვისა და კონტროლის მექანიზმები და სხვ. შესაბამისად, არსებობს მაღალი რისკი იმისა, რომ შიდა აუდიტის სამსახურს გამოვლენის, შესწავლისა და შეფასების გარეშე დარჩეს სისტემური დარღვევა-ნაკლოვანებები, რომლებიც შეიძლება არსებობდეს ორგანიზაციაში. ამდენად, შიდა აუდიტის სამსახურის საქმიანობა სრულად ვერ უზრუნველყოფს მუნიციპალიტეტში მიმდინარე მმართველობითი პროცესების გაუმჯობესება

2017 წელს მუნიციპალიტეტმა ჩხარი-გოგნის დამაკავშირებელი გზის ბეტონის საფარით მოწყობისათვის ხელშეკრულება გააფორმა შპს ბეტკოსთან, ღირებულებით − 420.3 ათასი ლარი. სახელშეკრულებო პირობების მიხედვით, მიმწოდებელი ვალდებული იყო შესრულებული სამუშაოების ხარისხზე, მოცულობასა და ფასებზე ჩაეტარებინა ექსპერტიზა; ასევე წარმოედგინა გამოყენებული მასალების (ცემენტ-ბეტონის (ნარევის მარკიანობა, ხარისხი), ღორღის, ქვიშის) ლაბორატორიული დასკვნები, რომლებიც შესაბამისობაში უნდა ყოფილიყო მოქმედ სტანდარტებთან და ნორმებთან. მიმწოდებელმა, საბოლოო მიღება-ჩაბარების აქტის გაფორმებისათვის წარმოადგინა მოწყობილი გზის საფარიდან აღებული ბეტონის კუბიკების გამოცდის შედეგები, რომელიც გაცემული იყო შპს ქუთაისცემენტის მიერ. აუდიტის ჯგუფმა ჩაატარა დამატებითი აუდიტორული პროცედურები. კერძოდ, შესწავლილ იქნა შპს ბეტკოს და შპს ქუთაისცემენტის საჯარო რეესტრის ეროვნულ სააგენტოში არსებული მონაცემები. შესწავლის შედეგად გამოვლინდა, რომ მიმწოდებელი და ლაბორატორიული დასკვნის გამცემი პირი ერთმანეთთან დაკავშირებული ორგანიზაციები არიან. შესაბამისად, მუნიციპალიტეტის მიერ შესყიდული სამუშაოს ფარგლებში, სამშენებლო საქმიანობის განხორციელებისას, იკვეთება ინტერესთა შეუთავსებლობა, რაც ეწინააღმდეგება მოქმედ კანონმდებლობას. მიუხედავად ამისა, მერიას (შესაბამის პასუხისმგებელ პირებს) აღნიშნულ ფაქტთან დაკავშირებით არ უმსჯელია და სათანადო რეაგირება არ მოუხდენია.

2018 წელს მუნიციპალიტეტმა გააფორმა ხელშეკრულება გზის ბეტონის საფარით მოწყობის სამუშაოებზე, ღირებულებით − 1,172.9 ათასი ლარი (ბიუჯეტის გადასახდელების, დაახლოებით, 6.4%). მიუხედავად იმისა, რომ გაფორმებული ხელშეკრულების ღირებულება აღემატება კანონმდებლობით განსაზღვრულ 5%-იან ზღვარს, მერიას გარიგების დადება არ შეუთანხმებია მუნიციპალიტეტის საკრებულოსთან. შედეგად, დარღვეულია საბიუჯეტო კოდექსის მოთხოვნები. პასუხისმგებელი პირის ზეპირი განმარტებით, საკრებულოსთან შეთანხმება არ მოხდა იმ მიზეზით, რომ ხელშეკრულება იყო ორწლიანი და მიმდინარე საბიუჯეტო წელს ასანაზღაურებელი თანხა არ აღემატებოდა ბიუჯეტის გადასახდელების 5%-ს. აუდიტის ჯგუფი ვერ გაიზიარებს წარმოდგენილ არგუმენტს, რადგან კანონმდებლობის მოთხოვნა (5%-იანი ზღვარი) ვრცელდება ხელშეკრულების მთლიან ღირებულებაზე და არ გამოყოფს თანხის ანაზღაურების პერიოდს საბიუჯეტო წლების მიხედვით.

მერია, 2017-2018 წლებში ხელშეკრულებით განსაზღვრული სამუშაოების შესრულების ვადის დარღვევისათვის, იყენებდა საჯარიმო სანქციის მინიმალურ ოდენობას. კერძოდ, საჯარიმო სანქცია სამუშაო ვადის დარღვევისათვის გათვალისწინებული იყო ხელშეკრულების ღირებულების 0.02%-ის ოდენობით, ყოველი ვადაგადაცილებული დღისათვის. აღნიშნული მიმწოდებლებს აძლევდა შესაძლებლობას სამუშაოს, მომსახურებისა და საქონლის მიწოდების ვადის მნიშვნელოვანი დარღვევის შემთხვევაშიც კი, გადაეხადათ მინიმალური ჯარიმები. შედეგად, მუნიციპალიტეტში ფერხდებოდა პროექტების შესრულება.

1. ბაზრის კვლევა − სავარაუდო ღირებულების განსაზღვრა კრიტერიუმი შესყიდვის პროცესის პირველ ეტაპს წარმოადგენს შესყიდვების წლიური გეგმის შედგენა, რომელიც დამოკიდებულია ბიუჯეტირების პროცესზე. გეგმის შემუშავებისას გათვალისწინებული უნდა იყოს შესყიდვის განხორციელების აუცილებლობა, მისაწოდებელი საქონლის რაოდენობა, შესასრულებელი სამუშაოს ან გასაწევი მომსახურების მოცულობა და არსებული მარაგები . შესყიდვების წლიური გეგმის პროექტში შემსყიდველმა ორგანიზაციებმა უნდა განსაზღვრონ პირველადი საჭიროებები, მათი დაკმაყოფილების ალტერნატივები და უზრუნველყონ შესყიდვის ობიექტის მიმართ წაყენებული მოთხოვნების მოკლე აღწერა. 1.1 გამოვლენილი გარემოება − ქიმიური რეაქტივების შესყიდვა. უნივერსიტეტმა, აგრარული მეცნიერებისა და ბიოსისტემების ინჟინერინგის ფაკულტეტისათვის, გამარტივებული შესყიდვის ფორმით შპს „ჯი აიი გრუპი“-საგან შეისყიდა 45,6 ათასი ლარის ღირებულების ქიმიური რეაქტივები და 44,3 ათასი ლარის ღირებულების ლაბორატორიული ჭურჭელი, სულ − 90,0 ათასი ლარი. რეაქტივების შესყიდვის მიზნით განხორციელებული ბაზრის კვლევის ეტაპზე ფასთა გამოკითხვაში მონაწილეობა მიიღო სამმა კომპანიამ, რომელთაც უნდა განეფასებინათ 154 დასახელების ქიმიური რეაქტივი. რაოდენობის მიხედვით, ყველაზე მეტი რეაქტივი განაფასა შპს „ჯი აიი გრუპმა“, თუმცა სხვა კომპანიებთან შედარებით, მის მიერ წარმოდგენილი ფასები მნიშვნელოვნად მაღალი იყო. მაგალითად: ცხრილი №1.1 - ბაზრის კვლევის დროს წარდგენილი ფასები № დასახელება სხვა მონაწილე კომპ. (ფასი) შპს „ჯი აიი გრუპი“ (ფასი) სხვაობა(%) 1 სუდან III 500 3,836 667% 2 მეთილენის ლურჯი 500 4,773 855% 3 სპილენძის (II) ფულფატი 50 502 904% 4 სულფოსალიცილის მჟავა 80 937 1071% 5 კვერცეტინი 600 12,616 2003% 6 ფუძე ფუქსინი 600 17,220 2770% აღნიშნული მონაცემების საფუძველზე, უნივერსიტეტმა გაითვალისწინა მცირე ფასის მქონე კომპანიების შეთავაზებები და ასეთი რეაქტივები შეიძინა მათგან, ხოლო დარჩენილი 55 დასახელების რეაქტივი, რომლებიც სხვა კომპანიებმა ვერ შესთავაზეს, შეისყიდა შპს „ჯი აიი გრუპისაგან“. მიუხედავად იმისა, რომ მხოლოდ „ჯი აიი გრუპმა“ გამოხატა მზაობა, მიეწოდებინა 55 დასახელების კონკრეტული რეაქტივები, ბაზრის კვლევის პროცესში ნათლად ჩანდა, რომ სხვა დანარჩენი დასახელების რეაქტივებზე მის მიერ წარმოდგენილი ფასები მნიშვნელოვნად აღემატებოდა სხვა კომპანიების წარმოდგენილ საშუალო ფასს, რამაც წარმოშვა მოცემულ საქონელზე ფასების ალტერნატიული წყაროების მოძიების, ასევე შპს „ჯი აიი გრუპისგან“ ფასწარმოქმნის თაობაზე დამატებითი განმარტებების მიღების აუცილებლობა, რაც უნივერსიტეტს არ განუხორციელებია. შესყიდული რეაქტივების 60% (55 რეაქტივი) 2019 წლის 24 ივლისის მდგომარეობით ირიცხება ნაშთად, რაშიც უნივერსიტეტს გადახდილი აქვს 27,2 ათასი ლარი. ამასთანავე, აუდიტის ჯგუფის მიერ აღნიშნულ რეაქტივებზე განხორციელდა ალტერნატიული ბაზრის კვლევის პროცედურები, შედეგებმა აჩვენეს, რომ გამოუყენებელი რეაქტივების შესყიდვა 2019 წელს უკვე შესაძლებელია 11,5 ათას ლარად, რაც გადახდილ თანხაზე 15,7 ათასი ლარით ნაკლებია. თუ გავითვალისწინებთ ვალუტის კურსის ცვლილებას , აღნიშნული საქონლის ღირებულება 2018 წელს უფრო ნაკლები იქნებოდა. 1.2 გამოვლენილი გარემოება − ლაბორატორიული აღჭურვილობის შესყიდვა. ბაზრის კვლევის ეტაპზე კომპანიებისთვის მოთხოვნილი იყო A-კლასის ლაბორატორიული აღჭურვილობა, რომელიც გამოირჩევა უფრო მაღალი სიზუსტით (მაგალითად: კოლბაში სითხის მოთავსება მილიგრამების სიზუსტით), შემსყიდველს არ მოუთხოვია კომპანიებისათვის საქონლის წარმოშობის ან მწარმოებელი კომპანიების შესახებ ინფორმაცია, რაც ნიშნავს იმას, რომ ერთადერთი კრიტერიუმი იყო საქონლის კლასი. კვლევაში მონაწილეობა მიიღო 4-მა კომპანიამ, რომელთა შორის, 16 დასახელების საქონელზე ყველაზე დაბალი ფასი წარმოადგინა შპს „ჯი აიი გრუპმა“ და მასთან გაფორმდა შესაბამისი ხელშეკრულება. აუდიტის ჯგუფის მიერ ჩატარდა ალტერნატიული ბაზრის კვლევა აღნიშნული კოლბების მახასიათებლებისა და ღირებულების დადგენის მიზნით, ბაზარზე A-კლასის საქონლის ფასები, რომელთა წარმოშობის ქვეყნებია: გერმანია, რუმინეთი, უკრაინა და რუსეთი, მინიმუმ, 3-ჯერ უფრო ძვირია, ვიდრე ჩინური წარმოშობის. იმის გათვალისწინებით, რომ მიწოდებულ საქონელს არ გააჩნია რაიმე მაიდენტიფიცირებელი ნიშანი და აღნიშნულ ფასად კონტრაქტორისათვის მომგებიანი იქნებოდა მხოლოდ ჩინური წარმოების პროდუქციის მიწოდება, შეგვიძლია ვივარაუდოთ, რომ საქონელი ჩინური წარმოშობისაა. ზემოაღნიშნული პირობების და ქვემოთ მოყვანილი გარემოებების გათვალისწინებით, არაეკონომიურად არის გახარჯული უნივერსიტეტის ფინანსური რესურსები კერძოდ: • უნივერსიტეტმა საქონლის შესყიდვისათვის გადაიხადა 44,3 ათასი ლარი, თუმცა ბაზარზე მათი შესყიდვის ღირებულება შეადგენს 19,5 ათას ლარს, რაც გადახდილ თანხაზე 24,8 ათასი ლარით ნაკლებია. აუდიტის ჯგუფმა მოკვლევა განახორციელა ასევე მიწოდების პირველ წყაროსთან, არარეზიდენტ ჩინურ კომპანიასთან, რომლის შემოთავაზებითაც საქონლის ღირებულება შეადგენს 10,6 ათას ლარს, გადახდილ თანხასთან შედარებით − 33,7 ათასი ლარით ნაკლებს. • ინჟინერინგის ფაკულტეტზე 2019 წლის 11 ივლისის მდგომარეობით ნაშთად ირიცხება შესყიდული საქონლის 52%, რომელშიც უნივერსიტეტს გადახდილი აქვს 20,1 ათასი ლარი. ამასთანავე, აუდიტის ჯგუფის მიერ აღნიშნულ საქონელზე განხორციელდა ალტერნატიული ბაზრის კვლევის პროცედურები, შედეგებმა აჩვენა, რომ გამოუყენებელი კოლბების შესყიდვა 2019 წელს უკვე შესაძლებელია 10,3 ათასი ლარად, რაც გადახდილ თანხაზე 9,8 ათასი ლარით ნაკლებია; აუდიტის ჯგუფის მიერ მოპოვებული, საჯაროდ ხელმისაწვდომი ინფორმაციის მიხედვით, შპს „ჯი აიი გრუპი“ დირექტორი და 100%-იანი წილის მფლობელი დაკავშირებულია უნივერსიტეტის შესაბამისი ფაკულტეტის (რომლისთვისაც შესყიდულია საქონელი) ხარისხის უზრუნველყოფის სამსახურის უფროსთან. ასევე უნდა აღინიშნოს, რომ კომპანიას თავისი არსებობის მანძილზე განხორციელებული აქვს მხოლოდ ზემოაღნიშნული ეკონომიკური საქმიანობა, სხვა აქტივობა სახელმწიფო შესყიდვების პორტალის მონაცემებით არ უფიქსირდება. 1.3 გამოვლენილი გარემოება − სასაჩუქრე ჩანთები. ევროკავშირის მიერ დაფინანსებული TEMPUS-ის პროგრამის ფარგლებში, უნივერსიტეტმა გამარტივებული შესყიდვის ფორმით შეიძინა 4,0 ათასი ლარის ღირებულების − 150 ცალი სასაჩუქრე ნაჭრის ჩანთა, ერთეულის ღირებულებამ შეადგინა 27,11 ლარი. აღნიშნულ შესყიდვაზე პასუხისმგებელი პირების მიერ ვერ იქნა წარმოდგენილი შესყიდვის ღირებულების განსაზღვრის მიზნით ჩატარებული შესაბამისი ბაზრის კვლევის დოკუმენტაცია. მსგავსი მახასიათებლების ხელჩანთის ღირებულება შესყიდვების ელექტრონულ პორტალზე არსებული ინფორმაციით, საშუალოდ, 7.0 ლარს შეადგენს, გადახდილ თანხასთან შედარებით − 20,11 ლარით ნაკლებს. ამასთანავე, მიმწოდებელი, რომლისგანაც შეისყიდეს ჩანთები, არის უნივერსიტეტის ინფორმატიკისა და მართვის სისტემების ფაკულტეტის მასწავლებელი, პროფესორის აკადემიური ხარისხით. შესაბამისად, უნივერსიტეტმა დაკავშირებული მხარისაგან 3,0 ათასი ლარით ძვირად შეისყიდა საქონელი.

შესყიდვის საგნის აღწერა − სპეციფიკაციები კრიტერიუმი შესყიდვის ობიექტის ტექნიკური მოთხოვნები უნდა იყოს პროპორციული და არადისკრიმინაციული, ხელს უნდა უწყობდეს ჯანსაღი კონკურენციის დამკვიდრებას და პრეტენდენტთა მიმართ თანასწორ მოპყრობას; შემსყიდველი ორგანიზაცია ვალდებულია შესყიდვის ობიექტის ტექნიკური, შესრულების ან/და ფუნქციური სპეციფიკაციების აღწერისას უპირატესობა მიანიჭოს შესრულებისა და ფუნქციური სპეციფიკაციების ზოგად აღწერას . 2.1 გამოვლენილი გარემოება − გათბობა-გაგრილების სისტემის შესყიდვა. უნივერსიტეტმა ადმინისტრაციული და სასწავლო კორპუსების ზამთარ-ზაფხულის ტიპის კონდიციონერებისა და გაგრილების სისტემით აღჭურვის მიზნით შესასყიდი საქონლის სავარაუდო ღირებულება განსაზღვრა ფასთა გამოკითხვის საფუძველზე. უნივერსიტეტის მიმართვის საფუძველზე გამოკითხვაში მონაწილეობა მიიღო ორმა კომპანიამ − შპს „თუშოპმა“ და შპს „ინტერლინკმა“, რომლებმაც წარმოადგინეს შესყიდვის საგნის ფასები, შესაბამისად: 242,6 ათასი და 239,2 ათასი ლარი. ორივე კომპანიის დამფუძნებელია ერთი და იგივე ფიზიკური პირი. აქედან გამომდინარე, ფასთა გამოკითხვის პროცედურებში მათი მონაწილეობა ფორმალურ ხასიათს ატარებდა. აღნიშნული ინფორმაციის საფუძველზე, უნივერსიტეტმა გამოაცხადა ელექტრონული ტენდერი, სავარაუდო ღირებულებით − 235,2 ათასი ლარი. ტენდერში მონაწილეობა მიიღო ერთადერთმა კომპანიამ შპს „ინტერლინკმა“, რომელმაც გაიმარჯვა 234,2 ათასი ლარის ღირებულების სატენდერო წინადადებით. შესყიდვის ყველა ეტაპზე მიღებული გადაწყვეტილებები მიმართული იყო ერთი კონკრეტული კომპანიის გამარჯვების უზრუნველსაყოფად, რაც დასტურდება შემდეგი გარემოებებით: 1. სატენდერო დოკუმენტაციით შესყიდვის საგნის სპეციფიკაციები იყო ზედმეტად დეტალიზირებული, ზოგიერთი დასახელების საქონლის ტექნიკური პარამეტრები ერთობლიობაში იყო უნივერსალური და მისი დაკმაყოფილება შეეძლო მხოლოდ ერთი, კონკრეტული მწარმოებლის პროდუქციას, კერძოდ: − ცვლადი მოცულობის კონდიციონერებისათვის (VRV) მოთხოვნილი იყო მაცივარაგენტის (ფრეონი) მინიმალური მოცულობა 27.0 კგ. საჭიროების დაკმაყოფილების მიზნებისათვის, ამ სახით მოცემული პარამეტრის განსაზღვრის აუცილებლობა შემსყიდველის მხრიდან არ არის დასაბუთებული. სპეციფიკაციები შედარდა სხვა მწარმოებლის (SAMSUNG) სისტემებთან და დადგინდა, რომ მიუხედავად მითითებული პარამეტრის განსხვავებისა, ძირითადი ფუნქციური პარამეტრების (გაგრილების სიმძლავრე, ჰაერის ნაკადი, ტემპერატურის დიაპაზონი) უცვლელობის პირობებში, შემსყიდველის საჭიროების დაკმაყოფილება შეეძლო სხვადასხვა მწარმოებლის პროდუქციას. აქედან გამომდინარე, სპეციფიკაციით მაცივარაგენტის მინიმალური მოცულობის განსაზღვრა წარმოადგენს კონკურენციის შემზღუდავ გარემოებას. ცხრილი №2.1 - გამაგრილებელი სისტემის სპეციფიკაციები სახეობა დასახელება მოთხოვნილი პარამეტრები Samsung AM280FXVAGH სხვაობა VRV კონდიციონერი გარე ბლოკი გაგრილების სიმძლავრე 78.5 კვ. 78.6 √ ჰაერის ნაკადი 14,000 მ.კუბ/სთ. 15,600 მ.კუბ/სთ. √ მაცივარაგენტის ტიპი R410A R410A √ ტემპერატურული დიაპაზონი -15; +48 -20; +48 √ მაცივარაგენტის რაოდენობა ≥ 27 კგ. 12.9 კგ. X შესაბამისად, მოცემული სპეციფიკაცია იყო უნიკალური და მისი დაკმაყოფილება შეეძლო მხოლოდ Midea Cac Global-ის წარმოებულ სისტემებს, რომლის ოფიციალურ წარმომადგენლი საქართველოში არის შპს MAGNIUM+ და ეს უკანასკნელი, თავის მხრივ, არის ტენდერში მონაწილე ერთადერთი და გამარჯვებული კომპანიის შპს „ინტერლინკის“ სავაჭრო პარტნიორი. − ასევე შესყიდვის საგანი იყო 55 ცალი „სპლიტ სისტემის“ კონდიციონერები, რომელთაც უნდა დაეკმაყოფილებინა 40 ტექნიკური პარამეტრი ერთდროულად, მაგალითად: დენის ძალა სტარტისას ზუსტად 22.1 A (ამპერი), ტენის ამოშრობის სიჩქარე ზუსტად 1.1ლ/სთ, გარე ბლოკის ჰაერის ნაკადი ზუსტად 1900 კუბ.მ/სთ და რომელიც ამავდროულად უნდა იწონიდეს 24.5 კილოგრამს. აღნიშნულ შემთხვევაშიც შემსყიდველმა ვერ წარმოადგინა საჭიროების დაკმაყოფილების კუთხით ტექნიკური სპეციფიკაციის ამ სახით (პარამეტრების რაოდენობა და სიზუსტე) ჩამოყალიბების აუცილებლობის დასაბუთება. აღნიშნული ტექნიკური სპეციფიკაცია იყო უნიკალური და მორგებული Hyundai-ს ბრენდის კონდიციონერის კონკრეტულ მოდელზე. 2. მიწოდების შეზღუდული ვადა − ხელშეკრულებით საქონლის მიწოდების ვადად განისაზღვრა 2018 წლის 1 ოქტომბრამდე პერიოდი, თუმცა შემსყიდველის მოთხოვნის შემთხვევაში − 7 კალენდარული დღე. თუ გავითვალისწინებთ, რომ მისაწოდებელი იყო 14 დასახელების 121 ცალი გათბობა-გაგრილების სისტემა და 23 დასახელების 1,7 ათასი ცალი დამხმარე მასალები, 7 დღეში მათი მოძიება, შეკვეთა, ტრანსპორტირება და განბაჟება ფაქტობრივად გონივრულ საფუძვლებს მოკლებულია, თუ წინასწარ არ არის საქონელი შესყიდული და მომზადებული. 3. მონაწილე პრეტენდენტი ექვემდებარებოდა სავალდებულო დისკვალიფიკაციას, ვინაიდან მისაწოდებელი სისტემის ერთ-ერთ პოზიციაზე მითითება ჰქონდა Hyundai-ს სასაქონლო ნიშნის სისტემის მიწოდებაზე, თუმცა აღნიშნულზე სატენდერო დოკუმენტაციით მოთხოვნილი მწარმოებლის ავტორიზაციის დადასტურება არ წარუდგენია. მიუხედავად აღნიშნულისა, პრეტენდენტი დისკვალიფიკაციას არ დაექვემდებარა. გაფორმებული ხელშეკრულების ფარგლებში, 2018 წლის 1 ოქტომბრამდე, შემსყიდველმა ჩაიბარა 235,2 ათასი ლარის გათბობა-გაგრილების სისტემის მიწოდება-მონტაჟის მომსახურება და განახორციელა სრულად ანგარიშსწორება, თუმცა აუდიტის მიმდინარეობისას, ჩატარებული ინვენტარიზაციის შედეგების მიხედვით, უნივერსიტეტში არ არის დამონტაჟებული აღნიშნული ღირებულების გაგრილების სისტემები და ფიქსირდება მნიშვნელოვანი დანაკლისი, კერძოდ: • ფაქტობრივ ნაშთად არ ფიქსირდება 63,6 ათასი ლარის მოწყობილობები, არასრულად არის მიწოდებული 4,5 ათასი ლარის ღირებულების ერთი ცალი „კოლონური სპლიტ კონდიციონერი“ (მიწოდებულია მხოლოდ შიდა ბლოკი) და გარდა ამისა, ზედმეტად ირიცხება 13 ერთეული კედლის კონდიციონერი, რომელიც არ იყო მოთხოვნილი ხელშეკრულებით. შესაბამისად, მიწოდებული საქონლის ხარისხისა და მოცულობების ინსპექტირება და მიღება-ჩაბარების პროცესი ატარებს ფიქტიურ ხასიათს და მიუთითებს შესყიდვის პროცესის კონტროლის მექანიზმების არაეფექტურობასა და არასანდოობაზე. ამასთანავე, ორგანიზაციაში 2017-2018 წლებში არასრულად არის განხორციელებული ფაქტობრივი კონტროლის ეფექტური საშუალება − ინვენტარიზაცია; • მიმწოდებელ კომპანიას სატენდერო და სახელშეკრულებო პირობების მიხედვით, უნივერსიტეტისათვის წარდგენილი ჰქონდა ხელშეკრულების უზრუნველყოფის გარანტია, რომელიც გამოიყენება ნებისმიერი ზარალის ანაზღაურების მიზნით, რომელიც მიადგება შემსყიდველს მიმწოდებლის მიერ ხელშეკრულების პირობების შეუსრულებლობის ან არასრულად შესრულების გამო. მიუხედავად ზემოაღნიშნული გარემოებებისა, 11,7 ათასი ლარის ხელშეკრულების უზრუნველყოფის გარანტია დაუბრუნდა მიმწოდებელს; • აუდიტის მიმდინარეობის პერიოდში, 2019 წლის 7 ოქტომბრის მდგომარეობით, საქონლის მიღება-ჩაბარების პროცესზე პასუხისმგებელ (საქონლის ხარისხის და მოცულობის ინსპექტირება) პირზე არ არის გატარებული შესაბამისი ზომები შრომითი ურთიერთობებით წარმოშობილ პასუხიმგებლობებთან დაკავშირებით. 2.2 გამოვლენილი გარემოება − ელექტრო ხელსაწყოების შესყიდვა. ჩარხების შესყიდვის მიზნით, უნივერსიტეტმა 2017 წელს გამოაცხადა ელექტრონული ტენდერი, სავარაუდო ღირებულებით − 37,9 ათასი ლარი, ტენდერში მონაწილეობდა ერთი პრეტენდენტი, რომელთანაც 33,1 ათას ლარზე გაფორმდა ხელშეკრულება. საქონლის მიწოდება ხელშეკრულების თანახმად უნდა განხორციელებულიყო 2017 წლის 15 დეკემბრამდე, მაგრამ შემსყიდველის მოთხოვნიდან არა უგვიანეს შვიდი კალენდარული დღის ვადაში. შემსყიდველს სატენდერო დოკუმენტაციით განსაზღვრული ჰქონდა ხელსაწყოების წონა, რომელიც მაჩვენებლებიდან გამომდინარე, კონკრეტულ მოდელებს გააჩნია. შესაბამისად, დაუსაბუთებელია, რატომ ითხოვს შემსყიდველი შესასყიდი ტექნიკური საშუალებების ასეთ სპეციფიკაციას, როდესაც მსგავსი მახასიათებლებით არსებობს სხვა ხელსაწყოები, რომლებსაც წონა განსხვავებული აქვთ, მაგალითად: დიაგრამა №2.1 - შეზღუდული მოდელების შესახებ ამასთანავე, მიმწოდებლის მიერ შესყიდვების ერთიან ელექტრონულ სისტემაში წარდგენილი და მიწოდებული საქონელი, მწარმოებელი კომპანიების ოფიციალური მონაცემებით , მნიშვნელოვნად ჩამორჩება სატენდერო პირობებით დადგენილ პარამეტრებს, რის შედეგადაც შესყიდულია დაბალი ტექნიკური მახასიათებლების მქონე საქონელი. ასეთ შემთხვევაში შემსყიდველი თავდაპირველ ეტაპზე უფლებამოსილი იყო გამოეყენებინა დისკვალიფიკაციის უფლება

მუნიციპალიტეტის მიერ გაფორმებული ზოგიერთი ხელშეკრულება არ ითვალისწინებდა სამუშაოების ნაკისრი ვალდებულებების შეუსრულებლობის შემთხვევაში მიმწოდებლების დაჯარიმებას. 2017 წელს გაფორმებული 2 ხელშეკრულების ფარგლებში მიმწოდებლებმა ვერ შეასრულეს ნაკისრი ვალდებულებები, მუნიციპალიტეტმა შეწყვიტა ხელშეკრულება, თუმცა სამუშაოების შეუსრულებლობის გამო, მათ რაიმე სახის პირგასამტეხლო ვერ დააკისრა.

კრიტერიუმი სატენდერო კომისია არ ახდენს პრეტენდენტის დისკვალიფიკაციას, თუ მის მიერ სისტემაში ატვირთული ტექნიკური დოკუმენტაცია არ შეიცავს ისეთ მონაცემს ან/და შეიცავს ისეთ უზუსტობებს, რომელთა წარმოდგენა ან/და დაზუსტება არ გამოიწვევს ტექნიკური დოკუმენტაციის არსებით ცვლილებას ან/და არ გაზრდის წინადადების ფასს . გამოვლენილი გარემოება: უნივერსიტეტმა „კიბერნეტიკის“ ინსტიტუტის შენობის სარეაბილიტაციო სამუშაოებისათვის გამოაცხადა ელექტრონული ტენდერი სავარაუდო ღირებულებით − 8 145,0 ათასი ლარი, ტენდერში მონაწილეობა მიიღო 7-მა პრეტენდენტმა, დაზუსტების პროცედურის გარეშე დისკვალიფიკაცია მიანიჭა უმცირესი ფასის მქონე პრეტენდენტს, შპს „ორნამენტს“, რომლის სატენდერო წინადადების ფასი შეადგენდა 6 436,0 ათას ლარს. ხელშეკრულება გაფორმდა მომდევნო უმცირესი ფასის წინადადების მქონე პრეტენდენტ შპს „ქრიათივ იმფრეშენს კავკასუსსთან“, რომლის სატენდერო წინადადების ღირებულება შეადგენდა 6 516,0 ათას ლარს, რაც 80,0 ათასი ლარით აღემატებოდა დისკვალიფიცირებული პრეტენდენტის სატენდერო წინადადების ღირებულებას. სატენდერო კომისიის მიერ მიღებული გადაწყვეტილებით, უმცირესი ფასის სატენდერო წინადადების მქონე პრეტენდენტი − შპს „ორნამენტი“, ვერ აკმაყოფილებდა ტექნიკური დოკუმენტაციით განსაზღვრული შესრულებული სამუშაოების გამოცდილებას და ამ ნაწილში ის არ ექვემდებარებოდა დაზუსტებას. შპს „ორნამენტს“ არ ჩაეთვალა ინფორმაციულად წარდგენილი სამუშაოების გამოცდილება და 914,3 ათასის ლარის ღირებულების სამუშაო გამოცდილება, რომლის შესრულება დასტურდებოდა 2014 წელს გაფორმებული მიღება-ჩაბარების აქტით: ცხრილი №3.1 - სატენდერო მოთხოვნებისა და კომისიის გადაწყვეტილებების შედარება № მოთხოვნილი გამოცდილება კომისიის გადაწყვეტილება შპს „ორნამენტის“ წარდგენილი პერიოდი თანხა (ლარი) დოკუმენტურად (ლარი) დამატებით, ინფორმაციულად (ლარი) 1 01.01.2011-30.11.2015 18,000,000 არ აკმაყოფილებს 17,137,352 ლარი 17,025,576 5,011,391 მათ შორის: 2 01.01.2011-30.11.2015 ერთი ხელშეკრულების ფარგლებში 4,000,000 აკმაყოფილებს 6,662,454 6,662,454 3 01.01.2014-30.11.2015 პერიოდში 9,000,000 არ აკმაყოფილებს 10,094,514 მოცემულ შემთხვევაში შემსყიდველის მიერ მიღებული გადაწყვეტილება არათანმიმდევრული და დაუსაბუთებელია, რასაც ადასტურებს შემდეგი გარემოებები: 1. პრეტენდენტმა დოკუმენტურად დაადასტურა 17 025,5 ათასი ლარის სამუშაოების შესრულების გამოცდილება, ხოლო დამატებით 5 011,3 ათასი ლარის სამუშაოების შესრულების გამოცდილებაზე მხოლოდ ინფორმაცია წარადგინა. დაუსაბუთებელია, რატომ არ მოითხოვა კომისიამ პრეტენდენტის მხრიდან ინფორმაციით წარდგენილი გამოცდილების დაზუსტება. დაზუსტების მექანიზმის გამოყენების მიზანია, პრეტენდენტის მიერ სატენდერო დოკუმენტაციით განსაზღვრული მოთხოვნების შესრულების თაობაზე გონივრული რწმუნების მიღების მიზნით, შემსყიდველმა პრეტენდენტისაგან მიიღოს დამატებითი მტკიცებულებები (დოკუმენტები და განმარტებები). კონკრეტულ შემთხვევაში დაზუსტების მექანიზმის გამოყენების წინაპირობა მკაფიოდ იყო გამოკვეთილი, ვინაიდან ინფორმაციის სახით წარმოდგენილი გამოცდილება ნაკლებ სარწმუნოა და საჭიროებდა უფრო სანდო მტკიცებულებებით გამყარებას. ამ ნაწილში დაზუსტება არ გამოიწვევდა არც ტექნიკურ დოკუმენტაციაში და არც სატენდერო წინადადების ღირებულებაში რაიმე სახის ცვლილებას, მაგრამ აღნიშნულთან დაკავშირებით სატენდერო კომისიას არ უმსჯელია. ამასთანავე, სატენდერო კომისიის გადაწყვეტილება წინააღმდეგობაშია არსებულ პრაქტიკასთან, ვინაიდან სხვა ანალოგიურ შემთხვევებში შემსყიდველი პრეტენდენტებისაგან ითხოვდა ინფორმაციულად წარდგენილი გამოცდილებების დაზუსტებას. 2. სატენდერო კომისიამ პრეტენდენტს მოთხოვნილ გამოცდილებაში არ ჩაუთვალა 2014 წლის 31 იანვარს გაფორმებული მიღება-ჩაბარების აქტი, 914,3 ათასი ლარის სამუშაოების მიწოდებაზე, იმ მოტივით, რომ ის ეხებოდა 2013 წელს შესრულებულ სამუშაოს და ვერ იქნებოდა განხილული, როგორც 2014 წლის 1 იანვრიდან შესრულებული სამუშაო. კომისიის აღნიშნული გადაწყვეტილებაც დაუსაბუთებელია, ვინაიდან: ა) საჯარო სექტორში დღეს მოქმედი სახელშეკრულებო პრაქტიკით სამუშაოების მიწოდების თარიღად ითვლება მიღება-ჩაბარების აქტის გაფორმების თარიღი. დამკვეთსა და მიმწოდებელს შორის გაფორმებული მიღება-ჩაბარების აქტით, რომელსაც საფუძვლად უდევს ექსპერტიზის დასკვნა, კონსესუალურ (თანხმობის) საფუძველზე დასტურდება აქტში მითითებული მოცულობის სამუშაოების მიწოდების ფაქტი; ბ) მიღება-ჩაბარების აქტში არ არის აღნიშნული, რომ სამუშაოები ეხება 2013 წელს; გ) წინა მიღება-ჩაბარების აქტი მხარეებს შორის გაფორმდა 2013 წლის 27 დეკემბერს, აქედან გამომდინარე უნდა ვივარაუდოთ, რომ განხილული მიღება-ჩაბარების აქტი ეხება 2014 წელს შესრულებულ სამუშაოს; დ) კონკრეტული მიღება-ჩაბარების აქტის არჩათვლის შემთხვევაშიც, პრეტენდენტისთვის საკმარისი იყო წარდგენილი დოკუმენტაცია, მოთხოვნილი გამოცდილების დასაკმაყოფილებლად.

კრიტერიუმი სახელმწიფო შესყიდვების განხორციელების მიზანია შესყიდვებისათვის განკუთვნილი ფულადი სახსრების რაციონალური ხარჯვის უზრუნველყოფა; შემსყიდველი ორგანიზაცია უფლებამოსილია ნებისმიერ დროს შეწყვიტოს შესყიდვის პროცედურა, თუ ეს აუცილებელი გახდება მისგან დამოუკიდებელი და წინასწარ გაუთვალისწინებელი ობიექტური მიზეზებით, აგრეთვე საქართველოს სახელმწიფო ინტერესებიდან ან/და საზოგადოებრივი ინტერესებიდან გამომდინარე . გამოვლენილი გარემოება: უნივერსიტეტმა 2017 წელს კომპიუტერული მოწყობილობებისა და აქსესუარების შესაძენად გამოაცხადა ელექტრონული ტენდერი სავარაუდო ღირებულებით − 98,1 ათასი ლარი. ტენდერში მონაწილეობა მიიღო ოთხმა პრეტენდენტმა და ხელშეკრულება გაუფორმდა უმცირესი ფასის მქონე პრეტენდენტს, შპს „პრაიმს“ ღირებულებით - 72,5 ათასი ლარი. როგორც სატენდერო დოკუმენტაციით, ასევე სახელშეკრულებო პირობებით დასაშვები იყო საქონლის ეტაპობრივად მიწოდება, რაც, ერთი მხრივ, არალოგიკური მოთხოვნა იყო, ვინაიდან საჭიროების დაკმაყოფილებისთვის აუცილებელი იყო ხელშეკრულებით გათვალისწინებული კომპიუტერული ტექნიკის სრული კომპლექტაციით მიწოდება. შპს „პრაიმმა“ გამოიყენა ხელშეკრულებით გათვალისწინებული ზემოაღნიშნული პირობა (ეტაპობრივი მიწოდება) და უნივერსიტეტს მიაწოდა მხოლოდ 27,6 ათასი ლარის საქონელი და უარი განაცხადა დარჩენილი საქონლის მიწოდებაზე, ვინაიდან აღნიშნული ოპერაციით შესაძლებლობა მიეცა არასაბაზრო ღირებულებით საკუთარი საქონლის რეალიზაცია, კერძოდ: კომპანიამ გარკვეულ საქონელზე, რომლის მიწოდებასაც გეგმავდა, ღირებულებები გაზარდა, ხოლო დანარჩენზე − შეამცირა, თუმცა საერთო ჯამური ღირებულება 20%-ით ნაკლები იყო სავარაუდო ღირებულებასთან შედარებით. ვინაიდან სხვაობა 20%-ს აჭარბებდა, სატენდერო კომისიამ შპს „პრაიმისაგან“ მოითხოვა ფასწარმოქმნის დადასტურება. წარდგენილ ფასად შესყიდვის საგნის მიწოდების შესაძლებლობის დადასტურების მიზნით, პრეტენდენტმა შემსყიდველს წარუდგინა მასთან დაკავშირებული კომპანიის ინვოისი, რომლის სანდოობა სატენდერო კომისიას ეჭქვეშ არ დაუყენებია. ცხრილი №4.1 - პრეტენდენტების მიერ წარდგენილი ფასები (ათას ლარებში) № საქონელის დასახელება რაოდენობა გამარჯვებულის ღირებულება 2 კონკურენტი პრეტენდენტის საშუალო სხვაობა 1 პროცესორი 45 11,6 19,1 -7,5 2 დედადაფა 45 4,6 10,8 -6,1 3 ქეისი 45 5,8 2,6 3,1 4 მყარი დისკი 45 9,0 6,6 2,4 5 ოპტიკური დისკის წამკითხველი 45 1,3 1,9 -0,6 6 ვიდეოდაფა 45 6,0 8,7 -2,7 7 ქულერი 45 1,2 0,6 0,6 8 მეხსიერება 90 12,5 8,5 4,0 9 კომპიუტერი All In One 35 20,2 38,4 -18,2 სულ: 72,5 97,5 10,1 კომისიის მიერ არ მომხდარა ფასწარმოქმნის ადეკვატურობის დოკუმენტის დეტალური ანალიზი და ამ მიზნით ბაზრის კვლევის შედეგების გათვალისწინება, კერძოდ: ფასწარმოქმნის ადეკვატურობის დასადასტურებლად შემსყიდველი უნდა დაეყრდნოს მხოლოდ იმ დოკუმენტს, რომელიც ადასტურებს შესაბამის ფასად საქონლის მიწოდების ფაქტს და არა იმ დოკუმენტს (ამ შემთხვევაში ინვოისს), რომლითაც ხდება მხოლოდ მიწოდების შესაძლებლობის დეკლარირება/გაცხადება, კომისიას დამოუკიდებელი და ხელმისაწვდომი წყაროებით შესაძლებლობა ჰქონდა მიეღო ინფორმაცია კომპანიების კავშირის თაობაზე, ასევე იმის თაობაზე, რომ სახელმწიფო შესყიდვების ელექტრონული პორტალის მიხედვით ინვოისის გამცემ კომპანიას საქონლის მიწოდების გამოცდილება საერთოდ არ უფიქსირდება; ინვოისში მოყვანილი ფასები მნიშვნელოვნად განსხვავდებოდა ბაზრის კვლევის დროს წარმოდგენილ, ასევე ელექტრონული ვაჭრობის დროს პრეტენდენტების მიერ დაფიქსირებულ ფასებთან შედარებით. შესაბამისი ანალიზის შემთხვევაში, კომისიისათვის ცხადი გახდებოდა მისი არასაბაზრო ხასიათი.

მუნიციპალიტეტის მიერ 2017-2018 წლებში გაფორმებული ხელშეკრულებების პირობების შესწავლით გამოვლინდა, რომ მერიას გააჩნდა არათანაბარი მიდგომა გეგმა-გრაფიკის მოთხოვნისა და მისი დარღვევის შემთხვევაში პირგასამტეხლოს დაწესების კუთხით. აუდიტის პერიოდში მუნიციპალიტეტის მიერ სამშენებლო სამუშაოების შესყიდვაზე გაფორმებულია 50.0 ათას ლარზე მეტი ღირებულების 19 ხელშეკრულება. მათ შორის, 8 შემთხვევაში მოთხოვნილია სამუშაოების შესრულების გეგმა-გრაფიკი, თუმცა მისი დარღვევის შემთხვევაში ხელშეკრულება არ ითვალისწინებდა საჯარიმო სანქციებს. აუდიტის ჯგუფმა შეისწავლა სამუშაოების შესრულების ვადები და გამოვლინდა 3 შემთხვევა, სადაც დარღვეულია გეგმა-გრაფიკი. შესაბამისად, სამუშაოები დასრულებულია მიწოდების ვადების დარღვევით და მუნიციპალიტეტმა დაგეგმილ დროში ვერ მიიღო ინფრასტრუქტურული პროექტები. 4 ხელშეკრულება ითვალისწინებდა სამუშაოების შესრულებას გეგმა-გრაფიკის შესაბამისად და ჩამორჩენის შემთხვევაში საჯარიმო სანქციების გავრცელებას. თუმცა ერთ შემთხვევაში მიმწოდებელმა სამუშაოები შეასრულა 46 დღის დაგვიანებით, მიუხედავად ამისა, მუნიციპალიტეტმა მიმწოდებელი დააჯარიმა მხოლოდ მიწოდების ვადის გადაცილების გამო და არ დაუჯარიმებია გეგმა-გრაფიკთან ჩამორჩენის მოტივით.

ეფექტიანობასთან დაკავშირებული გარემოებები 5.1 გამოვლენილი გარემოება: უნივერსიტეტმა აუდიტის პერიოდში კარტრიჯების შესყიდვისათვის გახარჯა 100,0 ათასი ლარი. ერთ შემთხვევაში, 2016-2017 წლებში კარტრიჯები შეისყიდა კომპიუტერულ ტექნიკასთან ერთად, ხოლო მეორე შემთხვევაში, 2018 წელს − მათ გარეშე, ამასთანავე, ყოველ შესყიდვაზე შემსყიდველი მოითხოვდა ერთდროულად კატრიჯებისა და პრინტერის მწარმოებლის ავტორიზაციის დადასტურებას (Maf). ცხრილი №5.1 - კარტირიჯების ჩატარებული ტენდერების ეკონომიები (ათას ლარებში) შესყიდვის № შესყიდვის საგანი პრეტენ. რაოდენ. ღირებულება ეკონომია სავარაუდო სახელშეკრულებო საქართველოს ტექნიკური უნივერსიტეტის მაგალითი NAT160003565 კატრიჯები (Maf), პრინტერი (Maf), კომპიუტერები 1 152,2 152,2 0.00% SPA170011577 კატრიჯები (Maf), პრინტერი (Maf), კომპიუტერები 1 80,5 78,9 1.90% SPA180003437 კატრიჯები (Maf) 6 54,3 20,9 61.46% ჯამი: 287,0 252,1 სხვა საჯარო დაწესებულებების მაგალითი SPA180005034 კატრიჯები (Maf) 7 113,0 55,7 50.67% SPA180003884 კატრიჯები (Maf) 5 40,8 31,1 23.73% SPA170009131 კატრიჯები (Maf) 3 88,0 59,4 32.48% SPA170001924 კატრიჯები (Maf) 2 94,6 28,0 70.42% ჯამი: 336,5 174,3 საჯარო შესყიდვების 3-წლიანი პრაქტიკა ადასტურებს, რომ იმ ტენდერებში, სადაც შესყიდვის საგანი არის მხოლოდ საბეჭდი მოწყობილობის კატრიჯები, კონკურენციის დონე მაღალია იმ ტენდერებთან შედარებით, სადაც შესყიდვის ობიექტში გაერთიანებულია კატრიჯები, საბეჭდი და კომპიუტერული ტექნიკა. ამასვე ადასტურებს უნივერსიტეტის გამოცდილება 2018 წელს გამოცხადებულ ტენდერში, სადაც შესყიდვის საგანს წარმოადგენდა მხოლოდ კატრიჯები, მონაწილეობა მიიღო 6-მა მიმწოდებელმა და ეკონომიამ შეადგინა 60%, ხოლო იმ ტენდერებში, სადაც შესყიდვის საგანი გაერთიანებული იყო, მონაწილეობდა ერთი პრეტენდენტი და ეკონომიამ შეადგინა 2%. აღნიშნული განპირობებულია ბაზრის მაღალი სპეციალიზაციით, უნივერსიტეტის მიერ ბაზრის კვლევის ეტაპზე პოტენციურ მიმწოდებელთა სპეციალიზაციის შესწავლა და მისი შედეგებიდან გამომდინარე შესყიდვის საგნის განსაზღვრა, შექმნიდა, დაახლოებით, 22,3 ათასი ლარის ეკონომიის მიღების შესაძლებლობას. შესყიდვის საგნის გაერთიანებასთან (დივერსიფიკაციასთან) ერთად შესყიდვის პროცედურებში პოტენციურ მიმწოდებელთა მონაწილეობის დამაბრკოლებელ ფაქტორს წარმოადგენს ასევე ის გარემოება, რომ მათ მისაწოდებელი საქონლის ცალკეული სახეობის მიხედვით უნდა წარმოადგინონ ე.წ. MAF - მწარმოებლის ავტორიზაციის ფორმა, რაც ობიექტური ხასიათის სირთულეებთან არის დაკავშირებული. 5.2 გამოვლენილი გარემოება: უნივერსიტეტის საკუთრებაში ირიცხება პორტატული სპექტრომეტრი, რომლითაც შესაძლებელია 80-მდე ქიმიური ელემენტის კონცენტრაციის განსაზღვრა, 2015 წლის მაისში აპარატი მწყობრიდან გამოვიდა. ხელსაწყოს შეკეთებისათვის 2017 წელს უნივერსიტეტმა მიმართა სსიპ − ლევან სამხარაულის სახელობის სასამართლო ექსპერტიზის ეროვნულ ბიუროს, რათა მომზადებულიყო დეფექტური აქტი და განესაზღვრათ ჩასატარებელი სამუშაოები. პასუხად ექსპერტებმა აცნობეს, რომ შეკეთებისათვის მიზანშეწონილია მიმართონ სერტიფიცირებულ კომპანიას, ვინაიდან მათ საკუთრებაში არ ჰქონდათ შესაბამისი ლაბორატორია, დაკვეთის შესასრულებლად. შედეგად, უნივერსიტეტმა გააფორმა ორი ხელშეკრულება მწარმოებელი კომპანიის წარმომადგენლობასთან საქართველოში. პირველ შემთხვევაში შესყიდვის საგანს წარმოადგენდა აპარატის დიაგნოსტიკა, ხოლო მეორე შემთხვევაში − მისი შეკეთება, შესაბამისად 2018 წელს პორტატული სპექტრომეტრის შეკეთებისათვის გახარჯა 57.4 ათასი ლარი . აუდიტის ჯგუფის მიერ მოპოვებული მტკიცებულებების მიხედვით, აღნიშნული მეორადი აპარატის ღირებულება ბაზარზე 2018 წლისათვის შეადგენდა 11,4 ათას დოლარს (USD), ანუ 30,6 ათას ლარს, ფაქტობრივად, ორჯერ ნაკლებს. შემსყიდველის განმარტებით, ბაზრის კვლევის ეტაპზე მათ მიიღეს ინფორმაცია, რომ მეორადი აპარატის ფასი 14,0 ათასი დოლარის ღირებულების ფარგლებში მერყეობდა, თუმცა უპირატესობა მიანიჭეს არსებული აპარატის რემონტს.

მერიამ, სამ შემთხვევაში სამუშაოს დასრულების ვადაგადაცილებისათვის მიმწოდებელი დააჯარიმა არასრულად, კერძოდ, პირგასამტეხლო დაარიცხა არა სახელშეკრულებო ღირებულების პროპორციულად, როგორც ამას ხელშეკრულება ითვალისწინებდა, არამედ შეუსრულებელი ვალდებულების ღირებულებიდან გამომდინარე. შედეგად, დარიცხულმა პირგასამტეხლომ ხელშეკრულებით განსაზღვრულ საჯარიმო სანქციაზე 3.3 ათასი ლარით ნაკლები შეადგინა.

შიდა კონტროლის სისუსტეები შიდა კონტროლის სისტემა წარმოადგენს ორგანიზაციის მისიის მისაღწევად შექმნილ უწყვეტ პროცესს, რომელიც ემსახურება სამი მიზნის მიღწევას: საოპერაციო საქმიანობის ეფექტიანობა და პროდუქტიულობა; ანგარიშგების მაღალი სანდოობა შიდა და გარე მომხმარებლისათვის; კანონთან შესაბამისობა. შიდა კონტროლი სისტემა მოიცავს გეგმებს, მეთოდებს, პოლიტიკას, მომწესრიგებელ ნორმებსა და პროცედურებს, რომლებიც გამოიყენება მისიის, სტრატეგიული გეგმისა და მიზნების მიღწევისათვის. ეფექტიანი შიდა კონტროლის სისტემა ეხმარება მმართველობით რგოლს სასურველ შედეგს მიაღწიონ ფინანსური რესურსების ეფექტური მართვის გზით. სქემა №6.1 - შიდა კონტროლის მნიშვნელობა ორგანიზაციული მიზნის მისაღწევად შიდა კონტროლის სისტემის გამართული ფუნქციონირებისათვის, ეფექტიანად და ინტეგრირებულად უნდა იყოს დანერგილი შემდეგი კომპონენტები: კონტროლის გარემო - წარმოადგენს შიდა კონტროლის სისტემის საფუძველს. გააჩნია სტრუქტურირებული ფორმა და ეხმარება ორგანიზაციას მიაღწიოს დასახულ მიზნებს; რისკების შეფასება - რისკების ანალიზის საფუძველზე საპასუხო რეაგირების დაგეგმვა; მაკონტროლებელი საქმიანობა - მოიცავს, რისკის საპასუხოდ პოლიტიკის და პროცედურების დანერგვას და სხვადასხვა სახის საქმიანობას, როგორიცაა, მაგალითად: ავტორიზაცია; ვერიფიკაცია; შედეგების მიმოხილვა; ინფორმაციის დამუშავება; ფიზიკუ¬რი კონტროლი და მოვალეობების განა¬წილება; ოპერაციები რომლებიც განკუთვნილია დაკავშირებულ მხარეთა ურთიერ¬თო¬ბებსა და ოპერაციებზე კონტროლის განსახორცი¬ელებლად და საინფორმაციო ტექნოლოგიების გამოყენებით წარმოშობილი რისკების მართვა. ინფორმაცია და კომუნიკაცია - მოიცავს ხარისხიანი საინფორმაციო მენეჯმენტის უზრუნველყოფას და სათანადო საფუძვლების შექმნას შემდეგი ოპერაციების განსახორციელებლად: ბუღალტრული აღრიცხვის სისტემა; ოპერა¬ციების ინიცირება; აღრიცხვის, დამუშავებისა და ანგარიშებში წარდ¬გე¬ნა; ანგარიშების მომზადების პროცედურები და ჩანაწერები; შესაბამის აქტივებზე, ვალდებულებებსა და საკუთარ კაპიტალზე ანგარიშვალდებულების უზრუნველყოფა. მონიტორინგი - შესრულების ხარისხის პერიოდული კონტროლი და ცვლილებების განხორციელება. 6.1 გამოვლენილი გარემოება: შესყიდვების გეგმები მოქმედი კანონმდებლობით, უნივერსიტეტს შემუშავებული და რეგისტრირებული აქვს შესყიდვების სააგენტოში, გეგმის ფორმირება ხდება უნივერსიტეტის პრიორიტეტებისა და დარგობრივი ფაკულტეტების მოთხოვნების გათვალისწინებით. აუდიტის პერიოდში მომზადებულ შესყიდვების გეგმებში, წლის განმავლობაში განხორციელებულია მნიშვნელოვანი ცვლილებები, რის შედეგადაც 2017 წელს პირველადი დამტკიცებული გეგმა 3,4-ჯერ, ხოლო 2018 წელს − 2,3-ჯერ გაიზარდა. ცხრილი №6.1 - შესყიდვის გეგმების საწყისი და საბოლოო პარამეტრები (ათას ლარებში) 2017 2018 საწყისი საბოლოო სხვაობა საწყისი საბოლოო სხვაობა 4 094,9 14 069,7 9 974,8 5 161,7 12 054,8 6 893,0 აღნიშნული ცვლილებები, ერთი მხრივ, განპირობებულია იმ გარემოებით, რომ წლიური სახელმწიფო შესყიდვების გეგმა შესყიდვების ერთიან ელექტრონულ სისტემაში იტვირთება არა უგვიანეს მიმდინარე წლის 20 ნოემბრისა, ხოლო უნივერსიტეტის სამეცნიერო-კვლევითი ინსტიტუტების ბიუჯეტი კი მტკიცდება მოგვიანებით, თებერვლის თვეში. შესაბამისად, კვლევითი ინსტიტუტებისთვის განსახორციელებელი სახელმწიფო შესყიდვები უნივერსიტეტის სახელმწიფო შესყიდვების გეგმაში აისახება გვიან. ამასთანავე, უნივერსიტეტში შესყიდვის დაგეგმვის პროცესი გარკვეული ხარვეზებით წარიმართება, რაც გამოწვეულია შიდა კონტროლის არასათანადო ფუნქციონირებით: უნივერსიტეტის მიერ 2017-2018 წლებში გაფორმებული ხელშეკრულებების ღირებულება 10 შემთხვევაში სულ 104,7 ათასი ლარით აჭარბებს გეგმით გათვალისწინებულ პარამეტრებს, რაც გულისხმობს იმას, რომ შესყიდვები განხორციელდა გეგმაში შესაბამისი თანხების გათვალისწინების გარეშე; შესყიდვების გეგმებში გათვალისწინებულია ისეთი შესყიდვები, რომელთა გამოყენება წლის განმავლობაში არ მომხდარა. კერძოდ, 2017-2018 წლებში არ არის ათვისებული 13 შესყიდვა, რომლის ღირებულება გეგმის მიხედვით შეადგენდა 264,3 ათას ლარს; შესყიდვების თავდაპირველ გეგმებში არ არის გათვალისწინებული ისეთი შესყიდვები, რომელთა საჭიროებაც უნივერსიტეტს წლის განმავლობაში გააჩნია. მათი გათვალისწინება და გეგმაში ცვლილების შეტანა ხდება მოგვიანებით. კერძოდ, 2017-2018 წლების მონაცემების მიხედვით, უნივერსიტეტმა შეისყიდა 97 დასახელების ერთგვაროვანი საქონელი, საერთო ღირებულებით − 6 747.0 ათასი ლარი, რომლებიც თავდაპირველ გეგმაში არ იყო გათვალისწინებული. 6.2 გამოვლენილი გარემოება: დამოუკიდებელმა სამეცნიერო-კვლევითმა ინსტიტუტმა და სხვადასხვა ფაკულტეტმა 2017-2018 წლებში შესაბამისი ბაზრის კვლევის განხორციელების შემდგომ, თხოვნით მიმართეს უნივერსიტეტს სასწავლო და სამეცნიერო ანალიზური მოწყობილობების შესყიდვის თაობაზე. შესყიდვების სამსახურმა გამარტივებული ელექტრონული ტენდერისა და გამარტივებული შესყიდვის საშუალებით განახორციელა აღნიშნული მოწყობილობების შესყიდვა. აუდიტის ჯგუფმა შერჩევით შეისწავლა უნივერსიტეტის მიერ შესყიდული სასწავლო და სამეცნიერო მოწყობილობები და შედეგად დადგინდა, რომ მიწოდებული 59.0 ათასი ლარის ღირებულების მოწყობილობები არ შეესაბამება ხელშეკრულებით გათვალისწინებულ მოთხოვნებს, კერძოდ: მიღებულია სხვა მწარმოებელი ქვეყნის, კომპანიისა და მოდელის საქონელი. პასუხისმგებელი პირების განმარტებით, ვინაიდან მიღებული მოწყობილობების ტექნიკური მახასიათებლები აკმაყოფილებდა მათ მოთხოვნებს, ჩაბარების მომენტში არ გაუთვალისწინებიათ ხელშეკრულების სხვა პირობები. ცხრილი №6.2 - განსხვავებები პარამეტრებს შორის (ათას ლარებში) № SPA/CMR საქონლის დასახელება ღირებ. (ლარი) ქვეყანა, მწარმოებელი, კომპანია, მოდელი ხელშეკრულებით ფაქტობრივად 1 CMR180182143 მაგნიტომეტრი 38,3 Dexing/Dexing Magnet Tech.Co LTD. Model: VSM 550-100 აშშ, Lake shore Cryotronics, Inc Westerville, Ohio. 2 SPA170014398 ცემენტის კალორიმეტრი 13,3 იტალია/CONTROLS S.p.A/62-L0071/AD რუმინეთი, HANNA instruments 3 SPA170013660 ლაბორატორიული მიქსერი 4,0 აშშ/Parmer Instrument Company, LLC/EW50801-00 გერმანია/janitza electronics GmbH-Vor dem polstuck 6-35633 Lahnau 4 SPA170014311 მაცივარი სასწავლო სტენდისთვის 1,2 ჩინეთი/HITACHI-RBG41 დიდი ბრიტანეთი, STILENS-ST3481 5 SPA170014311 კონდიციონერი სასწავლო სტენდისთვის 1,1 ჩინეთი/MIDEA-MS12E-09HRN1 GLOBAL/Aircool 6 CMR180196799 წყლის დისტილიატორი 1,0 AE LAB YAZD-10 MH943S ჯამი: 59,032 6.3 გამოვლენილი გარემოება: უნივერსიტეტმა 2017 წელს 2 ხელშეკრულების ფარგლებში შეისყიდა და ჩაიბარა 15 ცალი კონდიციონერი და 16 ცალი მაცივარი, საერთო ღირებულებით − 14,6 ათასი ლარი. უნივერსიტეტში დანერგილმა შიდა კონტროლის მექანიზმებმა ვერ უზრუნველყო ხელშეკრულებით გათვალისწინებული საქონლის ჩაბარება და განკარგვა, კერძოდ: მიწოდებული კონდიციონერებისა და მაცივრების მოდელი და მწარმოებელი განსხავებულია ხელშეკრულებით გათვალისწინებული მოთხოვნებისაგან; აუდიტის ჯგუფის მიერ მოპოვებული მტკიცებულებებისა და უფლებამოსილი პირების განმარტებით, ვერ დგინდება 1,4 ათასი ლარის ღირებულების 3 ცალი კონდიციონერის ადგილმდებარეობა, რომელიც ცოტნე მირცხულავას სახელობის წყალთამეურნეობის ინსტიტუტიდან გაიტანა უნივერსიტეტის თანამშრომელმა; კონდიციონერების მიღება-ჩაბარების აქტი გაფორმდა 2017 წლის 20 ნოემბერს, 2018 წლის 7 თებერვალს კი მომზადდა ცოტნე მირცხულავას სახელობის წყალთამეურნეობის ინსტიტუტის საინვენტარიზაციო აღწერის სხდომის ოქმი, სადაც აღნიშნულია, რომ კონდიციონერები განთავსებულია ინსტიტუტში, თუმცა პასუხისმგებელი პირების განმარტებით, ინსტიტუტმა საქონელი მიიღო 2018 წლის 27 თებერვალს. 6.4 გამოვლენილი გარემოება: აუდიტის პერიოდში უნივერსიტეტის მიერ საერთო ჯამში გაწეულია 320.5 ათასი ლარის წარმომადგენლობითი ხარჯი, მათ შორის, 2017 წელს − 93,6 ათასი ლარი, ხოლო 2018 წელს - 226,9 ათასი ლარი, ხარჯები ძირითადად მოიცავს რესტორნის, სასტუმროს, ტრანსპორტირებისა და საჩუქრების შესყიდვას. ცხრილი №6.3 - წარმომადგენლობითი ხარჯების სტრუქტურა (ათას ლარებში) დასახელება 2017 2018 ჯამი რესტორნებისა და კვების საწარმოების მომსახურებები 62.4 154.8 217.2 სამკაულები, საათები და მონათესავე ნივთები 14.2 34.7 48.9 სასტუმროს მომსახურება 15.3 29.2 44.5 საავტომობილო ტრანსპორტის მომსახურებები 1.1 6.3 7.4 სხვა ხარჯები 0.6 1.9 2.5 ჯამი: 93.6 226.9 320.5 წინა წელთან შედარებით, 2018 წელს წარმომადგენლობითი ხარჯების ზრდა ძირითადად გამოწვეულია ფაკულტეტების ავტორიზაციის პროცესით, რომლის ფარგლებში განხორციელდა საერთაშორისო აქტივობები: კონფერენციები, სამუშაო შეხვედრები, პრეზენტაციები, სემინარები და ა.შ. წარმომადგენლობითი ხარჯების გაწევის საფუძვლებში (ბრძანებები, მოხსენებით ბარათები და შესაბამისად, შესრულების დოკუმენტაცია) ხშირად არ არის მითითებული მოწვეულ პირთა რაოდენობა და აღნიშნულია ზოგადად, დელეგაცია, უცხოელი პროფესორები და ა.შ. შესაბამისად, გადაწყვეტილების მიმღები პირებისათვის ცნობილია მხოლოდ მომსახურების/საქონლის მიმღების საერთო რაოდენობა, ხოლო იმის იდენტიფიცირება, რამდენია მოწვეული სტუმარი და რამდენი უნივერსიტეტის თანამშრომელი არ ხდება. შედეგად, სარესტორნო მომსახურებისას რიგ შემთხვევებში უნივერსიტეტის თანამშრომელთა რაოდენობა მნიშვნელოვნად აღემატება მოწვეული პირების რაოდენობას, შესაბამისად, სათანადოდ არ არის დასაბუთებული, რამდენად აუცილებელი და საჭირო იყო მითითებული რაოდენობით უნივერსიტეტის თანამშრომელთა წარმომადგენლობა.

მუნიციპალიტეტს არ აქვს მიღებული ნორმატიული აქტი მუნიციპალური ავტოპარკის გადანაწილების, კლასიფიკაციისა და სამსახურებრივი ავტომანქანის შესყიდვის წესის თაობაზე. მთავრობის რეკომენდაციის გათვალისწინების შემთხვევაში, 2017-2018 წლებში, მუნიციპალიტეტისათვის, სამსახურებრივი უფლებამოსილების განსახორციელებლად, მიზანშეწონილი იქნებოდა 6 ერთეული სამორიგეო ავტომანქანა. მიუხედავად ამისა, მუნიციპალიტეტი სარგებლობდა ბალანსზე რიცხული 2 განპიროვნებული და 9 სამორიგეო ავტოსატრანსპორტო საშუალებით. სამორიგეო და განპიროვნებული ავტომანქანების გარდა, მუნიციპალიტეტი 2017 წელს საწვავს ყოველთვიურად გასცემდა საჯარო მოსამსახურეების მფლობელობაში არსებულ 11 ავტომანქანაზე, ხოლო 2018 წელს − 8 ავტომანქანაზე. მუნიციპალიტეტს, თითოეული ავტოსატრანსპორტო საშუალების მიხედვით, საწვავის ზღვრული ოდენობა დადგენილი არ აქვს. პასუხისმგებელი პირის განმარტებით, საწვავის განაწილება ხდება სამსახურებრივი საჭიროებიდან გამომდინარე (სიტყვიერი დავალების საფუძველზე) ბარათებზე დარიცხვით სამსახურებრივ ან პირად ავტომანქანაზე.

გამოვლინდა 250-ზე მეტი შემთხვევა, როცა საწვავი ჩასხმულია (7500 ლიტრზე მეტი) ისეთ ლოკაციებზე სადაც დოკუმენტურად არ დასტურდება არც მივლინებისა და არც სხვა სამსახურებრივი უფლებამოსილების განხორციელების ფაქტი, ხოლო 3000 ლიტრზე მეტი საწვავი გახარჯულია თანამშრომლის შვებულებაში ყოფნის დროს. შესწავლისას ასევე გამოვლინდა ფაქტები, რაც არაავტორიზებულ მანქანებში საწვავის გამოყენებაზე მიანიშნებს, კერძოდ, ცალკეულ ავტომანქანაში დროის მცირე ინტერვალში, საწვავი ჩასხმულია რამდენჯერმე და მათი ჯამური მოცულობა ავტომანქანის საწვავის ავზის მოცულობას აღემატება.

მუნიციპალიტეტმა (შესაბამისმა პასუხისმგებელმა პირებმა) 2017-2018 წლებში მუნიციპალიტეტის საკრებულოს არათანამდებობის პირებზე ხარჯების ასანაზღაურებლად 252.3 ათასი ლარი გასცა შესაბამისი დოკუმენტური დადასტურების გარეშე, საბიუჯეტო პროცესთან დაკავშირებული მარეგულირებელი საკანონმდებლო ნორმების შეუსაბამოდ.

ცალკეული პროგრამის ფარგლებში საბიუჯეტო პარამეტრების განსაზღვრა არასწორი მონაცემებით, არასათანადო ანალიზისა და გაანგარიშებების საფუძველზე კეთდება, რის გამოც საბიუჯეტო სახსრები აუთვისებელი დარჩა. ამასთანავე, შეფასების ინდიკატორების განუსაზღვრელობა არ იძლევა მიღწეული შედეგების გაზომვისა და შესაბამისად, პროგრამის ეფექტიანობის შეფასების საშუალებას, რაც საბიუჯეტო რესურსის სწორად გადანაწილებისა და ეფექტიანად გამოყენების მთავარი პირობაა.

ქალაქ ბათუმის მუნიციპალიტეტის მერიისა და მისდამი დაქვემდებარებული ორგანიზაციების შესაბამისი პასუხისმგებელი პირების მიერ სახელმწიფო შესყიდვების განხორციელების პროცესში მოქმედი რეგულაციების გაუთვალისწინებლობამ, ბაზრის კვლევის ჩაუტარებლობის პირობებში, 556,848 ლარის ღირებულების საქონლის შესყიდვისა და 3,644,409 ლარის ღირებულების სახელმწიფო შესყიდვებში კონკურენციის შეზღუდვა განაპირობა. ამასთანავე, მუნიციპალიტეტის ინტერესების საზიანოდ არ არის გამოყენებული ხელშეკრულებით მინიჭებული უფლებამოსილება, საგარანტიო ვადაში უხარისხოდ შესრულებული სამუშაოების გამოსწორების მოთხოვნასთან დაკავშირებით. აღნიშნული სახელმწიფო შესყიდვებისათვის განკუთვნილი ფულადი სახსრების არარაციონალურ ხარჯვასა და სატენდერო პირობების კონკრეტული მიმწოდებლის ინტერესებზე მისადაგების რისკებზე მიუთითებს.

მუნიციპალიტეტს არ აქვს შემუშავებული წარმომადგენლობითი ხარჯის გაწევის წესი/ინსტრუქცია, რომელიც დაარეგულირებს ხარჯის გაწევის პროცედურასა და შესადგენი დოკუმენტაციის ჩამონათვალს. 2017-2018 წლებში მუნიციპალიტეტის მიერ გაწეული 39.8 ათასი ლარის წარმომადგენლობითი ხარჯის მიზანშეწონილობა დოკუმენტურად არ არის დადასტურებული.

ქალაქ ბათუმის მუნიციპალიტეტის მერიის მიერ ქალაქის დასუფთავების მომსახურების შესყიდვასთან დაკავშირებით დანერგილმა კონტროლის მექანიზმებმა ვერ უზრუნველყო სახელშეკრულებო ვალდებულების არასათანადოდ შესრულების დროული გამოვლენა და სათანადო რეაგირების განხორციელება. შედეგად, მუნიციპალიტეტის მიერ სახელშეკრულებო პირობების არასრულად და არასათანადოდ შესრულების პირობებში, მიმწოდებელზე ანაზღაურებულია 316,800 ლარი.

მერიისა და მისდამი დაქვემდებარებული ორგანიზაციის არაკოორდინირებულმა საქმიანობამ განაპირობა ურთიერთშეუსაბამო სამუშაოთა შესყიდვა და სულ მცირე, 3,880 ლარის არამიზნობრივი ხარჯვა. ამასთანავე, შენობა-ნაგებობების ფასადებისა და კედლების დასუფთავება-გაწმენდის სამუშაოებისა და ბათუმის ტერიტორიაზე საცხოვრებელი სახლების ფასადების რეაბილიტაციის (სამღებრო) სამუშაოების შესყიდვის შესახებ გაფორმებული ხელშეკრულებების შესრულებები ურთიერთგამომრიცხავია და შესაძლოა, შეუსრულებელი სამუშაოების ანაზღაურებისა და თაღლითობის რისკებს შეიცავდეს.

მუნიციპალიტეტმა ვერ წარმოადგინა საკმარისი და შესაფერისი მტკიცებულებები იმისა, თუ რა აუცილებლობით იყო განპირობებული საკონსულტაციო მომსახურების შესყიდვა, ვინაიდან მუნიციპალიტეტს გააჩნია შრომითი რესურსი და ვალდებულია საკუთარი რესურსებით უზრუნველყოს აღნიშნული საქმიანობის განხორციელება. გამომდინარე აქედან, მუნიციპალიტეტის პასუხისმგებელ პირებს არ უნდა განეხორციელებინათ საკონსულტაციო მომსახურებაზე ხარჯის გაწევა. შესაბამისად, მუნიციპალიტეტის მიერ გადახდილი 10.0 ათასი ლარი წარმოადგენს არარაციონალურ ხარჯს.

საერთო სასამართლოების სისტემაში არსებული კონტროლის მექანიზმები სრულად ვერ უზრუნველყოფს სასამართლოებზე გადაცემული ფინანსური და მატერიალური რესურსების ხარჯვის მონიტორინგს. სასამართლოების სისტემაში მატერიალურად პასუხისმგებელი პირები არ არიან დანიშნული მოქმედი კანონმდებლობის სრული დაცვით, ხოლო ინვენტარიზაციის ჩატარების არსებული პრაქტიკა არ შეესაბამება მოქმედ კანონმდებლობას. დეპარტამენტში ინვენტარიზაციის ჩატარებისას არ ხორციელდება ყველა აქტივის ადგილზე ნახვა და დათვალიერება. ინვენტარიზაციის პერიოდში საწყობიდან ან ერთი სასამართლოდან მეორე სასამართლოსთვის გადაცემული აქტივები ცალკეულ შემთხვევაში, არ არის ასახული მისი ფაქტობრივი ადგილმდებარეობის მიხედვით, ხოლო ზოგიერთ შემთხვევაში, საერთოდ არ ფიქსირდება საბოლოო საინვენტარიზაციო შედეგების აქტებში; ინვენტარიზაციის პროცესში, საწყობიდან აქტივების მიღება/გაცემა ხორციელდება ხელმძღვანელის ბრძანების და საინვენტარიზაციო კომისიის წევრების თანდასწრების გარეშე; დეპარტამენტში ჩატარებული ინვენტარიზაციის შედეგების შედარება ბუღალტრულ მონაცემებთან აუდიტის პერიოდში განხორციელებულია საბუღალტრო სამსახურის მხოლოდ ერთი თანამშრომლის მიერ, რომელიც ამავდროულად საინვენტარიზაციო კომისიის წევრიც იყო, რაც არ შეესაბამება მოქმედ კანონმდებლობას.

ქალაქ ბათუმის მუნიციპალიტეტის მერიისა და ა(ა)იპ − „ბათუმის კორპუსის“ შესაბამისი პასუხისმგებელი პირების მიერ სახელშეკრულებო ვალდებულების შესრულებაზე არასათანადო მონიტორინგის შედეგად, შესაბამისი დოკუმენტური დასაბუთების გარეშე, ანაზღაურებულია 1,444,986 ლარის ღირებულების უხარისხოდ შესრულებული სამუშაოები, რაც საბიუჯეტო რესურსების არაეფექტიან ხარჯვაზე მიუთითებს.

2017-2018 წლებში მუნიციპალიტეტის მიერ ა(ა)იპ - ქვემო ქართლის რეგიონალურ განვითარების სააგენტოს ანგარიშზე, გრანტის სახით, გადარიცხულია 40.0 ათასი ლარი. მუნიციპალიტეტის ბიუჯეტიდან გაცემული თანხის ფარგლებში ვერ დასტურდება დაფინანსების მიმღები სუბიექტის მიერ განხორციელებული აქტივობები, რომლებიც დადებითად აისახებოდა მუნიციპალიტეტის განვითარებასა და ინტერესებზე. შესაბამისად, 40.0 ათასი ლარი წარმოადგენს არაეფექტიან ხარჯს.

დეპარტამენტის ბალანსზე, 2001−2003 წლიდან, ფიქსირდება სამი შენობა-ნაგებობა (ნარჩენი საბალანსო ღირებულებით − 185,838 ლარი), რომლებსაც დეპარტამენტი წლების განმავლობაში ვერ განკარგავდა, რადგან მათი ზუსტი მდებარეობისა და ფაქტობრივი მდგომარეობის შესახებ ინფორმაცია მათთვის ცნობილი არ იყო, თუმცა, ინვენტარიზაციის მასალებში მითითებულია, როგორც დაურეგისტრირებელი შენობები;

ა(ა)იპ − ბათუმის გამწვანებისა და ლანდშაფტური დაგეგმარების სამსახურის შიდა კონტროლის სისტემა ვერ უზრუნველყოფს მიღებული აქტივების სრულყოფილ აღრიცხვასა და მიწოდებულ აქტივებთან მიმართებით არსებული ხარვეზების დროულ გამოვლენასა და სათანადო რეაგირებას, რაც საბიუჯეტო სახსრების არაეფექტიანად ხარჯვის რისკებს წარმოშობს.

2017 წელს მოსაკრებლის ამოღება საერთოდ არ განხორციელებულა, რაც შეეხება 2018 წელს, იურიდიულ პირებთან გაფორმებულია 55 ხელშეკრულება, რომელთა შესაბამისად მათ მოსაკრებლის სახით უნდა გადაეხადათ 7.2 ათასი ლარი, თუმცა მათ მიერ ფაქტობრივად გადახდილია მხოლოდ ათასი ლარი. ხოლო ფიზიკური პირებიდან მოსაკრებლის ამოღება კვლავ არ ხორციელდება. მუნიციპალიტეტში არ არის დანერგილი სათანადო კონტროლის მექანიზმები, რომლებიც უზრუნველყოფს მოსაკრებლის სათანადო ადმინისტრირებას. შედეგად, მუნიციპალიტეტმა სრულად ვერ მიიღო დასუფთავების მოსაკრებელი, რაც უარყოფითად აისახება ადგილობრივი ბიუჯეტის შემოსავლებზე.

2016 წლის 30 დეკემბერს, მთავრობის განკარგულებით, ქონების ეროვნულ სააგენტოს თანხმობა მიეცა ქონების გაცვლაზე. კერძოდ, სახელმწიფო საკუთრებაში არსებული ქონება (ბალნეოლოგიური კურორტი) გაიცვალა სამ მიწის ნაკვეთში (15,000 კვ.მ), რომლებიც გადაეცა საერთო სასამართლოების დეპარტამენტს, საქალაქო სასამართლოს ახალი შენობის მშენებლობის მიზნით, ხოლო ქონებების საბაზრო ღირებულებებს შორის სხვაობის, 2,357,234 ლარის გადახდა და, დაახლოებით, 8 მილიონი ლარის ოდენობის ინვესტიციის განხორციელება დაევალა მიწის მესაკუთრე კერძო კომპანიას.აღნიშნული მიწის ნაკვეთები დეპარტამენტს გადმოეცა 2017 წლის 26 იანვარს, ხოლო მისი ბალანსზე ღირებულებით ასახვა განხორციელდა 2018 წლის მეორე ნახევარში (დაახლოებით 2 წლის დაგვიანებით). საბალანსო ღირებულებად კი განისაზღვრა დეპარტამენტის დაკვეთით ჩატარებული ქონების დამატებითი (ახალი) შეფასებით გამოვლენილი ღირებულება − 2,302,000 ლარი. შესაბამისად, მიწის ნაკვეთები თავდაპირველად შეფასებულთან შედარებით, დაახლოებით, 2,5 მილიონი ლარით ნაკლები ღირებულებითაა ბალანსზე ასახული. პირველადი ანგარიშის გაგზავნის შემდგომ, დეპარტამენტმა მიწის შეფასების მიზნით, მიმართა სამხარაულის ექსპერტიზის ეროვნულ ბიუროს. 2020 წლის 20 თებერვლის დასკვნის შესაბამისად, მიწის საბაზრო ღირებულება 2018 წლის აგვისტოს თვის მდგომარეობით, საორიენტაციოდ შეადგენდა 2,166,068 აშშ დოლარს (შესაბამისი გაცვლითი კურსით ეროვნულ ვალუტაში 5,487,300 ლარს), რაც მიახლოებულია და აღემატება მიწის ნაკვეთის თავდაპირველ შეფასებებს. აუდიტის ჯგუფმა ვერ მოიპოვა მაღალი ხარისხის რწმუნება ქონების თითქმის 2 წლის დაგვიანებით აღრიცხვისა და საბალანსო ღირებულების სისწორის შესახებ.

ა(ა)იპ − ბათუმის გამწვანებისა და ლანდშაფტური დაგეგმარების სამსახურის შესაბამისი პასუხისმგებელი პირების მიერ გაუთვალისწინებელი ხარჯების ანაზღაურებასთან დაკავშირებით არსებული რეგულაციების გაუთვალისწინებლობის შედეგად, შენობა-ნაგებობის სარეაბილიტაციო-სარემონტო სამუშაოების შემსრულებელ კომპანიაზე ზედმეტად გადახდილია 2,832 ლარი.

2017-2018 წლებში მუნიციპალიტეტში ქონების, მოთხოვნებისა და ვალდებულებების ინვენტარიზაცია არ განხორციელებულა. მათ შორის არ განხორციელებულა უძრავი ქონებისა ინვენტარიზაცია, რომელიც სავალდებულოა სამ წელიწადში ერთხელ. შედეგად დარღვეულია „საბიუჯეტო ორგანიზაციებში ქონების, მოთხოვნებისა და ვალდებულებების ინვენტარიზაციის ჩატარების წესის შესახებ“ საქართველოს ფინანსთა მინისტრის 2010 წლის №605 ბრძანების მოთხოვნები. შედეგად, მუნიციპალიტეტში მნიშვნელოვნად არის გაზრდილი აქტივების და სხვა რესურსების დაკარგვის, დაზიანების, არამართლზომიერი გამოყენების ან მართვის რისკები.

„საერთო სასამართლოების შესახებ“ ორგანული კანონის მოთხოვნაა სასამართლო პროცესების აუდიო-, ვიდეოჩაწერის უზრუნველყოფა, თუმცა, ნორმატიული აქტებით არ არის დაკონკრეტებული, თუ რა ვადით უნდა ინახებოდეს სასამართლო პროცესების აუდიო - ვიდეოჩანაწერები სისტემაში. შესაბამისად, დაინტერესებულ პირებს უფლება აქვთ მოითხოვონ ნებისმიერი პროცესის ჩანაწერები, მისი ხანდაზმულობის მიუხედავად. დეპარტამენტს აღნიშნულის უზრუნველყოფა არ შეუძლია, რადგან ეს ჩანაწერები, არსებული IT ინფრასტრუქტურის პირობებში, მხოლოდ გარკვეული ვადით ინახება. სასამართლო პროცესების აუდიო-, ვიდეოჩაწერის უზრუნველყოფის მიზნით, სასამართლოებში 2013 წელს დამონტაჟდა Avigilon.inc-ის და EMC Isilon-ის წარმოებული პროგრამული აპარატურული სისტემა. 2016 წლის 19 მაისს სისტემის საგარანტიო ვადა ამოიწურა, თუმცა დეპარტამენტს, საბიუჯეტო სახსრების არასაკმარისი ოდენობის გამო, თითქმის ერთი წლის განმავლობაში, ტექნიკური მომსახურების და სისტემის მხარდაჭერის მიზნით, შესყიდვა არ განუხორციელებია. აღნიშნული წარმოშობს აუდიო-ვიდეო ჩამწერი სისტემის შეუფერხებელ რეჟიმში ფუნქციონირების რისკებს.

ა(ა)იპ − ბათუმის სასაფლაოების მიერ შექმნილმა შიდა კონტროლის სისტემამ ვერ უზრუნველყო უხარისხოდ შესრულებული საპროექტო სამუშაოების დროული გამოვლენა და სათანადო რეაგირება, რის გამოც ვერ ხერხდება 3,390,000 ლარის ღირებულების ინფრასტრუქტურული პროექტის ექსპლუატაციაში შესვლა. ამასთანავე, მშენებლობისათვის გამოყოფილი ტერიტორიის არასრულფასოვნად შესწავლის შედეგად გაწეულია 706,274 ლარის არაეფექტიანი ხარჯი, რამაც 2018 წლისათვის 87,197 ლარის ღირებულების სამუშაოების დამატებით შესყიდვა განაპირობა და შესაძლოა, გახდეს ბიუჯეტიდან თანხების დამატებით გამოყოფის საფუძველი.

2017-2018 წლებში მუნიციპალიტეტში არ ხდებოდა განხორციელებული ეკონომიკური მოვლენების ბუღალტრული აღრიცხვა, არ არის ნაწარმოები მემორიალური ორდერები და მთავარი წიგნი, არ შედგენილა სინთეზური და ანალიზური აღრიცხვის დოკუმენტაცია. შესაბამისად, მუნიციპალიტეტის პასუხისმგებელ პირებს, აღნიშნული საანგარიშო პერიოდებისათვის არ მოუმზადებიათ ბუღალტრული ანგარიშგების ფორმები - ბალანსი და ბალანსის დანართები. მუნიციპალიტეტმა დაარღვია კანონმდებლობის მოთხოვნები ბუღალტრული აღრიცხვისა და ანგარიშგების კუთხით. შესაბამისად, არაფინანსური აქტივების მიღება-გასვლა, მატერიალური მარაგების მდგომარეობა, ფულადი სახსრების მოძრაობა და სხვა ეკონომიკური ნაკადები აღურიცხავია. არ ხდება, ბალანსისა და დანართი ფორმების მომზადება. შედეგად, მომხმარებლებს არ წარედგინება ინფორმაცია მუნიციპალიტეტის ფინანსური მდგომარეობის შესახებ.

2018 წელს, საბჭოს ინიციატივით, დონორი ორგანიზაციების მხარდაჭერითა და დაფინანსებით ჩატარდა სასამართლოს სისტემაში არსებული IT ინფრასტრუქტურის სრული შეფასების აუდიტი. აუდიტის დასკვნის საფუძველზე, დეპარტამენტს დაევალა გარკვეული IT ინფრასტუქტურის შესაძენად შესაბამისი ღონისძიებების გატარება. ტექნიკური პარამეტრების დაზუსტების პროცედურების გახანგრძლივების გამო, დეპარტამენტმა ვერ განახორციელა აქტივების ნაწილის შეძენა-დანერგვა, ხოლო ამ მიმართულებით არსებული კონკრეტული გეგმისა და სტრატეგიის შესახებ დოკუმენტურად დასაბუთებული ინფორმაცია ვერ მოვიპოვეთ.

ა(ა)იპ − „ბათუმის კორპუსის“ მიერ გამარტივებული შესყიდვის ფორმით შესყიდული სამშენებლო სამუშაოების ღირებულების სახით, ფაქტობრივად გაწეული დანახარჯების დამადასტურებელი დოკუმენტაციის წარმოუდგენლობის პირობებში, გადახდილია 173,248 ლარი. ამასთანავე, შესყიდვის სავარაუდო ღირებულება უსაფუძვლოდ გაზრდილია 11,700 ლარით, რაც საბიუჯეტო სახსრების არამიზნობრივად ხარჯვის რისკებს წარმოშობს.

წარმომადგენლობებში არ ხდებოდა თანამშრომლების სამსახურში მოსვლისა და სამსახურიდან გასვლის სათანადო აღრიცხვა და მასზე შესაბამისი კონტროლი, ამავდროულად რეგიონებისა და ქალაქების წარმომადგენლობების მიერ თანამშრომელთა ნამუშევარი დროის აღრიცხვის დოკუმენტი ვერ იქნა წარმოდგენილი, რის გამოც დაფიქსირდა სახელფასო თანხების კანონმდებლობით დადგენილი წესის შეუსაბამოდ გაცემა, რაც თავის მხრივ შეიცავს საბიუჯეტო სახსრების არამიზნობრივად გახარჯვის რისკებს და არ იძლევა შესაბამისი რწმუნების მიღების შესაძლებლობას კანონმდებლობასთან შესაბამისობაზე

მუნიციპალიტეტში შექმნილი შიდა აუდიტის სამსახურის საქმიანობის შესწავლის შედეგად გამოვლინდა, რომ საანგარიშო პერიოდში შიდა აუდიტის სამსახურს თავისი მოვალეობა არ შეუსრულებია. კერძოდ, მუნიციპალიტეტმა ვერ წარმოადგინა შიდა აუდიტის სამსახურის 2017-2018 წლების წლიური და სტრატეგიული გეგმები. სამსახურს ამ პერიოდში არ ჩაუტარებია არცერთი აუდიტორული შემოწმება. შესაბამისად, არ შეუდგენია აუდიტორული ანგარიშები და არ გაუცია რეკომენდაციები. მერიის შიდა აუდიტის სამსახურს 2017-2018 წლებში არ შეუსრულებია კანონმდებლობითა და დებულებით განსაზღვრული ვალდებულებები. აღნიშნული უარყოფითად მოქმედებს ორგანიზაციის შიდა ფინანსური კონტროლის სისტემაზე. შესაბამისად, მუნიციპალიტეტმა გასწია 58.9 ათასი ლარის არაეფექტიანი ხარჯი და გასცა საჯარო მოხელეების შრომის ანაზღაურება, რომელთა საქმიანობასაც რაიმე შედეგი არ მოუტანია.

საერთო სასამართლოების სისტემაში სამსახურებრივი ავტომანქანების განკარგვა ხასიათდება შემდეგი ნაკლოვანებებით: საბჭოს გადაწყვეტილებით, არ არის დარეგულირებული სატრანსპორტო საშუალებების რაოდენობა სასამართლოების მიხედვით, (გარდა განპიროვნებული ფუნქციის მქონე ავტომანქანებისა). ამასთანავე, არ არის გამიჯნული თუ რომელი თანამდებობის პირების ავტომანქანებით უზრუნველყოფა ევალება დეპარტამენტს და რომელი − საბჭოს; საერთო სასამართლოების სისტემაში არ არის დადგენილი ავტომანქანებზე საწვავის ლიმიტების გაანგარიშების და განსაზღვრის ერთიანი წესი. საბჭოს გადაწყვეტილებით, ავტომანქანებზე საწვავის ლიმიტის ოდენობის განსაზღვრა დეპარტამენტის თავმჯდომარის უფლებამოსილებაა, თუმცა გარკვეულ შემთხვევებში ლიმიტის ოდენობები განსაზღვრულია უშუალოდ საბჭოს მიერ; გამოვლინდა კონკრეტულ ავტომანქანაზე, როგორც ბრძანებით ლიმიტის დაწესებამდე, ასევე ლიმიტის გაუქმების შემდგომ საწვავის ხარჯვის ფაქტები. ასევე გამოვლინდა თანამშრომელთა შვებულების პერიოდში ავტომანქანების საწვავით გამართვის ფაქტები. აღნიშნულ შემთხვევებში ავტომანქანების სამსახურებრივი დანიშნულებით გამოყენება დეპარტამენტმა ვერ დაასაბუთა; ავტომანქანების ტექმომსახურების უზრუნველყოფის პროცესის კონტროლის ზოგიერთი მექანიზმი ხარვეზიანია. შესაბამისი დოკუმენტაცია, გარკვეულ შემთხვევებში, არასწორი და არასრულყოფილია, რაც წარმოშობს საბიუჯეტო სახსრების არაეკონომიური ხარჯვის რისკებს.

ტარიფები ადგილობრივი და საერთაშორისო საფოსტო მომსახურებებისთვის დადგენილია შპს „საქართველოს ფოსტის“ გენერალური დირექტორის ბრძანების საფუძველზე. ფოსტა უზრუნველყოფს საქართველოს ტერიტორიის ყველა პუნქტის ყველა მომხმარებლისათვის საფოსტო მომსახურების ხელმისაწვდომ ფასად მიწოდებას. კომპანიაში არ არსებობს ფასწარმოქმნის კალკულაცია და არ არის დადგენილი − ტარიფის როგორი ზღვარი იქნება ხელმისაწვდომი მომხარებელთა სხვადასხვა სეგმენტისათვის, ასევე არ არის შესწავლილი ბაზარი, კონკურენტული გარემო და ყველა ტიპის მომხარებლისთვის დაწესებულია ერთი ტარიფი. სახელმწიფო აუდიტის სამსახურის მიერ 2017 წლის შემოსავლების ანალიზის შედეგად გამოვლინდა, რომ ადგილობრივი საფოსტო მომსახურების შემოსავლის 99% მიღებულია იურიდიული პირებიდან, ხოლო 1% − ფიზიკური პირებიდან. ფიზიკური პირების პროცენტულად დაბალი დონე შესაძლოა გამოწვეული იყოს მოთხოვნის ნაკლებობით, ხოლო იურიდიული პირების მაღალი ხვედრითი წილი − კონკურენტებთან შედარებით მნიშვნელოვნად დაბალი ფასით. ფიზიკური და იურიდიული პირების მსგავსი განაწილება მიუთითებს დამატებითი ანალიზის საჭიროებაზე, რათა მოხდეს მომხარებელთა სეგმენტაცია სხვადასხვა, მათ შორის, გადახდისუნარიანობის პრინციპით. ამასთანავე, ბაზრისა და კონკურენტული გარემოს კვლევის შედეგების, ასევე კომპანიის გაცხადებული მიზნების გათვალისწინებით, უნდა მოხდეს დივერსიფიცირებული ტარიფების დაწესების შესაძლებლობის განხილვა. აღნიშნული ხელს შეუწყობს კომპანიას უფრო ეფექტიანად და პროდუქტიულად გამოიყენოს საკუთარი რესურსი და მიაღწიოს დასახულ მიზნებს. ზემოაღნიშნულიდან გამომდინარე, ჩვენ ვერ მოვიპოვეთ დასაბუთება, თუ რამდენად გონივრულია ყველა ტიპის მომხმარებლისათვის ერთი და იმავე ტარიფის დაწესების გადაწყვეტილება და რამდენად გამართლებულია მსგავსი მიდგომა კომპანიის ეკონომიკური მიზნებისთვის.

იმერეთის წარმომადგენლობაში რამდენიმე თანამშრომლებზე არასწორად (ზედმეტად) იყო გაცემული საბიუჯეტო სახსრები. ამავდროულად, ბუღალტრის მიერ საქმისადმი არაჯეროვანი მიდგომისა და ხელმძღვანელობის მხრიდან არასათანადო კონტროლის პირობებში დაფიქსირდა რეალურად გაუცემელი ხელფასის შეცდომით დადეკლალირება;

მიმდინარე აუდიტის ფარგლებში შესწავლილ იქნა წინა აუდიტის შედეგად გამოვლენილ დარღვევებზე მუნიციპალიტეტის მიერ განხორციელებული რეაგირებები. აუდიტის ობიექტმა წარმოგვიდგინა ინფორმაცია წინა აუდიტის დროს დაფიქსირებულ ხარვეზებთან დაკავშირებით გატარებული ღონისძიებების შესახებ. წარმოდგენილი ინფორმაციით ირკვევა, რომ მუნიციპალიტეტმა არ მოახდინა სათანადო რეაგირება და არ გამოასწორა სხვადასხვა დარღვევა-ნაკლოვანებები. კერძოდ, 2016-2018 წლებში კვლავ არ ჩატარებულა ინვენტარიზაცია, საკრებულოს წევრების უფლებამოსილების განხორციელების ხარჯები ანაზღაურებულია შესაბამისი დოკუმენტაციის წარმოდგენის გარეშე, წარმომადგენლობითი ხარჯები გაწეულია შესაბამისი დასაბუთების გარეშე, არ არის დაცული გამოყენებული ავტოსატრანსპორტო საშუალებების ზღვრული ნორმა, არ არის დაწესებული საწვავის ხარჯვის ლიმიტები და სხვ.

2017-2018 წლებში (სახელმწიფო ბიუჯეტის ფარგლებში), სხვადასხვა სახის საქონლისა და მომსახურების შესყიდვის მიზნით, გაფორმებულია 613 ხელშეკრულება, ღირებულებით − 26,964,109 ლარი, ხოლო საკუთარი სახსრებით გაფორმებულია 219 ხელშეკრულება, ღირებულებით − 230,185 ლარი. დეპარტამენტის მიერ განხორციელებულ სახელმწიფო შესყიდვებში გამოვლინდა შემდეგი ნაკლოვანებები: კონკურენციის გარეშე მიმდინარეობდა დეპარტამენტის მიერ ვიდეოსამეთვალყურეო სისტემის შესყიდვის მიზნით გამოცხადებული ტენდერები. სატენდერო დოკუმენტაციით ვიდეოკამერებთან ერთად გათვალისწინებული იყო შესაბამისი ლიცენზიის შესყიდვა. გასულ პერიოდში (2017-2018 წლებში), კონკრეტული ლიცენზიის მიწოდება მხოლოდ ერთი პირის ექსკლუზიურ უფლებამოსილებას წარმოადგენდა. შედეგად, ვიდეო-სამეთვალყურეო სისტემის ლიცენზიასთან ერთად შესყიდვა ფორმალურ ხასიათს ატარებდა, რამაც კონკრეტულ ტენდერში კონკურენცია შეზღუდა და მხოლოდ ერთმა პრეტენდენტმა მიიღო მონაწილეობა; • დასუფთავების მომსახურების შესყიდვასთან ერთად, ერთი ტენდერის ფარგლებში, დეპარტამენტმა მოითხოვა ასევე სხვადასხვა სახის მომსახურებების შესყიდვა (ლიფტების მომსახურება, ხანძარსაწინააღმდეგო სისტემების მონიტორინგი, სანტექნიკა, კანალიზაცია, გენერატორის, შიდა სატელეფონო ქსელისა და სატელეფონო ავტოსადგურის მოვლა-შენახვა, გათბობა-კონდიცირების შეკეთება). აღნიშნული ტიპის მომსახურებების შესყიდვა ერთი ტენდერის მეშვეობით ამცირებს კონკურენციას. ამასთანავე, ვერ საბუთდება აღნიშნული კომპანიების მიერ ზოგიერთი მომსახურებისთვის გაწეული ხარჯების რეალურობა. შესაბამისად, ასეთი მეთოდით ჩატარებული ტენდერების და მიღებული მომსახურების ხარჯთეფექტიანობა გაურკვეველია; სათარჯიმნო მომსახურებების შესყიდვისას, სატენდერო პირობა, რომლის მიხედვით პრეტენდენტს უნდა გააჩნდეს სათარჯიმნო და მთარგმნელობითი მომსახურების გაწევის სფეროში 2-წლიანი გამოცდილება, ტენდერში მონაწილეობისაგან ზღუდავს მაღალკვალიფიციური კადრებით დაკომპლექტებულ ახლად შექმნილ სათარჯიმნო ბიუროს.

გადაზიდვის მომსახურებაზე ტარიფები რეგულირდება თითოეულ კონტრაქტორთან გაფორმებული ხელშეკრულებით. შერეული ტვირთების გადაზიდვის შემთხვევაში, ხელშეკრულება ასევე მოიცავს შემოსავლის პროცენტულ განაწილებას გადამზიდავს და შპს „საქართველოს ფოსტას“ შორის. კომპანიას არ აქვს დადგენილი ტარიფის დათვლის საფუძვლები. ვერ იქნა წარმოდგენილი ინფორმაცია იმის შესახებ, თუ როგორ, რა პრინციპით ხდება შემოსავლის პროცენტული განაწილება კომპანიასა და გადამზიდავს შორის. მსგავსი არასისტემური მიდგომა ვერ ჩაითვლება ჯანსაღი ფინანსური მმართველობის მაგალითად და შესაძლოა უარყოფითად აისახოს კომპანიის ფინანსურ შედეგებზე. დასკვნა: შპს „საქართველოს ფოსტაში“ არ არის დადგენილი ფასწარმოქმნის პრინციპები საფოსტო და გადაზიდვის მომსახურებებიდან მიღებული შემოსავლებისთვის. ჩვენ ვერ დავრწმუნდით, რამდენად ეფექტიანი და გონივრულია არსებული სატარიფო პოლიტიკა, ასევე გადაზიდვებში დადგენილი პროცენტული განაწილების დაუსაბუთებლობამ შესაძლოა უარყოფითი გავლენა იქონიოს შემოსავლების ფორმირებაზე.

აღმოსავლეთისა და იმერეთის წარმომადგენლობებში შრომის ანაზღაურების გაცემა განხორციელდა, როგორც არასწორად გაანგარიშებული თანხით, ასევე არასწორი სახაზინო მუხლით, რითაც დაფიქსირდა ჯამში 1,084.08 ლარის საბიუჯეტო სახსრების კანონშეუსაბამოდ გაცემის/ხარჯვის ფაქტები.

2017 წლის 1-ლი იანვრის მდგომარეობით, მუნიციპალიტეტის ბიუჯეტის ნაშთმა შეადგინა 4,022.4 ათასი ლარი. აღნიშნული თანხიდან მუნიციპალიტეტის 2017 და2018 წლებში მუნიციპალიტეტმა დაგეგმა ნაშთის გამოყენება თუმცა ორივე წელს განხორციელდა ნაშთის ზრდა და 2019 წლის 1 იანვრისთვის ნაშთი დაფიქსირდა 5,515.5 ათასი ლარის ოდენობით. აღნიშნული თანხიდან 1,290.4 ათასი ლარი თავისუფალი ნაშთია.

აუდიტის შედეგად გამოვლინდა საპროექტო-სახარჯთაღრიცხვო დოკუმენტაციის შედგენისა და მშენებლობის განხორციელების პროცესში არსებული კონტროლის ნაკლოვანებები. 2017-2018 წლებში 2 სამშენებლო კომპანიისთვის ჯამურად, ზედმეტად გადახდილია 125,216 ლარი. დეპარტამენტმა თანხის დაბრუნების მიზნით მიმართა სამშენებლო კომპანიებს და აღნიშნული თანხა დაბრუნებულია სახელმწიფო ბიუჯეტში, ხოლო ერთ ობიექტზე (არქივის შენობა), რომლის სამუშაოებზე არ იყო გაფორმებული საბოლოო მიღება-ჩაბარების აქტი, აუდიტის მიერ გამოვლენილი შეუსაბამობები ეცნობა დეპარტამენტს. შედეგად, დაკორექტირდა შესრულებულ სამუშაოთა აქტი და მიმწოდებელს გადაერიცხა 16,386 ლარით ნაკლები თანხა.

„საქონლისა და მომსახურების შესყიდვის სპეციალური წესი“ შემსყიდველის მიზნების შეუფერხებლად განხორციელებისა და ფულადი სახსრების რაციონალური ხარჯვის მიზნით, ამარტივებს შესყიდვების პროცედურებს. ამ წესის თანახმად, შემსყიდველის მიერ ერთ პირთან მოლაპარაკების საშუალებით, შესყიდვა შესაძლოა განხორციელდეს, თუ შესყიდვის შესახებ ერთჯერადად დასადები გარიგების ღირებულება არ აღემატება 100, 000 ლარს. ზემოაღნიშნული ზღვარი ეხება ერთჯერადად დასადები ხელშეკრულების და არა წლის განმავლობაში ერთგვაროვანი ობიექტების შესყიდვის ღირებულებას. აღნიშნული ჩანაწერი არის ხარვეზიანი და ხელშეკრულების ხელოვნურად დაყოფის საშუალებას იძლევა, რაც ზრდის შესყიდვებისათვის განკუთვნილი ფულადი სახსრების არარაციონალურად ხარჯვის რისკს.

აღმოსავლეთის, სამეგრელოსა და იმერეთის წარმომადგენლობების მიერ თანამშრომელთა უფლებამოსილების განხორციელების პროცესებისა და სამორიგეო ავტომანქანის მოძრაობის არასათანადო კონტროლის გამო, დაირღვა საჯარო მოხელის მივლინებაში გამგზავრებისა და სამივლინებო ხარჯების ანაზღაურების წესი

მუნიციპალიტეტის მოსახლეობას ხშირ შემთხვევაში წყალი შეფერხებით მიეწოდება, ან მიეწოდება სასმელად უვარგისი, ტექნიკური წყალი. არ არის განხორციელებული აბონენტების გამრიცხველიანება, ა(ა)იპ „დუშეთის წყალი“ არ ფლობს ლიცენზიას და ვერ უზრუნველყოფს წყლის სისტემების სათანადო მოვლა-პატრონობას. აღსანიშნავია, რომ პრობლემები ატარებს სისტემურ ხასიათს. მერიას ამ პრობლემების მოგვარების მიზნით, სათანადო ღონისძიებები არ გაუტარებია.

„სახელმწიფო შესყიდვების შესახებ“ საქართველოს კანონით, შესყიდვების წლიური გეგმის პროექტის შემუშავების დროს, შემსყიდველის მიერ გათვალისწინებული უნდა იყოს შესყიდვის განხორციელების აუცილებლობა, მისაწოდებელი საქონლის რაოდენობა, შესრულებული სამუშაოს ან გასაწევი მომსახურების მოცულობა მარაგების გათვალისწინებით. შპს „საქართველოს ფოსტის“ 2017 წლის სახელმწიფო შესყიდვების გეგმა დამტკიცებულია კომპანიის გენერალური დირექტორის მიერ. წლის განმავლობაში გეგმა შეიცვალა 76-ჯერ. საბოლოოდ გეგმა დაზუსტდა 2017 წლის 21 დეკემბერს და ითვალისწინებდა 18,401,922 ლარის ღირებულების სახელმწიფო შესყიდვების განხორციელებას, თუმცა ფაქტობრივმა ხარჯმა 11,764,238 ლარი შეადგინა. შესაბამისად, კომპანიას არ შეუსყიდია დაგეგმილი საქონლისა და მომსახურების 36%. აღსანიშნავია ის ფაქტი, რომ კომპანიაში სათანადოდ არ დოკუმენტირდება შესყიდვების გეგმის ცვლილებების მიზნობრიობა და საფუძველი. კომპანიაში არ მზადდება საქართველოს მთავრობის დადგენილებით დამტკიცებული „საქონლისა და მომსახურების შესყიდვის სპეციალური წესის“ საფუძველზე განსახორციელებელი შესყიდვების წლიური გეგმა. მიუხედავად გეგმის მომზადებაზე საკანონმდებლო მოთხოვნების არარსებობისა, შესყიდვების დეტალური და დროული დაგეგმვა მნიშვნელოვანია ფულადი სახსრების გადინების ეფექტიანი პროგნოზირებისათვის.

სამეგრელოსა და იმერეთის წარმომადგენლობებში დაფიქსირდა შემთხვევები, როდესაც კვების ობიექტებში (ძირითადად, სარესტორნო მომსახურება) გაწეული 4,140 ლარის წარმომადგენლობითი ხარჯების მიზნობრიობა და მიზანშეწონილობა სათანადოდ ვერ დასაბუთდა, რამაც წარმოქმნა საბიუჯეტო სახსრების არამართლზომიერად გახარჯვის რისკები

სამშენებლო სამუშაოების გამარტივებული წესით შესყიდვების საფუძვლად მუნიციპალიტეტს მითითებული აქვს გადაუდებელი აუცილებლობა. თუმცა, ფაქტობრივი გარემოებების შესწავლით აღნიშნული საფუძვლების მიზანშეწონილობა ზოგიერთ შემთხვევაში არ დასტურდება. შედეგად მუნიციპალიტეტმა დაკარგა სატენდერო ეკონომიის მიღების შესაძლებლობას, გასწია 20 ათასი ლარის არაეკონომიურ ხარჯი.

საქართველოს საგადასახადო კოდექსის თანახმად, დამატებული ღირებულების გადასახადისგან ჩათვლის უფლების გარეშე გათავისუფლებულია მოტოციკლის (მოპედის ჩათვლით) მიწოდება ან/და იმპორტი და ბეჭდვის მომსახურების გაწევა. შესაბამისად, მსგავსი ტიპის პროდუქტის და მომსახურების შესყიდვის თანხა არ უნდა შეიცავდეს დღგ-ს. კომპანიამ აღნიშნული საქონელი და მომსახურება შეისყიდა დღგ-ის ჩათვლით, კერძოდ: 2017 წლის 30 ნოემბერს შპს „აიფუდისგან“ გადაუდებელი აუცილებლობით შესყიდულია ავტოსატრანსპორტო საშუალებები, ღირებულებით − 92,700 ლარი, დღგ-ის ჩათვლით. თანხა მომწოდებლისთვის გადახდილ იქნა სრულად. დღგ-ის სახით გადახდილმა თანხამ შეადგინა 14,140 ლარი. 2017 წლის 22 თებერვალს ბეჭდვის მომსახურების შესყიდვაზე გამოცხადდა ელექტრონული ტენდერი შესყიდვის სავარაუდო ღირებულებით − 125,762 ლარი, დღგ-ის გარეშე. ტენდერში გაიმარჯვა შპს „გამომცემლობა კოლორმა“ (100,890 ლარი). ხელშეკრულება მასთან გაფორმდა დღგ-ის გათვალისწინებით 119,039 ლარზე. მომსახურების ღირებულება 2017 წელს გადახდილია სრულად. დღგ-ის სახით მომწოდებლისთვის გადახდილია 18,159 ლარი. ანალოგიურად, 2017 წელს ბეჭდვით მომსახურებაზე დღგ-ის სახით თანხები გადახდილია კიდევ 4 მომწოდებლისათვის, ჯამური − 10,104 ლარის ოდენობით. არასწორად გადახდილი დღგ-ის შედეგად, 2017 წელს კომპანიიდან, საჭიროების გარეშე, სულ დაიხარჯა 42,403 ლარი. თუმცა ამ თანხის ნაწილი კომპანიამ ჩაითვალა და აღიარა როგორც საგადასახადო აქტივი, ნაწილი კი, კერძოდ, შპს „აიფუდისთვის“ გადახდილი 13,866 ლარი არ არის ჩათვლილი და ექვემდებარება დაბრუნებას მომწოდებლის მხრიდან.

აღმოსავლეთისა და სამეგრელოს წარმომადგენლობების მიერ არ ხდება მათ ბალანსზე არსებული ავტომანქანების მოძრაობისა და მათზე გაწეული ხარჯების 1230 ლარის სათანადო კონტროლი, რის გამოც იქმნება ავტომანქანების არადანიშნულებით გამოყენებისა და საბიუჯეტო სახსრების არამიზნობრივად გახარჯვის რისკები

გამარტივებული შესყიდვის წესით გაფორმებული 18 ხელშეკრულების ფარგლებში ანგარიშსწორების განხორციელებისას მერიამ არ დაიცვა კანონმდებლობის მოთხოვნები და 305.4 ათასი ლარი აანაზღაურა ფაქტობრივი ხარჯის დამადასტურებელი დოკუმენტების სრულად წარმოდგენისა და დაანგარიშების გარეშე, რაც ქმნის საბიუჯეტო სახსრების ზედმეტად ანაზღაურების რისკს.

სატენდერო კომისიის ნებისმიერი გადაწყვეტილება უნდა დოკუმენტირდებოდეს კომისიის სხდომების ოქმებში, ამიტომ მნიშვნელოვანია ოქმებში კომისიის გადაწყვეტილებების ადეკვატური და ზუსტი ასახვა. 2017 წელს ტენდერით განხორციელებული შესყიდვებისას, ზოგ შემთხვევაში, ადგილი ჰქონდა სატენდერო კომისიის სხდომის ოქმების არასწორად და უყურადღებოდ შედგენის ფაქტებს. დაშვებული ტექნიკური შეცდომები სატენდერო კომისიის გადაწყვეტილებებს გაუგებარს ხდიდა, მაგალითად: 2017 წლის 31 მაისს, შპს „გრემი 2012“-ის მიერ წარმოდგენილი სატენდერო წინადადების განხილვის მიზნით ჩატარებული სხდომის ოქმში დაფიქსირდა, რომ სატენდერო კომისიამ განიხილა შპს „მონოლითის“ მიერ წარმოდგენილი სატენდერო წინადადება და დაადგინა, რომ იგი შეესაბამებოდა სატენდერო დოკუმენტაციით მოთხოვნილს („მონოლითი“ კომისიის მიერ დისკვალიფიცირებული იყო წინა დღეს). ამავე ოქმით გამარჯვებულად გამოცხადდა შპს „ალგეთი 2012“, რომელსაც ტენდერში მონაწილეობა არ მიუღია. მსგავსი ხარვეზები ასევე გამოვლინდა ავტოსატრანსპორტო საშუალებების და სათვალთვალო და დაცვის სისტემების შესყიდვის ტენდერებში. მიუხედავად ზემოაღნიშნული შეცდომებისა, ტენდერში გამარჯვებულ შესაბამის მომწოდებლებთან ხელშეკრულებები გაფორმდა სწორად, თუმცა, აღწერილი გარემოებები მიუთითებს იმაზე, რომ სატენდერო კომისიის წევრები დეტალურად არ ეცნობიან ოქმების შინაარსს და მათი ხელმოწერები ფორმალური ხასიათისაა. შესაბამისად, აღნიშნულ პროცესთან დაკავშირებით კონტროლის მექანიზმი არ მუშაობს გამართულად და შესაძლოა, ხელშეკრულების სატენდერო პირობების შეუსაბამოდ გაფორმდეს.

აღმოსავლეთის წარმომადგენლობაში, საფინანსო-საბუღალტრო სამსახურის არაკვალიფიციური მიდგომით, ცვეთის თანხები არასწორად იქნა გაანგარიშებული, რამაც გამოიწვია არაფინანსური აქტივებისა და ძირითადი კაპიტალის მოხმარების ხარჯების ფინანსურ ანგარიშგებაში არასწორი ღირებულებით 632.59 ლარით გაზრდილად ასახვა; იმერეთისა და სამეგრელოს წარმომადგენლობებში აქტივების საჭიროების/მიზნობრიობის, მოხმარების/ხარჯვის დამადასტურებელი დოკუმენტაციისა და შესაბამისი კონტროლის არ არსებობის გამო, წარმოიქმნა არაფინანსური აქტივების არადანიშნულებით გამოყენებისა და საბიუჯეტო სახსრების არამიზნობრივად გახარჯვის რისკები; აღმოსავლეთის, ზემო აფხაზეთის, სამეგრელოსა და იმერეთის წარმომადგენლობებში მატერიალურად პასუხისმგებელი პირებისა და საინვენტარიზაციო კომისიის არაკვალიფიციური მიდგომის, აგრეთვე ხელმძღვანელობის არასათანადო კონტროლის გამო, არ მოხდა აქტივების სრული, ზუსტი და დადგენილი წესის მოთხოვნების შესაბამისი აღრიცხვა (ინვენტარიზაციის შედეგებში ასახვა), რითაც შეიქმნა არაფინანსური აქტივების დაკარგვის, დატაცების ან/და არამიზნობრივად გამოყენების რისკები.

შესყიდვის ხელშეკრულებაში შეტანილი ცვლილების შედეგად დაუსაბუთებლად გაიზარდა სამუშაოს ერთეულის ფასი. შედეგად, მუნიციპალიტეტის ბიუჯეტიდან ზედმეტად ანაზღაურდა 3.3 ათასი ლარი.

„სახელმწიფო შესყიდვების შესახებ“ საქართველოს კანონის თანახმად, ტენდერში მონაწილე პრეტენდენტების მიმართ ტექნიკურ, შესრულების ან/და ფუნქციურ სპეციფიკაციებთან დაკავშირებული მოთხოვნები უნდა იყოს პროპორციული, არადისკრიმინაციული და ხელს უწყობდეს ჯანსაღი კონკურენციის დამკვიდრებას. ერთ შემთხვევაში, ტენდერის საშუალებით ავტომობილების შესყიდვისას, სატენდერო დოკუმენტაციაში შესასყიდი საქონლის აღწერისას მითითებული პარამეტრები მიახლოებული იყო კონკრეტული მომწოდებლის შემოთავაზებულ პარამეტრებთან. აღნიშნული ზღუდავდა სხვა შესაძლო პრეტენდენტებს და ხელს უშლიდა ტენდერის კონკურენტულ გარემოში ჩატარებას. შედეგად, ტენდერში მონაწილეობდა ერთი პრეტენდენტი. შესაბამისად, არ მომხდარა ფასის კლება და ავტოსატრანსპორტო საშუალებები შესყიდულ იქნა სავარაუდო ღირებულების ფასად.

იმერეთისა და სამეგრელოს წარმომადგენლობებში ჩასატარებელი სარემონტო სამუშაოების შესახებ არ ხდებოდა სრული და დეტალური ინფორმაციის მოძიება/შესწავლა, დაუსაბუთებლად და რაციონალურობის პრინციპის გაუთვალისწინებლად წარმოებდა შესასრულებელი სამუშაოების ღირებულების შეფასება. ბაზრის კვლევის გარეშე ფორმდებოდა ხელშეკრულება შემსრულებლებთან, რომელთა მიერ განხორციელებული სარემონტო სამუშაობის შესახებ არ იყო წარმოდგენილი იდენტიფიცირებადი ინფორმაცია. შესაბამისად, საქმისადმი არაკვალიფიციური მიდგომის გამო, შეიქმნა საბიუჯეტო სახსრების 14781.36 ლარის არამიზნობრივად გახარჯვის რისკები;

მუნიციპალიტეტმა სამუშაოების მიწოდების ვადების დარღვევისათვის დააწესა დაბალი პირგასამტეხლო. გამოყენებულმა საჯარიმო სანქციებმა ვერ უზრუნველყო შესყიდვის ობიექტების დაგვიანებით მიწოდების პრევენცია. საპროექტო-სახარჯთაღრიცხვო დოკუმენტაცია და სამუშაოები მუნიციპალიტეტს მიეწოდებოდა დიდი ხნის დაგვიანებით, რაც იწვევდა ინფრასტრუქტურული პროექტების განხორციელების შეფერხებას.

შპს „საქართველოს ფოსტამ“ 198,300 ლარად შეისყიდა უნაგირა საწევარა. გამოცხადებული ტენდერის ტექნიკური მოთხოვნები შედგენილი იყო არასათანადოდ და არ იყო დასაბუთებული. კერძოდ, მოთხოვნილი იყო, რომ უნაგირა საწევარას სიგრძე არ უნდა ყოფილიყო 3570 მმ-ზე მეტი, თუმცა ქვედა ზღვარი დაწესებული არ ყოფილა. შესაბამისად, არსებობდა იმის რისკი, რომ გაემარჯვა კომპანიას, რომელიც შესთავაზებდა გაცილებით ნაკლები ზომის ტექნიკას, რაც შესაძლოა, კომპანიას ფოსტის საქმიანობისთვის სათანადოდ ვერ გამოეყენებინა. აღსანიშნავია, რომ სხვა პარამეტრების მოთხოვნის საჭიროებაც არ იყო დასაბუთებული. კომპანიამ სატენდერო პარამეტრები განსაზღვრა კონკრეტული მიმწოდებლის მონაცემების საფუძველზე.

სამეგრელოს წარმომადგენლობის მიერ ერთჯერადი მატერიალური დახმარების პროგრამის ფარგლებში გამოვლინდა თანხების არასწორად, შეცდომით ჩარიცხვის ფაქტები. არასათანადო კონტროლის გამო, რიგ შემთხვევებში დაფინანსება გაიცა დამტკიცებული წესის საფუძველზე მიღებული გადაწყვეტილების შეუსაბამოდ, შედეგად საბიუჯეტო სახსრების განკარგვის კუთხით შეიქმნა თანხების არამიზნობრივად გახარჯვის რისკები.

მუნიციპალიტეტის მერიამ ჩაიბარა ისეთი ინფრასტრუქტურული პროექტები, რომელთა ხარისხიც სათანადოდ დადასტურებული არ იყო. შედეგად, სამუშაოების ნაწილი დაზიანებულია და საჭიროებს დამატებით რეაბილიტაციას. მუნიციპალიტეტი ვალდებული იყო დაედგინა დაზიანების გამომწვევი მიზეზები, პასუხისმგებელი პირები და ზარალის ანაზღაურების მიზნით, მათ მიმართ გაეტარებინა შესაბამისი ღონისძიებები, რაც არ განუხორციელებია.

ფინანსური რესურსის რაციონალური ხარჯვის უზრუნველსაყოფად შესყიდვის ხელშეკრულებაში დეტალურად უნდა იყოს აღწერილი შესყიდვის საგნის მახასიათებელი, მოცულობა და მიწოდების ვადები. ასევე თანხის ანაზღაურება უნდა მოხდეს ფაქტობრივად მიღებული საქონლისა და მომსახურების შესაბამისად. საფოსტო საქმიანობისათვის რეკლამის დამზადებისა და განთავსების მომსახურების შესყიდვები განხორციელებულია საქონლისა და მომსახურების შესყიდვების სპეციალური წესით, ერთ პირთან მოლაპარაკების საშუალებით. ზოგ შემთხვევაში სარეკლამო მომსახურების შესყიდვებთან დაკავშირებით შედგენილ დოკუმენტებში (ხელშეკრულებები, მიღება-ჩაბარების აქტები და სხვ.) გარკვევით არ არის დაფიქსირებული ისეთი მაჩვენებლები, რომლებიც აუცილებელია სარეკლამო მომსახურებაზე გაწეული ხარჯების მიზანშეწონილობის დასადგენად, კერძოდ: • 2017 წლის 17 მაისს შპს „კომპანია მედიასტრიმთან“ გაფორმებული ხელშეკრულების საგანს წარმოადგენდა სარეკლამო რგოლის დამზადების და მისი რადიო „ენერჯის“ ეთერში განთავსების მომსახურების შესყიდვა. ხელშეკრულების თანახმად, მომსახურება უნდა მიწოდებულიყო ეტაპობრივად, არა უგვიანეს 2017 წლის 30 ივნისისა, 30-წამიანი რგოლის ეთერში, დღეში 24-ჯერ განთავსებით. ხელშეკრულების დანართით წარმოდგენილ სარეკლამო მომსახურების მედიაგეგმაში კი სარეკლამო რგოლის ქრონომეტრაჟად მითითებულია 23 წამი, ხოლო ეთერში განთავსების პერიოდი − 17 მაისიდან 15 ივნისის ჩათვლით. სამუშაოთა შესრულების დამადასტურებელი მიღება-ჩაბარების აქტი გაფორმდა 2017 წლის 23 მაისს, ანუ ხელშეკრულების ხელმოწერიდან 6 დღეში. აქტში დაფიქსირდა, რომ კომპანიამ მიიღო მომსახურება, რისთვისაც კონტრაქტორისთვის გადახდილია ხელშეკრულებით გათვალისწინებული ჯამური ღირებულება 12,108 ლარი. ჩვენ ვერ დავრწმუნდით, გაგრძელდა თუ არა მომსახურება ხელშეკრულებით განსაზღვრულ ვადამდე. • 2017 წლის 5 ივლისს ფიზიკურ პირთან გაფორმდა ხელშეკრულება, საფოსტო პროდუქტის მხარდამჭერი მარკეტინგული და საინფორმაციო მომსახურების შესყიდვაზე. მომსახურება გულისხმობდა კომპანიის რეკლამის განთავსებას ბათუმის ბულვარის ტერიტორიაზე (35-40 კვ.მ 3D ნახატი) და PR აქტივობას. ხელშეკრულების ღირებულება შეადგენდა 28,687 ლარს. მომსახურების მიწოდება უნდა განხორციელებულიყო ეტაპობრივად, 7 დღის განმავლობაში (26 ივლისიდან 1 აგვისტოს ჩათვლით). წარმოდგენილი დოკუმენტებით ვერ დადგინდა, 3D ნახატის დამზადების ღირებულება, მისი განთავსების ზუსტი ფართი, რაში გამოიხატებოდა PR აქტივობა და რას შეადგენდა მისი ღირებულება. შესაბამისად, ჩვენ ვერ დავრწმუნდით, მიიღო თუ არა კომპანიამ გადახდილი თანხის შესაბამისი მომსახურება. აღსანიშნავია, რომ თანხა კონტრაქტორისათვის ანაზღაურებულია მთლიანად. • შპს „ჯორჯია თუდეი ჯგუფთან“ 2017 წლის 16 ოქტომბერს გაფორმებული ხელშეკრულების საფუძველზე შესყიდულ იქნა საფოსტო საქმიანობის რეკლამის განთავსების მომსახურება, რომელიც გულისხმობდა 2017 წლის ოქტომბერ-ნოემბერში ჟურნალ OK-ის ღონისძიებაზე რეკლამის განთავსებას, ჯამური ღირებულებით − 25,000 ლარი. ხელშეკრულების თანახმად, მომსახურების მიწოდება უნდა განხორციელებულიყო ეტაპობრივად, არა უგვიანეს 2017 წლის 30 ნოემბრისა. როგორც მიღება-ჩაბარების აქტიდან ირკვევა, შემსრულებელს ჟურნალ OK-ის ღონისძიებაზე სარეკლამო მომსახურება გაწეული აქვს მხოლოდ 2017 წლის 1 ნოემბერს. თანხა მომწოდებლისთვის გადახდილია სრულად. კომპანიის განმარტებით, გადახდილი თანხის ნაწილი არ ექვემდებარება დაბრუნებას, რადგან ხელშეკრულებაში იყო ტექნიკური ხარვეზი და მომსახურება გულისხმობდა რეკლამის ერთჯერადად განთავსებას ნოემბერში ჩატარებულ ღონისძიებაზე. შპს „საქართველოს ფოსტამ“ ვერ წარმოადგინა დასაბუთება, რაც დაგვარწმუნებდა ზემოაღნიშნული შესყიდვების მიზანშეწონილობაში. შესაბამისად, გამოვლენილი ნაკლოვანებები ზრდის კომპანიის თანხების არარაციონალური ხარჯვის რისკს.

აღმოსავლეთის, ზემო აფხაზეთის, სამეგრელოსა და იმერეთის წარმომადგენლობებში ბუღალტრული სამსახურების საქმისადმი არაკვალიფიციური მიდგომისა და ხელმძღვანელობის მხრიდან არასათანადო კონტროლის პირობებში, ხარჯებისა და მატერიალური ფასეულობების აღრიცხვის დროს არ იყო დაცული სისწორის, სისრულის, არსებითობისა და საიმედოობის პრინციპები, ჯამში 171102.8 ლარით არასწორად იყო წარდგენილი ფინანსური ანგარიშგება, რითაც იქმნებოდა საბიუჯეტო რესურსების (ფულადი სახსრები და მატერიალური ფასეულობები) უკონტროლოდ განკარგვის რისკები.

2019 წლის 1 იანვრის მდგომარეობით მუნიციპალიტეტის მერიას ნაშთად ერიცხება 236.3 ათასი ლარის ღირებულების სხვადასხვა დროს შეძენილი და გადმოცემული მასალები, რომლებიც გამოუყენებელია. შესაბამისად მერიამ ვერ უზრუნველყო მათი გამოყენებით დაგეგმილი ინფრასტრუქტურული პროექტების დროულად განხორციელება.

შშმ პირთა სტატუსის განსაზღვრის სამედიცინო მოდელის ფარგლებში შეგროვებული სტატისტიკური მონაცემები ვერ უზრუნველყოფს შშმ პირთა შესახებ სრულყოფილი და სათანადო ინფორმაციის წარმოებას, რაც შშმ პირებისათვის განკუთვნილი პოლიტიკისა და პროგრამების დაგეგმვის აუცილებელი წინაპირობაა. სოციალურ მოდელზე გადასასვლელად ახალი მოდელის პილოტირება და დანერგვა ჯერ კიდევ 2010 წლიდან იყო გათვალისწინებული სხვადასხვა სამთავრობო სამოქმედო გეგმით. მათი ამოქმედება გადავადდა და პილოტირება აჭარის რეგიონში მხოლოდ 2019 წელს დაიწყო. შესაბამისად, სოციალური მოდელი დანერგილი არ არის, რაც სამინისტროს საშუალებას მისცემდა შშმ პირთა საჭიროებებზე ეწარმოებინა ინდივიდუალური სტატისტიკა, ქვეპროგრამების ოპტიმალურად დაგეგმვის მიზნით;

სახელმწიფოს 50%-ზე მეტი წილობრივი მონაწილეობით შექმნილი საწარმოების კაპიტალში არსებული ან/და ბალანსზე რიცხული ძირითადი საშუალებების განკარგვის წესის თანახმად, საწარმოს ხელმძღვანელის წერილობითი გადაწყვეტილებით შექმნილმა კომისიამ, რომელიც შეისწავლის ამორტიზებული ან ექსპლოატაციისათვის გამოუყენებელი ძირითადი საშუალებების ფაქტობრივ ფიზიკურ მდგომარეობას და ასაბუთებს ძირითადი საშუალების საწარმოს ბალანსიდან ჩამოწერის აუცილებლობას, ძირითადი საშუალებები ბალანსიდან უნდა ჩამოწეროს. კომისია ადგენს ძირითადი საშუალებების ნარჩენი ღირებულებისა და ლიკვიდაციის აქტებს თითოეულ ძირითად საშუალებაზე ცალ-ცალკე, ზემოაღნიშნული წესით დამტკიცებული ფორმებით. კომპანიაში სატრანსპორტო საშუალებების ჩამოწერისას, ძირითადი საშუალებების განკარგვის აღნიშნული წესი გათვალისწინებული არ არის. ჩამოსაწერი სატრანსპორტო საშუალებები განისაზღვრა შპს „საკონსულტაციო ჯგუფი კავკასაუდიტის“ 2017 წლის 29 მაისის აუდიტორული დასკვნით, რომლის საფუძველზეც ჩამოსაწერად მიჩნეულია 180 ერთეული სატრანსპორტო საშუალება, კერძოდ: 171 ერთეული მოტოსკუტერი „მონდიალი“ (გამოშვების წლები: 2011-2014), 7 ერთეული „იამახა“ (2008 წელი) და 2 კვადროციკლი (2011 წელი). დასკვნის თანახმად, აღნიშნული სატრანსპორტო საშუალებები გამოუსადეგარია შემდგომი ექსპლოატაციისათვის, მათი აღდგენა არარენტაბელურია, არ გამოდგება მარაგნაწილების კუთხით, მოძველებულია ფიზიკურად და მორალურად. ამავე დასკვნის მიხედვით, სატრანსპორტო საშუალებების ნარჩენი საბალანსო ღირებულება შეადგენდა 12,225 ლარს, ჩამოწერის შემდეგ ჯართად რეალიზაციას დაქვემდებარებული მასალების წონა 2,765 კგ-ს, ხოლო სავარაუდო სარეალიზაციო ღირებულება − 967 ლარს. სახელმწიფო აუდიტის ჯგუფის მიერ წარმოდგენილი მასალების გაანალიზებით და ჩამოწერილი სატრანსპორტო საშუალებების ადგილზე დათვალიერებით გაირკვა, რომ შპს „საკონსულტაციო ჯგუფი კავკასაუდიტის“ მიერ სარეალიზაციო ჯართის წონაში არ არის შეყვანილი ჩამოსაწერი სატრანსპორტო საშუალებების ძრავები, ამორტიზატორები და სხვა ნაწილები. ფოსტის წარმომადგენელი პასუხისმგებელი პირების სიტყვიერი განმარტებით, აღნიშნული ნაწილები შესაძლოა გამოყენებულ იქნეს მარაგნაწილებად, რაც ეწინააღმდეგება აუდიტორული კომპანიის ზემოთ მითითებულ დასკვნას მარაგნაწილების გამოსადეგობასთან დაკავშირებით. სახელმწიფოს 50%-ზე მეტი წილობრივი მონაწილეობით შექმნილი საწარმოების კაპიტალში არსებული ან/და ბალანსზე რიცხული ძირითადი საშუალებების განკარგვის ზემოხსენებული წესის თანახმად, უნდა დადგინდეს ძირითადი საშუალებების ჩამოწერის შედეგად მიღებული სასაქონლო მატერიალური მარაგების ღირებულება და მარაგების სახით − ბალანსზე აყვანა. ჩამოწერილი ძირითადი საშუალებების ნაწილების მარაგების სახით აღურიცხაობა ზრდის მათი დაკარგვის და არამიზნობრივად გამოყენების რისკს. მსგავს შემთხვევებში, კომპანია მოკლებული იქნება შესაძლებლობას, სარგებელი მიიღოს საკუთარი მატერიალური რესურსებიდან.

იმერეთისა და სამეგრელოს წარმომადგენლობების მიერ კომპიუტერული ტექნიკისა და საბეჭდი ქაღალდის არასწორად, კონსოლიდირებული ტენდერის გარეშე შესყიდვით დაირღვა სახელმწიფო შესყიდვების კანონმდებლობის მოთხოვნები და შესყიდვების კოორდინატორების არაკვალიფიციური მიდგომის გამო, წარმოიქმნა 6161.5 ლარის საბიუჯეტო სახსრების არმიზანშეწონილად გახარჯვის რისკები.

მუნიციპალიტეტმა ვერ წარმოადგინა შესაფერისი და საკმარისი მტკიცებულებები იმისა, თუ რა აუცილებლობით იყო განპირობებული საკონსულტაციო მომსახურების შესყიდვა, ვინაიდან მუნიციპალიტეტს გააჩნია შრომითი რესურსი და მიზანშეწონილია საკუთარი რესურსებით უზრუნველყოს აღნიშნული საქმიანობის განხორციელება. გამომდინარე აქედან, მუნიციპალიტეტის პასუხისმგებელ პირებს არ უნდა განეხორციელებინათ საკონსულტაციო მომსახურებაზე ხარჯის გაწევა. შესაბამისად, მუნიციპალიტეტის მიერ გადახდილი 91.9 ათასი ლარი წარმოადგენს არარაციონალურ ხარჯს.

შშმ პირთა რაოდენობის შესახებ არსებული ინფორმაცია სრულყოფილი არ არის. სამინისტროს მიერ წარმოებული ბაზები მხოლოდ სოციალური დახმარების მიმღებ პირთა შესახებ ინფორმაციას შეიცავს. შესაბამისად, ამ მონაცემებში ვერ ხვდებიან ის პირები, რომლებზეც არ გაიცემა სოციალური პაკეტი (მაგალითად, ზომიერი შეზღუდვის მქონე შშმ პირები).

სახელმწიფოს 50%-ზე მეტი წილობრივი მონაწილეობით შექმნილი საწარმოების კაპიტალში არსებული ან/და ბალანსზე რიცხული ძირითადი საშუალებების განკარგვის წესის თანახმად, თუ დროებით სასყიდლიან სარგებლობაში ადრე გადაცემული ან/და გადასაცემი ფართების ჯამური ოდენობა აღემატება 50 კვ.მ-ს, საჭიროა აღნიშნული ფართის გადაცემა წინასწარ შეთანხმდეს სსიპ − სახელმწიფო ქონების ეროვნულ სააგენტოსთან. შპს „საქართველოს ლატარიის კომპანიასთან“ 2011 წლის 31 ოქტომბერს გაფორმებული ხელშეკრულებით შპს „საქართველოს ფოსტამ“ აიღო ლატარიის ბილეთების დისტრიბუცია/რეალიზაციის, პროგრამული უზრუნველყოფისა და ინფორმაციული უსაფრთხოების ვალდებულებები. ასევე, ზემოაღნიშნული ხელშეკრულების საფუძველზე ფოსტამ ლატარიის კომპანიას დროებით სარგებლობაში გადასცა საოფისე ფართები. აღნიშნული ვალდებულებების სანაცვლოდ, გაყიდული ბილეთებიდან მიღებული შემოსავლის ნაწილი (14%-16%) რჩებოდა შპს „საქართველოს ფოსტას“. ხელშეკრულება დაიდო ერთი წლის ვადით. მისი მოქმედების ვადა გრძელდებოდა ყოველწლიურად, 2017 წლის ჩათვლით. ზემოაღნიშნული ხელშეკრულების საფუძველზე, ლატარიის კომპანიას დროებით სარგებლობაში გადაეცა სხვადასხვა დანიშნულების ფართი, ჯამში − 560 კვ.მ, შესაბამისად, ფოსტას სჭირდებოდა პარტნიორის თანხმობა. შპს „საქართველოს ფოსტამ“ ვერ წარმოადგინა სააგენტოს თანხმობა აღნიშნული ფართების დროებით სარგებლობაში გადაცემასთან დაკავშირებით. საკუთრებაში არსებული უძრავი ქონების განკარგვა სსიპ − სახელმწიფო ქონების ეროვნულ სააგენტოსთან“ შეთანხმების გარეშე ზრდის მათი არამიზნობრივად გამოყენების რისკს.

ზემო აფხაზეთის წარმომადგენლობის საქმიანობის ანალიზით ვლინდება, რომ ორგანიზაცია დებულებით განსაზღვრული ძირითადი აქტივობების შეუსრულებლობის პირობებში ახორციელებს მხოლოდ საბიუჯეტო სახსრების ხარჯვასა და აღრიცხვას. რის გამოც, ფუნქციონირებისათვის გაწეული ხარჯები ჯამში 191,875.32 ლარი ფაქტობრივად წარმოადგენს საბიუჯეტო სახსრების არამიზანშეწონილ ხარჯვას და მიუთითებს საჯარო ფინანსების არაეფექტიან მართვაზე.

მუნიციპალიტეტმა 2017-2018 წლებში მუნიციპალიტეტის საკრებულოს არათანამდებობის პირებზე ხარჯების ასანაზღაურებლად 158.8 ათასი ლარი გასცა შესაბამისი დოკუმენტური დადასტურების გარეშე, საბიუჯეტო პროცესთან დაკავშირებული მარეგულირებელი საკანონმდებლო ნორმების შეუსაბამოდ.

იმის გამო, რომ ექსპერტიზის ფორმები არ შეიცავს ველს ყველა ქმედობაუნარიანობის შესახებ ინფორმაციის შესატანად, მოქმედ სოციალურ-სამედიცინო ექსპერტიზის ფორმებში არ აისახება ყველა ქმედობაუნარიანობის კატეგორიის შეფასების შედეგები. რიგი ქმედობაუნარიანობის შესახებ ინფორმაცია შევსებულია, თუ აღნიშნული უკავშირდება რომელიმე დამხმარე საშუალების გაცემის საფუძველს, მაგალითად, გადაადგილებისა და სმენის შეზღუდვას. ასევე აღნიშნული გამომდინარეობს სამედიცინო პერსონალის მიერ საჭიროებების იდენტიფიცირების უნარების ნაკლებობიდანაც, რადგან მათ შეუძლიათ მხოლოდ სამედიცინო კუთხით ექსპერტიზის ჩატარება. შედეგად, შევსებული ფორმებიდან, კანონით გაწერილი შშმ პირთა ქმედობაუნარიანობის შეზღუდვების შესახებ სრულყოფილი ინფორმაციის მიღება შეუძლებელია;

2012 წლის 1 სექტემბერს შპს „საქართველოს ლატარიის კომპანიასა“ და შპს „ საქართველოს ფოსტას“ შორის მოძრავი ნივთებისა და ინვენტარის მიქირავებაზე (სულ: 1,402 ერთეული) გაფორმებული ხელშეკრულების საფუძველზე, ფოსტას ლატარიის კომპანიისთვის ყოველთვიურად უნდა გადაეხადა 27,572 ლარი (ხელშეკრულების მიხედვით, ქირის აღნიშნული ოდენობა დადგენილია შპს „საკონსულტაციო ჯგუფი კავკასაუდიტის“ აუდიტორული დასკვნით, თუმცა კომპანიამ აღნიშნული აუდიტორული დასკვნა ვერ წარმოგვიდგინა). ხელშეკრულება დაიდო 1 წლის ვადით, რომელიც ავტომატურად გრძელდებოდა იმავე ვადით, თუ რომელიმე მხარე არ შეატყობინებდა მეორე მხარეს მისი დასრულების თაობაზე. შპს „საქართველოს ფოსტას“ არ გადაუხდია 2 წლის საიჯარო ქირა. მიუხედავად იმისა, რომ ქირის ოდენობა დაადგინა დამოუკიდებელმა აუდიტორმა, გადაუხდელობის მოტივად კომპანიის მხრიდან დასახელდა ქირის საბაზრო ფასზე მაღალი განაკვეთი. აღსანიშნავია, რომ ხელშეკრულება არ შეწყვეტილა 2 წლისა და 4 თვის მანძილზე. 2015 წლის 24 აპრილს შპს „საქართველოს ლატარიის კომპანიამ“ სარჩელით მიმართა სასამართლოს და მოითხოვა შპს „საქართველოს ფოსტისთვის“ გადაუხდელი საიჯარო ქირის დაკისრება, ჯამში − 661,728 ლარის ოდენობით. თბილისის საქალაქო სასამართლოს სამოქალაქო საქმეთა კოლეგიამ, 2015 წლის 17 სექტემბრის გადაწყვეტილებით, დააკმაყოფილა ლატარიის კომპანიის სარჩელი და ფოსტას გამქირავებლის სასარგებლოდ დაეკისრა ქირის დავალიანების გადახდა, 661,728 ლარის ოდენობით. 2018 წლის დასაწყისში მხარეებმა ხელი მოაწერეს მორიგების აქტს, რომლითაც ფოსტამ თანხმობა განაცხადა ლატარიის კომპანიისთვის უძრავი ქონების საკუთრებაში გადაცემაზე, ხოლო ეს უკანასკნელი უარს ამბობდა 661,728 ლარის მოთხოვნის უფლებაზე. მორიგების აქტით ლატარიის კომპანიას გადაეცა ფოსტის კუთვნილი უძრავი ქონება თბილისში, ქუთაისში, ბათუმში, რუსთავში, სენაკში, ვანში, შუახევსა და თიანეთში. გადაცემული უძრავი ქონების საერთო ფართობმა შეადგინა 1,858.85 კვ.მ, რომელიც ასევე შეაფასა შპს „საკონსულტაციო ჯგუფმა კავკასაუდიტმა“ და აუდიტორული დასკვნით გადაცემული ფართის ჯამურმა ღირებულებამ შეადგინა 660,300 ლარი. ვალის სანაცვლოდ, უძრავი ქონების გადაცემასთან დაკავშირებით კომპანიის თანხმობის თხოვნის წერილზე, ქონების ეროვნული სააგენტოს პასუხი ფორმულირებულია შემდეგნაირად: „გთხოვთ, იმოქმედოთ საწარმოს ინტერესებიდან გამომდინარე, მოქმედი კანონმდებლობის შესაბამისად“. პასუხი ბუნდოვანი და გაუგებარია, ეთანხმება თუ არა სააგენტო ვალის სანაცვლოდ ქონების გასხვისებას. შესაბამისად, სახელმწიფო აუდიტის სამსახური ვერ დარწმუნდა, რამდენად არის დაცული მარეგულირებელი ნორმის მოთხოვნა და შეთანხმებულია თუ არა ეს საკითხი სააგენტოსთან. ასევე, რამდენად მართლზომიერია ფოსტის ქმედებები სახელმწიფო ქონების ასეთი ფორმით გასხვისებასთან დაკავშირებით.

წარმომადგენლობებში არსებული კონტროლის გარემო არადამაკმაყოფილებლია. კერძოდ, კონტროლის მექანიზმებს არ შეუძლიათ შეცდომებისა და უზუსტობების ეფექტიანად თავიდან აცილება/პრევენცია, ან გამოვლენა და გასწორება. კონტროლის პროცედურების ფორმალური ინსტრუქციის (სახელმძღვანელო, დებულება ან სხვა ფორმალური დოკუმენტი) არარსებობა და არაეფექტიანი არაფორმალიზებული კონტროლის პროცედურები მიუთითებს წარმომადგენლობების საქმიანობის შეუსაბამოდ და საჯარო რესუსრების არაეფექტიანად მართვის რისკებზე.

მუნიციპალიტეტს არ აქვს მიღებული საქართველოს მთავრობის დადგენილებით განსაზღვრული ნორმატიული აქტი მუნიციპალური ავტოპარკის გადანაწილების, კლასიფიკაციისა და სამსახურებრივი ავტომანქანების შესყიდვის წესის შესახებ. აუდიტის ობიექტს არ გააჩნია რაციონალური მიდგომა მისი ფუნქციონირებისათვის საჭირო ავტოსატრანსპორტო საშუალებების გამოყენებისას საწვავის ხარჯვასთან დაკავშირებით. მუნიციპალიტეტმა რიგ შემთხვევაში ხარჯი გასწია საბიუჯეტო ასიგნებების ეკონომიური და რაციონალური ხარჯვის ვალდებულების დაცვის გარეშე.

სამინისტროს არ აქვს დანერგილი სამედიცინო-სოციალური ექსპერტიზის ჩატარების უფლების მქონე სამედიცინო დაწესებულებებიდან ინფორმაციის შეგროვების მექანიზმი. შედეგად, სამინისტროსთვის არ არის ხელმისაწვდომი პროგრამების უკეთ დაგეგმვისთვის საჭირო კონსოლიდირებული და განახლებული მონაცემები (ქმედობაუნარიანობის შეზღუდვა, დიაგნოზები და ა.შ.)

საქართველოს სამოქალაქო კოდექსის მიხედვით, წარმომადგენელს არ შეუძლია წარმოდგენილი პირის სახელით საკუთარ თავთან, როგორც მესამე პირის წარმომადგენელმა, დადოს გარიგება, გარდა იმ შემთხვევებისა, როცა გარიგება უკვე არსებობს რაიმე ვალდებულების შესასრულებლად ან წარმომადგენელს ჰქონდა წინასწარი თანხმობა. ლატარიის კომპანიასთან დაკავშირებულ ზემოაღნიშნულ ორივე შემთხვევაში − ქონების გადაცემა დავალიანების სანაცლოდ და ქონების გადაცემა დროებით სარგებლობაში − ხელშეკრულებებს, როგორც ფოსტის, ისე ლატარიის კომპანიის მხრიდან ხელს აწერს ერთი და იგივე პირი, რომელიც ერთდორულად არის ორივე კომპანიის გენერალური დირექტორი. მსგავსი გარიგების დადებისას შესაძლოა ადგილი ჰქონდეს ინტერესთა კონფლიქტს. პირისთვის, რომელიც ორი სხვადასხვა მხარისათვის დებს ერთ გარიგებას, ძნელი გადასაწყვეტია, თუ რომელ წარმოდგენილ მხარეს შეუქმნას საუკეთესო პირობები. ერთისთვის უპირატესობის მინიჭება, ავტომატურად მოქმედებს მეორე მხარის საწინააღმდეგოდ. ამ შემთხვევაში, ლატარიის კომპანიისთვის დავალიანების სანაცვლოდ ქონების გადაცემასთან დაკავშირებულ საკითხში, ერთ მხარეს წარმოადგენს 100%-ით სახელმწიფო, ხოლო მეორე მხარეს 70%-ით − სახელმწიფო და 30%-ით − კერძო საკუთრებაში არსებული კომპანია, რომელიც მოქმედებს საკუთარი ეკონომიკური მიზნებიდან გამომდინარე. შესაბამისად, ერთი და იმავე პირისათვის რთულდება ორივე მხარის ინტერესების თანაბრად დაცვა. ინტერესთა კონფლიქტის რისკს უფრო მეტად ზრდის ის ფაქტი, რომ აღნიშნული ტრანზაქციის განხორციელებაზე პარტნიორის პასუხი იყო ბუნდოვანი და საჭიროებდა დამატებით დაზუსტებას. აღსანიშნავია, რომ ფოსტის და ლატარიის კომპანიის დირექტორი ასევე არის შპს EXPRESS-ის დირექტორიც. ფოსტის მიერ ზემოთ მითითებულ კომპანიებთან გაფორმებულ ხელშეკრულებებს 2014 წლიდან ხელს აწერს გენერალური დირექტორის მოადგილე, თუმცა ეს ფაქტი არ ამცირებს ინტერესეთა კონფლიქტის რისკს. კომპანიაში დანერგილი ზემოაღნიშნული პრაქტიკა მაღალი რისკის მატარებელია რესურსების არარაციონალური გამოყენების თვალსაზრისით. აღნიშნული რისკი უფრო იზრდება, როცა შპს „საქართველოს ფოსტის“ მიერ დადებული გარიგებები მარეგულირებელი ნორმების მიხედვით, ან არ თანხმდება, ან არასათანადოდ თანხმდება სსიპ − სახელმწიფო ქონების ეროვნულ სააგენტოსთან.

აღმოსავლეთის, ზემო აფხაზეთის, სამეგრელოსა და იმერეთის წარმომადგენლობებში ჩატარებული აუდიტის შედეგად გამოვლინდა წარმომადგენლობების მიერ არამიზანშეწონილი ხარჯების გაწევა, საფინანსო-ეკონომიკური საქმიანობის ნაკლოვანებები და არაეფექტიანი ხარჯვის რისკები, რაც მიუთითებს დევნილთა დეპარტამენტის მხრიდან აღნიშნული მიმართულებებით წარმომადგენლობების ზედამხედველობის პროცესში არასაკმარის და არასრულყოფილ კონტროლზე. დევნილთა დეპარტამენტის მხრიდან წარმომადგენლობების საქმიანობის არასათანადო და არასაკმარისმა ზედამხედველობამ ვერ უზრუნველყო წარმომადგენლობების მიერ კანონმდებლობის მოთხოვნების შეუსაბამოდ საქმიანობისა და საჯარო რესურსების არაეფექტიანად მართვის რისკების პრევენცია.

მერიას ერთ შემთხვევაში ქონება გაცემული აქვს საბაზროზე დაბალ ფასად. ასევე ორ შემთხვევაში მუნიციპალიტეტის ქონებით სარგებლობენ არაუფლებამოსილი პირები შესაბამისი საფასურის გადახდის გარეშე. შედეგად, მერია მის საკუთრებაში არსებული ქონების ნაწილს სათანადოდ ვერ განკარგავს.

რეაბილიტაციისა და ადრეული განვითარების ქვეპროგრამების სრული ტერიტორიული ხელმისაწვდომობა არ არის უზრუნველყოფილი. აღნიშნული, სხვა ობიექტურ ფაქტორებთან ერთად, ნაწილობრივ განპირობებულია სოციალური სერვისების განვითარების მიზნით, სამინისტროსა და მუნიციპალიტეტებს შორის სუსტი კოორდინიაციით.

ბუღალტრული აღრიცხვისა და ანგარიშგების მონაცემების უტყუარობის უზრუნველყოფის მიზნით, საწარმოს ქონების, მოთხოვნებისა და ვალდებულებების ინვენტარიზაციის ჩატარება მოთხოვნილია საქართველოს პრეზიდენტის ბრძანებულებით დამტკიცებული დებულებით „საქართველოში ბუღალტრული აღრიცხვისა და ანგარიშგების შესახებ“. კომპანიაში აღნიშნული დებულებით დადგენილი პერიოდულობით არ ტარდება ძირითადი საშუალებების, სასაქონლო-მატერიალურ ფასეულობათა და ფულადი საშუალებების ინვენტარიზაცია. აუდიტის ჯუგფმა, შემთხვევითი შერჩევის საფუძველზე, 2018 წლის 10 მაისს ჩაატარა კომპანიის მარაგებში არსებული ავტონაწილების ინვენტარიზაცია. ინვენტარიზაციით დაფიქსირებული ფაქტობრივი ოდენობის ბუღალტრულ ნაშთებთან შედარებით გამოვლინდა 18,991 ლარის დანაკლისი (შერჩეული მოცულობის 56%) და 1,187 ლარის ზედმეტობა (შერჩეული მოცულობის 16%). აქვე უნდა აღინიშნოს, რომ ბუღალტრულად დაფიქსირებული ნაშთები არ ედრება საწყობის პროგრამის მონაცემებს. ინვენტარიზაციის ჩატარების გარეშე, შესაძლოა კომპანიამ ვერ უზრუნველყოს აქტივების ეფექტიანი მართვა, მოძველებული ან დაკარგული აქტივების დროულად აღმოჩენა. შესაბამისად, ვერ განახორციელოს აქტივების სათანადო კონტროლი. აღნიშნულს ადასტურებს ისიც, რომ კომპანიის ბალანსზე ირიცხება 5,094,179 ლარის ღირებულების, 84 ერთეული − გამოუყენებელი და 2,032,876 ლარის ღირებულების, 66 ერთეული − საჯარო რეესტრში დაურეგისტრირებელი უძრავი ქონება.

2017 წელს, მუნიციპალიტეტში ფუნქციონირებდა 10, ხოლო 2018 წელს - 11 ა(ა)იპ. 2017 წელს სულ დასაქმებული იყო 591, ხოლო 2018 წელს - 648 თანამშრომელი. ა(ა)იპ-ებში დასაქმებულთა რიცხოვნობის თანაფარდობა დუშეთის მოსახლეობის რაოდენობასთან მიმართებით საკმაოდ მაღალია. ამასთან ფიქსირდება იურიდიულ პირებში დასაქმებულთა ზრდის ტენდენცია. ასევე გამოვლინდა შემთვევები, როდესაც დასაქმებულთა ნაწილი ფუნქციურად დატვირთული არ არის ან არ ასრულებს დაკისრებულ მოვალეობას. აქედან გამომდინარე, არსებობს რისკი იმისა, რომ ა(ა)იპ-ებში საშტატო რიცხოვნობა არაგონივრულადაა გაზრდილი და არ შეესაბამება რეალურ საჭიროებებს.

დამხმარე საშუალებების ქვეპროგრამის დიზაინი არ ითვალისწინებს რეგიონებში მცხოვრები მოსახლეობისთვის სერვისის ადგილზე მიწოდებას, გარდა ელექტროსავარძელ-ეტლებისა. შესაბამისად, ქვეპროგრამის დაგეგმვის ეტაპზე ტერიტორიული ხელმისაწვდომობა არ არის გათვალისწინებული სხვა დამხმარე საშუალებისთვის და მათ მისაღებად საჭიროა მიმწოდებელთან, სულ მცირე, ორჯერ ვიზიტი;

შპს „საქართველოს ფოსტაში“ დანამატების ოდენობები განისაზღვრება გენერალური დირექტორის ბრძანებებით. ფიქსირებული დანამატების დანიშვნის საფუძვლები ბრძანებებში არ არის მითითებული, ხოლო „ცვლადი დანამატები“ ძირითადად გაიცემოდა დამატებითი ფუნქცია-მოვალეობებისა და ზეგანაკვეთური სამუშაოების შესრულებისათვის. კომპანიაში შემუშავებული და დამტკიცებული არ იყო სამუშაო აღწერილობები თითოეული თანამდებობისათვის, უმეტეს სერვისცენტრებს არ გააჩნდათ თანამშრომელთა სამუშაო ადგილზე ყოფნის დროის დამაფიქსირებელი ელექტრონული მოწყობილობები, არ ხდებოდა ზეგანაკვეთური მუშაობის და დამატებითი სამუშაოს შესრულების დამადასტურებელი დოკუმენტების შედგენა. დანამატების გაცემის არსებული პრაქტიკა წარმოშობს შრომის ანაზღაურების თანხების არასამართლიანად განაწილების და ფულადი სახსრების არამიზნობრივად ხარჯვის რისკს

მუნიციპალიტეტის მიერ წარმოდგენილი ბიუჯეტის შესრულების ანგარიშები არ არის შედგენილი კანონმდებლობის მოთხოვნების შესაბამისად. ზოგიერთი პროგრამის საკასო შესრულებასა და დაზუსტებულ გეგმას შორის სხვაობა 30%-ზე მეტია, ასეთ შემთხვევაში კანონმდებლობა ითხოვს აღნიშნული შეუსაბამობების განმარტებას. მუნიციპალიტეტის მიერ შედგენილი 2017-2018 წლების ბიუჯეტების შესრულების ანგარიშები არ მოიცავს პროგრამების შეუსრულებლობის მიზეზებსა და განმარტებებს.

სამინისტროს შერჩეული ქვეპროგრამებიდან მომსახურების მინიმალური სტანდარტები გაწერილი აქვს მხოლოდ ადრეული განვითარების ქვეპროგრამისთვის. შესაბამისად, რეაბილიტაციისა და დამხმარე საშუალებების ქვეპროგრამების მომსახურების ხარისხზე (უსაფრთხოება, შედეგები და ა.შ.) მონიტორინგი არ ხორციელდება.

კომპანიის მიზნებიდან გამომდინარე, ხელმძღვანელობის მიერ გადაწყვეტილების მიღებისას მაქსიმალურად უნდა იყოს გათვალისწინებული მოსალოდნელი ფინანსური შედეგი. 2017 წელს შრომით დავებზე განაცდურის სახით კომპანიის მიერ 19 თანამშრომლისთვის, რომლებიც სამსახურიდან გათავისუფლდნენ 2012-2015 წლებში, სულ ანაზღაურებულია 395,616 ლარი. 6 შემთხვევაში სასამართლომ გადაწყვეტილება მიიღო გათავისუფლებული თანამშრომლების სასარგებლოდ, ხოლო 13 შემთხვევაში − საქმე დასრულდა მორიგებით, რომლის საფუძველზე, თანხების გადახდის სანაცვლოდ, მოსარჩელეებმა უარი განაცხადეს ყველა მოთხოვნაზე კომპანიის მიმართ, მათ შორის, სამუშაოზე აღდგენის მოთხოვნაზეც. ზემოაღნიშნული უარყოფითად აისახა კომპანიის ფინანსურ მდგომარეობაზე.

მუნიციპალიტეტში 2017-2018 წლებში ინვენტარიზაცია განხორციელდა ნაწილობრივ. ამასთან ჩატარებული ინვენტარიზაციით გამოვლინდა, რომ მუნიციპალიტეტში დანერგილი კონტროლი არასათანადოა და ვერ უზრუნველყოფს ქონების დაკარგვის ან დაზიანების შემთხვევების თავიდან აცილებას.

შპს „საქართველოს ფოსტის“ წესდების თანახმად, კომპანიის ბიზნესგეგმა უნდა დაამტკიცოს პარტნიორთა საერთო კრებამ. სახელმწიფო საწარმოების ბიზნესგეგმების დამტკიცება სსიპ − სახელმწიფო ქონების ეროვნულ სააგენტოს მოეთხოვება საქართველოს მთავრობის 2012 წლის 17 სექტემბრის N390 და N391 დადგენილებებითაც. ასევე წესდების მოთხოვნების მიხედვით, პარტნიორთა საერთო კრება ვალდებულია შეიკრიბოს წელიწადში − მინიმუმ, ერთხელ. პარტნიორთა საერთო კრება გადაწყვეტილებებს იღებს ისეთ მმართველობით საკითხებზე, როგორიც არის ახალი სამეწარმეო საქმიანობის დაწყება, მათი შეწყვეტა და დირექტორის საქმიანობის კონტროლი. 2017 წელს კომპანიის ბიზნესგეგმა არ არის დამტკიცებული პარტნიორთა საერთო კრების მიერ, ასევე არ შესრულებულა წესდებით მოთხოვნილი ვალდებულება, ბიზნესგეგმის შესრულების მიმდინარეობის თაობაზე ინფორმაციის 6 თვეში ერთხელ პარტნიორისათვის წარდგენის შესახებ. მიუხედავად მაკონტროლებელი ფუნქციისა, 2017 წელს პარტნიორთა საერთო კრება არ ჩატარებულა. ამასთანავე, კომპანიის მხრიდან კონკრეტული მიმართვისას, რომელიც ეხებოდა ვალის სანაცვლოდ ქონების გადაცემასთან დაკავშირებულ გადაწყვეტილებას, პარტნიორის პასუხი იყო ბუნდოვანი და საჭიროებდა დამატებით განმარტებას. პარტნიორის მხრიდან მაკონტროლებელი ფუნქციების შეუსრულებლობა, ვერ უზრუნველყოფს კომპანიაში ჯანსაღი კონტროლის გარემოს შექმნას. შესაბამისად, შესაძლოა ვერ განხორციელდეს ნაკლოვანებების, სისტემური რისკებისა და ხარვეზების იდენტიფიცირება და მათზე სათანადო რეაგირება.

შიდა აუდიტის სამსახურის ანგარიშებში არ არის გაანალიზებული დარღვევების გამომწვევი მიზეზები და შიდა კონტროლის სისტემები, არ არის გამოვლენილი სისტემური ხასიათის რისკები. ასევე აღსანიშნავია, რომ მონიტორინგის შედეგების მიხედვით რეკომენდაციების ნაწილი შესრულებული არ არის. შიდა აუდიტის სამსახურის საქმიანობის ორგანიზება სათანადოდ ვერ უზრუნველყოფდა მერიის ფინანსების მართვის სისტემურ გაუმჯობესებას, მატერიალური ფასეულობების ხარჯვისა და გამოყენების კანონიერების, მიზნობრიობის დაცვასა და ეფექტიანობის გაზრდის სათანადო ხელშეწყობას.

ხელშეკრულება სატრანსპორტო მომსახურებაზე შპს „ჯორჯიან ბასთან“ გაფორმებულია 2015 წელს ელექტრონული აუქციონის საფუძველზე. აუქციონში მონაწილეობა მიიღო მხოლოდ შპს „ჯორჯიან ბასმა“. შესაბამის ვებგვერდზე აუქციონის აღწერილობაში არ იყო გაცხადებული ის პირობები და კრიტერიუმები, რომლებიც უნდა დაეკმაყოფილებინათ აუქციონში მონაწილე პრეტენდენტებს, და იყო მინიშნება, რომ დამატებითი ინფორმაციის მიღება შესაძლებელი იქნებოდა კომპანიაში, რაც პროცესის გამჭვირვალობას ხელს უშლიდა და ქმნიდა არაკონკურენტულ გარემოს. ეს პირობები და კრიტერიუმები კომპანიას განსაზღვრული და შეთანხმებული ჰქონდა პარტნიორთან − ეკონომიკის სამინისტროს სსიპ − სახელმწიფო ქონების ეროვნულ სააგენტოსთან.

მუნიციპალიტეტმა საგრანტო პროგრამის ფარგლებში შეისყიდა 5 ცალი ინფო ბოქსი და სერვერი. მათი საშუალებით მოსახლეობას უნდა მიეღო ინფორმაცია მუნიციპალიტეტის საქმიანობის, განხორციელებული და მიმდინარე პროექტების შესახებ. აუდიტის შედეგად გამოვლინდა რომ ინფრო ბოქსები არ ფუნქციონირებს. შესაბამისად, მუნიციპალიტეტმა მიღებული საგრანტო დაფინანსების ფარგლებში დახარჯა 26.8 ათასი ლარი, თუმცა მიუხედავად ამისა, პროექტის მიზნები ვერ იქნა მიღწეული.

2015 წელს გაფორმებული ხელშეკრულების მიხედვით, შპს „ჯორჯიან ბასს“ ან მის პარტნიორს უნდა ჰქონოდა სატრანსპორტო საქმიანობის წარმართვის არანაკლებ ორწლიანი გამოცდილება. შპს „ჯორჯიან ბასი“ დაფუძნებულია 2014 წელს და შესაბამისად, ის ვერ აკმაყოფილებდა ამ პირობას. სატრანსპორტო მომსახურების გამოცდილების დასადასტურებლად, კომპანიას წარუდგინეს ინფორმაცია, რომლის მიხედვით, შპს „ჯორჯიან ბასის“ დირექტორი წარმოადგენდა შპს GEO TRAVEL-ის ერთ-ერთ დამფუძნებელს და დირექტორს. შპს GEO TRAVEL-ის გამოცდილების დასადასტურებლად კი, წარდგენილია ამ კომპანიასა და შპს „ეს სი თრეველს“ შორის 2011 წლის 12 თებერვალს გაფორმებული ხელშეკრულება სატრანსპორტო მომსახურებაზე, რომლის ბოლო გვერდზე, ხელმოწერების ნაწილში, შემსრულებლად შპს GEO TRAVEL-ის ნაცვლად დაფიქსირებულია 2014 წელს დაფუძნებული შპს „ჯორჯიან ბასი“. აღნიშნული ხელშეკრულება ვერ გაფორმდებოდა 2011 წელს, შესაბამისად, შპს GEO TRAVEL-ის გამოცდილება არ დასტურდება, ასევე ხელშეკრულებას თან არ ახლდა მომსახურების გაწევის დამადასტურებელი დოკუმენტები. აღნიშნული შეუსაბამობა შეუმჩნეველი დარჩა შპს „საქართველოს აეროპორტების გაერთიანებას“, შედეგად, ხელშეკრულება გაფორმებულია შესაბამისი გამოცდილების არმქონე კომპანიასთან, რაც შეიცავს ხელშეკრულებით გათვალისწინებული ვალდებულებების არაჯეროვნად შესრულების რისკებს.

აუდიტის შედეგად გამოვლინდა, რომ მუნიციპალიტეტმა წინა აუდიტის შედეგად დაფიქსირებულ ზოგიერთ დარღვევა-ნაკლოვანებაზე სათანადო და საკმარისი რეაგირება არ განახორციელა და ზოგიერთი მათგანი კვლავ ფიქსირდება.

1. სსიპ - თბილისის ვანო სარაჯიშვილის სახელობის სახელმწიფო კონსერვატორიის სააღრიცხვო რეგისტრებში „სხვა მოკლევადიანი ფინანსური აქტივების“ ანგარიშზე ფიქსირდება საკრედიტო (უარყოფითი) ნაშთები: საწყისი ნაშთი - 16,648 ლარი და საბოლოო ნაშთი - 73,638 ლარის, რომელიც თავისი შინაარსით წარმოადგენს ვალდებულებას. ამასთანავე, „სხვა მოკლევადიანი კრედიტორული დავალიანებების“ საბალანსო ანგარიშზე ირიცხება აქტიური (დადებითი) ნაშთები: საწყისი ნაშთი - 22,614 ლარის, საბოლოო - 85,733 ლარის ოდენობით, რომელიც თავისი შინაარსით წარმოადგენს მოთხოვნას; სსიპ - საქართველოს შოთა რუსთაველის თეატრისა და კინოს სახელმწიფო უნივერსიტეტის სააღრიცხვო რეგისტრებში „სხვა დანარჩენი მოკლევადიანი მოთხოვნების“ ანგარიშზე წლის საწყის ნაშთად ფიქსირდება 83,727 ლარის საკრედიტო (უარყოფითი) ნაშთი; სსიპ - ქუთაისის ლადო მესხიშვილის სახელობის პროფესიული სახელმწიფო დრამატული თეატრის სააღრიცხვო რეგისტრებში „სხვა მოკლევადიანი ფინანსური აქტივების“ ანგარიშზე წლის საწყის ნაშთად ფიქსირდება 1,254 ლარის საკრედიტო (უარყოფითი) ნაშთი; 2. სსიპ - თბილისის გიორგი მიქელაძის სახელობის თოჯინების სახელმწიფო პროფესიული თეატრის მიერ ოპერაცია არასწორ სააღრიცხვო პერიოდშია რეგისტრირებული. კერძოდ, შპს „ნანოტეხსტროის“ მიერ 161,620 ლარის შესრულებული სამუშაოების მიხედვით, 2016 წლის დეკემბერში გაფორმებული მიღება-ჩაბარების აქტის საფუძველზე, 2017 წლის იანვარში დარეგისტრირდა ოპერაცია. ზემოაღნიშნული უზუსტობების შედეგად, კონსოლიდირებული ფინანსური ანგარიშგების მოთხოვნების ანგარიშის საწყისი ნაშთი გაიზარდა 37,377 ლარით, ხოლო მოკლევადიანი ვალდებულებების საწყისი ნაშთი შემცირდა - 124,243 ლარის ოდენობით; წლის ბოლოს კი მოთხოვნების შესაბამისი ანგარიშების ნაშთები შემცირებულია - 159,371 ლარით. ასევე აღნიშნული თანხით შემცირებულად არის წარდგენილი ვალდებულებების წლის ბოლოს ნაშთებიც.

ხელშეკრულების პირობებით, შპს „ჯორჯიან ბასის“ მიერ მგზავრთა გადაყვანა უნდა განხორციელებულიყო დავით აღმაშენებლის სახელობის ქუთაისის საერთაშორისო აეროპორტიდან ქუთაისის, თბილისის, ბათუმის, ზუგდიდის, გუდაურის, მესტიისა და ბაკურიანის მიმართულებებით და პირიქით. წარმოდგენილი დოკუმენტაციის შესაბამისად, შპს „ჯორჯიან ბასის“ მიერ 2017 წელს მგზავრთა გადაყვანა შესრულებულია მხოლოდ თბილისის, ბათუმისა და ქუთაისის მიმართულებებით. კომპანიის მიერ არ არის დანერგილი შესაბამისი კონტროლის მექანიზმები, რაც გამოავლენდა მგზავრთა ყველა მიმართულებით გადაყვანის საჭიროებას და უზრუნველყოფდა შპს „ჯორჯიან ბასის“ მიერ ხელშეკრულებით ნაკისრი ვალდებულებების შესრულებას. სატრანსპორტო მომსახურების მხოლოდ ნაწილობრივ მიწოდება ამცირებს მგზავრთა კომფორტული და ხელმისაწვდომი ტრანსპორტირების შესაძლებლობებს, როგორც ადგილობრივი მოსახლეობისათვის, ასევე უცხოელი ვიზიტორებისათვის.

2017 წლის 1 იანვრის მდგომარეობით, მუნიციპალიტეტს ნაშთის სახით ერიცხებოდა 2,877.6 ათასი ლარი, საიდანაც 2017 წლის ბიუჯეტით დაიგეგმა 2,043.4 ათასი ლარის ხარჯვა, ხოლო დანარჩენი თანხა − 834.2 ათასი ლარი, მუნიციპალიტეტს წლის განმავლობაში ერიცხებოდა ანგარიშზე. აუდიტის ჯგუფმა ვერ მოიპოვა შესაბამი მტკიცებულებები, რატომ არ დაგეგმა მუნიციპალიტეტმა აღნიშნული თანხების ხარჯვა. 2017 წელს ნაშთის ცვლილებით გამოწვეული ფულადი სახსრების კლებამ 660.5 ათასი ლარი შეადგინა და წლის ბოლოს დაფიქსირდა ნაშთი 2,217.1 ათასი ლარი (მთლიანი გადასახდელების 24%), მათ შორის, თავისუფალი ნაშთი − 1,612.7 ათასი ლარი, რაც ქონების გადასახადის სახით მიღებული დაუგეგმავი შემოსავლებითა და ტენდერებში მიღებული ეკონომიით არის განპირობებული. აღსანიშნავია, რომ ამ უკანასკნელის შედეგად ფულადი სახსრები გროვდება წლის განმავლობაში, შესაბამისად, მერიას შეეძლო ამ თანხებით სხვადასხვა ინფრასტრუქტურული და სოციალური პროექტების დაგეგმვა და განხორციელება. ამასთანავე, 2018 წელს მუნიციპალიტეტმა დაგეგმა 2,129.9 ათასი ლარის ნაშთის გამოყენება. არსებული ნაშთიდან არ დაგეგმილა 87.2 ათასი ლარის ხარჯვა. ნაშთის ცვლილებით გამოწვეული ფულადი სახსრების დაგროვებამ შეადგინა 815.8 ათასი ლარი, ხოლო წლის ბოლოს არსებულმა ნაშთმა − 3,032.9 ათასი ლარი (მთლიანი გადასახდელების 29%), მათ შორის, 840.9 ათასი ლარი თავისუფალი ნაშთია

1. სსიპ - ნოდარ დუმბაძის სახელობის მოზარდ მაყურებელთა სახელმწიფო პროფესიული თეატრის ინდივიდუალური ფინანსური ანგარიშგების მიხედვით, არ არის განხორციელებული 2007 წელს ასოციაცია „ატუს“ მიერ თეატრის შენობაზე შესრულებული და შესაბამისი მიღება-ჩაბარების აქტით საექსპლუატაციოდ გადაცემული 2,769,871 ლარის ღირებულების სამშენებლო-სარემონტო სამუშაოების კაპიტალიზაცია; 2. სსიპ - ქუთაისის მელიტონ ბალანჩივაძის სახელობის ოპერისა და ბალეტის პროფესიულ სახელმწიფო თეატრს და სსიპ - ქუთაისის ლადო მესხიშვილის სახელობის პროფესიული სახელმწიფო დრამატული თეატრის შენობის ნაწილს გასულ, 2010-2012 წლებში ადგილობრივი თვითმმართველობის დაფინანსებით ჩაუტარდა კაპიტალური სამშენებლო-სარეაბილიტაციო სამუშაოები, რომელიც არ არის კაპიტალიზებული.

შპს „ჯორჯიან ბასთან“ გაფორმებული ხელშეკრულების პირობების შესაბამისად, ვალდებულებების შესრულების დადგენილი ვადის გადაცილებისათვის, კონტრაქტორს უნდა დაკისრებოდა პირგასამტეხლო 200 ლარის ოდენობით, ყოველ ვადაგადაცილებულ დღეზე. ყოველთვიური საფასურის გადახდის ვადის გადაცილების შეთხვევაში კი, კომპანიას გააჩნდა პირგასამტეხლოს დაკისრების უფლებამოსილება გადაუხდელი თანხის 0.1 %-ის ოდენობით, ყოველ გადაცილებულ დღეზე. აგრეთვე განსაზღვრული იყო ხელშეკრულების ცალმხრივად შეწყვეტა იმ შემთხვევებში, თუ კონტრაქტორი არ გადაიხდიდა საფასურს სამი თვის განმავლობაში და/ან დაარღვევდა გადახდის ვადებს. ხელშეკრულების პირობების მიხედვით, შპს „ჯორჯიან ბასისგან“ მისაღები შემოსავლები განისაზღვრა გაყიდული ბილეთების ღირებულების 15%-ის ოდენობით, მაგრამ ყოველთვიურად, არანაკლებ 5,200 ლარისა. 2017 წლის ივლისიდან დეკემბრის ჩათვლით, ყოველთვიურად ინფორმაციის წარდგენასა და საფასურის გადახდაზე ხელშეკრულებით დადგენილი პირობები შპს „ჯორჯიან ბასის“ მიერ შეუსრულებელია. შესაბამისად, კომპანიას უნდა დაეკისრებინა საჯარიმო სანქციები და/ან ცალმხრივად შეეწყვიტა ხელშეკრულება, რაც 2017 წელს არ განხორციელდა. ასევე კომპანიამ ვერ წარმოადგინა დასაბუთებული არგუმენტი, რატომ არ იქნა დარიცხული პირგასამტეხლო. აუდიტის მიმდინარეობის პერიოდში, სახელმწიფო აუდიტის სამსახურის რეკომენდაციის საფუძველზე, კომპანიამ დაიანგარიშა პირგასამტეხლოები და შპს „ჯორჯიან ბასს“ გაუგზავნა შესაბამისი მოთხოვნა. აღნიშნული მოთხოვნის მიხედვით, შპს „ჯორჯიან ბასზე“ დარიცხულმა პირგასამტეხლომ 171,533 ლარი შეადგინა, საიდანაც 93,347 ლარი წარმოადგენს 2017 წლის განმავლობაში დასარიცხ პირგასამტეხლოს. კომპანიის განმარტებით, პირგასამტეხლოს დაანგარიშება და კონტრაქტორისათვის წარდგენა იგეგმებოდა კონტრაქტის დასრულებისას, საბოლოო ურთიერთანგარიშსწორების ფარგლებში.

სიღნაღის მუნიციპალიტეტის 2017-2018 წლების საქმიანობის შესაბამისობის აუდიტის მიმდინარეობისას გაირკვა, რომ 2016 წელს გამოვლენილი კონკრეტული დარღვევა-ნაკლოვანებების გამოსასწორებლად, გატარებულია სხვადასხვა ღონისძიება. აუდიტის შედეგად გამოვლენილ 5 გარემოებაზე მუნიციპალიტეტს განხორციელებული აქვს რეაგირება, 1 გარემოებაზე რეაგირება განხორციელებულია ნაწილობრივ, ხოლო 4 დარღვევა-ნაკლოვანება შესაბამისი რეაგირების გარეშე დარჩა. გარემოებები რომლებზეც მუნიციპალიტეტს არ განუხორციელებია რეაგირება, ვრცელი ფორმით განხილულია მიმდინარე აუდიტის ანგარიშში, შესაბამის თემებში

1. სსიპ - საქართველოს ხალხური სიმღერისა და ცეკვის სახელმწიფო აკადემიური ანსამბლის - „ერისიონის“ მიერ არასწორადაა განსაზღვრული და ფინანსური ანგარიშგების „ძირითადი აქტივების“ მუხლში აღრიცხული 2015 წლიდან ანსამბლისთვის სარგებლობის უფლებით გადაცემული შენობის ღირებულება. აღნიშნულიდან გამომდინარე, 2017 წლის აქტივის საწყისი ნაშთი - 923,380 ლარით, ხოლო საბოლოო ნაშთი - 913,957 ლარით შემცირებულად არის წარმოდგენილი. 2. სსიპ - ჩერქეზული (ადიღეური) კულტურის ცენტრის მიერ ინდივიდუალურ ფინანსურ ანგარიშგებაში „ძირითადი აქტივების“ საბალანსო მუხლის საწყისი ნაშთი - 2,381 ლარით და საბოლოო ნაშთი - 2,347 ლარით მეტი ოდენობით არის წარდგენილი.

კომპანიის ხელმძღვანელი ორგანოებია: პარტნიორთა საერთო კრება (სსიპ − სახელმწიფო ქონების ეროვნული სააგენტო), სამეთვალყურეო საბჭო და დირექტორი. პარტნიორთა საერთო კრება აეროპორტების გაერთიანების მართვის უმაღლესი ორგანოა და გადაწყვეტილებებს იღებს ისეთ საკითხებზე, როგორიცაა, სამეთვალყურეო საბჭოს წევრების დანიშვნა და გამოწვევა, კომპანიის ბიზნესგეგმის დამტკიცება. წესდების მიხედვით, სამეთვალყურეო საბჭო კონტროლს უწევს დირექტორის საქმიანობას, ყოველკვარტალურად ისმენს ინფორმაციას კომპანიის ბიზნესგეგმის შესრულების მიმდინარეობის შესახებ. დირექტორი ხელმძღვანელობს კომპანიის მიმდინარე საქმიანობას. საქართველოს მთავრობის განკარგულებით, შპს „საქართველოს აეროპორტების გაერთიანების“ წინაშე მდგარი ამოცანების ეფექტიანად გადაწყვეტის მიზნით, კომპანიის სამეთვალყურეო საბჭო დაკომპლექტდა 7 მინისტრის პირველი მოადგილეებით. კომპანიის წესდების მიხედვით, საბჭო იკრიბება კვარტალში ერთხელ მაინც, სადაც სხვა საკითხების განხილვასთან ერთად ითანხმებს კომპანიის ბიზნესგეგმას და ისმენს ინფორმაციას მისი შესრულების შესახებ. მთავრობის განკარგულებაში ხაზგასმულია კომპანიის წინაშე მდგარი მრავალმხრივი ამოცანების ეფექტიანი და კომპლექსური გადაწყვეტის მნიშვნელობა. შესაბამისად, სამეთვალყურეო საბჭოს წევრები არიან ეკონომიკისა და მდგრადი განვითარების, ფინანსთა, თავდაცვის, იუსტიციის, შინაგან საქმეთა, რეგიონული განვითარებისა და ინფრასტრუქტურის და გარემოსა და ბუნებრივი რესურსების დაცვის მინისტრების პირველი მოადგილეები. მიუხედავად ყოველკვარტალური შეკრების ვალდებულებისა, 2017 წელს სამეთვალყურეო საბჭო შეიკრიბა მხოლოდ ერთხელ, 2017 წლის თებერვალში. მეწარმეთა და არასამეწარმეო (არაკომერციული) იურიდიული პირების რეესტრიდან ამონაწერის თანახმად, 2017 წელს სამეთვალყურეო საბჭოს წევრებად კვლავ იყო რეგისტრირებული რამდენიმე მინისტრის ყოფილი პირველი მოადგილე. აღნიშნულის შესახებ კომპანიამ 2017 წლის 16 ოქტომბერს მიმართა სსიპ − სახელმწიფო ქონების ეროვნულ სააგენტოს, თუმცა სააგენტომ ცვლილებები განახორციელა, დაახლოებით, 4 თვის დაგვიანებით. შესაბამისად, არ შესრულდა კომპანიის წესდების მოთხოვნები სამეთვალყურეო საბჭოს სხდომების კვარტალში, მინიმუმ, ერთხელ ჩატარებისა და ბიზნესგეგმის შესრულების მდგომარეობის ანგარიშის ყოველკვარტალურად განხილვის შესახებ. აქედან გამომდინარე, ხელმძღვანელი ორგანოს (სამეთვალყურეო საბჭო) მიერ არ განხორციელდა მაღალი საზოგადოებრივი მნიშვნელობის მქონე კომპანიაზე ეფექტიანი კონტროლი. აღნიშნული მმართველობითი ხარვეზი ბიზნესგეგმით დაგეგმილ და ფაქტობრივ მაჩვენებლებს შორის მნიშვნელოვანი გადახრების და შესყიდვების დაგეგმვის პროცესში არსებული ნაკლოვანების ერთ-ერთი მნიშვნელოვანი წინაპირობაა.

2017 წელს ნაშთის ცვლილებით გამოწვეულმა ფულადი სახსრების დაგროვებამ 3,993.7 ათასი ლარი შეადგინა. 2018 წელს - 62.4 ათასი ლარი . არსებითი მოცულობის ნაშთების დაგროვება ძირითადად განაპირობა იმან, რომ მუნიციპალიტეტმა ვერ უზრუნველყო დაგეგმილი ინფრასტრუქტურული პროექტების სათანადო შესრულება, კერძოდ, 2017 წელს არაფინანსური აქტივების ზრდის მუხლის შესრულება იყო 67%, ხოლო 2018 წელს გაუარესდა და 62% შეადგინა, რაც მმართველობითი გადაწყვეტილებების არაეფექტიანობაზე მიანიშნებს.

სსიპ - თბილისის ვანო სარაჯიშვილის სახელობის სახელმწიფო კონსერვატორიის მიერ სახსრების სწორი და გამჭვირვალე აღრიცხვა-ანგარიშგების უზრუნველსაყოფად, ბუღალტრული აღრიცხვა არ წარმოებს კანონმდებლობით გათვალისწინებული ანგარიშების გეგმის შესაბამისად, ერთიანი მეთოდოლოგიური პრინციპების დაცვით. აღნიშნულიდან გამომდინარე, კონსერვატორიის მიერ წარდგენილი 2017 წლის ფინანსური ანგარიშგება (ბალანსი) ვერ უზრუნველყოფს ორგანიზაციის სამეურნეო პროცესებისა და საქმიანობის შედეგების შესახებ სრული და უტყუარი ინფორმაციის ჩამოყალიბებას.

„საქონლისა და მომსახურების შესყიდვის სპეციალური წესი“ ამარტივებს შესყიდვების პროცედურებს, შემსყიდველის მიზნების შეუფერხებლად განხორციელების და ფულადი სახსრების რაციონალური ხარჯვის მიზნით. აეროპორტების გაერთიანების სპეციალურ წესში მოცემულია 2 დანართი, სადაც წარმოდგენილია იმ საქონლისა და მომსახურების ჩამონათვალი, რომელთა შესყიდვაც ნებადართულია ამ წესის შესაბამისად. პირველ დანართში არსებული საქონლისა და მომსახურების შესყიდვა იმ შემთხვევაშია შესაძლებელი, თუ ერთჯერადად დასადები გარიგების ღირებულება არ აღემატება 100,000 ლარს (თუ დირექტორმა ან შესაბამისმა კომისიამ სხვა გადაწყვეტილება არ მიიღო), ხოლო მეორე დანართში მოცემული საქონლისა და მომსახურების შესყიდვისთვის მონეტარული ზღვარი დადგენილი არ არის. ამასთანავე, როგორც ზემოთ აღვნიშნეთ, პირველ დანართში განსაზღვრულია მონეტარული ზღვარი, რომლის ფარგლებში კომპანიას შეუძლია შესყიდვის განხორციელება ერთ პირთან მოლაპარაკების საშუალებით, თუმცა აღნიშნული ზღვარი ეხება ერთჯერადად დასადები ხელშეკრულების ღირებულებას და არა წლის განმავლობაში ერთგვაროვანი ობიექტების შესყიდვის ღირებულებას. აღნიშნული ჩანაწერი კომპანიას ხელშეკრულების ხელოვნურად დაყოფის საშუალებას აძლევს და ზრდის შესყიდვებისათვის განკუთვნილი ფულადი სახსრების არარაციონალური ხარჯვის რისკს. კომპანიას აღნიშნული წესით, ძირითადად განხორციელებული აქვს შემდეგი შესყიდვები: სარეკლამო-მარკეტინგული ღონისძიებები, საკონსულტაციო, საინფორმაციო და სხვა მსგავსი ტიპის მომსახურებები, აეროპორტის ოპერირების უზრუნველყოფისთვის საჭირო სპეცტექნიკა, პროგრამული უზრუნველყოფა.

მერიამ შეითანხმა სოფელ უბისაში საქართველოს საავტომობილო გზების დეპარტამენტის მიერ ხევი-უბისა-შორაპანი-არგვეთის გზატკეცილის უბისა-შორაპნის (F3) მონაკვეთის მშენებლობის პროექტი. ამავდროულად იგივე ტერიტორიაზე მოაწყო ადგილობრივი გზა - 112.3 ათასი ლარის ღირებულების. შედეგად ახლადმოწყობილი გზის მნიშვნელოვანი ნაწილი მოექცა სამშენებლო არეალში და დაიფარა მიწით, დარჩენილი გზის გარკვეული მონაკვეთები დაზიანებულია მძიმე ტექნიკის გადაადგილების შედეგად.

აუდიტის პერიოდში სსიპ - საქართველოს ეროვნული მუზეუმს შტატით მომუშავე თანამშრომლებთან - საექსკურსიო/პედაგოგიური საქმიანობის და არაგეგმური არქეოლოგიური სამუშაოების შესასრულებლად, გაფორმებული აქვს ხელშეკრულებები შტატგარეშე თანამშრომლის სტატუსით. აღნიშნული შტატგარეშე თანამშრომლების მიერ შესრულებული სამუშაოები ანაზღაურებულია ეკონომიკური კლასიფიკაციის „საქონელი და მომსახურების“ - შტატგარეშე მომუშავეთა თანამდებობრივი სარგო - მუხლით. შტატიანი თანამშრომლების მიერ ზეგანაკვეთური წესით შესრულებული სამუშაოებიც ანაზღაურებულია ასევე „საქონელი და მომსახურების“ მუხლით. 2017 წელს ზემოაღნიშნული საქმიანობების სახით განაცემებმა შეადგინა სულ 536,007 ლარი.

„სახელმწიფო შესყიდვების შესახებ“ საქართველოს კანონით, შესყიდვების წლიური გეგმის პროექტის შემუშავების დროს, შემსყიდველმა უნდა გაითვალისწინოს შესყიდვის განხორციელების აუცილებლობა, მისაწოდებელი საქონლის რაოდენობა, შესასრულებელი სამუშაოს ან გასაწევი მომსახურების მოცულობა არსებული მარაგების გათვალისწინებით. შპს „საქართველოს აეროპორტების გაერთიანების“ 2017 წლის სახელმწიფო შესყიდვების გეგმაში 26-ჯერ შევიდა ცვლილება. მათ შორის, შესყიდვების გეგმა ყველაზე მნიშვნელოვნად გაიზარდა კომპანიის ბიზნესგეგმის დამტკიცების შემდეგ, რაც მიუთითებს ბიზნესგეგმის მაჩვენებლების და შესყიდვების გეგმის მომზადების არათანმიმდევრულობაზე. ჯამურმა ცვლილებამ შესყიდვების გეგმაში შეადგინა 41,799,580 ლარი, რაც მთლიანი გეგმის 62.4%-ია. საბოლოოდ განსაზღვრული შესყიდვების სავარაუდო თანხა 2.7-ჯერ აღემატება პირველადი გეგმით განსაზღვრულ მაჩვენებელს. აღსანიშნავია ისიც, რომ კომპანიაში სათანადოდ არ დოკუმენტირდება ცვლილებების მიზნობრიობა და საფუძველი, რაც შესაძლებელს გახდიდა იმის გამიჯვნას, თუ რომელი კონკრეტული ცვლილება წარმოადგენდა ობიექტურ საჭიროებას და რომელი შეიძლება იყოს დაგეგმვის ხარვეზი. შესყიდვების გეგმის ხშირი, მნიშვნელოვანი და არასათანადოდ დოკუმენტირებული ცვლილებები მიუთითებს, რომ კომპანიას თავდაპირველი გეგმის წარდგენის მომენტისათვის ნათლად არ ჰქონდა ჩამოყალიბებული წლის განმავლობაში განსახორციელებელი შესყიდვების აუცილებლობა, მისაწოდებელი საქონლის რაოდენობა, შესასრულებელი სამუშაოს ან გასაწევი მომსახურების მოცულობა. შესყიდვების სწორად და სრულყოფილად დაგეგმვა არის ერთ-ერთი მნიშვნელოვანი წინაპირობა იმისათვის, რომ კომპანიამ მიაღწიოს დასახულ მიზნებს სახსრების რაციონალური ხარჯვით.

2017-2018 წლებში ობიექტის მიწოდების ვადები გაზრდილია 33 შემთხვევაში, მათ შორის დაუსაბუთებლად 19 შემთხვევაში. მათგან 15 − ვერც გაზრდილ ვადაში დასრულდა. სამუშაოების დასრულების ვადები, ხშირ შემთხვევებში, გაზრდილია დაუსაბუთებლად, სათანადო არგუმენტაციის წარმოდგენის გარეშე, რითაც შემსყიდველი ორგანიზაციისათვის გაუარესებულია ხელშეკრულების პირობები.თუკი მუნიციპალიტეტი აღნიშნული 19 ხელშეკრულების ფარგლებში ვადებს არ გადასწევდა დაუსაბუთებელი და არაობიექტური მიზეზებით, მიმწოდებლებისათვის დარიცხული საჯარიმო თანხა ვადების დარღვევისათვის იქნებოდა 259.1 ათასი ლარი.

სსიპ - საქართველოს ეროვნულ მუზეუმს შტატით მომუშავე თანამშრომლებთან - საექსკურსიო/პედაგოგიური საქმიანობის და არაგეგმური არქეოლოგიური სამუშაოების შესასრულებლად, გაფორმებული აქვს ხელშეკრულებები შტატგარეშე თანამშრომლის სტატუსით. აღნიშნული შტატგარეშე თანამშრომლების მიერ შესრულებული სამუშაოები ანაზღაურებულია ეკონომიკური კლასიფიკაციის „საქონელი და მომსახურების“ - შტატგარეშე მომუშავეთა თანამდებობრივი სარგოს მუხლით. შტატიანი თანამშრომლების მიერ ზეგანაკვეთური წესით შესრულებული სამუშაოებიც ანაზღაურებულია ასევე „საქონელი და მომსახურების“ მუხლით. 2017 წელს ზემოაღნიშნული საქმიანობების სახით, განაცემებმა შეადგინა სულ 536,007 ლარი.

ტენდერების ჩატარების წესის შესაბამისად, წინასწარი ანგარიშსწორების შემთხვევაში, მიმწოდებელი ვალდებულია წარუდგინოს შემსყიდველ ორგანიზაციას წინასწარ გადასახდელი თანხის ოდენობის გარანტია, ხოლო ხელშეკრულების შესრულების უზრუნველყოფის გარანტია, ამ წესის შესაბამისად, შემსყიდველს წარედგინება ხელშეკრულების გაფორმებამდე. შპს „ანაგთან“ ქუთაისის აეროპორტის ახალი ტერმინალის კარკასის მშენებლობაზე გაფორმებული ხელშეკრულებით, სამუშაოს დასრულების ვადად განისაზღვრა 2018 წლის 18 იანვარი. აღნიშნული თარიღის გათვალისწინებით წარმოდგენილია ხელშეკრულების უზრუნველყოფის გარანტია 660,599 ლარზე და წინასწარი ანგარიშსწორებით მიღებული თანხის შესაბამისი გარანტია − 3,963,595 ლარზე. 2018 წლის 4 იანვარს ხელშეკრულებაში შეტანილი ცვლილებით, სამუშაოების ვადამ გადაიწია 28 თებერვალამდე, თუმცა შპს „ანაგმა“ ხელშეკრულებაში შესული ცვლილების შესაბამისი გარანტიები წარმოადგინა დაგვიანებით, ნაცვლად 2018 წლის 4 იანვრისა, 2018 წლის 22 თებერვალს. შპს „ლიტომთან“ ქუთაისის აეროპორტის ტერიტორიაზე სამი შენობის მშენებლობაზე გაფორმებული ხელშეკრულებით, სამუშაოს დასრულების ვადად განისაზღვრა 2016 წლის 16 ივნისი. აღნიშნული თარიღის გათვალისწინებით წარმოდგენილია ხელშეკრულების უზრუნველყოფის გარანტია 99,250 ლარზე. 2016 წლის 6 ივნისს ხელშეკრულებაში შესული ცვლილებით სახელშეკრულებო თანხა გაიზარდა. გაზრდილ თანხაზე ხელშეკრულების შესრულების გარანტია წარმოდგენილია დაგვიანებით, ნაცვლად 2016 წლის 6 ივნისისა, 2016 წლის 3 აგვისტოს. ასევე სახელშეკრულებო თანხის ზრდა კიდევ განხორციელებულია 2016 წლის 9 სექტემბერს და 10 ოქტომბერს, თუმცა აღნიშნული ცვლილებების შესაბამისი ხელშეკრულების უზრუნველყოფის გარანტიები არ წარმოდგენილა. საბანკო გარანტია შემსყიდველის მიერ გამოიყენება ნებისმიერი ზიანის/ზარალის/პირგასამტეხლოს ანაზღაურების მიზნით, რომელიც შესაძლოა მიადგეს შემსყიდველს, მიმწოდებლის მიერ ხელშეკრულების პირობების არაჯეროვნად შესრულების გამო. ზემოაღნიშნულ შემთხვევებში კი, კომპანია მოკლებული იყო, გამოეყენებინა ასეთი შესაძლებლობა.

აუდიტის ჯგუფმა შეისწავლა გეგმა-გრაფიკის დაცულობა და საჯარიმო სანქციის დარიცხვის მდგომარეობა. გამოვლინდა, რომ გეგმა-გრაფიკი ატარებს ფორმალურ ხასიათს. • 55 ხელშეკრულებიდან მხოლოდ 16 ითვალისწინებდა გეგმა-გრაფიკის დარღვევისთვის ჯარიმას. რაც მიმწოდებლების მიმართ არაერთგვაროვან და არაობიექტურ მიდგომაზე მიუთითებს.

სსიპ - საქართველოს ეროვნულ მუზეუმს შტატით მომუშავე თანამშრომლებთან - საექსკურსიო/პედაგოგიური საქმიანობის და არაგეგმური არქეოლოგიური სამუშაოების შესასრულებლად, გაფორმებული აქვს ხელშეკრულებები შტატგარეშე თანამშრომლის სტატუსით. აღნიშნული შტატგარეშე თანამშრომლების მიერ შესრულებული სამუშაოები ანაზღაურებულია ეკონომიკური კლასიფიკაციის „საქონელი და მომსახურების“ - შტატგარეშე მომუშავეთა თანამდებობრივი სარგოს მუხლით. შტატიანი თანამშრომლების მიერ ზეგანაკვეთური წესით შესრულებული სამუშაოებიც ანაზღაურებულია ასევე „საქონელი და მომსახურების“ მუხლით. 2017 წელს ზემოაღნიშნული საქმიანობების სახით, განაცემებმა შეადგინა სულ 536,007 ლარი.

თბილისის, ბათუმის, მესტიის, ამბროლაურის, ქუთაისის და ნებისმიერი სხვა ადგილობრივი მიმართულებით მგზავრთა საჰაერო გადაყვანის უზრუნველსაყოფად, ასევე ქვეყანაში ტურიზმის ხელშეწყობის მიზნით, შპს „საქართველოს აეროპორტების გაერთიანებას“ მთავრობის განკარგულებით დაევალა ავიარეისების ორგანიზება, რისთვისაც უნდა განეხორციელებინა ავიარეისების შესრულების მომსახურების შესყიდვა ტენდერის საშუალებით. ტენდერის გამოცხადებამდე კომპანიამ სავარაუდო ღირებულების განსაზღვრისთვის იხელმძღვანელა მხოლოდ არარეზიდენტი ავიაკომპანიის − ABC Air-ის მიერ წარმოდგენილი ფასებით. თუმცა ავიაკომპანია ABC Air-მა ტენდერში მონაწილეობა არ მიიღო და გამარჯვებულად ერთადერთი მონაწილე − შპს „სერვისეირი“ გამოცხადდა, რომელთანაც 2017 წლის 23 ივნისს გაფორმდა 3-წლიანი ხელშეკრულება: საშუალო ფრენა-საათის ღირებულებით − 1,000 აშშ დოლარი (ხელშეკრულების ჯამური ღირებულებაა 4,500,000 აშშ დოლარი). აღსანიშნავია, რომ შპს „სერვისეირი“ 2014 წლიდან 2017 წლამდე ასრულებდა მსგავს მომსახურებას და ხელშეკრულებით განსაზღვრული საშუალო ფრენა-საათის ღირებულება 2,627 აშშ დოლარი იყო. შესაბამისად, 2017 წელს დაფიქსირებული ფასი 2.6-ჯერ ნაკლებია ძველ ფასთან შედარებით. 2017 წლის 5 დეკემბერს შპს „სერვისეირმა“ წერილობით მიმართა შპს „საქართველოს აეროპორტების გაერთიანებას“. წერილში აღნიშნულია, რომ არსებული ღირებულების ფარგლებში მიმწოდებელი ფაქტობრივად ვეღარ ასრულებდა ხელშეკრულებით ნაკისრ ვალდებულებას. აღსანიშნავია, რომ 2018 წლის 1 თებერვალს ხელშეკრულება შეწყდა აეროპორტების გაერთიანების მიერ. აეროპორტების გაერთიანება არ დაეთანხმა ზემოაღნიშნულ მოტივს და შესაბამისად, 2018 წლის 2 თებერვლის წერილით, სსიპ − სახელმწიფო შესყიდვების სააგენტოსგან მოითხოვა შპს „სერვისეირის“ ე.წ. „შავ სიაში“ რეგისტრაცია. ახალი ტენდერის ჩატარებამდე, მგზავრთა საჰაერო ტრანსპორტით გადაყვანის პროცესის შეუფერხებლად მიმდინარეობის მაღალი საზოგადოებრივი ინტერესიდან გამომდინარე, მთავრობის განკარგულების საფუძველზე, კომპანიამ ანალოგიური მომსახურების შესყიდვის მიზნით, 2018 წლის 22 თებერვალს გამარტივებული შესყიდვის საშუალებით ხელშეკრულება გააფორმა შპს „აკ-ეარ ჯორჯიასთან“. აღნიშნული ხელშეკრულების თანახმად, საშუალო ფრენა-საათების ღირებულება რეისების მიხედვით, მერყეობს 1,620-დან 2,446 აშშ დოლარამდე. გარდა შპს „აკ-ეარ ჯორჯიას“ შემოთავაზებისა, კომპანიამ წარმოადგინა 2017 წლის სექტემბერსა და 2018 წლის იანვარში მიღებული არარეზიდენტი მომწოდებლის − Kenn Borek Air Ltd-ს შემოთავაზება, რომლის მიხედვით, საშუალო ფრენა-საათის ღირებულება მერყეობდა 1,750-დან 4,800 აშშ დოლარამდე. 2018 წლის 16 აგვისტოს კომპანიამ გამოაცხადა ტენდერი იმავე მომსახურების შესყიდვაზე, რომელშიც მხოლოდ შპს „აკ-ეარ ჯორჯია“ მონაწილეობდა და გაიმარჯვა კიდეც. მომსახურების გაწევის ვადა განისაზღვრა 4 წლით, ხოლო სავარაუდო ღირებულება − 20,248,800 აშშ დოლარით. ამ შემთხვევაშიც საშუალო ფრენა-საათის ღირებულება მერყეობს 1,620-დან 2,446 აშშ დოლარამდე. აღსანიშნავია, რომ შპს „აკ-ეარ ჯორჯიას“ 100%-იანი წილის მესაკუთრეა შპს „სერვისეარ ჰოლდინგი“, რომელიც, თავის მხრივ, დაფუძნებულია შპს „სერვისეირის“ 100%-იანი წილის მფლობელის მიერ. ამასთანავე, შპს „აკ-ეარ ჯორჯიას“ მიერ მომსახურების გასაწევად წარმოდგენილი თვითმფრინავები, იგივე თვითმფრინავებია, რომლითაც მომსახურებას ეწეოდა შპს „სერვისეირი“. რეალურად, ორივე ტენდერის შემთხვევაში სავარაუდო ფასი დაეფუძნა ერთი უცხოური და ერთი ადგილობრივი ავიაკომპანიის შემოთავაზებას. 2018 წლის შემთხვევაში დამატებით იქნა გამოკითხული მგზავრთა გადაყვანის ლიცენზიის მქონე ხუთი ოპერატორიდან ოთხი ქართული ავიაკომპანია საიდანაც გაირკვა, რომ შპს „აკ-ეარ ჯორჯიას“ გარდა არც-ერთ ავიაკომპანიას არ ჰყავდა შესაბამისი ტიპის საჰაერო ხომალდი, რის გამოც არ წარმოადგინეს სავარაუდო ფასები. აეროპორტების გაერთიანებამ არასათანადოდ ჩაატარა ბაზრის კვლევა, ვინაიდან ზემოაღნიშნული ფაქტები მიუთითებს, რომ საბაზისო მონაცემები ბაზრის კვლევის ეტაპზე იყო მნიშვნელოვნად განსხვავებული. შესაბამისად, საუკეთესო და ეფექტიანი გადაწყვეტილების მისაღებად საჭირო იყო, ჩატარებულიყო ბაზრის უფრო დეტალური კვლევა და მოძიებული ინფორმაციის ანალიზი. შიდა ფრენების პროექტში გამოვლენილი ნაკლოვანება ზრდის ფულადი რესურსის არაეფექტიანი ხარჯვის რისკს.

მუნიციპალიტეტმა გეგმა-გრაფიკის დარღვევისათვის 6 შემთხვევაში დააჯარიმა მიმწოდებლები, მათ შორის 3 შემთხვევაში - არასრულად გამოიყენა სანქცია და დაურიცხავი პირგასამტეხლოს ოდენობამ 2.2 ათასი ლარი შეადგინა;

საქართველოს მთავრობის 2017 წლის 15 დეკემბრის N548 დადგენილებით , ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის აპარატის (შემდგომში - მინისტრის აპარატი) ფუნქციების განხორციელების უფლებამოსილება მიენიჭა საქართველოს საგარეო საქმეთა სამინისტროს. სამინისტროს ნაერთ ფინანსურ ანგარიშგებაში არ არის ასახული მინისტრის აპარატის 2017 წლის საანგარიშგებო პერიოდის ფინანსური ინფორმაცია. ამასთან, არ არის კონსოლიდირებული კონტროლირებული ერთეულის - სსიპ „საინფორმაციო ცენტრი ნატოსა და ევროკავშირის შესახებ“ ფინანსური ანგარიშგება. არსებითობის გათვალისწინებით, სამინისტროს კონსოლიდირებული ფინანსური ანგარიშგება სრულად არ ასახვს კონტროლირებული ერთეულების ფინანსურ ინფორმაციას.

ქუთაისის დავით აღმაშენებელის სახელობის საერთაშორისო აეროპორტში სააეროდრომო ინფრასტრუქტურის შემდგომი განვითარებისა და რეკონსტრუქციისთვის სამუშაოების ჩატარების მიზნით, 2017 წლის 13 მარტს შპს „კომპანია ბლექ სი გრუპთან“ გაფორმდა ხელშეკრულება. სახელშეკრულებო თანხამ 16,106,139 ლარი შეადგინა. 2017 წლის 28 ივნისს ხელშეკრულებაში შევიდა ცვლილება სამუშაოების მოცულობასთან და ზედნადებ ხარჯებთან დაკავშირებით და სახელშეკრულებო თანხა შემცირდა 13,327,151 ლარამდე. ხელშეკრულების მიხედვით, სამუშაოს მიღება-ჩაბარება და ანგარიშსწორება უნდა განხორციელებულიყო ეტაპობრივად შესრულებული სამუშაოს მიხედვით და ხარჯთაღრიცხვაში მითითებული პოზიციების შესაბამისად. 2017 წლის 13 მარტს გაფორმებული ხელშეკრულების მიხედვით, სამუშაოების შესრულება გათვალისწინებული იყო 5 ეტაპად, რომელთაგან 3 ეტაპი უნდა განხორციელებულიყო 2017 წელს, ხოლო დანარჩენი 2 ეტაპი − 2018 წელს. 2017 წლის ივნისში სამუშაოების შემსრულებელმა კომპანიას მიმართა წერილით, რომელშიც აღნიშნავდა, რომ სამუშაოების შეწყვეტის (2017 წელი) და განახლების (2018 წელი) დროს უნდა განეხორციელებინა ტექნიკის დემობილიზაცია და მობილიზაცია, ხოლო იმ შემთხვევაში, თუ სამუშაოებს აწარმოებდა უწყვეტ რეჟიმში და 2018 წელს დაგეგმილ სამუშაოებსაც 2017 წლის განმავლობაში შეასრულებდა, მაშინ, დემობილიზაციისა და მობილიზაციისათვის განსაზღვრული ხარჯები გამოირიცხებოდა, რაც გამოიწვევდა ზედნადები ხარჯების 400,000 ლარით შემცირებას. აღნიშნული წინადადება დააჩქარებდა ანგარიშსწორებას, თუმცა კომპანიაში არსებული თავისუფალი ფინანსური რესურსის და ფასდათმობით მიღებული სარგებლის გათვალისწინებით, შემოთავაზება მისაღები აღმოჩნდა აეროპორტების გაერთიანებისთვის. შედეგად, 28 ივნისს გაფორმებული ცვლილებით, სამუშაოების მოცულობასთან ერთად, შემცირდა ზედნადები ხარჯები 10%-დან 7%-მდე. შედეგად, წარმოიშვა ზედმეტად გადახდილი თანხა 83,805 ლარის ოდენობით. აღნიშნულ თანხაზე არ იყო წარმოდგენილი შესაბამისი საბანკო გარანტია. აქედან გამომდინარე, კომპანია მოკლებული იყო შესაძლებლობას, განეხორციელებინა კონტროლი საკუთარ რესურსზე. შესაბამისად, აღნიშნული თანხა ექვემდებარებოდა შპს „საქართველოს აეროპორტების გაერთიანების“ სასარგებლოდ დაბრუნებას. აუდიტის მიმდინარეობისას, აუდიტის სამსახურის რეკომენდაციის საფუძველზე, 2018 წლის 11 ივლისს მხარეებს შორის შედგა შეთანხმება, ურთიერთმოთხოვნათა გაქვითვის შესახებ 67,339 ლარზე, ხოლო დარჩენილი 16,466 ლარი, შპს „კომპანია ბლექ სი გრუპმა“ 2018 წლის 20 ივლისს ჩარიცხა კომპანიის ანგარიშზე. კომპანიის განმარტებით, აღნიშნული თანხის დაბრუნება ან გაქვითვა იგეგმებოდა მომწოდებელთან საბოლოო მიღება-ჩაბარების აქტის გაფორმებისა და საბოლოო ურთიერთანგარიშსწორების პროცესში.

39 ხელშეკრულება ითვალისწინებდა პირობას, თუ მიმწოდებელი გეგმა-გრაფიკით შესასრულებელ სამუშაოების შესრულებას ჩამორჩებოდა 30%-ით და მეტით, შემსყიდველს უფლება ჰქონდა შეეწყვიტა ხელშეკრულება; 15 მათგანი ითვალისწინებდა ხელშეკრულების შეწყვეტას გეგმა-გრაფიკის განმეორებით დარღვევისას; ერთ შემთხვევაში, ხელშეკრულება შესაძლოა შეწყვეტილიყო თუ გეგმა-გრაფიკის დარღვევისთვის დაკისრებული სანქცია მიაღწევდა სახელშეკრულებო ღირებულების 3%-ს. გამოვლინდა, რომ მერიამ 44 ხელშეკრულების ფარგლებში არ გამოიყენა ან დაგვიანებით გამოიყენა ეს მექანიზმი.

სამინისტროს კონსოლიდირებული ფინანსური მდგომარეობის ანგარიშგებაში 2017 წლის საწყისი და საბოლოო ნაშთები არ ედრება სამინისტროს სტრუქტურაში შემავალი ორგანიზაციების მიერ წარმოდგენილი ინდივიდუალური ფინანსური მდგომარეობის ანგარიშგებაში ასახულ შესაბამის მონაცემებს. აღნიშნული გამოწვეულია კონსოლიდირებულ ფინანსურ ანგარიშგებაში ნაშთების რეკლასიფიცირებით და 72 დიპლომატიური დაწესებულების ინფორმაციის არასისტემატიზირებული აღრიცხვით. ვინაიდან, ინდივიდუალური და კონსოლიდირებული ფინანსური ანგარიშგებების მონაცემები არ ედრება ერთმანეთს და მათ შორის სხვაობამ 2017 წლის 1 იანვრის მდგომარეობით 591,891 ლარი, ხოლო 31 დეკემბრის მდგომარეობით 64,434 ლარი შეადგინა, ვერ მივიღეთ რწმუნება კონსოლიდირებული ფინანსური მდგომარეობის ანგარიშგებასა და მასთან დაკავშირებულ დანართებში წარმოდგენილი ნაშთების სისრულესა და სისწორეზე.

კომპანიის მიერ გათვალისწინებული უნდა იყოს კონკრეტული შესყიდვის განხორციელების საჭიროება. ამასთანავე, ფულადი სახსრების ხარჯვა უნდა იყოს შედეგზე ორიენტირებული. შპს „საქართველოს აეროპორტების გაერთიანების“ 2016 წლის ბიზნესგეგმაში, საკმარისი ფულადი სახსრების არსებობის შემთხვევაში, განსაზღვრული იყო საქართველოში ავიაკომპანიის დაფუძნების პერსპექტივის კვლევა. 2016 წლის აპრილში, ფინანსური მაჩვენებლების გათვალისწინებით, სამეთვალყურეო საბჭოსთან და პარტნიორთან შეთანხმდა საქართველოს საავიაციო ბაზრისა და ქართული ავიაკომპანიის ბიზნესპოტენციალის კვლევის ჩატარება. შესაბამისად, 2016 წლის ივლისში შპს „საქართველოს აეროპორტების გაერთიანებასა“ და საჰაერო ტრანსპორტის საერთაშორისო ასოციაცას − IATA-ს შორის გაფორმდა ხელშეკრულება, რომელიც მოიცავდა შემდეგი სახის მომსახურებებს: • ეროვნული ავიაკომპანიის საქმიანობის მიმოხილვა − ერთ-ერთი ადგილობრივი ავიაკომპანიის მაგალითზე, ძირითადი კომერციული, ფინანსური და ოპერატიული ფუნქციების და მისი სამუშაო გარემოს შესწავლა. აღნიშნულის მიზანი იყო ავიაკომპანიის სტრატეგიის, სტრუქტურისა და შესაძლებლობების საბაზისო დონეზე განსაზღვრა და შემოსავლების გამომუშავებისთვის, ეფექტიანობის გაზრდისა და ხარჯების შემცირებისათვის შესაბამისი რეკომენდაციების გაცემა. • სტრატეგიული ბაზრის შეფასება − საქართველოს საჰაერო ტრანსპორტის ბაზრის, მისი ძირითადი გამოწვევების, დაბრკოლებების და შესაძლებლობების შეფასება. ბაზრის შეფასება აგრეთვე მოიცავდა მარეგულირებელი და იურიდიული გარემოს შეფასებას. ზემოაღნიშნული კვლევების შედეგების საფუძველზე, შპს „საქართველოს აეროპორტების გაერთიანებას“ უნდა მიეღო გადაწყვეტილება, დაუკვეთდა თუ არა IATA-ს ხელშეკრულებით განსაზღვრულ მეორე, არასავალდებულო ეტაპს, რაც გულისხმობდა საქართველოს საჰაერო ტრანსპორტის სისტემის ოპერატიული და კომერციული ფუნქციონირების გაუმჯობესებისათვის ხუთწლიანი ბიზნესგეგმის შედგენას. ბიზნესგეგმის შედგენაზე მომსახურების დაკვეთა კომპანიამ არ განახორციელა. IATA-მ შეასრულა მხოლოდ ავიაკომპანიის საქმიანობის მიმოხილვა, სტრატეგიული ბაზრისა და მარეგულირებელი და იურიდიული გარემოს შეფასება. აღნიშნულ მომსახურებებზე, ჯამში 303,548 აშშ დოლარი დაიხარჯა. ხელშეკრულებით გათვალისწინებული საკონსულტაციო მომსახურების ანგარიში მომზადდა 2016 წლის დეკემბერში. აეროპორტების გაერთიანებას დღემდე არ აქვს დოკუმენტურად დადასტურებული, განხილულ იქნა თუ არა აღნიშნული კვლევის შედეგები და ბიზნესგეგმის მომზადების საკითხი. კომპანიის განმარტებით, მისი საქმიანობიდან გამომდინარე, კვლევაში არსებული ინფორმაცია სარგებლიანია, ამაღლებს კომპანიის წარმომადგენლების მომზადებას და გამოიყენება სხვადასხვა ავიაკომპანიასთან და დაინტერესებულ მხარესთან საქმიან ურთიერთობებში. ზემოაღნიშნული განმარტების მიუხედავად, ჩვენ ვერ დავრწმუნდით, მიიღო თუ არა აეროპორტების გაერთიანებამ კვლევის თავდაპირველად განსაზღვრული მიზნობრიობის შესაბამისი სარგებელი და რამდენად არის კვლევის შედეგების ამჟამინდელი გამოყენება გადახდილი თანხის პროპორციული.

მიუხედავად იმისა, რომ მიმწოდებლები იქცეოდნენ არაკეთილსინდისიერად და არღვევდნენ გეგმა-გრაფიკს, რაც თავის მხრივ ხელშეკრულების შეწყვეტის წინაპირობას წარმოადგენს, 11 ხელშეკრულებაში შეტანილი ცვლილების საფუძველზე ავანსების ოდენობა 40-80%-მდე გაიზარდა. და მათ გადაერიცხათ 1,250.6 ათასი ლარი. მათგან ორ კომპანიას, დავალიანების სახით, აუდიტის მიმდინარეობის პერიოდისთვის ერიცხებათ ჯამურად 815.4 ათასი ლარი ავანსი 9 თვეზე მეტი დროის განმავლობაში.

კონსოლიდირებული ფინანსური შედეგების ანგარიშგებაში, დიპლომატიური დაწესებულებების მიერ უცხოურ ვალუტაში გაწეული ხარჯები გადაყვანილია 2017 წლის 31 დეკემბრის მდგომარეობით ლარში, ევროსა და აშშ დოლარის მიმართ საქართველოს ეროვნული ბანკის მიერ დადგენილი ოფიციალური გაცვლითი კურსით, რაც შეუსაბამოა აღრიცხვის ინსტრუქციასთან , რომლის მიხედვით შემოსავლები და ხარჯები (შესადარისი მონაცემების ჩათვლით) თითოეული ფინანსური შედეგების ანგარიშგებაში გადაიყვანება ოპერაციის მოხდენის თარიღისათვის არსებული გაცვლითი კურსით, რის გამოც ფორმა N2-ში 2017 წლის უარყოფითი ფინანსური შედეგი გაზრდილია 888,566 ლარით.

შპს „ტავ ურბან საქართველო“ ვალდებულია აეროპორტის ოპერირება და მოვლა-პატრონობა უზრუნველყოს საოპერაციო და ტექნიკური უზრუნველყოფის სტანდარტების დაცვით, რაც, თავის მხრივ, გულისხმობს აეროპორტის ტერმინალის და მასთან დაკავშირებული ყველა ობიექტის (მიწისა და შენობა-ნაგებობების) ოპერირებასა და მოვლა-პატრონობას. ეს უკანასკნელი კი გულისხმობს აეროპორტის ტერიტორიაზე არსებული ყველა მატერიალური აქტივის ყოველდღიურ ადმინისტრირებას, ფუნქციონირებას, მართვას, საექსპლოატაციო მდგომარეობაში დაცვას და შეკეთებას, რაც აუცილებელია მათი გამოყენების ან უსაფრთხო და სათანადო ოპერირებისთვის. ხელშეკრულება ასევე ითვალისწინებს აეროპორტების გაერთიანების უფლებას, აქტივებზე კონტროლის განხორციელების მიზნით, შეითანხმოს შპს „ტავ ურბან საქართველოს“ მიერ წარმოდგენილი ყოველწლიური მოვლა-პატრონობის პროგრამა. 2018 წლის 1 დეკემბრის მდგომარეობით, მსგავსი შინაარსის მოვლა-პატრონობის პროგრამა მხარეებს შორის შეთანხმებული არ არის. კომპანიის განმარტებით, ჩამოყალიბებული პრაქტიკის მიხედვით, აეროპორტში განსახორციელებელ ღონისძიებებთან დაკავშირებით, ოპერატორი აეროპორტების გაერთიანებას ინფორმაციას აწვდის არა ერთიანი წლიური დოკუმენტის სახით, არამედ ინდივიდუალური წერილით − ცალკეული ღონისძიების შესახებ. უნდა აღინიშნოს, რომ წერილები ძირითადად მოიცავს ინფრასტრუქტურის კუთხით ჩასატარებელ ისეთ ღონისძიებებს, როგორიცაა, რემონტი, ახალი ტექნიკის შეძენა/რეკონსტრუქცია, მათი ტექნიკური მომსახურება და ა.შ. როგორც ზემოთ აღვნიშნეთ, არსებული BOT ხელშეკრულებით მოვლა-პატრონობის გეგმა უნდა მოიცავდეს აქტივების უსაფრთხო და სათანადო ოპერირებისთვის გასატარებელ ღონისძიებებს. მიუხედავად იმისა, რომ აეროპორტის ოპერირების მოქმედ კანონმდებლობასთან და საერთაშორისო მოთხოვნებთან შესაბამისობას ამოწმებს სსიპ − სამოქალაქო ავიაციის სააგენტო, როგორც მარეგულირებელი ორგანო, მნიშვნელოვანია, ინდივიდუალურად გასატარებელი ღონისძიებები ხელშეკრულების მხარეებს შორის შეთანხმებული იყოს წინასწარ, ერთიანი გეგმის სახით, განსაკუთრებით უსაფრთხო ოპერირების ნაწილში. ზემოაღნიშნულიდან გამომდინარე, მნიშვნელოვანია აეროპორტების გაერთიანებამ შეითანხმოს მოვლა-პატრონობის პროგრამა და მუდმივად აკონტროლოს მისი შესრულება ხელშეკრულებით გათვალისწინებული პროცედურების დაცვით.

ხელშეკრულების შეწყვეტის წინაპირობების არსებობის მიუხედავად მერია ზრდიდა მათი მოქმედების ვადებს. შედეგად, მიმწოდებლებს შესაძლებლობა ეძლეოდათ მუნიციპალიტეტის ფინანსური რესურსებით უსასყიდლოდ ესარგებლათ თვეების განმავლობაში. აუდიტის მიმდინარეობის პერიოდისთვის, 2 ხელშეკრულების ფარგლებში, 28.3 ათასი ლარის ავანსი 7-დან 9 თვემდე პერიოდით გაცემულია ისე, რომ მიმწოდებლებს წარმოდგენილი არ აქვთ შესაბამისი შესრულება, ხოლო სამუშაოების მიწოდების ვადა ამოიწურა 2019 წლის 3 ივნისს ან უფრო ადრე.

დიპლომატიურ დაწესებულებებში საანგარიშგებო პერიოდში არაფინანსური აქტივების მიღება-გასვლის ყველა ოპერაცია კონსოლიდაციის მიზნებისთვის გადაყვანილია საანგარიშგებო ვალუტაში (ლარი) 2017 წლის 31 დეკემბრის მდგომარეობით აშშ დოლარის და ევროს მიმართ ლარის საქართველოს ეროვნული ბანკის მიერ დადგენილი ოფიციალური გაცვლითი კურსით, რაც შეუსაბამოა სსბასს 4 -ის „უცხოური ვალუტის ცვლილებით გამოწვეული შედეგები“ მოთხოვნებთან, რომლის მიხედვით შემოსავლის და ხარჯის მუხლების საანგარიშგებო ვალუტაში გადასაყვანად გამოყენებული უნდა იყოს პერიოდის საშუალო კურსი, რომელიც უახლოვდება ოპერაციის მოხდენის თარიღისათვის არსებულ გაცვლით კურსს. აღნიშნული მოთხოვნების გათვალისწინებით, აქტივების მიღება-გასვლის ოპერაციებით წარმოქმნილ საკურსო სხვაობას 2,480,854 ლარი უნდა შეედგინა. ვინაიდან, კონსოლიდირებულ კაპიტალში ცვლილების შესახებ ანგარიშგებაში (ფორმა N4) კურსთა შორის სხვაობით მიღებული შემოსავალი და ზარალი ასახულია სხვა არასაოპერაციო შემოსავლების და ხარჯების მუხლში, აღნიშნული შეუსაბამობის ფინანსურ ანგარიშგებაზე ზუსტი ეფექტის განსაზღვრა შეუძლებელია.

ახალ BOT ხელშეკრულებაში, განსხვავებით თავდაპირველი BOT ხელშეკრულებისგან, შპს „ტავ ურბან საქართველოს“ მიმართ დამატებულია ისეთი მოთხოვნები, რაც უზრუნველყოფს მომსახურების ხარისხის გაუმჯობესებას აეროპორტში. კერძოდ, ახალი BOT ხელშეკრულების თანახმად, შპს „ტავ ურბან საქართველო“ უზრუნველყოფს მინიმალური შესრულების სპეციფიკაციების და სტანდარტების დაკმაყოფილებას, რათა მიაღწიოს მომსახურების ოპტიმალურ დონეს. განსაზღვრულია შენობა-ნაგებობებსა და პროცესებთან დაკავშირებული შესრულების პარამეტრების მონიტორინგისთვის აუცილებელი ელემენტები, მათ შორის, მგზავრების რეგისტრაციის და უსაფრთხოების შემოწმებისას რიგში ლოდინის ხანგრძლივობა, თვითმფრინავის ჩამოფრენიდან ბარგის მისაწოდებლად განსაზღვრული დრო და სხვ. აღნიშნული პარამეტრების შეფასების შედეგები ყოველკვარტალურად ეგზავნება აეროპორტების გაერთიანებას, რომელიც განიხილავს და შპს „ტავ ურბან საქართველოს“ მიაწვდის შესაბამის შენიშვნებსა და/ან წინადადებებს. შპს „ტავ ურბან საქართველო“ ვალდებულია გაითვალისწინოს აეროპორტების გაერთიანების შენიშვნები. აღსანიშნავია, რომ 2018 წლის დასაწყისში აეროპორტის ეფექტიანობის პარამეტრების შეფასებასა და მონიტორინგს ახორციელებდა თვითონ შპს „ტავ ურბან საქართველო“, რაც შეიცავს შეფასების შედეგების არაობიექტურად ასახვის რისკს და უკარგავს აეროპორტების გაერთიანებას კონტროლის ფუნქციას. 2018 წლის აგვისტოდან ხელშეკრულებით გათვალისწინებული პარამეტრების შეფასებას აკეთებს შპს „ტავ ურბან საქართველოს“ მიერ დაქირავებული დამოუკიდებელი კომპანია შპს „ევიეიშენ ქონსალთინგ გრუპი“. აღნიშნული კომპანიის მიერ მომზადებული შეფასებისა და მონიტორიგის ანგარიშის შესაბამისად, ავტომობილების სადგომების და სარეგისტრაციო დახლების მუშაობა, საჰაერო ხომალდიდან ბარგის მიწოდება, ბარგის დასადები ურიკების ხელმისაწვდომობა და სხვა ძირითადი პარამეტრები არსებითად აკმაყოფილებს შეფასებით გათვალისწინებულ პარამეტრებს. უსაფრთხოების კონტროლის მუშაოების შემოწმების შედეგად კი დადგინდა, რომ შემოწმების მიმდინარეობისას მგზავრთა 49.6%-ს (208 მგზავრი) მოუწია დადგენილ ნორმაზე, 5 წუთზე მეტი დროით შემოწმების რიგში დგომა. უნდა აღინიშნოს, რომ უსაფრთხოების კონტროლი არის აეროპორტების გაერთიანების და არა შპს „ტავ ურბან საქართველოს“ მოვალეობა და შესაბამისი პარამეტრის დაცვა უნდა კონტროლდებოდეს აეროპორტების გაერთიანების მიერ. აეროპორტში არსებული მომსახურების ოპტიმალური დონის შესანარჩუნებლად და მინიმალური შესრულების პარამეტრების ობიექტურად შესაფასებლად, მიზანშეწონილია შეფასებას აკეთებდეს დამოუკიდებელი მესამე მხარე, რომელიც შერჩეული იქნება ღია ტენდერით.

შეწყვეტილ ხელშეკრულებების ფარგლებში მიმწოდებლები 838.1 ათასი ლარის ფინანსური რესურსებით სარგებლობდნენ 7-16 თვის განმავლობაში ისე, რომ სამუშაოები არ შეასრულეს და მხოლოდ ხელშეკრულების შეწყვეტის შემდეგ დაბრუნდა აღნიშნული თანხა მუნიციპალიტეტი

გრანტების მუხლით აღრიცხული 217,023 ლარი შეცდომით იმავდროულად ასახულია საქონელი და მომსახურების მუხლზეც, რის გამოც აღნიშნული თანხით ფორმა N2-ში საქონელი და მომსახურების მუხლი გაზრდილად არის წარმოდგენილი.

გაფორმებული ხელშეკრულებით, შპს „ეარფლეინ ტექნიკსს“ 49 წლის ვადით აღნაგობის უფლებით გადაეცა თბილისის საერთაშორისო აეროპორტის ტერიტორიაზე არსებული 43,524 კვ.მ მიწის ფართი. აღნაგობის ხელშეკრულება ითვალისწინებს არანაკლებ 15,000,000 აშშ დოლარის ინვესტიციის განხორციელებას, რაც მოიცავს საჰაერო ხომალდების ტექნიკური მომსახურების ცენტრის, საჰაერო ხომალდების სამღებრო ანგარის, საჰაერო ხომალდების სადგომისა და სამიმოსვლო ბილიკის მოწყობას. ტექნიკური მომსახურების ცენტრის, სამიმოსვლო ბილიკისა და ხომალდების სადგომის მშენებლობის დასრულების პერიოდად განსაზღვრულია ხელშეკრულების საჯარო რეესტრში რეგისტრაციიდან არა უგვიანეს 24 თვე − 2017 წლის 16 სექტემბერი. აღნიშნულ თარიღამდე ხელშეკრულების საგნით გათვალისწინებული ვალდებულება შპს „ეარფლეინ ტექნიკსს“ არ განუხორციელებია. თუმცა აღსანიშნავია, რომ სამუშაოები დაწყებულია და აღნაგობის უფლების მქონე ყოველთვიურად იხდის აღნაგობის ხელშეკრულებით გათვალისწინებულ საზღაურს − 22,000 ლარს. 2017 წლის ბოლოსათვის, განსახორციელებელი სამუშაოების შეუსრულებლობის გამო დასაკისრებელი საჯარიმო სანქცია შეადგენდა 31,800 ლარს. კომპანიის მიერ წარმოდგენილი კორესპონდენციიდან ჩანს, რომ მხარეებს შორის მიმდინარეობს გარკვეული სახის მოლაპარაკებები, ხელშეკრულებაში შესატანი შესაძლო ცვლილებებისა და შეუსრულებელი ვალდებულებების გამო დასაკისრებელი პირგასამტეხლოს ოდენობის თაობაზე.

დგინდება, რომ ხელშეკრულების პირობების შეუსრულებლობისთვის, მერიას შეეძლო შეეწყვიტა 44 ხელშეკრულება. მათ შორის, 32 მათგანი ხელშეკრულების შეწყვეტაზე ითვალისწინებდა მიმწოდებლის დაჯარიმებას, სახელშეკრულებო ღირებულების 30%-ით.

დიპლომატიური დაწესებულებების მიერ გაწეული ყველა ხარჯი კონსოლიდირებული ფინანსური შედეგების ფორმა N2-ში ასახულია „საქონელი და მომსახურების“ მუხლზე, მაშინ როდესაც დიპლომატიური დაწესებულებების მიერ გაწეულია ისეთი ტიპის ხარჯებიც, რომლებიც საბიუჯეტო კლასიფიკაციის მიხედვით „სხვა ხარჯებს“ მიეკუთვნება. შედეგად, ფორმა N2-ში „საქონელი და მომსახურების“ მუხლი გაზრდილია 385,927 ლარით და იმავე თანხით შემცირებულია „სხვა ხარჯების“ მუხლი.

საქართველოს პრეზიდენტის ბრძანებულებით, შპს „საქართველოს აეროპორტების გაერთიანება“ ვალდებულია ჩაატაროს ქონების, მოთხოვნებისა და ვალდებულებების ინვენტარიზაცია სამეურნეო წლის ბოლოს, გარდა იმ ქონებისა და ვალდებულებებისა, რომელთა სრული ან ნაწილობრივი ინვენტარიზაცია ჩატარებულია სამეურნეო წლის დასასრულამდე სამი თვის განმავლობაში. კომპანიაში ბოლო ინვენტარიზაცია ჩატარდა 2015 წელს, შესაბამისად, 2017 წელს არ არის შესრულებული ზემოთ აღნიშნული საკანონმდებლო მოთხოვნა. ინვენტარიზაციის ჩატარების გარეშე შესაძლოა კომპანიამ ვერ უზრუნველყოს აქტივების ეფექტიანი მართვა, მოძველებული ან აქტივების დაკარგვის ფაქტების დროულად აღმოჩენა/გამოვლენა, შესაბამისად, ვერ განახორციელოს აქტივების სათანადო კონტროლი.

ათი ხელშეკრულება შეწყდა 5-დან - 20-მდე თვის დაგვიანებით. მათ შორის შვიდ შემთხვევაში, მერიამ გაავრცელა საჯარიმო სანქციები 548.3 ათასი ლარის ოდენობით, რაც მიმწოდებლებმა არ გადაიხადეს. მერიამ დროულად არ გაატარა შესაბამისი სამართლებრივი ღონისძიებები თანხების ამოსაღებად და მხოლოდ აუდიტის მიმდინარეობის დროს დაიწყო მუშაობა სასამართლოსთვის მიმართვის მიზნით.

სამინისტროს 2017 წლის კონსოლიდირებული ფინანსური მდგომარეობის ანგარიშგებაში ფულადი სახსრების როგორც საწყის, ასევე საბოლოო ნაშთზე, ასახულია სამინისტროს აპარატის ბალანსზე „სხვა ანგარიშები ბანკში“ რიცხული 263,986 ლარი, რომელიც უცვლელად ირიცხება 1997 წლიდან. გამომდინარე იქიდან, რომ ფულადი სახსრების ნაშთი რეალურად არ არსებობს, კონსოლიდირებული ფინანსური მდგომარეობის ანგარიშგებაში (ფორმა N1) „ფულადი სახსრების“ ნაშთი 263,986 ლარით გაზრდილად არის წარმოდგენილი.

დათვალიერების შედეგად გამოვლინდა, რომ 23 ხელშეკრულების ფარგლებში მოწყობილი 5,208.3 ათასი ლარის ღირებულების ინფრასტრუქტურული პროექტი შესრულებულია უხარისხოდ და აღენიშნება სხვადასხვა დაზიანება

დიპლომატიური დაწესებულებების ბალანსებზე რიცხული 3,674,897 ლარის დებიტორული დავალიანებებიდან, 1996-2007 წლებში წარმოშობილი დავალიანების ნაშთია 694,690 ლარი, ხოლო 2008-2016 წლებში 2,980,207 ლარი, რომელთა რეალობის დამადასტურებული დოკუმენტაცია არ მოიპოვება. ვინაიდან არ არის გატარებული საკმარისი ღონისძიებები და სამინისტროს არ უმსჯელია რამდენად რეალურია დებიტორული დავალიანებების ამოღება, ვერ მივიღეთ რწმუნება კონსოლიდირებული ფინანსური მდგომარეობის ანგარიშგების ფორმა N1-ში ასახული 3,677,549 ლარის მოთხოვნების არსებობასა და სისწორეზე. სამინისტროს კონსოლიდირებული ფინანსური ანგარიშგების მიხედვით, 2017 წლის 31 დეკემბრის მდგომარეობით სამინისტროს სხვა მოკლევადიანი კრედიტორული დავალიანება 1,661,436 ლარს შეადგენს, მათ შორის წინა წლებში წარმოქმნილი 386,486 ლარის კრედიტორული დავალიანებები უცვლელად ირიცხება დიპლომატიური დაწესებულებების ბალანსებზე. ვინაიდან, სამინისტროს მიერ არ არის გატარებული ქმედითი ღონისძიებები მათი რეალობის დადგენის მიზნით, ვერ მივიღეთ რწმუნება კონსოლიდირებული ფინანსური მდგომარეობის ანგარიშგების ფორმა N1-ში 386,486 ლარის ოდენობის კრედიტორული დავალიანების არსებობასა და სისრულეზე.

მუნიციპალიტეტმა, 10 ელექტრონული ტენდერის შემთხვევაში, მუნიციპალიტეტმა დაუსაბუთებლად დისკვალიფიკაცია მიანიჭა დაბალი ფასის წარმომდგენ პრეტენდენტებს (დაუსაბუთებელი მოთხოვნა იყო დოკუმენტაციაში - ობიექტის სურატების წარმოდგენის შესახებ და დაზუსტების გარეშე ხსნიდა პრეტენდენტებს) რითაც დაკარგა 119.0 ათასი ლარის სატენდერო ეკონომიის მიღების შესაძლებლობა.

ზოგიერთი დიპლომატიური დაწესებულების მიერ გაწეული ხარჯები და შეძენილი არაფინანსური აქტივები ბუღალტრულად აღირიცხება დაბრუნებადი გადასახადების ჩათვლით. საელჩოების მიერ დაბრუნებადი გადასახადების შემოსავლად აღიარება ხორციელდება საკასო მეთოდით - თანხის უკან დაბრუნებისას, რაც შეუსაბამოა აღრიცხვის ინსტრუქციასთან , რომლის მიხედვით ეკონომიკური მოვლენების აღიარება ხდება მათი მოხდენისთანავე, მიუხედავად იმისა, არის თუ არა გადახდილი/მიღებული ფულადი სახსრები, ან მოხდება თუ არა მომავალში გადახდა/მიღება. შესაბამისად, დაბრუნებადი გადასახადების თანხებით უნდა შემცირებულიყო როგორც დარიცხული ხარჯების, ასევე აქტივების თვითღირებულება. აღნიშნული შეუსაბამობების ფინანსურ ანგარიშგებაზე შესაძლო გავლენის დადგენის შეუძლებლობის გამო, ვერ მივიღეთ რწმუნება ფინანსური ანგარიშგების ფორმა N1-ში სხვა მოკლევადიანი ფინანსური აქტივების ნაშთის სისრულესა და სისწორეზე.

მდინარე რიკოთულაზე დაზიანებული სანაპირო კედლის აღდგენის სამუშაოს შესყიდვისას სატენდერო კომისიამ, დაზუსტების გარეშე, დისკვალიფიკაცია მიანიჭა დაბალი ფასის წარმომდგენს - შპს „ბილდინგ+“-ს, ხარჯთაღრიცხვაში ერთი პოზიციის - გრუნტის გადაზიდვა ობიექტამდე თვითმცლელებით, განუფასებლობის გამო. ხელშეკრულება გაუფორმდა შედარებით მაღალი ფასის წარმომდგენს შპს „ლოდი+“-ს 2.0 ათასი ლარით უფრო ძვირად.

კონსოლიდირებული ფინანსური მდგომარეობის ანგარიშგებაში (ფორმა N1) მოკლევადიანი მოთხოვნების ანგარიშზე ასახულია დიპლომატიური დაწესებულებების იჯარის თანხის დეპოზიტები (საგარანტიო თანხა) 48,399 ლარის ღირებულებით, რომელთა დაბრუნება ვერ განხორციელდება საიჯარო ხელშეკრულების დასრულებამდე. ვინაიდან, თანხის დაფარვა არ არის მოსალოდნელი ანგარიშგების თარიღიდან ერთი წლის განმავლობაში, დებიტორული დავალიანებები ვერ აკმაყოფილებენ მოკლევადიან აქტივად აღიარების კრიტერიუმებს და ისინი აღრიცხული უნდა იყოს გრძელვადიან მოთხოვნებზე. შედეგად, კონსოლიდირებულ ფინანსურ ანგარიშგებაში (ფორმა N1) 48,399 ლარით გაზრდილადაა ნაჩვენები მოკლევადიანი მოთხოვნები და ამავე თანხით არის შემცირებული გრძელვადიანი მოთხოვნები.

ბორითის ადმინისტრაციულ ერთეულში სასოფლო გზების რეაბილიტაციის შესყიდვისას მერიამ დისკვალიფიკაცია მიანიჭა პრეტენდენტს ხარჯთაღრიცხვის ერთი პოზიციის განუფასებლობის გამო. ანალოგიური ხარვეზი ჰქონდა პრეტენდენტენტს, რომელსაც ხელშეკრულება გაუფორმდა. მერიამ სამუშაო შეისყიდა 56.3 ათასი ლარით უფრო ძვირად. სატენდერო კომისიამ, ერთი შესყიდვის ფარგლებში, გამოიყენა არაერთგვაროვანი მიდგომა

2017 წლის 17 ივლისს საქართველოს საგარეო საქმეთა სამინისტროს სარგებლობის უფლებით გადაეცა თბილისში, გიორგი ლეონიძის ქ. N3-5 მდებარე შენობა-ნაგებობები . ვინაიდან გადმოცემის დოკუმენტში არ იყო მითითებული შენობის ღირებულება, ქონება შესაბამისი ღირებულებით არ არის ასახული ბალანსში. 2017 წლის 31 დეკემბრის მდგომარეობით კონსოლიდირებულ ფინანსურ ანგარიშგებაში ძირითადი აქტივების ანგარიშზე ასახულია პოლონეთში საქართველოს საელჩოს ბალანსზე რიცხული უძრავი ქონება 428,084 ლარის ღირებულებით. უძრავი ქონების გადმოცემის შესახებ დოკუმენტში არ არის გამიჯნული მიწის და შენობის ღირებულება და თანხა სრულად მიკუთვნებულია შენობის ღირებულებას. 2009 წლიდან შენობაზე არ არის დარიცხული ცვეთა. ვინაიდან, უცნობია შენობის ისტორიული ღირებულება, გაურკვეველია 2017 წლის ზუსტი საწყისი და საბოლოო ნაშთები და ასევე 2017 წლის ძირითადი კაპიტალის მოხმარების თანხა.

პროექტების არათანმიმდევრული განხორციელების შედეგად, გარკვეულ შემთხვევებში სააგენტოს სახსრები არაეფექტიანად დაიხარჯა, კერძოდ: საქართველოსა და ევროკავშირს შორის ასოცირების შეთანხმებით, სატრანსპორტო საშუალების მართვის უფლების პრაქტიკული გამოცდა უნდა ჩატარებულიყო რეალური საგზაო მოძრაობის პირობებში. აღნიშნული ვალდებულება უნდა შესრულებულიყო 2018 წლის 1 სექტემბრამდე. პროექტის განსახორციელებლად სააგენტომ შეისყიდა ავტომანქანები, მიკროავტობუსები, მოტოციკლები და აღჭურვა ისინი კამერებით, ასევე განახორციელა მოედნების მოწყობა, გადაამზადა გამომცდელი პერსონალი. 2017-2018 წლებში პროექტის განსახორციელებლად დაიხარჯა 7 მლნ ლარზე მეტი. შესაბამისად, სააგენტომ სრულყოფილად შეასრულა თავისი ვალდებულება ასოცირების შეთანხმების შესრულების მიზნით. თუმცა, გამომდინარე იქიდან, რომ აღნიშნული მიმართულებით საკანონმდებლო ბაზა არ იყო მომზადებული და მუნიციპალიტეტებს არ ჰქონდათ ინფრასტრუქტურული პროექტები დასრულებული, ვერ იქნა მიღწეული ასოცირების შეთანხმებით გათვალისწინებული მიზანი - გამოცდის ჩატარება რეალური საგზაო მოძრაობის პირობებში. მიმდინარე პერიოდში (2018 წლის დეკემბრის მდგომარეობით) სააგენტოს მიერ შესყიდული ზემოაღნიშნული ქონება გამოუყენებელია. საგამოცდო მანქანებს ამოეწურა 2-წლიანი საგარანტიო ვადიდან 1 წელი, თუმცა, აღსანიშნავია, რომ სააგენტომ კომპანიასთან შეთანხმებით ვადა დამატებით 1 წლით გააგრძელა. რაც შეეხება საგამოცდო სისტემას, მას გარანტიის ვადა ამოეწურა, შესაბამისად ტექნიკური ხარვეზის შემთხვევაში, არსებობდა რისკი, რომ სააგენტოს დამატებითი თანხების გადახდა მოუწევდა, თუმცა სააგენტოსა და კომპანიას შორის გაფორმდა შეთანხმება საგამოცდო სისტემაზე გარანტიის ვადის 1 წლით გაგრძელების თაობაზე.

სამ ტენდერში კომისიამ ზუსტად არ მიუთითა პრეტენდენტებს დასაზუსტებელი პოზიციის/ ნაწილის შესახებ. პრეტენდენტების მიერ დაზუსტებული ხარჯთაღრიცხვა კვლავ შეიცავდა მანამდე არსებულ უზუსტობებს. მერიამ დაკარგა 144.0 ათასი ლარის სატენდერო ეკონომიის მიღების შესაძლებლობა.

სამინისტროს 2017 წლის კონსოლიდირებული ფინანსური ანგარიშგების განმარტებით შენიშვნებში არასაკმარისადაა წარმოდგენილი ინ¬ფორ¬მა¬ცია ფი¬ნან¬სუ¬რი ან¬გა¬რიშ¬გე¬ბის მომ¬ზა¬დე¬ბი¬ს საფუძვლისა და ერთეულის მიერ გა¬მო¬ყე¬ნე¬ბუ¬ლი სა¬აღ¬რიც¬ხვო პო¬ლი¬ტი¬კის შესახებ. კერძოდ, განმარტებით შენიშვნებში არ არის გამჟღავნებული ინფორმაცია კონტროლირებული ერთეულების განსხვავებული საქმიანობების შესახებ. დიპლომატიური დაწესებულებები საზღვარგარეთ გაწეული მომსახურებიდან იღებენ შემოსავლებს, რომლებიც კონსოლიდირებული ფინანსური შედეგების ანგარიშგებაში ნაცვლად „საქონლისა და მომსახურების რეალიზაციისა“ აისახება „ბიუჯეტიდან მიღებული დაფინანსების“ მუხლზე. აღნიშნული გამოწვეულია იმ გარემოებით, რომ საქართველოს პრეზიდენტის 2010 წლის 15 ოქტომბრის N835 ბრძანებულების მიხედვით, დიპლომატიურმა დაწესებულებებმა შემოსულობების ხარჯვა უნდა განახორციელონ ადგილსამყოფელ ქვეყანაშივე ე.წ „ბიუჯეტთან ჩათვლის წესით“. ვინაიდან, ფინანსური ანგარიშგების განმარტებით შენიშვნებში სამინისტრომ არ მიუთითა გამოყენებულ სპეციფიკურ სა¬აღ¬რიც¬ხვო პო¬ლი¬ტი¬კასა და სხვა დამატებით გარემოებებზე, ფინანსური ანგარიშგების მომხმარებლები არ არიან უზრუნველყოფილი მნიშვნელოვანი ინფორმაციით, რომელიც მათ ფინანსური ანგარიშგების აღქმაში დაეხმარებათ.

2. ნომრის ამომცნობი კამერების შესყიდვა − სამინისტროს მიერ შემუშავებული პროექტის ფარგლებში, სააგენტომ გამარტივებული წესით შეისყიდა 28 ერთეული ნომრის ამომცნობი კამერა, ღირებულებით − 100,660 ლარი. ვიდეოკამერები უნდა ჩართულიყო შსს-ს ერთიან ოპტიკურ ქსელში. აღნიშნული შესყიდვის საფუძველი იყო სახელმწიფოებრივი მნიშვნელობის ღონისძიების შეზღუდულ ვადებში შეუფერხებლად ჩატარება, რის გამოც საქართველოს მთავრობის მიერ სააგენტოს უფლება მიეცა ტენდერის გარეშე შეესყიდა საქონელი. შესყიდული კამერები 10 თვის განმავლობაში სააგენტოს საწყობში ინახებოდა და შემდგომ გადაეცა ერთობლივი ოპერაციების ცენტრს. აღნიშნული გარემოება მიუთითებს, რომ არ არსებობდა გადაუდებელი აუცილებლობით შესყიდვის საფუძველი. ერთობლივი ოპერაციების ცენტრის განმარტებით, ოპტიკურ-ბოჭკოვანი ქსელის მოწყობის პროცედურები დასრულებული არ იყო და ამიტომ ვერ განხორციელდა კამერების დროული მიღება/მონტაჟი, ხოლო სააგენტოს განმარტებით, მათთვის ცნობილი არ იყო ოპტიკურ-ბოჭკოვანი ქსელის მდგომარეობა. დღეის მდგომარეობით, ყველა კამერა ჩართულია შსს-ს ერთიან ქსელში.

მოსახლეობის ნაწილის წყალმომარაგება ხორციელდება შეფერხებით და დადგენილი სტანდარტების შეუსაბამო სასმელად უვარგისი, ტექნიკური წყლით. პრობლემა სისტემური ხასიათისაა, თუმცა მუნიციპალიტეტს არც სათანადო ღონისძიებები არ გაუტარებია მის გადასაწყვეტად და არც სამოქმედო გეგმა შეუმუშავებია.

2017 წლის 17 ივლისს საქართველოს საგარეო საქმეთა სამინისტროს სარგებლობის უფლებით გადაეცა თბილისში, გიორგი ლეონიძის ქ. N3-5 მდებარე შენობა-ნაგებობები . ვინაიდან გადმოცემის დოკუმენტში არ იყო მითითებული შენობის ღირებულება, ქონება შესაბამისი ღირებულებით არ არის ასახული ბალანსში. 2017 წლის 31 დეკემბრის მდგომარეობით კონსოლიდირებულ ფინანსურ ანგარიშგებაში ძირითადი აქტივების ანგარიშზე ასახულია პოლონეთში საქართველოს საელჩოს ბალანსზე რიცხული უძრავი ქონება 428,084 ლარის ღირებულებით. უძრავი ქონების გადმოცემის შესახებ დოკუმენტში არ არის გამიჯნული მიწის და შენობის ღირებულება და თანხა სრულად მიკუთვნებულია შენობის ღირებულებას. 2009 წლიდან შენობაზე არ არის დარიცხული ცვეთა. ვინაიდან, უცნობია შენობის ისტორიული ღირებულება, გაურკვეველია 2017 წლის ზუსტი საწყისი და საბოლოო ნაშთები და ასევე 2017 წლის ძირითადი კაპიტალის მოხმარების თანხა.

სააგენტოს მიერ მართვის უფლების მისაღები საგამოცდო მანქანების შესყიდვის მიზნით (2,753,585 ლარი), გამოცხადდა ტენდერი, სადაც კონკრეტული საჭიროებებიდან და მითითებული მახასიათებლებიდან გამომდინარე, ერთმა კომპანიამ მიიღო მონაწილეობა და გაიმარჯვა. სატენდერო მახასიათებლები შესაბამისობაში იყო SKODA-ს მარკის ავტომანქანასთან. სააგენტოს განმარტებით, კონკრეტული მოდელისა და სპეციფიკაციების ავტომანქანის შესყიდვა აუცილებელი იყო უკვე შექმნილი წინაპირობებიდან და ინფრასტრუქტურიდან გამომდინარე (საგამოცდო მოედნების გზები მოწყობილია სიგნალებით, რომლებიც ადგენს მძღოლის გადაცდომას, ხოლო აღნიშნული მოედნების პარამეტრები 2011 წლიდან მოწყობილი იყო SKODA-ს მანქანის პარამეტრებზე). შესაბამისად, ასეთ პირობებში ტენდერის გამოცხადება მხოლოდ ფორმალურ ხასიათს ატარებს და სცდება შესყიდვების კანონმდებლობით გათვალისწინებულ შესყიდვის ელექტრონული წესით განხორციელების პრინციპს. 2017 წელს სააგენტოს მიერ ტენდერის გზით განხორციელდა SKODA-ს მოდელის საპატრულო მანქანების შესყიდვა (ღირებულებით − 8,7 მლნ ლარი). წინა პერიოდში (2014-2015 წლებში) შესყიდული იყო FORD-ის მარკის საპატრულო მანქანები. FORD-ის ავტომანქანების შესყიდვა, თავის მხრივ, არაეკონომიური აღმოჩნდა და ამიტომ გადაწყდა მისი SKODA-ს მარკით ჩანაცვლება. სამინისტროში არ არსებობს დადგენილი და დამტკიცებული კრიტერიუმები, რომელსაც საპატრულო ავტომანქანები (საქართველოს გზების და სხვა სპეციფიკის გათვალისწინებით) უნდა აკმაყოფილებდეს. სხვადასხვა წლებში ჩატარებულ ტენდერებში ტექნიკური მახასიათებლები განსხვავებულია და შესაბამისობაშია ავტომანქანის კონკრეტულ მარკასა და მოდელთან, რაც ვერ უზრუნველყოფს მინიმალურ კონკურენციას.

მუნიციპალიტეტის (შესაბამისი პასუხისმგებელი პირების) მიერ დარღვეულია „ადგილობრივი თვითმმართველობის კოდექსით“ დადგენილი მოთხოვნა შტატგარეშეთა ზღვრული რაოდენობის შესახებ.

ფისკალური წლის ბოლოს ავანსად გადახდილი თანხები დაკავშირებული უნდა იყოს ობიექტურ გარემოებებთან, რათა ბიუჯეტის შესრულების მაჩვენებლის ზრდის მიზნით არ განხორციელდეს საბიუჯეტო სახსრების ათვისება. გაერთიანებული ერების ორგანიზაციასთან საქართველოს მუდმივი წარმომადგენლობის 2017 წლის დამტკიცებულ ბიუჯეტში არ იყო გათვალისწინებული 2018 წლის საიჯარო თანხების წინსწრებით გადახდა და მეიჯარესთან გაფორმებული ხელშეკრულებაც არ ითვალისწინებდა ავანსის გადახდის ვალდებულებას. მიუხედავად ამისა, მუდმივი წარმომადგენლობის მიერ 2017 წლის 26 დეკემბერს წინსწრებით გადახდილ იქნა 2018 წლის ოფისის იჯარის თანხა - 294,886 აშშ დოლარი (748,185 ლარი). ვინაიდან, ფისკალური წლის ბოლოს წინასწარი ანგარიშსწორების აუცილებლობა მხარჯავი დაწესებულების წინაშე არ იდგა, ავანსის სახით გადახდებით მოხდა აუთვისებელი საბიუჯეტო სახსრების გახარჯვა და ბიუჯეტის შესრულების მაჩვენებლის ზრდა.

სამშენებლო-სარემონტო სამუშაოების სატენდერო ხარჯთაღრიცხვის გაანგარიშებაში არსებული ხარვეზის შედეგად, სააგენტოს მიერ სამშენებლო კომპანიებისთვის ჯამურად ზედმეტად გადახდილია 16,517 ლარი. აუდიტის მიმდინარეობისას სააგენტომ თანხის დაბრუნების მიზნით, მიმართა კომპანიებს. შედეგად, ზედმეტად გადახდილი თანხის ნაწილი (7,925.77 ლარი) უკვე დაბრუნებულია ხაზინის ერთიან ანგარიშზე.

გამოვლინდა, რომ 180-ზე მეტ შემთხვევაში, საჯარო მოსამსახურეებმა 7 000 ლიტრზე მეტი საწვავი ჩაასხეს სხვადასხვა მიმართულებით გადაადგილებისას (თბილისი, გორი, ქუთაისი, ლანჩხუთი და სხვ.) რომლებიც არ უკავშირდება სამსახურში გამოცხადებას ან მივლინებას. აუდიტის ჯგუფმა ვერ მოიპოვა საკმარისი და შესაფერისი მტკიცებულებები იმისა, თუ რამდენად უკავშირდებოდა აღნიშნული საწვავის გამოყენება სამსახურებრივი მოვალეობის შესრულებას. გარდა ამისა, 1400 ლიტრზე მეტი საწვავი გახარჯულია თანამშრომლის შვებულებაში ყოფნის დროს.

საბიუჯეტო ორგანიზაციის მიერ განხორციელებული შესყიდვები ზუსტად უნდა პასუხობდეს ორგანიზაციის წინაშე მდგარ მიზნებს და ამოცანებს. 2017 წლის 17 ივლისს საქართველოს საგარეო საქმეთა სამინისტროს სარგებლობის უფლებით გადაეცა თბილისში, გიორგი ლეონიძის ქუჩაზე მდებარე შენობა-ნაგებობები, რომელთა საექსპერტიზო, გეოლოგიური და საპროექტო სამუშაობის შესყიდვის მიზნით, 2017 წლის 3 აგვისტოს, მთავრობის სარეზერვო ფონდიდან სამინისტროს გამოეყო 737,000 ლარი. ზემოაღნშნული სამუშაოების განხორციელებისთვის 2017 წლის 4 აგვისტოს სამინისტრომ 721,954 ლარის ღირებულების ხელშეკრულება გააფორმა შპს „ლენდ მარკ პროჯექტთან“, რომელიც მეწარმეთა და არასამეწარმეო იურიდულ პირთა რეესტრში დარეგისტრირდა ხელშეკრულების გაფორმებამდე ერთი დღით ადრე. დადგენილი პრაქტიკით, ყველა სამშენებლო სამუშაოს დაწყებას, წინ უნდა უსწრებდეს შესაბამისი პროექტი და მხოლოდ მისი შეთანხმების შემდეგ იწყება ძირითადი სამუშაოები. შენობის სამშენებლო-სარემონტო სამუშაოებს ახორციელებდა სსიპ „საქართველოს მუნიციპალური განვითარების ფონდი“ (შემდგომში - მგფ), რომლის მიერ კონსტრუქციული სამუშაოების ნაწილი დასრულდა 2017 წლის 1 ნოემბრიდან 2018 წლის 1 მაისის ჩათვლით, ხოლო შპს „ლენდ მარკ პროჯექტის“ მიერ შესრულებულ კულტურული მემკვიდრეობის უძრავი ძეგლის ცვლილება-ადაპტაციის კონსტრუქციული ნაწილის მუშა პროექტი, რომლის მიხედვითაც უნდა განხორციელებულიყო აღნიშნული სამუშაოები, აღმოჩნდა ხარვეზიანი, მოხდა მათი ექსპერტიზაზე რამდენჯერმე წარდგენა და ექსპერტიზიდან საბოლოო ვარიანტი დაბრუნდა 2018 წლის 27 აპრილს. შესაბამისად, სსიპ „საქართველოს მუნიციპალური განვითარების ფონდი“ შპს „ლენდ მარკ პროჯექტის“ მიერ შესრულებულ სამუშაოს სრულად ვერ დაეყრდნობოდა, და არც სხვა ალტერნატიული პროექტი არსებობდა. ასევე აღსანიშნავია, რომ შპს „ლენდ მარკ პროჯექტთან“ გაფორმებული ხელშეკრულების მიხედვით, სამუშაოები დაყოფილი იყო ოთხ ეტაპად: 1. 3D და 2D აზომვით ნახაზები, სამგანზომილებიანი მოდელი, დემონტაჟის ნახაზები, კულტურული მემკვიდრეობის უძრავი ძეგლის გეგმარება, ჯამური ღირებულება - 201,891 ლარი. 2. კულტურული მემკვიდრეობის უძრავი ძეგლის ადაპტაცია-ცვლილებების არქიტექტურული ნაწილი, კულტურული მემკვიდრეობის უძრავი ძეგლის ადაპტაცია-ცვლილებების საინჟინრო პროექტი, საპროექტო ტერიტორიის გეოლოგიური და ისტორიული კვლევა, კულტურული მემკვიდრეობის უძრავი ძეგლის ადაპტაცია-ცვლილებების კონსტრუქციული პროექტი, ჯამური ღირებულება - 216,586 ლარი. 3. ახალი შენობის არქიტექტურული ნაწილი, ახალი შენობის გეგმარება და ახალი შენობის სამგანზომილებიანი მოდელი, ახალი შენობის საინჟინრო პროექტი, ახალი შენობის კონსტრუქციული პროექტი, ჯამური ღირებულება 299,877 ლარი. 4. სამშენებლო სამუშაოების საავტორო ზედამხედველობა 12 თვე - ჯამური ღირებულება 3,600 ლარი. ხელშეკრულება არ ითვალისწინებდა პროექტის ექსპერტიზაზე წარდგენას, თუმცა სამინისტრომ მეორე ეტაპის საპროექტო სამუშაოები ექსპერტიზაზე წარადგინა მას შემდგომ, რაც შემსრულებელთან უკვე გაფორმებული ჰქონდა მიღება-ჩაბარების აქტი და 418,487 ლარიც უკვე ანაზღაურებული იყო.

სააგენტოს 2017 წლის 1 იანვრის მდგომარეობით, საკუთარი შემოსავლებიდან 9,817,800 ლარი ნაშთის სახით ერიცხებოდა. 2017 წელს შემოსულობების სახით მიიღო 75,453,651 ლარი, ხოლო წლის ბოლოს არსებულმა ნაშთმა 10,967,016.48 ლარი შეადგინა. გარდა თავისუფალი ნაშთისა, სააგენტო აფინანსებს შინაგან საქმეთა სამინისტროს სხვადასხვა უწყებას, სხვადასხვა ფორმით, კერძოდ:  სააგენტო აფინანსებს შინაგან საქმეთა სამინისტროს მიერ განხორციელებულ შესყიდვებს, რამაც 2017 წელს 9,225,380.28 ლარი შეადგინა.  გადასცემს ფულად სახსრებს ტრანსფერის საშუალებით, რამაც 1,018,000.00 ლარი შეადგინა.  სააგენტო თვითონ ახორციელებს შესყიდვას შსს სისტემაში შემავალი სხვადასხვა სტრუქტურული ერთეულების საჭიროებისათვის და შესყიდულ საქონელს გადასცემს მათ, სასაქონლო გრანტის სახით − 10,207,332.30 ლარი. ზემოაღნიშნულიდან გამომდინარე, 2017 წლის მონაცემებით, სააგენტო, დაახლოებით, 20,5 მლნ ლარს არ იყენებს საკუთარი მიზნებისთვის. შესაბამისად, ამ სახსრებით ხდება ისეთი აქტივობების დაფინანსება, რაც სამინისტროს ბიუჯეტით გათვალისწინებული არ იყო. აღნიშნული ხორციელდება საბიუჯეტო პროცესის დამოუკიდებლად და წარმოშობს კონტროლის რისკებს, ვინაიდან სააგენტოდან რესურსების განკარგვა ხორციელდება სააგენტოს კონკრეტული გადაწყვეტილებებისა და ჩასატარებელი პროცედურების გარეშე.

გამოვლინდა ისეთი გარემოებები, როდესაც საწვავი გამოიყენეს სავარაუდოდ, არაავტორიზებულ ავტომანქანაში. ცალკეულ ავტომანქანებზე ერთი დღის განმავლობაში, დროის მცირე ინტერვალში, საწვავი ჩასხმულია რამდენჯერმე და მათი ჯამური მოცულობა ავტომანქანის საწვავის ავზის მოცულობას აღემატება. ასევე, ხშირ შემთხვევაში, ავტომანქანაში ერთჯერადად ჩასხმული საწვავის ოდენობა აღემატება საწვავის ავზის მოცულობას

საქართველოს მთავრობის 2014 წლის 14 იანვრის N55 დადგენილების თანახმად, ზედნადები ხარჯების ზღვრული ნორმა განისაზღვრება პირდაპირი დანახარჯებიდან, ხოლო გეგმური მოგება ერიცხება პირდაპირი დანახარჯებისა და ზედნადები ხარჯების ჯამს. 2016 წლის 28 სექტემბერს სამინისტრომ გამოაცხადა ორეტაპიანი ელექტრონული ტენდერი საქართველოს საგარეო საქმეთა სამინისტროს ძირითადი ადმინისტრაციული შენობის სამხრეთ-აღმოსავლეთ ფლიგელის მე-3, მე-4 და მე-5 სართულების სარეკონსტრუქციო სამუშაოების შესყიდვის მიზნით. გამოვლენილ საუკეთესო სატენდერო წინადადების მქონე პრეტენდენტთან - შპს ,,პარმაღთან“ 2016 წლის 7 ნოემბერს გაფორმდა 898,200 ლარის ხელშეკრულება. სარეკონსტრუქციო სამუშაოების ფარგლებში, ადმინისტრაციული კორპუსის სარემონტო სამუშაოებისას დაიგო სამინისტროს საკუთრებაში არსებული 736 კვ.მ ლამინატი, რომელიც შესრულებული სამუშაოს აქტში (ფორმა N2, რიგი N65) განფასებული იყო 25,794 ლარად, მათ შორის დანარიცხების (ზედნადები ხარჯები, მოგება და დღგ) ოდენობა შეადგენდა 7,394 ლარს. მიმწოდებელთან საბოლოო ანგარიშსწორებისას, მთლიანი სამუშაოების თანხას დააკლდა მხოლოდ ლამინატის ღირებულება (18,400 ლარი), ხოლო მიმწოდებელს ზედმეტად აუნაზღაურდა დანარიცხების თანხა - 7,394 ლარის ოდენობით.

ა(ა)იპ - ხარაგაულის დასუფთავებისა და კეთილმოწყობის გაერთიანებაში საწვავის გამოყენება მოხდა სავარაუდოდ არაავტორიზებულ ავტოსატრანსპორტო საშუალებაში.ცალკეულ ავტოსატრანსპორტო საშუალებაში ერთი დღის განმავლობაში, დროის მცირე ინტერვალში, საწვავი ჩასხმულია რამდენჯერმე და მათი ჯამური მოცულობა ავტომანქანის საწვავის ავზის მოცულობას აღემატება. ასევე რამდენიმე შემთხვევაში, ავტოსატრანსპორტო საშუალებაში ერთჯერადად ჩასხმული საწვავის ოდენობა აღემატება საწვავის ავზის მოცულობას

ზოგიერთი დიპლომატიური დაწესებულება მატერიალურ მარაგებს შესყიდვისთანავე ჩამოწერდა ხარჯებში, დიპლომატიურ დაწესებულებებში არ იყო შემუშავებული მატერიალური მარაგების ხარჯვის ამსახველი შესაბამისი დოკუმენტაცია (ჩამოწერის აქტი), რაც კონტროლის მექანიზმებთან დაკავშირებულ ნაკლოვანებებზე მიუთითებს.

მუნიციპალიტეტში სამუშაოების მიღება-ჩაბარების ეტაპზე არ არის დანერგილი სათანადო კონტროლის მექანიზმები, რომელიც გამორიცხავს უხარისხოდ შესრულებული სამუშაოების ჩაბარებას. კერძოდ, შიდა კონტროლის სისტემა ვერ უზრუნველყოფს შესრულებული სამუშაოების სამშენებლო ნორმებთან და სტანდარტებთან შესაბამისობის დადგენას, ხოლო ექსპერტიზა შესრულებულ სამუშაოებზე ხარისხის გამოკვლევის მიზნით ჩატარებული არ არის და ეხება მხოლოდ შესრულებული სამუშაოების მოცულობებს. შედეგად, მუნიციპალიტეტმა ჩაიბარა უხარისხოდ შესრულებული სამუშაოები, ღირებულებით 462.3 ათასი ლარი, რომელიც საჭიროებს დამატებით სარემონტო სამუშაოებს.

მუნიციპალიტეტმა წარმომადგენლობითი ხარჯიდან 20.2 ათასი ლარი დახარჯა სარესტორნო მომსახურებაზე, სტუმრების მიღება-გამასპინძლებისათვის. მუნიციპალიტეტს არ აქვს შემუშავებული წარმომადგენლობითი ხარჯის გაწევის წესი/ინსტრუქცია, რომელიც დაარეგულირებს ხარჯის გაწევის პროცედურასა და შესადგენი დოკუმენტაციის ჩამონათვალს.

მოქმედი კანონმდებლობის მიხედვით, იმ შემთხვევაში, თუ საზღვარგარეთ საქართველოს დაწესებულებები აკრედიტებული არიან ერთდროულად რამდენიმე ქვეყანაში, მათი აკრედიტაციის ქვეყნებში ამ დაწესებულების მოხელეთა მივლინება ჩაითვლება მივლინებად იმ სახელმწიფოს შიგნით, სადაც ეს დაწესებულება მდებარეობს. ზოგიერთი დიპლომატიური დაწესებულების მიერ არ არის გათვალისწინებული აღნიშნული მოთხოვნა, რის გამოც სამივლინებო თანხები ანაზღაურებული იყო ზედმეტად.

2018 წელს საგზაო სამუშაოების განხორციელების მიზნით გაფორმებული სამი ხელშეკრულება შეწყდა მიმწოდებლის მხრიდან ნაკისრი ვალდებულებების შეუსრულებლობის გამო. მიმწოდებელი სამივე პროექტის ფარგლებში არღვევდა ხელშეკრულებით გათვალისწინებულ გეგმა-გრაფიკს, რის გამოც ეკისრებოდა შესაბამისი საჯარიმო სანქცია. წარმოდგენილი ინფორმაციით, მიმწოდებელი საჯარიმო სანქციას არ იხდიდა, მიუხედავა ამისა, მუნიციპალიტეტი სამუშაოების შუალედური მიღება-ჩაბარების დროს სრულად ურიცხავდა შესრულებული სამუშაოების ღირებულებას.

2017 წელს მუნიციპალიტეტისა და შპს „დაუ+“-ს შორის გაფორმდა ხელშეკრულება საფინანსო საკონსულტაციო მომსახურების შესყიდვაზე, ღირებულებით 3.0 ათასი ლარი. მუნიციპალიტეტმა ვერ დაასაბუთა თუ რა აუცილებელი საჭიროებით იყო განპირობებული დამატებით საფინანსო-საკონსულტაციო მომსახურების შესყიდვა.

დიპლომატიურ დაწესებულებებში წარმომადგენლობით ხარჯებთან დაკავშირებით შედგენილ მოხსენებით ბარათებში არ იყო დეტალურად მითითებული ჩატარებული ღონისძიებების შინაარსი და ინფორმაცია დამსწრე პირებზე, არ იყო შემუშავებული ხარჯის დამადასტურებელი შესაბამისი დოკუმენტაცია, რაც კონტროლის მექანიზმების სისუსტეზე მიუთითებს.

მუნიციპალიტეტში სამსახურებრივი უფლებამოსილების განსახორციელებლად გამოყენებული სატრანსპორტო საშუალებების რაოდენობა აღემატება მთავრობის დადგენილებით რეკომენდებულ ზღვრულ ოდენობას. ამასთანავე, მუნიციპალიტეტს არ გააჩნია რაციონალური მიდგომა მისი ფუნქციონირებისათვის საჭირო ავტოსატრანსპორტო საშუალებების გამოყენებასა და საწვავის ხარჯვასთან დაკავშირებით. შედეგად, მერიამ მანქანების ექსპლუატაციისას არ დაიცვა საბიუჯეტო სახსრების რაციონალური და გონივრული ხარჯვის პრინციპები.

მუნიციპალიტეტმა 2017-2018 წლებში საკრებულოს არათანამდებობის პირებზე ხარჯების ასანაზღაურებლად 204.1 ათასი ლარი გასცა სათანადო დადასტურების გარეშე, საბიუჯეტო პროცესთან დაკავშირებული მარეგულირებელი საკანონმდებლო ნორმების შეუსაბამოდ.

სამინისტროს ბალანსზე (სამინისტროს აპარატი) რიცხული არაფინანსური, ფინანსური აქტივებისა და მატერიალური ფასეულობების აღწერის მიზნით (გარდა საიდუმლო სახელმწიფო შესყიდვით შეძენილი მატერიალური ფასეულობებისა), სასჯელაღსრულებისა და პრობაციის მინისტრის 2015 წლის 1 ოქტომბრის ბრძანებით შეიქმნა კომისია, ინვენტარიზაციის დასრულების ვადად კი განისაზღვრა 2016 წლის 1 აპრილი. აღნიშნული ვადა ინვენტარიზაციის პროცესში გამოვლენილ სხვადასხვა გარემოებათა გამო, რამდენჯერმე შეიცვალა. 2018 წლის 1 იანვრის მდგომარეობით, არ იყო აღწერილი სხვადასხვა ფასეულობები, ასევე, ინვენტარიზაციის პროცესი არ წარიმართა კანონმდებლობით გათვალისწინებულ მოთხოვნებთან სრულად შესაბამისობით . აღნიშნულიდან გამომდინარე, ვერ მოხდა ინვენტარიზაციის შედეგების გამოყვანა და მათი ასახვა ფინანსურ ანგარიშგებაში;

2017-2018 წლებში ბიუჯეტის პროექტის მომზადების მიზნით, ლაგოდეხის მუნიციპალიტეტის საფინანსო ორგანოს საბიუჯეტო ორგანიზაციებისათვის არ გაუგზავნია საბიუჯეტო განაცხადის ფორმები, ასიგნებებისა და მომუშავეთა რიცხოვნობის საორიენტაციო ზღვრული მოცულობების მითითებით. პასუხისმგებელი პირის განმარტებით, საბიუჯეტო ორგანიზაციების ასიგნებები და მომუშავეთა რიცხოვნობის ზღვრული მოცულობები დგინდებოდა ორგანიზაციების წარმომადგენლებთან ზეპირი შეთანხმების საფუძველზე, საჭიროებიდან გამომდინარე. შედეგად, დარღვეულია საქართველოს საბიუჯეტო კოდექსის მოთხოვნები.

მიზნობრივი ტრანსფერის გარდა, 2017-2018 წლებში მუნიციპალიტეტმა გამოიყენა საკუთარი ფინანსური რესურსი - 150.1 ათასი ლარი, დელეგირებული უფლებამოსილების დაფინანსებისათვის.

სასჯელაღსრულებისა და პრობაციის მინისტრის 2016 წლის 27 დეკემბრის ბრძანებით შექმნილი საინვენტარიზაციო კომისიის მიერ, სამინისტროში დაიწყო მედიკამენტების და სამედიცინო სახარჯი მასალების ინვენტარიზაცია, რომლის დასრულების ვადად განსაზღვრული იყო 2017 წლის 31 დეკემბერი. კომისიის მიერ აუდიტის მიმდინარეობისას დასრულებული იყო ფაქტობრივი აღწერა და შედეგების გამოყვანა 2018 წლის 1 იანვრის მდგომარეობით, თუმცა აღნიშნული უწყისები არ იყო დამტკიცებული, შესაბამისად, ინვენტარიზაციის შედეგები არ იყო ასახული 2017 წლის ანგარიშგებაში;

არასაკმარისი კონტროლის მექანიზმებისა და შესაბამისი ღონისძიებების გაუტარებლობის გამო, ლაგოდეხის მუნიციპალიტეტის მერიას 2017-2018 წლებში დასუფთავების მოსაკრებლის სახით დაგეგმილი შემოსავლებიდან, მიღებული აქვს მხოლოდ 60%. ამასთანავე, მუნიციპალიტეტს არ განუხორციელებია მოსაკრებლის ადმინისტრირება ფიზიკური პირებისგან.

მუნიციპალიტეტმა წარმოადგინა 2017-2018 წლებისათვის მომზადებული ბალანსი და ბალანსის დანართი ფორმები, თუმცა არასრულად. მერიას არ შეუდგენია და შესაბამისად, არ წარმოუდგენია ბალანსის დანართი 9 ფორმა

2017 წელს არ არის ჩატარებული ქონების ინვენტარიზაცია სსიპ - არასაპატიმრო სასჯელთა აღსრულებისა და პრობაციის ეროვნულ სააგენტოში, რითიც არ არის დაცული კანონმდებლობის მოთხოვნები.

 სსიპ - „112“-ის საჯარიმო ავტოსადგომზე 2018 წლის 22 თებერვლის მდგომარეობით სულ 832 ავტომობილი ირიცხებოდა, რომელთა საჯარიმო გადასახდელი თანხა 1,118,045 ლარს შეადგენდა. ხოლო აქედან, 428 ავტომანქანა საჯარიმო ავტოსადგომზე ირიცხება 2014-2016 წლებიდან. ავტოსადგომზე არსებული მანქანების რაოდენობა მზარდია და არსებულ პირობებში ვერ ხდება მანქანების ეფექტური გადინება ავტოსადგომებიდან (მესაკუთრეები არ იხდიან საფასურს, ხოლო სსიპ-ისთვის ავტომანქანების რეალიზაციის უფლების მინიჭების სასამართლო პროცესები დიდ დროს მოითხოვს), შესაბამისად, სსიპ - „112“ კარგავს და დროულად ვერ იღებს შემოსავლებს. ავტომანქანების არაეფექტური გადინების პრობლემის გამო, სსიპ - „112“-მა დამატებით იჯარით აიღო ავტოსადგომი, რომელშიც 2016-2018 წლებში გახარჯა 290,635.57 ლარი. საჯარიმო სადგომზე განთავსებული მზარდი რაოდენობის ავტომანქანების პირობებში, მას კვლავ დაუდგება გარკვეული ფართობის იჯარით აღების საჭიროება, შესაბამისად გაეზრდება ხარჯი, რომელიც საბოლოოდ გადააჭარბებს სადგომის მომსახურებიდან მისაღებ შემოსავლებს. გამომდინარე ზემოაღნიშნულიდან, მნიშვნელოვანია ეფექტიანი მექანიზმების შემუშავება იმ მიზნით, რომ შემცირდეს სადგომზე არსებული ავტომანქანების რაოდენობა და გაიზარდოს სსიპ - „112“-ის შემოსავლები;

1) დრამატულ თეატრს მაკონტროლებლის მიერ 2016 წელს გადმოეცა თეატრის ადმინისტაციის განსათავსებლად 30,138.33 ლარის ღირებულების 279.38 კვ.მ ფართი. აღნიშნული ფართი დამოუკიდებელმა ექსპერტმა შეაფასა საბაზრო ღირებულებით − 475,000.00 ლარი , რომელიც ძირითადი აქტივის ღირებულების აღიარების დროს, არ იქნა გათვალისწინებული. 2) 2013 წელს დრამატულ თეატრს გადმოეცა 4,292.35 ლარის ნარჩენი ღირებულების ავტომანქანა, რომელიც თეატრს 2017 წლის ფინანსური ანგარიშგების საცნობარო მუხლში აღრიცხული აქვს 12,263.85 ლარის ღირებულებით. მისი საბალანსო ღირებულებისა და დაგროვილი ცვეთის გათვალისწინებით უნდა იყოს აღრიცხული თეატრის ფინანსური ანგარიშგების საბალანსო მუხლში „2.2.1 სატრანსპორტო საშუალებები“, 1,502.32 ლარის ღირებულებით . 3) დრამატულმა თეატრმა 2017 წელს განახორციელა სახანძრო სიგნალიზაციის დამონტაჟება, რომლის ღირებულებამ შეადგინა 2,391.00 ლარი. თეატრის მიერ განხორციელდა გაწეული ხარჯის კაპიტალიზება. კანონმდებლობის შესაბამისად , აღნიშნული ხარჯი უნდა აღიარებულიყო განცალკევებული აქტივის სახით „სახანძრო სიგნალიზაცია“ და ფინანსურ ანგარიშგებაში აღრიცხულიყო როგორც „სხვა მანქანა-დანადგარები და ინვენტარი“ შესაბამისად, თეატრის აქტივების ღირებულება არასწორად გაიზარდა 215.16 ლარით. 4) დრამატულ თეატრს ბალანსზე რიცხული აქტივების პირვანდელი ღირებულების არასწორი აღიარების, კლასიფიკაციის და ცვეთის არასწორი ნორმის გამოყენების შედეგად, „საკუთარი კაპიტალის მოხმარების“ მუხლი შემცირებული აქვს 4,880.52 ლარით, რამაც გამოიწვია თეატრის „წმინდა ღირებულების“ ზრდა ფინანსურ ანგარიშგებაში. 5) თეატრ „თეთრი ტალღის“ საკუთრებაში არსებულ 13 ერთეულ ძირითად აქტივზე, ცვეთის არასწორად დარიცხვის შედეგად მათი ღირებულება შემცირებული იყო 2,858.75ლარით. 6) ანსამბლ „აფხაზეთს“ მიერ 2012 წელს შეძენილი 1,250.00 ლარის ღირებულების ორი ერთეული დისკი აღრიცხულია ფინანსური ანგარიშგების საცნობარო მუხლში. აღნიშნული აქტივები შესყიდვის მომენტში ექვემდებარებოდა არამატერიალურ აქტივად აღიარებას და ცვეთის დარიცხვას. შესაბამისად, 2017 წლის ბოლოსათვის აქტივები ფინანსურ ანგარიშგებაში აღრიცხული უნდა იყოს „2132 არამატერიალური ძირითადი აქტივების“ საბალანსო მუხლში 500.00 ლარის საბალანსო ღირებულებით. 7) ანსამბლ „აფხაზეთს“ 2017 წელს გადმოეცა აქტივი, რომელიც გადმომცემ ორგანიზაციას საკუთარი ფინანსური ანგარიშგების საცნობარო მუხლში აღრიცხული ჰქონდა 2,214.00 ლარის ღირებულებით. საფინანსო სამსახურმა 2,214.00 ლარი აღიარა „საკუთარი კაპიტალის მოხმარების“ მუხლში და ამავე თანხით აქტივი აღრიცხა ფინანსური ანგარიშგების საცნობარო მუხლში „ამორტიზებული ძირითადი აქტივები“. შესაბამისად, ანსამბლმა „აფხაზეთმა“ 2,214.00 ლარით არამართებულად შეამცირა აქტივების ღირებულება და გაზარდა ცვეთის თანხა. 8) ანსამბლ „აფხაზეთის“ მიერ 2017 წლის ბოლოს ჩატარებული სავალდებულო ინვენტარიზაციის შედეგად გამოვლინდა 15 ერთეული არაფინანსური აქტივის ზედმეტობა თუმცა არ მოხდა აღნიშნული აქტივების შეფასება, რის გამოც ფინანსურ ანგარიშგებაში აქტივების ღირებულება არასრულად და არაზუსტად აისახა.

მუნიციპალიტეტმა ვერ დაასაბუთა რა აუცილებელი საჭიროებით იყო განპირობებული საკონსულტაციო მომსახურების შესყიდვა, ვინაიდან მუნიციპალიტეტს გააჩნია შრომითი რესურსი და ვალდებულია საკუთარი რესურსებით უზრუნველყოს აღნიშნული საქმიანობის განხორციელება. ამდენად, მერიის მიერ საკონსულტაციო მომსახურებაზე გაწეულია არაგონივრული ხარჯი.

2017-2018 წლების ბიუჯეტებისთვის პრიორიტეტების დოკუმენტის მომზადებაზე მერის ბრძანებები გამოცემულია დაგვიანებით, კერძოდ შესაბამისი წლის 1 მარტის ნაცვლად 2016 წლის 20 ივნისს და 2017 წლის 22 მარტს. აღნიშნულმა გამოიწვია საბიუჯეტო პროცესის დაწყების დაგვიანება.

სამინისტროს აპარატის შენობა-ნაგებობების ფართობები დადგენილი და სარეგისტრაციო მონაცემებში ასახულია მხოლოდ 3 პენიტენციურ დაწესებულებაზე , დანარჩენ ობიექტებზე (12 პენიტენციური დაწესებულება და სხვადასხვა შენობა-ნაგებობები ) არ არის დაზუსტებული ფართობები, მათ სარეგისტრაციო მონაცემებში ასახულია ინფორმაცია მხოლოდ მიწის საერთო ფართის და მათზე განთავსებული ნაგებობების რაოდენობის შესახებ . აღნიშნული, თავის მხრივ, განაპირობებს აქტივების ჩამოწერის ოპერაციების ბუღალტრულად ასახვის სირთულეს

სსიპ 112ის შემოსავლების ფორმირების სისტემა ვერ უზრუნველყოფს შემოსავლების სიზუსტის და მდგრადობის წინაპირობების შექმნას. შემოსავლების სიზუსტის დადგენასა და კონტროლს სსიპ - 112 ვერ ახორციელებს, ვინაიდან მისაღები შემოსავლების გაანგარიშება საბილინგო სისტემის მონაცემების გარეშე შეუძლებელია, რომელზეც სსიპ - 112-ს წვდომა არ აქვს. მთავრობის დადგენილების შესაბამისად, აღნიშნული პროცესის კონტროლი ევალება კომუნიკაციების ეროვნულ კომისიას, რომელსაც კონკრეტული პროცედურები ამ მიმართულებით არ განუხორციელებია (კომისიის პასუხიდან ირკვევა, რომ კომისია მზად არის მიმართვის შემთხვევაში გადაამოწმოს შესაბამისი ინფორმაცია).

საგუნდო კაპელას ფინანსურ ანგარიშგებაში „პირობითი ვალდებულებების“ სახით არ აქვს აღიარებული 5,104.07 ლარის პოტენციური ვალდებულება. აუდიტის ჯგუფის მოსაზრებით, აღნიშნული ვალდებულების საფუძველს წარმოადგენს 2017 წელს წარმოებაში შესული თანამშრომლის სასამართლო სარჩელი. აღნიშნულ სარჩელთან დაკავშირებით ჯერ კიდევ არ იყო მიღებული სასამართლოს გადაწყვეტილება, თუმცა სასამართლოს მიერ თანამშრომლის სასარგებლოდ გამოტანილი განჩინების შემთხვევაში, საგუნდო კაპელას წარმოეშობა 4,786.74 ლარის განაცდურისა და 317.33 ლარის კომპენსაციის ანაზღაურების ვალდებულება.

ლაგოდეხის მუნიციპალიტეტმა (შესაბამისმა პასუხისმგებელმა პირებმა) 2017-2018 წლებში მუნიციპალიტეტის საკრებულოს არათანამდებობის პირებზე ხარჯების ასანაზღაურებლად 142.7 ათასი ლარი გასცა შესაბამისი დოკუმენტური დადასტურების გარეშე, საბიუჯეტო პროცესთან დაკავშირებული მარეგულირებელი საკანონმდებლო ნორმების შეუსაბამოდ.

2017 წლის პრიორიტეტების დოკუმენტი არ მოიცავს გასული, მიმდინარე, დასაგეგმი საბიუჯეტო წლებისათვის და დასაგეგმის შემდგომი სამი საბიუჯეტო წლისათვის ბიუჯეტის შემოსავლებისა და ხარჯების, ფინანსური და არაფინანსური აქტივებით ოპერაციებისა და ვალდებულებების აგრეგირებულ მაჩვენებლებს.

აუდიტის შედეგად გამოვლინდა საბალანსო მონაცემებით შენობა-ნაგებობების და დაუმთავრებელი მშენებლობის ანგარიშებზე რიცხული გაუქმებული დაწესებულებები და სხვა ობიექტები(ჯამური ნარჩენი ღირებულება 2017 წლის ბოლოს 1885.80 ათასი ლარი), რომლებიც სამინისტროს ფაქტობრივ სარგებლობაში აღარ იმყოფება, კერძოდ, ზოგიერთი მათგანი, სარეგისტრაციო მონაცემების თანახმად, დაბრუნებულია სახელმწიფოსთვის ან პრივატიზებულია, დანარჩენი ობიექტები არ ფიქსირდება საინვენტარიზაციო ფაქტობრივი აღწერით და სამინისტროს მხრიდან რაიმე სახის ინფორმაცია/დოკუმენტაცია აღნიშნულ ქონებასთან დაკავშირებით ვერ იქნა წარმოდგენილი

ადმინისტრაციული შენობის სამუშაოებისთვის, შინაგან საქმეთა სამინისტროს სისტემიდან მიღებული კაპიტალური გრანტის ნაწილი (445,537 ლარი) სსიპ - „112“-მა მიმდინარე ხარჯების დასაფარად გამოიყენა, რაც არსებითად სცდება კაპიტალური გრანტის განმარტებას, არ ემსახურება არაფინანსური აქტივების შექმნის მიზანს.

დრამატულმა თეატრმა 2017 წელს მონაწილეობა მიიღო ერევანში გამართულ ფესტივალში High Fest. იქიდან გამომდინარე, რომ მომწვევმა მხარემ უზრუნველყო მივლინებული 16 თანამშრომლის საცხოვრებლისა და კვების ხარჯების დაფინანსება, თითოეულ თანამშრომელზე უნდა გაცემულიყო განსაზღვრული დღიური ნორმის 30% რაც ჯამში შეადგენს − 1,664.00 ლარი. თეატრ „თეთრი ტალღის“ მიერ, 2017 წელს ჩატარდა 12 გასვლითი სპექტაკლი საქართველოს სხვადასხვა რეგიონში, თუმცა არცერთ შემთხვევაში არ გაფორმებულა მივლინების ბრძანება და შესაბამისად,არ მომხდარა სამივლინებო თანხების თანამშრომლებისთვის ანაზღაურება. თეატრის მიერ 12 გასვლით ღონისძიებაში მონაწილე თანამშრომლების რაოდენობის მიხედვით, 2017 წლის ასანაზღაურებელი სამივლინებო თანხა შეადგენდა − 3,060.00 ლარს.

მუნიციპალიტეტში ფინანსური და არაფინანსური აქტივების დაცულობაზე კონტროლი არ არის სათანადოდ დაწესებული. 2017-2018 წლებში არ არის ჩატარებული აქტივებისა და ვალდებულებების ინვენტარიზაცია. შედეგად, არსებობს რისკი, რომ შეუმჩნეველი დარჩეს მუნიციპალიტეტის კუთვნილი ქონების დაკარგვის ან დაზიანების შემთხვევები და არ მოხდეს შესაბამისი რეაგირება.

2018 წლის პრიორიტეტების დოკუმენტი არ მოიცავს გასული, მიმდინარე, დასაგეგმი საბიუჯეტო წლებისათვის და დასაგეგმის შემდგომი სამი საბიუჯეტო წლისათვის ბიუჯეტის ხარჯების, ფინანსური და არაფინანსური აქტივებით ოპერაციებისა და ვალდებულებების აგრეგირებულ მაჩვენებლებს.

საბალანსო მონაცემებით მიწის ანგარიშზე(2410) 260.80 ათასი ლარის ღირებულებით ირიცხება პრივატიზებული მიწა, ამავე ანგარიშზე 70.06 ათასი ლარის ღირებულებით ასახულია გაუქმებული დაწესებულების მიწა(რომელიც დაბრუნებულია სახელმწიფოსთვის), შესაბამისად, ფინანსურ ანგარიშგებაში აქტივებუ წარმოდგენილია 330.86 ათასი ლარით გაზრდილი ღირებულებით

 სსიპ - 112-ის მიერ შესყიდვების გეგმაში არსებული ცვლილებები ვერ იქნა დასაბუთებული, რაც გაუმჭვირვალეს ხდის საჭიროებებისა და პრიორიტეტების განსაზღვრის პროცესს. 2017 წელს სსიპ - 112-ის მიერ არ მომხდარა ისეთი მნიშვნელოვანი მომსახურების შეძენა, როგორიც არის, მისი ბიზნესპროცესისთვის აუცილებელი მონაცემთა ბაზის (IBM DB2-ის) ტექნიკური მხარდაჭერის განახლება, რომლის არ ქონაც შესაძლებელია ხელის შემშლელი აღმოჩენილიყო სსიპ - 112-ის საქმიანობისთვის და დროებითი საფრთხე შექმნოდა ობიექტის ფუნქციონირებას.

დრამატულ თეატრს, 2017 წლის ინტერნეტმომსახურებით სარგებლობის ხარჯები არ ჰქონდა შეთანხმებული მაკონტროლებელ ორგანოსთან, სატელეფონო კავშირგაბმულობის ხარჯებისთვის კი სარგებლობდა 2016 წლის იანვარში შეთანხმებული ლიმიტით. ასევე ანსამბლ „აფხაზეთს“ და საგუნდო კაპელას მაკონტროლებელთან არ ჰქონდა შეთანხმებული სსიპ-ისათვის მოქმედი კანონმდებლობით სავალდებულოდ შესათანხმებელი საკომუნიკაციო ხარჯები.

2017 წლის პირველი იანვრის მდგომარეობით, მუნიციპალიტეტს ნაშთის სახით ერიცხებოდა 1,524.3 ათასი ლარი, საიდანაც 2017 წლის ბიუჯეტით დაიგეგმა 1,436.1 ათასი ლარის ხარჯვა. 2017 წელს ნაშთის ცვლილებით გამოწვეული ფულადი სახსრების მატებამ 204.8 ათასი ლარი შეადგინა და წლის ბოლოს დაფიქსირდა ნაშთი 1,729.1 ათასი ლარი, მათ შორის, თავისუფალი ნაშთი − 752.0 ათასი ლარი, რაც ძირითადად, ტენდერებში მიღებული ეკონომიით არის განპირობებული. აღსანიშნავია, რომ ტენდერების შედეგად მიღებული ეკონომია გროვდება წლის განმავლობაში. შესაბამისად, მერიას შეეძლო ამ თანხებით სხვადასხვა ინფრასტრუქტურული და სოციალური პროექტების დაგეგმვა და განხორციელება. 2018 წელს მუნიციპალიტეტმა დაგეგმა 1,729.1 ათასი ლარის ნაშთის გამოყენება, თუმცა ნაშთის ცვლილებით გამოწვეული ფულადი სახსრების დაგროვებამ შეადგინა 2,920.5 ათასი ლარი, ხოლო წლის ბოლოს არსებულმა ნაშთმა − 4,649.6 ათასი ლარი, მათ შორის, თავისუფალი ნაშთი 1,818.4 ათასი ლარია.

საფინანსო ორგანოს, პროექტის მომზადების მიზნით, საბიუჯეტო ორგანიზაციებისათვის არ გაუგზავნია საბიუჯეტო განაცხადის ფორმები ასიგნებებისა და მომუშავეთა რიცხოვნობის საორიენტაციო ზღვრული მოცულობების მითითებით

მიწის 2410 საბალანსო ანგარიშზე არ არის სრულად აღრიცხული სამინისტროს აპარატის ფაქტობრივ სარგებლობაში არსებული მიწის ფართობი. კერძოდ, ფაქტობრივი აღწერით და წარმოდგენილი სარეგისტრაციო დოკუმენტაციის (საჯარო რეესტრის ეროვნული სააგენტოს ამონაწერები) მიხედვით, ფაქტობრივ სარგებლობაში არსებული მიწის საერთო ფართი 1,704.60 ათას კვ.მ-ს შეადგენს, სააღრიცხვო ჩანაწერებში კი ასახულია მხოლოდ 222.19 ათასი კვ.მ (სარგებლობაში არსებული მიწის საერთო ფართის 13.03%). აქედან 193.38 ათასი კვ.მ მიწა არ არის შეფასებული , შესაბამისად, ბალანსზე ასახულია ღირებულების გარეშე, ასევე, პრობაციის სააგენტოს თბილისის, ოზურგეთის და რუსთავის ოფისების 1,753.07 ათასი ლარის საერთო ღირებულებიდან არ არის გამიჯნული, შეფასებული და 2410 ანგარიშზე ასახული შესაბამისი მიწის ფართობი, რომელიც სარეგისტრაციო მონაცემებით შეადგენს 4,236 კვ.მ-ს. აღნიშნულიდან გამომდინარე, სამინისტროს კონსოლიდირებულ ფინანსურ ანგარიშგებაში აქტივები წარმოდგენილია შემცირებული ღირებულებით

ზოგიერთ შემთხვევაში, შინაგან საქმეთა სამინისტრო სსიპ - „112”-ის დამოუკიდებლად წყვეტს თანამშრომელთა წახალისებასა და ერთჯერადი ფულადი დახმარების გაცემის საკითხს. 2017 წელს პრემიის მუხლით გაწეული ხარჯებიდან 105,875.00 ლარი (92%) მინისტრის შესაბამისი ბრძანებების საფუძველზეა გაცემული, თუმცა სსიპ - 112-ის სამსახურის უფროსების მიერ პატაკები არ შექმნილა და დირექტორის მხრიდან არ განხორციელებულა დასაბუთებული დოკუმენტის წარდგენა შინაგან საქმეთა სამინისტროში, ვინაიდან, პასუხისმგებელი პირების განმარტებით, პრემია გაიცა სამინისტროს მთლიან სისტემაში სადღესასწაულო მიზნებისთვის. აღნიშნული, თავის მხრივ, იწვევს ისეთ ტექნიკურ უზუსტობებს, როგორებიც არის, მაგალითად, წასახალისებელ პირთა სიაში გათავისუფლებული თანამშრომლების მითითება. ამგვარი უზუსტობების გამოსწორება კი - შემდეგ, მოგვიანებით ხდება. ასევე, შესაბამისი დასაბუთების გარეშე პრემია გაცემულია უხელფასო ან დეკრეტულ შვებულებაში მყოფ პირებზე. გარკვეულ შემთხვევებში გაუმჭვირვალეა ერთჯერადი ფულადი დახმარების გაცემის პროცესიც. სსიპ-ის 34 თანამშრომელზე, რომლებსაც გენერალური ინსპექციის დასკვნის შესაბამისად, სხვადასხვა სახის სამსახურებრივი გადაცდომის გამო, დაკისრებული ჰქონდათ დისციპლინური სახდელები, პრემია არ გაცემულა, თუმცა გაცემულია ერთჯერადი ფულადი დახმარება ჯამში 12,750 ლარის ოდენობით. ფულადი დახმარების შესახებ ბრძანება არ შეიცავს დახმარების გაცემის სამოტივაციო ნაწილს, რადგან ზემოხსენებულ თანამშრომლებს ხელმძღვანელობისათვის დახმარების თხოვნით ოფიციალურად არ მიუმართავთ.

ანსამბლ „აფხაზეთს“ მაკონტროლებლის მიერ სარგებლობის უფლებით გადმოცემული აქვს ფართი, საიდანაც 140,214 კვ.მ უჭირავს სარეპეტიციო დარბაზს. აღნიშნული ფართი, ანსამბლის მიერ, წლის განმავლობაში გაქირავებული იყო 76 საათით და მიღებულმა შემოსავალმა შეადგინა 1,850.00 ლარი. ანსამბლის მიერ ვერ იქნა წარმოდგენილი აღნიშნული ფართის გაქირავების შესახებ კანონმდებლობის შესაბამისად მაკონტროლებლისათვის დასაბუთებული წერილობითი მიმართვა, ფართის გაქირავების შესათანხმებლად. ოფიციალურად არც მაკონტროლებლის მიერ ყოფილა დაფიქსირებული აღნიშნულ ფაქტთან დაკავშირებით რაიმე პოზიცია, რაც კონტროლის რისკებზე მიუთითებს.

მერიის შიდა აუდიტის სამსახურის საქმიანობა სათანადოდ ვერ უზრუნველყოფს მუნიციპალიტეტის წინაშე არსებული ამოცანების ეფექტიანად შესრულებას და დასახული მიზნების მიღწევას, რისკების მართვას და შიდა კონტროლის სისტემის გაუმჯობესებას. აღნიშნულიდან გამომდინარე, 2017-2018 წლებში მუნიციპალიტეტის შიდა აუდიტის სამსახური ფუნქცია-მოვალეობებს ასრულებდა არასათანადოდ.

წარმოდგენილი საბიუჯეტო განაცხადები არ მოიცავს ინფორმაციას ბიუჯეტით გათვალისწინებული ასიგნებებიდან განსახორციელებელი პროგრამების/ქვეპროგრამების აღწერას და მიზნებს დასაგეგმი საბიუჯეტო წლისათვის და დასაგეგმის შემდგომი სამი საბიუჯეტო წლისათვის.

სამინისტროს მიერ წლების განმავლობაში არ ტარდება მოთხოვნების ინვენტარიზაცია, რითიც არ არის დაცული კანონმდებლობის მოთხოვნები. გამომდინარე აღნიშნულიდან, დებიტორ ორგანიზაციებთან არ გაფორმებულა ურთიერთშედარების აქტები და არ გატარებულა სათანადო ღონისძიებები დავალიანებების რეალურობის დასადგენად. შედეგად, დებიტორულ დავალიანებებთან მიმართებაში ფიქსირდება შემდეგი გარემოებები: -სამინისტროს ბალანსზე რიცხული მოთხოვნების 52%-ზე მეტი (5,305.93 ათასი ლარი) წარმოშობილია 2004-2010 წლებში; - 7.7 მილიონ ლარზე დავალიანების დადასტურების მიზნით 13 დებიტორ ორგანიზაციასთან გაგზავნილი დასტურის წერილებიდან, თანხის 62%-ზე პასუხი არ მიღებულა ან ვერ მოხდა ადრესატის მოძიება; -ერთ-ერთი დებიტორი ორგანიზაციის (დავალიანების თანხა - 626.72 ათასი ლარი, წარმოშობის პერიოდი - 2006 წელი) სარეგისტრაციო წარმოება მარეგისტრირებელი ორგანოს მიერ შეჩერებულია 2012 წელს და კომპანიის წილის გასხვისების კანონიერების შესწავლის მიზნით, წერილი გადაგზავნილია მთავარ პროკურატურაში; -მოთხოვნების ანგარიშზე ირიცხება შპს „თი ემ-ზე“ დაკისრებული პირგასამტეხლოს თანხა, 100.2 ათასი ლარი, რომელიც არარეალურია, ვინაიდან სასამართლოს კანონიერ ძალაში შესული გადაწყვეტილებით, თანხა სამინისტროს არ ეკუთვნის. აღნიშნული გარემოებებიდან გამომდინარე, სამინისტროს ბალანსზე რიცხული დებიტორული დავალიანების არსებობა, სისრულე და სიზუსტე ვერ დასტურდება

2017 წელს სსიპ - 112-ის მიერ სულ გახარჯულია 457,111.64 ლარის ღირებულების საწვავი. დირექტორის ბრძანებით, სსიპ - „112“-ში გარდა სამსახურებრივი მანქანებისა, საწვავის ლიმიტი დაწესებული იყო თანამშრომლების პირად მანქანებზე. აუდიტის ობიექტის განმარტებით, აღნიშნული განპირობებული იყო სამსახურებრივი მიზნებით, თუმცა, ბრძანებებსა და პატაკებში არ იყო დასაბუთებული საწვავის ლიმიტის რაოდენობის კრიტერიუმები და საჭიროება. 2017 წელს დასაბუთების გარეშე, 19 თანამშრომელზე სულ გაცემულია 40,261 ლარის ღირებულების 21,963 ლიტრი საწვავი (მივლინებების გარდა). აუდიტის ობიექტის განმარტებით, 2018 წლიდან თანამშრომლებზე გასაცემი საწვავის ლიმიტის დაწესების დასაბუთება ხორციელდება შესაბამისი სტრუქტურული ერთეულის ხელმძღვანელების მიერ.

თეატრმა „თეთრმა ტალღამ“ 2017 წელს სახელმწიფო შესყიდვის CPV601 დანაყოფის კოდზე განახორციელა სულ 6,905.00 ლარის გამარტივებული შესყიდვა. „სახელმწიფო შესყიდვების შესახებ“ კანონის შესაბამისად, შემსყიდველი ორგანიზაციის მიერ საბიუჯეტო (საფინანსო) წლის განმავლობაში ერთგვაროვანი საქონლის, მომსახურების ან სამუშაოს შესყიდვა განიხილება ერთ შესყიდვად, თუ ისინი ერთი წყაროდან ფინანსდება. ზემოაღნიშნულიდან გამომდინარე, სსიპ-ის მიერ CPV601 დანაყოფის კოდზე შესყიდვების განხორციელების დროს დაირღვა კანონით დადგენილი მონეტარული ზღვარი, რომლის მიხედვით, გამარტივებული შესყიდვა შესაძლებელია 5000 ლარამდე ღირებულების ერთგვაროვანი ობიექტების სახელმწიფო შესყიდვის დროს .

ლაგოდეხის მუნიციპალიტეტის 2017-2018 წლების საქმიანობის შესაბამისობის აუდიტის მიმდინარეობისას გაირკვა, რომ 2015 წელს გამოვლენილი კონკრეტული დარღვევა-ნაკლოვანებების გამოსასწორებლად, გატარებულია სხვადასხვა ღონისძიებები. აუდიტის შედეგად გამოვლენილ 11 გარემოებაზე მუნიციპალიტეტს განხორციელებული აქვს რეაგირება, ხოლო 2 დარღვევა-ნაკლოვანება მუნიციპალიტეტის მიერ შესაბამისი რეაგირების გარეშე დარჩა,

მერიის მიერ საკრებულოსთვის წარდგენილი 2017 წლის და 2018 წლის ბიუჯეტების პროექტები არ მოიცავდა დასაგეგმი საბიუჯეტო წლისათვის და დასაგეგმის შემდგომი სამი საბიუჯეტო წლისათვის პრიორიტეტების, პროგრამების/ქვეპროგრამების მიზნებს.

2017 წლის ბოლოს სამინისტროს ბალანსზე რიცხული კრედიტორული დავალიანება 2,864.54 ათას ლარს შეადგენს, საიდანაც დაახლოებით 97% (2,779.08 ათასი ლარი) მოდის სამინისტროს აპარატზე. აქედან, 2,540.48 ათასი ლარი სააღრიცხვო მონაცემებით, წარმოშობილია 1996-2010 წლებში. ნაშთების რეალურობის დადგენის მიზნით, სამინისტროში წლების განმავლობაში არ ტარდება ვალდებულებების ინვენტარიზაცია, კანონმდებლობის შესაბამისად, რის გამოც სამინისტროს ბალანსზე რიცხული კრედიტორული დავალიანებების არსებობა, სისრულე და სიზუსტე 2017 წლის 31 დეკემბრის მდგომარეობით, ვერ დასტურდება.

2017-2018 წლებში საქპატენტში სრულყოფილად არ ხორციელდებოდა შინაგანაწესით დადგენილი მოთხოვნა, რომლის მიხედვით, თანამშრომელთა სამსახურში გამოცხადება და წასვლა უნდა აღრიცხულიყო სპეციალური ტექნიკური საშუალების − ტურნიკეტის გამოყენებით. შესაბამისად, ხელფასის დარიცხვის მიზნით შევსებული − სამუშაო დროის ტაბელის მონაცემები განსხვავდება ტურნიკეტზე დაფიქსირებულისგან. შტატგარეშე თანამშრომლების, სამუშაო დროის არასრულყოფილად აღრიცხვის გარდა, ხელფასების დარიცხვისა და ანაზღაურებისას, არ ხდებოდა შრომითი ხელშეკრულებით გათვალისწინებულ სამუშაოთა შესრულების დოკუმენტური დადასტურება. შესაბამისად, გაცემული ხელფასი არ არის სათანადოდ დასაბუთებული, რაც არსებული კონტროლის მექანიზმების სისუსტეზე მიუთითებს.

2017-2018 წლების ბიუჯეტის შესრულების ანგარიშები არ მოიცავს: მუნიციპალიტეტის მიერ დაფუძნებული არასამეწარმეო (არაკომერციული) იურიდიული პირების ბიუჯეტების შესრულების წლიურ მაჩვენებლებს. 2018 წლის ბიუჯეტის შესრულების ანგარიშში წარმოდგენილი არ არის განმარტებები პროგრამების მიხედვით დაზუსტებულ ასიგნებებსა და გადახდილ თანხებს შორის 30%-ზე მეტი შეუსაბამობის შესახებ.

2017 წლის ანგარიშგებაში, „სამედიცინო ხარჯების“ მუხლით გაწეული საკასო ხარჯი (სამინისტროს აპარატი) 4,621.49 ათას ლარს შეადგენს, დარიცხული ხარჯი კი, 13,945.44 ათასი ლარია. საკასო და ფაქტობრივ ხარჯებს შორის გადახრის მაღალი მაჩვენებელი (9,323.45 ათასი ლარი) განპირობებულია შემდეგი ფაქტორებით: -სამინისტროში 2016 წლის დეკემბერში დაწყებული მედიკამენტების და სამედიცინო სახარჯი მასალების ინვენტარიზაციის ფარგლებში, საინვენტარიზაციო კომისიის მიერ მოძიებული და ამოღებული იქნა ფარმაცევტული პროდუქტების და სამედიცინო სახარჯი მასალების შემოსავალ-გასავლის (ხარჯვის) დამადასტურებელი დოკუმენტაცია, რომელიც საბუღალტრო ჩანაწერებში არ იყო დაფიქსირებული (ვინაიდან საბუღალტრო აღრიცხვის სამმართველოსთვის არ იყო გადაცემული), ან ახლიდან საჭიროებდა დაზუსტება-გადამოწმებას, რაც შემდგომში გახდებოდა რეალური ზედმეტობა-ნაკლებობის დადგენის საფუძველი . კომისიის მიერ მოძიებული მასალები მოიცავს დოკუმენტაციას, რომელიც 2009-2016 წლებით თარიღდება და მათი ბუღალტრულად ასახვა განხორციელდა 2017 წლის ანგარიშგებაში; - 2014-2015 წლებში ბრალდებულთა/მსჯავრდებულთა მკურნალობის სახელმწიფო პროგრამების ფარგლებში მიღებული მედიკამენტების ინდივიდუალურად, პაციენტების მიხედვით გახარჯვის დოკუმენტაციის წარმოება და შემდგომ მათი ელექტრონული აღრიცხვა ხორციელდებოდა პენიტენციური დაწესებულებების მიერ, თუმცა ხარჯების შესაბამის პერიოდში ბუღალტრულად ასახვა ვერ ხდებოდა ნაერთი სახის დოკუმენტაციის წარმოუდგენლობის, არასათანადოდ (არასრულყოფილად) შევსებული დოკუმენტაციის ან/და მათი დაგვიანებით წარმოდგენის გამო . აღნიშნული მედიკამენტები ხარჯებში ჩამოიწერა 2017 წელს. ზემოაღნიშნულიდან გამომდინარე, სამინისტროს მიერ მედიკამენტების და სამედიცინო სახარჯი მასალების ჩამოწერის შედეგად მიღებული სამედიცინო ხარჯები არ ასახავს 2017 წლის საანგარიშო პერიოდის რეალურ მაჩვენებელს და წარმოდგენილია მნიშვნელოვნად გაზრდილი ოდენობით. სამინისტროს მხრიდან არ მომხდარა წინა პერიოდის არსებითი შეცდომების რეტროსპექტიულად გასწორება, რაც გულისხმობს აქტივების და კაპიტალის საწყისი ნაშთების გადაანგარიშებას, ინსტრუქციის შესაბამისად .

„საქართველოს შრომის კოდექსით“, „შრომითი ხელშეკრულება შეთავსებით სამუშაოზე შეიძლება დაიდოს პირთან, რომელსაც ძირითადი სამუშაოდან თავისუფალ დროს შეუძლია სხვა ანაზღაურებადი სამუშაოს შესრულება“. ორგანიზაციაში შეთავსებით მოსამსახურეთა სამუშაო დროის აღრიცხვის არასრულყოფილი და გაუმჭვირვალე პრაქტიკის გამო, ვერ მივიღეთ რწმუნება საქპატენტის მომუშავე თანამშრომლები როდის ასრულებდნენ შეთავსებით სამუშაოს და ძირითად სამუშაოზე განკუთვნილი დრო სრულად დაუთმეს მის შესრულებას, თუ იგი გამოყენებულ იქნა შეთავსებით სამუშაოზეც.

2017-2018 წლებში მუნიციპალიტეტში ქონების, მოთხოვნებისა და ვალდებულებების ინვენტარიზაცია არ განხორციელებულა. მათ შორის, არ განხორციელებულა უძრავი ქონებისა და საბიბლიოთეკო ფონდების ინვენტარიზაცია, რაც სავალდებულოა სამ/ხუთ წელიწადში ერთხელ. საკუთრებაში არსებული ყველა აქტივი არ არის ჩაბარებული მატერიალურად პასუხისმგებელ პირზე.

სასჯელაღსრულების და პრობაციის სამინისტროს საგამოძიებო დეპარტამენტის მიერ 2016 წლის 27 მაისს სისხლის სამართლის საქმეზე დაწყებული გამოძიების საფუძველზე დადგენილია სამინისტროს 4 თანამშრომლის მიერ 2013-2016 წლებში სასაწყობო სამმართველოზე რიცხული 232.09 ათასი ლარის ღირებულების სხვადასხვა დასახელების ნივთის მითვისების და სამინისტროს კუთვნილი 321.92 კგ ოდენობის ლითონის სხვადასხვა მეორადი ნაკეთობს ჯართად ჩაბარების ფაქტები. აღნიშნული აქტივები კვლავ რიცხულია სამინისტროს ბალანსზე, რაც ფაქტობრივად არარსებულ ქონებას წარმოადგენს და საჭიროა შესაბამისი ბრძანების საფუძველზე მათი ჩამოწერა

საქპატენტში, ბალანსზე რიცხულ ავტომობილებს მთავრობის დადგენილებით განსაზღვრული სარგებლობის ფორმებიდან (განპიროვნებული, სამორიგეო, ოპერატიული, სპეციალური დანიშნულების), კლასიფიკაციის არც ერთი ფორმა არ აქვს მინიჭებული. ამასთანავე, ერთი-ერთი ავტომობილი ემსახურებოდა თავმჯდომარის მოადგილეს, რაც შეუსაბამოა მოქმედ კანონმდებლობასთან. არაკლასიფიცირებული ავტომობილების არსებობის პირობებში, საქართველოს მთავრობის დადგენილებით განსაზღვრული მოთხოვნები ვერ სრულდება, რაც წარმოშობს ავტოპარკის არასამსახურებრივი დანიშნულებით გამოყენების შესაძლებლობას.

ღია ესტრადის შენობა, აუდიტის მიმდინარეობისას, მნიშვნელოვნად არის დაზიანებული და უფუნქციოა. აღნიშნულის მიზეზი შეიძლება იყოს როგორც უხარისხოდ შესრულებული სამუშაოები, ასევე შენობის მოვლა-პატრონობაში არსებული ხარვეზები. ყოფილი ვეტ-უბნის შენობის შენობაც დაზიანებულია შენობა არ დაუტვირთავს ფუნქციურად და არ განუსაზღვრავს მოვლა-პატრონობაზე პასუხისმგებელი პირი.

პრობაციის ეროვნული სააგენტოს ძირითადი აქტივების საბალანსო ანგარიშზე, დასახელებით „სხვა მანქანა-დანადგარები და ინვენტარი“, 2017 წლის 1 იანვრის მდგომარეობით ირიცხებოდა 1,847.36 ათასი ლარის ნარჩენი ღირებულების აქტივები, რომელზეც დარიცხულია ცვეთის თანხა 15%-იანი განაკვეთით და 277.10 ათას ლარს შეადგენს, რაც არ შეესაბამება სააღრიცხვო ინსტრუქციით გათვალისწინებულ მოთხოვნას, რის მიხედვითაც, დასარიცხი ცვეთის თანხა გაიანგარიშება ცვეთის კოეფიციენტის გამრავლებით ისტორიულ(და არა ნარჩენ) ღირებულებაზე . 2016 წელს აღნიშნული ღირებულების აქტივებზე დარიცხული ცვეთა 562.85 ათას ლარს შეადგენს. 2017 წელს, ინსტრუქციის გათვალისწინებული ნორმებით, მათზე დარიცხული ცვეთა 482.63 ათას ლარს უნდა შეადგენდეს. შედეგად, ფინანსური შედეგების შესახებ ანგარიშში ცვეთის ხარჯი 205.53 ათასი ლარით შემცირებულად არის წარმოდგენილი

შპს საქაერონავიგაციას თავისუფალი ფულადი სახსრები განთავსებული აქვს კომერციული ბანკის მიმდინარე ანგარიშებზე. 2017 წლის მარტში, ბანკთან გაფორმებული შეთანხმების საფუძველზე, მნიშვნელოვნად გაიზარდა საპროცენტო განაკვეთები და შესაბამისად, მიღებული სარგებელი. მაგალითად, ლარის მიმდინარე ანგარიშზე არსებულ ნაშთებზე წლიური საპროცენტო განაკვეთი თითქმის გაორმაგდა, იმ პირობებში, როცა ეროვნული ბანკის მონაცემებით, საშუალო წლიური საპროცენტო განაკვეთები კომერციული ბანკების დეპოზიტებზე იმავე პერიოდში არსებითად არ შეცვლილა. აღსანიშნავია, რომ კომპანიას არ აქვს დოკუმენტირებული, რა კრიტერიუმების საფუძველზე იღებს კონკრეტულ ბანკში თანხის განთავსების გადაწყვეტილებას. ჩვენ ვერ მოვიპოვეთ ინფორმაცია კომერციული ბანკებისგან მიღებული ინდივიდუალური შეთავაზებების შესახებ, რომლის ფარგლებშიც შესაძლებელია საპროცენტო განაკვეთები განსხვავდებოდეს სტანდარტული პირობებისაგან. ხელმძღვანელობის განმარტებით, კომპანიაში მოქმედი არასახელმწიფო საპენსიო ფონდის აქტივების მართვის პროცესში ისინი პერიოდულად ეცნობიან ინფორმაციას ვადიან და მოთხოვნამდე ანაბრებზე ბანკებში არსებული საპროცენტო განაკვეთების შესახებ. მიუხედავად ზემოაღნიშნულისა, საბანკო მომსახურების პირობები არის ინდივიდუალური მოლაპარაკების საგანი და უმჯობესია კომპანიამ გადაწყვეტილება მიიღოს სხვადასხვა ბანკებისგან მიღებული შეთავაზებების შეჯერების საფუძველზე, რაც იქნება შესაბამისად დადოკუმენტირებული.

საქპატენტში, ავტომობილით მოსარგებლე პირების შვებულება/მივლინებაში ყოფნისას ჩასხმულია 2,144 ლიტრი საწვავი. მიღებული განმარტებით, თანამშრომლების შვებულება/მივლინებაში ყოფნისას, ავტომობილით სარგებლობა აიხსნება სამსახურებრივი საჭიროებიდან გამომდინარე, თუმცა აღნიშნულის დამადასტურებელი დოკუმენტი ვერ იქნა წარმოდგენილი. გამომდინარე იქიდან, რომ შვებულება/მივლინების პერიოდში ავტომობილის საწვავით გამართვის მიზანშეწონილობაზე კონტროლის მექანიზმები სუსტია, არსებობს საწვავის არასამსახურებრივი დანიშნულებით გამოყენების შესაძლებლობა.

არსებობს რისკი იმისა, რომ ა(ა)იპ-ებში საშტატო რიცხოვნობა არაგონივრულად არის გაზრდილი.ა(ა)იპ - სპორტისა და შიდა ტურიზმის ცენტრში, ა(ა)იპ - სამუსიკო სკოლაში, ა(ა)იპ - სამოქალაქო ჩართულობის ცენტრში, ა(ა)იპ - დასუფთავებისა და კეთილმოწყობის ცენტრში, ა(ა)იპ - კულტურისა და ხელოვნების ცენტრში, ჯამში 16 მოსამსახურის ფუნქციური დატვირთვა არ დასტურდება ან მათი ფუნქცია-მოვალეობები გაურკვეველია. ასევე ზოგიერთ შემთხვევაში, დასაქმებულთა ფუნქცია-მოვალეობები დუბლირებულია ან საერთოდ არ არის განსაზღვრული.

ავტოსატრანსპორტო საშუალებების დაზღვევასთან დაკავშირებული 2017 წლის ხელშეკრულების ფარგლებში (სამინისტროს აპარატი) წარმოდგენილი ინფორმაციის მიხედვით, ანაზღაურებულია 106 სადაზღვევო შემთხვევა, საერთო ღირებულებით - 197.48 ათასი ლარი, რომელიც არ არის ასახული სააღრიცხვო ჩანაწერებში . შედეგად, გარდა იმისა, რომ კონსოლიდირებული ანგარიშგების ფორმა N2-ში შემცირებულად არის წარმოდგენილი მუხლები: „შემოსავალი საკუთრებიდან“ (შემოსავლები) და „საქონელი და მომსახურება“ (ხარჯები), არსებობს რისკი იმისა, რომ ვერ განხორციელდეს სრულყოფილი კონტროლი სადაზღვევო შემთხვევების შედეგად წარმოქმნილ დებიტორულ დავალიანებებზე

2017 წლის 28 დეკემბერს, საქართველოს მთავრობის #578 დადგენილების საფუძველზე დამტკიცდა შპს „საქაერონავიგაციაში“ დასაქმებული პერსონალის სწავლებასთან, მომზადებასთან/გადამზადებასთან დაკავშირებული მომსახურებისა და საქონლის შესყიდვების სპეციალური წესი. აღნიშნული წესი, შემსყიდველის მიზნების შეუფერხებლად განხორციელებისა და ფულადი სახსრების რაციონალური ხარჯვის მიზნით, ამარტივებს შესყიდვების პროცედურებს. ერთ პირთან მოლაპარაკების საშუალებით, შესყიდვა შესაძლოა განხორციელდეს, თუ ამ წესით განსაზღვრული ყოველი კონკრეტული შესასყიდი მომსახურების/საქონლის ღირებულება არ აღემატება 500,000 ლარს. ზემოაღნიშნული ზღვარი ეხება ყოველ კონკრეტულ შესყიდვას და არა წლის განმავლობაში ერთი და იგივე ტიპის ობიექტების შესყიდვის ღირებულებას. შესაბამისად, ჩანაწერი არის ხარვეზიანი და ხელშეკრულების ხელოვნურად დაყოფის საშუალებას იძლევა, რაც ზრდის შესყიდვებისათვის განკუთვნილი ფულადი სახსრების არარაციონალური ხარჯვის რისკს.

თანამშრომელთა პირად ავტომანქანებში საქპატენტის კუთვნილი საწვავის ხარჯვისას დოკუმენტურად ვერ დასტურდება სამსახურებრივი მიზნით გამოყენება, საწავავის გაცემა არ შეესაბამება საჯარო სამართლის იურიდიული პირის უფლებამოსილებას. 2017-2018 წლებში სულ ასეთმა ხარჯმა შეადგინა 17,428 ლიტრი, ღირებულებით − 34,680 ლარი.

მუნიციპალიტეტმა 9 ა(ა)იპ-ის სუბსიდიური დაფინანსების პროცესში არ გაითვალისწინა კანონის მოთხოვნა, კერძოდ, 2017 წლის დაფინანსება არ არის შემცირებული 2016 წლის მოსალოდნელი საკასო შესრულების 90%-მდე და აღნიშნულ მაჩვენებელს 192.1 ათასი ლარით აღემატება.

სასჯელაღსრულების და პრობაციის მინისტრის 2017 წლის 24 თებერვლის ბრძანების შესაბამისად, სამინისტროს 6 საწყობში განხორციელდა მატერიალურ ფასეულობათა აღწერა 2017 წლის 1 მაისის მდგომარეობით და შესაბამისი ხელშეკრულებით და მიღება-ჩაბარების აქტით მათი მატერიალურად პასუხისმგებელ პირებზე გადაბარება. ანალოგიური სახით ფასეულობების აღწერა და გადაბარება, კანონმდებლობის შესაბამისად , არ არის განხორციელებული სამინისტროს 15 დაწესებულების საწყობის მენეჯერზე, ამავე დაწესებულებების აფთიაქებსა და იმ ქვედანაყოფებზე (გარე დაცვის განყოფილებები, კინოლოგიის განყოფილება და ა.შ.), სადაც ხორციელდება ფასეულობათა მიღება, შენახვა და გაცემა. აღნიშნული წარმოშობს აქტივების დაცულობის რისკებს, ვინაიდან ფორმალურად არ არსებობს მათ მიღება/შენახვასა და გაცემაზე პასუხისმგებელი პირი. ზემოაღნიშნულ 6 საწყობზე სააღრიცხვო მონაცემებით 2017 წლის ბოლოს რიცხული მარაგების და გრძელვადიანი მცირეფასიანი აქტივების საერთო ღირებულება ამავე თარიღით სამინისტროს აპარატის ბალანსზე რიცხული მარაგების და გრძელვადიანი მცირეფასიანი აქტივების ღირებულების დაახლოებით 39%-ს შეადგენს .

შპს „საქაერონავიგაციაში“ დასაქმებული პერსონალის კვალიფიკაციის ამაღლების და მომზადება/გადამზადებისთვის სულ დახარჯულია 2,492,756 ლარი. აღნიშნული თანხიდან 1,222,019 ლარი გადახდილია უშუალოდ სატრენინგო მომსახურების შესყიდვაზე, ხოლო დანარჩენი 1,270,737 ლარი მოიცავს საქაერონავიგაციის მიერ შეძენილი საქმიანობის განსახორციელებლად აუცილებელი მოწყობილობების ექსპლოატაციისთვის პერსონალის სწავლებაზე გაწეულ ხარჯებს. კომპანიის განმარტებით, საქმიანობის სპეციფიკიდან გამომდინარე, ხშირ შემთხვევაში, ტრენინგების შესყიდვა მიზანშეწონილია საერთაშორისოდ აღიარებულ სატრენინგო ცენტრებში. თუმცა, უმეტეს შემთხვევაში ასეთი ცენტრები საქაერონავიგაციის მიერ გამოცხადებულ ტენდერებში მონაწილეობას არ იღებდნენ, რის გამოც აუცილებელი გახდა ტრენინგების გამარტივებული წესით შესყიდვა. ყოველივე ზემოაღნიშნულის საფუძველზე, საწარმოს წინაშე მდგარი გამოწვევების გადაჭრის მიზნით, 2015 წლის 23 ივნისის გამოიცა საქართველოს მთავრობის განკარგულება . განკარგულების თანახმად, სახელმწიფოებრივი და საზოგადოებრივი მნიშვნელობის ღონისძიებების შეზღუდულ ვადებში შეუფერხებლად ჩატარების მიზნით, შპს „საქაერონავიგაციას“ უფლება მიეცა დასაქმებული პერსონალის მომზადებასთან/გადამზადებასთან დაკავშირებული მომსახურებისა და საქონლის შესყიდვა განეხორციელებინა ერთ პირთან მოლაპარაკების გზით. ზემოაღნიშნული განკარგულების საფუძველზე საქაერონავიგაცია სატრენინგო მომსახურებების შესყიდვებს ახორციელებდა 2017 წლის სექტემბრამდე, მიუხედავად იმისა, რომ განკარგულება ერთჯერადი გამოყენების დოკუმენტი იყო. შედეგად, 2017 წლის განმავლობაში ინდივიდუალური სამართლებრივი აქტის საფუძველზე განხორციელებულია 11 სატრენინგო მომსახურების შესყიდვა, ჯამური ღირებულებით 1,222,019 ლარი, რაც ეწინააღმდეგება ნორმატიული აქტების შესახებ საქართველოს ორგანული კანონის მოთხოვნებს. აღნიშნული ხარვეზი გამოსწორებულია საქართველოს მთავრობის 2017 წლის 28 დეკემბრის დადგენილებით , შპს „საქაერონავიგაციაში“ დასაქმებული პერსონალის სწავლებასთან, მომზადებასთან/გადამზადებასთან დაკავშირებული მომსახურებისა და საქონლის შესყიდვების სპეციალური წესის დამტკიცების შესახებ. კომპანიაში არ არსებობს კონტროლის მექანიზმები მსგავსი ნაკლოვანებების დროულად გამოსავლენად, რამაც შესაძლოა უარყოფითი გავლენა იქონიოს, ზოგადად, კომპანიის საქმიანობასა და ფინანსურ შედეგებზე.

ამბროლაურის მუნიციპალიტეტმა 2017-2018 წლებში ტენდერის საშუალებით სამშენებლო სამუშაოების შესასრულებლად სხვადასხვა მიმწოდებელთან გააფორმა 40 ხელშეკრულება.შესწავლით გამოვლინდა, რომ სამშენებლო სამუშაოების განხორციელების პროცესი ხასიათდებოდა ხარვეზებით სამუშაოების არაჯეროვანი შესრულების, გეგმა-გრაფიკებისა და მიწოდების ვადების დაცვის კუთხით.9 ხელშეკრულება საერთოდ არ ითვალისწინებდა გეგმა-გრაფიკის წარმოდგენას,შესაბამისად, არც საჯარიმო სანქციას. 26 შემთხვევაში ხელშეკრულებით მოთხოვნილი იყო სამუშაოების შესრულების გეგმა-გრაფიკის წარმოდგენა, თუმცა მისი დარღვევის შემთხვევაში არ იყო გათვალისწინებული საჯარიმო სანქციები. მიმწოდებლები სისტემატურად არღვევდნენ ხელშეკრულებით გათვალისწინებულ გეგმა-გრაფიკს. მათ შორის, 5 ხელშეკრულების ფარგლებში მიმწოდებლებმა ვერ დაასრულეს სამუშაოები და მუნიციპალიტეტმა შეწყვიტა ხელშეკრულებები - დაუსრულებელია გოგებაშვილისა და ბარათაშვილის ქუჩებზე გზის მოწყობის სამუშაოები, სოფელ ურავში მავნე ნარჩენების საკონსერვაციო სამუშაოები და 18 ტურისტული ობიექტის მოწყობა.

სამსახურს სათანადოდ არ შეუფასებია რამდენად კანონიერად, მიზნობრივად და ეფექტიანად გამოიყენება დაფინანსება, დანერგილია თუ არა ადეკვატური მართვისა და კონტროლის მექანიზმები და სხვ. მერიის შიდა აუდიტის სამსახურის საქმიანობა სათანადოდ ვერ უზრუნველყოფს მერიის ფინანსების მართვის გაუმჯობესებას, მატერიალური ფასეულობების ხარჯვისა და გამოყენების კანონიერების, მიზნობრიობის დაცვასა და ეფექტიანობის გაზრდის ხელშეწყობას. პასუხისმგებელ პირებს ევალებოდათ შიდა აუდიტის სამსახურის რეკომენდაციების დროული შესრულების უზრუნველყოფა, მათი მხრიდან სათანადო რეაგირება არ მომხდარა.

სამინისტროს 2017 წლის ანგარიშგებაში არ განხორციელებულა სასამართლო დავებთან დაკავშირებული თანხების სრულად ასახვა (პირობითი მოთხოვნები, ვალდებულებებთან დაკავშირებული ანარიცხები), რაც ვერ უზრუნველყოფს ანგარიშგების სამართლიან წარდგენას.

საქართველოს მთავრობის დადგენილებით დამტკიცებული ტექნიკური რეგლამენტის მიხედვით, სამშენებლო სამუშაოების გამარტივებული შესყიდვის დროს, შესრულებული სამუშაოების ღირებულება განისაზღვრება ფაქტობრივი დანახარჯების მიხედვით. აღნიშნულ შემთხვევაში შესრულებული სამუშაოების აქტს თან უნდა ახლდეს მასალათა შესყიდვის დოკუმენტაცია, შრომის ანაზღაურებაზე დამკვეთთან შეთანხმებული ხელშეკრულებები, სატრანსპორტო გადაზიდვის ზედნადებები და ფაქტობრივი დანახარჯების ამსახველი სხვა დოკუმენტაცია. შპს „საქაერონავიგაციასა“ და შპს „დაგს“ შორის 2017 წლის 5 მაისს გაფორმდა ხელშეკრულება თბილისის საჰაერო მოძრაობის მართვის შენობის სახურავისა და ავიამეთვალყურეთა სამუშაო ოთახების სარემონტო სამუშაოების გამარტივებული წესით შესყიდვაზე. შესყიდვა განხორციელდა გადაუდებელი აუცილებლობის მოტივით და ის შეთანხმებული იყო სახელმწიფო შესყიდვების სააგენტოსთან . წარმოდგენილი აქტის მიხედვით, შპს „დაგის“ მიერ შესრულებულმა სამუშაოებმა 188,559 ლარი შეადგინა. სამუშაოების შემსრულებელს არ წარმოუდგენია ფაქტობრივად გაწეული დანახარჯების დამადასტურებელი დოკუმენტები. აქედან გამომდინარე, დარღვეულია საქართველოს მთავრობის დადგენილების მოთხოვნები. შესაბამისად, ჩვენ ვერ დავრწმუნდით, რამდენად შეესაბამება შპს „საქაერონავიგაციის“ მიერ გადახდილი თანხა ფაქტობრივად შესრულებული სამუშაოების ღირებულებას. ზემოაღნიშნული ნაკლოვანება ზრდის კომპანიის ფულადი სახსრების არარაციონალური ხარჯვის რისკს.

2017 წლის ივლისში მუნიციპალიტეტმა შეისყიდა 18 ინფრასტრუქტურული ობიექტის მოწყობა, თანხით 254.5 ათასი ლარი. ობიექტები განლაგებული იყო ერთმანეთისგან მოშორებით, 13 სხვადასხვა სოფელში. მუნიციპალიტეტმა ტენდერის გამოცხადებისას არ გაითვალისწინა სარეაბილიტაციო ობიექტების განლაგება, რაოდენობა და სირთულე, ასევე სამუშაოების ერთდროულად შესასრულებლად საჭირო ტექნიკური და ადამიანური რესურსი და შესყიდვა გამოაცხადა ერთი ტენდერის ფარგლებში. შედეგად, ტენდერში მონაწილეობა მიიღო მხოლოდ ერთმა პრეტენდენტმა - შპს „აბსოლუტპლუსმა“ და გაიმარჯვა იმ ფასად, რა ღირებულებითაც მუნიციპალიტეტმა გამოაცხადა ტენდერი. შპს „აბსოლუტპლუსმა“ სათანადოდ არ შეასრულა ხელშეკრულებით განსაზღვრული სამუშაოები,სისტემატურად არღვევდა გეგმა-გრაფიკს, ხოლო ორ ობიექტზე საერთოდ არ განუხორციელებია სამუშაოები.აუდიტის ჯგუფმა მუნიციპალიტეტის წარმომადგენლებთან ერთად, დაათვალიერა მიმწოდებლის მიერ შესრულებული სამუშაოები და გამოვლინდა, რომ ფანჩატურებზე ჩამოცვენილია საღებავი, რამდენიმე ადგილას დაზიანებულია ფილები.

მუნიციპალიტეტი ვალდებული იყო გაეტარებინა საკმარისი და შესაფერისი ღონისძიებები აუდიტის ანგარიშებში დაფიქსირებული ხარვეზების გამოსწორებისათვის და შედეგების მისაღებად, რაც სისრულის თვალსაზრისით, არ განხორციელებულა.

სამინისტროს 2017 წლის ანგარიშგებაში, წინა წლის მსგავსად, არ განხორციელებულა სასამართლო დავებთან დაკავშირებული თანხების სრულად ასახვა (პირობითი მოთხოვნები, ვალდებულებებთან დაკავშირებული ანარიცხები), რაც ვერ უზრუნველყოფს ანგარიშგების სამართლიან წარდგენას. ზემოაღნიშნული განპირობებულია იურიდიული დეპარტამენტის მიერ საფინანსო სამსახურისთვის დოკუმენტაციის წარუდგენლობით, რაც, თავის მხრივ, შიდა კონტროლის სისუსტის მაჩვენებელია.

საქართველოს საგადასახადო კოდექსის მიხედვით დაქირავებულისათვის გადახდილი სამივლინებო ხარჯები განისაზღვრება საქართველოს ფინანსთა მინისტრის ბრძანების შესაბამისად. ბრძანების მიხედვით, სამივლინებო ხარჯები შედგება სადღეღამისო, ბინის დაქირავებისა და მგზავრობის ხარჯებისგან. საქაერონავიგაციის ბიზნესგეგმის შედგენისა და შესრულების ანგარიშგების სახელმძღვანელოში განსაზღვრული ხარჯების ეკონომიკური კლასიფიკაციის მიხედვით, მივლინება მოიცავს სადღეღამისო, სასტუმროს, მგზავრობის და მივლინებაში გაწეულ წარმომადგენლობით ხარჯებს, რაც არ შეესაბამება ფინანსთა მინისტრის ბრძანებით განსაზღვრული სამივლინებო ხარჯების კატეგორიებს. აღნიშნული კლასიფიკაციიდან გამომდინარე, ბიზნესგეგმაში ხელოვნურად იზრდება მივლინების ხარჯების და შესაბამისად, მცირდება წარმომამდგენლობითი ხარჯების მუხლები. ნაკლოვანებამ შესაძლოა უარყოფითად იმოქმედოს მმართველობითი ორგანოების გადაწყვეტილებებზე, როგორც დაგეგმვის, ასევე ანგარიშგების ეტაპზე. აღსანიშნავია, რომ კომპანიის მიერ მივლინებაში გაწეული წარმომადგენლობითი ხარჯები ფინანსურ ანგარიშგებაში ასახულია სწორად და არ არის მიკუთვნებული მივლინების ხარჯებს.

მუნიციპალიტეტმა 2017 წლის 29 ივნისს გამოაცხადა ტენდერი სოფელ ურავში ყოფილი სამთო-ქიმიური ქარხნის ტერიტორიაზე არსებული მავნე ნარჩენების საკონსერვაციო სამუშაოების შესყიდვის მიზნით.ტენდერში გაიმარჯვა შპს „ორნამენტმა“, ღირებულებით 749.8 ათასი ლარი.მიმწოდებელმა მიწოდების ვადის დასრულებამდე 4 დღით ადრე, 2017 წლის 3-7 ნოემბერს ამბროლაურის მუნიციპალიტეტს მისწერა წერილები, სადაც დააფიქსირა სამუშაოების შესრულებისათვის ხელისშემშლელი გარემოებები.მიმწოდებელი ითხოვდა პროექტის კორექტირებას და შესრულების ვადის გაზრდას. 2017 წლის 8 ნოემბრის შეთანხმებით, სამუშაოების მიწოდების ვადა გადაიწია 6 დეკემბრამდე. დოკუმენტების შესწავლით გამოვლინდა, მიმწოდებლის მიერ დაფიქსირებული ხელისშემშლელი გარემოებები არ იყო შესრულების ვადების ცვლილებისთვის საკმარისი საფუძველი, რადგან მიმწოდებელი სამუშაოებს არ ასრულებდა გეგმა-გრაფიკით და აღნიშნული პრობლემები ვადის ამოწურვამდე მხოლოდ 4 დღით ადრე დააფიქსირა. ვადის გადაწევაზე უარის თქმის შემთხვევაში, მუნიციპალიტეტი ხელშეკრულების პირობების მიხედვით მიმწოდებელს დაარიცხავდა პირგასამტეხლოს 34.7 ათასი ლარის ოდენობით.

მუნიციპალიტეტმა 2017-2018 წლებში ვერ უზრუნველყო ბიუჯეტით დაგეგმილი პროექტების დროულად განხორციელება. აღნიშნული მიუთითებს მუნიციპალიტეტის მფლობელობაში არსებული ფინანსური რესურსების არაეფექტიან მართვაზე. შედეგად, მოსახლეობა ვერ სარგებლობს იმ პროდუქტებით, რაც შესაძლოა მიწოდებულ იქნეს ბიუჯეტში მობილიზებული სახსრების დროული და ეფექტიანი გამოყენებით.

პრობაციის ეროვნული სააგენტოს ანგარიშგების განმარტებით შენიშვნებში (შესაბამისად, სამინისტროს კონსოლიდირებული ანგარიშგების განმარტებით შენიშვნებშიც) არ არის ასახული კონტროლირებული ერთეულის, შპს „პერსპექტივა“-ს შესახებ ინფორმაცია, რაც არ შეესაბამება სააღრიცხვო ინსტრუქციით გათვალისწინებულ მოთხოვნას.

ბუღალტრული აღრიცხვის საერთაშორისო სტანდარტის მიხედვით არაფულადი მუხლები, რომლებიც შეფასებულია უცხოური ვალუტით, არ ექვემდებარება გადაფასებას. საზღვარგარეთ მივლინების შემთხვევაში თანამშრომლებზე სადღეღამისო და სასტუმრო ნორმების გაცემა ხდება ავანსად ეროვნულ ვალუტაში, თანხის გაცემის დღის შესაბამისი ოფიციალური გაცვლითი კურსით. მივლინება ხარჯად აღიარდება მივლინების დახურვის დღის თარიღით. მივლინების ხარჯად აღიარების დროს გაიანგარიშება სხვაობა, თანხის ავანსად გაცემის დღის კურსსა და მივლინების დახურვის დღის კურსს შორის. შედეგად, ვალუტის კურსის გაზრდის შემთხვევაში, სხვაობა ანაზღაურდება კომპანიის მიერ, ხოლო შემცირების შემთხვევაში თანამშრომელი აბრუნებს შესაბამის სხვაობას. მივლინებების პროცესში დანერგილმა ზემოაღნიშნულმა პრაქტიკამ შესაძლოა უარყოფითი გავლენა იქონიოს კომპანიის ფინანსურ შედეგებზე.

შპს ორნამენტმა ორივე ეტაპზე განსაზღვრული სამუშაოები შეასრულა მიწოდების ვადების დარღვევით, რისთვისაც მუნიციპალიტეტმა მიმწოდებელს დაარიცხა საჯარიმო სანქცია, თანხით 219.1 ათასი ლარი. მიმწოდებელი პერიოდულად წარმოადგენდა შუალედურ აქტებს შესრულებულ სამუშაოებთან დაკავშირებით. ხელშეკრულებით გათვალისწინებული სამუშაოების შესრულების ვადის გასვლის შემდეგ, მიმწოდებელს წარმოდგენილი აქვს პირველი ეტაპის სამუშაოებზე 2 შუალედური აქტი, ხოლო მეორე ეტაპის სამუშაოებზე ერთი შუალედური აქტი.მიმწოდებელთან გაფორმებული ხელშეკრულება არ ითვალისწინებდა შესრულებული სამუშაოს ღირებულებიდან საჯარიმო სანქციის დაკავებას და გადარიცხვას ხაზინის ანგარიშზე, თუმცა მუნიციპალიტეტს შეეძლო მიემართა მიმწოდებლისათვის და არ გადაეხადა შესრულებული სამუშაოს ღირებულება მანამ, სანამ მიმწოდებელი არ დაფარავდა მუნიციპალიტეტის წინაშე არსებულ ვალდებულებას. მუნიციპალიტეტმა საჯარიმო სანქციის ამოღების მიზნით მიმართა სასამართლოს. იქიდან გამომდინარე, რომ მუნიციპალიტეტმა ვადის უსაფუძვლო გადაწევის გამო მიმწოდებელს არ დაარიცხა 34.6 ათასი ლარის პირგასამტეხლო, დავა მიმდინარეობს 219.1 ათასი ლარის საჯარიმო სანქციის მიღებაზე, ნაცვლად 253.7 ათასი ლარისა.

2017-2018 წლებში მუნიციპალიტეტის ბალანსზე ნაშთად ირიცხებოდა აუთვისებელი თანხები 334.8 ათასი ლარის ოდენობით, რომელიც 2010-2014 წლებში სხვადასხვა დანიშნულებით გამოყოფილია საქართველოს მთავრობის მიერ. მუნიციპალიტეტმა ორივე წლისათვის დაგეგმა აღნიშნული თანხების ხარჯვა, თუმცა ნაშთი არ შემცირებულა. მუნიციპალიტეტმა ასევე ვერ შეძლო 2016 წელს „სოფლის მხარდაჭერის პროგრამის“ ფარგლებში გამოყოფილი თანხების დროული ათვისება და 2018 წლის პირველი იანვრისათვის ნაშთად ერიცხებოდა 50.7 ათასი ლარი. გარდა ამისა, მუნიციპალიტეტს ანგარიშზე ჰქონდა არსებითი მოცულობის თავისუფალი თანხები.

პრობაციის ეროვნული სააგენტოს ანგარიშგების განმარტებით შენიშვნებში (შესაბამისად, სამინისტროს კონსოლიდირებული ანგარიშგების განმარტებით შენიშვნებშიც) არ არის ასახული კონტროლირებული ერთეულის, შპს „პერსპექტივა“-ს შესახებ ინფორმაცია, რაც არ შეესაბამება სააღრიცხვო ინსტრუქციით გათვალისწინებულ მოთხოვნას.

კომპანიას არ აქვს შემუშავებული მივლინებებთან დაკავშირებული პოლიტიკა, არ არის განსაზღვრული სხვადასხვა ტიპის სამივლინებო ხარჯის ზღვრული ოდენობა, მათი ანაზღაურების პრინციპი და მივლინებასთან დაკავშირებული სხვა არსებითი საკითხები. კომპანიაში არ დოკუმენტირდება, განიხილება თუ არა სხვადასხვა ალტერნატივა ავიაბილეთების შეძენისას და რა კრიტერიუმებით ხდება ოპტიმალური ვარიანტის შერჩევა. შესაბამისად, არსებობს არაეკონომიური გადაწყვეტილების მიღების რისკი. რიგ შემთხვევებში, კომპანიის მენეჯმენტი ქვეყნის გარეთ მივლინებებისას სარგებლობს ბიზნესკლასის ავიაბილეთებით და ტაქსის მომსახურებით, რომელთა ხარჯებიც ანაზღაურებულია კომპანიის მიერ. შესაბამისი დასაბუთების არარსებობის გამო, არ დასტურდება რამდენად არის დაცული ეკონომიურობის და რაციონალურობის პრინციპები ზემოხსენებული ხარჯების გაწევისას. აღნიშნული ნაკლოვანებები ზრდის ფულადი სახსრების არარაციონალური ხარჯვის რისკს და მიუთითებს მივლინებებთან დაკავშირებული პოლიტიკის შემუშავებისა და დანერგვის საჭიროებაზე.

2018 წლის მაისში მუნიციპალიტეტმა შპს მიმდემთან გააფორმა ორი ხელშეკრულება, საერთო ღირებულებით 691.8 ათასი ლარი. ხელშეკრულების მიხედვით, მიმწოდებელს 2018 წლის 14 აგვისტომდე უნდა დაესრულებინა ქალაქ ამბროლაურში 6 ქუჩის გზის საფარისა და კანალიზაციის მოწყობის სამუშაოები. წარმოდგენილი დოკუმენტების მიხედვით, მიმწოდებელმა ხელშეკრულებით გათვალისწინებულ ვადაში დაასრულა მხოლოდ ერთი ქუჩა,ვადების დარღვევით დაასრულა სამი ქუჩა, ხოლო ორ ქუჩაზე სამუშაოები შეასრულა ნაწილობრივ. ორივე ქუჩაზე შესასრულებელი დარჩა 58.7 ათასი ლარის ღირებულების სამუშაოები.

2017-2018 წლებში ინფრასტრუქტურული პროექტების განხორციელებისათვის გაფორმებული 74 ხელშეკრულებიდან, ობიექტების მიწოდების ვადები გაზრდილია 30 ხელშეკრულებისათვის, რომელთა ჯამური ღირებულება 7,341.7 ათას ლარს შეადგენს (ხელშეკრულებების ჯამური ღირებულების 65%). მიწოდების დროის მინიმალური ზრდა – 24, ხოლო მაქსიმალური ზრდა − 649 დღეა, მათ შორის, 5 ხელშეკრულებისათვის ვადა გაზრდილია ერთ წელზე მეტი პერიოდით. აღსანიშნავია, რომ 30 შემთხვევიდან, 16 ხელშეკრულების ფარგლებში მიმწოდებლებმა ვერც გაზრდილ ვადებში შეძლეს სამუშაოების დასრულება. მუნიციპალიტეტი სათანადოდ არ აკონტროლებდა ხელშეკრულებით განსაზღვრული პირობების დაცულობას და არ ატარებდა საკმარის ღონისძიებებს სამუშაოების დროულად დასასრულებლად. მიწოდების ვადები, ძირითად შემთხვევებში, გაზრდილია დაუსაბუთებლად, სათანადო არგუმენტაციის წარმოდგენის გარეშე. მუნიციპალიტეტს სუბიექტური ფაქტორების გამო არ უნდა გაეზარდა სამუშაოების მიწოდების ვადა და მიმწოდებლებზე გაევრცელებინა ხელშეკრულებით განსაზღვრული საჯარიმო სანქციები.

სამინისტროს აპარატის 2017 წლის ბიუჯეტით დამტკიცებული საშტატო რიცხოვნობა შეადგენდა 4587 ერთეულს , ფაქტობრივი საშტატო რიცხოვნობა კი - 3762 ერთეულს. წლის განმავლობაში თავისუფალი საშტატო ერთეულების (825 ერთეული) ხარჯზე წარმოქმნილი ეკონომიის ათვისება ხდებოდა პრემია-დანამატების გაცემით. „დანამატის“ მუხლით წლის განმავლობაში გაცემულია 6,109.03 ათასი ლარი. მაქსიმალური ოდენობის დანამატი შეადგენდა 6,250 ლარს. რამდენიმე შემთხვევაში აღნიშნული ოდენობის დანამატი ყოველთვიურად გაიცემოდა . თანამდებობრივ სარგოზე ორმაგი და მეტი ოდენობის დანამატი გაცემულია 175 შემთხვევაში. დანამატების გაცემა სამინისტროს მხრიდან დასაბუთებულია ზეგანაკვეთური ან/და განსაკუთრებულად საპასუხისმგებლო სამუშაოს შესრულებით. აღსანიშნავია, რომ სამინისტროს მიერ არ ხდებოდა კანონმდებლობით გათვალისწინებული მოთხოვნების დარღვევა, თუმცა, სახეზე იყო დანამატის თანამდებობრივ სარგოსთან თანაფარდობის მაღალი მაჩვენებელი. შედეგად, ფიქსირებული ოდენობის დანამატის ყოველთვიური დანიშვნა, თავისი შინაარსიდან გამომდინარე, უფრო თანამდებობრივი სარგოს ხასიათს ატარებდა, ვიდრე დანამატის.

აჭარის ავტონომიური რესპუბლიკის სოფლის მეურნეობის სამინისტროს კონსოლიდირებულ ფინანსურ ანგარიშგებაში არაფინანსური აქტივები 154,311 ლარით, უზუსტოდ არის წარმოდგენილი

საქართველოს მთავრობის განკარგულებით , შპს „საქაერონავიგაციის“ სამეთვალყურეო საბჭო განისაზღვრა ოთხი მინისტრის მოადგილით. სამეთვალყურეო საბჭოში შეყვანილია შინაგან საქმეთა, თავდაცვის, ფინანსთა და ეკონომიკისა და მდგრადი განვითარების მინისტრების მოადგილეები. წესდების მიხედვით , სამეთვალყურეო საბჭო კონტროლს უწევს დირექტორატის საქმიანობას, იხილავს კომპანიის ბიზნესგეგმის პროექტს და დამტკიცების შემდეგ ყოველკვარტალურად ისმენს ინფორმაციას მისი შესრულების მიმდინარეობის შესახებ. ასევე, წესდებით საბჭოს აქვს კვარტალში მინიმუმ ერთხელ შეკრების ვალდებულება. კომპანიის ბიზნესგეგმის შედგენისა და შესრულების ანგარიშგების სახელმძღვანელოს შესაბამისად, კომპანიის სამეთვალყურეო საბჭოსთან შეთანხმებული ბიზნესგეგმის პროექტი წარედგინება პარტნიორს დასამტკიცებლად. მიუხედავად ყოველკვარტალური შეკრების ვალდებულებისა, 2017 წელს სამეთვალყურეო საბჭო შეიკრიბა მხოლოდ ერთხელ, 2017 წლის თებერვალში. მეწარმეთა და არასამეწარმეო (არაკომერციული) იურიდიული პირების რეესტრიდან ამონაწერის თანახმად, 2017 წელს სამეთვალყურეო საბჭოს წევრებად კვლავ იყვნენ რეგისტრირებულნი რამდენიმე მინისტრის ყოფილი მოადგილეები. აღნიშნულის შესახებ კომპანიამ 2017 წლის 28 ივნისს და 8 დეკემბერს მიმართა სსიპ - სახელმწიფო ქონების ეროვნულ სააგენტოს. სააგენტოს მიერ შესაბამისი ცვლილებები განხორციელდა 6 თვის დაგვიანებით - 2017 წლის 21 დეკემბერს. კომპანიის ბიზნესგეგმის პროექტის განხილვის მიზნით, სამეთვალყურეო საბჭო შეიკრიბა 2017 წლის 22 თებერვალს. აღნიშნული თარიღის შემდეგ საბჭო აღარ შეკრებილა, შესაბამისად არ განხორციელებულა კონტროლი ბიზნესგეგმის შესრულების მიმდინარეობაზე.

შპს მიმდემს ორივე ხელშეკრულების ფარგლებში წარმოდგენილი ჰქონდა ხელშეკრულების შესრულების გარანტია 34.6 ათასი ლარი.გარანტიის მოქმედების ვადა, ხელშეკრულების მიხედვით განსაზღვრული იყო 2018 წლის 15 სექტემბერი და 20 ოქტომბერი. კანონმდებლობის შესაბამისად, მუნიციპალიტეტი უფლებამოსილია გარანტიის მოქმედების ვადა განსაზღვროს ხელშეკრულებით, თუმცა მიზანშეწონილია ხელშეკრულების შესრულების უზრუნველყოფის გარანტიის მოქმედების ვადა აღემატებოდეს ხელშეკრულების მოქმედების ვადას. აღნიშნული მექანიზმი მუნიციპალიტეტს საშუალებას მისცემს ხელშეკრულების მოქმედების ვადაში სამუშაოების არაჯეროვანი შესრულებისათვის დააკავოს გარანტიის თანხები. შპს მიმდემთან გაფორმებული ხელშეკრულებების მოქმედების ვადა იწურებოდა 2018 წლის 31 დეკემბერს, შესაბამისად, მუნიციპალიტეტმა არასათანადოდ განსაზღვრა ხელშეკრულების უზრუნველყოფის გარანტიის მოქმედების ვადა. გარდა ამისა, მიმწოდებელი ვერ ახერხებდა ხელშეკრულებით განსაზღვრულ დროში სამუშაოების დასრულებას, მიუხედავად ამისა, გარანტიის მოქმედების ვადის გაგრძელების მოთხოვნით მიმწოდებელს მიმართა 2018 წლის 17 და 18 დეკემბერს (გარანტიის მოქმედების ვადის ამოწურვიდან 2-3 თვის დაგვიანებით). იქიდან გამომდინარე, რომ მუნიციპალიტეტმა არასათანადოდ განსაზღვრა გარანტიის მოქმედების ვადები, ასევე დაგვიანებით მოითხოვა გარანტიის ვადის გადაწევა, დაკარგა 34.6 ათასი ლარის მიღების შესაძლებლობა.

სამშენებლო სამუშაოების მიწოდების ვადების დაუსაბუთებელი, არაობიექტური ზრდა და საჯარიმო სანქციის გაუვრცელებლობა წარმოშობს რისკს, რომ მიმწოდებლები გარანტირებულად მიიჩნევდნენ მოსალოდნელ სახელშეკრულებო ცვლილებებს, რაც მათ უპირატეს მდგომარეობაში აყენებდა სხვა პრეტენდენტებთან შედარებით. ეს რისკი დადასტურდა ფაქტობრივი გარემოებით, კერძოდ: სოფელ ვიჩნაშისა და სოფელ დავბერის, ასევე სოფელ ადიშისა და სოფელ ბოგრეშის ხიდების რეკონსტრუქციის სამუშაოების შესყიდვის მიზნით, მუნიციპალიტეტმა 2017 წლის 20 სექტემბერს ხელშეკრულებები გააფორმა შპს „კოშკთან“, ჯამური ღირებულებით − 237.6 ათასი ლარი. სამუშაოები უნდა დასრულებულიყო 20 ნოემბერს. 2017 წლის 29 სექტემბერს, ხელშეკრულების გაფორმებიდან 9 დღის შემდეგ, შპს „კოშკმა“ ქვეკონტრაქტორად აიყვანა შპს „სუბარ კომპანი“. შეთანხმების შესაბამისად, სამუშაოების დასრულების ვადად განისაზღვრა 2018 წლის 30 ივლისი. აღნიშნული პერიოდი 313 დღით აღემატება შპს „კოშკისათვის“ ხელშეკრულებით დადგენილ ვადას. სავარაუდოდ, შპს „კოშკს“ მუნიციპალიტეტისაგან ჰქონდა მიწოდების ვადის გაზრდის გარანტია, რაც დადასტურდა კიდეც.

„ინვენტარიზაციის ჩატარების შესახებ“ თავდაცვის მინისტრის ბრძანების თანახმად, ინვენტარიზაციის შედეგები უნდა ასახულიყო 2017 წლის წლიურ ანგარიშგებაში, რაც სამინისტროს მიერ არ განხორციელებულა. 2017 წელს ჩატარებული ინვენტარიზაციის შედეგად, სხვა ხარვეზებთან ერთად გამოვლენილია მატერიალური ფასეულობების ჩამოწერასთან დაკავშირებული პრობლემები, რომლებიც გასული წლებიდან მომდინარეობს. არაფინანსური აქტივების დიდი მოცულობა აღრიცხულია მხოლოდ რაოდენობრივად და შესაბამისად, ფინანსურ ანგარიშგებაში არ არის ასახული: • ღირებულების გარეშეა წარმოდგენილი მიწის რესურსის დიდი ნაწილი ; • სამინისტრო ფლობს გამოუყენებელ აქტივებს, რომელთა ღირებულებაც ნულის ტოლია ან ღირებულების გარეშეა წარმოდგენილი; • აქტივების მნიშვნელოვანი ნაწილი (სამხედრო ტექნიკა, ტყვია-წამალი) მხოლოდ რაოდენობრივად არის აღრიცხული; • გამოვლენილია როგორც ჩამოსაწერი ქონება, ასევე დანაკლისი, რომლის მნიშვნელოვანი ნაწილი ღირებულების გარეშეა წარმოდგენილი. შესაბამისად, სამინისტროს აქტივების არსებობის, სისრულის, შეფასების და უფლება-მოვალეობების მტკიცებებთან დაკავშირებით, რწმუნება ვერ მივიღეთ.

კლასიფიკაციის მიხედვით, დანამატის კატეგორია მოიცავს არასამუშაო საათებში, ღამის ცვლაში, სადღესასწაულო და დასვენების დღეებში მუშაობისათვის განკუთვნილ დამატებით საზღაურს და კანონმდებლობით გათვალისწინებულ ნებისმიერ სხვა დანამატს, მათ შორის, დანამატს განსაკუთრებით საპასუხისმგებლო ფუნქციური დატვირთვისათვის. დანამატების გაცემის არსებული პრაქტიკა ვერ უზრუნველყოფდა შრომის ანაზღაურების სათანადო გამჭვირვალობას, ვინაიდან ბრძანებები ზოგადია და არ არის სათანადოდ დასაბუთებული

2017 წელს მუნიციპალიტეტის მერიამ შეისყიდა შპს ხუროსგან ქალაქ ამბროლაურში დახურული სპორტული კომპლექსის სარეაბილიტაციო სამუშაოები, ღირებულებით 399.1 ათასი ლარი.სამუშაოების დათვალიერებით გამოვლინდა, რომ დაზიანებულია შენობის გარკვეული მონაკვეთები.ხელშეკრულების პირობის მიხედვით, სპორტკომპლექსის საგარანტიო ვადა განისაზღვრა 3 წლით, მიუხედავად ამისა, ობიექტზე ფიქსირდება ხარვეზები, რომელიც გამოსწორებული არ არის.

2017-2018 წლებში მუნიციპალიტეტის მიერ განხორციელებული 74 სამშენებლო სამუშაოდან, 31 ხელშეკრულებისათვის მიმწოდებლებმა ვერ შეძლეს სამუშაოების განსაზღვრულ ვადებში დასრულება. ხელშეკრულების პირობების შესაბამისად, მუნიციპალიტეტი ვალდებული იყო სამუშაოების დაგვიანებისათვის გამოეყენებინა საჯარიმო სანქციები. 31-დან 15 ხელშეკრულებისათვის ვადების დარღვევის მიუხედავად, მუნიციპალიტეტს საჯარიმო სანქცია არ გამოუყენებია. სამუშაოების ვადაგადაცილება 59 დღემდე მერყეობს და მიმწოდებლებზე დაურიცხავი პირგასამტეხლოს ჯამური თანხა 23.0 ათას ლარს შეადგენს.

სამინისტროს ბალანსზე რიცხული ყოფილი სამხედრო დანიშნულების ობიექტების (შენობა-ნაგებობების) გარკვეული ნაწილი წლების განმავლობაში გასხვისებულია სხვადასხვა კერძო და სახელმწიფო ორგანიზაციებზე, ასევე საბინაო ფონდის საცხოვრებელი სახლების 95% პრივატიზებულია, გადაცემულია სამხედრო მოსამსახურეებზე, თუმცა უცვლელად ირიცხება ბალანსზე . შესაბამისად, უძრავი ქონების მნიშვნელოვანი ნაწილი არ აკმაყოფილებს აქტივად აღიარების კრიტერიუმს. შედეგად, სამინისტროს ბალანსზე არაფინანსური აქტივების საწყისი და საბოლოო ნაშთები, არსებითად რეალობას არ შეესაბამება და შეუძლებელია განისაზღვროს უზუსტობის გავლენა ფინანსურ ანგარიშგებაზე;

„სოფლის მეურნეობის განვითარება მაღალეფექტური ტექნოლოგიების დანერგვის გზით“ პროგრამაში აუთვისებელი დარჩა 893,948 ლარი, რომელიც განპირობებულია ქვეპროგრამების ფარგლებში განხორციელებული სახელმწიფო შესყიდვების შედეგად დარჩენილი ეკონომიით, მაგალითად: ბაღის მობილური შემასხურებელი (შესაწამლი) აპარატის შესაძენად გამოცხადებული ელექტრონული ტენდერის თანახმად, შესყიდვის სავარაუდო ღირებულება განსაზღვრული იყო 1,282,480 ლარით, ხოლო ელექტრონული ვაჭრობის შედეგად, სადაც მონაწილეობდა 20 პრეტენდენტი, ხელშეკრულების ღირებულება განისაზღვრა 629,983 ლარით. აღნიშნული შესყიდვის შედეგად, 652,497 ლარით ღირებულების შემცირება განპირობებულია შესყიდვების არასათანადო დაგეგმვით და ბაზრის კვლევის პროცესში არსებული ხარვეზებით, რომელიც თავის მხრივ, წარმოშობს შესყიდვების არაეკონომიურად განხორციელების რისკებს

2017 წელს მუნიციპალიტეტმა შეისყიდა სოფელ ჭელიაღელე-თლუღის ცემენტბეტონის საფარიანი გზის მოწყობის სამუშაოები და რომ რუსთაველის ქუჩის №2 ჩიხში გზის მოწყობის სამუშაოები. შესრულებული სამუშაოების დათვალიერებით გამოვლინდა, რომ რუსთაველის ქუჩის №2 ჩიხში გზის მოწყობის სამუშაოები, ღირებულებით 7.9 ათასი ლარი, დაზიანებულია, კერძოდ, ბეტონის საფარი გარკვეულ ადგილებში დაბზარულია. სოფელ ჭელიაღელე-თლუღის დამაკავშირებელ გზაზე კი აღინიშნება განივი და გრძივი ბზარები.

ვადების დარღვევით შესრულებულ სამუშაოებზე, მუნიციპალიტეტის შესაბამის სამსახურებს საჯარიმო სანქცია გაანგარიშებული აქვთ მხოლოდ 16 ხელშეკრულებისათვის, 29.3 ათასი ლარის ოდენობით. მათ შორის, ორი ხელშეკრულების ფარგლებში საჯარიმო თანხები დარიცხულია 12.2 ათასი ლარით ნაკლები ოდენობით. გარდა ამისა, მუნიციპალიტეტი არ ატარებდა საკმარის ღონისძიებებს კუთვნილი თანხების ამოღებისათვის, ხელშეკრულების არაჯეროვანი შესრულების შემთხვევაში. კერძოდ, 2017-2018 წლებში დარიცხული 29.3 ათასი ლარის საჯარიმო სანქციებიდან, გადახდილია სულ 9.5 ათასი ლარის ჯარიმა, 4 ხელშეკრულებისათვის.

ბალანსზე ირიცხება შენობა-ნაგებობის ის ნაწილი, რომელიც დაურეგისტრირებელია როგორც სახელმწიფო ქონება . ასევე დაურეგისტრირებელია მიწის რესურსის გარკვეული ნაწილი .

ობიექტების დათალიერებით ასევე გამოვლინდა,რომ დაზიანებულია და უხარისხოდ არის მოწყობილი 5 ხელშეკრულების ფარგლებში შესრულებული ინფრასტრუქტურული პროექტები. - სოფელ ძირაგეულში ცემენტო-ბეტონის საფარიანი საავტომობილო გზის მოწყობა, ქალაქ ამბროლაურში დვლისა და ბარათაშვილის ქუჩების შემაერთებელი გზის სამოსის მოწყობა, ქ. ამბროლაურში ბრატისლავა-რაჭის N6 ის მიმდებარედ სანიაღვრე არხის გადახურვის და საგზაო სამოსის მოწყობა, სოფელ ჭრებალოში სპორტული, ცენტრის მოწყობა, სოფელ მეორე ტოლაში ბიბლიოთეკის შენობის რეაბილიტაცია

ჯარიმის გადაუხდელობის ანუ ხელშეკრულების პირობის შეუსრულებლობის გამო, მუნიციპალიტეტი ვალდებული იყო მიემართა სახელმწიფო შესყიდვების სააგენტოსათვის მიმწოდებლების შავ სიაში შესაყვანად, რაც არ გაუკეთებია. მუნიციპალიტეტს არ გაუტარებია არც სხვა სამართლებრივი ღონისძიებები საჯარიმო თანხების მისაღებად. დაფიქსირდა ისეთი შემთხვევებიც, როცა მუნიციპალიტეტმა ხელშეკრულება გააფორმა მიმწოდებელთან, რომელსაც გადაუხდელი ჰქონდა წინა ხელშეკრულებების ფარგლებში დარიცხული საჯარიმო სანქციები.

შენობა-ნაგებობები კატეგორიების მიხედვით არ არის სწორად კლასიფიცირებული. ასევე ვერ იქნა წარმოდგენილი საკმარისი მტკიცებულებები ბალანსზე რიცხული ძირითადი აქტივების საწყისი ღირებულებების შესახებ. შესაბამისად, ძირითად აქტივებზე (მათ შორის, შენობა-ნაგებობებზე) ცვეთის დარიცხვა წარმოებდა არასწორად. შედეგად, ფინანსურ ანგარიშგებაზე თანხობრივი ეფექტის დადგენა შეუძლებელია.

2017 წლის ივნისში მუნიციპალიტეტმა ხელშეკრულება გააფორმა შპს ელიტ ბილდერ გრუპთან ქალაქ ამბროლაურში ვაჟა-ფშაველას ქუჩის გამწვანების სამუშაოების შესყიდვაზე,თანხით 13.3 ათასი ლარი. მიმწოდებელს 20 კალენდარული დღის განმავლობაში უნდა დაერგო 600 ძირი კვიპაროსის ნერგი. ხელშეკრულების შესაბამისად, მიმწოდებელი ვალდებული იყო მიღება-ჩაბარების გაფორმებიდან ერთი წლის განმავლობაში გამხმარი ნერგები ჩაენაცვლებინა საკუთარი სახსრებით. ხელშეკრულების მიხედვით ხეები უნდა დარგულიყო 2017 წლის ივნისში, თუმცა მიმწოდებელმა სამუშაოები არ შეასრულა დროულად და მუნიციპალიტეტმა სამუშაოები ჩაიბარა 2018 წლის 8 იანვარს. გამწვანების ზოლის დათვალიერებით გამოვლინდა, რომ დარგული ხეების უმრავლესობა გამხმარია.

2017-2018 წლებში მუნიციპალიტეტმა საჯარიმო სანქციები გაავრცელა 16 ხელშეკრულების პირობების შეუსრულებლობისათვის. წარმოდგენილი მონაცემების მიხედვით, მიწოდების ვადების დარღვევისათვის დარიცხულმა სანქციამ მხოლოდ 29.3 ათასი ლარი შეადგინა. საჯარიმო თანხის არაადეკვატურად მცირე მოცულობა განაპირობა იმან, რომ მუნიციპალიტეტი მიწოდების ვადის დარღვევისათვის საჯარიმო სანქციას ძირითადად განსაზღვრავდა ხელშეკრულების ღირებულების 0.02%-ის ოდენობით, ყოველ ვადაგადაცილებულ დღეზე. ჯარიმების სიდიდე, დაბალი განაკვეთის გამო, სავარაუდოდ, ვერ უზრუნველყოფდა ხელშეკრულებების პირობების შეუსრულებლობის პრევენციას.

სამინისტროს ბალანსზე „აქციები და სხვა კაპიტალის“ N1520 ანგარიშზე 2013 წლიდან ირიცხება 46,668.1 ათასი ლარი. აღნიშნული ნაშთი წარმოადგენს სამინისტროს მიერ შპს „თბილავიამშენისა“ და შპს „დემეტრე-96-ის“ საწესდებო კაპიტალში განხორციელებულ შენატანებს. 2013 წლიდან სამინისტროს შეუწყდა კონტროლის უფლება ზემოთ მითითებულ კომპანიებზე. შესაბამისად, „აქციები და სხვა კაპიტალის“ N1520 ანგარიშზე რიცხული ნაშთი არ აკმაყოფილებს აქტივების განმარტებებისა და აღიარების კრიტერიუმებს. შედეგად, ფინანსური ანგარიშგების „ფორმა N1-ში“ გრძელვადიანი ფინანსური აქტივებისა და მოთხოვნების ნაშთი 46,668.1 ათასი ლარით გაზრდილი ოდენობით არის წარმოდგენილი.

2017 წელს მუნიციპალიტეტმა შეისყიდა დახურული სპორტული კომპლექსის სარეაბილიტაციო სამუშაოები, თანხით 399.1 ათასი ლარი. აუდიტის ჯგუფმა შეისწავლა შპს ხუროს მიერ წარმოდგენილი და შპს რეალექსპერტის მიერ დადასტურებული შესრულებული სამუშაოს აქტი და გამოვლინდა სხვადასხვა ხარვეზი, კერძოდ: ხარჯთაღრიცხვის ზოგიერთ თავში მასალის ტრანსპორტირების პროცენტი, ნაცვლად მასალის ღირებულებისა, დარიცხულია სამუშაოების ღირებულების მთლიან ჯამზე, ხოლო ერთი და იგივე სამუშაო მთლიან ჯამში ორჯერ არის შეყვანილი.აღნიშნული ხარვეზები არც მუნიციპალიტეტის ინსპექტირების ჯგუფს და არც მიმწოდებლის მიერ დაქირავებულ საექსპერტო კომპანიას არ დაუფიქსირებია. შედეგად, მიმწოდებელზე ზედმეტად ანაზღაურებულია 7.8 ათასი ლარი.

2017-2018 წლებში განხორციელებული 74 ინფრასტრუქტურული პროექტიდან, გეგმა-გრაფიკის წარმოდგენა გათვალისწინებული იყო მხოლოდ 27 შესყიდვის სატენდერო დოკუმენტაციით. მუნიციპალიტეტის მერიამ ვერ წარმოადგინა განმარტება, რატომ არ იყო მოთხოვნილი გეგმა-გრაფიკი სხვა ტენდერებისათვის. აღსანიშნავია, რომ სატენდერო კომისია რიგ შემთხვევებში არღვევდა თავისსავე პირობას. კერძოდ, სატენდერო დოკუმენტაციის შესაბამისად, პრეტენდენტის მიერ გეგმა-გრაფიკის წარმოუდგენლობა შემსყიდველი ორგანიზაციის მიერ განიხილებოდა, როგორც ხელშეკრულების გაფორმებაზე უარის თქმა და გამოიწვევდა დისკვალიფიკაციას. მიუხედავად ამისა, 8 ტენდერის შემთხვევაში, კომისიამ არ მოახდინა პრეტენდენტების დისკვალიფიკაცია და ხელშეკრულებები გააფორმა გეგმა-გრაფიკის წარმოდგენის გარეშე.

• სამინისტროს კონსოლიდირებულ ფინანსურ ანგარიშგებაში მოკლევადიანი არაფინანსური აქტივების „დაუმთავრებელი წარმოება/მომსახურების“ N1622 ანგარიშზე ნაშთად ერიცხება 873,164.3 ათასი ლარი. მათ შორის, სამინისტროს აპარატს - 869,218.9 ათასი, ხოლო სსიპ - „დელტას“ - 3,945.4 ათასი ლარი. სამინისტროს აპარატის ბალანსზე რიცხული თანხა უკავშირდება წლების მანძილზე რეალურად მიღებულ განუბაჟებელ საქონელს (ძირითადად, 2007-2008 წლებში უცხოურ ვალუტაში არარეზიდენტი მიმწოდებლებისაგან შეძენილი), რომელიც სამხედრო და სპეციალური ტვირთების განუბაჟებლობის მოტივით აღირიცხებოდა მოთხოვნებში. რეკლასიფიკაციის შედეგად კი განხორციელდა მათი ასახვა „დაუმთავრებელი წარმოება/მომსახურების“ ანგარიშზე, ნაცვლად „სხვა დანარჩენი მატერიალური მარაგების“ N1627 ანგარიშისა. იმის გათვალისწინებით, რომ სამინისტრო არ აწარმოებს რაიმე სახის პროდუქციას, კონსოლიდირებულ და სამინისტროს აპარატის ფინანსურ ანგარიშგებაშიც „დაუმთავრებელი წარმოება/მომსახურების“ ანგარიში წარმოდგენილია 869,218.9 ათასი ლარით გაზრდილი ოდენობით. აღნიშნულის კორექტირება სამინისტრომ განახორციელა აუდიტის ძირითადი შესწავლის ეტაპის დასრულების შემდგომ.

2017 წლის აგვისტოში, ამბროლაურის მუნიციპალიტეტმა ტენდერის გზით,ხელშეკრულება გააფორმა შპს ექსპერტიზა, მშენებლობა, დიზაინთან. ხელშეკრულების მიხედვით, 2017-2019 წლებში კომპანია ზედამხედველობას გაუწევდა მუნიციპალიტეტში განხორციელებულ 50.0 ათას ლარზე მეტი ღირებულების პროექტებს. დოკუმენტების შესწავლით ირკვევა, რომ ამბროლაურის მუნიციპალიტეტმა 4 შემთხვევაში გამოავლინა საზედამხედველო კომპანიის მიერ ხელშეკრულებით განსაზღვრული ვალდებულებების არაჯეროვანი შესრულება. აღნიშნული გარემოებებიდან გამომდინარე, მუნიციპალიტეტმა 4 შემთხვევაში დააჯარიმა საზედამხედველო კომპანია, თანხით 4.6 ათასი ლარი. ტექნიკური ზედამხედველის მიერ განხორციელებულ საქმიანობაში გამოვლინდა სისტემური ხასიათის ხარვეზები. მიუხედავად ამისა, მუნიციპალიტეტს არ უმსჯელია იმის შესახებ, იყო თუ არა მის მიერ გამოვლენილი არაჯეროვანი შესრულების ფაქტები საკმარისი ხელშეკრულების შეწყვეტის ან/და საბანკო გარანტიის მოთხოვნისათვის.

მუნიციპალიტეტმა 9 ხელშეკრულებისათვის მიწოდების ვადები გაზარდა ისე, რომ გეგმა-გრაფიკების პარამეტრები არ შეუცვლია, შედეგად, დასარიცხი საჯარიმო თანხების მოცულობის დადგენა შეუძლებელია, რადგან ვერ შედარდა სამუშაოების დაგეგმილი და ფაქტობრივი შესრულების ყველა პერიოდი.

• 2017 წელს სამინისტროს აპარატს სხვა ქვეყნის მთავრობებიდან, საბიუჯეტო ორგანიზაციებიდან და მის მმართველობის სფეროში შემავალი სსიპ-ებიდან მიღებული აქვს 10,466.5 ათასი ლარის სხვადასხვა დასახელების აქტივი, რაც ექვემდებარება ანგარიშგებაში გრანტის ფორმით ასახვას, ნაცვლად ანგარიშგებაში დაფიქსირებული 1,126.6 ათასი ლარისა. ასევე 660.6 ათასი ლარის სხვადახვა დასახელების აქტივები , ექვემდებარება ნებაყოფლობითი ტრანსფერების ფორმით მიღებას, ნაცვლად ანგარიშგებაში დაფიქსირებული 10,000.5 ათასი ლარისა. შესაბამისად, შემოსავლებში „გრანტების“ მუხლი შემცირებულია 9,339.9 ათასი ლარით, ხოლო „სხვა შემოსავლების“ მუხლი გაზრდილია იმავე ოდენობით.

2017-2018 წლებში ამბროლაურის მუნიციპალიტეტში ფუნქციონირებდაშპს ახალი ტრანსპორტი და შპს ამბროლაურის სერვისცენტრი.საიჯარო ხელშეკრულებების შესწავლით ირკვევა, რომ შპს ამბროლაურის სერვისცენტრს არ აქვს მიღებული საიჯარო ქირები 2017 წელს 23.5 ათასი ლარი,2018 წელს - 17.0 ათასი ლარი. შპს ახალი ტრანსპორტი, რომელიც უზრუნველყოფს მუნიციპალიტეტის ტერიტორიაზე მოსახლეობის ტრანსპორტით მომსახურებას, თავისი საქმიანობის ფარგლებში მძღოლებზე იჯარით გასცა მის სარგებლობაში არსებული 7-8 ავტობუსი. დოკუმენტების შესწავლით გამოვლინდა, რომ 2017 წელს შპს-ის მიერ მიუღებელმა საიჯარო ქირამ შეადგინა 2.4 ათასი ლარი, ხოლო 2018 წელს 2.6 ათასი ლარი.

ინფრასტრუქტურული პროექტების 10 ხელშეკრულებისათვის − საერთო ღირებულება 1,654.3 ათასი ლარი, გეგმა-გრაფიკი დარღვეულია ყველა შემთხვევაში, თუმცა მუნიციპალიტეტს არცერთ შემთხვევაში არ გამოუყენებია საჯარიმო სანქციები, რაც 369 ათას ლარზე მეტია.

სამინისტროს ბალანსზე რიცხული დებიტორული დავალიანებიდან, 193,317 ათასი ლარის დავალიანება (50%) მომდინარეობს 1997-2008 წლებიდან, საიდანაც 74% (142,549 ათასი ლარი) სამხედრო ტექნიკისა და ტყვია-წამლის შეძენასთან დაკავშირებული დავალიანებებია. „მოთხოვნები არაფინანსური აქტივების დანაკლისებით“ N1440 საბალანსო ანგარიშზე რიცხულმა ნაშთმა შეადგინა 6,814 ათასი ლარი, საიდანაც 6,780 ათასი ლარის (99.77%) დანაკლისი წარმოადგენს 2008 წლის ომის დროს განადგურებულ/დაკარგულ ქონებას. შესაბამისად, აღნიშნული მუხლი წარმოდგენილია გაზრდილი ოდენობით. ინვენტარიზაციის შედეგების მიხედვით, მატერიალური ფასეულობების უმეტესობა (მათ შორის, ძირითადი აქტივები) აღრიცხულია მხოლოდ რაოდენობრივად და შესაბამისად, ინვენტარიზაციის აქტებში გამოვლენილია რაოდებობრივი დანაკლისები, რომლის ღირებულებითი ეფექტის დადგენა შეუძლებელია. შედეგად, „მოთხოვნები არაფინანსური აქტივების დანაკლისებით“, ბალანსზე რიცხული ნაშთი რეალობას არ შეესაბამება.

2017-2018 წლებში, მუნიციპალიტეტში საკრებულოს არაანაზღაურებადი წევრების ხარჯები გაიცემოდა, მუნიციპალიტეტის საკრებულოს მიერ დამტკიცებული წესით.ამბროლაურის მუნიციპალიტეტმა 2017-2018 წლებში მუნიციპალიტეტის საკრებულოს არათანამდებობის პირებზე ხარჯების ასანაზღაურებლად 172.6 ათასი ლარი გასცა შესაბამისი დოკუმენტური დადასტურების გარეშე, საბიუჯეტო პროცესთან დაკავშირებული მარეგულირებელი საკანონმდებლო ნორმების შეუსაბამოდ.

აუდიტის ჯგუფმა 2019 წლის ივლისში შერჩევით დაათვალიერა მუნიციპალიტეტში განხორციელებული ინფრასტრუქტურული პროექტები. შემოწმებისას გამოვლინდა ხელშეკრულების პირობების დარღვევის შემთხვევები. კერძოდ, შეუსაბამობებია შესრულებული სამუშაოების აქტებში დაფიქსირებულ მონაცემებსა და ობიექტების ფაქტობრივ მდგომარეობას შორის; მუნიციპალიტეტს არ მოუთხოვია ხელშეკრულების შესრულების უზრუნველყოფის საგარანტიო თანხა; დაზიანებული ობიექტებისათვის მუნიციპალიტეტს მიმწოდებლებისაგან არ მოუთხოვია ხარვეზების გასწორება საგარანტიო ვადაში.

წარმომადგენლობითი ღონისძიებების უზრუნველსაყოფად გაწეული ხარჯების ანალიზისას გამოიკვეთა გარემოებები, რაც ეწინააღმდეგება საბიუჯეტო სახსრების რაციონალური ხარჯვის პრინციპს. 2017 წელს წარმომადგენლობითი ღონისძიებების უზრუნველსაყოფად სულ გაწეულია 2,739.4 ათასი ლარის საკასო ხარჯი. აქედან, 1,384.3 ათასი ლარის (51%) მომსახურება გაწეულია შპს „ეი ბი სი - სერვისის“ მიერ. სამინისტროსა და შპს „ეი ბი სი-სერვისს“ შორის 2017 წლის 28 თებერვალს გამარტივებული შესყიდვის საშუალებით გაფორმებული ხელშეკრულების საერთო ღირებულება შეადგენდა 200.0 ათას ლარს. ხელშეკრულების ფარგლებში მიმწოდებელი იღებდა ვალდებულებას - 2017 წლის 01 მარტიდან 2017 წლის 31 დეკემბრამდე განეხორციელებინა სტუმრების საზოგადოებრივი კვების ობიექტებით მომსახურება. გაწეული მომსახურების საფასური მოიცავდა კონკრეტულ შემთხვევაში კვების ობიექტის მიერ გაწეული მომსახურების საფასურის არაუმეტეს 7%-ს. აღნიშნული ხელშეკრულების ფარგლებში, 10 მაისის ჩათვლით, გაწეულია 199.9 ათასი ლარის მომსახურება (სახელშეკრულებო ღირებულების თითქმის 100%). გარდა აღნიშნული ხელშეკრულების ფარგლებში გაწეული მომსახურებისა, შესაბამისი ბრძანებების საფუძველზე შპს „ეი ბი სი-სერვისის“ მიერ (როგორც შუამავალი) წარმომადგენლობითი ღონისძიებებისათვის გაწეულია 1,184.4 ათასი ლარის მომსახურება. თუმცა, ამ შემთხვევებში გაწეული მომსახურების საფასური მერყეობს 10% − 35%-ის ფარგლებში.

ამბროლაურის მუნიციპალიტეტმა 2012 წელს ფონდ „აფხაზინტერკონტზე“ იჯარით გასცა 374 კვ.მ ფართის შენობა, 20 წლის ვადით. ხელშეკრულების პირობების შესაბამისად, მოიჯარე შენობაში შეასრულებდა სარემონტო სამუშაოებს, ხოლო ყოველწლიურად საიჯარო ქირაში ჩაეთვლებოდა შესრულებული სამუშაოების ღირებულების 5%. ხელშეკრულების პირობების შესაბამისად, 2012 წლიდან 20 წლის განმავლობაში მუნიციპალიტეტი ვერ მიიღებს საიჯარო შემოსავალს ფულადი ფორმით, მისი სარგებელია მხოლოდ გარემონტებული შენობა, თუმცა საიჯარო ვადის ბოლოსთვის, ცვეთის გათვალისწინებით, რემონტის ღირებულება არაარსებითი იქნება.

2018 წელს მუნიციპალიტეტმა შპს „ამხანაგობა მშენებლობა კასპიისპირეთის სამმართველოსაგან“ შეისყიდა სოფელ ლატალში საბავშვო ბაღის მშენებლობის სამუშაოები. ობიექტის დასრულება გათვალისწინებული იყო 2019 წლის 18 თებერვლამდე. მშენებლობის მიმდინარეობის პროცესში გაირკვა, რომ მიმწოდებელი ვერ უზრუნველყოფდა სამუშაოების გაგრძელებას. კერძოდ, წარმოდგენილი დოკუმენტაციის მიხედვით, მიმწოდებელმა 2018 წლის აგვისტოს მდგომარეობით, 396.8 ათასი ლარიდან შეასრულა მხოლოდ 32.9 ათასი ლარის სამუშაოები. 2018 წლის ოქტომბერში ხელშეკრულება შპს „ამხანაგობა მშენებლობა კასპიისპირეთის სამმართველოსთან“ შეწყვეტილია. მუნიციპალიტეტს არ მოუთხოვია მიმწოდებლის მიერ წარმოდგენილი საბანკო გარანტიით უზრუნველყოფილი თანხის ანაზღაურება, რის გამოც დაკარგა 19.8 ათასი ლარის მიღების შესაძლებლობა.

სამინისტროს ბალანსზე რიცხული დებიტორული დავალიანებიდან, 193,317 ათასი ლარის დავალიანება (50%) მომდინარეობს 1997-2008 წლებიდან, საიდანაც 74% (142,549 ათასი ლარი) სამხედრო ტექნიკისა და ტყვია-წამლის შეძენასთან დაკავშირებული დავალიანებებია. „მოთხოვნები არაფინანსური აქტივების დანაკლისებით“ N1440 საბალანსო ანგარიშზე რიცხულმა ნაშთმა შეადგინა 6,814 ათასი ლარი, საიდანაც 6,780 ათასი ლარის (99.77%) დანაკლისი წარმოადგენს 2008 წლის ომის დროს განადგურებულ/დაკარგულ ქონებას. შესაბამისად, აღნიშნული მუხლი წარმოდგენილია გაზრდილი ოდენობით. ინვენტარიზაციის შედეგების მიხედვით, მატერიალური ფასეულობების უმეტესობა (მათ შორის, ძირითადი აქტივები) აღრიცხულია მხოლოდ რაოდენობრივად და შესაბამისად, ინვენტარიზაციის აქტებში გამოვლენილია რაოდებობრივი დანაკლისები, რომლის ღირებულებითი ეფექტის დადგენა შეუძლებელია.

ამბროლაურის მუნიციპალიტეტის საკუთრებაშია ვაჟა-ფშაველას ქუჩის მიმდებარედ (რესტორან ღარისწყალთან) 100 კვ.მ მიწის ნაკვეთი. აღნიშნულ ფართს ფაქტობრივად იყენებს რესტორანი, კერძოდ, მასზე განთავსებულია ძველი ჯიხური. ამბროლაურის მუნიციპალიტეტის საკუთრებაშია, ასევე ბრატისლავა-რაჭის ქუჩის მიმდებარედ 750 კვ.მ მიწის ნაკვეთი. აღნიშნული ადგილი შემოღობილია და მოსახლეობა იყენებს პირადი მოხმარებისთვის.

2017 წელს მუნიციპალიტეტმა შეისყიდა სოფელ არცხელსა და სოფელ მურშკელთან დამაკავშირებელი საავტომობილო ხიდის მშენებლობის სამუშაოები. ხელშეკრულება გაფორმებულია შპს „კოშკთან“, ღირებულებით − 76.9 ათასი ლარი. ფასების ცხრილის შესაბამისად, გაუთვალისწინებელი სამუშაოების ღირებულება შეადგენდა 2.2 ათას ლარს. აღსანიშნავია, რომ მიმწოდებელმა ტენდერში გაიმარჯვა არაზუსტად შედგენილი ფასების ცხრილით. კერძოდ, შესრულებული სამუშაოების ჯამს ნაცვლად 18%-ისა დღგ 14.6%-ის ოდენობით დაარიცხა. სატენდერო კომისიას ხარვეზი არ გამოუვლენია, ფასების ცხრილის დაზუსტება არ მოუთხოვია და შპს „კოშკი“ გამარჯვებულად გამოაცხადა. სამუშაოების მიმდინარეობისას საჭირო არ გახდა გაუთვალისწინებელი სამუშაოების შესრულება. შპს „კოშკმა“ გამოიყენა დღგ-ის 18%-იანი განაკვეთი და სრულად მოითხოვა სამუშაოების ღირებულების ანაზღაურება. მუნიციპალიტეტმა მოთხოვნა არ დააკორექტირა და მიმწოდებელს სრულად გადაუხადა 76.9 ათასი ლარი, საიდანაც 2.2 ათასი ლარი ზედმეტად გადახდილი თანხაა.

სამინისტროში დამკვიდრებული პრაქტიკის შესაბამისად, 237 შემთხვევაში სამინისტროს მოსამსახურის კუთვნილი ფულადი განაცემები მინდობილობის საფუძველზე გაიცა სხვა პირებზე (მინდობილ პირებზე). გაცემული მინდობილობები სხვადასხვა მოსამსახურის შემთხვევაში არის როგორც ვადიანი, ასევე უვადო/განუსაზღვრელი ვადით. დაფიქსირდა მინდობილობის ვადის გასვლის შემდგომ თანხების გადარიცხვის ფაქტები - ანუ, არაუფლებამოსილ პირებზე განხორციელებული ტრანზაქციები. ასევე დაფიქსირდა სხვა პირებზე მინდობილობის გარეშე თანხების გადარიცხვის ფაქტები. არსებული წესების თანახმად, „შრომის ანაზღაურების“ მუხლით თანხების ანაზღაურება ხორციელდება მხოლოდ მოქმედ მოსამსახურეებზე . შესაბამისად, მინდობილობების საფუძველზე აღნიშნული მუხლით გაწეული გადარიცხვები მაღალი რისკის შემცველია და არ შეიძლება ჩაითვალოს მიზანშეწონილად.

აღმოსავლეთის, ზემო აფხაზეთის, იმერეთისა და სამეგრელოს წარმომადგენლობებში 2017 წელს, ისევე როგორც წინა 2016 წელს, მთელი ან გარკვეული პერიოდის განმავლობაში დასაქმებული იყვნენ შტატგარეშე მომუშავეები და მათზე ანაზღაურდა - 172,143.38 ლარი. მოპოვებული მტკიცებულებებით, კანონმდებლობის მოთხოვნათა მიუხედავად, შტატგარეშე მომუშავეთა დასაქმება ხდებოდა არა დროებით, არამედ ხანგრძლივი პერიოდით მუდმივი ხასიათის სამუშაოების შესასრულებლად. გარდა ამისა, დინამიკაში (2016 წელთან შედარებით) ამ მხრივ მდგომარეობა არ შეცვლილა.

მუნიციპალიტეტის მიერ 2017-2018 წლის პრიორიტეტების დოკუმენტებში არ არის წარმოდგენილი გასული საბიუჯეტო წლის ბიუჯეტის შესრულების საბოლოო შედეგების ანალიზი და მიმდინარე საბიუჯეტო წლის გადამუშავებული პროგნოზები. გარდა ამისა, პრიორიტეტების დოკუმენტის მომზადების მიზნით მუნიციპალიტეტის აღმასრულებელმა ორგანომ შესაბამისი ადმინისტრაციულ-სამართლებრივი აქტი გამოსცა დაგვიანებით. კერძოდ, 2017 წელს ბრძანება გამოიცა 29 მარტს (თვითმმართველი თემის ამბროლაურის მუნიციპალიტეტისთვის), ხოლო თვითმმართველი ქალაქი ამბროლაურის მუნიციპალიტეტისათვის 2017 წლის 11 აპრილს, ნაცვლად პირველი მარტისა.

სოფელ არცხელსა და მურშკელთან დამაკავშირებელი საავტომობილო ხიდის პარალელურად, შპს „კოშკი“ აწარმოებდა სოფელ ჭოლაშის საავტომობილო ხიდის მშენებლობის სამუშაოებს. ხელშეკრულების ღირებულება 141.6 ათასი ლარი. სამუშაოები ითვალისწინებდა ხიდების ლითონის ზედაპირების შეღებვას ანტიკოროზიული საღებავით, რაც არ არის შესრულებული, ხოლო მიმწოდებელს აღნიშნული სამუშაოსათვის ზედმეტად აუნაზღაურდა 2.4 ათასი ლარი. საავტომობილო ხიდების მშენებლობის ხელშეკრულებები, სადაც დაფიქსირდა შეუსრულებელი სამუშაოები, ითვალისწინებდა სამუშაოების საექსპერტო დადასტურებას, რაც მუნიციპალიტეტმა ვერ წარმოადგინა. შესაბამისად, მუნიციპალიტეტმა მისთვის საზიანოდ დაარღვია სახელშეკრულებო პირობა და არ მოითხოვა კონსტრუქციულად ისეთი მნიშვნელოვანი ობიექტების შემოწმება, როგორიც ხიდებია

• საქართველოს სახელმწიფო დაცვის სპეციალურმა სამსახურმა სამმართველოს უვადო სარგებლობით, უსასყიდლოდ გადმოსცა 2007 წელს გამოშვებული (ბუღალტრული აღრიცხვის მიზნებისთვის სრულად გაცვეთილი (ამორტიზებული) ძირითადი აქტივი) ავტომანქანა - LEXUS LX-470 0.00 ლარის ნარჩენი ღირებულებით (საწყისი, ისტორიული ღირებულება - 150,500.00 ლარი). მიუხედავად ავტომანქანის ნულოვანი ნარჩენი ღირებულებისა, აღნიშნული ძირითადი აქტივი სამმართველოს ბალანსზე აღირიცხა სს „სადაზღვევო კომპანია აისი ჯგუფთან“ სახელმწიფო შესყიდვების შესახებ გაფორმებული ხელშეკრულების დანართში მითითებული სადაზღვევო ღირებულებით - 45,000.00 ლარით და წლის ბოლოს დაერიცხა ცვეთა - 1,560.00 ლარი. შედეგად, ავტომობილი საცნობარო მუხლში („ამორტიზებული ძირითადი აქტივები“ - 08) 150,500.00 ლარის საწყისი ღირებულებით აღრიცხვის ნაცვლად, 45,000.00 ლარის ოდენობით არასწორად აისახა ფინანსური ანგარიშგების ფორმა №1-ის „ძირითადი აქტივების“ მუხლში, ბალანსის დანართ ფორმა №5-სა და ბალანსის დანართ ფორმა №3-ის - „საოპერაციო შემოსავლების“ მუხლში გრანტების სახით. ამასთანავე, ავტომობილზე დარიცხული ცვეთის გამო ბალანსის დანართ ფორმებში - № 2-ში, № 3-სა და № 5-ში „ძირითადი კაპიტალის მოხმარების“ მუხლი არასწორად იქნა გაზრდილი 1,560.00 ლარით. • ბალანსის დანართი ფორმა №5-ის „მატერიალური მარაგების“ მუხლში (ფულადი დოკუმენტები) საქონელი და მომსახურებით გასვლა 49,522.36 ლარის ნაცვლად, ნაჩვენები იყო 79,522.36 ლარის ოდენობით. შესაბამისად, „მატერიალური მარაგების“ მუხლში ჯამში საქონელი და მომსახურებით გასვლა 129,038.52 ლარის ნაცვლად, არაზუსტად აისახა 99,038.52 ლარის ოდენობით. შედეგად, სამმართველოს ფინანსური ანგარიშგება არასწორად ასახავს „ძირითადი აქტივებისა“ და „მატერიალური მარაგების“ მუხლებს, რის გამოც არაა დაცული ძირითადი აქტივებისა და მატერიალური მარაგების შესახებ ინფორმაციის უტყუარობა, სიზუსტე და შესაბამისობა.

შრომითი და ფინანსური რესურსების მართვის მიმართულებით სამინისტროში არ არის უზრუნველყოფილი ადეკვატური კონტროლის მექანიზმები. სამინისტროში დასაქმებულ მოსამსახურეებზე, 2017 წელს „შრომის ანაზღაურების“ მუხლით გაწეული ფულადი სახსრების ანალიზისას გამოიკვეთა თაღლითობის მაღალი რისკის შემცველი გარემოებები. კერძოდ: სხვადასხვა ან ერთიდაიგივე საბანკო ანგარიშებზე, ხდებოდა სხვადასხვა/რამდენიმე საიდენტიფიკაციო კოდის მქონე მიმღებ პირზე (ყოფილ თანამშრომლებზე) თანხების ჩარიცხვა, თანამშრომლების გათავისუფლების შემდგომ თვეში/თვეებში. 2017 წლის განმავლობაში ამ მიზნით საბანკო ანგარიშებზე ჩარიცხულმა თანხამ შეადგინა სავარაუდოდ 140,543.63 ლარი (ხელზე გასაცემი). ასევე შესაბამისი პროცედურების ჩატარების შედეგად 2016 წელს, 2017 წლის ანალოგიურად, არამიზნობრივად დაიხარჯა, სავარაუდოდ, 69,752.76 ლარი, ხოლო 2018 წლის იანვარ - თებერვალში − 19,311.60 ლარი (სულ, სავარაუდოდ, 229,607.99 ლარი

აღმოსავლეთის, სამეგრელოსა და იმერეთის წარმომადგენლობების საკუთრებაში არსებული ავტომანქანების საწვავის ხარჯვის შესწავლით გამოვლინდა, რომ საწვავის ხარჯვის არასათანადო (არაეფექტიანი) კონტროლის მექანიზმის გამო, ფაქტობრივად იქმნება ავტომანქანების არამიზნობრივი ექსპლუატაციისა და საწვავის არაეფექტიანი ხარჯვის რისკები.

2017 წელს ამბროლაურის მუნიციპალიტეტმა მის მიერ დაფუძნებულ 16 ა(ა)იპ-ზე სუბსიდიის სახით გასცა ჯამში − 2,646.9 ათასი ლარი. წარმოდგენილი მონაცემების შესწავლით გამოვლინდა, რომ მუნიციპალიტეტმა 6 ა(ა)იპ-ის სუბსიდიის დაგეგმვისა და დაფინანსების პროცესში არ გაითვალისწინა კანონის მოთხოვნა, 2016 წლის მოსალოდნელი საკასო შესრულების მაჩვენებლის 90%-მდე შეემცირებინა „შრომის ანაზღაურების“, „საქონლისა და მომსახურების“ და „სუბსიდიის“ მუხლები. მუნიციპალიტეტის მიერ დაფუძნებული იურიდიული პირების „სუბსიდიის“ მუხლით დაფინანსებამ კანონმდებლობით დადგენილ ზღვრულ ნორმას 67.2 ათასი ლარით გადააჭარბა.

საჯარო რეესტრის ეროვნული სააგენტოდან წარმოდგენილი მონაცემებით, მუნიციპალიტეტი 2019 წლის ივლისის მდგომარეობით, ფლობდა 249 ერთეულ უძრავ ქონებას (მიწის ნაკვეთები და მასზე დამაგრებული შენობა-ნაგებობები). მიწის საერთო ფართობი 64 ჰექტარზე მეტია. წარმოდგენილი მონაცემებით, მუნიციპალიტეტი ქონების ნაწილს იყენებს საკუთარი საქმიანობისთვის, ნაწილი თავისუფალია, ხოლო დანარჩენი − იჯარის, უზუფრუქტისა და აღნაგობის უფლებით გაცემულია კერძო სამართლის სუბიექტებსა და ფიზიკურ პირებზე. მოთხოვნის მიუხედავად, მუნიციპალიტეტმა ვერ წარმოადგინა ქონების სარგებლობის უფლებით გაცემის დამადასტურებელი ხელშეკრულებები და სხვა დოკუმენტები. შესაბამისად, ვერ დგინდება რომელი ქონებაა გაცემული და რა პირობებით, როგორ მოხდა ფასის განსაზღვრა და რამდენია მისაღები ქირის ოდენობა. ამასთანავე, ქონების სარგებლობის უფლებით გაცემაზე არ არსებობს საკრებულოს თანხმობები. შესაბამისად, აუდიტის ჯგუფმა ვერ შეისწავლა რამდენად გონივრულად და კანონიერად ხდება ქონების განკარგვა.

ბალანსის დანართი ფორმა №2-ის „ძირითადი კაპიტალის მოხმარების“ მუხლში ინფორმაცია წარმოდგენილი იყო 36,864.03 ლარის ოდენობით, ფორმა №3-ში - 37,323.13 ლარის ოდენობით (მათ შორის, ფიზიკური ცვეთა - 36,864.03 ლარი), ხოლო ფორმა №5-ში - 33,057.43 ლარის ოდენობით. როგორც დადგინდა, ბალანსის დანართ ფორმა №3-ში „ძირითადი კაპიტალის მოხმარებასა“ და „ფიზიკურ ცვეთას“ შორის არსებული სხვაობა 464.10 ლარის ოდენობით წარმოადგენდა ბალანსიდან ჩამოწერილ 193.40 ლარის ნარჩენი ღირებულების მქონე გამოუსადეგარ აქტივებს და სხვა სახელმწიფო ერთეულზე განსაკარგავად გადაცემულ 270.70 ლარის აქტივებს. დადგენილი წესის მიხედვით, შინაარსობრივად ზემოაღნიშნული სამეურნეო ოპერაციები არ მიეკუთვნება ძირითადი კაპიტალის მოხმარების ამსახველ ოპერაციებს. ჩამოწერილი აქტივები უნდა ასახულიყო არასაოპერაციო ხარჯად, ხოლო გადაცემული აქტივები - გრანტებად. ფორმა №5-ში „ძირითადი კაპიტალის მოხმარების“ მუხლში არსებული მონაცემების ჯამი ნაცვლად 37,057.43 ლარისა, არასწორად იყო ნაჩვენები 33,057.43 ლარის ოდენობით. ამასთანავე, აღნიშნული თანხა გარდა არასწორად დაჯამებისა, არამართებულად იყო გაზრდილი 193.40 ლარის ჩამოწერილი აქტივების ღირებულებით.

წარმომადგენლობითი ღონისძიებების უზრუნველსაყოფად გაწეული ხარჯების ანალიზისას გამოიკვეთა გარემოებები, რაც ეწინააღმდეგება საბიუჯეტო სახსრების რაციონალური ხარჯვის პრინციპს . 2017 წელს წარმომადგენლობითი ღონისძიებების უზრუნველსაყოფად სულ გაწეულია 2,739.4 ათასი ლარის საკასო ხარჯი. აქედან, 1,384.3 ათასი ლარის (51%) მომსახურება გაწეულია შპს „ეი ბი სი - სერვისის“ მიერ. სამინისტროსა და შპს „ეი ბი სი-სერვისს“ შორის 2017 წლის 28 თებერვალს გამარტივებული შესყიდვის საშუალებით გაფორმებული ხელშეკრულების საერთო ღირებულება შეადგენდა 200.0 ათას ლარს. ხელშეკრულების ფარგლებში მიმწოდებელი იღებდა ვალდებულებას - 2017 წლის 01 მარტიდან 2017 წლის 31 დეკემბრამდე განეხორციელებინა სტუმრების საზოგადოებრივი კვების ობიექტებით მომსახურება. გაწეული მომსახურების საფასური მოიცავდა კონკრეტულ შემთხვევაში კვების ობიექტის მიერ გაწეული მომსახურების საფასურის არაუმეტეს 7%-ს. აღნიშნული ხელშეკრულების ფარგლებში, 10 მაისის ჩათვლით, გაწეულია 199.9 ათასი ლარის მომსახურება (სახელშეკრულებო ღირებულების თითქმის 100%). გარდა აღნიშნული ხელშეკრულების ფარგლებში გაწეული მომსახურებისა, შესაბამისი ბრძანებების საფუძველზე შპს „ეი ბი სი-სერვისის“ მიერ (როგორც შუამავალი) წარმომადგენლობითი ღონისძიებებისათვის გაწეულია 1,184.4 ათასი ლარის მომსახურება. თუმცა, ამ შემთხვევებში გაწეული მომსახურების საფასური მერყეობს 10% − 35%-ის ფარგლებში.

აღმოსავლეთის, ზემო აფხაზეთის, სამეგრელოსა და იმერეთის წარმომადგენლობებში 2017 წელს შესყიდული მატერიალური აქტივებიდან, ფინანსურ ანგარიშგებაში არ არის აღრიცხული ჯამში 28,729.62 ლარის ღირებულების მატერიალური მარაგების და გრძელვადიანი მცირეფასიანი აქტივების შეძენისა და გასვლის/ხარჯვის ოპერაციები. აღნიშნული ხარჯების არასახვით იქმნება მარაგებისა და მცირეფასიანი აქტივების მოხმარების (ხარჯებში ჩამოწერის) გაუმჭვირვალობისა და არარაციონალურად ხარჯვის რისკები.

2017-2018 წლების ბოლოს მერიას აუთვისებელი დარჩა მნიშვნელოვანი მოცულობის თანხები, რაც მიუთითებს მუნიციპალიტეტის მფლობელობაში არსებული ფინანსური რესურსების არაეფექტიან მართვაზე, ხოლო მოსახლეობა ვერ სარგებლობს შესაბამისი სიკეთით. კერძოდ 2017 წლის ბოლოს ნაშთის სახით ერიცხებოდა - 2,926.2 ათასი ლარი, 2018 წლის ბოლოს - 8,220.7 ათასი ლარი.

ამბროლაურის მუნიციპალიტეტში შექმნილია შიდა აუდიტის სამსახური. კანონმდებლობის მიხედვით, მუნიციპალიტეტს უნდა ჰქონდეს შიდა აუდიტის სტრატეგიული გეგმა, რაც ამბროლაურის მუნიციპალიტეტს 2017-2018 წლებში არ მოუმზადებია. ასევე, 2017 წელს სამსახურის მიერ მომზადებული არ არის აუდიტორული შემოწმების ინდივიდუალური გეგმები. წარმოდგენილი მონაცემებით, შიდა აუდიტის სამსახურს 2018 წელს მერიის სტრუქტურული ერთეულები არ შეუსწავლია, ხოლო 2017 წელს შესწავლილი აქვს მხოლოდ 2 სამსახური და 2 განყოფილება.შესაბამისად, სათანადოდ არ განუხორციელებია მუნიციპალიტეტში არსებული დარღვევების, რისკებისა და ხარვეზების იდენტიფიცირება.

2018 წელს საკრებულომ შრომითი ხელშეკრულებებით დასაქმებულების რიცხოვნობა განსაზღვრა 41 ერთეულით. დაქირავებულთა რაოდენობის შესწავლით გაირკვა, რომ მუნიციპალიტეტის მერია არ იცავდა საკრებულოს მიერ დადგენილ ზღვარს და შრომითი ხელშეკრულებით დაქირავებული ჰყავდა ერთდროულად 41-ზე მეტი მოსამსახურე. ზღვარი დარღვეულია 11 თვის განმავლობაში და დაქირავებულია დასაშვებზე ერთიდან 22-მდე პირით მეტი. მაგალითად, იანვარში შრომის ანაზღაურება გაცემულია − 61, ხოლო თებერვალში – 63 დაქირავებულზე.

მატერიალურად პასუხისმგებელი პირის მიერ გაურკვეველ ვითარებაში დაკარგული მობილური ტელეფონი - SAMSUNG GALAXY A3 382.80 ლარის ნარჩენი ღირებულებით (შესყიდვის თარიღი - 08.07.2015, საწყისი ღირებულება - 638.00 ლარი), არასწორად აღირიცხა ბალანსის დანართ ფორმა №3-ში არასაოპერაციო ხარჯად. ამასთანავე, როგორც მოპოვებული მტკიცებულებით გაირკვა, აღნიშნული ნივთი იძებნება შსს-ს მობილური ტელეფონების მონაცემთა ერთიანი ბაზის საშუალებით, ხოლო განმცხადებელი გამორიცხავს მის მიმართ კრიმინალურ ქმედებას და ამ მხრივ პრეტენზია არ გააჩნია. შესაბამისად, მიუხედავად იმისა, რომ დადგენილი კანონმდებლობით ნივთის შენახვაზე პასუხისმგებელობა ეკისრება მატერიალურად პასუხისმგებელ პირს, დანაკლისის თანხები აუდიტის ჩატარების მომენტისათვის ანაზღაურებული (დაფარული) არ იყო.

ა(ა)იპ ,,ზევსი“ წარმოადგენს სამინისტროს კონტროლირებულ ერთეულს, რომელიც დაფუძნებულია ოლიმპური რეზერვების ცენტრის მიერ. ა(ა)იპ-ის ფინანსური მდგომარეობის და ფინანსური შედეგების მონაცემები არ არის ასახული ოლიმპური რეზერვების ცენტრის ინდივიდუალურ და სამინისტროს კონსოლიდირებულ ფინანსურ ანგარიშგებაში. შედეგად, კონსოლიდირებული საბალანსე ანგარიშების საწყისი და საბოლოო ნაშთი შემცირებულადაა წარმოდგენილი - აქტივები 39,831 და 104,070 ლარით, ვალდებულებები 28,585 და 34,618 ლარით, ხოლო კაპიტალი 11,246 და 69,452 ლარითაა შემცირებული.

აღმოსავლეთისა და ზემო აფხაზეთის წარმომადგენლობებში, შრომის ანაზღაურების სახაზინო მუხლიდან არასწორად, საბიუჯეტო კლასიფიკაციის შეუსაბამოდ მოხდა თანხების გაცემა ჯამში 7,155.96 ლარის ოდენობით, რის გამოც დაირღვა მოქმედი კანონმდებლობით დადგენილი საბიუჯეტო კლასიფიკაციის მოთხოვნები და შეიქმნა თანხების არადანიშნულებით გახარჯვის რისკები.

მარნეულის მუნიციპალიტეტის მიერ არ არის შესწავლილი, რამდენად სრულყოფილად და მიზანშეწონილად ასრულებენ თავის ფუნქცია-მოვალეობებს შპს-ები. აღნიშნულიდან გამომდინარე, მარნეულის მერიის მიერ არ არის გაანალიზებული შპს-თვის გამოყოფილი თანხების ხარჯვის მიზნობრიობა და შესაბამისობა განსახორციელებელ საქმიანობასთან მიმართებაში.

მუნიციპალიტეტმა ბიუჯეტის შესრულების ანგარიშში შემოსულობებს არასწორად მიაკუთვნა წინა წელს სახაზინო ანგარიშზე არსებული ნაშთი, 2017 წელს - 274.3 ათასი ლარი, ხოლო 2018 წელს - 480.7 ათასი ლარი. შესაბამისად შემოსულობების მუხლი გაზრდილია არასწორად. ბიუჯეტის შესრულების ანგარიშებში შემოსულობები 2017 წელს ნაჩვენებია 9,613.1 ათასი ლარით, ნაცვლად 9,338.8 ათასი ლარისა, ხოლო 2018 წელს 11,563.9 ათასი ლარით, ნაცვლად 11,083.2 ათასი ლარისა. შეცდომამ თავის მხრივ გავლენა იქონია ნაშთის ცვლილების მაჩვენებლის სისწორეზე. კერძოდ 2017 წელს ნაშთის ცვლილება ნაცვლად 206.4 ათასი ლარისა, ბიუჯეტის შესრულების ანგარიშში წარმოდგენილია 480.7 ათასი ლარით, ხოლო 2018 წელს ნაცვლად 1,830.5 ათასი ლარისა, ნაჩვენებია - 2,311.2 ათასი ლარი. ამდენად, მუნიციპალიტეტმა 2017-2018 წლებში ბიუჯეტის შესრულების ანგარიშში არასწორად ასახა ბიუჯეტის შემოსულობები და ნაშთის ცვლილება, რითაც დაარღვია საბიუჯეტო კოდექსით განსაზღვრული მოთხოვნები.

მუნიციპალიტეტმა 2017-2018 წლებში საკრებულოს არათანამდებობის პირებზე ხარჯების ასანაზღაურებლად 119.9 ათასი ლარი გასცა ხარჯების დადასტურების გარეშე.

1. ბალანსის საცნობარო მუხლში „პასუხსაგებ შენახვაზე მიღებული მატერიალური ფასეულობები“ ნაშთად ირიცხება ,,სპორტის ინფრასტრუქტურის რეაბილიტაციისა და სპორტული ინვენტარის განახლების პროგრამის“ ფარგლებში სხვა ორგანიზაციებზე უსასყიდლოდ გადაცემის მიზნით შესყიდული 103,788 ლარის მატერიალური ფასეულობა , საიდანაც 47,688 ლარის ღირებულების სპორტული ინვენტარი შეძენილია 2017 წლამდე პერიოდში. აღნიშნული მატერიალური ფასეულობები უნდა ასახულიყო ,,შემდგომი რეალიზაციისათვის შეძენილი საქონელის“ საბალანსო ანგარიშზე და გახორციელებულიყო მათი დანიშნულებისამებრ გამოყენება. 2. სსიპ „ოლიმპიური რეზერვების ცენტრის“ ბალანსის ,,სხვა დანარჩენი მატერიალური მარაგების“ ანგარიშზე 2016 წლიდან უცვლელი ნაშთის სახით ირიცხება 25,200 ლარის ღირებულების, 11,200 ლიტრი საავტომობილო საწვავი( ბენზინი). ადგილზე ჩატარებული დათვალიერების პროცედურებით აღნიშნული საწვავის არსებობა არ დასტურდება. აღნიშნული საავტომობილო საწვავის დანაკლისის ღირებულება 25,200 ლარის ოდენობით დაფარული იქნა აუდიტის მიმდინარეობისას, 2017 წლის 11 ივნისს. შედეგად, კონსოლიდირებულ ფინანსური ანგარიშგების ფორმა N1-ში ,,სხვა მატერიალური მარაგების“ ანგარიშზე არსებული ნაშთი 78,588 ლარის ნაკლებობითაა წარმოდგენილი.

აღმოსავლეთის წარმომადგენლობაში დაფიქსირდა შემთხვევა, როდესაც თანამშრომელი მივლინებიდან დაბრუნდა ერთი დღით ადრე, თუმცა ავანსად გაცემული სამივლინებო თანხის გაუხარჯავი ნაწილის დაბრუნება არ განუხორციელებია. გარდა აღნიშნულისა, აღმოსავლეთისა და სამეგრელოს წარმომადგენლობების მიერ, დაირღვა მივლინების დროს თანამშრომლების სამგზავრო ხარჯების ანაზღაურების წესი და თანამშრომლებისთვის არ მოხდა ჯამში 1,626.00 ლარის ღირებულების მგზავრობის ხარჯების ანაზღაურება.

შპს „მარნეულის სოფწყალი“ 17 სოფლის წყალმომარაგებას ახორციელებს სოფელ იმირში მდებარე, იჯარით აღებული სატუმბი სადგურის მეშვეობით, რომლის წლიური საიჯარო გადასახადი შეადგენს 180.0 ათას ლარს. მარნეულის მუნიციპალიტეტმა 2017 წელს მიიღო გადაწყვეტილება იჯარით აღებული სატუმბი სადგურის ჩანაცვლების მიზნით, შეესყიდა ახალი სატუმბი სადგურისა და ჭაბურღილის სამშენებლო სამუშაოები, რომელიც უნდა დასრულებულიყო 2017 წლის დეკემბერში, თუმცა მიმწოდებელმა დროულად ვერ დაასრულა სამუშაოები. იმის გამო, რომ სამუშაოები დროულად ვერ დასრულდა, 2018 წლის იანვარში შპს „მარნეულის საფწყალმა“ კვლავ გააფორმა იჯარის ხელშეკრულება 2 წლის ვადით. აღნიშნულიდან გამომდინარე მუნიციპალიტეტი არ მოქმედებდა საკუთარი ინტერესების გათვალისწინებით, ვინაიდან სადგურის მშენებლობა დასრულდებოდა უახლოეს პერიოდში, შესაბამისად შპს „მარნეულის სოფწყალს“ არ უნდა გაეფორმებინა იჯარის ხელშეკრულება 2 წლის ვადით და არ უნდა აეღო 2018-2019 წლების განმავლობაში საიჯარო ქირის გადახდის ვალდებულება. შედეგად, გაგრძელდა იჯარით აღებული სატუმბი სადგურის ექსპლუატაცია და საიჯარო თანხის გადახდა, რაც ყოველთვიურად 15.0 ათას ლარს შეადგენს.

2017 წელს მუნიციპალიტეტს ერიცხებოდა თავისუფალი ნაშთი − 178.7 ათასი ლარი. 2018 წელს - 212.8 ათასი ლარია. მუნიციპალიტეტს თავისუფალი ნაშთის სახით საკუთარ ანგარიშზე გააჩნია მნიშვნელოვანი თანხები. მიუხედავად ამისა, მან ვერ უზრუნველყო ინფრასტრუქტურული და სოციალური პროექტების დაფინანსება.

მუნიციპალიტეტმა საკუთრებაში არსებული ავტომანქანების ტექნიკური მომსახურება 2017 წელს შეისყიდა ტენდერის საშუალებით. გამარჯვებულთან – შპს „თეგეტა მოტორსთან“ გაფორმებული ხელშეკრულების საკასო ხარჯი 67.9 ათასი ლარია. სატენდერო პროცესისა და ხელშეკრულების შესრულების შესწავლის შედეგად, გამოვლინდა შემდეგი ხარვეზები: • სატენდერო პირობები ითვალისწინებდა მუნიციპალიტეტის საკუთრებაში არსებული ექვსი ავტომანქანის ტექნიკურ მომსახურებას. პრეისკურანტის მონაცემების შესაბამისად, სატენდერო კომისიამ სამი ავტომობილისათვის მოითხოვა საგარანტიო ვადის ან გარბენის მითითება თითოეული დაზიანების შეკეთებისათვის. შპს „თეგეტა მოტორსმა“ ტექნიკური დოკუმენტაცია საგარანტიო მონაცემების გარეშე წარმოადგინა, რაც არ შეესაბამებოდა სატენდერო პირობებს. კერძოდ, შემოთავაზება არსებითად ცვლიდა მომსახურების მიწოდების ხარისხობრივ მხარეს და აუარესებდა შემსყიდველის პირობებს. მიუხედავად ამისა, კომისიას არსებული ხარვეზის შესახებ არ უმსჯელია და პრეტენდენტის ტექნიკური დოკუმენტაციის დაზუსტება ამ ნაწილში არ მოუთხოვია. ხელშეკრულების შესრულების პროცესში გამოიკვეთა, რომ სატენდერო კომისიის არასწორმა გადაწყვეტილებამ თანხების არაეკონომიური ხარჯვა გამოიწვია.

1. 2013-2017 წლებში სამინისტრომ განახორციელა მისი მართვის ქვეშ მყოფი შპს „სპორტმშენსერვისის“ საწესდებო კაპიტალში ქონებრივი შენატანი მიწის ნაკვეთებისა და შენობა-ნაგებობების სახით ღირებულებით 9,966,315 ლარი. აღნიშნული ფინანსურ აქტივებით ოპერაცია არ არის ასახული სააღრიცხვო რეგისტრებში. 2. სამინისტროს აპარატის ბალანსის საცნობარო მუხლში „პასუხსაგებ შენახვაზე მიღებული მატერიალური ფასეულობები“ 2017 წლის 31 დეკემბრის მდგომარეობით ნაშთად ირიცხება 541,372 ლარის ღირებულების უძრავი ქონება, რომელიც აღრიცხული უნდა იყოს ძირითადი აქტივების შესაბამის ანგარიშზე.

აღმოსავლეთის წარმომადგენლობის სტრუქტურული ერთეული - წვევამდელთა აღრიცხვის, გაწვევისა და მობილიზაციის სამსახური, ყოველგვარი სამართლებრივი (კანონიერი) საფუძვლის გარეშე, განთავსებულია ქ. თბილისში, კ. ხეთაგუროვის ქ. N2-ში მდებარე ფართზე, რაც მიუთითებს მოქმედი კანონმდებლობის მოთხოვნების უგულებელყოფით, სახელმწიფო ქონების უკანონო გამოყენებაზე.

2018 წლიდან მუნიციპალიტეტის ოთხ ტერიტორიულ ერთეულში შემავალი სოფლების მომარაგების მიზნით შპს „რუსთავწყალისგან“ ნაყიდია სასმელი წყალი, რომელიც მოსახლეობას მიეწოდება ამავე კომპანიისგან იჯარით აღებული მილსადენებით. საკითხის შესწავლით გამოვლინდა, რომ მილები ამორტიზირებულია და მასში წყლის დანაკარგი შეადგენს 80%-ს, ხოლო დანარჩენი 20% მილების დაზიანების გამო ბინძურდება. ამრიგად, მუნიციპალიტეტის მიერ არ არის დაცული მოსახლეობის ინტერესები და სასმელი წყლის ნაცვლად მათ მიეწოდებათ ტექნიკური წყალი. ამასთან შეძენილი წყლის 80% წარმოადგენს დანაკარგს, თუმცა აღნიშნული პრობლემების მოსაგვარებლად და გამოსასწორებლად მუნიციპალიტეტს არ გაუტარებია შესაბამისი ღონისძიებები.

2018 წელს მუნიციპალიტეტმა პს „ჯ და ჯ-სთან გაფორმებული ხელშეკრულების ფარგლებში შეისყიდა, ქ. ხონში ჭანტურიასა და მოსე ხონელის ქუჩების ტროტუარების მოასფალტების სამუშაოებზე ღირებულებით 251.2 ათას ლარი. სამუშაოები შესრულებულია უხარისხოდ და დაზიანებულია. მუნიციპალიტეტს, მიუხედავად იმისა რომ სამუსაოები შესრულებულია უხარისხოდ შპს "ჯ და ჯ" არ მოუთხოვია ხელშეკრულების უზრუნველყოფის გარანტია, თანხით − 21.6 ათასი ლარი. მუნიციპალიტეს სამუშაოები ჩაბარებული არ აქვს, პროექტის ჩაბარებისათვის საჭიროა შპს „საინჟინრო მონიტორინგის ჯგუფის“ საექსპერტო დასკვნა. მიუხედავად იმისა, რომ სამუშაოების დასრულებიდან გასულია 5 თვე, აღნიშნულ კომპანიას დასკვნა მომზადებული არ აქვს. აღსანიშნავია, რომ შპს „საინჟინრო მონიტორინგის ჯგუფს“ ხელშეკრულებით ევალებოდა სამუშაოების მიმდინარეობის ზედამხედველობა, მიმდინარე პროცესში არსებული ხარვეზების გამოვლენა და მათი გამოსწორების მიზნით, შესაბამისი ღონისძიებების გატარება. მონიტორინგის ჯგუფმა ობიექტზე არსებული ხარვეზები გამოავლინა მხოლოდ სამუშაოების დასრულების შემდეგ, ხოლო სამუშაოების მიმდინარეობის პერიოდში მათი გამოვლენა/გამოსწორება ვერ შეძლო. სამუშაოების ზედამხედველობის პროცესის არასათანადოდ განხორცილების მიუხედავად, მუნიციპალიტეტს შპს „საინჟინრო მონიტორინგის ჯგუფის“ მიმართ არ გამოუყენებია საჯარიმო სანქციები, რომელიც გათვალისწინებული იყო მასთან გაფორმებულ ხელშეკრულებაში.

მუნიციპალიტეტმა ვერ წარმოადგინა დოკუმენტური ინფორმაცია მიღებული სტუმრების რაოდენობისა და ეტიკეტის შესაბამისად დამხვედრი მხარის შემადგენლობის შესახებ. თანხები ძირითადად ანაზღაურებულია მხოლოდ მიღება-ჩაბარების აქტებისა და სასაქონლო ზედნადებების წარმოდგენის საფუძველზე. ხელშეკრულებებით, ზოგ შემთხვევაში, არ არის განსაზღვრული შესყიდვის ობიექტის დასახელება და რაოდენობა, ერთეულის ფასი, მომსახურების ღირებულების გაანგარიშების წესი და სხვ.

სპორტული ფედერაციების მიერ საანგარიშგებო წელს 8,470,464 ლარის ღირებულების განხორციელებულ ღონისძიებებზე ხარჯის დამადასტურებელი დოკუმენტები წარმოდგენილ იქნა 2018 წლის პირველ კვარტალში, ანგარიშგების დამტკიცების თარიღამდე პერიოდში. ღონისძიებების ჩატარების დამადასტურებელ პირველად დოკუმენტებში მითითებული ეკონომიკური მოვლენის მოხდენის თარიღიდან გამომდინარე, აღნიშნული თანხების 2017 წლის ფინანსურ ანგარიშგებაზე მიკუთვნება არ განხორციელებულა.

2017 წლის აგვისტოში ზემო აფხაზეთის წარმომადგენლობის ხელმძღვანელზე განპიროვნებული ავტომანქანა მწყობრიდან გამოსვლის გამო პარკირებული იყო ქალაქ ზუგდიდში დევნილთა კომპაქტური ჩასახლების ეზოში (ე.წ. კომბინატის დასახლებაში) ხელმძღვანელის მეგობრის მეთვალყურეობის ქვეშ (ყოველგვარი დოკუმენტური დასაბუთების გარეშე), ხოლო თავად ხელმძღვანელი ამ პერიოდში იმყოფებოდა ქ. თბილისში და გავიდა შვებულებაში. ამავდროულად უნდა აღინიშნოს, რომ ამავე პერიოდში ფიქსირდება ავტომანქანაზე საწვავის ჩასხმის ფაქტები, რითაც ფაქტობრივად დასტურდება, რომ წარმომადგენლობის ბალანსზე რიცხული ავტომანქანა რეალურად გამართულ მდგომარეობაში იყო და მისი ექსპლუატაცია ხდებოდა სხვა პიროვნების მიერ, არასამსახურებრივი მიზნებისათვის. აღნიშნული მიუთითებს საჯარო დაწესებულების ქონების არარაციონალურ, არამიზნობრივ და არაეფექტიან გამოყენებაზე.

მარნეულის მუნიციპალიტეტმა 2012 წელს დააფუძნა შპს „ორგანული ნარჩენების გადამამუშავებელი საწარმო“, რომლის მშენებლობაზე დაიხარჯა 979.0 ათასი ლარი. საწარმო ფიზიკური და იურიდიული პირებისგან იბარებს საკვებ ნარჩენებს, გარდაქმნის ორგანულ სასუქად და ახდენს მათ რეალიზაციას. 2017-2018 წლებში შპს-ს სუბსიდიის სახით მუნიციპალური ბიუჯეტიდან მიღებული აქვს 193.0 ათასი ლარი. მუნიციპალიტეტმა ვერ წარმოადგინა დოკუმენტური მტკიცებულებები შპს-ს საქმიანობის სარგებლიანობის შესახებ, ასევე რა აუცილებელი საჭიროებით იყო განპირობებული მსგავსი შპს-ს შექმნა და მასზე დიდი ოდენობით საბიუჯეტო სახსრების გაწევა.

დაზიანებულია და უხარისხოდ არის შესრულებული 4 ხელშეკრულების ფარგლებში განხორციელებული 263.5 ატასი ლარის ღირებულების ინფრასტრუქტურული პროექტები, სოლომონ მეორის ქ.№7-ში მდებარე საცხოვრებელი სახლის ფასადის რეაბილიტაცია; ა(ა)იპ − სამუსიკო სკოლის რეაბილიტაცია, ცენტრალური სტადიონის სახურავის რეაბილიტაცია; სოლომონ მეორის ქუჩაზე მდებარე ბინა №7-ის სახურავის რეაბილიტაცია.

მუნიციპალიტეტმა ვერ დაადასტურა 5.5 ათასი ლარის ხარჯვის მიზნობრიობა. კერძოდ, 7 ხელშეკრულების შემთხვევაში, უცნობია ვის გაეწია სასტუმროსა და კვების ობიექტის მომსახურება და გადაეცა წარმომადგენლობითი ხარჯების მუხლით შესყიდული საჩუქრები.

შპს ,,სპორტმშენსერვისი“ წარმოადგენს სამინისტროს კონტროლირებულ ერთეულს, რომელიც კონსოლიდირებული არ არის და მისი კრებსითი ფინანსური ინფორმაცია აქტივების, ვალდებულებების, ნამეტისა და დეფიციტის ჯამური თანხების ჩათვლით უნდა გამჟღავნებულიყო კონსოლიდირებული ფინანსური ანგარიშგების განმარტებით შენიშვნებში, რაც არ განხორციელებულა. შესაბამისად, ფინანსური ანგარიშგების მომხმარებლები არ არიან უზრუნველყოფილი იმ მნიშვნელოვანი ინფორმაციით, რომელიც წარმოდგენილია ,,სპორტმშენსერვისის“ ფინანსურ ანგარიშგებაში და რომლის მიხედვით 2017 წლის 31 დეკემბრის მდგომარეობით საწარმოს ბალანსზე ირიცხება 100,448,747 ლარის აქტივები, 93.595,264 ლარის კაპიტალი და 6,853,483 ლარის ვალდებულებები.

სამეგრელოსა და იმერეთის წარმომადგენლობის მიერ გაწეული წარმომადგენლობითი ხარჯების არასათანადო, არასაკმარისი დოკუმენტური დასაბუთების გამო, შეუძლებელია განისაზღვროს რამდენად აუცილებელი და შედეგიანი იყო სტუმრების კვების ორგანიზება კონკრეტული ღონისძიების ფარგლებში და შეესაბამება თუ არა ამ ღონისძიების შედეგი გახარჯულ საბიუჯეტო რესურსს. შესაბამისად იქმნება საბიუჯეტო სახსრების არარაციონალურად და არაეკონომიურად ხარჯვის რისკები.

2017-2018 წლებში ა(ა)იპ „მარნეულის მუნიციპალიტეტის სპორტულ სკოლას“, მუნიციპალიტეტის ბიუჯეტიდან სუბსიდიის სახით მიღებული აქვს 2,026.2 ათასი ლარი. მარნეულის მუნიციპალიტეტის მხრიდან ა(ა)იპ „მარნეულის სპორტული სკოლის“ საქმიანობაზე არ არის დაწესებული შესაბამისი კონტროლის მექანიზმები, არ ხორციელდება სავარჯიშო პროცესების პერიოდული ინსპექტირება. აუდიტის ჯგუფმა ორი დღის განმავლობაში შერჩევით შეამოწმა ვარჯიშების მიმდინარეობა და გამოავლინა მნიშვნელოვანი შეუსაბამობები. შესაბამისად არსებობს რისკი, რომ სპორტსკოლაში ჯგუფების სავარჯიშო პროცესის ჩაუტარებლობას აქვს სისტემური ხასიათი და მწვრთნელებისა და ჯგუფების რაოდენობა სავარაუდოდ გაზრდილია ხელოვნურად.

2018 წლის ოქტომბერში მუნიციპალიტეტმა ტენდერის გზით შპს „საგზაოსთან“ გაფორმებული ხელშეკრულების ფარგლებში, შეისყიდა ხობუასა და ჩოლოყაშვილის ქუჩების რეაბილიტაციის სამუშაოები, თანხით 197.0 ათასი ლარი. მიმწოდებელს სამუშაოების შესასრულებლად ხელშეკრულებით გათვალისწინებული ახალი ლითონის მილების ნაცვლად გამოიყენა მეორადი მილები. მერია ექსპერტიზის დასკვნით ინფორმირებული იყო მეორადი, მასალით სამუშაოების შესრულების შესახებ, მიუხედავად იმისა, აღნიშნული გარემოება არ გაითვალისწინა ასანაზღაურებელი ღირებულების განსაზღვრისას და სამუშაოების მიღება-ჩაბარების პროცესში. შედეგად, მუნიციპალიტეტმა შეისყიდა ძველი მილებით შესრულებული სამუშაო, რაშიც მიმწოდებელს გადაუხადა ახალი მილების ღირებულება, თანხით 44.3 ათასი ლარი.

სოციალურ-კულტურული და სპორტული ღონისძიებების გამართვისა და შესაბამისი ხელშეკრულებების გაფორმების თარიღების შესაბამისობის საკითხი. გამოვლინდა, რომ აღნიშნულ ღონისძიებებზე მოწვეული სტუმრებისათვის წარმომადგენლობითი ხარჯების შესყიდვის ზოგიერთი ხელშეკრულება გაფორმებულია დარღვევით, კერძოდ, ღონისძიებების ჩატარებისა და შესყიდვის პროდუქტების მიღების შემდეგ.

სააგენტოს არ აქვს აღრიცხული სამედიცინო დაწესებულებების მიმართ 2017 წლის 31 დეკემბრის მდგომარეობით სამედიცინო დაწესებულებების შემოწმების შედეგად წარმოქმნილი 131,779 ლარის დებიტორული დავალიანება;

მიუხედავად იმისა, რომ დევნილთა სოციალური დაცვის მიზნით ერთჯერადი დახმარების გაცემის წესის მოთხოვნების მიხედვით, დაუშვებელია ერთსა და იმავე პირზე, ბენეფიციარზე (ოჯახზე) ორ ან მეტჯერ ერთჯერადი დახმარების გაწევა, სამეგრელოს წარმომადგენლობის მიერ 3 ბენეფიციარზე არასწორად მოხდა თანხის (ჯამში 300 ლარის) ჩარიცხვა, რაც გამოწვეული იყო იმით, რომ ნაცვლად დაუკმაყოფილებელი ბენეფიციარების ანგარიშებზე თანხის გადარიცხვისა, შეცდომით თანხების ჩარიცხვა მოხდა უკვე გაცემული/დაკმაყოფილებული ბენეფიციარების საბანკო ანგარიშებზე. იმერეთის წარმომადგენლობის მიერ ერთ ბენეფიციარზე არასწორად მოხდა თანხის (150 ლარის) ორჯერ გაცემა, რაც გამოწვეული იყო, ბენეფიციარის მიერ ორჯერ შემოტანილი განცხადების საფუძველზე კომისიის მიერ შეცდომით ორივეჯერ მოთხოვნის დაკმაყოფილებით. აღნიშნული გარემოებები მიუთითებს, ერთჯერადი დახმარების გაცემის პროცესში არსებულ კონტროლის სისუსტეებზე, საბიუჯეტო სახსრების კანონშეუსაბამო განაწილებაზე და საბიუჯეტო სახსრების არასწორად განკარგვის რისკებზე.

მუნიციპალიტეტის მიერ მოიჯარეებისათვის დადგენილი ფასები არაგონივრულად დაბალია და მნიშვნელოვნად განსხვავდება საბაზრო ღირებულებისგან. კერძოდ, 1 კვ.მ წლიური ფასი მერყეობს 30 თეთრიდან - 25 ლარამდე (უმეტესობა 16 ლარი). აღნიშნულის დასადგენად, აუდიტის ჯგუფმა დამატებითი აუდიტორული პროცედურების შედეგად მოიპოვა მოიჯარის მიერ, ქალაქის ცენტრალურ (კომერციულად მიმზიდველ) უბანში, მუნიციპალიტეტის საკუთრებაში არსებული მიწის ფართების ქვეიჯარით გაცემის ხელშეკრულებები. შედეგად, გაირკვა, რომ საბაზრო ფასები დაახლოებით 730-ჯერ მეტია მუნიციპალიტეტის მიერ დადგენილ ფასებთან შედარებით.

2017 წლის ნოემბერში მუნიციპალიტეტმა შპს „ჯვჯ-სგან“ ტენდერის გზით შეისყიდა გურამიშვილის ქუჩაზე მდებარე მინისტადიონის მოწყობის სამუშაოები, ღირებულებით − 4.9 ათასი ლარი. დათვალიერებით გამოვლინდა, რომ სტადიონის ხელოვნური საფარი მნიშვნელოვნად არის დაზიანებული და გამოუსადეგარია. პასუხისმგებელი პირის განმარტებით, მუნიციპალიტეტმა სამუშაოების შესასრულებლად გამოიყენა ნაჩუქარი ხელოვნური საფარი, აღნიშნული საფარის ზომა სტადიონის ფართობის შეუსაბამოა. მუნიციპალიტეტმა სამუშაოები დაგეგმა არასათანადოდ, კერძოდ, სტადიონის საფუძველი მოაწყო ისე, რომ არ გაითვალისწინა არსებული ხალიჩის მდგომარეობა და ზომები. შედეგად, შესრულებული სამუშაოები უხარისხოა და მასში გადახდილი 4.9 ათასი ლარი წარმოადგენს არაეფექტიან ხარჯს.

ა(ა)იპ-მა − „ახალგაზრდები მთისთვის“ 2017-2018 წლებში უზრუნველყო 7 სხვადასხვა ღონისძიების ორგანიზება, რომელთა საკასო ხარჯი 86.6 ათასი ლარია. მომსახურების მიწოდებაზე გაფორმებულია მიღება-ჩაბარების აქტები, რომლებიც ხელმოწერილია მუნიციპალიტეტის განათლების, კულტურის, ძეგლთა დაცვის, სპორტისა და ახალგაზრდულ საქმეთა სამსახურის უფროსის ან მთავარი სპეციალისტის მიერ. ა(ა)იპ − „ახალგაზრდები მთისთვის“ სადამფუძნებლო დოკუმენტაციის მიხედვით რეგისტრირებულია 2016 წელს, დამფუძნებელთა ჯგუფის მიერ. სუბიექტის მმართველი ორგანოა გამგეობა, რომელიც შედგება წევრთა საერთო კრების მიერ არჩეული წევრებისგან. ა(ა)იპ-ის გამგეობის პერსონალური შემადგენლობის შესწავლით გამოვლინდა, რომ გამგეობის 7-დან 3 წევრი შესამოწმებელ პერიოდში მუშაობდა მუნიციპალიტეტის განათლების, კულტურის, ძეგლთა დაცვის, სპორტისა და ახალგაზრდულ საქმეთა სამსახურში. აქედან გამომდინარე, აღნიშნული სამსახურის წარმომადგენლები იბარებდნენ მათივე ხელმძღვანელობის ქვეშ არსებული სუბიექტის მიერ გაწეულ მომსახურებას.

• ფინანსურ ანგარშგებაში არ არის აღრიცხული შემოსავლების სამსახურის პირადი ბარათის მონაცემებით საგადასახადო აქტივების ნაშთები 2017 წლის 1 იანვრისა და 31 დეკემბრის მდგომარეობით, შესაბამისად, 183,712 და 187,251 ლარი . • სააგენტოს „სხვა დანარჩენი მოკლევადიანი მოთხოვნების“ ანგარიშზე 2017 წლის 31 დეკემბრის მდგომარეობით აღრიცხულია 203,945 ლარის დებიტორული დავალიანება, რომელიც სააგენტოს, როგორც სოციალური დაზღვევის ფონდის უფლებამონაცვლეს, გადმოეცა მისი გაუქმების შედეგად, წარმოდგენილი დოკუმენტაციის მიხედვით კი აღნიშნული დავალიანების ამოღების ალბათობა ნულია.

აღმოსავლეთისა და სამეგრელოს წარმომადგენლობის მიერ მცირეფასიანი გადაუდებელი რემონტების პროგრამის ფარგლებში, გამოვლინდა შეუსაბამობები და დარღვევა-ნაკლოვანებები, კერძოდ, დაფიქსირდა როგორც სარემონტო სამუშაოების არაჯეროვნად ჩატარების, ისე წარმომადგენლობებში შექმნილი სპეციალური კომისიების მიერ მათზე დაკისრებული მოვალეობების არასათანადოდ შესრულების ფაქტები. აღნიშნული მიუთითებს დევნილთა საცხოვრებელ ობიექტებში მცირეფასიან სარემონტო სამუშაოებზე გაწეული ხარჯების არაეფექტიანობაზე და კონტროლის სისუსტეებზე. წარმომადგენლობებში შექმნილი სპეციალური კომისიის მიერ ჩატარებული სამუშაოების არაჯეროვან შესწავლასა და კონკრეტული სამუშაოს შესრულების შედეგების უკონტროლობაზე

მარნეულის მუნიციპალიტეტს საკუთრებაში გააჩნია ქონება, რომელიც არ არის განკარგული. აუდიტის ჯგუფი დაინტერესდა აღნიშნული ქონების მდგომარეობით. საკითხის შესწავლით, გამოვლინდა, რომ მუნიციპალიტეტის განუკარგავი ქონების ნაწილი, არაუფლებამოსილი პირების მიერ უკანონოდ გამოიყენება კომერციული საქმიანობისათვის,

მუნიციპალიტეტმა 2017 წლის 4 აპრილს გამოაცხადა ტენდერი ქ. ხონში, გზების მოასფალტების სამუშაოებზე, სავარაუდო ღირებულებით − 638.3 ათასი ლარი. ტენდერში მონაწილეობა მიიღო ხუთმა პრეტენდენტმა. ყველაზე დაბალი ფასი − 435.8 ათასი ლარი დააფიქსირა შპს „არქეოპოლისმა“. მუნიციპალიტეტმა შპს „არქეოპოლის“ მიანიჭა დისკვალიფიკაცია, რადგან დაზუსტებულ ხარჯთაღრიცხვაში წარმოდგენილი სამუშაოების ღირებულება, მექანიკური შეცდომის შედეგად, 11.0 ლარით აღემატებოდა საერთო ჯამს. შესწავლით ირკვევა, რომ შპს „არქეოპოლისს“ 11.0 ლარის უზუსტობა დაშვებული ჰქონდა თავდაპირველად წარმოდგენილ ხარჯთაღრიცხვაშიც. მოქმედი კანონმდებლობით, სატენდერო დოკუმენტაციის დაზუსტების მოთხოვნისას, სატენდერო კომისია ვალდებული იყო გადაემოწმებინა ხარჯთაღრიცხვაში წარმოდგენილი თანხების სისწორე და შეუსაბამობის შემთხვევაში, კონკრეტულად მიეთითებინა პრეტენდენტისთვის დასაზუსტებელი პოზიციის/ნაწილის შესახებ, რაც არ განუხორციელებია. . 2017 წლის ივნისში მუნიციპალიტეტმა განმეორებით გამოაცხადა ტენდერი ქ. ხონში გზების მოასფალტების სამუშაოებზე. ტენდერში მონაწილეობა მიიღო მხოლოდ ერთმა პრეტენდენტმა − შპს „ინდიკომ“, რომელიც გამოცხადდა გამარჯვებულად და გაუფორმდა ხელშეკრულება, თანხით − 628.8 ათასი ლარი. აღსანიშნავია, რომ შპს „ინდიკოსთან“ გაფორმებული ხელშეკრულების ღირებულება 193.0 ათასი ლარით აღემატება შპს „არქეოპოლისის“ მიერ შეთავაზებულ ფასს.

მუნიციპალიტეტმა 6 ა(ა)იპ-ის სუბსიდიის მოცულობის დაგეგმვისა და დაფინანსების პროცესში არ გაითვალისწინა კანონის მოთხოვნა. კერძოდ, 2017 წლის დაფინანსება არ არის შემცირებული 2016 წლის მოსალოდნელი საკასო შესრულების 90%-მდე. დადგენილი ზღვრული ნორმა გადაჭარბებულია 278.2 ათასი ლარით.

• ცენტრალურ აპარატს „სხვა დანარჩენი მატერიალური მარაგების“ ანგარიშზე 2017 წლის 31 დეკემბრის მდგომარეობით აღრიცხული აქვს 326,693 ლარის მატერიალური მარაგები, რომელიც სამინისტროს შეფასებით შემდგომი გამოყენებისთვის გამოუსადეგარია. •C ჰეპატიტის მართვის პროგრამის ფარგლებში 2017 წლის 31 დეკემბრის მდგომარეობით სააგენტოს აღრიცხული აქვს ვადაგასული მედიკამენტები, სულ - 26,236,866 ლარის ოდენობით. სააგენტოს შესაბამისი უფლებამოსილი პირის განმარტებით, აღნიშნულის გამომწვევ ძირითად მიზეზს წარმოადგენდა ის გარემოება, რომ პროგრამის ამოქმედების თავდაპირველ ეტაპზე (2015 წელი) ძირითად სამკურნალო პრეპარატს წარმოადგენდა სოფოსბუვირი, რომელიც სამკურნალო რეჟიმების მიხედვით ინიშნებოდა სხვა მედიკამენტებთან (ინტერფერონი და რიბავირინი) კომბინაციით. 2016 წლის თებერვლიდან აღნიშნული პრეპარატი ჩანაცვლდა ახალი თაობის მედიკამენტით-ჰარვონით, რომლის მიხედვითაც შეიცვალა სამკურნალო რეჟიმები, რამაც მკვეთრად შეამცირა თავდაპირველ ეტაპზე გამოყენებული პრეპარატების (სოფოსბუვირი, ინტერფერონი და რიბავირინი) მოხმარება.

წარმომადგენლობებში ერთჯერადი სოციალური დახმარებისა და მცირეფასიანი გადაუდებელი რემონტების პროგრამების ფარგლებში შემოსული განცხადებებიდან, აღმოსავლეთის წარმომადგენლობაში 419, სამეგრელოს წარმომადგენლობაში 8, ხოლო იმერეთის წარმომადგენლობაში 6 გამცხადებელს პროგრამული ბიუჯეტის ამოწურვის გამო განცხადებების დაკმაყოფილებაზე ეთქვათ უარი, რაც აღმოსავლეთის წარმომადგენლობის მიერ პროგრამული ბიუჯეტის დაგეგმვის პრობლემებსა და დევნილთა საჭიროებების შეუსაბამო შესწავლაზე მიუთითებს. აგრეთვე დაფიქსირდა 2 შემთხვევა (1 სამეგრელოს წარმომადგენლობაში, 1 იმერეთის წარმომადგენლობაში), როდესაც მოთხოვნილი მცირეფასიანი რემონტის ღირებულების პროგრამით დაწესებულ ერთეული დაფინანსების ლიმიტზე (800 ლარი) გადაჭარბების შემთხვევებში, არასაკმარისი სახსრების გამო, უარი ეთქვათ ბენეფიციარებს განცხადებების დაკმაყოფილებაზე. შექმნილი ვითარების მიუხედავად, დამატებითი სახსრების გამოყოფის თაობაზე, წარმომადგენლობების მიერ არ მომხდარა მიმართვა აფხაზეთის მთავრობისადმი. აქვე უნდა აღინიშნოს ისიც, რომ წლიდან წლამდე აფხაზეთის ავტონომიური რესპუბლიკის რესპუბლიკურ ბიუჯეტში არსებობს გაუხარჯავი სახსრების თავისუფალი ნაშთი, რომლის მიზნობრივად და ეფექტიანად მოთხოვნა-გამოყენების შემთხვევაში, შესაძლებელი იქნებოდა დახმარების მთხოვნელ იმ დევნილთა საჭიროებების დაკმაყოფილება, რომელთაც თანხის ამოწურვის მიზეზით უარი ეთქვათ დაფინანსებაზე

სატენდერო პროცესის არასწორად წარმართვის და სატენდერო კომისიის არაკვალიფიციური გადაწყვეტილებების გამო, ნაპირსამაგრი სამუშაოების შესყიდვის მიზნით გამოცხადებული თავდაპირველი ტენდერი შეწყდა, ხოლო ხელმეორედ გამოცხადებულ ტენდერში ხელშეკრულება გაუფორმდა კომპანიას, რომელიც იგივე სამუშაოებს ასრულებდა 423.0 ათასი ლარით მეტად, ვიდრე შეწყვეტილ ტენდერში დაბალი ფასის წარმომდგენი კომპანია. აღნიშნულიდან გამომდინარე, სოფელ დამია-გეორარხში, მდინარე დებედაზე, ნაპირსამაგრი ობიექტის მოსაწყობად, ადგილობრივი ბიუჯეტიდან 423.0 ათასი ლარი დაიხარჯა არაეკონომიურად.

2017-2018 წლებში ხონის მუნიციპალიტეტში სოციალურად დაუცველი მოსახლეობის კვებით უზრუნველყოფის მიზნით, ფუნქციონირებენ: ა(ა)იპ − ხონის მუნიციპალიტეტის სათნოების სახლი და ა(ა)იპ − ხონის მუნიციპალიტეტის მადლიერების სახლი. აღნიშნულ პერიოდში ა(ა)იპ-ების დაფინანსებაზე მუნიციპალიტეტმა დახარჯა 407.0 ათასი ლარი. ორივე ორგანიზაციაში დასაქმებული იყო ჯამში 22 თანამშრომელი. ორივე იურიდიული პირი ერთნაირ მომსახურებას სთავაზობს ბენეფიციარებს. ორივე მდებარეობს ქალაქ ხონში, ტერიტორიულად ერთმანეთთან ახლოს, თითოეულს გააჩნია სათანადო პირობები და საკმარისი რესურსი პროგრამით მოსარგებლეთა დასაკმაყოფილებლად. შესაბამისად, აღნიშნული საქმიანობა თავისი მასშტაბიდან და სპეციფიკიდან გამომდინარე, მომსახურების ხელმისაწვდომობისა და ხარისხის შეუცვლელად, შესაძლებელია განხორციელდეს ერთი ორგანიზაციის მიერ. მუნიციპალიტეტმა ვერ წარმოადგინა მტკიცებულებები, რატომ არის უფრო ეფექტიანი და მეტი შედეგის მომტანი აღნიშნული საქმიანობისათვის ორი ა(ა)იპ-ის ფუნქციონირება. 2017-2018 წლებში ა(ა)იპ-ებში ადმინისტრაციის შრომის ანაზღაურებაზე სულ დაიხარჯა 116.4 ათასი ლარი

წარმოდგენილი ინფორმაციის მიხედვით, 2017-2018 წლებში გადამხდელი იურიდიული პირებიდან მისაღები დასუფთავების მოსაკრებელი 152.2 ათას ლარს შეადგენდა. ფაქტობრივად ამოღებულია 145.8 ათასი ლარი (96%). ფიზიკურ პირებს მოსაკრებელი შესამოწმებელ პერიოდში საერთოდ არ გადაუხდიათ. მუნიციპალიტეტმა ვერ წარმოადგინა ინფორმაცია გადამხდელთა ბაზისა და გადასახდელი მოსაკრებლების მოცულობის შესახებ. შესაბამისად, მუნიციპალიტეტის მერიამ ვერ უზრუნველყო ადგილობრივ ბიუჯეტში შესაბამისი შემოსავლების მობილიზება.

დიალიზი და თირკმლის ტრანსპლანტაციის პროგრამის ჰემო და პერიტონეული დიალიზისათვის საჭირო სადიალიზე საშუალებების, მასალისა და მედიკამენტების შესყიდვის და მიწოდების კომპონენტის ფარგლებში მატერიალურ მარაგებს სააგენტო გადასცემს 27 სამედიცინო დაწესებულებას, რომლებიც მომსახურებას უწევს პროგრამის ბენეფიციარებს. მატერიალური მარაგების მიღებისა და გასვლის ოპერაციის ბუღალტრული გატარების საფუძველია სამმხრივი მიღება-ჩაბარების აქტი მარაგების გადაცემის შესახებ - სააგენტოს, მედიკამენტის მომწოდებელ ორგანიზაციასა და სამედიცინო დაწესებულებას შორის. მატერიალური მარაგის სამედიცინო დაწესებულებისთვის გადაცემა არ აკმაყოფილებს მისი ხარჯად აღიარების კრიტერიუმს , ხარჯვის შესახებ ინფორმაციას სამედიცინო დაწესებულებები სააგენტოს წარუდგენენ დამტკიცებული ხარჯთაღრიცხვის ფორმების შესაბამისად, რომელშიც ასევე აღნიშნულია თვის საწყისი და საბოლოო ნაშთის რაოდენობრივი მაჩვენებელი. სამინისტროს მიერ წარმოდგენილი ინფორმაციით, 2017 წლის 1 იანვრისა და 31 დეკემბრის მდგომარეობით მოცემული სამკურნალო საშუალებების ნაშთი შეადგენდა შესაბამისად, 1,939,025 ლარსა და 2,951,718 ლარს .

2017 წლის განმავლობაში, აღმოსავლეთის, იმერეთისა და სამეგრელოს წარმომადგენლობების მიერ, მცირეფასიანი გადაუდებელი რემონტების პროგრამისათვის განკუთვნილი სამშენებლო მასალებისა და მომსახურების შესყიდვა, მიუხედავად მათი ერთგვაროვნებისა, განხორციელდა სხვადასხვა სამშენებლო CPV კოდზე. სარემონტო მასალებისა და მომსახურების ჯამური თანხა სამივე შემთხვევაში აღემატებოდა კანონმდებლობით დადგენილ ზღვარს, თუმცა, მათი შეძენა განხორციელდა გამარტივებული შესყიდვის წესის შესაბამისად. აღნიშნულიდან გამომდინარე, ადგილი ჰქონდა სახელმწიფო შესყიდვების განხორციელების პროცედურების დარღვევას, რაც ქმნიდა კანონმდებლობით დადგენილი შესყიდვის საშუალების მონეტარული ზღვრების ხელოვნურად დაყოფის და საბიუჯეტო სახსრების არარაციონალურად ხარჯვის რისკებს.

მარნეულის მუნიციპალიტეტს არ აქვს მიღებული საქართველოს მთავრობის დადგენილებით განსაზღვრული ნორმატიული აქტი მუნიციპალური ავტოპარკის გადანაწილების, კლასიფიკაციისა და სამსახურებრივი ავტომანქანის შესყიდვის წესის თაობაზე. დარღვეულია მთავრობის მიერ  სამსახურებრივი უფლებამოსილების განსახორციელებლად დაშვებული ავტომანქანების ზღვრული ოდენობა.  აუდიტის ობიექტს არ გააჩნია რაციონალური მიდგომა მისი ფუნქციონირებისათვის საჭირო ავტოსატრანსპორტო საშუალებების გამოყენებასა და საწვავის ხარჯვასთან დაკავშირებით. აუდიტის ჯგუფის მოსაზრებით, მარნეულის მუნიციპალიტეტმა ხარჯი გასწია საბიუჯეტო ასიგნებების ეკონომიური და რაციონალური ხარჯვის ვალდებულების დაცვის გარეშე.

2017-2018 წლებში (ა)იპ − ხონის ახალგაზრდა ტექნიკოსთა სახლიის დაფინანსებისათვის სულ გაცემულია 239.4 ათასი ლარი. აღნიშნული ა(ა)ის-ის შენობა იჯარით აქვს გადაცემული ერძო სკოლას − სპს „ტექნიკურ შემოქმედების გიმნაზიას“. შენობაში კერძო სკოლის სასწავლო პროცესის დასრულების შემდეგ, (14:00 საათიდან) გათვალისწინებულია ა(ა)იპ-ის სასწავლო პროცესი. შესწავლით ირკვევა, რომ ა(ა)იპ ვერ უზრუნველყოფს დებულებით დაკისრებული ვალდებულებების შესრულებას და გამართულ ფუნქციონირებას. ა(ა)იპ-ის 27 წრიდან, ძირითადად მხოლოდ სასკოლო საგნების სწავლება მიმდინარეობს, ხოლო დანარჩენი წრეები, სათანადო დაინტერესების არარსებობის გამო, არ ფუნქციონირებენ. წარმოდგენილი მონაცემებით, ა(ა)იპ-ის წრეებში უმრავლეს შემთხვევაში ირიცხებიან კერძო სკოლის (სპს „ტექნიკურ შემოქმედების გიმნაზიის“) მოსწავლეები, ხოლო სასწავლო პროცესებს, როგორც ა(ა)იპ-ში ასევე სკოლაში, უძღვებიან ერთი და იგივე პედაგოგები. აღნიშნულიდან გამომდინარე, შეიძლება ითქვას, რომ ა(ა)იპ-ის სასწავლო პროცესი ძირითადად კერძო სკოლის პროგრამების გაგრძელებაა და ემსახურება მის ინტერესებს. აღსანიშნავია, რომ ა(ა)იპ-ის დირექტორი არის კერძო სკოლის ერთ-ერთი დამფუძნებელი. შესაბამისად, ა(ა)იპ-ის ხელმძღვანელმა, თავისი ინტერესების სასარგებლოდ ა(ა)იპ-ის შენობა იჯარით მიაქირავა მის მიერ დაფუძნებულ ორგანიზაციას. 2017-2018 წლებში მის დაფინანსებაზე გადახდილი 239.4 ათასი ლარი წარმოადგენს არაეფექტიან ხარჯს.

შესაბამისი შრომითი რესურსის არსებობის პირობებში, მუნიციპალიტეტმა ვერ დაასაბუთა საფინანსო-საკონსულტაციო მომსახურების შესყიდვის აუცილებლობა. კერძოდ, 2017 წელს მუნიციპალიტეტმა ხელშეკრულება გააფორმა შპს „დაუ+“-თან საფინანსო-საკონსულტაციო მომსახურების შესყიდვაზე, ღირებულებით 4.8 ათასი ლარი. ხელშეკრულების თანახმად, შპს „დაუ+“-ს ევალებოდა მუნიციპალიტეტის სამსახურების იდენტური ფუნქციები.

• დასტურის წერილის გასაგზავნად ცენტრალური აპარატისა და სააგენტოს დებიტორული დავალიანების რეესტრიდან შერჩეულია 91 ორგანიზაცია, რომელთა დავალიანება 2017 წლის 31 დეკემბრის მდგომარეობით შეადგენდა 30,307,621 ლარს. პასუხი მიღებულია 38 ორგანიზაციისგან, საიდანაც დადასტურებულია მხოლოდ 8 ორგანიზაციის დებიტორული დავალიანება - 4,207,110 ლარი, რაც შეადგენს შერჩეული ორგანიზაციების დავალიანების მხოლოდ 14%-ს. დებიტორული დავალიანების დასადასტურებლად ძირითადი აუდიტორული პროცედურები (გარე დადასტურება) საკმარისი არ აღმოჩნდა და ვერც ალტერნატიული პროცედურების განხორციელება გახდა შესაძლებელი, ვინაიდან სააგენტოს დებიტორული დავალიანების დიდ ნაწილს შეადგენს ხანდაზმული დავალიანებები, რომლებიც წარმოქმნილია სახელმწიფო პროგრამების ზედამხედველობის ფარგლებში დაკისრებული საჯარიმო სანქციებით. თანხების ბიუჯეტში აღდგენას ორგანიზაციები ახორციელებენ ხაზინის ერთიან ანგარიშზე ჩარიცხვით. იმ შემთხვევაში, თუ ორგანიზაციას საგადახდო დავალებაში არ აქვს მითითებული დავალიანების წარმოქმნის საფუძველი ან არ არის საგადახდო დავალება წარმოდგენილი სააგენტოში, ხაზინის ამონაწერით ვერ ხერხდება იმ დავალიანების იდენტიფიცირება, რომლის დაფარვის მიზნითაც განხორციელდა გადახდა. ცენტრალურ აპარატში კი არ არის განხორციელებული მოთხოვნა-ვალდებულებების ინვენტარიზაცია და შესაბამისად, არ არის გაფორმებული შედარების აქტები; • ფინანსურ ანგარიშგებაში 2017 წლის 31 დეკემბრის მდგომარეობით აღრიცხულია 2010 წლამდე 19 პირის მიმართ წარმოშობილი 303,227 ლარის დებიტორული დავალიანება, რომლის წარმოშობის დამადასტურებელ დოკუმენტაციას სამინისტრო არ ფლობს. ამასთანავე, ნაშთების რეალურობის დადგენის მიზნით, მოთხოვნების ინვენტარიზაციის დროს ორგანიზაციებთან არ გაფორმებულა ურთიერთშედარების აქტები. • ფინანსურ ანგარიშგებაში - „მოთხოვნები არაფინანსური აქტივების დანაკლისებით“, ანგარიშზე 2017 წლის 31 დეკემბრის მდგომარეობით აღრიცხულია 444,194 ლარის დავალიანება, ხოლო დანაკლისის აღდგენისთვის გატარებული ღონისძიებების დამადასტურებელი დოკუმენტაცია სამინისტრომ ვერ წარმოადგინა; • ცენტალურ აპარატსა და რეგულირების სააგენტოში 2017 წელს არ ჩატარებულა მატერიალური მარაგების სავალდებულო ინვენტარიზაცია. 2017 წლის 31 დეკემბრის მდგომარეობით კი აღრიცხულია 2,048,647 ლარის მატერიალური მარაგები.

საგზაო სამუშაოებზე შემსყიდველის მეშვეობით, მიმწოდებლის მიერ წარმოდგენილი ინერტული მასალების ტრანსპორტირების დოკუმენტების მიხედვით, სოფლებში შეტანილია 9166 კუბ.მ-ით ნაკლები ინერტული მასალა, ღირებულებით 125,1 ათასი ლარი. თუმცა საექსპერტო კომპანიას და მუნიციპალიტეტში შექმნილ სამუშაოების მიმღებ ჯგუფს სრულად აქვს დადასტურებული ფორმა №2-ში დაფიქსირებული ინერტული მასალის ადგილზე მიტანა. მიუხედავად იმისა, რომ მიმწოდებლების მიერ წარმოდგენილი დოკუმენტების მიხედვით, შესრულებული სამუშაოების ფაქტობრივი მოცულობები ნაკლებია ფორმა №2-ში დაფიქსირებულ მონაცემებთან შედარებით, მარნეულის მუნიციპალიტეტის მიერ მიმწოდებლებისათვის თანხები ანაზღაურებულია სრულად

ხონის მუნიციპალიტეტის მიერ დაფუძნებულია ა(ა)იპ − ხონის მუნიციპალიტეტის სასაფლაო მეურნეობის მართვის სამსახური, რომლის დაფინანსებაზე 2017-2018 წლებში მუნიციპალიტეტმა გასწია 238.3 ათასი ლარის ხარჯი. ა(ა)იპ-ში სულ დასაქმებული იყო 24-25 თანამშრომელი. 2017-2018 წლებში შრომის ანაზღაურების სახით გაცემული 213.0 ათასი ლარიდან, ძირითადი ფუნქციების შემსრულებელ პირებზე დახარჯულია მხოლოდ 28.1 ათასი ლარი, ხოლო დანარჩენი თანხა 184.9 ათასი ლარი, გაცემულია ადმინისტრაციასა და სხვა ორგანიზაციული საქმიანობით დაკავებული პირების შრომის ანაზღაურებაზე.

მუნიციპალიტეტმა სახელმწიფო შესყიდვების კანონმდებლობით განსაზღვრული მონეტარული ზღვრების დარღვევით ჩაატარა 4 სახელმწიფო შესყიდვა და ელექტრონული შესყიდვის ნაცვლად გამოიყენა გამარტივებული შესყიდვის საშუალება. ხელშეკრულებების ჯამური ღირებულება 12.0 ათასი ლარია. შესყიდვების წლიური გეგმით დამტკიცებული პარამეტრების გადაჭარბებით, გამგეობამ განახორციელა 47 სახელმწიფო შესყიდვა, ღირებულებით − 260.8 ათასი ლარი. აღსანიშნავია, რომ გეგმის კორექტირება შემდგომშიც არ მომხდარა.

• ფინანსურ ანგარიშგებაში აღრიცხულია რეფერალური მომსახურების პროგრამის ფარგლებში 2006-2017 წლამდე პერიოდში 919 ფიზიკური პირის მიმართ წარმოშობილი დებიტორული დავალიანება, სულ 13,450,817 ლარი . აღნიშნული პროგრამის ფარგლებში ბენეფიციარები დახმარებას იღებენ კომისიის საოქმო გადაწყვეტილების საფუძველზე, რომელიც განსაზღვრავს კონკრეტული ბენეფიციარისთვის ქვეყნის გარეთ სამედიცინო დაწესებულებაში მომსახურების მისაღებად გადასარიცხ თანხას. გადაწყვეტილების საფუძველზე ფორმდება შეთანხმება ბენეფიციართან/მისი ნდობით აღჭურვილ პირთან, რომლის მიხედვით, იგი ვალდებულია გამგზავრების წინ წარმოადგინოს გამგზავრების დამადასტურებელი დოკუმენტი (ბილეთი/ჯავშანი), ხოლო მიღებული მომსახურების შემდეგ არა უგვიანეს 30 კალენდარული დღისა - შესრულებული სამუშაოს დამადასტურებელი დოკუმენტები. ასევე ბენეფიციარი/მისი ნდობით აღჭურვილი პირი ვალდებულია სააგენტოს აცნობოს საზღვარგარეთ სამკურნალო დაწესებულებების მიერ მისთვის გადარიცხული თანხის არასრულად გამოყენების თაობაზე და არ გამოიტანოს აღნიშნული თანხა სამკურნალო დაწესებულებიდან. ვალდებულებების შეუსრულებლობის შემთხვევაში კი ბენეფიციარი ან/და მისი ნდობით აღჭურვილი პირი ვალდებულია სააგენტოში სრულად დააბრუნოს მისთვის გამოყოფილი თანხა. სამინისტროს განმარტებით, დებიტორული დავალიანება აღიარდება თანხის გადარიცხვის დროს, რომლის ჩამოწერის საფუძველი არის ბენეფიციარის ან/და მისი ნდობით აღჭურვილი პირის მიერ წარმოდგენილი მომსახურების დამადასტურებელი დოკუმენტაცია. სამინისტროს ხარჯის დამადასტურებელი დოკუმენტაციის მისაღებად, შესაბამისი ღონისძიებები არ გაუტარებია . დებიტორული დავალიანების დასადასტურებლად დასტურის წერილი ვერ გაიგზავნა და არც აუდიტის ობიექტს შეუფასებია დებიტორული დავალიანება ინსტრუქციის 43-ე მუხლის 31-ე პუნქტის შესაბამისად ;

მარნეულის მუნიციპალიტეტის 2017-2018 წლების ბიუჯეტების წლიური ანგარიშების თანახმად, რიგ პროგრამებში დაზუსტებულ ასიგნებასა და გადახდილ თანხას შორის სხვაობა აღემატება 30%-ს. იმ შემთხვევაში, როდესაც შეუსაბამობა 30%-ს აღემატება, ბიუჯეტის შესრულების წლიური ანგარიში უნდა მოიცავდეს განმარტებებს. მიუხედავად ამისა, მარნეულის მუნიციპალიტეტის ბიუჯეტის შესრულების წლიურ ანგარიშში არ არის ასახული განმარტება პროგრამების შეუსრულებლობის მიზეზების შესახებ.

ხონის მუნიციპალიტეტში ფუნქციონირებს ა(ა)იპ − ხონის კომუნალური სერვისცენტრი, რომლის დაფინანსებაზე 2017-2018 წლებში მუნიციპალიტეტმა გასწია 1,078.4 ათასი ლარი. აღნიშნულ პერიოდში ორგანიზაციაში საშუალოდ დასაქმებული იყო 87 თანამშრომელი, რომლებზეც შრომის ანაზღაურების სახით გაცემულია 763.1 ათასი ლარი, ა(ა)იპ − ში არაგონივრულად მაღალია დასაქმებულ თანამშრომელთა რაოდენობა, მათ შორის, ზედამხედველობის ფუნქციის მქონე კადრები. ორგანიზაცია ვერ უზრუნველყოფს ადამიანური რესურსების ეფექტიან გამოყენებას, მუნიციპალური სერვისების ხარისხის გაუმჯობესებას, რაც საბიუჯეტო სახსრების არაეფექტიან ხარჯვას იწვევ

მუნიციპალიტეტმა ვერ უზრუნველყო 2017-2018 წლის ბიუჯეტის შესრულების ანგარიშის საბიუჯეტო კოდექსის მოთხოვნების შესაბამისად წარდგენა. შესაბამისად, მუნიციპალიტეტის საკრებულოს, მოსახლეობასა და სხვა დაინტერესებულ სუბიექტებს არ მიეწოდათ რეალური ინფორმაცია ბიუჯეტით გათვალისწინებული ასიგნებების ხარჯვისა და მიღებული შედეგების შესახებ.

C ჰეპატიტის მართვის პროგრამის ფარგლებში 2017 წლის 31 დეკემბრის მდგომარეობით აღრიცხული მატერიალური მარაგების ნაშთი შეადგენდა 1,188,788,129 ლარს. აღნიშნული მარაგები ინახებოდა როგორც სააგენტოს საწყობებში - შპს „ფსიქიკური ჯანმრთელობისა და ნარკომანიის პრევენციის ცენტრსა“ და „მედფარმა პლუსში“, ისე პროგრამაში ჩართულ 32 სამედიცინო დაწესებულებაში, საიდანაც ბენეფიციარებზე გაიცემოდა მედიკამენტები. სააგენტოს 2017 წელს ჩატარებული ინვენტარიზაციის შედარების უწყისის თანახმად C ჰეპატიტის მართვის პროგრამის ფარგლებში არ დაფიქსირებულა ზედმეტობა/დანაკლისი, თუმცა სააგენტოს დეტალური აღწერების შესახებ წარმოდგენილი დოკუმენტაციით, ინვენტარიზაცია ჩატარებულია მხოლოდ საწყობებში და არა სამედიცინო დაწესებულებებში. სამედიცინო დაწესებულებებში კი, განხორციელებულია მედიკამენტების მონიტორინგი 2017 წლის 6 ივნისიდან 22 ნოემბრის ჩათვლით . ამასთანავე პროგრამის მართვისთვის გამოყენებული პროგრამული უზრუნველყოფა მოიცავს დაწესებულებებს შორის შიდა გადაცემებს, რომლებიც არ არის გამიჯნული მედიკამენტის რეალური მიღების და ბენეფიციარზე გაცემის მონაცემებისგან.

2017-2018 წლებში მარნეულის მუნიციპალიტეტში მიღებულია პრიორიტეტის დოკუმენტი, რომელიც წარმოადგენს მუნიციპალიტეტის განვითარების გეგმას. პრიორიტეტის დოკუმენტში განსაზღვრულია პროექტები და მიმართულებები, რომლებიც უნდა განხორციელდეს დაგეგმილი წლის განმავლობაში. საკითხის შესწავლით გაირკვა, რომ არასწორი დაგეგმვისა და არასათანადო მმართველობითი გადაწყვეტილებების შედეგად, პრიორიტეტად მიჩნეული ინფრასტრუქტურული პროექტები არ შესრულდა ან დაგვიანებით შესრულდა. აღნიშნულიდან გამომდინარე, მოსახლეობას დროულად არ მიეწოდა სხვადასხვა სახის ინფრასტრუქტურული პროექტების განხორციელებით მისაღები სარგებელი.

2016-2017 წლებში მუნიციპალიტეტის ბიუჯეტიდან დაფინანსდა ა(ა)იპ − სპორტული გამაჯანსაღებელი ცენტრის (რომელიც წარმოადგენს საფეხბურთო კლუბს) 2015 წლის სახელფასო დავალიანება, თანხით 37.7 ათასი ლარი. დავალიანების წარმოშობის მიზეზია 2015 წელს საბიუჯეტო სახსრების არასათანადო განკარგვა. ფინანსური რესურსების არასწორი მართვის შედეგად წარმოშობილი დავალიანების დაფარვა არ იყო მუნიციპალიტეტის ვალდებულება. მერიას ნაცვლად იმისა, რომ ა(ა)იპ-ის პასუხისმგებელი პირების მიმართ გაეტარებინა შესაბამისი ღონისძიებები, მისი დავალიანების დასაფარავად ზედმეტად დახარჯა 37.7 ათასი ლარი.

აუდიტის ჯგუფმა შეისწავლა შიდა აუდიტის სამსახურის საქმიანობა. გამოვლინდა, რომ 2017-2018 წლებში შიდა აუდიტის სამსახურს არ ჩაუტარებია არცერთი აუდიტორული შემოწმება. მუნიციპალიტეტმა ვერ წარმოადგინა მტკიცებულებები აღნიშნული სამსახურის მიერ სააუდიტო პერიოდში შესრულებული რაიმე სახის სამუშაოს ან შექმნილი დოკუმენტის შესახებ. 2017-2018 წლებში შიდა აუდიტის სამსახურში დასაქმებულებზე შრომის ანაზღაურების სახით გაცემულია 39.5 ათასი ლარი, მათ შორის, 2.4 ათასი ლარის პრემია და 0.9 ათასი ლარის დანამატი.

2014 წლის 3 ნოემბრიდან სამინისტრო არის შპს „რეგიონული ჯანდაცვის ცენტრის“ 100%-იანი წილის მმართველი 5 წლის ვადით, ხელშეკრულებით, მმართველი პირი აღჭურვილია მესაკუთრის (მაკონტროლებლის) უფლებამოსილებით, კერძოდ: • წარმოების სახეებისა და სამეურნეო საქმიანობის დაწყება და/ან მათი შეწყვეტა; • წესდების შემუშავება; • ანგარიშგების პროექტის განხილვა და დამტკიცება; • წმინდა მოგების განაწილება და ა.შ. 2014 წლიდან სამინისტროს მართვის ქვეშ მყოფი სახელმწიფოს წილობრივი მონაწილეობით მოქმედი საწარმოს კაპიტალში, ფულადი და ქონებრივი სახით სულ განხორციელებული აქვს 25,661,369 ლარის შენატანი . აღნიშნული ფულადი და ქონებრივი სახის შენატანებს სამინისტრო აღრიცხავდა როგორც მიმდინარე პერიოდის სხვა ხარჯებს, ნაცვლად, გრძელვადიანი ფინანსური აქტივებისა. ამასთანავე, შპს „რეგიონული ჯანდაცვის ცენტრის“ კაპიტალიდან სამინისტროს ამოღებული აქვს 3,004,071 ლარის ოდენობის ქონება . აღნიშნული ოპერაციები სამინისტროს სააღრიცხვო რეგისტრებსა და შესაბამისად, ფინანსურ ანგარიშგებაში ასახული არ არის.

ადგილობრივი თვითმმართველობის კოდექსის შესაბამისად ხელშეკრულებით დასაქმებულ პირთა რაოდენობა მარნეულის მუნიციპალიტეტისათვის 2018 წელს არ უნდა აღემატებოდეს 15-16 ერთეულს. წარმოდგენილი ინფორმაციის შესწავლით გამოვლინდა, რომ მუნიციპალიტეტმა 2018 წელს გადააჭარბა კანონით დაწესებულ ზღვარს. კერძოდ 1-დან 13 ერთეულამდე. აღნიშნულით დაირღვა საბიუჯეტო სახსრების რაციონალური და გონივრული ხარჯვის პრინციპები.

2017 წელს მუნიციპალიტეტმა მის მიერ დაფუძნებული 13 იურიდიული პირის შემთხვევაში არ გაითვალისწინა კანონმდებლობით განსაზღვრული მოთხოვნები და გასცა ზღვრულ ოდენობაზე მეტი სუბსიდია. რის გამოც, ბიუჯეტიდან ზედმეტად დაიხარჯა 150.4 ათასი ლარი.

2017 წელს გადასახდელების გეგმის საკასო შესრულება 91%-ია. დაბალია „არაფინანსური აქტივების ზრდის“ მუხლის მაჩვენებელი, კერძოდ, ბიუჯეტით განსაზღვრული 21,115.6 ათასი ლარის ნაცვლად, წლის განმავლობაში დახარჯულია 17,051.1 ათასი ლარი (გეგმის 81%), რამაც ძირითადად გეგმის შეუსრულებლობა განაპირობა. 2018 წლის განმავლობაში დახარჯულია დაგეგმილი თანხის 87%. რაც შეეხება „არაფინანსური აქტივების ზრდის“ მუხლს, 2018 წელს შესრულება მხოლოდ 76%-ია და 16,897.5 ათასი ლარის ნაცვლად დახარჯულია 12,840.0 ათასი ლარი. „არაფინანსური აქტივების ზრდის“ მუხლის შეუსრულებლობა ძირითადად ინფრასტრუქტურული პროექტების შეფერხების/დაუსრულებლობის შედეგია. შესაბამისად, მოსახლეობამ დაგეგმილ დროში ვერ მიიღო კონკრეტული პროექტები, როგორიცაა საბავშვო ბაღები, გზები, სანიაღვრე არხები, სტიქიით დაზიანებული ობიექტების მშენებლობისა და რეაბილიტაციის სამუშაოები.

ფინანსურ ანგარიშგებაში არ არის ღირებულებით შეფასებული დროებით სარგებლობაში გადმოცემული დახმარების ცენტრის 1,099 კვ.მ და ფონდის 16,123 კვ.მ არასასოფლო - სამეურნეო დანიშნულების მიწის ნაკვეთი;

2017-2018 წლებში მარნეულის მუნიციპალიტეტმა „წარმომადგენლობითი ხარჯების“ მუხლიდან, სტუმრების მასპინძლობისა და სხვადასხვა საბანკეტო მომსახურების შესყიდვის მიზნით გასწია 80.3 ათასი ლარის ხარჯი. მარნეულის მუნიციპალიტეტის მიერ არ არის შემუშავებული შიდა ინსტრუქცია/წესი, რომელიც უზრუნველყოფდა „წარმომადგენლობითი ხარჯების“ მუხლიდან კვებით მომსახურებაზე თანხების რაციონალურად, ეკონომიურად და გამჭვირვალედ ხარჯვას. 2017-2018 წლებში თანხების გამოყოფა ხდებოდა მერისა და საკრებულოს თავმჯდომარის მიერ გამოცემული ბრძანებების საფუძველზე. საკითხის შესწავლით, გაირკვა, რომ აღნიშნულ პერიოდში თანხები გახარჯულია 47 ღონისძიებაზე, თუმცა დოკუმენტებში არ არის გამიჯნული სტუმრებისა და მასპინძლების ოდენობა, გარდა ამისა, რიგ შემთხვევებში არ არის მითითებული პირთა რაოდენობა.

2017 წელს აუქციონში გამარჯვებულმა პირმა, რომელთანაც გაფორმდა ხელშეკრულება − 23.3 ათასი ლარი, შენობა დაშალა და ვარგისი მასალები გაიტანა მუნიციპალიტეტის შესაბამისი ნებართვისა და ხელშეკრულებით გათვალისწინებული თანხის სრულად გადახდის გარეშე (გადახდილია მხოლოდ 3.0 ათასი ლარი). აუდიტის მიმდინარეობის პერიოდში ქონების ღირებულება გადახდილი არ იყო.

უსახლკარო და მძიმე საცხოვრებელი პირობების მქონე პირთა საცხოვრებელი ფართით უზრუნველყოფის პროგრამა პირველ რიგში ვრცელდება ისეთ ოჯახებზე, რომლებიც დახმარებას ყველაზე მეტად საჭიროებენ. ობიექტების დათვალიერებისას აღმოჩნდა, რომ სოფლებში: კახათში, ცაიშსა და ჭითაწყარში, აღნიშნული პროექტის ფარგლებში აშენებული სახლები, დაკეტილა და საცხოვრებლად არ გამოიყენება, რაც იმაზე მიანიშნებს, რომ მუნიციპალიტეტის მიერ დანერგილი შერჩევის პრინციპით და კონტროლის მექანიზმებით ვერ გამოვლინდა შესაფერისი ოჯახები. სახლების მშენებლობაზე დახარჯულია სულ 50.4 ათასი ლარი, რომელიც ფაქტობრივად არაეფექტიანი ხარჯია, რადგან პროგრამის მიზანი − საჭიროების მიხედვით საცხოვრისით დაკმაყოფილება, ვერ იქნა მიღწეული.

ცენტრალური აპარატის ფინანსურ ანგარიშგებაში დაუმთავრებელი აქტივების ანგარიშზე აღრიცხულია 439,920 ლარის საპროექტო მომსახურების ღირებულება, მათ შორის აუდიტის ობიექტის განმარტებით 3 პროექტის მიხედვით (საპროექტო მომსახურების ღირებულება 361,020 ლარი) სამშენებლო სამუშაოები არ განხორციელებულა და მათი შემდგომი გამოყენება შეუძლებელია, ხოლო 3 პროექტის მიხედვით (საპროექტო მომსახურების ღირებულება 78,900 ლარი), სამშენებლო სამუშაოები დასრულებულია

მარნეულის მუნიციპალიტეტის საკრებულოს დადგენილების თანახმად, დასუფთავების მოსაკრებლის ადმინისტრირებას ახორციელებს მარნეულის მუნიციპალიტეტის ზედამხედველობის სამსახური. წარმოდგენილი მონაცემების მიხედვით, 2017 წელს იურიდიული პირებსა და ორგანიზაციებზე დარიცხულია 182.4 ათასი ლარი, საიდანაც მუნიციპალიტეტის ბიუჯეტში შეტანილია 99.5 ათასი ლარი. 2018 წელს დარიცხულია 245.1 ათასი ლარი, ხოლო გადახდილია 160.6 ათასი ლარი. ჯამში მუნიციპალიტეტის ბიუჯეტში შეტანილია დარიცხული მოსაკრებლის 60%.

2017-2018 წლებში არასათანადო კონტროლის შედეგად, მოიჯარეები არღვევდნენ ხელშეკრულებით განსაზღვრულ პირობებს და დროულად არ იხდიდნენ საიჯარო თანხებს, მიუხედავად ამისა, მუნიციპალიტეტი მათ მიმართ არ იყენებდა ხელშეკრულებით გათვალისწინებულ საჯარიმო სანქციას. აღნიშნულ პერიოდში გადაუხდელი საიჯარო ქირა შეადგენს 5.8 ათას ლარს.

სოფლებში: ორსანტიაში, შამადელასა და კოკში სახლები ააშენა შპს „ევრომშენი 999“-მა. წარმოდგენილი დოკუმენტაციის შესწავლით და ობიექტების დათვალიერებით გამოვლინდა, რომ სამუშაოების ნაწილი არ შესრულებულა, ნაწილი კი განხორციელდა ხარჯთაღრიცხვით დადგენილი პარამეტრების შეუსაბამოდ. აღნიშნული სამუშაოები დადასტურებულია მუნიციპალიტეტის ინსპექტირების ჯგუფის დასკვნით, რომელსაც ხელს აწერს ზედამხედველობისა და არქიტექტურის სამსახურის უფროსი. აღსანიშნავია, რომ შპს „ევრომშენი 999“ 2016 წლის მაისში დაფუძნებულია ამ პიროვნების მიერ (დირექტორი და 100%-იანი წილის მფლობელი), რომელმაც 2016 წლის ნოემბერში საწარმოს წილი უსასყიდლოდ გადასცა სხვა პირს. მუნიციპალიტეტის ზედამხედველობისა და არქიტექტურის სამსახურის უფროსს, გარდა ინსპექტირების ჯგუფის წევრობისა, თანამდებობრივადაც ევალებოდა ზედამხედველობა გაეწია მიმდინარე ინფრასტრუქტურული პროექტებისათვის. ამდენად, არსებობს რისკი, რომ აღნიშნულმა გარემოებამ ხელი შეუშალა შპს „ევრომშენი 999“-ის მიერ ხარვეზებით შესრულებული სამუშაოების გამოვლენასა და სათანადო რეაგირებას.

ცენტალურ აპარატში 2017 წელს არ ჩატარებულა ძირითადი აქტივების სავალდებულო ინვენტარიზაცია, 2017 წლის 31 დეკემბრის მდგომარეობით კი აღრიცხულია 2,621,260 ლარის ძირითადი აქტივები.

მარნეულის მუნიციპალიტეტმა (შესაბამისმა პასუხისმგებელმა პირებმა) 2017-2018 წლებში მუნიციპალიტეტის საკრებულოს არათანამდებობის პირებზე ხარჯების ასანაზღაურებლად 225.5 ათასი ლარი გასცა შესაბამისი დადასტურების გარეშე, საბიუჯეტო პროცესთან დაკავშირებული მარეგულირებელი საკანონმდებლო ნორმების შეუსაბამოდ. გარდა აღნიშნულისა, მარნეულის მუნიციპალიტეტმა საკრებულოს არაანაზღაურებად წევრებს უფლებამოსილების განხორციელებასთან დაკავშირებით, დოკუმენტური დასაბუთების გარეშე, დაუფინანსა სხვადასხვა ტიპის ხარჯი. მათ შორის 2017 წელს დაუმტკიცა საწვავის ხარჯვის ლიმიტი, რომლის ფარგლებშიც გასცა 33.4 ათასი ლარის ღირებულების   18.5  ათასი ლიტრი საწვავი.

2017-2018 წლებში ხონის მუნიციპალიტეტმა გამარტივებული შესყიდვის გზით გაფორმებულ 128.0 ათასი ლარის სამშენებლო-სარემონტო სამუშაოების ანაზრაურება განახორციელა ფაქტობრივი ხარჯის დამადასტურებელი დოკუმენტაციის გარეშე.

სოციალური სახლების დათვალიერებით გამოვლინდა, რომ 47-დან 2 სახლის მშენებლობის ხელშეკრულება შეწყვეტილია. მუნიციპალიტეტს არ დაუსრულებია ამ ხელშეკრულებებით გათვალისწინებული სამუშაოები. 17 სახლის მშენებლობა შესრულებულია ხარვეზებით. კერძოდ, მუნიციპალიტეტმა ზოგიერთი სახლისათვის ჩაიბარა შეუსრულებელი ან არასათანადოდ შესრულებული სამუშაოები და გასცა მოთხოვნილი დაფინანსება. აღნიშნული სამუშაოები მიმწოდებლების მიერ დარღვევით არის ასახული შესრულებული სამუშაოების აქტებში და დადასტურებულია საექსპერტო დაწესებულების მიერ – შპს „თი აი ეი ჯი აუდიტესკორტი“, შპს „არდა" და შპს „საქართველოს ექსპერტთა

სახელმწიფო აუდიტის სამსახურის 2015 და 2016 წლების საანგარიშგებო პერიოდების ფინანსური აუდიტის ანგარიშებში აღნიშნული იყო საყოველთაო ჯანმრთელობის დაცვის სახელმწიფო პროგრამის ფარგლებში დეკემბრის თვეში წარმოქმნილი აღურიცხავი დავალიანებების შესახებ. დავალიანებების აღრიცხვის შესახებ რეკომენდაცია გათვალისწინებულია ნაწილობრივ. კერძოდ, 2017 წლის 31 დეკემბრის მდგომარეობით და ასანაზღაურებელი შემთხვევების მიხედვით, გაფორმებული მიღება-ჩაბარების აქტების საფუძველზე, სამედიცინო დაწესებულებების მიმართ წარმოშობილი კრედიტორული დავალიანება შეადგენდა 30,253,327 ლარს, საიდანაც აღურიცხავია 6,221,673 ლარის დავალიანება. 2017 წლის 31 დეკემბრის მდგომარეობით, სააგენტოს აღრიცხული აქვს უცხოურ ვალუტაში წარმოქმნილი კრედიტორული დავალიანება შესაბამის ლარის ექვივალენტში, რომელიც წლის ბოლოს არ არის გადაფასებული სულ 12,654 ლარს.

2017-2018 წლებში მარნეულის მუნიციპალიტეტის მიერ ა(ა)იპ „ქვემო ქართლის რეგიონალურ განვითარების სააგენტოს“ ანგარიშზე, გრანტის სახით, გადარიცხულია 90.0 ათასი ლარი. მარნეულის მუნიციპალიტეტმა ვერ წარმოადგინა ინფორმაცია იმის შესახებ, თუ რა აქტივობები განახორციელა ა(ა)იპ „ქვემო ქართლის რეგიონალური განვითარების სააგენტომ“ და შედეგად რა სარგებელი მიიღო თვითმმართველობამ. აქედან გამომდინარე, ადგილობრივი ბიუჯეტიდან გაწეული 90.0 ათასი ლარის ხარჯის მიზანშეწონილობა ვერ იქნა დასაბუთებული.

2017-2018 წლებში მუნიციპალიტეტში დასუფთავების მოსაკრებელი გადახდილია მხოლოდ იურიდიული პირების მიერ, ხოლო ფიზიკური პირებისგან თანხა ამოღებული არ არის. ამასთანავე, არ არის განსაზღვრული ფიზიკური პირების ბაზა, რომლებსაც ევალებათ მოსაკრებლის გადახდა, შესაბამისად, მუნიციპალიტეტი არ ფლობს ინფორმაციას მათგან მისაღები შემოსავლის შესახებ. ხოლო იურიდიულ პირებს ადგილობრივი ბიუჯეტის მიმართ ეკისრებათ 10.6 ათასი ლარის დავალიანება.

2017-2018 წლებში მუნიციპალიტეტმა საჯარიმო სანქციები გაავრცელა 32 ხელშეკრულებაზე, პირობების შეუსრულებლობის გამო. წარმოდგენილი მონაცემების მიხედვით, დარიცხულმა სანქციამ 41.5 ათასი ლარი შეადგინა. მუნიციპალიტეტი მიწოდების ვადის დარღვევისათვის საჯარიმო სანქციას ძირითადად განსაზღვრავდა შესასრულებელი ვალდებულების ღირებულების ან ხელშეკრულების ღირებულების 0.02%-ის ოდენობით, ყოველ ვადაგადაცილებულ დღეზე. ჯარიმები, დაბალი განაკვეთის გამო, სავარაუდოდ, ვერ უზრუნველყოფდა ხელშეკრულებების პირობების შეუსრულებლობის პრევენციას. აღნიშნულით საწარმოებს შესაძლებლობა ეძლეოდათ, მიწოდების ვადის მნიშვნელოვანი დარღვევის შემთხვევაშიც კი, მინიმალური დანახარჯებით შეესრულებინათ სახელშეკრულებო პირობები.

• დასტურის წერილის გასაგზავნად ცენტრალური აპარატის და სააგენტოს კრედიტორული დავალიანების რეესტრიდან შერჩეულია 61 ორგანიზაცია, რომელთა დავალიანება 2017 წლის 31 დეკემბრის მდგომარეობით შეადგენდა 29,461,581 ლარს. ცენტრალურ აპარატს არ გაუგზავნია დასტურის წერილები მათი ხანდაზმულობის გამო, ხოლო სააგენტოს 29 ორგანიზაციიდან პასუხი მიღებულია 12 ორგანიზაციისგან, საიდანაც არცერთი დავალიანება არ დადასტურდა. კრედიტორული დავალიანების დასადასტურებლად ძირითადი აუდიტორული პროცედურები (გარე დადასტურება) საკმარისი არ აღმოჩნდა და ვერც ალტერნატიული პროცედურების განხორციელება გახდა შესაძლებელი, ვინაიდან სააგენტოს კრედიტორული დავალიანების დიდ წილს შეადგენს სახელმწიფო პროგრამების ფარგლებში წარმოქმნილი დავალიანებები. საყოველთაო ჯანმრთელობის დაცვის პროგრამის ფარგლებში შესრულებული სამუშაოს წარმოდგენა სამედიცინო დაწესებულებებს შეუძლიათ 3 საანგარიშგებო თვის ვადაში. შესაბამისად, მათ აღრიცხვაში ასახულია ის დავალიანებები, რომელთა წარმოქმნის საფუძველი ორგანიზაციას სამინისტროში ასანაზღაურებლად არ წარმოუდგენია, ხოლო ცენტრალურ აპარატში არ არის განხორციელებული მოთხოვნა-ვალდებულებების ინვენტარიზაცია და შესაბამისად, არ არის გაფორმებული შედარების აქტები; • ფინანსურ ანგარიშგებაში 2017 წლის 31 დეკემბრის მდგომარეობით აღრიცხულია 2004-2010 წლამდე წარმოქმნილი ხანდაზმული 307,452 ლარის კრედიტორული დავალიანება, რომლის წარმოშობის დამდასტურებელ დოკუმენტაციას სამინისტრო არ ფლობს. ამასთანავე, ნაშთების რეალურობის დადგენის მიზნით, ინვენტარიზაციის დროს არ მომხდარა ორგანიზაციებთან ურთიერთშედარების აქტების გაფორმება.

2017-2018 წლებში მარნეულის მუნიციპალიტეტის ძირითადი საშუალებების და მატერიალური ფასეულობების ინვენტარიზაცია არ ჩატარებულა, არ არის შედგენილი საინვენტარიზაციო აქტი და არ არის გამოყვანილი ინვენტარიზაციის შედეგები. აღნიშნული გარემოებების გათვალისწინებით, მუნიციპალიტეტში ფინანსური და არაფინანსური აქტივების დაცულობაზე კონტროლი არ არის სათანადოდ დაწესებული. შედეგად, არსებობს რისკი, რომ შეუმჩნეველი დარჩეს მუნიციპალიტეტის კუთვნილი ქონების დაკარგვის ან დაზიანების შემთხვევები და არ მოხდეს შესაბამისი რეაგირება. გარდა ამისა, არ არის გამოვლენილი გამოუყენებელი აქტივები და არ შემოწმებულა ორგანიზაციის ბალანსზე რიცხული მოთხოვნებისა და ვალდებულებების რეალურობა. არ მომხდარა აქტივებისა და ვალდებულებების ფაქტობრივი ნაშთების შედარება ორგანიზაციის სააღრიცხვო მონაცემებთან.

ხონის მუნიციპალიტეტმა 2017-2018 წლებში მუნიციპალიტეტის საკრებულოს არათანამდებობის პირებზე ხარჯების ასანაზღაურებლად 84.1 ათასი ლარი გასცა სათანადო დოკუმენტური დასაბუთების გარეშე.

მუნიციპალიტეტის მიერ გავრცელებული საჯარიმო სანქციების შესწავლით ასევე გამოვლინდა, რომ 32-დან 9 ხელშეკრულებაზე პირგასამტეხლო დარიცხულია არასრულად, კერძოდ, 7.4 ათასი ლარის ნაცვლად გაანგარიშებულია 3.8 ათასი ლარი, რაც ვადაგადაცილებული დღეების ფაქტობრივი რაოდენობის შემცირებამ განაპირობა.

ცენტრალური აპარატის 2017 წლის ინდივიდუალურ ფინასურ ანგარიშგებაში მიმდინარე ხარჯის კორექტირებით (ხარჯის შემცირებით) აღდგენილია წინა წელს ხარჯებში შეცდომით ჩამოწერილი მატერიალური მარაგები, სულ 46,539 ლარი, ხოლო სააგენტოში მიმდინარე პერიოდის ხარჯად აღიარებულია წინა წელს გახარჯული მარაგები, სულ 4,410,217 ლარი. აღნიშნული ეწინააღმდეგება ინსტრუქციის მოთხოვნებს , რომლის მიხედვით, შეცდომის გასწორება ხდება მისი დაშვების შემდგომ ადრეული საანგარიშგებო პერიოდისთვის ფინანსური ანგარიშგების აქტივების, ვალდებულებებისა და კაპიტალის საწყისი ნაშთების გადაანგარიშებით, რომელიც ასევე ნაჩვენები უნდა იყოს ფორმა №4-ში. შეცდომის გასწორების არასწორი სააღრიცხვო პოლიტიკა იწვევს ხარჯების შესახებ ინფორმაციის არაშესადარისობას, რომელიც, თავის მხრივ, არ იძლევა ფინანსური ანგარიშგების მომხმარებლის მხრიდან ფინანსური შედეგების (წმინდა ღირებულების) ტენდეციების შეფასების საშუალებას ან ქმნის მისი არაობიექტური შეფასების საფუძველს.

მარნეულის მუნიციპალიტეტის მერიამ ვერ წარმოადგინა შესაფერისი და საკმარისი მტკიცებულებები იმისა, თუ რა აუცილებლობით იყო განპირობებული საკონსულტაციო მომსახურებისთვის 4.8 ათასი ლარის გადახდა, ვინაიდან მუნიციპალიტეტს გააჩნია შრომითი რესურსი და ვალდებულია საკუთარი რესურსებით უზრუნველყოს აღნიშნული საქმიანობის განხორციელება. შესაბამისად, მუნიციპალიტეტის მიერ გადახდილი 4.8 ათასი ლარი წარმოადგენს არარაციონალურ ხარჯს.

მუნიციპალიტეტმა 2017-2018 წლებში დააფინანსა ღონისძიებები, რომლის მიზანშეწონილობა სათანადოდ დადასტურებული არ იყო. ამასთანავე, კვების ობიექტების მომსახურების ხარჯები ანაზღაურებულია მიღება-ჩაბარების აქტებში შეძენილი პროდუქტის დასახელების, რაოდენობისა და ერთეულის ფასის მითითების გარეშე.

მუნიციპალიტეტმა შესყიდვის ობიექტის მიწოდების ვადები უამინდობის მოტივით გაზარდა 13 ხელშეკრულების შემთხვევაში, ღირებულებით − 4,753.3 ათასი ლარი. ცვლილების საფუძველია სსიპ − გარემოს ეროვნული სააგენტოდან წარმოდგენილი ცნობები ნალექიანი დღეების რაოდენობის შესახებ. უამინდობის გამო სამუშაოების შეფერხებას, ზოგიერთ შემთხვევაში ადასტურებს ზედამხედველი ორგანიზაცია. აღსანიშნავია, რომ საპროექტო დაწესებულებების მიერ სამუშაოების შესასრულებლად დადგენილი ვადა, როგორც წესი, ითვალისწინებს ნალექიან დღეებსაც. მუნიციპალიტეტი შესყიდვის პროცედურას ატარებს აღნიშნული პრინციპის გათვალისწინებით, რომელსაც ეთანხმება პრეტენდენტიც. გარდა ამისა, მიმწოდებლების მიერ წარმოდგენილი ცნობები შეიცავს მონაცემებს კონკრეტულ პერიოდში ნალექიანი დღეების რაოდენობის შესახებ და არ მიუთითებს, რომ ეს მონაცემები აღემატება რეგიონის საშუალო მაჩვენებელს და ფორსმაჟორულია. ამდენად, უამინდობის მოტივი მუნიციპალიტეტს მიწოდების ვადების გაზრდისათვის არ უნდა გაეთვალისწინებინა, არ უნდა გაეზარდა სამუშაოების დასრულების ვადა და მიმწოდებელზე გაევრცელებინა ხელშეკრულებით გათვალისწინებული საჯარიმო სანქციები, 47 ათასი ლარის ოდენობით.

2017 წელს სამინისტრომ ჯამში მიიღო 179,955.27 ლარის ღირებულების (სხვა სახელმწიფო ერთეულებიდან უსასყიდლოდ - 179,555.27 ლარი, შესყიდვით - 400.00 ლარი) გრძელვადიანი მცირეფასიანი აქტივი, რომელთა გასვლა აღირიცხა „სხვა ხარჯების“ მუხლში. როგორც დადგინდა, ზემოაღნიშნული აქტივებიდან 164,649.00 ლარის ღირებულების აქტივები გადაეცა სსიპ - საჯარო სკოლებს (შემდეგში - სკოლები) და გალის რაიონის საგანმანათლებლო რესურსცენტრს (შემდეგში - რესურსცენტრი), ხოლო 15,306.27 ლარის ღირებულების აქტივები დარჩა სამინისტროს განკარგულებაში. დადგენილი კანონმდებლობის თანახმად, სკოლებსა და რესურცენტრზე (სხვა სახელმწიფო ერთეულებზე) გადაცემული აქტივების გასვლა უნდა აღრიცხულიყო „გრანტების“ მუხლით, ხოლო გრძელვადიანი მცირეფასიანი აქტივების საკუთარი მიზნებისთვის გამოყენება, როგორც გასვლა - „საქონელი და მომსახურებით“. ამდენად, ბალანსის დანართ ფორმა №2-ში, ფორმა №3-სა და ფორმა №5-ში მცირეფასიანი გრძელვადიანი აქტივების გასვლის შესახებ ინფორმაცია, წარმოდგენილი იყო არაზუსტად და არასწორად. 2017 წელს სამინისტრომ შეიძინა და სხვა სახელმწიფო ერთეულისგან უსასყიდლოდ მიიღო ჯამში 42,349.91 ლარის ღირებულების მატერიალური მარაგი, რომელთა გასვლა გატარდა „სხვა ხარჯების“ მუხლში. როგორც გაირკვა, ზემოაღნიშნული აქტივებიდან 25,210.50 ლარის ღირებულების მარაგები უსასყიდლოდ გადაეცა საჯარო სკოლებს და სხვადასხვა საბიუჯეტო ორგანიზაციას (სხვა სახელმწიფო ერთეულებს), ხოლო 1,965.60 ლარის ღირებულების მარაგები სამინისტრომ გამოიყენა (გამართული ღონისძიებების ფარგლებში) საკუთარი მიზნებისთვის. დადგენილი კანონმდებლობის თანახმად, სახელმწიფო ერთეულებზე გადაცემული მარაგები უნდა აღრიცხულიყო „გრანტების“ მუხლით, ხოლო საკუთარი მიზნებისთვის გამოყენებული მარაგები უნდა ასახულიყო, როგორც გასვლა - „საქონელი და მომსახურებით“. ამრიგად, ბალანსის დანართ ფორმა №2-ში, ფორმა №3-სა და ფორმა №5-ში მარაგების გასვლის შესახებ ინფორმაცია ნაჩვენები იყო არაზუსტად და არასწორად.

ბალანსის საცნობარო მუხლში „პირობითი მოთხოვნები“ (05) 2017 წლის 31 დეკემბრის მდგომარეობით არ არის აღრიცხული 2017 წელს განხილვის სტადიაში მყოფი სასამართლო საქმესთან დაკავშირებული მოთხოვნები და სს „ლიბერთი ბანკისგან“ გამოთხოვილი სახელმწიფო გასაცემლის თანხები, რომლებიც არ დაბრუნებულა და წარმოადგენს სადავო თანხებს, სულ, 2017 წლის 31 დეკემბრის მდგომარეობით - 609,236 ლარი.

ქ. თბილისის მუნიციპალიტეტის 2017 წლის ბიუჯეტის გადასახდელების შესრულების ჩაშლილი ფორმის შესაბამისად, „შენობა-ნაგებობების და მათი მიმდებარე ტერიტორიების მიმდინარე რემონტის ხარჯის“ (2238) მუხლით გადახდილია 529.8 ათასი ლარი. მათ შორის, მუნიციპალიტეტის მერიამ შეისყიდა მერიის ადმინისტრაციული შენობის სახურავზე განთავსებული წარწერების განახლების სამუშაოები . სამუშაოს აღწერილობაში მითითებულია, რომ ხორციელდება ადმინისტრაციული შენობის სახურავზე განთავსებული მანათობელი აბრების შეცვლისა და კონსტრუქციის კაპიტალური შეკეთების სამუშაოების სახელმწიფო შესყიდვა. შესრულებული სამუშაოს შესაბამისად, მუნიციპალიტეტმა გადაიხადა 23.7 ათასი ლარი, რომელიც გასულია „შენობა-ნაგებობების და მათი მიმდებარე ტერიტორიების მიმდინარე რემონტის ხარჯი“ მუხლით. შესრულებული სამუშაოების მიღება-ჩაბარების აქტებითა და საექსპერტო დასკვნით ირკვევა, რომ მთლიანად შეცვლილია თბილისის მერიის ქართულ-ინგლისურენოვანი წარწერის ასოები და მათზე მოწყობილია დიოდური დეკორატიული განათება. კაპიტალურად შეკეთებულია ასოების მზიდი კონსტრუქცია. ახლად მოწყობილია მერიის 2 ერთეული ლოგო და მათი დამჭერი ლითონის კარკასი. სამუშაოს შინაარსიდან გამომდინარე, მოწყობილია ახალი აქტივი ლოგოების სახით, ხოლო არსებული აქტივები მნიშვნელოვნად არის გაუმჯობესებული, რითაც გაზრდილია აქტივის საექსპლუატაციო თვისებები და ექსპლოატაციის ვადა. გამომდინარე აქედან, ანგარიშსწორებისას მიზანშეწონილი იყო „არაფინანსური აქტივების ზრდის“ მუხლის გამოყენება.

სასამართლომ 2018 წლის 2 აგვისტოს მერიის 6 თანამშრომლებზე გამოიტანა გამამტყუნებელი განაჩენი და ბრალდებულ პირებს შეეფარდათ ჯარიმის გადახდა. მუნიციპალიტეტი ვალდებული იყო სასამართლოს გადაწყვეტილების შემდეგ თანამშრომლები დაუყონებლივ გაეთავისუფლებინა დაკავებული თანამდებობიდან, რაც განახორციელა 2 თვის დაგვიანებით. შესაბამისად, პირები განაჩენის დადგომის შემდეგაც მუშაობდნენ მუნიციპალიტეტში და იღებდნენ შრომის ანაზღაურებას. აღნიშნულ პერიოდში მათზე დარიცხული ხელფასის ხარჯმა 11.0 ათასი ლარი შეადგინა.

მუნიციპალიტეტმა სამუშაოების მიწოდების ვადა გაუთვალისწინებელი სამუშაოების შესრულების მოტივით გაზარდა 3 ხელშეკრულების შემთხვევაში, რომელთა ჯამური ღირებულება 721.6 ათასი ლარია. გაუთვალისწინებელი სამუშაოები ხარჯთაღრიცხვის განუყოფელი ნაწილია და შესრულების შემთხვევაში უნდა განხორციელდეს ობიექტის მიწოდების ვადაში. ამდენად, მუნიციპალიტეტმა აღნიშნული სამუშაოების მიზეზით, ხელოვნურად გაზარდა მიწოდების ვადა და არ გამოიყენა საჯარიმო სანქციები.

2017 წელს დამტკიცებული ქვეპროგრამის (კოდი: 06 07 10) „ქართულ-აფხაზური კულტურის პოპულარიზაციის“ ფარგლებში სამინისტრომ აუდიოდისკის - „მაესტროს“ გამოცემის დაფინანსების მიზნით, კაპელას ჩაურიცხა 2,350.00 ლარი. საკასო ხარჯი გაწეულ იქნა საბიუჯეტო კლასიფიკატორის მუხლით (263221) „მიმდინარე გრანტები ავტონომიური რესპუბლიკის სსიპ(ებ)-ს / ა(ა)იპ(ბ)-ს“. აღნიშნული ოპერაცია ბუღალტრულ რეგისტრებში დებეტი (7600) „გრანტების“ ნაცვლად, არასწორად გატარდა მუხლში - (1431) „მოთხოვნები საქონლის და მომსახურების მიღებაზე წინასწარი გადახდებით“, (1250) „ანგარიში საბიუჯეტო სახსრებით ორგანიზაციის საკასო ხარჯებისათვის“ კრედიტთან მიმართებაში. ვინაიდან დაფინანსების ფარგლებში ჩასაწერი დისკი უნდა დარჩენილიყო კაპელის საკუთრებაში (ბალანსზე), გაწეული გრანტი სამინისტროსთვის წარმოადგენდა როგორც საკასო, ისე ფაქტობრივ ხარჯს. თუმცა, განხორციელებული გრანტი ბალანსის დანართ ფორმა №2-ში ფაქტობრივ ხარჯად არ ასახულა, ხოლო ფინანსური ანგარიშგების ფორმა №1-ში - 2,350.00 ლარი არასწორად აღირიცხა მუხლში - (1431) „მოთხოვნები საქონლის და მომსახურების მიღებაზე წინასწარი გადახდებით“, რომელიც შინაარსობრივად არ შეესაბამებოდა განხორციელებულ ოპერაციას. შესაბამისად, ფინანსური ანგარიშგების ფორმა №1-ში, ბალანსის დანართ ფორმა №3-ში, ფორმა №7-სა და ფორმა №9-ში ინფორმაცია დებიტორული დავალიანებების, ხოლო ბალანსის დანართ ფორმა №2-ში - ფაქტობრივი ხარჯების შესახებ, წარმოდგენილი იყო არაზუსტად და არასწორად. აღნიშნულიდან გამომდინარე, ბალანსში წარმოდგენილი ინფორმაცია წმინდა ღირებულების შესახებ გაზრდილი იყო 2,350.00 ლარით. ამრიგად, პირობითი მოსაზრების საფუძველში წარმოდგენილი საკითხებიდან გამომდინარე, 2017 წლის ფინანსურ ანგარიშგებაში დებიტორული დავალიანებების აღრიცხვის კუთხით წარმოდგენილი ინფორმაცია უტყუარად (სწორად), სრულად და საიმედოდ ვერ ასახავს რეალურ მდგომარეობას.

სამინისტროს სისტემაში არ არის დანერგილი ერთიანი სააღრიცხვო პოლიტიკა, როგორც ეს განსაზღვრულია ინსტრუქციის 39-ე მუხლის 33-ე და 34-ე პუნქტებით. სისტემაში დანერგილი ერთიანი სააღრიცხვო პოლიტიკა უზრუნველყოფდა და გააუმჯობესებდა, როგორც სამინისტროს დაქვემდებარებული სტრუქტურული ერთეულების ფინანსური ანგარიშგებების, ცალკეული პროგრამების ფინანსური ანგარიშგებების, ასევე კონსოლიდირებული ფინანსური ანგარიშგების შესაბამისობას, საიმედოობას და შესადარისობას, ასევე კონსოლიდირებული ფინანსური ანგარიშგების შედგენისას კონსოლიდაციის სისწორეს, შესაბამისობას და შესადარისობას.

ქ. თბილისის მუნიციპალიტეტის მერიამ შეისყიდა საგანგებო სიტუაციების დროს გამოსაყენებელი მოწყობილობები და უსაფრთხოების საშუალებები, კერძოდ ხანძარსაქრობი სისტემა, მონტაჟით (პროგრამული კოდი 10 02). ტექნიკური დოკუმენტაციით გათვალისწინებული იყო არსებული სამისამართო კვამლის დეტექტორების და საკაბელო ინფრასტრუქტურის აღდგენა, სამისამართო ხელის ღილაკისა და სირენის გადაპროგრამება. გარდა ამისა, უნდა განხორციელებულიყო არსებულ პანელთან სრულად თავსებადი კვამლის ახალი ოპტიკური დეტექტორებისა და მათი ფუნქციონირებისათვის საჭირო პროგრამებისა და მოწყობილობების მიწოდება, თანმდევი მონტაჟით. მიღება-ჩაბარების აქტის მიხედვით, შესყიდვის ობიექტის ღირებულებამ შეადგინა 66.7 ათასი ლარი, რომელიც დაფინანსებულია „საოფისე ტექნიკის, ინვენტარის, მანქანა-დანადგარების მოვლა-შენახვის, ექსპლოატაციისა და მიმდინარე რემონტის ხარჯის“ მუხლით. დოკუმენტაციის შესწავლით ირკვევა, რომ მიწოდებული და დამონტაჟებულია 257 ერთეული კვამლის ახალი ოპტიკური დეტექტორი, არსებულ პანელთან სრულად თავსებადი 12 ერთეული სამისამართო ხელის ღილაკი, არსებულ პანელთან სრულად თავსებადი 12 ერთეული სამისამართო მანათობელი გარე გამოყენების სირენა და სხვ. აღნიშნული მოწყობილობები წარმოადგენს ერთიან სისტემას, დაკავშირებულია არსებულ აქტივთან და წარმოადგენს ძირითად საშუალებას. ამასთანავე, ობიექტის მიღება-ჩაბარების დოკუმენტაცია იძლევა ახალი აქტივის გამიჯვნის საშუალებას. კერძოდ, მისი ღირებულება შეადგენს 61.1 ათას ლარს. გამომდინარე აქედან, აქტივის შესყიდვა ექვემდებარებოდა დაფინანსებას „არაფინანსური აქტივების ზრდის“ მუხლით.

2017 წელს მდინარე ცხენისწყლის მარცხენა სანაპიროზე ნაპირსამაგრი გაბიონის მოწყობის სამუშაოებზე გამოაცხებულ ტენდერში სატენდერო კომისიამ ყველაზე დაბალი ფასის მქონე მონაწილეს შპს „ისტის“ დოკუმენტაციის დაუზუსტებლობის საფუძველით მიანიჭა დისკვალიფიკაცია. ტენდერში გაიმარჯვა მომდევნო დაბალი ფასის მქონე პრეტენდენტმა შპს „ხონის საგზაომ“, რომელთანაც დაიდო ხელშეკრულება 140.0 ათასი ლარის ოდენობით. შესწავლით ირკვევა, რომ შპს „ხონის საგზაოს“ მიერ წარმოდგენილი ინფორმაცია გამოცდილების შესახებ არ შეესაბამებოდა სატენდერო დოკუმენტაციით განსაზღვრულ მოთხოვნებს. კერძოდ, პრეტენდენტს გამოცდილებად წარმოდგენილი ჰქონდა შპს „ანასტასია 2014-თან“ გაფორმებული ხელშეკრულება ხონის მუნიციპალიტეტში ნაპირსამაგრი სამუშაოების მოწყობის შესახებ, ღირებულებით − 298.4 ათასი ლარი. შესწავლით ირკვევა, რომ აღნიშნული სამუშაოების შესყიდვაზე ხონის მუნიციპალიტეტს ხელშეკრულება გაფორმებული ჰქონდა არა შპს „ანასტასია 2014-თან“, არამედ ი/მ დავით სიჭინავასთან. აღსანიშნავია, რომ ტენდერში რაიმე დამატებითი დოკუმენტაცია ი/მ დავით სიჭინავასა და შპს „ანასტასია 2014-ს“ შორის გაფორმებული ქვეკონტრაქტორის ხელშეკრულებების შესახებ წარმოდგენილი არ იყო. შესაბამისად, დოკუმენტურად არ დასტურდებოდა, რეალური იყო თუ არა შპს „ხონის საგზაოს“ მიერ წარმოდგენილი გამოცდილება. სატენდერო კომისიამ შერჩევა-შეფასების ეტაპზე არ იმსჯელა აღნიშნულ შეუსაბამობაზე და არ მოსთხოვა შპს „ხონის საგზაოს“ გამოცდილების რეალურობის დასადასტურებლად წარმოედგინა დამატებითი დოკუმენტაცია (ქვეკონტრაქტორის ხელშეკრულებები). შედეგად, ტენდერში გამარჯვება მიანიჭა პრეტენდენტს, რომლის გამოცდილება სათანადოდ დადასტურებული არ იყო.

ინფრასტრუქტურული პროექტების განხორციელებისას, მუნიციპალიტეტი, რიგ შემთხვევებში, სამუშაოების მიწოდების ვადებს ზრდიდა ორგანიზაციული პრობლემების საფუძვლით, რაც სისტემურ ხასიათს ატარებდა. კერძოდ, ხელშეკრულებების შესრულების პროცესში თავს იჩენდა საპროექტო-სახარჯთაღრიცხვო დოკუმენტაციის ხარვეზები; დროულად არ სწორდებოდა აღნიშნული ნაკლოვანებები; მუნიციპალიტეტი სამუშაოების მიმდინარეობისას დაგვიანებით იღებდა გადაწყვეტილებებს, ითვალისწინებდა მოსახლეობის მოთხოვნებს, რომლებიც სამუშაოების დაგეგმვის დროსაც უნდა ყოფილიყო ცნობილი და სხვ. 2017-2018 წლებში, აღნიშნული საფუძვლებით, მიწოდების ვადა გაზრდილია 28 ხელშეკრულებისათვის, რომელთა ღირებულება 12,221.2 ათასი ლარია.

2017 წელს გაფორმებული 299 სახელმწიფო შესყიდვის ხელშეკრულებიდან 2 შემთხვევაში, ხოლო ხელშეკრულების შესრულების/შეუსრულებლობის დამადასტურებელი (მიღება-ჩაბარების აქტი, საგადასახადო ანგარიშფაქტურა) 414 დოკუმენტიდან 144 (ანუ 34.8%) შემთხვევაში, დარღვეული იყო შესაბამის ელექტრონულ სისტემაში დოკუმენტების ატვირთვის ვადები. მიუხედავად იმისა, რომ სახელმწიფო შესყიდვებთან დაკავშირებით გამოვლენილ ფაქტებს ფინანსური შედეგების კუთხით რაიმე გავლენა არ ჰქონია, ფაქტობრივად არ იყო უზრუნველყოფილი სახელმწიფო შესყიდვების განხორციელების პროცესში შესყიდვების ელექტრონულ სისტემაში ინფორმაციის დროულად შეტანა, რაც ქმნიდა საბიუჯეტო სახსრების არაეფექტიანად განკარგვის რისკებს.

სამინისტროს ფინანსურ ანგარიშგებაში კონსოლიდაციის დროს არ იყო გამორიცხული დაქვემდებარებულ ორგანიზაციებს შორის განხორციელებული ოპერაციები, სულ 194,989,950 ლარი. შედეგად, სამინისტროს კონსოლიდირებული ფინანსური ანგარიშგების ფორმა №2-ში - 194,989,950 ლარით გაზრდილი იყო გრანტის სახით მიღებული შემოსავალი და გაწეული ხარჯი ; აღნიშნული უზუსტობა გასწორებულია მიმდინარე აუდიტის პროცესში ფინანსური ანგარიშგების კორექტირების დროს.

ა(ა)იპ თბილისის მუნიციპალური ლაბორატორიის მიერ შეძენილია შენობის სახანძრო უსაფრთხოების სისტემების შეკეთება და ტექნიკური მომსახურება (პროგრამული კოდი 02 03 02). შესყიდვის ობიექტის ღირებულება დაფინანსდა 4.2 ათასი ლარით, „საოფისე ტექნიკის, ინვენტარის, მანქანა-დანადგარების მოვლა-შენახვის, ექსპლოატაციისა და მიმდინარე რემონტის ხარჯის“ მუხლიდან. შესრულებული სამუშაოს წარმოდგენილი აქტის შესაბამისად დგინდება, რომ არსებული ხანძარსაწინააღმდეგო სისტემის გაწმენდაზე, შემოწმებასა და ტესტირებაზე დახარჯულია 1.1 ათასი ლარი. დანარჩენი 3.1 ათასი ლარით შენობის მეორე სართულზე მოწყობილია 12 ერთეული ახალი დეტექტორი, 2-2 ერთეული ხელის და ხმამაღლა მოლაპარაკე მაუწყებელი და სხვ. აღნიშნული წარმოადგენს აქტივს და მიზანშეწონილია დაფინანსებულიყო „არაფინანსური აქტივების ზრდის“ მუხლით.

2017 წელს ხონის მუნიციპალიტეტმა, სასწრაფო სამედიცინო დახმარების ცენტრის მშენებლობაზე გამოაცხადა ტენდერი, სავარაუდო ღირებულებით 142.7 ათასი ლარი. ტენდერში მონაწილეობა მიიღო ერთმა პრეტენდენტმა − ამხანაგობა „ალგი-2017-მა“, რომლის შეთავაზებულმა თანხამ 127.6 ათასი ლარი შეადგინა. შესწავლით ირკვევა, რომ ამხანაგობა „ალგი-2017-ს“, ტენდერში ვალდებულებების გადანაწილების შესახებ ინფორმაცია წარმოდგენილი არ ჰქონდა. მიუხედავად იმისა, რომ პრეტენდენტი ექვემდებარებოდა დისკვალიფიკაციას, სატენდერო კომისიამ ამხანაგობა „ალგი-2017“ გამოაცხადა გამარჯვებულად და გაუფორმა ხელშეკრულება.

2017-2018 წლებში 60 ხელშეკრულების ფარგლებში მიმწოდებლებმა ვერ შეძლეს სამუშაოების განსაზღვრულ ვადებში დასრულება. ხელშეკრულების პირობების შესაბამისად, მუნიციპალიტეტი ვალდებული იყო სამუშაოების დაგვიანებისათვის გამოეყენებინა საჯარიმო სანქციები. აუდიტის ჯგუფმა შეისწავლა პირგასამტეხლოს დარიცხვის მდგომარეობა. შედეგად გამოვლინდა, რომ 28 შემთხვევაში, ვადების დარღვევის მიუხედავად, მუნიციპალიტეტს საჯარიმო სანქცია არ გამოუყენებია. მიმწოდებლებზე დაურიცხავი პირგასამტეხლო 38.5 ათას ლარს შეადგენს.

ცენტრალურ აპარატს 2017 წლის 31 დეკემბრის მდგომარეობით, ანგარიშზე მიზნობრივი გრანტების და მიზნობრივი დაფინანსებისათვის აღრიცხული ჰქონდა 315,491 ლარი, ხოლო წარმოდგენილი ხაზინის ამონაწერის მიხედვით, ანგარიშზე არსებული საბოლოო ნაშთი შეადგენდა 185,152 ლარს. შედეგად, სამინისტროს კონსოლიდირებულ ფინანსურ ანგარიშგებაში გაზრდილი იყო ფულადი სახსრების ნაშთი 130,339 ლარით. აღნიშნული უზუსტობა გასწორებულია მიმდინარე აუდიტის პროცესში ფინანსური ანგარიშგების კორექტირების დროს.

• ქ. თბილისის მუნიციპალიტეტის მერიამ შეისყიდა ახალი (გარე განათება) სანათი წერტილების მოწყობის სამუშაოები, ქ. თბილისის მასშტაბით (პროგრამული კოდი 02 05). სატენდერო დოკუმენტაციის შესაბამისად, სამუშაოები თბილისის სხვადასხვა მისამართზე ითვალისწინებდა 730 ახალი საყრდენი ბოძის მოწყობას, ასევე ახალი და არსებული საყრდენებისა და კედლების გამოყენებით 2000 ერთეული სხვადასხვა სიმძლავრის სანათი წერტილის დამონტაჟებას. ხელშეკრულების საკასო ხარჯმა შეადგინა 671.7 ათასი ლარი. 2017 წელს მუნიციპალიტეტის მერიამ მიმწოდებელს გადაურიცხა 508.9 ათასი ლარი, „სხვა დანარჩენ საქონელსა და მომსახურებაზე გაწეული დანარჩენი ხარჯის“ მუხლით. • ქ. თბილისის მუნიციპალიტეტის მერიამ შეისყიდა გასამწვანებელი და გამწვანებული ტერიტორიების შემოღობვის სამუშაოები (პროგრამული კოდი 03 01). სამუშაოების შესრულების დამადასტურებელი დოკუმენტაციის შესაბამისად, შემოღობვისათვის დაბეტონებულია 1588 ერთეული ლითონის მილი და მოწყობილია ეკლიანი მავთული. სამუშაოს ღირებულებამ შეადგინა 38.0 ათასი ლარი, რომელიც დაფინანსებულია „სხვა დანარჩენ საქონელსა და მომსახურებაზე გაწეული დანარჩენი ხარჯის“ მუხლით. • ქ. თბილისის მუნიციპალიტეტის მერიამ შეისყიდა ადმინისტრაციული შენობა-ნაგებობების საევაკუაციო გეგმების შედგენის მომსახურება (პროგრამული კოდი 10 02). გეგმები შემუშავდა ორი ობიექტისათვის და ხელშეკრულების საკასო ხარჯი 1.3 ათასი ლარია. საევაკუაციო სქემების ღირებულებამ 0.5 ათასი ლარი და 0.8 ათასი ლარი შეადგინა. საბიუჯეტო ასიგნება გაცემულია „სხვა დანარჩენ საქონელსა და მომსახურებაზე გაწეული დანარჩენი ხარჯის“ მუხლით. გარე განათების მოწყობის, ტერიტორიის შემოღობვის სამუშაოებისა და საევაკუაციო გეგმების შინაარსი აკმაყოფილებს ძირითად აქტივად აღიარების კრიტერიუმებს. კერძოდ, აქტივების ღირებულება აღემატება 500 ლარს; უწყვეტად გამოიყენება მომსახურების პროცესში; ექსპლუატაციაშია ერთ წელზე მეტი დროის განმავლობაში. ამდენად, ანგარიშსწორებისას მიზანშეწონილი იყო „არაფინანსური აქტივების ზრდის“ მუხლის გამოყენება.

მუნიციპალიტეტს 2017-2018 წლებში აქტივებისა და ვალდებულებების ინვენტარიზაცია არ ჩაუტარებია. აღნიშნული მიუთითებს იმაზე, რომ ორგანიზაციას არ აქვს სათანადო კონტროლი მატერიალური მარაგების, ასევე მცირეფასიანი აქტივების მოძრაობაზე. ასევე არ ხდება გამოუყენებელი აქტივების გამოვლენა, არსებული აქტივებისა და ვალდებულებების შედარება ფაქტობრივ ნაშთებთან. მუნიციპალიტეტმა ბოლო ინვენტარიზაცია განახორციელა 2015 წელს, რომლის შედეგად გამოვლინდა დანაკლისები. აღნიშნულის შესახებ ინფორმაცია გადაგზავნილია სამართალდამცავ ორგანოებში. საკითხი კვლავ რეაგირების გარეშეა.

ინფრასტრუქტურული პროექტების 8 ხელშეკრულებისათვის მუნიციპალიტეტს საჯარიმო სანქციები გეგმა-გრაფიკის დარღვევისათვის არ აუმოქმედებია და მიმწოდებლები არ დაუჯარიმებია. კერძოდ, 2017-2018 წლებში მუნიციპალიტეტს აღნიშნული დარღვევისათვის მიმწოდებლებზე არ დაურიცხავს სულ მცირე 13 ათასი ლარი.

• ფინანსურ ანგარიშგებაში ირიცხება დებიტორული დავალიანება იმ იურიდიული პირების მიმართ, რომელთა შემთხვევაში 2016 წელს ძალაში შესულია სასამართლო განჩინება მოვალის გაკოტრებულად გამოცხადების და რეგისტრაციის გაუქმების შესახებ, სულ 99,691 ლარი. • სააგენტოს არ ჰქონდა აღრიცხული სამედიცინო დაწესებულებების მიმართ შემოწმების შედეგად წარმოქმნილი 436,225 ლარის დებიტორული დავალიანება. აღნიშნული უზუსტობა გასწორებულია მიმდინარე აუდიტის პროცესში ფინანსური ანგარიშგების კორექტირების დროს.

ქ. თბილისის მუნიციპალიტეტის ისნის, ვაკისა და მთაწმინდის რაიონებმა შეისყიდეს დაზიანებული შენობა-ნაგებობების, აივნების, პარაპეტების ნაწილობრივი დემონტაჟის და მონტაჟის, დროებითი გამაგრების, სამშენებლო ნაგვის და გრუნტის გატანის და სხვა თანმდევი სამუშაოები . ხელშეკრულებების საკასო ხარჯია 287.6 ათასი ლარი. სამუშაოები განხორციელდა არაკუთვნილ ქონებაზე. ამდენად, ხარჯების დასაფინანსებლად გამოყენებულია „სხვადასხვა მიმდინარე ხარჯების სხვა დანარჩენი მიმდინარე ხარჯების“ მუხლი. დიდუბის რაიონმა ანალოგიური სამუშაოების შესყიდვაზე გააფორმა 2 ხელშეკრულება (პროგრამული კოდი 02 09). ხელშეკრულებების საკასო ხარჯი 75.5 ათასი ლარია, რომელიც გაცემულია „სხვა დანარჩენ საქონელსა და მომსახურებაზე გაწეული დანარჩენი ხარჯის“ მუხლით. აუდიტის ობიექტმა ვერ წარმოადგინა მტკიცებულებები, რომ სამუშაოები შესრულებულია მუნიციპალიტეტის განკარგვაში არსებულ ქონებასა და ტერიტორიებზე. გამომდინარე აქედან, ხარჯები ექვემდებარებოდა „სხვადასხვა მიმდინარე ხარჯების სხვა დანარჩენი მიმდინარე ხარჯების“ მუხლით (282118) ანაზღაურებას.

შიდა აუდიტის სამსახურს სათანადოდ არ შეუსწავლია ორგანიზაციაში არსებული პროცესები და შიდა კონტროლის სისტემები, არ გამოუვლენია სისტემური ხასიათის რისკები და მათი აღმოფხვრის მიზნით, არ გაუცია სათანადო რეკომენდაციები. შიდა აუდიტის სამსახურმა ვერ უზრუნველყო მერიის საქმიანობის გაუმჯობესება, ფინანსების რაციონალური მართვის და ორგანიზაციის ეფექტიანობის გაზრდის ხელშეწყობა.

მუნიციპალიტეტმა 4 ხელშეკრულებისათვის მიწოდების ვადები გაზარდა ისე, რომ გეგმა-გრაფიკის პარამეტრები არ შეუცვლია. 3 ხელშეკრულებისათვის გეგმა-გრაფიკი წარმოდგენილია შესასრულებელი სამუშაოების ღირებულებების გარეშე. ამდენად, აუდიტის ჯგუფმა ვერ დაადგინა დასარიცხი საჯარიმო თანხების ზუსტი მოცულობა, რადგან ვერ გაანგარიშდა და შედარდა სამუშაოების დაგეგმილი და ფაქტობრივი შესრულების ყველა პერიოდი.

დებულების თანახმად, სამინისტროს სახელმწიფო კონტროლს დაქვემდებარებული საჯარო სამართლის იურიდიული პირია ახალგორის ბავშვთა სააღმზრდელო დაწესებულება, რომლის ბალანსზე აღრიცხულია 148,213 ლარის ღირებულების საცხოვრებელი შენობები, რომლებიც კონსოლიდირებულ ფინანსურ ანგარიშგებაში ასახულია იდენტური კლასიფიკაციით. აღნიშნული ქონება მდებარეობს საქართველოს არაკონტროლირებად ტერიტორიაზე, რის გამოც ის არ აკმაყოფილებს საცხოვრებელი შენობის აღიარების კრიტერიუმებს და აღრიცხული უნდა ყოფილიყო ანგარიშზე - „მოთხოვნები არაფინანსური აქტივების დანაკლისებით“.

ისნის რაიონმა შეისყიდა სანიაღვრე ქსელების სარეაბილიტაციო სამუშაოები რაიონის ტერიტორიაზე. ხელშეკრულებების შესრულების საკასო ხარჯი 2017 წელს 276.8 ათასი ლარია, რომელიც დაფინანსდა „სხვადასხვა მიმდინარე ხარჯების სხვა დანარჩენი მიმდინარე ხარჯების“ მუხლით . პასუხისმგებელი პირის განმარტებით, კონკრეტულ მისამართებზე განხორციელდა სანიაღვრე ქსელის მიმდინარე შეკეთება (პროგრამული კოდი 02 09). აღნიშნული სამუშაოები მიკუთვნებულია საოჯახო მეურნეობებს და შესაბამისად ხარჯები გაწეულია 282118 მუხლიდან. ტენდერების მიღება-ჩაბარებისა და შესრულებული სამუშაოების აქტების შესწავლით ირკვევა, რომ მოწყობილია ახალი ან არსებული სისტემების დამაკავშირებელი ქსელები, რომელიც თავისი შინაარსით არაფინანსური აქტივია. ამდენად, ხარჯი უნდა გაწეულიყო „სხვადასხვა კაპიტალური ხარჯების“ მუხლით.

მუნიციპალიტეტის მიერ არასათანადოდ ხდება ბიუჯეტის დაგეგმვა, ბიუჯეტში არ აისახება მიღებული შემოსავლების ხარჯვა, არ სრულდება დაგეგმილი ინფრასტრუქტურული პროექტები. აღნიშნული მიანიშნებს შესაბამისი პასუხისმგებელი პირების არაეფექტურ მენეჯმენტზე. შედეგად, მუნიციპალიტეტს მუდმივად ერიცხება მნიშვნელოვანი თავისუფალი ნაშთი, მოსახლეობას არ მიეწოდება შესაბამისი სერვისები და მისგან მიღებული სიკეთე. 2018 წლის 1 იანვრის მდგომარეობით, ნაშთიშეადგენდა 5,285.8 ათასი ლარს. საიდანაც 1,293.1 ათასი ლარი თავისუფალი ნაშთია.2018 წელს 1 იანვრისათვის ნაშთი – 9,563.2 ათასი ლარია, აღნიშნული ფულადი სახსრებიდან 4,310.4 ათასი ლარი თავისუფალ ნაშთს შეადგენს.

2017-2018 წლებში მუნიციპალიტეტმა ბეტონის საფარიანი გზების მოწყობაზე ტენდერის საშუალებით გააფორმა 37 ხელშეკრულება და დახარჯა 14,096.9 ათასი ლარი. აუდიტის ჯგუფმა საგზაო სამოსი დაათვალიერა მუნიციპალიტეტის წარმომადგენლებთან ერთად, რის საფუძველზეც გამოვლინდა სხვადასხვა ხარვეზი, ხარისხობრივი თვალსაზრისით.ხარვეზები გამოვლინდა 12 ხელშეკრულების ფარგლებში შესრულებული სამუშაოებისათვის, რომელთა საერთო ღირებულება 6.165.7 ათასი ლარია.

2014 წლიდან 2017 წლის 31 დეკემბრის მდგომარეობით სამედიცინო დაწესებულებათა რეაბილიტაციისა და აღჭურვის პროგრამით გათვალისწინებული ასიგნების ფარგლებში სამინისტროს შპს სახელმწიფო სამშენებლო კომპანიისთვის სხვადასხვა კაპიტალური ხარჯების მუხლით გადარიცხული აქვს 35,500,000 ლარი , ზუგდიდის მუნიციპალიტეტის სოფელ რუხში მრავალპროფილიანი საუნივერსიტეტო კლინიკის სამშენებლო სამუშაოების განხორციელების მიზნით. თანხის გადარიცხვის საფუძველი არის სამინისტროსა და შპს „სახელმწიფო სამშენებლო კომპანიას“ შორის გაფორმებული ადმინისტრაციული ხელშეკრულება, რომელიც წარმოშობს საბიუჯეტო სახსრების არაეკონომიური და არაეფექტიანი ხარჯვის რისკებს, ვინაიდან მოცემული ხელშეკრულებით არ რეგულირდება მშენებლობის ვადები, ხარისხი და ამ პროცესში მხარეთა უფლება-მოვალეობები არ არის განსაზღვრული.

ჩუღურეთის რაიონმა შეისყიდა ქუჩებში და საცხოვრებელი სახლების ეზოებში სანიაღვრე და წყალსადენ-კანალიზაციის ქსელების სარეაბილიტაციო სამუშაოები . ხელშეკრულება დაფინანსებულია 94.9 ათასი ლარით, „სხვადსხვა მიმდინარე ხარჯების სხვა დანარჩენი მიმდინარე ხარჯების“ მუხლით (პროგრამული კოდი 02 09). შესრულებული სამუშაოების აქტების შესწავლით დგინდება, რომ სარემონტო და ქსელის მოწყობის სამუშაოების გამიჯვნა შესაძლებელია. კერძოდ, არსებული ქსელის მიმდინარე შეკეთების სამუშაოების ღირებულება შეადგენს 14.9 ათას ლარს, ხოლო 80.0 ათასი ლარით მოწყობილია ახალი ან არსებული სისტემების დამაკავშირებელი ქსელები. გამომდინარე აქედან, 80.0 ათასი ლარი უნდა დაფინანსებულიყო „სხვადასხვა კაპიტალური ხარჯების“ მუხლით.

მუნიციპალიტეტის მიერ დამკვიდრებულია არასწორი პრაქტიკა - სამშენებლო სამუშაოების შესყიდვის დაგეგმვისას არ ითვალისწინებდა ყველა შესასრულებელ სამუშაოს. ახალი სამუშაოების შესყიდვის მიზნით, მუნიციპალიტეტი სისტემატურად, დაუსაბუთებლად ზრდიდა სახელშეკრულებო ღირებულებას 10%-ის ფარგლებში. აუდიტის ჯგუფმა ვერ მოიპოვა საკმარისი და შესაფერისი აუდიტორული მტკიცებულებები მუნიციპალიტეტის მიერ სახელშეკრულებო ღირებულების ზრდასთან დაკავშირებით. შედეგად, მუნიციპალიტეტმა 2017-2018 წლებში არაკონკურენტულ გარემოში შეისყიდა ერთ მილიონ ლარზე მეტი ღირებულების სამუშაოები და არ გამოიყენა ფინანსური რესურსის რაციონალური და ეკონომიური ხარჯვის შესაძლებლობა.

ინფრასტრუქტურული პროექტებიდან უხარისხოდ შესრულებუილი სამუშაოები გამოვლინდა 8 ობიექტზე, რომელთა საერთო ღირებულება 1,668.9 ათასი ლარია.

• დასაქმებულ პირებზე კვარტალში 2-ჯერ და 3-ჯერ არის გაცემული პრემიები: ცენტრალურ აპარატში - 59,595 ლარი, სააგენტოში - 2,200 ლარი, სულ 61,795 ლარი. შედეგად, დარღვეულია №449 დადგენილება, რომლის მიხედვით, საჯარო დაწესებულებაში დასაქმებულ პირზე პრემია შეიძლება გაიცეს კვარტალში ერთხელ ; • სააგენტოში, ფონდსა და დახმარების ცენტრში დანამატების გაცემის ფორმალური საფუძველია ხელმძღვანელის ბრძანება, რომელიც ეფუძნება კონკრეტული დეპარტამენტის მოხსენებით ბარათს. დახმარების ცენტრისა და ფონდის მოხსენებით ბარათებში ყოველთვიურად გამოყენებულია ერთი და იგივე სტანდარტული ტექსტი, ხოლო სააგენტოში მოხსენებითი ბარათები არ არის შედგენილი კონკრეტული პირების მიხედვით და მოიცავს დეპარტამენტის შესრულებულ სამუშაოებს ერთიანად; • თანამშრომელთა სამუშაო დროის მკაცრი აღრიცხვის სისტემის ფორმა (ტაბელი) არ იყო დამტკიცებული. ამასთანავე, წარმოდგენილ ტაბელებში არ ფიქსირდებოდა ინფორმაცია თანამშრომელთა მიერ ზეგანაკვეთური მუშაობის შესახებ.

ნაძალადევის რაიონმა 02 09 პროგრამული კოდით შეისყიდა ინფრასტრუქტურისა და იერსახის მოწესრიგების, ასევე სატრანსპორტო კვანძზე ჩამოსასვლელად კიბეების მოწყობა-რეაბილიტაციის სამუშაოები. ხელშეკრულებების შესრულების საკასო ხარჯი 188.8 ათასი ლარია, რომელიც დაფინანსდა „სხვადასხვა მიმდინარე ხარჯების სხვა დანარჩენი მიმდინარე ხარჯების“ მუხლით . ამდენად, მხარჯავმა დაწესებულებამ ჩათვალა, რომ შესრულდა მხოლოდ მიმდინარე შეკეთების სამუშაოები და ტერიტორია არ იმყოფება მუნიციპალიტეტის განკარგვაში. ტენდერების მიღება-ჩაბარებისა და შესრულებული სამუშაოების აქტების ანალიზი მიუთითებს, რომ შესაძლებელია შესრულებული იყო ინფრასტრუქტურის მოწყობის სამუშაოებიც (ძირითადი აქტივი), ამასთანავე, სამუშაოები შესრულდა მუნიციპალურ ობიექტებზე, კერძოდ: - ზღვის უბნის დასახლებაში სკვერის იერსახის მოწესრიგების სამუშაოები; კიბის მოაჯირისა და ბეტონის ბილიკის მოწყობა ; - ჩარგლისა და ზიგზაგის ქუჩის დამაკავშირებელი ბეტონის ბილიკის, კიბისა და მოაჯირის მოწყობა; საბავშვო ბაღის ლითონის ღობის მოწყობა; მ/ს „ღრმაღელეს“ გვერდით მდებარე სკვერის იერსახის მოწესრიგების სამუშაო ; - მ/ს „სარაჯიშვილის“ მიმდებარედ სატრანსპორტო კვანძზე ჩამოსასვლელი კიბის მოწყობა და სხვა . გამომდინარე აქედან, ნაძალადევის რაიონმა სავარაუდოდ არასწორად გამოიყენა „სხვადასხვა მიმდინარე ხარჯების სხვა დანარჩენი მიმდინარე ხარჯების“ მუხლი ყველა გადასახდელისათვის და არ გამიჯნა „არაფინანსური აქტივების ზრდის“, „სხვადასხვა კაპიტალური ხარჯების“, ასევე „სხვა დანარჩენ საქონელსა და მომსახურებაზე გაწეული დანარჩენი ხარჯის“ მუხლების შესაბამისად .

კულტურის სახლისა და სპორტული კომპლექსის სამშენებლო სამუშაოების პროექტების ჩაბარების ეტაპზე მუნიციპალიტეტში არ იყო დანერგილი შესაბამისი კონტროლის მექანიზმები, რომლებიც უზრუნველყოფდა უხარისხო პროექტების შეძენის თავიდან აცილებას. აგრეთვე, ხარვეზების გამოვლენის მიუხედავად, პროექტების ავტორების მიმართ არ გაუტარებია შესაბამისი სამართლებრივი ღონისძიებები.

დათვალიერების დროს ასევე გამოვლინდა, რომ 4 ობიექტი დაზიანებულია არასწორი ექსპლოატაციის შედეგად, თუმცა მუნიციპალიტეტს ხარვეზის გამოსასწორებლად ღონისძიებები არ გაუტარებია.

სააგენტოს და რეგულირების სააგენტოს თანამშრომლები 2017 წელს იმყოფებოდნენ მივლინებაში საქართველოს სხვადასხვა რეგიონში. მოქმედი კანონმდებლობის მიხედვით, „ქვეყნის შიგნით მივლინებისას საცხოვრებელი ფართობის დაქირავების ხარჯების ანაზღაურებისათვის მოსამსახურეს ეძლევა თანხა არა უმეტეს საშუალო კლასის სასტუმროს ნომრის ღირებულებისა“ . სააგენტოსა და რეგულირების სააგენტოს მიერ არ იყო შემუშავებული ქვეყნის შიგნით მივლინების პოლიტიკა. კერძოდ, სააგენტოს განმარტებით, საშუალო კლასის სასტუმროს ნომრის ღირებულება დგინდება ინტერნეტრესურსებზე არსებული ინფორმაციის შესაბამისად, რეგულირების სააგენტოს კი ამ მიზნით ბაზრის კვლევა არ ჩაუტარებია 2011 წლის შემდეგ.

ქ. თბილისის მუნიციპალიტეტი 06 02 18 პროგრამული კოდით აფინანსებს სხვა სოციალურ (დახმარების) ღონისძიებებს. პროგრამა ითვალისწინებს სოციალურად დაუცველი მოსახლეობისათვის ფულადი დახმარების გამოყოფას, მედიკამენტებისა და მკურნალობის საფასურის ანაზღაურებას, სარიტუალო მომსახურების დაფინანსებას, სათბობის (შეშა), კვების პროდუქტების გამოყოფას და სხვ. რადგანაც ადგილობრივი თვითმმართველი ერთეულების ბიუჯეტები სრულდება საკასო მეთოდით და აღნიშნული დახმარებებისათვის მუნიციპალიტეტი გამოყოფს ფულად რესურსს, სხვა სოციალურ (დახმარების) ღონისძიებებს, აუდიტის ობიექტი, როგოც წესი, აფინანსებს „სოციალური დახმარების“ მუხლით. 2017 წელს, აღდგომისა და ახალი წლის დღესასწაულებთან დაკავშირებით, მუნიციპალიტეტის ნაძალადევის, გლდანის, დიდუბის და მთაწმინდის რაიონებმა შეისყიდეს სხვადასხვა საკვები პროდუქტი. პროდუქტები, სასაჩუქრე პაკეტების სახით, განკუთვნილი იყო რაიონებში მცხოვრები სხვადასხვა კატეგორიის სოციალურად დაუცველი ადამიანებისათვის (მძიმე სოციალურ მდგომარეობაში მყოფი მოქალაქეები, უფასო სასადილოს ბენეფიციარები, ომის ვეტერანები და სხვ.) შესყიდვის ჯამურმა ღირებულებამ 717.0 ათასი ლარი შეადგინა . სოციალური პროგრამების ფარგლებში, გლდანის რაიონის გამგეობამ რაიონის ტერიტორიაზე მცხოვრები სოციალურად დაუცველი და შეჭირვებული მოქალაქეებისათვის ასევე შეისყიდა საწვავი ხის მასალა - შეშა. ხელშეკრულების საკასო ხარჯია 52.7 ათასი ლარი. სოციალურად დაუცველი ადამიანებისათვის განკუთვნილი სასაჩუქრე პაკეტები და შეშა დაფინანსებულია 06 02 18 პროგრამული კოდით - სხვა სოციალური (დახმარების) ღონისძიებები. მიუხედავად ამისა, საბიუჯეტო ასიგნება გამოიყო „სხვადასხვა მიმდინარე ხარჯების სხვა დანარჩენი მიმდინარე ხარჯების“ მუხლით (282118) იმ მოტივით, რომ მწარმოებლებიდან საქონლის შესყიდვა განხორციელდა საბაზრო წესით, საოჯახო მეურნეობებზე გადასანაწილებლად. ისევე, როგორც სხვა რაიონებისათვის, ამ შემთხვევებშიც მიზანშეწონილი იყო „სოციალური უზრუნველყოფის“ მუხლის (27) გამოყენება.

ქალაქ მცხეთის მერიამ წერილობით მიმართა სსიპ ლევან სამხარაულის სახელობის სასამართლო ექსპერტიზის ეროვნული ბიუროს და მოითხოვა სპორტულ-გამაჯანსაღებელი კომპლექსის საპროექტო დოკუმენტაციის ექსპერტიზა, ობიექტის სამშენებლო და ტექნიკურ ნორმებთან შესაბამისობის დადგენის კუთხით. აუდიტის შედეგად გამოვლინდა, რომ ექსპერტიზის ბიუროს აღნიშნული საკითხი არ შეუსწავლია და მოახდინა პირველადი ხარჯთაღრიცხვის ექსპერტიზა, რაც მუნიციპალიტეტს არ ესაჭიროებოდა. აღნიშნულ მომსახურებაში მუნიციპალიტეტმა გადაიხადა 23.6 ათასი ლარი, რაც ბიუჯეტიდან გაწეული არაეფექტიანი ხარჯია.

3 გამარტივებული ხელშეკრულების შემთხვევაში მუნიციპალიტეტს არ მოუთხოვია ფაქტობრივი დანახარჯების დამადასტურებელი დოკუმენტები და თანხები აანაზღაურა ფორმა 2-ების მიხედვით. აღნიშნული ხელშეკრულებების საკასო ხარჯი 91.5 ათასი ლარია. ამასთანავე, შესრულებული სამუშაოების აქტებისა და სახელშეკრულებო ხარჯთაღრიცხვების მაჩვენებლების შედარებით ირკვევა, რომ სამუშაოების ერთეულის ღირებულებები ერთმანეთს ემთხვევა და არ ასახავს ფაქტობრივად გადახდილ თანხებს.

სოფლის ექიმი სოფლის ექიმი არის უმაღლესი სამედიცინო განათლებისა და დამოუკიდებელი საექიმო საქმიანობის უფლების დამადასტურებელი სახელმწიფო სერტიფიკატის მქონე პირი, რომელსაც გავლილი აქვს შესაბამისი პროფესიული მომზადების ციკლი და ახორციელებს სოფლის მოსახლეობისათვის ამბულატორიული სამედიცინო მომსახურების მიწოდებას, სახელმწიფო პროგრამის - „სოფლის ექიმის“ (კოდი: 35 03 03 08) ფარგლებში . პროგრამის მიზანია პირველადი ჯანდაცვის მომსახურებაზე მოსახლეობის გეოგრაფიული და ფინანსური ხელმისაწვდომობის გაზრდა. სამინისტროსა და სოფლის ექიმებს/ექთნებს შორის არის გაფორმებული სახელმწიფო შესყიდვის ხელშეკრულება. სამინისტროს, 2014 წლიდან 2017 წლის ჩათვლით, „სოფლის ექიმის“ პროგრამის ფარგლებში კონტრაქტით გაფორმებული ექიმებისა და ექთნების ერთჯერადი გასაცემლის დასაფიანნსებლად აუთვისებელი თანხა ,,სოციალური უზრუნველყოფის’’ მუხლიდან გადაჰქონდა ,,სხვა ხარჯების’’მუხლში. შესაბამისად სამინისტრო ყოველწლიურად გასცემდა ერთჯერად გასაცემელს, რომელიც ბიუჯეტის დაგეგმვის ეტაპზე არ იყო გათვალისწინებული შესაბამის მუხლში. სამედიცინო დაწესებულებათა რეაბილიტაცია და აღჭურვა საბიუჯეტო განაცხადით სამედიცინო დაწესებულებათა რეაბილიტაცია და აღჭურვის სახელმწიფო პროგრამით (კოდი: 35 04) გათვალისწინებული ღონისძიებების დაფინანსების მიზნით მოთხოვნილი და დამტკიცებული თანხა შეადგენდა 30,000,000 ლარს, რომელიც მოიცავდა ზუგდიდის მუნიციპალიტეტის სოფელ რუხში მრავალპროფილიანი საუნივერსიტეტო კლინიკის სამშენებლო სამუშაოებს და აღჭურვას, შესაბამისად, 13,000,000 ლარის და 6,688,000 ლარის ოდენობით. პროექტის სახარჯთაღრიცხვო ჯამური ღირებულება შეადგენდა 41,262,060 ლარს. სამინისტროს განმარტებით, 2016 წლის 1 ნოემბრის მდგომარეობით შესრულებული იყო სამშენებლო-სამონტაჟო სამუშაოების ღირებულების ნახევარი, სულ - 20,718,302 ლარი. მთავრობის დადგენილებით, მოცემული პროგრამის ფარგლებში განსახორციელებელი პროექტების/ღონისძიებების ჯამური ღირებულება შეადგენდა 20,688,200 ლარს . დადგენილებით არ იყო გათვალისწინებული სოფელ რუხის მრავალპროფილიანი საუნივერსიტეტო კლინიკის აღჭურვის თანხა, ხოლო მისი სამშენებლო სამუშაოები განისაზღვრა მხოლოდ 10,000,000 ლარით. შესაბამისად საბიუჯეტო განცხადით მოთხოვნილია იმ სამედიცინო დაწესებულების აღჭურვის თანხა, რომლის მშენებლობაც საბიუჯეტო წელს ვერ დასრულდებოდა. შედეგად საბიუჯეტო განაცხადით მოთხოვნილი ე.წ. „ნამეტი“ რესურსი 9,497,610 ლარის ოდენობით, ხარჯთაღრიცხვის ცვლილებებით გადატანილ იქნა სხვა პროგრამებში. სარეზერვო ფონდი მოსახლეობის მიზნობრივი ჯგუფების სოციალური დახმარების (კოდი: 35 02 02) ქვეპროგრამიდან, სხვადასხვა პროგრამის შესრულების მიზნებისათვის, აგვისტოსა და დეკემბრში ქრონიკული დაავადებების სამკურნალო მედიკამენტებით უზრუნველყოფის (კოდი: 35 03 03 11) და მოსახლეობის საყოველთაო ჯანმრთელობის დაცვის (კოდი: 35 03 01) ქვეპროგრამაზე გადატანილი ასიგნებების ოდენობამ 27,183,800 ლარი შეადგინა, მაშინ როდესაც, სამინისტროს მოსახლეობის მიზნობრივი ჯგუფების სოციალური დახმარების (კოდი: 35 02 02) ქვეპროგრამისთვის საქართველოს მთავრობის სარეზერვო ფონდიდან 2017 წელს მიღებული აქვს 2,789,347 ლარი, საქართველოს მთავრობის 2015 წლის 30 ივლისის №381 დადგენილების - „სოციალურად დაუცველი მოსახლეობის მიერ მოხმარებული ელექტროენერგიის ღირებულების ნაწილობრივი სუბსიდირების შესახებ“ შესასრულებლად. აღნიშნული ხარჯი არ წარმოადგენდა გაუთვალისწინებელ გადასახდელს და შესაძლებელი იყო მოვლენის/ღონისძიების გათვალისწინება ბიუჯეტის დაგეგმვის ეტაპზე. ამასთანავე, აღნიშნული ღონისძიების დაფინანსებისთვის საქართველოს მთავრობის სარეზერვო ფონდიდან თანხები გამოყოფილია წინა წლებში,:2015 წელს -1,158,000 ლარი, 2016 წელს - 3,812,079 ლარი. რაც ასევე აღნიშნულია სახელმწიფო აუდიტის სამსახურის 2015 წლის 31 დეკემბრით დასრულებული საანგარიშგებო პერიოდისთვის კონსოლიდირებული ფინანსური ანგარიშგების აუდიტის ანგარიშში. შრომის ანაზღაურება სამინისტროს 2017 წლის 28 დეკემბრის N01/79953 წერილით მოთხოვნილია ცენტრალური აპარატის და სამინისტროს კონტროლს დაქვემდებარებულ საჯარო სამართლის იურიდიული პირების თანამშრომელთა მატერიალური წახალისებისთვის საახალწლო დღესასწაულთან დაკავშირებით ასიგნებების გაზრდა იმ პროგრამების აუთვისებელი რესურსის ხარჯზე, რომელთა ათვისებაც წინა წელსაც დაბალი იყო, თუმცა 2017 წელს საბიუჯეტო განაცხადით მოთხოვნილია წინა წლის ანალოგიური თანხა.

2017 წელს თბილისის მუნიციპალიტეტის ისნის რაიონში შესრულდა საინგილოს მეხუთე შესახვევისა და სომხეთის ქუჩიდან კიკეთის ქუჩის ბოლომდე გზების სარეაბილიტაციო სამუშაოები, ღირებულებით 372.6 ათასი ლარი . მუნიციპალიტეტმა აღნიშნული სამუშაოებისთვის გადარიცხული თანხები გაატარა მუხლში „სხვადასხვა კაპიტალური ხარჯები“ (2822). ამდენად, მხარჯავმა დაწესებულებამ ჩათვალა, რომ შესრულდა კაპიტალური შეკეთების სამუშაოები ტერიტორიაზე, რომელიც არ იმყოფება მუნიციპალიტეტის დაქვემდებარებაში. ტენდერების მიღება-ჩაბარებისა და შესრულებული სამუშაოების აქტების ანალიზი კი მიუთითებს, რომ სამუშაოები შესრულდა მუნიციპალურ ობიექტებზე. ამდენად, სამუშაოების ანაზღაურებისას მიზანშეწონილი იყო „არაფინანსური აქტივების ზრდის“ მუხლის გამოყენება.

სპორტულ-გამაჯანსაღებელი კომპლექსის და კულტურის სახლის მშენებლობას მიმწოდებლი, შპს ელ ჯორჯას არ ასრულებდა სამუშაოებს გეგმა-გრაფიკის მიხედვით და სისტემატურად არღვევდა მას. ხელშეკრულება გეგმა-გრაფიკის დარღვევისათვის ითვალისწინებდა პირგასამტეხლოს, რაც 306.1 ათას ლარს შეადგენს. მუნიციპალიტეტს მიმწოდებლისთვის პირგასამტეხლო არ დაურიცხავს.

სატენდერო კომისიამ არასწორად მოახდინა პრეტენდენტის დისკვალიფიკაცია, რის გამოც მუნიციპალიტეტმა ბიუჯეტიდან გასწია არაეკონომიური ხარჯი, 43.1 ათასი ლარის ოდენობით.

სამინისტროში საშტატო რიცხოვნობისა და შრომის ანაზღაურების ფონდის დაგეგმვისას არ ხდება უწყებაში ფაქტობრივად შტატით დასაქმებულ მომუშავეთა ოდენობის გათვალისწინება და გეგმური საშტატო რიცხოვნობის რეალური მაჩვენებლის განსაზღვრა. აღნიშნულის შედეგად, წლის განმავლობაში რეალურად დასაქმებულ მომუშავეთა რიცხოვნობა ჩამორჩება ბიუჯეტის დაგეგმვის ეტაპზე განსაზღვრულ რაოდენობას, 2017 წელს ვაკანტური პოზიციები საშუალოდ წარმოადგენდა 18%-ს, რის გამოც, „შრომის ანაზღაურების“ მუხლში იქმნება ხელოვნური ეკონომია რომელიც ან აუთვისებელი რჩება, ან ნაწილდება თანამშრომლებზე სხვადასხვა ტიპის მატერიალური წახალისების სახით.

2017 წელს ისნის რაიონის გამგეობამ შეისყიდა საგზაო სამუშაოები, ღირებულებით 1273 ათასი ლარი . შესრულებული სამუშაოების ღირებულება ანაზღაურებულია „სხვადასხვა კაპიტალური ხარჯების“ (2822) მუხლიდან. ამდენად, მხარჯავმა დაწესებულებამ ჩათვალა, რომ შესრულდა კაპიტალური შეკეთების სამუშაოები ტერიტორიაზე, რომელიც არ იმყოფება მუნიციპალიტეტის განკარგვაში. ტენდერების მიღება-ჩაბარებისა და შესრულებული სამუშაოების აქტების შინაარსი მიუთითებს, რომ სამუშაოები შესრულდა არა მხოლოდ საცხოვრებელი ბინების ეზოებში, არამედ ქუჩებსა და გზებზეც, მაგალითად: - გზის მოასფალტების სამუშაოები ჰამლეტ გონაშვილის ქუჩაზე, ჟონეთის ქუჩაზე სომხეთის ქუჩიდან ნიაბის II შესახვევამდე, ბეღლეთის ქუჩაზე სომხეთის ქუჩიდან ბეღლეთის ქუჩის ბოლომდე, თეძამის ქუჩაზე, წურწუმიას, ეთერ კაკულიას I, ბერი გაბრიელ სალოსის IV, მუჯირიშვილისა და უჯარმის ქუჩის შესახვევებში და სხვა . - დ. ერისთავის ქუჩის და საინგილოს ქუჩის შემაერთებელი მონაკვეთის მოასფალტების სამუშაოები . - გზის სარეაბილიტაციო სამუშაოები ჟონეთის ქუჩაზე ნიაბის II შესახვევიდან ჟონეთის N67-მდე, სპანდარიანის ქუჩის და შირაქის ქუჩის შესახვევებში, აფშინაშვილის ქუჩაზე და სხვა . გამომდინარე აქედან, აღნიშნული სამუშაოების ღირებულების სრულად მიკუთვნება „სხვადასხვა კაპიტალური ხარჯების“ (2822) მუხლში არასწორია. მიზანშეწონილი იყო გადასახდელების გამიჯვნა და სამუშაოების ნაწილის „არაფინანსური აქტივის ზრდის“ მუხლით დაფინანსება .

სპორტულ-გამაჯანსაღებელი კომპლექსის მშენებლობის სამუშაოების შესყიდვის პროცესში შპს ელ ჯორჯიამ გაუთვალისწინებელი სამუშაოები 3%-ის ნაცვლად განსაზღვრა 1%-ით, შესაბამისად შეამცირა გაუთვალისწინებელი ხარჯები და გაზარდა ძირითადი სამუშაოების ღირებულება, რაც კანონმდებლობით დაუშვებელია.მუნიციპალიტეტს არ მოუხდენია პრეტენდეტის დიკვალიფკაცია და შედეგად ბიუჯეტიდან ზედმეტად გადარიცხულმა თანხამ მინიმუმ 90.9 ათასი ლარი შეადგინა.

ქალაქ ზუგდიდში არსებულ გარკვეულ ქონებას მუნიციპალიტეტთან შესაბამისი ხელშეკრულების გაფორმების გარეშე, კომერციული დანიშნულებით იყენებენ არაუფლებამოსილი პირები (ფიზიკური/იურიდიული). ამასთანავე, ქონებით სარგებლობის საზღაურს უხდიან სხვა ასევე არაუფლებამოსილ სუბიექტებს. მიუხედავად იმისა, რომ მუნიციპალიტეტის პასუხისმგებელი პირებისთვის ცნობილია აღნიშნულის შესახებ, ისინი არ ატარებენ შესაბამის სამართლებრივ ღონისძიებებს.

ბალანსის ანგარიშზე „სხვა მანქანა-დანადგარები და ინვენტარი“, რომელიც ფინანსური ანგარიშგების ფორმა №1-სა და დანართი ფორმა №5-ში წლის ბოლოს წარდგენილია 17,234.63 ლარის, ხოლო ძირითადი კაპიტალის მოხმარება - 5,768.44 ლარის ოდენობით, ასახულია 40 ერთეული 3,757.00 ლარის ღირებულების სრულად ამორტიზებული აქტივები და მათზე ზედმეტად დარიცხული ცვეთის თანხა 709.00 ლარი. შედეგად ბალანსის მუხლი „სხვა მანქანა-დანადგარები და ინვენტარი“ წლის ბოლოს გაზრდილია 3,048.00 ლარით, ხოლო საანგარიშო წლის წმინდა ღირებულება ბალანსის ფორმა №3-ში შემცირებულია 709.00 ლარით. შესაბამისად, 3,048.00 ლარით შემცირებულია ბალანსის საცნობარო მუხლის - „(08) ამორტიზებული ძირითადი აქტივების“ საბოლოო ნაშთი.

პროგრამის/ქვეპროგრამის ინდიკატორების შემთხვევაში არ ხდება ცდომილების ალბათობისა და შესაძლო რისკების მაჩვენებლების განსაზღვრა. ინდიკატორში აღნიშნული მაჩვენებლის წარმოდგენის შემთხვევაში კი, მოყვანილი მონაცემები არარეალისტურია ან არ შეესაბამება მიზნობრივ მაჩვენებელს, კერძოდ: • „უსაფრთხო სისხლი“ (კოდი: 35 03 02 04) - ინდიკატორის მიზნობრივ მაჩვენებელს წარმოადგენს „უანგარო დონაციათა რაოდენობის ზრდა: 50%“, ცდომილების ალბათობაში კი მოცემულია მაჩვენებელი „მაღალი“, რაც მიუთითებს მიზნობრივი მაჩვენებლის გაანგარიშების არარეალისტურობაზე. ამასთანავე, აღსანიშნავია, რომ ცდომილების ალბათობის მაჩვენებელი არ არის გაზომვადი და არ ექვემდებარება გამოთვლას, რაც ასევე აღნიშნულია სახელმწიფო აუდიტის სამსახურის „საქართველოს 2017 წლის სახელმწიფო ბიუჯეტის შესახებ“ საქართველოს კანონის პროექტზე დასკვნაში. პროგრამა საჭიროებს დამატებით ინდიკატორს, რათა სრულყოფილად იქნეს შეფასებული მიღწეული საბოლოო/შუალედური შედეგები. კერძოდ: • იშვიათი დაავადებების მქონე და მუდმივ ჩანაცვლებით მკურნალობას დაქვემდებარებულ პაციენტთა მკურნალობა (კოდი: 35 03 03 06) - ინდიკატორი გაზომვადია და ანგარიშგება -შესაბამისი, თუმცა ანგარიშგებაში წარმოდგენილი სტაციონარული მომსახურება არ იყო გათვალისწინებული საბაზისო და მიზნობრივ მაჩვენებლებში; • სასწრაფო გადაუდებელი დახმარება და სამედიცინო ტრანსპორტირება (კოდი: 35 03 03 07) - ინდიკატორი გაზომვადია და ანგარიშგება შეესაბამება ინდიკატორს, თუმცა ექიმთა გადამზადება არ იყო გათვალისწინებული საბაზისო და მიზნობრივ მაჩვენებლებში და წარმოდგენილია ანგარიშგებაში. რიგი პროგრამებისა და ქვეპროგრამების საბოლოო და შუალედური შედეგების შეფასების ინდიკატორები ვერ უზრუნველყოფენ მიღწეული შედეგების შეფასებას, რადგან ინდიკატორი არარელევანტურია, არასწორადაა ფორმულირებული, ან არ წარმოადგენს ეფექტიანობის საზომს. კერძოდ: • ჯანმრთელობის ხელშეწყობა (კოდი: 35 03 02 11) - არ არის განსაზღვრული საბაზისო მაჩვენებელი, მიზნობრივი მაჩვენებელია სოციალური მედიით სამიზნე პოპულაციის მოცვა; კლიპების რაოდენობა, ჩატარებული კამპანიების რაოდენობა, დამზადებული ფლაერების რაოდენობა და ა.შ. რაც არ არის გამოხატული რაოდენობრივ მაჩვენებელში; • რეფერალური მომსახურება (კოდი: 35 03 03 09) - საბაზისო მაჩვენებელი წარმოდგენილია რაოდენობრივ ჭრილში, მიზნობრივი მაჩვენებელი კი არ იძლევა შეფასების შესაძლებლობას, რადგან არ არის დაკონკრეტებული რას გულისხმობს ადეკვატური რაოდენობა; • აივ ინფექცია/შიდსის მართვა (კოდი: 35 03 02 08) - სკრინინგული კვლევის მიზნობრივი მაჩვენებელი მოიცავს საბაზისო მაჩვენებელზე მეტ კვლევას, რაც არ იძლევა შეფასების შესაძლებლობას, რადგან არ არის დაკონკრეტებული, რას გულისხმობს მეტი რაოდენობა.

ავჭალა-1-ის დასახლებაში (ყოფილი მუხიანის სამხედრო დასახლება) საკანალიზაციო გარე ქსელის და სანიაღვრე ქსელების მოწყობის სამუშაოები გლდანის რაიონმა შეისყიდა 02 09 პროგრამული კოდით . ხელშეკრულების შესრულების საკასო ხარჯია 745.0 ათასი ლარი, რომელიც ანაზღაურებულია „სხვადასხვა კაპიტალური ხარჯების“ (2822) მუხლით. სამუშაოების საბოლოო მიღება-ჩაბარების აქტით დგინდება, რომ ხელშეკრულების შესაბამისად მოწყობილია საკანალიზაციო ქსელი ღირებულებით 599.0 ათასი ლარი, ასევე სანიაღვრე ქსელი ქობისა და ღვალაძის ქუჩებზე - ღირებულებით 146.0 ათასი ლარი. სანიაღვრე ქსელი წარმოადგენს ძირითად აქტივს, მოწყობილია მუნიციპალიტეტის განკარგვაში არსებულ ტერიტორიაზე. ამდენად, დაფინანსება უნდა გასულიყო „არაფინანსური აქტივების ზრდის“ მუხლით.

მიმწოდებელმა შპს ელ ჯორჯიამ კულტურის სახლის მშენებლობისას, ხარჯთაღრიცხვის დაზუსტებისას, შეგნებულად განაფასა 975 კვ.მ, 1 მმ მილის მოწყობის სამუშაოები 0 (ნული) ლარად, რომელიც კორექტირების შედეგად საერთოდ ამოიღო ხარჯთაღრიცხვიდან და დამატებითი ანაზღაურების ხარჯზე მოაწყო იმავე ოდენობის, თითქმის 2-ჯერ ნაკლები სისქის მილი. შედეგად, ქალაქ მცხეთის მერიამ მიმწოდებელს ბიუჯეტიდან ზედმეტად აუნაზღაურა მინიმუმ 98.0 ათასი ლარი. მიმწოდებელმა გიმიყენა პროექტში არსებული ხარვეზი და 1 კვ.მ სავენტილაციო სამუშაოებში კაუჩუკის თბოიზოლაციის მოწყობა 21.0 ლარიდან ხელშეკრულების გაფორმებამდე დაზუსტებულ ხარჯთაღრიცხვაში გაიზარდა 91.7 ლარამდე. ხოლო შემდეგ 130 კვ.მ მოწყოვის ნაცლად მოაწყო 1300 კვ.მ და მუნიციპალიტეტმა მინიმუმ 93.7 ათასი ლარის ზედმეტი ხარჯი. მას ასევე უნდა მოეწყო 43.3 ათას ლარის ღირებულების, 3 800 კვ.მ 12 სმ სისქის ასფალტბეტონის საფარი. კორექტირების შედეგად შემცირდა შესასრულებელი სამუშაოები და მოეწყო 2 260 კვ.მ 6 სმ სისქის ასფალტბეტონის საფარი, რაშიც მუნიციპალიტეტმა გადაიხადა 83.2 ათასი ლარი. შედეგად ქალაქ მცხეთის მერიამ ეზოს მოასფალტების სამუშაოებში შპს ელ ჯორჯიას, მინიმუმ 57.4 ათასი ლარით მეტი თანხა გადაუხადა, ვიდრე ტენდერით იყო გათვალისწინებული.

2017-2018 წლებში მუნიციპალიტეტში მოქმედი იყო ქონების სარგებლობის უფლებით გადაცემის 47 ხელშეკრულება, მათ შორის ფიზიკურ პირებთან და კერძო სამართლის იურიდიულ პირებთან გაფორმებულია 17 ხელშეკრულება , რომელთაგან 4 შემთხვევაში გამოყენებულია ქონების გაცემის ელექტრონული აუქციონის ფორმა, ხოლო 13 შემთხვევაში პირდაპირი განკარგვის წესი. 11 ხელშეკრულებისათვის მუნიციპალიტეტმა ვერ წარმოადგინა საკმარისი და შესაფერისი მტკიცებულებები, რით იყო განპირობებული ქონების განკარგვის პირდაპირი წესის გამოყენება. დოკუმენტაციის შესწავლით გამოვლინდა, რომ ხშირ შემთხვევებში პირდაპირი განკარგვის ფორმით გაცემული ქონების საიჯარო ქირა არ შეესაბამება საბაზრო პირობებს, რაც დადსტურდა კონკრეტული ფაქტებითაც.

ბალანსის ფორმა №1-სა და დანართი ფორმა №5-ში „სხვა დანარჩენი მატერიალური მარაგების” ბალანსის ანგარიშზე წლის ბოლოს ნაშთი არ ფიქსირდება. როგორც დადგინდა, აუდირებული წლის განმავლობაში ობიექტმა შეისყიდა 12,564.00 ლარის მატერიალური აქტივები, ხოლო წლის განმავლობაში ხარჯებში ჩამოწერილი მატერიალური აქტივების გასვლასთან დაკავშირებით ჩამოწერის საბუთები წარმოდგენილია მხოლოდ 3,117.00 ლარის აქტივებზე. აუდიტის შედეგად გამოვლინდა ისეთი მატერიალური აქტივები, რომლებიც ბალანსის შესაბამის მუხლზე წლის ბოლოს ნაშთის სახით უნდა ყოფილიყო აღრიცხული. პასუხისმგებელი პირის ინფორმაციით, წლის ბოლოს მატერიალური მარაგების ნაშთი შეადგენდა 1,413.00 ლარს, რომელიც არ ასახულა ბალანსის შესაბამის მუხლზე. თუმცა ვინაიდან ობიექტის მიერ არ ხორციელდება მატერიალური აქტივების გასვლაზე კონტროლი და გასავლის საბუთების წარმოება, აუდიტის ჯგუფის მიერ ვერ იქნა მოპოვებული რწმუნება 2018 წლის იანვარში გასული მატერიალური მარაგების შესახებ. შესაბამისად, ვერ დასტურდება წლის ბოლოს ნაშთი, რომელიც ასახული უნდა იყოს ბალანსის ფორმა №1-ში „სხვა დანარჩენი მატერიალური მარაგების” მუხლზე.

სახელმწიფო ჯანდაცვის პროგრამების ზედამხედველობის ერთ-ერთ ეტაპს წარმოადგენს მონიტორინგი, რომლის განხორციელებისას ხდება მიმწოდებელთან განმახორციელებლის უფლებამოსილი პირის ვიზიტი და შეტყობინებისას მიწოდებული ინფორმაციის გადამოწმება, მიმწოდებლისაგან მომსახურებასთან დაკავშირებული ინფორმაციისა და დოკუმენტაციის მოთხოვნა, საჭიროებისამებრ, პაციენტთან, მისი ოჯახის წევრებთან და შემთხვევასთან დაკავშირებულ სხვა პირებთან გასაუბრება. ჯანმრთელობის დაცვის პროგრამების ფარგლებში მონიტორინგს ექვემდებარება ყოველი მე-5 შემთხვევა, ხოლო C ჰეპატიტის მართვის და საყოველთაო ჯანდაცვის პროგრამების ფარგლებში მონიტორინგს დაქვემდებარებული შემთხვევები შეირჩევა უფლებამოსილი პირის გადაწყვეტილებით. განხორციელებული მონიტორინგების რაოდენობა შემდეგია: • ჯანმრთელობის დაცვის პროგრამის ფარგლებში 2017 წელს 33,918 შეტყობინება დააფიქსირა 60-მა სამედიცინო დაწესებულებამ და განხორციელდა 9,292 შემთხვევის მონიტორინგი. აღსანიშნავია, რომ 8 სამედიცინო დაწესებულებაში (სულ: 1,347 შემთხვევა) თითოეულის მიერ დაფიქსირებული შემთხვევების 90% და მეტი შემოწმდა, მაშინ როცა, 12 სამედიცინო დაწესებულებაში, რომლებმაც 504 შეტყობინება დააფიქსირეს მონიტორინგი არ განხორციელებულა. წლის განმავლობაში, 58 კონკრეტულ დღეს დაფიქსირებული შეტყობინების შესაბამისად, მონიტორინგი უნდა განხორციელებულიყო 1,077 შემთხვევაში, საიდანაც შემოწმებულია 840 შემთხვევა; • 2017 წელს საყოველთაო ჯანდაცვის პროგრამის ფარგლებში 395-მა სამედიცინო დაწესებულებამ დააფიქსირა 1,247,569 შემთხვევა; მონიტორინგი არ განხორციელებულა 142 სამედიცინო დაწესებულებაში, რომელთაც წლის განმავლობაში დაფიქსირებული ჰქონდათ 115,074 შეტყობინება, არ შემოწმებულა 899,457 შეტყობინება, რაც დაფიქსირებული შემთხვევების 72%-ია; • C ჰეპატიტის მართვის სახელმწიფო პროგრამის ფარგლებში, 2017 წელს 32-მა სამედიცინო დაწესებულებამ დააფიქსირა 33,739 შეტყობინება; მონიტორინგი არ განხორციელებულა 24 სამედიცინო დაწესებულებაში (75%), რომელთაც დაფიქსირებული აქვთ 23,085 შეტყობინება, არ შემოწმებულა შეტყობინებათა 68%.

2017 წელს ისნის რაიონის გამგეობამ შეისყიდა საინგილოს ჩიხის №5-ში საქართველოს ტერიტორიული მთლიანობისათვის დაღუპულ მებრძოლთა სახელობის მემორიალის მოწყობის სამუშაოები, ღირებულებით 39.8 ათასი ლარი, აგრეთვე იალბუზის ქუჩა №15-ის მიმდებარედ საყრდენი კედლის მოწყობა ღირებულებით 58.2 ათასი ლარი . შესრულებული სამუშაოების ღირებულება ანაზღაურებულია „სხვადასხვა კაპიტალური ხარჯების“ (2822) მუხლიდან. პასუხისმგებელი პირის განმარტებით, ტერიტორიული მთლიანობისათვის დაღუპულ მებრძოლთა სახელობის მემორიალი წარმოადგენს მუნიციპალიტეტის საკუთრებას. ასევე, იალბუზის ქუჩაზე განხორციელდა ქალაქის საერთო სარგებლობის ქუჩის შემაკავებელი კედლის აღდგენა-შეკეთება. ამდენად, აღნიშნული თანხის გადახდა უნდა ასახულიყო „არაფინანსური აქტივების ზრდის“ მუხლში.

მუნიციპალიტეტმა ვერ უზრუნველყო მუნიციპალური განვითარების ფონდიდან გადმოცემული ქსნის საკანალიზაციო სისტემის ექსპლუატაცია და მოვლა-პატრონობა, იგი გაიძარცვა და ვერ ასრულებს გამწმენდ ფუნქციას. მუნიციპალიტეტმა გასწია 1206.9 ათასი ლარის ხარჯი ისეთ პროექტზე, რომელიც ვერ ასრულებს თავის ძირითად ფუნქციას, კანალიზაციის გაუწმენდავი წყლები წლების განმავლობაში ჩაედინება მდინარე მტკვარში და საფრთხეს უქმნის გარემოსა და მოსახლეობას.

ფასეულობათა ინვენტარიზაციის პროცესი მუნიციპალიტეტმა წარმართა მნიშვნელოვანი დარღვევებით. საკრებულოს მიერ დადგენილი წესის საწინააღმდეგოდ, ქონების ძირითადი მაჩვენებლები არ არის აუდიტორულად შეფასებული და მარაგებად აღრიცხული. არსებობს რისკი, რომ მუნიციპალიტეტმა ამგვარი ქმედებით დოკუმენტურად არ აჩვენა დანაკლისი ქონების ნაწილი, რომელიც დაკარგულია ინვენტარიზაციის დაწყებამდე ან არ აღირიცხა ინვენტარიზაციის პროცესში

ფინანსურ ანგარიშგებაში, კერძოდ, ბალანსის „(08) ამორტიზებული ძირითადი აქტივების“ საცნობარო მუხლზე არ ასახულა საანგარიშგებო წელს სრულად ამორტიზებული 19,319.00 ლარის ისტორიული ღირებულების მქონე ერთი ერთეული ა/მანქანა.

საყოველთაო ჯანმრთელობის დაცვის სახელმწიფო პროგრამის ფარგლებში 2017 წლის 11 თებერვლის შემდგომ გამოცემული აქტების შედეგად დაკისრებული საჯარიმო სანქციებისთვის ამოქმედდა საჯარიმო სანქციების გადახდის ადმინისტრირების ახალი წესი. პროგრამის განმახორციელებელი ზედამხედველობის შედეგად დაკისრებული საჯარიმო სანქციების აღსრულებას უზრუნველყოფს მიმწოდებლისათვის თითოეულ საანგარიშგებო პერიოდში ასანაზღაურებელი თანხის 50%-დან საჯარიმო სანქციების ჯამური ოდენობის 20%-ის დაკავების გზით, ვალდებულების სრულად შესრულებამდე და დასაკავებელი თანხები გამოიქვითება სამედიცინო დაწესებულების მიმდინარე შესრულებიდან. აღნიშნული ეწინააღმდეგება საბიუჯეტო კოდექსის მოთხოვნებს . კერძოდ, საბიუჯეტო სისტემის უნივერსალობის პრინციპს, რომლის მიხედვით, არც ერთი შემოსულობა, გარდა დონორების მიერ დაფინანსებული შემოსულობებისა, არ უნდა იქნეს მიმართული მიზნობრივად, კონკრეტული გადასახდელის დასაფინანსებლად. საბიუჯეტო ორგანიზაციის მიერ მიღებული შემოსულობების შენარჩუნება კი საკუთარი მიზნებისათვის დაუშვებელია. საქართველოს საბიუჯეტო სისტემის თითოეული მონაწილე ვალდებულია საბიუჯეტო პროცესის ყველა ეტაპზე დაიცვას საბიუჯეტო პრინციპები;

ა(ა)იპ თბილისის საბავშვო ბაგა-ბაღების მართვის სააგენტომ 2017 წელს შეისყიდა №87 ბაგა-ბაღის ეზოს კეთილმოწყობის და გადახურვის, №26 ბაგა-ბაღის შენობის საყრდენი კედლის და სახანძრო კიბის და №163 საბავშვო ბაღის ეზოს და გარე ტერიტორიის მოწყობის სამუშაოები ღირებულებით 364.6 ათასი ლარი. შესრულებული სამუშაოების ღირებულება ანაზღაურებულია „სხვადასხვა კაპიტალური ხარჯების“ (2822) მუხლიდან. მუნიციპალიტეტის მერიამ, 07 01 02 02 პროგრამული კოდით, საბავშვო ბაგა-ბაღების შენობების კეთილმოწყობის სამუშაოები ასევე „სხვადასხვა კაპიტალური ხარჯების“ (2822) მუხლიდან დააფინანსა. მიმწოდებლებისათვის 2017 წელს ანაზღაურებულია სულ 1 793.2 ათასი ლარი . გარდა ამისა, იმავე მუხლიდან 08 04 04 01 პროგრამული კოდით შესყიდულია მუნიციპალიტეტის მიერ დაფუძნებული სხვადასხვა კულტურული დაწესებულების შენობების რეაბილიტაციის, საპროექტო დოკუმენტაციის მომზადებისა და ხანძარსაწინააღმდეგო სისტემების მოწყობის სამუშაოები. ხელშეკრულებების 2017 წლის საკასო ხარჯი 500.6 ათასი ლარია .

მუნიციპალიტეტმა ჩაიბარა კულტურის სახლის მშენებლობის პირველ ეტაპი, შენობის სახურავზე ფილებს შორის გაჩნდა ბზარები და ჩამოვიდა წყალი. პრობლემის აღმოფხვრის მიზნით, მცხეთის მერიამ 2019 წელს კულტურის სახლი ხელახლა გადახურა, რაზეც ჯამში 44.9 ათასი ლარი დაიხარჯა, მუნიციპალიტეტს არ შეუსწავლია აღნიშნული დაზიანების გამომწვევი მიზეზები, რაც საშუალებას მისცემდა თავიდან აეცილებინა საბიუჯეტო სახსრების დამატებითი ხარჯვა.

2017 წლის დასაწყისიდან, მუნიციპალიტეტში ფუნქციონირებდა 21 ა(ა)იპ და 5 შპს. 2017 წლის ბოლოს, მუნიციპალიტეტების გაერთიანების შედეგად ჩატარებული რეორგანიზაციით, ა(ა)იპ-ების რაოდენობა 12-მდე შემცირდა, რასაც უნდა გამოეწვია სუბსიდიის შემცირებაც, მინიმუმ ადმინისტრაციული ხარჯების ნაწილში. მიუხედავად ამისა, 2018 წელს მუნიციპალიტეტმა ზოგიერთი ა(ა)იპ-ის დაფინანსებაზე მეტი თანხა დახარჯა, ვიდრე 2017 წელს. აღსანიშნავია, რომ ახლადშექმნილი სუბიექტების ფუნქცია-მოვალეობები არ გაზრდილა და ხარჯები ძირითადად გაზრდილია დასაქმებულთა რიცხოვნობის მატებით.

ბალანსის ფორმა №1-ში და დანართი ფორმა №7-ში, „მოთხოვნები არაფინანსური აქტივების დანაკლისებით“ ბალანსის 1440 ანგარიშზე აღრიცხულია 16,640.00 ლარის არაფინანსური აქტივების დანაკლისები: ცეცხლსასროლი იარაღი, „მერსედესის“ მარკის ა/მანქანა, 4 ცალი კომპიუტერი. ხოლო საცნობარო მუხლში „გადახდისუუნარო დებიტორების ჩამოწერილი დავალიანება“, აღრიცხულია ანგარიშვალდებულ პირებზე ხანგრძლივი პერიოდის განმავლობაში რიცხული ზედმეტად ანაზღაურებული ა/მანქანის საწვავისა და მივლინების - 7,409.00 ლარის თანხები. დანაკლისებისა (გარდა ცეცხლსასროლი იარაღისა) და უიმედო დებიტორული დავალიანების ამოღების მიზნით, აუდირებული წლის განმავლობაში, ობიექტის მხრიდან ზეპირი კომუნიკაციის გარდა, სხვა ღონისძიება არ ჩატარებულა.

საყოველთაო ჯანმრთელობის დაცვის პროგრამის ფარგლებში სამედიცინო დაწესებულებები გაწეული მომსახურების ასანაზღაურებლად სამი თვის ვადაში სააგენტოში წარადგენენ შესრულებული სამუშაოს(ბენეფიციარისთვის გაწეული მომსახურების) დამადასტურებელ დოკუმენტაციას. თანხის ანაზღაურებისთვის, 60 სამუშაო დღის განმავლობაში , პროგრამის განმახორციელებელი ვალდებულია განახორციელოს დოკუმენტაციის ინსპექტირება. აუდიტის ჯგუფმა შეისწავლა 2017 წლის და 2018 წლის 1 მარტამდე გადარიცხვების შესაბამისად გაფორმებული მიღება-ჩაბარების აქტების ინსპექტირების ვადები, რის შედეგადაც ინსპექტირების დასრულების ვადა აჭარბებდა დადგენილ ნორმას, სულ: 12,827 შემთხვევაში.

ზურაბ ანჯაფარიძის სახელობის ზაჰესის №5 და პეტრე ამირანაშვილის სახელობის №18 ხელოვნების სკოლებმა შეისყიდეს შენობების კაპიტალური შეკეთების საპროექტო დოკუმენტაცია, ღირებულებით შესაბამისად 4.0 და 4.2 ათასი ლარი (პროგრამული კოდი 08 04 04 02). დოკუმენტაციის მიწოდება დაფინანსებულია „სხვადასხვა კაპიტალური ხარჯების“ (2822) მუხლით. არსებული ინფორმაციით, საბავშვო ბაღების, სახელოვნებო და კულტურული დაწესებულებების შენობები მუნიციპალური საკუთრებაა. შესაბამისად, „სხვა კაპიტალური ხარჯების“ მუხლის ნაცვლად, ანგარიშსწორებისას მიზანშეწონილი იყო „არაფინანსური აქტივების ზრდის“ მუხლის გამოყენება.

2018 წელს მცხეთის მუნიციპალიტეტმა ჩაიბარა სოფელ ძეგვში მინი სტადიონის სამშენებლო სამუშაოები, ღირებულებით 52.1 ათასი ლარი. აღმოჩნდა, რომ სამუშაობი შერულებულია უხარისხოდ. დაზიანების მიუხედავად, მუნიციპალიტეტის შესაბამისმა პასუხისმგებელმა პირებმა, საგარანტიო ვადაში არ მიმართეს მიმწოდებელს ხარვეზების აღმოფხვრის მიზნით.

მუნიციპალიტეტი 2017-2018 წლებში აფინანსებდა ისეთ სუბიექტებსა და საშტატო თანამდებობებს, რომელთა საქმიანობაც არ გამომდინარეობდა მუნიციპალიტეტზე დაკისრებული ფუნქციებისა და ვალდებულების შესრულების საჭიროებიდან და არ შეესაბამებოდა საბიუჯეტო ასიგნებების რაციონალური და ეფექტიანი ხარჯვის ვალდებულებებს. დაფუძნებული იურიდიული პირების საქმიანობის დაგეგმვასა და კონტროლში არსებული სისუსტეების გამო, ზოგიერთი სუბიექტის ფუნქცია-მოვალეობები სათანადოდ არ არის განსაზღვრული ან/და საშტატო რიცხოვნობა არაგონივრულად გაზრდილია.

მოქმედი კანონმდებლობით შრომის ანაზღაურება გაიცემა თვეში ერთხელ, ხოლო ხელფასის დარიცხვა და გაცემა აისახება დარიცხვის და გაცემის შესაბამისი თვის ბუღალტრულ ანგარიშგებაში. მიუხედავად აღნიშნულისა, უმაღლესი საბჭოს დეპუტატებზე ივლისის თვეში გაიცა არა მარტო ივლისის, არამედ აგვისტოს თვის ხელფასიც. უმაღლეს საბჭოში არ იწარმოება სამუშაო დროის გამოყენების და ხელფასის გაანგარიშების აღრიცხვის ტაბელი. ხოლო თანამშრომელთა სამსახურში გამოცხადებისა და წასვლის ჟურნალი რომელსაც აწარმოებდნენ, სრულად და ეფექტიანად ვერ უზრუნველყოფს თანამშრომელთა სამუშაო დროის კონტროლს.

2014 წლის 3 ნოემბრიდან სამინისტრო არის შპს „რეგიონული ჯანდაცვის ცენტრის“ 100%-იანი წილის მმართველი 5 წლის ვადით, ხელშეკრულებით, მმართველი პირი აღჭურვილია მესაკუთრის (მაკონტროლებლის) უფლებამოსილებით, კერძოდ: • წარმოების სახეებისა და სამეურნეო საქმიანობის დაწყება და/ან მათი შეწყვეტა; • წესდების შემუშავება; • ანგარიშგების პროექტის განხილვა და დამტკიცება; • წმინდა მოგების განაწილება და ა.შ. 2014 წლიდან სამინისტროს მართვის ქვეშ მყოფი სახელმწიფოს წილობრივი მონაწილეობით მოქმედი საწარმოს კაპიტალში, ფულადი და ქონებრივი სახით სულ განხორციელებული აქვს 25,661,369 ლარის შენატანი . აღნიშნული ფულადი და ქონებრივი სახის შენატანებს სამინისტრო აღრიცხავდა როგორც მიმდინარე პერიოდის სხვა ხარჯებს, ნაცვლად, გრძელვადიანი ფინანსური აქტივებისა. ამასთანავე, შპს „რეგიონული ჯანდაცვის ცენტრის“ კაპიტალიდან სამინისტროს ამოღებული აქვს 3,004,071 ლარის ოდენობის ქონება . აღნიშნული ოპერაციები სამინისტროს სააღრიცხვო რეგისტრებსა და შესაბამისად, ფინანსურ ანგარიშგებაში ასახული არ არის. შედეგად, ფინანსური ანგარიშგების მომხარებლები არ არიან უზრუნველყოფილი იმ მნიშვნელოვანი ინფორმაციით, რომელიც დაკავშირებულია სახელმწიფოს მიერ მოცემულ შპს-ის კაპიტალში განხორციელებულ ინვესტიციასთან.

ქ. თბილისის მუნიციპალიტეტის 2017 წლის ბიუჯეტის გადასახდელების შესრულების ჩაშლილ ფორმაში „სხვა საოფისე მცირეფასიანი ინვენტარის შეძენასა და დამონტაჟებასთან დაკავშირებული ხარჯის“ (22353) მუხლის შესრულება 1 238.8 ათასი ლარია. აღნიშნული მუხლით შესყიდულია სულ 655.1 ათასი ლარის ღირებულების საპარკე სკამები, დეკორატიული სანათები და სანათის დგარები, მოძრაობის შემზღუდავი ბარიერები, სანაგვე ურნები და სხვა საქონელი (პროგრამული კოდები 02 07, 02 09, 03 01). აღნიშნული მუხლი ასევე გამოყენებულია მემორიალური დაფების დამზადება-მოწყობის 3.0 ათასი ლარის ღირებულების სამუშაოების დასაფინანსებლად . შესყიდვის ობიექტები არ წარმოადგენს საოფისე ინვენტარს და არ უკავშირდება მუნიციპალიტეტის საოფისე საქმიანობას. ამდენად, ხარჯების დასაფინანსებლად მიზანშეწონილი იყო „სხვა დანარჩენ საქონელსა და მომსახურებაზე გაწეული დანარჩენი ხარჯის“ (221014) მუხლის გამოყენება.

მცხეთის მუნიციპალიტეტი შესყიდვების დაგეგმვისა და განხორციელების დროს წინასწარ არ იკვლევდა სამშენებლო-სარეაბილიტაციო ობიექტების ადგილმდებარეობას, სპეციფიკას, საჭირო რესურსა და ნებართვებს. მუნიციპალიტეტმა ისე დაგეგმა და დაიწყო სოფელ ბიწმენდის სასმელი წყლის რეაბილიტაციის სამუშაოები, რომ არ ჰქონდა და ვერც შემდგომ მიიღო წყლის მოხმარების ნებართვა. მოაწყო მაგისტრალურ წყალსადენზე მისაერთებელი 1600 მ. სიგრძის მილი, რომელსაც ვერ იყენებს და გაწია 20.1 ათასი ლარის არაეფექტიანი ხარჯი.

მუნიციპალიტეტის საკრებულოს წევრებს (არათანამდებობის პირები), 2017-2018 წლებში, უფლებამოსილების განხორციელებასთან დაკავშირებული ხარჯების ანაზღაურების სახით, სულ მიღებული აქვთ 281.7 ათასი ლარი, მათ შორის, 2017 წელს - 143.1 ათასი ლარი, ხოლო 2018 წელს - 138.6 ათასი ლარი. მუნიციპალიტეტმა ვერ წარმოადგინა დოკუმენტური მტკიცებულებები საკრებულოს წევრების ხარჯების დასადასტურებლად.

• საყოველთაო ჯანმრთელობის დაცვის სახელმწიფო პროგრამის ფარგლებში 2017 წლის 11 თებერვლის შემდგომ გამოცემული აქტების შედეგად დაკისრებული საჯარიმო სანქციებისთვის ამოქმედდა საჯარიმო სანქციების გადახდის ადმინისტრირების ახალი წესი. პროგრამის განმახორციელებელი ზედამხედველობის შედეგად დაკისრებული საჯარიმო სანქციების აღსრულებას უზრუნველყოფს მიმწოდებლისათვის თითოეულ საანგარიშგებო პერიოდში ასანაზღაურებელი თანხის 50%-დან საჯარიმო სანქციების ჯამური ოდენობის 20%-ის დაკავების გზით, ვალდებულების სრულად შესრულებამდე და დასაკავებელი თანხები გამოიქვითება სამედიცინო დაწესებულების მიმდინარე შესრულებიდან. აღნიშნული ეწინააღმდეგება საბიუჯეტო კოდექსის მოთხოვნებს . კერძოდ, საბიუჯეტო სისტემის უნივერსალობის პრინციპს, რომლის მიხედვით, არც ერთი შემოსულობა, გარდა დონორების მიერ დაფინანსებული შემოსულობებისა, არ უნდა იქნეს მიმართული მიზნობრივად, კონკრეტული გადასახდელის დასაფინანსებლად. საბიუჯეტო ორგანიზაციის მიერ მიღებული შემოსულობების შენარჩუნება კი საკუთარი მიზნებისათვის დაუშვებელია. საქართველოს საბიუჯეტო სისტემის თითოეული მონაწილე ვალდებულია საბიუჯეტო პროცესის ყველა ეტაპზე დაიცვას საბიუჯეტო პრინციპები;

ქ. თბილისის მუნიციპალიტეტის მერიამ 2016 წელს „სხვა საოფისე ინვენტარის შეძენასა და დამონტაჟებასთან დაკავშირებული ხარჯის“ (22353) მუხლით შეისყიდა ოფისისათვის განკუთვნილი სხვადასხვა წარწერა და სიმბოლო, სამსახურის დასახელების აღმნიშვნელი ასოები და მერიის ლოგო, საერთო ღირებულებით 2.3 ათასი ლარი (პროგრამული კოდი 10 02). მათ შორის კედელზე მოსაწყობი ლოგოს ღირებულებამ შეადგინა 1.1 ათასი ლარი. ლოგო თბილისის სიმბოლოებით წარმოადგენს ძირითად აქტივს, რომლის შესყიდვაც უნდა დაფინანსებულიყო „მანქანა-დანადგარები და ინვენტარის“ მუხლით.

მუნიციპალიტეტმა ისე დაგეგმა სოფელ ახალუბანში აგარაკებამდე მისასვლელი გზის მოწყობა, რომ არ გაითვალისწინა სოფლის მოსახლეობის უმრავლესობის ინტერესები, იძულებული გახდა პროექტი შეეცვალა, შენილი 12.0 ათასი ლარის ღირებულების საპროექტო დოკუმენტაცი არ გამოუყენებია და ბიუჯეტიდან გასწია ზედმეტი ხარჯი.

მუნიციპალიტეტს სამართლებრივი აქტი მუნიციპალური ავტოპარკის გადანაწილების, კლასიფიკაციისა და სამსახურებრივი ავტომანქანის შესყიდვის წესის თაობაზე არ მიუღია და ამასთანავე, დაარღვია სამორიგეო ავტომანქანების რეკომენდებული რიცხოვნობა.

ქონების ეროვნული სააგენტოს ბუღალტრულ ჩანაწერებსა და შესაბამისად ფინანსურ ანგარიშგებაში არ არის ასახული იმ აქტივებით განხორციელებული ოპერაციები, რომელიც არ წარმოადგენს უშუალოდ ქონების ეროვნული სააგენტოს საკუთრებას (ნომინალური მფლობელი სახელმწიფოა). აღნიშნულ საკითხთან დაკავშირებით სახელმწიფო აუდიტის სამსახურის პოზიციაა, რომ სსიპ „ქონების ეროვნულმა სააგენტომ“ ფინანსურ ანგარიშგებაში ასახოს სახელმწიფოს წილობრივი მონაწილეობით მოქმედ საწარმოებში განხორციელებული ყველა სახის შენატანი (ფულადი, ქონებრივი და წილობრივი), ასევე საპრივატიზებო და საიჯარო ქონება. აღნიშნული აქტივების (ქონება და შპს-ების წილები) ასახვა მნიშვნელოვანია როგორც მათი ღირებულების არსებითობის, ასევე შინაარსობრივად მნიშვნელობის გამო. აღნიშნული აქტივები არსებითია არა მარტო ქონების ეროვნული სააგენტოს, არამედ ეკონომიკის სამინისტროს და შესაძლოა სახელმწიფოს კონსოლიდირებული ფინანსური ანგარიშგების დონეზე. ამაზე მეტყველებს შემდეგი მონაცემები: • მხოლოდ 2016-2017 წლებში სხვადასხვა შპს-ებში ქონებრივმა შენატანებმა 229,403,324 ლარი შეადგინა; • 2017 წელს პრივატიზებული იქნა 78,910,957 ლარის ქონება, ხოლო ქონების იჯარით მიღებულმა ჯამურმა შემოსავალმა 3,463,957 ლარი შეადგინა; აღნიშნულ საკითხთან დაკავშირებით ქონების ეროვნული სააგენტოს და შესაბამისად ეკონომიკის სამინისტროს პოზიცია შემდეგია: სსიპ-ქონების ეროვნული სააგენტო, როგორც საჯარო სამართლის იურიდიული პირი, კანონის თანახმად, არის ქონებრივად დამოუკიდებელი და მისი ქონება გამიჯნულია სახელმწიფო ქონებისგან („საჯარო სამართლის იურიდიული პირის შესახებ“ საქართველოს კანონის მე-7 მუხლი). განკარგული და სარგებლობაში გადაცემული სახელმწიფო ქონების, მართვაში არსებული აქციებისა და წილების (რომელთა მესაკუთრეს წარმოადგენს სახელმწიფო) ღირებულება, ისევე როგორც ამ ქონებებიდან მიღებული სხვა შემოსავალი წარმოადგენს სახელმწიფო საკუთრებას (და არა სსიპ-ქონების ეროვნული სააგენტოს ქონებას) და იგი ვერ აისახება სსიპ-ქონების ეროვნული სააგენტოს ბუღალტრულ ჩანაწერებსა და ფინანსურ ანგარიშგებაში. სახელმწიფო ქონებასთან მიმართებით (მნიშვნელობა არ აქვს ქონების სახეს) სსიპ- ქონების ეროვნული სააგენტო გამოდის როგორც სახელმწიფოს სპეციალური წარმომადგენელი.

მუნიციპალიტეტმა 2017 წელს შეისყიდა 2250 ერთეული ერთჯერადი გამოყენების ბეიჯი, სხვადასხვა ღონისძიების ტექნიკური უზრუნველყოფისათვის. სულ გადახდილმა თანხამ შეადგინა 3.8 ათასი ლარი (პროგრამული კოდი 07 02 04). აქედან, 1.9 ათასი ლარი 2017 წლის 6 აპრილს, 2 ივნისს და 6 ოქტომბერს დაფინანსებულია „სხვა დანარჩენ საქონელსა და მომსახურებაზე გაწეული დანარჩენი ხარჯის“ მუხლით, ხოლო 13 ოქტომბერს და 28 დეკემბერს 1.9 ათასი ლარი - „ოფისისთვის საჭირო საგნებისა და მასალების შეძენის ხარჯების“ მუხლით. ღონისძიებების მონაწილეებისათვის განკუთვნილი ბეიჯები არ წარმოადგენს ოფისის ფუნქციონირებისათვის საჭირო საგნებს. ხარჯების დასაფინანსებლად მიზანშეწონილი იყო „სხვა დანარჩენ საქონელსა და მომსახურებაზე გაწეული დანარჩენი ხარჯის“ (221014) მუხლის გამოყენება.

მუნიციპალიტეტმა არ დაასრულა 2014-2016 წლებში „სოფლის მხარდაჭერის პროგრამის“ ფარგლებში დაწყებული სარიტუალო სახლების მშენებლობა, რისთვისაც საჭირო იყო 475.0 ათასი ლარი. 2017-2018 წლებში არ განახორციელა სოფლებში გარე განათების, სასმელი წყლის სისტემების, გზისა და სპორტული მოედნების მოწყობის 217.0 ათასი ლარის ღირებულების სამუშაოები, რომლის საპროექტო დოკუმენტაცია შესყიდული ჰქონდა. მუნიციპალიტეტმა ფინანსური რესურსების არასწორი მართვის გამო, ვერ უზრუნველყო დაწყებული მშენებლობების დასრულება, ვერ განახორციელა დაგეგმილი პროექტები და ვერ მიაწოდა მოსახლეობას შესაბამისი სერვისი.

მუნიციპალიტეტი 2018 წელს აფინანსებდა მის მიერ დაფუძნებულ შპს ზუგდიდაგროსერვისს. საწარმოს სუბსიდიის მუხლით მიღებული აქვს 219.2 ათასი ლარის დაფინანსება. სუბიექტმა ვერ წარმოადგინა ინფორმაცია გაწეული საქმიანობის შესახებ. ამდენად, აღნიშნული თანხა წარმოადგენს არაეფექტიან ხარჯს.

2017 წლის კონსოლიდირებულ ფინანსურ ანგარიშგებაში ასახული 3,816,390 ლარის მოთხოვნებისა და 1,001,500 ლარის ვალდებულებების მაიდენტიფიცირებელი პირველადი დოკუმენტაცია სამინისტროში არ იძებნება. აღსანიშნავია, რომ აღნიშნული მოთხოვნების 99% და ვალდებულებების 83% წარმოშობილია 1997-2007 წლებში.

კრწანისის მუნიციპალიტეტის მიერ შესყიდულია 4.6 ათასი ლარის ღირებულების გოფრირებული მილი და ელექტროკაბელი (პროგრამული კოდი 02 09). პასუხისმგებელმა პირებმა ვერ წარმოადგინეს მტკიცებულებები, რომ სამეურნეო დანიშნულების საგნები გამოყენებულია ოფისისათვის. ამდენად, შესყიდვა უნდა დაფინანსებულიყო „სხვა დანარჩენ საქონელსა და მომსახურებაზე გაწეული დანარჩენი ხარჯის“ (221014) მუხლით.

მცხეთის მერიამ სამუშაოს, მომსახურებისა და საქონლის შესყიდვისას გაფორმებული ხელშეკრულებით, მიწოდების ვადების დარღვევისათვის დააწესა დაბალი პირგასამტეხლო. გამოყენებულმა საჯარიმო სანქციებმა ვერ უზრუნველყო შესყიდვის ობიექტების დაგვიანებით მიწოდების პრევენცია. საპროექტო-სახარჯთაღრიცხვო დოკუმენტაცია და სამუშაოები მუნიციპალიტეტს მიეწოდებოდა დიდი ხნის დაგვიანებით. რაც, თავის მხრივ, იწვევდა ინფრასტრუქტურული პროექტების განხორციელების დაწყებისა და დასრულების გადავადებას. შედეგად, მოსახლეობა დროულად ვერ იღებდა შესაბამის სიკეთეს.

სამორიგეო და განპიროვნებული ავტომანქანების გარდა, მუნიციპალიტეტი 2017 წელს საწვავს ყოველთვიურად გასცემდა საჯარო მოსამსახურეების მფლობელობაში არსებულ 68-იდან 126 ავტომანქანაზე, ხოლო 2018 წელს – 94-იდან 120 ავტომანქანაზე. წარმოდგენილი მონაცემების მიხედვით, მუნიციპალიტეტმა 2017-2018 წლებში მსუბუქ ავტომანქანებზე დახარჯა 351.6 ტონა საწვავი. მათ შორის, საჯარო მოსამსახურეების პირად საკუთრებაში არსებულ სატრანსპორტო საშუალებებზე გაცემულია 188.5 ტონა (54%).

ქონების ეროვნული სააგენტოს ფინანსურ ანგარიშგებაში ასახულია ფულისა (1260 დეპოზიტები ხაზინაში ეროვნულ ვალუტაში) და ვალდებულებების (3110 ვალდებულებები დეპოზიტებით) ნაშთი 1,270,024 ლარის ოდენობით, აღნიშნული თანხა წარმოადგენს სხვადასხვა ორგანიზაციებისა და ფიზიკური პირების მიერ წინა წლებში ჩარიცხულ თანხებს, რომელიც ფინანსური ანგარიშგების მომზადების თარიღისთვის (2017 წლის 31 დეკემბერი) არ არის ცნობილი წარმოადგენს ქონების ეროვნული სააგენტოს გამომუშავებულ შემოსავალს, დასაბრუნებელი აქვს ორგანიზაციებისათვის თუ ბიუჯეტში აქვს მისამართი.

ქ. თბილისის მუნიციპალიტეტის 2017 წლის ბიუჯეტის გადასახდელების შესრულების ჩაშლილი ფორმის შესაბამისად, მუხლიდან „პროცენტი საშინაო ერთეულებზე გარდა სახელმწიფო ერთეულებისა“ (242) გადახდილია 1 213.9 ათასი ლარი. აღნიშნული თანხები გადარიცხულია სსიპ - საქართველოს მუნიციპალური განვითარების ფონდისათვის სესხზე დარიცხული პროცენტის სახით. საქართველოს მუნიციპალური განვითარების ფონდი წარმოადგენს საქართველოს მთავრობის დადგენილებით დაფუძნებულ საჯარო სამართლის იურიდიულ პირს და ის არის საქართველოს რეგიონული განვითარებისა და ინფრასტრუქტურის სამინისტროს სისტემაში შემავალი საჯარო სამართლის იურიდიული პირი. შესაბამისად ის წარმოადგენს სახელმწიფო ერთეულს. ამდენად, ხარჯების დასაფინანსებლად მიზანშეწონილი იყო „პროცენტი სახელმწიფო ერთეულებიდან აღებულ საშინაო ვალდებულებებზე“ (243) მუხლის გამოყენება.

სამინისტროსა და მერიაში, ქონების მართლზომიერ გამოყენებასთან დაკავშირებით არსებული შიდა კონტროლის სისტემა ვერ უზრუნველყოფს ქონების თვითნებურად გამოყენების ფაქტების დროულ გამოვლენას და სათანადო რეაგირებას, რაც უარყოფითად აისახება საბიუჯეტო სახსრების მობილიზების შედეგებზე. ამასთანავე, 2008-2012 წლებში გაფორმებული ნასყიდობის ხელშეკრულებებით გათვალისწინებული ვალდებულებების შეუსრულებლობის პირობებში, მყიდველების მიერ, სამინისტროს თანხმობით ქონება დაიტვირთა იპოთეკით და დაყადაღდა, რამაც 546,480 ლარის ღირებულების ქონებაზე ავტონომიური რესპუბლიკის საკუთრების უფლების დაკარგვა განაპირობა. ამრიგად, აჭარის ავტონომიური რესპუბლიკის საკუთრებაში არსებული ქონების პირდაპირი ფორმით განკარგვისას, არ ხდებოდა შემსყიდველი კომპანიის საფინანსო მდგომარეობის შესწავლა და სახელშეკრულებო ვალდებულებების სათანადო მონიტორინგი, რაც შესაძლოა ავტონომიური რესპუბლიკის ქონების არამართლზომიერი განკარგვის რისკებს შეიცავდეს.

მუნიციპალიტეტის სატენდერო კომისიამ დაარღვია კანონმდებლობის მოთხოვნები პრეტენდენტების მიმართ, გამოიყენა არაერთგვაროვანი და არასამართლიანი მიდგომა. ქალაქ მცხეთაში გარე განათების მოწყობის და მინი სტადიონის სამუშაოების ტენდერში პრეტენდენტის სატენდერო კომისიის მიერ არასწორი დისკვალიფიკაციისა და არაერთგვაროვანი მიდგომის გამო მუნიციპალიტეტმა აღნიშნული სამუშაოების შესრულებაზე ხელშეკრულებები გააფორმა 24.0 ათასი ლარით მეტ თანხაზე.

2017-2018 წლებში მუნიციპალიტეტის მერი და გამგებელი საწვავს ხარჯავდნენ როგორც მუნიციპალიტეტის ბალანსზე რიცხული განპიროვნებული ავტომანქანებისათვის, ასევე პირად საკუთრებაში არსებული ტრანსპორტისათვის. კერძოდ, მუნიციპალიტეტის ავტომანქანებზე გაცემულია 25.8 ტონა საწვავი, ხოლო პირად სარგებლობაში არსებული ავტომანქანების მიერ გახარჯულია დამატებით 2.9 ტონა საწვავი.

აწარმოე საქართველოში ახორციელებს მიკრო და მცირე მეწარმეობის მხარდაჭერის პროგრამას, რის ფარგლებშიც ხელშეკრულება გაფორმებული აქვს 4 კომპანიასთან . აღნიშნული კონტრაქტორები უშუალოდ ახორციელებენ პროგრამის იმპლემენტაციას და გასცემენ რეკომენდაციებს სააგენტოს მიერ პროგრამის ბენეფიციარის(ების) თანადაფინანსებასთან დაკავშირებით. ბენეფიციარის დაფინანსების შესახებ გადაწყვეტილებას იღებს აწარმოე საქართველოში. გადაწყვეტილების მიღების შემდეგ ბენეფიციართან ფორმდება ხელშეკრულება , რომლის მიხედვით სააგენტო უფლებამოსილია უკან მოითხოვოს ბენეფიციარის მიერ არამიზნობრივად დახარჯული თანხა. კონტრაქტორი ვალდებულია აწარმოე საქართველოს წარმოუდგინოს ბენეფიციარების მონიტორინგის პერიოდული ანგარიშები, რაც ხშირ შემთხვევაში არ არის წარმოდგენილი. აწარმოე საქართველოში ბენეფიციარების მიერ კონტრაქტის პირობების შესრულების შესახებ ინფორმაციას იღებს მხოლოდ კონტრაქტორების მეშვეობით. შესაბამისად აწარმოე საქართველოში არსებული ინფორმაცია პრობლემური ბენეფიციარების შესახებ არასრულია. ბენეფიციარების მიერ ნაკისრი ვალდებულებების შესრულებასთან დაკავშირებული ინფორმაციის ნაკლებობა ზრდის საბიუჯეტო სახსრების არაეკონომიურად და არაეფექტიანად ხარჯვის რისკს. აწარმოე საქართველოს ინფორმაციით, 46-მა ბენეფიციარმა, რომელთა დაფინანსებამ შეადგინა 315,104 ლარი, არ შეასრულა კონტრაქტის პირობები. აღნიშნული თანხა აწარმოე საქართველოში-ს ფინანსურ ანგარიშგებაში არ არის ასახული, როგორც მოთხოვნა და არც მათი ამოღებისათვის განხორციელებულა რაიმე ქმედება. ამასთან აღსანიშნავია, რომ სააგენტოში არ არის დანერგილი კონტროლის მექანიზმები რაც უზრუნველყოფდა კონტრაქტორების მიერ ბენეფიციარებისათვის გაწეული მომსახურების ხარისხის შემოწმებას.

ქ. თბილისის მუნიციპალიტეტის 2017 წლის ბიუჯეტის გადასახდელების შესრულების ჩაშლილი ფორმით, „სოციალური დახმარება - სასაქონლო ფორმით“ (2722) მუხლის შესრულება 30.0 ათასი ლარია (პროგრამის კოდი 06 01 13). აღნიშნული თანხა მთლიანად მიმართულია ფიზიკური პირის საზღვარგარეთ მკურნალობის დასაფინანსებლად. ამ შემთხვევაში არ არის გამოყენებული „სოციალური დახმარება - ფულადი ფორმით“ (2721) მუხლი. პასუხისმგებელი პირის განმარტებით, დაშვებულია მექანიკური ცდომილება.

სამინისტროსა და მერიაში, ქონების მართლზომიერ გამოყენებასთან დაკავშირებით არსებული შიდა კონტროლის სისტემა ვერ უზრუნველყოფს ქონების თვითნებურად გამოყენების ფაქტების დროულ გამოვლენას და სათანადო რეაგირებას, რაც უარყოფითად აისახება საბიუჯეტო სახსრების მობილიზების შედეგებზე. ამასთანავე, 2008-2012 წლებში გაფორმებული ნასყიდობის ხელშეკრულებებით გათვალისწინებული ვალდებულებების შეუსრულებლობის პირობებში, მყიდველების მიერ, სამინისტროს თანხმობით ქონება დაიტვირთა იპოთეკით და დაყადაღდა, რამაც 546,480 ლარის ღირებულების ქონებაზე ავტონომიური რესპუბლიკის საკუთრების უფლების დაკარგვა განაპირობა. ამრიგად, აჭარის ავტონომიური რესპუბლიკის საკუთრებაში არსებული ქონების პირდაპირი ფორმით განკარგვისას, არ ხდებოდა შემსყიდველი კომპანიის საფინანსო მდგომარეობის შესწავლა და სახელშეკრულებო ვალდებულებების სათანადო მონიტორინგი, რაც შესაძლოა ავტონომიური რესპუბლიკის ქონების არამართლზომიერი განკარგვის რისკებს შეიცავდეს.

2017-2018 წლებში სასმელი წყლით მოსახლეობის უზრუნველყოფა მინიციპალიტეტისათვის პრიორიტეტს წარმოადგენდა, გაწეული 1314.0 ათასი ლარის ხარჯის მიუხედავად, კვლავ არსებობს მნიშვნელოვანი პრობლემები: სასმელი წყლის მიწოდებას ახორციელებს არალიცენზირებული პირი, მოსახლეობის უმეტეს ნაწილს წყალი მიეწოდება გრაფიკით, წყლის ხარისხი ზოგ შემთხვევაში არ შეესაბამება მოთხოვნილ სტანდარტებს. არალიცენზირებული პირის მიერ არ ხდება წყლის გადასახადის აკრეფა, რის გამოც საბიუჯეტო სახსრები არაეკონომიურად და არაპროდუქტიულად იხარჯება. მუნიციპალიტეტმა არსებული თავისუფალი ფულადი რესურსი არ მიმართა აღნიშნული პრობლემების გადასაჭრელად.

მუნიციპალიტეტის მიერ წარმოდგენილი მონაცემების შესწავლით გამოვლინდა შემთხვევები, როდესაც საწვავი გამოყენებულია სავარაუდოდ არაავტორიზებული ავტომანქანებისათვის. კერძოდ, ცალკეულ ავტომანქანაზე ერთი დღის განმავლობაში, დროის მცირე ინტერვალში, საწვავი ჩასხმულია რამდენჯერმე და მათი ჯამური მოცულობა საწვავის ავზის მოცულობას აღემატება. ავტორიზებულ ავტომანქანებზე, „აგაი“ სისტემის ჩიპი, სავარაუდოდ, მყარად არ იყო დამაგრებული და მისი გამოყენებით საწვავის ჩასხმა ხდებოდა სხვა ავტომანქანებშიც. არსებობს რისკი, რომ არაიდენტიფიცირებული ავტომანქანების საწვავით გამართვა ხდებოდა პირადი მიზნებისათვის და ს

სამინისტროს დაქვემდებარებაში მყოფ ზოგიერთ უწყებაში: სამოქალაქო ავიაციის სააგენტოში, საქართველოს ინოვაციებისა და ტექნოლოგიების სააგენტოში, საზღვაო აკადემიასა და აკრედიტაციის ცენტრში 2017 წელს არ ჩატარებულა სავალდებულო ინვენტარიზაცია. ასევე, სსიპ „საქართველოს სტანდარტებისა და მეტროლოგიის სააგენტომ ინვენტარიზაცია განახორციელა ფინანსთა მინისტრის №605 ბრძანებასთან რიგი მნიშვნელოვანი შეუსაბამობებით.

ქ. თბილისის მუნიციპალიტეტის რაიონებმა შეისყიდეს ფიტნეს ტრენაჟორების მოწყობის სამუშაოები, თანმდევი მომსახურებით, რაც ითვალისწინებდა ტრენაჟორებისთვის საჩრდილობელი ფანჩატურისა და კაუჩუკის რბილსაფარიანი მოედნის მოწყობას. ტექნიკური დავალება, ფასების ცხრილი და ხარჯთაღრიცხვა წარმოადგენდა ტიპიურ სატენდერო დოკუმენტაციას და ერთნაირი იყო რაიონებისათვის. სამუშაოს მიწოდებისა და ანგარიშსწორების პროცესში რაიონებმა გამოიყენეს საბიუჯეტო კლასიფიკაციის შემდეგი მუხლები: - გლდანის რაიონმა ფიტნეს ტრენაჟორები შეისყიდა 3 ხელშეკრულებით . ხელშეკრულებების ჯამური საკასო ხარჯია 465.1 ათასი ლარი. აქედან 265.6 ათასი ლარი, ტრენაჟორების ღირებულების სახით, დაფინანსებულია მუხლით „სხვა მანქანა-დანადგარები და ინვენტარი, რომელიც არ არის კლასიფიცირებული“. 199.5 ათასი ლარი ფანჩატურის მოწყობისათვის გაცემულია „სხვა შენობა-ნაგებობების“ მუხლით; - ვაკის რაიონმა ფიტნეს ტრენაჟორები შეისყიდა 2 ხელშეკრულებით . ხელშეკრულებების ჯამური საკასო ხარჯია 278.9 ათასი ლარი. ტრენაჟორების ღირებულებაც და ფანჩატურის მოწყობაც დაფინანსებულია მუხლით „სხვა მანქანა-დანადგარები და ინვენტარი, რომელიც არ არის კლასიფიცირებული“; - დიდუბის რაიონმა ფიტნეს ტრენაჟორები შეისყიდა 2 ხელშეკრულებით . ხელშეკრულებების ჯამური საკასო ხარჯია 305.4 ათასი ლარი. რაიონმა ერთობლიობიდან გამოყო 500 ლარზე ნაკლები ღირებულების ტრენაჟორები ღირებულებით 5.5 ათასი ლარი და დააფინანსა მუხლით „სხვა საოფისე მცირეფასიანი ინვენტარის შეძენასა და დამონტაჟებასთან დაკავშირებული ხარჯი“. სხვა ტრენაჟორებისა და ფანჩატურის მოწყობა ღირებულებით 299.9 ათასი ლარი გატარებულია მუხლით „სხვა მანქანა-დანადგარები და ინვენტარი, რომელიც არ არის კლასიფიცირებული“. - ჩუღურეთის რაიონმა ფიტნეს ტრენაჟორები შეისყიდა 3 ხელშეკრულებით . ხელშეკრულებების ჯამური საკასო ხარჯია 83.4 ათასი ლარი. დაფინანსება გაცემულია „სპორტული საქონელის“ მუხლით; - ისნის რაიონმა ფიტნეს ტრენაჟორები შეისყიდა 1 ხელშეკრულებით . ხელშეკრულებების საკასო ხარჯი 53.1 ათასი ლარი დაფინანსებულია „სხვა შენობა-ნაგებობების“ მუხლით. ამდენად, მუნიციპალიტეტის ხუთმა მხარჯავმა დაწესებულებამ, შესყიდვის ერთიდაიმავე ობიექტის დასაფინანსებლად, გამოიყენა 5 სხვადასხვა საანგარიშსწორებო პოლიტიკა, რაც არ გასწორდა შესაბამისი სამსახურის მიერ.

სამინისტროსა და მერიაში არ არის უზრუნველყოფილი ქონების საწყისი საპრივატიზებო/სარგებლობის ღირებულების ზუსტი განსაზღვრა, რაც ქონების არასრულყოფილ შეფასებებსა და საბაზრო ღირებულების გაუთვალისწინებლობაში გამოიხატება. გარდა ამისა, ექსპერტის მიერ დადგენილი, აჭარის ავტონომიური რესპუბლიკის ქონების საწყისი საპრივატიზებო ღირებულების უსაფუძვლოდ შემცირებისა და აუქციონზე კონკურენციის შესაძლო შეზღუდვის შედეგად, აჭარის ავტონომიური რესპუბლიკისა და ქალაქ ბათუმის მუნიციპალიტეტის ქონების პრივატიზება, საბაზრო ფასთან მიმართებით, ჯამში სავარაუდოდ 5,579,722 ლარით ნაკლები თანხით განხორციელდა . ამასთანავე, საწყისი საპრივატიზებო ღირებულების შემცირების საკითხთან მიმართებით, ადგილი აქვს არაერთგვაროვან მიდგომას, რაც შესაძლოა აჭარის ავტონომიური რესპუბლიკის ქონების არამართლზომიერი განკარგვის რისკებს შეიცავდეს.

მცხეთის მუნიციპალიტეტმა 2017-2018 წლებში მუნიციპალიტეტის საკრებულოს არათანამდებობის პირებზე ხარჯების ასანაზღაურებლად 120.0 ათასი ლარი გასცა შესაბამისი დოკუმენტური დადასტურების (საფუძვლის) გარეშე, საბიუჯეტო პროცესთან დაკავშირებული მარეგულირებელი საკანონმდებლო ნორმების შეუსაბამოდ.

2017-2018 წლებში მუნიციპალიტეტს დელეგირებული ჰქონდა ქვეყნის თავდაცვისუნარიანობის ამაღლების ხელშეწყობის, საზოგადოებრივი ჯანმრთელობის დაცვის, ვეტერანთა და ლტოლვილთა დაკრძალვის ხარჯის დაფინანსება. უფლებამოსილების განსახორციელებლად, მიზნობრივი ტრანსფერის სახით მუნიციპალიტეტმა მიიღო 707.0 ათასი ლარი. გარდა მიზნობრივი ტრანსფერისა, 2017-2018 წლებში მუნიციპალიტეტმა გამოიყენა საკუთარი ფინანსური რესურსი და დელეგირებული უფლებამოსილების დაფინანსების მიზნით დამატებით დახარჯა 531.2 ათასი ლარი. აღნიშნული თანხა გამოყენებულია სამხედრო აღრიცხვისა და გაწვევის სამსახურის, საზოგადოებრივი ჯანდაცვის სამსახურისა და ვეტერანთა სოციალური დაცვის ღონისძიებების დასაფინანსებლად. მუნიციპალიტეტს რაიმე სახის ღონისძიება დელეგირებული უფლებამოსილების განხორციელებისთვის საჭირო ფინანსური რესურსის სრულად მიღების შესახებ გატარებული არ აქვს და გამოყოფილი ტრანსფერის მოცულობის გაზრდა არ მოუთხოვია. ამასთანავე, მუნიციპალიტეტის შესაბამის სამსახურებს არ უმსჯელიათ შეემცირებინათ ხარჯები და საქმიანობა განეხორციელებინათ დელეგირებული უფლებამოსილებისათვის გამოყოფილი ფინანსური რესურსის ფარგლებში.

სამინისტროს აპარატის ბალანსზე ირიცხება 853,713 ლარის ღირებულების არამატერიალური აქტივები (სარეკლამო რგოლები) რომლებიც მოძველებულია და აღარ გამოიყენება. აღნიშნული აქტივები აღრიცხვის ინსტრუქციის მიხედვით არ აკმაყოფილებენ ძირითად აქტივად აღიარების კრიტერიუმებს. შესაბამისად, არ უნდა იქნას ასახული ფინანსურ ანგარიშგებაში როგორც ძირითადი აქტივი.

მუნიციპალიტეტის მერია, როგორც წესი საკანალიზაციო და ღვარსადენ სისტემებს მიიჩნევს საკუთარ აქტივად. აღნიშნული სისტემების მოვლა-პატრონობა და მოწყობა-რეაბილიტაცია შესაბამისად ფინანსდება „სხვა დანარჩენ საქონელსა და მომსახურებაზე გაწეული დანარჩენი ხარჯის“ (221014) და არაფინანსური აქტივების ზრდის მუხლებით . გლდანის, ჩუღურეთის, ისნის რაიონები სავარაუდოდ თვლიან, რომ იგივე სისტემები არ წარმოადგენს მათ საკუთრებას. შესაბამისად, მოწყობა-რეაბილიტაციის სამუშაოებს აფინანსებენ „სხვა ხარჯების“ მუხლით, სამუშაოების გამიჯვნის შესაძლებლობის და სისტემის ადგილმდებარეობის მიუხედავად .

აჭარის ავტონომიური რესპუბლიკისა და ქალაქ ბათუმის მუნიციპალიტეტის ქონებების პრივატიზებისას, აუქციონები გამოცხადდა კონკრეტული დაინტერესებული მხარის მიერ შემოთავაზებული წინადადების ანალოგიური პირობებით, რის გამოც შეიზღუდა კონკურენცია. მსგავსი ქმედება ეწინააღმდეგება საჯარო ინტერესებს და შესაძლოა უარყოფით გავლენას ახდენდეს ბიუჯეტის შემოსავლებზე.

მცხეთის მუნიციპალიტეტს არ აქვს შემუშავებული და მიღებული სამსახურებრივი უფლებამოსილების განსახორციელებლად საჭირო ავტოპარკის გადანაწილების წესი. სამსახურებრივი უფლებამოსილების განსახორციელებლად გამოყენებული სატრანსპორტო საშუალებების რაოდენობა აღემატება საქართველოს მთავრობის დადგენილებით რეკომენდებულ ზღვრულ ოდენობას. კერძოდ, 2017 წელს მცხეთის გამგეობა რეკომენდებული 6 ერთეულის ნაცვლად, განკარგავდა 9 სამორიგეო ავტომანქანას, ხოლო 2018 წელს მცხეთის მერია რეკომენდებული 7 ერთეულის ნაცვლად, განკარგავდა 14 სამორიგეო ავტომანქანას. გარდა ამისა მუნიციპალიტეტი სარგებლობდა კერძო პირების საკუთრებაში არსებული ავტომანქანებით, 2017 წელს 43 ერთეულით, ხოლო 2018 წელს - 50 ერთეულით.

2017 წელს მუნიციპალიტეტმა ხელშეკრულება გააფორმა შპს „დაუ+“-თან საფინანსო-საკონსულტაციო მომსახურების შესყიდვაზე, ღირებულებით 4.8 ათასი ლარი. მუნიციპალიტეტმა ვერ დაასაბუთა, თუ რა აუცილებელი საჭიროებით იყო განპირობებული საფინანსო-საკონსულტაციო მომსახურების შესყიდვა, ვინაიდან გააჩნია შესაბამისი შრომითი რესურსი და ვალდებულია საკუთარი რესურსებით უზრუნველყოს აღნიშნული საქმიანობა. ამდენად, მუნიციპალიტეტის მიერ გადახდილი 4.8 ათასი ლარი არაგონივრული ხარჯია

ტექნიკური და სამშენებლო ზედამხედველობის სააგენტოსა და აკრედიტაციის ცენტრში არ გამოიყენება სპეციალიზებული საბუღალტრო აღრიცხვის სისტემა. რაც ზრდის ადამიანური ფაქტორებით გამოწვეული შეცდომების რისკს. მაგ: აკრედიტაციის ცენტრი არ აწარმოებს მთავარ წიგნს, რიგ შემთხვევებში დარღვეულია ორმაგი ჩაწერის პრინციპი, არასწორად არის კლასიფიცირებული და წარდგენილი მიღებული შემოსავლები ფინანსური ანგარიშგების დანართ N2-ში და ა.შ. ინოვაციების სააგენტო ბუღალტერიას აწარმოებს სპეციალიზებულ საბუღალტრო აღრიცხვის პროგრამაში, თუმცა ეს აღრიცხვა არასრულყოფილი და არაზუსტია, კერძოდ საბალანსო მუხლების ნაშთები და ბრუნვები არ შეესაბამება ფინანსურ ანგარიშგებაში წარდგენილ მონაცემებს.

ნაძალადევის რაიონმა საჯარო სკოლების პედაგოგებისა და მოსწავლეებისათვის თეატრალურ წარმოდგენაზე დასწრებისათვის და ბავშვებისათვის ცირკის ბილეთების შესყიდვა დააფინანსა „სხვა მიმდინარე ხარჯების სხვა დანარჩენ მიმდინარე ხარჯების“ მუხლით ; ვაკის რაიონმა ბავშვებისათვის ცირკის ბილეთების შესასყიდად გამოიყენა „კულტურული, სპორტული, საგანმანათლებლო და საგამოფენო ღონისძიებების ხარჯების“ მუხლი, ხოლო სამგორის რაიონმა საახალწლო პროგრამაზე დასასწრები ბილეთებისათვის - „სხვა დანარჩენ საქონელსა და მომსახურებაზე გაწეული დანარჩენი ხარჯის“ მუხლი. ამდენად, ერთგვაროვანი შესყიდვის ობიექტების დაფინანსებისას გამოყენებულია სამი სხვადასხვა საბიუჯეტო მუხლი.

სამინისტროსა და ქალაქ ბათუმის მერიაში არსებული შიდა კონტროლის სისტემა ვერ უზრუნველყოფს ხელშეკრულების პირობების შესრულების სათანადო მინიტორინგს, რაც სახელშეკრულებო ვალდებულებების შესრულებაზე არადროული და არასათანადო კონტროლის დაწესებისა და ხელშეკრულების შესრულების მიმდინარეობის შესახებ აუდიტორულ დასკვნებში ფიქტიური მონაცემების დაფიქსირებაში გამოიხატება. შედეგად, ვერ ხერხდება ხელშეკრულებით გათვალისწინებული ვალდებულებების შეუსრულებლობის ფაქტების სრული და დროული გამოვლენა და სამართლებრივი რეაგირება, რაც აფერხებს 27,300,000 ლარის საინვესტიციო ღირებულების დაგეგმილი პროექტების განხორციელებას. ამასთანავე, დამოუკიდებელი აუდიტორების ჩართულობა ხელშეკრულებით გათვალისწინებულ იმ ვალდებულებათა შესრულების მონიტორინგში, რომელიც სპეციალურ ცოდნას არ მოითხოვს, შესაძლოა სამინისტროს შესაბამისი პირების მიერ პასუხისმგებლობის თავიდან აცილებასა და კერძო სუბიექტის ინტერესების გათვალისწინებით განხორციელებულ არამართლზომიერ ქმედებებზე მიანიშნებდეს.

2017-2018 წლებში მცხეთის მუნიციპალიტეტმა სტუმრების გამასპინძლების მიზნით კვების მომსახურებაზე 82.7 ათასი ლარის ხარჯი გასწია. წარმოდგენილი დოკუმენტაციის მიხედვით, მიმწოდებლებზე მომსახურების ღირებულება ანაზღაურებულია მიღება-ჩაბარების აქტის საფუძველზე, რომელშიც მხოლოდ მომსახურების დასახელება და ღირებულებაა მითითებული, ხოლო მომსახურების მიმღებ პირთა რაოდენობა არ არის მითითებული. გარდა ამისა, 2017 წელს 4 შემთხვევაში ვერ ხერხდება ღონისძიებების იდენტიფიცირება, რომლებზეც გაწეულია 3.5 ათასი ლარის კვებითი მომსახურების ხარჯი

მუნიციპალიტეტის მიერ განხორციელებული სამშენებლო სამუშაოების შესყიდვის ფარგლებში, 3 ხელშეკრულებისათვის იკვეთება ინტერესთა შეუთავსებლობა, რაც ეწინააღმდეგება მოქმედ კანონმდებლობას. მიუხედავად ამისა, მუნიციპალიტეტს აღნიშნულ ფაქტთან დაკავშირებით არ უმსჯელია და სათანადო რეაგირება არ მოუხდენია.

ეკონომიკის სამინისტროს სისტმაში არ არის შემუშავებული და დანერგილი ბუღალტრული აღრიცხვის ინსტრუქციით განსაზღვრული სააღრიცხვო პოლიტიკა. აღნიშნული პოლიტიკა შესაძლებლია მოიცავდეს ინსტრუქციას შემდეგ საკითხების აღრიცხვის შესახებ: უიმედო ვალებს, მოძველებულ მატერიალურ ფასეულობებს, ფინანსურ აქტივებსა და ვალდებულებებს, ცვეთად აქტივებზე გაწეული დანახარჯებს და სხვ. სააღრიცხვო პოლიტიკის არსებობა უზრუნველყოფს ორგანიზაციაში აღრიცხვის თანმიმდევრულობას.

2017 წლის ოქტომბრის ჩათვლით, მუნიციპალიტეტის მერია „კულტურული, სპორტული, საგანმანათლებლო და საგამოფენო ღონისძიებების ხარჯების“ მუხლით (221012) აფინანსებდა კულტურის საქალაქო ღონისძიებებს (08 05 01 პროგრამული კოდი). შესყიდვის ჯამური ღირებულება 1 011.0 ათასი ლარია. დეკემბრის თვეში მუნიციპალიტეტმა მსგავსი შინაარსის შესყიდვის ობიექტების მიწოდება აანაზღაურა „სხვა დანარჩენ საქონელსა და მომსახურებაზე გაწეული დანარჩენი ხარჯის“ მუხლიდან (221014), ღირებულებით 858.5 ათასი ლარი.

სამინისტროსა და მერიაში ბუღალტრულად არ არის აღრიცხული უძრავი ქონების განკარგავასთან დაკავშირებით გაფორმებული ხელშეკრულების პირობების დარღვევისათვის პირგასამტეხლოს სახით დარიცხული 59,922,217 ლარი და 39,852,795 აშშ დოლარი. 2018 წელს, აჭარის ავტონომიური რესპუბლიკის ქონების განკარგვის მიზნით გაფორმებული ხელშეკრულებებით გათვალისწინებული ვალდებულების შეუსრულებლობის პირობებში, დარიცხული საჯარიმო სანქციის აღდგენის ნაცვლად, განხორციელდა პირგასამტეხლოს სახით დარიცხული 3,234,766 ლარის და 1,098,241 აშშ დოლარის ჩამოწერა. ამასთანავე, ფიქსირდება აუცილებლობის დასაბუთების გარეშე პირგასამტეხლოსაგან გათავისუფლების შემთხვევები, რაც შესაძლოა არამართლზომიერი ქმედების რისკებს შეიცავდეს.

2017 წელს ქალაქ მცხეთის მერიისა და გამგეობის პასუხისმგებელმა პირებმა შეისყიდეს ისეთი სახის მომსახურება (მათ შორის საკონსულტაციო), რომლის შესრულებაც გათვალისიწნებული იყო შტატიანი თანამშრომლების სამუშაო აღწერილობებით და ფუნქციურად ევალებოდათ. ამდენად, მცხეთის მერიისა და გამგეობის მიერ საკონსულტაციო მომსახურებაზე ფაქტობრივად გადახდილი 8.8 ათასი ლარი, არამიზნობრივი ხარჯია.

მუნიციპალიტეტმა ვერ წარმოადგინა ინფორმაცია რა ღონისძიებები გაატარა შიდა აუდიტის სამსახურის რეკომენდაციების შესასრულებლად და გამოვლენილი დარღვევების გამოსასწორებლად. გარდა ამისა, მუნიციპალიტეტმა კვლავ დაუშვა შიდა აუდიტის სამსახურის ანგარიშებში ასახული დარღვევა-ნაკლოვანებები. მიუხედავად იმისა, რომ მერიის შესაბამის პასუხისმგებელ პირებს ევალებოდათ შიდა აუდიტის სამსახურის რეკომენდაციების დროული შესრულების უზრუნველყოფა, მათი მხრიდან სათანადო რეაგირება არ მომხდარა.

ბალანსის დანართ ფორმა №1-ში ბალანსგარეშე საცნობარო მუხლებში: „№04 - ხარჯებში ჩამოწერილი მარაგები ექსპლუატაციაში”, „№08 - ამორტიზებული ძირითადი აქტივები” და „№10 - ექსპლუატაციაში მყოფი ხარჯებში ჩამოწერილი გრძელვადიანი მცირეფასიანი აქტივები“ ფინანსური აქტივები წარმოდგენილია 87,595.00 ლარით. ვინაიდან აქტივებზე მატერიალურად პასუხისმგებელი პირი არ აწარმოებდა აქტივების რეესტრს, ამასთანავე, თითოეულ აქტივზე არ იყო გახსნილი საინვენტარო ბარათები, ხოლო ბუღალტრული აღრიცხვა-ანგარიშგებისა და სახელმწიფო შესყიდვების სამსახურის მიერ მოწოდებული რეესტრები არაა ერთმანეთთან შესაბამისობაში, აუდიტის ჯგუფმა ვერც ჯვარედინი გადამოწმებით და ვერც სხვა ალტერნატიული პროცედურებით ვერ შეძლო დაედასტურებინა აღნიშნული თანხის სიზუსტე და სისრულე

საქართველოს ეკონომიკისა და მდგრადი განვითარების სამინისტროს აპარატის საბალანსო ანგარიშზე, სხვა ანგარიშები ბანკში, ერიცხება ყოფილი სამინისტროების (ეკონომიკის, ქონების, მრეწველობისა და ვაჭრობის) ბალანსებიდან გადმოსული გაურკვეველი ნაშთი - 210,370 ლარი, რომლის არსებობაზე რწმუნება ვერ იქნა მოპოვებული. აღსანიშნავია, რომ აღნიშნული ნაშთი წარმოშობილია 2004 წელს.

2017 წლის დეკემბერში ახალგაზრდული ღონისძიებების ხელშეწყობის პროგრამის ფარგლებში (პროგრამის კოდი 08 08 01 01) ქ. თბილისის მუნიციპალიტეტმა 2018 წლის შობა-ახალი წლის აღნიშვნასთან დაკავშირებით შეისყიდა: - ალტერნატიული მუსიკის/დიჯეების კონცერტების ორგანიზების მომსახურება ; - „მოძრაობის თეატრის ივენთებისგან“ მინი წარმოდგენების მომსახურების შესყიდვა . ღონისძიებებს ჰქონდა მსგავსი შინაარსი და წარმოადგენდა საახალწლო დღესასწაულთან დაკავშირებით მომზადებული გასართობ-სანახაობითი პროგრამის ნაწილს, რაც 2017 წელს დაფინანსებულია 63.8 ათასი ლარით. ანგარიშსწორებისას მუნიციპალიტეტმა გამოიყენა საბიუჯეტო კლასიფიკაციის სხვადასხვა მიდგომა. კერძოდ, ალტერნატიული მუსიკის/დიჯეების კონცერტების ორგანიზების მომსახურება დაფინანსდა „სხვა დანარჩენ საქონელსა და მომსახურებაზე გაწეული დანარჩენი ხარჯების“ მუხლიდან, ხოლო „მოძრაობის თეატრის ივენთებისგან“ მინი წარმოდგენების მომსახურების შესყიდვა - „კულტურული, სპორტული, საგანმანათლებლო და საგამოფენო ღონისძიებების ხარჯების“ მუხლით.

სსიპ - საქართველოს იუსტიციის სასწავლო ცენტრი: სტრატეგიული დაგეგმვის დოკუმენტებში არ არის ნათლად გაწერილი მიზნებთან შესაბამისი აქტივობები და შესრულების ვადები. ცენტრის მიერ შემუშავებული სტრატეგიული გეგმა არ მოიცავს შესაძლებლობების გამოვლენისა და შემოსავლების ზრდის პოტენციალის ანალიზს. იუსტიციის სასწავლო ცენტრი მომხმარებელს სთავაზობს ისეთ ტრენინგებს, რომლებიც ნაკლებშემოსავლიანია, მაგალითად 2017 წელს ფინანსური მიმართულების ტრენინგების თანამშრომლებზე დარიცხული შრომის ანაზღაურების დანახარჯი დაახლოებით 8-ჯერ აღემატებოდა ამ მიმართულების ტრენინგებიდან მიღებულ შემოსავალს. სსიპ - პენიტენციური და პრობაციის მოსამსახურეთა მომზადების ცენტრი: 2015-2017 წლების სტრატეგიული და სამოქმედო გეგმით განსაზღვრული 6 მიზნიდან 2 ნაწილობრივ, ხოლო ერთი ვერ იქნა მიღწეული. 2018 წელს სტრატეგიული გეგმა არ შემუშავებულა. აღნიშნულ პერიოდში ცენტრმა მხოლოდ ტრენინგების განრიგი დაამტკიცა.

სამინისტროსა და მერიაში არ არის უზრუნველყოფილი ქონების საწყისი საპრივატიზებო/სარგებლობის ღირებულების ზუსტი განსაზღვრა, რაც ქონების არასრულყოფილ შეფასებებსა და საბაზრო ღირებულების გაუთვალისწინებლობაში გამოიხატება. გარდა ამისა, ექსპერტის მიერ დადგენილი, აჭარის ავტონომიური რესპუბლიკის ქონების საწყისი საპრივატიზებო ღირებულების უსაფუძვლოდ შემცირებისა და აუქციონზე კონკურენციის შესაძლო შეზღუდვის შედეგად, აჭარის ავტონომიური რესპუბლიკისა და ქალაქ ბათუმის მუნიციპალიტეტის ქონების პრივატიზება, საბაზრო ფასთან მიმართებით, ჯამში სავარაუდოდ 5,579,722 ლარით ნაკლები თანხით განხორციელდა . ამასთანავე, საწყისი საპრივატიზებო ღირებულების შემცირების საკითხთან მიმართებით, ადგილი აქვს არაერთგვაროვან მიდგომას, რაც შესაძლოა აჭარის ავტონომიური რესპუბლიკის ქონების არამართლზომიერი განკარგვის რისკებს შეიცავდეს.

ვინაიდან მცხეთის მუნიციპალური ქონების სარგებლობის უფლებით გაცემის ძირითად მიზანს დამატებითი საბიუჯეტო შემოსავლების მიღება წარმოადგენს, მუნიციპალიტეტს შეეძლო გადაეხედა მოიჯარეებთან გაფორმებული ხელშეკრულებებით განსაზღვრული ფასებისთვის და მუნიციპალიტეტის ინტერესების სასარგებლოდ, შესაძლებლობის ფარგლებში ემსჯელა საიჯარო ქირის ცვლილებაზე (ზრდაზე) საკრებულოს მიერ დადგენილი და საბაზრო ფასების გათვალისწინებით, რაც დიდი ალბათობით გაზრდიდა მუნიციპალიტეტის შემოსავლებს. ამ მიმართულებით მუნიციპალიტეტს ღონისძიებები არ გაუტარებია. აგრეთვე არაეფექტიანი კონტროლის პირობებში მუნიციპალიტეტი ვერ უზრუნველყოფს კუთვნილი საიჯარო ქირის დროულად მიღებას, ხოლო გადაუხდელ თანხებზე არასწორადაა დარიცხული საურავი - 9.0 ათასი ლარით ნაკლები. ზემოაღნიშნულის შედეგად მუნიციპალიტეტის მიერ ქონების განკარგვა ხორციელდება არაპროდუქტიულად.

მუნიციპალიტეტს არ გაუტარებია საკმარისი და შესაფერისი ღონისძიებები ზოგიერთ დარღვევა-ნაკლოვანებაზე, რომლებიც არ გამოსწორებულა და განმეორებით დაფიქსირდა აუდიტის ანგარიშში.

ბალანსის ანგარიშზე „2.3.2 - არამატერიალური ძირითადი აქტივები“ ფინანსური ანგარიშგების დანართ ფორმა №5-ში წლის ბოლოს ასახულია 29,521.75 ლარის ღირებულების 3 (სამი) ერთეული არამატერიალური აქტივი. აღნიშნული აქტივებიდან ერთ შემთხვევაში ფინანსურ ანგარიშგებაში არასწორადაა გაზრდილი არამატერიალური აქტივის ღირებულება, ხოლო ორ შემთხვევაში - აუდირებულ წელს ცვეთის თანხები არ დარიცხულა, რითაც დაირღვა მოქმედი კანონმდებლობის მოთხოვნები. კერძოდ:  2009 წელს შეძენილი 12,360.00 ლარის ღირებულების აქტივი „აფხაზეთიდან იძულებით გადაადგილებულ პირთა სოციალური სტატუსის ამსახველი მონაცემების ერთიანი ელექტრონული ბანკის საპილოტე პროგრამა“ 2013 წლიდან აღარ ფუნქციონირებს და მიმდინარე პერიოდის საწყის ნაშთში მონაწილეობა არ უნდა მიეღო, რადგან მოქმედი კანონმდებლობის შესაბამისად, არ აკმაყოფილებს აქტივად აღიარების კრიტერიუმებს. შესაბამისად, აღნიშნული თანხით ფინანსურ ანგარიშგებაში არასწორადაა გაზრდილი არამატერიალური აქტივის ღირებულება, რაც ასევე არსებითად არასწორად ზრდის წმინდა ღირებულებას და საბოლოო ჯამში არ იძლევა ფინანსური ანგარიშგების სწორად აღქმის შესაძლებლობას;  2007 წელს შეძენილი 12,568.50 ლარის ღირებულების აქტივს - „გალის ჯანდაცვის ობიექტების რეაბილიტაციის პროექტი“, რომელსაც ცვეთა არ ერიცხებოდა, ცვეთის სათანადო ნორმით ამორტიზაციის შემთხვევაში, 2017 წელს დაერიცხებოდა 1,256.85 ლარის ცვეთა და 31 დეკემბრის მდგომარეობით უკვე სრულად ამორტიზებული იქნებოდა. შესაბამისად, ფინანსურ ანგარიშგებაში 12,568.50 ლარით არასწორადაა გაზრდილი არამატერიალური აქტივის ღირებულება, ამავდროულად შემცირებულია საცნობარო მუხლი „№08 - ამორტიზებული ძირითადი აქტივები“ და ასევე არასწორადაა შემცირებული ძირითადი კაპიტალის მოხმარების ღირებულება 1,256.85 ლარით. ჯამში ფინანსური ანგარიშგება წარმოდგენილია არასწორად და არაზუსტად;  2012 წელს შეძენილი 4,300.00 ლარის ღირებულების აქტივი - „გალის ცენტრალური რაიონული საავადმყოფოს ტერიტორიაზე გადაუდებელი დახმარების კომპლექსის და სპეციალური ავტოფარეხის პროექტი“, რომელსაც ცვეთა არ ერიცხებოდა, ცვეთის სათანადო ნორმით ამორტიზაციის შემთხვევში, 2017 წელს დაერიცხებოდა 430.00 ლარის ცვეთა და 31 დეკემბრის მდგომარეობით მისი საბალანსო ღირებულება, დაგროვებული ცვეთის გათვალისწინებით, იქნებოდა 2,150.00 ლარი. შესაბამისად, ფინანსურ ანგარიშგებაში არამატერიალური აქტივების ღირებულება არასწორადაა გაზრდილი 2,150.00 ლარით და კაპიტალის მოხმარების ღირებულება არასწორადაა შემცირებული 430.00 ლარით, რაც ჯამში გავლენას ახდენს წმინდა ღირებულებაზე და ვერ უზრუნველყოფს ფინანსური ანგარიშგების უტყუარობასა და სისწორეს

მოგების გადასახადის გაანგარიშების მიზნებისათვის ეკონომიკის სამინისტროს სტრუქტურაში შემავალი ზოგიერთი სსიპ ბიუჯეტის კანონით გათვალისწინებულ 10%-ს აღიარებს ხარჯად და იქვითავს ერთობლივი შემოსავლიდან, ხოლო სსიპ-ების გარკვეული ნაწილი არ იქვითავს. სამინისტროს სისტემაში აღნიშნულ საკითხთან დაკავშირებით არ არის დანერგილი ერთიდაიგივე პრაქტიკა.

ქ. თბილისის მუნიციპალიტეტის ვაკის, საბურთალოს, კრწანისის, სამგორის, ისნისა და ჩუღურეთის რაიონები სოციალურად დაუცველი მოსახლეობისათვის სასაჩუქრე პაკეტების შეძენას და სათბობის (შეშა) მიწოდებას აფინანსებენ მუხლით „სოციალური დახმარება ფულადი ფორმით“ (პროგრამული კოდი 06 02 18). იმავე შესყიდვებისათვის ნაძალადევის, გლდანის, დიდუბის და მთაწმინდის რაიონებში გამოყენებულია მუხლი „სხვადასხვა მიმდინარე ხარჯების სხვა დანარჩენი მიმდინარე ხარჯები“.

იუსტიციის სასწავლო ცენტრის ორგანიზაციული სტრუქტურა არ არის ოპტიმალური. ის შედგება 11 სტრუქტურული ერთეულისგან, მათ შორის, არის სამსახურები, რომელთაც მსგავსი ფუნქციები აქვთ. შედარებით ოპტიმალური ორგანიზაციული სტრუქტურის არსებობის შემთხვევაში, შესაძლებელი იქნება ყოველწლიურად შრომის ანაზღაურებაზე გაწეული დანახარჯების შემცირება და გამოთავისუფლებული რესურსების გამოყენება ძირითადი ფუნქციების შესასრულებლად.

აჭარის ავტონომიური რესპუბლიკისა და ქალაქ ბათუმის მუნიციპალიტეტის ქონებების პრივატიზებისას, აუქციონები გამოცხადდა კონკრეტული დაინტერესებული მხარის მიერ შემოთავაზებული წინადადების ანალოგიური პირობებით, რის გამოც შეიზღუდა კონკურენცია. მსგავსი ქმედება ეწინააღმდეგება საჯარო ინტერესებს და შესაძლოა უარყოფით გავლენას ახდენდეს ბიუჯეტის შემოსავლებზე.

2015 წელს მუნიციპალიტეტს ქონების მართვის სააგენტოდან გადაეცა 6 სხვადასხვა მარკის ტრაქტორი, მუნიციპალიტეტს ქონების მიღებაზე სააგენტოსთან არ გაუფორმებია მიღება-ჩაბარების აქტი და არც რაიმე ღონისძიება გაუტარებია. ტექნიკა არ არის მატერიალურად პასუხისმგებელ პირზე ჩაბარებული და არც ბალანსზეა აყვანილი, არ არის დარეგისტრირებული და განკარგული. ამასთანავე, აუდიტის ჯგუფმა ვერ მოიპოვა მტკიცებულება, რა მიზნით აპირებდა მუნიციპალიტეტი გადმოცემული ტექნიკის გამოყენებას.

სამინისტროს სარგებლობაში არსებული (800 კვ.მ ფართი ქ. თბილისში, ვაჟა-ფშაველას გამზირის №16-ში) ფართის ნაწილი (37 კვ.მ) ყოველგვარი სამართლებრივი (კანონიერი) საფუძვლის გარეშე დაკავებული ჰქონდა აფხაზეთის ავტონომიური რესპუბლიკის გარემოს დაცვისა და ბუნებრივი რესურსების დაცვის დეპარტამენტის სსიპ - გამწვანებისა და გარემოსდაცვითი პროექტების სააგენტოს ოკუპირებულ ტერიტორიაზე სანიტარიის, ვეტერინარიისა და მცენარეთა დაცვის მონიტორინგისა და რეაგირების სამსახურს. ამავდროულად, სამინისტროს ფართის ნაწილი 48 კვ.მ-ის ოდენობით, ასევე სამართლებრივი საფუძვლის გარეშე დაკავებული ჰქონდა 2017 წელს შექმნილ აფხაზეთის ა/რ სავაჭროსამრეწველო პალატას. მიუხედავად სას-ის მიერ გაცემული რეკომენდაციისა, ვინაიდან აუდირებული წლის განმავლობაში მოქმედი კანონმდებლობის შესაბამისად სახელმწიფო საკუთრებაში არსებული ქონების უსასყიდლოდ ან სასყიდლით (ქირით, იჯარით) გადაცემასთან დაკავშირებით სამინისტროს მხრიდან არ განხორციელებულა ქმედითი ღონისძიებები, ადგილი ჰქონდა სახელმწიფო საკუთრებაში არსებული ქონების არამართებულად და არამიზნობრივად განკარგვას.

სამოქალაქო ავიაციის სააგენტო საქართველოს მთავრობის დადგენილების მიხედვით წარმოადგენს კრიტიკული ინფორმაციის სუბიექტს, ის თავისი საქმიანობის განხორციელების პროცესში იყენებს რამდენიმე სერვერს სადაც განთავსებული აქვს სხვადასხვა პროგრამები და ინფორმაციები. 2017 წლის 2 მაისს სამოქალაქო ავიაციის სააგენტოში დაფიქსირდა ინფორმაციული უსაფრთხოების ინციდენტი (კიბერ თავდასხმა), რის შედეგადაც დაიბლოკა ზემოთ ხსენებულ სერვერებზე განთავსებული ფაილური სისტემა და პროგრამები. დაშიფრულია და შესაძლებელია დაკარგული იყოს სხვადასხვა პერსონალური და კრიტიკული ინფორმაცია. ორგანიზაციაში არ არსებობს სარეზერვო ასლების შენახვის პოლიტიკა, ამიტომ შესაძლოა დაკარგული ინფორმაციის აღდგენა შეუძლებელი ან დიდ დანახარჯებთან დაკავშირებული აღმოჩნდეს, რამაც საბოლოო ჯამში შესაძლოა მნიშვნელოვანი უარყოფითი გავლენა მოახდინოს ორგანიზაციის უწყვეტ საქმიანობაზე. ინციდენტი შესაძლოა ასევე შეიცავდეს სხვა უფრო მნიშვნელოვან რისკებს.

აუდიტის ანგარიშში ასახული გარემოებების გათვალისწინებით, ქ. თბილისის მუნიციპალიტეტის 2017 წლის ბიუჯეტის შესრულების წლიური ანგარიში, საქართველოს საბიუჯეტო კლასიფიკაციის მიხედვით, შეიცავს შემდეგ უზუსტობებს: ქალაქ თბილისის მუნიციპალიტეტის 2017 წლის ბიუჯეტის შესრულების წლიური ანგარიში დანართი №3 - „ბიუჯეტის გადასახდელების შესრულება“ • „ხარჯების“ მუხლი - 580 885.5 ათასი ლარი გაზრდილია 3 880.6 ათასი ლარით; • „საქონელი და მომსახურების“ მუხლი - 117 444.8 ათასი ლარი გაზრდილია 712.7 ათასი ლარით; • „სოციალური უზრუნველყოფის“ მუხლი - 156 383.1 ათასი ლარი შემცირებულია 769.7 ათასი ლარით; • „სხვა ხარჯების“ მუხლი - 123 154.8 ათასი ლარი გაზრდილია 3 937.6 ათასი ლარით; • „სხვადასხვა მიმდინარე ხარჯების“ მუხლი - 41 922.6 ათასი ლარი გაზრდილია 1 051.00 ათასი ლარით; • „სხვადასხვა კაპიტალური ხარჯების“ მუხლი - 81 232.2 ათასი ლარი გაზრდილია 2 886.6 ათასი ლარით; • საოპერაციო სალდო - 206 315.2 ათასი ლარი გაზრდილია 3 880.6 ათასი ლარით; • „არაფინანსური აქტივების ზრდის“ მუხლი - 111 741.6 ათასი ლარი შემცირებულია 3 880.6 ათასი ლარით. დანართი №4 - „ა(ა)იპ-ის და სსიპ-ის მიერ 2017 წელს მიღებული შემოსავლები და გაწეული ხარჯები“ • ა(ა)იპ თბილისის მუნიციპალური ლაბორატორიის „საქონელი და მომსახურების“ მუხლი - 1 926.7 ათასი ლარი გაზრდილია 3.1 ათასი ლარით; „არაფინანსური აქტივების ზრდის“ მუხლი - 400.8 ათასი ლარი შემცირებულია 3.1 ათასი ლარით. • ა(ა)იპ თბილისის საბავშვო ბაგა-ბაღების მართვის სააგენტოს „სხვა ხარჯების“ მუხლი - 373.1 ათასი ლარი გაზრდილია 364.6 ათასი ლარით. „არაფინანსური აქტივების ზრდის“ მუხლი - 10 901.0 ათასი ლარი შემცირებულია 364.6 ათასი ლარით. • ა(ა)იპ ზურაბ ანჯაფარიძის სახელობის ზაჰესის №5 ხელოვნების სკოლის „სხვა ხარჯების“ მუხლი - 4.4 ათასი ლარი გაზრდილია 4.0 ათასი ლარით. „არაფინანსური აქტივების ზრდის“ მუხლი - 5.3 ათასი ლარი შემცირებულია 4.0 ათასი ლარით. • ა(ა)იპ პეტრე ამირანაშვილის სახელობის №18 ხელოვნების სკოლის „სხვა ხარჯების“ მუხლი - 5.2 ათასი ლარი გაზრდილია 4.2 ათასი ლარით. „არაფინანსური აქტივების ზრდის“ მუხლი - 3.4 ათასი ლარი შემცირებულია 4.2 ათასი ლარით.

სსიპ - საქართველოს იუსტიციის სასწავლო ცენტრის სტრატეგიული დაგეგმვის დოკუმენტებში არ არის ნათლად გაწერილი მიზნებთან შესაბამისი აქტივობები და შესრულების ვადები. სტრატეგიული გეგმა არ მოიცავს შესაძლებლობების გამოვლენისა და შემოსავლების ზრდის პოტენციალის ანალიზს. სსიპ-ს ყვარლის სასწავლო ცენტრიდან შემოსავლის მიღების პოტენციალი გააჩნია, რასაც ვერ იყენებს. 2017-2018 წლებში ყვარლის სასწავლო ცენტრის შემოსავალიც ნაკლებია მასზე გაწეულ ხარჯზე. აღნიშნულ ცენტრში ჩატარებული ტრენინგების მონაწილეთა ნახევარზე მეტი იუსტიციის სამინისტროს თანამშრომელია. ცენტრში არ არის გამიჯნული და დაგეგმილი, წლის რა პერიოდი და რამდენი დღე უნდა დაეთმოს თანამშრომელთა და გარე დაინტერესებული პირების სწავლებას. აღნიშნული ინფორმაცია მნიშვნელოვანია იმდენად, რამდენადაც ცენტრი ზარალიანია და აუცილებელია სწორად განისაზღვროს ტრენინგების განრიგი და ფასი შიდა და გარე მომხმარებლებისთვის. აუდიტის პერიოდში, სსიპ-ს ყვარლის სასწავლო ცენტრის ცნობადობის გასაზრდელად მნიშვნელოვანი ღონისძიება არ ჩაუტარებია.

სამინისტროსა და ქალაქ ბათუმის მერიაში არსებული შიდა კონტროლის სისტემა ვერ უზრუნველყოფს ხელშეკრულების პირობების შესრულების სათანადო მინიტორინგს, რაც სახელშეკრულებო ვალდებულებების შესრულებაზე არადროული და არასათანადო კონტროლის დაწესებისა და ხელშეკრულების შესრულების მიმდინარეობის შესახებ აუდიტორულ დასკვნებში ფიქტიური მონაცემების დაფიქსირებაში გამოიხატება. შედეგად, ვერ ხერხდება ხელშეკრულებით გათვალისწინებული ვალდებულებების შეუსრულებლობის ფაქტების სრული და დროული გამოვლენა და სამართლებრივი რეაგირება, რაც აფერხებს 27,300,000 ლარის საინვესტიციო ღირებულების დაგეგმილი პროექტების განხორციელებას. ამასთანავე, დამოუკიდებელი აუდიტორების ჩართულობა ხელშეკრულებით გათვალისწინებულ იმ ვალდებულებათა შესრულების მონიტორინგში, რომელიც სპეციალურ ცოდნას არ მოითხოვს, შესაძლოა სამინისტროს შესაბამისი პირების მიერ პასუხისმგებლობის თავიდან აცილებასა და კერძო სუბიექტის ინტერესების გათვალისწინებით განხორციელებულ არამართლზომიერ ქმედებებზე მიანიშნებდეს.

მუნიციპალიტეტში ფინანსური და არაფინანსური აქტივების დაცულობაზე კონტროლი არ არის სათანადოდ დაწესებული. 2017 წელს არასრულად, ხოლო 2018 წელს საერთოდ არ ჩატარებულა აქტივებისა და ვალდებულებების ინვენტარიზაცია. შედეგად, არსებობს რისკი, რომ შეუმჩნეველი დარჩეს მუნიციპალიტეტის კუთვნილი ქონების დაკარგვის ან დაზიანების შემთხვევები და არ მოხდეს შესაბამისი რეაგირება.

სამინისტროში შრომითი ხელშეკრულებით დასაქმებული იყო 5 (ხუთი) პირი, რომლებიც მოქმედი კანონმდებლობის მოთხოვნათა მიუხედავად, დასაქმებული იყვნენ მუდმივ ამოცანათა შესასრულებლად 9-12 თვის ვადით და მათზე გაიცა 38,040.00 ლარის ანაზღაურება, მათ შორის, 4 მოსამსახურე სამინისტროში მუშაობდა 2016 წელსაც (12 თვით) და ასრულებდა ხელშეკრულებით დაკისრებულ სამუშაოებს (მოვალეობებს). 2015-2017 წლების მაჩვენებლების დინამიკის გათვალისწინებით, სას-ის მიერ გაცემული რეკომენდაციების მიუხედავად, აუდირებულ პერიოდში სამინისტროში კვლავ არ გამოსწორებულა მდგომარეობა ზემოაღნიშნული თანამშრომლების დასაქმების მხრივ. ისინი ასრულებდნენ მუდმივი ხასიათის სამუშაოებს მთელი წლის (ხანგრძლივი პერიოდის) განმავლობაში და მათზე გაცემული ანაზღაურების თანხა 2017 წელს გაზრდილი იყო წინა პერიოდთან შედარებით

2017 წლის 7 დეკემბერს, კანონში განხორციელებული ცვლილების საფუძველზე, გაუქმდა ენერგეტიკის სამინისტრო და მის უფლებამონაცვლედ განისაზღვრა ეკონომიკისა და მდგრადი განვითარების სამინისტრო. შეცვლილი კანონი ძალაში შევიდა გამოქვეყნებისთანავე. საკანონმდებლო მაცნეში აღნიშნული კანონი გამოქვეყნდა 2017 წლის 14 დეკემბერს, შესაბამისად საქართველოს ეკონომიკის სამინისტროს 2017 წლის 31 დეკემბრის მდგომარეობით მომზადებულ კონსოლიდირებულ ფინანსურ ანგარიშგებაში უნდა ასახულიყო საქართველოს ენერგეტიკის სამინისტროს ფინანსური მაჩვენებლები, რაც არ განხორციელებულა. აღსანიშნავია, რომ ყოფილი ენერგეტიკის სამინისტროს ფინანსური ანგარიშგება მომზადდა და ფინანსთა სამინისტროში წარდგენილია ცალკე, ეკონომიკის სამინისტროს ფინანსური ანგარიშგებისგან დამოუკიდებლად 2017 წლის 31 დეკემბრის მდგომარეობით. აქედან გამომდინარე ეკონომიკის სამინისტროს მიერ წარდგენილი კონსოლიდირებული ფინანსური ანგარიშგება არ მოიცავს მისი კონტროლის ქვეშ მყოფ ერთ-ერთ მნიშვნელოვან კომპონენტს - ყოფილ ენერგეტიკის სამინისტროს. ასევე, ეკონომიკის სამინისტროს 2017 წლის ფინანსურ ანგარიშგებაში არ არის ელიმინირებული სსიპ ბათუმის სახელმწიფო საზღვაო აკადემიასა და სსიპ საქართველოს საზღვაო ტრანსპორტის სააგენტოს შორის განხორციელებული 110,131 ლარის ოპერაცია.

ქ. თბილისის მუნიციპალიტეტმა წარმოადგინა განმარტებები, რომ ზოგიერთი შემთხვევისთვის კლასიფიკატორის მუხლი შეირჩა სახელმწიფო ხაზინასთან შეთანხმებით ან მათ მიერ განსაზღვრული სწორი ოპერაცია სამსახურმა დაიწუნა და უკან დააბრუნა. მაგალითად: • ქ. თბილისის მასშტაბით ახალი (გარე განათება) სანათი წერტილების მოწყობის სამუშაოები (პროგრამული კოდი 02 05) აუდიტის ჯგუფის მოსაზრებით, არასწორად დაფინანსდა „სხვა დანარჩენ საქონელსა და მომსახურებაზე გაწეული დანარჩენი ხარჯის“ მუხლით. პასუხისმგებელი პირის განმარტებით, აღნიშნული სამუშაოები, სახელმწიფო ხაზინასთან შეთანხმებით, განიხილეს როგორც ხარჯების კატეგორია. • დიდუბის რაიონმა შეისყიდა არაკუთვნილი შენობა-ნაგებობების, აივნების, პარაპეტების ნაწილობრივი დემონტაჟის და მონტაჟის, დროებითი გამაგრების, სამშენებლო ნაგვის და გრუნტის გატანის და სხვა თანმდევი სამუშაოები (პროგრამული კოდი 02 09). აუდიტის ჯგუფის მოსაზრებით, ხელშეკრულებების შესრულება არასწორად დაფინანსდა „სხვა დანარჩენ საქონელსა და მომსახურებაზე გაწეული დანარჩენი ხარჯის“ მუხლით. პასუხისმგებელი პირის განმარტებით, მუხლი გამოყენებულია სახაზინო სამსახურის მითითებით. • 680.5 ათასი ლარის ღირებულების საპარკე სკამები, დეკორატიული სანათები და სანათის დგარები, მოძრაობის შემზღუდავი ბარიერები და სანაგვე ურნები , აგრეთვე 3.0 ათასი ლარის ღირებულების მემორიალური დაფების დამზადება-მოწყობა დაფინანსებულია როგორც საოფისე ინვენტარი, რაც აუდიტის ჯგუფის მოსაზრებით არასწორია. პასუხისმგებელი პირის განმარტებით, აღნიშნული ასიგნებებისათვის „სხვა საოფისე ინვენტარის შეძენასა და დამონტაჟებასთან დაკავშირებული ხარჯის“ მუხლი გამოყენებულია საქართველოს ფინანსთა სამინისტროს სახაზინო სამსახურის მეთოდოლოგიური რეკომენდაციით. კერძოდ, წარმოდგენილია 2017 წლის 16 ივნისის №279 ვალდებულება, სადაც მემორიალური დაფის მოწყობის მიზნით ოპერაციის განხორციელებისას თავდაპირველად არჩეულია „სხვა დანარჩენ საქონელსა და მომსახურებაზე გაწეული დანარჩენი ხარჯის“ მუხლი. ოპერაცია დაწუნებულია სახელმწიფო ხაზინის მიერ და მითითებულია, რომ მემორიალური დაფა არის ინვენტარი (22353). • 2250 ერთეული ერთჯერადი გამოყენების ბეიჯის შესყიდვა, ღირებულებით 3.8 ათასი ლარი , 3 შემთხვევაში დაფინანსდა „სხვა დანარჩენ საქონელსა და მომსახურებაზე გაწეული დანარჩენი ხარჯის“ მუხლით. ბოლო 2 შემთხვევაში კი გამოყენებულია „ოფისისთვის საჭირო საგნებისა და მასალების შეძენის ხარჯების“ მუხლი. პასუხისმგებელი პირის განმარტებით, მუხლის ცვლილება განხორციელდა სახაზინო სამსახურის მითითებით და სხვ. პასუხისმგებელი პირის განმარტებით, ზოგიერთ შემთხვევაში დანახარჯის მუხლის შერჩევისას შეუსაბამობები გამოწვეულია იმით, რომ საბიუჯეტო კლასიფიკაცია ყველა მუხლს არ განმარტავს კონკრეტულად ან სახელმწიფო ხაზინის მეთოდოლოგიური ხედვა განსხვავდება კლასიფიკაციის შინაარსისაგან. რადგან სახელმწიფო ხაზინა გასცემს მეთოდოლოგიურ მითითებებს საბიუჯეტო ორგანიზაციებისათვის, მნიშვნელოვანია მუნიციპალიტეტის წარმომადგენლებმა სახელმწიფო ხაზინასთან ერთად იმსჯელონ (მათ შორის წერილობითი ფორმით) ისეთ შემთხვევებზე, როცა მუხლობრივი კლასიფიკაცია არ არის საკმარისად/შესაფერისად დაკონკრეტებული, მოითხოვს დაზუსტებას ან არ შეესაბამება სახელმწიფო ხაზინის ხედვას. საჭიროების შემთხვევაში, მიზანშეწონილია საბიუჯეტო კლასიფიკაციაში ცვლილების ინიცირების საკითხის განხილვაც.

სსიპ − პენიტენციური სამსახურისგან დამოუკიდებელი სტრუქტურული ერთეულია, რომელიც მოკლებულია საკუთარი შემოსავლების მობილიზების შესაძლებლობას, ხოლო მისი ორგანიზაციულ-სამართლებრივი ფორმა (სსიპ) დამატებით დანახარჯებს მოითხოვს.

სამინისტროსა და მერიაში ბუღალტრულად არ არის აღრიცხული უძრავი ქონების განკარგავასთან დაკავშირებით გაფორმებული ხელშეკრულების პირობების დარღვევისათვის პირგასამტეხლოს სახით დარიცხული 59,922,217 ლარი და 39,852,795 აშშ დოლარი. 2018 წელს, აჭარის ავტონომიური რესპუბლიკის ქონების განკარგვის მიზნით გაფორმებული ხელშეკრულებებით გათვალისწინებული ვალდებულების შეუსრულებლობის პირობებში, დარიცხული საჯარიმო სანქციის აღდგენის ნაცვლად, განხორციელდა პირგასამტეხლოს სახით დარიცხული 3,234,766 ლარის და 1,098,241 აშშ დოლარის ჩამოწერა. ამასთანავე, ფიქსირდება აუცილებლობის დასაბუთების გარეშე პირგასამტეხლოსაგან გათავისუფლების შემთხვევები, რაც შესაძლოა არამართლზომიერი ქმედების რისკებს შეიცავდეს.

შიდა აუდიტის სამსახურს არ შეუფასებია, შეესაბამება თუ არა მუნიციპალიტეტის საქმიანობა დაგეგმილ მიზნებსა და ამოცანებს, რამდენად კანონიერად, მიზნობრივად და ეფექტიანად ხდება დაფინანსების გამოყენება, დანერგილია თუ არა ადეკვატური მართვისა და კონტროლის მექანიზმები და სხვ. მერიის შიდა აუდიტის სამსახურის საქმიანობა სათანადოდ ვერ უზრუნველყოფდა მერიის ფინანსების მართვის გაუმჯობესებას, მატერიალური ფასეულობების ხარჯვისა და გამოყენების კანონიერების, მიზნობრიობის დაცვასა და ეფექტიანობის გაზრდის ხელშეწყობას.

საზღვაო აკადემიამ განახორციელა 2017 წლის 31 დეკემბრის მდგომარეობით არსებული დებიტორული და კრედიტორული დავალიანებების უარყოფითი ნაშთების რეკლასიფიკაცია. ანალოგიურად უნდა გასწორებულიყო შესაბამისი საწყისი ნაშთებიც. აღნიშნულის გამო, 2017 წლის 31 დეკემბრის მდგომარეობით მომზადებული კონსოლიდირებული ფინანსური ანგარიშგების ფორმა N1-ში სხვა მოკლევადიანი ფინანსური აქტივის საწყისი ნაშთი შემცირებულია 382,284 ლარით და სხვა მოკლევადიანი კრედიტორული დავალიანებების საწყისი ნაშთი კი 382,248 ლარით. მხოლოდ საბოლოო ნაშთების შესწორება გავლენას ახდენს ფულადი სახსრების მოძრაობის შესახებ კონსოლიდირებული ანგარიშგების საოპერაციო ნაწილის სისწორეზეც. კერძოდ, დებიტორული დავალიანების 24,339 ლარით ზრდა წარდგენილია როგორც 357,946 ლარით კლება და კრედიტორული დავალიანების 68,597 ლარით შემცირება წარდგენილია, როგორც 409,940 ლარით ზრდა.

საქართველოს კანონის „სახელმწიფო შესყიდვების შესახებ“ უმთავრეს მიზანს სახელმწიფო შესყიდვებისთვის განკუთვნილი ფულადი სახსრების რაციონალური ხარჯვის უზრუნველყოფა წარმოადგენს. აღნიშნული თავის მხრივ მიიღწევა შესყიდვების სისტემის გამჭვირვალობით, ჯანსაღი კონკურენციითა და შესყიდვების მონაწილეთა მიმართ არადისკრიმინაციული და თანასწორი მოპყრობით. სსიპ „დაცვის პოლიციის დეპარტამენტის“ მიერ განხორციელებული შესყიდვების გაანალიზებით გამოვლინდა, რომ ზემოთ მოყვანილი წინაპირობები გარკვეულ შემთხვევებში დარღვეულია. შესწავლილ ტენდერებში, სატენდერო კომისიის არამიზანშეწონილი გადაწყვეტილებების, ასევე პრეტენდენტებისადმი მოთხოვნებსა და შესყიდვის ობიექტის აღწერასა და დაუსაბუთებელი შესყიდვის შედეგად, ვერ მოხერხდა 333.2 ათასი ლარის ეკონომიის მიღება. ცხრილი N1: სახელმწიფო ფულადი სახსრების ეკონომიურად ხარჯვის ნაკლოვანებები და გამომწვევი მიზეზები შესყიდვა შესყიდვის ღირებულება ეკონომიის შესაძლებლობა სულ 2,272.8 333.2 სატენდერო კომისიის არასათანადო გადაწყვეტილებების შედეგი ფეხსაცმლის შესყიდვა 720.0 44.0 ზამთრის ფეხსაცმლის შესყიდვა 484.9 65.1 ქურთუკების შესყიდვა 365.9 26.6 კვამლის დეტექტორების შესყიდვა 120.0 40.0 პრეტენდენტებისადმი მოთხოვნებსა და ობიექტის აღწერაში არსებული ხარვეზების შედეგი ტონერიანი კარტრიჯების შესყიდვა 217.7 66.7 საველე უნიფორმების შესყიდვა 172.5 8.1 სათვალთვალო დაცვის სისტემების შესყიდვა 115.4 6.5 სარეკლამო მომსახურება შესყიდვა (საჭიროების დაუსაბუთებლობა) 76.4 76.4

სსიპ − საქართველოს იუსტიციის სასწავლო ცენტრში არ არის გაწერილი ტრენერების შრომის ანაზღაურების კრიტერიუმები, რაც არაეკონომიური გადაწყვეტილებების რისკებს წარმოშობს.

სამინისტროს არ გააჩნია ინფორმაცია ნასყიდობის ხელშეკრულებების პირობების შესაბამისად ფაქტობრივად განხორციელებული ინვესტიციების შესახებ. აჭარის ავტონომიური რესპუბლიკის ქონების პირდაპირი ფორმით განკარგვისას, საინვესტიციო ვალდებულების გარეშე, მიწის სარგებლობის წლიური საბაზრო ღირებულება შემცირებულია 41,129 ლარით. რიგ შემთხვევებში, არასრულყოფილად ხორციელდება ინვესტორი კომპანიების ფინანსური მდგომარეობის შესწავლა, ვალდებულებათა განსაზღვრის რიგი შემთხვევები არ პასუხობს საინვესიტიციო გარემოს გაუმჯობესებისა და ეფექტიანი საბაზრო ეკონომიკის განვითარების პრინციპებს და შესაძლოა შეიცავდეს ავტონომიური რესპუბლიკის ქონების არამართლზომიერი განკარგვის რისკებს. ამასთანავე, არის შემთხვევები, როცა ხელშეკრულებებით გათვალისწინებული პროექტები არ არის შეთანხმებული ადგილობრივ თვითმმართველ ერთეულთან. შედეგად, დიდია ვალდებულებათა შეუსრულებლობის შემთხვევები, რაც უარყოფითად აისახება რეგიონის ეკონომიკური განვითარების მდგომარეობაზე.

მასშტაბის შეზღუდვა მოდერნიზაციის სამუშაოების ფასწარმოქმნის ადეკვატურობის და „ვარკეთილის“ მეტროს სადგურის რეაბილიტაციის სამუშაოების დოკუმენტებთან წვდომის შეზღუდვის გამო, აუდიტის ჯგუფმა ვერ მოიპოვა საკმარისი და შესაფერისი მტკიცებები დასკვნის გამოსატანად რამდენად შესაბამისია მეტროს ვაგონების მოდერნიზაციაში გადახდილი თანხები მიწოდებული სამუშაოების ღირებულებასთან და განხორციელდა თუ არა „ვარკეთილის“ მეტროს სადგურის რეაბილიტაცია მოქმედი კანონმდებლობის შესაბამისად.

ეკონომიკის სამინისტორს 2017 წლის 31 დეკემბრით მომზადებულ ფინანსურ ანგარიშგებაში ასახულია დაუმთავრებელი ძირითადი აქტივების ნაშთი 32,784,988 ლარის ოდენობით, საიდანაც 32,136,768 ლარის აქტივები წარმოადგენს საფრანგეთის სახელმწიფოს ხელშეწყობით ზემო სვანეთში სამთო-სათხილამურო საბაგიროების მოწყობის სამუშაოებს. აღნიშნული სამუშაოების ფარგლებში, 2011-2013 წლებში, უცხოეთიდან შეძენილი მანქანა დანადგარების (საბაგირო მოწყობილობების) ღირებულება შეადგენდა 31,584,783 ლარს. ხოლო მათი იმპორტის გადასახადი 551,985 ლარს. საქართველოს მთავრობის 2013 წლის განკარგულების მიხედვით აღნიშნული პროექტის ფარგლებში მიღებული საქონლისა და მომსახურების ღირებულება, ასევე საპროექტო, სამშენებლო-სამონტაჟო და სხვა ღონისძიებების განხორციელების მიზნით შესყიდული „სამუშოების“ და „საქონლისა და მომსახურების“ ღირებულება აისახება კომპანია შპს თეთნულდი დეველოპმენტის კაპიტალში. შესაბამისად დაუმთავრებელი ძირითადი აქტივი სამინისტროს უნდა გადაეცა შპს თეთნულდი დეველოპმენტისათვის. აღნიშნულთან დაკავშირებით, 2015 წელს, ეკონომიკის სამინისტროსა და მესტიის მუნიციპალიტეტს (ამ პერიოდში შპს „თეთნულდი დეველოპმენტი“ იყო მესტიის მუნიციპალიტეტის მართვის ქვეშ) შორის შედგა კომუნიკაცია ამ აქტივების მუნიციპალიტეტისათვის გადაცემის თაობაზე. 2015 წლის 30 ივლისს ეკონომიკის მინისტრის მიერ გამოიცა ბრძანება აღნიშნული აქტივების გადაცემის თაობაზე. ბრძანება ითვალისწინებდა მიღება ჩაბარების გაფორმებას სამინისტროსა და მუნიციპალიტეტს შორის, რაც არ განხორციელებულა. შედეგად, ეკონომიკის სამინისტროს დაუმთავრებელი ძირითადი აქტივების ანგარიში ფინანსურ ანგარიშგებაში წარდგენილია 32,136,768 ლარით მეტი ღირებულებით.

აუდიტის პერიოდში ტენდერების პრეისკურანტის საფუძველზე ჩატარების დროს სატენდერო წინადადების ფასის კლების გამოყენებულ მეთოდში არსებული ხარვეზი სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული ელექტრონული ტენდერის ჩატარების წესის მიხედვით, ელექტრონული ტენდერის პრეისკურანტის საფუძველზე ჩატარებისას სატენდერო კომისია სატენდერო დოკუმენტაციაში თავად განსაზღვრავს პრეისკურანტში მოცემული მომსახურების ერთეულების ღირებულების დადგენის წესს. შესაბამისად დეპარტამენტს შეუძლია განიხილოს და დანერგოს ისეთი მოდელი, რომელიც მას მეტი ეფექტიანობის მიღწევის საშუალებას მისცემს. ტენდერებით შესყიდვისას, პრეისკურანტის სავარაუდო ღირებულების განსაზღვრას დეპარტამენტი აწარმოებდა შემდეგნაირად: - მომსახურების სხვადასხვა სახეობების მიხედვით განისაზღვრება ერთეული მომსახურებისთვის საჭირო ავტონაწილის და მისი მონტაჟის სავარაუდო ფასები; - პოზიციების მექანიკური დაჯამებით მიიღება პრეისკურანტის სავარაუდო ღირებულება. ღირებულების განსაზღვრის პირველი პრინციპი (2017 წელს მოქმედი) - პრეტენდენტების მიერ სატენდერო წინადადების წარდგენა 2017 წლის განმავლობაში წარმოებდა შემდეგნაირად: - პირველ რაუნდში პრეტენდენტს შეეძლო პრეისკურანტის ნებისმიერი პოზიციის მიხედვით დაეფიქსირებინა ნებისმიერი ფასი (სავარაუდო ღირებულების ფარგლებში); - შემდეგ რაუნდებში ფასის კლება ხორციელდებოდა პოზიციების მიხედვით პროპორციულად პრეტენდენტის საწყისი სატენდერო წინადადებიდან გაანგარიშებით. აღნიშნული პრინციპის მოქმედების პერიოდში დეპარტამენტის მიერ გამოცხადდა ელექტრონული ტენდერი (SPA170009690) პრეისკურანტის სავარაუდო ღირებულებით 441.5 ათასი ლარი, ცხრილში მოცემულია აღნიშნული შესყიდვის ფარგლებში ერთ-ერთი ავტომანქანის (Mitsubishi L-200) მომსახურების როგორც მოთხოვნილი, ასევე მიმწოდებლის შეთავაზებული ფასები: ცხრილი N14: იშვიათად და ხშირად მოთხოვნადი ნაწილების ფასები სათადარიგო ნაწილების დასახელება შემსყიდველის ფასი შეთავაზებული ფასი იშვიათად მოთხოვნადი ნაწილები ძრავი (კომპლექტში) 8,371.5 2,500.0 ტრავერსი 756.5 50.0 აბს-ის ბლოკი 916.1 50.0 სამუხრუჭე ვაკუუმი 677.7 50.0 ხშირად მოთხოვნადი ნაწილები გარე ყუმბარა 374.3 374.3 შიდა ყუმბარა 265.95 265.95 მფრქვევანა (ფარსუნკა) 635.33 635.33 როგორც ცხრილიდან ჩანს, სატენდერო წინადადების წარდგენისას ტენდერში გამარჯვების მიზნით პრეტენდენტები პირველივე რაუნდში პრეისკურანტის ღირებულების კლებას ხშირ შემთხვევაში აწარმოებენ მომსახურების იმ ძვირადღირებული პოზიციების ხარჯზე, რომელთა საჭიროება წლის განმავლობაში შემსყიდველს შესაძლოა საერთოდ არ დაუდგეს, ან იშვიათ შემთხვევაში გამოყენებული იქნას ერთჯერადად (ამის გამო ხშირ შემთხვევაში სთავაზობენ დემპინგურ ფასებს). ხოლო იმ პოზიციებზე, რომლებითაც სარგებლობაც შემსყიდველს წლის განმავლობაში რამდენჯერმე უწევს (მაგალითად ზეთის ან ხუნდების გამოცვლა, შიდა და გარე ყუმბარა) ფასების კლება თითქმის არ ხდება. საბოლოოდ კი ხშირად გამოყენებადი პოზიციები განსაზღვრავენ წლის განმავლობაში გაწეული ხარჯების ოდენობას და შესაბამისად ეფექტიანობას. აღსანიშნავია, რომ ხელშეკრულების მოქმედების პერიოდში ზემოთ ჩამოთვლილი არც ერთი ავტონაწილის გამოყენების საჭიროება არ დამდგარა. შედეგად სწორედ ასეთ პოზიციებზე ფასების კლების ხარჯზე გამარჯვებული პრეტენდენტის პრეისკურანტის საბოლოო ღირებულებასა და სავარაუდო ღირებულებას შორის, ასევე კონკურენტის სატენდერო წინადადების ღირებულებას შორის ერთი შეხედვით მნიშვნელოვანი სხვაობები (მაგალითად 141.5 ათასი ლარის სხვაობა ერთ-ერთი ტენდერის დროს) დეპარტამენტისთვის ფინანსურად ეფექტიანობის მომტანი არ ყოფილა. ღირებულების განსაზღვრის მეორე პრინციპი - 2018 წლიდან დეპარტამენტმა შეცვალა მიდგომა აღნიშნული საკითხისადმი და ფასის კლება ხორციელდება პოზიციების მიხედვით პროპორციულად, პირველივე რაუნდიდან პრეისკურანტის სავარაუდო ღირებულებიდან გაანგარიშებით, რაც სატენდერო წინადადების ფასის კლების მეთოდის მნიშვნელოვან გაუმჯობესებას წარმოადგენს, თუმცა აღნიშნული მეთოდი პრეტენდენტს არ აძლევს საშუალებას თავისი სურვილით დააკლოს ფასი კონკრეტულ პოზიციას. ღირებულების განსაზღვრის გაუმჯობესების პოტენციალი - მიზანშეწონილია დეპარტამენტმა გამოიყენოს პრეისკურანტის ღირებულების დადგენის უკეთესი მეთოდი. მაგალითად ერთ-ერთ საშუალებას წარმოადგენს პრეისკურანტის სავარაუდო ღირებულების განსაზღვრის საშუალო შეწონილი ღირებულების მეთოდი. კერძოდ: მომსახურების თითოეულ სახეობას შესაძლებელია მიენიჭოს კოეფიციენტი ამ მომსახურების საჭიროების სიხშირიდან გამომდინარე . მომსახურების თითოეული სახეობის ერთეულის სავარაუდო ფასის შესაბამის კოეფიციენტზე გამრავლებით განსაზღვრული იქნება კონკრეტული მომსახურების საშუალო შეწონილი ღირებულება ფიქსირებული გარბენის შემთხვევაში, ხოლო მათი ჯამით მიღებული იქნება პრეისკურანტის სავარაუდო ღირებულება. აღნიშნული მეთოდის უპირატესობა პროპორციული კლების მეთოდთან შედარებით არის მისი მოქნილობა, რომელიც საშუალებას მისცემს პრეტენდენტს თავისი შეხედულებით დააკლოს ფასები მომსახურების იმ სახეობებს, რომლებსაც თვითონ განსაზღვრავს და არ იქნება იძულებული განახორციელოს პარალელური კლება, რომელიც ზოგჯერ მას არ სურს და შედეგად შეიძლება საერთოდ აღარ დააკლოს ფასები. შესაბამისად, დეპარტამენტს შეუძლია განსაზღვროს პრეისკურანტის ღირებულების განსაზღვრის ამ ტიპის ან სხვა ალტერნატიული გაუმჯობესებული მეთოდი.

სას-მა ვერ მოიპოვა დოკუმენტაცია, რომელიც დაადასტურებდა ხუთწლიანი პროგრამისა და წლიური გეგმის განახლების პროცესში უმაღლესი ხელმძღვანელობის ჩართულობას. საავტომობილო გზების დეპარტამენტის განმარტებით, ხელმძღვანელობის უმაღლესი პირები მონაწილეობენ მომზადების პროცესში, თუმცა მათი გადაწყვეტილებები არ არის დოკუმენტირებული. შედეგად, მომზადების პროცესი არ არის საკმარისად გამჭვირვალე. გარდა ამისა, აუდიტის ჯგუფმა ვერ მოახერხა ხუთწლიანი პროგრამისა და წლიური გეგმის მთავარი პრიორიტეტების, კრიტერიუმებისა და ცვლილებების შესახებ ხელმძღვანელობის ინფორმირებულობაზე დაკვირვება და შეფასება.

გზების სასარგებლო მომსახურების ვადა განსხვავებულია და დამოკიდებულია რამდენიმე ფაქტორზე, მათ შორის: შესრულებული სამუშაოების ტიპი, საავტომობილო ნაკადის ინტენსივობა და ადგილობრივი კლიმატი. სას-მა გამოავლინა, რომ საავტომობილო გზების დეპარტამენტის მიერ, წლიური გეგმის შემუშავების პროცესში, არ ხდება შიდასახელმწიფოებრივი გზების სავარაუდო სასარგებლო მომსახურების ვადის შეფასება. შედეგად, საავტომობილო გზების დეპარტამენტს არ აქვს შესაძლებლობა დაასაბუთოს, ირჩევს თუ არა საუკეთესო ვარიანტს მოვლა-შენახვის, პერიოდული მოვლა-შენახვისა და სარეაბილიტაციო სამუშაოებს შორის.

შეზღუდული ბიუჯეტის გამო, სამინისტრო ახორციელებს ავტოსატრანსპორტო საშუალებების ნაწილის, დაახლოებით 32%-ის დაზღვევას (წლიური საკასო ხარჯი 998,1 ათასი ლარი). დასაზღვევი ავტომანქანების შერჩევის ძირითად კრიტერიუმად განსაზღვრულია საბალანსო ღირებულება და არ არის გათვალისწინებული საბაზრო ღირებულება, ავტომანქანების ექსპლუატაციის თავისებურება და არსებული რისკები. მოქმედი ინსტრუქციით ცვეთის დარიცხვის პირობებში, სამინისტროს ბალანსზე რიცხული ავტომანქანების დიდი ნაწილის ნარჩენი საბალანსო ღირებულება გაცილებით ნაკლებია მათ რეალურ საბაზრო ღირებულებაზე, რაც ჩანაცვლებისას, ზოგიერთ შემთხვევაში არასათანადო მახასიათებლებისა და დაბალი ღირებულების ავტომანქანის მიწოდებაში გამოიხატება. ავტომანქანების დაზღვევის არსებული პრაქტიკა არ არის ოპტიმალური, არ გამომდინარეობს ხარჯთ-ეფექტურობის ანალიზიდან. კერძოდ, ჩატარებული ანალიზის შედეგად გამოვლინდა, რომ დაზღვეული ავტომანქანები დაუზღვეველთან შედარებით გაცილებით ხშირად ზიანდება მძღოლების დაუდევრობით, ხოლო ამ რისკის დასაზღვევად, სადაზღვევო სქემაში არ განიხილება არანაზღაურებადი მინიმუმის (ფრანშიზის) გამოყენების შესაძლებლობა. აღნიშნული თავის მხრივ ვერ უზრუნველყოფს ავტომანქანების დაზღვევის პროდუქტიულობას.

მერიის ფინანსურ ანგარიშგებაში 2016 წლის 31 დეკემბრის მდგომარეობით „სხვა ძირითადი აქტივების“ ნაშთი შეადგენს 9,570,537 ლარს. აუდიტორული პროცედურებით დგინდება, რომ არამატერიალურ ძირითად აქტივებად აღრიცხული ქონების ნაწილი არ აკმაყოფილებს არამატერიალურ აქტივად შეფასების კრიტერიუმებს . კერძოდ, არამატერიალურ აქტივად არის აღიარებული საგადასახადო დოკუმენტები, იურიდიული ლიტერატურა, სხვადასხვა ხასიათის წიგნები, პლაკატები და ა.შ.

მუნიციპალიტეტის მიერ საკრებულოსთვის წარდგენილი 2016 წლის და 2017 წლის ბიუჯეტების პროექტები არ მოიცავდა დასაგეგმი საბიუჯეტო წლისათვის და დასაგეგმისშემდგომი სამი საბიუჯეტო წლისათვის პრიორიტეტების, პროგრამების/ქვეპროგრამების მიზნებს, აგრეთვე ბიუჯეტის პროექტის თანდართული მასალებს არ ახლდა მიმდინარე წლის ბიუჯეტის შესრულების მოკლე მიმოხილვა.

აუდიტის პროცესში, ადგილი ჰქონდა აუდიტის მასშტაბის შეზღუდვას, კერძოდ: ობიექტის მიერ აუდიტის ჯგუფისთვის არ იქნა მოწოდებული ინფორმაცია 2016 წელს დასაქმებული თანამშრომლების მიერ დაკავებული თანამდებობებისა და შესაბამისი თანამდებობრივი სარგოების შესახებ, რის გამო ვერ იქნა აუდირებული წლის განმავლობაში თითოეული თანამშრომლისთვის დარიცხული თანამდებობრივი სარგოს სიზუსტე.

მერიის 2016 წლის ფინანსურ ანგარიშგებაში „არაწარმოებული აქტივების“ ნაშთი 2016 წლის 31 დეკემბრის მდგომარეობით შეადგენს 7,670,401 ლარს და 7,645,112 ლარით უზუსტოდ (გაზრდილად) არის წარმოდგენილი.

ERP ერთადერთი სააღრიცხვო სისტემაა, სადაც აისახება ყველა სააღრიცხვო მონაცემის შესახებ ინფორმაცია ქონების მიღებიდან განკარგვის პროცესის ჩათვლით. მასში ქონების შესახებ შეტანილი ყველა მონაცემი უნდა იყოს სრული და უტყუარი. რიგ შემთხვევაში, ERP-ში ქონების ნაშთები არასწორი რაოდენობით და დუბლირებულადაა აღრიცხული, არ არის დაცული აღრიცხვის დადგენილი ვადები, რაც აღნიშნულ პროცესში არსებულ ნაკლოვანებებზე მიუთითებს.

ჩატარებული აუდიტის შედეგად გამოვლინდა, რომ წალენჯიხის მუნიციპალიტეტში საბიუჯეტო პროცესი არსებითი ხარვეზებით ხასიათდება. მნიშვნელოვანი დარღვევა-ნაკლოვანებები გამოვლინდა როგორც ბიუჯეტის დაგეგმვის, ასევე მისი შესრულებისა და შესრულების ანგარიშის წარდგენის ეტაპზე. მიუხედავად იმისა, რომ მუნიციპალიტეტის საკრებულომ 2016 წელს გარკვეული შენიშვნები გამოთქვა ბიუჯეტის შესრულების ანგარიშში წარდგენილ ინფორმაციასთან დაკავშირებით, მერიამ 2017 წელსაც ვერ მოახერხა აღნიშნული შენიშვნების გათვალისწინება და მომდევნო წლის ბიუჯეტის შესრულების ანგარიშიც იმავე ხარვეზებით წარუდგინა საკრებულოს დასამტკიცებლად. შედეგად დარღვეულია მოქმედი კანონმდებლობის მოთხოვნები. აღნიშნული გარემოებები ასევე მიუთითებს იმაზე, რომ მუნიციპალიტეტის შესაბამისი მოხელეები შემდგომ გადამზადებას საჭიროებენ.

2016 წელს აპარატის 40 თანამშრომელზე გამონაკლისის სახით გაცემულია პრემია ზღვრული ოდენობის ზევით, თუმცა სტრუქტურული ქვედანაყოფის ხელმძღვანელი პირის შუამდგომლობაში არ იყო მითითებული, თუ რის გამო ჩაითვალა მიზანშეწონილად გაცემულიყო პრემია დადგენილი ნორმის ზევით. კერძოდ, 3 დამხმარე მოსამსახურეს მიღებული აქვს პრემია თითეულს 17-ჯერ, 21 დამხმარე მოსამსახურეს, თითეულს 16-ჯერ, 2 დამხმარე მოსამსახურეს, თითეულს 15-ჯერ, ერთს 8-ჯერ. ასევე, 8-ჯერ აქვს მიღებული პრემია სპეციალისტებსა და სამმართველოს უფროსებს. 19 თანამშრომელზე წლის განმავლობაში გაცემული პრემიების ჯამური სიდიდე გადაჭარბებულია თანამდებობრივი სარგოს შვიდმაგ ოდენობაზე, ხოლო ერთჯერადად გაცემული პრემია თანამდებობრივ სარგოს აღემატება 107 შემთხვევაში.

მუნიციპალიტეტის მერიის ბალანსში „სხვა მატერიალური მარაგის“ ნაშთი 2016 წლის 31 დეკემბრის მდგომარეობით შეადგენს 64,604,992 ლარს და ჯამში, მინიმუმ 34,613,729 ლარით უზუსტოდ (გაზრდილად) არის წარმოდგენილი.

სააგენტოს საკუთრებაში მიქცეული მერქნული რესურსების განთავსების ადგილზე, გარკვეულ შემთხვევებში, დათვალიერება ხორციელდებოდა დაგვიანებით; სათანადო კონტროლი არ არის დაწესებული სახელმწიფო საკუთრებაში მიქცეული ქონების გადაბარების აღსრულებაზე, რის გამოც ზოგიერთ შემთხვევაში რეაგირება არ განხორციელებულა. აღნიშნული წარმოშობს გადაცემული მერქნული რესურსების თვისობრივი და ხარისხობრივი მაჩვენებლების გაუარესების და სააგენტოს კონტროლს მიღმა არსებულ ტერიტორიებზე განთავსებული მერქნული რესურსების უკანონო დაუფლების რისკს.

წალენჯიხის მერიის შესაბამისი პასუხისმგებელი პირები ვერ უზრუნველყოფენ იჯარით გაცემული მუნიციპალური ქონებიდან მისაღები შემოსავლების ადმინისტრირებას. შედეგად შესაბამისი პასუხისმგებელი პირების ქმედებით თუ უმოქმედობით ადგილობრივმა ბიუჯეტმა ვერ მიიღო 33.9 ათასი ლარის შემოსავალი. მერიის შესაბამის სამსახურებს არც შემდგომ გაუტარებიათ კანონმდებლობით გათვალისწინებული ღონისძიებები აღნიშნული თანხის მისაღებად.

ფინანსთა მინისტრის 2016 წლის 29 იანვრის N20 ბრძანებით, აპარატის 220 თანამშრომელს დანიშნული ჰქონდა დანამატი. ბრძანებაში სამართლებრივ საფუძვლად მითითებული იყო „საჯარო სამსახურის შესახებ“ საქართველოს კანონის 37-ე მუხლის მე-2 პუნქტი. აღნიშნული ნორმა ითვალისწინებს დამატებით ანაზღაურებას ზეგანაკვეთური მუშაობისა და განსაკუთრებით საპასუხისმგებლო ფუნქციური დატვირთვისათვის ყოველწლიურად, შრომის ანაზღაურების ფონდში წარმოქმნილი ეკონომიის ფარგლებში. წლის განმავლობაში დანამატების სახით გაწეულმა ფაქტობრივმა ხარჯმა შეადგინა 2,306.1 ათასი ლარი, აქედან „შრომის ანაზღაურების“ მუხლში წარმოქმნილი ეკონომიის ხარჯზე გაიცა მხოლოდ 176.1 ათასი ლარი. უნდა აღინიშნოს, რომ არც ბრძანებით და არც სხვა რაიმე დოკუმენტით, პერსონალზე დაკისრებული საპასუხისმგებლო ფუნქციები არ იყო დაკონკრეტებული. წარმოდგენილი დოკუმენტაციით (სამუშაო დროის გამოყენებისა და ხელფასის აღრიცხვის გაანგარიშების ტაბელები), ასევე, არ დასტურდება ზეგანაკვეთური სამუშაოს შესრულება იმ მოხელეთა მხრიდან, რომლებზედაც გაიცემოდა დანამატები საანგარიშო პერიოდში.

მერიის 2016 წლის ფინანსურ ანგარიშგებაში ანგარიშზე „არაფინანსური აქტივების მოწოდებით დარიცხული ვალდებულებების“ ნაშთი 2016 წლის 31 დეკემბრის მდგომარეობით შეადგენს 13,235,562 ლარს და 217,785 ლარით უზუსტოდ (გაზრდილად) არის წარმოდგენილი. მათ შორის, 170,657 ლარის ვალდებულება ირიცხება შპს „ნიუ ენერჯი საქჰიდროს“ მიმართ. მოპოვებული მტკიცებულებებით, 2016 წლის 31 დეკემბრის მდგომარეობით, აღნიშნული კომპანიის მიმართ, მერიამ ვალდებულებები სრულად შეასრულა. შესაბამისად, აღნიშნული დავალიანების მოცულობა ექვემდებარება კორექტირებას.

საქართველოს ფინანსთა მინისტრის ბრძანებით დამტკიცებული „საბიუჯეტო ორგანიზაციებში ქონების, მოთხოვნებისა და ვალდებულებების ინვენტარიზაციის ჩატარების წესის“ შეუსაბამოდ, 2016-2017 წლებში სააგენტოს არ განუხორციელებია ძვირფასი ლითონების, ძვირფასი ქვებისა და მათი ნაწარმის ინვენტარიზაცია, რაც დიდი ოდენობის ძვირფასეულობის აღრიცხვაში არსებულ კონტროლის სისუსტეზე მიუთითებს და წარმოშობს მნიშვნელოვანი ფინანსური დანაკარგების რისკს.

საჯარო ფინანსების რაციონალური ხარჯვის პრინციპიდან გამომდინარე, ზეგანაკვეთური მუშაობისა და განსაკუთრებით საპასუხისმგებლო ფუნქციური დატვირთვისათვის დანამატი უნდა გაიცეს, შესრულებული დავალებების სირთულის მიხედვით და არა წინასწარ განსაზღვრულად. მუნიციპალიტეტმა დანამატის გაცემისას სათანადოდ ვერ დაასაბუთა მისი გაცემის ობიექტური საჭიროება და მიზანშეწონილობა. ამდენად, 2016 წელს გაცემული 59.6 ათასი ლარის დანამატი, თავისი შინაარსით არ შეესაბამება კანონმდებლობით გათვალისწინებულ მოთხოვნებს.

ობიექტის განმარტებით, თანამშრომელთა მივლინებებისათვის ავიაბილეთების შესასყიდად ბაზრის მოკვლევა არ მიმდინარეობს, რადგანაც თითოეული თანამშრომელი, რომელიც უნდა გაემგზავროს მივლინებაში, თავად არჩევს სად შეიძინოს ავიაბილეთი, შესაბამისად აპარატს არ გააჩნდა ინფორმაცია რამდენად რაციონალურად ხორციელდებოდა ავიაბილეთების შესაძენად საბიუჯეტო სახსრების გახარჯვა, რაც კონტროლის არსებით სისუსტეზე მიუთითებს

მერიის 2016 წლის ფინანსურ ანგარიშგებაში 2016 წლის 31 დეკემბრის მდგომარეობით ირიცხება 30,414 ლარის ვალდებულებები, რომლებიც წარმოშობილია 2002-2004 წლებში. მუნიციპალიტეტის მერის 2016 წლის 18 ნოემბერის N1019 ბრძანებით შექმნილი ფინანსური მოთხოვნებისა და ვალდებულებების ინვენტარიზაციის შედეგად დადგინდა, რომ აღნიშნულ ვალდებულებებთან დაკავშირებით არ მოიძებნა დოკუმენტაცია და ხანდაზმულობის გამო ექვემდებარება კორექტირებას. აღსანიშნავია, რომ კრედიტორი - შპს „წყალგაყვანილობისა და თბომეურნეობის ტრესტი“, რომლის მიმართაც ირიცხება 28,844 ლარის დავალიანება, ლიკვიდირებულია. შესაბამისად, 30,414 ლარის ოდენობის სხვა მოკლევადიანი კრედიტორული დავალიანების რეალობა არ დასტურდება.

ზოგიერთ შემთხვევაში, აუქციონით განკარგული ქონების გაყიდვის ფასი მნიშვნელოვნად განსხვავდებოდა შეფასებული ღირებულებისგან. გარდა ამისა, ძვირფასი ლითონის, ძვირფასი ქვებისა და მათი ნაწარმის აუქციონზე გატანა ხორციელდებოდა შეფასებიდან ხანგრძლივი დროის გასვლის შემდეგ, შეფასების პირვანდელი ღირებულებით. აღნიშნული, კონკურენციის არარსებობის შემთხვევაში წარმოშობს ქონების საბაზრო ღირებულებაზე დაბალი ფასით განკარგვის რისკს.

წალენჯიხის მუნიციპალიტეტმა არ დაიცვა ადგილობრივი თვითმმართველობის კოდექსით დადგენილი მოთხოვნები, რომლებიც მიმართულია საჯარო ფინანსების რაციონალური ხარჯვისკენ და მისი შესრულება მუნიციპალიტეტისათვის სავალდებულოა. მერიამ შტატგარეშე თანამშრომელთა დაქირავება მოახდინა კანონით განსაზღვრულ ლიმიტს ზემოთ, ასევე მათი ნაწილი დაიქირავა მუდმივ ამოცანათა შესასრულებლად. შედეგად, წალენჯიხის მუნიციპალიტეტის (შესაბამისი პასუხისმგებელი პირების) მიერ არ არის დაცული საქართველოს ორგანული კანონით დადგენილი მოთხოვნები.

ქვეყნის შიგნით მივლინებებისას საცხოვრებელი ფართის დაქირავებისას ზოგიერთ შემთხვევებში გადახდილია მაღალი ოდენობის თანხები, რაც აღემატება არა მხოლოდ საქართველოში არსებულ საშუალო კლასის სასტუმროს ნომრის ღირებულებას, არამედ 3-ჯერ და მეტად აღემატება ისეთი ქვეყნების საცხოვრებელი ფართის დაქირავების ნორმებს, როგორიცაა: იტალია, საფრანგეთი, ავსტრია, ლუქსემბურგი და სხვა.

2015 წლის 10 აგვისტოს ჩუქების ხელშეკრულებით სააგენტოს საკუთრებაში არსებული შპს მარცვლეულის ლოჯისტიკის კომპანია გადაეცა სსიპ „სახელმწიფო ქონების ეროვნულ სააგენტოს. აღნიშნული ფაქტის შესახებ საფინანსო სამსახურისთვის ცნობილი გახდა 2015 წლის ფინანსური ანგარიშგების წარდგენის შემდგომ. გამომდინარე აქედან, 18,736,046 ლარის ღირებულების კაპიტალში განხორციელებული შენატანები, რომელიც წარმოდგენილი ფინანსური ინფორმაციის შესაბამისად ჩამოწერილია 2016 წლის საანგარიშო პერიოდში ფორმა N4-ში არასაოპერაციო ხარჯის სახით, მიეკუთვნება 2015 წლის ხარჯს. აღნიშნული არ შეესაბამება აღრიცხვის ინსტრუქციის მოთხოვნებს.

მერიის ფინანსურ ანგარიშგების თანახმად, ძირითადი კაპიტალის მოხმარების ფაქტობრივი ხარჯი, 2016 წლის 31 დეკემბრის მდგომარეობით, შეადგენს 12,064,396 ლარს. აუდიტორული პროცედურების შედეგად დგინდება, რომ ძირითადი კაპიტალის მოხმარების ხარჯში ასახულია იმ ძირითად აქტივებზე დარიცხული ცვეთაც, რომელიც მოქმედი რეგულაციების გათვალისწინებით, არ ექვემდებარებოდა მუნიციპალიტეტის მერიის ბალანსზე აღრიცხვას, რაც ხელოვნურად ზრდის ძირითადი კაპიტალის მოხმარების ფაქტობრივ ხარჯს.

2018 წლის 1 იანვრის მდგომარეობით, სააგენტოს ნაშთად ერიცხება 8,722 სხვადასხვა დასახელების ძვირფასი ლითონი, ძვირფასი ქვა და მათი ნაწარმი, საიდანაც 2,518 (29%) დასახელება აღრიცხულია მხოლოდ რაოდენობრივი მახასიათებლებით, ღირებულების გარეშე, რომელთა განკარგვის უზრუნველსაყოფად არ გატარებულა ქმედითი ღონისძიებები. ამასთანავე, სააგენტოს არ გააჩნია კრიტერიუმები ძვირფასი ლითონის, ძვირფასი ქვების და მათი ნაწარმის რეალიზაციის პერიოდულობის და რაოდენობის განსაზღვრის თაობაზე. აღნიშნული გადაცემული ქონების განკარგვის არასათანადო კონტროლის მექანიზმებზე მიუთითებს, რამაც შესაძლოა გამოიწვიოს მნიშვნელოვანი ფინანსური დანაკარგები.

მიუხედავად იმისა, რომ წალენჯიხის მუნიციპალიტეტმა სამი ხელშეკრულების ფარგლებში შპს „Smart Choice”-ს 3.2 ათასი ლარი აუნაზღაურა, თანამშრომელთა აღრიცხვის სისტემას საერთოდ არ უფუნქციონირებია. შედეგად, მერიამ აღნიშნული თანხა არაეფექტიანად განკარგა.

წარმომადგენლობითი ხარჯების ფარგლებში, სარესტორნო მომსახურების შეძენასთან დაკავშირებით გამოვლინდა კონტროლის მექანიზმების სისუსტეები, კერძოდ: ბრძანებებში არ იყო მითითებული სტუმრების რაოდენობა, ღონისძიების ჩატარების ადგილი, დრო და სავარაუდო ხარჯები. მოხსენებით ბარათებში არ იყო დაკონკრეტებული ღონისძიებაში მონაწილე პირთა ვინაობა, ხოლო 2 შემთხვევაში საერთოდ არ იყო მითითებული, თუ რამდენ კაცზე უნდა გამართულიყო ღონისძიება (სადილი). სარესტორნო მომსახურების გაწევისას, არ არის წარმოდგენილი მიღება-ჩაბარების აქტები და ჩეკ-მენიუები, შესაბამისად ვერ დგინდება ღონისძიებაში მონაწილე პირთა რაოდენობა.

სააგენტოს ფინანსურ ანგარიშგებაში არასაოპერაციო ხარჯად აღიარებულია სს საქართველოს სოფლის მეურნეობის კორპორაციის 2,700,000 ლარით შემცირებული აქციები. ორგანიზაციის განმარტებით, აღნიშნული წარმოადგენს 2012 წელს გადარიცხული დაფინანსების თანხას, რომელიც 2015 წლის ფინანსურ ანგარიშგებაში შეცდომით აისახა აქციებისა და მუხლში. გამომდინარე იქიდან, რომ განხორციელდა წინა წლებში გაწეული ხარჯის კორექტირება, ნაცვლად კაპიტალის შესაბამისი მუხლის საწყისი ნაშთის კორექტირებისა, იგი აღიარებულია 2016 წლის არასაოპერაციო ხარჯად, რაც არ შეესაბამება აღრიცხვის ინსტრუქციის მოთხოვნებს. შესაბამისად, ფორმა N4-ში აღნიშნული თანხით გაზრდილია 2016 წლის არასაოპერაციო ხარჯები.

მერიაში მნიშვნელოვან პრობლემას წარმოადგენს კონკურენციის გარეშე ჩატარებული ტენდერები. კერძოდ, დადებითი შედეგით დასრულებული ტენდერების (კონსოლიდირებული ტენდერების გარეშე) 54.1% ჩატარდა მხოლოდ ერთი პრეტენდენტის მონაწილეობით და შესყიდვის სავარაუდო ღირებულება უმეტეს შემთხვევაში არ შეცვლილა ან უმნიშვნელოდ შემცირდა. ტენდერებზე კონკურენციის არარსებობა მნიშვნელოვანი რისკის შემცველია შემსყიდველ ორგანიზაციებში ბაზრის ეფექტური კვლევის პრობლემის გათვალისწინებით.

სააგენტოს მფლობელობაში არსებული დიდი ოდენობის ძვირფასეულობა (ძვირფასი ლითონები, ძვირფასი ქვები და მათი ნაწარმი) ინახება სააგენტოს საცავში. იქიდან გამომდინარე, რომ სააგენტოს ქმედებითი ღონისძიება არ განუხორციელებია, ვერ დავრწმუნდით მოქმედი კანონმდებლობის შესაბამისად, არსებული საცავი ხომ არ უნდა იყოს შეტანილი განსაკუთრებით დიდი სახელმწიფოებრივი მნიშვნელობის მქონე ობიექტების ნუსხაში, რომელზეც გავრცელდებოდა კანონმდებლობით დადგენილი სხვადასხვა მოთხოვნა.

მიუხედავად იმისა, რომ მუნიციპალიტეტის საკუთრებაში არსებული ავტომობილების რაოდენობა არ აჭარბებს მთავრობის რეკომენდაციით განსაზღვრულ მოცულობებს, იჯარით აყვანილი ავტომობილების გათვალისწინებით მუნიციპალიტეტის მიერ სამსახურებრივი უფლებამოსილების განსახორციელებლად გამოყენებული სატრანსპორტო საშუალებების რიცხოვნობა რამდენჯერმე აღემატება მთავრობის დადგენილებით რეკომენდირებულ ზღვრულ ოდენობას. ამდენად, 2016-2017 წლებში წალენჯიხის მუნიციპალიტეტი არ ითვალისწინებდა მთავრობის აღნიშნულ რეკომენდაციას.

ზოგიერთ შემთხვევაში სავარაუდო სატენდერო ღირებულებები ბევრად აღემატებოდა შესაბამისი სამუშაოს/საქონლის/მომსახურების საბაზრო ღირებულებებს

სსიპ სურსათის ეროვნულ სააგენტოს მიერ შეძენილი 1,646,921 ლარის ღირებულების მატერიალური მარაგები, მცირეფასიანი აქტივები და ძირითადი აქტივები სსიპ შემოსავლების სამსახურისთვის, ნაცვლად გრანტის მუხლისა, გადაცემულია სხვა ხარჯების მუხლით, რაც არ შეესაბამება აღრიცხვის ინსტრუქციის მოთხოვნებს. შესაბამისად, ფორმა N2-ში 1,646,921 ლარით გაზრდილია სხვა ხარჯები და ამავე თანხით შემცირებულია გრანტები (ხარჯების ნაწილში). სააგენტოს 2016 წლის ფინანსურ ანგარიშგებაში მიმდინარე წლის ხარჯად არის წარმოდგენილი ვალდებულებების კლების მუხლით ბიუჯეტიდან შპს მექანიზატორისთვის ანაზღაურებული 427,560 ლარი, რომელიც წარმოდგენილი დოკუმენტაციის მიხედვით, მიეკუთვნება 2015 წლის საანგარიშგებო პერიოდს და აღრიცხვის ინსტრუქციის მოთხოვნების შესაბამისად, ამავე პერიოდში უნდა აღიარებულიყო ხარჯად. გამომდინარე აქედან, 427,560 ლარით არის გაზრდილი 2016 წლის ანგარიშგებაში ფორმა N2-ში წარმოდგენილი სხვა ხარჯები. სულ, 2016 წლის 31 დეკემბრის მდგომარეობით მომზადებულ კონსოლიდირებულ ფინანსურ ანგარიშგებაში ფორმა N2-ში სხვა ხარჯები გაზრდილია 2,074,481 ლარით, გრანტები (ხარჯების ნაწილში) შემცირებულია 1,646,921 ლარით, ხოლო ფორმა N1-ში მოკლევადიანი ფინანსური ვალდებულებების მუხლის საწყისი ნაშთი - 427,560 ლარით.

ოთხი ერთეული საცხოვრებელი სახლის მშნებლობის სახელმწიფო შესყიდვის პროცესში, მუნიციპალიტეტის მერიის შესაბამისი კომპეტენციის მქონე პირების მხრიდან, გადაწყვეტილებების მიღების დროს, გარემოებათა არაჯეროვანი გამოკვლევისა და მოსალოდნელი რისკების შეუფასებლობის გამო, მუნიციპალიტეტს მიადგა არანაკლებ 1,430,342 ლარის ზიანი.

საქართველოს სამოქალაქო კოდექსის მოთხოვნებთან შეუსაბამოდ, 23 შემთხვევაში აუქციონზე ქონების გაყიდვისას არ განხორციელებულა მათი უფლებრივი (გირავნობა, ყადაღა) და ნივთობრივი (ქონება არ აღმოჩნდა განთავსების ადგილზე/მდგომარეობა არ დაემთხვა აუქციონის აღწერილობას) მდგომარეობის სრულყოფილი შემოწმება. შედეგად, აუქციონებით გაყიდული ნივთების რეალური მდგომარეობა არ ემთხვეოდა აუქციონის აღწერილობას, ხორციელდებოდა მყიდველებისთვის გადახდილი თანხების უკან დაბრუნება, რაც ნეგატიურად მოქმედებს აუქციონის სანდოობის ხარისხზე და შესაძლოა გამოიწვიოს აუქციონებში პოტენციური მყიდველების დაინტერესების კლება.

წალენჯიხის მუნიციპალიტეტმა (შესაბამისმა პასუხისმგებელმა პირებმა) 2016-2017 წლებში მუნიციპალიტეტის საკრებულოს არათანამდებობის პირებზე ხარჯების ასანაზღაურებლად 150.4 ათასი ლარი გასცა შესაბამისი დოკუმენტური დადასტურების გარეშე, საბიუჯეტო პროცესთან დაკავშირებული მარეგულირებელი საკანონმდებლო ნორმების შეუსაბამოდ. შედეგად დარღვეულია მოქმედი კანონმდებლობის მოთხოვნები.

120 წყვილი ზაფხულის მაღალყელიანი ფეხსაცმლის (ბათინკის) შესყიდვის ტენდერისას ექსპერტიზის დასკვნით ვერ იქნა დადასტურებული შპს „კოზტრანსის“ მიერ წარმოდგენილი მისაწოდებელი საქონლის ნიმუშის შესაბამისობა სატენდერო დოკუმენტაციით მოთხოვნილთან. მიუხედავად ამისა სატენდერო კომისიის გადაწყვეტილებით გაფორმებულია ხელშეკრულება

სააგენტოს ფინანსურ ანგარიშგებაში არასაოპერაციო შემოსავლად არის აღიარებული მიმდინარე და სადეპოზიტო ანგარიშებზე დარიცხული 1,571,898 ლარის საპროცენტო სარგებელი, რაც არ შეესაბამება აღრიცხვის ინსტრუქციის მოთხოვნებს. შედეგად, 2016 წლის 31 დეკემბრის მდგომარეობით მომზადებული კონსოლიდირებული ფინანსური ანგარიშგება არასწორად არის წარმოდგენილი, კერძოდ: აღნიშნული თანხით გაზრდილია ფორმა N4-ში წარმოდგენილი არასაოპერაციო შემოსავლები და შემცირებულია ფორმა N2-ში წარმოდგენილი სხვა შემოსავლები.

ჟილინის არხის კაპიტალური რეკონსტრუქციის სამუშაოების სახელმწიფო შესყიდვებზე, ხელშეკრულებების ფარგლებში შესრულებული ფარული სამუშაოების ღირებულება შეადგენს 883,095 ლარს, რაც მთლიანი სამუშოები 77.6%-ია. საკმარისი დოკუმენტური დასაბუთების გარეშე, მერიის მიერ, ჟილინის არხის კაპიტალური რეკონსტრუქციის პროექტის ფარგლებში, ფარული სამუშაოების ჩათვლა და გადახდა, ქმნის საჯარო ფინანსების არამიზნობრივი განკარგვის რისკებს.

2016 წლის შესყიდვების დაზუსტებული წლიური გეგმა თავდაპირველ გეგმასთან შედარებით, 31%-ით არის შემცირებული, ხოლო განხორციელებული შესყიდვები 49%-ით ნაკლებია დაზუსტებულ გეგმაზე. 2017 წლის შესყიდვების დაზუსტებული გეგმა 22%-ით არის შემცირებული თავდაპირველ გეგმასთან შედარებით, განხორციელებული შესყიდვები კი 19%-ით ნაკლებია დაზუსტებულ გეგმაზე. ამასთანავე, 256,135 ლარის შესყიდვა დაგეგმილი რვა CPV კოდით საერთოდ არ განხორციელებულა. ამდენად, შესყიდვების წლიური გეგმები სრულად არ ეფუძნება შესყიდვების განხორციელების აუცილებლობას და რეალურ საჭიროებებს, რაც შესყიდვების დაგეგმვაში არსებულ პრობლემებზე მიუთითებს.

წალენჯიხის მუნიციპალიტეტმა ვერ დაასაბუთა რა აუცილებელი საჭიროებით იყო განპირობებული საკონსულტაციო მომსახურების შესყიდვა, ვინაიდან მუნიციპალიტეტს გააჩნია შრომითი რესურსი და ვალდებულია საკუთარი რესურსებით უზრუნველყოს აღნიშნული საქმიანობის განხორციელება. გამომდინარე აქედან, მუნიციპალიტეტის პასუხისმგებელ პირებს არ უნდა განეხორციელებინათ საკონსულტაციო მომსახურების შესყიდვა და ხარჯის გაწევა. ამდენად, მუნიციპალიტეტის მიერ საკონსულტაციო მომსახურებაზე გადახდილი 9.6 ათასი ლარი წარმოადგენს არაგონივრულ ხარჯს.

წარმოდგენილი დოკუმენტებით ვერ დგინდება ფინანსური და არაფინანსური აქტივების დაცულობაზე კონტროლი, აქტივებისა და ვალდებულებების, ასევე ბალანსის საცნობარო მუხლებში ასახული მატერიალური ფასეულობების ფაქტიური ნაშთები, გამოუყენებელი აქტივები, ორგანიზაციის ბალანსზე რიცხული მოთხოვნებისა და ვალდებულებების რეალურობა და ფაქტიური ნაშთების სააღრიცხვო მონაცემებთან შესაბამისობა.

სააგენტოს ფინანსურ ანგარიშგებაში არასაოპერაციო ხარჯად არის აღიარებული სსიპ სახელმწიფო ქონების ეროვნული სააგენტოსთვის 2016 წლის 15 მარტს გადაცემული შპს საკვების წარმოების კომპანიის კაპიტალი (საერთო ღირებულებით 4,843,585 ლარი). აღრიცხვის ინსტრუქციის მოთხოვნების შესაბამისად, აღნიშნული ოპერაცია უნდა ასახულიყო საოპერაციო ხარჯების (გრანტები) მუხლში. შედეგად, 2016 წლის 31 დეკემბრის მდგომარეობით მომზადებულ კონსოლიდირებულ ფინანსურ ანგარიშგებაში ფორმა N4-ში წარმოდგენილი არასაოპერაციო ხარჯები გაზრდილია 4,843,585 ლარით და შემცირებულია ფორმა N2-ში წარმოდგენილი გრანტები (ხარჯების ნაწილში).

მწვანე კონცხის დასახლებაში, ქუჩების გაფართოებისა და ბოტანიკური ბაღის შესასვლელთან არსებული ტერიტორიის კეთილმოწყობის სამუშაოების სახელმწიფო შესყიდვასთან დაკავშირებით გაფორმებული ხელშეკრულებების ფარგლებში, შესრულებული სამუშაოს მოცულობისა და ხარისხის შესაბამისობის დოკუმენტური დადასტურების გარეშე, მერიის მიერ მიმწოდებლებზე გადახდილია 3,230,581 ლარი. მათ შორის, ფარული სამუშაოების ღირებულება შეადგენს 1,254,742 ლარს, რაც სამუშაოების მთლიანი ღირებულების 38.8%-ია. აღნიშნული გარემოება წარმოშობს საჯარო ფინანსების არამიზნობრივი განკარგვის რისკებს.

სააგენტოში მაღალია არშემდგარი და შეწყვეტილი ტენდერების რაოდენობა, მნიშვნელოვანი სხვაობებია სავარაუდო ღირებულებასა და გამარჯვებული პრეტენდენტის მიერ დაფიქსირებულ სატენდერო წინადადების ფასს შორის. სააგენტო უმრავლეს შემთხვევაში ვერ უზრუნველყოფდა საბაზრო ღირებულებასთან მაქსიმალურად მიახლოებული შესყიდვის სავარაუდო ღირებულების დადგენას, რაც კონკურენციის არარსებობის პირობებში წარმოშობს საბიუჯეტო სახსრების არაეკონომიურად განკარგვის რისკს.

წალენჯიხის მერიამ 2016-2017 წლებში 21 ათას ლარზე საგარანტიო წერილები გასცა და ფინანსური ვალდებულება აიღო მიუხედავად იმისა, რომ აღნიშნულს არ ითვალისწინებდა დამტკიცებული ბიუჯეტი და მერიას არ გააჩნდა შესაბამისი ფინანსური რესურსი. შესაბამისად მერიამ დაარღვია საბიუჯეტო კოდექსის მოთხოვნა, რომლის მიხედვითაც დაუშვებელია დაზუსტებული ბიუჯეტით დამტკიცებული ასიგნების ზემოთ გადახდაზე ვალდებულების აღება.

გამარტივებული შესყიდვის საშუალებით შესრულებული აღდგენა-რეაბილიტაციის სამუშაოების ღირებულება 13,1 ათასი ლარი, გადახდილია ფაქტობრივად გაწეული ხარჯების დამადასტურებელი მტკიცებულების გარეშე.

როგორც კონსოლიდირებული ფინანსური ანგარიშგების განმარტებით შენიშვნებშია აღწერილი, სამინისტროს კონსოლიდირებულ ფინანსურ ანგარიშგებაში ელიმინირებულია (დაექვემდებარა გამორიცხვას) საბიუჯეტო სახსრებით მიღებული შემოსავლები და გაწეული ხარჯები 191,583 ლარის ოდენობით, ხოლო საკუთარი სახსრებით მიღებული შემოსავლები და გაწეული ხარჯები 991,551 ლარის ოდენობით ელიმინირებული არ არის (არ დაექვემდებარა გამორიცხვას). იხ. ქვემოთ მოცემული ცხრილი. აღრიცხვის ინსტრუქციის მოთხოვნების შესაბამისად, კონსოლიდაციის პროცესისას შიდა ჯგუფური ოპერაციები უნდა იყოს ელიმინირებული, გარდა იმ შემთხვევისა, როდესაც შეუძლებელია გარკვეული ტრანზაქციების ელიმინირება. ასეთის არსებობის შემთხვევაში, აუცილებელია ელიმინაციის პროცესის შეუძლებლობის დასაბუთება.

სარემონტო სამუშაოების სახელმწიფო შესყიდვასთან დაკავშირებით, ზემოაღნიშნული გარემოებების პირობებში, სათანადო დოკუმენტური დასაბუთების გარეშე, მერიის მიერ მიმწოდებლებზე ჯამში გადახდილია 834,754 ლარი, რაც საბიუჯეტო რესურსების არაეკონომიურ ხარჯვაზე მიუთითებს.

უზუსტობების გამო, კონსოლიდირებულ ფინანსურ ანგარიშგებაში (ფორმა №1-ში) სხვა მოკლევადიანი ფინანსური აქტივების საბოლოო ნაშთი შემცირებულია: 1. ერთსა და იმავე სამედიცინო დაწესებულების მიმართ შემოწმების შედეგად წარმოქმნილი 181,809 ლარის დებიტორული დავალიანება აღრიცხულია 2-ჯერ; 2. 2016 წელს 4 (ოთხი) სამედიცინო დაწესებულებას დაფარული აქვს 107,894 ლარის დებიტორული დავალიანება, რომელიც არ არის ასახული ფინანსურ ანგარიშგებაში; 3. აქტები, რომლებიც მიეკუთვნება 2016 წლის ფინანსურ ანგარიშგებას, სააგენტოში აღრიცხულია 2017 წელს თანხით 5,343,528 ლარი. 3.ფინანსურ ანგარიშგებაში ხელშეკრულების პირობების დარღვევის გამო, დაკისრებული პირგასამტეხლო მოთხოვნები ნაცვლად 1,331 ლარისა, ასახულია 66,550 ლარი, რაც გამოწვეულია აღრიცხვაში დაშვებული შეცდომით.

სააგენტოს მიერ გამოცხადებული ტენდერებიდან, რამდენიმე შემთხვევაში დაფიქსირდა შესასყიდი საქონლის/მომსახურების ტექნიკურ, ხარისხობრივ მახასიათებლებთან დაკავშირებული შემზღუდველი მოთხოვნები. 2016-2017 წლებში ჩატარებული ტენდერების 15%-ში სატენდერო დოკუმენტაციაში შესასყიდი საქონლის/მომსახურების ტექნიკური აღწერილობა შეიცავდა ზედმეტ არასაჭირო დეტალებს, რაც ზღუდავს პოტენციური მიმწოდებლების ტენდერში მონაწილეობას და ხელს უწყობს არაკონკურენტული გარემოს ჩამოყალიბებას. ყოველივე ზემოაღნიშნული კი საქონლის/მომსახურების შედარებით მაღალ ფასად შესყიდვას განაპირობებს.

წალენჯიხის მუნიციპალიტეტის შესაბამისი პასუხისმგებელი პირების ქმედებით ზიანი მიადგა მუნიციპალიტეტის ინტერესებს და ადგილობრივი ბიუჯეტიდან 2016-2017 წლებში მუნიციპალიტეტი შეჭირვებული მოსახლეობის უფასო კვებაში წინა წელთან შედარებით უფრო მეტ თანხას იხდიდა, შესაბამისად მერიის მიერ მიღებულმა გადაწყვეტილებებმა არაეკონომიური ხარჯის გაწევა გამოიწვია.

უნივერისტეტის მიერ 11,4 ათასი ლარის ღირებულების სამუშაოს შესრულების სახელმწიფო შესყიდვა განხორციელდა სატენდერო წინადადებაში გაუთვალისწინებლად, პრეტენდენტების ვაჭრობის გარეშე, ხოლო 9,9 ათასი ლარი მიმწოდებელზე გადახდილია ხელშეკრულების პირობების დარღვევით.

შეღავათიანი აგროკრედიტის და მცირემიწიან ფერმერთა საგაზაფხულო სამუშაოების ხელშეწყობის ღონისძიებების დაფინანსებას სააგენტო ახორციელებს კომერციული ბანკების მეშვეობით, საიდანაც ხორციელდება საბიუჯეტო სახსრების ფაქტობრივი ხარჯვა. აღნიშნული პროგრამების დასაფინანსებლად, სააგენტოს 2016 წლის სახელმწიფო ბიუჯეტიდან გამოეყო 100,223,447 ლარი, საიდანაც აუთვისებელი 393,469 ლარი არ არის აღიარებული ბიუჯეტის წინაშე ვალდებულებად. აღნიშნული არ შეესაბამება აღრიცხვის ინსტრუქციის მოთხოვნებს. შედეგად, ფორმა N2-ში აღნიშნული თანხით გაზრდილია ბიუჯეტიდან მიღებული დაფინანსება და ამავე თანხით შემცირებულია ფორმა N1-ში სხვა მოკლევადიანი კრედიტორული დავალიანებების ნაშთი.

გამარტივებული შესყიდვის საშუალებით, სამშენებლო სამუშაოების სახელმწიფო შესყიდვის მიზნით გაფორმებული ხელშეკრულებების ფარგლებში, ანგარიშსწორება განხორციელებულია იმ პირობებში, როდესაც მიმწოდებლების მიერ არ არის წარმოდგენილი ინფორმაცია ფაქტობრივი დანახარჯების შესახებ.

სამინისტროს კონსოლიდირებულ ფინანსურ ანგარიშგებაში (ფორმა №1) სხვა მოკლევადიანი ფინანსური ვალდებულებების საწყისი ნაშთი შემცირებულია 965,702, ხოლო საბოლოო - 8,571,895 ლარით: 1. შრომის საერთაშორისო ორგანიზაციის (ILO) 2015 წლის საწევრო გადასახადის მიხედვით წარმოშობილი კრედიტორული დავალიანება - 230,728 შვეიცარიული ფრანკის ოდენობით, რომელიც 2015 წლის 31 დეკემბერს არსებული კურსით შეადგენდა 557,485 ლარის ეკვივალენტს, ხოლო გადახდის მომენტისათვის (2016 წლის 15 თებერვალი) არსებული კურსით - 587,503 ლარს, კურსთაშორისმა სხვაობამ შეადგინა 30,018 ლარი. მოცემული დავალიანების საფუძველია 2015 წელს საქართველოსა და შრომის საერთაშორისო ორგანიზაციას შორის 2019 წლამდე საწევრო გადასახადის გადახდის შეთანხმებული გრაფიკი, რომელიც ითვალისწინებს ყოველწლიურად როგორც მიმდინარე წლების, ისე ძველი დავალიანების დაფარვას და რომლის გათვალისწინება შესაძლებელი იყო ბიუჯეტის დაგეგმვის ეტაპზე. 2. „რეფერალური მომსახურების“ პროგრამის ფარგლებში 2015 წლის 17 სექტემბერს სამედიცინო დაწესებულებასთან გაფორმებული მიღება-ჩაბარების აქტების საფუძველზე წარმოშობილი ფინანსური ვალდებულება 408,217 ლარის ოდენობით; 3. საყოველთაო ჯანმრთელობის დაცვის სახელმწიფო პროგრამის ფარგლებში 2016 წლის დეკემბერში ასანაზღაურებელი შემთხვევების მიხედვით გაფორმებული მიღება-ჩაბარების აქტების საფუძველზე, სამედიცინო დაწესებულებების მიმართ წარმოშობილი კრედიტორული დავალიანება სულ - 8,571,895 ლარი. აღნიშნული დავალიანების მოცულობა წინა წლის ანალოგიურ მაჩვენებელთან შედარებით შემცირებულია 50%-ით.

2016-2017 წლებში სამსახურის მიერ შესყიდვების წინამოსამზადებელ ეტაპზე ჩატარებული ბაზრის კვლევები არასათანადოა, რაზეც მიუთითებს ის გარემოება, რომ ტენდერებში შესყიდვის სავარაუდო ღირებულებები ვაჭრობის შედეგად არსებითად იცვლება. 7 შემთხვევაში, სადაც ფასის კლება 30%-ზე მეტია, 372,900 ლარის ჯამური სავარაუდო ღირებულება 142,307 ლარით (37%) შემცირდა.

წალენჯიხის მუნიციპალიტეტის მერიის საფინანსო-საბიუჯეტო სამსახურში შექმნილია ბუღალტრული აღრიცხვის განყოფილება, რომლის მოვალეობაა უზრუნველყოს ბუღალტრული აღრიცხვის მოწესრიგება და მოქმედ კანონმდებლობასთან შესაბამისობაში მოყვანა, რაც სამსახურს 2016-2017 წლებში არ განუხორციელებია. შედეგად, წალენჯიხის მუნიციპალიტეტის შესაბამისი პასუხისმგებელი პირების მიერ დარღვეულია მოქმედი კანონმდებლობის მოთხოვნები.

სახელმწიფო შესყიდვების შესახებ ხელშეკრულების პირობები შეუსაბამობაშია სატენდერო წინანადებით გათვალისწინებულ პირობებთან. მიმწოდებლის მიერ არ არის შესრულებული 12,9 ათასი ლარის ღირებულების სამუშაოები, ხოლო შემსყიდველის მიერ არ არის გამოყენებული ხელშეკრულებით გათვალისწინებული უფლება საბანკო გარანტიის გამოყენებასთან და პირგასამტეხლოს დაკისრებასთან დაკავშირებით.

სსიპ საქართველოს სოფლის მეურნეობის სამინისტროს ლაბორატორიის საინვენტარიზაციო კომისიის მიერ არ დასრულებულა მარაგების და აქტივების 2016 წლის სავალდებულო ინვენტარიზაცია. კერძოდ, არ არის შედგენილი შედარების აქტები და საინვენტარიზაციო კომისიის ოქმი შედეგების შესახებ. აღნიშნულით კი დარღვეულია ფინანსთა მინისტრის 2010 წლის 23 ივლისის N605 ბრძანებით დამტკიცებული ინვენტარიზაციის ჩატარების წესის შესახებ ინსტრუქციის მე-3 მუხლის მოთხოვნები.

მერია ყოველწლიურად ახორციელებს გარე განათების წერტების მოვლა-ექსპლუატაციის სახელმწიფო შესყიდვას. 2016 წლის განმავლობაში გარე განათების წერტების მოვლა-ექსპლუატაციის მიზნით გამოცხადებულ ელექტრონულ ტენდერშიც, სადაც შესყიდვის სავარაუდო ღირებულება შეადგენდა 1,041,075 ლარს, შესყიდვის სავარაუდო ღირებულების ოდენობის შეთავაზებით გაიმარჯვა შპს „აჭარგანათებამ“, რომელთანაც გაფორმდა სახელმწიფო შესყიდვის შესახებ ხელშეკრულება. სატენდერო დოკუმენტაციით დადგენილი პირობები შესაძლოა არსებითად ზღუდავდეს კონკურენციას და მორგებული იყოს კონკრეტული პრეტენდენტის ინტერესებზე.

შეუსაბამობაა საქართველოს მთავრობის 2014 წლის 15 ივლისის №449 დადგენილების მოთხოვნებთან: 1. ცენტრალურ აპარატსა და სააგენტოში შრომის კოდექსით განსაზღვრულ უქმე დღეებთან (სადღესასწაულო) დაკავშირებით, პრემია გაცემულია წელიწადში 4-ჯერ; დადგენილების მე-5 მუხლის მე-3 პუნქტის შესაბამისად, საქართველოს შრომის კოდექსით გათვალისწინებულ უქმე დღეებთან დაკავშირებით პრემია შეიძლება გაიცეს წელიწადში არა უმეტეს 3-ჯერ; 2. ცენტრალურ აპარატში დასაქმებულ პირებზე კვარტალში 2-ჯერ და 3-ჯერ გაცემულია პრემია. დადგენილების მე-5 მუხლის შესაბამისად, საჯარო დაწსებულებაში დასაქმებულ პირზე პრემია შეიძლება გაიცეს კვარტალში ერთხელ; 3. სააგენტოში არ არის წარმოდგენილი ხელმძღვანელი პირების მოხსენებითი ბარათები გაცემულ პრემიაზე, სადაც დასაბუთებული იქნებოდა პრემიის გაცემის საფუძვლები.

2017 წელს, სამშენებლო სამუშაოების შესყიდვის მიზნით გამოცხადებულ ტენდერში სავარაუდო ღირებულებით 1,244,000 ლარი, სამუშაოთა დასრულების ვადად განისაზღვრა - 90 დღე და არანაკლებ 7,000,000 ლარის შესრულებული სამუშაოების გამოცდილების მოთხოვნა. ტენდერში მონაწილეობა მიიღო მხოლოდ ერთმა პრეტენდენტმა, რომელთანაც ხელშეკრულება გაფორმდა 1,232,000 ლარზე, ხოლო სამუშაოები დასრულდა 170 დღეში. სამსახურის მიერ საკვალიფიკაციო მოთხოვნების სწორად განსაზღვრის შემთხვევაში, შესაძლოა სატენდერო პროცედურებში სხვა პრეტენდენტებსაც მიეღოთ მონაწილეობა და შესყიდვა შედარებით ეკონომიურად განხორციელებულიყო.

წალენჯიხის მუნიციპალიტეტმა ბუღალტრული აღრიცხვის პროგრამის შესასყიდად გადაიხადა 3.0 ათასი ლარი, თუმცა მისი გამოყენება საკუთარ საქმიანობაში არ მოუხდენია. შედეგად, მუნიციპალიტეტის მიერ ბუღალტრულ პროგრამაში გადახდილი 3.0 ათასი ლარი წარმოადგენს არაეფექტიან ხარჯს.

სატენდერო წინადადებით და სახელმწიფო შესყიდვების შესახებ ხელშეკრულების პირობების შესაბამისად, მიმწოდებლის მიერ არ არის შესრულებული 57,8 ათასი ლარის ღირებულების სამუშაოები, ხოლო შემსყიდველის მიერ არ არის გამოყენებული ხელშეკრულებით გათვალისწინებული უფლება საბანკო გარანტიის გამოყენებასთან და პირგასამტეხლოს დაკისრებასთან დაკავშირებით.

სამინისტროს აპარატის ფინანსურ ანგარიშგებაში სხვა მოკლევადიანი და გრძელვადიანი ფინანსური აქტივების ნაშთი მოიცავს 17,640,093 ლარის დებიტორულ დავალიანებებს, რომლებიც წარმოქმნილია 2004-2009 წლებში ინანსური აქტივის მუხლით, მთავრობის განკარგულებების საფუძველზე, სხვადასხვა იურიდიულ პირებზე გაცემული სესხების შედეგად. მათ შორის, 10,448,610 ლარი წარმოადგენს მოთხოვნას შპს საქართველოს მელიორაციის მიმართ, რომლის 100%-იანი წილის მფლობელია სახელმწიფო. ზემოაღნიშნული სესხების გაცემის მიზნობრიობას წარმოადგენდა სამელიორაციო სისტემების ფუნქციონირების ხელშეწყობა. ზემოთ აღნიშნული მოთხოვნების გარდა, სააგენტოს ფინანსურ ანგარიშგებაში სხვა მოკლევადიანი და გრძელვადიანი ფინანსური აქტივების ნაშთი მოიცავს 885,173 ლარს, რომელიც წარმოადგენს სააგენტოს მიერ სამეწარმეო კოოპერატივ ქვემო ნიქოზზე (შემდგომში - მსესხებელი) 2012 წლის 21 აპრილს გაცემულ სესხსა და მასზე დარიცხულ პროცენტს. სესხის მიზანი იყო სოფელ ქვემო ნიქოზში თანამედროვე ტექნოლოგიების გამოყენებით ერთწლიანი კულტურების ორგანიზებული პირველადი წარმოება. ხელშეკრულების თანახმად, მსესხებელს სესხის ძირითადი თანხის 30% უნდა დაებრუნებინა სესხის გაცემიდან 2 წლის შემდეგ, ხოლო დარჩენილი თანხა - მესამე წლის ბოლომდე. 2013 წლის 21 მაისს სააგენტოსა და მსესხებელს შორის გაფორმდა შედარების აქტი, რომლის თანახმად, დავალიანება სააგენტოს მიმართ შეადგენდა 800,521 ლარს (764,226 ლარი - ძირი და 36,295 ლარი - დარიცხული პროცენტი). სულ, კონსოლიდირებული ფინანსური ანგარიშგება მოიცავს 18,525,266 ლარის ისეთ დებიტორულ დავალიანებებს, რომელთა ამოღების ალბათობა მცირეა.

საერთაშორისო ფესტივალებისა და კულტურული ღონისძიებების მხარდაჭერის ქვეპროგრამის ფარგლებში, მერიის მიერ გამარტივებული ელექტრონული ტენდერის საშუალებით განხორცილებულია „საავტორო კინოს ბათუმის XI საერთაშორისო ფესტივალის“ ორგანიზების მომსახურების შესყიდვა, შესყიდვის სავარაუდო ღირებულებით 149,998 ლარი. „საავტორო კინოს ბათუმის საერთაშორისო ფესტივალის“ ორგანიზების მომსახურების შესყიდვის სავარაუდო ღირებულება 2014 და 2015 წლებში გამოცხადებულ ტენდერებში შეადგენდა 119,995 ლარს, 2016 წელს - 149,998 ლარს, ხოლო 2017 წელს შეადგინა - 200,000 ლარი. მოპოვებული მტკიცებულებებით დგინდება, რომ შემსყიდველის მიერ ბაზრის კვლევა ფორმალურ ხასიათს ატარებს და ეყრდნობა მხოლოდ ბოლო წლებში მიმწოდებელი ორგანიზაციის მონაცემებს. ტენდერში მონაწილეობდა მხოლოდ ერთი პრეტენდენტი და გამარჯვებული გამოვლინდა შესყიდვის სავარაუდო ღირებულების ოდენობის შეთავაზებებით. სახელმწიფო შესყიდვის შესახებ ხელშეკრულებისღირებულებამ შეადგინა 149,998 ლარი. ტენდერში კონკურენციის არარსებობის მთავარი მიზეზი შესაძლოა იყოს კონკრეტულ დაინტერესებულ პირზე მორგებული ტექნიკური პირობები. კერძოდ, სატენდერო დოკუმენტაციის თანახმად, მიმწოდებელმა, უნდა უზრუნველყოს ფილმების შერჩევა საკონკურსო და არასაკონკურსო სექციისთვის, საერთაშორისო ჟიურის შერჩევა და სხვ. მოპოვებული მტკიცებულებებით დგინდება, რომ ფესტივალის ორგანიზატორ კომპანიას ფილმების შერჩევა საკონკურსო და არასაკონკურსო სექციისთვის, ისევე როგორც საერთაშორისო ჟიურის შერჩევა ტენდერის გამოცხადების პერიოდამდე (2016 წლის 1 სექტემბერი) დასრულებული და გამოქვეყნებული ჰქონდა. შესაბამისად, ტენდერის საშუალებით შესყიდვის განხორციელება ფორმალურ ხასიათს ატარებდა

დუშეთის რაიონში, სოფელ ჩანადირებში 4,979 კვ.მ არასასოფლო - სამეურნეო დანიშნულების მიწის ნაკვეთი ღირებულებით 138,714 ლარი და მასზე განთავსებული დაუმთავრებელი შენობა-ნაგებობები - ღირებულებით 335,903 ლარი , აღნაგობის უფლებით გადაცემული ჰქონდა სამინისტროს კონტროლირებულ სსიპ - ნარკომანიით დაავადებულ პირთა რეაბილიტაციის ცენტრს, რომელიც ლიკვიდირებულ იქნა 2015 წლის 19 ოქტომბერს, რის გამოც შეწყდა აღნაგობის უფლების რეგისტრაცია და ქონება 2015 წლის 17 ნოემბერს დაუბრუნდა სახელმწიფოს . აღნიშნული ოპერაცია სამინისტროს (სსიპ - ნარკომანიით დაავადებულ პირთა რეაბილიტაციის ცენტრის სამართალმემკვიდრე), მიერ არ იქნა გათვალისწინებული კონსოლიდაციის პროცესში, რის გამოც ფინანსურ ანგარიშგებაში (ფორმა №1 და დანართი №5) არაფინანსური აქტივების საწყისი ნაშთი გაიზარდა 474,617 ლარით .

2016 -2017 წლებში 135 თანამშრომელზე სათანადო დასაბუთების გარეშე გაცემულია 502,663 ლარის ოდენობის დანამატი. შესაბამისად, სამსახურში დანამატების გაცემის არსებული პრაქტიკა, ვერ უზრუნველყოფდა შრომის ანაზღაურების პროცესის სათანადო გამჭვირვალობას.

წალენჯიხის მუნიციპალიტეტი 2016-2017 წლებში არ ატარებდა ინვენტარიზაციებს მოქმედი კანონმდებლობის შესაბამისად. შედეგად, არსებობს მაღალი რისკი იმისა, რომ მუნიციპალური ქონების ნაწილი იყოს დაკარგული. მერიაში სრულყოფილად ინვენტარიზაციის ჩატარების შემთხვევაში შესაძლებელია გამოვლინდეს სხვადასხვა ქონების დაკარგვის ფაქტები რომლებზედაც შესაბამისი პასუხისმგებელი პირები ვალდებულნი არიან გაატარონ სათანადო სამართლებრივი ღონისძიებები.

უნივერისიტეტის აკადემიური პერსონალის აკადემიურ შვებულებასთან დაკავშირებით ბრძანებები არაერთგვაროვანი მიდგომითაა გამოცემული, ხოლო აკადემიური პერსონალის მიერ გაწეული მუშაობის შესახებ მასალები არ არის რეგისტრირებული უნივერსიტეტის საქმისწარმოების ინსტრუქციის შესაბამისად.

სამინისტროს აპარატის ყველა თანამშრომელს დანიშნული აქვს ყოველთვიური დანამატი მინისტრის ბრძანებით (ჯერ - 6 თვით, შემდეგ - 3-3 თვით. საფუძველი საჯარო სამსახურის შესახებ საქართველოს კანონის 37-ე მუხლის მე-2 პუნქტი). სსიპ-ების თანამშრომლებზე დანამატები განსაზღვრულია უწყების ხელმძღვანელის ერთი ბრძანების საფუძველზე, წინასწარ, მთელი წლის გათვალისწინებით (მინისტრის ბრძანებით მათი უწყებისათვის დამტკიცებული დებულების შესაბამისად) სხვადასხვა ოდენობით. სამინისტროს სისტემაში თანამშრომლებზე სულ 2016 წელს შრომის ანაზღაურების მუხლით გაწეულია 27,347,029 ლარის საკასო ხარჯი, მათ შორის, დანამატი 3,176,504 ლარი, რაც შრომის ანაზღაურების მუხლით გაწეული საკასო ხარჯის 11.6%-ს შეადგენს. საბიუჯეტო კლასიფიკაციის მიხედვით, დანამატის კატეგორია მოიცავს არასამუშაო საათებში, ღამის ცვლაში, სადღესასწაულო და დასვენების დღეებში მუშაობისათვის განკუთვნილ დამატებით საზღაურს და კანონმდებლობით გათვალისწინებულ ნებისმიერ სხვა დანამატს, მათ შორის, განსაკუთრებით საპასუხისმგებლო ფუნქციური დატვირთვის საზღაურს. ხოლო ერთი ბრძანების საფუძველზე, წინასწარ მთელი წლის განმავლობაში დანამატის დანიშვნა თანამდებობრივი სარგოს ხასიათს უფრო ატარებს, ვიდრე დანამატის, რაც გამართლებულ პრაქტიკად ვერ ჩაითვლება. დანამატების გაცემის არსებული პრაქტიკა ვერ უზრუნველყოფს შრომის ანაზღაურების სათანადო გამჭვირვალობას, ვინაიდან ბრძანებები ზოგადია და არ არის სათანადოდ დასაბუთებული.

საერთაშორისო ფესტივალებისა და კულტურული ღონისძიებების მხარდაჭერის ქვეპროგრამის ფარგლებში, შესყიდვის ელექტრონული საშუალებებით განხორცილებულია კინო და ტელეოპერატორების საერთაშორისო ფესტივალის ორგანიზების მომსახურების და ბათუმის ანიმაციური ფილმების VIII საერთაშორისო ფესტივალის არასაკონკურსო პროგრამის ორგანიზების მომსახურებების შესყიდვა. ზემოაღნიშნულ ტენდერებშიც მონაწილეობდა თითო პრეტენდენტი და გამარჯვებული გამოვლინდა შესყიდვის სავარაუდო ღირებულების ოდენობის შეთავაზებებით. კერძოდ, კინო და ტელეოპერატორების საერთაშორისო ფესტივალის ორგანიზების მომსახურების შესყიდვაზე ხელშეკრულების ღირებულებამ შეადგინა 60,000 ლარი, ხოლო ბათუმის ანიმაციური ფილმების VIII საერთაშორისო ფესტივალის არასაკონკურსო პროგრამის ორგანიზების მომსახურების შესყიდვაზე - 29,995 ლარი. აღნიშნულ ტენდერებში კონკურენციის არარსებობას შესაძლოა სხვადასხვა გარემოებები განაპირობებს. მათ შორის, ანალოგიური ხასიათის, სირთულისა და შინაარსის საერთაშორისო კულტურული ფესტივალის მომსახურების გამოცდილების მოთხოვნა იმ პირობებში, როდესაც შესყიდვის ძირითადი ნაწილი გულისხმობს სატრანსპორტო, სასტუმრო და სარესტორნო მომსახურებას

ფინანსურ ანგარიშგებაში (ფორმა №1 და დანართი №5) არაფინანსური აქტივების საწყისი ნაშთი გაიზარდა 474,617 ლარით: დუშეთის რაიონში, სოფელ ჩანადირებში 4,979 კვ.მ არასასოფლო - სამეურნეო დანიშნულების მიწის ნაკვეთი ღირებულებით 138,714 ლარი და მასზე განთავსებული დაუმთავრებელი შენობა-ნაგებობები - ღირებულებით 335,903 ლარი , აღნაგობის უფლებით გადაცემული ჰქონდა სამინისტროს კონტროლირებულ სსიპ - ნარკომანიით დაავადებულ პირთა რეაბილიტაციის ცენტრს, რომელიც ლიკვიდირებულ იქნა 2015 წლის 19 ოქტომბერს, რის გამოც შეწყდა აღნაგობის უფლების რეგისტრაცია და ქონება 2015 წლის 17 ნოემბერს დაუბრუნდა სახელმწიფოს . აღნიშნული ოპერაცია სამინისტროს (სსიპ - ნარკომანიით დაავადებულ პირთა რეაბილიტაციის ცენტრის სამართალმემკვიდრე), მიერ არ იქნა გათვალისწინებული კონსოლიდაციის პროცესში.

2016-2017 წლებში 506,997 ლარის დახმარება გაცემულია იმ 711 ბენეფიციარზე, რომლებიც არ განეკუთვნებოდნენ დახმარების გაცემის წესით განსაზღვრულ კატეგორიებს. მათ შორის 241,373 ლარის სოციალური დახმარება გაწეულია ისეთ პირებზე (206 ბენეფიციარი), რომელთა საშუალო თვიური შემოსავალი აღემატებოდა 1,000 ლარს. მაშინ, როდესაც სამსახურის მიერ არ დაკმაყოფილებულა სოციალურად დაუცველი, შეზღუდული შესაძლებლობების მქონე (შშმ) პირები, მრავალშვილიანი და სახელმწიფო პენსიის მიმღები ვეტერანების და მათი ოჯახის წევრების 879 განცხადება. იქიდან გამომდინარე, რომ სამსახური არ ახორციელებს სოციალური დახმარების გაცემის პროცესში მიღებული გადაწყვეტილებების სათანადო დადოკუმენტირებას, პროცესი ხასიათდება გაუმჭვირვალობით და იწვევს სუბიექტური გადაწყვეტილების მიღების შესაძლებლობას.

2016-2017 წლებში მუნიციპალიტეტის შიდა აუდიტის სამსახური ფუნქცია-მოვალეობებს ასრულებდა არასათანადოდ. რის გამოც დაირღვა საქართველოს კანონის „სახელმწიფო შიდა ფინანსური კონტროლის“ მოთხოვნები. შედეგად, შიდა აუდიტის სამსახურს არ შეუფასებია, შეესაბამებოდა თუ არა მთლიანად მუნიციპალიტეტის საქმიანობა დაგეგმილ მიზნებსა და ამოცანებს, დანერგილი იყო თუ არა ადეკვატური მართვისა და კონტროლის მექანიზმები და სხვ.

უნივერსიტეტის პერსონალის ორსულობისა და მშობიარობის გამო შვებულებასთან დაკავშირებით ბრძანებები გამოცემულია არაერთგვაროვანი მიდგომით, ხოლო შრომითი ურთიერთობის შეჩერების პირობებში, 2 პერსონალი დასაქმებულია და გაცემულია შრომის ანაზღაურება.

შეღავათიანი აგროკრედიტის პროგრამის ფარგლებში გამოვლინდა 11 შემთხვევა, როდესაც ბანკების მიერ გაცემული სესხის სარგებლის წლიური პროცენტი იმაზე მეტია, ვიდრე ეს განკარგულებით იყო განსაზღვრული. სააგენტომ მიმართა ბანკებს, ხარვეზის გამოსწორების მოთხოვნით, რაც გულისხმობს ფაქტობრივად არსებული სარგებლის პროცენტსა და განკარგულებით განსაზღვრულ პროცენტს შორის სხვაობის თანხის ანაზღაურებას ბენეფიციართა სასარგებლოდ.

მერიის თანამშრომლებზე პრემიის სახით გაცემულია 881,781 ლარი. მოქმედი რეგულაციებით, პრემია არის საჯარო დაწესებულებაში დასაქმებულ პირზე გაცემული შრომითი გასამრჯელო, რომელიც გაიცემა მის მიმართ დაკისრებული უფლებამოსილებების ზედმიწევნით და სანიმუშოდ შესრულებისათვის, ხანგრძლივი და კეთილსინდისიერი სამსახურისათვის, ან/და განსაკუთრებული სირთულის ან მნიშვნელობის დავალების შესრულებისათვის. მერიის შესაბამისი დოკუმენტაცია არ იძლევა სათანადო ინფორმაციას შესაბამის საჯარო მოხელეზე პრემიის გაცემის მიზანშეწონილობის დასადასტურებლად.

შეუსაბამობაა საქართველოს მთავრობის 2014 წლის 15 ივლისის №449 დადგენილების მოთხოვნებთან, წესის შეუსაბამოდ გაცემულმა პრემიის ოდენობამ შეადგინა 938,228 ლარი: - ცენტრალურ აპარატსა და სააგენტოში შრომის კოდექსით განსაზღვრულ უქმე დღეებთან (სადღესასწაულო) დაკავშირებით, პრემია გაცემულია წელიწადში 4-ჯერ; დადგენილების მე-5 მუხლის მე-3 პუნქტის შესაბამისად, საქართველოს შრომის კოდექსით გათვალისწინებულ უქმე დღეებთან დაკავშირებით პრემია შეიძლება გაიცეს წელიწადში არა უმეტეს 3-ჯერ; - ცენტრალურ აპარატში დასაქმებულ პირებზე კვარტალში 2-ჯერ და 3-ჯერ გაცემულია პრემია. დადგენილების მე-5 მუხლის შესაბამისად, საჯარო დაწსებულებაში დასაქმებულ პირზე პრემია შეიძლება გაიცეს კვარტალში ერთხელ; - სააგენტოში არ არის წარმოდგენილი ხელმძღვანელი პირების მოხსენებითი ბარათები გაცემულ პრემიაზე, სადაც დასაბუთებული იქნებოდა პრემიის გაცემის საფუძვლები.

იმის მიუხედავად, რომ „დახმარების გაცემის განსაკუთრებული წესით“ დაფინანსება უნდა გაცემულიყო „მხოლოდ ინდივიდუალურ, განსაკუთრებულ შემთხვევებში“, საკმაოდ მაღალია ამ წესის გამოყენებით გაწეული ხარჯების როგორც თანხობრივი, ისე რაოდენობრივი სიდიდე. „დახმარების გაცემის განსაკუთრებული წესით“ დადებითი გადაწყვეტილება მიღებულ იქნა 314,863 ლარის დაფინანსებაზე, რამაც შესაბამის პერიოდში გაცემული სოციალური დახმარებების 39% შეადგინა.

წალენჯიხის მუნიციპალიტეტის მიერ 2011-2012 წლებში განხორციელებული სოციალური პროგრამების შესაბამისობის აუდიტი და წალენჯიხის მუნიციპალიტეტის მიერ 2013 წლის 6 თვის ბიუჯეტის შესრულების შესაბამისობის აუდიტი. აუდიტის დასკვნებში დაფიქსირდა 21 სხვადასხვა არსებითი ხასიათის დარღვევა-ნაკლოვანება რომელთაგან მხოლოდ 5 ხარვეზზე აქვს მუნიციპალიტეტს განხორციელებული ღონისძიებები, ხოლო დანარჩენ 15 დარღვევა-ნაკლოვანებაზე მუნიციპალიტეტს არანაირი ღონისძიებები არ გაუტარებია,

უნივერსიტეტის აკადემიური და მასწავლებელთა პერსონალის მიერ შეუსრულებელია წარმომადგენლობითი საბჭოს მიერ დამტკიცებული საათობრივი დატვირთვა 3 151 საათი.

2016 წელს მერიის თანამშრომლებზე დანამატის სახით გაცემულია 1,317,257 ლარი. დანამატების გაცემის არსებული პრაქტიკა ვერ უზრუნველყოფს შრომის ანაზღაურების სათანადო გამჭვირვალობას, რადგან დანამატის გაცემა ხდება შესაბამისი დასაბუთების გარეშე, მხოლოდ კანონმდებლობით განსაზღვრული მუხლების მითითებით.

„იმუნიზაციის პროგრამის“ ფარგლებში ცენტრალური საწყობიდან ტერიტორიულ სამსახურზე მარაგების გაცემა აღრიცხულია, როგორც პერიოდის ხარჯი. არასწორი სააღრიცხვო პოლიტიკის გამოყენების გამო, კონსოლიდირებულ ფინანსურ ანგარიშგებაში (ფორმა №1-ში) შემცირებულად არის წარმოდგენილი სხვა მატერიალური მარაგების და აქტივების წმინდა ღირებულების ანგარიშების საწყისი ნაშთი 1,242 ლარით, ხოლო საბოლოო ნაშთი - 168,294 ლარით . მოცემული უზუსტობა დაკავშირებულია სააღრიცხვო პოლიტიკის არასწორად შერჩევასთან და შედეგად გაზრდილია ხარჯები ფორმა №2 -ში, რომელიც საბიუჯეტო პარამეტრების განსაზღვრის ერთ-ერთ წყაროს წარმოადგენს. .

ზემოაღნიშნულიდან გამომდინარე, საყოველთაო ჯანდაცვის პროგრამით ერთი ვეტერანის სამედიცინო უზრუნველყოფაზე 725 ლარის ნაცვლად დაიხარჯებოდა 121 ლარი. შესაბამისად, 86,250 ლარით შესაძლებელი იყო იგივე მოცულობის სარგებელი ნაცვლად 119-ისა მიეღო არანაკლებ 714 ბენეფიციარს, ხოლო ჰოსპიტალისათვის „სუბსიდიების“ მუხლით გადარიცხული 270,700 ლარით, შესაძლებელი იქნებოდა ანალოგიური ტიპის მომსახურებით სარგებელი მიეღო დამატებით არანაკლებ 2,237 ბენეფიციარს იმ ფონზე, როდესაც სამსახურში სამედიცინო მომსახურების მოთხოვნით შემოსული განცხადებების 47% (3,767 განცხადება) არ დაკმაყოფილდა არასაკმარისი საბიუჯეტო რესურსების გამო.

დანერგილი კონტროლის სისტემის სისუსტის გამო მუნიციპალიტეტმა მაინც ჩაიბარა სამუშაო მიუხედავად იმისა, რომ მიმწოდებელს არ წარუდგენია ხარისხის დამადასტურებელი ექსპერტიზა და სრულად აანაზღაურა შესრულებული სამუშაოების ღირებულება. შედეგად, მერიამ აანაზღაურა ისეთი სამუშაოს ღირებულება რომელზედაც არ ფლობდა სათანადო ინფორმაციას თუ რამდენად შეესაბამებოდა შესრულებული სამუშაოების ხარისხი ხელშეკრულების მოთხოვნებს.

უნივერსიტეტის პერსონალზე საქართველოს ფინანსთა მინისტრის ბრძანებით დამტკიცებული დაქირავებულისათვის გადახდილი სამივლინებო ხარჯების ნორმების შეუსაბამოდ გაწეულია 4,03 ათასი ლარის ხარჯი.

მერია წლის განმავლობაში სარგებლობდა 42 ერთეული ისეთი ავტოსატრანსპორტო საშუალებით, რომელიც არ ირიცხება მუნიციპალიტეტის მერიის ბალანსზე და იმყოფებოდა მერიის საჯარო მოსამსახურეების პირად საკუთრებაში/მფლობელობაში. აღნიშნულ ავტოსატრანსპორტო საშუალებებზე გაცემულია 38,773 ლარის ღირებულების 28,435 ლიტრი საწვავი. აუდიტის ობიექტის მიერ ვერ იქნა წარმოდგენილი გაცემული საწვავის სამსახურებრივი მოვალეობების შესრულებისათვის ხარჯვის დოკუმენტური დადასტურება, რაც წარმოშობს საჯარო რესურსების არამიზნობრივი განკარგვის რისკებს.

ფინანსური ანგარიშგების მომხმარებელი არ არის უზრუნველყოფილი დამატებითი ინფორმაციით იმ პირობითი მოთხოვნებისა, რომლებიც საბალანსე მუხლებს არ წარმოადგენენ და შესაბამისი პირობის არსებობის (სასამართლო გადაწყვეტილების) შემთხვევაში, შეუძლია გავლენა იქონიონ აუდიტის ობიექტის ფინანსურ მდგომარეობაზე: ბალანსის საცნობარო მუხლში „პირობითი მოთხოვნები“ (05) არ არის აღრიცხული 2016 წელს განხილვის სტადიაში მყოფ სასამართლო საქმესთან დაკავშირებული მოთხოვნები, მათ შორის: დახმარების ცენტრის მიხედვით - 56,462 ლარის, ხოლო სააგენტოს მიხედვით - 486,758 ლარის ოდენობით შესაბამისად, კონსოლიდირებულ ფინანსურ ანგარიშგებაში (დანართი №1) საცნობარო მუხლში „პირობითი მოთხოვნები“ (05) შემცირებულია საბოლოო ნაშთი 543,220 ლარით:

2016 წელს სამსახურის მიერ რეაბილიტაციის ცენტრისათვის ანაზღაურებულია 59 ერთეული პროთეზის დამზადების ღირებულება 609,934 ლარის ოდენობით. ჯანდაცვის სახელმწიფო პროგრამით იმავე მოცულობის მომსახურების გაწევის შემთხვევაში გაიხარჯებოდა 200,090 ლარი, ანუ 409,844 ლარით ნაკლები სამსახურის მიერ გაწეულ ხარჯებთან შედარებით, რაც საბიუჯეტო სახსრების არაეკონომიურ ხარჯვაზე მიუთითებს.

მუნიციპალიტეტის პასუხისმგებელ პირებს არ უმსჯელიათ პრეტენდენტების მხრიდან აფიდავიტის შესაძლო დარღვევის საკითხებთან დაკავშირებით და არც შესაბამისი ღონისძიებები გაუტარებიათ. შედეგად, მუნიციპალიტეტმა ვერ გამოავლინა შესაძლო აფიდავიტის პირობების დარღვევის რისკები და ხელშეკრულება გააფორმა პრეტენდენტთან რომელმაც 412.8 ათასი ლარით მეტი ფასი დააფიქსირა დისკვალიფიცირებულ პრეტენდენტთან შედარებით. მოქმედი კანონმდებლობით აფიდავიტის მოთხოვნის დარღვევა წარმოადგენს სისხლის სამართლის დანაშაულს, შესაბამისად მნიშვნელოვანია შემდგომი რეაგირების მიზნით საკითხი შეისწავლონ შესაბამისმა კომპეტენტურმა ორგანოებმა.

საბუღალტრო ჩანაწერებით, ხარჯვის დამადასტურებელი დოკუმემტების გარეშე სტამბაზე ჩამოწერილია 9,7 ათასი ლარის ღირებულების აქტივები.

მერიას არ აქვს დადგენილი შესაბამისი კრიტერიუმები, რომელიც განსაზღვრავს, თუ რომელ თანამშრომელს ესაჭიროება განპიროვნებული ავტომანქანა. აგრეთვე არ არის განსაზღვრული, რა საჭიროების გათვალისწინებით ხდება მერიის თანამშრომელთა პირად საკუთრებაში/მფლობელობაში არსებულ ავტოსატრანსპორტო საშუალებებზე საწვავის გამოყოფა/ ლიმიტების დადგენა.

ფინანსური ანგარიშგების მომხმარებელი არ არის უზრუნველყოფილი დამატებითი ინფორმაციით იმ პირობითი ვალდებულების შესახებ, რომლებიც საბალანსე მუხლებს არ წარმოადგენენ და შესაბამისი პირობის არსებობის (სასამართლო გადაწყვეტილების) შემთხვევაში, შეუძლია გავლენა იქონიონ აუდიტის ობიექტის ფინანსურ მდგომარეობაზე: საცნობარო მუხლში „პირობითი ვალდებულებები“ (06) არ არის აღრიცხული 2016 წელს განხილვის სტადიაში მყოფ სასამართლო საქმესთან დაკავშირებული ვალდებულებები: დახმარების ცენტრის მიხედვით - 20,000 ლარის, ხოლო სააგენტოს მიხედვით - 1,689,813 ლარის ოდენობით. შესაბამისად, კონსოლიდირებულ ფინანსურ ანგარიშგებაში (დანართი №1) საცნობარო მუხლში „პირობითი ვალდებულებები“ ) შემცირებულია საბოლოო ნაშთი 1,709,813 ლარით .

სატენდერო კომისიის მიერ მოქმედი კანონმდებლობის მოთხოვნების დარღვევის შედეგად მოხდა ყველაზე დაბალი ფასის მქონე პრეტენდენტის დისკვალიფიცირება, რის გამოც მუნიციპალიტეტმა მრავალბინიანი საცხოვრებელი სახლების გადახურვის სამუშაოებზე ხელშეკრულება გააფორმა იმ მიმწოდებელთან, რომლის ფასიც 32.6 ათასი ლარით აღემატებოდა პირველ ტენდერზე ყველაზე დაბალი ფასის წარმომდგენი პრეტენდენტის დაფიქსირებულ ღირებულებას.

უნივერსიტეტის მიერ 80,6 ათასი ლარის ღირებულების ორი დანადგარის შესყიდვა განხორციელებულია სატენდერო წინადადების და ხელშეკრულების პირობების შეუსაბამოდ.

სამინისტრო არის შპს „რეგიონული ჯანდაცვის ცენტრის“ 100%-იანი წილის მმართველი , შესაბამისად, ის კონტროლირებული ერთეულია. შპს რეგიონული ჯანდაცვის ცენტრის კრებსითი ფინანსური ინფორმაცია აქტივების, ვალდებულებების, ნამეტისა და დეფიციტის ჯამური თანხების ჩათვლით არ არის ასახული კონსოლიდირებული ფინანსური ანგარიშგების განმარტებით შენიშვნებში. შედეგად, ფინანსური ანგარიშგების მომხმარებლები არ არიან უზრუნველყოფილნი იმ მნიშვნელოვანი ინფორმაციით, რომელიც წარმოდგენილია შპს „რეგიონული ჯანდაცვის ცენტრის“ 2016 წლის 31 დეკემბრის მდგომარეობით შედგენილ ფინანსურ ანგარიშგებაში: , რომლის მიხედვით ბალანსზე აღრიცხულია 18,584,265 ლარის შენობა-ნაგებობები და 1,727,376 ლარის ღირებულების სპეციალური სამედიცინო ინსტრუმენტები, ასევე ერთობლივი შემოსავალი, რომელიც შეადგენს 12,003,358 ლარს, ხოლო ხარჯი - 12,676,968 ლარს .

სამტრედიის მუნიციპალიტეტის მერიამ მიმწოდებელს დაუსაბუთებლად გადაუწია ვადა და არ დაარიცხა პირგასამტეხლო, ხოლო გეგმა-გრაფიკის დარღვევისა და ვადის გადაცილებისათვის ნაკლები თანხით დააჯარიმა. შედეგად, ხელშეკრულებით განსაზღვრული საჯარიმო სანქციის არასათანადოდ გამოყენებისათვის მუნიციპალიტეტმა შპს „ქებული 2016“, ჯამში 13.8 ათასი ლარით ნაკლები თანხით დააჯარიმა.

უნივერსიტეტის 2016 წლის ბიუჯეტის პროექტის შედგენის პროცესი, წესდებით გათვალისწინებული პირობების შეუსაბამოდ არის განხორციელებული.

სამინისტროს აპარატის ფინანსურ ანგარიშგებაში აქტივად არის ასახული შპს „თეთნულდისა“ და შპს „ინფრასტრუქტურის განვითარების კომპანიის“ კაპიტალში განხორციელებული შენატანები ჯამური თანხით 76,642,055 ლარი (შესაბამისად 44,341,075 ლარი და 32,300,980 ლარი). 2016 წელს ზემოხსენებულ კომპანიებზე სამინისტროს შეუწყდა კონტროლის უფლება და აღრიცხვის ინსტრუქციის შესაბამისად ხარჯებში უნდა ჩამოეწერა აღნიშნული ნაშთი, რაც არ განხორციელებულა. შედეგად, 2016 წლის 31 დეკემბრის მდგომარეობით მომზადებული კონსოლიდირებული ფინანსური ანგარიშგების „ფორმა N1-ში“ გრძელვადიანი ფინანსური აქტივებისა და მოთხოვნების ნაშთი არასწორად არის გაზრდილი 76,642,055 ლარით, ხოლო „ფორმა N2-ში“ ხარჯები („გრანტები“) იმავე თანხით შემცირებული.

2016 წელს პრემია-დანამატის ფაქტობრივი ხარჯი დამტკიცებული ბიუჯეტის შესაბამის მაჩვენებელთან შედარებით გაზრდილია სულ 5,523,783 ლარით. ამ მიზნით რესურსი მოზიდულ იქნა სხვა პროგრამებიდან/ქვეპროგრამებიდან, საბიუჯეტო კლასიფიკაციის სხვა მუხლებიდან და ვაკანტური თანამდებობების ხარჯზე: -ვაკანტური თანამდებობების (წლის განმავლობაში ცენტრალურ აპარატში ვაკანტური თანამდებობების რაოდენობამ შეადგინა - 44 , ფონდში - 32, ცენტრში - 11, ხოლო სააგენტოში - 250 ერთეული) ხარჯზე „თანამდებობრივი სარგოს“ მუხლში წარმოქმნილი ეკონომია - 4,439,000 ლარის ოდენობით, და 1,098,000 ლარი გადანაწილებულ იქნა ამავე პროგრამის (35 01) საბიუჯეტო კლასიფიკაციის სხვა მუხლებიდან და სხვა პროგრამებიდან.

მუნიციპალიტეტს სამუშაოების შესრულების ეტაპზე არ ჰქონდა დანერგილი სათანადო კონტროლის მექანიზმები, სამუშაოების დროულ და ხარისხიანად დასრულების უზრუნველსაყოფად. შედეგად, მერიის მიერ შესყიდული სანიაღვრე არხების სამუშაოები დაუსრულებელია, ხოლო ჩაბარებულ სამუშაოებზე მერიას არ აქვს შესაბამისი ექსპერტიზის დასკვნა, რომელიც უზრუნველყოფს ფაქტიურად შესრულებულ სამუშაოებზე ხარისხის რწმუნების მიღებას. მერიას აღნიშნული ხარვეზების გამოსასწორებლად შესაბამისი ღონისძიებები არ გაუტარებია. ამასთან, არ გამოუყენებია ხელშეკრულებით განსაზღვრული საჯარიმო სანქციები, რითაც ზიანი მიადგა მუნიციპალიტეტის ინტერესებს.

ავტომანქანების ტექნიკური მომსახურების შესყიდვის მიზნით შეცვლილ ავტონაწილებზე არ არის იდენტიფიცირებული სატენდერო წინადადებით გათვალისწინებული ქარხნულობა ან/და ორიგინალობა.

2016 წლის 31 დეკემბრის მდგომარეობით მომზადებული კონსოლიდირებული ფინანსური ანგარიშგების „ფორმა N1-ში“ გრძელვადიანი ფინანსური აქტივებისა და მოთხოვნების ნაშთად ასახულია საქართველოს მუნიციპალური განვითარების ფონდის მიერ საქართველოს მთავრობის საპარტნიორო ფონდში („2005 წლის 11 მარტს იაპონიის მთავრობის მიერ საქართველოს მთავრობისათვის გამოყოფილი 300 მილიონი იენის ოდენობის არასაპროექტო გრანტისა და 2006 წლის 16 მარტს იაპონიის მთავრობის მიერ საქართველოს მთავრობისათვის გამოყოფილი 800 მილიონი იენის ოდენობის არასაპროექტო გრანტის ფარგლებში შექმნილი საქართველოს მთავრობის საპარტნიორო ფონდი“) განხორციელებული 4,163,738 ლარის შენატანები, რასთან დაკავშირებითაც ვერ მოვიპოვეთ აქტივად აღიარების დამადასტურებელი პირველადი დოკუმენტაცია და შესაბამისად ვერ მივიღეთ რწმუნება აღნიშნული ფინანსური აქტივის არსებობის შესახებ.

ცენტრის მიერ საბიუჯეტო განაცხადით მოთხოვნილია 300,000 ლარი, საიდანაც დამტკიცდა მხოლოდ 50,000 ლარი. აუდიტის ჯგუფისთვის ვერ იქნა წარმოდგენილი არგუმენტირებული განმარტება, რა კონკრეტულ გარემოებებს და გათვლებს ეფუძნებოდა მოცემული საბიუჯეტო პარამეტრი. ამასთან დაკავშირებით აუდიტის ობიექტის განმარტება ძალიან ზოგადია და მაღალი განუსაზღვრელობით ხასიათდება. ბიუჯეტის დაგეგმვის ეტაპზე არ იყო იდენტიფიცირებული ის ღონისძიებები, რომელთა დასაფინანსებლად იქნებოდა მიმართული აღნიშნული რესურსი. შედეგად, დამტკიცებული რესურსის 83% ფინანსთა სამინისტროს თანხმობით გამოყენებულია სულ სხვა ღონისძიების - ცენტრის თანამშრომელთა პრემიების დასაფინანსებლად;

სამტრედიის მუნიციპალიტეტის შესაბამისმა პასუხისმგებელმა პირებმა არასწორად წარმართეს მოხრეშვითი სამუშაოების შესყიდვის პროცესი, რის გამოც მერიამ 14.0 ათასი ლარი გადაიხადა ინერტულ მასალაში, რომელიც შეეძლო უფასოდ მოეპოვებინა. ასევე, ნაცვლად 7.0 ათასი კბ.მ ხრეშისა, მუნიციპალიტეტმა მხოლოდ 4.5 ათასი კბ.მ ხრეშის შეტანა შეძლო გზის მოსაწყობად. შედეგად 18.0 ათასი ლარი წარმოადგენს არაეკონომიურ ხარჯს, ხოლო პროცესის არასათანადოდ წარმართვის გამო გაცილებით ნაკლები გზა მოეწყო.

ურთიერთშეუსაბამოა, ა(ა)იპ „აგროსერვის ცენტრისა“ და სსიპ - ლაბორატორიული კვლევითი ცენტრის 2015 და 2016 წლების საბალანსო ანგარიშების ნაშთები, რაც თანხობრივად 44,9 ათას ლარს შეადგენს. პროექტის „მდგრადი სოფლის მეურნეობა აჭარაში“ ფარგლებში, ა(ა)იპ „აგროსერვის ცენტრის“ მიერ მიღებული 122,8 ათასი ლარი, „ეკონომიკური საქმიანობით მიღებული სახსრების მოძრაობის შესახებ“ ბალანსის დანართი ფორმა N4-ში ასახვის ნაცვლად, უნდა ასახულიყო „ორგანიზაციის ანგარიში წმინდა ღირებულების შესახებ“ ბალანსის დანართ ფორმა N3-ში.

საქართველოს მუნიციპალური განვითარების ფონდის მიერ 2016 წლის 31 დეკემბრის მდგომარეობით გადაფასებულია უცხოურ ვალუტაში გაცემული ავანსების ნაშთი, რომელიც აღრიცხვის ინსტრუქციის მიხედვით გადაფასებას არ ექვემდებარება. გადაფასების ეფექტმა შეადგინა 1,631,128 ლარი, შესაბამისად 2016 წლის 31 დეკემბრის მდგომარეობით მომზადებულ კონსოლიდირებულ ფინანსურ ანგარიშგებაში შეცდომით არის გაზრდილი „ფორმა N1-ში“ სხვა მოკლევადიანი მოთხოვნები და „ფორმა N4-ში“ არასაოპერაციო შემოსავლები („კურსთა შორის სხვაობით მიღებული შემოსავალი“). ფონდის ფინანსურ ანგარიშგებაში „ფორმა N1-ში“ სხვა მოკლევადიანი კრედიტორული დავალიანებების ნაშთი 1,633,472 ლარით არის გაზრდილი, რაც გამოწვეულია რამდენიმე კრედიტორთან დაკავშირებული პირველადი დოკუმენტაციის ბუღატრულ პროგრამაში დუბლირებით გატარებით. ფინანსური ანგარიშგების მომზადებისას მაკორექტირებელი გატარება არ განხორციელებულა და შედეგად ვალდებულებების ნაშთი არაზუსტი თანხით აისახა 2016 წლის 31 დეკემბრის მდგომარეობით მომზადებულ კონსოლიდირებულ ფინანსურ ანგარიშგებაში. ამავე თანხით გაზრდილია კონსოლიდირებული ფინანსური ანგარიშგების „ფორმა N2-ში“ სხვა ხარჯები.

მივლინება - თავდაპირველად დამტკიცებული ბიუჯეტის საფუძველზე განხორციელებული საბიუჯეტო განწერის მიხედვით, ცენტრალური აპარატის „ქვეყნის გარეთ მივლინების“ მუხლით გათვალისწინებულმა ასიგნებამ შეადგინა 30 000 ლარი, ხოლო დაზუსტებული ბიუჯეტის მიხედვით - 131,720 ლარი, საკასო ხარჯმა ამ მუხლის მიხედვით კი შედგინა 131,720 ლარი, რომელზეც მივლინებული თანამშრომლების მიერ არ არის წარმოდგენილი მოხსენებითი ბარათები (ანგარიშები) მივლინების შედეგების შესახებ, რითაც დადასტურდებოდა მოცემული ხარჯის მიზნობრიობა.

სამტრედიის მერიის მიერ დანერგილმა კონტროლის სისტემამ ვერ უზრუნველყო უხარისხოდ შესრულებული სამუშაოების გამოვლენა რის გამოც ადგილობრივი ბიუჯეტიდან 102.4 ათასი ლარი გადახდილია მშენებლობებში, რომლებიც უხარისხოდაა შესრულებული და დაზიანებულია. მუნიციპალიტეტის შესაბამისმა პასუხისმგებელმა პირებმა არც დაზიანების აღმოჩენის შემდგომ გაატარეს სათანადო სამართლებრივი ღონისძიებები არსებული ხარვეზების აღმოფხვრის მიზნით, მიუხედავად იმისა, რომ ობიექტებს გააჩნდა მოქმედი საგარანტიო ვადა. შედეგად, ზიანი მიადგა თვითმმართველობის ინტერესებს.

ა(ა)იპ „აგროსერვის ცენტრის“ 2016 წლის მოგების გადასახადის დეკლარაციაში ერთობლივი შემოსავლის სახით ფიქსირდება 94,5 ათასი ლარი, რაც 10,4 ათასი ლარით ნაკლებია საბუღატრო აღრიცხვის მონაცემებზე. ა(ა)იპ „აგროსერვის ცენტრის“ 2016 წლის მოგების გადასახადის დეკლარაციაში, ეკონომიკური საქმიანობისათვის გამოყენებული ძირითადი საშუალებების საამორტიზაციო ანარიცხების სახით გამოქვითულია 99,5 ათასი ლარი, რომლის გაანგარიშებაც არ არის განხორციელებული საგადასახადო კოდექსის 111-ე მუხლით დადგენილი ნორმების გათვალისწინებით. ა(ა)იპ „აგროსერვის ცენტრის“ ბალანსზე რიცხული 2860,7 ათასი ლარის ღირებულების ძირითადი აქტივები, ქონების გადასახადით დასაბეგრი ბაზის განსაზღვრის მიზნით, არ არის შეფასებული მათი ეკონომიკურ საქმიანობაში გამოყენების გათვალისწინებით.

საქართველოს საავტომობილო გზების დეპარტამენტის 2016 წლის 31 დეკემბრის მდგომარეობით მომზადებულ ფინანსურ ანგარიშგებაში ასახულია 6,153,398 ლარის ღირებულების მარაგები („სხვა მატერიალური მარაგები“). დეპარტამენტის მიერ ჩატარებული ინვეტარიზაციის აქტში დაფიქსირებული მონაცემების ბუღალტრულ ჩანაწერებთან შედარება შეუძლებელია. გარდა ამისა, ინვენტარიზაციის აქტების მიხედვით, ვერ განხორციელდა შპს „ნიუ-ენერჯის“ ტერიტორიებზე განთავსებული დეპარტამენტის კუთვნილი მარაგების დათვალიერება. ყოველივე ზემოთ აღნიშნულიდან გამომდინარე, ვერ მივიღეთ რწმუნება 2016 წლის 31 დეკემბრის მდგომარეობით მომზადებული კონსოლიდირებული ფინანსური ანგარიშგების „ფორმა N1-ში“ ასახული 6,264,609 ლარის სხვა მატერიალური მარაგების სისრულესა და არსებობაზე. 2016 წლის 31 დეკემბრის მდგომარეობით, დეპარტამენტის ბალანსზე ასახულია ის მიწის ნაკვეთები (არაწარმოებული აქტივები), რომლებიც სსიპ „საჯარო რეესტრის ეროვნული სააგენტოს“ მონაცემებით წარმოადგენს სხვა იურიდიული პირის (შპს „საქართველოს აეროპორტების გაერთიანების“) საკუთრებას - ჯამური ღირებულებით 120,589 ლარი. აღრიცხვის ინსტრუქციის შესაბამისად, „არაფინანსური აქტივებით ოპერაციები აღრიცხვაში აისახება მაშინ, როდესაც ხდება არაფინანსურ აქტივებზე საკუთრების უფლების მოპოვება ან დათმობა“. შესაბამისად, აღნიშნული აქტივები ანგარიშგებაში ასახვის კრიტერიუმს არ აკმაყოფილებს.

ახმეტის მუნიციპალიტეტის სოფელ დუისში, გადაუდებელი სამედიცინო დახმარების ცენტრის მშენებლობისათვის საჭირო საპროექტო სახარჯთაღრიცხვო მომსახურების შესყიდვის მოსამზადებელ ეტაპზე ბაზრის კვლევის განხორციელების მიზნით, შეთავაზება გაეგზავნა 8 პროფილურ და გამოცდილ კომპანიას, საიდანაც მხოლოდ 5-მა წარმოადგინა წინადადება. 2016 წლის 19 მაისს გამარტივებული წესით გაფორმდა ხელშეკრულება შპს „გრგ ჯგუფთან“, რომელიც არ ფიგურირებდა ბაზრის კვლევაში მონაწილე კომპანიებს შორის და რომელსაც შესყიდვების სააგენტოს ვებგვერდზე მოძიებული ინფორმაციის მიხედვით, გააჩნდა მხოლოდ სარწყავი და სასმელი წყლის ქსელების რეაბილიტაციის სამუშაოების (ჯამური ღირებულებით 71,394 ლარი) შესრულების გამოცდილება. საკონტრაქტო ღირებულებამ შეადგინა 20,000 ლარი, რომელიც 800 ლარით ნაკლები იყო ბაზრის კვლევის ეტაპზე შპს „მედპროექტის“ მიერ შემოთავაზებულ ფასზე.

იანეთის საბავშვო ბაღის რეაბილიტაციის პროექტის დაგეგმვისას მუნიციპალიტეტის პასუხისმგებელ პირებს უნდა უმსჯელიათ თუ რა სახის რეაბილიტაცია ესაჭიროებოდა შენობას, იყო თუ არა საყურადღებო კედელზე არსებული ბზარი და შემდეგ ჩაეტარებინათ შესაბამისი სამუშაოები. მუნიციპალიტეტმა არ განიხილა პროექტის განხორციელებასთან დაკავშირებული რისკები. შედეგად, ბაღის შენობა ავარიულ მდგომარეობაშია, არ ფუნქციონირებს და მის რეაბილიტაციაში გადახდილი 19.1 ათასი ლარი წარმოადგენს არამიზნობრივ ხარჯს.

აჭარის ავტონომიური რესპუბლიკის სოფლის მეურნეობის სამინისტროს 2016 წლის ქვეპროგრამის - „მრავალწლიანი ხეხილოვანი კულტურების ბაღების გაშენება ფერმერულ მეურნეობაში“ ფარგლებში, სახელმწიფო შესყიდვების არასათანადოდ და არათანმიმდევრულად განხორციელების შედეგად, 2016 წელს ვერ მოხერხდა პროგრამის სრულყოფილად განხორციელება და შესაბამისად ვერ იქნა უზრუნველყოფილი დაგეგმილი შედეგების მიღება. სსიპ -ლაბორატორიული კვლევითი ცენტრის მიერ, 9 შემთხვევაში, გამოცხადებული გამარტივებული ელექტრონული ტენდერის პირობებით, წინადადების წარმოდგენა დღგ-ს გარეშე იქნა გათვალისწინებული. შედეგად, გამარჯვებული პრეტენდენტის სატენდერო წინადადების ღირებულება საერთო ჯამში 17,4 ათასი ლარით გაიზარდა. აუდიტის პერიოდში ვერ იქნა წარმოდგენილი დოკუმენტები, ხელშეკრულების გაფორმების მომენტისათვის გამარჯვებული პრეტენდენტების დღგ-ის გადამხდელად რეგისტრაციასთან დაკავშირებით.

საანგარიშგებო პერიოდში სსიპ საქართველოს მუნიციპალური განვითარების ფონდმა ერთ-ერთ კომპანიას დააკისრა სანქცია 1,250,000 ა.შ.შ დოლარის ოდენობით (3,354,625 ლარი ). აღნიშნული თანხა და მსგავსი შინაარსის მქონე სხვა სანქციები (ჯამური თანხით 354,100 ლარი) შემოსავლების მუხლში აღიარების ნაცვლად აისახა კაპიტალის ანგარიშზე, რაც ეწინააღმდეგაბა აღრიცხვის ინსტრუქციის მოთხოვნებს. შედეგად, 2016 წლის 31 დეკემბრის მდგომარეობით მომზადებული კონსოლიდირებული ფინანსური ანგარიშგების „ფორმა N2-ში“ შემოსავლები შემცირებულია 3,708,725 ლარით.

სოფელ დუისში, გადაუდებელი სამედიცინო დახმარების ცენტრის მშენებლობისათვის მიწის ნაკვეთის სამშენებლოდ გამოყენების პირობების შეთანხმების ეტაპზე ახმეტის მუნიციპალიტეტის მიერ გაცემული არქიტექტურულ-გეგმარებით დავალებაში არ იყო გათვალისწინებული მშენებლობისთვის ხელშემშლელი ფაქტორი, კერძოდ: წყლის ცენტრალური მაგისტრალის 600 მმ მილის არსებობა, რითაც მარაგდებოდა ახმეტის მუნიციპალიტეტის სოფლები და რომელზეც პროექტით გათვალისწინებული იყო შენობა-ნაგებობის სამშენებლო სამუშაობის განხორციელება. პრობლემა გამოვლინდა უშუალოდ მშენებლობის პროცესში, რის გამოც საჭირო გახდა ნაგებობის მშენებლობის გადაწევა 8 მეტრით და შესაბამისად, წითელი ხაზების ცვლილება. აღნიშნულმა მოითხოვა დამატებითი სამუშაოების განხორციელება, რამაც, თავის მხრივ, განაპირობა სამუშაოების დასრულების ვადების გაჭიანურება და კონტრაქტის ღირებულების ზრდა 31 073 ლარით.

ბორანის დაზიანება მნიშვნელოვნად აფერხებდა სოფლის მოსახელობის სავარგულებამდე გადაადგილებას. შესაბამისად, მერია ვალდებული იყო წარმოქმნილი პრობლემები უმოკლეს ვადაში მოეგვარებინა. მიუხედავად ამისა, ერთ წელზე მეტია საბორნე მასალა გამოუყენებელი და დასაწყობებულია, რითაც ზიანი ადგება მუნიციპალიტეტის ინტერესებს.

რიგ შემთხვევებში არასწორად არის მითითებული ქვეპროგრამის შედეგების გაზომვისათვის საჭირო ინფორმაციის მოგროვების მეთოდები; სამინისტროს 2016 წლის პროგრამების მაღალი რესურსტევადობის მიუხედავად, ადგილი აქვს ერთი და იმავე პირის მიერ ორ და სამ პროგრამაში ბენეფიციარად მონაწილეობის ფაქტებს. რიგ შემთხვევებში ადგილი აქვს საქონლის მიღება-ჩაბარების აქტების არასრულად შედგენისა და თანაგადახდის თანხის დაგვიანებით გადახდის ფაქტებს. 2016 წლის ქვეპროგრამების შედეგების ანგარიშების ანალიზით დადგენილია, რომ რიგ შემთხვევებში, ქვეპროგრამების ფაქტობრივი შედეგები, დაუდასტურებელი მონაცემების საფუძველზე კეთდება. ამასთან, ადგილი აქვს შედეგების შეუფასებლობის ფაქტებსაც. სამინისტროს მიერ, 2016 წელს ჩატარებულია 2013-2014 წლების პროგრამების შესრულების მიმდინარეობის მონიტორინგი. წარმოდგენილი ანგარიშების შესაბამისად, გამოკითხულია ბენეფიციართა 35 პროცენტი, რომელთა მონაცემების განზოგადება მოხდა მთლიან პროგრამებზე, თუმცა აღნიშნულ ანგარიშებში არ არის მითითებული ინფორმაცია შერჩევის მეთოდის შესახებ. ამასთან, 2015 წლის პროგრამების მიმდინარეობის მონიტორინგი არ არის განხორციელებული, რის გამოც ვერ მოხდა კონკრეტული მიმართულებით მიღებული შედეგების შეფასება და დამტკიცებულ ინდიკატორებთან მათი შედარება.

ფონდის 2016 წლის ფინანსური ანგარიშგებაში „ფორმა N2-ში“ სხვა ხარჯების ნაშთში ასახულია 22,052,537 ლარის ხარჯი, საიდანაც ფონდის მიერ გახარჯული თანხა შეადგენს 1,156,963 ლარს, ხოლო დანარჩენი 20,895,573 ლარი წარმოადგენს დონორის მიერ განხორციელებულ პირდაპირ ჩარიცხვებს სხვადასხვა არასამთავრობო ორგანიზაციებისთვის, რომლებიც ახორციელებდნენ ფაქტობრივ ხარჯვას და არ არიან ანგარიშვალდებულნი სამინისტროს აპარატის ან/და ფონდის წინაშე. 20,895,573 ლარის ხარჯებთან დაკავშირებით, 2016 წლის 31 დეკემბრის მდგომარეობით მომზადებული კონსოლიდირებული ფინანსური ანგარიშგების განმარტებით შენიშვნებში არ არის აღწერილი შესაბამისი გარემოებები, რაც არ შეესაბამება აღრიცხვის ინსტრუქციას .

სოფელ დუისში, გადაუდებელი სამედიცინო დახმარების ცენტრის მშენებლობისთვის საშემსყიდველო პროცესში მიღებული გადაწყვეტილებებით სახელმწიფოებრივი და საზოგადოებრივი მნიშვნელობის ობიექტის, რომლის შეზღუდულ ვადებში დასრულების პრიორიტეტულობა განისაზღვრა მთავრობის სამართლებრივი აქტით, ხელშეკრულებით მიწოდების ვადების დარღვევისათვის გათვალისწინებული იყო დისკრეციის მიზნებთან შეუსაბამო სანქცია - 0,01% ოდენობით, ყოველ ვადაგადაცილებულ დღეზე. კონტრაქტით სამუშაოების მიწოდების საბოლოო ვადად განსაზღვრული იყო 2016 წლის 27 დეკემბერი. წარმოდგენილი მტკიცებულებების (შპს „მშენექსპერტის“ და ლევან სამხარაულის სახელობის სასამართლო ექსპერტიზის ეროვნული ბიუროს საექსპერტო დასკვნები, ინსპექტირების ჯგუფის მიერ განხორციელებული მონიტორინგის შედეგები) მიხედვით, მოცემული თარიღისათვის ფაქტობრივად შესრულებულმა სამუშაოების ღირებულებამ შეადგინა 655,007 ლარი, სახარჯთაღრიცხვო ღირებულების 94%. მიწოდების ვადის დარღვევისათვის მიმწოდებელს დაეკისრა პირგასამტეხლო და სამუშაოთა დასრულებისათვის მიეცა ვადა 2017 წლის 25 თებერვლამდე. შპს „ყვარელმშენ 52-ის“ მიერ ამ პერიოდში მხოლოდ ნაწილობრივ იქნა უზრუნველყოფილი ვალდებულებების შესრულება, რის შემდეგაც სამინისტრომ ცალმხრივად შეწყვიტა ხელშეკრულება და სასამართლოში შეიტანა სარჩელი მისთვის 88,729 დაკისრების თაობაზე (სასარჩელო მოთხოვნის მოცულობა). მშენებლობის დაწყებიდან წელიწადისა და 6 თვის შემდეგ მშენებლობა დაუსრულებელია.

2016 წლის 1 იანვრის მდგომარეობით, სამტრედიის მუნიციპალიტეტს ნაშთის სახით ერიცხებოდა 805.9 ათასი ლარი, რომლიდანაც წლის განმავლობაში 781.1 ათასი ლარის ხარჯვა დაიგეგმა, თუმცა 2016 წელს ფულადი სახსრების დაგროვებით გამოწვეულმა მატებამ 768.5 ათასი ლარი შეადგინა და წლის ბოლოს დაფიქსირდა ნაშთი 1,574.5 ათასი ლარი. 2017 წელს მუნიციპალიტეტმა დაგეგმა 1,573.9 ათასი ლარის ნაშთის გამოყენება, მიუხედავად ამისა წლის განმავლობაში ნაშთის ცვლილებით გამოწვეული ფულადი სახსრების დაგროვებამ (მატება) შეადგინა 1,638.5 ათასი ლარი, ხოლო წლის ბოლოს არსებული ნაშთი − 3,213.0 ათასი ლარი იყო. მუნიციპალიტეტის სახაზინო ანგარიშზე ნაშთის დაგროვება ძირითადად გამოწვეულია ინფრასტრუქტურული პროექტების შეუსრულებლობით. 2016 წელს ინფრასტრუქტურული პროექტების შესრულების მაჩვენებელი 86%-ია, ხოლო 2017 წელს აღნიშნული მონაცემი მნიშვნელოვნად გაუარესდა და 73%-მდე შემცირდა. როგორც მონაცემებიდან ჩანს, საბიუჯეტო სახსრების ათვისების მაჩვენებელი დინამიკაში წლიდან წლამდე უარესდება, რაც მმართველობითი გადაწყვეტილებების არაეფექტიანობაზე მიანიშნებს.

სამინისტროს კონსოლიდირებული ფინანსური ანგარიშგების განმარტებით შენიშვნებში არ არის ასახული სამინისტროს მიერ კონტროლირებული შპს „სპორტმშენსერვისის“ კრებსითი ფინანსური ინფორმაცია, აქტივების, ვალდებულებების, ნამეტისა და დეფიციტის ჯამური თანხების ჩათვლით.

2013 წლის 5 დეკემბერს საქართველოს საავტომობილო გზების დეპარტამენტმა, რუისი-რიკოთის მონაკვეთზე ავტობანის მშენებლობის საჭიროებისთვის, კერძო სამართლის იურიდიული პირისგან კომპენსაციის სახით შეისყიდა 1,393,000 ლარის ღირებულების აქტივები (10 ცალი თხევადი გაზის რეზერვუარი და სხვადასხვა მაკომპლექტებელი მასალები). კომპენსაციის თანხა განისაზღვრა შპს „დამოუკიდებელ შემფასებელთა და აუდიტორთა კომპანია აუდიტესკორტის“ 2013 წლის 3 ივნისით დათარიღებული დასკვნის საფუძველზე. ანგარიშის მიხედვით საბაზრო ღირებულება განისაზღვრა შეფასების საერთაშორისო სტანდარტების შესადარისი გაყიდვების შედარების ანალიზის მეთოდით. შესაფასებელი ობიექტის ანალოგები (3 ანალოგი) მოძიებულ იქნა უცხო ქვეყნის ბაზარზე, რაც ანგარიშში დასაბუთებულია საქართველოს ბაზარზე ინფორმაციის არარსებობით და შესაბამისი კორექტირებების გამოყენებით გაანგარიშდა საბაზრო ღირებულება. დეპარტამენტმა 2016 წელს აღნიშნული აქტივები განსაკარგავად გადასცა სსიპ „საქართველოს ფინანსთა სამინისტროს მომსახურების სააგენტოს“, რომელმაც 2016 წლის 27 მაისის დასკვნის საფუძველზე შეაფასა 280,640 ლარად. ანგარიშის მიხედვით საბაზრო ღირებულება განისაზღვრა თავისუფალ წყაროზე განთავსებული მსგავსი პროდუქციის საფუძველზე და არ არის მითითება რაიმე კორექტირებების გათვალისწინებაზე. ჩვენ ვერ მოვიძიეთ ანგარიშში მითითებული თავისუფალი წყარო (ვებსაიტი). მოქმედი კანონმდებლობით დადგენილი ფასდაკლებების ნორმების გათვალისწინებით ელექტრონული აუქციონის წესით რეალიზაციის შედეგად მიღებულმა თანხამ შეადგინა 149,095 ლარი, რაც დეპარტამენტის მიერ იმავე აქტივში გადახდილ თანხასთან შედარებით 1,243,905 ლარით ნაკლებია და სხვაობით მიღებული ზარალი ბუღალტრულად არც ერთ ორგანიზაციაში არ აისახა.

სოფელ დუისში, გადაუდებელი სამედიცინო დახმარების ცენტრის მშენებლობისთვის საშემსყიდველო პროცესში მიღებული გადაწყვეტილებების და კონტოლის მექანიზმების არაეფექტიანობამ გამოიწვია მშენებლობის გაჭიანურება (დღემდე მშენებლობა დაუსრულებელია). კერძოდ: • სატენდერო დოკუმენტაციით განსაზღვრული იყო ქვეკონრაქტორების არსებობის შესაძლებლობა, მაგრამ არ იყო რეგლამენტირებული პროექტის მთლიან მოცულობაში ქვეკონტრაქტორების მიერ შესასრულებელი სამუშაოს მოცულობა და სახე. ამ შემთხვევაში მომწოდებელს უნდა წარმოედგინა ინფორმაცია ქვეკონტრაქტორის მიერ შესრულებული ანალოგიური სამუშაოების არანაკლებ 2-წლიანი გამოცდილების შესახებ. შპს „ყვარელმშენ 52-ს“ არ გაუმჟღავნებია ქვეკონტრაქტორების არსებობა და შესაბამისად, არ წარმოუდენია მათი გამოცდილების შესახებ ინფორმაცია. რეალურად კი სამუშაოთა სრული მოცულობა შესრულებულია ქვეკონტრაქტორ შპს „კვარფორტეს“ მიერ, რომელსაც შესყიდვების სააგენტოს ვებგვერდზე მოძიებული ინფორმაციით, არ გააჩნდა არანაირი გამოცდილება მშენებლობის სფეროში. შპს „ყვარელმშენ 52-სა“ და შპს „კვარფორტეს“ შორის გაფორმებული ხელშეკრულების პირობით , შპს „ყვარელმშენ 52-ის“ მომსახურების სანაცვლოდ, კომპენსაცია შეადგენდა 26,757 ლარს. იმ პრაქტიკის გათვალისწინებით, რომ ხარჯთაღრიცხვა მზადდება (გათვლილია) სამუშაოთა უშუალოდ შემსრულებლისათვის და მასში არ არის გათვალისწინებული გენერალური მოიჯარის საკომისიო მარჟა, გარკვეული სახის სამუშაოები არაჯეროვნად (უხარისხოდ) და ვადების გაჭიანურებით, ხოლო ზოგიერთი სახის სამუშაო საერთოდ არ შესრულდა;

მუნიციპალიტეტი ყველა საიჯარო ხელშეკრულების ფარგლებში ვერ ახდენდა ქირის მიღებას. იმ მოიჯარეებზე რომლებიც არ ასრულებდნენ ხელშეკრულებით ნაკისრ ვალდებულებებს არ არის დარიცხული შესაბამისი პირგასამტეხლო. შედეგად სამტრედიის მერიის შესაბამისი პასუხისმგებელი პირების ქმედებით თუ უმოქმედობით ადგილობრივმა ბიუჯეტმა ვერ მიიღო 30.3 ათასი ლარის შემოსავალი.

საჯარო რეესტრის ამონაწერების მიხედვით მიწის ნაკვეთებით მოსარგებლე წარმოადგენს სამინისტრო თუმცა ისინი ბუღალტრულად აღრიცხულია ნულოვანი ღირებულებით

განსახლებებთან დაკავშირებით საქართველოს მუნიციპალური განვითარების ფონდსა და ბენეფიციარებს შორის გაფორმებელ შეთანხმებებს, აქტებსა და ხელშეკრულებებს ხელს აწერს ფონდის მინდობილი პირი. 2015 წლის 20 ივლისს მინიჭებულ მინდობილობას ძალა ჰქონდა 2015 წლის 31 დეკემბრამდე, განახლებული მინდობილობა დათარიღებულია 2016 წლის 6 მაისით. შესაბამისად, ბუღალტრული ჩანაწერების მიხედვით აღნიშნულ შუალედში (2016 წლის 1 იანვრიდან-2016 წლის 5 მაისის ჩათვლით) განხორციელებულ ტრანზაქციებზე (3,146,978 ლარი) დაფიქსირდა არაუფლებამოსილი პირის ხელმოწერა. აღნიშნულ პერიოდში ფიზიკური და იურიდიული პირებისგან შესყიდული უძრავი ქონება საჯარო რეესტრის ეროვნული სააგენტოს ამონაწერების მიხედვით დარეგისტრირებულია სახელმწიფოს საკუთრებაში.

ქ. ზუგდიდში სკრინინგცენტრის მშენებლობისთვის საჭირო საპროექტო/საექსპერტო მომსახურების და სამშენებლო სამუშაოების შესყიდვასთან დაკავშირებული ნაკლოვანებები: -სამინისტრო სკრინინგცენტრის სამშენებლო სამუშაოების შეზღუდულ ვადებში განხორციელების მიზნით, გამარტივებული წესით შესყიდვის განხორციელების უფლებამოსილების მოპოვების მიზნით, ღონისძიების შეზღუდულ ვადებში განხორციელების აუცილებლობის დასაბუთებაში მითითებული გარემოებები არ შეესაბამება ფაქტობრივ გარემოებებს - პროექტით გათვალისწინებული სამშენებლო სამუშაობის ხანგრძლივობა განისაზღვრა 12 თვით. სამინისტროს მიერ შესყიდვების სააგენტოსადმი წარდგენილ დასაბუთებაში სამუშაოების დასრულების ვადად მითითებული აქვს 3-3.5 თვე. -გამარტივებული შესყიდვის საშუალებით სკრინინგცენტრის მშენებლობა შეზღუდულ ვადებში ვერ განხორციელდა: 1. 2016 წლის 12 ივლისს სამშენებლო სამუშაოების შესყიდვაზე ხელშეკრულება გაფორმდა შპს „ფუნდაშენთან“ და კონტრაქტის ღირებულებამ შეადგინა 1,023,594 ლარი. მიწოდების საბოლოო ვადად განისაზღვრა 2016 წლის 31 ნოემბერი (4,5 თვე), სამუშაოების ფაქტობრივი მიწოდება კი განხორციელდა 2017 წლის 20 ივნისს (11 თვის შემდეგ); 2. პროექტის ტექნიკური დავალებით და მის საფუძველზე შედგენილი თავდაპირველი ხარჯთაღრიცხვით არ იყო გათვალისწინებული ახალი სამუშაოები და მოცულობები (ღირებულებით - 245 963 ლარი), რომლის შესრულებაც დადასტურდა ლევან სამხარაულის სახელობის სასამართლო ექსპერტიზის ეროვნული ბიუროს დასკვნით და რომელიც არ იყო შეთანხმებული ხელშეკრულებით. აღნიშნული ფაქტი მიუთითებს დაპროექტების და სამშენებლო პროცესის მონიტორინგის ნაკლოვანებებზე, რამაც, თავის მხრივ, გამოიწვია მშენებლობის ვადების გაჭიანურება; 3. აღნიშნული პროექტი სრულად შესრულებულია ქვეკონტრაქტორების მიერ, ამასთანავე, ქვეკონტრაქტორებთან გაფორმებული ხელშეკრულებები ითვალისიწინებდა მენარდის ვალდებულებას (ქვეკონტრაქტორი) - შესრულებული სამუშაოს ღირებულების 4%-ის გადახდას დამკვეთისთვის (შპს „ფუნდაშენი“), რომელმაც შეადგინა 40,944 ლარი. არსებული პრაქტიკის მიხედვით, ხარჯთაღრიცხვა მზადდება (გათვლილია) სამუშაოთა უშუალოდ შემსრულებლისათვის და მასში არ არის გათვალისწინებული გენერალური მოიჯარის საკომისიო მარჟა. აღნიშნულმა ნაწილობრივ იმოქმედა მშენებლობის ხარისხზე, კერძოდ, მშენებლობის პროცესში ინსპექტირების შედეგად გამოვლინდა უხარისხოდ შესრულებული სამუშაო, რომლის გამოსწორებაც გახდა მშენებლობის გაჭიანურების ერთ-ერთი მიზეზი.

მუნიციპალიტეტმა არ დაიცვა მოქმედი კანონმდებლობით დადგენილი მოთხოვნები, რომლებიც მიმართულია საჯარო ფინანსების რაციონალური ხარჯვისკენ და მისი შესრულება მუნიციპალიტეტისათვის სავალდებულოა. მერიამ შტატგარეშე თანამშრომლების ნაწილი დაიქირავა მუდმივ ამოცანათა შესასრულებლად. შედეგად, სამტრედიის მუნიციპალიტეტის (შესაბამისი პასუხისმგებელი პირების) მიერ არ არის დაცული კანონით დადგენილი მოთხოვნები.

კონსოლიდირებულ ფინანსურ ანგარიშგებაში გრძელვადიანი არაფინანსური აქტივების როგორც საწყისი, ასევე საბოლოო ნაშთი შემცირებულად არის წარმოდგენილი.

საქართველოს მუნიციპალური განვითარების ფონდის ფინანსურ ანგარიშგებაში ასახულია ქ. ფოთის მუნიციპალიტეტის მიმართ არსებული დებიტორული დავალიანება 2,143,360 ლარის ოდენობით, რომელიც წარმოშობილია შესაბამისი სასესხო ხელშეკრულებების საფუძველზე და წარმოადგენს ვადაგადაცილებულ მოთხოვნას, რადგან მუნიციპალიტეტმა უარი განაცხადა ვალდებულების აღიარებაზე. ფონდის ფინანსურ ანგარიშგებაში ასევე ასახულია შპს „საქართველოს წყალმომარაგების კომპანიის“ მიმართ ვადაგადაცილებული დებიტორული დავალიანება 3,447,644 ლარის ოდენობით. ამჟამად ფონდის მიერ მიმდინარეობს შესაბამისი ღონისძიებები აღნიშნული დავალიანებების ამოღებასთან დაკავშირებით. საქართველოს საავტომობილო გზების დეპარტამენტს აღრიცხული აქვს სს „საგზაო კომპანია თბილისის“ მიმართ დებიტორული დავალიანება 5,337,341 ლარის ოდენობით, რომელიც წარმოადგენს 2015 წლის 30 იანვარს გაცემულ ავანსს. აღნიშნულ ვადაგადაცილებულ დავალიანებასთან მიმართებით მიმდინარეობს სასამართლო დავა.

ქ. ზუგდიდში სკრინინგცენტრის სამშენებლო სამუშაოების შეზღუდულ ვადებში განხორციელების მიზნით, გამარტივებული წესით შესყიდვის განხორციელების უფლებამოსილების მოპოვების მიზნით, ღონისძიების შეზღუდულ ვადებში განხორციელების აუცილებლობის დასაბუთებაში მითითებული გარემოებები არ შეესაბამება ფაქტობრივ გარემოებებს, კერძოდ: პროექტის სახარჯთაღრიცხვო ღირებულება შეადგენდა 1,023,951 ლარს, ხოლო პროექტით გათვალისწინებული სამშენებლო სამუშაობის ხანგრძლივობა განისაზღვრა 12 თვით. სამინისტროს მიერ შესყიდვების სააგენტოსადმი წარდგენილ დასაბუთებაში სამუშაოების დასრულების ვადად მითითებული აქვს 3-3.5 თვე.

სამტრედიის მუნიციპალიტეტს არ აქვს მიღებული წესი, სადაც განსაზღვრული იქნებოდა ავტოსატრანსპორტო საშუალებების ზღვრული ოდენობა და ავტოპარკის განაწილების ფორმა. 2016-2017 წლებში სამტრედიის მუნიციპალიტეტი სამსახურებრივი უფლებამოსილების განსახორციელებლად იყენებდა ბალანსზე რიცხულ 4 ავტომანქანას. გარდა ამისა მუნიციპალიტეტი სარგებლობდა თანამშრომლების საკუთრებაში არსებული ავტომანქანებით, რომელთა რაოდენობა 2016-2017 წლებში, თვეების მიხედვით იყო 8-9 ავტომობილი. აღნიშნული ავტომანქანების ექსპლუატაციისათვის, დამტკიცებული საწვავის მოხმარების ლიმიტების შესაბამისად, 2016-2017 წლებში დახარჯულია 104.5 ათასი ლარი. მუნიციპალიტეტის საკუთრებაში არსებული ავტომობილების რაოდენობა არ აღემატება მთავრობის რეკომენდაციით განსაზღვრულ მოცულობებს, იჯარით აყვანილი ავტომობილების გათვალისწინებით მერია მხოლოდ მცირედით აჭარბებს რეკომენდირებულ რაოდენობას.

სსიპ საქართველოს ფიზიკური აღრზდისა და სპორტის სახელმწიფო სასწავლო უნივერსიტეტის მიერ სწავლებიდან მიღებული შემოსავლების აღრიცხვა ხორციელდება სწავლის საფასურის გადახდების მიხედვით, ანუ საკასო მეთოდით, მაშინ როდესაც N429 ბრძანებით დამტკიცებული ინსტრუქციის მიხედვით, მომსახურებიდან შემოსავლების აღრიცხვა უნდა განხორციელდეს დარიცხვის მეთოდით

სამინისტროს აპარატის და საქართველოს საავტომობილო გზების დეპარტამენტის ყველა თანამშრომელს დანიშნული აქვს ყოველთვიური დანამატი (შესაბამისად მინისტრის და დეპარტამენტის თავჯდომარის ბრძანებით). სამინისტროს სისტემაში თანამშრომლებზე სულ 2016 წელს „შრომის ანაზღაურების“ მუხლით გაწეულია 11,818,119 ლარის საკასო ხარჯი, მათ შორის დანამატი 1,909,454 ლარი, რაც „შრომის ანაზღაურების“ მუხლით გაწეული საკასო ხარჯის 16.2%-ს შეადგენს. საბიუჯეტო კლასიფიკაციის მიხედვით დანამატის კატეგორია მოიცავს არასამუშაო საათებში, ღამის ცვლაში, სადღესასწაულო და დასვენების დღეებში მუშაობისათვის განკუთვნილ დამატებით საზღაურს და კანონმდებლობით გათვალისწინებულ ნებისმიერ სხვა დანამატს, მათ შორის განსაკუთრებით საპასუხისმგებლო ფუნქციური დატვირთვის საზღაურს. ხოლო ერთი ბრძანების საფუძველზე წინასწარ მთელი წლის განმავლობაში დანამატის დანიშვნა თანამდებობრივი სარგოს ხასიათს უფრო ატარებს, ვიდრე დანამატის, რაც გამართლებულ პრაქტიკად ვერ ჩაითვლება. დანამატების გაცემის არსებული პრაქტიკა ვერ უზრუნველყოფს შრომის ანაზღაურების სათანადო გამჭვირვალობას, ვინაიდან ბრძანებები ზოგადია და არ არის სათანადოდ დასაბუთებული.

გამარტივებული შესყიდვის საშუალებით სკრინინგცენტრის მშენებლობა შეზღუდულ ვადებში ვერ განხორციელდა: -2016 წლის 12 ივლისს სამშენებლო სამუშაოების შესყიდვაზე ხელშეკრულება გაფორმდა შპს „ფუნდაშენთან“ და კონტრაქტის ღირებულებამ შეადგინა 1,023,594 ლარი. მიწოდების საბოლოო ვადად განისაზღვრა 2016 წლის 31 ნოემბერი (4,5 თვე), სამუშაოების ფაქტობრივი მიწოდება კი განხორციელდა 2017 წლის 20 ივნისს (11 თვის შემდეგ); - სახელმწიფოებრივი და საზოგადოებრივი მნიშვნელობის ობიექტის, რომლის შეზღუდულ ვადებში დასრულების პრიორიტეტულობა დადგინდა მთავრობის სამართლებრივი აქტით, მიწოდების ვადების დარღვევისათვის განისაზღვრა არაპროპორციული სანქცია 0,01%-ის ოდენობით, ყოველ ვადაგადაცილებულ დღეზე; -პროექტის ტექნიკური დავალებით და მის საფუძველზე შედგენილი თავდაპირველი ხარჯთაღრიცხვით არ იყო გათვალისწინებული ახალი სამუშაოები და მოცულობები (ღირებულებით - 245 963 ლარი), რომლის შესრულებაც დადასტურდა ლევან სამხარაულის სახელობის სასამართლო ექსპერტიზის ეროვნული ბიუროს დასკვნით და რომელიც არ იყო შეთანხმებული ხელშეკრულებით. აღნიშნული ფაქტი მიუთითებს დაპროექტების და სამშენებლო პროცესის მონიტორინგის ნაკლოვანებებზე, რამაც, თავის მხრივ, გამოიწვია მშენებლობის ვადების გაჭიანურება; -პროექტი სრულად შესრულებულია ქვეკონტრაქტორების მიერ, ამასთანავე, ქვეკონტრაქტორებთან გაფორმებული ხელშეკრულებები ითვალისიწინებდა მენარდის ვალდებულებას (ქვეკონტრაქტორი) - შესრულებული სამუშაოს ღირებულების 4%-ის გადახდას დამკვეთისთვის (შპს „ფუნდაშენი“), რომელმაც შეადგინა 40,944 ლარი. არსებული პრაქტიკის მიხედვით, ხარჯთაღრიცხვა მზადდება (გათვლილია) სამუშაოთა უშუალოდ შემსრულებლისათვის და მასში არ არის გათვალისწინებული გენერალური მოიჯარის საკომისიო მარჟა. აღნიშნულმა ნაწილობრივ იმოქმედა მშენებლობის ხარისხზე, კერძოდ, მშენებლობის პროცესში ინსპექტირების შედეგად გამოვლინდა უხარისხოდ შესრულებული სამუშაო, რომლის გამოსწორებაც გახდა მშენებლობის გაჭიანურების ერთ-ერთი მიზეზი.

2016 წელს ბაღდათის მუნიციპალიტეტმა ტენდერის საშუალებით, ორი ხელშეკრულების ფარგლებში, შეისყიდა სოფელ დიმში, ხანსა და ფერსათში საბავშვო ბაღების სამშენებლო სამუშაოები, საერთო ღირებულებით - 609.6 ათასი ლარი. ასევე, სტიქიის სალიკვიდაციო პროგრამის ფარგლებში შეისყიდა სოფელ წითელხევში (კოტორეიშვილების უბანი), გაბიონის მოწყობის სამუშაოები, ღირებულებით 18.9 ათასი ლარი . აუდიტის ჯგუფმა ადგილზე დაათვალიერა შესრულებული სამუშაოები. დათვალიერების შედეგად გამოვლინდა, რომ სამუშაოები შესრულებულია უხარისხოდ. შედეგად, ინფრასტრუქტურული პროექტები, ღირებულებით 628.5 ათასი ლარი, ნაწილობრივ დაზიანებულია და საჭიროებს დამატებით სარეაბილიტაციო სამუშაოებს.

სამტრედიის მუნიციპალიტეტმა (შესაბამისმა პასუხისმგებელმა პირებმა) 2016-2017 წლებში მუნიციპალიტეტის საკრებულოს არათანამდებობის პირებზე ხარჯების ასანაზღაურებლად 121.4 ათასი ლარი გასცა შესაბამისი დოკუმენტური დადასტურების გარეშე, საბიუჯეტო პროცესთან დაკავშირებული მარეგულირებელი საკანონმდებლო ნორმების შეუსაბამოდ.

ა(ა)იპ „ფეხბურთის განვითარების ფონდის“ მიერ სახელფასო ფონდის განსაზღვრისას არ არის გათვალისწინებული საქართველოს საბიუჯეტო კოდექსის მე-7 მუხლის მე-5 პუნქტის მოთხოვნები, რის შედეგადაც ადგილი აქვს საქართველოს 2016 წლის სახელმწიფო ბიუჯეტის შესახებ კანონის 22-ე მუხლით განსაზღვრული შეზღუდვების უგულებელყოფას .

საქართველოს საავტომობილო გზების დეპარტამენტის მიერ 2016 წელს შესყიდულ იქნა მაღალი გამავლობის მსუბუქი ავტომანქანა , რომელიც არ შეესაბამება საქართველოს მთავრობის N121 დადგენილებით განსაზღვრულ მოთხოვნებს. კერძოდ, შესყიდვის პროცედურებით (შესყიდვა განხორციელდა ფასთა გამოკითხვის მეთოდით - დონორის დაფინანსება) არ არის დადგენილი ავტომანქანის ზღვრული ფლობის ღირებულება. ტექნიკური მახასიათებლების მიხედვით, შესყიდული ავტომანქანა შეესაბამება ზემოაღნიშნული დადგენილებით განსაზღვრული მაღალი გამავლობის ავტომანქანების კლასი II-ს, რომლის ზღვრული ფლობის ღირებულება არ უნდა აღემატებოდეს 26,500 ა.შ.შ დოლარის ექვივალენტს ლარში (63,759 ლარი 28 დეკემბრის მდგომარეობით). თუმცა, შესყიდული ავტომანქანის მაჩვენებლების გათვალისწინებით, მისი ზღვრული ფლობის ღირებულება შეადგენს 72,070 ლარს (სერვისის გაუთვალისიწნებლად), რაც აღემატება დადგენილებით განსაზღვრულს.

ცენტრის მიერ 2016 წლის 17 ოქტომბერს ანტირაბიული იმუნოგლობულინის მრავალწლიან შესყიდვაზე გამოაცხადებულ ელექტრონულ ტენდერში გამარჯვებულად გამოვლინდა შპს „ეი-ბი-სი ფარმაცია“, გამარჯვებული პრეტენდენტის მიერ შეთავაზებული იყო ანტირაბიული იმუნოგლობულინი კომერციული დასახელებით - „პრემირიგი“, რომელზეც იმ მომენტში მიმდინარეობდა და არ იყო დასრულებული ფარმაცევტული პროდუქტის საქართველოს კანონმდებლობით გათვალისწინებული ეროვნული რეჟიმით რეგისტრაციის პროცედურები . აუდიტის შედეგად დადგინდა კონკრეტულ შესყიდვასთან დაკავშირებული რისკები: -აღნიშნული პრეპარატის მიწოდების შესაძლებლობა დაშვებულ იქნა სატენდერო დოკუმენტაციით განსაზღვრული ერთ-ერთი მოთხოვნით, რომლის მიხედვით, „პრეტენდენტს უნდა წარმოედგინა მოსაწოდებელი საქონლის საქართველოში რეგისტრაციის დოკუმენტი ან 2016 წელს მოსაწოდებელ საქონელზე წერილობითი ვალდებულება, რომ სამინისტროში გონივრულ ვადაში წარადგენდა შესაბამის დოკუმენტებს, რაც აუცილებელია შემსყიდველის შუამდგობლობის საფუძველზე ერთჯერად იმპორტზე ნებართვის მისაღებად, ხოლო 2017-2018 წლებში მოსაწოდებელ საქონელზე წარადგენდა წერილობით ვალდებულებას „საქონლის“ კანონმდებლობით დადგენილი წესით რეგისტრაციისათვის, აუცილებელი პროცედურების განხორციელების შესახებ.“ მოცემული მოთხოვნით, ერთი მხრივ, გაფართოვდა პოტენციურ მიმწოდებელთა არეალი, ვინაიდან დაშვებულ იქნა დაურეგისტრირებელი პრეპარატის მიწოდების შესაძლებლობა, მაგრამ, მეორე მხრივ, გაიზარდა მისაწოდებელი სამკურნალო საშუალების ხარისხთან დაკავშირებული რისკები. ამ შემთხვევაში დაურეგისტრირებელი პრეპარატის ერთჯერად იმპორტზე თანხმობის თაობაზე კომისიის გადაწყვეტილება ეფუძნება ხარისხის შესაბამისობის მინიმალურ სტანდარტებს. ამასთანავე, მოთხოვნის ასეთი სახით ჩამოყალიბება გარკვეულ განუსაზღვრელობასთან არის დაკავშირებული, რასაც ადასტურებს ის ფაქტიც, რომ იმუნოგლობულინ „პრემირიგის“ მიხედვით, ტენდერის გამოცხადების თარიღისათვის მიმდინარე რეგისტრაციის პროცედურები 2017 წლის 7 თებერვალს დასრულდა რეგისტრაციაზე უარის თქმით , ვინაიდან არ იქნა წარმოდგენილი სრულყოფილი კლინიკური მონაცემები კონკრეტული იმუნობიოლოგიური პრეპარატის ეფექტურობის , უსაფრთხოების და გვერდითი ეფექტების შესახებ;

ბაღდათის მუნიციპალიტეტმა 2016-2017 წლებში შეისყიდა სხვადასხვა სახის ინფრასტრუქტურული სამუშაოები, მათ შორის 581.8 ათასი ლარი დახარჯა ისეთ პროექტებზე, რომლებიც დაუსრულებელია და მოსახლეობა ვერ სარგებლობს მისაღები სიკეთით. აღნიშნული პროექტები ითვალისწინებდა მუნიციპალიტეტის ტერიტორიაზე წყლის სისტემების, წისქვილის, სპორტული მოედნების და ბიბლიოთეკის მოწყობის სამუშაოებს. პროექტების დაუსრულებლობის ერთ-ერთ მიზეზს წარმოადგენს სამუშაოების არასათანადოდ დაგეგმვა და ფინანსური რესურსების არასწორი განაწილება.

სამტრედიის მუნიციპალიტეტმა ვერ დაასაბუთა რა აუცილებელი საჭიროებით იყო განპირობებული საკონსულტაციო მომსახურების შესყიდვა, ვინაიდან მუნიციპალიტეტს გააჩნია შრომითი რესურსი და ვალდებულია საკუთარი რესურსებით უზრუნველყოს აღნიშნული საქმიანობის განხორციელება. გამომდინარე აქედან, მუნიციპალიტეტის პასუხისმგებელ პირებს არ უნდა განეხორციელებინათ საკონსულტაციო მომსახურების შესყიდვა და ხარჯის გაწევა. ამდენად, მუნიციპალიტეტის მიერ საკონსულტაციო მომსახურებაზე გადახდილი 9.6 ათასი ლარი წარმოადგენს არაგონივრულ ხარჯს.

სსიპ „საქართველოს ბავშვთა და ახალგაზრდობის განვითარების ფონდის’’ მიერ ქვეყნის ფარგლებს გარეთ მივლინებების ფარგლებში, ოფიციალური მიწვევების თანახმად, ღონისძიების ორგანიზატორი მხარე უზრუნველყოფდა როგორც კვების, ასევე სასტუმროს ხარჯების დაფარვას, თუმცა მივლინებულ თანამშრომელზე თანხები გაცემული იყო სასტუმროს დაქირავების მიზნით, ხოლო სადღეღამისო ხარჯები ანაზღაურდა სრულად, ნაცვლად კანონმდებლობით გათვალისწინებული 30%-ისა.

2016 წლის დეკემბერის თვეში ფონდის მიერ წინასწარ, ავანსის სახით გადარიცხული სახსრების მოცულობამ 32,744,800 ლარი შეადგინა, რაც მთლიანი 2016 წლის განმავლობაში ავანსად გადარიცხული თანხების (69,278,913 ლარი) 47%-ს შეადგენს. აღსანიშნავია, რომ ერთ-ერთი ხელშეკრულების შემთხვევაში 30 დეკემბერს განხორციელდა საავანსო თანხის გადახდა 758,250 ლარის ოდენობით, სახელშეკრულებო თანხის (7,998,917 ლარი) 9%, სადაც წარმოდგენილი „ABN-AMRO-ს“ საბანკო გარანტია არ იყო დამოწმებული დამკვეთის ქვეყნის საფინანსო ინსტიტუტის მიერ, რაც ხელშეკრულების მიხედვით ავანსად თანხის გაცემის მოთხოვნებს ეწინააღმდეგებოდა. მიუხედავად იმისა, რომ ცალკეულ შემთხვევებში ფისკალური წლის ბოლოს ბიუჯეტის გადასახდელების ზრდა შეიძლება დაკავშირებული იყოს ობიექტურ გარემოებებთან, აღნიშნულ მუხლში არსებითი ზრდა საჯარო ფინანსების მართვაში არსებულ სისტემურ ხარვეზებზე მიუთითებს და ქმნის საბიუჯეტო რესურსების არაეფექტიანად და არამიზნობრივად გახარჯვის რისკს.

ანტირაბიული იმუნოგლობულინი კომერციული დასახელებით - „პრემირიგიs“,მოწოდება განხორციელდა 30 ნოემბერს სრული მოცულობით, 16 854 ფლაკონი(სერია N271001, ვადა 10.2018). საქონლის მიღების დროს განხორციელებული ინსპექტირებით დადგინდა, რომ საქონლის ტრანსპორტირებისას არ იყო დაცული „ცივი ჯაჭვის“ პრინციპის მოთხოვნები. ამის გამო, მოცემული პარტია ცენტრის მიერ დაწუნებულ იქნა და დაუბრუნდა მიმწოდებელს. იმის გამო, რომ ქვეყანა რჩებოდა იმუნოგლობულინის სტრატეგიული მარაგის გარეშე , 5 დეკემბერს გამარტივებული წესით გაფორმდა ხელშეკრულება შპს „ჯი-პი-სისთან“ 5 000 ფლაკონის ანტირაბიული იმუნოგლობულინის კომერციული დასახელებით - „ვირნაბის“ შესყიდვაზე, რომლის მიხედვით ერთეულის ღირებულებამ შეადგენა 25.60 ლარი და კონტრაქტის ჯამური მოცულობიდან გამომდინარე, 36,895 ლარით აღემატებოდა მოქმედი ხელშეკრულების ფარგლებში შპს „ეი-ბი-სი ფარმაციის“ ფასს. ამასთანავე, აღნიშნული პრეპარატის ერთეულის ღირებულება შპს „ჯი-პი-სის“, ზემოაღნიშნული ტენდერის მიხედვით შემოთავაზებული ჰქონდა 18,22 ლარად. არ არსებობდა შპს „ეი-ბი-სი ფარმაციის“ მიმართ ზიანის ანაზღაურების მოთხოვნის სამართლებრივი საფუძველი, ვინაიდან შესაბამისი პირობა (დათქმა) არ იყო შეთანხმებული ხელშეკრულებით, მაშინ როდესაც, ანალოგიური შემთხვევის დადგომის დროს ზიანის ანაზღაურების მოთხოვნა გათვალისწინებული იყო სატენდერო დოკუმენტაციით.

2016-2017 წლებში ბაღდათის მუნიციპალიტეტმა შეისყიდა 92.4 ათასი ლარის ღირებულების საპროექტო-სახარჯთაღრიცხვო დოკუმენტაცია, რომლის მიხედვით დაგეგმილი იყო სხვადასხვა ინფრასტრუქტურული პროექტის შესრულება. შესწავლით ირკვევა, რომ გამოუყენებელია 2016 წელს შესყიდული სპორტული დარბაზის მშენებლობისა და ქალაქ ბაღდათში ვაჟა-ფშაველას №5-ში მდებარე შენობის რეაბილიტაციის საპროექტო-სახარჯთაღრიცხვო დოკუმენტაცია, საერთო ღირებულებით 21.0 ათასი ლარი.

წარმოდგენილი ინფორმაციის შესწავლით დგინდება, რომ მუნიციპალიტეტის ბიუჯეტით ა(ა)იპ-ისთვის სუბსიდიის გაცემა დაგეგმილია იმგვარად, რომ შესასრულებელი სამუშაოები აღწერილია ზოგადად მოკლე პროგრამის სახით, არ არის მითითებული თუ რა სამუშაოები უნდა შეესრულებინა ა(ა)იპ-ს, რა პერიოდულობით და რა მოცულობით. დასაფინანსებელი ხარჯები კი წარმოდგენილია ხარჯების მუხლების მიხედვით, საიდანაც ვერ დგინდება კონკრეტულ სამუშაოზე რა დაფინანსება იყო საჭირო. იმის გამო, რომ სუბსიდია განსაზღვრული არ იყო კონკრეტული დავალების შესასრულებლად, არ არის განხორციელებული კონტროლი ა(ა)იპ-ის მიერ მიღებული სუბსიდიით შესრულებული სამუშაოების მოცულობებზე და შესაბამისად, გახარჯულ თანხებზე. ამრიგად, მუნიციპალიტეტის მიერ დაფუძნებული ა(ა)იპ არ ასრულებს მისთვის წესდებით განსაზღვრულ მოვალეობებს, თუმცა მუნიციპალიტეტის მხრიდან არ ხდება შესაბამისი რეაგირება.

2016 წლის 31 დეკემბრის მდგომარეობით აპარატის ბალანსზე რიცხულმა დებიტორულმა დავალიანებამ შეადგინა 20 192 ლარი. აქედან 2 666 ლარი წარმოადგენს წინა წლებში წარმოშობილ დებიტორულ დავალიანებებს. აღსანიშნავია, რომ აპარატის მიერ არ არის გატარებული შესაბამისი ღონისძიებები დებიტორული დავალიანებების ამოსაღებად.

სამინისტროს აპარატის და დაცული ტერიტორიების სააგენტოს ფინანსურ ანგარიშგებებში ასახულია საგრანტო პროექტის ფარგლებში წარმოშობილი დებიტორული დავალიანებები დონორი ორგანიზაციის (KFW) მიმართ, შესაბამისად 526,867 ლარის და 2,339,727 ლარის ოდენობით. პროექტი დასრულდა 2014 წელს და გეგმით გათვალისწინებული ყველა სამუშაო ჩაბარებულია. გამომდინარე აქედან, აღნიშნული დებიტორული დავალიანების მოთხოვნის უფლება აღარ არსებობს და აღრიცხვის ინსტრუქციის შესაბამისად უნდა მომხდარიყო მისი ჩამოწერა.

ქვეყანაში ანტირაბიული ვაქცინის სტარტეგიული მარაგების რაოდენობის განსაზღვრისა და სწორი განაწილების მიზნით, ცენტრში ყოველთვიურად სჯდ წარმოადგენს როგორც საკუთარ, ისე სამედიცინო დაწესებულებების მიერ შესრულებული სამუშაოს ანგარიშგებას, რომელშიც ასახულია მარაგების შესახებ საწყისი ნაშთის, მიღება-ხარჯვის, ჩამოწერილი ვაქცინებისა და საბოლოო ნაშთის შესახებ ინფორმაცია. ანგარიშგებები შეიცავს შემდეგი სახის ნაკლოვანებებს და უზუსტობებს:  წინა თვის საბოლოო ნაშთი არ ედრება შემდეგი თვის საწყის ნაშთს;  სამკურნალო საშუალებების შესახებ (ნაშთები, მიღება - ხარჯვის) ინფორმაცია წარმოდგენილია შესაბამისი სერიების და ვარგისიანობის ვადების გარეშე;  არ არის გათვალისწინებული რეგიონებში/დაწესებულებებში სამკურნალო საშუალებების შიდა გადაცემები;  წარმოდგენილი ინფორმაციით, 2016 წელს სულ ჩამოწერილია 886 სამკურნალო საშუალება, მათ შორის, ვაქცინა 392 და იმუნოგლობულინი - 494 ერთეული. წარმოდგენილი მტკიცებულებებით ვერ დგინდება ჩამოწერის მიზეზები. ამასთანავე, ჩამოწერილი სამკურნალო საშუალებების განადგურების აქტი წარმოდგენილია მხოლოდ 86 ერთეულზე.

2017 წლის 15-17 ოქტომბერს ბაღდათის მუნიციპალიტეტის ტერიტორიაზე ძლიერი ქარისა და წვიმის შედეგად დაზიანდა ინფრასტრუქტურული ობიექტები. კერძოდ, აღდგენას საჭიროებდა სანიაღვრე არხები, გზები, მილხიდები, საყრდენი კედლები, ნაპირსამაგრი ობიექტები და სხვ. მათ სარეაბილიტაციოდ 2017 წლის 27 დეკემბერს საქართველოს მთავრობის განკარგულებით გამოიყო 1,700.0 ათასი ლარი. გამოყოფილი თანხიდან 2018 წლის 1 ნოემბრის მდგომარეობით გახარჯული იყო მხოლოდ 178.9 ათასი ლარი. აღმოჩნდა, რომ თანხა აუთვისებელი იყო ძირითადად იმ მიზეზით, რომ სარეაბილიტაციო ობიექტების საპროექტო-სახარჯთაღრიცხვო დოკუმენტაცია დაგვიანებით იქნა მოწოდებული. აღნიშნულიდან გამომდინარე, შესყიდვის პროცედურები დროში გაიწელა, შესაბამისად, სტიქიით მიყენებული ზიანი მოუგვარებელია, ხოლო მოსახლეობა ვერ სარგებლობს იმ სიკეთით, რომელიც უნდა მიეღო ობიექტების რეაბილიტაციის შედეგად.

სამტრედიის მუნიციპალიტეტს ყოველწლიურად უნდა ჩაეტარებინა აქტივებისა და ვალდებულებების ინვენტარიზაცია. მუნიციპალიტეტმა ვერ წარმოადგინა ინვენტარიზაციის მასალები 2016-2017 წლებისათვის. პასუხისმგებელი პირის განმარტებით აღნიშნულ პერიოდში სამტრედიის მუნიციპალიტეტში ინვენტარიზაცია არ ჩატარებულა. გამოვლენილი გარემოების შედეგად დარღვეულია „საბიუჯეტო ორგანიზაციებში ქონების, მოთხოვნებისა და ვალდებულებების ინვენტარიზაციის ჩატარების წესის შესახებ“ საქართველოს ფინანსთა მინისტრის 2010 წლის №605 ბრძანება. აღნიშნული მიუთითებს იმაზე, რომ ორგანიზაციას სათანადო კონტროლი არ აქვს დაწესებული მატერიალური მარაგების, ასევე მცირეფასიანი აქტივების მოძრაობაზე. ასევე არ ხდება გამოუყენებელი აქტივების გამოვლენა, არსებული აქტივებისა და ვალდებულებების შედარება ფაქტობრივ ნაშთებთან. შედეგად მუნიციპალიტეტში მნიშვნელოვნად არის გაზრდილი აქტივების და სხვა რესურსების დაკარგვის, დაზიანების, არამართლზომიერი გამოყენების ან მართვის რისკები. სამტრედიის მუნიციპალიტეტი 2016-2017 წლებში არ ატარებდა ინვენტარიზაციებს მოქმედი კანონმდებლობის შესაბამისად. შედეგად, არსებობს მაღალი რისკი იმისა, რომ მუნიციპალური ქონების ნაწილი იყოს დაკარგული ან მითვისებული.

აპარატში არასრულყოფილად ხორციელდება არაფინანსური აქტივების დაცულობაზე კონტროლი. კერძოდ, თანამშრომლებზე აქტივების დროებით სარგებლობაში გადაცემისას, მათთან არ ფორმდება ხელშეკრულებები სრული მატერიალური პასუხისმგებლობის შესახებ, რაც გათვალისწინებულია ,,საბიუჯეტო ორგანიზაციების ბუღალტრული აღრიცხვის და ფინანსური ანგარიშგების შესახებ“ ფინანსთა მინისტრის ბრძანებით

საშენი მეურნეობისა და სატყეო სააგენტოს ფინანსურ ანგარიშგებებში ასახულია, შესაბამისად, 21,772 ლარის და 70,772 ლარის ოდენობის მოთხოვნები, რომლებზეც არ არის იდენტიფიცირებული ანგარიშვალდებული პირები, რაც ინსტრუქციის შესაბამისად, ექვემდებარება ჩამოწერას.

ეპიდზედახმედველობის პროგრამით გათვალისწინებულ აქტივობებს ცენტრთან გაფორმებული კონტრაქტების საფუძველზე ახორციელებს 3 რეგიონული და 60 რაიონული მუნიციპალური სჯდ. სჯდ-ების მიერ განხორციელებულ საქმიანობას ზედამხედველობას უწევს ცენტრი, როგორც აქტიური (ადგილზე სჯდ-ების მიხედვით მარაგების ინვენტარიზაცია, სამკურნალო და სამედიცინო სახარჯი მასალების შენახვის პირობების შეფასება), ასევე პასიური (დოკუმენტური, კამერალური, ანუ ადგილზე, გაუსვლელად) სახით. არ არის განსაზღვრული აღნიშნული მონიტორინგის სახეების მიხედვით შემოწმებისთვის სჯდ-ების შერჩევის კრიტერიუმი. წარმოდგენილი მტკიცებულებებით არ არის გამიჯნული განხორციელებული შემოწმების ფარგლებში რა მოცულობის სამუშაოებია განხორციელებული ზემოაღნიშნული მონიტორიგის ცალკეული სახეობის მიხედვით. აუდიტის ჯგუფის მიერ შერჩეული რეგიონული სტატუსის მქონე ა(ა)იპ - „ქალაქ რუსთავის საზოგადოებრივი ჯანმრთელობის და უსაფრთხო გარემოს უზრუნველყოფის ცენტრი“, რომლის ადგილზე მონიტორინგი ცენტრს არ განუხორციელებია. შემოწმების შედეგად დადგინდა, რომ სჯდ ასევე არ აწარმოებს მატერიალური მარაგების ბუღალტრულ აღრიცხვას და 2015-2016 წლებში არ ჩატარებულა ინვენტარიზაცია. ამასთანავე, 2016 წლის 5 აგვისტოს მდგომარეობით აუდიტის ჯგუფმა ჩაატარა სწრაფი მარტივი კომბინირებული ტესტების შერჩევითი ინვენტარიზაცია, რის შედეგადაც გამოვლინდა როგორც ზედმეტობა (21 ცალი), ასევე - დანაკლისი (53 ცალი).

ბაღდათის მუნიციპალიტეტის მიერ შედგენილი 2016-2017 წლების ბიუჯეტების შესრულების ანგარიშები არ შეიცავს პროგრამების/ქვეპროგრამების აღწერასა და მიღწეულ საბოლოო ან/და შუალედურ შედეგებს. გარდა ამისა, ბაღდათის მუნიციპალიტეტის 2016-2017 წლების ბიუჯეტები არ შეიცავს პროგრამების შედეგების შეფასების ინდიკატორებს. შესაბამისად, მუნიციპალიტეტის საკრებულოს, მოსახლეობასა და სხვა დაინტერესებულ სუბიექტებს არ მიეწოდა სათანადო ინფორმაცია პროგრამების მიხედვით ბიუჯეტით გათვალისწინებული ასიგნებების ხარჯვით მიღებული შედეგის შესახებ.

2016-2017 წლებში სამტრედიის მუნიციპალიტეტის შიდა აუდიტის სამსახური, თავის ფუნქცია-მოვალეობებს ასრულებდა არასათანადოდ, კერძოდ არ შეუსწავლია მუნიციპალიტეტის სტრუქტურული ერთეულების საქმიანობა, არ გამოუვლენია რაიმე სახის მიგნება და არ გაუცია შესაბამისი რეკომენდაციები. შესაბამისად, მერიის შიდა აუდიტის განყოფილება კანონმდებლობით გათვალისწინებულ ფუნქციას პრაქტიკულად არ ასრულებს, რითაც დარღვეულია საქართველოს კანონის „სახელმწიფო შიდა ფინანსური კონტროლის“ მოთხოვნები.

ფინანსური ანგარიშგების არაფინანსური აქტივების მუხლის საწყისი ნაშთი შემცირებულია 185.6 ათასი, ხოლო საბოლოო ნაშთი გაზრდილია ჯამში 42 636.2 ათასი ლარით(ფორმა 1. დანართი 1 და 5), ხოლო მათზე დარიცხული/დაურიცხავი ძირითადი კაპიტალის (ცვეთა) ხარჯი გაზრდილია ჯამში 387.2 ათასი ლარით, შესაბამისად შემცირებულია წმინდა ღირებულების საბოლოო ნაშთი (ფორმა1 და 2. დანართი1, 2 და 5).

ქვემოთ მოცემული ოპერაციები, ჯამური თანხით 900,228 ლარი, აღრიცხვის ინსტრუქციის შეუსაბამოდ, ნაცვლად 2015 წლის საანგარიშგებო პერიოდისა, ასახულია 2016 წლის პერიოდში: • სამინისტროს აპარატმა გაეროს განვითარების პროგრამას 2015 წელს გადასცა 80,424 ლარის ღირებულების ძირითადი აქტივები, რაც ბუღალტრულად აისახა 2016 წელს. • გარემოს სააგენტოს 2015 წელს უსასყიდლოდ გადაეცა 81,562 ლარის ღირებულების ძირითადი აქტივები, რაც ბუღალტრულად აისახა 2016 წელს. • სატყეო სააგენტოს ფინანსურ ანგარიშგებაში 2015 წელს განხორციელებული აქტივების შეფასების შედეგები (აფასება 208,602 ლარი და ჩამოფასება 529,640 ლარი) ასახულია 2016 წელს.

სამინისტროს ცენტრალურ აპარატში არ არის ჩატარებული ფინანსური მოთხოვნების/ვალდებულებების და მატერიალური მარაგების სავალდებულო ინვენტარიზაცია .

ბაღდათის მუნიციპალიტეტის 2016 წლის ბიუჯეტის შესრულების წლიური ანგარიშის თანახმად, „მოსახლეობის ჯანმრთელობის დაცვისა და სოციალური უზრუნველყოფის“ მუხლის ასიგნებები გეგმით გათვალისწინებული იყო 830.5 ათასი ლარი, ხოლო ფაქტობრივმა შესრულებამ შეადგინა 464.6 ათასი ლარი (56%). აღნიშნულ პროგრამებში გეგმით გათვალისწინებულ ასიგნებასა და გადახდილ თანხას შორის სხვაობა აღემატება 30%-ს. კანონმდებლობის მიხედვით, როდესაც შეუსაბამობა 30%-ს აღემატება, ბიუჯეტის შესრულების წლიური ანგარიში უნდა მოიცავდეს განმარტებებს. მიუხედავად ამისა, ბაღდათის მუნიციპალიტეტის ბიუჯეტის შესრულების წლიურ ანგარიშში არ არის ასახული განმარტება პროგრამის შესრულების მდგომარეობის შესახებ.

სახელმწიფო აუდიტის სამსახურმა სამტრედიის მუნიციპალიტეტში 2014 წელს ჩაატარა სამტრედიის მუნიციპალიტეტის საფინანსო-სამეურნეო საქმიანობის შესაბამისობის აუდიტი და სამტრედიის მუნიციპალიტეტის 2012-2013 წლების ფინანსური ანგარიშგების - ფინანსური აუდიტი. აუდიტის ანგარიშებში დაფიქსირდა 34 სხვადასხვა არსებითი ხასიათის დარღვევა-ნაკლოვანება რომელთაგან მხოლოდ 18 ხარვეზზე აქვს მუნიციპალიტეტს განხორციელებული ღონისძიებები, ხოლო დანარჩენ 16 დარღვევა-ნაკლოვანებაზე მუნიციპალიტეტს არანაირი ღონისძიებები არ გაუტარებია,

მოკლევადიანი აქტივების (ფორმა 1) ფინანსური აქტივებისა და მოთხოვნების მუხლი N1354 ანგარიშის (დანართი 1) საწყისი და საბოლოო ნაშთები გაზრდილია 473.0 ათასი ლარით, შესაბამისად გაზრდილია დებიტორული დავალიანება (დანართი 9, 11). აღნიშნული თანხით გაზრდილია წმინდა ღირებულა (ფორმა 1 და 4. დანართი 1 და 6).

ქვემოთ მოცემული 16,400,870 ლარის ძირითადი აქტივების ნაშთის შესახებ, ვერ მოვიპოვეთ საკმარისი და შესაფერისი აუდიტორული მტკიცებულებები: • სამინისტროს ბალანსზე ასახულია შენობა-ნაგებობა ღირებულებით 546,962 ლარი. აღნიშნული ღირებულების დამადასტურებელი დოკუმენტაცია სამინისტროს მიერ ვერ იქნა მოწოდებული. • დაცული ტერიტორიების სააგენტოს ფინანსურ ანგარიშგებაში ასახულია 32,295,062 ლარის ძირითადი აქტივები, საიდანაც 6,768,361 ლარის ძირითადი აქტივების ღირებულების სისწორეზე ვერ მივიღეთ რწმუნება. • გარემოს სააგენტოს ძირითადი აქტივების ანგარიშზე აღრიცხულია 4,568,736 ლარის ღირებულების ნაპირსამაგრი კედლები, საიდანაც 1,186,776 ლარის ღირებულების აქტივები აფხაზეთის ტერიტორიაზეა, ხოლო 487,775 ლარის ღირებულების აქტივების იდენტიფიცირება ვერ ხერხდება. • ვერ მოვიპოვეთ რწმუნება გარემოს სააგენტოს ბალანსზე აღრიცხული 2,377,992 ლარის ოდენობის ძირითადი აქტივების ღირებულების სისწორეზე. აღნიშნული აქტივების ნაწილზე დოკუმენტაცია არ იძებნება, ნაწილზე არ დასტურდება სარგებლობის უფლება, ნაწილი კი აღარ არსებობს. • სატყეო სააგენტოს 2016 წლის ბოლოს არ დაუსრულებია ძირითადი აქტივების ინვენტარიზაცია. შესაბამისად, ვერ მივიღეთ რწმუნება 5,033,004 ლარის ღირებულების ძირითადი აქტივების არსებობასა და სისრულეზე.

2016 წლის ნაერთ ფინანსურ ანგარიშგებაში ირიცხება დებიტორული და კრედიტორული დავალიანება იმ იურიდიული პირების მიმართ, რომელთა შემთხვევაში 2016 წელს ძალაში შესულია სასამართლო განჩინება მოვალის გაკოტრებულად გამოცხადების და რეგისტრაციის გაუქმების შესახებ: • დებიტორული დავალიანება - 310,466 ლარი; • კრედიტორული დავალიანება - 942,658 ლარი. ამასთანავე, ცენტრალურ აპარატსა და სააგენტოში 2016 წლის 31 დეკემბრის მდგომარეობით არ არის გაფორმებული დებიტორულ და კრედიტორულ დავალიანებებზე შედარების აქტები, რომლებიც, თავის მხრივ, ხელს შეუწყობს აღნიშნულ პროცესზე კონტროლს და ასევე გაკოტრებულად გამოცხადებული და რეგისტრაცია გაუქმებული ორგანიზაციების გამოვლენას.

2016-2017 წლებში ბაღდათის მუნიციპალიტეტის საფინანსო ორგანოს საბიუჯეტო ორგანიზაციებისათვის გაგზავნილ საბიუჯეტო განაცხადის ფორმებში (იგზავნება არაოფიციალურად, პირადი ელექტრონული ფოსტით) არ არის მითითებული ასიგნებებისა და მომუშავეთა რიცხოვნობის საორიენტაციო ზღვრული მოცულობები. ამასთანავე, აუდიტის პერიოდში არც საბიუჯეტო ორგანიზაციებს წარუდგენიათ მუნიციპალიტეტისათვის საბიუჯეტო განაცხადები. პასუხისმგებელი პირის განმარტებით, საბიუჯეტო ორგანიზაციების ასიგნებები და მომუშავეთა რიცხოვნობის ზღვრული მოცულობები დგინდებოდა ორგანიზაციების წარმომადგენლებთან ზეპირი შეთანხმების საფუძველზე, საჭიროებიდან გამომდინარე.

ქალაქ რუსთავის მუნიციპალიტეტში განხორციელებული ინფრასტრუქტურული პროექტებისათვის, ერთ შემთხვევაში გამოვლინდა არსებითი მოცულობის შეუსრულებელი სამუშაოები, რომლებიც მუნიციპალიტეტმა ზედმეტად აანაზღაურა.

საანგარიშო წლის წმინდა ღირებულების საწყისი ნაშთი გაზრდილია 204 500 ლარით. ფაქტობრივი ხარჯები შემცირებულია 93 078 ლარით, შესაბამისად გაზრდილია წმინდა ღირებულების საბოლოო ნაშთი (ფორმა 1 და 2. დანართი 1 და 2). ვალდებულების საწყისი და საბოლოო ნაშთები შემცირებულია შესაბამისად 204 500 და 296 929 ლარით. შემცირებულია კრედიტორული დავალიანება (ფორმა1. დანართი1,10 და 12)

სამინისტროს აპარატს 2016 წელს მუდმივ სარგებლობაში გადაეცა დროებით სარგებლობაში მყოფი 116,994 ლარის აქტივები, რომელთაც 2016 წელს დაერიცხა ცვეთა 79,093 ლარი, თუმცა მიმდინარე წლის ცვეთის ხარჯი შეადგენდა 15,540 ლარს.

2016-2017 წლებში ბაღდათის მუნიციპალიტეტში დასუფთავების მოსაკრებლის სტაბილური გადამხდელები არიან ქალაქის ტერიტორიაზე რეგისტრირებული იურიდიული პირები, რომელთა წილი მიღებულ საერთო თანხაში 2016-2017 წლებში შეადგენს 88%-ს. აღსანიშნავია, რომ ბაღდათის მუნიციპალიტეტს არ გააჩნია დასუფთავების მოსაკრებლის გადამხდელთა ბაზა, რომლის მეშვეობით შესაძლებელი იქნებოდა მისაღები შემოსავლის სრული აღრიცხვა. აბონენტთა რაოდენობისა და მისაღები შემოსავლების განსაზღვრა ხდება ინკასატორების მიერ თავიანთ სექტორში აღრიცხული გადამხდელების მიხედვით. არსებული პრაქტიკა შესაძლებელია სუბიექტური იყოს და მნიშვნელოვნად განსხვავდებოდეს იმ რეალურად მისაღებ სარგებელთან შედარებით, რომლის ამოღებაც შესაძლებელია მუნიციპალიტეტის ტერიტორიაზე არსებული გადამხდელი იურიდიული და ფიზიკური პირების სრულად აღრიცხვისა და მათზე დაყრდნობით შემოსავლების პროგნოზირების შემთხვევაში.

ქალაქ რუსთავის მუნიციპალიტეტში განხორციელებული ინფრასტრუქტურული პროექტებისათვის, შემსყიდველი ორგანიზაციის მიერ დაფიქსირებული თარიღი ზოგიერთ შემთხვევაში არ ემთხვევა სამუშაოს დასრულების ფაქტობრივ დროს. არსებობს რისკი, რომ აღნიშნული ხარვეზი მუნიციპალიტეტისათვის სისტემურ ხასიათს ატარებდა და რეალურად სამუშაოები მუნიციპალიტეტის მიერ დადასტურებულ ვადებში არ სრულდებოდა. მიმწოდებელ საწარმოებზე არ გავრცელდა ან არასრულადაა გავრცელებული საჯარიმო სანქციები, რასაც ხელშეკრულების პირობები ითვალისწინებდა.

2016 წლის მთელი ან გარკვეული პერიოდის განმავლობაში, აფხაზეთის ავტონომიური რესპუბლიკის დევნილთა საქმეების დეპარტამენტში დასაქმებული იყო შტატგარეშე 16 მომუშავე და მათზე ანაზღაურდა - 85,085.69 ლარი. მოქმედი კანონმდებლობის თანახმად, შტატგარეშე მოსამსახურე არის პირი, რომელიც დანიშვნით ან შრომითი ხელშეკრულებით გარკვეული ვადით მიიღება სამსახურში არამუდმივ ამოცანათა შესასრულებლად. მოპოვებული მტკიცებულებებით, შტატგარეშე მომუშავეთა დასაქმება ხდებოდა არა დროებით, არამედ ხანგრძლივი პერიოდით მუდმივი ხასიათის სამუშაოების შესასრულებლად

სამინისტროს აპარატის „ძირითადი აქტივების“ მუხლში ასახულია პროექტის ფარგლებში გადარიცხული თანადაფინანსების თანხა 293,858 ლარი. გამომდინარე იქიდან, რომ მიმღებ მხარეს წარმოადგენდნენ ამბროლაურისა და ლენტეხის მუნიციპალიტეტები, აღრიცხვის ინსტრუქციის შესაბამისად, სამინისტროს თანხის გადარიცხვისთანავე ოპერაცია ექვემდებარებოდა ხარჯად აღიარებას.

2016-2017 წლებში ბაღდათის მუნიციპალიტეტში დასაქმებულ შტატგარეშე მოსამსახურეებზე შრომითი გასამრჯელოს სახით გაცემულია 312.6 ათასი ლარი. კანონმდებლობის თანახმად, შტატგარეშე მოსამსახურე არის პირი, რომელიც დანიშვნით ან შრომითი ხელშეკრულებით, გარკვეული ვადით მიიღება სამსახურში არამუდმივი ამოცანების შესასრულებლად. ფაქტობრივად, წარმოდგენილი ხელშეკრულებების ანალიზით გამოვლინდა, რომ მათი აყვანა ხდებოდა მუდმივი ამოცანების შესასრულებლად.შტატგარეშე მოსამსახურეები ინიშნებიან 1 დან 12 თვემდე ვადით, ხოლო შემდგომ უგრძელდებათ ხელშეკრულება. შესაბამისად, ამგვარი მიდგომა ეწინააღმდეგება შტატგარეშე მოსამსახურის დაქირავების პრინციპს, რომლის თანახმად, სამსახურში პირი მიიღება გარკვეული ვადით, არამუდმივ ამოცანათა შესასრულებლად.

ქალაქ რუსთავის მუნიციპალიტეტს აუთვისებელი დარჩა მნიშვნელოვანი მოცულობის თანხები. აღნიშნული მიუთითებს მუნიციპალიტეტის მფლობელობაში არსებული ფინანსური რესურსების მართვის ხარვეზებზე. შედეგად, მოსახლეობამ დროულად ვერ ისარგებლა იმ სიკეთით, რაც შესაძლოა მიწოდებულ იქნეს ბიუჯეტში მობილიზებული სახსრების დაგეგმილი და ეფექტიანი გამოყენებით.

2016 წლის მთელი ან გარკვეული პერიოდის განმავლობაში, აფხაზეთის ავტონომიური რესპუბლიკის იუსტიციის დეპარტამენტში დასაქმებული იყო შტატგარეშე 12 მომუშავე და მათზე ანაზღაურდა - 51,218.47 ლარი. მოქმედი კანონმდებლობის თანახმად, შტატგარეშე მოსამსახურე არის პირი, რომელიც დანიშვნით ან შრომითი ხელშეკრულებით გარკვეული ვადით მიიღება სამსახურში არამუდმივ ამოცანათა შესასრულებლად. მოპოვებული მტკიცებულებებით, შტატგარეშე მომუშავეთა დასაქმება ხდებოდა არა დროებით, არამედ ხანგრძლივი პერიოდით მუდმივი ხასიათის სამუშაოების შესასრულებლად.

განათლების ცენტრის 2016 წლის ინვენტარიზაციის შედეგების მიხედვით, ორგანიზაციის ბალანსზე ირიცხება 82,002 ლარის გამოყენებისთვის უვარგისი ძირითადი აქტივები, რომლებიც აღრიცხვის ინსტრუქციის მიხედვით, არ აკმაყოფილებენ ძირითად აქტივად აღიარების კრიტერიუმებს.

2016-2017 წლებში ბაღდათის მუნიციპალიტეტში საავტომობილო საწვავის ხარჯვის ლიმიტები განისაზღვრა საკრებულოს თავმჯდომარისა და გამგებლის ბრძანებების შესაბამისად. სააუდიტე პერიოდში დადგენილი ლიმიტები დარღვეულია 43 შემთხვევაში. კერძოდ, ლიმიტით განსაზღვრულ 7 570 ლიტრს ზემოთ გახარჯულია 5 644 ლიტრით მეტი საწვავი (ანუ 74%-ით მეტი). ამდენად, მუნიციპალიტეტმა ვერ უზრუნველყო მის მიერ გამოცემული სამართლებრივი აქტებით დადგენილი ნორმების დაცვა. შედეგად 5 644 ლიტრი საწვავი გახარჯულია შესაბამისი დასაბუთების გარეშე.

ქალაქ რუსთავის მუნიციპალიტეტს სათანადო კონტროლი არ აქვს დაწესებული საიჯარო ქირის დროულად მიღებაზე. მუნიციპალიტეტი ვერ უზრუნველყოფს კუთვნილი საიჯარო ქირის ამოღებას. 2017 წლის ბოლოსათვის 25 მოიჯარიდან საიჯარო ქირა სრულად გადახდილი არავის აქვს, ხოლო 3 მათგანს 2016-2017 წლების დავალიანების ნაწილიც არ დაუფარავს.

საბიუჯეტო დეფიციტის მართვის მიზნით გასატარებელი ზოგიერთი ღონისძიების ძირითადი პრინციპების შესაბამისად „შრომის ანაზღაურების“ მუხლით 2016 წელს გაწეული ხარჯი თითოეული საბიუჯეტო ორგანიზაციისათვის არ უნდა ყოფილიყო 2015 წლის საკასო ხარჯზე მეტი. თუმცა, იმ პირობებში, როდესაც ადგილი არ ჰქონია ორგანიზაციის ფუნქციებისა და კომპეტენციის არსებით ზრდას, აფხაზეთის ავტონომიური რესპუბლიკის დევნილთა საქმეების დეპარტამენტის მიერ 2016 წელს შტატით მომუშავეთა შრომის ანაზღაურება გაიზარდა 4%-ით. ზემოაღნიშნული მიუთითებს საბიუჯეტო დეფიციტის მართვის მიზნით გასატარებელი ზოგიერთი ღონისძიების ძირითადი პრინციპების უზრუნველსაყოფად, გატარებული ღონისძიებების არაეფექტურობაზე.

სამინისტროს 2016 წლის 31 დეკემბრის მდგომარეობით მომზადებულ კონსოლიდირებულ ფინანსურ ანგარიშგებაში არ არის ელიმინირებული (გამორიცხული) 1,150,125 ლარის შიდა ჯგუფური ოპერაციები. აღრიცხვის ინსტრუქციის შესაბამისად, ელიმინაციის შეუძლებლობის შემთხვევაში, ეს ფაქტი უნდა იქნეს მითითებული განმარტებით შენიშვნებში, რაც არ განხორციელებულა.

საქართველოს მთავრობის დადგენილების თანახმად, საშტატო რიცხოვნობიდან გამომდინარე, ბაღდათის მუნიციპალიტეტისათვის სამსახურებრივი უფლებამოსილების განსახორციელებლად, რეკომენდებულია 6 ერთეული სამორიგეო ავტომანქანა. მუნიციპალიტეტის მიერ სამსახურებრივი უფლებამოსილების განსახორციელებლად გამოყენებული სატრანსპორტო საშუალებების რაოდენობა მნიშვნელოვნად აღემატება ზემოაღნიშნულ (6 ერთეული) ოდენობას. კერძოდ, 2016 წელს საწვავი გაცემულია მუნიციპალიტეტის საკუთრებაში არსებულ 6 და თანამშრომლების საკუთრებაში მყოფ 15 ავტომანქანაზე, ხოლო 2017 წელს მუნიციპალიტეტის საკუთრებაში არსებულ 5 და თანამშრომლების საკუთრებაში მყოფ 20 ავტომანქანაზე. აღნიშნულიდან გამომდინარე, მუნიციპალიტეტს არ გააჩნია რაციონალური მიდგომა ფუნქციონირებისათვის საჭირო ავტოტრანსპორტის გამოყენებასთან დაკავშირებით.

2016-2017 წლებში ფიზიკური პირებიდან მისაღები დასუფთავების მოსაკრებელი შეადგენდა 836.2 ათას ლარს, ხოლო ფაქტობრივად გადახდილია 306.4 ათასი ლარი, რაც გადასახდელი მოსაკრებლის მხოლოდ 37%-ია. აღსანიშნავია, რომ 2016 წლის 1 იანვრის მდგომარეობით, დასუფთავების მოსაკრებლის დავალიანება ფიზიკური პირებისათვის 576.3 ათას ლარს შეადგენდა. აღნიშნულის გათვალისწინებით, 2017 წლის ბოლოსათვის მუნიციპალიტეტის მიუღებელმა შემოსავალმა დასუფთავების მოსაკრებლის სახით სულ 1,106.1 ათასი ლარი შეადგინა. მუნიციპალიტეტის მიდგომა დასუფთავების მოსაკრებლის დაწესების და/ან ამოღების ადმინისტრირების მხრივ შეიცავს მნიშვნელოვან ხარვეზებს და ვერ უზრუნველყოფს მოსაკრებლის შემოღების მიზნების მიღწევას.

აფხაზეთის ავტონომიური რესპუბლიკის იუსტიციის დეპარტამენტში აუდიტის პერიოდში საერთო ჯამში გამარტივებული შესყიდვით შეძენილი იყო 10,731.41 ლარის ღირებულების სარემონტო მასალები და 6,433.75 ლარის ღირებულების მომსახურება. დეპარტამენტიდან მიღებული ინფორმაციით, ვინაიდან თითოეული CPV კოდით შესყიდული ობიექტების ჯამური თანხა არ ცდებოდა დადგენილ მონეტარულ ზღვრებს და დეპარტამენტის საქმიანობიდან და საჭიროებიდან გამომდინარე ოფისის რემონტის პრიორიტეტის საკითხი განიცდიდა მუდმივ ცვლილებას, ტენდერი არ გამოცხადებულა და ჩატარდა გამარტივებული შესყიდვები. ამასთან, სარემონტო სამუშაოებთან დაკავშირებით ბაზრის კვლევა ძირითადად ხდებოდა უშუალო დათვალიერების და ზეპირი გამოკითხვის გზით, რაც ოფიციალურად (დოკუმენტურად) ვერ დასტურდება. დეპარტამენტის მიერ წარმოდგენილი დოკუმენტაცია, ვერ ასახავს სათანადო და საკმარისი ღონისძიებების განხორციელებას, რაც გულისხმობს: შესყიდვების წლიური გეგმის და შესყიდვის ობიექტების სპეციფიკაციების პროექტის პირველადი საჭიროებების მკაფიოდ განსაზღვრას, ანუ საჭიროებების დაკმაყოფილების ალტერნატივების განხილვას და ყველაზე მისაღების შერჩევას; ბაზრის სრულყოფილი კვლევის მიზნით, შესყიდვის ობიექტების მიმართ წაყენებული მოთხოვნების მოკლე აღწერას და სავარაუდო პრეტენდენტებისათვის შესაბამისი წერილების გაგზავნას (ოფიციალური კორესპოდენცია). ყოველივე აღნიშნული კი მოქმედი კანონმდებლობის და მეთოდოლოგიის შესაბამისად გათვალისწინებული უნდა იყოს დაგეგმვის ეტაპზე. ამდენად, სახელმწიფო შესყიდვების კუთხით აუდიტის შედეგად გამოვლენილი ნაკლოვანებები მიუთითებს სახელმწიფო შესყიდვების დაგეგმვაში არსებულ პრობლემებზე, ფინანსური მართვისა და კონტროლის სისტემის სისუსტეზე, რაც ფაქტობრივად არ იძლევა გამოყოფილ ასიგნებათა ფარგლებში დადგენილი წესების დაცვით შესყიდვების უფრო გამჭვირვალედ და რაციონალურად განხორციელების შესაძლებლობას .

გარემოს სააგენტოსა და დაცული ტერიტორიების სააგენტოს ფინანსურ ანგარიშგებებში ჯამურად ასახულია ექსპლოატაციაში არსებული 694,452 ლარის გრძელვადიანი მცირეფასიანი აქტივები, ასევე დაცული ტერიტორიების სააგენტოს ფინანსურ ანგარიშგებაში ასახულია 822,176 ლარის ექსპლოატაციაში არსებული მარაგები. აღრიცხვის ინსტრუქციის შესაბამისად , აღნიშნული აქტივები ექვემდებარებოდა ხარჯებად ჩამოწერას. საშენი მეურნეობის ფინანსურ ანგარიშგებაში არ არის გათვალისწინებული ინვენტარიზაციის შედეგად გამოვლენილი გამოსაყენებლად უვარგისი 57,481 ლარის ღირებულების ნერგები.

ბაღდათის მუნიციპალიტეტმა 2016-2017 წლებში მუნიციპალიტეტის საკრებულოს არათანამდებობის პირებზე ხარჯების ასანაზღაურებლად 142.3 ათასი ლარი გასცა შესაბამისი დადასტურების გარეშე, საბიუჯეტო პროცესთან დაკავშირებული მარეგულირებელი საკანონმდებლო ნორმების შეუსაბამოდ.

დასაქმებული საჯარო მოხელეების სამსახურში გამოცხადებას და სამუშაო დროის ხანგრძლივობას მუნიციპალიტეტი აკონტროლებდა ტურნიკეტის საშუალებით. საჯარო მოხელეების მიერ 2016-2017 წლებში გაცდენილი დღეების, დაგვიანებებისა და სამუშაო დროს დასრულებამდე სამსახურიდან წასვლის შემთხვევების რაოდენობა არსებითია. მიუხედავად ამისა, დასაქმებულებს მიღებული აქვთ სრული თანამდებობრივი სარგოები. მუნიციპალიტეტმა ვერ წარმოადგინა მონაცემები სამუშაო დროის დარღვევისათვის გამოყენებული დისციპლინური პასუხისმგებლობის ზომების შესახებ

2016 წელს განხორციელებული აფხაზეთის ავტონომიური რესპუბლიკის დევნილთა საქმეების დეპარტამენტის 71 სახელმწიფო შესყიდვიდან ერთიანი ელექტრონული სისტემის CMR მოდულში 25 შემთხვევაში დარღვეული იყო ხელშეკრულების გადახდის დამადასტურებელი დოკუმენტაციის ატვირთვის ვადები, ხოლო ხელშეკრულების შესრულების/შეუსრულებლობის დამადასტურებელი დოკუმენტაცია არცერთ შემთხვევაში არ ყოფილა ატვირთული. შესაბამისად, ფაქტობრივად ვერ იქნა უზრუნველყოფილი შესყიდვების ელექტრონულ სისტემაში ინფორმაციის დროულად შეტანა.

სატყეო სააგენტოს ფინანსურ ანგარიშგებაში ასახულია 119,688 ლარის ღირებულების უკანონოდ მოჭრილი და ჩამორთმეული ხე-ტყე, რომლის განკარგვის უფლებაც სატყეო სააგენტოს არ გააჩნია, ვინაიდან არ არის სასამართლოს გადაწყვეტილება.

2016-2017 წლებში ბაღდათის მუნიციპალიტეტმა „წარმომადგენლობითი ხარჯების“ მუხლიდან, სტუმრების მასპინძლობისა და სხვადასხვა საბანკეტო მომსახურების შესყიდვის მიზნით გასწია 45.7 ათასი ლარის ხარჯი. ბაღდათის მუნიციპალიტეტის მიერ არ არის შემუშავებული. საკითხის შესწავლით, გაირკვა, რომ 2016-2017 წლებში თანხები გახარჯულია 53 ღონისძიებაზე, თუმცა დოკუმენტებში არ არის მითითებული ჩასატარებელი ღონისძიების საჭიროება, სტუმრებისა და მასპინძლების ოდენობა და სხვა მონაცემები.

ქალაქ რუსთავის მუნიციპალიტეტის მერიამ დაარღვია საკრებულოს მიერ დაწესებული ზღვარი და პრემიის სახით 45.7 ათასი ლარი გასცა საბიუჯეტო პროცესთან დაკავშირებული მარეგულირებელი ნორმების შეუსაბამოდ. 2016 წელს მუნიციპალიტეტის 39 მოსამსახურეზე პრემია გაიცა 5-ჯერ. კერძოდ, მეორე კვარტალში პრემია ერთიდაიმავე პიროვნებებზე გაცემულია 2-ჯერ, აპრილისა და მაისის თვეებში.

2016 წელს განხორციელებული აფხაზეთის ავტონომიური რესპუბლიკის იუსტიციის დეპარტამენტის 110 სახელმწიფო შესყიდვიდან 22 შემთხვევაში (მათ შორის 10 საბოლოო) არ გაფორმებულა შესრულების/შეუსრულებლობის დამადასტურებელი დოკუმენტი. ამასთან, ერთიანი ელექტრონული სისტემის CMR მოდულში არ იყო ატვირთული 70 შესრულება/შეუსრულებლობის დამადასტურებელი დოკუმენტი, ხოლო ვადების დარღვევით ატვირთული იყო 6 ხელშეკრულება, 5 შესრულება/ შეუსრულებლობის დამადასტურებელი და 14 გადახდის დამადასტურებელი დოკუმენტი . ყოველივე ზემოაღნიშნულიდან გამომდინარე ფაქტობრივად არ იყო უზრუნველყოფილი სახელმწიფო შესყიდვების განხორციელების პროცესში შესაბამისი დოკუმენტების გაფორმება, ხოლო რიგ შემთხვევაში შესყიდვების ელექტრონულ სისტემაში შესაბამისი ინფორმაციის ასახვა ან დროულად შეტანა.

დაცული ტერიტორიების სააგენტოს ფინანსურ ანგარიშგებაში ასახულია 347,742 ლარის კრედიტორული დავალიანებები, რომელთა მაიდენტიფიცირებელი პირველადი დოკუმენტაცია სააგენტოს არ გააჩნია. შესაბამისად, ვერ მივიღეთ რწმუნება 2016 წლის 31 დეკემბრის მდგომარეობით მომზადებული კონსოლიდირებული ფინანსური ანგარიშგების ფორმა N1-ში 347,742 ლარის კრედიტორული დავალიანებების ნაშთის სიზუსტეზე.

ბაღდათის მუნიციპალიტეტის 100%-იანი წილობრივი მონაწილეობით დაფუძნებულ შპს „ბაღდათის აგროჰოლდინგს“ 2016-2017 წლებში სუბსიდიის სახით მიღებული აქვს 63.5 ათასი ლარი. შპს-ის ფუნქცია-მოვალეობები იყო: სასოფლო-სამეურნეო დანიშნულების მიწაზე ან მიწასთან დაკავშირებულ ქონებაზე განხორციელებული ყველა სახის სამეურნეო საქმიანობა და მასთან დაკავშირებული მომსახურება, რაც მოიცავს მცენარეული და ცხოველური პროდუქტების წარმოებას, გადამუშავებას, დაფასოებას, შეფუთვას, შენახვას, გადაზიდვასა და რეალიზაციას. მიუხედავად ამისა, ბაღდათის მუნიციპალიტეტის 100%-იანი წილობრივი მონაწილეობით დაფუძნებულ შპს „ბაღდათის აგროჰოლდინგის“ საქმიანობა არ ყოფილა მუნიციპალიტეტისათვის შედეგის მომტანი.

ქალაქ რუსთავის მუნიციპალიტეტში 2016-2017 წლებში დანამატების გაცემის დასაბუთება ფორმალურ ხასიათს ატარებს. დანამატები გაიცემოდა ფაქტობრივად შრომის ანაზღაურების სახით, რაც არ შეესაბამება დანამატის გამოყოფის კანონმდებლობით განსაზღვრულ პრინციპს.

აფხაზეთის ავტონომიური რესპუბლიკის დევნილთა საქმეების დეპარტამენტის მიერ 2016 წელს შეძენილი არამატერიალური აქტივი (ვებ-გვერდი) ღირებულებით 375.00 ლარი, რომელიც საკუთარი შინაარსიდან გამომდინარე წარმოადგენდა მცირეფასიან გრძელვადიან აქტივს, შეცდომით აღიარებულ იქნა, როგორც ძირითადი აქტივი და დაერიცხა ცვეთა ; 2016 წელს შესყიდული 2,234.00 ლარის ღირებულების "გრძლვადიანი მცირეფასიანი აქტივების" შეძენისა და ხარჯებში ჩამოწერის ოპერაციები, ბალანსის დანართი ფორმა N5-ში არ ასახულა ; ფინანსური ანგარიშგების ფორმა N1-ში საწყის ნაშთად არ დაფიქსირებულა 2015 წლის 31 დეკემბერს შპს „რომპეტროლ საქართველოსგან“ მიღებული 1,146.60 ლარის ღირებულების (780 ლიტრი) საწვავის ტალონები . მოწოდებული ინფორმაციით, ფაქტობრივად გახარჯული 720.30 ლარის ღირებულების (490 ლიტრი) ტალონების საფასურის გადახდა განხორციელდა 2016 წლის 08 თებერვალს, ხოლო დარჩენილი 426.30 ლარის ღირებულების (290 ლიტრი) საწვავის ტალონები, შესაბამისი გადაცემის დამადასტურებელი დოკუმენტების გაფორმების გარეშე, დაუბრუნდა შპს „რომპერტროლ საქართველო“-ს. ამასთან, ტალონების შეძენისა და ხარჯვის ოპერაციები 2016 წლის ფინანსური ანგარიშგების ფორმა №1-სა და ბალანსის დანართ ფორმა №5-ში არ ასახულა . ყოველივე ზემოაღნიშნულიდან გამომდინარე, აფხაზეთის ავტონომიური რესპუბლიკის დევნილთა საქმეების დეპარტამენტის 2016 წლის ფინანსურ ანგარიშგებაში არაფინანსური აქტივების აღრიცხვის და ხარჯვის კუთხით წარმოდგენილი ინფორმაცია უტყუარად (სწორად), სრულად და საიმედოდ ვერ ასახავს რეალურ მდგომარეობას .

სამინისტროს ბალანზე ირიცხება 719,295 ლარის ოდენობის ისეთი დებიტორული დავალიანებები, რომელთა დაფარვის ალბათობა მცირეა: • გარემოს სააგენტოს მოთხოვნა შპს - „აიეტი ჯორჯიას“ მიმართ - 573,824 ლარი. • გარემოს სააგენტოს მოთხოვნა შპს - „ინერტი 2007“-ის მიმართ - 43,380 ლარი. • საშენი მეურნეობის მოთხოვნა შპს - „მზიური XXI“-ის მიმართ - 51,283 ლარი. • სატყეო სააგენტოს მოთხოვნა ადგილობრივი გამგეობების მიმართ - 50,808 ლარი.

2016-2017 წლებში ბაღდათის მუნიციპალიტეტში აქტივებისა და ვალდებულებების სავალდებულო ინვენტარიზაცია არ ჩატარებულა. აღნიშნული გარემოებების გათვალისწინებით, მუნიციპალიტეტში ფინანსური და არაფინანსური აქტივების დაცულობაზე კონტროლი არ არის სათანადოდ დაწესებული. შედეგად, არსებობს რისკი, რომ შეუმჩნეველი დარჩეს მუნიციპალიტეტის კუთვნილი ქონების დაკარგვის ან დაზიანების შემთხვევები და არ მოხდეს შესაბამისი რეაგირება. გარდა ამისა, არ არის გამოვლენილი გამოუყენებელი აქტივები და არ შემოწმებულა ორგანიზაციის ბალანსზე რიცხული მოთხოვნებისა და ვალდებულებების რეალურობა. არ მომხდარა აქტივებისა და ვალდებულებების ფაქტობრივი ნაშთების შედარება ორგანიზაციის სააღრიცხვო მონაცემებთან.

მუნიციპალიტეტმა შტატგარეშე მოსამსახურეები დაიქირავა მუდმივ ამოცანათა შესასრულებლად, რაც არ შეესაბამება მოქმედ კანონმდებლობას. მუდმივი საქმიანობისათვის გაფორმებული შრომითი ხელშეკრულებების შესაბამისად, 2016-2017 წლებში ანაზღაურების სახით გაცემულია 414.1 ათასი ლარი. დაქირავებულების რაოდენობა 2016 წელს აღემატებოდა ადგილობრივი თვითმმართველობის კოდექსით დადგენილ ზღვრულ ნორმას.

აფხაზეთის ავტონომიური რესპუბლიკის იუსტიციის დეპარტამენტის ფინანსური ანგარიშგების ფორმა N1-ში საწყის ნაშთად არ დაფიქსირებულა 2015 წლის 31 დეკემბერს შპს „რომპეტროლ საქართველოსგან“ მიღებული 565.95 ლარის ღირებულების (385 ლიტრი) საწვავის ტალონები . ამასთან, ტალონების შეძენისა და ხარჯვის ოპერაციები 2016 წლის ფინანსური ანგარიშგების ფორმა №1-სა და ბალანსის დანართ ფორმა №5-ში არ ასახულა ; ბალანსის დანართ ფორმა №3-ში ანგარიშზე 7300 „ძირითადი კაპიტალის მოხმარება“, არ იყო დაფიქსირებული ცვეთის თანხა 15,132.76 ლარის ოდენობით ; საქონელი და მომსახურების მუხლიდან შეძენილი 798.15 ლარის ღირებულების მატერიალური მარაგების (მ.შ. 565.95 ლარის ღირებულების 385 ლიტრი საწვავის ტალონი) და 6,575.13 ლარის ღირებულების მცირეფასიანი აქტივების მიღება-გასვლა ასახული არ იყო ბალანსის დანართ ფორმა N 5–ში ; 668.00 ლარის ღირებულების დანაკლისები (2011 წელს მოპარული ლეპ-ტოპები), ასახული არ იყო ბალანსის დანართ ფორმა N7-ში . ამრიგად, აფხაზეთის ავტონომიური რესპუბლიკის იუსტიციის დეპარტამენტის 2016 წლის ფინანსურ ანგარიშგებაში არაფინანსური აქტივებისა და დებიტორული დავალიანებების აღრიცხვის კუთხით წარმოდგენილი ინფორმაცია უტყუარად (სწორად), სრულად და საიმედოდ ვერ ასახავს რეალურ მდგომარეობას.

სამინისტროს აპარატში, დაცული ტერიტორიების სააგენტოში, სატყეო სააგენტოსა და საშენ მეურნეობაში არ გამოიყენება სპეციალიზებული საბუღალტრო აღრიცხვის სისტემა. აღნიშნულ ორგანიზაციებში ბუღალტერია იწარმოება Microsoft Excel-ის გამოყენებით, რაც ზრდის ადამიანური ფაქტორებით გამოწვეული შეცდომების რისკს. სამინისტროს სისტემაში შემავალი სუბიექტები არ აწარმოებენ ძირითადი აქტივების, მატერიალური მარაგებისა და გრძელვადიანი მცირეფასიანი აქტივების სრულყოფილ ანალიზურ აღრიცხვას, რაც ართულებს ბალანსზე რიცხული გარკვეული აქტივების იდენტიფიცირებას და შესაბამისად, მათზე კონტროლს.

ბაღდათის მუნიციპალიტეტმა 2017 წელს შეისყიდა 6.3 ათასი ლარის ღირებულების 11 ცალი პრინტერი და 13.9 ათასი ლარის - 11 ცალი კომპიუტერი (ლეპტოპი) . ტექნიკა შეძენილ იქნა ტერიტორიული ერთეულების წარმომადგენლობებისა და ა(ა)იპ − ბაღდათის კომუნალური გაერთიანებისთვის, რათა მათ განეხორციელებინათ ადგილზე შემოსული კორესპონდენციის ელექტრონული საქმისწარმოების სისტემაში ადმინისტრირება. თუმცა ტექნიკის დანიშნულებისამებრ გამოყენება ვერ მოხერხდა, რადგან მერიამ ვერ შეძლო ზოგიერთი ტერიტორიული ერთეულის ინტერნეტის ქსელით უზრუნველყოფა, სხვადასხვა ფინანსური და ტექნიკური მიზეზების გამო . საბოლოოდ, მერიამ იმის გამო, რომ 8 ტერიტორიულ ერთეულში ვერ მოახერხა ტექნიკის გამოყენება, 2018 წლის იანვარში, 16.5 ათასი ლარის ღირებულების ლეპტოპები და პრინტერები, გადასცა მისი სტრუქტურული ერთეულების სხვა თანამშრომლებს. შედეგად, მერიის მიერ განხორციელებული შესყიდვის არასათანადო დაგეგმვამ გამოიწვია ის, რომ 16.5 ათასი ლარის ღირებულების ტექნიკის დანიშნულებისამებრ გამოყენება ვერ მოხერხდა.

ქალაქ რუსთავის მუნიციპალიტეტს შემუშავებული და დამტკიცებული არ აქვს სამსახურებრივი უფლებამოსილების განსახორციელებლად საჭირო ავტოპარკის გადანაწილების, სატრანსპორტო საშუალებების კლასიფიკაციისა და შესყიდვის შესახებ წესი. მუნიციპალიტეტს არ გააჩნია რაციონალური მიდგომა მისი ფუნქციონირებისათვის საჭირო ავტოსატრანსპორტო საშუალებების გამოყენებასა და საწვავის ხარჯვასთან დაკავშირებით. მუნიციპალიტეტმა ხარჯები გასწია საბიუჯეტო ასიგნებების ეკონომიური და რაციონალური ხარჯვის ვალდებულების დაცვის გარეშე.

აფხაზეთის ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტის მიერ 2016 წელს შეძენილი არამატერიალური აქტივი (ვებ-გვერდი) ღირებულებით 375.00 ლარი, რომელიც საკუთარი შინაარსიდან გამომდინარე წარმოადგენდა მცირეფასიან გრძელვადიან აქტივს, შეცდომით აღიარებულ იქნა, როგორც ძირითადი აქტივი და დაერიცხა ცვეთა; საქონელი და მომსახურების მუხლიდან შეძენილი 1,997.2 ლარის ღირებულების მატერიალური მარაგების (მ.შ 882.00 ლარის ღირებულების 600 ლიტრი საწვავის ტალონი) მიღება-გასვლა ასახული არ იყო ბალანსის დანართ ფორმა N5–ში; 12,773.00 ლარის ღირებულების დანაკლისები, რომელიც წარმოადგენს ზემო აფხაზეთში დარჩენილ ქონებას ასახული არ იყო ბალანსის ფორმა N7-ში . ყოველივე ზემოაღნიშნულიდან გამომდინარე, აფხაზეთის ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტის 2016 წლის ფინანსურ ანგარიშგებაში არაფინანსური აქტივებისა და დებიტორული დავალიანებების აღრიცხვის კუთხით წარმოდგენილი ინფორმაცია უტყუარად (სწორად), სრულად და საიმედოდ ვერ ასახავს რეალურ მდგომარეობას.

სამინისტროსა და მის დაქვემდებარებაში მყოფ ორგანიზაციებში სახელფასო დანამატები გაიცემოდა სხვადასხვა საფუძვლით, თუმცა დანამატის გაცემის შემთხვევაში, ზეგანაკვეთური მუშაობის ან/და განსაკუთრებული სამუშაოს შესრულების დამადასტურებელი დოკუმენტების შედგენა ორგანიზაციაში არ ხდებოდა. სამინისტროს სისტემაში თანამშრომლებზე სულ 2016 წელს „შრომის ანაზღაურების“ მუხლით გაწეულია 30,718,469 ლარის საკასო ხარჯი, მათ შორის, დანამატი 6,514,701 ლარი, რაც „შრომის ანაზღაურების“ მუხლით გაწეული საკასო ხარჯის 21%-ს შეადგენს. საბიუჯეტო კლასიფიკაციის მიხედვით, დანამატის კატეგორია მოიცავს არასამუშაო საათებში, ღამის ცვლაში, სადღესასწაულო და დასვენების დღეებში მუშაობისათვის განკუთვნილ დამატებით საზღაურს და კანონმდებლობით გათვალისწინებულ ნებისმიერ სხვა დანამატს, მათ შორის, განსაკუთრებით საპასუხისმგებლო ფუნქციური დატვირთვის საზღაურს. დანამატების გაცემის არსებული პრაქტიკა ვერ უზრუნველყოფს შრომის ანაზღაურების სათანადო გამჭვირვალობას, ვინაიდან ბრძანებები ზოგადია და არ არის სათანადოდ დასაბუთებული.

ბაღდათის მუნიციპალიტეტის 2016-2017 წლების საქმიანობის შესაბამისობის აუდიტის მიმდინარეობისას გაირკვა, რომ 2014 წელს გამოვლენილი კონკრეტული დარღვევა-ნაკლოვანებების გამოსასწორებლად, გატარებულია შესაბამისი ღონისძიებები. აუდიტის შედეგად გამოვლენილ 11 გარემოებაზე მუნიციპალიტეტს განხორციელებული აქვს რეაგირება, 2 გარემოებაზე დავა მიმდინარეობს სასამართლოში, ხოლო 5 დარღვევა-ნაკლოვანება მუნიციპალიტეტის მიერ შესაბამისი რეაგირების გარეშე დარჩა.

ქალაქ რუსთავის მუნიციპალიტეტმა საკრებულოს არათანამდებობის პირებზე ხარჯების ასანაზღაურებლად თანხა გასცა სათანადო დადასტურების გარეშე, საბიუჯეტო პროცესთან დაკავშირებული მარეგულირებელი საკანონმდებლო ნორმების შეუსაბამოდ.

2016 წლის 1 იანვრიდან აფხაზეთის ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტის სისტემაში იმყოფება სსიპ გამწვანებისა და გარემოსდაცვითი პროექტების სააგენტო. დადგინდა, რომ სსიპ-ის კვარტალური და წლიური ბალანსების დამტკიცება მოქმედი კანონმდებლობის შესაბამისად სახელმწიფო კონტროლის განმახორციელებელი ორგანოს მიერ არ მომხდარა.

2016 წელს განათლების ცენტრმა გამოაცხადა გამარტივებული ელექტრონული ტენდერი ვიდეოკამერისა და აქსესუარების შესყიდვასთან დაკავშირებით. სატენდერო დოკუმენტაციაში შემსყიდველს დაკონკრეტებული ჰქონდა ვიდეოკამერის ზოგიერთი მახასიათებელი . აღნიშნული მახასიათებლები მიესადაგება ვიდეოკამერის კონკრეტულ მოდელს - „პანასონიკი AG-UX90“. ტენდერში მონაწილეობა მიიღო მხოლოდ ერთმა კომპანიამ და მასთან გაფორმებულ ხელშეკრულებაში დაფიქსირებული შესყიდვის თანხა გაუტოლდა შესყიდვის სავარაუდო ღირებულებას - 9,198 ლარს. 2016 წელს სამინისტროს აპარატმა გამოაცხადა გამარტივებული ელექტრონული ტენდერი კომპიუტერული მოწყობილობებისა და აქსესუარების შესყიდვის მიზნით. სატენდერო დოკუმენტაციით მოთხოვნილი იყო კონკრეტული ფირმის აქსესუარები: Seagate STSHX-M201TCBM ფირმის გარე მყარე დისკი და Toshiba DT01ACA200 მოდელის მყარი დისკი, რაც შესყიდვის კანონმდებლობის დარღვევას წარმოადგენს . ტენდერში მონაწილეობა მიიღო მხოლოდ ერთმა პრეტენდენტმა, რომელმაც ტენდერში სავარაუდო ღირებულების ტოლი ფასის შეთავაზებით გაიმარჯვა (შესყიდვის სავარაუდო ღირებულება 3,722 ლარს შეადგენდა). საშენმა მეურნეობამ 2016 წელს გამოაცხადა გამარტივებული ელექტრონული ტენდერი ავტოცისტერნის შესყიდვაზე. აღნიშნული შესყიდვის სატენდერო დოკუმენტაცია შეიცავდა კონკურენციის შემზღუდველ მოთხოვნას. კონკრეტულად, სატენდერო ტექნიკურ დოკუმენტაციაში მითითებული იყო ავტოცისტერნის ფერი (მომწვანო). შესყიდვაში მონაწილეობა მიიღო მხოლოდ ერთმა პრეტენდენტმა, რომელიც ტენდერში გამარჯვებულად გამოცხადდა, ღირებულებით 34,825 ლარი.

2017 წელს მუნიციპალიტეტმა შპს „საგზაო ტექნიკისგან“ შეისყიდა ქ. საგარეჯოში შოთა რუსთაველის ქუჩის სარეაბილიტაციო სამუშაოები ღირებულებით 99.6 ათასი ლარი.მუნიციპალიტეტს პროცესების სათანადოდ წარმართვის შემთხვევაში, 2017 წელს, ნაცვლად 99.6 ათასი ლარის სარეაბილიტაციო სამუშაოებისა, უნდა განეხორციელებინა მხოლოდ ორმულების შევსების სამუშაოები, ღირებულებით − 17.8 ათასი ლარი. ხოლო გზის საფარის აღდგენა უნდა დაეგეგმა პროექტის სრული რეაბილიტაციის დროს. შესაბამისად, თავიდან აირიდებდა ე.წ. „მოკენწვლის“ სამუშაოებს, რაშიც დაიხარჯა თანხის უმეტესი ნაწილი − 81.8 ათასი ლარი.

ქალაქ რუსთავის მუნიციპალიტეტის მიერ ამწე-კალათის შესყიდვის მიზნით გამოცხადებული ტენდერი მორგებული იყო ამწის კონკრეტულ მოდელზე, რამაც შესაძლოა შეზღუდა კონკურენცია და საბიუჯეტო თანხების არაეკონომიური ხარჯვა გამოიწვია.

სამინისტროს აპარატში(პროგრ. კოდი-27 01) არ ჩატარებულა მოთხოვნა-ვალდებულებების ინვენტარიზაცია, ასევე, სსიპ „არასაპატიმრო სასჯელთა აღსრულებისა და პრობაციის ეროვნულ სააგენტო“-ში(პროგრ.კოდი-27 02) არ ჩატარებულა ქონების და მოთხოვნა-ვალდებულებების ინვენტარიზაცია 2016 წელს, შედეგად, ანგარიშგებაში ასახული აქტივების სისრულე და სიზუსტე ვერ დასტურდება, ასევე არ არის დაცული კანონმდებლობის მოთხოვნები.

გარემოს სააგენტომ სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარების საფუძვლით , 2016 წლის დეკემბერში შეისყიდა 24,875 ევროს ღირებულების ერთი ერთეული სპეციალიზებული სატვირთო ტიპის ავტოსატრანსპორტო საშუალება (FORD TRANZIT 350M). განმარტების მიხედვით, იაპონიის მთავრობის დახმარებით, 2016 წლის სექტემბერში სააგენტოს გადმოეცა თანამედროვე ლაბორატორიული/მობილური აღჭურვილობა, რომელთა ფუნქციონირებისათვის აუცილებელია მათი სპეციალიზებულ მანქანაში განთავსება. თუმცა, გამარტივებული შესყიდვა შეზღუდულ ვადებში განხორციელდა დეკემბერში. სატენდერო პროცედურების დროულად დაწყების შემთხვევაში, აღნიშნული სატრანსპორტო საშუალების შესყიდვა შესაძლებელი იქნებოდა გამარტივებული ელექტრონული ტენდერის საშუალებითაც. ასევე, გარემოს სააგენტომ 2016 წლის 22 დეკემბერს, საქართველოს მთავრობის განკარგულების საფუძველზე, სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარების საფუძვლით, გამარტივებული შესყიდვის გზით შეიძინა 96,800 გირვანქა სტერლინგის ღირებულების მობილური სადგური. აღნიშნული სადგურის შეძენა სააგენტოს 2016 წლის თავდაპირველი შესყიდვების გეგმით არ იყო გათვალისწინებული. 2016 წლის 27 სექტემბერს, შესყიდვების გეგმას დაემატა 360,000 ლარის ოდენობით ავტოსატრანსპორტო საშუალებების ელექტრონული ტენდერის გზით, საკუთარი სახსრებით შესყიდვა. თუმცა, 2016 წლის 22 დეკემბერს შესყიდვების გეგმის დაკორექტირების შედეგად, ელექტრონული ტენდერი ჩაანაცვლა გამარტივებულმა შესყიდვამ. ასევე, დაზუსტდა შესყიდვის სავარაუდო ღირებულება 334,000 ლარამდე და 22 დეკემბერს გაფორმდა აღნიშნული მობილური სადგურის შესაძენად გამარტივებული შესყიდვის ხელშეკრულება. ხელშეკრულების პირობების მიხედვით, მობილური სადგურის მიწოდება უნდა განხორციელებულიყო 2017 წლის 30 მარტამდე. შესაბამისად, აღნიშნულ ვადაში მობილური სადგურის შეძენა შესაძლებელი იქნებოდა გამარტივებული ელექტრონული ტენდერის საშუალებით.

მერიის 2016 წლის ფინანსური ანგარიშგების თანახმად, 2016 წლის 31 დეკემბრის მდგომარეობით, „აქციების და სხვა კაპიტალის“ ნაშთი შეადგენს 2,122,330 ლარს, რაც მინიმუმ 123,103,791 ლარით უზუსტოდ (შემცირებულად) არის წარმოდგენილი. აღსანიშნავია, რომ ბუღალტრულად აღრიცხულია მხოლოდ 2015-2016 წლებში მუნიციპალიტეტის მიერ დაფუძნებული/ მუნიციპალიტეტის წილობრივი მონაწილეობით მოქმედი კერძო სამართლის იურიდიული პირების კაპიტალში განხორციელებული შენატანების მცირე ნაწილი . მოპოვებული მტკიცებულებებით დგინდება, რომ მხოლოდ 2013 წლის 1 იანვრიდან 2016 წლის 31 დეკემბრამდე განხორციელებულია 123,103,791 ლარის ღირებულების ქონებრივი და ფულადი შენატანები

2016 წელს საგარეჯოს მუნიციპალიტეტმა, სხვადასხვა მიმწოდებელთან გაფორმებული ხელშეკრულების ფარგლებში, შეისყიდა საგარეჯოში, თამარ მეფის ქუჩის ტროტუარების, ბაზრის მშენებლობის, კულტურის სახლის, სოფელ იორმუღანლოში იუსტიციის სახლის მიმდებარე ტერიტორიის, ასევე სოფელ მანავის და საგარეჯოს №3 საბავშვო ბაღის რეაბილიტაციის სამუშაოები. აღნიშნული ობიექტები დაზიანებულია, რომლის მიზეზი სავარაუდოდ არის მიმწოდებლის მიერ შესრულებული სამუშაოს დაბალი ხარისხი. მუნიციპალიტეტმა ვერ უზრუნველყო შესრულებული სამუშაოების სამშენებლო ნორმებთან და სტანდარტებთან შესაბამისობის დადგენა. მერიამ შესრულებული სამუშაოების ხარისხი ვერც ექსპერტიზის დასკვნით დაადგინა, რადგან ექსპერტიზა ჩატარებულია მხოლოდ მოცულობებზე და არ არის შესწავლილი სამუშაოების ხარისხი. კონტროლის მექანიზმში არსებულმა სისუსტეებმა გამოიწვია უხარისხოდ შესრულებული სამუშაოების მიღება-ჩაბარება. ამდენად, მუნიციპალიტეტის შესაბამისმა პირებმა სამუშაოების მიღება-ჩაბარების და კონტროლის პროცედურები წარმართეს ისე, რომ ჩაიბარეს ინფრასტრუქტურული პროექტები, საერთო ღირებულებით 574.6 ათასი ლარი, რომლებიც შესრულებულია უხარისხოდ და გარკვეულ ადგილებზე დაზიანებულია.

ქალაქ რუსთავის მუნიციპალიტეტმა არ გაითვალისწინა კანონმდებლობით განსაზღვრული მოთხოვნები, ადმინისტრაციული ხარჯების შემცირების შესახებ. მუნიციპალიტეტის მიერ დაფუძნებული იურიდიული პირების „სუბსიდიის“ მუხლით დაფინანსებამ გადააჭარბა 2016 წლის საკასო შესრულების მაჩვენებლის 90%-ს.

სამინისტროს ბალანსზე რიცხული შენობა-ნაგებობების შემოწმებისას გამოვლინდა, რომ საბუღალტრო პროგრამის ჩანაწერებით შენობა-ნაგებობების ანგარიშებზე, კერძოდ, „არასაცხოვრებელი შენობები - 2112“ და „სხვა ნაგებობები-2119“ ანგარიშებზე ირიცხება შემდეგი დასახელების ობიექტები: „N8 დაწესებულების შეხვედრის ოთახების მოწყობა“, „სპეცრაზმის ტირის ოთახების მოწყობის სამუშაოები“, „სასჯელაღსრულების დეპარტამენტის სპეც. დანიშნულების რაზმის სველი წერტილების და სხვადასხვა დანიშნულების ოთახების სარემონტო სამუშაოები“, „შენობის რემონტი“, „ეზოს მოწყობა“, „გაზმომარაგება“, „სიგნალიზაცია“, „ოთახების კეთილმოწყობა“ და სხვა. შესაბამისად, შენობა-ნაგებობების უმრავლესობა საჭიროებს იდენტიფიკაციას და ზუსტი დასახელებით შეტანას საბუღალტრო მონაცემებში.

გარემოსა და ბუნებრივი რესურსების დაცვის სამინისტროს აპარატსა და სსიპ „დაცული ტერიტორიების სააგენტოში“ ზოგიერთ აქტივზე გამოყენებული ცვეთის ნორმა არ შეესაბამება ფინანსთა მინისტრის ბრძანებით დამტკიცებულ ცვეთის ნორმებს. ასევე, გარკვეულ შემთხვევებში, ერთსა და იმავე ტიპის აქტივებზე გამოყენებულია ცვეთის განხსვავებული ნორმები, რაც იწვევს კონსოლიდირებულ ფინანსურ ანგარიშგებაში ცვეთის ხარჯის და ძირითადი აქტივების არასწორი თანხით წარდგენას.

მერიის 2016 წლის ფინანსურ ანგარიშგებაში ანგარიშზე „მოთხოვნები ფულად სახსრებზე და მათ ექვივალენტებზე აქტივების/მომსახურების მიწოდებით“ ნაშთი 2016 წლის 31 დეკემბრის მდგომარეობით შეადგენს 95,013 ლარს და ჯამში მინიმუმ 7,647,930 ლარით უზუსტოდ (შემცირებულად) არის წარმოდგენილი.

2015 წელს საგარეჯოს მუნიციპალიტეტმა შპს „ენ-როუდისგან“ შეისყიდა ქ. საგარეჯოში, ერეკლე II-ის ქუჩის ასფალტის საფარისა და ტროტუარის მოწყობის სამუშაოები, სახელშეკრულებო ღირებულებით − 569.6 ათასი ლარი.მიმწოდებელს, წარმოდგენილი ფორმა №2-ის საფუძველზე, შუალედურად აუნაზღაურდა 489.4 ათასი ლარი. ხელშეკრულების პირობების მიხედვით, საბოლოო ანგარიშსწორება უნდა განხორციელებულიყო ექსპერტიზის დადებითი დასკვნის საფუძველზე. ექსპერტიზის დასკვნით, ირკვევა, რომ სამუშაოები შესრულებულია მნიშვნელოვანი ხარვეზებით. ამრიგად, საგარეჯოს მუნიციპალიტეტმა შპს „ენ-როუდთან“ გაფორმებული ხელშეკრულების ფარგლებში, განსახორციელებელი პროექტი, რომელიც უნდა დასრულებულიყო 2015 წლის დეკემბერში, დღეის მდგომარეობითაც არ არის ჩაბარებული.

ქალაქ რუსთავის მუნიციპალიტეტში 2016-2017 წლებში ინვენტარიზაცია არ განხორციელებულა. მათ შორის არ განხორციელებულა უძრავი ქონების და საბიბლიოთეკო ფონდების ინვენტარიზაცია, რომელთა ინვენტარიზაცია სავალდებულოა სამ წელიწადში ერთხელ. შედეგად დარღვეულია „საბიუჯეტო ორგანიზაციებში ქონების, მოთხოვნებისა და ვალდებულებების ინვენტარიზაციის ჩატარების წესის შესახებ“ საქართველოს ფინანსთა მინისტრის 2010 წლის №605 ბრძანება.

2016 წლის 31 დეკემბრისთვის რიცხული დავალიანებებიდან, 10 დებიტორ ორგანიზაციაზე, ჯამური თანხით 5,775.91 ათასი ლარი (2012-2016 წლებში წარმოქმნილი), დავალიანების დადასტურების მიზნით, აუდიტორული პროცედურის შესაბამისად, გაიგზავნა შესაბამისი წერილები. პასუხი მიღებულია 9 ორგანიზაციიდან, საიდანაც, ერთი კომპანიის, შპს „პროექტი-21“-ის მიერ წერილში მითითებული თანხა 115.60 ათასი ლარით ნაკლებია სამინისტროს ბალანსზე რიცხულ დავალიანების ნაშთზე, კერძოდ დებიტორის მიერ მითითებულია 913.63 ათასი ლარი, საბალანსო ნაშთი კი შეადგენს 1,029.23 ათას ლარს. აღნიშნული თანხა წარმოადგენს 2013 წელს წარმოქმნილ დავალიანებას (სააღრიცხვო მონაცემებით) საანგარიშო პერიოდის ბოლოს არსებული მოთხოვნების 99% (11,420.0 ათასი ლარი) მოდის 27 01 პროგრამულ კოდზე, საიდანაც 5,305.96 ათასი ლარი წარმოშობილია 1996-2010 წლებში და ირიცხება სხვადასხვა ორგანიზაციებზე. აღნიშნული მოთხოვნების ყველაზე დიდი წილი მოდის 2004 წელს წარმოშობილ, შპს „ნოლა“-ს დავალიანებაზე, რომელიც შეადგენს 4,299.5 ათას ლარს და რომელზეც, წინა აუდიტის მსგავსად, ვერც მიმდინარე აუდიტის ფარგლებში იქნა წარმოდგენილი რაიმე სახის დოკუმენტაცია. აღნიშნულიდან გამომდინარე, ბალანსზე რიცხული მოთხოვნების სიზუსტე ვერ დასტურდება

მერიის 2016 წლის ფინანსურ ანგარიშგებაში ანგარიშზე „მოთხოვნები საქონლის და მომსახურების მიღებაზე წინასწარი გადახდებით“ ნაშთი 2016 წლის 31 დეკემბრის მდგომარეობით შეადგენს 5,540,434 ლარს. მათ შორის, 1,285,774 ლარის მოთხოვნებთან დაკავშირებით, რომლებიც წარმოშობილია 2003-2007 წლებში, ვერ იქნა დოკუმენტაცია წარმოდგენილი.

2016 წელს საგარეჯოს მუნიციპალიტეტმა შეისყიდა სოფელ პატარა ჩაილურში სატუმბი რეზერვუარისა და ცენტრალური სასმელი წყლის მაგისტრალის მოწყობის სამუშაოები. საგარეჯოს მუნიციპალიტეტმა სოფელ პატარა ჩაილურში სასმელი წყლის სისტემის მოწყობის სამუშაოებზე სულ გასწია 151.9 ათასი ლარის ხარჯი, თუმცა პროექტი დღეის მდგომარეობით არ ფუნქციონირებს და საჭიროებს დამატებით დაფინანსებას. მუნიციპალიტეტის პასუხისმგებელი პირების მიერ, პროცედურების არასათანადოდ განხორციელების გამო, პრობლემა მოუგვარებელია და მოსახლეობას წყალი არ მიეწოდება.

ბიუჯეტთან ანგარიშსწორების შედარების აქტის მიხედვით, ქალაქ რუსთავის მუნიციპალიტეტს 2018 წლის 27 ივნისის მდგომარეობით გადასახადის სხვადასხვა სახეში ერიცხება ლიკვიდირებული სამსახურების საგადასახადო დავალიანება 2,478.4 ათასი ლარის ოდენობით, მათ შორის ძირითადი თანხა - 433.2 ათასი ლარი, ჯარიმა - 15.3 ათასი ლარი და საურავი - 2,029.9 ათასი ლარის ოდენობით.

2016 წლის 31 დეკემბრისთვის რიცხული კრედიტორული დავალიანებებიდან, 2016 წელს წარმოშობილ 4 კრედიტორ ორგანიზაციაზე, საერთო თანხით 364.83 ათასი ლარი, დავალიანების დადასტურების მიზნით გაიგზავნა შესაბამისი წერილები, საიდანაც 1 კრედიტორის მიერ დასტურის წერილში მითითებული თანხა 52.36 ათასი ლარით მეტია სამინისტროს ბალანსზე რიცხულ კრედიტორული დავალიანების ნაშთზე. 2016 წლის ბოლოს რიცხული დავალიანებების 91% (2,993.8 ათასი ლარი) მოდის 27 01 პროგრამულ კოდზე, საიდანაც 2,587.9 ათასი ლარი წარმოშობილია 1996-2009 წლებში. მათ შორის, არაფინანსური აქტივების მოწოდებით დარიცხული ვალდებულებების თანხა შეადგენს 1,513.89 ათას ლარს, რომელიც ძირითადად მოიცავს შპს „ინტერნეიშენელ ბილდინგ კომპანი“-ს მიმართ 2007 წელს წარმოშობილი 1,057.93 ათას და შპს „აკსმშენი“-ს მიმართ 2008 წელს წარმოშობილ 232.97 ათასი ლარის დავალიანებებს. ორივე მათგანი უკავშირდება გლდანის #8 დაწესებულების მშენებლობას. სხვა დამატებითი ინფორმაცია სამინისტროს მხრიდან ვერ იქნა წარმოდგენილი. გამომდინარე აღნიშნულიდან, ბალანსზე რიცხული ვალდებულებების სიზუსტე ვერ დასტურდება

მერიის 2016 წლის ფინანსურ ანგარიშგებაში ანგარიშზე „მოთხოვნები არაფინანასური აქტივების მიღებაზე წინასწარი გადახდებით“ ნაშთი 2016 წლის 31 დეკემბრის მდგომარეობით, შეადგენს 19,509,171 ლარს და ჯამში, მინიმუმ 1,702,529 ლარით უზუსტოდ (გაზრდილად) არის წარმოდგენილი.

2016 წელს მუნიციპალიტეტმა „სოფლის მხარდაჭერის პროგრამით“ გამოყოფილი თანხით შეისყიდა სოფელ მზისგულში სარიტუალო დარბაზის რეაბილიტაციის სამუშაოები , ღირებულებით − 11.8 ათასი ლარი.მიუხედავად იმისა, რომ დარბაზის სარეაბილიტაციო სამუშაოებიდან გასულია 1 წელზე მეტი, დარბაზი დაუსრულებელია და არ ფუნქციონირებს. პასუხისმგებელი პირის განმარტებით, სარიტუალო დარბაზის ფუნქციონირებისათვის საჭიროა დამატებითი სამუშაოების შესრულება, კერძოდ, სამზარეულოს მოწყობა, საჭირო ინვენტარის შესყიდვა და სხვ. არასაკმარისი ფინანსური რესურსის გამო, დარბაზის მოწყობა მუნიციპალიტეტს ადგილობრივი ბიუჯეტითაც არ დაუგეგმავს.

სასამართლო გადაწყვეტილების მიხედვით, ა(ა)იპ „ქალაქ რუსთავის საბავშვო ბაგა-ბაღების გაერთიანებამ“ მოსამსახურეები უკანონოდ გაათავისუფლა დაკავებული თანამდებობიდან. შესაბამისად, მმართველობით პროცესში კანონმდებლობის შეუსაბამოდ მიღებული გადაწყვეტილების შედეგად, მუნიციპალიტეტმა გასწია დამატებითი საბიუჯეტო ხარჯი.

სამინისტროს 2016 წლის კონსოლიდირებულ ანგარიშგებაში, 27 01 პროგრამულ კოდზე ბრალდებულთა/მსჯავრდებულთა სამედიცინო მომსახურების მიზნით გახარჯულ მედიკამენტებსა და სამედიცინო სახარჯი მასალის ხარჯი - 23,653.15 ათასი ლარი მოიცავს როგორც 2016 წელს, ასევე 2012-2015 წლებში(ძირითადად 2015 წელს შესყიდულ და სხვადასხვა სახელმწიფო პროგრამების ფარგლებში მსჯავრდებულ/ბრალდებულ ბენეფიციარებზე გადასაცემად მიღებული მარაგების) გაწეულ დანახარჯებს, ვინაიდან ვერ ხდებოდა მათი შესაბამის პერიოდში ასახვა დოკუმენტაციის წარმოუდგენლობის, ან/და არასათანადოდ (არასრულყოფილად) შევსებული დოკუმენტაციის ან მათი დაგვიანებით წარმოდგენის გამო . 2016 წელს მასალების ხარჯად აღიარება მოხდა დაწესებულებებიდან 2016 წელს შექმნილი და წარმოდგენილი აქტების საფუძველზე, ჯამურად. აღნიშნულიდან გამომდინარე, 2016 წლის ფინანსურ ანგარიშგებაში ნაჩვენები 23,653.15 ათასი ლარის ხარჯი ვერ ასახავს სააღრიცხვო პერიოდის რეალურ მაჩვენებელს(წარმოდგენილი აქტების მიხედვით, აღნიშნული ხარჯიდან 2016 წელს მიეკუთვნება 4,619.64 ათასი ლარი, თუმცა ვინაიდან ზოგიერთ აქტში არ არის მითითებული რეალური ხარჯის პერიოდი, ზუსტი თანხის წარმოდგენა ვერ ხდება)

მერიის 2016 წლის ფინანსურ ანგარიშგებაში 2016 წლის 31 დეკემბრის მდგომარეობით, „ანგარიშვალდებული პირების მიმართ მოთხოვნები“ შეადგენს 4,200 ლარს, ხოლო „მომუშავეების მიმართ მოთხოვნები“ - 90,877 ლარს. მუნიციპალიტეტის მერის 2016 წლის 18 ნოემბრის N1019 ბრძანების საფუძველზე ჩატარებული მოთხოვნების და ვალდებულებების ინვენტარიზაციის შედეგებში ასახულია, რომ აღნიშნული მოთხოვნებიდან 93,663 ლარი წარმოშობილია 2002-2008 წლებში და მათი წარმოშობის საფუძვლები არ იძებნება, ასევე ნაწილზე ვერ ხდება მოვალის იდენტიფიცირება. შესაბამისად, ვერ იქნა მოპოვებული მტკიცებულებები დავალიანებების დასადასტურებლად.

2016 წელს საგარეჯოს მუნიციპალიტეტმა ტენდერის საშუალებით, შეისყიდა სოფელ გიორგიწმინდაში ჭაბურღილის მოწყობის სამუშაოები, ღირებულებით 40.1 ათასი ლარი . პროექტის ფარგლებში მოეწყო ჭაბურღილი და 2 წყალშემკრებ-გამანაწილებელი რეზერვუარი. შესწავლით ირკვევა, რომ მუნიციპალიტეტმა დაგეგმა მხოლოდ ჭაბურღილის მოწყობის სამუშაოების შესრულება, ხოლო ახლად დამონტაჟებული რეზერვუარებიდან, წყლის დაქსელვის სამუშაოები მოსახლეობას უნდა განეხორციელებინა საკუთარი რესურსით. აუდიტის ჯგუფმა ადგილზე დაათვალიერა შესრულებული სამუშაოები. დათვალიერების შედეგად გამოვლინდა, რომ ჭაბურღილი და რეზერვუარები არ ფუნქციონირებს. აღნიშნულ საკითხთან დაკავშირებით, მერიის პოზიცია აუდიტის ჯგუფის მიერ ვერ იქნება მისაღები, რადგან მუნიციპალიტეტს დაგეგმვის ეტაპზე უნდა განესაზღვრა ისეთი ფაქტორები, რასაც შეეძლო ხელი შეეშალა პროექტის წარმატებით დასრულებისათვის. კერძოდ, მოსახლეობას შესაძლებელია არ გააჩნდეს სათანადო გამოცდილება ან მატერიალური რესურსი სამშენებლო სამუშაოების განსახორციელებლად. შესაბამისად, ვერ მოახერხონ დაგეგმილი სამუშაოების შესრულება.

ქალაქ რუსთავის მუნიციპალიტეტის შიდა აუდიტის სამსახურს არ შეუფასებია შეესაბამება თუ არა მუნიციპალიტეტის საქმიანობა დაგეგმილ მიზნებსა და ამოცანებს, რამდენად კანონიერად, მიზნობრივად და ეფექტიანად ხდება ფინანსების გამოყენება, დანერგილია თუ არა ადეკვატური მართვისა და კონტროლის მექანიზმები და სხვ. შესაბამისად, სამსახურს არ გაუცია რეკომენდაციები მუნიციპალიტეტის საქმიანობის გაუმჯობესების მიმართულებით.

სამინისტროს მიერ 2016 წლის განმავლობაში, ბრალდებულთა/მსჯავრდებულთა მკურნალობის სახელმწიფო პროგრამების ფარგლებში, ბენეფიციარებზე გადასაცემად მიღებულია სხვადასხვა სახის მედიკამენტები და სამედიცინო სახარჯი მასალების მიღება, თანხით 168,082.29 ათასი ლარი, 2014-2015 წლებისგან განსხვავებით, არ აღრიცხულა. გამომდინარე აქედან, ანგარიშგებაში აღნიშნულ მარაგებთან დაკავშირებული ინფორმაცია არ არის შესადარისი წინა საანგარიშგებო პერიოდებთან ( 2014 წელს აღრიცხულია 642.4 ათასი ლარის, 2015 წელს-26,441.75 ათასი ლარის მედიკამენტები, შემოსავლის სახით). აუდიტის ობიექტისგან ვერ იქნა წარმოდგენილი შესაბამისი დასაბუთება, თუ როგორ უნდა იქნას უზრუნველყოფილი კანონმდებლობით გათვალისწინებული შესადარისობა

მერიას, დადგენილი რეგულაციის შეუსაბამოდ , 2016 წლის 31 დეკემბრის მდგომარეობით, აღრიცხული არ აქვს ხელშეკრულების პირობების დარღვევის გამო მიმწოდებლებზე დარიცხული პირგასამტეხლოები, ჯამში, მინიმუმ 371,850 ლარის და 11,325 ევროს ექვივალენტი ლარის ოდენობით.

2016-2017 წლებში საგარეჯოს მუნიციპალიტეტმა სხვადასხვა ინფრასტრუქტურული პროექტის განხორციელების მიზნით, შეისყიდა საპროექტო-სახარჯთაღრიცხვო დოკუმენტაცია, რომლის შესყიდვაზე მუნიციპალიტეტმა დახარჯა 18.7 ათასი ლარი. შეძენილი საპროექტო დოკუმენტაცია, არასაკმარისი ფინანსური რესურსების მიზეზით, მუნიციპალიტეტს არ გამოუყენებია და არც მომავალ პერიოდში იგეგმები მათი გამოყენება.

მუნიციპალიტეტმა არ მოახდინა სათანადო რეაგირება და განმეორებით დაუშვა ზოგიერთი დარღვევა, რაც აღწერილია აუდიტის ანგარიშში. მუნიციპალიტეტი ვალდებული იყო გაეტარებინა საკმარისი და შესაფერისი ღონისძიებები აუდიტის ანგარიშებში დაფიქსირებული ხარვეზების გამოსწორებისათვის და შედეგების მისაღებად, რაც სისრულის თვალსაზრისით, არ განხორციელებულა.

სამინისტროს 2016 წლის კონსოლიდირებულ ფინანსურ ანგარიშგებაში არ არის აღრიცხული სხვადასხვა შესყიდვის ხელშეკრულებებით დარიცხული პირგასამტეხლოს თანხები, ჯამურად-313.86 ათასი ლარი, შედეგად, პირგასამტეხლოს დარიცხვით მიღებული შემოსავლები ანგარიშგებაში წარმოდგენილია შემცირებული ღირებულებით

მოპოვებული მტკიცებულებებით, 2006 წლის შემდეგ, მუნიციპალიტეტის მერიას, მოქმედი რეგულაციის შესაბამისად, არ ჩაუტარებია ბალანსზე რიცხული არაფინანსური აქტივების სრული ინვენტარიზაცია.

2017 წელს საგარეჯოს მუნიციპალიტეტმა შეისყიდა ქ. საგარეჯოში, კოსტავას ქუჩაზე სკვერის მოწყობის სამუშაოები, ღირებულებით - 44.1 ათასი ლარი. ტენდერში გამარჯვებულად გამოცხადდა და ხელშეკრულება გაფორმდა შპს „არგი-ჯგუფთან“ . აუდიტის ჯგუფმა ადგილზე დაათვალიერა შესრულებული სამუშაოები. დათვალიერების შედეგად გამოვლინდა, რომ სკვერში შესასვლელი კარი დეფორმირებულია და არ იკეტება, დაზიანებულია (წაქცეულია) ელექტრო განათების ბოძი, მოუთიბავი და მოუვლელია სკვერის ტერიტორია. მუნიციპალიტეტმა სკვერის მოწყობაზე დახარჯა მნიშვნელოვანი ფინანსური რესურსი, თუმცა შემდეგ მისი მოვლა-პატრონობის სამუშაოები არ განუხორციელებია. მუნიციპალიტეტი ვალდებული იყო შეემოწმებინა შესრულებული პროექტების მდგომარეობა, ინფორმირებული ყოფილიყო არსებული დაზიანებების თაობაზე და პრობლემის მოგვარების მიზნით, გაეტარებინა შესაბამისი ღონისძიებები.

მუნიციპალიტეტმა სარეკლამო და საინფორმაციო ხასიათის ღონისძიებებზე 2016-2017 წლებში გასწია არაგონივრულად მაღალი ხარჯი, მათ შორის არასოციალურ რეკლამაზე, რომლის დაფინანსებაც არ იყო მიზანშეწონილი.

მოიჯარის, შპს „კალინა ჯორჯია“-ს მიერ 2015 წლის 4 აგვისტოს, საიჯარო აუქციონის საგარანტიო თანხის, 100.0 ათასი ლარის ხაზინის ერთიან ანგარიშზე ჩარიცხვა, 2015 წლის ნაცვლად, ასახულია 2016 წლის შემოსავლების ანგარიშზე (6423 ანგარიში-არასაბაზრო წესით გაყიდული საქონელი და მომსახურება), შესაბამისად, აღნიშნული თანხა მიკუთვნებულია არასწორ საანგარიშიო პერიოდზე.

ორგანიზაციის ბალანსზე ირიცხება 701 ერთეული საცხოვრებელი შენობა ნარჩენი საბალანსო ღირებულებით 5,247,298 ლარი. შერჩევითი გადამოწმებით დასტურდება, რომ საცხოვრებელი შენობების უმრავლესობა იმყოფება კერძო საკუთრებაში/ მფლობელობაში და არ წარმოადგენს მუნიციპალიტეტის მერიის საკუთრებას.

2015-2016 წლებში საგარეჯოს მუნიციპალიტეტმა სამშენებლო-სარემონტო სამუშაოების განხორციელების მიზნით, გამარტივებული შესყიდვის ფორმით გააფორმა 73 ხელშეკრულება, საერთო ღირებულებით - 368.0 ათასი ლარი. წარმოდგენილი დოკუმენტაციის შესწავლით გამოვლინდა, რომ ხარჯის დამადასტურებელი დოკუმენტაცია წარმოდგენილია მხოლოდ მასალების შესყიდვაზე, ხოლო შრომის ანაზღაურებასა და მანქანა-მექანიზმებზე გაწეულ დანახარჯებზე, შესაბამისი ხარჯის დამადასტურებელი დოკუმენტაცია არ არის წარმოდგენილი. აღნიშნული თანხები ანაზღაურებულია, მიმწოდებლის მიერ წარმოდგენილი შესრულებული სამუშაოს აქტების (ფორმა №2) საფუძველზე. შედეგად, 2016-2017 წლებში სამშენებლო სამუშაოების გამარტივებული წესით შესყიდვისას, საგარეჯოს მუნიციპალიტეტის მიერ არ არის დაცული კანონმდებლობის მოთხოვნა ფაქტობრივი დანახარჯებით ანაზღაურების შესახებ, რაც არსებული პრაქტიკით იწვევს საბიუჯეტო სახსრების ზედმეტად ანაზღაურებას.

2016-2017 წლების გადასახდელებში „ხარჯების“, „არაფინანსური აქტივების ზრდისა“ და „ვალდებულებების კლების“ მუხლების დაგეგმილი პარამეტრები არ შესრულებულა. „არაფინანსური აქტივების ზრდის“ მუხლის შესრულება დაბალია. ბიუჯეტის შესრულების 2016 წლის ანგარიშის მიხედვით აღნიშნული მუხლით დაგეგმილი იყო 6,476.7 ათასი ლარის ხარჯვა, ხოლო საკასო შესრულებამ შეადგინა 5,953.9 ათასი ლარი (91.9%). აღსანიშნავია, რომ „არაფინანსური აქტივების ზრდის“ მუხლი ფაქტობრივად შესრულდა 3,609.1 ათასი ლარით, რადგან მუნიციპალიტეტმა 2016 წლის ბოლოს ინფრასტრუქტურული პროექტების შესყიდვისას ავანსის სახით გასცა 2,344.8 ათასი ლარი. ამდენად, გეგმის რეალური შესრულება შეადგენს 55.7%-ს. ანალოგიურად, 2017 წელს, ნაცვლად გეგმიური 6,967.9 ათასი ლარისა, „არაფინანსური აქტივების ზრდის“ მუხლი შესრულდა 5,695.8 ათასი ლარით (91.1%). გეგმის ფაქტობრივი შესრულება 4,410.1 ათასი ლარია, რადგან 2017 წლის ბოლოს ავანსის სახით გაცემულია 1,285.7 ათასი ლარი. შესაბამისად, მუხლი რეალურად შესრულდა 63.3%-ით.

სამინისტროს მიერ 2017 წლის განმავლობაში მიღებულ 3,646.43 ათასი ლარის ძირითად აქტივებზე დარიცხული ცვეთის თანხა (263.33 ათასი ლარი), საბუღალტრო პროგრამის ხარვეზის გამო, მიკუთვნებულია 2016 საანგარიშო წელზე და აღრიცხულია ამ პერიოდის კონსოლიდირებულ ანგარიშგებაში, შესაბამისად 263.33 ათასი ლარით გაზრდილია ხარჯის მუხლი-„ძირითადი კაპიტალის მოხმარება“(7310).

საბალანსო მონაცემებით, მერიის ბალანსზე არასაცხოვრებელი შენობა-ნაგებობის ანგარიშზე ირიცხება ნაშთი 31,658,110 ლარი. შერჩევითი გადამოწმებით დასტურდება, რომ ქონების ნაწილი პრივატიზებულია ან/და უზუფრუქტით გადაცემულია მესამე პირებზე. შესაბამისად, მათი მუნიციპალიტეტის მერიის ბალანსზე ყოფნის სამართლებრივი საფუძველი არ არსებობს.

2016 წლის 1 იანვრის მდგომარეობით, საგარეჯოს მუნიციპალიტეტს ნაშთის სახით ერიცხებოდა 2,226.6 ათასი ლარი, საიდანაც 2,134.7 ათასი ლარის ხარჯვა დაიგეგმა 2016 წლის ბიუჯეტით. 2016 წელს ნაშთის ცვლილებით გამოწვეული ფულადი სახსრების დაგროვებამ შეადგინა 371.6 ათასი ლარი და წლის ბოლოს დაფიქსირდა ნაშთი − 2,598.2 ათასი ლარი, მათ შორის, თავისუფალი ნაშთი − 1,725.9 ათასი ლარი. 2017 წელს ნაშთის ცვლილებით გამოწვეული ფულადი სახსრების გამოყენებამ შეადგინა 1,008.2 ათასი ლარი, ხოლო წლის ბოლოს არსებულმა ნაშთმა − 1,590.0 ათასი ლარი, მათ შორის, თავისუფალი ნაშთი − 927.5 ათასი ლარი. საგარეჯოს მუნიციპალიტეტს შეეძლო 2016 - 2017 წლებში არსებული თავისუფალი ნაშთის გამოყენების სათანადო დაგეგმვა და დროული გამოყენება, მაგრამ არ განუხორციელებია. ამრიგად, 2016-2017 წლების ბოლოს საგარეჯოს მუნიციპალიტეტს აუთვისებელი დარჩა მნიშვნელოვანი მოცულობის თანხები, რაც მიუთითებს მუნიციპალიტეტის მფლობელობაში არსებული ფინანსური რესურსების არაეფექტიან მართვაზე.

ხობის მუნიციპალიტეტმა ორგანიზაციულად სწორად და ლოგიკურად ვერ დაგეგმა და განახორციელა სოფელ საჯიჯაოში დაზიანებული ხიდების სარეაბილიტაციო სამუშაოები. კერძოდ, თავიდანვე არ გაითვალისწინა მოსახლეობის საჭიროებები, ხიდების კონსტრუქციული თავისებურებები და სხვა მოსალოდნელი სირთულეები. ამასთან, მოახდინა ხიდის არსებული კონსტრუქციის პრივატიზება და გონივრულ ვადაში ვერ უზრუნველყო მისი ჩანაცვლება. მუნიციპალიტეტმა ვერ წარმოადგინა და აუდიტის ჯგუფმა ვერ მოიპოვა მტკიცებულებები ხიდის კონსტრუქციის პრივატიზების აუცილებლობის შესახებ.

ავტოსატრანსპორტო საშუალებების დაზღვევასთან დაკავშირებული 2016 წლის ხელშეკრულების ფარგლებში 27 01 პროგრამულ კოდზე, წარმოდგენილი ინფორმაციის მიხედვით, ანაზღაურებულია 88 სადაზღვევო შემთხვევა, საერთო ღირებულებით-166.7 ათასი ლარი, რომელიც არ არის ასახული შესაბამის ანგარიშებზე , შედეგად კონსოლიდირებულ ანგარიშგებაში აღნიშნული თანხით შემცირებულად არის წარმოდგენილი შემოსავალი 6414 ანგარიშზე-„ქონებასთან დაკავშირებული შემოსავლები, რომელიც სადაზღვევო პოლისის მფლობელებზე ვრცელდება“

მერიის ბალანსზე ირიცხება ასევე ისეთი ძირითადი აქტივები, როგორიცაა: ქუჩები, განათება, ხიდები, გაყვანილობების სისტემები და სხვა ნაგებობები ნარჩენი საბალანსო ღირებულებით 68,145,814 ლარი, მაგრამ მხოლოდ იმ ნაწილში, რა დაფინანსებაც მერიის მიერ გაწეულ იქნა უკანასკნელი წლების განმავლობაში. მერიის ფაქტობრივ მფლობელობაში არსებული ქონების დანარჩენი ნაწილი არ არის აღრიცხული საბუღალტრო მონაცემებში. იმ პირობებში, როდესაც არ ჩატარებულა ძირითადი აქტივების სრული ინვენტარიზაცია, აუდიტის ჯგუფი მოკლებულია შესაძლებლობას იმსჯელოს აღნიშნული მონაცემის სიზუსტეზე.

2018 წლის პირველი იანვრის მდგომარეობით, საგარეჯოს მუნიციპალიტეტის მიერ იჯარით გაცემული იყო 56 ობიექტი, მათ შორის 51 − 2009-2013 წლებში გაცემული სასოფლო-სამეურნეო დანიშნულების მიწის ნაკვეთებია (საძოვარი), საერთო ფართობით −4,733.1 ჰა. იჯარით გაცემული საძოვრების უმეტესობის (42 ნაკვეთი) წლიური ღირებულება, 1 ჰექტრზე შეადგენს 2.1 ლარს. მუნიციპალიტეტმა ვერ დაასაბუთა, რის საფუძველზე განისაზღვრა საიჯარო გადასახადის ოდენობა. მუნიციპალიტეტს იჯარით გაცემული აქვს სასოფლო-სამეურნეო დანიშნულების მიწის 42 ნაკვეთი (საძოვარი), რომელთა ღირებულება არაგონივრულად დაბალია საბაზროსთან შედარებით. აგრეთვე ხანგრძლივი პერიოდის განმავლობაში მიუღებელია საიჯარო გადასახადები. 2016-2017 წლებში საიჯარო შემოსავლების სახით მიუღებელმა თანხამ შეადგინა 20.0 ათასი ლარი, ხოლო მიწის ნაკვეთების საბაზრო ღირებულებით გაცემის შემთხვევაში, მისაღები შემოსავალი გაცილებით მეტი იქნებოდა. შედეგად, მუნიციპალიტეტის მიერ ქონების განკარგვა ხორციელდება არაპროდუქტიულად.

საჯიჯაოს ხიდების 2018 წლის 4 თებერვალს დასასრულებელი სამუშაოები დღევანდელი მდგომარეობითაც შეუსრულებელია. მუნიციპალიტეტმა შესყიდვების პროცესში არაეფექტიანად დახარჯა 30.9 ათასი ლარი და ვერ მიაღწია შესყიდვით დაგეგმილ შედეგს, რაც პრობლემას უქმნის მოსახლეობას.

2016 წლის კონსოლიდირებული ანგარიშგების განმარტებითი შენიშვნებში არ არის ასახული კონტროლირებული ერთეულის, შპს „პერსპექტივა“-ს შესახებ ფინანსური ინფორმაცია აქტივების, ვალდებულებების, ნამეტის და დეფიციტის ჯამური თანხების ჩათვლით, სააღრიცხვო ინსტრუქციის შესაბამისად

დაუმთავრებელი ძირითადი აქტივები მერიის ბალანსში ანგარიშზე „დაუმთავრებელი ძირითადი აქტივების“ ნაშთი 2016 წლის 31 დეკემბრის მდგომარეობით შეადგენს 418,764,729 ლარს. საბუღალტრო მონაცემებით, დაუმთავრებელ ძირითად აქტივად აღრიცხული ქონების ნაწილის მერიის ქონებად აღრიცხვის სამართლებრივი საფუძვლები არ არსებობს.

2016-2017 წლებში საგარეჯოს მუნიციპალიტეტში დასუფთავების მოსაკრებლის მნიშვნელოვანი წილის გადამხდელები არიან ქალაქის ტერიტორიაზე რეგისტრირებული იურიდიული პირები, რომელთა წილი მიღებულ საერთო თანხაში 2016-2017 წლებში შეადგენს - 66%-ს. აღსანიშნავია, რომ საგარეჯოს მუნიციპალიტეტს არ გააჩნია დასუფთავების მოსაკრებლის გადამხდელთა ბაზა, რომლის მეშვეობით შესაძლებელი იქნებოდა მისაღები შემოსავლის სრული აღრიცხვა. აბონენტთა რაოდენობისა და მისაღები შემოსავლების განსაზღვრა ხდება შპს-ს ინკასატორების მიერ თავიანთ სექტორში აღრიცხული გადამხდელების მიხედვით. შედეგად, მუნიციპალიტეტში არ ფლობენ სრულყოფილ ინფორმაციას, დასუფთავების მოსაკრებლის სახით მისაღებ შემოსავალზე.

2016 წელს ხობის მუნიციპალიტეტმა ტენდერის საშუალებით შეისყიდა ხეთის ადმინისტრაციული ერთეულის სოფელ ოხვამეკარში სასაფლაომდე მისასვლელი გზის ბეტონის საფარის მოწყობის სამუშაოები . შპს „ლევიანა“ დადგენილ ვადაში ვერ ასრულებდა სამუშაოებს. ნაცვლად დაჯარიმებისა, მუნიციპალიტეტმა მიმწოდებელს სამუშაოების დასრულების ვადა გადაუწია 26 დღით, უამინდობის მოტივით. მიუხედავად ამისა, „შპს ლევიანამ“ აღნიშნული სამუშაოები დაასრულა 2 დღის დაგვიანებით . უამინდობა ვერ ჩაითვლება მიწოდების ვადის ცვლილების ობიექტურ გარემოებად. ამდენად, მუნიციპალიტეტს არ უნდა გაეზარდა მიწოდების ვადა. იმ შემთხვევაში, თუკი მუნიციპალიტეტი არ შეცვლიდა ხელშეკრულების პირობებს, მიმწოდებელს დამატებით დაერიცხებოდა 4.0 ათასი ლარის საჯარიმო სანქცია.

2016 წლის განმავლობაში, სამინისტროს მიერ სხვადასხვა დავალიანებების დასაფარად(მორალური ზიანი, განაცდური და ა.შ) სააღსრულებო ფურცლის საფუძველზე გადახდილია 186.48 ათასი ლარი, თუმცა უმეტეს შემთხვევებში(179.80 ათას ლარზე) სასამართლოს მიერ გადაწყვეტილებები კანონიერ ძალაში შესულია 2015 წელს და თანხები აღრიცხვაში ასახულია 2016 წელს-მხოლოდ საინკასო დავალების შესაბამისად ხაზინის ერთიანი ანგარიშიდან თანხის ჩამოჭრის შემდგომ, შესაბამისად, 179.80 ათასი ლარის ხარჯი, ეკუთვნის წინა საანგარიშო პერიოდს.

მერიის ფინანსურ ანგარიშგებაში 2016 წლის 31 დეკემბრის მდგომარეობით „სხვა ძირითადი აქტივების“ ნაშთი შეადგენს 9,570,537 ლარს. აუდიტორული პროცედურებით დგინდება, რომ არამატერიალურ ძირითად აქტივებად აღრიცხული ქონების ნაწილი არ აკმაყოფილებს არამატერიალურ აქტივად შეფასების კრიტერიუმებს . კერძოდ, არამატერიალურ აქტივად არის აღიარებული საგადასახადო დოკუმენტები, იურიდიული ლიტერატურა, სხვადასხვა ხასიათის წიგნები, პლაკატები და ა.შ.

საგარეჯოს მუნიციპალიტეტის მიერ სამსახურებრივი უფლებამოსილების განსახორციელებლად გამოყენებული სატრანსპორტო საშუალებების რაოდენობა მნიშვნელოვნად აღემატება საქართველოს მთავრობის დადგენილებით რეკომენდებულ ზღვრულ ოდენობას. კერძოდ, 2016 წელს საწვავი გაცემულია მუნიციპალიტეტის საკუთრებაში არსებულ 2 და თანამშრომლების საკუთრებაში მყოფ 81 ავტომანქანაზე, ხოლო 2017 წელს მუნიციპალიტეტის საკუთრებაში არსებულ 2 და თანამშრომლების საკუთრებაში მყოფ 83 ავტომანქანაზე. 2016-2017 წლებში აღნიშნულ ავტომობილებზე მუნიციპალიტეტმა გასწია 207.2 ათასი ლარის ხარჯი. აღნიშნულიდან გამომდინარე, მუნიციპალიტეტს არ გააჩნია რაციონალური მიდგომა ფუნქციონირებისათვის საჭირო ავტოტრანსპორტის გამოყენებასთან დაკავშირებით.

ხეთის ადმინისტრაციული ერთეულის სოფელ ოხვამეკარში სასაფლაომდე მისასვლელი გზის ბეტონის საფარის მოწყობის სამუშაოებისათვის მუნიციპალიტეტმა ჩაიბარა და აანაზღაურა 149.1 ათასი ლარის ისეთი სამუშაოების ღირებულება, რომლის ხარისხი შესაბამისი კვლევით სათანადოდ არ დადასტურებულა.

სასამართლო დავებთან დაკავშირებული პირობითი მოთხოვნები არ არის ასახული ბალანსის დანართ საცნობარო მუხლში 05 კოდზე-პირობითი მოთხოვნები(შპს GMM-სთან მიმდინარე დავა-73.64 ათას დოლარსა და 4.3 ათას ლარზე, ასევე შპს თი ემ-თან მიმდინარე სასამართლო დავა 1,366.70 ათას ლარზე)

მერიის 2016 წლის ფინანსურ ანგარიშგებაში „არაწარმოებული აქტივების“ ნაშთი 2016 წლის 31 დეკემბრის მდგომარეობით შეადგენს 7,670,401 ლარს და 7,645,112 ლარით უზუსტოდ (გაზრდილად) არის წარმოდგენილი.

საგარეჯოს მუნიციპალიტეტის საკრებულოს არაანაზღაურებად წევრებს 2016-2017 წლებში, ხარჯების ანაზღაურების სახით, მიღებული აქვთ სულ 176.1 ათასი ლარი . მუნიციპალიტეტმა ვერ წარმოადგინა დოკუმენტური მტკიცებულებები საკრებულოს წევრების ხარჯების დასადასტურებლად. თანხების გაცემის საფუძველია საკრებულოს აპარატის ინფორმაცია (მოხსენებითი ბარათი) საკრებულოს წევრზე ანაზღაურების გაცემის შესახებ. აღნიშნული დოკუმენტები არ აკმაყოფილებს ხარჯის დამადასტურებელი პირველადი აღრიცხვის დოკუმენტის კრიტერიუმს.

2016 წლის მუნიციპალიტეტმა ტენდერის საშუალებით შეისყიდა საჯიჯაოს ადმინისტრაციული ერთეულის სოფელ ზენში ქუჩების კეთილმოწყობის სამუშაოები . შპს „შარა-გზამშენი პირველი“ დადგენილ ვადაში ვერ ასრულებდა სამუშაოებს. ნაცვლად დაჯარიმებისა, მუნიციპალიტეტმა მიმწოდებელს სამუშაოების დასრულების ვადა გადაუწია ჯამში 55 დღით – 15 აპრილის ჩათვლით, უამინდობის მოტივით. მიმწოდებელმა სამუშაოები დაასრულა დაგვიანებით – 10 მაისს და დაჯარიმდა 21.5 ათასი ლარით . იმ შემთხვევაში, თუ მუნიციპალიტეტი შემსრულებელს არ გაუფორმებდა შეთანხმებას ვადის გაგრძელებაზე და აამოქმედებდა ხელშეკრულებით გათვალისწინებულ საჯარიმო სანქციებს, მიმწოდებელს დამატებით დაეკისრებოდა 47.3 ათასი ლარის პირგასამტეხლო, მიწოდების ვადის დარღვევისათვის.

27 01 პროგრამულ კოდზე 1627 საბალანსო ანგარიშზე-„სხვა დანარჩენი მატერიალური მარაგები“, რიცხულია სხვადასხვა დასახელების, ძირითადი აქტივების ჩამოწერის შედეგად მიღებული ფასეულობები, ღირებულებით-125.12 ათასი ლარი, თუმცა ისინი ასახულია ნარჩენი და არა ჯართის ღირებულებით.

მუნიციპალიტეტის მერიის ბალანსში „სხვა მატერიალური მარაგის“ ნაშთი 2016 წლის 31 დეკემბრის მდგომარეობით შეადგენს 64,604,992 ლარს და ჯამში, მინიმუმ 34,613,729 ლარით უზუსტოდ (გაზრდილად) არის წარმოდგენილი.

ა(ა)იპ-ს სუბსიდიის მისაღებად მუნიციპალიტეტში წარდგენილი აქვთ მოთხოვნები, რომლებშიც არ არის გაანგარიშებული კონკრეტულ სამუშაოზე, რომელ პერიოდში, რა რაოდენობის თანხა უნდა გაიხარჯოს; არ არის შედგენილი სამუშაოების შესრულების გეგმა − გრაფიკი; არ არის გათვალისწინებული მომსახურების ხარისხი და კონტროლი მათ შესრულებაზე. აღნიშნულიდან გამომდინარე, მუნიციპალიტეტმა (შესაბამისმა პასუხისმგებელმა პირებმა) სუბსიდია გასცა შესასრულებელი სამუშაოების გათვალისწინების გარეშე.

სოფელ ზენში ქუჩების კეთილმოწყობის სამუშაოებზე მიმწოდებელმა წარმოადგინა ექსპერტიზის დასკვნა შესრულებული სამუშაოების მოცულობებისა და ხარისხის შესახებ. ამასთანავე, ექსპერტი მიუთითებს, რომ მიმწოდებელმა წარმოადგინა ლაბორატორიული გამოცდის შედეგები. მუნიციპალიტეტის წარმომადგენლებთან ერთად სამუშაოების დათვალიერებით გამოვლინდა, რომ ასფალტის საფარიდან არ არის აღებული ნიმუშები ხარისხის ლაბორატორიული შემოწმებისათვის, რაც წინააღმდეგობაშია წარმოდგენილი დასკვნის მონაცემებთან. გარდა ამისა, სამუშაოები უხარისხოა.

სასჯელაღსრულების და პრობაციის მინისტრის 2016 წლის 22 თებერვლის ბრძანების საფუძველზე, სახელმწიფო უსაფრთხოების სამსახურს უვადო სარგებლობაში გადაეცა სხვადასხვა დასახელების არაფინანსური აქტივები, საერთო საბალანსო ღირებულებით-242.5 ათასი ლარი, საიდანაც გრძელვადიანი აქტივების(საბალანსო ანგარიში-2122) ღირებულება შეადგენდა-97.8 ათას ლარს, ხოლო მოკლევადიანი აქტივების(1627 საბალანსე ანგარიში)-144.7 ათასს. მოკლევადიანი აქტივების გადაცემა, ნაცვლად 7621 ანგარიშისა (მიმდინარე გრანტები სასაქონლო ფორმით), ასახულია 7270 ანგარიშზე(ტრანსპორტის, ტექნიკისა და იარაღის ექსპლუატაციისა და მოვლა-შენახვის ხარჯები), შედეგად, 144.7 ათასი ლარის ხარჯი სამინისტროს 2016 წლის ფინანსურ ანგარიშგებაში, კლასიფიცირებულია არასწორად.

2016 წლის განმავლობაში, სსიპ „სახელმწიფო ქონების ეროვნულ სააგენტოს“, მისი მართვის ქვეშ მყოფი სახელმწიფოს წილობრივი მონაწილეობით მოქმედი საწარმოების კაპიტალში, ფულადი და ქონებრივი სახით სულ განხორციელებული აქვს 228,785,439 ლარის შენატანი. აქედან 196,801,748 ლარის ღირებულების ქონება, რომელიც შეტანილ იქნა საწარმოთა კაპიტალის გასაზრდელად, სააგენტოს ბალანსზე არ იყო აღრიცხული როგორც არაფინანსური აქტივი, შესაბამისად მისი კაპიტალში შეტანის შემდეგ არ მოხდა გრძელვადიან ფინანსურ აქტივებად (აქციები და სხვა კაპიტალი) ასახვა. შედეგად, 2016 წლის 31 დეკემბრის მდგომარეობით მომზადებული კონსოლიდირებული ფინანსური ანგარიშგების ფორმა N1-ში გრძელვადიანი ფინანსური აქტივებისა და მოთხოვნების ნაშთი 196,801,748 ლარით არის შემცირებული.

მერიის 2016 წლის ფინანსურ ანგარიშგებაში ანგარიშზე „არაფინანსური აქტივების მოწოდებით დარიცხული ვალდებულებების“ ნაშთი 2016 წლის 31 დეკემბრის მდგომარეობით შეადგენს 13,235,562 ლარს და 217,785 ლარით უზუსტოდ (გაზრდილად) არის წარმოდგენილი. მათ შორის, 170,657 ლარის ვალდებულება ირიცხება შპს „ნიუ ენერჯი საქჰიდროს“ მიმართ. მოპოვებული მტკიცებულებებით, 2016 წლის 31 დეკემბრის მდგომარეობით, აღნიშნული კომპანიის მიმართ, მერიამ ვალდებულებები სრულად შეასრულა. შესაბამისად, აღნიშნული დავალიანების მოცულობა ექვემდებარება კორექტირებას.

საგარეჯოს მუნიციპალიტეტის მერიაში შექმნილია შიდა აუდიტის სამსახური, რომელსაც 2016 წელს დაგეგმილი ჰქონდა 9 აუდიტის ჩატარება. წარმოდგენილი დოკუმენტების მიხედვით, ჩატარებულია მხოლოდ 6 აუდიტი. 2017 წელს გეგმით გათვალისწინებული იყო 12 ობიექტის შემოწმება. დაგეგმილი ღონისძიებებიდან ჩატარდა მხოლოდ 9 აუდიტი. აღსანიშნავია, რომ გეგმის მიხედვით ობიექტების შემოწმება უნდა ჩატარებულიყო სისტემური, ფინანსური, შესაბამისობისა და ეფექტიანობის აუდიტების სახით. თუმცა აუდიტის ანგარიშების შინაარსი შედგენილია იდენტურად და უმეტეს შემთხვევაში ეხება ობიექტების საქმიანობის აღწერას. ზემოაღნიშნული გარემოებები მიუთითებს იმაზე, რომ 2016-2017 წლებში საგარეჯოს მუნიციპალიტეტის შიდა აუდიტის სამსახური, თავის ფუნქცია-მოვალეობებს ასრულებდა არასრულყოფილად, კერძოდ, საქართველოს კანონის „სახელმწიფო შიდა ფინანსური კონტროლის შესახებ“ მოთხოვნების დარღვევით.

2017 წელს მუნიციპალიტეტმა ტენდერის საშუალებით შეისყიდა სოფელ საგვიჩიოს ცენტრალური გზის სარეაბილიტაციო სამუშაოები. მხარეთა შეთანხმებით, სამუშაოების მიწოდების ვადა შეიცვალა სამჯერ და ჯამში გაგრძელდა 45 დღით, უამინდობის მოტივით. მუნიციპალიტეტს არ უნდა გაეზარდა სამუშაოების მიწოდების ვადა. ამ შემთხვევაში, მიმწოდებელს სამუშაოების პირველი ეტაპისათვის დაერიცხებოდა 41.4 ათასი ლარი გეგმა-გრაფიკის დარღვევისათვის და 3.9 ათასი ლარი – მიწოდების ვადის დარღვევისათვის. მეორე ეტაპზე საჯარიმო სანქცია გეგმა-გრაფიკის დარღვევისათვის შეადგენს 71.0 ათას ლარს და მიწოდების ვადის დარღვევისათვის – 7.0 ათას ლარს.

2016 წლის აგვისტოს თვეში, სამინისტროს მიერ ბალანსზე აღებულია სასჯელაღსრულების მე-15 და მე-16 დაწესებულებების პურის საცხობის ფართები , ჯამური ღირებულებით-81.36 ათასი ლარი. აღნიშნული საცხობები აშენებული იყო შპს „ნილი“-ს მიერ აღნაგობის ხელშეკრულებით გათვალისწინებული პირობების ფარგლებში. მე-15 დაწესებულებაში არსებული ქონების აღნაგობის ვადა დასრულებულია 2015 წელს, მე-16 დაწესებულების-2013 წელს, შესაბამისად, აქტივების მიღების ოპერაციები მისაკუთვნებელია ამავე პერიოდებზე.

სამინისტროს კონსოლიდირებულ ფინანსურ ანგარიშგებაში ირიცხება 9,500,061 ლარის სხვა მოკლევადიანი მოთხოვნები, ამათგან 4,649,130 ლარის მოთხოვნების მაიდენტიფიცირებელი პირველადი დოკუმენტაცია სამინისტროში არ იძებნება. შესაბამისად, ჩვენ ვერ მოვიპოვეთ რწმუნება 2016 წლის 31 დეკემბრის მდგომარეობით მომზადებული კონსოლიდირებული ფინანსური ანგარიშგების ფორმა N1-ში 4,649,130 ლარის სხვა მოკლევადიანი მოთხოვნების არსებობაზე.

მერიის 2016 წლის ფინანსურ ანგარიშგებაში 2016 წლის 31 დეკემბრის მდგომარეობით ირიცხება 30,414 ლარის ვალდებულებები, რომლებიც წარმოშობილია 2002-2004 წლებში. მუნიციპალიტეტის მერის 2016 წლის 18 ნოემბერის N1019 ბრძანებით შექმნილი ფინანსური მოთხოვნებისა და ვალდებულებების ინვენტარიზაციის შედეგად დადგინდა, რომ აღნიშნულ ვალდებულებებთან დაკავშირებით არ მოიძებნა დოკუმენტაცია და ხანდაზმულობის გამო ექვემდებარება კორექტირებას. აღსანიშნავია, რომ კრედიტორი - შპს „წყალგაყვანილობისა და თბომეურნეობის ტრესტი“, რომლის მიმართაც ირიცხება 28,844 ლარის დავალიანება, ლიკვიდირებულია. შესაბამისად, 30,414 ლარის ოდენობის სხვა მოკლევადიანი კრედიტორული დავალიანების რეალობა არ დასტურდება.

2016 წელს ონის მუნიციპალიტეტმა, შპს „ინვესტროირეგიონის წარმომადგენლობა საქართველოსთან“ გააფორმა ხელშეკრულება კვაშხიეთი-შქმერის გზის მონაკვეთისა და ქალაქ ონის შიდა ქუჩების მოასფალტების სამუშაოების შესყიდვაზე. საკასო ხარჯმა შეადგინა 1,026.0 ათასი ლარი. სამუშაოების დასრულებიდან ორ თვეში, მუნიციპალიტეტმა წერილობით მიმართა შპს-ს და აცნობა მათ მიერ შესრულებულ სამუშაოებზე 9 ადგილას ხარვეზების არსებობის შესახებ. შემსრულებლის მხრიდან ხარვეზების გამოსასწორებლად რეაგირება არ ყოფილა. აუდიტის ჯგუფმა, მუნიციპალიტეტის წარმომადგენლებთან ერთად, ადგილზე დაათვალიერა აღნიშნული პროექტი. დადასტურდა, რომ კვაშხიეთი-შქმერის გზის საფარი დაზიანებულია (დეფორმირებულია და დაბზარულია). ასევე ხარვეზები შეინიშნება ამავე ხელშეკრულების ფარგლებში განხორციელებულ სამუშაოებზე, ქ. ონში გვანცა დედოფლის ქუჩის შესახვევსა და კორპუსების შიდა ეზოებში. ხელშეკრულების პირობების შესაბამისად, სამუშაოებზე ჩატარებულია ექსპერტიზა. წარმოდგენილია შპს „საქართველოს ექსპერტთა კოლეგიის“ მიერ შედგენილი დასკვნა, სადაც მითითებულია, რომ შესწავლილია შესრულებული სამუშაოს მოცულობა და ხარისხი მხოლოდ ვიზუალურად. ასევე შპს „მშენებელ სერვის ცენტრის“ მიერ ჩატარებულია ასფალტის ნიმუშების ლაბორატორიული კვლევა. თუმცა აღსანიშნავია, რომ კვლევისათვის ნიმუშები წარდგენილი აქვს თვითონ შემსრულებელს, რაც მაღალი რისკის შემცველია. ლაბორატორიული კვლების შედეგებში არ არის მითითებული, კონკრეტულად გზის რომელი მონაკვეთიდან იქნა აღებული საკვლევი ნიმუში.

2016 წელს ხობის მუნიციპალიტეტმა ელექტრონული ტენდერის საშუალებით შეისყიდა ქვემო ქვალონის ადმინისტრაციული ერთეულის სოფელ გიმოზგონჯილში ქუჩის კეთილმოწყობის (მოასფალტების) სამუშაოები. მუნიციპალიტეტმა არ დააჯარიმა მიმწოდებელი და სამუშაოების დასრულების ვადა უამინდობის მოტივით გაზარდა 26 აპრილის ჩათვლით – 37 დღით. საბოლოოდ შპს „შარა-გზამშენი პირველმა“ სამუშაოები 40 დღიანი გადაცილებით – 2017 წლის 5 ივნისს დაასრულა და დაეკისრა პირგასამტეხლო ჯამში 25.2 ათასი ლარის ოდენობით . იმ შემთხვევაში, თუ მუნიციპალიტეტი არ გაზრდიდა მიწოდების ვადას, შპს „შარა-გზამშენი პირველს“ დამატებით დაეკისრებოდა 23.3 ათასი ლარის პირგასამტეხლო, მიწოდების ვადის დარღვევისათვის.

27 01 პროგრამულ კოდზე("საერთაშორისო სტანდარტების შესაბამისი პენიტენციური სისტემის ჩამოყალიბება") 26 შემთხვევაში მოხდა დანამატის თანამდებობრივ სარგოზე 2-ჯერ მეტი ოდენობით გაცემა , 2 შემთხვევაში მოხდა მაქსიმალური ოდენობის 6,250 ლარის (თანამდებობრივ სარგოზე 2,3-ჯერ მეტი) დანამატის წლის განმავლობაში ყოველთვიური გაცემა , რაც თავისი ყოველთვიური შინაარსიდან გამომდინარე უფრო თანამდებობრივი სარგოს ხასიათს ატარებს, ვიდრე დანამატის. აღნიშნული დანამატების გაცემა სამინისტროს მხრიდან დასაბუთებულია ზეგანაკვეთური ან/და განსაკუთრებულად საპასუხისმგებლო სამუშაოს შესრულებით. აღსანიშნავია, რომ სამინისტროს მიერ არ ხდება კანონმდებლობით გათვალისწინებული მოთხოვნების დარღვევა, თუმცა, სახეზეა თანამდებობრივი სარგოს და დანამატის თანაფარდობის არაგონივრული მაჩვენებელი.

სამინისტროს კონსოლიდირებულ ფინანსურ ანგარიშგებაში ირიცხება 2,971,426 ლარის სხვა მოკლევადიანი კრედიტორული დავალიანებები, ამათგან 997,501 ლარის ვალდებულებების მაიდენტიფიცირებელი პირველადი დოკუმენტაცია სამინისტროში არ იძებნება. შესაბამისად, ჩვენ ვერ მოვიპოვეთ რწმუნება 2016 წლის 31 დეკემბრის მდგომარეობით მომზადებული კონსოლიდირებული ფინანსური ანგარიშგების ფორმა N1-ში 997,501 ლარის სხვა მოკლევადიანი კრედიტორული დავალიანებების არსებობაზე.

მერიის ფინანსურ ანგარიშგების თანახმად, ძირითადი კაპიტალის მოხმარების ფაქტობრივი ხარჯი, 2016 წლის 31 დეკემბრის მდგომარეობით, შეადგენს 12,064,396 ლარს. აუდიტორული პროცედურების შედეგად დგინდება, რომ ძირითადი კაპიტალის მოხმარების ხარჯში ასახულია იმ ძირითად აქტივებზე დარიცხული ცვეთაც, რომელიც მოქმედი რეგულაციების გათვალისწინებით, არ ექვემდებარებოდა მუნიციპალიტეტის მერიის ბალანსზე აღრიცხვას, რაც ხელოვნურად ზრდის ძირითადი კაპიტალის მოხმარების ფაქტობრივ ხარჯს.

2016 წელსონის მუნიციპალიტეტმა გააფორმა ხელშეკრულება შპს „ინვესტროირეგიონის წარმომადგენლობა საქართველოსთან“, ონის მუნიციპალიტეტის სოფლებში − ბარი-მრავალძლის მისასვლელი გზის მოწყობის სამუშაოების შესყიდვაზე . შესრულებული სამუშაოს ღირებულებამ შეადგინა 531.4 ათასი ლარი. აუდიტის ჯგუფმა, 2018 წლის 12 ივნისს, ადგილზე დაათვალიერა აღნიშნული პროექტი. გამოვლინდა, რომ დაზიანებულია (დეფორმირებული და დაბზარულია) მოასფალტებული გზის საფარი. სამუშაოებზე წარმოდგენილია შპს „საქართველოს ექსპერტთა კოლეგიის“ მიერ შედგენილი ექსპერტიზის დასკვნა, რომელიც ადასტურებს შესრულებული სამუშაოს მოცულობასა და ხარისხს მხოლოდ ვიზუალურად. ასევე შპს „მშენებელ სერვის ცენტრის“ მიერ ჩატარებულია ლაბორატორიული კვლევა, სადაც მითითებულია, რომ ხარისხი შეესაბამება მოთხოვნებს, თუმცა ლაბორატორიული კვლევისათვის ნიმუშები წარდგენილი აქვს თვითონ შემსრულებელს, რაც მაღალი რისკის შემცველია. ასევე დასკვნებში არ არის მითითებული, კონკრეტულად გზის რომელი მონაკვეთიდან იქნა აღებული საკვლევი ნიმუში.

სოფელ გიმოზგონჯილში ქუჩის კეთილმოწყობის სამუშაოებისათვის უდიტის ჯგუფმა მუნიციპალიტეტის პასუხისმგებელ პირებთან ერთად დაათვალიერა შესრულებული სამუშაოები. გამოვლინდა, რომ ასფალტის საფარიდან ნიმუშები ლაბორატორიული შემოწმების მიზნით არ აღებულა. ამდენად, გაურკვეველია თუ რომელი მასალის ლაბორატორიული გამოცდის შედეგები იქნა წარდგენილი ექსპერტიზისათვის. ამასთანავე, რეაბილიტირებული გზა ტალღოვანია, შეინიშნება ბზარები და ზოგიერთი ადგილი დაზიანებულია. ბეტონის სათავისები (ბოგირები) მოწყობილია უხარისხოდ.

2016 წლის განმავლობაში, 27 01 პროგრამულ კოდზე ბიუჯეტით დამტკიცებული საშტატო რიცხოვნობა შეადგენდა 4,587 ერთეულს, წლის განმავლობაში ფაქტობრივად დასაქმებულთა საშუალო რიცხოვნობა-3,799 ერთეულს, ვაკანსიების შედეგად აუთვისებელი თანხებით ხდებოდა პრემია-დანამატების გაცემა. 27 02 პროგრამულ კოდზე ბიუჯეტით დამტკიცებული საშტატო რიცხოვნობა შეადგენდა 367 ერთეულს, წლის განმავლობაში ფაქტობრივად დასაქმებულთა საშუალო თვიური ოდენობა-311 ერთეულს. ვინაიდან ქალთა თავისუფლების შეზღუდვის დაწესებულების გაუხსნელობის გამო აუთვისებელი დარჩა სახელფასო ფონდისთვის განსაზღვრული რესურსი, აღნიშნულ პროგრამულ კოდზე შრომის ანაზღაურების ფონდში წარმოქმნილი ეკონომიის ნაწილი (334.0 ათასი ლარი) მიმართულ იქნა 27 01 01 პროგრამულ კოდზე, „შრომის ანაზღაურების“ მუხლში, ახალი წლის დღესასწაულთან დაკავშირებული პრემიის გასაცემად. დარჩენილი ეკონომიების ათვისება ასევე მოხდა პრემია-დანამატების გაცემით.

საზღვაო აკადემიას არ აქვს განხორციელებული დებიტორულ და კრედიტორულ დავალიანებებზე არსებული უარყოფითი ნაშთების რეკლასიფიკაცია. აღრიცხვის ინსტრუქციის შესაბამისად , დაუშვებელია აქტივებისა და ვალდებულებების ურთიერთგადაფარვა. აქედან გამომდინარე, 2016 წლის 31 დეკემბრის მდგომარეობით მომზადებული კონსოლიდირებული ფინანსური ანგარიშგების ფორმა N1-ში სხვა მოკლევადიანი მოთხოვნების ნაშთი 237,141 ლარით არის შემცირებული.

მერიაში მნიშვნელოვან პრობლემას წარმოადგენს კონკურენციის გარეშე ჩატარებული ტენდერები. კერძოდ, დადებითი შედეგით დასრულებული ტენდერების (კონსოლიდირებული ტენდერების გარეშე) 54.1% ჩატარდა მხოლოდ ერთი პრეტენდენტის მონაწილეობით და შესყიდვის სავარაუდო ღირებულება უმეტეს შემთხვევაში არ შეცვლილა ან უმნიშვნელოდ შემცირდა. ტენდერებზე კონკურენციის არარსებობა მნიშვნელოვანი რისკის შემცველია შემსყიდველ ორგანიზაციებში ბაზრის ეფექტური კვლევის პრობლემის გათვალისწინებით.

2016 წელსონის მუნიციპალიტეტმა გააფორმა ხელშეკრულება შპს „ინვესტროირეგიონის წარმომადგენლობა საქართველოსთან“, ონის მუნიციპალიტეტის სოფლებში − ბარი-მრავალძლის მისასვლელი გზის მოწყობის სამუშაოების შესყიდვაზე . შპს მუნიციპალიტეტმა დააჯარიმა ხელშეკრულებით გათვალისწინებული ვალდებულების დარღვევისათვის (არაჯეროვანი შესრულებისათვის) 0.3 ათასი ლარით. არაჯეროვან შესრულებაში იგულისხმება, რომ მიმწოდებელს არ შეუსრულებია ხარჯთაღრიცხვით გათვალისწინებული პუნქტები − საგზაო მონიშვნისა და საგზაო ნიშნების მონტაჟი. მუნიციპალიტეტის მიერ სამუშაოების საბოლოო მიღება-ჩაბარების აქტის გაფორმებისა და ანგარიშსწორების მომენტში გასული იყო ხელშეკრულების მოქმედების ვადა. ასევე ვადა ჰქონდა გასული 30.2 ათასი ლარის ღირებულების ხელშეკრულების შესრულების უზრუნველყოფის საბანკო გარანტიას, რომლითაც ბანკი იღებდა პასუხისმგებლობას მუნიციპალიტეტის წინაშე შემსრულებლის მიერ ხელშეკრულების პირობების დარღვევის შემთხვევაში. იმის გამო, რომ მუნიციპალიტეტმა არ გააგრძელა ხელშეკრულების მოქმედებისა და საბანკო გარანტიის ვადა, დაკარგა დამატებითი შემოსავლის მიღების შესაძლებლობა.

აღსანიშნავია, რომ სოფელ გიმოზგონჯილში ქუჩის კეთილმოწყობის სამუშაოებისათვის ხელშეკრულების პირობები მოსახლეობის ეზოებისა და გზის მიერთების მონაკვეთებზე ითვალისწინებდა ასფალტის პირველ ფენად მსხვილი და მეორე ფენად წვრილმარცვლოვანი ფრაქციების მოწყობას. წვრილმარცვლოვანი ფრაქციების მოწყობა დადასტურებული და ანაზღაურებულია შესრულებული სამუშაოების აქტებით, მიღება-ჩაბარების აქტებით და საექსპერტო დასკვნით. გზის დათვალიერებით გაირკვა, რომ ეზოების შესასვლელებში წვრილმარცვლოვანის ნაცვლად მოწყობილია მსხვილმარცვლოვანი ფრაქცია

2018 წლის მონაცემებით ზოგადსაგანმანათლებლო დაწესებულებების მხოლოდ 21%-ია უზრუნველყოფილი მანდატურით. სკოლების 44% აღჭურვილია ვიდეოკამერებით და აღნიშნული სკოლები ასევე უზრუნველყოფილია მანდატურით. ამავე დროს, ქვეყნის მასშტაბით ფიქსირდება 1,161 (50%) სკოლა, სადაც არ არის მანდატური, უსაფრთხოებაზე პასუხისმგებელი პირი და ვიდეოკამერები;

შტატგარეშე მოსამსახურეებიდან სამინისტროს აპარატის 46, პრობაციის ეროვნული სააგენტოს - 29, ხოლო სასწავლო ცენტრის - 14 თანამშრომელი 2 წელი და მეტი პერიოდის განმავლობაში ასრულებს ერთი და იმავე დაკისრებულ სამუშაოს ერთ თანამდებობრივ პოზიციაზე, რაც შესასრულებელ სამუშაოთა მუდმივ საჭიროებაზე მიუთითებს. აღნიშნული კი ეწინააღმდეგება „საჯარო სამსახურის შესახებ“ საქართველოს კანონის მე-8 მუხლის მოთხოვნებს .

საზღვაო აკადემიას არ აქვს განხორციელებული დებიტორულ და კრედიტორულ დავალიანებებზე არსებული უარყოფითი ნაშთების რეკლასიფიკაცია. აღრიცხვის ინსტრუქციის შესაბამისად, დაუშვებელია აქტივებისა და ვალდებულებების ურთიერთგადაფარვა. აქედან გამომდინარე, 2016 წლის 31 დეკემბრის მდგომარეობით მომზადებული კონსოლიდირებული ფინანსური ანგარიშგების ფორმა N1-ში სხვა მოკლევადიანი კრედიტორული დავალიანებების ნაშთი 382,013 ლარით არის შემცირებული.

ოთხი ერთეული საცხოვრებელი სახლის მშნებლობის სახელმწიფო შესყიდვის პროცესში, მუნიციპალიტეტის მერიის შესაბამისი კომპეტენციის მქონე პირების მხრიდან, გადაწყვეტილებების მიღების დროს, გარემოებათა არაჯეროვანი გამოკვლევისა და მოსალოდნელი რისკების შეუფასებლობის გამო, მუნიციპალიტეტს მიადგა არანაკლებ 1,430,342 ლარის ზიანი.

მუნიციპალიტეტმა მიმართ შპს „დაგი+“-ს, აცნობა 7 მეტრიანი დაზიანებული მონაკვეთის შესახებ და მოითხოვა ხარვეზების აღმოფხვრა გონივრულ ვადაში. მიმწოდებელმა წარმოადგინა სექსპერტიზის დასკვნა, სადაც შესწავლილია გზის დაზიანების გამომწვევი მიზეზები. დასკვნის მიხედვით, დაზიანებული გზის მონაკვეთზე წარმოქმნილია საშუალო სიმძლავრის მეწყერული სხეული, რამაც გამოიწვია საავტომობილო გზის სავალი ნაწილის მარცხენა მხარის დეფორმირება. ამასთანავე მითითებულია, რომ აღნიშნულ მონაკვეთზე მოწყობილია გზის გადამკვეთი წყალსადინარი პლასტმასის მილი, აღნიშნული მილის საშუალებით საავტომობილო გზის მარჯვენა მხარეს არსებული კიუვეტის გარკვეულ მონაკვეთებზე შეკრებილი წყალი გადადიოდა გზის მარცხენა გვერდზე და იღვრებოდა, დაახლოებით, 40-45° დახრილობის მქონე ფერდობზე, რასაც შესაძლებელია გამოეწვია ფერდობის გაწყლოვანება და აღნიშნული მეწყრული პროცესების წარმოქმნა/გააქტიურება. აუდიტორული შესწავლის შედეგად გამოვლინდა, რომ ექსპერტიზის დასკვნაში მითითებული წყალსადინარის პლასტმასის მილის მოწყობა არ არის გათვალისწინებული სამუშაოების საპროექტო დოკუმენტაციაში. გზის დაზიანებულ მონაკვეთზე წყლის გადამკვეთი მილი მოწყობილია გაუთვალისწინებელი სამუშაოების ფარგლებში. პროექტში შევიდა ცვლილება ისე, რომ არ ყოფილა შეთანხმებული პროექტის ავტორთან. სამუშაოების ადგილზე დათვალიერების შედეგად გამოვლინდა, რომ ხარვეზი ნაწილობრივ გამოსწორებულია, მაგრამ საჭიროებს დამატებითი სამუშაოების ჩატარებას.

2017 წელს მუნიციპალიტეტმა ტენდერის საშუალებით შეისყიდა სოფელ პატარა ფოთის ქუჩების კეთილმოწყობის სამუშაოები . ჯამში მიწოდების პერიოდი უამინდობის გამო გაიზარდა 33 დღით. უამინდობის მოტივი მუნიციპალიტეტს მიწოდების ვადის გაზრდისათვის არ უნდა გაეთვალისწინებინა.. ამ შემთხვევაში, მიმწოდებელს სამუშაოების პირველი ეტაპისათვის დაერიცხებოდა 9.1 ათასი ლარი – გეგმა-გრაფიკის დარღვევისათვის და 0.9 ათასი ლარი – მიწოდების ვადის დარღვევისათვის. მეორე ეტაპზე საჯარიმო სანქცია გეგმა-გრაფიკის დარღვევისათვის შეადგენს 15.4 ათას ლარს და მიწოდების ვადის დარღვევისათვის – 0.8 ათას ლარს. აღსანიშნავია, რომ სამუშაოების 33 დღით დაგვიანების პორობებშიც კი, საჯარიმო სანქცია ვადაგადაცილებისათვის შეადგენს მხოლოდ 1.7 ათას ლარს , საჯარიმო სანქციის სიმცირის გამო.

მანდატურის სამსახურის მიერ არ ხდება ზოგადსაგანმანათლებლო დაწესებულების გარემოს შეფასება, არ ხდევა საქართველოს შინაგან საქმეთა სამინისტროს და გენერალური პროკურატურის მონაცემების ანალიზი არასრულწლოვანთა ინციდენტების შესახებ.

27 01 პროგრამულ კოდზე შესყიდვების გეგმაში წლის განმავლობაში არაერთი ცვლილებაა განხორციელებული. სამინისტროს მიერ ვერ იქნა წარმოდგენილი ინფორმაცია, თუ რამდენჯერ და რა მიზეზით განხორციელდა გეგმაში ცვლილებები. წარმოდგენილია მხოლოდ გეგმის პირვანდელი და საბოლოო ვერსია, რომელთა შესწავლის შედეგად გამოვლინდა სხვადასხვა სახის ნაკლოვანებები, კერძოდ: • გარკვეულ შემთხვევებში ტენდერების გამოცხადება ხდებოდა შესყიდვების გეგმაში ცვლილების შეტანამდე, რაც შეუსაბამობაშია მოქმედ კანონმდებლობასთან ; • ფიქსირდება გეგმაში ცვლილების შეტანამდე გამარტივებული ფორმით ხელშეკრულებების გაფორმების შემთხვევები; • სხვადასხვა CPV კოდებზე ფიქსირდება გეგმით გათვალისწინებული თანხების ათვისების დაბალი მაჩვენებელი; • მიუხედავად იმისა, რომ სასჯელაღსრულებისა და პრობაციის მინისტრის ბრძანების შესაბამისად, სამხედრო ფორმებთან მიმართებაში გაწერილია ნორმები, რომლის მიხედვითაც თითოეულ სამხედრო მოსამსახურეს წლის განმავლობაში ეკუთვნის 2 კომპლექტი საველე ფორმა, ერთი კომპლექტი დათბილული ქურთუკი და შარვალი, ხოლო წვევამდელთა გაწვევა წელიწადში 2-ჯერ ხორციელდება, სამინისტროს 2016 წლისათვის დამტკიცებულ თავდაპირველ შესყიდვების გეგმაში 182 00000 CPV კოდით გათვალისწინებული ჰქონდა მხოლოდ 10.0 ათასი ლარი (გამარტივებული ელ. ტენდერი), რომელიც წლის განმავლობაში რამდენიმეჯერ შეიცვალა.

სამინისტროს აპარატის ბალანსზე ირიცხება 2,063,764 ლარის ღირებულების არამატერიალური აქტივები, საიდანაც 32,481 ლარის აქტივები (ლიცენზიები, კომპიუტერული პროგრამები და სხვა) მოძველებულია და აღარ გამოიყენება.

ჟილინის არხის კაპიტალური რეკონსტრუქციის სამუშაოების სახელმწიფო შესყიდვებზე, ხელშეკრულებების ფარგლებში შესრულებული ფარული სამუშაოების ღირებულება შეადგენს 883,095 ლარს, რაც მთლიანი სამუშოები 77.6%-ია. საკმარისი დოკუმენტური დასაბუთების გარეშე, მერიის მიერ, ჟილინის არხის კაპიტალური რეკონსტრუქციის პროექტის ფარგლებში, ფარული სამუშაოების ჩათვლა და გადახდა, ქმნის საჯარო ფინანსების არამიზნობრივი განკარგვის რისკებს.

2016 წელს ონის მუნიციპალიტეტმა ელ. ტენდერის საშუალებით შპს „ვლადნეფტპროდუქტის წარმომადგენლობას საქართველოსგან “შეისყიდა ქ. ონში, აღმაშენებლის ქ. N52-ში არსებული შენობის სარეკონსტრუქციო სამუშაოები, ღირებულებით 792.4 ათასი ლარი. სატენდერო პირობების მიხედვით მოთხოვნილი იყო რომ პრეტენდენტს ქონოსა 3 მლნ ლარის ანალოგიური სამუშაოს გამოცდილება. სამუშაოები ტენდერში გამარჯვებული კომპანიის ნაცვლად შეასრულა შპს „თა-ჯგუფმა“. გამოვლინდა, რომ აღნიშნული ფირმა დაარსებულია მუნიციპალიტეტსა და შპს „ვლადნეფტპროდუქტის წარმომადგენლობა საქართველოს“ შორის ხელშეკრულების დადების შემდეგ და შესაბამისად არანაირი გამოცდილება არ გააჩნდა. შემსრულებელი კომპანიის გამოუცდელობის გამო, თავიდანვე არსებობდა რისკი იმისა, რომ ფირმა ვერ შეძლებდა სამუშაოების ხარისხიანად შესრულებას და ხელშეკრულებით განსაზღვრულ ვადებში დასრულებას. ხელშეკრულების პირობების მიხედვით, სამუშაოების დასრულების ვადად განისაზღვრა ხელშეკრულების გაფორმებიდან 110 კალენდარული დღე. სამუშაოების მიმდინარეობის პროცესში ხელშეკრულებაში შევიდა სულ 7 ცვლილება და სამუშაოების საბოლოო მიწოდების ვადად გადაიწია 291 კალენდარული დღით. შპს-ს წარმოდგენილი აქვს ექსპერტიზის დასკვნა, სადაც შესწავლილია მხოლოდ შესრულებული სამუშაოს ტექნიკური ნაწილი, ხარისხის გარეშე. აღნიშნული ექსპერტიზის დასკვნა მუნიციპალიტეტისათვის არ უნდა ყოფილიყო საკმარისი მტკიცებულება შესრულებული სამუშაოების ხარისხთან დაკავშირებით, მით უმეტეს იმ პირობებში, როდესაც სამუშაოები რეალურად შესრულებული აქვს ახლადშექმნილ და გამოუცდელ კომპანიას.

2016 წელს მუნიციპალიტეტმა შეისყიდა ქ. ხობის ქუჩების რეაბილიტაციის, კერძოდ გურამიშვილის, ლოლუას, ვეკუას, ჯავახიშვილისა და მშვიდობის ქუჩების მოასფალტების სამუშაოები . შპს „შარა-გზამშენი პირველთან“ გაფორმებული ხელშეკრულების საკასო ხარჯი 569.3 ათასი ლარია. მიმწოდებელმა წარმოადგინა დადებითი საექსპერტო დასკვნა, რომელიც გაცემულია შესრულებული და ფარული სამუშაოების აქტების, ასფალტისა და ქვიშა-ღორღის ლაბორატორიული დასკვნების საფუძველზე. აუდიტის ჯგუფმა ობიექტი დაათვალიერა მუნიციპალიტეტის წარმომადგენლებთან ერთად. აღმოჩნდა, რომ ასფალტის საფარიდან არ არის აღებული ნიმუშები ხარისხის შესამოწმებლად. ამდენად, გაურკვეველია თუ რომელი მასალის ლაბორატორიული გამოცდის შედეგები წარედგინა საექსპერტო დაწესებულებას. გარდა ამისა, ქუჩებზე შეინიშნება ბზარები და ზოგიერთი ადგილი დაზიანებულია.

ზოგადსაგანმანათლებლო დაწესებულება, რომელიც ითხოვს მანდატურს, მაგრამ მანდატურის სამსახურის მიერ არ არის გათვალისწინებული მომავალი წლის გეგმაში, დამატებითი კომისიური განხილვისა და გადაწყვეტილების გარეშე იღებს უარს მანდატურის გამოყოფის თაობაზე.

2016 წელს მედიკამენტების შესყიდვის მიზნით განხორციელებულ ტენდერებში გამოვლენილი ნაკლოვანებები: -მედიკამენტების ტენდერების უშედეგოდ დასრულება ხშირად უკავშირდება ბაზრის კვლევასა და სავარაუდო ღირებულების განსაზღვრასთან დაკავშირებულ ნაკლოვანებას, კერძოდ, ტენდერების გამოცხადებამდე ტარდება ბაზრის კვლევა, წინადადებები ეგზავნება სამ კომპანიას: შპს „ავერსი ფარმა“, შპს „პსპ ფარმა“, შპს „ეი-ბი-სი ფარმაცია“. სავარაუდო ღირებულება განისაზღვრება ყველაზე დაბალი ფასის წარმომდგენი პრეტენდენტის ფასზე კიდევ უფრო დაბალ ფასად და ტენდერი უშედეგოდ მთავრდება. ტენდერების ხელმეორედ გამოცხადების წინ კვლავ ტარდება ბაზრის კვლევა. აღსანიშნავია ის გარემოება, რომ სამივე კომპანია, ყოველი მომდევნო ბაზრის კვლევის ეტაპზე ხშირად ფასს ზრდის, რაც იწვევს ხელმეორედ გამოცხადებული ტენდერების სავარაუდო ღირებულების გაზრდას. არის შემთხვევები, როდესაც ერთი და იგივე დასახელების მედიკამენტების შესყიდვის მიზნით გამოცხადებული ტენდერები 2-ჯერ არ შედგა და მხოლოდ მესამედ გამოცხადების შემდგომ, სავარაუდო ღირებულების გაზრდისა და შესასყიდი მედიკამენტების რაოდენობების შემცირების შემთხვევაში გაფორმდა ხელშეკრულება; -სამინისტროს მიერ 2016 წელს მედიკამენტების შესყიდვების დაგეგმვისას ზოგიერთ შემთხვევაში არ არის გათვალისწინებული წინა წელს მოხმარებული მედიკამენტების რაოდენობა. ძირითადად, სამინისტროს მიერ ელექტრონული ტენდერები გამოცხადებულია მოცულობით საკმაოდ დიდი რაოდენობის მედიკამენტებზე, რაც მცირებიუჯეტიანი კომპანიებისთვის კონკურენციის შეზღუდვის რისკს შეიცავს; • მედიკამენტების შესყიდვის მიზნით გამოცხადებული ელექტრონული ტენდერების სატენდერო დოკუმენტაციით მოთხოვნილია მთელი რიგი საკვალიფიკაციო მონაცემები: მათ შორის ამონაწერი მეწარმეთა და არასამეწარმეო (არაკომერციული) იურიდიულ პირთა რეესტრიდან, რომელიც ადასტურებს, რომ პრეტენდენტის ქონებაზე არ არის რეგისტრირებული ყადაღა/აკრძალვა, საგადასახადო გირავნობა/იპოთეკა და არ არის რეგისტრირებული მოვალეთა რეესტრში. გამომდინარე იქედან, რომ დღეის მდგომარებით საქართველოში უამრავ კომპანიას ერიცხება საგადასახადო გირავნობა/იპოთეკა, შესაძლოა, გამოცხადებულ ტენდერებში მონაწილეობას არ იღებს სხვა შედარებით მცირე კომპანია, თუმცა ამის შესახებ პრეტენზია (მათ შორის გასაჩივრების უფლება) არავის გამოუხატავს. აღნიშნული მოთხოვნა სამინისტროს მიერ გამოცხადებული სხვადასხვა ტენდერის სატენდერო დოკუმენტაციით არის გათვალისწინებული, თუმცა სხვა შემთხვევებში მათ მიერვე ხდება მოთხოვნის უგულებელყოფა და სატენდერო კომისიის მიერ არ ხორციელდება იმ პრეტენდენტის დისკვალიფიკაცია, რომლის ქონებაზეც რეგისტრირებული იყო საგადასახადო გირავნობა/იპოთეკა . მართალია პრაქტიკაში ამ პირობას არ იყენებს სამინისტრო, თუმცა საკვალიფიკაციო პირობებში ასეთი მოთხოვნის ჩადებამ შესაძლოა შეზღუდოს კონკურენცია და სწორედ ამ პირობის გამო, რომელიმე სხვა კომპანიამ არ წარმოადგინოს შესაბამისი შეთავაზება.

ტურიზმის ადმინისტრაციის ბალანსზე ირიცხება ქ.თბილისში, მტკვრის ქ. N3-ში არსებულ შენობაში მდებარე 147,37 მ2 ფართი, რომელიც არ არის შეფასებული და აღრიცხულია მხოლოდ მასზე გაწეული კაპიტალიზებადი დანახარჯების ღირებულებით (4,901 ლარი). აღრიცხვის ინსტრუქციის თანახმად , შენობის მიღებისას უნდა მომხდარიყო მისი ფულადი ღირებულებით ასახვა. შესაბამისად, 2016 წლის 31 დეკემბრის მდგომარეობით მომზადებული კონსოლიდირებული ფინანსური ანგარიშგების ფორმა N1-ში ძირითადი აქტივების ნაშთი შემცირებული სახით არის წარმოდგენილი.

მწვანე კონცხის დასახლებაში, ქუჩების გაფართოებისა და ბოტანიკური ბაღის შესასვლელთან არსებული ტერიტორიის კეთილმოწყობის სამუშაოების სახელმწიფო შესყიდვასთან დაკავშირებით გაფორმებული ხელშეკრულებების ფარგლებში, შესრულებული სამუშაოს მოცულობისა და ხარისხის შესაბამისობის დოკუმენტური დადასტურების გარეშე, მერიის მიერ მიმწოდებლებზე გადახდილია 3,230,581 ლარი. მათ შორის, ფარული სამუშაოების ღირებულება შეადგენს 1,254,742 ლარს, რაც სამუშაოების მთლიანი ღირებულების 38.8%-ია. აღნიშნული გარემოება წარმოშობს საჯარო ფინანსების არამიზნობრივი განკარგვის რისკებს.

2017 წელს ონის მუნიციპალიტეტმა გამოაცხადა ტენდერი ქ. ონში, სპორტული კომპლექსის შენობის რეკონსტრუქცია-რეაბილიტაციისათვის. სატენდერო დოკუმენტაციით, პრეტენდენტს მოეთხოვებოდა 5 მლნ ლარის ღირებულების ანალოგიური სამუშაოების გამოცდილება. ტენდერში გამარჯვებულად გამოცხადდა შპს „სიმვოლის წარმომადგენლობა საქართველოში“ და გაფორმდა ხელშეკრულება ღირებულებით − 740.0 ათასი ლარი. სამუშაოს შესრულების ვადად განისაზღვრა ხელშეკრულების გაფორმებიდან 135 კალენდარული დღე. სამუშაოების მიმდინარეობის პროცესში ხელშეკრულებაში შევიდა ექვსი ცვლილება და სამუშაოების დასრულების ვადა გადაიწია 8 თვით. წარმოდგენილი დოკუმენტაციის მიხედვით, ვადის გადაწევის საფუძველი იყო იატაკის მოსაწყობად საჭირო ხე-მასალის შრობის პროცესი, უამინდობა და პროექტის დეტალების კორექტირება. აუდიტის ჯგუფის მოსაზრებით, მიმწოდებლის მიერ წარმოდგენილი ვერც ერთი არგუმენტი ვერ ჩაითვლება 8 თვით სამუშაოების შესრულების ვადის გადაწევის ობიექტურ მიზეზად. აღნიშნულს ადასტურებს ის გარემოება, რომ ხელშეკრულებით თავდაპირველად განსაზღვრული ვადის ამოწურვისას, მიმწოდებელს შესრულებული ჰქონდა მხოლოდ 274.5 ათასი ლარის სამუშაოები (მთლიანი სამუშაოების 37%). აუდიტის ჯგუფმა ჩაატარა დამატებითი აუდიტორული პროცედურები და გამოვლინდა, რომ სამუშაოებს რეალურად ასრულებდა ახლადდაფუზვნებული კომპანია შპს "თა-ჯგუ. მუნიციპალიტეტის წარმომადგენლებთან ერთად ადგილზე დაათვალიერა სპორტკომპლექსის შენობა. გამოვლინდა, რომ ჯერ კიდევ არ იყო დასრულებული შემდეგი სამუშაოები: დიდი დარბაზის ხის იატაკის მოწყობა, გათბობის მონტაჟი, მთავარი შესასვლელის კიბის უჯრედის მიმდებარე ფართის კეთილმოწყობა, სველი წერტილების ჭერის მოწყობა, ზოგიერთი ოთახის ჭერის, კედლების და იატაკის მოწყობა და სხვ. მიუხედავად იმისა, რომ მიმწოდებელს სამუშაოების შესრულების ვადა გადაეწია 8 თვით, ვერც ამ პერიოდში შეძლო სამუშაოების დასრულება და მუნიციპალიეტეტმა დააჯარიმა ვადის დარღვევისათვის. იმ შემთხვევაში, თუ მუნიციპალიტეტი შემსრულებელს არ გაუფორმებდა შეთანხმებას ვადის გაგრძელებაზე და აამოქმედებდა ხელშეკრულებით გათვალისწინებულ საჯარიმო სანქციებს, მიმწოდებელს დამატებით დაეკისრებოდა პირგასამტეხლო ვადაგადაცილებისათვის − 11.3 ათასი ლარი

2017 წელს, მუნიციპალიტეტმა შპს „შარა-გზამშენი პირველთან“ გაფორმებული ხელშეკრულების საფუძველზე შეისყიდა ქ. ხობში ტერენტი გრანელის ქუჩის მოასფალტების სამუშაოები. აღნიშნული სამუშაოების საკასო ხარჯმა შეადგინა 59.3 ათასი ლარი. მიმწოდებელმა წარმოადგინა დადებითი საექსპერტო დასკვნა , რომელიც გაცემულია შესრულებული და ფარული სამუშაოების აქტების, ასფალტისა და ქვიშა-ღორღის ლაბორატორიული დასკვნების საფუძველზე. აუდიტის ჯგუფმა ობიექტი დაათვალიერა მუნიციპალიტეტის წარმომადგენლებთან ერთად. აღმოჩნდა, რომ ასფალტის საფარიდან ნიმუშები ხარისხის შესამოწმებლად არ აღებულა და გაურკვეველია რომელი მასალის კვლევაზე გაიცა ლაბორატორიული დასკვნა. ქუჩაზე ზოგიერთი ადგილი დაზიანებულია. აღსანიშნავია, რომ ხელშეკრულების პირობები ითვალისწინებდა ეზოების შესასვლელებში წვრილმარცვლოვანი ფრაქციის მოწყობას. აღნიშნული სამუშაოები დადასტურებული და ანაზღაურებულია შესრულებული სამუშაოების აქტებით, მიღება-ჩაბარების აქტებით და საექსპერტო დასკვნით . გზის დათვალიერებით გაირკვა, რომ ეზოების შესასვლელებში მოწყობილია მსხვილმარცვლოვანი ფრაქცია .

სკოლებში დამონტაჟებული ვიდეოკამერების გამართულად ფუნქციონირების მონიტორინგის მიზნით, არ არის დანერგილი სათანადო კონტროლის მექანიზმები, შესაბამისად, არ არსებობს სრული და სანდო ინფორმაცია, რა ხარისხით კონტროლდება ზოგადსაგანმანათლებლო დაწესებულებების შიდა და გარე პერიმეტრები.

2016 წლის 24 აგვისტოს უნიფორმების შესყიდვის მიზნით გამოცხადდა ელექტრონული ტენდერი აუქციონის გარეშე, სავარაუდო ღირებულებით 1,500.0 ათასი ლარი. სატენდრო დოკუმენტაციით ხელშეკრულების პროექტის მიხედვით, ხელშეკრულების დარღვევისთვის, გათვალისწინებული იყო შემსყიდველის მიერ ხელშერკულების შეწყვეტა და პირგასამტეხლოს დაკისრება ყოველ ვადაგადაცილებულ დღეზე ხელშეკრულების საერთო ღირებულების 0,5%-ის ოდენობით. 2016 წლის 9 სექტებმერს შპს „SANIDIKO“-ს მიერ გასაჩივრდა გათვალისწინებული სანქციები. 2016 წლის 26 სექტემბერს საბჭოს მიერ გაუქმდა სატენდერო დოკუმენტაციის ჩანაწერი ხელშეკრულების შეწყვეტასთან დაკავშირებით, ხოლო პირგასამტეხლოსთან მიმართებაში, სამინისტროს რეკომენდაცია მიეცა, დაეწესებინა არაუმეტეს ღირებულების 0,02%-ის ოდენობით. 27 სექტემბერს სამინისტრომ ტენდერი შეწყვიტა და ხელახლა გამოაცხადა 7 ოქტომბერს, რომელიც ასევე შეწყდა 13 ოქტომბერს, სატენდერიო დოკუმენტაციაში არსებული ხარვეზის გამო. ხელახალი ტენდერი გამოცხადდა იმავე დღეს, სავარაუდო ღირებულებით-1,500.0 ათასი ლარი. სატენდერო დოკუმენტაციის პირობა ხელშეკრულების შეწყვეტასთან დაკავშირებით, ამოღებულ იქნა, ხოლო პირგასამტეხლოს დაკისრებაზე დავების საბჭოს რეკომენდაცია სამინისტრომ არ გაითვალისწინა და პირობა უცვლელი დატოვა(ყოველ ვადაგადაცილებულ დღეზე ხელშეკრულების საერთო ღირებულების 0,5%). აღნიშნული პირობა 2016 წლის 25 ოქტომბერს კვლავ გასაჩივრდა შპს დემეტრე-96-ის მიერ. საბჭოს მიერ შპს „დემეტრე 96“-ის საჩივარი ნაწილობრივ იქნა დაკმაყოფილებული და სამინისტროს კვლავ დაევალა ემსჯელა პირგასამტეხლოს ოდენობის განსაზღვრისას შესყიდვების სააგენტოს რეკომენდაციასთან მიმართებით („ყოველ ვადაგადაცილებულ დღეზე შესასრულებელი ვალდებულების შესაბამისი ღირებულების არაუმეტეს 0.02%-ის ოდენობით“). 2016 წლის პირველ ნოემბერს კომისიის წევრებმა იმსჯელეს საბჭოს გადაწყვეტილებაზე და არ მიიჩნიეს მიზანშეწონილად პირგასამტეხლოს ოდენობის შემცირება. სატენდერო კომისიამ 6 დეკემბერს გამარჯვებულად გამოავლინა შპს „მოდელების სახლი მატერია“ და 2016 წლის 12 დეკემბერს მასთან გაფორმდა ხელშეკრულება N12/19-ღირებულებით 1,500.0 ათასი ლარი. საბოლოოდ, უნიფორმის განახლებული დიზაინის/სპეციფიკის დაგვიანებით დამტკიცებამ, ასევე, სატენდერო დოკუმენტაციაში ჩადებულმა პირობებმა, რომელზეც პრეტენზია და შენიშვნა გამოითქვა არაერთი მომწოდებლის მიერ, ასევე არამართებულად მიიჩნია დავების განხილვის საბჭომ, გამოიწვია შესყიდვის პროცედურის გახანგრძლივება და ვერ უზრუნველყო საქონლის შესყიდვა წარმოქმნილი გადაუდებელი აუცილებლობის მოსაგვარებლად საჭირო ვადაში, რამაც თავის მხრივ, წარმოქმნა საქონლის დეფიციტი, კერძოდ: წვევამდელთა საშემოდგომო გაწვევისთვის (1103 წვევამდელის გაწვევა), რომელიც იგეგმებოდა 2016 წლის 24 აგვისტოდან 30 დეკემბრის ჩათვლით, პენიტენციური დეპარტამენტის დირექტორის მიერ მოთხოვნილ იქნა სხვადასხვა დასახელების და რაოდენობების სანივთე ქონება, მათ შორის-ზამთრის ქურთუკი 1103 ცალი, საწყობიდან საშემოდგომო გაწვევისთვის 2016 წლის 22 აგვისტოს სამინისტროს მიერ, გაცემულია სხვადასხვა რაოდენობის სანივთე ქონება, თუმცა არ გაცემულა ზამთრის ქურთუკები (1103 ცალი); 2016 წლის 19 ოქტომბრიდან 26 დეკემბრის ჩათვლით სხვადასხვა განყოფილებებიდან მოთხოვნების შესაბამისად, სულ გაცემულია 213 ცალი ქურთუკი, ხოლო დანარჩენი ქურთუკები გაიცა 2017 წლის იანვრის ბოლოს, მოხსენებითი ბარათების საფუძველზე. საშემოდგომო გაწვევაზე წვევამდელთა რაოდენობა 871-ს შეადგენდა, ხოლო მათი ქურთუკებით დაკომპლექტება სრულად მხოლოდ 2017 წლის იანვრის ბოლოს მოხდა. (მიმწოდებლისგან ქურთუკები მიღებულია 2016 წლის 29-30 დეკემბერს).

მეტროლოგიის სააგენტოს ბალანსზე ირიცხება 4,158,115 ლარის მანქანა-დანადგარები და ინვენტარი. 2010-2014 წლებში არ ხდებოდა სააგენტოს მიერ შეძენილი აქტივების სრულად და ზუსტი თანხებით ასახვა. 2013-2014 წლებში აღნიშნულ აქტივებზე არ დარიცხულა ცვეთა. 2016 წელს ჩატარებული ინვენტარიზაციის აქტებით შეუძლებელია ბუღალტრულ ჩანაწერებთან შედარების უწყისების წარმოება, რაც განპირობებულია იმით, რომ ინვენტარიზაციის აქტებში მითითებული აქტივების დასახელება არ შეესაბამება ბუღალტრულ რეესტრებში მითითებულს. ასევე ფინანსურ ანგარიშგებაში არსებული გარკვეული აქტივების ნაშთი არ არის გაშიფრული, ხოლო ინვენტარიზაციის შედეგად ზედმეტობა ან დანაკლისი არ გამოვლენილა. შესაბამისად, ჩვენ ვერ მოვიპოვეთ რწმუნება 2016 წლის 31 დეკემბრის მდგომარეობით მომზადებული კონსოლიდირებული ფინანსური ანგარიშგების ფორმა N1-ში 283,300 ლარის ძირითადი აქტივების სისრულესა და სიზუსტეზე.

სარემონტო სამუშაოების სახელმწიფო შესყიდვასთან დაკავშირებით, ზემოაღნიშნული გარემოებების პირობებში, სათანადო დოკუმენტური დასაბუთების გარეშე, მერიის მიერ მიმწოდებლებზე ჯამში გადახდილია 834,754 ლარი, რაც საბიუჯეტო რესურსების არაეკონომიურ ხარჯვაზე მიუთითებს.

ონის მუნიციპალიტეტმა 2017 წელს სტიქიის შედეგად მიყენებული ზიანის სალიკვიდაციოდ, გამარტივებული შესყიდვის გზით, გააფორმა 2 ხელშეკრულება, საერთო ღირებულებით 1,127.8 ათასი ლარი. მუნიციპალიტეტმა აღნიშნული სამუშაოებისათვის ხელშეკრულებები გააფორმა შპს „ცოტნესთან“ (550.0 ათასი ლარი) და შპს „ბესკოსთან“ (577.8 ათასი ლარი). აღსანიშნავია, რომ მუნიციპალიეტეტს აღნიშნულ ფირმებთან სახელშეკრულებო ურთიერთობები არ გააჩნდა. რადგან შესყიდვა გაფორმდა ერთ პირთან მოლაპარაკებით, არსებობს რისკი იმისა, რომ მუნიციპალიტეტმა ხელშეკრულება გააფორმა მიკერძოებულად, სუბიექტური მიდგომის საფუძველზე.

ქარიატის ადმინისტრაციულ ერთეულში მდებარე ბონდის ხიდის სარეაბილიტაციო სამუშაოები ხობის მუნიციპალიტეტმა შეისყიდა 2016 წელს, ტენდერის საშუალებით . მხარეთა შეთანხმებით, მიწოდების ვადა ნალექიანი დღეების გამო გაზრდილია 19 დღით, 2017 წლის 27 იანვრამდე. ხიდის სარეაბილიტაციო სამუშაოები 23 იანვარს დასრულდა. უამინდობით ვადის გადაწევის მოტივი ვერ ჩაითვლება ობიექტურ გარემოებად. შესაბამისად, მუნიციპალიტეტს მიმწოდებლისათვის არ უნდა შეეცვალა სამუშაოების დასრულების ვადა და გაევრცელებინა ხელშეკრულებით გათვალისწინებული საჯარიმო სანქციები. კერძოდ, მიმწოდებელს დაერიცხებოდა 3.3 ათასი ლარის საჯარიმო სანქცია. გარდა ამისა, ხიდი დაზიანებულია.

ფსიქოლოგიური მომსახურების ცენტრებით არ არის უზრუნველყოფილი ყველა რეგიონი, რაც აფერხებს აღნიშნულ სერვისზე ხელისაწვდომობას. ამასთანავე, ცენტრებში დასაქმებული პერსონალის რაოდენობა არ შეესაბამება მათ დატვირთვას, კერძოდ, არ შეესაბამება ცენტრში დაფიქსირებულ მიმართვიანობას; მონაცემთა ბაზა, რომელსაც ფლობს მანდატურის სამსახური, არ მოიცავს ისეთ ინფორმაციას, როგორიცაა, ფსიქოლოგიური მომსახურების ცენტრის მიერ მოსწავლისთვის ჩატარებული კონსულტაციების რაოდენობა და თარიღები, შემთხვევის დასრულების პერიოდი და მიღწეული შედეგები. შესაბამისად, შეუძლებელია მონაცემების სრულად დამუშავება და ანალიზი შედეგების შესაფასებლად, აგრეთვე განსახორციელებელი ღონისძიებების დასაგეგმად;

2016 წლის 25 ნოემბერს სამინისტროს მიერ გამოცხადდა გამარტივებული ელექტრონული ტენდერი აუქციონის გარეშე , 4 ერთეული სატვირთო ფურგონის და 1 ერთეული სასწრაფო დახმარების სპეციალური ავტომობილის შესყიდვაზე, სავარაუდო ღირებულებით-274.0 ათასი ლარი, მთავრობის განკარგულების შესაბამისად.სხვა მოთხოვნებთან ერთად, სატენდერო დოკუმენტაციაში, სასწრაფო დახმარების ავტომობილის ტექნიკური აღწერილობის მე-14 პუნქტით, მოთხოვნილი იყო შემდეგი: „შემოთავაზებული ავტომანქანის საბაზისო მოდელი უნდა ირიცხებოდეს NCAP ევრო ან IIHS ამერიკული ქრაშ ტესტის ბაზაში, ავტომანქანის საბაზისო მოდელის უსაფრთხოების ტესტების შესახებ ინფორმაცია უნდა არსებობდეს (NCAP ევრო ან IIHS ამერიკული) ოფიციალურ ვებ-გვერდებზე (ქრაშ ტესტი უნდა ქონდეს საბაზისო მოდელს)“. ასევე, სატენდერო დოკუმენტაციის განსაზღვრული მიწოდების გრაფიკით და მისი თანდართულ ხელშეკრულების პროექტით, მოწოდების ბოლო ვადად განსაზღვრულია 2016 წლის 29 დეკემბერი, მაშინ როდესაც წინადადების მიღება მთავრდებოდა 1 დეკემბერს. ტენდერში მონაწილეობა მიიღო ერთმა პრეტენდენტმა, რომელმაც დააფიქსირა სავარაუდო ღირებულების იდენტური ფასი. ტენდერის გახანგრძლივების მიზეზი იყო სხვა კომპანიის საჩივარი, რომელშიც მთავარ პრობლემად სახელდებოდა მოწოდების ვადის სიმცირე და სატენდერო დოკუმენტაციასთან დაკავშირებული ხარვეზები, რაც მომჩივანის აზრით, სატენდერო პირობებს დისკრიმინაციულსა და არაკონკურენტულს ხდიდა. 2016 წლის 13 დეკემბერს, დავების განხილვის საბჭომ საჩივარი ნაწილობრივ დააკმაყოფილა და მიიჩნია, რომ სამინისტროს უნდა გადაესინჯა სატენდერო დოკუმენტაცია და ემსჯელა სატენდერო დოკუმენტაციის ზემოაღნიშნული ორი პირობის შესახებ. ტენდერი საბოლოოდ შეწყდა 21 დეკემბერს შემდეგი გარემოების გამო:„პროცედურები იმდენად გახანგრძლივდა, რომ პრეტენდენტი ვეღარ შეძლებს საქონლის მოწოდებას სატენდერო დოკუმენტაციით განსაზღვრულ ვადაში“. სატენდერო კომისიის სხდომის ოქმში არ არის მსჯელობა დავების საბჭოს გადაწყვეტილების შესახებ. სატენდერო დოკუმენტაციის არასწორად ჩამოყალიბებამ შესასყიდი საქონლის ტექნიკური აღწერილობის და მოწოდების ვადის ნაწილში, რაზეც საჩივარი ჰქონდა შეტანილი შპს „სიტროენ ჯორჯია“-ს და რაზეც ასევე, მიუთითებდა დავების განხილვის საბჭო, გამოიწვია შესყიდვის პროცედურის შეფერხება. სატენდერო კომისიის სხდომის ოქმიდან ჩანს, რომ რეალურად დადგა ის გარემოება, რისი დადგომის რისკსაც შეიცავდა სატენდერო დოკუმენტაციის ჩანაწერი მოწოდების კონკრეტულ ვადასთან დაკავშირებით-პროცედურები იმდენად გახანგრძლივდა, რომ პრეტენდენტი ვეღარ შეძლებდა საქონლის მოწოდებას შესაბამის ვადაში. ყოველივე აღნიშნულმა კი, ვერ აღმოფხვრა ის ვითარება, რის გამოც მთავრობისგან იქნა მოთხოვნილი ნებართვა გამარტივებული ელ.ტენდერით შესყიდვის შესახებ. აღნიშნული CPV კოდით(34100000) შესყიდვა არ არის ასევე გათვალისწინებული სამინისტროს 2017 წლის შესყიდვების გეგმაში, რაც მიუთითებს იმას, რომ შესყიდვის საჭიროება არ იყო იდენტიფიცირებული და ჩამოყალიბებული.

სამინისტროს დაქვემდებარებაში მყოფ ზოგიერთ უწყებაში სსიპ „სამოქალაქო ავიაციის სააგენტოში“, სსიპ „საქართველოს ინოვაციებისა და ტექნოლოგიების სააგენტოში“ და საზღვაო აკადემიაში 2016 წელს არ ჩატარებულა ძირითადი აქტივების სავალდებულო ინვენტარიზაცია. შესაბამისად, ჩვენ ვერ მოვიპოვეთ რწმუნება 2016 წლის 31 დეკემბრის მდგომარეობით მომზადებული კონსოლიდირებული ფინანსური ანგარიშგების ფორმა N1-ში 15,392,747 ლარის ძირითადი აქტივების სისრულეზე.

გამარტივებული შესყიდვის საშუალებით, სამშენებლო სამუშაოების სახელმწიფო შესყიდვის მიზნით გაფორმებული ხელშეკრულებების ფარგლებში, ანგარიშსწორება განხორციელებულია იმ პირობებში, როდესაც მიმწოდებლების მიერ არ არის წარმოდგენილი ინფორმაცია ფაქტობრივი დანახარჯების შესახებ.

2017 წელს მუნიციპალიტეტმა გამარტივებული შესყიდვის გზით ხელშეკრულება გააფორმა შპს „ბესკოსთან“, სტიქიის შედეგად დაზიანებული ორი ახალი სახიდე გადასასვლელის მშენებლობისათვის . სახელშეკრულებო ღირებულებამ შეადგინა 550.0 ათასი ლარი. მუნიციპალიტეტის პასუხისმგებელი პირის განმარტებით ფაქტობრივი დანახარჯების დათვლა ევალებოდა ექსპერტს. შესაბამისად, მუნიციპალიტეტის მიერ არ ხდებოდა ფაქტობრივი დანახარჯების დამადასტურებელი დოკუმენტაციის მოთხოვნა და შესწავლა. შპს „ბესკომ“ შესრულებულ სამუშაოებზე მოცულობისა და ხარისხის ექსპერტიზის დასკვნა დაუკვეთა შპს „ექსპერტ ჰაუსს“, თუმცა არ მოუთხოვია ფაქტობრივად გაწეული ხარჯების გაანგარიშება. შესაბამისად, შპს „ექსპერტ ჰაუსმა“ საექსპერტო დასკვნა მოამზადა ფაქტობრივი დანახარჯების გათვალისწინების გარეშე. შედეგად, მუნიციპალიტეტმა 2017 წლის ოქტომბერში 549.2 ათასი ლარი აანაზღაურა ისეთი სამუშაოებისათვის, რომელთა ფაქტობრივი ღირებულება ექსპერტიზის მიერ არ იყო შესწავლილი. აუდიტის ჯგუფის მოთხოვნით, მუნიციპალიტეტმა შპს „ბესკოსგან“ გამოითხოვა ფაქტობრივი ხარჯის დამადასტურებელი დოკუმენტაცია. აუდიტის ჯგუფის მიერ საკითხის დაინტერესების შემდეგ, წარმოდგენილი დოკუმენტაციის შესწავლის პარალელურად, შპს „ბესკომ“ მიმართა სსიპ „ლევან სამხარაულის სახელობის სასამართლო ექსპერტიზის ეროვნულ ბიუროს“ და მოითხოვა შესრულებული სამუშაოების ფაქტობრივი დანახარჯების დათვლა. 2018 წლის 27 სექტემბრის ექსპერტიზის დასკვნის მიხედვით, სამუშაოების საერთო ღირებულებამ ფაქტობრივი დანახარჯების მიხედვით შეადგინა 487.5 ათასი ლარი. შესაბამისად, მუნიციპალიტეტის ბიუჯეტიდან შპს „ბესკოსათვის“ ზედმეტად არის ანაზღაურებული 61.7ათასი ლარი.

2016 წლის „სოფლის მხარდაჭერის პროგრამის“ ფარგლებში სოფელ ბიაში რეაბილიტირებულია წისქვილი. სამუშაოს საკასო ხარჯია 7.3 ათასი ლარია , რაც დახარჯულია არაეფექტიანად. ობიექტს არ მიეწოდება ელექტროენერგია და მოსახლეობა დანიშნულებისამებრ ვერ იყენებს. 2016-2017 წლებში ხობის მუნიციპალიტეტი ფლობდა მნიშვნელოვანი მოცულობის თავისუფალ ფულად რესურს. მიუხედავად ამისა, 2 წლის განმავლობაში ვერ უზრუნველყო ობიექტის ფუნქციონირება და მოსახლეობამ ვერ მიიღო შესაბამისი მომსახურება.

სხვადასხვა საგნობრივ ჭრილში, ერთი და იმავე საგნის სხვადასხვა გამოცემის სახელმძღვანელოში განსხვავებული მოცულობით არის განხილული ისეთი საკითხები, როგორიცაა, მაგალითად, ბავშვის უფლებების კონვენცია, მოსწავლის უფლებები და ა.შ. ეროვნული სასწავლო გეგმის მიხედვით, VII კლასამდე არ მიეწოდებათ მოსწავლეებს ინფორმაცია ბულინგის შესახებ;

სამინისტროს აპარატში, ქონების ეროვნულ სააგენტოში, სსიპ „საქართველოს ინოვაციებისა და ტექნოლოგიების სააგენტოში“, სსიპ „ტექნიკური და სამშენებლო ზედამხედველობის სააგენტოსა“ და აკრედიტაციის ცენტრში არ გამოიყენება სპეციალიზებული საბუღალტრო აღრიცხვის სისტემა. ქონების ეროვნული სააგენტო ბუღალტრული აღრიცხვისთვის არ იყენებს არანაირ ელექტრონულ საშუალებას, ხოლო დანარჩენი ორგანიზაციები აღრიცხვას აწარმოებენ Microsoft Excel-ის გამოყენებით, რაც ზრდის ადამიანური ფაქტორებით გამოწვეული შეცდომების რისკს.

მერია ყოველწლიურად ახორციელებს გარე განათების წერტების მოვლა-ექსპლუატაციის სახელმწიფო შესყიდვას. 2016 წლის განმავლობაში გარე განათების წერტების მოვლა-ექსპლუატაციის მიზნით გამოცხადებულ ელექტრონულ ტენდერშიც, სადაც შესყიდვის სავარაუდო ღირებულება შეადგენდა 1,041,075 ლარს, შესყიდვის სავარაუდო ღირებულების ოდენობის შეთავაზებით გაიმარჯვა შპს „აჭარგანათებამ“, რომელთანაც გაფორმდა სახელმწიფო შესყიდვის შესახებ ხელშეკრულება. სატენდერო დოკუმენტაციით დადგენილი პირობები შესაძლოა არსებითად ზღუდავდეს კონკურენციას და მორგებული იყოს კონკრეტული პრეტენდენტის ინტერესებზე.

ონის მუნიციპალიტეტმა ხელშეკრულება გააფორმა შპს „ალიგატორთან“, სტიქიის შედეგად დაზიანებულ/განადგურებულ ობიექტების მოწყობა/რეაბილიტაციის სამუშაოების საპროექტო-სახარჯთაღრიცხვო და საექსპერტო მომსახურების შესყიდვაზე, სახელშეკრულებო ღირებულებით − 22.0 ათასი ლარი. ხელშეკრულების პირობების მიხედვით, შპს-ს უნდა წარმოედგინა ფაქტობრივად შესრულებული მომსახურების (განსახორციელებელი პროექტები) ტექნიკურ ნაწილზე ექსპერტიზის დადებითი დასკვნა, რომელიც გაცემული იქნებოდა სსიპ − ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტებული პირის მიერ. აუდიტორული შემოწმების შედეგად გამოვლინდა, რომ შპს „ალიგატორმა“ პროექტების ექსპერტიზა დაუკვეთა აკრედიტაციის არმქონე ფიზიკურ პირს. აღნიშნულ პირს წარმოდგენილი აქვს მხოლოდ სსიპ − ლევან სამხარაულის სახელობის სასამართლო ექსპერტიზის ეროვნული ბიუროს მიერ გაცემული ცნობა მასზედ, რომ 2014 წლის 11 დეკემბრის მდგომარეობით მუშაობდა ბიუროში მოწვეულ სპეციალისტად.

აუდიტის ჯგუფმა შესყიდული ინფრასტრუქტურული პროექტები დაათვალიერა მუნიციპალიტეტის წარმომადგენელთან ერთად. აღმოჩნდა, რომ მიმწოდებლის მიერ განხორციელებული ზოგიერთი სარეაბილიტაციო სამუშაოი უხარისხოა. ობიექტების საგარანტიო ვადა ამოწურული არ არის. მიუხედავად ამისა, მუნიციპალიტეტს არ მოუთხოვია დაზიანებების გამოსწორება.

სამინისტროს მიერ მოსწავლეთა და მშობელთა ცნობიერების ამაღლების მიმართულებით არაფორმალური განათლების ფარგლებში განხორციელებული ღონისძიებები არ არის საკმარისად ეფექტიანი და არ არის შეფასებული მიღწეული შედეგები;

სამინისტროსა და მის დაქვემდებარებაში მყოფ ორგანიზაციებში სახელფასო დანამატები გაიცემოდა სხვადასხვა საფუძვლით, თუმცა დანამატის გაცემის შემთხვევაში, ზეგანაკვეთური მუშაობის ან/და განსაკუთრებული სამუშაოს შესრულების დამადასტურებელი დოკუმენტების შედგენა ორგანიზაციაში არ ხდებოდა.

საერთაშორისო ფესტივალებისა და კულტურული ღონისძიებების მხარდაჭერის ქვეპროგრამის ფარგლებში, მერიის მიერ გამარტივებული ელექტრონული ტენდერის საშუალებით განხორცილებულია „საავტორო კინოს ბათუმის XI საერთაშორისო ფესტივალის“ ორგანიზების მომსახურების შესყიდვა, შესყიდვის სავარაუდო ღირებულებით 149,998 ლარი. „საავტორო კინოს ბათუმის საერთაშორისო ფესტივალის“ ორგანიზების მომსახურების შესყიდვის სავარაუდო ღირებულება 2014 და 2015 წლებში გამოცხადებულ ტენდერებში შეადგენდა 119,995 ლარს, 2016 წელს - 149,998 ლარს, ხოლო 2017 წელს შეადგინა - 200,000 ლარი. მოპოვებული მტკიცებულებებით დგინდება, რომ შემსყიდველის მიერ ბაზრის კვლევა ფორმალურ ხასიათს ატარებს და ეყრდნობა მხოლოდ ბოლო წლებში მიმწოდებელი ორგანიზაციის მონაცემებს. ტენდერში მონაწილეობდა მხოლოდ ერთი პრეტენდენტი და გამარჯვებული გამოვლინდა შესყიდვის სავარაუდო ღირებულების ოდენობის შეთავაზებებით. სახელმწიფო შესყიდვის შესახებ ხელშეკრულებისღირებულებამ შეადგინა 149,998 ლარი. ტენდერში კონკურენციის არარსებობის მთავარი მიზეზი შესაძლოა იყოს კონკრეტულ დაინტერესებულ პირზე მორგებული ტექნიკური პირობები. კერძოდ, სატენდერო დოკუმენტაციის თანახმად, მიმწოდებელმა, უნდა უზრუნველყოს ფილმების შერჩევა საკონკურსო და არასაკონკურსო სექციისთვის, საერთაშორისო ჟიურის შერჩევა და სხვ. მოპოვებული მტკიცებულებებით დგინდება, რომ ფესტივალის ორგანიზატორ კომპანიას ფილმების შერჩევა საკონკურსო და არასაკონკურსო სექციისთვის, ისევე როგორც საერთაშორისო ჟიურის შერჩევა ტენდერის გამოცხადების პერიოდამდე (2016 წლის 1 სექტემბერი) დასრულებული და გამოქვეყნებული ჰქონდა. შესაბამისად, ტენდერის საშუალებით შესყიდვის განხორციელება ფორმალურ ხასიათს ატარებდა

2017 წელს ონის მუნიციპალიტეტმა ხელშეკრულება გაუფორმა შპს „ნიუმშენს“, სოფელ უწერაში წყალმომარაგების სისტემის სარეაბილიტაციო სამუშაოების შესყიდვაზე . სახელშეკრულებო ღირებულებამ შეადგინა 168.3 ათასი ლარი. პროექტი მუნიციპალიტეტმა ჩაიბარა 2017 წლის 22 დეკემბერს. 2018 წლის 12 ივნისს მუნიციპალიტეტის წარმომადგენლებთან ერთად აუდიტის ჯგუფმა დაათვალიერა აღნიშნული პროექტი. გამოვლინდა, რომ დაზიანებულია სასმელი წყლის შემკრები რეზერვუარის შიდა კედლები და რეზერვუარი არ ფუნქციონირებს.

2016 წელს, „სოფლის მხარდაჭერის პროგრამის“ ფარგლებში, ხობის მუნიციპალიტეტმა შეისყიდა სოფელ ახალ ხიბულაში ცენტრის კეთილმოწყობის სამუშოები. აუდიტის ჯგუფმა, მუნიციპალიტეტის წარმომადგენელთან ერთად, დაათვალიერა შესრულებული სამუშაოები. აღმოჩნდა, რომ, სამუშაოები ჩატარებულია უხარისხოდ. კერძოდ, ობელისკის ტერიტორიაზე მონუმენტის საყრდენი ფუძისა და შემოღობვის ზეძირკველის კედლის ზედაპირი არ არის გასწორებული და ნაწილობრივ ჩამოცვენილია. გარდა ამისა, ზედაპირი შეღებილია და არ არის გამოყენებული ცემენტის ნაშხეფი. ასევე არ არის მოწყობილი ნაშხეფი არსებული ბეტონის კედლის ზედაპირზე. გამომდინარე აქედან, ექსპერტმა ჩათვალა, ხოლო მუნიციპალიტეტმა დაადასტურა და აანაზღაურა ისეთი სამუშაოები, რომელიც მიმწოდებელს არ შეუსრულებია .

მასწავლებელთა ტრენინგი უსაფრთხოებისა და ადამიანის უფლებების საკითხებზე არის ნებაყოფლობითი და მასწავლებლებს არ აქვთ მისი გავლის ვალდებულება, შესაბამისად, გადამზადებულია მასწავლებელთა მხოლოდ 13%.

სამინისტროს აპარატსა და მის დაქვემდებარებულ სსიპ-ებში ფაქტობრივად დასაქმებულ მომუშავეთა რიცხოვნობა მნიშვნელოვნად ჩამორჩება დამტკიცებულ მაჩვენებელს. ვაკანტური საშტატო ერთეულების არსებობის შედეგად გამოთავისუფლებული სახსრები გაიცა პრემიებისა და დანამატების სახით.

საერთაშორისო ფესტივალებისა და კულტურული ღონისძიებების მხარდაჭერის ქვეპროგრამის ფარგლებში, შესყიდვის ელექტრონული საშუალებებით განხორცილებულია კინო და ტელეოპერატორების საერთაშორისო ფესტივალის ორგანიზების მომსახურების და ბათუმის ანიმაციური ფილმების VIII საერთაშორისო ფესტივალის არასაკონკურსო პროგრამის ორგანიზების მომსახურებების შესყიდვა. ზემოაღნიშნულ ტენდერებშიც მონაწილეობდა თითო პრეტენდენტი და გამარჯვებული გამოვლინდა შესყიდვის სავარაუდო ღირებულების ოდენობის შეთავაზებებით. კერძოდ, კინო და ტელეოპერატორების საერთაშორისო ფესტივალის ორგანიზების მომსახურების შესყიდვაზე ხელშეკრულების ღირებულებამ შეადგინა 60,000 ლარი, ხოლო ბათუმის ანიმაციური ფილმების VIII საერთაშორისო ფესტივალის არასაკონკურსო პროგრამის ორგანიზების მომსახურების შესყიდვაზე - 29,995 ლარი. აღნიშნულ ტენდერებში კონკურენციის არარსებობას შესაძლოა სხვადასხვა გარემოებები განაპირობებს. მათ შორის, ანალოგიური ხასიათის, სირთულისა და შინაარსის საერთაშორისო კულტურული ფესტივალის მომსახურების გამოცდილების მოთხოვნა იმ პირობებში, როდესაც შესყიდვის ძირითადი ნაწილი გულისხმობს სატრანსპორტო, სასტუმრო და სარესტორნო მომსახურებას

2016 წელს ონის მუნიციპალიტეტმა ხელშეკრულები გაუფორმა შპს PROMETE-ს, სოფელ ღებში ადმინისტრაციული შენობის რეაბილიტაციის სამუშაოების შესყიდვაზე . შპს-მ შეასრულა შენობის სახურავის, კარ-ფანჯრებისა და ბეტონის იატაკის მოწყობა. სამუშაოების მეორე ნაწილი (შიდა რემონტი) მუნიციპალიტეტმა შეისყიდა 2017 წელს ი/მ ვახტანგ ბუაძისგან . შესრულებული სამუშაოებისათვის მუნიციპალიტეტმა სულ გადაიხადა 121.8 ათასი ლარი. 2018 წლის 12 ივნისს მუნიციპალიტეტის წარმომადგენლებთან ერთად აუდიტის ჯგუფმა დაათვალიერა აღნიშნული პროექტი. გამოვლინდა, რომ ადმინისტრაციული შენობის ჭერზე აღინიშნება წვიმის წყლის ჩამონადენის კვალი. ასევე ზოგ ადგილებში სისველის გამო დაზიანებულია შენობის კედლები.

ხობის მუნიციპალიტეტმა 2016-2017 წლებში მიმწოდებლებს დაარიცხა სულ 251.7 ათასი ლარის ჯარიმა. აღნიშნული საჯარიმო სანქციებიდან მიმწოდებლება მუნიციპალიტეტის ბიუჯეტში ჩარიცხეს მხოლოდ 12.4 ათასი ლარი, რაც მთლიანი თანხის მხოლოდ 4.9%-ია. კუთვნილი საჯარიმო თანხების მისაღებად მუნიციპალიტეტი შემოიფარგლებოდა მხოლოდ წერილობითი მიმართვით, რაც ვერ უზრუნველყოფდა საჯარიმო თანხების სრულად მიღებას. აღსანიშნავია, რომ მუნიციპალიტეტმა საჯარიმო სანქციები გაავრცელა 79 ხელშეკრულების შემთხვევაში და 20 მიმწოდებლისთვის თანხის გადახდის შესახებ არ მიუწერია. ამ ხელშეკრულებების ფარგლებში სულ გადასახდელი იყო 136.5 ათასი ლარის საჯარიმო სანქცია. გარდა ამისა, მუნიციპალიტეტი ვალდებული იყო მიემართა სახელმწიფო შესყიდვების სააგენტოსათვის არაკეთილსინდისიერი მიმწოდებლების შავ სიაში შესაყვანად, რაც არ გაუკეთებია. მუნიციპალიტეტს არ გაუტარებია არც სხვა სამართლებრივი ღონისძიებები არსებითი ოდენობის საჯარიმო თანხების მისაღებად. დაფიქსირდა ისეთი შემთხვევებიც, როცა მუნიციპალიტეტმა ხელშეკრულება გააფორმა მიმწოდებლებთან, რომლებსაც გადაუხდელი ჰქონდათ წინა ხელშეკრულებების ფარგლებში დარიცხული საჯარიმო სანქციები.

აუდიტის პერიოდში მერიის მიერ სათანადოდ არ ხორციელდებოდა სპეციალური ზონალური შეთანხმების შედეგად მისაღები, ძირითადად 2011-2016 წლებში დაგროვებული მოსაკრებლის აღრიცხვა და ამოღება. სუსტი ადმინისტრირების შედეგად, მერიამ დაახლოებით 50 მილიონი ლარის შემოსავალი ვერ მიიღო. მოსაკრებლის ადმინისტრირების პროცესში ქალაქ თბილისის მუნიციპალიტეტის მერია იყენებდა კანონით მინიჭებულ დისკრეციულ უფლებამოსილებას და მენაშენეებს მოსაკრებლის გადასახდელად ერთწლიან საშეღავათო პერიოდს უწესებდა. მოსაკრებლის გადახდის ვადების დარღვევის შემთხვევაში, მუნიციპალიტეტი არ ატარებდა შესაბამის ზომებს მოსაკრებლის ამოღების მიმართულებით. ამას გარდა, საშეღავათო პერიოდის გასვლის შემდგომ, დაგროვებული გადაუხდელი მოსაკრებლის გადახდისთვის დედაქალაქის მერიის მხრიდან 3-ჯერ დაწესდა შეღავათი, თუმცა აღნიშნულის შედეგად მნიშვნელოვანი თანხების მობილიზება ვერ მოხერხდა.

2016 წლის 1 აპრილიდან სამინისტროს აპარატი განთავსებულია ქ. თბილისში, ჭოველიძის ქუჩაზე N 10ა-ში მდებარე შენობაში , რომელიც აღებულია იჯარით. ყოველწლიური საიჯარო ქირა შეადგენს 900,000 აშშ დოლარის ექვივალენტს ლარში. სამინიტროს მიერ ვერ იქნა წარმოდგენილი ხარჯ-ეფექტურობის ანალიზი, რითაც შესაძლებელი იქნებოდა სხვადასხვა ალტერნატივის დანახარჯისა და სარგებლის შედარება. სამინისტროს მიერ იჯარით აღებული შენობის სამ სართულზე ფუნქციონირებს ქონების ეროვნული სააგენტო, რომლის საიჯარო ქირის და კომუნალური მომსახურების ხარჯების გაწევა მთლიანად სამინისტროს საბიუჯეტო ასიგნებებიდან ხდება.

მერიის თანამშრომლებზე პრემიის სახით გაცემულია 881,781 ლარი. მოქმედი რეგულაციებით, პრემია არის საჯარო დაწესებულებაში დასაქმებულ პირზე გაცემული შრომითი გასამრჯელო, რომელიც გაიცემა მის მიმართ დაკისრებული უფლებამოსილებების ზედმიწევნით და სანიმუშოდ შესრულებისათვის, ხანგრძლივი და კეთილსინდისიერი სამსახურისათვის, ან/და განსაკუთრებული სირთულის ან მნიშვნელობის დავალების შესრულებისათვის. მერიის შესაბამისი დოკუმენტაცია არ იძლევა სათანადო ინფორმაციას შესაბამის საჯარო მოხელეზე პრემიის გაცემის მიზანშეწონილობის დასადასტურებლად.

2016 წელს ონის მუნიციპალიტეტმა გაუფორმა ხელშეკრულება შპს „ღები 2010-ს“, სოფელ ღებსა და უწერაში სალოცავზე მიმავალი ბილიკების კეთილმოწყობის სამუშაოების შესყიდვაზე . პროექტი მუნიციპალიტეტმა ჩაიბარა 2016 წლის 31 ოქტომბერს. შესრულებული სამუშაოს ღირებულებამ შეადგინა 25.2 ათასი ლარი. 2018 წლის 12 ივნისს მუნიციპალიტეტის წარმომადგენლებთან ერთად აუდიტის ჯგუფმა დაათვალიერა აღნიშნული პროექტი. გამოვლინდა, რომ სოფელ ღებში დაზიანებულია სალოცავთან მისასვლელი ბილიკი.

შპს „შარა-გზამშენი პირველის“ მიერ ხობის მუნიციპალიტეტის ტერიტორიაზე შესრულებული საგზაო სამუშაოები ძირითადად უხარისხო და დაზიანებულია. საწარმოს საექსპერტო დაწესებულებებში წარდგენილი აქვს ნიმუშების ლაბორატორიული დასკვნები ისე, რომ ასფალტბეტონის საფარიდან არ არის აღებული შესაბამისი მასალა. საწარმო, როგორც წესი, აგვიანებდა სამუშაოების დასრულებას, არ იხდიდა დაკისრებულ ჯარიმებს და აგრძელებდა შესყიდვების პროცესებში მონაწილეობას. შპს „შარა-გზამშენი პირველის“ და ხობის მუნიციპალიტეტის ურთიერთობა 2016-2017 წლებში განხორციელებული შესყიდვებისათვის ხასიათდება სისტემური ხარვეზებით, რაც საჭიროებს დამატებით შესწავლას შესაბამისი ორგანოებისაგან.

შენობებს შორის დაშორების საკითხების რეგულირება არ შეესაბამება უკეთეს პრაქტიკას, კერძოდ: ნაკვეთებს შორის დაშორების ლიმიტები სათანადოდ არ ითვალისწინებს შენობების მახასიათებლებს − სიმაღლეს, განლაგებას და ა.შ. აღნიშნული მახასიათებლების გაუთვალისწინებლობა კი კრიტიკულად მნიშვნელოვან ფუნქციას ასრულებს საცხოვრებელი გარემოს ხარისხის უზრუნველყოფისთვის: მაგალითად, რაც უფრო მაღალია შენობა, მით უფრო მეტად უნდა იყოს ის დაშორებული ახლომდებარე ნაგებობებიდან და ანალოგიურად, ყურადღება უნდა მიექცეს შენობების ფანჯრების/აივნების მდებარეობას; არსებული რეგულაციების მიხედვით, შესაძლებელია მიწის ნაკვეთის საზღვრიდან 3 მეტრის დაშორებით ნებისმიერი სიმაღლის შენობის აშენება სამეზობლო მხარეს მოწყობილი ღიობის (ფანჯრის, კარის, სარკმლის) გარეშე, ხოლო საზღვრიდან 10 მეტრის დაშორებით − ნებისმიერი სიმაღლის შენობის აშენება სამეზობლო მხარეს მოწყობილი ღიობებით. გარკვეულ შემთხვევებში, 2 მომიჯნავე ნაკვეთზე შესაძლებელია სამშენებლო ნებართვები გაიცეს და შენობები განთავსდეს შესაბამისი ნაკვეთების საზღვარზე; შენობების ურთიერთგანთავსების მოქმედი წესები ვერ უზრუნველყოფს შენობებს შორის სათანადო დისტანციის დაცვას და მოსახლეობას უზღუდავს ბუნებრივ განათებულობას, ვენტილაციასა და პირად სივრცეს. აუდიტის პერიოდში, მენაშენეები სრულად იყენებდნენ კანონით მონიჭებულ უფლებებს, რაც მიმდებარე მოსახლეობის საცხოვრებელი გარემოს ხარისხის გაუარესებას იწვევდა.

სსიპ „საქართველოს ინოვაციებისა და ტექნოლოგიების სააგენტოში“ 2016 წელს ავიაბილეთების 99,6% შესყიდულია ერთი კომპანიისგან (შპს „ცენტრალ თრეველი“), რისთვისაც გადახდილია 403,077 ლარი. სააგენტოში ავიაბილეთების შესასყიდად ბაზრის კვლევა არ წარმოებდა, რაც ზრდის საბიუჯეტო სახსრების არარაციონალური ხარჯვის რისკს.

2016 წელს მერიის თანამშრომლებზე დანამატის სახით გაცემულია 1,317,257 ლარი. დანამატების გაცემის არსებული პრაქტიკა ვერ უზრუნველყოფს შრომის ანაზღაურების სათანადო გამჭვირვალობას, რადგან დანამატის გაცემა ხდება შესაბამისი დასაბუთების გარეშე, მხოლოდ კანონმდებლობით განსაზღვრული მუხლების მითითებით.

2017 წელს მუნიციპალიტეტმა ელექტრონული ტენდერის საშუალებით ხელშეკრულება გაუფორმა შპს „ჯორჯიან ინვესტს“, სოფელ ცხმორში ადმინისტრაციული შენობის სარეაბილიტაციო სამუშაოების შესყიდვაზე . პროექტი მუნიციპალიტეტმა ჩაიბარა 2017 წლის 11 ივლისს. შესრულებული სამუშაოს ღირებულებამ შეადგინა 18.4 ათასი ლარი. 2018 წლის 13 ივნისს მუნიციპალიტეტის წარმომადგენლებთან ერთად აუდიტის ჯგუფმა დაათვალიერა აღნიშნული პროექტი. გამოვლინდა, რომ შენობის ჭერსა და კედლებზე აღინიშნება წვიმის წყლის ჩამონადენის კვალი. ასევე შენობის კარ-ფანჯრების ღიობები საჭიროებს ამოლესვას.

2016-2017 წლების ბოლოს ხობის მუნიციპალიტეტს აუთვისებელი დარჩა მნიშვნელოვანი მოცულობის თანხები. აღნიშნული მიუთითებს მუნიციპალიტეტის მფლობელობაში არსებული ფინანსური რესურსების მართვის ხარვეზებზე. შედეგად, მოსახლეობამ დროულად ვერ ისარგებლა იმ სიკეთით, რაც შესაძლოა მიწოდებულ იქნეს ბიუჯეტში მობილიზებული სახსრების დაგეგმილი და ეფექტიანი გამოყენებით.

მიუხედავად დადებითი ცვლილებებისა, ტრანსპორტის საკითხების გათვალისწინების მიმართულებით მიმართულებით არსებული პრაქტიკა საჭიროებს გაუმჯობესებას, კერძოდ: მენაშენის დაკვეთით მომზადებულ, ტრანსპორტზე ზეგავლენის შეფასების კვლევის დოკუმენტით ფასდება მხოლოდ უშუალოდ დაგეგმილი პროექტის/განაშენიანების ზეგავლენა ტრანსპორტსა და სატრანსპორტო ინფრასტრუქტურის დატვირთულობაზე. კვლევაში არ არის ასახული დაგეგმილი განაშენიანება, რომელზეც პროექტის მიმდებარე არეალში გაცემულია სამშენებლო ნებართვები. შედეგად, ჩატარებული კვლევები სრულად ვერ ასახავს სატრანსპორტო ინფრასტრუქტურის მოსალოდნელ ჯამურ დატვირთვას და აღნიშნულ კვლევებზე დაყრდნობით მიღებული გადაწყვეტილებები არ ითვალისწინებს მნიშვნელოვან ინფორმაციას; სქემის შეთანხმების დროს არ ფასდება საპროექტო ობიექტამდე მისასვლელი გზის გამტარუნარიანობა და დატვირთულობის დონე. შედეგად, ამგვარი პრაქტიკა ქმნის რისკებს, რომ დაგეგმილი მშენებლობა გამოიწვევს გადატვირთული შიდა საუბნო გზების კიდევ უფრო გადატვირთვას და საგზაო მოძრაობის შეფერხებას.

სსიპ „სახელმწიფო ქონების ეროვნულ სააგენტოს“ ფინანსურ ანგარიშგებაში ასახული არ არის მისი მართვის ქვეშ მყოფ საწარმოთა კაპიტალიდან ამოღებული 1,554,233 ლარის ოდენობის ქონება. გარდა ამისა, ჩვენ ვერ მოვიპოვეთ სრული ინფორმაცია სსიპ „სახელმწიფო ქონების ეროვნულ სააგენტოს“ მიერ 2016 წლამდე საწარმოთა კაპიტალში განხორციელებული შენატანებისა და კაპიტალიდან ამოღებული ქონების შესახებ.

მერია წლის განმავლობაში სარგებლობდა 42 ერთეული ისეთი ავტოსატრანსპორტო საშუალებით, რომელიც არ ირიცხება მუნიციპალიტეტის მერიის ბალანსზე და იმყოფებოდა მერიის საჯარო მოსამსახურეების პირად საკუთრებაში/მფლობელობაში. აღნიშნულ ავტოსატრანსპორტო საშუალებებზე გაცემულია 38,773 ლარის ღირებულების 28,435 ლიტრი საწვავი. აუდიტის ობიექტის მიერ ვერ იქნა წარმოდგენილი გაცემული საწვავის სამსახურებრივი მოვალეობების შესრულებისათვის ხარჯვის დოკუმენტური დადასტურება, რაც წარმოშობს საჯარო რესურსების არამიზნობრივი განკარგვის რისკებს.

მუნიციპალიტეტს პროგრამის ფარგლებში შესყიდული აქვს სარიტუალო დარბაზების მოწყობის სამუშაოები, რომლებზეც 2016 წლის ბიუჯეტიდან გადახდილია 84.0 ათასი ლარი. გამოვლინდა, რომ 6 სოფელში სარიტუალო დარბაზები დაუსრულებელია და საჭიროებს დამატებითი სამუშაოების ჩატარებას

წარმოდგენილი მონაცემების მიხედვით, 2016 წლის ბოლოს ხობის მუნიციპალიტეტს წინასწარი ანგარიშსწორების სახით გაცემული ჰქონდა 2,344.8 ათასი ლარი, ხოლო 2017 წლის ბოლოს – 1,285.7 ათასი ლარი. სრული საავანსო ანგარიშსწორების შემთხვევაში, ხობის მუნიციპალიტეტი წინასწარ ხარჯავდა საბიუჯეტო ასიგნებებს და კარგავდა გარკვეულ ბერკეტს მიმწოდებლებიდან მოსალოდნელი საჯარიმო თანხების მისაღებად. აღსანიშნავია ის გარემოებაც, რომ წლის ბოლოს მნიშვნელოვანი ფინანსური რესურსის გაცემით, მუნიციპალიტეტი ხელოვნურად ზრდიდა ბიუჯეტის და მათ შორის „არაფინანსური აქტივების ზრდის“ მუხლის შესრულებას. მუნიციპალიტეტმა ვერ წარმოადგინა მტკიცებულებები, თუ რა სარგებელი მიიღო დაფინანსების ასეთი წესიდან.

მოსახლეობის აზრის გათვალისწინების მექანიზმები ვერ უზრუნველყოფს დაგეგმილი მშენებლობის შესახებ მოსახლეობის ადრეულ ეტაპზე ინფორმირებას და მათი გადაწყვეტილებების მიღების პროცესში ჩართვას: არ არსებობს მექანიზმი, რომელიც ადრეულ ეტაპზე გამოავლენდა და ობიექტური კრიტერიუმების საფუძველზე შეძლებისდაგვარად შეაჯერებდა მოსახლეობის პოზიციებსა და მენაშენის ინტერესებს; მოსახლეობის ინფორმირების ძირითადი ინსტრუმენტია საინფორმაციო დაფა, რომელიც რიგ შემთხვევებში არ იყო განთავსებული მიწის ნაკვეთის ტერიტორიაზე; ისეთი საკითხები, რომლებიც მოსახლეობას ყველაზე ხშირად აწუხებს (ბუნებრივი განათებულობის, ვენტილაციისა და პირადი სივრცის შეზღუდვა) მოქმედი კანონმდებლობით მენაშენის სასარგებლოდ რეგულირდება და აზრის გამოთქმის შემთხვევაში, მათ არ ითვალისწინებენ.

 ბალანსის დანართ ფორმა N7 - ში არ იყო ასახული მოთხოვნები არაფინანსური აქტივების დანაკლისებით ჯამში 11,650.29 ლარის ოდენობით;  ბალანსის დანართ ფორმა N9-ში ინფორმაცია დებიტორული დავალიანებების შესახებ წარმოდგენილი იყო არასწორად. კერძოდ, 2004 წლის 8 დეკემბერს მოპარული ავტომობილის ღირებულება აისახა 11,290.89 ლარის ოდენობით, თუმცა აღნიშნული თანხა მოიცავდა რუსეთის ფედერაციის მხრიდან განხორციელებული 2008 წლის აგრესიის შედეგად ოკუპირებულ (ზემო აფხაზეთის) ტერიტორიაზე დარჩენილი 1,879.25 ლარის ნარჩენი ღირებულების არაფინანსურ აქტივებს, ხოლო ავტომობილის ღირებულება შეადგენდა 9,411.64 ლარს;  ძირითადი აქტივების მიღებაში გრანტებით (1,404.76 ლარი) ასახული იყო დამოუკიდებელი აუდიტორის დასკვნის საფუძველზე აფასებული ძირითადი აქტივები 679.20 ლარის ღირებულებით, რაც წარმოადგენს არასაოპერაციო შემოსავალს და შესაბამისად უნდა ასახულიყო ბალანსის დანართ ფორმა N5-ში და N3-ში;  ბალანსის დანართ ფორმა N-5 ში ინფორმაცია გრძელვადიანი მცირეფასიანი აქტივების მიღება-გასვლის შესახებ შეცდომით იყო ასახული მატერიალური მარაგების ჯამურ თანხებში. ინვენტარიზაციის შედეგად გამოვლენილი მცირეფასიანი გრძელვადიანი აქტივების ზედმეტობები, რომლებიც აფასდა 888.00 ლარის ოდენობით არ იყო აყვანილი შემოსავლებში, არ დაფიქსირებულა ბალანსის დანართ ფორმა N3 -ში და N5-ში და შეცდომით გატარდა (დაემატა) ბალანსგარეშე ანგარიშზე „ხარჯებში ჩამოწერილი მარაგები ექსპლუატაციაში“.

სსიპ „საქართველოს ინოვაციებისა და ტექნოლოგიების სააგენტოს“ ბალანსზე ირიცხება 6,852 ლარის ღირებულების ვიდეორგოლები, რომლებიც აღარ გამოიყენება.

მერიას არ აქვს დადგენილი შესაბამისი კრიტერიუმები, რომელიც განსაზღვრავს, თუ რომელ თანამშრომელს ესაჭიროება განპიროვნებული ავტომანქანა. აგრეთვე არ არის განსაზღვრული, რა საჭიროების გათვალისწინებით ხდება მერიის თანამშრომელთა პირად საკუთრებაში/მფლობელობაში არსებულ ავტოსატრანსპორტო საშუალებებზე საწვავის გამოყოფა/ ლიმიტების დადგენა.

სოფელ დიდი ღების სარიტუალო სახლში დაზიანებულია ჭერი და შეინიშნება წვიმის წყლის ჩამონადენი.

მუნიციპალიტეტის მიერ გაფორმებული შრომითი ხელშეკრულებები არ შეიცავს დროში განსაზღვრულ დავალებას. ხელშეკრულებები ძირითადად მოქმედებდა მთელი წლის პერიოდისათვის და დაქირავებულის ფუნქცია შტატით განსაზღვრული თანამდებობების ანალოგიურია. კერძოდ, ითვალისწინებდა ისეთ მუდმივ საქმიანობას, რაც მუნიციპალიტეტის ძირითადი საჯარო უფლებამოსილების განხორციელებასთან არის დაკავშირებული. აღნიშნული წინააღმდეგობაშია შტატგარეშე მოსამსახურის დაქირავების პრინციპთან.

საბიუჯეტო დეფიციტის მართვის მიზნით გასატარებელი ზოგიერთი ღონისძიების ძირითადი პრინციპების შესაბამისად „შრომის ანაზღაურების“ და „შტატგარეშე მომუშავეთა ანაზღაურების“ მუხლით 2016 წელს გაწეული ხარჯი თითოეული საბიუჯეტო ორგანიზაციისათვის არ უნდა ყოფილიყო 2015 წლის საკასო ხარჯზე მეტი. თუმცა, იმ პირობებში, როდესაც ადგილი არ ჰქონია ორგანიზაციის ფუნქციებისა და კომპეტენციის არსებით ზრდას, სამმართველოს მიერ 2016 წელს შტატით მომუშავეთა შრომის ანაზღაურება გაიზარდა 2%-ით, ხოლო შტატგარეშე მომუშავეთა ანაზღაურება 17%-ით.

მეტროლოგიის სააგენტოში 2013 წელს ლიფტის შესყიდვისა და დამონტაჟების ხარჯები (57,947 ლარი) დაემატა არასაცხოვრებელი შენობების ღირებულებას. გამომდინარე იქიდან, რომ არასაცხოვრებელი შენობებისა და ლიფტის მომსახურების ვადა მნიშვნელოვნად განსხვავდება ერთმანეთისაგან, ლიფტის ცვეთის გაანგარიშება უნდა მომხდარიყო განსხვავებული ნორმის გათვალისწინებით . შედეგად, 2016 წლის 31 დეკემბრის მდგომარეობით მომზადებული კონსოლიდირებული ფინანსური ანგარიშგების ფორმა N1-ში ძირითადი აქტივების ნაშთი გაზრდილია 20,861 ლარით.

სოფელ ცხმორსა და სოფელ ონჭევში დასაწყობებულია, 5300 ლარის ღირებულების წყლის მილები (5200 გრძ.მ) , რომლებიც არ არის გამოყენებული დანიშნულებისამებრ და შესაბამისად, მოსახლეობა ვერ სარგებლობს.

წარმოდგენილი ინფორმაციის მიხედვით, ხობის მუნიციპალიტეტის საკრებულოს წევრებს (არათანამდებობის პირები), 2016-2017 წლებში, უფლებამოსილების განხორციელებასთან დაკავშირებული ხარჯების ანაზღაურების სახით, სულ მიღებული აქვთ 164.8 ათასი ლარი, მათ შორის, 2016 წელს – 92.6 ათასი ლარი, ხოლო 2017 წელს – 72.2 ათასი ლარი. მუნიციპალიტეტმა ვერ წარმოადგინა დოკუმენტური მტკიცებულებები საკრებულოს წევრების ხარჯების დასადასტურებლად.

8,880.00 ლარის ღირებულების 600 ერთეული ნაშრომი (წიგნები) აფხაზეთის შესახებ, 2016 წლის ფინანსური ანგარიშგების ფორმა N1-ში „სხვა მატერიალური მარაგების“ ნაცვლად, არასწორად აღირიცხა „სხვა ძირითადი აქტივების“ მუხლში. ბალანსის დანართ ფორმა N5-ში აღნიშნული წიგნები ასევე არასწორად დაფიქსირდა სხვა ძირითადი აქტივების საწყის ნაშთად (8,880.00 ლარი), ხოლო მათი გასვლა 7,796.67 ლარის ოდენობით „სხვა ხარჯის“ ნაცვლად, არასწორად ჩამოიწერა „არასაოპერაციო ხარჯების“ მუხლიდან ბალანსის დანართ ფორმა N3-ში და N5-ში.

საზღვაო აკადემია ცვეთის გაანგარიშების ბაზად აქტივების ისტორიული ღირებულების ნაცვლად იყენებს საბალანსო ღირებულებას. შედეგად, 2016 წლის 31 დეკემბრის მდგომარეობით მომზადებული კონსოლიდირებული ფინანსური ანგარიშგების ფორმა N2-ში ძირითადი კაპიტალის მოხმარების მუხლი შემცირებულია 99,458 ლარით და ფორმა N1-ში ძირითადი აქტივების ნაშთი გაზრდილია 354,556 ლარით.

სოფელ სხიერში, პროგრამის ფარგლებში მოწყობილია 3.3 ათასი ლარის ღირებულების, სამი ერთეული მზის პანელი. მათ შორის ორი ერთეული გამოიყენება დანიშნულებისამებრ, ხოლო ერთი, პასუხისმგებელი პირის განმარტებით, სოფლის მცხოვრებს გადააქვს თავისი გადაადგილების მიხედვით (ზამთარში ასაწყობებს ქ. ონში, ხოლო ზაფხულში მიაქვს სოფელ სხიერში).

4 სახელმწიფო შესყიდვა წლის დასაწყისში მუნიციპალიტეტმა ჩაატარა გამარტივებული ელექტრონული ტენდერის საშუალებით, რითაც დაარღვია კანონმდებლობით დადგენილი მონეტარული ზღვარი . აღნიშნული შესყიდვებისათვის მუნიციპალიტეტს უნდა გამოეყენებინა ელექტრონული ტენდერის საშუალება. ხობის მუნიციპალიტეტემა 139.1 ათასი ლარის სახელმწიფო შესყიდვები განახორციელა შესყიდვის არასწორი ფორმით. ელექტრონული ტენდერის შემთხვევაში მუნიციპალიტეტი სავარაუდოდ მიიღებდა მეტ სატენდერო ეკონომიას.

ბალანსის დანართ ფორმა N2.2-ში სხვა კრედიტორულ დავალიანებებში ნაჩვენები თანხა 4,999.98 ლარის ოდენობით, წარმოადგენდა წიგნების გამოსაცემად შეცდომით (მიმწოდებლის მიერ არასწორად მითითებული ანგარიშის ნომრის გამო) გადარიცხულ თანხას. აღნიშნული ვალდებულება ბალანსის ფორმა N1-ში შესაბამის ანგარიშზე არ ასახულა, ხოლო სხვა კრედიტორული დავალიანების დაფარვა ბალანსის დანართ ფორმა N3-ში არასწორად აღირიცხა არასაოპერაციო ხარჯებში;

ტურიზმის ადმინისტრაციის მიერ, ღვინის გზის პროექტის ფარგლებში, ღვინის ტურიზმის ობიექტებისათვის საინფორმაციო მაჩვენებელი საგზაო მანიშნებლების მოსაწყობად საჭირო საპროექტო მომსახურების შესყიდვის მიზნით, 2016 წლის 21 მარტს გამოცხადდა გამარტივებული ელექტრონული ტენდერი , რომლის შესყიდვის სავარაუდო ღირებულებად განისაზღვრა 45,000 ლარი. ტენდერში მონაწილე ორი პრეტენდენტიდან უმცირესი ფასის წარმომდგენმა კომპანიამ არ შეასრულა სატენდერო კომისიის მოთხოვნა ინფორმაციის დაზუსტების შესახებ, რის გამოც დისკვალიფიცირდა. დისკვალიფიკაცია მიენიჭა ასევე მეორე პრეტენდენტსაც, რადგან საავტომობილო გზებზე საგზაო ნიშნების დაპროექტების სულ მცირე 3 წლიანი გამოცდილების დამადასტურებლად წარმოდგენილი ინფორმაციიდან, სატენდერო კომისიამ სატენდერო დოკუმენტაციით მოთხოვნილთან შესაბამისად მიიჩნია მხოლოდ ორი წლის მონაცემები. ტენდერი დასრულდა უარყოფითი შედეგით. აღნიშნული მომსახურების შესყიდვის მიზნით 2016 წლის 16 მაისს კვლავ გამოცხადდა ტენდერი , თუმცა უკვე განსხვავებული პირობებით, კერძოდ ამოღებული იქნა 2.5.3 პუნქტით მოთხოვნილი საავტომობილო გზებზე საგზაო ნიშნების/მანიშნებლების დაპროექტების სულ მცირე 3 წლიანი გამოცდილება, ხოლო სავარაუდო ღირებულება გაიზარდა 45,000 დან 101,000 ლარამდე იმავე მოცულობის სამუშაოზე. ხელშეკრულება გაფორმდა 80,801 ლარზე უმცირესი ფასის მქონე პრეტენდენტთან.

სოფელ სორში დასაწყობებულია წინა წლებში შეძენილი გოფრირებული თუნუქი და სამსჭვალი, რომელიც არ არის გამოყენებული დანიშნულებისამებრ და შესაბამისად, მოსახლეობა ვერ სარგებლობს.

ხობის მუნიციპალიტეტში 2017 წელს ინვენტარიზაცია არ განხორციელებულა . იქედან გამომდინარე, რომ მუნიციპალიტეტი არ ატარებს ინვენტარიზაციას, არსებობს მაღალი რისკი, რომ ორგანიზაციის საკუთრებაში არსებული ყველა აქტივი არ იყოს ჩაბარებული მატერიალურად პასუხისმგებელ პირზე. აქტივების შენახვაზე პასუხისმგებელი პირის არარსებობა მიუთითებს იმაზე, რომ მუნიციპალიტეტს არ აქვს დაწესებული სათანადო კონტროლი საკუთრებაში არსებული აქტივების მოძრაობაზე.

ბალანსის დანართ ფორმა N3-ში და N5-ში ,,არასაოპერაციო ხარჯის სახით“ არასწორად იყო აღრიცხული უმაღლესი საბჭოს აპარატის ბალანსზე 2,178.00 ლარის ნარჩენი ღირებულებით რიცხული ავტომობილის გადაცემა აფხაზეთის ავტონომიური რესპუბლიკის ფინანსთა და ეკონომიკის სამინისტროსათვის;

ღვინის გზის პროექტის ფარგლებში საგზაო მანიშნებლების მოსაწყობად ტურიზმის ადმინისტრაციის მიერ 2016 წლის 14 სექტემბერს გამოცხადდა ელექტრონული ტენდერი სავარაუდო ღირებულებით 268,000 ლარი. გამარჯვებულ პრეტენდენტთან გაფორმდა ხელშეკრულება ღირებულებით 201,997 ლარი. მიუხედავად იმისა, რომ სატენდერო დოკუმენტაციით საავანსო ანგარიშსწორება განსაზღვრული არ იყო , 2016 წლის 19 დეკემბერს ხელშეკრულებაში განხორციელდა ცვლილება, რომლითაც ტურიზმის ადმინისტრაციამ აიღო ვალდებულება ხელშეკრულების ღირებულების 100%-ის ავანსად გადარიცხვის შესახებ, რაც განხორციელდა კიდეც. იმ შემთხვევაში, თუ სატენდერო დოკუმენტაციით განსაზღვრული იქნებოდა საავანსო ანგარიშსწორება, შესაძლებელია ტენდერში მონაწილეობით დაინტერესებულიყვნენ სხვა მომწოდებლებიც.

15 სოფელში მოწყობილი სასმელი წყლის სათავე სისტემები (სათავე ნაგებობები) საჭიროებს დამატებით ფილტრაციის სამუშაოების განხორციელებას. ადგილობრივი მოსახლეობის ზეპირი განცხადებით, წყალი პერიოდულად ბინძურდება და სასმელად უვარგისია.

სახელმწიფო აუდიტის სამსახურმა წინა წლებში ჩაატარა ხობის მუნიციპალიტეტის საფინანსო-ეკონომიკური საქმიანობის შესაბამისობის აუდიტი (01.01.2012-01.01.2014 წლები). აუდიტის ანგარიშებში დაფიქსირდა სხვადასხვა არსებითი ხასიათის დარღვევა-ნაკლოვანება. აუდიტის ობიექტმა გაატარა გარკვეული ღონისძიებები და წარმოადგინა ინფორმაცია აუდიტის დასკვნებში ასახული ზოგიერთი ხარვეზის გამოსწორების შესახებ. ხობის მუნიციპალიტეტმა არ მოახდინა სათანადო რეაგირება და განმეორებით დაუშვა ზოგიერთი დარღვევა, რაც აღწერილია აუდიტის ანგარიშში. ხობის მუნიციპალიტეტი ვალდებული იყო გაეტარებინა საკმარისი და შესაფერისი ღონისძიებები აუდიტის ანგარიშებში დაფიქსირებული ხარვეზების გამოსწორებისათვის და შედეგების მისაღებად, რაც სისრულის თვალსაზრისით, არ განხორციელებულა.

ბალანსის დანართ ფორმა N-5 ში არ იყო ასახული ინფორმაცია 2,429.00 ლარის ღირებულების გრძელვადიანი მცირეფასიანი აქტივების და 2,209.61 ლარის ღირებულების მატერიალური მარაგების მიღება-გასვლის შესახებ. ასევე, ბალანსის დანართ ფორმა N7 - ში არ იყო ასახული მოთხოვნები არაფინანსური აქტივების დანაკლისებით ჯამში 16,639.70 ლარის ოდენობით.

ონის მუნიციპალიტეტის გამგებელმა 2015 წლის 20 აპრილს გამოსცა ბრძანება, დასაგეგმი 2016 წლის ბიუჯეტისათვის პრიორიტეტების განსაზღვრის მიზნით სამუშაო ჯგუფის შექმნასთან დაკავშირებით. ბრძანებაში არ არის განსაზღვრული პრიორიტეტების შედგენისათვის წარსადგენი ინფორმაციის ნუსხა და წარდგენის ვადები. ამასთანავე, მუნიციპალიტეტმა (შესაბამისმა პასუხისმგებელმა პირმა) ვერ წარმოადგინა დასაგეგმი 2017 წლის ბიუჯეტისათვის გამოცემული ბრძანება, სადაც განსაზღვრული იქნებოდა საბიუჯეტო კოდექსით დადგენილი მოთხოვნები.

სახელმწიფო შესყიდვების 2016 წლის წლიური გეგმის დადგენილი წესით შესყიდვების ელექტრონულ სისტემაში ატვირთვა განხორციელდა დადგენილ ვადაზე 17 დღის დაგვიანებით. გარდა აღნიშნულისა, 2016 წელს განხორციელებულ სახელმწიფო შესყიდვებში 272 შემთხვევიდან 85 შემთხვევაში (ანუ 31.3%) დარღვეულ იქნა ხელშეკრულების შესრულების/შეუსრულებლობის დამადასტურებელი დოკუმენტაციის შესაბამის ელექტრონულ სისტემაში ატვირთვის ვადები.

2016 წლის დამტკიცებული ბიუჯეტით, შრომის ანაზღაურების წლიური ფონდი, იმ დროისთვის არსებული შტატების გათვალისწინებით, შეადგენდა ხარჯების 26%-ს, ხოლო 2017 წლის დამტკიცებული ბიუჯეტით − 29.5%-ს. აღნიშნული ქმედებით მუნიციპალიტეტმა (შესაბამისმა პასუხისმგებელმა პირებმა) დაარღვია ადგილობრივი თვითმმართველობის კოდექსის მოთხოვნები. აღსანიშნავია, რომ ბიუჯეტის დაზუსტების დროს შრომის ანაზღაურების წლიურმა ფონდმა 2016 წელს ხარჯების 24.4% შეადგინა, ხოლო 2017 წელს − 22.5%.

2016 წლის 8 თებერვალს გაფორმებულ N15 და N16 ხელშეკრულებებში (ხელშეკრულების საგანი - მანქანის ტექნიკური მომსახურებები ) შევიდა ცვლილებები, რომლითაც გაიზარდა ხელშეკრულებების ჯამური ღირებულებები. კერძოდ, პირველ შემთხვევაში შეთანხმების ოქმით ორჯერ შეტანილი ცვლილებების შემდგომ ხელშეკრულების ჯამური ღირებულება განისაზღვრა 7,665.00 ლარით, რაც 64%-ით მეტია პირვანდელ ღირებულებაზე, ხოლო მეორე შემთხვევაში შეთანხმების ოქმით ოთხჯერ შეტანილი ცვლილებების შემდგომ ხელშეკრულების ჯამური ღირებულება განისაზღვრა 4,710.00 ლარით, რაც 42%-ით მეტია პირვანდელ ღირებულებაზე . ამასთან, შეთანხმების ოქმებში არ დაფიქსირებულა, თუ რა გახდა ცვლილების განხორციელების მიზეზი.

ონის მუნიციპალიტეტმა 2016 წლის ბიუჯეტი დააზუსტა იმავე წლის 22 დეკემბერს, რომლის მიხედვით არაფინანსური აქტივების ზრდა 4,104.0 ათასი ლარით განისაზღვრა, თუმცა საკასო შესრულებამ 2,239.4 ათასი ლარი შეადგინა, რაც დაზუსტებული გეგმის მხოლოდ 55%-ია. 2017 წლის ბიუჯეტი დაზუსტდა 21 დეკემბერს და არაფინანსური აქტივების ზრდა 8,046.7 ათასი ლარით განისაზღვრა, თუმცა საკასო შესრულებამ 6,050.2 ათასი ლარი შეადგინა, რაც დაზუსტებული გეგმის 75%-ია.

უმაღლესი საბჭოს აპარატის მიერ არ იყო დადგენილი სამუშაო დროის გამოყენების ყოველთვიური აღრიცხვის ფორმა (სამუშაოზე გამოცხადების აღრიცხვის ჟურნალი ან/და სპეციალური ტექნიკური საშუალება), რაც მოქმედი ინსტრუქციის თანახმად წარმოადგენს ხელფასის დარიცხვის ერთ-ერთ საფუძველს. ასევე, ხელფასების დარიცხვისას არ გამოიყენებოდა კანონმდებლობით დადგენილი, სახელმძღვანელოდ დამტკიცებული ფორმა - „სამუშაო დროის გამოყენების და ხელფასის გაანგარიშების აღრიცხვის ტაბელი“.

2016 წლის 1 იანვრის მდგომარეობით, ონის მუნიციპალიტეტის ბიუჯეტის ნაშთმა 759.2 ათასი ლარი შეადგინა. მუნიციპალიტეტმა დაგეგმა ნაშთის სრულად გამოყენება. მიუხედავად ამისა, 2016 წელს ნაშთის ცვლილებით გამოწვეული ფულადი სახსრების დაგროვებამ (მატებამ) შეადგინა 1,618.2 ათასი ლარი და წლის ბოლოს დაფიქსირდა ნაშთი 2,377.4 ათასი ლარი. აღნიშნული ფულადი სახსრებიდან 466.0 ათასი ლარი თავისუფალ ნაშთია. 2017 წელს დაიგეგმა 2,377.4 ათასი ლარის გამოყენება. ნაშთის ცვლილებით გამოწვეული ფულადი სახსრების გამოყენებამ (კლებამ) შეადგინა 181.3 ათასი ლარი და წლის ბოლოს დაფიქსირდა ნაშთი 2,196.1 ათასი ლარი. აღნიშნული ფულადი სახსრებიდან 491.8 ათასი ლარი შეადგენს თავისუფალ ნაშთს.

იმ პირობებში, როდესაც უმაღლესი საბჭოში მომუშავეთა რიცხოვნება ფაქტობრივად შეადგენდა 75 ერთეულს (მ.შ. უმაღლესი საბჭოს დეპუტატების რიცხოვნება იყო - 22), 2016 წელს მოკლე (4 თვემდე) ან ხანგრძლივი (12 თვემდე) პერიოდის განმავლობაში, აპარატში დასაქმებული იყო შტატგარეშე 28 მომუშავე (ანუ მომუშავეთა 37.3%) და მათზე ანაზღაურდა 122,154.00 ლარი, რაც უმაღლესი საბჭოში ,,საქონელი და მომსახურების“ მუხლით გაწეული ფაქტიური ხარჯების (332,081.87 ლარის) 36.8 %-ია, ხოლო შტატით მომუშავეთა ,,შრომის ანაზღაურების” მუხლით გაწეული ფაქტიური ხარჯების (1,530.169.16 ლარის) 8.0 %-ია. ამასთან, შტატგარეშე მომუშავეებთან გაფორმებული შრომითი ხელშეკრულებებით შესასრულებელი სამუშაოს შესახებ ანგარიშის წარდგენის ფორმა განსაზღვრული არ ყოფილა, ხოლო საქმისწარმოების ერთიან სისტემაში, რაიმე ტიპის ოფიციალური დოკუმენტი (მოხსენებითი ბარათები, ცნობები, ანგარიშები და სხვ.), რომლითაც დადასტურდებოდა შტატგარეშე მოსამსახურეების მიერ შესრულებული კონკრეტული სამუშაოს (მომსახურების) შედეგი და აქედან მიღებული სარგებელი არ ფიქსირდება. გარდა აღნიშნულისა, მიუხედავად იმისა, რომ აუდიტის პერიოდში, ისევე როგორც წინა წლებში, აფხაზეთის ავტონომიური რესპუბლიკის უმაღლეს საბჭოში ფრაქციათა რაოდენობა არ შეცვლილა, ხოლო აპარატის ფუნქციებისა და კომპეტენციების ზრდას ადგილი არ ჰქონია, შტატგარეშე მოსამსახურეებზე ანაზღაურებული თანხები მაინც ხასიათდებოდა ზრდის ტენდენციით.

ქ. ონში, დემეტრე მეორის მოედანზე მდებარე 53კვ.მ არასასოფლო-სამეურნეო დანიშნულების მიწის ნაკვეთი (ს/კ 88.18.21.239) შემოღობილია, ჩადგმულია დროებითი ნაგებობა და ფაქტობრივად სარგებლობენ არაუფლებამოსილი პირები. მიუხედავად იმისა, რომ მუნიციპალიტეტის ქონებით სარგებლობენ არაუფლებამოსილი პირები და არ იხდიან საიჯარო ქირას, მერიას სამართლებრივი ღონისძიებები არ გაუტარებია.

ბუღალტრულ რეგისტრებში და ბალანსის დანართ ფორმა N3-ში და N5-ში არ ასახულა 2016 წლის განმავლობაში სხვა სახელმწიფო დაწესებულებებისაგან უსასყიდლოდ მიღებული და გადაცემული (გახარჯული) 2,343.00 ლარის ღირებულების მცირეფასიანი გრძელვადიანი აქტივები და 792.00 ლარის ღირებულების მატერიალური მარაგები. შესაბამისად, 2016 წლის განმავლობაში არაფინანსური აქტივებით განხორციელებული ოპერაციების შესახებ ინფორმაცია ფინანსურ ანგარიშგებაში წარმოდგენილი იყო ჯამში 3,135.00 ლარით ნაკლები ოდენობით;

ქ. ონში, ვახტანგ მეექვსის ქუჩაზე მდებარე არასასოფლო-სამეურნეო დანიშნულების 340კვ.მ ფართზე განლაგებულია დროებითი შენობა-ნაგებობა, სადაც ფუნქციონირებს კვების ობიექტი. ობიექტი გაცემული იყო იჯარით, თუმცა საიჯარო ხელშეკრულების მოქმედების ვადა ამოიწურა 2018 წლის 15 აპრილს და აუდიტის მიმდინარეობისას რაიმე სამართლებრივი ფორმით არ არის განკარგული.

2016 წლის ბოლოს „ალექსანდრე შერვაშიძის ნამუშევრების გამოფენა და კატალოგების გამოცემის“ ქვეპროგრამის ფარგლებში სამინისტროს მიერ შეძენილ იქნა 150 ცალი 2,499.00 ლარის ღირებულების კატალოგი. აღნიშნული აქტივები არასწორად გატარდა ფაქტობრივ ხარჯად და აისახა საცნობარო მუხლში „პასუხსაგებ შენახვაზე მიღებული მატერიალური ფასეულობები“ (02). ინვენტარიზაციის შედარების უწყისების შესაბამისად კატალოგები ინახებოდა სამინისტროს შენობაში და მათი გავრცელება/დარიგება არ მომხდარა. შესაბამისად მოცემული აქტივები უნდა აღრიცხულიყო, როგორც „მატერიალური მარაგების“ მიღება და ფინანსური ანგარიშგების ფორმა N1-ში - ბალანსში ასახულიყო „სხვა მატერიალური მარაგების“ ნაშთის სახით, ხოლო ფაქტობრივ ხარჯად აღიარება უნდა მომხდარიყო ქვეპროგრამის ფარგლებში მიზნობრივად გამოყენების (გავრცელება/დარიგების) შემთხვევაში. აღნიშნულიდან გამომდინარე, ფინანსური ანგარიშგების ფორმა N1-ში - ბალანსში ასახული ინფორმაცია არაფინანსური აქტივების ნაშთების შესახებ, წარმოდგენილი იყო 2,499.00 ლარით ნაკლები თანხით; აუდიტის პერიოდში კატალოგების შეძენასთან დაკავშირებით საკასო ხარჯი არ განხორციელებულა, შესაბამისად ბალანსის ფორმა N1-ში გაწეული მომსახურების ღირებულება აღიარებული იყო „საქონლის და მომსახურების მოწოდებით დარიცხული ვალდებულებების“ 3210 ანგარიშზე. თუმცა, ფინანსური ანგარიშგების ფორმა N8-ში და N10-ში, აღნიშნული კრედიტორული დავალიანება 2,499.00 ლარის ოდენობით არ იყო ასახული, რის გამოც კრედიტორული დავალიანებების შესახებ ინფორმაცია ფინანსურ ანგარიშგებაში (ფორმა N8 და N10) არასწორად და არასრულად იყო წარმოდგენილი;

2016 წლის 1 იანვრის მდგომარეობით, ბოლნისის მუნიციპალიტეტის ბიუჯეტის ნაშთმა შეადგინა 1 831.1 ათასი ლარი. მუნიციპალიტეტმა დაგეგმა ნაშთის სრულად გამოყენება. 2016 წელს ნაშთის ცვლილებით გამოწვეული ფულადი სახსრების გამოყენებამ (კლებამ) შეადგინა 1 109.1 ათასი ლარი და წლის ბოლოს დაფიქსირდა ნაშთი 722.0 ათასი ლარი. აღნიშნულ თანხაზე მუნიციპალიტეტს გაფორმებული ჰქონდა ხელშეკრულებები ინფრასტრუქტურული პროექტების განსახორციელებლად, რომელთა დასრულება გათვალისწინებული იყო მომდევნო წელს. 2017 წელს დაიგეგმა 722.0 ათასი ლარის გამოყენება. მიუხედავად ამისა, ნაშთის ცვლილებით გამოწვეული ფულადი სახსრების დაგროვებამ (მატებამ) შეადგინა 2 167.7 ათასი ლარი და წლის ბოლოს დაფიქსირდა ნაშთი 2 889.7 ათასი ლარი. აღნიშნული ფულადი სახსრებიდან 2 107.5 ათასი ლარი შეადგენს თავისუფალ ნაშთს. 2017 წელს მუნიციპალიტეტის ნაშთის ზრდა განაპირობა იმ გარემოებამ, რომ 2017 წელს შემოსულობების გეგმა 104.6%-ით, ხოლო გადასახდელების - 95.2%-ით შესრულდა.

შპს „ონის კომუნალური სამსახურის“ ოფისი და ა(ა)იპ − ონის ბიბლიოთეკა განთავსებულია მუნიციპალიტეტის ბალანსზე რიცხულ შენობებში ისე, რომ არ არის გაფორმებული ხელშეკრულება ფართობის სარგებლობის უფლებით გადაცემის შესახებ. ამასთანავე, შპს „ონის კომუნალურ სამსახურს“ კომუნალურ გადასახადებს უფარავს მუნიციპალიტეტის მერია. აღსანიშნავია, რომ ხარვეზი დაფიქსირებულია წინა აუდიტის ანგარიშში, რომლის მიხედვით, მხარეებს შორის არ იყო გაფორმებული ხელშეკრულება და არც სხვა სახის დოკუმენტი ფართობის გადაცემის შესახებ. მიუხედავად ამისა, მუნიციპალიტეტს (შესაბამის პასუხისმგებელ პირებს) აუდიტის ანგარიშში დაფიქსირებული ნაკლოვანება არ გამოუსწორებია.

ბალანსის დანართ ფორმა N3-ში და N5-ში მიღება „გრანტებად“ აღრიცხული იყო საექსპერტო დასკვნის საფუძველზე შეფასებული 1,981.00 ლარის ღირებულების ზედმეტობად აღიარებული 44 ერთეული მცირეფასიანი გრძელვადიანი აქტივი, რაც დადგენილი კანონმდებლობის თანახმად წარმოადგენდა „არასაოპერაციო შემოსავალს“. შესაბამისად, ფინანსურ ანგარიშგებაში (ბალანსის დანართ ფორმა N3-ში და N5-ში) არაფინანსური აქტივების მიღებასთან დაკავშირებით წარმოდგენილი ინფორმაცია არასწორად ასახავდა რეალურ მდგომარეობას.

არსებული დებულებით, ბოლნისის მუნიციპალიტეტის არც ერთ სამსახურს არ ევალება განახორციელოს დასუფთავების მოსაკრებლის ადმინისტრირება. აღნიშნული მიდგომა ვერ უზრუნველყოფს დასუფთავების მოსაკრებლის სახით მისაღები სრული შემოსავლის მობილიზებას, რომლის ამოღებაც შესაძლებელი იქნებოდა შესაბამისი ღონისძიებების გატარების შემთხვევაში.

მუნიციპალიტეტში შტატგარეშე მოსამსახურეებთან გაფორმებული შრომითი ხელშეკრულებების შესწავლით გამოვლინდა, რომ შტატგარეშე მოსამსახურეები ინიშნებიან 6 თვით, ხოლო შემდეგ უგრძელდებათ ხელშეკრულება იმავე ვადით.

ფინანსური ანგარიშგების ფორმა N1-ში ანგარიშზე - 3260 „ვალდებულებები დეპონენტების მიმართ“ ასახული იყო კრედიტორული დავალიანება 646.00 ლარის ოდენობით. ფინანსური ანგარიშგების ფორმა N8 და N10-ით დადგინდა, რომ აღნიშნული ვალდებულება წარმოადგენდა 1996 წელს „შრომის ანაზღაურების“ მუხლში წარმოშობილ ვადაგადაცილებულ კრედიტორულ დავალიანებას. მიღებული ინფორმაციით დეპონენტს, მის მემკვიდრეს ან სხვა უფლებამოსილ პირს კუთვნილი ხელფასის მოთხოვნით სამინისტროსთვის არ მიუმართავს. დადგენილი კანონმდებლობის მოთხოვნათა შესაბამისად, ვადაგადაცილებული დავალიანებები ანგარიშგებაში უნდა აღრიცხულიყო საცნობარო მუხლში - 09 „ვადაგადაცილებული დავალიანებების“ ანგარიშზე, სადაც უნდა აისახოს საანგარიშო წლის წინა პერიოდებში წარმოქმნილი და დაუფარავი ყველა სახის კრედიტორული დავალიანება. თუმცა, სამინისტროს მიერ აღნიშნული დავალიანების გადატანა შესაბამის მუხლში არ განხორციელებულა, რის გამოც ფინანსური ანგარიშგების ფორმა N1-ში არსებული ინფორმაცია ვალდებულებების შესახებ წარმოდგენილი იყო გაზრდილი თანხით.

შუახევის მუნიციპალიტეტის გამგეობის ეკონომიკის, არქიტექტურისა და ინფრასტრუქტურის განვითარების სამსახურის ინფორმაციით, 2016 წლის 31 მდგომარეობით, შუახევის მუნიციპალიტეტის მიერ არასასოფლო-სამეურნეო დანიშნულების მიწისა და არასაცხოვრებელი ფართების საიჯარო ხელშეკრულებების შედეგად, მოიჯარეების მიერ გადასახდელმა დავალიანებამ შეადგინა 34,9 ათასი ლარი, რაც არ არის ასახული ორგანიზაციის ბალანსში

მუნიციპალიტეტის საკუთრებაში არსებული ქონებით სარგებლობენ არაუფლებამოსილი პირები, რომლებიც ბიუჯეტში შესაბამის საფასურს არ იხდიან. მუნიციპალიტეტმა აუდიტის ჯგუფს ვერ წარმოუდგინა აღნიშნული ობიექტების სარგებლობის უფლებით გადაცემასთან დაკავშირებული დოკუმენტები. მიუხედავად იმისა, რომ მუნიციპალიტეტი ფლობს ინფორმაციას აღნიშნულ საკითხებთან დაკავშირებით, თვითმმართველი ერთეულის მიერ არ არის გატარებული სათანადო ღონისძიებები.

2017 წლის 31 დეკემბრის მდგომარეობით, მუნიციპალიტეტის ბალანსზე სულ ირიცხება 12 ავტომანქანა, მათ შორის, 2 განპიროვნებული და 4 − სამორიგეო. პასუხისმგებელი პირის განმარტებით, 2016-2017 წლებში დანარჩენი 6 ავტომანქანა არ იყო მუშა მდგომარეობაში. სამორიგეო ავტომანქანების გარდა, მუნიციპალიტეტი საწვავს ყოველთვიურად გასცემდა საჯარო მოსამსახურეების საკუთრებაში/სარგებლობაში არსებულ ავტომანქანებზე, 2016 წელს − 24 ავტომანქანაზე და 2017 წელს − 29 ავტომანქანაზე. საწვავი გამოეყოფოდა საკრებულოს თავმჯდომარის მოადგილეს, საკრებულოს ფრაქციებს და კომისიებს, აპარატს, მერიის სტრუქტურული ერთეულის ხელმძღვანელებს და სხვ. მუნიციპალიტეტის მიერ 2016-2017 წლებში სულ დაიხარჯა 92.9 ათასი ლარის საწვავი, მათ შორის, 42.9 ათასი ლარის საწვავი − თანამშრომლების პირად საკუთრებაში/სარგებლობაში არსებულ სატრანსპორტო საშუალებებზე.

2016 წელს დადებული 344 სახელმწიფო შესყიდვის ხელშეკრულებიდან 10 ხელშეკრულების შემთხვევაში, ხოლო ხელშეკრულების შესრულების/შეუსრულებლობის დამადასტურებელი 417 დოკუმენტიდან 259 (ანუ 62%) შემთხვევაში, დარღვეული იყო შესაბამის ელექტრონულ სისტემაში ატვირთვის ვადები.

2016 წელს შუახევის მუნიციპალიტეტმა თხოვების ხელშეკრულებით ა(ა)იპ „შუახევის ბაგა-ბაღის გაერთიანებას“ გადასცა მის საკუთრებაში არსებული, სოფელ სამოლეთში და სოფელ ჭვანაში მდებარე ბაგა-ბაღების შენობები და მიწის ნაკვეთები, რომელიც მუნიციპალიტეტს არ აქვს ასახული ბალანსში შესაბამისი ღირეულებით

მუნიციპალიტეტის მიერ გაცემული პრემიების ჯერადობა აღემატება მთავრობის დადგენილებით რეკომენდებულ ზღვრულ ნორმას. მუნიციპალიტეტის მიერ არ არის დაცული საბიუჯეტო თანხების რაციონალური და ეკონომიური ხარჯვის ვალდებულება.

ონის მუნიციპალიტეტის საკრებულოს არათანამდებობის პირებზე ხარჯების ანაზღაურების სახით 2016-2017 წლებში გაცემული თანხა სულ შეადგენს 117.4 ათას ლარს . საკრებულოს არათანამდებობის პირებს, თვითმმართველობის კოდექსის შესაბამისად, უნაზღაურდებათ უფლებამოსილების განხორციელებასთან დაკავშირებული ხარჯები. თანხის გაცემის საფუძველი უნდა იყოს საკრებულოს წევრის მიერ წარმოდგენილი ფაქტობრივად გაწეული ხარჯის დამადასტურებელი დოკუმენტები. მუნიციპალიტეტმა ვერ წარმოადგინა შესაბამისი პირველადი აღრიცხვის დოკუმენტი საკრებულოს წევრების მიერ გაწეული ხარჯების დასადასტურებლად. შესაბამისად, ონის მუნიციპალიტეტის მიერ საკრებულოს წევრებზე თანხების გაცემა ვერ ჩაითვლება წარმოშობილი ხარჯების ანაზღაურებად, რადგან საფუძვლად არ უდევს ხარჯის დამადასტურებელი დოკუმენტი. მუნიციპალიტეტი არ ფლობს ინფორმაციას, ნამდვილად იქნა თუ არა გაწეული ხარჯები ან რა ოდენობით და დანიშნულებით იქნა გამოყენებული.

სამინისტროში თანამშრომელთა სამსახურში გამოცხადების და სამსახურიდან გასვლის აღრიცხვის მიზნებისათვის არ არსებობდა სპეციალური ტექნიკური საშუალება. ასევე, არ იყო დადგენილი სამუშაო დროის გამოყენების ყოველთვიური აღრიცხვის ფორმა, თუმცა 2016 წლის 3 სექტემბრამდე წარმოებდა „მომსახურეთა სამსახურში გამოცხადებისა და სამუშაო ადგილის დატოვების ჟურნალი“, რომელიც შედგებოდა მხოლოდ შემდეგი მონაცემებისაგან: „მომსახურეთა სახელი გვარი, თარიღი, მოსვლა, წასვლა“. ასევე, ხელფასების დარიცხვისას არ გამოიყენებოდა კანონმდებლობით დადგენილი, სახელმძღვანელოდ დამტკიცებული ფორმა - „სამუშაო დროის გამოყენების და ხელფასის გაანგარიშების აღრიცხვის ტაბელი“. აღნიშნული მიუთითებს ფინანსური მართვისა და კონტროლის სისტემის სისუსტეზე, რაც მოცემულ შემთხვევაში გამოიხატება დაწესებულების მიერ განხორციელებული ოპერაციების შეუსაბამობაზე მარეგულირებელ წესებთან მიმართებაში. ასევა უნდა აღინიშნოს, რომ აფხაზეთის ა/რ განათლებისა და კულტურის მინისტრის ბრძანების საფუძველზე სპორტისა და ახალგაზრდულ საქმეთა სამსახურის მთავარ სპეციალისტზე წლის განმავლობაში გაცემული დანამატის ოდენობამ ჯამში შეადგინა 3,000.00 ლარი. ბრძანების მიხედვით დანამატი გაცემული იყო „ზეგანაკვეთური მუშაობისა და განსაკუთრებით საპასუხისმგებლო ფუნქციური დატვირთვის გათვალისწინებით“. ვინაიდან ორგანიზაციის მიერ არ იყო ნაწარმოები „სამუშაო დროის გამოყენების და ხელფასის გაანგარიშების აღრიცხვის ტაბელი“, ხოლო „მომსახურეთა აღრიცხვის ჟურნალის“ მონაცემებში არ ფიქსირდებოდა სამსახურში გამოცხადების და წასვლის დრო (საათი), აუდიტის ჯგუფს ვერ წარედგინა მტკიცებულება, რომლითაც დადასტურდებოდა თანამშრომელის მიერ ზეგანაკვეთურად მუშაობის ფაქტები.

შუახევის მუნიციპალიტეტის გამგეობის თანამშრომლისათვის, ორსულობისა და მშობიარობის გამო, შვებულების ანაზღაურება, 3,8 ათასი ლარი, ნაცვლად სოციალური უზრუნველყოფის მუხლისა, გადახდილია თანამდებობრივი სარგოს მუხლიდან

მუნიციპალიტეტმა შტატგარეშე მოსამსახურეები დაიქირავა მუდმივ ამოცანათა შესასრულებლად, რაც არ შეესაბამება მოქმედ კანონმდებლობას. ასევე, დაქირავებულების რაოდენობა აღემატება თვითმმართველობის კოდექსით დადგენილ ზღვრულ ნორმას.

2016-2017 წლებში ონის მუნიციპალიტეტის მიერ შპს „დაუ+“-თან გაფორმებული ხელშეკრულების საფუძველზე, შეძენილია საკონსულტაციო მომსახურება, ღირებულებით 9.6 ათასი ლარი. მხარეებს შორის გაფორმებული ხელშეკრულების თანახმად, შპს „დაუ+“-ს ევალებოდა ადგილობრივი თვითმმართველი ერთეულის ბიუჯეტის შესრულებისა და ანგარიშგების, ბიუჯეტების პროექტების შედგენის, განხილვის, მიღების, ცვლილების შეტანის, შესრულების, ანგარიშგების, გარე და შიდა აუდიტის ჩატარების თაობაზე ახალი ნორმატიული აქტების, მოქმედ ნორმატიულ აქტებში შეტანილი ახალი ცვლილებებისა და სხვა მასალების მიწოდება, საფინანსო-საბიუჯეტო საქმიანობის შესახებ ზეპირი ან სატელეფონო განმარტების მიწოდება და სხვ. 2016-2017 წლებში მუნიციპალიტეტში შექმნილი იყო საფინანსო-საბიუჯეტო სამსახური, იურიდიული განყოფილება და შიდა აუდიტის სამსახური. აღნიშნულ სამსახურებში დასაქმებული იყო 18 თანამშრომელი და მათზე გაიცა შრომის ანაზღაურება − 272.2 ათასი ლარი. საკანონმდებლო სიახლეები ხელმისაწვდომია ყველა თვითმმართველი ერთეულისათვის. მუნიციპალიტეტის თანამშრომლები ვალდებული არიან გააჩნდეთ კანონმდებლობის სათანადო ცოდნა და შეძლონ მათი საქმიანობაში გამოყენება.

საბიუჯეტო დეფიციტის მართვის მიზნით გასატარებელი ზოგიერთი ღონისძიების ძირითადი პრინციპების შესაბამისად „შრომის ანაზღაურების“ მუხლით 2016 წელს გაწეული ხარჯი თითოეული საბიუჯეტო ორგანიზაციისათვის არ უნდა ყოფილიყო 2015 წლის საკასო ხარჯზე მეტი. თუმცა, იმ პირობებში, როდესაც ადგილი არ ჰქონია ორგანიზაციის ფუნქციებისა და კომპეტენციის არსებით ზრდას, სამინისტროს მიერ 2016 წელს შტატით მომუშავეთა შრომის ანაზღაურება გაიზარდა 6%-ით.

შუახევის მუნიციპალიტეტის მიერ დაფუძნებული იურიდიული პირების ორგანიზაციული ბალანსები ხშირ შემთხვევაში არ ასახავს რეალურ ფინანსურ მდგომარეობას და არ არის შედგენილი „ავტონომიური რესპუბლიკების ბიუჯეტებისა და ადგილობრივი თვითმმართველი ერთეულების ბიუჯეტების დაფინანსებაზე მყოფი ორგანიზაციების ბუღალტრული ანგარიშგების ფორმების დამტკიცების შესახებ“ საქართველოს ფინანსთა მინისტრის 2008 წლის 16 აპრილის ბრძანება N364

2016-2017 წლებში ბოლნისის მუნიციპალიტეტმა წარმომადგენლობითი და აღმასრულებელი ორგანოების მოსამსახურეთა ქვეყნის ფარგლებს გარეთ მივლინებისას, 8 შემთხვევაში დახარჯა 32.7 ათასი ლარი . ბოლნისის მუნიციპალიტეტს არ აქვს შემუშავებული წესი, რომლითაც იხელმძღვანელებდა საჯარო მოხელე, ქვეყნის ფარგლებს გარეთ მივლინებისას. მივლინებული პირების მიერ არ არის მომზადებული ანგარიში მივლინების მიმდინარეობის, შედეგებისა და სხვა მნიშვნელოვანი საკითხების შესახებ.

ონის მუნიციპალიტეტის მიერ დაფუძნებული შპს-ები არ ფლობენ სტრატეგიულ/წლიურ გეგმებს, სადაც აღწერილი უნდა იყოს შპს-ების მიერ კონკრეტული წლის შესასრულებელი საქმიანობები. შესაბამისად, მუნიციპალიტეტის მხრიდან არ არის დანერგილი შესაბამისი კონტროლის მექანიზმები, რითაც მოხდება შპს-ების შემოსავლების და ხარჯების კონტროლი, ასევე შეფასდება მათ მიერ განხორციელებული საქმიანობა. იმის გამო, რომ დამფუძნებლის მიერ არ არის დაწესებული შესაფერისი და საკმარისი კონტროლის მექანიზმები, შესაძლოა შპს-ებში მართვის პროცესი იყოს მოუწესრიგებელი.

უმაღლესი საბჭოს აპარატის საჯარო მოსამსახურეებისათვის დანამატის ოდენობა განსაზღვრულია აჭარის ავტონომიური რესპუბლიკის უმაღლესი საბჭოს თავმჯდომარის ბრძანებით, რომლის თანახმად თანამდებობების მიხედვით დადგენილია დანამატის კონკრეტული ციფრობრივი ოდენობა. „საჯარო სამსახურის შესახებ“ საქართველოს კანონის თანახმად, დანამატის გაცემის საფუძველი შეიძლება იყოს მოხელის ზეგანაკვეთური მუშაობა და განსაკუთრებით საპასუხისმგებლო ფუნქციური დატვირთვის არსებობა, თუმცა აღნიშნული სათანადო მტკიცებულებებით არ დასტურდება

შუახევის მუნიციპალიტეტის გამგეობის მიერ, 2015 წელს სოფელ შუბანში და სოფელ ფურტიოში ბაგა-ბაღების მშენებლობისათვის გამოცხადებულ ელექტრონულ ტენდერებში გამარჯვებულად გამოცხადდა ერთი და იგივე კომპანია. ბაგა-ბაღების მშენებლობის დასრულების ვადად განისაზღვრა ხელშეკრულების დადებიდან შესაბამისად 6 თვე და 5 თვე, ხოლო ხელშეკრულების მოქმედების ვადა 2015 წლის 31 დეკემბერი. მხარეებს შორის არსებული წერილობითი შეთანხმებებით და ხელშეკრულებების შეწყვეტის შესახებ ბრძანებებით დასტურდება, რომ ნაკისრი ვალდებულებების შესრულებისათვის მიმწოდებელს ჯამში მიეცა 24 თვიანი პერიოდი. მიუხედავად ამისა მშენებლობა არ იქნა დასრულებული. ხელშეკრულებების თანახმად, შემსყიდველს უფლება ჰქონდა ექსპერტის დასკვნის მოპოვებამდე შეეჩერებინა ანგარიშსწორება ხელშეკრულების ჯამური ღირებულების არანაკლებ 20%-ის ოდენობით, რაც არ განუხორციელებია. ექსპერტიზის შედეგად დგინდება, რომ შუბნის ბაღის შემთხვევაში რეალურად შესრულებულ სამუშაოს ღირებულებასთან მიმართებაში შემსყიდველის მიერ მიმწოდებლისათვის 3,7 ათასი ლარით მეტია ანაზღაურებული

სამსახურებრივი უფლებამოსილების განსახორციელებლად გამოყენებული სატრანსპორტო საშუალებების რაოდენობა აღემატება მთავრობის დადგენილებით რეკომენდებულ ზღვრულ ოდენობას. შედეგად, მერიამ ტრანსპორტის შენახვისა და ექსპლოატაციის ხარჯის გაწევისას არ დაიცვა საბიუჯეტო სახსრების რაციონალური და გონივრული ხარჯვის პრინციპები.

ონის მუნიციპალიტეტის, როგორც შემსყიდველი ორგანიზაციის საქმიანობა ანგარიშგების კუთხით არ შეესაბამება მოქმედი კანონმდებლობის მოთხოვნებს. კერძოდ, მუნიციპალიტეტმა 2016-2017 წლებში 44 ხელშეკრულება, მათ შორის, 22 გამარტივებული შესყიდვის გზით გაფორმებული, შესყიდვების ელექტრონულ სისტემაში ატვირთა მისი გაფორმებიდან 10 დღის შემდეგ. ასევე დადგენილი ვადის დარღვევით არის ატვირთული 11 შესყიდვის შემთხვევაში ხელშეკრულებაში შეტანილი ცვლილება. გარდა ამისა, ხელშეკრულების შესრულების/შეუსრულებლობის დამადასტურებელი დოკუმენტაცია 68 შესყიდვის შემთხვევაში აიტვირთა დადგენილი ვადის გასვლის შემდეგ, 25 ხელშეკრულების შესრულების დამადასტურებელი დოკუმენტაცია ნაწილობრივ არის ატვირთული, ხოლო 180 შესყიდვის შესრულების დამადასტურებელი დოკუმენტაცია სისტემაში საერთოდ არაა ატვირთული.

ქვეყნის გარეთ მივლინების დოკუმენტაციის შესწავლისას გამოვლინდა, რომ ორ შემთხვევაში ბრძანებით განსაზღვრული სამივლინებო პერიოდი არ ემთხვევა მივლინებული პირების ქვეყნის გარეთ ყოფნის პერიოდს, ასევე ორ შემთხვევაში არასწორად იქნა ანაზღაურებული სადღეღამისო ნორმის ღირებულება.

შუახევის მუნიციპალიტეტმა სოფელ ნიგაზეულში გზის რეაბილიტაციის სამუშაოებთან დაკავშირებული ხელშეკრულების თანახმად სამუშაოთა დასრულების ვადა განისაზღვრა 2016 წლის 25 ნოემბერი. განხორციელებული ცვლილებების თანახმად, სამუშაოთა განახლების ვადა განისაზღვრა 2017 წლის 15 აპრილი, ხოლო ვადაგადაცილებისათვის სანქციების დაკისრება შეწყვეტილი იქნა 2016 წლის 1 დეკემბრიდან. აღსანიშნავია, რომ მუნიციპალიტეტისათვის ვადის გაგრძელების, ან სანქციების დაკისრების შეწყვეტისათვის მიმწოდებელს წერილობით არ მიუმართავს, ხოლო მუნიციპალიტეტის მიერ, ხელშეკრულების ვადის გაგრძელების შესახებ, გადაწყვეტილება მიღებული იქნა სამუშაოს ვადის დასრულებიდან 35 დღეში

2016 წლის 14 იანვარს ბოლნისის მუნიციპალიტეტმა ხელშეკრულება გაუფორმა შპს „ტოიოტა ცენტრი თბილისს“ მსუბუქი ავტომანქანის შესყიდვასთან დაკავშირებით (toyota camry). მსუბუქი ავტომანქანის შესყიდვაში მუნიციპალიტეტმა გადაიხადა 62.8 ათასი ლარი. მუნიციპალიტეტის მიერ შესყიდული ავტომანქანის ღირებულება აღნიშნული დროისათვის ეროვნული ბანკის ოფიციალური გაცვლითი კურსით შეადგენდა 25.9 ათას დოლარზე მეტს . ამდენად, მუნიციპალიტეტის მიერ სატრანსპორტო საშუალების შესყიდვისას გადახდილი ღირებულება არ შეესაბამება მთავრობის დადგენილებით რეკომენდებულ ნორმას, რადგან აღნიშნული მსუბუქი ავტომობილის ზღვრული ფლობის ღირებულება შეადგენს 21.0 ათასი დოლარის ეკვივალენტს ლარში. შედეგად, ავტომანქანის ფლობასთან დაკავშირებული ხარჯებიდან, მინიმუმ 11.8 ათასი ლარი საბიუჯეტო სახსრების არარაციონალურ ხარჯვას წარმოადგენს.

2016-2017 წლებში შიდა აუდიტის სამსახურმა სულ ჩაატარა 10 აუდიტორული შემოწმება. შემოწმებულია მუნიციპალიტეტის მიერ დაფუძნებული 2 შპს და 8 ა(ა)იპ. ჩატარებული აუდიტებით გამოვლენილია სხვადასხვა სახის დარღვევა-ნაკლოვანებები (მიგნებები), რომელთა გამოსწორების მიზნით, ა(ა)იპ-ებსა და შპს-ებზე გაცემულია რეკომენდაციები და გატარებულია სამართლებრივი ღონისძიებები.

2015 წლის 24 აგვისტოს, აჭარის ავტონომიური რესპუბლიკის მთავრობას, სოფლების წაბლანისა და წაბლიანის მოსახლეობასა და შპს „აჭარისწყალი ჯორჯიას“ შორის გაფორმდა ურთიერთგაგების მემომანდუმი. მემორანდუმის შესაბამისად, აღნიშნული სოფლების მოსახლეობის მიერ დაფუძნებულ ამხანაგობა „წაბლანა-2015“-ს, აჭარის ავტონომიური რესპუბლიკის მთავრობამ, მრავალბინიანი საცხოვრებელი სახლის მშენებლობისათვის, გაუწია თანადაფინანსება 1,550.0 ათასი ლარის ოდენობით. ამასთან, ამხანაგობა „წაბლანა-2015“-ს, მემორანდუმის გაფორმებამდე, მთავრობის თავმჯდომარის ბრძანებით, პირდაპირი მიყიდვის ფორმით, ერთ ლარად საკუთრებაში გადაეცა 5,001 კვ.მ მიწის ნაკვეთი. მოპოვებული მტკიცებებულებებით დგინდება, რომ ამხანაგობა „წაბლანა-2015“-ს საჭირო ფინანსების უქონლობის გამო, მშენებლობის გაგრძელების პრობლემა შეექმნა 2016 წლის ივნისიდან. მემომრანდუმით ბენეფიციართა ეფექტური დაცვის მექანიზმების არარსებობის პირობებში, მაღალია პროექტის განუხორციელებლობის რისკი, რამაც შესაძლოა საფრთხე შეუქმნას ბენეფიციართა საბინაო პრობლემების მოგვარებას და წარმოქმნას საჯარო ქონების, მათ შორის, ფინანსების არამართლზომიერი გამოყენების შესაძლებლობა.

მუნიციპალიტეტის საკრებულოს არათანამდებობის პირებზე უფლებამოსილების განხორციელებასთან დაკავშირებული ხარჯები ანაზღაურებულია მოქმედი კანონმდებლობის დარღვევით, შესაბამისი ხარჯის დამადასტურებელი დოკუმენტების წარმოდგენის გარეშე. 2016 -2017 წლებში სულ ანაზღაურებულია 161.9 ათასი ლარი

ონის მუნიციპალიტეტში 2016-2017 წლებში ინვენტარიზაციის ჩატარების საფუძველი იყო საინვენტარიზაციო კომისიის შექმნის შესახებ გამგებლის ბრძანებები. ბრძანებების თანახმად, საინვენტარიზაციო კომისიას დაევალა მუნიციპალიტეტის ბალანსზე რიცხული ქონების აღწერა-ინვენტარიზაცია, ასევე ფაქტობრივად არსებული მატერიალური საშუალებებისა და წინა საანგარიშო წელს არსებულ აქტივებს შორის სხვაობის შემთხვევაში სათანადო აქტის გაფორმება. პასუხისმგებელი პირის განმარტებით, 2016-2017 წლებში ინვენტარიზაცია ჩაუტარდა მუნიციპალიტეტის ბალანსზე რიცხულ მოძრავ ქონებას, ხოლო უძრავი ქონების ინვენტარიზაცია არ განხორციელებულა. ამასთანავე, 2015 წელს ინვენტარიზაცია ჩაუტარდა მხოლოდ ჯებირებსა და შიდა გზებს.

მთავრობის აპარატის უფროსის ბრძანებით, აპარატის ბალანსზე რიცხული, 91.6 ათასი ლარის ნარჩენი ღირებულების Microsoft-ის პროგრამული უზრუნველყოფები, არსებობის ვადით, გადაეცა აჭარის ავტონომიური რესპუბლიკის მთავრობის საქვეუწყებო დაწესებულება - საარქივო სამმართველოს. განხორციელებული გადაცემა, მოქმედი რეგულაციებიდან გამომდინარე, წარმოადგენს კაპიტალური გრანტს, თუმცა ორგანიზაციის საბუღალტრო დოკუმენტაციაში ოპერაცია ასახულია, როგორც სხვადასხვა კაპიტალური ხარჯები.

მუნიციპალიტეტმა ვერ დაასაბუთა რა აუცილებელი საჭიროებით იყო განპირობებული საკონსულტაციო მომსახურების შესყიდვა, ვინაიდან მუნიციპალიტეტს გააჩნია შრომითი რესურსი და ვალდებულია საკუთარი რესურსებით უზრუნველყოს აღნიშნული საქმიანობის განხორციელება. ამდენად, გამგეობის მიერ საკონსულტაციო მომსახურებაზე გაწეულია 9.6 ათასი ლარის არაგონივრული ხარჯი

2014 წელს სახელმწიფო აუდიტის სამსახურმა ჩაატარა ონის მუნიციპალიტეტის 2012-2013 წლების საფინანსო-ეკონომიკური საქმიანობის შესაბამისობის აუდიტი და 2012-2013 წლების ფინანსური ანგარიშგების ფინანსური აუდიტი. აუდიტების შედეგად გამოვლინდა სხვადასხვა სახის დარღვევა-ნაკლოვანება. ონის მუნიციპალიტეტის 2016-2017 წლების ბიუჯეტებით გათვალისწინებული შესაბამისობის აუდიტის მიმდინარეობისას გაირკვა, რომ გარდა ძირითად ტექსტში აღნიშნული გარემოებებისა, მუნიციპალიტეტის მიერ სათანადო რეაგირების გარეშე დარჩა და არ არის გამოსწორებული წინა ანგარიშში ასახული რიგი დარღვევა-ნაკლოვანებები.

აჭარის ავტონომიური რესპუბლიკის მთავრობის აპარატის საჯარო მოსამსახურეებზე ყოველთვიურად გაცემულია დანამატი თანამდებობრივი სარგოს 40-დან 75%-მდე, დაკავებული თანამდებობების შესაბამისად. დანამატის ზღვრული მოცულობები განსაზღვრულია აჭარის ავტონომიური რესპუბლიკის მთავრობის 2016 წლის 20 იანვრის N4 განკარგულებით. მოქმედი რეგულაციებიდან გამომდინარე , დანამატები შეიძლება გაიცეს სათანადო გარემოებების არსებობისას, დაწესებულების ხელმძღვანელის გადაწყვეტილებით, არაუმეტეს განსაზღვრული ზღვრული მოცულობებისა. აუდიტის ობიექტის მიერ არ იქნა წარმოდგენილი დანამატების გაცემის მატერიალური კანონიერების (ზეგანაკვეთური ან/და განსაკუთრებით საპასუხისმგებლო სამუშაოს შესრულების) დამადასტურებელი რაიმე სახის მტკიცებულება. აქვე უნდა აღინიშნოს, რომ დანამატების გაცემაზე, განსხვავებით 2015 და 2017 წლისა, არ არის გამოცემული აჭარის ავტონომიური რესპუბლიკის მთავრობის თავმჯდომარის შესაბამისი ბრძანება.

2016 წლის მთელი ან გარკვეული პერიოდის განმავლობაში, მთავრობის აპარატში დასაქმებული იყვნენ შტატგარეშე მომუშავეები და მათზე ანაზღაურდა - 70,726.13 ლარი, რაც წინა 2015 წელთან შედარებით 9,961.13 ლარით მეტია. მოქმედი კანონმდებლობის მოთხოვნათა მიუხედავად, შტატგარეშე მომუშავეთა დასაქმება ხდებოდა არა დროებით (გარკვეული ვადით), არამუდმივ სამუშაოთა შესასრულებლად, არამედ ხანგრძლივი პერიოდით მუდმივი ხასიათის სამუშაოების შესასრულებლად. გაფორმებული ხელშეკრულებების მიხედვით, შტატგარეშე მოსამსახურეებზე ვრცელდებოდა მთავრობის აპარატის შინაგანაწესით გათვალისწინებული ვალდებულებები, თუმცა „მოსამსახურეთა აღრიცხვის ჟურნალში“ მათი აღრიცხვა ფაქტობრივად არ ხდებოდა; შტატგარეშე მომუშავეთა განათლების (კვალიფიკაციის) დამადასტურებელი დოკუმენტები რიგ შემთხვევაში შეუსაბამო იყო მათთვის შრომითი ხელშეკრულებებით განსაზღვრულ ფუნქციებთან; შტატგარეშე მომუშავეებთან გაფორმებულ შრომით ხელშეკრულებებში შესასრულებელი სამუშაოს შესახებ ანგარიშის წარდგენის ფორმა განსაზღვრული არ ყოფილა, ხოლო მთავრობის აპარატში არსებულ კორესპონდენციაში, კონკრეტულ შესრულებულ სამუშაოებთან დაკავშირებით, შტატგარეშე თანამშრომლების მიერ ანგარიშის სახით შედგენილი რაიმე ტიპის ოფიციალური დოკუმენტი, რომლითაც დადასტურდებოდა შესრულებული კონკრეტული სამუშაოს (მომსახურების) შედეგი და აქედან მიღებული სარგებელი, არ ფიქსირდება. შესაბამისად, ფაქტობრივად ვერ დასტურდება შტატგარეშე მომუშავეთა დასაქირავებლად გახარჯული სახსრების ეკონომიური, ეფექტიანი და პროდუქტიული მართვა

2016-2017 წლებში ბოლნისის მუნიციპალიტეტმა ა(ა)იპ „ქვემო ქართლის რეგიონალურ განვითარების სააგენტოს“ ანგარიშზე, გრანტის სახით გადარიცხა 60.0 ათასი ლარი . სააგენტოს მიზანია ხელი შეუწყოს ქვემო ქართლის რეგიონის ეკონომიკურ განვითარებას და სამუშაო ადგილების შექმნას, ბიზნესისათვის ხელსაყრელი გარემოს ჩამოყალიბებას, მეწარმეების გაძლიერებისთვის საჭირო ინფორმაციის/სერვისების მიწოდებას და რეგიონში ინვესტიციების მოზიდვას. ბოლნისის მუნიციპალიტეტმა ვერ წარმოადგინა ინფორმაცია იმის შესახებ თუ რა აქტივობები განახორციელა ა(ა)იპ „ქვემო ქართლის რეგიონალური განვითარების სააგენტომ“ და შედეგად რა სარგებელი მიიღო თვითმმართველობამ . აქედან გამომდინარე, ადგილობრივი ბიუჯეტიდან გაწეული 60.0 ათასი ლარის ხარჯის მიზანშეწონილობა არ არის სათანადოდ დასაბუთებული.

2016 წელს, კასპის მუნიციპალიტეტმა საკანალიზაციო სისტემის მოწყობა-რეაბილიტაციის სამუშაოები შეისყიდა შპს „ფუძესგან", სახელშეკრულებო ღირებულებით 266.0 ათასი ლარი. სამუშაოების შესრულების პროცესში მხარეებმა ხელშეკრულებაში შეიტანეს ცვლილებები და მიწოდების ვადა 3-ჯერ შეცვალეს. საბოლოოდ სამუშაოების დასრულების ვადა გაიზარდა 115 დღით. მიწოდების ვადა გაზრდილია ნალექიანი დღეების, სახარჯთაღრიცხვო ცვლილებებისა და ტექნიკური მიზეზების გამო. აუდიტის ჯგუფმა შეისწავლა აღნიშნული გარემოებები, ობიექტურობის თვალსაზრისით. გაირკვა, რომაღნიშნული გარემოებები არ უნდა გამხდარიყო მიწოდების ვადის გაზრდის საფუძველი. თუ მუნიციპალიტეტი არ შეცვლიდა სამუშაოების მიწოდების ვადას, მიმწოდებელს დამატებით დაერიცხებოდა 121.3 ათასი ლარის საჯარიმო სანქცია.

ქვეყნის გარეთ განხორციელებულ მივლინებებთან დაკავშირებით ანგარიშვალდებულ პირზე ანაზღაურებულ იქნა წარმომადგენლობითი ხარჯები ჯამში 4,174.27 ლარის ოდენობით. ზოგადად ხარჯების ანაზღაურება (აღიარება) ხდებოდა ანგარიშვალდებული პირის მიერ წარმოდგენილი ხარჯვის დამადასტურებელი დოკუმენტების შინაარსის შესწავლის შემდგომ, გადახდის ქვითარზე/ფაქტურაზე მითითებული თანხების მიხედვით. თუმცა, 4 შემთხვევაში ანაზღაურება მოხდა მხოლოდ წარმოდგენილ ქვითრებზე მითითებული თანხების შესაბამისად, ანუ თანხების ხარჯვის დამადასტურებელი დოკუმენტების შინაარსის გაცნობის გარეშე, რის გამოც წარმომადგენლობით ხარჯად არასწორად იქნა აღიარებული 1,117.56 ლარი, საიდანაც აუდიტის მიმდინარეობისას ბიუჯეტის ანგარიშზე აღდგენილი იქნა 687.00 ლარი

გარე განათების საექსპლოატაციო მომსახურებაზე 2016-2017 წლებში სულ გადახდილია 661.3 ათასი ლარი. მიმწოდებელ კომპანიასა და მუნიციპალიტეტის მაღალი თანამდებობის პირს შორის, ინტერესთა კონფლიქტის პირობების დარღვევა გავლენას ახდენს, ამ პირების საქმიანობის პირობებსა და ეკონომიკურ შედეგებზე. აღნიშნული ურთიერთობების არსებობა წარმოშობს, მუნიციპალიტეტის მხრიდან მიმწოდებელი კომპანიის მიმართ სუბიექტური გადაწყვეტილებების მიღების რისკს. 2016-2017 წლებში მუნიციპალიტეტის მიერ გარე-განათების ექსპლოატაციის მომსახურების დაგეგმვის, შესყიდვისა და შესრულების მართვაში არსებულმა სისუსტეებმა გამოიწვია სხვადასხვა ხასიათის დარღვევა-ნაკლოვანებები და რისკის შემცველი გარემოებები: • მუნიციპალიტეტის მიერ სავარაუდო ღირებულება არასათანადოდ იქნა დათვლილი, ის არ ეყრდნობოდა რეალურ გათვლებსა და გაანგარიშებებს. • გარე განათების საექსპლოატაციო მომსახურების მიმწოდებელ კომპანიასა და სატენდერო კომისიის წევრს შორის ინტერესთა კონფლიქტის არსებობის გამო, დარღვეულია შესყიდვის კანონმდებლობის მოთხოვნები. აღნიშნული ურთიერთობების არსებობა გავლენას ახდენს ინტერესთა კონფლიქტში მყოფი პირების საქმიანობის პირობებსა და ეკონომიკურ შედეგებზე, რაც წარმოშობს მიმწოდებელი კომპანიის მიმართ სუბიექტური გადაწყვეტილებების მიღების რისკს. • მუნიციპალიტეტი მიმწოდებელთან ანგარიშსწორებას ახორციელებდა ისე, რომ შესრულებული სამუშაოების აქტები არ მოიცავდა კონკრეტულად ჩატარებული სამუშაოების ერთეულის და ჯამურ ღირებულებებს; • კონკურენტუნარიანი ტენდერი დასრულდა უარყოფითი შედეგით. ხელახლა გამოცხადებულ ტენდერში უკონკურენტოდ გაიმარჯვა მუნიციპალიტეტთან დაკავშირებულმა კომპანიამ, რომლის სატენდერო ღირებულება მნიშვნელოვნად აღემატებოდა წინა ტენდერში დაფიქსირებულ ფასს.

2016-2017 წლებში სამშენებლო-სარემონტო სამუშაოებთან დაკავშირებით გაფორმებულ 10 ხელშეკრულებაში, რომელთა თავდაპირველი ღირებულება 1,309,088 ლარს შეადგენდა, ცვლილებების შეტანის საფუძველი იყო სამუშაოს სახეობების დაზუსტება და მოცულობების მნიშვნელოვანი შემცირება, რაც შესყიდვების დაგეგმვის ეტაპზე საჭიროებების იდენტიფიცირების პრობლემაზე მიუთითებს. ზედმეტად გაწერილმა მოთხოვნებმა შესაძლოა ტენდერში პრეტენდენტთა მონაწილეობის შეზღუდვა გამოიწვიოს, ხოლო ხელშეკრულებაში ცვლილებების შეტანამ შესაძლოა კონტრაქტორი კომპანია ჩააყენოს უპირატეს მდგომარეობაში (მიწოდების ვადის გაზრდა, პირგასამტეხლოს დარიცხვისგან თავის არიდება და ა.შ.). თუმცა აღსანიშნავია, რომ შერჩეული ტენდერების უმრავლესობაში იყო კონკურენცია.

საბიუჯეტო დეფიციტის მართვის მიზნით გასატარებელი ზოგიერთი ღონისძიების ძირითადი პრინციპების შესაბამისად, შტატგარეშე მომუშავეთა ანაზღაურებაზე 2016 წელს გაწეული ხარჯი თითოეული საბიუჯეტო ორგანიზაციისათვის არ უნდა ყოფილიყო 2015 წლის საკასო ხარჯზე მეტი. თუმცა, იმ პირობებში, როდესაც არსებითად არ გაზრდილა ორგანიზაციის ფუნქციები და კომპეტენცია, მთავრობის აპარატის მიერ 2016 წელს შტატგარეშე მომუშავეთა ანაზღაურება გაიზარდა 16 %-ით, ანუ 9,961.13 ლარით

მუნიციპალიტეტმა 2959.4 ათასი ლარის სამუშოების შესყიდვისას არ შეისწავლა შესრულებულ სამუშაოებზე არსებული დაზიანებების გამომწვევი რეალური მიზეზები: სამუშაოების არასათანადო დაგეგმვა, უხარისხოდ შესრულება ან/და არასწორი მოვლა-პატრონობა. ხარვეზების აღმოსაფხვრელად მუნიციპალიტეტს არ გაუტარებია სათანადო ღონისძიებები. შედეგად, ინფრასტრუქტურული პროექტები მოსახლეობას მიეწოდება ხარვეზებით.

2016-2017 წლებში ტენდერის საშუალებით განხორციელებულ შესყიდვებთან დაკავშირებით, შემოსავლების სამსახურმა სრულყოფილად ვერ წარმოადგინა ბაზრის კვლევის დოკუმენტაცია, რომლის მიზეზს წარმოადგენს სამსახურის მიერ მათი არასისტემატიზირებული შენახვა, რაც კონტროლის მექანიზმების სისუსტეზე მიუთითებს.

მიუხედავად იმისა, რომ მუნიციპალიტეტმა ინფრასტრუქტურული პროექტების განსახორციელებლად სააუდიტე პერიოდში დახარჯა 142 ათასი ლარი, პროექტები დაუსრულებელია. გარდა ამისა, 2016-2017 წლებში შეძენილი 29.5 ათასი ლარის ღირებულების მასალები გამოუყენებელია. შესაბამისად, მერიის მიერ გადახდილი 171.5 ათასი ლარი წარმოადგენს არაეფექტიან ხარჯს.

სარეზერვო ფონდიდან გამოყოფილი და გახარჯული თანხების ოდენობამ შეადგინა 219,138.00 ლარი. მატერიალური დახმარებების სახით ფიზიკურ პირებზე სხვადასხვა სახის მკურნალობისათვის, სოციალური პრობლემების და სხვა მიზნებისათვის (სწავლების დაფინანსება, გარდაცვალებასთან დაკავშირებით და სხვ.) გაიცა - 185,670.00 ლარი, ხოლო სხვადასხვა ღინისძიებებისათვის იურიდიულ პირებზე - აფხაზეთის მთავრობის მხარჯავ დაწესებულებებზე გამოიყო - 33,508.00 ლარი. მიუხედავად იმისა, რომ აფხაზეთის მთავრობის სარეზერვო ფონდი იქმნება ავტონომიური რესპუბლიკის რესპუბლიკურ ბიუჯეტში გაუთვალისწინებელი გადასახდელების დასაფინანსებლად, უმეტეს შემთხვევაში, სარეზერვო ფონდიდან დაფინანსებული ღონისძიებები ფაქტობრივად არ მიეკუთვნებოდა ბიუჯეტით გაუთვალისწინებელ გადასახდელებს. კერძოდ: • 2016 წელს, ისევე როგორც წინა წლებში, აფხაზეთის მთავრობის თავმჯდომარის შესაბამისი ბრძანებების საფუძველზე, მთავრობის სარეზერვო ფონდიდან მაინც გაიცა 93,400.00 ლარი ისეთი გადასახდელებისათვის (სოციალურ-მატერიალური დახმარებები), რომლებიც გათვალისწინებული იყო 2016 წლის რესპუბლიკურ ბიუჯეტში აფხაზეთის მთავრობის წარმომადგენლობების ასიგნებებში. ამასთანავე, სარეზერვო ფონდიდან რიგ შემთხვევაში ზოგიერთ ფიზიკურ პირზე წლის განმავლობაში რამდენჯერმე (2-ჯერ, 3-ჯერ) სხვადასხვა მიზეზის გამო მატერიალური დახმარების სახით გაიცა ჯამში 15,340.00 ლარი, მაშინ როდესაც ანალოგიური პრობლემებით და მსგავსი მდგომარეობით შემოსული განცხადებები არ დაკმაყოფილდა მთელ რიგ შემთხვევაში და ისინი გადაიგზავნა რეაგირებისთვის აფხაზეთის მთავრობის წარმომადგენლობებსა და სხვა დაწესებულებებში. • 21 შემთხვევაში 33,508.00 ლარი გაიცა ისეთი ღონისძიებების დასაფინანსებლად, რომელთა გათვალისწინება ბიუჯეტის სწორი დაგეგმვისა და ეფექტური მენეჯმენტის პირობებში შესაძლებელი იქნებოდა გათვალისწინებულიყო რესპუბლიკური ბიუჯეტის დამტკიცებისას შესაბამისი მხარჯავი დაწესებულებების ღონისძიებების ასიგნებებში. აფხაზეთის მთავრობაში შემუშავებული სარეზერვო ფონდის განკარგვის პროცესის წესი იყო ზოგადი ხასიათის და არეგულირებდა მთავრობის აპარატის მიერ სარეზერვო ფონდის განკარგვის პროცესის მხოლოდ ორგანიზაციული უზრუნველყოფის საკითხს. სხვა დოკუმენტი, სადაც ასახული იქნებოდა კონკრეტული კრიტერიუმები იმის შესახებ, თუ რა პრინციპებით და რამდენად სამართლიანად და სწორად ხდებოდა დასაფინანსებელი ღონისძიებების შერჩევა და საბოლოო ჯამში თანხების განკარგვა, რასაც ხელი უნდა შეეწყო სახსრების მიზნობრივად ხარჯვისა და გამჭვირვალობისათვის, ეკონომიური, ეფექტიანი და პროდუქტიული მართვისათვის წარმოდგენილი არ ყოფილა

2016 წლის 1 იანვრის მდგომარეობით, აბაშის მუნიციპალიტეტს ნაშთის სახით ერიცხებოდა 1 136.3 ათასი ლარი . ნაცვლად კლებისა, წლის განმავლობაში განხორციელდა 68.1 ათასი ლარის ნაშთის დაგროვება და წლის ბოლოსთვის შეადგინა 1 204.4 ათასი ლარი. მათ შორის, თავისუფალი ნაშთი იყო 877.1 ათასი ლარი. 2017 წლის განმავლობაში, ნაცვლად კლებისა, განხორციელდა ნაშთის დაგროვება 1 480.7 ათასი ლარის ოდენობით. შესაბამისად, წლის ბოლოს ნაშთად დარჩა 2 685.1 ათასი ლარის ფულადი სახსრები, მათ შორის, თავისუფალი ნაშთი 650.7 ათასი ლარი. მუნიციპალიტეტმა ვერ უზრუნველყო ბიუჯეტით დაგეგმილი პროექტების დროულად განხორციელება, სათანადოდ ვერ დაგეგმა მისაღები შემოსავლები და თავისუფალი ნაშთის გამოყენება. აღნიშნული მიუთითებს მუნიციპალიტეტის მფლობელობაში არსებული ფინანსური რესურსების არაეფექტიან მართვაზე. შედეგად, მოსახლეობა ვერ სარგებლობს იმ სიკეთით, რაც შესაძლოა მიწოდებულ იქნეს ბიუჯეტში მობილიზებული სახსრების დროული და ეფექტიანი გამოყენებით.

ინფრასტრუქტურული პროექტების დაგეგმვისას, 101.3 ათასი ლარის სამუშაოების შესყიდივის შემთხვევაში, მუნიციპალიტეტმა ვერ უზრუნველყო ობიექტის დასრულება და ფუნქციონირება, რადგან არ გაითვალისწინა საჭირო ფინანსური რესურსი. შედეგად მოსახლეობა შექმნილი მატერიალური სიკეთით ვერ სარგებლობს და პროექტებზე გაწეული ხარჯი არ არის ეფექტიანი.

2016-2017 წლებში სურსათის ლაბორატორიული კვლევითი მომსახურების შესყიდვასთან დაკავშირებით, რომლის ღირებულებამ აღმოსავლეთ საქართველოში ჯამურად 148,330 ლარი შეადგინა, შემოსავლების სამსახურის მიერ მიწოდების ბაზარი არასათანადოდ იყო მოკვლეული. სამსახურის მიერ არ იყო შეფასებული ეკონომიურობის პრინციპების გათვალისწინებით შესყიდვის ყველაზე ოპტიმალური გზები. შედეგად, შემოსავლების სამსახურმა დაკარგა შესაძლებლობა მომსახურება შეესყიდა უფრო ნაკლები ღირებულებით.

2016 წელს მუნიციპალიტეტმა შეისყიდა სოფელ ლიჩსა და სოფელ ჭალოვანში რკინა-ბეტონის გზის მოწყობის სამუშაოები, ღირებულებით - 57.6 ათასი ლარი. ობიექტის ადგილზე დათვალიერების შედეგად გამოვლინდა, რომ მოწყობილი გზა მნიშვნელოვნად დაზიანებულია და საჭიროებს სრულ რეაბილიტაციას

ქობულეთის მუნიციპალიტეტის მიერ სახელმწიფო შესყიდვების შესახებ 2015 წლიდან მოქმედი და 2016 წელს გაფორმებული ხელშეკრულებების ფარგლებში, 2016 წლის ბოლოს მიმწოდებლებისათვის ხელშეკრულების პირობების დარღვევის გამო დარიცხულმა პირგასამტეხლომ შეადგინა 457,5 ათასი ლარი, საიდანაც ბიუჯეტში გადახდილ იქნა 46,5 ათასი ლარი, ხოლო 44.2 ათას ლარზე მიმდინარეობს სასამართლო დავა. დარჩენილი გადასახდელი ჯარიმა - 366,8 ათასი ლარი, არ არის ასახული ბალანსში, რითაც შემცირებულია ფინანსური აქტივების ოდენობა.

მუნიციპალიტეტში დაქირავებულ შტატგარეშეთა რაოდენობა 2016 წლის ივნისსა და სექტემბერში 2 ერთეულით აღემატებოდა კანონით დადგენილ ნორმას. 2017 წლის პირველ ექვს თვეში მუნიციპალიტეტში დასაქმებული შტატგარეშე თანამშრომელთა რაოდენობა 1-3 ერთეულით , ხოლო ივლისი-დეკემბრის თვეებში 2-3 ერთეულით გადააჭარბა კანონმდებლობით გათვალისწინებულ ზღვრულ ოდენობას . 2016-2017 წლებში აბაშის მუნიციპალიტეტის (შესაბამისი პასუხისმგებელი პირების) მიერ არ არის გათვალისწინებული საქართველოს ორგანული კანონით დადგენილი მოთხოვნები შტატგარეშე მოსამსახურეთა შესახებ. შედეგად, მუნიციპალიტეტმა არ დაიცვა საბიუჯეტო სახსრების რაციონალური და გონივრული ხარჯვის პრინციპები.

მუნიციპალიტეტმა 1 ხელშეკრულების შესრულებისას, შესყიდვის ობიექტის მიწოდების ვადა გაზარდა არაობიექტური ფაქტორების გათვალისწინებით და/ან არ გამოიყენა საჯარიმო სანქცია. შედეგად, მოსახლეობამ დადგენილ დროში ვერ მიიღო დაგეგმილი ეკონომიკური სიკეთე, ხოლო მუნიციპალიტეტის ბიუჯეტში არ არის მიმართული 8.8 ათასი ლარი..

შემოსავლების სამსახურის მიერ ტენდერში მონაწილე კომპანიების მიმართ დისკვალიფიკაციის უფლების არაერთგვაროვანი გამოყენების გამო, ვერ იქნა უზრუნველყოფილი 82,000 ლარის ეკონომიის მიღების შესაძლებლობა.

საჩხერის მუნიციპალიტეტის მერიის მიერ დანერგილი კონტროლის მექანიზმები ინფრასტრუქტურული პროექტების ხარისხის უზრუნველყოფის შესახებ ყველა შემთხვევაში ვერ უზრუნველყოფს სამუშაოების უხარისხოდ შესრულების თავიდან აცილებას. ობიექტების ჩაბარება ხდება ექსპერტიზის დასკვნების საფუძველზე, რომლებშიც სამუშაოების ხარისხი სათანადოდ დადასტურებული არ არის. შედეგად მუნიციპალიტეტი თავიდანვე უხარისხოდ შესრულებულ სამუშაოებს იბარებს და ამის გამო საგარანტიო პერიოდში ინფრასტრუქტურულ ობიექტებზე ფიქსირდება ხარვეზები და დაზიანებები. ამასთანავე მუნიციპალიტეტი ვერ უზრუნველყოფს ყველა ობიექტზე დაფიქსირებული ხარვეზის დროულ გამოვლენას და ქმედითი ღონისძებების გატარებას მიმწოდებლების მიერ საგარანტიო პერიოდში ხარვეზების აღმოფხვრის უზრუნველსაყოფად.

ქობულეთის მუნიციპალიტეტის ტერიტორიაზე მუნიციპალიტეტის საკუთრებაში არსებული უძრავი ქონების იჯარის შედეგად, 2016 წლის ბოლოს მოიჯარეების მიერ გადასახდელმა დავალიანებამ შეადგინა ჯამში 7,0 ათასი ლარი, რაც არ არის ასახული 2016 წლის ბალანსში, რითაც შემცირებულია ორგანიზაციის აქტივები.

2016 წლის 1 იანვრის მდგომარეობით, აბაშის მუნიციპალიტეტს ნაშთის სახით ერიცხებოდა 1 136.3 ათასი ლარი . ნაცვლად კლებისა, წლის განმავლობაში განხორციელდა 68.1 ათასი ლარის ნაშთის დაგროვება და წლის ბოლოსთვის შეადგინა 1 204.4 ათასი ლარი. მათ შორის, თავისუფალი ნაშთი იყო 877.1 ათასი ლარი. 2017 წლის განმავლობაში, ნაცვლად კლებისა, განხორციელდა ნაშთის დაგროვება 1 480.7 ათასი ლარის ოდენობით. შესაბამისად, წლის ბოლოს ნაშთად დარჩა 2 685.1 ათასი ლარის ფულადი სახსრები, მათ შორის, თავისუფალი ნაშთი 650.7 ათასი ლარი.

მუნიციპალიტეტმა რიგი სამშენებლო სამუშაოები შეისყიდა გამარტივებული შესყიდვის საშუალებით. 58.1 ათასი ლარის ობიექტები ჩაბარებულია და ანგარიშსწორება განხორციელებულია ფაქტობრივი დანახარჯების დამადასტურებელი დოკუმენტების წარმოდგენის გარეშე, რაც ეწინააღმდეგება მოქმედ კანონმდებლობას.

სამ ტენდერში, რომელთა ჯამური სავარაუდო ღირებულება 49,057 ლარს შეადგენდა, სატენდერო დოკუმენტაციით გათვალისწინებული ფასწარმოქმნის ადეკვატურობის დასაბუთების ვალდებულების მიუხედავად, შემოსავლების სამსახურის სატენდერო კომისიას პრეტენდენტებისთვის აღნიშნული მოთხოვნით არ მიუმართავს, რაც შეუსაბამობაშია კანონმდებლობის მოთხოვნებთან .

6 ტენდერზე სატენდერო კომისიამ განახორციელა დაბალფასიანი პრეტენდენტების არასწორი დისკვალიფიკაცია. შედეგად, ხელშეკრულებები გაფორმდა უფრო მაღალი ფასის წარმომდგენ პრეტენდენტებთან და მუნიციიპალიტეტმა შედეგად გასწია ჯამში დაახლოებით 23.1 ათასი ლარის არაეკონომიური ხარჯი.

ა(ა)იპ - ქობულეთის პარკის 2016 წლის ბალანსის დანართ ფორმა N3-ში, ეკონომიკური საქმიანობის შედეგად მიღებული თანხების გათვალისწინების შედეგად, პარკის წმინდა ღირებულება არასწორად გაზრდილია 11,7 ათასი ლარით.

აბაშის მუნიციპალიტეტმა (შესაბამისმა პასუხისმგებელმა პირებმა) 2016-2017 წლებში მუნიციპალიტეტის საკრებულოს არათანამდებობის პირებზე ხარჯების ასანაზღაურებლად 151.5 ათასი ლარი გასცა შესაბამისი დადასტურების გარეშე, საბიუჯეტო პროცესთან დაკავშირებული მარეგულირებელი საკანონმდებლო ნორმების შეუსაბამოდ.

თვითმმართველი ერთეულის მიერ დაფუძნებული იურიდიული პირების დაფინანსების დაგეგმვასა და კონტროლში არსებულმა მართვის სისუსტეებმა გამოიწვია 444.5 ათასი ლარის საბიუჯეტო სახსრების არაეფექტიანი ხარჯვა.

შემოსავლების სამსახურსა და შპს „სინერჯი ჯგუფს“ შორის გამარტივებული წესით სახელმწიფო შესყიდვის ხელშეკრულება გაფორმდა ადამიანური რესურსების მართვასთან დაკავშირებული საკონსულტაციო მომსახურებების შესყიდვის მიზნით, რომლის ღირებულება 60,000 ლარს შეადგენდა. ხელშეკრულების შესრულებაზე კონტროლისა და ზედამხედველობის განმახორციელებელი პირი და მიმწოდებელი კომპანია წარმოადგენდნენ ურთიერთდამოკიდებულ პირებს, შესაბამისად, დარღვეულია „სახელმწიფო შესყიდვების შესახებ“ საქართველოს კანონის მოთხოვნები.

ხელშეკრულებაში შეტანილი ცვლილების შედეგად მუნიციპალიტეტისათვის შესყიდვის პირობები გაუარესდა, რადგან ხარჯთაღრიცხვაში დამატებით პუნქტად ჩაემატა სამუშაო, რომლის განხორციელება მიმწოდებელს ისედაც ევალებოდა. აქედან გამომდინარე, გაიზარდა შესასყიდი სამუშაოს ერთეულის ფასი და არ იქნა დაცული მისი როგორც შემსყიდველის ინტერესები. ხელშეკრულების ფარგლებში გადახდილი 18.3 ათასი ლარი წარმოადგენს ზედმეტად ანაზღაურებულ თანხას და მუნიციპალიტეტმა უნდა გაატაროს შესაბამისი ღონისძიებები თანხის უკან დასაბრუნებლად.

ა(ა)იპ - ქობულეთის პარკის 2016 წლის მოგების გადასახადის დეკლარაციაში, სასაქონლო - მატერიალური ფასეულობების ნაშთების არასწორად განსაზღვრის შედეგად, მოგების გადასახადით დასაბეგრი შემოსავალი შემცირებულია 4,1 ათასი ლარით.

აბაშის მუნიციპალიტეტმა (შესაბამისმა პასუხისმგებელმა პირებმა) საწვავის გაცემის პროცესის დარეგულირებისას არ გაითვალისწინა კანონმდებლობის მოთხოვნები და არ უზრუნველყო საწვავის ლიმიტების მიღება ნორმატიულ ადმინისტრაციულ-სამართლებრივი აქტის სახით. ამდენად, სამართლებრივი აქტები, რომლის საფუძველზეც 2016-2017 წლებში გაიხარჯა 153.5 ათასი ლარის საწვავი, თავის შინაარსით არ შეესაბამება კანონმდებლობით გათვალისწინებულ მოთხოვნებს.

კანონმდებლობის მოთხოვნის შესაბამისად, იმ შემთხვევაში, როდესაც შეუსაბამობა 30%-ს აღემატება, ბიუჯეტის შესრულების წლიური ანგარიში უნდა მოიცავდეს განმარტებებს. მიუხედავად ამისა, ბოლნისის მუნიციპალიტეტის ბიუჯეტის შესრულების წლიურ ანგარიშში არ არის ასახული განმარტება პროგრამების შესრულების მდგომარეობის შესახებ

სამშენებლო-სარემონტო სამუშაოებთან დაკავშირებით წარმოდგენილი ექსპერტიზის დასკვნები, ხშირ შემთხვევაში იდენტური შინაარსისაა და მათში აღნიშნულია, რომ შესრულებული სამუშაოები ვიზუალურად დამაკმაყოფილებელია, ხოლო სამუშაოების მაღალხარისხიანად შესრულების განმსაზღვრელი სხვა დეტალური კრიტერიუმები არ არის დაკონკრეტებული. შედეგად, იზრდება შესრულებული სამუშაოების ხარისხის საიმედოობის რისკი, რამაც შესაძლოა გამოიწვიოს სამსახურის ფუნქციონირების შეფერხება და საბიუჯეტო სახსრების დამატებით ხარჯვა.

მიმწოდებელთან გაფორმებული ხელშეკრულების შესაბამისად ექსპერტიზის, ხარჯის გაწევა ევალებოდა მიმწოდებელს. მოგვიანებით ხელშეკრულებაში შევიდა ცვლილება, რომლის მიხედვით ექსპერტიზის ხარჯი დააფინანსა მუნიციპალიტეტმა, მიუხედავად ამისა ხელშეკრულების ღირებულება არ შემცირებულა შესაბამისი თანხით. (კონკრეტული თანხის მითითება რითაც უნდა შემცირებულიყო ხელშეკრულება ვერ ხერხდება, რადგან ხარჯთაღრიცხვაში ცალკე პუნქტად არ იყო განსაზღვრული)

ქობულეთის მუნიციპალიტეტის მიერ სახელმწიფო შესყიდვების ფარგლებში გაფორმებული ხელშეკრულებების ნაწილი ითვალისწინებს ხელშეკრულების შესრულების უზრუნველყოფის საბანკო გარანტიას. მიმწოდებლის მიერ ხელშეკრულებით გათვალისწინებული ვალდებულებების დარღვევის (ხელშეკრულებით გათვალისწინებული ვალდებულებების შესრულებაზე უარის თქმა, ხელშეკრულებით გათვალისწინებული ვადების დარღვევა, ვალდებულების უხარისხოდ, არაჯეროვნად, არასრულად შესრულება და სხვ.) შემთხვევაში, შემსყიდველი უფლებამოსილია ხელშეკრულების შესრულების უზრუნველყოფის საბანკო გარანტიის მოქმედების პერიოდში მიმართოს გარანტიის გამცემს (გარანტს) და მოითხოვოს ხელშეკრულების შესრულების საბანკო გარანტიით გათვალისწინებული თანხა. წარმოდგენილი ინფორმაციით ირკვევა, რომ მუნიციპალიტეტს 2016 წელს გაფორმებული და ასევე 2015 წლიდან მოქმედი ხელშეკრულებების ფარგლებში, მიმწოდებლებისათვის დაკისრებული პირგასამტეხლოს მიუხედავად, გარანტორისაგან არ მოუთხოვია შესაბამისი თანხა, ასევე არ გაუტარებია სხვა ღონისძიებები თანხის ამოღების მიზნით. ამასთანავე გამოვლინდა შემთხვევები, როდესაც ხელშეკრულების ვადის გაგრძელება განხორციელდა შესაბამისი საბანკო გარანტიის ვადის გაგრძელების გარეშე. მუნიციპალიტეტის გამგეობის მხრიდან საკითხისადმი არასათანადო დამოკიდებულების გამო, ქობულეთის მუნიციპალიტეტმა დაკარგა შესაძლებლობა, ხელშეკრულების შესრულების უზრუნველყოფის საშუალების გამოყენებით, მიეღო შემოსავალი 274,4 ათასი ლარის ოდენობით.

2016 წელს აბაშის მუნიციპალიტეტის საფინანსო-საბიუჯეტო სამსახურსა და ადმინისტრაციული სამსახურის იურიდიულ განყოფილებაში სულ დასაქმებული იყო 13 მოსამსახურე, რომელთა შრომის ანაზღაურებამ შეადგინა 158.6 ათასი ლარი. აღსანიშნავია, რომ იმ პირობებში, როდესაც აბაშის მუნიციპალიტეტის აღნიშნულ სამსახურებში დასაქმებულთა უფლება-მოვალეობაა საბიუჯეტო კანონმდებლობის ცოდნა და პრაქტიკაში განხორციელება, მიზანშეწონილი არ არის ანალოგიურ საკითხებზე კონსულტანტის მომსახურების შესყიდვა და ხარჯის გაწევა. აბაშის მუნიციპალიტეტმა ვერ დაასაბუთა რა აუცილებელი საჭიროებით იყო განპირობებული საკონსულტაციო მომსახურების შესყიდვა. შედეგად, მუნიციპალიტეტის მიერ საკონსულტაციო მომსახურებაზე გადახდილი 4.8 ათასი ლარი წარმოადგენს არაგონივრულ ხარჯს.

შიდა აუდიტის სამსახურის მიერ ჩატარებული აუდიტებით გამოვლენილია სხვადასხვა სახის მნიშვნელოვანი დარღვევა-ნაკლოვანებები (მიგნებები), რომელთა გამოსწორების მიზნით ა(ა)იპ/შპს-ებისა და მუნიციპალიტეტის მერიის სამსახურებისათვის გაცემულია რეკომენდაციები. თუმცა სამსახურის მიერ ჩატარებული აუდიტების შედეგად, ვერ გამოვლინდა კონტროლის მექანიზმების ის სისუსტეები და ხარვეზები, რომელიც დაფიქსირდა მიმდინარე აუდიტის შედეგად.

2016 წელს 3,604 თანამშრომელზე გაცემული 7,128,200 ლარის პრემია (2016 წელს გაცემული მთლიანი პრემიის 44%) არ არის საკმარისად დასაბუთებული.

ასფალტბეტონის საფარის მოწყობის მიზნით გამოცხადებულ ტენდერებზე, მუნიციპალიტეტი მიმწოდებლებისგან ითხოვდა ანალოგიური სამუშაოების შესრულების გამოცდილებას, თუმცა სამუშაოებს რეალურად ასრულებდნენ ქვეკონტრაქტორები, რომლებიც ტენდერით გათვალისწინებულ გამოცდილების მოთხოვნებს ვერ აკმაყოფილებდნენ. მუნიციპალიტეტის მხრიდან აღნიშნულ პროცესზე კონტროლი არ ხორციელდებოდა. ქვეკონტრაქტორების მიერ წარმოდგენილი სასაქონლო ზედნადებების შესწავლის შედეგად გამოვლინდა, რომ მუნიციპალიტეტის მიერ 37.3 ათასი ლარი გადახდილია შეუსრულებელ სამუშაოებში.

ქობულეთის მუნიციპალიტეტს 2016 წელს გამარტივებული შესყიდვის საშუალებით მიღებული აქვს სხვადასხვა სამშენებლო სამუშაოები და გადახდილი აქვს ჯამში 1 028,6 ათასი ლარი. საქართველოს მთავრობის 2014 წლის 14 იანვრის N55 დადგენილებით დამტკიცებული „ტექნიკური რეგლამენტის - სამშენებლო სამუშაოების სახელმწიფო შესყიდვისას ზედნადები ხარჯებისა და გეგმური მოგების განსაზღვრის წესის“ მე-3 პუნქტის „გ“ ქვეპუნქტის შესაბამისად, შესრულებული სამუშაოების ღირებულება განისაზღვრება შესაბამისი ხელშეკრულების ხარჯთაღრიცხვით გათვალისწინებული ერთეულის ფასების ფარგლებში, ფაქტობრივი დანახარჯების მიხედვით. მიმწოდებლების მიერ წარმოდგენილი ინფორმაცია არასრულყოფილია და არ იძლევა დანახარჯების კალკულაციის შესაძლებლობას. ზემოაღნიშნულიდან გამომდინარე, არ დასტურდება ხელშეკრულებების ფარგლებში გადახდილი 1 028,6 ათასი ლარის, განხორციელებული სამუშაოების ფაქტობრივ ღირებულებასთან შესაბამისობა, რაც საბიუჯეტო რესურსების არაეკონომიურ განკარგვაზე მიუთითებს.

შიდა სამიმოსვლო გზების ასფალტო-ბეტონის საფარით მოწყობის სამუშაოებზე, რომლის სავარაუდო ღირებულება განისაზღვრა 3 603.2 ათასი ლარით, მუნიციპალიტეტმა ტენდერი გამოაცხადა 2017 წლის 10 აპრილს. ტენდერი შეწყდა 2017 წლის 8 მაისს და იმავე დღეს გამოცხადდა ხელმეორედ , თავდაპირველი გამოცხადებიდან 28 დღის შემდეგ. მუნიციპალიტეტის მიერ სატენდერო დოკუმენტაციაში დაშვებული შეცდომის გამო გადაიწია სამუშაოების დაწყების ვადამ. მოსახლეობას დაგვიანებით მიეცა რეაბილიტირებული გზით სარგებლობის შესაძლებლობა. მუნიციპალიტეტის შესაბამისი პირების მიერ შესყიდვების განხორციელებისას დაშვებული შეცდომების შედეგად შეწყდა ტენდერები და გამოცხადდა თავიდან. დაგეგმილი ინფრასტრუქტურული პროექტი მოსახლეობას მიეწოდა დაგვიანებით, რაც გამოწვეულია აღნიშნული პირების არასათანადო კვალიფიკაციით.

2016-2017 წლებში შემოსავლების სამსახურის უფროსის შესაბამისი ბრძანებებით არ იყო დაკონკრეტებული დანამატის გაცემის მოტივი და მიზნობრიობა. შედეგად, დანამატის სახით 2 წლის მანძილზე გაწეული მთლიანი ხარჯი არ არის სათანადოდ დასაბუთებული.

შესრულებული სამუშაოების მოცულობების არასათანადო კონტროლისა და მონიტორინგის გამო, მუნიციპალიტეტის მიერ, 7.9 ათასი ლარი გადახდილია ნაწილობრივ შესრულებულ სამუშაოებში.

აუდიტის პერიოდში გამოვლინდა სახელმწიფო შესყიდვებში მონაწილე პრეტენდენტების სატენდერო წინადადებასთან არაერთგვაროვანი მიდგომისა და პრეტენდენტების არაობიექტური დისკვალიფიკაციის შემთხვევები, რამაც 53,0 ათასი ლარის საბიუჯეტო სახსრების არარაციონალური ხარჯვა განაპირობა.

აბაშის მუნიციპალიტეტმა (შესაბამისმა პასუხისმგებელმა პირებმა) სწორად ვერ დაგეგმა ქ.აბაშაში მოსწავლე-ახალგაზრდობის სახლის მშენებლობა, მოწყობა და ფუნქციური დატვირთვა. კერძოდ, ვერ უზრუნველყო საორგანიზაციო საკითხების მოგვარება, დროულად ვერ გააერთიანა ა(ა)იპ-ები და ვერ განათავსა მოსწავლე-ახალგაზრდობის სახლში. მუნიციპალიტეტმა ვერ მიაღწია ღონისძიების ფარგლებში დასახულ მიზანს, მოსახლეობა ვერ სარგებლობს 2017 წელს შესყიდული 477.6 ათასი ლარის ღირებულების ინფრასტრუქტურული პროექტით.

ლაგოდეხის მუნიციპალიტეტის სოფელ მაწიმში მდებარე დაუმთავრებელი მშენებლობის მოვლა-პატრონობის მიზნით, შემოსავლების სამსახურის მიერ არ არის განხორციელებული ქონების კონსერვაციისთვის კანონით გათვალისწინებული ღონისძიებები. კონსერვაციის განუხორციელებლობამ შესაძლოა გამოიწვიოს აქტივის დაზიანება ან განადგურება.

2016 წლის ბოლოს მუნიციპალიტეტს თავისუფალი ნაშთის სახით დარჩა 1,127.4 ათასი ლარი, ხოლო 2017 წლის ბოლოს 679.5 ათასი ლარი. აღნიშნული მიუთითებს მუნიციპალიტეტის მფლობელობაში არსებული ფინანსური რესურსების არაეფექტიან მართვაზე. შედეგად, მოსახლეობა ვერ სარგებლობს იმ სიკეთით, რაც შესაძლოა მიწოდებულ იქნას ბიუჯეტში მობილიზებული სახსრების დროული და ეფექტიანი გამოყენებით.

ავტოსატრანსპორტო საშუალებებისათვის გაწეული ხარჯების შესწავლისას დადგინდა, რომ ავტოსაგზაო შემთხვევის შედეგად დაზიანებული, გამგეობის ბალანსზე რიცხული ავტომანქანა „ჰიუნდა ix35-ის“ სარემონტო სამუშაოებისათვის გახარჯულია 2,0 ათასი ლარი. აღსანიშნავია, რომ მანქანა იყო დაზღვეული, თუმცა პასუხისმგებელი პირის განმარტებით, სადაზღვევო კომპანიაზე შეტყობინება დაგვიანებით გაკეთდა, რის გამოც უარი ეთქვათ ზიანის ანაზღაურებაზე. შესაბამისად, ავტოსატრანსპორტო საშუალებების არასათანადო ექსპლუატაციისა და სადაზღვევო პირობების დარღვევის შედეგად, ზედმეტად იქნა გადახდილი საბიუჯეტო სახსრები 2,0 ათასი ლარის ოდენობით.

მუნიციპალიტეტმა შპს ,,მტმ“-ისგან მოსწავლე-ახალგაზრდობის სახლი ჩაიბარა 2017 წლის 17 მარტს . სამუშაოების ღირებულებამ სულ შეადგინა 477.6 ათასი ლარი, რომელიც მუნიციპალიტეტის მიერ სრულადაა ანაზღაურებული. 2018 წლის პირველ თებერვალს აუდიტის ჯგუფისა და მუნიციპალიტეტის წარმომადგენლების მიერ ობიექტის დათვალიერებისას აღმოჩნდა, რომ დაზიანებულია შენობის გარე ფასადი. შენობაში რამდენიმე ადგილას ფანჯრებიდან და აივნიდან ჟონავს წყალი, მოსული ნალექი აღწევს შენობაში და აზიანებს კედლებს. არ იკეტება ობიექტის ოთახების არცერთი შიდა კარი.

რკინიგზით გადაადგილებულ ტვირთთან დაკავშირებით, საბაჟო კონტროლის ღონისძიებების ეფექტურად განხორციელების მიზნით, შემოსავლების სამსახური იყენებს ორ ერთეულ სარკინიგზო რენტგენო-სკანერს, რომელთა ჯამური საბალანსო ღირებულება 2017 წლის 31 დეკემბრის მდგომარეობით 6,348,120 ლარს შეადგენს. სკანერების გამოყენების სამუშაო პროცესის შესწავლით გამოვლინდა, რომ რიგ შემთხვევებში მატარებლები მოძრაობენ დასაშვებზე მაღალი სიჩქარით, რის გამოც სკანერები თავიანთ ფუნქციას ვერ ასრულებენ. მატარებლის სიჩქარის შემზღუდველი მექანიზმების არარსებობის გამო, აქტივისგან მაქსიმალური სარგებლის მიღება ვერ ხერხდება, რაც ასევე წარმოშობს საბაჟო პროცედურებთან დაკავშირებულ სხვადასხვა რისკს.  

საჩხერის მუნიციპალიტეტის მერიამ 2017 წელს, ა(ა)იპ-ების დაფინანსებისას არ გაითვალისწინა კანონმდებლობით განსაზღვრული მოთხოვნები. შესაბამისად, ა(ა)იპ-ების ადმინისტრაციულმა ხარჯებმა კანონმდებლობით დადგენილ ზღვრულ ნორმას 119.3 ათასი ლარით გადააჭარბა.

ქობულეთის სანდასუფთავების ავტოპარკი 2016 წელს შეადგენდა 16 ავტოსატრანსპორტო და სპეც. ტექნიკას, აქედან 11 გადმოცემული იქნა შპს „სანდასუფთავებასთან“ 2015 წლის 30 დეკემბერს გაფორმებული ხელშეკრულებით, რომლის თანახმად ქობულეთის სანდასუფთავებას დროებით, უსასყიდლო სარგებლობაში გადაეცა ქონება, მათ შორის, 290,5 ათასი ლარის ღირებულების ავტოსატრანსპორტო საშუალებები (ნაგავმზიდი, სპეცტექნიკა, ტრაქტორი, პიკაპი და სხვ.). ხელშეკრულების პირობების შესაბამისად, მიმღები მხარე ვალდებულია გაწიოს ყველა აუცილებელი ხარჯი მიღებული ქონების საბაზრო ღირებულების შენარჩუნებისათვის და ასევე უზრუნველყოს მისი პირდაპირი დანიშნულებისათვის გამოსადეგ მდგომარეობაში შენარჩუნება, ხოლო დაზიანების ან განადგურების შემთხვევაში, დაუყოვნებლივ შეატყობინოს ამის თაობაზე მესაკუთრეს და სრულად აანაზღაუროს მიყენებული ზიანი. აღნიშნული ავტოსატრანსპორტო საშუალებების და სპეც.ტექნიკის მდგომარეობის შესწავლისას, ვიზუალური დათვალიერებით და პასუხისმგებელი პირების განმარტებებით დადგინდა, რომ ქონების ნაწილი დაზიანდა 2016 წელს და მათი აღდგენა (შესაძლებლობის შემთხვევაში) საჭიროებს დიდ თანხებს. ქობულეთის სანდასუფთავების მიერ 2016 წელს სახელმწიფო შესყიდვების საშუალებით შეძენილი იქნა ჯამში 46.2 ათასი ლარის სათადარიგო ნაწილები და საპოხი საშუალებები, რომელთა ხარჯვის დამადასტურებელი დოკუმენტაცია ვერ წარმოადგინეს. პასუხისმგებელი პირების განმარტებით, შეძენილი მასალების შეცვლას (მომსახურებას), არსებულ ავტოსატრანსპორტო საშუალებებზე ახორციელებს ქობულეთის სანდასუფთავების ზეინკალი და აღნიშნულთან დაკავშირებით არ ხდებოდა დოკუმენტაციის წარმოება, ხოლო დაზიანებული ნაწილების შეცვლის საჭიროებასთან დაკავშირებით წარმოდგენილია დეფექტური აქტები. აქედან გამომდინარე, შეძენილი სათადარიგო ნაწილებისა და საპოხი საშუალებების ხარჯვის მიზნობრიობა ვერ იქნა დადასტურებული, ხოლო დეფექტური აქტების სისწორე მოკლებულია რეალობას, მასში არსებული უზუსტობების გამო. მაგალითად, მითითებულია, რომ ტრაქტორი დტ 75-ს ესაჭიროებოდა 1 ცალი 100-ამპერიანი დენის წყარო, თუმცა, როგორც ირკვევა ტრაქტორს დენის წყარო ქარხნულად არ გააჩნია. ქობულეთის სანდასუფთავების საბუღალტრო მონაცემების შესაბამისად, 2016 წელს შეძენილია სულ 135,1 ათასი ლარის 101 577 ლიტრი საწვავი. მათ შორის 12,9 ათას ლარად შეძენილია 9 222 ლიტრი ბენზინი და 122,1 ათას ლარად - 92 355 ლიტრი დიზელის საწვავი. საანგარიშო პერიოდში საწვავის ჩამოწერა ხდებოდა „სატრანსპორტო ფურცლების“ მონაცემების შესაბამისად, სადაც ფიქსირდებოდა ცალკეულ ავტოსატრანსპორტო საშუალებაზე გაცემული საწვავი, საპასპორტო მონაცემები და მათ მიერ განვლილი მანძილი (ოდომეტრის მონაცემების შესაბამისად). ჩატარებული აუდიტით დადგინდა, რომ საანგარიშო პერიოდში დაფიქსირდა საწვავის არამიზნობრივად გამოყენების ფაქტები. კერძოდ, ბენზინგასამართი სადგურიდან მოწოდებული ინფორმაციის შესაბამისად, ა(ა)იპ - ქობულეთის სანდასუფთავების დირექტორზე განპიროვნებულ ავტომანქანაზე გაცემულია 6053 ლიტრი ბენზინი, ხოლო „ნაგავმზიდზე“- 10845 ლიტრი დიზელის საწვავი, რაც შესაბამისად, 3073 და 380 ლიტრით მეტია საბუღალტრო აღრიცხვის მონაცემებით ამავე ავტოსატრანსპორტო საშუალებებზე გაცემულ საწვავზე.

მუნიციპალიტეტში დანერგილმა კონტროლის მექანიზმებმა ვერ უზრუნველყო შესრულებულ სამუშაოებზე დარღვევა-ნაკლოვანებების გამოვლენა და სათანადო რეაგირების განხორციელება. შესრულებული სამუშაოები უხარისხოა. მიუხედავად იმისა, რომ ობიექტებს გააჩნია მოქმედი საგარანტიო ვადა, ხარვეზები აღმოფხვრილი არ არის. მუნიციპალიტეტმა სრულად ვერ მიაღწია ღონისძიების ფარგლებში დასახულ მიზანს. დაზიანებები დაფიქსირდა 2016-2017 წლებში შესრულებულ 1 201.0 ათასი ლარის ღირებულების სამუშაოებზე. მოსახლეობა სრულად ან ნაწილობრივ ვერ სარგებლობს 907.0 ათასი ლარის ღირებულების ინფრასტრუქტურული პროექტებით.

2016 - 2017 წლებში შემოსავლების სამსახურის უფროსის მოტივირებული შუამდგომლობის გარეშე 809 თანამშრომელზე გაცემული პრემია, 391,750 ლარით აღემატება პრემირებულ თანამშრომელთა ყოველთვიურ თანამდებობრივ სარგოს ოდენობას.

  სააუდიტე პერიოდში მუნიციპალიტეტის მიერ შტატგარეშე მოსამსახურეებთან გაფორმებული ხელშეკრულებების შესწავლით დადგინდა, რომ ისინი დაქირავებული იყვნენ მუდმივ ამოცანათა შესასრულებლად. აღნიშნული ეწინააღმდეგება მოქმედ კანონმდებლობას, რომლის თანახმად შტატგარეშეების დაქირავება უნდა მომხდარიყო დროებით და არამუდმივ ამოცანათა შესასრულებლად.

ადგილობრივი თვითმმართველობის კოდექსის შესაბამისად, საკრებულოს წევრი, გარდა თანამდებობის პირისა, თავის უფლებამოსილებას ახორციელებს სამსახურებრივი საქმიანობისაგან მოუწყვეტლად და უსასყიდლოდ. მას შეიძლება აუნაზღაურდეს უფლებამოსილების განხორციელებასთან დაკავშირებული ხარჯები, როგორიცაა, საკრებულოსა და კომისიის სხდომების, დროებითი სამუშაო ჯგუფების მუშაობაში მონაწილეობის მიღების, ამომრჩეველთან შეხვედრების, ასევე საკრებულოს და საკრებულოს თავმჯდომარის ცალკეული დავალებების შესრულებისათვის საჭირო ხარჯები. ქობულეთის მუნიციპალიტეტის საკრებულოს დადგენილებით, საკრებულოს თითოეული წევრის (გარდა საკრებულოს თანამდებობის პირებისა) მიერ საკრებულოს სხდომების, კომისიის სხდომების, დროებითი სამუშაო ჯგუფების მუშაობაში მონაწილეობის მიღებისათვის, ამომრჩეველთან შეხვედრების, ასევე საკრებულოს და საკრებულოს თავმჯდომარის ცალკეული დავალების შესრულებისათვის საჭირო ხარჯების ანაზღაურების ზღვრული ოდენობა განისაზღვრა თვეში 397 ლარის ოდენობით. 2016 წელს გაცემულია სულ 99,6 ათასი ლარი. მოქმედი კანონმდებლობის მიხედვით, თანხის გაცემის საფუძველი უნდა ყოფილიყო ხარჯის დამადასტურებელი დოკუმენტაცია. მუნიციპალიტეტმა ვერ წარმოადგინა საკმარისი და შესაფერისი დოკუმენტური მტკიცებულებები საკრებულოს წევრების ხარჯების დასადასტურებლად. ამდენად, მუნიციპალიტეტმა 2016 წელს 99,6 ათასი ლარის ხარჯი გასწია საბიუჯეტო პროცესთან დაკავშირებული მარეგულირებელი საკანონმდებლო ნორმების შეუსაბამოდ.

2016 წელს 28 ივნისს მუნიციპალიტეტმა გააფორმა ხელშეკრულება ტენდერში გამარჯვებულ შპს „ბილდიგ გრუპთან“, სოფლის მხარდაჭერის პროგრამით გათვალისწინებული სხვადასხვა ტიპის 33 ობიექტის მშენებლობა-რეაბილიტაციაზე, თანხით 110.0 ათასი ლარი . მიმწოდებელმა შეასრულა მხოლოდ 16 ობიექტის სამშენებლო სამუშაოები, თანხით 50.4 ათასი ლარი. შპს „ბილდიგ გრუპმა“ მიმართა მუნიციპალიტეტს სამუშაოების შეწყვეტის თაობაზე. მიმწოდებლის მიერ შეუსრულებელ სამუშაოებზე განმეორებითი ტენდერი გამოცხადდა 2016 წლის ბოლოს და სამუშაოები დასრულდა პირველი ტენდერით გათვალისწინებული ვადაზე 8 თვის დაგვიანებით. მუნიციპალიტეტმა მიმწოდებელს ხელშეკრულების შეწყვეტისა და შეუსრულებელი სამუშაოებისთვის ვერ დააკისრა პასუხისმგებლობა, რადგან ხელშეკრულებით არ იყო გათვალისწინებული მისი შეწყვეტისათვის კონკრეტული სანქცია. მუნიციპალიტეტს არც ხელშეკრულებით გათვალისწინებული ვალდებულების შეუსრულებლობით გამოწვეული ზიანის ანაზღაურება მოუთხოვია მიმწოდებლისაგან. იგი შემოიფარგლა მხოლოდ მიმწოდებელზე სამუშაოების შესრულების გრაფიკის დარღვევაზე ჯარიმის დარიცხვით და შესყიდვების სააგენტოსადმი მიმწოდებლების შავ სიაში შეტანის მოთხოვნით.

2016 - 2017 წლებში 85 თანამშრომელზე 94,825 ლარის პრემია გაიცა მათი დისციპლინური პასუხისმგებლობის მოქმედების პერიოდში, ხოლო 39,675 ლარის ოდენობის პრემია გაიცა 45 თანამშრომელზე, რომელთა თანამდებობაზე დანიშვნიდან 30 კალენდარულ დღეზე ნაკლები იყო გასული, რაც სამსახურის შინაგანაწესით განსაზღვრული შეზღუდვების ფორმალურ ხასიათზე მიუთითებს.

მუნიციპალიტეტის საკრებულოს არათანამდებობის პირებზე უფლებამოსილების განხორციელებასთან დაკავშირებული ხარჯები ანაზღაურებულია მოქმედი კანონმდებლობის დარღვევით, შესაბამისი ხარჯის დამადასტურებელი დოკუმენტების წარმოდგენის გარეშე. სააუდიტე პერიოდში აღნიშნულმა თანხამ 158.2 ათასი ლარი შეადგინა.

საჯარო სამსახურის ბიუროს უფროსის ბრძანებების თანახმად, „ზეგანაკვეთური მუშაობისა და განსაკუთრებით საპასუხისმგებლო ფუნქციური დატვირთვის გათვალისწინებით“ წინასწარ, წლის განმავლობაში ხელმძღვანელ პირებზე (ბიუროს უფროსი, უფროსის მოადგილეები, დეპარტამენტის უფროსები - სულ 7 თანამშრომელი) დანიშნულია დანამატები, რაც თავისი წინასწარი და ყოველთვიური შინაარსიდან გამომდინარე, უფრო თანამდებობრივი სარგოს ხასიათს ატარებს, ვიდრე დანამატის. აღნიშნული ბრძანებების საფუძველზე გაცემულია დანამატი 67,180 ლარის ოდენობით (სულ გაცემული დანამატის 68% და მთლიანი შომის ანაზღაურების 12%).

მუნიციპალიტეტის შიდა აუდიტის სამსახურის მიერ გაცემული ზოგიერთი რეკომენდაციები მუნიციპალიტეტის შესაბამისი სამსახურების მიერ შესრულებული არ არის. კერძოდ, 2016 წელს საფინანსო სამსახურის აუდიტის დროს დაფიქსირებულია, რომ 2013 წელს მუნიციპალიტეტის ქონების ინვენტარიზაცია ჩატარებულია ხარვეზებით. აუდიტის სამსახურმა გასცა ახალი საინვენტარიზაციო კომისიის შექმნისა და ინვენტარიზაციის ჩატარების რეკომენდაცია. მიმდინარე აუდიტით დადგინდა, რომ 2016-2017 წლებში ახალი საინვენტარიზაციო კომისია შექმნილი არ არის და არც ინვენტარიზაციაა ჩატარებული. საფინანსო სამსახურის 2015 წლის საქმიანობის აუდიტის დროს დაფიქსირებულია, რომ აღრიცხვა-ანგარიშგებაში დარღვევები არ გამოვლენილა, შედგენილი იყო ბუღალტრული ანგარიშგების ფორმები (ბალანსი და ბალანსის დანართი ფორმები). მიმდინარე აუდიტით დადგინდა, რომ 2016-2017 წლებში აბაშის გამგეობაში აღრიცხვა-ანგარიშგებაში შეინიშნება მნიშვნელოვანი ხარვეზები, არ არის შედგენილი პერიოდული და წლიური ფინანსური ანგარიშგებები.

2016 - 2017 წლებში, მუნიციპალიტეტის შესაბამისმა პირებმა სამუშაოების მიღება-ჩაბარების და კონტროლის პროცედურები წარმართეს ისე, რომ ჩაიბარეს გზების მოწყობა-რეაბილიტაციის სამუშაოები, საერთო ღირებულებით 764.9 ათასი ლარი, რომლებიც გარკვეულ ადგილებზე მნიშვნელოვნად არის დაზიანებული და საჭიროებს დამატებით რეაბილიტაციას. მუნიციპალიტეტი ვალდებული იყო დაედგინა დაზიანების გამომწვევი მიზეზები, პასუხისმგებელი პირები და ზარალის ანაზღაურების მიზნით, მათ მიმართ გაეტარებინა შესაბამისი ღონისძიებები. მუნიციპალიტეტს აღნიშნული ღონისძიებები არ განუხორციელებია.

2016-2017 წლებში მუნიციპალიტეტმა წარმომადგენლობითი ხარჯის მუხლიდან დახარჯა 46.5 ათასი ლარი, მათ შორის კვების მომსახურების შესყიდვაზე 38.0 ათასი ლარი. აღნიშნული ხარჯიდან ძირითადად დაფინანსებული იყო ფართომასშტაბიანი საბანკეტო ღონისძიებები. აუდიტის ჯგუფი ვერ გამოთქვამს მოსაზრებას, რამდენად აუცილებელი იყო მუნიციპალიტეტის საჭიროებისათვის 46.5 ათასი ლარის წარმომადგენლობითი ხარჯის გაწევა.

საჯარო სამსახურის ბიუროში ცალკეულ შემთხვევაში შტატგარეშე მომუშავეთა (სულ - 7 შტატგარეშე მომუშავე) დასაქმება ხდება ხანგრძლივი პერიოდით (მთელი წლის განმავლობაში), ამასთანავე, არა დროებითი, არამედ, მუდმივი ხასიათის სამუშაოების შესრულების მიზნით. მაგალითად, საჯარო სამსახურის ბიუროში შტატგარეშე მომუშავეებად დასაქმებული არიან IT სპეციალისტები, პროგრამისტები, ბუღალტერი და ა.შ.

მუნიციპალიტეტის 2 სოფელში (სუჯუნა, სამიქაო) არსებულ ადმინისტრაციულ შენობებში 33 კვ.მ ფართობი დაკავებული აქვთ სს „ლიბერთი ბანკის“ წარმომადგენლებს, ხელშეკრულება ფართობის დაქირავებაზე გაფორმებული არ არის. 15 ადმინისტრაციული ერთეულის შენობაში განთავსებულია საექიმო ამბულატორიები, რომელთაც სულ დაკავებული აქვს 775 კვ.მ ფართობი. აღნიშნული ფართობები ამბულატორიებზე სამართლებრივი ფორმით გადაცემული არ არის. ამდენად, მუნიციპალიტეტის ადმინისტრაციული ერთეულების შენობებში არსებულ 808 კვ.მ ფართობზე ისეა განთავსებული სხვადასხვა ორგანიზაციები, რომ მათთან გაფორმებული არ არის ხელშეკრულებები ფართობით სარგებლობაზე. შედეგად, მუნიციპალიტეტი ვერ იღებს შესაბამის შემოსავალს.

2016 წელს, შპს „ბამას“ მიერ სპორტის სასახლის სახურავის მოწყობის სამუშაოები შესრულებულია უხარისხოდ. აღნიშნულმა გარემოებამ თავის მხრივ, გამოიწვია მეორე ეტაპზე შესრულებული შენობის შიდა სარემონტო სამუშაოების დაზიანება. მიუხედავად ამისა, მუნიციპალიტეტს არ დაუდგენია თუ რა ოდენობის ზიანი მიადგა და არ მიუმართავს შპს „ბამასთვის“ ხარვეზების აღმოფხვრის და მიყენებული ზიანის ანაზღაურების მოთხოვნით.

საჩხერის მუნიციპალიტეტმა ვერ დაასაბუთა თუ რა აუცილებელი საჭიროებით იყო განპირობებული საფინანსო-საკონსულტაციო მომსახურების შესყიდვა, ვინაიდან მუნიციპალიტეტს გააჩნია შრომითი რესურსი და ვალდებულია საკუთარი რესურსებით უზრუნველყოს აღნიშნული საქმიანობის განხორციელება. ამდენად, მუნიციპალიტეტის მიერ საკონსულტაციო მომსახურებაზე გადახდილი 9.6 ათასი ლარი წარმოადგენს არაგონივრულ ხარჯს.

2016 წლის ბოლოს მუნიციპალიტეტს თავისუფალი ნაშთის სახით დარჩა 990 ათასი ლარი, ხოლო 2017 წლის ბოლოს 531.7 ათასი ლარი. აღნიშნული მიუთითებს მუნიციპალიტეტის მფლობელობაში არსებული ფინანსური რესურსების არაეფექტიან მართვაზე. შედეგად, მოსახლეობა ვერ სარგებლობს იმ სიკეთით, რაც შესაძლოა მიწოდებულ იქნას ბიუჯეტში მობილიზებული სახსრების დროული და ეფექტიანი გამოყენებით.

2016 წელს ტყიბულის მუნიციპალიტეტმა ი/მ „ვლადისლავ ბულიგინისგან“ შეისყიდა მრავალბინიანი საცხოვრებელი კორპუსების სახურავების სარეაბილიტაციო სამუშაოებზე, ღირებულებით 97.1 ათასი ლარი. სამუშაოების დათვალიერებით გამოვლინდა, რომ ზოგიერთი კორპუსის სახურავი დაზიანებულია და მოსახლეობას წყალი ჩასდის საცხოვრებელ ბინებში.

მუნიციპალიტეტის მიერ სააუდიტე პერიოდში შესყიდული და გახარჯულია „სუპერის“ მარკის საავტომობილო საწვავი, მაშინ, როდესაც ტექნიკურად შესაძლებელი იყო ასევე „რეგულარის“ ან „პრემიუმის“ მარკის საწვავის შესყიდვა. მუნიციპალიტეტის მიერ არგუმენტაცია/დასაბუთება „სუპერის“ მარკის საწვავის შესყიდვის მიზანშეწონილობისა და აუცილებლობის შესახებ ვერ იქნა წარმოდგენილი. "რეგულარის" მარკის საწვავის შესყიდვის შემთხვევაში მუუნიციპალიტეტი გააკეთებდა დაახლოებით 16.0 ათასი ლარის ეკონომიას.

შტატგარეშე მოსამსახურეებთან გაფორმებული შრომითი ხელშეკრულებების ნაწილი არ შეიცავს დროში განსაზღვრულ რაიმე კონკრეტულ დავალებას, შესასრულებელი სამუშაოს ან გასაწევი მომსახურების სპეციფიკას. შესაბამისად, შრომით ურთიერთობებს ხანგრძლივი ვადით, ფაქტობრივად მუდმივ ამოცანათა შესასრულებლად აწესრიგებს, რაც წინააღმდეგობაშია შტატგარეშე მოსამსახურის დაქირავების პრინციპთან.

2017 წელს, ტყიბულის მუნიციპალიტეტმა, მრავალბინიანი საცხოვრებელი სახლების შიდა ეზოების რეაბილიტაციისათვის, გამოაცხადა ტენდერი. სატენდერო კომისიამ დაბალი ფასის მქონე პრეტენდენტის დისკვალიფიკაცია განახორციელა კანონმდებლობის დარღვევით, შედეგად სამუშაოები შეისყიდა უფრო მაღალი ღირებულებით და ბიუჯეტიდან სავარაუდოდ გასწია არაეკონომიური ხარჯი, 54.6 ათასი ლარის ოდენობით.

  მუნიციპალიტეტის 2016-2017 წლების ბიუჯეტებით გათვალისწინებული პროგრამების შესაბამისობის აუდიტის მიმდინარეობისას, შემოწმდა წინა აუდიტზე დაფიქსირებული დარღვევების გამოსწორების მდგომარეობა. შედეგად გამოვლინდა, რომ მუნიციპალიტეტს ყველა გამოვლენილ დარღვევა-ნაკლოვანებაზე სათანადო რეაგირება არ განუხორციელებია.

მივლინებული პირების მიერ არ არის მომზადებული ანგარიში მივლინების მიმდინარეობის, შედეგებისა და სხვა მნიშვნელოვანი საკითხების შესახებ. მუნიციპალიტეტმა ვერ წარმოადგინა დოკუმენტური მტკიცებულება იმისა, მივლინებაში მყოფმა პირებმა მიიღეს თუ არა რაიმე ცოდნა ან გამოცდილება, ხოლო მიღებული ცოდნისა და გამოცდილების შემთხვევაში გაუზიარეს ან გადასცეს თუ არა თანამშრომლებს.

2016-2017 წლებში მუნიციპალიტეტმა 3 ხელშეკრულების ფარგლებში მიმწოდებელს არაობიექტური მიზეზებით გადაუწია სამუშაოს შესრულების ვადები და არ დააკისრა ხელშეკრულებით გათვალისწინებული პირგასამტეხლო. მუნიციპალიტეტის მიერ მიღებული გადაწყვეტილებების შედეგად, სამუშაოები დასრულდა რამდენიმე თვის დაგვიანებით, მოსახლეობამ დადგენილ დროში ვერ მიიღო დაგეგმილი ეკონომიკური სიკეთე, ხოლო მუნიციპალიტეტის ბიუჯეტში არ არის მიმართული 120.0 ათას ლარზე მეტი.

მერიის შიდა აუდიტის სამსახურის საქმიანობის ორგანიზება ვერ უზრუნველყოფს, რომ მნიშვნელოვანი წვლილი შეიტანოს მუნიციპალიტეტის რესურსების ეკონომიურად გამოყენებაში, მერიის წინაშე არსებული ამოცანების ეფექტიანად შესრულებასა და მუნიციპალიტეტის დასახული მიზნების მიღწევაში. მუნიციპალიტეტის სტრუქტურულ ერთეულებზე შიდა აუდიტის სამსახურს არ გაუცია შესაბამისი რეკომენდაციები, რაც უზრუნველყოფდა რისკების მართვისა და შიდა კონტროლის სისტემის გაუმჯობესებას.

მუნიციპალიტეტის წარმომადგენლობითი ხარჯის მუხლიდან გაწეულ ხარჯებზე, ვერ დგინდება ჩატარებული ღონისძიებების დასახელება, სტუმრობის მიზანი, სტუმართა და მასპინძელთა ოდენობა და სხვა მონაცემები. შესაბამისად, მუნიციპალიტეტის მიერ გაწეული 44 ათასი ლარის წარმომადგენლობითი ხარჯის მიზანშეწონილობა დოკუმენტურად არ არის დასაბუთებული.

სახელმწიფო და ადგილობრივი ორგანოების მიერ შემოსავლების ადმინისტრირებაში არსებული სუსტი კონტროლის შედეგად, 2016-2017 წლებში ადგილობრივ ბიუჯეტში ვერ მოხდა 741.7 ათასი ლარის ბუნებრივი რესურსების სარგებლობიდან მოსაკრებლის მობილიზება. აღნიშნული პრობლემის მოსაგვარებლად შესაბამისი ღონისძიებები არ არის გატარებული.

ახმეტის მუნიციპალიტეტი სამსახურებრივი უფლებამოსილების განსახორციელებლად 2016 წელს იყენებდა 9 სამორიგეო ავტომანქანას. საშტატო რიცხოვნობიდან გამომდინარე, აღნიშნულ პერიოდში მუნიციპალიტეტისათვის სამსახურებრივი უფლებამოსილების განსახორციელებლად რეკომენდებული იყო 6 ერთეული სამორიგეო ავტომანქანა. შესაბამისად, ავტომობილების რაოდენობა აღემატებოდა მთავრობის დადგენილებით რეკომენდებულ ოდენობას.

2016-2017 წლებისათვის პრიორიტეტების დოკუმენტის მომზადების მიზნით, ტყიბულის მუნიციპალიტეტის აღმასრულებელ ორგანოს არ გამოუცია შესაბამისი ადმინისტრაციულ-სამართლებრივი აქტი, რომელშიც განსაზღვრულია პრიორიტეტების შედგენისათვის წარსადგენი ინფორმაციის ნუსხა და წარდგენის ვადები. აღნიშნულით დარღვეულია საბიუჯეტო კოდექსით გათვალისწინებული მოთხოვნები

მუნიციპალიტეტის საკრებულოს არათანამდებობის პირებზე უფლებამოსილების განხორციელებასთან დაკავშირებული ხარჯები ანაზღაურებულია მოქმედი კანონმდებლობის დარღვევით, შესაბამისი ხარჯის დამადასტურებელი დოკუმენტების წარმოდგენის გარეშე. სააუდიტე პერიოდში აღნიშნულმა თანხამ 118.4 ათასი ლარი შეადგინა.

ტყიბულის მუნიციპალიტეტს თავისუფალი ნაშთის სახით 2016 წელს უფიქსირდება - 285.5 ათასი ლარი, ხოლო 2017 წელს - 701.1 ათასი ლარი. ანგარიშზე არსებული მნიშვნელოვანი თანხების მიუხედავად, მუნიციპალიტეტმა ვერ უზრუნველყო დაუსრულებელი ინფრასტრუქტურული და სოციალური პროექტების დაფინანსება.

მერიის შესაბამისი პასუხისმგებელი პირების მიერ არ ხორციელდება ქალაქის ტერიტორიაზე უკანონო (უნებართვო) მშენებლობების შეჩერება და აღმოფხვრა, ხოლო რიგ შემთხვევებში, ნებართვები უკვე აშენებულ შენობებზე გაიცემა. მერიამ არ გამოიყენა კანონით მინიჭებული უფლება სახელმწიფო საკუთრებაში არსებული, მიწის ნაკვეთზე მზიდი კონსტრუქციებით უკანონოდ აშენებული შენობა-ნაგებობების დემონტაჟზე. ამასთანავე, სხვადასხვა პირის მიერ კვლავ გრძელდება უნებართოდ აშენებული შენობებით სახელმწიფო საკუთრებაში არსებული მიწის ნაკვეთის დაკავება და სარგებლობა, რაც შესაძლოა მუნიციპალიტეტის ინტერესების საზიანოდ, შესაბამისი პასუხისმგებელი პირების მიერ არამართლზომიერ ქმედებებთან იყოს დაკავშირებული.

სამშენებლო სამუშაოების გამარტივებული წესით შესყიდვისას, ახმეტის მუნიციპალიტეტი მიმწოდებლებთან ანგარიშსწორებას ახორციელებდა მათ მიერ წარმოდგენილი შესრულებული სამუშაოს აქტების მიხედვით და არ ითხოვდა მიმწოდებლების მიერ გაწეული ფაქტობრივი ხარჯების დამადასტურებელი დოკუმენტაციის წარმოდგენას. შედეგად, 2016-2017 წლებში 3 ხელშეკრულების ფარგლებში 193.3 ათასი ლარი ანაზღაურებულია კანონმდებლობის მოთხოვნათა დარღვევით. აუდიტის ფარგლეში, ჯგუფის მოთხოვნის საფუძველზე წარმოდგენილი იქნა მიქმოდებლების მიერ ფაქტობრივად გაწეული ხარჯის დამადასტურებელი დოკუმენტაცია, რომლის შესწავლის შედეგად გამოვლინდა, რომ 2 ათასი ლარი მუნიციპალიტეტის მიერ ზედმეტადაა ანაზღაურებული.

2016-2017 წლებში ადგილობრივი თვითმმართველი ერთეულის ბიუჯეტის პროექტის მომზადების მიზნით, ტყიბულის მუნიციპალიტეტის მერიის საფინანსო ორგანოს მიერ საბიუჯეტო ორგანიზაციებში არ გადაგზავნილა საბიუჯეტო განაცხადის ფორმები, ასიგნებებისა და მომუშავეთა რიცხოვნობის საორიენტაციო ზღვრული მოცულობების მითითებით. შედეგად, ტყიბულის მუნიციპალიტეტის მიერ დარღვეულია საბიუჯეტო კოდექსით გათვალისწინებული მოთხოვნები.

ქალაქ ბათუმის მუნიციპალიტეტის საკრებულოს მიერ ქალაქ ბათუმის ტერიტორიაზე სპეციალური (ზონალური) შეთანხმების გაცემისათვის მოსაკრებლის შემოღებისა და მისი გადახდის შესახებ მიღებული დადგენილება, ურთიერთშეუსაბამო ნორმებს შეიცავს, რომელთა გამოყენებით, ბიუჯეტმა დაკარგა 121,615 ლარის მიღების შესაძლებლობა, რაც, შესაძლოა, კერძო სუბიექტების ინტერესების სასარგებლოდ არამართლზომიერ ქმედებებთან იყოს დაკავშირებული. ამასთანავე, ქალაქ ბათუმის მერიაში არსებული შიდა კონტროლის სისტემა ვერ უზრუნველყოფს ქალაქ ბათუმის ტერიტორიაზე სპეციალური (ზონალური) შეთანხმების გაცემისათვის მოსაკრებლის ზუსტ დაანგარიშებას, დროულ გადახდას და სათანადო აღრიცხვას.

მუნიციპალიტეტის მიერ „სოფლის მხარდაჭერის პროგრამის“ ფარგლებში ჩაბარებულია და ანაზღაურებულია 3 ათასი ლარის ღირებულების სამუშაო, რომელიც აუდიტის ჯგუფის მიერ ადგილზე დათვალიერების დროს შესრულებული არ აღმოჩნდა.

„საქართველოს 2017 წლის სახელმწიფო ბიუჯეტის შესახებ“ საქართველოს კანონით, მუნიციპალიტეტის დაფინანსებაზე მყოფი ორგანიზაციებისათვის გასაცემი სუბსიდია, არ უნდა შეადგენდეს წინა წლის საკასო ხარჯის 90%-ზე მეტს. ამ მოთხოვნების გათვალისწინებით მუნიციპალიტეტს 2 ა(ა)იპ-ისათვის უნდა დაეგეგმა სუბსიდია მაქსიმუმ 817.8 ათასი ლარის ოდენობით. მუნიციპალიტეტმა ორი ა(ა)იპ-ის შემთხვევაში არ გაითვალისწინა კანონმდებლობით განსაზღვრული მოთხოვნები და 10%-ით შემცირების ნაცვლად, 260.5 ათასი ლარით გაზარდა ადმინისტრაციული ხარჯები.

ქალაქ ბათუმში ერთსა და იმავე ტერიტორიულ ზონაში, სადაც დადგენილი მიწის ნორმატიული ფასი საერთოა და სადაც ბოლო წლებში ქალაქ ბათუმში მრავალსართულიანი შენობების მშენებლობისადმი ინტერესი მაღალია, განაშენიანების ინტენსივობის კოეფიციენტის ზრდისათვის არ იყო განსაზღვრული მოსაკრებელი, რომლის არსებობის შემთხვევაში, ბიუჯეტს ექნებოდა დამატებითი შემოსავლის მიღების შესაძლებლობა. ამასთანავე, რიგ შემთხვევებში, დაუსაბუთებულია კ-2 კოეფიციენტის ზრდასთან დაკავშირებული უარყოფითი გადაწყვეტილებები.

სამინისტროს 2016 წლის კონსოლიდირებულ ფინანსურ ანგარიშგებაში არ არის გამორიცხული ეკონომიკური ერთეულის შიგნით განხორციელებული ოპერაციები . შედეგად, „ფინანსური შედეგების შესახებ ანგარიშის“ ფორმა N2-ში გაზრდილი თანხით არის ასახული გრანტებიდან მიღებული შემოსავლების და ხარჯების მუხლები - 15,277,659 ლარის ოდენობით, რომელიც სსიპ „კულტურის განვითარების საინვესტიციო ფონდის“ მიერ სამინისტროს სისტემაში შემავალ სსიპ-ებს გადაერიცხათ ინფრასტრუქტურული პროექტების ხელშეწყობისათვის კაპიტალური გრანტების სახით. ამასთან, აღნიშნული ფაქტი არ არის მითითებული განმარტებით შენიშვნებში.

მუნიციპალიტეტი ვერ უზრუნველყოფს მისი 100%-იანი წილის მფლობელობაში არსებული შეზღუდული პასუხისმგებლობის საზოგადოებების საქმიანობაზე სათანადო კონტროლს, რაც უარყოფითად აისახება მათი საქმიანობის ფინანსურ შედეგებზე და მუნიციპალიტეტის ქონებრივ ინტერესებზე.

2016-2017 წლებში მუნიციპალიტეტის მიერ სამსახურებრივი უფლებამოსილების განსახორციელებლად გამოყენებული სატრანსპორტო საშუალებების რაოდენობა აღემატება საქართველოს მთავრობის დადგენილებით რეკომენდებულ ზღვრულ ოდენობას. კერძოდ, რეკომენდებული 6 ერთეულის ნაცვლად მუნიციპალიტეტი განკარგავდა 15 სამორიგეო ავტომანქანას და იყენებდა მოსამსახურეთა პირად საკუთრებაში არსებულ 9-ზე მეტ ავტომანქანას.

ქალაქ ბათუმის მერიის შესაბამისი სამსახურის მიერ მშენებლობის ნებართვებთან დაკავშირებული ადმინისტრაციული წარმოება განხორციელებულია არაერთგვაროვანი მიდგომით, კანონით დადგენილი ვადების დარღვევით, რაც წარმოშობს მაძიებელთა მოთხოვნის სუბიექტური განხილვის და არამართლზომიერი ქმედების რისკებს.

სამინისტროს მიერ კონტროლირებულ 3 უმაღლეს საგანმანათლებლო სასწავლებელში: სსიპ „საქართველოს შოთა რუსთაველის თეატრისა და კინოს სახელმწიფო უნივერსიტეტი“, სსიპ „აპოლონ ქუთათელაძის სახელობის სახელმწიფო სამხატვრო აკადემიასა“ და სსიპ „ვანო სარაჯიშვილის სახელობის სახელმწიფო კონსერვატორიაში“ დებიტორული დავალიანებების/მოთხოვნების აღრიცხვა იმ სტუდენტების მიმართ, რომელთაც შეუჩერდათ სტუდენტის სტატუსი, წარმოებს განსხვავებულად: სსიპ „საქართველოს შოთა რუსთაველის თეატრისა და კინოს სახელმწიფო უნივერსიტეტი“-ს მიერ ყოველგვარი საფუძვლების არსებობის გარეშე ჩამოიწერა უკვე გაწეული და სტუდენტის მიერ მიღებული მომსახურება, რომელიც უზრუნველყოფს ორგანიზაციისთვის ეკონომიკური სარგებლის შემოსვლას; ხოლო სსიპ „აპოლონ ქუთათელაძის სახელობის სახელმწიფო სამხატვრო აკადემიი“-ს მიერ დებიტორულ დავალიანებად/მოთხოვნად აღიარდა სტუდენტისთვის მიუწოდებელი/გაუწეველი მომსახურება. სამინისტროს მიერ არ არის შემუშავებული აღნიშნული ოპერაციებით წარმოქმნილი მოთხოვნების ერთიანი სააღრიცხვო პოლიტიკა და მიდგომები და გამჟღავნებული განმარტებით შენიშვნებში; შესაბამისად, 2016 წლის კონსოლიდირებული ფინანსური ანგარიშგება ამ ნაწილში არ არის დაკორექტირებული.

სააუდიტე პერიოდში დასუთავების მოსაკრებლის ადმინისტრირება ფიზიკური პირებიდან არ ხორციელდებოდა, ხოლო იურიდიული პირებიდან მოსაკრებლის დაანგარიშება ხორციელდება 2012-2013 წლების ბაზაზე დაყრდნობით და საჭიროებს განახლებას. შესაბამისად, მუნიციპალიტეტის მერია ვერ უზრუნველყოფს საკრებულოს დადგენილებით განსაზღვრული დასუფთავების მოსაკრებლის სათანადო ადმინისტრირებას.

2016 - 2017 წლებში თიანეთის მუნიციპალიტეტის საჯარო მოხელეებზე გამგებლის ბრძანებების შესაბამისად, გაცემულია დანამატი 81.9 ათასი ლარის ოდენობით . მათ შორის, 2016 წელს - 80.4 ათასი ლარი, ხოლო 2017 წელს - 1.5 ათასი ლარი. 2016 წელს დანამატის გაცემის მოტივად მითითებულია სამსახურებრივ მოვალეობათა სანიმუშოდ შესრულება, რაც შეიძლება წარმოადგენდეს პრემიის და არა დანამატის გაცემის პირობას. ბრძანებები არ შეიცავს ინფორმაციას საჯარო მოსამსახურის ზეგანაკვეთური მუშაობის, საპასუხისმგებლო ფუნქციური დატვირთვის ან კანონმდებლობით გათვალისწინებული სხვა გარემოების შესახებ. დანამატის გაცემის ობიექტური საჭიროება და მიზანშეწონილობა სათანადოდ არ არის დასაბუთებული და არ შეესაბამება მოქმედი კანონმდებლობის მოთხოვნებს.

2016-2017 წლებში, მერიაში გაუმართავია თანამშრომელთა დასწრების აღრიცხვის ელექტრონული სისტემა. მუნიციპალიტეტმა არ გაატარა შესაბამისი ღონისძიებები აღრიცხვის ელექტრონული სისტემის მუშაობის აღსადგენად. ამდენად, არ არის მიღწეული დაგეგმილი მიზანი. სისტემის საშუალებით არ კონტროლდება ადმინისტრაციულ შენობაში მოსამსახურეთა დასწრება. შედეგად, შესყიდული საქონელი გამოუყენებელია და მასში გადახდილი თანხა წარმოადგენს არაეფექტიან ხარჯს.

სსიპ „საქართველოს შოთა რუსთაველის თეატრისა და კინოს სახელმწიფო უნივერსიტეტის“ სააღრიცხვო რეგისტრებში სხვა დანარჩენი მოკლევადიანი მოთხოვნების N1480 ანგარიშზე წლის დასასრულის ნაშთად ფიქსირდება 83,727 ლარის საკრედიტო (უარყოფითი) ნაშთი, რომელიც თავისი შინაარსით წარმოადგენს ვალდებულებას. მოთხოვნა/ვალდებულებათა აღრიცხვის არსებული წესის თანახმად, აქტივების და ვალდებულებების ურთიერთგადაფარვა დაუშვებელია. ფინანსური ვალდებულებით ოპერაციები წარმოდგენილი უნდა იყოს ფინანსური აქტივებით განხორციელებული ოპერაციებისგან განცალკევებით . შესაბამისად, კონსოლიდირებული ფინანსური ანგარიშგების მოთხოვნების ანგარიში შემცირებულია 83,727 ლარით; ასევე აღნიშნული თანხით შემცირებულად არის წარდგენილი ვალდებულებების ნაშთიც.

ახმეტის მუნიციპალიტეტის მერია ვერ უზრუნველყოფს იჯარით გაცემული ქონების სათანადო ადმინისტრირებას, რის გამოც 2018 წლის 1 იანვრის მდგომარეობით მოიჯარეების მიერ გადაუხდელი საიჯარო ქირა დარიცხული საურავის გათვალისწინებით შეადგენს ჯამში 1 765.5 ათასი ლარს. ამასთან ქონების მართვისა და განკარგვის პროცესში დანერგილი სუსტი კონტროლის მექანიზმების გამო, არსებობს რისკი იმისა, რომ დამატებით არსებობდეს სარგებლობის უფლებით გაცემული ისეთი ობიექტები, რომელთა განკარგვა ხდება არაუფლებამოსილი პირების მიერ და ადგილობრივ ბიუჯეტში შესაბამისი თანხების გადახდა არ ხორციელდება.

თიანეთის მუნიციპალიტეტმა 2016-2017 წლებში არასწორი წესით დაიქირავა 5-5 შტატგარეშე მოსამსახურე. აღნიშნულ პირებზე 2016-2017 წლებში გაცემულია სულ 55.9 ათასი ლარი.

ტყიბულის მუნიციპალიტეტმა (შესაბამისმა პასუხისმგებელმა პირებმა) 2016-2017 წლებში მუნიციპალიტეტის საკრებულოს არათანამდებობის პირებზე ხარჯების ასანაზღაურებლად 128.9 ათასი ლარი გასცა შესაბამისი დადასტურების გარეშე, საბიუჯეტო პროცესთან დაკავშირებული მარეგულირებელი საკანონმდებლო ნორმების შეუსაბამოდ.

აუდიტით გამოვლინდა, რომ სსიპ „საქართველოს ეროვნული მუზეუმის“, სსიპ „ქ. თბილისის ზ. ფალიაშვილის სახელობის ოპერისა და ბალეტის პროფესიული სახელმწიფო თეატრის“ და სსიპ „საქართველოს შოთა რუსთაველის თეატრისა და კინოს სახელმწიფო უნივერსიტეტის“ მიერ სახელშეკრულებო პირობების შეუსრულებლობისათვის პირგასამტეხლოს თანხები სულ - 28,630 ლარის ოდენობით, არ არის აღრიცხული სააღრიცხვო რეგისტრებში , რის შედეგადაც შემცირებულია საბალანსო ანგარიშების - N1354 „მოთხოვნები დარიცხული ჯარიმებით, სანქციებით და საკუთრებასთან დაკავშირებული სხვა შემოსავლებით“ და „კაპიტალის“ N5000 - საბოლოო ნაშთები.

ჭიათურის მუნიციპალიტეტის მერიამ ვერ წარმოადგინა 2016-2017 წლების პრიორიტეტების დოკუმენტის მოსამზადებლად გამოცემული ადმინისტრაციულ-სამართლებრივი აქტი. კერძოდ, მუნიციპალიტეტმა დოკუმენტურად ვერ დაასაბუთა რა სახის ინფორმაცია და მონაცემები იქნა მოთხოვნილი საბიუჯეტო ორგანიზაციებისგან პრიორიტეტების დოკუმენტის მოსამზადებლად. შედეგად, დარღვეულია საქართველოს საბიუჯეტო კოდექსის მოთხოვნები.

შტატგარეშე მოსამსახურეების საპრემიო ანაზღაურება 12.1 ათასი ლარის ოდენობით თიანეთის მუნიციპალიტეტმა (შესაბამისმა პასუხისმგებელმა პირებმა) გასცა სათანადო დასაბუთების გარეშე.

2016-2017 წლებში, ტყიბულის მუნიციპალიტეტმა შეისყიდა საკონსულტაციო მომსახურების. თუმცა ვერ დააასაბუთა შესყიდვის აუდილებლობა, ვინაიდან მუნიციპალიტეტს გააჩნია შრომითი რესურსი და ვალდებულია საკუთარი რესურსებით უზრუნველყოს აღნიშნული საქმიანობის განხორციელება. გამომდინარე აქედან, მუნიციპალიტეტის პასუხისმგებელ პირებს არ უნდა განეხორციელებინათ საკონსულტაციო მომსახურების შესყიდვა და ხარჯის გაწევა. ამდენად, მუნიციპალიტეტის მიერ საკონსულტაციო მომსახურებაზე გადახდილი 9.6 ათასი ლარი წარმოადგენს არარაციონალურ ხარჯს.

2016 წელს სსიპ „თბილისის აპოლონ ქუთათელაძის სახელობის სახელმწიფო სამხატვრო აკადემიაში“ განხორციელდა შენობა-ნაგებობების ნაწილის გადაფასება (საბოლოო შედეგით აფასება). გადაფასება ფინანსურ აღრიცხვაში აისახა არასწორად; კერძოდ, არ მოხდა ძირითად აქტივებზე დაგროვილი ცვეთის გათვალისწინება. მოცემულ შემთხვევაში აფასება განხორციელდა აქტივის ისტორიული ღირებულების მიხედვით და არა მისი ნარჩენი, საბალანსო ღირებულებიდან გამომდინარე შემფასებლის მიერ განსაზღვრულ ღირებულებამდე. შედეგად, შემცირებულად არის წარმოდგენილი შემდეგი საბალანსო ანგარიშების საბოლოო ნაშთები: „ძირითადი საშუალებების“ -772,148 ლარით; „წმინდა ღირებულების“ - 765,338 ლარით, ხოლო „გაუნაწილებელი მოგება“ - 6,810 ლარის ოდენობით. ასევე, ფინანსურ ანგარიშგების ფორმა N4_ში - „სხვა არასაოპერაციო შემოსავლები“ წარმოდგენილია 772,148 ლარით შემცირებული ღირებულებით.

2016-2017 წლებში ბიუჯეტის პროექტის მომზადების მიზნით, ჭიათურის მუნიციპალიტეტის საფინანსო ორგანოს საბიუჯეტო ორგანიზაციებისათვის გაგზავნილ საბიუჯეტო განაცხადის ფორმებში არ არის მითითებული ასიგნებებისა და მომუშავეთა რიცხოვნობის საორიენტაციო ზღვრული მოცულობები.

თიანეთის მუნიციპალიტეტში შტატგარეშე და დამხმარე მოსამსახურეებზე 2016 წელს გამგებლის ბრძანებებით გაცემულია დანამატი 4.8 ათასი ლარის ოდენობით. დანამატი გაიცა დაკისრებული მოვალეობის სანიმუშო შესრულებისათვის. საქართველოს კანონი „საჯარო სამსახურის შესახებ“ დანამატების გაცემას ითვალისწინებს მხოლოდ საჯარო მოხელეზე, რომელიც ინიშნება ან აირჩევა სახაზინო დაწესებულების საშტატო (შტატით გათვალისწინებულ) თანამდებობაზე. გამომდინარე აქედან, შტატგარეშე და დამხმარე მოსამსახურეებზე მუნიციპალიტეტმა (შესაბამისმა პასუხისმგებელმა პირებმა) 4.8 ათასი ლარის დანამატი გასცა მოქმედი კანონმდებლობის დარღვევით.

2016 წელს მუნიციპალიტეტმა „სოფლის მხარდაჭერის პროგრამის“ ფარგლებში შეისყიდა პროექტები, საიდანაც 3.9 ათასი ლარის სამუშაოები გამოუყენებელი და უფუნქციოა

სსიპ „საქართველოს შოთა რუსთაველის თეატრისა და კინოს სახელმწიფო უნივერსიტეტის“ მიხედვით არ განხორციელებულა რუსთაველის გამზირ N19-ში მდებარე შენობის სარეაბილიტაციო სამუშაოებზე საპროექტო-სახარჯთაღრიცხვო დოკუმენტაციის შედგენის მომსახურების ღირებულების - 94,899 ლარის კაპიტალიზაცია/შენობის ღირებულებაზე დამატება.

წარმოდგენილი ინფორმაციის მიხედვით, ჭიათურის მუნიციპალიტეტის საკრებულოს არაანაზღაურებად წევრებს 2016-2017 წლებში, ხარჯების ანაზღაურების სახით, მიღებული აქვთ სულ 167.7 ათასი ლარი . მუნიციპალიტეტმა ვერ წარმოადგინა დოკუმენტური მტკიცებულებები საკრებულოს წევრების ხარჯების დასადასტურებლად. თანხების გაცემის საფუძველია საკრებულოს მომართვა საკრებულოს წევრზე ანაზღაურების გაცემის შესახებ. აღნიშნული დოკუმენტები არ აკმაყოფილებს ხარჯის დამადასტურებელი პირველადი აღრიცხვის დოკუმენტის კრიტერიუმს.

თიანეთის მუნიციპალიტეტმა წარმომადგენლობითი ხარჯების სახით 2016-2017 წლებში დახარჯა 46.9 ათასი ლარი. მათ შორის, 2016 წელს 26.3 ათასი ლარით დაფინანსებულია 34 ღონისძიება, ხოლო 2017 წელს 20.6 ათასი ლარით - 29 ღონისძიება. მუნიციპალიტეტმა საბიუჯეტო მუხლით განსაზღვრული თანხა, კერძოდ 46.5 ათასი ლარი, თითქმის მთლიანი დახარჯა კვების ობიექტებში ოფიციალური სტუმრების გამასპინძლებისას. მათ შორის, მნიშვნელოვანი თანხებია დახარჯული სახელმწიფო უწყებების თანამდებობის პირების კვების ორგანიზებისათვის. წარმომადგენლობითი ხარჯების მიზანშეწონილობის დასადასტურებლად არ არსებობს დოკუმენტური ინფორმაცია მიღებული სტუმრების რაოდენობისა და ეტიკეტის შესაბამისად დამხვედრი მხარის შემადგენლობის შესახებ.

2016-2017 წლებში, მუნიციპალიტეტის შიდა აუდიტის სამსახურს არ შეუსწავლია მერიის სტრუქტურული ერთეულების საქმიანობა. სამსახურს არ შეუფასებია შეესაბამება თუ არა მუნიციპალიტეტის საქმიანობა დაგეგმილ მიზნებსა და ამოცანებს, რამდენად კანონიერად, მიზნობრივად და ეფექტიანად ხდება დაფინანსების გამოყენება, დანერგილია თუ არა ადეკვატური მართვისა და კონტროლის მექანიზმები და სხვ. შესაბამისად არ განუხორციელებია შესაძლო დარღვევებისა და ხარვეზების იდენტიფიცირება

სსიპ „საქართველოს კულტურული მემკვიდრეობის დაცვის ეროვნული სააგენტოს“ მიხედვით არ განხორციელებულა არამატერიალური აქტივის - საქართველოს კულტურული მემკვიდრეობის მონაცემთა მართვის გეოსაინფორმაციო სისტემის და გის პორტალის - განახლება-გაუმჯობესების სამუშაოებზე გაწეული დანახარჯების 37,840 ლარის ოდენობით კაპიტალიზაცია; კერძოდ, სააგენტოს მიერ მოცემულ მომსახურებაზე გაწეული ხარჯები აღიარებული იქნა მიმდინარე პერიოდის ხარჯად.

2016-2017 წლებში ჭიათურის მუნიციპალიტეტმა შპს „დაუ+“-გან შეისყიდა საკონსულტაციო მომსახურება, ღირებულებით 8.8 ათასი ლარი. მხარეებს შორის გაფორმებული ხელშეკრულების თანახმად, შპს „დაუ+“-ს ევალებოდა ჭიათურის მუნიციპალიტეტისათვის მიეწოდებინა ინფორმაცია 2016-2017 წლების ბიუჯეტის პროექტის შედგენის, განხილვის, მიღების, ცვლილების შეტანის, შესრულების, გარე და შიდა აუდიტის ჩატარების შესახებ. ჭიათურის მუნიციპალიტეტის საფინანსო-საბიუჯეტო და იურიდიულ სამსახურში დასაქმებულია 16 მოსამსახურე. აღნიშნულ სამსახურებში დასაქმებულთა უფლება-მოვალეობა არის კანონმდებლობის ცოდნა და მათი პრაქტიკაში განხორციელება. გამომდინარე აქედან, მიზანშეწონილი არ არის ანალოგიურ საკითხებზე კონსულტანტის მომსახურების შესყიდვა და ხარჯის გაწევა.

საშტატო რიცხოვნობიდან გამომდინარე, თიანეთის მუნიციპალიტეტისათვის, სამსახურებრივი უფლებამოსილების განსახორციელებლად, რეკომენდებულია 5 ერთეული სამორიგეო ავტომანქანა. საქართველოს მთავრობის დადგენილება მუნიციპალიტეტებისათვის სარეკომენდაციო ხასიათისაა, თუმცა საბიუჯეტო სახსრების რაციონალური და გონივრული ხარჯვიდან გამომდინარე, მისი შესრულება პრიორიტეტულია, რაც მუნიციპალიტეტის მიერ არ არის დაცული. კერძოდ, რეკომენდებული 5 ერთეულის ნაცვლად, მუნიციპალიტეტი 2016-2017 წლებში განკარგავდა 7 სამორიგეო ავტომანქანას.

2016 წელს, კასპის მუნიციპალიტეტმა საკანალიზაციო სისტემის მოწყობა-რეაბილიტაციის სხვა სამუშაოები შეისყიდა შპს „ფუძესგან", სახელშეკრულებო ღირებულებით 600.0 ათასი ლარი. მიმწოდებელმა უამინდობის გამო ვადების კორექტირება მოითხოვა ხელშეკრულების დადებიდან 26-ე დღეს, როცა სამუშაოების შესასრულებლად კიდევ 2 თვე ჰქონდა დარჩენილი. მიუხედავად იმისა, რომ ნალექიანი დღეების რაოდენობა სამშენებლო პერიოდში ნორმის ფარგლებში იყო, მუნიციპალიტეტმა მიწოდების ვადა 2 თვით გაზარდა. სამუშაოები 16 სექტემბერს დასრულდა და მიწოდების ვადის უცვლელობის შემთხვევაში მიმწოდებელს დაერიცხებოდა 141.6 ათასი ლარის საჯარიმო სანქცია.

სსიპ „ვაჟა ფშაველას სახელობის თელავის სახელმწიფო დრამატულმა თეატრმა“ ნაცვლად ძირითადი აქტივების დაშლის შედეგად მიღებული სხვა მატერიალური მარაგების ღირებულების გაზრდისა, მოახდინა დემონტაჟის ხარჯების კაპიტალიზაცია და შენობა-ნაგებობების საბალანსო ღირებულების გაზრდა 113,100 ლარით. თეატრს 2016 წელს ბალანსიდან არ აქვს ჩამოწერილი 1,014,294 ლარის საბალანსო ღირებულების ძირითადი საშუალებები (მიწისზედა სამუშაოების ღირებულება), რომელსაც გაუკეთდა დემონტაჟი.

2016 წელს წარმომადგენლობითი ხარჯების მუხლიდან თანხები გახარჯულია 47 ღონისძიებაზე, თუმცა არ არის ცნობილი რა სახის ღონისძიებები გაიმართა, მათი საჭიროება, სტუმრების ვინაობა და რაოდენობა. 2017 წელს თანხები გახარჯულია 20 ღონისძიებაზე, რომლის დოკუმენტაციებში, აღნიშნულია ღონისძიებების დასახელება, თუმცა არ არის მითითებული ჩასატარებელი ღონისძიების საჭიროება, სტუმრობის მიზანი, სტუმრებისა და მასპინძლების ოდენობა და სხვა მონაცემები. 2017 წელს თანხის გამოყოფის შესახებ ბრძანებებში, ხარჯის გაწევის მიზეზად მითითებულია „ფაქტობრივად გაწეული ხარჯების დაფარვის მიზნით“. შესაბამისად, 2016-2017 წლებში მუნიციპალიტეტის (შესაბამისი პასუხისმგებელი პირების) მიერ გაწეული 43.8 ათასი ლარის წარმომადგენლობითი ხარჯის მიზანშეწონილობა დოკუმენტურად არ არის დადასტურებული.

7 სამორიგეო და 2 განპიროვნებული ავტომანქანის გარდა, მუნიციპალიტეტი (შესაბამისი პასუხისმგებელი პირები) 2016 წელს საწვავს ყოველთვიურად გასცემდა საჯარო მოსამსახურეების სარგებლობაში არსებულ 43 ავტომანქანაზე, ხოლო 2017 წელს - 41-44 ავტომანქანაზე. საწვავი გამოეყოფოდა გამგეობის სამსახურის უფროსებს, საკრებულოს ფრაქციის თავმჯდომარეებს, საკრებულოს წევრებს, გამგებლის წარმომადგენლებს და სხვ. თიანეთის მუნიციპალიტეტმა 2016-2017 წლებში სულ ამ სახით გასცა 59 ტონამდე საწვავი, ღირებულებით 95.7 ათასი ლარი. შესაბამისად, მუნიციპალიტეტს არ გააჩნია რაციონალური მიდგომა ფუნქციონირებისათვის საჭირო ავტოტრანსპორტის გამოყენებასთან დაკავშირებით.

2017 წელს, მუნიციპალიტეტმა შპს „საქმილსადენმშენისგან“ შეისყიდა სოფელ გუდალეთი-ვარჯაანის დამაკავშირებელი გზის სარეაბილიტაციო სამუშაოები. სამუშაოების დასრულების ვადად განსაზღვრული იყო 2017 წლის 13 ნოემბერი. მიმწოდებელს უამინდობის მოტივით გადაეწია ვადა 4 დეკემბრამდე. აღსანიშნავია, რომ ნალექიანი დღეების რაოდენობა სამუშაო პერიოდში რეგიონის საშუალო მაჩვენებლის ფარგლებშია. შესაბამისად, ეს მოტივი მუნიციპალიტეტს მიწოდების ვადის გაზრდისათვის არ უნდა გამოეყენებინა. გარდა ამისა, შპს „საქმილსადენმშენი“ მუშაობდა ნალექიანი დღეების განმავლობაშიც და მშენებლობა არ შეფერხებულა. ამდენად, ნალექიანი დღეების გამო ვადის გადაწევის მოტივი ვერ ჩაითვლება ობიექტურ გარემოებად. შესაბამისად, მუნიციპალიტეტს მიმწოდებლისათვის არ უნდა გადაეწია სამუშაოების დასრულების ვადა. იმ შემთხვევაში, თუკი შემსყიველი არ გაზრდიდა მიწოდების ვადას, სანქციების სიმცირის გამო, შემსრულებელს 21 დღის ვადაგადაცილებისათვის დაერიცხებოდა მხოლოდ 200 ლარამდე ჯარიმა.

სსიპ-ების მიერ ძირითადი კაპიტალის მოხმარების/ცვეთის სააღრიცხვო უზუსტობების შედეგად, შემცირებული არის ცვეთის ხარჯი 36,641 ლარის ოდენობით. ასევე არ არის უზრუნველყოფილი კონსოლიდირებული ბალანსის „ძირითადი აქტივების“ და „კაპიტალის“ მუხლით ანგარიშების სისწორე.

2018 წლის 1 აპრილის მდგომარეობით გამოუყენებელი მასალების ნაშთი შეადგენს 744.1 ათას ლარს. აღნიშნული ნაშთი მოიცავს როგორც 2016-2017 წლებში შესყიდულ მასალების, ასევე 2016 წლამდე პერიოდში შეძენილი მასალების ღირებულებას. აუდიტის ჯგუფმა მუნიციპალიტეტის წარმომდგენლებთან ერთად ადგილზე შერჩევით დაათვალიერა მასალები. შედეგად გაირკვა, რომ მასალების ნაწილი გაფუჭებულია და უვარგისია გამოსაყენებლად, ხოლო ნაწილის ადგილსამყოფელი ვერ იქნა დადგენილი.

მუნიციპალიტეტის გამგებელმა/მერმა და საკრებულოს თავმჯდომარემ ნორმატიული შინაარსის სამართლებრივი აქტები საწვავისა და სატელეფონო ლიმიტების შესახებ გამოსცეს ინდივიდუალური აქტის სახით, რომლებიც არ შეესაბამება კანონმდებლობით გათვალისწინებულ მოთხოვნებს.

ჩოხატაურის მუნიციპალიტეტმა 2016-2017 წლებში სამუშაოების მიღება-ჩაბარების და კონტროლის პროცედურები ვერ წარმართა ისე, რომ გამოევლინა უხარისხოდ შესრულებული სამუშაოები. მიმწოდებლების მიერ წარმოდგენილი ექსპერტიზის დასკვნებმა ვერ უზრუნველყო შესრულებული სამუშაოების ხარისხის დადასტურება, რადგან ექსპერტიზა ჩატარებულია მხოლოდ მოცულობებზე და არ არის შესწავლილი სამუშაოების ხარისხი. ამდენად, მუნიციპალიტეტმა ვერ შეძლო სამშენებლო ნორმებისა და სტანდარტების შესაბამისი სამუშაოების მიღება. შედეგად მუნიციპალიტეტმა 2016-2017 წლებში 9 ხელშეკრულების ფარგლებში ჩაიბარა უხარისხოდ შესრულებული ინფრასტრუქტურული პროექტები, საერთო ღირებულებით 727.8 ათასი ლარი.

ზოგიერთი საბალანსო ანგარიშების მიხედვით სსიპ „საქართველოს შოთა რუსთაველის თეატრისა და კინოს სახელმწიფო უნივერსიტეტის“ სააღრიცხვო სისტემაში ასახული საწყისი ნაშთი წინა წლის საბოლოო ნაშთთან (რომელიც წარმოადგენდა აუდირებული პერიოდის საწყისს ნაშთს) შესაბამისობაში იქნა მოყვანილი გაურკვეველი, ხელოვნური ე.წ. „მაკორექტირებელი გატარებებით“, რომელსაც საფუძვლად არ ედო რეალური ეკონომიკური მოვლენის მოხდენის ფაქტი.

2016-2017 წლებში მუნიციპალიტეტმა 10 სოფელში წყლის სისტემის მოწყობისათვის შეისყიდა 43.1 ათასი ლარის მასალები. აღნიშნული მასალები მერიამ გადასცა სოფლის მოსახლეობას, რომლებსაც საკუთარი ძალებით უნდა შეესრულებინათ დაგეგმილი პროექტი. მუნიციპალიტეტი თავის მხრივ ვალდებული იყო დაეწესებინა კონტროლი შესყიდული მასალების დროულ გამოყენებასა და პროექტის წარმატებით დასრულებაზე. აღსანიშნავია, რომ მასალების ხარჯვაზე მუნიციპალიტეტის მიერ შემუშავებული სტრატეგია ვერ უზრუნველყოფს სამუშაოების ხარისხიან შესრულებას, რადგან მოსახლეობას არ გააჩნია სათანადო ცოდნა და გამოცდილება ამ სამუშაოების განსახორციელებლად. აუდიტის ჯგუფმა მერიის წარმომადგენლებთან ერთად, დაათვალიერა შესრულებული სამუშაოები. დათვალიერებით გამოვლინდა, რომ სოფლებში, წყლის სისტემა არ არის მოწყობილი, ხოლო შესყიდული მასალები გამოუყენებელი და დასაწყობებულია.

თიანეთის მუნიციპალიტეტის საკრებულოს არაანაზღაურებად წევრებს 2016-2017 წლებში, ხარჯების ანაზღაურების სახით, მიღებული აქვთ სულ 85.2 ათასი ლარი. მუნიციპალიტეტმა ვერ წარმოადგინა დოკუმენტური მტკიცებულებები საკრებულოს წევრების ხარჯების დასადასტურებლად. თანხების გაცემის საფუძველია საკრებულოს მომართვა საკრებულოს წევრზე ანაზღაურების გაცემის შესახებ. აღნიშნული დოკუმენტები არ აკმაყოფილებს ხარჯის დამადასტურებელი პირველადი აღრიცხვის დოკუმენტის კრიტერიუმს.

ჩოხატაურის მუნიციპალიტეტმა 2016-2017 წლებში შესასრულებელი სამუშაო პროცესის დაგეგმვა და მართვა ვერ განახორციელა ისე, რომ მიღწეულიყო პროგრამის ფარგლებში დასახული მიზანი. კერძოდ, ადმინისტრაციული შენობის, სპორტული სკოლისა და სავაჭრო პავილონის მშენებლობა-რეაბილიტაციის დაგეგმვისას ვერ გაითვალისწინა მათი ფუნქციონირებისათვის საჭირო ფინანსური რესურსი ან სწორად ვერ განსაზღვრა მოსახლეობის საჭიროებათა პრიორიტეტები. ასევე, მიუხედავად იმისა, რომ სამუშაოების მიღება-ჩაბარებიდან გასულია ერთ წელზე მეტი, მუნიციპალიტეტს 2 ობიექტზე არ განუხორციელებია დამატებითი ღონისძიებები მათი ფუნქციური დატვირთვისათვის. შესაბამისად, 148.1 ათასი ლარი დახარჯულია პროექტებზე, რომლითაც მოსახლეობა ვერ სარგებლობს ან ისეთ პროექტზე, რომლებიც ფუნქციურად დატვირთული არ არის.

ექსპლუატაციაში მყოფი გრძელვადიანი მცირეფასიანი აქტივები, ნაცვლად ბალანსის საცნობარო მუხლში ასახვისა (წლის დასწყისში 7,846.15 ლარის ოდენობით, ხოლო წლის ბოლოს 8,007.65 ლარის ოდენობით), არასწორად ირიცხებოდა ნაშთის სახით ფინანსური ანგარიშგების ფორმა N1-ში ანგარიშზე „გრძელვადიანი მცირეფასიანი აქტივები“ (2200). ამასთან, მცირეფასიანი გრძელვადიანი აქტივების მიღება-გასვლა ბალანსის დანართ ფორმა N5-ში შეცდომით იყო ასახული „სხვა ფასეულობების“ სტრიქონში . აღნიშნულიდან გამომდინარე, ფინანსურ ანგარიშგებაში არსებული ინფორმაცია მცირეფასიანი გრძელვადიანი აქტივების შესახებ, არსებითობის გათვალისწინებით ვერ ასახავდა რეალურ მდგომარეობას

კონსერვატორიის მიერ წარდგენილი 2016 წლის ფინანსური ანგარიშგება (ბალანსი) ვერ უზრუნველყოფს ორგანიზაციის სამეურნეო პროცესებისა და საქმიანობის შედეგების შესახებ სრული და უტყუარი ინფორმაციის ჩამოყალიბებას, რადგან სამეურნეო ოპერაციების ბუღალტრული აღრიცხვა სრულყოფილად არ წარმოებს ორმაგი ჩაწერის ხერხით ანგარიშთა გეგმის შესაბამისად (მაგალითად, ეკონომიკური საქმიანობის ფარგლებში მიღებული სახსრებიდან გაწეული ხარჯები არ არის გადახურული ბუღალტრული გატარებებით შესაბამის ანგარიშებზე ).

2016 წელს მუნიციპალიტეტმა დაგეგმა სოფელ საკურწეში სასმელი წყლის სისტემის რეაბილიტაცია. პირველ ეტაპზე მერიამ 2016 წელს შეიძინა წყლის სათავე ნაგებობის მოწყობის სამუშაოები, ღირებულებით 105.5 ათასი ლარი . მომდევნო ეტაპზე, 2017 წელს მუნიციპალიტეტმა წყლის სიტემის მოსაწყობად (დაქსელვისათვის) შეიძინა მილები, ღირებულებით 6.7 ათასი ლარი. აუდიტის ჯგუფმა მერიის წარმომადგენლებთან ერთად, დაათვალიერა შესრულებული სამუშაოები. დათვალიერებით გამოვლინდა, რომ წყლის სისტემის მოწყობა დასრულებული არ არის. კერძოდ, შესრულებულია სათავე ნაგებობის მშენებლობა, წყლის მილების ნაწილი მოწყობილია გარკვეულ უბნებში, თუმცა სათავე ნაგებობაზე დაერთებული არ არის, ხოლო მილების დარჩენილი ნაწილი გამოუყენებელი და დასაწყობებულია. მიუხედავად იმისა, რომ სოფელ საკურწეს, წყლის სისტემის რეაბილიტაციისათვის მუნიციპალიტეტმა დახარჯა, სულ 112.2 ათასი ლარი, მოსახლეობას წყალი არ მიეწოდება.

უცხოური გრანტის ფარგლებში თიანეთის მუნიციპალიტეტმა ლედ მონიტორის შესაძენად ტენდერი გამოაცხადა 2017 წლის 4 აგვისტოს . მიღება-ჩაბარების აქტის შესაბამისად, ტექნიკა მიწოდებულია 2017 წლის 30 აგვისტოს და შესყიდვის ღირებულებამ 10.3 ათასი ლარი შეადგინა. თიანეთის მუნიციპალიტეტის აუდიტის მიმდინარეობის დროს ლედ მონიტორი განთავსებული იყო თვითმმართველობის შენობაში. ტექნიკა მუნიციპალიტეტის მიერ არ დამონტაჟებულა და შესაბამისად, დანიშნულების მიხედვით არ გამოყენებულა. მიუხედავად ადგილობრივი ბიუჯეტიდან გაწეული ხარჯებისა, საგრანტო პროგრამის მიზნები გრძელვადიან პერსპექტივაში არ შესრულებულა და მოსახლეობა ვერ სარგებლობს აღნიშნული სიკეთით.

2016-2017 წლებში ჩოხატაურის მუნიციპალიტეტის მიერ 6 ხელშეკრულების ფარგლებში განხორციელებულია ნაპირსამაგრი და წყალამრიდი ნაგებობების სამუშაოები, საერთო თანხით 573.6 ათასი ლარი. მუნიციპალიტეტის მიერ დანერგილმა კონტროლის მექანიზმებმა ვერ უზრუნველყო სათანადო ხარისხის ნაპირსამაგრი სამუშაოების მიღება-ჩაბარება. ასევე, მუნიციპალიტეტს არ შეუსწავლია საკითხი იმის შესახებ, თუ რამ გამოიწვია აღნიშნული სამუშაოების დაზიანება - საპროექტო დავალების არასწორად განსაზღვრამ, არასწორად შედგენილმა პროექტმა თუ მიმწოდებლების მიერ უხარისხოდ შესრულებულმა სამუშაოებმა. შედეგად, ნაპირსამაგრი სამუშაოების მოწყობაზე მუნიციპალიტეტმა დახარჯა 573.6 ათასი ლარი, თუმცა შესრულებული სამუშაოები დაზიანებულია და სრულყოფილად ვერ ასრულებს თავის ფუნქციებს.

სამინისტროს სამსახურებრივი საჭიროებიდან გამომდინარე აფხაზეთის ა/რ ფინანსთა და ეკონომიკის სამინისტროსგან სარგებლობის უფლებით, მიღება-ჩაბარების აქტით უსასყიდლოდ გადმოეცა 17,839.29 ლარის ნარჩენი საბალანსო ღირებულების მქონე ავტომანქანა. ავტომობილის მიღება ბუღალტრულ რეგისტრებში შეცდომით აღირიცხა, როგორც „ქონებასთან დაკავშირებული შემოსავლები, რომელიც სადაზღვევო პოლისის მფლობელებზე ვრცელდება“ (6414), ხოლო ბალანსის დანართ ფორმა N5-ში უსაფუძვლოდ აისახა სატრანსპორტო საშუალებების ბარტერით მიღებად. დადგენილი წესის მიხედვით ძირითადი აქტივების უსასყიდლოდ მიღება უნდა აისახოს „გრანტების“ (6300) ან „სხვა შემოსავლების“ (6400) ანგარიშზე. ყოველივე აღნიშნულით ვერ იქნა უზრუნველყოფილი არაფინანსური აქტივის მიღების ოპერაციის სწორად აღრიცხვა და ფინანსურ ანგარიშგებაში შესაბამისად ასახვა

75,715 ლარის დებიტორული დავალიანების ხანდაზმულობის ვადა გასულია და ინვენტარიზაციის მასალებიდან გმომდინარე ამ დავალიანებებიდან თანხების მიღება შეუძლებელია, თუმცა საინვენტარიზაციო კომისიას დებიტორების ჩამოწერასთან დაკავშირებით გადაწყვეტილება არ მიუღია. უიმედო დებიტორული დავალიანების თანხები არ ჩამოწერილა და შესაბამისად აღირიცხული არ არის საცნობარო - „გადახდისუუნარო დებიტორების ჩამოწერილი დავალიანების“ მუხლში. შესაბამისად, ფინანსურ ანგარიშგებაში მოთხოვნების ნაწილში აქტივები 75,715 ლარით ზედმეტად არის წარმოდგენილი;

2016 წელს მუნიციპალიტეტმა სოფელ ჯოყოეთში წისქვილის მშენებლობისათვის შეიძინა 3.2 ათასი ლარის მასალები. აღნიშნული მასალები მერიამ გადასცა სოფლის მოსახლეობას, რომლებსაც საკუთარი ძალებით უნდა შეესრულებინათ დაგეგმილი პროექტი. მუნიციპალიტეტი თავის მხრივ ვალდებული იყო დაეწესებინა კონტროლი შესყიდული მასალების დროულ გამოყენებასა და პროექტის დასრულებაზე. აუდიტის ჯგუფმა მერიის წარმომადგენლებთან ერთად, ადგილზე დაათვალიერა შესრულებული სამუშაოები. დათვალიერებით გამოვლინდა, რომ წისქვილის მშენებლობა დაუსრულებელია. 2016 წელს შეძენილი მასალები გამოუყენებელი და დასაწყობებულია.

საგზაო-ინფრასტრუქტურის მოწესრიგების მიზნით, 2016 წლის აპრილში თიანეთის მუნიციპალიტეტმა შპს „ბამბინო“-სგან შეისყიდა გრუნტის ვიბროსატკეპნი, ღირებულებით 98.9 ათასი ლარი . ხელშეკრულების პირობების მიხედვით, ხელშეკრულება ძალაში იყო 2016 წლის 8 ივნისამდე, ხოლო ტექნიკის საგარანტიო ვადა შეადგენდა 1 წელს. 2016 წლის ივნისში შეძენილი ტექნიკა თხოვების ფორმით გადაეცა ა(ა)იპ „თიანეთის კეთილმოწყობისა და დასუფთავების სამსახურს“ . პასუხისმგებელი პირის განმარტებით, ვიბროსატკეპნმა სულ დაახლოებით 113 მანქანა/სთ იმუშავა, 2016 წლის აგვისტოში - ა(ა)იპ-ზე გადაცემიდან დაახლოებით 3 თვეში გამოვიდა მწყობრიდან და აღარ ფუნქციონირებდა. შესყიდვიდან 2017 წლის ნოემბრამდე პერიოდში მუნიციპალიტეტს რაიმე ქმედითი ღონისძიება საკუთარი ინტერესების დასაცავად არ გაუტარებია. პასუხისმგებელი პირების ქმედებამ ან/და უმოქმედობამ გამოიწვია ის, რომ მნიშვნელოვანი ფულადი რესურსის - 98.9 ათასი ლარის გადახდის მიუხედავად, შესყიდვით განსაზღვრული მიზანი არ არის მიღწეული: მუნიციპალიტეტს ფაქტობრივად არ უსარგებლია ტექნიკის მომსახურებით, რის გამოც მოსახლეობამ ვერ მიიღო საბიუჯეტო პროგრამით განსაზღვრული შედეგი.

მუნიციპალიტეტმა 2016-2017 წლებში სტიქიის შედეგების სალიკვიდაციოდ, მოსახლეობას გადასცა 615.9 ათასი ლარის ღირებულების მასალა, საიდანაც ნახევარზე მეტი (57.2%) არ არის გამოყენებული. მუნიციპალიტეტმა ვერ შექმნა და დანერგა მასალების გაცემის და ხარჯვის კონტროლის ისეთი მექანიზმები, რომლებიც უზრუნველყოფდა სტიქიის შედეგად მიყენებული ზარალის აღმოფხვრას და შესაძლებელი იქნებოდა საბოლოო შედეგების მიღწევა. გარდა ამისა, მასალების ნაწილი (მაგალითად ცემენტი) შეიძლება გამოსაყენებლად ვარგისი არ იყოს. შედეგად, ჩოხატაურის მუნიციპალიტეტმა 2016-2017 წლებში დახარჯა 352.3 ათასი ლარი სტიქიით მიყენებული ზიანის სალიკვიდაციო ღონისძიებებზე, თუმცა მოსახლეობამ ვერ გამოიყენა სამშენებლო მასალები და შესაბამისად, არ არის აღმოფხვრილი სტიქიის შედეგები.

სამინისტრომ ბრძანების საფუძველზე, მიღება-ჩაბარების აქტით , სარგებლობის უფლებით, შემდგომი განკარგვის მიზნით აფხაზეთის ა/რ ფინანსთა და ეკონომიკის სამინისტროს გადასცა 8,690.26 ლარის ნარჩენი საბალანსო ღირებულების მქონე ავტომობილი. ავტომობილის გადაცემა ბუღალტრულ რეგისტრებში გრანტების (7600) ანგარიშიდან გასვლის ნაცვლად , არასწორად ჩამოიწერა წმინდა ღირებულებიდან (5100), ხოლო ბალანსის დანართ ფორმა N3-ში და N5-ში არასწორად აღირიცხა, როგორც არასაოპერაციო ხარჯი (8200). აღნიშნულიდან გამომდინარე, ვერ იქნა უზრუნველყოფილი არაფინანსური აქტივის გასვლის ოპერაციის სწორად აღრიცხვა და ფინანსურ ანგარიშგებაში შესაბამისად ასახვა

3,783,863 ლარის კრედიტორულ დავალიანებას ხანდაზმულობის ვადა გასული აქვს. მიუხედავად ამისა, საინვენტარიზაციო კომისიას კრედიტორების ჩამოწერასთან დაკავშირებით შესაბამისი გადაწყვეტილება არ მიუღია9 და ისინი 2016 წლის ფინანსურ ანგარიშგებაში ირიცხებიან ბალანსზე. შედეგად, ფინანსურ ანგარიშგებაში ხანდაზმული ვალდებულებები, ჩამოწერის გარეშე, 3,783,863 ლარით ზედმეტად არის წარმოდგენილი;

2016 წელს მუნიციპალიტეტმა სოფელ ხალიფაურისა და მღვიმევის სპორტული მოედნების (ფეხბურთის სტადიონი) კეთილმოწყობისათვის შეიძინა სამშენებლო მასალები, საერთო ღირებულებით - 4.1 ათასი ლარი. აუდიტის ჯგუფმა, მერიის წარმომადგენლებთან ერთად, ადგილზე დაათვალიერა შესრულებული სამუშაოები. დათვალიერებით გამოვლინდა, რომ სპორტული მოედნების მოწყობის სამუშაოები არ არის შესრულებული.

თიანეთის მუნიციპალიტეტი 2016-2017 წლებში საკუთრებაში არსებულ სპეციალურ ტექნიკას იყენებდა არაეფექტიანად. ტექნიკის ნაწილი, კერძოდ ექსკავატორი ხელშეკრულებით გადაცემულია ა(ა)იპ - თიანეთის კეთილმოწყობისა და დასუფთავების სამსახურისათვის. ამ დროს მუნიციპალიტეტს გააჩნია მეტი საჭიროება ეს ტექნიკა ადგილობრივი წყალსადენი სისტემების მოვლა-პატრონობისათვის გამოიყენოს. შესაბამისმა ა(ა)იპ-მა ტექნიკის ქირავნობაში 2016-2017 წლებში გადაიხადა უფრო მეტი თანხა, ვიდრე ტექნიკის განმკარგავმა ა(ა)იპ-მა გაქირავებით მიიღო. გარდა ამისა, ა(ა)იპ - თიანეთის კეთილმოწყობისა და დასუფთავების სამსახურისათვის გადაცემული ტექნიკა ძირითადად დაუტვირთავია. ა(ა)იპ-ი ტექნიკას აქირავებს, ანუ იყენებს არაპირდაპირი დანიშნულებით და არღვევს მუნიციპალიტეტთან გაფორმებული თხოვების ხელშეკრულებების მოთხოვნებს. ამ პირობებში ადგილობრივი გზების მიმდინარე შეკეთებისათვის მუნიციპალიტეტმა 2016-2017 წლებში გადაიხადა 282.6 ათასი ლარი და მნიშვნელოვანი ტექნიკური ბაზა არ მიმართა შესაბამისი ეკონომიის მისაღებად. კერძოდ, სპეციალური ტექნიკის განმკარგავ ა(ა)იპ-ს აღნიშნული გზები არ შეუკეთებია და არც შესყიდვების პროცესში მიუღია მონაწილეობა. ამდენად, თიანეთის მუნიციპალიტეტს არ გააჩნია რაციონალური და ეფექტიანი მიდგომა სპეციალური ტექნიკის გამოყენების მიმართულებით.

მუნიციპალიტეტმა შპს NBG-ს გაუფორმა ხელშეკრულება, ჩოხატაურის კულტურის სახლის მშწენებლობაზე( თანხით − 1,661.9 ათასი ლარი), რომელმაც სამუშაოები არ შეასრულა . ხელშეკრულების პირობების უგულებელყოფით, მუნიციპალიტეტმა არასწორად გაიანგარიშა მიმწოდებელზე დასარიცხი ჯარიმა. შესაბამისად, სასამართლო დავა მიმწოდებელთან აწარმოა არა 16.1 ათას ლარზე, არამედ − 9.5 ათას ლარზე. საჯარიმო თანხის არასწორი გაანგარიშების გამო, ჩოხატაურის მუნიციპალიტეტმა დაკარგა 5.6 ათასი ლარის შემოსავალის მიღების შესაძლებლობა.

სამინისტრომ 2016 წლის განმავლობაში სხვადასხვა სამედიცინო დაწესებულებებს უსასყიდლოდ გადასცა 131,121.81 ლარის ღირებულების მატერიალური მარაგები. მოქმედი წესის შესაბამისად აქტივის (მატერიალური მარაგების) უსასყიდლოდ გადაცემის შემთხვევაში, ხარჯი აისახება კაპიტალური ტრანსფერის სახით, როგორც კაპიტალური გრანტი. მიუხედავად ამისა, ბუღალტრულ რეგისტრებში, ბალანსის დანართ ფორმა N3-ში და N5-ში აღნიშნული მარაგების გადაცემა არასწორად აღირიცხა, როგორც არასაოპერაციო ხარჯი (8200). აღნიშნულიდან გამომდინარე, ფინანსურ ანგარიშგებაში არსებული ინფორმაცია მატერიალური მარაგების გასვლის შესახებ ვერ ასახავდა რეალურ მდგომარეობას

ფინანსური შედეგების, ფულადი სახსრების მოძრაობის და კაპიტალში ცვლილებების შესახებ ანგარიშები არასრულად ასახავს არასაბიუჯეტო სახსრებს, რადგან მასში ასახული არ არის საქართველოს პარლამენტის აპარატის სადეპოზიტო ანგარიშზე იჯარის და ელექტრონულ აუქციონში მონაწილეობის საგარანტიო თანხები სულ 38,346 ლარის ოდენობით. აღნიშნული თანხები არა მარტო ფინანსურ ანგარიშგებაში, არამედ ბუღალტრულ აღრიცხვაშიც არ იყო ასახული - არც შემოსავლებში და არც გასავლებში. შესაბამისად, არ არის დაცული ინსტრუქციის მოთხოვნები იჯარის სააღრიცხვო პოლიტიკასთან მიმართებით. იჯარით მიღებული თანხები უნდა აღიარდეს შემოსავლად და ამავე დროს ვალდებულად ბიუჯეტის მიმართ;

2016 წელს მუნიციპალიტეტმა სოფელ ხვაშითში საზოგადოებრივი თავშეყრის ადგილის მოსაწყობად, გადაიხადა 1.7 ათასი ლარი. პასუხისმგებელი პირის მიერ წარმოდგენილი მონაცემებით, ირკვევა რომ თავშეყრის ადგილის მშენებლობა დასრულებული არ არის. მუნიციპალიტეტს სამუშაოების დასასრულებლად დამატებითი ღონისძიებები არ დაუგეგმავს.

თიანეთის მუნიციპალიტეტის მიერ სოფელ ჩეკურაანთგორის, სოფელ ღულელების და დაბა სიონის ადმინისტრაციული შენობების რეაბილიტაციის სამუშაოები შესყიდულია მნიშვნელოვანი დარღვევებით: მუნიციპალიტეტის პასუხისმგებელმა პირებმა დაადასტურეს შესრულება და ჩაიბარეს მინიმუმ 49.7 ათასი ლარის ღირებულების შეუსრულებელი და ნაკლები მოცულობით შესრულებული სამუშაოები; ხელშეკრულებით გათვალისწინებული ყველა სამუშაო არ შესრულებულა, შენობები არ არის განთავისუფლებული სამშენებლო ნარჩენებისაგან და არ გამოიყენება; მუნიციპალიტეტმა მიმწოდებელს მინიმუმ 158 დღეზე არ დაარიცხა დამატებითი საჯარიმო თანხა, რითაც დაკარგა ბიუჯეტში თანხების მობილიზების შესაძლებლობა; მუნიციპალიტეტმა არ გააგრძელა ხელშეკრულების მოქმედების ვადა და არ მოითხოვა საბანკო გარანტიის განახლება, რის გამოც მიმწოდებლის მიერ ხელშეკრულების შეუსრულებლობისათვის ბიუჯეტში ვერ მიმართა 20.8 ათასი ლარი; მუნიციპალიტეტს არ მიუმართავს მიმწოდებლისათვის დარჩენილი სამუშაოების დასრულებისა და უხარისხოდ შესრულებული სამუშაოს გამოსწორების მოთხოვნით და არ გაუტარებია სამართლებრივი ღონისძიებები ხელშეკრულების შესრულების პროცესში დაშვებული დარღვევების გამო.

2016-2017 წლებში ჩოხატაურის მუნიციპალიტეტის მიერ სამშენებლო-სარემონტო სამუშაოების განხორციელების მიზნით, გამარტივებული შესყიდვის ფორმით დადებულია 19 ხელშეკრულება, საერთო თანხით - 338.0 ათასი ლარი. სამშენებლო სამუშაოების გამარტივებული წესით შესყიდვისას ჩოხატაურის მუნიციპალიტეტის მიერ არ არის დაცული კანონმდებლობის მოთხოვნა ფაქტობრივი დანახარჯებით ანაზღაურების შესახებ. ხარჯები ანაზღაურებულია ფაქტიური დანახარჯების დოკუმენტაციის წარმოდგენის გარეშე. შესაბამისად, 338.0 ათასი ლარი წარმოადგენს შესყიდვების პროცესში შესაბამისი დოკუმენტური დასაბუთების გარეშე ანაზღაურებულ ხარჯს.

ბალანსის დანართ ფორმა N6 - ში ინფორმაცია საანგარიშო პერიოდში სატრანსპორტო საშუალებებზე გაწეული საკასო და ფაქტიური ხარჯების შესახებ წარმოდგენილი იყო არასწორად. მიუხედავად იმისა, რომ ხარჯების ჯამობრივი მაჩვენებელბი არსებითად არ განსხვავდებოდა ერთმანეთისაგან, ხარჯებში სტრუქტურული შემადგელობიდან გამომდინარე განსახვავებები არსებითი იყო. აღნიშნულიდან გამომდინარე, ფინანსურ ანგარიშგებაში სატრანსპორტო საშუალებებზე გაწეული საკასო და ფაქტიური ხარჯების შესახებ ინფორმაცია, არსებითობის გათვალისწინებით ვერ ასახავს რეალურ მდგომარეობას.

მაჟორიტარული სისტემით არჩეული პარლამენტის წევრების ბიუროების ხარჯები არასრულად არის წარმოდგენილი ფინანსურ ანგარიშგებაში კერძოდ: ფინანსური ანგარიშგება არარეალურად ასაახავს „საქონელი და მომსახურების“ ხარჯებს „წარმომაგენლობითი ხარჯების“ - ბიუროებზე გადარიცხული თანხების ნაწილში 1,181,338 ლარის ოდენობით. აღნიშნული თანხა წარმოადგენს წარმომადგენლობითი კლასიფიკაციის 2.2.4 კოდიდან გაწეულ საკასო ხარჯს და მათი ფაქტობრივ ხარჯად აღიარება უნდა მოხდეს შესაბამისი ხარჯვის დამადასტურებელი დოკუმენტების საფუძველზე;

2016-2017 წლებში ჭიათურის მუნიციპალიტეტმა შეიძინა 212.0 ათასი ლარის ღირებულების საპროექტო-სახარჯთაღრიცხვო დოკუმენტაცია, რომლის მიხედვით დაგეგმილი იყო 242 ინფრასტრუქტურული პროექტის შესრულება. 2018 წლის 1 აპრილის მდგომარეობით, გამოუყენებელია 37 ობიექტის სარეაბილიტაციოდ შეძენილი პროექტები, ღირებულებით 66.4 ათასი ლარი. შეძენილი პროექტები ითვალისწინებდა ბაღების, საყრდენი კედლების, სკვერის, შიდა ეზოების, სანიაღვრე არხების, ტროტუარების, გზების რეაბილიტაციისა და სხვა ინფრასტრუქტურულ სამუშაოებს.

თიანეთის მუნიციპალიტეტის პასუხისმგებელმა პირებმა ინფრასტრუქტურული პროექტების დაგეგმვისას ვერ გაითვალისწინეს ობიექტების დასრულებისათვის საჭირო ფინანსური რესურსები. სოფლის მხარდაჭერის პროგრამიდან მუნიციპალიტეტმა არაეფექტიანად დახარჯა 59.6 ათასი ლარი, რადგან პროექტები დაუსრულებელია და მოსახლეობა შესრულებული სამუშაოებით ვერ სარგებლობს.

მუნიციპალიტეტის მიერ სახელმწიფო შესყიდვების ერთიან ელექტრონულ ვებგვერდზე არასწორადაა შევსებული შესაბამისი ველები, ატვირთულია ხარვეზის შემცველი სატენდერო დოკუმენტაცია, რის გამოც ტენდერები შეწყდა და გამოცხადდა თავიდან. შედეგად, მუნიციპალიტეტის მიერ დაგეგმილი ინფრასტრუქტურული პროექტები მოსახლეობას მიეწოდა დაგვიანებით. სახელმწიფო შესყიდვების ერთიან ელექტრონულ ვებ-გვერდზე მუნიციპალიტეტის მიერ ატვირთული ხელშეკრულების პროექტში ასახული პირობები განსხვავებულია მიმწოდებელთან გაფორმებული ხელშეკრულების პირობებისგან, რაც იწვევს არაკონკურენტული გარემოს შექმნას.

სამინისტროსთვის სარგებლობის უფლებით გადაცემული შენობა-ნაგებობის მე-3 სართულის (სულ 800 კვ.მ) გარკვეულ ფართზე ყოველგვარი სამართლებრივი (კანონიერი) საფუძვლის გარეშე, სამინისტროსთან ერთად განთავსებული იყო და ფუნქციონირებდა: 1) 48 კვ.მ ფართზე საკუთარი საოფისე ინვენტარით აფხაზეთის ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტის მმართველობის სფეროში შემავალი სსიპ - გამწვანებისა და გარემოსდაცვითი პროექტების სააგენტოს ოკუპირებულ ტერიტორიაზე სანიტარიის, ვეტერინარიისა და მცენარეთა დაცვის მონიტორინგისა და რეაგირების სამსახური; 2) 37 კვ.მ ფართზე საკუთარი საოფისე ინვენტარით საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს ფართის დაკანონების და განცხადებების მიღების განყოფილება. ამდენად, იმის გამო, რომ მოქმედი კანონმდებლობით არ განხორციელებულა სახელმწიფო საკუთრებაში არსებული ქონების უსასყიდლოდ ან სასყიდლით (ქირით, იჯარით) გადაცემა, ადგილი ჰქონდა სახელმწიფო საკუთრებაში არსებული ქონების არამართებულად და არამიზნობრივად განკარგვას.

არასწორად არის ხარჯებში ჩამოწერილი და შესაბამისად ფინანსურ ანგარიშგებაში ასახული მაჟორიტარული სისტემით არჩეული პარლამენტის წევრების ბიუროებზე გადარიცხული თანხების ნაშთები რამაც 2016 წლის 1-ლი იანვრისა და 2016 წლის 31 დეკემბრის მდგომარეობით შეადგინა 490,501 ლარი და 335,045 ლარი. აღნიშნული თანხები - საბანკო ანგარიშებზე დარჩენილი ნაშთები აკმაყოფილებს აქტივად აღიარების კრიტერიუმებს და უნდა ირიცხებოდეს ბალანსში აქტივებად (მოთხოვნების ანგარიშებზე). აგრეთვე, მაჟორიტარების ბიუროების მიერ გამოუყენებელი და ბიუჯეტში დაბრუნებული თანხები 284,418 ლარის ოდენობით აღრიცხულია და ფინანსურ ანგარიშგებაში ასახულია ხარჯებში, მაშინ როდესაც აღრიცხული უნდა იყოს როგორც ბიუჯეტში დაბრუნებული გამოუყენებელი თანხები ან ხარჯების შემცირება და არა როგორც ფაქტობრივი ხარჯები;

ჭიათურის მუნიციპალიტეტმა „სოფლის მხარდაჭერის პროგრამის“ ფარგლებში, გამოყოფილი თანხების მნიშვნელოვანი ნაწილი დახარჯა სარიტუალო დარბაზების მშენებლობისთვის, რომელშიც 2016 წელს გადახდილია 390.4 ათასი ლარი. აუდიტის ჯგუფმა მერიის წარმომადგენლებთან ერთად, დაათვალიერა შესრულებული სამუშაოები . შედეგად, გამოვლინდა, რომ 20 სარიტუალო დარბაზი , რომელშიც 2016-2017 წლებში გადახდილია 216.7 ათასი ლარი, დაუსრულებელია და არ ფუნქციონირებს.

ინფრასტრუქტურული პროეტებისათვის თიანეთის მუნიციპალიტეტში არ მუშაობს საგარანტიო პერიოდში არსებული ხარვეზების გამოვლენისა და გამოსწორების მექანიზმი, რომელიც უნდა უზრუნველყოფდეს შესყიდვის ობიექტის ხარისხობრივი მაჩვენებლების შესაბამისობას სრული საგარანტიო ვადის მანძილზე. შესრულებული სამუშაოების ხარისხის უზრუნველყოფის პროცესში დაშვებული ნაკლოვანებების შედეგად, თიანეთის მუნიციპალიტეტში 2016-2017 წლებში განხორციელებული ინფრასტრუქტურული პროექტების ნაწილი დაზიანებულია, რითაც სრულად ვერ იქნა მიღწეული პროგრამით გათვალისწინებული მიზნები.

2016-2017 წლებში ჩოხატაურის მუნიციპალიტეტში ბიუჯეტში შემოსულია14.5 ათასი ლარის დასუფთავების მოსაკრებელი, რომლი ამოღებაზე დაიხარჯა 13.3ათასი ლარი. მოსაკრებლის ამოღებასთან დაკავშირებით მუნიციპალიტეტის მიდგომა ვერ უზრუნველყოფს დასუფთავების მოსაკრებლის სახით მისაღები შემოსავლის სრულად მობილიზებას, რომლის ამოღება შესაძლებელი იქნებოდა შესაბამისი ღონისძიებების ჩატარების შემთხვევაში. შედეგად მოსაკრებლების ამოღებაზე გაწეული ხარჯი და მიღებული შემოსავალი თითქმის ერთმანეთის ტოლია.

მოქმედი კანონმდებლობის თანახმად, შტატგარეშე მოსამსახურე არის პირი, რომელიც დანიშვნით ან შრომითი ხელშეკრულებით გარკვეული ვადით მიიღება სამსახურში არამუდმივ ამოცანათა შესასრულებლად. თუმცა, შტატგარეშე მომუშავეთა დასაქმება ხდებოდა არა დროებით, არამედ ხანგრძლივი პერიოდით მუდმივი ხასიათის სამუშაოების შესასრულებლად. კერძოდ, სამინისტროში 6 შტატგარეშე პირი (მძღოლის და დამლაგებლის გარდა) აყვანილი იყო 2016 წელს ხანგრძლივი პერიოდის განმავლობაში (6-12 თვე) მუდმივ ამოცანათა შესასრულებლად და მათზე ანაზღაურდა - 37,261.00 ლარი (თვეში საშუალოდ 600-870 ლარი). ამასთან, შტატგარეშე მომუშავეებთან გაფორმებული შრომითი ხელშეკრულებების ანალიზით გაირკვა, რომ 2016 წლის განმავლობაში მომუშავე 6 შტატგარეშე მოსამსახურე სამინისტროში მუშაობდა 2015 წელსაც (7-11 თვით) და ყველა მათგანი ასრულებდა მათზე თავდაპირველად დაკისრებულ სამუშაოებს (მოვალეობებს). შტატგარეშე მომუშავეებთან გაფორმებული შრომითი ხელშეკრულებებით შესასრულებელი სამუშაოს შესახებ ანგარიშის წარდგენის ფორმა განსაზღვრული არ ყოფილა, შესრულებული სამუშაოს შესახებ ანგარიში წლის განმავლობაში წარმოდგენილი ჰქონდა მხოლოდ 2 პიროვნებას, ხოლო სხვა შემთხვევებში სამინისტროს აპარატში არსებულ კორესპოდენციაში, რაიმე ტიპის ოფიციალური დოკუმენტი (მოხსენებითი ბარათი, სამსახურებრივი ბარათი და სხვ.) რომლითაც დადასტურდებოდა შტატგარეშე მოსამსახურეების მიერ შესრულებული კონკრეტული სამუშაოს (მომსახურების) შედეგი და აქედან მიღებული სარგებელი არ ფიქსირდება. ყოველივე ზემოაღნიშნულიდან გამომდინარე ფაქტობრივად ვერ დასტურდება (ვერ დგინდება) შტატგარეშე მომუშავეთა დასაქირავებლად გახარჯული სახსრების ეკონომიური, ეფექტიანი და პროდუქტიული მართვა

2016 წელს მარტვილის მუნიციპალიტეტმა (შესაბამისმა პასუხისმგებელმა პირებმა) 12 შემთხვევაში ხელშეკრულებები გააფორმა და შტატგარეშე მოსამსახურეები დაიქირავა. ხელშეკრულებები ძირითადად მოქმედებდა მთელი წლის პერიოდისთვის და შრომით ურთიერთობებს ფაქტობრივად მუდმივ ამოცანათა შესასრულებლად აწესრიგებდა. აღნიშნული წინააღმდეგობაშია შტატგარეშე მოსამსახურის დაქირავების პრინციპთან. მითითებული შრომითი ხელშეკრულებების შესაბამისად, 2016 წელს ანაზღაურების სახით გაიცა 66.2 ათასი ლარი.

არასწორად არის კლასიფიცრებული და ასახული ფინანსურ ანგარიშგებაში: 2016 წლის 31 დეკემბრის მდგომარეობით მოკლევადიანი ვალდებულებები 250,716 ლარის ოდენობით როგორც გრძელვადიანი ვალდებულებები;

2016 წელს ჭიათურის მუნიციპალიტეტმა შპს „გლ ინვესტისაგან“ შეისყიდა სოფელ ზოდის გზის სარეაბილიტაციო სამუშაოები, ღირებულებით 978.8 ათასი ლარი . მუნიციპალიტეტმა ინსპექტირების ჯგუფისა და ექსპერტიზის დადებითი დასკვნის საფუძველზე ჩაიბარა და მიმწოდებელს სრულად აუნაზღაურა შესრულებული სამუშაოების ღირებულება. აუდიტის ჯგუფმა 2018 წლის 9 მარტს მუნიციპალიტეტის წარმომადგენლებთან ერთად დაათვალიერა გზის სარეაბილიტაციო სამუშაოები. დათვალიერებით გამოვლინდა, რომ სოფელ ზოდში გზის ზოგიერთი მონაკვეთი დაზიანებულია, აღენიშნება ბზარები და ჩამოშლილია სავალი გზის გვერდითი ნაწილები.

თიანეთის მუნიციპალიტეტმა სოფელ ზენამხარის გზის შეკეთების სამუშაო გამარტივებული წესით შეისყიდა შესაბამისი დოკუმენტური დასაბუთების გარეშე და ზედმეტად აანაზღაურა 0.5 ათასი ლარი.

ჩოხატაურის მუნიციპალიტეტმა 2016-2017 წლებში მუნიციპალიტეტის საკრებულოს არათანამდებობის პირებზე ხარჯების ასანაზღაურებლად 221.1 ათასი ლარი გასცა შესაბამისი დადასტურების გარეშე, საბიუჯეტო პროცესთან დაკავშირებული მარეგულირებელი საკანონმდებლო ნორმების შეუსაბამოდ, ხარჯების დამადასტურებელი დოკუმენტების გარეშე.

ელექტრონულ ტერნდერში გამოცხადებულ ფასზე 20%-ით და 20%-ზე დაბალი ფასი დაფიქსირდა 10 მომწოდებლის მიერ. სატენდერო დოკუმენტაციაში ფასწარმოქმნის ადეკვატურობის დასაბუთების ვალდებულების არსებობის მიუხედავად, სამინისტროს მიერ 3 შემთხვევაში პრეტენდენტისაგან არ იყო მოთხოვნილი, ხოლო მომწოდებლისგან წარმოდგენილი ფასწარმოქმნის ადეკვატურობის დასაბუთება. ამდენად, სახელმწიფო შესყიდვების კუთხით აუდიტის შედეგად გამოვლენილი ნაკლოვანებები მიუთითებს სახელმწიფო შესყიდვების პროცესში ფინანსური მართვისა და კონტროლის სისტემის სისუსტეზე, რის გამოც ფაქტობრივად ვერ იქნა უზრუნველყოფილი კანონმდებლობით დადგენილი მოთხოვნების სრული დაცვა.1

მუნიციპალიტეტსა და შტატგარეშე მოსამსახურეებს შორის გაფორმებული ხელშეკრულებები არ ითვალისწინებდა დაქირავებული პირების წახალისებას, მიუხედავად ამისა, 8 პირზე გაცემულია სარვამარტო პრემია - 1.0 ათასი ლარის ოდენობით.

არასწორად არის კლასიფიცრებული და ასახული ფინანსურ ანგარიშგებაში: შტატგარეშე მომუშავეებზე გაცემული დანამატი 32,625 ლარის ოდენობით ნაცვლად „საქონელი და მომსახურების“ მუხლისა გაწეულია და აღრიცხულია შრომის ანაზღაურების დანამატის მუხლში;

2017 წლის 27 ოქტომბერს და 2 ნოემბერს ჭიათურის მუნიციპალიტეტმა ხელშეკრულებები გააფორმა შპს „არტ მშენთან“ საერთო ღირებულებით 37.2 ათასი ლარი. ხელშეკრულება ითვალისწინებდა მუნიციპალიტეტის 20 სოფელში შიდა გზების მოხრეშვითი სამუშაოების შესრულებას. შესასრულებელი სამუშაოების ხარჯთაღრიცხვებში ინერტული მასალის ფასი არ იყო გათვალისწინებული, ვინაიდან მიმწოდებელს უნდა გამოეყენებინა მუნიციპალიტეტის სარგებლობაში არსებული კარიერის მასალა. ამასთან, ხარჯთაღრიცხვაში არ იყო მითითებული ინერტული მასალის ფრაქციის ზომა. შედეგად, მიმწოდებელმა 10 სოფელში შეიტანა არაგონივრულად დიდი ფრაქციის ინერტული მასალა (ქვის ლოდები), ხოლო დანარჩენ სოფლებში სამუშაოები არც დაწყებულა.მიუხედავად იმისა, რომ მუნიციპალიტეტს ხელშეკრულებით განსაზღვრული თანხა არ აქვს გადახდილი და სამუშაოებზე მიღება-ჩაბარების აქტები არ გაფორმებულა, სამუშაოები შეუსრულებელია, შედეგად სოფლის გზებზე არსებული პრობლემა მოუგვარებელია.

2016 წლის 18 მარტს თიანეთის მუნიციპალიტეტმა ელექტრონული ტენდერი გამოაცხადა სოფელ ახალსოფლის, სოფელ ჩაბანოსა და სოფელ ნაქალაქრის საბავშვო ბაღების რეაბილიტაციის სამუშაოების შესყიდვასთან დაკავშირებით. ტენდერში გამარჯვებულად გამოცხადდა და ხელშეკრულება გაუფორმდა შპს „ნიკარემსტროის ფილიალს საქართველოში“ - ღირებულებით 364.0 ათასი ლარი . მუნიციპალიტეტის მიერ წარმოდგენილი ინფორმაციის მიხედვით, საკითხის შესწავლა მიმდინარეობს სამართალდამცავი ორგანოების მიერ. აუდიტის მიმდინარეობისას საგამოძიებო მოქმედებები დასრულებული არ იყო, თუმცა გამოძიების ფარგლებში დანიშნული ექსპერტიზით გამოვლენილია 123.2 ათასი ლარის შეუსრულებელი სამუშაოები.

2016-2017 წლებში ჩოხატაურის მუნიციპალიტეტის (შესაბამისი პასუხისმგებელი პირების) მიერ არ არის გათვალისწინებული საქართველოს ორგანული კანონით დადგენილი მოთხოვნები შტატგარეშე მოსამსახურეთა შესახებ. მუნიციპალიტეტში დაქირავებულ შტატგარეშეთა რაოდენობა აღემატებოდა კანონით დადგენილ ნორმას, 2016 წელს 5-6 ერთეულით, 2017 წლის პირველ ნახევარში 4-5 ერთეულით შემდგომ1-2 ერთეულით. ამასთან შტატგარეშე პირები დასაქმებულია მუდმივ ამოცანათა შესასრულებლად. შედეგად, მუნიციპალიტეტმა არ დაიცვა საბიუჯეტო სახსრების რაციონალური და გონივრული ხარჯვის პრინციპები.

 სამინისტროს 2016 წლის ფინანსური ანგარიშგების ფორმა N1-ში საცნობარო მუხლში არსებული ინფორმაცია „ამორტიზებული ძირითადი აქტივების“ (08) შესახებ წარმოდგენილი იყო - 14,817.76 ლარით, ხოლო „ექსპლუატაციაში მყოფი ხარჯებში ჩამოწერილი გრძელვადიანი მცირეფასიანი აქტივების“ (10) შესახებ - 5,685.22 ლარით ნაკლები თანხით, ამასთან ბალანსში ასახული ინფორმაცია მუხლზე „მანქანა-დანადგარები და ინვენტარი“ (2120) ასევე წარმოდგენილი იყო 163.81 ლარით შემცირებული ოდენობით;  სამინისტრომ 2016 წლის განმავლობაში მიიღო ჯამში - 26,005.86 ლარის ღირებულების გრძელვადიანი მცირეფასიანი აქტივები. აღნიშნული აქტივების ასახვა მოხდა ფინანსური ანგარიშგების ფორმა N1-ში საცნობარო მუხლში "ექსპლუატაციაში მყოფი ხარჯებში ჩამოწერილი გრძელვადიანი მცირეფასიანი აქტივები" (10), თუმცა ბუღალტრულ რეგისტრებში და ბალანსის დანართ ფორმა N3-ში და N5-ში მათი მიღება-გასვლა არ აღრიცხულა .  სამინისტროს სარგებლობის უფლებით გადმოეცა ქ. თბილისში მ. თამარაშვილის ქ. N15ა-ში მდებარე შენობის პირველ სართულზე არსებული 15.08 კვ/მ ოთახი ღირებულების გარეშე. აღნიშნული ფართის ბალანსზე აღრიცხვა მოხდა 2016 წლის მე-3 კვარტალში თანხით - 12,383.69 ლარი. 2015 წლის მე-2 კვარტალში სამინისტროს ბალანსზე ერიცხებოდა ზემოაღნიშნული შენობის პირველ სართულზე არსებული 581.62 კვ/მ ფართი პირვანდელი ღირებულებით - 477,633.80 ლარი. აღნიშნულის გათვალისწინებით სამინისტრომ (ექსპერტის დასკვნის გარეშე ) თავად განსაზღვრა 1კვ/მ ფართის პირვანდელი ღირებულება - 821.20 ლარით და შესაბამისად 15,08 კვ/მ ფართი ბალანსზე აყვანილ იქნა - 12,383.69 ლარის ოდენობით .  ბალანსის დანართ ფორმა N3-ში და N5-ში „არასაოპერაციო შემოსავლის“ (8100) ნაცვლად , „სხვა შემოსავლების“ (6400) მუხლით აღრიცხული იყო დამოუკიდებელი შემფასებლის დასკვნების საფუძველზე, ინვენტარიზაციის შედეგად ზედმეტობად გამოვლენილი უძრავი ქონება ჯამური ღირებულებით 2,307,033.62 ლარი ;  ფინანსური ანგარიშგების ფორმა N7-ში ინფორმაციულად არ იყო ნაჩვენები ფორმა N1-ში ასახული 1,643,672.92 ლარის ღირებულების დანაკლისები, რაც წარმოადგენდა რუსული აგრესიის შედეგად კოდორის ხეობაში (ზემო აფხაზეთში) დარჩენილ ქონებას. გარდა აღნიშნულისა, ბალანსში ფორმა N1-ში ნაჩვენები ვალდებულებები ჯამური თანხით 3,180.00 ლარი (გადასახდელი საშემოსავლო გადასახადი (3242) – 636.00 ლარი და შტატით მომუშავეთათვის დარიცხული ხელფასები (3251) – 2,544.00 ლარი) ინფორმაციულად არ იყო წარმოდგენილი ბალანსის დანართი ფორმა N8-ში კრედიტორული დავალიანებად.

ადგილობრივი თვითმმართველობის კოდექსის შესაბამისად, შტატგარეშე მოსამსახურეთა რაოდენობა მარტვილის მუნიციპალიტეტისათვის არ უნდა აღემატებოდეს 14 ერთეულს. წარმოდგენილი ინფორმაციის შესწავლით გამოვლინდა, რომ მუნიციპალიტეტის მიერ 2016 წელს არ არის დაცული კოდექსით დაწესებული ზღვარი. კერძოდ, 2016 წლის განმავლობაში დაქირავებულ შტატგარეშეთა რაოდენობა იყო 17-19, რაც აღემატება კანონით დადგენილ ნორმას.

არასწორად არის კლასიფიცრებული და ასახული ფინანსურ ანგარიშგებაში: 2016 წლის 31 დეკემბრის მდგომარეობით, მატერიალური ფასეულობების ღირებულება 10,776,744 ლარის ოდენობით არასწორად მიკუთვნებულია და აღრიცხულია ბალანსის „შენობა - ნაგებობების“ მუხლში, რომლებიც ფუნქციური დანიშნულებისა და მომსახურების ვადებიდან გამომდინარე, არ წარმოადგენს პარლამენტის შენობა-ნაგებობების განუყოფელ ნაწილს. აღნიშნულიდან გამომდინარე, ისინი ექვემდებარება „მანქანა-დანადგარებისა და ინვენტარის“ მუხლში აღრიცხვას და ცვეთის დარიცხვის შესაბამისი - განსხვავებული ნორმების მიხედვით.

2016 წელს ჭიათურის მუნიციპალიტეტმა ტენდერის საშუალებით შპს „ტყვიავისაგან“ შეისყიდა ჭიათურაში მდებარე პირველი, მეორე, მეოთხე და მეშვიდე საბავშვო ბაღების სარეაბილიტაციო სამუშაოები, ღირებულებით 374.2 ათასი ლარი. წარმოდგენილი დოკუმენტებით, პროექტი ჩაიბარა ინსპექტირების ჯგუფმა, რითაც დაადასტურა სამუშაოების შესაბამისობა ხელშეკრულებით განსაზღვრულ მოთხოვნებთან. ხელშეკრულება ითვალისწინებდა შესრულებულ სამუშაოებზე ექსპერტიზის ჩატარებას. აღსანიშნავია, რომ ექსპერტიზა განხორციელებულია მხოლოდ მოცულობებზე, ხოლო ხარისხი შემოწმებულია ვიზუალური დათვალიერებით. აუდიტის ჯგუფმა ადგილზე დაათვალიერა შესრულებული სამუშაოები. დათვალიერების შედეგად გამოვლინდა, რომ პროექტი შესრულებულია უხარისხოდ. საბავშვო ბაღების ოთახების უმრავლესობაში კედლებიდან ჩამოყრილია ბათქაში და საღებავი, დაზიანებულია იატაკი და სხვა.

თიანეთის მუნიციპალიტეტს ყოველწლიურად უნდა ჩაეტარებინა აქტივებისა და ვალდებულებების ინვენტარიზაცია. მუნიციპალიტეტმა ვერ წარმოადგინა ინვენტარიზაციის მასალები 2016 წლისათვის, რითაც დარღვეულია მოქმედი კანონმდებლობის მოთხოვნები. 2017 წელს თიანეთის მუნიციპალიტეტის მერის ბრძანების საფუძველზე შეიქმნა საინვენტარიზაციო კომისია, რომელსაც 2017 წლის 1 დეკემბრიდან 31დეკემბრამდე პერიოდში დაევალა თიანეთის საკუთრებაში არსებული (ბალანსზე რიცხული) ქონების ინვენტარიზაცია. კომისიამ ინვენტარიზაციის მასალები მუნიციპალიტეტის მერს წარუდგინა 2018 წლის 13 თებერვალს და გამოავლინა შემდეგი ხარვეზები : • ადგილზე ვერ მოიძებნა მუნიციპალიტეტის ბალანსზე რიცხული 3 ერთეული მზის ენერგობატარეა და 1 ერთეული სახერხი დაზგა; • არ მოიძებნა „გაზ 53 ბ“ და „ზილ 130“ მარკის ავტომობილები.

ჩოხატაურის მუნიციპალიტეტის მიერ დარღვეულია მთავრობის მიერ სამსახურებრივი უფლებამოსილების განსახორციელებლად დაშვებული ავტომანქანების ზღვრული ოდენობა: 2016-2017 წლებში ნორმით გათვალისწინებული 5 სამორიგეო მანქანისა იყენებდა 10 ავტომანქანას. გარდა სამორიგეო ავტომანქანებისა, მუნიციპალიტეტი სარგებლობდა და საწვავს გასცემდა თანამშრომლების საკუთრებაში არსებულ ავტომანქანებზე. 2016 წელს 45 ავტომანქანაზე, ხოლო 2017 წელს - 78 ავტომანქანაზე.

 სამინისტროსთვის საქართველოს ეკონომიკისა და მდგრადი განვითარების სამინისტროდან სარგებლობის უფლებით გადმოცემულ შენობა-ნაგებობის ფართებსა და მიწის ნაკვეთებზე, ყოველგვარი სამართლებრივი (კანონიერი) საფუძვლის - სამინისტროს შესაბამისი ინდივიდუალურ-სამართლებრივი აქტის (ბრძანების) გარეშე, ქონების სარგებლობის უფლებით გადაცემის დადგენილი წესის მოთხოვნათა შეუსაბამოდ, აუდიტის პერიოდში განთავსებული იყო და ფუნქციონირებდა სამინისტროს 100 %-იანი წილობრივი მონაწილეობით დაფუძნებული შეზღუდული პასუხიმგებლობის საზოგადოებები (შპს). კერძოდ: • დაბა წყნეთში არსებულ შენობა-ნაგებობასა და მასზე დამაგრებული მიწის ნაკვეთზე საერთო ფართით - 599 კვ/მ, განთავსებული იყო და ფუნქციონირებდა შპს საოჯახო მედიცინის ცენტრი ,,ცხუმი“; • ქ. წყალტუბოში 26 მაისის ქ. N17-ში მდებარე შენობა-ნაგებობასა და მასზე დამაგრებული მიწის ნაკვეთზე საერთო ფართით - 1383,5 კვ/მ, განთავსებული იყო და ფუნქციონირებდა შპს „იგპ წყალტუბოს პოლიკლინიკა“; • აფხაზეთის ა/რ ეკონომიკის მინისტრის ბრძანების შესაბამისად შპს ,,ავტოტრანსსერვისს“ დაევალა ქ. თბილისის მეველის ქ. 17-ში მდებარე სამინისტროს სარგებლობაში არსებული უძრავი ქონების (2,369.00 კვ/მ მიწის ნაკვეთი და მასზე დამაგრებული შენობა-ნაგებობები N1,N2,N3) საკომუნიკაციო ინფრასტრუქტურის მოწყობა, მოვლა-შენახვა და კომუნალური გადასახადების გადახდა. როგორც გაირკვა, შპს ,,ავტოტრანსსერვისი“ ზემოაღნიშნულ ქონებას ყოველგვარი საფუძვლის გარეშე იყენებდა სამეწარმეო (კომერციული) საქმიანობისათვის. კერძოდ, სახელმწიფო შენობა-ნაგებობები იჯარით (ქირით) ჰქონდა გადაცემული სხვადასხვა იურიდიულ (ფიზიკურ) პირებზე და მოქმედი კანონმდებლობის მიხედვით არ აწარმოებდა საბაზრო ღირებულების შესაბამისად სარგებლობაში გადაცემის საფასურის ბიუჯეტში გადახდას.  სამინისტროს 2016 წელს ბალანსზე ერიცხებოდა 2014 წლის მაისში სარგებლობაში გადმოცემული მდ. ენგურის მარცხენა სანაპიროზე მდებარე მიწის ნაკვეთები სოფ. რუხში 321,76 ჰა და სოფ. რიყეში 95,08 ჰა . აღნიშნული მიწების გადმოცემის მოთხოვნის არგუმენტად მოყვანილი იყო აფხაზეთიდან იძულებით გადაადგილებულ პირთა დასაქმებისა და სოციალურ-ეკონომიკური პირობების გაუმჯობესების მიზნით, აფხაზეთის ა/რ სოფლის მეურნეობის დეპარტამენტის მიერ აფხაზეთის ა/რ მთავრობის ხელმძღვანელობასთან შეთანხმებით, შემუშავებული 7 ბიზნესპროექტი (რაც მოწონებული იქნა ,,გამყოფი ხაზის მდებარე სოფლებში დაზარალებული მოსახლეობის საჭიროებაზე რეაგირების დროებითი სამთავრობო კომისიის“ მიერ). 2016 წლის განმავლობაში, ისევე როგორც წინა პერიოდში, ზემოაღნიშნული მიწებზე ფაქტობრივად არცერთი ბიზნესპროექტი არ განხორციელებულა.

2016 წლის 23 იანვარს მუნიციპალიტეტმა შტატგარეშე მოსამსახურე დაიქირავა ტურიზმის საინფორმაციო ცენტრის სპეციალისტად. ტურიზმის საინფორმაციო ცენტრი სსიპ - საქართველოს ტურიზმის ეროვნული ადმინისტრაციის ტერიტორიული ორგანოა. მიზანშეწონილია, მუნიციპალიტეტმა შეზღუდული ფინანსური რესურსები პირველ რიგში გამოიყენოს საკუთარი საქმიანობის ორგანიზებისა და უფლებამოსილებების განსახორციელებლად.

2016-2017 წლებში ჭიათურის მუნიციპალიტეტმა მიმწოდებლებთან გააფორმა 9 ისეთი ხელშეკრულება, რომლის ფარგლებში, მერია მიმწოდებლებს უხანგრძლივებდა სამუშაოების შესრულების ვადებს და არ იყენებდა ხელშეკრულებით განსაზღვრულ საჯარიმო სანქციას. ამდენად მუნიციპალიტეტში არსებული პრაქტიკით მიმწოდებლებს არაობიექტური მიზეზებით უხანგრძლივდებათ მიწოდების ვადა, რაც ატარებს სისტემურ ხასიათს. მუნიციპალიტეტმა აღნიშნულ 9 შემთხვევაში არ გამოიყენა საჯარიმო სანქცია და ზიანი მიადგა მის ინტერესებს, რის შედეგადაც მოსახლეობას დროულად ვერ მიეწოდა ინფრასტრუქტურული პროექტები, ხოლო მუნიციპალიტეტმა დაკარგა დამატებით 8.3 ათასი ლარის შემოსავლების მიღების შესაძლებლობა.

2016-2017 წლებში თიანეთის მუნიციპალიტეტმა წარმომადგენლობითი და აღმასრულებელი ორგანოების მოსამსახურეთა ქვეყნის ფარგლებს გარეთ მივლინებისას, 5 შემთხვევაში დახარჯა 5.1 ათასი ლარი . მუნიციპალიტეტს არ აქვს დანერგილი პრაქტიკა განიხილოს მივლინებით მიღწეული შედეგები, დასახულ მიზნებთან დაკავშირებით. მივლინებული პირების მიერ არ არის მომზადებული ანგარიში მივლინების მიმდინარეობის, შედეგებისა და სხვა მნიშვნელოვანი საკითხების შესახებ. მუნიციპალიტეტმა ვერ წარმოადგინა დოკუმენტური მტკიცებულება იმისა, თუ რა დამატებითი ცოდნა ან გამოცდილება მიიღეს მივლინებაში მყოფმა პირებმა და გაუზიარეს თუ არა ის სხვა საჯარო მოსამსახურეებს.

2016-2017 წლებში ჩოხატაურის მუნიციპალიტეტმა შეისყიდა 9.6 ათასი ლარის საკონსულტაციო მომსახურება, მაგრამ ვერ დაასაბუთა რა აუცილებელი საჭიროებით იყო განპირობებული საკონსულტაციო მომსახურების შესყიდვა. ამ პერიოდში მუნიციპალიტეტმა შეისყიდა აგრეთვე 3.0 ათასი ლარის გარე აუდიტების მომსახურება, რომელიც მოიცავდა ბიუჯეტის შესრულების სტატისტიკურ მიმოხილვას და არ იძლევა რამე ღირებულ ინფორმაციას. ამასთან მუნიციპალიტეტს აუდიტების მოწვევა, შეეძლო მისი ორგანოების საქმიანობის შესამოწმებლად. ამდენად მუნიციპალიტეტმა გასწია 12.6 ათასი ლარის არაგონივრული ხარჯი.

სამინისტრო სახელმწიფო კონტროლს ახორციელებს შემდეგ საჯარო სამართლის იურიდიულ პირებზე (სსიპ): 1. სსიპ აფხაზეთიდან იძულებით გადაადგილებულ პირთა სტაჟირების, კვალიფიკაციის ამაღლებისა და დასაქმების ხელშეწყობის ცენტრის - ბიზნეს- ინკუბატორი; 2. სსიპ აფხაზეთის ავტონომიური რესპუბლიკის საინფორმაციო უზრუნველყოფის ცენტრი; 3. სსიპ აფხაზეთის გეოლოგიისა და მინერალური რესურსების სააგენტო. დადგინდა, რომ ზემოხსენებული სსიპ-ების მიერ წარმოდგენილი ფინანსური ანგარიშგებები მოქმედი კანონმდებლობის შესაბამისად როგორც წინა წლებში, ისე გასულ წელსაც არ შემოწმებულა სახელმწიფო კონტროლის განმახორციელებელი ორგანოს დანიშნული დამოუკიდებელი აუდიტორის მიერ

2016 წელს, მარტვილის მუნიციპალიტეტი სამსახურებრივი უფლებამოსილების განსახორციელებლად სარგებლობდა ბალანსზე რიცხული 5 სამორიგეო და თანამშრომლების საკუთრებაში არსებული 59-61 ავტომანქანით. მუნიციპალიტეტის მიერ დამტკიცებული საწვავის მოხმარების ლიმიტების შესაბამისად, 2016 წელს აღნიშნულ ავტომანქანებზე დაიხარჯა 75.0 ათასი ლარის, მათ შორის, თანამშრომლების პირად საკუთრებაში არსებულ სატრანსპორტო საშუალებებზე - 62.6 ათასი ლარის ღირებულების საწვავი. ამდენად, მარტვილის მუნიციპალიტეტის მიერ სამსახურებრივი უფლებამოსილების განსახორციელებლად გამოყენებული სატრანსპორტო საშუალებების რაოდენობა რამდენჯერმე აღემატება მთავრობის დადგენილებით რეკომენდებულ ზღვრულ ოდენობას.

2016 წელს ჭიათურის მუნიციპალიტეტმა სოფელ თაბაგრების საბავშვო ბაღის სარეაბილიტაციო სამუშაოებზე გამოაცხადა ტენდერი . შესყიდვის სავარაუდო ღირებულება შეადგენდა 31.7 ათას ლარს. ტენდერში ყველაზე დაბალი ფასი 25.4 ათასი ლარი დააფიქსირა შ.პ.ს „ზმ ჯგუფმა“. პრედენდენტს სისტემაში ატვირთული არ ქონდა სატენდერო დუკუმენტაციით განსაზღვრული ყველა დოკუმენტი. სატენდერო კომისიამ პრეტენდენტს არ დააზუსტებინა ტექნიკური დოკუმენტაცია და მიანიჭა დისკვალიფიკაცია. მოქმედი კანონმდებლობის მიხედვით სატენდერო კომისიამ არ უნდა მიანიჭოს პრეტენდენტს დისკვალიფიკაცია, თუ მის მიერ სისტემაში ატვირთული ტექნიკური დოკუმენტაციის დაზუსტება არ გამოიწვევს არსებით ცვლილებას ან/და არ გაზრდის წინადადების ფასს. შესაბამისად, სატენდერო კომისიამ ტენდერში მონაწილე შ.პ.ს „ზმ ჯგუფს“ კანონმდებლობის დარღვევით მიანიჭა დისკვალიფიკაცია.

თიანეთის მუნიციპალიტეტის მიერ ქვეყნის ფარგლებს გარეთ მივლინებებზე ავანსის სახით გაცემული და უკან დაბრუნებულია სადღეღამისო ხარჯები 12.3 ათასი ლარის ოდენობით . მივლინებაში იმყოფებოდნენ როგორც თიანეთის მუნიციპალიტეტის გამგეობის, ასევე საკრებულოს წარმომადგენლები. საავანსო თანხების აუთვისებლობა განაპირობა იმან, რომ მიმღებმა მხარემ მივლინების პერიოდში სრულად აანაზღაურა როგორც კვების, ასევე სხვა სადღეღამისო ხარჯები. მოწოდებული ინფორმაციის მიხედვით, ქვეყნის ფარგლებს გარეთ მივლინებისთვის ჩარიცხული თანხა უკან დააბრუნა 6-მა მივლინებულმა პირმა. როგორც დოკუმენტაციის შესწავლით გამოვლინდა, 4 შემთხვევაში თანხის დაბრუნება განხორციელდა კანონმდებლობით განსაზღვრული 60 - დღიანი ვადის დარღვევით.

ჩოხატაურის მუნიციპალიტეტის 2 თანამშრომელი დასაქმებულია საზოგადოებრივ ცენტრებში, რომლებიც ანგარიშვალდებული არიან იუსტიციის სამინისტროს მიმართ. აღნიშნულ პირებზე 2016 წელს გაწეულმა ხარჯებმა (შრომის ანაზღაურება, მივლინება) შეადგინა 17.4 ათასი ლარი, 2017 წელს კი − 14.8 ათასი ლარი, სულ: 32.2 ათასი ლარი. იუსტიციის საზოგადოებრივ ცენტრში დასაქმებული 2 (ორი) თანამშრომლის მიერ გაწეული საქმიანობა არ მიეკუთვნება ჩოხატაურის მუნიციპალიტეტის საკუთარ უფლებამოსილებებს.

მინისტრის ბრძანებების საფუძველზე 2016 წლის განმავლობაში 6 თანამშრომელზე „ზეგანაკვეთური მუშაობისა და განსაკუთრებით საპასუხისმგებლო ფუნქციური დატვირთვის გათვალისწინებით“ გაცემული დანამატის ოდენობამ ჯამში შეადგინა - 3,025.00 ლარი. ვინაიდან ორგანიზაციის მიერ ნაწარმოებ „სამუშაო დროის გამოყენების და ხელფასის გაანგარიშების აღრიცხვის ტაბელში“ არ ფიქსირდებოდა სამინისტროს თანამშრომელთა მიერ ზეგანაკვეთურად მუშაობის ფაქტები, ხოლო „მომსახურეთა აღრიცხვის ჟურნალის“ მონაცემებში არ იყო მითითებული სამსახურში გამოცხადების და წასვლის დრო (საათი), შესაბამისად, აუდიტის ჯგუფს ვერ წარედგინა მტკიცებულება, რომლითაც დადასტურდებოდა თანამშრომელების მიერ ზეგანაკვეთურად მუშაობის ფაქტები.

მუნიციპალიტეტის საკრებულოს მიერ გამოცემული განკარგულებები საწვავის ლიმიტების შესახებ გამოიყენებოდა დროებით და მრავალჯერადად. აღნიშნულიდან გამომდინარე, მუნიციპალიტეტის საკრებულოს მიერ გამოცემული განკარგულება ადგენდა საწვავის გაცემის მრავალჯერადი გამოყენების წესს და თავისი შინაარსით წარმოადგენდა ნორმატიულ ადმინისტრაციულ-სამართლებრივ აქტს. კანონმდებლობის მიხედვით, დაუშვებელია ნორმატიული შინაარსის სამართლებრივი აქტის ინდივიდუალური აქტის სახით მიღება.

2016 წელს ჭიათურის მუნიციპალიტეტმა გამოაცხადა ტენდერი თაბაგრებისა და ბერეთისას საბავშვო ბაღების სარეაბილიტაციო სამუშაოების შესყიდვაზე, სავარაუდო ღირებულებით 124.5 ათასი ლარი . ტენდერში მონაწილეობა მიიღო 8 პრედენდენტმა. სატენდერო კომისიის გადაწყვეტილებით ტენდერში მონაწილე ყველაზე დაბალი ფასის მქონე 3 პრეტენდენტი დისკვალიფიცირებული იქნა, ტექნიკური დოკუმენტაციის წარმოუდგენლობის გამო. სატენდერო კომისიის მიერ მესამე პრეტენდენტის, ი/მ „სიმონ კაპანაძეს“ დისკვალიფიკაცია განხორციელდა არასწორად. კერძოდ, პრეტენდენტმა წარმოდგენილ ხარჯთაღრიცხვაში ელექტრო სამონტაჟო სამუშაოებს, დაარიცხა მუშახელის ძირითადი ხელფასის 5%. სატენდერო კომისიამ პრეტენდენტს მიანიჭა დისკვალიფიკაცია, იმ მიზეზით, რომ არ იყო დაცული საქართველოს მთავრობის №55 დადგენილებით განსაზღვრული მოთხოვნები. იქედან გამომდინარე, რომ მთავრობის აღნიშნული დადგენილების დაცვა არ ევალებოდა პრეტენდენტს და ამასთან ზედნადები ხარჯი დაანგარიშებული ჰქონდა, განსაზღვრულ პროცენტულ ოდენობაზე არსებითად დაბალი პროცენტით, სატენდერო კომისიამ დისკვალიფიკაცია ი/მ „სიმონ კაპანაძეს“ მიანიჭა არასწორად.

შიდა აუდიტის სამსახურის დასკვნები არ შეიცავს მნიშვნელოვან მიგნებებს. ამასთანავე, ზოგიერთ რეკომენდაციაში არ არის მითითებული რა სახის კონკრეტული ღონისძიებები უნდა გაატაროს მუნიციპალიტეტმა და რა შედეგი შეიძლება დადგეს აღნიშნულით. სამსახურს არ გაუცია ისეთი რეკომენდაციები, რაც მუნიციპალიტეტისათვის უზრუნველყოფდა რისკების მართვისა და შიდა კონტროლის სისტემის გაუმჯობესებას.

ჩოხატაურის მუნიციპალიტეტმა არ გაითვალისწინა კანონმდებლობით განსაზღვრული მოთხოვნები და მის მიერ დაფუძნებული იურიდიული პირების − ა(ა)იპ-ის ადმინისტრაციული/საოპერაციო ხარჯები 2017 წელს დააფინანსა ზღვრულ ოდენობაზე 180.8 ათასი ლარით მეტი ოდენობით. ამასთან მუნიციპალიტეტმა მის მიერ დაფუძნებულ ა(ა)იპ-ებზე სუბსიდია გასცა შესასრულებელი სამუშაოებისა და ჩასატარებელი ღონისძიებების გათვალისწინების გარეშე. სუბსიდიის ხარჯვის დაგეგმვისას მუნიციპალიტეტს არ მოუთხოვია და არც ა(ა)იპ-ებს წარმოუდგენია შესასრულებელი სამუშაოების და ჩასატარებელი ღონისძიებების შესახებ ინფორმაცია. შედეგად, ვერ დასაბუთდა საბიუჯეტო სახსრების ხარჯვის აუცილებლობა.

სამინისტროს 2016 წლის მდგომარეობით ბალანსზე ერიცხებოდა ჯერ კიდევ 2014 წელს შესყიდული 7,956.00 ლარის საბალანსო ღირებულების ბუღალტრული პროგრამა. თუმცა, იმის გამო, რომ თავისდროულად არ მოხდა აღნიშნული ბუღალტრული პროგრამის განახლება, 2016 წელს მისი გამოყენებით არ განხორციელებულა წლიური ბუღალტრული გატარებების (წლიური ბრუნვების და ნაშთების) ასახვა. გარდა აღნიშნულისა, საბუღალტრო დოკუმენტაციის აღრიცხვის ორგანიზებასა და შენახვაზე არ იყო უზრუნველყოფილი სათანადო კონტროლი. კერძოდ, მემორიალური ორდერები, შესაბამის პირველად დოკუმენტებთან ერთად არ იყო აკინძული და გადანომრილი მოქმედი წესის შესაბამისად, რაც ზრდის აღნიშნული დოკუმენტების სისრულის და დაცულობის რისკს.

2016 წელს საკრებულოში შექმნილი იყო მიწის საკუთრების აღიარების კომისია, რომელიც 9 აგვისტოს გაუქმდა. ამასთანავე, მუნიციპალიტეტმა წარმოადგინა ინფორმაცია, რომლის მიხედვით აღნიშნულმა კომისიამ 2016 წლის 21 ივლისის შემდეგ ფაქტობრივად შეწყვიტა საქმიანობა და რაიმე აქტივობა აღარ განუხორციელებია,მიუხედავად ამისა, 2016 წლის 21 ივლისის შემდეგ აღნიშნული კომისიის თავმჯდომარის კუთვნილ ავტომანქანაზე გაიხარჯა 201.6 ლიტრი საწვავი, მათ შორის, კომისიის გაუქმების (9 აგვისტო) შემდეგ - 42 ლიტრი. გარდა ამისა, მუნიციპალიტეტის მიერ წარმოდგენილი ინფორმაციის მიხედვით, 2016 წლის 4 ივლისს გაუქმდა ფრაქცია „გაერთიანებული დემოკრატიული მოძრაობა“, მიუხედავად ამისა, 5, 9 და 10 ივლისს, გაუქმებული ფრაქციის თავმჯდომარის ავტომანქანაზე გაიხარჯა საწვავი 30 ლიტრის ოდენობით. 2016 წელს 323 ლიტრი საწვავი გაიხარჯა 7 პირის კერძო საკუთრებაში არსებულ ავტომანქანებზე, აღნიშნული პირების შვებულებაში ყოფნის დროს.

2017 წელს მუნიციპალიტეტმა სოფელ უსახელოში წყალმომარაგების სისტემის აღდგენის სამუშაოებზე ხელშეკრულება გაუფორმა შპს „აკვედუკ 07“-ს, ღირებულებით - 284.4 ათასი ლარი . ხელშეკრულების თანახმად, მიმწოდებელს სამუშაოები უნდა დაესრულებინა 2017 წლის 19 აგვისტომდე. წარმოდგენილი მონაცემებით, ხელშეკრულებაში ორჯერ შევიდა ცვლილება და სამუშაოების დასრულების საბოლოო ვადად განისაზღვრა 20 ნოემბერი. სატენდერო პირობების შესაბამისად, მიმწოდებელს წარმოდგენილი ქონდა ხელშეკრულების უზრუნველყოფის საბანკო გარანტია, თანხით 22.8 ათასი ლარი. გარანტიის მოქმედების ვადა განსაზღვრული იყო 2017 წლის 23 ოქტომბრამდე. წარმოდგენილი დოკუმენტების მიხედვით, 2017 წლის 19 დეკემბერს მიმწოდებელს შეუწყდა ხელშეკრულება, რადგან არ შეასრულა ნაკისრი ვალდებულებები. გამომდინარე იქედან, რომ საბანკო გარანტიის მოქმედების ვადა გასული იყო, მუნიციპალიტეტმა ხელშეკრულების შეუსრულებლობისათვის ვერ მოითხოვა საბანკო გარანტია და დაკარგა 22.8 ათასი ლარის მიღების შესაძლებლობა.

მუნიციპალიტეტს არ აღმოუფხვრია 2011-2013 წლების საფინანსო-ეკონომიკური საქმიანობის შესაბამისობის აუდიტისა და 2012-2013 წლების ფინანსური ანგარიშგების ფინანსური აუდიტის ანგარიშებში ასახული ზოგიერთი ხარვეზი, კერძოდ: მუნიციპალიტეტს არ გაუტარებია სამართლებრივი ღონისძიებები გამარტივებული შესყიდვის საშუალებით შესრულებული სამუშაოების ფაქტობრივი ღირებულებების დასადგენად და ზედმეტად ანაზღაურებული თანხების დასაბრუნებლად; ყოფილი ჯანდაცვის ცენტრის შენობა არ არის შეფასებული, ექსპლუატაციაში გადაცემული ან სხვა ფორმით განკარგული; ბალანსიდან არ არის ჩამოწერილი „არაფინანსური აქტივების“ მუხლში რიცხული 18.2 ათასი ლარის ღირებულების მწყობრიდან გამოსული ინვენტარი; 2011-2013 წლებთან შედარებით მნიშვნელოვნადაა გაზრდილი წარმომადგენლობითი ხარჯის მოცულობა და სხვ.

მუნიციპალიტეტში ფინანსური და არაფინანსური აქტივების დაცულობაზე კონტროლი არ არის სათანადოდ დაწესებული. 2016-2017 წლებში არ არის ჩატარებული აქტივებისა და ვალდებულებების ინვენტარიზაცია. შედეგად, არსებობს რისკი, რომ შეუმჩნეველი დარჩეს მუნიციპალიტეტის კუთვნილი ქონების დაკარგვის ან დაზიანების შემთხვევები და არ მოხდეს შესაბამისი რეაგირება.

საბიუჯეტო დეფიციტის მართვის მიზნით გასატარებელი ზოგიერთი ღონისძიების ძირითადი პრინციპების შესაბამისად „შრომის ანაზღაურების“ მუხლით 2016 წელს გაწეული ხარჯი თითოეული საბიუჯეტო ორგანიზაციისათვის არ უნდა ყოფილიყო 2015 წლის საკასო ხარჯზე მეტი. თუმცა, იმ პირობებში, როდესაც ადგილი არ ჰქონია ორგანიზაციის ფუნქციებისა და კომპეტენციის არსებით ზრდას, სამინისტროს მიერ 2016 წელს შტატით მომუშავეთა შრომის ანაზღაურება გაიზარდა 6%-ით.

2016 წელს მარტვილის მუნიციპალიტეტის საკრებულოს არაანაზღაურებად წევრებს, ხარჯების ანაზღაურების სახით მიღებული აქვთ 85.7 ათასი ლარი. მუნიციპალიტეტმა ვერ წარმოადგინა დოკუმენტური მტკიცებულებები საკრებულოს წევრების ხარჯების დასადასტურებლად.

მუნიციპალიტეტის სპორტის, განათლების, კულტურისა და მომსახურების სფეროების ა(ა)იპ-ებს სუბსიდიის მისაღებად წლის დასაწყისში მუნიციპალიტეტში წარდგენილი აქვთ მოთხოვნები, რომლებშიც ძირითადად მითითებულია დაწესებულების შენახვის ხარჯები (შრომის ანაზღაურების, საქონელი და მომსახურების ხარჯები), კონკრეტული მიზნებისა და გეგმების გარეშე. მუნიციპალიტეტმა (შესაბამისმა პასუხისმგებელმა პირებმა) სუბსიდია გასცა შესასრულებელი სამუშაოების გათვალისწინების გარეშე. მნიშვნელოვანია მუნიციპალიტეტმა სუბსიდიური დაფინანსებისას, გაითვალისწინოს შესასრულებელი სამუშაოები და კონკრეტული ღონისძიებები, რაც უზრუნველყოფს გაცემული საბიუჯეტო სახსრების ხარჯვის დასაბუთებას.

მუნიციპალიტეტმა დაარღვია მოქმედი კანონმდებლობის მოთხოვნები და 2016 წელს 8 ერთეულით, ხოლო 2017 წელს 11 ერთეულით გადააჭარბა კანონით დადგენილ ლიმიტს, ხოლო თვითმმართველი თემი ოზურგეტის მუნიციპალიტეტი 2016 წელს არღვევდა კანონით განსაზღვრულ ლიმიტს 1 შტატგარეშე თანამშრომლით

მუნიციპალიტეტის შიდა აუდიტის სამსახურის საქმიანობა ვერ უზრუნველყოფს მუნიციპალიტეტის რესურსების ეკონომიურად გამოყენებას, გამგეობის წინაშე არსებული ამოცანების ეფექტიანად შესრულებასა და მუნიციპალიტეტის მიერ დასახული მიზნების მიღწევას. მუნიციპალიტეტის სტრუქტურულ ერთეულებზე შიდა აუდიტის სამსახურს არ გაუცია შესაბამისი რეკომენდაციები, რაც უზრუნველყოფდა რისკების მართვისა და შიდა კონტროლის სისტემის გაუმჯობესებას. სამსახურის მიერ 2016-2017 წლებში ჩატარებული აუდიტის შედეგად ვერ გამოვლინდა იმ კონტროლის მექანიზმების სისუსტეები, რომლებმაც განაპირობა მუნიციპალიტეტის მიერ უხარისხოდ ან/და დაბალი ხარისხის ინფრასტრუქტურული პროექტების ჩაბარება.

მოქმედი კანონმდებლობის თანახმად, შტატგარეშე მოსამსახურე არის პირი, რომელიც დანიშვნით ან შრომითი ხელშეკრულებით გარკვეული ვადით მიიღება სამსახურში არამუდმივ ამოცანათა შესასრულებლად. შტატგარეშე მომუშავეთა დასაქმება ხდებოდა არა დროებით, არამედ ხანგრძლივი პერიოდით მუდმივი ხასიათის სამუშაოების შესასრულებლად. კერძოდ, სამინისტროში 5 შტატგარეშე პირი (მძღოლის, დარაჯის და დამლაგებლების გარდა) აყვანილი იყო 2016 წლის მთელი პერიოდის განმავლობაში (10-12 თვე) და მათზე ანაზღაურდა - 39,811.20 ლარი (თვეში საშუალოდ 450-800 ლარი).

მარტვილის მუნიციპალიტეტმა 18 პირს აუნაზღაურა იძულებითი განაცდური 2014 წლის 19 სექტემბრიდან 2016 წლის 23 ივნისამდე პერიოდისთვის, საადვოკატო მომსახურების და სხვა ხარჯები, სულ - 316.4 ათასი ლარი.

2017 წელს ჭიათურის მუნიციპალიტეტის მიერ „ავადმყოფთა სოციალური დაცვის” ღონისძიებების დასაფინანსებლად ბიუჯეტით გამოყოფილი ქონდა 791.6 ათასი ლარი, რომელიც სრულად გაიხარჯა. მუნიციპალიტეტმა პროგრამის ბიუჯეტით გათვალისწინებული თანხის გადამეტებით, თანადაფინანსების მიზნით გასცა 913 ბენეფიციარის სამკურნალო, საოპერაციო და სამედიცინო ლაბორატორიულ-ინსტრუმენტული გამოკვლევების ხარჯების საგარანტიო წერილები, საერთო თანხით 118.3 ათასი ლარი. შედეგად, მუნიციპალიტეტმა საგარანტიო წერილებით, გადახდის ვალდებულება აიღო ისე რომ, ასიგნებით გათვალისწინებული თანხა სრულად ქონდა გახარჯული. ამდენად, სოციალური პროგრამის ფარგლებში, მუნიციპალიტეტის მიერ ფაქტობრივად გაწეულმა ხარჯმა 118.3 ათასი ლარით გადააჭარბა გამოყოფილ ასიგნებას.

შტატგარეშე მოსამსახურეზე მუნიციპალიტეტმა (შესაბამისმა პასუხისმგებელმა პირებმა) 2016-2017 წლებში 15.7 ათასი ლარის დანამატი გასცა მოქმედი კანონმდებლობის დარღვევით.

პასუხისმგებელი პირის განმარტებით, 2016 და 2017 წლების ბალანსების შედგენისას, საწყის ნაშთებად გამოყენებულია საფინანსო და ქონების მართვის სამსახურში არსებული მონაცემები, რადგან წინა წლების ნაშთების სისწორე ვერ დადგინდა არასწორი ბუღალტრული გატარებების გამო. ასევე ფინანსურ ანგარიშგებაში ისევ არ ასახულა საქართველოს რეგიონული განვითარებისა და ინფრასტრუქტურის სამინისტროდან უსასყიდლოდ გადმოცემული ქონება, სრულად არ არის გასწორებული „არაფინანსური აქტივების“ და „ხარჯების“ შესაბამისი მუხლები. აღნიშნული გამოწვეულია იმით, რომ მუნიციპალიტეტში არ ჩატარებულა ინვენტარიზაცია და არ მოხდა საწყისი ნაშთების გამოყვანა.

სამინისტროს შიდა აუდიტის სამსახურს (შემდეგში სამსახური) 2016 წლის სამოქმედო გეგმის მიხედვით უნდა ჩაეტარებინა 2015 წლის აუდიტორული შემოწმება შემდეგ ობიექტებზე:  შპს ,,ზაურ ხუბუტიას სახელობის საოჯახო მედიცინის ცენტრი – დიოსკურია“;  შპს ,,დევნილთა საოჯახო მედიცინის ცენტრი“;  ადმინისტრაციული დეპარტამენტი;  საბიუჯეტო დეპარტამენტი;  საფინანსო-საბუღალტრო და მატერიალური უზრუნველყოფის სამმართველო. მიღებული ინფორმაციით შპს „დევნილთა საოჯახო მედიცინის ცენტრში“ აუდიტი არ განხორციელებულა, თუმცა არაგეგმიური აუდიტი ჩატარდა შპს „საოჯახო მედიცინის ცენტრ ცხუმში“. ამასთან, შპს ,,ზაურ ხუბუტიას სახელობის საოჯახო მედიცინის ცენტრ - დიოსკურიას“, შპს ,,საოჯახო მედიცინის ცენტრ – ცხუმის“ და საფინანსო-საბუღალტრო აღრიცხვისა და მატერიალური უზრუნველყოფის სამმართველოში ჩატარებული აუდიტის მასალებში სამუშაო დოკუმენტაცია (მტკიცებულებები, ახსნა-განმარტებები და სხვა) არ იყო წარმოდგენილი, ხოლო ადმინისტრაციული დეპარტამენტისა და საბიუჯეტო დეპარტამენტის შემთხვევაში საქმეში წარმოდგენილი აუდიტორული მტკიცებულებები სრულად არ პასუხობს შიდა აუდიტის მეთოდოლოგიით დადგენილ მოთხოვნებს . საყურადღებოა, რომ სამინისტროს კონტროლს ექვემდებარებოდა სხვადასხვა ორგანიზაციები, კერძოდ: სამინისტროს მიერ 100 %-იანი წილობრივი მონაწილეობით დაფუძნებული 15 შპს, 3 სსიპ და საქვეუწყებო დაწესებულება - ინფრასტრუქტურისა და დარგობრივ საკითხთა დეპარტამენტი. თუმცა, 2014 – 2016 წლებში აუდიტი განხორციელდა 6 შემთხვევაში მხოლოდ 5 შპს-ში. აღნიშნული გარემოებები მიუთითებს შიდა აუდიტის სამსახურის რესურსების არაეფექტიან და არაპროდუქტიულ გამოყენებაზე

მარტვილის მუნიციპალიტეტის 2016 წლის ბალანსში საბალანსო ტოლობა არ არის დაცული. კერძოდ, აქტივების საწყისი ნაშთი 27 424.7 ათასი ლარია, ხოლო ვალდებულებების და კაპიტალის ჯამი - 27 278.9 ათასი ლარი. მათ შორის სხვაობა არის 145.8 ათასი ლარი. აქტივების საბოლოო ნაშთია 31 029.7 ათასი ლარი, ვალდებულებების და კაპიტალის ჯამი - 30 405.0 ათასი ლარი, ხოლო მათ შორის სხვაობა - 624.7 ათასი ლარი.

სტიქიის შედეგების სალიკვიდაციო ღონისძიებების განხორციელების მიზნით, საქართველოს მთავრობის განკარგულებით , 2017 წლის 15 ივნისს ჭიათურის მუნიციპალიტეტს გამოეყო 150.0 ათასი ლარი. მიუხედავად იმისა, რომ არსებული მდგომარეობა საჭიროებდა სასწრაფოდ გამოსწორებას, პრობლემა დღემდე მოუგვარებელია. წარმოდგენილი მონაცემებით ირკვევა, რომ მუნიციპალიტეტმა თანხის გამოყოფა მოითხოვა სტიქიის შედეგად წარმოქმნილი პრობლემების უმოკლეს ვადაში მოგვარების მიზნით. არსებული რისკებისა და საფრთხეებიდან გამომდინარე, მუნიციპალიტეტი ვალდებული იყო დროულად განეხორციელებინა სტიქიის სალიკვიდაციო ღონისძიებები და უმოკლეს ვადაში მოეგვარებინა წარმოქმნილი პრობლემები. მიუხედავად იმისა, რომ პრობლემების მოგვარება საჭიროებიდან გამომდინარე წარმოადგენდა გადაუდებელ აუცილებლობას, მუნიციპალიტეტმა გამოყოფილი თანხით დაახლოებით ერთი წლის მანძილზე ვერ შეძლო სტიქიის სალიკვიდაციო ღონისძიებების განხორციელება, თანხა გაუხარჯავია და ერიცხება ნაშთის სახით.

2016 წელს ქალაქ ოზურგეთის მუნიციპალიტეტი სამსახურებრივი უფლებამოსილების განსახორციელებლად სარგებლობდა ბალანსზე რიცხული 5 და იჯარით დაქირავებული 50 ერთეული ავტომანქანით, ხოლო 2017 წელს - სარგებლობდა საკუთარი 4 და დაქირავებული 53 ავტომანქანით. თვითმმართველი თემი ოზურგეთის მუნიციპალიტეტი 2016 წელს 7 საკუთარი და 74 იჯარით აყვანილი ავტომობილით სარგებლობდა, ხოლო 2017 წელს - 7 საკუთარი და 81 იჯარით აყვანილი ავტომობილით. ყველა შემთხვევაში, დაქირავებული ავტომობილები იყო მუნიციპალიტეტის თანამშრომლების საკუთრება. აღნიშნული ავტომანქანების ექსპლუატაციისათვის, დამტკიცებული საწვავის მოხმარების ლიმიტების შესაბამისად, 2016-2017 წლებში დახარჯულია 436.2 ათასი ლარი. ამდენად, 2016-2017 წლებში არც ერთი მუნიციპალიტეტი არ ითვალისწინებდა მთავრობის აღნიშნულ რეკომენდაციას.

მუნიციპალიტეტში არსებული კონტროლის სისუსტეებისა და პროცესის არასწორად წარმართვის გამო, რუსთაველის რკალზე ტროტუარის კეთილმოწყობისათვის გრანიტის ფილების ნაცვლად დაგებულია ბეტონის ფილები, რითაც მნიშვნელოვნად გაუარესდა შესრულებული სამუშაოების ხარისხი, ექსპლოატაციის ხანგრძლივობა და ზიანი მიადგა მუნიციპალიტეტის ინტერესებს. ექსპერტის დასკვნით დათვლილ ღირებულებასა და მუნიციპალიტეტის მიერ ჩაბარებულ სამუშაოების ღირებულებას შორის სხვაობა შეადგენს 713.3 ათას ლარს. აღნიშნული თანხა მუნიციპალიტეტის მიერ ზედმეტად არის გადახდილი.

1. დრამატული თეატრის მიერ გადმოცემული 244.2 ათასი ლარის ღირებულების აქტივები არის ასახული 2016 წლის ბალანსში. 2. ა(ა)იპ ,,ბათუმის საჩოგბურთო კომპლექსის“ მიერ შესაბამისი დამადასტურებელი მტკიცებულების გარეშე ჩამოწერილია ბალანსიდან 23,3 ათასი ლარის ღირებულების ძირითადი აქტივები 3. სსიპ - აჭარის სახელმწიფო ვოკალური ანსამბლის მიერ 7,6 ათასი ლარის ღირებულების მცირეფასიანი აქტივები არ არის ასახული 2016 წლის ფინანსურ ანგარიშგებაში. 4. სამინისტროზე გადაცემულია 18 სამხატვრო ნამუშევარის 2016 წლის ბალანსში ასახვა არ არის განხორციელებული. 5. სსიპ - ბათუმის არქეოლოგიური მუზეუმის მიერ, არასაბიუჯეტო საქმიანობით მიღებული შემოსავლებიდან, შეძენილი 14,6 ათასი ლარის ღირებულების არაფინანსური აქტივები არ არის ასახული ბალანსში. 6. სსიპ - ქალაქ ბათუმის N6 ფიზიკა-მათემატიკის საჯარო სკოლის მიერ 2, 5 ათასი ლარის აქტივები არასწორადაა ასახული ბალანსში. 7. ა(ა)იპ ,,მოსწავლე ახალგაზრდობის სასახლის მიერ ბალანსში აქტივების ნაშთი 7,6 ლარით გაზრდილად არის წარმოდგენილი. 8. მუსიკალურ ცენტრს გრძელვადიანი მცირეფასიანი აქტივების ანგარიშზე აღრიცხული აქვს სხვადასხვა წელს მიღებული 32,9 ათასი ლარის ისტორიული ღირებულების ძირითადი აქტივები.

2016 წელს გამგეობას ფიზიკური პირებიდან გოგოშა გეგელიადან და მაია სურმავადან უნდა მიეღო საოფისე ფართების საიჯარო გადასახადი, სულ 15.2 ათასი ლარის ოდენობით. გარდა ამისა, მუნიციპალიტეტს სხვადასხვა იურიდიული პირებიდან დასუფთავების მოსაკრებლის სახით უნდა მიეღო 2.1 ათასი ლარი. აღნიშნული შემოსავალები გამგეობას 2016 წელს არ მიუღია, ხოლო მისაღები შემოსავლები ფინანსურ ანგარიშგებაში არ აუსახავს.

2016-2017 წლებში ჭიათურის მუნიციპალიტეტის შიდა აუდიტის სამსახურს ჩატარებული აქვს 20 ფინანსური და შესაბამისობის აუდიტი. აუდიტის შედეგად გამოვლენილ მიგნებებზე გაცემულია შესაბამისი რეკომენდაციები. სამსახურის მიერ შედგენილი აუდიტის ანგარიშების ანალიზით ირკვევა, რომ 2016 და 2017 წლებში შემოწმებულ ერთიდაიმავე ობიექტებზე გაცემული ზოგიერთი რეკომენდაციები ანალოგიური ხასიათისაა. გარდა ამისა, 2017 წელს შიდა აუდიტის სამსახურის მიერ შესწავლილია და გამოვლენილია დაუსრულებელი და უხარისხოდ შესრულებული ინფრასტრუქტურული სამუშაოები. მიუხედავად ამისა, აღნიშნულ გარემოებებზე რეაგირება არ არის განხორციელებული.

ქალაქ ოზურგეთის და თვითმმართველი თემი ოზურგეთის მუნიციპალიტეტებმა (შესაბამისმა პასუხისმგებელმა პირებმა) 2016-2017 წლებში საკრებულოს არათანამდებობის პირებზე ხარჯების ასანაზღაურებლად, დოკუმენტური დასაბუთების გარეშე, ჯამში გასცა 319.3 ათასი ლარი. აღნიშნული ქმედება შეუსაბამოა საბიუჯეტო პროცესთან დაკავშირებული მარეგულირებელი საკანონმდებლო ნორმებთან.

მუნიციპალიტეტში არსებულმა კონტროლის მექანიზმებმა ვერ უზრუნველყო სამშენებლო ნორმებთან და სტანდარტებთან შესაბამისი სამუშაოების მიღება-ჩაბარება და არსებული დაზიანებების გამოვლენა. შედეგად მალთაყვის სანაპირო ზოლის მოწყობის სამუშაოები, რომელშიც გადახდილია 4.1 მლნ ლარი შესრულებულია უხარისხოდ, სამუშაოები მნიშვნელოვნად არის დაზიანებული და საჭიროებს დამატებით რეაბილიტაციას. მერიას ევალებოდა მიემართა მიმწოდებელზე, საგარანტიო ვადაში დაზიანებული ინფრასტრუქტურის აღდგენის მოთხოვნით, თუმცა მერიის პასუხისმგებელმა პირებმა არ გაატარეს შესაბამისი სამართლებრივი ღონისძიებები.

სსიპ-ბათუმის თოჯინებისა და მოზარდ მაყურებელთა პროფესიული სახელმწიფო თეატრის მიერ ძირითადი კაპიტალის მოხმარების ხარჯები 2,9 ათასი ლარით გაზრდილად არის წარმოდგენილი.

მარტვილის მუნიციპალიტეტს 2016 წლის ბოლოსათვის ერიცხებოდა დებიტორული დავალიანება 6.2 ათასი ლარის ოდენობით. მათ შორის, 4.6 ათასი ლარი არის ი/მ გრიშა კვანტალიანზე სტიქიის შედეგების სალიკვიდაციო სამუშაოებისთვის გაცემული ავანსი, ხოლო 1.6 ათასი ლარი - სს „ენერგო პრო ჯორჯიასათვის“ გადარიცხული გარე განათების გამანაწილებელ ქსელზე მიერთების ღირებულება. აღნიშნული დებიტორული დავალიანება ფინანსურ ანგარიშგებაში ასახული არ არის.

ოზურგეთის მუნიციპალიტეტმა ვერ დაასაბუთა თუ რა აუცილებელი საჭიროებით იყო განპირობებული საფინანსო საკონსულტაციო მომსახურების შესყიდვა, ვინაიდან მუნიციპალიტეტს გააჩნია შრომითი რესურსი და ვალდებულია საკუთარი რესურსებით უზრუნველყოს აღნიშნული საქმიანობის განხორციელება. გამომდინარე აქედან, მუნიციპალიტეტის პასუხისმგებელ პირებს არ უნდა განეხორციელებინათ საკონსულტაციო მომსახურების შესყიდვა და ხარჯის გაწევა. ამდენად, მუნიციპალიტეტის მიერ საკონსულტაციო მომსახურებაზე გადახდილი 9.6 ათასი ლარი წარმოადგენს არაეკონომიურ ხარჯს.

ინფრასტრუქტურული პროექტების კონტროლში არსებულმა მართვის სისუსტეებმა გამოიწვია ის, რომ მუნიციპალიტეტმა ჩაიბარა 1.38 მლნ ლარის უხარისხოდ შესრულებული საცხოვრებელის სახლების რეაბილიტაციის სამუშაოები. შედეგად მნიშვნელოვნად დაზიანდა მოსახლეობის ქონება და ზიანი მიადგა მათ ინტერესებს. მიუხედავად იმისა, რომ კორპუსების რეაბილიტაციის შედეგად, მოსახლეობას საცხოვრებელ სახლებში რამდენიმე წელია ჩასდით წყალი, პრობლემის მოსაგვარებლად მუნიციპალიტეტის მხრიდან არ არის გატარებული რაიმე სახის ქმედითი ღონისძიებები.

1. ა(ა)იპ „ქ. ბათუმის სასპორტო სკოლის“ მიერ საცნობარო მუხლში არ არის ასახული 189,1 ათასი ლარის ღირებულების ამორტიზირებული ძირითადი აქტივები. 2. სსიპ-აჭარის მ. კუხიანიძის სახელობის სიმღერისა და ცეკვის სახელმწიფო აკადემიური ანსამბლის მირ საცნობარო მუხლში არ არის ასახული 5,5 ათასი ლარის ღირებულების ამორტიზირებული ძირითადი აქტივები. 3. სსიპ -აჭარის სახელმწიფო ვოკალური ანსამბლი ბათუმის მიერ საცნობარო მუხლი 2.0 ათასი ლარით გაზრდილი ღირებულებითაა წარმოდგენილი.

მუნიციპალიტეტმა 2016 წლის ფინანსურ ანგარიშგებაში „არასაცხოვრებელი შენობების“ მუხლში ასახა ისეთი სამუშაოების ღირებულება, რომელიც დაიწყო 2016 წელს და წლის ბოლოსათვის დაუსრულებელი იყო. კერძოდ : სოფელ პირველი ნამიკოლაოს უბანში საბავშვო ბაღის მშენებლობა - 9.0 ათასი ლარი, სერგიეთის ადმინისტრაციულ ცენტრში საბავშო ბაღის მშენებლობა - 11.1 ათასი ლარი. აღნიშნული სამუშაოების ღირებულება გამგეობას უნდა აესახა „დაუმთავრებელი აქტივების“ მუხლში.

გამგეობამ შეისყიდა ბუღალტრული პროგრამა რომელსაც ის არ იყენებს ამდენად, მუნიციპალიტეტის მიერ “superfin 6” ბუღალტრულ პროგრამაში გადახდილი 2.4 ათასი ლარი წარმოადგენს არაეფექტიან ხარჯს.

მუნიციპალიტეტის მიერ წარმოდგენილი ინფორმაციის მიხედვით, გამარტივებული შესყიდვის დროს 6 შემთხვევაში, სახელშეკრულებო ღირებულებით 762.9 ათასი ლარი, სამშენებლო სამუშაოების ანაზღაურება არ განხორციელებულა ფაქტობრივი დანახარჯების დამადასტურებელი დოკუმენტების საფუძველზე. შედეგად, 2016-2017 წლებში სამშენებლო სამუშაოების გამარტივებული წესით შესყიდვისას მუნიციპალიტეტის მიერ არ არის დაცული კანონმდებლობის მოთხოვნა ფაქტობრივი დანახარჯებით ანაზღაურების შესახებ, რაც არსებული პრაქტიკით იწვევს საბიუჯეტო სახსრების ზედმეტად ანაზღაურებას.

კულტურული მემკვიდრეობის სააგენტოს მიერ შეძენილ რესპუბლიკის ტერიტორიაზე არსებული კულტურული მემკვიდრეობის ძეგლების 7,0 ათასი ცალ გზამკვლევში ყველა კულტურული მემკვიდრეობის ძეგლი არ არის დატანილი, ხოლო 5 ათასი ცალი. გზამკვლევი არ არის თერმულად აკინძული.

2015-2016 წლებში მარტვილის მუნიციპალიტეტში განხორციელდა სალხინო-ლეცავე-ბალდას გზის რეაბილიტაცია. პროექტის ფაქტობრივმა ღირებულებამ 1 806.9 ათასი ლარი შეადგინა. მათ შორის, 2015 წელს შესრულდა 112.1 ათასი ლარის, ხოლო 2016 წელს - 1 694.8 ათასი ლარის სამუშაო. განხორციელებული პროექტი დაფინანსდა სხვადასხვა წყაროებიდან. კერძოდ, მუნიციპალური განვითარების ფონდმა (მგფ) დააფინანსა 542.1 ათასი ლარით, სახელმწიფო ბიუჯეტიდან დაფინანსდა 21.3 ათასი ლარით, მუნიციპალიტეტის ბიუჯეტიდან თანადაფინანსების სახით - 340.0 ათასი ლარით და აგრეთვე ამ მიზნით გამგეობამ მგფ-ისაგან აიღო გრძელვადიანი სესხი 903.5 ათასი ლარის ოდენობით. გამგეობამ განხორციელებული პროექტი ფინანსურ ანგარიშგებაში ნაცვლად მთლიანი ღირებულებისა, ასახა 2016 წლის ბიუჯეტიდან თანადაფინანსების სახით გადარიცხული 150.0 ათასი ლარით.

იმ შემთხვევაში თუ მუნიციპალიტეტი ელექტრონულ აუქციონებს ჩაატარებდა, არსებობს მაღალი ალბათობა, რომ გაყიდული 1 კვ.მ მიწის ნაკვეთების ღირებულება 100 ლარს მნიშვნელოვნად გადააჭარბებდა. შედეგად, ოზურგეთის გამგეობის შესაბამისი პასუხისმგებელი პირების ქმედებამ თუ უმოქმედობამ გამოიწვია ის, რომ გამგეობამ დაკარგა მინიმუმ 10 938 ათასი ლარის დამატებით შემოსავლის მიღების შესაძლებლობა. თუმცა ელექტრონული აუქციონების ჩატარების შემთხვევაში აღნიშნული თანხა შესაძლებელია რამდენჯერმე გაზრდილიყო.

მუნიციპალიტეტის სატენდერო კომისიამ, სახელმწიფო შესყიდვების განხორციელებისას, 4 შემთხვევაში არასწორად მოახდინა პრეტენდენტების დისკვალიფიკაცია. შედეგად, 113.6 ათასი ლარით გაიზარდა შესყიდვის ღირებულება, რაც არაეკონომიურად განკარგულ საბიუჯეტო რესურსს წარმოადგენს.

სამინისტროს მიერ 400 ერთეული, 220 გვერდიანი სანოტო კრებულის - „აჭარული ტრადიციული მუსიკა“-ნაცვლად მიწოდებულია 400 ერთეული, 202 გვერდიანი ,,აჭარული ხალხური სიმღერები.“

გამგეობამ, ფინანსურ ანგარიშგებაში, გარე განათების მოწყობა, ღირებულებით - 0.6 ათასი ლარი ასახა „გზების“ მუხლში, ხოლო 68.8 ათასი ლარის ღირებულების - „გაყვანილობის სისტემების“ მუხლში. აღნიშნული აქტივები გამგეობას უნდა გაეტარებინა „სხვა ნაგებობების“ მუხლში და მიენიჭებინა ცვეთის შესაბამისი ნორმა.

მუნიციპალიტეტის მიერ გაყიდული მიწის საბაზრო ღირებულება არსებითად აღემატება გაყიდვის ფასს. იმ შემთხვევაში თუ მუნიციპალიტეტი 1კვ.მ მიწის ნაკვეთის ღირებულებას შეაფასებდა 20 აშშ დოლარად, მისი გაყიდვის შედეგად მიიღებდა 996.0 ათასი აშშ დოლარის ოდენობის შემოსავალს, რაც იმ პერიოდში მოქმედი ეროვნული ბანკის კურსის გათვალისწინებით შეადგენს 2 378.9 ათას ლარს. ფაქტობრივად მიღებულმა თანხამ კი 130.7 ათასი ლარი შეადგინა, რაც 2 248.2 ათასი ლარით ნაკლებია ქონების რეალურ საბაზრო ღირებულებაზე. შედეგად მუნიციპალიტეტის შესაბამისი პასუხისმგებელი პირების ქმედებით მინიმუმ 2 248.2 ათასი ლარის ზიანი მიადგა ადგილობრივ ბიუჯეტს.

მუნიციპალიტეტს თავისუფალი ნაშთის სახით საკუთარ ანგარიშზე გააჩნია მნიშვნელოვანი თანხები. 2016 წელს დარჩა 208.5 ათასი ლარი, ხოლო 2017 წელს- 250.8 ათასი ლარი. მიუხედავად ამისა, მუნიციპალიტეტმა ვერ უზრუნველყო დაუსრულებელი ინფრასტრუქტურული და სოციალური პროექტების დაფინანსება.

სიპ-ბათუმის არქეოლოგიური მუზეუმის მიერ, 2016 წლის ბალანსში წლის დასაწყისში არსებული ფულადი სახსრების ნაშთი 10,3 ათასი ლარით და არასაბიუჯეტო საქმიანობიდან მიღებული შემოსავლები 14,6 ათასი ლარით შემცირებულად არის წარმოდგენილი.

ფინანსურ ანგარიშგებაში, 103 დასახელების სტადიონები, მემორიალები, სასაფლაოს შემოღობვები და სკვერები, სულ 1 226.3 ათასი ლარის ღირებულების, ასახული არის „არასაცხოვრებელი შენობების“ მუხლში. აღნიშნული აქტივები გამგეობას უნდა გაეტარებინა „სხვა ნაგებობების“ მუხლში და მიენიჭებინა ცვეთის შესაბამისი ნორმა.

მუნიციპალიტეტის შესაბამისმა პასუხისმგებელმა პირებმა კი ქონების პრივატიზების პროცესი წარმართეს ისე, რომ მაქსიმალურად შეზღუდულიყო კონკურენცია და ქონების გაყიდვა მომხდარიყო შემფასებლის მიერ განსაზღვრული დაბალი ღირებულებით. შესაბამისად არსებობს მაღალი რისკი იმისა, რომ პრივატიზების პროცესი წარიმართა, არა მუნიციპალიტეტის არამედ კონკრეტული პირების ინტერესებიდან გამომდინარე, რის შედეგადაც ბიუჯეტს მიადგა 290.1 ათასი ლარის ზარალი.

„საქართველოს 2017 წლის სახელმწიფო ბიუჯეტის შესახებ“ საქართველოს კანონით, მუნიციპალიტეტის დაფინანსებაზე მყოფი ორგანიზაციებისათვის გასაცემი სუბსიდია, არ უნდა შეადგენდეს წინა წლის საკასო ხარჯის 90%-ზე მეტს. ამ მოთხოვნების გათვალისწინებით მუნიციპალიტეტს 8 ა(ა)იპ-ისათვის უნდა დაეგეგმა სუბსიდია მაქსიმუმ 985.4 ათასი ლარის ოდენობით. მუნიციპალიტეტმა 8 ა(ა)იპ-ის შემთხვევაში არ გაითვალისწინა კანონმდებლობით განსაზღვრული მოთხოვნებ და 109.4 ათასი ლარით შემცირების ნაცვლად, ადმინისტრაციული ხარჯები შეამცირა მხოლოდ 19.5 ათასი ლარით. სულ ზედმეტად გაწეული ხარჯები შეადგენს 89.9 ათას ლარს.

აჭარის ავტონომიური რესპუბლიკის 2016 წლის რესპუბლიკური ბიუჯეტიდან, ფინანსური აქტივების ზრდის მუხლით, შპს „ჰიგიენა 2009“-ს, საწესდებო კაპიტალის შევსების მიზნით ჩაერიცხა 4400,0 ათასი ლარი, თუმცა აღნიშნული ფინანსური აქტივები, სამინისტროს საბალანსო მონაცემებში არ არის აღრიცხული.

ფინანსურ ანგარიშგებაში „მანქანა-დანადგარებისა და ინვენტარის“ მუხლის საბოლოო ნაშთში აღრიცხულია 501.9 ათასი ლარის ღირებულების აქტივები. აღნიშნული მუხლის ჩაშლის შესახებ წარმოდგენილი ინფორმაციის მიხედვით, მუხლი მოიცავს 484.8 ათასი ლარის სხვადასხვა დასახელების მანქანა-დანადგარებსა და ინვენტარს.

მიწის ნაკვეთი რომლის მინიმალური ღირებულება რწმუნებულების განმარტების თანახმად შეადგენდა 1 840.0 ათას ლარს მუნიციპალიტეტმა გაყიდა 9.6 ათას ლარად. აუდიტის მიმდინარეობის პერიოდში ადგილობრივმა მოსახლეობამ გაასაჩივრა გამგეობის აღნიშნული ქმედება, რის შედეგადაც სასამართლომ დააყადაღა მიწის ნაკვეთი და მიწაზე მიმდინარეობს სასამართლო დავა, იმის შესახებ თუ რამდენად კანონიერად მოხდა ქონების გასხვისება.

2016-2017 წლების ბიუჯეტების შესრულების ანგარიშებში, მერიამ არ აღრიცხა 5.77 მლნ ლარის სესხის მიღებისა და დაფარვის ოპერაციები. შესაბამისად დაირღვა საქართველოს საბიუჯეტო კოდექსით გათვალისწინებული მოთხოვნები .

სსიპ „ბათუმის ბულვარის“ 2016 წლის ბალანსის დანართ ფორმა 4-ში (ანგარიში ეკონომიკური საქმიანობით მიღებული სახსრების შესახებ), ძირითადი კაპიტალის მოხმარების მუხლში დაფიქსირებული აქვს 18,7 ათასი ლარი, რაც არაეკონომიკურ საქმიანობაში გამოყენებულ აქტივებზე დარიცხულ ცვეთას წარმოადგენს. აღნიშნული თანხა ფიქსირდება ასევე 2016 წლის მოგების გადასახადის დეკლარაციაში.

ბალანსის დანართ ფორმა №5-ში - ანგარიშში არაფინანსური აქტივების მიღება-გასვლის შესახებ, „სატრანსპორტო საშუალებების“ მუხლის „მიღება არასაოპერაციო შემოსავლებით“ აღრიცხულია 48.0 ათასი ლარი. წარმოდგენილი ინფორმაციის მიხედვით, ანგარიშში ასახულია შპს „მექანიზატორიდან“ უსასყიდლოდ მიღებული სატრანსპორტო საშუალება, რომლის ღირებულება ნაცვლად 48.0 ათასი ლარისა, 47.5 ათასი ლარია.

შესაბამისი პასუხისმგებელი პირების ქმედებით, ზიანი მიადგა მუნიციპალიტეტის ინტერესებს. კერძოდ, იმ შემთხვევაში თუ ქონების რეალური ღირებულების შეფასებისას გავითვალისწინებთ ლევან სამხარაულის სახელობის სასამართლო ექსპერტიზის ეროვნული ბიუროს დასკვნას, გამოვა რომ მუნიციპალიტეტმა 18.3 ათას ლარად გაყიდა მიწები, რომლის საბაზრო ღირებულებაც 88.6 ათას ლარს შეადგენდა.

2016-2017 წლებში მუნიციპალიტეტმა განახორციელა გზების მოხრეშვის, გამწვანების, რელიგიური და ახალგაზრდული ღონისძიებები, რომელზეც დახარჯა 734.7 ათასი ლარი . წარმოდგენილი 2016-2017 წლების მუნიციპალიტეტის ბიუჯეტების შესრულების ანგარიშების მიხედვით, აღნიშნული ოპერაციები ნაცვლად „საქონელი და მომსახურების“ მუხლისა, კლასიფიცირებულია „სუბსიდიების“ მუხლში. შესაბამისად, არ არის დაცული „საქართველოს საბიუჯეტო კლასიფიკაციის დამტკიცების თაობაზე“ საქართველოს ფინანსთა მინისტრის ბრძანების მოთხოვნები.

სამინისტროში წარმოდგენილი 2015 ფინანსური ანგარიშგებების შესაბამისად, დიდია დებიტორული და კრედიტორული დავალიანებები. კერძოდ 2015 წლის 31 დეკემბრის მდგომარეობით საწარმოთა დებიტორული დავალიანება 20429,7 ათას ლარს ხოლო კრედიტორული დავალიანება 12979,3 ათას ლარს შეადგენდა. აღსანიშნავია, რომ აღნიშნული თანხებიდან, დებიტორული დავალიანების ნაწილში 2795,7 ათასი ლარი, ხოლო კრედიტორული დავალიანების ნაწილში 675,2 ათასი ლარი, არაიდენტიფიცირებული დავალიანებაა, რომლებიც წლების განმავლობაში ირიცხება საწარმოთა ბალანსებზე. აუდიტის პერიოდში მიღებული გადაწყვეტილების შესაბამისად, არასათანადო არგუმენტაციით, საწარმოთა 2015 წლის წმინდა მოგებიდან 441,4 ათასი ლარი არ იქნა განაწილებული დივიდენდის სახით. საწარმოთა 2015 წლის დივიდენდის განაწილების შესახებ მიღებული გადაწყვეტილების მიუხედავად, 2016 წელს არ განხორციელდა 1811,4 ათასი ლარის დივიდენდის სახით ბიუჯეტში მობილიზება. შპს „ჰიგიენა 2009“-ის დირექტორს ირაკლი ცეცხლაძეს ნაღდი ანგარიშსწორების გზით გატანილი აქვს 5004,2 ათასი ლარი, რომლის ხარჯვის დამადასტურებელი დოკუმენტები ვერ იქნა წარმოდგენილი, რაც საბიუჯეტო სახსრების შესაძლო მითვისებაზე მიუთითებს. აუდიტის მიმდინარეობის პერიოდში, ვერ იქნა წარმოდგენილი შპს „ბათუმის ნავსაყუდელი 2015“-ის, 2015-2016 წლების ბუღალტრული აღრიცხვის დოკუმენტები, რაც საწარმოს მიერ მიღებული შემოსავლებისა და გაწეული ხარჯების რეალობის შესაძლო რისკებზე მიუთითებს. ადგილი აქვს კერძო სამართლის სუბიექტში საბიუჯეტო სახსრების გამოუყენებლობისა და ბიუჯეტში თანხების არასრულად და არათავისდროულად მობილიზების ფაქტებს. სამინისტროს მიერ, 2015 წლის ფინანსურ ანგარიშგებებთან დაკავშირებით, გაცემული რეკომენდაციები ზოგადი ხასიათისაა და არ მიუთითებს არსებული მდგომარეობის გამოსწორების კონკრეტულ ღონისძიებებზე. ამასთან, 2015 წლის ფინანსური ანგარიშების განხილვის შედეგები ცხადყოფს, რომ გაცემული რეკომენდაციების უმეტესობა შეუსრულებელია, თუმცა სამინისტროს, შესაბამისი პირების მიმართ რაიმე სახის პასუხისმგებლობის საკითხი, არ დაუყენებია.

მუნიციპალიტეტმა 2016 წელს ხელშეკრულება გააფორმა ი/მ კაპიტონ კაკულიასთან კიწიას ადმინისტრაციულ ერთეულში გზის რეაბილიტაციისა და ამბულატორიის მშენებლობის სამუშაოებზე, ღირებულებით 19.4 ათასი ლარი . მათ შორის 2016 წელს შესრულდა 11.3 ათასი ლარის სამუშაო, ხოლო მუნიციპალიტეტმა ანგარიშსწორება განახორციელა 10.9 ათას ლარზე. მუნიციპალიტეტმა 2016 წლის ფინანსურ ანგარიშგებაში „დაუმთავრებელი აქტივების“ მუხლში ნაცვლად 11.3 ათასი ლარისა, ასახა მხოლოდ 5.9 ათასი ლარი. ამასთან, 5.0 ათასი ლარი აღრიცხა „სხვა დანარჩენი საქონლისა და მომსახურების“ მუხლში, რაც არასწორია.

იმის გამო რომ მუნიციპალიტეტის პასუხისმგებელმა პირებმა დროულად არ განახორციელეს ხელშეკრულების გათვალისწინებული პირობების შესრულების კონტროლი, მიმწოდებელმა ჩაის ქარხნის დემონტაჟის სამუშაოების შესრულებისას სრულად არ შეასრულა ხელშეკრულების პირობები რის შედეგადაც მნიშვნელოვანი ზიანი მიადგა მუნიციპალიტეტის ინტერესებს.

სენაკის მუნიციპალიტეტის მერიის მიერ დანერგილი კონტროლის მექანიზმები ინფრასტრუქტურული პროექტების ხარისხის უზრუნველყოფის შესახებ ყველა შემთხვევაში ვერ უზრუნველყოფს სამუშაოების უხარისხოდ შესრულების თავიდან აცილებას. ობიექტების ჩაბარება ხდება ექსპერტიზის დასკვნების საფუძველზე, რომლებშიც სამუშაოების ხარისხი სათანადოდ დადასტურებული არ არის. შედეგად მუნიციპალიტეტი თავიდანვე უხარისხოდ შესრულებულ სამუშაოებს იბარებს და ამის გამო საგარანტიო პერიოდში ინფრასტრუქტურულ ობიექტებზე ფიქსირდება ხარვეზები და დაზიანებები. ამასთანავე მუნიციპალიტეტი ვერ უზრუნველყოფს ყველა ობიექტზე დაფიქსირებული ხარვეზის დროულ გამოვლენას და ქმედითი ღონისძებების გატარებას მიმწოდებლების მიერ საგარანტიო პერიოდში ხარვეზების აღმოფხვრის უზრუნველსაყოფად.

2016 წლის განმავლობაში, ისევ ვერ მოხერხდა სესხის სახით გამოყოფილი თანხის ათვისება და შესაბამისად, ევროპის რეკონსტრუქციისა და განვითარების ბანკიდან მიღებული სესხის აუთვისებელ ნაწილზე, ვალდებულების გადასახადის სახით, გადახდილია სულ 232,2 ათასი ლარი.

მუნიციპალიტეტმა აბედათის ადმინისტრაციულ ერთეულში „სოფლის მხარდაჭერის პროგრამის“ ფარგლებში განახორციელა 38.7 ათასი ლარის ღირებულების სხვადასხვა პროექტი. მათ შორის 7.7 ათასი ლარი გადაირიცხა 2016 წელს, ხოლო 31.0 ათასი ლარი - 2017 წელს. მუნიციპალიტეტის გამგეობამ 2016 წლის ფინანსურ ანგარიშგებაში ნაცვლად მთლიანი ღირებულების „შენობა-ნაგებობების“ მუხლში აღრიცხვისა, „დაუმთავრებელი აქტივების“ მუხლში ასახა 7.7 ათასი ლარი. ამასთან 31.0 ათასი ლარი 2016 წლის ფინანსურ ანგარიშგებაში „აქტივების მოწოდებით დარიცხული ვალდებულებების“ მუხლში უნდა ასახულიყო, რაც გამგეობის არ განუხორციელებია.

დაბა ურეკში ოზურგეთის მუნიციპალიტეტს გააჩნდა ადმინისტრაციული შენობა, რომელშიც განთავსებული იყო გამგებლის წარმომადგენლის სამსახური და ამბულატორია. 2016 წელს აღნიშნული შენობის რემონტისათვის დაიხარჯა 8.9 ათასი ლარი. 2017 წლის აგვისტოში, მუნიციპალიტეტმა, ერთ-ერთ საქველმოქმედო ფონდს ურეკის ადმინისტრაციული შენობის ადგილას საბავშვო ბაღის აშენების თხოვნით მიმართა. ამ მოტივით მოხდა შენობის დემონტაჟი და 2018 წელს დაიწყო საბავშვო ბაღის მშენებლობა. შენობის დანგრევის შემდეგ გამგებლის წარმომადგენლის სამსახურმა და ამბულატორიამ მუშაობა გააგრძელა დაქირავებულ ფართში, რისთვისაც მუნიციპალიტეტი ყოველთვიური ქირის სახით 200 ლარს იხდის. შედეგად იმის გამო რომ შესაბამისმა პასუხისმგებელმა პირებმა არ განიხილეს შენობის აშენების სხვა ალტერნატივები მნიშვნელოვანი ზიანი მიადგა მუნიციპალიტეტის ინტერესებს

მუნიციპალიტეტმა (შესაბამისმა პასუხისმგებელმა პირებმა), მუნიციპალიტეტის მერის მოადგილეებზე კანონმდებლობის დარღვევით გასცა სახელფასო დანამატები . მუნიციპალიტეტის მიერ მიღებული გადაწყვეტილებების შედეგად ბიუჯეტიდან ზედმეტად დაიხარჯა 13.7 ათასი ლარი.

2016 წელს პირდაპირი მიყიდვის ფორმით პრივატიზებული ობიექტების საქმეების მასალების ანალიზით შეიძლება დავასკვნათ, რომ რიგ შემთხვევებში მიღებული გადაწყვეტილებები შეუსაბამოა „აჭარის ავტონომიური რესპუბლიკის ქონების მართვისა და განკარგვის შესახებ“ აჭარის ავტონომიური რესპუბლიკის კანონით განსაზღვრულ მიზნებთან 2008-2012 წლებში პრივატიზებული ქონების იპოთეკით დატვირთვისა და დაყადაღების გამო, ხელშეკრულებით გათვალისწინებული ვალდებულების შეუსრულებლობის მიუხედავად, კვლავ ვერ ხერხდება 160,0 ათასი აშშ დოლარისა და 2476,8 ათასი ლარის ღირებულების ქონების ავტონომიური რესპუბლიკის საკუთრებაში დაბრუნება ადგილი აქვს სახელშეკრულებო ვალდებულებების შესრულებაზე არათავისდროული და არასათანადო კონტროლის დაწესების ფაქტებს „აჭარის ავტონომიური რესპუბლიკის ქონების მართვისა და განკარგვის შესახებ“, აჭარის ავტონომიური რესპუბლიკის კანონის 29-ე მუხლის შესაბამისად, საკუთრებაში ან სარგებლობაში ქონების გადაცემასთან დაკავშირებით, გაფორმებული ხელშეკრულებების პირობების შეუსრულებლობისათვის დარიცხული სანქციებისაგან გათავისუფლება, დასაბუთებული აუცილებლობის შემთხვევაში უნდა განხორციელდეს. ჩატარებული აუდიტით გამოვლინდა შემთხვევები, როცა სანქციებისაგან გათავისუფლება დამატებით დასაბუთებას მოითხოვს.

2016 წლის ფინანსურ ანგარიშგებაში, ბალანსში მუხლი „აქტივების მოწოდებით დარიცხული ვალდებულებები“ არ არის აღრიცხული. წარმოდგენილი ინფორმაციის მიხედვით, გამგეობას 2016 წლის ბოლოსათვის ჰქონდა დავალიანება 190.1 ათასი ლარის ოდენობით , სალხინო-ლეცავე-ბალდას გზის რეაბილიტაციისათვის.

მიუხედავად იმისა, რომ მომხდარი სტიქიების შემდეგ დიდი დროა გასული, მოსახლეობის უმრავლესობას აუდიტის მიმდინარეობის პერიოდში გამოყენებული არ ჰქონდათ მათზე გადაცემული გადასახური მასალა. აღნიშნული გარემოება ადასტურებს იმას რომ მუნიციპალიტეტის შესაბამისმა პასუხისმგებელმა პირებმა სათანადოდ ვერ დაგეგმეს ღონისძიებები არ გაითვალისწინეს შესაძლო ხელისშემშლელი ფაქტორები, რის შედეგადაც პროგრამამ ვერ მიაღწია დასახულ მიზანს. საბოლოო ჯამში აღმოჩნდა რომ სტიქიის შედეგების სალიკვიდაციოდ, 839.1 ათასი ლარი დაიხარჯა არაეფექტიანად.

განსახორციელებელი სამუშაოების დაგეგმვისას, მუნიციპალიტეტის მერიამ ვერ გაითვალისწინა სხვადასხვა ფაქტორები, რასაც შეიძლებოდა ხელი შეეშალა პროექტის დროულად და წარმატებით განხორციელებისათვის. შედეგად, 17.7 ათასი ლარი გადახდილია სამუშაოებში, რომლებიც არ ფუნქციონირებს და მოსახლეობა ვერ სარგებლობს.

სამინისტროსა და შპს ,,დაგის“ შორის გაფორმებული ხელშეკრულებით ნაკისრი ვალდებულების არათავისდროული შესრულებისათვის არ იქნა გამოყენებული ხელშეკრულებით გათვალისწინებული უფლებამოსილება პირგასამტეხლოს სახით 2,4 ათასი ლარის დარიცხვის შესახებ. სსიპ „ბათუმის ბულვარის“ მიერ ,სახელმწიფო შესყიდვების განხორციელებისას ადგილი აქვს ხელშეკრულების შესრულების მიმდინარეობაზე არასათანადო მონიტორინგის, სახელშეკრულებო პირობების დარღვევისა და არასათანადოდ შესრულების ფაქტებს. სსიპ „ბათუმის ბულვარის“ მიერ, აუდიტის პერიოდში გაფორმებული, 302,5 ათასი ლარის საერთო ღირებულების 5 ხელშეკრულების შესრულების დამადასტურებელი დოკუმენტებით ვერ დადგინდა მიწოდებული საქონლის, გაწეული მომსახურებისა თუ შესრულებული სამუშაოების შესაბამისობა ხელშეკრულებით გათვალისწინებულ პირობებთან.

2016 წლის ფინანსურ ანგარიშგებაში, ბალანსში მუხლი „გრძელვადიანი ვალდებულებები სესხებით“ არ არის აღრიცხული. წარმოდგენილი ინფორმაციის მიხედვით, გამგეობამ 2015 წელს მუნიციპალური განვითარების ფონდისაგან აიღო სესხი 903.5 ათასი ლარის ოდენობით, სალხინო-ლეცავე-ბალდას გზის რეაბილიტაციისათვის. 2016 წლის ბოლოსათვის აღნიშნული სასეხო ვალდებულების დასაფარი ნაწილი 892.7 ათას ლარს შეადგენდა.

მუნიციპალიტეტის შესაბამისი პასუხისმგებელი პირების გადაწყვეტილებების შედეგად, ქალაქ ოზურგეთის მუნიციპალიტეტეტმა დაკარგა 58.7 ათასი ლარის მიღების შესაძლებლობა. ასევე შესაბამის პირებს არ გაუტარებიათ სამართლებრივი ღონისძიებები 117.5 ათასი ლარის საჯარიმო თანხების მისაღებად.

2016 და 2017 წლებში მუნიციპალიტეტის მერმა სასამართლო გადაწყვეტილებების საფუძველზე გამოსცა ბრძანება მუნიციპალიტეტის მერიის განთავისუფლებული 4 მოხელის თანამდებობაზე აღდგენისა და მათთვის იძულებითი განაცდურის ანაზღაურების შესახებ . მუნიციპალიტეტმა, განთავისუფლებული ოთხი პირი აღადგინა თანამდებობაზე და აუნაზღაურა იძულებითი განაცდური თანხით 110.0 ათასი ლარი.მმართველობის პროცესში მუნიციპალიტეტის ხელმძღვანელობის მიერ კანონმდებლობის შეუსაბამოდ მიღებული გადაწყვეტილებების შედეგად მუნიციპალიტეტმა ბიუჯეტიდან გასწია 110.0 ათასი ლარის დამატებითი ხარჯი.

სსიპ „ბათუმის ბულვარის“, მიერ ელექტრონული აუქციონის ფორმით, სარგებლობის უფლებით გადაცემული ქონების იჯარით გაცემისას 69 შემთხვევაში, სააუქციონო ვაჭრობის შედეგად, გამარჯვებულად გამოვლენილმა პირმა უარი განაცხადა ხელშეკრულების გაფორმებაზე. ასეთი შემთვევების უმეტესობაში ახლად გამოცხადებულ აუქციონზე იმარჯვებს ერთიდაიგივე პიროვნებები, პირველ აუქციონზე დაფიქსირებულთან შედარებით მნიშვნელოვნად დაბალ ფასად. ამ გზით პირველადი და განმეორებით აუქციონების შედეგად დაფიქსირეულ თანხებს შორის სხვაობამ 383,5 ათასი ლარი შეადგინა. ამასთან ქონების საწყისი საიჯარო ღირებულება განსაზღვრულია საბაზრო ღირებულებასთან (აუქციონის შედეგები) არარეალურად დაბალ ფასად.

ანგარიშში ხარჯების ეკონომიკური კლასიფიკაციის მიხედვით, „თანამდებობრივი სარგოს“ მუხლის საკასო ხარჯი წარმოდგენილია 1 640.2 ათასი ლარით. მუნიციპალიტეტის მიერ წარმოდგენილი ინფორმაციის მიხედვით კი, იგივე მაჩვენებელი 1 622.6 ათასი ლარია. პასუხისმგებელი პირის განმარტებით, დაშვებულია შეცდომა, კერძოდ, ფორმა №2-ში „თანამდებობრივი სარგოს“ მუხლი წარმოადგინა ა(ა)იპ-ების საკუთარი შემოსავლებიდან გახარჯული თანხების ჩათვლით.

სამინისტროს 2016 წლის კონსოლიდირებულ ფინანსურ ანგარიშგებაში არ არის გამორიცხული ეკონომიკური ერთეულის შიგნით განხორციელებული ოპერაციები . შედეგად, „ფინანსური შედეგების შესახებ ანგარიშის“ ფორმა N2-ში გაზრდილი თანხით არის ასახული გრანტებიდან მიღებული შემოსავლების და ხარჯების მუხლები - 15,277,659 ლარის ოდენობით, რომელიც სსიპ „კულტურის განვითარების საინვესტიციო ფონდის“ მიერ სამინისტროს სისტემაში შემავალ სსიპ-ებს გადაერიცხათ ინფრასტრუქტურული პროექტების ხელშეწყობისათვის კაპიტალური გრანტების სახით. ამასთან, აღნიშნული ფაქტი არ არის მითითებული განმარტებით შენიშვნებში.

მუნიციპალიტეტის შესაბამისი პასუხისმგებელი პირების გადაწყვეტილებების შედეგად, ქალაქ ოზურგეთის მუნიციპალიტეტეტმა დაკარგა 87.9 ათასი ლარის მიღების შესაძლებლობა. ასევე შესაბამის პირებს არ გაუტარებიათ სათანადო სამართლებრივი ღონისძიებები 125.5 ათასი ლარის საჯარიმო თანხების მისაღებად.

მუნიციპალიტეტმა (შესაბამისმა პასუხისმგებელმა პირებმა) 2016-2017 წლებში საკრებულოს არათანამდებობის პირებზე ხარჯების ასანაზღაურებლად 43.9 ათასი ლარი გასცა შესაბამისი დადასტურების გარეშე, საბიუჯეტო პროცესთან დაკავშირებული მარეგულირებელი საკანონმდებლო ნორმების შეუსაბამოდ.

სსიპ აჭარის ავტონომიური რესპუბლიკის დასაქმების სააგენტოს ფინანსური ანგარიშგების ბალანსის ფორმა N1-მიხედვით, 2016 წლის 1 იანვრის მდგომარეობით, ფიქსირდება 10.6 ათასი ლარის კრედიტორული ვალდებულებები. თუმცა შინაარსობრივად, აღნიშნული ოპერაცია წარმოადგენს, კომპიუტერებისთვის Microsoft Windows-ის ლიცენზიების შესყიდვის მიზნით, 2015 წლის ბოლოს მიმწოდებლისთვის გადახდილ ავანსს. შესაბამისად, ნაცვლად კრედიტორული ვალდებულებისა, აღნიშნული ოპერაცია წარმოადგენს დებიტორულ მოთხოვნას, რაც არასწორად იქნა აღრიცხული.

ანგარიშში ხარჯების ეკონომიკური კლასიფიკაციის მიხედვით, „ოფისის ხარჯების“ მუხლის საკასო ხარჯი წარმოდგენილია 176.4 ათასი ლარით. მუნიციპალიტეტის მიერ წარმოდგენილი ინფორმაციის მიხედვით კი, იგივე მაჩვენებელი 176.1 ათასი ლარია. პასუხისმგებელი პირის განმარტებით, დაშვებულია შეცდომა

სამინისტროს მიერ კონტროლირებულ 3 უმაღლეს საგანმანათლებლო სასწავლებელში: სსიპ „საქართველოს შოთა რუსთაველის თეატრისა და კინოს სახელმწიფო უნივერსიტეტი“, სსიპ „აპოლონ ქუთათელაძის სახელობის სახელმწიფო სამხატვრო აკადემიასა“ და სსიპ „ვანო სარაჯიშვილის სახელობის სახელმწიფო კონსერვატორიაში“ დებიტორული დავალიანებების/მოთხოვნების აღრიცხვა იმ სტუდენტების მიმართ, რომელთაც შეუჩერდათ სტუდენტის სტატუსი, წარმოებს განსხვავებულად: სსიპ „საქართველოს შოთა რუსთაველის თეატრისა და კინოს სახელმწიფო უნივერსიტეტი“-ს მიერ ყოველგვარი საფუძვლების არსებობის გარეშე ჩამოიწერა უკვე გაწეული და სტუდენტის მიერ მიღებული მომსახურება, რომელიც უზრუნველყოფს ორგანიზაციისთვის ეკონომიკური სარგებლის შემოსვლას; ხოლო სსიპ „აპოლონ ქუთათელაძის სახელობის სახელმწიფო სამხატვრო აკადემიი“-ს მიერ დებიტორულ დავალიანებად/მოთხოვნად აღიარდა სტუდენტისთვის მიუწოდებელი/გაუწეველი მომსახურება. სამინისტროს მიერ არ არის შემუშავებული აღნიშნული ოპერაციებით წარმოქმნილი მოთხოვნების ერთიანი სააღრიცხვო პოლიტიკა და მიდგომები და გამჟღავნებული განმარტებით შენიშვნებში; შესაბამისად, 2016 წლის კონსოლიდირებული ფინანსური ანგარიშგება ამ ნაწილში არ არის დაკორექტირებული.

მიმწოდებელმა ვერ შეასრულა ხელშეკრულებით აღებული ვალდებულებები, მუნიციპალიტეტს უნდა გამოეყენებინა გარანტირების მექანიზმი. კერძოდ, მოეთხოვა წარმოდგენილი საბანკო გარანტიის შესაბამისი თანხის - 28.2 ათასი ლარის ანაზღაურება. მუნიციპალიტეტმა ვერ გამოიყენა აღნიშნული მექანიზმი და არ მოითხოვა საბანკო გარანტიის ანაზღაურება. გარდა ამისა, მუნიციპალიტეტმა ხელშეკრულების შეწყვეტის შემდეგ, ნაკისრი ვალდებულებების შეუსრულებლობის გამო, მიმწოდებლისგან არ მოითხოვა ხელშეკრულებით გათვალისწინებული პირგასამტეხლოს გადახდა, საერთო ღირებულების 10%-ის ოდენობით, რაც ჯამში 93.9 ათასი ლარია. შესაბამისად, გამგეობის პასუხისმგებელი პირების უმოქმედობამ გამოიწვია ის, რომ მნიშვნელოვანად დაზარალდა მუნიციპალიტეტის ინტერესები.

ქალაქ ფოთის მუნიციპალიტეტმა დააფუძნა ისეთი იურიდიული პირები, რომელთა ფუნქციები დუბლირებულია სახელმწიფო და ადგილობრივი ორგანოების მიერ შესასრულებელ საქმიანობასთან. ამასთან დოკუმენტურად ვერ დასტურდება მათ მიერ განხორციელებული რაიმე სახის აქტივობები. შედეგად იურიდიული პირების შექმნაში, დაფინანსებასა და კონტროლში არსებულმა მართვის სისუსტეებმა გამოიწვია საბიუჯეტო სახსრების არაეფექტიანი ხარჯვა.

სსიპ აჭარის ავტონომიური რესპუბლიკის საზოგადოებრივი ჯანდაცვის ცენტრის მიერ, აუდიტის პერიოდში შეძენილი იქნა სამი ერთეული მაღალი გამავლობის ავტოსატრანსპორტო საშუალება, სულ 146.0 ათასი ლარის ოდენობით, კომპიუტერებისთვის Microsoft Windows-ის ლიცენზიები, სულ 50.0 ათასი ლარის ოდენობით, ასევე სსიპ - ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ ცენტრზე გადაცემული იქნა ხუთი ერთეული ბინოკულარული მიკროსკოპი, საწყისი საბალანსო ღირებულებით 8.5 ათასი ლარი, ნარჩენი ღირებულებით 0.5 ათასი ლარი. ორგანიზაციის ფინანსური ანგარიშგების მიხედვით, მოქმედი მარეგულირებელი ნორმების დაუცველად, სრული კალენდარული წლისთვის არ იქნა დარიცხული ცვეთა 21.7 ათასი ლარის ოდენობით.

ანგარიშში ხარჯების ეკონომიკური კლასიფიკაციის მიხედვით, „ტრანსპორტის, ტექნიკისა და იარაღის ექსპლუატაციისა და მოვლა-შენახვის“ მუხლის საკასო ხარჯი წარმოდგენილია 169.9 ათასი ლარით. მუნიციპალიტეტის მიერ წარმოდგენილი ინფორმაციის მიხედვით კი, იგივე მაჩვენებელი 169.1 ათასი ლარია. პასუხისმგებელი პირის განმარტებით, დაშვებულია შეცდომა,

სსიპ „საქართველოს შოთა რუსთაველის თეატრისა და კინოს სახელმწიფო უნივერსიტეტის“ სააღრიცხვო რეგისტრებში სხვა დანარჩენი მოკლევადიანი მოთხოვნების N1480 ანგარიშზე წლის დასასრულის ნაშთად ფიქსირდება 83,727 ლარის საკრედიტო (უარყოფითი) ნაშთი, რომელიც თავისი შინაარსით წარმოადგენს ვალდებულებას. მოთხოვნა/ვალდებულებათა აღრიცხვის არსებული წესის თანახმად, აქტივების და ვალდებულებების ურთიერთგადაფარვა დაუშვებელია. ფინანსური ვალდებულებით ოპერაციები წარმოდგენილი უნდა იყოს ფინანსური აქტივებით განხორციელებული ოპერაციებისგან განცალკევებით . შესაბამისად, კონსოლიდირებული ფინანსური ანგარიშგების მოთხოვნების ანგარიში შემცირებულია 83,727 ლარით; ასევე აღნიშნული თანხით შემცირებულად არის წარდგენილი ვალდებულებების ნაშთიც.

ვაკიჯვარი მთისპირის შემაერთებელ გზაზე მუნიციპალიტეტმა დახარჯა 811 ათასი ლარი დათვალიერების შედეგად აღმოჩნდა რომ გზის ნაწილი დაზიანებულია

ქალაქ ფოთის მუნიციპალიტეტში ძირითადი საშუალებების და მატერიალური ფასეულობების აღრიცხვაში არსებული მართვის სისუსტეების შედეგად, არ არის შედგენილი ორგანიზაციის 2016-2017 წლების და წინა წლების პერიოდული და წლიური ფინანსური ანგარიშგებები. აგრეთვე, არ ჩატარებულა ძირითადი საშუალებების და მატერიალური ფასეულობების ინვენტარიზაცია.

აუდიტის პერიოდში სამსახურს არ ჰქონდა სახანძრო ზედამხედველობას დაქვემდებარებული ობიექტების შესახებ ინფორმაციის მოძიების საიმედო წყარო (მაგალითად, შემოსავლების სამსახური) და ინსპექტორები ობიექტების მოძიებას ახორციელებდნენ საკუთარი ძალებით - მიკუთვნებულ უბნებში ფიზიკური იდენტიფიკაციის საშუალებით. შედეგად, სამსახურს არ გააჩნდა ზედამხედველობას დაქვემდებარებული ობიექტების სრული სია. აუდიტის ჯგუფმა საცნობარო ვებგვერდზე მოიძია ბოლო წლებში უწყვეტად ფუნქციონირებადი 231 ობიექტი, რომელიც თავისი ფუნქციით ზედამხედველობას ექვემდებარებოდა. აქედან 41 (18%) ობიექტი სამსახურს აღრიცხული არ ჰქონდა. შესაბამისად, აღნიშნულ ობიექტებში შემოწმება არ ჩატარებულა.

სსიპ აჭარის ავტონომიური რესპუბლიკის საზოგადოებრივი ჯანდაცვის ცენტრი ახორციელებს მიზნობრვ პროგრამას ,,დაავადებათა პრევენცია და პროფილაქტიკა’’. აღნიშნული მოიცავს, 0-დან 200.0 ათასამდე სარეიტინგო ქულის მქონე ორსულებში, ფარისებლი ჯირკვლის გამოკვლევებს პათოლოგიებზე, ჰორმონალურ (თირესტროპული ჰორმონი, თავისუფალი თიროქსინი) გამოკვლევებს და ენდოკრინოლოგის კონსულტაციას. პროგრამის მოსარგებლე ბენეფიციარებს წარმოადგენენ პირები, რომლებიც რეგისტრირებული არიან აჭარის ავტონომიური რესპუბლიკის ტერიტორიაზე. აღნიშნული პროგრამის ფარგლებში, ცენტრის მიერ გამოცხადდა ელექტრონული ტენდერი შესყიდვის სავარაუდო ღირებულებით 115.0 ათასი ლარი. ვაჭრობაში მონაწილეობდა სამი პრეტენდენტი, სადაც გაიმარჯვა უმცირესი ფასის მქონე პრეტენდენტმა და გაუფორმდა სახელმწიფო შესყიდვების ხელშეკრულება, ღირებულებით 46.9 ათასი ლარი. ხელშეკრულების ფარგლებში მიმწოდებელს, 2016 წლის 31 დეკემბრის ჩათვლით უნდა განეხორციელებინა არანაკლებ 1 700 ბენეფიციარის გამოკვლევა. აუდიტის პერიოდში, წარმოდგენილი დოკუმენტაციის მიხედვით, შემსრულებელმა უზრუნველყო 1331 ბენეფიციარის გამოკვლევა და სულ გაწეული იქნა 31.2 ათასი ლარის საკასო ხარჯი. შესაბამისად, შეუსრულებელი დარჩა 369 ბენეფიციარის გამოკვლევა. შემსყიდველის მიერ, ვალდებულებების შეუსრულებლობისათვის, მიმწოდებელზე დაკისრებული იქნა შესაბამისი პირგასამტეხლო 2.3 ათასი ლარის ოდენობით . მიმწოდებლის ვალდებულებების შეუსრულებლობასთან დაკავშირებით, რომელიც გამოიწვევდა სახელმწიფო შესყიდვებით გათვალისწინებულ შავ სიაში დარეგისტრირებას, შემსრულებელმა დარჩენილი 369 პირის მომსახურების შესრულება ცენტრში წარადგინა 2016 წლის 30 დეკემბერს, რომელიც არ იქნა ჩაბარებული, ვინაიდან შემსყიდველის განცხადებით , შესრულებული სამუშაო საჭიროებდა პირველ რიგში, აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს მეშვეობით, თითოეული ბენეფიციარის სარეიტინგო ქულისა და საცხოვრებელი ადგილის გადამოწმებას, რაც საანგარიშო წლის ბოლოს, რამოდენიმე დღეში ვერ მოხერხდებოდა. ასევე ხაზინის მეშვეობით ფინანსური გადარიცხვები დაბრკოლებული იყო. მიმწოდებლის მიერ შესრულებლი სამუშაოების რეალობასთან დაკავშირებით, საზოგადოებრივი ჯანდაცვის ცენტრში არსებულ ინფორმაციაზე დაყრდნობით , შესაძლებელი გახდა გადამოწმებულიყო მიმწოდებლის მიერ აგვისტოდან დეკემბრის ჩათვლით შესრულებული სამუშაოები , სადაც ყოველ დოკუმენტზე ფიქსირდება ბენეფიციარის ხელმოწერა და ,,დიაგნოზი“, თუმცა განხორციელებული გადამოწმების შედეგად იდენტიფიცირებულია, რომ სულ დაუსაბუთებელია 379 მომსახურების მიღება, საერთო ღირებულებით 8.9 ათასი ლარი. ზემოაღნიშნული ფაქტობრივი გარემოებებიდან გამომდინარე, ბენეფიციართა გამოკითხვის შედეგები შეუსაბამოა მიმწოდებლის მიერ წარმოდგენილ შესრულებულ სამუშაოების დოკუმენტაციასთან, რითაც შესაძლოა მიმწოდებელმა დაუსაბუთებლად მიიღო სულ 379 ბენეფიციარის მომსახურების ღირებულების თანხა 8.9 ათასი ლარის ოდენობით და წარმოშობს რისკებს, ბენეფიციართა ხელმოწერებისა და დასმული ,,დიაგნოზების’’ ნამდვილობასთან დაკავშირებით.

ანგარიშში ხარჯების ეკონომიკური კლასიფიკაციის მიხედვით, „ძირითადი კაპიტალის მოხმარების“ მუხლის ფაქტობრივი ხარჯი აღრიცხული არ არის. არაფინანსური აქტივების მიღება-გასვლის შესახებ ანგარიშისა და წმინდა ღირებულების ანგარიშის მიხედვით, ძირითადი კაპიტალის მოხმარება ათასი 1 281.4 ლარია.

აუდიტით გამოვლინდა, რომ სსიპ „საქართველოს ეროვნული მუზეუმის“, სსიპ „ქ. თბილისის ზ. ფალიაშვილის სახელობის ოპერისა და ბალეტის პროფესიული სახელმწიფო თეატრის“ და სსიპ „საქართველოს შოთა რუსთაველის თეატრისა და კინოს სახელმწიფო უნივერსიტეტის“ მიერ სახელშეკრულებო პირობების შეუსრულებლობისათვის პირგასამტეხლოს თანხები სულ - 28,630 ლარის ოდენობით, არ არის აღრიცხული სააღრიცხვო რეგისტრებში , რის შედეგადაც შემცირებულია საბალანსო ანგარიშების - N1354 „მოთხოვნები დარიცხული ჯარიმებით, სანქციებით და საკუთრებასთან დაკავშირებული სხვა შემოსავლებით“ და „კაპიტალის“ N5000 - საბოლოო ნაშთები.

ქალაქ ოზურგეთში შიდა ქუჩების სარეაბილიტაციო სამუშაოების დათვალიერებისას აღმოჩნდა რომ შიდა გზები რომელთა რეაბილიტაციაშიც გადახდილია 1 315 ათასი ლარი დაზიანებულია წყლის სარეაბილიტაციო სამუშაოების მიმდინარეობის გამო და პასუხისმგებელ პირებს არ გაუტარებიათ სათანადო ღონისძიებები არსებული დაზიანებების აღმოსაფხვრელად

2016-2017 წლებში, მუნიციპალიტეტის შიდა აუდიტის სამსახურს არ შეუსწავლია მერიის სტრუქტურული ერთეულების საქმიანობა. სამსახურს არ შეუფასებია შეესაბამება თუ არა მუნიციპალიტეტის საქმიანობა დაგეგმილ მიზნებსა და ამოცანებს, რამდენად კანონიერად, მიზნობრივად და ეფექტიანად ხდება დაფინანსების გამოყენება, დანერგილია თუ არა ადეკვატური მართვისა და კონტროლის მექანიზმები და სხვ. შესაბამისად არ განუხორციელებია შესაძლო დარღვევებისა და ხარვეზების იდენტიფიცირება

შემოწმებების დაგეგმვის პროცესში გამოვლინდა ხარვეზები, რომლებიც ხელს შეუშლის სამსახურს ოპტიმალურად განახორციელოს სახანძრო-ტექნიკური შემოწმებები: - ზედამხედველობას დაქვემდებარებული ობიექტების გაზრდისა და რესურსების შემცირების ფონზე სამსახურის არ აქვს შემუშავებული ობიექტების შერჩევის მეთოდოლოგია და შესაბამისი კრიტერიუმები; - სამსახურს არ აქვს განსაზღვრული კონკრეტული ტიპის ობიექტის საკონტროლო და დეტალური შემოწმებისათვის საჭირო საშუალო დრო; - სამსახურში არ არის განსაზღვრული როგორ განაწილდება ინსპექტორებზე ობიექტები და რამდენი ინსპექტორი ივლის შემოწმებაზე; - აუდიტის პერიოდში სამსახური არ აღრიცხავდა სტატისტიკურ მონაცემებს კონკრეტულ ობიექტებში აღმოჩენილი დარღვევების რაოდენობის, სიმძიმისა და შეუსრულებელი რეკომენდაციების შესახებ, შესაბამისად შეზღუდულია ისტორიული ინფორმაციის სისრულე და ხელმისაწვდომობა. ამასთანავე, გაჩენილი ხანძრების შესახებ სტატისტიკა არასრულადაა წარმოებული, რაც შეაფერხებს შესამოწმებელი ობიექტების რისკზე დაფუძნებულ შერჩევას.

აჭარის ავტონომიური რესპუბლიკის ჯანმრთელობისა და სოციალური დაცვის სამინისტრო ახორციელებს ქვეპროგრამას - ,,ეკომიგრანტთა ოჯახების საცხოვრებლით უზრუნველყოფა’’, რომლის ბიუჯეტიც შეადგენს 3 000.0 ათას ლარს. აღნიშნული პროგრამის მიზანია, პირები რომლებიც განაგრძობენ ცხოვრებას სტიქიური კატასტროფის ზონაში, სადაც მათ ჯანმრთელობას და სიცოცხლეს საფრთხე ემუქრება, უზრუნველყოფილნი იქნენ უსაფრთხო საცხოვრისით. პროგრამის ბენეფიციარებს წარმოადგენენ ეკომიგრანტები, რომლებიც 2010 წლის 1 იანვრის მდგომარეობით, რეგისტრირებულნი არიან აჭარის ავტონომიური რესპუბლიკის ტერიტორიაზე და შესაბამისი შუამდგომლობით წარადგენს მუნიციპალიტეტი. პროგრამაში ჩართვის შესახებ გადაწყვეტილებას ღებულობს შესაბამისი კომისია, დადგენილი წესის მიხედვით. პროგრამაში ბენეფიციართა ჩართვა ასევე ხორციელდება ეკომიგრანტთა მონაცემთა მუდმივად განახლებად ერთიან ელექტრონულ ბაზაში დარეგისტრირებულ პირების, პრიორიტეტული ქულების მიხედვით. პროგრამაში ჩართვის შემდგომ ბენეფიციარს მიეცემა 30 კალენდარული დღე, საქართველოს ტერიტორიაზე, საცხოვრებელი ფართის შერჩევისათვის, რომელსაც შემდგომში უტარდება ექსპერტიზა, შენობა-ნაგებობების ტექნიკური მდგომარეობისა და საბაზრო ღირებულების განსაზღვრის შესახებ. კომისია, დაფინანსების დადებითი გადაწყვეტილების მიღების შემთხვევაში, იხდის ქონების საბაზრო ღირებულების თანხას, მაგრამ არაუმეტეს 25.0 ათასი ლარისა. აუდიტის პერიოდში სულ დაფინანსდა ქედის, შუახევის, ხულოსა და ქობულეთის მუნიციპალიტეტებიდან 96 ოჯახი, სულ, ექსპერტიზის მომსახურების ჩათვლით, გაწეული იქნა 2 403.0 ათასი ლარის ხარჯი. წარმოდგენილი დოკუმენტაციის მიხედვით, ბენეფიციარები, საცხოვრებელი ფართის შესყიდვის მიზნით, სამინისტროს (მუნიციპალიტეტის შუამდგომლობით) შესაბამისი მოთხოვნით მიმართავს პროგრამაში ჩართვასთან დაკავშირებით, თუმცა რიგ შემთხვევებში, შესყიდული ალტერნატიული ქონება გაცილებით მცირეა იმ პირთა რაოდენობასთან მიმართებით, რომლებიც ფიზიკურად უნდა განთავსდნენ აღნიშნულ საცხოვრისში, ასევე ნაწილი ბენეფიციარებისა განაგრძობს ცხოვრობას სტიქიური კატასტროფის ზონაში, სადაც მათ ჯანმრთელობასა და სიცოცხლეს საფრთხე ემუქრება. მაგალითისათვის: აუდიტის პერიოდში, შუახევის მუნიციპალიტეტიდან, თექვსმეტსულიანი ოჯახისთვის შესყიდული იქნა ქ. ბათუმში, კომახიძის ქუჩა N117-ში, 29.29 კვ.მ საცხოვრებელი ფართი (ბინა); ქობულეთის მუნიციპალიტეტიდან ექვსსულიანი ოჯახისთვის შესყიდული იქნა ქობულეთში, რუსთაველის ქუჩა N140 გ-ში, 33.58 კვ.მ საცხოვრებელი ფართი (ბინა); ხულოს მუნიციპალიტეტიდან, ექვსსულიანი ოჯახისთვის, შესყიდული იქნა ქ. ბათუმში, სვიშევსკის ქუჩა N211-ში, 38.39 კვ.მ საცხოვრებელი ფართი (ბინა); ქედის მუნიციპალიტეტიდან, ათსულიანი ოჯახისთვის, შესყიდული იქნა ქ. ბათუმში, ფრიდონ ხალვაშის გამზირი N64-ში, 55.12 კვ.მ საცხოვრებელი ფართი (ბინა). აღნიშნული პროგრამის ფარგლებში, მუნიციპალიტეტებმა დამატებით, პროგრამით მოსარგებლე ბენეფიციარებთან, გააფორმეს რიგ შემთხვევებში მემორანდუმი, ხოლო რიგ შემთხვევებში შეთანხმება, რომ ისინი მოახდენდნენ სტიქიური პროცესების განვითარების ზონაში მდებარე საცხოვრებელი სახლების დემონტაჟს, არ აწარმოებდნენ სხვა ტიპის სამუშაოებს მიწაზე და ა.შ. აუდიტის ჯგუფის მიერ, მუნიციპალიტეტებიდან მიღებული იქნა ინფორმაციები, 2016 წელს პროგრამით მოსარგებლე ბენეფიციართა შესახებ, რომლებმაც მიიღეს შესაბამისი დაფინანსება, იყენებდნენ თუ არა სტიქიური პროცესების განვითარების ზონაში მდებარე საცხოვრებელ სახლებს მუდმივ საცხოვრებლად, ხომ არ მოხდა მათი გასხვისება, გაქირავება ან დემონტაჟი. ქედისა და ქობულეთის მუნიციპალიტეტის მიერ წარმოდგენილი ინფორმაციით, პროგრამით მოსარგებლე ბენეფიციარები არ იყენებენ აღნიშნულ ქონებას. ხულოს მუნიციპალიტეტის ინფორმაციის მიხედვით, 12 ოჯახი კვლავ ცხოვრობს იმავე სახლში, ხოლო შუახევის მუნიციპალიტეტის ინფორმაციით, 39 ოჯახი კვლავ ძველ საცხოვრებელ სახლებში ცხოვრობს. ზემოაღნიშნული ფაქტობრივი გარემოებებიდან გამომდინარე, პროგრამა და შესაბამისი შესრულების წესი არ მოიცავს ბენეფიციართა შესაბამისი და გონივრულად საკმარისი ფართებით დაკმაყოფილების უზრუნველყოფის კომპონენტს (რეგულაციას), ასევე რიგ შემთხვევებში ოჯახები კვლავ სარგებლობენ სტიქიური განვითარების ზონაში არსებული საცხოვრისებით, რაც წარმოშობს რისკებს, რომ სრულყოფილად ვერ ხდება ბენეფიციართა სიცოცხლის რისკების დაზღვევა და მათთვის უსაფრთხო საცხოვრისით უზრუნველყოფა.

ანგარიშში ხარჯების ეკონომიკური კლასიფიკაციის მიხედვით, „პროცენტის“ მუხლში ასახულია 66.7 ათასი ლარი. აღნიშნული თანხა წარმოადგენს მუნიციპალიტეტის მიერ სალხინო-ლეცავე-ბალდას გზის რეაბილიტაციისათვის აღებული გრძელვადიანი სესხის პროცენტს. გამგეობას კანონმდებლობის შესაბამისად უნდა განეხორციელებინა დანახარჯების კაპიტალიზაცია და გრძელვადიან ფინანსურ ვალდებულებებზე გადახდილი პროცენტი უნდა დაემატებინა უშუალოდ იმ აქტივის ღირებულებისთვის, რომელზედაც მიმართულ იქნა სესხის ძირითადი თანხა.

2016 წელს სსიპ „თბილისის აპოლონ ქუთათელაძის სახელობის სახელმწიფო სამხატვრო აკადემიაში“ განხორციელდა შენობა-ნაგებობების ნაწილის გადაფასება (საბოლოო შედეგით აფასება). გადაფასება ფინანსურ აღრიცხვაში აისახა არასწორად; კერძოდ, არ მოხდა ძირითად აქტივებზე დაგროვილი ცვეთის გათვალისწინება. მოცემულ შემთხვევაში აფასება განხორციელდა აქტივის ისტორიული ღირებულების მიხედვით და არა მისი ნარჩენი, საბალანსო ღირებულებიდან გამომდინარე შემფასებლის მიერ განსაზღვრულ ღირებულებამდე. შედეგად, შემცირებულად არის წარმოდგენილი შემდეგი საბალანსო ანგარიშების საბოლოო ნაშთები: „ძირითადი საშუალებების“ -772,148 ლარით; „წმინდა ღირებულების“ - 765,338 ლარით, ხოლო „გაუნაწილებელი მოგება“ - 6,810 ლარის ოდენობით. ასევე, ფინანსურ ანგარიშგების ფორმა N4_ში - „სხვა არასაოპერაციო შემოსავლები“ წარმოდგენილია 772,148 ლარით შემცირებული ღირებულებით.

სოფელ შემოქმედში მდინარე აკიშაზე ლითონის ხიდისა და გაბიონის მოწყობაში გადახდილია -36,1 ათასი ლარი. სამუშაოების ადგილზე დათვალიერების შედეგად აღმოჩნდა რომ მშენებლობა დაზიანებულია

მუნიციპალიტეტის მიერ გამოცხადებულ ერთ-ერთ ტენდერზე, პრეტენდენტები უფრო მეტი სარგებლის მიღების მიზნით, სავარაუდოდ მოქმედებდნენ ურთიერთშეთანხმებით და შედეგად გაიზარდა შესყიდვის ობიექტის ფასი. მერიას არ უმსჯელია და არ გამოუვლენია აფიდავიტის შესაძლო დარღვევის აღნიშნული ფაქტი. შედეგად, მუნიციპალიტეტმა დაკარგა სატენდერო ეკონომიის მიღების შესაძლებლობა და გასწია 15.4 ათასი ლარის არაეკონომიური ხარჯი.

2018 წლის პირველ ნახევარში თბილისის რაიონებში რეკომენდაციების გაცემის მიმართ არაერთგვაროვანი მიდგომა არსებობდა. რიგ შემთხვევებში, კონკრეტული რეკომენდაცია ზოგიერთ რაიონში საერთოდ არ გაიცემოდა. რეკომენდაციების სათანადო ხარისხის უზრუნველსაყოფად, სამსახურში არ არის დანერგილი სისტემური ხარისხის კონტროლის მექანიზმები და ინსპექტორების კვალიფიკაციის ამაღლებისკენ მიმართული ღონისძიებები. ასევე სამსახურს არ აქვს შემუშავებული სახანძრო უსაფრთხოების მოთხოვნების ერთიანი კონსოლიდირებული სტანდარტი, რომელიც გააერთიანებს სახანძრო უსაფრთხოების ყველა მნიშვნელოვან მოთხოვნას.

ანგარიშში ხარჯების ეკონომიკური კლასიფიკაციის მიხედვით „გრანტების“ მუხლი წარმოდგენილია 5 000.0 ათასი ლარით. წმინდა ღირებულების ანგარიშისა და მუნიციპალიტეტის ბიუჯეტის შესრულების წლიური ანგარიშის მიხედვით, „გრანტების“ მუხლი 5.0 ათასი ლარია. პასუხისმგებელი პირის განმარტებით, აღნიშნული გამოწვეულია მექანიკური შეცდომით

სსიპ „საქართველოს შოთა რუსთაველის თეატრისა და კინოს სახელმწიფო უნივერსიტეტის“ მიხედვით არ განხორციელებულა რუსთაველის გამზირ N19-ში მდებარე შენობის სარეაბილიტაციო სამუშაოებზე საპროექტო-სახარჯთაღრიცხვო დოკუმენტაციის შედგენის მომსახურების ღირებულების - 94,899 ლარის კაპიტალიზაცია/შენობის ღირებულებაზე დამატება.

არსებობს რისკი, რომ მუნიციპალიტეტმა ამწე კალათის შესყიდვის განმეორებით ტენდერში პირობები შეცვალა არა ობიექტური საჭიროებიდან გამომდინარე არამედ იმ მიზეზით რომ კონკურენცია შეზღუდულიყო და შესაძლო დაინტერესებულ პირებს შესყიდვაში ვერ მიეღო მონაწილეობა. შედეგად, მუნიციპალიტეტის პასუხისმგებელი პირების ქმედებით დაირღვა საქართველოს შესყიდვების კანონმდებლობა და მუნიციპალიტეტმა გასწია 22.5 ათასი ლარის არაეკონომიური ხარჯი.

მიმწოდებლებთან გაფორმებული ხელშეკრულებების ფარგლებში, რიგ შემთხვევაში შეტანილია ცვლილებები. სათანადო დასაბუთების გარეშე გაზრდილია სამუშაოთა მიწოდების თავდაპირველად განსაზღვრული ვადა და მიმწოდებლებზე არ არის დარიცხული სახელშეკრულებო პირობებით განსაზღვრული პირგასამტეხლო. ხელშეკრულებით გათვალისწინებულ საჯარიმო სანქციების ამოქმედების შემთხვევაში, მიმწოდებლებს დაეკისრებოდათ პირგასამტეხლო 2.5 ათასი ლარის ოდენობით.

აუდიტის შედეგად გამოვლინდა, რომ 2017 წელს და 2018 წლის პირველ ნახევარში სათანადოდ არ იქნა გამოყენებული ობიექტების დაჯარიმების და შენობა-ნაგებობების, საწარმოო უბნის, სათავსოს ექსპლუატაციის ან სამუშაოს ჩატარების მთლიანად ან ნაწილობრივ შეჩერების მოთხოვნით სასამართლოსთვის მიმართვის უფლებამოსილება. კერძოდ, 2018 წლის პირველ ნახევარში შემოწმებული დარღვევების მქონე ობიექტების 50% არ დაჯარიმდა, ხოლო საქმიანობა სასამართლოს გადაწყვეტილებით შეუჩერდა მხოლოდ 1 ობიექტს. სამსახურში არ არის ჩამოყალიბებული შიდა კონტროლის მექანიზმები, რომლებიც უზრუნველყოფს ინსპექტორების მიერ კანონმდებლობით განსაზღვრული რეაგირების მექანიზმების ეფექტიანად ამოქმედებას. ამასთანავე, სამსახურს არ აქვს დანერგილი ჯარიმების გადახდის კონტროლის მექანიზმები. შედეგად, სახანძრო ზედამხედველობას დაქვემდებარებული ობიექტების უდიდეს ნაწილში სახანძრო უსაფრთხოების მოთხოვნები დაცული არ იყო, ხოლო სამსახურის მიერ გაცემული რეკომენდაციების შესრულების მაჩვენებელი დაბალი დონით ხასიათდებოდა. ამასთანავე, 2018 წლის პირველ ნახევარში დაჯარიმებული ობიექტების ნაწილს ჯარიმები არ ჰქონდა გადახდილი.

წარმოდგენილი ინფორმაციის მიხედვით, გამგეობამ 2015 წელს მუნიციპალური განვითარების ფონდიდან აიღო სესხი 903.5 ათასი ლარის ოდენობით, სალხინო-ლეცავე-ბალდას გზის რეაბილიტაციისათვის. 2016 წელს მუნიციპალიტეტმა დაფარა სასესხო ვალდებულება 10.8 ათასი ლარის ოდენობით. აღნიშნული ოპერაცია ბუღალტრულად უნდა აღრიცხულიყო როგორც ვალდებულების შემცირება და ასახულიყო ფინანსური აქტივებითა და ვალდებულებებით საკასო ოპერაციების შესახებ ანგარიშში, რაც არ განხორციელებულა.

სსიპ „საქართველოს კულტურული მემკვიდრეობის დაცვის ეროვნული სააგენტოს“ მიხედვით არ განხორციელებულა არამატერიალური აქტივის - საქართველოს კულტურული მემკვიდრეობის მონაცემთა მართვის გეოსაინფორმაციო სისტემის და გის პორტალის - განახლება-გაუმჯობესების სამუშაოებზე გაწეული დანახარჯების 37,840 ლარის ოდენობით კაპიტალიზაცია; კერძოდ, სააგენტოს მიერ მოცემულ მომსახურებაზე გაწეული ხარჯები აღიარებული იქნა მიმდინარე პერიოდის ხარჯად.

მუნიციპალიტეტმა ვერ წარმოადგინა დოკუმენტური მტკიცებულებები იმისა თუ სად დაიხარჯა 800 კბ.მ ინერტული მასალა რომლის ღირებულებაც 8.5 ათას ლარს შეადგენს

მიმწოდებელთან გაფორმებული ხელშეკრულების შესაბამისად ექსპერტიზის, ხარჯის გაწევა ევალებოდა მიმწოდებელს. მოგვიანებით ხელშეკრულებაში შევიდა ცვლილება, რომლის მიხედვით ექსპერტიზის ხარჯი დააფინანსა მუნიციპალიტეტმა, მიუხედავად ამისა ხელშეკრულების ღირებულება არ შემცირებულა შესაბამისი თანხით. (კონკრეტული თანხის მითითება რითაც უნდა შემცირებულიყო ხელშეკრულება ვერ ხერხდება, რადგან ხარჯთაღრიცხვაში ცალკე პუნქტად არ იყო განსაზღვრული)

2016 წელს მარტვილის მუნიციპალიტეტმა მუნიციპალური განვითარების ფონდიდან მიიღო დაფინანსება 508.5 ათასი ლარი გრანტის სახით, რომლითაც განხორციელდა სალხინო-ლეცავე-ბალდას გზის რეაბილიტაცია. გამგეობას აღნიშნული ოპერაცია ბუღალტრულად არ აუსახავს და შესაბამისად, არც ფინანსურ ანგარიშგებაშია წარმოდგენილი.

სსიპ „ვაჟა ფშაველას სახელობის თელავის სახელმწიფო დრამატულმა თეატრმა“ ნაცვლად ძირითადი აქტივების დაშლის შედეგად მიღებული სხვა მატერიალური მარაგების ღირებულების გაზრდისა, მოახდინა დემონტაჟის ხარჯების კაპიტალიზაცია და შენობა-ნაგებობების საბალანსო ღირებულების გაზრდა 113,100 ლარით. თეატრს 2016 წელს ბალანსიდან არ აქვს ჩამოწერილი 1,014,294 ლარის საბალანსო ღირებულების ძირითადი საშუალებები (მიწისზედა სამუშაოების ღირებულება), რომელსაც გაუკეთდა დემონტაჟი.

არსებობს რისკი, რომ მუნიციპალიტეტმა თავდაპირველი ტენდერი შეწყვიტა არა ობიექტური გარემოებების გათვალისწინებით არამედ იმ მოტივით, რომ ტენდერში გაემარჯვა და სამუშაოები შეესრულებინა ოზურგეთის მუნიციპალიტეტის გამგეობის საწარმო შპს „ტექნოსერვს“. აღნიშნულის შედეგად მუნიციპალიტეტმა 11.0 ათასი ლარით იზარალა.

სხვადასხვა სამუშაოების შესყიდვისას, გამოვლინდა შემთხვევები, როდესაც სამუშაოების მწარმოებელ და ექსპერტიზის განმახორციელებელ სუბიექტებს შორის იკვეთება ინტერესთა შეუთავსებლობა, რაც რისკის შემცველი გარემოებაა. მუნიციპალიტეტს არ უმსჯელია აღნიშნულ ფაქტებთან დაკავშირებით.

2016 წელს სახელმწიფო ბიუჯეტმა დააფინანსა მარტვილის მუნიციპალიტეტის კრედიტორული დავალიანება 21.3 ათასი ლარის ოდენობით. აღნიშნული თანხით განხორციელდა სალხინო-ლეცავე-ბალდას გზის რეაბილიტაცია. გამგეობას აღნიშნული ოპერაცია ბუღალტრულად არ აუსახავს და შესაბამისად, არც ფინანსურ ანგარიშგებაშია წარმოდგენილი.

სსიპ-ების მიერ ძირითადი კაპიტალის მოხმარების/ცვეთის სააღრიცხვო უზუსტობების შედეგად, შემცირებული არის ცვეთის ხარჯი 36,641 ლარის ოდენობით. ასევე არ არის უზრუნველყოფილი კონსოლიდირებული ბალანსის „ძირითადი აქტივების“ და „კაპიტალის“ მუხლით ანგარიშების სისწორე.

მუნიციპალიტეტმა დაარღვია თავისივე ხელშეკრულებით განსაზღვრული პირობები და არ გამოიყენა ხარისხის უზრუნველყოფისათვის დანერგილი კონტროლის მექანიზმები, შესაბამისად არ ფლობს საკმარის მტკიცებულებებს იმის შესახებ, თუ რამდენად ხარისხიანი სამუშაოები შესრულდა აღნიშნული ხელშეკრულებების ფარგლებში. შედეგად მუნიციპალიტეტის შესაბამისმა პასუხისმგებელმა პირებმა ჩაიბარეს და აანაზღაურეს 216.8 ათასი ლარის ისეთი სამუშაოების ღირებულება, რომლის ხარისხი შესაბამისი ექსპერტიზის დასკვნით დადასტურებული არ არის.

სენაკის მუნიციპალიტეტმა საწვავის ხარჯი გასწია საბიუჯეტო ასიგნებების ეკონომიური და რაციონალური ხარჯვის ვალდებულების დაცვის გარეშე. გარდა ამისა საწვავის ხარჯვის პროცესზე არ აქვს დანერგილი კონტროლის სათანადო მექანიზმები. შედეგად არსებობს რისკი, რომ საწვავის ხარჯვა ხდება არაავტორიზებულ ავტომანქანებზე და არასამსახურებრივი დანიშნულებით. ამასთან, სენაკის მუნიციპალიტეტს შემუშავებული და დამტკიცებული არ აქვს სამსახურებრივი უფლებამოსილების განსახორციელებლად საჭირო ავტოპარკის გადანაწილების, სატრანსპორტო საშუალებების კლასიფიკაციისა და შესყიდვის შესახებ წესი.

ფინანსურ ანგარიშგებაში, „არაწარმოებული აქტივების“ (კერძოდ, მიწის) მუხლის საბოლოო ნაშთში აღრიცხული არის 42 დასახელების მიწა, ღირებულებით 253.9 ათასი ლარი. გამგეობის ეკონომიკური განვითარების, ქონების მართვისა და სტატისტიკის სამსახურმა აუდიტის ჯგუფს წარმოუდგინა ინფორმაცია საკუთრებაში არსებული მიწის შესახებ, ნორმატიული ფასების მითითებით. ინფორმაციის მიხედვით, მუნიციპალიტეტი 2016 წლის ბოლოსათვის ფლობდა 142 დასახელების მიწის ნაკვეთს, რომელთა ნორმატიული ღირებულება 1 163 ათას ლარზე მეტია. პასუხისმგებელი პირის განმარტებით, აღნიშნული ინფორმაცია ბუღალტრული აღრიცხვის განყოფილებას არ მიეწოდა და ბალანსში აღირიცხება წარდგენისთანავე

ზოგიერთი საბალანსო ანგარიშების მიხედვით სსიპ „საქართველოს შოთა რუსთაველის თეატრისა და კინოს სახელმწიფო უნივერსიტეტის“ სააღრიცხვო სისტემაში ასახული საწყისი ნაშთი წინა წლის საბოლოო ნაშთთან (რომელიც წარმოადგენდა აუდირებული პერიოდის საწყისს ნაშთს) შესაბამისობაში იქნა მოყვანილი გაურკვეველი, ხელოვნური ე.წ. „მაკორექტირებელი გატარებებით“, რომელსაც საფუძვლად არ ედო რეალური ეკონომიკური მოვლენის მოხდენის ფაქტი.

მიმწოდებლებმა 162.7 ათასი ლარის ღირებულების ბეტონის გზა მოაწყვეს ისე, რომ ხარისხის დამადასტურებელი ექსპერტიზის დასკვნები მიმწოდებელს არ წარმოუდგენია. მიუხედავად აღნიშნულისა, გამგეობამ (შესაბამისმა პასუხისმგებელმა პირებმა) სრულად აანაზღაურა აღნიშნული სამუშაოების ღირებულება.

თანამშრომლის მიერ ავტოსატრანსპორტო შემთხვევის შედეგად მუნიციპალიტეტს მიადგა ქონებრივი ზიანი და ზიანის მიყენებიდან ორი წლის განმავლობაში, მან ვერ უზრუნველყო ქმედითი და ოპერატიული ღონისძიებების გატარება ზიანის ანაზღაურების მიზნით, ხოლო სასამართლოსთვის მიმართვა განხორციელდა მხოლოდ აუდიტის ჯგუფის მიერ საკითხით დაინტერესების შემდეგ.

ბალანსის დანართ ფორმა №5-ში - ანგარიშში არაფინანსური აქტივების მიღება-გასვლის შესახებ, „არაწარმოებული აქტივების“ მუხლის გასვლა-გაყიდვით არ არის აღრიცხული. წარმოდგენილი ინფორმაციის მიხედვით, 2016 წელს მუნიციპალიტეტმა აუქციონის ფორმით გაასხვისა 396 კვ.მ მიწა, რომლის საბალანსო ღირებულება 16.4 ათასი ლარი იყო. პასუხისმგებელი პირის განმარტებით, მიწის გასხვისების შესაბამისი დოკუმენტაცია ბუღალტრულ განყოფილებას არ მიეწოდა.

კონსერვატორიის მიერ წარდგენილი 2016 წლის ფინანსური ანგარიშგება (ბალანსი) ვერ უზრუნველყოფს ორგანიზაციის სამეურნეო პროცესებისა და საქმიანობის შედეგების შესახებ სრული და უტყუარი ინფორმაციის ჩამოყალიბებას, რადგან სამეურნეო ოპერაციების ბუღალტრული აღრიცხვა სრულყოფილად არ წარმოებს ორმაგი ჩაწერის ხერხით ანგარიშთა გეგმის შესაბამისად (მაგალითად, ეკონომიკური საქმიანობის ფარგლებში მიღებული სახსრებიდან გაწეული ხარჯები არ არის გადახურული ბუღალტრული გატარებებით შესაბამის ანგარიშებზე ).

2016 წლის 10 აგვისტოს მერიამ მესამედ გამოაცხადა ტენდერი უფასო კვების მომსახურეობაზე, სადაც გამარჯვებულად გამოცხადდა შპს „ჩიხურა“ რომელსაც გაუფორმდა ხელშეკრულება ღირებულებით 24.0 ათასი ლარი. არსებობს სატენდერო კომისიის მხრიდან პროცესის იმგვარად წარმართვის რისკი, რომ ტენდერი მოეგო არა შპს „ჩიხურას“, არამედ ი.მ ოლეგ შარაშენიძეს. მესამე ტენდერი მაინც შპს „ჩიხურამ“ მოიგო და განახორციელა მომსახურეობის მიწოდება. ხოლო მუნიციპალიტეტის შესაბამისი პასუხისმგებელი პირების ქმედებით ბიუჯეტს მხოლოდ 2 თვეში ი.მ ოლეგ შარაშენიძესთან გაფორმებული გამარტივებული ხელშეკრულებების გამო 4.2 ათასი ლარის ზარალი მიადგა, რაც წარმოადგენს არაეკონომიურ ხარჯს

2016 წელს მუნიციპალიტეტის მიერ არ იქნა დაცული კანონმდებლობითა და საკრებულოს დადგენილებით განსაზღვრული მოთხოვნები და თანამშრომლებზე პრემია გაიცა ნორმით განსაზღვრულზე მეტჯერ.

არაფინანსური აქტივების ანალიზური აღრიცხვის მონაცემების მიხედვით, ავტომანქანების რემონტის ხარჯი და სათადარიგო ნაწილების ღირებულება აღრიცხულია 11.6 ათასი ლარით, ხოლო საწვავის ხარჯში - 13.1 ათასი ლარი. გამგეობის მიერ წარმოდგენილი ინფორმაციით, იგივე მაჩვენებლები, შესაბამისად, 26.4 ათასი ლარი და 52.8 ათასი ლარია

75,715 ლარის დებიტორული დავალიანების ხანდაზმულობის ვადა გასულია და ინვენტარიზაციის მასალებიდან გმომდინარე ამ დავალიანებებიდან თანხების მიღება შეუძლებელია, თუმცა საინვენტარიზაციო კომისიას დებიტორების ჩამოწერასთან დაკავშირებით გადაწყვეტილება არ მიუღია. უიმედო დებიტორული დავალიანების თანხები არ ჩამოწერილა და შესაბამისად აღირიცხული არ არის საცნობარო - „გადახდისუუნარო დებიტორების ჩამოწერილი დავალიანების“ მუხლში. შესაბამისად, ფინანსურ ანგარიშგებაში მოთხოვნების ნაწილში აქტივები 75,715 ლარით ზედმეტად არის წარმოდგენილი;

შიდა აუდიტის სამსახურმა შესწავლისათვის ობიექტები უნდა შეარჩიოს იმგვარად რომ მოიცვას მუნიციპალიტეტის საქმიანობის ყველა მნიშვნელოვანი სფერო, მიუხედავად ამისა 2016-2017 წლებში არ შემოწმებულა არცერთი სამსახური, რომლებიც მუნიციპალიტეტის მართვის სისტემის ძირითად ნაწილს წარმოადგენს და რომელთა მეშვეობითაც მუნიციპალიტეტი ახორციელებს საკუთარ უფლებამოსილებებს. შედეგად, შიდა აუდიტის სამსახურმა ვერ უზრუნველყო მუნიციპალიტეტის საქმიანობაში არსებითი უზუსტობის გამოვლენა და იმ დარღვევა-ნაკლოვანებათა თავიდან აცილება რომლებიც გამოავლინა სახელმწიფო აუდიტის ანგარიშში.

სააუდიტე პერიოდში შტატგარეშე მოსამსახურეებთან ხელშეკრულებების გაფორმების დროს არ იქნა დაცული კანონმდებლობით განსაზღვრული შტატგარეშე მოსამსახურეთა დაქირავების პრინციპი, რაგდან ისინი დაქირავებული იყვნენ მუდმივ ამოცანათა შესასრულებლად. ასევე მათზე გაცემულია პრემია - 20.6 ათასი ლარი, სათანადო დასაბუთების გარეშე, მაშინ, როდესაც მუნიციპალიტეტს ამის ვალდებულება არ გააჩნდა.

საქართველოს ფინანსთა მინისტრის 2008 წლის 16 აპრილის №364 ბრძანების მიხედვით, ორგანიზაცია ვალდებულია მოამზადოს ბალანსი და ბალანსის დანართი ფორმები, მათ შორის, ფორმა №2-2 - ანგარიში ფინანსური აქტივებითა და ვალდებულებებით საკასო ოპერაციების შესახებ, ფორმა №7 - ინფორმაცია ანგარიშებზე რიცხულ დებიტორულ დავალიანებათა შესახებ, ფორმა №8 - ანგარიშებზე რიცხულ კრედიტორულ დავალიანებათა შესახებ, ფორმა №9 - ინფორმაცია დებიტორული დავალიანების შესახებ ორგანიზაციულ ჭრილში და ფორმა №10 - ინფორმაცია კრედიტორული დავალიანების შესახებ ორგანიზაციულ ჭრილში. ბალანსის აღნიშნული დანართი ფორმები მარტვილის მუნიციპალიტეტის მიერ არ მომზადებულა.

3,783,863 ლარის კრედიტორულ დავალიანებას ხანდაზმულობის ვადა გასული აქვს. მიუხედავად ამისა, საინვენტარიზაციო კომისიას კრედიტორების ჩამოწერასთან დაკავშირებით შესაბამისი გადაწყვეტილება არ მიუღია9 და ისინი 2016 წლის ფინანსურ ანგარიშგებაში ირიცხებიან ბალანსზე. შედეგად, ფინანსურ ანგარიშგებაში ხანდაზმული ვალდებულებები, ჩამოწერის გარეშე, 3,783,863 ლარით ზედმეტად არის წარმოდგენილი;

ზედამხედველობის საქალაქო სამსახურს 2016 წელს გამოვლენილი აქვს სამშენებლო სამართალდარღვევების 1178 ფაქტი. მათ შორის 104 ფაქტზე გამოცემული სამართლებრივი აქტი ძალაში არ არის შესული და დაკისრებული ჯარიმის ამოღება ვერ განხორციელდა. აღუსრულებელი სამართლებრივი აქტებისა და ამოუღებელი ჯარიმების წილი საკმაოდ მაღალია. აღნიშნული მიუთითებს იმაზე, რომ მოქმედი რეგულაციებისა და არსებული პრაქტიკის პირობებში სამშენებლო სამართალდარღვევებზე ეფექტური რეაგირება ვერ ხორციელდება.

მუნიციპალიტეტის საკრებულოს არათანამდებობის პირებზე უფლებამოსილების განხორციელებასთან დაკავშირებული ხარჯები ანაზღაურებულია მოქმედი კანონმდებლობის დარღვევით, შესაბამისი ხარჯის დამადასტურებელი დოკუმენტების წარმოდგენის გარეშე. სააუდიტე პერიოდში აღნიშნულმა თანხამ 141.1 ათასი ლარი შეადგინა.

2016 წელს მარტვილის მუნიციპალიტეტში ინვენტარიზაცია არ ჩატარებულა. შესაბამისად, აუდიტის ჯგუფმა ვერ მოახერხა აქტივებისა და ვალდებულებების ფაქტობრივი ნაშთების დადგენა და მათი შედარება ორგანიზაციის სააღრიცხვო მონაცემებთან. გარემოების შედეგად დარღვეულია „საბიუჯეტო ორგანიზაციებში ქონების, მოთხოვნებისა და ვალდებულებების ინვენტარიზაციის ჩატარების წესის შესახებ“ საქართველოს ფინანსთა მინისტრის 2010 წლის №605 ბრძანება.

ფინანსური შედეგების, ფულადი სახსრების მოძრაობის და კაპიტალში ცვლილებების შესახებ ანგარიშები არასრულად ასახავს არასაბიუჯეტო სახსრებს, რადგან მასში ასახული არ არის საქართველოს პარლამენტის აპარატის სადეპოზიტო ანგარიშზე იჯარის და ელექტრონულ აუქციონში მონაწილეობის საგარანტიო თანხები სულ 38,346 ლარის ოდენობით. აღნიშნული თანხები არა მარტო ფინანსურ ანგარიშგებაში, არამედ ბუღალტრულ აღრიცხვაშიც არ იყო ასახული - არც შემოსავლებში და არც გასავლებში. შესაბამისად, არ არის დაცული ინსტრუქციის მოთხოვნები იჯარის სააღრიცხვო პოლიტიკასთან მიმართებით. იჯარით მიღებული თანხები უნდა აღიარდეს შემოსავლად და ამავე დროს ვალდებულად ბიუჯეტის მიმართ;

2016 წელს მერიამ გაასხვისა 37 მიწის ნაკვეთი (საერთო ფართი 17 330 კვ მ), რომელთა აღწერილობით ნაწილში მითითებული იყო მათი თვითნებურად დაკავების შესახებ. გასხვისებული ფართებიდან სამსახურის მიერ რეაგირება განხორციელებულია მხოლოდ ერთ შემთხვევაში, ხოლო დანარჩენ 36 ფაქტზე, მიუხედავად იმისა, რომ მერიის სსიპ - „ქონების მართვის სააგენტო“ ფლობდა ამ ინფორმაციას, ზედამხედველობის სამსახურის მიერ რეაგირება არ განხორციელებულა.

მუნიციპალიტეტის მერია, ვერ უზრუნველყოფს ადგილობრივი მოსაკრებლის დაწესებასთან დაკავშირებით საკრებულოს დადგენილების სათანადო აღსრულებას. კერძოდ, დასუფთავების მოსაკრებლის ადმინისტრირება ფიზიკური პირებიდან არ ხორციელდება. აღნიშნული უარყოფითად აისახება ადგილობრივი ბიუჯეტის შემოსავლებზე.

კანონმდებლობის მიხედვით, მუნიციპალიტეტს უნდა ჰქონდეს შიდა აუდიტის სტრატეგიული გეგმა. მარტვილის მუნიციპალიტეტს აღნიშნული დოკუმენტი არ მოუმზადებია. წარმოდგენილი ინფორმაციით შიდა აუდიტის სამსახურის მიერ აუდიტორული შემოწმების ინდივიდუალური გეგმები არ მომზადებულა, თუმცა ინფორმაცია, რაც აღნიშნულ დოკუმენტში უნდა იყოს, ნაწილობრივ ასახულია სამსახურის მიერ მომზადებულ სხვა დოკუმენტებში.  2016 წელს გამგეობის სტრუქტურული ერთეულებიდან აუდიტის სამსახურს შესწავლილი აქვს მხოლოდ საფინანსო-საბიუჯეტო სამსახურის საქმიანობა. შედეგად, სამსახურს 2016 წელს არ შეუფასებია, შეესაბამებოდა თუ არა მთლიანად მუნიციპალიტეტის საქმიანობა დაგეგმილ მიზნებსა და ამოცანებს. სახელმწიფო აუდიტის სამსახურის ანგარიშის დამტკიცების შემდეგ მდგომარეობა ნაწილობრივ გამოსწორდა. წარმოდგენილი ინფორმაციის მიხედვით, 2017 წლის მდგომარეობით შიდა აუდიტის სამსახურს შემოწმებული აქვს გამგეობის ოთხი სამსახური.

მაჟორიტარული სისტემით არჩეული პარლამენტის წევრების ბიუროების ხარჯები არასრულად არის წარმოდგენილი ფინანსურ ანგარიშგებაში კერძოდ: ფინანსური ანგარიშგება არარეალურად ასაახავს „საქონელი და მომსახურების“ ხარჯებს „წარმომაგენლობითი ხარჯების“ - ბიუროებზე გადარიცხული თანხების ნაწილში 1,181,338 ლარის ოდენობით. აღნიშნული თანხა წარმოადგენს წარმომადგენლობითი კლასიფიკაციის 2.2.4 კოდიდან გაწეულ საკასო ხარჯს და მათი ფაქტობრივ ხარჯად აღიარება უნდა მოხდეს შესაბამისი ხარჯვის დამადასტურებელი დოკუმენტების საფუძველზე;

2016 წელს განსაკუთრებული სამშენებლო რეგულირების ზონაში, სამშენებლო სამუშაოების ან მშენებლობის ეტაპის მშენებლობის ნებართვით დადგენილ ვადაში დაუსრულებლობისათვის 2 შემთხვევაში ზედამხედველობის საქალაქო სამსახურს არ განუხორციელებია კანონმდებლობით განსაზღვრული პროცედურები და არ გაუვრცელებია საჯარიმო სანქციები.

მუნიციპალიტეტის არაეფექტიანი მმართველობითი გადაწყვეტილების გამო ვერ იქნა უზრუნველყოფილი პროექტის წარმატებით განხორციელება. კერძოდ, სოფელ ისულაში მოწყობილი მდინარის ნაპირსამაგრი სრულად დაზიანდა, ვერ ასრულებს თავის ფუნქციებს და ტერიტორია საჭიროებს ახალი ნაპირსამაგრის მოწყობის სამუშაოებს. შედეგად, მუნიციპალიტეტის ბიუჯეტიდან 77.5 ათასი ლარი დაიხარჯა უშედეგოდ.

2016 წელს შიდა აუდიტის სამსახურმა ჩაატარა გამგეობის საფინანსო-საბიუჯეტო სამსახურის 2015 წლის ფინანსურ და ეფექტიანობის აუდიტი. შიდა აუდიტის დასკვნაში ასახული არ არის ის ხარვეზები, რაც დაფიქსირებულია სახელმწიფო აუდიტის სამსახურის ანგარიშში

არასწორად არის ხარჯებში ჩამოწერილი და შესაბამისად ფინანსურ ანგარიშგებაში ასახული მაჟორიტარული სისტემით არჩეული პარლამენტის წევრების ბიუროებზე გადარიცხული თანხების ნაშთები რამაც 2016 წლის 1-ლი იანვრისა და 2016 წლის 31 დეკემბრის მდგომარეობით შეადგინა 490,501 ლარი და 335,045 ლარი. აღნიშნული თანხები - საბანკო ანგარიშებზე დარჩენილი ნაშთები აკმაყოფილებს აქტივად აღიარების კრიტერიუმებს და უნდა ირიცხებოდეს ბალანსში აქტივებად (მოთხოვნების ანგარიშებზე). აგრეთვე, მაჟორიტარების ბიუროების მიერ გამოუყენებელი და ბიუჯეტში დაბრუნებული თანხები 284,418 ლარის ოდენობით აღრიცხულია და ფინანსურ ანგარიშგებაში ასახულია ხარჯებში, მაშინ როდესაც აღრიცხული უნდა იყოს როგორც ბიუჯეტში დაბრუნებული გამოუყენებელი თანხები ან ხარჯების შემცირება და არა როგორც ფაქტობრივი ხარჯები;

2007-2015 წლებში ქ. თბილისის მუნიციპალიტეტის ტერიტორიაზე კონსერვაციის გარეშე მიტოვებულია დაახლოებით 112 მშენებარე ობიექტი. მშენებელი ორგანიზაციების მიერ კონსერვაციის გარეშე მიტოვებულ ობიექტებზე სავარაუდოდ ირღვევა უსაფრთხოებისა და სანიტარიული ნორმები, შესაბამისად, არსებობს რისკი, რომ დაზიანდეს კონსტრუქციული ელემენტები, რაც გამორიცხავს სამშენებლო ღონისძიებათა შემდგომი გაგრძელების შესაძლებლობას. კონსერვაციის გარეშე მიტოვებული შენობა-ნაგებობა საფრთხეს უქმნის მოსაზღვრე შენობებსა და ტერიტორიას. კონსერვაციის გარეშე მიტოვებული 112 მშენებარე ობიექტიდან დააჯარიმა მხოლოდ 12 სამშენებლო ორგანიზაცია. აუდიტის ობიექტმა (შესაბამისმა პასუხისმგებელმა პირმა) ვერ დაასაბუთა 112 სამშენებლო ორგანიზაციიდან, მხოლოდ 12 მათგანის დაჯარიმების მიზეზი.

ბიუჯეტთან ანგარიშსწორების შედარების აქტის მიხედვით, სენაკის მუნიციპალიტეტს 2018 წლის 14 სექტემბრის მდგომარეობით ერიცხება საგადასახადო დავალიანება 2 355.3 ათასი ლარის ოდენობით, მათ შორის ძირითადი თანხა - 425.9 ათასი ლარი და საურავი - 1 929.4 ათასი ლარის ოდენობით. საგადასახადო დავალიანების საფუძველზე, შემოსავლების სამსახურის მიერ 2010 წლის ნოემბრიდან სენაკის მუნიციპალიტეტის ქონებას წარმოეშვა საგადასახადო გირავნობა/იპოთეკა.

არასწორად არის კლასიფიცრებული და ასახული ფინანსურ ანგარიშგებაში: 2016 წლის 31 დეკემბრის მდგომარეობით მოკლევადიანი ვალდებულებები 250,716 ლარის ოდენობით როგორც გრძელვადიანი ვალდებულებები;

ზედამხედველობის სამსახურის მიერ ექსპლუატაციაში მიუღებელი ობიექტებიდან, 62 მიეკუთვნება მე-3 და მე-4 კლასის მშენებლობებს, რაც მოიცავს მრავალფუნქციურ ობიექტებსა და მრავალსართულიან საცხოვრებელ ბინებს. აღნიშნულ ობიექტებზე პირველადი შემოწმებისას გამოვლინდა შეუსაბამობები, რის გამოც სამსახურმა არ მიიღო ექსპლოატაციაში, ხოლო მათი განმეორებითი შემოწმება დაფიქსირებული ხარვეზების გამოსწორების დასადასტურებლად არ განხორციელებულა. აღნიშნული ობიექტების უმრავლესობაში ცხოვრობს/იყენებს მოსახლეობა, რამაც შეიძლება გამოიწვევს უსაფრთხოების პრობლემები ობიექტებით მოსარგებლე პირებისათვის.

მერიის შიდა აუდიტის სამსახურის საქმიანობის ორგანიზება ვერ უზრუნველყოფს, რომ მნიშვნელოვანი წვლილი შეიტანოს მუნიციპალიტეტის რესურსების ეკონომიურად გამოყენებაში, მერიის წინაშე არსებული ამოცანების ეფექტიანად შესრულებასა და მუნიციპალიტეტის დასახული მიზნების მიღწევაში. შიდა აუდიტის სამსახურის მიერ გაცემული რეკომენდაციები, ვერ უზრუნველყოფს რისკების მართვისა და შიდა კონტროლის სისტემის გაუმჯობესებას.

არასწორად არის კლასიფიცრებული და ასახული ფინანსურ ანგარიშგებაში: შტატგარეშე მომუშავეებზე გაცემული დანამატი 32,625 ლარის ოდენობით ნაცვლად „საქონელი და მომსახურების“ მუხლისა გაწეულია და აღრიცხულია შრომის ანაზღაურების დანამატის მუხლში;

არასწორად არის კლასიფიცრებული და ასახული ფინანსურ ანგარიშგებაში: 2016 წლის 31 დეკემბრის მდგომარეობით, მატერიალური ფასეულობების ღირებულება 10,776,744 ლარის ოდენობით არასწორად მიკუთვნებულია და აღრიცხულია ბალანსის „შენობა - ნაგებობების“ მუხლში, რომლებიც ფუნქციური დანიშნულებისა და მომსახურების ვადებიდან გამომდინარე, არ წარმოადგენს პარლამენტის შენობა-ნაგებობების განუყოფელ ნაწილს. აღნიშნულიდან გამომდინარე, ისინი ექვემდებარება „მანქანა-დანადგარებისა და ინვენტარის“ მუხლში აღრიცხვას და ცვეთის დარიცხვის შესაბამისი - განსხვავებული ნორმების მიხედვით.

2016 წელს მარტვილის მუნიციპალიტეტმა (შესაბამისმა პასუხისმგებელმა პირებმა) 12 შემთხვევაში ხელშეკრულებები გააფორმა და შტატგარეშე მოსამსახურეები დაიქირავა. ხელშეკრულებები ძირითადად მოქმედებდა მთელი წლის პერიოდისთვის და შრომით ურთიერთობებს ფაქტობრივად მუდმივ ამოცანათა შესასრულებლად აწესრიგებდა. აღნიშნული წინააღმდეგობაშია შტატგარეშე მოსამსახურის დაქირავების პრინციპთან. მითითებული შრომითი ხელშეკრულებების შესაბამისად, 2016 წელს ანაზღაურების სახით გაიცა 66.2 ათასი ლარი.

მუნიციპალიტეტსა და შტატგარეშე მოსამსახურეებს შორის გაფორმებული ხელშეკრულებები არ ითვალისწინებდა დაქირავებული პირების წახალისებას, მიუხედავად ამისა, 8 პირზე გაცემულია სარვამარტო პრემია - 1.0 ათასი ლარის ოდენობით.

ადგილობრივი თვითმმართველობის კოდექსის შესაბამისად, შტატგარეშე მოსამსახურეთა რაოდენობა მარტვილის მუნიციპალიტეტისათვის არ უნდა აღემატებოდეს 14 ერთეულს. წარმოდგენილი ინფორმაციის შესწავლით გამოვლინდა, რომ მუნიციპალიტეტის მიერ 2016 წელს არ არის დაცული კოდექსით დაწესებული ზღვარი. კერძოდ, 2016 წლის განმავლობაში დაქირავებულ შტატგარეშეთა რაოდენობა იყო 17-19, რაც აღემატება კანონით დადგენილ ნორმას.

2016 წლის 23 იანვარს მუნიციპალიტეტმა შტატგარეშე მოსამსახურე დაიქირავა ტურიზმის საინფორმაციო ცენტრის სპეციალისტად. ტურიზმის საინფორმაციო ცენტრი სსიპ - საქართველოს ტურიზმის ეროვნული ადმინისტრაციის ტერიტორიული ორგანოა. მიზანშეწონილია, მუნიციპალიტეტმა შეზღუდული ფინანსური რესურსები პირველ რიგში გამოიყენოს საკუთარი საქმიანობის ორგანიზებისა და უფლებამოსილებების განსახორციელებლად.

2016 წელს, მარტვილის მუნიციპალიტეტი სამსახურებრივი უფლებამოსილების განსახორციელებლად სარგებლობდა ბალანსზე რიცხული 5 სამორიგეო და თანამშრომლების საკუთრებაში არსებული 59-61 ავტომანქანით. მუნიციპალიტეტის მიერ დამტკიცებული საწვავის მოხმარების ლიმიტების შესაბამისად, 2016 წელს აღნიშნულ ავტომანქანებზე დაიხარჯა 75.0 ათასი ლარის, მათ შორის, თანამშრომლების პირად საკუთრებაში არსებულ სატრანსპორტო საშუალებებზე - 62.6 ათასი ლარის ღირებულების საწვავი. ამდენად, მარტვილის მუნიციპალიტეტის მიერ სამსახურებრივი უფლებამოსილების განსახორციელებლად გამოყენებული სატრანსპორტო საშუალებების რაოდენობა რამდენჯერმე აღემატება მთავრობის დადგენილებით რეკომენდებულ ზღვრულ ოდენობას.

• საქსტატში, თანამშრომელთა მხოლოდ გარკვეული ნაწილისათვის დანიშნული წინასწარ განსაზღვრული დანამატი, თავისი შინაარსიდან გამომდინარე, თანამდებობრივი სარგოს ხასიათს ატარებდა, რაც ვერ უზრუნველყოფდა შრომის ანაზღაურების სათანადო გამჭვირვალობას და თანამშრომელთა მოტივაციის ამაღლებას.

მუნიციპალიტეტის საკრებულოს მიერ გამოცემული განკარგულებები საწვავის ლიმიტების შესახებ გამოიყენებოდა დროებით და მრავალჯერადად. აღნიშნულიდან გამომდინარე, მუნიციპალიტეტის საკრებულოს მიერ გამოცემული განკარგულება ადგენდა საწვავის გაცემის მრავალჯერადი გამოყენების წესს და თავისი შინაარსით წარმოადგენდა ნორმატიულ ადმინისტრაციულ-სამართლებრივ აქტს. კანონმდებლობის მიხედვით, დაუშვებელია ნორმატიული შინაარსის სამართლებრივი აქტის ინდივიდუალური აქტის სახით მიღება.

• საქსტატში თანამშრომლების სამუშაო დროის აღრიცხვის არსებული პრაქტიკა ვერ უზრუნველყოფდა სათანადო კონტროლს − შტატით გათვალისწინებული თანამშრომლები ძირითად სამუშაოზე განკუთვნილ დროს სრულად უთმობდნენ ძირითად სამუშაოს, თუ მას იყენებდნენ შეთავსებით სამუშაოზეც.

2016 წელს საკრებულოში შექმნილი იყო მიწის საკუთრების აღიარების კომისია, რომელიც 9 აგვისტოს გაუქმდა. ამასთანავე, მუნიციპალიტეტმა წარმოადგინა ინფორმაცია, რომლის მიხედვით აღნიშნულმა კომისიამ 2016 წლის 21 ივლისის შემდეგ ფაქტობრივად შეწყვიტა საქმიანობა და რაიმე აქტივობა აღარ განუხორციელებია,მიუხედავად ამისა, 2016 წლის 21 ივლისის შემდეგ აღნიშნული კომისიის თავმჯდომარის კუთვნილ ავტომანქანაზე გაიხარჯა 201.6 ლიტრი საწვავი, მათ შორის, კომისიის გაუქმების (9 აგვისტო) შემდეგ - 42 ლიტრი. გარდა ამისა, მუნიციპალიტეტის მიერ წარმოდგენილი ინფორმაციის მიხედვით, 2016 წლის 4 ივლისს გაუქმდა ფრაქცია „გაერთიანებული დემოკრატიული მოძრაობა“, მიუხედავად ამისა, 5, 9 და 10 ივლისს, გაუქმებული ფრაქციის თავმჯდომარის ავტომანქანაზე გაიხარჯა საწვავი 30 ლიტრის ოდენობით. 2016 წელს 323 ლიტრი საწვავი გაიხარჯა 7 პირის კერძო საკუთრებაში არსებულ ავტომანქანებზე, აღნიშნული პირების შვებულებაში ყოფნის დროს.

• საქსტატში არ არის ჩამოყალიბებული ერთგვაროვანი მიდგომა, თუ რის მიხედვით განისაზღვრება საველე სამუშაოებზე შრომის ანაზღაურება, რაც წარმოშობს შტატგარეშე მოსამსახურეების ანაზღაურების გაანგარიშებისას სუბიექტური გადაწყვეტილების მიღების რისკს, მით უფრო, რომ აღნიშნული საკითხი არ განიხილება საქსტატის საბჭოს მიერ.

2016 წელს მარტვილის მუნიციპალიტეტის საკრებულოს არაანაზღაურებად წევრებს, ხარჯების ანაზღაურების სახით მიღებული აქვთ 85.7 ათასი ლარი. მუნიციპალიტეტმა ვერ წარმოადგინა დოკუმენტური მტკიცებულებები საკრებულოს წევრების ხარჯების დასადასტურებლად.

• არასრულყოფილად ჩატარებული ბაზრის კვლევის გამო, ხშირია შემთხვევები, როდესაც ტენდერებით განხორციელებული შესყიდვის სავარაუდო ღირებულებები საგრძნობლად (31%) აღემატება სახელშეკრულებო ღირებულებებს. სავარაუდო ღირებულების არასწორად განსაზღვრის შემთხვევაში, მაღალია რისკი იმისა, რომ ტენდერში მხოლოდ ერთი პრეტენდენტის მონაწილეობისას (კონკურენციის არარსებობა) საბიუჯეტო სახსრების ხარჯვა განხორციელდა არაეკონომიურად.

2016 წელს სასამართლო გადაწყვეტილებით, მარტვილის მუნიციპალიტეტმა 18 პირს აუნაზღაურა იძულებითი განაცდური 2014 წლის 19 სექტემბრიდან 2016 წლის 23 ივნისამდე პერიოდისთვის, საადვოკატო მომსახურების და სხვა ხარჯები, სულ - 316.4 ათასი ლარი. 2014 წელს აღნიშნულ პირებს მიეცათ აგრეთვე კომპენსაცია 2 თვის თანამდებობრივი სარგოს ოდენობით, სულ 35.5 ათასი ლარი.

• სუსტი შიდა კონტროლის პირობებში, ვერ მივიღეთ რწმუნება, საქსტატის მიერ შესყიდული 1,011 ლიტრი საწვავი მოხმარდა თუ არა ორგანიზაციის საჭიროებებს.

მარტვილის მუნიციპალიტეტის 2016 წლის ბალანსში საბალანსო ტოლობა არ არის დაცული. კერძოდ, აქტივების საწყისი ნაშთი 27 424.7 ათასი ლარია, ხოლო ვალდებულებების და კაპიტალის ჯამი - 27 278.9 ათასი ლარი. მათ შორის სხვაობა არის 145.8 ათასი ლარი. აქტივების საბოლოო ნაშთია 31 029.7 ათასი ლარი, ვალდებულებების და კაპიტალის ჯამი - 30 405.0 ათასი ლარი, ხოლო მათ შორის სხვაობა - 624.7 ათასი ლარი.

2016 წელს გამგეობას ფიზიკური პირებიდან გოგოშა გეგელიადან და მაია სურმავადან უნდა მიეღო საოფისე ფართების საიჯარო გადასახადი, სულ 15.2 ათასი ლარის ოდენობით. გარდა ამისა, მუნიციპალიტეტს სხვადასხვა იურიდიული პირებიდან დასუფთავების მოსაკრებლის სახით უნდა მიეღო 2.1 ათასი ლარი. აღნიშნული შემოსავალები გამგეობას 2016 წელს არ მიუღია, ხოლო მისაღები შემოსავლები ფინანსურ ანგარიშგებაში არ აუსახავს.

2016-2017 წლებში მუნიციპალიტეტმა მიმწოდებლებისგან შეისყიდა სხვადასხვა სახის სამუშაოები, მათ შორის: სოფელ ხომულისა და სოფელ ფარცხანაყანების საბავშვო ბაღების მშენებლობა; ტექნოლოგიების განვითარებისა და ინოვაციების ცენტრის შენობის მოწყობა; სოფელ ქვიტირში მინისტადიონის მოწყობა; სოფელ ხომულისა და სოფელ ქვილიშორის დამაკავშირებელი ხიდის მშენებლობა; ქალაქ წყალტუბოში შანიძისა და ნუცუბიძის ქუჩებზე ასფალტბეტონის მოწყობა; სოფელ ხომულში გზის სარეაბილიტაციო სამუშაოები. დათვალიერებით გამოვლინდა, რომ სამუშაოები შესრულებულია უხარისხოდ, შედეგად ობიექტები დაზიანებულია. ამდენად, მუნიციპალიტეტის შესაბამისმა პირებმა სამუშაოების მიღება-ჩაბარების და კონტროლის პროცედურები წარმართეს ისე, რომ ჩაიბარეს ინფრასტრუქტურული პროექტები, საერთო ღირებულებით − 1,205.1 ათასი ლარი, რომლებიც შესრულებულია უხარისხოდ და დაზიანებულია. აღნიშნულით ზიანი მიადგა მუნიციპალიტეტის ინტერესებს.

მარტვილის მუნიციპალიტეტს 2016 წლის ბოლოსათვის ერიცხებოდა დებიტორული დავალიანება 6.2 ათასი ლარის ოდენობით. მათ შორის, 4.6 ათასი ლარი არის ი/მ გრიშა კვანტალიანზე სტიქიის შედეგების სალიკვიდაციო სამუშაოებისთვის გაცემული ავანსი, ხოლო 1.6 ათასი ლარი - სს „ენერგო პრო ჯორჯიასათვის“ გადარიცხული გარე განათების გამანაწილებელ ქსელზე მიერთების ღირებულება. აღნიშნული დებიტორული დავალიანება ფინანსურ ანგარიშგებაში ასახული არ არის.

2017 წელს მუნიციპალიტეტმა შპს T.G-Union-სგან შეისყიდა სოფელ გვიშტიბში, გამგეობის კუთვნილი შენობის ნაწილის სარეაბილიტაციო სამუშაოები, ღირებულებით − 45.5 ათასი ლარი.ობიექტის გარემონტებიდან გასულია ერთ წელზე მეტი დრო. მიუხედავად ამისა, მუნიციპალიტეტს, ობიექტის ფუნქციონირებისათვის საჭირო სამუშაოები არ დაუწყია.

მუნიციპალიტეტმა 2016 წლის ფინანსურ ანგარიშგებაში „არასაცხოვრებელი შენობების“ მუხლში ასახა ისეთი სამუშაოების ღირებულება, რომელიც დაიწყო 2016 წელს და წლის ბოლოსათვის დაუსრულებელი იყო. კერძოდ : სოფელ პირველი ნამიკოლაოს უბანში საბავშვო ბაღის მშენებლობა - 9.0 ათასი ლარი, სერგიეთის ადმინისტრაციულ ცენტრში საბავშო ბაღის მშენებლობა - 11.1 ათასი ლარი. აღნიშნული სამუშაოების ღირებულება გამგეობას უნდა აესახა „დაუმთავრებელი აქტივების“ მუხლში.

2016 წელს მუნიციპალიტეტმა ი/მ თამაზ მუკბანიანისგან შეისყიდა ქალაქ წყალტუბოში თამარ მეფის ქუჩაზე მინი სტადიონის მოწყობის სამუშაოები, ღირებულებით − 14.7 ათასი ლარი. 2017 წელს მერიამ იმავე მიმწოდებლისგან შეისყიდა სოფელ მაღლაკში (მიწაწითელას უბანში) მინისტადიონის მოწყობის სამუშაოები, ღირებულებით − 15.0 ათასი ლარი. ორივე ხელშეკრულების ფარგლებში, მიმწოდებელს უნდა შეესრულებინა სპორტული მოედნის შემოღობვის სამუშაოები. ხელშეკრულებით გათვალისწინებული სამუშაოები შესრულებულია, მაგრამ მინისტადიონებს ფუნქციონირებისათვის ესაჭიროებათ დამატებით სამუშაოები. კერძოდ, სტადიონებზე მოუწყობელია საფარი, რის გამოც, ვერ ხერხდება მისი დანიშნულებისამებრ გამოყენება. აღნიშნულიდან გამომდინარე, მუნიციპალიტეტმა მინისტადიონების მოწყობაში გადაიხადა 29.7 ათასი ლარი, სამუშაოების დასრულებიდან გასულია დიდი პერიოდი, თუმცა მოსახლეობა ვერ იყენებს აღნიშნულ ობიექტებს.

2015-2016 წლებში მარტვილის მუნიციპალიტეტში განხორციელდა სალხინო-ლეცავე-ბალდას გზის რეაბილიტაცია. პროექტის ფაქტობრივმა ღირებულებამ 1 806.9 ათასი ლარი შეადგინა. მათ შორის, 2015 წელს შესრულდა 112.1 ათასი ლარის, ხოლო 2016 წელს - 1 694.8 ათასი ლარის სამუშაო. განხორციელებული პროექტი დაფინანსდა სხვადასხვა წყაროებიდან. კერძოდ, მუნიციპალური განვითარების ფონდმა (მგფ) დააფინანსა 542.1 ათასი ლარით, სახელმწიფო ბიუჯეტიდან დაფინანსდა 21.3 ათასი ლარით, მუნიციპალიტეტის ბიუჯეტიდან თანადაფინანსების სახით - 340.0 ათასი ლარით და აგრეთვე ამ მიზნით გამგეობამ მგფ-ისაგან აიღო გრძელვადიანი სესხი 903.5 ათასი ლარის ოდენობით. გამგეობამ განხორციელებული პროექტი ფინანსურ ანგარიშგებაში ნაცვლად მთლიანი ღირებულებისა, ასახა 2016 წლის ბიუჯეტიდან თანადაფინანსების სახით გადარიცხული 150.0 ათასი ლარით.

2016-2017 წლებში მუნიციპალიტეტმა შეისყიდა საპროექტო-სახარჯთაღრიცხვო დოკუმენტაცია, რომლის მიხედვით დაგეგმილი იყო სხვადასხვა ინფრასტრუქტურული პროექტის შესრულება. შესწავლით ირკვევა, რომ გამოუყენებელია 6 ობიექტის სარეაბილიტაციოდ შეძენილი პროექტი, საერთო ღირებულებით − 11.1 ათასი ლარი. აღნიშნული პროექტების განხორციელება არც მომავალ პერიოდშია დაგეგმილი.

გამგეობამ, ფინანსურ ანგარიშგებაში, გარე განათების მოწყობა, ღირებულებით - 0.6 ათასი ლარი ასახა „გზების“ მუხლში, ხოლო 68.8 ათასი ლარის ღირებულების - „გაყვანილობის სისტემების“ მუხლში. აღნიშნული აქტივები გამგეობას უნდა გაეტარებინა „სხვა ნაგებობების“ მუხლში და მიენიჭებინა ცვეთის შესაბამისი ნორმა.

მუნიციპალიტეტმა 5 შემთხვევაში პრეტენდენტების მიმართ დაადგინა ისეთი მოთხოვნები, რომელთა დაწესება არ იყო განპირობებული აუცილებლობით, არ გამომდინარეობდა მუნიციპალიტეტის ინტერესებიდან და მათი დაცვა არ აუმჯობესებდა შემსყიდველის მდგომარეობას, შესასყიდი სამუშაოს ხარისხსა და ფასთან მიმართებით. შედეგად, აღნიშნული მოთხოვნების დაწესების გამო მოხდა დაბალი ფასის მქონე პრეტენდენტების დისკვალიფიკაცია, რითაც მუნიციპალიტეტმა გასწია დაახლოებით 46.3 ათასი ლარის არაეკონომიური ხარჯი.

ფინანსურ ანგარიშგებაში, 103 დასახელების სტადიონები, მემორიალები, სასაფლაოს შემოღობვები და სკვერები, სულ 1 226.3 ათასი ლარის ღირებულების, ასახული არის „არასაცხოვრებელი შენობების“ მუხლში. აღნიშნული აქტივები გამგეობას უნდა გაეტარებინა „სხვა ნაგებობების“ მუხლში და მიენიჭებინა ცვეთის შესაბამისი ნორმა.

2016 წლის 1 იანვრის მდგომარეობით, მუნიციპალიტეტს ნაშთის სახით ერიცხებოდა 1,064.9 ათასი ლარი, რომლის ხარჯვა დაიგეგმა 2016 წლის ბიუჯეტით. 2016 წელს ნაშთის ცვლილებით გამოწვეული ფულადი სახსრების დაგროვებამ 849.1 ათასი ლარი შეადგინა და წლის ბოლოს დაფიქსირდა ნაშთი 1,914.0 ათასი ლარი, მათ შორის, თავისუფალი ნაშთი − 711.4 ათასი ლარი. 2017 წელს მუნიციპალიტეტმა დაგეგმა 1,914.0 ათასი ლარის ნაშთის გამოყენება, თუმცა ნაშთის ცვლილებით გამოწვეული ფულადი სახსრების დაგროვებამ შეადგინა 1,726.8 ათასი ლარი, ხოლო წლის ბოლოს არსებულმა ნაშთმა − 3,640.8 ათასი ლარი, მათ შორის, თავისუფალი ნაშთი 2,116.5 ათასი ლარია. მუნიციპალიტეტს შეეძლო 2016-2017 წლებში არსებული თავისუფალი ნაშთის გამოყენების სათანადო დაგეგმვა და დროული გამოყენება, მაგრამ აღნიშნული ქმედებები არ განუხორციელებია.

ფინანსურ ანგარიშგებაში „მანქანა-დანადგარებისა და ინვენტარის“ მუხლის საბოლოო ნაშთში აღრიცხულია 501.9 ათასი ლარის ღირებულების აქტივები. აღნიშნული მუხლის ჩაშლის შესახებ წარმოდგენილი ინფორმაციის მიხედვით, მუხლი მოიცავს 484.8 ათასი ლარის სხვადასხვა დასახელების მანქანა-დანადგარებსა და ინვენტარს.

წარმოდგენილი დოკუმენტების მიხედვით, საკრებულოს არაანაზღაურებად წევრებს 2016-2017 წლებში, ხარჯების ანაზღაურების სახით, მიღებული აქვთ სულ 160.3 ათასი ლარი. მუნიციპალიტეტმა ვერ წარმოადგინა დოკუმენტური მტკიცებულებები საკრებულოს წევრების ხარჯების დასადასტურებლად. თანხების გაცემის საფუძველია საკრებულოს თავმჯდომარის წერილი, საკრებულოს წევრზე ანაზღაურების გაცემის შესახებ. აღნიშნული დოკუმენტები არ აკმაყოფილებს ხარჯის დამადასტურებელი პირველადი აღრიცხვის დოკუმენტის კრიტერიუმს.

ბალანსის დანართ ფორმა №5-ში - ანგარიშში არაფინანსური აქტივების მიღება-გასვლის შესახებ, „სატრანსპორტო საშუალებების“ მუხლის „მიღება არასაოპერაციო შემოსავლებით“ აღრიცხულია 48.0 ათასი ლარი. წარმოდგენილი ინფორმაციის მიხედვით, ანგარიშში ასახულია შპს „მექანიზატორიდან“ უსასყიდლოდ მიღებული სატრანსპორტო საშუალება, რომლის ღირებულება ნაცვლად 48.0 ათასი ლარისა, 47.5 ათასი ლარია.

შპს „გეგუთის“ მესაკუთრე, 100%-ანი წილით არის წყალტუბოს მუნიციპალიტეტი. წესდების მიხედვით, შპს-ს ძირითადი საქმიანობაა ბოსტნეული კულტურების თესლებისა და სასოფლო-სამეურნეო პროდუქციის წარმოება, გადამუშავება და რეალიზაცია, საკუთარი სავაჭრო ქსელის შექმნა საფირმო მაღაზიის სახით, კომერციული და საშუამავლო საქმიანობა. შპს „გეგუთი“ წესდებით განსაზღვრული საქმიანობის ნაცვლად დაკავებულია მუნიციპალიტეტისგან უზუფრუქტის სახით მიღებული ქონების (შენობა-ნაგებობები) გაქირავებით და ამ გზით შემოსავლების მიღებით. 2016-2017 წლებში შპს-ს შემოსავლის სახით სულ მიღებული აქვს 2.8 ათასი ლარი, რაც სრულად მიმართულია ქონების გადასახადის დასაფარად. შედეგად, მუნიციპალიტეტს არ გააჩნია ფინანსური სარგებელი შპს „გეგუთის“ მიერ განხორციელებული საქმიანობით. აღსანიშნავია, რომ შპს „გეგუთის“ განკარგვაში არსებული ქონების მოცულობის გათვალისწინებით, მიღებული შემოსავლის სიმცირე წარმოშობს რისკს, რომ შპს-ს შემოსავლები არ იყოს სრულად აღრიცხული და არ ასახავდეს მის რეალურ ფინანსურ მდგომარეობას. მიუხედავად არსებული რისკისა, მერიას არ შეუსწავლია საკითხი და იმის დადგენა, რამდენად შეესაბამება შპს-ს მიერ მიღებული შემოსავალი რეალობას.

სახელმწიფო შესყიდვების დაგეგმვის ეტაპზე ბაზრის კვლევის ჩაუტარებლობა, საპროექტო დოკუმენტაციის არასათანადოდ შედგენა, შესასყიდი სამუშაოების სავარაუდო ღირებულების არასწორად განსაზღვრა, ტენდერების მოსამზადებელი სამუშაოების არასათანადოდ წარმართვა და პროექტის ავტორებთან შეთანხმების გარეშე, საპროექტო დოკუმენტაციაში განხორციელებული ხშირი და მასშტაბური ცვლილებები, შესყიდვების არარაციონალურად და არაეფექტურად განხორციელებისა და საბიუჯეტო სახსრების არამიზნობრივად განკარგვის რისკებს შეიცავს.

მუნიციპალიტეტმა 2016 წელს ხელშეკრულება გააფორმა ი/მ კაპიტონ კაკულიასთან კიწიას ადმინისტრაციულ ერთეულში გზის რეაბილიტაციისა და ამბულატორიის მშენებლობის სამუშაოებზე, ღირებულებით 19.4 ათასი ლარი . მათ შორის 2016 წელს შესრულდა 11.3 ათასი ლარის სამუშაო, ხოლო მუნიციპალიტეტმა ანგარიშსწორება განახორციელა 10.9 ათას ლარზე. მუნიციპალიტეტმა 2016 წლის ფინანსურ ანგარიშგებაში „დაუმთავრებელი აქტივების“ მუხლში ნაცვლად 11.3 ათასი ლარისა, ასახა მხოლოდ 5.9 ათასი ლარი. ამასთან, 5.0 ათასი ლარი აღრიცხა „სხვა დანარჩენი საქონლისა და მომსახურების“ მუხლში, რაც არასწორია.

შიდა აუდიტის სუბიექტს ევალება რისკის შეფასების საფუძველზე, სტრატეგიული გეგმის შედგენა, აღნიშნულზე დაყრდნობით დგება აუდიტის წლიური გეგმა, რომელიც უნდა ასახავდეს კონკრეტულ აუდიტორულ შემოწმებებს. აღსანიშნავია, რომ შიდა აუდიტის სამსახურს 2016-2017 წლებში არ განუხორციელებია რისკის შეფასების პროცედურები და არც სტრატეგიული გეგმები შედგენილა. სააუდიტე პერიოდში შიდა აუდიტის სამსახურს წლიური გეგმა შედგენილი ჰქონდა მხოლოდ 2017 წელს, ხოლო 2016 წელს, ნაცვლად წლიური გეგმისა, შედგენილია კვარტალური გეგმები. ამასთანავე, უნდა აღინიშნოს, რომ 2016-2017 წლების გეგმები, გარდა ერთეული შემთვევებისა, არ შეიცავს კონკრეტული, შესამოწმებელი ობიექტების დასახელებებს და აუდიტის სახეობებს. კერძოდ, ობიექტების დასახელება მითითებულია ზოგადად, როგორც „შიდა აუდიტის ობიექტები“, რაც ეწინააღმდეგემა მოქმედი კანონმდებლობის მოთხოვნებს.

სატენდერო დოკუმენტაციით განსაზღვრული მოთხოვნების შეუსრულებლობის, საპროექტო-სახარჯთაღრიცხო დოკუმენტაციის არასათანადოდ შედგენის, ხელშეკრულებების შესრულების მიმდინარეობაზე არასათანადო მონიტორინგის და არასწორად შედგენილი ანგარიშსწორების დოკუმენტაციის წარდგენის შედეგად, შესრულებულ სამუშაოთა ღირებულება უსაფუძვლოდ 21 შემთხვევაში გაზრდილია 23587 ლარით.

მუნიციპალიტეტმა აბედათის ადმინისტრაციულ ერთეულში „სოფლის მხარდაჭერის პროგრამის“ ფარგლებში განახორციელა 38.7 ათასი ლარის ღირებულების სხვადასხვა პროექტი. მათ შორის 7.7 ათასი ლარი გადაირიცხა 2016 წელს, ხოლო 31.0 ათასი ლარი - 2017 წელს. მუნიციპალიტეტის გამგეობამ 2016 წლის ფინანსურ ანგარიშგებაში ნაცვლად მთლიანი ღირებულების „შენობა-ნაგებობების“ მუხლში აღრიცხვისა, „დაუმთავრებელი აქტივების“ მუხლში ასახა 7.7 ათასი ლარი. ამასთან 31.0 ათასი ლარი 2016 წლის ფინანსურ ანგარიშგებაში „აქტივების მოწოდებით დარიცხული ვალდებულებების“ მუხლში უნდა ასახულიყო, რაც გამგეობის არ განუხორციელებია.

სასამართლოს გადაწყვეტილებით, თანამდებობიდან უსაფუძვლოდ გათავისუფლებული მოხელის სამსახურში აღდგენის შედეგად, სახალხო დამცველის აპარატის მიერ გაწეულია 50,560 ლარის ოდენობის არაეფექტიანი ხარჯი.

  მუნიციპალიტეტმა 2016 წელს შეისყიდა „მწვანე თეატრის“ სარეაბილიტაციო სამუშაოები, ღირებულებით 484.8 ათასი ლარი. ხელშეკრულების პირობების არაჯეროვანი შესრულების გამო, მიმწოდებელთან შეწყდა ხელშეკრულება. მუნიციპალიტეტმა არასწორი გადაწყვეტილებების გამო, ვერ უზრუნველყო ობიექტის დროულად დასრულება და მისი ფუნქციურად დატვირთვა. ასევე არასწორად შეაფასა მიმწოდებლის მიერ უხარისხოდ შესრულებული სამუშაოები ( 58.3 ათასი ლარის ნაცლად უხარისხოდ ჩათვალა 22.3 ათასი ლარის სამუშაოები) და არასწორად გაიანგარიშა საჯარიმო სანქცია.

ქედის მუნიციპალიტეტის შიდა კონტროლის სისტემა ვერ უზრუნველყოფს სამშენებლო-სარემონტო სამუშაოების დადგენილ ვადაში, ხარისხიანად და მოქმედი წესებისა და ნორმების დაცვით შესრულებას, რაც ფარული სამუშაოების აქტებისა და ხარისხის უზრუნველყოფის სისტემის არარსებობაში გამოიხატება. ამასთანავე, შესრულებული სამუშაოების დაგვიანებით მიღება, შესაძლოა სამუშაოების დაუსრულებლობასთან და პირგასამტეხლოს დარიცხვის ასარიდებლად იყოს გამოყენებული, რაც მხარეთა შორის შეთანხმებული (გარიგებით) ქმედების რისკებს წარმოშობს.

2016 წლის ფინანსურ ანგარიშგებაში, ბალანსში მუხლი „აქტივების მოწოდებით დარიცხული ვალდებულებები“ არ არის აღრიცხული. წარმოდგენილი ინფორმაციის მიხედვით, გამგეობას 2016 წლის ბოლოსათვის ჰქონდა დავალიანება 190.1 ათასი ლარის ოდენობით , სალხინო-ლეცავე-ბალდას გზის რეაბილიტაციისათვის.

2016 წლის განმავლობაში აპარატის შტატგარეშე თანამშრომელთა რაოდენობა 27 ერთეულით, ხოლო 2017 წელს 25 ერთეულით აჭარბებდა კანონმდებლობით განსაზღვრულ ოდენობებს.

  მუნიციპალიტეტის შესაბამისმა პასუხისმგებელმა პირებმა სპორტული დარბაზის მშენებლობის მიმდინარეობისას ვერ დააწესეს შესაბამისი კონტროლი და პროცესები ვერ წარმართეს ისე, რომ ობიექტის მშენებლობა დასრულებულიყო დროულად და ხარისხიანად.მიმწოდებელს შპს „პრიზმას“ 2015-2017 წლებში მუნიციპალიტეტმა აუნაზღაურა 2,652.1 ათასი ლარის სამუშაო, ხელშეკრულებით განსაზღვრული სამუშაოების 97.7%. მუნიციპალიტეტმა მიმწოდებელს დაუდასტურა შეუსრულებელი სამუშაოები და 257.1 ათასი ლარის საბიუჯეტო თანხები ზედმეტად აუნაზღაურა. მიუხედავად იმისა, რომ ხელშეკრულების შეწყვეტიდან გასულია ერთ წელზე მეტი მუნიციპალიტეტს არ გაუტარებია ქმედითი ღონისძიებები ობიექტის დასასრულებლად. იმის გამო, რომ მშენებლობა დაუსრულებელია კლიმატური პირობების ზეგავლენით, ზიანდება შენობის შიდა კედლები, იატაკი და ჭერი. მუნიციპალიტეტისათვის უცნობია რა დამატებითი ფინანსური და დროის რესურსია საჭირო ობიექტის დასამთავრებლად.

ქედის მუნიციპალიტეტმა არ განახორციელა საპროექტო და სამშენებლო სამუშაოთა შესრულების პროცესში არსებული ხარვეზების დროული გამოვლენა და სათანადო რეაგირება. შედეგად, სახეზეა არასწორად დაგეგმილი, გამოუყენებელი და უხარისხოდ შესრულებული ცალკეული ინფრასტრუქტურული პროექტი. აღსანიშნავია, რომ ხელშეკრულებით განსაზღვრული საგარანტიო ვადების არსებობის მიუხედავად, მუნიციპალიტეტის შესაბამის პასუხისმგებელ პირებს არ მიუმართავთ მიმწოდებლისთვის უხარისხოდ შესრულებული სამუშაოების გამოსწორების მოთხოვნით, რის შედეგად, შესაძლოა, დადგეს მუნიციპალიტეტის მხრიდან დამატებით ხარჯების გაწევის საჭიროება. ამასთანავე, სახელმწიფო ინტერესების საზიანოდ, საგარანტიო ვადაში, უხარისხოდ შესრულებული სამუშაოების გამოსწორების მოთხოვნის ხელშეკრულებით მინიჭებული უფლებამოსილების გამოუყენებლობა, მხარეთა შორის გარიგების რისკებს წარმოშობს.

2016 წლის ფინანსურ ანგარიშგებაში, ბალანსში მუხლი „გრძელვადიანი ვალდებულებები სესხებით“ არ არის აღრიცხული. წარმოდგენილი ინფორმაციის მიხედვით, გამგეობამ 2015 წელს მუნიციპალური განვითარების ფონდისაგან აიღო სესხი 903.5 ათასი ლარის ოდენობით, სალხინო-ლეცავე-ბალდას გზის რეაბილიტაციისათვის. 2016 წლის ბოლოსათვის აღნიშნული სასეხო ვალდებულების დასაფარი ნაწილი 892.7 ათას ლარს შეადგენდა.

ვერ მივიღეთ რწმუნება იმის შესახებ, 2016-2017 წლებში 12 შტატგარეშე მოსამსახურე, რომელთა შრომის ანაზღაურებამ შეადგინა 247,010 ლარი, დასაქმებული იყო თუ არა კანონმდებლობით გათვალისწინებული არამუდმივი ამოცანების შესასრულებლად.

2017 წლის მაისში, ძლიერი წვიმების შედეგად, მუნიციპალიტეტში მომხდარი სტიქიის შედეგების სალიკვიდაციოდ, საქართველოს მთავრობამ მუნიციპალიტეტს სახელმწიფო ბიუჯეტიდან გამოუყო 1,425.0 ათასი ლარი. მიმწოდებელმა შეასრულა მხოლოდ 122.5 ათასი ლარის სამუშაო. მუნიციპალიტეტმა პროცესი ვერ წარმართა იმგვარად, რომ უმოკლეს დროში აღმოფხვრილიყო სტიქიის შედეგები. მიუხედავად იმისა, რომ სტიქიიდან გასულია წელიწადნახევარზე მეტი, მუნიციპალიტეტის მიერ არასწორად დაგეგმილი და განხორციელებული შესყიდვის შედეგად, დაზიანებული ობიექტების რეაბილიტაცია დასრულებული არ არის.

ქედის მუნიციპალიტეტის გამგეობის მიერ, გამარტივებული შესყიდვის ფორმით შესყიდული სამშენებლო სამუშაოების ღირებულების სახით, სათანადო დოკუმენტაციის წარმოუდგენლობის პირობებში, გადახდილია 151 254 ლარი, რაც საბიუჯეტო სახსრების არამიზნობრივად ხარჯვის რისკებს წარმოშობს.

ანგარიშში ხარჯების ეკონომიკური კლასიფიკაციის მიხედვით, „თანამდებობრივი სარგოს“ მუხლის საკასო ხარჯი წარმოდგენილია 1 640.2 ათასი ლარით. მუნიციპალიტეტის მიერ წარმოდგენილი ინფორმაციის მიხედვით კი, იგივე მაჩვენებელი 1 622.6 ათასი ლარია. პასუხისმგებელი პირის განმარტებით, დაშვებულია შეცდომა, კერძოდ, ფორმა №2-ში „თანამდებობრივი სარგოს“ მუხლი წარმოადგინა ა(ა)იპ-ების საკუთარი შემოსავლებიდან გახარჯული თანხების ჩათვლით.

2017 წლის შესყიდვების გეგმა შემცირდა 427,000 ლარით, რაც ძირითადად გამოწვეულია საჭიროების გარეშე დაგეგმილი, ავტომანქანისა და სასტუმროს მომსახურების შესყიდვის ღირებულების შემცირებით, რაც შესყიდვების დაგეგმვის ხარვეზზე მიუთითებს.

ცაგერის მუნიციპალიტეტის შესაბამისმა პასუხისმგებელმა პირებმა შესასრულებელი სამუშაო პროცესის დაგეგმვა და მართვა ვერ განახორციელა ისე, რომ მიღწეულიყო მუნიციპალიტეტის ბიუჯეტით გათვალისწინებული პროგრამის ფარგლებში დასახული მიზანი. კერძოდ, ჩაიბარა 559.9 ათასი ლარის ინფრასტრუქტურული პროექტები, რომლებიც შესრულებულია უხარისხოდ და ნაწილობრივ დაზიანებულია. ასევე სამი პროექტის დაგეგმვისას ვერ გაითვალისწინა მათი ფუნქციონირებისათვის საჭირო ფინანსური რესურსი ან სწორად ვერ განსაზღვრა მოსახლეობის პრიორიტეტები. შესაბამისად, 18.0 ათასი ლარი დახარჯულია პროექტებზე, რომლითაც მოსახლეობა ვერ სარგებლობს ან ისეთ პროექტზე, რომლებიც ფუნქციურად დატვირთული არ არის.

სატრანსპორტო საშუალებებისა და მათთან დაკავშირებული მოწყობილობების შეკეთებისა და ტექნიკური მომსახურების სახელმწიფო შესყიდვის არსებული სისტემა ვერ უზრუნველყოფს საბიუჯეტო სახსრების რაციონალურად ხარჯვას. ამასთანავე, შეძენილი მარაგების აღრიცხვისა და გამოყენების შიდა კონტროლის მექანიზმის არარსებობის პირობებში, მაღალია მათი მითვისების რისკები.

ანგარიშში ხარჯების ეკონომიკური კლასიფიკაციის მიხედვით, „ოფისის ხარჯების“ მუხლის საკასო ხარჯი წარმოდგენილია 176.4 ათასი ლარით. მუნიციპალიტეტის მიერ წარმოდგენილი ინფორმაციის მიხედვით კი, იგივე მაჩვენებელი 176.1 ათასი ლარია. პასუხისმგებელი პირის განმარტებით, დაშვებულია შეცდომა

2016 წელს 105,500 ლარად ღირებული ავტოსატრანსპორტო საშუალების შეძენა, რომელიც პირველი სამი თვის განმავლობაში გაჩერებული იყო ავტოსადგომზე, განხორციელდა საჭიროების შესწავლის გარეშე, ხოლო 2017 წლის დეკემბერში განსაკარგავად გადაეცა სსიპ საქართველოს ფინანსთა სამინისტროს მომსახურების სააგენტოს.

ცაგერის მუნიციპალიტეტი სახელმწიფომ გაათავისუფლა სასარგებლო წიაღისეულის მოპოვების ლიცენზიისგან და მიეცა საშუალება, რომ ინფრასტრუქტურული პროექტების შესასრულებლად, გამოყოფილ კარიერებზე მიმწოდებლებს უფასოდ მოეპოვებინათ მასალები. მიუხედავად ამისა, მუნიციპალიტეტმა უფასოდ მოპოვებულ მასალებში მიმწოდებლებს ზედმეტად გადაუხადა 4.2 ათასი ლარი.

შიდა აუდიტის მიერ შედგენილ აუდიტორულ დასკვნებში ასახული მიგნებების შესაბამისად გაცემულია რეკომენდაციები, რომლებიც რიგ შემთხვევაში ზოგადი ხასიათისაა. ამასთანავე, არ ხდება რეკომენდაციების შესრულებაზე სათანადო რეაგირება და მონიტორინგი, რაც მუნიციპალიტეტისათვის რისკების მართვისა და შიდა კონტროლის სისტემის გაუმჯობესების მნიშვნელოვანი წინაპირობაა.

ანგარიშში ხარჯების ეკონომიკური კლასიფიკაციის მიხედვით, „ტრანსპორტის, ტექნიკისა და იარაღის ექსპლუატაციისა და მოვლა-შენახვის“ მუხლის საკასო ხარჯი წარმოდგენილია 169.9 ათასი ლარით. მუნიციპალიტეტის მიერ წარმოდგენილი ინფორმაციის მიხედვით კი, იგივე მაჩვენებელი 169.1 ათასი ლარია. პასუხისმგებელი პირის განმარტებით, დაშვებულია შეცდომა,

სატენდერო წინადადებით დამატებით მოთხოვნილი იყო ადაპტირებული სასტუმრო შეზღუდული შესაძლებლობების მქონე პირთათვის, სადაც მონაწილეობა მიიღო მხოლოდ ერთმა პრეტენდენტმა და გაიმარჯვა სავარაუდო ღირებულების ფასით. დამატებითი მოთხოვნა ჩადებული იყო კერძო სექტორისათვის შეზღუდული შესაძლებლობების მქონე პირთათვის ადაპტირებული სასტუმროების საჭიროების ჩვენების და ამ მიმართულების პოპულარიზაციის მიზნით.

2016 წლის 1 იანვრის მდგომარეობით, ცაგერის მუნიციპალიტეტს ნაშთის სახით ერიცხებოდა 696.3 ათასი ლარი . ნაცვლად კლებისა, წლის განმავლობაში განხორციელდა 1286.7 ათასი ლარის ნაშთის დაგროვება და წლის ბოლოსთვის შეადგინა 1983.0 ათასი ლარი. მათ შორის, თავისუფალი ნაშთი იყო 111.1 ათასი ლარი. 2017 წლის განმავლობაში, ნაცვლად კლებისა, განხორციელდა ნაშთის დაგროვება 115.7 ათასი ლარის ოდენობით. შესაბამისად, წლის ბოლოს ნაშთად დარჩა 2 098.7ათასი ლარის ფულადი სახსრები, მათ შორის, თავისუფალი ნაშთი 126.0 ათასი ლარი.მუნიციპალიტეტმა ვერ უზრუნველყო ბიუჯეტით დაგეგმილი პროექტების დროულად განხორციელება, სათანადოდ ვერ დაგეგმა საბიუჯეტო სახსრების ხარჯვა. აღნიშნული მიუთითებს მუნიციპალიტეტის მფლობელობაში არსებული ფინანსური რესურსების არაეფექტიან მართვაზე. შედეგად, მოსახლეობა ვერ სარგებლობს იმ სიკეთით, რაც შესაძლოა მიწოდებულ იქნეს ბიუჯეტში მობილიზებული სახსრების დროული და ეფექტიანი გამოყენებით.

ქედის მუნიციპალიტეტმა (შესაბამისმა პასუხისმგებელმა პირებმა) 2016-2017 წლებში საკრებულოს არათანამდებობის პირებზე ხარჯების ასანაზღაურებლად, დოკუმენტური დასაბუთების გარეშე, ჯამში გასცა 107 135 ლარი. აღნიშნული ქმედება შეუსაბამოა საბიუჯეტო პროცესთან დაკავშირებულ მარეგულირებელ საკანონმდებლო ნორმებთან.

ანგარიშში ხარჯების ეკონომიკური კლასიფიკაციის მიხედვით, „ძირითადი კაპიტალის მოხმარების“ მუხლის ფაქტობრივი ხარჯი აღრიცხული არ არის. არაფინანსური აქტივების მიღება-გასვლის შესახებ ანგარიშისა და წმინდა ღირებულების ანგარიშის მიხედვით, ძირითადი კაპიტალის მოხმარება ათასი 1 281.4 ლარია.

ცაგერის მუნიციპალიტეტმა (შესაბამისმა პასუხისმგებელმა პირებმა) 2016-2017 წლებში მუნიციპალიტეტის საკრებულოს არათანამდებობის პირებზე ხარჯების ასანაზღაურებლად 120.8 ათასი ლარი გასცა შესაბამისი დოკუმენტური დადასტურების გარეშე, საბიუჯეტო პროცესთან დაკავშირებული მარეგულირებელი საკანონმდებლო ნორმების შეუსაბამოდ.

ანგარიშში ხარჯების ეკონომიკური კლასიფიკაციის მიხედვით, „პროცენტის“ მუხლში ასახულია 66.7 ათასი ლარი. აღნიშნული თანხა წარმოადგენს მუნიციპალიტეტის მიერ სალხინო-ლეცავე-ბალდას გზის რეაბილიტაციისათვის აღებული გრძელვადიანი სესხის პროცენტს. გამგეობას კანონმდებლობის შესაბამისად უნდა განეხორციელებინა დანახარჯების კაპიტალიზაცია და გრძელვადიან ფინანსურ ვალდებულებებზე გადახდილი პროცენტი უნდა დაემატებინა უშუალოდ იმ აქტივის ღირებულებისთვის, რომელზედაც მიმართულ იქნა სესხის ძირითადი თანხა.

2016-2017 წლებში ცაგერის მუნიციპალიტეტის (შესაბამისი პასუხისმგებელი პირების) მიერ არ არის გათვალისწინებული საქართველოს ორგანული კანონით დადგენილი მოთხოვნები შტატგარეშე მოსამსახურეთა შესახებ: მუნიციპალიტეტში დაქირავებულ შტატგარეშეთა რაოდენობა აღემატებოდა კანონით დადგენილ ნორმას.კერძოდ, მუნიციპალიტეტში დაქირავებულ შტატგარეშეთა რაოდენობა 2016 წელს და 2017 წლის პირველ ექვს თვეში 1-2 ერთეულით აღემატებოდა კანონით დადგენილ ნორმას. ამასთანავე, შტატგარეშე პირები დასაქმებულია მუდმივ ამოცანათა შესასრულებლად. შედეგად, მუნიციპალიტეტმა არ დაიცვა საბიუჯეტო სახსრების რაციონალური და გონივრული ხარჯვის პრინციპები.

ანგარიშში ხარჯების ეკონომიკური კლასიფიკაციის მიხედვით „გრანტების“ მუხლი წარმოდგენილია 5 000.0 ათასი ლარით. წმინდა ღირებულების ანგარიშისა და მუნიციპალიტეტის ბიუჯეტის შესრულების წლიური ანგარიშის მიხედვით, „გრანტების“ მუხლი 5.0 ათასი ლარია. პასუხისმგებელი პირის განმარტებით, აღნიშნული გამოწვეულია მექანიკური შეცდომით

მუნიციპალიტეტს არ გამოუსწორებია სახელმწიფო აუდიტის სამსახურის მიერ წინა აუდიტის დროს გამოვლენილი ნაკლოვანებები: კვლავ დარღვეულია მთავრობის მიერ სამსახურებრივი უფლებამოსილების განსახორციელებლად დაშვებული ავტომანქანების ზღვრული ოდენობა: 2016-2017 წლებში ნორმით გათვალისწინებული 5 სამორიგეო მანქანისა იყენებდა 6-7 ავტომანქანას. არ არის დაცული დადგენილი ლიმიტები: მუნიციპალიტეტის მიერ დადგენილი ლიმიტები დარღვეულია 11 შემთხვევაში. ლიმიტებით განსაზღვრულთან შედარებით, გახარჯულია 9.8 ათასი ლიტრით მეტი საწვავი (თანხით − 12.6 ათასი ლარი). საწვავის გაცემისა და ხარჯვის დოკუმენტები არასრულყოფილია.

წარმოდგენილი ინფორმაციის მიხედვით, გამგეობამ 2015 წელს მუნიციპალური განვითარების ფონდიდან აიღო სესხი 903.5 ათასი ლარის ოდენობით, სალხინო-ლეცავე-ბალდას გზის რეაბილიტაციისათვის. 2016 წელს მუნიციპალიტეტმა დაფარა სასესხო ვალდებულება 10.8 ათასი ლარის ოდენობით. აღნიშნული ოპერაცია ბუღალტრულად უნდა აღრიცხულიყო როგორც ვალდებულების შემცირება და ასახულიყო ფინანსური აქტივებითა და ვალდებულებებით საკასო ოპერაციების შესახებ ანგარიშში, რაც არ განხორციელებულა.

ცაგერის მუნიციპალიტეტმა ვერ დაასაბუთა რა აუცილებელი საჭიროებით იყო განპირობებული საკონსულტაციო მომსახურების შესყიდვა, ვინაიდან მუნიციპალიტეტს გააჩნია შრომითი რესურსი და ვალდებულია საკუთარი რესურსებით უზრუნველყოს აღნიშნული საქმიანობის განხორციელება. მიუხედავად იმისა, რომ აუდიტის სამსახურმა წინა აუდიტისას საკონსულტაციო მომსახურების შესყიდვა ჩათვალა არამიზანშეწონილად, მუნიციპალიტეტმა 2016-2017 წლებში კვლავ შეისყიდა შპს „დაუ+“-სგან საკონსულტაციო მომსახურება და გასწია 9.6 ათასი ლარის არაგონივრული ხარჯი.

2016 წელს მარტვილის მუნიციპალიტეტმა მუნიციპალური განვითარების ფონდიდან მიიღო დაფინანსება 508.5 ათასი ლარი გრანტის სახით, რომლითაც განხორციელდა სალხინო-ლეცავე-ბალდას გზის რეაბილიტაცია. გამგეობას აღნიშნული ოპერაცია ბუღალტრულად არ აუსახავს და შესაბამისად, არც ფინანსურ ანგარიშგებაშია წარმოდგენილი.

შერჩეული ორი სსიპ-ის ქვეპროგრამის ფარგლებში მისაღწევი შედეგებისა და ინდიკატორების ანალიზით გამოვლინდა, რომ წარმოდგენილი ინფორმაცია ხარვეზებითაა შემუშავებული და წლის ბოლოს შეაფერხებს განათლების სამინისტროში სსიპ-ების ზედამხედველი პირის მიერ მიღწეული შედეგების შეფასებას. აღნიშნული მდგომარეობის გაუმჯობესების მიზნით, ფინანსთა სამინისტროს აუდიტის პერიოდში არ ჰქონდა განსაზღვრული ტრენინგებისა და სამუშაო შეხვედრების ჩატარება სსიპ-ების/სამინისტროს პოლიტიკის განმსაზღვრელ მაღალ/საშუალო რგოლის მენეჯმენტთან, რომელთა პასუხისმგებლობაა პროგრამების/ქვეპროგრამების ფარგლებში მისაღწევი შედეგებისა და ინდიკატორების შემუშავება. განათლების სამინისტროს მხრიდან ფინანსთა სამინისტროს მიერ ჩატარებულ სამუშაო შეხვედრებში უმეტესად სსიპ-ების/განათლების სამინისტროს ეკონომიკური/ფინანსური დეპარტამენტის წარმომადგენლები იღებდნენ მონაწილეობას.

მუნიციპალიტეტმა არ გაითვალისწინა კანონმდებლობით განსაზღვრული მოთხოვნები და მის მიერ დაფუძნებული იურიდიული პირების − ა(ა)იპ-ის ადმინისტრაციული/საოპერაციო ხარჯები 2017 წელს დააფინანსა ზღვრულ ოდენობაზე 17.8 ათასი ლარით მეტი ოდენობით. ამასთან ცაგერის მუნიციპალიტეტმა მის მიერ დაფუძნებულ ა(ა)იპ-ებზე სუბსიდია გასცა შესასრულებელი სამუშაოებისა და ჩასატარებელი ღონისძიებების გათვალისწინების გარეშე. სუბსიდიის ხარჯვის დაგეგმვისას მუნიციპალიტეტს არ მოუთხოვია და არც ა(ა)იპ-ებს წარმოუდგენია შესასრულებელი სამუშაოების და ჩასატარებელი ღონისძიებების შესახებ ინფორმაცია. შედეგად, ვერ დასაბუთდა საბიუჯეტო სახსრების ხარჯვის აუცილებლობა.

2016 წელს სახელმწიფო ბიუჯეტმა დააფინანსა მარტვილის მუნიციპალიტეტის კრედიტორული დავალიანება 21.3 ათასი ლარის ოდენობით. აღნიშნული თანხით განხორციელდა სალხინო-ლეცავე-ბალდას გზის რეაბილიტაცია. გამგეობას აღნიშნული ოპერაცია ბუღალტრულად არ აუსახავს და შესაბამისად, არც ფინანსურ ანგარიშგებაშია წარმოდგენილი.

განათლების სამინისტროში შერჩეულ სსიპ-ებს საშუალოვადიანი სამოქმედო გეგმის შემუშავების პროცესში კომუნიკაცია აქვთ ძირითადად განათლების სამინისტროს ეკონომიკურ დეპარტამენტთან, ხოლო სსიპ-ების ზედამხედველი პირები ფორმალურად სამუშაო ჯგუფის ფორმატში, დამტკიცებამდე 3 დღით ადრე ერთვებიან. აღნიშნულმა ვერ უზრუნველყო ქვეპროგრამის შედეგებისა და ინდიკატორების ქმედით ინსტრუმენტად ჩამოყალიბება შემდგომში სსიპ-ების საქმიანობის შეფასების მიზნით. ამასთანავე, განათლების სამინისტროში არ არის განსაზღვრული რა პასუხისმგებლობები ეკისრებათ შერჩეული სსიპ-ების ზედამხედველ პირებს სსიპ-ების საქმიანობის მონიტორინგის პროცესში. შედეგად, შერჩეული სსიპ-ები განხორციელებული ღონისძიებებისა და შედეგების შესახებ ინფორმაციას აწვდიან განათლების სამინისტროს ეკონომიკურ დეპარტამენტს და არა სსიპ-ის ზედამხედველ პირს, რომელმაც უნდა უზრუნველყოს შერჩეული სსიპ-ების საქმიანობის შესაბამისობა განათლების სამინისტროს მიზნებთან.

2015 წელს ცაგერის მუნიციპალიტეტის გამგებელმადაუსაბუთებლად თანამდებობიდან გაანთავისუფლა გამგებლის მოადგილე, რომელიც სასამართლომ აღადგინა; ასევე სამი თვის თანამდებობრივი სარგოს, 2.4 ათასი ლარის გადახდა. განთავისუფლებულ თანამშრომელთან დავების საწარმოებლად, მუნიციპალიტეტმა დაიქირავა კერძო ადვოკატი და მის მომსახურებაში გადაიხადა 2.0 ათასი ლარი. მმართველობის პროცესში, მუნიციპალიტეტის ხელმძღვანელობის მიერ კანონმდებლობის შეუსაბამოდ მიღებული გადაწყვეტილებების შედეგად, მუნიციპალიტეტმა ბიუჯეტიდან გასწია 4.4 ათასი ლარის დამატებითი ხარჯი.

ფინანსურ ანგარიშგებაში, „არაწარმოებული აქტივების“ (კერძოდ, მიწის) მუხლის საბოლოო ნაშთში აღრიცხული არის 42 დასახელების მიწა, ღირებულებით 253.9 ათასი ლარი. გამგეობის ეკონომიკური განვითარების, ქონების მართვისა და სტატისტიკის სამსახურმა აუდიტის ჯგუფს წარმოუდგინა ინფორმაცია საკუთრებაში არსებული მიწის შესახებ, ნორმატიული ფასების მითითებით. ინფორმაციის მიხედვით, მუნიციპალიტეტი 2016 წლის ბოლოსათვის ფლობდა 142 დასახელების მიწის ნაკვეთს, რომელთა ნორმატიული ღირებულება 1 163 ათას ლარზე მეტია. პასუხისმგებელი პირის განმარტებით, აღნიშნული ინფორმაცია ბუღალტრული აღრიცხვის განყოფილებას არ მიეწოდა და ბალანსში აღირიცხება წარდგენისთანავე

შერჩეული ორი სსიპ-ის ქვეპროგრამის ფარგლებში მისაღწევი შედეგებისა და ინდიკატორების ანალიზით გამოვლინდა, რომ წარმოდგენილი ინფორმაცია ხარვეზებითაა შემუშავებული და წლის ბოლოს შეაფერხებს განათლების სამინისტროში სსიპ-ების ზედამხედველი პირის მიერ მიღწეული შედეგების შეფასებას. აღნიშნული მდგომარეობის გაუმჯობესების მიზნით, ფინანსთა სამინისტროს აუდიტის პერიოდში არ ჰქონდა განსაზღვრული ტრენინგებისა და სამუშაო შეხვედრების ჩატარება სსიპ-ების/სამინისტროს პოლიტიკის განმსაზღვრელ მაღალ/საშუალო რგოლის მენეჯმენტთან, რომელთა პასუხისმგებლობაა პროგრამების/ქვეპროგრამების ფარგლებში მისაღწევი შედეგებისა და ინდიკატორების შემუშავება. განათლების სამინისტროს მხრიდან ფინანსთა სამინისტროს მიერ ჩატარებულ სამუშაო შეხვედრებში უმეტესად სსიპ-ების/განათლების სამინისტროს ეკონომიკური/ფინანსური დეპარტამენტის წარმომადგენლები იღებდნენ მონაწილეობას.

მუნიციპალიტეტში ფინანსური და არაფინანსური აქტივების დაცულობაზე კონტროლი არ არის სათანადოდ დაწესებული. 2016-2017 წლებში არ არის ჩატარებული აქტივებისა და ვალდებულებების ინვენტარიზაცია. შედეგად, არსებობს რისკი, რომ შეუმჩნეველი დარჩეს მუნიციპალიტეტის კუთვნილი ქონების დაკარგვის ან დაზიანების შემთხვევები და არ მოხდეს შესაბამისი რეაგირება.

ბალანსის დანართ ფორმა №5-ში - ანგარიშში არაფინანსური აქტივების მიღება-გასვლის შესახებ, „არაწარმოებული აქტივების“ მუხლის გასვლა-გაყიდვით არ არის აღრიცხული. წარმოდგენილი ინფორმაციის მიხედვით, 2016 წელს მუნიციპალიტეტმა აუქციონის ფორმით გაასხვისა 396 კვ.მ მიწა, რომლის საბალანსო ღირებულება 16.4 ათასი ლარი იყო. პასუხისმგებელი პირის განმარტებით, მიწის გასხვისების შესაბამისი დოკუმენტაცია ბუღალტრულ განყოფილებას არ მიეწოდა.

ფინანსთა სამინისტრომ ფინანსური მართვისა და კონტროლის ინსტრუქციაში გაითვალისწინა სსიპ-ების მიერ შესაბამის სამინისტროსთან ანგარიშგების მექანიზმები, თუმცა არ დაამტკიცა ანგარიშების ფორმები. შედეგად განათლების სამინისტროს ანგარიშგების პრაქტიკაში ბიუჯეტის შესრულების ანგარიშების გარდა სხვა მონიტორინგის ფორმალური მექანიზმი არ არსებობს

სახელმწიფო შესყიდვების განხორციელებისას სატენდერო დოკუმენტაციაში დაუსაბუთებელი და ხელოვნური მოთხოვნები მიუთითებს, რომ კონკურენცია შეზღუდულია და შესყიდვა კონკრეტულ პრეტენდენტზეა მორგებული. აღნიშნული საბიუჯეტო სახსრების არამიზნობრივად განკარგვის და მუნიციპალიტეტის ინტერესების საწინააღმდეგო გარიგებების რისკებს შეიცავს. ასევე შემზღუდველი პირობების გამო, არშემდგარი ტენდერები სახელმწიფო შესყიდვების განხორციელების არაეფექტიანობის საფუძველია

მუნიციპალიტეტის შიდა აუდიტის სამსახურის საქმიანობა ვერ უზრუნველყოფს მუნიციპალიტეტის რესურსების ეკონომიურად გამოყენებას, გამგეობის წინაშე არსებული ამოცანების ეფექტიანად შესრულებასა და მუნიციპალიტეტის მიერ დასახული მიზნების მიღწევას. მუნიციპალიტეტის სტრუქტურულ ერთეულებზე შიდა აუდიტის სამსახურს არ გაუცია შესაბამისი რეკომენდაციები, რაც უზრუნველყოფდა რისკების მართვისა და შიდა კონტროლის სისტემის გაუმჯობესებას. სამსახურის მიერ 2016-2017 წლებში ჩატარებული აუდიტის შედეგად, ვერ გამოვლინდა იმ კონტროლის მექანიზმების სისუსტეები, რომლებმაც განაპირობა მუნიციპალიტეტის მიერ უხარისხოდ ან/და დაბალი ხარისხის ინფრასტრუქტურული პროექტების ჩაბარება.

არაფინანსური აქტივების ანალიზური აღრიცხვის მონაცემების მიხედვით, ავტომანქანების რემონტის ხარჯი და სათადარიგო ნაწილების ღირებულება აღრიცხულია 11.6 ათასი ლარით, ხოლო საწვავის ხარჯში - 13.1 ათასი ლარი. გამგეობის მიერ წარმოდგენილი ინფორმაციით, იგივე მაჩვენებლები, შესაბამისად, 26.4 ათასი ლარი და 52.8 ათასი ლარია

განათლების სამინისტროში სსიპ-ების ზედამხედველი პირი არ ითხოვს შერჩეული სსიპ-ებისგან დაგეგმილი კონკრეტული ღონისძიებების შესახებ ინფორმაციის წარდგენას ვადების მითითებით იმ მიზნით, რომ მოახდინოს შესრულების სტატუსის პერიოდული (მაგალითად, კვარტალური) მონიტორინგი. შედეგად, შერჩეული სსიპ-ების მიერ განხორციელებული ბიუჯეტის შესრულების ანგარიშების ფარგლებში ღონისძიებების ანგარიშგებით, განათლების სამინისტრო ვერ შეაფასებს მათ საქმიანობას დაგეგმილთან მიმართებაში და არ აქვს გამოწვევების დროულად იდენტიფიცირების საშუალება.

მუნიციპალიტეტის მიერ შეწყვეტილი ელექტრონული ტენდერები, დაგეგმვის ეტაპზე მოსამზადებელი სამუშაოების არასათანადოდ წარმართვის შედეგია. რიგ შესყიდვებში, პრეტენდენტთა მიერ სატენდერო დოკუმენტაციის არასრულყოფილად წარმოდგენის მიუხედავად, პრეტენდენტები ნაცვლად დისკვალიფიკაციისა, გამოცხადდნენ გამარჯვებულად, რაც გამოწვეულია შესაბამისი სატენდერო კომისიის მიერ მოქმედი კანონმდებლობის დარღვევით მიღებული გადაწყვეტილებებით. ასევე შემსყიდველ ორგანიზაციას, კანონმდებლობის სრული დაცვით, შეეძლო მიეღო არსებულისაგან განსხვავებული გადაწყვეტილება, რითაც შესაძლებელი იქნებოდა 5,701 ლარით საბიუჯეტო სახსრების დაზოგვა

მუნიციპალიტეტმა სათანადო რეაგირება არ მოახდინა სახელმწიფო საფინანსო-ეკონომიკური კონტროლის უმაღლესი ორგანოს მიერ გამოვლენილ და წინა აუდიტის ანგარიშში ასახულ გარემოებაზე.ბიუჯეტში არ არის დაბრუნებული 2011-2013 წლებში ბიუჯეტიდან ზედმეტად ან დაუსაბუბებლად გაცემული 51.3 ათასი ლარი.

საქართველოს ფინანსთა მინისტრის 2008 წლის 16 აპრილის №364 ბრძანების მიხედვით, ორგანიზაცია ვალდებულია მოამზადოს ბალანსი და ბალანსის დანართი ფორმები, მათ შორის, ფორმა №2-2 - ანგარიში ფინანსური აქტივებითა და ვალდებულებებით საკასო ოპერაციების შესახებ, ფორმა №7 - ინფორმაცია ანგარიშებზე რიცხულ დებიტორულ დავალიანებათა შესახებ, ფორმა №8 - ანგარიშებზე რიცხულ კრედიტორულ დავალიანებათა შესახებ, ფორმა №9 - ინფორმაცია დებიტორული დავალიანების შესახებ ორგანიზაციულ ჭრილში და ფორმა №10 - ინფორმაცია კრედიტორული დავალიანების შესახებ ორგანიზაციულ ჭრილში. ბალანსის აღნიშნული დანართი ფორმები მარტვილის მუნიციპალიტეტის მიერ არ მომზადებულა.

ფინანსური მართვისა და კონტროლის ინსტრუქციაში არ არის გათვალისწინებული როგორ უნდა მოხდეს სექტორულ სამინისტროში სსიპ-ების მიერ წარდგენილი ანგარიშების განხილვა და სსიპ-ებთან უკუკავშირი ზედამხედველი პირის მიერ.

ხულოს მუნიციპალიტეტმა არ განახორციელა სათანადო კონტროლი მიმწოდებლის მხრიდან ხელშეკრულებით ნაკისრი ვალდებულებების შესრულებაზე, რის შედეგად შესრულებული სამუშაოს ოდენობასა და ღირებულებაზე არასაკმარისი მტკიცებულებების, ასევე რიგი შეუსრულებელი სამუშაოების პირობებში, ჯამში გადახდილია 1,531,372 ლარი, რაც მიუთითებს, რომ მუნიციპალიტეტმა შესაბამისი ღონისძიებები არ გამოიყენა და შესაძლოა, არარაციონალური ხარჯი გასწია

ლენტეხის მუნიციპალიტეტმა სოფელ ხერიის ხიდის შესყიდვის პროცესი წარმართა იმგვარად, რომ ვერ უზრუნველყო პროექტის მიხედვით სამუშაოების წარმოება. ნაცვლად 4 ბურჯის გამაგრებითი სამუშაოებისა, ჩატარდა მხოლოდ 1 ბურჯის გამაგრება. გარდა ამისა, არ ჩატარებულა ხიდის სავალდებულო საექსპერტო შეფასება. შედეგად, ხიდი დაზიანდა და ვერ ხერხდება მასზე ტრანსპორტით გადაადგილება. დაგეგმვაში, შესრულებასა და კონტროლში არსებულმა მართვის სისუსტეებმა გამოიწვია უხარისხოდ შესრულებული პროექტის ჩაბარება. მიუხედავად იმისა, რომ მუნიციპალიტეტმა ხიდის რეაბილიტაციაზე დახარჯა 64.2 ათასი ლარი, ობიექტი დაზიანებულია და საჭიროებს აღდგენითი სამუშაოების ჩატარებას. პრობლემის მოსაგვარებლად მუნიციპალიტეტის მხრიდან არ არის გატარებული რაიმე სახის ქმედითი ღონისძიებები.

2016 წელს მარტვილის მუნიციპალიტეტში ინვენტარიზაცია არ ჩატარებულა. შესაბამისად, აუდიტის ჯგუფმა ვერ მოახერხა აქტივებისა და ვალდებულებების ფაქტობრივი ნაშთების დადგენა და მათი შედარება ორგანიზაციის სააღრიცხვო მონაცემებთან. გარემოების შედეგად დარღვეულია „საბიუჯეტო ორგანიზაციებში ქონების, მოთხოვნებისა და ვალდებულებების ინვენტარიზაციის ჩატარების წესის შესახებ“ საქართველოს ფინანსთა მინისტრის 2010 წლის №605 ბრძანება.

განათლების სამინისტროში შერჩეულ ორ სსიპ-ს ანგარიშების გაგზავნის შემდგომ ზედამხედველი პირებისგან რეაგირების ამსახველი დოკუმენტაცია არ მიუღიათ. შედეგად, არსებულ ანგარიშებზე დაყრდნობით განათლების სამინისტროს მიერ ვერ მოხდება შერჩეული სსიპ-ების საქმიანობაში არსებული გამოწვევების იდენტიფიცირება და მათთან ერთად გაუმჯობესების გზების დასახვა.

ხულოს მუნიციპალიტეტის პასუხისმგებელი პირების მიერ, დასრულებულ ინფრასტრუქტურულ პროექტებზე გამოვლენილი ხარვეზების აღმოსაფხვრელად, მიუხედავად გატარებული რიგი ღონისძიებებისა, აუდიტის ჯგუფმა გამოავლინა სხვა დაზიანებებიც, რომლებზეც მუნიციპალიტეტის მიერ დამატებით უნდა გატარდეს შესაბამისი ღონისძიებები

ლენტეხის მუნიციპალიტეტმა სოფელ ჩიხარეშში სანიაღვრე არხის მოწყობის პროცესი წარმართა იმგვარად, რომ არ ჩაუტარებია შესრულებული სამუშაოების მოცულობებისა და ხარისხის ექსპერტიზა, არ დაუჯარიმებია მიმწოდებელი სამუშაოების შეუსრულებლობისათვის და მისგან არ მოუთხოვია მიყენებული ზიანის ანაზღაურება, არ მიუმართავს შესყიდვების სააგენტოსათვის მიმწოდებლის შავ სიაში დარეგისტრირებასთან დაკავშირებით. ინფრასტრუქტურული პროექტის დაგეგმვაში, შესრულებასა და კონტროლში არსებულმა მართვის სისუსტეებმა განაპირობა უხარისხო სამუშაოების ჩაბარება. ინფრასტრუქტურული პროექტის მშენებლობის მიზანს წარმოდგენდა შიდა სასოფლო გზის მოწყობა შესაბამისი სანიაღვრე არხით, რითაც ისარგებლებდა მოსახლეობა. მიუხედავად იმისა, რომ მუნიციპალიტეტმა დახარჯა 20.4 ათასი ლარი, პროექტი პრაქტიკულად არ არსებობს. შესაბამისად, მუნიციპალიტეტის მიერ დახარჯული თანხა წარმოადგენს არაეფექტიან ხარჯს.

კანონმდებლობის მიხედვით, მუნიციპალიტეტს უნდა ჰქონდეს შიდა აუდიტის სტრატეგიული გეგმა. მარტვილის მუნიციპალიტეტს აღნიშნული დოკუმენტი არ მოუმზადებია. წარმოდგენილი ინფორმაციით შიდა აუდიტის სამსახურის მიერ აუდიტორული შემოწმების ინდივიდუალური გეგმები არ მომზადებულა, თუმცა ინფორმაცია, რაც აღნიშნულ დოკუმენტში უნდა იყოს, ნაწილობრივ ასახულია სამსახურის მიერ მომზადებულ სხვა დოკუმენტებში.  2016 წელს გამგეობის სტრუქტურული ერთეულებიდან აუდიტის სამსახურს შესწავლილი აქვს მხოლოდ საფინანსო-საბიუჯეტო სამსახურის საქმიანობა. შედეგად, სამსახურს 2016 წელს არ შეუფასებია, შეესაბამებოდა თუ არა მთლიანად მუნიციპალიტეტის საქმიანობა დაგეგმილ მიზნებსა და ამოცანებს. სახელმწიფო აუდიტის სამსახურის ანგარიშის დამტკიცების შემდეგ მდგომარეობა ნაწილობრივ გამოსწორდა. წარმოდგენილი ინფორმაციის მიხედვით, 2017 წლის მდგომარეობით შიდა აუდიტის სამსახურს შემოწმებული აქვს გამგეობის ოთხი სამსახური.

მუნიციპალიტეტმა დაარღვია თავისივე ხელშეკრულებით განსაზღვრული პირობები და არ გამოიყენა ხარისხის უზრუნველსაყოფად დანერგილი კონტროლის მექანიზმები. შესაბამისად, არ ფლობს საკმარის მტკიცებულებებს იმის შესახებ, რამდენად ხარისხიანად შესრულდა სამუშაოები აღნიშნული ხელშეკრულებების ფარგლებში. შედეგად, მუნიციპალიტეტის შესაბამისმა პასუხისმგებელმა პირებმა ჩაიბარეს და აანაზღაურეს 217,503 ლარის ისეთი საქონლის ღირებულება, რომლის ხარისხი შესაბამისი ექსპერტიზის დასკვნით დადასტურებული არ არის, ასევე შესაბამისი სასაქონლო ზედნადებების წარმოუდგენლობის პირობებში, ვერ დასტურდება 48,544 ლარის ღირებულების საქონლის მიწოდება

მუნიციპალიტეტმა სოფელ ჭველფში მოაწყო წყლის სისტემა, თუმცა მოსახლეობას წელიწადზე მეტია წყალი არ მიეწოდება. პროექტზე არსებული ხარვეზების გამომწვევ რეალურ მიზეზებს, შეიძლება წარმოადგენდეს სამუშაოების არასათანადო დაგეგმვა, უხარისხოდ შესრულება, დაზიანება ან/და არასწორი მოვლა-პატრონობა. თვითმმართველ ერთეულს არ შეუსწავლია წყლის სისტემაზე არსებული ხარვეზების გამომწვევი რეალური მიზეზი და პრობლემის მოსაგვარებლად არ გაუტარებია შესაბამისი ღონისძიებები. მუნიციპალიტეტმა არსებულ ხარვეზზე არასათანადო რეაგირებების გამო, ვერ უზრუნველყო დასახული მიზნების მიღწევა. მიუხედავად იმისა, რომ სოფლის წყალმომარაგებისათვის დაიხარჯა 29.4 ათასი ლარი, წყლის სისტემა გამოუყენებელია და მოსახლეობა შესრულებული სამუშაოებით 1 წელზე მეტია ვერ სარგებლობს.

2016 წელს შიდა აუდიტის სამსახურმა ჩაატარა გამგეობის საფინანსო-საბიუჯეტო სამსახურის 2015 წლის ფინანსურ და ეფექტიანობის აუდიტი. შიდა აუდიტის დასკვნაში ასახული არ არის ის ხარვეზები, რაც დაფიქსირებულია სახელმწიფო აუდიტის სამსახურის ანგარიშში

ხულოს მუნიციპალიტეტმა, გარე განათების წერტების მოვლა-ექსპლუატაციაზე არასათანადო და არასაკმარისი კონტროლის შედეგად, ზედმეტად გადაიხადა 1,074 ლარი, ხოლო ელექტროენერგიის მოხმარების ხარჯი გაზარდა 7,293 ლარით. ამასთანავე, მიმწოდებლის მიერ ნაკისრი ვალდებულებების არაჯეროვნად შესრულებისათვის არ გამოიყენა საჯარიმო სანქციები, რითაც ბიუჯეტმა დაკარგა დამატებით 6,189 ლარის მიღების შესაძლებლობა

მუნიციპალიტეტმა ლენტეხის ქუჩების ასფალტირების სამუშაოების შესყიდვაზე დახარჯა 326.0 ათასი ლარი. სამუშაოები ჩაბარებული იქნა ისე, რომ არ ჩატარებულა ასფალტის ხარისხის ექსპერტიზა.დათვალიერებით გამოვლინდა, რომ ასფალტის საფარი ზოგიერთ მონაკვეთებზე დაზიანებულია. ინფრასტრუქტურული პროექტის შესრულებასა და კონტროლში არსებულმა მართვის სისუსტეებმა გამოიწვია უხარისხო სამუშაოების ჩაბარება.

მუნიციპალიტეტის საკრებულოს არათანამდებობის პირებზე უფლებამოსილების განხორციელებასთან დაკავშირებული ხარჯები ანაზღაურებულია მოქმედი კანონმდებლობის დარღვევით, შესაბამისი ხარჯის დამადასტურებელი დოკუმენტების წარმოდგენის გარეშე

მუნიციპალიტეტმა ახალგაზრდობის სახლის მშენებლობის სამუშაოების შესყიდვაზე დახარჯა 297.2 ათასი ლარი. აუდიტის ჯგუფის დათვალიერებით გამოვლინდა, რომ შენობის ზოგიერთი სამუშაო დაზიანებულია. მიმწოდებლის მიერ სამშენებლო სამუშაოების დასრულებიდან გასულია 15 თვე. მიუხედავად ამისა, ხარვეზების აღმოსაფხვრელად მუნიციპალიტეტს არ გაუტარებია სათანადო ღონისძიებები. კერძოდ: არ მიუმართავს მიმწოდებლისათვის ობიექტზე წარმოქმნილი დაზიანებული ადგილების გამოსასწორებლად, ხელშეკრულებით ნაკისრი ვალდებულებების შეუსრულებლობისათვის არ მიმართა შესყიდვების სააგენტოს მიმწოდებლის შავ სიაში დარეგისტრირებასთან დაკავშირებით, არ ჩაუტარებია შენობის ხარისხის ექსპერტიზა.გარდა ამისა, შენობაში არ არის ელექტრო ენერგია, ქსელზე არ არის მიერთებული წყლის და გათბობის სისტემა (შენობაში არ არის წყალი), არ ფუნქციონირებს კანალიზაციის სისტემა. აღნიშნული სამუშაოები ხარჯთაღრიცხვით არ იყო გათვალისწინებული. კომუნალური სისტემების მოწესრიგება, მშენებლობის დასრულების შემდგომ, მუნიციპალიტეტს უნდა უზრუნველეყო, თუმცა მათ მიერ შესაბამისი ღონისძიებები 15 თვეა არ გატარებულა. შედეგად ახალგაზრდობის ცენტრი პრაქტიკულად უფუნქციოა.

ხულოს მუნიციპალიტეტში 2017 წელს, ინვენტარიზაციის შედეგად, გამოვლენილ იქნა სხვადასხვა მატერიალური ფასეულობის დანაკლისი, როგორებიცაა, კომპიუტერული ტექნიკა და სამშენებლო მასალები. მუნიციპალიტეტმა არ გაატარა საკმარისი ღონისძიებები დანაკლისის სრულად ასანაზღაურებლად

მუნიციპალიტეტმა მუზეუმის რეკონსტრუქციის სამუშაოების შესყიდვაზე ხელშეკრულება გააფორმა მიმწოდებელთან ღირებულებით 97.4 ათასი ლარი. მიმწოდებელმა ხელშეკრულებით გათვალისიწნებულ ვადებში შეასრულა სამუშაოების მხოლოდ 39 % - 38.1 ათასი ლარი. დაჯარიმების ნაცვლად, მერიამ მიმწოდებელს გაუგრძელა სამუშაოების დასრულების ვადა. ინფრასტრუქტურული პროექტის შესყიდვის პროცესი მუნიციპალიტეტმა წარმართა იმგვარად, რომ ვალდებულებების შეუსრულებლობისათვის, მიმწოდებლის მიმართ არ გამოიყენა ხელშეკრულებით გათვალისწინებული ღონისძიებები. მიიღო უსაფუძვლო გადაწყვეტილება და მიმწოდებელს მისცა ნება სამუშაოები განეახლებინა . მიმწოდებელმა სამუშაოები მაინც არ შეასრულა და 2018 წლის ნოემბრის მდგომარებით მუზეუმის სამშენებლო სამუშაოები დაუსრულებელია.

ხულოს მუნიციპალიტეტში შიდა აუდიტის მიერ შედგენილ აუდიტორულ დასკვნებში ასახული მიგნებების შესაბამისად, გაცემულია რეკომენდაციები, თუმცა მათ შესრულებაზე არ ხდება სათანადო რეაგირება და არ ხორციელდება მონიტორინგი, რაც მუნიციპალიტეტისათვის რისკების მართვისა და შიდა კონტროლის სისტემის გაუმჯობესების მნიშვნელოვანი წინაპირობაა

მუნიციპალიტეტის მიერ წარმოდგენილი ინფორმაციის მიხედვით, გამარტივებული შესყიდვის დროს 24 შემთხვევაში, სახელშეკრულებო ღირებულებით 103.1 ათასი ლარი, სამშენებლო სამუშაოების ანაზღაურება არ განხორციელებულა ფაქტობრივი დანახარჯების დამადასტურებელი დოკუმენტების საფუძველზე. შედეგად, 2016-2017 წლებში სამშენებლო სამუშაოების გამარტივებული წესით შესყიდვისას მუნიციპალიტეტის მიერ არ არის დაცული კანონმდებლობის მოთხოვნა ფაქტობრივი დანახარჯებით ანაზღაურების შესახებ, რაც არსებული პრაქტიკით იწვევს საბიუჯეტო სახსრების ზედმეტად ანაზღაურებას.

ხულოს მუნიციპალიტეტში შიდა აუდიტის მიერ შედგენილ აუდიტორულ დასკვნებში ასახული მიგნებების შესაბამისად, გაცემულია რეკომენდაციები, თუმცა მათ შესრულებაზე არ ხდება სათანადო რეაგირება და არ ხორციელდება მონიტორინგი, რაც მუნიციპალიტეტისათვის რისკების მართვისა და შიდა კონტროლის სისტემის გაუმჯობესების მნიშვნელოვანი წინაპირობაა

მუნიციპალიტეტის 2016-2017 წლების ბიუჯეტებში ისე დაიგეგმა და დამტკიცდა სუბსიდიის მაჩვენებელი, რომ საბიუჯეტო ორგანიზაციებში არ იყო გაგზავნილი საბიუჯეტო განაცხადები და არც მათ მიერ წარმოდგენილა საბიუჯეტო განაცხადები საშტატო განრიგისა და მათი საქმიანობის განხორციელებისთვის საჭირო ფინანსური რესურსების მოცულობის მიხედვით. შედეგად, მუნიციპალიტეტის მიერ დარღვეულია საბიუჯეტო კოდექსით გათვალისწინებული მოთხოვნები.

ხულოს მუნიციპალიტეტის მიერ დღეის მდგომარეობით შეუსრულებელია მხოლოდ ერთი რეკომენდაცია, რომელიც შეეხება 2015 წელს უსასყიდლოდ მიღებული, 4,700 ლარის ღირებულების არასასოფლო-სამეურნეო დანიშნულების მიწის ნაკვეთის ბალანსში ასახვას

მერიამ არ შეასრულა კანონმდებლობით განსაზღვრული მოთხოვნები. მუნიციპალიტეტის მიერ დაფუძნებულ იურიდიულ პირებში, 70.8 ათასი ლარით შემცირების ნაცვლად, ადმინისტრაციული ხარჯები გაიზარდა 126.8 ათასი ლარით. სულ ზედმეტად დაფინანსებული თანხა შეადგენს 197.6 ათას ლარს.

პერსონალის შერჩევა, სამუშაოზე აყვანა და თანამდებობრივი სარგოების განსაზღვრა ფედერაციის პრეზიდენტის მიერ ხორციელდება საწესდებო მოთხოვნის შეუსაბამოდ, უფლებამოსილების გადამეტებით და მოცემულ პროცესში არ არის გათვალისწინებული გენერალური მდივნის და პრეზიდიუმის საწესდებო როლი (კომპეტენცია); ფედერაციის მიერ გაფორმებული შრომითი ხელშეკრულებები არ არის შედგენილი შრომითი კანონმდებლობის მოთხოვნათა დაცვით, კერძოდ, მათში არ არის მოცემული ისეთი არსებითი პირობა, როგორიცაა, შესასრულებელი სამუშაო და სამუშაო აღწერილობები პოზიციების მიხედვით. ეს უკანასკნელი ფედერაციის სხვა ოფიციალური დოკუმენტებითაც არაა განსაზღვრული. შესაბამისად, გაურკვეველია თუ რა სამუშოს ასრულებს კონკრეტული დასაქმებული პირი, რაც, თავის მხრივ, წარმოშობს „შრომის ანაზღაურების“ მუხლით გათვალისწინებული საბიუჯეტო სახსრების არაეკონომიური და არაპროდუქტიული განკარგვის რისკებს. გარკვეულ შემთხვევებში დასაქმებულ პირებთან (მონიტორინგის მენეჯერი, კურატორი) დადებული შრომითი, ხოლო მონიტორინგის მენეჯერთან და ბუღალტერთან გაფორმებული მსაჯობის მომსახურების მიწოდების ხელშეკრულებები ატარებს ფიქტიური გარიგების ნიშნებს, არ დასტურდება მოცემული ხელშეკრულებების ფარგლებში შრომითი საქმიანობის და მომსახურების მიწოდების ფაქტი. ამ ტიპის ხელშეკრულებების ფარგლებში ანაზღაურებულმა თანხამ სულ შეადგინა 37,475 ლარი. ცალკეული პოზიციის მიხედვით, სახელფასო პოლიტიკა ხასიათდება თანამდებობრივ სარგოებს შორის არსებითად შეუსაბამო, არასამართლიანი დიფერენციაციით,რადგან ის არ არის დამოკიდებული შესასრულებელი სამუშაოს სახეზე, ინტესივობასა და დასაქმებულის კვალიფიკაციაზე.

მერიამ სარეზერვო ფონდის ძირითადი ნაწილი - 100.5 ათასი ლარი, დახარჯა მუნიციპალიტეტის მის მიერ დაფუძნებულ იურიდიულიპირებში შტატიანი და შტატაგარეშე მოსამსახურეთა ხელფასების გასაცემად. მუნიციპალიტეტის შესაბამისი პასუხისმგებელი პირები მოქმედებდნენ არა კანონმდებლობით გათვალისწინებული მოთხოვნების დაცვით, არამედ სუბიექტური ინტერესებიდან გამომდინარე. მათ დაარღვიეს საბიუჯეტო კოდექსით განსაზღვრული მოთხოვნები და დიდი ოდენობით საბიუჯეტო სახსრები დახარჯეს არამიზნობრივად.

შესყიდვები ფედერაციის მიერ არ ხდება განსახორციელებელი სპორტული ღონისძიებების ფარგლებში შესასყიდი საქონლის და მომსახურების ოპტიმალური ფასის, ტექნიკური პარამეტრების და მიწოდების პირობების დადგენის მიზნით ბაზრის კვლევა, რის გარეშეც მიმწოდებელთან (ზოგიერთ შემთხვევაში დაკავშირებულ მხარესთან) გაფორმებული კონტრაქტები ზრდის საბაზრო პირობებისადმი არაადეკვატური ფასის და მიწოდების პირობების ჩამოყალიბების რისკებს, რაც, თავის მხრივ, იწვევს საბიუჯეტო სახსრების არეკონომიურ და არაეფექტიან ხარჯვას. 2016 წლის 15 ნოემბერს ფედერაციასა და სამშენებლო კომპანია შპს „ფალავანს“ შორის გაფორმებული უძრავი ქონების ნასყიდობის წინარე ხელშეკრულების საფუძველზე, 2016 წლის 15 ნოემბერს „ფალავნობა 2016-ის“ გამარჯვებულზე ბინის გადაცემის მიზნით, შპს „ფალავანს“ გადაერიცხა 54.920 ლარი. ფედერაციის მიერ შესასყიდი უძრავი ქონების ოპტიმალური (საბაზრო ფასის) და მიწოდების პირობების დადგენის მიზნით, ბაზრის კვლევა არ განხორციელებულა. მოცემულ შემთხვევაში აშკარაა ინტერესთა კონფლიქტი, რაც გამოვლინდა შემდეგში: გამყიდველი (შპს „ფალავანი“) და მყიდველი (ფედერაცია) დაკავშირებული მხარეები არიან. კერძოდ, ფედერაციის პრეზიდენტის ახლო ნათესავები (შვილები), რომლებიც შრომით ურთიერთობაში არიან ფედერაციასთან, ამავდროულად წარმოადგენენ შპს „ფალავნის“ დამფუძნებლებს. ინტერესთა კონფლიქტის არსებობამ გავლენა მოახდინა ფედერაციის მიერ შპს „ფალავანთან“ დადებული გარიგების პირობებზე და გამოიწვია საბიუჯეტო სახსრების არარაციონალური, არაეკონომიური ხარჯვა.

2016-2017 წლების ბიუჯეტების შესრულების წლიური ანგარიშების შესწავლით გამოვლინდა, რომ ის არ მოიცავს ბიუჯეტის ბალანსს საბიუჯეტო კლასიფიკაციის მიხედვით. არ არის ინფორმაცია შემოსულობების და გადასახდელების ჯამური მაჩვენებლების შესახებ. შესრულების ანგარიშებში არ არის წარმოდგენილი ინფორმაცია საწყისი ნაშთების შესახებ. არ არის შედარებული ბიუჯეტის შემოსულობები და გადასახდელები შესაბამისი პერიოდის გეგმიურ მაჩვენებლებთან. წარმოდგენილი ბიუჯეტის შესრულების ანგარიშებზე დაყრდნობა შეუძლებელია, ვინაიდან არ იძლევა მუნიციპალიტეტის ფინანსური მდგომარეობის შესახებ ინფორმაციას. შესაბამისად მუნიციპალიტეტის შესაბამისი პასუხისმგებელი პირების მიერ არ არის შესრულებული საბიუჯეტო კოდექსით გათვალისწინებული მოთხოვნები.

რეგიონებში განხორციელებული სახელობითი ტურნირები რეგიონებში გასამართი სახელობითი შეჯიბრებებისა და ტურნირების ორგანიზება მუნიციპალიტეტების მიერ დაფინანსებულია 15,800 ლარით, ხოლო იგივე ღონისძიებები ფედერაციის მიერ წარდგენილი ხარჯთაღრიცხვის საფუძველზე, სამინისტროს მიერ დაფინანსებულია 21,345 ლარით. სულ დაფინანსების მოცემული ღონისძიებების დაფინანსების ჯამურმა მოცულობამ შეადგინა 37,145 ლარი. გამოყოფილი თანხებიდან მიზნობრივად გაიხარჯა მხოლოდ 23,860 ლარი, ხოლო 13,285 ლარი გახარჯულია არამიზნობრივად იმ აქტივობების დასაფინანსებლად, რომელიც ხარჯთაღრიცხვით არ იყო გათვალისწინებული.

2016-2017 წლებში, მუნიციპალიტეტის მიერ დამტკიცებული საშტატო ნუსხა აღემატება თვითმმართველობის კოდექსით დადგენილ ზღვრულ ნორმას.

ე.წ. „წამახალისებელი ვიქტორინა“ ფედერაციის მიერ 2016 წელს გამართული ღონისძიების − „საქართველოს აბსოლიტური ღია ფალავნობა ქართულ ჭიდაობაში“ − ფარგლებში გამართულ ვიქტორინაში, გამარჯვებულ მაყურებელზე საჩუქრების გადაცემის მიზნით შესყიდულია 4, 300 ლარის ღირებულების მობილური ტელეფონის აპარატები. მოპოვებული აუდიტორული მტკიცებულებებით არ დასტურდება ვიქტორინის ჩატარება, არ არის განსაზღვრული ვიქტორინის თემატიკა და არ არის შემუშავებული მისი გამართვის და გამარჯვებულის გამოვლენის წესი. ხარჯებში ჩამოწერის აქტებით არ ხდება ვიქტორინაში გამარჯვებული პირების იდენტიფიცირება და შესაბამისად, არ დასტურდება მათზე ტელეფონის აპარატების გადაცემის ფაქტი.

მუნიციპალიტეტში დანერგილი იყო პრაქტიკა, როდესაც მოსამსახურეებს შვებულებაში გასვლასთან დაკავშირებით, წინასწარ ერიცხებოდათ საშვებულებო თანხები. საკითხის შესწავლით გამოვლინდა, რომ შვებულებაში გასვლიდან მოკლე პერიოდში, მოსამსახურეები ბრძანებით გამოძახებული იყვნენ სამსახურში თავიანთი სამსახურებრივი მოვალეობების შესასრულებლად. გამოძახებულ თანამშრომლებზე იმავე თვეში დარიცხულია შრომის ანაზღაურება, ანუ ერთსა და იმავე პერიოდში გაცემულია განკუთვნილ თანამდებობრივ სარგოზე მეტი თანხა. გარდა ამისა, 2016-2017 წლებში მუნიციპალიტეტის რამდენიმე თანამშრომელზე ხელფასი გაცემულია თვეში ორჯერ, თანამდებობრივი სარგოს 100 %-ის ოდენობით. ამდენად, მუნიციპალიტეტის შესაბამისი პასუხისმგებელი პირები მოქმედებდნენ არა კანონმდებლობით გათვალისწინებული მოთხოვნების დაცვით, არამედ სუბიექტური ინტერესებიდან გამომდინარე. შედეგად, შრომის ანაზღაურების მუხლიდან 21.3 ათასი ლარი ანაზღაურებულია ზედმეტად.

მუნიციპალიტეტის გამგებელმა, მისდამი უშუალო ზედამხედველობის ქვეშ მყოფი მთავარი სპეციალისტის თანამდებობაზე დანიშნა მეუღლე. შედეგად, მუნიციპალიტეტის მიერ დაირღვა ,,საჯარო დაწესებულებაში ინტერესთა შეუთავსებლობისა და კორუფციის შესახებ“ საქართველოს კანონის მოთხოვნები.

2016-2017 წლებში, მუნიციპალიტეტის მიერ ხელშეკრულებით დაქირავებულთა რაოდენობა აღემატება თვითმმართველობის კოდექსით დადგენილ ზღვრულ ნორმას.

აქტივების მართვაში არსებული სუსტი კონტროლის გამო, მუნიციპალიტეტმა 8.4 ტონა, ღირებულებით 14.0 ათასი ლარი, საწვავი გასცა შესაბამისი ხარჯვის დამადასტურებელი დოკუმენტების შედგენის გარეშე. აღნიშნული გარემოება წარმოშობს რისკს იმისა, რომ შესაძლოა საწვავი გამოყენებულია არა სამსახურებრივი, არამედ პირადი მიზნების დასაკმაყოფილებლად.

1.1 კონსოლიდაციის პროცესის ნაკლოვანებები:   მოთხოვნების ანგარიშზე საანგარიშგებო პერიოდის ბოლოს აღრიცხულია მოთხოვნები სსიპ - მართვის საინფორმაციო სისტემის და სსიპ - ხარისხის განვითარების ეროვნული ცენტრის ბალანსებიდან, შესაბამისად, 110,66 და 57,27 ათასი ლარი (ჯამში: 167,93 ათასი ლარი), რომელთა მიხედვით, დებიტორებს წარმოადგენენ სამინისტროს კონტროლირებული ერთეულები. აღნიშნული ნაშთები კონსოლიდაციის დროს არ არის გამორიცხული;  ანგარიშგებაში საბუღალტრო ანგარიშზე N1330 - „აქციები და კაპიტალი“, ნაშთი 514,18 ათასი ლარი გადმოვიდა სსიპ - ილიას სახელმწიფო უნივერსიტეტიდან, რომელიც წარმოადგენს უნივერსიტეტის მიერ 100% წილობრივი მონაწილეობით დაფუძნებული შპს „უნი ინვესტის“ (ს/ნ 205285519) საწესდებო კაპიტალში შენატანს. ამასთანავე, 2013 წლის 28 ოქტომბერს შპს „უნი ინვესტის“ მიერ (ს/ ნ 205285519) 100% წილობრივი მონაწილეობით დაფუძნებულია კერძო სამართლის სუბიექტი: შპს „ინოვესტი“ (ს/ნ 406066625). აქედან გამომდინარე, ილიას სახელმწიფო უნივერსიტეტი არის შპს „ინოვესტის“ (ს/ნ 406066625) ირიბი 100% წილის დამფუძნებელი. სსიპ - ილიას სახელმწიფო უნივერსიტეტის ფინანსურ ანგარიშგებაში არ არის კონსოლიდირებული შპს „უნი ინვესტის“ (ს/ნ 205285519) და შპს „ინოვესტის“ (ს/ნ 406066625) ფინანსური მონაცემები. ინსტრუქციის მიხედვით , ეს საწარმოები წარმოადგენს სამინისტროს მიერ კონტროლირებულ ერთეულებს, რომელთა კრებსითი ფინანსური ინფორმაცია - აქტივების, ვალდებულებების, ნამეტისა და დეფიციტის ჯამური თანხების ჩათვლით, უნდა ასახულიყო ფინანსური ანგარიშგების განმარტებით შენიშვნებში.  ანგარიშგებაში „ზოგადსაგანმანათლებლო სკოლების დაფინანსების პროგრამის“ მიხედვით, საჯარო სკოლების ვაუჩერული დაფინანსება გაორმაგებულად არის ასახული - ერთხელ, როგორც საბიუჯეტო სახსრებით დაფინანსება, ხოლო მეორედ - საჯარო სკოლებისთვის, როგორც ეკონომიკური საქმიანობით მიღებული შემოსავალი. ანალოგიურად დუბლირებულია მოცემული პროგრამის ფარგლებში ხარჯები: ერთი და იგივე ხარჯი ასახულია როგორც მოსწავლეთა ვაუჩერების ხარჯი, სახაზინო კოდით - 2.8.2.1.7, ასევე საჯარო სკოლების მიერ, როგორც ეკონომიკური საქმიანობის ნაწილში გაწეული ხარჯი. აღნიშნული შეუსაბამობაშია კონსოლიდაციის პრინციპთან.

მუნიციპალიტეტმა აღრიცხვის ელექტრონული სისტემის მოწყობაზე დახარჯა 4.9 ათასი ლარი. მიუხედავად ამისა, სისტემა ფუნქციონირებდა მხოლოდ 4 თვის განმავლობაში, შემდგომ კი გამოირთო. შედეგად, სისტემის საშუალებით არ კონტროლდება ადმინისტრაციულ შენობაში მოსამსახურეთა დასწრება. მუნიციპალიტეტმა არ გაატარა შესაბამისი ღონისძიებები აღრიცხვის ელექტრონულ სისტემის მუშაობის აღსადგენად. ამგვარად, მუნიციპალიტეტს შესყიდული და გამოუყენებელი აქვს 4.9 ათასი ლარის საქონელი. შესაბამისად, მასში გადახდილი თანხა წარმოადგენს არაეფექტიან ხარჯს.

საზღვაო აკადემიაში დადგენილი წესის შესაბამისად სათანადოდ არ ხორციელდება აკადემიური პერსონალის და მოწვეული მასწავლებლის მიერ სამსახურში გამოუცხადებლობის შესახებ შეტყობინების, გაცდენილი სალექციო საათების აღდგენის და ჩანაცვლების ეფექტური ადმინისტრირება

ფულადი სახსრების შესაბამისი მუხლები უცხოურ ვალუტაში არასწორი სავალუტო კურსით არის გადაანგარიშებული. ამის გამო, ანგარიშგებაში ხაზინის სავალუტო ანგარიშზე (N1280), საწყისი ნაშთი შემცირებულია 6.31 ათასი ლარით, ხოლო საბოლოო ნაშთი - 75.06 ათასი ლარით.დაშვებული შეცდომით გამოწვეულმა უზუსტობამ გავლენა იქონია (საანგარიშგებო პერიოდის ბოლოსათვის წარმოდგენილ ფინანსური მდგომარეობის შესახებ ანგარიშის (ბალანსის) ნაშთებზე (შემცირებულია აქტივების და კაპიტალის ნაშთი), ასევე ფინანსური შედეგების შესახებ ანგარიშზე (შემცირებულია ფინანსური შედეგი - წმინდა ღირებულება), ფულადი სახსრების შესახებ ანგარიშზე (შემცირებულია ფულადი სახსრების ნაშთები) და კაპიტალში ცვლილებების შესახებ ანგარიშზე (შემცირებულია არასაოპერაციო შემოსავლები).

ლენტეხის მუნიციპალიტეტმა, 2016-2017 წლებში მუნიციპალიტეტის საკრებულოს არათანამდებობის პირებზე ხარჯების ასანაზღაურებლად 66.0 ათასი ლარი გასცა შესაბამისი დადასტურების გარეშე, საბიუჯეტო პროცესთან დაკავშირებული მარეგულირებელი საკანონმდებლო ნორმების შეუსაბამოდ.

საზღვაო აკადემიაში თანამშრომელთა პრემირებისას არ ხდება თანამშრომელთა მიერ შესრულებულ სამუშაოთა შეფასება

დარღვეულია ძირითადი აქტივების ფიზიკური ცვეთის ნორმებისა და მათი ბუღალტრულ აღრიცხვაში ასახვის პრინციპები. კერძოდ: არასწორი ცვეთის ნორმების გამოყენება - სამინისტროს დაქვემდებარებული უნივერსიტეტების (საქართველოს ტექნიკური უნივერსიტეტი - 149 ერთეული; თბილისის ივანე ჯავახიშვილის სახელობის სახელმწიფო უნივერსიტეტი - 62 ერთეული; აკაკი წერეთლის სახელობის უნივერსიტეტი - 54 ერთეული) შენობა-ნაგებობებზე განურჩევლად მათი კატეგორიებისა, დარიცხულია ცვეთა 1%-ის ოდენობით. შესაბამისად, არ არის გამიჯნული ცვეთის ნორმა შენობა-ნაგებობის კატეგორიების მიხედვით. არამატერიალურ აქტივებზე ცვეთის არასწორი გაანგარიშება - საქართველოს ტექნიკური უნივერსიტეტის ბალანსზე რიცხულ 1,222.87 ათასი ლარის ღირებულების არამატერიალურ ძირითად აქტივებს ერთობლივად დარიცხული აქვს 10%-იანი წლიური ცვეთა. თბილისის ივანე ჯავახიშვილის სახელობის სახელმწიფო უნივერსიტეტის ბალანსზე რიცხულ 672.28 ათასი ლარის ღირებულების არამატერიალურ ძირითად აქტივებს ერთობლივად დარიცხული აქვს 11%-იანი წლიური ცვეთა. ამავე დროს, ობიექტის მხრიდან ვერ ხერხდება არამატერიალური ძირითადი აქტივების იდენტიფიცირება. იქ, სადაც შესაძლებელია აქტივის სასარგებლო მომსახურების ვადის განსაზღვრა, აუდიტის ობიექტის მიერ ცვეთის ხარჯი სასარგებლო მომსახურების ვადის პროპორციულად არ არის დაანგარიშებული. შეცდომები ცვეთის ნორმების გამოყენებაში - თბილისის ივანე ჯავახიშვილის სახელობის სახელმწიფო უნივერსიტეტის პირველი კორპუსის შენობის წლიური ცვეთის ნორმად გამოყენებულია 3.53%. ამის გამო, გაზრდილია ცვეთის ხარჯი 593,87 ათასი ლარით. ილიას სახელმწიფო უნივერსიტეტში გრავიტაციის საზომ მოწყობილობებს (ისტორიული ღირებულებით 511.32 ათასი ლარი) დარიცხული აქვს 20%-იანი წლიური ცვეთა, 102.26 ათასი ლარის ოდენობით. ამგვარი მოწყობილობის ისტორიულ ღირებულებას უნდა ერიცხებოდეს 10% წლიური ცვეთის ნორმა . აკაკი წერეთლის სახელობის უნივერსიტეტში 732.28 ათასი ლარის ისტორიული ღირებულების ძირითად აქტივებს, არასწორად დარიცხული აქვს 27,826 ლარის ოდენობის ცვეთის ხარჯი. ამ აქტივებზე უნდა დარიცხულიყო 54,178 ლარის ცვეთის ხარჯი. ამის გამო, 26,651 ლარით შემცირებულია „ძირითადი კაპიტალის მოხმარების“ მუხლი ფინანსური შედეგების შესახებ ანგარიშში (შემოსავლების და ხარჯების შესახებ ანგარიში). შესაბამისად, ამავე ოდენობით გაზრდილია „წმინდა კაპიტალის“ მუხლი ფინანსური მდგომარეობის შესახებ ანგარიშში (ბალანსში). ცვეთა არაა დარიცხული: • სსიპ ილიას სახელმწიფო უნივერსიტეტში - 36.59 ათასი ლარის ისტორიული ღირებულების 11 ერთეულის ძირითად აქტივებზე (პორტატული კომპიუტერი, სისტემური ბლოკი და სხვ.); • სსიპ თბილისის სახელმწიფო სამედიცინო უნივერსიტეტში - 2,063.11 ათასი ლარის ისტორიული ღირებულების ძირითად აქტივებზე; • სსიპ აკაკი წერეთლის სახელობის უნივერისტეტში - 36.25 ათასი ლარის ისტორიული ღირებულების ძირითად აქტივებზე.

2016 წელს მუნიციპალიტეტმა გამოაცხადა ტენდერი წყალსადენის სარეაბილიტაციო სამუშაოების შესყიდვასთან დაკავშირებით, ტენდერში მონაწილე პრეტენდენტები იყვნენ ურთიერთდაკავშირებული მხარეები და არღვევდნე აფიდავიტის მოთხოვნებს. აფიდავიტით განსაზღვრული პირობების დარღვევის შემთხვევაში პრეტენდენტები ექვემდებარებოდა დისკვალიფიკაციას და საკითხის შესასწავლად მუნიციპალიტეტს უნდა ეცნობებინა შესაბამისი ორგანოებისათვის. მიუხედავად ამისა,სატენდერო კომისიამ არ გაატარა შესაბამისი სამართლებრივი ღონისძიებები.

საზღვაო აკადემიას, მონიტორების სახელმწიფო შესყიდვის განხორციელებამდე, არ მიუღია საქართველოს მთავრობის თანხმობა, რითაც შეუსრულებელია საქართველოს მთავრობის 2016 წლის 9 ივნისის N252 დადგენილების მოთხოვნები

არაფინანსური აქტივების არასწორი კლასიფიკაცია. არაფინანსური აქტივების კლასიფიკაციაში დაშვებული უზუსტობები გავლენას ახდენს ხარჯებსა და კაპიტალზე.

მუნიციპალიტეტმა ინფრასტრუქტურული სამუშაოების მიღება-ჩაბარების პროცესი წარმართა იმგვარად, რომ ასფალტის საფარის მოწყობის სამუშაოებზე, მუნიციპალიტეტის საზედამხედველო კომისიის წევრი მონიტორინგს და კონტროლს უწევდა, მასთან ინტერესთა კონფლიქტში მყოფი მიმწოდებლის მიერ შესრულებულ სამუშაოებს.

საზღვაო აკადემიაში, საცურაო პრაქტიკის უზრუნველყოფის მიზნით, გაფორმებულ ხელშეკრულებების მიღება-ჩაბარების აქტებში დაფიქსირებული ციფრობრივი მონაცემები არ შეესაბამება რეალურად მიღებულ მომსახურებას, რაც შიდა კონტროლის სისუსტეზე მიუთითებს

დადგენილი წესის მოთხოვნების მიუხედავად (აფხაზეთის ავტონომიური რესპუბლიკის ოკუპირებული ტერიტორიიდან იძულებით გადაადგილებულ პირთა – დევნილთა სოციალური დაცვის მიზნით ერთჯერადი დახმარების გამცემ კომისიას თვეში ერთხელ მაინც უნდა ჩაეტარებინა სხდომა), იმერეთის წარმომადგენლობაში 2016 წლის მარტში, მაისში, ივნისსა და აგვისტოში (ჯამში განსახილველად შემოსული იყო 136 განცხადება), ხოლო სამეგრელოს წარმომადგენლობაში 2016 წლის მაისში, ივნისსა და სექტემბერში (ჯამში განსახილველად შემოსული იყო 112 განცხადება) სხდომები არ ჩატარებულა, რითაც არ იქნა დაცული ერთჯერადი დახმარების განხილვისა და გაცემის პერიოდულობა, რამაც შექმნა თანხების არათანაბარზომიერად გაცემის (ხარჯვის) რისკები

აუდიტის ობიექტის მიერ ჩატარებული ინვენტარიზაციის მასალების შესწავლით გაირკვა, რომ არაფინანსური აქტივების ინვენტარიზაცია არ არის ჩატარებული ინვენტარიზაციის წესის მოთხოვნათა დაცვით. შერჩეულ ორგანიზაციებში (სსიპ - საქართველოს ტექნიკური უნივერსიტეტი, შემოერთებული სამეცნიერო - კვლევითი ინსტიტუტები, სსიპ - თბილისის სახელმწიფო სამედიცინო უნივერსიტეტი, სსიპ - საგანმანათლებლო და სამეცნიერო ინფრასტრუქტურის განვითარების სააგენტო) 2016 წელს ჩატარებულმა ინვენტარიზაციამ არ მოიცვა სრულად ქონება, მოთხოვნები და ვალდებულებები. ინვენტარიზაციის მასალებიდან ირკვევა, რომ ობიექტზე არ ტარდება აქტივების ფაქტობრივი აღწერა და შემდგომში შედეგების ბუღალტრულ მონაცემებთან შედარება. ინვენტარიზაციის კომისიის წევრების მიერ ხდება ბუღალტრული რეესტრების ამოღება და მისი მეშვეობით ფაქტობრივი მონაცემების შევსება, რითაც დარღვეულია ინვენტარიზაციის ჩატარების წესის მოთხოვნები. თავის მხრივ, აღნიშნული უწყისები წარმოებულია ხარვეზებით და არასრულყოფილად. კერძოდ: • ინვენტარიზაციის უწყისებს არ გააჩნია საინვენტარიზაციო აღწერები მატერიალურად პასუხისმგებელ პირთა ხელმოწერით; • საინვენტარიზაციო აღწერები არ არის ხელმოწერილი კომისიის ყველა წევრისა და მატერიალურად პასუხისმგებელი პირების მიერ ; • ხშირ შემთხვევაში გრძელვადიან აქტივებს არ გააჩნიათ საინვენტარო ნომრები, შერჩევითი ინვენტარიზაციის დროს შეუძლებელი იყო აქტივის სწორად იდენტიფიცირება და შედარება საბუღალტრო უწყისების მონაცემებთან; • ყველა აქტივზე არაა მითითებული პასუხისმგებელი პირები ; • არ არის გამოყოფილი გამოყენებისათვის უვარგისად ქცეული აქტივები და მათი ასეთად ქცევის მიზეზი . არ არის უზრუნველყოფილი აქტივების დაცულობა მათ შესაძლო დატაცებაზე ან განადგურებაზე. შერჩეული აქტივების ინდივიდუალური დათვალიერებისას გამოვლინდა ინსტრუქციით მოთხოვნილი აქტივების შენახვისა და დაცვის პირობების დარღვევები.

მუნიციპალიტეტმა, ღელის კალაპოტის გაწმენდის სამუშაოების შესყიდვაზე, მიმწოდებლს სახელშეკრულებო ღირებულების ზევით აუნაზღაურა 8.8 ათასი ლარი. აუდიტის მიმდინარეობის პერიოდში მიმწოდებელს არ ჰქონდა თანხა ბიუჯეტში დაბრუნებული. მიუხედავად იმისა, რომ თანხის ზედმეტად გადარიცხვიდან გასული იყო 5 თვეზე მეტი, მუნიციპალიტეტს არ მოუთხოვია არც მიმწოდებლისაგან და არც გარანტორი კომპანიისაგან ბიუჯეტისათვის მიყენებული ზარალის ანაზღაურება.

არ არის ჩატარებული ქონების, მოთხოვნებისა და ვალდებულებების ინვენტარიზაცია. ასევე საზღვაო აკადემიის მატერიალურად პასუხისმგებელ პირებთან, დადგენილი წესით არ არის გაფორმებული წერილობითი ხელშეკრულება, სრული მატერიალური პასუხისმგებლობის შესახებ

იმერეთის წარმომადგენლობაში არაფინანსური აქტივების აღრიცხვის ორგანიზებასა და მოვლა-შენახვაზე, არ იყო უზრუნველყოფილი სრული კონტროლი. კერძოდ, ჩატარებული ინვენტარიზაციის შედეგად ზედმეტობად გამოვლენილი 12 ერთეული აქტივი კვლავ არ იყო შეფასებული და აყვანილი ბალანსზე. შესაბამისად აღნიშნული აქტივების აღურიცხაობამ გავლენა იქონია ფინანსური ანგარიშგების სისრულესა და სიზუსტეზე

აღურიცხავი აქტივები ივანე ჯავახიშვილის სახელობის თბილისის სახელმწიფო უნივერსიტეტის ფინანსურ ანგარიშგებაში არ არის ასახული 27,742,636 ლარის ღირებულების ძირითადი საშუალებები, რომელთა საბალანსო ღირებულება ცვეთის შედეგად ამორტიზებულია. აღნიშნული აქტივები უნდა ირიცხებოდეს ბალანსის საცნობარო მუხლზე, როგორც ამორტიზებული ძირითადი აქტივები. აკაკი წერეთლის სახელობის უნივერსიტეტის ბალანსზე არ არის აღრიცხული ძვირფასი ლითონებისგან დამზადებული ნაწარმი, რომელიც ცდებისა და სხვადასხვა ლაბორატორიული მიზნებისათვის გამოიყენება. აღნიშნული ნაწარმი შეადგენს 135 გრამ პლატინის ნაკეთობებს.

2016-2017 წლებში მუნიციპალიტეტმა ინფრასტრუქტურული პროექტების შესყიდვის პროცესი წარმართა იმგვარად, რომ არასწორად გამოიყენა შესყიდვის საშუალება. მონეტარული ზღვრებისათვის თავის არიდების მიზნით, 7 შემთხვევაში ხელოვნურად დაყო ერთგვაროვანი სამუშაოები და ნაცვლად ტენდერისა, 29.8 ათასი ლარის სამუშაოები შეისყიდა გამარტივებული შესყიდვის საშუალებით. აღნიშნულით მუნიციპალიტეტმა დაარღვია კანონმდებლობით გათვალისწინებული მოთხოვნები და დაკარგა სატენდერო ეკონომიის მიღების შესაძლებლობა.

საზღვაო აკადემიის მიერ, მოიჯარის მხრიდან საიჯარო ხელშეკრულების პირობების დარღვევისას, არ იქნა მიღებული ეფექტური და დროული გადაწყვეტილება, ქონების დაბრუნების და მისი შემდგომი განკარგვის შესახებ

აღმოსავლეთის წარმომადგენლობამ 2015 წლის 30 ნოემბერს ქ. თბილისში დავით აღმაშენებლის გამზირი N89/24-ში მდებარე შენობის მე-13 სართულზე არსებული ფართიდან (527.67 კვ.მ) 45კვ.მ. სარგებლობის უფლებით გადასცა სსიპ „ვეტერანების საქმეთა სახელმწიფო სამსახურის აფხაზეთის ავტონომიური რესპუბლიკის სამმართველოს“. თუმცა, აღნიშნული ფართის გადაცემის თანხობრივად აღრიცხვა საბუღალტრო რეგისტრებში (ბალანსში) არ მომხდარა და საჯარო რეესტრში არ იყო რეგისტრირებული. გარდა აღნიშნულისა, განთავსების (ქონების გადმოცემის) თაობაზე შესაბამისი ადმინისტრაციული აქტის არარსებობის მიუხედავად წარმომადგენლობა კვლავ სარგებლობდა ქ. თბილისში კ. ხეთაგუროვის N2–ში არსებული (170კვ.მ) ფართით.

საბალანსე ანგარიშზე N1432 - „მოთხოვნები აქტივების მიღებაზე წინასწარი გადახდებით“ ლიკვიდირებული ორგანიზაციების და გასული პერიოდის პროგრამების მიხედვით, ირიცხება დებიტორული დავალიანება 830,14 ათასი ლარის ოდენობით, რომელიც მოიცავს იაკობ გოგებაშვილის პროგრამის ფარგლებში კომპანიებზე სკოლების რეაბილიტაციისთვის ავანსად გადარიცხულ თანხებს. ამ თანხებზე მიღებულია სასამართლოს გადაწყვეტილებები და გადაცემულია აღსრულებაზე 2010 წლიდან.

მუნიციპალიტეტმა დააფუძნა ისეთი იურიდიული პირები, რომლებიც ეწევიან ადგილობრივი ორგანოების მიერ შესასრულებელ საქმიანობას. შესაბამისად მათი საქმიანობა დუბლირებულია. ამასთან დოკუმენტურად ვერ დასტურდება მათ მიერ განხორციელებული რაიმე სახის აქტივობები. შედეგად იურიდიული პირების შექმნაში, დაფინანსებასა და კონტროლში არსებულმა მართვის სისუსტეებმა გამოიწვია საბიუჯეტო სახსრების არაეფექტიანი ხარჯვა.

თავდაცვის სამინისტროს ბალანსზე არსებული უძრავი ქონების შესახებ ზუსტი, სანდო ინფორმაცია არ არსებობს. შესაბამისად, ქონების რაოდენობა, ღირებულება, მახასიათებლები და გამოყენების პოტენციალი არ არის იდენტიფიცირებული. აღნიშნული პრობლემის გამომწვევი მიზეზები მდგომარეობს შემდეგში: სამინისტროს უძრავი ქონების აღრიცხვის თვალსაზრისით ტექნიკური საშუალებები (მაგალითად, შესაბამისი ელექტრონული პროგრამა) არ გააჩნია, სახელმწიფო უწყებებს შორის აღნიშნულ საკითხებზე არასაკმარისი კომუნიკაციის გამო, სამინისტრო კონკრეტული ობიექტებისა და საბინაო ფონდის გამოყენების შესახებ ინფორმაციას არ ფლობს; სამინისტროს მიერ წერილების საფუძველზე სახელმწიფოსთვის დაბრუნებული ქონების ნაწილი გამოუყენებელია და ხშირ შემთხვევაში ქონების სააგენტოს მიერ ვერ ხდება აღნიშნული აქტივების იდენტიფიცირება, რაც იმას ნიშნავს, რომ ვერ ხორციელდება მისი შემდგომი განკარგვა და ქვეყნის ეკონომიკაში ინტეგრაცია. საკმარისი ინფორმაციის არარსებობის პირობებში, სამინისტრო ვერ შეიმუშავებს ქონების მართვის სტრატეგიასა და გეგმას, ამიტომ პირველ რიგში მნიშვნელოვანია ბალანსზე რიცხული უძრავი ქონების სრულყოფილი ინვენტარიზაცია და სხვა სახელმწიფო უწყებებთან აქტიური კომუნიკაციით სხვადასხვა ტიპის ქონების მოსარგებლის, მესაკუთრის დადგენა.

ხელვაჩაურის მუნიციპალიტეტის 2016 წლის ბალანსის მონაცემი წმინდა ღირებულების შესახებ, 2016 წლის 1 იანვრის მდგომარეობით, სათანადო საფუძვლის გარეშე, არანაკლებ 261.7 ათასი ლარით არის შემცირებული.

იმერეთის წარმომადგენლობაში 22,180.00 ლარის პრემიების გაცემის შესახებ გამოცემული ბრძანებების (32 ბრძანება) დასაბუთებებში არცერთ შემთხვევაში, არ იყო მითითებული ინფორმაცია მიმდინარე წლის განმავლობაში აღნიშნულ პირებზე გაცემული პრემიების შესახებ, რაც არ იძლეოდა სრულ ინფორმაციას საბიუჯეტო სახსრების ეფექტურად განკარგვის თაობაზე

დაურეგისტრირებელი და საკუთრების უფლებით რეგისტრირებული ქონება სსიპ - საქართველოს ტექნიკური უნივერსიტეტი  უნივერსიტეტის ბალანსზე ირიცხება 40 ერთეული 13,943.95 ათასი ლარის ღირებულების უძრავი ქონება საკუთრების უფლებით.  უნივერსიტეტის ბალანსზე რიცხული 3 ერთეული უძრავი ქონება საჯარო რეესტრში არ არის რეგისტრირებული, აღნიშნული აქტივების ნარჩენი საბალანსო ღირებულება შეადგენს 31.24 ათას ლარს. სსიპ - თბილისის ივანე ჯავახიშვილის სახელმწიფო უნივერსიტეტი  უნივერსიტეტის ბალანსზე ირიცხება 80 ერთეული 138,720.24 ათასი ლარის ღირებულების უძრავი ქონება საკუთრების უფლებით.  უნივერსიტეტის ბალანსზე რიცხული 27 ერთეული შენობა-ნაგებობა საჯარო რეესტრში არ არის რეგისტრირებული, აღნიშნული აქტივების საბალანსო ნარჩენი ღირებულება შეადგენს 3,988.97 ათას ლარს. აგრეთვე არ არის რეგისტრირებული 28 ერთეული მიწის ნაკვეთი, საბალანსო ღირებულებით 7,397.89 ათასი ლარი. სსიპ - ილიას სახელმწიფო უნივერსიტეტი  უნივერსიტეტის ბალანსზე ირიცხება 52 ერთეული უძრავი ქონება საკუთრების უფლებით, რომლის ნარჩენი საბალანსო ღირებულება შეადგენს 28,508.70 ათას ლარს.  ბალანსზე გადმოცემულია 3 ერთეული შენობა-ნაგებობება, რომლებიც არ არის რეგისტრირებული (ბოლნისის აზერბაიჯანული სკოლის შენობა (ქ. ბოლნისი), შენობა თბილისის ზღვაზე (ზოოლოგიის ინსტიტუტი), კოჯრის ნაგებობა). ნარჩენი საბალანსე ღირებულება შეადგენს 37.21 ათას ლარს. სსიპ - ბათუმის შოთა რუსთაველის სახელობის სახელმწიფო უნივერსიტეტი  უნივერსიტეტის ბალანსზე რიცხულია 3 ერთეული უძრავი ქონება, რომელიც საჯარო რეესტრში არ არის რეგისტრირებული. აღნიშნული აქტივების ნარჩენი საბალანსო ღირებულება შეადგენს 2,756.95 ათას ლარს. ასევე ბალანსზე რიცხულია 2 ერთეული არასასოფლო-სამეურნეო დანიშნულების მიწის ნაკვეთი, რომელიც არ არის რეგისტრირებული საჯარო რეესტრში, ღირებულებით 527.64 ათას ლარი. სსიპ - თბილისის სახელმწიფო სამედიცინო უნივერსიტეტი  უნივერსიტეტის ბალანსზე ირიცხება 7 ერთეული მიწის ნაკვეთი საკუთრების ფორმით, რომლის საბალანსო ღირებულება შეადგენს 14,591.89 ათას ლარს. ასევე, უნივერსიტეტი საკუთრების უფლების ფორმით ფლობს 50 ერთეულ შენობა-ნაგებობას, რომლის საბალანსო ღირებულება შეადგენს 32,079.45 ათას ლარს.

2016-2017 წლებში ლენტეხის მუნიციპალიტეტში არ ხორციელდებოდა სამეურნეო ოპერაციების ბუღალტრული გატარებები. ძირითადი საშუალებების და მატერიალური ფასეულობების აღრიცხვაში არსებული მართვის სისუსტეების შედეგად, არ არის შედგენილი ორგანიზაციის 2016-2017 წლების და წინა წლების პერიოდული და წლიური ფინანსური ანგარიშგებები. აგრეთვე, არ ჩატარებულა ძირითადი საშუალებების და მატერიალური ფასეულობების ინვენტარიზაცია.

ფრაგმენტულად და ყოველდღიური საჭიროებებიდან გამომდინარე მიმდინარეობს ქონების აზომვა-რეგისტრაციის პროცესი. არ არის შემუშავებული შესაბამისი გეგმა-გრაფიკი და პრიორიტეტები, რომელთა მიხედვით მოხდება სტრატეგიულად მნიშვნელოვანი და აუცილებელი ქონების დარეგისტრირება;

აუდიტორული პროცედურებით დგინდება, რომ ხელვაჩაურის მუნიციპალიტეტს 2016 წლის 31 დეკემბრის მდგომარეობით სხვა დანარჩენი მოკლევადიანი მოთხოვნების ნაშთი არ აქვს. ამასთან, საბუღალტრო მონაცემების გათვალისწინებით, მუნიციპალიტეტს აქვს მოთხოვნები აქტივების მიღებაზე წინასწარი გადახდებით 198.7 ათასი ლარის ოდენობით და მოთხოვნები დარიცხული ჯარიმებით, სანქციებით და საკუთრებასთან დაკავშირებული სხვა შემოსავლებით 256.7 ათასი ლარის ოდენობით.

განხორციელებულ სახელმწიფო შესყიდვებთან დაკავშირებით დადგინდა:  აღმოსავლეთის წარმომადგენლობაში სახელმწიფო შესყიდვების გეგმა ელექტრონულ სისტემაში ატვირთული იყო დაგვიანებით. გაფორმებული 107 სახელმწიფო შესყიდვის ხელშეკრულებიდან 4 შემთხვევაში ხელშეკრულება ელექტრონულ სისტემაში ატვირთული იყო დაგვიანებით, ასევე 19 შემთხვევაში დაგვიანებით იყო ატვირთული შესრულება/შეუსრულებლობის დამადასტურებელი დოკუმენტაცია და 6 შემთხვევაში გადახდის დამადასტურებელი დოკუმენტაცია;  სამეგრელოს წარმომადგენლობაში ხელშეკრულებების დადებისას 10 შემთხვევაში არ იყო გათვალისწინებული ის გარემოება, რომ ხელშეკრულების მოქმედების ვადა სულ მცირე 30 დღით უნდა აღემატებოდეს საქონლის მიწოდების, მომსახურების ან/და სამუშაოს შესრულების ხელშეკრულებით გათვალისწინებულ ვადას. სახელმწიფო შესყიდვების ელექტრონულ სისტემაში არ იყო ატვირთული განხორციელებული სახელმწიფო შესყიდვის შესრულება/შეუსრულებლობის დოკუმენტი - 62 შემთხვევაში, ხოლო გადახდის დამადასტურებელი დოკუმენტი - 36 შემთხვევაში. ზემოაღნიშნულიდან გამომდინარე, მიუხედავად იმისა, რომ გამოვლენილ ფაქტებს ფინანსურ შედეგების კუთხით რაიმე გავლენა არ ჰქონია, ფაქტობრივად არ იყო უზრუნველყოფილი სახელმწიფო შესყიდვების განხორციელების პროცესში შესყიდვების ელექტრონულ სისტემაში ინფორმაციის ასახვა ან დროულად შეტანა, რაც ქმნიდა საბიუჯეტო სახსრების არაეფექტურად განკარგვის რისკებს

შიდა აუდიტის სამსახურს არ შეუსწავლია გამგეობის სტრუქტურული ერთეულების საქმიანობა. სამსახურს არ შეუფასებია შეესაბამება თუ არა მუნიციპალიტეტის საქმიანობა დაგეგმილ მიზნებსა და ამოცანებს, რამდენად კანონიერად, მიზნობრივად და ეფექტიანად ხდება დაფინანსების გამოყენება, დანერგილია თუ არა ადეკვატური მართვისა და კონტროლის მექანიზმები და სხვ. შედეგად, შიდა აუდიტის სამსახურს, თავისი საქმიანობით, არ შეაქვს მნიშვნელოვანი წვლილი მუნიციპალიტეტის რესურსების ეკონომიურად გამოყენებაში, გამგეობის წინაშე არსებული ამოცანების ეფექტურად შესრულებასა და მუნიციპალიტეტის დასახული მიზნების მიღწევაში.

ქვეყანაში არ არსებობს სრულყოფილი ნორმატიული ბაზა, რომელიც დაარეგულირებს მოსარგებლის (სამინისტროს) მიერ უძრავი ქონების სახელმწიფოსათვის დაბრუნების გზებს და ფორმას. არ არის გათვალისწინებული გამოუყენებელი ქონების სააგენტოსათვის მიღება-ჩაბარების აქტით გადაცემის საკითხები, რაც ართულებს ქონების რეალური მფლობელისა და მოსარგებლის იდენტიფიცირებას. წლების განმავლობაში ეკონომიკის სამინისტრო ისე ახორციელებდა სამინისტროს ბალანსზე რიცხული ქონების განკარგვას, რომ ამის შესახებ საქმის კურსში არ აყენებდა თავდაცვის სამინისტროს. შესაბამისად, უკვე პრივატიზებული ქონების უმრავლესობა კვლავ სამინისტროს ბალანსზე ირიცხება.

ხელვაჩაურის მუნიციპალიტეტის 2016 წლის 31 დეკემბრის მდგომარეობით შედგენილი ბალანსის მონაცემი, სხვა საგადასახადო აქტივის ნაშთის შესახებ, ორგანიზაციის რეალურ ფინანსურ მდგომარეობასთან შედარებით 47.0 ათასი ლარით არის შემცირებული.

2016 წლის მთელი ან გარკვეული პერიოდის განმავლობაში:  ზემო აფხაზეთის წარმომადგენლობაში დასაქმებული იყო შტატგარეშე 5 მომუშავე და მათზე ანაზღაურდა - 20,670.00 ლარი. რაც წარმომადგენლობაში ,,საქონელი და მომსახურების“ მუხლით გაწეული ფაქტიური ხარჯების - 65%, ხოლო შტატით მომუშავეთა ,,შრომის ანაზღაურების” მუხლით გაწეული ფაქტიური ხარჯების - 13 %-ია;  იმერეთის წარმომადგენლობაში დასაქმებული იყო შტატგარეშე 7 მომუშავე და მათზე ანაზღაურდა - 26,300.00 ლარი. რაც წარმომადგენლობაში ,,საქონელი და მომსახურების“ მუხლით გაწეული ფაქტიური ხარჯების - 40%, ხოლო შტატით მომუშავეთა ,,შრომის ანაზღაურების” მუხლით გაწეული ფაქტიური ხარჯების - 10 %-ია;  აღმოსავლეთის წარმომადგენლობაში დასაქმებული იყო შტატგარეშე 11 მომუშავე და მათზე ანაზღაურდა - 49,650.00 ლარი. რაც წარმომადგენლობაში ,,საქონელი და მომსახურების“ მუხლით გაწეული ფაქტიური ხარჯების - 47%, ხოლო შტატით მომუშავეთა ,,შრომის ანაზღაურების” მუხლით გაწეული ფაქტიური ხარჯების - 10 %-ია;  სამეგრელოს წარმომადგენლობაში დასაქმებული იყო შტატგარეშე 8 მომუშავე და მათზე ანაზღაურდა - 34,798.77 ლარი. რაც წარმომადგენლობაში ,,საქონელი და მომსახურების“ მუხლით გაწეული ფაქტიური ხარჯების - 36%, ხოლო შტატით მომუშავეთა ,,შრომის ანაზღაურების” მუხლით გაწეული ფაქტიური ხარჯების - 8 %-ია; მოპოვებული მტკიცებულებებით, შტატგარეშე მომუშავეთა დასაქმება ხდებოდა არა დროებით, არამედ ხანგრძლივი პერიოდით მუდმივი ხასიათის სამუშაოების შესასრულებლად და იმ პირობებში, როდესაც უმეტეს შემთხვევაში ფაქტობრივად ვერ დასტურდებოდა შტატგარეშე მომუშავეთა დასაქირავებლად გაწეული ხარჯების გადაუდებელი აუცილებლობა, გაცემული თანხები წარმოადგენდა არაეკონომიურად და არაეფექტიანად გახარჯულ სახსრებს

სამინისტროს მიერ წერილების საფუძველზე სახელმწიფოსთვის დაბრუნებული ქონების ნაწილი გამოუყენებელია და ხშირ შემთხვევაში ქონების სააგენტოს მიერ ვერ ხდება აღნიშნული აქტივების იდენტიფიცირება, რაც იმას ნიშნავს, რომ ვერ ხორციელდება მისი შემდგომი განკარგვა და ქვეყნის ეკონომიკაში ინტეგრაცია. საკმარისი ინფორმაციის არარსებობის პირობებში, სამინისტრო ვერ შეიმუშავებს ქონების მართვის სტრატეგიასა და გეგმას, ამიტომ პირველ რიგში მნიშვნელოვანია ბალანსზე რიცხული უძრავი ქონების სრულყოფილი ინვენტარიზაცია და სხვა სახელმწიფო უწყებებთან აქტიური კომუნიკაციით სხვადასხვა ტიპის ქონების მოსარგებლის, მესაკუთრის დადგენა.

ხელვაჩაურის მუნიციპალიტეტის 2016 წლის 31 დეკემბრის მდგომარეობით შედგენილი ბალანსის მონაცემი შრომის ანაზღაურების ფაქტობრივი ხარჯის შესახებ რეალურ ფინანსურ მდგომარეობასთან მიმართებაში 190.3 ათასი ლარით არის გაზრდილი.

დადგენილი წესის შესაბამისად, სამორიგეო ავტომობილით სარგებლობის მოწესრიგებისა და ხარჯების ოპტიმიზაციის მიზნით, სამეგრელოს წარმომადგენლობაში უნდა ეწარმოებინათ ჟურნალი, სადაც მოხდებოდა ავტოსატრანსპორტო საშუალებით მოსარგებლე პირის, მარშრუტის, გასვლისა და დაბრუნების დროის შესახებ მონაცემების აღნიშვნა. მიუხედავად იმისა, რომ სამორიგეო ავტომობილებზე (2 ავტომობილზე) წლის განმავლობაში გაიხარჯა 6,444.97 ლარი (მთლიანი ტრანსპორტის ხარჯის 19,687.77 ლარის 33%), მათი სარგებლობის მოწესრიგებისა და ხარჯების ოპტიმიზაციის მიზნით საერთოდ არ იყო ნაწარმოები შესაბამისი ჟურნალი. ყოველივე ზემოაღნიშნულით ფაქტობრივად შეიქმნა აქტივებისა და საბიუჯეტო სახსრების არაეფექტურად და არამიზნობრივად განკარგვის (ხარჯვის) რისკები

სამინისტროში არ არსებობს უძრავი ქონების მართვის სტრატეგიული გეგმა, რაც მნიშვნელოვანწილად განაპირობებს იმ გარემოებას, რომ ქონების ნაწილი გამოუყენებელია და არც მისი შემდგომი გამოყენების გეგმა არსებობს. ინფრასტრუქტურის დაგეგმვა ძირითადად ეფუძნება ქვედანაყოფებიდან შესულ მოთხოვნებს, ანუ დაგეგმვა ხდება ქვემოდან ზემოთ (Bottom-up), მაშინ როდესაც თავდაცვის მიზნებისათვის დაგეგმვა უნდა ემყარებოდეს შეიარაღებული ძალების განვითარების ერთიანი სტრატეგიული განვითარების გეგმას. ქონების მართვის სტრატეგიისა და გეგმის არარსებობის პირობებში, ვერ ხდება თავდაცვის სისტემისთვის საჭირო და გამოუსადეგარი ქონების სწორი იდენტიფიცირება, შესაბამისად, ქვეყნის მასშტაბით დიდი რაოდენობის აქტივები, რომელსაც სწორი მართვის შემთხვევაში მნიშვნელოვანი ეკონომიკური სარგებლის მოტანა შეუძლია, გამოუყენებელი და დაუცველია. ამ პირობებში, კერძო პირებისა თუ ორგანიზაციების მიერ სამინისტროსთვის მნიშვნელოვანი ქონების უკანონოდ დაკავების და მითვისების რისკები რეალურია და აღნიშნული პროცესი ინტენსიურად მიმდინარეობს.

ხელვაჩაურის მუნიციპალიტეტის 2016 წლის ბალანსის თანახმად, სხვა დანარჩენი საქონელი და მომსახურების საკასო ხარჯი შეადგენს 513.4 ათას ლარს, ხოლო ფაქტობრივი ხარჯი -1,649.8 ათას ლარს. სხვაობა საკასო და ფაქტობრივ ხარჯს შორის წარმოდგენილი საბუღალტრო დოკუმენტაციით არ დასტურდება. აუდიტის ობიექტის განმარტებით, სხვაობა გამოწვეულია ტექნიკური ხარვეზის გამო.

გრძელვადიანი არაფინანსური აქტივებისა და მატერიალური მარაგების აღრიცხვაგანკარგვის კუთხით დადგინდა:  იმერეთის წარმომადგენლობას არასრულად და არასწორად ჰქონდა შევსებული ბალანსის დანართი ფორმები, კერძოდ: 4,135.75 ლარის ღირებულების გრძელვადიანი მცირეფასიანი აქტივების მიღება-გასვლა (ხარჯებში ჩამოწერა) არ იყო ასახული ფინანსური ანგარიშგების დანართ ფორმა N5-ში;  ზემო აფხაზეთის წარმომადგენლობაში 608.99 ლარის ღირებულების გრძელვადიანი მცირეფასიანი აქტივების და 295.20 ლარის ღირებულების მატერიალური მარაგების მიღებაგასვლა ბალანსის დანართი ფორმა N5-ში ასახული არ ყოფილა;  სამეგრელოს წარმომადგენლობაში ბალანსის დანართი ფორმა N3-ში შეცდომით იყო წარმოდგენილი ძირითადი კაპიტალის მუხლში ნაჩვენები 672.88 ლარის ღირებულების არაფინანსური აქტივების გადაცემა. რაც მოქმედი კანონმდებლობის მიხედვით უნდა აღრიცხულიყო ფორმა N3-ის გრანტების მუხლში; 1,000.00 ლარის ღირებულების გრძელვადიანი მცირეფასიანი აქტივების მიღება-გასვლა (ხარჯებში ჩამოწერა) არ იყო ნაჩვენები ფინანსური ანგარიშგების დანართ ფორმა N5-ში;  აღმოსავლეთის წარმომადგენლობის მიერ 2016 წელს შეძენილი 2,148.09 ლარის გრძელვადიანი მცირეფასიანი აქტივებისა და 2,159.31 ლარის მატერიალური მარაგების მიღება/გასვლა (ხარჯებში ჩამოწერა) არ იყო ნაჩვენები ბალანსის დანართი ფორმა N5-ის შესაბამის მუხლში; გარდა ზემოაღნიშნულისა, ყველა წარმომადგენლობაში 375.00 ლარის ღირებულების არამატერიალური აქტივი წარმომადგენლობების მიერ აღიარებულ იქნა, როგორც ძირითადი საშუალება და დაერიცხა ცვეთა თითოეულ შემთხვევაში 37.50 ლარის ოდენობით (აღმოსავლეთის და სამეგრელოს წარმომადგენლობის გარდა). ამასთან, მოქმედი კანონმდებლობის შესაბამისად აღნიშნული აქტივი წარმოადგენდა მცირეფასიან გრძელვადიან აქტივს, რომელსაც ცვეთა არ უნდა დარიცხვოდა. აღნიშნულით, მართალია არაარსებითად, მაგრამ მაინც არასწორად გაიზარდა ფაქტობრივი საბიუჯეტო ხარჯები, რამაც გავლენა იქონია აღრიცხვის სისწორეზე; ამრიგად, ფინანსურ ანგარიშგებებში წარმოდგენილი ინფორმაციები ვერ ასახავდა რეალურ მდგომარეობას, რაც გავლენას ახდენდა ფინანსური ანგარიშგებების სისრულესა და სიზუსტეზე

„სახელმწიფო ქონების შესახებ“ საქართველოს კანონით არ არის გათვალისწინებული თავდაცვის სამინისტროს სპეციფიკა და სახელმწიფო ქონების სააგენტოს მიერ მისთვის აქტივების გადაცემის განსხვავებული ფორმები. აქედან გამომდინარე, თავდაცვის სამინისტროსთვის სახელმწიფო ქონების გადაცემის პროცედურები არ განსხვავდება სხვა სახელმწიფო უწყებებისათვის ქონების გადაცემის პროცედურებისგან. შესაბამისად, არსებობს რისკი, რომ ქონების სააგენტოს წარმომადგენლებმა შესაფერისად ვერ შეაფასონ იმ ქონების სტრატეგიული დანიშნულება, რომელსაც მოითხოვს თავდაცვის სამინისტრო და განაცხადონ არაარგუმენტირებული უარი, რითაც შესაძლოა ზიანი მიადგეს ქვეყნის თავდაცვის ინტერესებს. აუდიტის შედეგად გამოვლინდა, რომ ხშირია თავდაცვის სამინისტროსთვის მის ბალანსზე არსებული ქონების დარეგისტრირებაზე უარის თქმის შემთხვევები, რაც საკმარისად არგუმენტირებული არ არის.

აუდიტორული პროცედურების შედეგად დგინდება, რომ სატრანსპორტო საშუალებებზე დასარიცხი ცვეთა, ნაცვლად საბალანსო 138.7 ათასი ლარისა, შეადგენს 101.3 ათას ლარს, სხვა მანქანა დანადგარებსა და ინვენტარზე დასარიცხი ცვეთა, ნაცვლად საბალანსო 72.3 ათასი ლარისა, შეადგენს 12.6 ათას ლარს. ამასთან, ორგანიზაციის ბალანსზე არსებულ შენობა-ნაგებობებზე დასარიცხი ცვეთის გაანგარიშება, სრულყოფილი დოკუმენტაციის წარმოუდგენლობის გამო, ვერ განხორციელდა. იგივე მიზეზით ვერ განხორციელდა ხელვაჩაურის მუნიციპალიტეტის მიერ დაფუძნებული შპს „ხელვაჩაურის წყალკანალისა“ და არასამეწარმეო (არაკომერციული) იურიდიული პირების ქონებაზე დასარიცხი ცვეთის გაანგარიშება.

საბიუჯეტო დეფიციტის მართვის მიზნით გასატარებელი ზოგიერთი ღონისძიების ძირითადი პრინციპების შესაბამისად „შრომის ანაზღაურების“ მუხლით 2016 წელს გაწეული ხარჯი თითოეული საბიუჯეტო ორგანიზაციისათვის არ უნდა ყოფილიყო 2015 წლის საკასო ხარჯზე მეტი. თუმცა, იმ პირობებში, როდესაც ადგილი არ ჰქონია ორგანიზაციის ფუნქციებისა და კომპეტენციის არსებით ზრდას:  იმერეთის, წარმომადგენლობის მიერ 2016 წელს შტატით მომუშავეთა შრომის ანაზღაურება გაიზარდა 3%-ით.  ზემო აფხაზეთის წარმომადგენლობის მიერ 2016 წელს შტატით მომუშავეთა შრომის ანაზღაურება გაიზარდა 3%-ით. ზემოაღნიშნული მიუთითებს საბიუჯეტო დეფიციტის მართვის მიზნით გასატარებელი ღონისძიებების ძირითადი პრინციპების უზრუნველყოფის არაეფექტურობაზე

სახელმწიფო უწყებებში არ არსებობს იმ პირთა მონაცემები, რომლებსაც ერთხელ უკვე აქვთ მიღებული სახელმწიფოსგან ქონება უსასყიდლოდ ან სიმბოლურ ფასად. ყოველივე ზემოაღნიშნული წარმოშობს იმის რისკებს, რომ ერთი კონკრეტული პირის მიერ, რამდენჯერმე მოხდეს სხვადასხვა სახელმწიფო უწყებიდან ქონების არაკანონიერად დაუფლება და შემდეგ საკუთრების უფლების რეგისტრაცია.

2016 წელს, საინვენტარიზაციო კომისიის მიერ, ხელვაჩაურის მუნიციპალიტეტის გამგეობის/ საკრებულოს ბალანსზე რიცხული ქონებიდან განხორციელებული იქნა მხოლოდ ადმინისტრაციული დანიშნულების ქონების ინვენტარიზაცია , რითაც დარღვეული იქნა საქართველოს ფინანსთა მინისტრის 2010 წლის 23 ივლისის N605 ბრძანებით დამტკიცებული „საბიუჯეტო ორგანიზაციებში ქონების, მოთხოვნებისა და ვალდებულებების ინვენტარიზაციის ჩატარების წესის“ მე-3 მუხლის პირველი პუნქტი და მე-4 მუხლი. ხელვაჩაურის მუნიციპალიტეტის გამგეობის, აგრეთვე მუნიციპალიტეტის მიერ დაფუძნებული არასამეწარმეო (არაკომერციული) იურიდიული პირების მიერ 2016 წელს არ ჩატარებულა ფინანსური მოთხოვნების/ ვალდებულებების ინვენტარიზაცია, რითაც დარღვეული იქნა საქართველოს ფინანსთა მინისტრის 2010 წლის 23 ივლისის N605 ბრძანებით დამტკიცებული „საბიუჯეტო ორგანიზაციებში ქონების, მოთხოვნებისა და ვალდებულებების ინვენტარიზაციის ჩატარების წესის“ მე-3 მუხლის პირველი პუნქტი და მე-4 მუხლის პირველი პუნქტის „კ“ ქვეპუნქტი.

საბიუჯეტო დეფიციტის მართვის მიზნით გასატარებელი ზოგიერთი ღონისძიების ძირითადი პრინციპების შესაბამისად უნდა შეზღუდულიყო წარმომადგენლობითი ხარჯების დაფინანსება განსაკუთრებული აუცილებლობის გარეშე. სამეგრელოს წარმომადგენლობის წარმომადგენლობითმა ხარჯმა (სარესტორნო მომსახურეობამ 10 შემთხვევაში) ჯამში შეადგინა 2,000.00 ლარი. წარმომადგენლობითი ხარჯების გაწევასთან დაკავშირებით ჩასატარებელი ღონისძიებების გეგმა წინასწარ განსაზღვრული არ ყოფილა. წარმომადგენლობამ ვერც ფაქტობრივად ჩატარებული ღონისძიებების (ოფიციალური სტუმრების) იდენტიფიცირება შეძლო. ასეთ პირობებში მიუხედავად იმისა, რომ აუდიტის ობიექტის მიერ მოწოდებული დოკუმენტაციით დადგინდა, რომ თანხები გადარიცხულია რესტორნებში, უდიტის ჯგუფისათვის ვერ იქნა წარმოდგენილი მტკიცებები თუ რა განსაკუთრებული (გადაუდებელი) აუცილებლობით იყო გამოწვეული აღნიშნული ხარჯების გაწევა. ზემოაღნიშნული მიუთითებს ,,საბიუჯეტო დეფიციტის მართვის მიზნით გასატარებელი ზოგიერთი ღონისძიების შესახებ“ მთავრობის განკარგულების უგულვებელყოფასა და საბიუჯეტო სახსრების არაეფექტურ ხარჯვაზე

თავდაცვის სისტემაში, საბინაო ფონდის მართვის პროცესში არსებული პრობლემები გამოწვეულია წლების მანძილზე დამკვიდრებული არასწორი პრაქტიკითა და მიდგომებით, ასევე შესაბამისი კონტროლის გარემოს სისუსტეებით. მაგალითად: წლების მანძილზე მიმდინარეობს სამინისტროს საბინაო ფონდის სამხედრო მოსამსახურეებისთვის საკუთრებაში გადაცემის პროცესი ისე, რომ თითქმის არ ხდება საბინაო ფონდის აღდგენა; საბინაო ფონდის და ინფრასტრუქტურული ობიექტების ნაწილი უკანონოდ დაკავებულია მოქალაქეების მიერ და ზოგიერთ შემთხვევაში ამავე მოქალაქეების მიერ შემოსავლის წყაროდ გამოიყენება; არ არის დანერგილი კონტროლის შესაბამისი მექანიზმები (მაგალითად „შემოვლის ბარათში“ სამსახურებრივი ბინის შესახებ არსებული ინფორმაციის დაფიქსირება), რის შედეგადაც დათხოვნილი სამხედრო მოსამსახურეები (მათ შორის ისეთებიც, რომლებიც შეთანხმებით და შესაბამისი კომპენსაციით წავიდნენ თავდაცვის ძალებიდან) სამინისტროს სამსახურებრივ ბინას არ აბარებენ და ხშირ შემთხვევაში აგრძელებენ ბინის გამოყენებას; ზოგიერთ მათგანს საკუთრებაშიც აქვთ მიღებული სხვა ბინა და აგრძელებენ სამსახურებრივი ბინის გამოყენებასაც. შედეგად, ვერ ხორციელდება ბინების გამოთავისუფლება და მათი შესაბამისად გამოყენება; ქონების მართვის კომისიების გადაწყვეტილებები არ არის საკმარისად გამჭვირვალე და არ ემყარება სათანადო კრიტერიუმებს. ყოველივე ზემოაღნიშნული უარყოფით გავლენას ახდენს სამხედრო მოსამსახურეების სოციალური დაცვის ღონისძიებების განხორციელების საკითხზე. კერძოდ, სამხედრო მოსამსახურეების მნიშვნელოვანი ნაწილი ვერ იღებს სამსახურებრივ ბინას, მიუხედავად კანონმდებლობის მოთხოვნისა. ამასთანავე, სამინისტროს, 700-ზე მეტ მოქმედი და ყოფილი სამხედრო მოსამსახურის მიმართ გააჩნია ბინის საკუთრებაში გადაცემის ვალდებულება, შესაბამისი კონტრაქტის საფუძველზე, რასაც ვერ ასრულებს, მიუხედავად იმისა რომ ამ მიმართულებით გარკვეული პოტენციალი გააჩნია (მაგალითად, არსებული ბინების გადაცემა რეგიონებში). შესაბამისად, უძრავი ქონების მართვის პროცესი და ამ პროცესში არსებული კონტროლის მექანიზმები გამჭვირვალე, მოქნილი არ არის და წარმოშობს კანონშეუსაბამო ქმედებების რისკებს.

სამშენებლო სამუშაოების სახელმწიფო შესყიდვების პროცესში ფიქსირდება, მიმწოდებლების მხრიდან სახელშეკრულებო ვალდებულებების დროულად შეუსრულებლობის დროს, პირგასამტეხლოს არასრულად დარიცხვის შემთხვევები

2016 წლის 31 დეკემბრის მდგომარეობით, ბალანსზე ირიცხება 17,328.8 ათასი ლარის დებიტორული დავალიანება. აქედან, 2,832.6 ათასი ლარი, 2007-2009 წლებში, ყოველგვარი საგარანტიო დოკუმენტაციის გარეშეა ავანსად გადარიცხული არარეზიდენტი იურიდიული პირების ანგარიშებზე, შესაბამისად მისი ამოღების ალბათობა ძალიან მცირეა.

დეპარტამენტის მიერ ფარული სამუშაოების აქტებით დადასტურებამდე მიმწოდებელზე გადახდილია 1,012,935 ლარი, არ არის შეფასებული 4,403,199 ლარის შესრულებული სამუშაოების ხარისხი, ხოლო 1,471,979 ლარის ღირებულების ფარულ სამუშაოებზე ექსპერტის მიერ არ არის დადგენილი სამუშაოების მოცულობები. აღნიშნული გარემოება მიღება-ჩაბარების აქტებში მითითებულ დროში სამუშაოების ფაქტობრივად შესრულების, სამუშაოების დასრულებამდე თანხის გადახდის და საბიუჯეტო სახსრების არაეკონომიური ხარჯვის რისკებზე მიუთითებს.

წლის განმავლობაში, გაწეულმა მთლიანმა საკასო ხარჯმა შეადგინა 68.7 ათასი ლარი. მათ შორის, 21.3 ლარის ღირებულების 15,427 ლიტრი საწვავი გაწეულია თექვსმეტ ერთეულ ავტოსატრანსპორტო საშუალებაზე, რომელიც არ ირიცხება ხელვაჩაურის მუნიციპალიტეტის ბალანსზე და იმყოფებოდა მუნიციპალიტეტის გამგეობის საჯარო მოსამსახურეების მფლობელობაში. საქართველოს საგადასახადო კოდექსის 82-ე მუხლის პირველი პუნქტის „ჭ1“ ქვეპუნქტის თანახმად, საშემოსავლო გადასახადით დაბეგვრისაგან თავისუფლდება ადმინისტრაციული ორგანოს მიერ თანამშრომლისთვის სამსახურებრივი მოვალეობების შესრულებისას პირად მფლობელობაში არსებული ავტომობილისათვის განკუთვნილი საწვავის უსასყიდლოდ გადაცემით მიღებული სარგებელი. ხელვაჩაურის მუნიციპალიტეტის გამგეობის მიერ ვერ იქნა წარმოდგენილი საწვავის სამსახურებრივი მოვალეობების შესრულებისათვის გადაცემის დოკუმენტური დადასტურება.

აუდიტორული პროცედურების შესაბამისად შერჩეული 10 რეზიდენტი დებიტორიდან, ჯამური დავალიანებით - 808.0 ათასი ლარი: - 6 დებიტორის დავალიანების არსებობა და სიზუსტე (ღირებულებით 653.9 ათასი ლარი) ვერ დადასტურდა, ვინაიდან დებიტორებთან გაგზავნილი დასტურის წერილები უკან დაბრუნდა შესაბამისი ადრესატის მოუძიებლობის გამო. - 4 დებიტორის დავალიანების სიზუსტე (ღირებულებით 154.1 ათასი ლარი) ვერ დადასტურდა, სამინისტროს ბუღალტრული აღრიცხვის მონაცემებსა და დებიტორის სააღრიცხვო მონაცემებს შორის შეუსაბამობის გამო, რაც სამინისტროს მიერ ვერ იქნა განმარტებული.

ალამბარი-ზენითის საავტომობილო გზის რეაბილიტაციისათვის დეპარტამენტის მიერ 2018 წელს გადახდილია 1,938,795 ლარი, თუმცა ფაქტობრივად შესრულებული სამუშაოების საპროექტო-სახარჯთაღრიცხვო დოკუმენტაციასთან შეუსაბამობა და დანაკლისი, ჯამში შეადგენს 888,231 ლარს, ხოლო იმის გათვალისწინებით, რომ ექსპერტის მიერ 2018 წელს ვერ აიზომა 353,324 ლარის ღირებულების სამუშაოები და 2016 წელს ხარისხის შესწავლისა და დადასტურების გარეშე გადახდილია 631,360 ლარი, მაღალია რისკი იმისა, რომ სამუშაოები აქაც არასრულად იყოს განხორციელებული და შეუსრულებელი სამუშაოების მოცულობა გაცილებით მეტი იყოს, რაც საბიუჯეტო სახრების არამართლზომიერი ხარჯვის რისკებს წარმოშობს. ამასთანავე უხარისხოდ შესრულებული სამუშაოები ფარავს ბიუჯეტიდან ჯამში გახარჯული 2,570,155 ლარით მისაღებ სიკეთეს.

სახელმწიფო შესყიდვების მარეგულირებელი კანონმდებლობის თანახმად დაუშვებელია შესყიდვის ობიექტის აღწერილობაში მითითებულ იქნეს კონკრეტული სასაქონლო ნიშანი, პატენტი, მოდელი, წარმოშობის წყარო ან მწარმოებელი. სახელმწიფო შესყიდვების სააგენტოს 2012 წლის 6 ივლისის რეკომენდაციის თანახმად კი ,,ასევე დაუშვებელია სატენდერო დოკუმენტაციაში შესყიდვის ობიექტის ისეთი კონკრეტული ტექნიკური მახასიათებლების მითითება, რაც მთლიანობაში წარმოადგენს მხოლოდ ერთი კონკრეტული მოდელის საქონლის ტექნიკურ მახასითებლებს“. (,,სახელმწიფო შესყიდვების შესახებ“ საქართველოს კანონი, მუხლი 121 )

ბალანსზე, მოთხოვნების ნაწილში, აქტივებად ირიცხება 2008 წლის რუსეთ-საქართველოს ომის დროს განადგურებული და დაკარგული ქონების საბალანსო ღირებულება 5,074.9 ათასი ლარის ოდენობით, რაც ფაქტიურად არარსებულ აქტივს წარმოადგენს და ფინანსურ ანგარიშგებაში იწვევს აქტივების ნაშთის ზედმეტად წარმოდგენას.

დეპარტამენტი მიმწოდებლისათვის საჯარიმო სანქციის თავის არიდების მიზნით, ცალკეულ შემთხვევაში დასაბუთების გარეშე ზრდიდა ხელშეკრულების მოქმედების და სამუშაოს შესრულების ვადებს, რითაც ბიუჯეტმა დაკარგა, შემოსავლის მიღების შესაძლებლობა, ხოლო მოსახლეობამ დროულად ვერ მიიღო დასრულებული ინფრასტრუქტურული პროექტები.

ადმინისტრაციის მიერ 2016 წელს მივლინების მუხლით გაწეულმა საკასო ხარჯმა შეადგინა 2,192.8 ათასი ლარი, მათ შორის ქვეყნის შიგნით მივლინების დროს 108.8 ათასი ლარი, ხოლო ქვეყნის გარეთ 2, 084. 0 ათასი ლარი. მთავრობის ადმინისტრაციის თანამშრომლების მიერ ქვეყნის ფარგლებს გარეთ მივლინებებიდან დაბრუნების შემდეგ, ხშირ შემთხვევაში წარმოდგენილი არ არის ,,ჩასხდომის ბარათები“, რაც ინვოისით გადახდილი თანხის ამსახველ დოკუმენტებთან ერთად წარმოადგენს მგზავრობისათვის ფაქტობრივად გაწეული ხარჯების დამადასტურებელ საბუთს. აღსანიშნავია, რომ ,,მოსამსახურეთათვის სამსახურებრივი მივლინების ხარჯების ანაზღაურების შესახებ“ საქართველოს პრეზიდენტის 2005 წლის 20 აპრილის N231 ბრძანებულებით დამტკიცებული წესის მე-18 მუხლის „ა“ ქვეპუნქტის თანახმად ,,არა უგვიანეს 60 დღისა ქვეყნის ფარგლებს გარეთ მივლინებიდან დაბრუნებულმა მოსამსახურემ დაწესებულებას უნდა წარუდგინოს მგზავრობისათვის ფაქტობრივად გაწეული ხარჯების დამადასტურებელი საბუთები”.

ბალანსზე რიცხული განადგურებული და დაზღვეული ავტომანქანების ჩანაცვლების პროცესი ხშირად დროში იწელება და მომავალ წელზე გადადის. ასეთ შემთხვევებში, სამინისტროს წლიურ ფინანსურ ანგარიშგებაში, ერთი მხრივ უცვლელად არის აღრიცხული ფაქტობრივად განადგურებული სატრანსპორტო საშუალებები და მათზე ხდება ცვეთის დარიცხვაც, მეორე მხრივ კი არ აღირიცხება სადაზღვევო კომპანიის მიმართ რეალურად არსებული მოთხოვნები, რადგან ბუღალტრული აღრიცხვის სამსახურს შესაბამისი ინფორმაცია დაგვიანებით მიეწოდება. შედეგად, გაზრდილად არის წარმოდგენილი ავტოსატრანსპორტო საშუალებების ჯამური საბალანსო ღირებულება და მათზე დარიცხული ცვეთა, მოთხოვნები კი შემცირებულია.

მერიის 2016 წლის ფინანსური ანგარიშგების თანახმად, 2016 წლის 31 დეკემბრის მდგომარეობით, „აქციების და სხვა კაპიტალის“ ნაშთი შეადგენს 2,122,330 ლარს, რაც მინიმუმ 123,103,791 ლარით უზუსტოდ (შემცირებულად) არის წარმოდგენილი. აღსანიშნავია, რომ ბუღალტრულად აღრიცხულია მხოლოდ 2015-2016 წლებში მუნიციპალიტეტის მიერ დაფუძნებული/ მუნიციპალიტეტის წილობრივი მონაწილეობით მოქმედი კერძო სამართლის იურიდიული პირების კაპიტალში განხორციელებული შენატანების მცირე ნაწილი . მოპოვებული მტკიცებულებებით დგინდება, რომ მხოლოდ 2013 წლის 1 იანვრიდან 2016 წლის 31 დეკემბრამდე განხორციელებულია 123,103,791 ლარის ღირებულების ქონებრივი და ფულადი შენატანები

დეპარტამენტის მიერ არათანაბარი კონკურენციის პირობებში, არაპროპორციული, დისკრიმინაციული მიდგომით ხდება პრეტენდენტების შერჩევა. შედეგად, გამარჯვებულად გამოვლინდა მაღალი ფასის წარმომდგენი პრეტენდენტი. აღნიშნული გარემოება სახელმწიფო შესყიდვის კონკრეტულ პრეტენდენტზე მორგების და საბიუჯეტო სახსრების არაეფექტიანი ხარჯვის რისკებს შეიცავს.

2016 წლის განმავლობაში მთავრობის ადმინისტრაციის მიერ წარმომადგენლობითი ხარჯების სახით გახარჯულია სულ 918.0 ათასი ლარი. აქედან სხვდასხვა სახის საჩუქრების შესასყიდათ გახარჯულია 264.7 ათასი ლარი. აღნიშნული მატერიალური ფასეულობების ბალანსიდან ჩამოწერა განხორციელებულია მხოლოდ საწყობიდან ადმინისტრაციის სამსახურის თანამშრომლების (პროტოკოლის სამსახური)სახელზე შედგენილი მიღება-ჩაბარების აქტების შესაბამისად, ფასეულობების კონკრეტულ პირებზე მათი საჩუქრად გადაცემის ფაქტების დადასტურების გარეშე.

ბალანსზე ირიცხება 11,787.8 ათასი ლარის კრედიტორული დავალიანება, საიდანაც 11,138.7 ათასი ლარი 2005 წლამდეა წარმოშობილი (მათ შორის, 8,357.9 ათასი ლარი თანამშრომლებზე გაუცემელი ხელფასებია, ხოლო 2,780.8 ათასი ლარი სხვადასხვა კრედიტორებზე ირიცხება, როგორც საქონლის, მომსახურების და არაფინანსური აქტივების მიწოდებით წარმოშობილი დავალიანება). კრედიტორების ნაწილი აღარ ფუნქციონირებს. მაგალითად, სამინისტროს ბალანსზე 1998 წლიდან კრედიტორად ირიცხება ბათუმის „წყალკანალტრესტი” დავალიანებით - 184.6 ათასი ლარი. ასეთი დასახელების ორგანიზაცია აღარ არსებობს და წლების მანძილზე არანაირი მოთხოვნა ამ თანხის გადახდის თაობაზე სამინისტროში არ შესულა. სახელწოდებით „აზერბაიჯანი“, სამინისტროს ბალანსზე 2004 წლიდან ირიცხება კრედიტორი, დავალიანებით - 1,245.1 ათასი ლარი. აღნიშნული დავალიანება საიდუმლო შესყიდვებს უკავშირდება, თუმცა ვერ იქნა მოძიებული დავალიანების დამადასტურებელი დოკუმენტაცია. ასევე გაგზავნილი დასტურის წერილების შედეგად, 5 კრედიტორის დავალიანების სიზუსტე (ღირებულებით 427.6 ათასი ლარი) ვერ დადასტურდა, სამინისტროს ბუღალტრული აღრიცხვის მონაცემებისა და კრედიტორის სააღრიცხვო მონაცემებს შორის შეუსაბამობის გამო, რაც სამინისტროს მიერ ვერ იქნა განმარტებული.

მერიის 2016 წლის ფინანსურ ანგარიშგებაში ანგარიშზე „მოთხოვნები ფულად სახსრებზე და მათ ექვივალენტებზე აქტივების/მომსახურების მიწოდებით“ ნაშთი 2016 წლის 31 დეკემბრის მდგომარეობით შეადგენს 95,013 ლარს და ჯამში მინიმუმ 7,647,930 ლარით უზუსტოდ (შემცირებულად) არის წარმოდგენილი.

დეპარტამენტის მიერ ხელშეკრულების პირობებთან შეუსაბამოდ, მიმწოდებელზე გადახდილია ავანსი 550,829 ლარი, ამასთანავე, არაობიექტური ფაქტორების გათვალისწინებით, გაზრდილია სამუშაოს შესრულების ვადა, რაც კონკრეტული მიმწოდებლის ინტერესების სასარგებლოდ, საბიუჯეტო სახსრების არაეფექტიანად ხარჯვისა და საჯარიმო სანქციის თავის არიდების რისკებზე მიუთითებს, რის შედეგადაც, სამუშაოები 2017 წელს ვერ იქნა დასრულებული.

საქართველოს მთავრობის ადმინისტრაციის 2016 წლის სამართლებრივი აქტების საფუძველზე ადგილი აქვს ადმინისტრაციის თანამშრომლებზე წინასწარ, მთელი წლის განმავლობაში დანამატების დაწესების ფაქტს, რაც თავისი ყოველთვიური შინაარსიდან გამომდინარე უფრო თანამდებობრივი სარგოს ხასიათს ატარებს ვიდრე დანამატის.

სამინისტროს სხვადასხვა ქვედანაყოფებზე რიცხული მატერიალური ფასეულობების ინვენტარიზაციის ჩატარების მიზნით, 2016 წლის 1 ოქტომბერს დაწყებული ინვენტარიზაციები დადგენილ ვადებში ვერ დასრულდა და მისი შედეგები ბუღალტერიას წარედგინა წლიური ფინანსური ანგარიშგების ჩაბარების ვადის (1 აპრილი) ამოწურვის შემდეგ, რის გამოც, სამინისტროს წლიურ ანგარიშგებაში არ ასახულა ინვენტარიზაციის შედეგად გამოვლენილი დანაკლისები. შედეგად, ვერ დასტურდება რიცხული მატერიალური ფასეულობების ნაშთების (167.2 ათასი ლარის ფასეულობების) არსებობა.

მერიის 2016 წლის ფინანსურ ანგარიშგებაში ანგარიშზე „მოთხოვნები საქონლის და მომსახურების მიღებაზე წინასწარი გადახდებით“ ნაშთი 2016 წლის 31 დეკემბრის მდგომარეობით შეადგენს 5,540,434 ლარს. მათ შორის, 1,285,774 ლარის მოთხოვნებთან დაკავშირებით, რომლებიც წარმოშობილია 2003-2007 წლებში, ვერ იქნა დოკუმენტაცია წარმოდგენილი.

მუნიციპალიტეტის შესაბამის სამსახურს არ გაუანალიზებია 2016-2017 წლებში განხორციელებული „სოციალური უზრუნველყოფის“ პროგრამის საბოლოო შედეგები და არ განუსაზღვრავს შემაფერხებელი გარემოებები

დეპარტამენტმა საპროექტო დოკუმენტაციის მიღების ეტაპზე არ განახორციელა ინსპექტირება, მიიღო 594,816 ლარის ღირებულების ხარვეზით შედგენილი პროექტი, რის შედეგადაც დადგენილ დროში ვერ დასრულდა სამუშაოები. ამასთან ერთად, ხარვეზით შედგენილი პროექტებისათვის არ უზრუნველყო მიმწოდებელზე ხელშეკრულებით გათვალისწინებული პირგასამტეხლოს დაკისრება.

სამინისტროს კუთვნილი ფასეულობების მნიშვნელოვანი ნაწილი (ძირითადად მიწა და სპეცდანიშნულების ქონება) სხვადასხვა მიზეზების გამო მხოლოდ რაოდენობრივად არის აღრიცხული, ამიტომ ფინანსურ ანგარიშგებაში ვერ აისახება. შედეგად, სამინისტროს კუთვნილი აქტივების ჯამური ღირებულება შემცირებულადაა წარმოდგენილი.

მერიის 2016 წლის ფინანსურ ანგარიშგებაში ანგარიშზე „მოთხოვნები არაფინანასური აქტივების მიღებაზე წინასწარი გადახდებით“ ნაშთი 2016 წლის 31 დეკემბრის მდგომარეობით, შეადგენს 19,509,171 ლარს და ჯამში, მინიმუმ 1,702,529 ლარით უზუსტოდ (გაზრდილად) არის წარმოდგენილი.

2016-2017 წლებში „მზრუნველობას მოკლებულ ბენეფიციართა მოვლა-პატრონობა და მოვლის საჭიროების მქონე პირთა დახმარების“ ქვეპროგრამის განხორციელების არასაკმარისი მონიტორინგის შედეგად, გარდაცვლილ ბენეფიციართა მომსახურების შესახებ, მიმწოდებლების მხრიდან არასწორი ინფორმაციის წარმოდგენის გათვალისწინებით, რისკის შემცველია ქვეპროგრამით დაგეგმილი სოციალური სერვისების ბენეფიციარებისათვის ფაქტობრივად მიწოდება და შესაძლოა, საბიუჯეტო სახრები არამიზნობრივად იხარჯებოდეს

დეპარტამენტის მიერ დაქირავებული ტრანსპორტით გაწეულ მომსახურებაზე გამოყენებული ტექნიკის იდენტიფიცირება ვერ ხდება, ხოლო მიმწოდებელს ხელშეკრულებაში მითითებული ტრანსპორტით, დეპარტამენტისთვის მომსახურება არ განუხორციელებია, რაც წარმოშობს მიღება-ჩაბარების აქტებში ასახული მომსახურების შეუსრულებლობის და ბიუჯეტიდან გადახდილი 378,328 ლარის არამიზნობრივად ხარჯვის რისკს.

სამინისტროს ბალანსზე 295.2 ათასი ლარის მოთხოვნები ირიცხება მოიჯარეების მიმართ, რომლებიც სისტემატურად არღვევდნენ დაკისრებულ ვალდებულებებს საიჯარო ქირის გადახდის ნაწილში. მიუხედავად იმისა, რომ ისინი არ იხდიდნენ საიჯარო გადასახდელებს, სამინისტროს მიერ დროულად არ გატარდა შესაბამისი ღონისძიებები (პირგასამტეხლოს დაკისრება, ხელშეკრულებების გაუქმება და თანხის დაკავება შესაბამისი მომსახურების საფასურიდან), რამაც დავალიანებების დაგროვება გამოიწვია. აღნიშნული მოიჯარეებიდან, კომპანია „ნიგი 2009“, ჯამური დავალიანებით 93.9 ათასი ლარი, ლიკვიდირებულია. შესაბამისად, აღნიშნული დებიტორული დავალიანების ამოღების ალბათობა პრაქტიკულად არ არსებობს, ხოლო სხვა კომპანიებისგან თანხების ამოღების მიზნით, მიმდინარეობს სამართლებრივი პროცესები. შედეგად, არადროული რეაგირების ღონისძიებები ამცირებს დავალიანებების ამოღების შესაძლებლობას.

მერიის 2016 წლის ფინანსურ ანგარიშგებაში 2016 წლის 31 დეკემბრის მდგომარეობით, „ანგარიშვალდებული პირების მიმართ მოთხოვნები“ შეადგენს 4,200 ლარს, ხოლო „მომუშავეების მიმართ მოთხოვნები“ - 90,877 ლარს. მუნიციპალიტეტის მერის 2016 წლის 18 ნოემბრის N1019 ბრძანების საფუძველზე ჩატარებული მოთხოვნების და ვალდებულებების ინვენტარიზაციის შედეგებში ასახულია, რომ აღნიშნული მოთხოვნებიდან 93,663 ლარი წარმოშობილია 2002-2008 წლებში და მათი წარმოშობის საფუძვლები არ იძებნება, ასევე ნაწილზე ვერ ხდება მოვალის იდენტიფიცირება. შესაბამისად, ვერ იქნა მოპოვებული მტკიცებულებები დავალიანებების დასადასტურებლად.

2016-2017 წლებში სააგენტოს მიერ შესასყიდი საქონლის სავარაუდო ღირებულების მიზნით არ ჩატარებულა ბაზრის კვლევა, რის შედეგად, არასწორად ხდება ბიუჯეტის და შესყიდვების წლიური გეგმის შედგენა. ასევე სავარაუდო ღირებულების მაღალი თანხით განსაზღვრა წარმოშობს თანხების არარაციონალური ხარჯვის რისკებს

საგზაო და სამელიორაციო ინფრასტრუქტურის მოვლა-შენახვის პროგრამის ფარგლებში, საქართველოს მთავრობის განკარგულებით გამოყოფილი წიაღისეულის მოცულობიდან 1,654 კუბ.მ მოცულობის ქვიშა-ხრეშის მოქმედი კანონმდებლობის შესაბამისად, ხარჯვა − წარმოდგენილი დოკუმენტებით არ დასტურდება. ამასთან ერთად, 2016 წლის პირველი თებერვლის შემდეგ პერიოდში, ხუთივე მუნიციპალიტეტში გზის მოვლა-შენახვისათვის დეპარტამენტის მიერ ნაჩვენებია 68,640 კუბ.მ ქვიშა-ხრეშის (ბალასტის) გამოყენება, თუმცა მის მოპოვებასთან დაკავშირებით შესაბამისი ნებართვები ვერ იქნა წარმოდგენილი, რაც წიაღისეულის ფაქტობრივად მოპოვების ან/და მასთან დაკავშირებით, არანაკლებ, 71,420 ლიტრი საწვავის ფაქტობრივად ხარჯვის რეალობა, რისკის შემცველია.

საქართველოს მთავრობის დადგენილებით სამინიტროს 2014 წლის 1 აპრილამდე უნდა წარედგინა არსებული ავტოპარკის (1,846 ავტომანქანა, გარდა ოპერატიული და სპეცმანქანებისა) ოპტიმიზაციის გეგმა სამთავრობო კომისიისათვის, რაც არ არის წარდგენილი. ნაწილობრივ იქნა შესრულებული ადმინისტრაციული ხარჯების შეზღუდვის შესახებ საქართველოს მთავრობის განკარგულების მოთხოვნები, კერძოდ, 2016 წლისათვის გასულ წელთან შედარებით მივლინებებზე 20%-ით, ხოლო წარმომადგენლობით ხარჯებზე 4%-ით მეტი გაიხარჯა. საქართველოს მთავრობის სამართლებრივი აქტები მიმართულია საბიუჯეტო ორგანიზაციების ხარჯების შემცირებისკენ. აღნიშნული სამართლებრივი აქტების პრინციპების დაუცველობა აფერხებს საქართველოს მთავრობის მიერ დეკლარირებულ პროცესებს.

მერიას, დადგენილი რეგულაციის შეუსაბამოდ , 2016 წლის 31 დეკემბრის მდგომარეობით, აღრიცხული არ აქვს ხელშეკრულების პირობების დარღვევის გამო მიმწოდებლებზე დარიცხული პირგასამტეხლოები, ჯამში, მინიმუმ 371,850 ლარის და 11,325 ევროს ექვივალენტი ლარის ოდენობით.

სააგენტოს პასუხისმგებელმა პირებმა ჩაიბარეს ხარვეზით განხორციელებული სარემონტო სამუშაოები, ასევე საგარანტიო პერიოდში გამოვლენილი ხარვეზების აღმოსაფხვრელად არ გამოიყენეს შესაბამისი სამართლებრივი ღონისძიებები, რაც სამომავლოდ გამოიწვევს დამატებით ფინანსური რესურსების ხარჯვას

ბიუჯეტის დაგეგმვაში არსებულ პრობლემებზე მიუთითებს ის ფაქტი, რომ ზოგიერთ შემთხვევაში დაგეგმვისას არ არის გათვალისწინებული წინა წლის ხარჯვა და საჭიროებები. სსიპ „მომსახურების სააგენტო“ საკუთარი სახსრებით სამინისტროს გარკვეულ ხარჯებს აფინანსებს, ისე, რომ ეს ხარჯები სამინისტროს დამტკიცებულ ბიუჯეტში გათვალისწინებული არ არის. სამინისტროს არ გააჩნია სამშენებლო-სარემონტო სამუშაოების ჩატარების გეგმა. შედეგად, წლის განმავლობაში ამ მიმართულებით ხშირია საბიუჯეტო ასიგნებების გადანაწილებები, რაც საბიუჯეტო სახსრების არათანაბარზომიერ ხარჯვას იწვევს.

მოპოვებული მტკიცებულებებით, 2006 წლის შემდეგ, მუნიციპალიტეტის მერიას, მოქმედი რეგულაციის შესაბამისად, არ ჩაუტარებია ბალანსზე რიცხული არაფინანსური აქტივების სრული ინვენტარიზაცია.

მუნიციპალიტეტმა სატენდერო დოკუმენტაციაში დაუსაბუთებლად ჩადო შემზღუდავი პირობა „შავი ღორღის“ მოწყობის გამოცდილების შესახებ. აღნიშნულმა გავლენა იქონია სახელმწიფო შესყიდვის ეკონომიურად და რაციონალურად განხორციელებაზე, რადგან ამ მოთხოვნის შეუსრულებლობისთვის მუნიციპალიტეტმა განახორციელა ტენდერებზე დაბალი ფასის მქონე პრეტენდენტების დისკვალიფიკაცია. შედეგად მერიამ გზის სარეაბილიტაციო სამუშაოები 312.6 ათასი ლარით უფრო ძვირად შეისყიდა, რაც წარმოადგენს არაეკონომიურ ხარჯს.

სამინისტროს მიერ დანამატის სახით სულ გაცემულია 17,005.9 ათასი ლარი. მათ შორის, სპეციალური დანამატის სახით, რომელიც თანამშრომელებს დანიშნული აქვთ მინისტრის ინდივიდუალური სამართლებრივი აქტების საფუძველზე, გაცემულია 7,563.3 ათასი ლარი. სპეციალური დანამატი ინიშნება განუსაზღვრელი ვადით და არ არის დასაბუთებული მისი გაცემის აუცილებლობა. ამასთან, ასეთი ტიპის დანამატი თავისი ყოველთვიური შინაარსიდან გამომდინარე, უფრო თანამდებობრივი სარგოს ხასიათს ატარებს. შედეგად, სპეციალური დანამატის გაცემის საკმარისი გამჭვირვალობა არ არის უზრუნველყოფილი.

ორგანიზაციის ბალანსზე ირიცხება 701 ერთეული საცხოვრებელი შენობა ნარჩენი საბალანსო ღირებულებით 5,247,298 ლარი. შერჩევითი გადამოწმებით დასტურდება, რომ საცხოვრებელი შენობების უმრავლესობა იმყოფება კერძო საკუთრებაში/ მფლობელობაში და არ წარმოადგენს მუნიციპალიტეტის მერიის საკუთრებას.

მერიამ არ გააკონტროლა საბავშვო ბაღების სარეაბილიტაციო სამუშაოების მიმდინარეობის გეგმა-გრაფიკი, რის გამოც მიმწოდებელმა დაარღვია ხელშეკრულებით ნაკისრი ვალდებულებები და არ დაასრულა საბავშვო ბაღების მშენებლობის სამუშაოები. მიმწოდებელს წარმოდგენილი ჰქონდა ხელშეკრულების უზრუნველყოფის საბანკო გარანტია, მაგრამ დანერგილი კონტროლის სისუსტის გამო მუნიციპალიტეტის შესაბამის პასუხისმგებელ პირებს გარანტიის ვადაში არ მიუმართავთ გარანტორი ორგანიზაციისთვის საგარანტიო თანხის ჩარიცხვის მოთხოვნით. შედეგად, ზიანი მიადგა მუნიციპალიტეტის ინტერესებს და მოსახლეობა ვერ სარგებლობს საბავშვო ბაღის მომსახურებით, ხოლო წალენჯიხის მუნიციპალიტეტმა დაკარგა 23.2 ათასი ლარის შემოსავლის მიღების შესაძლებლობა.

2016 წლის მეოთხე კვარტალში დასაქმებულთა საშუალო რაოდენობამ 7,659 შტატიანი და 779 შტატგარეშე თანამშრომელი (10.1%) შეადგინა. სამინისტროში დასაქმებულ შტატგარეშე თანამშრომელთა მნიშვნელოვანი ნაწილი წლების მანძილზე მუშაობს ისეთ თანამდებობაზე, რომელიც თავისი სპეციფიკით, არ განირჩევა შტატით დასაქმებული თანამშრომლის სამუშაოსგან. შედეგად, საკადრო პოლიტიკა გასაუმჯობესებელია თანამშრომელთა მიერ შესრულებული სამუშაოს ტიპისა და ამოცანების, ასევე მათი ფუნქცია-მოვალეობების შესაბამისად.

საბალანსო მონაცემებით, მერიის ბალანსზე არასაცხოვრებელი შენობა-ნაგებობის ანგარიშზე ირიცხება ნაშთი 31,658,110 ლარი. შერჩევითი გადამოწმებით დასტურდება, რომ ქონების ნაწილი პრივატიზებულია ან/და უზუფრუქტით გადაცემულია მესამე პირებზე. შესაბამისად, მათი მუნიციპალიტეტის მერიის ბალანსზე ყოფნის სამართლებრივი საფუძველი არ არსებობს.

წალენჯიხის მერიის მიერ დანერგილმა კონტროლის სისტემამ ვერ უზრუნველყო უხარისხოდ შესრულებული სამუშაოების გამოვლენა რის გამოც ადგილობრივი ბიუჯეტიდან 103.2 ათასი ლარი გადახდილია მშენებლობებში, რომლებიც უხარისხოდაა შესრულებული და დაზიანებულია. მუნიციპალიტეტის შესაბამისმა პასუხისმგებელმა პირებმა არც დაზიანების აღმოჩენის შემდგომ გაატარეს სათანადო სამართლებრივი ღონისძიებები არსებული ხარვეზების აღმოფხვრის მიზნით, მიუხედავად იმისა, რომ ობიექტებს გააჩნდა მოქმედი საგარანტიო ვადა. შედეგად, ზიანი მიადგა თვითმმართველობის ინტერესებს.

თანამშრომლებისთვის ბინის დაქირავების მიზნით გაწეული ხარჯი წლების განმავლობაში იზრდება და 2016 წლისათვის 512.8 ათას ლარს შეადგენს. ბინის ქირის ღირებულება განისაზღვრება 287 ლარიდან, თითქმის 3,000.0 ლარამდე. მოქმედი ნორმატიული ბაზით, დაკონკრეტებული არ არის გადასახდელი საიჯარო თანხის განსაზღვრის კრიტერიუმები და არ არის დადგენილი ზედა ზღვარი, რაც საბიუჯეტო თანხების არეკონომიურად განკარგვის რისკს წარმოშობს.

მერიის ბალანსზე ირიცხება ასევე ისეთი ძირითადი აქტივები, როგორიცაა: ქუჩები, განათება, ხიდები, გაყვანილობების სისტემები და სხვა ნაგებობები ნარჩენი საბალანსო ღირებულებით 68,145,814 ლარი, მაგრამ მხოლოდ იმ ნაწილში, რა დაფინანსებაც მერიის მიერ გაწეულ იქნა უკანასკნელი წლების განმავლობაში. მერიის ფაქტობრივ მფლობელობაში არსებული ქონების დანარჩენი ნაწილი არ არის აღრიცხული საბუღალტრო მონაცემებში. იმ პირობებში, როდესაც არ ჩატარებულა ძირითადი აქტივების სრული ინვენტარიზაცია, აუდიტის ჯგუფი მოკლებულია შესაძლებლობას იმსჯელოს აღნიშნული მონაცემის სიზუსტეზე.

წალენჯიხის მერიის დანერგილმა კონტროლის სისტემამ ვერ უზრუნველყო მიმწოდებლის მიერ მშენებლობის პროცესში მუნიციპალური ქონების დაზიანების ფაქტის გამოვლენა, ასევე მერიამ ჩაიბარა 39.4 ათასი ლარის ღირებულების უხარისხო სამუშაოები, რომელიც მალევე დაზიანდა და გამოვიდა მწყობრიდან. მერიის შესაბამისმა პასუხისმგებელმა პირებმა არც დაზიანების აღმოჩენის შემდგომ გაატარეს სათანადო სამართლებრივი ღონისძიებები არსებული ხარვეზების აღმოფხვრის მიზნით, მიუხედავად იმისა, რომ ობიექტებს გააჩნდა მოქმედი საგარანტიო ვადა. შედეგად, ზიანი მიადგა თვითმმართველობის ინტერესებს.

სამინისტროში ტენდერების თითქმის 50% ჩატარდა მხოლოდ ერთი პრეტენდენტის მონაწილეობით და შესყიდვის სავარაუდო ღირებულება უმეტეს შემთხვევაში არ შეცვლილა. აღნიშნული გარემოება მნიშვნელოვანი რისკის შემცველია, მით უმეტეს, რომ სამინისტროში არსებობს შესყიდვის სავარაუდო ღირებულების სწორად განსაზღვრის (ბაზრის კვლევის ჩატარებასთან) დაკავშირებული პრობლემა. უკონკურენტოდ ჩატარებული ტენდერების შერჩევითი ანალიზის შედეგად გამოვლინდა, რომ ჯამური სავარაუდო ღირებულება მხოლოდ 2.2%-ით შემცირდა, მაშინ, როდესაც მაღალი კონკურენციის პირობებში ჩატარებულ ტენდერებში თითქმის 50 %-იანი ეკონომია იქნა მიღწეული. სამინისტროს მიერ ორგანიზებულ ტენდერებში პრეტენდენტთა სიმცირე, ან საერთოდ ტენდერის ჩაშლა, ზოგიერთ შემთხვევაში განპირობებულია სატენდერო დოკუმენტაციით გათვალისწინებული არაპროპორციული საკვალიფიკაციო მოთხოვნებითა და სანქციებით, შესასყიდი საქონლისა და მომსახურების ტექნიკური პარამეტრების ზედმეტად დეტალიზებით და შესყიდვების წინამოსამზადებელი სამუშაოების არასათანადო წარმართვით. შესყიდვების დაგეგმვასა და განხორციელების პროცესში არსებული ხარვეზები საბიუჯეტო სახსრების არაეკონომიური და არაპროდუქტიული ხარჯვის მომეტებულ რისკებს წარმოშობს.

დაუმთავრებელი ძირითადი აქტივები მერიის ბალანსში ანგარიშზე „დაუმთავრებელი ძირითადი აქტივების“ ნაშთი 2016 წლის 31 დეკემბრის მდგომარეობით შეადგენს 418,764,729 ლარს. საბუღალტრო მონაცემებით, დაუმთავრებელ ძირითად აქტივად აღრიცხული ქონების ნაწილის მერიის ქონებად აღრიცხვის სამართლებრივი საფუძვლები არ არსებობს.

წალენჯიხის მუნიციპალიტეტი 2016-2017 წლებში აფინანსებდა 10 ა(ა)იპ-ს. მუნიციპალიტეტმა აუდიტის ჯგუფს წარმოუდგინა 2016 წლის ბიუჯეტის პროექტის მომზადებისთვის ორგანიზაციების მიერ გამოგზავნილი სამი, ხოლო 2017 წლისთვის ოთხი საბიუჯეტო განაცხადი. საბიუჯეტო განაცხადები არ შეიცავს კანონმდებლობით დადგენილ ყველა აუცილებელ ინფორმაციას. კერძოდ 2016-2017 წლებში საბიუჯეტო განაცხადებში ასახული არ არის ინფორმაცია გასული და მიმდინარე საბიუჯეტო წლებისათვის პროგრამებისათვის გათვალისწინებული ასიგნებების გაანგარიშება საბიუჯეტო კლასიფიკაციის ყველაზე დაბალი თანრიგის მიხედვით, ასიგნებების გაანგარიშება პროგრამული კლასიფიკაციის მიხედვით, საპროგნოზო დასაქმებულთა რიცხოვნობა, ასევე დასაგეგმი საბიუჯეტო წლისათვის და დასაგეგმისშემდგომი სამი საბიუჯეტო წლისათვის განსახორციელებელ პროგრამები /ქვეპროგრამები , მათი დაფინანსება , აღწერა და მიზნები.

შპს „ო. ჩხობაძის სახელობის ინვალიდთა და ხანდაზმულთა სამკურნალო-სარეაბილიტაციო კლინიკური ცენტრი“ მიერ 1,314,680.35 ლარის წმინდა მოგება გაიხარჯა პარტნიორის თანხმობისა და მთავრობის დადგენილებით შექმნილი სპეციალური კომისიის შესაბამისი გადაწყვეტილების გარეშე. არსებული წესის მოთხოვნათა დარღვევით წმინდა მოგების განკარგვა წარმოშობს სახელმწიფო სახსრების არამიზნობრივი ხარჯვის და მისი არაპრიორიტეტული მიმართულებით გამოყენების მაღალ რისკებს.

2015-2018 წლებში, დასაბუთების გარეშე, კლინიკური ცენტრის თანამშრომლებზე ჯამურად გაცემულია 279,193.71 ლარის სახელფასო დანამატი და 13,987.50 ლარის პრემია. არ დასტურდება პერსონალზე სახელფასო დანამატისა და პრემიის გაცემის მართლზომიერება და შესაბამისობა.

შეუსაბამო შესყიდვის საშუალების გამოყენებით, ხელშეკრულების გაფორმების გარეშე, 17 მომწოდებლისგან შეძენილ იქნა 291,284.68 ლარის ღირებულების საქონელი/მომსახურება. ამასთანავე, კლინიკურმა ცენტრმა სახელმწიფო შესყიდვების ელექტრონულ პორტალზე არ ატვირთა გამარტივებული წესით გაფორმებული 62,670.20 ლარის ღირებულების სახელმწიფო შესყიდვის შესახებ 24 ხელშეკრულება, რითაც შეიზღუდა შესყიდვის საშუალებების შერჩევისათვის კანონმდებლობით დადგენილი მონეტარული ზღვრების დაცვაზე მონიტორინგისა და კონტროლის განხორციელების შესაძლებლობა. ყოველივე აღნიშნულმა გაზარდა საჯარო სახსრების არარაციონალური და არაეკონომიური ხარჯვის რისკები, რაც გამოვლინდა საბაზრო ღირებულებაზე მაღალ ფასად საქონლის/მოსახურების შესყიდვის ფაქტებში. საოპერაციო მობილური რენტგენის აპარატის შესაძენად 2015 წელს გამოცხადებული გამარტივებული ელექტრონული ტენდერის მიმდინარეობისას შესყიდვის საგნის სპეციფიკაციის კონკრეტულ მოდელზე მორგებით შეიქმნა უკონკურენტო გარემო, რამაც განაპირობა ტენდერში მონაწილე ერთადერთი, სავარაუდო ღირებულების ტოლი სატენდერო წინადადების წარმომდგენი პირის გამარჯვება. სამედიცინო მოწყობილობების შესყიდვის მიზნით გამოცხადებულ ტენდერში უმცირესი ფასის სატენდერო წინადადების წარმომდგენი პრეტენდენტის არასამართლიანმა დისკვალიფიკაციამ და საკვალიფიკაციო მოთხოვნების მიზანმიმართულმა კორექტირებამ შექმნა საჯარო სახსრების არაეკონომიური ხარჯვის რისკები.

შესამოწმებელ პერიოდში კლინიკური ცენტრის მიერ ქონების, მოთხოვნებისა და ვალდებულებების სავალდებულო ინვენტარიზაცია არ ჩატარებულა; აუდიტის ჯგუფის მიერ განხორციელებული დათვალიერების პროცედურის შედეგად გამოვლინდა 12 ერთეული ძირითადი აქტივის დანაკლისი.

იჯარით გასაცემი ქონების საწყისი საიჯარო ქირის არათანამიმდევრულად, საბაზრო პირობებისადმი არაადექვატურად და აუქციონის გამოცხადების დროს მისი არასწორად (შეცდომით) განსაზღვრის შედეგად, მიუღებელმა შემოსავალმა შეადგინა 9,658.00 ლარი.

2016 წლის საანგარიშგებო პერიოდის ბალანსში საწყისი ნაშთების კორექტირება განხორციელდა ფინანსური ანგარიშგების მომზადების და წარდგენის საფუძვლების მოთხოვნის შეუსაბამოდ. მიმდინარე ვალდებულებების და გადასახდელი დივიდენდების შემცირების ხარჯზე, გაუნაწილებელი მოგების საწყისი ნაშთი გაიზარდა 140,334.00 ლარით. შედეგად, მოცემული საანგარიშგებო პერიოდის ბალანსში დაფიქსირდა გაუნაწილებელი მოგების − 458,183.00 ლარის, მიმდინარე ვალდებულებების − 42,844.00 ლარის, ხოლო გადასახდელი დივიდენდების ნულოვანი საწყისი ნაშთები. აღნიშნულ კორექტირებებს საფუძვლად არ ედო ეკონომიკური მოვლენის განხორციელების ფაქტი. - ბალანსში შემცირებულადაა წარმოდგენილი 2018 წლის საბოლოო ნაშთები: მოკლევადიანი მოთხოვნები – 215,564.29 ლარით, სასაქონლო-მატერიალური მარაგები – 94,892.00 ლარით და ძირითადი საშუალებები – 697,153.39 ლარით. რაც შეეხება მოკლევადიანი ვალდებულებების საბოლოო ნაშთს, ის 88,708.81 ლარითაა გაზრდილი. - მოგება-ზარალის ანგარიშგების ბუღალტრულ ანგარიშებზე წლის საბოლოო ნაშთების არასწორად აღრიცხვის შედეგად, შესაბამისი წლის ფინანსურ ანგარიშგებაში არასწორად არის ასახული წმინდა მოგება, კერძოდ, შესამოწმებელ პერიოდში კლინიკური ცენტრის შემოსავლები აღრიცხულია 170,678.27 ლარით ნაკლები თანხით, ხოლო მთლიანი ხარჯები გაზრდილია 86,607.54 ლარით. შედეგად, გაუნაწილებელი მოგება შემცირებულია 96,350.60 ლარით. კლინკური ცენტრის მიერ სააღრიცხვო ჩანაწერების მანიპულირებით შეიქმნა გადასახადელი დივიდენდების სახით სახელმწიფოს წინაშე არსებული და სხვა მიმდინარე დავალიანების შემცირების საფუძველი და ხელოვნურად გაიზარდა გაუნაწილებელი მოგება. ამასთანავე, გაიზარდა ეკონომიკურ გადაწყვეტილებაზე გავლენის მოხდენის მიზნით პარტნიორის განზრახ შეცდომაში შეყვანის რისკები.

ცენტრის − „ბიჭვინთის“ წესდებით განსაზღვრულია იმ ხელშეკრულებების შეთანხმების წესი, რომელთა ღირებულება აჭარბებს ცენტრის საწესდებო კაპიტალის 15%-ს. მიუხედავად აღნიშნულისა, დადგენილი წესის უგულებელყოფით (დამფუძნებლის ნებართვის გარეშე) დაფიქსირდა თანხების ხარჯვის ფაქტები, რითაც შეიქმნა ფულადი სახსრების არარაციონაალურად და არაეფექტიანად ხარჯვის რისკები. ცენტრებში − „ბიჭვინთასა“ და „ცხუმში“ ხელფასების კალკულაციები წესდების შესაბამისად არ იყო შეთანხმებული დამფუძნებელთან, რითაც წარმოიქმნა ხელფასების არამართლზომიერად გაანგარიშება/გაცემის რისკები.

სამინისტროსათვის სარგებლობის უფლებით გადმოცემულ შენობა-ნაგებობის (ქ. თბილისი, უზნაძის N68-ში საერთო ფართი 1933 მ2) მეორე და მეხუთე სართულზე, ყოველგვარი სამართლებრივი (კანონიერი) საფუძვლის გარეშე, კვლავ განთავსებულია და ფუნქციონირებს სამინისტროსთან ერთად სამინისტროს მმართველობის სფეროში შემავალი რიგი საჯარო სამართლის იურიდიული პირები (სსიპ) და სხვა სუბიექტები.

ფინანსთა მინისტრის ბრძანების საფუძველზე,აპარატის 53 მოსამსახურეზე (უმეტესად დამხმარე მოსამსახურეები), წახალისების მიზნით, გაცემულია პრემიები ყოველთვიურად, ზოგჯერ თვეში 2-ჯერ, „საჯარო დაწესებულებებში პრემიის ოდენობის განსაზღვრის წესის დამტკიცების შესახებ“ საქართველოს მთავრობის 2014 წლის 15 ივლისის N449 დადგენილების მე-5 მუხლის მე-4 პუნქტის დარღვევით, დაწესებულების ხელმძღვანელი თანამდებობის პირის მოტივირებული შუამდგომლობის საფუძველზე, რომელიც ვერ იქნა წარმოდგენილი.

სააგენტოს მიერ N329 ხელშეკრულების ფარგლებში (SPA140009365) ჯამურად გადახდილი 2,782.9 ათასი ევრო მოიცავს გერმანული კომპანიის „ERICH UTSCH AG“-ის მიერ წარდგენილი N550358 და N553747 ინვოისების საფუძველზე მიწოდებული სანომრე ნიშნების ტრანსპორტირების ხარჯებსაც ჯამურად 1092 ევროს. სატენდერო დოკუმენტაციით (შესაბამისად ხელშეკრულებითაც) განსაზღვრული იყო საქონლის მიწოდება „DAP თბილისი-წითელი ხიდის გზის 21-ე კმ, INCOTERMS-2010“-ის შესაბამისად (რაც გულისხმობს მიმწოდებლის მიერ ტრანსპორტირების ხარჯებზე ვალდებულების აღებას). აქედან გამომდინარე ტრანსპორტირების ხარჯებზე პასუხისმგებელი იყო გერმანული კომპანია და სააგენტოს მიერ ზედმეტად გადახდილია 1092 ევრო. გარდა ამისა, ამავე ხელშეკრულების ფარგლებში N445820-1 ინვოისით მიწოდებულ 12000 ცალი ფირფიტის ტრანსპორტირებაზე სააგენტოსა და მიმწოდებელს (გერმანული კომპანია „ERICH UTSCH AG“) შორის გაფორმდა ცალკე ხელშეკრულება (N435, 13.08.2014წ.) ღირებულებით 7500 ევრო (თანხა გადახდილი იქნა 2014 წლის 5 სექტემბერს). აღნიშნული ხელშეკრულების გაფორმება ეწინააღმდეგება სატენდერო დოკუმენტაციით განსაზღვრულ პირობებს (ზემოაღნიშნულის ანალოგიურად ტრანსპორტირებაზე პასუხისმგებელი იყო მიმწოდებელი) და შესაბამისად გაფორმდა კანონმდებლობის მოთხოვნის დარღვევით, რომლის მიხედვითაც ხელშეკრულება უნდა გაფორმდეს სატენდერო წინადადებით განსაზღვრული პირობების საფუძველზე. აღნიშნული 7500 ევროც წარმოადგენს ზედმეტად გადახდილ თანხას. სულ ზედმეტად გადახდილი თანხა შეადგენს 8592 ევროს. სააგენტოს მიერ მოწოდებული ინფორმაციის მიხედვით 2017 წლის 31 მარტის მდგომარეობით კომპანიის მიერ მიწოდებულია 1 557 225 ცალი სანომრე ნიშანი, ღირებულებით 3,071.5 ათასი ევრო. ეტაპობრივად გადახდილია 2,782.9 ათასი ევრო (6,957.7 ათასი ლარი გადახდის თარიღებისთვის არსებული შესაბამისი კურსების მიხედვით). მისაწოდებელია კიდევ 442 775 ცალი (ღირებულებით 873.3 ათასი ევრო), რაშიც დარჩენილი კრედიტორული დავალიანების ჩათვლით გადასახდელია 1,162.0 ათასი ევრო. რაც აუდიტის მიმდინარეობისთვის არსებული მიახლოებითი კურსის მიხედვით თუ ვიანგარიშებთ (2.60 ლარი/ევრო), შეადგენს 3,021.2 ათას ლარს, რის შედეგადაც ჯამურად გადასახდელი იქნება დაახლოებით 9,978.9 ათასი ლარი. შესაბამისად, ზემოაღნიშნული შემთხვევის მსგავსად დიდია ალბათობა იმისა, რომ სააგენტოს მიერ გადახდილმა თანხებმა გადააჭარბოს ტენდერში გამარჯვებული პრეტენდენტის მიერ სისტემის მეშვეობით დაფიქსირებულ საბოლოო ფასს (9,605.0 ათას ლარს), რისი გამომწვევი მიზეზიც ხელშეკრულების ღირებულების ყოველგვარი დათქმის გარეშე ევროში დაფიქსირება იქნება.

ნინოწმინდის მუნიციპალიტეტის სატენდერო კომისიამ დაბალი ფასის მქონე პრეტენდენტის დისკვალიფიკაცია ერთ შემთხვევაში კანონმდებლობის დარღვევით განახორციელა, შედეგად სამუშაოები შეისყიდა უფრო მაღალი ღირებულებით და ბიუჯეტიდან გასწია არაეკონომიური ხარჯი.

ვიდეოსამეთვალყურეო სისტემის ფუნქციონირებაში არსებული პრობლემები - ვიდეოსამეთვალყურეო სისტემის ნაწილი, რომელიც ავლენს საგზაო წესების სხვადასხვა სახის დარღვევებს (სიჩქარის გადაჭარბების გარდა), არ არის ტექნიკურად გამართული.

დამფუძნებლისათვის წარდგენილი ფინანსური ანგარიშგებები, არ შეიცავდა ყველა ფორმას, რის გამოც ცენტრების მიერ არასრულად და არასწორად მოხდა ფინანსური ანგარიშგების წარდგენა. ბუღალტრული აღრიცხვა არ წარმოებდა უშუალოდ სამეურნეო ოპერაციების განხორციელებისას, როგორც ეს დადგენილია მოქმედი წესითა და სტანდარტებით. პირველადი დოკუმენტაციის მოგროვება წარმოებდა ერთიანად და მიმდინარე თვის დასრულების შემდგომ, ასევე ერთიანად აისახებოდა ბუღალტრული გატარებები. ცენტრების −„ბიჭვინთისა“ და „ცხუმის“ ბუღალტრების მიერ არასათანადოდ განხორციელებული ქმედებები და არასრულყოფილი კონტროლის ღონისძიებები ქმნიდა მიღებული შემოსავლების არასწორი კლასიფიკაციისა და არამართლზომიერი ხარჯვის რისკებს.

სახელმწიფო აუდიტის სამსახურის (სას) 2015 წლის 09 თებერვლის N2/129 ფინანსური აუდიტის დამტკიცებულ ანგარიშში და სამინისტროსთვის გაგზავნილ სარეკომენდაციო წერილში ასახული ხარვეზი, რომლის გამოსწორების შესახებ სამინისტრომ 2015 წლის 05 მარტის 01-171/5 წერილით აცნობა სას-ს, აუდიტის პერიოდში გამოსწორებული არ ყოფილა. კერძოდ, ქ. თბილისში დ. უზნაძის ქუჩა N 68-ში მდებარე, სამინისტროს სარგებლობაში არსებული შენობის სარემონტო სამუშაოებისთვის 2014 წელს გაწეული ხარჯები - 15,832.96 ლარის ოდენობით, არასწორად იყო განხორციელებული წლიური ბიუჯეტით დამტკიცებული „არაფინანსური აქტივები“-ს მუხლიდან და არამართებულად იყო მიკუთვნებული (აღრიცხული) სამინისტროს ბალანსის მუხლში - „შენობები და ნაგებობები“, ვინაიდან მოცემული სამუშაოები განეკუთვნებოდა მიმდინარე შეკეთების ხარჯებს და უნდა აღრიცხულიყო, როგორც „საქონელი და მომსახურება“, კერძოდ „ოფისის ხარჯების“ კლასიფიკატორში

აღნიშნული კატეგორიის პერსონალიდან, 4 თანამშრომელზე წელიწადში გაცემულია 18 პრემია, ხოლო სულ 42 თანამშრომელზე წლის განმავლობაში გაცემული პრემიების ჯამური სიდიდე გადაჭარბებულია თანამდებობრივი სარგოს შვიდმაგ ოდენობაზე, რითაც დარღვეულია მთავრობის 2014 წლის 15 ივლისის N449 დადგენილების მე-5 მუხლის პირველი პუნქტი.

ნინოწმინდის მუნიციპალიტეტის სატენდერო კომისიამ სამუშაოს შესყიდვისას, ერთ შემთხვევაში ტენდერი შეწყვიტა დაუსაბუთებლად, არაარსებითი მიზეზით. მუნიციპალიტეტმა ახალი ტენდერით სამუშაოები შეისყიდა უფრო ძვირად და გასწია არაეკონომიური ხარჯი.

საპატრულო პოლიციის საქმიანობაში არსებული ნაკლოვანება - უკონტაქტო პატრულირების არსებული მოდელი და მასშტაბები ვერ ასრულებს გარდამტეხ როლს საგზაო მოძრაობის უსაფრთხოების პრობლემების მოგვარებაში, რადგან შეზღუდულია საპატრულო ეკიპაჟების რაოდენობა, მოქმედების ზონები, სამუშაო დრო, არ გააჩნიათ სიჩქარის მზომი ხელსაწყოები, რის გამოც ვერ ხდება სიჩქარის გადაჭარბების ფაქტების დაფიქსირება, რაც ერთ-ერთი ყველაზე გავრცელებული სამართალდარღვევაა.

ცენტრი „ბიჭვინთა“ ყოველგვარი კანონიერი საფუძვლისა და შესაბამისი ანაზღაურების გადახდის გარეშე, იყენებდა სახელმწიფო ფართს საკუთარი შემოსავლების მისაღებად, რის გამოც ცენტრის − „ბიჭვინთის“ ხელმძღვანელობისა და მისი დამფუძნებლის არასაკმარისი (არასათანადო) ქმედებების გამო, დაფიქსირდა სახელმწიფო ქონების არამართლზომიერი გამოყენება და ბიუჯეტში სარგებლის სახით თანხების გადაუხდელობის ფაქტები. ცენტრის − „ცხუმის“ ხელმძღვანელობის მიერ არასათანადოდ/შეუსაბამოდ გატარებული ღონისძიებებისა და დამფუძნებლის მხრიდან არასაკმარისი კონტროლის გამო, დაფიქსირდა სახელმწიფო ქონების შესაბამისი რეგისტრაციის გარეშე გამოყენების ფაქტები.

ბალანსის დანართ ფორმა N2-ში ძირითადი კაპიტალის მოხმარება ნაჩვენებია 19,811.00 ლარის ოდენობით, ხოლო დანართ ფორმა N3-ში წარმოდგენილია 23,507.00 ლარის ოდენობით (არამატერიალური აქტივების ცვეთა - 2,416.00 ლარი და სხვა აქტივების ცვეთა - 21,091.00 ლარი), ასევე ბალანსის დანართ ფორმა N5-ში ძირითადი კაპიტალის გასვლა ძირითადი კაპიტალის მოხმარებით ნაჩვენებია 23,507.00 ლარის ოდენობით. აუდიტის ობიექტიდან მიღებული ინფორმაციით ბალანსის დანართ ფორმა N2-ში ნაჩვენები იყო ძირითადი კაპიტალის მოხმარება არამატერიალური აქტივების ცვეთის თანხების გამოკლებით

2015 წელს აპარატის თანამშრომლებზე გაცემულმა დანამატების ოდენობამ შეადგინა 2,151.2 ათასი ლარი, რომელიც გაცემულია როგორც შრომის ანაზღაურების ფონდში წარმოქმნილი ეკონომიის, ხარჯთაღრიცხვის ცვლილებით ასიგნების გაზრდისა და ბიუჯეტის განაცხადში წინასწარ გათვალისწინებული დამატებითი ასიგნებების ხარჯზე. კერძოდ, 2015 წლის ბიუჯეტის პროექტის გაანგარიშებისას, ბიუჯეტის განაცხადის ფორმა N3-ის მიხედვით, დანამატის სახით, ცენტრალური აპარატის თანამშრომლებზე გათვალისწინებული იყო 890.0 ათასი ლარის ასიგნება. ამ პერიოდისთვის, დანამატის წლიური სიდიდე, რომლის გათვალისწინების საფუძველი ჰქონდა მხარჯავ დაწესებულებას დაგეგმვისას, შეადგენდა მხოლოდ 32.5 ათას ლარს[1]. სხვა სახის დანამატები, რომლებიც მოითხოვდა ასიგნების წინასწარ, განსაზღვრული ოდენობით ზრდას, სამინისტროს აპარატის პერსონალს არ ჰქონდა დანიშნული. რაც შეეხება „საჯარო სამსახურის შესახებ“ საქართველოს კანონის 37-ე მუხლის მე-2 პუნქტით განსაზღვრულ დანამატებს, როგორც ეს ზემოთ აღვნიშნეთ, უნდა დაწესებულიყო წლის განმავლობაში შექმნილი ეკონომიის ხარჯზე. შესაბამისად, აპარატის მიერ ვერ იქნა წარმოდგენილი საკმარისი და შესაფერისი მტკიცებულებები ასიგნების 857.5 (890-32.5) ათასი ლარით გაზდასთან დაკავშირებით.

ერთ შემთხვევაში ნინოწმინდის მუნიციპალიტეტის მიერ, სავარაუდო ღირებულების მაღალი ფასით განსაზღვრამ, კონკურენციის არარსებობის პირობებში, არაეკონომიური ხარჯვა გამოიწვია.

ქვეითად მოსიარულეების მიერ საგზაო მოძრაობის წესების დარღვევების გამოვლენის პრობლემა - ავტოსაგზაო შემთხვევების მიზეზს ხშირად წარმოადგენენ ქვეითად მოსიარულეები, მათი დაჯარიმება კი თითქმის არ ხდება.

ცენტრ "ბიჭვინთაში" ხელმძღვანელობისა და საინვენტარო კომისიის მხრიდან არასათანადოდ/შეუსაბამოდ განხორციელებული ღონისძიებების გამო, შეიქმნა ცენტრის ბალანსზე რიცხული ფასეულობების დაუცველობისა და არაეფექტიანად გამოყენების რისკები. ცენტრ "ცხუმში" ხელმძღვანელობის მიერ დაკისრებული მოვალეობებისადმი არასათანადო/შეუსაბამო დამოკიდებულების გამო, შეიქმნა ცენტრის ბალანსზე რიცხული ფასეულობების დაუცველობისა და არაეფექტიანად გამოყენების რისკები.

აფხაზეთის ა/რ მთავრობის საქვეუწყებო დაწესებულება - ადმინისტრაციულ-სამეურნეო სამმართველოს (სამმართველო) უფროსის ბრძანების საფუძველზე სამინისტროს უვადო სარგებლობის უფლებით გადაეცა სათათბირო მაგიდა ნარჩენი ღირებულებით 320.00 ლარი. როგორც გაირკვა ბალანსის დანართ ფორმა N3-ში კრედიტის მხარეს მიღებული მაგიდა ასახული იყო პირვანდელი ღირებულებით 1,600.00 ლარი, ხოლო დებეტის მხარეს ნაჩვენები იყო 1,280.00 ლარი სამმართველოში ექსპლუატაციის პერიოდში დაგროვილი ცვეთის თანხა;

2015 წელს აპარატში ფაქტობრივად დასაქმებულთა საშუალო რაოდენობამ 266 ერთეული შეადგინა, რაც შტატით გათვალისწინებულზე 62 ერთეულით ნაკლებია. საშტატო განრიგში არსებული ვაკანტური თანამდებობების არსებობით „თანამდებობრივი სარგოს“ ქვემუხლში წარმოქმნილმა ეკონომიამ 2015 წელს ფაქტობრივად 972.9 ათასი ლარი შეადგინა, ანუ ყოველთვიურად-81.1 ათასი ლარი.

ნინოწმინდის მუნიციპალიტეტმა არ გაითვალისწინა ხელშეკრულებაში არსებული პირობა და სახელშეკრულებო თანხები სრულად აანაზღაურა საპროექტო-სახარჯთაღრიცხვო დოკუმენტაციის მიღება-ჩაბარების აქტების გაფორმებისას, სამშენებლო სამუშაოების დასრულებამდე.

სისტემატურად დამრღვევებისათვის ადეკვატური სახდელის დაკისრებას ვერ უზრუნველყოფს ადმინისტრაციული კოდექსის ზოგიერთი მუხლი. ასეთებია მაგალითად, კოდექსის 116-ე და 121-ე მუხლები, რომლებიც ადგენენ სახდელის ოდენობას მანქანის მართვისას ალკოჰოლური სიმთვრალის მდგომარეობაში, ან ისეთ შემთხვევაში, როდესაც პირს უკვე შეჩერებული აქვს, ან საერთოდ არ გააჩნია მართვის უფლება. აღნიშნული მუხლების მოთხოვნათა სისტემატური დარღვევის შემთხვევაშიც არ არის გათვალისწინებული სისხლის სამართლის პასუხისმგებლობა, ხოლო აუდიტის შედეგად გამოვლენილი გარემოებებით იკვეთება, რომ ზოგიერთი მძღოლის მიერ აღნიშნული მუხლების მოთხოვნები განმეორებით ირღვევა და ფატალური შედეგებით მთავრდება. ქულათა სისტემის შემოღებამ, რომელიც საგზაო მოძრაობის წესების ხშირად დარღვევის შემთხვევაში ავტომანქანის მართვის უფლების ჩამორთმევას გულისხმობს, გაამკაცრა მიდგომა სისტემატური დამრღვევების მიმართ, თუმცა ქულების სისტემა არ ამკაცრებს სასჯელს იმ პირთა მიმართ, რომლებიც ქულების ამოწურვის შემთხვევაშიც გააგრძელებენ ავტომანქანის მართვას. ასეთ შემთხვევაში არ დგება პირის სისხლის სამართლებრივი პასუხისმგებლობის საკითხი.

ცენტრის − „ბიჭვინთის“ წესდებით განსაზღვრულია იმ ხელშეკრულებების შეთანხმების წესი, რომელთა ღირებულება აჭარბებს ცენტრის საწესდებო კაპიტალის 15%-ს. მიუხედავად აღნიშნულისა, დადგენილი წესის უგულებელყოფით (დამფუძნებლის ნებართვის გარეშე) დაფიქსირდა თანხების ხარჯვის ფაქტები, რითაც შეიქმნა ფულადი სახსრების არარაციონაალურად და არაეფექტიანად ხარჯვის რისკები. ცენტრებში − „ბიჭვინთასა“ და „ცხუმში“ ხელფასების კალკულაციები წესდების შესაბამისად არ იყო შეთანხმებული დამფუძნებელთან, რითაც წარმოიქმნა ხელფასების არამართლზომიერად გაანგარიშება/გაცემის რისკები.

სამინისტროს შიდა აუდიტის სამსახურის 2015 წლის სამოქმედო გეგმის და ჩატარებული აუდიტების ანგარიშების შესწავლით დადგინდა, რომ გეგმით გათვალისწინებული 10 აუდიტიდან ჩატარდა მხოლოდ 8. ორგანიზაციიდან მიღებული ინფორმაციით და შიდა აუდიტის სამსახურის უფროსის 2015 წლის 14 დეკემბრის სამსახურეობრივი ბარათით გაირკვა, რომ სსიპ „აფხაზეთის სახელმწიფო საგუნდო კაპელის“ აუდიტი არ ჩატარებულა, ვინაიდან სახელმწიფო აუდიტის სამსახურის მიერ უკვე იყო ჩატარებული აღნიშნული ორგანიზაციის ფინანსური აუდიტი, რის გამოც სამსახურის მიერ აღნიშნული ორგანიზაცია შეფასდა რისკის დაბალი დონით, ხოლო სსიპ „აფხაზეთის სპორტული მომზადების ცენტრში“ აუდიტი ვერ განხორციელდა, ვინაიდან ცენტრმა შეიცვალა განთავსების ადგილი რაც დაემთხვა აუდიტის ჩატარების დაგეგმილ ვადებს, შესაბამისად სამსახურმა არ ჩათვალა მიზანშეწონილად დაგეგმილი აუდიტის ჩატარება.

აუდიტის ჯგუფის რეკომენდაციით, ფინანსური ანგარიშგების შენიშვნებში აისახა კონსოლიდაციას დაქვემდებული ერთეულების შესახებ ინფორმაცია, დამატებითი ინფორმაცია ფიზიკური ცვეთის, შემთხვევითი დაზიანების ან მორალური ცვეთის შედეგად აქტივების ღირებულების შემცირებაზე ძირითადი კაპიტალის მოხმარების სახით, ასევე, კანონმდებლობით დადგენილი წესით მომზადებული ინფორმაცია საქართველოს ფინანსთა სამინისტროს საჯარო სამართლის იურიდიული პირისთვის - მომსახურების სააგენტოსთვის განსაკარგავად გადაცემულ და სახელმწიფო საკუთრებაში მიქცეულ ქონებაზე

ნინოწმინდის მუნიციპალიტეტმა ვერ უზრუნველყო სამუშაოების განხორციელება გაფორმებული ხელშეკრულების შესაბამისად, ასევე ვერ უზრუნველყო ცვლილების გაფორმება კანონმდებლობით დადგენილი წესით და შესაბამისი დასაბუთებით.

ვიდეოჯარიმებზე ქულების კლების სისტემა არ ვრცელდება, რაც ამცირებს ვიდეოჯარიმების ეფექტიანობას. მაშინ, როდესაც საერთაშორისო პრაქტიკის მიხედვით, ნებისმიერი ტიპის ჯარიმა აისახება მძღოლის ქულებზე და იწვევს შესაბამის პასუხისმგებლობას.

დამფუძნებლისათვის წარდგენილი ფინანსური ანგარიშგებები, არ შეიცავდა ყველა ფორმას, რის გამოც ცენტრების მიერ არასრულად და არასწორად მოხდა ფინანსური ანგარიშგების წარდგენა. ბუღალტრული აღრიცხვა არ წარმოებდა უშუალოდ სამეურნეო ოპერაციების განხორციელებისას, როგორც ეს დადგენილია მოქმედი წესითა და სტანდარტებით. პირველადი დოკუმენტაციის მოგროვება წარმოებდა ერთიანად და მიმდინარე თვის დასრულების შემდგომ, ასევე ერთიანად აისახებოდა ბუღალტრული გატარებები. ცენტრების −„ბიჭვინთისა“ და „ცხუმის“ ბუღალტრების მიერ არასათანადოდ განხორციელებული ქმედებები და არასრულყოფილი კონტროლის ღონისძიებები ქმნიდა მიღებული შემოსავლების არასწორი კლასიფიკაციისა და არამართლზომიერი ხარჯვის რისკებს.

სამინისტროსა და კომპანია ჯეოენერჯის შორის 2015 წლის 12 აგვისტოს დადებული N253 ხელშეკრულების მიხედვით სამინისტროს ბალანსზე რიცხული შენობის (მდებარე ქ. თბილისი, უზნაძის ქ. N68-ში) მიმდინარე სარემონტო სამუშაოების მიწოდების ვადა განსაზღვრული იყო შესაბამისი შესყიდვის ხელშეკრულების გაფორმებიდან 75 კალენდარული დღით ანუ 2015 წლის 26 ოქტომბრისათვის. კომპანია ჯეოენერჯიმ 2015 წლის 20 ოქტომბრის წერილით სარემონტო სამუშაოების მოცულობების გაზრდის გამო მიმართა სამინისტროს და სთხოვა ვადის გადაწევა, რასთან დაკავშირებითაც სამუშაოების ჩაბარების ბოლო ვადის - 26 ოქტომბრის ამოწურვიდან მხოლოდ მე-3 დღეს 2015 წლის 29 ოქტომბერს გაფორმდა შეთანხმება და სამუშაოების მიწოდების ვადა გაიზარდა შესაბამისი ხელშეკრულების გაფორმებიდან 111 კალენდარულ დღემდე, ანუ 2015 წლის პირველ დეკემბრამდე. ანალოგიური ფაქტი დაფიქსირდა 2015 წლის 4 დეკემბერს, როდესაც სამუშაოების ჩაბარების ბოლო ვადის - 1 დეკემბრის ამოწურვიდან მხოლოდ მე-3 დღეს გაფორმდა შეთანხმება და სამუშაოს მიწოდების ვადა გაიზარდა 121 დღემდე. 2015 წელს დადებული სახელმწიფო შესყიდვის ხელშეკრულებებიდან, ხელშეკრულების დადებისას 29 შემთხვევაში არ იყო გათვალისწინებული ის, რომ ხელშეკრულების მოქმედების ვადა სულ მცირე 30 დღით უნდა აღემატებოდეს საქონლის მიწოდების, მომსახურების ან/და სამუშაოს შესრულების ხელშეკრულებით გათვალისწინებულ ვადას.

აპარატის მიერ 2015 წელს არ არის ჩატარებული ფინანსური მოთხოვნებისა და ვალდებულებების ინვენტარიზაცია, რომლის მიზანია ორგანიზაციის ბალანსზე რიცხული მოთხოვნებისა და ვალდებულებების რეალურობის შემოწმება

ნინოწმინდის მუნიციპალიტეტმა რამდენიმე შემთხვევაში ხელშეკრულებებში სამუშაოს შესრულების ვადები დაადგინა, სატენდერო დოკუმენტაციით განსაზღვრულ პირობებთან შეუსაბამოდ.

გარკვეული პრობლემებია ვიდეოსამეთვალყურეო სისტემით უკვე დაფიქსირებულ დარღვევებზე სანქციების დაკისრების თვალსაზრისით, კერძოდ: ოპერატორების მიერ ჯარიმის გამოწერა არ ხდება იმ კერძო სამართლის იურიდიულ პირებზე, რომელთა საიდენტიფიკაციო კოდი პროგრამაში არ არის დაფიქსირებული; აუდიტის პერიოდში არ ხორციელდებოდა ვიდეოჯარიმების გამოწერა და სანქციების შეფარდება სატრანზიტო და უცხო ქვეყნის სანომრენიშნებიან ავტომანქანებზე; ჯარიმების გამოწერა ვერ ხორციელდება აგრეთვე მცირე პროგრამული, ტექნიკური ხარვეზით (რაც განხილულია ანგარიშში) დაფიქსირებული დარღვევების შემთხვევაშიც, რაც ამცირებს გამოვლენილ დარღვევაზე გატარებული რეაგირების მაჩვენებელს.

ცენტრის − „ბიჭვინთის“ პასუხიმგებელი პირების მათზე დაკისრებული მოვალეობებისადმი არასათანადო დამოკიდებულებამ, ხელმძღვანელობის შეუსაბამო კონტროლმა და დადგენილი მონეტარული ზღვრების დარღვევით სახელმწიფო შესყიდვების განხორციელებამ, წარმოქმნა ფულადი სახსრების არამართლზომიერად გახარჯვის რისკები.

სამინისტრომ ქ. თბილისის მერიას უსასყიდლოდ გადასცა ბალანსზე რიცხული 54,800.00 ლარის ღირებულების არაფინანსური აქტივები (ჟიული შარტავას დაბადებიდან 70 წლისთავისადმი მიძღვნილი სკულპტურული მემორიალი -„ერთიანი საქართველო“ – 49,999.00 ლარი და „აფხაზეთის ქვა“ - 4,800.00 ლარი). გადაცემის მომენტში ფასეულობა სკულპტურული მემორიალი - „ერთიანი საქართველო“ მისი შინაარსის გათვალისწინებით (წარმოადგენდა დაგროვების საშუალებას და უმთავრესად არ გამოიყენებოდა წარმოების ან მოხმარების მიზნით) ნაცვლად იმისა, რომ აღრიცხულიყო კლასიფიკატორის კოდზე - 313 ,,ფასეულობები“, აღრიცხული იქნა კლასიფიკატორის კოდზე - 3112220 „სხვა მანქანა დანადგარები და ინვენტარი, რომელიც არ არის კლასიფიცირებული“. შესაბამისად ამ აქტივის გასვლა დანართი ფორმა N 5-ში შეცდომითაა ნაჩვენები სხვა ძირითადი აქტივების მუხლიდან პირვანდელი ღირებულებით - 49 999 ლარი

ხარჯების აღრიცხვა ბუღალტრულ ანგარიშებზე განხორციელებულია შეუსაბამოდ. კერძოდ: ,,სამედიცინო ხარჯი“ აღრიცხულია ანგარიშზე - 7260 (აღრიცხული უნდა იყოს - 7252 ანგარიშზე), ,,რბილი ინვენტარისა და უნიფორმის შეძენის და პირად ჰიგიენასთან დაკავშირებული ხარჯები“ აღრიცხულია ანგარიშზე - 7270 (აღრიცხული უნდა იყოს - 7260 ანგარიშზე), ,,ტარნსპორტის, ტექნიკისა და იარაღის ექსპლუატაციისა და მოვლა-შენახვის ხარჯები“ აღრიცხულია ანგარიშზე - 7280 (აღრიცხული უნდა იყოს - 7270 ანგარიშზე).

ნინოწმინდის მუნიციპალიტეტში შესრულებული ინფრასტრუქტურული პროექტები, ორ შემთხვევაში დაზიანებულია. მუნიციპალიტეტს არ მიუმართავს მიმწოდებლებისათვის ხელშეკრულების პირობებით გათვალისწინებულ საგარანტიო ვადაში ხარვეზების გამოსწორების მოთხოვნით. შედეგად, მოსახლეობამ ვერ მიიღო პროექტით გათვალისწინებული სარგებელი გრძელვადიან პერიოდში.

ავტოსაგზაო წესების დამრღვევთა 25-30% თავს არიდებს დაკისრებული ჯარიმების გადახდას. შპს „საქართველოს ფოსტის“ თანამშრომლები, რომლებიც სამინისტროსთან გაფორმებული ხელშეკრულების საფუძველზე ვალდებული არიან საცხოვრებელ მისამართზე ჩააბარონ დამრღვევს ვიდეოჯარიმის ქვითარი, შესაძლოა არაეფექტიანად ასრულებდნენ მოვალეობას სხვადასხვა ობიექტური თუ სუბიექტური მიზეზების გამო. თავის მხრივ, საპატრულო პოლიციის დეპარტამენტის მიერ არ ხორციელდება შპს „საქართველოს ფოსტასთან“ დადებული ხელშეკრულების პირობების სათანადოდ შესრულების მონიტორინგი და ინსპექტირება. შესაბამისად, შეუძლებელია განისაზღვროს, თუ რა ნაწილშია შესაძლებელი ჯარიმების ჩაბარების პროცესის გაუმჯობესება. პრობლემის გადასაჭრელად, 2017 წლის 1 ნოემბრიდან ამოქმედდა ვიდეოჯარიმების ჩაბარების ახალი წესი (ჯარიმის sms შეტყობინებით ჩაბარება), რომელიც, დიდი ალბათობით, შეამცირებს ჩაუბარებელი და გადაუხდელი ვიდეოჯარიმების ოდენობას. მიუხედავად ამისა, არსებობს რამდენიმე პრობლემა, რომელიც სისტემის სრულყოფილად მუშაობას ხელს შეუშლის. ასეთია მაგალითად ის გარემოება, რომ შსს-ს მონაცემთა ბაზაში რეგისტირებული ავტომანქანების 30%-ის მფლობელის საკონტაქტო ინფორმაცია არ არის დაფიქსირებული, რის გამოც მათთვის sms შეტყობინებების გაგზავნა ვერ ხერხდება. შესაბამისად, ვიდეოჯარიმების ჩაბარების პრობლემა ამ ეტაპზე აქტუალურობას არ კარგავს. პრობლემური (გადაუხდელი) ჯარიმებით დაკისრებული ფულადი თანხის ამოღების პროცესში შსს-ს არანაირი ბერკეტი არ გააჩნია: ვიდეოჯარიმის ადრესატისთვის ჩაბარების უფლება პატრულ-პოლიციელებსა და უბნის ინსპექტორებს არ აქვთ.

ცენტრების − „ბიჭვინთისა“ და „ცხუმის“ მიერ სამედიცინო დოკუმენტაციის არასწორი წარმოება-გამოყენებით და სამედიცინო ცენტრების ხელმძღვანელთა მხრიდან არასათანადო კონტროლის ღონისძიებების განხორციელებით, საბიუჯეტო სახსრები არაეფექტიანად/არამართლზომიერად დაიხარჯა და ამავდროულად დარიცხული თანხების (ჯარიმების) გამო საწარმოებს მიადგა მნიშვნელოვანი ფინანსური ზიანი.

ქვეპროგრამის ფარგლებში ,,ქართულ-აფხაზური კულტურის პოპულარიზაცია საზღვარგარეთ“ სამინისტროს მიერ 2015 წელს თბილისი-ტალინი-თბილისის მიმართულებით შეძენილი იქნა თვითმფრინავის 30 სამგზავრო ბილეთი საერთო თანხით 21,030.00 ლარი. ორგანიზაციიდან მიღებული ინფორმაციით ზემოაღნიშნული ბილეთები გათვალისწინებული იყო 2015 წლის პერიოდისთვის, თუმცა გამგზავრება გადაიდო და მათი მოქმედების ვადა გასცდა 2015 წლის პერიოდს. აღნიშნულმა ოპერაციამ ბუღალტრულად ასახვა ჰპოვა ბუღალტრულ ანგარიშზე 1625 ,,ფულადი დოკუმენტები“ და ბალანსის ფორმა N1-ში და ბალანსის დანართი №5-ში ,,ორგანიზაციის ანგარიში არაფინანსური აქტივების მიღება-გასვლის შესახებ“ ბილეთების ღირებულება აისახა, როგორც სხვა მატერიალური მარაგი - ,,ფულადი დოკუმენტები“. მიუხედავად აღნიშნულისა, ბილეთების შესყიდვა (საკასო ხარჯი) საბიუჯეტო კლასიფიკაციის მიხედვით განხორციელდა 2.8.2.1.18 კოდით „სხვადასხვა მიმდინარე ხარჯების სხვა დანარჩენი მიმდინარე ხარჯი“. რაც სულ სხვა სახის ხარჯს წარმოადგენს და შინაარსობრივად საერთოდ არ ითვალისწინებს ,,არაფინანსური აქტივის“ კერძოდ ,,სხვა მატერიალური მარაგის“ - ,,ფულადი დოკუმენტის“ საკასო ხარჯების ასახვას;

აპარატის მიერ არ გატარებულა შესაბამისი ღონისძიებები მივლინებასთან დაკავშირებული დებიტორული დავალიანებების ამოსაღებად-1,614 ლარი და არაფინანსური აქტივების დანაკლისებით მოთხოვნის ჩამოსაწერად-1,039 ლარი.

ინფრასტრუქტურული პროექტების დაგეგმვისას, სამ შემთხვევაში ნინოწმინდის მუნიციპალიტეტმა ვერ უზრუნველყო ობიექტის დასრულება და ფუნქციონირება, რადგან არ გაითვალისწინა საჭირო ფინანსური რესურსი. შედეგად მოსახლეობა შექმნილი მატერიალური სიკეთით ვერ სარგებლობს და პროექტებზე გაწეული ხარჯი არ არის ეფექტიანი.

სამინისტროში არსებული პროგრამა ხასიათდება ხარვეზით. კერძოდ, საერთოდ ვერ ხერხდება კერძო კომპანიების მიერ გადაუხდელი ჯარიმების შესახებ ინფორმაციის გადაგზავნა აღსრულების ეროვნულ ბიუროში, იძულებით აღსრულების მიზნით. აღნიშნული ინფორმაცია არც ფოსტის საშუალებით იგზავნება. შედეგად, იმ კერძო კომპანიებზე, რომლებიც არ იხდიან ჯარიმებს, არც იძულებით აღსრულების ღონისძიებები ხორციელდება. ჯამში ასეთი კატეგორიის და გადაუხდელის სტატუსის მქონე ვიდეოჯარიმების ღირებულებამ 2016 წლისათვის თითქმის 450.0 ათასი ლარი შეადგინა.

ცენტრების − „ბიჭვინთისა“ და „ცხუმის“ მიერ სამედიცინო დოკუმენტაციის არასწორი წარმოება-გამოყენებით და სამედიცინო ცენტრების ხელმძღვანელთა მხრიდან არასათანადო კონტროლის ღონისძიებების განხორციელებით, საბიუჯეტო სახსრები არაეფექტიანად/არამართლზომიერად დაიხარჯა და ამავდროულად დარიცხული თანხების (ჯარიმების) გამო საწარმოებს მიადგა მნიშვნელოვანი ფინანსური ზიანი.

ინვენტარიზაციის შედეგად გამოვლინდა, 43 ერთეული არაფინანსური აქტივის ზედმეტობა. აღნიშნული აქტივების ღირებულება უცნობი იყო, ვინაიდან არ არსებობდა შესყიდვის რაიმე დოკუმენტი და დადგენილი წესით არც სამინისტროს მიერ მომხდარა მათი შეფასება. აღსანიშნავია, რომ ზედმეტობაში კვლავ დაფიქსირდა და ბალანსზე არ აღრიცხულა წინა წლის აუდიტით გამოვლენილი 19 ერთეული არაფინანსური აქტივის ზედმეტობა. შესაბამისად, მიუხედავად იმისა, რომ აღნიშნული აქტივები აუდიტის პერიოდში იმყოფებოდა სამინისტროს ექსპლუატაციაში ისინი ბალანსში თანხობრივად არ აღრიცხულა და საივენტარო აღწერაში შეტანილ იქნა (აისახა ზედმეტობად) ღირებულების გარეშე

აპარატში არასრულყოფილად ხორციელდება არაფინანსური აქტივების დაცულობაზე კონტროლი. კერძოდ, თანამშრომლებზე აქტივების დროებით სარგებლობაში გადაცემისას, მათთან არ ფორმდება ხელშეკრულებები სრული მატერიალური პასუხისმგებლობის შესახებ

ცალკეული ხელშეკრულების შესრულებისას, მუნიციპალიტეტის მიერ არ არის გამოყენებული საჯარიმო სანქციები ან დარიცხული საჯარიმო თანხის მიღებისათვის გამგეობას არ გაუტარებია დამატებითი სამართლებრივი ღონისძიებები. შედეგად, მოსახლეობამ დროულად ვერ მიიღო პროექტით გათვალისწინებული სარგებელი, ხოლო მუნიციპალიტეტის ბიუჯეტში არ არის მიმართული შესაბამისი ფინანსური რესურსი.

სამინისტროში არ არსებობს დეტალური ინსტრუქცია, თუ როგორ უნდა იმუშაოს საპატრულო პოლიციის დეპარტამენტის თანამშრომელმა (ოპერატორმა). მაგალითად, არ არსებობს წერილობითი კრიტერიუმი იმის შესახებ, თუ რა კატეგორიის ავტომანქანებზე არ უნდა დაიწეროს ჯარიმა, რა სახის ინფორმაცია და სად უნდა გაიგზავნოს სამართალდამცავი (არა ოპერატიული) სტრუქტურების: სამთავრობო, დიპლომატიური და სხვა სახის ავტომანქანების მიერ საგზაო წესების დარღვევის შემთხვევაში, ამიტომ, ამ საკითხებთან მიმართებაში ფიქსირდება არათანმიმდევრული მიდგომები. მაგალითად, 2017 წლის 5 დეკემბრის ბაზაში (0:00 საათიდან, მეორე დღის 0:00 საათამდე) აქტიური, ანუ დაუჯარიმებლი იყო ზემოხსენებული კატეგორიის 43 ავტომანქანა.

მინისტრის აპარატში წარმოებული აღრიცხვის ჟურნალის ფორმა არ შეესაბამებოდა შინაგანაწესით დამტკიცებულს. აუდიტის პერიოდში რამდენიმე თანამშრომელი აღრიცხვის ჟურნალში არ ფიქსირდება. მინისტრის აპარატი არ ახორციელებს თანამშრომლების სამსახურში გამოცხადებისა და სამსახურიდან გასვლის სათანადო აღრიცხვას და შესაბამის კონტროლს. შესაბამისად, შეიქმნა ხელფასების არასწორად (უსაფუძვლოდ) გაანგარიშების/გაცემის რისკები.

მინისტრის ბძანებებისა და ხელშეკრულებების საფუძველზე 2015 წლის მთელი ან გარკვეული პერიოდის განმავლობაში დასაქმებული იყო შტატგარეშე 27 მომუშავე და მათზე ანაზღაურებულია სულ 122,219.35 ლარი. მოქმედი კანონმდებლობის თანახმად, შტატგარეშე მოსამსახურე არის პირი, რომელიც დანიშვნით ან შრომითი ხელშეკრულებით გარკვეული ვადით მიიღება სამსახურში არამუდმივ ამოცანათა შესასრულებლად; ფაქტობრივად კი წარმოდგენილი ხელშეკრულებების ანალიზით გამოვლინდა, რომ 11 პირი აყვანილია მთელი წლის პერიოდში (7 თვით და მეტი ხნით) მუდმივ ამოცანათა შესასრულებლად. მათზე თვეში ანაზღაურებულია 590 ლარი, სულ 73,984.45 ლარი.

შესაბამის პერიოდში მოქმედი დებულების „ქალაქ ბათუმის მუნიციპალიტეტის მიერ დაფუძნებული არასამეწარმეო (არაკომერციული) იურიდიული პირების საკუთრებაში არსებული ქონების განკარგვის, გადაცემის, ინვენტარიზაციისა და ამორტიზებული ან/და გამოუყენებელი ქონების ჩამოწერის წესის განსაზღვრის შესახებ“ მე-3 მუხლის მე-3 პუნქტის თანახმად, ა(ა)იპ-ის საკუთრებაში არსებული ძირითადი აქტივების სარგებლობაში განკარგვა დასაშვებია ქალაქ ბათუმის მუნიციპალიტეტის მერიის თანხმობით. ბოტანიკური ბაღის მიერ არასაცხოვრებელი ფართის იჯარით სარგებლობაში განკარგვები განხორციელებულია ქალაქ ბათუმის მუნიციპალიტეტის მერიის თანხმობის გარეშე, პირდაპირი განკარგვის ფორმით. აგრეთვე, აუდიტის ობიექტის მიერ ვერ იქნა წარმოდგენილი საიჯარო ქირის ოდენობის განსაზღვრის კრიტერიუმები. საქართველოს სამოქალაქო კოდექსის 242-ე მუხლის თანახმად, უზუფრუქტუარს ნივთის იჯარით გადაცემისათვის ესაჭიროება მესაკუთრის თანხმობა. ბოტანიკური ბაღის მიერ მიწის ნაკვეთის იჯარით სარგებლობაში განკარგვა განხორციელებულია ქონების მესაკუთრის - ქალაქ ბათუმის მუნიციპალიტეტის მერიის თანხმობის გარეშე.

ცალკეული ხელშეკრულების შესრულებისას, მუნიციპალიტეტის მიერ არ არის გამოყენებული საჯარიმო სანქციები ან დარიცხული საჯარიმო თანხის მიღებისათვის გამგეობას არ გაუტარებია დამატებითი სამართლებრივი ღონისძიებები. შედეგად, მოსახლეობამ დროულად ვერ მიიღო პროექტით გათვალისწინებული სარგებელი, ხოლო მუნიციპალიტეტის ბიუჯეტში არ არის მიმართული შესაბამისი ფინანსური რესურსი.

აუდიტის მიმდინარეობისას შსს-ს სტრუქტურულ ერთეულებს არ გააჩნდათ ურთიერთშესაბამისი, სტატისტიკური კრებსითი ინფორმაცია იმის შესახებ, თუ რა ოდენობის და ღირებულების ჯარიმები არ იქნა გადახდილი დამრღვევების მიერ, რამდენი ვიდეოჯარიმა არ ჩაბარდა ადრესატს, რა ღირებულების საურავი იქნა დარიცხული გადაუხდელ ჯარიმებზე, რამდენი იყო მათგან გადაუხდელი და რამდენი გადაეცა სააღსრულებოდ. აღნიშნული ტიპის ინფორმაცია კი აუცილებელია ანალიტიკური საქმიანობის სწორად წარმართვისა და შედეგზე ორიენტირებული სამოქმედო გეგმის შესამუშავებლად. სამინისტროს ასევე არ ჰქონდა ინფორმაცია სსიპ - აღსრულების ეროვნული ბიუროს მიერ ჯარიმების აღსრულების მდგომარეობის შესახებ. კერძოდ, რა ოდენობის და ღირებულების ჯარიმისა და საურავის ამოღება ვერ ხდება და რა მიზეზით.

მინისტრის აპარატში 2018 წელს ადმინისტრაციული ხელშეკრულებით დასაქმებულ თანამშრომელთა რიცხოვნობამ გადააჭარბა კანონმდებლობით მოთხოვნილ ნორმას. მინისტრის აპარატმა არ გაითვალისწინა საჯარო სამსახურის ბიუროს რეკომენდაცია ადმინისტრაციული ხელშეკრულებით დასაქმებულ პირთა რიცხოვნობის ზრდის მიზანშეუწონლობაზე და აფხაზეთის ა/რ მთავრობამ, აღნიშნული რეკომენდაციის შესახებ შეუტყობინებლობის პირობებში, დაამტკიცა გაზრდილი რიცხოვნობით წარდგენილი საშტატო ნუსხა. აღნიშნულით შეიქმნა საჯარო ფინანსების არამართლზომიერად ხარჯვის რისკები.

ბუღალტრული დოკუმენტაციის შესწავლით და ორგანიზაციიდან მიღებული ინფორმაციით დადგინდა, რომ უმაღლეს საბჭოში 2015 წლის 21 იანვრის N13 ბრძანებით ჩატარებული ინვენტარიზაციის შედეგად გამოვლენილი იქნა 20 ერთეული დაუდგენელი ღირებულების აქტივის ზედმეტობა. აღნიშნული აქტივები დადგენილი წესით არ აფასებულა და აღირიცხებოდა ნულოვანი ღირებულებით

ბოტანიკური ბაღის მიერ, 2014 წელს რეალიზებულია 413 ძირი ნერგი, ხოლო 2015 წელს - 2 921 ძირი ნერგი. აუდიტის შედეგად დგინდება, რომ სანერგე მეურნეობისათვის ფაქტობრივად გაწეული ხარჯები აღემატება მათი რეალიზაციით მიღებულ შემოსავლებს. აღსანიშნავია, რომ ბოტანიკური ბაღის ბუღალტერიაში არ ხდება ნერგების მიღების/გამოყვანის ანალიზური აღრიცხვა.

სამუშაოების შესრულების პროცესში, ერთ შემთხვევაში მიმწოდებელს არ წარმოუდგენია გაუთვალისწინებელი ხარჯების ფარგლებში შესრულებული სამუშაოების დამადასტურებელი დოკუმენტები (ფორმა №2). ამრიგად, ნინოწმინდის მუნიციპალიტეტმა სამუშაოები ჩაიბარა და ანგარიშსწორება განახორციელა ისე, რომ არ ფლობს ინფორმაციას, შესრულდა თუ არა სამუშაოები გაუთვალისწინებელი ხარჯების ფარგლებში.

დაფიქსირდა 2015-2016 წლებში საზღვარგარეთ განხორციელებულ პროექტებში მონაწილე არარეზიდენტი პირების კანონმდებლობის მოთხოვნების შეუსაბამოდ საშემოსავლოსა და დღგ-ის გადასახადებით დაბეგვრის ფაქტები ჯამში 5,069.85 ლარის ოდენობით. ასევე საშემოსავლო გადასახადის არასწორი გაანგარიშების გამო, ზედმეტად დაკავებული საშემოსავლო გადასახადისა და განაცემთა ინფორმაციაში რამდენიმე ტექნიკური შეცდომის ფაქტები.

უმაღლეს საბჭოში ბრძანებებისა და ხელშეკრულებების საფუძველზე 2015 წლის მთელი ან გარკვეული პერიოდის განმავლობაში დასაქმებული იყო შტატგარეშე 21 მომუშავე და მათზე ანაზღაურდა სულ 110 164.00 ლარი. მოქმედი კანონმდებლობის თანახმად, შტატგარეშე მოსამსახურე არის პირი, რომელიც დანიშვნით ან შრომითი ხელშეკრულებით გარკვეული ვადით მიიღება სამსახურში არამუდმივ ამოცანათა შესასრულებლად; ფაქტობრივად კი წარმოდგენილი ხელშეკრულებების ანალიზით გამოვლინდა, რომ 17 პირი აყვანილი იყო მთელი წლის პერიოდში მუდმივ ამოცანათა შესასრულებლად და მათზე ჯამში ანაზღაურებამ შეადგინა 91,320.00 ლარი

2014 წლის 24 სექტემბერს, ბოტანიკურმა ბაღმა, წინა ბაქნიანი თვითმავალის სახელმწიფო შესყიდვის მიზნით გამოაცხადა გამარტივებული ელექტრონული ტენდერი, შესყიდვის სავარაუდო ღირებულებით 55 000 ლარი. აუდიტის შედეგად დგინდება, რომ აუდიტის ობიექტის მიერ განსაზღვრული შესყიდვის სავარაუდო ღირებულება, 53.4%-ით აღემატება, მიმწოდებლის მიერ წინა ბაქნიანი თვითმავალის შეძენასა და შემსყიდველისათვის მიწოდებასთან დაკავშირებით გაწეულ სრულ დანახარჯს.

ნინოწმინდის მუნიციპალიტეტმა რიგი სამშენებლო სამუშაოები შეისყიდა გამარტივებული შესყიდვის საშუალებით. ობიექტები ჩაბარებულია და ანგარიშსწორება განხორციელებულია ფაქტობრივი დანახარჯების დამადასტურებელი დოკუმენტების წარმოდგენის გარეშე, რაც ეწინააღმდეგება მოქმედ კანონმდებლობას და არსებული პრაქტიკით იწვევს საბიუჯეტო სახსრების ზედმეტად ანაზღაურებას.

მინისტრის აპარატში შტატგარეშე მომუშავეთა დასაქმება ხორციელდებოდა ხანგრძლივი პერიოდით, მუდმივი ხასიათის სამუშაოების შესასრულებლად. აგრეთვე არ მოიპოვებოდა შტატგარეშე თანამშრომლების მიერ წარმოდგენილი შესრულებული სამუშაოს შესახებ ანგარიში რაიმე ფორმით, რომლითაც დადასტურდებოდა მათ მიერ შესრულებული კონკრეტული სამუშაოს (მომსახურების) შედეგი და აქედან მიღებული სარგებელი. ვერ ხერხდება შრომითი ხელშეკრულებით დასაქმებულ ზოგიერთი პირის მიერ რეალურად შესრულებული სამუშაოს იდენტიფიცირება, ასევე ვერ დასტურდება მათი დასაქმების აუცილებლობა და რიგ შემთხვევებში მათ მიერ შესრულებული სამუშაოს მიზანი. შესაბამისად, ფიქსირდება საჯარო ფინანსების არამართლზომიერად ხარჯვის ფაქტები.

დოკუმენტბრუნვის მასალების შესწავლით და ორგანიზაციიდან მიღებული ინფორმაციით დადგინდა, რომ უმაღლეს საბჭოში 2015 წლის ბოლოს სავალდებულო ინვენტარიზაციის ჩატარებასთან დაკავშირებით რაიმე სახის ბრძანება არ გამოცემულა, შესაბამისად არ არსებობს ინვენტარიზაციის შედარების უწყისები და აქტები, თუმცა აუდიტის ობიექტიდან მიღებული ინფორმაციით 2015 წლის დეკემბრის თვეში ჩატარდა ორგანიზაციაში არსებული აქტივების აღწერა 2015 წლის 21 იანვრის N13 ბრძანებით შექმნილი საინვენტარიზაციო კომისიის წევრების მიერ

ნაღდი ანგარიშსწორების შემთხვევაში, ვიზიტორს ა(ა)იპ „ბათუმის ბოტანიკური ბაღის“ შესაბამის შესასვლელთან, სალაროში თანხის გადახდის შემდეგ, ეძლევა საკონტროლო-სალარო აპარატის ფისკალური ჩეკი და Touch Screen Monitor System for Tickets-ის თერმოპრინტერზე დაბეჭდილი ბილეთი, ხოლო უნაღდო ანგარიშსწორების შემთხვევაში, რა ფორმითაც სარგებლობენ მხოლოდ ტურისტული კომპანიები, თერმოპრინტერზე ბილეთის ამობეჭდვა არ ხორციელდება და ვიზიტორის ბოტანიკურ ბაღში შესვლაზე ფორმდება მხოლოდ ვაუჩერი, რომელშიც მიეთითება ვიზიტორთა რაოდენობა. აღსანიშნავია, რომ ვაუჩერს ხელმოწერით ადასტურებს მოლარე, თუმცა შესაბამისი ინფორმაცია არ აისახება თერმოპრინტერის თოთოეული დღის ჯამურ მონაცემში.

ნინოწმინდის მუნიციპალიტეტმა დღგ-ის არგადამხდელ ფირმებს სრულად აუნაზღაურა დღგ-ის თანხა. ამდენად, მიმწოდებლებზე დღგ-ის თანხა გადახდილია ზედმეტად.

მინისტრის აპარატი 2015 წლის 28 სექტემბრამდე არ აწარმოებდა სამსახურებრივი მანქანის მოძრაობის აღრიცხვის ჟურნალს, ხოლო 2015-2018 წლებში წარმოებულ ჟურნალში მითითებული იყო მხოლოდ მანქანის გაყვანის თარიღი და დრო, ხოლო მისი დაბრუნების შესახებ ინფორმაცია არ ფიქსირდებოდა. ასევე დაფიქსირდა სამსახურებრივ ავტომობილში სამუშაო და არასამუშაო დღეებში საწვავის ჩასხმის ფაქტები, მაშინ როდესაც ჟურნალში არ იყო დაფიქსირებული ავტომანქანის მოძრაობის შესახებ რაიმე სახის ინფორმაცია. შესაბამისად, არასათანადო კონტროლის გამო, შეიქმნა ავტომანქანის არადანიშნულებით გამოყენებისა და მის მოვლა-შენახვაზე ხარჯების არამიზნობრივად გაწევის რისკები.

სახელმწიფო შესყიდვების აუდიტით და აუდიტის ობიექტის მიერ დადასტურებული ინფორმაციით გამოვლინდა, რომ უმაღლესი საბჭოს მიერ სახელმწიფო შესყიდვების 2015 წლის წლიური გეგმა ატვირთული იქნა დადგენილ ვადაზე 5 დღით დაგვიანებით - 2014 წლის 25 ნოემბერს

თურქეთის რესპუბლიკის ქალაქ ანტალიაში საერთაშორისო გამოფენა „Expo Antalya 2016“-ში ბოტანიკური ბაღის საგამოფენო კუთხის მოწყობისა და გამოფენის ორგანიზების მომსახურების, გამარტივებული ელექტრონული ტენდერის საშუალებით გაფორმებული სახელმწიფო შესყიდვის შესახებ ხელშეკრულების ღირებულებამ შეადგინა 132 000 ლარი. სამუშაოს მიღება-ჩაბარების აქტებში არ არის ასახული ფაქტობრივად შესრულებული სამუშაოს რაოდენობა, მოცულობა და ღირებულება, ხოლო შემსყიდველის სახელით სამუშაოს შესრულების დამადასტურებელი და მიმღები პირი, წარმოდგენილი დოკუმენტებით არ იმყოფებოდა სამუშაოების შესრულების ადგილზე, თურქეთის რესპუბლიკაში.

ნინოწმინდის მუნიციპალიტეტის შიდა აუდიტის განყოფილების სტრუქტურული მოწყობა ეწინააღმდეგება საქართველოში მოქმედ კანონმდებლობას და შესაბამისად შიდა აუდიტის განყოფილების საქმიანობა არ შეესაბამება „სახელმწიფო შიდა ფინანსური კონტროლის შესახებ“ საქართველოს კანონის მოთხოვნებს.

მინისტრის აპარატის მიერ დამტკიცებული ქვეპროგრამების შინაარსი ზოგადია და ატარებს ფორმალურ ხასიათს. წარმოდგენილი ინფორმაციით, შეუძლებელია დადგინდეს დეტალურად რა უნდა განხორციელდეს და ვისი ჩართულობით, კონკრეტულად ვის შეეხება პროგრამა/ქვეპროგრამა, როგორ უნდა მოხდეს მათი შერჩევა, ბენეფიციართა შეფასების კრიტერიუმები, წარმოსადგენი დოკუმენტაციის ნუსხა და სხვ. გარდა ამისა, პროგრამების/ქვეპროგრამების ფარგლებში დაგეგმილი, ასევე სხვა პროექტების (სხვა დონის ბიუჯეტიდან მოზიდული სახსრებით) განხორციელების ეტაპზე დოკუმენტურად ვერ დასტურდება როგორ განხორციელდა პოტენციურ კონკურსანტთა მოსაზიდად პროექტების შესახებ ინფორმაციის გავრცელება. ასევე არ ხორციელდებოდა იმ ბენეფიციართა რეგისტრაცია/აღრიცხვა, რომლებმაც კონკრეტულ პროექტებში მონაწილეობის მიღების სურვილი გამოთქვეს. ობიექტის მიერ წარმოდგენილ იქნა ბენეფიციართა პირველადი (მსურველთა) და საბოლოო (შერჩეული) სიები, თუმცა შეუძლებელია მათი სისრულის დადასტურება აღრიცხვის არარსებობის გამო. შესაბამისად, ვერ დგინდება: სრულად რამდენმა კონკურსანტმა მიიღო შერჩევაში მონაწილეობა და როგორ განხორციელდა მათგან მონაწილე პირთა შერჩევა.

უმაღლესი საბჭოს ბალანსში დანაკლისის სახით ირიცხება 1,202.00 ლარის პირველადი ღირებულების ცეცხლსასროლი იარაღი-H/K USP COMPAQT მარკის პისტოლეტი, რომელიც შენახვისა და ტარების უფლებით რეგისტრირებულია (N 27-016831) აფხაზეთის ა/რ-ის იუსტიციის ყოფილი მინისტრის ვლადიმერ ნადარეიშვილის სახელზე. აფხაზეთის ა/რ უმაღლესი საბჭოს პრეზიდიუმს მიღებული ჰქონდა 17.12.2004 წელს დადგენილება, რომლის თანახმად მოკლელულიანი ცეცხლსასროლი სახელობითი იარაღის-პისტოლეტის (N27-016831) თ.ნადარეიშვილის ოჯახზე დატოვების შესაძლებლობის საკითხი განხილულიყო საქართველოს შსს სამინისტროს სათანადო დასკვნის შემდგომ. აუდიტის ჩატარების მომენტისათვის აღნიშნული საკითხი გადაწყვეტილი (მოგვარებული) არ იყო. (მოცემული ფაქტი ასახულია აფხაზეთის ავტონომიურ რესპუბლიკაში აუდიტის დეპარტამენტის მიერ ჩატარებული წინა წლის აუდიტის ანგარიშშიც). აუდიტის ჩატარების პროცესში, უმაღლესი საბჭოს აპარატის უფროსის მიერ მოწოდებული ინფორმაციით გაირკვა, რომ ვ.ნადარეიშვილზე აღძრულია სისხლის სამართლის საქმე, ის იმყოფება წინასწარ პატიმრობაში, ხოლო მის ოჯახში ჩატარებული ჩხრეკის შედეგად სამართალდამცავი ორგანოების მიერ ამოღებულია მის სახელზე რიცხული ზემოთხსენებული იარაღი

ა(ა)იპ „ბათუმის ბოტანიკური ბაღის“ ეგზოტების საკოლექციო ნაკვეთის გაწმენდასთან დაკავშირებული სამუშაოები ორგანიზაციის მიერ შესყიდული იქნა როგორც 2014, ისე 2015 წლებში. აღსანიშნავია, რომ ბოტანიკური ბაღის ეგზოტიკურ მცენარეთა კოლექციის დეპარტამენტში, რომლის საქმიანობა მოიცავს ეგზოტების საკოლექციო ნაკვეთსაც, 2015 წელს დასაქმებული იყო 37 თანამშრომელი, მათ შორის 21 დასაქმებულია მუშის სტატუსით. აღნიშნულ პირებთან გაფორმებული შრომითი ხელშეკრულებებით, მუშის მოვალეობაში შედის ნაკვეთების მოვლა-პატრონობა, მათი გაწმენდითი და გაცელვითი სამუშაოები. შესაბამისად, ბოტანიკური ბაღის მიერ ასეთი შინაარსის სამუშაოების შესყიდვა, სახსრების არარაციონალურ ხარჯვასა და საკადრო რესურსების არაოპტიმალურ გამოყენებაზე მიუთითებს.

ნინოწმინდის მუნიციპალიტეტს არ შეუდგენია პერიოდული და წლიური ფინანსური ანგარიშგებები. შედეგად ფინანსური ანგარიშგების მომხმარებლებს არ წარედგინება ზუსტი და სრული ინფორმაცია მუნიციპალიტეტის ფინანსური მდგომარეობის შესახებ.

მინისტრის აპარატის ბუღალტრულ რეგისტრებში ხარჯებსა და მატერიალურ ფასეულობებზე განხორციელებული ოპერაციების აღრიცხვა წარმოებდა დადგენილი წესის მოთხოვნების შეუსაბამოდ, არასწორ ანაგრიშებზე, ასევე ფიქსირდებოდა შეცდომები 2015-2018 წლების ფინანსურ ანგარიშგებებზე ინფორმაციის ასახვისას. შესაბამისად, მინისტრის აპარატის მიერ კანონმდებლობით დადგენილ ბუღალტრულ რეგისტრებში ხარჯებისა და მატერიალური ფასეულობების აღრიცხვის დროს არ იყო დაცული სისწორის, სისრულის, არსებითობისა და საიმედოობის პრინციპები, რითაც შეიქმნა მატერიალური ფასეულობების არამიზნობრივად გამოყენების რისკები.

არაფინანსური აქტივის (ავტოსატრანსპორტო საშუალების “Hyundai IX 35”-ის) მიღებასთან დაკავშირებით ბალანსის დანართ ფორმა N5-ში სატრანსპორტო საშუალებების მიღება (შეძენა-შესყიდვა) ნაცვლად 64,500.00 ლარისა (6,500.00 ლარი ჩანაცვლებული ავტოსატრანსპორტო საშუალების ღირებულება და 58,000.00 ლარი გადახდილი თანხა) არასწორად აისახა 58,000.00 ლარის ოდენობით, რის გამოც ბალანსის დანართ ფორმა N1-შიც არაფინანსური აქტივების მუხლი მანქანა-დანადგარები და ინვენტარი ასევე არასწორად იქნა წარმოდგენილი 6,500.00 ლარით ნაკლები ოდენობით

ა(ა)იპ „ბათუმის ბოტანიკურ ბაღში“ თანამშრომლებზე გაცემული პრემიების ოდენობამ 2014 წელს შეადგინა 424 873 ლარი, ხოლო 2015 წელს 369 598 ლარი, რაც შესაბამისად, 2 273 ლარით და 44 098 ლარით მეტია ქალაქ ბათუმის მუნიციპალიტეტის მერიასთან შეთანხმებულ ხარჯთაღრიცხვასთან.

საქართველოს მთავრობის 2015 წლის 2 თებერვლის №105 განკარგულებით, ქალაქ თბილისის მერიას უფლება მიეცა 2015 წელს გამარტივებული შესყიდვით შეეძინა 400 000 ძირი ხე-მცენარის დარგვისა და მოვლის სამუშაოები, ღირებულებით - 905.5 ათასი ლარი. გამარტივებული შესყიდვის საშუალების გამოყენება მოთხოვნილია მუნიციპალიტეტის მიერ. საგაზაფხულო რგვების პერიოდში, თებერვლიდან მაისის ჩათვლით, მუნიციპალიტეტმა შეისყიდა 72 043 სხვადასხვა დასახელების ნერგის დარგვა და შემდგომი მოვლა-პატრონობა. საშემოდგომო რგვებზე ქ. თბილისის მერიამ შეისყიდა 326 100 ნერგი, შესაბამისი დარგვისა და მოვლა-პატრონობის მომსახურებით. შესყიდვის პროცედურები მერიამ დაიწყო 2015 წლის 15 სექტემბერს, კერძოდ გამარტივებული შესყიდვის ხელშეკრულება გააფორმა სხვადასხვა დასახელების ნერგების შესყიდვაზე. ამდენად, თებერვლიდან სექტემბრამდე პერიოდისათვის, საშემოდგომო რგვებზე არსებობდა საზოგადოებრივი მნიშვნელობის ღონისძიების დროში შეუზღუდავად და შეუფერხებლად ჩატარების შესაძლებლობა და ტენდერის ჩატარება. გამარტივებული შესყიდვის საშუალების გამოყენებით, აუდიტის ობიექტმა სავარაუდოდ დაკარგა სატენდერო ეკონომიის მიღების შესაძლებლობა.

მინისტრის აპარატში არსებული კონტროლის გარემო იყო არადამაკმაყოფილებელი. კონტროლის მექანიზმები ვერ უზრუნველყოფდა შეცდომებისა და უზუსტობების თავიდან აცილებას/პრევენციას, ან გამოვლენას/გასწორებას. შესაბამისად, იქმნებოდა საბიუჯეტო სახსრების არამართლზომიერად ხარჯვისა და მატერიალური ფასეულობების არამიზნობრივად გამოყენების რისკები.

უმაღლესი საბჭოს მიერ 2015 წლის 28 ოქტომბრის N44 და 29 ოქტომბრის N45 სახელმწიფო შესყიდვების ხელშეკრულებებით შეძენილი იყო 8,880.00 ლარის ღირებულების 600 ერთეული ნაშრომი (წიგნები) აფხაზეთის შესახებ. ფინანსური ანგარიშგების შესწავლით და ორგანიზაციიდან მიღებული ინფორმაციით დადასტურდა, რომ აღნიშნული წიგნები ბუღალტრულად აღრიცხული არ ყოფილა და არც ბალანსში იყო წარმოდგენილი ნაშთის სახით

ა(ა)იპ „ბათუმის ბოტანიკური ბაღის“ ქონების გადასახადით დასაბეგრი ბაზის განსაზღვრისას, 2014 წელს გათვალისწინებული არ არის ორგანიზაციის მფლობელობაში არსებული 2 106 940 ლარის ღირებულების ძირითადი აქტივები და 22 050 კვ.მ არასასოფლო-სამეურნეო დანიშნულების მიწა, ხოლო 2015 წელს - 2 283 892 ლარის ღირებულების ძირითადი აქტივები და 22 050 კვ.მ არასასოფლო-სამეურნეო დანიშნულების მიწა. შესაბამისი დოკუმენტური მტკიცებულებების წარმოუდგენლობის გამო, ვერ დგინდება, აგრეთვე ბოტანიკური ბაღის 2014 და 2015 წლების მოგების გადასახადის გაანგარიშების საფუძვლიანობა.

ქვეყნის მასშტაბით, არსებობს ინკლუზიური განათლების მიზნების შესაბამისად ადაპტირებული სკოლები და მათ არ ჰყავთ სსსმ მოსწავლეები. ამის საპირისპიროდ, ფიქსირდება სკოლები, სადაც ირიცხებიან სსსმ - მათ შორის ეტლით მოსარგებლე მოსწავლეები, რომელთა გარემო არ არის თანხვედრაში ინკლუზიური განათლების მიზნებთან, რაც ერთი მხრივ ზრდის ფინანსური რესურსის არაპოდუქტიულად განკარგვის რისკებს და მეორე მხრივ, ზღუდავს მოსწავლეებისთვის განათლების თანაბარ ხელმისაწვდომობას.

საქართველოს მთავრობის 2015 წლის 2 თებერვლის №105 განკარგულების ფარგლებში, მუნიციპალიტეტის მერიამ გამარტივებული შესყიდვის ხელშეკრულება გააფორმა შპს „მექანიზატორთან“. მიმწოდებელმა საგაზაფხულო რგვებზე ამოიღო 91 257 ერთეული ორმო, რისთვისაც აუნაზღაურდა 59.3 ათასი ლარი . წარმოდგენილი დოკუმენტაციითა და გაფორმებული ხელშეკრულებების შესრულებით ირკვევა, რომ იგივე პერიოდში განხორციელდა სულ 72043 ძირი ნერგის დარგვა, რაც 19 214-ით ნაკლებია სამუშაოების მიღება-ჩაბარების აქტში დაფიქსირებული ამოღებული ორმოების რაოდენობაზე. აუდიტის ობიექტმა ვერ წარმოადგინა მტკიცებულება, მოხდა თუ არა 19 214 ორმოს შემდგომი გამოყენება. მუნიციპალიტეტის მიერ არ არის დაცული სახელმწიფო შესყიდვების რაციონალურად განახორციელების ვალდებულება. ზედმეტად ამოღებული ორმოების ღირებულება - 12.5 ათასი ლარი, შესყიდვების მართვასთან დაკავშირებული ხარვეზების შედეგად, მერიამ გახარჯა არაეფექტიანად.

საჯარო ელექტრონულ აუქციონზე გატანილი მოძრავი ქონების რეალიზაციიდან მიღებული თანხების არამიზნობრივი ხარჯვა. პარტნიორისგან საწარმოს სხვადასხვა დროს გადაეცემოდა მოძრავი ქონება, რომელიც გამოყენებული უნდა ყოფილიყო წინასწარ განსაზღვრული მიზნობრიობით (ბიზნესპროექტებში). საწარმომ აღნიშნული ქონება გაყიდა საჯარო ელექტრონული აუქციონის გზით და მიღებული თანხები გამოიყენა არამიზნობრივად – მიმდინარე ხარჯების დასაფარავად.

ფინანსური ანგარიშგების შემადგენელი ფორმების შედარებით დადგინდა, რომ ბალანსის დანართ ფორმა N3-ში ძირითადი კაპიტალის მოხმარება წარმოდგენილი იყო 56,517.12 ლარის ოდენობით, ხოლო ბალანსის დანართ ფორმა N2 - ში ძირითადი კაპიტალის მოხმარება შეცდომით იყო ნაჩვენები 67,013.12 ლარის ოდენობით (აღნიშნული თანხა წარმოადგენდა ფიზიკური ცვეთის 56,517.12 ლარის და ძველი ჩანაცვლებული ავტომობილის საბალანსო ღირებულების 10,496.00 ლარის ჯამს). ამასთან, ახალ ჩანაცვლებით მიღებულ ავტომობილს ფიზიკური ცვეთა ნაცვლად 64,500.00 ლარისა (საწყისი ღირებულება) დაერიცხა 58,000.00 ლარზე, შესაბამისად ძირითადი კაპიტალის მოხმარება არასწორად იქნა შემცირებული 728.00 ლარით, რაც თავისთავად არ გათვალისწინებულა ბალანსის დანართ ფორმა N1-ში არაფინანსური აქტივების ნაშთის შეტანისას

ორგანიზაციის საბუღალტრო მონაცემებით, ორგანიზაციას 2014 წელს ნაღდი ანაგარიშსწორებით მიღებული აქვს 1 357 924 ლარი, რაც 541 012 ლარით ნაკლებია შემოსავლების სამსახურის ელექტრონულ ბაზაში დაფიქსირებულ მონაცემზე, ხოლო 2015 წელს -1 499 869 ლარი, რაც 135 451 ლარით მეტია შემოსავლების სამსახურის ელექტრონულ ბაზაში დაფიქსირებულ მონაცემზე. მოპოვებული მტკიცებულებებით, არსებობს მაღალი რისკი, ბოტანიკური ბაღის მიერ ნაღდი ანგარიშსწორებით მიღებული რეალური შემოსავლების არასრულად ასახვისა და მიღებული თანხების არადანიშნულებისამებრ გამოყენებასთან დაკავშირებით.

ტრენინგების მეშვეობით მასწავლებელთა კვალიფიკაციის ამაღლების მნიშვნელობის არასათანადოდ გათვალისწინება, როგორც სპეციალური, ასევე იმ საგნის მასწავლებლებისთვის რომლებიც ასწავლიან სსსმ მოსწავლეს, აფერხებს სწავლების პროცესის სათანადო ხარისხით წარმართვას. ფიქსირდება შემთხვევები, როდესაც სკოლას ჰყავს ინკლუზიური განათლების კუთხით გადამზადებული მასწავლებლები, სსსმ მოსწავლე კი სკოლაში არ ირიცხება და პირიქით - იმ სკოლებში სადაც სწავლობენ სსსმ მოსწავლეები, უმეტეს ნაწილს არ ჰყავს გადამზადებული მასწავლებლები.

საქართველოს მთავრობის 2015 წლის 2 თებერვლის №105 განკარგულების ფარგლებში, 2015 წელს დენდროლოგიური პარკის ტერიტორიაზე დარგულია 72 043 ძირი სხვადასხვა დასახელების ნერგი: ნარგაობების დაახლოებით მესამედი გამხმარია ან აღარ არსებობს; მცენარეთა დასამაგრებლად არ არის გამოყენებული ჭიგოები; პარკის ზედამხედველობა არ ხორციელდება; ტერიტორია შემოღობილია, თუმცა ვერ უზრუნველყოფს ნარგაობების დაცვას, კერძოდ, შეინიშნებოდა შინაური ცხოველების ყოფნისა და მცენარეების დაზიანების ფაქტები. ანალოგიური მდგომარეობაა თბილისის ზღვისა და მიმდებარე ტერიტორიებზე, სადაც 2015 წელს მთავრობის განკარგულების ფარგლებში გაშენდა 326 100 ძირი ხე-მცენარე. ქალაქ თბილისის მუნიციპალიტეტის მერიამ არ დააწესა სათანადო კონტროლი და არ მიიღო დამატებითი ზომები საზოგადოებრივი მნიშვნელობის ღონისძიების დაგეგმილი შედეგების მისაღწევად. აუდიტის ობიექტმა არ შეისყიდა ნარგაობების მოვლა-პატრონობის მომსახურება დამოუკიდებელი ვეგეტაციის პერიოდის მიღწევამდე, რამაც მათი მნიშვნელოვანი ნაწილის ხმობა განაპირობა. ამდენად, მერიამ სრულად ვერ უზრუნველყო 400 000 ძირი ხე-მცენარის განაშენიანება.

კანონმდებლობასა და საზოგადოების (საწარმოს) წესდებასთან შეუსაბამოდ ქონების იჯარით გაცემა. აფხაზეთის ეკონომიკის მინისტრის ბრძანებით საზოგადოებას (საწარმოს) დაევალა სამინისტროს სარგებლობაში მიღებული უძრავი ქონების საკომუნიკაციო ინფრასტრუქტურის მოწყობა, მოვლა-შენახვა და კომუნალური გადასახადების გადახდა. საზოგადოება (საწარმო) ყოველგვარი სამართლებრივი საფუძვლის გარეშე სახელმწიფო ქონებას იყენებდა სამეწარმეო საქმიანობისთვის. კერძოდ, ქონებას იჯარით გასცემდა სხვადასხვა ფიზიკურ პირზე და მოქმედი კანონმდებლობის მიხედვით არ იხდიდა ბიუჯეტში ქონების სარგებლობაში გადაცემის საფასურს.

ძირითადი საშუალებებისა და სხვა მატერიალური ფასეულობების ინვენტარიზაციის შედეგად გამოვლინდა 25 ერთეული არაფინანსური აქტივების ზედმეტობა. მიუხედავად იმისა, რომ აღნიშნული აქტივები აუდიტის პერიოდში იმყოფებოდა სამმართველოს ექსპლუატაციაში ისინი აფასებული არ ყოფილა (შესაბამისად ბალანსში თანხობრივად არ აღრიცხულა) და საივენტარო აღწერაში შეტანილი იქნა (აისახა ზედმეტობად) ღირებულების გარეშე.

ბათუმის ბოტანიკურ ბაღს, 2014-2015 წლებში, უზუფრუქტის ხელშეკრულების საფუძველზე, სარგებლობაში ჰქონდა 117 537 264 ლარის ნორმატული ღირებულების, 1 088 308 კვ.მ არასასოფლო-სამეურნეო დანიშნულების მიწის ნაკვეთი, რომელიც არ არის აღრიცხული ორგანიზაციის საბალანსო მონაცემებში. გარდა აღნიშნულისა, შესაბამისი წლების ბალანსებში არ არის ასახული აგრეთვე ორგანიზაციის მფლობელობაში არსებული, არანაკლებ 1 190 600 ლარის ღირებულების 21 დასახელების შენობა-ნაგებობები და სხვა ძირითადი აქტივები. შესაბამისად, ბოტანიკური ბაღის არაფინანსური აქტივების 2014 წლის და 2015 წლის საბალანსო მონაცემი შემცირებულია არანაკლებ 118 727 864 ლარით.

სსსმ მოსწავლის სწავლების მიზნით ზოგადსაგანმანათლებლო სკოლებისათვის გამოყოფილი დამატებითი დაფინანსების ოდენობის განმსაზღვრელი კალკულაცია არ არის გაწერილი. დაფინანსების ოდენობა არ არის მორგებული სსსმ მოსწავლის ინდივიდუალურ საჭიროებებზე და არაპროპორციულადაა განაწილებული სკოლებს შორის მოსწავლეების რაოდენობასთან მიმართებაში, რაც ზრდის ფინანსური რესურსის არაპროდუქტიულად განკარგვის რისკებს.

ქ. თბილისის მუნიციპალიტეტმა 2015-2016 წლებში 4 ხელშეკრულების შემთხვევაში არ/ვერ გამოიყენა პირგასამტეხლოს გავრცელების ხელშეკრულებით მინიჭებული უფლება, რითაც დაკარგა დამატებით საბიუჯეტო შემოსავლების მიღების შესაძლებლობა.

კანონმდებლობასა და საზოგადოების (საწარმოს) წესდებასთან შეუსაბამოდ გარე აუდიტორის შერჩევა. საზოგადოების (საწარმოს) დირექტორმა პარტნიორის თანხმობის გარეშე დანიშნა გარე აუდიტორი, რითაც სამინისტროს მხრიდან არასათანადო კონტროლის პირობებში, გადაამეტა საზოგადოების წესდებით განსაზღვრულ უფლებებს. საზოგადოების (საწარმოს) წესდების მოთხოვნის დარღვევით შპს „ავტოტრანსსერვისის“ დირექტორის მიერ გარე აუდიტორის დანიშვნით, შესაძლო ინტერესთა კონფლიქტის გამო, წარმოიშვა არაობიექტური აუდიტორული შემოწმებისა და დამოუკიდებელი აუდიტორის დასაქირავებელი თანხის არაეფექტიანად გახარჯვის რისკები.

ბალანსის დანართ ფორმა N3-ში, ძირითადი კაპიტალის მოხმარება წარმოდგენილი იყო თანხით 1,088.58 ლარი, ხოლო ფიზიკური ცვეთა 21,512.73 ლარის ოდენობით. ძირითადი კაპიტალის მოხმარებაში ნაჩვენები თანხა 1,088.58 ლარი წარმოადგენდა მინისტრის 2015 წლის 27 მარტის N70 ბრძანების საფუძველზე ჩამოწერილი ძირითადი აქტივების ნარჩენ ღირებულებას, რაც დადგენილი წესის მოთხოვნათა შესაბამისად უნდა აღრიცხულიყო ,,სხვა ეკონომიკური ნაკადების“ 8000 ანგარიშზე დებეტის მხარეს; აღნიშნული თანხის გასვლა, ასევე შეცდომით ფიქსირდებოდა ბალანსის დანართ ფორმა N5-ში, როგორც არაფინანსური აქტივების გასვლა, ,,სხვა გასვლების“ სახით, ნაცვლად ,,სხვა ეკონომიკური ნაკადებით“ გასვლისა. ბალანსის დანართ ფორმა N5-ში მატერიალური მარაგები წარმოდგენილი იყო მხოლოდ ჯამური თანხით (არ ჩაშლილა მარაგების სახეების მიხედვით)

2014-2015 წლებში ბოტანიკური ბაღის მიერ, აუქციონის ფორმით განხორციელებულია ციტრუსის რეალიზაცია, რომლის თანმდევ პირობად განსაზღვრულია, რომ შემსყიდველს ეძლევა ექსკლუზიური უფლება ბოტანიკური ბაღის ტერიტორიაზე, საკუთარი ძალებით მოაწყოს პროდუქციის სარეალიზაციო პუნქტები, ხალხმრავალ სამ სხვადასხვა უბანზე. რადგან ბოტანიკური ბაღის ტერიტორია წარმოადგენს ქალაქ ბათუმის მუნიციპალიტეტის საკუთრებას, ხოლო ბოტანიკურ ბაღს ქონება გადაცემული აქვს უზუფრუქტის ხელშეკრულებით, საქართველოს სამოქალაქო კოდექსის 242-ე მუხლის თანახმად, უზუფრუქტუარს ნივთის იჯარით გადაცემისათვის ესაჭიროებოდა მესაკუთრის თანხმობა, თუმცა ბოტანიკური ბაღის მიერ მიწის ნაკვეთის იჯარით სარგებლობაში განკარგვა განხორციელებულია ქონების მესაკუთრის - ქალაქ ბათუმის მუნიციპალიტეტის მერიის თანხმობის გარეშე.

სკოლებში ინკლუზიური სწავლების სათანადოდ დასაგეგმად და განსახორციელებლად სამინისტრო არ ფლობს პროგრამის ბენეფიციარებისა და პოტენციური მოსარგებლეების შესახებ რელევანტურ, სრულ და ზუსტ ინფორმაციას. ამასთანავე, სსსმ მოსწავლეების შემფასებელი მულტიდისციპლინური გუნდის წევრებს, რიგ შემთხვევებში არ აქვთ მიღებული ინკლუზიურ სფეროსთან დაკავშირებული განათლება. გარდა ამისა, არ არის დანერგილი სსსმ მოსწავლის მიერ მიღწეული შედეგების და სკოლების მიერ ინკლუზიური განათლების ხელშესაწყობად გატარებული ღონისძიებების შეფასების მექანიზმები, რაც აფერხებს პროგრამის ეფექტიანად დანერგვის მაჩვენებლების სათანადოდ შეფასებას.

მუნიციპალიტეტმა შტატგარეშე მოსამსახურეები დაიქირავა მუდმივ ამოცანათა შესასრულებლად, რაც არ შეესაბამება მოქმედ კანონმდებლობას. ასევე დაქირავებულების რაოდენობა აღემატება თვითმმართველობის კოდექსით დადგენილ ზღვრულ ნორმას. 2015-2016 წლებში შტატგარეშე მოსამსახურეებზე გაცემულია 122.2 თასი ლარი.

2016 წელს ქ. თბილისის მუნიციპალიტეტმა, 4 ხელშეკრულების ფარგლებში, შეისყიდა თბილისის სხვადასხვა ტერიტორიაზე 20 ათასი ნერგის გაშენების მომსახურება. ხელშეკრულებების შესრულების პროცესში მერიამ არ დაუკვეთა ნერგების სრული რაოდენობა და ვერ აითვისა ხელშეკრულებით გათვალისწინებული მოცულობები. კერძოდ, საგაზაფხულო რგვებზე 20 ათასის ნაცვლად დაირგო 13 ათასი ნერგი. პასუხისმგებელი პირის განმარტებით, მოცემული პერიოდისათვის სამსახურმა აღნიშნულ კომპანიას ვერ გამოუყო გასანაშენიანებელი ტერიტორიების საჭირო რაოდენობა, ვინაიდან ქ. თბილისის მუნიციპალიტეტის სსიპ - ქონების მართვის სააგენტოსთან მიმდინარეობდა მოლაპარაკება და ვერ მოესწრო დამატებითი ტერიტორიების მოძიება. შემსყიდველთან შეთანხმებით, 13 ათასიდან 10 ათასამდე ნერგი გადაეცა ქ. თბილისის რაიონების გამგეობებს. გამგეობებმა თავად უზრუნველყვეს მცენარეთა გაშენება სხვადასხვა ტერიტორიაზე. გამოვლინდა, რომ აღნიშნული ხე-მცენარეების ძირითადი ნაწილი გამხმარი იყო. ქ. თბილისის მუნიციპალიტეტის მერიამ სახელმწიფო შესყიდვა განახორციელა გაფორმებული ხელშეკრულებების პირობებთან შეუსაბამოდ, რის გამოც ვერ შეძლო დაგეგმილი შედეგების მიღწევა. გამომდინარე აქედან, ქ. თბილისის მერიის მიერ ბიუჯეტიდან გამოყოფილი 106.4 ათასი ლარი აუდიტის მიმდინარეობისას დახარჯული იყო არაეფექტიანად.

კანონმდებლობასა და საზოგადოების (საწარმოს) წესდებასთან შეუსაბამოდ მოკლევადიანი სესხის აღება. სხვადასხვა პერიოდში დირექტორი გასცემდა საზოგადოებისთვის (საწარმოსთვის) მოკლევადიან სესხებს, თუმცა ვერ იქნა წარმოდგენილი: დირექტორსა და საწარმოს შორის დადებული სასესხო ხელშეკრულება, სესხის სახით ფულადი სახსრების მოზიდვის აუცილებლობის და მიზნობრიობის დასაბუთება, პარტნიორის გადაწყვეტილება (თანხმობა) სესხის აღებაზე და მოზიდული ფულადი სახსრების ხარჯვის დამადასტურებელი პირველადი დოკუმენტები. შესაბამისად, მოკლევადიან სესხთან დაკავშირებით დირექტორის კანონშეუსაბამო ქმედება შეიცავს ინტერსთა კონფლიქტის ნიშნებს და სამინისტროს მხრიდან კონტროლის სისუსტის პირობებში წარმოადგენს არახელსაყრელი ქმედებით საზოგადოებისთვის მიყენებულ ზიანს.

ფინანსურ ანგარიშგებაში არ ასახულა 957.10 ლარის ღირებულების ძირითადი აქტივი, რის გამოც მიღებული აქტივები დაფიქსირდა შემცირებული ოდენობით - 38,150.41 ლარი; 18,548.84 ლარის ღირებულების აქტივების მიღება ნაჩვენები იყო, როგორც მატერიალური მარაგების მიღება გრანტებით, თუმცა მატერიალურ მარაგებად აღიარებული 7,846.15 ლარის ღირებულების აქტივები მათი შინაარსიდან გამომდინარე წარმოადგენდა გრძელვადიან მცირეფასიან აქტივს. შესაბამისად, ბალანსის ფორმა N1- ში არაფინანსური აქტივების სხვა მატერიალური მარაგების ნაშთი წლის ბოლოს წარმოდგენილი იყო 7,846.15 ლარით მეტი ოდენობით, ხოლო საცნობარო მუხლში ექსპლუატაციაში მყოფი ხარჯებში ჩამოწერილი გრძელვადიანი მცირეფასიანი აქტივები იმავე თანხით იყო შემცირებული.

ქ. ბათუმში, ვაჟა-ფშაველასა და ბესიკის ქუჩების კვეთაში, მინი სპორტული მოედნის მოწყობითი სამუშაოების შესყიდვისას, პრეტენდენტთა სატენდერო წინადადებასთან მიმართებით, ფიქსირდება არაერთგვაროვანი მიდგომის ფაქტი.

სამსახურებრივი უფლებამოსილების განსახორციელებლად გამოყენებული სატრანსპორტო საშუალებების რაოდენობა აღემატება მთავრობის დადგენილებით რეკომენდებულ ზღვრულ ოდენობას. შედეგად, მუნიციპალიტეტმა ტრანსპორტის შენახვისა და ექსპლუატაციის ხარჯის გაწევისას არ დაიცვა საბიუჯეტო სახსრების რაციონალური და გონივრული ხარჯვის პრინციპები. 2015-2016 წლებში გაწეულმა ტრანსპორტის ხარჯმა შეადგინა 127.3 ათასი ლარი.

ქალაქ თბილისის მუნიციპალიტეტმა 2015 წელს შეისყიდა თბილისის ზღვის მიმდებარედ ახალი ზოოპარკის შემოღობვის სამუშაოები, ღირებულებით 1 877.0 ათასი. სამუშაოების მიმდინარეობისას, შეიცვალა ხიმინჯებისა და ბორდიურების სახეობი, რაც ხელშეკრულების ხარჯთაღრიცხვაში ითხოვდა სამუშაოების არსებითი ნაწილის მოცულობების კორექტირებებს. მიუხედავად ამისა, ხელშეკრულების პარამეტრები არ შეცვლილა და მიმწოდებელმა ანაზღაურება მიიღო დაუზუსტებელი ხარჯთაღრიცხვით განსაზღვრული სამუშაოებისათვის. სამუშაოების რეალური მოცულობებისა და ღირებულების დასადგენად საჭიროა დამატებითი ექსპერტიზა.

შეუსაბამობები ბუღალტრული აღრიცხვის ჩანაწერებსა და დამფუძნებლისთვის წარდგენილ ფინანსური ანგარიშგების ნაშთებს შორის. იჯარით გაცემულ აქტივებზე ხელშეკრულებით დარიცხული მოთხოვნების და გადახდების პირველადი დოკუმენტების მიხედვით ფაქტობრივად გაანგარიშებული დავალიანებების ნაშთები არ ემთხვეოდა დამფუძნებლისთვის წარდგენილ ფინანსურ ანგარიშგებაში ფაქტობრივად აღიარებულ მოთხოვნებს. დამფუძნებლისთვის წარმოდგენილ ბალანსში სალაროს ნაღდი ფულის ნაშთი არ ფიქსირდებოდა, თუმცა მოპოვებული მტკიცებულებების საფუძველზე ფულის მოძრაობის ტესტირების და პირველადი დოკუმენტაციის გადამოწმების შემდეგ ფაქტობრივად დაფიქსირდა შესაბამისი ნაშთები.

2015 წელს აფხაზეთიდან იძულებით გადაადგილებულ პირთა, აგრეთვე აფხაზეთის ტერიტორიაზე მცხოვრებთა მედიკამენტებით დახმარების (05 02) პროგრამის ფარგლებში განხორცილებული ხარჯი სახაზინო კოდით 2.7.2.1 (სოციალური დახმარება - ფულადი ფორმით) 35,000.00 ლარის ოდენობით, წარმოადგენს სამინისტროს მიერ საგარანტიო ფურცლის საფუძველზე შპს „ეი-ბი-სი ფარმაციის“ მიერ ბენეფიციარებზე გაცემულ მედიკამენტებს, რაც ბალანსის დანართ ფორმა N2-ში შეცდომით იყო ასახული კლასიფიკატორის კოდით 2.7.2.2 - “სოციალური დახმარება სასაქონლო ფორმით“.

ქ. ბათუმში, ბარცხანის დასახლებაში, ბენზინგასამართი სადგურის „სოკარის“ მიმდებარე ტერიტორიაზე, დიდი ზომის სპორტული მოედნის მოწყობითი სამუშაოების შესყიდვის შესახებ, აუდიტის პერიოდში წარმოდგენილი დოკუმენტაციის შესაბამისად, ვერ დასტურდება სატენდერო მოთხოვნებთან შესრულებული სამუშაოების შესაბამისობის მდგომარეობა

2015-2016 წლებში მუნიციპალიტეტის საკრებულოს არათანამდებობის პირებზე უფლებამოსილების განხორციელებასთან დაკავშირებით გაცემულია 142.7 ათასი ლარი, ხარჯები ანაზღაურებულია მოქმედი კანონმდებლობის დარღვევით, შესაბამისი ხარჯის დამადასტურებელი დოკუმენტების წარმოდგენის გარეშე.

2016 წლის 17 ივნისს ქალაქ თბილისის მუნიციპალიტეტის მერიამ ხელშეკრულება გააფორმა შპს „ქართლთან“ გამწვანებული ტერიტორიების აღდგენა-მოწყობის სამუშაოების სახელმწიფო შესყიდვაზე, ღირებულებით - 454.0 ათასი ლარი. აღნიშნული ხელშეკრულების ფარგლებში ქ. თბილისში, მეგობრობის ქუჩის მიმდებარედ მოეწყო სკვერი, რაშიც გაიხარჯა სულ 88.1 ათასი ლარი. სამუშაოები ითვალისწინებდა ტერიტორიის მომზადებას, 20 მმ სისქის კაუჩუკისა და ბეტონის ფილების დაგებას და სხვ. ობიექტის დათვალიერებით გამოვლინდა, რომ კაუჩუკის ფილები დაგებულია უხარისხოდ (ზედაპირი უსწორმასწოროა) და ნაწილი არ არის ჩამაგრებული. ბეტონის ფილებით მოწყობილი ზედაპირის ნაწილი გამოსულია მწყობრიდან და საჭიროებს ხელახლა მოწყობას

შეუსაბამობები ნაღდი ფულის აღრიცხვაში. სალაროს წიგნი არ იყო დამუშავებელი, გასავლის და შემოსავლის ორდერებზე არ ფიქსირდებოდა დირექტორის ხელმოწერები, სალაროს წიგნის ფურცლების ყუაში ნაშთები წარმოდგენილი არ ყოფილა. სხვადასხვა პერიოდებისთვის გამოყვანილი სალაროს ნაშთები არ ემთხვეოდა შესაბამისი პერიოდისთვის ასლგადამღები ფურცლით შესავსებ სალაროს წიგნის გვერდებს. სსიპ – შემოსავლების სამსახურის ვებგვერდიდან მიღებული მონაცემების, საზოგადოების სალარო აპარატის ჩეკებით მიღებული შემოსავლების შედარებით, სალაროს წიგნში ასახულ შემოსავლებს შორის გამოვლინდა სხვაობები.

2015 წელს სამინისტრომ აფხაზეთიდან იძულებით გადაადგილებულ პირთა პროფილაქტიკური სამედიცინო გასინჯვების პროგრამის (05 05) ფარგლებში ბენეფიციარებზე გადასაცემად შეიძინა მედიკამენტები (26,636.00 ლარი) და სხვა სამედიცინო დამხმარე მასალები (322.48 ლარი) ჯამში 26,958.48 ლარის ოდენობით. ფინანსურ ანგარიშგებაში აღნიშნული აქტივების შეძენა, ისევე როგორც ხარჯვა აისახა ბალანსის დანართ ფორმა N5-ში მატერიალური მარაგების მიღება-გასვლაში, შესაბამისად აღნიშნული მატერიალური მარაგების (არაფინანსური აქტივების) ნაცლად ბალანსის დანართ ფორმა N 2-1-ში ასახვისა, ისინი არასწორად იქნა წარმოდგენილი ბალანსის დანართ ფორმა N 2-ის მუხლში „სოციალური დახმარება ფულადი ფორმით“

„განათლების, კულტურის, სასპორტო და დასვენების ობიექტების რეაბილიტაციის“ პროგრამის ფარგლებში, მერიის მიერ შექმნილი კონტროლის სისტემა ვერ უზრუნველყოფს შესრულებულ სამუშაოთა აქტების(ფორმა N2) რეალობას და შესაბამისად, ნაკლებად ეფექტურია საბიუჯეტო სახსრების რაციონალურად ხარჯვის უზრუნველყოფის კუთხით;

2015 წლის 5 მარტს მუნიციპალიტეტის საკრებულოს მიერ მიღებულ იქნა განკარგულება საკრებულოს თავმჯდომარის თანამდებობიდან გადაყენების შესახებ.გათავისუფლებულმა საკრებულოს თავჯდომარემ სასამართლოში გაასაჩივრა საკრებულოსმიერ გამოცემული სამართლებრივი აქტი. სასამართლომ, 2016 წელს, საკრებულოს თავმჯდომარის დაკავებული თანამდებობიდან გადაყენება უკანონოდ ცნო. საკრებულოს ყოფილი თავმჯდომარე აღადგინა თანამდებობაზე და მუნიციპალიტეტის საკრებულოს დაავალა მოსარჩელე პირზე იძულებითი განაცდურის 61.4 ათასი ლარის (თანამდებობაზე აღდგენამდე) ანაზღაურება.

2015 წელს ონკოლოგიური ცენტრის მიმდებარედ გაშენდა იფნისა და ნეკერჩხლის 1369 ძირი ნერგი. ტერიტორიის დათვალიერებით აღმოჩნდა, რომ ნარგაობის მნიშვნელოვანი ნაწილი გამხმარია ან აღარ არსებობს (ორმო ცარიელია). ხეების დარჩენილი ნაწილი ძირითადად ჭიგოს გარეშეა ან არ არის მასზე მიმაგრებული. პასუხისმგებელი პირების განმარტებით, ტერიტორია არ იმყოფება სამსახურის მოვლა-პატრონობის ქვეშ. ნეკერჩხლის 684 ნერგის გაშენებაში მუნიციპალიტეტმა გადაიხადა 5.2 ათასი ლარი, ხოლო იფნის 685 ნერგისათვის - 4.9 ათასი ლარი. აუდიტის ობიექტმა გასწია სულ 10.1 ათასი ლარის არაეფექტიანი ხარჯი, რადგან საბიუჯეტო ასიგნების გამოყოფით განსაზღვრული მიზანი ტერიტორიის განაშენიანების შესახებ, არ არის მიღწეული.

შეუსაბამობები იჯარის აღრიცხვაში. დადგინდა, რომ საწარმოს საბუღალტრო ჩანაწერებში სრულად არ იყო აღრიცხული მოიჯარეების მიერ გადახდილი იჯარის ქირისა და კომუნალური გადასახადის თანხები.

სამინისტროს აფხაზეთის ა/რ დევნილთა საქმეების დეპარტამენტისგან გადმოეცა ვაჟა-ფშაველას გამზ.N16 მდებარე შენობა-ნაგებობის მე-3 სართულზე მდებარე ფართი საწყისი ღირებულებით 782,400.00 ლარი. (ნარჩენი ღირებულება 758,928.00 ლარი). 2015 წლის 29 მაისს სამინისტროს ასევე გადმოეცა ქ. თბილისში კალოუბნის ქუჩა N16-ში მდებარე შენობა-ნაგებობის მე-2 სართულზე მდებარე ფართი საწყისი ღირებულებით 30,362.64 ლარი, ხოლო ნარჩენი ღირებულებით 26,955.06 ლარი. აღნიშნულ აქტივებს წლის ბოლოს ნაცვლად საწყის ღირებულებაზე ცვეთის დარიცხვისა, შეცდომით დაერიცხა ცვეთა ნარჩენ ღირებულებაზე, რის გამოც ცვეთის თანხა არაარსებითად შემცირდა 268.80 ლარით

„განათლების, კულტურის, სასპორტო და დასვენების ობიექტების რეაბილიტაციის“ პროგრამის ფარგლებში გაფორმებული რიგი ხელშეკრულებების შესრულების შესახებ არასრულყოფილი საექსპერტო დასკვენების წარმოდგენის პირობებში, შემსყიდველის მიერ მიმწოდებელზე გადახდილია 852,7 ლარი.

აუდიტის შედეგად გამოვლინდა, რომ მუნიციპალიტეტს 2015-2016 წლებში ექვსი შესყიდვის დროს მიმწოდებელთან ხელშეკრულება გაფორმებული აქვს სატენდერო დოკუმენტაციაში არსებული მოთხოვნებისგან განსხვავებული, შეღავათიანი პირობებით. შედეგად, მიმწოდებლებს დაერიცხათ 1.4 ათასი ლარით ნაკლები საჯარიმო თანხები და მუნიციპალიტეტის ბიუჯეტში არ არის მიმართული შესაბამისი შემოსავალი.

ქალაქ თბილისის მუნიციპალიტეტის მერიის ეკოლოგიისა და გამწვანების საქალაქო სამსახური, სატენდერო დოკუმენტაციის მიხედვით, ნარგაობების მდგრადობის შესანარჩუნებლად, როგორც წესი, ითხოვს ჭიგოს გამოყენებას. ჭიგოს ზომები (სიმაღლე, დიამეტრი) განსაზღვრულია ხელშეკრულების პირობებით. აუდიტის ჯგუფის მიერ განაშენიანებული ტერიტორიების დათვალიერებით გამოვლინდა, რომ 5 ხელშეკრულების შემთხვევაში, მიმწოდებლების მიერ გამოყენებული დაახლოებით 57 ათასი ერთეული ჭიგო არ შეესაბამებოდა ხელშეკრულებით გათვალისწინებულ პარამეტრებს და მცირე დიამეტრის გამო, ვერ უზრუნველყოფდა მცენარის დამაგრებას. დარგული ხე-მცენარეების ნორმალური განვითარებისათვის დასამაგრებელი ჭიგოების გამოყენება მნიშვნელოვანია და მისი შეძენა-მოწყობა სახელშეკრულებო ღირებულების არსებით ნაწილს წარმოადგენს. კერძოდ, ჭიგოს დამზადების, ადგილზე მიტანისა და მცენარის დამაგრების ღირებულება, ხელშეკრულებების შესრულების შესაბამისად, საშუალოდ 0.5-1 ლარია. ამდენად, აუდიტის ობიექტის მიერ რიგ შემთხვევებში არ არის დაცული ხელშეკრულებებით დადგენილი შესყიდვის ობიექტის ხარისხობრივი მაჩვენებლები, რაც აუარესებს შემსყიდველი ორგანიზაციის პირობებს.

შეუსაბამობები საწვავის ხარჯების აღრიცხვაში. სამინისტრომ საზოგადოების ბალანსზე რიცხული სამსახურებრივი ავტომანქანისათვის განსაზღვრა ყოველთვიური მომსახურების ხარჯი, თუმცა სალაროდან საწვავის შესაძენად გაცემულ თანხებზე საქონლის ან მომსახურების შეძენა არ დასტურდება, ხოლო შეძენილი საწვავის ხარჯვის დამადასტურებელი დოკუმენტაცია საბუღალტრო ჩანაწერებში არ მოიპოვება. შესაბამისად, საზოგადოების ხელმძღვანელობის მიერ დაკისრებული მოვალეობების არაჯეროვნად შესრულებისა და დამფუძნებლის მხრიდან არასათანადო კონტროლის პირობებში, ფინანსური ანგარიშგების წარდეგნისა და საბუღალტრო აღრიცხვისას გამოვლენილი სერიოზული დარღვევა-ნაკლოვანებები წარმოქნის საწარმოს შემოსავლების არამიზნობრივად და არაეფექტიანად ხარჯვის მნიშვნელოვან რისკებს.

არამატერიალურ აქტივს (ბუღალტრულ პროგრამას) ნაცვლად 10%-ისა არასწორად ერიცხებოდა ცვეთა 14%-ის ოდენობით, რის გამოც ძირითადი კაპიტალის მოხმარება (ცვეთა) არაარსებითად იყო გაზრდილი 52.00 ლარით

სამინისტროში ზოგადად პრობლემას წარმოადგენს საჭირო ქონების დროულად შესყიდვის საკითხი, რაც მხოლოდ ფულადი რესურსების სიმცირეს არ უკავშირდება. სამინისტროში გაზრდილია საშუალო და დაბალი დონის მენეჯერების საშტატო რიცხოვნობა. მარტო სამინისტროს სამოქალაქო ოფისში 2015 წლის ბოლოს მოქმედი საშტატო განრიგით გათვალისწინებულია 545 საშტატო ერთეული, საიდანაც 197, ანუ - 36.1% სხვადასხვა დონის მენეჯერის პოზიციაა (მათ შორის 20 ატაშე და 17 ატაშეს მოადგილე). ყოველივე ზემოაღნიშნულის გამო ძალზე გაძნელებულია სწორი და დროული გადაწყვეტილებების მიღების და მათი დროულად და სრულყოფილად შესრულების საკითხი, ზოგ შემთხვევაში ეს გარემოება სამინისტროს საშუალო და მაღალი დონის მენეჯმენტში განხორციელებული ხშირი ცვლილებების, სხვადასხვა სტრუქტურული ქვედანაყოფების მოუქნელი და შეუთანხმებელი საქმიანობის შედეგია. შედეგად, კიდევ უფრო ხანგრძლივდება შესყიდვების პროცესი, იქმნება ხელოვნური ბარიერები და რაც სამინისტროს ფუნქციონირებზე გავლენას ახდენს.

მუნიციპალიტეტის მიერ 2015 წელს გამოცხადებულ ტენდერზე, პრეტენდენტის მიმართ დაუსაბუთებელი საკვალიფიკაციო მონაცემების მოთხოვნის გამო შეიზღუდა კონკურენცია, რის გამოც მუნიციპალიტეტმა სამუშაოები შეისყიდა გაზრდილი ღირებულებით და გაწია არაეკონმიური 12.9 ათასი ლარი.

ქ. თბილისის მუნიციპალიტეტის მერია შეისყიდის გამწვანებული ტერიტორიების მოვლა-პატრონობის მომსახურებას. 2015-2016 წლებში გაფორმებული 25 ხელშეკრულება, რომელთა ფაქტობრივი ღირებულება 2 027.2 ათასი ლარია, მოიცავს დასუფთავებას, საყოფაცხოვრებო ნარჩენის შეგროვებასა და გატანას. ხარჯთაღრიცხვებისა და შესრულებული სამუშაოების აქტების თანახმად, ამ მომსახურებაზე არასწორად დარიცხულია დამატებული ღირებულების გადასახადი.

აუდიტორული პროცედურებით და აუდიტის ობიექტიდან მიღებული ინფორმაციით დადგინდა, რომ სამინისტროსთვის სარგებლობის უფლებით გადაცემული შენობა-ნაგებობის მე-3 სართულის (სულ 800მ2) გარკვეულ ფართზე ყოველგვარი სამართლებრივი (კანონიერი) საფუძვლის გარეშე , სამინისტროსთან ერთად განთავსებული იყო და ფუნქციონირებდა აფხაზეთის ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტის რისკის ანალიზისა და შეფასების სამმართველო (48 მ2 ფართზე) საკუთარი საოფისე ინვენტარით და საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს ფართის დაკანონების და განცხადებების მიღების განყოფილება (43 მ2 ფართზე) საკუთარი საოფისე ინვენტარით

სამინისტროში დღემდე ოფიციალურად არ არის დამტკიცებული სამხედრო მოსამსახურეთა ფორმების და სხვა ქონების სტანდარტები და არც რომელიმე ქვედანაყოფს აკისრია ეს ფუნქცია შესაბამისი ნორმატიული აქტით.ამიტომ, ყოველი ახალი შესყიდვის წინ იწყება მიმოწერა შესასყიდი საქონლის ტექნიკური მონაცემების დასაზუსტებლად, რაც თავის მხრივ კიდევ ერთი დამაბრკოლებელი ფაქტორია სახელმწიფო შესყიდვების დროულად და ეფექტიანად განხორციელებისთვის.

აუდიტის შედეგად გამოვლინდა, რომ 2016 წელს ინფრასტრუქტურული პროექტით შესრულებული დიდი ზანავი - პატარა ზანავი - ჭულეს რიაბილიტირებული გზა, რომელშიდაც მუნიციპალიტეტმა 516.7 ათასი ლარი გადაიხადა, დაზიანებულია. გამგეობამ საგარანტიო ვადაში მიმართა მიმწოდებელს, მაგარამ ხარვეზები გამოსწორებული არ არის. შედეგად, მუნიციპალიტეტმა ვერ მიიღო პროექტით გათვალისწინებული ხარისხის გზა, ხოლო მოსახლეობამ- შესაბამისი სარგებელი.

არსებობს მაღალი რისკი, რომ 2015 წელში ქ. თბილისის მუნიციპალიტეტის მერიის მიერ გამოცხადებულ ტენდერებში მონაწილე 7-მა პრეტენდენტებმა, მეტი ფინანსური სარგებლის მიღების მიზნით, დაარღვია საქართველოს შესყიდვების კანონმდებლობით განსაზღვრული აფიდავიტის მოთხოვნები. სახელმწიფო შესყიდვების ღირებულება ჯამში 57.0 ათასი ლარითაა გაზრდილი.

სამიმინისტროში შესაბამისი ბრძანებებისა და ხელშეკრულებების საფუძველზე 2015 წლის მთელი ან გარკვეული პერიოდის განმავლობაში დასაქმებული იყო შტატგარეშე 13 მომუშავე და მათზე ანაზღაურდა სულ 69, 804.00 ლარი. მოქმედი კანონმდებლობის თანახმად, შტატგარეშე მოსამსახურე არის პირი, რომელიც დანიშვნით ან შრომითი ხელშეკრულებით გარკვეული ვადით მიიღება სამსახურში არამუდმივ ამოცანათა შესასრულებლად; ფაქტობრივად კი წარმოდგენილი ხელშეკრულებების ანალიზით გამოვლინდა, რომ 11 პირი აყვანილი იყო 7-11 თვის განმავლობაში მუდმივ ამოცანათა შესასრულებლად. ჯამში აღნიშნულ შტატგარეშე მოსამსახურეებზე ანაზღაურდა სულ 65,850.00 ლარი.

სამინისტროს, 2015 წლის სახელმწიფო შესყიდვების გეგმაში არაფინანსური აქტივების ზრდის მუხლით გათვალისწინებული ჰქონდა 150 ცალი ლეპტოპის შეძენა, რაც, კონსოლიდირებული ტენდერის საშუალებით განახორციელა (113.9 ათასი ლარი). აღნიშნულის გარდა სამინისტრომ კიდევ 650 ცალი ლეპტოპი შეისყიდა, საიდანაც 100 ცალის შესყიდვა (ღირებულებით 75.9 ათასი ლარი) შესაბამისი გეგმის კორექტირებაშიც არ ყოფილა გათვალისწინებული. ამრიგად, სამინისტრომ მთავრობის 2015 წლის 6 მარტის N422 განკარგულების საპირისპიროდ, კომპიუტერული ტექნიკის შეძენის ხარჯები, მაქსიმალურად შეზღუდვის ნაცვლად, 763.9 ათასი ლარიდან (გეგმა) 1,769.5 ათას ლარამდე გაზარდა.

2015-2016 წლებში მუნიციპალიტეტმა შეისყიდა გზის რეაბილიტაციის, რეზერვუარის, წყლის ქსელის მოწყობის და სხვა სამუშაოები. გაფორმებულ 7 ხელშეკრულების ფარგლებში მიმწოდებლის მიერ დამხმარე ნაგებობის ასაგებად გამოყენებულია 44.6 კუბ.მ საყალიბე ხის მასალა, თანხით 26.3 ატასი ლარი. სამუშაოების დასრულების შემდეგ გამოყენებული ხე-მასალა ექვედებარებოდა დემონტაჟს და მუნიციპალიტეტზე გადაცემას, რაც არ განხორციელებულა.

მუნიციპალიტეტმა შტატგარეშე მოსამსახურეები დაიქირავა მუდმივ ამოცანათა შესასრულებლად, რაც არ შეესაბამება მოქმედ კანონმდებლობას. ასევე დაქირავებულების რაოდენობა აღემატება თვითმმართველობის კოდექსით დადგენილ ზღვრულ ნორმას. 2015-2016 წლებში შტატგარეშე მოსამსახურეებზე გაცემულია 122.2 თასი ლარი.

მუსიკალური ცენტრის დირექტორის 2015 წლის 24 ნოემბრის N255 ბრძანებით 2016 წლის 4 იანვრიდან 2016 წლის 10 იანვრამდე საერთაშორისო ფესტივალში „VOICES OF COSTA BRAVA” მონაწილეობის მიღების მიზნით, ორი თანამშორმელი მივლინებული იყო ესპანეთში ქ. ლორეტ დელ მარში. მივლინების მუხლით, წინასწარ გადარიცხულია შპს „თიმ თრეველისთვის“ ინვოისის საფუძველზე 13 876 ლარი. თანხის გაშიფვრაში ჩანს, რომ შპს „თიმ-თრეველს“ თანხა მიღებული აქვს მონაწილეობის ორგანიზებაში, რომელიც მოიცავს სათარჯიმნო მომსახურებას, საბუთების მომზადებას, ფესტივალის საფასურის ტრანსფერს, ღამისთევის ხარჯებს, კომპანიის მოგებას (10 %) და ა.შ. აქვე უნდა აღინიშნოს, რომ თანხის გადახდის ეტაპზე ცენტრს არ უხელმძღვანელია „დაქირავებულისათვის გადახდილი სამივლინებო ხარჯების ნორმების განსაზღვრის შესახებ“ ფინანსთა მინისტრის 2005 წლის 4 აპრილის N220 ბრძანებით დადგენილი მოთხოვნებით. აღნიშნული გარემოებების გათვალისწინებით, ცენტრის მიერ ხარჯების გაწევა, ნაცვლად მივლინების მუხლისა, უნდა განხორციელებულიყო ,,სხვა დანარჩენი საქონელი და მომსახურების’’ მუხლით.

სამინისტროში სისტემატურად იზრდება ავტომანქანების მიმდინარე რემონტისათვის გახარჯული სახსრების ოდენობა, რადგან სამინიტროს სამოქალაქო ოფისის და გენერალური შტაბის თანამშრომლებს, როგორც პერსონალური, ისე მორიგის სტატუსით ემსახურება გასულ 1999-2012 წლებში მიღებული სხვადასხვა მოდიფიკაციის მაღალი კლასის ავტომანქანები (მაგალითად: „TOYOTA“-ს მარკის LEXUS; PRADO; LAND CRUISER 100; LAND CRUISER 200 და ა.შ.), რომელთა მიმდინარე რემონტიც საკმაოდ ძვირია და საწვავის ხარჯიც 20-25 ლიტრის ფარგლებში მერყეობს 100 კმ-ზე, რაც მნიშვნელოვნად ზრდის საბიუჯეტო ხარჯებს. ამ კატეგორიის მხოლოდ 13 ავტომანქანაზე (არ შედის მინისტრის, გენერალური შტაბის უფროსის და მათი მოადგილეების ავტომანქანების ხარჯი) წლის მანძილზე გახარჯულია 165.1 ათასი ლარის ღირებულების საწვავი, ხოლო რემონტზე გაწეულია 93.9 ათასი ლარის ხარჯი. მათ შორის, 2005 წელს გამოშვებული ერთი ერთეული „TOYOTA LEXUS GX 470“-ის მარკის ავტომანქანის სარემონტოდ გაწეულმა ხარჯმა წლის მანძილზე 21.6 ათას ლარს გადააჭარბა.

ინფრასტრუქტურული პროექტების დაგეგმვისას, რამდენიმე შემთხვევაში, მუნიციპალიტეტმა ვერ უზრუნველყო ობიექტის დასრულება და ფუნქციონირება, რადგან არ გაითვალისწინა საჭირო ფინანსური რესურსი. დაუსრულებულია სარიტუალო სახლები რომელის მოწყობაზე გაწეულია 64.6 ათასი ლარის ხარჯი და გამოუყენებელია შეძენილი 11.9 ათასი ლარის მატერალური ფასეულება. შედეგად, მოსახლეობა შექმნილი მატერიალური სიკეთით ვერ სარგებლობს და პროექტებზე გაწეული ხარჯი არ არის ეფექტიანი.

სამსახურებრივი უფლებამოსილების განსახორციელებლად გამოყენებული სატრანსპორტო საშუალებების რაოდენობა აღემატება მთავრობის დადგენილებით რეკომენდებულ ზღვრულ ოდენობას. შედეგად, მუნიციპალიტეტმა ტრანსპორტის შენახვისა და ექსპლუატაციის ხარჯის გაწევისას არ დაიცვა საბიუჯეტო სახსრების რაციონალური და გონივრული ხარჯვის პრინციპები. 2015-2016 წლებში გაწეულმა ტრანსპორტის ხარჯმა შეადგინა 127.3 ათასი ლარი.

ა(ა)იპ ,,ქალაქ ბათუმის საჩოგბურთო კომპლექსის‘’ 2015 წლის ფინანსურ ანგარიშგებაში ასახული მონაცემები არ იძლევა იდენტიფიცირების საშუალებას ფაქტობრივად გაწეული მომსახურებით მისაღებ შემოსავლებთან, მასთან დაკავშირებით გაწეული ხარჯებთან და გადასახდელი მომსახურების საფასურის განსაზღვრასთან დაკავრებით.

მინისტრის ინდივიდუალურ-სამართლებრივი აქტებით სამინისტროს რამდენიმე თანამშრომელს, დაენიშნა ყოველთვიური დანამატები. სამინისტროში ვერ იქნა წარმოდგენილი ზემოხსენებული დანამატების დანიშვნის კრიტერიუმები და ვერ იქნა დასაბუთებული მათი გაცემის აუცილებლობა. შედეგად, სამინისტროს ცენტრალურ აპარატში 2015 წლის მანძილზე ამ სახით გაცემული დანამატების ოდენობამ 557.1 ათასი, თავდაცვის აკადემიაში კი 13.2 ათასი ლარი შეადგინა.

2015-2016 წლებში მუნიციპალიტეტმა 75 ხელშეკრულების ფარგლებში გამარტივებული შესყიდვის საშუალებით შეისყიდა 555.3 ათასი ლირის სამშენებლო სამუშაოები . ობიექტები ჩაბარებულია და ანგარიშსწორება განხორციელებულია ფაქტობრივი დანახარჯების დამადასტურებელი დოკუმენტების წარმოდგენის გარეშე, რაც ეწინააღმდეგება მოქმედ კანონმდებლობას და არსებული პრაქტიკით იწვევს საბიუჯეტო სახსრების ზედმეტად ანაზღაურებას.

2015-2016 წლებში მუნიციპალიტეტის საკრებულოს არათანამდებობის პირებზე უფლებამოსილების განხორციელებასთან დაკავშირებით გაცემულია 142.7 ათასი ლარი, ხარჯები ანაზღაურებულია მოქმედი კანონმდებლობის დარღვევით, შესაბამისი ხარჯის დამადასტურებელი დოკუმენტების წარმოდგენის გარეშე.

სსიპ -ბათუმის მუსიკალურ ცენტრს მიმწოდებლისთვის არ აქვს იმ ოდენობით დაკისრებული მიმწოდებლებთან გაფორმებული ხელშეკრულებებით გათვალისწინებული ხელშეკრულების პირობების შესრულების ვადების დარღვევის გამო პირგასამტეხლო 466.8 ლარი.

2015 წელს რამდენიმე ცვლილება განხორციელდა სამინისტროს სამოქალაქო ოფისის სტრუქტურასა და საშტატო ნუსხაში ისე, რომ საშტატო ერთეულების რიცხვი 450-დან 545-მდე, ანუ 20%-ით გაიზარდა. საშტატო ერთეულების მატების შესაბამისად, გაიზარდა სახელფასო ფონდი, ანუ შრომის ანაზღაურების ხარჯი. რის გამოც, სამინისტროს თითქმის იმავე ფუნქციის შესასრულებლად, რასაც გასულ წლებში ახორციელებდა, 5,380.4 ათასი ლარით მეტი საბიუჯეტო სახსრები დასჭირდა. მაშინ როდესაც, მთავრობის N422 განკარგულებით, ამ მუხლით გაწეული ხარჯი არ უნდა ყოფილიყო 2014 წლის საკასო ხარჯზე მეტი.

კანონმდებლობის მიხედვით მუნიციპალიტეტში უნდა შეიქმნას შიდა აუდიტის სამსახური, რომელიც დამოუკიდებელი უნდა იყოს სხვა სამსახურებისაგან და ანგარიშვალდებული მუნიციპალიტეტის გამგებლის წინაშე. ადიგენის მუნიციპალიტეტის გამგეობაში არ არის დაცული კანონმდებლობის მოთხოვნა, არ არის შექმნილი შიდა აუდიტის სამსახური, რომელიც უშუალოდ დაექვემდებარებოდა გამგებელს.

2015 წლის 5 მარტს მუნიციპალიტეტის საკრებულოს მიერ მიღებულ იქნა განკარგულება საკრებულოს თავმჯდომარის თანამდებობიდან გადაყენების შესახებ.გათავისუფლებულმა საკრებულოს თავჯდომარემ სასამართლოში გაასაჩივრა საკრებულოსმიერ გამოცემული სამართლებრივი აქტი. სასამართლომ, 2016 წელს, საკრებულოს თავმჯდომარის დაკავებული თანამდებობიდან გადაყენება უკანონოდ ცნო. საკრებულოს ყოფილი თავმჯდომარე აღადგინა თანამდებობაზე და მუნიციპალიტეტის საკრებულოს დაავალა მოსარჩელე პირზე იძულებითი განაცდურის 61.4 ათასი ლარის (თანამდებობაზე აღდგენამდე) ანაზღაურება.

სსიპ-აჭარის კულტურული მემკვიდრეობის დაცვის სააგენტოს მიერ 2015 წლის ფინანსურ ანგარიშგებაში მოთხოვნების სახით არ არის ასახული მიმწოდებლებთან გაფორმებული ხელშეკრულებებით გათვალისწინებული, ხელშეკრულების პირობების შესრულების ვადების დარღვევის გამო დარიცხული პირგასამტეხლო 2 886,4 ლარი.

2015 წლის 24 დეკემბერს თავდაცვის აკადემიის ადმინისტრაციამ N1089214 წერილით სთხოვა თავდაცვის სამინისტროს, უმაღლესი სამხედრო განათლების განვითარების პროგრამისათვის (კოდი 29 02 02 01) გამოყოფილ ასიგნებებში ცვლილებების შეტანა. კერძოდ, აკადემიას თანამშრომელთა წახალისებისათვის გათვალისწინებული ჰქონდა 150.0 ათასი ლარის გაცემა, საიდანაც 48.0 ათასი ლარი საკუთარი აუთვისებელი რესურსებიდან უნდა შეევსო, ხოლო დანარჩენ 102.0 ათას ლარს ითხოვდა სამინისტროს რესურსებიდან. შესაბამისი წერილი N1103189 ფინანსთა სამინისტროში გაიგზავნა 29 დეკემბერს და იმავე დღეს გაცემულ იქნა ხარჯთაღრიცხვის ცვლილების ცნობა N1919, რომლის ძალითაც სხვა ცვლილებებთან ერთად, 102.0 ათასი ლარი 29 01 01 01 კოდიდან გადატანილ იქნა ზემოხსენებულ 29 02 02 01 კოდში. აღსანიშნავია ის გარემოება, რომ ზემოხსენებული თანხების მოთხოვნით თავდაცვის აკადემიამ სამინისტროს მიმართა საბიუჯეტო წლის დასრულებამდე 1 კვირით ადრე და მიიღო კიდეც მისგან 102.0 ათასი ლარი, მაშინ როდესაც საკუთარი რესურსებიდან 262.0 ათასი ლარი აუთვისებელი დარჩა (ასიგნებების 1.6%).

2016 წელს არაფინანსური აქტივების „შენობა-ნაგებობების“ საწყისი ნაშთები გაზრდილია 193.7 ათასი ლარით, საბოლოო - კი 188.8 ათასი ლარით.

აუდიტის შედეგად გამოვლინდა, რომ მუნიციპალიტეტს 2015-2016 წლებში ექვსი შესყიდვის დროს მიმწოდებელთან ხელშეკრულება გაფორმებული აქვს სატენდერო დოკუმენტაციაში არსებული მოთხოვნებისგან განსხვავებული, შეღავათიანი პირობებით. შედეგად, მიმწოდებლებს დაერიცხათ 1.4 ათასი ლარით ნაკლები საჯარიმო თანხები და მუნიციპალიტეტის ბიუჯეტში არ არის მიმართული შესაბამისი შემოსავალი.

სსიპ-აჭარის მელიტონ კუხიანიძის სახელობის სიმღერისა და ცეკვის სახელმწიფო ანსამბლის მიერ, 2015 წლის ფინანსურ ანგარიშგებაში ძირითად საშუალებებზე არასწორად დარიცხული ცვეთით შემცირებულია წმინდა ღირებულება 2 611,5 ლარით.

საქართველოს კანონით „საქართველოს 2015 წლის სახელმწიფო ბიუჯეტის შესახებ“ (ორგანიზაციული კოდი - 29 00) სამინისტროს ასიგნებები დაუმტკიცდა მხოლოდ 640.0 მლნ.ლარის ოდენობით და ზღვრული მოცულობების ზევით მოთხოვნილი თანხა არ იქნა გათვალისწინებული. აღნიშნული 640.0 მლნ.ლარიდან 600.0 მლნ. ლარზე მეტი სამინისტროს მიმდინარე, გადაუდებელი ხარჯების (შრომის ანაზღაურების, მივლინების, უნიფორმის, კომუნალური, კვების, კავშირგაბმულობის, წარმომადგენლობითი, დაზღვევის, სამედიცინო და ა.შ.) დასაფინანსებლად ესაჭიროება. ამიტომ, 640 მლნ. ლარი ვერ უზრუნველყოფს სამინისტროს საშუალოვადიანი (2015-2018 წწ) სამოქმედო გეგმით გათვალისწინებული პროგრამების განხორციელებას. აღნიშნული დაფინანსება სამინისტროს სტრუქტურული ქვედანაყოფების საბრძოლო მზადყოფნის შენარჩუნებისთვისაც კი ცოტაა და ქვეყნის თავდაცვის შესაძლებლობების მნიშვნელოვანი ამაღლებისათვის, რაც მრავალ სხვა პროექტებთან ერთად ითვალისწინებს საჰაერო თავდაცვის და ტანკსაწინააღმდეგო სისტემების, საავიაციო შესაძლებლობების, სპეციალური ოპერაციების ძალების განვითარებას და.ა.შ, სრულიად არასაკმარისია.

წარმოდგენილი ფინანსური ანგარიშგებით მუნიციპალიტეტს 2016 წელის განმავლობაში არ აქვს აღრიცხული დაუმთავრებელი ძირითადი აქტივები, მაშინ როდესაც 2016 წლის დასაწყისისათვის დაუმთავრებელი სარიტუალო სახლების სამუშაოები (შესრულებული 2015 წელს) შეადგენდა 21.7 ათას ლარს, 2016 წელს დაუსრულებელი სარიტუალო სახლების მშენებლობაზე გაწეულია 42.9 ათასი ლარის ხარჯი.შედეგად: ფინანსურ ანგარიშგებაში არასწორადაა წარმოდგენილი „დაუმთავრებელი ძირითადი აქტივების“ და „შენობა-ნაგებობების“ მუხლები;

მუნიციპალიტეტის მიერ 2015 წელს გამოცხადებულ ტენდერზე, პრეტენდენტის მიმართ დაუსაბუთებელი საკვალიფიკაციო მონაცემების მოთხოვნის გამო შეიზღუდა კონკურენცია, რის გამოც მუნიციპალიტეტმა სამუშაოები შეისყიდა გაზრდილი ღირებულებით და გაწია არაეკონმიური 12.9 ათასი ლარი.

ვახტანგ ჭაბუკიანის სახელობის საბალეტო სკოლის ფინანსური ანგარიშგებით, ძირითადი კაპიტალის მოხმარების სახით გაწეული ხარჯი შეადგენს 9 749,5 ლარს, მათ შორის 6 627 ლარის ხარჯი წარმოადგენს ძირითადი აქტივების ცვეთას, ხოლო 3 122 ლარის ხარჯი მატერიალურ მარაგებზე დარიცხულ ცვეთას, თუმცა საქართველოს ფინანსთა მინისტრის 2012 წლის 31 დეკემბრის №439 ბრძანებით დამტკიცებული ,,ბიუჯეტების დაფინანსებაზე მყოფი ორგანიზაციების ძირითადი აქტივების ფიზიკური ცვეთის ნორმებისა და მათი ბუღალტრულ აღრიცხვაში ასახვის შესახებ“ ინსტრუქცია მატერიალურ მარაგებზე ცვეთის დარიცხვას არ ითვალისწინებს.

სამინიტრო საბურავების შესასყიდად პერმანენტულად აცხადებდა ტენდერებს და წლის ბოლომდე მოთხოვნილი საქონლის, კერძოდ 3910 ერთეული საბურავის ნაცვლად, მხოლოდ 3418 ერთეული შეისყიდა, 492 ერთეულის შესყიდვა კი ვერ მოახერხა. კერძოდ, აპრილის შემდეგ კიდევ 48-ჯერ გამოაცხადა ტენდერი, სადაც 20 არ შედგა, 1 შეწყდა, 16 დასრულდა უარყოფითი შედეგით, ხოლო 11 შემთხვევაში გაფორმებულ იქნა შესაბამისი ხელშეკრულება. მათ შორის, 9 ხელშეკრულებით 3250 ერთეული საბურავი შესყიდულია 1,235.0 ათას ლარად, მაშინ, როდესაც აღნიშნული საბურავები, 2015 წლის 27 თებერვალს გამოცხადებულ ტენდერებში მონაწილე პრეტენდენტებს შემოთავაზებული ჰქონდათ 1,200.9 ათას ლარად, ანუ, 34.1 ათასი ლარით იაფად.

მუნიციპალიტეტმა მოსახლეობის დახმარებისათვის შეიძინა და გასცა სამშენებლო მასალები, აგრეთვე ბავშვებსა და გაჭირვებულ მოსახლეობაზე -კვების პროდუქტები, რომელიც ნაცვლად „სოციალური დახმარების“ მუხლისა, ასახულია „სხვა ხარჯების“ მუხლში, შედეგად, ფინანსურ ანგარიშგებაში აღნიშნული მუხლები არასწორადაა წარმოდგენილი.

აუდიტის შედეგად გამოვლინდა, რომ 2016 წელს ინფრასტრუქტურული პროექტით შესრულებული დიდი ზანავი - პატარა ზანავი - ჭულეს რიაბილიტირებული გზა, რომელშიდაც მუნიციპალიტეტმა 516.7 ათასი ლარი გადაიხადა, დაზიანებულია. გამგეობამ საგარანტიო ვადაში მიმართა მიმწოდებელს, მაგარამ ხარვეზები გამოსწორებული არ არის. შედეგად, მუნიციპალიტეტმა ვერ მიიღო პროექტით გათვალისწინებული ხარისხის გზა, ხოლო მოსახლეობამ- შესაბამისი სარგებელი.

სააგენტოს 2015 წლის ინვენტარიზაციის მასალებში (მიწის ნაკვეთების საინვენტარო ბარათი), ქალაქ ბათუმის მერიის მიერ უზუფრუქტით გადმოცემული მიწა არ არის ასახული რაოდენობრივი მაჩვენებლით, ასახულია მხოლოდ ღირებულებით.

სამინისტროში 26 მაისის აღსანიშნავ აღლუმთან დაკავშირებული შესყიდვების განხორციელება მუდმივად ხდება გადაუდებელი აუცილებლობის მოტივით, რაც არალოგიკურია, რადგან ამ ღონისძიებების დაგეგმვა გაცილებით ადრეა შესაძლებელი და საჭირო.

მუნიციპალიტეტის მიერ ძირათად აქტივებზე 2016 წელს დარიცხული ცვეთა შეადგენს 511.3 ათას ლარს, რომელიც არ არის ასახული ბალანსის დანართ ფორმა №2-1-ში - „ორგანიზაციის ანგარიში ხარჯების ეკონომიკური კლასიფიკაციის მიხედვით“ ძირითადი კაპიტალის მოხმარების მუხლის ფაქტობრივ.

2015-2016 წლებში მუნიციპალიტეტმა შეისყიდა გზის რეაბილიტაციის, რეზერვუარის, წყლის ქსელის მოწყობის და სხვა სამუშაოები. გაფორმებულ 7 ხელშეკრულების ფარგლებში მიმწოდებლის მიერ დამხმარე ნაგებობის ასაგებად გამოყენებულია 44.6 კუბ.მ საყალიბე ხის მასალა, თანხით 26.3 ატასი ლარი. სამუშაოების დასრულების შემდეგ გამოყენებული ხე-მასალა ექვედებარებოდა დემონტაჟს და მუნიციპალიტეტზე გადაცემას, რაც არ განხორციელებულა.

ქალაქ ბათუმის მერის 2015 წლის 31 დეკემბრის N1114 ბრძანების საფუძველზე, ა(ა)იპ ,,ქ.ბათუმის კომპლექსური სასპორტო სკოლის“ ლიკვიდაციის შედეგად დარჩენილი 508 718 ლარის ღირებულების ქონება, საკუთრებაში უსასყიდლოდ გადაცემულია ა(ა)იპ ,,ქ.ბათუმის სასპორტო სკოლაზე“. აქტივების გადაცემა დადასტურებულია მხარეებს შორის 2015 წლის 31 დეკემბერს შედგენილი მიღება-ჩაბარების აქტით და ასახულია 2015 წლის ფინანსურ ანგარიშგებაში, თუმცა მიღებული აქტივების ინვენტარიზაცია, სკოლის საინვენტარიზაციო კომისიის მიერ 2015 წელს არ არის განხორციელებული.

2015 წელს სამინისტროს მიერ გამოცხადებული 616 ტენდერიდან 191 ტენდერი, ანუ გამოცხადებულთა საერთო რაოდენობის 31% არ შედგა, 81 დასრულდა უარყოფითი შედეგით, ხოლო 51 შეწყვეტილად გამოცხადდა, რაც ტენდერების ორგანიზების საკითხში არსებულ სერიოზულ პრობლემებზე მიუთითებს. სამინისტროში არ არის დახვეწილი ტენდერების მომზადების და ჩატარების პრაქტიკა. ბევრი ტენდერი ცხადდება მოუმზადებლად და მნიშვნელოვანი დარღვევა-ნაკლოვანებებით, რაც უმეტეს შემთხვევაში ტენდერების შეწყვეტას და საჭირო საქონლისა და მომსახურების შესყიდვის გაჭიანურებას იწვევს. ეს კი ხშირად ხდება გადაუდებელი აუცილებლობის მოტივით, შესაბამისი ხელშეკრულებების გამარტივებული შესყიდვის გზით გაფორმების მიზეზი. ერთ-ერთი ყველაზე მნიშვნელოვანი ნაკლოვანება, რაც ტენდერების მომზადებას ახლავს თან არის ის გარემოება, რომ სამინისტროს შესაბამისი სამსახურების მიერ არ არის უზრუნველყოფილი შესასყიდი საქონლის ტექნიკური და ხარისხობრივი მაჩვენებლების (ხარისხი, ფუნქციონირება, უსაფრთხოების ზომები, შეფუთვა, ნიშანდება და ა.შ) სწორად განსაზღვრა, რაც ტენდერის მიმდინარეობის დროს იჩენს თავს. ასეთ პირობებში სატენდერო კომისია იძულებულია შეწყვეტილად გამოაცხადოს თითქმის უკვე დასრულებული ტენდერი.

2016 წელს შპს „კომუნალური და საირიგაციო გაერთიანების“ მიერ სოფელ ზემო ენთელის ტერიტორიიდან ამოღებული იქნა 500 მმ-იანი 500 გრძივი მეტრის მეორადი მილები. რაშიდაც მუნიციპლიტეტმა გადაიხადა 4.7 ათასი ლარი. მუნიციპალიტეტის მიერ მილები გამოყენებულია სხვადასხვა სამუშაოებზე. მეორადი მილები შეფასებული და აღიცხული არ არის, შესაბამისად არ არის გაზრდილი შესრულებული სამუშაოების ღირებულება.

ინფრასტრუქტურული პროექტების დაგეგმვისას, რამდენიმე შემთხვევაში, მუნიციპალიტეტმა ვერ უზრუნველყო ობიექტის დასრულება და ფუნქციონირება, რადგან არ გაითვალისწინა საჭირო ფინანსური რესურსი. დაუსრულებულია სარიტუალო სახლები რომელის მოწყობაზე გაწეულია 64.6 ათასი ლარის ხარჯი და გამოუყენებელია შეძენილი 11.9 ათასი ლარის მატერალური ფასეულება. შედეგად, მოსახლეობა შექმნილი მატერიალური სიკეთით ვერ სარგებლობს და პროექტებზე გაწეული ხარჯი არ არის ეფექტიანი.

ა(ა)იპ ,,ზაქარია ფალიაშვილის სახელობის სამუსიკო სკოლის“ მიერ ინვენტარიზაცია არ განხორციელებულა საცნობარო მუხლში რიცხულ 6 459 ლარის ღირებულების ხარჯებში ჩამოწერილ, ექსპლუატაციაში მყოფ მარაგებზე.

სამინისტრომ წლის განმავლობაში ვერ მოახერხა პულოვერების შეძენა მისთვის საჭირო რაოდენობით, რაც საბოლოო ჯამში უარყოფითად აისახა სამხედრო მოსამსახურეთა სანივთე ქონებით დროულად უზრუნველყოფაზე. შედეგად, 2015 წლის სახელმწიფო ბიუჯეტით გათვალისწინებული ასიგნებებიდან 65.4 ათასი ლარი ვერ გამოიყენა.

ადიგენის მუნიციპალიტეტის საკრებულოს, სასამართლომ 2016 წელს საკრებულოს თავჯდომარის დაკავებული თანამდებლობიდან უკანონო გადაყენების გამო, დააკისრა იძულებითი განაცდურის ანაზღაურება.მუნიციპალიტეტმა სასამართლოს მიერ დაკისრებული 61.4 ათასი ლარის ასანაზღაურებელი თანხიდან ბუღალტრულად აღიარა საშემოსავლო გადასახადი 12.3 ათასი ლარი, რომელიც „სხვადასხვა მიმდინარე ხარჯების“ ნაცვლად აღრიცხა „შრომის ანაზღაურების“ მუხლში. საკრებულოს თავჯდომარეზე ხელზე მისაცემი თანხა 49.1 ათასი ლარი 2016 წელს აღიარებული არ არის.

2015-2016 წლებში მუნიციპალიტეტმა 75 ხელშეკრულების ფარგლებში გამარტივებული შესყიდვის საშუალებით შეისყიდა 555.3 ათასი ლირის სამშენებლო სამუშაოები . ობიექტები ჩაბარებულია და ანგარიშსწორება განხორციელებულია ფაქტობრივი დანახარჯების დამადასტურებელი დოკუმენტების წარმოდგენის გარეშე, რაც ეწინააღმდეგება მოქმედ კანონმდებლობას და არსებული პრაქტიკით იწვევს საბიუჯეტო სახსრების ზედმეტად ანაზღაურებას.

აჭარის ავტონომიური რესპუბლიკის განათლების, კუტურისა და სპორტის სამინისტროს ხელმძღვანელობის მიერ გატარდეს ქმედითი ღონისძიებები, რომ სახაზინო კოდში (05) შემავალმა იურიდიულმა პირებმა, გონივრულ ვადაში უზრუნველყონ, 2015 წელში შეძენილი აქტივების ღირებულებით და საცნობარო მუხლში არასწორად ასახული აქტივების ღირებულებით, ფინანსური ანგარიშგების აქტივების მუხლში შესაბამისი ცვლილების განხორციელება, რაც შესაბამისად გაზრდის ცალკეული იურიდიული პირების წმინდა ღირებულებას.

2011 წელს თავდაცვის სამინისტროს წარმომადგენლების მიერ ხელვაჩაურის რაიონის დაბა მახინჯაურში ხორციელდებოდა სამშენებლო სამუშაოები, რომლის პროცესშიც დაზიანდა წყაროს წყალი, რომლითაც მარაგდებოდა კონკრეტული მოქალაქის ოჯახი. სამინისტრომ ნაცვლად პრობლემის გადაწყვეტისა, მისი გადავადების გზა აირჩია. ამიტომ, აღნიშნულ ოჯახს, 2011 წლის სექტემბრიდან ჯლუსის N3 რეგიონალური ბაზის წყალმზიდით მიეწოდებოდა წყალი, რაც ყოველთვიურად სამინისტროს დაახლოებით 700 ლარი უჯდებოდა. 2015 წლის 18 დეკემბერს კი ბოლქვაძის ანგარიშზე, საკომპენსაციოდ გადაირიცხა 16.0 ათასი ლარი და საკითხი გადაწყდა. ანუ, სამინისტრომ 4 წლის მანძილზე მინიმუმ 35.0 ათასი ლარის ხარჯი გასწია იმ პრობლემის გადასავადებლად., რომლის მოგვარებასაც მხოლოდ 16.0 ათასი ლარი დასჭირდა. ჯამში გაწეულმა ხარჯმა 51.0 ათას ლარს გადააჭარბა, მაშინ როდესაც ამ პრობლემის თავიდანვე გადასაჭრელად დაახლოებით 10.0 ათასი ლარი საკმარისი იყო.

2017 წლის 1 იანვრის მდგომარეობით, მუნიციპალიტეტის ბალანსზე აღრიცხულია სულ 18 102.4 ათასი ლარის არაფინანსური აქტივები. აუდიტის შედეგად გამოვლინდა, რომ მუნიციპალიტეტი არ აღრიცხავს მასზე გადმოცემულ და საკუთრებაში არსებული ქონების ნაწილს. კერძოდ, შენობა-ნაგებობით დატვირთული - 16 ერთეული, ფართით 5.2 ათასი კვ.მეტრი; თავისუფალი მიწა - 40 ერთეული ჯამში - 199.1 ათასი კვ.მეტრი.

კანონმდებლობის მიხედვით მუნიციპალიტეტში უნდა შეიქმნას შიდა აუდიტის სამსახური, რომელიც დამოუკიდებელი უნდა იყოს სხვა სამსახურებისაგან და ანგარიშვალდებული მუნიციპალიტეტის გამგებლის წინაშე. ადიგენის მუნიციპალიტეტის გამგეობაში არ არის დაცული კანონმდებლობის მოთხოვნა, არ არის შექმნილი შიდა აუდიტის სამსახური, რომელიც უშუალოდ დაექვემდებარებოდა გამგებელს.

21 წლამდე ფეხბურთელთა ევროპის ჩემპიონატი: უეფას რეგულაციებით, 21 წლამდე ფეხბურთელთა ევროპის ჩემპიონატის ნაკრების საკვალიფიკაციო გასვლით მატჩებში - მგზავრობის, კვებისა და დაბინავების ხარჯების ასანაზღაურებლად, უეფადან გამოყოფილი თანხიდან - 135,000 ევროდან, ფეხბურთის ფედერაციას უნდა დაეფინანსებინა ხუთი გასვლითი მატჩის - მგზავრობის, კვებისა და დაბინავების ხარჯები. ფაქტობრივად, ამ მიზნობრიობით, ერთ გასვლით მატჩში დაიხარჯა ფეხბურთის ფედერაციის 82,809 ლარი, ხოლო ოთხ გასვლით მატჩში - სამინისტროდან ფედერაციაში გადარიცხული საბიუჯეტო სახსრები - 332,320 ლარის ოდენობით. უეფას მიერ გამოყოფილი 135,000 ევრო (357,545 ლარი) გამოყენებულ იქნა ფეხბურთის ფედერაციაზე უეფას მიმართ რიცხული ძველი ვალების დასაფარად. გამომდინარე იქიდან, რომ დაფინანსების პირდაპირი წყარო არსებობდა და იმის გათვალისწინებით, რომ უეფადან გამოყოფილი თანხა არ იყო საკმარისი ხუთივე გასვლითი მატჩის დასაფინანსებლად (სხვაობა - 57,584 ლარი), ფეხბურთის მხარდაჭერის პროგრამის ფარგლებში შესაძლოა დაფინანსებულიყო მხოლოდ 57,584 ლარი. შესაბამისად, გამოყოფილი 332,320 ლარიდან ბიუჯეტში დაბრუნებას ექვემდებარება - 274,736 ლარი;

ა(ა)იპ ,,აჭარის ხალხური ხელოვნების სკოლას” საცნობარო მუხლში, ,,ექსპლუატაციაში მყოფი ხარჯებში ჩამოწერილი გრძელვადიანი მცირეფასიანი აქტივების“ (ანგN10) სახით ერიცხება 119 796 ლარის ღირებულების აქტივები. აუდიტის პერიოდში წარმოდგენილი ანალიზური აღრიცხვის მონაცემებით კი ირკვევა, რომ იდენტიფიცირებულია 97 248,55 ლარის ღირებულების აქტივები.

სამხედრო მოსამსახურეთა კვებითი მომსახურების შესყიდვის მიზნით 2015 წელს, შპს „სახელმწიფო კვებით უზრუნველყოფასთან“ გაფორმებული არც ერთი ხელშეკრულება სანქციას აღარ ითვალისწინებდა, მიმწოდებლის მხრიდან ხელშეკრულების პირობების დარღვევის შემთხვევაში და „ბრალეული პირისათვის დისციპლინური/მატერიალური პასუხისმგებლობის დაკისრების მიზნით“ ზომების მიღება თვითონ მიმწოდებლის ვალდებულებად არის დაფიქსირებული, რაზედაც მას უნდა ეცნობებინა შემსყიდველისათვის“. ამრიგად, შპს „სახელმწიფო კვებითი უზრუნველყოფის“ მიერ ხელშეკრულების პირობების დარღვევაზე რეაგირება ამავე კომპანიის მენეჯმენტის პრეროგატივა გახდა, რაც არასწორია, რადგან არსებობს ალბათობა იმისა, რომ კონკრეტული დარღვევის მიზეზი სწორედ მენეჯმენტის პრობლემას უკავშირდებოდეს. ასეთ შემთხვევაში მენეჯმენტის მიერ საკუთარი თავისთვის ადეკვატური დისციპლინარული პასუხისმგებლობის დაკისრება არარეალურია. ამასთან, კომპანიასთან გაფორმებული ხელშეკრულებიდან მისთვის სანქციების დაკისრების უფლების ამოღება, ხელშეკრულების პირობების დარღვევის შემთხვევაში ვერ იქონიებს დადებით ზეგავლენას სამხედრო მოსამსახურეთა კვებითი მომსახურების გაუმჯობესებს საკითხზე.

მუნიციპალიტეტი ბუღალტერი აღრიცხვისათვის არ იყენებს ბუღალტრულ პროგრამებს, მონაცემები არ არის შეტანილი კომპიუტერში (ცხრილების სახით). ყოველივე აღნიშნული ართულებს ბუღალტრულ მონაცემებთან წვდომას, არ იძლევა საჭირო ბუღალტრული მონაცემების შესახებ ინფორმაციის ოპერატიულად მიღების საშუალებას და სხვა. მუნიციპალიტეტმა ვერ უზრუნველყო ჩვენს მიერ მოთხვნილი ბუღალტერიაში აღრიცხული, ძირითადი ქონების მონაცებებისა და მასზე დარიცხული ცვეთის ელექტრონული ფორმით მოწოდება, თითოეული ობიექტის მიხედვით.

2016 წელს არაფინანსური აქტივების „შენობა-ნაგებობების“ საწყისი ნაშთები გაზრდილია 193.7 ათასი ლარით, საბოლოო - კი 188.8 ათასი ლარით.

ფეხბურთის ფედერაციაზე რიცხული დებიტორული დავალიანება: სამინისტროს ფეხბურთის ფედერაციის მიმართ ერიცხება დებიტორული დავალიანება 234,535 ლარის ოდენობით, რომელიც გამოვლენილია სახელმწიფო აუდიტის სამსახურის აუდიტებით, ასევე აღიარებული და დადასტურებულია ფეხბურთის ფედერაციის მიერ. სამინისტროს არ გაუტარებია ქმედითი ღონისძიებები აღნიშნული დებიტორული დავალიანების ბიუჯეტში დასაბრუნებლად;

ა(ა)იპ ,,ქ.ბათუმის სასპორტო სკოლას,” 2015 წლის 31 დეკემბრის მდგომარეობით, საცნობარო მუხლში, პასუხსაგებ შენახვაზე ერიცხება ერთი ერთეული 4 200 ლარის ღირებულების გათბობის დანადგარი და 1 740 ლარის ღირებულების წყლის გამაცხელებელი. აუდიტის პერიოდში, სკოლის მიერ ვერ იქნა წარმოდგენილი შესაბამისი დოკუმენტაცია საცნობარო მუხლში რიცხული ძირითადი აქტივების მფლობელის იდენტიფიცირებასთან დაკავშირებით.

სამინისტროში დღემდე არ არის გათვალისწინებული შპს „გ.ნათაძის სახელობის სანიტარიის, ჰიგიენის და სამედიცინო ეკოლოგიის სამეცნიერო-კვლევითი ინსტიტუტის“ მიერ სამინისტროს დაკვეთით გაკეთებული ანგარიშის შედეგები, რომელიც 2013 წლის 19 დეკემბერს ჩაბარდა სამინისტროს. ინსტიტუტის ანგარიშით სპეციალური დანიშნულების ოპერაციების ძალების სასურსათო იჯრით ხორცის (საქონლის, ქათმის, ღორის, ცხვრის და სხვა) დღიური ნორმა (ნეტო) 300 გრამითაა განსაზღვრული, ნაცვლად დღემდე მოქმედი 480 გრამისა. მიუხედავად ამისა, სამინისტროში სასურსათო იჯრა კვლავ 480 გრამი ხორცის მიწოდებას ითვალისწინებს.

2016 წელს ინვენტარიზაცია ჩატარდა ხარვეზებით. კერძოდ: ინვენტარიზაციის შესახებ ბრძანება არ ითვალისწინებდა და შესაბამისად, არ ჩატარებულა მოთხოვნებისა და ვალდებულებების ინვენტარიზაცია. რაც არარეალური დებიტორული ან კრედიტორული დავალიანების არსებობის რისკს წარმოშობს; არ მოხდა არარსებული და უვარგისი ქონების ჩამოწერა, შედეგად მუნიციპალიტეტის ბალანზე რიცხული მატერიალური ფასეულობის ნაშთები არ ასახავს რეალურ მდგომარეობას.

წარმოდგენილი ფინანსური ანგარიშგებით მუნიციპალიტეტს 2016 წელის განმავლობაში არ აქვს აღრიცხული დაუმთავრებელი ძირითადი აქტივები, მაშინ როდესაც 2016 წლის დასაწყისისათვის დაუმთავრებელი სარიტუალო სახლების სამუშაოები (შესრულებული 2015 წელს) შეადგენდა 21.7 ათას ლარს, 2016 წელს დაუსრულებელი სარიტუალო სახლების მშენებლობაზე გაწეულია 42.9 ათასი ლარის ხარჯი.შედეგად: ფინანსურ ანგარიშგებაში არასწორადაა წარმოდგენილი „დაუმთავრებელი ძირითადი აქტივების“ და „შენობა-ნაგებობების“ მუხლები;

ფეხბურთის ფედერაციის მიერ მამაკაცთა და ქალთა ეროვნული, ასევე ასაკობრივი ნაკრებების ქ. თბილისში გასამართი შესარჩევი და საერთაშორისო ამხანაგური მატჩების დროს გასაწევი სატრანსპორტო მომსახურება, უმეტეს შემთხვევაში, შესყიდულია ერთი კომპანიისგან . აღნიშნულ კომპანიაზე გადარიცხულმა თანხამ სულ შეადგინა 242,276 ლარი.

ა(ა)იპ ,,ზაქარია ფალიაშვილის სახელობის სამუსიკო სკოლას“, 2015 წლის 31 დეკემბრის მდგომარეობით, საცნობარო მუხლში ერიცხება 6 459 ლარის ღირებულების ექსპლუატაციაში მყოფი ხარჯებში ჩამოწერილი მარაგები. წარმოდგენილი ანალიზური აღრიცხვის მონაცემებით კი ირკვევა, რომ ფაქტობრივად ხარჯებში ჩამოწერილი მარაგების ღირებულება შეადგენს 3 752 ლარს, 2 707 ლარით ნაკლებს.

პრობლემატურად რჩება 2008 წლის ომის დანაკარგების აღრიცხვა-ჩამოწერის საკითხი. არსებული ინფორმაციით, ყველა სამხედრო ქვედანაყოფის მიერ ჯლუს-ში წარმოდგენილია ინფორმაცია ომის დანაკარგების შესახებ, საიდანაც მხოლოდ უმნიშვნელო ნაწილია გადამოწმებული შესაბამისი სტრუქტურების მიერ (სამხედრო პოლიცია, გენერალური ინსპექცია) და გაცემულია შესაბამისი დასკვნა. ძირითადი ნაწილი ჯერ კიდევ დასაზუსტებელია და შესაბამისი მუშაობა პრაქტიკულად არც მიმდინარეობს. შედეგად, რამდენიმე მილიონი ლარის ღირებულების ქონება, რომელიც 2008 წლის ომის დროს განადგურდა ან დაიკარგა, დღემდე აღირიცხება შესაბამისი სტრუქტურული ქვედანაყოფების ბალანსებზე, რომელთაგანაც დიდი უმეტესობა არ აბარებს ბალანსს ჯლუს-ში, რის გამოც მათზე რიცხული ქონება საერთოდ ვერ ხვდება ნაერთ ანაგარიშგებაში, ხოლო იმ ქვედანაყოფების საბალანსო მონაცემები, რომლებიც აბარებენ ფინანსურ ანგარიშგებას ჯლუს-ს, არარეალურად არის გაზრდილი, ვინაიდან ომში დაკარგული და გახარჯული ქონება კვლავ აქტივებადაა ასახული ბალანსებზე.

2016 წლის 1 იანვრის მდგომარეობით, თეთრიწყაროს მუნიციპალიტეტს ნაშთის სახით ერიცხებოდა ა 809.5 ათასი ლარის ფულადი სახსრები. მათ შორის, თავისუფალი ნაშთი იყო 127.7 ათასი ლარი. 2017 წელს ბოლოს ნაშთად დარჩა 3 496.1 ათასი ლარი. მათ შორის, თავისუფალი ნაშთი იყო 1 085.6 ათასი ლარი. აღნიშნული მიუთითებს მუნიციპალიტეტის მფლობელობაში არსებული ფინანსური რესურსების არაეფექტიან მართვაზე. შედეგად, მოსახლეობა ვერ სარგებლობს იმ სიკეთით, რაც შესაძლოა მიწოდებულ იქნას ბიუჯეტში მობილიზებული სახსრების დროული და ეფექტიანი გამოყენებით.

მუნიციპალიტეტმა მოსახლეობის დახმარებისათვის შეიძინა და გასცა სამშენებლო მასალები, აგრეთვე ბავშვებსა და გაჭირვებულ მოსახლეობაზე -კვების პროდუქტები, რომელიც ნაცვლად „სოციალური დახმარების“ მუხლისა, ასახულია „სხვა ხარჯების“ მუხლში, შედეგად, ფინანსურ ანგარიშგებაში აღნიშნული მუხლები არასწორადაა წარმოდგენილი.

ფეხბურთის განვითარებისათვის საბაზისო დაფინანსებასა და ხელშეკრულებებში არ არის გაწერილი, რა ოდენობის თანხა უნდა იყოს მიმართული შრომის ანაზღაურებაზე. გარდა ამისა, არ არის განსაზღვრული სხვადასხვა ხარჯის ზღვრული ნორმებიც. კერძოდ, რა ოდენობის თანხა უნდა მოხმარდეს მივლინებებს, შეკრებებს, სპორტულ ეკიპირებას და სხვა ხარჯებს.

ა(ა)იპ ,,მელიტონ ბალანჩივაძის ხელოვნების სკოლას“, 2015 წლის 31 დეკემბრის მდგომარეობით, საცნობარო მუხლის ,,ექსპლუატაციაში მყოფი ხარჯებში ჩამოწერილი გრძელვადიანი მცირეფასიანი აქტივების“ (ანგN10) შემადგენლობაში ერიცხება 8 440 ლარის ღირებულების ძირითადი აქტივები, ხოლო საცნობარო მუხლში რიცხული 14 607 ლარის ღირებულების ამორტიზირებული ძირითადი აქტივები (N08), ამავე დროს ირიცხება არაფინანსური აქტივების (მცირეფასიანი ინვენტარი) შემადგენლობაში.

ცენტრალური აპარატის ნაერთ ბალანსზე, „განუბაჟებლობის მოტივით“, სხვა მოკლევადიანი მოთხოვნების სახით, 1,124,413.5 ათასი ლარის არარეალური დებიტორული დავალიანება აღირიცხა, რაც არსებით გავლენას ახდენს 2015 წლის ფინანსურ ანგარიშგებაზეც.

მუნიციპალიტეტში დასაქმებული 6 მოსამსახურე ასრულებდა სხვა ორგანიზაციის დავალებებს და ამ მიზნით 2015-2016 წლებში გაწეულმა ხარჯმა 96.8 ათასი ლარი შეადგინა. მიზანშეწონილია, მუნიციპალიტეტმა შეზღუდული ფინანსური რესურსები გამოიყენოს საკუთარი საქმიანობის ორგანიზებისა და უფლებამოსილებების განსახორციელებლად.

მუნიციპალიტეტის მიერ ძირათად აქტივებზე 2016 წელს დარიცხული ცვეთა შეადგენს 511.3 ათას ლარს, რომელიც არ არის ასახული ბალანსის დანართ ფორმა №2-1-ში - „ორგანიზაციის ანგარიში ხარჯების ეკონომიკური კლასიფიკაციის მიხედვით“ ძირითადი კაპიტალის მოხმარების მუხლის ფაქტობრივ.

ქართული ფეხბურთის განვითარების ფონდში შტატით გათვალისწინებულ თანამდებობებზე ფაქტობრივად დასაქმებული თანამშრომლების საშუალო თანამდებობრივი სარგო შეადგენდა 3,000 ლარს, რაც 2-ჯერ აღემატება კანონით განსაზღვრულს. ამასთანავე, ფონდის დირექტორის თვიური თანამდებობრივი სარგო შეადგენდა 6,250 ლარს, მაშინ როდესაც, ის არ უნდა აღემატებოდეს მინისტრის პირველი მოადგილის თანამდებობრივ სარგოს - 2,950 ლარს. შედეგად, ბუჯეტიდან კანონთან შეუსაბამოდ, სულ გაწეულია 135,250 ლარის ხარჯი.

სსიპ-აჭარის ხელოვნების მუზეუმის მიერ შეძენილი 1 824 ლარის ღირებულების ავეჯი (4 ცალი სავარძელი 1 568 ლარი, 1 ცალი მაგიდა 256 ლარი), ნაცვლად აქტივებში ასახვისა, აღიარებულია ხარჯად.

თავდაცვის სამინისტროს ბალანსზე რიცხული მინიმუმ 200 მლნ.ლარი უიმედო დებიტორულ დავალიანებად უნდა ჩაითვალოს, რადგან ეს თანხები ავანსადაა გადარიცხული შესაბამისი ხელშეკრულებების საფუძველზე, ხოლო მიმწოდებლების მიერ არ არის შესრულებული ნაკისრი ვალდებულებები. წლების მანძილზე სამინისტრო ყოველგვარი გარანტიების გარეშე ახორციელებდა ამ თანხების გადარიცხვას, ამიტომ მას არანაირი მექანიზმი აღარ გააჩნია იმისათვის, რომ დაიბრუნოს ზემოხსენებული თანხები, მით უმეტეს, რომ ეს კომპანიები არარეზიდენტი იურიდიული პირები არიან, ხოლო მათი ძირითადი ნაწილი ოფშორულ ზონებშია დარეგისტრირებული.

თეთრიწყაროს მუნიციპალიტეტის საკრებულომ და გამგეობამ საჯარო მოხელეებზე პრემიის გაცემის დროს არ დაიცვა საკრებულოს მიერ მიღებული ნორმატიული აქტი. საჯარო მოხელეებზე პრემია დადგენილი წესით, წლის განმავლობაში ოთხის ნაცვლად გაცემული 5-7 ჯერ. მიზანშეწონილია მუნიციპალიტეტის საკრებულომ და გამგეობამ (შესაბამისმა პასუხისმგებელმა პირებმა), საჯარო მოსამსახურეებზე წახალისება არ გასცეს საკრებულოს მიერ დადგენილი ნორმის ზემოთ, კვარტალში ერთჯერ მეტად და წელიწადში მაქსიმუმ ოთხჯერ. განსაკუთრებული ყურადღება მიაქციოს წახალისების გაცემის დასაბუთების აუცილებლობას.

2016 წელს შპს „კომუნალური და საირიგაციო გაერთიანების“ მიერ სოფელ ზემო ენთელის ტერიტორიიდან ამოღებული იქნა 500 მმ-იანი 500 გრძივი მეტრის მეორადი მილები. რაშიდაც მუნიციპლიტეტმა გადაიხადა 4.7 ათასი ლარი. მუნიციპალიტეტის მიერ მილები გამოყენებულია სხვადასხვა სამუშაოებზე. მეორადი მილები შეფასებული და აღიცხული არ არის, შესაბამისად არ არის გაზრდილი შესრულებული სამუშაოების ღირებულება.

ა(ა)იპ ,,ნიკოლოზ კანდელაკის სახელობის სამხატვრო სკოლის“ მიერ შეძენილი 300 ცალი, 3 500 ლარის ღირებულების სამხატვრო სკოლის კატალოგი, ნაცვლად აქტივების შემადგენლობაში ასახვისა, ჩამოწერილია ხარჯებში.

2015 წლის მანძილზე, 1,809.2 ათასი ლარის დებიტორული დავალიანებაა ჩამოწერილი „დებიტორული (კრედიტორული) დავალიანებების შემსწავლელი საინვენტარიზაციო კომისიის“ რეკომენდაციით, თუმცა არ მომხდარა მათი საცნობარო მუხლში გადატანა და ეს ინფორმაცია საბუღალტრო სამსახურს ცალკე აქვს აღრიცხული.

მუნიციპალიტეტში შტატგარეშე მოსამსახურეებთან გაფორმებული შრომითი ხელშეკრულებების შესწავლით გამოვლინდა, რომ შტატგარეშე მოსამსახურეები უმეტეს შემთხვევაში ინიშნებიან ერთი წლით. ხელშეკრულებები არ შეიცავს დროში განსაზღვრულ რაიმე კონკრეტულ დავალებას, შესასრულებელი სამუშაოს ან გასაწევი მომსახურების სპეციფიკას. აქედან გამომდინარე, შრომით ურთიერთობებს ხანგრძლივი ვადით, ფაქტობრივად მუდმივ ამოცანათა შესასრულებლად აწესრიგებს.

ადიგენის მუნიციპალიტეტის საკრებულოს, სასამართლომ 2016 წელს საკრებულოს თავჯდომარის დაკავებული თანამდებლობიდან უკანონო გადაყენების გამო, დააკისრა იძულებითი განაცდურის ანაზღაურება.მუნიციპალიტეტმა სასამართლოს მიერ დაკისრებული 61.4 ათასი ლარის ასანაზღაურებელი თანხიდან ბუღალტრულად აღიარა საშემოსავლო გადასახადი 12.3 ათასი ლარი, რომელიც „სხვადასხვა მიმდინარე ხარჯების“ ნაცვლად აღრიცხა „შრომის ანაზღაურების“ მუხლში. საკრებულოს თავჯდომარეზე ხელზე მისაცემი თანხა 49.1 ათასი ლარი 2016 წელს აღიარებული არ არის.

სსიპ-აჭარის კულტურული მემკვიდრეობის დაცვის სააგენტოს 2015 წლის ფინანსურ ანგარიშგებაში არ არის ასახული, ქალაქ ბათუმის მერიის მიერ უზუფრუქტით გადაცემული და 2015 წლის 8 აგვისტოს შეფასებული ქ. ბათუმში, რუსთაველის ქ./დემეტრე თავდადებულის ქ. N17/7, რუსთაველის ქ. N15-ში მდებარე 710.01 კვ.მ. შენობა-ნაგებობის ღირებულება 994 014 ლარი.

სამინისტროს კუთვნილი უძრავი ქონების დიდი ნაწილი ჯერ კიდევ არ არის დარეგისტრირებული, შეფასებული და ბალანსზე ასახული.

შტატგარეშე მოსამსახურეებთან გაფორმებული შრომითი ხელშეკრულებები არ შეიცავს დაქირავებულის უფლებას ან/და დამქირავებლის ვალდებულებას საპრემიო ანაზღაურების შესახებ. ამდენად შეუსაბამოა შტატგარეშე მოსამსახურეებზე 74.8 ათასი ლარის პრემიის გაცემა, მაშინ როდესაც მუნიციპალიტეტს არ გააჩნდა ამის ვალდებულება.

2017 წლის 1 იანვრის მდგომარეობით, მუნიციპალიტეტის ბალანსზე აღრიცხულია სულ 18 102.4 ათასი ლარის არაფინანსური აქტივები. აუდიტის შედეგად გამოვლინდა, რომ მუნიციპალიტეტი არ აღრიცხავს მასზე გადმოცემულ და საკუთრებაში არსებული ქონების ნაწილს. კერძოდ, შენობა-ნაგებობით დატვირთული - 16 ერთეული, ფართით 5.2 ათასი კვ.მეტრი; თავისუფალი მიწა - 40 ერთეული ჯამში - 199.1 ათასი კვ.მეტრი.

სსიპ-დაბა შუახევის საჯარო სკოლა-პანსიონის 2015 წლის ფინანსურ ანგარიშგებაში (ფორმაN1; N5) არ არის ასახული სამინისტროს მიერ შეძენილი და მიწოდებული აქტივების ღირებულება 67 138 ლარი.

ქვეყნის ფარგლებს გარეთ მივლინებისას 2015 წლის მანძილზე თავდაცვის მინისტრების მიერ წარმომადგენლობითი ხარჯების სახით კორპორაციული ბარათების მეშვეობით გახარჯულმა თანხამ 23.8 ათასი ლარი შეადგინა. აღნიშნული თანხების ხარჯვის კანონიერების და მიზნობრიობის დადგენა აუდიტის ჯგუფის მიერ ვერ ხერხდება, რადგან წარმოდგენილია მხოლოდ საბანკო ამონაწერი, ქვეანგარიშებიდან განხორციელებული ფულადი ტრანზაქციების მითითებით. აღნიშნული ამონაწერით მხოლოდ იმის დადგენაა შესაძლებელი, რომ გადახდა რეალურად განხორციელდა სხვადასხვა დროს და სხვადასხვა ობიექტზე, თუმცა ვერ დგინდება თუ კონკრეტულად რისი შესყიდვა განხორციელდა და რა მიზნით, რადგან არანაირი სხვა დოკუმენტი (ქვითარი, ანგარიშ-ფაქტურა, მიღება-ჩაბარების აქტი ან სხვა) წარმოდგენილი არ არის. მითითებული თანხების ხარჯვაზე ანგარიშგების პროცედურების დასარეგულირებლად სამინისტროში არ არის გამოცემული შიდა ნორმატიული აქტი.

მოსამსახურეთა რაოდენობა არ უნდა აღემატებოდეს გამგეობისა და საკრებულოს აპარატის საჯარო მოსამსახურეთა საშტატო რიცხოვნობის 10%-ს. შესაბამისად მუნიციპალიტეტს შეეძლო ერთდროულად დაექირავებინა არა უმეტეს 13 შტატგარეშე მოსამსახურე. წარმოდგენილი ინფორმაციის შესწავლით გამოვლინდა, რომ მუნიციპალიტეტის მიერ არ არის დაცული კოდექსით დაწესებული ზღვარი. კერძოდ, მუნიციპალიტეტში დაქირავებულ შტატგარეშეთა რაოდენობა 2015 წლის ივლისის თვეში 4, ოქტომბერში 6, ხოლო 2016 წლის ხუთ თვეში 1-5 ერთულით აღემატებოდა კანონით დადგენილ ნორმას.

მუნიციპალიტეტი ბუღალტერი აღრიცხვისათვის არ იყენებს ბუღალტრულ პროგრამებს, მონაცემები არ არის შეტანილი კომპიუტერში (ცხრილების სახით). ყოველივე აღნიშნული ართულებს ბუღალტრულ მონაცემებთან წვდომას, არ იძლევა საჭირო ბუღალტრული მონაცემების შესახებ ინფორმაციის ოპერატიულად მიღების საშუალებას და სხვა. მუნიციპალიტეტმა ვერ უზრუნველყო ჩვენს მიერ მოთხვნილი ბუღალტერიაში აღრიცხული, ძირითადი ქონების მონაცებებისა და მასზე დარიცხული ცვეთის ელექტრონული ფორმით მოწოდება, თითოეული ობიექტის მიხედვით.

სპორტისა და ახალგაზრდობის საქმეთა დეპარტამენტის ახალგაზრდული ღონისძიების, ,,ახალგაზრდობის კლუბის მხარდაჭერის“ პროგრამის ფარგლებში შეძენილი ერთი ერთეული, 2 300 ლარის ღირებულების კამერა - sony HD 4k, 2015 წლის ფინანსურ ანგარიშგებაში, აქტივების მიღების ნაწილში, არ არის ასახული.

2014 წლის მარტიდან სამინისტრომ დაიწყო 270.0 ათასი ცალი (პაკეტი) მშრალი ულუფის შეძენის პროცედურები და შერჩეულ იქნა მიმწოდებელი კომპანიაც. საქართველოს მთავრობის 2014 წლის 28 ნოემბრის განკარგულებით გადაწყდა ეს სახელმწიფო შესყიდვა განხორციელებულიყო „გამარტივებული შესყიდვის საშუალებით“. მიუხედავად ამისა, შესაბამისი ხელშეკრულება არ გაფორმებულა და თითქმის ერთწლიანი აქტივობა ყოველგვარი ოფიციალური არგუმენტის გარეშე უშედეგოდ დამთავრდა. 2015 წლისათვის სამინისტროში ხელახლა დაიწყო ის პროცესი, რომელიც 2014 წელს უკვე იყო განვლილი და რაეც საკმაოდ დიდი შრომითი რესურსები და დრო დაიხარჯა. აღნიშნული შესყიდვის განხორციელება კვლავ გაჭიანურდა და მშრალი ულუფის შესასყიდი ოდენობა შემცირდა 100 ათას პაკეტამდე. ამ პერიოდში კი ეროვნული ვალუტის კურსმა განიცადა მკვეთრი ვარდნა, რის შედეგადაც, სამინისტროს თითქმის 400.0 ათასი ლარით მეტის გადახდა მოუწია 100 ათასი პაკეტი მშრალი ულუფის შესაძენად, ვიდრე გადაიხდიდა ამ შესყიდვის დროულად განხორციელების შემთხვევაში.

მუნიციპალიტეტის მიერ სამსახურებრივი უფლებამოსილების განსახორციელებლად გამოყენებული სატრანსპორტო საშუალებების რაოდენობა რამდენჯერმე აღემატება მთავრობის მიერ რეკომენდებულ ზღვრულ ოდენობას. აღსანიშნავია, რომ მთავრობის დადგენილება თვითმმართველობებისათვის სარეკომენდაციო ხასიათისაა, თუმცა საბიუჯეტო სახსრების რაციონალური და გონივრული ხარჯვიდან გამომდინარე, მიზანშეწონილია მისი შესრულება. მუნიციპალიტეტმა (შესაბამისმა პასუხისმგებელმა პირებმა) საწვავის გაცემის პროცესის დარეგულირებისას არ გაითვალისწინა კანონმდებლობის მოთხოვნები და არ უზრუნველყო საწვავის ლიმიტების მიღება ნორმატიული ადმინისტრაციულ-სამართლებრივი აქტის სახით. ამდენად სამართლებრივი აქტებით, რომლის საფუძველზედაც 2015-2016 წლებში გაიხარჯა 273.6 ათასი ლარის საწვავი თავის შინაარსით არ შეესაბამება კანონმდებლობით გათვალისწინებულ მოთხოვნებს.

2016 წელს ინვენტარიზაცია ჩატარდა ხარვეზებით. კერძოდ: ინვენტარიზაციის შესახებ ბრძანება არ ითვალისწინებდა და შესაბამისად, არ ჩატარებულა მოთხოვნებისა და ვალდებულებების ინვენტარიზაცია. რაც არარეალური დებიტორული ან კრედიტორული დავალიანების არსებობის რისკს წარმოშობს; არ მოხდა არარსებული და უვარგისი ქონების ჩამოწერა, შედეგად მუნიციპალიტეტის ბალანზე რიცხული მატერიალური ფასეულობის ნაშთები არ ასახავს რეალურ მდგომარეობას.

სპორტისა და ახალგაზრდობის საქმეთა დეპარტამენტის ,,ახალგაზრდულ საქმეთა სფეროს ხელშეწყობის“ პროგრამის ფარგლებში შეძენილი აქტივებიდან, სამი ერთეული, 1 500 ლარის ღირებულების რაცია ,,მოტოროლა 420“ 2015 წლის ფინანსურ ანგარიშგებაში, აქტივების მიღების ნაწილში, არ არის ასახული.

სამინისტროს მიერ არ არის დადგენილი (შერჩეული) ერთიანი სააღრიცხვო პოლიტიკა, რის შედეგადაც იმ შემთხვევებში, როდესაც სხვადასხვა კონტროლსდაქვემდებარებული ერთეულები(სსიპ)ანალოგიური ოპერაციების და მოვლენებისათვის იყენებენ განსხვავებულ სააღრიცხვო პოლიტიკას, კონსოლიდირებულ ფინანსურ ანგარიშგებაში არ ხორციელდება შესაბამისი კორექტირებები. აღნიშნულს ადასტურებს შემდეგი გარემოება: სსიპ საგანმანათლებლო და სამეცნიერო ინფრასტრუქტურის განვითარების სააგენტოს (შემდგომში „ინფრასტრუქტურის სააგენტო“) პროგრამის „საგანმანათლებლო დაწესებულებების ინფრასტრუქტურის განვითარების“ ფარგლებში სამინისტროს კონტროლდაქვემდებარებული ორგანიზაციების მიმართ წარმოშობილი დებიტორული დავალიანებები მეორე მხარესთან არ არის აღრიცხული, როგორც კრედიტორულ დავალიანებები: საჯარო სკოლების მიმართ წარმოშობილი დებიტორული დავალიანება - 11,259.3 ათასი ლარი საჯარო სკოლების მიერ არაა აღრიცხული კრედიტორულ დავალიანებაში;. უნივერსიტეტების მიმართ წარმოშობილი დებიტორული დავალიანება - 22,148.18 ათასი ლარიდან უნივერსიტეტებს მხოლოდ 12,985,62 ათასი ლარი აქვთ აღიარებული კრედიტორულ დავალიანებაში, სხვაობა შეადგენს - 9,694,66 ათას ლარს; პროფესიული განათლების კოლეჯების მიმართ დებიტორული დავალიანება 7,554.91 ათასი ლარი, პროფესიულ კოლეჯებს მხოლოდ 4,511.31 ათასი ლარი, აღიარებული აქვთ კრედიტორულ დავალიანებაში, სხვაობა შეადგენს 3,053.59 ათას ლარს. სსიპ „შოთა რუსთაველის ეროვნული სამეცნიერო ფონდის“ მთლიანი დებიტორული დავალიანებიდან 14,723.83 ათასი ლარი მოდის სასწავლო უნივერსიტეტებსა და საჯარო სკოლებზე, რომელთაც კრედიტორულ დავალიანებაში აღრიცხულია მხოლოდ 2,648.06 ათასი ლარი, სხვაობა შეადგენს - 12,075.77 ათას ლარს. განსხვავებული სააღრიცხვო მიდგომების გამო არ იყო შექმნილი კონსოლიდაციის სააღრიცხვო პოლიტიკის ფუნდამენტური პრინციპის განხორციელების საფუძველი და ამის შესახებ ფინანსური ანგარიშგების განმარტებით შენიშვნებში არ არის მითითება გაკეთებული.

თეთრიწყაროს მუნიციპალიტეტმა (შესაბამისმა პასუხისმგებელმა პირებმა) 2015-2016 წლებში მუნიციპალიტეტის საკრებულოს არათანამდებობის პირებზე ხარჯების ასანაზღაურებლად 213.4 ათასი ლარი გასცა შესაბამისი დადასტურების გარეშე, საბიუჯეტო პროცესთან დაკავშირებული მარეგულირებელი საკანონმდებლო ნორმების შეუსაბამოდ.

2015 წლის 1 იანვრის მდგომარეობით, ადიგენის მუნიციპალიტეტს ნაშთის სახით ერიცხებოდა 1 201.7 ათასი ლარი. აღნიშნული თანხიდან გამგეობამ 2015 წელს დაგეგმა 1 197.6 ათასი ლარის გამოყენება, თუმცა ფაქტობრივად დახარჯა 542.0 ათასი ლარი და შესაბამისად, წლის ბოლოს ნაშთად დარჩა 659.7 ათასი ლარის ფულადი სახსრები. მათ შორის, თავისუფალი ნაშთი იყო 562.9 ათასი ლარი. 2016 წელს ადიგენის მუნიციპალიტეტმა დაგეგმა 645.8 ათასი ლარის ნაშთის გამოყენება და საბოლოო ნაშთის 13.9 ათას ლარამდე შემცირება. მიუხედავად ამისა, წლის განმავლობაში 526.5 ათასი ლარის ნაშთის დაგროვების გამო, წლის ბოლოს ნაშთად დარჩა 1 186.2 ათასი ლარი. მათ შორის, თავისუფალი ნაშთია 825.8 ათასი ლარი. 2015-2016 წლებში მუნიციპალიტეტის ნაშთის ზრდა განაპირობა იმ გარემოებამ, რომ 2016 წელს შემოსულობების გეგმა შესრულდა 100.8 %-ით, ხოლო გადასახდელების გეგმა მხოლოდ 86.0 %-ით. 2016 წელს გადასახდელების გეგმა არ შესრულებულა „არაფინანსური აქტივების ზრდის“ მუხლში. კერძოდ, დაგეგმილი 3 950.9 ათასი ლარის ნაცვლად გაიხარჯა 3 315.6 ათასი ლარი (83.9%). შესაბამისად, არ დაგეგმილა და/ან არ შესრულებულა 635.3 ათასი ლარის ღირებულების სამუშაოები. მუნიციპალიტეტის მიერ არ იქნა აგრეთვე გაწეული, დაგეგმილი 434.2 ათასი ლარის ხარჯი

სსიპ-აჭარის კულტურული მემკვიდრეობის დაცვის სააგენტოს „კულტურული მემკვიდრეობის შენარჩუნება და განვითარება“- პროგრამის ( სახაზინო კოდი 05 11 08 02) ფარგლებში 472 252 ლარის კაპიტალური ხარჯები, ნაცვლად არაფინანსური აქტივების მუხლისა („არასაცხოვრებელი შენობების“ ზრდა), გაწეულია სხვადასხვა კაპიტალური ხარჯების მუხლით.

კონსოლიდირებულ ბალანსზე სსიპ საქართველოს ტექნიკური უნივერსიტეტის ბალანსის მიხედვით ირიცხება 10,689.5 ათასი ლარი საწყისი (ისტორიული) ღირებულების სრულად გაცვეთილი (ამორტიზებული) ძირითადი აქტივები, რომელიც მოქმედი კანონმდებლობის შესაბამისად ჩამოწერამდე უნდა აღრიცხულიყო საცნობარო მუხლში ,,ამორტიზებული ძირითადი აქტივები“ (08)

მუნიციპალიტეტმა შეისყიდა 7.1 ათასი ლარის საკონსულტაციო და კვლევით მომსახურება, მაგრამ ვერ დაასაბუთა რა აუცილებელი საჭიროებით იყო განპირობებული მისი შესყიდვა, ვინაიდან მუნიციპალიტეტს გააჩნია საკუთარი შრომითი რესურსი და ვალდებულია საკუთარი რესურსებით უზრუნველყოს აღნიშნული საქმიანობის განხორციელება. გამომდინარე აქედან, მუნიციპალიტეტის პასუხისმგებელ პირებს არ უნდა განეხორციელებინა აღნიშნული მომსახურების შესყიდვა. ამდენად საკონსულტაციო და კვლევით მომსახურებაზე გადახდილი 7.1 ათასი ლარი წარმოადგენს მუნიციპალიტეტის მიერ გაწეულ არაგონივრულ ხარჯს.

აუდიტის შედეგად მოპოვებული მასალების ანალიზით შეიძლება ითქვას, რომ სსიპ „ლაბორატორიული კვლევითი ცენტრი“ არსებითად ეწევა სამეწარმეო საქმიანობას, რაც შეუთავსებელია „საჯარო სამართლის იურიდიული პირის შესახებ“ საქართველოს კანონის მოთხოვნებთან

კონსოლიდირებულ ბალანსზე, სსიპ საქართველოს ტექნიკური უნივერსიტეტის, სსიპ შოთა მესხიას ზუგდიდის სახელმწიფო სასწავლო უნივერსიტეტის, სსიპ ილიას სახელმწიფო უნივერსიტეტის, სსიპ ივანე ჯავახიშვილის სახელობის თბილისის სახელმწიფო უნივერსიტეტის და სსიპ საზოგადოებრივი კოლეჯი „იბერია“-ს მიხედვით, ირიცხება 14,510.6 ათასი ლარის ღირებულების პროფილური, საცხოვრებელი ან/და დამხმარე ფუნქციის მქონე შენობა-ნაგებობები, რომლებიც არ გამოიყენება ორგანიზაციის მიერ. აქედან: 3,227.6 ათასი ლარის საბალანსო ღირებულების ქონება ფიზიკურად ამორტიზებულია, 6,729.4 ათასი ლარის საბალანსო ღირებულების ქონება დაუტვირთავია ადმინისტრაციის მიერ და 4,553.7 ათასი ლარის საბალანსო ღირებულების ქონება დაკავებულია საქართველოს ოკუპირებული ტერიტორიებიდან იძულებით გადაადგილებული პირების და სხვა პირების მიერ. ვინაიდან არ არის მოსალოდნელი მოცემული უძრავი ქონების მიხედვით ორგანიზაციებში მომავალი ეკონომიკური სარგებლის ან მომსახურების პოტენციალის შემოსვლა ისინი არ აკმაყოფილებენ აქტივად აღიარების კრიტერიუმს .

თეთრიწყაროს მუნიციპალიტეტის გამგეობა (შესაბამისი პასუხისმგებელი პირები) მიმწოდებლებზე, რომ არ გავრცელებულიყო საჯრიმო სანქცია, მათგან სამუშაოებს იბარებდა ფორმალურად, ხელს აწერდა შესრულებული სამუშოებისა და მიღება-ჩაბარების აქტებს, ხოლო ექსპერტიზას მიმართავდა დაგვიანებით. აგრეთვე, მიმწოდებლებს სამუშაოების შესრულების ვადებს უწევდნენ დაუსაბუთებლად, ობიექტური მიზეზის გარეშე. შედეგად ინფრასტრუქტურული პროექტები დასრულდა მიწოდების ვადების დარღვევით, მოსახლეობას დროულად არ მიეწოდა შესაბამისი სიკეთე და ადგილობრივ ბიუჯეტმა ვერ მიიღო მინიმუმ 73.3 ათასი ლარის შემოსავალი.

2015 წლის 24 აგვისტოს აჭარის ავტონომიური რესპუბლიკის მთავრობას, სოფლების წაბლანისა და წაბლიანის მოსახლეობასა და შპს „აჭარისწყალი ჯორჯიას“ შორის გაფორმდა ურთიერთგაგების მემომანდუმი. მემორანდუმის თანახმად, მხარეებმა, სხვა საკითხებთან ერთად, მიაღწიეს ურთიერთგაგებას, რომ სოფლების წაბლანისა და წაბლიანის მოსახლეობის მიერ დაფუძნებულ ამხანაგობა „წაბლანა-2015“-ს, აჭარის ავტონომიური რესპუბლიკის მთავრობა, მრავალბინიანი საცხოვრებელი სახლის მშენებლობისათვის, გაუწევს თანადაფინანსებას 1 550 000 ლარის ოდენობით. ამასთან, ამხანაგობა „წაბლანა-2015“-ს, მემორანდუმის გაფორმებამდე, აჭარის ავტონომიური რესპუბლიკის მთავრობის თავმჯდომარის ბრძანებით , პირდაპირი მიყიდვის ფორმით, ერთ ლარად საკუთრებაში გადაეცა 5 001 კვ.მ არასასოფლო-სამეურნეო დანიშნულების მიწის ნაკვეთი ქალაქ ბათუმში. საკუთრებაში გადაცემული მიწის ნაკვეთის და ბიუჯეტიდან გამოყოფილი სახსრების მიზნობრივი ადმინისტრირების უზრუნველსაყოფად, მნიშვნელოვანია, ურთიერთგაგების მემორანდუმით განსაზღვრული იყოს მრავალბინიანი საცხოვრებელი სახლის მშენებლობის ვადები, მისი განხორცილების ეტაპები, მშენებლობის გაჭიანურების, უკიდურეს შემთხვევაში, დაუსრულებლობის შემთხვევაში, პასუხისმგებლობისა და ბენეფიციართა ეფექტური დაცვის მექანიზმები.

კონსოლიდირებულ ბალანსზე, სსიპ - თბილისის სახელმწიფო სამედიცინო უნივერსიტეტის მიხედვით, 1,300.0 ათასი ლარის საბალანსო ღირებულების მანქანა-დანადგარები და ინვენტარი, ასახულია როგორც არამატერიალური ძირითადი აქტივი. აღნიშნული აქტივები წარმოადგენენ ძირითადი აქტივების „მანქანა-დანადგარები და ინვენტარი“-ს ქვეჯგუფს.

საბიუჯეტო პროცესების მართვა: მაუწყებლის მხრიდან 2015-2016 წლებში საბიუჯეტო პროცესების მართვა ხორციელდებოდა მნიშნელოვანი ხარვეზებით. 2016 წელს ბიუჯეტით დაგეგმილი იყო არაფინანსური აქტივების ზრდა 8,222,000 ლარით, საიდანაც 5,187,800 ლარი გადატანილი და გახარჯულია ხარჯების სხვადასხვა კატეგორიაში;

მუნიციპალიტეტის გამგეობამ (შესაბამისმა პასუხისმგებელმა პირებმა) 2016 წელს მიმწოდებლისგან ჩაიბარა ისეთი სამუშაოები სადაც არ იყო შეტანილი 3 860.5 კბ.მ. ინერტული მასალა, შედეგად მუნიციპალიტეტმა მიმწოდებელს ზედმეტად აუნაზღაურა და გასწია მინიმუმ 83.8 ათასი ლარის არამიზნობრივი ხარჯი.

აჭარის ავტონომიური რესპუბლიკის მთავრობის აპარატში დანამატის გაცემის საფუძველია მთავრობის თავმჯდომარის 2015 წლის 21 იანვრის N10 ბრძანება, რომელიც ადგენს მთავრობის აპარატის საჯარო მოსამსახურეთათვის გასაცემი ყოველთვიური დანამატების ოდენობას. ბრძანება გამოცემულია, შესაბამის პერიოდში მოქმედი, „საჯარო სამსახურის შესახებ“ საქართველოს კანონის 37-ე მუხლის, „აჭარის ავტონომიური რესპუბლიკის მთავრობის სტრუქტურის, უფლებამოსილებისა და საქმიანობის წესის შესახებ“ აჭარის ავტონომიური რესპუბლიკის კანონის მე-11 მუხლის მე-2 პუნქტის „ე“ ქვეპუნქტისა და აჭარის ავტონომიური რესპუბლიკის მთავრობის 2015 წლის 21 იანვრის N9 განკარგულების შესაბამისად. „საჯარო სამსახურის შესახებ“ საქართველოს კანონის 37-ე მუხლის პირველი პუნქტის თანახმად, „მოსამსახურის შრომითი გასამრჯელო (ხელფასი) მოიცავს თანამდებობრივ სარგოს, პრემიას და კანონით გათვალისწინებულ დანამატებს“, ხოლო მე-2 პუნტით - „სახელმწიფო დაწესებულების ხელმძღვანელს უფლება აქვს მოხელეს ზეგანაკვეთური მუშაობისა და განსაკუთრებით საპასუხისმგებლო ფუნქციური დატვირთვის გათვალისწინებით, ყოველწლიურად შრომის ანაზღაურების ფონდში წარმოქმნილი ეკონომიის ფარგლებში, დადგენილი წესით, საფინანსო წლის განმავლობაში დაუწესოს სხვა დანამატები“. რადგან ზემოაღნიშნული დანამატი კანონით გათვალისწინებული არ არის, შესაბამისად დანამატის გაცემის საფუძველი შეიძლება იყოს მოხელის ზეგანაკვეთური მუშაობა და განსაკუთრებით საპასუხისმგებლო ფუნქციური დატვირთვის არსებობა, თუმცა აღნიშნული სათანადო მტკიცებულებებით არ დასტურდება

სსიპ შოთა რუსთაველის ეროვნული სამეცნიერო ფონდის ბალანსზე სახელშეკრულებო უფლებით წარმოშობილი არამატერიალური აქტივის (2014 წლის 28 მაისის #08/44 ხელშეკრულება საგანმანათლებლო ელექტრონულ ვებ-გვერდებზე დაშვებაზე და წვდომა მსოფლიოს წამყვან ელექტრონულ საბიბლიოთეკო ფონდთან; სახელშეკრულებო ღირებულება 447,414.76 ევროს ექვივალენტი ეროვნულ ვალუტაში (1,081.76 ათასი ლარი); ხელშეკრულებების მოქმედების ვადა 28/05/2014 – 31/12/2016) აღიარება ხდებოდა გადახდების (12 გადახდა) პროპორციულად, საკასო მეთოდით, რითაც დაირღვა ინსტრუქციის მოთხოვნები.

მაუწყებლისათვის დამტკიცებულ და შემდგომში დაზუსტებულ ბიუჯეტში შრომის ანაზღაურების მუხლში წარმოდგენილი თანხები მნიშნელოვან ცვლილებებს განიცდიდა კერძოდ : 2015 წელს შრომის ანაზღაურების მუხლი დაიგეგმა 2,767,000 ლარით, ხოლო ფაქტობრივად გადახდილმა თანხამ შეადგინა 431,213 ლარი; 2016 წელს შრომის ანაზღაურების მუხლი დაიგეგმა 2,767,000 ლარით, ხოლო ფაქტობრივად გადახდილმა - 521,278 ლარი შეადგინა.

თეთრიწყაროს მუნიციპალიტეტმა ჩაიბარა ისეთი ხილული სამუშაოები (ასფალტის საფარის მოწყობა, ბიოტალის მშენებლობა), რომლის შეუსრულებლობის შესახებ ცნობილიყო უნდა ყოფილიყო გამგეობის შესაბამისი პასუხისმგებელი პირებისათვის. გამგეობის პასუხისმგებელმა პირებმა ფორმალურად დაადასტურეს მიმწოდებლის მიერ შესრულებული შუალედური სამუშაოების აქტები (ფორმა N2). თეთრიწყაროს მუნიციპალიტეტში არსებულმა სუსტი კონტროლის მექანიზმებმა ვერ უზრუნველყვეს აღნიშნული ფაქტის გამოვლენა. შედეგად 2017 წლის 27 ივნისისათვის გამგეობას შეუსრულებელ სამუშაოებში გადახდილი ჰქონდა 220.0 ათასი ლარი.

უმაღლესი საბჭოს აპარატის საჯარო მოსამსახურეებისათვის დანამატის ოდენობა განსაზღვრულია აჭარის ავტონომიური რესპუბლიკის უმაღლესი საბჭოს თავმჯდომარის ბრძანებით, რომლის საფუძველზე ყოველთვიურად თანამდებობრივ სარგოსთან ერთად, დასაბუთების გარეშე ხდებოდა დანამატების გაცემა. არსებული სისტემის ანალიზმა აჩვენა, რომ ფაქტობრივად პრემია ჩანაცვლებული იქნა დანამატით, რასაც ასევე ადასტურებს ბიუჯეტში „პრემიის“ მუხლიდან თანხების სრულად გადატანა „დანამატის“ მუხლში.

შერჩეულ ორგანიზაციებში (სსიპ საქართველოს ტექნიკური უნივერსიტეტი, სსიპ თბილისის სახელმწიფო სამედიცინო უნივერსიტეტი, სსიპ საგანმანათლებლო და სამეცნიერო ინფრასტრუქტურის განვითარების სააგენტო, სსიპ მასწავლებელთა პროფესიული განვითარების ეროვნული ცენტრი, სსიპ გიორგი ელიავას სახელობის ბაქტერიოფაგიის, მიკრობიოლოგიისა და ვირუსოლოგიის ინსტიტუტი) 2015 წლის 31 დეკემბრის მდგომარეობით ჩატარებულმა ინვენტარიზაციამ არ მოიცვა სრულად ქონება, მოთხოვნები და ვალდებულებები. ინვენტარიზაციების უმეტესობა ორგანიზაციებში დაიწყო აუდიტის დაწყებამდე და შესაბამისად აუდიტის ჯგუფმა ვერ შეძლო ინვეტარიზაციის პროცესებზე დასწრება. აუდიტის პროცესში დაწყებული ინვენტარიზაციის შედეგები არ იყო გამოყვანილი. ინვენტარიზაცის პროცესში ადგილმდებარეობისა და მატერიალურად პასუხისმგებელი პირების მიხედვით არ არის განხორციელებული მატერიალური ფასეულობების ფაქტიური აღწერა. ზემოაღნიშნულიდან გამომდინარე, ჩვენ არ გვქონდა შესაძლებლობა განგვესაზღვრა ინვენტარიზაციის შედეგების გავლენა არაფინანსური აქტივებისა ნაშთებზე.

მაუწყებლის ყველა თანამშრომელი, გარდა გენერალური დირექტორისა, ირიცხება შტატგარეშე თანამშრომლად; სამეურვეო საბჭოსთან შეუთანხმებლად, მაუწყებლის გენენერალურმა დირექტორმა თანამშრომლებს გაუზარდა ხელფასი 1,182,139 ლარით;

2015 წელს მუნიციპალიტეტის გამგეობას ხარჯთაღიცხვების შესაბამისად უნდა მოეწყი 1351.2 მეტრი კიუვეტი. ხელშეკრულებებში შეტანილი დაუსაბუთებელი ცვლილებების შედეგად მოაწყო პროექტით გათვალისწინებულზე 172.5 მეტრით ნაკლები კიუვეტი. გარდა ამისა, მოიმატა ერთი გრძივი მეტრი კიუვეტის მოწყობის ფასმა და 1178.7 მ-ის მოწყობაში მუნიციპალიტეტმა ზედმეტად გასწია ხარჯები. მუნიციპალიტეტის პასუხისმგებელი პირების არაგონივრული გადაწყვეტილების მიღების შედეგად გაწეულმა არაეკონომიურმა ხარჯმა, სულ შეადგინა 25.0 ათასი ლარი

უმაღლესი საბჭოს ორგანიზაციის ბალანსის ბიუჯეტით დამტკიცებული წლიური გეგმის და საანგარიშო პერიოდის დაზუსტებული გეგმის გრაფებში მითითებული მონაცემები არ შეესაბამება ბიუჯეტის დამტკიცებულ და დაზუსტებულ გეგმებს.

სსიპ თბილისის სახელმწიფო სამედიცინო უნივერსიტეტის „პირველი საუნივერსიტეტო კლინიკის“ სააღრიცხვო მონაცემებში 40 შტატიანი მოსამსახურის შრომის ანაზღაურება აღრიცხულია, როგორც შტატგარეშე მომუშავეთა ანაზღაურება (177.9 ათასი ლარი) და 42 შტატგარეშე მომუშავეთა ანაზღაურება, როგორც თანამდებობრივი სარგო (132,3 ათასი ლარი). ამ უზუსტობამ გავლენა იქონია ფინანსური ანგარიშგების კომპონენტზე ფინანსური შედეგების შესახებ ანგარიშში: მომუშავეთა ანაზღაურების მუხლი შემცირებულია 45.6 ათასი ლარით და ამავე თანხით გაიზარდა „საქონელი და მომსახურების“ მუხლი.

მაუწყებელმა, სამურვეო საბჭოს მიერ დამტკიცებულ ბიუჯეტში კანონით განსაზღვრული შესაბამისი ცვლილების შეტანის გარეშე, გასწია შემდეგი ხარჯები: 3,704,559 ლარი - 2015 წელს და 4,302,233 ლარი - 2016 წელს.

თეთრიწყაროს მუნიციპალიტეტში დანერგილმა კონტროლის მექანიზმებმა ვერ უზრუნველყო უხარისხოდ შესრულებული სამუშაოების გამოვლენა. ამასთანავე, არ მუშაობს საგარანტიო პერიოდში არსებული ხარვეზების გამოვლენისა და გამოსწორების მექანიზმი. შედეგად, მუნიციპალიტეტის მიერ ინფრასტრუქტურულ პროექტებზე გახარჯული 694.0 ათასი ლარის სამუშაოები აუდიტის მიმდინარეობის პერიოდში უხარისხოა და მოსახლეობა ვერ მიიღო შესაბამისი სიკეთე.

უმაღლესი საბჭოს აპარატის ოთხ თანამშრომელზე, დროებითი შრომისუუნარობის პერიოდზე (საავდმყოფო ფურცელი), დამქირავებლის მიერ გაწეული სოციალური დახმარების მუხლიდან გაცემულია 4262 ლარი, სადაც ასევე გათვალისწინებულია დანამატი 1679 ლარი. საქართველოს საბიუჯეტო კლასიფიკაციის თანამხად, მოსამსახურეს ავადმყოფობის დროს ეძლევა ხელფასი, ხოლო „საჯარო სამსახურის შესახებ“ საქართველოს კანონის 37-ე მუხლის პირველი პუნქტის შესაბამისად, ხელფასის შემადგენელი ნაწილია კანონით გათვალისწინებული დანამატები. გამომდინარე აქედან, რადგან თანამშრომლებისათვის არ არის კანონით დაწესებული დანამატები, დროებითი შრომისუუნარობის დროს თანხის გადახდისას გათვალისწინებული უნდა ყოფილიყო მხოლოდ მოსამსახურის თანამდებობრივი სარგო.

სსიპ - სახელმწიფო ქონების ეროვნულ სააგენტოს ფინანსურ ანგარიშგებაში აქციებისა და სხვა კაპიტალის მუხლში (ანგ.#1520) ასახულია 272,987,038 ლარი. აღნიშნული თანხა მოიცავს სააგენტოს მიერ მის მართვაში მყოფი საწარმოების კაპიტალში ფულად შენატანებს. მათ შორის საწარმოთა ნაწილი უკვე ლიკვიდირებული, პრივატიზებული, გაკოტრებული ან სხვა ორგანიზაციებზეა გადაცემული. ასეთი საწარმოების კაპიტალში შენატანების ოდენობა 72,560,063 ლარს შეადგენს. გამომდინარე აქედან, გრძელვადიანი აქციებისა და სხვა კაპიტალის მუხლი არასწორად გაზრდილია 72,560,063 ლარის ოდენობით .

2015 წელს განსახორციელებელი შესყიდვების თავდაპირველ გეგმაში - 51%, თანხით - 4,000,000 ლარი დაიგეგმა ორი შესყიდვის კლასიფიკაციის კოდით . წლის განმავლობაში დაზუსტებულ გეგმაში აღნიშნულ ორ კოდში თანხა შემცირდა 134,650 ლარამდე. 2016 წელს განსახორციელებელი შესყიდვების თავდაპირველ გეგმაში - 33% ასახული ხუთი ძირითადი კოდით გათვალისწინებული 3,391,035 ლარის საქონლისა და მომსახურების შესყიდვა საერთოდ არ განხორციელებულა.

მუნიციპალიტეტის საკრებულომ და გამგეობამ (შესაბამისმა პასუხისმგებელმა პირებმა) შესასრულებელი სამუშაო პროცესის დაგეგმა და მართვა ვერ განახორციელა ისე, რომ მიღწეულიყო პროგრამის ფარგლებში დასახული მიზანი, კერძოდ პროექტის დაგეგმვისას ვერ გაითვალისწინა სამუშაოების დასასრულებლად საჭირო ფინანსური რესურსი, რის გამოც ვერ მოხდა სამუშაოების დასრულება. შესაბამისად 69.5 ათასი ლარი დაიხარჯა ისეთ პროექტზე, რომელიც არ არის დასრულებული და მოსახლეობა ვერ სარგებლობს აღნიშნული მტერიალური სიკეთით.

სამინისტროს 2015 წლის პროგრამების ანალიზით დადგენილია, რომ რიგ შემთხვევებში არ არის გამიჯნული პროგრამების განხორციელების საშუალებები და პროგრამის შედეგების შეფასების ინდიკატორები. ამასთან, არასწორად არის განსაზღვრული ქვეპროგრამის შედეგების გაზომვისათვის საჭირო ინფორმაციის მოგროვების მეთოდები.

2015 წელს სსიპ - სახელმწიფო ქონების ეროვნულ სააგენტოს სახელმწიფო საწარმოების კაპიტალში ფულადი და ქონებრივი სახით სულ განხორციელებული აქვს 201,028,668 ლარის შენატანი. სააგენტოს ფინანსურ ანგარიშგებაში აღრიცხულია მხოლოდ ფულადი შენატანები 34,231,289 ლარის ოდენობით, ხოლო ქონებრივი შენატანები - 166,797,379 ლარი ბუღალტრულად ასახული არ არის. შედეგად გრძელვადიანი აქციებისა და სხვა კაპიტალის მუხლი 166,797,379 ლარით არის შემცირებული.

2 შემთხვევაში (შესყიდვის ჯამური ღირებულება 364,050 ლარი), სატენდერო დოკუმენტაცია მორგებულია კონკრეტული მოდელის საქონლის მახასიათებლებს.

მუნიციპალიტეტის გამგეობამ (შესაბამისმა პასუხისმგებელმა პირებმა) ჭაბურღილების მოწყობის სამუშაოების შესყიდვა დაგეგმა და განახორციელა ისე, რომ არ იყო შესწავლილი მისი ფუნქციონირებისათვის საჭირო ყველა რესურსი (მათ შორის ტექნიკური პირობები), აგრეთვე მუნიციპალიტეტის სტრუქტურებს და მის მიერ დაფუძნებულ იურიდიულ პირს შორის არასათანადო კომუნიკაციამ გამოიწვია ის, რომ ვერ იქნა მიღწეული პროგრამით გათვალისწინებული მიზანები. შესაბამისად 282.3 ათასი ლარი დაიხარჯა 6 ჭაბურღილის მოწყობაზე, რომელიც არ მუშაობდა და მოსახლეობა ვერ სარგებლობდა აღნიშნული მატერიალური სიკეთით.

აჭარის ავტონომიური რესპუბლიკის სოფლის მეურნეობის სამინისტროს 2015 წლის ქვეპროგრამის - „მაღალპროდუქტიული მერძევე მიმართულების პირუტყვით ფერმერთა და აგრომეწარმეთა უზრუნველყოფის ხელშეწყობა“- ფარგლებში, სახელმწიფო შესყიდვების არასათანადოდ განხორციელების შედეგად, სატენდერო წინადადებების წარმოუდგენლობის გამო 4-ჯერ გამოცხადებული ელექტრონული ტენდერები არ შედგა, რამაც პროგრამის შესრულების გადავადება და ეროვნული ვალუტის კურსის ცვლილების ფონზე საქონლის ღირებულების 21,8 პროცენტით გაზრდა გამოიწვია. ამასთან, აუდიტის პერიოდში ვერ იქნა წარმოდგენილი ბენეფიციართა შერჩევასთან დაკავშირებით სრული აუდიტორული მტკიცებულებები. ა(ა)იპ „აგროსერვის ცენტრის“ დაკვეთით, სოფელ გვარაში, მარნის (ღვინის სახლი) სამშენებლო სამუშაოების წარმოებისას საპროექტო-სახარჯთაღრიცხვო დოკუმენტაციაში არსებული შეუსაბამობების გასწორების მიზნით განხორციელებული ცვლილებებით, გაუარესდა შენობის ტექნიკური პარამეტრები. ამასთან, ადგილი აქვს საპროექტო დოკუმენტაციით გათვალისწინებული სამუშაოების არასრულად შესრულების ფაქტებს, თუმცა დამკვეთის მიერ არ იქნა გამოყენებული ხელშეკრულებით მინიჭებული უფლებამოსილება, წუნდების აღმოფხვრის მოთხოვნისა და ხელშეკრულებით გათვალისწინებული საჯარიმო ღონისძიებების გატარების შესახებ.

2015 წელს სსიპ - სახელმწიფო ქონების ეროვნულ სააგენტოს მისი მართვის ქვეშ მყოფ საწარმოთა კაპიტალიდან ამოღებული აქვს 951,594 ლარის ქონება. აღნიშნული ოპერაციები სააგენტოს ბუღალტრულ ჩანაწერებში და შესაბამისად ფინანსურ ანგარიშგებაში ასახული არ არის.

დეკორაციული სამუშაოების შესყიდვაზე გამოცხადებულ 26 ტენდერზე (სახელშეკრულებო თანხით - 569,913 ლარი) ბაზრის კვლევა არ ჩატარებულა, აქედან, 16 შემთხვევაში, ტენდერში მონაწილეობას იღებდა მხოლოდ ერთი პრეტენდენტი.

2015-2016 წლებში თეთრიწყაროს მუნიციპალიტეტის მიერ სასმელი წყლის ჭაბურღილები ისე იქნა მოწყობილი, რომ წყლის ვარგისიანობაზე შესაბამისი გამოკვლევები არ ჩატარებულა. ხოლო, სოფელ სამღერეთში მოწყობილ ჭაბურღილსა და საბავშვო ბაღებში ჩატარებული სასმელი წყლის ლაბორატორიულ კვლევის შედეგად გამოვლინდა, ტექნიკური რეგლამენტით დადგენილ პარამეტრებთან შეუსაბამობა. მომქმედი კანონმდებლობის მიხედვით, მუნიციპალიტეტის პასუხისმგებელი პირები ვალდებული იყვნენ შესაბამისი სამსახურების ინფორმირებაზე. ასევე, მოსახლეობის ჯანმრთელობის უსაფრთხოების დაცვის მიზნით უნდა გაეტარებინათ შესაბამისი ღონისძიებები. მუნიციპალიტეტის გამგეობის (შესაბამისი პასუხისმგებელი პირების) მიერ აღნიშნული ღონისძიებები არ განხორციელებულა.

სსიპ „ლაბორატორიულ კვლევით ცენტრში“ ჩამოწერილი 903 ლარის ნარჩენი საბალანსო ღირებულების ძირითადი აქტივები, კანონმდებლობით გათვალისწინებული მოთხოვნების დარღვევით, ამავე ღირებულებითა და დასახელებით აყვანილია მარაგებში

საქართველოს ეკონომიკისა და მდგრადი განვითარების სამინისტროს კონსოლიდირებულ ფინანსურ ანგარიშგებაში 2015 წლის ბოლოსათვის ირიცხება ისეთი დებიტორული - 4,649,130 ლარის და კრედიტორული - 997,501 ლარის დავალიანებები, რომელთა მაიდენტიფიცირებელი პირველადი დოკუმენტაცია სამინისტროში არ იძებნება.

სამეურვეო საბჭოს ყოფილ წევრს, რომელსაც უფლებამოსილების ვადა ჰქონდა შეწყვეტილი, 5 თვის განმავლობაში ჰონორარის სახით უსაფუძვლოდ მიღებული აქვს 12,800 ლარი (საშემოსავლო გადასახადის გარეშე).

მიუხედავად იმისა, რომ მუნიციპალიტეტის პასუხისმგებელი პირები არაერთგზის იყვნენ ინფორმირებული, რომ გამარტივებული წესით შესყიდული სამუშაოების ანაზაურება უნდა განეხორციელებინა ფაქტიური დანახარჯების მიხედვით. გამგეობამ (შესაბამისმა პასუხისმგებელმა პირებმა) არა გაითვალისწინა სახელმწიფო აუდიტის სამსახურის შენიშვნები, მიმწოდებელს არ მოსთხოვა კანონმდებლობით გათვალისწინებული ხარჯების დამადასტურებელი დოკუმენტები და ანაზღაურება მოახდინა ფაქტობრივი დანახარჯების დათვლის გარეშე. შესაბამისად 1311.0 ათასი ლარი წარმოადგენს შესყიდვის პროცესში შესაბამისი დოკუმენტალური დასაბუთების გარეშე ანაზღაურებულ ხარჯს.

ა(ა)იპ „აგროსერვის ცენტრში“, საქართველოს საგადასახადო კოდექსის მოთხოვნების შეუსრულებლობის შედეგად, ადგილი აქვს ქონების გადასახადით დასაბეგრი ქონების ღირებულების 1315 ლარით შემცირების ფაქტს.

სსიპ - საქართველოს სახელმწიფო ჰიდროგრაფიულ სამსახურს მოთხოვნად ასახული არ აქვს შპს ,,ჰაიგმასტერზე“ ფოთის საქალაქო სასამართლოს მიერ ზიანის ასანაზღაურებლად დაკისრებული 435,252 ლარის თანხიდან 65,540 ლარი.

2015 და 2016 წლებში მაუწყებლის მიერ ბარტერის საშუალებით, ტენდერის გარეშე, სარეკლამო დროის სანაცვლოდ განხორციელდა 619,793 ლარის და 16,621 აშშ დოლარის ეკვივალენტის ღირებულების საქონლისა და მომსახურების შესყიდვა.

2015-2016 წლებში თეთრიწყაროს მუნიციპალიტეტის მიერ ა(ა)იპ „ქვემო ქართლის რეგიონალურ განვითარების სააგენტოს“ ანგარიშზე გადარიცხულია 52.0 ათასი ლარი, გამგეობამ (შესაბამისმა პასუხისმგებელმა პირებმა) ვერ წარმოადგინა ინფორმაცია იმის შესახებ თუ რა აქტივობები განახორციელა ა(ა)იპ და შედეგად რა სარგებელი მიიღო თვითმმართველობამ. ამდენად ადგილობრივი ბიუჯეტიდან ა(ა)იპ „ქვემო ქართლის რეგიონალურ განვითარების სააგენტზე“ გაწეული 52.0 ათასი ლარის ხარჯის მიზანშეწონილობა არ არის სათანადოდ დასაბუთებული.

ა(ა)იპ „აგროსერვის ცენტრის“ მიერ, არსებული რისკების არასათანადო შეფასებისა და რეაგირების შედეგად, სახელმწიფოზე მიყენებული ზიანი 23569 ლარამდე გაიზარდა. ამასთან, აღნიშნული თანხა არ არის ასახული ცენტრის ბალანსზე.

2015 წლის ბოლოსათვის სსიპ - ბათუმის საზღვაო აკადემიისთვის გადაუხდელი სწავლების საფასური საერთო თანხით 16,197 ლარი ფინანსურ ანგარიშგებაში დებიტორულ დავალიანებად ასახული არ არის.

მაუწყებელმა სახელმწიფო შესყიდვების შესახებ საქართველოს კანონის მოთხოვნათა შეუსაბამოდ სარემონტო სამუშაოების შესყიდვაზე ტენდერი გამოაცხადა და ხელშეკრულება 42,0 ათას ლარზე გააფორმა ბარტერის საშუალებით, სარეკლამო დროის სანაცვლოდ.

შიდა აუდიტის სამსახურის საქმიანობა ვერ უზრუნველყოფს მუნიციპალიტეტის რესურსების ეკონომიურად გამოყენებას, გამგეობის წინაშე არსებული ამოცანების ეფექტიანად შესრულებასა და მუნიციპალიტეტის მიერ დასახული მიზნების მიღწევას. მუნიციპალიტეტის სტრუქტურულ ერთეულებზე შიდა აუდიტის სამსახურს არ გაუცია შესაბამისი რეკომენდაციები, რაც უზრუნველყოფდა რისკების მართვისა და შიდა კონტროლის სისტემის გაუმჯობესებას.

სსიპ -აჭარის ხელოვნების მუზეუმსა და შპს ,,მეოხმშენს“ შორის 2015 წლის 10 მარტს გამარტივებული შესყიდვის საშუალებით გაფორმებულია N6 ხელშეკრულება, მუზეუმის ადმინისტრაციული შენობის ნაწილობრივი აღდგენითი სამუშაოებისათვის. სახელშეკრულებო ღირებულება შეადგენს 4 201,33 ლარს. სამუშაოების შესრულებაზე მიმწოდებლის მიერ წარმოდგენილია სამუშაოს შესრულების აქტი და მხარეებს შორის გაფორმებულია მიღება-ჩაბარების აქტი, რომლის საფუძველზეც მიმწოდებელზე გადახდილია სამუშაოების ღირებულება 4 122,92 ლარი, თუმცა არაა წარმოდგენილი ფაქტობრივად გაწეული ხარჯების დამადასტურებელი მტკიცებულება.

საქართველოს მთავრობის 2010 წლის 8 დეკემბრის N1568 განკარგულებით, ზუგდიდის მუნიციპალიტეტის სოფელ ანაკლიაში სასტუმროსა და იახტ-კლუბის სამშენებლო სამუშაოების განხორციელების მიზნით, მთავრობის სარეზერვო ფონდიდან გამოიყო და შპს „სანიზე“ სესხის სახით გაიცა 2,000,000 ლარი. შპს „სანიმ“ ვერ შეასრულა ხელშეკრულებით ნაკისრი ვალდებულება. 2013 წლის 25 ნოემბერს გაცემული სააღსრულებლო ფურცლით მას ეკონომიკისა და მდგრადი განვითარების სამინისტროს სასარგებლოდ დაეკისრა ვადაგადაცილებული სასესხო დავალიანების გადახდა: 1,864,445 ლარი ძირითადი თანხისა და 632,745 ლარი საპროცენტო სარგებლისა და პირგასამტეხლოს სახით. სამინისტროს აპარატის 2015 წლის ფინანსურ ანგარიშგებაში ანგარიშზე #3311 („გრძელვადიანი ვალდებულებები საბიუჯეტო სესხებით“) აისახა მხოლოდ 632,745 ლარი (პროცენტი და ჯარიმა), ხოლო სესხის ძირითადი თანხა - 1,864,445 ლარი დაფიქსირებული არ იქნა ვალდებულებების ანგარიშზე. გამომდინარე იქიდან, რომ აღნიშნული სესხის გადასახდელი ძირითადი თანხა, დარიცხული პროცენტი და ჯარიმა უნდა გადაირიცხოს სახელმწიფო ბიუჯეტში, გადაუხდელი სესხის ძირითადი თანხაც უნდა ასახულიყო ვალდებულებების ანგარიშზე.

2015-2016 წლებში საზოგადოებრივი მაუწყებლის 103 თანამშრომლის მიერ დარღვეულია მაუწყებლობის შესახებ კანონი, რომლითაც მათ ეკრძალებოდათ პარალელურად ანაზღაურებადი სამუშაოს შესრულება სხვა მაუწყებელში.

მუნიციპალიტეტის გამგეობამ ვერ წარმოადგინა 2016 წლის ფინანსური ანგარიშგება, არ არის ჩატარებული ქონების, მოთხოვნებისა და ვალდებულებების ინვენტარიზაცია. აღნიშნული გარემოებების გათვალისწინებით მასშტაბის შეზღუდვის გავლენა აუდიტზე არსებითი და ყოვლისმომცველია. აუდიტის ჯგუფმა ვერ მოიპოვა საკმარისი და შესაფერისი აუდიტორული მტკიცებულებები აუდიტის ობიექტზე,

სსიპ-ბათუმის თოჯინებისა და მოზარდ მაყურებელთა პროფესიული სახელმწიფო თეატრისა და შპს ,,ტონიკის“ შორის 2015 წლის 22 ივნისს გამარტივებული შესყიდვის საშუალებით გაფორმებულია N34 ხელშეკრულება, ქალაქ ბათუმში თოჯინებისა და მოზარდ მაყურებელთა სახელმწიფო პროფესიული თეატრის შენობის სარეაბილიტაციო-სარეკონსტრუქციო სამუშაოებისათვის. სახელშეკრულებო ღირებულება შეადგენს 212 553 ლარს. სამუშაოების შესრულებაზე მიმწოდებლის მიერ წარმოდგენილია სამუშაოს შესრულების აქტი და მხარეებს შორის გაფორმებულია მიღება-ჩაბარების აქტი 209 380 ლარის ღირებულების სამუშაოების შესრულებაზე, რაც გადახდილია სრულად, ფაქტობრივად გაწეული ხარჯების დამადასტურებელი მტკიცებულების გარეშე.

საქართველოს ეკონომიკისა და მდგრადი განვითარების სამინისტროს აპარატის საბალანსო ანგარიშზე „სხვა ანგარიშები ბანკში“ ერიცხება ყოფილი სამინისტროების (ეკონომიკის, ქონების, მრეწველობისა და ვაჭრობის) ბალანსებიდან გადმოსული გაურკვეველი ნაშთი - 210,370 ლარი, რომლის არსებობაზე რწმუნება ვერ იქნა მოპოვებული.

2015-2016 წლებში მიუხედავად იმისა, რომ მაუწყებლის დაცვას უზრუნველყოფდა სსიპ - დაცვის პოლიციის დეპარტამენტი, გენერალური დირექტორის აპარატში დაცვის შტატგარეშე თანამშრომლებზე გაიცა 81,152 ლარი.

2015 წელს მუნიციპალიტეტის თანამდებობის პირებსა და მოსამსახურეებზე, ჯამში 112 თანამშრომელზე წახალისება გაიცა 418.4 ათასი ლარი. 2015 წელს მუნიციპალიტეტმა 69 მოსამსახურეზე წლის განმავლობაში პრემია გასცა 5-ჯერ და მეტჯერ. აღსანიშნავია, რომ 4 მოსამსახურეზე, რომელზეც წლის განმავლობაში პრემია გაიცა 7-ჯერ, დამატებით ყოველთვიურად გაიცა დანამატი. 2015 წლის დეკემბერში 79 მოსამსახურეზე გაცემული წახალისება მერყეობს თანამდებობრივი სარგოს 120%-დან 200%-მდე. 2016 წელს მუნიციპალიტეტის თანამდებობის პირებსა და მოსამსახურეებზე, ჯამში 113 თანამშრომელზე, წახალისება გაიცა 413.6 ათასი ლარი. 2016 წელს ბორჯომის მუნიციპალიტეტის 3 თანამდებობის პირზე, პრემია გაიცა წლის განმავლობაში 4-ჯერ, ხოლო დანამატი ყოველთვიურად. ამდენად, 2015-2016 წლებში ბორჯომის მუნიციპალიტეტის მიერ წარმომადგენლობით და აღმასრულებელ ორგანოებში დასაქმებულ პირებზე წახალისების გაცემის ოდენობა და რაოდენობა აღემატება საქართველოს მთავრობის დადგენილებით რეკომენდებულ ზღვრულ ნორმებს. მიუხედავად იმისა, რომ აღნიშნული დადგენილება მუნიციპალიტეტებისათვის სარეკომენდაციო ხასიათისაა, საბიუჯეტო თანხების რაციონალური და ეკონომიური ხარჯვის ვალდებულებიდან გამომდინარე, მიზანშეწონილია, ბორჯომის მუნიციპალიტეტმა იხელმძღვანელოს ამ სამართლებრივი აქტის მოთხოვნებით.

სამინისტროს აპარატის შრომის ანაზღაურების ხარჯი - 1 328.0 ათასი ლარი (დაზუსტებული გეგმის 100%), მათ შორის, თანამდებობრივი სარგო 779.0 ათასი ლარი, პრემია 141.5 ათასი ლარი, დანამატი 407.4 ათასი ლარი. 2015 წლის შორმის ანაზღაურების ხარჯი 2014 წელთან მიმართებით სულ გაზრდილია 5.7 ათასი ლარით. ძირითადად შემდეგი სახეცვლილებით, რომ პრემიები შემცირდა 406.2 ათასი ლარით, ხოლო გაიზარდა დანამატები 407.4 ათასი ლარით. აპარატში პრემიების გაცემა ხდებოდა ყოველკვარტალურად და სადღესასწაულო დღეებთან დაკავშირებით, სულ 2015 წელს პრემია გაცემულია 5-ჯერ. ამრიგად, აჭარის ავტონომიური რესპუბლიკის მთავრობის 2014 წლის 1 აგვისტოს N27 დადგენილების ამოქმედებამ შეზღუდა საჯარო დაწესებულებებში დასაქმებულ პირებზე პრემიის სახით გაცემული თანხების ოდენობა, თუმცა ამავე დროს, აღნიშნული რეგულაციის ძალაში შესვლის შემდეგ მკვეთრად გაიზარდა „დანამატის“ მუხლით გაცემული საბიუჯეტო სახსრების მოცულობა. შედეგად შეიძლება ითქვას, რომ ადგილი ჰქონდა პრემიის დანამატით ჩანაცვლებას, ამასთან სამინისტროში დანამატის გაცემა ხდება შესაბამისი დასაბუთების გარეშე ან მხოლოდ კანონმდებლობით განსაზღვრული შესაბამისი მუხლის მითითებით.

საქართველოს ეკონომიკისა და მდგრადი განვითარების სამინისტროს აპარატის ბალანსზე 2015 წლის ბოლოსათვის ირიცხება 2,632,972 ლარის ღირებულების არამატერიალური აქტივები, საიდანაც 54,495 ლარის აქტივები წარმოადგენს ლიცენზიებს, კომპიუტერულ პროგრამებს, რომლებიც მოძველებულია და აღარ გამოიყენება, შესაბამისად არამატერიალური აქტივების მუხლი არასწორად გაზრდილია 54,495 ლარით.

2015-2016 წლებში ბორჯომის მუნიციპალიტეტის გამგებლის ბრძანებით, მოსამსახურეებზე დანამატის სახით გაცემულია 55.8 ათასი ლარი. შესწავლილი დოკუმენტებით ირკვევა, რომ ყოველთვიური დანამატი დაწესებული იყო წინასწარ, მთელი წლის განმავლობაში. ბრძანებაში დანამატის გაცემის საფუძვლად მითითებულია მოხელის ზეგანაკვეთური მუშაობა და განსაკუთრებით საპასუხისმგებლო ფუნქციური დატვირთვა. ყოველთვიური დანამატი დაუწესდა გამგებელს, გამგებლის მოადგილეებს, სამსახურის უფროსს და განყოფილების უფროსს. საჯარო ფინანსების რაციონალური ხარჯვის პრინციპებიდან გამომდინარე, მოხელეს დანამატი უნდა მიეცეს დავალებების სირთულისა და არასამუშაო საათებში მუშაობისათვის. აუდიტის ობიექტს არ შეეძლო წინასწარ განესაზღვრა მთელი წლის განმავლობაში, რომელი საჯარო მოხელე იმუშავებდა ზეგანაკვეთურად და ექნებოდა განსაკუთრებით საპასუხისმგებლო ფუნქციური დატვირთვა. აქედან გამომდინარე, არ არის დასაბუთებული დანამატის გაცემის ობიექტური მიზანშეწონილობა.

სსიპ ,,აჭარის ა/რ საზოგადოებრივი ჯანდაცვის ცენტრის’’ საბალანსო მონაცემების მიხედვით, ფორმა N1-ში, არ არის დაფიქსირებული წლის ბოლოს მომსახურების მიწოდებით დარიცხული ვალდებულებების ნაშთი 1.3 ათასი ლარის ოდენობით.

2015 წლის 1 იანვრის მდგომარეობით სსიპ - ტურიზმის ეროვნულ ადმინისტრაციას „სხვა მცირეფასიანი აქტივების“ სახით ბალანსზე ერიცხებოდა 79,273 ლარის ღირებულების ვიდეორგოლები. იქიდან გამომდინარე, რომ ზემოთხსენებული ვიდეო რგოლების ისტორიული ღირებულება წარმოადგენდა 500 ლარზე მეტს, 2015 წელს ადმინისტრაციამ განახორციელა მათი რეკლასიფიკაცია, ასახა არამატერიალური აქტივების ანგარიშზე და წლის ბოლოს დაარიცხა 8 წლის ცვეთა (63,418 ლარი). 2015 წლის 31 დეკემბრის მდგომარეობით ვიდეო რგოლების საბალანსო ღირებულება შეადგენდა 15,855 ლარს. აღნიშნული ვიდეო რგოლები არ აკმაყოფილებს ინსტრუქციით განსაზღვრულ ძირითად აქტივად აღიარების კრიტერიუმებს, კერძოდ არ გამოიყენება მრავალჯერადად. გამომდინარე აქედან, ადმინისტრაციის ბალანსზე რიცხული არამატერიალური აქტივების ღირებულება არასწორად გაზრდილია 15,855 ლარით, ხოლო ძირითადი კაპიტალის მოხმარების მაჩვენებელი (ფინანსური შედეგების შესახებ ანგარიშგება) - 63,418 ლარით.

2014 წელს ბორჯომის მუნიციპალიტეტის საკრებულომ დადგენილებით მიიღო საკრებულოს წევრებზე (თანამდებობის და არათანამდებობის პირები) უფლებამოსილების განხორციელებასთან დაკავშირებული ხარჯების ანაზღაურების წესი. აღნიშნული წესის მიხედვით, 2015 წლის 7 თვეში საკრებულოს თანამდებობის პირებზე: საკრებულოს თავმჯდომარე, მოადგილე, ფრაქციების და კომისიების თავმჯდომარეებზე, გაცემულია უფლებამოსილების განხორციელებასთან დაკავშირებული ხარჯები, ჯამში 33.3 ათასი ლარი. ადგილობრივი თვითმმართველობის კოდექსის თანახმად, უფლებამოსილების განხორციელებასთან დაკავშირებული ხარჯები ანაზღაურდება საკრებულოს მხოლოდ არათანამდებობის პირებზე. შედეგად ბორჯომის მუნიციპალიტეტის საკრებულოს მიერ მიღებული დადგენილება ეწინააღმდეგება ორგანული კანონით გათვალისწინებულ მოთხოვნებს. შესაბამისად აღნიშნული ხარჯები საკრებულოს თანამდებობის პირებზე ანაზღაურებულია კანონმდებლობის დარღვევით.

სსიპ ,,აჭარის ა/რ საზოგადოებრივი ჯანდაცვის ცენტრის’’ საბალანსო მონაცემების მიხედვით, ფორმა N3-ში, დაფიქსირებულია შემოსავლები 883.9 ათასი ლარი, მათ შორის გრანტები სასაქონლო ფორმით 798.7 ათასი და ფინანსური აქტივები 85.1 ათასი ლარი, თუმცა 85.1 ათასი ლარი წარმოადგენს უსასყიდლოდ გადმოცემულ სამაცივრე დანადგარებს (აქტივებს) და ნაცვლად არაფინანსურისა, დაფიქსირებულია როგორც ფინანსური აქტივი.

2015 წლის 31 დეკემბრის მდგომარეობით სსიპ - საქართველოს სტანდარტებისა და მეტროლოგიის ეროვნული სააგენტოს ბალანსზე ირიცხება 2,513,335 ლარის არასაცხოვრებელი შენობა-ნაგებობები. ჩვენ მიერ მოპოვებულ იქნა 2009-2015 წლებში განხორციელებული კაპიტალიზირებადი დანახარჯების შესახებ დეტალური ინფრომაცია, რის შედეგადაც გამოვლინდა, რომ არასაცხოვრებელი შენობა-ნაგებობების ნაშთი 298,435 ლარით ნაკლები მოცულობით არის წარმოდგენილი.

საკრებულოს წევრებზე, რომლებიც არ არიან თანამდებობის პირები, გამგეობის მიერ უფლებამოსილების განხორციელებასთან დაკავშირებული ხარჯის ანაზღაურება უნდა განხორციელდეს ფაქტობრივად გაწეული ხარჯის დამადასტურებელი დოკუმენტების საფუძველზე. 2015-2016 წლებში ბორჯომის მუნიციპალიტეტის მიერ, უფლებამოსილების განსახორციელებლად საკრებულოს არათანამდებობის პირებზე გაიცა 108.9 ათასი ლარი. საკრებულოს დეპუტატებზე ხარჯები ანაზღაურებულია ისე, რომ არც ერთ შემთხვევაში მათ არ წარმოუდგენიათ ხარჯის გაწევის დამადასტურებელი დოკუმენტები. ამდენად, 2015-2016 წლებში საკრებულოს არათანამდებობის პირებზე უფლებამოსილების განხორციელებასთან დაკავშირებული ხარჯები, თანხით 108.9 ათას ლარი, ბორჯომის მუნიციპალიტეტის მიერ არ უნდა ანაზღაურებულიყო შესაბამისი დოკუმენტური დასაბუთების გარეშე.

სსიპ ,,აჭარის ა/რ საზოგადოებრივი ჯანდაცვის ცენტრის’’ საბალანსო მონაცემების მიხედვით, ფორმა N5-ში, სხვა მატერიალურ მარაგებში, დაფიქსირებულია ნედლეულის და მასალების ნაშთი 11.6 ათასი ლარი, წლის განმავლობაში მიღება 1.4 ათასი ლარი, გასვლა 9.4 ათასი ლარი, ასევე დაუმთავრებელი წარმოების ნაშთი 187.2 ათასი ლარი, წლის განმავლობაში მიღება 798.7 ათასი ლარი, გასვლა 843.5 ათასი ლარი. თუმცა თავისი შინაარსით აღნიშნული საქონელი წარმოადგენს აუდიტის ობიექტისთვის უსასყიდლოდ გადაცემულ მედიკამენტებს, რომელიც საზოგადოებრივი ჯანდაცვის ცენტრის მიერ ნაწილდება შესაბამის პირებზე/ობიექტებზე და არ წარმოადგენს ნედლეულს და მასალებს ან დაუმთავრებელ წარმოებას. შესაბამისად, აღრიცხული უნდა იყოს სხვა დარჩენილი მატერიალური მარაგების ანგარიშზე.

2013 წელს სსიპ - საქართველოს სტანდარტებისა და მეტროლოგიის ეროვნულ სააგენტოში განხორციელდა ლიფტის შესყიდვა და დამონტაჟება, რომლის ღირებულება 57,947 ლარი კაპიტალიზებული იქნა და დაემატა არასაცხოვრებელი შენობების ღირებულებას, საიდანაც შემდგომში ხდებოდა 1%-იანი ცვეთის დარიცხვა. გამომდინარე იქიდან, რომ არასაცხოვრებელი შენობებისა და ლიფტის მომსახურების ვადა მნიშვნელოვნად განსხვავდება ერთმანეთისაგან, ამასთან ლიფტზე დასარიცხი ცვეთის ნორმა შეადგენს 10%-ს , ლიფტის შესყიდვისა და დამონტაჟების ღირებულება არ უნდა დამატებოდა არასაცხოვრებელი შენობების ღირებულებას, შესაბამისად მას ცვეთა უნდა დარიცხვოდა ცალკე, ხსენებული ნორმის გათვალისწინებით. ზემოაღნიშნულის გამო აქტივები გაზრდილია 15,646 ლარით. ანალოგიურად, 2015 წელს სსიპ - საქართველოს ინოვაციებისა და ტექნოლოგიების სააგენტოს მიერ სამშენებლო სამუშაოებთან ერთად მოხდა 52,455 ლარის ღირებულების სამგზავრო ლიფტის შეძენა და მონტაჟი, რომელიც დაემატა შენობის ღირებულებას და ცვეთა დაერიცხა 1%. გამომდინარე აქედან, ძირითადი აქტივების მოცულობა არასწორად 4,721 ლარით არის გაზრდილი.

2015-2016 წლებში ბორჯომის მუნიციპალიტეტის მიერ მოსამსახურეთა ქვეყნის ფარგლებს გარეთ მივლინებისას, 20 შემთხვევაში დაიხარჯა 64.5 ათასი ლარი. საკითხის შესწავლით გამოვლინდა, რომ საზღვარგარეთ მივლინებული პირების მიერ არ არის მომზადებული ანგარიში მივლინების მიმდინარეობის, შედეგებისა და სხვა მნიშვნელოვანი საკითხების შესახებ. არ ხდება მივლინებით მიღწეული შედეგების განხილვა და შედარება დასახულ მიზნებთან. ბორჯომის მუნიციპალიტეტში არ არის დანერგილი პრაქტიკა, რომელიც უზრუნველყოფს მივლინებაში მიღებული გამოცდილების თანამშრომლებისათვის გაზიარებას. გარდა ამისა, მუნიციპალიტეტმა 3 შემთხვევაში ვერ წარმოადგინა დოკუმენტური მტკიცებულებები იმისა, თუ რა აუცილებელი მუნიციპალური საჭიროებიდან იყო გამოწვეული მოსამსახურეთა მივლინება. შედეგად, მივლინებული პირების ვიზიტი ქვეყნის ფარგლებს გარეთ არ შეესაბამებოდა მუნიციპალიტეტის მიერ დასახულ მიზნებს. შესაბამისად, გამგეობის მიერ 3 შემთხვევაში ანაზღაურებული სამივლინებო თანხა, ჯამში 5.4 ათასი ლარი, წარმოადგენს არამიზნობრივ ხარჯს.

ჭარის ავტონომიური რესპუბლიკის ჯანმრთელობისა და სოციალური დაცვის სამინისტროს, სსიპ „აჭარის ავტონომიური რესპუბლიკის საზოგადოებრივი ჯანდაცვის ცენტრის“ და სსიპ „აჭარის ავტონომიური რესპუბლიკის დასაქმების სააგენტოს“ მიერ 2015 წელს გამარტივებული შესყიდვის საშუალებით სამშენებლო სამუშაოების სახელმწიფო შესყიდვის მიზნით გაფორმებულია 6 ხელშეკრულება . ხელშეკრულებათა ჯამურმა ღირებულებამ და განხორციელებულმა გადახდამ შეადგინა 6 512.1 ლარი. შემსყიდველი ორგანიზაციების მიერ ანგარიშსწორება განხორციელებულია იმ პირობებში, როდესაც მიმწოდებლების მიერ არ არის წარმოდგენილი ინფორმაცია ფაქტობრივი დანახარჯების შესახებ, რითაც დარღვეულია საქართველოს მთავრობის 2014 წლის 14 იანვრის N55 დადგენილებით დამტკიცებული „ტექნიკური რეგლამენტი - სამშენებლო სამუშაოების სახელმწიფო შესყიდვისას ზედნადები ხარჯებისა და გეგმური მოგების განსაზღვრის წესის“ მე-3 პუნქტი.

საქართველოს ეკონომიკისა და მდგრადი განვითარების სამინისტროს მიერ სსიპ - საქართველოს სტანდარტების, ტექნიკური რეგლამენტების და მეტროლოგიის ეროვნულ სააგენტოზე 2008 წელს უსასყიდლო უზურფრუქტით გადაცემული, ქ. თელავში მდებარე შენობის ნაწილი (192,9 მ2) და მასზე წილობრივად დამაგრებული მიწა ნაცვლად 2,269 ლარისა ბალანსზე ასახულია 9,078 ლარით. შესაბამისად, 2015 წლის 31 დეკემბრის მდგომარეობით აღნიშნული აქტივის ღირებულება 2,087 ლარის ნაცვლად წარმოდგენილია 8,275 ლარით.

ბორჯომის მუნიციპალიტეტისათვის სამსახურებრივი უფლებამოსილების განსახორციელებლად 2015-2016 წლებში რეკომენდებული იყო 6 ავტომანქანა. 2015-2016 წლებში ბორჯომის მუნიციპალიტეტის წარმომადგენლობითი და აღმასრულებელი ორგანოები სამსახურებრივი უფლებამოსილების განსახორციელებლად სარგებლობდა ბალანსზე რიცხული 13 ერთეული ავტომანქანით. მუნიციპალიტეტის მიერ სამსახურებრივი უფლებამოსილების განსახორციელებლად გამოყენებული სატრანსპორტო საშუალებების რაოდენობა აღემატება მთავრობის დადგენილებით რეკომენდებულ ზღვრულ ოდენობას.

ორ შემთხვევაში სამინისტროს საჯარო მოსამსახურეებზე დანამატი გაცემულია იმ პირობებში, როდესაც ეს პირები მთელი თვის სამუშაო დღეების განმავლობაში იმყოფებოდნენ შვებულებაში . აგრეთვე არის შემთხვევები, როდესაც თვის განმავლობაში საჯარო მოსამსახურე სამსახურებრივ უფლებამოსილებებს ახორციელებდა მხოლოდ სამი სამუშაო დღის განმავლობაში , თუმცა შესაბამის თვეში დანამატი გაცემულია სრულად.

2015 წლის 31 დეკემბერის მდგომარეობით სსიპ - საქართველოს სტანდარტებისა და მეტროლოგიის ეროვნული სააგენტოს ბანალსის „სხვა მანქანა-დანადგარები და ინვენტარის“ მუხლზე ირიცხებოდა 574,909 ლარის აქტივები. ფინანსური ანგარიშგების ბალანსსა და მის დანართებში აღნიშნული აქტივების ნაშთების შესახებ ჩანაწერები არ ასახავს ფაქტობრივ მდგომარეობას, რაც განპირობებულია იმით, რომ 2010-2014 წლებში არ ხდებოდა სააგენტოს მიერ შეძენილი აქტივების სრულად და ზუსტი თანხებით ასახვა. ამასთან, 2013-2014 წლებში ზემოთ ხსენებულ აქტივებზე და სატრანსპორტო საშუალებებზე არ მომხდარა ცვეთის დარიცხვა. სააგენტოში 2015 წელს ჩატარებული ინვენტარიზაცია არ იყო სრულყოფილი, რადგან ორგანიზაციის ბალანსზე არსებული აქტივების გარკვეული ნაწილი იდენტიფიცირებული არ არის.

2015-2016 წლებში ბორჯომის მუნიციპალიტეტმა შპს „დაუ+“-გან შეისყიდა საკონსულტაციო მომსახურება, ღირებულებით 9.6 ათასი ლარი. ხელშეკრულების თანახმად, მიმწოდებელს ევალებოდა მუნიციპალიტეტის 2015-2016 წლების ბიუჯეტის შესრულებისა და ანგარიშგების, ბიუჯეტების პროექტების შედგენის, განხილვის, მიღების, ცვლილების შეტანის, შესრულების, გარე და შიდა აუდიტის ჩატარების თაობაზე ახალი ნორმატიული აქტების, მათში შეტანილი ცვლილებებისა და სხვა მასალების მიწოდება. გარდა ამისა, საფინანსო-საბიუჯეტო საქმიანობის შესახებ, კონსულტაციის მომზადება და მიწოდება. ბორჯომის მუნიციპალიტეტმა ვერ დაასაბუთა რა აუცილებელი საჭიროებით იყო განპირობებული საკონსულტაციო მომსახურების შესყიდვა, ვინაიდან მუნიციპალიტეტს გააჩნია საკუთარი შრომითი რესურსი და ვალდებულია საკუთარი რესურსებით უზრუნველყოს აღნიშნული საქმიანობის განხორციელება. გამომდინარე აქედან, მუნიციპალიტეტის პასუხისმგებელ პირებს არ უნდა განეხორციელებინა საკონსულტაციო მომსახურების შესყიდვა და ხარჯის გაწევა.

სსიპ „აჭარის ავტონომიური რესპუბლიკის საზოგადოებრივი ჯანდაცვის ცენტრის“ მიერ, ჯანდაცვის სფეროს მომსახურებების სახელმწიფო შესყიდვის მიზნით გამოცხადებული ათი ელექტრონული ტენდერიდან ერთი შეწყვეტილი იქნა, ხოლო ხუთ შემთხვევაში ტენდერში დაფიქსირებული საბოლოო ფასები მნიშვნელოვნად დაბალია საზოგადოებრივი ჯანდაცვის ცენტრის მიერ განსაზღვრულ შესყიდვის სავარაუდო ღირებულებაზე.

სსიპ - ტურიზმის ეროვნული ადმინისტრაციის ბალანსზე 2015 წლის ბოლოს ირიცხებოდა 21,239 ლარის ძირითადი აქტივები, რომელთა ისტორიული ღირებულება ნაკლები იყო 500 ლარზე და არ აკმაყოფილებდა ძირითად აქტივად აღიარების კრიტერიუმებს. აღნიშნულ აქტივებზე დარიცხულმა ცვეთამ შეადგინა 1,704 ლარი.

ბორჯომის მუნიციპალიტეტმა 2016 წლის 9 თებერვალს ჩაიბარა „სილამაზის ხიდის“ სარეაბილიტაციო სამუშაოები, ღირებულებით 110.4 ათასი ლარი. 2017 წლის მაისში შესრულებული სამუშაოები დაზიანდა. კერძოდ: ხიდის ასფალტობეტონის საფარზე წარმოიშვა პროგრესირებადი ბზარები, ფეხით სავალ ნაწილზე დაზიანდა პოლიმერული ფილები და კოროზია გაუჩნდა შეღებილ ლითონის კონსტრუქციებს. გამგეობამ ხარვეზების აღმოფხვრის მიზნით, სამჯერ წერილობით მიმართა შემსრულებელს, თუმცა მიმწოდებელმა ხარვეზები არ გამოასწორა. მიმწოდებლის განცხადებით, დაზიანება გამოწვეულია მისგან დამოუკიდებელი მიზეზით. მუნიციპალიტეტმა ვერ დაადასტურა შესრულებული სამუშაოების უხარისხობა, რადგან სამუშაოების დაგეგმვისა და შესრულების ეტაპზე, არ გაითვალისწინა ხარისხის დასადგენად საჭირო ღონისძიებები. 2017 წელს მუნიციპალიტეტმა ხარისხის დადგენის მიზნით შეისყიდა ექსპერტიზის მომსახურეობა. ექსპერტიზის დასკვნით შესრულებული სამუშაოები არ შეესაბამება მოქმედ სამშენებლო ნორმებს/სტანდარტებს და საჭიროებს დამატებით მნიშვნელოვან სარეაბილიტაციო სამუშაოებს. მიუხედავად იმისა, რომ მუნიციპალიტეტს უკვე გააჩნდა მტკიცებულება უხარისხოდ შესრულებულ სამუშაოებზე, დამატებით არ მიუმართავს მიმწოდებლისთვის საგარანტიო ვადის ფარგლებში გამოესწორებინა ექსპერტიზით დადასტურებული ხარვეზები. ამგვარად, დაგეგმვასა და კონტროლში არსებულმა მართვის სისუსტეებმა გამოიწვია უხარისხოდ შესრულებული პროექტის ჩაბარება. მიუხედავად იმისა, რომ მუნიციპალიტეტმა ხიდის რეაბილიტაციაზე დახარჯა 110.4 ათასი ლარი, ობიექტი დაზიანებულია და საჭიროებს აღდგენითი სამუშაოების ჩატარებას.

2014 წლის მაისში სამინისტროს სარგებლობაში გადაეცა მდ. ენგურის მარცხენა სანაპიროზე მდებარე მიწის ნაკვეთები სოფ. რუხში 321,76 ჰა (ს/კ N43.10.06.036) , ხოლო სოფ. რიყეში არასასოფლო-სამეურნეო 95,08 ჰა (ს/კ N43.09.03.240). აღნიშნული მიწების გადმოცემის მოთხოვნის არგუმენტად მოყვანილი იყო აფხაზეთიდან იძულებით გადაადგილებულ პირთა დასაქმებისა და სოციალურ-ეკონომიკური პირობების გაუმჯობესების მიზნით, აფხაზეთის ა/რ სოფლის მეურნეობის დეპარტამენტის მიერ აფხაზეთის ა/რ მთავრობის ხელმძღვანელობასთან შეთანხმებით, შემუშავებული 7 ბიზნესპროექტი (რაც მოწონებული იქნა ,,გამყოფი ხაზის მდებარე სოფლებში დაზარალებული მოსახლეობის საჭიროებაზე რეაგირების დროებითი სამთავრობო კომისიის“ მიერ). თუმცა, 2015 წლის განმავლობაში, როგორც წინა აუდიტის პერიოდში (სამინისტროს ინფორმაციით) ზემოაღნიშნული მიწები ძირითადად დატვირთული არ ყოფილა და არცერთი ბიზნესპროექტი არ განხორციელებულა

2015 წლის 31 დეკემბრის მდგომარეობით სსიპ - ტურიზმის ეროვნული ადმინისტრაციის ბალანსზე „სხვა ნაგებობების“ სახით ირიცხებოდა გუდაურსა და ბაკურიანში არსებული სამთო ველო ბილიკების ღირებულება 235,191 ლარის ოდენობით. ბილიკები დაპროექტდა 2014 წელს, ხოლო მშენებლობა განხორციელდა 2015 წელს. ბილიკების აღნიშნული ღირებულება მოიცავს მხოლოდ პროექტის განხორციელების სამუშაოებს, ხოლო პროექტის შედგენის ღირებულება - 22,195 ლარი კაპიტალიზირებული არ არის და ჩამოწერილია ხარჯებში. შესაბამისად, ადმინისტრაციის ბალანსზე რიცხული აქტივები, კერძოდ „სხვა ნაგებობები“ 22,195 ლარით ნაკლები მოცულობით არის წარმოდგენილი.

მუნიციპალიტეტმა 2015 წელს შეისყიდა ბორჯომში მტკვრის მარცხენა სანაპიროზე არსებული სკვერის სარეაბილიტაციო სამუშაოები, ღირებულებით 549.3 ათასი ლარი. ხელშეკრულების ფარგლებში სკვერში ორ სხვადასხვა ადგილზე მოეწყო ლითონის კონსტრუქცია, რომელზეც პროექტის მიხედვით უნდა გაშენებულიყო მცენარეთა ხეივანი. სკვერში რკინის კონსტრუქციის მოწყობაზე დაიხარჯა 26.0 ათასი ლარი. შესწავლის შედეგად გაირკვა, რომ რკინა კონსტრუქციის მიმდებარე ტერიტორიაზე დარგულია ყვავილები, თუმცა მას არ აქვს პროექტით განსაზღვრული მცენარეთა ხეივნის სახე. წარმოდგენილი დოკუმენტური მტკიცებულებების თანახმად, ყვავილების ზრდადობისა და რკინა-კონსტრუქციის ზომებზე დარყდნობით, ხეივნის მოსაწყობად დაახლოებით საჭიროა ათეული წელი. შესაბამისად, მუნიციპალიტეტის მიერ სკვერში მოწყობილ რკინა კონსტრუქციას არ აქვს ფუნქციური დატვირთვა. ამდენად, შესრულებულმა სამუშაოებმა ვერ უზრუნველყო მოკლევადიან პერიოდში პროექტით განსაზღვრული მიზნების მიღწევა და მუნიციპალიტეტის მიერ 2015 წელს რკინა-კონსტრუქციის მოწყობაზე დახარჯული 26.0 ათასი ლარი წარმოადგენს არამიზნობრივ ხარჯს.

მინისტრის ბრძანებებისა და ხელშეკრულებების საფუძველზე 2015 წლის მთელი ან გარკვეული პერიოდის განმავლობაში დასაქმებული იყო შტატგარეშე 10 მომუშავე და მათზე ანაზღაურდა სულ 73,530.60 ლარი. მოქმედი კანონმდებლობის თანახმად, შტატგარეშე მოსამსახურე არის პირი, რომელიც დანიშვნით ან შრომითი ხელშეკრულებით გარკვეული ვადით მიიღება სამსახურში არამუდმივ ამოცანათა შესასრულებლად; ფაქტობრივად კი წარმოდგენილი ხელშეკრულებების ანალიზით გამოვლინდა, რომ 6 პირი აყვანილი იყო მთელი წლის პერიოდში (9-12 თვე) მუდმივ ამოცანათა შესასრულებლად. მათზე ანაზღაურდა (თვეში 450-800 ლარი), სულ 47,149,60 ლარი

2015 წელს სსიპ - ტურიზმის ეროვნულ ადმინისტრაციას უსასყიდლოდ გადაეცა დაბა ბაკურიანში, აღმაშენებლის ქ. N17-ში მდებარე შენობა-ნაგებობაში 30.89 მ2 ფართი და ქ. თბილისში, მტკვრის ქ. N3-ში არსებულ შენობაში - 147,37 მ2 ფართი. აღნიშნული აქტივები ადმინისტრაციის მიერ შეფასებული არ არის და ბალანსზე აღრიცხულია მხოლოდ მათი რეგისტრაციის საფასურით (შესაბამისად 55 ლარი და 50 ლარი). დარღვეულია სამართლიანი წარდგენის და სისრულის პრინციპები .

2016 წელს ბორჯომის მუნიციპალიტეტმა სოფელ ზანავში წყალსადენის სისტემის მოწყობაზე დახარჯა 92.1 ათასი ლარი. შესწავლის შედეგად გაირკვა, რომ მოწყობილი ახალი სისტემა არ ფუნქციონირებდა. მუნიციპალიტეტის პასუხისმგებელი პირის განმარტებით, აღნიშნულის მიზეზს წარმოადგენს ის გარემოება, რომ ახალ სისტემაში წყალი დაბინძურებულია და არ არის ვარგისი სასმელად. 2017 წლის მაისიდან სოფელ ზანავში მოწყობილი წყლის სისტემა მოვლა-პატრონობისთვის გადაეცა ა(ა)იპ „ბორჯომის სოფლის წყალს“. ა(ა)იპ-ის დირექტორის განმარტებით, წყლის დაბინძურების მიზეზს წარმოადგენდა დაზიანებული მილები და არასათანადოდ მოწყობილი სათავე-ნაგებობა. მისივე განმარტებით, პრობლემის მოსაგვარებლად საჭიროა სათავე ნაგებობაზე დამატებითი სარეაბილიტაციო სამუშაოების ჩატარება. პროექტზე არსებული ხარვეზების გამომწვევ მიზეზებს, შეიძლება წარმოადგენდეს სამუშაოების არასათანადო დაგეგმვა, უხარისხოდ შესრულება ან/და არასწორი მოვლა-პატრონობა. მუნიციპალიტეტს არ შეუსწავლია წყლის დაბინძურების გამომწვევი მიზეზი და პრობლემის მოსაგვარებლად არ გაუტარებია შესაბამისი ღონისძიებები. მუნიციპალიტეტმა არსებულ ხარვეზზე არასათანადო რეაგირებების გამო, ვერ უზრუნველყო დასახული მიზნების მიღწევა. მიუხედავად იმისა, რომ სოფლის წყალმომარაგებისათვის დაიხარჯა 92.1 ათასი ლარი, წყლის სისტემა გამოუყენებელია და მოსახლეობა შესრულებული სამუშაოებით ვერ სარგებლობს.

სამინისტროს შიდა აუდიტის სამსახურის 2014 წლის 30 დეკემბერს დამტკიცებული შიდა აუდიტის სამსახურის (შემდეგში სამსახური) 2015 წლის სამოქმედო გეგმის მიხედვით სამსახურს უნდა ჩაეტარებინა 12 აუდიტი. ორგანიზაციიდან მიღებული ინფორმაციით ვინაიდან სამსახური ვერ განახორციელებდა სამოქმედო გეგმის სრული მოცულობით შესრულებას, 2015 წლის 29 ივლისს მოხდა გეგმის კორექტირება და შესამოწმებელ ობიექტთა რაოდენობა განისაზღვრა 6 ერთეულით. თუმცა როგორც დადგინდა, გეგმით გათვალისწინებული 6 აუდიტიდან ჩატარდა მხოლოდ 3.

სსიპ - საქართველოს სახელმწიფო ჰიდროგრაფიულ სამსახურს ბალანსზე საანგარიშგებო წლის ბოლოსათვის ძირითადი საშუალებების სახით ერიცხებოდა ფიზიკურად არარსებული 42,694 ლარის აქტივები. აღნიშნული აქტივები წარმოადგენს ინვენტარიზაციის შედეგად გამოვლენილ დანაკლისებს, რომლებიც აღრიცხული უნდა იყოს #1440 საბალანსო ანგარიშზე (მოთხოვნები არაფინანსური აქტივების დანაკლისებით).

სსიპ აფხაზეთის სიმღერისა და ცეკვის სახელმწიფო ანსამბლ ,,აფხაზეთის“ მიერ 2015 წლის 29 დეკემბერს N47 და 2016 წლის 8 იანვარის N2 წერილებით სახელმწიფო კონტროლის განმახორციელებელ ორგანოს - აფხაზეთის ა/რ განათლებისა და კულტურის სამინისტროს შეთანხმების მიზნით წარედგინა 2016 წლის საშტატო განრიგი. აფხაზეთის ა/რ განათლებისა და კულტურის სამინისტროს 2016 წლის 11 აპრილის N MES6 16 00361389 საპასუხო წერილით ანსამბლს ეცნობა, რომ აფხაზეთის ა/რ ფინანსთა და ეკონომიკის სამინისტრო არ ეთანხმებოდა ანსამბლის მიერ წარმოდგენილ საშტატო ნუსხის პროექტს, ვინაიდან, პროექტის მიხედვით გაზრდილი იყო დირიჟორის, ქორეოგრაფისა და კადრების ინსპექტორის შრომის ანაზღაურება, ასევე დამატებული იყო მთავარი დირიჟორისა და მთავარი ქორეოგრაფის თანამდებობები შრომის ანაზღაურების მაღალი განაკვეთებით, რაც გავლენას იქონიებდა ბიუჯეტის მოცულობაზე. შესაბამისად ანსამბლს ეთხოვა აფხაზეთის ა/რ ფინანსთა და ეკონომიკის სამინისტროს შენიშვნების გათვალისწინება და კორექტირებული საშტატო განრიგის წარმოდგენა. თუმცა, ანსამბლს არანაირი კორექტირება არ განუხორციელებია და სამინისტროში შესათანხმებლად უცვლელად წარადგინა 2016 წლის საშტატო განრიგის პროექტი. ხელმეორედ წარდგენილ პროექტთან დაკავშირებით მაკონტროლებელ ორგანოს რაიმე ოფიციალური რეაგირება არ განუხორციელებია, ანუ საშტატო განრიგის პროექტი არ დაუმტკიცებია. ამასთან, ანსამბლის მიერ 2016 წლის საშტატო ნუსხის პროექტზე მიღებული უარი მოქმედი კანონმდებლობის შესაბამისად ზემდგომ სახელმწიფო ორგანოში ან/და სასამართლოში არ გასაჩივრებულა. შესაბამისად, მიუხედავად იმისა, რომ 2016 წლის საშტატო განრიგის პროექტზე არ არსებობდა საჭირო თანხმობა, 2016 წელს დირიჟორზე, ქორეოგრაფზე და კადრების ინსპექტორზე მაინც გაიცა ხელფასები გაზრდილი ოდენობით, ხოლო მთავარი დირიჟორი და მთავარი ქორეოგრაფი აყვანილ იქნენ აღნიშნულ თანამდებობებზე და ჩაერიცხათ 2016 წლის საშტატო ნუსხის პროექტით გათვალისწინებული თანხები (სხვაობა 27,300.00 ლარი) „შრომის ანაზღაურების“ მუხლიდან. 2015 წლის(შეთანხმებული-მოქმედი) საშტატო განრიგით გათვალისწინებულ მოსამსახურეთა ნაწილს (პედაგოგ-რეპეტიტორი - 2, მუსიკოსი - 4 და მსახიობი - 20) ხელფასები ჩაერიცხათ „საქონელი და მომსახურების“ მუხლის „შტატგარეშე მომუშავეთა ანაზღაურების“ ქვემუხლიდან. ამრიგად, აფხაზეთის ა/რ განათლებისა და კულტურის სამინისტროს და აფხაზეთის ა/რ ფინანსთა და ეკონომიკის სამინისტროს მოთხოვნის გაუთავლისწინებლად და აღნიშნული სამინისტროების მხრიდან არასათანადო (არასაკმარისი) რეაგირების გამო ადგილი ჰქონდა საბიუჯეტო სახსრების კანონმდებლობის მოთხოვნათა შეუსაბამოდ ხარჯვას;

2015 წელს მუნიციპალიტეტმა სოფელ ვარდგინეთში მოაწყო წყლის სისტემა. პროექტის ფარგლებში დაიგეგმა მხოლოდ წყლის მილის მოწყობა და მისი დაერთება კერძო კომპანიის საკუთრებაში არსებულ მაგისტრალზე. შესწავლის შედეგად ირკვევა, რომ მუნიციპალიტეტს არ ქონდა კერძო კომპანიისგან ოფიციალური ნებართვა დაერთების შესახებ. პასუხისმგებელი პირის განმარტებით, წყლის რესურსის სავარაუდო შემცირების გამო, კერძო კომპანიამ მუნიციპალიტეტს უარი განუცხადა მაგისტრალის გამოყენებაზე. შედეგად, შესრულებული სამუშაოებით მოსახლეობამ სარგებლობა ვერ შეძლო. 2016 წელს მუნიციპალიტეტმა პრობლემის მოგვარების მიზნით, დაგეგმა სათავე ნაგებობის მოწყობა, რომელიც დაერთდებოდა კერძო კომპანიის საკუთრებაში არსებულ მაგისტრალზე და გაზრდიდა წყლის რესურს. პასუხისმგებელი პირის განმარტებით, სათავე ნაგებობის სამუშაოების დასრულების შემდეგ გაირკვა, რომ 2015 წელს მოწყობილი მილი მოკლე მონაკვეთზე დაზიანებული იყო, რის გამოც სისტემა ექსპლოატაციაში არ შესულა. მუნიციპალიტეტს პრობლემის გამოსწორების მიზნით შესაბამისი ღონისძიებები არ გაუტარებია. აღნიშნული ხარვეზები გამოიწვია დაგეგმვისა და მოვლა-პატრონობის ეტაპზე არსებულმა არასათანადო კონტროლმა. მიუხედავად იმისა, რომ 2015-2016 წლებში პროექტზე სულ დაიხარჯა 14.5 ათასი ლარი, წყლის სისტემა გამოუყენებელია და მოსახლეობა შესრულებული სამუშაოებით ვერ სარგებლობს.

დადგინდა, რომ სამინისტროსთვის საქართველოს ეკონომიკისა და მდგრადი განვითარების სამინისტროდან სარგებლობის უფლებით გადმოცემულ შენობა-ნაგებობის ფართებსა და მიწის ნაკვეთებზე, ყოველგვარი სამართლებრივი (კანონიერი) საფუძვლის - სამინისტროს შესაბამისი ინდივიდუალურ-სამართლებრივი აქტის (ბრძანების) გარეშე, ქონების სარგებლობის უფლებით გადაცემის დადგენილი წესის მოთხოვნათა შეუსაბამოდ, აუდიტის პერიოდში განთავსებული იყო და ფუნქციონირებდა საჯარო სამართლის იურიდიული პირი და აფხაზეთის ა/რ მთავრობის 100 %-იანი წილობრივი მონაწილეობით დაფუძნებული შეზღუდული პასუხიმგებლობის საზოგადოებები (შპს);

სამინისტროს დაქვემდებარებაში მყოფ ზოგიერთ უწყებაში (სსიპ - მეწარმეობის განვითარების სააგენტო, სსიპ - ინოვაციებისა და ტექნოლოგიების სააგენტო) 2015 წლის ბოლოს არ ჩატარებულა ძირითადი აქტივებისა და მატერიალური მარაგების ინვენტარიზაცია, რაც შეუსაბამობაშია ფინანსთა მინისტრის მიერ დამტკიცებული ინვენტარიზაციის ჩატარების წესის მოთხოვნებთან.

2015 წლის ივნისში დასრულდა სსიპ სოხუმის მოზარდ მაყურებელთა პროფესიული სახელმწიფო თეატრ ,,თეთრ ტალღასა“ და თეატრიდან განთავისუფლებულ 2 თანამშრომელს შორის 2014 წელს დაწყებული სასამართლო დავა. მიუხედავად იმისა, რომ თეატრისთვის ცნობილი იყო აღნიშნული სასამართლო პროცესის ორგანიზაციის ფინანსურ მდგომარეობაზე შესაძლო ზეგავლენის შესახებ, ორგანიზაციის მიერ რისკების სწორად განსაზღვრა და ფინანსურ ანგარიშგებაში ასახვა (პირობით ვალდებულებებად) არ მომხდარა. სასამართლო გადაწყვეტილებით, სსიპ ,,თეთრ ტალღას“ დაეკისრა მოსარჩელეებისათვის 9 თვის განაცდური ხელფასის სახით თანხის ჩარიცხვა 2015 წლის 25 მაისამდე ჯამში - 8,850.00 ლარის ოდენობით. წარმოდგენილი ინფორმაციით სახსრების უქონლობის გამო თეატრის მიერ ვალდებულებების დაფარვა დადგენილ ვადაში ვერ მოხერხდა. 2015 წლის 11 სექტემბერს თეატრს აღსრულების ეროვნული ბიუროს სპეციალური სამსახურის წერილით მოუვიდა შეტყობინება გადაწყვეტილების შესრულების შესახებ, რომლითაც ორგანიზაციას დაეკისრა სასამართლო გადაწყვეტილების იძულებითი აღსრულება და თანხის ჩარიცხვა შესაბამის ანგარიშზე დაკისრებული საურავების გათვალისწინებით, რაც ჯამში შეადგენდა - 9,148.50 ლარს. ყოველივე აღნიშნულიდან გამომდინარე, სახსრების უქონლობის გამო თეატრმა დავალიანების დასაფარად მაკონტროლებელთან შეთანხმებით აიღო სესხი 9,000.00 ლარის ოდენობით (06.11.2015 წ. სასესხო ხელშეკრულება მოქ. მ. ყურაშვილთან უპროცენტო სესხის აღებაზე). აუდიტის პერიოდში აღებული სესხიდან თანხები საერთოდ არ დაფარულა და იგი ირიცხებოდა, როგორც 9,000.00 ლარის გრძელვადიანი ვალდებულება. ამრიგად, სსიპ ,,თეთრი ტალღის“ ხელმძღვანელობის შეუსაბამო გადაწყვეტილებით ფაქტობრივად თანამშრომელთა უკანონო განთავისუფლებამ და რისკების არასწორად შეფასებამ გამოიწვია დამატებითი (გაუთვალისწინებელი) ხარჯები, რომლებმაც ზეგავლენა მოახდინა ორგანიზაციის ფინანსურ მდგომარეობაზე, რაც მიუთითებს ფინანსური სახსრების არაეფექტიან და არაპროდუქტიულ განკარგვაზე;

2016 წელს მუნიციპალიტეტმა „სოფლის მხარდაჭერის პროგრამით“ განახორციელა სოფელ ჭიხარულაში სპორტული დარბაზის მოწყობის სამუშაოები ღირებულებით 12.4 ათასი ლარი. შესწავლის შედეგად გამოვლინდა, რომ პროექტი დაუსრულებელია და სპორტული დარბაზი არ ფუნქციონირებს. მუნიციპალიტეტმა პროექტის დაგეგმვისას ვერ გაითვალისწინა სამუშაოების დასასრულებლად საჭირო ფინანსური რესურსი, რის გამოც ვერ უზრუნველყო სამუშაოების დასრულება და დასახული მიზნების მიღწევა.

ფინანსური ანგარიშგების დანართი ფორმების შედარებისას დადგინდა, რომ ძირითადი კაპიტალის მოხმარება ბალანსის დანართ ფორმა N3-ში და N5-ში ნაჩვენები იყო 38,816.21 ლარის ოდენობით, ხოლო ბალანსის დანართ ფორმა N2–ში არასწორად იყო წარმოდგენილი 30,724.21 ლარის ოდენობით.

სამინისტროს კონსოლიდირებულ ფინანსურ ანგარიშგებაში არ არის ელიმინირებული შიდა ჯგუფური ოპერაციები საერთო თანხით 571,112 ლარი (შემოსავლებში: ნებაყოფლობითი ტრანსფერები, გრანტები, საქონლისა და მომსახურების რეალიზაცია; ხარჯებში: მიმდინარე გრანტები, საქონელი და მომსახურება, სხვა ხარჯები).

2015 წლის მაისში სსიპ გურამ ყურაშვილის სახელობის აფხაზეთის სახელმწიფო საგუნდო კაპელამ მიიღო მოწვევა იტალიის ქ. რიმინიში Internacional Choir Competition 2015-ის, ხოლო ივლისში ქ. ლუკაში Puccini Internacional Choir Competiton-ის საერთაშორისო კონკურსებში მონაწილეობის მისაღებად. სსიპ საგუნდო კაპელის 30 თანამშრომლის იტალიაში მივლინების შესახებ ბრძანების საფუძველზე, 2015 წლის სექტემბერში გაფორმდა ხელშეკრულება შპს ვიზა მენეჯმენტ სერვის ჯორჯიასთან მივლინებული თანამშრომლების სავიზო დოკუმენტაციის იტალიის რესპუბლიკის საკონსულოში წარდგენის მომსახურებისათვის, რისთვისაც გადახდილ იქნა 2,250.00 ლარი. ოცდაათივე თანამშრომელზე სავიზო მოთხოვნა დაკმაყოფილდა, თუმცა აღნიშნული მივლინება იტალიაში ვერ შედგა, რადგან კაპელის მიერ ვერ მოხერხდა მისავლინებელი თანამშრომლების დაბინავებისათვის აუცილებელი სამივლინებო თანხების მოძიება. კერძოდ, სავიზო ხარჯების გაწევისა და ვიზების მიღების შემდეგ საქართველოს კულტურისა და ძეგლთა დაცვის სამინისტროში და ქ. თბილისის მერიის კულტურული ღონისძიებების ცენტრში დაფინანსების მოსაპოვებლად წარდგენილ განაცხადებზე, მიღებულ იქნა უარი. ამრიგად, კაპელის მიერ საკუთარი შემოსავლებით სავიზო დოკუმენტაციის საკონსულოში წარდგენის მომსახურებისათვის ფაქტობრივად გადახდილი თანხა - 2,250.00 ლარის ოდენობით (სხვა აუცილებელი დაფინანსების არქონის პირობებში), მიუთითებს სახსრების არაეფექტიან და არაპროდუქტიულ განკარგვაზე და დაგეგმვის ეტაპზე ორგანიზაციული პროცესების მართვაში არსებულ პრობლემებზე;

2016 წელს ბორჯომის მუნიციპალიტეტმა „სოფლის მხარდაჭერის პროგრამის“ ფარგლებში, სოფელ სადგერში კანალიზაციის მოსაწყობად შეისყიდა პლასტმასის მილები, ღირებულებით 5.7 ათასი ლარი. მუნიციპალიტეტის წარმომადგენლებთან ერთად, აუდიტის ჯგუფმა დაათვალიერა შესრულებული სამუშაოები. დათვალიერებით გამოვლინდა, რომ მასალები დასაწყობებულია ადმინისტრაციული ერთეულის სპეციალისტის კუთვნილ ეზოში. მილების გამოყენება 2017 წელს არ არის დაგეგმილი. მუნიციპალიტეტმა პროექტის დაგეგმვისას ვერ გაითვალისწინა სამუშაოების დასასრულებლად საჭირო ფინანსური რესურსი, რის გამოც ვერ უზრუნველყო სამუშაოების დასრულება და დასახული მიზნების მიღწევა.

აფხაზეთის ა/რ ჯანმრთელობისა და სოციალური დაცვის სამინისტროს გადაეცა სამინისტროს ბალანსზე რიცხული კალაუბნის ქ. N16-ში მდებარე შენობა-ნაგებობის 2020,56 კვ/მ საერთო ფართიდან (საწყისი ღირებულებით - 899 170.03 ლარი, ნარჩენი ღირებულებით - 798 258.30 ლარი), მე-2 სართულზე მდებარე 66 კვ/მ (საწყისი ღირებულებით 30,362.64 ლარი, ნარჩენი ღირებულებით 26,955.06 ლარი). თუმცა, აღნიშნული აქტივის გასვლა ფინანსურ ანგარიშგებაში არ აღრიცხულა; სსიპ აფხაზეთის გეოლოგიისა და მინერალური რესურსების სააგენტოს გადაეცა სამინისტროს ბალანსზე რიცხული თამარაშვილის ქუჩა N15ა-ში მდებარე შენობა-ნაგებობის, მე-3 სართულზე არსებული 800 კვ/მ საოფისე ფართიდან (საწყისი ღირებულებით - 726 462.00 ლარი, ნარჩენი ღირებულებით - 704 668.14 ლარი) 34,65 კვ/მ საბალანსო ღირებულების გარეშე. გამიჯვნა უნდა მომხდარიყო ძირითადი ფართის ღირებულებიდან 34,65 კვ/მ–ის ღირებულების გამოკლებით (საწყისი ღირებულებით 31,444.84 ლარის, ნარჩენი ღირებულებით 30,501.49 ლარი). თუმცა ამ შემთხვევაშიც არაფინანსური აქტივის გასვლა ფინანსურ ანგარიშგებაში არ აღრიცხულა; ორგანიზაციის ბალანსში არ იყო წარმოდგენილი არაფინანსური აქტივების გასვლა ჯამში 66,144.63 ლარის ოდენობით, შესაბამისად იგივე თანხით არასწორად (ზედმეტად) იყო ნაჩვენები ბალანსზე რიცხული ძირითადი აქტივების (შენობა-ნაგებობები) ღირებულება. შესაბამისად წლის ბოლოს დარიცხული ცვეთა გაზრდილი იყო ჯამში 618.08 ლარით.

სამინისტროს ცენტრალურ აპარატში, სსიპ - სახელმწიფო ქონების ეროვნულ სააგენტოში, სსიპ - საქართველოს ინოვაციებისა და ტექნოლოგიების სააგენტოში, სსიპ - ტექნიკური და სამშენებლო ზედამხედველობის სააგენტოში, სსიპ - აკრედიტაციის ცენტრში და ააიპ - ინვესტორთა საბჭოს სამდივნოში არ არის დანერგილი სპეციალიზებული საბუღალტრო აღრიცხვის სისტემა. ამათგან სახელმწიფო ქონების ეროვნული სააგენტო ბუღალტერიას აწარმოებს ქაღალდზე, ხოლო დანარჩენი ორგანიზაციები Microsoft Excel-ის გამოყენებით. სახელმწიფო შიდა ფინანსური კონტროლის შესახებ საქართველოს კანონის თანახმად, დაწესებულების ხელმძღვანელი ნერგავს და განავითარებს სანდო, სრულყოფილ და ხელმისაწვდომ საინფორმაციო და საკომუნიკაციო სისტემას, რომელიც უზრუნველყოფს დაწესებულების საქმიანობის შესახებ უახლესი და სანდო ინფორმაციის სათანადო ხელმისაწვდომობას დაწესებულების ყველა იერარქიულ საფეხურზე.

სსიპ ,,სოხუმის კონსტანტინე გამსახურდიას სახელობის სახელმწიფო დრამატული თეატრს“ აფხაზეთის ა/რ განათლებისა და კულტურის სამინისტროს მიერ 2016 წლის 26 დეკემბერს გადმოეცა ქ. თბილისში დ. უზნაძის ქუჩა N68-ში მდებარე შენობის მე-6 სართულზე არსებული 279.38 კვ.მ ფართი (ს/კ N01.13.08.010.028). საექსპერტო დასკვნით ფართის საბალანსო ღირებულება (ცვეთის გათვალისწინებით) განისაზღვრა - 27,938.00 ლარის ოდენობით, ხოლო საბაზრო ღირებულება - 475,000.00 ლარის ოდენობით. გადმოცემული ფართი ფინანსურ ანგარიშგებაში აისახა საბალანსე ღირებულებით (27,938.00 ლარი) და დაერიცხა ცვეთა 283.3 ლარის ოდენობით. ვინაიდან საექსპერტო დასკვნის საფუძველზე მოხდა აღნიშნული აქტივის შეფასება, მისი ასახვა ფინანსურ ანგარიშგებაში უნდა მომხდარიყო რეალური (საბაზრო) ღირებულებით. ფინანსურ ანგარიშგებაში ასახული ინფორმაცია ძირითადი აქტივის შესახებ წარმოდგენილი იყო - 447,062.00 ლარით, ხოლო ძირითადი კაპიტალის მოხმარების შესახებ - 4,466.00 ლარით ნაკლები თანხით. ამრიგად, ყოველივე ზემოაღნიშნულით ადგილი ჰქონდა აღრიცხვა-ანგარიშგებაში ძირითადი აქტივების არასწორად და მოქმედი კანონმდებლობის მოთხოვნებთან შეუსაბამოდ აღრიცხვას.

2016 წელს ბორჯომის მუნიციპალიტეტმა „სოფლის მხარდაჭერის პროგრამით“ შეისყიდა სოფელ სადგერის გასასვლელში მდებარე ფართის შემოღობვის სამუშაოები, ღირებულებით 4.9 ათასი ლარი. სამუშაოების შესყიდვის მიზანს წარმოადგენდა შემოღობილ ტერიტორიაზე სამომავლოდ სკვერის მოწყობა. აუდიტის ჯგუფმა დაათვალიერა შესრულებული სამუშაოები. მუნიციპალიტეტმა პროექტის დაგეგმვისას ვერ გაითვალისწინა სამუშაოების დასასრულებლად საჭირო ფინანსური რესურსი, რის გამოც ვერ უზრუნველყო სამუშაოების დასრულება და დასახული მიზნების მიღწევა.

სამინისტროს, როგორც წინა აუდიტისას, ასევე მიმდინარე აუდიტის პერიოდში კვლავ ერიცხებოდა უძრავი ქონება მიწის ნაკვეთები და შენობა-ნაგებობების ფართები, რომლებიც სამინისტროს საბუღალტრო რეგისტრებში (ბალანსში) თანხობრივად (ღირებულებით) არ აღრიცხულა. გარდა აღნიშნულისა, სამინისტროს 2015 წელს სსიპ „სახელმწიფო ქონების ეროვნული სააგენტოსგან“ სარგებლობის უფლებით გადმოეცა შენობა-ნაგებობები (ფართები) (ორ შემთხვევაში) და მათზე წილობრივად დამაგრებული მიწის ნაკვეთები, რომელთა ღირებულება ასევე უცნობი იყო და შესაბამისად მათი აღრიცხვაც ფინანსურ ანგარიშგებაში არ მომხდარა.

“საბიუჯეტო ორგანიზაციების ბუღალტრული აღრიცხვის და ფინანსური ანგარიშგების შესახებ” ინსტრუქციით , ფინანსური ანგარიშგება განიმარტება როგორც ორგანიზაციის ფინანსური მდგომარეობის და მისი საქმიანობის შედეგების სტრუქტურირებული ასახვა დროის განსაზღვრული მომენტისათვის. აქედან გამომდინარე, ეკონომიკურმა ერთეულებმა უნდა შეადგინონ ერთი ფინანსური ანგარიშგება, სადაც ერთობლივად აისახება როგორც უშუალოდ მათი ფინანსური მდგომარეობა, ასევე მათ მიერ განხორციელებული პროექტების თუ ღონისძიებების შედეგები. სამინისტროს დაქვემდებარებაში მყოფი სსიპ-ები ინდივიდუალურ ფინანსურ ანგარიშგებას ადგენენ არა როგორც ერთი ერთეულის ანგარიშგებას, არამედ ბიუჯეტით განსაზღვრული ცალკეული ქვეპროგრამებისა და ღონისძიებებისთვის ცალ-ცალკე. ფინანსური ანგარიშგების შედგენის ზემოხსენებულ პრაქტიკას იყენებენ სსიპ - სახელმწიფო ქონების ეროვნული სააგენტო, სსიპ - ინოვაციებისა და ტექნოლოგიების სააგენტო, სსიპ - ციფრული მაუწყებლობის სააგენტო.

სახელმწიფო შესყიდვების წარმოებისას ფიქსირდება პრეტენდენტთა მიმართ არაერთგვაროვანი მიდგომის ფაქტები. არ ტარდებოდა ბაზრის კვლევა და ვერ დასტურდება სატენდერო მოთხოვნებთან მიწოდებული საქონლის შესაბამისობის მდგომარეობა;

ბორჯომის მუნიციპალიტეტის გამგეობაში შექმნილია იურიდიული კონსულტირების, სასამართლო საქმეთა წარმოების, კონტროლისა და შიდა აუდიტის სამსახური. სამსახური შედგება 2 განყოფილებისაგან: 1. იურიდიული კონსულტირებისა და სასამართლო საქმეთა წარმოების განყოფილება; 2. კონტროლისა და შიდა აუდიტის განყოფილება. შიდა აუდიტის განყოფილება მუნიციპალიტეტის სხვა სუბიექტისგან არ არის ფუნქციურად დამოუკიდებელი, რადგან გაერთიანებულია იურიდიულ განყოფილებასთან. აღნიშნული გარემოება ეწინააღმდეგება საქართველოში მოქმედ კანონმდებლობას.

მთავრობის სარეზერვო ფონდიდან საბიუჯეტო სახსრები გამოიყო ისეთი ხარჯების დასაფინანსებლადაც, რომელთა გათვალისწინებაც შესაძლებელი იყო ბიუჯეტის დაგეგმვის ეტაპზე, რაც ბიუჯეტის პროექტის შედგენის ნაკლოვანებაა. კერძოდ: ქვეყნის მასშტაბით სახელმწიფო ქონების ინვენტარიზაციის პროცესის გაგრძელებისათვის საჭირო საქონლის, მომსახურების შესყიდვისა და შტატგარეშე მომუშავეთა შრომის ანაზღაურებისათვის საჭირო ხარჯების დაფინანსების მიზნით, მთავრობის სარეზერვო ფონდიდან 2015 წელს სამინისტროს გამოეყო 900,000 ლარი, საიდანაც ათვისებულ იქნა 707,000 ლარი. ქ. თბილისში 2015 წლის 15-16 ოქტომბერს გასამართი საერთაშორისო ფორუმის „თბილისის აბრეშუმის გზის ფორუმის“ ორგანიზაციულ-ტექნიკური უზრუნველყოფისათვის საჭირო ხარჯების ნაწილობრივი დაფინანსების მიზნით, სსიპ - მეწარმეობის განვითარების სააგენტოს მთავრობის სარეზერვო ფონდიდან გამოეყო 1,043,000 ლარი. ამავე ღონისძიების ორგანიზებისათვის სააგენტოს ასიგნებებიდან გახარჯულ იქნა 1,012,567 ლარი.

აუდიტის პერიოდში ფიქსირდება პაციენტთა მხრიდან „C“ ჰეპატიტის მართვის პროგრამებით გათვალისწინებული მომსახურების ღირებულების ზედმეტად გადახდისა და თანადაფინანსების კომპონენტის გამოუყენებლობის ფაქტები, რაც უარყოფითად მოქმედებს მკურნალობაზე მოსახლეობის ხელმისაწვდომობის უზრუნველყოფისათვის გამოყოფილი საბიუჯეტო სახსრების ეფექტიან ხარჯვაზე;

ბორჯომის მუნიციპალიტეტის მიერ წარმოდგენილი მონაცემებით, 2016 წლის 1 იანვრის მდგომარეობით, გადაუხდელი და მისაღები საიჯარო ქირის ოდენობა საურავის ჩათვლით, შეადგენს 58.4 ათას ლარს, ხოლო 2017 წლის 1 იანვრის მდგომარეობით - 65.7 ათას ლარს. მუნიციპალიტეტის 2016 წლის ბალანსის „მოთხოვნები დარიცხული ჯარიმებით, სანქციებითა და საკუთრებასთან დაკავშირებული სხვა შემოსავლების“ მუხლის ნაშთი წლის დასაწყისისათვის შეადგენს 49.2 ათას ლარს, ხოლო ნაშთი წლის ბოლოსათვის - 49.1 ათას ლარს. შესაბამისად, ფინანსურ ანგარიშგებაში (ბალანსი - ფორმა №1) „მოთხოვნები დარიცხული ჯარიმებით, სანქციებით და საკუთრებასთან დაკავშირებული სხვა შემოსავლების“ მუხლის ნაშთი წლის დასაწყისისათვის შემცირებულია 9.2 ათასი ლარით, ხოლო ნაშთი წლის ბოლოსათვის - 16.6 ათასი ლარით. გარდა ამისა, ფინანსურ ანგარიშგებაში (ინფორმაცია დებიტორული დავალიანების შესახებ ორგანიზაციულ ჭრილში - ფორმა №9) შემცირებულია 16.6 ათასი ლარით.

საანგარიშო წლის განმავლობაში სამინისტროში რეალურად დასაქმებულ მომუშავეთა რიცხოვნობა, მნიშვნელოვნად ჩამორჩებოდა დამტკიცებული ბიუჯეტით განსაზღვრულ საშტატო რიცხოვნობას. მაგალითად, წლის განმავლობაში ვაკანსიების საშუალო ოდენობა შეადგენდა: სამინისტროს ცენტრალურ აპარატში - 80 ერთეულს, სსიპ - სახელმწიფო ქონების ეროვნულ სააგენტოში - 18 ერთეულს, სსიპ - ტექნიკური და სამშენებლო ზედამხედველობის სააგენტოში - 5 ერთეულს, სსიპ - ინოვაციებისა და ტექნოლოგიების ეროვნულ სააგენტოში - 20 ერთეულს. შედეგად, თანამდებობრივი სარგოს მუხლში გამოთავისუფლებული სახსრები ხმარდებოდა პრემიებისა და დანამატების გაცემას. მაგალითად, სამინისტროს ცენტრალური აპარატის მომუშავეთა რიცხოვნობა 2015 წლის სახელმწიფო ბიუჯეტის კანონით 275 საშტატო ერთეულითა და 5,480,000 ლარის ოდენობის შრომის ანაზღაურების ფონდით განისაზღვრა. თუმცა წლის განმავლობაში არსებული ვაკანტური ადგილების საშუალო რაოდენობამ 80 ერთეული შეადგინა. მიუხედავად ამისა, „შრომის ანაზღაურების“ მუხლით ათვისებული საბიუჯეტო სახსრების მოცულობა მცირედით ჩამორჩა ბიუჯეტის კანონით განსაზღვრულ მაჩვენებელს და 5,309,847 ლარის დონეზე დაფიქსირდა, რაც ბიუჯეტის დაგეგმვის პროცესში არსებულ ნაკლოვანებებზე მიუთითებს.

აუდიტის პერიოდში ფიქსირდება ცენტრში დასაქმებულთა შრომის არათანაბარი და არაობიექტური გარემო პირობები, რამაც დაკისრებული მოვალეობების არაჯეროვანი შესრულება და შედეგად საფინანსო მდგომარეობის მნიშვნელოვანი გაუარესება განაპირობა

2015 წელს ბორჯომის მუნიციპალიტეტმა შეისყიდა სოფელ საკირეში სტიქიის შედეგად დაზიანებული მონაკვეთის სარეაბილიტაციო სამუშაოები, ღირებულებით 153.9 ათასი ლარი. 2015 წლის ბოლოს მუნიციპალიტეტმა მიმწოდებელს ავანსის სახით ჩაურიცხა 46.1 ათასი ლარი. სამუშაოების შესრულება 2015 წელს არ განხორციელებულა. შესაბამისად, 46.1 ათასი ლარი მუნიციპალიტეტის მიერ აღრიცხული უნდა იყოს ბალანსის მუხლში „მოთხოვნები საქონლის და მომსახურების მიღებაზე წინასწარი გადახდებით“, რაც არ განხორციელებულა. შედეგად, ფინანსურ ანგარიშგებაში (ბალანსი - ფორმა №1) „მოთხოვნები საქონლის და მომსახურების მიღებაზე წინასწარი გადახდებით“, საწყისი მუხლი შემცირებულია 46.1 ათასი ლარით.

სამინისტროსა და მის დაქვემდებარებაში მყოფი ორგანიზაციების თანამშრომლებზე, დანამატები გაიცემა ბრძანებებით, სადაც დანამატების გაცემის საფუძვლად მითითებულია განსაკუთრებით საპასუხისმგებლო ფუნქციური დატვირთვა, ზეგანაკვეთური მუშაობა და სხვა მიზეზები. აღნიშნული ფორმულირებით გაიცემოდა დანამატები სსიპ - სახმელეთო ტრანსპორტის სააგენტოში, სსიპ -საზღვაო ტრანსპორტის სააგენტოში, სსიპ - სახელმწიფო ქონების ეროვნულ სააგენტოში, სსიპ - სახელმწიფო ჰიდროგრაფიის სამსახურში. თუმცა, როგორც განსაკუთრებული სირთულისა და მნიშვნელობის დავალებების შესრულების, ასევე იმ დავალებების შესრულების დამადასტურებელი დოკუმენტები, რომლებიც არ შედიოდა დანამატის მიმღებ პირთა მოვალეობაში, უწყებების მიერ წარმოდგენილი ვერ იქნა. უნდა აღინიშნოს, რომ ერთი ბრძანების საფუძველზე თანამშრომლებზე მთელი წლის განმავლობაში დანამატების დანიშვნა თანამდებობრივი სარგოს შინაარსისაა. მაგალითად, სსიპ - საქართველოს სტანდარტებისა და მეტროლოგიის ეროვნული სააგენტოში დასაქმებული 80 თანამშრომლიდან 78 თანამშრომელს 2015 წლის მარტში წლის ბოლომდე დაუწესდათ ყოველთვიური სახელფასო დანამატი, ჯამურად 29,800 ლარის ოდენობით. რაც შეეხება უშუალოდ სსიპ-ების ხელმძღვანელებს, მათ ყოველთვიური სახელფასო დანამატები დაუწესდათ საქართველოს ეკონომიკისა და მდგრადი განვითარების მინისტრის 2015 წლის 28 იანვრის #1-1/26 ბრძანებით განსაკუთრებული სირთულის და მნიშვნელობის დავალების შესრულებისათვის. დანამატი ცალკეული სსიპ-ების ხელმძღვანელების მიმართ არათანაბარია და მათი ოდენობა მერყეობს თანამდებობრივი სარგოს 22%-დან 100%-მდე ფარგლებში.

წარმოდგენილი მასალების ანლიზიდან გამომდინარე, აუდიტის პერიოდში, არასწორი სამედიცინო მომსახურების გაწევისათვის, მომსახურების ამსახველი დოკუმენტაციის არასწორი და არასრული წარმოებისათვის, მუშაკთა უსაფუძვლო გათავისუფლებისათვის დაკისრებული გადასახდელების გათვალისწინებით, ცენტრის 2015-2016 წლების ფინანსური შედეგი 280,5 ათასი ლარით გაუარესდა.

2016 წელს ბორჯომის მუნიციპალიტეტმა შეისყიდა სხვადასხვა ინფრასტრუქტურული პროექტები: თავშეყრის ადგილების კეთილმოწყობა, სკვერის შემოღობვა, რიტუალების სახლის მოწყობა და სხვ., საერთო ღირებულებით - 55.5 ათასი ლარი. აღნიშნული სამუშაოები წარმოადგენს ორგანიზაციის არაფინანსური აქტივის ზრდის ოპერაციას და უნდა აღირიცხოს „შენობა-ნაგებობების“ მუხლში. ფინანსურ ანგარიშგებაში, ოპერაცია ნაცვლად აქტივისა, წარმოდგენილია ხარჯებში, კერძოდ „სხვა ხარჯების“ მუხლში. შედეგად, ფინანსურ ანგარიშგებაში (ფორმა №1; ფორმა №2-1; ფორმა №5) „შენობა-ნაგებობების“ მუხლი შემცირებულია 61.2 ათასი ლარით; ფინანსურ ანგარიშგებაში (ფორმა №2; ფორმა №3) „სხვა ხარჯების“ მუხლი გაზრდილია 55.5 ათასი ლარით. გარდა ამისა, შესრულებული სამუშაოები წარმოადგენს მუნიციპალიტეტის აქტივს და უნდა დაერიცხოს ცვეთა, რაც არ განხორციელებულა. დასარიცხი ცვეთის თანხით ფინანსურ ანგარიშგებაში (ფორმა №2; №3 და №5) „ძირითადი კაპიტალის მოხმარების“ მუხლი არასწორად არის წარმოდგენილი. ასევე, დასარიცხი ცვეთა გავლენას ახდენს ფინანსურ ანგარიშგებაში (ბალანსი - ფორმა №1) წარმოდგენილი „წმინდა ღირებულების“ მუხლის სისწორეზე.

2016 წლის 1 იანვრის მდგომარეობით, თეთრიწყაროს მუნიციპალიტეტს ნაშთის სახით ერიცხებოდა ა 809.5 ათასი ლარის ფულადი სახსრები. მათ შორის, თავისუფალი ნაშთი იყო 127.7 ათასი ლარი. 2017 წელს ბოლოს ნაშთად დარჩა 3 496.1 ათასი ლარი. მათ შორის, თავისუფალი ნაშთი იყო 1 085.6 ათასი ლარი. აღნიშნული მიუთითებს მუნიციპალიტეტის მფლობელობაში არსებული ფინანსური რესურსების არაეფექტიან მართვაზე. შედეგად, მოსახლეობა ვერ სარგებლობს იმ სიკეთით, რაც შესაძლოა მიწოდებულ იქნას ბიუჯეტში მობილიზებული სახსრების დროული და ეფექტიანი გამოყენებით.

ხელშეკრულებით გათვალისწინებული მისაწოდებელი ავტომანქანის ნაცვლად, იმავე ღირებულებით, ჩანაცვლებული სხვა მოდელის, განსხვავებული პარამეტრების და ნაკლები მოცულობის ძრავის მქონე ავტომანქანის მიღება შესაძლოა მიმართული იყოს მიმწოდებლისათვის საჯარიმო სანქციის თავის არიდებაზე.

ბორჯომის მუნიციპალიტეტის მიერ წარმოდგენილ ფინანსურ ანგარიშგებაში „შენობა-ნაგებობების“ მუხლში 2016 წლის 1 იანვრის მდგომარეობით არის აღრიცხული 46.2 ათასი ლარის, ხოლო 2017 წლის 1 იანვრის მდგომარეობით 321.9 ათასი ლარის ისეთი აქტივი, რომლებიც არის გარდამავალი პროექტები და მათი საბოლოო მიღება არ მომხდარა საანგარიშგებო წელს. ამასთანავე, აღნიშნულ აქტივებს ერიცხება ცვეთა. მუნიციპალიტეტის მიერ გაფორმებული ხელშეკრულების შინაარსიდან გამომდინარე, აღრიცხულ არაფინანსურ აქტივებზე სამუშაოები არ არის დასრულებული. შესაბამისად, სამეურნეო ოპერაცია ასახული უნდა იყოს არა „შენობა-ნაგებობების“ მუხლში, არამედ „დაუმთავრებელი ძირითადი აქტივში“ და არ უნდა ერიცხებოდეს ცვეთა. შედეგად, ფინანსურ ანგარიშგებაში „შენობა - ნაგებობების“ მუხლის 2016 წლის საწყისი ნაშთი გაზრდილია 46.2 ათასი ლარით, ხოლო საბოლოო ნაშთი - 321.9 ათასი ლარით. შესაბამისად, იმავე თანხით შემცირებულადაა წარმოდგენილი „დაუმთავრებელი ძირითადი აქტივის“ მუხლის საწყისი და საბოლოო ნაშთები (ბალანსი - ფორმა №1, ფორმა №2-1, ფორმა №5). გარდა ამისა, ცვეთის დარიცხვის გამო, არასწორადაა წარმოდგენილი „ანგარიში ხარჯების ეკონომიკური კლასიფიკაციის მიხედვით“, „ანგარიში წმინდა ღირებულების შესახებ“ და „ორგანიზაციის ანგარიში არაფინანსური აქტივების მიღება-გასვლის შესახებ“ (ბალანსის დანართი ფორმა №2, ფორმა №3 და ფორმა №5).

მუნიციპალიტეტში დასაქმებული 6 მოსამსახურე ასრულებდა სხვა ორგანიზაციის დავალებებს და ამ მიზნით 2015-2016 წლებში გაწეულმა ხარჯმა 96.8 ათასი ლარი შეადგინა. მიზანშეწონილია, მუნიციპალიტეტმა შეზღუდული ფინანსური რესურსები გამოიყენოს საკუთარი საქმიანობის ორგანიზებისა და უფლებამოსილებების განსახორციელებლად.

 თბილისის საკორესპონდენტო პუნქტისათვის ავტოსატრანსპორტო საშუალების დაქირავებისათვის გაწეულია საწვავის ხარჯი 26,07 ათასი ლარი, სადაც ადგილი აქვს სატენდერო წინადადების/ხელშეკრულების პირობებთან და GPS მომსახურების მონაცემებთან შეუსაბამობას.

2015-2016 წლებში ლანჩხუთის მუნიციპალიტეტის მიერ საკრებულოს არათანამდებობრივ პირებზე უფლებამოსილების განხორციელებასთან დაკავშირებული ხარჯები ანაზღაურებულია 191.1 ათასი ლარით. მათ შორის 2015 წელს - 108.4 ათასი ლარი, ხოლო 2016 წელს - 82.7 ათასი ლარი. ყველა შემთხვევაში ხარჯები ანაზღაურებულია ისე, რომ არ არის წარმოდგენილი ხარჯის გაწევის დამადასტურებელი პირველადი დოკუმენტები. შედეგად, აღნიშნულ პირებზე ხარჯები მუნიციპალიტეტმა (შესაბამისმა პასუხისმგებელმა პირებმა) აანაზღაურა მოქმედ კანონმდებლობასთან შეუსაბამოდ. გარდა ამისა, ადგილობრივი თვითმმართველობის კოდექსით განისაზღვრა საკრებულოს წევრთა ხარჯების ანაზღაურების ყოველთვიური ლიმიტის ოდენობა, რომელიც ლანჩხუთის მუნიციპალიტეტის შემთხვევაში შეადგენს 397.5 ლარს. მიუხედავად ამისა, მუნიციპალიტეტმა 2015 წლის აგვისტოს თვეში საკრებულოს არათანამდებობის პირებზე ხარჯების ანაზღაურების მიზნით თითო დეპუტატზე გასცა 600 ლარი, რითაც დაირღვა მოქმედი კანონმდებლობის მოთხოვნები.

თეთრიწყაროს მუნიციპალიტეტის საკრებულომ და გამგეობამ საჯარო მოხელეებზე პრემიის გაცემის დროს არ დაიცვა საკრებულოს მიერ მიღებული ნორმატიული აქტი. საჯარო მოხელეებზე პრემია დადგენილი წესით, წლის განმავლობაში ოთხის ნაცვლად გაცემული 5-7 ჯერ. მიზანშეწონილია მუნიციპალიტეტის საკრებულომ და გამგეობამ (შესაბამისმა პასუხისმგებელმა პირებმა), საჯარო მოსამსახურეებზე წახალისება არ გასცეს საკრებულოს მიერ დადგენილი ნორმის ზემოთ, კვარტალში ერთჯერ მეტად და წელიწადში მაქსიმუმ ოთხჯერ. განსაკუთრებული ყურადღება მიაქციოს წახალისების გაცემის დასაბუთების აუცილებლობას.

თბილისის საკორესპონდენტო პუნქტისათვის, 2016 წელში სამგზავრო სატრანსპორტო საშუალებების დაქირავებასთან დაკავშირებით, 2015 წელს განხორციელებული 12,5 ათასი ლარის სახელმწიფო შესყიდვა განხორციელებულია პრეტენდენტთა არაერთგვაროვანი მიდგომით და შესაძლოა კონკრეტულ პრტენდენტზე იყოს ორიენტირებული.

2015-2016 წლებში მთავრობის რეკომენდაციის მიხედვით ლანჩხუთის მუნიციპალიტეტს სამსახურეობრივი უფლებამოსილების განსახორციელებლად უნდა ესარგებლა 6 ერთეული ავტოსატრანსპორტო საშუალებით. მუნიციპალიტეტის მიერ სამსახურებრივი უფლებამოსილების განსახორციელებლად გამოყენებული საკუთარი სატრანსპორტო საშუალებების რაოდენობა 2015 წელს 1 ერთეულით, ხოლო 2016 წელს 2 ერთეულით აღემატება მთავრობის დადგენილებით რეკომენდებულ ზღვრულ ოდენობას.

მუნიციპალიტეტში შტატგარეშე მოსამსახურეებთან გაფორმებული შრომითი ხელშეკრულებების შესწავლით გამოვლინდა, რომ შტატგარეშე მოსამსახურეები უმეტეს შემთხვევაში ინიშნებიან ერთი წლით. ხელშეკრულებები არ შეიცავს დროში განსაზღვრულ რაიმე კონკრეტულ დავალებას, შესასრულებელი სამუშაოს ან გასაწევი მომსახურების სპეციფიკას. აქედან გამომდინარე, შრომით ურთიერთობებს ხანგრძლივი ვადით, ფაქტობრივად მუდმივ ამოცანათა შესასრულებლად აწესრიგებს.

თანამშრომელთა ორსულობისა და მშობიარობის გამო, საკომპენსაციო ხარჯი 11.3 ათასი ლარი არაერთგვაროვანი მიდგომით, ხელშეკრულებით გათვალისწინებული დასაქმების ვადის გასვლის შემდეგ პერიოდზეა გაწეული.

თავდაპირველი აუდიტის მთავარი მიგნება - დანერგილიყო პრიორიტეტების დისპეჩერიზაციის სისტემა, კვლავ არ არის შესრულებული; მაღალი, საშუალო და დაბალი პრიორიტეტების გამოძახებისას, რეაგირების დრო ჩამორჩება უკეთეს პრაქტიკას. მაღალი რისკის ქვეშ მყოფი პაციენტების მდგომარეობა, რომელთაც ესაჭიროებათ სასწრაფო სამედიცინო დახმარების მომსახურების მიღება დაუყოვნებლივ და არასწორად მიენიჭებათ დაბალი პრიორიტეტი, კიდევ უფრო მძიმდება და იზრდება ლეტალობის რისკი;

2015-2016 წლებში ლანჩხუთის მუნიციპალიტეტი ბალანსზე რიცხული ავტოსატრანსპორტო საშუალებების გარდა, საკუთარი უფლებამოსილების განსახორციელებლად იყენებს კერძო პირებისგან იჯარით აყვანილ ავტომობილებს. კერძოდ, მუნიციპალიტეტის გამგებელი სარგებლობს 2 ავტომობილით, რაზეც გაფორმებული არის საიჯარო ხელშეკრულებები. აქედან, ერთი ავტომობილი წარმოადგენს გამგებლის საკუთრებას, ხოლო მეორე ხელშეკრულება გაფორმებულია მუნიციპალიტეტსა და ფ/პ ილია ურუშაძეს შორის (გამგებლის მამა). მოქმედი კანონმდებლობის შესაბამისად, თანამდებობის პირს უფლება არ აქვს ქონებრივი გარიგება დადოს იმ სახაზინო დაწესებულებასთან, რომელშიც მას თანამდებობა უჭირავს. შედეგად, დარღვეულია კანონმდებლობის მოთხოვნები. აღსანიშნავია, რომ გამგებლის საკუთრებაში არსებული ავტომანქანა Volkswagen Passat -ის გამოყენება, საწვავის ამონაწერის მიხედვით, არ ფიქსირდება 2016 წლის ივნისი-ოქტომბრის თვეებში, თუმცა ამავე პერიოდში ავტომანქანაზე გაწეულია სხვადასხვა სახის ხარჯი. კერძოდ, შეცვლილია საბურავები, გამოცვლილია ზეთი, ანტიფრიზი და სხვა. შესაბამისად, არსებობს რისკი იმისა, რომ მუნიციპალიტეტმა იჯარით აყვანილ სატრანსპორტო საშუალების ექსპლოატაციაზე ხარჯები გაწია ისე, რომ მისი გამოიყენება არ მომხდარა მუნიციპალიტეტის საჭიროებებისთვის.

შტატგარეშე მოსამსახურეებთან გაფორმებული შრომითი ხელშეკრულებები არ შეიცავს დაქირავებულის უფლებას ან/და დამქირავებლის ვალდებულებას საპრემიო ანაზღაურების შესახებ. ამდენად შეუსაბამოა შტატგარეშე მოსამსახურეებზე 74.8 ათასი ლარის პრემიის გაცემა, მაშინ როდესაც მუნიციპალიტეტს არ გააჩნდა ამის ვალდებულება.

სოციალური საცხოვრისის მშენებლობის პროცესი წარიმართა ისე, რომ კონკურსის პირობები მორგებული იყო კონკრეტული პირის ინტერესებს და სამუშაოები შესრულდა უხარისხოდ. მერიამ სოციალური საცხოვრისი შეისყიდა არასაბაზრო ფასად. მერიამ ხელშეკრულებების მიხედვით, შპს „სანოსგან“ ჩაიბარა 4372 კვ.მ ფართი ღირებულებით 4.3 მლნ ლარად. წარმოდგენილი ექსპერტიზის დასკვნის თანახმად, სოციალური საცხოვრისის შენობის 1კვ.მ ფართის საბაზრო ღირებულება შეადგენს 540 ლარს, მაშინ როდესაც მერიამ გადაიხადა 1000 ლარი. შესაბამისად, ექსპერტის დასკვნით დათვლილ ღირებულებასა და მერიის მიერ ჩაბარებულ სამუშაოების ღირებულებას შორის სხვაობა შეადგენს 2.0 მლნ ლარს.

 სატელევიზიო აპარატურის შეკეთება და ტექნიკური მომსახურების შესყიდვასთან დაკავშირებით, სატენდერო წინანადებაში და ხელშეკრულებაში მითითებული შესყიდვის კატეგორია და ფაქტობრივად განხორციელებული მიწოდება ურთიერთშეუსაბამოა;  სატელევიზიო აპარატურის შეკეთება და ტექნიკური მომსახურების შესყიდვასთან დაკავშირებით, შესაბამისი კატეგორიის არასწორად მითითება, გამოცდილების შესახებ მონაცემების წარმოუდგენლობის პირობებში სატენდერო კომისიის მიერ პრეტენდენტის გამარჯვებულად აღიარება და მომსახურების ვადის სათანადო მტკიცებულების გარეშე გაგრძელება, პრეტენდენტთა შეზღუდვაზე მიუთითებს და შესაძლოა შესყიდვა კონკრეტულ პრტენდენტზე იყოს ორიენტირებული.

შემდგომი რეაგირების აუდიტით გამოვლინდა, რომ ბრიგადების გადანაწილებასთან დაკავშირებით, კვლავ არსებობს გაუმჯობესების პოტენციალი - გამოიკვეთა ისეთი სოფლები, რომლებიც ადმინისტრაციულად ეკუთვნის რეგიონს და მდებარეობს თბილისთან ორჯერ უფრო ახლოს, თბილისთან მათი მიკუთვნებით არსებობს რეაგირების დროის შემცირების პოტენციალი

სატენდერო წინადადების წარდგენისას პრეტენდენტი ვალდებულია დაეთანხმოს აფიდავიტის მოთხოვნებს, რითაც ადასტურებს, რომ კონკურენტებს შორის არ წარმოებულა კონსულტაცია, კომუნიკაცია ან მოლაპარაკება შემდეგ საკითხებზე: სატენდერო წინადადების ფასი, სატენდერო წინადადების წარდგენა ან წარდგენისგან თავის შეკავება და სხვა. 2016 წელს ლანჩხუთის მუნიციპალიტეტის მიერ ნაპირსამაგრის მოწყობის სამუშაოებზე გამოცხადებულ 2 ტენდერზე, შესაბამის პასუხისმგებელ პირებს არ უმსჯელიათ აფიდავიტის დარღვევის შესაძლო რისკებზე, მაშინ როდესაც ტენდერში მონაწილე პირები სავარაუდოდ არღვევდნენ აფიდავიტის მოთხოვნებს. პრეტენდენტები მეტი ფინანსური სარგებლის მიღების მიზნით, სავარაუდოდ მოქმედებდნენ ურთიერთშეთანხმებით და არ აზუსტებდნენ ტექნიკურ დოკუმენტაციას, რაც ზრდიდა შესყიდვის ღირებულებას. შედეგად, მუნიციპალიტეტმა ხელშეკრულებები გააფორმა ტენდერებში ყველაზე მაღალი ფასის მქონე პრეტენდენტთან, რომლის ღირებულება 187.5 ათასი ლარით აღემატებოდა დისკვალიფიცირებული ფირმის საბოლოოდ შეთავაზებულ ფასს, შესაბამისად ადგილობრივი ბიუჯეტიდან 187.5 ათასი ლარი გაიხარჯა არაეკონომიურად.

მოსამსახურეთა რაოდენობა არ უნდა აღემატებოდეს გამგეობისა და საკრებულოს აპარატის საჯარო მოსამსახურეთა საშტატო რიცხოვნობის 10%-ს. შესაბამისად მუნიციპალიტეტს შეეძლო ერთდროულად დაექირავებინა არა უმეტეს 13 შტატგარეშე მოსამსახურე. წარმოდგენილი ინფორმაციის შესწავლით გამოვლინდა, რომ მუნიციპალიტეტის მიერ არ არის დაცული კოდექსით დაწესებული ზღვარი. კერძოდ, მუნიციპალიტეტში დაქირავებულ შტატგარეშეთა რაოდენობა 2015 წლის ივლისის თვეში 4, ოქტომბერში 6, ხოლო 2016 წლის ხუთ თვეში 1-5 ერთულით აღემატებოდა კანონით დადგენილ ნორმას.

მერიამ გარე განათების ქსელის სანათი წერტილების, შუქნიშნების და ვიდეო სამეთვალყურეო სისტემების საექსპლოატაციო მომსახურების შესყიდვის სატენდერო პროცესი წარმართა ისე, რომ 2015, 2016 და 2017 წლების სავარაუდო ღირებულება არ ეფუძნებოდა რეალურ გათვლებს. მერიამ ვერ წარმოადგინა შესაბამისი მტკიცებულებები იმისა, თუ რა აუცილებლობით იყო გამოწვეული ქსელის შემოვლა-დათვალიერებასა და მრიცხველების შემოწმებაში, სულ 715.6 ათასი ლარის გადახდა . აუდიტის ჯგუფმა ვერ მოიპოვა საკმარისი და შესაფერისი მტკიცებულებები იმისა, შეასრულა თუ არა მიმწოდებელმა აღნიშნული სამუშაოები. ამდენად, დაგეგმვაში, შესრულებასა და კონტროლში არსებულმა მართვის სისუსტეებმა გამოიწვია ის, რომ 715.6 ათასი ლარი გახარჯულია არაეფექტიანად. ასევე, გარე განათების ქსელის ექსპლოატაციის ტენდერის ფარგლებში სანათების შესყიდვის განხორციელებამ, სანათების შესაძლო მიმწოდებლებს არ მისცა ტენდერში მონაწილეობის საშუალება, რის შედეგადაც შეიზღუდა კონკურენცია და მერიამ სანათები საბაზროზე არსებითად მაღალი ფასით შეიძინა.

აჭარის ტელევიზიისა და რადიოს თანამშრომლებზე უსასყიდლოდ გაცემული 26,84 ათასი ლარის ღირებულების საწვავის სამსახურებრივი დანიშნულებით სრულყოფილად ხარჯვა წარმოდგენილი დოკუმენტებით ვერ დასტურდება, ხოლო რიგ შემთხვევაში საინფორმაციო გადაცემისათვის საკორესპონდენტო პუნქტებში თანამშრომელთა მივლინების აუცილებლობა იდენტიფიცირებული არ არის.

შემდგომი რეაგირების აუდიტით გამოვლინდა რომ პაციენტის ჰოსპიტალიზაციის კრიტერიუმები დახვეწილი არ არის. კერძოდ, პაციენტის ჰოსპიტალიზაციის პირობა თანხმდება ცენტრის სამედიცინო ბრიგადების მონიტორინგის სამსახურის ჰოსპიტალიზაციის მენეჯერთან შემდეგი მონაცემების გათვალისწინებით: პაციენტის სურვილი (კლინიკის არჩევანი); ტერიტორიული პრინციპი; კლინიკის არსებული სერვისები, რაც არ არის თანხვედრაში უკეთესი პრაქტიკით დადგენილ კრიტერიუმთან, რომელიც პირველ პრიორიტეტად პაციენტის სამკურნალოდ საჭირო ნებართვების მქონე დაწესებულებას მიიჩნევს.

2015 წელს ლანჩხუთის მუნიციპალიტეტმა შეისყიდა გრიგოლეთის საწვრთვნელი ბაზის სარეაბილიტაციო სამუშაოები, საერთო ღირებულებით 354.3 ათასი ლარი. ხელშეკრულების პირობების შესაბამისად, ობიექტის საგარანტიო ვადა შეადგენს სამუშაოს მიღებიდან 5 წელს, რომლის განმავლობაშიც მიმწოდებელი ვალდებულია საკუთარი ხარჯებით უზრუნველყოს ექსპლოატაციის პროცესში წარმოქმნილი ხარვეზების აღმოფხვრა. 2017 წლის 28 ივნისს აუდიტის ჯგუფმა გამგეობის წარმომადგენლებთან ერთად განახორციელა ობიექტის ადგილზე დათვალირება, რის შედეგადაც გამოვლინდა, რომ შპს „გილმარი-2“-ის მიერ შესრულებული სამუშაოები უხარისხოა. კერძოდ, დაზიანებულია ფასადი, კედლები, იატაკი, ჭერი. პასუხისმგებელი პირის განმარტებით სამშენებლო სამუშაოები საბოლოო მიღება-ჩაბარებიდან ოთხ თვეში დაზიანდა. აღსანიშნავია, რომ არსებული ხარვეზების გამოსწორების მიზნით მუნიციპალიტეტმა ორჯერ მიმართა მიმწოდებელს. მიუხედავად, იმისა, რომ შემსრულებელს გამგეობის შეტყობინებებზე რეაგირება არ მოუხდენია, მუნიციპალიტეტის შესაბამის პასუხისმგებელ პირებს შემდგომი სამართლებრივი ღონისძიებები არ გაუტარებია არსებული ხარვეზების აღმოფხვრის მიზნით. შედეგად, მუნიციპალიტეტის მიერ 354.3 ათასი ლარი გადახდილია ისეთ პროექტში, რომელიც დაზიანებულია და საჭიროებს დამატებით სამუშაოებს.

მუნიციპალიტეტის მიერ სამსახურებრივი უფლებამოსილების განსახორციელებლად გამოყენებული სატრანსპორტო საშუალებების რაოდენობა რამდენჯერმე აღემატება მთავრობის მიერ რეკომენდებულ ზღვრულ ოდენობას. აღსანიშნავია, რომ მთავრობის დადგენილება თვითმმართველობებისათვის სარეკომენდაციო ხასიათისაა, თუმცა საბიუჯეტო სახსრების რაციონალური და გონივრული ხარჯვიდან გამომდინარე, მიზანშეწონილია მისი შესრულება. მუნიციპალიტეტმა (შესაბამისმა პასუხისმგებელმა პირებმა) საწვავის გაცემის პროცესის დარეგულირებისას არ გაითვალისწინა კანონმდებლობის მოთხოვნები და არ უზრუნველყო საწვავის ლიმიტების მიღება ნორმატიული ადმინისტრაციულ-სამართლებრივი აქტის სახით. ამდენად სამართლებრივი აქტებით, რომლის საფუძველზედაც 2015-2016 წლებში გაიხარჯა 273.6 ათასი ლარის საწვავი თავის შინაარსით არ შეესაბამება კანონმდებლობით გათვალისწინებულ მოთხოვნებს.

მერიამ ღვარსადენების მოწყობის პროცესი წარმართა არასწორად, სამუშაოების შესასყიდად არ გამოაცხადა ტენდერი და მშენებლობა დაავალა შესაბამისი გამოცდილების არ მქონე საკუთარ ა(ა)იპ-ს. მუნიციპალიტეტი არ აკონტროლებდა სამუშაოების შესრულების პროცესს, შედეგად სამუშაოები შესრულებულია უხარისხოდ და მოწყობილი სანიაღვრე არხი დაზიანებულია. პროექტის დაგეგმვასა და შესრულებაში არსებული ხარვეზების გამო, ასათიანის ქუჩის სანიაღვრე სისტემის მოწყობაზე, მერიამ არაეფექტიანად დახარჯა 168.2 ათასი ლარზე მეტი.

აჭარის ტელევიზიისა და რადიოს მიერ, 2015-2016 წლებში სამჯერადი სატელევიზიო ჩვენების უფლებით ლიცენზირებული ფილმების შესყიდვა არაერთგვაროვანი მიდგომით არის განხორციელებული. შესყიდვის სავარაუდო ღირებულება არასათანადო მტკიცებულებით არის განსაზღვრული, ხოლო სატენდრო წინადადებით გათვალისწინებული ფილმების სახელობითი სიის წარმოუდგენლობა და შესაბამისი მტკიცებულების გარეშე მისაწოდებელი ფილმების რაოდენობის და სახეობის ცვლილება, შესაძლოა კონკრეტულ პრეტენდენტზე იყოს ორიენტირებული.

აუდიტით გამოვლინდა, რომ არსებობს პაციენტის სამკურნალო დაწესებულებაში გადაყვანისას უახლოესი მანძილის პრინციპის უგულებელყოფის და ასევე ისეთ კლინიკაში გადაყვანის შემთხვევები, სადაც არ არის პაციენტის სამკურნალოდ საჭირო სამედიცინო ნებართვები/მომსახურება. აღნიშნული ნაკლოვანებები, თავის მხრივ, გაუმართავი პასპორტიზაციის სისტემითაა გამოწვეული, რომელიც სათანადო დონეზე ფუნქციონირების შემთხვევაში, სასწრაფო სამედიცინო დახმარების ცენტრის ჰოსპიტალიზაციის მენეჯერებს მისცემდა საშუალებას მიეღოთ ინფორმაცია სამკურნალო დაწესებულებებში არსებული ნებართვების, სამედიცინო პერსონალის, თავისუფალი ადგილების და ჰოსპიტალიზაციასთან დაკავშირებული სხვა რელევანტური საკითხების შესახებ.

2016 წლის 11 აპრილს ლანჩხუთის მუნიციპალიტეტმა შპს “სამკუთხედთან“ გააფორმა ხელშეკრულება ქ.ლანჩხუთში 8 ქუჩის რკ/ბეტონის სანიაღვრე არხების მოწყობაზე, რომელშიც გადაიხადა 393.6 ათასი ლარი. ხელშეკრულების მიხედვით, ობიექტის საგარანტიო ვადა შეადგენს სამუშაოს მიღებიდან 3 წელს, რომლის განმავლობაშიც მიმწოდებელი ვალდებულია საკუთარი ხარჯებით უზრუნველყოს ექსპლოატაციის პროცესში წარმოქმნილი ხარვეზების აღმოფხვრა. 2017 წლის 28 ივნისს აუდიტის ჯგუფმა გამგეობის წარმომადგენლებთან ერთად განახორციელა ობიექტის ადგილზე დათვალირება, რის შედეგადაც გამოვლინდა, რომ მიმწოდებლის მიერ მოწყობილი რკინა-ბეტონის სანიაღვრე არხები ზოგ ადგილას დაზიანებულია და შეინიშნება სხვადასხვა ზომის ბზარები. პასუხისმგებელი პირის განმარტებით აღნიშნულ ობიექტზე დაზიანებები ფიქსირდება 2016 წლის ნოემბრის თვიდან. აღსანიშნავია, რომ მუნიციპალიტეტმა მიმწოდებელს მიმართა არსებული ხარვეზების გამოსწორების მიზნით. მიუხედავად, იმისა, რომ შემსრულებელს გამგეობის შეტყობინებებზე რეაგირება არ მოუხდენია, მუნიციპალიტეტის შესაბამის პასუხისმგებელ პირებს შემდგომი სამართლებრივი ღონისძიებები არ გაუტარებია არსებული ხარვეზების აღმოფხვრის მიზნით. შედეგად, გამგეობის მიერ 393.6 ათასი ლარი გადახდილია ისეთ სამუშაოებში, რომლის ნაწილიც დაზიანებულია.

თეთრიწყაროს მუნიციპალიტეტმა (შესაბამისმა პასუხისმგებელმა პირებმა) 2015-2016 წლებში მუნიციპალიტეტის საკრებულოს არათანამდებობის პირებზე ხარჯების ასანაზღაურებლად 213.4 ათასი ლარი გასცა შესაბამისი დადასტურების გარეშე, საბიუჯეტო პროცესთან დაკავშირებული მარეგულირებელი საკანონმდებლო ნორმების შეუსაბამოდ.

2015-2016 წლებში ქალაქ ქუთაისის მუნიციპალიტეტში მიწისქვედა კომუნიკაციების - წყლის სისტემების მოწყობას და რეაბილიტაციას ახორციელებდა საქართველოს გაერთიანებული წყალმომარაგების კომპანიის კონტრაქტორი ორგანიზაციები.წყლის სისტემის მოწყობის, რეაბილიტაციის ან დაზიანების წარმოშობის შემთხვევაში, წყლის სამუშაოების შემსრულებელი კომპანიები გზის გაჭრაზე ნებართვის მისაღებად მიმართავდნენ მუნიციპალიტეტს. მერიის კეთილმოწყობის სამსახური გასცემდა ნებართვას და კომპანიებთან ურთიერთშეთანხმებით განსაზღვრავდა სამუშაოების დაწყების და დასრულების პერიოდს. კომპანიები ვალდებული იყვნენ ნებართვით განსაზღვრულ ვადაში დაესრულებინათ სამუშაოების წარმოება და აღედგინა დაზიანებული გზის საფარი.გამოვლინდა, რომ წყლის სამუშაოების შემსრულებელმა კომპანიამ დროულად არ შეასრულა ნებართვით განსაზღვრული პირობები და ვადებში ვერ უზრუნველყო დაზიანებული გზის საფარის აღდგენა. შესწავლით ირკვევა, რომ, 2018 წლის 1 იანვრის მდგომარეობით ნებართვით განსაზღვრულ ვადებში აღდგენილი არ იყო 45 ქუჩის საფარი.

ადმინისტრაციული შენობის სარეაბილიტაციო სამუშაოების ხარისხის და ხარჯთაღრიცხვის სხვა პირობებთან შესაბამისობის დადასტურების გარეშე, გადახდილია მიმწოდებელზე 56,6 ათასი ლარი.

საბჭოში არსებული საპრემიო პოლიტიკა არ არის სისტემურად დარეგულირებული და არ ატარებს წახალისების ფორმას. პრემიის გაცემის არსებულ პრაქტიკას თანამდებობრივი სარგოს ხასიათი აქვს. პრემიის გაცემის ბრძანებებში არ არის მითითებული პრემიის გაცემის მიზნობრიობა.

2015 წელს მუნიციპალიტეტმა შეისყიდა ქალაქ ლანჩხუთში ჟორდანიას ქუჩაზე არსებული შიდა ეზოების მოასფალტების სამუშაოები, ღირებულებით 104.8 ათასი ლარი. ხელშეკრულების მიხედვით, ობიექტის საგარანტიო ვადა შეადგენს სამუშაოს მიღებიდან 2 წელს, რომლის განმავლობაშიც მიმწოდებელი ვალდებულია საკუთარი ხარჯებით უზრუნველყოს ექსპლოატაციის პროცესში წარმოქმნილი ხარვეზების აღმოფხვრა. ობიექტის ადგილზე ვიზუალური დათვალიერებით გამოვლინდა, რომ მოწყობილი ასფალტის საფარი ნაწილობრივ დაზიანებულია. პაუხისმგებელი პირის განმარტებით გამგეობისთვის არ არის ცნობილი კონკრეტულად რა პერიოდიდან დაზიანდა აღნიშნული ობიექტი. აღსანიშნავია, რომ მუნიციპალიტეტს არ გაუტარებია სათანადო სამართლებრივი ღონისძიებები არსებული ხარვეზების აღმოფხვრის მიზნით. შედეგად, მუნიციპალიტეტის მიერ 104.8 ათასი ლარი გადახდილია ისეთ პროექტში, რომლის ნაწილიც დაზიანებულია და საჭიროებს დამატებით სამუშაოებს.

მუნიციპალიტეტმა შეისყიდა 7.1 ათასი ლარის საკონსულტაციო და კვლევით მომსახურება, მაგრამ ვერ დაასაბუთა რა აუცილებელი საჭიროებით იყო განპირობებული მისი შესყიდვა, ვინაიდან მუნიციპალიტეტს გააჩნია საკუთარი შრომითი რესურსი და ვალდებულია საკუთარი რესურსებით უზრუნველყოს აღნიშნული საქმიანობის განხორციელება. გამომდინარე აქედან, მუნიციპალიტეტის პასუხისმგებელ პირებს არ უნდა განეხორციელებინა აღნიშნული მომსახურების შესყიდვა. ამდენად საკონსულტაციო და კვლევით მომსახურებაზე გადახდილი 7.1 ათასი ლარი წარმოადგენს მუნიციპალიტეტის მიერ გაწეულ არაგონივრულ ხარჯს.

სამი ხელშეკრულების ფარგლებში მუნიციპალიტეტმა მიმწოდებლებს დაუსაბუთებლად გადაუწია სამუშაოების დასრულების ვადები და მათ მიმართ არ გამოიყენა საჯარიმო სანქციები, რითაც ზიანი მიადგა მუნიციპალიტეტის ინტერესებს. ვადის ცვლილების მიზეზი შესაძლოა არის მუნიციპალიტეტის მიერ, სუბიექტური ფაქტორების გამოყენება ან/და სამუშაოების არასათანადო დაგეგმვა. შედეგად, მოსახლეობამ დადგენილ დროში ვერ მიიღო დაგეგმილი ეკონომიკური სიკეთე, ხოლო მუნიციპალიტეტის ბიუჯეტში არ არის მიმართული 319.0 ათას ლარზე მეტი საჯარიმო სანქცია.

სატელევიზიო სტუდიების მოწყობის სამუშაოებთან დაკავშირებით, ანალოგიური ხასიათის, სირთულის და შინაარსის სამუშაოების გამოცდილების შესახებ მტკიცებულების წარმოუდგენლობის პირობებში, სატენდერო კომისიის მიერ პრეტენდენტი გამარჯვებულად იქნა აღიარებული.

პრემიის გაცემისას ისეთი კონტროლის მექანიზმი, როგორიცაა, სხვადასხვა სტრუქტურული ერთეულის მონაწილეობა (პრემიის წარდგენა/ინიცირება, სხვადასხვა სტრუქტურული ერთეულის მიერ ვიზირება), არ არის დანერგილი.

2015 წელს მუნიციპალიტეტმა ქალაქ ლანჩხუთში დუმბაძისა და წმინდა ნინოს ქუჩებზე მონოლითური რკინა-ბეტონის სანიაღვრე არხების მოწყობისთვის გადაიხადა 200.6 ათასი ლარი. ადგილზე დათვალიერებით გამოვლინდა, რომ დუმბაძის ქუჩაზე 70 ცალი ანაკრები რკინა ბეტონის კონსტრუქცია პროექტს არ შეესაბამება და მისი კედლები ნაცვლად 10 სმ-სა დაახლოებით შეადგენს 8 სმ-ს. ანალოგიური ხარვეზები შეინიშნება წმინდა ნინოს ქუჩაზე, სადაც 8 სმ სისქის კედლის მქონე ბეტონის სანიაღვრე ფილა შეადგენს 147 ცალს. ამრიგად, ქალაქ ლანჩხუთში დუმბაძისა და წმინდა ნინოს ქუჩებზე რკინა-ბეტონის სანიაღვრე არხების მოწყობის სამუშაოები არ შეესაბამება ხელშეკრულებით განსაზღვრულ მოთხოვნებს. აღნიშნული ხარვეზი გამოიწვია სამუშაოების მიმდინარეობის ეტაპზე არსებულმა კონტროლის მექანიზმების ნაკლოვანებებმა. კერძოდ, მუნიციპალიტეტის შესაბამისმა პასუხისმგებელმა პირებმა ჩაიბარეს პროექტის შეუსაბამოდ შესრულებული ობიექტები. შედეგად, მუნიციპალიტეტმა მიმწოდებელს აუნაზღაურა 200.6 ათასი ლარი ისეთი სამუშაოებში, რომლის ნაწილიც არ შეესაბამება ხელშეკრულებით განსაზღვრულ მოთხოვნებს.

თეთრიწყაროს მუნიციპალიტეტის გამგეობა (შესაბამისი პასუხისმგებელი პირები) მიმწოდებლებზე, რომ არ გავრცელებულიყო საჯრიმო სანქცია, მათგან სამუშაოებს იბარებდა ფორმალურად, ხელს აწერდა შესრულებული სამუშოებისა და მიღება-ჩაბარების აქტებს, ხოლო ექსპერტიზას მიმართავდა დაგვიანებით. აგრეთვე, მიმწოდებლებს სამუშაოების შესრულების ვადებს უწევდნენ დაუსაბუთებლად, ობიექტური მიზეზის გარეშე. შედეგად ინფრასტრუქტურული პროექტები დასრულდა მიწოდების ვადების დარღვევით, მოსახლეობას დროულად არ მიეწოდა შესაბამისი სიკეთე და ადგილობრივ ბიუჯეტმა ვერ მიიღო მინიმუმ 73.3 ათასი ლარის შემოსავალი.

მუნიციპალიტეტმა 2015 წელს ხელშეკრულება გაუფორმა შპს „გზა XXI“-ს, ქ. ქუთაისში ყაზბეგის ქუჩის (ცაცხვების ქუჩამდე) სანიაღვრე ქსელის და გზის საფარის გრანიტის ფლეთილი ქვებით მოწყობაზე. მერიამ ინსპექტირების ჯგუფისა და ექსპერტიზის დადებითი დასკვნის საფუძველზე ჩაიბარა შესრულებული სამუშაოები, ღირებულებით 396.3 ათასი ლარი. ხელშეკრულება ითვალისწინებდა შესრულებულ სამუშაოებზე მოცულობისა და ხარისხის ექსპერტიზას. შესწავლით ირკვევა, რომ ექსპერტიზა განხორციელებულია მხოლოდ მოცულობებზე, ხოლო ხარისხი შემოწმებული არ არის . მიუხედავად ამისა, მერიის შესაბამისმა პასუხისმგებელმა პირებმა მაინც ჩაიბარეს სამუშაოები.აუდიტის ჯგუფმა დაათვალიერა შესრულებული სამუშაოები. დათვალიერებით გამოვლინდა, რომ გზის საფარი დაზიანებულია.მუნიციპალიტეტი ვალდებული იყო, შეესწავლა დაზიანებების ხარისხი და მის გამოსასწორებლად განესაზღვრა საჭირო ფინანსური რესურსი, რაც არ განუხორციელებია.

სატენდერო წინადადებით და ხელშეკრულებით გათვალისწინებული ვალდებულების შეუსრულებლობის პირობებში, არ არის გამოყენებული ხელშეკრულებით გათვალისწინებული უფლებამოსილება საჯარიმო სანქციასთან დაკავშირებით, ხოლო არგუმენტირებული მტკიცებულების გარეშეა განხორციელებული სატელევიზიო პროგრამების დამზადება-მომსახურება შემცირება.

შესყიდვების დაგეგმვისა და განხორციელების ყველა ეტაპს უზრუნველყოფს საფინანსო-სამეურნეო სამმართველო, სადაც არ არის განსაზღვრული შესყიდვების პროცესზე პასუხისმგებელ პირთა უფლება-მოვალეობები და არ არის გათვალისწინებული ურთიერთკონტროლის მექანიზმი, რაც, თავის მხრივ, შიდა კონტროლის ხარვეზს წარმოადგენს.

მუნიციპალიტეტმა ორი ხელშეკრულების ფარგლებში შეისყიდა სამუშაოები, რომლებიც არ დასრულებულა მიმდინარე წელს და მოხდა მათი მიღება-ჩაბარების თარიღის გადავადება მომდევნო წლისათვის. 2017 წლის 1 იანვრისათვის 2 290 ათასი ლარის ღირებულების სამუშაოები ფინანსურ ანგარიშგებაში ნაცვლად „დაუმთავრებელი ძირითადი აქტივების“ მუხლისა, წარმოდგენილია „შენობა-ნაგებობების“ შესაბამის მუხლებში.

მუნიციპალიტეტის გამგეობამ (შესაბამისმა პასუხისმგებელმა პირებმა) 2016 წელს მიმწოდებლისგან ჩაიბარა ისეთი სამუშაოები სადაც არ იყო შეტანილი 3 860.5 კბ.მ. ინერტული მასალა, შედეგად მუნიციპალიტეტმა მიმწოდებელს ზედმეტად აუნაზღაურა და გასწია მინიმუმ 83.8 ათასი ლარის არამიზნობრივი ხარჯი.

მერიამ გარე განათების ქსელის ავტომატური მართვის სისტემა შეისყიდა იმ მიზნით, რომ მიეღო ელექტრო ენერგიის ხარჯის ეკონომია. თუმცა ვერ უზრუნველყო სისტემის გამართული ფუნქციონირება, რის გამოც ელექტრო ენერგიის ხარჯი დამონტაჟებიდან შემდეგ წელს არ შემცირდა იმ მასშტაბით, რაც პირველ თვეებში განხორციელდა. აქტივების მართვაში არსებულმა სუსტმა კონტროლის მექანიზმებმა ვერ უზრუნველყო გარე განათების ქსელის ავტომატური მართვის სისტემის გამართული ფუნქციონირება, ვერ გამოავლინა ხარვეზები, რათა დროულად მომხდარიყო დაზიანებების აღმოფხვრა. მიუხედავად იმისა, რომ მერიამ სისტემის შეძენა-მონტაჟზე დახარჯა 129.9 ათასი ლარი, რაც 2017-2018 წლებში გარე განათების ქსელის ელექტრო ენერგიის ხარჯის მნიშვნელოვანი ეკონომიის მიღების საშუალებას იძლეოდა, პრაქტიკულად უფუნქციო იყო. შესაბამისად, მერიამ არაეფექტიანად დახარჯა 129.9 ათასი ლარი.

კონსოლიდირებულ ფინანანსურ ანგარიშგებაში ძირითადი აქტივების საბალანსე ანგარიშის საბოლოო ნაშთი არის გაზრდილი.

მწყობრიდან გამოსული და მორალურად მოძველებულის მოტივით, ბალანსიდან ჩამოწერილი სპეციალური დანიშნულების აქტივების სახეობის, რაოდენობისა და ღირებულების გათვალისწინებით, ჩამოწერილ აქტივებში შემდგომში გამოყენებისათვის ვარგისი დეტალების არარსებობა, მაღალი რისკის შემცველია.

კონკურენციის გარეშე მიმდინარეობდა 2015-2016 წლებში გამოცხადებული ტენდერების 43% რაც გარკვეულწილად უკავშირდება ბაზრის კვლევის არასათანადო ჩატარებას და სატენდერო წინადადებებით გათვალისწინებული მოთხოვნების არაპროპორციულობას. საბჭოს მიერ გარკვეულ შემთხვევებში ზედმიწევნით დეტალურად განისაზღვრა შესყიდვის ობიექტის მახასიათებლები, რამაც ტენდერებში კონკურენცია შეზღუდა. აღნიშნული ტიპის ნაკლოვანებები იწვევს დაბალფასიანი პრეტენდენტების დისკვალიფიკაციასა და შესყიდვის მაღალ ფასად განხორციელებას.

ანგარიშში წმინდა ღირებულების შესახებ „ძირითადი კაპიტალის მოხმარების“ მუხლში ასახულია 644.9 ათასი ლარის ოდენობით. ცვეთის თანხის გაანგარიშებისას მუნიციპალიტეტმა არ ისარგებლა საქართველოს ფინანსთა მინისტრის ბრძანებით, „საბიუჯეტო ორგანიზაციების ძირითადი აქტივების ფიზიკური ცვეთის ნორმებისა და მათი ბუღალტრულ აღრიცხვაში ასახვის შესახებ“ ინსტრუქციით. ასევე მუნიციპალიტეტმა ცვეთა დაარიცხა არა სრულად არსებულ ძირითად აქტივებს, არამედ აქტივების მხოლოდ იმ ნაწილს, რომელიც შეიძინა 2016 წელს. ამრიგად, ლანჩხუთის მუნიციპალიტეტს 2016 წლის ფინანსურ ანგარიშგებაში ცვეთის თანხით არ შეუმცირებია აქტივების ღირებულება. შესაბამისად, ბალანსში აქტივების ღირებულება გაზრდილადაა წარმოდგენილი.

თეთრიწყაროს მუნიციპალიტეტმა ჩაიბარა ისეთი ხილული სამუშაოები (ასფალტის საფარის მოწყობა, ბიოტალის მშენებლობა), რომლის შეუსრულებლობის შესახებ ცნობილიყო უნდა ყოფილიყო გამგეობის შესაბამისი პასუხისმგებელი პირებისათვის. გამგეობის პასუხისმგებელმა პირებმა ფორმალურად დაადასტურეს მიმწოდებლის მიერ შესრულებული შუალედური სამუშაოების აქტები (ფორმა N2). თეთრიწყაროს მუნიციპალიტეტში არსებულმა სუსტი კონტროლის მექანიზმებმა ვერ უზრუნველყვეს აღნიშნული ფაქტის გამოვლენა. შედეგად 2017 წლის 27 ივნისისათვის გამგეობას შეუსრულებელ სამუშაოებში გადახდილი ჰქონდა 220.0 ათასი ლარი.

2015 წელს მერიამ შეისყიდა დავით კაკაბაძის სახელობის ქუთაისის სახვითი ხელოვნების გალერეის რეაბილიტაციის და იაკობ გოგებაშვილის სახელობის პროფესიული სახელმწიფო თეატრის რეაბილიტაციის საპროექტო-სახარჯთაღრიცხვო დოკუმენტაცია . აღნიშნული საპროექტო დოკუმენტაციების შესყიდვაზე მუნიციპალიტეტმა დახარჯა 40.0 ათასი ლარი.აღნიშნული დოკუმენტაცია მუნიციპალიტეტს გამოუყენებელი აქვს. შესაბამისად, მასში გადახდილი თანხა წარმოადგენს არაეფექტიან ხარჯს.

„კრედიტორული დავალიანების“ ანაგარიშის საბოლოო ნაშთი გაზრდილია

აუდიტის პერიოდში საბჭოში არ ხდებოდა ბაზრის კვლევის სათანადოდ ჩატარება და დოკუმენტირება. შესაბამისად, ხელშეკრულებების უმეტეს ნაწილზე ვერ იქნა წარმოდგენილი ბაზრის კვლევის დამადასტურებელი დოკუმენტები, რის გამოც შეუძლებელია იმის განსაზღვრა, რამდენად სრულყოფილად და კვალიფიციურად განხორციელდა შესყიდვის სავარაუდო ღირებულების დადგენა.

ლანჩხუთის მუნიციპალიტეტის 2016 წლის ფინანსური ანგარიშგების ბალანსში „წმინდა ღირებულების“ მუხლი 3 832.2 ათასი ლარით აღემატება დანართ №3-ში წარმოდგენილ წმინდა ღირებულების საბოლოო ნაშთს. პასუხისმგებელი პირის განმარტებით, იმის გამო, რომ წლების განმავლობაში არ აისახებოდა ცვეთის თანხა, „არაფინანსური აქტივების“ მუხლში გაზრდილადაა წარმოდგენილი აქტივების მაჩვენებელი, რის გამოც აქტივებისა და ვალდებულებების დასაბალანსებლად ბალანსში ციფრი გადმოტანილი არ არის ფორმა №3-დან. აღნიშნულის შედეგად, ფინანსურ ანგარიშგებაში არასწორადაა წარმოდგენილი „წმინდა ღირებულების“ მუხლი.

2015 წელს მუნიციპალიტეტის გამგეობას ხარჯთაღიცხვების შესაბამისად უნდა მოეწყი 1351.2 მეტრი კიუვეტი. ხელშეკრულებებში შეტანილი დაუსაბუთებელი ცვლილებების შედეგად მოაწყო პროექტით გათვალისწინებულზე 172.5 მეტრით ნაკლები კიუვეტი. გარდა ამისა, მოიმატა ერთი გრძივი მეტრი კიუვეტის მოწყობის ფასმა და 1178.7 მ-ის მოწყობაში მუნიციპალიტეტმა ზედმეტად გასწია ხარჯები. მუნიციპალიტეტის პასუხისმგებელი პირების არაგონივრული გადაწყვეტილების მიღების შედეგად გაწეულმა არაეკონომიურმა ხარჯმა, სულ შეადგინა 25.0 ათასი ლარი

2015-2016 წლებში მუნიციპალიტეტის წარმომადგენლობითმა ხარჯებმა შეადგინა 469.0 ათასი ლარი. 2015-2016 წლებში მერიამ სარესტორნო მომსახურებაზე დახარჯა 156.6 ათასი ლარი. მერიის მიერ ხელშეკრულებები გაფორმებულია ქ. ქუთაისში არსებულ სხვადასხვა რესტორნებთან. ხელშეკრულებების თანახმად, ანგარიშსწორება უნდა განხორციელდეს ფაქტიურად გაწეული მომსახურების დასახელებისა და ღირებულების მიხედვით. აღნიშნულიდან გამომდინარე, სარესტორნო მომსახურეობის შესყიდვისას, მიღება ჩაბარების აქტში დეტალურად უნდა ყოფილიყო წარმოდგენილი კონკრეტულად რა მომსახურეობა შეისყიდა მუნიციპალიტეტმა, პროდუქტის სახეობის, რაოდენობისა და ერთეულის ფასის მითითებით. წარმოდგენილი მონაცემების შესწავლით, გამოვლინდა, რომ სარესტორნო მომსახურეობის შესყიდვაზე მიმწოდებლებთან გაფორმებული მიღება-ჩაბარების აქტებში, მითითებულია მხოლოდ შესყიდული მომსახურეობის ჯამური ღირებულება, ხოლო დეტალური ინფორმაცია, რა მომსახურეობა შეისყიდა მუნიციპალიტეტმა წარმოდგენილი არ არის. ამდენად, სარესტორნო მომსახურეობის შესყიდვისას გაფორმებულ მიღება-ჩაბარების აქტებში არ არის მითითებული შეძენილი პროდუქტის დასახელება, რაოდენობა და ერთეულის ფასები, მიუხედავად ამისა, მერიამ მაინც გადაიხადა აღნიშნული მომსახურეობის ღირებულება. შედეგად წარმომადგენლობითი ხარჯები ანაზღაურებულია სათანადო დოკუმენტური დასაბუთების გარეშე.

„გაუნაწილებელი მოგების“ ანგარიშის საბოლოო ნაშთი შემცირებულია

აუდიტის შედეგად გამოვლინდა, რომ არაერთგვაროვანია სამედიცინო პერსონალის რაოდენობა დაწესებულებების მიხედვით. შედეგად, ისეთ დაწესებულებებში, სადაც ბევრი მსჯავრდებულია, მომსახურების მიღებაზე რიგია. მომსახურების ხელმისაწვდომობას ზოგიერთ დაწესებულებაში აფერხებს სამედიცინო პერსონალის დეფიციტი. ამას ემატება ისიც, რომ სამედიცინო პერსონალი დაკავებულია სამედიცინო დოკუმენტაციის სხვადასხვა ფორმის შევსებით, რაც მკვეთრად ამცირებს მათ პროდუქტიულობას.

2015 წელს მუნიციპალიტეტის გადასახდელების ფაქტობრივმა შესრულებამ 20 346.6 ათასი ლარი შეადგინა, ხოლო აუთვისებელი დარჩა 3 931.9 ათასი ლარის ფულადი სახსრები. 2016 წელს გადასახდელების ფაქტობრივი შესრულება 24 970.4 ათასი ლარია. მუნიციპალიტეტმა ვერ აითვისა 8 945.6 ათასი ლარი . 2016 წელს ნაშთის დაგროვება ძირითადად „არაფინანსური აქტივების ზრდის“ მუხლის შეუსრულებლობამ განაპირობა. კერძოდ, ნაცვლად 14 032.1 ათასი ლარისა, გაიხარჯა 10 931.3 ათასი ლარი (78%). შესაბამისად, არ დაგეგმილა და/ან არ შესრულდა 3 100.8 ათასი ლარის ღირებულების სამუშაოები. მუნიციპალიტეტმა ვერ უზრუნველყო ბიუჯეტით გათვალისწინებული ინფრასტრუქტურული პროექტების შესრულება და ნაშთად რიცხული თავისუფალი საბიუჯეტო თანხები ვერ მიმართა მოსახლეობის საჭიროებისათვის. 2016 წელს, წინა წელთან შედარებით, წარმომადგენლობითი და აღმასრულებელი ორგანოების შრომის ანაზღაურება გაზრდილია 400 ათას ლარზე მეტი თანხით.

თეთრიწყაროს მუნიციპალიტეტში დანერგილმა კონტროლის მექანიზმებმა ვერ უზრუნველყო უხარისხოდ შესრულებული სამუშაოების გამოვლენა. ამასთანავე, არ მუშაობს საგარანტიო პერიოდში არსებული ხარვეზების გამოვლენისა და გამოსწორების მექანიზმი. შედეგად, მუნიციპალიტეტის მიერ ინფრასტრუქტურულ პროექტებზე გახარჯული 694.0 ათასი ლარის სამუშაოები აუდიტის მიმდინარეობის პერიოდში უხარისხოა და მოსახლეობა ვერ მიიღო შესაბამისი სიკეთე.

2015-2016 წლებში ქ. ქუთაისის მერის და საკრებულოს თავმჯდომარის ბრძანებებით, მოსამსახურეებზე დანამატის სახით გაცემულია 587.3 ათასი ლარი.მუნიციპალიტეტში ყოველთვიური დანამატი დაწესებული იყო წინასწარ, მთელი წლის განმავლობაში. აუდიტის ობიექტს არ შეეძლო წინასწარ განესაზღვრა წლის განმავლობაში, რომელი საჯარო მოხელე იმუშავებდა ზეგანაკვეთურად და ექნებოდა თუ არა განსაკუთრებით საპასუხისმგებლო ფუნქციური დატვირთვა. აქედან გამომდინარე, არ არის დასაბუთებული დანამატის გაცემის ობიექტური საჭიროება და მიზანშეწონილობა.

სამინისტროს არ აქვს შემუშავებული სპორტული ინფრასტრუქტურის მართვის პოლიტიკა, რომელიც უზრუნველყოფს სახელმწიფო სახსრების უფრო შედეგიან ხარჯვასა და არსებული სპორტული ინფრასტრუქტურის გრძელვადიან პერიოდში პროდუქტიულ გამოყენებას.

„მოკლევადიანი მოთხოვნების“ ანგარიშის საბოლოო ნაშთი შემცირებულია

გეგმურ სტაციონარულ და ამბულატორიულ მომსახურებაზე სტანდარტით დადგენილი ვადები გარკვეულ შემთხვევაში დაცული არ იყო. შედეგად, ბრალდებულებს/მსჯავრდებულებს უწევდათ რიგში დგომა, რაც ზოგ შემთხვევაში იწვევდა მათი მდგომარეობის გაუარესებას და გადაუდებელი აუცილებლობით მათ სასწრაფოდ გადაყვანას შესაბამისი პროფილის საავადმყოფოში.

სახელმწიფო დაქვემდებარების საჯარო დაწესებულებებში პრემიის გაცემის ჯერადობა და რაოდენობა განსაზღვრულია საქართველოს მთავრობის სამართლებრივი აქტის შესაბამისად. ადგილობრივი თვითმმართველობის ორგანოებს ეთხოვათ პრემიების ოდენობის განსაზღვრისა და გაცემის წესის მიღება, აღნიშნული სამართლებრივი აქტით განსაზღვრული წესისა და პრინციპების მიხედვით. მუნიციპალიტეტმა არ გაითვალისწინა მთავრობის რეკომენდაცია და ვერ წარმოადგინა საქართველოს მთავრობის დადგენილების საფუძველზე მიღებული სამართლებრივი აქტი გამგეობის საჯარო მოსამსახურეებისათვის პრემიების ოდენობის განსაზღვრისა და გაცემის წესის შესახებ.

მუნიციპალიტეტის საკრებულომ და გამგეობამ (შესაბამისმა პასუხისმგებელმა პირებმა) შესასრულებელი სამუშაო პროცესის დაგეგმა და მართვა ვერ განახორციელა ისე, რომ მიღწეულიყო პროგრამის ფარგლებში დასახული მიზანი, კერძოდ პროექტის დაგეგმვისას ვერ გაითვალისწინა სამუშაოების დასასრულებლად საჭირო ფინანსური რესურსი, რის გამოც ვერ მოხდა სამუშაოების დასრულება. შესაბამისად 69.5 ათასი ლარი დაიხარჯა ისეთ პროექტზე, რომელიც არ არის დასრულებული და მოსახლეობა ვერ სარგებლობს აღნიშნული მტერიალური სიკეთით.

2015-2016 წლებში მუნიციპალიტეტის საჯარო მოხელეები ქვეყნის ფარგლებს გარეთ მივლინებული იყვნენ თვეში საშუალოდ 3-ჯერ და მათ მივლინებაში სულ დაიხარჯა 249.6 ათასი ლარი. მიუხედავად ამისა, მივლინებული პირების მიერ არ ხდება მიღებული ცოდნისა და გამოცდილების თანამშრომლებისათვის გაზიარება და მუნიციპალური საქმიანობის გაუმჯობესების მიზნით მისი პრაქტიკაში გამოყენება.

სამინისტროს არ გააჩნია სამოქმედო გეგმა ფესტივალის ფარგლებში აშენებული და რეაბილიტირებული სპორტული ობიექტების შემდგომი გამოყენების შესახებ. შესაბამისად, არ არის განსაზღვრული კონკრეტული მიზნები, მათი მიღწევის მექანიზმები და შეფასების ინდიკატორები, რაც ხელს შეუწყობს ობიექტების პროდუქტიულ და ეფექტიან ფუნქციონირებას.

,,აქტივების წმინდა ღირებულების" ანგარიშის ნაშთი გაზრდილია

სამინისტროს მიერ დაქირავებული 52 ექიმ-სპეციალისტის მიერ მიღებულ პაციენტთა საშუალო თვიური რაოდენობა 73-ს შეადგენს . ერთი და იმავე სპეციალობის ექიმების დატვირთვა ზოგ შემთხვევაში მნიშვნელოვნად განსხვავებულია, რაც მათ განაწილებაში არსებული ნაკლოვანებაზე მიუთითებს. სამინისტროს მიერ არ ხორციელდება მოწვეული ექიმ-სპეციალისტების მიერ გაწეული კონსულტაციების ანალიზი, მიღებული შედეგების შეფასება და თანაბარზომიერი დატვირთვის უზრუნველყოფა.

საქართველოს მთავრობის სამართლებრივი აქტის შესაბამისად, საჯარო დაწესებულებაში დასაქმებულმა წლის განმავლობაში პრემია შესაძლებელია აიღოს არა უმეტეს 4-ჯერ. გარდაბნის მუნიციპალიტეტმა (შესაბამისმა პასუხისმგებელმა პირებმა) 2015 წელს საქართველოს მთავრობის რეკომენდაცია არ გაითვალისწინა არც პრემიების ჯერადობის მხრივ. კერძოდ, 2015 წელს გარდაბნის მუნიციპალიტეტის 110 მოსამსახურეზე პრემია გაიცა 5-ჯერ და მეტჯერ, მათ შორის, 37 მოსამსახურეზე, წლის განმავლობაში პრემია გაიცა 8-ჯერ, ხოლო 1 მოსამსახურეზე - 9-ჯერ.

მუნიციპალიტეტის გამგეობამ (შესაბამისმა პასუხისმგებელმა პირებმა) ჭაბურღილების მოწყობის სამუშაოების შესყიდვა დაგეგმა და განახორციელა ისე, რომ არ იყო შესწავლილი მისი ფუნქციონირებისათვის საჭირო ყველა რესურსი (მათ შორის ტექნიკური პირობები), აგრეთვე მუნიციპალიტეტის სტრუქტურებს და მის მიერ დაფუძნებულ იურიდიულ პირს შორის არასათანადო კომუნიკაციამ გამოიწვია ის, რომ ვერ იქნა მიღწეული პროგრამით გათვალისწინებული მიზანები. შესაბამისად 282.3 ათასი ლარი დაიხარჯა 6 ჭაბურღილის მოწყობაზე, რომელიც არ მუშაობდა და მოსახლეობა ვერ სარგებლობდა აღნიშნული მატერიალური სიკეთით.

მუნიციპალიტეტის მიერ სამსახურებრივი უფლებამოსილების განსახორციელებლად გამოყენებული სატრანსპორტო საშუალებების რაოდენობა მნიშვნელოვნად აღემატება საქართველოს მთავრობის დადგენილებით რეკომენდებულ ზღვრულ ოდენობას. კერძოდ, რეკომენდებული 11 ერთეულის ნაცვლად მუნიციპალიტეტი განკარგავდა 23 სამორიგეო ავტომანქანას და იყენებდა მოსამსახურეთა პირად საკუთრებაში არსებულ 90-ზე მეტ ავტომანქანას.

სამინისტროს არ ჰქონდა შემუშავებული შესაბამისი გეგმა და კრიტერიუმებზე დაფუძნებული სისტემა, რომელსაც გამოიყენებდა ფესტივალის ფარგლებში გატარებული ღონისძიებების მონეტარული და სოციალური სარგებლის შესაფასებლად. აღნიშნული შესაძლებლობას მისცემდა გაანალიზებულიყო ფესტივალის ფარგლებში ქვეყნისთვის მისაღები პოტენციური სარგებელი, მიღწევის გზები, შეფასების ინდიკატორები და შესაბამისი ქმედითი ღონისძიებები. სპორტული ინფრასტრუქტურის შექმნისათვის, ინვესტირებული კაპიტალის შემოსავლიანობის (ROI) ანალიზის შედეგად გამოვლინდა, რომ სპორტული ობიექტებიდან შემოსავლების მიღების არსებული ტემპით გაგრძელების პირობებში, ინვესტიციების ანაზღაურების კოეფიციენტი 8%-ს გაუტოლდება, რაც ღონისძიებიდან მიღებული სარგებლის დაბალ მაჩვენებელზე მიუთითებს. რაც შეეხება სოციალურ სარგებელს, სტატისტიკური ანალიზიდან არ იკვეთება ფესტივალის პოზიტიური ეფექტი ტურისტების მოზიდვასა და ქვეყნის ცნობადობის გაზრდაზე. სპორტული ობიექტების შემოსავლები არასტაბილურია და გარკვეულ შემთხვევებში, კლებადი ტენდენციით ხასიათდება. გარკვეული სპორტული ობიექტების ფუნქციონირების შედეგად გაწეული ხარჯი აჭარბებს მიღებულ შემოსავალს, ხოლო რიგ შემთხვევებში, ფუნქციონირებით მიღებული შემოსავალი უმნიშვნელოდ ფარავს ხარჯებს, მაშინ როდესაც მოცემული მიმართულებები სპორტის ერთ-ერთი მოთხოვნადი სახეობაა ბაზარზე. სპორტული ობიექტების დატვირთვის მაჩვენებელი საკმაოდ დაბალია და შესაბამისად, ფიქსირდება მიუღებელი შემოსავალი. 2019 წლის მდგომარეობით, სპორტული ობიექტები საშუალოდ დატვირთულია არსებული რესურსის 12%-ით, რაც დარბაზების არაპროდუქტიულ გამოყენებაზე მიუთითებს. დარბაზების დატვირთვის 20%-იანი ზრდის პირობებში შემოსავლები 1.2-ჯერ გაიზრდება

აუდიტის პერიოდში არსებული მოდელით მუშაობის პიროებებში, მე-18 სამკურნალო დაწესებულების ფუნქციონირება არ იყო ოპტიმალური. კერძოდ, თავისუფლებააღკვეთილი პირების დიდი ნაწილი მკურნალობდა კერძო სექტორის კლინიკებში, №18 დაწესებულების რამდენიმე დეპარტამენტის დატვირთვა აუდიტის პერიოდში მინიმალური იყო, ხოლო გარკვეული დეპარტამენტები საკმარისად იყო დატვირთული. ზემოაღნიშნულიდან გამომდინარე, დაბალი დატვირთვით მუშაობდა №18 დაწესებულება, რომელსაც მაღალი ფიქსირებული დანახარჯი აქვს. აუდიტის შედეგად გამოვლინდა, რომ დღეს არსებული მდგომარეობით, სახელმწიფოს ნაკლები უჯდება პატიმრების კერძო კლინიკებში მკურნალობა.

2015-2016 წლებში გარდაბნის მუნიციპალიტეტის თანამშრომლებზე გამგებლის ბრძანებების შესაბამისად, გაცემულია დანამატი 536.5 ათასი ლარის ოდენობით. მათ შორის, 2015 წელს - 534.8 ათასი ლარი, ხოლო 2016 წელს - 1.7 ათასი ლარი. 21 შემთხვევაში 24.3 ათასი ლარის დანამატი გაცემულია შესაბამისი საფუძვლის მითითების გარეშე. 15 სამართლებრივ აქტში 512.2 ათასი ლარის დანამატის გაცემის მოტივად მითითებულია სამსახურებრივ მოვალეობათა სანიმუშოდ შესრულება, რაც შეიძლება წარმოადგენდეს პრემიის და არა დანამატის გაცემის პირობას. ბრძანებები არ შეიცავს ინფორმაციას საჯარო მოსამსახურის ზეგანაკვეთური მუშაობის, საპასუხისმგებლო ფუნქციური დატვირთვის ან სხვა გარემოების შესახებ, გაცემის ობიექტური საჭიროება და მიზანშეწონილობა სათანადოდ არ არის დასაბუთებული და არ შეესაბამება მოქმედი კანონმდებლობის მოთხოვნებს.

2015-2016 წლებში თეთრიწყაროს მუნიციპალიტეტის მიერ სასმელი წყლის ჭაბურღილები ისე იქნა მოწყობილი, რომ წყლის ვარგისიანობაზე შესაბამისი გამოკვლევები არ ჩატარებულა. ხოლო, სოფელ სამღერეთში მოწყობილ ჭაბურღილსა და საბავშვო ბაღებში ჩატარებული სასმელი წყლის ლაბორატორიულ კვლევის შედეგად გამოვლინდა, ტექნიკური რეგლამენტით დადგენილ პარამეტრებთან შეუსაბამობა. მომქმედი კანონმდებლობის მიხედვით, მუნიციპალიტეტის პასუხისმგებელი პირები ვალდებული იყვნენ შესაბამისი სამსახურების ინფორმირებაზე. ასევე, მოსახლეობის ჯანმრთელობის უსაფრთხოების დაცვის მიზნით უნდა გაეტარებინათ შესაბამისი ღონისძიებები. მუნიციპალიტეტის გამგეობის (შესაბამისი პასუხისმგებელი პირების) მიერ აღნიშნული ღონისძიებები არ განხორციელებულა.

2015-2016 წლებში ქალაქ ქუთაისის მუნიციპალიტეტის საკრებულომ და მერიამ შრომითი ხელშეკრულებები გააფორმა და შტატგარეშე მოსამსახურეები დაიქირავა ადმინისტრაციული, ინფრასტრუქტურის, ზედამხედველობის, ქონების და სხვა სამსახურებში მთავარ სპეციალისტებად, წამყვან სპეციალისტებად და სპეციალისტებად, შესაბამისი დავალებების შესასრულებლად. შრომითი ხელშეკრულებით დაქირავებულთა ფუნქციები ფაქტობრივად არ განირჩევა შტატით დასაქმებული თანამშრომლების საქმიანობისაგან. აღნიშნული წინააღმდეგობაშია შტატგარეშე მოსამსახურის დაქირავების პრინციპთან, რადგან ამ შემთხვევაში პირი სამსახურში მიიღება გარკვეული ვადით, არამუდმივ ამოცანათა შესასრულებლად.

სპორტული ობიექტების მონიტორინგის მიზნით სამინისტროს არ აქვს შემუშავებული მექანიზმი, რომლის მეშვეობითაც მოხდებოდა ობიექტების მმართველი ორგანიზაციების მიერ მიღწეული შედეგების შესახებ შუალედური ანგარიშების წარდგენა. მონიტორინგის სისტემის არარსებობის შედეგად, არ ხორციელდება სპორტული ინფრასტრუქტურის მართვის ფარგლებში მიღწეული შედეგების ანალიზი, რაც ქმნის დაბრკოლებას დროულად მოხდეს რეაგირება და საჭიროების შემთხვევაში გატარდეს ქმედითი ღონისძიებები.

გარდაბნის მუნიციპალიტეტის მიერ 2015 წელს გაცემული პრემიის, ჯილდოსა და დანამატის ანალიზი იძლევა შემდეგ სურათს: საჯარო მოხელეების დამატებითმა ანაზღაურებამ შეადგინა 1 311.9 ათასი ლარი, რაც თანამდებობრივი სარგოს 72%-ია. ერთმა მოხელემ დამატებითი ანაზღაურება მიიღო 13-ჯერ, 16-მა მოხელემ - 12-ჯერ, 56-მა მოხელემ 11-ჯერ, ხოლო 102-მა მოხელემ - 10-ჯერ. ერთ მოსამსახურეზე დამატებითი ანაზღაურება გაცემულია წლიური თანამდებობრივი სარგოს 110%-ის ოდენობით, 3-მა მიიღო სარგოს 100%-ის, 12-მა 90%-ზე მეტი მოცულობით და ა.შ. საკრებულოს თავმჯდომარემ, საკრებულოს თავმჯდომარის მოადგილემ და აპარატის უფროსმა 2015 წელს დამატებითი ანაზღაურება მიიღეს 8-ჯერ, გამგებელმა - 10-ჯერ, გამგებლის მოადგილეებმა - 11-12-ჯერ.

მიუხედავად იმისა, რომ მუნიციპალიტეტის პასუხისმგებელი პირები არაერთგზის იყვნენ ინფორმირებული, რომ გამარტივებული წესით შესყიდული სამუშაოების ანაზაურება უნდა განეხორციელებინა ფაქტიური დანახარჯების მიხედვით. გამგეობამ (შესაბამისმა პასუხისმგებელმა პირებმა) არა გაითვალისწინა სახელმწიფო აუდიტის სამსახურის შენიშვნები, მიმწოდებელს არ მოსთხოვა კანონმდებლობით გათვალისწინებული ხარჯების დამადასტურებელი დოკუმენტები და ანაზღაურება მოახდინა ფაქტობრივი დანახარჯების დათვლის გარეშე. შესაბამისად 1311.0 ათასი ლარი წარმოადგენს შესყიდვის პროცესში შესაბამისი დოკუმენტალური დასაბუთების გარეშე ანაზღაურებულ ხარჯს.

ავტომანქანების ტექნიკური მომსახურების და კერძო აუდიტის მომსახურების შესყიდვის შემთხვევაში, შესყიდვის პროცედურები მუნიციპალიტეტმა წარმართა ისე, რომ ტენდერში გაემარჯვა მაღალი სატენდერო ფასის მქონე პრეტენდენტებს. სატენდერო კომისიამ დისკვალიფიცირებული პრეტენდენტების მიმართ გამოიყენა არასამართლიანი მიდგომა და საქონელის/მომსახურების შესყიდვაზე გასწია 14.2 ათასი ლარის არაეკონომიური ხარჯი.

2016 წელს, გამგებლის ბრძანებების შესაბამისად, ახალციხის მუნიციპალიტეტის თანამშრომლებზე გაიცა დანამატი 44.6 ათასი ლარის ოდენობით, რაც არ არის დასაბუთებული. კერძოდ, სამართლებრივი აქტები არ შეიცავს ინფორმაციას ზეგანაკვეთური მუშაობის, საპასუხისმგებლო ფუნქციური დატვირთვის ან სხვა გარემოების შესახებ. 2016 წლის აგვისტოში მუნიციპალიტეტის თერთმეტმა საჯარო მოხელემ ერთდროულად მიიღო დანამატი და პრემია 9.9 ათასი ლარი. 2016 წლის დეკემბერში ოცდაერთმა მოხელემ მიიღო ნოემბრის თვის დანამატი და დეკემბრის პრემია, 23.8 ათასი ლარის ოდენობით.

2015-2016 წლებში გარდაბნის მუნიციპალიტეტმა ზოგიერთი შტატგარეშე მოსამსახურე დაიქირავა ხელშეკრულებით, რომელიც გარდა მომსახურების დასახელებისა, არ შეიცავს დროში განსაზღვრულ რაიმე კონკრეტულ დავალებას, შესასრულებელი სამუშაოს ან გასაწევი მომსახურების სპეციფიკას და აქედან გამომდინარე, შრომით ურთიერთობებს ხანგრძლივი ვადით, ფაქტობრივად მუდმივ ამოცანათა შესასრულებლად აწესრიგებს. დაქირავებულების ფუნქციები ფაქტობრივად არ განირჩევა შტატით დასაქმებული თანამშრომლების საქმიანობისაგან. აღნიშნული ეწინააღმდეგება შტატგარეშე მოსამსახურის დაქირავების პრინციპს, რომელიც სამსახურში მიიღება გარკვეული ვადით, არამუდმივ ამოცანათა შესასრულებლად. 2015-2016 წლებში არასწორი წესით დაქირავებულ შტატგარეშე მოსამსახურეებზე გარდაბნის მუნიციპალიტეტში გაიცა სულ 280.5 ათასი ლარის ანაზღაურება.

2015-2016 წლებში თეთრიწყაროს მუნიციპალიტეტის მიერ ა(ა)იპ „ქვემო ქართლის რეგიონალურ განვითარების სააგენტოს“ ანგარიშზე გადარიცხულია 52.0 ათასი ლარი, გამგეობამ (შესაბამისმა პასუხისმგებელმა პირებმა) ვერ წარმოადგინა ინფორმაცია იმის შესახებ თუ რა აქტივობები განახორციელა ა(ა)იპ და შედეგად რა სარგებელი მიიღო თვითმმართველობამ. ამდენად ადგილობრივი ბიუჯეტიდან ა(ა)იპ „ქვემო ქართლის რეგიონალურ განვითარების სააგენტზე“ გაწეული 52.0 ათასი ლარის ხარჯის მიზანშეწონილობა არ არის სათანადოდ დასაბუთებული.

მუნიციპალიტეტმა 4 შემთხვევაში, 523.3 ლარის ინფრასტრუქტურული პროექტების შესყიდვის პროცესი წარმართა იმგვარად, რომ არასწორად გამოიყენა შესყიდვის საშუალება, ნაცვლად ტენდერისა, სამუშაოები შეისყიდა გამარტივებული შესყიდვის საშუალებით. შედეგად, მერიამ დაკარგა სატენდერო ეკონომიის მიღების შესაძლებლობა.

სსიპ „ბათუმის ბულვარის“ ბალანსზე არ არის აღრიცხული 83 ერთეული ფრინველი.

რიგ შემთხვევებში მუშაკებზე დანამატები გაცემულია ზღვრულ მოცულობაზე ნაკლები ოდენობით, თუმცა აღნიშნულის მიზეზი ბრძანებებში არ არის განმარტებული.

2015-2016 წლებში ახალციხის მუნიციპალიტეტის მიერ გაფორმებული შრომითი ხელშეკრულებების ნაწილი არ შეიცავს დროში განსაზღვრულ რაიმე კონკრეტულ დავალებას, შესასრულებელი სამუშაოს ან გასაწევი მომსახურების სპეციფიკას და აქედან გამომდინარე, შრომით ურთიერთობებს ფაქტობრივად მუდმივ ამოცანათა შესასრულებლად აწესრიგებს. აღნიშნული წინააღმდეგობაშია შტატგარეშე მოსამსახურის დაქირავების პრინციპთან. მითითებული შრომითი ხელშეკრულებების შესაბამისად, 2015-2016 წლებში სულ გაცემულია 49.1 ათასი ლარი.

გარდაბნის მუნიციპალიტეტის გამგეობისა და საკრებულოს აპარატის საჯარო მოსამსახურეთა დამტკიცებული საშტატო რიცხოვნობა 2015-2016 წლებში ძირითადად შეადგენდა 218 ერთეულს. გამომდინარე აქედან, მუნიციპალიტეტს შეეძლო ერთდროულად დაექირავებინა არა უმეტეს 22 შტატგარეშე მოსამსახურე. წარმოდგენილი ინფორმაციის შესწავლით გამოვლინდა, რომ მუნიციპალიტეტის (შესაბამისმი პასუხისმგებელი პირების) მიერ ადგილობრივი თვითმმართველობის კოდექსით დაწესებული ზღვარი მნიშვნელოვნად არის დარღვეული. კერძოდ, 2015-2016 წლებში ერთდროულად დაქირავებულ შტატგარეშეთა რაოდენობა სხვადასხვა თვეებში იცვლებოდა 23-დან 41 მოსამსახურემდე, რაც 1-19 ერთეულით აღემატებოდა კანონით დადგენილ ნორმას.

შიდა აუდიტის სამსახურის საქმიანობა ვერ უზრუნველყოფს მუნიციპალიტეტის რესურსების ეკონომიურად გამოყენებას, გამგეობის წინაშე არსებული ამოცანების ეფექტიანად შესრულებასა და მუნიციპალიტეტის მიერ დასახული მიზნების მიღწევას. მუნიციპალიტეტის სტრუქტურულ ერთეულებზე შიდა აუდიტის სამსახურს არ გაუცია შესაბამისი რეკომენდაციები, რაც უზრუნველყოფდა რისკების მართვისა და შიდა კონტროლის სისტემის გაუმჯობესებას.

2015 წლის 10 ივლისს მუნიციპალიტეტის მიერ დაფუძნებულმა ა(ა)იპ „სპეციალურმა სერვისებმა“ გამოაცხადა ტენდერი 3 ერთეული მსუბუქი ავტომანქანის შესყიდვაზე, სავარაუდო ღირებულებით 100.0 ათასი ლარი. მანქანების მიწოდების ვადად განისაზღვრა ხელშეკრულების გაფორმებიდან 5 კალენდარული დღე. ტენდერი ჩატარდა უკონკურენტო გარემოში, სადაც გაიმარჯვა ერთადერთმა პრეტენდენტმა შპს „კია მოტორს ჯორჯიამ“. ვინაიდან, ახალი ავტომობილები საქართველოში არ იწარმოება და დადგენილ მოკლე დროში არც მათი იმპორტირებაა შესაძლებელი,შემსყიდველ ორგანიზაციას სატენდერო პროცედურები უნდა წარემართა ისე, რომ განესაზღვრა ავტომობილების მიწოდების გონივრული ვადა, რაც შექმნიდა კონკურენტული გარემოს. ავტომობილების მიწოდებაზე 5 დღიანი ვადის დაწესებამ განაპირობა ტენდერის უკონკურენტო გარემოში ჩატარება. შემსყიდველმა ვერ წარმოადგინა საკმარისი მტკიცებულება, რა აუცილებელი საჭიროებით იყო გამოწვეული ავტომობილების მოკლე დროში შესყიდვა. სატენდერო კომისიამ შესყიდვის პროცედურები წარმართა ისე, რომ ტენდერი ჩატარდა არაკონკურენტულ გარემოში. აღნიშნულმა წარმოშვა რისკი იმისა, რომ საბიუჯეტო სახსრები დაიხარჯა არაეკონომიურად.

სსიპ “ბათუმის ბულვარში“ სრულად არ ხდებოდა ეკონომიკურ საქმიანობაში გამოყენებული აქტივების, ქონების გადასახადით დაბეგვრა და შესაბამისი ბუღალტრული აღრიცხვა.

სამშენებლო სამუშაოების შესყიდვისას სს „საქართველოს რკინიგზა“ ითხოვს პრეტენდენტების ან ქვეკონტრაქტორების გამოცდილებას. ზოგიერთ შემთხვევაში ტენდერებში წარმოდგენილია მხოლოდ ქვეკონტრაქტორების გამოცდილება, რის შედეგადაც იმარჯვებენ პრეტენდენტები. შედეგად, კონტრაქტორები სამშენებლო სამუშაოების გამოცდილებას იღებენ ქვეკონტრაქტორების მიერ შესრულებული სამუშაოების ხარჯზე ისე, რომ შესაძლოა მათ მომავალში დამოუკიდებლად ვერ შეძლონ აღნიშნული სამუშაოების შესრულება, მაშინ როდესაც ისინი უკვე თავისუფლად შეძლებენ ტენდერის პირობების დაკმაყოფილებას გამოცდილების ნაწილში.

წარმოდგენილი აუდიტორული მტკიცებულების შესაბამისად, საანგარიშო პერიოდში გაფორმებულია 34 შრომითი ხელშეკრულება, შტატგარეშე მუშაკთა დასაქმების შესახებ. აღნიშნული ხელშეკრულებები გაფორმებულია 1 წლისა და მეტი ვადით რაც ეწინააღმდეგება „საჯარო სამსახურის შესახებ“ საქართველოს კანონის მე-8 მუხლის მოთხოვნებს, რომლის შესაბამისადაც შტაგარეშე მოსამსახურე არის პირი, რომელიც დანიშნვით ან შრომითი ხელშეკრულებით გარკვეული ვადით მიიღება სამსახურში არამუდმივ ამოცანათა შესასრულებლად.

ახალციხის მუნიციპალიტეტის გამგეობასა და შტატგარეშე მოსამსახურეებს შორის გაფორმებული შრომითი ხელშეკრულებები არ შეიცავს დაქირავებულის უფლებას ან/და დამქირავებლის ვალდებულებას საპრემიო ანაზღაურების შესახებ. მიუხედავად ამისა, 2015-2016 წლებში ახალციხის მუნიციპალიტეტმა, შრომითი ხელშეკრულებების შესაბამისად, პრემიების სახით გასცა 33.7 ათასი ლარი.

გარდაბნის მუნიციპალიტეტი 2015-2016 წლებში შტატგარეშე მოსამსახურეებზე პრემიებს გასცემდა მუნიციპალიტეტის საკრებულოს თავმჯდომარისა და გამგებლის ბრძანებებით. 10 შემთხვევაში 68.7 ათასი ლარი შტატგარეშე მოსამსახურებზე გაცემულია დაკისრებული მოვალეობის სანიმუშო შესრულებისათვის, 10 შემთხვევაში 35.9 ათასი ლარი გაიცა სადღესასწაულო პრემიის სახით, ხოლო 8 სამართლებრივი აქტი არ შეიცავს დასაბუთებას 39.5 ათასი ლარის საპრემიო თანხების გაცემაზე. აუდიტის ჯგუფი შეუსაბამოდ მიიჩნევს შტატგარეშე მოსამსახურეების პრემირებას სადღესასწაულო დღეებთან დაკავშირებით და შესაბამისი დასაბუთების გარეშე. აღნიშნული არ არის განპირობებული დაქირავებულის საქმიანობის ხარისხით და სირთულით. ამასთანავე, პრემია არ უნდა გაიცემოდეს ავტომატურად, როცა არ არსებობს შესაბამისი საფუძველი, რაც მოვალეობის შესრულებას უკავშირდება. ამდენად, შტატგარეშე მოსამსახურეების საპრემიო ანაზღაურებიდან, 75.4 ათასი ლარი გარდაბნის მუნიციპალიტეტმა (შესაბამისმა პასუხისმგებელმა პირებმა) გასცა სათანადო დასაბუთების გარეშე.

მუნიციპალიტეტის გამგეობამ ვერ წარმოადგინა 2016 წლის ფინანსური ანგარიშგება, არ არის ჩატარებული ქონების, მოთხოვნებისა და ვალდებულებების ინვენტარიზაცია. აღნიშნული გარემოებების გათვალისწინებით მასშტაბის შეზღუდვის გავლენა აუდიტზე არსებითი და ყოვლისმომცველია. აუდიტის ჯგუფმა ვერ მოიპოვა საკმარისი და შესაფერისი აუდიტორული მტკიცებულებები აუდიტის ობიექტზე,

მუნიციპალიტეტის შიდა აუდიტის განყოფილება შექმნილია მოქმედი კანონმდებლობის მოთხოვნათა დარღვევით. ამასთან, განყოფილებას არ შეუსწავლია მუნიციპალიტეტის სტრუქტურული ერთეულების საქმიანობა, არ გამოუვლენია რაიმე სახის მიგნება და არ გაუცია საჭირო რეკომენდაციები. შესაბამისად, მერიის შიდა აუდიტის განყოფილება კანონმდებლობით გათვალისწინებულ ფუნქციას პრაქტიკულად არ ასრულებს.

სამინისტროს მიერ საპრივატიზებო ქონების არასათანადოდ შესწავლისა და ფაქტობრივ გარემოებებზე არასათანადო რეაგირების შედეგად, სასამართლოს მიერ მიღებული გადაწყვეტილების შესაბამისად, ბიუჯეტიდან დაბრუნებას დაექვემდებარა 100000 აშშ დოლარი და ბაჟის სახით ზედმეტად გადახდილია 5400 ლარი.

ტენდერში (SPA150010368) გამარჯვებული კომპანიის მიერ წარმოდგენილი ხარისხის დამადასტურებელი სერთიფიკატი N0006909 გაცემულია IATF-ის მიერ, თუმცა IATF-ის საძიებო სისტემაში ამავე ნომერზე ფიქსირდება სხვა კომპანია.

სამინისტროში არასრულყოფილად ხდება მორიგე ავტოსატრანსპორტო საშუალებების დანიშნულებისამებრ გამოყენების განმსაზღვრელი დოკუმენტების წარმოება.

კონსოლიდირებულ ფინანანსურ ანგარიშგებაში ძირითადი აქტივების საბალანსე ანგარიშის საბოლოო ნაშთი არის გაზრდილი.

2015 წლისა და 2016 წლის დეკემბერში, მუნიციპალიტეტმა შრომითი ხელშეკრულებები გააფორმა 3 დაქირავებულთან. კერძოდ, ხელშეკრულებები გაფორმდა 9-18 დეკემბრის შუალედში და დეკემბრის ბოლოს კუთვნილი ანაზღაურების გარდა, მათზე გაიცა პრემიები 1 თვის სახელშეკრულებო თანხის ოდენობით.

გარდაბნის მუნიციპალიტეტში შტატგარეშე მოსამსახურეებზე 2015 წელს გამგებლის ბრძანებებით გაცემულია დანამატი 65.1 ათასი ლარის ოდენობით. 5 შემთხვევში დანამატი გაიცა დაკისრებული მოვალეობის სანიმუშო შესრულებისათვის, ხოლო 4 ბრძანებაში საფუძველი არ არის მითითებული. დანამატის ძირითადი მოცულობა დაქირავებულებზე გაიცა შტატით გათვალისწინებულ საჯარო მოხელეებთან ერთად. საქართველოს კანონი „საჯარო სამსახურის შესახებ“ დანამატების გაცემას ითვალისწინებს მხოლოდ საჯარო მოხელეზე, რომელიც ინიშნება ან აირჩევა სახაზინო დაწესებულების საშტატო (შტატით გათვალისწინებულ) თანამდებობაზე. გამომდინარე აქედან, შტატგარეშე მოსამსახურეებზე მუნიციპალიტეტმა (შესაბამისმა პასუხისმგებელმა პირებმა) 65.1 ათასი ლარის დანამატი გასცა მოქმედი კანონმდებლობის დარღვევით.

2015 წელს მუნიციპალიტეტის თანამდებობის პირებსა და მოსამსახურეებზე, ჯამში 112 თანამშრომელზე წახალისება გაიცა 418.4 ათასი ლარი. 2015 წელს მუნიციპალიტეტმა 69 მოსამსახურეზე წლის განმავლობაში პრემია გასცა 5-ჯერ და მეტჯერ. აღსანიშნავია, რომ 4 მოსამსახურეზე, რომელზეც წლის განმავლობაში პრემია გაიცა 7-ჯერ, დამატებით ყოველთვიურად გაიცა დანამატი. 2015 წლის დეკემბერში 79 მოსამსახურეზე გაცემული წახალისება მერყეობს თანამდებობრივი სარგოს 120%-დან 200%-მდე. 2016 წელს მუნიციპალიტეტის თანამდებობის პირებსა და მოსამსახურეებზე, ჯამში 113 თანამშრომელზე, წახალისება გაიცა 413.6 ათასი ლარი. 2016 წელს ბორჯომის მუნიციპალიტეტის 3 თანამდებობის პირზე, პრემია გაიცა წლის განმავლობაში 4-ჯერ, ხოლო დანამატი ყოველთვიურად. ამდენად, 2015-2016 წლებში ბორჯომის მუნიციპალიტეტის მიერ წარმომადგენლობით და აღმასრულებელ ორგანოებში დასაქმებულ პირებზე წახალისების გაცემის ოდენობა და რაოდენობა აღემატება საქართველოს მთავრობის დადგენილებით რეკომენდებულ ზღვრულ ნორმებს. მიუხედავად იმისა, რომ აღნიშნული დადგენილება მუნიციპალიტეტებისათვის სარეკომენდაციო ხასიათისაა, საბიუჯეტო თანხების რაციონალური და ეკონომიური ხარჯვის ვალდებულებიდან გამომდინარე, მიზანშეწონილია, ბორჯომის მუნიციპალიტეტმა იხელმძღვანელოს ამ სამართლებრივი აქტის მოთხოვნებით.

სატელევიზიო ეთერში ვიდეორგოლის გაშუქებით მოსახლეობას მიეწოდა არასწორი ინფორმაცია, ამასთან, მუნიციპალიტეტმა ვერ დაასაბუთა სატელევიზიო გადაცემების დაფინანსების საჭიროება. ამდენად, 2015-2016 წლებში მერიამ სარეკლამო და სატელევიზიო მომსახურებაში სულ გადაიხადა 165.5 ათასი ლარი, რომლის მიზანშეწონილობა არ არის სათანადოდ დასაბუთებული.

სსიპ „ბათუმის ბულვარში“ პირად მფლობელობაში არსებული ავტომობილის სამსახურებრივი დანიშნულებით გამოყენებისათვის, ყოველთვიურად გაიცემოდა 100 ლიტრი საწვავი. აუდიტის პერიოდში ვერ იქნა წარმოდგენილი ავტოტრანსპორტის სამსახურებრივი დანიშნულებით გამოყენების დამადასტურებელი დოკუმენტები. ცალკეულ შემთხვევებში საავტომობილო და მექანიკური ტექნიკის შეკეთებაზე შედგენილ მიღება-ჩაბარების აქტებში არ არის მითითებული თუ რომელი ტექნიკური საშუალება შეკეთდა.

ფინანსურ ანგარიშგებაში (ფორმა N1 და დანართი N5-ში) არ არის აღრიცხული და შეფასებული 25.46 ჰექტარი არასასოფლო სამეურნო მიწის ნაკვეთი, საიდანაც 9.27 ჰექტარი მიწის ნაკვეთი აღრიცხულია „შენობა-ნაგებობის“ ანგარიშზე, ამასთან არ არის აღრიცხული და შეფასებული 55.50 კვ.მ შენობა-ნაგებობა.

აჭარის ავტონომიური რესპუბლიკის განათლების, კულტურისა და სპორტის სამინისტროს აპარატი, აგრეთვე სპორტის და ახალგაზრდობის საქმეთა დეპარტამენტი, სხვადასხვა სახის სახელმწიფო შესყიდვებს, აჭარის ავტონომიური რესპუბლიკის მთავრობის შესაბამისი განკარგულებების საფუძველზე, ახორციელებენ გამარტივებული შესყიდვის საშუალებით. „სახელმწიფო შესყიდვების შესახებ“ საქართველოს კანონით გათვალისწინებული საგამონაკლისო წესი დადგენილია სახელმწიფოებრივი და საზოგადოებრივი მნიშვნელობის ღონისძიებათა შეზღუდულ ვადებში შეუფერხებლად ჩატარების უზრუნველსაყოფად. თუ გავითვალისწინებთ, რომ ღონისძიებები ხორციელდება სხვადასხვა პერიოდულობით, მთელი წლის განმავლობაში და ვადებში შეზღუდულობის საკითხი, რიგ შემთხვევებში, არ დგას, შემსყიდველის მიერ აღნიშნული საფუძვლით, გამარტივებული შესყიდვის საშუალებით შესყიდვის განხორციელების მოთხოვნა გონივრულ საფუძველს მოკლებულია და ეწინააღმდეგება საკანონმდებლო ნორმის მიზნებს. ეფექტური კონკურენციის არარსებობის პირობებში, ზემოაღნიშნული წარმოშობს საბიუჯეტო სახსრების არაეკონომიური ხარჯვის რისკებს.

„კრედიტორული დავალიანების“ ანაგარიშის საბოლოო ნაშთი გაზრდილია

ახალციხის მუნიციპალიტეტის საკრებულოს წევრებზე 2015-2016 წლებში ხარჯების ანაზღაურების სახით გაცემულია 153.0 ათასი ლარი. მუნიციპალიტეტმა ვერ წარმოადგინა ხარჯის დამადასტურებელი პირველადი დოკუმენტები. ამასთანავე, საკრებულოს 2015 წლის სამართლებრივი აქტი საკრებულოს წევრების უფლებამოსილების განხორციელების მიზნით გაწეული ხარჯების ანაზღაურების შესახებ, არ შეესაბამება მოქმედ საკანონმდებლო ნორმებს.

2015-2016 წლებში მუნიციპალიტეტის მიერ გაწეული 49.8 ათასი ლარის წარმომადგენლობითი ხარჯის მიზანშეწონილობა დოკუმენტურად არ არის დადასტურებული. გამომდინარე აქედან, შეუძლებელია განისაზღვროს რამდენად აუცილებელი და შედეგიანი იყო სტუმრების კვების ორგანიზება კონკრეტული ღონისძიების ფარგლებში და შეესაბამება თუ არა ამ ღონისძიების შედეგი გადახდილ საბიუჯეტო რესურსს.

2015-2016 წლებში ბორჯომის მუნიციპალიტეტის გამგებლის ბრძანებით, მოსამსახურეებზე დანამატის სახით გაცემულია 55.8 ათასი ლარი. შესწავლილი დოკუმენტებით ირკვევა, რომ ყოველთვიური დანამატი დაწესებული იყო წინასწარ, მთელი წლის განმავლობაში. ბრძანებაში დანამატის გაცემის საფუძვლად მითითებულია მოხელის ზეგანაკვეთური მუშაობა და განსაკუთრებით საპასუხისმგებლო ფუნქციური დატვირთვა. ყოველთვიური დანამატი დაუწესდა გამგებელს, გამგებლის მოადგილეებს, სამსახურის უფროსს და განყოფილების უფროსს. საჯარო ფინანსების რაციონალური ხარჯვის პრინციპებიდან გამომდინარე, მოხელეს დანამატი უნდა მიეცეს დავალებების სირთულისა და არასამუშაო საათებში მუშაობისათვის. აუდიტის ობიექტს არ შეეძლო წინასწარ განესაზღვრა მთელი წლის განმავლობაში, რომელი საჯარო მოხელე იმუშავებდა ზეგანაკვეთურად და ექნებოდა განსაკუთრებით საპასუხისმგებლო ფუნქციური დატვირთვა. აქედან გამომდინარე, არ არის დასაბუთებული დანამატის გაცემის ობიექტური მიზანშეწონილობა.

აჭარის ავტონომიური რესპუბლიკის წილობრივი მონაწილეობით მოქმედი 61 საწარმოდან, 2015 წელს დივიდენდი გადახდილი აქვს მხოლოდ 10 საწარმოს, საიდანაც 3 საწარმოს მიერ გადახდილი დივიდენდების საერთო წილი 79 პროცენტს შეადგენს. საანგარიშო პერიოდში, სამინისტროს მართვაში არსებული საწარმოების მიერ წარმოდგენილი 49 ფინანსური ანგარიშგებიდან, განხილული იქნა 25 საწარმოს 2014 წელს გაწეული საქმიანობის წლიური შედეგები. შპს „ქ. ბათუმის რესპუბლიკური კლინიკური საავადმყოფოს“ საბალანსო მონაცემების დაზუსტება, აუდიტის სამსახურის მიერ გაკეთებული რეკომენდაციების მიუხედავად, 2015 წლისთვის ვერ მოხერხდა, რის გამოც ვერ განხორციელდა საგადასახადო დეკლარაციების კორექტირება და ბიუჯეტთან შესაბამისი ანგარიშსწორება, როგორც გადასახადების, ასევე დივიდენდის სახით; შპს „სარემონტო სამშენებლო სამმართველოს“ კაპიტალში შეტანილი 25 უმოქმედო საზოგადოების წილის რეალიზაცია შეფერხებებით მიმდინარეობს. სს „ბათუმის ავტოსადგურის“ აქციონერთა საერთო კრების გადაწყვეტილებით, 2015 წლის 31 დეკემბრის მდგომარეობით გაუნაწილებელი წმინდა მოგება 485409 ლარი, ისევ არ დაექვემდებარა განაწილებას და ინფრასტრუქტურის შემდგომი განვითარების მიზნით დატოვებულია საწარმოში. ამასთან, წარმოდგენილი მასალების შესაბამისად, 2015 წლამდე გაუნაწილებელი მოგების ანგარიშიდან გახარჯულია 506059 ლარი, რაც 43180 ლარით მეტია ამ პერიოდისთვის საზოგადოებაში დატოვებულ წმინდა მოგების თანხაზე.

ფინანსურ ანგარიშგებაში (ფორმა N1 და დანართი N5-ში) არაფინანსური აქტივების საბოლოო ნაშთი გაზრდილია

სსიპ „ხელვაჩაურის მუნიციპალიტეტის სოფელ სალიბაურის N2 საჯარო სკოლის“ მიერ, პანსიონის 220 აღსაზრდელის კვებითი უზრუნველყოფის მომსახურებაზე, გამარტივებული ელექტრონული ტენდერის საშუალებით, გაფორმებული იქნა სახელმწიფო შესყიდვის შესახებ ხელშეკრულება. ხელშეკრულების შესაბამისად, მიმწოდებელი მომსახურების გაწევას უზრუნველყოფდა საკუთარი კვების პროდუქტებით და დამხმარე პერსონალით. ხელშეკრულებაში 2015 წლის 1 აპრილს შევიდა ცვლილება, რომლითაც მიმწოდებელის ვალდებულებას აღარ წარმოადგენდა მომსახურების გაწევა საკუთარი დამხმარე პერსონალით. შემდგომში დამხმარე პერსონალის დაქირავების ხარჯები დაფინანსებული იქნა სსიპ „ხელვაჩაურის მუნიციპალიტეტის სოფელ სალიბაურის N2 საჯარო სკოლის“ მიერ. განხორციელებული ცვლილების შედეგად, სკოლის ბიუჯეტიდან დამატებით იქნა გაწეული 4.4 ათასი ლარის ხარჯი.

„გაუნაწილებელი მოგების“ ანგარიშის საბოლოო ნაშთი შემცირებულია

ახალციხის მუნიციპალიტეტის მიერ 2015-2016 წლებში საგზაო ინფრასტრუქტურის რეაბილიტაციის მიზნით ჩატარებული ტენდერებისათვის გამოვლინდა აფიდავიტის სავარაუდო დარღვევის შემთხვევები. პრეტენდენტები მეტი ფინანსური სარგებლის მიღების მიზნით, დიდი ალბათობით, მოქმედებდნენ ურთიერთშეთანხმებით და არ აზუსტებდნენ ტექნიკურ დოკუმენტაციას, რაც ზრდიდა შესყიდვის ღირებულებას. აღნიშნულის გამო, 3 ტენდერის შემთხვევაში ხელშეკრულებების ფასი სულ 147.4 ათასი ლარით გაიზარდა

მუნიციპალიტეტის მიერ სამსახურებრივი უფლებამოსილების განსახორციელებლად გამოყენებული სატრანსპორტო საშუალებების რაოდენობა მნიშვნელოვნად აღემატება საქართველოს მთავრობის დადგენილებით რეკომენდებულ ზღვრულ ოდენობას. კერძოდ, რეკომენდებული 7 ერთეულის ნაცვლად, მუნიციპალიტეტი განკარგავდა 21 სამორიგეო ავტომანქანას. ავტომანქანები მიღება-ჩაბარების აქტების საფუძველზე გადაცემულია სამსახურისა და განყოფილების უფროსებისათვის, საკრებულოს მაჟორიტარი დეპუტატებისათვის, სპეციალისტისათვის და სხვ. 21 სამორიგეო და 2 პერსონალური ავტომანქანის გარდა, მუნიციპალიტეტი (შესაბამისი პასუხისმგებელი პირები) 2015 წელს საწვავს ყოველთვიურად გასცემდა საჯარო მოსამსახურეების სარგებლობაში არსებულ 70-დან 85 ავტომანქანაზე, ხოლო 2016 წელს - 60-დან 75 ავტომანქანაზე. საწვავი გამოეყოფოდა საკრებულოს ფრაქციის თავმჯდომარეებს, საკრებულოს წევრებს , სპეციალისტებს, დაქირავებულ მოსამსახურეებს, გამგებლის წარმომადგენლებს და სხვ. ამდენად, მუნიციპალიტეტს არ გააჩნია რაციონალური მიდგომა ფუნქციონირებისათვის საჭირო ავტოტრანსპორტის გამოყენებასთან დაკავშირებით.

2014 წელს ბორჯომის მუნიციპალიტეტის საკრებულომ დადგენილებით მიიღო საკრებულოს წევრებზე (თანამდებობის და არათანამდებობის პირები) უფლებამოსილების განხორციელებასთან დაკავშირებული ხარჯების ანაზღაურების წესი. აღნიშნული წესის მიხედვით, 2015 წლის 7 თვეში საკრებულოს თანამდებობის პირებზე: საკრებულოს თავმჯდომარე, მოადგილე, ფრაქციების და კომისიების თავმჯდომარეებზე, გაცემულია უფლებამოსილების განხორციელებასთან დაკავშირებული ხარჯები, ჯამში 33.3 ათასი ლარი. ადგილობრივი თვითმმართველობის კოდექსის თანახმად, უფლებამოსილების განხორციელებასთან დაკავშირებული ხარჯები ანაზღაურდება საკრებულოს მხოლოდ არათანამდებობის პირებზე. შედეგად ბორჯომის მუნიციპალიტეტის საკრებულოს მიერ მიღებული დადგენილება ეწინააღმდეგება ორგანული კანონით გათვალისწინებულ მოთხოვნებს. შესაბამისად აღნიშნული ხარჯები საკრებულოს თანამდებობის პირებზე ანაზღაურებულია კანონმდებლობის დარღვევით.

2008-2012 წლებში პრივატიზებული ქონების იპოთეკით დატვირთვისა და დაყადაღების გამო, ხელშეკრულებით გათვალისწინებული ვალდებულებების შეუსრულებლობის მიუხედავად, ვერ ხერხდება 160000 აშშ დოლარისა და 2476800 ლარის ღირებულების ქონების ავტონომიური რესპუბლიკის საკუთრებაში დაბრუნება. ხელშეკრულებით განსაზღვრული ვალდებულებების შეუსრულებლობის პირობებში, 4 შემთხვევაში გადაწყვეტილებები არ არის მიღებული. ამასთან, ადგილი აქვს სახელშეკრულებო ვალდებულებების შესრულებაზე არათავისდროულ და არასათანადო კონტროლის დაწესების ფაქტებს. ნასყიდობის ხელშეკრულებების პირობების შეუსრულებლობისათვის დარიცხული საჯარიმო სანქციებიდან, 2015 წლის 1 იანვრის მდგომარეობით, ნაშთად ირიცხება 4240799 ლარი და 6831157 აშშ დოლარი. ადგილი აქვს ნასყიდობის ხელშეკრულებებით გათვალისწინებული პირობების შეუსრულებლობისათვის დარიცხული საჯარიმო სანქციებისაგან არაარგუმენტირებულად გათავისუფლების ფაქტებს. ქონების სარგებლობის საფასურის სახით დარიცხული 2638761 ლარიდან, აუდიტის პერიოდისთვის, ბიუჯეტის სასარგებლოდ თანხები არ არის ჩარიცხული.

არასწორი კლასიფიკაციის შედეგად ფინანსურ ანგარიშგებაში (ფორმა N1 და დანართი N5-ში) გაზრდილად არის ნაჩვენები არასაცხოვრებელი შენობები ქვემუხლები.

აჭარის ავტონომიური რესპუბლიკის განათლების, კულტურისა და სპორტის სამინისტროს 2015 წლის 6 თვის ტრანსპორტის, ტექნიკისა და იარაღის ექსპლუატაციისა და მოვლა-შენახვის საკასო ხარჯმა შეადგინა 134.2 ათასი ლარი, ხოლო ფაქტობრივმა ხარჯმა 139.3 ათასი ლარი. აღნიშნული ხარჯიდან 3.7 ათასი ლარი გაწეულია ა(ა)იპ „ქალაქ ბათუმის სასპორტო სკოლის“ მიერ ავტოსატრანსპორტო საშუალება SUBARU FORESTER-ის ექსპლუატაციასა და მოვლა-შენახვაზე, მათ შორის, მხოლოდ სათადარიგო ნაწილებსა და ტექნიკურ მომსახურებაზე - 2.2 ათასი ლარი. აღნიშნული ავტოსატრანსპორტო საშუალება არ ირიცხება ა(ა)იპ „ქალაქ ბათუმის სასპორტო სკოლის“ ბალანსზე, ხოლო აუდიტის ობიექტის მიერ ვერ იქნა წარმოდგენილი რაიმე სახის უფლების დამადასტურებელი დოკუმენტი.

„მოკლევადიანი მოთხოვნების“ ანგარიშის საბოლოო ნაშთი შემცირებულია

ახალციხის მუნიციპალიტეტმა, აუდიტის ჯგუფის მოთხოვნის საფუძველზე, წარმოადგინა მიმწოდებლის მიერ გამოყენებული სამშენებლო მასალების სასაქონლო ზედნადებები, 2015-2016 წლებში შესრულებული ზოგიერთი საგზაო სამუშაოსათვის. ინფორმაციის შესწავლის შედეგად, 5-დან 2 შესყიდვაში გამოვლინდა სხვადასხვა რაოდენობრივი ხასიათის შეუსაბამობა. კერძოდ, მუნიციპალიტეტის მიერ 48 ათას ლარზე მეტი გადახდილია ისეთი სამუშაოებისათვის, რომელთა შესრულებაც სასაქონლო ზედნადებებით არ დასტურდება.

ზოგიერთი საჯარო მოსამსახურემიღებულ საწვავს ვერ გამოიყენებდა სამსახურებრივი დანიშნულებით, რადგან როგორც წესი, ფუნქციონალურად არ უხდებოდა მუნიციპალიტეტის ტერიტორიაზე გადაადგილება და დავალებების შესრულება. ამდენად, მიღებული საწვავი მათთვის წარმოადგენდა დამატებით სარგებელს, შრომის ანაზღაურებასთან ერთად. შესაბამისად, მოქმედი კანონმდებლობის თანახმად, საწვავის მიმღები ასეთი მოსამსახურე უნდა დაბეგრილიყო საშემოსავლო გადასახადით, რაც მუნიციპალიტეტის მიერ არ ხორციელდებოდა.

საკრებულოს წევრებზე, რომლებიც არ არიან თანამდებობის პირები, გამგეობის მიერ უფლებამოსილების განხორციელებასთან დაკავშირებული ხარჯის ანაზღაურება უნდა განხორციელდეს ფაქტობრივად გაწეული ხარჯის დამადასტურებელი დოკუმენტების საფუძველზე. 2015-2016 წლებში ბორჯომის მუნიციპალიტეტის მიერ, უფლებამოსილების განსახორციელებლად საკრებულოს არათანამდებობის პირებზე გაიცა 108.9 ათასი ლარი. საკრებულოს დეპუტატებზე ხარჯები ანაზღაურებულია ისე, რომ არც ერთ შემთხვევაში მათ არ წარმოუდგენიათ ხარჯის გაწევის დამადასტურებელი დოკუმენტები. ამდენად, 2015-2016 წლებში საკრებულოს არათანამდებობის პირებზე უფლებამოსილების განხორციელებასთან დაკავშირებული ხარჯები, თანხით 108.9 ათას ლარი, ბორჯომის მუნიციპალიტეტის მიერ არ უნდა ანაზღაურებულიყო შესაბამისი დოკუმენტური დასაბუთების გარეშე.

საჯარო სამსახურის ბიურო არ ახორციელებს საჯარო სექტორში ეთიკის კოდექსის შემუშავებისა და დანერგვის პროცესის მონიტორინგს. შესაბამისად, ნაკლოვანებების იდენტიფიცირება და მათზე საპასუხო ღონისძიებების სამოქმედო გეგმაში ასახვა ვერ ხერხდება.

აჭარის ავტონომიური რესპუბლიკის ფინანსთა და ეკონომიკის სამინისტრიოს მიერ სარეკლამო ვიდეო რგოლის „აჭარა როგორც საინვესტიციო გარემო“ -ს და სსიპ „ბათუმის ბულვარის“ მიერ ბულვარის განვითარების კონცეფციის შემუშავება-დაგეგმარებისა და ბათუმის ბულვარის ტოპოგრაფიული გეგმის შედგენის მომსახურების შესყიდვისას არ იკვეთება შეზღუდულ ვადებში შესყიდვის ჩატარების აუცილებლობა. სსიპ „ბათუმის ბულვარის“ მიერ შპს „ვლს“-თან და შპს „მარეთი 777“-თან გაფორმებული ხელშეკრულებების ფარგლებში, არასათანადო დოკუმენტაციის საფუძველზე გახარჯულია 258679 ლარი .

არასწორი კლასიფიკაციის შედეგად ფინანსურ ანგარიშგებაში (ფორმა N1 და დანართი N5-ში) შემცირებულად არის ნაჩვენები – დაუმთავრებელი მშენებლობის ქვემუხლები.

სამინისტროს 2015 წლის 6 თვის ბალანსის თანახმად, ძირითადი კაპიტალის მოხმარება შეადგენს 7.3 ათას ლარს. აუდიტის ობიექტის განმარტებით, ძირითადი კაპიტალის მოხმარების ველში ასახულია სსიპ „სახელმწიფო ვოკალური ანსამბლი „ბათუმის“ მიერ საანგარიშო პერიოდში განხორციელებული ძირითადი კაპიტალის ჩამოწერით წარმოშობილი თანხა. საქართველოს საბიუჯეტო კლასიფიკაციის თანახმად, ძირითადი კაპიტალის მოხმარება წარმოადგენს საანგარიშო პერიოდის განმავლობაში ფიზიკური ცვეთის, მორალური ცვეთის და ჩვეულებრივი შემთხვევითი დაზიანების შედეგად, სახელმწიფო ერთეულის მფლობელობაში არსებული და მის მიერ გამოყენებული ძირითადი აქტივის ღირებულების შემცირებას, ხოლო აქტივების გასვლა არის ყველა ოპერაცია, რომელიც ამცირებს ერთეულის აქტივების მოცულობას (გაყიდვა, გასხვისება, ჩამოწერა და სხვა), გარდა ძირითადი კაპიტალის მოხმარებისა.

,,აქტივების წმინდა ღირებულების" ანგარიშის ნაშთი გაზრდილია

2015 წელს ახალციხის მუნიციპალიტეტმა გამარტივებული შესყიდვის საშუალებით გააფორმა 22 ხელშეკრულება, რომლის ფარგლებშიც შეისყიდა 144.5 ათასი ლარის ღირებულების სამშენებლო სამუშაო. მიმწოდებლებზე თანხის ანაზღაურების დროს, მუნიციპალიტეტი არ ითვალისწინებდა მოქმედი კანონმდებლობის მოთხოვნებს და არ ითხოვდა დოკუმენტაციას ფაქტობრივი დანახარჯების შესახებ.

მუნიციპალიტეტის საკუთრებაში არსებული 2 ავტომანქანა არ მოიძებნა. კერძოდ, მუნიციპალიტეტმა ვერ წარმოადგინა ინფორმაცია MITSUBISHI PAJERO 3500 V6/24V-სა და GAZ31029-ის მარკის ავტომანქანის მდებარეობისა და მდგომარეობის შესახებ . გარდა ამისა, საგზაო-სატრანსპორტო შემთხვევის შედეგად დაზიანებულია 2010 წლის შემდეგ ახლადშეძენილი 3 ავტომანქანა . მათ შორის, WOLKSKWAGEN PASSAT 2013 წლის თხოვების ხელშეკრულებით გადაცემული ჰქონდა საქართველოს პარლამენტის წინა მოწვევის მაჟორიტარ დეპუტატს. 2 ავტომანქანას - KIA RIO-ს, 2012 და 2015 წლებიდან განკარგავდნენ მუნიციპალიტეტის საკრებულოს წევრები. აღნიშნულ პიროვნებებს მუნიციპალური ქონება გადაცემული ჰქონდათ სარგებლობის უფლებით და წარმოადგენდნენ მატერიალურად პასუხისმგებელ პირებს. აუდიტის მიმდინარეობის პერიოდში ეს ავტომობილები მუნიციპალიტეტისათვის დაბრუნებული არ იყო. პასუხისმგებელმა პირებმა წარმოადგინეს დოკუმენტაცია WOLKSKWAGEN PASSAT – ის დაბრუნების მოთხოვნით გაგზავნილი წერილების სახით, თუმცა გატარებული ღონისძიებებით შედეგი არ დამდგარა.

2015-2016 წლებში ბორჯომის მუნიციპალიტეტის მიერ მოსამსახურეთა ქვეყნის ფარგლებს გარეთ მივლინებისას, 20 შემთხვევაში დაიხარჯა 64.5 ათასი ლარი. საკითხის შესწავლით გამოვლინდა, რომ საზღვარგარეთ მივლინებული პირების მიერ არ არის მომზადებული ანგარიში მივლინების მიმდინარეობის, შედეგებისა და სხვა მნიშვნელოვანი საკითხების შესახებ. არ ხდება მივლინებით მიღწეული შედეგების განხილვა და შედარება დასახულ მიზნებთან. ბორჯომის მუნიციპალიტეტში არ არის დანერგილი პრაქტიკა, რომელიც უზრუნველყოფს მივლინებაში მიღებული გამოცდილების თანამშრომლებისათვის გაზიარებას. გარდა ამისა, მუნიციპალიტეტმა 3 შემთხვევაში ვერ წარმოადგინა დოკუმენტური მტკიცებულებები იმისა, თუ რა აუცილებელი მუნიციპალური საჭიროებიდან იყო გამოწვეული მოსამსახურეთა მივლინება. შედეგად, მივლინებული პირების ვიზიტი ქვეყნის ფარგლებს გარეთ არ შეესაბამებოდა მუნიციპალიტეტის მიერ დასახულ მიზნებს. შესაბამისად, გამგეობის მიერ 3 შემთხვევაში ანაზღაურებული სამივლინებო თანხა, ჯამში 5.4 ათასი ლარი, წარმოადგენს არამიზნობრივ ხარჯს.

ანტიკორუფციული სტრატეგიული გეგმის შემუშავების პროცესში, საბჭოს მიერ რისკის შეფასება სრულად არ მოიცავდა საჯარო სექტორს: კერძოდ, 2015 წლისთვის ქვეყანაში არსებული 16 სამინისტროდან, ანტიკორუფციული საბჭოს წევრი იყო მხოლოდ 8 სამინისტრო. შესაბამისად, ანტიკორუფციული საბჭოს სტრატეგიული და სამოქმედო გეგმის შედგენის პროცესში, არაწევრი სამინისტროების მიერ მათი მმართველობის სფეროში არსებული რისკების შეფასება და საბჭოსთვის კომუნიკაცია არ მომხდარა. ასევე აუდიტის პერიოდში არ იყო დასრულებული რისკის შეფასების მეთოდოლოგიის დოკუმენტი, რომელიც ხელს შეუწყობდა რისკის შეფასებაში ჩართულ მხარეებს კორუფციული რისკების ერთგვაროვნად შეფასებაში.

საქართველოს მთავრობის 2014 წლის 14 იანვრის N55 დადგენილებით დამტკიცებული „ტექნიკური რეგლამენტი - სამშენებლო სამუშაოების სახელმწიფო შესყიდვისას ზედნადები ხარჯებისა და გეგმური მოგების განსაზღვრის წესის“ მე-3 პუნქტის მოთხოვნების დარღვევით, აჭარის ავტონომიური რესპუბლიკის ფინანსთა და ეკონომიკის სამინისტროს მიერ ანაზღაურებულია 167654 ლარი, ხოლო სსიპ „ბათუმის ბულვარის“ მიერ 8227 ლარი.

ფინანსური ანგარიშგებაში (ფორმა N2-ში) ძირითადი კაპიტალის მოხმარების მუხლი გაზრდილია და (ფორმა N1 -ში) შემცირებულია წმინდა ღირებულების მუხლი (ანგარიშის ნოემრი 5100) .

2016 წელს ახალციხის მუნიციპალიტეტმა შეისყიდა სოფელ პატარა პამაჯის სკვერის მოწყობის სამუშაოები, ღირებულებით 28.5 ათასი ლარი. გაფორმებული ცვლილებით, სამუშაოების დასრულების ვადა 20 დღით გაიზარდა. ცვლილების საფუძვლად მითითებულია სამუშაოთა აუცილებელი კორექტირება. არსებული და კორექტირებული ხარჯთაღრიცხვების შესწავლით გამოვლინდა, რომ შესასრულებელი ცალკეული სამუშაოების მოცულობები საერთოდ არ გაზრდილა. პირიქით, ზოგიერთი პოზიცია შემცირდა ან ამოღებულია ხარჯთაღრიცხვიდან. შედეგად, ხელშეკრულების ფასი 6.0 ათასი ლარით შემცირდა. მუნიციპალიტეტმა არ გამოიყენა საჯარიმო სანქციის გავრცელების შესაძლებლობა, რაც არ არის დასაბუთებული.

გარდაბნის მუნიციპალიტეტის მიერ წარმოდგენილი მონაცემებით, ბალანსზე აღრიცხული 22 ავტომანქანა დაზიანებულია. 2016 წლის ინვენტარიზაციის მასალებით, ეს სატრანსპორტო საშუალებები ჩათვლილია ექსპლუატაციისათვის უვარგისად. მიუხედავად ამისა, აუდიტის მიმდინარეობის პერიოდში, ქონება ჩამოწერილი არ იყო.

ბორჯომის მუნიციპალიტეტისათვის სამსახურებრივი უფლებამოსილების განსახორციელებლად 2015-2016 წლებში რეკომენდებული იყო 6 ავტომანქანა. 2015-2016 წლებში ბორჯომის მუნიციპალიტეტის წარმომადგენლობითი და აღმასრულებელი ორგანოები სამსახურებრივი უფლებამოსილების განსახორციელებლად სარგებლობდა ბალანსზე რიცხული 13 ერთეული ავტომანქანით. მუნიციპალიტეტის მიერ სამსახურებრივი უფლებამოსილების განსახორციელებლად გამოყენებული სატრანსპორტო საშუალებების რაოდენობა აღემატება მთავრობის დადგენილებით რეკომენდებულ ზღვრულ ოდენობას.

საჯარო სექტორში სრულფასოვნად არ არის დანერგილი კორუფციის პრევენციისთვის აუცილებელი საბაზისო პროცედურები და მექანიზმები, რომლებიც ხელს შეუწყობდა კანონით გათვალისწინებული მოთხოვნების პრაქტიკულ განხორციელებას. კერძოდ, აუდიტის ფარგლებში საჯარო სექტორიდან ნიმუშის სახით შერჩეულ 11 უწყებაში არ ხდება კორუფციის რისკის სისტემური შეფასება და საპასუხოდ, კონტროლის მექანიზმების დანერგვა, რისკების პრევენციისა და შემცირების მიზნით. ასევე არ არსებობს ქმედითი მექანიზმები საჯარო სექტორში არაეთიკური ქცევის, ფასიანი საჩუქრის მიღების, მხილების და სხვა მნიშვნელოვანი საკითხების პრაქტიკაში მართვის თვალსაზრისით. შედეგად, ზემოაღნიშნულ 11 შესწავლილ ორგანიზაციაში კორუფციული რისკებისა და არაეთიკური ქცევის შემთხვევების გამოვლენის მაჩვენებელი უმნიშვნელოა, რაც, თავის მხრივ, ართულებს საჯარო სექტორში არსებული რეალური მდგომარეობის შეფასებას.

2015 წელს ვერ მოხერხდა აჭარის ავტონომიურ რესპუბლიკაში მყარი ნარჩენების მართვის პროექტის სამუშაო ვარიანტის შემუშავება და შესაბამისად, ევროპის რეკონსტრუქციისა და განვითარების ბანკიდან მიღებული სესხის აუთვისებელ ნაწილზე, ვალდებულების გადასახადის სახით, გადახდილია სულ 191711 ლარი. აღსანიშნავია, რომ კონსულტანტი კომპანიების მიერ გაწეულ მომსახურებაზე არასათანადო კონტროლის გამო, არასწორად განისაზღვრა გრანტის აუთვისებელი ნაშთი. ამასთან, საინჟინრო და საზედამხედველო მომსახურების შესყიდვის შესახებ გაფორმებული ახალი ხელშეკრულება შეწყდა და მხარეთა პასუხისმგებლობის საკითხი სასამართლო განხილვის ეტაპზეა.

ფინანსური ანგარიშგებაში (ფორმა N1-ში) გაზრდილია მატერიალური მარაგების მუხლი. ასევე სხვა არასაოპერაციო შემოსავლების და შესაბამისად წმინდა ღირებულების მუხლი.

2015 წელს ახალციხის მუნიციპალიტეტის გამგეობამ შეისყიდა 92 ცალი ნაგვის კონტეინერი. შესყიდვის ობიექტის მიწოდების ვადა ორჯერ გაიზარდა. აღსანიშნავია, რომ ვადის გადაწევის საფუძველი არ წარმოადგენდა ობიექტურ გარემოებას და გამოწვეული იყო სუბიექტური ფაქტორებით. მუნიციპალიტეტმა არ გამოიყენა საჯარიმო სანქცია 1.8 ათასი ლარის ოდენობით.

2015-2016 წლებში გარდაბნის მუნიციპალიტეტის საკუთრებასა და დასაქმებულების სარგებლობაში არსებული ტრანსპორტისათვის საწვავის გამოყოფის საფუძველია გამგებლისა და საკრებულოს თავმჯდომარის ბრძანებები. ბრძანებები ადგენენ საწვავის გაცემის იმგვარ წესს, რომელიც მუდმივად და მრავალჯერადად გამოიყენება. ასეთი შინაარსის ადმინისტრაციულ-სამართლებრივი აქტი მიეკუთვენება ნორმატიული აქტების კატეგორიას. აღნიშნულიდან გამომდინარე, მუნიციპალიტეტის გამგებელმა და საკრებულოს თავმჯდომარემ ნორმატიული შინაარსის სამართლებრივი აქტები გამოსცეს ინდივიდუალური აქტის სახით, რომლებიც არ შეესაბამება კანონმდებლობით გათვალისწინებულ მოთხოვნებს.

2015-2016 წლებში ბორჯომის მუნიციპალიტეტმა შპს „დაუ+“-გან შეისყიდა საკონსულტაციო მომსახურება, ღირებულებით 9.6 ათასი ლარი. ხელშეკრულების თანახმად, მიმწოდებელს ევალებოდა მუნიციპალიტეტის 2015-2016 წლების ბიუჯეტის შესრულებისა და ანგარიშგების, ბიუჯეტების პროექტების შედგენის, განხილვის, მიღების, ცვლილების შეტანის, შესრულების, გარე და შიდა აუდიტის ჩატარების თაობაზე ახალი ნორმატიული აქტების, მათში შეტანილი ცვლილებებისა და სხვა მასალების მიწოდება. გარდა ამისა, საფინანსო-საბიუჯეტო საქმიანობის შესახებ, კონსულტაციის მომზადება და მიწოდება. ბორჯომის მუნიციპალიტეტმა ვერ დაასაბუთა რა აუცილებელი საჭიროებით იყო განპირობებული საკონსულტაციო მომსახურების შესყიდვა, ვინაიდან მუნიციპალიტეტს გააჩნია საკუთარი შრომითი რესურსი და ვალდებულია საკუთარი რესურსებით უზრუნველყოს აღნიშნული საქმიანობის განხორციელება. გამომდინარე აქედან, მუნიციპალიტეტის პასუხისმგებელ პირებს არ უნდა განეხორციელებინა საკონსულტაციო მომსახურების შესყიდვა და ხარჯის გაწევა.

ანტიკორუფციული საბჭოს სამოქმედო გეგმით გათვალისწინებული სამიზნეებიდან, სრულად ვერ შესრულდა 34%, რაც არ იძლევა დამაკმაყოფილებელ წარმოდგენას ღონისძიებების განხორციელების სტატუსის შესახებ; რიგ შემთხვევებში შედეგების შეფასების ინდიკატორები ზოგადი ხასიათისაა.

სსიპ „ბათუმის ბულვარში“ სრულად არ ხდებოდა საიჯარო ხელშეკრულებით გათვალისწინებული საიჯარო ქირისა და პირგასამტეხლოს დარიცხვა, რაც 2015 წლის 31 დეკემბრის მდგომარეობით ჯამში 4396 ლარს შეადგენს. ამასთან ხელშეკრულების შეწყვეტამდე, იმ დროს როდესაც ქონება არ იყო უფლებრივად თავისუფალი, იმავე ქონებაზე ხდებოდა ახალი აუქციონის გამოცხადება.

ბალანსზე ირიცხება დებიტორული დავალიანება იმ იურიდიული პირების მიმართ, რომელთა შემთხვევაში 2013-2015 წლებში ძალაში შესულია სასამართლო განჩინება მოვალის გაკოტრებულად გამოცხადების და რეგისტრაციის გაუქმების შესახებ.

ახალციხის მუნიციპალიტეტის 2016 წლის ფინანსური ანგარიშგება შეიცავს სხვადასხვა ხასიათის ცდომილებებს „შენობა-ნაგებობების“, „დაუმთავრებელი ძირითადი აქტივების“, „მანქანა-დანადგარებისა და ინვენტარის“ მუხლობრივ გატარებებში.

გარდაბნის მუნიციპალიტეტის საკრებულოს არაანაზღაურებად წევრებს 2015-2016 წლებში, ხარჯების ანაზღაურების სახით, მიღებული აქვთ სულ 181.6 ათასი ლარი. მუნიციპალიტეტმა ვერ წარმოადგინა დოკუმენტური მტკიცებულებები საკრებულოს წევრების ხარჯების დასადასტურებლად. თანხების გაცემის საფუძველია საკრებულოს მომართვა საკრებულოს წევრზე ანაზღაურების გაცემის შესახებ სხდომებში მონაწილეობისათვის, დავალებების შესრულებისათვის და სხვ. აღნიშნული დოკუმენტები არ აკმაყოფილებს ხარჯის დამადასტურებელი პირველადი აღრიცხვის დოკუმენტის კრიტერიუმს.

ბორჯომის მუნიციპალიტეტმა 2016 წლის 9 თებერვალს ჩაიბარა „სილამაზის ხიდის“ სარეაბილიტაციო სამუშაოები, ღირებულებით 110.4 ათასი ლარი. 2017 წლის მაისში შესრულებული სამუშაოები დაზიანდა. კერძოდ: ხიდის ასფალტობეტონის საფარზე წარმოიშვა პროგრესირებადი ბზარები, ფეხით სავალ ნაწილზე დაზიანდა პოლიმერული ფილები და კოროზია გაუჩნდა შეღებილ ლითონის კონსტრუქციებს. გამგეობამ ხარვეზების აღმოფხვრის მიზნით, სამჯერ წერილობით მიმართა შემსრულებელს, თუმცა მიმწოდებელმა ხარვეზები არ გამოასწორა. მიმწოდებლის განცხადებით, დაზიანება გამოწვეულია მისგან დამოუკიდებელი მიზეზით. მუნიციპალიტეტმა ვერ დაადასტურა შესრულებული სამუშაოების უხარისხობა, რადგან სამუშაოების დაგეგმვისა და შესრულების ეტაპზე, არ გაითვალისწინა ხარისხის დასადგენად საჭირო ღონისძიებები. 2017 წელს მუნიციპალიტეტმა ხარისხის დადგენის მიზნით შეისყიდა ექსპერტიზის მომსახურეობა. ექსპერტიზის დასკვნით შესრულებული სამუშაოები არ შეესაბამება მოქმედ სამშენებლო ნორმებს/სტანდარტებს და საჭიროებს დამატებით მნიშვნელოვან სარეაბილიტაციო სამუშაოებს. მიუხედავად იმისა, რომ მუნიციპალიტეტს უკვე გააჩნდა მტკიცებულება უხარისხოდ შესრულებულ სამუშაოებზე, დამატებით არ მიუმართავს მიმწოდებლისთვის საგარანტიო ვადის ფარგლებში გამოესწორებინა ექსპერტიზით დადასტურებული ხარვეზები. ამგვარად, დაგეგმვასა და კონტროლში არსებულმა მართვის სისუსტეებმა გამოიწვია უხარისხოდ შესრულებული პროექტის ჩაბარება. მიუხედავად იმისა, რომ მუნიციპალიტეტმა ხიდის რეაბილიტაციაზე დახარჯა 110.4 ათასი ლარი, ობიექტი დაზიანებულია და საჭიროებს აღდგენითი სამუშაოების ჩატარებას.

კორუფციული დანაშაულის შესახებ სტატისტიკურ ინფორმაციას სამდივნო გამოითხოვს საჭიროების მიხედვით. შედეგად, არ იწარმოება კორუფციული დანაშაულის შესახებ რეგულარულად განახლებადი, სრული და ერთგვაროვანი სტატისტიკა, რომელიც საშუალებას მისცემდა დაინტერესებულ მხარეებს გაეანალიზებინათ კორუფციული დანაშაული სხვადასხვა ჭრილში (რეგიონული, უწყებრივი და თანამდებობრივი განაწილება, გამოძიების მაჩვენებელი და სხვ.) აუდიტის ჯგუფის მიერ ცალკეული უწყებიდან შეგროვებული სტატისტიკის მიხედვით, რეგისტრირებული კორუფციული დანაშაულის დაახლოებით 70% რეგიონებში ხდება, თუმცა საბჭოს საქმიანობაში 2018 წელს 62 მუნიციპალიტეტიდან, მხოლოდ 3 იყო ჩართული (2019 წელს საბჭოში შედიოდა 13 მუნიციპალიტეტი). ასევე სამდივნოს მიერ აუდიტის პერიოდში ჩატარებული 2 კვლევა სრულად ვერ ფარავს ანტიკორუფციული კუთხით ანალიტიკური კვლევების საჭიროებებს.

ცენტრალური აპარატის ბალანსზე ირიცხება კრედიტორული დავალიანება 19 იურიდიული პირის მიმართ 1,567,586 ლარი, რომელთა შემთხვევაშიც ძალაში შესულია სასამართლო განჩინება მოვალის გაკოტრებულად გამოცხადების და რეგისტრაციის გაქუმების შესახებ.

ახალციხის მუნიციპალიტეტის გამგებლის მიერ, „შიდა ფინანსური კონტროლის შესახებ“ საქართველოს კანონის შესაბამისად, არ მომხდარა კონტროლისა და აუდიტის სამსახურის მიერ გაცემულ ყველა რეკომენდაციაზე სათანადო რეაგირება და შესაბამისად, შესრულება.

გარდაბნის მუნიციპალიტეტის გამგეობამ, სამართლებრივი ბაზის არსებობის პირობებში, ორგანიზაციულად ვერ უზრუნველყო დასუფთავების მოსაკრებლის ამოღების ადმინისტრირება. თავის მხრივ, მუნიციპალიტეტის საკრებულომ 2015-2016 წლებში ადგილობრივი ბიუჯეტის პროექტი დაამტკიცა აღნიშნული მოსაკრებლის ნულოვანი გეგმური მაჩვენებლით და არ განუხილავს მოსაკრებლის გაუქმების (შეჩერების) საკითხი. ორგანიზაციული და პერსონალის მართვასთან დაკავშირებული ხარვეზების გამო, მუნიციპალიტეტმა დაკარგა ბიუჯეტში დამატებითი შემოსავლების მობილიზების შესაძლებლობა.

მუნიციპალიტეტმა 2015 წელს შეისყიდა ბორჯომში მტკვრის მარცხენა სანაპიროზე არსებული სკვერის სარეაბილიტაციო სამუშაოები, ღირებულებით 549.3 ათასი ლარი. ხელშეკრულების ფარგლებში სკვერში ორ სხვადასხვა ადგილზე მოეწყო ლითონის კონსტრუქცია, რომელზეც პროექტის მიხედვით უნდა გაშენებულიყო მცენარეთა ხეივანი. სკვერში რკინის კონსტრუქციის მოწყობაზე დაიხარჯა 26.0 ათასი ლარი. შესწავლის შედეგად გაირკვა, რომ რკინა კონსტრუქციის მიმდებარე ტერიტორიაზე დარგულია ყვავილები, თუმცა მას არ აქვს პროექტით განსაზღვრული მცენარეთა ხეივნის სახე. წარმოდგენილი დოკუმენტური მტკიცებულებების თანახმად, ყვავილების ზრდადობისა და რკინა-კონსტრუქციის ზომებზე დარყდნობით, ხეივნის მოსაწყობად დაახლოებით საჭიროა ათეული წელი. შესაბამისად, მუნიციპალიტეტის მიერ სკვერში მოწყობილ რკინა კონსტრუქციას არ აქვს ფუნქციური დატვირთვა. ამდენად, შესრულებულმა სამუშაოებმა ვერ უზრუნველყო მოკლევადიან პერიოდში პროექტით განსაზღვრული მიზნების მიღწევა და მუნიციპალიტეტის მიერ 2015 წელს რკინა-კონსტრუქციის მოწყობაზე დახარჯული 26.0 ათასი ლარი წარმოადგენს არამიზნობრივ ხარჯს.

„ეკონომიკის განვითარების ხელშეწყობის“ პროგრამის ფარგლებში მერიის ეკონომიკური განვითარების საქალაქო სამსახურის მიერ განხორციელებული პროგრამების ბიუჯეტების ანალიზით გაირკვა, რომ ქვეპროგრამების საკასო ხარჯი მნიშვნელოვნად განსხვავდება დამტკიცებულ გეგმასთან შედარებით. კერძოდ, საკასო ხარჯმა დამტკიცებულ გეგმასთან მიმართებაში 2015 წელს შეადგინა 89%, ხოლო 2016 წელს 34%. აღსანიშნავია, რომ 2015 წელს 2 ქვეპროგრამა მხოლოდ 1% და 10%-ით შესრულდა, ხოლო ერთი ქვეპროგრამა 54%-ით. 2016 წელს დაგეგმილი ქვეპროგრამების უმრავლესობა ფაქტობრივად შეუსრულებელია.

სხვადასხვა მიზნობრიობიდან გამომდინარე, არსებული კანონმდებლობა განსაზღვრავს სახელმწიფო ვალისა და მთავრობის ვალის დეფინიციებს, რომლებიც ეფუძნება სხვადასხვა ბაზისს და არ შეესაბამება საჯარო ფინანსების სტატისტიკის სახელმძღვანელოში (GFSM 2014) მოცემულ სახელმწიფო სექტორის ვალის განმარტებას

2015 წლის 15 დეკემბერს დასრულდა სასამართლო განხილვა შპს საქართველოს ონკოლოგიის ნაციონალური ცენტრის სასარჩელო განცხადების, რომლითაც ის ითხოვბდა სააგენტოს მხრიდან ინკულაბერულ პაციენტთა პალიატიურ მზურველობის სახელმწიფო პროგრამის ფარგლებში გაწეული მომსახურების ანაზღაურებას. სასამართლოს გადაწყვეტილებით სააგენტოს დაეკისრა თანხის ანაზღაურება, აღნიშნული ვალდებულება სააგენტომ არ ასახა ფინანსურ ანგარიშგებაში.

ზუგდიდის მუნიციპალიტეტის თანამშრომელთა შრომის ანაზღაურება 2015-2016 წლებში შეადგენს 7984.0 ათას ლარს, მათ შორის, პრემია - 1799.9 ათას ლარს. აღნიშნულ პერიოდში შტატგარეშე დაქირავებულ პირებზე გაცემული ანაზღაურება 556.4 ათასი ლარია, მათ შორის, პრემია - 132.2 ათასი ლარი. საკრებულოს მიერ დადგენილი წესის მიხედვით, პრემიის გაცემა ერთ თანამშრომელზე შესაძლებელია წელიწადში მაქსიმუმ ოთხჯერ. მიუხედავად ამისა, მოწოდებული ინფორმაციის მიხედვით, 2015 წელს 72 პირზე პრემია გაიცა ხუთჯერ. 2016 წელს 95 პირს პრემია მისცეს 5-ჯერ, ხოლო 5 პირს - ექვსჯერ. არც ერთ შემთხვევაში, კვარტალში გაცემული პრემია არ არის თანამდებობრივი სარგოს 100%-ზე მეტი.

2015-2016 წლებში გარდაბნის მუნიციპალიტეტის (შესაბამისი პასუხისმგებელი პირების) მიერ არ არის დაცული სახელმწიფო შესყიდვების შესახებ ანგარიშგების მოთხოვნები. კერძოდ, საანგარიშო პერიოდისათვის წარმოდგენილი 861 ხელშეკრულებიდან : • სახელმწიფო შესყიდვების ელექტრონულ ველში არასრულად ატვირთულია 526 ხელშეკრულების შესრულების დამადასტურებელი დოკუმენტაცია, საბოლოო ანგარიშსწორების შესახებ ინფორმაცია და სხვა დოკუმენტები; • 729 ხელშეკრულებას მინიჭებული აქვს „შეუსრულებელი ხელშეკრულების“ სტატუსი, როცა თანხები სრულადაა ანაზღაურებული და ხელშეკრულების მოქმედების ვადაც ამოწურულია.

2016 წელს ბორჯომის მუნიციპალიტეტმა სოფელ ზანავში წყალსადენის სისტემის მოწყობაზე დახარჯა 92.1 ათასი ლარი. შესწავლის შედეგად გაირკვა, რომ მოწყობილი ახალი სისტემა არ ფუნქციონირებდა. მუნიციპალიტეტის პასუხისმგებელი პირის განმარტებით, აღნიშნულის მიზეზს წარმოადგენს ის გარემოება, რომ ახალ სისტემაში წყალი დაბინძურებულია და არ არის ვარგისი სასმელად. 2017 წლის მაისიდან სოფელ ზანავში მოწყობილი წყლის სისტემა მოვლა-პატრონობისთვის გადაეცა ა(ა)იპ „ბორჯომის სოფლის წყალს“. ა(ა)იპ-ის დირექტორის განმარტებით, წყლის დაბინძურების მიზეზს წარმოადგენდა დაზიანებული მილები და არასათანადოდ მოწყობილი სათავე-ნაგებობა. მისივე განმარტებით, პრობლემის მოსაგვარებლად საჭიროა სათავე ნაგებობაზე დამატებითი სარეაბილიტაციო სამუშაოების ჩატარება. პროექტზე არსებული ხარვეზების გამომწვევ მიზეზებს, შეიძლება წარმოადგენდეს სამუშაოების არასათანადო დაგეგმვა, უხარისხოდ შესრულება ან/და არასწორი მოვლა-პატრონობა. მუნიციპალიტეტს არ შეუსწავლია წყლის დაბინძურების გამომწვევი მიზეზი და პრობლემის მოსაგვარებლად არ გაუტარებია შესაბამისი ღონისძიებები. მუნიციპალიტეტმა არსებულ ხარვეზზე არასათანადო რეაგირებების გამო, ვერ უზრუნველყო დასახული მიზნების მიღწევა. მიუხედავად იმისა, რომ სოფლის წყალმომარაგებისათვის დაიხარჯა 92.1 ათასი ლარი, წყლის სისტემა გამოუყენებელია და მოსახლეობა შესრულებული სამუშაოებით ვერ სარგებლობს.

2015 წელს „მეწარმეობის მხარდაჭერის“ პროგრამის ფარგლებში განხორციელებული, იაფი ფინანსური რესურსის ხელმისაწვდომობის პროექტი თავისი არსით გულისხმობდა უზრუნველყოფის არმქონე ბიზნესებისათვის დაფინანსების მიღების შესაძლებლობას. წარმოდგენილი მონაცემების მიხედვით ქ. თბილისის მუნიციპალიტეტის მთავრობამ, გამოყოფილი თანხებიდან 60%-ზე მეტი მიმართა სასტუმროს ტიპისა და სამედიცინო დაწესებულებების დაფინანსებაზე. აგრეთვე დაფინანსებულია მაიონეზის, მატრასების, მეფრინველეობის და სხვ. ტიპის საწარმოები. აღნიშნული მიმართულებები თბილისის მასშტაბით საკმაოდ გავრცელებული და განვითარებულია. მიუხედავად ამისა, აღნიშნული ტიპის საწარმოები, პროგრამის ფარგლებში დაფინანსდნენ კრედიტით, რომლის საპროცენტო განკვეთი საბაზროზე ნაკლები იყო (6%). აქედან გამომდინარე, დაფინანსებულმა საწარმოებმა მიიღეს უპირატესი მდგომარეობა კონკურენტებთან შედარებით, რაც საერთო ჯამში იწვევს არაობიექტურ მიდგომას. შედეგად, პროგრამის ფარგლებში განხორციელებული საქმიანობა აცდენილია სამართლიან პრინციპებს და ვერ პასუხობს იმ მიზნებს რისთვისაც იყო შემუშავებული.

მთავრობის ვალის ნაშთში აღარ ხდება ე.წ. „ისტორიული ვალის“ გათვალისწინება, რომელიც „სახელმწიფო ვალის შესახებ“ კანონით საშინაო ვალის შემადგენელი კომპონენტია

სამინისტროს თანამშრომელთა მხრიდან, ერთ-ერთი კონტრაქტორი სამშენებლო კომპანიის მიერ წარმოდგენილ შესრულებულ სამუშაოთა აქტის არასათანდაო შემოწმების შედეგად ამ კომპანიისათვის თითქმის 22.0 ათასი ლარის ზედმეტად გადარიცხვა მოხდა. ანალოგიური დარღვევების გამო სხვა კომპანიის ანგარიშზე 1,901.96 ლარია ზედმეტად გადარიცხული.

ფინანსურ ანგარიშგებაში არ არის ასახული საყოველთაო ჯანმრთელობის დაცვის სახელმწიფო პროგრამის ფარგლებში 2014-2015 წლების დეკემბრის თვეში ასანაზღაურებელ შემთხვევების მიხედვით გაფორმებული მიღება-ჩაბარების აქტების საფუძველზე სამედიცინო მომსახურების მიმწოდებელი სამედიცინო დაწესებულების მიმართ წარმოშობილი კრედიტორული დავალიანება - 2014 წელს 14,212,220 და 2015 წელს 28,799,462 ლარი.

2015-2016 წლებში ზუგდიდის მუნიციპალიტეტის მიერ შპს „დაუ+“-სთან გაფორმებული ხელშეკრულების საფუძველზე, შეძენილია საკონსულტაციო მომსახურება, ღირებულებით 9.6 ათასი ლარი. აღსანიშნავია, რომ იმ პირობებში, როდესაც ზუგდიდის მუნიციპალიტეტში საფინანსო სამსახურში დასაქმებულია 12 თანამშრომელი, რომელთა უფლება-მოვალეობაა საბიუჯეტო კანონმდებლობის ცოდნა და პრაქტიკაში განხორციელება, მიზანშეწონილი არ არის ანალოგიურ საკითხებზე კონსულტანტის მომსახურების შესყიდვა და ხარჯის გაწევა

2015-2016 წლებში გარდაბნის მუნიციპალიტეტმა, გადაუდებელი აუცილებლობის მოტივით, განახორციელა 88 შესყიდვა, საერთო ღირებულებით 1 171.7 ათასი ლარი. შესყიდვის ელექტრონული პორტალის მონაცემების, შესყიდვის ობიექტების კატეგორიისა და პერიოდის ანალიზით ირკვევა, რომ 2015 წელს 43 სახელმწიფო შესყიდვა არ წარმოადგენდა გადაუდებელ აუცილებლობას, რადგან შესაძლებელი იყო წინასწარი დაგეგმვა და ტენდერის ჩატარება. შესყიდვის საშუალებად გამგეობამ (შესაბამისმა პასუხისმგებელმა პირებმა) არასწორად გამოიყენა გამარტივებული შესყიდვის ფორმა, რითაც დაკარგა სატენდერო ეკონომიის მიღების შესაძლებლობა. აღნიშნულ შესყიდვებში 2015 წელს სულ გადახდილია 419.1 ათასი ლარი.

2015 წელს მუნიციპალიტეტმა სოფელ ვარდგინეთში მოაწყო წყლის სისტემა. პროექტის ფარგლებში დაიგეგმა მხოლოდ წყლის მილის მოწყობა და მისი დაერთება კერძო კომპანიის საკუთრებაში არსებულ მაგისტრალზე. შესწავლის შედეგად ირკვევა, რომ მუნიციპალიტეტს არ ქონდა კერძო კომპანიისგან ოფიციალური ნებართვა დაერთების შესახებ. პასუხისმგებელი პირის განმარტებით, წყლის რესურსის სავარაუდო შემცირების გამო, კერძო კომპანიამ მუნიციპალიტეტს უარი განუცხადა მაგისტრალის გამოყენებაზე. შედეგად, შესრულებული სამუშაოებით მოსახლეობამ სარგებლობა ვერ შეძლო. 2016 წელს მუნიციპალიტეტმა პრობლემის მოგვარების მიზნით, დაგეგმა სათავე ნაგებობის მოწყობა, რომელიც დაერთდებოდა კერძო კომპანიის საკუთრებაში არსებულ მაგისტრალზე და გაზრდიდა წყლის რესურს. პასუხისმგებელი პირის განმარტებით, სათავე ნაგებობის სამუშაოების დასრულების შემდეგ გაირკვა, რომ 2015 წელს მოწყობილი მილი მოკლე მონაკვეთზე დაზიანებული იყო, რის გამოც სისტემა ექსპლოატაციაში არ შესულა. მუნიციპალიტეტს პრობლემის გამოსწორების მიზნით შესაბამისი ღონისძიებები არ გაუტარებია. აღნიშნული ხარვეზები გამოიწვია დაგეგმვისა და მოვლა-პატრონობის ეტაპზე არსებულმა არასათანადო კონტროლმა. მიუხედავად იმისა, რომ 2015-2016 წლებში პროექტზე სულ დაიხარჯა 14.5 ათასი ლარი, წყლის სისტემა გამოუყენებელია და მოსახლეობა შესრულებული სამუშაოებით ვერ სარგებლობს.

• 2015 წელს „მეწარმეობის მხარდაჭერის“ პროგრამის ფარგლებში, იაფი ფინანსური რესურსის ხელმისაწვდომობის პროექტით სარგებლობისას, ერთ შემთხვევაში, საწარმომ იაფი ფინანსური რესურსის 90%-მდე გამოიყენა უკვე არსებული სესხის რეფინანსირებისათვის. შედეგად, არსებობს რისკი, რომ დაფინანსებული საწარმოები, იაფ ფინანსურ რესურსებს იყენებენ არამიზნობრივად და ირღვევა პროგრამის მიზნები.

საჯარო ფინანსების სტატისტიკის წარმოების მიზნებისათვის არ არის განმარტებული პირობითი ვალდებულებები. შესაბამისად, საბიუჯეტო დოკუმენტებში სრულყოფილად არ ხდება პირობითი ვალდებულებების მოცულობის გათვალისწინება, რადგან არ არის დადგენილი მისი სრული მოცულობა

სააგენტოს სასარგებლოდ შპს GBG-ის სახელშეკრულებო ვალდებულების არაჯეროვნად შესრულების გამო 2015 წლის 23 იანვარს სასამართლო წარმოების დასრულების შედეგად დაეკისრა 1,860 ლარი, რომელიც არ არის აღრიცხული. 2. ფინანსურ ანგარიშგებაში არ არის ასახული რეგულირების სააგენტოს მიერ გამოცემული აქტების საფუძველზე წარმოქმნილი 708,411 ლარის დებიტორული დავალიანება. მათ შორის: 2014 წელს - 33,919 ლარი და 2015 წელს - 674,492 ლარი;

მუნიციპალიტეტის საკრებულოს წევრებზე ხარჯების ანაზღაურების სახით საანგარიშო პერიოდში დახარჯული თანხა სულ შეადგენს 260.9 ათას ლარს, მათ შორის, 2015 წელს - 122.3 ათას ლარს, 2016 წელს - 138.6 ათას ლარს. ზუგდიდის მუნიციპალიტეტის მიერ საკრებულოს წევრებზე ხარჯები ანაზღაურებულია ისე, რომ მათ არ წარმოუდგენიათ ხარჯის დამადასტურებელი დოკუმენტები.

მუნიციპალიტეტის სატენდერო კომისიამ 2 შემთხვევაშიარასწორად მოახდინა პრეტენდენტების დიცკვალიფიკაცია. შერჩევა-შეფასების ეტაპზე დაშვებული ხარვეზების გამო, შესყიდვების ფასი ჯამში 29.5 ათასი ლარითაა გაზრდილი.

2016 წელს მუნიციპალიტეტმა „სოფლის მხარდაჭერის პროგრამით“ განახორციელა სოფელ ჭიხარულაში სპორტული დარბაზის მოწყობის სამუშაოები ღირებულებით 12.4 ათასი ლარი. შესწავლის შედეგად გამოვლინდა, რომ პროექტი დაუსრულებელია და სპორტული დარბაზი არ ფუნქციონირებს. მუნიციპალიტეტმა პროექტის დაგეგმვისას ვერ გაითვალისწინა სამუშაოების დასასრულებლად საჭირო ფინანსური რესურსი, რის გამოც ვერ უზრუნველყო სამუშაოების დასრულება და დასახული მიზნების მიღწევა.

„თბილისის რაიონების სოციალურ-ეკონომიკური განვითარების სტრატეგიის“ და „თბილისის განვითარების კვლევები, სტრატეგიები და პროექტების“ ქვეპროგრამის მიზანი მიღწეული არ არის. ვინაიდან მუნიციპალიტეტმა 2015 წელს დამტკიცებული ბიუჯეტის მხოლოდ 1% გახარჯა, ხოლო 2016 წელს - 4%. სააუდიტე პერიოდში არ შედგენილა დოკუმენტი, სტრატეგიების, კვლევების სამოქმედო გეგმების შემუშავების შესახებ. შედეგად დასახული საბოლოო შედეგი, რაც გულისხმობდა ეკონომიკური განვითარების სტრატეგიების და კვლევების კოორდინირებულ განახლებასა და შემუშავებას, ვერ მიიღწა. შესაბამისად, ქვეპროგრამის ფარგლებში ორგანიზებულ ღონისძიებებზე გაწეული ხარჯი შესაძლოა ჩაითვალოს არაეფექტიანად.

სავალო საჭიროების განსაზღვრის პროცესთან დაკავშირებით, ფინანსთა სამინისტროს არ აქვს ფორმალური სახელმძღვანელო ან მეთოდოლოგია, რომელშიც აღწერილი იქნება პროცესში ჩართული სტრუქტურული ერთეულების როლი, მოვალეობები და პროცედურების განხორციელების შესაბამისი ვადები.

სააგენტომ 2015 წლის 10 ივნისს დაიწყო სასამართლო წარმოება შპს ახალციხის კლინიკა იმედის მიმართ სსიპ - სამედიცინო საქმიანობის სახელმწიფო რეგულირების სააგენტოს მიერ ჩატარებული რევიზიის აქტის საფუძველზე , რომელსაც დაკისრებული თანხა 4,707 ლარი გადახდილი ჰქონდა 2014 წელს , აღნიშნული დავალიანება 2014-2015 წლებში არ არის ჩამოწერილი; 2. სააგენტოს ბალანსიდან არ არის ჩამოწერილი რეგულირების სააგენტოს რევიზიის აქტის საფუძველზე დარიცხული დებიტორული დავალიანება 19 პირის მიმართ თანხით 29,722 ლარი, რომელიც დაფარულია 2014-2015 წლებში (2014 წელს 4,368 ლარი ხოლო 2015 წელს 25,354 ლარი); 3. შპს „ადიკმა“ რეგულირების სააგენტოს 2014 წლის რევიზიის აქტის საფუძველზე წარმოქმნილი დავალიანება 1,500 ლარი დაფარა 2015 წელს, აღნიშნული სამეურნეო ოპერაცია სააგენტოში გატარებულია, როგორც გადამხდელი ორგანიზაციის ისე სხვა სამედიცინო დაწესებულების - შპს მარნეულის პედიატრიული კლინიკის შესაბამის ქვეანგარიშზე;

2016 წელს ზუგდიდის მუნიციპალიტეტის გამგეობამ კორცხელის ადმინისტრაციულ ერთეულში წყლის სისტემის რეაბილიტაციის მიზნით გააფორმა ხელშეკრულება შპს „გეოპლასტთან“, ღირებულებით - 263.9 ათასი ლარი. მიმწოდებელმა სამუშაოების მიმდინარეობისას მშენებლობა ნაცვლად ჭაბურღილის მოწყობისა, დაიწყო ქსელის რეაბილიტაციით. სამუშაოების დასრულებისას, ჭაბურღილში არ აღმოჩნდა საკმარისი წყლის დებეტი. შედეგად, მოწყობილი წყლის სისტემა, რაშიც გადახდილია 197.0 ათასი ლარი, წყლის არასაკმარისი რაოდენობის გამო ვერ უზრუნველყოფს მოსახლეობის სასმელი წყლით მომარაგებას. სამუშაოების გეგმა-გრაფიკით შესრულების შემთხვევაში, მშენებლობის საწყის ეტაპზევე აღმოჩნდებოდა, რომ ჭაბურღილი არასაკმარისი წყლის რესურსის გამო ვერ უზრუნველყოფდა კორცხელის მოსახლეობის სასმელი წყლით მომარაგებას. შედეგად, მუნიციპალიტეტი მიმწოდებელს აუნაზღაურებდა მხოლოდ ჭაბურღილის გათხრის ღირებულებას და ნაწილობრივ შიდა ქსელის მოწყობის სამუშაოებს, რაც ჯამში დაახლოებით შეადგენს 52.5 ათას ლარს.

2015-2016 წლებში დასახლებულ ტერიტორიაზე დაგვა-დასუფთავებისა და ნარჩენების მართვის მომსახურების შესყიდვას მუნიციპალიტეტი არასწორად არიცხავდა დღგ-ს. შესყიდვების მართვასთან დაკავშირებული ხარვეზების შედეგად, გარდაბნის მუნიციპალიტეტმა (შესაბამისმა პასუხისმგებელმა პირებმა) კომუნალურ მომსახურებაში ზედმეტად გადაიხადა 56.9 ათასი ლარი.

2016 წელს ბორჯომის მუნიციპალიტეტმა „სოფლის მხარდაჭერის პროგრამის“ ფარგლებში, სოფელ სადგერში კანალიზაციის მოსაწყობად შეისყიდა პლასტმასის მილები, ღირებულებით 5.7 ათასი ლარი. მუნიციპალიტეტის წარმომადგენლებთან ერთად, აუდიტის ჯგუფმა დაათვალიერა შესრულებული სამუშაოები. დათვალიერებით გამოვლინდა, რომ მასალები დასაწყობებულია ადმინისტრაციული ერთეულის სპეციალისტის კუთვნილ ეზოში. მილების გამოყენება 2017 წელს არ არის დაგეგმილი. მუნიციპალიტეტმა პროექტის დაგეგმვისას ვერ გაითვალისწინა სამუშაოების დასასრულებლად საჭირო ფინანსური რესურსი, რის გამოც ვერ უზრუნველყო სამუშაოების დასრულება და დასახული მიზნების მიღწევა.

2015-2016 წლებში ქ. თბილისის მუნიციპალიტეტის მერიამ „მერიის სისტემის საქმიანობის ხელშეწყობის“ ქვეპროგრამის ფარგლებში, მუნიციპალიტეტის თანამშრომლებისათვის, სულ 378 პირისათვის, სხვადასხვა სატრეინინგო კურსის მოსმენასთან დაკავშირებით 5-ჯერ შეისყიდა სასტუმროსა და ტრანსპორტირების მომსახურება გუდაურსა და ბორჯომში. საბიუჯეტო სახსრების რაციონალური და ეფექტური ხარჯვის პრინციპიდან გამომდინარე, მერიის შესაბამისი საქალაქო სამსახურების პასუხისმგებელ პირებს, შეეძლოთ ტრეინინგების ორგანიზება და განხორციელება ისე, რომ გამოყოფილი თანხები გაეხარჯათ უფრო პროდუქტიულად. კერძოდ, ტრეინინგების ქ. თბილისის მუნიციპალიტეტის ტერიტორიაზე ჩატარების შემთხვევაში, შესაძლებელი იქნებოდა მნიშვნელოვნად მეტი სწავლების ჩატარება, რაც უზრუნველყოფდა აღნიშნულ პროცესში გაცილებით მეტი თანამშრომლის ჩართულობას და შესაბამისად მათი კვალიფიკაციის ამაღლებას.

ცენტრალური აპარატის ბალანსზე ირიცხება კრედიტორული დავალიანება ცენტრის მიმართ 26,053 ლარის ოდენობით, რომელიც არ არის ცენტრის ბალანსზე აღრიცხული როგორც დებიტორული დავალიანება ფინასური ანგარიშგებაში (ფორმა №1-ში) მოკლევადიანი ვალდებულებები და სხვა კრედიტორული დავალიანებების საწყისი და საბოლოო ნაშთი გაზრდილია 26,053 ლარით.

2015 წლის 6, 8 ოქტომბერს და 13 ნოემბერს თვითმმართველი თემი ზუგდიდის მუნიციპალიტეტმა გააფორმა 8 ხელშეკრულება ჭითაწყაროს ადმინისტრაციულ ერთეულში მრავალსართულიანი საცხოვრებელი სახლების სარეაბილიტაციო სამუშაოებზე, ღირებულებით - 563.7 ათასი ლარი. შესრულებული სამუშაოების ადგილზე დათვალიერების შედეგად გამოვლინდა, გადახურვა დაზიანებულია 12 ბინაში, რომელთა რეაბილიტაციაზეც ჯამში დაიხარჯა 156.5 ათასი ლარი. ასევე დაზიანებულია ერთი ბინის ფასადი, რომლის მოწყობაზეც გადახდილმა თანხამ 3.4 ათასი ლარი შეადგინა. აუდიტის ჯგუფის მიერ საკითხით დაინტერესების შემდგომ, 2017 წლის 14 ივნისს გამგეობამ მიმართა მიმწოდებლებს გამოვლენილი ხარვეზების გამოსწორების მოთხოვნით. წარმოდგენილი ინფორმაციის მიხედვით, შემსრულებლების მიერ დაწყებულია შესაბამისი სამუშაოები.

2015 წელს გარდაბნის მუნიციპალიტეტმა ელექტრონული ტენდერი გამოაცხადა სოფელ სართიჭალაში კლუბის შენობის სარეკონსტრუქციო-სარემონტო სამუშაოების შესყიდვაზე . მიმწოდებელთან 2015 წლის 1 ოქტომბერს გაფორმდა სახელმწიფო შესყიდვის ხელშეკრულება, ღირებულებით 247.0 ათასი ლარი. სამუშაოების დასრულების ვადად განისაზღვრა 30 ნოემბერი. მხარეებს შორის ხელშეკრულება ითვალისწინებდა საჯარიმო სანქციებს შესყიდვის ობიექტის მიწოდების ვადის დარღვევისათვის. მიმწოდებელმა სამუშაოს დასრულებაზე წერილი წარმოადგინა 2016 წლის 13 მაისს. შესაბამისად, შესყიდვის ობიექტის მიწოდება დაგვინდა 165 დღით. ხელშეკრულების პირობის თანახმად, მიმწოდებელს უნდა დაკისრებოდა პირგასამტეხლო ყოველ ვადაგადაცილებულ დღეზე ხელშეკრულების ღირებულების 0.1%-ის ოდენობით, რაც 165 დღეზე გაანგარიშებით 40.8 ათას ლარს შეადგენდა. შემსყიდველის მიერ ჯარიმა დარიცხული არ არის. გარდაბნის მუნიციპალიტეტმა (შესაბამისმა პასუხისმგებელმა პირებმა) მიმწოდებლის მიმართ არ გამოიყენა საჯარიმო სანქცია, რის შედეგადაც ბიუჯეტში არ მიიმართა შესაბამისი ფინანსური რესურსი.

2016 წელს ბორჯომის მუნიციპალიტეტმა „სოფლის მხარდაჭერის პროგრამით“ შეისყიდა სოფელ სადგერის გასასვლელში მდებარე ფართის შემოღობვის სამუშაოები, ღირებულებით 4.9 ათასი ლარი. სამუშაოების შესყიდვის მიზანს წარმოადგენდა შემოღობილ ტერიტორიაზე სამომავლოდ სკვერის მოწყობა. აუდიტის ჯგუფმა დაათვალიერა შესრულებული სამუშაოები. მუნიციპალიტეტმა პროექტის დაგეგმვისას ვერ გაითვალისწინა სამუშაოების დასასრულებლად საჭირო ფინანსური რესურსი, რის გამოც ვერ უზრუნველყო სამუშაოების დასრულება და დასახული მიზნების მიღწევა.

2016 წელს ქ. თბილისის მუნიციპალიტეტის მერიის მიერ გამარტივებული შესყიდვის ფორმით, შეძენილია თბილისის ზღვის შემოგარენის კვლევა. ხელშეკრულების მიხედვით, ჩატარებულ კვლევას უნდა მოეხდინა საინვესტიციო პროექტების განხორციელების შესაძლებლობების შეფასება თბილისის ზღვის არეალში. კვლევის გამარტივებული წესით შესყიდვას, საფუძვლად დაედო შეზღუდულ ვადებში შეუფერხებლად ჩატარება, თუმცა შეძენიდან გასულია 1 წელზე მეტი, ხოლო აღნიშნული პროდუქტი დღემდე გამოუყენებელია. შედეგად, თბილისის ზღვის შემოგარენის კვლევის შესყიდვაზე გახარჯული თანხა ამ ეტაპისათვის შესაძლებელია ჩაითვალოს როგორც არაეფექტიანი ხარჯი.

ცენტრალური აპარატის ბალანსზე ირიცხება დებიტორული დავალიანება ცენტრის მიმართ 28,018 ლარი, რომელიც არ არის აღრიცხული ცენტრის ბალანსზე როგორც კრედიტორული დავალიანება. აღნიშნული დავალიანების წარმოშობის დამადასტურებელ დოკუმენტაციას სამინისტრო არ ფლობს. ფინასური ანგარიშგებაში (ფორმა №1-ში) მოკლევადიანი აქტივების საწყისი და საბოლოო ნაშთი გაზრდილია 28,018 ლარით

2016 წლის 8 აპრილს ზუგდიდის მუნიციპალიტეტის გამგეობამ ხელშეკრულება გააფორმა შპს „ზუგდიდის საგზაო სამმართველოსთან“ ოირემეს გზის კაპიტალური შეკეთებისათვის, საერთო ღირებულებით - 400.0 ათასი ლარი. შესრულებული სამუშაოების ადგილზე დათვალიერების შედეგად აღმოჩნდა, რომ მოწყობილი ასფალტის საფარი სამ ადგილას გადაჭრილია გაზის სარეაბილიტაციო სამუშაოების გამო, რომელიც შემდგომში არ შეკეთებულა. აუდიტის ჯგუფის მიერ საკითხით დაინტერესების შემდგომ, 2017 წლის 14 ივნისს მუნიციპალიტეტმა მიმართა შპს „სოკარ გაზ ჯორჯიას“ მიყენებული ზიანის ანაზღაურების მოთხოვნით.

2012 წლის 1 ივლისის შემდეგ, გამარტივებული შესყიდვის გზით განხორციელებული სამშენებლო სამუშაოების ღირებულება მიმწოდებელს უნდა აუნაზღაურდეს ფაქტობრივი დანახარჯების მიხედვით. 2015-2016 წლებში გარდაბნის მუნიციპალიტეტმა სამშენებლო სამუშაოების მიწოდებაზე გააფორმა 101 გამარტივებული შესყიდვის ხელშეკრულება, საერთო ღირებულებით 2 261.6 ათასი ლარი . ხელშეკრულებების საკასო ხარჯმა 1 865.5 ათასი ლარი შეადგინა. წარმოდგენილი დოკუმენტაციის შესწავლის შედეგად გამოვლინდა, რომ მუნიციპალიტეტი მიმწოდებლებისგან არ ითხოვდა დოკუმენტაციას ფაქტობრივი დანახარჯების შესახებ და ანგარიშსწორებას ახორციელებდა წარმოდგენილი ფორმა №2-ების შესაბამისად. გამარტივებული ხელშეკრულების ფორმით შესყიდული სამშენებლო სამუშაოებისათვის, მიმწოდებლებზე თანხის ანაზღაურების დროს მუნიციპალიტეტი (შესაბამისი პასუხისმგებელი პირები) არ ითვალისწინებდა მოქმედი კანონმდებლობის მოთხოვნებს, რეალურად გაწეული ხარჯების შესახებ. შესაბამისად, 1 865.5 ათასი ლარი შესყიდვების პროცესში ანაზღაურებულია შესაბამისი დოკუმენტური დასაბუთების გარეშე, რაც, არსებული პრაქტიკით, იწვევს საბიუჯეტო სახსრების ზედმეტად ანაზღაურებას.

ბორჯომის მუნიციპალიტეტის გამგეობაში შექმნილია იურიდიული კონსულტირების, სასამართლო საქმეთა წარმოების, კონტროლისა და შიდა აუდიტის სამსახური. სამსახური შედგება 2 განყოფილებისაგან: 1. იურიდიული კონსულტირებისა და სასამართლო საქმეთა წარმოების განყოფილება; 2. კონტროლისა და შიდა აუდიტის განყოფილება. შიდა აუდიტის განყოფილება მუნიციპალიტეტის სხვა სუბიექტისგან არ არის ფუნქციურად დამოუკიდებელი, რადგან გაერთიანებულია იურიდიულ განყოფილებასთან. აღნიშნული გარემოება ეწინააღმდეგება საქართველოში მოქმედ კანონმდებლობას.

• 2015 წელს ა(ა)იპ „სითი ინსტიტუტი საქართველოსთან“ გაფორმდა მრავალწლიანი ხელშეკრულება, რომელიც ითვალისწინებდა ქ. თბილისის მიწათსარგებლობის გენერალური გეგმის დოკუმენტის მომზადებას. ხელშეკრულების თანახმად, მიმწოდებელს სამუშაოები უნდა დაესრულებინა ხელშეკრულების ხელმოწერიდან 18 თვეში. დოკუმენტის მომზადება აქტუალური გახდა მას შემდეგ, რაც დედაქალაქის მოქმედი „პერსპექტიული განვითარების გენერალური გეგმა“ სრულყოფილად ვერ ასრულებდა „სივრცითი მოწყობისა და ქალაქთმშენებლობის შესახებ“ საქართველოს კანონით განსაზღვრულ მოთხოვნებს, ხოლო მსხვილმასშტაბიანი მშენებლობები ხორციელდებოდა არსებული დოკუმენტის პოზიციების იგნორირებით. მიუხედავად ამისა, პროექტი ამ ეტაპისათვის შეუსრულებელია და მუნიციპალიტეტი ვერ სარგებლობს ქალაქთგეგმარებითი დოკუმენტის შექმნის შედეგად გათვალისწინებული სიკეთით.

2014 წლის მოვალის გაკოტრებულად გამოცხადების და რეგისტრაციის გაუქმების შესახებ სასამართლო განჩინების საფუძველზე ცენტრალური აპარატის ბალანსიდან, დაგვიანებით 2015 წელს, ჩამოწერილია შპს ,,წალკის სამკურნალო-დიაგნოსტიკური ცენტრის’’ დებიტორული დავალიანება 70,355 ლარი.

2016 წლის 20 აპრილს შპს - MJM-თან გაფორმდა ხელშეკრულება დარჩელის ადმინისტრაციულ ერთეულში ბეტონის გზის მოწყობის სამუშაოებზე, საერთო ღირებულებით - 505.7 ათასი ლარი. სამუშაოების ადგილზე დათვალიერების შედეგად აღმოჩნდა, რომ მოფრეზილი ასფალტის ნარჩენები, რომლის გატანაშიც გადახდილია 16.7 ათასი ლარი, სრულად არ არის გატანილი და მისი ნარჩენები იქვე, გზის გასწვრივაა გადაყრილი. ასევე, გზის ნაწილზე სათანადოდ არ არის მოწყობილი გვერდულები, რაშიც მიმწოდებელმა ანაზღაურების სახით მიიღო 6.9 ათასი ლარი. აუდიტის ჯგუფის მიერ საკითხით დაინტერესების შემდგომ, 2017 წლის 27 აპრილს, მუნიციპალიტეტმა მიმართა მიმწოდებელს, არსებული დაზიანებების აღმოფხვრის, გვერდულების სათანადოდ მოწყობისა და მოფრეზილი ასფალტის საფარის გატანის მოთხოვნით. პასუხისმგებელი პირის განმარტებით, მიმწოდებელმა გამოასწორა არსებული ხარვეზები.

ფაქტობრივი გარემოებების გათვალისწინებით, მაღალია რისკი იმისა, რომ ბენეფიციარებმა ვერ შეძლონ სრულად ქონების შეძენა და სტიქიური განვითარების ზონიდან ადგილმონაცვლეობა, ვინაიდან შერჩეული ქონებების ღირებულებები ადგილმდებარეობის გათვალისწინებით, გაცილებით მეტია საბიუჯეტო ასიგნებით გამოყოფილი თანხის ოდენობაზე

2015-2016 წლებში, ინფრასტრუქტურული პროექტების განხორციელებისას, გარდაბნის მუნიციპალიტეტი მიმწოდებლის მოთხოვნით ზოგჯერ ზრდიდა შესყიდვის ობიექტის მიწოდების ვადას.3 ხელშეკრულების შემთხვევაში, განხორციელებული ცვლილებებით, შემსყიდველი ორგანიზაციის პირობები გაუარესებულია, რაც ეწინააღმდეგება მოქმედ კანონმდებლობას. აღნიშნული გამოიწვია ხელშეკრულებების ცვლილებებისათვის სუბიექტური ფაქტორების გამოყენებამ და/ან სამუშაოების არასათანადო დაგეგმვამ, რის გამოც მუნიციპალიტეტმა საჯარიმო სანქციები არ გამოიყენა. შედეგად, მოსახლეობამ დადგენილ დროში ვერ მიიღო დაგეგმილი ეკონომიკური სიკეთე, ხოლო მუნიციპალიტეტის ბიუჯეტში არ არის მიმართული შესაბამისი ფინანსური რესურსი.

ბორჯომის მუნიციპალიტეტის მიერ წარმოდგენილი მონაცემებით, 2016 წლის 1 იანვრის მდგომარეობით, გადაუხდელი და მისაღები საიჯარო ქირის ოდენობა საურავის ჩათვლით, შეადგენს 58.4 ათას ლარს, ხოლო 2017 წლის 1 იანვრის მდგომარეობით - 65.7 ათას ლარს. მუნიციპალიტეტის 2016 წლის ბალანსის „მოთხოვნები დარიცხული ჯარიმებით, სანქციებითა და საკუთრებასთან დაკავშირებული სხვა შემოსავლების“ მუხლის ნაშთი წლის დასაწყისისათვის შეადგენს 49.2 ათას ლარს, ხოლო ნაშთი წლის ბოლოსათვის - 49.1 ათას ლარს. შესაბამისად, ფინანსურ ანგარიშგებაში (ბალანსი - ფორმა №1) „მოთხოვნები დარიცხული ჯარიმებით, სანქციებით და საკუთრებასთან დაკავშირებული სხვა შემოსავლების“ მუხლის ნაშთი წლის დასაწყისისათვის შემცირებულია 9.2 ათასი ლარით, ხოლო ნაშთი წლის ბოლოსათვის - 16.6 ათასი ლარით. გარდა ამისა, ფინანსურ ანგარიშგებაში (ინფორმაცია დებიტორული დავალიანების შესახებ ორგანიზაციულ ჭრილში - ფორმა №9) შემცირებულია 16.6 ათასი ლარით.

ქ. თბილისის მუნიციპალიტეტის მთავრობის 2015 წლის 4 მარტის განკარგულებით დაფუძნდა ა(ა)იპ „თბილისის მეწარმეობის ხელშეწყობის ცენტრი“, ხოლო მთავრობის 2016 წლის 17 აგვისტოს განკარგულებით განხორციელდა აღნიშნული ორგანიზაციის ლიკვიდაცია. იმის გათვალისწინებით, რომ ა(ა)იპ-ის დაფუძნების მიზანს წარმოადგენდა ქ. თბილისში მეწარმეობის განვითარებისა და ეფექტიანობის ხელშეწყობა, ამ მიმართულებით გამოყოფილი ფინანსური რესურსებიდან მხოლოდ 26% დაიხარჯა (განხორციელდა მხოლოდ 2 ღონისძიება), ხოლო მთლიანი დაფინასების 74% გაწეულია ადმინისტრაციულ ხარჯებზე. შედეგად პროგრამის მიზნები სრულად ვერ იქნა მიღწეული. ამასთან, ა(ა)იპ „თბილისის მეწარმეობის ხელშეწყობის ცენტრის“ დაფუძნებიდან 17 თვეში ლიკვიდაცია, მიუთითებს იმაზე, რომ ა(ა)იპ-ის შექმნისას არ იყო შემუშავებული, გრძელვადიან პერიოდზე გათვლილი, შედეგზე ორიენტირებული სამოქმედო გეგმა.

წლების მანძილზე ჩამოყალიბებული პრაქტიკის მიხედვით, სამინისტროს სტუმრებისათვის გამართული სადილის ან ვახშმის ღირებულების ანაზღაურება უშუალოდ კვების ობიექტისათვის, ხორციელდება შუამავალი კომპანიის მიერ, რომელიც სამინისტროს უწერს საგადასახადო ანგარიშ-ფაქტურას და გადახდილ თანხას არიცხავს სარგებელს, გარკვეული პროცენტის სახით, მის მიერ გაწეული მომსახურების (შუამავლობის) ასანაზღაურებლად, რაც არაეკონომირ ხარჯს წარმოადგენს.

სააგენტოს საბალანსე ანგარიშზე „მოთხოვნები დარიცხული ჯარიმებით, სანქციებით და საკუთრებასთან დაკავშირებული სხვა შემოსავლებით“ (ანგარიშის ნომერი 1354) რეგულირების სააგენტოს აქტების საფუძველზე წარმოქმნილია 2014 წელს 198,616 ლარის, ხოლო 2015 წელს 192,193 ლარის დებიტორული დავალინება, რომლებიც აღრიცხულია დაგვიანებით შესაბამისად 2015 და 2016 წელს.

2016 წლის 20 აპრილს შპს - MJM-თან გაფორმდა ხელშეკრულება დარჩელის ადმინისტრაციულ ერთეულში ბეტონის გზის მოწყობის სამუშაოებზე, საერთო ღირებულებით - 505.7 ათასი ლარი. სამუშაოების ადგილზე დათვალიერების შედეგად აღმოჩნდა, რომ მოწყობილი ბეტონის საფარი ზოგ ადგილებში დაზიანებულია და საჭიროებს შეკეთებას. აუდიტის ჯგუფის მიერ საკითხით დაინტერესების შემდგომ, 2017 წლის 27 აპრილს, მუნიციპალიტეტმა მიმართა მიმწოდებელს, არსებული დაზიანებების აღმოფხვრის, გვერდულების სათანადოდ მოწყობისა და მოფრეზილი ასფალტის საფარის გატანის მოთხოვნით. პასუხისმგებელი პირის განმარტებით, მიმწოდებელმა გამოასწორა არსებული ხარვეზები.

5 და მეტ სულიანი ბენეფიციარი ოჯახების მიერ შეძენილი ფართობები არასაკმარისია, რათა სრულად განხორციელდეს ოჯახის ადგილმონაცვლეობა სტიქიური პროცესების განვითარების ზონიდან.

ვიზუალური შესწავლის შედეგად, გარდაბნის მუნიციპალიტეტში გამოვლინდა უხარისხოდ შესრულებული ცალკეული სამუშაოები, რომელთა ხელშეკრულებით განსაზღვრული საგარანტიო ვადები ამოწურული არ იყო. მუნიციპალიტეტს აღნიშნული ხარვეზები არ გამოუვლენია და შესაბამისად, მიმწოდებლებისათვის მათი აღმოფხვრის მოთხოვნით არ მიუმართავს. გარდაბნის მუნიციპალიტეტში დანერგილი კონტროლის სისტემა ინფრასტრუქტურული პროექტების განხორციელების შესახებ, ვერ უზრუნველყოფს სამუშაოების დადგენილ ხარისხს. ამასთანავე, არ მუშაობს საგარანტიო პერიოდში არსებული ხარვეზების გამოვლენისა და გამოსწორების მექანიზმი. შედეგად, სამუშაოთა ნაწილისათვის სრულად ვერ იქნა მიღწეული პროგრამით გათვალისწინებული მიზნები, მისი ექსპლუატაციის მთელ პერიოდში.

2015 წელს ბორჯომის მუნიციპალიტეტმა შეისყიდა სოფელ საკირეში სტიქიის შედეგად დაზიანებული მონაკვეთის სარეაბილიტაციო სამუშაოები, ღირებულებით 153.9 ათასი ლარი. 2015 წლის ბოლოს მუნიციპალიტეტმა მიმწოდებელს ავანსის სახით ჩაურიცხა 46.1 ათასი ლარი. სამუშაოების შესრულება 2015 წელს არ განხორციელებულა. შესაბამისად, 46.1 ათასი ლარი მუნიციპალიტეტის მიერ აღრიცხული უნდა იყოს ბალანსის მუხლში „მოთხოვნები საქონლის და მომსახურების მიღებაზე წინასწარი გადახდებით“, რაც არ განხორციელებულა. შედეგად, ფინანსურ ანგარიშგებაში (ბალანსი - ფორმა №1) „მოთხოვნები საქონლის და მომსახურების მიღებაზე წინასწარი გადახდებით“, საწყისი მუხლი შემცირებულია 46.1 ათასი ლარით.

სააგენტოს არ გააჩნია საარსებო შემწეობის მაძიებელთა სარეიტინგო ქულის გამოთვლისათვის საჭირო ბუნებრივი აირის მოხმარებისა და განათლების დონის მაჩვენებლების ვალიდაციის ქმედითი მექანიზმი. აღნიშნული ერთი მხრივ, დაკავშირებულია იმასთან, რომ სააგენტოს არ აქვს გაფორმებული ხელშეკრულებები/მემორანდუმები შესაბამის უწყებებთან და მეორე მხრივ, ქვეყნის დონეზე სრულყოფილი მონაცემების არარსებობასთან. შესაბამისად, აღნიშნული გარემოება გავლენას ახდენს და რისკის ქვეშ აყენებს მაძიებელთათვის შესაბამისი/ადეკვატური ქულის გამოთვლის პროცესს და არათანაბარ პირობებში აყენებს საარსებო შემწეობის მაძიებლებს;

სააგენტოს საბალანსე ანგარიშზე „მოთხოვნები დარიცხული ჯარიმებით, სანქციებით და საკუთრებასთან დაკავშირებული სხვა შემოსავლებით“ (ანგარიშის ნომერი 1354) რეგულირების სააგენტოს აქტების საფუძველზე დაკისრებული 23,889 ლარი დაფარულია 2014 წელს, ხოლო 2,570 ლარი 2015 წელს, რომლებიც ჩამოწერილია დაგვიანებით შესაბამისად 2015 და 2016 წელს.

2014 წელს ზუგდიდის მუნიციპალიტეტსა და შპს „საგზაოს“ შორის გაფორმდა ხელშეკრულება გროგოლიშის ადმინისტაციულ ერთეულში წყალმომარაგების ქსელის მოწყობაზე, ღირებულებით - 56.1 ათასი ლარი. შესრულებული სამუშაოების ღირებულებამ შეადგინა 54.0 ათასი ლარი. აუდიტის მიმდინარეობის პერიოდისათვის აღნიშნული ობიექტი დაზიანებული იყო და ვერ უზრუნველყოფდა მოსახლეობის წყლით მომარაგებას. მიუხედავად იმისა, რომ ობიექტს გააჩნდა მოქმედი საგარანტიო ვადა, მუნიციპალიტეტს არ მიუმართავს, ხოლო მიმწოდებელს არ გამოუსწორებია არსებული ხარვეზები.

მხოლოდ 2016 წლის მონაცემების ანალიზით, ხულოსა და შუახევის მუნიციპალიტეტების ფარგლებში, შეიძლება ითქვას, რომ ბენეფიციართა თითქმის ნახევარმა ვერ შეძლო სტიქიური განვითარების ზონიდან სრულად მიგრაცია. ანგარიშში აღნიშნულ სხვა ნაკლოვანებებთან ერთად, პრობლემა გამოწვეულია ასევე იმით, რომ ძველი საცხოვრებელი სახლები არ არის გამოუსადეგარ მდგომარეობაში, რის შედეგადაც ისინი განაგრძობენ ცხოვრებას საცხოვრებლად საშიშ ზონაში.

2015 წელს გარდაბნის მუნიციპალიტეტმა „სოფლის მხარდაჭერის პროგრამის“ ფარგლებში დააფინანსა სოფლების: ქესალოს, ნაზარლოსა და ყარაჯალარის საბავშვო ბაღების სარეაბილიტაციო სამუშაოები. შესრულებული სამუშაოების ჯამურმა ღირებულებამ 158.9 ათასი ლარი შეადგინა. შენობების სარეაბილიტაციო სამუშაოები გაგრძელდა 2016 წელს და ადგილობრივი ბიუჯეტიდან დახარჯულია 296.5 ათასი ლარი. სულ აღნიშნულ ბაღებზე 2015-2016 წლებში გაწეულია 455.4 ათასი ლარის ხარჯი. 2017 წლის აგვისტოში საბავშვო ბაღები დათვალიერდა მუნიციპალიტეტის წარმომადგენლებთან ერთად. გაირკვა, რომ ობიექტები დანიშნულების მიხედვით არ ფუნქციონირებს . ამასთანავე, სოფელ ქესალოს საბავშვო ბაღის შენობა საჭიროებს ხელახალ სარემონტო სამუშაოებს. ხელშეკრულების პირობების შესაბამისად, სამუშაოს ხარისხზე გავრცელებულია 2-წლიანი გარანტია, თუმცა მუნიციპალიტეტს ხარვეზების გამოსწორებაზე მიმწოდებლისათვის არ მიუმართავს. გარდაბნის მუნიციპალიტეტმა (შესაბამისმა პასუხისმგებელმა პირებმა) ვერ მიაღწია ღონისძიების ფარგლებში დასახულ მიზანს. კერძოდ, ფინანსური რესურსი მიმართა ისეთი პროექტების დასაფინანსებლად, რომლის დადებითი ეფექტიც ადგილობრივ მოსახლეობაზე დროულად ვერ აისახა.

2016 წელს ბორჯომის მუნიციპალიტეტმა შეისყიდა სხვადასხვა ინფრასტრუქტურული პროექტები: თავშეყრის ადგილების კეთილმოწყობა, სკვერის შემოღობვა, რიტუალების სახლის მოწყობა და სხვ., საერთო ღირებულებით - 55.5 ათასი ლარი. აღნიშნული სამუშაოები წარმოადგენს ორგანიზაციის არაფინანსური აქტივის ზრდის ოპერაციას და უნდა აღირიცხოს „შენობა-ნაგებობების“ მუხლში. ფინანსურ ანგარიშგებაში, ოპერაცია ნაცვლად აქტივისა, წარმოდგენილია ხარჯებში, კერძოდ „სხვა ხარჯების“ მუხლში. შედეგად, ფინანსურ ანგარიშგებაში (ფორმა №1; ფორმა №2-1; ფორმა №5) „შენობა-ნაგებობების“ მუხლი შემცირებულია 61.2 ათასი ლარით; ფინანსურ ანგარიშგებაში (ფორმა №2; ფორმა №3) „სხვა ხარჯების“ მუხლი გაზრდილია 55.5 ათასი ლარით. გარდა ამისა, შესრულებული სამუშაოები წარმოადგენს მუნიციპალიტეტის აქტივს და უნდა დაერიცხოს ცვეთა, რაც არ განხორციელებულა. დასარიცხი ცვეთის თანხით ფინანსურ ანგარიშგებაში (ფორმა №2; №3 და №5) „ძირითადი კაპიტალის მოხმარების“ მუხლი არასწორად არის წარმოდგენილი. ასევე, დასარიცხი ცვეთა გავლენას ახდენს ფინანსურ ანგარიშგებაში (ბალანსი - ფორმა №1) წარმოდგენილი „წმინდა ღირებულების“ მუხლის სისწორეზე.

სააგენტოს მიერ არ ხორციელდება სარეიტინგო ქულის გამოთვლის პროცესში გათვალისწინებული ერთ-ერთი მნიშვნელოვანი კომპონენტის, ბენეფიციარის ასაკის განახლება აპლიკაციაში. კერძოდ, დროთა განმავლობაში კონკრეტული ბენეფიციარის ასაკის ცვლილებასთან ერთად, აპლიკაციაში ასახული ასაკი ავტომატურად არ იცვლება. ზემოხსენებულ გარემოებას გავლენა აქვს ოჯახის სარეიტინგო ქულასა და შესაბამისად, საარსებო შემწეობის ოდენობის ადეკვატურ განსაზღვრაზე.

ეროვნული სამედიცინო ტრენინგ ცენტრის შენობის სამშენებლო სამუშაოების შესრულება ევალებოდა შპს არტესს 2012 წელს გაფორმებული ხელშეკრულებებით , რომელსაც ცენტრალურმა აპარატა 2012 წელს ავანსის სახით გადაურიცხა 1,843,679 ლარი. შესრულებულმა სამუშაომ სსიპ ლევან სამხარაულის სახელობის სასამართლო ექსპერტიზის ეროვნული ბიუროს 2014 წლის 3 მარტის დასკვნით შეადგენდა 1,709,730 ლარი . რომელიც კაპიტალიზებულია 2015 წელს რის შედეგადაც დებიტორული დავალიანება ჩამოწერილია დაგვიანებით ამავე პერიოდში.

2015 წელს მუნიციპალიტეტმა შეისყიდა ჭაქვინჯის ადმინისტრაციულ ერთეულში მინი სპორტული მოედნის მოწყობის სამუშაოები, ღირებულებით - 31.0 ათასი ლარი. სამუშაოების დათვალიერების შედეგად აღმოჩნდა, რომ ობიექტი დაზიანებულია. მიუხედავად იმისა, რომ სტადიონს გააჩნდა მოქმედი საგარანტიო ვადა, მუნიციპალიტეტს არ მიუმართავს, ხოლო მიმწოდებელს არ გამოუსწორებია არსებული ხარვეზები.

ხელვაჩაურის მუნიციპალიტეტში კრიტერიუმებისა და ქულათა სისტემა ვერ უზრუნველყოფს ბენეფიციართა მიმართ თანასწორობისა და სამართლიანობის პრინციპების დაცვას.

მუნიციპალიტეტის მიერ შედგენილი ფინანსური ანგარიშგების შესწავლისას გამოვლინდა ხარვეზები, რომლებიც არსებით გავლენას ახდენს ფინანსურ ანგარიშგებაში წარმოდგენილი მონაცემების სისწორეზე.

ბორჯომის მუნიციპალიტეტის მიერ წარმოდგენილ ფინანსურ ანგარიშგებაში „შენობა-ნაგებობების“ მუხლში 2016 წლის 1 იანვრის მდგომარეობით არის აღრიცხული 46.2 ათასი ლარის, ხოლო 2017 წლის 1 იანვრის მდგომარეობით 321.9 ათასი ლარის ისეთი აქტივი, რომლებიც არის გარდამავალი პროექტები და მათი საბოლოო მიღება არ მომხდარა საანგარიშგებო წელს. ამასთანავე, აღნიშნულ აქტივებს ერიცხება ცვეთა. მუნიციპალიტეტის მიერ გაფორმებული ხელშეკრულების შინაარსიდან გამომდინარე, აღრიცხულ არაფინანსურ აქტივებზე სამუშაოები არ არის დასრულებული. შესაბამისად, სამეურნეო ოპერაცია ასახული უნდა იყოს არა „შენობა-ნაგებობების“ მუხლში, არამედ „დაუმთავრებელი ძირითადი აქტივში“ და არ უნდა ერიცხებოდეს ცვეთა. შედეგად, ფინანსურ ანგარიშგებაში „შენობა - ნაგებობების“ მუხლის 2016 წლის საწყისი ნაშთი გაზრდილია 46.2 ათასი ლარით, ხოლო საბოლოო ნაშთი - 321.9 ათასი ლარით. შესაბამისად, იმავე თანხით შემცირებულადაა წარმოდგენილი „დაუმთავრებელი ძირითადი აქტივის“ მუხლის საწყისი და საბოლოო ნაშთები (ბალანსი - ფორმა №1, ფორმა №2-1, ფორმა №5). გარდა ამისა, ცვეთის დარიცხვის გამო, არასწორადაა წარმოდგენილი „ანგარიში ხარჯების ეკონომიკური კლასიფიკაციის მიხედვით“, „ანგარიში წმინდა ღირებულების შესახებ“ და „ორგანიზაციის ანგარიში არაფინანსური აქტივების მიღება-გასვლის შესახებ“ (ბალანსის დანართი ფორმა №2, ფორმა №3 და ფორმა №5).

მიუხედავად საკანონმდებლო მოთხოვნისა სააგენტოს არ აქვს შემუშავებული და დანერგილი ინფორმაციული უსაფრთოების მართვის სისტემა. აღნიშნული გარემოება რისკის ქვეშ აყენებს საქართველოს მოქალაქეთა შესახებ არსებული ინფორმაციის კონფიდენციალურობასა და მთლიანობას.

• სამართლებრივი საფუძვლის გარეშე, მოიჯარე შპს „ვილა ძარას“ ფაქტობრივ სარგებლობაში იყო სსიპ − საქართველოს ტექნიკური უნივერსიტეტის III – IV სასწავლო კორპუსებს შორის საიჯარო ფართის თავზე მოწყობილი 96.12 კვ.მ ე.წ. „ანტრესოლი“ და კოსტავას ქ. N71-ში, VII სასწავლო კორპუსის პირველ სართულზე მდებარე 35.17 კვ.მ არასაცხოვრებელი ფართი. სულ შპს „ვილა ძარა“ არამართლზომიერად ფლობდა და ეკონომიკურ საქმიანობაში იყენებდა კუთვნილ 131.29 კვ.მ არასაცხოვრებელ ფართს. შედეგად, სავარაუდოდ, სსიპ − საქართველოს ტექნიკური უნივერსიტეტის მიუღებელმა შემოსავალმა შეადგინა 71.8 ათასი ლარი. სსიპ − საქართველოს ტექნიკური უნივერსიტეტის ფინანსურ ანგარიშგებაში აღრიცხულია 2016 წლის 31 დეკემბრისათვის შპს „ვილა-ძარას“ მიმართ ვადაგადაცილებული მოთხოვნები საიჯარო ქირაზე 233,41 ათას ლარის ოდენობით. 2015-2016 წლებში მოიჯარე ხელშეკრულებით გათვალისწინებული იჯარის საფასურს იხდიდა სისტემატურად დაგვიანებით. მეიჯარეს საიჯარო საფასურის გადახდის ვადაგადაცილებაზე ხელშეკრულებით გათვალისწინებული სანქციები არ გამოუყენებია და შესაბამისად, შპს „ვილა-ძარას“ პირგასამტეხლო 2015-2016 წლების განმავლობაში არ გადაუხდია. უნივერსიტეტის საფინანსო სამსახურის მიერ მოწოდებული ცნობით, შპს „ვილა-ძარაზე“ საიჯარო ქირის გადახდის ვადის დარღვევაზე დასარიცხი პირგასამტეხლო შეადგენს 2015 წელს 32.16 ათას ლარს, ხოლო 2016 წელს − 6.2 ათას ლარს. სულ ჯამში შესამოწმებელ პერიოდში − 38,36 ათას ლარს. სულ, 2016 წლის 31 დეკემბრის მდგომარეობით, სსიპ − საქართველოს ტექნიკური უნივერსიტეტისთვის შპს „ვილა ძარას“ გადასახდელი აქვს ვადაგადაცილებული დავალიანება საიჯარო ქირის მიხედვით − 233,41 ათასი ლარი და პირგასამტეხლო საიჯარო ქირის გადახდის ვადის დარღვევაზე -− 38,36 ათასი ლარი.

სამინისტროში 2015 წლის განმავლობაში შტატგარეშე მომუშავეთა შრომის ანაზღაურებაზე გაწეული ხარჯი აღემატება 2014 წლის ანალოგიურ მაჩვენებელს: რეგულირების სააგენტოს მიერ 2015 წლის განმავლობაში შტატგარეშე მომუშავეთა შრომის ანაზღაურებაზე გაწეული ხარჯი (280,987ლარი) აღემატება 2014 წლის ანალოგიურ მაჩვენებელს (194,287 ლარი). სააგენტოდან მიღებული ცნობით ირკვევა, რომ აღნიშნული მატება გამოწვეული იყო სამსახურის ფუნქციებისა და კომპეტენციების ზრდით, თუმცა ანალიზით ირკვევა, რომ ზემოაღნიშნული მთავრობის განკარგულების გამოცემის შემდეგ სულ მიღებულია 8 შტატგარეშე თანამშრომელი (მაშინ როდესაც სააგენტოში წლის განმავლობაში 11 შტატი იყო ვაკანტური), რომელთა ჯამური ანაზღაურება წლის ბოლომდე შეადგენდა 28,300 ლარს.

მუნიციპალიტეტმა 2015 წელს გააფორმა ხელშეკრულება ხეცერის ადმინისტრაციულ ერთეულში საბავშვო ბაღის შენობის რეაბილიტაციისათვის. სამუშაოების ღირებულებამ შეადგინა 7.6 ათასი ლარი. პასუხისმგებელი პირის განმარტებით, შენობა არ შეესაბამება სკოლამდელ სააღმზრდელო დაწესებულებისათვის დადგენილ სახელმწიფო სტანდარტებს, რის გამოც აუდიტის მიმდინარეობის პერიოდისათვის აღნიშნულ შენობაში ბაღი არ ფუნქციონირებს

როდესაც ბათუმის მერიამ დაგეგმა და დაიწყო პროექტის განხორციელება იმ პირობებში, როდესაც არ ჰქონდა განსაზღვრული კონკრეტული სამიზნე ჯგუფები და პროგრამაზე მოთხოვნის დონე. არ ჰქონდა განსაზღვრული სამშენებლო პროექტის შესაბამისობა პროგრამის მოთხოვნებთან, საერთო ჯამში პროექტი ვერ განხორციელდა.

2016 წელს გარდაბნის მუნიციპალიტეტის მიერ არ არის დაცული ინვენტარიზაციის ვადა. ინვენტარიზაციის პროცესში გამოვლინდა ქონების დანაკლისი 19.9 ათასი ლარის ღირებულებით. ზედმეტად აღირიცხა 28.3 ათასი ლარის აქტივი. აუდიტის ობიექტმა ვერ წარმოადგინა ინფორმაცია საინვენტარიზაციო აღწერის შედეგების განხილვისა და გატარებული ღონისძიებების შესახებ.

2015-2016 წლებში ლანჩხუთის მუნიციპალიტეტის მიერ საკრებულოს არათანამდებობრივ პირებზე უფლებამოსილების განხორციელებასთან დაკავშირებული ხარჯები ანაზღაურებულია 191.1 ათასი ლარით. მათ შორის 2015 წელს - 108.4 ათასი ლარი, ხოლო 2016 წელს - 82.7 ათასი ლარი. ყველა შემთხვევაში ხარჯები ანაზღაურებულია ისე, რომ არ არის წარმოდგენილი ხარჯის გაწევის დამადასტურებელი პირველადი დოკუმენტები. შედეგად, აღნიშნულ პირებზე ხარჯები მუნიციპალიტეტმა (შესაბამისმა პასუხისმგებელმა პირებმა) აანაზღაურა მოქმედ კანონმდებლობასთან შეუსაბამოდ. გარდა ამისა, ადგილობრივი თვითმმართველობის კოდექსით განისაზღვრა საკრებულოს წევრთა ხარჯების ანაზღაურების ყოველთვიური ლიმიტის ოდენობა, რომელიც ლანჩხუთის მუნიციპალიტეტის შემთხვევაში შეადგენს 397.5 ლარს. მიუხედავად ამისა, მუნიციპალიტეტმა 2015 წლის აგვისტოს თვეში საკრებულოს არათანამდებობის პირებზე ხარჯების ანაზღაურების მიზნით თითო დეპუტატზე გასცა 600 ლარი, რითაც დაირღვა მოქმედი კანონმდებლობის მოთხოვნები.

სააგენტოს თანამშრომლებს დაშვება აქვთ ისეთ მოქალაქეთა პერსონალურ ინფორმაციაზე, რომელიც არ არის საჭირო საარსებო შემწეობის პროგრამის ადმინისტრირებისათვის. კერძოდ, სააგენტოს მიერ ყოველთვიურად მიღებულ საქართველოს ყველა მოქალაქის შემოსავლის შესახებ სრულ ბაზაზე წვდომა აქვს ტერიტორიული ერთეულის მიერ შესაბამისი ბრძანებით განსაზღვრულ თანამშრომელს - პრივილეგირებულ მომხმარებელს. არსებული ბიზნესპროცესი და რეგულაციები არ მოითხოვს სააგენტოს პრივილეგირებული მომხმარებლების დაშვებას მონაცემებზე, რომელიც არ არის საჭირო სააგენტოს საქმიანობის განსახორციელებლად.აღნიშნული ტიპის წვდომისა და დაშვების შესაძლებლობა კი ზრდის კონფიდენციალური ინფორმაციაზე არაავტორიზებული წვდომის რისკს.

• სსიპ − საქართველოს ტექნიკური უნივერსიტეტის მიერ, ქ. თბილისი, კოსტავას ქ. N77-ში მდებარე III - IV კორპუსების, ცოკოლის სართულზე არსებული ფართების იჯარის ფორმით გასაცემად კვების ობიექტის მოწყობის პირობით გამოცხადდა 10-პირობიანი აუქციონი. აუქციონზე გატანილი ფართები იმდაგვარად დანაწევრდა, რომ შეუძლებელი იყო მომავალში მათი დამოუკიდებლად ფუნქციონირება, იჯარით გასაცემ ფართებს გააჩნდათ საერთო მისასვლელი, საერთო მოხმარების სანიტარული კვანძი, ხანძარსაწინააღმდეგო და სავენტილაციო სისტემები. ზოგიერთ ფართს სხვა საიჯარო ფართზე გავლის გარეშე არ ჰქონდა დამოუკიდებელი მისასვლელი. თითოეულ ფართზე ცალ-ცალკე ზემოთ აღნიშნულის მოწყობა, დაკავშირებული იყო დამატებით ხარჯებთან და კომერციულ მიმზიდველობას უკარგავდა მას. იჯარით გასაცემი ფართები ისე იქნა გატანილი აუქციონზე, რომ ერთიანობაში განხილვისას, ზოგიერთი ფართის ნაწილის ერთმანეთთან ზედდებას (გადაფარვას) ჰქონდა ადგილი . ამასთანავე, 2014 წლის 12 ივნისს გამოცხადებულ ელექტრონულ აუქციონზე ცალკე საიჯარო ობიექტად გავიდა მოცემული არასაცხოვრებელი ფართების გასწვრივ არსებული 1051 კვ.მ არასასოფლო-სამეურნეო დანიშნულების მიწის ნაკვეთი, რომელიც მდებარეობს არასაცხოვრებელი ფართების გასწვრივ, მთელ მონაკვეთზე და ფუნქციონალურად ერთიან, განუყოფელ უძრავი ქონების ერთეულს წარმოადგენს. მისი ცალკე, როგორც დამოუკიდებელ აქტივად გამოყენება, გარკვეულ განუსაზღვრელობებთან და სირთულეებთან არის დაკავშირებული: პირველი − სამშენებლო თვალსაზრისით მისი ფუნქციონალური დანიშნულება შეზღუდულია; მეორე − არასაცხოვრებელ ფართებთან მისასვლელი მხოლოდ ამ მიწის ნაკვეთზე გადის, სერვიტუტით დატვირთვა კი გარკვეულ სირთულეებთან არის დაკავშირებული. ზემოაღნიშნული დამაბრკოლებელი გარემოებების შედეგად, დაიკარგა კვების ობიექტად ფუნქციონირების მიზნით ცალკე აღებული თითოეული ფართის მიმართ კომერციული ინტერესი და შეიზღუდა კონკურენტული გარემო. ყველა აუქციონზე მონაწილეობდა ერთადერთი კომპანია − შპს „ვილა ძარა“, რის გამოც ეს უკანასკნელი გამარჯვებულად გამოცხადდა.

სამინისტროს ბალანსის საცნობარო მუხლში ,,პირობითი მოთხოვნები“ (05) არ არის აღრიცხული 2015 წელს განხილვის სტადიაში მყოფ სასამართლო საქმესთან დაკავშირებული მოთხოვნები.

2015 წელს მუნიციპალიტეტმა გააფორმა ხელშეკრულებები შამგონის და კიროვის ადმინისტრაციულ ერთეულებში ჭაბურღილების მოწყობის სამუშაოებზე, ღირებულებით - 9.2 ათასი ლარი. სამუშაოების დათვალიერების შედეგად აღმოჩნდა, რომ მოწყობილი ჭაბურღილები არ ფუნქციონირებდა. მიუხედავად იმისა, რომ ობიექტებს გააჩნდა მოქმედი საგარანტიო ვადა, მუნიციპალიტეტს არ მიუმართავს, ხოლო მიმწოდებელს არ გამოუსწორებია არსებული ხარვეზები.

რეგიონში არ არის განსაზღვრული ერთიანი სტრატეგია/კრიტერიუმები საცხოვრებელი ობიექტების გამოყენებასთან დაკავშირებით, შესაბამისად, არ არსებობს კრიტერიუმები, თუ რის მიხედვით უნდა შეიქმნას საცხოვრებელი ობიექტების კაპიტალი, რაც საშუალებას მისცემდა განმკარგავ მხარეებს უფრო ეფექტიანად დაგეგმონ ბინების მიღების პროცესი არსებული მოთხოვნებიდან გამომდინარე.

მუნიციპალიტეტის საკრებულოს მიერ შპს „ნანას“ (კერძო სასწავლო დაწესებულება) 2012 წლის 19 ივლისის ხელეკრულებით იჯარით გადაეცა სოფელ გამარჯვებაში მდებარე შენობა-ნაგებობა. ობიექტი გაიცა 10 წლის ვადით, ხოლო წლიურმა საიჯარო ქირამ შეადგინა 1000 ლარი, რომელიც მოიჯარეს შესაბამისი ოდენობით ყოველთვიურად უნდა გადაეხადა. ქირის დაგვიანებით გადახდის შემთხვევაში, გათვალისწინებულია საჯარიმო სანქციები. 2015-2016 წლების სახაზინო შემოსულობების მიხედვით, შპს „ნანას“ საიჯარო ქირის სახით, 2000 ლარის ნაცვლად, გადახდილი აქვს 200 ლარი. აუდიტის ჯგუფის მიერ საკითხით დაინტერესების შემდეგ, შპს „ნანამ“ 2017 წლის 11-12 ნოემბერს გადაიხადა 1000 ლარი. საიჯარო ხელშეკრულების აღურიცხაობის გამო, მუნიციპალიტეტს არ ჰქონდა დაწესებული კონტროლი კუთვნილი თანხების მიღებაზე.

2015-2016 წლებში მთავრობის რეკომენდაციის მიხედვით ლანჩხუთის მუნიციპალიტეტს სამსახურეობრივი უფლებამოსილების განსახორციელებლად უნდა ესარგებლა 6 ერთეული ავტოსატრანსპორტო საშუალებით. მუნიციპალიტეტის მიერ სამსახურებრივი უფლებამოსილების განსახორციელებლად გამოყენებული საკუთარი სატრანსპორტო საშუალებების რაოდენობა 2015 წელს 1 ერთეულით, ხოლო 2016 წელს 2 ერთეულით აღემატება მთავრობის დადგენილებით რეკომენდებულ ზღვრულ ოდენობას.

სისტემის ლოგების წარმოება და მისი მუდმივი მონიტორინგი საჭიროა ინფორმაციის დამუშავებისას არაავტორიზებული ქმედებების აღმოჩენისათვის. სააგენტოში არ არის დანერგილი საარსებო შემწეობის ადმინისტრირებაში გამოყენებული სისტემებისათვის ლოგირების ადეკვატური მექანიზმები. რიგ შემთხვევებში (ვებგვერდი) შეუძლებელია კონკრეტული აქტივობის დაკავშირება სისტემის კონკრეტულ მომხმარებელთან, ხოლო გარკვეულ შემთხვევებში (SAESA, SAESA2005, SSA-დამატება) მიუხედავად იმისა, რომ არსებობს ლოგირების გარკვეული მექანიზმები, არ ხორციელდება მომხმარებელთა ქმედების მონიტორინგი. კერძოდ კი, სააგენტოს არ ჰყავს განსაზღვრული პირი, რომელიც ვალდებული იქნება მონიტორინგი გაუწიოს მომხმარებლების ქმედებებს. სააგენტოში არსებული პრაქტიკა და კონტროლის მექანიზმები ვერ უზრუნველყოფს ინფორმაციული უსაფრთხოების პრინციპების დაცვას. კერძოდ, საჭიროების შემთხვევაში არ არის მიკვლევადი, რომელი მომხმარებლის მიერ მოხდა სენსიტიური ინფორმაციის, მოთხოვნა. შედეგად, ინფორმაციული უსაფრთხოების დარღვევისას, რთულია და რიგ შემთხვევაში შეუძლებელია გამომწვევი წყაროს იდენტიფიცირება.

• უნივერსიტეტებს ბალანსზე ერიცხებათ 81 ერთეული, 1,934.19 ათასი ლარის ღირებულების ფიზიკურად ამორტიზებული, ავარიულ მდგომარეობაში მყოფი შენობა-ნაგებობები, რომლებიც აღდგენას და კაპიტალურ რემონტს არ ექვემდებარება და ქონება, რომელსაც ნივთობრივ-მატერიალური ფორმა აღარ გააჩნია. ფიზიკურად ამორტიზებულ, ადმინისტრაციული და საოპერაცო მიზნებისათვის გამოუყენებელ ქონებას არ მოაქვს ეკონომიკური სარგებელი და შედეგად, სახელმწიფო ქონება არაეფექტიანად არის გამოყენებული. ამასთანავე, მოცემულ შემთხვევებში იზრდება არამწარმოებლური ზედნადები ხარჯები, რომელიც დაკავშირებულია მათ დაცულობასა და მოვლა-პატრონობასთან.

სამინისტროს ბალანსის საცნობარო მუხლში ,,პირობითი ვალდებულებები“ (06) არ არის აღრიცხული 2015 წელს განხილვის სტადიაში მყოფ სასამართლო საქმესთან დაკავშირებული ვალდებულებები.

ზუგდიდის მუნიციპალიტეტის გამგეობის მიერ 2015-2016 წლებში 6 ხელშეკრულების ფარგლებში შესრულებული სამუშაოები, რომელთა ღირებულება შეადგენს 52.9 ათას ლარს , ნაწილობრივ დაზიანებულია და მოსახლეობა ვერ სარგებლობს განხორციელებული პროექტებით.

რეგიონში არ არის განსაზღვრული ერთიანი სტრატეგია/კრიტერიუმები საცხოვრებელი ობიექტების გამოყენებასთან დაკავშირებით, შესაბამისად, არ არსებობს კრიტერიუმები, თუ რის მიხედვით უნდა შეიქმნას საცხოვრებელი ობიექტების კაპიტალი, რაც საშუალებას მისცემდა განმკარგავ მხარეებს უფრო ეფექტიანად დაგეგმონ ბინების მიღების პროცესი არსებული მოთხოვნებიდან გამომდინარე.

2015 წლის 15 სექტემბერს სსიპ „სახელმწიფო ქონების ეროვნული სააგენტოდან“ გარდაბნის მუნიციპალიტეტს საკუთრებაში გადმოეცა ქ. გარდაბანში მდებარე ყოფილი საავადმყოფოს შენობის ძირითადი ნაწილი . შენობის დარჩენილი ნაწილი იმყოფება სსიპ - სასწრაფო დამედიცინო დახმარების ცენტრის განკარგვაში. მუნიციპალიტეტის საკუთრებაში არსებული ობიექტების შერჩევითი დათვალიერებისას გამოვლინდა, რომ ყოფილი საავადმყოფოს შენობაში ფუნქციონირებდა აფთიაქი. მუნიციპალიტეტის პასუხისმგებელი პირების განმარტებით, ობიექტს დაკავებული ჰქონდა სსიპ - სასწრაფო დამედიცინო დახმარების ცენტრის კუთვნილი ფართობი, თუმცა დამადასტურებელი დოკუმენტები ვერ იქნა წარმოდგენილი. დამატებითი აუდიტორული პროცედურებით დადგინდა, რომ აფთიაქი მდებარეობს თვითმმართველობის კუთვნილ ფართში. მუნიციპალიტეტი არ ფლობდა ინფორმაციას სხვა სუბიექტის მიერ კუთვნილი ქონებით სარგებლობის შესახებ. შესაბამისად, არ მომხდარა ფართობის დადგენილი წესით განკარგვა და ქონებით სარგებლობის გადასახადის ბიუჯეტში მიმართვა.

2015-2016 წლებში ლანჩხუთის მუნიციპალიტეტი ბალანსზე რიცხული ავტოსატრანსპორტო საშუალებების გარდა, საკუთარი უფლებამოსილების განსახორციელებლად იყენებს კერძო პირებისგან იჯარით აყვანილ ავტომობილებს. კერძოდ, მუნიციპალიტეტის გამგებელი სარგებლობს 2 ავტომობილით, რაზეც გაფორმებული არის საიჯარო ხელშეკრულებები. აქედან, ერთი ავტომობილი წარმოადგენს გამგებლის საკუთრებას, ხოლო მეორე ხელშეკრულება გაფორმებულია მუნიციპალიტეტსა და ფ/პ ილია ურუშაძეს შორის (გამგებლის მამა). მოქმედი კანონმდებლობის შესაბამისად, თანამდებობის პირს უფლება არ აქვს ქონებრივი გარიგება დადოს იმ სახაზინო დაწესებულებასთან, რომელშიც მას თანამდებობა უჭირავს. შედეგად, დარღვეულია კანონმდებლობის მოთხოვნები. აღსანიშნავია, რომ გამგებლის საკუთრებაში არსებული ავტომანქანა Volkswagen Passat -ის გამოყენება, საწვავის ამონაწერის მიხედვით, არ ფიქსირდება 2016 წლის ივნისი-ოქტომბრის თვეებში, თუმცა ამავე პერიოდში ავტომანქანაზე გაწეულია სხვადასხვა სახის ხარჯი. კერძოდ, შეცვლილია საბურავები, გამოცვლილია ზეთი, ანტიფრიზი და სხვა. შესაბამისად, არსებობს რისკი იმისა, რომ მუნიციპალიტეტმა იჯარით აყვანილ სატრანსპორტო საშუალების ექსპლოატაციაზე ხარჯები გაწია ისე, რომ მისი გამოიყენება არ მომხდარა მუნიციპალიტეტის საჭიროებებისთვის.

სააგენტოს მხრიდან აუდიტის მასშტაბის შეზღუდვის პირობებში ვერ მოხერხდა ოპერაციული სისტემებისა და მონაცემთა ბაზების მართვის სისტემის დაგეგმილი მოწყვლადობის ტესტირების ჩატარება. თუმცა აღნიშნული პროცედურის დაგეგმვისას გამოიკვეთა რიგი ნაკლოვანებები. კერძოდ, ტესტირებისათვის შერჩეული სერვერის ოპერაციული სისტემა და მონაცემთა ბაზების მართვის სისტემა წლების მანძილზე განუახლებელი იყო და შესაბამისად მაღალია ზემოაღნიშნული სისტემის დაინფიცირების რისკი, რაც მოიცავს სისტემაში მავნე კოდის არსებობას, ჯაშუშურ პროგრამებსა და სხადასხვა ვირუსებს. აღნიშნული გარემოება საყურადღებოა მაშინ, როცა საქართველოს მთავრობასა და კომპანია Microsoft-ს შორის გაფორმებული ხელშეკრულების ფარგლებში, სამინისტრომ შეისყიდა Microsoft SQL Server-ისა და Microsoft Windows Server-ის ლიცენზიები თუმცა შესყიდული პროდუქტები არ იყო გამოყენებული აუდიტისას შესწავლილი სისტემებისათვის. მენეჯმენტის მიერ მიღებული გადაწყვეტილება სისტემების განახლების შესახებ და ჩატარებული პროცედურები კი ცალსახად ხასიათდება ინფორმაციული უსაფრთხოების მაღალი რისკებით და არსებითად მნიშვნელოვანია სააგენტოს IT დეპარტამენტის მენეჯმენტის კვალიფიკაციის ამაღლება.

• უნივერსიტეტების ბალანსზე ირიცხება დროებით ოკუპირებულ ტერიტორიაზე არსებული 9 ერთეული შენობა-ნაგებობა, ხოლო ბალანსზე რიცხული 8 ერთეული შენობა, დაკავებულია დროებით ოკუპირებული ტერიტორიიდან იძულებით გადაადგილებული პირების მიერ. მესამე პირების მიერ დაკავებული ფართები არ არის ჩართული ეკონომიკურ ბრუნვაში და მათ მიერ ფართების არამართლზომიერ მფლობელობაში არსებობა აფერხებს ქონების ეფექტიანად გამოყენების და შემდგომი განკარგვის შესაძლებლობას.

სამინისტროს ფინანსური ანგარიშგების ახსნა-განმარტებითი შენიშვნები წარმოდგენილია განმარტებითი ბარათის სახით, რომელიც არ აკმაყოფილებს საბიუჯეტო ორგანიზაციების ბუღალტრული აღრიცხვის და ფინანსური ანგარიშსგების შესახებ ინსტრუქციის მოთხოვნებს და არ მოიცავს შემდეგ მონაცემს/ინფორმაციას

2016 წლის 9 აგვისტოს ანაკლია-განმუხურის დამაკავშირებელი ხიდის რეაბილიტაციაზე ხელშეკრულება გაფორმდა შპს „თავადი 1-თან“ საერთო ღირებულებით 24.7 ათასი ლარი. ხელშეკრულების პირობების თანახმად, მიმწოდებელს მშენებლობა უნდა დაესრულებინა 2016 წლის 8 სექტემბერს. შემსრულებელმა განსაზღვრულ ვადაში ვერ მოახერხა სამშენებლო სამუშაოების დასრულება. მიუხედავად იმისა, რომ შემსრულებელს მიწოდების ვადის ამოწურვიდან დღემდე სამუშაოები დაუსრულებელი აქვს, მუნიციპალიტეტს არ მიუმართავს შესყიდვების სააგენტოსთვის ამ ორგანიზაციის ე.წ. „შავ სიაში“ რეგისტრირების მიზნით.

ავტონომიური რესპუბლიკის საკუთრებაში არსებული საცხოვრებელი ობიექტების შესახებ ინფორმაცია არასრულყოფილია, მათ შორის, თვითნებურად დაკავებულ ქონებებთან დაკავშირებით, რაც აბრკოლებს ქონების ეფექტიანად მართვას.

2015-2016 წლებში შიდა აუდიტის სამსახურს არ შეუსწავლია გამგეობის სტრუქტურული ერთეულების საქმიანობა. სამსახურს არ შეუფასებია, შეესაბამება თუ არა მუნიციპალიტეტის საქმიანობა დაგეგმილ მიზნებსა და ამოცანებს, რამდენად კანონიერად, მიზნობრივად და ეფექტიანად ხდება დაფინანსების გამოყენება, დანერგილია თუ არა ადეკვატური მართვისა და კონტროლის მექანიზმები და სხვ. შესაბამისად, არ განუხორციელებია შესაძლო დარღვევებისა და ხარვეზების იდენტიფიცირება. 2015-2016 წლებში გურჯაანის მუნიციპალიტეტის შიდა აუდიტის სამსახურს ჩატარებული აქვს მხოლოდ გამგეობის მიერ დაფუძნებული იურიდიული პირების შესაბამისობის აუდიტი. მუნიციპალიტეტის გამგეობის მიერ დაფუძნებულ იურიდიულ პირებზე, შიდა აუდიტის სამსახურის მიერ გაცემულია ზოგადი ხასიათის რეკომენდაციები.

სატენდერო წინადადების წარდგენისას პრეტენდენტი ვალდებულია დაეთანხმოს აფიდავიტის მოთხოვნებს, რითაც ადასტურებს, რომ კონკურენტებს შორის არ წარმოებულა კონსულტაცია, კომუნიკაცია ან მოლაპარაკება შემდეგ საკითხებზე: სატენდერო წინადადების ფასი, სატენდერო წინადადების წარდგენა ან წარდგენისგან თავის შეკავება და სხვა. 2016 წელს ლანჩხუთის მუნიციპალიტეტის მიერ ნაპირსამაგრის მოწყობის სამუშაოებზე გამოცხადებულ 2 ტენდერზე, შესაბამის პასუხისმგებელ პირებს არ უმსჯელიათ აფიდავიტის დარღვევის შესაძლო რისკებზე, მაშინ როდესაც ტენდერში მონაწილე პირები სავარაუდოდ არღვევდნენ აფიდავიტის მოთხოვნებს. პრეტენდენტები მეტი ფინანსური სარგებლის მიღების მიზნით, სავარაუდოდ მოქმედებდნენ ურთიერთშეთანხმებით და არ აზუსტებდნენ ტექნიკურ დოკუმენტაციას, რაც ზრდიდა შესყიდვის ღირებულებას. შედეგად, მუნიციპალიტეტმა ხელშეკრულებები გააფორმა ტენდერებში ყველაზე მაღალი ფასის მქონე პრეტენდენტთან, რომლის ღირებულება 187.5 ათასი ლარით აღემატებოდა დისკვალიფიცირებული ფირმის საბოლოოდ შეთავაზებულ ფასს, შესაბამისად ადგილობრივი ბიუჯეტიდან 187.5 ათასი ლარი გაიხარჯა არაეკონომიურად.

სააგენტოს მიერ არ ხდება რეგიონული ოფისების ადეკვატური ტექნიკური მხარდაჭერა. კერძოდ, ოპერაციული სისტემის დონეზე, რიგ შემთხვევაში , რეგიონული ცენტრის თანამშრომელთათვის არ არის განსაზღვრული ინდივიდუალური მომხმარებლის ანგარიშები. ასევე უნდა აღინიშნოს, რომ რეგიონულ ოფისებში არსებულ კომპიუტერებზე კვლავ გამოიყენება მოძველებული ოპერაციული სისტემა WINDOWS XP, რომლის ოფიციალური მხარდაჭერა მწარმოებლის მიერ აღარ ხორციელდება და შესაბამისად, მოწყვლადია საფრთხეების მიმართ. აგრეთვე ოფისებში გამოიყენება WINDOWS 7 ოპერაციული სისტემა, რომელიც აღჭურვილია უსაფრთხოების მინიმალური პაკეტით - ანტივირუსით (Microsoft Security Essential), თუმცა, სისტემის შესაბამისი მხარდაჭერა არ ხდება. რეგიონულ ოფისებში არსებული კომპიუტერების სისტემის მავნე კოდზე სკანირების შედეგადა გამოვლინდა, რომ სკანირებული 17 კომპიუტერიდან 10-ში აღმოჩნდა საფრთხის შემცველი მავნე კოდები. გარდა აღნიშნულისა, ინფორმაციული უსაფრთხოების საკითხებს ასევე რისკს უქმნის სააგენტოს რიგი ტერიტორიული ერთეულების არასათანადო ფიზიკური უსაფრთხოების მდგომარეობა.

რიგ შემთხვევებში სამინისტროსა და მისდამი დაქვემდებარებულ ორგანიზაციებში არ არის ჩატარებული სავალდებულო ინვენტარიზაცია. სამინისტროს ცენტრალურ აპარატში და რეგულირების სააგენტოში 2015 წელს ბალანსზე რიცხული ქონების, მატერიალური მარაგების, ფინანსური მოთხოვნებისა და ვალდებულებების ინვენტარიზაცია არ ჩატარებულა, ხოლო დახმარების ცენტრმა ვერ წარმოადგინა დასრულებული ინვენტარიზაციის აქტები. ამასთან, ცენტრალურ აპარატში 2014 წელს ინვენტარიზაციის აქტის თანახმად, კომისიამ ვერ შეძლო ბალანსზე რიცხული 1500-მდე ერთეული მოძრავი ქონების იდენტიფიცირება. სააგენტოში 2015 წელს ჩატარებული ფინანსური მოთხოვნებისა და ვალდებულებების ინვენტარიზაცია არ აკმაყოფილებს ბრძანებით დამტკიცებულ მოთხოვნებს.

სს „საქართველოს რკინიგზის“ შესყიდვების სპეციალური წესი არ ითვალისწინებს თუ რა ვადაში უნდა იმსჯელოს სატენდერო კომისიამ, შეესაბამება თუ არა ყველაზე დაბალი ფასის მქონე პრეტენდენტის წარმოდგენილი ტექნიკური დოკუმენტაცია სატენდერო განცხადებითა და სატენდერო დოკუმენტაციით დადგენილ მოთხოვნებს. აღნიშნული სრულად არ აკმაყოფილებს კომპანიის შესყიდვების სპეციალური წესის მოთხოვნას, შესყიდვების განხორციელებისას პრეტენდენტების მიმართ სამართლიანი მიდგომის შესახებ. ასევე პრეტენდენტებისა და პოტენციური პრეტენდენტებისთვის არ არის განჭვრეტადი შესყიდვის პროცედურის დასრულებასთან დაკავშირებული ვადები, რაც ართულებს დაინტერესებული მხარეებისთვის ტენდერში მონაწილეობის დაგეგმვის პროცესებს.

მუნიციპალიტეტმა სხვადასხვა ხელშეკრულების ფარგლებში შეისყიდა სამუშაოები, რომლებიც არ დასრულებულა მიმდინარე წელს და მათი საბოლოო მიღება-ჩაბარება განხორციელდა მომდევნო წელს. 2016 წლის 31 დეკემბრისათვის 475.6 ათასი ლარის ღირებულების სამუშაოები დაუსრულებელია. ფინანსურ ანგარიშგებაში „დაუმთავრებელი ძირითადი აქტივების“ მუხლი წარმოდგენილია 223.3 ათასი ლარით, ნაცვლად - 475.6 ათასი ლარისა. ასევე, დაუმთავრებელ ძირითად აქტივებზე დარიცხულია ცვეთა 2.7 ათასი ლარი, რაც არასწორია . გარდა ამისა, 2016 წლის ბოლოს დაუმთავრებელი სამუშაოები მიკუთვნებულია „შენობა-ნაგებობების“ შესაბამის მუხლებს.

პასუხისმგებელ უწყებებს შორის საჭირო კოორდინირებული პოზიციის არარსებობის გამო, შრომის ინსპექციას არ აქვს მინიჭებული ადეკვატური უფლებამოსილებები, რაც საჭიროა შრომით კანონმდებლობასთან დამსაქმებელთა საქმიანობის შესაბამისობის უზრუნველსაყოფად. შრომითი უფლებების დაცვის ძირითადი მექანიზმის ამ ფორმატში არსებობა ნეგატიურად აისახება ქვეყანაში დასაქმებულთა შრომითი უფლებების რეალიზების ხარისხზე. აღნიშნული ცვლილებების განუხორციელებლობა ასევე აფერხებს სამინისტროს მიერ ევროკავშირის წინაშე ნაკისრი ვალდებულებების დროულად და სათანადოდ შესრულებას. ამასთანავე, იქიდან გამომდინარე, რომ შრომითი ურთიერთობების ეტაპზე შრომის ინსპექცია არ წარმოადგენს დასაქმებულისთვის შრომითი უფლების დაცვის ქმედით მექანიზმს. დავის მოგვარების ძირითადი საშუალებაა სასამართლო, რომელიც ხანგრძლივ პროცესებთან და დამატებით ხარჯებთან არის დაკავშირებული. აღნიშნული კიდევ უფრო ზრდის შრომის ინსპექციის ნაკლოვანებების ნეგატიურ ეფექტებს.

2015 წელს ლანჩხუთის მუნიციპალიტეტმა შეისყიდა გრიგოლეთის საწვრთვნელი ბაზის სარეაბილიტაციო სამუშაოები, საერთო ღირებულებით 354.3 ათასი ლარი. ხელშეკრულების პირობების შესაბამისად, ობიექტის საგარანტიო ვადა შეადგენს სამუშაოს მიღებიდან 5 წელს, რომლის განმავლობაშიც მიმწოდებელი ვალდებულია საკუთარი ხარჯებით უზრუნველყოს ექსპლოატაციის პროცესში წარმოქმნილი ხარვეზების აღმოფხვრა. 2017 წლის 28 ივნისს აუდიტის ჯგუფმა გამგეობის წარმომადგენლებთან ერთად განახორციელა ობიექტის ადგილზე დათვალირება, რის შედეგადაც გამოვლინდა, რომ შპს „გილმარი-2“-ის მიერ შესრულებული სამუშაოები უხარისხოა. კერძოდ, დაზიანებულია ფასადი, კედლები, იატაკი, ჭერი. პასუხისმგებელი პირის განმარტებით სამშენებლო სამუშაოები საბოლოო მიღება-ჩაბარებიდან ოთხ თვეში დაზიანდა. აღსანიშნავია, რომ არსებული ხარვეზების გამოსწორების მიზნით მუნიციპალიტეტმა ორჯერ მიმართა მიმწოდებელს. მიუხედავად, იმისა, რომ შემსრულებელს გამგეობის შეტყობინებებზე რეაგირება არ მოუხდენია, მუნიციპალიტეტის შესაბამის პასუხისმგებელ პირებს შემდგომი სამართლებრივი ღონისძიებები არ გაუტარებია არსებული ხარვეზების აღმოფხვრის მიზნით. შედეგად, მუნიციპალიტეტის მიერ 354.3 ათასი ლარი გადახდილია ისეთ პროექტში, რომელიც დაზიანებულია და საჭიროებს დამატებით სამუშაოებს.

სააგენტოს არ აქვს აუთსორსინგის მონიტორინგის ეფექტიანი სისტემა. სააგენტო 2014 წლის შემდეგ არ ახორციელებს კონტრაქტორის, სს „ლიბერთი ბანკის“ მიერ ხელშეკრულებით ნაკისრი ვალდებულებების შესრულების მონიტორინგს, მიუხედავად იმისა, რომ აღნიშნული წარმოადგენს საარსებო შემწეობის მნიშვნელოვან კომპონენტს. შესაბამისად, სააგენტო არ ფლობს ინფორმაციას იმის შესახებ, თუ რამდენად ეფექტიანად ახორციელებს ბანკი ნაკისრ ვალდებულებებს საბიუჯეტო სახსრების მიზნობრივი ხარჯვის მიმართულებით.

დასტურის წერილის გასაგზავნად დებიტორული დავალიანების რეესტრიდან შერჩეულია 287, ხოლო კრედიტორული დავალიანების რეესტრიდან 164 ორგანიზაცია. აღნიშნული ორგანიზაციების დავალიანება 2015 წლის 31 დეკემბრის შესაბამისად შეადგენდა 22,934,931 და 16,933,043 ლარს. პასუხი მიღებულია 69 ორგანიზაციისგან (დებიტორული დავალიანების რეესტრიდან 53, ხოლო კრედიტორული დავალიანების რეესტრიდან 16) საიდანაც დადასტურებულია მხოლოდ 32 ორგანიზაციის (16 - როგორც დებიტორული, ისე კრედიტორული დავალიანების რეესტრიდან) დებიტორული დავალიანება 1,014,596 ლარი, ხოლო კრედიტორული დავალიანება 851,328 ლარი, რაც შეადგენს შერჩეული ორგანიზაციების დავალიანების მხოლოდ 4 და 5 პროცენტს. გონივრული რწმუნების მისაღებად დამატებითი აუდიტორული პროცედურების ჩატარება შეუძლებელია, შესაბამისად ვერ ვრწმუნდებით აღნიშნული დებიტორული/კრედიტორული დავალიანებების სიზუსტეში.

სამშენებლო სამუშაოების შესყიდვისას სს „საქართველოს რკინიგზა“ ითხოვს პრეტენდენტების ან ქვეკონტრაქტორების გამოცდილებას. ზოგიერთ შემთხვევაში ტენდერებში წარმოდგენილია მხოლოდ ქვეკონტრაქტორების გამოცდილება, რის შედეგადაც იმარჯვებენ პრეტენდენტები. შედეგად, კონტრაქტორები სამშენებლო სამუშაოების გამოცდილებას იღებენ ქვეკონტრაქტორების მიერ შესრულებული სამუშაოების ხარჯზე ისე, რომ შესაძლოა მათ მომავალში დამოუკიდებლად ვერ შეძლონ აღნიშნული სამუშაოების შესრულება, მაშინ როდესაც ისინი უკვე თავისუფლად შეძლებენ ტენდერის პირობების დაკმაყოფილებას გამოცდილების ნაწილში.

მუნიციპალიტეტმა 2015 წელს შეისყიდა სხვადასხვა სარეაბილიტაციო სამუშაოები, რომელთა დასრულების ვადა იყო 2016 წელი. მიმწოდებლის მიერ 2015 წელს შესრულებულია 399.6 ათასი ლარის სამუშაოები, რომლებიც ნაცვლად „დაუმთავრებელი ძირითადი აქტივის“ მუხლისა, აყვანილია 2015 წლის არაფინანსურ აქტივად. აღნიშნული ხელშეკრულებების ფარგლებში მიმწოდებლების მიერ 2016 წელს შესრულებულია 601.0 ათასი ლარის ღირებულების სამუშაოები, რაც ფინანსურ ანგარიშგებაში წარმოდგენილია 451.0 ათასი ლარით . ბუღალტრულ ჩანაწერებსა და ფინანსურ ანგარიშგებაში სამუშაოების მთლიანი ღირებულება - 1000.6 ათასი ლარი, აღიარებული უნდა იყოს „შენობა-ნაგებობების“ შესაბამის მუხლში და დაერიცხოს ცვეთა.

შრომით უფლებებთან დაკავშირებით მოსახლეობის ინფორმირების მიზნით სამინისტროს მიერ განხორციელებული ღონისძიებები არ არის საკმარისი დასახულ მიზანთან მიმართებაში. განხორციელებული ქმედებების სიმწირის, და შედეგად, არაეფექტიანობის გამომწვევ მიზეზად შეიძლება განხილულ იქნეს ის გარემოება, რომ სამინისტროს არ აქვს ამ მიმართულებით განსაზღვრული კომუნიკაციის სტრატეგია და კონკრეტული აქტივობები. აღნიშნული პრაქტიკა ხელს არ უწყობს დასაქმებულთა ცნობიერების ამაღლებას საკუთარ შრომით უფლებებთან და მათი დაცვის მექანიზმებთან დაკავშირებით, რასაც მნიშვნელოვანი გავლენა აქვს შრომით ურთიერთობებში საჭირო ბალანსის მისაღწევად.

2016 წლის 11 აპრილს ლანჩხუთის მუნიციპალიტეტმა შპს “სამკუთხედთან“ გააფორმა ხელშეკრულება ქ.ლანჩხუთში 8 ქუჩის რკ/ბეტონის სანიაღვრე არხების მოწყობაზე, რომელშიც გადაიხადა 393.6 ათასი ლარი. ხელშეკრულების მიხედვით, ობიექტის საგარანტიო ვადა შეადგენს სამუშაოს მიღებიდან 3 წელს, რომლის განმავლობაშიც მიმწოდებელი ვალდებულია საკუთარი ხარჯებით უზრუნველყოს ექსპლოატაციის პროცესში წარმოქმნილი ხარვეზების აღმოფხვრა. 2017 წლის 28 ივნისს აუდიტის ჯგუფმა გამგეობის წარმომადგენლებთან ერთად განახორციელა ობიექტის ადგილზე დათვალირება, რის შედეგადაც გამოვლინდა, რომ მიმწოდებლის მიერ მოწყობილი რკინა-ბეტონის სანიაღვრე არხები ზოგ ადგილას დაზიანებულია და შეინიშნება სხვადასხვა ზომის ბზარები. პასუხისმგებელი პირის განმარტებით აღნიშნულ ობიექტზე დაზიანებები ფიქსირდება 2016 წლის ნოემბრის თვიდან. აღსანიშნავია, რომ მუნიციპალიტეტმა მიმწოდებელს მიმართა არსებული ხარვეზების გამოსწორების მიზნით. მიუხედავად, იმისა, რომ შემსრულებელს გამგეობის შეტყობინებებზე რეაგირება არ მოუხდენია, მუნიციპალიტეტის შესაბამის პასუხისმგებელ პირებს შემდგომი სამართლებრივი ღონისძიებები არ გაუტარებია არსებული ხარვეზების აღმოფხვრის მიზნით. შედეგად, გამგეობის მიერ 393.6 ათასი ლარი გადახდილია ისეთ სამუშაოებში, რომლის ნაწილიც დაზიანებულია.

სახელმწიფო გასაცემელის მიმღები პირის საბანკო ანგარიშზე ზედმეტად ჩარიცხული თანხების ბიუჯეტში აღდგენისთვის სააგენტოს 2015 წლის 2 აპრილის №04-97/ო ბრძანებით დამტკიცებულია სააგენტოს სახაზინო ანგარიშზე დაბრუნების საღრიცხვო სისტემის მომხმარებლის ინსტრუქცია და ბანკიდან დაუბრუნებელი თანხების ბიუჯეტში აღდგენისათვის გასატარებელი დამატებითი ღონისძიებების მეთოდიკა. ტერიტორიული ერთეული ვალდებულია სს „ლიბერთი ბანკიდან“ ბიუჯეტში დასაბრუნებლად გამოთხოვილი თანხების შესახებ მიღებული ინფორმაციით განაახლოს გასაცემლების მიმღებთა ერთიანი სააღრიცხვო ბაზა. აუდიტის ჯგუფმა ვერ მიიღო ინფორმაცია 2015 წლის 1 იანვრის მდგომარეობით ზედმეტად ჩარიცხული თანხის გამტანი პირების და შესაბამისად ამ დროისთვის მოთხოვნის ნაშთის შესახებ. სააგენტოში სისტემატიზებულია მხოლოდ 2015 წლის 1 აპრილის შემდგომ ბანკისგან მიღებული თანხის გამტანი პირების შესახებ ინფორმაცია, რომელის მიხედვითაც 2015 წლის 31 დეკემბრის მდგომარეობით სახელმწიფო პენსია/სოციალური პაკეტის შემთხვევაში მესამე პირის მიერ გატანილი თანხა შეადგენდა 126,268 ლარს, ხოლო სახელმწიფო კომპენსაციის შემთხვევაში 30,804 ლარს. ამასთან რიგ შემთხვევბში არ არის ცნობილი თანხის გამტანი მესამე პირის ვინაობა, ხოლო მათი დავალიანების თანხობრივი შეფასება წარმოდგენილი ინფორმაციის საფუძველზე შეუძლებელია.

ტენდერში (SPA150010368) გამარჯვებული კომპანიის მიერ წარმოდგენილი ხარისხის დამადასტურებელი სერთიფიკატი N0006909 გაცემულია IATF-ის მიერ, თუმცა IATF-ის საძიებო სისტემაში ამავე ნომერზე ფიქსირდება სხვა კომპანია.

მუნიციპალიტეტმა 2015 წელს შეისყიდა სხვადასხვა სარეაბილიტაციო სამუშაოები . მიმწოდებლებმა სრულად შეასრულეს სამუშაოები 2015 წელს, ხოლო მუნიციპალიტეტმა თანხის ნაწილი - 9.9 ათასი ლარი, გადარიცხა 2016 წელს. აღნიშნული წარმოადგენს ვალდებულებას და ნაცვლად ამისა, წარმოდგენილია „შენობა-ნაგებობების“ შესაბამის მუხლში და ერიცხება ცვეთა.

აუდიტის შედეგად გამოვლინდა, რომ შრომით უფლებებთან დაკავშირებით მოსახლეობის ინფორმირების მიზნით სამინისტროს მიერ განხორციელებული ღონისძიებები არ არის საკმარისი დასახულ მიზანთან მიმართებაში. განხორციელებული ქმედებების სიმწირის, და შედეგად, არაეფექტიანობის გამომწვევ მიზეზად შეიძლება განხილულ იქნეს ის გარემოება, რომ სამინისტროს არ აქვს ამ მიმართულებით განსაზღვრული კომუნიკაციის სტრატეგია და კონკრეტული აქტივობები. აღნიშნული პრაქტიკა ხელს არ უწყობს დასაქმებულთა ცნობიერების ამაღლებას საკუთარ შრომით უფლებებთან და მათი დაცვის მექანიზმებთან დაკავშირებით, რასაც მნიშვნელოვანი გავლენა აქვს შრომით ურთიერთობებში საჭირო ბალანსის მისაღწევად.

2015 წელს მუნიციპალიტეტმა შეისყიდა ქალაქ ლანჩხუთში ჟორდანიას ქუჩაზე არსებული შიდა ეზოების მოასფალტების სამუშაოები, ღირებულებით 104.8 ათასი ლარი. ხელშეკრულების მიხედვით, ობიექტის საგარანტიო ვადა შეადგენს სამუშაოს მიღებიდან 2 წელს, რომლის განმავლობაშიც მიმწოდებელი ვალდებულია საკუთარი ხარჯებით უზრუნველყოს ექსპლოატაციის პროცესში წარმოქმნილი ხარვეზების აღმოფხვრა. ობიექტის ადგილზე ვიზუალური დათვალიერებით გამოვლინდა, რომ მოწყობილი ასფალტის საფარი ნაწილობრივ დაზიანებულია. პაუხისმგებელი პირის განმარტებით გამგეობისთვის არ არის ცნობილი კონკრეტულად რა პერიოდიდან დაზიანდა აღნიშნული ობიექტი. აღსანიშნავია, რომ მუნიციპალიტეტს არ გაუტარებია სათანადო სამართლებრივი ღონისძიებები არსებული ხარვეზების აღმოფხვრის მიზნით. შედეგად, მუნიციპალიტეტის მიერ 104.8 ათასი ლარი გადახდილია ისეთ პროექტში, რომლის ნაწილიც დაზიანებულია და საჭიროებს დამატებით სამუშაოებს.

2015 წელს დახმარების ცენტრმა გამარტივებული შესყიდვის საშუალებით განახორციელა 75,206 ლარის საწვავის ტალონების შესყიდვა - სპს ბოლქვაძე ზურაბს შორის და შპს იბერკომპანი პეტროლიუმთან. წარმოდგენილი მტკიცებულებებით აუდიტის ჯგუფმა ვერ მიიღო დასაბუთებული რწმუნება 60,426.40 ლარის ღირებულების საწვავის მიღებასა და ხარჯვაზე, ვინაიდან ცენტრმა ვერ წარმოადგინა შესაბამისი მიღება-ჩაბარების აქტები და ხარჯვის დამადასტურებელი პირველადი დოკუმენტები.

1. სამინისტროს მიერ არ არის დადგენილი (შერჩეული) ერთიანი სააღრიცხვო პოლიტიკა, რის შედეგადაც იმ შემთხვევებში, როდესაც სხვადასხვა კონტროლსდაქვემდებარებული ერთეულები(სსიპ)ანალოგიური ოპერაციების და მოვლენებისათვის იყენებენ განსხვავებულ სააღრიცხვო პოლიტიკას, კონსოლიდირებულ ფინანსურ ანგარიშგებაში არ ხორციელდება შესაბამისი კორექტირებები. აღნიშნულს ადასტურებს შემდეგი გარემოება: სსიპ საგანმანათლებლო და სამეცნიერო ინფრასტრუქტურის განვითარების სააგენტოს (შემდგომში „ინფრასტრუქტურის სააგენტო“) პროგრამის „საგანმანათლებლო დაწესებულებების ინფრასტრუქტურის განვითარების“ ფარგლებში სამინისტროს კონტროლდაქვემდებარებული ორგანიზაციების მიმართ წარმოშობილი დებიტორული დავალიანებები მეორე მხარესთან არ არის აღრიცხული, როგორც კრედიტორულ დავალიანებები: საჯარო სკოლების მიმართ წარმოშობილი დებიტორული დავალიანება - 11,259.3 ათასი ლარი საჯარო სკოლების მიერ არაა აღრიცხული კრედიტორულ დავალიანებაში;. უნივერსიტეტების მიმართ წარმოშობილი დებიტორული დავალიანება - 22,148.18 ათასი ლარიდან უნივერსიტეტებს მხოლოდ 12,985,62 ათასი ლარი აქვთ აღიარებული კრედიტორულ დავალიანებაში, სხვაობა შეადგენს - 9,694,66 ათას ლარს; პროფესიული განათლების კოლეჯების მიმართ დებიტორული დავალიანება 7,554.91 ათასი ლარი, პროფესიულ კოლეჯებს მხოლოდ 4,511.31 ათასი ლარი, აღიარებული აქვთ კრედიტორულ დავალიანებაში, სხვაობა შეადგენს 3,053.59 ათას ლარს. სსიპ „შოთა რუსთაველის ეროვნული სამეცნიერო ფონდის“ მთლიანი დებიტორული დავალიანებიდან 14,723.83 ათასი ლარი მოდის სასწავლო უნივერსიტეტებსა და საჯარო სკოლებზე, რომელთაც კრედიტორულ დავალიანებაში აღრიცხულია მხოლოდ 2,648.06 ათასი ლარი, სხვაობა შეადგენს - 12,075.77 ათას ლარს. განსხვავებული სააღრიცხვო მიდგომების გამო არ იყო შექმნილი კონსოლიდაციის სააღრიცხვო პოლიტიკის ფუნდამენტური პრინციპის განხორციელების საფუძველი და ამის შესახებ ფინანსური ანგარიშგების განმარტებით შენიშვნებში არ არის მითითება გაკეთებული.

მუნიციპალიტეტმა 2016 წელს შეისყიდა ჯიხაშკარში ოთახების სარეაბილიტაციო სამუშაოები . მიმწოდებელმა წარმოადგინა შესრულებული სამუშაოს ფორმა N2, რომლის მიხედვითაც შესრულებულია 18.4 ათასი ლარის სამუშაოები. მუნიციპალიტეტმა მიმწოდებელს აუნაზღაურა 13.4 ათასი ლარი, ხოლო დანარჩენი ნაწილი აღიარა ვალდებულებად. აღნიშნული სამუშაო ფინანსურ ანგარიშგებაში წარმოდგენილია 13.4 ათასი ლარით, ნაცვლად სრული18.4 ათასი ლარისა.

2015-2016 წლებში მუნიციპალიტეტის საკრებულოს არათანამდებობის პირებზე უფლებამოსილების განხორციელებასთან დაკავშირებული ხარჯები ანაზღაურებულია მოქმედი კანონმდებლობის დარღვევით, შესაბამისი ხარჯის დამადასტურებელი დოკუმენტების წარმოდგენის გარეშე

2015 წელს მუნიციპალიტეტმა ქალაქ ლანჩხუთში დუმბაძისა და წმინდა ნინოს ქუჩებზე მონოლითური რკინა-ბეტონის სანიაღვრე არხების მოწყობისთვის გადაიხადა 200.6 ათასი ლარი. ადგილზე დათვალიერებით გამოვლინდა, რომ დუმბაძის ქუჩაზე 70 ცალი ანაკრები რკინა ბეტონის კონსტრუქცია პროექტს არ შეესაბამება და მისი კედლები ნაცვლად 10 სმ-სა დაახლოებით შეადგენს 8 სმ-ს. ანალოგიური ხარვეზები შეინიშნება წმინდა ნინოს ქუჩაზე, სადაც 8 სმ სისქის კედლის მქონე ბეტონის სანიაღვრე ფილა შეადგენს 147 ცალს. ამრიგად, ქალაქ ლანჩხუთში დუმბაძისა და წმინდა ნინოს ქუჩებზე რკინა-ბეტონის სანიაღვრე არხების მოწყობის სამუშაოები არ შეესაბამება ხელშეკრულებით განსაზღვრულ მოთხოვნებს. აღნიშნული ხარვეზი გამოიწვია სამუშაოების მიმდინარეობის ეტაპზე არსებულმა კონტროლის მექანიზმების ნაკლოვანებებმა. კერძოდ, მუნიციპალიტეტის შესაბამისმა პასუხისმგებელმა პირებმა ჩაიბარეს პროექტის შეუსაბამოდ შესრულებული ობიექტები. შედეგად, მუნიციპალიტეტმა მიმწოდებელს აუნაზღაურა 200.6 ათასი ლარი ისეთი სამუშაოებში, რომლის ნაწილიც არ შეესაბამება ხელშეკრულებით განსაზღვრულ მოთხოვნებს.

სამინისტროს სისტემაში არ არის დანერგილი ერთიანი სააღრიცხვო პოლიტიკა, როგორც ეს საქართველოს ფინანსთა მინისტრის მიერ 2014 წლის 31 დეკემბერს N429 ბრძანებით დამტკიცებული „საბიუჯეტო ორგანიზაციებში ბუღალტრული აღრიცხვისა და ანგარიშგების შესახებ“ ინსტრუქციის მე-17 მუხლის 34-35 პუნქტებით არის მოთხოვნილი.

2. კონსოლიდირებულ ბალანსზე სსიპ საქართველოს ტექნიკური უნივერსიტეტის ბალანსის მიხედვით ირიცხება 10,689.5 ათასი ლარი საწყისი (ისტორიული) ღირებულების სრულად გაცვეთილი (ამორტიზებული) ძირითადი აქტივები, რომელიც მოქმედი კანონმდებლობის შესაბამისად ჩამოწერამდე უნდა აღრიცხულიყო საცნობარო მუხლში ,,ამორტიზებული ძირითადი აქტივები“ (08)

2017 წლის 1 იანვრის მონაცემებით, ზუგდიდის მუნიციპალიტეტს ერიცხება მიუღებელი ჯარიმების თანხა, სულ 3.7 ათასი ლარი. მიუღებელი ჯარიმის თანხები მუნიციპალიტეტის მიერ არ არის აღრიცხული ბუღალტრულად და შესაბამისად, არ არის წარმოდგენილი ფინანსურ ანგარიშგებაში.

მუნიციპალიტეტის მიერ 2015-2016 წლებში მოწყობილი ბეტონის საფარი, ღირებულებით 220.9 ათასი ლარი, ნაწილობრივ დაზიანებულია და მოსახლეობას მიეწოდება ხარვეზებით. გამგეობამ ვერ უზრუნველყო საგარანტიო პერიოდში მიმწოდებლებს მოეხდინათ დაზიანებების აღმოფხვრა.

მუნიციპალიტეტმა ორი ხელშეკრულების ფარგლებში შეისყიდა სამუშაოები, რომლებიც არ დასრულებულა მიმდინარე წელს და მოხდა მათი მიღება-ჩაბარების თარიღის გადავადება მომდევნო წლისათვის. 2017 წლის 1 იანვრისათვის 2 290 ათასი ლარის ღირებულების სამუშაოები ფინანსურ ანგარიშგებაში ნაცვლად „დაუმთავრებელი ძირითადი აქტივების“ მუხლისა, წარმოდგენილია „შენობა-ნაგებობების“ შესაბამის მუხლებში.

სსიპ „სოფლის მეურნეობის სამინისტროს ლაბორატორია“ სამეურნეო ოპერაციებს ასახავს სისტემატიზირებულ ბუღალტრულ პროგრამა ORIS-ში, თუმცა მარაგების აღრიცხვას დასახელების მიხედვით და მათ მიღება/გასვლას აწარმოებს MS Excel-ის ფაილში, პროგრამულად ბუღალტერიაში კი მათი მოძრაობა აისახება კვარტალში ერთხელ, ჯამური თანხით.

ცენტრის მიერ 2015 წლის 15 ოქტომბერს შენობის დასრულების სამუშაოების შესყიდვის მიზნით გაფორმებულ იქნა ხელშეკრულება, ღირებულებით 112,000 ლარი. ხელშეკრულებით განსაზღვრულ იქნა წინასწარი ანგარიშსწორება ღირებულების 30%-ის ოდენობით. თუმცა ხელშეკრულებაში 14 დეკემბერს შესული ცვლილების შედეგად აღნიშნული პუნქტი 100%-მდე იქნა გაზრდილი, რის შედეგადაც ადგილი ჰქონდა მთლიანი თანხის ავანსის სახით გადარიცხვას.

3. კონსოლიდირებულ ბალანსზე, სსიპ საქართველოს ტექნიკური უნივერსიტეტის, სსიპ შოთა მესხიას ზუგდიდის სახელმწიფო სასწავლო უნივერსიტეტის, სსიპ ილიას სახელმწიფო უნივერსიტეტის, სსიპ ივანე ჯავახიშვილის სახელობის თბილისის სახელმწიფო უნივერსიტეტის და სსიპ საზოგადოებრივი კოლეჯი „იბერია“-ს მიხედვით, ირიცხება 14,510.6 ათასი ლარის ღირებულების პროფილური, საცხოვრებელი ან/და დამხმარე ფუნქციის მქონე შენობა-ნაგებობები, რომლებიც არ გამოიყენება ორგანიზაციის მიერ. აქედან: 3,227.6 ათასი ლარის საბალანსო ღირებულების ქონება ფიზიკურად ამორტიზებულია, 6,729.4 ათასი ლარის საბალანსო ღირებულების ქონება დაუტვირთავია ადმინისტრაციის მიერ და 4,553.7 ათასი ლარის საბალანსო ღირებულების ქონება დაკავებულია საქართველოს ოკუპირებული ტერიტორიებიდან იძულებით გადაადგილებული პირების და სხვა პირების მიერ. ვინაიდან არ არის მოსალოდნელი მოცემული უძრავი ქონების მიხედვით ორგანიზაციებში მომავალი ეკონომიკური სარგებლის ან მომსახურების პოტენციალის შემოსვლა ისინი არ აკმაყოფილებენ აქტივად აღიარების კრიტერიუმს .

2014 წელს საკრებულოს დადგენილებით დამტკიცდა ზუგდიდის მუნიციპალიტეტის საკრებულოს წევრების უფლებამოსილების განხორციელებასთან დაკავშირებული ხარჯების ანაზღაურების წესი . წარმოდგენილი დოკუმენტაციით, 2016 წელს ქალაქ ზუგდიდის მუნიციპალიტეტის საკრებულოს წევრებს ხარჯის ანაზღაურების სახით (ხარჯის დამადასტურებელი დოკუმენტების წარდგენის გარეშე) სულ მიღებული აქვთ 138.6 ათასი ლარი. აღნიშნული თანხა კლასიფიცირებულია „სხვა დანარჩენი საქონლისა და მომსახურების“ მუხლში. რადგან ხარჯის დამადასტურებელი დოკუმენტაცია არ არის წარმოდგენილი, ვერ დგინდება, რომელი მუხლით უნდა აღირიცხოს გაწეული დანახარჯი.

2015-2016 წლებში სამშენებლო სამუშაოების გამარტივებული გზით შესყიდვისას, 18 ხელშეკრულების ფარგლებში, 649.7 ათასი ლარი ანაზღაურებულია შესაბამისი დოკუმენტური დასაბუთების გარეშე.

ანგარიშში წმინდა ღირებულების შესახებ „ძირითადი კაპიტალის მოხმარების“ მუხლში ასახულია 644.9 ათასი ლარის ოდენობით. ცვეთის თანხის გაანგარიშებისას მუნიციპალიტეტმა არ ისარგებლა საქართველოს ფინანსთა მინისტრის ბრძანებით, „საბიუჯეტო ორგანიზაციების ძირითადი აქტივების ფიზიკური ცვეთის ნორმებისა და მათი ბუღალტრულ აღრიცხვაში ასახვის შესახებ“ ინსტრუქციით. ასევე მუნიციპალიტეტმა ცვეთა დაარიცხა არა სრულად არსებულ ძირითად აქტივებს, არამედ აქტივების მხოლოდ იმ ნაწილს, რომელიც შეიძინა 2016 წელს. ამრიგად, ლანჩხუთის მუნიციპალიტეტს 2016 წლის ფინანსურ ანგარიშგებაში ცვეთის თანხით არ შეუმცირებია აქტივების ღირებულება. შესაბამისად, ბალანსში აქტივების ღირებულება გაზრდილადაა წარმოდგენილი.

სამინისტროს კონსოლიდირებულ ფინანსურ ანგარიშგებაში არ არის ელიმინირებული შიდა ჯგუფური ოპერაციები და ნაშთები. კონსოლიდირებული ფინანსური ანგარიშგების მიზნებისთვის, შემოსავლებისა და ხარჯების მუხლიდან ელიმინირებას ექვემდებარება 3,860,218 ლარი, აქტივებიდან - 16,206,081 ლარი, გაუნაწილებელი მოგებიდან - 16,199,796 ლარი და ვალდებულებიდან - 6,285 ლარი.

წლის განმავლობაში ასიგნებებში განხორციელებული ცვლილებების შედეგად ხდება ცალკეული პროგრამებისათვის/ქვეპროგრამებისათვის გათვალისწინებული სახსრების შემცირება და მათი მიმართვა სხვა პროგრამებზე/ქვეპროგრამებზე, თუმცა ხშირად საბიუჯეტო ორგანიზაციების მიერ ასიგნებების გადანაწილების მოთხოვნის მიზნით წარმოდგენილ წერილებში მოცემულია ინფორმაცია მხოლოდ იმის შესახებ, თუ რომელი ღონისძიებების დაფინანსება განხორციელდება „სოციალური დახმარებების“ (35 02 02) ქვეპროგრამიდან, სხვადასხვა პროგრამების შესრულების მიზნებისათვის, ნოემბერ-დეკემბრის პერიოდში 4 ქვეპროგრამაზე გადატანილი ასიგნებების ოდენობამ 17,730,000 ლარი შეადგინა, მაშინ როდესაც აღნიშნულ (35 02 02) ქვეპროგრამაზე საქართველოს მთავრობის სარეზერვო ფონდიდან სოციალურად დაუცველი მოსახლეობის მიერ მოხმარებული ელექტროენერგიის ღირებულების ნაწილობრივი სუბსიდირებისათვის ოქტიმბერში გამოყოფილ იქნა 1,158,000 ლარი.

4. კონსოლიდირებულ ბალანსზე, სსიპ - თბილისის სახელმწიფო სამედიცინო უნივერსიტეტის მიხედვით, 1,300.0 ათასი ლარის საბალანსო ღირებულების მანქანა-დანადგარები და ინვენტარი, ასახულია როგორც არამატერიალური ძირითადი აქტივი. აღნიშნული აქტივები წარმოადგენენ ძირითადი აქტივების „მანქანა-დანადგარები და ინვენტარი“-ს ქვეჯგუფს.

2015-2016 წლებში ქარელის მუნიციპალიტეტში 7.4 ტონა ბენზინი და 8.5 ტონა დიზელი გაიცა განსაზღვრული ლიმიტის გარეშე, გამგეობის მოსამსახურეთა მოხსენებითი ბარათების საფუძველზე. გამოვლინდა, რომ წარმოდგენილ მოხსენებით ბარათებში არ არის მითითებული თუ რა ღონისძიებებისათვის იყო საჭირო 2.2 ტონა ბენზინისა და 2.1 ტონა დიზელის გაცემა.

2015-2016 წლებში „სოფლის მხარდაჭერის პროგრამის“ ფარგლებში შეძენილი მასალებიდან, 2016 წლის 31 დეკემბრის მდგომარეობით, 236.5 ათასი ლარის ღირებულების სხვადასხვა მასალა გამოუყენებელია და დასაწყობებულია მატერიალურად პასუხისმგებელ პირებთან.

ლანჩხუთის მუნიციპალიტეტის 2016 წლის ფინანსური ანგარიშგების ბალანსში „წმინდა ღირებულების“ მუხლი 3 832.2 ათასი ლარით აღემატება დანართ №3-ში წარმოდგენილ წმინდა ღირებულების საბოლოო ნაშთს. პასუხისმგებელი პირის განმარტებით, იმის გამო, რომ წლების განმავლობაში არ აისახებოდა ცვეთის თანხა, „არაფინანსური აქტივების“ მუხლში გაზრდილადაა წარმოდგენილი აქტივების მაჩვენებელი, რის გამოც აქტივებისა და ვალდებულებების დასაბალანსებლად ბალანსში ციფრი გადმოტანილი არ არის ფორმა №3-დან. აღნიშნულის შედეგად, ფინანსურ ანგარიშგებაში არასწორადაა წარმოდგენილი „წმინდა ღირებულების“ მუხლი.

ღვინის სააგენტოს ფინანსურ ანგარიშგებაში არ არის ასახული მის საკუთრებაში არსებული ფასეულობები, კერძოდ: არქეოლოგიური და ეთნოგრაფიული ექსპონატები, ასევე ენოთეკა. გამომდინარე იქიდან, რომ მათი ღირებულებები არ არის შეფასებული (სამინისტროს განმარტებით „ექსპერტიზის ეროვნულ ბიუროსთან“ დაწყებულია მოლაპარაკებები აღნიშნულთან დაკავშირებით), შეუძლებელია განისაზღვროს, თუ რა თანხით არის სამინისტროს კონსოლიდირებულ ფინანსურ ანგარიშგებაში ფასეულობების მუხლი შემცირებული.

2015 წლის 27 მაისს სამედიცინო დაწესებულებათა რეაბილიტაციისა და აღჭურვის სახელმწიფო პროგრამას დაემატა დაბა ხარაგაულისა და ლენტეხის მრავალპროფილიანი საავადმყოფოების სამშენებლო სამუშაოების შესყიდვა და მათი ბიუჯეტი შესაბამისად განისაზღვრა 1,539,000 და 2,586,500 ლარით. დადგენილების თანახმად, ზემოაღნიშნული ღონისძიებების ფარგლებში შესყიდვები უნდა განხორციელებულიყო „სახელმწიფო შესყიდვების შესახებ“ საქართველოს კანონის შესაბამისად, შესყიდვის ღირებულების გათვალისწინებით ელექტრონული ტენდერის საშუალებით. თითქმის 3 თვის შემდეგ, 2015 წლის 2 სექტემბერს დადგენილებაში შევიდა ცვლილება , რომლის თანახმად სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად განხორციელების მიზნით შესყიდვის ფორმად განისაზღვრა გამარტივებული შესყიდვა. 2015 წლის 8 ოქტომბერს ხელშეკრულებები ორივე საავადმყოფოს მშენებლობაზე გამარტივებული შესყიდვის საშუალებით გაფორმდა შპს „მშენებელი 2004“-თან. 2015 წლის სექტემბრამდე, ანუ იმ დრომდე პერიოდი, როდესაც შესყიდვის ფორმად განისაზღვრებოდა გამარტივებული შესყიდვა, სრულიად საკმარისი იყო სატენდერო პროცედურების განსახორციელებლად.

5. სსიპ შოთა რუსთაველის ეროვნული სამეცნიერო ფონდის ბალანსზე სახელშეკრულებო უფლებით წარმოშობილი არამატერიალური აქტივის (2014 წლის 28 მაისის #08/44 ხელშეკრულება საგანმანათლებლო ელექტრონულ ვებ-გვერდებზე დაშვებაზე და წვდომა მსოფლიოს წამყვან ელექტრონულ საბიბლიოთეკო ფონდთან; სახელშეკრულებო ღირებულება 447,414.76 ევროს ექვივალენტი ეროვნულ ვალუტაში (1,081.76 ათასი ლარი); ხელშეკრულებების მოქმედების ვადა 28/05/2014 – 31/12/2016) აღიარება ხდებოდა გადახდების (12 გადახდა) პროპორციულად, საკასო მეთოდით, რითაც დაირღვა ინსტრუქციის მოთხოვნები.

2015 წელს ქარელის მუნიციპალიტეტმა აღრიცხვის ელექტრონული ტაბელის მოწყობაზე დახარჯა 11.0 ათასი ლარი. აღრიცხვის ელექტრონული სისტემის ფუნქციონირების მიზანია მოსამსახურეთა შემოსვლა-გასვლის კონტროლი, ასევე მოსახლეობის უკონტროლო მიმოსვლის დარეგულირება. მიუხედავად იმისა, რომ შესყიდული იქნა 300 ცალი ბარათი, მოსამსახურეთა ყოველდღიური შემოსვლა-გასვლის კონტროლისათვის ბარათები არ გამოყენებულა. პასუხისმგებელი პირის განმარტებით, სისტემა მოეწყო არა მოსამსახურეთა ყოველდღიური აღრიცხვისათვის, არამედ მოსახლეობის უკონტროლო შემოსვლების მოწესრიგების მიზნით, თუმცა 2017 წლის მაისიდან არც მოსახლეობის უკონტროლო შემოსვლის დასარეგულირებლად გამოყენებულა.

2015-2016 წლებში სოფელ სალხინოში „სოფლის მხარდაჭერის პროგრამის“ ფარგლებში დაფინანსდა წისქვილის მშენებლობისა და სტადიონის მოწყობის სამუშაოები ღირებულებით 11.3 ათასი ლარი. პროექტები დაუსრულებელია და მოსახლეობა ვერ სარგებლობს.

2015 წელს მუნიციპალიტეტის გადასახდელების ფაქტობრივმა შესრულებამ 20 346.6 ათასი ლარი შეადგინა, ხოლო აუთვისებელი დარჩა 3 931.9 ათასი ლარის ფულადი სახსრები. 2016 წელს გადასახდელების ფაქტობრივი შესრულება 24 970.4 ათასი ლარია. მუნიციპალიტეტმა ვერ აითვისა 8 945.6 ათასი ლარი . 2016 წელს ნაშთის დაგროვება ძირითადად „არაფინანსური აქტივების ზრდის“ მუხლის შეუსრულებლობამ განაპირობა. კერძოდ, ნაცვლად 14 032.1 ათასი ლარისა, გაიხარჯა 10 931.3 ათასი ლარი (78%). შესაბამისად, არ დაგეგმილა და/ან არ შესრულდა 3 100.8 ათასი ლარის ღირებულების სამუშაოები. მუნიციპალიტეტმა ვერ უზრუნველყო ბიუჯეტით გათვალისწინებული ინფრასტრუქტურული პროექტების შესრულება და ნაშთად რიცხული თავისუფალი საბიუჯეტო თანხები ვერ მიმართა მოსახლეობის საჭიროებისათვის. 2016 წელს, წინა წელთან შედარებით, წარმომადგენლობითი და აღმასრულებელი ორგანოების შრომის ანაზღაურება გაზრდილია 400 ათას ლარზე მეტი თანხით.

აპარატის სხვა მოკლევადინი ფინანსური აქტივების ნაშთი მოიცავს ყოფილი სსიპ „მსოფლიო ბანკის ფინანსური მხარდაჭერით განსახორციელებელი საქართველოს სოფლის მეურნეობის განვითარების პროექტების საკოორდინაციო ცენტრის“ ვადაგადაცილებულ დებიტორულ დავალიანებებსაც, კერძოდ საკრედიტო კავშირებზე გაცემულ მოკლევადიან სესხებს 2,135,497 ლარის ოდენობით, მასზე დარიცხულ პროცენტს - 783,504 და პირგასამტეხლოს - 3,337,859. სულ ვადაგადაცილებული დავალიანებები შეადგენს 6,256,860 ლარს. აღნიშნული დავალიანებების ამოღების ალბათობა ძალიან მცირეა. სააგენტოს მოკლევადიანი მოთხოვნების ნაშთი მოიცავს 884,058 ლარის დებიტორულ დავალიანებას, რომელიც წარმოადგენს სამეწარმეო კოოპერატივ „ქვემო ნიქოზზე“ 2012 წელს გაცემულ სესხსა და მასზე დარიცხულ პროცენტის ნაშთებს (ძირი - 764,226 ლარი, პროცენტი - 119,832 ლარი). აღნიშნული დავალიანების ამოღების ალბათობა ძალიან მცირეა.

2015 წლის 31 მარტს ცენტრმა „დედათა და ბავშვთა ჯანმრთელობისა“ და „აივ ინფექცია შიდსის“ სახელმწიფო პროგრამების ფარგლებში გამოაცხადა ელექტრონული ტენდერი (SPA150010108) სწრაფი მარტივი ტესტ-სისტემების შესყიდვაზე, სავარაუდო ღირებულებით 160,170 ლარი. ტენდერში მონაწილეობა მიიღო სამმა პრეტენდენტმა: შპს „უნიმედი“, შპს „ეკონ ჯორჯია“ და შპს „ექსპრესდიაგნოსტიკა“. ტენდერი დასრულდა უარყოფითი შედეგით. შესაბამისად, შემსყიდველმა მიიღო გადაწყვეტილება სატენდერო პროცედურების ხელახლა ჩატარებამდე შესყიდვა განეხორციელებინათ გამარტივებული შესყიდვის საშუალებით უწყვეტად იმავე მიმწოდებელთან, რომელთანაც 2014 წელს გაფორმებული იყო ხელშეკრულება იდენტური საქონლის მიწოდებაზე, ხოლო იმ შემთხვევაში თუ ეს მიმწოდებელი უარს განაცხადებდა იმავე პირობებით საქონლის მიწოდებაზე და ხელშეკრულების გაფორმებაზე, შესყიდვა განეხორციელებინათ „სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „ბ“ ქვეპუნქტით გათვალისწინებული გადაუდებელი აუცილებლობით. წარმოდგენილი მტკიცებულებების საფუძველზე აუდიტის ჯგუფმა ვერ მიიღო რწმუნება იმ მიმწოდებლის მხრიდან ხელშეკრულების გაფორმებაზე უარის თაობაზე, რომელთანაც 2014 წელს იყო ხელშეკრულება გაფორმებული. გამარტივებული შესყიდვის განხორციელებამდე 2015 წლის 22 მაისს, მაშინ როდესაც ტენდერით დაფიქსირებული იყო საქონლის ერთეულის ღირებულება საყვარელიძემ გამოაცხადა ხელახალი ბაზრის კვლევა შესასყიდი საქონლის სავარაუდო ღირებულების განსაზღვრის მიზნით. წარმოდგენილი ინფორმაციის თანახმად, ბაზრის კვლევაში მონაწილეობა მიიღო მხოლოდ ერთმა პრეტენდენტმა შპს „ეკონ ჯორჯიამ“, რომელსაც 2015 წლის 3 ივნისს გაუფორმდა ხელშეკრულება 38,610 ლარის ღირებულების, აღნიშნიშნული ხელშეკრულებით განსაზღვრული საქონლის ერთეულის ღირებულება აღემატება ზემოაღნიშნული უაროფითი შედეგით დასრულებულ ტენდერში მონაწილე პრეტენდენტების მიერ გაცხადებულ საქონლის ერთეული ფასს.

6. შერჩეულ ორგანიზაციებში (სსიპ საქართველოს ტექნიკური უნივერსიტეტი, სსიპ თბილისის სახელმწიფო სამედიცინო უნივერსიტეტი, სსიპ საგანმანათლებლო და სამეცნიერო ინფრასტრუქტურის განვითარების სააგენტო, სსიპ მასწავლებელთა პროფესიული განვითარების ეროვნული ცენტრი, სსიპ გიორგი ელიავას სახელობის ბაქტერიოფაგიის, მიკრობიოლოგიისა და ვირუსოლოგიის ინსტიტუტი) 2015 წლის 31 დეკემბრის მდგომარეობით ჩატარებულმა ინვენტარიზაციამ არ მოიცვა სრულად ქონება, მოთხოვნები და ვალდებულებები. ინვენტარიზაციების უმეტესობა ორგანიზაციებში დაიწყო აუდიტის დაწყებამდე და შესაბამისად აუდიტის ჯგუფმა ვერ შეძლო ინვეტარიზაციის პროცესებზე დასწრება. აუდიტის პროცესში დაწყებული ინვენტარიზაციის შედეგები არ იყო გამოყვანილი. ინვენტარიზაცის პროცესში ადგილმდებარეობისა და მატერიალურად პასუხისმგებელი პირების მიხედვით არ არის განხორციელებული მატერიალური ფასეულობების ფაქტიური აღწერა. ზემოაღნიშნულიდან გამომდინარე, ჩვენ არ გვქონდა შესაძლებლობა განგვესაზღვრა ინვენტარიზაციის შედეგების გავლენა არაფინანსური აქტივებისა ნაშთებზე.

2015-2016 წლებში ქარელის მუნიციპალიტეტის მიერ „სოფლის მხარდაჭერის პროგრამის“ ფარგლებში მოწყობილი 21 ერთეული სარიტუალო დარბაზი დაუსრულებელია და არ ფუნქციონირებს. მიუხედავად იმისა, რომ 21 ერთეული სარიტუალო დარბაზის მშენებლობაზე მუნიციპალიტეტმა დახარჯა 662.6 ათასი ლარი, აღნიშნული ობიექტებით მოსახლეობა ვერ სარგებლობს.

2015-2016 წლებში სტიქიის შედეგების სალიკვიდაციოდ, ვანის მუნიციპალიტეტის მიერ შესყიდული 46.5 ათასი ლარის  ღირებულების სამშენებლო მასალებიდან, 2017 წლის პირველი იანვრის მდგომარეობით, 37.1 ათასი ლარის ღირებულების მასალა გამოუყენებელია და დასაწყობებულია. შედეგად მოსახლეობა ვერ სარგებლობს

სახელმწიფო დაქვემდებარების საჯარო დაწესებულებებში პრემიის გაცემის ჯერადობა და რაოდენობა განსაზღვრულია საქართველოს მთავრობის სამართლებრივი აქტის შესაბამისად. ადგილობრივი თვითმმართველობის ორგანოებს ეთხოვათ პრემიების ოდენობის განსაზღვრისა და გაცემის წესის მიღება, აღნიშნული სამართლებრივი აქტით განსაზღვრული წესისა და პრინციპების მიხედვით. მუნიციპალიტეტმა არ გაითვალისწინა მთავრობის რეკომენდაცია და ვერ წარმოადგინა საქართველოს მთავრობის დადგენილების საფუძველზე მიღებული სამართლებრივი აქტი გამგეობის საჯარო მოსამსახურეებისათვის პრემიების ოდენობის განსაზღვრისა და გაცემის წესის შესახებ.

სააგენტოს ფინანსურ ანგარიშგებაში ასახულია 2015 წელს გადმოცემული მიწა და მასზე არსებული შენობა, რომლის რეალური ღირებულების გაანაგრიშება არ მომხდარა და 2015 წლის 31 დეკემბრის მდგომარეობით, სამინისტროს ბალანსში ასახულია 1 ლარად. აღნიშნული ქონება 2016 წელს გადაეცა ქონების ეროვნულ სააგენტოს. სურსათის სააგენტოს ფინანსურ ანგარიშგებაში ნულოვანი ღირებულებით ასახულია 7 ერთეული მიწის ნაკვეთი და 6 ერთეული არასაცხოვრებელი შენობა. აღნიშნული ქონების შეფასება განხორციელდა 2016 წელს და მიწის ნაკვეთების ჯამურმა ღირებულებამ შეადგინა - 1,146,167 ლარი, ხოლო არასაცხოვრებელი შენობების ღირებულებამ - 502,660 ლარი. აპარატის ფინანსურ ანგარიშგებაში 5 ერთეული არასაცხოვრებელი შენობა ასახულია 1 ლარად. აღნიშნული ქონების შეფასება განხორციელდა 2016 წელს და შენობების ჯამურმა ღირებულებამ შეადგინა 294,053 ლარი. ღვინის სააგენტოს ფინანსურ ანგარიშგებაში არ არის ასახული 8,878 მ² არასასოფლო-სამეურნეო დანიშნულების მიწის ნაკვეთი, რომელიც ბრძანებით გადაეცა 2012 წლის 13 დეკემბერს . აღნიშნული ქონების შეფასება განხორციელდა 2016 წელს და მიწის ნაკვეთის ღირებულებამ შეადგინა 408,388 ლარი.

სააგენტოში (იანვარ-მაისი, ივნისიდან გამოსწორებულია აუდიტის სამსახურის წინა წლის ფინანსური აუდიტის რეკომენდაციიდან გამომდინარე), ცენტრში, დახმარების ცენტრში, ფონდში და რეგულირების სააგენტოში პრემიების და დანამატების გაცემის ფორმალურ საფუძველს წარმოადგენს ხელმძღვანელის ბრძანება. მოცემულ ბრძანებებში არ არის მითითებული შრომის ანაზღაურების (პრემიის, სახელფასო დანამატი) გაცემის საფუძვლები. ამასთან, ვერ იქნა წარმოდგენილი დანამატების და პრემიის გაცემის მატერიალური კანონიერების (ზეგანაკვეთური ან/და განსაკუთრებით საპასუხისმგებლო სამუშაოს შესრულების) დამადასტურებელი რაიმე სახის აუდიტორული მტკიცებულება.

9. სსიპ თბილისის სახელმწიფო სამედიცინო უნივერსიტეტის „პირველი საუნივერსიტეტო კლინიკის“ სააღრიცხვო მონაცემებში 40 შტატიანი მოსამსახურის შრომის ანაზღაურება აღრიცხულია, როგორც შტატგარეშე მომუშავეთა ანაზღაურება (177.9 ათასი ლარი) და 42 შტატგარეშე მომუშავეთა ანაზღაურება, როგორც თანამდებობრივი სარგო (132,3 ათასი ლარი). ამ უზუსტობამ გავლენა იქონია ფინანსური ანგარიშგების კომპონენტზე ფინანსური შედეგების შესახებ ანგარიშში: მომუშავეთა ანაზღაურების მუხლი შემცირებულია 45.6 ათასი ლარით და ამავე თანხით გაიზარდა „საქონელი და მომსახურების“ მუხლი.

2016 წელს მუნიციპალიტეტის მიერ „სოფლის მხარდაჭერის პროგრამის“ ფარგლებში, სოფელ ყინწვისში მოეწყო სამანქანე ხიდი, რომლის ხარჯმა შეადგინა 7.3 ათასი ლარი. გამგეობის წარმომადგენლებთან ერთად, აუდიტის ჯგუფმა დაათვალიერა შესრულებული სამუშაოები. შედეგად გამოვლინდა, რომ ხიდი უფუნქციოა და მოსახლეობა სატრანსპორტო საშუალებების გადასაადგილებლად ვერ იყენებს. აღნიშნულის მიზეზი არის ის გარემოება, რომ ხიდი ერთი მხრიდან დაკავშირებულია საფეხმავლო ბილიკთან, რის გამოც მასზე ავტომანქანების მოძრაობა ვერ ხერხდება.

მიმწოდებლების მიმართ არაერთგვაროვანი მიდგომის გამოყენების შედეგად, მუნიციპალიტეტმა დაკარგა ჯარიმის სახით დამატებით 129.9 ათასი ლარის შემოსავლების მიღების შესაძლებლობა, ასევე ვერ უზრუნველყო მიმწოდებლის მხრიდან ხელშეკრულების პირობების სრულად შესრულება.

საქართველოს მთავრობის სამართლებრივი აქტის შესაბამისად, საჯარო დაწესებულებაში დასაქმებულმა წლის განმავლობაში პრემია შესაძლებელია აიღოს არა უმეტეს 4-ჯერ. გარდაბნის მუნიციპალიტეტმა (შესაბამისმა პასუხისმგებელმა პირებმა) 2015 წელს საქართველოს მთავრობის რეკომენდაცია არ გაითვალისწინა არც პრემიების ჯერადობის მხრივ. კერძოდ, 2015 წელს გარდაბნის მუნიციპალიტეტის 110 მოსამსახურეზე პრემია გაიცა 5-ჯერ და მეტჯერ, მათ შორის, 37 მოსამსახურეზე, წლის განმავლობაში პრემია გაიცა 8-ჯერ, ხოლო 1 მოსამსახურეზე - 9-ჯერ.

გამოვლინდა ერთი ბრძანების საფუძველზე, წინასწარ მთელი წლის განმავლობაში დანამატის დანიშვნის ტენდენციები, რაც გამართლებულ პრაქტიკად ვერ ჩაითვლება. დანამატის გაცემის შემთხვევაში ზეგანაკვეთური მუშაობის, ან/და განსაკუთრებული სამუშაოს შესრულების დამადასტურებელი დოკუმენტების შედგენა ორგანიზაციაში არ ხდება.

სამედიცინო საქმიანობის სახელმწიფო რეგულირების სააგენტოში: • არ ხდება გამოცემული რევიზიის აქტების და მასთან დაკავშირებული მასალების რეგისტრაცია საქმისწარმოების ერთიანი წესის შესაბამისად. კერძოდ, სააგენტოს მიერ გამოცემული აქტები არ არის დანომრილი, არ არსებობს ხელმოწერილი რეესტრი თუ ვისთან - რომელ თანამშრომელთან რა რაოდენობის აქტები ინახება. • სარევიზიო ჯგუფის წევრები სამსახურებრივ საქმიანობას ეწეოდნენ (ვიან) ერთდროულად - როგორც დეპარტამენტში, ასევე შესამოწმებელ სამედიცინო დაწესებულებებში. არის ისეთი შემთხვევა, როდესაც პირს მიღებული აქვს შემოსავალი იმ სამედიცინო დაწესებულებიდან სადაც ამავე პერიოდში აღნიშნული სამედიცინო დაწესებულებაში ახორციელებდა რევიზიას. • რევიზიის შედეგად აღმოჩენილი დარღვევების შემთხვევაში, აქტის საფუძველზე, მიმწოდებელს ეკისრება უკვე ანაზღაურებული თანხის სახელმწიფო ბიუჯეტში დაბრუნება ან/და დამატებითი ფინანსური ჯარიმის გადახდა ვალდებულების აღიარების თარიღიდან 60 კალენდარულ დღეში. რეგულირების სააგენტოს მიერ 2015 წელს სააგენტოში ინფორმაცია გადაგზავნილია დიდი დაგვიანებით, რის გამოც გვიანდება სახელმწიფო ბიუჯეტში თანხების აღდგენის ან/და საჯარიმო სანქციების გადახდა, ვინაიდან სააგენტო სამედიცინო დაწესებულებისთვის ბიუჯეტში დასაბრუნებელი თანხის 60 დღიანი ვადის ათვლას იწყებს რეგულირების სააგენტოს მიერ გადმოგზავნილი კორესპოდენციის ჩაბარების თარიღიდან და არა აღიარების თარიღიდან

2015 წელს მუნიციპალიტეტის მიერ ადგილობრივი ბიუჯეტით 16.4 ათასი ლარით დაფინანსდა დაბა აგარაში ბიბლიოთეკის ძველი შენობის რეაბილიტაცია. აუდიტის ჯგუფმა მუნიციპალიტეტის წარმომადგენლებთან ერთად დაათვალიერა აღნიშნული ობიექტი. გამოვლინდა რომ პროექტი დაუსრულებელია. 2016 წელს პროექტის დასასრულებლად თანხა არ გამოყოფილა და არც 2017 წელს დაგეგმილა მისი რეაბილიტაცია.

შიდა აუდიტის სამსახურს, თავისი საქმიანობით, არ შეაქვს მნიშვნელოვანი წვლილი მუნიციპალიტეტის რესურსების ეკონომიურად გამოყენებაში, გამგეობის წინაშე არსებული ამოცანების ეფექტიანად შესრულებასა და მუნიციპალიტეტის დასახული მიზნების მიღწევაში. მუნიციპალიტეტის სტრუქტურულ ერთეულებზე შიდა აუდიტის სამსახურს არ გაუცია შესაბამისი რეკომენდაციები, რაც უზრუნველყოფდა რისკების მართვისა და შიდა კონტროლის სისტემის გაუმჯობესებას.

2015-2016 წლებში გარდაბნის მუნიციპალიტეტის თანამშრომლებზე გამგებლის ბრძანებების შესაბამისად, გაცემულია დანამატი 536.5 ათასი ლარის ოდენობით. მათ შორის, 2015 წელს - 534.8 ათასი ლარი, ხოლო 2016 წელს - 1.7 ათასი ლარი. 21 შემთხვევაში 24.3 ათასი ლარის დანამატი გაცემულია შესაბამისი საფუძვლის მითითების გარეშე. 15 სამართლებრივ აქტში 512.2 ათასი ლარის დანამატის გაცემის მოტივად მითითებულია სამსახურებრივ მოვალეობათა სანიმუშოდ შესრულება, რაც შეიძლება წარმოადგენდეს პრემიის და არა დანამატის გაცემის პირობას. ბრძანებები არ შეიცავს ინფორმაციას საჯარო მოსამსახურის ზეგანაკვეთური მუშაობის, საპასუხისმგებლო ფუნქციური დატვირთვის ან სხვა გარემოების შესახებ, გაცემის ობიექტური საჭიროება და მიზანშეწონილობა სათანადოდ არ არის დასაბუთებული და არ შეესაბამება მოქმედი კანონმდებლობის მოთხოვნებს.

სსიპ „სურსათის ეროვნულ სააგენტოში“ რეგიონებში არსებულ იმ ავტომანქანებზე, რომლებზეც საწვავი გაიცემა ტალონების მეშვეობით, შეუძლებელია თითოეული ავტომანქანის დონეზე საწვავის ხარჯის იდენტიფიცირება.

დახმარების ცენტრი შესყიდული საწვავის ხარჯვის შესახებ ინფორმაციას იღებდა ექსელის ფორმით რაიონული მენეჯერებისგან თითოეულ ავტომობილზე, რომელიც მოიცავს შემდეგ მონაცემებს: თარიღი, კონკრეტული დღისათვის სპიდომეტრის საწყისი და საბოლოო მაჩვენებელი, შესაბამისი დღისათვის განვლილი კილომეტრაჟი და მოხმარებული საწვავის რაოდენობა. წარმოდგენილი ფორმები არ არის ხელმოწერილი რაიონული სერვის ცენტრის პასუხისმგებელი პირის მიერ. შესყიდვის აუცილებლობას კი სწორედ ზემოაღნიშნული ფორმების საშუალებით განსაზღვრავენ.

2016 წელს მუნიციპალიტეტმა გამოაცხადა ტენდერი ქუჩების ასფალტირების შესყიდვაზე. ტენდერში ვაჭრობის შედეგად შპს „ნიუ ქასთელ ქონსთრაქშენმა“ 392.0 ათასი ლარის, ხოლო შპს „ქროსფოინტმა“ 427.0 ათასი ლარის სატენდერო ფასი დააფიქსირა. დაბალი ფასის მქონე პრეტენდენტმა არ დააზუსტა ტექნიკური დოკუმენტაცია და იგი დისკვალიფიცირებული იქნა. შემდეგი პრეტენდენტის ტექნიკური დოკუმენტაციის დაზუსტებისას, შპს „ქროსფოინტმა“, თავისუფალი ფინანსური რესურსის დამადასტურებელ დოკუმენტად წარმოადგინა სს „ტერაბანკში“ გახსნილი ერთი მლნ აშშ დოლარის საკრედიტო ხაზი, თანამსესხებელთან - შპს „ნიუ ქასთელ ქონსთრაქშენთან“ ერთად. შედეგად, არსებობს რისკი იმისა, რომ პრეტენდენტებმა დაარღვიეს საქართველოს შესყიდვების კანონმდებლობით განსაზღვრული აფიდავიტის მოთხოვნები. კერძოდ, კონკურენტებს ეკრძალებათ კომუნიკაცია, შეთანხმება, ან მოლაპარაკება სატენდერო წინადადების ფასისა და წინადადების წარდგენის, ან წარდგენისაგან თავის შეკავების, შესყიდვის ობიექტის ტექნიკური პირობების დეტალების შესახებ. შპს „ნიუ ქასთელ ქონსთრაქშენი“ და შპს „ქროსფოინტი“ მეტი ფინანსური სარგებლის მიღების მიზნით, სავარაუდოდ მოქმედებდნენ ურთიერთშეთანხმებით.

2016 წლის ფინანსურ ანგარიშგებაში „დაუმთავრებელი ძირითადი აქტივის“ მუხლის საწყისი ნაშთი წარმოდგენილია 464.8 ათასი ლარით, რომელშიც აღრიცხული არ არის 2015 წელს დაუსრულებელი 148.9 ათასი ლარის ღირებულების სამუშაოები.

გარდაბნის მუნიციპალიტეტის მიერ 2015 წელს გაცემული პრემიის, ჯილდოსა და დანამატის ანალიზი იძლევა შემდეგ სურათს: საჯარო მოხელეების დამატებითმა ანაზღაურებამ შეადგინა 1 311.9 ათასი ლარი, რაც თანამდებობრივი სარგოს 72%-ია. ერთმა მოხელემ დამატებითი ანაზღაურება მიიღო 13-ჯერ, 16-მა მოხელემ - 12-ჯერ, 56-მა მოხელემ 11-ჯერ, ხოლო 102-მა მოხელემ - 10-ჯერ. ერთ მოსამსახურეზე დამატებითი ანაზღაურება გაცემულია წლიური თანამდებობრივი სარგოს 110%-ის ოდენობით, 3-მა მიიღო სარგოს 100%-ის, 12-მა 90%-ზე მეტი მოცულობით და ა.შ. საკრებულოს თავმჯდომარემ, საკრებულოს თავმჯდომარის მოადგილემ და აპარატის უფროსმა 2015 წელს დამატებითი ანაზღაურება მიიღეს 8-ჯერ, გამგებელმა - 10-ჯერ, გამგებლის მოადგილეებმა - 11-12-ჯერ.

სსიპ სურსათის ეროვნულ სააგენტოში იმ შტატგარეშე მომუშავეებზე, რომელთა შრომის ანაზღაურება დამოკიდებულია გამომუშავებაზე, დეკემბრის თვის ხელფასი გაიცემა მომდევნო წლის იანვრის თვეში, საქონლისა და მომსახურების მუხლით, ნაცვლად ვალდებულებების კლების მუხლისა და შესაბამისად ფინანსურ ანგარიშგებაში ასახვა ხდება მომდევნო წელს.

C-ჰეპტიტის მართვის სახელმწიფო პროგრამის ფარგლებში, 2015 წლის 28 აპრილიდან 31 დეკემბრის თვის ჩათვლით მკურნალობის მონიტრონიგის ფარგლებში შემოსულია სულ 5589 შეტყობინება. საიდანაც შემოწმებულია მხოლოდ 359 შემთხვევა რაც მთლიანი შეტყობინებების 6%-ია. დადგენილი შერჩევის მეთოდის გათვალისწინების შემთხევაში უნდა შემოწმებულიყო 1351 შემთხვევა. 325 შემთხვევში შემოწმება განხორციელებულია დადგენილი ვადის დარღვევით, ვადაგადაცილებული დღეების რაოდენობა მერყეობს 1 დან 148 დღის დიაპაზონში. C-ჰეპატიტის პროგრამა მიმწოდებლების კონტორილის ორ მექანიზმს ითვალისწინებს. ეს არის პროგრამით განსაზღვრული პირობების შესრულების: 1. კონტროლი - განმახორციელებელი სააგენტოს კონტროლის დეპარტამენტის, და 2. შესრულებული სამუშაოს რევიზია - განმახორციელებელი რეგულირების სააგენტო. შესამოწმებელ პერიოდში არ განხორციელებულა პროგრამაში ჩართული მიმწოდებლების კონტროლი და რევიზია.

2015 წელს ქარელის მუნიციპალიტეტმა გამარტივებული შესყიდვის საშუალებით, რამდენიმე შემთხვევაში, ხელშეკრულება გააფორმა ისეთ მიმწოდებლებთან, რომელთაც არ ჰქონდათ სათანადო სამუშაო გამოცდილება. კერძოდ, გამგეობამ სამუშაოების შესრულებაზე ხელშეკრულებები გაუფორმა საჯარო რეესტრის ეროვნულ სააგენტოში რამდენიმე დღის წინ დარეგისტრირებულ 2 მეწარმე სუბიექტს. ამ მეწარმე სუბიექტებზე 2015-2016 წლებში გამარტივებული შესყიდვის გზით გაფორმებული ხელშეკრულებების ჯამურმა ღირებულებამ 711.8 ათასი ლარი შეადგინა.

ვანის მუნიციპალიტეტმა სხვადასხვა მიმწოდებლებისგან შეისყიდა სამუშაოები, რომლებიც დასრულდა 2014-2015 წლებში, ღირებულებით 39.7 ათასი ლარი. აღნიშნული სამუშაოები მიეკუთვნება 2014-2015 წლების არაფინანსურ აქტივებს და მისი წარმოდგენა 2016 წლის ფინანსური ანგარიშგების „დაუმთავრებელი ძირითადი აქტივის“ მუხლში, არასწორია.

2015-2016 წლებში გარდაბნის მუნიციპალიტეტმა ზოგიერთი შტატგარეშე მოსამსახურე დაიქირავა ხელშეკრულებით, რომელიც გარდა მომსახურების დასახელებისა, არ შეიცავს დროში განსაზღვრულ რაიმე კონკრეტულ დავალებას, შესასრულებელი სამუშაოს ან გასაწევი მომსახურების სპეციფიკას და აქედან გამომდინარე, შრომით ურთიერთობებს ხანგრძლივი ვადით, ფაქტობრივად მუდმივ ამოცანათა შესასრულებლად აწესრიგებს. დაქირავებულების ფუნქციები ფაქტობრივად არ განირჩევა შტატით დასაქმებული თანამშრომლების საქმიანობისაგან. აღნიშნული ეწინააღმდეგება შტატგარეშე მოსამსახურის დაქირავების პრინციპს, რომელიც სამსახურში მიიღება გარკვეული ვადით, არამუდმივ ამოცანათა შესასრულებლად. 2015-2016 წლებში არასწორი წესით დაქირავებულ შტატგარეშე მოსამსახურეებზე გარდაბნის მუნიციპალიტეტში გაიცა სულ 280.5 ათასი ლარის ანაზღაურება.

2015-2016 წლებში ქარელის მუნიციპალიტეტს გამარტივებული გზით შესყიდული აქვს 1 358.5 ათასი ლარის ღირებულების სამშენებლო სამუშაოები, რაზეც გაფორმებულია 36 ხელშეკრულება. მუნიციპალიტეტს არ ჰქონდა მიმწოდებლებისაგან მოთხოვნილი ფაქტობრივი დანახარჯების დამადასტურებელი დოკუმენტაცია. ანგარიშსწორება ხორციელდებოდა შესრულებული სამუშაოების აქტების მიხედვით, რითაც დარღვეულია კანონმდებლობის მოთხოვნები.

მიმწოდებლებმა 2015 წელს შეასრულეს 66.3 ათასი ლარის სამუშაოები, რომელთაგან 48.4 ათასი ლარი მიმწოდებლებს აუნაზღაურდათ, ხოლო დარჩენილი 17.9 ათასი ლარი აყვანილია „აქტივების მიწოდებით დარიცხული ვალდებულებების“ მუხლში. აღნიშნული თანხა მიმწოდებლებს აუნაზღაურდათ 2016 წელს, რაც მიკუთვნებულია 2016 წლის არაფინანსურ აქტივს. შესაბამისად, „შენობა-ნაგებობების“ შესაბამისი მუხლები გაზრდილია 17.9 ათასი ლარით

გარდაბნის მუნიციპალიტეტის გამგეობისა და საკრებულოს აპარატის საჯარო მოსამსახურეთა დამტკიცებული საშტატო რიცხოვნობა 2015-2016 წლებში ძირითადად შეადგენდა 218 ერთეულს. გამომდინარე აქედან, მუნიციპალიტეტს შეეძლო ერთდროულად დაექირავებინა არა უმეტეს 22 შტატგარეშე მოსამსახურე. წარმოდგენილი ინფორმაციის შესწავლით გამოვლინდა, რომ მუნიციპალიტეტის (შესაბამისმი პასუხისმგებელი პირების) მიერ ადგილობრივი თვითმმართველობის კოდექსით დაწესებული ზღვარი მნიშვნელოვნად არის დარღვეული. კერძოდ, 2015-2016 წლებში ერთდროულად დაქირავებულ შტატგარეშეთა რაოდენობა სხვადასხვა თვეებში იცვლებოდა 23-დან 41 მოსამსახურემდე, რაც 1-19 ერთეულით აღემატებოდა კანონით დადგენილ ნორმას.

2015 წელს მუნიციპალიტეტმა სკვერში აუზის მოწყობაზე, ადგილობრივი ბიუჯეტით დახარჯა 14.3 ათასი ლარი. პროექტი მუნიციპალიტეტმა ჩაიბარა 2015 წლის 21 დეკემბერს. მუნიციპალიტეტის წარმომადგენლებთან ერთად, აუდიტის ჯგუფმა დაათვალიერა სკვერი. გამოვლინდა, რომ აუზი არის დაზიანებული, კერძოდ, აყრილია აუზის ზედაპირზე მოწყობილი მოზაიკა. ხარვეზების აღმოსაფხვრელად, მუნიციპალიტეტს არ ჰქონდა მიმართული მიმწოდებლისათვის. აუდიტის ჯგუფის მიერ გამოვლენილი გარემოების შემდგომ, 2017 წლის 6 ივლისს, ხარვეზების გამოსასწორებლად, მუნიციპალიტეტმა წერილობით მიმართა მიმწოდებელს.

2016 წელს სტიქიის შედეგების სალიკვიდაციოდ და „სოფლის მხარდაჭერის პროგრამის“ ფარგლებში შესყიდულია მასალები, რომლებიც გადაცემულია სხვადასხვა ადმინისტრაციული ერთეულისთვის, ღირებულებით 170.8 ათასი ლარი. წლის განმავლობაში ჩამოიწერა 5.8 ათასი ლარის მარაგები, შესაბამისად, 2016 წლის მარაგების ნაშთი წლის ბოლოს შეადგენს 165.0 ათას ლარს. აღნიშნული ოპერაციები წარმოდგენილი არ არის ფინანსური ანგარიშგების შესაბამის მუხლებში.

გარდაბნის მუნიციპალიტეტი 2015-2016 წლებში შტატგარეშე მოსამსახურეებზე პრემიებს გასცემდა მუნიციპალიტეტის საკრებულოს თავმჯდომარისა და გამგებლის ბრძანებებით. 10 შემთხვევაში 68.7 ათასი ლარი შტატგარეშე მოსამსახურებზე გაცემულია დაკისრებული მოვალეობის სანიმუშო შესრულებისათვის, 10 შემთხვევაში 35.9 ათასი ლარი გაიცა სადღესასწაულო პრემიის სახით, ხოლო 8 სამართლებრივი აქტი არ შეიცავს დასაბუთებას 39.5 ათასი ლარის საპრემიო თანხების გაცემაზე. აუდიტის ჯგუფი შეუსაბამოდ მიიჩნევს შტატგარეშე მოსამსახურეების პრემირებას სადღესასწაულო დღეებთან დაკავშირებით და შესაბამისი დასაბუთების გარეშე. აღნიშნული არ არის განპირობებული დაქირავებულის საქმიანობის ხარისხით და სირთულით. ამასთანავე, პრემია არ უნდა გაიცემოდეს ავტომატურად, როცა არ არსებობს შესაბამისი საფუძველი, რაც მოვალეობის შესრულებას უკავშირდება. ამდენად, შტატგარეშე მოსამსახურეების საპრემიო ანაზღაურებიდან, 75.4 ათასი ლარი გარდაბნის მუნიციპალიტეტმა (შესაბამისმა პასუხისმგებელმა პირებმა) გასცა სათანადო დასაბუთების გარეშე.

რეგიონალური განვითარების ფონდიდან გამოყოფილი თანხით, კულტურის სახლის რეაბილიტაციაზე, 2015 წელს მუნიციპალიტეტმა დახარჯა 615.0 ათასი ლარი. აუდიტის ჯგუფის დათვალიერებით გამოვლინდა, რომ აივანზე მეტლახი აყრილია, რამდენიმე ადგილზე სახურავიდან და აივნიდან წყალი ჩამოვიდა, რის გამოც დაზიანდა ჭერი და კედლები. ასევე, საპირფარეშოში კაფელი დაზიანებულია და სხვა. მუნიციპალიტეტმა რამდენიმეჯერ მიმართა მიმწოდებელს დაზიანებების აღმოსაფხვრელად. მიმწოდებელმა ჩაატარა სარემონტო სამუშაოები. საგარანტიო ვადის გასვლის შემდგომ ობიექტზე დაზიანებული ადგილები კვლავ წარმოიშვა. აღნიშნული პრობლემის მოსაგვარებლად მუნიციპალიტეტს არ გაუტარებია შესაბამისი ღონისძიებები.

ვანის მუნიციპალიტეტის მიერ წარმოდგენილი ბალანსი მოიცავს მხოლოდ ინფორმაციას დებიტორული და კრედიტორული დავალიანებების შესახებ ორგანიზაციულ ჭრილში. 2016 წლის ფინანსური ანგარიშგებაში წარმოდგენილი არ არის ფორმები -„ანგარიშზე რიცხულ დებიტორულ დავალიანებათა შესახებ“ და „ანგარიშზე რიცხულ კრედიტორულ დავალიანებათა შესახებ“.

გარდაბნის მუნიციპალიტეტში შტატგარეშე მოსამსახურეებზე 2015 წელს გამგებლის ბრძანებებით გაცემულია დანამატი 65.1 ათასი ლარის ოდენობით. 5 შემთხვევში დანამატი გაიცა დაკისრებული მოვალეობის სანიმუშო შესრულებისათვის, ხოლო 4 ბრძანებაში საფუძველი არ არის მითითებული. დანამატის ძირითადი მოცულობა დაქირავებულებზე გაიცა შტატით გათვალისწინებულ საჯარო მოხელეებთან ერთად. საქართველოს კანონი „საჯარო სამსახურის შესახებ“ დანამატების გაცემას ითვალისწინებს მხოლოდ საჯარო მოხელეზე, რომელიც ინიშნება ან აირჩევა სახაზინო დაწესებულების საშტატო (შტატით გათვალისწინებულ) თანამდებობაზე. გამომდინარე აქედან, შტატგარეშე მოსამსახურეებზე მუნიციპალიტეტმა (შესაბამისმა პასუხისმგებელმა პირებმა) 65.1 ათასი ლარის დანამატი გასცა მოქმედი კანონმდებლობის დარღვევით.

2015-2016 წლებში მუნიციპალიტეტის წარმომადგენლობითმა ხარჯებმა შეადგინა 69.0 ათასი ლარი. აქედან, მუნიციპალიტეტის გამგეობისა და საკრებულოს მიერ სტუმრების გამასპინძლებისათვის სხვადასხვა რესტორნის მომსახურებაზე, 90 შემთხვევაში გახარჯულია 59.4 ათასი ლარი. ხარჯები გაწეულია თვეში საშუალოდ 3-4 ჯერ. სტუმრების გამასპინძლებასთან დაკავშირებით მუნიციპალიტეტის საკრებულოს თავმჯდომარისა და გამგებლის მიერ გამოცემულია ბრძანებები, სადაც არ არის აღნიშნული ჩასატარებელი ღონისძიებების დასახელება, სტუმრობის მიზანი, სტუმრების ოდენობა და სხვა მონაცებები.

2015-2016 წლებში მუნიციპალიტეტის მიერ გაწეული 49.8 ათასი ლარის წარმომადგენლობითი ხარჯის მიზანშეწონილობა დოკუმენტურად არ არის დადასტურებული. გამომდინარე აქედან, შეუძლებელია განისაზღვროს რამდენად აუცილებელი და შედეგიანი იყო სტუმრების კვების ორგანიზება კონკრეტული ღონისძიების ფარგლებში და შეესაბამება თუ არა ამ ღონისძიების შედეგი გადახდილ საბიუჯეტო რესურსს.

2015 წელს შესყიდულია მუნიციპალიტეტის საკუთრებაში არსებული საავადმყოფოს შენობის კეთილმოწყობის სარეკონსტრუქციო-სარეაბილიტაციო სამუშაოების პროექტი, ღირებულებით - 50.0 ათასი ლარი. პროექტის მიხედვით, საავადმყოფოს რეაბილიტაციისათვის საჭირო იყო 4.1 მილიონი ლარი. აღნიშნული სამუშაოები არ დაწყებულა, რადგან მუნიციპალიტეტს არ გააჩნდა შესაბამისი ფინანსები. ამდენად, 50.0 ათასი ლარის საპროექტო-სახარჯთაღრიცხვო დოკუმენტაცია მუნიციპალიტეტისათვის წარმოადგენს არარაციონალურ ხარჯს.

მუნიციპალიტეტის მიერ სამსახურებრივი უფლებამოსილების განსახორციელებლად გამოყენებული სატრანსპორტო საშუალებების რაოდენობა მნიშვნელოვნად აღემატება საქართველოს მთავრობის დადგენილებით რეკომენდებულ ზღვრულ ოდენობას. კერძოდ, რეკომენდებული 7 ერთეულის ნაცვლად, მუნიციპალიტეტი განკარგავდა 21 სამორიგეო ავტომანქანას. ავტომანქანები მიღება-ჩაბარების აქტების საფუძველზე გადაცემულია სამსახურისა და განყოფილების უფროსებისათვის, საკრებულოს მაჟორიტარი დეპუტატებისათვის, სპეციალისტისათვის და სხვ. 21 სამორიგეო და 2 პერსონალური ავტომანქანის გარდა, მუნიციპალიტეტი (შესაბამისი პასუხისმგებელი პირები) 2015 წელს საწვავს ყოველთვიურად გასცემდა საჯარო მოსამსახურეების სარგებლობაში არსებულ 70-დან 85 ავტომანქანაზე, ხოლო 2016 წელს - 60-დან 75 ავტომანქანაზე. საწვავი გამოეყოფოდა საკრებულოს ფრაქციის თავმჯდომარეებს, საკრებულოს წევრებს , სპეციალისტებს, დაქირავებულ მოსამსახურეებს, გამგებლის წარმომადგენლებს და სხვ. ამდენად, მუნიციპალიტეტს არ გააჩნია რაციონალური მიდგომა ფუნქციონირებისათვის საჭირო ავტოტრანსპორტის გამოყენებასთან დაკავშირებით.

მუნიციპალიტეტების მიერ არ არის დანერგილი პროექტების დასრულების შემდგომი შეფასების პრაქტიკა. შედეგად, არ ხდება წინა პერიოდებში განხორციელებული პროექტებიდან მიღებული გამოცდილების მომავალ პროექტებში გათვალისწინება.

2015-2016 წლებში ყვარლის მუნიციპალიტეტის 34 თანამშრომელზე გაცემულია 280.3 ათასი ლარის საწვავი. საწვავის გაცემის საფუძველს წარმოადგენს მუნიციპალიტეტის გამგებლისა და საკრებულოს თავმჯდომარის ინდივიდუალური სამართლებრივი აქტები - ბრძანებები, საწვავის ხარჯვის ლიმიტების შესახებ. აღნიშნული ბრძანებები ადგენს საწვავის გაცემის მუდმივი და მრავალჯერადი გამოყენების წესს და თავისი შინაარსით წარმოადგენს ნორმატიულ ადმინისტრაციულ სამართლებრივ აქტს. კანონმდებლობით, დაუშვებელია ნორმატიული შინაარსის სამართლებრივი აქტის ინდივიდუალური აქტის სახით მიღება. აღნიშნულიდან გამომდინარე, მუნიციპალიტეტის საკრებულოს თავმჯდომარემ და გამგებელმა გამოსცეს ნორმატიული შინაარსის სამართლებრივი აქტი, რომლის გამოცემის უფლება არ გააჩნდათ. ადგილობრივი თვითმმართველობის კოდექსის შესაბამისად, ნორმატიული ადმინისტრაციულ-სამართლებრივი აქტის გამოცემის უფლებამოსილება გააჩნია მხოლოდ მუნიციპალიტეტის საკრებულოს, დადგენილების სახით. ამასთანავე, 2015 წელს დადგენილი ლიმიტების გარეშეა გაცემული 3.6 ათასი ლიტრის საწვავი, ღირებულებით - 5.8 ათასი ლარი.

ზოგიერთი საჯარო მოსამსახურემიღებულ საწვავს ვერ გამოიყენებდა სამსახურებრივი დანიშნულებით, რადგან როგორც წესი, ფუნქციონალურად არ უხდებოდა მუნიციპალიტეტის ტერიტორიაზე გადაადგილება და დავალებების შესრულება. ამდენად, მიღებული საწვავი მათთვის წარმოადგენდა დამატებით სარგებელს, შრომის ანაზღაურებასთან ერთად. შესაბამისად, მოქმედი კანონმდებლობის თანახმად, საწვავის მიმღები ასეთი მოსამსახურე უნდა დაბეგრილიყო საშემოსავლო გადასახადით, რაც მუნიციპალიტეტის მიერ არ ხორციელდებოდა.

მცხეთის მუნიციპალიტეტში სოფელ გალავანში მოეწყო ახალი სასმელი წყლის შიდა ქსელი და დამონტაჟდა 2 რეზერვუარი, რომლითაც უნდა მომარაგებულიყო სოფლის მოსახლეობა. თუმცა, აუდიტის ჯგუფის მიერ წყლის სისტემით მოსარგებლეების გამოკითხვის შედეგად გაირკვა, რომ მოსახლეობა წყალს კვლავ ძველი ქსელით იღებს და ახალი სისტემის გამოყენება არ ხდება. აღნიშნულის მიზეზია რეზერვუარებიდან ჭარბი წყლის კერძო მოსახლის ნაკვეთში დაღვრა, რის გამოც ნაკვეთის მფლობელი მუნიციპალიტეტს არ აძლევდა რეზერვუარით სარგებლობის უფლებას. პროექტის დაწყებამდე, მუნიციპალიტეტსა და მოსახლეს შორის შედგა შეთანხმება, რომლის მიხედვითაც მიწის მფლობელი თანახმა იყო რეზერვუარის მის ნაკვეთზე განთავსებაზე, იმ პირობით, რომ უზრუნველყოფილი იქნებოდა რეზერვუარზე სპეციალური წყლის დამცლელის დამონტაჟება. მიუხედავად იმისა, რომ მუნიციპალიტეტმა აღნიშნული მოთხოვნა შეასრულა, მაინც ვერ უზრუნველყო რეზერვუარში ჭარბი წყლის არსებობის შემთხვევაში მოსახლის ნაკვეთის დატბორვის თავიდან არიდება. შედეგად, მოსახლეობა ახალი სისტემით ვერ იღებს წყალს.

2015-2016 წლებში საკრებულოს არაანაზღაურებად წევრებს, თავიანთი უფლებამოსილების განხორციელებასთან დაკავშირებული ხარჯების ანაზღაურების სახით, მიღებული აქვთ 94.7 ათასი ლარი. თანხები გაცემულია ხარჯვის დამადასტურებელი დოკუმენტაციის წარმოდგენის გარეშე.

მუნიციპალიტეტის საკუთრებაში არსებული 2 ავტომანქანა არ მოიძებნა. კერძოდ, მუნიციპალიტეტმა ვერ წარმოადგინა ინფორმაცია MITSUBISHI PAJERO 3500 V6/24V-სა და GAZ31029-ის მარკის ავტომანქანის მდებარეობისა და მდგომარეობის შესახებ . გარდა ამისა, საგზაო-სატრანსპორტო შემთხვევის შედეგად დაზიანებულია 2010 წლის შემდეგ ახლადშეძენილი 3 ავტომანქანა . მათ შორის, WOLKSKWAGEN PASSAT 2013 წლის თხოვების ხელშეკრულებით გადაცემული ჰქონდა საქართველოს პარლამენტის წინა მოწვევის მაჟორიტარ დეპუტატს. 2 ავტომანქანას - KIA RIO-ს, 2012 და 2015 წლებიდან განკარგავდნენ მუნიციპალიტეტის საკრებულოს წევრები. აღნიშნულ პიროვნებებს მუნიციპალური ქონება გადაცემული ჰქონდათ სარგებლობის უფლებით და წარმოადგენდნენ მატერიალურად პასუხისმგებელ პირებს. აუდიტის მიმდინარეობის პერიოდში ეს ავტომობილები მუნიციპალიტეტისათვის დაბრუნებული არ იყო. პასუხისმგებელმა პირებმა წარმოადგინეს დოკუმენტაცია WOLKSKWAGEN PASSAT – ის დაბრუნების მოთხოვნით გაგზავნილი წერილების სახით, თუმცა გატარებული ღონისძიებებით შედეგი არ დამდგარა.

მცხეთის მუნიციპალიტეტში სოფელ წინამძღვრიანთკარსა და ზაქაროში მოეწყო ახალი სასმელი წყლის შიდა ქსელი, რომელსაც ყველა მოსახლისათვის უნდა გადაეჭრა წყლის პრობლემა. თუმცა, მოსახლეობის გამოკითხვით ირკვევა, რომ წყალს შეუფერხებლად მოსახლეობის მხოლოდ ნაწილი იღებს. მუნიციპალიტეტისა და მოსახლეობის განცხადებით, წყლის მიწოდების შეფერხების მიზეზად სახელდება წყლის არაეკონომიური ხარჯვა, მოსახლეობის მიერ წყლის მიწოდების თვითნებური კონტროლი და ზაფხულის პერიოდში სასმელი წყლის სარწყავად გამოყენება. მოსახლეობის ინფორმაციით, აღნიშნულ პრობლემას ადგილი აქვს ივნისის შემდეგ, თუმცა, აუდიტის ჯგუფის მიერ ობიექტების დათვალიერების მომენტშიც (26 ივლისი) არ იყო გადაჭრილი არსებული ხარვეზები.

2015 წელს გამგეობის სხვა ხარჯებიდან ანაზღაურებულია მუნიციპალიტეტის ყოფილი გამგებელის განთავისუფლების საკომპესაციო თანხა 7.2 ათასი ლარი. 2014 წელს მუნიციპალიტეტის საკრებულოს განკარგულებით, თანამდებობიდან განთავისუფლდა გამგებელი, რომელმაც სასამართლოში გაასაჩივრა აღნიშნული სამართლებრივი აქტი. სასამართლომ გამგებლის განთავისუფლება უკანონოდ ცნო და მუნიციპალიტეტის საკრებულოს დაავალა იძულებითი განაცდურის ანაზღაურება. საკრებულოს მიერ მიღებული გადაწყვეტილებით, გამგებლის თანამდებობიდან განთავისუფლების შედეგად, მუნიციპალიტეტმა ადგილობრივი ბიუჯეტიდან გასწია გაუთვალისწინებელი 7.2 ათასი ლარის ხარჯი.

გარდაბნის მუნიციპალიტეტის მიერ წარმოდგენილი მონაცემებით, ბალანსზე აღრიცხული 22 ავტომანქანა დაზიანებულია. 2016 წლის ინვენტარიზაციის მასალებით, ეს სატრანსპორტო საშუალებები ჩათვლილია ექსპლუატაციისათვის უვარგისად. მიუხედავად ამისა, აუდიტის მიმდინარეობის პერიოდში, ქონება ჩამოწერილი არ იყო.

პროექტის კოორდინირებული დაგეგმვის ხარვეზს უკავშირდება მცხეთის მუნიციპალიტეტში სოფელ წილკანში (დევნილთა დასახლებაში) საბავშვო ბაღის ფუნქციონირების პრობლემა, რომლის მშენებლობა დასრულდა 2015 წლის 29 დეკემბერს, თუმცა, 2016 წლის სექტემბრის მდგომარეობით, საბავშვო ბაღში არ მიმდინარეობს სასწავლო პროცესი ბაღისათვის საჭირო ინვენტარის არარსებობისა და შენობის ეზოს მოუწესრიგებლობის (დაჭაობების) გამო. პროექტის განხორციელების ინიციატორი იყო ახალგორის მუნიციპალიტეტი, რადგან 2014 წელს წილკანის დევნილთა დასახლების მოსახლეობამ პრიორიტეტად მიიჩნია ბაღის მშენებლობა, ვინაიდან ბავშვებს უწევდათ სოფელ წეროვანის ბაღში სიარული. საპროექტო დოკუმენტაცია მომზადდა „სოფლის მხარდაჭერის პროგრამის“ ფარგლებში გამოყოფილი თანხებით. 2015 წელს ბაღის სამშენებლო სამუშაოების განხორციელება უზრუნველყო მცხეთის მუნიციპალიტეტმა. თუმცა, პროექტით არ იყო გათვალისწინებული ბაღისათვის საჭირო ინვენტარის შეძენა. მცხეთის მუნიციპალიტეტის ინფორმაციით ბაღის ინვენტარით აღჭურვა უნდა უზრუნველეყო ახალგორის მუნიციპალიტეტს, თუმცა, ახალგორის მუნიციპალიტეტის განცხადებით მათ არ აუღიათ საკუთარ თავზე აღნიშნული პასუხისმგებლობა შესაბამისი რესურსის არქონის გამო.

ხულოს მუნიციპალიტეტის მიერ 2015 წლის განმავლობაში „სოფლის მხარდაჭერის პროგრამის“ ფარგლებში გაწეულმა დაფინანსებამ შეადგინა 906,366 ლარი, საიდანაც 16,116 ლარი გაწეული იქნა „საქონელი და მომსახურების“ (ოფისის ხარჯები) მუხლით. აუდიტის შედეგად დგინდება, რომ ოფისის ხარჯების სახით გაწეული 16,116 ლარით, სხვადასხვა სოფლებისთვის შესყიდული იქნა სარიტუალო ინვენტარი, რაც შეუსაბამოა საბიუჯეტო კლასიფიკაციის მოთხოვნებთან.

სტიქიისაგან მიყენებული ზარალის სალიკვიდაციოდ მუნიციპალიტეტმა 2015 წელს შეიძინა 920.4 ათასი ლარის ღირებულების 99.2 ათასი კვ.მ სახურავი მასალა (მოთუთიებული თუნუქი), რომელიც დაზიანებული სახლების სარეაბილიტაციო სამუშაოების შესასრულებლად უსასყიდლოდ გადაცა შპს „დაგს“. შპს „დაგმა“ მუნიციპალიტეტს უკან დაუბრუნა გამოუყენებელი 2.7 ათასი კვ.მ თუნუქი, ხოლო დარჩენილი 96.5 ათასი კვ.მ თუნუქის ხარჯვაზე უნდა წარმოედგინა შესაბამისი დოკუმენტაცია. დოკუმენტების შესწავლით დადგინდა, რომ მიმწოდებლის მიერ ფაქტობრივად გახარჯულია 90.9 ათასი კვ.მ და უნდა დაებრუნებინა 8.3 ათასი კვ.მ მასალა. ამდენად, შპს „დაგის“ მიერ არ არის დაბრუნებული გაუხარჯავი 5.6 ათასი კვ.მ თუნუქი. მიმწოდებელთან ისე მოხდა საბოლოო ანაგარისწორება, რომ მუნიციპალიტეტს არ მოუთხოვია და ვერ მიიღო კუთვნილი 52.0 ათასი ლარის ღირებულების მასალა. მხოლოდ აუდიტის მიმდინარეობისას, აუდიტის ჯგუფის მიერ მიმწოდებლის დაუბრუნებელი მასალების გამოვლენის შემდგომ, მიმართა მუნიციპალიტეტმა შპს „დაგს“ და მოსთხოვა 5.0 ათასი კვ.მ თუნქის დაბრუნება. (გვ. 21)

2015-2016 წლებში გარდაბნის მუნიციპალიტეტის საკუთრებასა და დასაქმებულების სარგებლობაში არსებული ტრანსპორტისათვის საწვავის გამოყოფის საფუძველია გამგებლისა და საკრებულოს თავმჯდომარის ბრძანებები. ბრძანებები ადგენენ საწვავის გაცემის იმგვარ წესს, რომელიც მუდმივად და მრავალჯერადად გამოიყენება. ასეთი შინაარსის ადმინისტრაციულ-სამართლებრივი აქტი მიეკუთვენება ნორმატიული აქტების კატეგორიას. აღნიშნულიდან გამომდინარე, მუნიციპალიტეტის გამგებელმა და საკრებულოს თავმჯდომარემ ნორმატიული შინაარსის სამართლებრივი აქტები გამოსცეს ინდივიდუალური აქტის სახით, რომლებიც არ შეესაბამება კანონმდებლობით გათვალისწინებულ მოთხოვნებს.

მცხეთის მუნიციპალიტეტში სოფელ ნავდარაანთკარში წყლის სათავე ნაგებობის მოწყობისათვის საჭირო იყო გარემოს დაცვის სამინისტროდან სპეციალური ლიცენზიის მიღება ტყით სარგებლობასთან დაკავშირებით, რომლის აღებაც უნდა უზრუნველეყო მუნიციპალიტეტს. მუნიციპალიტეტმა სამშენებლო კომპანიასთან ხელშეკრულება გააფორმა ივლისის თვეში, სადაც სამუშაოების დასრულების თარიღად განსაზღვრული იყო 23 ნოემბერი, თუმცა სამინისტროსგან ლიცენზია მოითხოვა ოქტომბრის თვეში. ლიცენზიის მიღების პროცესი თავის მხრივ 3 თვით გახანგრძლივდა, რამაც საბოლოოდ შეაფერხა პროექტის განხორციელება. 2016 წლის სექტემბრის მდგომარეობით, პროექტი არ არის დასრულებული.

ა(ა)იპ „ხულოს კულტურის ცენტრის“ დირექტორის 2015 წლის 3 ივნისის N5 ბრძანების საფუძველზე განხორციელდა ორგანიზაციის ქონების, მოთხოვნებისა და ვალდებულებების ინვენტარიზაცია. ინვენტარიზაციის შედეგად გამოვლინდა სხვადასხვა სახის ინვენტარის, მუსიკალური ინსტრუმენტების, ტექნიკური საშუალებების და სხვა ფასეულობების დანაკლისი, საბალანსო ღირებულებით 47,554 ლარი. წარმოდგენილი დოკუმენტებით დასტურდება, რომ ა(ა)იპ „ხულოს კულტურის ცენტრის“ ადმინისტრაციის მიერ დანაკლისის თაობაზე ეცნობა ხულოს მუნიციპალიტეტის გამგეობას. დანაკლისის აღმოფხვრის მიზნით სათანადო ღონისძიებები გატარებული არ არის.

2015 წლის სტიქიის შედეგად დაზიანებული საცხოვრებელი სახლების სარეაბილიტაციო სამუშაოებს ასრულებდა შპს „დაგი“. სამუშოების საზედამხედველო მომსახურების, მოცულობების და ხარისხის შესამოწმებლად, მუნიციპალიტეტმა დაიქირავა შპს „საავტომობილო გზების რეაბილიტაციისა და მოდერნიზაციის ზედამხედველობის დირექცია“ და გადაუხადა 15.0 ათასი ლარი. ზედამხდველმა ორგანიზაციამ სათანადოდ ვერ უზრუნველყო ხელშეკრულებით გათვალისწინებული მომსახურების გაწევა, კერძოდ, სწორად ვერ აღრიცხა შესრულებული სამუშაოების მოცულობა, რასაც ადასტურებს ის ფაქტი, რომ ზედამხედველების მიერ შედგენილ ინსპქტირების აქტებში დაფიქსირებული მონაცემები არ ედრება ექსპერტიზის მიერ დაფიქსირებულ შესაბამის მონაცემებებს.

გარდაბნის მუნიციპალიტეტის საკრებულოს არაანაზღაურებად წევრებს 2015-2016 წლებში, ხარჯების ანაზღაურების სახით, მიღებული აქვთ სულ 181.6 ათასი ლარი. მუნიციპალიტეტმა ვერ წარმოადგინა დოკუმენტური მტკიცებულებები საკრებულოს წევრების ხარჯების დასადასტურებლად. თანხების გაცემის საფუძველია საკრებულოს მომართვა საკრებულოს წევრზე ანაზღაურების გაცემის შესახებ სხდომებში მონაწილეობისათვის, დავალებების შესრულებისათვის და სხვ. აღნიშნული დოკუმენტები არ აკმაყოფილებს ხარჯის დამადასტურებელი პირველადი აღრიცხვის დოკუმენტის კრიტერიუმს.

ფონდის ფარგლებში მუნიციპალიტეტების დაფინანსების საპროგნოზო მოცულობის გაანგარიშების არსებული კრიტერიუმები სრულად ვერ ასახავს მათ საჭიროებებსა და სოციალურ-ეკონომიკურ მდგომარეობას, შედეგად ვერ ქმნის მუნიციპალიტეტებს შორის თანასწორი სოციალურ-ეკონომიკური განვითარების წინაპირობებს.

ხულოს მუნიციპალიტეტის საკრებულოს აპარატში ფიქსირდება შემთხვევები, როდესაც საჯარო მოხელე თანამდებობაზე დანიშნულია კონკურსის გარეშე.

მუნიციპალიტეტმა 2015-2016 წლებში სტიქიის შედეგების სალიკვიდაციოდ შეძენილი 556.9 ათასი ლარის ღირებულების 69.6 ათასი კვ.მ თუნუქი გადასცა მოსახლეობას, რომელთაც თავიანთი ძალებით უნდა მოეხდინათ სახლების დაზიანებული სახურავის გამოცვლა და გადახურვა. გადაცემული მასალის ხარჯვის მდგომარეობის შესწავლით გაირკვა, რომ დაზარალებული მოსახლეობის უმტესობას - 283 ოჯახს, არ გამოუყენებია გადაცემული 404.3 ათასი ლარის 50.7 ათასი კვ.მ თუნუქი (72.6%) და სტიქიის შედეგები არ არის ლიკვიდირებული. მუნიციპალიტეტმა ვერ შექმნა და დანერგა მასალების გაცემის და ხარჯვის კონტროლის ისეთი მექანიზმები, რომლებიც უზრუნველყოფდა სტიქიის შედეგად მიყენებული ზარალის აღმოფხვრას და შესაძლებელი იქნებოდა საბოლოო შედეგების მიღწევა.

გარდაბნის მუნიციპალიტეტის გამგეობამ, სამართლებრივი ბაზის არსებობის პირობებში, ორგანიზაციულად ვერ უზრუნველყო დასუფთავების მოსაკრებლის ამოღების ადმინისტრირება. თავის მხრივ, მუნიციპალიტეტის საკრებულომ 2015-2016 წლებში ადგილობრივი ბიუჯეტის პროექტი დაამტკიცა აღნიშნული მოსაკრებლის ნულოვანი გეგმური მაჩვენებლით და არ განუხილავს მოსაკრებლის გაუქმების (შეჩერების) საკითხი. ორგანიზაციული და პერსონალის მართვასთან დაკავშირებული ხარვეზების გამო, მუნიციპალიტეტმა დაკარგა ბიუჯეტში დამატებითი შემოსავლების მობილიზების შესაძლებლობა.

პროექტების მართვის პროცესში, მუნიციპალიტეტებს არ აქვთ განსაზღვრული მონიტორინგის შედეგების წარდგენის ფორმა და პერიოდულობა. შედეგად, არ ხდება პროექტების მიმდინარეობის შესახებ სრულყოფილი ინფორმაციის მიღება და ასევე, დროული რეაგირება პროექტის გეგმა-გრაფიკთან ჩამორჩენის შემთხვევაში.

ხულოს მუნიციპალიტეტს 2015 წლის განმავლობაში უსასყიდლოდ, საკუთრებაში მიღებული აქვს 4,752 ლარის ნორმატიული ღირებულების 1,528 კვ.მ ორი ერთეული არასასაფლო-სამეურნეო დანიშნულების მიწის ნაკვეთი. განხორციელებული ოპერაცია არ არის აღრიცხული მუნიციპალიტეტის ბალანსში.

მუნიციპალიტეტმა 2016 წელს გამოაცხადა ტენდერი ქ.ყვარელში სკვერის მოწყობის სამუშაოების შესყიდვაზე, სავარაუდო ღირებულებით - 748.2 ათასი ლარი. აღნიშნულ ტენდერში გამოვლინდა გამარჯვებული, რომელმაც ვაჭრობის შედეგად დააფიქსირა ყველაზე დაბალი ფასი - 598.6 ათასი ლარი. სატენდერო კომისიის მიერ ხარჯთაღრიცხვაში დაშვებული ტექნიკური ხარვეზის გამო, ტენდრი შეწყდა. იმავე სამუშაოების შესყიდვის ხელმეორედ გამოცხადებულ ტენდერში პრეტენდენტისათვის მოთხოვნილი გამოცდილება 3 მლნ ლარიდან - 5 მლნ ლარამდე გაიზარდა. აუდიტის ჯგუფმა ვერ მოიპოვა შესაბამისი რწმუნება იმასთან დაკავშირებით, თუ რა აუცილებლობით იყო განპირობებული 748.2 ათასი ლარის სამუშაოების შესრულებისთვის 5 მლნ ლარის გამოცდილების მოთხოვნა. განმეორებით გამოცხადებულ ტენდერში მონაწილეობა მიიღო და გაიმარჯვა მხოლოდ პირველ ტენდერში მონაწილე ყველაზე მაღალი ფასის მქონე პრეტენდენტმა, შპს „ყვარელმშენი 52-მა“. წინა ტენდერში მონაწილე დაბალი ფასის მქონე ორი პრეტენდენტი ვერ აკმაყოფილებდა გამოცდილების გაზრდილ მოთხოვნებს და მათ ტენდერში მონაწილეობა არ მიუღიათ. პირველად გამოცხადებული ტენდერის ტექნიკური ხარვეზის მიზეზით ჩაშლისა და შემდგომში, არაგონივრულად გაზრდილი გამოცდილების მოთხოვნის შედეგად, მუნიციპალიტეტმა სკვერის მოწყობის სამუშაოების შესყიდვა განახორციელა 149.6 ათასი ლარის მეტი ღირებულებით.

2015-2016 წლებში გარდაბნის მუნიციპალიტეტის (შესაბამისი პასუხისმგებელი პირების) მიერ არ არის დაცული სახელმწიფო შესყიდვების შესახებ ანგარიშგების მოთხოვნები. კერძოდ, საანგარიშო პერიოდისათვის წარმოდგენილი 861 ხელშეკრულებიდან : • სახელმწიფო შესყიდვების ელექტრონულ ველში არასრულად ატვირთულია 526 ხელშეკრულების შესრულების დამადასტურებელი დოკუმენტაცია, საბოლოო ანგარიშსწორების შესახებ ინფორმაცია და სხვა დოკუმენტები; • 729 ხელშეკრულებას მინიჭებული აქვს „შეუსრულებელი ხელშეკრულების“ სტატუსი, როცა თანხები სრულადაა ანაზღაურებული და ხელშეკრულების მოქმედების ვადაც ამოწურულია.

მცხეთის მუნიციპალიტეტში სოფელ წეროვანში დევნილთა დასახლებაში სანიაღვრე არხის მოწყობის სამუშაოების მიმდინარეობისას საშუალოდ თვეში 5-6 ფარული სამუშაოების აქტი და ორ თვეში ერთხელ შუალედური მიღება-ჩაბარების აქტი ფორმდება. აუდიტის ჯგუფის მიერ, პროექტის ადგილზე დათვალიერებისას ირკვევა, რომ ივლისის თვეში ადგილი ჰქონდა რიგ უბნებში სანიაღვრე სისტემაში წყლის დაგუბების ფაქტებს, რაც ანტისანიტარიას ქმნიდა. ასევე, მრავლობითი დაზიანებები ფიქსირდებოდა უკვე გაკეთებულ და ჩაბარებულ მონაკვეთებზე. თუმცა აღნიშნულ დოკუმენტებში არსად ფიქსირდებოდა პროექტთან დაკავშირებული რაიმე სახის პრობლემა, რადგან აღნიშნული დოკუმენტების შედგენის მიზანი განხორციელებული სამუშაოების დადასტურებაა და არა საპროექტო პირობებიდან გადახრისა და გამომწვევი მიზეზების მიმოხილვა, ან ინფორმაციის ასახვა პროექტის მიმდინარეობის ხარისხის შესახებ.

სატრანსპორტო საშუალებებისთვის საწვავის შესყიდვაზე, 2015 წლის განმავლობაში გაწეულმა მთლიანმა საკასო ხარჯმა შეადგინა 57,934 ლარი. მათ შორის, 3,508 ლარის ღირებულების 2,200 ლიტრი საწვავი გახარჯულია ოთხ ერთეულ ავტოსატრანსპორტო საშუალებაზე, რომელიც არ ირიცხება ხულოს მუნიციპალიტეტის ბალანსზე და იმყოფებოდა მუნიციპალიტეტის გამგეობის საჯარო მოსამსახურეების მფლობელობაში. ხულოს მუნიციპალიტეტის გამგეობის მიერ არ ხორციელდება საწვავის სამსახურებრივი მოვალეობების შესრულებისათვის გადაცემის დადასტურება.

2016 წელს მუნიციპალიტეტსა და შპს „ყვარელმშენი 52-ს“ შორის სკვერის მოწყობის სამუშაოებზე დადებულ ხელშეკრულებაში შევიდა ცვლილება და მოხდა სამუშაოების მიწოდების ვადის გადაწევა, პროექტით გათვალისწინებული სკვერის ტერიტორიის ნაწილის კორექტირების გამო. აღნიშნული არ უნდა გამხდარიყო ვადის გადაწევის საფუძველი, რადგან მუნიციპალიტეტმა ტენდერის გამოცხადებამდე 2 თვით ადრე დაარეგისტრირა სკვერის ტერიტორია და მისთვის ცნობილი იყო, რომ პროექტი საჭიროებდა კორექტირებას. გარდა ამისა, ვადის გადაწევის მიზეზად მოყვანილია ხეების მოჭრის ნებართვამდე სამუშაოების შეჩერება და უამინდობა. ხეების მოჭრის ნებართვა გაცემულია ხელშეკრულების დადებამდე, ხოლო უამინდობის დამადასტურებელი მტკიცებულებები ვერ იქნა წარმოდგენილი. შესაბამისად, ვერც ერთი გარემოება ვერ ჩაითვლება ვადის გადაწევის ობიექტურ მიზეზად. მუნიციპალიტეტის მიერ სამუშაოების დასრულების ვადის გაუგრძელებლობის შემთხვევაში, მიმწოდებელს დაერიცხებოდა 44.9 ათასი ლარის პირგასამტეხლო.

2015-2016 წლებში გარდაბნის მუნიციპალიტეტმა, გადაუდებელი აუცილებლობის მოტივით, განახორციელა 88 შესყიდვა, საერთო ღირებულებით 1 171.7 ათასი ლარი. შესყიდვის ელექტრონული პორტალის მონაცემების, შესყიდვის ობიექტების კატეგორიისა და პერიოდის ანალიზით ირკვევა, რომ 2015 წელს 43 სახელმწიფო შესყიდვა არ წარმოადგენდა გადაუდებელ აუცილებლობას, რადგან შესაძლებელი იყო წინასწარი დაგეგმვა და ტენდერის ჩატარება. შესყიდვის საშუალებად გამგეობამ (შესაბამისმა პასუხისმგებელმა პირებმა) არასწორად გამოიყენა გამარტივებული შესყიდვის ფორმა, რითაც დაკარგა სატენდერო ეკონომიის მიღების შესაძლებლობა. აღნიშნულ შესყიდვებში 2015 წელს სულ გადახდილია 419.1 ათასი ლარი.

მცხეთის მუნიციპალიტეტში სოფელ ქვემო ნიჩბისის სასმელი წყლის პროექტის გეგმა-გრაფიკის მიხედვით, სექტემბერ-ოქტომბერში კომპანიას უნდა შეესრულებინა სამუშაოების 62%, თუმცა, როგორც 5 ნოემბრის შუალედური მიღება-ჩაბარების აქტით დგინდება, შესრულებული იყო მხოლოდ 32%. აღნიშნულ პერიოდში მუნიციპალიტეტის ზედამხედველის მიერ არ მომზადებულა მონიტორინგის ანგარიში, სადაც ასახული იქნებოდა ინფორმაცია პროექტის პროგრესის ან შეფერხების შესახებ. მუნიციპალიტეტმა მხოლოდ 11 ნოემბერს გაუგზავნა გაფრთხილების წერილი კომპანიას. პროექტი უნდა დასრულებულიყო 2015 წლის 10 დეკემბერს, თუმცა, 2016 წლის სექტემბრის მდგომარეობით დაუსრულებელია.

ხულოს მუნიციპალიტეტის მიერ დაფუძნებული არასამეწარმეო (არაკომერციული) იურიდიული პირების ბუღალტრული აღრიცხვა-ანგაშიშგების დროს ფიქსირდება სისტემური ხასიათის დარღვევა-ნაკლოვანებები. რიგი არასამეწარმეო (არაკომერციული) იურიდიული პირების საბალანსო მონაცემები არაფინანსური აქტივების ზრდის საკასო ხარჯისა და სხვა ხარჯებისა და ძირითადი კაპიტალის მოხმარების ფაქტობრივი ხარჯის შესახებ არსებითად შეუსაბამოა რეალურ საფინანსო მდგომარეობასთან.

შპს „ყვარელმშენი 52-მა“ სკვერის რეაბილიტაციის სამუშაოები დაასრულა და ჩააბარა მუნიციპალიტეტს 2017 წლის 5 იანვარს. აუდიტის ჯგუფმა გამგეობის წარმომადგენლებთან ერთად, 2017 წლის 26 აპრილს ადგილზე დაათვალიერა სკვერის რეაბილიტაციის შესრულებული სამუშოები და გამოვლინდა სკვერში არსებული კაფის შიდა კედლებისა და ღია აივნის იატაკის დაზიანებები. აუდიტის ჯგუფის მიერ საკითხის გამოვლენის შემდგომ, მუნიციპალიტეტმა აღნიშნული დაზიანებების შესახებ აცნობა მიმწოდებელს და მოთხოვა გამოვლენილი ხარვეზების გამოსწორება.

მუნიციპალიტეტის სატენდერო კომისიამ 2 შემთხვევაშიარასწორად მოახდინა პრეტენდენტების დიცკვალიფიკაცია. შერჩევა-შეფასების ეტაპზე დაშვებული ხარვეზების გამო, შესყიდვების ფასი ჯამში 29.5 ათასი ლარითაა გაზრდილი.

ხარაგაულის მუნიციპალიტეტში ღია ესტრადისა და ცენტრალური პარკის რეაბილიტაციის პროექტის მომზადებისას არც არსებული შენობის სახურავის მდგომარეობის შეფასება მომხდარა და არც სახურავის რეაბილიტაციის გათვალისწინება პროექტში. პროექტის დასრულებიდან დაახლოებით 2 თვეში წვიმის შედეგად დაზიანდა შენობის კედლები, ჭერი და სცენა. მუნიციპალიტეტმა წვიმის შედეგად დაზიანებული სამუშაოების გამოსწორება გარანტიის ფარგლებში მოსთხოვა სამშენებლო კომპანიას, რომელმაც 3 თვის შემდგომ შეასრულა აღდგენითი სამუშაოები. თუმცა, ადგილზე დათვალიერებით ირკვევა, რომ კედლები, ჭერი და ჟალუზები კვლავ დაზიანებულია.

ხულოს მუნიციპალიტეტის 2015 წლის ბალანსის თანახმად, ძირითადი კაპიტალის მოხმარების ფაქტობრივი ხარჯი, 2015 წლის 31 დეკემბრის მდგომარეობით, შეადგენს 533,422 ლარს. აუდიტორული პროცედურების შედეგად დგინდება, რომ სატრანსპორტო საშუალებებზე დარიცხული ცვეთა, ნაცვლად საბალანსო 31,680 ლარისა, შეადგენს 35,120 ლარს.

2014-2015 წლებში ყვარლის მუნიციპალიტეტმა შპს „აკვედუკი 07-დან“ შეისყიდა სოფელ შილდაში სასმელი წყლის ქსელის რეაბილიტაციის 480.0 ათასი ლარის ღირებულების სამუშაოები, რომელიც ითვალისწინებდა 887 აბონენტის გამრიცხველიანებას. შესრულებულ სამუშაოებს ჩაუტარდა ექსპერტიზა, რომლის დასკვნითაც მრიცხველის კარადების ნაწილი დეფორმირებული იყო. მიუხედავად ხარვეზებისა, მუნიციპალიტეტმა მიმწოდებელს სრულად აუნაზღაურა მრიცხველის კარადების ღირებულება, 20.3 ათასი ლარი. აუდიტის ჯგუფისა და გამგეობის წარმომადგენლების მიერ სამუშაოების დათვალიერებით დადასტურდა კარადების დაზიანების ფაქტები. ხელშეკრულების მიხედვით, შპს „აკვედუკი 07-ს“ 5 წლის განმავლობაში ევალებოდა გამოვლენილი ხარვეზების აღმოფხვრა, მაგრამ მუნიციპალიტეტს ამ საკითხზე მიმწოდებლისთვის არ მიუმართავს.

2015-2016 წლებში დასახლებულ ტერიტორიაზე დაგვა-დასუფთავებისა და ნარჩენების მართვის მომსახურების შესყიდვას მუნიციპალიტეტი არასწორად არიცხავდა დღგ-ს. შესყიდვების მართვასთან დაკავშირებული ხარვეზების შედეგად, გარდაბნის მუნიციპალიტეტმა (შესაბამისმა პასუხისმგებელმა პირებმა) კომუნალურ მომსახურებაში ზედმეტად გადაიხადა 56.9 ათასი ლარი.

თელავის მუნიციპალიტეტში სოფელ რუისპირში სასმელი წყლის სისტემის მოწყობის პროექტის ხარჯთაღრიცხვაში გათვალისწინებული იყო საქლორატოროს შენობის მშენებლობა. თუმცა, სამშენებლო სამუშაოების მიმდინარეობისას გაირკვა, რომ პროექტით არ იყო განსაზღვრული საქლორატოროს ასაშენებლად საჭირო ტერიტორია და არ არსებობდა შენობის საპროექტო გეგმა. შედეგად, პროექტის დასრულება გახანგრძლივდა 1 თვით.

ხულოს მუნიციპალიტეტის გამგეობის მიერ, 2015 წლის განმავლობაში, გამარტივებული შესყიდვის საშუალებით, სამშენებლო სამუშაოების სახელმწიფო შესყიდვის მიზნით გაფორმებულია 97 ერთეული ხელშეკრულება . ხელშეკრულებათა ჯამურმა ღირებულებამ შეადგინა 816,712 ლარი, ხოლო განხორციელებულმა გადახდამ - 792,447 ლარი. მუნიციპალიტეტის გამგეობის მიერ ანგარიშსწორება განხორციელებულია იმ პირობებში, როდესაც მიმწოდებლების მიერ არ არის წარმოდგენილი ინფორმაცია ფაქტობრივი დანახარჯების შესახებ, რითაც დარღვეულია საქართველოს მთავრობის 2014 წლის 14 იანვრის N55 დადგენილებით დამტკიცებული „ტექნიკური რეგლამენტი - სამშენებლო სამუშაოების სახელმწიფო შესყიდვისას ზედნადები ხარჯებისა და გეგმური მოგების განსაზღვრის წესის“ მე-3 პუნქტი.

2015 წელს, შპს „ბელას“ მუნიციპალიტეტისათვის უნდა შეესრულებინა სასმელი წყლის ორი ჭაბურღილისა და ქსელის მოწყობის სამუშაოები, ღირებულებით - 180.0 ათასი ლარი. მიმწოდებელს შესაბამისი გარანტიის საფუძველზე ჩაერიცხა ავანსი - 42.0 ათასი ლარი. წარმოდგენილი გარანტიის მიხედვით, მიმწოდებლის მიერ ხელშეკრულებით ნაკისრი ვალდებულებების დარღვევის შემთხვევაში, სადაზღვევო კომპანია იღებდა ვალდებულებას საგარანტიო თანხის ანაზღაურებაზე, ვალდებულების შემცირების პროპორციულად. შპს „ბელამ“ შეასრულა მხოლოდ 86.4 ათასი ლარის სამუშაოები, საიდანაც ავანსად გადახდილი 42.0 ათასი ლარის გარდა, აუნაზღაურდა 66.5 ათასი ლარი. აღნიშნულის გამო, შპს „ბელას“ მუნიციპალიტეტში ერიცხება დებიტორული დავალიანება - 22.1 ათასი ლარის ოდენობით. მუნიციპალიტეტს არ გამოუყენებია საავანსო გარანტია, არ მოუთხოვია გარანტორისაგან შესაბამისი თანხა და ვერ დაიბრუნა ავანსად გადახდილი თანხის ნაწილი - 22.1 ათასი ლარი.

2015 წელს გარდაბნის მუნიციპალიტეტმა ელექტრონული ტენდერი გამოაცხადა სოფელ სართიჭალაში კლუბის შენობის სარეკონსტრუქციო-სარემონტო სამუშაოების შესყიდვაზე . მიმწოდებელთან 2015 წლის 1 ოქტომბერს გაფორმდა სახელმწიფო შესყიდვის ხელშეკრულება, ღირებულებით 247.0 ათასი ლარი. სამუშაოების დასრულების ვადად განისაზღვრა 30 ნოემბერი. მხარეებს შორის ხელშეკრულება ითვალისწინებდა საჯარიმო სანქციებს შესყიდვის ობიექტის მიწოდების ვადის დარღვევისათვის. მიმწოდებელმა სამუშაოს დასრულებაზე წერილი წარმოადგინა 2016 წლის 13 მაისს. შესაბამისად, შესყიდვის ობიექტის მიწოდება დაგვინდა 165 დღით. ხელშეკრულების პირობის თანახმად, მიმწოდებელს უნდა დაკისრებოდა პირგასამტეხლო ყოველ ვადაგადაცილებულ დღეზე ხელშეკრულების ღირებულების 0.1%-ის ოდენობით, რაც 165 დღეზე გაანგარიშებით 40.8 ათას ლარს შეადგენდა. შემსყიდველის მიერ ჯარიმა დარიცხული არ არის. გარდაბნის მუნიციპალიტეტმა (შესაბამისმა პასუხისმგებელმა პირებმა) მიმწოდებლის მიმართ არ გამოიყენა საჯარიმო სანქცია, რის შედეგადაც ბიუჯეტში არ მიიმართა შესაბამისი ფინანსური რესურსი.

შერჩეული მუნიციპალიტეტების ნაწილი არ იყენებს ადგილობრივი თვითმმართველობის კოდექსით გათვალისწინებულ მოქალაქეთა მონაწილეობის ახალ ფორმას, დასახლების საერთო კრებას, რომელიც ერთ-ერთი მექანიზმია პრიორიტეტული მიმართულებებისა და პროექტების შესახებ მოსახლეობის აზრის გასაგებად.

ხულოს მუნიციპალიტეტის მიერ, სამშენებლო სამუშაოების სახელმწიფო შესყიდვის ელექტრონული საშაულებებით განხორციელების დროს, სისტემური ხასიათი აქვს სამუშაოების დასრულების/ მიწოდების ვადის ცვლილებებს. ხელშეკრულებებში ვადის შეცვლის საფუძვლად ძირითადად მითითებულია საპროექტო დოკუმენტაციების უზუსტობა , თუმცა მუნიციპალიტეტს, საპროექტო დოკუმენტაციაში არსებულ შეუსაბომებებთან დაკავშირებით, არცერთ შემთხვევაში, საპროექტო დოკუმენტაციათა მიმწოდებლების მიმართ, სახელშეკრულებო ვალდებულებათა არაჯეროვნად შესრულების გამო სათანადო ღონისძიებები არ განუხორციელებია.

2016 წელს ყვარლის მუნიციპალიტეტმა ილია ჭავჭავაძის ძეგლისა და მისი მიმდებარე ტერიტორიის რეკონსტრუქციის სამუშოების შემსრულებელს, ი/მ გელა რუსიაშვილს სამუშაოების დასრულების ვადა ისე გადაუწია, რომ არ არსებობდა ამის ობიექტური მიზეზი, რადგან ვადის გადაწევა მოხდა მესამე პირისაგან მასალის დროულად მიუწოდებლობის გამო. შედეგად, ხელშეკრულების პირობების დარღვევისათვის მიმწოდებელს არ დაეკისრა 5.5 ათასი ლარის პირგასამტეხლო.

2012 წლის 1 ივლისის შემდეგ, გამარტივებული შესყიდვის გზით განხორციელებული სამშენებლო სამუშაოების ღირებულება მიმწოდებელს უნდა აუნაზღაურდეს ფაქტობრივი დანახარჯების მიხედვით. 2015-2016 წლებში გარდაბნის მუნიციპალიტეტმა სამშენებლო სამუშაოების მიწოდებაზე გააფორმა 101 გამარტივებული შესყიდვის ხელშეკრულება, საერთო ღირებულებით 2 261.6 ათასი ლარი . ხელშეკრულებების საკასო ხარჯმა 1 865.5 ათასი ლარი შეადგინა. წარმოდგენილი დოკუმენტაციის შესწავლის შედეგად გამოვლინდა, რომ მუნიციპალიტეტი მიმწოდებლებისგან არ ითხოვდა დოკუმენტაციას ფაქტობრივი დანახარჯების შესახებ და ანგარიშსწორებას ახორციელებდა წარმოდგენილი ფორმა №2-ების შესაბამისად. გამარტივებული ხელშეკრულების ფორმით შესყიდული სამშენებლო სამუშაოებისათვის, მიმწოდებლებზე თანხის ანაზღაურების დროს მუნიციპალიტეტი (შესაბამისი პასუხისმგებელი პირები) არ ითვალისწინებდა მოქმედი კანონმდებლობის მოთხოვნებს, რეალურად გაწეული ხარჯების შესახებ. შესაბამისად, 1 865.5 ათასი ლარი შესყიდვების პროცესში ანაზღაურებულია შესაბამისი დოკუმენტური დასაბუთების გარეშე, რაც, არსებული პრაქტიკით, იწვევს საბიუჯეტო სახსრების ზედმეტად ანაზღაურებას.

ხულოს მუნიციპალიტეტის საბალანსო მონაცემებით, სატრანსპორტო საშუალებების ნაშთი 2015 წლის 1 იანვრის მდგომარეობით შეადგენს 322,332 ლარს, ხოლო 2015 წლის 31 დეკემბრის მდგომარეობით - 163,201 ლარს. სატრანსპორტო საშუალებების საწყისი (ისტორიული) ღირებულებების საფუძველზე დგინდება, რომ სატრანსპორტო საშუალებების ნაშთი 2015 წლის 1 იანვრის მდგომარეობით შეადგენს 318,922 ლარს, ხოლო 2015 წლის 31 დეკემბრის მდგომარეობით - 145,891 ლარს.

„ბათუმი ჰიტ სეზონი 2015“-ის პროექტის ფარგლებში, ბათუმის კულტურის ცენტრის დროებით სარგებლობაში მყოფ, ბათუმის კორტების ტერიტორიაზე ფუნქციონირებდა ღია ბარები (კაფეები) და განთავსებული იყო სარეკლამო ხასიათის ინფორმაცია, თუმცა აღნიშნული საქმიანობით ბათუმის კულტურის ცენტრს შემოსავლები არ მიუღია.

2015-2016 წლებში მუნიციპალიტეტის სოფლებში - მთისუბანში, გავაზსა და ჭიკაანში შეძენილია სასმელი წყლის მაგისტრალის რეაბილიტაციის სამუშოები, რომელიც მოიცავდა მოსახლეობის გამრიცხველიანებას. 360 ერთეული კარადისა და მრიცხველის შეძენასა და დამონტაჟებაზე გახარჯულია 36.1 ათასი ლარი. მიუხედავად გამრიცხველიანებისა, აღნიშნულ სოფლებში არ ხდება მოხმარებული წყლის გადასახადის ადმინისტრირება.

2015-2016 წლებში, ინფრასტრუქტურული პროექტების განხორციელებისას, გარდაბნის მუნიციპალიტეტი მიმწოდებლის მოთხოვნით ზოგჯერ ზრდიდა შესყიდვის ობიექტის მიწოდების ვადას.3 ხელშეკრულების შემთხვევაში, განხორციელებული ცვლილებებით, შემსყიდველი ორგანიზაციის პირობები გაუარესებულია, რაც ეწინააღმდეგება მოქმედ კანონმდებლობას. აღნიშნული გამოიწვია ხელშეკრულებების ცვლილებებისათვის სუბიექტური ფაქტორების გამოყენებამ და/ან სამუშაოების არასათანადო დაგეგმვამ, რის გამოც მუნიციპალიტეტმა საჯარიმო სანქციები არ გამოიყენა. შედეგად, მოსახლეობამ დადგენილ დროში ვერ მიიღო დაგეგმილი ეკონომიკური სიკეთე, ხოლო მუნიციპალიტეტის ბიუჯეტში არ არის მიმართული შესაბამისი ფინანსური რესურსი.

ხულოს მუნიციპალიტეტის მიერ, 2015 წელს, გობაძეების, ირემაძეების და ბოღაურის სოფლების კრების ოქმების საფუძველზე, განხორციელებულია 500 კვ. მ სასაოფლო-სამეურნეო დანიშნულების მიწის ნაკვეთის შესყიდვა. ნასყიდობის ღირებულებამ შეადგინა 5,150 ლარი. უძრავი ნივთის შესყიდვა განხორციელებულია აუდიტორული შეფასების გარეშე.

ბათუმის კულტურის ცენტრსა და შპს „ივენთ ჰოლს“ შორის გაფორმებული სახელმწიფო შესყიდვის შესახებ ხელშეკრულების ფარგლებში, ხელშეკრულების პირობების გაუთვალისწინებლად, ადგილობრივი ბიუჯეტიდან, ბათუმის კულტურის ცენტრის მიერ ზედმეტად არის გადახდილი 29 177 ლარი.

2015-2016 წლებში ყვარლის მუნიციპალიტეტის მიერ გამარტივებული შესყიდვის გზით გაფორმებული 45 ხელშეკრულების ფარგლებში შესყიდულია 799.4 ათასი ლარის ღირებულების სამშენებლო სამუშოები. მიმწოდებლებზე თანხის ანაზღაურების დროს, მუნიციპალიტეტი არ ითვალისწინებდა მოქმედი კანონმდებლობის მოთხოვნებს და არ ითხოვდა დოკუმენტაციას ფაქტობრივი დანახარჯების შესახებ. შედეგად, არსებული პრაქტიკიდან გამომდინარე, არსებობს რისკი იმისა, რომ შესაძლოა ადგილი ჰქონდეს საბიუჯეტო სახსრების ზედმეტად ანაზღაურების ფაქტებს.

ვიზუალური შესწავლის შედეგად, გარდაბნის მუნიციპალიტეტში გამოვლინდა უხარისხოდ შესრულებული ცალკეული სამუშაოები, რომელთა ხელშეკრულებით განსაზღვრული საგარანტიო ვადები ამოწურული არ იყო. მუნიციპალიტეტს აღნიშნული ხარვეზები არ გამოუვლენია და შესაბამისად, მიმწოდებლებისათვის მათი აღმოფხვრის მოთხოვნით არ მიუმართავს. გარდაბნის მუნიციპალიტეტში დანერგილი კონტროლის სისტემა ინფრასტრუქტურული პროექტების განხორციელების შესახებ, ვერ უზრუნველყოფს სამუშაოების დადგენილ ხარისხს. ამასთანავე, არ მუშაობს საგარანტიო პერიოდში არსებული ხარვეზების გამოვლენისა და გამოსწორების მექანიზმი. შედეგად, სამუშაოთა ნაწილისათვის სრულად ვერ იქნა მიღწეული პროგრამით გათვალისწინებული მიზნები, მისი ექსპლუატაციის მთელ პერიოდში.

ხულოს მუნიციპალიტეტის გამგეობის, აგრეთვე მუნიციპალიტეტის მიერ დაფუძნებული არასამეწარმეო (არაკომერციული) იურიდიული პირების მიერ 2015 წელს არ ჩატარებულა ფინანსური მოთხოვნების/ ვალდებულებების ინვენტარიზაცია

ბათუმის კულტურის ცენტრის მიერ ბიუჯეტში არ არის გადარიცხული საშემოსავლო გადასახადი 1800 ლარის ოდენობით. ბიუჯეტის კუთვნილი შემოსულობა ბათუმის კულტურის ცენტრის მიერ აღირიცხა, როგორც საკუთარი შემოსავლები.

ყვარლის მუნიციპალიტეტში არ არის შედგენილი 2016 წლიური ფინანსური ანგარიშგებები. მუნიციპალიტი არ ფლობს მონაცემებს 2015 წლამდე არსებული ბუღალტრული ნაშთების შესახებ, არ არის ნაწარმოები ე.წ. „მთავარი წიგნი“, ყველა შეძენილი ქონება აღრიცხულია დაუმთავრებელი ძირითადი აქტივების ანგარიშზე. 2015 წლამდე არსებული ქონება აღრიცხულია მხოლოდ რაოდენობრივად და არ არის შეფასებული.

2015 წელს გარდაბნის მუნიციპალიტეტმა „სოფლის მხარდაჭერის პროგრამის“ ფარგლებში დააფინანსა სოფლების: ქესალოს, ნაზარლოსა და ყარაჯალარის საბავშვო ბაღების სარეაბილიტაციო სამუშაოები. შესრულებული სამუშაოების ჯამურმა ღირებულებამ 158.9 ათასი ლარი შეადგინა. შენობების სარეაბილიტაციო სამუშაოები გაგრძელდა 2016 წელს და ადგილობრივი ბიუჯეტიდან დახარჯულია 296.5 ათასი ლარი. სულ აღნიშნულ ბაღებზე 2015-2016 წლებში გაწეულია 455.4 ათასი ლარის ხარჯი. 2017 წლის აგვისტოში საბავშვო ბაღები დათვალიერდა მუნიციპალიტეტის წარმომადგენლებთან ერთად. გაირკვა, რომ ობიექტები დანიშნულების მიხედვით არ ფუნქციონირებს . ამასთანავე, სოფელ ქესალოს საბავშვო ბაღის შენობა საჭიროებს ხელახალ სარემონტო სამუშაოებს. ხელშეკრულების პირობების შესაბამისად, სამუშაოს ხარისხზე გავრცელებულია 2-წლიანი გარანტია, თუმცა მუნიციპალიტეტს ხარვეზების გამოსწორებაზე მიმწოდებლისათვის არ მიუმართავს. გარდაბნის მუნიციპალიტეტმა (შესაბამისმა პასუხისმგებელმა პირებმა) ვერ მიაღწია ღონისძიების ფარგლებში დასახულ მიზანს. კერძოდ, ფინანსური რესურსი მიმართა ისეთი პროექტების დასაფინანსებლად, რომლის დადებითი ეფექტიც ადგილობრივ მოსახლეობაზე დროულად ვერ აისახა.

ხულოს მუნიციპალიტეტის სხვა საგადასახადო აქტივის ნაშთი 2015 წლის 31 დეკემბრის მდგომარეობით შეადგენს 763 ლარს, ხოლო მოთხოვნები არაფინანსური აქტივების დანაკლისებით - 5,849 ლარს. შესაბამისად, ხულოს მუნიციპალიტეტის 2015 წლის 31 დეკემბრის მდგომარეობით შედგენილი ბალანსის მონაცემი, ფინანსური აქტივებისა და მოთხოვნების ნაშთის შესახებ, 6,612 ლარით არის შემცირებული.

ბათუმის კულტურის ცენტრმა, საქართველოს საბიუჯეტო კოდექსის გაუთვალისწინებლად, დაკისრებული ჯარიმის თანხის ოდენობა - 6 499 ლარი, არ მიმართა მუნიციპალიტეტის ბიუჯეტში.

გამგეობის შიდა აუდიტის სამსახურის საქმიანობა ვერ უზრუნველყოფს მუნიციპალიტეტის რესურსების ეკონომიურად გამოყენებას, გამგეობის წინაშე არსებული ამოცანების ეფექტიანად შესრულებასა და მუნიციპალიტეტის მიერ დასახული მიზნების მიღწევას. მუნიციპალიტეტის სტრუქტურულ ერთეულებზე შიდა აუდიტის სამსახურს არ გაუცია შესაბამისი რეკომენდაციები, რაც უზრუნველყოფდა რისკების მართვისა და შიდა კონტროლის სისტემის გაუმჯობესებას.

მუნიციპალიტეტის მიერ შედგენილი ფინანსური ანგარიშგების შესწავლისას გამოვლინდა ხარვეზები, რომლებიც არსებით გავლენას ახდენს ფინანსურ ანგარიშგებაში წარმოდგენილი მონაცემების სისწორეზე.

ა(ა)იპ „შუახევის კულტურის ცენტრის“ 2015 წლის ბალანსის დანართ ფორმა N5-ის შესაბამისად, სხვა მატერიალური მარაგები წლის დასაწყისისათვის მითითებულია 122 624 ლარი, ხოლო ნაშთი წლის ბოლოსათვის 151 554 ლარი. აღნიშნული მონაცემები არ არის დაფიქსირებული ბალანსის დანართ ფორმა N1-ში.

ბათუმის კულტურის ცენტრის მიერ, ბილეთების ელექტრონული გაყიდვის მომსახურების შესყიდვაზე, მომსახურების ბაზარზე არსებული ფასების გაუთვალისწინებლად, გადახდილია შესაძლო ღირებულებაზე არანაკლებ 7 650 ლარით მეტი.

ხაშურის მუნიციპალიტეტის საკრებულოს არაანაზღაურებად წევრებზე ხარჯების ანაზღაურების სახით სააუდიტე პერიოდში გაცემული თანხა სულ შეადგენს 145,0 ათას ლარს, მათ შორის, 2015 წელს - 75,7 ათასი ლარი, 2016 წელს - 69,3 ათასი ლარი. მუნიციპალიტეტის საკრებულოს დეპუტატებზე ხარჯები ანაზღაურებულია ისე, რომ მათ მიერ არ არის წარმოდგენილი ხარჯის დამადასტურებელი დოკუმენტები.

2016 წელს გარდაბნის მუნიციპალიტეტის მიერ არ არის დაცული ინვენტარიზაციის ვადა. ინვენტარიზაციის პროცესში გამოვლინდა ქონების დანაკლისი 19.9 ათასი ლარის ღირებულებით. ზედმეტად აღირიცხა 28.3 ათასი ლარის აქტივი. აუდიტის ობიექტმა ვერ წარმოადგინა ინფორმაცია საინვენტარიზაციო აღწერის შედეგების განხილვისა და გატარებული ღონისძიებების შესახებ.

ა(ა)იპ „შუახევის ბაგა-ბაღების გაერთიანების“ 2015 წლის ბალანსის დანართ ფორმა N1-ის მიხედვით, წმინდა ღირებულება წლის ბოლოსათვის დაფიქსირებულია 195 079 ლარი, ხოლო ფორმა N3-ში ფიქსირდება 184 251 ლარი.

ბათუმის კულტურის ცენტრის მიერ, „ბათუმი ჰიტ სეზონი 2015“ პროექტის ფარგლებში, შესყიდული იქნა ბათუმის ჩოგბურთის კლუბის ტერიტორიაზე სცენის მოწყობის VIP ზონებისათვის გადახურვით, სალაროს ჯიხურის მოწყობისა და შესაბამისი ინვენტარით უზრუნველყოფის მომსახურება, რომლის შესყიდვის მიზანშეწონილობა არ არის საკმარისად დასაბუთებული.

2016 წლის 1 სექტემბერს გაფორმდა ხელშეკრულება შპს „სუპერ ჯგუფ ლდბჯ“-სთან, ღირებულებით 36.2 ათასი ლარი, რომელიც ითვალისწინებდა მუნიციპალიტეტის სოფლებში გზების მოხრეშვას და სოფელ წაღვლში ბეტონის გზის მოწყობას. მიმწოდებელმა შეასრულა 29,8 ათასი ლარის სამუშაოები, ხოლო შეუსრულებელი დატოვა ორი სოფლის (კოდისწყარო, რბონი) საგზაო სამუშაოები. აღსანიშნავია, რომ ხელშეკრულების მიხედვით, მუნიციპალიტეტს მიღება-ჩაბარების აქტების გაფორმების შემდეგ შეეძლო აენაზღაურებინა სახელშეკრულებო ღირებულების 70%, ხოლო საბოლოო ანგარიშსწორება უნდა განხორციელებულიყო, მიმწოდებლის მიერ ექსპერტიზის დასკვნის წარმოდგენის შემდეგ. მიმწოდებელმა მიიღო სახელშეკრულებო თანხის 70% - 25.3 ათასი ლარი, ხოლო დარჩენილი სამუშაოები არ შეასრულა და არც ექსპერტიზის დასკვნა წარმოუდგენია. შედეგად არ არის დადგენილი შესრულებული სამუშაოების ხარისხი და მოცულობა.

მუნიციპალიტეტის საკრებულოს მიერ შპს „ნანას“ (კერძო სასწავლო დაწესებულება) 2012 წლის 19 ივლისის ხელეკრულებით იჯარით გადაეცა სოფელ გამარჯვებაში მდებარე შენობა-ნაგებობა. ობიექტი გაიცა 10 წლის ვადით, ხოლო წლიურმა საიჯარო ქირამ შეადგინა 1000 ლარი, რომელიც მოიჯარეს შესაბამისი ოდენობით ყოველთვიურად უნდა გადაეხადა. ქირის დაგვიანებით გადახდის შემთხვევაში, გათვალისწინებულია საჯარიმო სანქციები. 2015-2016 წლების სახაზინო შემოსულობების მიხედვით, შპს „ნანას“ საიჯარო ქირის სახით, 2000 ლარის ნაცვლად, გადახდილი აქვს 200 ლარი. აუდიტის ჯგუფის მიერ საკითხით დაინტერესების შემდეგ, შპს „ნანამ“ 2017 წლის 11-12 ნოემბერს გადაიხადა 1000 ლარი. საიჯარო ხელშეკრულების აღურიცხაობის გამო, მუნიციპალიტეტს არ ჰქონდა დაწესებული კონტროლი კუთვნილი თანხების მიღებაზე.

შუახევის მუნიციპალიტეტს, გამარტივებული შესყიდვის საშუალებით, სხვადასხვა სამშენებლო სამუშაოების შესყიდვის მიზნით გაფორმებული აქვს 86 ხელშეკრულება, საერთო ღირებულებით 450 566 ლარი. მუნიციპალიტეტის მიერ 2015 წელს 450 076 ლარის ანგარიშსწორება განხორციელებულია იმ პირობებში, როდესაც მიმწოდებლების მიერ არ არის წარმოდგენილი ინფრომაცია ფაქტობრივი დანახარჯების შესახებ, რითაც დარღვეულია ტექნიკური რეგლამენტი - ,,სამშენებლო სამუშაოების სახელმწიფო შესყიდვისას ზედნადები ხარჯებისა და გეგმური მოგების განსაზღვრის წესი“

არსებული გარემოებების გათვალისწინებით, ბათუმის კულტურის ცენტრს ჰქონდა შესაძლებლობა ბათუმის ჩოგბურთის კლუბის ტერიტორიაზე დაგეგმილი საკონცერტო ღონისძიებების სცენის მომსახურების სრული თუ არა, მნიშვნელოვანი ნაწილი მაინც განეხორცილებინა საკუთარი რესურსებით და ამ გზით გაეწია ნაკლები საბიუჯეტო ხარჯი.

ხაშურის მუნიციპალიტეტის სოფლებში წყლის სისტემის მოსაწყობად, 2016 წლის 25 ოქტომბერს გაფორმდა ხელშეკრულება, შპს „გამრეკელთან“, ღირებულებით - 21,6 ათასი ლარი. (შპს „სუპერ ჯგუფ ლდბჯ“-ს და შპს „გამრეკელის“ დირექტორი არის ერთი პირი). 2016 წლის 26 დეკემბერს გაფორმებული მიღება-ჩაბარების აქტის მიხედვით შესრულდა 14,5 ათასი ლარის სამუშაოები, ხოლო ხელშეკრულებით განსაზღვრული 7,1 ათასი ლარის სამუშაოები შეუსრულებელია. კერძოდ, მუნიციპალიტეტის 3 სოფელში სამუშაოები შესრულებულია მხოლოდ ნაწილობრივ. შედეგად, მოსახლეობა ვერ იღებს იმ სარგებელს, რომელიც პროექტით იყო განსაზღვრული.

2015 წლის 15 სექტემბერს სსიპ „სახელმწიფო ქონების ეროვნული სააგენტოდან“ გარდაბნის მუნიციპალიტეტს საკუთრებაში გადმოეცა ქ. გარდაბანში მდებარე ყოფილი საავადმყოფოს შენობის ძირითადი ნაწილი . შენობის დარჩენილი ნაწილი იმყოფება სსიპ - სასწრაფო დამედიცინო დახმარების ცენტრის განკარგვაში. მუნიციპალიტეტის საკუთრებაში არსებული ობიექტების შერჩევითი დათვალიერებისას გამოვლინდა, რომ ყოფილი საავადმყოფოს შენობაში ფუნქციონირებდა აფთიაქი. მუნიციპალიტეტის პასუხისმგებელი პირების განმარტებით, ობიექტს დაკავებული ჰქონდა სსიპ - სასწრაფო დამედიცინო დახმარების ცენტრის კუთვნილი ფართობი, თუმცა დამადასტურებელი დოკუმენტები ვერ იქნა წარმოდგენილი. დამატებითი აუდიტორული პროცედურებით დადგინდა, რომ აფთიაქი მდებარეობს თვითმმართველობის კუთვნილ ფართში. მუნიციპალიტეტი არ ფლობდა ინფორმაციას სხვა სუბიექტის მიერ კუთვნილი ქონებით სარგებლობის შესახებ. შესაბამისად, არ მომხდარა ფართობის დადგენილი წესით განკარგვა და ქონებით სარგებლობის გადასახადის ბიუჯეტში მიმართვა.

შერჩეული მუნიციპალიტეტების დიდ ნაწილში სოფლის მხარდაჭერის პროგრამის ფარგლებში პრიორიტეტული პროექტების შერჩევის მიზნით ჩატარებულ სოფლის კრებებზე მოქალაქეთა ჩართულობა 5% ან ნაკლებია

ა(ა)იპ „შუახევის ბაგა-ბაღების გაერთიანების“ 2015 წლის ბალანსის დანართ ფორმა N1-ის მიხედვით, სხვა მატერიალური მარაგების ნაშთი წლის დასაწყისში დაფიქსირებულია 9 365 ლარი, ხოლო წლის ბოლოს 7 780 ლარი, ბალანსის დანართ ფორმა N5-ში კი არ ფიქსირდება სხვა მატერიალური მარაგების მოძრაობა.

ბათუმის კულტურის ცენტრის მიერ გაფორმებული 84 250 ლარის ღირებულების სახელმწიფო შესყიდვის შესახებ ხელშეკრულებები არ იძლევა გასაწევი მომსახურების შინაარსის სრული იდენტიფიცირების საშუალებას, არ მოიცავს მისაწოდებელ საკონცერტო პროგრამას და მის ხანგრძლივობას.

  2015 წელს იმის გამო, რომ არ შედგა ტენდერი, სოფლის მხარდაჭერის პროგრამის ფარგლებში არ არის შესრულებული შემდეგი სამუშაოები; სოფელ ღართაში სასმელი წყლის სათავე ნაგებობისა და წყლის სისტემის მიწყობის სამუშაოები, ღირებულებით - 4,3 ათასი ლარი, სოფელ სარტყელაში სასმელი წყლის სათავე ნაგებობისა და წყლის სისტემის მიწყობის სამუშაოები, ღირებულებით - 6,4 ათასი ლარი, სოფელ ცივწყაროში სათავე ნაგებობის მოწყობა - 2,8 ათასი ლარი, სოფელ კლდისწყაროში სკვერის შემოღობვის სამუშაოები, ღირებულებით - 0,5 ათასი ლარი. აღნიშნული სამუშაოები არ არის დასრულებული 2016 წლის პერიოდშიც.

2015-2016 წლებში შიდა აუდიტის სამსახურს არ შეუსწავლია გამგეობის სტრუქტურული ერთეულების საქმიანობა. სამსახურს არ შეუფასებია, შეესაბამება თუ არა მუნიციპალიტეტის საქმიანობა დაგეგმილ მიზნებსა და ამოცანებს, რამდენად კანონიერად, მიზნობრივად და ეფექტიანად ხდება დაფინანსების გამოყენება, დანერგილია თუ არა ადეკვატური მართვისა და კონტროლის მექანიზმები და სხვ. შესაბამისად, არ განუხორციელებია შესაძლო დარღვევებისა და ხარვეზების იდენტიფიცირება. 2015-2016 წლებში გურჯაანის მუნიციპალიტეტის შიდა აუდიტის სამსახურს ჩატარებული აქვს მხოლოდ გამგეობის მიერ დაფუძნებული იურიდიული პირების შესაბამისობის აუდიტი. მუნიციპალიტეტის გამგეობის მიერ დაფუძნებულ იურიდიულ პირებზე, შიდა აუდიტის სამსახურის მიერ გაცემულია ზოგადი ხასიათის რეკომენდაციები.

გამგეობის ბალანსში (დანართ ფორმა N2-2), აქციები და სხვა კაპიტალში (3215) დაფიქსირებულია 1 001 93 ლარი. მუნიციპალიტეტს 2015 წელს შესაბამისი დანიშნულებით ხარჯი არ გაუწევია. აუდიტის შედეგად დადგინდა, რომ აღნიშნული წარმოადგენს 2011-2012 წლებში მუნიციპალიტეტის მიერ დაფუძნებული შპს „შუახევის წყალკანალის“ საწესდებო კაპიტალის გაზრდის მიზნით ფულად შენატანს.

„ბათუმი ჰიტ სეზონი 2015“-ის პროექტის ფარგლებში, ბათუმის კულტურის ცენტრის მიერ, ბაზრის კვლევის გარეშე, გაფორმებულია 2 641 321 ლარის ღირებულების 55 ერთეული სახელმწიფო შესყიდვის შესახებ ხელშეკრულება.

2016 წლის 7 მარტს შპს „სუპერ ჯგუფი ლდბჯ“-თან გაფორმდა ხელშეკრულება, რომელიც ითვალისწინებდა სოფელ ხცისსა და ახალშენში წყლის ქსელის მოწყობას, ღირებულებით 120,0 ათასი ლარი. ხელშეკრულების ფარგლებში, ასევე შესრულდა ლაბორატორიის შენობისა და წყლის გაუსნებოვნების ელექტროქიმიური აქტივაციის ტექნოლოგიური სისტემის მშენებლობა, რაზეც გათვალისწინებული იყო 75,8 ათასი ლარი. შესრულებული სამუშაოების ადგილზე დათვალიერებით გაირკვა, რომ წყლის გაუსნებოვნების ლაბორატორია არ ფუნქციონირებს. შედეგად მოსახლეობა ვერ იღებს მუნიციპალიტეტის მიერ გაწეული ხარჯის შესაბამის სარგებელს. პასუხისმგებელი პირის განმარტებით, ლაბორატორია არ არის შესული ექსპლოატაციაში შემდეგი მიზეზების გამო: ლაბორატორიას არ ჰყავს შესაბამისი კვალიფიკაციის მომსახურე პერსონალი, არ გააჩნია წყლის ფილტრაციისათვის საჭირო აუცილებელი მასალების (ქლორი, მარილი და სხვ.) შეძენისა და ელექტრო ენერგიის ხარჯის თანხები, არ არის განხორციელებული მოსახლეობის გამრიცხველიანობა, რამაც შესაძლოა გამოიწვიოს გაფილტრული წყლის უკონტროლო ხარჯი.

შუახევის მუნიციპალიტეტის გამგეობის 2015 წლის ბალანსის დანართ ფორმა N1-ის მიხედვით, წმინდა ღირებულება წლის დასაწყისისათვის დაფიქსირებულია 12 975 769 ლარი, ხოლო ფორმა N3-ში ფიქსირდება 13 075 366 ლარი.

ქალაქ ბათუმის მუნიციპალიტეტის მერიის მხრიდან, ბათუმის X საერთაშორისო ფესტივალის ორგანიზებაზე ელექტრონული ტენდერის გამოცხადება ვერ იქნება განხილული ისეთ აქტივობად, რომელიც მიმართულია მომსახურების გაწევის სფეროში ჯანსაღი კონკურენციის განვითარებისათვის.

2015 წელს სოფელ გომის ადმინისტრაციულ (ძველი) შენობაში სპორტულ-კულტურული ცენტრის მოსაწყობად გახარჯულია 24,2 ათასი ლარი, ხოლო 2016 წელს ამავე შენობის დარჩენილ ნაწილში კულტურულ-საგანმანათლებლო ცენტრის მოსაწყობად გაიხარჯა 23,4 ათასი ლარი (სულ 47,6 ათასი ლარი). ობიექტის ადგილზე დათვალიერებით გაირკვა, რომ აღნიშნული შენობა დაკეტილია და არ გამოიყენება. შედეგად, მოსახლეობა ვერ სარგებლობს იმ მატერიალური სიკეთით, რომელიც უნდა მიეღო აღნიშნული პროექტის განხორციელებით. პასუხისმგებელი პირის განმარტებით, სპორტულ-კულტურული და საგანმანათლებლო ცენტრების ფუნქციონირებისათვის საჭიროა დამატებითი სახსრები. 2017 წელს აღნიშნული სამუშაოები არ არის გაგრძელებული და არც მუნიციპალიტეტის ბიუჯეტით არის დაგეგმილი თანხების გამოყოფა.

მუნიციპალიტეტებში დოკუმენტურად არსებული ინფორმაცია სოფლების ინფრასტრუქტურული საჭიროებების შესახებ, უმეტესად ზოგადი და ფრაგმენტულია. მაგალითად, საჭიროებები არ არის რაოდენობრივ მაჩვენებელში გამოსახული და გაურკვეველია, მოსახლეობის რა ნაწილს ეხება ესა თუ ის პრობლემა.

არ არის შემუშავებული ცალკეული გადამხდელის მიერ დასახლებული ტერიტორიის დასუფთავებისათვის, მოსაკრებლის გადახდისა და დავალიანების აღრიცხვის მექანიზმი.

ბათუმის ჩოგბურთის კორტების ტერიტორიაზე, ღონისძიებების ჩატარების დროს, დაცვის მომსახურების სახელმწიფო შესყიდვაზე, ბათუმის კულტურის ცენტრის მიერ, ადგილობრივი ბიუჯეტიდან, არამიზნობრივად არის გაწეული 19 200 ლარის ხარჯი.

2016 წელს სოფელ ცოცხნარას თემში შემავალ სოფლებში არ არის დასრულებული შემდეგი სამუშაოები; კულტურული ცენტრის მოწყობის სამუშაოები, გახარჯულია 14,0 ათასი ლარი, სოფელ ოძისში წყლის სისტემისა და სათავე ნაგებობის მოწყობა, 2015-2016 წლებში გახარჯულია 9.9 ათასი ლარი, სოფელ წაბლოვანაში, სარიტუალო დარბაზის მშენებლობა, 2015-2016 წლებში გახარჯულია 10,2 ათასი ლარი (სულ მშენებლობაზე 2011-2016 წლებში გახარჯულია 20,4 ათასი ლარი), სოფელ ცივწყაროში, წყლის სათავე ნაგებობის მოწყობა, გახარჯულია 2,0 ათასი ლარი, სოფელ ცედანში წყლის სისტემის მოწყობა, 2015-2016 წლებში გახარჯულია 9,9 ათასი ლარი, სოფელ ქემფერში წყლის სათავე ნაგებობა, გახარჯულია 3,8 ათასი ლარი. შედეგად, მოსახლეობა ვერ იღებს გახარჯული თანხების შესაბამის სარგებელს. აღნიშნული სამუშაოები 2017 წელს არ არის განახლებული.

ქ. თბილისის მუნიციპალიტეტის მერიას მიწის ფართები უმეტეს შემთხვევაში საპრივატიზებოდ გამოაქვს პირობით - „დარეგისტრირებული კონფიგურაციით მშენებლობის უფლების გარეშე“. საკითხის შესწავლისას გამოვლინდა შემთხვევები, როდესაც მუნიციპალიტეტი, მის საკუთრებაში არსებულ ერთ საკადასტრო ერთეულად რეგისტრირებულ მიწის ფართს ჰყოფს რამდენიმე საკადასტრო ერთეულად და შემდეგ ერთ-ერთი ფართი გამოაქვს აუქციონზე შემზღუდავი პირობით. აუქციონების უმრავლესობა მიმდინარეობს უკონკურენტო გარემოში და პოტენციური მყიდველი ძირითადად ხდება მომიჯნავე ნაკვეთის მესაკუთრე. იმ პირებისათვის, რომლებიც არ არიან საპრივატიზებო ფართის მომიჯნავე მიწის ნაკვეთების მესაკუთრეები, დაწესებული შეზღუდვა წარმოადგენს დამაბრკოლებელ გარემოებას. შედეგად, იზღუდება კონკურენცია და მუნიციპალიტეტი კარგავს მეტი შემოსავლის მიღების შესაძლებლობას.

ქედის მუნიციპალიტეტის 2015 წლის ადგილობრივი ბიუჯეტიდან, შეზღუდული პასუხისმგებლობის საზოგადოებებზე გასაცემი სუბსიდიის გაანგარიშება არ განხორციელებულა. ბიუჯეტში შპს-ების დაფინანსება განისაზღვრებოდა მათ მიერ წარმოდგენილი ხარჯების ეკონომიკური კლასიფიკაციისა და საშტატო ნუსხების მიხედვით. არ არის წარმოდგენილი სუბსიდიით განსახორციელებელი პროგრამების ფარგლებში შესასრულებელი ღონისძიებები, არ არის დასაბუთებული მიღებული სუბსიდიით რა სამუშაოები უნდა შეესრულებინათ, რა პერიოდულობითა და მოცულობით. აღსანიშნავია, რომ მუნიციპალიტეტს შპს-ებისათვის არ მოუთხოვია ინფორმაცია გაწეული საქმიანობის, მიღებული სუბსიდიის ფარგლებში განხორციელებული ღონისძიებებისა და პროგრამების შესრულების შესახებ.

თვითმმართველი ქალაქის - ბათუმის საკრებულოს 2014 წლის 27 მარტის N59 განკარგულების თანახმად, ა(ა)იპ „ბათუმის სცენის“ ლიკვიდაციის შედეგად დარჩენილი, 2 445 554.1 ლარის ნარჩენი ღირებულების, მოძრავი ქონება საკუთრებაში გადაეცემოდა კულტურის ცენტრს. წარმოდგენილი დოკუმენტაციით დასტურდება, რომ არ შესრულებულა თვითმმართველი ქალაქის - ბათუმის საკრებულოს 2014 წლის 27 მარტის N59 განკარგულების მე-2 და მე-3 პუნქტები, შედეგად არსებობს საჯარო ფინანსებით შექმნილი ქონების დაკარგვის, დაზიანების, გადამალვის ან/და შემცირების რისკები.

სოფელ მიწობში საბავშვო ბაღის მშენებლობაზე 2015-2016 წლებში გახარჯულია 14,5 ათასი ლარი. საბავშვო ბაღის მშენებლობა არ არის დასრულებული, ხოლო 2017 წელს აღნიშნული სამუშაოები არ არის განახლებული. შედეგად, მოსახლეობა ვერ სარგებლობს პროექტით გათვალისწინებული სიკეთით.

ქ. თბილისის მუნიციპალიტეტის მერიის მიერ საპრივატიზებოდ გამოტანილი ქონების საწყისი ფასი დგინდება დამოუკიდებელი ექსპერტის შეფასების საფუძველზე. საექსპერტო დასკვნების ანალიზით გაირკვა, რომ შემზღუდავი პირობებით გასაყიდ ობიექტებზე ექსპერტი ამცირებს ფართის საპრივატიზებო ღირებულებას. შესაბამისად, საწყისი ფასი დგინდება საბაზროზე ნაკლები ღირებულებით. შეზღუდვით გამოცხადებული აუქციონი ძირითადად ტარდება უკონკურენტო გარემოში და ფართის პრივატიზება ხდება არასაბაზრო ღირებულებით.

მუნიციპალიტეტის პრიორიტეტების დოკუმენტი არ განსაზღვრავს მუნიციპალიტეტში არსებულ პრიორიტეტულ მიმართულებებს და მხოლოდ ბიუჯეტის დამატებით ნაწილს წარმოადგენს. აბაშის, გურჯაანისა და თეთრიწყაროს პრიორიტეტების დოკუმენტის მიხედვით, მუნიციპალიტეტების მთავარ პრიორიტეტს წარმოადგენს თავდაცვა, რომელიც პრიორიტეტულია ეროვნულ და არა მუნიციპალურ დონეზე.

ცალკეულ შემთხვევებში, ტენდერში გამარჯვებულის გამოვლენისას, სრულყოფილად არ ხდებოდა სატენდერო დოკუმენტაციით პრეტენდენტისათვის წაყენებული მოთხოვნების გათვალისწინება და დაუკმაყოფილებლობის შემთხვევაში მათი დისკვალიფიკაცია. აუდიტის პერიოდში დაფიქსირებულია 10 შემთხვევა, როცა სატენდერო დოკუმენტაციით განსაზღვრულ ხარჯთაღრიცხვაში განხორციელებულია ცვლილებები, რომელთა შესაბამისადაც შეიცვალა ხარჯთაღრიცხვით გათვალისწინებულ სამუშაოთა მოცულობები, ამოღებული და დამატებული იქნა ახალი სამუშაოები, რომელთა ღირებულებებიც ურთიერთშეთანხმების საფუძველზე, მიმწოდებლის მიერ წარმოდგენილი ფასების შესაბამისად განისაზღვრებოდა. ამასთან, რიგ შემთხვევებში, არ ხდებოდა ცვლილებების შეთანხმება პროექტის ავტორთან. აუდიტის პერიოდში, გაუთვალისწინებელი სამუშაოებისათვის გამოყოფილი თანხის გამოყენება ხდებოდა შემსყიდველთან წინასწარი შეთანხმების გარეშე. ამასთან, რიგ შემთხვევებში, ვერ იქნა წარმოდგენილი გაუთვალისწინებელი სამუშაოების შესაბამისი მოტივირებული დასკვნა. საქართველოს მთავრობის 2014 წლის 14 იანვრის N55 დადგენილებით დამტკიცებული ტექნიკური რეგლამენტის, ,,სამშენებლო სამუშაოების სახელმწიფო შესყიდვისას, ზედნადები ხარჯებისა და გეგმური მოგების განსაზღვრის წესის“ მე-3 პუნქტით გათვალისწინებული, ფაქტობრივი დანახარჯების წარმოუდგენლობის პირობებში, 2015 წელს მიმწოდებელზე, 15 შემთხვევაში გადახდილია 241 712 ლარი.

ქ.ბათუმში, ზ.გორგილაძის ქ.N54/62-ში (IIსადარბაზო) მდებარე საცხოვრებელი სახლის ლიფტის კაპიტალური შეკეთების სამუშაოების სრულყოფილად შეუსრულებლობის პირობებში, მიმწოდებელზე გადახდილია სახელშეკრულებო ღირებულება 6690 ლარი.

სოფელ კრისხევში 2015-2016 წლებში განხორციელებულია სასმელი წყლის სისტემის სარეაბილიტაციო სამუშაოები, ღირებულებით 8,8 ათასი ლარი. სამუშაოების ადგილზე დათვალიერებით გაირკვა, რომ წყლის სისტემა არ ფუნქციონირებს, შესაბამისად მოსახლეობას არ მიეწოდება სასმელი წყალი. პასუხისმგებელი პირების განმარტებით, წყლის სისტემა არ ფუნქციონირებს იმის გამო, რომ არ არის მიყვანილი ბოლომდე, კერძოდ, დარჩენილია გარკვეული დამატებითი სამუშაოები. აღსანიშნავია, რომ სამუშაოების დასრულება არ არის დაგეგმილი 2017 წლის პერიოდში.

ქ. თბილისის მუნიციპალიტეტის მერიის მიერ სარგებლობის უფლებით ფართების უმეტესობა გაცემულია მიწის ნორმატიული ღირებულების გათვალისწინებით. ქონების მოსარგებლეებთან გაფორმებული ხელშეკრულებების მიხედვით, ეკონომიკური პირობების ცვლილების შემთხვევაში, მერიას უფლება ჰქონდა, მხარესთან შეთანხმებით გადაეხედა საიჯარო ღირებულებისათვის. მიუხედავად იმისა, რომ არსებული პრაქტიკით, ძირითად შემთხვევაში, საბაზრო ღირებულება წლების განმავლობაში იზრდებოდა, ქ. თბილისის მუნიციპალიტეტის მიერ იჯარის ფასების გადახედვა არ განხორციელებულა და მოიჯარეებისათვის სარგებლობის საფასური არ არის შეცვლილი. შედეგად, მუნიციპალიტეტის ბიუჯეტი კარგავს მნიშვნელოვან შემოსავლებს.

სამოქმედო გეგმის შემუშავების სახელმძღვანელოში მოცემული პროექტების შეფასების კრიტერიუმების სკალები უმეტეს შემთხვევაში ზოგადია და პროექტის შეფასების პროცესს ერთიან ჩარჩოში ვერ აქცევს, ამასთანავე, იმ კრიტერიუმის ფარგლებში, რომლის სკალა დეტალურადაა წარმოდგენილი სახელმძღვანელოში, სამუშაო ჯგუფების მიერ პროექტებისთვის მინიჭებული ქულები შეიცავს ტექნიკურ ხარვეზებს, რომელთა გამოვლენის მექანიზმი დღეის მდგომარეობით არ არსებობს

ქედის მუნიციპალიტეტის 2015 წლის ბიუჯეტიდან, ხარჯების მუხლით გამოყოფილი 971 045 ლარიდან, 46 920 ლარი გახარჯულია არაფინანსური აქტივების ზრდის მუხლით.

შპს ,,კომპანიონის“ მიერ, ქ. ბათუმში, ყადირ შერვაშიძის აღმართის N114-ში მცხოვრები მ. ფარტენაძის საცხოვრებელი სახლისა და მიმდებარე საყრდენი კედლის გამაგრებითი სამუშაოების არასრულყოფილად შესრულების და სამუშაოს შესრულების ვადის უსაფუძვლოდ გაგრძელების პირობებში, ა(ა)იპ „ბათუმის კორპუსის“ მიერ არ არის გამოყენებული ხელშეკრულებით გათვალისწინებული უფლებამოსილება, პირგასამტეხლოს დაკისრების შესახებ.

2015 წელს სოფელ ჩორჩანაში შესრულებულია სასმელი წყლის სათავე ნაგებობის მოწყობა, ღირებულებით 4,8 ათასი ლარი. ობიექტის ადგილზე დათვალიერებით გაირკვა, რომ, წყლის სათავე ნაგებობა დაზიანებული იყო, კერძოდ, გატეხილი იყო მიწის ზედაპირზე არსებული პლასტმასის მილი. შედეგად წყალი ბინძურდებოდა და მოსახლება ვერ იყენებდა სასმელად. აღნიშნული ხარვეზი გამოსწორებულია აუდიტის ჯგუფის მიერ საკითხით დაინტერესების შემდეგ.

2012 წელს ქ. თბილისში გზის გაყვანის შედეგად კერძო კომპანიას მიადგა ზარალი. ქ. თბილისის მუნიციპალიტეტის მერიამ ზარალის შეფასება და ანაზღაურება განახორციელა 2016 წლის მდგომარეობით, მიწის საბაზრო ღირებულების მიხედვით. პროცესის გაჭიანურების შედეგად, მერიის მიერ ზარალი შეფასდა და ანაზღაურდა, ზარალის მიღების პერიოდში არსებულ ღირებულებასთან შედარებით, დაახლოებით 5-ჯერ მეტი ღირებულების მიწის ნაკვეთით.

საჯარო რეესტრისა და მუნიციპალიტეტების ხელთ არსებული მონაცემების შედარებისას გამოვლენილი მნიშვნელოვანი სხვაობების საფუძველზე (50% ბათუმის და 47% ქედის მუნიციპალიტეტის შემთხვევაში) შეიძლება დავასკვნათ, რომ მუნიციპალიტეტების მიერ ქონების აღრიცხვან ნაკლოვანებებით წარიმართება. აღნიშნულის შედეგადაც მუნიციპალიტეტები არ ფლობენ სრულ და განახლებულ ინფორმაციას მათ ხელთ არსებული ქონების შესახებ. შესაბამისად იმისთვის, რომ მუნიციპალიტეტებმა შეძლონ საკუთარი ქონების ადექვატური მართვა და ამ გზით ხელი შეუწყონ ეკონომიკურ განვითარებას, აუცილებელია რომ განხორციელდეს ქმედებები მუნიციპალიტეტების საკუთრებაში/სარგებლობაში არსებული ქონების სრული, ხელმისაწვდომი და განახლებადი მონაცემთა ბაზების შესაქმნელად.

ა(ა)იპ „ქედის სასპორტო სკოლის“ 2015 წლის წმინდა ღირებულების შესახებ ბალანსის დანართ ფორმა N3-ში, ბიუჯეტიდან მიღებული დაფინანსების სახით ფიქსირდება 132 871 ლარი, მაშინ როცა, სახაზინო სამსახურის მონაცემებით, ბიუჯეტიდან გაცემულია 117 245 ლარი, ანუ 15 626 ლარით ნაკლები.

ა(ა)იპ ,,ბათუმის კორპუსის“ მიერ, 96 688 ლარის ღირებულების სამშენებლო მასალების ხარჯვასთან დაკავშირებით, დეფექტურ აქტებში არ არის იდენტიფიცირებული შესასრულებელი სარემონტო სამუშაოების მოცულობა, ხოლო მასალების ფაქტობრივად ხარჯვის/ჩამოწერის შესაბამისობა საქართველოს ეკონომიკისა და მდგრადი განვითარების მინისტრის 2011 წლის 18 თებერვლის N1-1/251 ბრძანებით განსაზღვრულ სამშენებლო სფეროში მოქმედ ნორმებთან, იდენტიფიცირებული არ არის.

2016 წლის პირველი იანვრის მდგომარეობით ხაშურის მუნიციპალიტეტს ნაშთად ერიცხება სოფლის მხარდაჭერის პროგრამის ფარგლებში შეძენილი სამშენებლო მასალები, საერთო ღირებულებით - 61,2 ათასი ლარი, ხოლო 2017 წლის პირველი იანვრის მდგომარეობით 66,3 ათასი ლარის მასალები. შედეგად, მოსახლეობა ვერ იღებს იმ სარგებელს, რომელიც უნდა მიეღო შეძენილი მასალების გამოყენებით შესრულებული სამუშაოებიდან. მათ შორის 18,7 ათასი ლარის სამშენებლო მასალები შეძენილია 2012 წელს. მასალების ადგილზე დათვალიერებით გამოვლინდა, რომ მათი ნაწილი (ცემენტი დაახლოებით 16 ტ, საღებავები) გაფუჭებულია და უვარგისია გამოსაყენებლად.

2015-2016 წლებში მუნიციპალიტეტის საკრებულოს არათანამდებობის პირებზე უფლებამოსილების განხორციელებასთან დაკავშირებული ხარჯები ანაზღაურებულია მოქმედი კანონმდებლობის დარღვევით, შესაბამისი ხარჯის დამადასტურებელი დოკუმენტების წარმოდგენის გარეშე

მერიის საკუთრებაშია ქონებები, რომელთა გამოყენება ხდება გარკვეული ფიზიკური ან იურიდიული პირების მიერ შესაბამისი ანაზღაურების გარეშე/უსასყიდლოდ, რაც ქონების თვითნებურად გამოყენებაზე მიუთითებს. შესაბამისად, აღნიშნული ტიპის ქონებები მუნიციპალიტეტისათვის წარმოადგენს რეალურ პრობლემას, გარკვეულ ნაწილში მუნიციპალიტეტი ვერ იყენებს საკუთრების უფლებას სრულად, რაც შესაძლებელია დამაბრკოლებელ ფაქტორად განვიხილოთ ქონების ეფექტიანი მართვის მიზნებისათვის.

ქედის მუნიციპალიტეტის დაქვემდებარებაში მყოფი ორგანიზაციების მიერ, ბალანსზე რიცხულ 18 480 ლარის ღირებულების ძირითად აქტივებზე, არ არის დარიცხული 2 623 ლარის ცვეთა. მათ შორის ა(ა)იპ „ქედის სახელოვნებო სკოლის“ მიერ -1334 ლარი და ა(ა)იპ „ქედის ისტორიული მუზეუმის“ მიერ – 1289 ლარი.

თვითმმართველი ქალაქის-ბათუმის მერიის მიერ, სანიაღვრე და საკანალიზაციო სისტემის რეაბილიტაციის სამუშაოების სახელმწიფო შესყიდვისას, სატენდერო კომისიის მიერ, საკითხისადმი არაერთგვაროვანი მიდგომის შედეგად, გამარჯვებულად აღიარებულ პრეტენდენტთან გაფორმებული ხელშეკრულების ღირებულება 343 427 ლარით მეტია უმცირესი ფასის მქონე დისკვალიფიცირებული პრეტენდენტის მიერ წარმოდგენილ ღირებულებაზე.

2016 წელს სოფელ წრომში სოფლის მხარდაჭერის პროგრამის ფარგლებში შესრულებულია ალტერნატიული საბავშვო ბაღის შენობის რეაბილიტაცია, ღირებულებით - 51,2 ათასი ლარი. შესრულებული სამუშაოების ადგილზე დათვალიერებით გაირკვა, რომ საბავშვო ბაღი განლაგებულია სოფლის ადმინისტრაციის შენობის პირველ სართულზე, ხოლო სარემონტო სამუშაოები შესრულებულია მეორე სართულზე, სოფელში გამგებლის წარმომადგენლის (სოფლის ადმინისტრაციის) მიერ დაკავაბულ ფართზე. ამასთან უნდა აღინიშნოს, რომ რეაბილიტაციის ფარგლებში შესრულებულია შენობის სახურავის შეცვლა, რომელიც ასევე საბავშვო ბაღსაც ეკუთვნის. მიუხედავად ამისა, გამოყოფილი თანხის ძირითადი ნაწილი გახარჯულია ადმინისტრაციის მიერ დაკავებული ფართის სარეაბილიტაციოდ. აღსანიშნავია, რომ საბავშვო ბაღის სარეაბილიტაციო სამუშაოებზე გათვალისწინებული თანხა შეადგენს წრომის თემში შემავალი 7 სოფლისათვის განსაზღვრულ სახსრებს.

მუნიციპალიტეტის მიერ 2015-2016 წლებში მოწყობილი ბეტონის საფარი, ღირებულებით 220.9 ათასი ლარი, ნაწილობრივ დაზიანებულია და მოსახლეობას მიეწოდება ხარვეზებით. გამგეობამ ვერ უზრუნველყო საგარანტიო პერიოდში მიმწოდებლებს მოეხდინათ დაზიანებების აღმოფხვრა.

ქვეყანაში არ არსებობს კონკრეტული სტრატეგიული დოკუმენტი ბენეფიციარების სოციალურ დახმარებებზე დამოკიდებულების შემცირების მიმართულებით. ამასთანავე, სამინისტროს კონსოლიდირებული სახით არ გააჩნია ინფორმაცია ოჯახის სარეიტინგო ქულასთან დაკავშირებული დამატებითი დახმარებებისა და შეღავათების შესახებ.

ქედის მუნიციპალიტეტის საბუღალტრო აღრიცხვის მონაცემების შესაბამისად, 2015 წელს მუნიციპალიტეტს შეძენილი აქვს 253 6715 ლარის ღირებულების ძირითადი აქტივები, რომელთა ღირებულებაშიც არ არის გათვალსიწინებული 56 532 ლარის საპროექტო - სახარჯთაღრიცხვო დოკუმენტაციის ღირებულება.ქედის მუნიციპალიტეტის გამგეობის ბალანსში არ არის აღრიცხული მიწის ის ნაკვეთები, რომელზედაც დამაგრებულია გამგეობის საკუთრებაში არსებული შენობა-ნაგებობები.

ჟილინის არხის კაპიტალური რეკონსტრუქციის სამუშაოებთან დაკავშირებით, მიმწოდებლის მიერ დარღვეულია ხელშეკრულების სპეციფიკური პირობების მოთხოვნები და ექსპერტიზის დასკვნები სრულყოფილად არ არის წარმოდგენილი, შესრულებული სამუშაოს საპროექტო-სახარჯთაღრიცხვო და სატენდერო დოკუმენტაციით გათვალისწინებულ პირობებთან შესაბამისობაზე. რეკონსტრუქციის სამუშაოებთან დაკავშირებით წარმოდგენილ ფარულ სამუშაოთა აქტებში არ არის დაფიქსირებული მოცულობები. აღნიშნული გარემოებებიდან გამომდინარე, ვერ მივიღეთ სათანადო რწმუნება ფარული სამუშაოების ფაქტობრივად შესრულებაზე და საბიუჯეტო სახსრების მიზანშედეგობრივად ხარჯვის მდგომარეობაზე“.

2015-2016 წლებში ხაშურის გამგეობის შიდა აუდიტის სამსახურმა ჩაატარა მუნიციპალიტეტის მიერ დაფუძნებული ა(ა)იპ-ების 16 აუდიტი (2015 წელს - 8 და 2016 წელს - 8). წარმოდგენილი აუდიტის გეგმებისა და წლიური ანგარიშების მიხედვით შიდა აუდიტის სამსახურს არ შეუსწავლია გამგეობის სტრუქტურული ერთეულების საქმიანობა, რაც შეამცირებდა აუდიტის პერიოდში დაშვებულ ხარვეზებს.

2015-2016 წლებში სამშენებლო სამუშაოების გამარტივებული გზით შესყიდვისას, 18 ხელშეკრულების ფარგლებში, 649.7 ათასი ლარი ანაზღაურებულია შესაბამისი დოკუმენტური დასაბუთების გარეშე.

აუდიტის შედეგად გამოვლინდა, რომ საარსებო შემწეობის პროგრამის ბენეფიციარებისათვის არ იქმნება საკმარისი სტაბილურობის გარანტიები მათი დასაქმების შემთხვევაში. ბენეფიციარებს არ გააჩნიათ გარანტია, რომ მათი დასაქმების ან დამატებითი ეკონომიკური აქტივობის შემთხვევაში ოჯახის დახმარების ჯამური ოდენობა არ შემცირდება მოკლევადიან პერიოდში. აღნიშნული გარემოება იმ ფაქტთან ერთად, რომ ბენეფიციარისათვის არაპროგნოზირებადია ეკონომიკური აქტივობის დახმარების ოდენობაზე გავლენა, შესაძლოა მნიშვნელოვან დემოტივაციას ქმნიდეს მათი ფორმალურ შრომით ბაზარზე დასაქმების პროცესში.

წარმოდგენილი საბალანსო მონაცემებით, არაფინანსური აქტივების საწყისი საბალანსო ნაშთი, გარდა არაწარმოებული აქტივებისა, შეადგენს 31 736 755 ლარს, ნაშთი წლის ბოლოს 35 653 436 ლარს, 2015 წლის დარიცხულმა წლიურმა ცვეთამ 701 575 ლარი შეადგინა, რომელიც მოქმედი მარეგულირებელი ნორმების დაცვით არ არის განხორციელებული. კერძოდ, ცვეთის დარიცხვა აქტივებზე, ნაცვლად საწყისი საბალანსო ღირებულებისა, ხორციელდება ნარჩენ საბალანსო ღირებულებაზე , შესაბამისად, აქტივების ნარჩენი საბალანსო ღირებულება განისაზღვრება არაზუსტად. ანალოგიური სააღრიცხო პოლიტიკაა გამოყენებული მუნიციპალიტეტს დაქვემდებარებულ ა(ა)იპ ,,ხელვაჩაურის სასპორტო სკოლაში’’.

თვითმმართველი ქალაქის-ბათუმის მერიის მიერ, სასმელი წყლის აბონენტების ინდივიდუალური გამრიცხველიანების, წყალმზომების დაყენების სამუშაოების შესყიდვის სატენდერო წინადადებაში გათვალისწინებული პირობები და შესყიდვაში მონაწილე პირებთან არაერთგვაროვანი მიდგომა, პრეტენდენტთა შესაძლო შეზღუდვაზე და კონკრეტული პრეტენდენტის გამარჯვების შესაძლო უპირატესობაზე მიუთითებს.

არსებული პრაქტიკიდან გამომდინარე, საგზაო სამუშაოების შესრულებისას, მიმწოდებელს ხელშეკრულებით მოეთხოვება ექსპერტის დასკვნის წარდგენა შესრულებული სამუშაოს ხარისხის დასადასტურებლად. აღნიშნული მოთხოვნა მიმწოდებლების მხრიდან შესრულებულია გარკვეული ხარვეზით.2015-2016 წლებში ხაშურის მუნიციპალიტეტში შესრულებულია 3 083.8 ათასი ლარის საგზაო სამუშაოები. წარმოდგენილი დოკუმენტებით ირკვევა, რომ ასფალტბეტონის ხარისხის დასადგენად, სამუშაოს შემსრულებელი თვითონ არჩევს ექსპერტს და განსაზღვრავს ექსპერტის წინაშე დასმულ კითხვებს. ამასთან, ექსპერტიზის დასკვნებში აღნიშნულია, რომ გამოსაკვლევი ასფალტბეტონის ნიმუში მოწოდებულია სამუშაოს შემსრულებლის მიერ, შესაბამისად ექსპერტი ეყრდნობოდა მიმწოდებლის მიერ წარდგენილ ასფალტის ნიმუშებს. ზემოთ აღნიშნულის გათვალისწინებით, არსებობს რისკი, რომ მიმწოდებლების მიერ საექსპერტო ლაბორატორიებში წარდგენილი ასფალბეტონის ნიმუშები არ იყოს გზებზე დაგებული საფარის იდენტური და ექსპერტის შეფასება არ შეესაბამებოდეს რეალობას.

2015-2016 წლებში „სოფლის მხარდაჭერის პროგრამის“ ფარგლებში შეძენილი მასალებიდან, 2016 წლის 31 დეკემბრის მდგომარეობით, 236.5 ათასი ლარის ღირებულების სხვადასხვა მასალა გამოუყენებელია და დასაწყობებულია მატერიალურად პასუხისმგებელ პირებთან.

არსებული დიზაინით, საარსებო შემწეობის პროგრამა არ ითვალისწინებს რაიმე ფორმალური მოთხოვნებისა და პირობების არსებობას პროგრამის შრომისუნარიანი ბენეფიციარების მიმართ. შესაბამისად, სახელმწიფო არ არის საკმარისად პროაქტიული პროგრამის ფარგლებში ბენეფიციართა შრომითი წახალისების მიმართულებით.

მუნიციპალიტეტმა, აუდიტის პერიოდში, გამარტივებული ელექტრონული ტენდერის საშუალებით, ხელშეკრულება გაუფორმა შპს ,,ფელიქსს’’ მწვანე კონცხის დაწყებითი სკოლის რეკონსტრუქციისათვის, ღირებულებით 101 288 ლარი. სამუშაოები დასრულებული იქნა 2015 წლის დეკემბრის თვეში და დადასტურდა სსიპ ,,ლევან სამხარაულის სახელობის სასამართლო-ექსპერტიზის ეროვნული ბიუროს’’ მიერ. თანახმად სახელშეკრულებო პირობისა , მიმწოდებლის მიერ შესრულებულ სამუშაოებზე ვრცელდება საგარანტიო ვადა, საბოლოო მიღება-ჩაბარების აქტის გაფორმებიდან არანაკლებ 24 თვე. საჯარო სკოლის დირექტორის ცნობის მიხედვით, ობიექტის ჩაბარების შემდგომ გამოვლინდა რიგი ხარვეზები, დაზიანდა იატაკი, საკლასო ოთახში ჩამოდის წყალი, ფანჯრების საცრემლურები დაბზარულია და ა.შ. თუმცა მისთვის არ იყო ცნობილი შენობის საგარანტიო პირობებისა და ვადების შესახებ, აღნიშნული გარემოებებიდან გამომდინარე, მიზანშეწონილია მუნიციპალიტეტმა უზრუნველყოს სარეკონსტრუქციო/სამშენებლო სამუშაოების დასრულების შემდგომ, ობიექტის ჩაბარების ადრესატების დროული ინფორმირება საგარანტიო ვადებისა და პირობების შესახებ, რათა საგარანტიო პირობებში განხორციელდეს მოთხოვნა მიმწოდებელზე ხარვეზების დროული აღმოფხვრის მიზნით.

დეპარტამენტში დასაქმებული იყო შტატგარეშე 15 მომუშავე და მათზე ანაზღაურდა - 61,818.73 ლარი. დეპარტამენტში 12 შტატგარეშე პირი აყვანილი იყო 2015 წელს (6-12 თვე) მუდმივ ამოცანათა შესასრულებლად და მათზე ანაზღაურდა - 54,292.13 ლარი (თვეში საშუალოდ 250-800 ლარი). მომუშავე 6 შტატგარეშე მოსამსახურე დეპარტამენტში მუშაობდა 2014 წელსაც (6-12 თვით) და 5 მათგანი ასრულებდა მათზე თავდაპირველად დაკისრებულ სამუშაოებს (მოვალეობებს); დეპარტამენტის ხელმძღვანელობას წლიური სამუშაო გეგმების ფარგლებში გათვალისწინებული ღონისძიებებიდან გამომდინარე (რითაც განპირობებული იყო კიდეც შტატგარეშე მომუშავეთა დასაქმება) დამატებითი საშტატო ერთეულების გამოყოფის მიზნით არანაირი წინადადებით, მოთხოვნით ან სხვა რაიმე ოფიციალური დოკუმენტით აღმასრულებელი ხელისუფლებისათვის (აფხაზეთის მთვრობისათვის) არ მიუმართავს.

2015 წელს სოფელ ზემო ბროლოსანში შესრულებულია სარიტუალო დარბაზის კეთილმოწყობის სამუშაოები, ღირებულებით - 5,5 ათასი ლარი. სარიტუალო დარბაზის მოწყობის სამუშაოები არ არის დასრულებული. ასევე, ქვემო ბროლოსანში სარიტუალო დარბაზის სამზარეულოს გადახურვის მიზნით შეძენილია 0,7 ათასი ლარის სამშენებლო მასალები, რომლებიც არ არის გამოყენებული. შედეგად, შენობა არ არის გადახურული. აღნიშნული სამუშაოები არც 2016 წელს არ არის შესრულებული. პასუხისმგებელი პირის განმარტებით, სოფლების ზემო და ქვემო ბროლოსანის სარიტუალო სახლებს არ გააჩნიათ ფუნქციური დატვირთვა, ვინაიდან აღნიშნული სოფლების სიახლოვეს მდებარეობს სარიტუალო სახლი, რომელსაც საჭიროების შემთხვევაში იყენებს მოსახლეობა. შედეგად ზემო და ქვემო ბროლოსანის სარიტუალო სახლების მშენებლობაზე (ორივე სარიტუალო სახლი აშენებულია სრულად) გახარჯული თანხები, შესაძლებელია ჩაითვალოს როგორც არაეფექტიანი ხარჯი.

2015-2016 წლებში სოფელ სალხინოში „სოფლის მხარდაჭერის პროგრამის“ ფარგლებში დაფინანსდა წისქვილის მშენებლობისა და სტადიონის მოწყობის სამუშაოები ღირებულებით 11.3 ათასი ლარი. პროექტები დაუსრულებელია და მოსახლეობა ვერ სარგებლობს.

სამეგრელო - ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობაში 2015 წლის შესყიდვების გეგმა ელექტრონულ სისტემაში ატვირთული იყო დაგვიანებით, ხოლო განხორციელებული 59 სახელმწიფო შესყიდვის შესრულება/შეუსრულებლობის და გადახდის დამადასტურებელი დოკუმენტი არცერთ შემთხვევაში არ იყო ატვირთული ელექტრონულ სისტემაში.

მუნიციპალიტეტის 2015 წლის ფინანსურ ანგარიშგებაში, წმინდა ღირებულება 116 563 ლარით შემცირებულად არის წარმოდგენილი.

დეპარტამენტში დასაქმებული იყო შტატგარეშე 20 მომუშავე და მათზე ანაზღაურდა - 101,841.80 ლარი. შტატგარეშე მომუშავეთა დასაქმება ხდებოდა არა დროებით, არამედ ხანგრძლივი პერიოდით მუდმივი ხასიათის სამუშაოების შესასრულებლად. კერძოდ, დეპარტამენტში 15 შტატგარეშე პირი აყვანილი იყო 2015 წელს (6-12 თვე) მუდმივ ამოცანათა შესასრულებლად და მათზე ანაზღაურდა - 95,129.10 ლარი (თვეში საშუალოდ 500-750 ლარი). ლარი). ამასთანავე გაირკვა, რომ 2015 წლის განმავლობაში (6-12 თვით) მომუშავე 10 შტატგარეშე მოსამსახურე დეპარტამენტში (მათ შორის 2014 წელს 7 მუშაობდა (5-11 თვით) რეგიონული მართვის საკითხებში აფხაზეთის ა/რ-ის მინისტრის აპარატში, მის დეპარტამენტში შეერთებამდე) მუშაობდა 2014 წელსაც (6-12 თვით) და 6 მათგანი ასრულებდა მათზე თავდაპირველად დაკისრებულ სამუშაოებს (მოვალეობებს), ხოლო დანარჩენ 4 შემთხვევაში 2014 წელს მოვალეობები მკაფიოდ არ იყო განსაზღვრული (2014 წლის პერიოდში ევალებოდათ თავმჯდომარის ცალკეულ დავალებათა შესრულება). 5 შემთხვევაში შტატგარეშე თანამშრომლების მიერ შესრულებული სამუშაოს შესახებ ანგარიში, მოხსენებითი ბარათი ან სამუშაოს შესრულების დამადასტურებელი სხვა რაიმე დოკუმენტი წარმოდგენილი არ ყოფილა.

2016 წელს ხაშურის მუნიციპალიტეტში ინვენტარიზაცია არ ჩატარებულა. შესაბამისად, აუდიტის ჯგუფმა ვერ მოახერხა აქტივებისა და ვალდებულებების ფაქტობრივი ნაშთების დადგენა და მათი შედარება ორგანიზაციის სააღრიცხვო დოკუმენტებთან. იმის გათვალისწინებით, რომ გამგეობა არ ახორციელებს ინვენტარიზაციას საქართველოს კანონმდებლობით დადგენილი წესის მიხედვით, არსებობს მაღალი რისკი, რომ შეუმჩნეველი დარჩეს მუნიციპალიტეტის კუთვნილი ქონების დაკარგვის ან დაზიანების შემთხვევები.

2015-2016 წლებში სტიქიის შედეგების სალიკვიდაციოდ, ვანის მუნიციპალიტეტის მიერ შესყიდული 46.5 ათასი ლარის  ღირებულების სამშენებლო მასალებიდან, 2017 წლის პირველი იანვრის მდგომარეობით, 37.1 ათასი ლარის ღირებულების მასალა გამოუყენებელია და დასაწყობებულია. შედეგად მოსახლეობა ვერ სარგებლობს

SDG-ების მატრიცა ეროვნულ დოკუმენტებში არასრულადაა ინტეგრირებული

2015 წლის მთელი ან გარკვეული პერიოდის განმავლობაში, ზემო აფხაზეთში აფხაზეთის ავტონომიური რესპუბლიკის მთავრობის წარმომადგენლობაში დასაქმებული იყო შტატგარეშე 5 მომუშავე და მათზე ანაზღაურდა - 27,066.66 ლარი. მოქმედი კანონმდებლობის თანახმად, შტატგარეშე მოსამსახურე არის პირი, რომელიც დანიშვნით ან შრომითი ხელშეკრულებით გარკვეული ვადით მიიღება სამსახურში არამუდმივ ამოცანათა შესასრულებლად. მოპოვებული მტკიცებულებებით, შტატგარეშე მომუშავეთა დასაქმება ხდებოდა არა დროებით, არამედ ხანგრძლივი პერიოდით მუდმივი ხასიათის სამუშაოების შესასრულებლად.

მუნიციპალიტეტის მიერ, სამშენებლო სამუშაოების გამარტივებული შესყიდვისას, ფაქტობრივი დანახარჯების წარმოუდგენლობის პირობებში, სხვა ხარჯებისა და არაფინანსური აქტივების ზრდის მუხლით, გადახდილია მიმწოდებელზე 1 982 360 ლარი.

დეპარტამენტის ბალანსზე რიცხულ ავტომობილებზე ჯამში გაიხარჯა 11,504.88 ლარის ღირებულების 6,998.41 ლიტრი საწვავი.2015 წლის 14 ივლისამდე, საწვავის ლიმიტი დაწესებული იყო მხოლოდ 2 სატრანსპორტო საშუალებაზე (Mercedes-benz სახ. ნომ. DRD-415 ყოველთვიური ლიმიტი - 400 ლიტრი; Toyota 4 Runner სახ. ნომ. SKY-408 ყოველთვიური ლიმიტი - 365 ლიტრი). დეპარტამენტის ბალანსზე რიცხულ ავტომობილზე VOLKSWAGEN PASSAT სახ. ნომ. NSN-393 ყოველგვარი საფუძვლის გარეშე ფაქტობრივად გახარჯული იქნა 727.70 ლარის ღირებულების 440 ლიტრი საწვავი;

2016 წელს მუნიციპალიტეტს შესყიდული აქვს სოფელ ხალების 10 ახალი აბონენტის ელ. ენერგიის ქსელზე მიერთების მომსახურება, ღირებულებით 1.0 ათასი ლარი. ფინანსურ ანგარიშგებაში აღნიშნული მომსახურება არასწორად არის მიკუთვნებული „შენობა-ნაგებობების“ მუხლს, ნარჩენი ღირებულებით 0,9 ათასი ლარი და დარიცხულია ცვეთა - 0,1 ათასი ლარი. აღნიშნული თანხა უნდა აღიარებულიყო ხარჯად და გატარებულიყო „სხვა ხარჯების“ მუხლში.

მიმწოდებლების მიმართ არაერთგვაროვანი მიდგომის გამოყენების შედეგად, მუნიციპალიტეტმა დაკარგა ჯარიმის სახით დამატებით 129.9 ათასი ლარის შემოსავლების მიღების შესაძლებლობა, ასევე ვერ უზრუნველყო მიმწოდებლის მხრიდან ხელშეკრულების პირობების სრულად შესრულება.

მიზნებს შორის ურთიერთკავშირები სუსტადაა გამოვლენილი და ნაკლოვანებებია პასუხისმგებელი უწყებების განსაზღვრაში

2015 წლის მთელი ან გარკვეული პერიოდის განმავლობაში, იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ავტონომიურ რესპუბლიკაში აფხაზეთის ავტონომიური რესპუბლიკის მთავრობის წარმომადგენლობაში დასაქმებული იყო შტატგარეშე 7 მომუშავე და მათზე ანაზღაურდა - 26,400.00 ლარი. მოქმედი კანონმდებლობის თანახმად, შტატგარეშე მოსამსახურე არის პირი, რომელიც დანიშვნით ან შრომითი ხელშეკრულებით გარკვეული ვადით მიიღება სამსახურში არამუდმივ ამოცანათა შესასრულებლად. მოპოვებული მტკიცებულებებით, შტატგარეშე მომუშავეთა დასაქმება ხდებოდა არა დროებით, არამედ ხანგრძლივი პერიოდით მუდმივი ხასიათის სამუშაოების შესასრულებლად.

წარმოდგენილი ფინანსური ანგარიშგების, ბალანსის ფორმა N1-ის მიხედვით, ფულადი ნაშთი ბანკში ეროვნულ ვალუტაში, 2015 წლის 1 იანვრის მდგომარეობით, შეადგენს 5 273 628 ლარს, 31 დეკემბრის მდგომარეობით 1 907 477 ლარს. აუდიტის პერიოდში 41 098 ლარი შემოსავლების სამსახურის მიერ, საბანკო ანგარიშიდან ჩამოჭრილი იქნა როგორც საშემოსავლო გადასახადი, შესაბამისად, სახაზინო და საბანკო ამონაწერების მიხედვით, ფულადი ნაშთი 2015 წლის 31 დეკემბრის მდგომარეობით შეადგენს 1 866 379 ლარს, 40 097 ლარით ნაკლებს .

დეპარტამენტის თავმჯდომარეზე სარგებლობისათვის განპიროვნებულ ავტომობილზე Mercedes Benz E230 გაიხარჯა 6,161.34 ლარის ღირებულების 3,708.87 ლიტრი საწვავი, როდესაც ადგილი არ ჰქონია სამსახურებრივ მივლინებებს 9 შემთხვევაში დაფიქსირდა ქვეყნის სხვადასხვა რეგიონში ბენზინგასამართ სადგურებზე საწვავის ჩასხმის ფაქტები. დეპარტამენტის თავმჯდომარის შვებულებაში გასვლამდე (25 ივლისი - 24 აგვისტო) განპიროვნებული ავტომობილის გადაცემა უფლებამოსილ პირზე არ მომხდარა, ხოლო ავტომობილზე, რომელიც დეპარტამენტის თავმჯდომარის ოფიციალურად შვებულებაში ყოფნის პერიოდშიც იმყოფებოდა მის სარგებლობაში, გაიხარჯა 546.00 ლარის ღირებულების 300 ლიტრი საწვავი; დეპარტამენტი ასევე სარგებლობდა სამორიგეო ავტომობილით - Honda CR-V, რომელზეც გაიხარჯა 6,756.76 ლარის ღირებულების 4,067.46 ლიტრი საწვავი. სამსახურებრივი მივლინების გარეშე ქვეყნის სხვადასხვა რეგიონში 9 შემთხვევაში დაფიქსირდა ბენზინგასამართ სადგურებზე საწვავის ჩასხმის ფაქტები. ავტომობილის გამოყენების (საწვავის ჩასხმის) ფაქტი ასევე დადასტურდა 33 შემთხვევაში დასვენების (შაბათ-კვირა) დღეებშიც, როგორც თბილისში 30 შემთხვევა ასევე, ქვეყნის სხვადასხვა რეგიონში 3 შემთხვევა. სამორიგეო ავტომობილით სარგებლობის მოწესრიგებისა და ხარჯების ოპტიმიზაციის მიზნით წარმოებულ ჟურნალში არ იყო მითითებული ავტოსატრანსპორტო საშუალების დაბრუნების დროის შესახებ მონაცემები; სამორიგეო ავტომობილის მიერ საშუალო დღიურმა გარბენმა შეადგინა 80,7 კმ.

2016 წელს ხაშურის მუნიციპალიტეტისათვის სსიპ „ქონების მართვის ეროვნული სააგენტოდან“ გადმოცემულია და საჯარო რეესტრში რეგისტრირებულია 11 ობიექტი, მათ შორის 8 არასასოფლო-სამეურნეო დანიშნულების მიწის ნაკვეთი და 3 შენობა-ნაგებობა. აღნიშნული ქონება მუნიციპალიტეტის მიერ არ არის შეფასებული და შესაბამისად არც ფინანსურ ანგარიშგებაშია ასახული.

შიდა აუდიტის სამსახურს, თავისი საქმიანობით, არ შეაქვს მნიშვნელოვანი წვლილი მუნიციპალიტეტის რესურსების ეკონომიურად გამოყენებაში, გამგეობის წინაშე არსებული ამოცანების ეფექტიანად შესრულებასა და მუნიციპალიტეტის დასახული მიზნების მიღწევაში. მუნიციპალიტეტის სტრუქტურულ ერთეულებზე შიდა აუდიტის სამსახურს არ გაუცია შესაბამისი რეკომენდაციები, რაც უზრუნველყოფდა რისკების მართვისა და შიდა კონტროლის სისტემის გაუმჯობესებას.

დადებითად უნდა შეფასდეს მთავრობის მიერ 2030 წლის დღის წესრიგის ეროვნული დოკუმენტის − SDG-ების მატრიცის შემუშავება, თუმცა, აღნიშნული დოკუმენტი წარმოადგენს სამუშაო ვერსიას და აუდიტის პერიოდში არ მომხდარა მთავრობის მიერ მისი დამტკიცება.

2015 წლის მთელი ან გარკვეული პერიოდის განმავლობაში, აღმოსავლეთ საქართველოში აფხაზეთის ავტონომიური რესპუბლიკის მთავრობის წარმომადგენლობაში დასაქმებული იყო შტატგარეშე 10 მომუშავე და მათზე ანაზღაურდა - 51,300.00 ლარი. მოქმედი კანონმდებლობის თანახმად, შტატგარეშე მოსამსახურე არის პირი, რომელიც დანიშვნით ან შრომითი ხელშეკრულებით გარკვეული ვადით მიიღება სამსახურში არამუდმივ ამოცანათა შესასრულებლად. მოპოვებული მტკიცებულებებით, შტატგარეშე მომუშავეთა დასაქმება ხდებოდა არა დროებით, არამედ ხანგრძლივი პერიოდით მუდმივი ხასიათის სამუშაოების შესასრულებლად.

მუნიციპალიტეტის მიერ წარმოდგენილი ინფორმაციის მიხედვით, დებიტორული დავალიანებები 2015 წლის 1 იანვრის მდგომარეობით შეადგენს 320 553 ლარს, 31 დეკემბრის მდგომარეობით 469 525 ლარს, თუმცა მუნიციპალიტეტის ფინანსური ანგარიშგების ბალანსში, საბალანსო ფორმა N1-ში, დებიტორული დავალიანება არ არის აღრიცხული. აგრეთვე საბალანსო მონაცემებით, კრედიტორული ვალდებულება 2015 წლის 1 ინავრის მდგომარეობით შეადგენს 42 052 ლარს, აღნიშნული თანხა ასევე გათვალისწინებულია ვალდებულებების კლების მუხლში 31 დეკემბრის მდგომარეობით 14 461 ლარი, თუმცა წარმოდგენილი ინფორმაციის მიხედვით, კრედიტორული დავალიანება 2015 წლის 31 დეკემბრის მდგომარეობით შეადგენს 88 387 ლარს, ანუ საბალანსო მონაცემებით დაფიქსირებულ ნაშთთან მიმართებით 73 926 ლარით მეტს.

დეპარტამენტის თავმჯდომარის ბრძანებების საფუძველზე გარდაბნის რაიონში, რუსთავის გზატკეცილის მე-17 კილომეტრზე განთავსებული სასათბურე კონსტრუქციების დემონტაჟის პროცესში ჩართვისა და მონიტორინგის მიზნით, მივლინებულ იქნა 5 თანამშრომელი. მივლინებული თანამშრომლების ტრანსპორტირება ხდებოდა დეპარტამენტის სარგებლობაში არსებული ავტომობილებით და მათზე ჯამში ანაზღაურდა სამივლინებო (სადღეღამისო) თანხა 780.00 ლარის ოდენობით. აღნიშნული თანხების ჩარიცხვა მოხდა არამართებულად, ვინაიდან დადგენილი კანონმდებლობის მიხედვით 30 კმ-მდე მანძილზე მივლინებისას, როდესაც შესაძლებელია სამუშაო (საცხოვრებელ) ადგილზე იმავე დღეს დაბრუნება, ხდება მხოლოდ მგზავრობის ხარჯების ანაზღაურება.

მუნიციპალიტეტს შესყიდული აქვს 0,8 ათასი ლარის ღირებულების ნოუთბუქი , რომელიც საჩუქრად გადაეცა პროექტ ეტალონში გამარჯვებულ მოსწავლეს. აქტივი აყვანილია მუნიციპალიტეტის ბალანსზე და ასახულია „მანქანა-დანადგარები და ინვენტარის“ მუხლში. დარიცხული აქვს ცვეთა 0,2 ათასი ლარი. აღნიშნული თანხა უნდა აღიარებულიყო ხარჯად და გატარებულიყო „სხვა დანარჩნი საქონელი და მომსახურების“ მუხლში.

2016 წლის ფინანსურ ანგარიშგებაში „დაუმთავრებელი ძირითადი აქტივის“ მუხლის საწყისი ნაშთი წარმოდგენილია 464.8 ათასი ლარით, რომელშიც აღრიცხული არ არის 2015 წელს დაუსრულებელი 148.9 ათასი ლარის ღირებულების სამუშაოები.

მიუხედავად უწყებების მიერ გადადგმული გარკვეული ნაბიჯებისა, მიმდინარე მდგომარეობით, SDG-ების მატრიცა სრულად არ არის ინტეგრირებული ეროვნულ კონტექსტში.

2015 წლის მთელი ან გარკვეული პერიოდის განმავლობაში, სამეგრელო - ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობაში დასაქმებული იყო შტატგარეშე 10 მომუშავე და მათზე ანაზღაურდა - 42,244.92 ლარი. მოქმედი კანონმდებლობის თანახმად, შტატგარეშე მოსამსახურე არის პირი, რომელიც დანიშვნით ან შრომითი ხელშეკრულებით გარკვეული ვადით მიიღება სამსახურში არამუდმივ ამოცანათა შესასრულებლად. მოპოვებული მტკიცებულებებით, შტატგარეშე მომუშავეთა დასაქმება ხდებოდა არა დროებით, არამედ ხანგრძლივი პერიოდით მუდმივი ხასიათის სამუშაოების შესასრულებლად

ორგანიზაციის არაფინანსური აქტივების ზრდის საბალანსო ანგარიშის მიხედვით, მუნიციპალიტეტს შესყიდული აქვს მატერიალური მარაგები, კერძოდ, სტრატეგიული მარაგები საკასო შესრულებით 175 852 ლარი. ფაქტობრივად აღნიშნული შესყიდვები წარმოადგენს საპროექტო-სახარჯთაღრიცხვო დოკუმენტაციის შესყიდვას. შესაბამისად, აღნიშნული შესყიდვები ვერ იქნება განხილული როგორც სტრატეგიული მარაგი, ვინაიდან მოქმედი მარეგულირებელი ნორმების მიხედვით სტრატეგიულ მარაგებს მიეკუთვნება: საქონელი, რომელიც ინახება სტრატეგიული მიზნებისათვის და საგანგებო შემთხვევებისათვის; საქონელი, რომელიც ინახება ბაზრის მარეგულირებელი ორგანოების მიერ და საქონელი, რომელსაც აქვს განსაკუთრებული მნიშვნელობა ქვეყნისათვის (მაგალითად, ხორბალი და ნავთობი). შესაბამისად, საპროექტო სახარჯთაღრიცხვო სახის შესყიდვები უნდა განხორციელდეს საბიუჯეტო კლასიფიკაციით განსაზღვრული არაფინანსური აქტივების იმ მუხლის მიხედვით, რომლის დასრულების შემდგომ მოხდება აქტივის მიღება, ღირებულების ზრდა , საპროექტო დოკუმენტაციის ღირებულების გათვალისწინებით. შესყიდული პროექტებიდან 2015 წელს გამოყენებული იქნა 20 434 ლარის საპროექტო დოკუმენტაცია და გაზრდილი იქნა შესაბამისი აქტივების ღირებულებები, ხოლო დარჩენილი 129 484 ლარის პროექტები განისაზღვრა მომდევნო წლებში გამოსაყენებლად.

დეპარტამენტმა 2015 წელს საბიუჯეტო ეკონომიკური კლასიფიკაციის მუხლიდან 2.2.3.8. - „შენობა ნაგებობების და მათი მიმდებარე ტერიტორიების მიმდინარე რემონტის ხარჯი“, განახორციელა 870.00 ლარის ღირებულების 5,3 კვ.მ (ორი ცალი) მეტალოპლასტმასის კარის მონტაჟი. ბალანსის დანართ ფორმა N2 -ში საკასო ხარჯმა ასახვა ჰპოვა „საქონელი და მომსახურების“ მუხლში - „ოფისის ხარჯები“, ხოლო ბალანსის დანართ ფორმა N5-ში აღნიშნული აქტივის მიღება შეცდომით აისახა, როგორც გრანტებით მიღებული აქტივი შენობა-ნაგებობების სტრიქონში. შესაბამისად აღნიშნული თანხით არასწორად გაიზარდა აქტივების ღირებულება. ამდენად, ვინაიდან კარების მონტაჟით ადგილი არ ჰქონდა არსებული აქტივის (შენობა-ნაგებობის) არსებით გაუმჯობესებას და ის ორგანიზაციისათვის წარმოადგენდა მხოლოდ მიმდინარე პერიოდის ხარჯებს, 870.00 ლარი არ უნდა ასახულიყო ძირითადი აქტივების შემადგენლობაში

დაუმთავრებელი ძირითადი აქტივების“ ანგარიშზე აღირიცხება ის აქტივები, რომელთა მშენებლობა ან სხვა ფორმით შექმნა დაწყებულია და საანგარიშგებო პერიოდის ბოლოს არ არის დასრულებული. ხაშურის მუნიციპალიტეტის 2016 წლის ფინანსურ ანგარიშგებაში „დაუმთავრებელი ძირითადი აქტივების“ საბოლოო ნაშთი შეადგენს 489,4 ათას ლარს. აუდიტის შედეგად გამოვლინდა, რომ აღნიშნულ მუხლში არ არის შეტანილი 2016 წელს შესყიდული 4 ინფრასტრუქტურული პროექტი რომელიც არ არის დასრულებული, საერთო ღირებულებით 22,2 ათასი ლარი. ფინანსურ ანგარიშგებაში აქტივები არასწორად არის მიკუთვნებულია „შენობა-ნაგებობების“ მუხლს, ნარჩენი ღრებულებით 21,9ათასი ლარი და დარიცხულია ცვეთა - 0,3 ათასი ლარი. აღნიშნული ობიექტები უნდა აღრიცხულიყო დაუმთავრებელი ძირითადი აქტივის ანგარიშის დებეტში .

ვანის მუნიციპალიტეტმა სხვადასხვა მიმწოდებლებისგან შეისყიდა სამუშაოები, რომლებიც დასრულდა 2014-2015 წლებში, ღირებულებით 39.7 ათასი ლარი. აღნიშნული სამუშაოები მიეკუთვნება 2014-2015 წლების არაფინანსურ აქტივებს და მისი წარმოდგენა 2016 წლის ფინანსური ანგარიშგების „დაუმთავრებელი ძირითადი აქტივის“ მუხლში, არასწორია.

SDG-ების საბჭო და სამუშაო ჯგუფები არ მოიცავს ყველა დაინტერესებულ მხარეს და სამუშაო ჯგუფების ფუნქციონირება ნაკლოვანებებით ხასიათდება

აღმოსავლეთ საქართველოში აფხაზეთის ავტონომიური რესპუბლიკის მთავრობის წარმომადგენლობის მიერ 2015 წლის განმავლობაში განხორციელებული სახელმწიფო შესყიდვებიდან, 44 შემთხვევაში სახელმწიფო შესყიდვის ხელშეკრულებაში არ იყო მითითებული საქონლის მიწოდების, მომსახურების გაწევის ან/და სამუშაოს შესრულების ვადა. გარდა აღნიშნულისა, სახელმწიფო შესყიდვების ელექტრონულ სისტემაში დაგვიანებით იყო ატვირთული სახელმწიფო შესყიდვის ხელშეკრულება 9 შემთხვევაში და ფაქტობრივი გადახდის დამადასტურებელი დოკუმენტაცია 11 შემთხვევაში.

მუნიციპალიტეტის სისტემაში შემავალი იურიდიული პირების მიერ, 118 940 ლარით ,,სხვა ხარჯების“ მუხლი გაზრდილად არის წარმოდგენილი, ხოლო ,,საქონელი და მომსახურების“ მუხლი 23 990 ლარით და ,,არაფინანსური აქტივების“ მუხლი 94 950 ლარით შემცირებულად არის წარმოდგენილი.

დეპარტამენტის თავმჯდომარეზე სარგებლობისათვის განპიროვნებული ბალანსზე რიცხული ავტომობილის საშუალო დღიურმა გარბენმა შეადგინა 73,5 კმ. მიუხედავად დეპარტამენტის მიერ წამოდგენილი ინფორმაციისა, რომლის თანახმადაც დღიური გარბენის ესოდენ მაღალი მაჩვენებელი განპირობებული იყო თავმჯდომარის მიერ სამსახურეობრივი მოვალეობის შესრულების გამო ინტენსიური გადაადგილებითა და ხშირ შემთხვევაში ავტომობილის სამსახურეობრივი მიმოსვლისათვის გამოყენებით , აუდიტის ჯგუფისათვის ვერ იქნა წარმოდგენილი სხვა ალტერნატიული მტკიცებები (საწვავის ხარჯვისა და ავტოტრასპორტის გარბენის კონტროლის დამადასტურებელი მექანიზმები), რომლითაც ადეკვატურად დადასტურდებოდა საწვავის ესოდენ მაღალი ხარჯვისა და ავტოსატრანსპორტო საშუალების გარბენის რეალობა.

2016 წელს მუნიციპალიტეტს შესყიდული აქვს 5 ერთეული სხვადასხვა სახეობის ატრაქციონი, საერთო ღირებულებით 1,3 ათასი ლარი და 5 ერთეული პაციებტის გასასინჯი საწოლი (სოფლის ამბოლატორიებისათვის გადასაცემად), საერთო ღირებულებით 1,6 ათასი ლარი. ხარჯები არასწორად არის მიკუთვნებული „შენობა ნაგებობების“ (ნარჩენი ღირებულებით 1,2 ათასი ლარი) და „მანქანა-დანადგარები და ინვენტარის“ (ნარჩენი ღირებულებით 1,4 ათასი ლარი) მუხლებს და დარიცხული აქვს ცვეთა 0,3 ათასი ლარი. აღნიშნული აქტივები ექვემდებარებოდა „გრძელვადიანი მცირეფასიანი აქტივების“ მუხლით გატარებას, როგორც 500 ლარზე ნაკლები ღირებულების და ერთ წელზე მეტი ვადით, მრავალჯერადი გამოყენების ინვენტარი.

ქ. თბილისის მუნიციპალიტეტის მერიას მიწის ფართები უმეტეს შემთხვევაში საპრივატიზებოდ გამოაქვს პირობით - „დარეგისტრირებული კონფიგურაციით მშენებლობის უფლების გარეშე“. საკითხის შესწავლისას გამოვლინდა შემთხვევები, როდესაც მუნიციპალიტეტი, მის საკუთრებაში არსებულ ერთ საკადასტრო ერთეულად რეგისტრირებულ მიწის ფართს ჰყოფს რამდენიმე საკადასტრო ერთეულად და შემდეგ ერთ-ერთი ფართი გამოაქვს აუქციონზე შემზღუდავი პირობით. აუქციონების უმრავლესობა მიმდინარეობს უკონკურენტო გარემოში და პოტენციური მყიდველი ძირითადად ხდება მომიჯნავე ნაკვეთის მესაკუთრე. იმ პირებისათვის, რომლებიც არ არიან საპრივატიზებო ფართის მომიჯნავე მიწის ნაკვეთების მესაკუთრეები, დაწესებული შეზღუდვა წარმოადგენს დამაბრკოლებელ გარემოებას. შედეგად, იზღუდება კონკურენცია და მუნიციპალიტეტი კარგავს მეტი შემოსავლის მიღების შესაძლებლობას.

მიმწოდებლებმა 2015 წელს შეასრულეს 66.3 ათასი ლარის სამუშაოები, რომელთაგან 48.4 ათასი ლარი მიმწოდებლებს აუნაზღაურდათ, ხოლო დარჩენილი 17.9 ათასი ლარი აყვანილია „აქტივების მიწოდებით დარიცხული ვალდებულებების“ მუხლში. აღნიშნული თანხა მიმწოდებლებს აუნაზღაურდათ 2016 წელს, რაც მიკუთვნებულია 2016 წლის არაფინანსურ აქტივს. შესაბამისად, „შენობა-ნაგებობების“ შესაბამისი მუხლები გაზრდილია 17.9 ათასი ლარით

ამოცანებზე პასუხისმგებელი უწყებები სრულად არ არის იდენტიფიცირებული და კავშირები ამოცანებს შორის ფრაგმენტულად არის გამოვლენილი

დადგენილი წესის მოთხოვნების მიუხედავად (აფხაზეთის ავტონომიური რესპუბლიკის ოკუპირებული ტერიტორიიდან იძულებით გადაადგილებულ პირთა – დევნილთა სოციალური დაცვის მიზნით ერთჯერადი დახმარების გამცემ კომისიას თვეში ერთხელ მაინც უნდა ჩაეტარებინა სხდომა), იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ავტონომიურ რესპუბლიკაში აფხაზეთის ავტონომიური რესპუბლიკის მთავრობის წარმომადგენლობაში 2015 წლის განმავლობაში ჩატარდა მხოლოდ 6 სხდომა და შესაბამისად გაფორმდა 6 სხდომის ოქმი. 15 შემთხვევაში განცხადებების განხილვა გადაიდო ბენეფიციარების მიერ „ლიბერთი ბანკის“ პირადი ანგარიშის ნომრის წარმოუდგენლობის გამო. მოქმედი კანომდებლობით წარმომადგენლობას განცხადების მიღებიდან 3 დღის ვადაში უნდა შეემოწმებინა განცხადებაზე თანდართული დოკუმენტაციის სისრულე და რაიმე დოკუმენტის არარსებობის შემთხვევაში განესაზღვრა ვადა, რომლის განმავლობაშიც განმცხადებელს უნდა წარედგინა დამატებითი დოკუმენტი ან ინფორმაცია, რაც წარმომადგენლობის მიერ არ განხორციელებულა.

სასპორტო სკოლის 2015 წლის საკუთარმა შემოსავლებმა, საკასო და ფაქტობრივი შესრულებით შეადგინა 5 506 ლარი, რომელიც ძირითადად მოიცავს საიჯარო შემოსავლებს, თუმცა საკუთარი შემოსავლების მიღება არ არის დაფიქსირებული, საბალანსო მონაცემების დანართი N4-ში, ანგარიში ეკონომიკური საქმიანობით მიღებული სახსრების მოძრაობის შესახებ.

ბალანსის დანართი #5 „ანგარიში არაფინანსური აქტივების მიღება-გასვლის შესახებ“ ძირითადი კაპიტალის მოხმარება, კერძოდ ფიზიკური ცვეთა 2011,3 ათას ლარს შეადგენს. ბალანსის დანართი ფორმა №2-ში - „ანგარიშიხარჯების ეკონომიკური კლასიფიკაციის მიხედვით“ და ბალანსის დანართი ფორმა #3-ში - „ანგარიში წმინდა ღირებულების შესახებ“ ძირითადი კაპიტალის მოხამრება 2012,5 ათასი ლარია. პასუხისმგებელი პირის ახსნა-განმარტებით 1,2 ათასი ლარის სხვაობა განპირობებულია იმით, რომ ბალანსის დანართი #5-ში გრძელვადიან მცირეფასიან აქტივებს არასწორად დაერიცხა ცვეთა და აღნიშნული ხარვეზის დაკორექტირების შემდეგ ბალანსის დანართი ფორმა №2-ში და ბალანსის დანართი ფორმა #3-ში აღარ მომხდარა კორექტირების შეტანა.

ქ. თბილისის მუნიციპალიტეტის მერიის მიერ საპრივატიზებოდ გამოტანილი ქონების საწყისი ფასი დგინდება დამოუკიდებელი ექსპერტის შეფასების საფუძველზე. საექსპერტო დასკვნების ანალიზით გაირკვა, რომ შემზღუდავი პირობებით გასაყიდ ობიექტებზე ექსპერტი ამცირებს ფართის საპრივატიზებო ღირებულებას. შესაბამისად, საწყისი ფასი დგინდება საბაზროზე ნაკლები ღირებულებით. შეზღუდვით გამოცხადებული აუქციონი ძირითადად ტარდება უკონკურენტო გარემოში და ფართის პრივატიზება ხდება არასაბაზრო ღირებულებით.

2016 წელს სტიქიის შედეგების სალიკვიდაციოდ და „სოფლის მხარდაჭერის პროგრამის“ ფარგლებში შესყიდულია მასალები, რომლებიც გადაცემულია სხვადასხვა ადმინისტრაციული ერთეულისთვის, ღირებულებით 170.8 ათასი ლარი. წლის განმავლობაში ჩამოიწერა 5.8 ათასი ლარის მარაგები, შესაბამისად, 2016 წლის მარაგების ნაშთი წლის ბოლოს შეადგენს 165.0 ათას ლარს. აღნიშნული ოპერაციები წარმოდგენილი არ არის ფინანსური ანგარიშგების შესაბამის მუხლებში.

SDG-ების განხორციელებისათვის საჭირო რესურსების მოცულობა განსაზღვრული არ არის

დადგინდა, რომ აღმოსავლეთ საქართველოში აფხაზეთის ავტონომიური რესპუბლიკის მთავრობის წარმომადგენლობაში აფხაზეთის ავტონომიური რესპუბლიკის ოკუპირებული ტერიტორიიდან იძულებით გადაადგილებულ პირთა – დევნილთა სოციალური დაცვის მიზნით ერთჯერადი დახმარების გამცემი კომისიის მიერ განხილულ განცხადებებთან დაკავშირებით მიღებული გადაწყვეტილებების შესახებ ბენეფიციარების ინფორმირება არ ხდებოდა მოქმედი კანონმდებლობის მოთხოვნათა დაცვით.

ორგანიზაციის მიერ წარმოდგენილი საბალანსო მონაცემებით, 2015 წლის 1 იანვრის მდგომარეობით საწყისი საბალანსო ღირებულება არ ფიქსირდება, თუმცა ბალანსის ფორმა N1-ის მიხედვით, წლის დასაწყისში აღრიცხულია არაფინანსური აქტივების ნაშთი 162 929 ლარის ოდენობით, ვალდებულებები არ ფიქსირდება, ვინაიდან მოქმედი მარეგულირებელი ნორმების მიხედვით , წმინდა ღირებულება არის ყველა ვალდებულების გამოქვითვის შემდეგ აქტივების ნარჩენი ღირებულება, შესაბამისად, ორგანიზაციის წმინდა ღირებულება 2015 წლის 1 იანვრის მდგომარეობით შეადგენს 162 929 ლარს.

2016 წელს მუნიციპალიტეტმა სოფლის მხარდაჭერის პროგრამით განახორციელა სოფელ დარჩეთში კლუბის რეაბილიტაცია, ღირებულებით 9.4 ათასი ლარი. აუდიტის ჯგუფმა დაათვალიერა შესრულებლი სამუშაოები. დათვალიერებით გამოვლინდა, რომ კლუბი დაკეტილია და არ ფუნქციონირებს. მოსახლეობა შესრულებული სამუშაოებით ვერ სარგებლობს.

ქ. თბილისის მუნიციპალიტეტის მერიის მიერ სარგებლობის უფლებით ფართების უმეტესობა გაცემულია მიწის ნორმატიული ღირებულების გათვალისწინებით. ქონების მოსარგებლეებთან გაფორმებული ხელშეკრულებების მიხედვით, ეკონომიკური პირობების ცვლილების შემთხვევაში, მერიას უფლება ჰქონდა, მხარესთან შეთანხმებით გადაეხედა საიჯარო ღირებულებისათვის. მიუხედავად იმისა, რომ არსებული პრაქტიკით, ძირითად შემთხვევაში, საბაზრო ღირებულება წლების განმავლობაში იზრდებოდა, ქ. თბილისის მუნიციპალიტეტის მიერ იჯარის ფასების გადახედვა არ განხორციელებულა და მოიჯარეებისათვის სარგებლობის საფასური არ არის შეცვლილი. შედეგად, მუნიციპალიტეტის ბიუჯეტი კარგავს მნიშვნელოვან შემოსავლებს.

ვანის მუნიციპალიტეტის მიერ წარმოდგენილი ბალანსი მოიცავს მხოლოდ ინფორმაციას დებიტორული და კრედიტორული დავალიანებების შესახებ ორგანიზაციულ ჭრილში. 2016 წლის ფინანსური ანგარიშგებაში წარმოდგენილი არ არის ფორმები -„ანგარიშზე რიცხულ დებიტორულ დავალიანებათა შესახებ“ და „ანგარიშზე რიცხულ კრედიტორულ დავალიანებათა შესახებ“.

SDG-ების შეფასების ინდიკატორების საბაზისო მონაცემები და მონაცემთა წყაროები განსაზღვრულია არასრულად

აუდიტმა აჩვენა, რომ არსებობენ ქულის სარეიტინგო ჯგუფები, რომელთათვისაც დახმარების დანიშვნის პროცედურის განხორციელება შესაძლოა არ იყოს მიზანშეწონილი და ზედმეტ ადმინისტრაციულ დანახარჯებს იწვევდეს. კერძოდ, ისეთი ოჯახები, რომელთაც ჰყავთ არასრულწლოვანი წევრი და რომელთა სარეიტინგო ქულაც 65000 და 100000-მდეა, იღებენ 10 ლარს თითოეულ ასეთ წევრზე.

მუნიციპალიტეტის გამგებელის ბრძანებით , აუდიტის პერიოდში 2 თანამშრომელი, მივლინებული იქნა თურქეთის რესპუბლიკაში, ქალაქ მერსინში, 11 ნოემბრიდან 15 ნოემბრის ჩათვლით, წარმოდგენილი დოკუმენტაციის საფუძველზე, მასპინძელი მხარე უზრუნველყოფს კვებისა და საცხოვრებელ ხარჯებს, მხოლოდ ტრანსპორტირების ხარჯებს ფარავს მონაწილე. მუნიციპალიტეტმა თითოეულ თანამშრომელს, მოქმედი მარეგულირებელი ნორმების დაუცველად , აუნაზღაურა სულ 1 848 ლარი , ორივე თანამშრომლის შემთხვევაში სულ 3 696 ლარი. მოქმედი მარეგულირებელი ნორმების მიხედვით, სამივლინებო ანაზღაურება აღნიშნულ შემთხვევაში შეადგენს 5 დღის დღიური ნორმის 30%-ს და მგზავრობის ხარჯს ფაქტობრივი დანახარჯების მიხედვით, დღიური ნორმა თურქეთის რესპუბლიკაში შეადგენს 33 ევროს, ხოლო კვების ხარჯების დაფინანსების შემთხვევაში 5 დღის დღიური ნორმის 30%-ს, 49.5 ევროს , წარმოდგენილი დოკუმენტაციის მიხედვით, მგზავრობის ხარჯი შეადგენს 155 ლარს თითოეულ თანამშრომელზე, სულ ერთ თანამშრომელზე დასარიცხი სამივლინებო თანხა შეადგენს 282.2 ლარს , სულ ორივე თანამშრომელზე 564.4 ლარი. შესაბამისად, ზედმეტად ანაზღაურებული თანხა ერთ თანამშრომელზე შეადგენს 1 565.8 ლარს, ორივე თანამშრომელზე 3 131.6 ლარს, აუდიტის მიმდინარეობისას ერთ შემთხვევაში, გამგეობის თანამშრომლის მიერ დაბრუნებული იქნა ზედმეტად ანაზღაურებული სამივლინებო თანხა.

2015 წელს გურჯაანის მუნიციპალიტეტმა „სოფლის მხარდაჭერის პროგრამით“ შეისყიდა სოფელ ფხოველში წყლის შემკრები ავზისა და ქსელის მოწყობის სამუშაოები, ღირებულებით 4.7 ათასი ლარი. აუდიტის ჯგუფმა ადგილზე დაათვალიერა შესრულებული სამუშაოები. დათვალიერებით გამოვლინდა, რომ წყლის სისტემის მოწყობის სამუშაოები დაუსრულებელია და მოსახლეობას წყალი არ მიეწოდება. 2017 წელს, აუდიტის ჯგუფის მიერ გამოვლენილი გარემოების შემდგომ, მუნიციპალიტეტმა უზრუნველყო სოფ. ფხოველში წყალმომარაგების ქსელის და რეზერვუარის მოწყობაზე ტენდერის გამოცხადება.

2012 წელს ქ. თბილისში გზის გაყვანის შედეგად კერძო კომპანიას მიადგა ზარალი. ქ. თბილისის მუნიციპალიტეტის მერიამ ზარალის შეფასება და ანაზღაურება განახორციელა 2016 წლის მდგომარეობით, მიწის საბაზრო ღირებულების მიხედვით. პროცესის გაჭიანურების შედეგად, მერიის მიერ ზარალი შეფასდა და ანაზღაურდა, ზარალის მიღების პერიოდში არსებულ ღირებულებასთან შედარებით, დაახლოებით 5-ჯერ მეტი ღირებულების მიწის ნაკვეთით.

მსუბუქი ასს-ებიდან ატმოსფერული ჰაერის დაბინძურების რეგულირება ბოლო წლების განმავლობაში არ ხორციელდებოდა. ქვეყანაში არსებული ასს-ების საშუალო ასაკის შემცირების, საავტომობილო საწვავის ხარისხის შემდგომი გაუმჯობესების, ასს-ებიდან მავნე გამონაბოლქვზე მკაცრი ნორმების დაწესების და ამ ნორმების დაცვაზე მონიტორინგის ქმედითი სისტემის დანერგვის გარეშე შეუძლებელია ჰაერის ხარისხის მნიშვნელოვანი გაუმჯობესება.

ანგარიშგებისა და მონიტორინგის მექანიზმი პრაქტიკაში არ არის დანერგილი

2015 წლის განმავლობაში იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ავტონომიურ რესპუბლიკაში აფხაზეთის ავტონომიური რესპუბლიკის მთავრობის წარმომადგენლობა სარგებლობდა ქ. წყალტუბოში რუსთაველის ქ. N25 - ში მდებარე წყალტუბოს მუნიციპალიტეტის გამგეობის შენობაში არსებული 8,2 კვ/მ ფართით, ღირებულებით 3,000.00 ლარი და ქ. ბათუმში გორგასლის N 141-ში მდებარე სსიპ - აჭარის ავტონომიური რესპუბლიკის საზოგადოებრივი ჯანდაცვის ცენტრის შენობაში არსებული 9,31 კვ/მ ფართით, ღირებულებით 7,215.00 ლარი. აღნიშნული ფართები, როგორც წინა აუდიტისას, კვლავ არ იყო გატარებული საჯარო რეესტრში და აყვანილი ბალანსზე; არაფინანსური აქტივების აღრიცხვის ორგანიზებასა და მოვლა-შენახვაზე, არ იყო უზრუნველყოფილი სრული კონტროლი. კერძოდ, როგორც წინა აუდიტისას, 87 ერთეულ მცირეფასიან გრძელვადიან აქტივზე, ისევ არ იყო გახსნილი საინვენტარო ბარათები, ხოლო ჩატარებული ინვენტარიზაციის შედეგად ზედმეტობად გამოვლენილი 12 ერთეული აქტივი კვლავ არ იყო შეფასებული და აყვანილი ბალანსზე.

მუნიციპალიტეტმა გამარტივებული შესყიდვის საშუალებით შპს ,,ბასმოტორს-ისგან’’ შეისყიდა ექსკავატორ-დამტვირთველი, MST544 მოდელი, 2015 წლის გამოშვება, ახალი, ღირებულებით 170 000 ლარი და ასევე ,,გრეიდერის’’ დანა, ღირებულება 9 000 ლარი. გარე დადასტურებით, კოპანიის მიერ წარმოდგენილი იქნა დოკუმენტაცია, ავტოსატრანსპორტო საშუალების მიწოდების დანახარჯებთან დაკავშირებით. როგორც ირკვევა, კომპანიის ერთი ერთეული ავტოსატრანსპორტო საშუალების MST M544 თვითღირებულება შეადგენს 138 218 ლარს, ასევე ეგრეთწოდებული ,,გრეიდერის’’ შესყიდვის ღირებულებასთან მიმართებით, მიმწოდებლელს, 2015 წლის მაისის თვეში (შესყიდვამდე) ჰქონდა გამოქვეყნებული ინფორმაცია მსგავსი სპეციალური ტექნიკის შესახებ, ოფიციალურ Facebook გვერდზე, ექსკავატორ-დამტვირთველი MST544 მოდელი შეთავაზებულია მომხმარებლებისათვის 55 000 ევროდ, იმდროინდელი კურსით 139 700 ლარად, განსხვავებით ხელშეკრულებით მიწოდებული ტექნიკისაგან, კოვშის მოცულობა 0.3 კუბ.მ. ნაკლებია და გამოშვების წელია 2014, შესაბამისად, საორიენტაციო საბაზრო ღირებულების იდენტიფიცირება აღნიშნული პერიოდისათვის შესაძლებელი გახლდათ. ასევე, სახელშეკრულებო პირობების მიხედვით, დამტვირთავი ციცხვის მოცულობა უნდა შეადგენდეს 1.3 კუბურ მეტრს, თუმცა მიმწოდებლის მიერ წარმოდგენილი ტექნიკის პასპორტით (მწარმოებლის მიერ გამოცემული კატალოგი), სპეციალიზირებული ტექნიკის MST 544-ის დამტვირთავი ციცხვის მოცულობა შეადგენს 1.2 კუბურ მეტრს, შესაბამისად 0.1 კუბური მეტრით ნაკლებს, რაზეც მიმწოდებელი გამოხატავს მოსაზრებას, რომ მწარმოებლის კატალოგი, სადაც აღწერილია ტექნიკური მახასიათებლები, შეიცავს მცირედ ცდომილებას ციცხვის მოცულობასთან მიმართებით, რომ ფაქტიური გარემოება არ შეიძლება გადახრილი იყოს მითითებულ მონაცემებთან.

2015 წელს გურჯაანის მუნიციპალიტეტმა სოფელ ზიართან დამაკავშირებელი გზის საპროექტო-სახარჯთაღრიცხვო დოკუმენტაციის შესყიდვაზე დახარჯა 22.3 ათასი ლარი. მუნიციპალიტეტს აღნიშნული საპროექტო ხარჯთაღრიცხვით გათვალისწინებული გზის მოწყობის სამუშაოები 2015-2016 წლებში არ შეუსყიდია. ამდენად, მუნიციპალიტეტმა დაგეგმა და შეისყიდა ისეთი სამუშაოების საპროექტო-სახარჯთაღრიცხვო დოკუმენტაცია, რომელიც არ განხორციელებულა და მისი გამოყენება არც 2017 წელს დაგეგმილა.

მოქმედი კანონმდებლობის მიხედვით, პრემია გაიცემა საჯარო დაწესებულებაში დასაქმებული პირების მიერ შესრულებული სამუშაოს შეფასების (საჯარო დაწესებულებაში სამუშაოს შეფასების სისტემის არსებობის შემთხვევაში) ან/და დასაბუთების საფუძველზე. 2015-2016 წლებში ახალქალაქის მუნიციპალიტეტის თანამშრომლებზე გაცემულია შრომის ანაზღაურება სულ 3 687.1 ათასი ლარის ოდენობით, მათ შორის, პრემია - 852.4 ათასი ლარი. მუნიციპალიტეტს არ აქვს შემუშავებული წესი პრემიის გაცემის შესახებ, რომლითაც დარეგულირდება პრემიის გაცემის საფუძვლები. აღსანიშნავია, რომ უმრავლეს შემხთხვევაში არ არის დოკუმენტურად სათანადოდ დასაბუთებული, თუ რის საფუძველზე გაიცა კონკრეტულ დასაქმებულზე პრემია. ყოველ ჯერზე გაცემული პრემია შეადგენს მოხელის თანამდებობრივი სარგოს 100%-ს. შედეგად, ახალქალაქის მუნიციპალიტეტის გამგეობამ არ გაითვალისწინა მოქმედი კანონმდებლობის მოთხოვნა, რომლის მიხედვითაც პრემია გაიცემა საჯარო დაწესებულებაში დასაქმებული პირების მიერ შესრულებული სამუშაოს შეფასების ან/და სათანადო დასაბუთების საფუძველზე.

საპატრულო პოლიციისთვის ასს-ების მიერ ტექნიკური ინსპექტირების გავლის შესახებ ინფორმაციის ხელმიუწვდომლობამ, სამართალდამცავების პასიურობამ ადმინისტრირების კუთხით და არსებული ჯარიმების არარელევანტურმა განაკვეთებმა, განაპირობა ინსპექტირების გავლის საკმაოდ დაბალი მაჩვენებელი ქვეყანაში - 2016 წელს პერიოდული ტექნიკური ინსპექტირება არ გაუვლია იმ ასს-ების 76%-ს (135,017 ერთეული), რომელთათვისაც სავალდებულო იყო. მათგან დაჯარიმებულია ასს-ების მფლობელთა მხოლოდ 13.6% (18,374 ერთეული).

ინფორმაცია მდგრადი განვითარების მიზნების შესახებ არ არის საჯაროდ ხელმისაწვდომი

მავნებლების შემოჭრის და მასობრივი გავრცელების წინააღმდეგ არსებული მონიტორინგის მექანიზმები არ არის საკმარისი და ეფექტიანი, ვინაიდან ვერ უზრუნველყოფს რისკების დროულ იდენტიფიცირებას, რაც იწვევს სათანადო ღონისძიებების დაგვიანებით დაგეგმვას და დაწყებას.

აღმოსავლეთ საქართველოში აფხაზეთის ავტონომიური რესპუბლიკის მთავრობის წარმომადგენლობას 2015 წელს სარგებლობის უფლებით გადმოეცა ქ. რუსთავში ვახუშტის ქ. N8 - ში მდებარე შენობის პირველ სართულზე არსებული 24.10 კვ.მ ფართი, რომელიც წარმომადგენლობის საბუღალტრო რეგისტრებში (ბალანსში) არ აღრიცხულა; გარდა აღნიშნულისა, განთავსების (ქონების გადმოცემის) თაობაზე შესაბამისი ადმინისტრაციული აქტის არარსებობის მიუხედავად წარმომადგენლობა კვლავ სარგებლობდა ქ. თბილისში კ. ხეთაგუროვის N2–ში არსებული (170კვ.მ) ფართით.

მუნიციპალიტეტის 2015 წლის ბალანსში, ვალდებულებები 510 096 ლარით შემცირებულად არის წარმოდგენილი.

2016 წელს სოფელ კაჭრეთში სანიაღვრე არხის მოსაწყობად მიმწოდებელმა ნაცვლად 92.6 ათასი ლარისა, შეასრულა 17.7 ათასი ლარის სამუშაო. შედეგად პროექტი დაუსრულებელია და მოსახლეობა ვერ სარგებლობს. ასევე არ არის გადახდილი ხელშეკრულების პირობების შეუსრულებლობისათვის დაკისრებული საჯარიმო სანქცია, 11.2 ათასი ლარი. 2017 წელს, აუდიტის ჯგუფის მიერ გამოვლენილი გარემოების შემდგომ, მუნიციპალიტეტმა უზრუნველყო სანიაღვრე არხის მოწყობის სამუშაოების გაგრძელება, სოფელ კაჭრეთისა და ზემო კაჭრეთის დამაკავშირებელი გზის რეაბილიტაციის პროექტის ფარგლებში. აგრეთვე, მიმწოდებლის მიერ პირგასამტეხლოს გადაუხდელობასთან დაკავშირებით, გურჯაანის მუნიციპალიტეტმა წარადგინა სარჩელი სასამართლოში.

მუნიციპალიტეტის საკრებულოს წევრი თავის უფლებამოსილებას ახორციელებს უსასყიდლოდ, ანაზღაურებადია მხოლოდ მუნიციპალიტეტის საკრებულოს თანამდებობის პირის საქმიანობა . კანონმდებლობა ითვალისწინებს საკრებულოს არაანაზღაურებად წევრებზე მუნიციპალიტეტის საქმიანობასთან დაკავშირებული ხარჯის ანაზღაურებას საკრებულოს კომისიებისა და სამუშაო ჯგუფების სხდომებში მონაწილეობისათვის, ასევე საკრებულოსა და საკრებულოს თავმჯდომარის დავალებების შესრულებისათვის ყოველთვიურად გაწეულ ხარჯებს. გამგეობის მიერ აღნიშნული ხარჯის ანაზღაურება უნდა განხორციელდეს საკრებულოს წევრის მიერ წარმოდგენილი ფაქტობრივად გაწეული ხარჯის დამადასტურებელი დოკუმენტების საფუძველზე. ახალქალაქის მუნიციპალიტეტის საკრებულოს წევრებზე 2015-2016 წლებში ხარჯების ანაზღაურების სახით გაცემულია 190.4 ათასი ლარი ისე, რომ არ არის წარმოდგენილი შესაბამისი ხარჯის დამადასტურებელი პირველადი დოკუმენტები. შედეგად, საკრებულოს არაანაზღაურებად წევრებზე ხარჯები მუნიციპალიტეტმა (შესაბამისმა პასუხისმგებელმა პირებმა) აანაზღაურა მოქმედ კანონმდებლობასთან შეუსაბამოდ.

მუნიციპალური ავტობუსების უმრავლესობა მათი ასაკის, შიდა წვის სისტემის სიძველისა და მისი აღდგენის შეუძლებლობის გამო, ვერ გადის პტი-ს, ხოლო 03.10.2016 – 03.04.2017 პერიოდში მიკროავტობუსების დაახლოებით 25% არ გამოცხადდა მათთვის სავალდებულო ინსპექტირების გასავლელად, ხოლო 04.04.2017 – 06.10.2017 პერიოდში - 40%. ამ ასს-ების მიერ პტი-ს გავლაზე სახელმწიფოს მხრიდან კონტროლის მექანიზმი სუსტია.

აზიური ფაროსანას ბიოლოგიური და ეკოლოგიური თავისებურებების შესასწავლად (ადგილობრივ პირობებში) სამეცნიერო-კვლევითი სამუშაოების მიმართულება მთავრობის განკარგულებაში გათვალისწინებული არ იყო პირველივე წელს და მხოლოდ 2018 წლიდან განისაზღვრა; აზიური ფაროსანას წინააღმდეგ ბრძოლის სამოქმედო გეგმით განსაზღვრული ზოგიერთი აქტივობა არ არის საკმარისად დეტალური, გარკვეული ღონისძიებები კი საჭიროებდა ცალკეული სამოქმედო გეგმის ან/და მეთოდოლოგიის შექმნას და ოფიციალურად დოკუმენტირებას/დამტკიცებას (მაგალითად: ტრენინგების გეგმა, სამეცნიერო - კვლევითი აქტივობების გეგმა).

ზემო აფხაზეთში აფხაზეთის ავტონომიური რესპუბლიკის მთავრობის წარმომადგენლობაში პრემიების გაცემის შესახებ გამოცემული ბრძანებების დასაბუთებებში გამოიყენებოდა ერთი და იგივე შაბლონური ტექსტები (ხანგრძლივი და კეთილსინდისიერი სამსახურისთვის, ან დაკისრებული უფლებამოსილების ზედმიწევნით და სანიმუშოდ შესრულებისთვის, კეთილსინდისიერი სამსახურისთვის), ხოლო კონკრეტულად თუ რა სამუშაოს შესრულებისთვის იყო გაცემული პრემია ასახული არ ყოფილა. გამოცემული ბრძანების დასაბუთებებში არცერთ შემთხვევაში არ იყო მითითებული გასაცემი პრემიის პროცენტული მიმართება პირის თანამდებობრივ სარგოსთან მიმართებაში და ინფორმაცია მიმდინარე წლის განმავლობაში აღნიშნულ პირზე გაცემული პრემიის შესახებ

მუნიციპალიტეტის მიერ სახელმწიფო შესყიდვების განხორციელების პროცესში, სატენდერო კომისიის მიერ, სატენდერო დოკუმენტაციის 4.2 პუნქტით განსაზღვრულია შემდეგი პირობა ,,შესასრულებელი სამუშაოების ხარჯთაღრიცხვის დანართის შესაბამისად, მიმწოდებლის მიერ ხარჯთაღრიცხვის წარმოუდგენლობა ან/და ხარჯთაღრიცხვაში არსებითი შეუსაბამობა გამოიწვევს მის დისკვალიფიკაციას’’. შესაბამისად, პრეტენდენტის მიერ ხარჯთაღრიცხვაში დაშვებული უზუსტობის შემთხვევაში, როგორიც არის მაგალითად კონკრეტული სამუშაოების განფასების ან ლოკალური ხარჯთაღრიცხვის გამოტოვება, შემსყიდველი ახდენს მის დისკავლიფიკაციას დაზუსტების მოთხოვნის გარეშე. შესაბამისად, დისკვალიფიკაციის შემდეგ შემსყიდველი განიხილავს მომდევნო პრეტენდენტების სატენდერო დოკუმენტაციას, რომელთაც არ გააჩნიათ ხარჯთაღრიცხვაში უზუსტობები, სატენდერო დოკუმენტაციის სხვა ნაწილში დაზუსტების საჭიროების შემთხვევაში, ითხოვს დოკუმენტაციის დაზუსტებას, რის შემდგომაც პრეტენდენტი ცხადდება გამარჯებულად. რიგ შემთხვევებში პრეტენდენტებმა, გაასაჩივრეს აღნიშნული ფაქტი, პირველადვე მათი დისკვალიფიკაციის შესახებ, თუმცა საბჭოს გადაწყვეტილებით, ვინაიდან შემსყიდველს თავდაპირველადვე განსაზღვრული აქვს 4.2 პუნქტის მოთხოვნები ხარჯთაღრიცხვასთან დაკავშირებულ მოთხოვნებთან დაკავშირებით, დავების საბჭო არ აკმაყოფილებს პრეტენდენტის საჩივარს.

2015 წელს სოფელ გურჯაანში №2 საბავშვო ბაღთან მისასვლელ ქუჩაზე ასფალტო-ბეტონის საფარის დაგებისა და სანიაღვრე არხის მოწყობის სამუშაოებზე, მიმწოდებელმა დაარღვია ხელშეკრულებით გათვალისწინებული ობიექტის მიწოდების ვადები, არ დაასრულა პროექტით განსაზღვრული სამუშაოები, ამასთან ამ პერიოდისათვის ანაზღაურებული თანხა 41.2 ათასი ლარით აღემატებოდა ფაქტობრივად შესრულებული სამუშაოების ღირებულებას. მიუხედავად აღნიშნული გარემოებებისა, გურჯაანის მუნიციპალიტეტმა, სამუშაოების მიწოდების ვადის გასვლის შემდეგაც, მიმწოდებელს გადაურიცხა 17.9 ათასი ლარი. სულ გადახდილმა თანხამ ავანსის ჩათვლით შეადგინა 154.6 ათასი ლარი, რაც 59.1 ათასი ლარით აღემატება შესრულებული სამუშაოების ღირებულებას.

2015 წლის 19 ივნისს ახალქალაქის მუნიციპალიტეტმა გამოაცხადა ტენდერი სოფელ ტურცხის სასმელი წყლის სარეაბილიტაციო სამუშაოებზე. ტენდერში ყველაზე დაბალი ფასის მქონე პრეტენდენტი - შპს ,,სამცხე XXI“ დისკვალიფიცირებულ იქნა არასაკმარისი გამოცდილების გამო. პრეტენდენტმა გაასაჩივრა აღნიშნული გადაწყვეტილება, რომელიც დააკმაყოფილა დავების განმხილვის საბჭომ. შედეგად ახალქალაქის მუნიციპალიტეტსა და შპს „სამცხე XXI-ს“ შორის 2015 წლის 17 აგვისტოს გაფორმდა ხელშეკრულება სოფელ ტურცხის სასმელი წყლის რეაბილიტაციის შესყიდვაზე სახელშეკრულებო ღირებულებით 103.9 ათასი ლარი. გამგეობამ 2015 წლის 21 სექტემბერს ცალმხრივად შეწყვიტა ხელშეკრულება იმ მოტივით, რომ მიმწოდებელს არ ჰქონდა დაწყებული სამუშაოების შესრულება, გამოაცხადა ახალი ტენდერი და იმავე სამუშაოების შესასრულებლად ხელშეკრულება გაუფორმა სხვა მიმწოდებელს ღირებულებით 119.0 ათასი ლარი. შპს „სამცხე XXI-მ“ გაასაჩივრა მუნიციპალიტეტის აღნიშნული გადაწყვეტილება სასამართლოში, რის შედეგად სასამართლომ უკანონოდ ცნო გამგებლის გადაწყვეტილება ხელშეკრულების ცალმხრივად შეწყვეტის შესახებ, რადგან შპს-ს რეალურად დაწყებული ჰქონდა სამშენებლო სამუშაოები და შესაბამისად, ხელშეკრულების შეწყვეტის მიზეზი არ არსებობდა. შპს-სა და მუნიციპალიტეტს შორის გაფორმდა მორიგება, რომლის მიხედვით, მიმწოდებელი უარს ამბობდა მუნიციპალიტეტისათვის მოეთხოვა ხელშეკრულების პირობებით განსაზღვრული პიგასამტეხლო. მიუხედავად აუდიტის ჯგუფის მიერ ჩატარებული დამატებითი აუდიტორული პროცედურებისა, ჯგუფმა ვერ მოიპოვა საკმარისი და შესაფერისი აუდიტორული მტკიცებულება იმისა, რატომ დათანხმდა შპს „სამცხე XXI“ მორიგების აღნიშნულ პირობებს. იმის გამო, რომ გამგებელმა სათანადო საფუძვლის გარეშე ცალმხრივად შეწყვიტა მიმწოდებელთან გაფორმებული ხელშეკრულება, მუნიციპალიტეტმა სოფელ ტურცხის სასმელი წყლის სარეაბილიტაციო სამუშაოები შეისყიდა 15.1 ათასი ლარით უფრო ძვირად, რაც წარმოადგენს არაეკონომიურ ხარჯს.

NEAP-ის არ არსებობის გამო ქვეყანაში არ არის მკაფიოდ გაწერილი ღონისძიებები, გრძელვადიანი და მოკლევადიანი გეგმები, ასევე აქტივობების შემდგომი შეფასების და კონტროლის საშუალებები. პროგრამის მიღება და მასში სწორი პრიორიტეტების დასახვა ხელს შეუწყობს მონიტორინგის არსებული ქსელის სრულყოფას, საზოგადოებრივი ტრანსპორტის, მათ შორის ელექტროტრანსპორტის განვითარებას და ნაკადების ოპტიმიზაციას, რაც საბოლოო ჯამში მოგვცემს უფრო სუფთა ატმოსფერული ჰაერის მაჩვენებლებს დედაქალაქის მასშტაბით.

ინსექტიციდები შერჩეულია სხვადასხვა წყაროებში განხილული ცალკეული ფაქტორების გაანალიზების საფუძველზე, თუმცა ერთიანი შემაჯამებელი დოკუმენტი, სადაც დეტალურად იქნებოდა აღწერილი გადაწყვეტილების მიღების ფაქტორები, შედგენილი არ არის. მიუხედავად იმისა, რომ სახელმწიფომ 2018 წელს ბიუჯეტიდან გამოჰყო 500,000 ლარი ბიოლოგიური მეთოდებით ბრძოლის გასააქტიურებლად, ამ მიმართულებით მნიშვნელოვანი შედეგები ჯერ არ დამდგარა.

დადგენილი წესის მოთხოვნების მიუხედავად (აფხაზეთის ავტონომიური რესპუბლიკის ოკუპირებული ტერიტორიიდან იძულებით გადაადგილებულ პირთა – დევნილთა სოციალური დაცვის მიზნით ერთჯერადი დახმარების გამცემ კომისიას თვეში ერთხელ მაინც უნდა ჩაეტარებინა სხდომა), სამეგრელო - ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობაში 2015 წლის განმავლობაში ივნისის, აგვისტოს და სექტემბრის თვეებში სხდომა არ ჩატარებულა.

მუნიციპალიტეტის აპარატის და მის სისტემაში შემავალი იურიდიული პირების მიერ, 2015 წლის ბალანსში, არაფინანსური აქტივები 222 417 ლარით შემცირებულად არის წარმოდგენილი.

2015-2016 წლებში მუნიციპალიტეტმა გამარტივებული გზით შეისყიდა 1 394.3 ათასი ლარის ღირებულების სამშენებლო სამუშაოები, რაზეც გაფორმებულია 149 ხელშეკრულება. მიმწოდებლებმა 120 ხელშეკრულებისათვის, ღირებულებით 997.9 ათასი ლარი, ვერ წარმოადგინა ფაქტობრივი დანახარჯების დამადასტურებელი დოკუმენტაცია. შედეგად აღნიშნული თანხა მუნიციპალიტეტის მიერ ანაზღაურებულია კანონმდებლობის მოთხოვნების უგულებელყოფით.

მოქმედი კანონმდებლობის მიხედვით, შემსყიდველი ორგანიზაცია საქონლის/მომსახურების შესყიდვისას მიმწოდებელთან აფორმებს ხელშეკრულებას მუნიციპალიტეტის მოთხოვნებსა და მიმწოდებლის წინადადების გათვალისწინებით. დაუშვებელია შემსყიდველ ორგანიზაციასა და მიმწოდებელს შორის შესასრულებელი სამუშაოების შესახებ ზეპირი ფორმით შეთანხმება. 2016 წლის დეკემბერში და 2017 წლის მარტსა და აპრილში შპს „ვემ-მა“, მუნიციპალიტეტთან ზეპირი შეთანხმების საფუძველზე, შეასრულა გზების თოვლისგან გაწმენდის სამუშაოები, ღირებულებით 69.0 ათასი ლარი. გამგეობამ უარი განაცხადა მიმწოდებლისთვის აენაზღაურებინა შესრულებული სამუშაოების ღირებულება, რადგან მუნიციპალიტეტის ბიუჯეტში არ იყო გათვალისწინებული შესაბამისი თანხები, ასევე მხარეებს შორის არ არსებობდა სათანადო წესით გაფორმებული ხელშეკრულება. მიმწოდებელმა ანაზღაურების მოთხოვნით მიმართა სასამართლოს, რომლის გადაწყვეტილების საფუძველზეც გამგეობას დაეკისრა პასუხისმგებლობა, სრულად აენაზღაურებინა შესრულებული სამუშაოების ღირებულება 69.0 ათასი ლარი და სასამართლოს ხარჯები 3.9 ათასი ლარი. შედეგად, ახალქალაქის მუნიციპალიტეტის გამგეობამ (შესაბამისმა პასუხისმგებელმა პირებმა) დაარღვია შესყიდვების კანონმდებლობა და მიმწოდებელთან მოლაპარაკება აწარმოვა ზეპირი ფორმით, რის შედეგად ბიუჯეტიდან ზედმეტად გადაიხადა 3.9 ათასი ლარი.

ჰაერის ხარისხობრივი მაჩვენებლების ზოგიერთი ინდიკატორი (PM2.5, PM10) ეროვნული კანონმდებლობით საერთოდ არ არის გათვალისწინებული, ხოლო ის მახასიათებლები, რომელთათვისაც ნორმები დადგენილია - არ შეესაბამება საერთაშორისო სტანდარტებს მათი ზღვრული ოდენობით და გაზომვის მეთოდოლოგიით, რაც მნიშვნელოვნად ართულებს სხვა ქვეყნებთან ინფორმაციის შესადარისობას და ხელს უშლის მომხმარებლებს სწორი გადაწყვეტილებების მიღებასა და ადამიანის ჯანმრთელობაზე უარყოფითი გავლენის შემცირების ღონისძიებების დაგეგმვაში.

2015 წელს, გინეკოლოგიური კაბინეტის მოწყობის მიზნით, ცენტრმა თხოვნით მიმართა დამფუძნებელს თანხის რეინვესტირების თაობაზე, რაზეც დამფუძნებელმა ცენტრს განუცხადა უარი. მიუხედავად ნებართვის არარსებობისა, დამფუძნებელი პარტნიორის თანხმობის გარეშე ცენტრმა მაინც მოაწყო გინეკოლოგიური კაბინეტი, რაზეც გაიხარჯა 13,554.00 ლარი. აღნიშნული ფაქტი მიუთითებს დამფუძნებლის მხრიდან არასათანადო კონტროლზე (შესაბამისი ღონისძიებები გატარდა დაგვიანებით და იყო არარელევანტური, ვინაიდან მსგავსი ფაქტები ადრეც ფიქსირდებოდა), ასევე ცენტრის მხრიდან წესდების მოთხოვნათა დაუცველობაზე, დამფუძნებლის მიერ მიღებული გადაწყვეტილების უგულებელყოფაზე, დაკისრებული მოვალეობების არასათანადოდ შესრულებაზე. ცენტრის წესდებით განსაზღვრულია იმ ხელშეკრულებათა შეთანხმების წესი, რომელთა ღირებულება აჭარბებს ცენტრის საწესდებო კაპიტალის 15%-ს. მიუხედავად აღნიშნულისა, ცენტრის მიერ (საწესდებო კაპიტალის 15%-მდე გადაჭარბებით) 2015 წელს შეძენილია 18,497.00 ლარის ღირებულების აქტივი, 2016 წელს − 12,616.00 ლარის ღირებულების სამედიცინო სახარჯი მასალები და ლაბორატორიული რეაქტივები, ხოლო 2017 წელს − 7,340.00 ლარის ღირებულების რეაქტივები. განხორციელებულ შესყიდვებთან დაკავშირებით, ცენტრის მიერ დადგენილი წესით, მოთხოვნის წერილი არ გაგზავნილა დამფუძნებელთან, შესაბამისად, პასუხად თანხმობა არ ყოფილა. აღნიშნული ფაქტი მიუთითებს მართვის სისუსტეებზე და როგორც დამფუძნებლის, ისე ცენტრის ხელმძღვანელობის მხრიდან არასათანადო კონტროლზე. მოქმედი კანონმდებლობით, საყოველთაო დაზღვევის პროგრამით განსაზღვრულია დაფინანსება სპეციალურ ელექტრონულ სისტემაში. შესაბამისად, ცენტრი იღებს ყოველთვიურ შემოსავალს, თუმცა 2015 წლის ივნისში - 26,381.58 ლარი ვერ იქნა მიღებული, რადგან ცენტრმა დაფინანსების მიღებისათვის ინფორმაცია წარადგინა დაგვიანებით (3 თვეზე მეტი ვადა). შექმნილი ვითარების გამო, ცენტრის თანამშრომლებზე ხელფასები გაიცა საკუთარი კაპიტალიდან, რაზეც დამფუძნებლის თანხმობა არ ყოფილა. აღნიშნულით დაირღვა ცენტრის წესდებით დადგენილი – დამფუძნებელთან შეთანხმების წესი და როგორც დამფუძნებლის, ისე ცენტრის ხელმძღვანელობის არასათანადო კონტროლის/მიდგომის გამო, ბიზნეს გეგმით გათვალისწიებული შემოსავლები შემცირდა 26,381.58 ლარით

სააგენტოს მიერ აზიური ფაროსანას წინააღმდეგ ღონისძიებების მასშტაბის ყოველწლიური ზრდის და წინა წელთან შედარებით მიღებული უკეთესი შედეგის მიუხედავად, კომპლექსური კონტროლის მისაღწევად გამოყენებული მექანიზმები საჭიროებს გაუმჯობესებას.

დადგენილი კანონმდებლობის მიხედვით მოსამსახურე მოვალეა შვებულებაში გასვლამდე, სამსახურთან დაკავშირებით მისთვის მინდობილი ქონების დასაბრუნებლად მიმართოს ამისათვის დანიშნულ პირს, რომელიც ვალდებულია ჩაიბაროს ქონება, თუმცა წარმომადგენლობის ხელმძღვანელის შვებულებაში გასვლამდე (10 აგვისტო - 1 სექტემბერი) განპიროვნებული ავტომობილის გადაცემა უფლებამოსილ პირზე არ მომხდარა, ხოლო ავტომობილზე, რომელიც წარმომადგენლობის ხელმძღვანელის ოფიციალურად შვებულებაში ყოფნის პერიოდშიც იმყოფებოდა მის სარგებლობაში, გაიხარჯა 558.56 ლარის ღირებულების 307.12 ლიტრი საწვავი; ზემო აფხაზეთში აფხაზეთის ავტონომიური რესპუბლიკის მთავრობის წარმომადგენლობაში აუდიტის პერიოდში ავტომობილის საშუალო დღიურმა გარბენმა შეადგინა 59,39 კმ. მიუხედავად წარმომადგენლობის მიერ წამოდგენილი ინფორმაციისა, რომლის თანახმადაც დღიური გარბენის ესოდენ მაღალი მაჩვენებელი განპირობებული იყო სამსახურეობრივი აუცილებლობით, აუდიტის ჯგუფისათვის ვერ იქნა წარმოდგენილი სხვა ალტერნატიული მტკიცებები (საწვავის ხარჯვის შესაბამისად ავტოტრასპორტის გარბენის კონტროლის დამადასტურებელი მექანიზმები), რომლითაც ადეკვატურად დადასტურდებოდა საწვავის ესოდენ მაღალი ხარჯვისა და ავტოსატრანსპორტო საშუალების გარბენის რეალობა

საკრებულოს წევრებს, რომლებიც არ არიან თანამდებობის პირები, გამგეობა უნაზღაურებს საკრებულოს კომისიებისა და სამუშაო ჯგუფების სხდომებში მონაწილეობისათვის, ასევე საკრებულოსა და საკრებულოს თავმჯდომარის დავალებების შესრულებისათვის ყოველთვიურად გაწეულ ხარჯებს. გამგეობის მიერ აღნიშნული ხარჯის ანაზღაურება უნდა განხორციელდეს ფაქტობრივად გაწეული ხარჯის დამადასტურებელი დოკუმენტების საფუძველზე. 2015-2016 წლებში უფლებამოსილების განსახორციელებლად საკრებულოს არათანამდებობის პირებზე გაიცა 198.3 ათასი ლარი. საკრებულოს დეპუტატებზე ხარჯები ანაზღაურებულია ისე, რომ არც ერთ შემთხვევაში მათ არ წარმოუდგენიათ ხარჯის გაწევის დამადასტურებელი დოკუმენტები.

2015 წელს ახალქალაქის მუნიციპალიტეტმა შპს Fin-Estate-გან შეისყიდა ქ. ახალქალაქში ქუჩებისა და ეზოების მოწყობის სამუშაოები, ღირებულებით 1 486.2 ათასი ლარი . ხელშეკრულების მიხედვით, ობიექტის საგარანტიო ვადა განისაზღვრა 2 წლით, რომლის განმავლობაშიც რაიმე წუნის გამოვლენის შემთხვევაში, მიმწოდებული ვალდებულია გამოასწოროს ხარვეზები. 2017 წლის 1 სექტემბერს აუდიტის ჯგუფის მიერ მუნიციპალიტეტის წარმომადგენლებთან ერთად, ობიექტის დათვალიერების შედეგად გამოვლინდა, რომ ჭავჭავაძის ქუჩაზე, ჯავახეთის ქუჩიდან ვაჟა-ფშაველას ქუჩამდე ჩიხში, ასფალტის საფარი ნაწილი არის დაზიანებული და ჩავარდნილი, პასუხისმგებელი პირის განმარტებით მათთვის უცნობია, თუ როდის განხორციელდა აღნიშნული ობიექტის დაზიანება. ხელშეკრულების პირობების მიხედვით, შემსყიდველის მიმართვის საფუძველზე, მიმწოდებელს საგარანტიო ვადაში უნდა გამოესწორებინა გამოვლენილი ხარვეზები. მიუხედავად იმისა, რომ მუნიციპალიტეტს გააჩნდა ვალდებულება მიმწოდებლისთვის მიემართა არსებული ხარვეზების გამოსასწორებლად, შემსყიდველს არ მიუმართავს და შესაბამისად, მიმწოდებელს არ აღმოუფხვრია არსებული ნაკლოვანებები. შედეგად სამუშაოების ნაწილი დაზიანებულია, ხოლო მუნიციპალიტეტს (შესაბამის პასუხისმგებელ პირებს) სათანადო ღონისძიებები მის გამოსასწორებლად არ გაუტარებია.

ატმოსფერული ჰაერის ზოგიერთი ხარისხობრივი მაჩვენებლის ფაქტიური დონე ქალაქის მასშტაბით აჭარბებს ზღვრულად დასაშვებ კონცენტრაციებს. თბილისის 3 წერტილში აღებული ჰაერის სინჯების მიხედვით, წერეთლის გამზირზე დაფიქსირდა ყველა მაჩვენებლის გადაჭარბება. 2017 წელს ზღვრულად დასაშვებ კონცენტრაციაზე გადაჭარბების პროცენტული მაჩვენებელი O3-ის შემთხვევაში შეადგენდა 167%-ს, SO2-ის 155% და CO-ს - 122%.

2015-2017 წლების ხელფასების დარიცხვა-გაცემის მდგომარეობის შესწავლით გამოვლინდა, რომ ცენტრის ბუღალტრის მიერ გაანგარიშებებში დაშვებული შეცდომებისა და დაკისრებული მოვალეობების არასათანადოდ შესრულების გამო, 3 თანამშრომელს ზედმეტად დაუკავდა კუთვნილი ხელფასიდან 210.00 ლარი, ხოლო 9 თანამშრომელს არ დაუკავდა ხელფასიდან კანონმდებლობით გათვალისწინებული, 526.00 ლარის საშემოსავლო გადასახადი.

სააგენტოს მიერ აზიური ფაროსანას წინააღმდეგ ღონისძიებების მასშტაბის ყოველწლიური ზრდის და წინა წელთან შედარებით მიღებული უკეთესი შედეგის მიუხედავად, კომპლექსური კონტროლის მისაღწევად გამოყენებული მექანიზმები საჭიროებს გაუმჯობესებას.

იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ავტონომიურ რესპუბლიკაში აფხაზეთის ავტონომიური რესპუბლიკის მთავრობის წარმომადგენლობაში აუდიტის პერიოდში განპიროვნებული ავტომობილის საშუალო დღიურმა გარბენმა შეადგინა 87,07 კმ., ხოლო სამორიგეო ავტომობილის მიერ საშუალო დღიურმა გარბენმა - 50.88 კმ. მიუხედავად წარმომადგენლობის მიერ წამოდგენილი ინფორმაციისა, რომლის თანახმადაც დღიური გარბენის ესოდენ მაღალი მაჩვენებელი განპირობებული იყო წარმომადგენლობის საქმიანობიდან გამომდინარე, ავტომობილების სამსახურეობრივი მიმოსვლისათვის ინტენსიური გადაადგილებით, აუდიტის ჯგუფისათვის ვერ იქნა წარმოდგენილი სხვა ალტერნატიული მტკიცებები (საწვავის ხარჯვის შესაბამისად ავტოსატრანსპორტო საშუალების გარბენის კონტროლის დამადასტურებელი მექანიზმები), რომლითაც ადეკვატურად დადასტურდებოდა საწვავის ესოდენ მაღალი ხარჯვისა და ავტოსატრანსპორტო საშუალების გარბენის რეალობა

2015-2016 წლებში გურჯაანის მუნიციპალიტეტისათვის სამსახურებრივი უფლებამოსილების განსახორციელებლად რეკომენდებული იყო 7 ავტომანქანა. 2015-2016 წლებში გურჯაანის მუნიციპალიტეტი სამსახურებრივი უფლებამოსილების განსახორციელებლად სარგებლობდა ბალანსზე რიცხული 9 ერთეული ავტომანქანით. აღნიშნული ავტომანქანების ექსპლუატაციისათვის, მუნიციპალიტეტის მიერ დამტკიცებული საწვავის მოხმარების ლიმიტების შესაბამისად, 2015-2016 წლებში დახარჯულია 120.2 ათასი ლარი

განმავლობაშიც რაიმე წუნის გამოვლენის შემთხვევაში მიმწოდებული ვალდებულია გამოასწოროს ხარვეზები. 2017 წლის 30 აგვისტოს აუდიტის ჯგუფის მიერ ობიექტის დათვალიერების შედეგად გამოვლინდა №1 სამხედრო ქალაქის ტერიტორიის პირველ მონაკვეთზე დაზიანებული და ჩავარდნილია დაგებული ასფალტის საფარი. ხელშეკრულების პირობების მიხედვით, შემსყიდველის მიმართვის საფუძველზე, მიმწოდებელს საგარანტიო ვადაში უნდა გამოესწორებინა გამოვლენილი ხარვეზები, თუმცა მუნიციპალიტეტს (შესაბამის პასუხისმგებელ პირებს) არ მიუმართავს და შესაბამისად, მიმწოდებელს არ აღმოუფხვრია არსებული ნაკლოვანებები; მიასიკიანის ქუჩასა და თავისუფლების შესახვევში ამოჭრილი და დაზიანებულია ასფალტის გარკვეული მონაკვეთი, რომელიც უკავშირდება „ენეგოპროჯორჯიას“ მიერ ჩატარებულ სამუშაოებს. ობიექტის დათვალიერების თარიღისთვის გამგეობას არ ჰქონდა გატარებული შესაბამისი ღონისძიებები ხარვეზების გამოსწორების მიზნით. მუნიციპალიტეტის მიერ წარმოდგენილი წერილობითი ინფორმაციის მიხედვით, აუდიტის მიმდინარეობის დროს „ენერგოპროჯორჯიას“ მიერ აღნიშნული ხარვეზები აღმოფხვრილია.

არ არის დანერგილი ჰაერის დაბინძურების სრული და რეალური სურათის დასადგენად მავნე ემისიების პროგნოზირებისა და ატმოსფერული ჰაერის ხარისხის მოდელირების სისტემები.

ცენტრი ფინანსურ ანგარიშგებას წარადგენდა ბუღალტრული აღრიცხვის საერთაშორისო სტანდარტების (ბასს) და აფხაზეთის ა/რ ეკონომიკის მინისტრის 2010 წლის 29 დეკემბრის N01/104 ბრძანებით დადგენილი დანართების მიხედვით, თუმცა 2015-2017 წლებში ცენტრის ბუღალტრის მიერ დაშვებული შეცდომისა და დაკისრებული მოვალეობების არასათანადოდ შესრულების გამო, ფინანსური ანგარიშგებები წარდგენილია არასრულად და არასწორად, რაც ზემოაღნიშნული ნორმატივისა და სტანდარტების დარღვევაა და წარმოშობს დამფუძნებლისათვის არასწორი/არასრული ფინანსური ინფორმაციის მიწოდებისა და ფინანსური ანგარიშგების მომხმარებლების შეცდომაში შეყვანის რისკებს.

მოსახლეობისთვის სხვადასხვა საშუალებებით მიწოდებული ინფორმაციის მიუხედავად, მათი ცნობიერების დონე დაბალია. მოსახლეობის ნაწილს არ აქვს გაცნობიერებული საკუთარი ჩართულობის მნიშვნელობა და არ აქვს საკმარისი ინფორმაცია მავნებლების წინააღმდეგ გამოსაყენებელი პესტიციდების და მათი მოხმარების შესახებ, ვინაიდან არსებული მექანიზმები არაეფექტიანია.

აღმოსავლეთ საქართველოში აფხაზეთის ავტონომიური რესპუბლიკის მთავრობის წარმომადგენლობაში აუდიტის პერიოდში განპიროვნებული ავტომობილის საშუალო დღიურმა გარბენმა შეადგინა 87,87 კმ., ხოლო სამორიგეო ავტომობილის მიერ საშუალო დღიურმა გარბენმა - 54,55 კმ. მიუხედავად წარმომადგენლობის მიერ წამოდგენილი ინფორმაციისა, რომლის თანახმადაც დღიური გარბენის ესოდენ მაღალი მაჩვენებელი განპირობებული იყო წარმომადგენლობის საქმიანობიდან გამომდინარე, ავტომობილების სამსახურეობრივი მიმოსვლისათვის ინტენსიური გადაადგილებით, აუდიტის ჯგუფისათვის ვერ იქნა წარმოდგენილი სხვა ალტერნატიული მტკიცებები (საწვავის ხარჯვის შესაბამისად ავტოსატრანსპორტო საშუალების გარბენის კონტროლის დამადასტურებელი მექანიზმები), რომლითაც ადეკვატურად დადასტურდებოდა საწვავის ესოდენ მაღალი ხარჯვისა და ავტოსატრანსპორტო საშუალების გარბენის რეალობა.

გურჯაანის მუნიციპალიტეტის შიდა აუდიტის სამსახურს, თავისი საქმიანობით, არ შეაქვს მნიშვნელოვანი წვლილი მუნიციპალიტეტის რესურსების ეკონომიურად გამოყენებაში, გამგეობის წინაშე არსებული ამოცანების ეფექტურად შესრულებასა და მუნიციპალიტეტის დასახული მიზნების მიღწევაში. მუნიციპალიტეტის სტრუქტურულ ერთეულებზე შიდა აუდიტის სამსახურს არ გაუცია შესაბამისი რეკომენდაციები, რაც უზრუნველყოფდა რისკების მართვისა და შიდა კონტროლის სისტემის გაუმჯობესებას.

2015-2016 წლებში „სოფლის მხარდაჭერის პროგრამის“ ფარგლებში შესრულებული სამუშაოების ადგილზე დათვალიერების შედეგად გამოვლინდა, რომ არ არის შესრულებული 4.3 ათასი ლარის სამუშაოები, რომლის ღირებულება ზედმეტად არის ანაზღაურებული მუნიციპალიტეტის (შესაბამისი პასუხისმგებელი პირების) მიერ.

არ ტარდება ღონისძიებები მოსახლეობის ფართო მასებისთვის ცნობიერების ასამაღლებლად, ატმოსმფერული ჰაერის დაცვის აუცილებლობის და დაბინძურებული ჰაერის ადამიანის ჯანმრთელობაზე მავნე ზეგავლენის შესახებ, რაც განაპირობებს პრევენციული ღონისძიებების ნაკლებობას და საზოგადოების დაბალ აქტიურობას ჰაერის დაცვის კუთხით.

ცენტრი 2015-2017 წლებში განთავსებული იყო და ფუნქციონირებდა ქ. თბილისში, ვარკეთილის მესამე მასივში, კალოუბნის N16-ში მდებარე შენობის მესამე სართულზე. აღსანიშნავია, რომ ცენტრი საკუთარი შემოსავლების მისაღებად ზემოაღნიშნულ ფართს იყენებდა ყოველგვარი კანონიერი საფუძვლისა და შესაბამისი ანაზღაურების გადახდის გარეშე, თუმცა 2018 წლის 14 სექტემბერს ქ. თბილისის საქალაქო სასამართლომ მიიღო გადაწყვეტილება ცენტრის სასარგებლოდ და ფართის ნაწილი (მე-3 სართული - 643.91 კვ.მ), გადასცა ცენტრს სასამართლო პროცესის დასრულების შემდგომ სარგებლობის უფლებით. მიუხედავად იმისა, რომ ცენტრისათვის ცნობილი იყო მიმდინარე სასამართლო პროცესის (დავის) შესახებ, ბუღალტრის მიერ დაშვებული შეცდომისა და დაკისრებული მოვალეობების არასათანადოდ შესრულების გამო, 2017 წლის ფინანსურ ანგარიშგებაში (განმარტებითი შენიშვნების ფორმაში), საოფისე ფართი პირობით აქტივად არ აღიარებულა, შედეგად, შეიქმნა ფინანსური ანგარიშგების არასწორად წარდგენისა და პოტენციური ინვესტორების/მომხმარებლების შეცდომაში შეყვანის რისკი.

› ძალადობის რისკის შეფასების და რეაგირების ღონისძიების განსაზღვრისთვის საჭირო ინფორმაციაზე დაშვება პატრულ-ინსპექტორების და უბნის ინსპექტორების შემთხვევაში, ინდივიდუალურ დონეზე განსხვავებულია. საჭირო ინფორმაციაზე შეზღუდული წვდომა, ქმნის რისკს, რომ პოლიციის მხრიდან ძალადობის ფაქტი განიხილება, როგორც ცალკე აღებული შემთხვევა.

სამეგრელო - ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობაში აუდიტის პერიოდში განპიროვნებული ავტომობილის საშუალო დღიურმა გარბენმა შეადგინა 133,8კმ, სამორიგეო ავტომანქანებზე შესაბამისად - 47.7 კმ და 45.2 კმ, მიუხედავად წარმომადგენლობის მიერ წამოდგენილი ინფორმაციისა, რომლის თანახმადაც დღიური გარბენის ესოდენ მაღალი მაჩვენებელი განპირობებული იყო სამსახურეობრივი აუცილებლობით, აუდიტის ჯგუფისათვის ვერ იქნა წარმოდგენილი სხვა ალტერნატიული მტკიცებები (საწვავის ხარჯვის შესაბამისად ავტოტრანსპორტის გარბენის კონტროლის დამადასტურებელი მექანიზმები), რომლითაც ადეკვატურად დადასტურდებოდა საწვავის ესოდენ მაღალი ხარჯვისა და ავტოსატრანსპორტო საშუალების გარბენის რეალობა.

გურჯაანის მუნიციპალიტეტს 2016 წელს არ შეუდგენია პერიოდული და წლიური ფინანსური ანგარიშგებები, სადაც უნდა აისახოს ინფორმაცია ორგანიზაციის ფინანსური მდგომარეობის შესახებ. შედეგად ფინანსური ანგარიშგების მომხმარებლებს არ წარედგინება ზუსტი და სრული ინფორმაცია მუნიციპალიტეტის ფინანსური მდგომარეობის შესახებ.

2015-2016 წლებში „სოფლის მხარდაჭერის პროგრამის“ ფარგლებში შესრულებული სამუშაოების ადგილზე დათვალიერების შედეგად გამოვლინდა, რომ 15.2 ათასი ლარის სამუშაოები ხარვეზიანია, ფუნქციონირებს შეფერხებით, შესაბამისად, მუნიციპალიტეტის ბიუჯეტიდან აღნიშნული თანხა გახარჯულია არაეფექტიანად.

კვალიფიკაციის დამადასტურებელ მოთხოვნებთან დაკავშირებით სახელმწიფო შესყიდვების სააგენტოს რეკომენდაციის გათვალისწინების გარეშე შემუშავდა საკვალიფიკაციო მოთხოვნები ცალკეულ ტენდერში, რაც მასში მონაწილეობის მსურველი პრეტენდენტებისთვის შემზღუდავ პირობას წარმოადგენდა და ხელს უშლიდა შესყიდვების მონაწილეთა მიმართ სამართლიანი და პროპორციული მიდგომის უზრუნველყოფას. ასევე, ცესკოს ვებ-გვერდის მომსახურების შესყიდვისას არ იქნა გათვალისწინებული სახელმწიფო შესყიდვების სააგენტოს ბრძანებით დამტკიცებული „გამარტივებული შესყიდვის, გამარტივებული ელექტრონული ტენდერისა და ელექტრონული ტენდერის ჩატარების წესის“ მოთხოვნები.

ცენტრში პასუხისმგებელ პირთა მიერ მათზე დაკისრებული მოვალეობის შეუსრულებლობით, ამავდროულად, როგორც დამფუძნებლის, ისე ცენტრის ხელმძღვანელობის არასათანადო კონტროლის გამო, 2015-2017 წლებში ბენეფიციართა ბარათების წარმოება არ ხორციელდებოდა კანონით დადგენილი წესით. 2013-2018 წლების ბენეფიციართა ელექტრონული ბაზის დამუშავებით დადგინდა, რომ 2015-2017 წლებში კანონშეუსაბამოდ რეგისტრირებული იყო, დაახლოებით, 5096 ბენეფიციარი. ამის გამო, ცენტრი კაპიტაციური (გლობალური ბიუჯეტის პრინციპით) მონაცემების არასწორად წარდგენის საფუძველზე, იღებდა 9,784.32 ლარის ყოველთვიურ შემოსავალს, რაც ჯამში შეადგენს კანონმდებლობის მოთხოვნათა დარღვევით მიღებულ 352,235.52 ლარის შემოსავალს და მოქმედი კანონმდებლობის მიხედვით, ექვემდებარება ბიუჯეტში აღდგენას. ასევე უნდა აღინიშნოს, რომ სსიპ − სოციალური მომსახურების სააგენტომ 2013 - 2017 წლებში გამოვლენილ მსგავს დარღვეევა-ნაკლოვანებებთან დაკავშირებით, ცენტრი დააჯარიმა 2,627,697.70 ლარით.

› შინაგან საქმეთა სამინისტროს ელექტრონულ მონაცემთა ბაზაში ასახულია სასამართლოს მიერ 2017 წელს გამოცემული დამცავი ორდერების მხოლოდ 22%, რაც არ იძლევა დამცავი ორდერების ძალადობის ისტორიაში გათვალისწინების და მათი პირობების შესრულებაზე სათანადო ზედამხედველობის განხორციელების საშუალებას.

იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ავტონომიურ რესპუბლიკაში აფხაზეთის ავტონომიური რესპუბლიკის მთავრობის წარმომადგენლობას არასრულად და არასწორად ჰქონდა შევსებული ბალანსის დანართი ფორმები, კერძოდ: ავტომანქანების მიმდინარე რემონტზე გაწეული ხარჯები 3,596.00 ლარის ოდენობით, (რომლითაც ადგილი არ ჰქონია აქტივების არსებით გაუმჯობესებას), ყოველგვარი საფუძვლის გარეშე დაემატა მანქანების საბალანსო ღირებულებებს, რის გამოც ავტომანქანების ღირებულება არამართებულად გაიზარდა 3,596.00 ლარით, ხოლო დარიცხული ცვეთის თანხა გაიზარდა 402,75 ლარით.

2015 წლის ნოემბერსა და 2016 წლის ოქტომბერში, ქ. ახალციხის მუნიციპალიტეტის საკრებულოს თანამდებობის პირებსა და აპარატის მუშაკებზე გაცემულია სახელფასო დანამატი 19.9 ათასი ლარის ოდენობით. დანამატების გაცემის საჭიროება დოკუმენტურად დასაბუთებული არ არის. კერძოდ, საკრებულოს თავმჯდომარის სამართლებრივი აქტები არ შეიცავს ინფორმაციას ზეგანაკვეთური მუშაობის, საპასუხისმგებლო ფუნქციური დატვირთვის ან სხვა გარემოების შესახებ.

ახალქალაქის მუნიციპალიტეტის გამგეობაში შექმნილი შიდა აუდიტის სამსახურის მიზანია გამგეობის სტრუქტურულ ქვედანაყოფებსა და მუნიციპალიტეტის მიერ დაფუძნებულ იურიდიულ პირებში ჩაატაროს სისტემური, შესაბამისობის, ეფექტიანობის, ფინანსური და ინფორმაციული ტექნოლოგიების აუდიტი. ახალქალაქის მუნიციპალიტეტის შიდა აუდიტის სამსახურს 2015-2016 წლებში არ შეუსწავლია გამგეობის სტრუქტურული ერთეულების საქმიანობა, არ შეუფასებია შეესაბამება თუ არა მუნიციპალიტეტის საქმიანობა დაგეგმილ მიზნებსა და ამოცანებს, რამდენად კანონიერად, მიზნობრივად და ეფექტიანად ხდება დაფინანსების გამოყენება, დანერგილია თუ არა ადეკვატური მართვისა და კონტროლის მექანიზმები და სხვ. მუნიციპალიტეტის სტრუქტურულ ერთეულებზე შიდა აუდიტის სამსახურს არ გაუცია შესაბამისი რეკომენდაციები, რაც უზრუნველყოფდა რისკების მართვისა და შიდა კონტროლის სისტემის გაუმჯობესებას.

ტექნიკურად გაუმართავ მდგომარეობაში მყოფი და ნაწილობრივ განკომპლექტებული მიკროავტობუსის ბევრად მაღალი ღირებულების „სედანის“ ტიპის ახალი ავტომანქანით ჩანაცვლებისას, ცესკოს მიერ არასწორად იქნა გამოყენებული ჩანაცვლების საფუძვლები, რაც ეწინააღმდეგება ჩანაცვლების ზოგად პრინციპებს და მიზნებს.

სამუშაოზე გამოცხადების აღრიცხვის ჟურნალში ფიქსირდება მხოლოდ თანამშრომელთა სამსახურში პირველი შემოსვლისა და ბოლო გასვლის მონაცემები, ასევე ხშირ შემთხვევაში დარღვეულია შინაგანაწესით განსაზღვრული სამსახურში გამოცხადებისა და წასვლის დრო, რადგან ფიქსირდება დაგვიანების, ადრე გასვლისა და სამსახურში გამოუცხადებლობის ისეთი ფაქტები, რომლებიც არ არის დასაბუთებული დოკუმენტურად.

ცენტრის მიერ შესყიდვების ელექტრონული სისტემის დაგეგმვის მოდულში წარმოდგენილი 2015-2017 წლების შესყიდვების გეგმებისა და ფაქტობრივად განხორციელებული შესყიდვების შესწავლით დგინდება, რომ ცენტრის მიერ დაგეგმილი შესყიდვების ფაქტობრივი შესრულება შეადგენდა: 2015 წელს - 68%-ს, 2016 წელს - 44%-ს, ხოლო 2017 წელს - 40%-ს. ყოველწლიურად ცენტრის მიერ დაგეგმილი მაჩვენებლების შეუსრულებლობის მზარდი ტენდენცია ცენტრის მიერ არასათანადო წინასწარი პროცედურების ჩატარებასა და შესყიდვების დაგეგმვაში არსებულ მნიშვნელოვან ნაკლოვანებებზე მიუთითებს. 2015-2017 წლებში ცენტრის მიერ გამოცხადებული 10 ტენდერიდან, მხოლოდ 1 (ერთზე) ფიქსირდება ბაზრის შესწავლის დამადასტურებელი დოკუმენტაცია, ხოლო დანარჩენ შემთხვევებში, ბაზრის შესწავლა ტარდებოდა სავარაუდო მომწოდებლებთან სატელეფონო გასაუბრებით, ხოლო რაიმე სახის დოკუმენტი წარმოდგენილი არ არის, რაც ბაზრის არაეფექტიან შესწავლაზე მიუთითებს. 2015-2017 წლებში გაფორმებული 195 სახელმწიფო შესყიდვის ხელშეკრულებიდან, 168 შემთხვევაში არ არის გაფორმებული აღნიშნული ხელშეკრულებით გათვალისწინებული სამუშაოების მიღება-ჩაბარების აქტები, შესაბამისად, ხელშეკრულებით გათვალისწინებული სამუშაოების შესრულების კონტროლი არაეფექტიანია. 2015-2017 წლებში გაფორმებული 195 სახელმწიფო შესყიდვის ხელშეკრულებიდან 143 ხელშეკრულება შესყიდვების ელექტრონულ სისტემაში ატვირთულია კანონმდებლობით განსაზღვრული ვადების დარღვევით, რაც კონტროლის მნიშვნელოვან სისუსტეზე მიუთითებს. ამრიგად, ცენტრში სახელმწიფო შესყიდვებთან დაკავშირებით გამოვლენილი დარღვევა-ნაკლოვანებები გამოწვეულია როგორც დაგეგმვის, ისე შესრულების ეტაპზე კონტროლის მნიშვნელოვანი სისუსტეებით და პასუხისმგებელ პირებზე დაკისრებული მოვალეობების არასათანდო შესრულებით, რაც ჯამში ქმნის ფულადი სახსრების არაეფექტიანად გახარჯვის მნიშვნელოვან რისკებს.

› მოძალადის სახლიდან გარიდება პრაქტიკაში ხშირად სირთულეებს უკავშირდება (ღამის საათებში, ნასვამობის და სახლის საკუთრების შემთხვევაში). შედეგად, ხშირია მსხვერპლის და მასზე დამოკიდებული რამდენიმე პირის თავშესაფარში გადაყვანა, რაც დისკომფორტს უქმნის მსხვერპლს და არა მოძალადეს. ძალადობის ინციდენტში მონაწილე პირთა საცხოვრებლიდან განცალკევების სამოქმედო ინსტრუქცია სამინისტროში შემუშავებული არ არის, რაც ვერ ქმნის მსხვერპლის ინტერესების სათანადოდ გათვალისწინების საფუძველს.

სამეგრელო - ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობას არასრულად და არასწორად ჰქონდა შევსებული ბალანსის დანართი ფორმები. კერძოდ: ბალანსის დანართ ფორმა N2-ში პრემიის მუხლში საანგარიშგებო პერიოდის დაზუსტებული გეგმით, ნაცვლად 51,254.07 ლარისა დაფიქსირდა 37,520.00 ლარი, გადახრა ფაქტიურ ხარჯსა და გადახდას შორის არ დაფიქსირებულა, ხოლო „სხვა ხარჯების“ ჯამური მუხლი თანხით - 5,510.00 ლარი არ იყო ჩაშლილი.

მოქმედი კანონმდებლობის შესაბამისად, შტატგარეშე მოსამსახურეთა რაოდენობა ქ. ახალციხის მუნიციპალიტეტისათვის არ უნდა აღემატებოდეს 8 ერთეულს. მუნიციპალიტეტის მიერ 2015 წელს არ არის დაცული ადგილობრივი თვითმმართველობის კოდექსით დაწესებული ზღვარი. კერძოდ, 2015 წლის იანვრიდან აგვისტომდე პერიოდში დაქირავებულ შტატგარეშეთა რაოდენობა 1-3 ერთეულით აღემატებოდა კანონით დადგენილ ნორმას.

მუნიციპალიტეტმა 2016 წელს შეისყიდა გზის კაპიტალური შეკეთების სამუშაოები საერთო ღირებულებით 1 095.0 ათასი ლარი. ხელშეკრულების ფარგლებში სამუშაოების ნაწილი საერთო ღირებულებით 116.2 ათასი ლარი დასრულდა 2016 წელს ხოლო დარჩენილი ნაწილი დასრულდა და შესაბამისად ანაზღაურება განხორციელდა 2017 წელს. შედეგად 2016 წელს ნაწილობრივ შესრულებული სამუშაოები ახალქალაქის მუნიციპალიტეტის ბალანსში წარმოდგენილი უნდა იყოს „დაუმთავრებელი მშენებლობის“ მუხლში.

გამარტივებული წესით სამშენებლო-სარემონტო სამუშაოების შესყიდვისას მიმწოდებლებზე თანხების ანაზღაურება არ ხორციელდებოდა ფაქტობრივად გაწეული დანახარჯების მიხედვით, როგორც ეს მოითხოვება შესაბამისი მარეგულირებული ნორმებით.

შტატგარეშედ დასაქმებულ პირზე, რომლის 2015 წელს მიღებულმა დასაბეგრმა შემოსავალმა შეადგინა 2,750.00 ლარი, ცენტრის ბუღალტრული სამსახურის მიერ დაშვებული შეცდომის გამო, კანონმდებლობის მოთხოვნების დარღვევით მოხდა 190.00 ლარის საშემოსავლო გადასახადის დაკავება და შესაბამისად, ცენტრის ბუღალტრული აღრიცხვის სამსახურის მიერ დაკისრებული მოვალეობის არასათანადოდ შესრულების გამო, თანამშრომელზე გასაცემი ხელფასის შეცდომით დაანგარიშებამ გამოიწვია თანამშრომელზე ხელფასის კანონმდებლობის მოთხოვნების შეუსაბამოდ, არასწორად 190.00 ლარით ნაკლები ოდენობით გაცემა.

› მოხუცებზე განხორციელებული ეკონომიკური ძალადობის მიმართ რეაგირების მოქმედი მექანიზმი გარკვეულ შემთხვევებში არაქმედითია და ვერ უზრუნველყოფს მათ სათანადოდ დაცვას.

საბიუჯეტო დეფიციტის მართვის მიზნით გასატარებელი ზოგიერთი ღონისძიების ძირითადი პრინციპების შესაბამისად „შრომის ანაზღაურების“ და „შტატგარეშე მომუშავეთა ანაზღაურების“ მუხლით 2015 წელს გაწეული ხარჯი თითოეული საბიუჯეტო ორგანიზაციისათვის არ უნდა ყოფილიყო 2014 წლის საკასო ხარჯზე მეტი. თუმცა, იმ პირობებში, როდესაც ადგილი არ ჰქონია ორგანიზაციის ფუნქციებისა და კომპეტენციის არსებით ზრდას, აღმოსავლეთ საქართველოში აფხაზეთის ავტონომიური რესპუბლიკის მთავრობის წარმომადგენლობის მიერ 2015 წელს შტატით მომუშავეთა შრომის ანაზღაურება გაიზარდა 2%-ით, ხოლო შტატგარეშე მომუშავეთა ანაზღაურება 71%-ით. გარდა აღნიშნულისა, პრინციპების შესაბამისად მოხმარებული საწვავის ხარჯები 2014 წლის საკასო ხარჯთან შედარებით უნდა შემცირებულიყო არანაკლებ 30%-ით, თუმცა წარმომადგენლობის მიერ 2015 წელს საწვავზე გახარჯული თანხა პირიქით გაიზარდა 9%-ით.

2015-2016 წლებში ქ. ახალციხის მუნიციპალიტეტის მიერ გაფორმებული შრომითი ხელშეკრულებების ნაწილი არ შეიცავს დროში განსაზღვრულ რაიმე კონკრეტულ დავალებას და შრომით ურთიერთობებს მუდმივ ამოცანათა შესასრულებლად აწესრიგებს. აღნიშნული წინააღმდეგობაშია შტატგარეშე მოსამსახურის დაქირავების პრინციპთან. მითითებული შრომითი ხელშეკრულებების შესაბამისად, 2015-2016 წლებში სულ გაცემულია 99.6 ათასი ლარი.

ახალქალაქის მუნიციპალიტეტის 2016 წლის ფინანსურ ანგარიშგებაში „შენობა-ნაგებობების“ მუხლში აღრიცხულია სხვა პირებზე უსასყიდლო უზუფრუქტით გადაცემული ჰიგიენის შენობა და ორი ამბულატორია საერთო ღირებულებით 277.9 ათასი ლარი, რომელსაც ერიცხება ცვეთა 6.6 ათასი ლარის ოდენობით. მოქმედი კანონმდებლობის მიხედვით, გრძელვადიანი უზუფრუქტით გაცემული შენობა მუნიციპალიტეტმა უნდა მოხსნას საკუთარი ბალანსიდან და გადავიდეს იმ ორგანიზაციის ბალანსზე, რომელიც ფაქტობრივად იყენებს მას. შესაბამისად, ბალანსში „შენობა-ნაგებობების“ მუხლში არასწორადაა ასახული 277.9 ათასი ლარის ღირებულების შენობები. აღნიშნული შენობების ცვეთა წარმოადგენს იმ ორგანიზაციის ხარჯს, რომელიც ფაქტობრივად იყენებს აქტივს, შესაბამისად, მუნიციპალიტეტის ხარჯების ცვეთის თანხით გაზრდილადაა წარმოდგენილი ფინანსურ ანგარიშგებაში.

2016 წელს ცესკოს მიერ გამარტივებული შესყიდვის საშუალებით შესყიდული იყო ისეთი მატერიალური ფასეულობები, რომელთა სახეობისა და რაოდენობის განსაზღვრა არ იყო დამოკიდებული საარჩევნო პერიოდის დაწყებაზე და მათი შესყიდვა შესაძლებელი იყო სატენდერო პროცედურების საშუალებით.

ცენტრმა თანამშრომლებზე არასამუშაო დროსა და უქმე დღეებში მუშაობისათვის გასცა დანამატი, მიუხედავდ იმისა, რომ თანამშრომლებმა ამავდროულად ისარგებლეს დამატებითი დასვენების დროით. აღსანიშნავია ისიც, რომ სათანადოდ გაფორმებული საბუთების არარსებობის გამო, ფაქტობრივად ვერ დგინდება კონკრეტულად რა დამატებით შესრულებული სამუშაოსათვის გაიცა დანამატი. ზემოაღნიშნულიდან გამომდინარე, ცენტრის მიერ 2015-2017 წლებში 14,266.00 ლარის დანამატები გაცემულია სათანადო დასაბუთების გარეშე და მოქმედი კანონმდებლობით დადგენილი საფუძვლების შეუსაბამოდ, რაც მიუთითებს საბიუჯეტო სახსრების არაეფექტიან ხარჯვაზე.

› უწყებათაშორისი კომისია ქალთა მიმართ და ოჯახში ძალადობის პრევენციის ერთიანი სახელმწიფო პოლიტიკის განხორციელების მიზნით, შეიმუშავებს სამოქმედო გეგმას, რომელიც საჭიროებს ანალიზით გამყარებას. ასევე სუსტია კომისიის მონიტორინგის და კოორდინაციის ფუნქციები. შედეგად, სამოქმედო გეგმა ნაწილობრივ სრულდება და ხშირია მნიშვნელოვანი საქმიანობების შემდგომ სამოქმედო პერიოდში გადატანის შემთხვევები.

საბიუჯეტო დეფიციტის მართვის მიზნით გასატარებელი ზოგიერთი ღონისძიების ძირითადი პრინციპების შესაბამისად „შტატგარეშე მომუშავეთა ანაზღაურების“ მუხლით 2015 წელს გაწეული ხარჯი თითოეული საბიუჯეტო ორგანიზაციისათვის არ უნდა ყოფილიყო 2014 წლის საკასო ხარჯზე მეტი. თუმცა, იმ პირობებში, როდესაც ადგილი არ ჰქონია ორგანიზაციის ფუნქციებისა და კომპეტენციის არსებით ზრდას, სამეგრელო - ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის მიერ 2015 წელს შტატგარეშე მომუშავეთა ანაზღაურება გაიზარდა 30 %-ით. გარდა აღნიშნულისა, პრინციპების შესაბამისად მოხმარებული საწვავის ხარჯები 2014 წლის საკასო ხარჯთან შედარებით უნდა შემცირებულიყო არანაკლებ 30%-ით, თუმცა წარმომადგენლობის მიერ 2015 წელს საწვავზე გახარჯული თანხა შემცირდა მხოლოდ 16%-ით.

ქ. ახალციხის მუნიციპალიტეტის საკრებულოს წევრებზე 2015-2016 წლებში ხარჯების ანაზღაურების სახით გაცემულია 50.6 ათასი ლარი. დაფინანსება გაცემულია ისე, რომ არ არის წარმოდგენილი შესაბამისი ხარჯის დამადასტურებელი პირველადი დოკუმენტები.

2016 წლის ფინანსურ ანგარიშგებაში მუნიციპალიტეტს არ აქვს აღრიცხული 46.8 ათასი ლარის საოფისე ინვენტარი. პასუხისმგებელი პირის განმარტებით, აღნიშნული განპირობებულია მექანიკური შეცდომით აქტივების ჯამის გადმოტანის დროს, შედეგად ბალანსის „მანქანა-დანადგარები და ინვენტარის“ მუხლი შემცირებულადაა წარმოდგენილი.

საოლქო კომისიების მიერ არჩევნებთან დაკავშირებული გასახარჯი თანხების მოცულობებს ცესკო განსაზღვრავდა ხარჯების ფუნქციონალური კლასიფიკაციით, ხოლო საოლქო კომისიები საფინანსო ანგარიშს ცესკოში წარადგენდნენ ხარჯების ეკონომიკური კლასიფიკაციის მიხედვით. კლასიფიკაციაში აღნიშნული განსხვავებები ართულებს ხარჯების შედარებას და ვერ უზრუნველყოფს სათანადო კონტროლს ფულადი სახსრების ხარჯვაზე.

იმ პირობებში, როდესაც ცენტრის შტატით მომუშავეთა რიცხოვნება ფაქტობრივად შეადგენდა ყოველწლიურად 13 ერთეულს, 2015 წელს შტატგარეშედ დასაქმებული იყო 23 პირი, მათ შორის, ხანგრძლივი პერიოდის განმავლობაში (6-12 თვემდე) დასაქმებული იყო 8 შტატგარეშე მომუშავე (ანუ შტატით მომუშავეთა რაოდენობასთან მიმართებაში 61.54%) და მათზე ანაზღაურდა 35,977.71 ლარი. ანალოგიურად, 2016 წელს შტატგარეშედ დასაქმებული იყო 21 პირი, მათ შორის, ხანგრძლივი პერიოდის განმავლობაში (6-12 თვემდე) დასაქმებული იყო 10 შტატგარეშე მომუშავე (ანუ შტატით მომუშავეთა რაოდენობის 76.92%) და მათზე ანაზღაურდა 56,707.00 ლარი, ანალოგიურად, 2017 წელს შტატგარეშედ დასაქმებული იყო 21 პირი, მათ შორის, ხანგრძლივი პერიოდის განმავლობაში (6-12 თვემდე) დასაქმებული იყო 11 შტატგარეშე მომუშავე (ანუ შტატით მომუშავეთა რაოდენობის 84.62%) და მათზე ანაზღაურდა 56,875.00 ლარი. შესაბამისად, ხანგრძლივი პერიოდით შტატგარეშეთა დასაქმებისა და ანაზღაურების დინამიკა 2015-2017 წლებში ხასიათდება მზარდი ტემპით. შტატგარეშე მოსამსახურეთა დასაქმება ხორციელდებოდა მოქმედი კანონმდებლობის მოთხოვნათა გაუთვალისწინებლად. კერძოდ, მუდმივი ხასიათის სამუშაოების შესასრულებლად ხანგრძლივი პერიოდით, მათ შორის, 1, 2 ან/და 3 წლით. 2016-2017 წლებში არც შტატგარეშე მოსამსახურეებთან გაფორმებულ 245 ხელშეკრულებაში ფიქსირდება ხელშეკრულების შესრულების ანგარიშის წარმოდგენის მოთხოვნა და არც შტატგარეშე პირების მიერ არის წარმოდგენილი შესრულებული სამუშაოს შესახებ ანგარიში რაიმე ფორმით. შესაბამისად, ცენტრში არ მოიპოვება კონკრეტულ შესრულებულ სამუშაოებთან დაკავშირებით შტატგარეშე თანამშრომლების მიერ ანგარიშის სახით შედგენილი რაიმე ტიპის ოფიციალური დოკუმენტი (მოხსენებითი ბარათი, სამსახურებრივი ბარათი, ანგარიში გაწეული მუშაობის შესახებ და სხვ.), რომლითაც დადასტურდებოდა მათ მიერ შესრულებული კონკრეტული სამუშაოს (მომსახურების) შედეგი და აქედან მიღებული სარგებელი.

› დამცავი ორდერის გამოცემის შემთხვევაში, მოძალადის ქცევის კორექციის კანონით გათვალისწინებული კურსები პრაქტიკაში დანერგილი არ არის, ასევე განუსაზღვრელია მათ დანერგვასა და განხორციელებაზე პასუხისმგებელი ორგანო. შედეგად, მოძალადის მიერ ქცევის კორექციის კურსის გავლა პრაქტიკაში უზრუნველყოფილი არ არის, რაც ამცირებს ძალადობის პრევენციის ღონისძიებების პროდუქტიულობას.

აუდიტმა აჩვენა, რომ დახმარების მიღების ვადები შესაძლოა შემცირდეს ადმინისტრირების ცალკეულ ეტაპებზე არსებული პროცედურების ოპტიმიზაციითა და გამარტივებით.

ქ. ახალციხის მუნიციპალიტეტის მიერ სამსახურებრივი უფლებამოსილების განსახორციელებლად გამოყენებული სატრანსპორტო საშუალებების რაოდენობა აღემატება მთავრობის დადგენილებით რეკომენდებულ ზღვრულ ოდენობას. კერძოდ, 2015 წლის ივლისიდან 2016 წლის აგვისტოს ჩათვლით, მუნიციპალიტეტი სამსახურებრივი უფლებამოსილების განსახორციელებლად სარგებლობდა 5-7 სამორიგეო ავტომანქანით.

მუნიციპალიტეტს 2016 წლის ფინანსურ ანგარიშგებაში ნულოვანი ღირებულებით აქვს წარმოდგენილი ნალბანდიანის ქუჩაზე მდებარე მიწის ნაკვეთი. გამომდინარე იქედან, რომ აღნიშნული მიწის ნაკვეთის ღირებულება არ არის შეფასებული, საფინანსო სამსახურმა მისი აღრიცხვა ფინანსურ ანგარიშგებაში მოახდინა ნულოვანი ღირებულებით. შედეგად ფინანსურ ანგარიშგებაში შემცირებული ღირებულებითაა წარმოდგენილი „არაწარმოებული აქტივების“ მუხლი. აღნიშნული გარემოება გავლენას ახდენს ფინანსური ანგარიშგებაში ბალანსი - ფორმა N1-ზე, სადაც მიწის ღირებულებით არასწორადაა წარმოდგენილი „არაწარმოებული აქტივებისა“ და „წმინდა ღირებულების“ მუხლები.

ზოგიერთი საოლქო კომისიის მიერ ცალკეული ხარჯის გაწევა არ დასტურდება დოკუმენტურად.

ცენტრში განხორციელებული მივლინების დოკუმენტაციის შესწავლით გამოვლინდა, რომ თანამშრომელთა მივლინებაში გამგზავრებისა და მივლინების ადგილას მათზე დაკისრებული მოვალეობების შესრულების მიუხედავად (წარმოდგენილი იყო ბუღალტრული დოკუმენტაცია და გადაღებული/მომზადებული რეპორტაჟები), ცენტრმა 7 შემთხვევაში 4 თანამშრომელს არ აუნაზღაურა ჯამში 470.00 ლარის მივლინების ხარჯები (მგზავრობისა და საცხოვრებელი ფართობის დაქირავების ხარჯები). ცენტრის საბუღალტრო სამსახურის მიერ დაკისრებული მოვალეობის არასათანადოდ შესრულების გამო, მოქმედი კანონმდებლობის მოთხოვნების გაუთვალისწინებლად, ცენტრის თანამშრომლებზე მივლინების თანხები არასწორად (ნაკლები ოდენობით) გაიცა.

› სოციალური მუშაკების არასაკმარისი რაოდენობა და მათი შეზღუდული ხელმისაწვდომობა, ძალადობის შემთხვევებში − მათ არასათანადო ჩართულობას განაპირობებს. სოციალური მუშაკები არ მუშაობენ დასვენების დღეებში, შაბათ/კვირას და არასამუშაო საათებში, მათი უფლება-მოვალეობები არაპროპორციულია მათ რაოდენობასთან შედარებით. სოციალური მუშაკების სამუშაო დატვირთვა დაახლოებით 6-ჯერ აღემატება თვეში რეკომენდებულ საქმეთა რაოდენობას.

ბენეფიციართა ინფორმირებულობა იმის შესახებ, თუ რა გავლენას მოახდენს დასაქმება მათ სარეიტინგო ქულაზე დაბალია.

2014 წლის ბოლოს, ქ. ახალციხის მუნიციპალიტეტის მიერ ზარზმელის ქუჩის მოასფალტებისა და საკანალიზაციო ქსელის მოწყობის სამუშაოების შესყიდვისას, გამოვლინდა აფიდავიტის სავარაუდო დარღვევის შემთხვევა. კერძოდ, პრეტენდენტების არაკეთილსინდისიერი ქმედების გამო, შესყიდვის ფასი 85.1 ათასი ლარით გაიზარდა.

ახალქალაქის მუნიციპალიტეტის 2016 წლის ფინანსური ანგარიშგების დანართ N3-ში „ანგარიში წმინდა ღირებულების შესახებ“ სხვა შემოსავლების მუხლში აღრიცხულია 1 283.8 ათასი ლარი მაშინ როდესაც მუნიციპალიტეტმა ფაქტობრივად მიიღო 3 048.1 ათასი ლარი. შედეგად აღნიშნული მუხლი შემცირებულადაა წარმოდგენილი 1 764.3 ათასი ლარით.

არსებობს რისკი, რომ საოლქო საარჩევნო კომისიების მიერ საწვავის შეძენა არ ხორციელდებოდა საჭიროებიდან გამომდინარე და მათი ხარჯვა არ ეფუძნებოდა რეალურ მონაცემებს, რაც კონტროლის არსებითი სისუსტეა.

ცენტრი შექმნის დღიდან (2014 წლის 2 აპრილი) არ იხდის მოხმარებული ელექტროენერგიის საფასურს, რადგან იგი არ არის რეგისტრირებული თელასში დამოუკიდებელ აბონენტად. ჩატარებული აუდიტორული პროცედურებით ფიქსირდება ცენტრის პასუხისმგებელი პირების მათზე დაკისრებული მოვალეობების არასათანადოდ შესრულებისა და თელასის თანამშრომლების მიერ განხორციელებული საეჭვო ქმედებების ხელშეწყობით მოქმედი კანონმდებლობით დაკისრებული ვალდებულებებისაგან, კერძოდ, ცენტრის დამოუკიდებელ აბონენტად რეგისტრაციისა და შესაბამისად, მის მიერ მოხმარებული ელექტროენერგიის საფასურის გადახდისაგან თავის არიდების მიზნით წარმოდგენილი დოკუმენტაციის გაყალბების რისკები.

2015-2016 წლებში, ქ. ახალციხის მუნიციპალიტეტმა სოციალურად დაუცველთა სახლის მოწყობის, აღჭურვისა და დაცვის მიზნით, დახარჯა 134.4 ათასი ლარი. სახლი მდებარეობს დაუსახლებელ პუნქტში, არ ფუნქციონირებს და ვერ უზრუნველყოფს დასახული მიზნის მიღწევას.

მუნიციპალიტეტმა ვერ უზრუნველყო ბიუჯეტით დაგეგმილი პროექტების დროულად განხორციელება, სათანადოდ ვერ დაგეგმა მისაღები შემოსავლები და თავისუფალი ნაშთის (2015 წლის ბოლოს 852,9 ათასი, 2016 წლის ბოლოს 2367,7 ათასი) გამოყენება. აღნიშნული მიუთითებს მუნიციპალიტეტის მფლობელობაში არსებული ფინანსური რესურსების არაეფექტიან მართვაზე. შედეგად, მოსახლეობა ვერ სარგებლობს იმ სიკეთით, რაც შესაძლოა მიწოდებულ იქნას ბიუჯეტში მობილიზებული სახსრების დროული და ეფექტიანი გამოყენებით.

ცესკოს განკარგულებებით დადგენილი იყო საოლქო კომისიების დამხმარე და ტექნიკური პერსონალის ზღვრული ოდენობა, თუმცა დადგენილებები არ განსაზღვრავდა დაქირავებულ პირთა ხელფასების ოდენობას. შრომის ანაზღაურების განსაზღვრისას არ არსებობდა ერთიანი მიდგომა, განსხვავებული იყო სხვადასხვა საოლქო კომისიის მიერ ერთი და იმავე სამუშაოს შესასრულებლად დაქირავებულ პირთა შრომის ანაზღაურების ოდენობა. საოლქო საარჩევნო კომისიის რეგლამენტის და ხელშეკრულებით აყვანილ პირებთან გაფორმებული შრომითი ხელშეკრულებების შესაბამისად, მათზე პრემია/დანამატის გაცემა გათვალისწინებული არ ყოფილა. მიუხედავად ამისა, საოლქო საარჩევნო კომისიის დამხმარე პერსონალზე 2016 წელს გაცემულ იქნა 4,128 ლარის პრემია/დანამატები, თუმცა აუდიტის ჯგუფისთვის ვერ იქნა წარმოდგენილი მათი გაცემის საფუძვლის დოკუმენტური დადასტურება:

აფხაზეთის ა/რ მთავრობის 2015 წლის 25 სექტემბრის N28 დადგენილებით, საჯარო სამართლის იურიდიულ პირებს (მათ შორის, ცენტრს) სარგებლობისათვის განესაზღვრა მხოლოდ ერთი სამორიგეო ავტომანქანა. მიუხედავად ამისა, დაფიქსირდა ცენტრის მიერ მეორე ავტომანქანით სარგებლობის ფაქტი. შესაბამისად, ცენტრის მიერ მეორე ავტომანქანის კანონმდებლობის მოთხოვნების შეუსაბამოდ სარგებლობამ გამოიწვია 2015-2017 წლებში 14,431.94 -დან 18,888.28 ლარამდე საბიუჯეტო სახსრების არამიზნობრივად და არაეკონომიურად ხარჯვა.

იპკ-ის სისტემის მნიშვნელობის მიუხედავად, ქვეყანაში არ არის შემუშავებული ინფექციის პრევენციისა და კონტროლის ერთიანი ეროვნული სტრატეგია და შესაბამისი სამოქმედო გეგმა, რაც უზრუნველყოფდა სახელმწიფო დონეზე ერთიანი პოლიტიკისა და გასატარებელი ღონისძიებების არსებობას იპკ-ის სისტემის გაუმჯობესების მიზნით.

მინისტრის 2015 წლის 30 იანვრის N14/ო და საგზაო დეპარტამენტის თავმჯდომარის 2015 წლის 30 იანვრის N20 ბრძანების საუძველზე, აპარატისა და საგზაო დეპარტამენტის ზოგიერთ მოხელეზე დაწესებულია დანამატები. დანამატები დაწესებულია „საჯარო სამსახურის შესახებ“ საქართველოს კანონის 37-ე მუხლის მე-2 პუნქტით დადგენილი ნორმის საფუძველზე. აღსანიშნავია, რომ მითითებული ნორმის საფუძველზე დანამატების გაცემა შესაძლებელია შრომის ანაზღაურების მუხლში წარმოქმნილი ეკონომიის საფუძველზე. სამინისტროს მიერ წარდგენილი საბიუჯეტო განაცხადით, აპარატისა და საგზაო დეპარტამენტის შრომის ანაზღაურების წლიური ფონდის (ჭერის ფარგლებში) დაანგარიშება გაკეთებულია აპარატის 151 და საგზაო დეპარტამენტის 216 თანამშრომელზე. შესაბამისად, საქართველოს მთავრობის 2014 წლის 31 დეკემბრის N2623 და 2014 წლის 30 დეკემბრის N2603 განკარგულებებით აპარატისა და საგზაო დეპარტამენტის საშტატო რიცხოვნება განისაზღვრა აპარატში 151 და საგზაო დეპარტამენტში 216 ერთეულით. საანგარიშო პერიოდის განმავლობაში ვაკანტური თანამდებობების რაოდენობა საშუალოდ შეადგენდა აპარატში 25 და საგზაო დეპარტამენტში 15 ერთეულს. ფაქტობრივად, შემდგომში ეკონომიის წარმოშობა გამოწვეულია ვაკანტური თანამდებობის ხარჯზე. აპარატის ზოგიერთ რიგით თანამშრომელზე, თითოეული კვარტლის განმავლობაში პრემია გაცემულია რამდენჯერმე. ამასთან, პრემიების ოდენობა რიგ შემთხვევაში აჭარბებს მათთვის დამტკიცებულ თანამდებორივ სარგოებს.

აუდიტის ჯგუფმა დაათვალიერა ქ. ახალციხის მუნიციპალიტეტის 2015-2016 წლებში შესრულებული 771.3 ლარის ღირებულების სხვადასხვა ინფრასტრუქტურული პროექტი. შედეგად გამოვლინდა, რომ სამუშაოების ნაწილი დაზიანებულია. დათვალიერების მომენტისთვის ობიექტებს გააჩნდა მოქმედი საგარანტიო ვადა, თუმცა მუნიციპალიტეტს არ ჰქონდა მიმართული მიმწოდებლებისთვის გამოვლენილი ხარვეზების გამოსწორების მოთხოვნით.

დედოფლისწყაროს მუნიციპალიტეტის წარმომადგენლობითი ხარჯის მუხლიდან გაწეულ ხარჯებზე, ვერ დგინდება ჩატარებული ღონისძიებების დასახელება, სტუმრობის მიზანი, სტუმართა და მასპინძელთა ოდენობა და სხვა მონაცემები. შესაბამისად, მუნიციპალიტეტის მიერ გაწეული 43,1 ათასი ლარის წარმომადგენლობითი ხარჯის მიზანშეწონილობა დოკუმენტურად არ არის დასაბუთებული.

საოლქო კომისიებში გამოვლინდა მიმწოდებლებისგან გარანტიის წარმოდგენის გარეშე წინასწარი ანგარიშსწორების ფაქტები, რითაც დარღვეულია შესაბამისი მარეგულირებელი ნორმებით გათვალისწინებული მოთხოვნები.

ცენტრს 2015 წლის 14 იანვრიდან სარგებლობაში ჰყავს 2 ავტომანქანა, თუმცა არც ერთ მათგანზე არ იწარმოება სამორიგეო ავტომობილით სარგებლობის აღრიცხვის ჟურნალი. შესაბამისად, ცენტრის მიერ 2015-2017 წლებში ავტომობილებზე გაწეული ხარჯების ოპტიმიზაციის მიზნით, არ არის შექმნილი კონტროლის მექანიზმი. ცენტრის პასუხისმგებელი პირების მიერ მათზე დაკისრებული მოვალეობების არასათანადოდ შესრულების გამო, ავტოსატრანსპორტო საშუალებების მოძრაობის აღურიცხაობით, ფაქტობრივად შეიქმნა ავტომანქანებისა და საბიუჯეტო სახსრების არაეფექტიანად და არამიზნობრივად გამოყენების (ხარჯვის) რისკები.

მიუხედავად იმისა, რომ სამინისტროსა და ცენტრის მიერ შემუშავებულია მექანიზმები, რომლებიც მიმართულია ქვეყანაში სამედიცინო მომსახურებასთან ასოცირებული ინფექციების შესახებ ინფორმაციის გაუმჯებესებისკენ, ისინი არ არის საკმარისი მისი სანდოობის უზრუნველსაყოფად. შესაბამისად, სამინისტრო მოკლებულია შესაძლებლობას ფლობდეს სრულყოფილ ინფორმაციას სტაციონარულ სამედიცინო დაწესებულებებში აღნიშნული მიმართულებით არსებული რეალური მდგომარეობის შესახებ, რაც, თავის მხრივ, შექმნიდა ნოზოკომიურ ინფექციებზე გაწეული ხარჯების იდენტიფიცირებისა და ეფექტიანი მართვის პირობებს;

საქართველოს მუნიციპალური განვითარების ფონდმა 2012, 2013 და 2014 წლებში შპს „გაერთიანებული წყალმომარაგების კომპანიას“ გადასცა 41 ერთეული ავტომობილი. აღნიშნული აქტივების ნარჩენი ღირებულება - 1,865,590 ლარი აღრიცხულია საქართველოს მუნიციპალური განვითარების ფონდის ბალანსზე, როგორც კომპანიის საწესდებო კაპიტალში შენატანი.

ქ. ახალციხის მუნიციპალიტეტმა, აუდიტის ჯგუფის მოთხოვნის საფუძველზე, წარმოადგინა მიმწოდებლის მიერ გამოყენებული სამშენებლო მასალების სასაქონლო ზედნადებები, 2015-2016 წლებში შესრულებული ზოგიერთი სამუშაოსათვის. ინფორმაციის შესწავლის შედეგად, 5-დან 2 შესყიდვაში გამოვლინდა სხვადასხვა რაოდენობრივი ხასიათის შეუსაბამობა. კერძოდ, მუნიციპალიტეტის მიერ 12 ათას ლარზე მეტი გადახდილია ისეთი სამშენებლო მასალების მოწყობაში, რომელთა მიწოდებაც სასაქონლო ზედნადებებით არ დასტურდება.

შტატგარეშე მოსამსახურეებთან გაფორმებული შრომითი ხელშეკრულებების ნაწილი არ შეიცავს დროში განსაზღვრულ რაიმე კონკრეტულ დავალებას, შესასრულებელი სამუშაოს ან გასაწევი მომსახურების სპეციფიკას. შესაბამისად, შრომით ურთიერთობებს ხანგრძლივი ვადით, ფაქტობრივად მუდმივ ამოცანათა შესასრულებლად აწესრიგებს, რაც წინააღმდეგობაშია შტატგარეშე მოსამსახურის დაქირავების პრინციპთან.

2015 და 2017 წლებში ცენტრის მიერ განხორციელებული 46,372.00 ლარის ღირებულების ტენდერების სატენდერო დოკუმენტაციით მოთხოვნილი იყო საქონლის კონკრეტული მახასიათებლები, რომლებითაც გამოირჩეოდა მხოლოდ ერთი კონკრეტული მწარმოებლის პროდუქცია. ასევე ობიექტმა ვერ წარმოადგინა სატენდერო კომისიის მიერ აღნიშნული ტენდერებისათვის წინასწარ ჩატარებული ბაზრის საკმარისი (სათანადო) კვლევის დოკუმენტაცია. ამავდროულად აღსანიშნავია ისიც, რომ ორივე ტენდერში მონაწილეობა მიიღო მხოლოდ ერთმა პრედენდენტმა, შესაბამისად ტენდერების, „სახელმწიფო შესყიდვების შესახებ“ კანონის მოთხოვნების გაუთვალისწინებლობით (სატენდერო დოკუმენტაციაში არ უნდა დაფიქსირდებულიყო პროდუქციის ისეთი მახასიათებლები, რომლებიც მიანიშნებს ამ პროდუქციის კონკრეტულ მწარმოებელზე), ფაქტობრივად უკონკურენტო გარემოში ჩატარებამ წარმოქმნა საბიუჯეტო სახსრების არაეკონომიურად და არაეფექტიანად ხარჯვის რისკები.

სამედიცინო დაწესებულებების საქმიანობის სავალდებულო მოთხოვნად არ არის გათვალისწინებული მიკრობიოლოგიურ ლაბორატორიაზე წვდომა, რაც შესაძლოა ამცირებდეს ნოზოკომიური ინფექციების გამოვლენის და დაფიქსირების შესაძლებლობას.

საქართველოს მუნიციპალური ფონდის ფინანსურ ანგარიშგებაში სხვა მოკლევადიანი მოთხოვნების მუხლი მოიცავს 2,499,838 ლარის ნაშთს, რომელიც წარმოადგენს განკარგულებებით მუნიციპალიტეტების თანადაფინანსებისთვის გამოყოფილ და გაცემულ გრანტის თანხებს („რეგიონალური და მუნიციპალური ინფრასტრუქტურის განვითარების პროექტი“ 25 03 07) და ფონდს თანხის უკან მიღების უფლება-მოვალეობა არ გააჩნია. აღნიშნული თანხების ხარჯად აღიარება მოხდა 2016 წელს, მაგრამ ფონდის 2015 წლის 31 დეკემბრის მდგომარეობით მომზადებული ფინანსური აგანრიშგების მინზებისთვის, შესაბამისად ამავე თარიღით მომზადებული სამინისტროს კონსოლიდირებული ფინანსური ანგარიშგების მიზნებისთვის, მაკორექტირებელი გატარება არ განხორციელებულა.

ქ. ახალციხის მუნიციპალიტეტმა 2016 წელს დააფუძნა ა(ა)იპ ქალაქ ახალციხის მერიის მდგრადი განვითარების სააგენტო, რომელსაც მუდმივ რეჟიმში უნდა ემუშავა მდგრადი ენერგეტიკის, კლიმატის ცვლილებებისა და ზოგადად, მდგრადი განვითარების საკითხებზე. 2017 წლის 1 მაისს მიღებულ იქნა გადაწყვეტილება ა(ა)იპ-ის ლიკვიდაციის შესახებ. მუნიციპალიტეტმა ვერ წარმოადგინა იმის დამადასტურებელი დოკუმენტაცია, რომ ა(ა)იპ ასრულებდა წესდებით მასზე დაკისრებულ ფუნქციებსა და ამოცანებს. ამდენად, მუნიციპალიტეტის მიერ ა(ა)იპ-ის ფუნქციონირების პროცესში დახარჯული 16.1 ათასი ლარი წარმოადგენს არაეფექტიან ხარჯს.

შტატგარეშე მოსამსახურეებზე, ხელშეკრულებით გათვალისწინებული ანაზღაურების გარდა, გაცემულია პრემია 21,7 ათასი ლარი. ხელშეკრულებების ნაწილი არ ითვალისწინებდა პრემიის გაცემას, ხოლო დანარჩენში აღნიშნულია, რომ დამქირავებელს უფლება აქვს შრომის შედეგების მიხედვით გამოიყენოს კანონით გათვალისწინებული წახალისების ფორმა. მიუხედავად ამისა, მუნიციპალიტეტში შტატგარეშეებზე პრემია გაცემულია მხოლოდ სადღესასწაულო დღეებში, რაც ეწინააღმდეგება საბიუჯეტო სახსრების რაციონალურად ხარჯვის პრინციპს.

2015-2017 წლებში 42,890.23 ლარის ღირებულების გრძელვადიანი მცირეფასიანი და მატერიალური აქტივების შეძენისა და გასვლის/ხარჯვის ოპერაციები არ არის აღრიცხული შესაბამისი წლის ფინანსურ ანგარიშგებაში, რაც ქმნის გრძელვადიანი მცირეფასიანი და მატერიალური აქტივების მოხმარების (ხარჯებში ჩამოწერის) გაუმჭვირვალობისა და არარაციონალურად ხარჯვის რისკებს. 2015-2017 წლების ძირითადი კაპიტალის მოხმარების ხარჯები არამართებულად, ჯამში 7,566.74 ლარითაა გაზრდილი. აღნიშნულიმა გამოიწვია 2017 წლის 31 დეკემბრის მდგომარეობით 10 ერთეული აქტივის საბალანსე ღირებულების 9,089.08 ლარით არამართებულად შემცირება, ხოლო 4 ერთეული აქტივის საბალანსე ღირებულების − 414.84 ლარით არამართებულად გაზრდა. შეძენილი და აქტივად აღრიცხული 4,095.00 ლარის ღირებულების შესყიდვა არ აკმაყოფილებდა აქტივად აღიარების კრიტერიუმებს, რამაც გამოიწვია 2017 წლის 31 დეკემბრის მდგომარეობით ძირითადი საშუალებების საბალანსე ღირებულების 2,951.50 ლარით, ხოლო ხარჯებში ჩამოწერილი გრძელვადიანი მცირეფასიანი აქტივების − 1,020.00 ლარით არასწორად გაზრდა.

კანონმდებლობა არ მოითხოვს, შემოწმდეს სტომატოლოგიური სამედიცინო დაწესებულებები საქმიანობის დაწყების ეტაპზე აკმაყოფილებენ თუ არა სავალდებულო მოთხოვნებს, ამავე დროს, შესამოწმებელი დაწესებულებების შერჩევის კრიტერიუმად არ არის განსაზღვრული ახლად გახსნილი სტომატოლოგიური დაწესებულებების შემოწმება, რაც ზრდის პაციენტების უსაფრთხოების რისკებს;

საქართველოს მუნიციპალური განვითარების ფონდის ფინანსურ ანგარიშგებაში სხვა მოკლევადიანი მოთხოვნების მუხლი მოიცავს 6,349,679 ლარის ნაშთს, რომელიც წარმოადგენს მომწოდებლებთან (სს „კორპორაცია სინოჰიდროსთან“ 5,917,654 ლარი და სს „კობრა ინსტალასიონეს ი სერვისიოსთან“ 432,025 ლარი) გაფორმებულ ხელშეკრულებაში ფიქსირებულ ვალუტის კურსსა და გადახდის თარიღით არსებულ ოფიციალურ გაცვლით კურსს შორის წლების განმავლობაში დაგროვებულ სხვაობას, რაც თავისი შინაარსით არის არასაოპერაციო ხარჯი. შესაბამისად, სამინისტროს მიერ წარმოდგენილ კონსოლიდირებულ ფინანსურ ანგარიშგებაში, აღნიშნული თანხით გაზრდილია აქტივები და შემცირებულია ხარჯების მუხლი, რამაც გამოიწვია წმინდა ღირებულების ზრდა.

ქ. ახალციხის მუნიციპალიტეტს არ მოუმზადებია 2016 წლის ფინანსური ანგარიშგება და არ ჩაუტარებია ქონების, მოთხოვნებისა და ვალდებულებების ინვენტარიზაცია.

დედოფლისწყაროს მუნიციპალიტეტი სამსახურებრივი უფლებამოსილების განსახორციელებლად 2015-2016 წლებში იყენებდა შესაბამისად 8-7 სამორიგეო ავტომანქანას. საშტატო რიცხოვნობიდან გამომდინარე, აღნიშნულ პერიოდში დედოფლისწყაროს მუნიციპალიტეტისათვის სამსახურებრივი უფლებამოსილების განსახორციელებლად რეკომენდებული იყო 6 ერთეული სამორიგეო ავტომანქანა. შესაბამისად, ავტომობილების რაოდენობა აღემატება მთავრობის დადგენილებით რეკომენდებულ ოდენობას.

სადეზინფექციო საშუალებების რეგისტრაციისას, დოკუმენტაცია ზოგიერთ შემთხვევაში წარმოდგენილია არასრულყოფილად. გარდა ამისა, არ არის კონკრეტულად გაწერილი რა შინაარსის მატარებელი უნდა იყოს სავალდებულო დოკუმენტაცია, რაც ზრდის არაერთგვაროვანი მიდგომის რისკებს;

ფონდის ანგარიშგებაში გრძელვადიანი სესხების მიმდინარე ნაწილი (2016 წელს მისაღები) ჯამური ღირებულებით 17,321,105 ლარი (ძირი 12,834,193 ლარი, პროცენტი 4,486,912 ლარი) არ არის გამიჯნული და ასახული მოკლევადიან აქტივებში. შესაბამისად, სამინისტროს მიერ წარმოდგენილ კონსოლიდირებულ ფინანსურ ანგარიშგებაში, აღნიშნული თანხით გაზრდილია გრძელვადიანი ფინანსური აქტივებისა და მოთხოვნების მუხლი, ხოლო სხვა მოკლევადიანი ფინანსური აქტივების მუხლი - შემცირებული. აქვე შევნიშნავთ, რომ ფონდის მიერ ფინანსური ანგარიშგების საერთაშორისო სტანდარტების (ფასს) მოთხოვნების შესაბამისად მომზადებულ ანგარიშგებაში აღნინული შეცდომა დაშვებული არ არის.

ქ. ახალციხის მუნიციპალიტეტის მერის მიერ „შიდა ფინანსური კონტროლის შესახებ“ საქართველოს კანონის შესაბამისად, არ მომხდარა შიდა აუდიტის სამსახურის მიერ გაცემულ ყველა რეკომენდაციაზე სათანადო რეაგირება და შესაბამისად, შესრულება.

2015-2016 წლებში საავტომობილო საწვავის გამოყოფის საფუძველია - მუნიციპალიტეტის გამგებლისა და საკრებულოს თავმჯდომარის ბრძანებები, რომლებითაც დადგენილია ყოველთვიური ლიმიტები. აღნიშნული ბრძანებები მოქმედი კანონმდებლობით წარმოადგენს ინდივიდუალურ ადმინისტრაციულ-სამართლებრივ აქტებს, თუმცა ისინი ადგენენ საწვავის გაცემის მუდმივ და მრავალჯერადი გამოყენების წესს. აღნიშნული ეწინააღმდეგება კანონმდებლობას და საწვავის გამოყოფის მრავალჯერადი გამოყენების წესი უნდა დარეგულირდეს ნორმატიული აქტის საფუძველზე.

რეგულირების სააგენტო ნებართვის გაცემის ეტაპზე არ სწავლობს, აქვს თუ არა სტაციონარულ დაწესებულებას იპკ-ის სისტემის პროგრამა და მორგებულია თუ არა აღნიშნული პროგრამა კონკრეტულ სტაციონარულ დაწესებულებაზე. შედეგად, რეგულირების სააგენტოს მიერ არასათანადოდ დანერგილი კონტროლის მექანიზმებისა და მეთოდოლოგიის არარსებობის პირობებში, იზრდება რისკი, რომ სრულად ვერ გამოვლინდება სტაციონარულ დაწესებულებებში არსებული იპკ-ის სისტემის ნაკლოვანებები.

საქართველოს რეგიონული განვითარებისა და ინფრასტრუქტურის სამინისტროს საქვეუწყებო დაწესებულება, საქართველოს საავტომობილო გზების დეპარტამენტის, სააღრიცხვო პოლიტიკა ითვალისწინებს ახალი გზების მშენებლობისა ან/და მათი რეაბილიტაციის დროს გაწეული კაპიტალური დანახარჯების დამატებას არსებულ საბალანსო ღირებულებაზე დაზიანებული ან/და ძველი გზის ნაწილის ღირებულების შემცირების გარეშე. ფონდის ბალანსზე ირიცხება 808,672 ლარის ღირებულების დაუმთავრებელი ძირითადი აქტივი, რომელიც წარმოიშვა საინვესტიციო პროექტებზე 2013 წლამდე გაწეული ხარჯების შედეგად. 2013 წლამდე აღნიშნული ხარჯები კლასიფიცირდებოდა როგორც არაფინანსური აქტივების ზრდა, ხოლო 2013 წლის 1 იანვრიდან - როგორც სხვა ხარჯები, ფონდის საბიუჯეტო ხარჯების გაწევის კლასიფიკაციის ცვლილების საფუძლვეზე. ფონდი აღნიშნული თანხის ხარჯად ჩამოწერას გეგმავს 2016 წლის ინვენტარიზაციის ჩატარების შემდგომ.

მუნიციპალიტეტის საკრებულოს წევრებზე ხარჯების ანაზღაურების სახით საანგარიშო პერიოდში დახარჯული თანხა, სულ შეადგენს 39.4 ათას ლარს, მათ შორის, 2015 წელს - 21.7 ათასი ლარს, 2016 წელს - 17.7 ათასი ლარს. ქალაქ ზუგდიდის მუნიციპალიტეტის მიერ საკრებულოს წევრებზე ხარჯები ანაზღაურებულია ისე, რომ მათ არ წარმოუდგენიათ ხარჯის დამადასტურებელი დოკუმენტები.

მუნიციპალიტეტის საკრებულოს არათანამდებობის პირებზე უფლებამოსილების განხორციელებასთან დაკავშირებული ხარჯები ანაზღაურებულია მოქმედი კანონმდებლობის დარღვევით, შესაბამისი ხარჯის დამადასტურებელი დოკუმენტების წარმოდგენის გარეშე. სააუდიტე პერიოდში აღნიშნულმა თანხამ 115 ათასი ლარი შეადგინა.

საქართველოს რეგიონული განვითარებისა და ინფრასტრუქტურის სამინისტროს აპარატის ფინანსურ ანგარიშგებაში ძირითადი აქტივების ნაშთი მოიცავს 5,366,518 ლარს, რომელიც წარმოადგენს ჭიათურის მუნიციპალიტეტის საბაგირო გზების რეკონსტრუქცია - რეაბილიტაციის პროექტის ფარგლებში არაფინანსური აქტივების შესაძენად პირდაპირ გადახდებს. გამომდინარე იქიდან რომ, ძირითადი აქტივები 2015 წლის 31 დეკემბრის მდგომარეობით მომწოდებლის მიერ არ იყო მოწოდებული, გადახდილი თანხა ანგარიშგებაში ასახული უნდა იყოს როგორც ავანსი. შესაბამისად, სამინისტროს მიერ წარმოდგენილ კონსოლიდირებულ ფინანსურ ანგარიშგებაში აღნიშნული თანხით შემცირებულია სხვა მოკლევადიანი მოთხოვნების მუხლი და გაზრდილია ძირითადი აქტივების მუხლი.

2015-2016 წლებში ზუგდიდის მუნიციპალიტეტისათვის სამსახურებრივი უფლებამოსილების განსახორციელებლად რეკომენდებული იყო 8 ავტომანქანა. 2015 წელს ზუგდიდის მუნიციპალიტეტი სამსახურებრივი უფლებამოსილების განსახორციელებლად სარგებლობდა ბალანსზე რიცხული 8 და იჯარით დაქირავებული 22 ერთეული ავტომანქანით. 2016 წელს მუნიციპალიტეტი სარგებლობდა საკუთარი 8 და დაქირავებული 39 ავტომანქანით. ამდენად, მუნიციპალიტეტის მიერ სამსახურებრივი უფლებამოსილების განსახორციელებლად გამოყენებული სატრანსპორტო საშუალებების რაოდენობა აღემატება მთავრობის დადგენილებით რეკომენდებულ ზღვრულ ოდენობას.

2015-2016 წლებში დედოფლისწყაროს მუნიციპალიტეტის მიერ სამშენებლო-სარემონტო სამუშაოების განხორციელების მიზნით, გამარტივებული შესყიდვის ფორმით დადებულია 19 ხელშეკრულება, რომელთა ფარგლებში ანაზღაურებულია 436.4 ათასი ლარი. ობიექტები ჩაბარებულია და ანგარიშსწორება განხორციელებულია ფაქტობრივი დანახარჯების დამადასტურებელი დოკუმენტების წარმოდგენის გარეშე, რაც ეწინააღმდეგება მოქმედ კანონმდებლობას და არსებული პრაქტიკით იწვევს საბიუჯეტო სახსრების ზედმეტად ანაზღაურებას. 

ქალაქ ბათუმის მუნიციპალიტეტის მერიის დაუმთავრებელ ძირითად აქტივად აღრიცხული ქონების ნაწილი დასრულებულია და მიღებულია ექსპლუატაციაში ან/და საერთოდ არ არსებობს საფუძვლები მისი მერიის ქონებად აღრიცხვასთან დაკავშირებით. მათ შორის, ანბანის კოშკის მშენებლობა, ველოსიპედების პარკინგის მოწყობის სამუშაოები და სხვა. აქვე უნდა აღინიშნოს, რომ მერიის მიერ განხორციელებულია მხოლოდ მუნიციპალიტეტის ადმინისტრაციული დანიშნულების შენობებში განთავსებული მოძრავი ქონების ინვენტარიზაცია, რის გამოც აუდიტის ჯგუფმა ვერ მიიღო რწმუნება დაუმთავრებელი ძირითადი აქტივების ნაშთის რეალობასთან დაკავშირებით.

სახელმწიფო შესყიდვების განხორციელებასთან დაკავშირებით ცალკეულ შემთხვევებში ტენდერების გამოცხადებისას არასწორად იყო განსაზღვრული შესყიდვის სავარაუდო ღირებულებები. ასეთ შემთხვევებში (თუ ტენდერში მონაწილეობას არ ღებულობს ბევრი პრეტენდენტი და ადგილი არ აქვს კონკურენციას), ცალკეული კომპანიები სარგებლობენ შექმნილი სიტუაციით და გამარჯვებულად ცხადდებიან სატენდერო წინადადებების ღირებულებებით, რომლებიც აღემატება შესასყიდი საქონლის (მომსახურების) საბაზრო ღირებულებებს. კონკურენციის არსებობის შემთხვევებში კი (თუ შესყიდვის სავარაუდო ღირებულება გაზრდილად არის წარმოდგენილი) ხშირად ფასის კლება 20%-ზე მეტს შეადგენს, რის გამოც პრეტენდენტები იძულებული არიან ადექვატური ფასების შემთხვევაშიც კი ასაბუთონ ფასწარმოქმნის ადექვატურობა. 

მერის საქმიანობის უზრუნველსაყოფად, 2015-2016 წლებში შესაბამისი ნორმატიული აქტით, დადგენილი იყო დიზელის თვიური ლიმიტი 600 ლიტრის ოდენობით და ბენზინის თვიური ლიმიტი 200 ლიტრის ოდენობით, ხოლო საკრებულოს თავმჯდომარისათვის - 150 ლიტრი ბენზინი და 600 ლიტრი დიზელი. აღსანიშნავია, რომ მუნიციპალიტეტის მერი და საკრებულოს თავმჯდომარე სარგებლობდნენ მათთვის გამოყოფილი ორივე სახის საწვავის ლიმიტით. დიზელის საწვავის გამოყენება ხდებოდა მერიის ბალანსზე რიცხული ავტომანქანებისათვის, ხოლო ბენზინის, მათ პირად საკუთრებაში არსებული ავტომიბილისთვის. 2015-2016 წლებში მუნიციპალიტეტის მერის სარგებლობაში არსებული ავტომანქანების მიერ გახარჯულია 13.7 ათასი ლიტრი დიზელი და 3.8 ათასი ლიტრი ბენზინი, ხოლო საკრებულოს თავმჯდომარის მანქანებისათვის - 3.6 ათასი ლიტრი ბენზინი და 11.8 ათასი ლიტრი დიზელი. წარმოდგენილი დოკუმენტების შესწავლით გამოვლინდა, რომ არის შემთხვევები, როდესაც მერის მომსახურე ორივე ავტომობილში ერთსა და იმავე დროს საწვავი ჩასხმულია საქართველოს სხვადასხვა კუთხეში.

სატენდერო კომისიის მიერ ტენდერის შეწყვეტისა და ახალ ტენდერზე შესყიდვის საგნის გაერთიანების შესახებ მიღებული გადაწყვეტილებებით, შესყიდვის პროცესში შეიქმნა არაკონკურენტული გარემო და უპირატეს მდგომარეობაში აღმოჩნდა მუნიციპალიტეტის კუთვნილი შპს „სერვისი 2007“. შედეგად, ქუჩების დაგვა-დასუფთავების მომსახურებაში თვითმმართველი ერთეული იხდის დაახლოებით 30.0 ათასი ლარით უფრო მეტს, ვიდრე შეწყვეტილ ტენდერზე შპს „SKY GROUP“-ის მიერ დაფიქსირებული ფასების მიხედვით გადაიხდიდა.

ქალაქ ბათუმის მუნიციპალიტეტის მერიის ბალანსზე ირიცხება 702 ერთეული საცხოვრებელი შენობა. მოპოვებული მტკიცებულებებით დგინდება, რომ საცხოვრებელი შენობების უმრავლესობა იმყოფება კერძო მფლობელობაში და არ წარმოადგენს თვითმმართველი ერთეულის საკუთრებას. საბალანსო მონაცემებით, მერიის ბალანსზე ირიცხება აგრეთვე 75 ერთეული შენობა-ნაგებობა. შერჩევითი გადამოწმებით დასტურდება, რომ ქონების მნიშვნელოვანი ნაწილი პრივატიზებულია ან/და უზუფრუქტით გადაცემულია მესამე პირებზე. შესაბამისად, მათი ქალაქ ბათუმის მუნიციპალიტეტის მერიის ბალანსზე ყოფნის სამართლებრივი საფუძველი არ არსებობს. მათ შორის, ჭადრაკის სასახლის შენობა-ნაგებობა, ბათუმის ზაქარია ფალიაშვილის სახელობის სამუსიკო სკოლა-თერთმეტწლედის შენობა და გათბობის სისტემის მოწყობის სამუშაოები და სხვა. მერიის ბალანსზე ირიცხება აგრეთვე ქუჩების რებილიტაცია, განათება, ხიდები, გაყვანილობების სისტემები და სხვა ნაგებობები, მაგრამ მხოლოდ იმ ნაწილში, რა დაფინანსებაც გაწეული იქნა უკანასკნელი წლების განმავლობაში. მერიის ფაქტობრივ მფლობელობაში არსებული ქონების დანარჩენი ნაწილი არ არის აღრიცხული საბუღალტრო მონაცემებში.

სატრანსპორტო საშუალებათა ტექნიკური მომსახურების შესყიდვის მიზნით, ტენდერში(SPA140026999) გამარჯვების საფუძველზე შპს „Your Center”-თან 2015 წლის 16 იანვარს გაფორმდა ხელშეკრულება N38 ღირებულებით 450.0 ათასი ლარი თანდართული პრეისკურანტის ღირებულების შესაბამისად. წლის განმავლობაში ხელშეკრულებაში განხორციელდა ცვლილებები, რის შედეგადაც პრეისკურანტის ჯამური ღირებულება გაიზარდა 157.6 ათასი ლარით. ზემოაღნიშნული ზრდა ეწინააღმდეგება მოქმედი კანონმდებლობის მოთხოვნას, რადგან ასეთ შემთხვევაში პრეისკურანტში შესაბამისი მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს (ამ შემთხვევაში შეადგენს 15.7%-ს).

2015 წელს მუნიციპალიტეტმა საკუთარი ბიუჯეტიდან დააფინანსა ფრაქცია „ქართული ოცნების“ წევრების მოსახლეობასთან შეხვედრის ფარგლებში სტუმრების გამასპინძლება. ჯამში 10 პერსონის გამასპინძლებაზე გაწეულია 1.2 ათასი ლარის ხარჯი. კონკრეტული პოლიტიკური ორგანიზაციის მუნიციპალიტეტის მოსახლეობასთან შეხვედრის ხარჯები არ შეიძლება დაფინანსებული იყოს ადგილობრივი ბიუჯეტიდან, რადგან მისი საქმიანობა და მოსახლეობასთან შეხვედრა არ არის უშუალოდ დაკავშირებული მუნიციპალიტეტის საქმიანობასთან, მის მიზნებთან და ამოცანებთან.

მუნიციპალიტეტის მხრიდან ნარჩენების გატანაზე დაწესებული არასაკმარისი კონტროლის მექანიზმების შედეგად, დაახლოებით 126.7 ათასი ლარი გადახდილია ისეთი მომსახურების შესყიდვაში, რომელიც მოპოვებული მტკიცებულებების მიხედვით, შესრულებული არ არის.

2015 წელს საინვენტარიზაციო კომისიის მიერ, ქალაქ ბათუმის მუნიციპალიტეტის მერიის ბალანსზე რიცხული ქონებიდან განხორციელებული იქნა მხოლოდ ადმინისტრაციული დანიშნულების მოძრავი ქონების ინვენტარიზაცია.

გამოვლინდა ხარვეზები ასევე კვარტალურ განწერებში, რის შედეგადაც საჭირო გახდა მნიშვნელოვანი კორექტირებები. 2015 წლის 9 მარტის N260 ხარჯთაღრიცხვის ცვლილების ცნობით სამინისტროს (30 01 01 01) შრომის ანაზღაურების მუხლით პირველ კვარტალში დაგეგმილი ასიგნება 1,450.0 ათასი ლარი გადატანილი იქნა მეოთხე კვარტალში, ხოლო სხვა ხარჯების მუხლით დაგეგმილი ასიგნება 1,150.0 ათასი ლარი მეოთხე კვარტლიდან გადმოტანილი იქნა პირველ კვარტალში. 2015 წლის 20 ივლისის N996 ხარჯთაღრიცხვის ცვლილების ცნობით შრომის ანაზღაურების მუხლით მესამე კვარტალში დაგეგმილი ასიგნება 1,700.0 ათასი ლარი გადატანილი იქნა მეოთხე კვარტალში, ხოლო სხვა ხარჯების მუხლით დაგეგმილი ასიგნება 1,700.0 ათასი ლარი მეოთხე კვარტლიდან გადმოტანილი იქნა მესამე კვარტალში და სხვა.

2015-2016 წლებში მუნიციპალიტეტის ბიუჯეტიდან საკონკურსო-საატესტაციო კომისიის წევრების კვებით მომსახურებაზე გახარჯულია 2.6 ათასი ლარი. კომისიის შემადგენლობაში შემავალი პირები ასრულებენ სამსახურებრივ მოვალეობას, ხოლო დამატებით შესრულებული სამუშაოები, ანაზღაურებადია. შესაბამისად, არ უნდა განხორციელებულიყო „წარმომადგენლობითი ხარჯის“ მუხლიდან თანხების გამოყოფა მათი კვებით უზრუნველყოფისათვის.

2015-2016 წლებში დედოფლისწყაროს მუნიციპალიტეტის მიერ სხვადასხვა მიმწოდებლებთან გაფორმებული 8 ხელშეკრულების ფარგლებში შესრულებული სამუშაოები ხასიათდება ხარვეზებით. არასათანადო მონიტორინგის პირობებში ვერ იქნა უზრუნველყოფილი ყველა ხარვეზის დროული გამოვლენა.

ქ. თბილისის მუნიციპალიტეტმა არ დააწესა სათანადო კონტროლი მის მიერ 100%-იანი წილობრივი მონაწილეობით დაფუძნებული საწარმოს - შპს „სინათლის ქალაქის“ სპეციალიზირებული ტექნიკის ახლით ჩანაცვლების შესყიდვის პროცესზე და არ გაითვალისწინა ამ მიზნით გაფორმებული ხელშეკრულების პირობები. მუნიციპალიტეტმა პროექტისათვის განსაზღვრული თანხა არ შეამცირა ჩასანაცვლებელი მეორადი ტექნიკის ღირებულებით (256.9 ათასი ლარი) და საწარმოს კაპიტალის ზრდის მუხლით გამოუყო ხელშეკრულებით განსაზღვრულზე მეტი საბიუჯეტო რესურსი, რითაც შპს „სინათლის ქალაქს“ შესაძლებლობა მიეცა არასათანადოდ განეკარგა მიღებული დაფინანსება. კერძოდ, შპს „სინათლის ქალაქმა“ მიმწოდებელს ზედმეტად აუნაზღაურა 234.9 ათასი ლარი, რითაც საწარმოს მიადგა მნიშვნელოვანი ფინანსური ზარალი. გარდა ამისა, არსებობს რისკი, რომ სატენდერო პირობები მორგებული იყო კონკრეტულ მიმწოდებელზე.

eSchool სისტემაში, უკეთესი პრაქტიკისაგან განსხვავებით, არ ხდება ისეთი მნიშნვნელოვანი მონაცემების ასახვა, როგორიც არის მოსწავლის სწავლის შედეგები, ჯანმრთელობის შესახებ (მაგალითად, იმუნიზაციის ინფორმაცია, დაავადებების ისტორია და ა.შ.) და სხვა მონაცემები. აღნიშნული გამოწვეულია სამინისტროსა და სააგენტოს მხრიდან eSchool-ის შექმნის პროცესისადმი არათანმიმდევრული მიდგომით და პროექტის მართვაში არსებული ხარვეზებით. eSchool სისტემის შემუშავების პროცესში არ ყოფილა განსაზღვრული სისტემაში საჭირო ინფორმაციის მიმართ მოთხოვნები. კერძოდ, რა მოდულები და მონაცემები უნდა არსებობდეს იმისათვის, რომ შესაძლებელი იყოს ზოგადი განათლების სექტორის შეფასება. არსებული მდგომარეობით სისტემაში არ არსებობს სრულყოფილი ინფორმაცია/პარამეტრები და შეუძლებელია სხვადასხვა შესაბამისი ინფორმაციის ერთმანეთთან დაკავშირება. აღნიშნული საშუალებას მისცემდა სამინისტროს და სხვა ჩართულ მხარეებს ადეკვატურად შეეფასებინათ განათლების სექტორი და განესაზღვრათ სტრატეგიული მიმართულებები.

ქალაქ ბათუმის მუნიციპალიტეტის მერიის 2015 წლის ბალანსის თანახმად, მოთხოვნები აქტივების მიღებაზე წინასწარი გადახდებით 2015 წლის 1 იანვრის მდგომარეობით შეადგენს 9,555,036 ლარს, ხოლო 2015 წლის 31 დეკემბრის მდგომარეობით - 25,488,015 ლარს. აუდიტორული პროცედურებით დგინდება, რომ 1,272,911 ლარის ოდენობის მოთხოვნის სამართლებრივი საფუძველი არ არსებობს, რადგან მითითებული თანხები 2012-2014 წლებში დაბრუნებულია ბიუჯეტში

სხვა ხარჯების მუხლით სამინისტროს (30 01 01 01) 2015 წლის 12 თვის საწყისმა დამტკიცებულმა გეგმამ შეადგინა 12,766.0 ათასი ლარი. წლის განმავლობაში ასიგნებათა გადანაწილებით გეგმა დაზუსტდა 19,267.4 ათას ლარამდე (გაიზარდა 51%-ით). ხოლო არაფინანსური აქტივების ზრდის მუხლით 2015 წლის 12 თვის საწყისმა დამტკიცებულმა გეგმამ შეადგინა 7,933.4 ათასი ლარი. წლის განმავლობაში ასიგნებათა გადანაწილებით გეგმა დაზუსტდა 17,720.3 ათას ლარამდე (გაიზარდა 123%-ით). აღნიშნული გარემოება იმაზე მიუთითებს, რომ ზემოაღნიშნული მუხლები შემცირებულად იყო დაგეგმილი (სრულყოფილად არ იყო გათვალისწინებული პერსონალის დაზღვევის და სპეცტექნიკის შეძენის ხარჯები). განხორციელდა შემდეგი მნიშვნელოვანი გადანაწილება: 2015 წლის 26 ნოემბრის N1642 ხარჯთაღრიცხვის ცვლილების ცნობით პროგრამიდან „სამოქალაქო უსაფრთხოების დონის ამაღლება“ (30 06) 3,826.8 ათასი ლარი გადანაწილდა სამინისტროს ცენტრალურ აპარატზე (30 01 01 01). მათ შორის სხვა ხარჯების მუხლი გაიზარდა 1,247.0 ათასი ლარით, ხოლო არაფინანსური აქტივების ზრდის მუხლი გაიზარდა 1,200.0 ათასი ლარით.

  2015-2016 წლებში კეთილმოწყობის ღონისძიებების ქვეპროგრამების ფარგლებში ისნის რაიონის გამგეობამ რეაბილიტაცია ჩაუტარა და მოაწყო 52 სპორტული მოედანი და სკვერი, ღირებულებით 2 183.8 ათასი ლარი. სახელშეკრულებო პირობების თანახმად, შესრულებული სამუშაოების საგარანტიო ვადა შეადგენდა 2 წელს. დათვალიერების შედეგად 2015 წელს ექსპლოატაციაში მიღებულ 7 ობიექტზე გამოვლინდა სხვადასხვა ხარვეზები. დაზიანებულია: მოედნის ხელოვნური საფარი, ატრაქციონები, ღობე, კალათბურთის ფარები, დაკარგულია ინვენტარი, არ მუშაობს წყლის სასმელი ორი ფანტანი. გამოვლენილი გარემოების გამომწვევი მიზეზი შესაძლოა იყოს, მიმწოდებლის მიერ შესრულებული სამუშაოს დაბალი ხარისხი ან/და მოსახლეობის მიერ არასწორი ექსპლუატაცია (ვანდალიზმი). სპორტულ მოედნებსა და სკვერებში გამოვლენილ დაზიანებებზე, მიმწოდებლებისთვის არ არის მოთხოვნილი საგარანტიო ვადაში მომხდარი დაზიანებების გამოსწორება და არც სამართლებრივი ღონისძიებებია გატარებული.ისნის რაიონის გამგეობაში არსებული კონტროლის მექანიზმები არასაკმარისია და ვერ უზრუნველყოფს არსებული ხარვეზების გამოვლენასა და გამოსწორებას. შედეგად, გამგეობის მიერ 4 სკვერისა და 3 სპორტული მოედნის მოწყობის სამუშაოებით, სრულად ვერ იქნა მიღწეული პროგრამით გათვალისწინებული მიზნები, ექსპლუატაციის მთელ პერიოდში.

2015 წელს ქ. ზუგდიდის მუნიციპალიტეტმა შეიმუშავა და სამხარეო საკონსულტაციო საბჭოს წარუდგინა 2015-2017 წლების ინფრასტრუქტურული ღონისძიებების სამწლიანი გეგმა. დოკუმენტში ასახულია ბიუჯეტით გათვალისწინებული „ინფრასტრუქტურის მშენებლობა, რეაბილიტაცია და ექსპლოატაციის“ პროგრამაში შემავალი ქვეპროგრამების ფარგლებში გასაწევი გადასახდელების საპროგნოზო მაჩვენებლები. გეგმა არ მოიცავს საკუთარი სახსრებით განსახორციელებელი კონკრეტული პროექტების და აქტივობების დასახელებას და აღწერას.

მუნიციპალიტეტის გამგეობა დასუფთავების მოსაკრებლის ამოღების მომსახურების შესყიდვის მიზნით აცხადებს ტენდერს. 2015-2016 წლებში გამოცხადებულ ტენდერებში გაიმარჯვა მუნიციპალიტეტის კუთვნილმა შპს „სერვისი 2007-მა“. ხელშეკრულების პირობების მიხედვით, მას ევალებოდა მუნიციპალიტეტის ტერიტორიაზე მოსაკრებლის ამოღება, ხოლო მომსახურების სანაცვლოდ ანაზღაურების სახით მიიღო 68.6 ათასი ლარი, ხოლო ამოღებულმა მოსაკრებელმა 90.5 ათასი ლარი შეადგინა. შესაბამისად, მუნიციპალიტეტი დასუფთავების მოსაკრებლის ადმინისტრირებას არაეფექტიანად ახორციელებს.

სპეციალიზირებული ტექნიკის შესყიდვისას, შპს „სინათლის ქალაქმა “ საავანსო თანხა 500.0 ათასი ლარიდან 5 800.0 ათას ლარამდე გაზარდა. საბანკო ხელშეკრულებების შესაბამისად, შპს „სინათლის ქალაქს“ ანგარიშზე არსებულ ნაშთებზე ყოველდღიურად ერიცხებოდა სარგებელი წლიური 9,3%-ის, ხოლო შპს „თბილსერვის ჯგუფს“ – 16%-ის ოდენობით. იმ შემთხვევაში, თუკი საწარმო 5 300.0 ათასი ლარით არ გაზრდიდა საავანსო თანხის მოცულობას და ანგარიშსწორებას მოახდენდა ხელშეკრულების პირობების შესაბამისად, კაპიტალის ზრდისათვის მიღებული დაფინანსებიდან, ხელშეკრულების მოქმედების პერიოდში მიიღებდა 140 ათას ლარზე მეტ შემოსავალს.

ზოგადი განათლების მართვის ინფორმაციულ სისტემას არ გააჩნია წინასწარ ჩაშენებული ანალიტიკური ფუნქციონალი. კერძოდ, დაინტერესებული მხარეებისათვის არ არის ხელმისაწვდომი ე.წ. ანალიტიკური დაფები (analytical dashboards), გრაფიკები და მონაცემთა ვიზუალიზაციები, რომლებიც სამინისტროს, სკოლისა და მშობლისათვის გაამარტივებდა მიმდინარე პროცესების გაანალიზებას და საჭირო საკითხების შეფასებას.

ქალაქ ბათუმის მუნიციპალიტეტის მერიის 2015 წლის ბალანსის თანახმად, მომუშავეების მიმართ მოთხოვნები 2015 წლის 1 იანვრის და 2015 წლის 31 დეკემბრის მდგომარეობით შეადგენს 89,463 ლარს. აუდიტის ობიქტის მიერ მოთხოვნების დამადასტურებელი დოკუმენტაცია ვერ იქნა წარმოდგენილი. ამასთან, ორგანიზაციას, 2015 წლის განმავლობაში, აღნიშნული მოთხოვნების აღიარების/ ფულადი სახსრების ადგილობრივ ბიუჯეტში მიმართვის უზრუნვესაყოფად არანაირი ღონისძიება არ განუხორციელებია.

საქონელი და მომსახურების მუხლით სამინისტროს (30 01 01 01) 2015 წლის 12 თვის საწყისმა დამტკიცებულმა გეგმამ შეადგინა 75,624.4 ათასი ლარი. წლის განმავლობაში ასიგნებათა გადანაწილებით გეგმა დაზუსტდა 56,055.8 ათას ლარამდე (შემცირდა საწყისი გეგმის 25%-ით), რაც ასევე იმაზე მიუთითებს, რომ მუხლი გაზრდილად იყო დაგეგმილი. განხორციელდა შემდეგი მნიშვნელოვანი გადანაწილებები: 2015 წლის 20 მაისის N676 ხარჯთაღრიცხვის ცვლილების ცნობით საქონელი და მომსახურების მუხლიდან 1,200.0 ათასი ლარი გადანაწილდა სხვა ხარჯების და არაფინანსური აქტივების ზრდის მუხლებში (თითოეულზე 600.0 ათასი ლარი). 2015 წლის 7 ივლისის N945 ხარჯთაღრიცხვის ცვლილების ცნობით საქონელი და მომსახურების მუხლიდან 1,500.0 ათასი ლარი გადანაწილდა არაფინანსური აქტივების ზრდის მუხლში. 2015 წლის 21 ოქტომბრის N1463 ხარჯთაღრიცხვის ცვლილების ცნობით საქონელი და მომსახურების მუხლიდან 3,000.0 ათასი ლარი გადანაწილდა სხვა ხარჯების (2,000.0 ათასი ლარი) და არაფინანსური აქტივების ზრდის (1,000.0 ათასი ლარი) მუხლებში და ა.შ.

2015-2016 წლებში ისნის რაიონის გამგეობაში - გამგებელზე, მის მოადგილეებზე, განყოფილებების უფროსებსა და აპარატის უფროსზე ყოველთვიურად გაცემულია სახელფასო დანამატი, სულ 278.4 ათასი ლარი. დანამატის გაცემის საფუძველს წარმოადგენს, ქ. თბილისის მუნიციპალიტეტის მერის მიერ გამოცემული ინდივიდუალურ-ადმინისტრაციული სამართლებრივი აქტი - ბრძანებები. აღნიშნული ბრძანებები ადგენს დანამატის გაცემის დროებით და მრავალჯერადი გამოყენების წესს და თავისი შინაარსით წარმოადგენს ნორმატიულ ადმინისტრაციულ სამართლებრივ აქტს. კანონმდებლობით დაუშვებელია ნორმატიული შინაარსის სამართლებრივი აქტის ინდივიდუალური აქტის სახით მიღება. აღნიშნულიდან გამომდინარე, ქ. თბილისის მუნიციპალიტეტის მერმა გამოსცა ნორმატიული შინაარსის სამართლებრივი აქტი, რომლის გამოცემის უფლება არ გააჩნდა. სამართლებრივი აქტი, რომლის საფუძველზეც 2015-2016 წლებში გაიცა 278.4 ათასი ლარის დანამატი, თავისი შინაარსით არ შეესაბამება კანონმდებლობით გათვალისწინებულ მოთხოვნებს.

საბაზრო პრინციპებიდან გამომდინარე, მიმწოდებელს შესაძლოა ერთი და იმავე სამუშაოს ღირებულება ჰქონდეს განსხვავებული და შესაბამისად, ხარჯთაღრიცხვის შედგენის დროს იდენტურ სამუშაოზე დაფიქსირდეს სხვადასხვა ფასი. სამუშაოების ელექტრონული ტენდერით შესყიდვისას, პრეტენდენტი ვალდებულია წარმოადგინოს საბოლოო ფასის მიხედვით დაზუსტებული ხარჯთაღრიცხვა, ხოლო თითოეულ პუნქტში ერთეულის ღირებულების განსაზღვრა მისი პრეროგატივაა. მერიის სატენდერო მოთხოვნამ ერთსა და იმავე სამუშაოებზე იდენტური ფასების დაფიქსირებასთან დაკავშირებით, შეზღუდა მიმწოდებლების უფლება - დამოუკიდებლად განსაზღვრონ ერთეულის ღირებულებები. შედეგად, 2016 წელს ორ შემთხვევაში ხელშეკრულებები გაუფორმდა პრეტენდენტებს, რომელთაც კონკურენტებთან შედარებით 138.3 ათასი ლარით მეტი ფასი დააფიქსირეს.

მუნიციპალიტეტის მხრიდან წყლის სისტემის ექსპლუატაციის პროცესზე არ არის დაწესებული სათანადო კონტროლის მექანიზმები და საკითხი საჭიროებს სამართლებრივ რეგულირებას.

2015 წელს ქ. თბილისის მერიას შპს „სინათლის ქალაქთან“ გაფორმებული ჰქონდა ხელშეკრულება „მუნიციპალიტეტის გარე განათებისა და შენობების არქიტექტურულ-მხატვრული მინათების ქსელის ექსპლოატაციის მომსახურების შესყიდვაზე“. აღნიშნული ხელშეკრულების ფარგლებში, შპს „სინათლის ქალაქს“, სხვა სამუშაოებთან ერთად ევალებოდა მთელი ქალაქის ტერიტორიაზე ლითონის საყრდენებისა და კრონშტეინების შეღებვა და დაზიანებული ბოძების (საყრდენების) აღდგენა-შეცვლა. 2015 წლის 18 მარტს ქ. თბილისის მუნიციპალიტეტის მთავრობამ გამოსცა განკარგულება , მუნიციპალიტეტის 2015 წლის ბიუჯეტის „გარე განათების ქსელის ექსპლოატაციის და რეაბილიტაციის ღონისძიებების პროგრამისათვის“ გათვალისწინებული ასიგნებებიდან, შპს ,,სინათლის ქალაქის“ კაპიტალში დამატებით 207.8 ათასი ლარის შეტანის შესახებ. აღნიშნული თანხა გათვალისწინებული იყო მუნიციპალიტეტის 20 ქუჩაზე 2509 ერთეული გარე განათების კონსტრუქციის გადაუდებელი სამღებრო სამუშაოებისათვის. მიუხედავად იმისა, რომ ხელშეკრულებით გათვალისწინებული სამუშაოების ნაწილისათვის შპს „სინათლის ქალაქს“ დამატებითი დაფინანსება გამოეყო, სახელშეკრულებო ღირებულება არ დაკორექტირებულა და ერთიდაიმავე სამუშაოს შესრულებისთვის საწარმომ დაფინანსება დამატებით მიიღო.

არსებული მდგომარეობით შეუძლებელია განათლების სექტორის შეფასებისათვის კრიტიკულად მნიშვნელოვანი ინფორმაციის − მოსწავლის აკადემიური მოსწრების, ცენტრალურად გენერირება და ჩართული მხარეების მიერ მათზე დროული წვდომა. კერძოდ, eSchool-ის მნიშვნელოვანი მოდული eJournal საჯარო სკოლების მხოლოდ 16%-შია დანერგილი და 2016 წლიდან დღემდე საპილოტე რეჟიმში მიმდინარეობს მისი გამოყენება. შესაბამისად, eJournal სკოლების უმეტესობაში დანერგილი არ არის და სამინისტრო ვერ ახერხებს აღნიშნული მონაცემების სტრატეგიული მიზნებისათვის გამოყენებას. ამასთანავე, ელექტრონული ჟურნალი, მისი არასრული ფუნქციონალიდან გამომდინარე, ვერ უზრუნველყოფს მიმდინარე რეჟიმში მშობლის წვდომას მოსწავლის აკადემიურ მოსწრებაზე. შესაბამისად, განათლების სისტემის კრიტიკულად მნიშვნელოვანი დაინტერესებული მხარეები, მშობლები, სამინისტრო და სკოლები მოკლებულნი არიან შესაძლებლობას მათთვის საჭირო ჭრილში (ინდივიდუალური მოსწავლის, სკოლის თუ ქვეყნის დონეზე) მიიღონ ინფორმაცია სწავლის შედეგების შესახებ.

ქალაქ ბათუმის მუნიციპალიტეტის მერიის 2015 წლის ბალანსის თანახმად, ანგარიშვალდებული პირების მიმართ მოთხოვნები, 2015 წლის 1 იანვრის და 2015 წლის 31 დეკემბრის მდგომარეობით, შეადგენს 4,200 ლარს. აუდიტის ობიქტის მიერ მოთხოვნის დამადასტურებელი დოკუმენტაცია ვერ იქნა წარმოდგენილი. ამასთან, ორგანიზაციას, 2015 წლის განმავლობაში, აღნიშნული მოთხოვნის აღიარების/ ფულადი სახსრების ადგილობრივ ბიუჯეტში მიმართვის უზრუნვესაყოფად ღონისძიებები არ განუხორციელებია. ვერ მოხერხდა გარე დასტურის წერილის გაგზავნა, რადგან მოვალე არ არის იდენტიფიცირებული.

შრომის ანაზღაურების მუხლით სამინისტროს (30 01 01 01) 2015 წლის 12 თვის საწყისმა გეგმამ შეადგინა 80,322.6 ათასი ლარი. აღსანიშნავია, რომ 2014 წლის განმავლობაში სამინისტროს (30 01 01 01) მიერ აღნიშნული მუხლით გაწეულია 50,860.4 ათასი ლარის საკასო ხარჯი. ვერ იქნა დასაბუთებული თუ რატომ დაიგეგმა 2015 წლისთვის შრომის ანაზღაურების მუხლი მნიშვნელოვნად გაზრდილი ოდენობით (58%-ით მეტი გასულ წელთან შედარებით). შედეგად წლის განმავლობაში ასიგნებათა გადანაწილებით გეგმა დაზუსტდა 44,868.7 ათას ლარამდე (შემცირდა საწყისი გეგმის 44%-ით). საწყისი გეგმის მნიშვნელოვანი შემცირება ნაწილობრივ განაპირობა სამინისტროს შემადგენლობიდან სახელმწიფო უსაფრთხოების სამსახურის გამოყოფამ (ბიუჯეტის კანონში შეტანილი იქნა შესაბამისი ცვლილება), რის შედეგადაც ცალკეული სტრუქტურები სამინისტროს ეკონომიკური დეპარტამენტის ფინანსური დაქვემდებარებიდან გადაეცა სახელმწიფო უსაფრთხოების სამსახურს. ხოლო ნაწილობრივ გეგმის შემცირება გამოიწვია არასწორმა დაგეგმვამ, რის გამოც საჭირო გახდა წლის განმავლობაში მნიშვნელოვანი ოდენობის ასიგნებები გადანაწილებულიყო სამინისტროს სხვადასხვა სტრუქტურულ ერთეულებზე.

2015-2016 წლებში ისნის რაიონის გამგეობას სამსახურებრივი მოვალეობის შესასრულებლად ემსახურებოდა 9 ავტოსატრანსპორტო საშუალება. საქართველოს მთავრობის დადგენილებით განსაზღვრულია სამსახურებრივი მიმოსვლისათვის საჭირო ავტოსატრანსპორტო საშუალებების მაქსიმალური ოდენობა, რომლითაც რეკომენდებული იყო ისნის რაიონის გამგეობის თანამშრომლების სამსახურებრივი მიმოსვლისათვის გამოეყენებინა 3 ერთეული სამორიგეო ავტომობილი. მთავრობის დადგენილება ფულადი სახსრების რაციონალური ხარჯვის პრინციპზე დაყრდნობით განსაზღვრავს საჭირო ავტოსატრანსპორტო საშუალებების რაოდენობას. გამგეობას აღნიშნულ საკითხზე გადაწყვეტილების მიღებისას, შეეძლო გაეთვალისწინებინა დადგენილებით განსაზღვრული პრინციპები.

2016 წლის იანვარში მოსული თოვლის გამო, მერიამ მიიღო გადაწყვეტილება მოეხდინა ყინულის მოედნის მემბრანული გადახურვის ჩაფუშვა, რადგან პასუხისმგებელი პირის განმარტებით, გადახურვის გათბობის სისტემამ ვერ უზრუნველყო მოსული ნალექის დადნობა და სახურავის გათავისუფლება თოვლის საფარისგან. შედეგად, დაზიანდა გადახურვის შიგნით არსებული ობიექტები და გადახურვის მასალა, რომლის აღსადგენად მერიის ბიუჯეტიდან გადახდილია 152.8 ათასი ლარი. აღსანიშნავია, რომ მუნიციპალიტეტს არ შეუსწავლია საკითხი იმის შესახებ, თუ რამ გამოიწვია ყინულის მოედნის დაზიანება - არასწორმა დაგეგმვამ, სამუშაოების არასათანადო შესრულებამ თუ ობიექტების არასწორმა ექსპლუატაციამ. შესაბამისად, არც ღონისძიებები გაუტარებია პასუხისმგებელი პირების მიმართ.

შიდა აუდიტის სამსახურის საქმიანობის ორგანიზება ვერ უზრუნველყოფს, რომ მნიშვნელოვანი წვლილი შეიტანოს მუნიციპალიტეტის რესურსების ეკონომიურად გამოყენებაში, გამგეობის წინაშე არსებული ამოცანების ეფექტიანად შესრულებასა და მუნიციპალიტეტის დასახული მიზნების მიღწევაში. მუნიციპალიტეტის სტრუქტურულ ერთეულებზე შიდა აუდიტის სამსახურს არ გაუცია შესაბამისი რეკომენდაციები, რაც უზრუნველყოფდა რისკების მართვისა და შიდა კონტროლის სისტემის გაუმჯობესებას.

ქ. თბილისის ტელეანძის მხატვრული მინათების სისტემის რეაბილიტაციის მიზნით, ქ. თბილისის მუნიციპალიტეტის მთავრობის განკარგულების შესაბამისად, შპს „სინათლის ქალაქს“ ფინანსური აქტივების ზრდის მუხლით გამოეყო 2 000.0 ათასი ლარი. შპს „სინათლის ქალაქმა“ სანათი საშუალებების მიწოდებაზე 1 720.8 ათასი ლარის ღირებულების ხელშეკრულება გააფორმა ახლადშექმნილ საწარმოსთან. კერძოდ, შპს „გრატო ლაითი“ დაფუძნდა 2015 წლის 4 მაისს, ბაზრის კვლევის ჩატარებამდე 4 თვით ადრე. შესყიდვების ელექტრონული პორტალის მონაცემების შესწავლით დადგინდა, რომ არც ხელშეკრულების დადების დროს და არც აუდიტის მიმდინარეობისას, ამ საწარმოს სხვა ხელშეკრულება გაფორმებული არ ჰქონდა .მიმწოდებელმა ბაზრის კვლევისას შემსყიდველს შესთავაზა კონკრეტული მოდიფიკაციის და რაოდენობის სანათები, რომლების არსებითად შეიცვალა მიწოდების პროცესში ისე, რომ ხელშეკრულების ღირებულება არ დაკორექტირებულა.

სააგენტოს მნიშვნელოვანი ნაბიჯები აქვს გადადგმული იუმს-ის ჩამოყალიბების მიმართულებით, თუმცა მისი საქმიანობის კომპლექსურობისა და მასშტაბებიდან გამომდინარე, იუმს-ის გავრცელების სფერო ადეკვატური არ არის. კერძოდ, მოიცავს ზოგადსაგანმანათლებლო დაწესებულებების მართვის სისტემასა (eSchool) და შესაბამის მონაცემთა დამუშავების ცენტრს, ხოლო გავრცელების სფერო შემოსაზღვრულია გეოგრაფიული არეალით. თუმცა, ამავე დოკუმენტში აღნიშნულია, რომ მასშტაბი არ მოიცავს სააგენტოს მიერ შემუშავებულ ან/და მართვის ქვეშ მყოფ სხვა სისტემებს. აღსანიშნავია, რომ სისტემები კრიტიკული ინფორმაციული სისტემებია, რომლებზეც ასევე უნდა ვრცელდებოდეს სააგენტოს ინფორმაციული უსაფრთხოების პოლიტიკები.

სამინისტროს მიერ არ სრულდება საქართველოს ფინანსთა მინისტრის 2010 წლის 23 ივლისის #605 ბრძანებით დამტკიცებული „საბიუჯეტო ორგანიზაციებში ქონების, მოთხოვნებისა და ვალდებულებების ინვენტარიზაციის ჩატარების წესის“ მე-4 მუხლის მოთხოვნა - „ინვენტარიზაციის ჩატარების სარეკომენდაციო ვადები“, რომლის თანახმად ფულადი ანგარიშებისა და ფულადი დოკუმენტების ინვენტარიზაციის ჩატარება რეკომენდებულია – კვარტალში ერთხელ მაინც. შედეგად, სამინისტროს ბალანსი არასწორად ასახავს ფულად სახსრების ანგარიშს. კერძოდ, ფინანსური ანგარიშგების ფორმა N1-ში „ფინანსური მდგომარეობის შესახებ ანგარიში (ბალანსი)”, დანართი N1-ში „ორგანიზაციის აქტივების, ვალდებულებების ანგარიშებზე და საცნობარო მუხლებზე არსებული ნაშთების შესახებ ინფორმაციაში“ „ფულადი სახსრების“ („სხვა ანგარიშები ხაზინაში“) ანგარიშზე ნაშთი 2015 წლის დასაწყისისთვის ასახულია 62,643 ლარი, მაშინ როდესაც 2015 წლის ხაზინის მიზნობრივი გრანტის ამონაწერის თანახმად ნაშთი 2015 წლის დასაწყისისთვის იყო 66,229 ლარი, ანუ 3,586 ლარით მეტი.

2015-2016 წლებში სოციალური პროგრამის ღონისძიებების ფარგლებში ისნის რაიონის გამგეობის მიერ გაცემული თანხის 34,5%-ით, 2 596.1 ათასი ლარით დაფინანსებულია „სხვა სოციალური (დახმარების) ღონისძიებების“ ქვეპროგრამა. ქვეპროგრამის მიზანი ზოგადი ხასიათისაა. არ არის განსაზღვრული დახმარების გაცემის კრიტერიუმები, რომლებიც უნდა დააკმაყოფილოს ბენეფიციარმა. არ არის დადგენილი ვის უნდა მიენიჭოს პრიორიტეტი გადაწყვეტილების მიღების პროცესში. არსებული პრაქტიკა მოქალაქეთა სოციალური მდგომარეობის შეფასებისას, შეიცავს სუბიექტური გადაწყვეტილებების მიღების რისკებს.

მერიამ 2015 წელს გააფორმა ხელშეკრულება შპს „პროგრესი-2008-სთან“ მრავალსართულიანი საცხოვრებელი სახლების სახურავების რეაბილიტაციისათვის. აუდიტის ჯგუფის მიერ სამუშაოების დათვალიერებისას გამოვლინდა, რომ ჩიქოვანის ქუჩა N40/2-ში მდებარე მრავალსართულიანი საცხოვრებელი სახლის რეაბილიტირებული სახურავი, რომლის შეკეთებაშიც გადახდილია 61.7 ათასი ლარი, ნაწილობრივ დაზიანებულია და წვიმის დროს წყალი აღწევს საცხოვრებელ სახლებში. მიუხედავად იმისა, რომ ობიექტს გააჩნდა მოქმედი საგარანტიო ვადა, მუნიციპალიტეტს არ მიუმართავს, ხოლო მიმწოდებელს არ გამოუსწორებია გამოვლენილი ხარვეზი. აუდიტის სამსახურის მიერ საკითხით დაინტერესების შემდგომ, მერიამ მიმწოდებელს მოსთხოვა აღნიშნული ობიექტის შეკეთება, რის შედეგადაც შემსრულებელმა 2017 წლის ივნისში მოახდინა დაზიანებული ობიექტის შეკეთება.

2016 წელს მუნიციპალიტეტმა შპს „გზას“ გადაურიცხა 5.3 ათასი ლარი. აღნიშნული თანხა წარმოადგენდა 2015 წელს გაფორმებული ხელშეკრულების ფარგლებში მიმწოდებლის მიმართ წარმოქმნილ კრედიტორულ დავალიანებას. გადასახდელი 5.3 ათასი ლარი მუნიციპალიტეტის მიერ უნდა აღრიცხულიყო „აქტივების მიწოდებით დარიცხული ვალდებულებების“ მუხლში. ნაცვლად ამისა, 5.3 ათასი ლარი მუნიციპალიტეტმა წარმოადგინა 2016 წლის ფინანსურ ანგარიშგებაში „შენობა-ნაგებობების“ მუხლში.

ქალაქ თბილისის მუნიციპალიტეტის მთავრობის 2015 წლის 23 დეკემბრის განკარგულების საფუძველზე, 2015 წლის ბიუჯეტის „გარე განათების ქსელის ექსპლოატაციის და რეაბილიტაციის პროგრამის“ ფარგლებში მოძიებული ფინანსური რესურსით განხორციელდა შპს „სინათლის ქალაქის“ კაპიტალის გაზრდა 396.6 ათასი ლარით. განკარგულების მიხედვით, შპს-ს ფინანსური რესურსი გადაეცა დასაქმებულთა პრემირებისთვის, ერთი თვის ხელფასის ოდენობით. წარმოდგენილი ინფორმაციის შესწავლით გამოვლინდა, რომ შპს „სინათლის ქალაქში“ 2015 წლის დეკემბრის სხვადასხვა პერიოდში 308 თანამშრომელზე, შიდა ფინანსების გამოყენებით, დამატებით გაცემულია 214.7 ათასი ლარის პრემია. შედეგად, 493 დასაქმებულიდან, 308 პირმა დეკემბრის თვეში პრემია მიიღო ორჯერ, დაფინანსების სხვადასხვა წყაროებიდან. ქ. თბილისის მუნიციპალიტეტმა ვერ წარმოადგინა დასაბუთება, რით იყო განპირობებული დეკემბრის თვეში პრემიის ორჯერ გაცემის საჭიროება და ბიუჯეტიდან დამატებითი სახსრების გამოყოფა.

ნაკლოვანებები იუმს-ის ორგანიზაციული მოწყობის, როლებისა და პასუხისმგებლობების გამიჯვნის მიმართ. კერძოდ, ინფორმაციული უსაფრთხოების მინიმალური მოთხოვნების შესაბამისად, სააგენტოს ჰყავს ინფორმაციული უსაფრთხოების მენეჯერი და ინფორმაციული უსაფრთხოების საბჭო. აუდიტის მიმდინარეობისას, სააგენტოს დირექტორის მოადგილე, რომელიც კურირებდა ინფორმაციული ტექნოლოგიების მიმართულებას, ასევე პასუხისმგებელი იყო ინფორმაციული უსაფრთხოების მონიტორინგზე. კერძოდ, ინფორმაციული უსაფრთხოების მენეჯერი ექვემდებარებოდა და ანგარიშვალდებული იყო ზემოხსენებულ მოადგილესთან.

ძირითადი აქტივების არასრულად ასახვა, კერძოდ: სამინისტროს მიერ არ არის აღმოფხვრილი საქართველოს სპორტისა და ახალგაზრდობის საქმეთა სამინისტროს 2013 წლის ფინანსური და შესაბამისობის აუდიტის ანგარიშში ასახული შეუსაბამობები. შედეგად, სამინისტროს ბალანსი არსრულად ასახავს გრძელვადიან არაფინანსურ აქტივებს (ძირითად აქტივებს), სამინისტროს მიერ დარღვეულია „სახელმწიფო ქონების შესახებ“ საქართველოს კანონის 33-ე მუხლის მე-3 პუნქტი, რომლის თანახმად, უძრავი ქონების სარგებლობაში გადაცემა საჯარო რეესტრში უნდა დაარეგისტრიროს იმ სახელმწიფო ორგანომ რომელსაც სარგებლობაში გადაეცა ეს ქონება.

ისნის რაიონის გამგეობა არ ახდენს სააღრიცხვო დოკუმენტაციის ქრონოლოგიური თანმიმდევრობით სისტემატიზებას, კანონმდებლობის შესაბამისად. კერძოდ, ეკონომიკური მოვლენის ამსახველი დოკუმენტაცია არ არის აკინძული და შესაბამისი მემორიალური ორდერების გარეშე ინახება მონაცემების შინაარსისა და თარიღის მიხედვით. შედეგად გამგეობა ვერ უზრუნველყოფს საჭირო ინფორმაციების სრულყოფილ და სწრაფ მიღებას, ამასთანავე, არაა გამორიცხული დოკუმენტების დაკარგვისა და ჩანაცვლების რისკები.

2015 წელს მუნიციპალიტეტმა შეისყიდა ქ. ზუგდიდში რუსთაველის ქუჩაზე მდებარე მიწისქვეშა გადასასვლელის სარეაბილიტაციო სამუშაოები, ღირებულებით -124.6 ათასი ლარი. სამუშაოების ადგილზე დათვალიერების შედეგად აღმოჩნდა, რომ მინამაგნეზიტის ფილით შესრულებული ჭერის მოწყობის სამუშაოები, ღირებულებით 4.5 ათასი ლარი, დაზიანებულია. მიუხედავად იმისა, რომ ობიექტს გააჩნდა მოქმედი საგარანტიო ვადა, მუნიციპალიტეტს არ მიუმართავს, ხოლო მიმწოდებელს არ გამოუსწორებია გამოვლენილი ხარვეზი. აუდიტის სამსახურის მიერ საკითხით დაინტერესების შემდგომ, მერიამ 2017 წლის ივნისში შეაკეთა არსებული დაზიანება.

2016 წელს დედოფლისწყაროს მუნიციპალიტეტის მიერ შეძენილია გარე-განათებისათვის ახალი მოხმარების აღრიცხვის 11 ერთეული კვანძის მოწყობის და გამანაწილებელ ქსელზე მიერთების სამუშაოები, საერთო თანხით 4.4 ათასი ლარი. აღნიშნული ფინანსურ ანგარიშგებაში წარმოდგენილია „ორგანიზაციის ანგარიში არაფინანსური აქტივებით საკასო ოპერაციების შესახებ“ ფორმაში „ელექტროგადამცემი ხაზების“ მუხლში. შეძენილი მრიცხველები მუნიციპალიტეტისათვის არ წარმოადგენს აქტივს, რადგან ელექტროგამანაწილებელი კომპანიის კუთვნლილებაა და შესაბამისად, აღრიცხული უნდა იყოს „სხვა დანარჩენი საქონლისა და მომსახურების მუხლში“.

ქ. თბილისის მუნიციპალიტეტის მერიამ გარე განათებისა და შენობების არქიტექტურულ-მხატვრული მინათების ქსელის ექსპლოატაციის მომსახურება 2015-2016 წლებში შეისყიდა შპს „სინათლის ქალაქთან“ გაფორმებული ხელშეკრულებებით . შესყიდვა ითვალისწინებს ქ. თბილისის ქუჩების, მოედნების, მაგისტრალების, საცხოვრებელი მასივების, შიდა კვარტალების, ბაღ-სკვერების, ხიდების, გზატკეცილების გარე განათების არსებული ქსელის განათებასა და ქალაქის ღირსშესანიშნაობათა მხატვრულ მინათებას. 2015 წელს ხელშეკრულების შესრულების საკასო ხარჯმა 15 726.7 ათასი ლარი, ხოლო 2016 წელს - 17600.0 ათასი ლარი შეადგინა. ქ. თბილისის მუნიციპალიტეტი გარე განათებისა და შენობების არქიტექტურულ-მხატვრული მინათების ქსელის ექსპლოატაციის მომსახურების შესყიდვისას ერთდროულად იყენებს ორ მიდგომას, კერძოდ: მომსახურებას შეისყიდის გამარტივებული ფორმით; შემსრულებელ მხარედ არჩევს მის მიერ დაფუძნებულ პროფილურ საწარმოს, რომელიც ექსკლუზიური მიმწოდებელია; აკონტროლებს საკუთარი საწარმოს საქმიანობას ზოგადად და არა ხელშეკრულების შესრულების პროცესს; არ ამოწმებს შესრულებული სამუშაოების აქტებს და მიმწოდებელს აფინანსებს მოთხოვნის შესაბამისად. ამდენად, მუნიციპალიტეტის მიერ შპს „სინათლის ქალაქთან“ გაფორმებული ხელშეკრულებები ფორმალური ხასიათისაა. მომსახურების მიწოდების პროცესი ფორმით სახელმწიფო შესყიდვის მსგავსია, თუმცა შინაარსობრივად სუბსიდიურ ხასიათს ატარებს. სახელშეკრულებო ურთიერთობის შერეული ფორმა ქმნის მოუწესრიგებელ სიტუაციას და გაურკვევლობას იწვევს მიწოდების რეალური ღირებულების განსაზღვრის, მომსახურების მიწოდების ვადების დაცვის, შესრულების კონტროლისა და საჯარიმო სანქციების გავრცელების მხრივ.

სააგენტოს მიერ მოწოდებულ ინფორმაციაზე დაყრდნობით, 2016-2018 წლებში არ ჩატარებულა არცერთი ტრენინგი იუმს-ის დანერგვაში მონაწილე პირებისათვის (ინფორმაციული უსაფრთხოების მენეჯერი, ინფორმაციული უსაფრთხოების საბჭოს წევრები). ამასთანავე, მიუხედავად სააგენტოს ინფორმაციული სისტემების რაოდენობისა, კომპლექსურობისა და დიდი გეოგრაფიული არეალისა, სააგენტოს ჰყავს ინფორმაციული უსაფრთხოების მხოლოდ 1 (ერთი) თანამშრომელი (მენეჯერი). სააგენტოს საქმიანობის კომპლექსურობისა და მასშტაბის გათვალისწინებით, აღნიშნული ადამიანური რესურსი არ არის საკმარისი ინფორმაციული უსაფრთხოების მართვის სისტემის დასანერგად. კერძოდ, ინფორმაციული უსაფრთხოების მინიმალური მოთხოვნების მიღების დღიდან (2013 წლის 4 თებერვალი) აუდიტის პერიოდამდე, არ არის დასრულებული იუმს-ის პოლიტიკებისა და შესაბამისი პროცედურების დანერგვა.

არაფინანსური აქტივებიდან 2015 წლის განმავლობაში გასულია სულ 1,722,027 ლარის ქონება, მათ შორის: 1,216,619 ლარის ღირებულების ქონება ჩამოწერილია წინა წლებში (2007-2014 წლებში) გაფორმებული დოკუმენტების საფუძველზე, ე.ი. ფინანსურ ანგარიშგებაში 2015 წლის დასაწყისისათვის ბალანსგარეშე ანგარიშებზე აღნიშნული არაფინანსური აქტივების ნაშთი არასწორია.

2015 წლის 1 იანვრის მდგომარეობით, მუნიციპალიტეტი ფლობდა თავისუფალ ნაშთს 487.8 ათასი ლარის ოდენობით, რომლის ხარჯვაც დაიგეგმა 2015 წლის ბიუჯეტით. მიუხედავად ამისა, 2015 წელს ნაშთის ცვლილებით გამოწვეული ფულადი სახსრების დაგროვებამ (მატებამ) შეადგინა 1 118.4 ათასი ლარი და წლის ბოლოს დაფიქსირდა ნაშთი 1 606.2 ათასი ლარი, რომლის ხარჯვაც დაიგეგმა მომდევნო წელს. 2016 წელს ნაშთის ცვლილებით გამოწვეული ფულადი სახსრების კლებამ შეადგინა 1 128.1 ათასი ლარი, ხოლო წლის ბოლოს არსებულმა ნაშთმა - 478.1 ათასი ლარი.

2015 წელს მუნიციპალიტეტმა გააფორმა N145 ხელშეკრულება ქ. ზუგდიდის მუნიციპალიტეტის ტერიტორიაზე ტროტუარების სარეაბილიტაციო სამუშაოების შესყიდვისთვის. ხელშეკრულება სხვა სამუშაოებთან ერთად ითვალისწინებდა ზვიად გამსახურდიას ქუჩაზე გზის ორივე მხარეს და თეატრის ქუჩის მონაკვეთზე მილკვადრატების მოწყობას ბეტონში და მასზე ბაგირის გაჭიმვას, ღირებულებით 13.7 ათასი ლარი. ობიექტის ადგილზე დათვალიერების შედეგად გამოვლინდა, რომ შემოღობვის სამუშაოები ნაწილობრივ დაზიანებულია.

დედოფლისწყაროს მუნიციპალიტეტმა სხვადასხვა მიმწოდებლებისგან შეიძინა სპორტული ინვენტარი, მათ შორის, 500 ლარზე ნაკლები ღირებულების მცირეფასიანი ინვენტარი, საერთო თანხით 2.4 ათასი ლარი. აღნიშნული წარმოადგენს „გრძელვადიან მცირეფასიან აქტივს“ და ფინანსურ ანგარიშგებაში წარმოდგენილი უნდა იყოს შესაბამის მუხლში, ნაცვლად „სხვა მანქანა-დანადგარისა და ინვენტარის“ მუხლისა.

მუნიციპალიტეტის მიერ სათანადო რეაგირების გარეშე დარჩა ან არ გამოსწორებულა წინა აუდიტის ანგარიშში ასახული შემდეგი დარღვევა-ნაკლოვანებები: • გარე განათების ქსელის ექსპლოატაციის შესყიდვისას, მუნიციპალიტეტის მერია არ ამოწმებდა ხარჯების რეალობას; • მუნიციპალიტეტის მერიას არ განუხორციელებია შესაბამისი სამართლებრივი ღონისძიებები 2009 წელს, შპს „ევროპლანტ ჯორჯიასთან“ გაფორმებული ხელშეკრულების ფარგლებში გამოვლენილი დარღვევების (უხარისხო პროდუქცია) გამოსასწორებლად; • მუნიციპალიტეტის მერიას კანონმდებლობით გათვალისწინებული დამატებითი ღონისძიებები არ გაუტარებია შპს „ევროპლანტ ჯორჯიასგან“ შესყიდული სანათების დანაკლისის აღმოსაფხვრელად.

ინფორმაციული უსაფრთხოების მინიმალური მოთხოვნების შესაბამისად, სააგენტო ვალდებულია უზრუნველყოს ცვლილებების დანერგვის მართვა ცვლილების კონტროლის პროცედურების მიხედვით (მგს 27001:2011, ა.12.5.1.). აუდიტის შედეგად გამოვლინდა, რომ სააგენტოში არ არსებობს ცვლილებების მართვის სათანადო პრაქტიკა და არ იწარმოება დოკუმენტაცია კრიტიკულ ინფრასტრუქტურასთან დაკავშირებით. მაგალითად, აუდიტის მიმდინარეობისას, სააგენტოს არ გააჩნდა ინფრასტრუქტურის მოწყობის განახლებული/მიმდინარე ლოგიკური ტოპოლოგია. აღნიშნული ზრდის არასანქცირებული ცვლილების/წვდომის რისკს, რამაც შესაძლოა გავლენა მოახდინოს სააგენტოს ინფორმაციის კონფიდენციალობის და მთილიანობის დაცვაზე.

2015 წლის 31 დეკემბრისთვის ფინანსურ ანგარიშგებაში ასახულია ორი ასფალტსაფარიანი მოედანი, რომლებიც ირიცხებოდა ადგილობრივი მუნიციპალიტეტების საკუთრებაში,

2015-2016 წლებში დმანისის მუნიციპალიტეტის მიერ იჯარის ფორმით, სულ გაცემულია 69 ობიექტი. მათ შორის, 25 შემთხვევაში გაცემულია აუქციონით, ხოლო 44 შემთხვევაში - პირდაპირი განკარგვით. აუქციონის ფორმით გაცემული მიწების ჯამური საწყისი ფასი იყო 37.0 ათასი ლარი, ხოლო ვაჭრობის შედეგად ჯამურმა საბოლოო ღირებულებამ შეადგინა 119.5 ათასი ლარი, ანუ საწყის ღირებულებასთან შედარებით დაახლოებით 3-ჯერ გაიზარდა. მიუხედავად მიწის ელექტრონული აუქციონის ფორმით გაცემის დადებითი მხარეებისა, მუნიციპალიტეტის მიერ სააუდიტე პერიოდში იჯარით განკარგული ობიექტების რაოდენობის 63%, ანუ 44 ობიექტი, გაცემულია პირდაპირი განკარგვის წესით. შედეგად, აღნიშნული 44 ობიექტის იჯარით გაცემის პროცესში ვერ იქნა უზრუნველყოფილი გამჭვირვალობა, დაინტერესებული პირების ინფორმირებულობა და ფასის დადგენა კონკურენტულ გარემოში. აღნიშნული გარემოება უარყოფითად აისახება მუნიციპალიტეტის შემოსავლებზე.

2017 წლის 1 იანვრის მონაცემებით, ქალაქ ზუგდიდის მუნიციპალიტეტს ერიცხება საიჯარო ქირის მიუღებელი თანხა, სულ 12.5 ათასი ლარი. საქართველოს ფინანსთა მინისტრის N1321 ბრძანებით დამტკიცებული ინსტრუქციით , ანგარიშზე „მოთხოვნები დარიცხული ჯარიმებით, სანქციებით და საკუთრებასთან დაკავშირებული სხვა შემოსავლებით”, აღირიცხება გადასახადებთან და საკუთრების სხვა შემოსავლებთან დაკავშირებით წარმოქმნილი მოკლევადიანი მოთხოვნები. მიუღებელი საიჯარო ქირა მუნიციპალიტეტის მიერ არ არის აღრიცხული ბუღალტრულად და შესაბამისად, არ არის წარმოდგენილი ფინანსურ ანგარიშგებაში.

2016 წელს შეძენილია მასალები საერთო თანხით 1.0 ათასი ლარი. მიმწოდებლებმა აღნიშნული მასალები წარმოადგინეს 2016 წლის ბოლოს, ხოლო თანხის ანაზღაურება მოხდა 2017 წელს. მიმწოდებლებისათვის გადასახდელი თანხა წარმოადგენს ვალდებულებას და ფინანსურ ანგარიშგებაში წარმოდგენილი უნდა იყოს „სხვა კრედიტორული დავალიანების“ მუხლში.

აუდიტის შედეგად გამოვლინდა, რომ სააგენტოს არ გააჩნია დეველოპმენტისთვის განსაზღვრული პოლიტიკა და პრაქტიკა. ამასთანავე, ინფორმაციული უსაფრთხოების მენეჯერი/ოფიცერი არ ერთვება სისტემის დეველოპმენტის არცერთ ეტაპში. დამატებით აღსანიშნავია, რომ აუდიტის მიმდინარეობისას, არ ჩატარებულა eSchool სისტემის უსაფრთხოების არც გარე და არც შიდა შეფასება. სააგენტოს სისტემების სანდო, მდგრადი და უწყვეტი ფუნქციონირებისათვის, ასევე სისტემაში არსებული კონფიდენციალური ინფორმაციის დაცვისათვის, მიზანშეწონილია, პერიოდულად ხდებოდეს სისტემის, როგორც სტატიკური, ასევე დინამიური ტესტირება. აღნიშნული რეგულარულად უნდა განხორციელდეს როგორც გარე (მაგალითად, აუდიტი), ისე შიდა შემფასებლის მიერ (მაგალითად, ინფორმაციული უსაფრთხოების ოფიცერი, შიდა აუდიტი).

სამინისტროში არ ტარდება სრულყოფილი ინვენტარიზაციები ქონების არსებობის და მათი მდგომარეობის დასადგენად.

სოფელ გომარეთში, პირდაპირი განკარგვის წესით, იჯარით გაცემულია 5 ობიექტი (სულ 43.3 ჰა). აუდიტორის შეფასებით აღნიშნული ობიექტები წარმოადგენს სასოფლო-სამეურნეო დანიშნულების მიწას (საძოვარს) და წლიურ საიჯარო ქირად განსაზღვრულია 1 ჰა-ზე - 7 ლარი. აუდიტის ჯგუფის მიერ ფართების ადგილზე დათვალიერების შედეგად აღმოჩნდა, რომ მიწის ნაკვეთები რეალურად წარმოადგენს ტბებს, რომლებსაც მოიჯარეები იყენებენ კომერციული მიზნებისთვის. ამასთანავე, პირდაპირი განკარგვით გაცემულ ორ ტბაზე (ჯამური ფართობი - 18.2 ჰა) მოიჯარეა მუნიციპალიტეტის გამგეობის ინფრასტრუქტურისა და ეკონომიკური განვითარების სამსახურის უფროსის ძმა, ხოლო მის მიერ აღებული ტბის მიმდებარე ტერიტორია შემოღობილია გამგეობის ბალანსზე რიცხული ლითონის მილებით. 2015 წლის 29 მაისს მუნიციპალიტეტის დაკვეთით შედგენილი აუდიტორული დასკვნის მიხედვით, გადაცემული მილების საბაზრო ღირებულება შეადგენს 47.9 ათას ლარს.

ქალაქ ზუგდიდის მუნიციპალიტეტს 2016 წლის დასაწყისში ერიცხება მიმწოდებლებისათვის ავანსის სახით გადარიცხული დებიტორული დავალიანება 989.73 ათასი ლარი, რომელიც წარმოდგენილი არ არის ფინანსური ანგარიშგების შესაბამის მუხლში.

2016 წელს მუნიციპალიტეტის მიერ შეძენილია 9.0 ათასი ლარის ღირებულების მრიცხველები, რომელიც წარმოდგენილი არ არის ფინანსურ ანგარიშგებაში. მრიცხველები წარმოადგენს ენერგოკომპანიის საკუთრებას, შესაბამისად, მრიცხველების შესაძენად გადახდილი თანხა მუნიციპალიტეტისათვის წარმოადგენს ხარჯს და წარმოდგენილი უნდა იყოს ფინანსური ანგარიშგების შესაბამის მუხლში.

აუდიტის ფარგლებში, განხილული იყო სააგენტოს ინტერნეტწვდომის პრაქტიკა. აღნიშნულის შედეგად გამოვლინდა, რომ სააგენტოს ინტერნეტწვდომის პრაქტიკა საჭიროებს გაუმჯობესებას. ინტერნეტწვდომის კონტროლისთვის, სააგენტოს გააჩნია შესაბამისი ინფრასტრუქტურა და რესურსი. არსებული პრაქტიკით, იფილტრება და დაბლოკილია არასასურველი შინაარსის შემცველი გარკვეული ინტერნეტრესურსი, თუმცა სკოლის ქსელში სრულად არ ხდება ინტერნეტწვდომის და ტრაფიკის ფილტრაცია. კერძოდ, რიგი არასასურველი შინაარსის შემცველი ვებგვერდები და პორტალები არ არის გაფილტრული და დაბლოკილი.

ქალაქ ბათუმის მუნიციპალიტეტის მერიის საბუღალტრო დოკუმენტაციის თანახმად, ორგანიზაციის ბალანსზე ირიცხება 2011-2012 წლებში წარმოშობილი 342,842 ლარის ოდენობის მოთხოვნები აქტივების მიღებაზე წინასწარი გადახდებით . აუდიტის ჯგუფის მიერ გაიგზავნა გარე დასტურის წერილები , თუმცა დასტურის ან/და უარყოფის შესახებ პასუხი ვერ იქნა მიღებული.

სამინისტროს მიერ არ ტარდება საკმარისი ღონისძიებები დებიტორული დავალიანებების აღმოსაფხვრელად. 2015 წლის 31 დეკემბრისთვის დებიტორული დავალიანებები სულ შეადგენდა 15,602,893 ლარს. ამავე დროს სამინისტროს მიერ არ სრულდება საქართველოს ფინანსთა მინისტრის 2010 წლის 23 ივლისის #605 ბრძანებით დამტკიცებული „საბიუჯეტო ორგანიზაციებში ქონების, მოთხოვნებისა და ვალდებულებების ინვენტარიზაციის ჩატარების წესის“ მე-4 მუხლის მოთხოვნა, რომლის თანახმად რეკომენდებულია - ფინანსური მოთხოვნებისა და ვალდებულებების ინვენტარიზაცია ჩატარდეს წელიწადში ორჯერ მაინც

2010 წელს დმანისის მუნიციპალიტეტის მიერ 25 წლის ვადით იჯარით გაცემულია 4 მიწის ნაკვეთი (ბუნებრივი საძოვარი), საერთო ფართი - 79 318 კვ.მ. ხელშეკრულების მიხედვით, მოიჯარეს მიწის ნაკვეთები უნდა გამოეყენებინა სასოფლო-სამეურნეო დანიშნულებით, ხოლო მიწით სარგებლობისათვის გადასახადის სახით დაეკისრა მხოლოდ კანონმდებლობით განსაზღვრული ქონების გადასახადის გადახდა, 1 ჰა-ზე წლიურად - 3 ლარი. შედეგად, მუნიციპალიტეტის ქონება გაცემულია უსასყიდლოდ, იჯარის გადასახადის გარეშე. მიწის ნაკვეთების ადგილზე დათვალიერებით გამოვლინდა, რომ მოიჯარე მიღებულ ფართებს იყენებს არადანიშნულებით, კერძოდ, მოპოვებული ბუნებრივი რესურსების გადასამუშავებლად. აღნიშნულის გამო მუნიციპალიტეტმა 2015 წელს მოიჯარე დააჯარიმა 147.5 ათასი ლარით, რომლის გადახდა მოიჯარემ დაიწყო აუდიტის მიმდინარეობის პერიოდში ეტაპობრივად, კერძოდ 2017 წლის 1 მარტიდან.

სხვადასხვა პროექტის დაფინანსებისთვის ააიპ-ებზე გადარიცხულია თანხები. 2016 წლის დასაწყისში აღნიშნული თანხაა 6.98 ათასი ლარი, ხოლო 2016 წლის ბოლოს - 19.0 ათასი ლარი. აღნიშნული წარმოდგენილი არ არის „სხვა დანარჩენი მოკლევადიანი მოთხოვნების“ მუხლში.

დედოფლისწყაროს მუნიციპალიტეტი შესრულებულ სამუშაოებზე საგარანტიო ვადით მიმწოდებლებს უკავებს 2.5%-ს. წინა წლებში განხორციელებულ სამუშაოებზე დაკავებული თანხა - 54.6 ათასი ლარი, მიმწოდებლებისათვის ანაზღაურებულია 2016 წელს და ფინანსურ ანგარიშგებაში წარმოდგენილია ფორმა №2-ში „სხვა მიმდინარე ხარჯის“ მუხლში. დაკავებული საგარანტიო თანხები წარმოადგენს აქტივების მიწოდებით დარიცხულ ვალდებულებებს და წარმოდგენილი უნდა იყოს შესაბამისი წლების ფინანსურ ანგარიშგებაში, როგორც მუნიციპალიტეტის კრედიტორული დავალიანება. შესაბამისად, მიმწოდებლებისათვის ანაზღაურებული 54.6 ათასი ლარი წარმოადგენს ვალდებულების კლებას და მისი ასახვა „სხვა მიმდინარე ხარჯის“ მუხლში არასწორია.

ინფორმაციული უსაფრთხოების მინიმალური მოთხოვნების შესაბამისად, ორგანიზაცია ვალდებულია დანერგოს ინფორმაციული უსაფრთხოების ინციდენტების მართვის კონტროლები. აუდიტის შედეგად გამოვლინდა, რომ სააგენტოში არ ხდება ინფორმაციული უსაფრთხოების ინციდენტების რეესტრის წარმოება და შესაბამისი დოკუმენტაციის მომზადება. მაგალითად, სკოლების ინტერნეტ (IP) მისამართი ფიქსირდება რამდენიმე ე.წ. „შავ სიაში“ და აქვს უარყოფითი რეპუტაცია (blacklisted). აღნიშნული წარმოადგენს ინფორმაციული უსაფრთხოების ინციდენტს, ხოლო „შავ სიაში“ მოხვედრა მიუთითებს კიბერუსაფრთხოების კუთხით არსებულ ნაკლოვანებებზე. საყურადღებოა, რომ ზემოაღნიშნული ფაქტობრივი გარემოება მნიშვნელოვანია ინფორმაციული უსაფრთხოების ინციდენტების მართვის კუთხით და ისევე როგორც სხვა ინფორმაციული უსაფრთხოების ინციდენტი, სააგენტოს მხრიდან საჭიროებს შესაბამის დროულ რეაგირებას.

ქალაქ ბათუმის მუნიციპალიტეტის მერიის მიერ 1,541,474 ლარის ოდენობის მოთხოვნებზე აქტივების მიღებაზე წინასწარი გადახდებით, დამადასტურებელი დოკუმენტაცია ვერ იქნა წარმოდგენილი. ამასთან, ორგანიზაციას, 2015 წლის განმავლობაში, აღნიშნული მოთხოვნების აღიარების/ ფულადი სახსრების ადგილობრივ ბიუჯეტში მიმართვის უზრუნვესაყოფად ღონისძიებები არ განუხორციელებია. ვერ მოხერხდა გარე დასტურის წერილების გაგზავნა, რადგან აუდიტის ობიექტის მიერ ვერ იქნა წარმოდგენილი მოვალეთა მისამართები და სხვა მაიდენტიფიცირებელი ინფორმაცია. ზემოაღნიშნულის გამო, ფინანსური მოთხოვნების ინვენტარიზაციის ჩაუტარებლობის პირობებში, ვერ დავრწმუნდით 1,541,474 ლარის ოდენობის მოთხოვნის რეალობაში.

სამინისტროს ბალანსში აღრიცხული კრედიტორული დავალიანებების დიდი ნაწილი წარმოადგენს ხანდაზმულ დავალიანებებს, რომელთა იდენტიფიცირება ან ვერ ხერხდება, ან დაბრუნებას არ ექვემდებარება. რამდენადაც არ ტარდება მოთხოვნების/ვალდებულებების ინვენტარიზაცია. სამინისტროს კრედიტორულმა დავალიანებებმა 2015 წლის 31 დეკემბრის მდგომარეობით ჯამურად 1,640,356 ლარი შეადგინა, აქედან არარეალური და ხანდაზმულია 1,625,201 ათასი ლარი, რომელიც წარმოშობილია 1996-2004 წლებში

2015-2016 წლებში დმანისის მუნიციპალიტეტში დასუფთავების მოსაკრებლის ადმინისტრირება სახორციელებდა ა(ა)იპ „დმანისის კომუნალური სამსახური“. დმანისის მუნიციპალიტეტის საკრებულოს დადგენილებით დასუფთავების მოსაკრებლის გადამხდელები არიან როგორც იურიდიული, ასევე ფიზიკური პირები. მიუხედავად ამისა, დასუფთავების მოსაკრებლის დაგეგმვა და ამოღება ხორციელდება მხოლოდ მუნიციპალიტეტის ტერიტორიაზე რეგისტრირებული იურიდიული პირებისაგან, ხოლო ფიზიკური პირებისაგან მოსაკრებლის ამოღება არ იგეგმება. დასუფთავების მოსაკრებლის სახით ბიუჯეტში მიღებულმა თანხამ შეადგინა: 2015 წელს - 6.4 ათასი ლარი, რაც მისაღები თანხის 48%-ია, ხოლო 2016 წელს - 3.9 ათასი ლარი, რაც მისაღები თანხის 25%-ს შეადგენს.

მუნიციპალიტეტმა სხვადასხვა ხელშეკრულების ფარგლებში შეისყიდა სამუშაოები, რომლებიც არ დასრულებულა მიმდინარე წელს და მოხდა მათი მიღება-ჩაბარების თარიღის გადავადება მომდევნო წლისათვის. 2017 წლის 1 იანვრისათვის 182.4 ათასი ლარის ღირებულების სამუშაოები ფინანსურ ანგარიშგებაში ნაცვლად „დაუმთავრებელი ძირითადი აქტივების“ მუხლისა, წარმოდგენილია „შენობა-ნაგებობების“ შესაბამის მუხლებში.

ნინოწმინდის მუნიციპალიტეტის მიერ არ არის მიღებული კანონმდებლობით გათვალისწინებული პრემიების განსაზღვრისა და გაცემის წესი. მუნიციპალიტეტმა დაარღვია შრომითი ურთიერთობის შესახებ გაფორმებული ხელშეკრულების პირობები, რომელიც არ ითვალისწინებდა წახალისებას და შტატგარეშე პირებზე გასცა პრემია 5.9 ათასი ლარი.

ქალაქ ბათუმის მუნიციპალიტეტის მერიის საბუღალტრო დოკუმენტაციის თანახმად, ორგანიზაციის ბალანსზე ირიცხება 187,643 ლარის ოდენობის მოთხოვნა აქტივების მიღებაზე წინასწარი გადახდებით. მოპოვებული მტკიცებულებებით დგინდება, რომ მიმწოდებლის მიერ 2011 წლის თებერვალში სრულად არის შესრულებული ავანსად დაფინანსებული სახელშეკრულებო ვალდებულებები . შესაბამისად, არ არსებობს მოთხოვნის არსებობის სამართლებრივი საფუძველი.

მხარჯავ უწყებას წლიური ბიუჯეტის კანონით დაუმტკიცდა უფრო ნაკლები მოცულობის ასიგნება, ვიდრე ეს განაცხადით იყო მოთხოვნილი, ხოლო წლის განმავლობაში ადგილი ქონდა ამ პროგრამების ასიგნებების სარეზერვო ფონდიდან თანხების გამოყოფის საფუძველზე. კერძოდ: საქართველოს მთავრობას 2015 წლის 2 თებერვლის N104 განკარგულებით გამოყოფილია 1,700,000 ლარი 2015 წლის 9-18 აპრილს, ძალოსნობაში ევროპის ჩემპიონატის მაღალ დონეზე ორგანიზებისა და ჩატარების მიზნით (კოდი 39 02 04), ხოლო საქართველოს მთავრობის 2015 წლის 5 მარტის N414 განკარგულებით 1,000,000 ლარი ქ. თბილისში 2015 წლის 20-22 მარტს, ძიუდოში გრან-პრის ტურნირის მაღალ დონეზე ორგანიზებისა და ჩატარების მიზნით (კოდი 39 02 17)

სატენდერო დოკუმენტაციის მიხედვით, პრეტენდენტებს მოეთხოვება რეკომენდაციის წარმოდგენა ბოლო სამუშაო ადგილიდან. 2016 წელს, 5 შემთხვევაში, გამარჯვებულ პრეტენდენტებს მიღებული აქვთ დისკვალიფიკაცია იმის გამო, რომ მათ მიერ წარმოდგენილი რეკომენდაცია არ იყო ბოლო სამუშაო ადგილიდან. აღნიშნული მიდგომა ეწინააღმდეგება სახელმწიფო შესყიდვების კანონმდებლობას, ვინაიდან დისკვალიფიკაცია დაზუსტების გარეშე შესაძლებელია მხოლოდ იმ შემთხვევაში, თუ დოკუმენტაციის დაზუსტება ზრდის წინადადების ფასს ან იწვევს სატენდერო დოკუმენტაციის არსებით ცვლილებას. ამასთანავე, რამდენიმე პრეტენდენტს, რომლებსაც არ ჰქონდათ წარდგენილი რეკომენდაცია, სატენდერო კომისიამ მისცა დაზუსტების შესაძლებლობა, ანუ გამოიყენება შერჩევითი მიდგომა.

2016 წელს მუნიციპალიტეტმა განახორციელა 345.5 ათასი ლარის ისეთი საპროექტო მომსახურების შესყიდვა, რომელთა პროექტით გათვალისწინებული სამუშაოები არ განხორციელდა ან მოხდა სამუშაოების გადავადება, საპროექტო მომსახურების ღირებულება ნაცლად „შენობა-ნაგებობების“ მუხლისა, წარმოდგენილი უნდა იყოს „დაუმთავრებელი ძირითადი აქტივის“ მუხლში.

შტატგარეშე მოსამსახურეებზე გაცემული პრემიის თანხა, ნაცვლად „საქონელი და მომსახურების“ მუხლისა, გაიცა „შრომის ანაზღაურების“ მუხლიდან.

› შინაგან საქმეთა სამინისტროს მიერ ქვეყნის მასშტაბით არ არის დანერგილი საგზაო-სატრანსპორტო შემთხვევების აღრიცხვის ბარათის შევსების ერთგვაროვანი პრაქტიკა, რის გამოც საგზაო-სატრანსპორტო შემთხვევებზე აღრიცხული ინფორმაცია სამოქმედო ტერიტორიის მიხედვით არასრულია. შსს დეპარტამენტების მიერ ინფორმაციის განსხვავებული პრაქტიკით აღრიცხვა გამოწვეულია იმით, რომ სამხარეო პოლიციას საგზაო-სატრანსპორტო შემთხვევის აღრიცხვის ბარათის შევსება ნორმატიული აქტის საფუძველზე არ მოეთხოვება.

სამინისტროს მიერ წლის განმავლობაში პროგრამებს/ქვეპროგრამებსა და საბიუჯეტო კლასიფიკაციის მუხლებს შორის ასიგნებების გადანაწილების მასშტაბურობა და სიხშირე, რაც ბიუჯეტის ფორმირების პროცესში არსებულ მნიშვნელოვან ხარვეზებზე მიუთითებს. 2015 წელს ხარჯთაღრიცხვის ცვლილებები სულ განხორციელებულია 65-ჯერ ჯამური თანხით - 29,814,486 ლარი, რაც დამტკიცებული ბიუჯეტის 42.7%-ს შეადგენს.

2015-2016 წლებში დმანისის მუნიციპალიტეტში შესრულებულ საგზაო სამუშაოებზე, მიმწოდებლების მიერ წარმოდგენილია ექსპერტიზის დასკვნები, რომლებიც მოიცავს მხოლოდ შესრულებული სამუშაოების მოცულობით ნაწილს. კერძოდ, ხორციელდება ობიექტის ხილული ნაწილის აზომვები და შედარება შესრულებული სამუშაოს აქტების მონაცემებთან. შედეგად, მუნიციპალიტეტს არ გააჩნია ინფორმაცია ასფალტბეტონის საფარის ხარისხის სტანდარტებთან შესაბამისობის შესახებ, რამაც შესაძლებელია განაპირობოს უხარისხოდ შესრულებული სამუშაოების ექსპლოატაციაში მიღება.

მოწოდებული ინფორმაციის თანახმად, მუნიციპალიტეტს 2016 წლის დასაწყისში ერიცხება საქონლის/მომსახურების მიწოდებით დარიცხული კრედიტორული დავალიანება 0.21 ათასი ლარი, ხოლო 2016 წლის ბოლოსათვის - 4.77 ათასი ლარი. აღნიშნული ფინანსურ ანგარიშგებაში წარმოდგენილია 790.4 ათასი ლარით.

„წარმომადგენლობითი ხარჯების“ გაწევის ბრძანებებში არ არის აღნიშნული ჩასატარებელი ღონისძიების დასახელება, სტუმრობის მიზანი, სტუმრებისა და მასპინძლების ოდენობა და სხვა მონაცემები. შედეგად, ნინოწმინდის მუნიციპალიტეტის მიერ გაწეული წარმომადგენლობითი ხარჯის მიზანშეწონილობა დოკუმენტურად არ არის დადასტურებული.

› საპატრულო პოლიციის მიერ არ ხდება საგზაო-სატრანსპორტო შემთხვევის აღრიცხვის ბარათის სრულყოფილად შევსება - რაც შემთხვევის გამომწვევი მიზეზისა არასათანადოდ აღრიცხვაში მდგომარეობს. ასევე, ავტოსატრანსპორტო შემთხვევის გამომწვევი მიზეზი, არ ეფუძნება გამოძიებით დადგენილ შედეგებს, რაც ბაზაში ასახული ინფორმაციის სანდოობის ხარისხს ამცირებს.

ქალაქ ბათუმის მუნიციპალიტეტის მერიის 2015 წლის ბალანსის თანახმად, ტრანსპორტის, ტექნიკისა და იარაღის ექსპლუატაციისა და მოვლა-შენახვის საკასო ხარჯმა შეადგინა 220,598 ლარი, ხოლო ფაქტობრივმა ხარჯმა - 211,933 ლარი. წარმოდგენილი დოკუმენტაციით დგინდება, რომ აღნიშნული ხარჯიდან 45,638 ლარის ღირებულების 28,431 ლიტრი ბენზინი/ დიზელის საწვავი გახარჯულია 28 ერთეულ ავტოსატრანსპორტო საშუალებაზე, რომელიც არ ირიცხება მერიის ბალანსზე და იმყოფებოდა მერიის საჯარო მოსამსახურეების მფლობელობაში. აუდიტის ობიექტის უფლებამოსილი პირის განმარტებით, საწვავის სამსახურებრივი მოვალეობების შესრულების დადასტურება შეუძლებელია.

2016 წელს დმანისის მუნიციპალიტეტმა ტენდერის გზით შეისყიდა ქუჩების და ეზოების მოასფალტების სამუშაოები. შესრულებული სამუშაოს აქტების მიხედვით, განხორციელდა გზებისა და ეზოების მოწყობა 3 435 კუბ.მ ინერტული მასალების გამოყენებით. აღნიშნული სამუშაოების ღირებულება სულ შეადგენდა 135.0 ათას ლარს, მათ შორის, ინერტული მასალების ღირებულება - 93.5 ათას ლარს. ობიექტების ადგილზე დათვალიერებისას გამოვლინდა, რომ ინერტული მასალების სისქე ნაკლები იყო დოკუმენტებში დაფიქსირებულ 18 სმ-თან შედარებით. აღნიშნულიდან გამომდინარე, აუდიტის ჯგუფმა, შემსყიდველის მეშვეობით მიმწოდებლისგან მოითხოვა ინერტული მასალების შესყიდვისა და ტრანსპორტირების დოკუმენტები. დოკუმენტების შესწავლის შედეგად აღმოჩნდა, რომ ქ. დმანისში გზებისა და ეზოების მოსაწყობად შეტანილია მხოლოდ 240 კუბ.მ ინერტულა . მიუხედავად ამისა, მუნიციპალიტეტს დოკუმენტურად მიღებული და ანაზღაურებული აქვს 3 435 კუბ.მ ინერტული მასალების ღირებულება.

მუნიციპალიტეტს 2016 წლის დასაწყისში ერიცხება აქტივების მიწოდებით დარიცხული ვალდებულებები 912.1 ათასი ლარი, ხოლო წლის ბოლოს -928.1 ათასი ლარი. აღნიშნული ფინანსურ ანგარიშგებაში წარმოდგენილი არ არის „აქტივების მიწოდებით დარიცხული ვალდებულებების“ მუხლში.

ნინოწმინდის მუნიციპალიტეტმა საწვავის გაცემის წესის დარეგულირებისას არ გაითვალისწინა კანონმდებლობის მოთხოვნები და არ უზრუნველყო მისი მიღება ნორმატიული ადმინისტრაციულ-სამართლებრივი აქტის სახით. ამდენად, სამართლებრივი აქტი, რომლის საფუძველზეც 2015-2016 წლებში გაიხარჯა 77.8 ათასი ლარის საწვავი, თავისი შინაარსით არ შეესაბამება კანონმდებლობით გათვალისწინებულ მოთხოვნებს.

მოქმედი კანონმდებლობის მიხედვით, პრემია გაიცემა საჯარო დაწესებულებაში დასაქმებული პირების მიერ შესრულებული სამუშაოს შეფასების (საჯარო დაწესებულებაში სამუშაოს შეფასების სისტემის არსებობის შემთხვევაში) ან/და დასაბუთების საფუძველზე. 2015-2016 წლებში ახალქალაქის მუნიციპალიტეტის თანამშრომლებზე გაცემულია შრომის ანაზღაურება სულ 3 687.1 ათასი ლარის ოდენობით, მათ შორის, პრემია - 852.4 ათასი ლარი. მუნიციპალიტეტს არ აქვს შემუშავებული წესი პრემიის გაცემის შესახებ, რომლითაც დარეგულირდება პრემიის გაცემის საფუძვლები. აღსანიშნავია, რომ უმრავლეს შემხთხვევაში არ არის დოკუმენტურად სათანადოდ დასაბუთებული, თუ რის საფუძველზე გაიცა კონკრეტულ დასაქმებულზე პრემია. ყოველ ჯერზე გაცემული პრემია შეადგენს მოხელის თანამდებობრივი სარგოს 100%-ს. შედეგად, ახალქალაქის მუნიციპალიტეტის გამგეობამ არ გაითვალისწინა მოქმედი კანონმდებლობის მოთხოვნა, რომლის მიხედვითაც პრემია გაიცემა საჯარო დაწესებულებაში დასაქმებული პირების მიერ შესრულებული სამუშაოს შეფასების ან/და სათანადო დასაბუთების საფუძველზე.

› შინაგან საქმეთა სამინისტროს მიერ არ ხდება საგზაო-სატრანსპორტო შემთხვევის აღრიცხვის ბარათის სრულყოფილად შევსება, რაც შემთხვევის გამომწვევი მიზეზის არასათანადოდ აღრიცხვაში მდგომარეობს. ასევე, ავტოსატრანსპორტო შემთხვევის გამომწვევი მიზეზი, არ ეფუძნება გამოძიებით დადგენილ შედეგებს, რაც ბაზაში ასახული ინფორმაციის სანდოობის ხარისხს მნიშვნელოვნად ამცირებს.

ქალაქ ბათუმის მუნიციპალიტეტის მერიის 2015 წლის ბალანსის თანახმად, ძირითადი კაპიტალის მოხმარების ფაქტობრივი ხარჯი, 2015 წლის 31 დეკემბრის მდგომარეობით, შეადგენს 12,379,752 ლარს. აუდიტორული პროცედურების შედეგად დგინდება, რომ ძირითადი კაპიტალის მოხმარების ხარჯში ასახულია იმ ძირითად აქტივებზე დარიცხული ცვეთაც, რომელიც მოქმედი რეგულაციების გათვალისწინებით, არ ექვემდებარებოდა ქალაქ ბათუმის მუნიციპალიტეტის მერიის ბალანსზე აღრიცხვას . აგრეთვე, რიგ დასრულებულ და ექსპლუატაციაში მყოფ ძირითად აქტივებს არ ერიცხება ცვეთა, რაც ხელოვნურად ზრდის მათ ღირებულებებს და შესაბამისად, ამცირებს ძირითადი კაპიტალის მოხმარების ფაქტობრივ ხარჯს.

2016 წელს მუნიციპალიტეტმა შეისყიდა სამუშაოები ღირებულებით - 401.0 ათასი ლარი, რომელიც ითვალისწინებდა სოფლებში სასაფლაოებთან მისასვლელი გზების მოასფალტებას. შესრულებული სამუშაოს აქტების მიხედვით, სოფლებში განხორციელებულია ასფალტბეტონის საფუძვლის მოწყობა 2786 კუბ.მ ინერტული მასალის გამოყენებით. აღნიშნული სამუშაოს ღირებულება შეადგენდა 161.7 ათას ლარს, მათ შორის, ინერტული მასალის ღირებულება - 118.5 ათას ლარს. ობიექტის ადგილზე დათვალიერებისას გამოვლინდა, რომ ინერტული მასალების სისქე ნაკლები იყო დოკუმენტებში დაფიქსირებულ 18 სმ-თან შედარებით. შემსყიდველის მეშვეობით, მიმწოდებლის მიერ წარმოდგენილი, ინერტული მასალების შესყიდვისა და ტრანსპორტირების დოკუმენტების მიხედვით, სოფლებში შეტანილია მხოლოდ 1355 კუბ.მ ინერტული მასალა. მიუხედავად იმისა, რომ ვიზუალური დათვალიერების და მიმწოდებლის მიერ წარმოდგენილი დოკუმენტების მიხედვით, შესრულებული სამუშაოების ფაქტობრივი მოცულობები ნაკლებია ფორმა №2-ში დაფიქსირებულ მონაცემებთან შედარებით, მუნიციპალიტეტის მიერ შემსრულებლისთვის თანხები ანაზღაურებულია სრულად.

2015 წელს საკრებულოს დადგენილებით დამტკიცდა ქალაქ ზუგდიდის მუნიციპალიტეტის საკრებულოს წევრების უფლებამოსილების განხორციელებასთან დაკავშირებული ხარჯების ანაზღაურების წესი . წარმოდგენილი დოკუმენტაციით, 2016 წელს ქალაქ ზუგდიდის მუნიციპალიტეტის საკრებულოს წევრებს ხარჯის ანაზღაურების სახით (ხარჯის დამადასტურებელი დოკუმენტების წარდგენის გარეშე) სულ მიღებული აქვთ 17.7 ათასი ლარი. აღნიშნული თანხა კლასიფიცირებულია „სხვა დანარჩენი საქონლისა და მომსახურების“ მუხლში. რადგან ხარჯის დამადასტურებელი დოკუმენტაცია არ არის წარმოდგენილი, ვერ დგინდება, რომელი მუხლით უნდა აღირიცხოს გაწეული დანახარჯი.

ნინოწმინდის მუნიციპალიტეტმა დაარღვია მის მიერ გამოცემული სამართლებრივი აქტებით დადგენილი საწვავის ხარჯვის ნორმები. შედეგად, განსაზღვრულთან შედარებით მეტი საწვავი გაიხარჯა შესაბამისი დასაბუთების გარეშე (8560 ლიტრი). მუნიციპალიტეტმა ტრანსპორტის შენახვისა და ექსპლუატაციის ხარჯის გაწევისას არ დაიცვა საბიუჯეტო სახსრების რაციონალური და გონივრული ხარჯვის პრინციპები.

მუნიციპალიტეტის საკრებულოს წევრი თავის უფლებამოსილებას ახორციელებს უსასყიდლოდ, ანაზღაურებადია მხოლოდ მუნიციპალიტეტის საკრებულოს თანამდებობის პირის საქმიანობა . კანონმდებლობა ითვალისწინებს საკრებულოს არაანაზღაურებად წევრებზე მუნიციპალიტეტის საქმიანობასთან დაკავშირებული ხარჯის ანაზღაურებას საკრებულოს კომისიებისა და სამუშაო ჯგუფების სხდომებში მონაწილეობისათვის, ასევე საკრებულოსა და საკრებულოს თავმჯდომარის დავალებების შესრულებისათვის ყოველთვიურად გაწეულ ხარჯებს. გამგეობის მიერ აღნიშნული ხარჯის ანაზღაურება უნდა განხორციელდეს საკრებულოს წევრის მიერ წარმოდგენილი ფაქტობრივად გაწეული ხარჯის დამადასტურებელი დოკუმენტების საფუძველზე. ახალქალაქის მუნიციპალიტეტის საკრებულოს წევრებზე 2015-2016 წლებში ხარჯების ანაზღაურების სახით გაცემულია 190.4 ათასი ლარი ისე, რომ არ არის წარმოდგენილი შესაბამისი ხარჯის დამადასტურებელი პირველადი დოკუმენტები. შედეგად, საკრებულოს არაანაზღაურებად წევრებზე ხარჯები მუნიციპალიტეტმა (შესაბამისმა პასუხისმგებელმა პირებმა) აანაზღაურა მოქმედ კანონმდებლობასთან შეუსაბამოდ.

› საპატრულო პოლიციის მიერ არ ხდება საგზაო-სატრანსპორტო შემთხვევის ადგილმდებარეობის სათანადოდ აღრიცხვა, რაც ზღუდავს "შავი წერტილების" იდენტიფიცირების შესაძლებლობას". აღნიშნული ხარვეზები ერთი მხრივ, განაპირობებს, ისეთი პრობლემური მონაკვეთების გამოვლენის შეუძლებლობას, სადაც საგზაო-სატრანსპორტო შემთხვევები ხშირად ხდება, ხოლო, მეორე მხრივ, ზღუდავს ეფექტიანი, მიზანმიმართული საპასუხო პოლიტიკის განსაზღვრის შესაძლებლობას.

2015 წელს მუნიციპალიტეტმა განახორციელა ქ. დმანისში წმ. ნინოს ქუჩაზე არსებული საფეხბურთო მინისტადიონის სარემონტო სამუშაოები, ღირებულებით - 28.8 ათასი ლარი. სამუშაოების საგარანტიო ვადად განისაზღვრა 2 წელი. მინისტადიონის ადგილზე დათვალიერებით გაირკვა, რომ სამუშაოები დაზიანებულია. მუნიციპალიტეტს ხელშეკრულებით განსაზღვრული საგარანტიო მოთხოვნის შესაძლებლობით არ უსარგებლია.

2015 წელს, სადღესასწაულო დღეებთან დაკავშირებით, ყაზბეგის მუნიციპალიტეტის თანამშრომლებზე გამგებლის ბრძანებებით გაიცა 97.9 ათასი ლარის ოდენობის დანამატი. სამართლებრივი აქტი არ შეიცავს დასაბუთებას ზეგანაკვეთური მუშაობის, საპასუხისმგებლო ფუნქციური დატვირთვის, ან კანონმდებლობით განსაზღვრული სხვა გარემოების შესახებ.

ნინოწმინდის მუნიციპალიტეტის საკრებულოს არათანამდებობის პირებზე უფლებამოსილების განხორციელებასთან დაკავშირებული ხარჯები ანაზღაურებულია მოქმედი კანონმდებლობის დარღვევით, შესაბამისი ხარჯის დამადასტურებელი დოკუმენტების წარმოდგენის გარეშე.

2015 წლის 19 ივნისს ახალქალაქის მუნიციპალიტეტმა გამოაცხადა ტენდერი სოფელ ტურცხის სასმელი წყლის სარეაბილიტაციო სამუშაოებზე. ტენდერში ყველაზე დაბალი ფასის მქონე პრეტენდენტი - შპს ,,სამცხე XXI“ დისკვალიფიცირებულ იქნა არასაკმარისი გამოცდილების გამო. პრეტენდენტმა გაასაჩივრა აღნიშნული გადაწყვეტილება, რომელიც დააკმაყოფილა დავების განმხილვის საბჭომ. შედეგად ახალქალაქის მუნიციპალიტეტსა და შპს „სამცხე XXI-ს“ შორის 2015 წლის 17 აგვისტოს გაფორმდა ხელშეკრულება სოფელ ტურცხის სასმელი წყლის რეაბილიტაციის შესყიდვაზე სახელშეკრულებო ღირებულებით 103.9 ათასი ლარი. გამგეობამ 2015 წლის 21 სექტემბერს ცალმხრივად შეწყვიტა ხელშეკრულება იმ მოტივით, რომ მიმწოდებელს არ ჰქონდა დაწყებული სამუშაოების შესრულება, გამოაცხადა ახალი ტენდერი და იმავე სამუშაოების შესასრულებლად ხელშეკრულება გაუფორმა სხვა მიმწოდებელს ღირებულებით 119.0 ათასი ლარი. შპს „სამცხე XXI-მ“ გაასაჩივრა მუნიციპალიტეტის აღნიშნული გადაწყვეტილება სასამართლოში, რის შედეგად სასამართლომ უკანონოდ ცნო გამგებლის გადაწყვეტილება ხელშეკრულების ცალმხრივად შეწყვეტის შესახებ, რადგან შპს-ს რეალურად დაწყებული ჰქონდა სამშენებლო სამუშაოები და შესაბამისად, ხელშეკრულების შეწყვეტის მიზეზი არ არსებობდა. შპს-სა და მუნიციპალიტეტს შორის გაფორმდა მორიგება, რომლის მიხედვით, მიმწოდებელი უარს ამბობდა მუნიციპალიტეტისათვის მოეთხოვა ხელშეკრულების პირობებით განსაზღვრული პიგასამტეხლო. მიუხედავად აუდიტის ჯგუფის მიერ ჩატარებული დამატებითი აუდიტორული პროცედურებისა, ჯგუფმა ვერ მოიპოვა საკმარისი და შესაფერისი აუდიტორული მტკიცებულება იმისა, რატომ დათანხმდა შპს „სამცხე XXI“ მორიგების აღნიშნულ პირობებს. იმის გამო, რომ გამგებელმა სათანადო საფუძვლის გარეშე ცალმხრივად შეწყვიტა მიმწოდებელთან გაფორმებული ხელშეკრულება, მუნიციპალიტეტმა სოფელ ტურცხის სასმელი წყლის სარეაბილიტაციო სამუშაოები შეისყიდა 15.1 ათასი ლარით უფრო ძვირად, რაც წარმოადგენს არაეკონომიურ ხარჯს.

საპატრულო პოლიციის მიერ არ ხდება საგზაო-სატრანსპორტო შემთხვევის ადგილმდებარეობის სათანადოდ აღრიცხვა, რაც ზღუდავს "შავი წერტილების" იდენტიფიცირების შესაძლებლობას". აღნიშნული ხარვეზები ერთი მხრივ, განაპირობებს, ისეთი პრობლემური მონაკვეთების გამოვლენის შეუძლებლობას, სადაც საგზაო-სატრანსპორტო შემთხვევები ხშირად ხდება, ხოლო, მეორე მხრივ, ზღუდავს ეფექტიანი, მიზანმიმართული საპასუხო პოლიტიკის განსაზღვრის შესაძლებლობას.

2015 წელს „სოფლის მხარდაჭერის პროგრამის“ ფარგლებში, მიმწოდებელს სოფელ მაშავერაში, შესრულებული სამუშაოს აქტების მიხედვით, მოწყობილი აქვს ბეტონის სანიაღვრე არხი 220 გრძ.მ და კანალიზაციის მილი - 900 გრძ.მ, საერთო ღირებულებით - 22.7 ათასი ლარი. აუდიტის ჯგუფის მიერ დათვალიერების შედეგად ფაქტობრივად აღმოჩნდა, რომ შესრულებულია 151 გრძ. მ ბეტონის სანიაღვრე არხი, ხოლო კანალიზაციის მილი - 876 გრძ.მ-ს შეადგენს. მიუხედავად შეუსრულებელი სამუშაოებისა, მიმწოდებელს თანხა აუნაზღაურდა სრულად.

2015-2016 წლებში, ყაზბეგის მუნიციპალიტეტის საკრებულოს არაანაზღაურებად წევრებს, თავიანთი უფლებამოსილების განხორციელებასთან დაკავშირებული ხარჯების ანაზღაურების სახით, მიღებული აქვთ 24.6 ათასი ლარი. თანხა გაიცა ხარჯის დამადასტურებელი დოკუმენტაციის წარმოდგენის გარეშე.

ნინოწმინდის მუნიციპალიტეტის სატენდერო კომისიამ დაბალი ფასის მქონე პრეტენდენტის დისკვალიფიკაცია ერთ შემთხვევაში კანონმდებლობის დარღვევით განახორციელა, შედეგად სამუშაოები შეისყიდა უფრო მაღალი ღირებულებით და ბიუჯეტიდან გასწია არაეკონომიური ხარჯი.

მოქმედი კანონმდებლობის მიხედვით, შემსყიდველი ორგანიზაცია საქონლის/მომსახურების შესყიდვისას მიმწოდებელთან აფორმებს ხელშეკრულებას მუნიციპალიტეტის მოთხოვნებსა და მიმწოდებლის წინადადების გათვალისწინებით. დაუშვებელია შემსყიდველ ორგანიზაციასა და მიმწოდებელს შორის შესასრულებელი სამუშაოების შესახებ ზეპირი ფორმით შეთანხმება. 2016 წლის დეკემბერში და 2017 წლის მარტსა და აპრილში შპს „ვემ-მა“, მუნიციპალიტეტთან ზეპირი შეთანხმების საფუძველზე, შეასრულა გზების თოვლისგან გაწმენდის სამუშაოები, ღირებულებით 69.0 ათასი ლარი. გამგეობამ უარი განაცხადა მიმწოდებლისთვის აენაზღაურებინა შესრულებული სამუშაოების ღირებულება, რადგან მუნიციპალიტეტის ბიუჯეტში არ იყო გათვალისწინებული შესაბამისი თანხები, ასევე მხარეებს შორის არ არსებობდა სათანადო წესით გაფორმებული ხელშეკრულება. მიმწოდებელმა ანაზღაურების მოთხოვნით მიმართა სასამართლოს, რომლის გადაწყვეტილების საფუძველზეც გამგეობას დაეკისრა პასუხისმგებლობა, სრულად აენაზღაურებინა შესრულებული სამუშაოების ღირებულება 69.0 ათასი ლარი და სასამართლოს ხარჯები 3.9 ათასი ლარი. შედეგად, ახალქალაქის მუნიციპალიტეტის გამგეობამ (შესაბამისმა პასუხისმგებელმა პირებმა) დაარღვია შესყიდვების კანონმდებლობა და მიმწოდებელთან მოლაპარაკება აწარმოვა ზეპირი ფორმით, რის შედეგად ბიუჯეტიდან ზედმეტად გადაიხადა 3.9 ათასი ლარი.

ეკონომიკის სამინისტროს, როგორც საგზაო უსაფრთხოების საკითხებზე მაკოორდინირებელ უწყებას არ აქვს საკმარისი წინაპირობები - ინსტიტუციური შესაძლებლობები საგზაო უსაფრთხოების წამყვანი უწყების უფლებამოსილებების განხორციელებისათვის.

2016 წელს სოფელ ჩათახში სპორტული ოთახის მოწყობაზე გადახდილია 3.3 ათასი ლარი. შესრულების აქტის მიხედვით, სამუშაოები დამთავრებულია, თუმცა ადგილზე დათვალიერების შედეგად გაირკვა, რომ სამუშაოები დაუსრულებელია. კერძოდ, არ არის დასრულებული კედლის ბლოკით მოწყობისა და მეტალ-პლასტმასის ფანჯრების (2 ცალი) დამონტაჟების სამუშაოები. ამასთანავე, წარმოდგენილი დოკუმენტების მიხედვით, შენობაში მოწყობილია 2 ლითონის კარი, ხოლო დათვალიერების შედეგად აღმოჩნდა, რომ შენობას გააჩნია მხოლოდ ერთი ლითონის კარი. 2015-2016 წლებში „სოფლის მხარდაჭერის პროგრამის“ ფარგლებში, სოფელ განთიადში მოწყობილია სკვერი. მიღება-ჩაბარების აქტების მიხედვით, სკვერში მოეწყო 2 რკინის ჭიშკარი და დაიდგა 4 ძელსკამი. ადგილზე დათვალიერების შედეგად აღმოჩნდა, რომ მოწყობილია მხოლოდ ერთი რკინის ჭიშკარი, ხოლო ძელსკამები არ დგას.

ყაზბეგის მუნიციპალიტეტმა 2015-2016 წლებში სახელმწიფო შესყიდვების ელექტრონულ ველში 291 ხელშეკრულებიდან არასრულად ატვირთა 211 ხელშეკრულების შესრულების დამადასტურებელი დოკუმენტაცია, საბოლოო ანგარიშსწორების შესახებ ინფორმაცია და სხვა დოკუმენტები. გარდა ამისა, 64 ხელშეკრულებას მინიჭებული აქვს „შეუსრულებელი ხელშეკრულების“ სტატუსი, როცა თანხები სრულადაა ანაზღაურებული და ხელშკრულების მოქმედების ვადაც ამოწურულია.

ნინოწმინდის მუნიციპალიტეტის სატენდერო კომისიამ სამუშაოს შესყიდვისას, ერთ შემთხვევაში ტენდერი შეწყვიტა დაუსაბუთებლად, არაარსებითი მიზეზით. მუნიციპალიტეტმა ახალი ტენდერით სამუშაოები შეისყიდა უფრო ძვირად და გასწია არაეკონომიური ხარჯი.

2015 წელს ახალქალაქის მუნიციპალიტეტმა შპს Fin-Estate-გან შეისყიდა ქ. ახალქალაქში ქუჩებისა და ეზოების მოწყობის სამუშაოები, ღირებულებით 1 486.2 ათასი ლარი . ხელშეკრულების მიხედვით, ობიექტის საგარანტიო ვადა განისაზღვრა 2 წლით, რომლის განმავლობაშიც რაიმე წუნის გამოვლენის შემთხვევაში, მიმწოდებული ვალდებულია გამოასწოროს ხარვეზები. 2017 წლის 1 სექტემბერს აუდიტის ჯგუფის მიერ მუნიციპალიტეტის წარმომადგენლებთან ერთად, ობიექტის დათვალიერების შედეგად გამოვლინდა, რომ ჭავჭავაძის ქუჩაზე, ჯავახეთის ქუჩიდან ვაჟა-ფშაველას ქუჩამდე ჩიხში, ასფალტის საფარი ნაწილი არის დაზიანებული და ჩავარდნილი, პასუხისმგებელი პირის განმარტებით მათთვის უცნობია, თუ როდის განხორციელდა აღნიშნული ობიექტის დაზიანება. ხელშეკრულების პირობების მიხედვით, შემსყიდველის მიმართვის საფუძველზე, მიმწოდებელს საგარანტიო ვადაში უნდა გამოესწორებინა გამოვლენილი ხარვეზები. მიუხედავად იმისა, რომ მუნიციპალიტეტს გააჩნდა ვალდებულება მიმწოდებლისთვის მიემართა არსებული ხარვეზების გამოსასწორებლად, შემსყიდველს არ მიუმართავს და შესაბამისად, მიმწოდებელს არ აღმოუფხვრია არსებული ნაკლოვანებები. შედეგად სამუშაოების ნაწილი დაზიანებულია, ხოლო მუნიციპალიტეტს (შესაბამის პასუხისმგებელ პირებს) სათანადო ღონისძიებები მის გამოსასწორებლად არ გაუტარებია.

› ეკონომიკის სამინისტროს პასუხისმგებლობაში არსებული საგზაო უსაფრთხოების სამოქმედო გეგმის მიმართულებით არსებობს ნაკლოვანებები. გეგმა არ შეიცავს გაზომვად მისაღწევ ინდიკატორებს, (მაგალითად რამდენი პროცენტით შემცირდება ფატალური შემთხევების პროცენტული წილი გეგმით განსაზღვრული აქტივობების შესრულების შედეგად.) შესაბამისად, შეუძლებელია გეგმის მიხედვით განხორციელებული ღონისძიებების შედეგიანობის დადგენა.

ქალაქ ბათუმის მუნიციპალიტეტის მერიის 2015 წლის ბალანსის თანახმად, სხვა მოკლევადიანი კრედიტორული დავალიანებების ნაშთი, 2015 წლის 1 იანვრის მდგომარეობით, შეადგენს 30,414 ლარს, ხოლო 2015 წლის 31 დეკემბრის მდგომარეობით - 30,764 ლარს. 30,414 ლარის ოდენობის კრედიტორული დავალიანების დამადასტურებელი დოკუმენტაცია აუდიტის ობიექტის მიერ ვერ იქნა წარმოდგენილი. მოპოვებული მტკიცებულებებით დგინდება, რომ ქალაქ ბათუმის მუნიციპალიტეტის მერიის საბუღალტრო დოკუმენტაციაში მითითებული კრედიტორები საანგარიშო პერიოდისთვის ლიკვიდირებულია. ამასთან, ვალდებულების წარმოშობის თარიღის გამო, გასათვალისწინებელია ხანდაზმულობის საკითხიც.

2015-2016 წლებში დმანისის მუნიციპალიტეტის მიერ სამშენებლო-სარემონტო სამუშაოების განხორციელების მიზნით, გამარტივებული შესყიდვის ფორმით დადებულია 109 ხელშეკრულება, საერთო ღირებულებით - 712.0 ათასი ლარი. გაწეული ხარჯის კანონმდებლობასთან შესაბამისობის დასადგენად აუდიტის ჯგუფმა მოითხოვა ფაქტობრივი ხარჯის დამადასტურებელი დოკუმენტაცია. ფაქტობრივი ხარჯის დამადასტურებელი დოკუმენტაცია ვერ იქნა წარმოდგენილი და არც მუნიციპალიტეტის კანცელარიაშია აღრიცხული აღნიშნული დოკუმენტაციის მიღება. ასევე არც ერთი ხელშეკრულების ფარგლებში არ არის შემცირებული ასანაზღაურებელი თანხის მოცულობა, გამოყენებულ რესურსზე ფაქტობრივი დანახარჯების გათვალისწინებით. შედეგად, აუდიტის ჯგუფი ვერ გამოთქვამს მოსაზრებას მუნიციპალიტეტის მიერ გაწეული ხარჯებისა და რეალურად შესრულებული სამუშაოების ღირებულებების შესაბამისობაზე.

2015-2016 წლებში ყაზბეგის მუნიციპალიტეტმა გამარტივებული შესყიდვის საშუალებით შეისყიდა 3138.7 ათასი ლარის სამშენებელო სამუშაო. მიმწოდებლებისათვის თანხის ანაზღაურების დროს მუნიციპალიტეტი არ ითვალისწინებდა მოქმედი კანონმდებლობის მოთხოვნებს. კერძოდ, არ ითხოვდა დოკუმენტაციას ფაქტობრივი დანახარჯების შესახებ და ანგარიშსწორებას ახორციელებდა წარმოდგენილი ფორმა №2-ების შესაბამისად.

ერთ შემთხვევაში ნინოწმინდის მუნიციპალიტეტის მიერ, სავარაუდო ღირებულების მაღალი ფასით განსაზღვრამ, კონკურენციის არარსებობის პირობებში, არაეკონომიური ხარჯვა გამოიწვია.

განმავლობაშიც რაიმე წუნის გამოვლენის შემთხვევაში მიმწოდებული ვალდებულია გამოასწოროს ხარვეზები. 2017 წლის 30 აგვისტოს აუდიტის ჯგუფის მიერ ობიექტის დათვალიერების შედეგად გამოვლინდა №1 სამხედრო ქალაქის ტერიტორიის პირველ მონაკვეთზე დაზიანებული და ჩავარდნილია დაგებული ასფალტის საფარი. ხელშეკრულების პირობების მიხედვით, შემსყიდველის მიმართვის საფუძველზე, მიმწოდებელს საგარანტიო ვადაში უნდა გამოესწორებინა გამოვლენილი ხარვეზები, თუმცა მუნიციპალიტეტს (შესაბამის პასუხისმგებელ პირებს) არ მიუმართავს და შესაბამისად, მიმწოდებელს არ აღმოუფხვრია არსებული ნაკლოვანებები; მიასიკიანის ქუჩასა და თავისუფლების შესახვევში ამოჭრილი და დაზიანებულია ასფალტის გარკვეული მონაკვეთი, რომელიც უკავშირდება „ენეგოპროჯორჯიას“ მიერ ჩატარებულ სამუშაოებს. ობიექტის დათვალიერების თარიღისთვის გამგეობას არ ჰქონდა გატარებული შესაბამისი ღონისძიებები ხარვეზების გამოსწორების მიზნით. მუნიციპალიტეტის მიერ წარმოდგენილი წერილობითი ინფორმაციის მიხედვით, აუდიტის მიმდინარეობის დროს „ენერგოპროჯორჯიას“ მიერ აღნიშნული ხარვეზები აღმოფხვრილია.

› თბილისის მასშტაბით საგზაო მონიშვნები, გზის ზოლის სიგანე და დაშვებული სიჩქარე არ არის თანხვედრაში კარგ პრაქტიკასთან. შესაბამისად გზების არსებული მოწყობა და მასთან დაკავშირებული ინფრასტრუქტურა ქმნის დამატებით რისკებს საგზაო უსაფრთხოების მხრივ.

ქალაქ ბათუმის მუნიციპალიტეტის მერიის 2015 წლის ბალანსის თანახმად, მოთხოვნები ფულად სახსრებზე და მათ ექვივალენტებზე აქტივების/ მომსახურების მიწოდებით 2015 წლის 1 იანვრისა და 2015 წლის 31 დეკემბრის მდგომარეობით შეადგენს 95,013 ლარს. აუდიტის ობიექტის განმარტებით, არსებული დოკუმენტაციით არ დგინდება აღნიშნული მოთხოვნების წარმომავლობა და საფუძველი. ამასთან, ორგანიზაციას 2015 წლის განმავლობაში, მოთხოვნის აღიარების/ ფულადი სახსრების ადგილობრივ ბიუჯეტში მიმართვის უზრუნვესაყოფად ღონისძიებები არ განუხორციელებია. ვერ მოხერხდა გარე დასტურის წერილების გაგზავნა, რადგან აუდიტის ობიექტის მიერ ვერ იქნა წარმოდგენილი მოვალეთა მისამართები და სხვა მაიდენტიფიცირებელი ინფორმაცია. ზემოაღნიშნულის გამო, ფინანსური მოთხოვნების ინვენტარიზაციის ჩაუტარებლობის პირობებში, ვერ დავრწმუნდით 95,013 ლარის ოდენობის მოთხოვნის რეალობაში.

2015 წელს დმანისის მუნიციპალიტეტმა სარიტუალო დარბაზის მოსაწყობად, თეიმურაზ თეთრაძისგან, რომელსაც უკავია დმანისის მუნიციპალიტეტის გამგეობის ინფრასტრუქტურისა და ეკონომიკური განვითარების სამსახურის უფროსის თანამდებობა, შეიძინა სოფელ ამამლოში მდებარე შენობა-ნაგებობა 64.4 კვ.მ და მასზე დამაგრებული არასასოფლო-სამეურნეო დანიშნულების მიწის ნაკვეთი, ღირებულებით - 15.0 ათასი ლარი. შედეგად, თეიმურაზ თეთრაძე შევიდა ქონებრივ გარიგებაში იმ დაწესებულებასთან, სადაც ეკავა თანამდებობა. აღნიშნული ქმედებით დაირღვა „საჯარო სამსახურში ინტერესთა შეუთავსებლობისა და კორუფციის შესახებ“ საქართველოს კანონის მოთხოვნები.

2015-2016 წლებში მნიშვნელოვანი ინფრასტრუქტურული პროექტების განხორციელებისას, ყაზბეგის მუნიციპალიტეტი მიმწოდებლის მოთხოვნით ხშირად ზრდიდა შესყიდვის ობიექტის მიწოდების ვადას. ხელშეკრულებების ცვლილების ძირითად მოტივად მკაცრი კლიმატური პირობებია დასახელებული.

ნინოწმინდის მუნიციპალიტეტმა არ გაითვალისწინა ხელშეკრულებაში არსებული პირობა და სახელშეკრულებო თანხები სრულად აანაზღაურა საპროექტო-სახარჯთაღრიცხვო დოკუმენტაციის მიღება-ჩაბარების აქტების გაფორმებისას, სამშენებლო სამუშაოების დასრულებამდე.

2015-2016 წლებში „სოფლის მხარდაჭერის პროგრამის“ ფარგლებში შესრულებული სამუშაოების ადგილზე დათვალიერების შედეგად გამოვლინდა, რომ არ არის შესრულებული 4.3 ათასი ლარის სამუშაოები, რომლის ღირებულება ზედმეტად არის ანაზღაურებული მუნიციპალიტეტის (შესაბამისი პასუხისმგებელი პირების) მიერ.

› თბილისის მასშტაბით საგზაო მონიშვნები, გზის ზოლის სიგანე და დაშვებული სიჩქარე არ არის თანხვედრაში კარგ პრაქტიკასთან. შესაბამისად გზების არსებული მოწყობა და მასთან დაკავშირებული ინფრასტრუქტურა ქმნის დამატებით რისკებს საგზაო უსაფრთხოების მხრივ.

ქალაქ ბათუმის მუნიციპალიტეტის მერიის 2015 წლის ბალანსის თანახმად, აქციების და სხვა კაპიტალის ნაშთი 2015 წლის 31 დეკემბრის მდგომარეობით შეადგენს 2,029,000 ლარს. ბალანსში ასახულია მხოლოდ 2015 წელს, ქალაქ ბათუმის მუნიციპალიტეტის მიერ დაფუძნებული კერძო სამართლის იურიდიული პირების კაპიტალში განხორციელებული შენატანები . აღსანიშნავია, რომ ქალაქ ბათუმის მუნიციპალიტეტის მიერ, სხვადასხვა წლებში, განხორციელებულია ქალაქ ბათუმის მუნიციპალიტეტის მიერ დაფუძნებული კერძო სამართლის იურიდიული პირების კაპიტალში შენატანები, რაც მოქმედი რეგულაციების შესაბამისად, არ არის ასახული აქციების და სხვა კაპიტალის მონაცემებში, რადგან ოპერაცია ბიუჯეტიდან დაფინანსებული იყო სხვა ხარჯების მუხლიდან.

15000 ცალი მუყაოს ქაღალდის შესყიდვის მიზნით 2015 წლის 13 თებერვალს სამინისტროს მიერ გამოცხადებულ ელექტრონულ ტენდერში (SPA150005017) შპს „აუტოსიტი“ დისკვალიფიცირებული იქნა კანონმდებლობის დარღვევით, რაც ეწინააღმდეგება „სახელმწიფო შესყიდვების შესახებ“ საქართველოს კანონის მე-2 მუხლის „ა“ პუნქტით განსაზღვრულ მიზანს და ვალდებულებას (სახელმწიფო შესყიდვებისათვის განკუთვნილი ფულადი სახსრების რაციონალური ხარჯვის უზრუნველყოფა).

2015 წელს დმანისის მუნიციპალიტეტმა სახელმწიფო შესყიდვების კანონმდებლობის მოთხოვნათა გვერდის ავლით, შპს „ხვამლი 777“-თან გაფორმებული ხელშეკრულების საფუძველზე განახორციელა საექსპერტო მომსახურების შესყიდვა, ღირებულებით 11.0 ათასი ლარი. შეძენილი მომსახურება არ იყო ასახული ორგანიზაციის შესყიდვების წლიურ გეგმაში და არც სახელმწიფო შესყიდვების სააგენტოს მიეწოდა ანგარიში განხორციელებული შესყიდვის შესახებ

2015 წელს მუნიციპალიტეტმა, 5 ხელშეკრულების პირობების შეუსრულებლობისთვის, არ გამოიყენა საჯარიმო სანქციების გავრცელების შესაძლებლობა. შესაბამისად, მიმწოდებლებზე არ არის დარიცხული 8.8 ათასი ლარის ჯარიმა.

ნინოწმინდის მუნიციპალიტეტმა ვერ უზრუნველყო სამუშაოების განხორციელება გაფორმებული ხელშეკრულების შესაბამისად, ასევე ვერ უზრუნველყო ცვლილების გაფორმება კანონმდებლობით დადგენილი წესით და შესაბამისი დასაბუთებით.

2015-2016 წლებში „სოფლის მხარდაჭერის პროგრამის“ ფარგლებში შესრულებული სამუშაოების ადგილზე დათვალიერების შედეგად გამოვლინდა, რომ 15.2 ათასი ლარის სამუშაოები ხარვეზიანია, ფუნქციონირებს შეფერხებით, შესაბამისად, მუნიციპალიტეტის ბიუჯეტიდან აღნიშნული თანხა გახარჯულია არაეფექტიანად.

› თბილისის მასშტაბით საგზაო მონიშვნები, გზის ზოლის სიგანე და დაშვებული სიჩქარე არ არის თანხვედრაში კარგ პრაქტიკასთან. შესაბამისად გზების არსებული მოწყობა და მასთან დაკავშირებული ინფრასტრუქტურა ქმნის დამატებით რისკებს საგზაო უსაფრთხოების მხრივ.

ქალაქ ბათუმის მუნიციპალიტეტის მერიის 2015 წლის ბალანსის თანახმად, არაწარმოებული აქტივების ნაშთი, 2015 წლის 1 იანვრის და 2015 წლის 31 დეკემბრის მდგომარეობით, შეადგენს 7,670,401 ლარს. აუდიტის შედეგად დგინდება, რომ ქალაქ ბათუმის მუნიციპალიტეტის მერიის ბალანსზე არსებული არასასოფლო-სამეურნეო დანიშნულების მიწის ნაკვეთები პრივატიზებულია ან/და გადაცემულია მესამე პირებზე. აგრეთვე, არ იდენტიფიცირდება ბალანსზე არსებული ორი ერთეული მიწის ნაკვეთის მფლობელობა

მუნიციპალიტეტის მიერ შტატგარეშე მოსამსახურეებთან გაფორმებული შრომითი ხელშეკრულებების შესწავლით გამოვლინდა, რომ შტატგარეშე მოსამსახურეები ინიშნებიან როგორც მთელი წლის, ისე 1-6 თვემდე ვადით და შემდეგ უგრძელდებათ ვადა. ხელშეკრულებები უმეტეს შემთხვევაში გაფორმებულია მთელი წლის ვადით, საკრებულოსა და გამგეობის სპეციალისტის უფლება-მოვალეობების შესასრულებლად. შედეგად, მუნიციპალიტეტის მიერ შტატგარეშე მოსამსახურეები დანიშნული არიან ფაქტობრივად მუდმივ ამოცანათა შესასრულებლად.

2015 წელს, „სოფლის მხარდაჭერის პროგრამის“ ფარგლებში, ყაზბეგის მუნიციპალიტეტმა შეისყიდა სოფელ ოქროყანაში ხიდის რეაბილიტაციის სამუშაო. მიწოდების ვადად განისაზღვრა 2015 წლის 25 დეკემბერი. პასუხისმგებელი პირის განმარტებით, მუნიციპალიტეტმა ვერ შეასრულა ხიდზე მოსაწყობი არსებული ფოლადის მილების მიწოდების ვალდებულება. სამუშაო დაუსრულებელი იყო აუდიტის მიმდინარეობის პერიოდშიც. შესაბამისად, 32.4 ათასი ლარი დაიხარჯა ისეთ პროექტზე, რომლითაც მოსახლეობა ვერ სარგებლობს.

ნინოწმინდის მუნიციპალიტეტმა რამდენიმე შემთხვევაში ხელშეკრულებებში სამუშაოს შესრულების ვადები დაადგინა, სატენდერო დოკუმენტაციით განსაზღვრულ პირობებთან შეუსაბამოდ.

ახალქალაქის მუნიციპალიტეტის გამგეობაში შექმნილი შიდა აუდიტის სამსახურის მიზანია გამგეობის სტრუქტურულ ქვედანაყოფებსა და მუნიციპალიტეტის მიერ დაფუძნებულ იურიდიულ პირებში ჩაატაროს სისტემური, შესაბამისობის, ეფექტიანობის, ფინანსური და ინფორმაციული ტექნოლოგიების აუდიტი. ახალქალაქის მუნიციპალიტეტის შიდა აუდიტის სამსახურს 2015-2016 წლებში არ შეუსწავლია გამგეობის სტრუქტურული ერთეულების საქმიანობა, არ შეუფასებია შეესაბამება თუ არა მუნიციპალიტეტის საქმიანობა დაგეგმილ მიზნებსა და ამოცანებს, რამდენად კანონიერად, მიზნობრივად და ეფექტიანად ხდება დაფინანსების გამოყენება, დანერგილია თუ არა ადეკვატური მართვისა და კონტროლის მექანიზმები და სხვ. მუნიციპალიტეტის სტრუქტურულ ერთეულებზე შიდა აუდიტის სამსახურს არ გაუცია შესაბამისი რეკომენდაციები, რაც უზრუნველყოფდა რისკების მართვისა და შიდა კონტროლის სისტემის გაუმჯობესებას.

› სსდ საავტომობილო გზების დეპარტამენტის საგზაო მოძრაობის უსაფრთხოებისა და ორგანიზაციის სამსახურის მიერ დანერგილი უსაფრთხოების მექანიზმების მიუხედავად, სამსახურს არ გააჩნია წინაპირობები, რომლებიც შესაძლებელს გახდის მყისიერად გატარდეს საგზაო უსაფრთხოების პრევენციული ღონისძიებები.

დეპარტამენტის მიერ, ხელვაჩაურის მუნიციპალიტეტში ს/გზა „ორთაბათუმი-მასაური“ კმ0+000 - კმ1+530 მონაკვეთზე ასფალტბეტონის საფარის მოწყობის სამუშაოების შესყიდვის მიზნით, გაფორმებულ ხელშეკრულებაში ცვლილებები განხორცილედა მოქმედი რეგულაციებისა და მხარეებს შორის არსებული ხელშეკრულების პირობების დაუცველად.

2015-2016 წლებში დმანისის მუნიციპალიტეტს გააჩნდა 8 სამსახურებრივი ავტომანქანა. მუნიციპალიტეტის საკრებულოს არ ჰქონდა შემუშავებული შესაბამისი წესი, ავტომანქანების განაწილებისა და ზღვრული ოდენობის შესახებ. რაციონალურობისა და გონივრულობის პრინციპებიდან გამომდინარე, მუნიციპალიტეტს შეეძლო ემოქმედა საქართველოს მთავრობის დადგენილებით განსაზღვრული წესით. აღნიშნული წესის მიხედვით, დმანისის მუნიციპალიტეტისათვის საშტატო რიცხოვნობის გათვალისწინებით, რეკომენდებული იყო 5 ავტომანქანა. დმანისის მუნიციპალიტეტში საწვავის ხარჯვა რეგულირდება მუნიციპალიტეტის გამგებლის მიერ გამოცემული ინდივიდუალური ადმინისტრაციულ-სამართლებრივი აქტით , რომლის მიხედვით, საწვავი გაიცემა ყოველთვიურად, წლის განმავლობაში. 2015-2016 წლებში მუნიციპალიტეტის მიერ საავტომობილო საწვავზე გახარჯულია 94,7 ათასი ლარი. საწვავი გაცემულია მუნიციპალიტეტის საკუთრებაში არსებულ 8 ავტომანქანაზე. აღსანიშნავია, რომ მუნიციპალიტეტის გამგებლის მიერ კანონმდებლობის დარღვევით გამოცემული ბრძანებით დადგენილი ლიმიტები, საანგარიშო პერიოდში დარღვეულია 49 შემთხვევაში.

2016 წელს ყაზბეგის მუნიციპალიტეტმა შეისყიდა 3.8 ათასი ლარის ღირებულების ფილები, სოფელ კარკუჩის სარიტუალო სახლისთვის. ფილები არ არის მოწყობილი და დასაწყობებულია სარიტუალო სახლის შენობაში.

ნინოწმინდის მუნიციპალიტეტში შესრულებული ინფრასტრუქტურული პროექტები, ორ შემთხვევაში დაზიანებულია. მუნიციპალიტეტს არ მიუმართავს მიმწოდებლებისათვის ხელშეკრულების პირობებით გათვალისწინებულ საგარანტიო ვადაში ხარვეზების გამოსწორების მოთხოვნით. შედეგად, მოსახლეობამ ვერ მიიღო პროექტით გათვალისწინებული სარგებელი გრძელვადიან პერიოდში.

მუნიციპალიტეტმა 2016 წელს შეისყიდა გზის კაპიტალური შეკეთების სამუშაოები საერთო ღირებულებით 1 095.0 ათასი ლარი. ხელშეკრულების ფარგლებში სამუშაოების ნაწილი საერთო ღირებულებით 116.2 ათასი ლარი დასრულდა 2016 წელს ხოლო დარჩენილი ნაწილი დასრულდა და შესაბამისად ანაზღაურება განხორციელდა 2017 წელს. შედეგად 2016 წელს ნაწილობრივ შესრულებული სამუშაოები ახალქალაქის მუნიციპალიტეტის ბალანსში წარმოდგენილი უნდა იყოს „დაუმთავრებელი მშენებლობის“ მუხლში.

დეპარტამენტმა, შუახევის მუნიციპალიტეტის 5.2 ს/გზა „შუახევი-უჩამბა“ კმ0+000 - კმ3+500 მონაკვეთზე, ასფალტბეტონის საფარის მოწყობის სამუშაოების შესყიდვის მიზნით გააფორმა ხელშეკრულება მიმწოდებელთან, სახელშეკრულებო ღირებულებით 940 450 ლარი. დეპარტამენტმა შესრულებული სამუშაოების მიღება-ჩაბარება, განახორციელა იმ პირობებში, როდესაც მიმწოდებლის მიერ არ იყო წარმოდგენილი ხელშეკრულებით დადგენილი პირობების შესაბამისი საექსპერტო დასკვნა.

მუნიციპალიტეტის საკრებულოს წევრებზე ხარჯების ანაზღაურების სახით საანგარიშო პერიოდში დახარჯული თანხა სულ შეადგენს 197.1 ათას ლარს. წარმოდგენილი ინფორმაციით, ხარჯის ანაზღაურება ხორციელდებოდა საკრებულოს განკარგულებით, რომლის საფუძველია საკრებულოს წევრების მონაწილეობა განსაზღვრულ საქმიანობაში. საკრებულოს სხდომებსა და მის საქმიანობაში მიღებული მონაწილეობის ამსახველი დოკუმენტაცია არ შეიცავს მონაცემებს კონკრეტულად გაწეული დანახარჯების შესახებ და არ არის საკმარისი და შესაფერისი მტკიცებულება ხარჯის დასადასტურებლად.

ყაზბეგის მუნიციპალიტეტმა, გადაუდებელი აუცილებლობის მოტივით, განახორციელა 3 შესყიდვა, საერთო ღირებულებით 31.1 ათასი ლარი. შესყიდვის საშუალებად გამგეობამ გამოიყენა გამარტივებული შესყიდვის ფორმა. აღნიშნული არ წარმოადგენდა გადაუდებელ აუცილებლობას, რადგან შესაძლებელი იყო მათი წინასწარი დაგეგმვა და ტენდერის გამოყენება.

ინფრასტრუქტურული პროექტების დაგეგმვისას, სამ შემთხვევაში ნინოწმინდის მუნიციპალიტეტმა ვერ უზრუნველყო ობიექტის დასრულება და ფუნქციონირება, რადგან არ გაითვალისწინა საჭირო ფინანსური რესურსი. შედეგად მოსახლეობა შექმნილი მატერიალური სიკეთით ვერ სარგებლობს და პროექტებზე გაწეული ხარჯი არ არის ეფექტიანი.

ახალქალაქის მუნიციპალიტეტის 2016 წლის ფინანსურ ანგარიშგებაში „შენობა-ნაგებობების“ მუხლში აღრიცხულია სხვა პირებზე უსასყიდლო უზუფრუქტით გადაცემული ჰიგიენის შენობა და ორი ამბულატორია საერთო ღირებულებით 277.9 ათასი ლარი, რომელსაც ერიცხება ცვეთა 6.6 ათასი ლარის ოდენობით. მოქმედი კანონმდებლობის მიხედვით, გრძელვადიანი უზუფრუქტით გაცემული შენობა მუნიციპალიტეტმა უნდა მოხსნას საკუთარი ბალანსიდან და გადავიდეს იმ ორგანიზაციის ბალანსზე, რომელიც ფაქტობრივად იყენებს მას. შესაბამისად, ბალანსში „შენობა-ნაგებობების“ მუხლში არასწორადაა ასახული 277.9 ათასი ლარის ღირებულების შენობები. აღნიშნული შენობების ცვეთა წარმოადგენს იმ ორგანიზაციის ხარჯს, რომელიც ფაქტობრივად იყენებს აქტივს, შესაბამისად, მუნიციპალიტეტის ხარჯების ცვეთის თანხით გაზრდილადაა წარმოდგენილი ფინანსურ ანგარიშგებაში.

დეპარტამენტმა 2015 წლის განმავლობაში, გამარტივებული შესყიდვის საშუალებით სამშენებლო სამუშაოების შესყიდვის მიზნით გაფორმებული ხელშეკრულებების ფარგლებში განახორციელა 1 535 845 ლარის გადახდა იმ პირობებში, როდესაც მიმწოდებლების მიერ არ მომხდარა ინფრომაციის წარდგენა ფაქტობრივი დანახარჯების შესახებ.

არამართლზომიერია 2012 წლის მთავრობის განკარგულებებით „სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარების“ მოტივით 2015 წელს ორ შემთხვევაში 49,680 ლარის IT მომსახურების გამარტივებული შესყიდვების განხორციელება.

2015-2016 წლებში დმანისის მუნიციპალიტეტის მიერ შპს „დაუ+“-სთან გაფორმებული ხელშეკრულების საფუძველზე, შეძენილია საკონსულტაციო მომსახურება, ღირებულებით 9.6 ათასი ლარი. აღსანიშნავია, რომ იმ პირობებში, როდესაც დმანისის მუნიციპალიტეტში საფინანსო სამსახურში დასაქმებულია 7 თანამშრომელი, რომელთა უფლება-მოვალეობაა საბიუჯეტო კანონმდებლობის ცოდნა და პრაქტიკაში განხორციელება, მიზანშეწონილი არ არის ანალოგიურ საკითხებზე კონსულტანტის მომსახურების შესყიდვა და ხარჯის გაწევა.

საქართველოს მთავრობის 2016 წლის სამართლებრივი აქტით სოფლის მხარდაჭერის პროგრამის ფარგლებში საქონლის, სამუშაოს და მომსახურების შესყიდვა უნდა განხორციელებულიყო გამარტივებული ელექტრონული ტენდერით. მიუხედავად ამისა, ყაზბეგის მუნიციპალიტეტის გამგეობამ 2016 წელს 3 ხელშეკრულებისათვის, ღირებულებით 7.7 ათასი ლარი გამოიყენა გამარტივებული შესყიდვა.

ცალკეული ხელშეკრულების შესრულებისას, მუნიციპალიტეტის მიერ არ არის გამოყენებული საჯარიმო სანქციები ან დარიცხული საჯარიმო თანხის მიღებისათვის გამგეობას არ გაუტარებია დამატებითი სამართლებრივი ღონისძიებები. შედეგად, მოსახლეობამ დროულად ვერ მიიღო პროექტით გათვალისწინებული სარგებელი, ხოლო მუნიციპალიტეტის ბიუჯეტში არ არის მიმართული შესაბამისი ფინანსური რესურსი.

2016 წლის ფინანსურ ანგარიშგებაში მუნიციპალიტეტს არ აქვს აღრიცხული 46.8 ათასი ლარის საოფისე ინვენტარი. პასუხისმგებელი პირის განმარტებით, აღნიშნული განპირობებულია მექანიკური შეცდომით აქტივების ჯამის გადმოტანის დროს, შედეგად ბალანსის „მანქანა-დანადგარები და ინვენტარის“ მუხლი შემცირებულადაა წარმოდგენილი.

2015 წლის ინვენტარიზაციის შედეგად გამოვლინდა დაწესებულების ადმინისტრაციულ შენობაში არსებული მატერიალური ფასეულობები, რომლებიც არ ირიცხებოდა დეპარტამენტის ბალანსზე. მოქმედი კანონმდებლობით, ინვენტარიზაციის შედეგად გამოვლენილი ზედმეტობით, ორგანიზაციაში გაიზრდება წმინდა ღირებულება, როგორც სხვა ეკონომიკური ნაკადი, რაც დეპარტამენტის მიერ არ განხორციელებულა. ინვენტარიზაციის მასალების აუდიტით გამოვლინდა, რომ დადგენილი წესით არ არის გაფორმებული ხელშეკრულებები სრული მატერიალური პასუხისმგებლობის შესახებ.

მაღალია გამარტივებული შესყიდვების ხვედრითი წილი სახელმწიფო შესყიდვების მთლიან მოცულობაში. კერძოდ, 2015 წელს სამინისტროს მიერ წლის განმავლობაში გაფორმებული 324 შესყიდვის ხელშეკრულებიდან, ჯამური ღირებულებით 2,225.4 ათასი ლარი, შესყიდვების მთლიანი ღირებულების 55.9% (1,243.6 ათასი ლარი) გამარტივებული შესყიდვის ფორმითაა განხორციელებული (270 ხელშეკრულება);

დმანისის მუნიციპალიტეტის მიერ ა(ა)იპ „ქვემო ქართლის რეგიონალურ განვითარების სააგენტოს“ ანგარიშზე 2015-2016 წლებში გადარიცხულია 52.0 ათასი ლარი. მათ შორის, 2015 წელს გადარიცხულია 32.0 ათასი ლარი, ხოლო 2016 წელს - 20.0 ათასი ლარი. დმანისის მუნიციპალიტეტმა ვერ წარმოადგინა ინფორმაცია იმის შესახებ თუ რა აქტივობები განახორციელა ა(ა)იპ „ქვემო ქართლის რეგიონალური განვითარების სააგენტომ“ და შედეგად რა სარგებელი მიიღო თვითმმართველობამ.

2015 წელს ყაზბეგის მუნიციპალიტეტმა შეისყიდა სოფელ ტყარშეტის რიტუალების სახლის სარემონტო სამუშაოები. ობიექტის დათვალიერებისას აღმოჩნდა, რომ დაზიანებულია შენობის ჭერი. კერძოდ, დეფორმირებულია და ცალკეული დეტალები საჭიროებს ხელახლა მოწყობას.

ცალკეული ხელშეკრულების შესრულებისას, მუნიციპალიტეტის მიერ არ არის გამოყენებული საჯარიმო სანქციები ან დარიცხული საჯარიმო თანხის მიღებისათვის გამგეობას არ გაუტარებია დამატებითი სამართლებრივი ღონისძიებები. შედეგად, მოსახლეობამ დროულად ვერ მიიღო პროექტით გათვალისწინებული სარგებელი, ხოლო მუნიციპალიტეტის ბიუჯეტში არ არის მიმართული შესაბამისი ფინანსური რესურსი.

მუნიციპალიტეტს 2016 წლის ფინანსურ ანგარიშგებაში ნულოვანი ღირებულებით აქვს წარმოდგენილი ნალბანდიანის ქუჩაზე მდებარე მიწის ნაკვეთი. გამომდინარე იქედან, რომ აღნიშნული მიწის ნაკვეთის ღირებულება არ არის შეფასებული, საფინანსო სამსახურმა მისი აღრიცხვა ფინანსურ ანგარიშგებაში მოახდინა ნულოვანი ღირებულებით. შედეგად ფინანსურ ანგარიშგებაში შემცირებული ღირებულებითაა წარმოდგენილი „არაწარმოებული აქტივების“ მუხლი. აღნიშნული გარემოება გავლენას ახდენს ფინანსური ანგარიშგებაში ბალანსი - ფორმა N1-ზე, სადაც მიწის ღირებულებით არასწორადაა წარმოდგენილი „არაწარმოებული აქტივებისა“ და „წმინდა ღირებულების“ მუხლები.

კომპანიის მიერ საწვავის ხარჯვასთან დაკავშირებით შექმნილი შიდა კონტროლის სისტემა ვერ უზრუნველყოფს ხარჯად აღიარებული საწვავის რელობას.

სამინისტროში „სახელმწიფო ავტოპარკის გადანაწილების, კლასიფიკაციისა და სამსახურებრივი ავტომანქანის შესყიდვის ან ჩანაცვლების წესის დამტკიცების შესახებ“ საქართველოს მთავრობის 2014 წლის 6 თებერვალის N121 დადგენილების მოთხოვნათა დარღვევით დეპარტამენტის უფროსის ან მასთან გათანაბრებული თანამდებობის პირებისათვის 4 შემთხვევაში უფრო მაღალი კლასის მანქანებია განპიროვნებული ვიდრე გათვალისწინებული იყო

ყაზბეგის მუნიციპალიტეტის 2016 წლის ფინანსურ ანგარიშგებაში არ არის დაცული საბალანსო ტოლობა (აქტივები=ვალდებულებებს+კაპიტალი), რაც გავლენას ახდენს მთლიანად ფინანსური ანგარიშგების სიზუსტეზე, სისრულესა და შესაბამისობაზე.

სამუშაოების შესრულების პროცესში, ერთ შემთხვევაში მიმწოდებელს არ წარმოუდგენია გაუთვალისწინებელი ხარჯების ფარგლებში შესრულებული სამუშაოების დამადასტურებელი დოკუმენტები (ფორმა №2). ამრიგად, ნინოწმინდის მუნიციპალიტეტმა სამუშაოები ჩაიბარა და ანგარიშსწორება განახორციელა ისე, რომ არ ფლობს ინფორმაციას, შესრულდა თუ არა სამუშაოები გაუთვალისწინებელი ხარჯების ფარგლებში.

ახალქალაქის მუნიციპალიტეტის 2016 წლის ფინანსური ანგარიშგების დანართ N3-ში „ანგარიში წმინდა ღირებულების შესახებ“ სხვა შემოსავლების მუხლში აღრიცხულია 1 283.8 ათასი ლარი მაშინ როდესაც მუნიციპალიტეტმა ფაქტობრივად მიიღო 3 048.1 ათასი ლარი. შედეგად აღნიშნული მუხლი შემცირებულადაა წარმოდგენილი 1 764.3 ათასი ლარით.

აფხაზეთის მთავრობის სარეზერვო ფონდი იქმნება ავტონომიური რესპუბლიკის რესპუბლიკურ ბიუჯეტში გაუთვალისწინებელი გადასახდელების დასაფინანსებლად, თუმცა, 2015 წელს, ისევე როგორც წინა წლებში, აფხაზეთის მთავრობის თავმჯდომარის შესაბამისი ბრძანებების საფუძველზე მთავრობის სარეზერვო ფონდიდან მაინც გაიცა 87,900.00 ლარი ისეთი გადასახდელებისათვის (სოციალური-მატერიალური დახმარებები), რომლებიც გათვალისწინებული იყო 2015 წლის რესპუბლიკურ ბიუჯეტში აფხაზეთის მთავრობის წარმომადგენლობების ასიგნებებში. სარეზერვო ფონდიდან რიგ შემთხვევებში ფიზიკურ პირებზე წლის განმავლობაში რამდენჯერმე (2-ჯერ, 3-ჯერ) სხვადასხვა მიზეზების გამო (სოციალური მდგომარეობა, მკურნალობისთვის და სხვ.) იყო გაცემული ჯამში 15,550.00 ლარი. თუმცა, ანალოგიური პრობლემებით და მსგავსი მდგომარეობით შემოსული განცხადებების დაკმაყოფილება მთელ რიგ შემთხვევებში არ მომხდარა და ისინი გადაიგზავნა რეაგირებისთვის აფხაზეთის მთავრობის წარმომადგენლობებსა და სხვა დაწესებულებებში. დადგენილი კანონმდებლობიდან გამომდინარე, სარეზერვო ფონდიდან თანხების გამოყოფა ხდებოდა მთავრობის თავმჯდომარის გადაწყვეტილებით და ,,აფხაზეთის ავტონომიური რესპუბლიკის მთავრობის აპარატში რისკების მინიმუმამდე შემცირების მიზნით ფინანსური მართვისა და კონტროლის სისტემის დამტკიცების შესახებ“ მთავრობის თავმჯდომარის ბრძანების შესაბამისად, რომელიც იყო ზოგადი ხასიათის და არეგულირებდა სარეზერვო ფონდიდან თანხის გამოყოფასა და განკარგვასთან დაკავშირებით მთავრობის აპარატში რისკების მინიმუმამდე შემცირების მიზნით ფინანსური მართვისა და კონტროლის სისტემის შიდა რეგულაციებს. აუდიტის ჯგუფისთვის წარმოდგენილი არ ყოფილა სხვა რაიმე დოკუმენტი, სადაც ასახული იქნებოდა კონკრეტული კრიტერიუმები იმის შესახებ, თუ რა პრინციპებით და რამდენად სამართლიანად ხდებოდა დასაფინანსებელი პირების შერჩევა

სსიპ ,,ფინანსთა სამინისტროს მომსახურების სააგენტოდან ‘’ 2015 წლის 27 მაისის N1714 ბრძანების საფუძველზე, 2015 წლის 06 ივნისს სამინისტროს უსასყიდლოდ გადაცემული აქვს ახალი ავტომანქანა ,,ტოიოტა ქამრი“. აღნიშნული ავტომანქანის გადაცემის აუცილებლობა სამინისტროში არ არსებობდა, მას ისედაც გააჩნდა პირველი კლასის მანქანების იმ რაოდენობაზე მეტი, ვიდრე ეს საქართველოს მთავრობის 2014 წლის 6 თებერვლის N121 დადგენილებით იყო განსაზღვრული თანამდებობის პირებისათვის. აღნიშნულით არ არის დაცული „სახელმწიფო ავტოპარკის გადანაწილების, კლასიფიკაციისა და სამსახურებრივი ავტომანქანის შესყიდვის ან ჩანაცვლების წესის დამტკიცების შესახებ“ საქართველოს მთავრობის N121 დადგენილების დანართის - გ) და დ) ქვეპუნქტების მოთხოვნები;

ყაზბეგის მუნიციპალიტეტის 2016 წლის ფინანსურ ანგარიშგება შეიცავს არსებითი ხასიათის ცდომილებებს „სხვა მატერიალური მარაგების“, შენობა-ნაგებობების“, „მანქანა-დანადგარების და ინვენტარის“, „ვალდებულებებისა“, „სხვა დანარჩენი საქონელი და მომსახურებისა“ და სხვ. მუხლობრივ გატარებებში.

ნინოწმინდის მუნიციპალიტეტმა რიგი სამშენებლო სამუშაოები შეისყიდა გამარტივებული შესყიდვის საშუალებით. ობიექტები ჩაბარებულია და ანგარიშსწორება განხორციელებულია ფაქტობრივი დანახარჯების დამადასტურებელი დოკუმენტების წარმოდგენის გარეშე, რაც ეწინააღმდეგება მოქმედ კანონმდებლობას და არსებული პრაქტიკით იწვევს საბიუჯეტო სახსრების ზედმეტად ანაზღაურებას.

მუნიციპალიტეტმა ვერ უზრუნველყო ბიუჯეტით დაგეგმილი პროექტების დროულად განხორციელება, სათანადოდ ვერ დაგეგმა მისაღები შემოსავლები და თავისუფალი ნაშთის (2015 წლის ბოლოს 852,9 ათასი, 2016 წლის ბოლოს 2367,7 ათასი) გამოყენება. აღნიშნული მიუთითებს მუნიციპალიტეტის მფლობელობაში არსებული ფინანსური რესურსების არაეფექტიან მართვაზე. შედეგად, მოსახლეობა ვერ სარგებლობს იმ სიკეთით, რაც შესაძლოა მიწოდებულ იქნას ბიუჯეტში მობილიზებული სახსრების დროული და ეფექტიანი გამოყენებით.

კომპანიის მიერ სახელმწიფო შესყიდვების განხორციელებასთან დაკავშირებით შექმნილი შიდა კონტროლის სისტემა სრულად ვერ უზრუნველყოფს მომწოდებლების მხრიდან სახელშეკრულებო ვალდებულებების შესრულებაზე ეფექტურ ზედამხედველობას, რაც მომწოდებლების მხიდან ვალდებულების არასრულად შესრულებაში, პირგასამტეხლოს გაუვცელებლობასა და ხელშეკრულებებში განხორციელებულ არაარგუმენტირებულ ცვლილებებში გამოიხატება

რიგ შემთხვევებში საწვავი დახარჯულია დიდი ოდენობით (სამინისტროს ავტომანქანები 2015 წლის განმავლობაში, სამუშაო დღეებში, ხშირ შემთხვევებში საწვავის ხარჯის მიხედვით საშუალოდ გადიოდნენ 150-დან 400 კმ-მდე მანძილს). საწვავის ხარჯვის ლიმიტების დასაბუთების შესახებ დოკუმენტები - გაანგარიშებები წარმოდგენილი ვერ იქნა.

2016 წელს ყაზბეგის მუნიციპალიტეტში ქონების, მოთხოვნებისა და ვალდებულებების ინვენტარიზაცია არ ჩატარებულა. შესაბამისად მუნიციპალიტეტს არ აქვს დაწესებული კონტროლი ფინანსური და არაფინანსური აქტივების დაცულობაზე, არ განუხორციელებია აქტივებისა და ვალდებულებების ფაქტიური ნაშთების შედარება ორგანიზაციის სააღრიცხვო მონაცემებთან და სხვ.

ნინოწმინდის მუნიციპალიტეტმა დღგ-ის არგადამხდელ ფირმებს სრულად აუნაზღაურა დღგ-ის თანხა. ამდენად, მიმწოდებლებზე დღგ-ის თანხა გადახდილია ზედმეტად.

დედოფლისწყაროს მუნიციპალიტეტის წარმომადგენლობითი ხარჯის მუხლიდან გაწეულ ხარჯებზე, ვერ დგინდება ჩატარებული ღონისძიებების დასახელება, სტუმრობის მიზანი, სტუმართა და მასპინძელთა ოდენობა და სხვა მონაცემები. შესაბამისად, მუნიციპალიტეტის მიერ გაწეული 43,1 ათასი ლარის წარმომადგენლობითი ხარჯის მიზანშეწონილობა დოკუმენტურად არ არის დასაბუთებული.

მთავრობის თავმჯდომარის ბრძანებების საფუძველზე აპარატის თანამშრომლებზე წლის განმავლობაში გაცემული დანამატების ოდენობამ ჯამში შეადგინა 7,314.00 ლარი. ბრძანებების მიხედვით დანამატები გაცემულ იქნა შრომის ანაზღაურების ფონდში წარმოქმნილი ეკონომიის ფარგლებში „ზეგანაკვეთური და განსაკუთრებით საპასუხისმგებლო ფუნქციური დატვირთვის გათვალისწინებით“. ვინაიდან ორგანიზაციის მიერ არ იყო ნაწარმოები „სამუშაო დროის გამოყენების და ხელფასის გაანგარიშების აღრიცხვის ტაბელი“, ხოლო „მომსახურეთა აღრიცხვის ჟურნალის“ მონაცემებში არ ფიქსირდებოდა სამსახურში გამოცხადების და წასვლის დრო (საათი), აუდიტის ჯგუფს ვერ წარედგინა მტკიცებულება, რომლითაც დადასტურდებოდა თანამშრომელთა მიერ ზეგანაკვეთურად მუშაობის ფაქტები

2015 წელს წარმომადგენლობითი ხარჯები წინა წელთან შედარებით შემცირებულია 20.3%-ით, თუმცა 57.7%-ით არის გაზრდილი 2013 წელთან შედარებით;

ნინოწმინდის მუნიციპალიტეტის შიდა აუდიტის განყოფილების სტრუქტურული მოწყობა ეწინააღმდეგება საქართველოში მოქმედ კანონმდებლობას და შესაბამისად შიდა აუდიტის განყოფილების საქმიანობა არ შეესაბამება „სახელმწიფო შიდა ფინანსური კონტროლის შესახებ“ საქართველოს კანონის მოთხოვნებს.

შტატგარეშე მოსამსახურეებთან გაფორმებული შრომითი ხელშეკრულებების ნაწილი არ შეიცავს დროში განსაზღვრულ რაიმე კონკრეტულ დავალებას, შესასრულებელი სამუშაოს ან გასაწევი მომსახურების სპეციფიკას. შესაბამისად, შრომით ურთიერთობებს ხანგრძლივი ვადით, ფაქტობრივად მუდმივ ამოცანათა შესასრულებლად აწესრიგებს, რაც წინააღმდეგობაშია შტატგარეშე მოსამსახურის დაქირავების პრინციპთან.

სსიპ „ნავთობისა და გაზის ეროვნული სააგენტო“ საკუთარი სახსრებით გაწეულ ხარჯებს ბუღალტრულ ჩანაწერებში ასახავს არა 7000 ანგარიშზე არამედ 6000 ანგარიშზე, რაც შეუსაბამოა საქართველოს ფინანსთა მინისტრის ბრძანება N429-ით დამტკიცებულ ინსტრუქციასთან „საბიუჯეტო ორგანიზაციების ბუღალტრული აღრიცხვის და ფინანსური ანგარიშგების შესახებ“.

აფხაზეთის ავტონომიური რესპუბლიკის მთავრობის თავმჯდომარის და მთავრობის აპარატის უფროსის ბრძანებების საფუძველზე 2015 წელს პრემიების სახით გაცემულმა თანხამ შეადგინა 120,173.50 ლარი. აპარატის უფროსის მიერ პრემიებთან დაკავშირებით ბრძანებების გამოცემის საფუძველად წარმოდგენილი იყო მთავრობის თავმჯდომარის მიერ გამოცემული ინდივიდუალურ-სამართლებრივი აქტი - ბრძანება, ასევე გამოცემული ბრძანებების საფუძვლებში, მითითებული იყო ნორმატიული აქტი - მთავრობის დადგენილება, რომლის მიხედვით პრემიის გაცემის შესახებ გადაწყვეტილებას იღებს საჯარო დაწესებულების ზემდგომი თანამდებობის პირი (მთავრობის თავმჯდომარე). მოქმედი კანონმდებლობის მოთხოვნებიდან გამომდინარე, აფხაზეთის ავტონომიური რესპუბლიკის მთავრობის დადგენილების გამოცემის შემდეგ, აპარატის უფროსს (ხელმძღვანელ თანამდებობის პირს) არ ჰქონდა უფლებამოსილება მთავრობის აპარატში თანამშრომელთა პრემირებასთან დაკავშირებით 2015 წლის განმავლობაში გამოეცა ჯამში 49 ბრძანება (თანხით - 111,568.50 ლარი); დადგენილი წესის თანახმად, უქმე დღეებთან დაკავშირებით პრემია შეიძლება გაიცეს წელიწადში არაუმეტეს სამჯერ, თუმცა უქმე დღეებთან დაკავშირებით რამდენიმე თანამშრომელზე წლის განმავლობაში გაიცა მე-4 პრემიაც (ჯამში 2,054.00 ლარი). გარდა აღნიშნულისა, რიგ შემთხვევებში სტრუქტურული ერთეულების ხელმძღვანელებზე პრემიები გაცემული იყო ინიცირების გარეშე.

სამინისტროში წლის დასაწყისში გამოცემული ერთი ბრძანების და მასში შეტანილი ცვლილებების საფუძველზე, ადგილი ჰქონდა კონკრეტულ თანამშრომლებზე წინასწარ, მთელი წლის განმავლობაში დანამატის დანიშვნის ფაქტებს, რაც თავისი ყოველთვიური შინაარსიდან გამომდინარე თანამდებობრივი სარგოს ხასიათს ატარებს ვიდრე დანამატისას.

ნინოწმინდის მუნიციპალიტეტს არ შეუდგენია პერიოდული და წლიური ფინანსური ანგარიშგებები. შედეგად ფინანსური ანგარიშგების მომხმარებლებს არ წარედგინება ზუსტი და სრული ინფორმაცია მუნიციპალიტეტის ფინანსური მდგომარეობის შესახებ.

შტატგარეშე მოსამსახურეებზე, ხელშეკრულებით გათვალისწინებული ანაზღაურების გარდა, გაცემულია პრემია 21,7 ათასი ლარი. ხელშეკრულებების ნაწილი არ ითვალისწინებდა პრემიის გაცემას, ხოლო დანარჩენში აღნიშნულია, რომ დამქირავებელს უფლება აქვს შრომის შედეგების მიხედვით გამოიყენოს კანონით გათვალისწინებული წახალისების ფორმა. მიუხედავად ამისა, მუნიციპალიტეტში შტატგარეშეებზე პრემია გაცემულია მხოლოდ სადღესასწაულო დღეებში, რაც ეწინააღმდეგება საბიუჯეტო სახსრების რაციონალურად ხარჯვის პრინციპს.

ენერგეტიკის სამინისტროს ბალანსზე რიცხულ ძირითად აქტივებზე დასარიცხი ცვეთის ნორმა რამდენიმე შემთხვევაში განსხვავებულია საქართველოს ფინანსთა მინისტრის ბრძანება N439 -ით გათვალისწინებული ცვეთის ნორმებისაგან

2015 წლის მთელი ან გარკვეული პერიოდის განმავლობაში, მთავრობის აპარატში დასაქმებული იყო შტატგარეშე მომუშავეები და მათზე ანაზღაურდა - 60,765.00 ლარი. შტატგარეშე მომუშავეთა დასაქმება ხდებოდა არა დროებით, არამედ ხანგრძლივი პერიოდით მუდმივი ხასიათის სამუშაოების შესასრულებლად. გაფორმებული ხელშეკრულებების მიხედვით შტატგარეშე მოსამსახურეებზე ვრცელდებოდა მთავრობის აპარატის შინაგანაწესით გათვალისწინებული ვალდებულებები, თუმცა 2015 წლის „მოსამსახურეთა აღრიცხვის ჟურნალში“ მათი აღრიცხვა არ ხდებოდა. შტატგარეშე მომუშავეებთან გაფორმებული შრომითი ხელშეკრულებებით შესასრულებელი სამუშაოს შესახებ ანგარიშის წარდგენის ფორმა განსაზღვრული არ ყოფილა, ხოლო მთავრობის აპარატში არსებულ კორესპოდენციაში, რაიმე ტიპის ოფიციალური დოკუმენტი (მოხსენებითი ბარათი, სამსახურებრივი ბარათი და სხვ.), რომლითაც დადასტურდებოდა შტატგარეშე მომსამსახურეების მიერ შესრულებული კონკრეტული სამუშაოს (მომსახურების) შედეგი და აქედან მიღებული სარგებელი არ ფიქსირდება, შესაბამისად ფაქტობრივად ვერ დასტურდება (ვერ დგინდება) შტატგარეშე მომუშავეთა დასაქირავებლად გახარჯული სახსრების ეკონომიური, ეფექტიანი და პროდუქტიული მართვა

სამინისტროში, 2015 წელს წინა წელთან შედარებით - პრემია ნაწილობრივ ჩანაცვლებულია დანამატით. გაცემული პრემიების დასაბუთებულობას აქვს ფორმალური სახე.

საქართველოს მთავრობის 2015 წლის 2 თებერვლის №105 განკარგულებით, ქალაქ თბილისის მერიას უფლება მიეცა 2015 წელს გამარტივებული შესყიდვით შეეძინა 400 000 ძირი ხე-მცენარის დარგვისა და მოვლის სამუშაოები, ღირებულებით - 905.5 ათასი ლარი. გამარტივებული შესყიდვის საშუალების გამოყენება მოთხოვნილია მუნიციპალიტეტის მიერ. საგაზაფხულო რგვების პერიოდში, თებერვლიდან მაისის ჩათვლით, მუნიციპალიტეტმა შეისყიდა 72 043 სხვადასხვა დასახელების ნერგის დარგვა და შემდგომი მოვლა-პატრონობა. საშემოდგომო რგვებზე ქ. თბილისის მერიამ შეისყიდა 326 100 ნერგი, შესაბამისი დარგვისა და მოვლა-პატრონობის მომსახურებით. შესყიდვის პროცედურები მერიამ დაიწყო 2015 წლის 15 სექტემბერს, კერძოდ გამარტივებული შესყიდვის ხელშეკრულება გააფორმა სხვადასხვა დასახელების ნერგების შესყიდვაზე. ამდენად, თებერვლიდან სექტემბრამდე პერიოდისათვის, საშემოდგომო რგვებზე არსებობდა საზოგადოებრივი მნიშვნელობის ღონისძიების დროში შეუზღუდავად და შეუფერხებლად ჩატარების შესაძლებლობა და ტენდერის ჩატარება. გამარტივებული შესყიდვის საშუალების გამოყენებით, აუდიტის ობიექტმა სავარაუდოდ დაკარგა სატენდერო ეკონომიის მიღების შესაძლებლობა.

დედოფლისწყაროს მუნიციპალიტეტი სამსახურებრივი უფლებამოსილების განსახორციელებლად 2015-2016 წლებში იყენებდა შესაბამისად 8-7 სამორიგეო ავტომანქანას. საშტატო რიცხოვნობიდან გამომდინარე, აღნიშნულ პერიოდში დედოფლისწყაროს მუნიციპალიტეტისათვის სამსახურებრივი უფლებამოსილების განსახორციელებლად რეკომენდებული იყო 6 ერთეული სამორიგეო ავტომანქანა. შესაბამისად, ავტომობილების რაოდენობა აღემატება მთავრობის დადგენილებით რეკომენდებულ ოდენობას.

2015 წლის სახელმწიფო ბიუჯეტის შესახებ საქართველოს კანონით ენერგეტიკის სამინისტროს აპარატის მომუშავეთა რიცხოვნობა 114 საშტატო ერთეულით დაიგეგმა. შრომის ანაზღაურება განისაზღვრა 2,200,000 ლარით. აღსანიშნავია, რომ მთელი წლის განმავლობაში ვაკანტური თანამდებობების რაოდენობამ 30 ერთეული შეადგინა, საიდანაც 27 წარმოადგენს საკონკურსო შტატს . ამ პოზიციებზე 2015 წელს კონკურსი არ გამოცხადებულა. მიუხედავად ამისა, „შრომის ანაზღაურების“ მუხლით ათვისებული საბიუჯეტო სახსრების მოცულობა, მეოთხე კვარტალში სხვა ქვეპროგრამიდან თანამშრომელთა მატერიალური წახალისების მიზნით გადმოტანილი 183,000 ლარის ხარჯზე 2,383,000 ლარამდე დაზუსტდა, რის შედეგადაც გაწეულმა საკასო ხარჯმა 2,382,981 ლარი შეადგინა და გადააჭარბა ბიუჯეტის კანონით განსაზღვრულ მაჩვენებელს. აღნიშნული ვაკანტური თანამდებობების არსებობით „თანამდებობრივი სარგოს“ ქვემუხლში წარმოქმნილმა ეკონომიამ 2015 წელს 360,132 ლარი შეადგინა, რაც გამოყენებულ იქნა აპარატის თანამშრომლების მატერიალური წახალისების მიზნით.

2015 წლის განმავლობაში ქვეყნის გარეთ განხორციელებულ მივლინებებთან დაკავშირებით ანგარიშვალდებულ პირზე ანაზღაურებულ იქნა წარმომადგენლობითი ხარჯები ჯამში 4,457.52 ლარის ოდენობით. ზოგადად ხარჯების ანაზღაურება (აღიარება) ხდებოდა ანგარიშვალდებული პირის მიერ წარმოდგენილი ხარჯვის დამადასტურებელი დოკუმენტების შინაარსის შესწავლის შემდგომ ქვითარზე/ფაქტურაზე მითითებული თანხების მიხედვით. თუმცა, 18 შემთხვევაში მთავრობის აპარატის (საბუღალტერო აღრიცხვისა და ანგარიშსწორების სამსახურის) მიერ 2,610.90 ლარის ანაზღაურება მოხდა მხოლოდ წარმოდგენილ ქვითრებზე მითითებული თანხების შესაბამისად, ანუ თანხების ხარჯვის დამადასტურებელი დოკუმეტების შინაარსის გაცნობის გარეშე. შედეგად, როგორც ჩატარებული აუდიტორული პროცედურებით დადგინდა, ზემოაღნიშნული თანხებიდან (2,610.90 ლარიდან) 10 შემთხვევაში 1,594.22 ლარი გაიხარჯა ისეთი ტიპის ნივთების შესასყიდად, რომლებიც მოქმედი კანონმდებლობით არ ექვემდებარებოდა წარმომადგენლობით ხარჯად აღიარებას, ხოლო 8 შემთხვევაში არასრულყოფილად წარმოდგენილი დოკუმენტების გამო 1,016.68 ლარის ხარჯები ფაქტობრივად ვერ იდენტიფიცირდა

2015 წელს, სამინისტროს შტატით მომუშავეთა შრომის ანაზღაურების მუხლით გაწეული ხარჯი 213 ლარით აღემატებოდა 2014 წლის საკასო ხარჯს, რითაც დარღვეულია "საბიუჯეტო დეფიციტის მართვის მიზნით გასატარებელი ზოგიერთი ღონისძიების შესახებ" საქართველოს მთავრობის 2015 წლის 6 მარტის N422 განკარგულების მოთხოვნა.

საქართველოს მთავრობის 2015 წლის 2 თებერვლის №105 განკარგულების ფარგლებში, მუნიციპალიტეტის მერიამ გამარტივებული შესყიდვის ხელშეკრულება გააფორმა შპს „მექანიზატორთან“. მიმწოდებელმა საგაზაფხულო რგვებზე ამოიღო 91 257 ერთეული ორმო, რისთვისაც აუნაზღაურდა 59.3 ათასი ლარი . წარმოდგენილი დოკუმენტაციითა და გაფორმებული ხელშეკრულებების შესრულებით ირკვევა, რომ იგივე პერიოდში განხორციელდა სულ 72043 ძირი ნერგის დარგვა, რაც 19 214-ით ნაკლებია სამუშაოების მიღება-ჩაბარების აქტში დაფიქსირებული ამოღებული ორმოების რაოდენობაზე. აუდიტის ობიექტმა ვერ წარმოადგინა მტკიცებულება, მოხდა თუ არა 19 214 ორმოს შემდგომი გამოყენება. მუნიციპალიტეტის მიერ არ არის დაცული სახელმწიფო შესყიდვების რაციონალურად განახორციელების ვალდებულება. ზედმეტად ამოღებული ორმოების ღირებულება - 12.5 ათასი ლარი, შესყიდვების მართვასთან დაკავშირებული ხარვეზების შედეგად, მერიამ გახარჯა არაეფექტიანად.

2015-2016 წლებში საავტომობილო საწვავის გამოყოფის საფუძველია - მუნიციპალიტეტის გამგებლისა და საკრებულოს თავმჯდომარის ბრძანებები, რომლებითაც დადგენილია ყოველთვიური ლიმიტები. აღნიშნული ბრძანებები მოქმედი კანონმდებლობით წარმოადგენს ინდივიდუალურ ადმინისტრაციულ-სამართლებრივ აქტებს, თუმცა ისინი ადგენენ საწვავის გაცემის მუდმივ და მრავალჯერადი გამოყენების წესს. აღნიშნული ეწინააღმდეგება კანონმდებლობას და საწვავის გამოყოფის მრავალჯერადი გამოყენების წესი უნდა დარეგულირდეს ნორმატიული აქტის საფუძველზე.

საქართველოს ენერგეტიკის სამინისტროს აპარატში 2015 წელს გაცემული პრემია, 2014 წლის ანალოგიურ მაჩვენებელთან შედარებით შემცირებულია 420,637 ლარით, ხოლო დანამატი გაზრდილია 434,432 ლარით. 2015 წლის პრემიისა და დანამატის ჯამური თანხა 2014 წლის ანალოგიურ მაჩვენებელს აღემატება 13,796 ლარით, ნავთობისა და გაზის ეროვნულ სააგენტოში 2015 წელს პრემია შემცირებულია 116,282 ლარით ხოლო დანამატი გაზრდილია 104,680 ლარით. სამინისტროს აპარატში დანამატი განისაზღვრა მინისტრის 2015 წლის 13 იანვრის N01 ბრძანების საფუძველზე. ბრძანების დანართში წარმოდგენილ 75 საჯარო მოხელეს ყოველთვიურად, 2015 წლის ბოლომდე დაუწესდა დანამატი ჯამში 72,620 ლარის ოდენობით. თუმცა 2015 წლის 5 აგვისტოს, აღნიშნულ ბრძანებაში განხორციელებული ცვლილების შედეგად, ბრძანების დანართში გათვალისწინებული საჯარო მოხელეთა რაოდენობა 79-მდე გაიზარდა. სააგენტოში 2014 წლის 29 დეკემბრის სააგენტოს უფროსის N11/150 ბრძანებით 29 თანამშრომელს განესაზღვრა დანამატი ჯამში 19,780 ლარის ოდენობით.

საბიუჯეტო დეფიციტის მართვის მიზნით გასატარებელი ზოგიერთი ღონისძიების ძირითადი პრინციპების შესაბამისად, „შრომის ანაზღაურების“ მუხლით 2015 წელს გაწეული ხარჯი თითოეული საბიუჯეტო ორგანიზაციისათვის არ უნდა ყოფილიყო 2014 წლის საკასო ხარჯზე მეტი. თუმცა, იმ პირობებში, როდესაც ადგილი არ ჰქონია ორგანიზაციის ფუნქციებისა და კომპეტენციის არსებით ზრდას, მთავრობის აპარატის მიერ 2015 წელს შრომის ანაზღაურება გაიზარდა 11 %-ით

სამინისტროში ბიუჯეტის გეგმით, შტატით განსაღვრული რიცხოვნობა შეადგენდა 91, ხოლო ფაქტიურად საშუალოდ მუშაობდა 80 მოსამსახურე, ე.ი. 11 ერთეულის ვაკანსია მუდმივად არსებობდა. ასეთ პირობებში, ბიუჯეტის დაგეგვისას 11 ერთეულით ზედმეტი შტატის და მისი შესაბამისი ზედმეტი შრომის ანაზღაურების გათვალისწინება ბიუჯეტში და ასიგნებების ათვისება არამართლზომიერია.

საქართველოს მთავრობის 2015 წლის 2 თებერვლის №105 განკარგულების ფარგლებში, 2015 წელს დენდროლოგიური პარკის ტერიტორიაზე დარგულია 72 043 ძირი სხვადასხვა დასახელების ნერგი: ნარგაობების დაახლოებით მესამედი გამხმარია ან აღარ არსებობს; მცენარეთა დასამაგრებლად არ არის გამოყენებული ჭიგოები; პარკის ზედამხედველობა არ ხორციელდება; ტერიტორია შემოღობილია, თუმცა ვერ უზრუნველყოფს ნარგაობების დაცვას, კერძოდ, შეინიშნებოდა შინაური ცხოველების ყოფნისა და მცენარეების დაზიანების ფაქტები. ანალოგიური მდგომარეობაა თბილისის ზღვისა და მიმდებარე ტერიტორიებზე, სადაც 2015 წელს მთავრობის განკარგულების ფარგლებში გაშენდა 326 100 ძირი ხე-მცენარე. ქალაქ თბილისის მუნიციპალიტეტის მერიამ არ დააწესა სათანადო კონტროლი და არ მიიღო დამატებითი ზომები საზოგადოებრივი მნიშვნელობის ღონისძიების დაგეგმილი შედეგების მისაღწევად. აუდიტის ობიექტმა არ შეისყიდა ნარგაობების მოვლა-პატრონობის მომსახურება დამოუკიდებელი ვეგეტაციის პერიოდის მიღწევამდე, რამაც მათი მნიშვნელოვანი ნაწილის ხმობა განაპირობა. ამდენად, მერიამ სრულად ვერ უზრუნველყო 400 000 ძირი ხე-მცენარის განაშენიანება.

მუნიციპალიტეტის საკრებულოს არათანამდებობის პირებზე უფლებამოსილების განხორციელებასთან დაკავშირებული ხარჯები ანაზღაურებულია მოქმედი კანონმდებლობის დარღვევით, შესაბამისი ხარჯის დამადასტურებელი დოკუმენტების წარმოდგენის გარეშე. სააუდიტე პერიოდში აღნიშნულმა თანხამ 115 ათასი ლარი შეადგინა.

საქართველოს მთავრობის 2015 წლის 6 მარტის N422 განკარგულების მიხედვით, შრომის ანაზღაურების მუხლით 2015 წელს გაწეული საკასო ხარჯი არ უნდა აღემატებოდეს 2014 წლის ანალოგიურ მაჩვენებელს, 2015 წელს ენერგეტიკის სამინისტროს აპარატის შტატით გათვალისწინებული თანამშრომლების შრომის ანაზღაურება 2014 წელთან შედარებით გაზრდილია 28,993 ლარით. ხოლო შტატგარეშე თანამშრომლების შრომის ანაზღაურება 3,097 ლარით.

დანამატების გაცემისას შესრულებული ზეგანაკვეთური მუშაობის სახის, პერიოდისა და აუცილებლობის დასაბუთება, დანამატის სახით გაცემული თანხის მიზნობრიობასთან დაკავშირებით მნიშვნელოვან გარემოებას წარმოადგენს.

საბიუჯეტო კოდექსის 34-ე მუხლის მე-4 ნაწილის მოთხოვნების დარღვევით - დაგვიანებით არის დაემტკიცებული საშუალოვადიანი სამოქმედო გეგმა, რომელიც მოიცავდა პრიორიტეტებს და მათ მისაღწევად განსახორციელებელ პროგრამებსა და ღონისძიებებს.

ქ. თბილისის მუნიციპალიტეტმა 2015-2016 წლებში 4 ხელშეკრულების შემთხვევაში არ/ვერ გამოიყენა პირგასამტეხლოს გავრცელების ხელშეკრულებით მინიჭებული უფლება, რითაც დაკარგა დამატებით საბიუჯეტო შემოსავლების მიღების შესაძლებლობა.

2015-2016 წლებში დედოფლისწყაროს მუნიციპალიტეტის მიერ სამშენებლო-სარემონტო სამუშაოების განხორციელების მიზნით, გამარტივებული შესყიდვის ფორმით დადებულია 19 ხელშეკრულება, რომელთა ფარგლებში ანაზღაურებულია 436.4 ათასი ლარი. ობიექტები ჩაბარებულია და ანგარიშსწორება განხორციელებულია ფაქტობრივი დანახარჯების დამადასტურებელი დოკუმენტების წარმოდგენის გარეშე, რაც ეწინააღმდეგება მოქმედ კანონმდებლობას და არსებული პრაქტიკით იწვევს საბიუჯეტო სახსრების ზედმეტად ანაზღაურებას. 

საქართველოს ეკონომიკური განვითარების სამინისტროს და უნივერსიტეტს შორის 2006 წლის 31 აგვისტოს გაფორმებული მიღება-ჩაბარების აქტის საფუძველზე, უნივერსიტეტს უსასყიდლო უზუფრუქტის ფორმით გადაეცა ქ. თბილისში, შოთა რუსთაველის გამზირის N23-ში მდებარე შენობა-ნაგებობის პირველ სართულზე არსებული 176.1 კვ.მ და ამავე შენობის მეორე სართულზე მდებარე 453.5 კვ.მ ფართი. შესაბამისად, აღნიშნულ ქონებაზე საჯარო რეესტრში დარეგისტრირდა უნივერსიტეტის სანივთო უფლება − სარგებლობა.მოცემულ ფართებს უსასყიდლოდ ფლობს და განკარგავს საქართველოს ეროვნულ-დემოკრატიული პარტია. უნივერსიტეტის მიერ არ ხორციელდება აღნიშნულ ფართებზე ფაქტობრივი კონტროლი და შედეგად, ისინი არ გამოიყენება ადმინისტრაციულ და ეკონომიკურ საქმიანობაში სარგებლის მიღების მიზნით. ეკონომიკური საქმიანობის ერთ-ერთ ალტერნატიულ სახეობაში გამოყენების, კერძოდ, სასყიდლიან სარგებლობაში აღნიშნული ფართების გაცემის გზით შესამოწმებელ პერიოდში უნივერსიტეტს შეეძლო მიეღო 489,689.00 ლარის შემოსავალი.

საქართველოს მთავრობის 2015 წლის 6 მარტის N422 განკარგულების მიხედვით, როგორც სამინისტროში ასევე სააგენტოშიც საწვავის საკასო ხარჯი 2015 წელს უნდა შემცირებულიყო 2014 წლის საკასო ხარჯზე არანაკლებ 30%-ით. ენერგეტიკის სამინისტროს აპარატის მიერ 2015 წელს საწვავზე გაწეულმა ხარჯმა შეადგინა 115,550 ლარი და 21.8%-ით შემცირდა 2014 წლის ანალოგიურ მაჩვენებელთან შედარებით, რაც მთავრობის განკარგულება N422-ით დადგენილ მაქსიმალურ ლიმიტს აჭარბებს 12,103 ლარით. სააგენტოს 2015 წლის საწვავის საკასო ხარჯმა შეადგინა 25,440 ლარი და 20.8%-ით შემცირდა 2014 წლის ანალოგიურ მაჩვენებელთან შედარებით, რაც მთავრობის განკარგულება N422-ით დადგენილ მაქსიმალურ ლიმიტს აჭარბებს 2,949 ლარით.

სათავე ნაგებობებიდან მოწოდებული წყლის 79,4 პროცენტიანი დანაკარგი, რეალიზებული წყლის მოცულობის სრულად აღრიცხვის თვალსაზრისით შესაძლო რისკზე მიუთითებს. ამასთან ადგილი აქვს მოხმარებული წყლის საფასურის აღურიცხველობის ფაქტს.

2016 წელს ქ. თბილისის მუნიციპალიტეტმა, 4 ხელშეკრულების ფარგლებში, შეისყიდა თბილისის სხვადასხვა ტერიტორიაზე 20 ათასი ნერგის გაშენების მომსახურება. ხელშეკრულებების შესრულების პროცესში მერიამ არ დაუკვეთა ნერგების სრული რაოდენობა და ვერ აითვისა ხელშეკრულებით გათვალისწინებული მოცულობები. კერძოდ, საგაზაფხულო რგვებზე 20 ათასის ნაცვლად დაირგო 13 ათასი ნერგი. პასუხისმგებელი პირის განმარტებით, მოცემული პერიოდისათვის სამსახურმა აღნიშნულ კომპანიას ვერ გამოუყო გასანაშენიანებელი ტერიტორიების საჭირო რაოდენობა, ვინაიდან ქ. თბილისის მუნიციპალიტეტის სსიპ - ქონების მართვის სააგენტოსთან მიმდინარეობდა მოლაპარაკება და ვერ მოესწრო დამატებითი ტერიტორიების მოძიება. შემსყიდველთან შეთანხმებით, 13 ათასიდან 10 ათასამდე ნერგი გადაეცა ქ. თბილისის რაიონების გამგეობებს. გამგეობებმა თავად უზრუნველყვეს მცენარეთა გაშენება სხვადასხვა ტერიტორიაზე. გამოვლინდა, რომ აღნიშნული ხე-მცენარეების ძირითადი ნაწილი გამხმარი იყო. ქ. თბილისის მუნიციპალიტეტის მერიამ სახელმწიფო შესყიდვა განახორციელა გაფორმებული ხელშეკრულებების პირობებთან შეუსაბამოდ, რის გამოც ვერ შეძლო დაგეგმილი შედეგების მიღწევა. გამომდინარე აქედან, ქ. თბილისის მერიის მიერ ბიუჯეტიდან გამოყოფილი 106.4 ათასი ლარი აუდიტის მიმდინარეობისას დახარჯული იყო არაეფექტიანად.

სატენდერო კომისიის მიერ ტენდერის შეწყვეტისა და ახალ ტენდერზე შესყიდვის საგნის გაერთიანების შესახებ მიღებული გადაწყვეტილებებით, შესყიდვის პროცესში შეიქმნა არაკონკურენტული გარემო და უპირატეს მდგომარეობაში აღმოჩნდა მუნიციპალიტეტის კუთვნილი შპს „სერვისი 2007“. შედეგად, ქუჩების დაგვა-დასუფთავების მომსახურებაში თვითმმართველი ერთეული იხდის დაახლოებით 30.0 ათასი ლარით უფრო მეტს, ვიდრე შეწყვეტილ ტენდერზე შპს „SKY GROUP“-ის მიერ დაფიქსირებული ფასების მიხედვით გადაიხდიდა.

2012 წლის 1 აგვისტოდან 2015 წლის 1 ნოემბრამდე პერიოდში კანონმდებლობის მოთხოვნათა შეუსაბამოდ, სამართლებრივი საფუძვლის გარეშე, შპს „მწიგნობარი“ დროებით სარგებლობაში ფლობდა და ეკონომიკურ საქმიანობაში იყენებდა დავით აღმაშენებლის გამზირის N40-ში (უნივერსიტეტის მე-2 კორპუსი) მდებარე შენობის, სარდაფის სართულზე არსებულ, უნივერსიტეტის კუთვნილ 79.5 კვ.მ არასაცხოვრებელ ფართს, რაც შეიცავს მოცემულ პერიოდში ჩამოყალიბებული საბაზრო პირობების შესაბამისი საიჯარო ქირის მიხედვით მიუღებელი შემოსავლის რისკს. ამასთანავე, სახელშეკრულებო პირობების შეუსაბამოდ, უნივერსიტეტმა აღნიშნულ ფართზე გასწია კომუნალური მომსახურების (ელექტროენერგია, წყალი) ხარჯი.

ენერგეტიკის სამინისტროს „ყაზბეგის მუნიციპალიტეტისა და დუშეთის მუნიციპალიტეტის მაღალმთიანი სოფლების მოსახლეობისათვის მიწოდებული ბუნებრივი აირის ღირებულების ანაზღაურების ღონისძიების“ ქვეპროგრამიდან (36 01 03) ენერგეტიკის სამინისტროს აპარატის ქვეპროგრამაზე (36 01 01 01), თანამშრომელთა მატერიალური წახალისების მიზნით, 2015 წლის 11 ნოემბერს გადატანილ იქნა 183,000 ლარი. ჯამურად წლის განმავლობაში აღნიშნული ქვეპროგრამიდან (36 01 03) სხვადასხვა ქვეპროგრამებზე ხარჯთაღრიცხვის ცვლილებებით გადატანილმა სახსრებმა 745,686 ლარი შეადგინა. აღნიშნული ქვეპროგრამის საკასო ხარჯი 2014-2015 წლებში მნიშვნელოვნად ჩამორჩება ბიუჯეტის მიხედვით დაგეგმილს.

კინო და ვიდეო მომსახურებების შესყიდვისას სამსახურს არ განუხორციელებია პრეტენდენტ "კავკასიის კინოსერვისის" დისკვალიფიკაცია, მიუხედავად მისი წინადადების სატენდერო დოკუმენტაციასთან შეუსაბამობისა

სატენდერო კომისიის 2016 წლის 22 მარტის სხდომის N6 ოქმის დადგენილებითი ნაწილის პირველი პუნქტის მიხედვით შეწყდა კვებითი მომსახურების შესყიდვის მიზნით გამოცხადებულიელექტრონული ტენდერი (SPA 150030225), იმ მოტივით, რომ არსებობს რიგი შეუსაბამობები სატენდერო პირობებში დაფიქსირებულ ჩანაწერებსა და საქართველოს სასჯელაღსრულებისა და პრობაციის მინისტრის და საქართველოს შრომის, ჯანმრთელობის და სოციალური დაცვის მინისტრის 2015 წლის 13 აგვისტოს N88-N01-34/ნ ერთობლივ ბრძანებაში. აღნიშნული შეუსაბამობები სატენდერო კომისიის მიერ აღმოჩენილ იქნა ტენდერის გამოცხადებიდან 4 თვის შემდეგ

ქალაქ თბილისის მუნიციპალიტეტმა 2015 წელს შეისყიდა თბილისის ზღვის მიმდებარედ ახალი ზოოპარკის შემოღობვის სამუშაოები, ღირებულებით 1 877.0 ათასი. სამუშაოების მიმდინარეობისას, შეიცვალა ხიმინჯებისა და ბორდიურების სახეობი, რაც ხელშეკრულების ხარჯთაღრიცხვაში ითხოვდა სამუშაოების არსებითი ნაწილის მოცულობების კორექტირებებს. მიუხედავად ამისა, ხელშეკრულების პარამეტრები არ შეცვლილა და მიმწოდებელმა ანაზღაურება მიიღო დაუზუსტებელი ხარჯთაღრიცხვით განსაზღვრული სამუშაოებისათვის. სამუშაოების რეალური მოცულობებისა და ღირებულების დასადგენად საჭიროა დამატებითი ექსპერტიზა.

მუნიციპალიტეტის მხრიდან ნარჩენების გატანაზე დაწესებული არასაკმარისი კონტროლის მექანიზმების შედეგად, დაახლოებით 126.7 ათასი ლარი გადახდილია ისეთი მომსახურების შესყიდვაში, რომელიც მოპოვებული მტკიცებულებების მიხედვით, შესრულებული არ არის.

2016 წლის 6 ივნისს უნივერსიტეტმა დიმიტრი ალექსიძის სახელობის სასწავლო თეატრის მოწყობისა და აღჭურვის სამუშაოების შესასყიდად გამოაცხადა ელექტრონული ტენდერი. მოცემული სატენდერო პროცედურები ხასიათდებოდა შემდეგი სახის ნაკლოვანებებით: – სატენდერო დოკუმენტაციით, პრეტენდენტების სამუშაო გამოცდილების მიმართ, განისაზღვრა არაპროპორციული საკვალიფიკაციო მოთხოვნები; – სატენდერო კომისიამ არასამართლიანად მისცა უმცირესი ფასის მქონე პრეტენდენტს დისკვალიფიკაცია; – შესყიდვის პროცესის სხვადასხვა ეტაპზე სატენდერო კომისიაში ექსპერტის სახით მოწვეულ პირს წარმოეშვა ინტერესთა კონფლიქტი. მისი მხრიდან ინტერესთა კონფლიქტის თავიდან აცილების მიზნით, შესაბამისი ქმედება არ განხორციელებულა. ზემოაღნიშნულმა ფაქტორებმა ერთობლიობაში შეზღუდა კონკურენცია და შედეგად, შესყიდვის საგანზე ფასის შემცირების შესაძლებლობა. ამასთანავე, სატენდერო დოკუმენტაციით, არაპროპორციულმა, ერთ კონკრეტულ კომპანიაზე მორგების რისკის შემცველმა საკვალიფიკაციო მოთხოვნამ და პრეტენდენტის არასამართლიანმა დისკვალიფიკაციამ განაპირობა სატენდერო პროცედურებში მაღალი ფასის წინადადების მქონე კომპანიის გამარჯვება.

რეგულირების საფასური სამინისტროს 2015 წლის ფინანსური ანგარიშგების „ახსნა განამარტებითი შენიშვნების მიხედვით“, ნავთობპროდუქტების რეგულირების საფასურის დარიცხვიდან 2004-2007 წლებში წარმოშობილი დებიტორული დავალიანება შეადგენს 583,558 ლარს . 2015 წლის 31 დეკემბრის მდგომარეობით, სსიპ “ნავთობისა და გაზის ეროვნული სააგენტოში” აღნიშნული დებიტორული დავალიანების შესახებ პირველადი დოკუმენტებიდან, ხელმისაწვდომია მხოლოდ 2005-2006 წლებში სს „საქნავთობსა“ და შპს „საქნავთობი სამგორისათვის“ გადასახადის დარიცხვის დამადასტურებელი, სააგენტოს ბუღალტრული სამსახურის მიერ შედგენილი მემორიალური ორდერები და რეგულირების საფასურის ფორმები - სულ 314,553 ლარი. დანარჩენი ინფორმაცია რეგულირების საფასურის შესახებ ამოღებულია საგამოძიებო სამსახურების მიერ . ქვემოთ მოყვანილ ცხრილში მოცემულია სააგენტოში არსებულ პირველად დოკუმენტაციაში ასახული ინფორმაცია ნავთობპროდუქტების რეგულირების საფასურის დარიცხვიდან წარმოშობილი დებიტორულ დავალიანებათა შესახებ.

ხშირ შემთხვევაში სავარაუდო სატენდერო ღირებულებები ბევრად აღემატებოდა საბოლოოდ დაფიქსირებულ სატენდერო წინადადების ფასებს, სავარაუდო ღირებულებების განსაზღვრა ბაზრის დეტალური და საფუძვლიანი კვლევის გარეშე წარმოშობს საბიუჯეტო თანხების არარაციონალურად, არაეკონომიურად განკარგვის რისკებს.

2015 წლის 1 ოქტომბრის #6451 ბრძანებით შექმნილმა საინვენტარიზაციო კომისიამ, რომელსაც ინვენტარიზაციის დასრულების ვადად განესაზღვრა 2016 წლის 1 აპრილი, განახორციელა სამინისტროს ბალანსზე რიცხული ქონების ფაქტიური აღწერა. თუმცააუდიტის პერიოდში ვერ მოხერხდა ფაქტიური მდგომარეობის და საბუღალტრო მონაცემების შედარება. პასუხისმგებელი პირების განმარტებით, სამინისტროს ცენტრალურ აპარატში 2014 წელს ინვენტარიზაციის ნაწილობრივმა ჩატარებამ, 2010 წლის შემდეგ ყოფილ სასჯელაღსრულების დეპარტამენტში ინვენტარიზაციის ჩაუტარებლობამ, შემდგომ 2015 წლის 1 ივლისს მისმა ლიკვიდაციამ და სამინისტროს რეორგანიზაციამ გამოიწვია მოცულობით დიდი სამუშაოები, რის გამოც ინვენტარიზაციის დასრულების ვადა გაგრძელდა 2016 წლის 1 ივლისამდე. აუდიტის პერიოდში ვერ მოესწრო ინვენტარიზაციის შედეგების წარმოდგენა, რის გამოც ვერ დასტურდება ბალანსზე აღრიცხული ქონების ნაშთების რეალობა. ბალანსზე რიცხული შენობა-ნაგებობების შემოწმებისას გამოვლინდა, რომ საბუღალტრო პროგრამის ჩანაწერებით შენობა-ნაგებობების ანგარიშებზე, კერძოდ, „არასაცხოვრებელი შენობები - 2112“ კვლავ ირიცხება შემდეგი დასახელების ობიექტები. მაგალითად: „#8 დაწესებულების შეხვედრის ოთახების მოწყობა“, „სპეცრაზმის ტირის ოთახების მოწყობის სამუშაოები“, „სასჯელაღსრულების დეპარტამენტის სპეც. დანიშნულების რაზმის სველი წერტილების და სხვადასხვა დანიშნულების ოთახების სარემონტო სამუშაოები“, „შენობის რემონტი“, „ეზოს მოწყობა“, „ელმომარაგება“, „გაზმომარაგება“, „მშენებლობა“ და სხვა. შესაბამისად, შენობა-ნაგებობების უმრავლესობა საჭიროებს იდენტიფიკაციასდა ზუსტი დასახელებით შეტანას საბუღალტრო მონაცემებში.

2016 წლის 17 ივნისს ქალაქ თბილისის მუნიციპალიტეტის მერიამ ხელშეკრულება გააფორმა შპს „ქართლთან“ გამწვანებული ტერიტორიების აღდგენა-მოწყობის სამუშაოების სახელმწიფო შესყიდვაზე, ღირებულებით - 454.0 ათასი ლარი. აღნიშნული ხელშეკრულების ფარგლებში ქ. თბილისში, მეგობრობის ქუჩის მიმდებარედ მოეწყო სკვერი, რაშიც გაიხარჯა სულ 88.1 ათასი ლარი. სამუშაოები ითვალისწინებდა ტერიტორიის მომზადებას, 20 მმ სისქის კაუჩუკისა და ბეტონის ფილების დაგებას და სხვ. ობიექტის დათვალიერებით გამოვლინდა, რომ კაუჩუკის ფილები დაგებულია უხარისხოდ (ზედაპირი უსწორმასწოროა) და ნაწილი არ არის ჩამაგრებული. ბეტონის ფილებით მოწყობილი ზედაპირის ნაწილი გამოსულია მწყობრიდან და საჭიროებს ხელახლა მოწყობას

2015-2016 წლებში დედოფლისწყაროს მუნიციპალიტეტის მიერ სხვადასხვა მიმწოდებლებთან გაფორმებული 8 ხელშეკრულების ფარგლებში შესრულებული სამუშაოები ხასიათდება ხარვეზებით. არასათანადო მონიტორინგის პირობებში ვერ იქნა უზრუნველყოფილი ყველა ხარვეზის დროული გამოვლენა.

2015-2017 წლებში უნივერსიტეტის მიერ ქვეყნის გარეთ მივლინებული პირებისათვის ზედმეტად და ხარჯის დამადასტურებელი დოკუმენტების გარეშე გაცემულია 8,780.70 ლარი. კერძოდ, იმ პირობებში, როდესაც მომწვევმა მხარემ აანაზღაურა კვების ხარჯები, უნივერსიტეტმა ანგარიშვალდებულ პირებს კუთვნილი სამივლინებო დღიური ნორმის 30%-ის ნაცვლად, არასწორად აუნაზღაურა სრული ნორმა, რის გამო, ზედმეტად გაცემულმა თანხამ შეადგინა 5,880.70 ლარი. ამასთანავე, 2,900.00 ლარზე არ იყო წარმოდგენილი ხარჯის დამადასტურებელი დოკუმენტები.

ენერგეტიკის სამინისტროს ქვეპროგრამა „მოსახლეობის ელექტროენერგიითა და ბუნებრივი აირით მომარაგების გაუმჯობესება“ არ აკმაყოფილებს პროგრამული ბიუჯეტის შედგენის მეთოდოლოგიის მოთხოვნებს, კერძოდ მიუხედავად იმისა, რომ ეს პროექტი არ სრულდება 2015 წელს, პროგრამის შუალედურ და საბოლოო შედეგად ერთი და იგივე ინფორმაცია არის მოცემული, ასევე ერთი და იგივეა შუალედური და საბოლოო შეფასების ინდიკატორებიც.

მიმდინარე აუდიტით რიგ შემთხვევებში გამოვლინდა სამსახურის თანამშრომელთა სამუშაო დროის, სატრანსპორტო საშუალებებისა და 6.0 ათასი ლარის ღირებულების 3641 ლიტრი საწვავის არასამსახურებრივი მიზნებისათვის გამოყენების ფაქტები. კერძოდ, იმ პირობებში, როდესაც ადგილი არ ჰქონია სამსახურებრივ მივლინებებს 70 შემთხვევაში დაფიქსირდა 5.2 ათასი ლარის ღირებულების 3125 ლიტრი საწვავის ქვეყნის სხვადასხვა რეგიონში ბენზინგასამართ სადგურებზე საწვავის ჩასხმის ფაქტები. გარდა აღნიშნულისა, სამსახურის დირექტორის საზღვარგარეთ მივლინებაში ყოფნის პერიოდში, მასზე განპიროვნებულ ავტომანქანაში ჩასხმულია 0.6 ათასი ლარის ღირებულების 385 ლიტრი საწვავი, ანალოგიურად დირექტორის პირველი მოადგილის ავტომანქანაში 0.2 ათასი ლარის ღირებულების 131 ლიტრი საწვავი.

სამინისტროს სასწყობო სამმართველოში ინახებოდა ავტომანქანის ერთი ერთეული მეორადი 2,5 კბ. ტურბოიანი დიზელის ძრავი, რომელიც ამოღებულია სამინისტროს ბალანსზე რიცხული 2015 წელს ჩანაცვლებული ავტომანქანა „მიცუბიში L200“-დან, 2007 წლის გამოშვება, სახელმწიფო #DEK – 110, შემდგომში მისი საჭიროებისამებრ გამოსაყენებლად, თუმცა აღნიშნული ძრავი არ იყო ბუღალტრულად აღრიცხული. ვინაიდან ძრავი წარმოადგენს ღირებულ სათადარიგო (ვარგის) ნაწილს, აუდიტის ჯგუფის რეკომენდაციის საფუძველზე მოხდა მისი შეფასება კერძო აუდიტორის მიერ და ძრავის საბაზრო ღირებულება დადგინდა 7,110 ლარის ოდენობით. აუდიტის პერიოდშივე მოხდა მისი ასახვა ბუღალტრულად ძირითადი აქტივების #2121 ანგარიშზე „სატრანსპორტო საშუალებები“ და სამინისტროს ბალანსზე აყვანა.

2015 წელს ონკოლოგიური ცენტრის მიმდებარედ გაშენდა იფნისა და ნეკერჩხლის 1369 ძირი ნერგი. ტერიტორიის დათვალიერებით აღმოჩნდა, რომ ნარგაობის მნიშვნელოვანი ნაწილი გამხმარია ან აღარ არსებობს (ორმო ცარიელია). ხეების დარჩენილი ნაწილი ძირითადად ჭიგოს გარეშეა ან არ არის მასზე მიმაგრებული. პასუხისმგებელი პირების განმარტებით, ტერიტორია არ იმყოფება სამსახურის მოვლა-პატრონობის ქვეშ. ნეკერჩხლის 684 ნერგის გაშენებაში მუნიციპალიტეტმა გადაიხადა 5.2 ათასი ლარი, ხოლო იფნის 685 ნერგისათვის - 4.9 ათასი ლარი. აუდიტის ობიექტმა გასწია სულ 10.1 ათასი ლარის არაეფექტიანი ხარჯი, რადგან საბიუჯეტო ასიგნების გამოყოფით განსაზღვრული მიზანი ტერიტორიის განაშენიანების შესახებ, არ არის მიღწეული.

მუნიციპალიტეტის გამგეობა დასუფთავების მოსაკრებლის ამოღების მომსახურების შესყიდვის მიზნით აცხადებს ტენდერს. 2015-2016 წლებში გამოცხადებულ ტენდერებში გაიმარჯვა მუნიციპალიტეტის კუთვნილმა შპს „სერვისი 2007-მა“. ხელშეკრულების პირობების მიხედვით, მას ევალებოდა მუნიციპალიტეტის ტერიტორიაზე მოსაკრებლის ამოღება, ხოლო მომსახურების სანაცვლოდ ანაზღაურების სახით მიიღო 68.6 ათასი ლარი, ხოლო ამოღებულმა მოსაკრებელმა 90.5 ათასი ლარი შეადგინა. შესაბამისად, მუნიციპალიტეტი დასუფთავების მოსაკრებლის ადმინისტრირებას არაეფექტიანად ახორციელებს.

საჯარო რეესტრისა და სერვისების განვითარების სააგენტოს უფლებამოსილების ფარგლებში, მომხმარებლისთვის სერვისების მიწოდებას უზრუნველყოფს იუსტიციის სახლი. ამ მიზნით, 2015-2016 წლებში ადმინისტრაციული მომსახურების შესყიდვაზე, აუდიტის ობიექტებსა და იუსტიციის სახლს შორის გაფორმებულია ხელშეკრულებები. კერძოდ, საჯარო რეესტრის შემთხვევაში, 2015-2016 წლებში იუსტიციის სახლისთვის გადახდილია 16 მლნ. ლარი, ხოლო სერვისების განვითარების სააგენტოს მიერ - 10.9 მლნ ლარი. აუდიტის შედეგად გამოვლინდა, რომ არ არის განსაზღვრული იუსტიციის სახლისთვის მომსახურებაში გადასახდელი თანხების ფასწარმოქმნის პრინციპები, რაზე დაყრდნობითაც მოხდება გაწეული მომსახურების ანაზღაურება. იუსტიციის სახლისთვის თანხის გადახდა არ ეფუძნება არც განხორციელებული სერვისებისა და ტრანზაქციების, არც აუდიტის ობიექტების მიერ მიღებული შემოსავლების ფაქტორს. არსებული სქემით სსიპ-ების მიერ იუსტიციის სახლისთვის თანხის გადახდა ფაქტობრივად არის იუსტიციის სახლის სუბსიდირება, თუმცა არც სუბსიდირების წესი და კრიტერიუმებია შემუშავებული. გამომდინარე იქიდან, რომ სსიპ-ების ძირითადი დაფინანსების წყაროს საკუთარი შემოსავლები წარმოადგენს, მნიშვნელოვანია, მიღებული შემოსავლების სათანადოდ დაგეგმვა და მიმართვა სსიპ-ების მიზნებისა და ფუნქციების განხორციელებისა და განვითარებისთვის. შესაბამისად, აუდიტის ობიექტების მიერ იუსტიციის სახლისთვის მომსახურებაში გადახდილი თანხა უნდა იყოს მიღებული სარგებლის პროპორციული და თანაბარზომიერი.

უნივერსიტეტმა ვერ წარმოადგინა პირველადი სააღრიცხვო დოკუმენტაცია, რომლითაც იდენტიფიცირებული იქნებოდა ის ღონისძიება და მასში მონაწილე პირები, რომელთა მიხედვით გასწია 4,295.00 ლარის ოდენობით სასტუმროს მომსახურების ხარჯი. ასევე სტუმრების მიღების, ოფიციალური სადილის, წვეულებისა და ღონისძიების დანიშნულებით გახარჯულ 15,626.64 ლარზე არ არის წარმოდგენილი გადახდის დამადასტურებელი დოკუმენტების საფუძველი.

შშმ რეაბილიტაციის ცენტრისთვის ანაზღაურებულია 37 ბენეფიციარზე 42 ერთეული პროთეზის დამზადებისთვის 425.7 ათასი ლარი. იგივე მოცულობის საპროთეზო მომსახურების გაწევა ჯანდაცვის სახელმწიფო პროგრამის მეშვეობით შეადგენდა 323.0 ათასი ლარით ნაკლებს.

„ბრალდებულთა და მსჯავრდებულთა უზრუნველყოფა ეკვივალენტური სამედიცინო მომსახურებით“ პროგრამის (კოდი 27 04) ფარგლებში საბუღალტრო აღრიცხვის სამმართველოს მიერ 2012-2014 წლებში უსასყიდლოდ მიღებული მედიკამენტების შესაბამის პერიოდში აღრიცხვა არ ხორციელდებოდა. აღნიშნული აღურიცხავი მედიკამენტების ბუღალტრულად აღრიცხვა მოხდა 2015 წელს, რამაც ასახვა ჰპოვა 2015 წლის ფინანსურ ანგარიშგებაში და გამოიწვია „სხვა დანარჩენი მატერიალური მარაგების“ #1627 აღმრიცხველ ანგარიშზე ნაშთის მკვეთრი ზრდა, კერძოდ 33,336.8 ათასი ლარით შემოსავლის მატება და შესაბამისად ხარჯებში მცირე ჩამოწერები. 2015 წელს პატიმრობისა და თავისუფლების აღკვეთის დაწესებულებებში „ვირუსული c ჰეპატიტის“ დაავადების პრევენციის, დიაგნოსტიკისა და მკურნალობის პროგრამის ფარგლებში მიღებულია 32,891.4 ათასი ლარის მედიკამენტები, მათ შორის არის 2014 წელს მიღებული და ბუღალტრულად აღურიცხავი 531.3 ათასი ლარის მედიკამენტები, რომელთა ბუღალტრული აღრიცხვა მოხდა 2015წელს. პატიმრობისა და თავისუფლების აღკვეთის დაწესებულებებში ,,ტუბერკულოზისა და ფილტვის დაავადებათა პრევენციის, დიაგნოსტიკისა და მკურნალობის პროგრამის“ ფარგლებში 2015 წელს ბუღალტრულად აღრიცხულია სულ 251.4 ათასი ლარის მედიკამენტები, მათ შორის არის 2012 წელს მიღებული და აღურიცხავი - 1.7 ათასი ლარის, 2014 წელს მიღებული და აღურიცხავი - 16.5 ათასი ლარის მედიკამენტები, რომელთა ბუღალტრული აღრიცხვა მოხდა 2015 წელს. პატიმრობისა და თავისუფლების აღკვეთის დაწესებულებებში „შიდსის დაავადების პრევენციის, დიაგნოსტიკისა და მკურნალობის პროგრამის“ ფარგლებში მიღებულია სულ 194.1 ათასი ლარის მედიკამენტები. მათ შორის არის 2012 წელს მიღებული და აღურიცხავი 41.3 ათასი ლარის მედიკამენტები, 2013 წელს მიღებული და აღურიცხავი 138.7 ათასი ლარის მედიკამენტები, 2014 წელს მიღებული და აღურიცხავი 9.2 ათასი ლარის მედიკამენტები, რომელთა ბუღალტრული აღრიცხვა მოხდა 2015 წელს. სულ სახელმწიფო პროგრამის ფარგლებში სამივე სახის დაავადების სამკურნალოდ სამინისტროს მიერ უსასყიდლოდ მიღებულია 33,336.8 ათასი ლარის ღირებულების მედიკამენტები და სამედიცინო სახარჯი მასალები, მათ შორისაა გასული პერიოდის 2012-2014 წლებში მიღებული 738.6 ათასი ლარის აღურიცხავი მედიკამენტები, რომელთა ბუღალტრული აღრიცხვა და შემოსავლად აღიარება მოხდა 2015 წელს. ასევე, #1627 ანგარიშზე ნარჩენი ღირებულებით არის აღრიცხული #8 დაწესებულებაზე რიცხული ამორტიზებული და ჯართად ჩამოწერილი 200 ლიტრიანი 11 ცალი ელექტრო ქვაბი, საერთო ღირებულებით 73,920 ლარი. აღნიშნული ქონება ბალანსში ასახული უნდა იყოს ჯართის ღირებულებით.

ქალაქ თბილისის მუნიციპალიტეტის მერიის ეკოლოგიისა და გამწვანების საქალაქო სამსახური, სატენდერო დოკუმენტაციის მიხედვით, ნარგაობების მდგრადობის შესანარჩუნებლად, როგორც წესი, ითხოვს ჭიგოს გამოყენებას. ჭიგოს ზომები (სიმაღლე, დიამეტრი) განსაზღვრულია ხელშეკრულების პირობებით. აუდიტის ჯგუფის მიერ განაშენიანებული ტერიტორიების დათვალიერებით გამოვლინდა, რომ 5 ხელშეკრულების შემთხვევაში, მიმწოდებლების მიერ გამოყენებული დაახლოებით 57 ათასი ერთეული ჭიგო არ შეესაბამებოდა ხელშეკრულებით გათვალისწინებულ პარამეტრებს და მცირე დიამეტრის გამო, ვერ უზრუნველყოფდა მცენარის დამაგრებას. დარგული ხე-მცენარეების ნორმალური განვითარებისათვის დასამაგრებელი ჭიგოების გამოყენება მნიშვნელოვანია და მისი შეძენა-მოწყობა სახელშეკრულებო ღირებულების არსებით ნაწილს წარმოადგენს. კერძოდ, ჭიგოს დამზადების, ადგილზე მიტანისა და მცენარის დამაგრების ღირებულება, ხელშეკრულებების შესრულების შესაბამისად, საშუალოდ 0.5-1 ლარია. ამდენად, აუდიტის ობიექტის მიერ რიგ შემთხვევებში არ არის დაცული ხელშეკრულებებით დადგენილი შესყიდვის ობიექტის ხარისხობრივი მაჩვენებლები, რაც აუარესებს შემსყიდველი ორგანიზაციის პირობებს.

მუნიციპალიტეტის მხრიდან წყლის სისტემის ექსპლუატაციის პროცესზე არ არის დაწესებული სათანადო კონტროლის მექანიზმები და საკითხი საჭიროებს სამართლებრივ რეგულირებას.

აუდიტის ობიექტების მიერ გამოცხადებული ტენდერების საშუალოდ 22% - უშედეგოდ, ხოლო 28% კონკურენციის გარეშე სრულდება. ტენდერების კონკურენციის გარეშე და უშედეგოდ დასრულება მეტწილად შესყიდვების წინამოსამზადებელი სამუშაოების არასათანადო წარმართვას უკავშირდება. ტენდერების გამოცხადების ეტაპზე შემსყიდველმა უნდა გაითვალისწინოს ბაზრის კვლევის შედეგები, ასევე წინა ტენდერებისა და ხელშეკრულებების ფარგლებში არსებული გამოცდილება. ბაზრის არასათანადო შესწავლაზე მიუთითებს სხვადასხვა ფაქტი, როდესაც შესყიდვის სავარაუდო ღირებულებისა და საქონლის/მომსახურების ტექნიკური მახასიათებლების მოკვლევა გარკვეულ შემთხვევებში ხდება ტენდერის გამოცხადებისა და მიმდინარეობის პერიოდში, დისკვალიფიცირებული ან ტენდერში მონაწილე პრეტენდენტების მიერ წარმოდგენილი ფასწარმოქმნის ადეკვატურობის დამადასტურებელი დოკუმენტების, ან მათ მიერ წარმოდგენილი ტექნიკური პირობების საფუძველზე. ასევე, ზოგიერთ შემთხვევაში სატენდერო მოთხოვნები არაპროპორციული და შემსყიდველის საჭიროებებთან შეუსაბამოა. ტენდერის გამოცხადებამდე შემსყიდველების მიერ მოუმზადებელი ტექნიკური მახასიათებლები, ასევე სატენდერო დოკუმენტაციაში არასაჭირო და არაპროპორციული სატენდერო მოთხოვნების განსაზღვრა, შესყიდვის პროცესის გაჭიანურებისა და არაეკონომიურად განხორციელების რისკებს შეიცავს.

შესამოწმებელ პერიოდში უნივერსიტეტის მიერ გაიხარჯა 32,235.56 ლარის ღირებულების 20,177.56 ლიტრი საწვავი. შესამოწმებელ პერიოდში ლიმიტს ზემოთ, დადგენილი წესის შეუსაბამოდ, გახარჯულია 3,703.28 ლარის ღირებულების 2,274.23 ლიტრი საწვავი.

სამსახურის ბიუჯეტიდან შპს „ლანცეტი“-სთვის ანაზღაურებულია ისეთი სახის ამბულატორიული და გადაუდებელი ამბულატორიული მომსახურებების ღირებულებები, რომელსაც სრულად (100%) ანაზღაურებდა საყოველთაო ჯანდაცვის პროგრამა.

33 შემთხვევაში ადგილი ჰქონდა პრემიისა და დანამატის (ჯამურად) ხელფასზე 2-ჯერ და მეტ გადამეტებას. ხშირ შემთხვევებში ადგილი ჰქონდა უფლებამოსილი პირის ერთი ბრძანების საფუძველზე კონკრეტულ თანამშრომლებზე „ზეგანაკვეთური მუშაობისა და განსაკუთრებით საპასუხიმგებლო ფუნქციური დატვირთვისათვის“ წინასწარ 2 და 3 თვით ხელფასზე ფულადი დანამატების დანიშვნას. 10 შემთხვევაში ადგილი ჰქონდა მაქსიმალური ოდენობის დანამატის 6,250 ლარის წლის განმავლობაში ყოველთვიურ გაცემას, თუმცა თანამდებობრივ სარგოზე 2.3-ჯერ მეტი დანამატი, თავისი ყოველთვიური შინაარსიდან გამომდინარე, უფრო თანამდებობრივი სარგოს ხასიათს ატარებს, ვიდრე დანამატის.

ქ. თბილისის მუნიციპალიტეტის მერია შეისყიდის გამწვანებული ტერიტორიების მოვლა-პატრონობის მომსახურებას. 2015-2016 წლებში გაფორმებული 25 ხელშეკრულება, რომელთა ფაქტობრივი ღირებულება 2 027.2 ათასი ლარია, მოიცავს დასუფთავებას, საყოფაცხოვრებო ნარჩენის შეგროვებასა და გატანას. ხარჯთაღრიცხვებისა და შესრულებული სამუშაოების აქტების თანახმად, ამ მომსახურებაზე არასწორად დარიცხულია დამატებული ღირებულების გადასახადი.

შიდა აუდიტის სამსახურის საქმიანობის ორგანიზება ვერ უზრუნველყოფს, რომ მნიშვნელოვანი წვლილი შეიტანოს მუნიციპალიტეტის რესურსების ეკონომიურად გამოყენებაში, გამგეობის წინაშე არსებული ამოცანების ეფექტიანად შესრულებასა და მუნიციპალიტეტის დასახული მიზნების მიღწევაში. მუნიციპალიტეტის სტრუქტურულ ერთეულებზე შიდა აუდიტის სამსახურს არ გაუცია შესაბამისი რეკომენდაციები, რაც უზრუნველყოფდა რისკების მართვისა და შიდა კონტროლის სისტემის გაუმჯობესებას.

სერვისების სააგენტოს მიერ ქ. თბილისის არქივის შენობის სამშენებლო სამუშაოების 2014 წელს განხორციელებული შესყიდვა მნიშვნელოვანი ნაკლოვანებებით ხასიათდებოდა. მიმწოდებელმა ვერ უზრუნველყო ვალდებულების ჯეროვანი შესრულება, რის გამოც სააგენტომ მასთან ხელშეკრულება ცალმხრივად შეწყვიტა და პირგასამტეხლო დააკისრა. სამუშაოების ექსპერტიზა განახორციელა ექსპერტიზის ეროვნულმა ბიურომ, რომლის დასკვნაც ადასტურებს მშენებლობის კონსტრუქციული ნაწილის მნიშვნელოვან ხარვეზს. სააგენტომ მიმართა ქ. თბილისის მერიის ზედამხედველობის სამსახურს, რომელმაც საბოლოოდ ქ. თბილისის მუნიციპალიტეტის არქიტექტურის სამსახურის გადაწყვეტილების საფუძველზე, შენობა ექსპლუატაციაში მიიღო. აუდიტის სამსახურმა მიმართა ექსპერტიზის ეროვნულ ბიუროს, რომლის პასუხიდან ირკვევა, რომ „აღნიშნული შენობის ცალკეული კვანძები საფრთხის შემცველია, ხოლო შენობის ექსპლუატაციაში მიღება გაუმართლებელია, ვინაიდან როგორც წესი, ასეთი შენობის მედეგობა შემცირებულია.“ აუდიტის პირველადი ანგარიშის გაცემის შემდგომ, სამინისტრომ აუდიტის სამსახურს მოაწოდა ინფორმაცია იმის შესახებ, რომ შენობის ექსპლუატაციაში მიღებამდე, მათ მყისიერად ჩაატარეს სამუშაოები იმ კვანძზე, რომელიც ექსპერტიზის ეროვნული ბიუროს მიერ მიჩნეული იყო როგორც „საფრთხის შემცველი“. ამასთან, საექსპერტო დასკვნა არ მიუთითებდა შენობის ექსპლუატაციაში მიღების საფრთხეზე. შესაბამისად, მათთვის, ექსპერტიზის ეროვნული ბიუროს მოსაზრება შენობის ექსპლუატაციის გაუმართლებლობასთან დაკავშირებით ცნობილი არ იყო. სამინისტრომ აუდიტის პირველადი ანგარიშის მიღების შემდგომ, დამატებით ჩაატარა ექსპერტიზა და წარმოადგინა შპს „ოპტიმუსის“ მიერ გაცემული ექსპერტიზის დასკვნა. ექსპერტიზა ადასტურებს იმ ფაქტს, რომ ერთ კვანძზე ჩატარებულია სამუშაოები და ასევე შენობას არ მიიჩნევს ექსპლუატაციისთვის საფრთხის შემცველად. აუდიტის სამსახურმა დამატებითი მტკიცებულებების მოპოვების მიზნით, მიმართა ექსპერტიზის ეროვნულ ბიუროს, რომლის პასუხიდანაც ირკვევა, რომ „ერთი კვანძის გამოსწორებით ვერ შეიცვლება შენობაში არსებული მდგომარეობა, რაც შექმნილია სხვადასხვა ზონებში პროექტისა და სამშენებლო ნორმების დარღვევით ლითონკონსტრუქციების კვანძების უხარისხო მოწყობით, რის გამოც მისი ექსპლუატაცია არ არის მიზანშეწონილი.“ სერვისების განვითარების სააგენტომ 2015 წლიდან ვერ უზრუნველყო არქივის შენობის მშენებლობაში არსებული სხვადასხვა ხარვეზების გამოსწორება. აღნიშნული სამუშაოები გათვალისწინებული იყო 2018 წლის ბიუჯეტში და აუდიტის ანგარიშის გაცემის დროს მიმდინარეობს. აუდიტის ობიექტის განმარტებით, დღეის მდგომარეობით, არქივის ორსართულიან შენობაში, სადაც განთავსებულია საოფისე ნაწილი და სამუშაო პერიოდში იმყოფებიან თანამშრომლები, გამაგრებითი/გაძლიერებითი სამუშაოები უკვე დასრულებულია, ხოლო მდგრადობის დასადასტურებლად, ექსპერტიზის ეროვნულ ბიუროში უკვე გადაგზავნილია მოთხოვნა ექსპერტიზის ჩასატარებლად. არქივის ერთსართულიან ნაწილში, სადაც განთავსებულია არქივი, ამჟამად გამაგრებითი სამუშაოები მიმდინარეობს და დასრულებულია შესასრულებელი სამუშაოს მოცულობის 50%-მდე. სამინისტროს განმარტებით, დღეის მდგომარეობით, არქივის შენობის ექსპლუატაცია არ მიმდინარეობს. დაცლილია ადმინისტრაციული შენობა და თანამშრომლები სამუშაოდ გადაყვანილი არიან ალტერნატიულ ტერიტორიაზე. ყოველივე ზემოაღნიშნულიდან გამომდინარე, გამოკითხვების, წერილობითი მიმოწერისა და ფაქტების დოკუმენტური ანალიზის, ასევე განსხვავებული საექსპერტო დასკვნებისა და მოსაზრებების შედეგად, აუდიტის სამსახური ვერ დარწმუნდა თავის დროზე შენობის ექსპლუატაციაში მიღების მიზანშეწონილობაში. როგორც აღინიშნა, არსებული ხარვეზების გამოსასწორებლად, სააგენტომ დაიწყო სამუშაოების ჩატარება, თუმცა მათი მოცულობისა და ხარისხის შეფასება, თანმდევი რისკების გათვალისწინებით, სცდება აუდიტის სამსახურის კომპეტენციას. ვინაიდან საქმე ეხება ექსპლუატაციაში მიღებულ შენობას, მივიჩნევთ, რომ პრიორიტეტულია გამოსასწორებელი სამუშაოების დროული დასრულება უსაფრთხოების წესების დაცვით, რის შემდეგაც უნდა მოხდეს შენობის მედეგობის და ექსპლუატაციის უსაფრთხოების შეფასება.

უნივერსიტეტში ქონების, მოთხოვნებისა და ვალდებულებების სავალდებულო ინვენტარიზაცია 2015-2016 წლებში არ ჩატარებულა. ადმინისტრაციის ხელმძღვანელის ბრძანებით, 2017 წლის ბოლოს, 31 დეკემბრის მდგომარეობით ჩატარდა ქონების, მოთხოვნებისა და ვალდებულებების ინვენტარიზაცია, რომლის დროსაც არ განხორციელებულა შენობა-ნაგებობების, სამუზეუმო და საბიბლიოთეკო ფონდების ფაქტობრივი ნაშთების აღწერა. ინვენტარიზაციის შედეგად გამოვლინდა 15 ერთეული 3,730.00 ლარის გრძელვადიანი მცირეფასიანი აქტივის და 36 ერთეული 23,472.38 ლარის ძირითადი აქტივის დანაკლისი. ინვენტარიზაციის პროცესი ხასიათდებოდა შემდეგი ნაკლოვანებებით: – მატერიალურად პასუხისმგებელ პირებთან არ იყო გაფორმებული შესაბამისი ხელშეკრულება სრულ ინდივიდუალურ მატერიალურ პასუხისმგებლობაზე აქტივების დასახელებით; – საინვენტარიზაციო კომისიის მიერ არ განხორციელებულა მატერიალურად პასუხისმგებელი პირებისგან შესაბამისი განმარტებების წერილობით მოთხოვნა-მიღება; – უნივერსიტეტის ხელმძღვანელობას არ გაუფორმებია შესაბამისი ოქმი, სადაც ნათლად გამოიკვეთებოდა დანაკლისების მიზეზები, დამნაშავე პირები და გასატარებელი ღონისძიებები; – ხელმძღვანელობას დანაკლისზე ბრალეული პირის დადგენის მიზნით, არ გადაუგზავნია მასალები სამართალდამცავ ორგანოებში. აუდიტის ჯგუფის მოთხოვნით და თანდასწრებით, შერჩევით, ინვენტარიზაციას დაექვემდებარა კინო-ტელე ფაკულტეტის სასწავლო სტუდიის (შემდგომ − სასწავლო სტუდია) და თეატრის აღჭურვისა და მოწყობის სამუშაოების ფარგლებში შესყიდული ფასეულობები. ინვენტარიზაციით გამოვლინდა შემდეგის სახის კონტროლის სისუსტეები: – ბალანსზე რიცხულ არაფინანსურ აქტივებზე არ იყო გახსნილი საინვენტარო ბარათები, ასევე არაფინანსური აქტივების ნაწილს არ ჰქონდა მინიჭებული საინვენტარო ნომერი (რაც ინვენტარიზაციის პროცესში გამოსწორდა) და არსებული რეესტრის მონაცემებში არ იყო მითითებული მათი ზუსტი ადგილმდებარეობა; – ზოგიერთი ფასეულობის მიხედვით, მატერიალურად პასუხისმგებელ პირზე მათი გადაცემის ფაქტზე არ იყო შედგენილი მიღება-ჩაბარების აქტი; – შერჩევითი ინვენტარიზაციის შედეგად გამოვლინდა 1,649.00 ლარის ღირებულების 2 ერთეული ძირითადი აქტივის (ტელევიზორი და პორტატული აუდიო-ვიდეოჩამწერი კამერა) დანაკლისი, რასთან დაკავშირებით უნივერსიტეტის ხელმძღვანელობამ წერილობით აცნობა სამართალდამცავ ორგანოებს.

ზოგიერთ შემთხვევაში, დაფინანსებულია დაახლოებით ერთი წლის სამყოფი მედიკამენტები, ისე რომ არ არის ფორმა N100-ში მითითებული წამლის მიღების ხანგრძლივობა. არის შემთხვევა, როდესაც დაფინანსებულია ერთი და იგივე მოქმედების პრეპარატი ისეთი ოდენობით, რაც საკმარისი იქნებოდა ერთი ადამიანისთვის 10 წლის განმავლობაში.

მთლიანი კრედიტორული დავალიანების 99%-ს ( 3,220.1 ათასი ლარი) მოიცავს აპარატის (პროგრამული კოდი 27 01+27 02 01) კრედიტორები, საიდანაც 2,686.0 ათასი ლარის დავალიანება წარმოშობილია 1996-2009 წლებში (მათ შორის 496.0 ათასი ლარის დავალიანება წარმოშობილია 2003 წლამდე). ნაშთების რეალურობის დადგენის მიზნით სამინისტროში ვალდებულებების ინვენტარიზაცია არ ჩატარებულა. 2015 წლამდე წარმოქმნილი სამინისტროს კრედიტორული დავალიანებები 2,738.7 ათასი ლარის ოდენობით ფინანსურ ანგარიშგებაში არ არის ასახული ბალანსის საცნობარო მუხლში („ვადაგადაცილებული დავალიანებები - 09“), რაც შეუსაბამოა კანონმდებლობასთან. ასევე, არ შეესაბამება ერთმანეთს 2014 წლის ფინანსური ანგარიშგების ბალანსის საცნობარო მუხლის („ვადაგადაცილებული დავალიანებები - 09“) წლის ბოლოს არსებული (გადმომავალი) ნაშთი და 2015 წლის ფინანსურ ანგარიშგებაში ასახული საცნობარო მუხლის („ვადაგადაცილებული დავალიანებები - 09“) წლის დასაწყისის ნაშთს.

არსებობს მაღალი რისკი, რომ 2015 წელში ქ. თბილისის მუნიციპალიტეტის მერიის მიერ გამოცხადებულ ტენდერებში მონაწილე 7-მა პრეტენდენტებმა, მეტი ფინანსური სარგებლის მიღების მიზნით, დაარღვია საქართველოს შესყიდვების კანონმდებლობით განსაზღვრული აფიდავიტის მოთხოვნები. სახელმწიფო შესყიდვების ღირებულება ჯამში 57.0 ათასი ლარითაა გაზრდილი.

2016 წელს მუნიციპალიტეტმა შპს „გზას“ გადაურიცხა 5.3 ათასი ლარი. აღნიშნული თანხა წარმოადგენდა 2015 წელს გაფორმებული ხელშეკრულების ფარგლებში მიმწოდებლის მიმართ წარმოქმნილ კრედიტორულ დავალიანებას. გადასახდელი 5.3 ათასი ლარი მუნიციპალიტეტის მიერ უნდა აღრიცხულიყო „აქტივების მიწოდებით დარიცხული ვალდებულებების“ მუხლში. ნაცვლად ამისა, 5.3 ათასი ლარი მუნიციპალიტეტმა წარმოადგინა 2016 წლის ფინანსურ ანგარიშგებაში „შენობა-ნაგებობების“ მუხლში.

საჯარო რეესტრის ერთ-ერთი სტრატეგიული ამოცანაა გეოდეზიისა და კარტოგრაფიის განვითარება, რომელიც მოიცავს, მათ შორის, სანიველირე ქსელის მოკვლევასა და განვითარებას . სანიველირე ქსელის (სანიველირე რეპერების) მოკვლევის მიზნით, საჯარო რეესტრმა რამდენჯერმე გამოაცხადა ტენდერი, ხოლო საქმიანობის ნაწილი თავად განახორციელა. საჯარო რეესტრს დამოუკიდებლად შეეძლო სანიველირე ნიშნების (რეპერების) მოკვლევა, რაც პროცესს მხოლოდ დროში გააჭიანურებდა. რეესტრის სამოქმედო გეგმითა და აქტივობებით ვერ ირკვევა, თუ რა შიდა რესურსი უნდა ყოფილიყო გამოყენებული რეპერების მოსაკვლევად და სამუშაოს რა ნაწილი უნდა განხორციელებულიყო გარე რესურსით (ტენდერით). აღნიშნული პროცესი საჯარო რეესტრის მიერ უნდა განხორციელებულიყო 2014-2017 სამოქმედო გეგმის ფარგლებში, თუმცა სამოქმედო გეგმით პროცესი არ იყო გაწერილი დროში და რეესტრის განმარტებით, სხვადასხვა პერიოდში ხორციელდებოდა.

2006-2009 წლებში შესაბამისი მიღება-ჩაბარების აქტების საფუძველზე, უნივერსიტეტს სახელმწიფოსაგან უზუფრუქტის ფორმით განსაკარგავად გადმოეცა უძრავი ქონება, რომელიც მდებარეობდა ქ. თბილისში, ოთხ მისამართზე, კერძოდ: შოთა რუსთაველის გამზირის N17-ში, N19-სა და N23-ში და დავით აღმაშენებლის გამზირის N40-ში. უნივერსიტეტის მიერ შპს „გეოდეზი 2007-თან“ გაფორმებული ხელშეკრულების საფუძველზე შესრულებული აზომვითი ნახაზის შედეგად, გამოვლინდა არსებითი შეუსაბამობები რუსთაველის გამზირზე მდებარე შენობა-ნაგებობის ფართთან დაკავშირებით. კერძოდ, სახელმწიფოს მიერ უზუფრუქტის ხელშეკრულებების საფუძველზე გადაცემული შენობა-ნაგებობების საერთო ფართობი 6,766.63 კვ.მ-ს შეადგენდა. აღნიშნული თანხვედრაშია საჯარო რეესტრის ეროვნულ სააგენტოს ამონაწერებთან, ხოლო ფაქტობრივად, აზომვითი მონაცემებით, რუსთაველის გამზირზე, სამ საკადასტრო ერთეულზე გადანაწილებული შენობა-ნაგებობების ჯამური ფართობი, რასაც უნივერსიტეტი შესამოწმებელ პერიოდში განკარგავდა და ნაწილობრივ იყენებდა ეკონომიკური საქმიანობისათვის, შეადგენს – 7,919.46 კვ.მ-ს. დავით აღმაშენებლის გამზირის N40-ში მდებარე შენობა-ნაგებობის საერთო ფართობი 6,538.67 კვ.მ-ს შეადგენს. 2009 წლის 4 მარტის მიღება-ჩაბარების აქტის საფუძველზე უნივერსიტეტს სარგებლობის უფლებით გადმოეცა 4,858.45 კვ.მ, ხოლო საჯარო რეესტრის ეროვნული სააგენტოს მიერ გაცემული განახლებული ამონაწერის შესაბამისად, ზემოაღნიშნულ მისამართზე უნივერსიტეტის უზუფრუქტის უფლება ვრცელდება 5,070.60 კვ.მ-ზე. საკითხის შესწავლის შედეგად დადგინდა, რომ უნივერსიტეტს არ გააჩნია ინფორმაცია და შესაბამისი დოკუმენტური მტკიცებულება, რის საფუძველზე განხორციელდა უზუფრუქტის უფლების სარეგისტრაციო მონაცემებში ცვლილება − დამატებით 212.15 კვ.მ-თან დაკავშირებით. ამასთანავე, მე-2 კორპუსის ტერიტორიაზე განთავსებულია შენობა-ნაგებობა N2 (საქვაბე), რომელიც არ დატანილა მიწის ნაკვეთის საკადასტრო აზომვაზე და ფინანსურ ანგარიშგებაშიც არ იყო აღრიცხული.

რიგ შემთხვევებში დაფინანსებულია ისეთი ბენეფიციარების მკურნალობის ხარჯები, რომლებზეც არ დასტურდება, რომ მიეკუთვნებოდნენ მატერიალურად გაჭირვებულთა კატეგორიას. 23 შემთხვევაში დაფინანსებულია სამსახურის თანამშრომლები ჯამური თანხით 93.7 ათასი ლარი.

2015 წლის 31 დეკემბრისათვის საბალანსო ანგარიშზე „მოთხოვნები არაფინანსური აქტივების დანაკლისებით“ რიცხულმა ნაშთმა შეადგინა 50.3 ათასი ლარი, რომელიც წარმოადგენს სასჯელაღსრულების დეპარტამენტის 2003 წლამდე წარმოშობილ დანაკლისს.

2016 წელს დედოფლისწყაროს მუნიციპალიტეტის მიერ შეძენილია გარე-განათებისათვის ახალი მოხმარების აღრიცხვის 11 ერთეული კვანძის მოწყობის და გამანაწილებელ ქსელზე მიერთების სამუშაოები, საერთო თანხით 4.4 ათასი ლარი. აღნიშნული ფინანსურ ანგარიშგებაში წარმოდგენილია „ორგანიზაციის ანგარიში არაფინანსური აქტივებით საკასო ოპერაციების შესახებ“ ფორმაში „ელექტროგადამცემი ხაზების“ მუხლში. შეძენილი მრიცხველები მუნიციპალიტეტისათვის არ წარმოადგენს აქტივს, რადგან ელექტროგამანაწილებელი კომპანიის კუთვნლილებაა და შესაბამისად, აღრიცხული უნდა იყოს „სხვა დანარჩენი საქონლისა და მომსახურების მუხლში“.

ბიომეტრიული პასპორტების მასალის შესყიდვისას, მიმწოდებლისთვის თანხების დროული გადახდის შემთხვევაში, სააგენტო დაზოგავდა ვალუტის კურსის ცვალებადობით წარმოქმნილ სხვაობას - 50.66 ათას ლარს.

უნივერსიტეტის პირველი კორპუსის სარემონტო-სარეაბილიტაციო სამუშაოების ფარგლებში (კონტრაქტის ღირებულება − 2,514,031.88 ლარი), ე.წ. „ფარული სამუშაოების“ გარკვეულ ნაწილზე შედგენილია დაუთარიღებელი შესრულების აქტები (მთლიანი სახელშეკრულებო ღირებულების დაახლოებით 15%), ხოლო ნაწილზე საერთოდ არ არის შედგენილი აღნიშნული აქტები. ფარული სამუშაოების ფაქტობრივი შესრულების დადასტურება შესაძლებელია მხოლოდ უშუალოდ სამუშაოების განხორციელების პროცესში, რომელსაც უნდა ესწრებოდეს შემსყიდველის წარმომადგენელი. აქედან გამომდინარე, კონტროლის მექანიზმის არარსებობა ან არაეფექტიანობა ზრდის თაღლითობის რისკებს.

 სამსახურის მიერ არათანაბარი მიდგომებია ვეტერანების დაფინანსებაზე გადაწყვეტილების მიღებისას. გადამისამართებულია ისეთი დაავადების მქონე ვეტერანების და მათი ოჯახის წევრების განცხადებები, როგორიცაა ონკოლოგიური დავადებები, გულის მწვავე დაავადებები, მედიკამენტებით უზრუნველყოფა, ქიმიოთერაპია, პნევმონია და ასე შემდეგ. მაშინ, როდესაც დაფინანსებულია ისეთი მომსახურება, როგორიცაა: სტომატოლოგიური მომსახურება, გინეკოლოგიური მომსახურება, საზღვარგარეთ ძვირადღირებული მკურნალობის ხარჯები და სხვა.

მოთხოვნების 92%-ს მოიცავს აპარატის (პროგრამული კოდი 27 01+27 02 01) დებიტორებს. აქედან, 5,312.2 ათასი ლარი წარმოშობილია 1996-2010 წლებში და ირიცხება სხვადასხვა მომწოდებლებზე. ნაშთების რეალურობის დადგენის მიზნით არ ჩატარებულა მოთხოვნების ინვენტარიზაცია, შესაბამისად დებიტორ ორგანიზაციებთან არ გაფორმებულა ურთიერთშეთანხმების აქტები და არ გატარებულა სათანადო ღონისძიებები არსებული დებიტორული დავალიანებების რეალობის დასადგენად. ხანდაზმული უიმედო დებიტორული დავალიანებები არც საცნობარო მუხლშია გადატანილი („გადახდისუუნარო დებიტორების ჩამოწერილი დავალიანება - 03“), რაც შეუსაბამოა კანონმდებლობის მოთხოვნებთან, რომლის მიხედვითაც უიმედო დებიტორული დავალიანების თანხები აიღება ბალანსის საცნობარო მუხლში. აღნიშნული ხანდაზმული მოთხოვნების ყველაზე დიდი ხვედრითი წილი მოდის 2005 წელს წარმოშობილ შპს „ნოლა“-ს დავალიანებაზე, რომელიც შეადგენს 4,299.5 ათას ლარს და რომელზეც მიმდინარე აუდიტის ფარგლებში ვერ იქნა წარმოდგენილი შესაბამისი დოკუმენტაცია.

დედოფლისწყაროს მუნიციპალიტეტმა სხვადასხვა მიმწოდებლებისგან შეიძინა სპორტული ინვენტარი, მათ შორის, 500 ლარზე ნაკლები ღირებულების მცირეფასიანი ინვენტარი, საერთო თანხით 2.4 ათასი ლარი. აღნიშნული წარმოადგენს „გრძელვადიან მცირეფასიან აქტივს“ და ფინანსურ ანგარიშგებაში წარმოდგენილი უნდა იყოს შესაბამის მუხლში, ნაცვლად „სხვა მანქანა-დანადგარისა და ინვენტარის“ მუხლისა.

 სააგენტოებში, თანამშრომელთა წინასწარ განსაზღვრული, დამტკიცებული საშტატო რიცხოვნობა აღემატება ფაქტობრივად დასაქმებულ თანამშრომელთა რაოდენობას (საჯარო რეესტრი - 30%, სერვისების განვითარების სააგენტო - 13%). შედეგად, არსებული საშტატო რიცხოვნობა და შრომის ანაზღაურების ფონდი არ ასახავს ადამიანური რესურსის ფაქტობრივ და საჭირო რაოდენობას.  საჯარო რეესტრში დანამატები გაიცემა ყოველთვიურად, დასაბუთების გარეშე, რაც ვერ უზრუნველყოფს დანამატის გაცემის საკმარის გამჭვირვალობას და არსებითად თანამდებობრივი სარგოს ხასიათს ატარებს.

უნივერსიტეტის თეატრის, კინოს, მედიის, მენეჯმენტისა და ტრადიციულ ხელოვნებათა სამეცნიერო-კვლევითი ინსტიტუტის მიერ (შემდგომ – ინსტიტუტი) ქართული თეატრის ენციკლოპედიაზე (შემდგომ – თეატრის ენციკლოპედია) და ქართული კინოს ენციკლოპედიაზე (შემდგომ – კინოს ენციკლოპედია) მუშაობა დაიწყო 2007 წლიდან. 2008 წელს ინსტიტუტს დაევალა ენციკლოპედიების გამოცემა 2 წლის განმავლობაში, რაც დადგენილ ვადაში ვერ განხორციელდა. 2010 წლის რეორგანიზაციის შედეგად, ინსტიტუტი გაუქმდა და ენციკლოპედიებზე მუშაობა შეჩერდა. რექტორის ბრძანებით, 2011 წელს შეიქმნა ქართული თეატრის ხელოვნებისა და ქართული კინოს ხელოვნების კვლევითი ცენტრი (შემდგომ – ცენტრი), რომელსაც დაევალა ენციკლოპედიებზე მუშაობის განახლება და დასრულება კონკრეტული ვადების განსაზღვრის გარეშე. აკადემიური საბჭოს 2014 წლის დადგენილებებით, ენციკლოპედიების საბოლოოდ რედაქტირების და დასაბეჭდად მომზადების ვადები კინოს ენციკლოპედიის შემთხვევაში, განისაზღვრა 2015 წლის 16 თებერვლამდე, ხოლო თეატრის ენციკლოპედიის შემთხვევაში − 2015 წლის 1 ივლისი. ამ შემთხვევაშიც ვერ შესრულდა სამუშაო დადგენილ ვადებში. მიუხედავად იმისა, რომ ენციკლოპედიებზე მუშაობა არ იყო დასრულებული, აკადემიური საბჭოს გადაწყვეტილებით, საპრეზენტაციოდ, სამსახურებრივი მოხმარებისთვის, დაჩქარებული წესით გამოიცა ენციკლოპედიების განსაზღვრული (10 ეგზემპლარი, თითოეული − 2 ტომად) რაოდენობა. დადგინდა, რომ სასიგნალო ეგზემპლარები არ იყო დასრულებული, კერძოდ, თეატრის ენციკლოპედია მთავრდება „კ“ ასოზე. ასევე 2017 წელს მთავარ სამეცნიერო კონსულტანტთან გაფორმებული შრომითი ხელშეკრულებით, მას ევალებოდა თეატრის ენციკლოპედიის ტექსტის შემოწმება და გადამუშავება. ფაქტობრივად, თეატრისა და კინოს ენციკლოპედიები დასრულებული არ არის და მათზე მომუშავე (2007 წლიდან 2015 წლამდე) თანამშრომლებზე ხელფასის სახით ჯამში გაიცა 418,905.00 ლარი. უნივერსიტეტმა სათანადოდ არ შეისწავლა და არ დაგეგმა ენციკლოპედიების გამოცემასთან დაკავშირებული ღონისძიებები. დაგეგმვის პრობლემებზე მიუთითებს გამოცემისთვის განსაზღვრული ვადების ხშირი ცვლილება. ამასთანავე, მიზანი ვერ იქნა მიღწეული (ენციკლოპედიები საბოლოო სახით არ გამოცემულა), რაც მიუთითებს საბიუჯეტო სახსრების არაეფექტიან და არაპროდუქტიულ ხარჯვაზე.

მიღება-ჩაბარების აქტების (ფორმა N2-ების) აუდიტით გამოვლინდა, რომ რიგ პოზიციებზე შესრულებული სამუშაოს ფასები არსებითად განსხვავდებოდა საპროექტო ხარჯთაღრიცხვის ღირებულებებთან, რამაც განაპირობა ის გარემოებები, რომ მიმწოდებელს მიეცა საშუალება ტენდერში გამარჯვების მიზნით ზოგიერთი პოზიციაზე დაუსაბუთებლად გაეზარდა ან შეემცირებინა სამუშაოს ღირებულება ისე, რომ არ გასცდენოდა მის მიერ შეთავაზებული სატენდერო წინადადების ღირებულებას.

აპარატს 2015 წლის 31 დეკემბრის მდგომარეობით ერიცხებოდა 1,225.7 ათასი ლარის მოთხოვნებისა და დებიტორული დავალიანებების ნაშთი, ანგარიშზე „მოთხოვნები დარიცხული ჯარიმებით, სანქციებით და საკუთრებასთან დაკავშირებული სხვა შემოსავლებით“ (ანგარიში N 1354) ირიცხებოდა 293.4 ათასი ლარის დებიტორული დავალიანების ნაშთი, საიდანაც 11 დებიტორის მიმართ რიცხული დავალიანების როგორც საწყისი, ასევე საბოლოო ნაშთი არის უცვლელი.აპარატის მიერ წარმოდგენილი მტკიცებულებების მიხედვით, ზოგიერთ მოვალეს არ გააჩნია ქონება, რათა მოხდეს აპარატის, როგორც კრედიტორის სასარგებლოდ თანხების ამოღება. ვინაიდან არსებული მდგომარეობით დებიტორული დავალიანების თანხების ამოღების ალბათობა ნულის ტოლია. ფინანსურ ანგარიშგებაში ასახული ინფორმაციის საიმედოობის პრინციპების გათვალისწინებით, აპარატის მიერ შესაძლებელია ჩამოიწეროს ზოგიერთი დებიტორული დავალიანება (იხ.ცხრილი N5) და ამასთან, აისახოს ისინი შესაბამის საცნობარო მუხლში.

2016 წელს შეძენილია მასალები საერთო თანხით 1.0 ათასი ლარი. მიმწოდებლებმა აღნიშნული მასალები წარმოადგინეს 2016 წლის ბოლოს, ხოლო თანხის ანაზღაურება მოხდა 2017 წელს. მიმწოდებლებისათვის გადასახდელი თანხა წარმოადგენს ვალდებულებას და ფინანსურ ანგარიშგებაში წარმოდგენილი უნდა იყოს „სხვა კრედიტორული დავალიანების“ მუხლში.

 იუსტიციის სახლების მშენებლობების და დამთავრებული ობიექტების ექსპლუატაციის, ბალანსზე აღრიცხვისა და სახელმწიფო რეგისტრაციის საკითხები, მათ შორის, თბილისის იუსტიციის სახლის ექსპლუატაციაში მიღების საკითხი არ არის გადაწყვეტილი. საჯარო რეესტრისა და სერვისების განვითარების სააგენტოს ბალანსზე ირიცხება დაუმთავრებელი აქტივები საქართველოს სხვადასხვა რეგიონის იუსტიციის სახლების სახით, რაც არ აკმაყოფილებს აქტივად კლასიფიცირების კრიტერიუმს. შედეგად, ფინანსურ ანგარიშგებაში აქტივების ღირებულება წარმოდგენილია გაზრდილი ოდენობით (სერვისების განვითარების სააგენტო-43,022.91 ათასი და საჯარო რეესტრი - 40,233.70 ათასი ლარი).  იმ პირობებში, როდესაც იუსტიციის სამინისტროში შიდა აუდიტის სამსახური არ ფუნქციონირებს, სსიპ-ების მიერ ბოლო წლებში დამოუკიდებელი აუდიტი არ ჩატარებულა, რაც გათვალისწინებულია მოქმედი კანონმდებლობით.

ადმინისტრაციული შენობისა და მიმდებარე ტერიტორიის სარეაბილიტაციო და სარემონტო სამუშაოების სახელმწიფო შესყიდვისას საავანსო თანხის გადარიცხვა „კონვენტ ჯორჯია“-სთვის განხორციელებულია გარანტიის გამცემი ბანკის სანდოობის შესწავლის გარეშე. შედეგად, გარანტორი ბანკის მიერ ანაზღაურებული არ არის საავანსოდ გადარიცხული თანხიდან შეუსრულებელი სამუშაოს ღირებულება 363.3 ათასი ლარი.

აპარატს საანგარიშო პერიოდში გამარტივებული შესყიდვის საშუალებით შეძენილი აქვს გორგასლის ქ. N10-ში მდებარე შენობა-ნაგებობების სარემონტო-სამშენებლო სამუშაოები. ხსენებული შენობა-ნაგებობები შეძენილია სამინისტროს აპარატისა და სსიპ „შემოსავლების სამსახურის“ მიერ ერთობლივად 2014 წლის დეკემბერში. აპარატს, აღნიშნული სამშენებლო სამუშაოების შესყიდვისათვის, 2015 წლის 3 აპრილს გაფორმებული აქვს N87 ხელშეკრულება შპს „მშენ ელექტრო-სერვისთან“. სახელშეკრულებო ღირებულებამ შეადგინა 786,580 ლარი, ხოლო სსიპ „ლევან სამხარაულის ექსპერტიზის ეროვნული ბიუროს“ დასკვნის თანახმად, ფაქტობრივად შესრულებულმა სამუშაოების მოცულობამ და შესაბამისად აპარატის მიერ გადახდილმა თანხამ შეადგინა 740,145 ლარი, ანუ 46,435 ლარით ნაკლები სახელშეკრულებო ღირებულებასთან შედარებით.შესყიდვის ფორმად გამარტივებული შესყიდვის საშუალების შერჩევა განხორციელებულია სამუშაოების შეზღუდულ ვადებში შეუფერხებლად განხორციელების მიზნით. შეძენილი უძრავი ქონება აპარატისათვის სრულად გადმოცემულია სსიპ „შემოსავლების სამსახურის“ მიერ 2015 წლის თებერვლის მეორე ნახევარში, რამაც ობიექტის განმარტებით, გამოიწვია შენობა-ნაგებობების სარემონტო სამუშაოების გამარტივებული წესით შესყიდვის გამოყენება. მათივე განმარტებით შენობის გადმოცემის შემდგომ, სატენდერო პროცედურების განხორციელების შემთხვევაში, სამშენებლო-სარემონტო სამუშაოებზე ხელშეკრულების გაფორმება „ვერ იქნებოდა შესაძლებელი მინიმუმ ივნისის დასაწყისამდე, მაშინ, როდესაც სამუშაოების სრულად დამთავრების აუცილებლობა აპარატის მიერ განისაზღვრა 2 ივლისამდე“.

• 2015 წელს გამოცხადებულ SPA150001308 ტენდერში პრეტენდენტი გამარჯვებულადაა ცნობილი ისე, რომ მის მიერ წარდგენილი დოკუმენტაციით ვერ დასტურდებოდა, აკმაყოფილებდა თუ არა იგი სატენდერო განცხადების მოთხოვნებს.

2016 წელს მუნიციპალიტეტის მიერ შეძენილია 9.0 ათასი ლარის ღირებულების მრიცხველები, რომელიც წარმოდგენილი არ არის ფინანსურ ანგარიშგებაში. მრიცხველები წარმოადგენს ენერგოკომპანიის საკუთრებას, შესაბამისად, მრიცხველების შესაძენად გადახდილი თანხა მუნიციპალიტეტისათვის წარმოადგენს ხარჯს და წარმოდგენილი უნდა იყოს ფინანსური ანგარიშგების შესაბამის მუხლში.

სამშენებლო სამუშაოების შესყიდვისას სამსახურს არ განუხორციელებია პრეტენდენტ "კონვენტ ჯორჯიას" დისკვალიფიკაცია, მიუხედავად მისი წინადადების სატენდერო დოკუმენტაციასთან შეუსაბამობისა

აპარატს 2015 წლის 17 მარტს გამარტივებული შესყიდვის საშუალებით შეძენილი აქვს 160 ლარის ღირებულების სარეკლამო სტიკერები შპს „ფავორიტი ედვერთაისმენთისგან“, რომელიც ხელშეკრულების გაფორმების პერიოდში რეგისტრირებული იყო სახელმწიფო შესყიდვების სააგენტოს მიერ წარმოებულ შავ სიაში, რითიც დარღვეულია „გამარტივებული შესყიდვის, გამარტივებული ელექტრონული ტენდერისა და ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2011 წლის 7 აპრილის N9 ბრძანების მოთხოვნა შავი სიის წარმოების წესისა და პირობების შესახებ

• ცალკეულ შემთხვევაში საქართველოს პრეზიდენტის სარეზერვო ფონდიდან სახსრების გამოყოფა ხდებოდა ისეთი ხარჯების დასაფინანსებლად, რომელთა დაფინანსების გათვალისწინება შესაძლებელი იყო ადმინისტრაციის ბიუჯეტის დაგეგმვის ეტაპზე.

დედოფლისწყაროს მუნიციპალიტეტი შესრულებულ სამუშაოებზე საგარანტიო ვადით მიმწოდებლებს უკავებს 2.5%-ს. წინა წლებში განხორციელებულ სამუშაოებზე დაკავებული თანხა - 54.6 ათასი ლარი, მიმწოდებლებისათვის ანაზღაურებულია 2016 წელს და ფინანსურ ანგარიშგებაში წარმოდგენილია ფორმა №2-ში „სხვა მიმდინარე ხარჯის“ მუხლში. დაკავებული საგარანტიო თანხები წარმოადგენს აქტივების მიწოდებით დარიცხულ ვალდებულებებს და წარმოდგენილი უნდა იყოს შესაბამისი წლების ფინანსურ ანგარიშგებაში, როგორც მუნიციპალიტეტის კრედიტორული დავალიანება. შესაბამისად, მიმწოდებლებისათვის ანაზღაურებული 54.6 ათასი ლარი წარმოადგენს ვალდებულების კლებას და მისი ასახვა „სხვა მიმდინარე ხარჯის“ მუხლში არასწორია.

საანგარიშო პერიოდში 3 შემთხვევაში აპარატის მიერ სატენდერო დოკუმენტაციაში არ არის შეტანილი მოთხოვნა მომწოდებლების მიერ საბაზროსთან შედარებით მნიშვნელოვნად დაბალი (20% და მეტი) ფასის დაფიქსირებისას ფასწარმოქმნის ადეკვატურობის დასაბუთების ვალდებულების შესახებ, რითიც არ არის დაცული „გამარტივებული შესყიდვის, გამარტივებული ელექტრონული ტენდერისა და ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2011 წლის 7 აპრილის N9 ბრძანების მე-9 მუხლის 1-ლი პუნქტის „ი“ ქვეპუნქტის მოთხოვნა.

• საქართველოს პრეზიდენტის სარეზერვო ფონდიდან დაფინანსებულ ზოგიერთ პროექტში მაღალია პროექტის ადმინისტრაციული პერსონალის შრომის ანაზღაურების წილი.

ნინოწმინდის მუნიციპალიტეტის მიერ არ არის მიღებული კანონმდებლობით გათვალისწინებული პრემიების განსაზღვრისა და გაცემის წესი. მუნიციპალიტეტმა დაარღვია შრომითი ურთიერთობის შესახებ გაფორმებული ხელშეკრულების პირობები, რომელიც არ ითვალისწინებდა წახალისებას და შტატგარეშე პირებზე გასცა პრემია 5.9 ათასი ლარი.

აუდიტით დადგინდა, რომ სამინისტროს მმართველობის სფეროში შემავალი სახელმწიფო საქვეუწყებო დაწესებულებებისთვის ადმინისტრაციული დეპარტამენტის მიერ შეძენილი საქონლისა და მომსახურების მიმართ არ იყო გამოყენებული ერთიანი სააღრიცხვო პოლიტიკა, კერძოდ: აპარატი გადაცემულ საქონელს აღრიცხავდა „გრანტების“ ანგარიშზე (N7600), ხოლო მომსახურებას მიაკუთვნებდა მის მიერ გაწეული ფაქტობრივი ხარჯების შესაბამის ანგარიშებს. შედეგად, აპარატის „ანგარიში ფინანსური შედეგების შესახებ“ (ფორმა N2) და „ორგანიზაციის ანგარიში შემოსავლების და ხარჯების ეკონომიკური კლასიფიკაციის მიხედვით“ (დანართი N2) არასამართლიანად ასახავს 2015 წელს აპარატის მიერ გაწეულ ფაქტობრივ ხარჯებს „საქონელი და მომსახურების“ მუხლით.

შპს „მშენ-ელექტრო სერვისმა“ (SPA150013786, ხელშეკრულება N336, 2015 წლის 25 ივნისი) მე-9, მე-10 და მე-11 ეტაპის სამუშაოები შეასრულა ხელშეკრულებით გათვალისწინებული ვადების დარღვევით. კერძოდ, დარჩენილი 191.2 ათასი ლარის სამუშაოების ჩაბარების ვადა გადაცილებული იქნა 12 დღით (აქედან 102.4 ათასი ლარის სამუშაოების დოკუმენტები წარდგენილი იქნა 2016 წლის 8 აპრილს), დანარჩენი 88.8 ათასი ლარის სამუშაოების ვადა გადაცილებული იქნა 32 დღით (აქედან 34.9 ათასი ლარის სამუშაოების დოკუმენტები წარდგენილი იქნა 2016 წლის 10 მაისს), ხოლო დარჩენილი 53.8 ათასი ლარის სამუშაოების ვადა გადაცილებული იქნა 74 დღით (წარდგენილი იქნა 2016 წლის 23 ივლისს) . შესაბამისად დასარიცხი საურავის ოდენობამ შეადგინა 45.6 ათასი ლარი. სააგენტოს მიერ გაანგარიშებისას მექანიკური შეცდომის გამო დარიცხულია და შპს „მშენ-ელექტრო სერვისის“ მიერ გადახდილია საურავი 33.8 ათასი ლარის ოდენობით. დამატებით გადასახდელია 11.8 ათასი ლარი.

შტატგარეშე მოსამსახურეებზე გაცემული პრემიის თანხა, ნაცვლად „საქონელი და მომსახურების“ მუხლისა, გაიცა „შრომის ანაზღაურების“ მუხლიდან.

ცენტრის − „ცხუმის“ ხელმძღვანელობის არასათანადო კონტროლისა და ბუღალტრის მიერ დაკისრებული მოვალეობისადმი არაჯეროვანი დამოკიდებულების გამო, შრომის ანაზღაურების სახით ადმინისტრაციაზე გაიცა კუთვნილზე მეტი, ხოლო თანამშრომლებზე − კუთვნილზე ნაკლები თანხები. გაანგარიშებებში დაშვებული შეცდომების შედეგად თანამშრომლებს არ დაუკავდათ ხელფასიდან კანონმდებლობით გათვალისწინებული საშემოსავლო გადასახადი, რითაც, ერთი მხრივ, დაირღვა ცენტრის თანამშრომელთა კანონიერი ინტერესები, ხოლო, მეორე მხრივ, ბიუჯეტს დააკლდა კუთვნილი გადასახადი. მედიცინის ცენტრებში - „ცხუმსა“ და „ბიჭვინთაში“ თანამშრომელთა სამსახურში გამოცხადებისა და წასვლის ჟურნალებში უმეტეს შემთხვევაში დაფიქსირებული ნამუშევარი დრო ნაკლები იყო შინაგანაწესით დადგენილ სამუშაო დროზე. ამავდროულად არ იწარმოებოდა სამუშაო დროის აღრიცხვის ტაბელი, რომელიც ხელფასის გაანგარიშებისა და გაცემის საფუძველია. ზემოაღნიშნული ფაქტები განპირობებული იყო ცენტრების ხელმძღვანელთა არასათანადო/შეუსაბამო კონტროლით და ქმნიდა ხელფასების არასწორად (უსაფუძვლოდ) გაანგარიშება/გაცემის რისკებს.

2015 წელს „სხვა მანქანა-დანადგარები და ინვენტარი“ მუხლით აპარატის ბალანსზე ირიცხებოდა 385 კვტ-იანი ჩილერი-FEROLLI RTA385, რომელსაც, მისი მიღების წლიდან (2011 წელი) ცვეთა ყოველწლიურად, ნაცვლად ნორმით გათვალისწინებული 44.1 ათასი ლარისა (441.1 ათასი ლარი*10%), ერიცხებოდა 14.7 ათასი ლარის ოდენობით. შესაბამისად, მხოლოდ 2015 წელს „ძირითადი კაპიტალის მოხმარება“ შემცირებულია 29.4 ათასი ლარით და ამასთან, ორგანიზაციის ბალანსის „სხვა მანქანა-დანადგარები და ინვენტარის“ მუხლში აქტივის საწყისი და საბოლოო ნაშთები არასწორად არის წარმოდგენილი.

დასავლეთ საქართველოს სამმართველოს საჩხერის განყოფილების შენობის სამშენებლო სამუშაოების დასრულების შესყიდვის მიზნით სააგენტომ გააფორმა ხელშეკრულება შპს „ხურსთან“ (SPA140024623 N623, 2014 წლის 24 ნოემბერი, 658.7 ათასი ლარი). ზემოაღნიშნული შემთხვევის მსგავსად, ხელშეკრულებაში განხორციელებული მნიშვნელოვანი არსებითი ცვლილებები მიუთითებს ობიექტის დაპროექტებაში და შესაბამისად შესყიდვების დაგეგმვაში არსებულ ხარვეზებზე. ცვლილებების შედეგად მიღებული ხელშეკრულება წარმოადგენდა სულ სხვა (ტენდერით გამოცხადებულისგან განსხვავებულ) შესყიდვას. შედეგად წარმოიშობა არაეკონომიური ხარჯვის რისკი. გარდა ზემოაღნიშნულისა, მიღება-ჩაბარების აქტების შემოწმებით გამოვლინდა, რომ ცალკეულ შემთხვევებში ტრანსპორტირების ხარჯები დარიცხული იყო მთლიან პირდაპირ ხარჯებზე (ნაცვლად მხოლოდ მასალების ღირებულებისა), რის შედეგადაც ზედმეტად გადახდილმა თანხამ შეადგინა ჯამურად 528.43 ლარი

„წარმომადგენლობითი ხარჯების“ გაწევის ბრძანებებში არ არის აღნიშნული ჩასატარებელი ღონისძიების დასახელება, სტუმრობის მიზანი, სტუმრებისა და მასპინძლების ოდენობა და სხვა მონაცემები. შედეგად, ნინოწმინდის მუნიციპალიტეტის მიერ გაწეული წარმომადგენლობითი ხარჯის მიზანშეწონილობა დოკუმენტურად არ არის დადასტურებული.

ცენტრის − „ცხუმის“ ხელმძღვანელობის არასათანადო კონტროლისა და ბუღალტრის მიერ დაკისრებული მოვალეობისადმი არაჯეროვანი დამოკიდებულების გამო, შრომის ანაზღაურების სახით ადმინისტრაციაზე გაიცა კუთვნილზე მეტი, ხოლო თანამშრომლებზე − კუთვნილზე ნაკლები თანხები. გაანგარიშებებში დაშვებული შეცდომების შედეგად თანამშრომლებს არ დაუკავდათ ხელფასიდან კანონმდებლობით გათვალისწინებული საშემოსავლო გადასახადი, რითაც, ერთი მხრივ, დაირღვა ცენტრის თანამშრომელთა კანონიერი ინტერესები, ხოლო, მეორე მხრივ, ბიუჯეტს დააკლდა კუთვნილი გადასახადი. მედიცინის ცენტრებში - „ცხუმსა“ და „ბიჭვინთაში“ თანამშრომელთა სამსახურში გამოცხადებისა და წასვლის ჟურნალებში უმეტეს შემთხვევაში დაფიქსირებული ნამუშევარი დრო ნაკლები იყო შინაგანაწესით დადგენილ სამუშაო დროზე. ამავდროულად არ იწარმოებოდა სამუშაო დროის აღრიცხვის ტაბელი, რომელიც ხელფასის გაანგარიშებისა და გაცემის საფუძველია. ზემოაღნიშნული ფაქტები განპირობებული იყო ცენტრების ხელმძღვანელთა არასათანადო/შეუსაბამო კონტროლით და ქმნიდა ხელფასების არასწორად (უსაფუძვლოდ) გაანგარიშება/გაცემის რისკებს.

2015 წლის 1 აინვრის მდგომარეობით აპარატი ფლობდა ქ.მცხეთაში (მუხრანის ქ.N17) მდებარე მიწის ნაკვეთს და 2 მიწის ნაკვეთს ქ.თბილისში (გორგასლის ქ.N16-ის მიმდებარედ). აღნიშნული აქტივები მათი გადმოცემისას ბუღალტრულად აღრიცხული იქნა ნულოვანი ღირებულებით. „ბიუჯეტების დაფინანსებაზე მყოფი ორგანიზაციების ბუღალტრული აღრიცხვის შესახებ“ საქართველოს ფინანსთა მინისტრის 2014 წლის 31 დეკემბრის N429 ბრძანებით დამტკიცებული ინსტრუქციის 34-ე მუხლის მე-6 პუნქტის მიხედვით, ეკონომიკური მოვლენების შედეგად, არაფინანსური აქტივების თავდაპირველი ღირებულება განისაზღვრება პირვანდელი ან შეძენის ღირებულებით, რომელიც კორექტირებულია ყველა იმ ცვლილებების გათვალისწინებით, რასაც მათი შესყიდვის, უსასყიდლოდ მიღების ან წარმოების/მომსახურების შემდეგ ჰქონდა ადგილი. აღნიშნულის გათვალისწინებით, აპარატს ქმედითი ღონისძიებები მიწების ღირებულების დადგენის მიზნით, არც 2015 წელს და არც აუდიტის მიმდინარეობის პერიოდში არ გაუტარებია. შედეგად, აუდიტის ჯგუფმა ვერ მიიღო გონივრული რწმუნება ორგანიზაციის ფინანსურ ანგარიშგებაში არაწარმოებული აქტივების (ანგარიში N2400) მუხლით ასახული ინფორმაციის სიზუსტეზე.

სახელმწიფო შესყიდვების განხორციელებისას სააგენტოს მიერ თითოეულ შესყიდვასთან დაკავშირებით წარმოებს ბაზრის კვლევა პოტენციური მიმწოდებლების გამოკითხვის გზით. მაგრამ ცალკეულ შემთხვევებში (მიმწოდებელთა სეგმენტის არასწორად შერჩევის, თუ მათ მიერ არასწორად მიწოდებული ინფორმაციის გამო) შეინიშნება, რომ ტენდერების გამოცხადებისას არასწორად არის განსაზღვრული შესყიდვის სავარაუდო ღირებულებები. ასეთ შემთხვევებში (თუ ტენდერში მონაწილეობას არ ღებულობს ბევრი პრეტენდენტი და ადგილი არ აქვს კონკურენციას) წარმოიშობა რისკი, რომ ცალკეულმა კომპანიებმა ისარგებლონ შექმნილი სიტუაციით და გამარჯვებულად გამოცხადდნენ სატენდერო წინადადების ღირებულებით, რომელიც აღემატება შესასყიდი საქონლის თუ მომსახურების საბაზრო ღირებულებას, რის შედეგადაც შესაძლებელია არაეკონომიურად გაიხარჯოს ფულადი სახსრები. კონკურენციის არსებობის შემთხვევებში კი (თუ შესყიდვის სავარაუდო ღირებულება გაზრდილად არის წარმოდგენილი) ფასების რეალურ საბაზრო ღირებულებამდე კლებით წარმოშობილი „ეკონომიები“ ფიქტიურ ხასიათს იძენს. ხოლო 20%-ზე მეტით კლების შემთხვევებში პრეტენდენტები ხშირად იძულებული არიან ადეკვატური ფასების შემთხვევაშიც კი ასაბუთონ ფასწარმოქმნის ადეკვატურობა.

ნინოწმინდის მუნიციპალიტეტმა საწვავის გაცემის წესის დარეგულირებისას არ გაითვალისწინა კანონმდებლობის მოთხოვნები და არ უზრუნველყო მისი მიღება ნორმატიული ადმინისტრაციულ-სამართლებრივი აქტის სახით. ამდენად, სამართლებრივი აქტი, რომლის საფუძველზეც 2015-2016 წლებში გაიხარჯა 77.8 ათასი ლარის საწვავი, თავისი შინაარსით არ შეესაბამება კანონმდებლობით გათვალისწინებულ მოთხოვნებს.

ცენტრი „ბიჭვინთა“ ყოველგვარი კანონიერი საფუძვლისა და შესაბამისი ანაზღაურების გადახდის გარეშე, იყენებდა სახელმწიფო ფართს საკუთარი შემოსავლების მისაღებად, რის გამოც ცენტრის − „ბიჭვინთის“ ხელმძღვანელობისა და მისი დამფუძნებლის არასაკმარისი (არასათანადო) ქმედებების გამო, დაფიქსირდა სახელმწიფო ქონების არამართლზომიერი გამოყენება და ბიუჯეტში სარგებლის სახით თანხების გადაუხდელობის ფაქტები. ცენტრის − „ცხუმის“ ხელმძღვანელობის მიერ არასათანადოდ/შეუსაბამოდ გატარებული ღონისძიებებისა და დამფუძნებლის მხრიდან არასაკმარისი კონტროლის გამო, დაფიქსირდა სახელმწიფო ქონების შესაბამისი რეგისტრაციის გარეშე გამოყენების ფაქტები.

2015 წლის დასაწყისში ფინანსთა სამინისტროს აპარატს, 2012 და 2013 წლებში წარმოქმნილი 15209.7 ლარის კრედიტორული დავალიანება ბუღალტრულად აღრიცხული არ ჰქონდა.

ტენდერების საშუალებით შესყიდვების განხორციელებისას ცალკეულ შემთხვევებში სატენდერო დოკუმენტაციებში შესასყიდი საქონლის აღწერისას მითითებული იყო ისეთი პარამეტრები, რომელთა სიდიდეების მკაცრ ჩარჩოებში მოქცევა, ან საერთოდ საჭიროება აუცილებლობას არ წარმოადგენდა და აკმაყოფილებდა მხოლოდ კონკრეტული პრეტენდენტის ინტერესებს. ზოგჯერ პრეტენდენტების მიერ შეთავაზებული იყო ისეთი საქონელი, რომელთა ტექნიკური პარამეტრები ზუსტად ემთხვეოდა სატენდერო დოკუმენტაციით მოთხოვნილ ფიქსირებულ პარამეტრებს, რაც მიუთითებს, რომ ტექნიკური მოთხოვნები შედგენილი იყო კონკრეტული მიმწოდებლის მიერ მიწოდებული მონაცემების საფუძველზე. ასეთ პირობებში ტენდერებში მონაწილეობას იღებდა მხოლოდ ერთი პრეტენდენტი, რითაც ავტომატურად გამოირიცხებოდა კონკურენცია და ფასის კლება. აღნიშნული პრეტენდენტი ტენდერებში იმარჯვებდა შესყიდვის სავარაუდო ღირებულების ტოლი სატენდერო წინადადების ღირებულებით, რაც არ უზრუნველყოფდა საბიუჯეტო სახსრების რაციონალურ ხარჯვას.

ნინოწმინდის მუნიციპალიტეტმა დაარღვია მის მიერ გამოცემული სამართლებრივი აქტებით დადგენილი საწვავის ხარჯვის ნორმები. შედეგად, განსაზღვრულთან შედარებით მეტი საწვავი გაიხარჯა შესაბამისი დასაბუთების გარეშე (8560 ლიტრი). მუნიციპალიტეტმა ტრანსპორტის შენახვისა და ექსპლუატაციის ხარჯის გაწევისას არ დაიცვა საბიუჯეტო სახსრების რაციონალური და გონივრული ხარჯვის პრინციპები.

საპატრულო პოლიციის დეპარტამენტის საქმიანობა ვრცელდება ქვეყნის ყველაზე მჭიდროდ დასახლებულ პუნქტებსა და მთავარ ავტომაგისტრალებზე, რაც საქართველოს ტერიტორიის მხოლოდ 45%-ს შეადგენს. ქვეყნის ტერიტორიის დანარჩენ ნაწილზე, კერძოდ ზოგიერთ ქალაქში, დაბებსა და სოფლებში, ასევე ნაკლებად დატვირთულ გზებზე - პატრულირება სამინისტროს ტერიტორიულ ორგანოებს (სამხარეო პოლიციის დეპარტამენტებს) ევალებათ. 2015-2017 წლებში სამხარეო პოლიციის დეპარტამენტების სამოქმედო ტერიტორიაზე ქვეყანაში მომხდარი ავარიების 10-12%, ხოლო გარდაცვალების - 26-28% მოდის. შესაბამისად, აღნიშნული ტერიტორია შედარებით ნაკლებად კონტროლირებად გარემოს წარმოადგენს შემდეგ მიზეზთა გამო: ტერიტორიული ორგანოების სამოქმედო ტერიტორიაზე საერთოდ არ ხორციელდება ვიდეო/ფოტო მეთვალყურეობა; უბნის ინსპექტორების ერთი კონკრეტული საპატრულო ეკიპაჟის სამოქმედო ტერიტორია ყოველთვის გაცილებით უფრო ვრცელია, ვიდრე საპატრულო პოლიციის ეკიპაჟისა; აუდიტის პერიოდში უბნის ინსპექტორები კვირაში 80 საათზე მეტს მუშაობდნენ (ყოველ მე-2 დღეს მორიგეობდნენ), რაც მკვეთრად ამცირებდა მათი საქმიანობის პროდუქტიულობას. ამჟამად მდგომარეობა გაუმჯობესდა, თუმცა მათ ჯერ კიდევ 72 საათი უწევთ მუშაობა; უბნის ინსპექტორები ტექნიკურად უფრო ნაკლებად არიან აღჭურვილები, ვიდრე პატრულ-ინსპექტორები. მაგალითად, მათ არ გააჩნიათ სამხრე ვიდეოკამერები, ელექტრონული ქვითრის ამობეჭდვის საშუალება (ადმინისტრაციულ სამართალდარღვევათა ოქმს ხელით წერენ) და ა.შ.

ცენტრ "ბიჭვინთაში" ხელმძღვანელობისა და საინვენტარო კომისიის მხრიდან არასათანადოდ/შეუსაბამოდ განხორციელებული ღონისძიებების გამო, შეიქმნა ცენტრის ბალანსზე რიცხული ფასეულობების დაუცველობისა და არაეფექტიანად გამოყენების რისკები. ცენტრ "ცხუმში" ხელმძღვანელობის მიერ დაკისრებული მოვალეობებისადმი არასათანადო/შეუსაბამო დამოკიდებულების გამო, შეიქმნა ცენტრის ბალანსზე რიცხული ფასეულობების დაუცველობისა და არაეფექტიანად გამოყენების რისკები.

2015 წელს „შრომის ანაზღაურების“ მუხლით გაწეულ მთლიან საკასო ხარჯს არ გადაუჭარბებია წინა საანგარიშო პერიოდში გაწეული ხარჯისთვის და მისი 98% შეადგინა. საანგარიშო პერიოდში გაცემული პრემიების რაოდენობა შემცირებულია 40%-ით, თუმცა 57%-ით გაზრდილია დანამატების საკასო ხარჯი. შესაბამისად, ადგილი ჰქონდა ერთი სახის განაცემის, მეორე სახის განაცემით ჩანაცვლებას.

სატენდერო დოკუმენტაციის (SPA140016703, ხელშეკრულება N433 12.08.2014) მიხედვით, შემოთავაზებული სატრანსპორტო საშუალების საგარანტიო პერიოდი უნდა შეადგენდეს არანაკლებ 24 თვეს სატრანსპორტო საშუალების მიწოდების დღიდან გარბენის შეუზღუდავად. აღნიშნული გარანტია უნდა ვრცელდებოდეს ავტომობილის როგორც ძირითად, ასევე სხვა აგრეგატებზე, ელექტრულ მოწყობილობებზე და ელ. გაყვანილობაზე (ანუ 24 თვის განმავლობაში მიმწოდებელი ვალდებული იყო ყველა მიმართულებით უფასო მომსახურებაზე). დამატებით რეგლამენტირებულ სერვისში (ფასიანი მომსახურება), რომელიც საგარანტიო პერიოდში მოიცავდა მხოლოდ ზეთის, ხუნდების, ფილტრის და სანთლების შეცვლას, სააგენტომ გადაიხადა 1,392.0 ათასი ლარი. შესაბამისად დაუსაბუთებელია ერთ ავტომანქანაზე 6,960.0 ლარის ხარჯის გათვალისწინება საგარანტიო პერიოდში მხოლოდ აღნიშნული მომსახურების მიღების მიზნით. ამასთან, სახელმწიფო შესყიდვის ხელშეკრულების ღირებულების აშშ დოლარში დაფიქსირებამ გამოიწვია ის, რომ ხელშეკრულებით გათვალისწინებული შესყიდვის ობიექტის ღირებულებამ გადააჭარბა ტენდერში გამარჯვებული პრეტენდენტის მიერ სისტემის მეშვეობით დაფიქსირებულ საბოლოო ფასს, რაც ეწინააღმდეგება კანონმდებლობის მოთხოვნას . შედეგად სააგენტომ ზემოაღნიშნული ხელშეკრულების ფარგლებში შპს „იბერიასერვისს“ მის მიერ სისტემის მეშვეობით დაფიქსირებულ საბოლოო ფასთან შედარებით გადაუხადა 1,423.4 ათასი ლარით მეტი. თუ ვივარაუდებთ, რომ ლარის გაუფასურების გამო ადგილი ჰქონდა „სახელმწიფო შესყიდვების შესახებ“ საქართველოს კანონის 21-ე მუხლის მე-5 პუნქტით გათვალისწინებულ შემთხვევას, ხელშეკრულების ღირებულების ლარში დაფიქსირების შემთხვევაში დასაშვები იქნებოდა მისი 10%-ით გაზრდა. ამ შემთხვევაში ხელშეკრულების ღირებულება გაიზრდებოდა 9,263.0 ათას ლარამდე (842.1 ათასი ლარით), შესაბამისად ხელშეკრულების ლარში გაფორმების შემთხვევაში სააგენტო დაზოგავდა დაახლოებით 581.0 ათას ლარს. აღნიშნული შესყიდვის განხორციელებისას სააგენტომ გამოიყენა ანგარიშსწორების მაქსიმალური ვადები, რამაც კურსის სწრაფი ზრდის გამო ასევე გაზარდა გადახდილი თანხების ოდენობა 649.9 ათასი ლარით.

ნინოწმინდის მუნიციპალიტეტის საკრებულოს არათანამდებობის პირებზე უფლებამოსილების განხორციელებასთან დაკავშირებული ხარჯები ანაზღაურებულია მოქმედი კანონმდებლობის დარღვევით, შესაბამისი ხარჯის დამადასტურებელი დოკუმენტების წარმოდგენის გარეშე.

სიჩქარის გადაჭარბების ფაქტების გამოვლენის პრობლემა - ქვეყანაში საკმარისად ვერ ხდება სიჩქარის გადაჭარბების ფაქტების გამოვლენა, რადგან რადარების რაოდენობა მცირეა და ხშირად მათი გამოყენება ტექნიკური გაუმართაობის გამო ვერ ხერხდება. აღნიშნული პრობლემა გადაიჭრება, თუ სექციური რადარები დროულად დამონტაჟდება და ამოქმედება, ხოლო შესაბამისი თანამშრომლები სიჩქარის მზომი ხელსაწყოებით აღიჭურვებიან, განსაკუთრებით ქვეყნის იმ ტერიტორიაზე, რომელსაც არ აკონტროლებს საპატრულო პოლიცია და არც რადარებით კონტროლდება.

ადამიანური რესურსის მართვის და შრომის ანაზღაურების კუთხით გამოვლინდა შემდეგი სახის შეუსაბამობები და კონტროლის ნაკლოვანებები: რიგ შემთხვევებში საბიუჯეტო დაფინანსებით გაფორმებულ შრომითი ხელშეკრულებებით არ არის განსაზღვრული შესასრულებელი სამუშაო, რაც კავშირის სხვა ოფიციალური დოკუმენტებითაც არ არის დადგენილი. ცალკეულ შემთხვევაში ადმინისტრაციულ თანამდებობებზე დასაქმებულ პირებთან, რომელთა შრომის ანაზღაურების დაფინანსების წყაროა არასაბიუჯეტო სახსრები, არ არის გაფორმებული წერილობითი შრომითი ხელშეკრულებები. შესაბამისად, არ არის განსაზღვრული შრომითი ურთიერთობის ისეთი არსებითი პირობები, როგორიცაა: თანამდებობა (პოზიცია), შესასრულებელი სამუშაო, შრომის ანაზღაურების ოდენობა და სხვ.; • ადმინისტრაციული პერსონალის მიხედვით არ აღირიცხება სამუშაო დრო, რომელიც შრომის ანაზღაურების დარიცხვის საფუძველია. შედეგად, არის შემთხვევა, როდესაც საზღვარგარეთ (არასამსახურებრივი მიზნით) მყოფ პირზე ამავე პერიოდში დარიცხულია და გაცემულია შრომის ანაზღაურება, ხელფასის სახით; სამუშაო დროის სრულ განაკვეთზე დასაქმებული 140 პირიდან − 79 ანაზღაურებად შრომით საქმიანობას ეწეოდა რამდენიმე ორგანიზაციაში ერთდროულად. ასევე არის შემთხვევები, როცა კავშირში სრულ განაკვეთზე სამუშაო რეჟიმით მაღალანაზღაურებად თანამდებობებზე დასაქმებული პირები ერთდროულად დასაქმებული არიან კავშირში სხვა ანაზღაურებად პოზიციაზე, რაც სუსტი შიდა კონტროლის სისტემის პირობებში ქმნის ფიქტიური შრომითი საქმიანობის ანაზღაურების რისკებს; • 2015 წელს „მსოფლიო თასისათვის“ მზადების პერიოდში დამხმარე პერსონალზე ე.წ. დღიური ხარჯის სახით, ზედმეტად გადახდილმა თანხამ შეადგინა 190, 390 ლარი.

შესყიდვის პროცესს და ამ პროცესში არსებულ კონტროლის მექანიზმებს თან სდევს ნაკლოვანებები და შეუსაბამობები, კერძოდ: შესამოწმებელ პერიოდში კვებითი მომსახურების და სხვადასხვა სახის ინვენტარის შესყიდვისას, მიმწოდებელი კომპანიების შერჩევა ხდებოდა ბაზრის კვლევის და შესაბამისად, ალტერნატიული შეთავაზებების განხილვა/ანალიზის გარეშე; კვების მომსახურების შესყიდვა ხორციელდებოდა დაკავშირებული პირისგან. შედეგად, მიწოდებულ მომსახურებაზე ჩამოყალიბდა არასაბაზრო, მაღალი ფასი. მხოლოდ 2018 წელს აღნიშნული მომსახურების ერთეულზე ფასის ზრდის გამო, არაეკონომიურმა ხარჯმა შეადგინა 50,090 ლარი. გარიგების ფასის არასაბაზრო ბუნებას ადასტურებს ასევე მიმწოდებელი კომპანიების მიერ გაწეული მომსახურების თვითღირებულების სტრუქტურაში ე.წ. არაპირდაპირი, ზედნადები „შრომითი დანახარჯების“ არაადეკვატურად მაღალი ხვედრითი წილი; შესამოწმებელ პერიოდში სამედიცინო მომსახურების შესყიდვა განხორციელებულია კავშირთან აფილირებული პირისგან, რამაც გაზარდა არარეალური მომსახურების ანაზღაურების რისკი. კერძოდ, კავშირის მიერ კლინიკისათვის ანაზღაურებულია მიწოდებული სამედიცინო მომსახურების ფარგლებში ფიზიკური პირის მიერ შესრულებული ოსტეოპათის მომსახურება, ღირებულებით − 102,569 ლარი, მაშინ როდესაც ამავე პერიოდში აღნიშნულ პირს, ცალკე გაფორმებული ინდივიდუალური შრომითი ხელშეკრულების საფუძველზე, კავშირმა აუნაზღაურა იმავე სახის მომსახურების ღირებულება − 228, 044 ლარის ოდენობით.

შესამოწმებელ პერიოდში კავშირის მიერ 4 მიწის ნაკვეთის (საერთო ფართობი − 23,591კვ.მ.) რეალიზაცია განხორციელებულია არაკონკურენტულ საფუძველზე, ალტერნატიული შეთავაზებების განხილვის, შეფასების (საბაზრო ღირებულების დადგენის) გარეშე. აღნიშნულმა განაპირობა მოცემულ უძრავი ქონებაზე არასაბაზრო გარიგების ფასის ჩამოყალიბება, რის შედეგად დაიკარგა დამატებითი შემოსავლების მიღების შესაძლებლობა.

ნაკრებების მენეჯერებსა და ადმინისტრაციის თანამშრომლებზე საქვეანგარიშოდ, წარმომადგენლობითი და ნორმის ზემოთ მივლინებების სახით გაცემულ 404,476 ლარზე, ანგარიშვალდებული პირების მიერ არ არის წარმოდგენილი ხარჯის გაწევის დამადასტურებელი დოკუმენტები. აღნიშნულიდან მნიშვნელოვანი წილი (376,826 ლარი) მოდის 2014-2015 წლებზე, 2016 წლიდან დოკუმენტურად დაუდასტურებელი ხარჯების მოცულობამ არსებითად იკლო (2016 წელი − 18,278 ლარი, 2017 წელი − 9,372 ლარი), ხოლო 2018 წელს ასეთი ფაქტები არ ფიქსირდება. აღნიშნული თანხები ნაცვლად ანგარიშვალდებული პირების მიხედვით დებიტორულ დავალიანებებად აღრიცხვისა, ჩამოწერილია ხარჯებში, როგორც დაქირავებულ პირებზე სარგებლად გაცემული.

ქვეყნის ფარგლებს გარეთ გამართულ ღონისძიებებზე კავშირის დელეგაციის წევრებისთვის სამივლინებო ხარჯები დაანგარიშებული და ანაზღაურებულია საქართველოს პრეზიდენტის ბრძანებულებით დადგენილი ზღვრული ნორმების ზევით. ქვეყნის შიგნით მივლინებების დროს არის შემთხვევები, როდესაც სხვადასხვა ქალაქში გამართულ ღონისძიებებზე სადღეღამისო თანხები გაცემულია ხარჯის გაწევის დამადასტურებელი პირველადი დოკუმენტების გარეშე, სასტუმროს ინვოისების შეუსაბამოდ. 2017-2016 წლებში ზედმეტად ანაზღაურებულმა სამივლინებო თანხებმა შეადგინა 56,603 ლარი.

2018 წელს არსებული წესის შეუსაბამოდ, დიდი 10-ის რვა სარაგბო კლუბზე კომპენსაციის სახით ზედმეტად გადახდილმა თანხამ შეადგინა 43,500 ლარი.

იდენტიფიცირებულია კონტროლის სისუსტეები უძრავი ქონების, დებიტორ-კრედიტორული დავალიანებების მართვასთან, შიდა კონტროლის და მონიტორინგის სამსახურის ფუნქციონირებასთან დაკავშირებით. პერიოდულად არ ტარდება სასაქონლო-მატერიალური ფასეულობების ინვენტარიზაცია.

საირიგაციო მომსახურების პროდუქტიულობა გაუმჯობესებული არ არის, წინა აუდიტის ფარგლებში გაცემული 3 მთავარი რეკომენდაცია არ შესრულებულა

აბონენტებთან გაფორმებული ხელშეკრულებები მნიშვნელოვანი ნაკლოვანებებით ხასიათდება და არ იძლევა საშუალებას შეფასდეს გაწეული მომსახურების ხარისხი.

მნიშვნელოვანი რაოდენობის შემთხვევებში გამოვლინდა მომსახურების წინასწარ (ხელშეკრულების გაფორმებამდე) გაწევის ფაქტები, რაც მიუთითებს იმაზე რომ წყლის მიწოდების პროცესი არ არის ორგანიზებული და არსებობს არაკანონიერი მოხმარების არსებითი რისკი.

მუნიციპალიტეტის საკუთრებაში არსებული უძრავი ქონებით (სულ - 8 ობიექტი) სარგებლობენ არაუფლებამოსილი პირები. კერძოდ, ადმინისტრაციულ შენობებში განთავსებულია სს „ლიბერთი ბანკის“ ფილიალები და კომერციული სარგებლობის ობიექტი, გარდა ამისა რამდენიმე ფიზიკური პირი მუნიციპალიტეტის ნებართვის გარეშე სარგებლობს სასოფლო-სამეურნეო და არასასოფლო-სამეურნეო დანიშნულების მიწის ნაკვეთებით და მათზე განლაგებული შენობა-ნაგებობებით. აღნიშნული პირები მუნიციპალიტეტის ქონების გამოყენებისთვის ბიუჯეტში არ იხდიან შესაბამის საფასურს.

შუახევის მუნიციპალიტეტის წარმომადგენლობითი და აღმასრულებელი ორგანოების 2014 წლის ბალანსში, 1.8 ათასი ლარით დაუსაბუთებლად არის გაზრდილი ორგანიზაციის შრომის ანაზღაურების ფაქტობრივი ხარჯი.

მოქმედი კანონმდებლობის შესაბამისად, საჯარო მომსამსახურეს შრომითი გასამრჯელო ერიცხება უნაღდო ანგარიშსწორების ფორმით. მიუხედავად ამისა, ჩხოროწყუს მუნიციპალიტეტის მიერ 2014 წელს თანამშრომლების ნაწილზე ხელფასის სახით სალაროდან გაიცა 20.9 ათასი ლარი. პასუხისმგებელი პირის განმარტებით, ხელფასების ნაღდი ანგარიშსწორების ფორმით გაცემა განპირობებული იყო იმით, რომ აღნიშნულ თანამშრომლებს მომსახურე ბანკის მიმართ გააჩნდათ საკრედიტო დავალიანებები.

შუახევის მუნიციპალიტეტის წარმომადგენლობითი და აღმასრულებელი ორგანოების 2014 წლის ბალანსის თანახმად, სხვა ხარჯების საკასო შესრულებამ შეადგინა 2 865.5 ათასი ლარი იმ პირობებში, როდესაც ორგანიზაციას სხვა ხარჯების მუხლით 2014 წელს საკასო ხარჯი არ გაუწევია.

 სატენდერო დოკუმენტაციით განისაზღვრა კონკურენციის შემზღუდველი პირობა - სატენდერო წინადადების მომზადების და წარდგენის არაგონივრულად შემჭიდროვებული ვადა, 2 კალენდარული დღე. ლოჯისტიკური და ტექნიკური თვალსაზრისით მაღალი სირთულის და არაერთგავაროვანი საქონლის კონცენტრაცია ერთი შესყიდვის ობიექტში პოტენციური მიმწოდებლების მხრიდან საჭიროებდა სატენდერო დოკუმენტაციის შედგენის პროცესში სამუშაოების გაფართოებას და ინტესივობას, რაც დაკავშირებული იყო დამატებით დროის დანახარჯებთან;  შესყიდვის საგნის სავარაუდო ღირებულების განსაზღვრას საფუძვლად არ ედო ღირებულების დარიცხვის ჯაჭვის შესაბამის რგოლში ჩამოყალიბებული ფასი. შესყიდვის ობიექტი შედგებოდა 29 სხვადასხვა დასახელების საქონლისგან, რომელთა უმრავლესობა, იყო რთული და მაღალი სტანდარტის ტექნიკური პარამეტრების მქონე დანადგარი და მოწყობილობა, რომელსაც საქართველოში არ აწარმოებდნენ და მათი იმპორტი ხორციელდებოდა ავტორიზებული დილერების და ოფიციალური დისტრიბუტორების მეშვეობით. შედეგად, ტენდერში გაიმარჯვა ისეთმა სატენდერო წინადადებამ, რომლის ფასის ფორმირებაში მონაწილეობდა 4 რგოლი: საქონლის მწარმოებელი, იმპორტიორი, შუამავალი I; შუამავალი II. ამასთანავე, ბოლო ორ ეტაპზე წარმოდგენილი კომპანიები დაკავშირებულ პირებს წარმოადგენდნენ, რამაც ერთობლიობაში ხელი შეუწყო შესყიდვის ობიექტზე არაადეკვატური საბაზრო ფასის ჩამოყალიბებას. აგრეთე მოცემული გარემოება არ იყო გათვალისწინებული შესყიდვის საშუალების გამოყენებასთან დაკავშირებული რისკების შეფასებისას.

მუნიციპალიტეტის მიერ 2014-2015 წლებში არ არის დადგენილი ერთჯერადი სოციალური დახმარების გაცემის წესი და ბენეფიციართა შერჩევა-შეფასების კრიტერიუმები. ამასთან, 2014 წელს ბენეფიციარებზე 103.3 ათასი ლარის დახმარება გაიცა სალაროდან, რომელთაგან 105 ბენეფიციარზე გამგეობამ ვერ წარმოადგინა პირადობის დამადასტურებელი დოკუმენტები.

შუახევის მუნიციპალიტეტის გამგეობის მიერ, 47.2 ათასი ლარის ღირებულების საპროექტო სამუშაოებით არ არის გაზრდილი ცალკეული ძირითადი აქტივების ღირებულება.

აუდიტის ჯგუფის მიერ შესწავლილი სამშენებლო-სარეაბილიტაციო სამუშაოების შესყიდვაზე გამოცხადებული 180 ტენდერიდან - 74 ტენდერში, რომლის შესყიდვის საგანსაც წარმოადგენდა სამშენებლო-სარეაბილიტაციო სამუშაოები, ელექტრონული ვაჭრობის დამატებითი რაუნდები მიმდინარეობდა კონკურენციის გარეშე

2014 წელს ჩხოროწყუს მუნიციპალიტეტი სამსახურებრივი უფლებამოსილების განსახორციელებლად საჭირო ავტომობილებისთვის მოიხმარდა „ევრორეგულარის“ მარკის საწვავს. 2015 წელს მუნიციპალიტეტმა იმავე ავტომობილების ექსპლუატაციისათვის შეისყიდა „სუპერის“ მარკის საწვავი, მაშინ, როდესაც შეეძლო 2014 წლის მსგავსად შეეძინა „ევრორეგულარის“ მარკის საწვავი და ჯამში დაეზოგა 18 ათას ლარზე მეტი.

შუახევის მუნიციპალიტეტის წარმომადგენლობითი და აღმასრულებელი ორგანოების ბალანსში, მოქმედი რეგულაციების შეუსაბამოდ, 100.2 ათასი ლარით გაზრდილია სხვა დანარჩენი დებიტორული დავალიანება.

ცალკეულ შემთხვევებში სატენდერო დოკუმენტაციით მოთხოვნილი გამოცდილების მოცულობები არ იყო შესყიდვის ობიექტის პარამეტრების პროპორციული, რის შედეგადაც ტენდერებში გამარჯვებულად ცხადდებოდნენ არაკვალიფიციური კომპანიები, რომლებიც ჯეროვნად და დათქმულ დროს ვერ ასრულებდნენ ხელშეკრულებით ნაკისრ ვალდებულებებს.

2014-2015 წლებში „სოფლის მხარდაჭერის პროგრამის“ ფარგლებში 24.5 ათასი ლარი დახარჯულია 9 ისეთ პროექტზე, რომლებიც არ ფუნქციონირებს. კერძოდ: სოფლებში მოწყობილია წისქვილები, რომელთაც არ მიეწოდებათ საჭირო ელექტრო ენერგია; დაუსრულებულია მედპუნქტის მშენებლობა და სამუშაოების გაგრძელება არც მომავალ წელს არის გათვალისწინებული; შესყიდულია სამშენებლო მასალები, რომლებიც გამოუყენებლად არის დასაწყობებული და სხვ.

მუნიციპალიტეტის მიერ დაფუძნებული არასამეწარმეო იურიდიული პირების ბალანსები, რიგ შემთხვევებში, არ ასახავს შესაბამისი ორგანიზაციის რეალურ ფინანსურ მდგომარეობას.

სსიპ - საგანმანათლებლო და სამეცნიერო ინფრასტრუქტურის განვითარების სააგენტოს მიერ 15 ხელშეკრულების ფარგლებში სამშენებლო-სარეაბილიტაციო სამუშაოებზე ანაზღაურება განხორციელდა ხარჯების დამადასტურებელი პირველადი დოკუმენტაციის გარეშე

2015 წლის სექტემბერში მუნიციპალიტეტმა გააფორმა ხელშეკრულება მიმწოდებელთან 414.9 ათას ლარზე, რომელიც ითვალისწინებდა 9 თვის განმავლობაში საბავშვო ბაღის მშენებლობას. შემსყიდველმა უამინდობის მოტივით გააგრძელა სამუშაოების დასრულების ვადა და არ დააჯარიმა მიმწოდებელი, მაშინ როდესაც დოკუმენტური მტკიცებულებებით დასტურდება, რომ რაიმე ფორსმაჟორულ სიტუაციას ადგილი არ ჰქონია. იმ შემთხვევაში, თუ გამგეობა შემსრულებელს სამუშაოების დასრულების ვადას არ გაუგრძელებდა და აამოქმედებდა ხელშეკრულებით გათვალისწინებულ საჯარიმო სანქციებს, მიმწოდებელს დაეკისრებოდა პირგასამტეხლო 21.6 ათასი ლარის ოდენობით.

სამშენებლო სამუშაოების სახელმწიფო შესყიდვის მიზნით გაფორმებული ხელშეკრულებების თანახმად, თუ მიმწოდებელი გადააცილებს სატენდერო წინადადებით გათვალისწინებულ შესყიდვის ობიექტის მიწოდების ვადას, დაეკისრება პირგასამტეხლო ყოველ ვადაგადაცილებულ დღეზე შეუსრულებელი სამუშაოს ღირებულების 0.2% ან/და 0.3%-ის ოდენობით. წარმოდგენილი მიღება-ჩაბარების დოკუმენტაციით დგინდება სატენდერო წინადადებით გათვალისწინებული შესყიდვის ობიექტის მიწოდების ვადების დარღვევის შემთხვევები, თუმცა შემსყიდველის მიერ სათანადო ადმინისტრირება არ არის განხორციელებული ან/და განხორციელებულია ხელშეკრულების პირობების დაუცველად.

2014-2015 წლებში მუნიციპალიტეტმა 2 გზის ასფალტირებაზე 1 330.8 ათასი ლარი დახარჯა. აუდიტის ჯგუფის მიერ ობიექტის ადგილზე დათვალიერების შედეგად გამოვლინდა, რომ ასფალტის საფარი სამუშაოების მიღება-ჩაბარებიდან 6 თვეში მნიშვნელოვნად დაზიანებულია.

შუახევის მუნიციპალიტეტის მიერ ელექტრონული ტენდერის საშუალებით, სახანძრო ავტოცისტერნის სახელმწიფო შესყიდვის მიზნით, ხელშეკრულება გაფორმდა შპს „ბიზნეს ჯგუფ 2010“-თან. ხელშეკრულებაზე თანდართულია მისაწოდებელი სახანძრო ავტოცისტერნის ძირითადი ტექნიკური მახასიათებლები. საქონლის მიღება-ჩაბარების დოკუმენტაციით ვერ დგინდება მიწოდებული სახანძრო ავტოცისტერნის ხელშეკრულების პირობებთან შესაბამისობა

ჩხოროწყუს მუნიციპალიტეტმა 2014 წელს დააფუძნა ა(ა)იპ „მექანიზაციის ცენტრი“, რომელიც გამგეობის დავალებით, საკუთარი ტექნიკით ასრულებს სხვადასხვა სახის ინფრასტრუქტურულ სამუშაოებს და სატრანსპორტო მომსახურებას. ა(ა)იპ-ის დამტკიცებული აქვს ტარიფები, რის შესაბამისად აქირავებს საკუთრებაში არსებულ ტექნიკას. 2014-2015 წლებში მუნიციპალიტეტმა ა(ა)იპ დააფინანსა სუბსიდიით 221.2 ათასი ლარი. გარდა ამისა, ა(ა)იპ-მა საკუთარი შემოსავლის სახით მიიღო 54.8 ათასი ლარი. შესაბამისად აღნიშნულ პერიოდში, მექანიზაციის ცენტრის ფუნქციონირებისათვის დაიხარჯა 276.0 ათასი ლარი, ხოლო შესყიდული საწვავისა და სამშენებლო მასალების ჩათვლით, დადგენილი ტარიფების მიხედვით მან მუნიციპალიტეტისათვის შეასრულა დაახლოებით 92.7 ათასი ლარის სამუშაო/მომსახურება.

შესყიდვის ელექტრონული საშუალებებით გაფორმებულ, ფურტიოს რაგბის მოედნის მშენებლობის სამუშაოების, დაბა შუახევის ახალი წყალსადენის სისტემის მშენებლობის სამუშაოებისა და ზამლეთის ცენტრის კეთილმოწყობის სამუშაოების სახელმწიფო შესყიდვის შესახებ ხელშეკრულებებში ფიქსირდება სათანადო დასაბუთების გარეშე მიწოდების ვადის გაგრძელების შემთხვევები.

2011-2016 წლებში მუნიციპალიტეტს გააჩნდა მე-2 ლიგაში მოასპარეზე საფეხბურთო გუნდი - „სამეგრელო2“. 2015 წელს ჩხოროწყუს მუნიციპალიტეტმა 50.0 ათას ლარად შეისყიდა პირველ ლიგაში მოასპარეზე გუნდის სახელი - შპს „სასკო თბილისი“, რომელსაც შეეცვალა დასახელება და დაერქვა „სამეგრელო“. აღნიშნული გუნდი იმავე წელს დაფინანსდა 186.1 ათასი ლარის სუბსიდიით, თუმცა გუნდმა პირველივე საფეხბურთო სეზონში დაკარგა ადგილი პირველ ლიგაში და ჩამოქვეითდა მე-2 ლიგაში.

ელექტრონული ტენდერის საშუალებებით გაფორმებული, დაბა შუახევის ახალი წყალსადენის სისტემის მშენებლობის სამუშაოების სახელმწიფო შესყიდვის შესახებ ხელშეკრულებით, განისაზღვრა წინასწარი ანგარიშსწორების შესაძლებლობა საქართველოს ეროვნული ბანკის ლიცენზირებული კომერციული ბანკის მიერ გაცემული საბანკო გარანტიის საფუძველზე. ხელშეკრულებაში განხორციელებული ცვლილების შედეგად დასაშვებია წინასწარი ანგარიშსწორება არა მხოლოდ საქართველოს ეროვნული ბანკის ლიცენზირებული კომერციული ბანკის მიერ გაცემული საბანკო გარანტიის საფუძველზე, არამედ სადაზღვევო კომპანიის მიერ გაცემული საბანო გარანტიის საფუძველზეც.

2015 წელს ქუთაისის მუნიციპალიტეტმა ტერიტორიის დასუფთავების ღონისძიებებისთვის გასწია 296.5 ათასი ლარის ხარჯი. გარდა ამისა, სხვადასხვა ხელშეკრულების ფარგლებში შეისყიდა გარე განათების, საკანალიზაციო ქსელის, შადრევნების ექსპლუატაცია და მწვანე-საფარის მოვლა-შენახვა, თანხით 1001.6 ათასი ლარი,ორმული შეკეთების სამუშაოები, თანხით 151.2 ათასი ლარი და სხვადასხვა სამუშაოები, თანხით 41.7 ათასი ლარი. აღნიშნული ფინანსურ ანგარიშგებაში წარმოდგენილია „სუბსიდიის“ მუხლში, ნაცვლად „საქონლისა და მომსახურების“ მუხლისა.

ხულოს მუნიციპალიტეტის 2014 წლის ფინანსურ ანგარიშგებაში, ძირითადი კაპიტალის მოხმარების, საქონელი და მომსახურებისა და იმავე დონის სახელმწიფო ერთეულიდან უსასყიდლოდ ძირითადი აქტივების მიღება და გაცემის მუხლებში არასწორად არის ასახული ჯამში 1 272.0 ათასი ლარი.

კანონმდებლობის თანახმად, სამშენებლო სამუშაოების გამარტივებული გზით შესყიდვისას, მიმწოდებლის მიერ შესრულებული სამუშაოების ღირებულება უნდა ანაზღაურდეს ფაქტობრივი დანახარჯების მიხედვით. მუნიციპალიტეტის მიერ 118 ხელშეკრულებაზე ღირებულებით - 2 303.7 ათასი ლარი, ფაქტობრივი დოკუმენტაცია ვერ იქნა წარმოდგენილი. მოწოდებული იქნა მხოლოდ შიდა აუდიტის მიერ 76 ხელშეკრულებაზე და კერძო ორგანიზაციის მიერ 42 ხელშეკრულებაზე გაცემული დასკვნები შესრულებული სამუშაოების ფაქტობრივ დანახარჯებთან შესაბამისობის შესახებ.

მუნიციპალიტეტის გამგებლის 2014 წლის 10 ოქტომბრის N01-06/216 ბრძანების საფუძველზე შექმნილი ხულოს მუნიციპალიტეტის ბალანსზე რიცხული ქონების სანივენტარიზაციო კომისიის მიერ ჩატარებული ინვენტარიზაციის შედეგად გამოვლინდა 112.0 ათასი ლარის ღირებულების დანაკლისი. ამასთან მუნიციპალიტეტის მიერ დაფუძნებული არასამეწარმეო იურიდიული პირების მიერ, 2014 წელს ჩამოწერილია 17.1 ათასი ლარის ღირებულების მცირეფასიანი აქტივები, ხულოს მუნიციპალიტეტის საკრებულოს თავმჯდომარის მიერ ინვენტარის ჩამოწერის აქტის დამტკიცების გარეშე მათ შორის 5.6 ათასი ლარის მცირეფასიანი აქტივების განადგურება განხორციელებულია შესაბამისი აქტის გარეშე.

2016 წლის 1 იანვრის მონაცემებით, მუნიციპალიტეტს ერიცხება წინა წლების საიჯარო ქირის მიუღებელი თანხა, სულ 424.5 ათასი ლარი. მიუღებელი საიჯარო ქირა მუნიციპალიტეტის მიერ არ არის აღრიცხული ბუღალტრულად და შესაბამისად, არ არის წარმოდგენილი „მოთხოვნები დარიცხული ჯარიმებით, სანქციებით და საკუთრებასთან დაკავშირებული სხვა შემოსავლების“ მუხლში

საქართველოს მთავრობის 2014 წლის 14 იანვრის N55 დადგენილებით დამტკიცებული ტექნიკური რეგლამენტის, ,,სამშენებლო სამუშაოების სახელმწიფო შესყიდვისას, ზედნადები ხარჯებისა და გეგმური მოგების განსაზღვრის წესის“ მე-3 პუნქტით გათვალისწინებული, ფაქტობრივი დანახარჯების წარმოუდგენლობის პირობებში, სხვა ხარჯებისა და არაფინანსური აქტივების ზრდის მუხლით გადახდილია მიმწოდებელზე 815.1 ათასი ლარი.

ქალაქ ქუთაისის მუნიციპალიტეტის მიერ წარმოდგენილი საბანკო ამონაწერების მიხედვით,2016 წლის 1 იანვრისთვის სახელმწიფო ხაზინაში ნაშთი დარჩა 7 058.3 ათასი ლარი. აღნიშნული წარმოდგენილი არ არის ფინანსურ ანგარიშგებაში

მუნიციპალიტეტის მიერ, გამარტივებული ელექტრონული შესყიდვის საშუალებით, გაფორმებული ხელშეკრულების ვადის გადაცილების მიუხედავად მიმწოდებლებზე არ არის დარიცხული 1.5 ათასი ლარი.

მუნიციპალიტეტის სამსახურების ინფორმაციით, 2014 წელს გაყიდულია 468.1 ათასი ლარის საწყისი ღირებულების შენობა-ნაგებობები და 1 188.2 ათასი ლარის არაწარმოებული აქტივები, კერძოდ, მიწის ნაკვეთები. არაფინანსური აქტივების მოძრაობა არ არის ასახული ფინანსურ ანგარიშგებაში.

მიმწოდებლის მიერ, 30.9 ათასი ლარის სასაქონლო ზედნადების წარმოუდგენლობის პირობებში, გაფორმებულია მისაწოდებელ საქონელზე მიღება-ჩაბარების აქტები. მუნიციპალიტეტის მიერ დაფუძნებულ არასამეწარმეო იურიდიული პირების მიერ ადგილი აქვს 2.4 ათასი ლარის ღირებულების საქონლის მიღებაზე საქონლის მიწოდებისა და მიღება-ჩაბარების შემდგომ ხელშეკრულების გაფორმებას.

2014 წელს შესყიდულია მრავალბინიან საცხოვრებელ სახლებში ნაგავშემკრები, ე.წ. ,,ბუნკერების" გაუქმების სამუშაო, თანხით 27,5 ათასი ლარი.აღნიშნული მიეკუთვნება „სხვადასხვა მიმდინარე ხარჯის“ მუხლის, ნაცვლად „სუბსიდიის“ მუხლისა და ფინანსურ ანგარიშგებაში წარმოდგენილი უნდა იყოს შესაბამის მუხლში.

მუნიციპალიტეტის მიერ, ბალანსზე რიცხულ ავტოსატრასპორტო საშუალებებზე დამტკიცებული ლიმიტის ფარგლებში 128 შემთხვევაში, ერთჯერადად ნაჩვენებია მეტი საწვავის გაცემა, ვიდრე შესაბამისი ავტომანქანის ავზის ტევადობაა, რაც ჯამში შეადგენს 5096 ლიტრს. თუმცა 5096 ლიტრი საწვავის შესაბამის ავტომანქანებში შემდგომი გამოყენების დამადასტურებელი დოკუმენტური მტკიცებულება აუდიტის პერიოდში ვერ იქნა წარმოდგენილი.

მუნიციპალიტეტის მიერ შესყიდულია საოლქო-საარჩევნო კომისიის ოფისის შენობის სახურავის მოწყობის სამუშაოები, თანხით 59.7 ათასი ლარი, რაც ფინანსურ ანგარიშგებაში წარმოდგენილია „სხვა დანარჩენი საქონლისა და მომსახურების“ მუხლში, ნაცვლად „სხვადასხვა კაპიტალური ხარჯების“ მუხლისა.

მუნიციპალიტეტმა შეისყიდა 8.9 ათასი ლარის ფასადების რეაბილიტაციისა და შენობების შესასვლელ კიბეებზე პანდუსების მოწყობის საპროექტო-სახარჯთაღრიცხვო დოკუმენტაციის შედგენა. აღნიშნული ფინანსურ ანგარიშგებაში წარმოდგენილია „სუბსიდიის“ მუხლში, ნაცვლად „სხვადასხვა კაპიტალური ხარჯების“ მუხლისა.

პროგრამა „კორპუსის“ ფარგლებში, ამხანაგობების თანადაფინანსებით, ქალაქ ქუთაისის მუნიციპალიტეტის მერიამ შეისყიდა 3 434.8 ათასი ლარის ღირებულების მრავალბინიანი საცხოვრებელი სახლების ეზოებისა და ლიფტების კეთილმოწყობის სამუშაოები, ასევე საცხოვრებელი სახლების სახურავებისათვის მასალები. საოჯახო მეურნეობებზე გაცემული ფულადი/სასაქონლო ფორმის კაპიტალური ტრანსფერი მიეკუთვნება „სხვადასხვა კაპიტალური ხარჯების“ მუხლს. ფინანსურ ანგარიშგებაში, ოპერაცია ნაცვლად „სხვადასხვა კაპიტალური ხარჯის“ მუხლისა, წარმოდგენილია „სუბსიდიის“ მუხლში

2014 წელს ქუთაისის მუნიციპალიტეტმა ტერიტორიის დასუფთავების ღონისძიებებისთვის გასწია 3 080.5 ათასი ლარის ხარჯი. გარდა ამისა, სხვადასხვა ხელშეკრულების ფარგლებში შეისყიდა გარე განათების, საკანალიზაციო ქსელის, შადრევნების ექსპლუატაცია და მწვანე-საფარის მოვლა-შენახვა, თანხით 3788.7 ათასი ლარი, ორმული შეკეთების სამუშაოები, თანხით 1175.0 ათასი ლარი და სხვადასხვა სამუშაოები, თანხით 207.1 ათასი ლარი. აღნიშნული ფინანსურ ანგარიშგებაში წარმოდგენილია „სუბსიდიის“ მუხლში, ნაცვლად „საქონლისა და მომსახურების“ მუხლისა.

მუნიციპალიტეტმა სხვადასხვა ხელშეკრულების ფარგლებში შეისყიდა 39.0 ათასი ლარის ბეჭდვითი მომსახურება, რომელიც ფინანსურ ანგარიშგებაში წარმოდგენილია „სუბსიდიის“ მუხლში, ნაცვლად "ოფისის ხარჯების" მუხლისა

2014 წელს მუნიციპალიტეტმა შპს „ლუკოილ ჯორჯიასგან“ შეისყიდა 9.4 ათასი ლარის საწვავი, რომელიც მუნიციპალიტეტის მიერ აღრიცხულია „სხვა დანარჩენი საქონლისა და მომსახურების“ მუხლში, ნაცვლად „ტრანსპორტის ხარჯის“ მუხლისა.

შპს „ბათუმის სასწრაფო სამედიცინო დახმარების ცენტრს“ 2014 წლის განმავლობაში საკუთრებაში ჰქონდა 22 ერთეული ავტოსატრანსპორტო საშუალება, რომელზედაც წლის განმავლობაში სათადარიგო ნაწილების და შესაბამისი სარემონტო სამუშაოებისათვის გახარჯულია 50.4 ათასი ლარი, მათ შორის 5.9 ათასი ლარის ღირებულების შესყიდული საქონელი შეცვლილია ბათუმის სასწრაფოს თანამშრომლის მიერ, რომელთან დაკავშირებითაც ვერ იქნა წარმოდგენილი წერილობითი დოკუმენტაცია.

მუნიციპალიტეტის ბალანსის დანართი ფორმა №2-ის „თანამდებობრივი სარგოს“ მუხლი, გარდა ხელფასებისა, მოიცავს პრემიას - 503.3 ათას ლარს და დანამატს -3.9 ათას ლარს. საქართველოს საბიუჯეტო კლასიფიკაციის მიხედვით, პრემიის სახით გაცემული თანხები უნდა კლასიფიცირდეს „პრემიის“ მუხლში, ხოლო დანამატის სახით გაცემული თანხები „დანამატის“ მუხლში.

შპს „ბათუმის სასწრაფო სამედიცინო დახმარების ცენტრს“ 2014 წლის საბალანსო მონაცემებით, წინა წლებიდან წარმოშობილი ვალდებულებების შესაბამისად, დებიტორად აქვს აღრიცხული შპს „ბიოპოლუსი“, რომლის დავალიანება შეადგენს 4.3 ათას ლარს. ბათუმის სასწრაფოს მხრიდან, გარდა წერილობითი შეტყობინებებისა, არ განხორცილებულა კანონმდებლობით გათვალისწინებული საშუალებების გამოყენება თანხის გადახდევინების მიზნით.

ქ. ქუთაისის მუნიციპალიტეტში 2014 წელს განხორციელდა პროგრამები „ეს იმუშავებს“ და „ნარჩენების მართვის ინოვაციური მეთოდების დანერგვა საქართველოს, მოლდოვასა და სომხეთის ქალაქებში“. პროგრამის ფარგლებში დასაქმებულ პირებზე ხელფასის სახით გაცემული 56.2 ათასი ლარი ორგანიზაციის ბალანსში ასახულია „თანამდებობრივი სარგოს მუხლში“. ასევე, „ნარჩენების მართვის ინოვაციური მეთოდების დანერგვის“ ფარგლებში გაცემული ხელფასი, 40.0 ათასი ლარი, აღრიცხულია „სუბსიდიის“ მუხლში. აღნიშნული თანხა წარმოდგენილი უნდა იყოს „შტატგარეშე მომუშავეთა ანაზღაურების“ მუხლში.

შპს „ბათუმის სასწრაფო სამედიცინო დახმარების ცენტრს“, თავისი მიზნების განსახორციელებლად საკუთრებაში გააჩნია ადმინისტრაციული შენობები ქ. ბათუმში, პუშკინის ქუჩა N154 და დასახლება მახინჯაურში. ბათუმის სასწრაფო ასევე სარგებლობს ქ. ბათუმში, ფრიდონ ხალვაშის გამზირი, ჩიხი 16-ე N7-ში მდებარე 165,5 კვ.მ ფართს, რომელიც აჭარის ავტონომიური რესპუბლიკის საკუთრებაა და დღეის მდგომარეობით რაიმე სამართლებრივი ფორმით არ არის გადაცემული ბათუმის სასწრაფოსათვის.

2015 წლის 1 იანვრის მდგომარეობით, მუნიციპალიტეტის მიერ სარგებლობის უფლებით გაცემული ქონებიდან მოიჯარეების მიერ წინასწარ გადახდილმა საიჯარო ქირამ შეადგინა 10.1 ათასი ლარი. მუნიციპალიტეტის მიერ წინასწარ მიღებული თანხა არ არის ასახული "სხვა მოკლევადიანი კრედიტორული დავალიანების მუხლში"

2014 წელს მუნიციპალიტეტი ფლობდა 400.0 ათას კვ.მ-ზე მეტ არასასოფლო-სამეურნეო დანიშნულების მიწის ნაკვეთებს. აღნიშნული აქტივი მუნიციპალიტეტის მიერ არ არის აღრიცხული და წარმოდგენილი ფინანსურ ანგარიშგებაში.

მუნიციპალიტეტმა შეისყიდა 59.0 ათასი ლარის ძელსკამები, რომლის ერთეულის ღირებულება საშუალოდ შეადგენს 224 ლარს. ძელსაკემბი ბალანსში არასწორად არის წარმოდგენილი „მანქანა დანადგარებისა და ინვენტარის“ მუხლში, ნაცვლად „გრძელვადიანი მცირეფასიანი აქტივებისა“.

ნაერთი ფინანსური ანგარიშგება წარდგენილია ორმაგად აღრიცხული აქტივების ღირებულებით

მუნიციპალიტეტის მიერ წლის მანძილზე განხორციელდა 105.6 ათასი ლარის ისეთი საპროექტო მომსახურების შესყიდვა, რომელთა საშუალებით შეიქმნა მუნიციპალიტეტის ძირითადი ქონება. აღნიშნული თანხა მუნიციპალიტეტის მიერ ნაცვლად აქტივების შესაბამისი მუხლისა, წარმოდგენილია „სუბსიდიის“ მუხლში.

ფინანსურ ანგარიშგებაში არ არის ასახული როგორც დებიტორული დავალიანება, ასევე არ არის დარიცხული და აღრიცხული პირგასამტეხლო

მუნიციპალიტეტმა წლის მანძილზე განახორციელა 427.7 ათასი ლარის საგზაო მონიშვნითი და გზის სარეაბილიტაციო სამუშაოები. ხელშეკრულების თანახმად, მიმწოდებლებს აუნაზღაურდათ სამუშაოების ღირებულების ნაწილი 417.1 ათასი ლარი, ხოლო დანარჩენი 10.6 ათასი ლარი დაუკავდათ საგარანტიო ვადის გასვლამდე. ფინანსურ ანგარიშგებაში, ოპერაცია ნაცვლად აქტივისა, წარმოდგენილია ხარჯებში, კერძოდ „სუბსიდიის“ მუხლში თანხით 417.1 ათასი ლარი, ხოლო კრედიტორული დავალიანება „აქტივების მიწოდებით დარიცხული ვალდებულებების“ მუხლში არ არის აღრიცხული.

ცალმხრივად აღრიცხული კრედიტორული დავალიანებები

ბიუჯეტთან ანგარიშსწორების შედარების აქტის მიხედვით, ქუთაისის მუნიციპალიტეტს 2014 წლის გადასახადების საბოლოო სალდოდ ერიცხება ზედმეტობა 95.6 ათასი ლარის ოდენობით. მუნიციპალიტეტის მიერ აღნიშნული საგადასახადო აქტივი არ არის ბალანსის შესაბამის მუხლში ასახული.

ცალმხრივად აღრიცხული დებიტორული დავალიანებები

2015 წლის 1 იანვრის მონაცემებით, მუნიციპალიტეტის სამსახურების ინფორმაციის შესაბამისად, წინა წლებში დასახლებული ტერიტორიის დასუფთავების მოსაკრებელის სახით მიუღებელია 631.7 ათასი ლარი. თანხა, როგორც მუნიციპალიტეტის კუთვნილი შემოსავლები, არ არის აღრიცხული და წარმოდგენილი ფინანსურ ანგარიშგებაში.

არასწორი კლასიფიკაცია

2015 წლის 1 იანვრის მონაცემებით, მუნიციპალიტეტს ერიცხება წინა წლების საიჯარო ქირის მიუღებელი თანხა, სულ 309.8 ათასი ლარი. მიუღებელი საიჯარო ქირა არ არის აღრიცხული ბუღალტრულად და შესაბამისად, არ არის წარმოდგენილი ფინანსურ ანგარიშგებაში.

2014 წელს დაფიქსირდა 4 შემთხვევა, როცა არასწორი დიაგნოზისა და სსიპ „სოციალური მომსახურების სააგენტოსთვის“ შეტყობინების არათავისდროული გადაგზავნის ფაქტების გამოვლენის გათვალისწინებით, ცენტრის მიერ სამედიცინო საქმეებით განსაზღვრული სამედიცინო მომსახურების ღირებულება კორექტირებული იქნა 3.7 ათასი ლარით. აღნიშნული თანხით შემცირებულია სსიპ „სოციალური მომსახურების სააგენტოს“ მიერ დასაფინანსებელი მომსახურების ღირებულება.

ეკონომიკური მოვლენების დროში არასწორად ასახვა.

ქალაქ ქუთაისის მუნიციპალიტეტის მიერ წარმოდგენილი საბანკო ამონაწერების მიხედვით, 2015 წლის 1 იანვრისთვის მუნიციპალიტეტს ნაშთის სახით ერიცხება 6 521.4 ათასი ლარი. ფინანსურ ანგარიშგებაში წარმოდგენილი არ არის საბანკო ანგარიშზე არსებული ფულადი სახსრების ნაშთები.

არ არის დაცული საქართველოს შრომის, ჯანმრთელობისა და სოციალური დაცვის მინისტრის ბრძანებით განისაზღვრული სამკურნალო დიეტების, ერთ ავადმყოფზე დღეში დადგენილი პროდუქტების საშუალო მოხმარებისა და სტაციონალური მკურნალობის საწოლდღის ხარჯთაღრიცხვით გათვალისწინებული ნორმები. ნორმებთან შედარებით გახარჯული საკვები პროდუქტების რაოდენობა, მათი მიზნობრივი გამოყენების თვალსაზრისით მნიშვნელოვან რისკებზე მიუთითებს.

კონსოლიდირებული (ნაერთი) ბალანსის საცნობარო მუხლში არ არის აღრიცხული 2014 წლამდე წარმოქმნილი და დაუფარავი კრედიტორული დავალიანება

მუნიციპალური განვითარებიის ფონდის სესხის ფარგლებში, მუნიციპალიტეტში განხორციელებულია საინვესტიციო ინფრასტრუქტურული პროექტები, გრძელვადიანი დაფინანსების ფორმით. 2015 წლის 1 იანვრის მდგომარეობით, მუნიციპალური განვითარების ფონდისათვის დარჩენილი გადასახდელი თანხა შეადგენს 746.7 ათას ლარს. აღნიშნული ვალდებულება ფინანსურ ანგარიშგებაში არ არის ასახული.

შპს „ქ. ბათუმის ინფექციური პათოლოგიის, შიდსისა და ტუბერკულოზის რეგიონალური ცენტრის“ მიერ 2014 წელს ქონების გადასახადით არ არის დაბეგრილი ეკონომიკურ საქმიანობაში გამოყენებული ძირითადი საშუალებები;

არაიდენტიფიცირებული დებიტორული დავალიანებები

2014 წელს შპს „კომუნალური 1“-ს გაუფორმდა ხელშეკრულება მუნიციპალიტეტში დასუფთავების მომსახურეობაზე საერთო ღირებულებით 146.2 ათასი ლარი. შემსრულებელმა სამუშაოების მიმდინარეობის პროცესში გამგეობას მიწერა წერილი რომლის თანახმადაც მას დაუზიანდა ნარჩენების გადამზიდი ავტომობილი და საჭიროებდა შეკეთებას. აღნიშნულის საფუძველზე მუნიციპალიტეტმა შპს-ს 5.0 ათასი ლარით გაუზარდა სახელშეკრულებო ღირებულება. მიმწოდებლის ტექნიკის დაზიანება ვერ ჩაითვლება ხელშეკრულების ღირებულების გაზრდის ობიექტურ საფუძვლად, ვინაიდან ის წარმოადგენს ორგაიზაციის ხარჯს და არ უკავშირდება შესყიდვის ობიექტს.

საქართველოს საგადასახადო კოდექსის მე-8 და 108 -ე მუხლების მოთხოვნების შეუსრულებლობის შედეგად (უიმედო ვალად აღიარების კრიტერიუმები), ცენტრის 2014 წლის მოგების გადასახადით დასაბეგრი შემოსავალი შემცირებულია 221.6 ათასი ლარით.

არაიდენტიფიცირებული კრედიტორული დავალიანებები

2015 წელს შპს „კომუნალური 1“-ს დასუფთავების მომსახურეობის სახელშეკრულებო ღირებულება, სამუშაოების მიმდინარეობის პროცესში გაეზარდა 17.5 ათასი ლარით და 238.5 ათასი ლარი შეადგინა. ხელშეკრულების ღირებულების გაზრდის მიზეზად მიმწოდებელმა დამატებით პერსონალის დაქირავების აუცილებლობა დაასახელა. მიმწოდებლის მიერ დამატებითი პერსონალის დაქირავების საჭიროება ვერ ჩაითვლება ხელშეკრულების ღირებულების გაზრდის ობიექტურ საფუძვლად, ვინაიდან ის წარმოადგენს ორგაიზაციის ხარჯს და არ უკავშირდება შესყიდვის ობიექტს.

ცენტრის მიერ ვერ იქნა წარმოდგენილი შესყიდვის განხორციელების მიზნებისთვის ბაზრის გამოკვლევის ამსახველი რაიმე დოკუმენტური სახის მტკიცებულება.

ბალანსზე არღიცხულია დებიტორული დავალიანებები იმ პირების მიმართ, რომელთა რეგისტრაცია გაუქმებულია.

2014 წელს ორი ხელშეკრულების ფარგლებში მუნიციპალიტეტმა დაუსაბუთებლად გაზარდა სამუშაოების მიწოდების ვადები, რათა შემსრულებელს არ დაარიცხა პირგასამტეხლო. იმ შემთხვევაში თუ მუნიციპალიტეტი შემსრულებელს არ გაუზრდიდა მიწოდების ვადას მას დაერიცხებოდა პირგასამტეხლო სამუშაოების დაგვიანებისთვის ჯამში 11.4 ათასი ლარი.

წარმოდგენილი ინფორმაციის შესაბამისად, 2014 წელს დასრულებული ხელშეკრულებების ამსახველი დოკუმენტაცია არ არის ატვირთული სახელმწიფო შესყიდვების ერთიან ელექტრონულ სისტემაში ;

ბალანსზე არღიცხულია კრედიტორული დავალიანებები იმ პირების მიმართ, რომელთა რეგისტრაცია გაუქმებულია.

2014 წლის ივლისის თვეში მუნიციპალიტეტმა ყოფილ გამგებელს, გამგებლის მოადგილეებსა და შტატგარეშე თანამშრომელს, მძღოლს, მუნიციპალიტეტმა გადაურიცხა ჯამში 10.3 ათასი ლარი. ჩარიცხვის საფუძველი იყო აღნიშნული პირების განცხადება იმის შესახებ რომ თანამდებობების დატოვების შემდეგ გამგეობას მოეხდინა მათთვის საბოლოო ანგარიშსწორება ფაქტობრივად ნამუშევარი დღეებისა და გამოუყენებელი საშვებულებო პერიოდის გათვალისწინებით. ჩარიცხული 10.3 ათასი ლარიდან აღნიშნულ პირებზე გასაცემი შრომის ანაზღაურების თანხა შეადგენდა 2.3 ათას ლარს, ხოლო დანარჩენი 8.0 ათასი ლარი პასუხისმგებელი პირის განმარტებით გაიცა როგორც გამოუყენებელი შვებულების ანაზღაურება. აღნიშნულ პირებს სამსახურში ყოფნის მთელ პერიოდში მიღებული აქვთ კუთვნილი შრომის ანაზღაურება, ხოლო გამოუყენებელი შვებულებისთვის რაიმე დამატებით ანაზღაურებას მოქმედი კანონმდებლობა არ ითვალისწინებს. ზედმეტად გადარიცხული თანხის უკან დაბრუნების მიზნით, გამგეობამ შეისწავლა საკითხი და 2015 წლის 27 თებერვალს მიმართა სასამართლოს. სასამართლო გადაწყვეტილების თანახმად აღნიშნულ პირებს დაეკისრათ მიღებული თანხის უკან დაბრუნება. შედეგად აუდიტის მიმდინარეობის პერიოდში დაბრუნებულია მხოლოდ 1.3 ათასი ლარი.

აუდიტის პერიოდში წარმოდგენილი დოკუმენტაციით, ვერ დგინდება მიმწოდებლის მიერ სატენდერო მოთხოვნით გათვალისწინებული ვალდებულებების დროულად შესრულების მდგომარეობა, რაც ხელშეკრულებების პირობების გათვალისწინებით საჯარიმო სანქციის გამოყენებას განაპირობებს და რომელიც საზოგადოების შემოსავლის კატეგორიას განეკუთვენება.

უცნობია დებიტორული დავალიანებების წარმოშობის წლები, არ არსებობს დავალიანებების წარმოშობის დამადასტურებელი დოკუმენტაცია

2014 წელს სიღნაღის მუნიციპალიტეტის გამგეობას სულ იჯარით გაცემული ჰქონდა 3 ობიექტი, საიდანაც საიჯარო ქირის სახით უნდა მიეღო 2.4 ათასი ლარი ფაქტობრივად კი მიიღო 1.0 ათასი. 2015 წელს იჯარით გაცემული იყო 14 ობიექტი და წლის განმავლობაში გადასახდელი საიჯარო ქირა შეადგენდა 41.9 ათას ლარს, ხოლო მოიჯარეებმა ფაქტობრივად გადაიხადეს 34.0 ათასი ლარი. შედეგად, 2015 წლის 31 დეკემბრის მდგომარეობით, მუნიციპალიტეტის მიერ მიუღებელმა საიჯარო ქირამ 9.3 ათასი ლარი შეადგინა.

მედიკამენტებისა და სხვა სამედიცინო საშუალებების მიწოდებაზე გაფორმებული ხელშეკრულებების შესრულების შესახებ წარმოდგენილი დოკუმენტებით ვერ დადგინდა, აღნიშნული ხელშეკრულებების შესრულების მდგომარეობა. კერძოდ, სასაქონლო ზედნადებებში არ არის აღნიშნული იმ ხელშეკრულების ნომერი, რომლის ფარგლებშიც იქნა მიწოდებული საქონელი. ამასთან, საბუღალტრო მონაცემებში პროდუქციის მიღების აღრიცხვა არ ხდება ხელშეკრულებების შესაბამისად, რის გამოც მოპოვებული აუდიტორული მტკიცებულების საფუძველზე, აუდიტის ჯგუფმა ვერ მიიღო სათანადო რწმუნება 2014 წელს მედიკამენტებისა და სხვა სამედიცინო საშუალებების მიწოდების შესახებ გაფორმებული 746.3 ათასი ლარის ღირებულების, 12 ხელშეკრულების შესრულების კანონიერებასთან დაკავშირებით;

უცნობია კრედიტორული დავალიანებების წარმოშობის წლები, არ არსებობს დავალიანებების წარმოშობის დამადასტურებელი დოკუმენტაცია

2014-2015 წლებში სიღნაღის მუნიციპალიტეტის საკუთრებაში არსებულ 470 კვ.მ არასასოფლო სამეურნეო დანიშნულების მიწას და 12 შენობა-ნაგებობას რომელთა საერთო ფართობი 600 კმ-ზე მეტია, იყენებდნენ არაუფლებამოსილი პირები რომლებსაც მუნიციპალიტეტთან არ ქონდათ გაფორმებული შესაბამისი ხელშეკრულებები და არ იხდიდნენ საიჯარო ქირას. აუდიტის ჯგუფის მიერ საკითხით დაინტერესების შემდგომ გამგეობამ ხელშეკრულებები გააფორმა და იჯარით გასცა 2 ობიექტი საიდანაც ქირის სახით მისაღები შემოსავლები წლიურად შეადგენს 3.6 ათას ლარს. გამგეობამ კერძო აუდიტორს შეაფასებია დანარჩენი ქონების ღირებულება, დასკვნის მიხედვით აღნიშნული ქონების იჯარით გაცემის შემთხვევაში მუნიციპალიტეტი საიჯარო ქირის სახით ყოველწლიურად დამატებით მიიღებდა 31.7 ათას ლარზე მეტ შემოსავალს

ცენტრის მიერ 2014 წელს განხორციელებული სახელმწიფო შესყიდვების შემოწმებით დადგენილია, რომ რიგ შემთხვევბში არ არის დაცული „სახელმწიფო შესყიდვების შესახებ“ საქართველოს კანონის მე-3 და 101 მუხლებით განსაზღვრული მოთხოვნები, რაც შესყიდვების განხორციელებისას მონეტრული ზღვრების დაცვას ითვალისწინებს.

სააგენტოს მიენიჭა გამარტივებული წესით შესყიდვის განხორციელების დისკრეცია რომელიც არ იქნა რეალიზებული; (კომპანია რეგისტრირებულია 2014 წლის 23 სექტემბერს, ხელშეკრულების გაფორმებამდე 1 თვით ადრე. )

2014-2015 წლებში სიღნაღის მუნიციპალიტეტის გამგეობის გაანგარიშებით იურიდიული პირებისგან მისაღები დასუფთავების მოსაკრებელი 112.2 ათას ლარით, ხოლო ფიზიკური პირებისგან 31.8 ათასი ლარით განისაზღვრა. ფაქტობრივად კი ფიზიკური პირებიდან მიღებული დასუფთავების მოსაკრებელი დაგეგმილის 94%-ზე მეტია (30.2 ათასი ლარი), ხოლო იურიდიული პირებიდან მხოლოდ 23%-ია (25.6 ათასი ლარი)

არასწორად განსაზვრული სავარაუდო ღირებულება: ერთიდაიგივე დასახელების მედიკამენტი ერთიდაიგივე მიმწოდებლისგან შესყიდულ იქნა გაზრდილი ღირებულებით

2014 წელს გამგეობამ ხელშეკრულება გააფორმა ერეკლე მეორის ქუჩისა და ჩიხის გზის სარეაბილიტაციო სამუშაოებზე საერთო ღირებულებით 212.7 ათასი ლარი. ერეკლე მეორის ქუჩაზე განხორციელებული სამუშაოების ადგილზე დათვალიერების შედეგად აღმოჩნდა, რომ დაგებული ასფალტო-ბეტონის საფარი მთელ სიგრძეზე დაზიანებულია.

გამარტივებული წესით შესყიდვის განხორციელების დისკრეცია არ იქნა რეალიზებული; 1. აუდიტის ჯგუფმა ვერ მიიღო სათანადო რწუნება მოცემული გადაწყვეტილების დასაბუთების თაობაზე, 2. შპს "მოწინავე სამედიცინო ტექნოლოგიები და სერვისის" მიერ შეთავაზებული საქონლის ჯამური ღირებულება (700,000 ლარი), რომელზეც გაფორმდა ხელშეკრულება დამტკიცებული კომპონენტის ბიუჯეტის იდენტურია; 3. სამინისტოს მიერ C ჰეპატიტის სკრინინგისა და ღვიძლის დიაგნოსტიკის აპარატურა გამარტივებული შესყიდვის საშუალებით შესყიდულ იქნა იმ დროს, როდესაც არ იყო განსაზღვრული C ჰეპატიტზე მკურნალობის სტრატეგია, სამიზნე ჯგუფები და ბენეფიციართა რაოდენობა.

ერეკლე მეორის ჩიხში განხორციელებული გზის სარეაბილიტაციო სამუშაოების დათვალიერებისას აღმოჩნდა რომ ასფალტო-ბეტონის საფარის ძირითადი ნაწილი დაზიანებულია. აღნიშნული გამოწვეულია 2016 წელს შპს „გაერთიანებული წყალმომარაგების კომპანიის“ მიერ განხორციელებული წყლის სისტემის სარეაბილიტაციო სამუშაოებით. მუნიციპალიტეტს შპს-სათვის არ მიუმართავს დაზიანებული ასფალტის შეკეთების მიზნით.

2014 წელს ძირითადი კაპიტალის მოხმარება არასწორად იყო შემცირებული 1.8 ათასი ლარით, რაც გამოწვეული იყო იმით, რომ 2014 წლის ბოლოს უმაღლესი საბჭოს ბალანსზე რიცხულ საოფისე ფართს ნაცვლად 1% ცვეთის ნორმისა ერიცხებოდა 0,8%

მიწოდების და თანმდევი მომსახურების შესაბამის ბაზარზე კონკურენციის შეზღუდვა; სხვაობა მიწოდებული საქონლის ტექნიკური პარამეტრებსა და ტექნიკურ დავალებით მოთხოვნილ პარამეტრებს შორის; დაკავშირებული მხარეები;

2014 წელს ქვემო მაჩხაანში გზის სარეაბილიტაციო სამუშაოებზე გამგეობამ არასწორად გაიანგარიშა მიმწოდებელზე დასარიცხი ჯარიმა და ნაცვლად 61.5 ათასი ლარისა მიმწოდებელი დააჯარიმა 44.0 ათასი ლარით. იმ შემთხვევაში თუ გამგეობა სწორად გაიანგარიშებდა მიმწოდებელზე გასავრცელებელ სანქციას, მიმწოდებელს დამატებით დაერიცხებოდა ჯარიმა 17.5 ათასი ლარის ოდენობით.

უმაღლესი საბჭოს ბალანსზე დანაკლისის სახით აღირიცხებოდა 1.2 ათასი ლარის პირველადი ღირებულების ცეცხლსასროლი იარაღი, რომელიც უმაღლესი საბჭოს აპარატის ინფორმაციით, იმყოფებოდა აფხაზეთის ა/რ უმაღლესი საბჭოს ყოფილი თავმჯდომარის ოჯახში. აღნიშნული საკითხის დარეგულირების მიზნით უმაღლესი საბჭოს პრეზიდიუმს ჯერ კიდევ 2004 წელს მიღებული ჰქონდა შესაბამისი დადგენილება, რომლის თანახმად უნდა განხილულიყო მოკლელულიანი ცეცხლსასროლი სახელობითი იარაღის-პისტოლეტის თავმჯდომარის ოჯახში დატოვების შესაძლებლობის საკითხი. მიუხედავად აღნიშნულისა, საკითხი ამჟამადაც არ არის დარეგულირებული;

დაკავშირებული მხარეები: 1. 2014 წელს სააგენტომ გამოაცხადა 13 ელექტრონული ტენდერი სააგენტოს ოფისების დასუფთავების მომსახურების შესყიდვაზე. ტენდერების ჯამური სავარაუდო ღირებულება 460,426.00 ლარს შეადგენს. ტენდერებში მონაწილეობას იღებდა 11 სხვადასხვა კომპანია, აქედან 5 მათგანის დამფუძნებელი ერთი პირია. მოცემულმა კომპანიებმა მონაწილეობა მიიღეს სააგენტოს მიერ გამოცხადებულ 11 ტენდერში, აქედან 8 შემთხვევაში გამარჯვებულად გამოვლინდნენ და გაუფორმდათ ხელშეკრულება რომელთა ჯამურმა ღირებულებამ შეადგინა 251 778 ლარი, რაც მოცემულ მომსახურებაზე სააგენტოს მიერ გაფორმებული ხელშეკრულებების საერთო ღირებულების 73 %-ს წარმოადგენს 2. სამედიცინო დაწესებულებათა რეაბილიტაციისა და აღჭურვის სახელმწიფო პროგრამის ფარგლებში საპროექტო სამუშაოების შესყიდვა განხორციელებულია გამარტივებული შესყიდვის საშუალებით. ხელშეკრულებები გაფორმებულია სამ სხვადასხვა კომპანიასთან შპს „ბლოკ-ჯორჯია“, შპს „მედპროექტი“ და შპს „მედმშენი, საერთო ღირებულებით - 490 ათასი ლარი: კომპანიების სარეგისტრაციო მონაცემების შესწავლით გამოვლინდა, რომ ორ მათგანს საერთო მესაკუთრე ყავს, მესამე კომპანიის დირექტორი კი მათთან დაკავშირებულ პირს წარმოადგენს.

2014-2015 წლებში სამი ხელშეკრულების ფარგლებში მუნიციპალიტეტმა შემსრულებლებს მიწოდების ვადების დარღვევისათვის არ დაარიცხა პირგასამტეხლო ჯამში 46.0 ათასი ლარის ოდენობით.

ძირითადი აქტივებისა და გრძელვადიანი მცირეფასიანი აქტივების აღრიცხვის ორგანიზებასა და მოვლა-შენახვაზე არ იყო უზრუნველყოფილი სრული კონტროლი. კერძოდ დადგინდა, რომ 2014 წელს მატერიალურად პასუხისმგებელი პირი არ იყო განსაზღვრული კონკრეტული ბრძანებით. 114 ერთეულ არაფინანსურ აქტივზე გახსნილი საინვენტარო ბარათი არ შეესაბამებოდა საქართველოს კანონმდებლობით დადგენილ ფორმას. ხოლო დანარჩენ არაფინანსურ აქტივებზე (მათ შორის ყველა გრძელვადიან მცირეფასიან ინვენტარზე) საერთოდ არ იყო გახსნილი საინვენტარო ბარათები

ტენდერის შემთხვევაში ხელშეკრულება არ იდება სატენდერო დოკუმენტაციაში მოცემული ხელშეკრულების პროექტის საფუძველზე, შემსყიდველი ორგანიზაციის მოთხოვნებისა და ტენდერში გამარჯვებული პრეტენდენტის წინადადების შესაბამისად: სააგენტოსა და მიმწოდებელ ორგანიზაციას შორის მედიკამენტების მიწოდებაზე გაფორმებული 30 ხელშეკრულებიდან 25 შემთხვევაში განსხვავებებია სატენდერო დოკუმენტაციით განსაზღვრულ ხელშეკრულების საპროექტო პირობებსა და ტენდერში გამარჯვებულ პრეტენდენტთან გაფორმებული ხელშეკრულების ანალოგიურ პირობებს შორის

2014-2015 წლებში სიღნაღის მუნიციპალიტეტის მიერ გამარტივებული შესყიდვის საშუალებით გაფორმებული 127 ხელშეკრულების ფარგლებში შესყიდულია 1 496.0 ათასი ლარის სამშენებლო სამუშაოები, რომელთა ღირებულების ანაზღაურება არ მომხდარა ფაქტობრივი დანახარჯების გათვალისწინებით. შედეგად, დარღვეულია საქართველოს მთავრობის 2014 წლის 14 იანვრის №55 დადგენილების მოთხოვნები

ძირითადი საშუალებებისა და სხვა მატერიალური ფასეულობების ინვენტარიზაციის შედეგად გამოვლინდა 20 ერთეული გრძელვადიანი მცირეფასიანი აქტივის ზედმეტობა. იმის გათვალისწინებით, რომ მოცემული აქტივების ფასები უცნობი იყო, მათი შეტანა საივენტარო აღწერაში მოხდა ღირებულებების გარეშე.

შესყიდვის განხორციელდა შესაბამისი ნორმატიულ აქტით საჯარო ღონისძიების განხორციელების უფლებამოსილების მინიჭებამდე.

2014 წელს მუნიციპალიტეტმა სანიაღვრე არხისა და კანალიზაციის სისტემის სარეაბილიტაციო სამუშაოებზე, გააფორმა ორი ხელშეკრულება საერთო თანხით 27.0 ათასი ლარი. გამგეობამ მიმწოდებელს დაგვიანებით გადაურიცხა შესრულებული სამუშაოების ღირებულება. შედეგად შესრულებული სამუშაოების ღირებულებასთან ერთად მუნიციპალიტეტმა გადაიხადა მთლიანი სახელშეკრულებო ღირებულების 25%-ზე მეტი პირგასამტეხლოს სახით, ჯამში 6.9 ათასი ლარი.

უმაღლეს საბჭოში ბრძანებებისა და ხელშეკრულებების საფუძველზე 2014 წლის მთელი ან გარკვეული პერიოდის განმავლობაში დასაქმებული იყო შტატგარეშე 20 მომუშავე. წლის განმავლობაში მათზე ანაზღაურებულმა თანხამ შეადგინა 94.2 ათასი ლარი. მოქმედი კანონმდებლობის თანახმად, შტატგარეშე მოსამსახურე არის პირი, რომელიც დანიშვნით ან შრომითი ხელშეკრულებით გარკვეული ვადით მიიღება სამსახურში არამუდმივ ამოცანათა შესასრულებლად; ფაქტობრივად კი წარმოდგენილი ხელშეკრულებების ანალიზით გამოვლინდა, რომ 12 პირი აყვანილი იყო მთელი წლის პერიოდში მუდმივ ამოცანათა შესასრულებლად და მათზე ჯამში ანაზღაურებამ შეადგინა 74.3 ათასი ლარი.

საყოველთაო დაზღვევა -ბენეფიციართა ერთი კატეგორია სარგებლობს ჯანმრთელობის ორმაგი დაზღვევით და შესაბამისად გარკვეული პრივილეგიებით, ხოლო მეორე კატეგორია სარგებლობს მხოლოდ პროგრამის ფარგლებში დაზღვევის მინიმალური პაკეტით, რაც არათანაბარ პირობებში აყენებს პროგრამის ბენეფიციარებს.

2014-2015 წლებში საკრებულოს არაანაზღაურებად დეპუტატებზე შესაბამისი ხარჯის დამადასტურებელი დოკუმენტაციის გარეშე, სულ გაცემულია 52.0 ათასი ლარი. მათ შორის, 2014 წელს - 7.0 ათასი, ხოლო 2015 წელს - 45.0 ათასი ლარი.

აფხაზეთის ა/რ მთავრობის აპარატში ბრძანებებისა და ხელშეკრულებების საფუძველზე 2014 წლის მთელი ან გარკვეული პერიოდის განმავლობაში დასაქმებული იყო 15 შტატგარეშე მომუშავე და მათზე ანაზღაურებულია სულ 60.8 ათასი ლარი. მოქმედი კანონმდებლობის თანახმად, შტატგარეშე მოსამსახურე არის პირი, რომელიც დანიშვნით ან შრომითი ხელშეკრულებით გარკვეული ვადით მიიღება სამსახურში არამუდმივ ამოცანათა შესასრულებლად; ფაქტობრივად კი წარმოდგენილი ხელშეკრულებების ანალიზით გამოვლინდა, რომ 3 პირი აყვანილი იყო მთელი წლის პერიოდში მუდმივ ამოცანათა შესასრულებლად. კერძოდ, მათზე დაკისრებული იყო აფხაზეთის ა/რ მთავრობის აპარატის დებულებით გათვალისწინებული მოვალეობები. ჯამში ზემოაღნიშნულ შტატგარეშე მოსამსახურეებზე ანაზღაურდა სულ 21.7 ათასი ლარი

აუდიტის ჯგუფმა გამოავლინა სამედიცინო მომსახურებაზე პროგრამის ფარგლებში ანაზღაურებადი სატარიფო არეალის განსაზღვრის პროცესში კონტროლის სისუსტეები: აუდიტის ობიექტი არ ფლობს ინფორმაციას მთავრობის 218-ე და 165-ე დადგენილების განსაზღვრული მოსარგებლებისათვის გაწეული მომსახურებაზე ბოლო ერთი წლის განმავლობაში დაფიქსირებული მინიმალური ღირებულების შესახებ, რაზეც მიბმულია ტარიფის „ჭერი“ და შესაბამისად ანაზღაურების მოქმედი ტარიფები “კონტროლიდან“ არის გასული, რაც თავის მხრივ წარმოშობს საბიუჯეტო სახსრების არაეკონომიური ხარჯვის რისკს

მუნიციპალიტეტმა გამგებლის სარეზერვო ფონდიდან, რომელიც ბიუჯეტით გაუთვალისწინებელი გადასახდელების დაფინანსებისთვის იქმნება, 57.6 ათასი ლარი დახარჯა ბიუჯეტში გათვალისწინებულ პროგრამებზე. ამასთან, აღნიშნული თანხის ფარგლებში შესყიდვები განხორციელდა კანონმდებლობის მოთხოვნათა დარღვევით, კერძოდ დაცული არ არის მონეტარული ზღვრები.

აფხაზეთის ა/რ ფინანსთა და ეკონომიკის სამინისტროს შესაბამისი ბრძანების საფუძველზე ამავე სამინისტროს სარგებლობაში არსებული 0.6 ათასი ლარის საბალანსო ღირებულების საოფისე ინვენტარი სარგებლობის უფლებით გადმოეცა ადმინისტრაციულ-სამეურნეო სამმართველოს. გადმოცემის დოკუმენტებში არ დაფიქსირებულა ინვენტარის პირველადი ღირებულებები. ამასთან, აღნიშნულ ინვენტარზე ცვეთის დარიცხვა საწყისი ღირებულების ნაცვლად განხორციელდა ნარჩენ ღირებულებაზე,მაშინ როდესაც არსებული წესის თანახმად ძირითადი აქტივების ცვეთა გამოიანგარიშება მათი საწყისი ღირებულების გამრავლებით შესაბამის წლიურ ნორმაზე.

ვადაგადაცილებული გადარიცხვები: ანაზღაურებას დაქვემდებარებული მომსახურებების მიხედვით ელექტრონულ სისტემაში მიღება-ჩაბარების აქტის „შექმნის“ და მისი ხელმოწერებით დადასტურების თარიღებს შორის არის მნიშვნელოვანი, არსებითი დროის პერიოდი, რაც ძირითადად გამოწვეულია იმ ფაქტით, რომ მიმწოდებლებისათვის შეზღუდულია ელ. პორტალზე შექმნილ მიღება-ჩაბარების აქტზე წვდომა (ხედვა), შესაბამისად, მათთვის უცნობია ინსპექტირების დასრულების პერიოდი, მიღება- ჩაბარების აქტის შექმნის თარიღი და ასანაზღაურებელი თანხის მოცულობა. მიმწოდებელი აღნიშნულის შესახებ ინფორმაციას იღებს მხოლოდ მიღება-ჩაბარების აქტზე ხელმოწერის მიზნით სააგენტოს თანამშრომლის მიერ სატელეფონო კომუნიკაციის გზით.

2015 წლის 31 დეკემბრის მდგომარეობით მუნიციპალიტეტის ბალანსზე ირიცხება 76.4 ათასი ლარის ღირებულების კრამიტი, 2014-2015 წელს გამგეობამ ჩაატარა ინვენტარიზაცია თუმცა აღნიშნული კრამიტების რაოდენობა არ იქნა დათვლილი და შედარებული ბუღალტრულ ჩანაწერებს. მასალის ადგილზე დათვალიერების შედეგად აღმოჩნდა, რომ იგი დასაწყობებულია დაუცველ ადგილას და კრამიტის ნაწილი დაზიანებულია.

ფინანსური ანგარიშგებისათვის, 32.0 ათასი ლარის პირველადი ღირებულების ძირითად აქტივებზე წლის ბოლოს არ იყო დარიცხული ცვეთა.

დროის ერთსა და იმავე პერიოდში ერთდროულად სამსახურებრივ საქმიანობას ეწეოდნენ(ვიან) როგორც დეპარტამენტში, ასევე პროგრამაში ჩართულ სამედიცინო დაწესებულებებში. ასეთ შემთხვევათა რაოდენობა შეადგენს 23 ერთეულს. შემთხვევათა მნიშვნელოვან ნაწილში აღნიშნული პირები წარმოადგენენ საყოველთაო ჯანმრთელობის დაცვის პროგრამის მართვის დეპარტამენტის შესრულებული სამუშაოს მართვისა და მონიტორინგის სამმართველოების თანამშრომლებს.

2014-2015 წლებში სიღნაღის მუნიციპალიტეტს ინვენტარიზაცია არ განუხორციელებია საბიუჯეტო ორგანიზაციებში ქონების, მოთხოვნებისა და ვალდებულებების ინვენტარიზაციის ჩატარების წესის შესაბამისად. გამგეობამ მოახდინა მხოლოდ მუნიციპალიტეტის ბალანსზე არსებული სატრანსპორტო საშუალებებისა და მატერიალური ფასეულობების ნაწილის გადათვლა. მუნიციპალიტეტს არ განუხორციელებია: ძირითადი აქტივების მნიშვნელოვანი ნაწილის, მატერიალური მარაგების ნაწილის, ფულადი ანგარიშებისა და ფულადი დოკუმენტების, საწვავისა და ფინანსური მოთხოვნებისა და ვალდებულებების ინვენტარიზაცია. შესაბამისად აღნიშნული აქტივებისა და ვალდებულებების ფაქტობრივი მდგომარეობა არ არის შედარებული საბუღალტრო ჩანაწერებთან.

სამმართველოს მიერ ჩატარებული 20 გამარტივებული ელექტრონული ტენდერიდან 5 შემთხვევაში ტენდერში გამარჯვებულ პრედენტთა მიერ დაფიქსირებული საბოლოო ფასები მნიშვნელოვნად (20%-ი და მეტით) დაბალია სამმართველოს მიერ განსაზღვრული შესყიდვის სავარაუდო ღირებულებაზე.

2014 წლის 31 დეკემბერს „ჯანმრთელობის დაზღვევა“ პროგრამის (კოდი 35 03 01) -, „სხვა ხარჯების“ მუხლით სოციალური მომსახურების სააგენტომ ერთჯერადი გასაცემლის სახით „სოფლის ექიმის“ პროგრამის ფარგლებში დაკონტრაქტებულ ექიმებსა და ექთნებზე (2 617 ერთეული) გასცა 810,550.00 ლარი ერთჯერადი გასაცემელის სახით.

2015 წელს სიღნაღის მუნიციპალიტეტმა ფიზიკური პირისგან შეისყიდა წყლის ჭაბურღილი საერთო ღირებულებით 30.0 ათასი ლარი, ამავე წელს ასევე მოხდა შენობა-ნაგებობის შესყიდვა ღირებულებით 1.5 ათასი ლარი. მუნიციპალიტეტის მიერ წარმოდგენილი დოკუმენტური მტკიცებულებებით არ დასტურდება თუ რა ინფორმაციაზე დაყრდნობით განისაზღვრა შესყიდული ქონების ღირებულება.

აუდიტის შედეგად გამოვლინდა, რომ საქართველოს ეკონომიკის მინისტრის 2 ბრძანების საფუძველზე სამინისტროსათვის, მის კომპეტენციაში არსებული ფუნქციების, ამოცანების და საკითხების განსახორციელებლად, სამინისტროს სარგებლობაში გადმოცემული სამსართულიანი შენობა-ნაგებობის მეორე სართულის ნაწილზე და მესამე სართულზე სრულად შესაბამისი საფუძვლის გარეშე განთავსებულია და ფუნქციონირებს სხვადასხვა შპს-ები, შესაბამისად ხდება სახელმწიფო ქონების უკანონოდ გამოყენება. მსგავსი დარღვევები გამოვლინდა წინა წლების აუდიტების შედეგადაც.

2014 წლის 1 ივლისიდან პროგრამას დაემატა ახალი კომპონენტი - სპეცდაფინანსებაზე მყოფი რიგი სამედიცინო დაწესებულებების შეუფერხებელი ფუნქციონირების ხელშეწყობის მიზნით, დამატებითი ღონისძიებების განხორციელების უზრუნველყოფა, რომელთა დაფინანსება ხდება მათ მიერ წარმოდგენილი ფინანსური ანგარიშგების ფორმაში დაფიქსირებული ზარალის , მაგრამ არაუმეტეს ამავე განსაზვრული სპეცდაფინანსების დამატების ლიმიტებისა. სამინისტროს მხრიდან არ ხორციელდება წარმოდგენილ ფინანსური ანგარიშგებაში ასახული შემოსავლებისა და ხარჯების მუხლების აუდიტი. ფინანსური შედეგების (მოგება-ზარალი) გამოთვლაში ჩართულია არა მხოლოდ უშუალოდ კონკრეტული მუნიციპალიტეტების მიხედვით სამედიცინო დაწესებულებების პირდაპირი და ზედნადები ხარჯები, არამედ მოცემული დაწესებულებების სათაო ოფისების (მმართველი კომპანიების) ადმინისტრაციული ხარჯები: ხელფასები, სხვა ხარჯები (ოფისის ქირა, კომუნალური ხარჯები, საწვავი, ცვეთა, რემონტი) და ასევე საპროცენტო ხარჯი,

2015 წელს გამგებლის ბრძანებით 4 თანამშრომელს დანიშნული აქვს ყოველთვიური სახელფასო დანამატი, ჯამში აღნიშნულ თანამშრომლებზე დანამატის სახით გაცემულია 5.0 ათასი ლარი. მოქმედი კანონმდებლობის მიხედვით გამგებლის ბრძანება წარმოადგენს ინდივიდუალურ სამართლებრივ აქტს რომლის გამოყენება არ შეიძლება მოხდეს მრავალჯერადად.

აუდიტის პერიოდში სამინისტროში არ მომხდარა საჯარო რეესტრში რიცხული უძრავი ქონების შეფასება და ფინანსურ ანგარიშგებაში თანხობრივად აღრიცხვა.

სახ. პროგ. "სოფლის ექიმის" კომპონენტი - სპეცდაფინანსებაზე მყოფი რიგი სამედიცინო დაწესებულებების შეუფერხებელი ფუნქციონირების ხელშეწყობის მიზნით, დამატებითი ღონისძიებების განხორციელების უზრუნველყოფის ფარგლებში ანაზღაურებული თვის ლიმიტები განისაზვრა 2004 წელს, მას შემდეგ არ მომხდარა ლიმიტების განახლება, შესაბამისად, უცნობია რაზე დაყრდნობით დადგინდა კონკრეტული დაწესებულებებისათვის თვის ლიმიტები.

2015 წელს მუნიციპალიტეტმა,დაგვიანებით გადარიცხა მუნიციპალური განვითარების ფონდის მიმართ არსებული დავალიანების ნაწილი და შესაბამისი საპროცენტო თანხა, რის გამოც დაჯარიმდა 0.6 ათასი ლარის ოდენობით

სამინისტროს ხარჯების ეკონომიკური კლასიფიკაციის მიხედვით 2014 წლის ანგარიშში ფაქტობრივ ხარჯებში - საბიუჯეტო კლასიფიკაციის მუხლით განსაზღვრული ხარჯები ,,ძირითადი კაპიტალის მოხმარება“ არასათანადო ცვეთის (ამორტიზაციის) ნორმის გამოყენების გამო, ძირითადი კაპიტალის მოხმარება არასწორად იყო გაზრდილი 6.3 ათასი ლარით, ხოლო რიგ შემთხვევაში ცვეთა საერთოდ არ დარიცხულა, რის გამოც ცვეთის თანხები შემცირდა 2.7 ათასი ლარით.

ცენტრალური აპარატის 3 თანამშრომელზე გაცემულია პრემია, მაშინ როდესაც ისინი ცენტრალურ აპარატში დაინიშნენ პრემიის ჩარიცხვის თვეს (ერთი მათგანი პრემიის დანიშვნის დღისთვის მუშაობდა სულ 7 კალენდარული დღე, ხოლო 2 მათგანის 20-20 დღე), ხოლო შესაბამის მოხსენებით ბარათში არაა მითითებული კონკრეტული გარემოებები, რის საფუძველზეც მოხდა აღნიშნული თანამშრომლების წახალისებ

2015 წელს 6 ოქტომბერს შემოსავლების სამსახურმა მუნიციპალიტეტი საგადასახადო ორგანოში საშემოსავლო გადასახადის დეკლარაციის არასწორად წარდგენის გამო, დააჯარიმა 1.2 ათასი ლარით

სამინისტროს შენობის სარემონტო სამუშაოების ხარჯები 15,832.96 ლარის ოდენობით, არასწორადაა გაწეული წლიური ბიუჯეტით დამტკიცებული „არაფინანსური აქტივები“-ს მუხლიდან და არამართებულადაა აღრიცხული სამინისტროს ბალანსის მუხლში - „შენობები და ნაგებობები“, ვინაიდან სამინისტროს მიერ წარმოდგენილი სახარჯთაღრიცხვო დოკუმენტაციისა და შესრულებული სამუშაოების აქტების შესწავლით მოცემული სამუშაოები განეკუთვნება მიმდინარე შეკეთების ხარჯებს და უნდა აღრიცხულიყო როგორც „საქონელი და მომსახურება“, კერძოდ „ოფისის ხარჯების“ კლასიფიკატორში). შესაბამისად 2014 წლის ბოლოს შენობა-ნაგებობების საბალანსო მუხლი, ზედმეტადაა გაზრდილი 15.8 ათასი ლარით. ამავდროულად, აღნიშნული თანხით არასწორადაა გაზრდილი საბიუჯეტო კლასიფიკატორის მუხლი „არაფინანსური აქტივები“ და შემცირებულია საბიუჯეტო კლასიფიკატორის მუხლი „საქონელი და მომსახურება“.

ჯანდაცვის ერთიანი საინფორმაციო სისტემის პროგრამული განვითარების ჯგუფის წევრები პირდაპირ მუშაობენ ბაზებთან, რომლებიც შეიცავს კანონმდებლობით განსაზღვრულ კონფიდენციალურ ინფორმაციას. შეუძლებელი ხდება კონტროლის მექანიზმების ეფექტიანობის უზრუნველყოფა (არსებობის შემთხვევაში) და კანონმდებლობით გათვალისწინებული ნორმების დაცვა.

მუნიციპალიტეტმა 2014 წელს ტერიტორიის დაგვა-დასუფთავებისა და ნარჩენების გატანის მომსახურეობა შეისყიდა დღგ-ის ჩათვლით. შედეგად გამგეობამ მიმწოდებელს აუნაზღაურა შესრულებული სამუშაოების ღირებულება სულ 103.0 ათასი ლარი, მათ შორის, დღგ - 14.3 ათასი ლარი.

ინვენტარიზაციით გამოვლინდა 19 ერთეული გრძელვადიანი მცირეფასიანი აქტივების ზედმეტობა. ვინაიდან მოცემული აქტივების ღირებულება უცნობი იყო, ისინი შეტანილი იქნა საივენტარო აღწერაში ღირებულებების გარეშე.

სამინისტროს მიერ არ იქნა გამოყენებული EMR (electronic medical records) სისტემა საყოველთაო დაზღვევის პროგრამის განსახორციელებლად, რის გამოც სანიმისტროს გადაწყვეტილებით, USAID-ის პროგრამის ფარგლებში მოხდა სამინისტროს სხვადასხვა ელექტრონული სერვისების განვითარება.

გუდამაყრის ტერიტორიულ ერთეულში, სტიქიის შედეგად დაზიანებული ობიექტების სარეაბილიტაციო სამუშაოებზე გაფორმებული ხელშეკრულების ფარგლებში შპს სოტრიმ 2015 წლის 5, 6 და 7 იანვარს მოსული დიდი რაოდენობით ნალექის, გამო მოითხოვა მიწოდების ვადის გაგრძელება 31 მარტამდე, რაზედაც გაფორმდა შესაბამისი შეთანხმება. აღსანიშნავია, რომ მიმწოდებელს 2014 წლის ოქტომბრის ბოლოს უკვე დასრულებული უნდა ქონოდა ყველა ობიექტი, შესაბამისად იანვარში დაფიქსირებული უამინდობა ვერ ჩაითვლება ხელშეკრულების ვადის გაგრძელების ობიექტურ საფუძვლად. საბოლოოდ სამუშაოები ჩაბარდა 298 დღის დაგვიანებით. იმ შემთხვევაში, თუ გამგეობა მიმწოდებელს არ გაუფორმებდა შეთანხმებებს ვადის გაგრძელებაზე და აამოქმედებდა ხელშეკრულებით გათვალისწინებულ საჯარიმო სანქციებს შპს-ს დაეკისრებოდა პირგასამტეხლო 13,0 ათასი ლარის ოდენობით.

აფხაზეთის ა/რ ეკონომიკის მინისტრის 2012 წლის ბრძანების საფუძველზე სამინისტროსათვის სარგებლობის უფლებით გადმოცემულ შენობა-ნაგებობის პირველ და მეხუთე სართულებზე, ყოველგვარი სამართლებრივი საფუძვლის გარეშე, კვლავ განთავსებულია და ფუნქციონირებს სამინისტროსთან ერთად სამინისტროს მმართველობის სფეროში შემავალი რიგი საჯარო სამართლის იურიდიული პირები და სხვა სუბიექტები.

სასერვერო ინფრასტრუქტურის დაზიანების შეხთვევაში (ფიზიკური დაზიანება, რაც გამოწვეულია ხანძრის, დატბორვის, კატასტროფის, ადამიანური ფაქტორით გამოწვეული შეცდომისა თუ განზრახვის, ტექნიკური მოწყობილობების მწყობრიდან გამოსვლის შედეგად) სამინისტრო ვერ შეძლებს ელექტრონული სერვისების საზოგადოებისათვის მიწოდებას, რის შედეგადაც, შესაძლოა შეფერხდეს ან შეუძლებელი იქნეს სახელმწიფოს მიერ დაზღვეულთათვის სამედიცინო მომსახურეობის მიწოდება, ნაკისრი ვალდებულებების შესახებ ინფორმაციის მოპოვება და ა.შ. ამასთანავე, შესაძლოა სისტემაში დაცული ინფორმაცია სამუდამოდ დაიკარგოს (იმ შემთხვევაში თუ დაზიანდება მონაცემთა შენახვის დისკები).

უცხოურ საწარმოს ფილიალ შპს „სტროისერვისგარანტს“ ხელშეკრულების საფუძველზე უნდა შეესრულებინა ვარკეთილის მე-III მასივის მე-X კვარტლის „ვ“და „დ“ კორპუსებისა და ლილოს დასახლების მე-2 კვარტლის მე-3 კორპუსის გამაგრება-გაძლიერების სამუშაოები. ლილოს კორპუსის სამუშაოებზე ხარჯთაღრიცხვის დაზუსტებისას წარმოდგენილია არაგონივრულად მაღალი ფასები. სამუშაოების მიმდინარეობის ეტაპზე იმ დროისათვის არსებული საბაზრო ფასების გათვალისწინების შემთხვევაში შესაძლებელი იყო 305.8 ათასი ლარის ეკონომიის მიღწევა. ანალოგიური შემთხვევაა დიდი ხევძმარის სანიაღვრე კოლექტორის დაზიანებული მონაკვეთის აღდგენით სამუშაოებზე 2014 წლის 9 დეკემბერს შპს „პალიტრასთან“ გაფორმებულ ხელშეკრულების შემთხვევაშიც, სადაც შესაძლებელი იყო 369.4 ათასი ლარის ეკონომიის მიღწევა.

ბეჭდვითი გამოცემის ფარგლებში განსაზღვრული იყო 5,000.00 ლარის ღირებულების 300 ცალი კრებულის „ლიტერატურა და ხელოვნება აფხაზეთში“ გამოცემა. სამინისტროს ზემოაღნიშნული წიგნები აღრიცხული აქვს საცნობარო მუხლში „პასუხსაგებ შენახვაზე მიღებული მატერიალური ფასეულობები“. მოქმედი კანონმდებლობის თანახმად, საცნობარო მუხლში „პასუხსაგებ შენახვაზე მიღებული მატერიალური ფასეულობები“ – აღირიცხება ორგანიზაციის მიერ დროებით, პასუხსაგებ შენახვაზე მიღებული მატერიალური ფასეულობანი. შესაბამისად 5.0 ათასი ლარი არ არის აღრიცხული ბალანსის შესაბამის მუხლში .

სამინისტროს სარგებლობაში არსებული შეუფასებელი და აღურიცხავი შენობა-ნაგებობები შეადგენს 564 კვ. მეტრს. ასევე ბალანსზე აღრიცხულია ფიზიკურად არარსებული, უკვე დემონტირებული შენობა 14.1 ათასი ლარის საბალანსო ღირებულებით. სამინისტროს ბალანსზეა აღრიცხული ქონება რომელთა საკუთრების უფლება საჯარო რეესტრში რეგისტრირებულია დევნილ ოჯახებზე. ყოველივე ზემოაღნიშნულის შედეგად, ძირითადი აქტივების საწყისი ნაშთის მუხლი შენობა-ნაგებობების ნაწილში 222.0 ათასი ლარით, ხოლო საბოლოო ნაშთი - 225.0 ათასი ლარით ზედმეტად არის წარმოდგენილი ბალანსში.

2013-2014 წლებში სამშენებლო სამუშაოების გამარტივებული შესყიდვის დროს, შესრულებული სამუშაოების ღირებულების ფაქტიური დანახარჯების შესაბამისად განსაზღვრაზე, დაქირავებული სამშენებლო მანქანა-მექანიზმების და ინვენტარის ქირავნობის ღირებულებაზე ზედნადები ხარჯებისა და გეგმიური მოგების დარიცხვის გარეშე წარმოდგენაზე კონტროლი განხორციელებული არ არის. შესაბამისად გაურკვეველია ცალკეული სამუშაობის მიხედვით, შრომის ანაზღაურების, მომსახურებისა და გამოყენებული მატერიალური ფასეულოებების ღირებულების ფაქტობრივ დანახარჯებთან შესაბამისობის საკითხი.

სამინისტროსა და შპს „მერიდიანს“ შორის გაფორმებული მიღება-ჩაბარების აქტისა და სასაქონლო ზედნადების თანახმად დაიბეჭდა, ხოლო სამინისტრომ მიიღო წიგნები ( „ლიტერატურა და ხელოვნება აფხაზეთში“), თუმცა ინვენტარიზაციის ჩატარების მომენტში ისინი ვერ იქნა წარმოდგენილი, რის გამოც ძირითადი საშუალებებისა და სხვა მატერიალური ფასეულობების ინვენტარიზაციის შედეგად გამოვლინდა 5.0 ლარის ღირებულების მატერიალური ფასეულობების.

სამინსტროს მიერ 2014 წლის ნაერთი ფინანსური ანგარიშგების N1480 „სხვა დანარჩენი მოკლევადიანი მოთხოვნების“ საწყის ნაშთში არ არის აღრიცხული 3.2 ათასი ლარის, ხოლო წლის ბოლოს ნაშთში - 732.9 ათასი ლარის მოთხოვნები. ასევე, ბალანსში აუსახავი მიმწოდებლის მიერ ვალდებულებების შეუსრულებელაზე ან არაჯეროვნად შესრულებაზე ხელშეკრულებით გათვალისწინებული ჯარიმების და სანქციების თანხებით, შემცირებულად არის წარდგენილი N1354 „მოთხოვნები დარიცხული ჯარიმებით, სანქციებით და საკუთრებასთან დაკავშირებული სხვა შემოსავლებით“ ანგარიშის წლის ბოლოს ნაშთი - 3 999.5 ათასი ლარის ოდენობით.

2014-2015 წლებში მიწისქვეშა გადასასვლელებში დამონტაჟებული ლიფტები და საპირფარეშოები საერთოდ არ ფუნქციონირებს, სამეთვალყურეო სისტემიდან კი ფუნქციონირებს მხოლოდ მცირე ნაწილი. შესყიდული მატერიალური ფასეულობებისა და შესრულებული სამუშაოების შესაბამისად დღეის მდგომარეობით ფუნქციონირებადი სამეთვალყურეო სისტემის გათვალისწინებით არაეფექტურად გახარჯულმა საბიუჯეტო თანხებმა შეადგინა 831,6 ათასი ლარი. სამეთვალყურეო სისტემების შესყიდვაზე შპს ,,დელტა კომმთან “ 2014 წლის 1 ივლისს გაფორმებული ხელშეკრულების შესაბამისად შესასყიდი მატერიალურ ფასეულობათა სავარაუდო ღირებულების არასწორი განსაზღვრის შედეგად მიწოდებული აპარატურის ფასნამატმა შეადგინა 298.2 ათასი ლარი.

სამინისტროს მიერ ჩატარებული 6 გამარტივებული ელექტრონული ტენდერიდან 2 შემთხვევაში ტენდერში გამარჯვებულ პრეტენდენტთა მიერ დაფიქსირებულია საბოლოო ფასები, რომლებიც მნიშვნელოვნად (20%-ზე მეტით) დაბალია სამინისტროს მიერ განსაზღვრულ შესყიდვის სავარაუდო ღირებულებაზე.

ურთიერთშეუსაბამოა შპს „ქ. ბათუმის რესპუბლიკური კლინიკური საავადმყოფოს“ 2013 და 2014 წლების საბალანსო ანგარიშების ნაშთები. კერძოდ, 2013 წლის საბალანსო მონაცემებში, საანგარიშო პერიოდის ბოლოს რიცხული ნაშთები არ შეესაბამება 2014 წლის ბალანსში წლის დასაწყისისათვის დაფიქსირებულ ნაშთებს.

ქვეყნის ფარგლებს გარეთ სამივლინებო ხარჯების აუდიტით გამოვლინდა, რომ არის შემთხვევები, როდესაც მიმღები მხარე უზრუნველყოფდა სამინისტროს მოსამსახურეთა მივლინებებთან დაკავშირებული ხარჯების სრულად დაფარვას, სამინისტროს მიერ კი ნორმატიულ აქტთან შეუსაბამოდ, გაცემულია სადღეღამისო ნორმის თანხები; ასევე, როდესაც მიმღები მხარე უზრუნველყოფდა მიწვეულის კვების ხარჯების ანაზღაურებას, ნორმატიულ აქტთან შეუსაბამოდ, სადღეღამისო ნორმის მხოლოდ 30%-ის ნაცვლად, გაცემულია მისი სრული ოდენობა. 2014 წელს განხორციელდა იტალიაში სამინისტროს თანამშრომელთა მივლინება, რომელიც მოწვევის მიზნებიდან გამომდინარე არ იყო დაკავშირებული სამინისტროს საქმიანობის სფეროსთან და განსახორციელებელ ამოცანებთან და არ წარმოადგენდა სამსახურებრივი დავალების შესასრულებელ ვიზიტს (შესაბამისად მივლინებას სამინისტროსთვის არანაირი სარგებელი არ მოუტანია). შესაბამისად, გადახდილი საბიუჯეტო სახსრებიდან - 1,167 ლარი არამიზნობრივი და არაეფექტიანი ხარჯია, ხოლო - 6,310 ლარი ნორმატიულ აქტთან შეუსაბამოდ, ზედმეტად ანაზღაურებული თანხა.

შპს ,,ჯინო პარკი“-ის ინფრასტრუქტურის მოწესრიგების მიზნით 2012-2013 წლებში მერიის მიერ შესრულებულმა სამუშაოებმა შეადგინა 3,224.3 ათასი ლარი. აქედან 1,450.2 ათასი ლარის სამუშაოები შესრულებულია ყოველგვარი დადგენილებისა და სათანადო ნებართვების გარეშე. კერძო სამართლის იურიდიული პირის საკუთრებაში არსებულ მიწაზე აღნიშნული სამუშაოების შესრულების ვალდებულების სამართებლივი საფუძვლების შესახებ მტკიცებულებები წარმოდგენილი ვერ იქნა.

აფხაზეთის ა/რ იუსტიციის დეპარტამენტის სტრუქტურულ ერთეულს წარმოადგენს არქივის სამმართველო. აღნიშნული სამმართველო განლაგებულია ვაჟა-ფშაველას N1-ში მდებარე, საქართველოს ეროვნული არქივის შენობაში და სარგებლობს საქართველოს ეროვნული არქივის ბალანსზე რიცხული ფართით და ინვენტარით, თუმცა აღნიშნული ქონებით სარგებლობის უფლების დამადასტურებელი დოკუმენტები არ არის წარმოდგენილი.

საავადმყოფოში არ არის შესრულებული საქართველოს მთავრობის 2010 წლის 17 დეკემბრის N385 დადგენილებით დამტკიცებული „სამედიცინო საქმიანობის ლიცენზიისა და სტაციონალური დაწესებულების ნებართვის გაცემის წესისა და პირობების შესახებ“ დებულებით განსაზღვრული, სტაციონალური დაწესებულების ფუნქციონირების სანებართვო პირობები.

წარმოდგენილი მტკიცებულებების შეფასებით გამოვლინდა, რომ ელ. ტენდერი შეწყდა დაუსაბუთებელი მიზეზით. 2014 წელს სამინისტროს არაშეიარაღებული დაცვის მომსახურეობის შესაძენად შეეძლო 195.6 ათასი ლარით ნაკლები თანხის გადახდა.

მთაწმინდაზე საბაგირო გზის ფუნქციონირების აღდგენის მიზნით ავსტრიულ კომპანია ,,DOPPELMAYR”-თან გაფორმებული ხელშეკრულების შესაბამისად მერიის მხრიდან ვალდებულებები აღებულია შესასრულებელ სამუშაოებზე ხარჯთაღრიცხვის, საპროექტო დოკუმენტაციის, გეოლოგიური დასკვნების, პროექტის განხორციელებისათვის საჭირო გარემოებების შესწავლის, თანმდევი რისკების გათვალისწინებისა და საავანსო თანხასთან დაკავშირებული საბანკო გარანტიის წარმოდგენის გარეშე. კომპანია ,,DOPPELMAYR”-ისათვის წინასწარი ანგარიშსწორებით საბანკო გარანტიისა და მატერიალური ფასეულობის მიღების გარეშე გადარიცხულია სულ 4,064.3 ათასი ევრო მაშინ როდესაც, ხელშეკრულებით 2,765.0 ათასი ევროს გადახდა უნდა განხორციელებულიყო მისაწოდებელი ტექნიკის თბილისში დასაწყობების შემდეგ. საბაგირო გზის მშენებლობისათვის 2012-2013 წლებში ბიუჯეტიდან გაწეულია სულ 12,580.4 ათასი ლარის საკასო ხარჯი. დღეის მდგომარეობით კი შესრულებულია მხოლოდ 604.6 ათასი ლარის სამუშაოები.

მიუხედავად აფხაზეთის ა/რ იუსტიციის დეპარტამენტის წერილისა, რომლის თანახმადაც დეპარტამენტის ხელმძღვანელობა იძლეოდა პირობას იმის თაობაზე, რომ გაითვალისწინებდა წინა აუდიტის ანგარიშის ,,სხვა მნიშვნელოვანი სკითხების“ პუნქტში ასახულ გარემოებებს, ადგილი ჰქონდა სახელმწიფო ქონების შესაბამისი დოკუმენტის გარეშე გამოყენების ფაქტს. აღნიშნული გამოვლინდა წინა პერიოდში ჩატარებული ფინანსური აუდიტის შედეგად.

ადგილი აქვს პაციენტებისა და მომსახურების დამკვეთ იურიდიულ პირებზე სამედიცინო მომსახურების ღირებულებაზე მეტი ოდენობით თანხების მოთხოვნის ფაქტებს. ამასთან, უმეტეს შემთხვევაში სამედიცნო ბარათების მონაცემები არ დასტურდება პაციენტების ხელმოწერებით.

სამინისტროს მიერ სს „ლიბერთი ბანკში“ 2014 წლის 3 ნოემბერს გადარიცხული 4 393.2 ათასი ლარი გადარიცხვისთანავე აღიარებულია ხარჯად.

2013-2015 წლებში ხელშეკრულებებით ნაკისრი ვალდებულებების შეუსრულებლობის შედეგად კომპანიებზე დარიცხული ჯარიმა-საურავები ბუღალტრულად ანგარიშზე „მოთხოვნები დარიცხული ჯარიმებით, სანქციებით და საკუთრებასთან დაკავშირებული სხვა შემოსავლებით“ აღრიცხული არ არის.

დეპარტამენტის თავმჯდომარის ბრძანების მიხედვით ჩატარებული ინვენტარიზაციის საფუძველზე შედგენილი შედეგების აქტისა და საინვენტარიზაციო აღწერების შედეგად გამოვლინდა 21 ერთეული სხვადასხვა აქტივის ზედმეტობა. ასევე დაფიქსირდა 40 ერთეულ მცირეფასიან აქტივზე იდენტური საინვენტარო ნომრები.

2014 წლის ნოემბრის თვეში დაფიქსირდა 18 შემთხვევა, როცა არასწორი მკურნალობის ხანგრძლივობის, დიაგნოზისა და მკურნალობის ფაქტების გამო საავადმყოფოს მიერ გაწეული მომსახურების ღირებულება შემცირებულ იქნა 5.1 ათასი ლარით.

სამინისტროს მიერ 2014 წლის ფინასური მდგომარეობის ანგარიშის საცნობარო მუხლში ასახული არ აქვს 488 074.0 ათასი ლარის პირობით აქტივები.

2013 წელს ნაკისრი ვალდებულებების შეუსრულებლობის, არაჯეროვნად შესრულებისა და შესრულების ვადის გადაცილებისათვის მიმწოდებლებზე პირგასამტეხლოს სახით დარიცხულმა თანხებმა შეადგინა 129,5 ათასი ლარი, მაშინ როცა ხელშეკრულებების შესაბამისად დარიცხული უნდა ყოფილიყო 719.5 ათასი ლარი.

ტრანსპორტის, ტექნიკისა და იარაღის ექსპლუატაციისა და მოვლა-შენახვის ხარჯების მუხლით გაწეულმა ხარჯმა შეადგინა 20.0 ათასი ლარი. აღნიშნული თანხა,დეპარტამენტის საჭიროებებისათვის იყო აღრიცხული ფინანსურ ანგარიშგებაში. ფაქტობრივი გარემოებების შესწავლით და დეპარტამენტიდან მიღებული ინფორმაციით, აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტრომ წერილით მიმართა დეპარტამენტს „აფხაზეთიდან იძულებით გადაადგილებულ პირთა გასვლითი პროფილაქტიკური სამედიცინო გასინჯვების პროგრამის ფარგლებში“ დახმარება გაეწია ტრანსპორტით უზრუნველყოფაში. ტრანსპორტირების დაფინანსება განხორციელდა დეპარტამენტის ბიუჯეტით გათვალისწინებული ასიგნებების მუხლიდან - ტრანსპორტის, ტექნიკისა და იარაღის ექსპლუატაციისა და მოვლა-შენახვის ხარჯები, თანხა - 1.0 ათასი ლარი. აღნიშნული ხარჯის გაწევასთნ დაკავშირებით აფხაზეთის ა/რ ფინანსთა და ეკონომიკის სამინისტროს შესაბამისი წერილის საფუძველზე დეპარტამენტის ბიუჯეტში განხორციელდა ცვლილება 0.5 ათასი ლარის ოდენობით. ცვლილების შედეგად IV კვარტლის კავშირგაბმულობის მუხლიდან 0.5 ათასი ლარი გადატანილი იქნა IV კვარტლის სატრანსპორტო ხარჯის მუხლში. აღნიშნულის შემდგომ დეპარტამენტის ბიუჯეტით გათვალისწინებული თანხებიდანგანხორციელდა აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს „აფხაზეთიდან იძულებით გადაადგილებულ პირთა გასვლითი პროფილაქტიკური სამედიცინო გასინჯვების პროგრამის“ ფარგლებში ტრანსპორტირების ხარჯების დაფარვა.

საბუღალტრო ჩანაწერების შესაბამისად, 2013 წლის 31 დეკემბრის მდგომარეობით, საავადმყოფოს ფიზიკური პირების მიმართ ერიცხება 588.4 ათასი ლარი დებიტორული დავალიანება. პაციენტების მხრიდან გადახდილი თანხების შესახებ წარმოდგენილ სალაროს შემოსავლის ორდერებში, არ არის აღნიშნული სრული ინფორმაცია, გადამხდელისა და გადახდილი თანხების დანიშნულების შესახებ, რის გამოც ვერ დგინდება დებიტორული დავალიანების რეალობა.

კეთილმოწყობის სამსახურის თანამშრომლებზე ადმინისტრაციის პროგრამული კოდიდან ნაცვლად სამსახურის პროგრამული კოდისა პრემიების, დანამატებისა და შტატგარეშე მომუშავეთა ანაზღაურების სახით 2013-2014 წლებში გაცემულია 1,221.9 ათასი ლარი.

ძირითადი საშუალებებისა და სხვა მატერიალური ფასეულობების ინვენტარიზაციის შედეგად გამოვლინდა გრძელვადიანი მცირეფასიანი აქტივების, კერძოდ 2 ცალი მაგიდის ზედმეტობა. ვინაიდან მოცემული აქტივების ფასები უცნობი იყო, შესაბამისად ისინი შეტანილი იქნა საივენტარო აღწერაში ღირებულებების გარეშე

აჭარის ავტონომიური რესპუბლიკის მთავრობის თავმჯდომარის ბრძანების შესაბამისად, შპს „ქ. ბათუმის რესპუბლიკური კლინიკური საავადმყოფოსთვის“, უსასყიდლო-უზუფრუქტის წესით, დროებით სარგებლობაში გადაცემული, ქ. ბათუმში, პუშკინის ქ N164-ში მდებარე 185 კ.მ შენობა-ნაგებობისა და მასზე დამაგრებული 341 კვ.მ არასასოფლო-სამეურნეო დანიშნულების მიწის ნაკვეთის ნაწილი, კერძოდ, შენობა-ნაგებობის მეორე სართული და მასზე წილობრივად მიმაგრებული მიწის ნაკვეთი, არ არის აღრიცხული საავადმყოფოს ბალანსზე.

შეზღუდული პასუხისმგებლობის საზოგადოებებზე კაპიტალის შესავსებად თანხები გადარიცხულია ყოველგვარი დასაბუთებისა და შესაბამისი აუდიტორული ან საექსპერტო დასკვნების გარე.

კ. ხეთაგუროვის N2–ში არსებულ ფართზე წარმომადგენლობის განთავსების (ქონების გადმოცემის) თაობაზე შესაბამისი ადმინისტრაციული აქტი ვერ იქნა წარმოდგენილი. ასევე, ქ. თბილისის ქონების მართვის სააგენტოს ბრძანების საფუძველზე სამინისტროსათვის სარგებლობის უფლებით გადმოცემული შენობა-ნაგებობის მე-13 სართულზე მდებარე გარკვეულ ფართზე, ყოველგვარი სამართლებრივი საფუძვლის გარეშე, წარმომადგენლობასთან ერთად განთავსებულია და ფუნქციონირებს სხვადასხვა იურიდიული პირები.

საბუღალტრო აღრიცხვის მონაცემებში არ არის აღრიცხული უსასყიდლოდ მიღებული მედიკამენტებისა და სხვა სამედიცინო საშუალებების ხარჯვა.

თბილისის მერის სამართლებრივი აქტების საფუძველზე, ადგილი აქვს კონკრეტულ თანამშრომლებზე წინასწარ, მთელი წლის განმავლობაში დანამატის დანიშვნის ფაქტს, რაც თავისი ყოველთვიური შინაარსიდან გამომდინარე უფრო თანამდებობრივი სარგოს ხასიათს ატარებს ვიდრე დანამატის.

წარმომადგენლობის სარგებლობაში დ. აღმაშენებლის გამზირზე არსებული უძრავი ქონება , თანხობრივად აღრიცხული არ არის წარმომადგენლობის საბუღალტრო რეგისტრებში (ბალანსში) , რის შედეგად არსებითი ცდომილებით, შემცირებულია რეალურად არსებული არაფინანსური აქტივების ღირებულება

აუდიტის წინა პერიოდში გაფორმებული და მოქმედება შეწყვეტილი ხელშეკრულებით განსაზღვრული საიჯარო ქირიდან, 2014 წლის 31 დეკემბრის მდგომარეობით, ნაშთად ირიცხება 19.4 ათასი ლარის დებიტორული დავალიანება. მოპოვებული აუდიტორული მტკიცებულების შესაბამისად, სასამართლოს გადაწყვეტილებებით აღნიშნული თანხიდან ორ შემთხვევაში უარი ეთქვა საავადმყოფოს სარჩელის დაკმაყოფილებაზე, 8.9 ათასი ლარის ღირებულების დავალიანების დაფარვასთან დაკავშირებით და ორ შემთხვევაში 3.6 ათასი ლარის დავალიანების ამოღების მიზნით მასალები გადაგზავნილია აღსრულების ეროვნულ ბიუროში, ხოლო ხუთ შემთხვევაში, 6.9 ათასი ლარის დავალიანების შესახებ, ვერ იქნა წარმოდგენილი საიჯარო ხელშეკრულება ან რიმე ფორმის დოკუმენტი, რომელიც საიჯარო ქირის დარიცხვის საფუძველს განსაზღვრავდა.

რიგ შემთხვევებში არაფინანსური აქტივები არ არის შეფასებული ან/და ასახული კომპონენტების ფინანსურ ანგარიშგებაში:

პრემიების გაცემისას არ არის დაცული თბილისის მთავრობის 2006 წლის 14 მარტის N05.11.128 დადგენილებით დამტკიცებული “ქ. თბილისის ადგილობრივი თვითმმართველობის ორგანოების საჯარო მოსამსახურეთა პრემირების წესის“ მოთხოვნები.

ძირითადი საშუალებებისა და სხვა მატერიალური ფასეულობების ინვენტარიზაციის შედეგად გამოვლინდა 46 ერთეული გრძელვადიანი მცირეფასიანი აქტივის ზედმეტობა. ვინაიდან მოცემული აქტივების ფასები უცნობი იყო, ისინი შეტანილ იქნა საივენტარო აღწერაში ღირებულებების გარეშე და შესაბამისად ბალანსში თანხობრივად არ აღრიცხულა.

არ არის უზრუნველყოფილი საავადმყოფოს მიერ მოიჯარეებზე განშტოებით მიწოდებული ელექტროენერგიის კანონიერი მოხმარება, რაც უარყოფითად აისახება საავადმყოფოს ფინანსურ შედეგებზე.

2015 წლის 20 აპრილს სამინისტროს აპარატის ბალანსიდან ჩამოიწერა საცხოვრებელი შენობა, რომელიც აისახა 2014 წლის ფინანსურ ანგარიშგებაში.

საფინანსო სამსახური სრულად არ ადგენს მერიის ფინანსურ ანგარიშგებას, კერძოდ მასში არ აღრიცხავს თბილისის რაიონის გამგეობებში განხორციელებულ ფინანსური ოპერაციებს. ფინანსურ ანგარიშგებაში არ არის წარმოდგენილი რაიონის გამგეობების მიერ 2014-2015 წლებში გაწეული 280651.8 ათასი ლარის ხარჯები.

წარმომადგენლობის ბიუჯეტის ასიგნებებიდან მოხდა აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს „აფხაზეთის იძულებით გადაადგილებულ პირთა გასვლითი პროფილაქტიკური სამედიცინო გასინჯვების პროგრამის ფარგლებში“ ექიმთა ბრიგადის ტრანსპორტირების 2.6 ათასი ლარის ოდენობით ხარჯების დაფარვა.

არასწორად არის შედგენილი საავადმყოფოს 2014 წლის ქონების გადასახადის დეკლარაცია. კერძოდ, 36 კვ.მ მიწის ნაკვეთის ნაცვლად, დეკლარაციაში დაფიქსირებულია ამავე ფართობის შენობა-ნაგებობა.

სსიპ საქართველოს ხალხური სიმღერისა და ცეკვის აკადემიურ ანსამბლ ,,ერისიონი“-ს ფინანსურ ანგარიშგებაში, კაპიტალიზებადი დანახარჯები ასახულია დაუმთავრებელი ძირითადი აქტივის ანგარიშზე

დაუმთავრებელი მშენებლობის მუხლში, 2016 წლის 1 იანვრის მდგომარეობით აღრიცხული ობიექტები მოიცავს 69 პროექტს, ღირებულებით - 8 060.2 ათასი ლარი, რომლებსაც კეთილმოწყობის საქალაქო სამსახური ახორციელებს. მოწოდებული მონაცემებისა და ჩატარებული აუდიტორული პროცედურების შედეგად, გამოვლინდა, რომ აღნიშნული ობიექტებიდან 41 პროექტი, საერთო ღირებულებით - 4 591.1 ათასი ლარი, დასრულებულია.

წარმომადგენლობაში ხელშეკრულებების საფუძველზე 2014 წლის მთელი ან გარკვეული პერიოდის განმავლობაში დასაქმებული იყო 5 შტატგარეშე მომუშავე. აღნიშნულ პირებზე ანაზღაურებულმა თანხამ შეადგინა სულ 30.0 ათასი ლარი. მოქმედი კანონმდებლობის თანახმად, შტატგარეშე მოსამსახურე არის პირი, რომელიც დანიშვნით ან შრომითი ხელშეკრულებით გარკვეული ვადით მიიღება სამსახურში არამუდმივ ამოცანათა შესასრულებლად; ფაქტობრივად კი წარმოდგენილი ხელშეკრულებების ანალიზით გამოვლინდა, რომ 2 პირი აყვანილია მთელი წლის პერიოდში მუდმივ ამოცანათა შესასრულებლად.

შპს „ქ. ბათუმის რესპუბლიკური კლინიკური საავადმყოფოს“ შესაბამისი სტრუქტურული ერთეულებიდან მიღებული ინფორმაციის შესაბამისად, საავადმყოფოს 2014 წლის 1 იანვრის მდგომარეობით ერიცხება 324.8 ათასი ლარის, ხოლო 2014 წლის 31 დეკემბრის მდგომარეობით 449.9 ათასი ლარის სასაქონლო-მატერიალური ფასეულობები, რაც შესაბამისად 47.9 ათასი ლარით და 239.8 ათასი ლარით ნაკლებია 2014 წლის მოგების გადასახადის დეკლარაციაში დაფიქსირებულ თანხაზე. აღნიშნული შეუსაბამობა 191.8 ათასი ლარით ზრდის მოგების გადასახადით დასაბეგრ შემოსავალს.

სსიპ საქართველოს ფოლკლორის სახელმწიფო ცენტრზე რიცხული შენობა ნეგებობის საწყისი საბალანსო ღირებულება გაზრდილია ზედმეტად 77.8 ათასი ლარით.

დაუმთავრებელი მშენებლობის მუხლში აღრიცხულია 2015 წელს ექსპლოატაციაში შესული 4 ერთეული სოციალურად დაუცველი პირებისათვის აშენებული საცხოვრებელი სახლები, საერთო ღირებულებით - 553.8 ათასი ლარი.

2014 წლის ბალანსში საწყის ნაშთად კვლავ არ იყო აღრიცხული, წინა წლის აუდიტის შედეგად გამოვლენილი შპს „რომპეტროლ საქართველო“-ს და შპს „ყაზტრანსგაზ-თბილისი“-ს მიერ 1.1 ათასი ლარის ღირებულების საწვავის და 1.1 ათასი ლარის ღირებულების ბუნებრივი აირის მიწოდების შედეგად წარმოქმნილი მოკლევადიანი ვალდებულებები. ასევე, აუდიტის პერიოდში ბალანსში ნაჩვენები ,,მომსახურეობის მიწოდებით დარიცხული ვალდებულებები“ - 1.6 ათასი ლარი შეცდომით იყო ასახული „მოკლევადიანი ფინანსური ვალდებულებების მუხლში“

შპს „ქ. ბათუმის რესპუბლიკური კლინიკური საავადმყოფოს“ შესაბამისი სტრუქტურული ერთეულებიდან მიღებული ინფორმაციის შესაბამისად, 2014 წელს საავადმყოფოს მიღებული აქვს სულ 2000.8 ათასი ლარის მატერიალური ფასეულობები, რაც 228.6 ათასი ლარით ნაკლებია, 2014 წლის მოგების გადასახადის დეკლარაციაში დაფიქსირებულ, საანგარიშო პერიოდში მიღებულ მატერიალურ ფასეულობათა ღირებულებაზე. აღნიშნული შეუსაბამობა 22.6 ათასი ლარით ამცირებს მოგების გადასახდით დასაბეგრ შემოსავალს. საავადმყოფოს შესყიდვის დამადასტურებელი დოკუმენტაციის შემოწმებით გაირკვა, რომ ელექტრონული სასაქონლო ზედნადებით მიღებულია 1 461.7 ათასი ლარის, საგადასახადო ანგარიშფაქტურებით - 21.9 ათასი ლარის მატერიალური ფასეულობები და შესაბამისად 2014 წელს 517.2 ათასი ლარის მატერიალური ფასეულობები მიღებულია კანონმდებლობით განსაზღვრული დოკუმენტაციის გარეშე.

სსიპ ჭაბუკიანის სახელობის საბალეტო სასწავლებელს „არაფინანსური აქტივების“ საბალანსო მუხლის მიხედვით ერიცხება საცხოვრებელი ბინა, რომელიც არაა სასწავლებელზე დარეგისტრირებული.

2014-2015 წლებში მერიის მიერ პრივატიზებულია 6 მიწის ნაკვეთი, საერთო საბალანსო ღირებულებით - 2 590.5 ათასი ლარი. ფინანსური ანგარიშგების „არაწარმოებული აქტივების“ მუხლში აღნიშნული ოპერცია ასახული არ არის.

ფაქტობრივი გარემოებების შესწავლით დადგინდა, რომ მინისტრის აპარატის ლიკვიდაციისას არ მომხდარა წინა წლების აუდიტისას გამოვლენილი ბალანსზე რიცხული ავტომანქანების 1.0 ათასი ლარის ოდენობით არასწორად გაზრდილი ცვეთის ხარჯების დაზუსტება და კორექტირება.

მოგების გადასახადის დეკლარაციის შესაბამისად, 2014 წელს გამოქვითვების ჯამური რაოდენობა 6 893.1 ათასი ლარს შეადგენდა. მათ შორის 490.8 ათასი ლარი არის სხვადასხვა ხარჯების სახით გამოქვითული თანხა. აღნიშნული ხარჯების ანალიზით დადგენილია, რომ ხარჯებზე არასწორად არის მიკუთვენებული სადაზღვევო კომპანიების მიერ დაკორექტირებული 98.8 ათასი ლარი. შესაბამისად, მოცემულ შემთხვევებში 98.8 ათასი ლარით შემცირებულია მოგების გადასახადით დასაბეგრი შემოსავალი.

სსიპ საქართველოს ეროვნული მუზეუმის ფინანსურ ანგარიშგებაში 24.7 ათასი ლარით ზედმეტადაა გაზრდილი ბალანსის აქტივის ნაწილი.

ქ. თბილისის მუნიციპალიტეტის დაფუძნებული სსიპ „ქონების მართვის სააგენტოს“ მიერ მოწოდებული მონაცემებით, 2014-2015 წლებში პრივატიზებულია 540907 მ2 ფართობის 658 მიწის ნაკვეთი და 985 მ2 ფართობის 3 შენობა-ნაგებობება. აღნიშნული ქონება არაა აღრიცხული და შესაბამისად არც ფინანსურ ანგარიშგებაშია ასახული. პასუხისმგებელი პირის განმარტებით, ქონების ჩამოწერა და ფინანსურ ანგარიშგებაში ასახვა ხორციელდება შესაბამისი სამსახურიდან წარმოდგენილი დოკუმენტების საფუძველზე, 2014-2015 წლებში ქონების პრივატიზების შესახებ დოკუმენტები მათთვის არ არის წარდგენილი.

მინისტრის ბძანებებისა, ხელშეკრულებების და შეთანხმების აქტების საფუძველზე 2014 წლის მთელი ან გარკვეული პერიოდის განმავლობაში დასაქმებული იყო შტატგარეშე 11 მომუშავე და მათზე ანაზღაურებულია სულ 55.4 ათასი ლარი. მოქმედი კანონმდებლობის თანახმად, შტატგარეშე მოსამსახურე არის პირი, რომელიც დანიშვნით ან შრომითი ხელშეკრულებით გარკვეული ვადით მიიღება სამსახურში არამუდმივ ამოცანათა შესასრულებლად; ფაქტობრივად კი წარმოდგენილი ხელშეკრულებების ანალიზით გამოვლინდა, რომ 6 პირი აყვანილი იყო მთელი წლის პერიოდში მუდმივ ამოცანათა შესასრულებლად. მათზე ანაზღაურდა, სულ 34.4 ათასი ლარი

2013 წლის მოგების დეკლარაციის მიხედვით, ერთობლივი შემოსავლებიდან 81 ათასი ლარი გამოქვითულია როგორც ძირითადი საშუალებების სრულად გამოქვითის თანხა, თუმცა 2014 წლის მოგების გადასახადის დეკლარაციაში ხარჯებად აღიარებულია ამავე ძირითად აქტივებზე დარიცხული ამორტიზაციის თანხა, რითაც მოგების გადასახადით დასაბეგრი შემოსავალი შემცირებულია 16.5 ათასი ლარით.

სსიპ თბილისის ალ. გრიბოედოვის სახელობის რუსული პროფესიული სახელმწიფო დრამატული თეატრი ფიანანსურ ანგარიშგებაში მოკლევადიანი მოთხოვნა ასახულია ვალდებულების ნაწილში

2015 წელს თბილისის მერიის ბრძანებით, შეიქმნა მერიის საკუთრებაში არსებული (ბალანსზე რიცხული) ქონების საინვენტარიზაციო კომისია და სამუშაო ჯგუფები“. კომისიას დაევალა ქალაქ თბილისის მუნიციპალიტეტის მერიის შენობებში (საქალაქო სამსახურებში) და 5 სასაწყობე ბაზაში არსებული მოძრავი ქონების ინვენტარიზაცია, რომელიც უნდა დასრულებულიყო წლის ბოლომდე. 2015 წლის 30 დეკემბერს კომისიის შემადგენლობაში შევიდა ცვლილებები და სამუშაოების დასრულების ვადად განისაზღვრა 2016 წლის 10 თებერვალი.

არაფინანსური აქტივების აღრიცხვის ორგანიზებასა და მოვლა-შენახვაზე არ წარმოებდა სრული კონტროლი. კერძოდ, ბუღალტრული აღრიცხვით წარმომადგენლობის ბალანსზე რიცხულ არაფინანსურ აქტივებზე არ იყო გახსნილი საინვენტარო ბარათები.

გამარტივებული შესყიდვის ფორმით გაფორმებულ ხელშეკრულებებში არ არის მითითებული ხელშეკრულების გაფორმების საფუძველი, რის გამოც შეუსრულებელია საქართველოს შესყიდვების სააგენტოს თავმჯდომარის 2011 წლის 7 აპრილის N9 ბრძანებით დამტკიცებული „გამარტივებული შესყიდვის, გამარტივებული ელექტრონული ტენდერისა და ელექტრონული ტენდერის ჩატარების წესის“ მე-19 მუხლის მე-6 პუნქტის „ზ“ ქვეპუნქტის მოთხოვნები.

რამდენიმე სსიპ-ში ცვეთის ხარჯის გაანგარიშებისას დაშვებულია რიგი უზუსტობები, შედეგად ჯამში შემცირებულია ცვეთის ხარჯი

ფინანსთა სამინისტროსა და რეაბილიტაციის მმართველს შორის გაფორმებულ ხელშეკრულებაში არ იყო მკაფიოდ ჩამოყალიბებული მმართველის პასუხისმგებლობები და ამასთან დაკავშირებით მითითება ისევ გადახდისუუნარობის კანონსა და რეაბილიტაციის გეგმაზე იყო გაკეთებული. აღსანიშნავია, რომ არც რეაბილიტაციის გეგმა მოიცავს მმართველის დეტალურად გაწერილ პასუხისმგებლობებს. ასევე, რეაბილიტაციის მმართველის შრომის ანაზღაურების ყოველწლიურად 10%-ით ზრდა უპირობოა და არ ეფუძნება გონივრულ კრიტერიუმს. ხელფასი იზრდება კომპანიის ფინანსური შედეგების და რეაბილიტაციის მმართველის საქმიანობის შეფასების გარეშე.

ინვენტარიზაციის შედეგად გამოვლინდა 1467 ნივთის დანაკლისი, თანხით 3 241.9 ათასი ლარი, ხოლო ზედმეტობამ შეადგინა 1011 ნივთი, რომლის ღირებულება განსაზღვრული არ არის (არაა შეფასებული). გამოვლენილი ქონების დანაკლისებზე მერიამ არ განახორციელა სამართლებრივი შეფასება და არ გაატარა შესაბამისი ღონისძიებები.

ზემო აფხაზეთში აფხაზეთის ა/რ მთავრობის წარმომადგენლობაში ხელშეკრულებების საფუძველზე 2014 წლის მთელი ან გარკვეული პერიოდის განმავლობაში ჯამში დასაქმებული იყო შტატგარეშე 7 მომუშავე. წლის განმავლობაშ მათზე ანაზღაურებულმა ხარჯმა შეადგინასულ 36.6 ათასი ლარი. მოქმედი კანონმდებლობის თანახმად, შტატგარეშე მოსამსახურე არის პირი, რომელიც დანიშვნით ან შრომითი ხელშეკრულებით გარკვეული ვადით მიიღება სამსახურში არამუდმივ ამოცანათა შესასრულებლად; ფაქტობრივად კი წარმოდგენილი ხელშეკრულებების ანალიზით გამოვლინდა, რომ 5 პირი აყვანილი იყო 11-12 თვის განმავლობაში მუდმივ ამოცანათა შესასრულებლად, კერძოდ ხელშეკრულებების მიხედვით მათ ფუნქციებში შედიოდა წარმომადგენლობაში დებულებით გათვალისწინებულ ამოცანათა შესრულება, რაც შტატით მომუშავე თანამშრომლების მოვალეობაა. ჯამში ზემოაღნიშნულ შტატგარეშე მოსამსახურეებზე ანაზღაურებული იქნა 33.0 ათასი ლარი. აღსანიშნავია ის გარემოება, რომ წარმომადგენლობიდან მიღებული ინფორმაციით და დოკუმენტბრუნვის შესწავლით, შტატგარეშე მოსამსახურეებს წერილობითი ფორმით არ მიუღიათ დავალებები და მათ მიერ წარმოდგენილი არ ყოფილა რაიმე სახის დოკუმენტაცია, რომლითაც დადასტურდებოდა მათ მიერ კონკრეტული სამუშაოების შესრულება.

2014 წელს 2 შემთხვევაში, სამედიცინო მომსახურების შესყიდვა, „სახელმწიფო შესყიდვების შესახებ“ საქართველოს კანონით განსაზღვრული მონეტარული ზღვრების გაუთვალისწინებლად განხორციელებულია გამარტივებული შესყიდვის ფორმით.

სამინისტროს ცენტრალური აპარატის ბალანსიდან სათანადო საფუძვლის გარეშე ჩამოწერილია ხანდაზმული დებიტორული დავალიანებები.

რეაბილიტაციის გეგმაში ასახული არამიმდინარე ვალდებულებების სასამართლო წესით შემოწმება და კანონმდებლობის მოთხოვნების დაცვით აღიარება ვერ დასტურდება. აღნიშნული თანხიდან, ელექტროსისტემას 2014-2017 წლებში 21 კრედიტორზე სამართლებრივი საფუძვლის გარეშე უკვე გადახდილი აქვს ძველი სახელფასო დავალიანება 15,684 ლარი. ამასთანავე, რეაბილიტაციის გეგმაში წარმოდგენილია ისეთი კრედიტორი კომპანიებიც, რომლებიც მეწარმეთა და არასამეწარმეო იურიდიულ პირთა რეესტრში არ იძებნებიან. ასევე გეგმაში მოცემული კრედიტორების ნაწილი ლიკვიდირებულია. აღნიშნული კრედიტორების ნაწილზე ელექტროსისტემამ ვერ წარმოადგინა ინფორმაცია მათი უფლებამონაცვლე სუბიექტების შესახებ.

მერიაში ინვენტარიზაციები არაა ჩატარებული კანონმდებლობის დაცვით: ქონების აღწერამ არ მოიცვა მერიის ბალანსზე რიცხული ყველა მატერიალური ფასეულობა, კერძოდ საფინანსო სამსახურის მიერ კომისიისათვის მიწოდებული მერიის ბალანსზე რიცხული 49 847.6 ათასი ლარის მოძრავი ქონებიდან, საინვენტარიზაციო კომისიამ აღწერა მხოლოდ 40 428.2 ათასი ლარის ქონება. ინვენტარიზაცია არ ჩატარებია ისეთ მოძრავ ქონებას, რომელიც არ მდებარეობდა მერიის შენობებში (საქალაქო სამსახურებში) და 5 სასაწყობე ბაზაში.

მედიკამენტებისა და სხვა სამედიცინო საშუალებების მიწოდების შესახებ გაფორმებული ხელშეკრულებების შესრულების შესახებ წარმოდგენილი დოკუმენტებით ვერ დადგინდა, აღნიშნული ხელშეკრულებების შესრულების მდგომარეობა. კერძოდ, სასაქონლო ზედნადებებში არ არის აღნიშნული იმ ხელშეკრულების ნომერი, რომლის ფარგლებშიც იქნა მიწოდებული საქონელი და ამასთან, რიგი მიღება-ჩაბარების აქტები არ არის ხელმოწერილი საქონლის მიმღების მიერ. შესაბამისად, მოპოვებული აუდიტორული მტკიცებულების საფუძველზე, აუდიტის ჯგუფმა ვერ მიიღო სათანადო რწმუნება მედიკამენტებისა და სხვა სამედიცინო საშუალებების მიწოდების შესახებ გაფორმებული ხელშეკრულებების შესრულების კანონიერებასთან დაკავშირებით.

სსიპ ნოდარ დუმბაძის სახელობის მოზარდ მაყურებელთა პროფესიული სახელმწიფო თეატრის ბალანსის საცნობარო მუხლში ასახულია გადახდისუუნარო დებიტორების ჩამოწერილი დავალიანება ჩამოწერის საფუძველი ვერ იქნა წარმოდგენილი, ვერ ხდება მისი იდენტიფიცირება.

2014-2017 წლებში რეაბილიტაციის გეგმა შეიცვალა სამჯერ, რის შედეგადაც ხარჯების მუხლი გაზრდილია ჯამში 45,843,643 ლარით, საიდანაც 21,238,877 ლარის ზრდა (46%) დაუსაბუთებელია. მაგალითად, N26 ცვლილებით, 2016 წლის ხარჯების ზრდის აუცილებლობისა და მიზნობრიობის შესახებ ინფორმაცია არ არის წარმოდგენილი.

მერიის მიერ ვერ იქნა მოწოდებული ბალანსზე რიცხული უძრავი ქონების ბოლო ინვენტარიზაციის მასალები და არც მისი ჩატარების შესახებ ფლობენ ინფორმაციას.

სოციალური ღონისძიებების ფარგლებში მოსახლეობისათვის თანხის გაცემისას არ ხდებოდა პროგრამით გათვალისწინებული მოთხოვნების სრული დაცვა. პროგრამის მიხედვით, ბენეფიციარს შეეძლო თანხის მიღება წლის განმავლობაში ერთხელ. მიუხედავად ამისა, ერთსა და იმავე ბენეფიციარზე თანხები გაცემულია რამდენჯერმე.

სსიპ თბილისის აპოლონ ქუთათელაძის სახელობის სახელმწიფო სამხატვრო აკადემიას ჩამოწერილი აქვს დებიტორული დავალიანება, რომლის საფუძველიც დოკუმენტურად წარმოდგენილი ვერ იქნა,

კომპანიის მიერ რიგ მუხლებში გაწეული ფაქტობრივი ხარჯები აღემატება კრედიტორთან შეთანხმებულ ზღვრულ მოცულობებს. ელექტროსისტემაში დანერგილი პრაქტიკით, სამეურნეო წლის დასრულების შემდეგ გეგმა კორექტირდება, რის შედეგადაც ხდება გეგმური მაჩვენებლების ფაქტობრივთან შესაბამისობაში მოყვანა. აქედან გამომდინარე, ელექტროსისტემის მიერ ფაქტობრივად გაწეული ხარჯვითი ოპერაციები არ ხორციელდება წინასწარ დამტკიცებული რეაბილიტაციის გეგმის მიხედვით. კომპანია ზემოთ აღნიშნულ ფაქტობრივ მუხლობრივ გადახარჯვებს ხსნის სხვა მუხლებში გაწეული ეკონომიებით, რომელსაც იგი ახორციელებს რეაბილიტაციის გეგმის 73 და მე-10 პუნქტების საფუძველზე, თუმცა, კომპანიის მხრიდან რეაბილიტაციის გეგმის ცვლილებებით და თანდართული აღწერა-მოტივაციით არ არის დასაბუთებული ფაქტობრივი გადახარჯვის მიზეზები და საჭიროების აუცილებლობა, რაც რეაბილიტაციის გეგმის ზემოთ აღნიშნული პუნქტებით სარგებლობის აუცილებელ პირობას წარმოადგენს.

2016 წლამდე ქალაქ თბილისის მერიაში რიცხული ძირითადი აქტივები, გრძელვადიანი მცირეფასიანი აქტივები და ფასეულობები არ იყო ჩაბარებული მატერიალურად პასუხისმგებელ პირებზე. მერიაში არ ირიცხებოდა არცერთი მატერიალურად პასუხისმგებელი პირი და შესაბამისად არ იყო გაფორმებული მათთან ხელშეკრულებები, სრული მატერიალური პასუხისმგებლობის შესახებ.

2014-2015 წლებში მუნიციპალიტეტის საკრებულოს წევრებსა და თანამდებობის პირებზე ხარჯის დამადასტურებელი დოკუმენტაციის გარეშე, ხარჯების ანაზღაურების სახით გაცემული თანხა, სულ შეადგენს 182.0 ათას ლარს, მათ შორის, 2014 წელს - 32.3 ათას ლარს, 2015 წელს - 149.7 ათას ლარს.

დაურეგისტრირებელი არაფინანასური აქტივები

2014-2017 წლებში ელექტროსისტემის მხრიდან „სხვა გაუთვალისწინებელი ხარჯების“ მუხლიდან დაფინანსებულია ისეთი ყოველთვიური ხარჯები, რომლებიც ელექტროსისტემისთვის დაგეგმვის ეტაპზევე იყო ცნობილი. მიუხედავად ამისა, მსგავსი ხარჯები მაინც „სხვა გაუთვალისწინებელი ხარჯების“ კატეგორიიდან იქნა გაწეული. 2014–2017 წლებში „სხვა გაუთვალისწინებელი ხარჯების“ მუხლით არის ასევე დაფინანსებული ელექტროსისტემის მიერ 1,461,633 ლარის საკონსულტაციო მომსახურებების შესყიდვის ხარჯები, მიუხედავად იმისა, რომ რეაბილიტაციის გეგმა მოიცავს საკონსულტაციო მომსახურების ხარჯების კატეგორიას.

2014-2015 წლებში მერიას ერიცხებოდა ისეთი ქონება, რომლის გარკვეული ნაწილის წარმოშობისა და ფაქტობრივი არსებობის შესახებ მერიის სამსახურები არ ფლობდნენ ინფორმაციას. იმის გათვალისწინებით, რომ მუნიციპალიტეტი არ ახორციელებს ინვენტარიზაციას საქართველოს კანონმდებლობით დადგენილი წესის მიხედვით, არსებობს მაღალი რისკი იმის, რომ შეუმჩნეველი დარჩეს მერიის კუთვნილი ქონების დაკარგვის ან დაზიანების შემთხვევები და არ მოხდეს შესაბამისი რეაგირება.

საქართველოს მთავრობის დადგენილებით განსაზღვრული წესის მიხედვით, თერჯოლის მუნიციპალიტეტისათვის რეკომენდებული იყო: 2014 წელს - 6 ავტომანქანა, 2015 წელს - 7 ავტომანქანა. საანგარიშო პერიოდში მუნიციპალიტეტის მიერ არ არის გათვალისწინებული აღნიშნული რეკომენდაცია.

არაფინანსური აქტივების არასწორი კლასიფიკაცია. გაზრდილია დაუმთავრებელი მშენებლობის ანგარიში და შემცირებულია შენობა-ნაგებობების ღირებულება

კომპანიის ფინანსური მდგომარეობა 2014-2017 წლებში გაუარესებულია, რაზეც მეტყველებს სხვადასხვა ფინანსური მაჩვენებლებიც, კერძოდ: მიმდინარე აქტივების თანაფარდობა მიმდინარე ვალდებულებებთან (Current Ratio) 2014 წლის დასაწყისიდან 2017 წლის ბოლომდე შემცირებულია 1.39-დან 0.96-მდე, ამდენად, 2017 წლის ბოლოსათვის ელექტროსისტემის მიმდინარე აქტივების ღირებულება სრულად ვერ უზრუნველყოფს მისი მიმდინარე ვალდებულების დაფარვას. ელექტროსისტემის ვალდებულებების წილი მთლიან აქტივებში (Total Debt to Total Assets) 2014 წლის დასაწყისიდან 2017 წლის ბოლომდე გაზრდილია 40%-დან 67%-მდე, რაც იმას ნიშნავს, რომ კომპანიის მთლიან აქტივებში ვალდებულებების წილი მნიშვნელოვნად გაიზარდა. კომპანიის მენეჯმენტმა 2014-2017 წლებში ვერ უზრუნველყო აღნიშნული მიზნის მიღწევისთვის რეაბილიტაციის გეგმით განსაზღვრული ისეთი მნიშვნელოვანი ქმედებების განხორციელება, როგორიცაა ხარჯების ოპტიმიზაცია და დებიტორული დავალიანებების ეფექტიანი მართვა

2014 წლის ფინანსური ანგარიშგებაში (ბალანსის დანართი ფორმა №2 და ფორმა №3), „სხვა ხარჯების“ მუხლი მოიცავს 1 220.1 ათასი ლარის შენატანებს ა(ა)იპ „საბავშვო ბაღების მართვის სააგენტოში“ და ხელოვნების სკოლების პედაგოგების პრემიებს 323.2 ათას ლარს. საბიუჯეტო კლასიფიკაციის მიხედვით, აღნიშნული თანხები ნაცვლად „სხვა ხარჯისა“ უნდა ასახულიყო „სუბსიდიების“ მუხლში.

თერჯოლის მუნიციპალიტეტში დასუფთავების მოსაკრებელს იხდიან მხოლოდ იურიდიული პირები, ხოლო ფიზიკური პირებიდან დასუფთავების მოსაკრებლის ამოღება შესაბამისი სამსახურის მიერ არ ხორციელდება. არსებული მიდგომა ვერ უზრუნველყოფს დასუფთავების მოსაკრებლის სახით მისაღები სრული შემოსავლის მობილიზებას, რომლის ამოღებაც შესაძლებელია შესაბამისი ღონისძიებების ჩატარების შემთხვევაში.

სამხედრო მოსამსახურეებისთვის სამედიცინო მომსახურება გეოგრაფიულად ნაკლებად ხელმისაწვდომია. გარკვეულ შემთხვევებში, სამხედრო მოსამსახურე, რომელიც ჩივილებით მიმართავს ქვედანაყოფის სამედიცინო პუნქტს, ქვედანაყოფის კუთვნილი ამბულანსით, ან სხვა სახის ტრანსპორტით, სამედიცინო პუნქტის თანამშრომლის თანხლებით გადაჰყავთ ქ. გორში განთავსებულ სამხედრო ჰოსპიტალში, მიუხედავად მისი ლოკაციისა. ზოგჯერ, სამხედრო მოსამსახურე პრაქტიკულად ჯანმრთელი აღმოჩნდება და ჰოსპიტალში ასეთი დიაგნოზის დასმის შემდეგ, იგი უკან გადაჰყავთ სამხედრო ნაწილში, რომელიც საკმაოდ დიდი მანძილით არის დაშორებული ჰოსპიტალს. შედეგად არაეკონომიურად იხარჯება, როგორც ადამიანური ისე მატერიალური რესურსები (საწვავი, ავტომანქანის ცვეთა, ჰოსპიტალის თანამშრომელთა მოცდენა, მედიკამენტები და ა. შ.).

ინვენტარიზაციის შედეგად აღმოჩენილი ჩამოსაწერი ქონება არ არის ჩამოწერილი და ბალანსი გაზრდილი ღირებულებით არის წარმოდგენილი

ელექტროსისტემაში დამტკიცებული შრომის ანაზღაურების მოცულობები კონკრეტული თანამდებობის მიხედვით, განსაზღვრული არ არის. ამასთანავე, ელექტროსისტემის ერთსა და იმავე სტრუქტურულ ერთეულში, იდენტურ პოზიციებზე დასაქმებული პერსონალის შრომის ანაზღაურებებს შორის სხვაობა ზოგიერთ შემთხვევაში 100%-ს აჭარბებს.

ქ. თბილისის მუნიციპალიტეტის მერია საქართველოს ფინანსთა მინისტრის 2008 წლის 16 აპრილის №364 ბრძანების შესაბამისად ვალდებულია, ყოველწლიურად შეავსოს ორგანიზაციის ბალანსი თანდართული ფორმებით. აუდიტის პროცესში გამოვლინდა, რომ მერიის საფინანსო სამსახურის მიერ არ არის შევსებული 2014-2015 წლების ორგანიზაციის ბალანსის დანართი ფორმა №6 „ინფორმაცია არაფინანსური აქტივების ანალიზური აღრიცხვის მონაცემებზე“.

2015 წელს შვებულებაში გასულ მუნიციპალიტეტის სამ თანამშრომელზე წინასწარ გაცემულია შრომის ანაზღაურების თანხა. შვებულებაში გასვლიდან მოკლე პერიოდში, ისინი ბრძანებით გამოძახებული იყვნენ სამსახურში სამსახურებრივი მოვალეობების შესასრულებლად. გამოძახებულ თანამშრომლებზე კვლავ დარიცხულია შრომის ანაზღაურება. აღნიშნულიდან გამომდინარე, 3.3 ათასი ლარი არის ზედმეტად არის გაცემული.

აუდიტით გამოვლინდა, რომ სამხედრო ქვედანაყოფების ნაწილი სრულად არ არის დაკომპლექტებული სამედიცინო პერსონალით, რადგან ექიმის შტატი არის სამხედრო, ხოლო სამხედრო ექიმების მომზადება არ ხდება. ქვეყანაში არ არსებობს სპეციალურად სამხედრო ექიმის განათლების, კვალიფიკაციის, პროფესიული და წოდებრივი ზრდის ჩამოყალიბებული სისტემა, რომელიც ხელს შეუწყობს კვალიფიციური კადრების მომზადებას და შენარჩუნებას თავდაცვის სამინისტროს სისტემაში. სამხედრო ექიმის პროფესიაზე ნაკლებ მოთხოვნას განაპირობებს ის, რომ ახალგაზრდა ექიმებს დაბალი მოტივაცია აქვთ სამხედრო სამსახურში წასასვლელად, რადგან საქართველოს შეიარაღებული ძალები გადაყვანილია ანაზღაურების წოდებრივ ფორმაზე, ხოლო სამხედრო ექიმების უმაღლესი წოდება ბრიგადების დონეზეც კი მხოლოდ მაიორით განისაზღვრება, რომლის თანამდებობრივი სარგოც, მხოლოდ 1,280 ლარია.

საბალანსე მუხლის "გრძელვადიანი მცირეფასიანი აქტივების" გაზრდილი ღირებულებით არის წარდგენილი

ელექტროსისტემის ყოველწლიური სახელფასო და საპრემიო ფონდი განსაზღვრულია რეაბილიტაციის გეგმით, რომლის მიხედვით, ტექნიკური და ადმინისტრაციული პერსონალის ხელფასის და პრემიის ხარჯები განსაზღვრულია ცალ-ცალკე და მათი ათვისება უნდა განხორციელდეს შესაბამის თანამდებობებზე დასაქმებული პერსონალის მიხედვით. ვინაიდან, ორგანიზაციის მენეჯმენტს არ აქვს განსაზღვრული ტექნიკური და ადმინისტრაციული თანამდებობები, ზემოაღნიშნული მოთხოვნა შესრულებული არ არის. ფონდების ათვისების შიდა აღრიცხვა ფორმალურია და რეაბილიტაციის გეგმასთან შესაბამისობის მიზანს უფრო ემსახურება, ვიდრე სახელფასო და საპრემიო ხარჯების წინასწარ დაგეგმვას და გეგმის შესაბამისად განკარგვას.

2015 წლის 31 დეკემბრის მდგომარეობით დუშეთის მუნიციპალიტეტის მიერ მიუღებელმა საიჯარო თანხამ შეადგინა 51.6 ათასი ლარი და 2.8 ათასი აშშ დოლარი.

„საჯარო სამსახურის შესახებ“ საქართველოს კანონის მიხედვით, თანამშრომლებზე შრომის ანაზღაურება გაიცემა უნაღდო ანგარიშსწორებით. მიუხედავად ამისა, 2014 წელს მუნიციპალიტეტის თანამშრომლებზე ნაღდი ანგარიშსწორებით გაცემულია შრომის ანაზღაურება - 317.5 ათასი ლარი. აღნიშნული თანხა მოიცავს ყველა თანამშრომელზე 2014 წლის აპრილში გაცემულ პრემიას, თანხით 140.3 ათასი ლარი და ასევე, წლის განმავლობაში ხელფასის სახით გაცემულ თანხას 177.2 ათასი ლარის ოდენობით.

სამხედრო ქვედანაყოფების სრულად დასაკომპლექტებლად საჭიროა რამდენიმე ათეული სამედიცინო საევაკუაციო ტექნიკის შესყიდვა, რისი სახსრებიც სამინისტროს ამ ეტაპზე არ გააჩნია, თუმცა ზოგ შემთხვევაში სამინისტრო არსებული ასიგნებების გამოყენებასაც ვერ ახერხებს აღნიშნული ტექნიკის შესაძენად, კერძოდ: წვრთნებისა და სამხედრო განათლების სარდლობის „პოლკოვნიკ ბესიკ ქუთათელაძის სახელობის საჩხერის სამთო მომზადების სკოლას“, „პარტნიორობა მშვიდობისათვის“ კურსების უსაფრთხოდ და ორგანიზებულად ჩატარების მიზნით დასჭირდა მაღალი გამავლობის ამბულანსი, რაზეც 2015 წლის 23 ივლისს შესაბამისი მოთხოვნა გაიგზავნა წვრთნებისა და სამხედრო განათლების სარდლობაში. აღნიშნული ამბულანსის შესყიდვის განსახორციელებლად, შესყიდვების დეპარტამენტმა, 2015 წლის 8 ოქტომბერს გამოაცხადა ელექტრონული ტენდერი სავარაუდო ღირებულებით 69,300 ლარი. აღნიშნული ტენდერი არ შედგა და არც გამარტივებული გზით განხორციელებულა მისი შესყიდვა, რის გამოც ზემოხსენებულ სკოლას, სადაც ხშირად მიმდინარეობს საერთაშორისო სწავლებები, დღემდე ამბულანსი არ გააჩნია. 2016 წლის სახელმწიფო შესყიდვების გეგმაში სამინისტრომ გაითვალისწინა 2 ერთეული ამბულანსის შესყიდვა, რაც ასევე ვერ მოხერხდა. 2016 წლის 1 ნოემბრის მდგომარეობით აღნიშნული შესყიდვის განსახორციელებლად ტენდერიც არ იყო გამოცხადებული.

სამინისტროს სისტემის ერთეულებს შორის წარმოშობილი დებიტორული და კრედიტორული დავალიანებების აღრიცხვიანობის შეუსაბამობა. ვალდებულების წარმოქმნისას მეორე მხარეს, იმავდროულად, მოცემული ვალდებულების ღირებულების ტოლი მოთხოვნა არ აქვს წარმოქმნილი. საბალანსე მუხლები არასწორად არის წარმოდგენილი

რეაბილიტაციის გეგმა ითვალისწინებს ელექტროსისტემის სახელფასო ფონდის ყოველწლიურ ზრდას წინა წლის სახელფასო ფონდის მოცულობის 10%-მდე ოდენობით, რაც უნდა განისაზღვრებოდეს კომპანიის შესატყვისი წლის ბიუჯეტის შემოსავლების ნაწილის პროპორციული ზრდით. 2015 და 2016 წლებში ელექტროსისტემის დაგეგმილი შემოსავლების პროცენტული ზრდა წინა წლის გეგმასთან შედარებით შეადგენს, შესაბამისად, 6.92% და 9.22%-ს, ხოლო სახელფასო ფონდის ზრდა - 13.42% და 10.60%-ს. აქედან გამომდინარე, უზრუნველყოფილი კრედიტორის გადაწყვეტილება სახელფასო ფონდის მოცულობის განსაზღვრასთან დაკავშირებით არ შეესაბამება მისივე დამტკიცებულ რეაბილიტაციის გეგმის მოთხოვნას. ანალოგიურად, შეუსაბამოდაა განსაზღვრული საპრემიო ფონდებიც, ვინაიდან საპრემიო ფონდების ყოველწლიური მოცულობა განისაზღვრება, შესაბამისი წლის სახელფასო ფონდების ორი თვის მოცულობით (მეექვსედი).

მდინარე დუშეთის ხევის ნაპირსამაგრი სამუშაოების ადგილზე დათვალიერების შედეგად. აღმოჩნდა, რომ ნაგებობის მნიშვნელოვანი ნაწილი დაახლოებით 232 გრძ.მ გამოსულია მწყობრიდან. შედეგად ბეტონის კედელი, რომლის მოწყობაშიც ადგილობრივი ბიუჯეტიდან გადახდილია 869.4 ათასი ლარი ნაწილობრივ დაზიანებულია და ვერ უზრუნველყოფს დასახული ამოცანის შესრულებას.

2014 წლის ბოლოსათვის, მუნიციპალიტეტის გამგეობის საშტატო რიცხოვნობა განისაზღვრებოდა 139 ერთეულით. 2015 წელს სახანძრო სამსახური გადავიდა სახელმწიფო მმართველობაში, რის გამოც საშტატო რიცხოვნობა შემცირებულია 32 ერთეულით. მიუხედავად ამისა, საკრებულოს 2015 წლის 30 იანვრის დადგენილებით, თანამშრომელთა რიცხვი გაზრდილია 49 ერთეულით, მათ შორის, 48 ერთეულით გამგებლის წარმომადგენლების კოორდინაციის განყოფილების სპეციალისტთა რაოდენობა.

საჭირო მედიკამენტების შესყიდვისა და გაცემის საკითხი სისტემურად არ არის დარეგულირებული, რაც ხელმისაწვდომობის პრობლემას წარმოშობს. კერძოდ: ბრძანების მიხედვით, სამედიცინო უზრუნველყოფის პუნქტის ექიმი-სპეციალისტი ,,ახორციელებს სამინისტროს სამოქალაქო ოფისის, გენერალური შტაბის სტრუქტურული ქვედანაყოფებისა და სახმელეთო ჯარების სარდლობის მოსამსახურეთა გადაუდებელი პირველადი სამედიცინო დახმარების გაწევისათვის საჭირო ღონისძიებებს“. აქედან გამომდინარე, პუნქტი უნდა მარაგდებოდეს მხოლოდ პირველადი სამედიცინო დახმარების გაწევისათვის საჭირო მედიკამენტებით. რეალურად კი იგი მარაგდება სამინისტროს მიერ შესყიდული ყველანაირი მედიკამენტით, პუნქტის უფროსის მიერ გაკეთებული განაცხადის შესაბამისად. ერთი მხრივ სამინისტრო ცდილობს, რომ გარდა პირველადი დანიშნულების მედიკამენტებისა, სხვა ტიპის მედიკამენტებიც იყოს ხელმისაწვდომი, თუმცა აღნიშნული მედიკამენტების ჩამონათვალი განსაზღვრული არ არის. ამასთან, სამინისტროს თანამშრომელთა გარკვეული ნაწილი საერთოდ არ იყო ინფორმირებული იმის შესახებ, რომ მათ საშუალება ჰქონდათ მედიკამენტები მიეღოთ უსასყიდლოდ, ზემოხსენებული პუნქტის მეშვეობით, რაც იწვევს არათანაბარ და არასისტემურ მიდგომას თანამშრომელთა მიმართ.

შემოსავლების სამსახურის ვებგვერდის (www.rs.ge) გადასახადების პირადი ბარათების საგადასახადო აქტივების მონაცემები არ შეესაბამება ორგანიზაციების ბუღალტერის მონაცემებს. საგადასახადო აქტივების მუხლები არასწორად არის წარმოდგენილი

2014 – 2017 საანგარიშგებო წლები ელექტროსისტემამ დაასრულა ზარალით, რაც ჯამში 76,708,726 ლარს შეადგენს. ასევე, უარყოფითი ფინანსური შედეგებია ოთხივე წლის განმავლობაში, წინა წლის ბოლო 6 თვისა და მიმდინარე წლის პირველი 6 თვის მონაცემების მიხედვითაც. ამრიგად, კომპანიის შინაგანაწესის თანახმად, რომელიც ამავდროულად დასაქმებულთან გაფორმებული შრომითი ხელშეკრულების განუყოფელ ნაწილს წარმოადგენს, არ ჰქონდა ერთდროული პრემიის გაცემის საფუძველი, რამაც 2014 - 2017 წლებში 12,184,091 ლარი შეადგინა.

მდინარე დუშეთის ხევის ნაპირსამაგრ სამუშაოებთან დაკავშირებით ლევან სამხარაულის სასამართლო ექსპერტიზის ბიუროს მიერ გაცემული ორი დასკვნით შესაძლებელია ითქვას, რომ „LMC“-ს მიერ შედგენილი პროექტი რომელშიდაც მუნიციპალიტეტის ბიუჯეტიდან გადახდილია 21.4 ათასი ლარი იყო უხარისხო, რადგან მასში არ იყო საფუძვლის გამორეცხვის საწინააღმდეგო ღონისძიებები გათვალისწინებული. ასევე შპს „მშენებელი XXI+“-ის მიერ ბეტონის სამუშაოები, ღირებულებით 323.7 ათასი ლარი შესრულებულია უხარისხოდ. აღნიშნულიდან გამომდინარე შესაძლებელია ჩამოთვლილი გარემოებები სამუშაოების დაზიანების მიზეზი გამხდარიყო.

მიუხედავად ა(ა)იპ-ების რაოდენობის 8-დან 7-მდე შემცირებისა, 2015 წელს გაზრდილია მათი დაფინანსება 1203.3 ათასი ლარით, ხოლო მომუშავეთა რაოდენობა 2014-2015 წლებში 144 პირით. აღსანიშნავია, რომ საშტატო რიცხოვნობის ზრდის აუცილებლობა გამგეობის მიერ ვერ იქნა დასაბუთებული.

სამხედრო ჰოსპიტალში არსებული აღრიცხვის სისტემის გაუმართაობის გამო, გაწეული ამბულატორული სამედიცინო მომსახურების ჯამური ღირებულებიდან, სადაზღვევო ხელშეკრულებებით გათვალისწინებული, დაზღვევის პირობებით გაწეული მომსახურების ღირებულების გამოყოფა ვერ ხერხდება. რის გამოც, ვერ დგინდება ჰოსპიტალის მიერ სადაზღვევო ხელშეკრულების ფარგლებში ამბულატორულ მომსახურებაზე გაწეული დანახარჯები. შესაბამისად, არსებობს რისკი, რომ ჰოსპიტალის მიერ ამ მომსახურებაზე გაწეული ხარჯი აღემატება მიღებულ შემოსავლებს. ზემოხსენებული გარემოება ხელს უშლის ჰოსპიტალის საქმიანობის სწორად დაგეგმვის პროცესს და კაპიტაციის ღირებულების სწორ გაანგარიშებას.

შემოსავლების სამსახურის ვებგვერდის (www.rs.ge) გადასახადების პირადი ბარათების საგადასახადო ვალდებულებების მონაცემები არ შეესაბამება ორგანიზაციების ბუღალტერის მონაცემებს. საგადასახადო ვალდებულებების მუხლები არასწორად არის წარმოდგენილი

ინდივიდუალური პრემიების იმ ნაწილმა, რაც გაცემულია უშუალოდ რეაბილიტაციის მმართველის გადაწყვეტილებით და რაც, შინაგანაწესის შესაბამისად, უნდა გაცემულიყო განსაკუთრებულ შემთხვევებში, 2014-2017 წლებში შეადგინა 83,909 ლარი. აღნიშნული პრემიების ნაწილი გაიცა ასევე რეაბილიტაციის მმართველზე. განსაკუთრებულ შემთხვევად რეაბილიტაციის მმართველის მიერ მიჩნეულია „თანამშრომლებზე დაკისრებული უფლება-მოვალეობების ჯეროვნად, კეთილსინდისიერად და პროფესიონალურად შესრულება“. აღნიშნული თითოეული თანამშრომლის მოვალეობას წარმოადგენს და რაიმე განსაკუთრებულ შემთხვევასარ უკავშირდება.

დუშეთის ხევის ნაპირსამაგრ სამუშაოებზე მიმწოდებელმა მუნიციპალიტეტს წარუდგინა 88.5 ათასი ლარის ღირებულების ხელშეკრულების უზრუნველყოფის საბანკო გარანტია. მიუხედავად იმისა, რომ მიმწოდებელმა ვერ მოახერხა სამუშაოების ჩაბარება ხელშეკრულებით გათვალისწინებულ ვადებში, მუნიციპალიტეტმა არ მოითხოვა გარანტიის ვადის გაგრძელება და შესაბამისად დაკარგა 88.5 ათასი ლარის მიღების შესაძლებლობა.

2014-2015 წლებში მუნიციპალიტეტს რიგ შემთხვევაში არ აქვს გამოყენებული, მიმწოდებლების მიერ ნაკისრი ვალდებულებების ვადაგადაცილებით შესრულებისათვის, პირგასამტეხლოს სახით 170.0 ათას ლარზე მეტის დარიცხვის შესაძლებლობა.

ჰოსპიტალში არსებული გარკვეული სტაციონარული მომსახურების ტარიფები ბაზარზე არსებულ ტარიფებთან შედარებით მნიშვნელოვნად დაბალია, რასაც ემატება ისიც, რომ სადაზღვევო ხელშეკრულების ფარგლებში ჰოსპიტალის მიერ სტაციონარულ მომსახურებაზე ვრცელდება დამატებით 20%-იანი ფასდაკლება, რაც ასევე ამცირებს ჰოსპიტალის შემოსავალს.

აუდიტით დადგენილია, რომ ორ შემთხვევაში, შვებულებაში მყოფ მუშაკებზე, 2014 წლის აგვისტოს თვეში პრემიის სახით დარიცხული და გაცემულია 0.8 ათასი ლარი. ამასთან აღსანიშნავია, რომ საპრემიო კომისიის სხდომის ოქმებში არ არის მოცემული ინფორმაცია მუშაკების წახალისების კონკრეტული საფუძვლების შესახებ.

სამედიცინო უნივერსიტეტს ბალანსის ფორმა N4-ში საქონლისა და მომსახურების რეალიზაციიდან მიღებული შემოსავალი 554,306 ლარით არის შემცირებული, შესაბამისად შემცირებული ღირებულებით არის წარდგენილი სადაზღვევო მოთხოვნებიც ფორმა N1-ში.

საქართველოს მთავრობის დადგენილების მიხედვით, სს „საპარტნიორო ფონდის“ აღმასრულებელი დირექტორის უფლებამოსილებას წარმოადგენს შვილობილი კომპანიების მენეჯმენტის ბონუსების ან/და საბონუსე სისტემის დამტკიცება. ელექტროსისტემაში მოქმედი პრემირების წესი გამოიყენება როგორც რიგითი თანამშრომლების, ასევე მენეჯმენტის მიმართ. ელექტროსისტემის მიერ არ არის წარმოდგენილი აქციონერის გადაწყვეტილება დამტკიცებულ პრემირების წესთან დაკავშირებით.

სააგენტოს არ აქვს დამტკიცებული შედეგზე ორიენტირებული სტრატეგია, ხოლო სამოქმედო გეგმა არის ზოგადი და საჭიროებს დეტალიზებას. ორგანიზაციის სტრატეგია და სამოქმედო გეგმა უნდა ეფუძნებოდეს კონკურენციის ხელშეწყობის მიზნით განსაზღვრულ პრიორიტეტულ სეგმენტებს და ისეთ კრიტერიუმებს, რაც გააუმჯობესებს საქმიანობით მიღებულ შედეგებს. სააგენტოს შესაძლებლობა, შეარჩიოს პრიორიტეტული სფეროები და მოახდინოს მათზე რეაგირება, შესაძლოა იზღუდებოდეს მიღებული განცხადებებისა და საჩივრების განხილვის ვალდებულებით, თუმცა ეს ხელს არ უნდა უშლიდეს წლიური გეგმის დამტკიცებას/შესრულებას. განსაზღვრულ პრიორიტეტებსა და სწორად შერჩეულ კრიტერიუმებზე დაფუძნებული წლიური გეგმა ხელს შეუწყობს ორგანიზაციას, დროულად მოახდინოს რეაგირება იმ გამოწვევებზე, რაც კონკურენციის დაცვის კუთხით იჩენს თავს, ასევე მნიშვნელოვანია საკადრო და სხვა ტექნიკური რესურსების სწორი განაწილებისა და ეფექტიანი ფუნქციონირებისთვის.

მდგომარეობით გამგეობის საკუთრებაში არსებულ უძრავ-მოძრავ ქონებას. ინვენტარიზაციის შედეგად მთლიანობაში გამოვლინდა 21.9 ათასი ლარის დანაკლისი, მათ შორის 18.4 ათასი ლარი შემოსავლების სამსახურის მიერ დუშეთის მუნიციპალიტეტისათვის გადმოცემული სხვადასხვა დასახელების ფასეულობებია. ასევე გამოვლენილია 13.8 ათასი ლარის ზედმეტობა და ჩამოსაწერი, ამორტიზირებული და შემდგომი მოხმარებისთვის გამოუსადეგარი 8.1 ათასი ლარის მცირეფასიანი ფასეულობები.

2014 წელს ქ. თერჯოლაში ლესელიძის, 9 აპრილის და ოთხი ძმის ქუჩებზე, შესრულებულია ასფალტბეტონის საფარის მოწყობის სამუშაოები, საერთო ღირებულებით 729.1 ათასი ლარი. მიუხედავად იმისა,რომ წყალმომარაგების კომპანიამ საგზაო სამუშაოების დაწყებამდე, წერილობით აცნობა თერჯოლის გამგეობას, რომ 2014 წლის ივნისიდან, ქსელის სარეაბილიტაციო პროექტის ფარგლებში გათვალისწინებული იყო ამორტიზებული მილების შეცვლა, გამგეობის მიერ ასფალტბეტონის სამუშაოები შესრულებულია წყალგაყვანილობის სამუშაოების დაწყებამდე. „საქართველოს გაერთიანებული წყალმომარაგების კომპანიის“ მიერ განხორციელებული სარეაბილიტაციო სამუშაოების შედეგად ახლად დაგებული ასფალტის საფარი მნიშვნელოვნად არის დაზიანებული.

სამედიცინო დეპარტამენტს არ გააჩნია სრულყოფილი ინფორმაცია სადაზღვევო კომპანიის მიერ გაწეული მომსახურების შესახებ, შესაბამისად სტატისტიკური ინფორმაციის მიღება და დამუშავება არ ხდება, რომლის გარეშეც შეუძლებელია ჯანდაცვის სწორი პოლიტიკის ჩამოყალიბება და ჰიგიენური ნორმების დარღვევის შედეგად გამოწვეული დაავადებების პრევენცია.

საქართველოს საგადასახადო კოდექსის 97-ე მუხლის პირველი და 105- ე მუხლის პირველი პუნქტების მოთხონების გაუთვალისწინებლობით შემცირებულია 2014 წლის დასაბეგრი მოგება.

ილიაუნის საგანმანათლებლო საქმიანობიდან მიღებული შემოსავლები, კლასიფიკაციით „საქონლისა და მომსახურების რეალიზაცია“ დარიცხვის პრინციპის შესაბამისად არ ჰქონდა სწორად დაანგარიშებული . აღნიშნული უზუსტობის გამო 1,207,971 ლარით შემცირებულია „შემოსავალი საქონლისა და მომსახურების რეალიზაციიდან“ მუხლი ანგარიშგების ფორმა N4-ში.

„მეწარმეთა შესახებ“ საქართველოს კანონის შესაბამისად, ელექტროსისტემის ხელმძღვანელი ვალდებულია მოქმედებდეს იმ რწმენით, რომ მისი ეს მოქმედება ყველაზე ხელსაყრელია კომპანიისთვის. 2014-2017 წლებში ელექტროსისტემის მიერ ქვეყნის ფარგლებს გარეთ მივლინებებზე გაწეულმა ხარჯმა 1,674,957 ლარი შეადგინა, საიდანაც ფინანსთა მინისტრის მიერ დაწესებული ნორმების ზემოთ გაცემულია 279,837 ლარი.

სააგენტოს არ გააჩნია შესათანხმებელი კონცენტრაციების გამოვლენის შესაძლებლობა და არც მისი გვერდის ავლით გაერთიანებული კომპანიების განცალკევების საშუალება. არსებობს რისკი, რომ ეკონომიკურმა აგენტებმა, რომელთა გაერთიანებამაც შესაძლოა საფრთხე შეუქმნას ბაზარზე კონკურენტულ გარემოს, სააგენტოს თანხმობის გარეშე მოახერხონ შერწყმა, ვინაიდან კონცენტრაციის შესახებ შეტყობინება მთლიანად დამოკიდებულია ეკონომიკური აგენტების კეთილსინდისიერებაზე. „კონკურენციის შესახებ“ საქართველოს კანონში ინიციირებული ცვლილების მიხედვით, სააგენტოს ენიჭება იმ ეკონომიკური აგენტების დაჯარიმებისა და, საჭიროების შემთხვევაში, განცალკევების უფლებამოსილება, რომელთაც ევალებოდათ სააგენტოსთვის შეტყობინების წარდგენა.

მუნიციპალიტეტში გაცემული სამკურნალო თანხების შესწავლისას გამოვლინდა შემთხვევები როდესაც, თანამშრომლებზე სხვადასხვა სამკურნალო თანხებია დახარჯული, ჯამში 2.8 ათასი ლარი. აღსანიშნავია, რომ ძირითად შემთხვევებში დაფინანსებული დაავადებების მკურნალობა, სავარაუდოდ არ იყო სიცოცხლისთვის მაღალი საფრთხის შემცველი. მათ შორის ყოფილი საფინანსო სამსახურის უფროსის და ახლა უკვე გამგებლის მრჩევლისთვის დაფინანსებულია ანალიზები და ბალნეოლოგიური თერაპია (გოგირდის აბანოები და სამკურნალო ტალახი) ამისთვის აუნაზღაურდა 0.5 ათასი ლარი. სოციალური სამსახურის თანამშრომელს და მის შვილს წონის რეგულირებასთან დაკავშირებული ანალიზები აქვთ დაფინანსებული ჯამში 1.0 ათასი ლარი, საკრებულოს მთავარ სპეციალისტს ცხვირის ძგიდის გასწორების ოპერაცია.

2015 წელს თერჯოლის მუნიციპალიტეტში კლდიაშვილისა და რობაქიძის ქუჩებზე მოწყობილია სანიაღვრე არხები, რომლის შედეგად მნიშვნელოვნად დაზიანდა 2014 წელს დაგებული ასფალტბეტონის საფარი, ღირებულებით 38.0 ათასი ლარი. სანიაღვრე არხების მოწყობამდე გზების ასფალტირების სამუშაოების ჩატარება მიანიშნებს საგზაო სამუშაოების დაგეგმვისა და პროექტირების ხარვეზებზე.

სამხედრო ქვედანაყოფების გარკვეულ ნაწილში სასმელი წყალი არ აკმაყოფილებს შესაბამის ნორმებს, რაც სამხედრო მოსამსახურეთა ჯანმრთელობაზე შესაძლოა უარყოფითად აისახოს.

სამსახურს, 2014 წელს ქონების გადასახადით, არ აქვს დაბეგრილი ეკონომიურ საქმიანობაში გამოყენებული ბალანსზე რიცხული ძირითადი საშუალებები.

საანგარიშო პერიოდში არ განხორციელებულა დებიტორ-კრედიტორულ დავალიანებების ინვენტარიზაცია.

სსიპ „მასწავლებელთა პროფესიული განვითარების ცენტრში 2014 წლის განმავლობაში თანამშრომლების დანამატების გაცემა ხდებოდა „შრომის ანაზღაურების“ მუხლის ნაცვლად „საქონელი და მომსახურების მუხლიდან“, როგორც შტატგარეშე მომუშავეთა ანაზღაურება.

„მეწარმეთა შესახებ“ საქართველოს კანონის შესაბამისად, ელექტროსისტემის ხელმძღვანელი ვალდებულია მოქმედებდეს იმ რწმენით, რომ მისი ეს მოქმედება ყველაზე ხელსაყრელია კომპანიისთვის. თანამშრომელთა მივლინების ადგილზე ტრანსპორტის დაქირავების ხარჯები ელექტროსისტემის მიერ მგზავრობის ხარჯად არის აღიარებული და ანაზღაურებული. აღნიშნული ხარჯების ანაზღაურების მოქმედი კანონმდებლობით გათვალისწინებული ან/და ელექტროსისტემის ბრძანებით დადგენილი სამართლებრივი საფუძველი კომპანიას არ გააჩნია. აქვე უნდა აღინიშნოს, რომ მოქმედი კანონმდებლობით სამსახურებრივ მივლინებასთან დაკავშირებული ტრანსპორტის დაქირავების ხარჯების ანაზღაურება გათვალისწინებულია მხოლოდ მაღალი რანგის თანამდებობის პირებისათვის და მივლინების მიზნებისთვის არ არსებობს მაღალი რანგის თანამდებობის პირებთან ელექტროსისტემის თანამშრომლების გამათანაბრებელი ნორმატიული რეგულაცია. ასევე ელექტროსისტემა ანაზღაურებს მივლინებაში მყოფი თანამშრომლების კავშირგაბმულობის ხარჯებს საკუთარი ბრძანებით დადგენილი ლიმიტების შესაბამისად, თუმცა ასეთი ხარჯების გაწევის საქართველოს კანონმდებლობის შესაბამისი სამართლებრივი საფუძველი არ არსებობს. ელექტროსისტემის მიერ მოწოდებული როუმინგული ხარჯების რეესტრის შესაბამისად, 2014-2017 წლებში როუმინგული მომსახურებისათვის ელექტროსისტემის მიერ გაწეული ხარჯი შეადგენს 227,199 ლარს. მათ შორის, მხოლოდ რეაბილიტაციის მმართველის როუმინგული მომსახურებისთვის ელექტროსისტემამ გადაიხადა 156,738 ლარი (69%). აღსანიშნავია, რომ 2014 წლის აგვისტოში, 5 დღეში რეაბილიტაციის მმართველმა ულიმიტო როუმინგის მომსახურებაში დახარჯა 29,254 ლარი რაც არაგონივრული ხარჯის მაგალითია.

სააგენტო ბაზრის შესწავლას არ ახორციელებს რისკზე დაფუძნებული მიდგომით. შესაბამისად, მაღალია ისეთი სფეროების შესწავლის ალბათობა, სადაც შესაძლოა ეკონომიკური აგენტების მხრიდან ანტიკონკურენციული ქმედებები საერთოდ არ გამოვლინდეს ან მათი გავლენა იყოს უმნიშვნელო. ასევე არსებობს რისკი იმისა, რომ სააგენტოს ყურადღების მიღმა დარჩეს ისეთი ბაზრები, სადაც სათანადოდ არ არის დაცული კონკურენტული გარემო და მომხმარებელთა ინტერესები.გამონაკლისია შემთხვევები, როდესაც შესწავლილია ისეთი ბაზრები, სადაც კონკურენციის საწინააღმდეგო ქმედებები არ ვლინდება, თუმცა სააგენტო მაღალი საზოგადოებრივი ინტერესებიდან გამომდინარე ახორციელებს შემოწმებას.

2014-2015 წლებში მუნიციპალიტეტის შესაბამისი თანამდებობებიდან გამგებლის ბრძანებით გათავისუფლდა 18 დასაქმებული. აღნიშნული პიროვნებებიდან სამმა გამგეობას მოუგო სასამართლო პროცესი, რის შედეგადაც მუნიციპალიტეტს გარდა კომპენსაციისა დამატებით დაეკისრა განაცდურის ანაზღაურების ვალდებულება. მთლიანობაში გათავისუფლებული პირების განაცდურისა და კომპენსაციის სახით მუნიციპალიტეტის ბიუჯეტიდან ანაზღაურებულია 69.7 ათასი ლარი.

2014-2015 წლებში თერჯოლის მუნიციპალიტეტის მიერ შეძენილია 2 ავტომანქანა - „ფორდ ტრანზიტი“, ღირებულებით 34.7 ათასი ლარი და „მიცუბიში პაჯერო“, ღირებულებით 30.0 ათასი ლარი. ავტომანქანები შეძენიდან მოკლე პერიოდში გამოსულია მწყობრიდან და მათ შეკეთებაზე გახარჯულია - „მიცუბიში პაჯერო“ - 10.0 ათასი ლარი (ღირებულების 33%), „ფორდ ტრანზიტი“ - 15.9 ათასი ლარი (ღირებულების 46%). ხელშეკრულების პირობების მიხედვით, ავტომანქანა „მიცუბიში პაჯეროს“ შეძენიდან სამი თვის განმავლობაში ექსპლოატაციის პროცესში წარმოქმნილი ხარვეზების აღმოფხვრის ხარჯები უნდა აენაზღაურებინა მიმწოდებელს. მიუხედავად ხელშეკრულებით განსაზღვრული მოთხოვნისა, ავტომანქანის შეძენიდან პირველ სამ თვეში, გამგეობის მიერ რემონტზე გაწეულია 2.1 ათასი ლარის ხარჯი.

სამხედრო მოსამსახურეთა ავადმყოფობის გამო შვებულებაში გასვლის წესი არ პასუხობს თანამედროვე სტანდარტებს. თითოეულ შემთხვევაში გადაწყვეტილებას იღებს სამხედრო-სამედიცინო კომისია, რის გამოც საჭირო ხდება ავადმყოფის გორის სამხედრო ჰოსპიტალში ტრანსპორტირება, (შორი მანძლით დაშორებული ადგუილებიდან) რადგან სამხედრო ქვედანაყოფის უფროსს ექიმის შუამდგომლობით, მხოლოდ 7 დღით აქვს შვებულების გაცემის უფლება. აღნიშნული ხარვეზები გავლენას ახდენს როგორც მომსახურების ხელმისაწვდომობაზე, ასევე ადამიანური და მატერიალური რესურსის არაეკონომიურ ხარჯვაზე.

სამსახურის მიერ ვერ იქნა წარმოდგენილი 2014 წელს განხორციელებული შესყიდვების მიზნებისათვის ბაზრის კვლევის ამსახველი რაიმე დოკუმენტური სახის მტკიცებულება, რითაც განისაზღვრებოდა სამსახურისათვის მისაღები ხელშეკრულების ოპტიმალური პირობები

11 110.0 ათასი ლარის ღირებულების, პარლამენტის სხდომების პირდაპირი ტელერადიო-ტრანსლაციისათვის, სხდომათა დარბაზის, ბიუროს ოთახების, საკომიტეტო მოსმენებისა და სასერვერო და საკომუნიკაციო ოთახების აღჭურვა-მოწყობისათვის საჭირო შესაბამისი ტექნიკური მოწყობილობები და 398.5 ათასი ლარის ღირებულების სავარძლების ღირებულება ბუღალტრულად მიკუთვნებულია და აღრიცხულია ბალანსის შენობა ნაგებობების მუხლში და ცვეთის სახით დარიცხულია 115.1 ათასი ლარი, მაშინ როცა აღნიშნული მატერიალური ფასეულობების ძირითადი ნაწილი თავისი ფუნქციური დანიშნულებისა და მომსახურების ვადებიდან გამომდინარე არ წარმოადგენენ პარლამენტის შენობა-ნაგებობების განუყოფელ ნაწილს და მათთან დაკავშირებული ეკონომიკური სარგებლის მიღება ხდება სხვადასხვა დროს. აღნიშნულიდან გამომდინარე ასეთი სახის მატერიალური ფასეულობები ექვემდებარებოდა ბალანსის მანქანა-დანადგარებისა და ინვენტარის მუხლში აღრიცხვას და ცვეთის დარიცხვის განსხვავებული ნორმების გამოყენებას.

არ მომხდარა აქტივების სრული ინვენტარიზაცია. შესაბამისად ვერ ხდება დადასტურება ანგარიშგებაში წარდგენილი არაფინანსური აქტივების სიზუსტის, არსებობისა და სისრულის.

2014–2017 წლებში უზრუნველყოფილ კრედიტორთან დასაბუთებული შეთანხმების გარეშე ელექტროსისტემის მიერ გაწეულმა წარმომადგენლობითმა ხარჯმა 1,217,702 ლარი შეადგინა. ამასთანავე, ვერ დავრწმუნდით დაახლოებით 800,000 ლარის წარმომადგენლობითი ხარჯის ეკონომიურობაში. მითუმეტეს, კომპანიის 2014-2017 წლების ფინანსური შედეგები არ იძლეოდა აღნიშნული ხარჯების გაწევის შესაძლებლობას, რადგან კომპანიამ ყველა წელი ზარალით დაასრულა.

სააგენტოს ბაზრის მონიტორინგის პროცედურები განხორციელებული აქვს ეკონომიკური სუბიექტებიდან შეზღუდულად მოწოდებული ინფორმაციის საფუძველზე. შესაბამისად, ბაზრის მონიტორინგის ანგარიშის მიგნებები შესაძლოა განსხვავებული ყოფილიყო იმ შემთხვევაში, თუ გაანალიზდებოდა ყველა საჭირო მონაცემი. არსებული პრაქტიკით, შესაძლებელია სააგენტომ საერთოდ ვერ მოახერხოს ისეთი სამიზნე ბაზრების მონიტორინგი, სადაც ერთი ან რამდენიმე მოთამაშე ფლობს დომინირებულ მდგომარეობას და უარს აცხადებს ინფორმაციის გაცემაზე. სააგენტოს აღნიშნულ ფაქტებზე ეფექტიანი რეაგირებისთვის არ გააჩნია კანონმდებლობით მინიჭებული უფლებამოსილება. „კონკურენციის შესახებ“ საქართველოს კანონში ინიციირებული ცვლილების მიხედვით, სააგენტოს ენიჭება უფლებამოსილება, ეკონომიკურ აგენტს მოსთხოვოს ნებისმიერი ინფორმაცია/დოკუმენტაცია, მათ შორის, კონფიდენციალური, რომელიც საჭიროა მასზე დაკისრებულ ამოცანათა შესასრულებლად.

დუშეთის მუნიციპალიტეტის საკრებულოს დადგენილებით, საკრებულოს წევრებზე, რომლებიც არ იღებენ ხელფასს, დამტკიცებულია საქმიანობის განხორციელებასთან დაკავშირებული ხარჯების ანაზღაურების წესი. 2014-2015 წლებში საკრებულოს არაანაზღაურებად წევრებზე თანხები გაიცემოდა საკრებულოს სხდომებში, ფრაქციებსა და კომისიის მუშაობაში მონაწილეობის მიღებისთვის. არაანაზღაურებად დეპუტატებზე გაცემულია სულ 160.7 ათასი ლარი. მათ შორის 2014 წელს - 65.9 ათასი ლარი, ხოლო 2015 წელს - 94.8 ათასი ლარი. აღსანიშნავია, რომ 2014-2015 წლებში საკრებულოს არაანაზღაურებად პირებს 32.0 ათასი ლარი სადღესასწაულო დღეებში ფაქტობრივად პრემიის სახით აქვთ მიღებული. საკრებულოს წევრების მიერ თანხების მისაღებად არ არის წარმოდგენილი ხარჯების დამადასტურებელი დოკუმენტაცია. ხარჯების ანაზღაურების აღნიშნული წესი კი არ შეიცავს მონაცემებს კონკრეტულად გაწეული დანახარჯების შესახებ და არ არის საკმარისი და შესაფერისი მტკიცებულება ხარჯის დასადასტურებლად.

2014 წელს თერჯოლის მუნიციპალიტეტის მიერ შეძენილია პოლიეთილენის მილები, ღირებულებით 48.5 ათასი ლარი. მიღებული მილების გამოყენება დოკუმენტურად დასაბუთებულია მხოლოდ 32.3 ათას ლარზე, ხოლო 16.2 ათასი ლარის ღირებულების ხარჯვის დოკუმენტაცია მუნიციპალიტეტმა ვერ წარმოადგინა. გამგეობამ ასევე ვერ წარმოადგინა აღნიშნული მილების გამოყენების ან მატერიალურად პასუხისმგებელ პირებზე გადაცემის დოკუმენტაცია და არც მათი ადგილსამყოფელის შესახებ ფლობს ინფორმაციას.

უანგარო დონაციის პრობლემა ერთ-ერთ მნიშვნელოვან მიზეზს წარმოადგენს იმისა, რომ სამხედრო ჰოსპიტალი არ მონაწილეობს „უსაფრთხო სისხლის “ სახელმწიფო პროგრამაში და ვერ იღებს შესაბამის დაფინანსებას. შედეგად, დონაციის თითოეული შემთხვევა და შესაბამისად დამზადებული სისხლიც, მას 22 ლარით მეტი უჯდება, ვიდრე იმ სამედიცინო დაწესებულებებს, რომლებიც მონაწილეობენ ამ პროგრამაში. სამინისტროსა და ჰოსპიტალის ხელმძღვანელობის მიერ არ გატარებულა საჭირო ღონისძიებები აღნიშნული პრობლემის გადასაწყვეტად. უნაგარო დონაცია სამხედრო მოსამსახურეებისთვის დაავადებათა პრევენციის საშუალებასაც წარმოადგენს.

აუდიტის პერიოდში, 4 შემთხვევაში ვერ იქნა წარმოდგენილი დოკუმენტაცია გაფორმებული ხელშეკრულების შესაბამისად გაკეთებული დაკვეთების შესახებ. შესაბამისად, მოცემულ შემთხვევებში ვერ დგინდება მიმწოდებლის მიერ სატენდერო მოთხოვნით გათვალისწინებული ვალდებულებების დროულად შესრულების მდგომარეობა, რაც ხელშეკრულებების პირობების გათვალისწინებით საჯარიმო სანქციის გამოყენებას განაპირობებს.

საქართველოს პარლამენტის ადმინისტრაციული შენობის თბომომარაგება ხორციელდება ქ.თბილისში ნიაღვრის ქუჩაზე მდებარე შენობაში განთავსებული საქვაბიდან. აღნიშნულ მისამართზე მდებარე მიწა და მასზედ განთავსებული შენობა ბუღალტრულად პარლამენტის ბალანსზე აღრიცხული არ არის.

სააღრიცხვო ჩანაწერების ხასიათიდან გამომდინარე, აუდიტის ჯგუფმა ვერ შეძლო საკმარისი და შესაფერისი აუდიტორული მტკიცებულების მოპოვება საგანმანათლებლო საქმიანობის მიხედვით „ფულად სახსრებზე და მათ ექვივალენტებზე აქტივების/მომსახურების მიწოდებით“ წარმოშობილი მოთხოვნების სიზუსტის თაობაზე რწმუნების მიღების მიზნით.

2014-2017 წლებში გაწეული 1,421,679 ლარის ოდენობის წარმომადგენლობით ხარჯებში აუდიტორული შერჩევის შედეგად შემოწმებული 1,010,128 ლარიდან, 39,116 ლარის ოდენობის სარესტორნო ხარჯები აღიარებულია და ანგარიშვალდებულ პირებზე თანხები ჩამოწერილია მიმწოდებლის მიერ წარმოსადგენი სრული პირველადი დოკუმენტების გარეშე, მხოლოდ ჩეკისა და გადახდის დამადასტურებელი ქვითრის საფუძველზე. რითაც შეუძლებელია მონაწილე მხარეების იდენტიფიცირება. აქედან, 25,268 ლარის შემთხვევაში პირველადი დოკუმენტები შედგა 2018 წლის ივნისში (აუდიტის მიმდინარეობის პერიოდში).

მსოფლიოს მასშტაბით, კონკურენციის შემზღუდველი შეთანხმების ერთ-ერთი ფორმის, კარტელური გარიგების გამოაშკარავება კონკურენციის სააგენტოებისთვის მიიჩნევა ურთულეს ამოცანად. მოქმედი კანონმდებლობით, სააგენტოს არ აქვს შესაძლებლობა საქმიანობის ადგილზე შეისწავლოს პოტენციური კარტელური გარიგებები, ეკონომიკური აგენტების წინასწარი გაფრთხილების გარეშე. არსებული ინფორმაციულ-ტექნოლოგიური და საკადრო რესურსები სათანადოდ ვერ პასუხობს იმ გამოწვევებს, რაც დგას სააგენტოს წინაშე კარტელურ გარიგებებთან დაკავშირებით. საგულისხმოა, რომ შესაბამის ნორმატიულ დოკუმენტებში ინიციირებულია ცვლილებები, რომელთა მიხედვით სააგენტოს ენიჭება უფლებამოსილება, ეკონომიკური აგენტი შეამოწმოს საქმიანობის ადგილზე, წინასწარი გაფრთხილების გარეშე.

2014-2015 წლებში დუშეთის მუნიციპალიტეტის მიერ გამოცხადებული ელექტრონული და გამარტივებული ელექტრონული ტენდერებიდან, სადაც სატენდერო წინადადება მოიცავდა დღგ-ს, ჯამში დღგ-ს თანხა - 59.5 ათასი ლარი ანაზღაურებულია ისეთ მიმწოდებლებისათვის, რომლებიც არ არიან დღგ-ის გადამხდელები.

2015 წელს თერჯოლის მუნიციპალიტეტის გამგებლისა და საკრებულოს თავმჯდომარის სარგებლობისათვის, გადაუდებელი აუცილებლობით შეძენილია 2 ცალი პლანშეტური კომპიუტერი, საერთო ღირებულებით - 1.7 ათასი ლარი.

ფაქტობრივი გარემოებების შესწავლით და ორგანიზაციიდან მიღებული ინფორმაციით დადგინდა, რომ მოქმედი წესის შესაბამისად არ დარიცხულა და ფინანსურ ანგარიშგებაში არ ასახულა ძირითად აქტივების ცვეთის თანხები 12.9 ათასი ლარის ოდენობით.

აუდიტის პერიოდში გამოვლინდა შემთხვევა, როცა მიმწოდებლის არაარგუმენტირებული წერილის საფუძველზე, გაგრძელებულია ხელშეკრულებით გათვალისწინებული ვალდებულებების შესრულების ვადები. შედეგად, მიმწოდებელზე პირგასამტეხლოს სახით არ იქნა დარიცხული 1,0 ათასი ლარი.

წარმოდგენილი ცნობის მიხედვით პარლამენტის აპარატში 2015 წლის 1 იანვრის მდგომარეობით რაოდენობრივად ირიცხება 299 დასახელების სხვადასხვა წლებში საჩუქრების სახით მიღებული მატერიალური ფასეულობა. აღნიშნული მატერიალური ფასეულობა შეფასებული და ბუღალტრულად ბალანსზე აღრიცხული არ არის.

სამედიცინო უნივერსიტეტის „ფინასური აქტივების“ საბალანსე ანგარიშის საწყის და საბოლოო ნაშთში ასახულია საუნივერსიტეტო კლინიკების მიხედვით 2009-2011 წლებში წარმოშობილი 981,768 ლარის დებიტორული დავალიანება პაციენტების მიმართ, რომლის სისწორის დადასტურებაც აუდიტის ჯგუფმა ვერ მოახერხა .

ელექტროსისტემამ 137,869 ლარი უიმედო ვალად აღიარა კანონმდებლობით გათვალისწინებული საფუძვლების გარეშე. ასევე ზემოაღნიშნული მოთხოვნების უიმედო ვალად აღიარება არ იყო შეთანხმებული ფინანსთა სამინისტროსთან. შესაბამისად, ფინანსთა სამინისტროს არ მიეცა ელექტროსისტემის ქმედების კანონშესაბამისობისა და საფუძვლიანობის შეფასების შესაძლებლობა.

კონკურენციის სააგენტოს მეთოდოლოგიები და პროცედურული მითითებები საჭიროებს გაუმჯობესებას, რაც ხელს უშლის ორგანიზაციას თანმიმდევრულად და ხარისხიანად შეასრულოს კანონმდებლობით მინიჭებული უფლებამოსილება. ასევე იგი შემაფერხებელი ფაქტორია ინსტიტუციური ცოდნის განვითარებისა და შენარჩუნებისათვის. სააგენტოსგან მიღებული განმარტებით, მუშავდება „ბაზრის მონიტორინგისა” და „მოკვლევის ჩატარების წესის შესახებ” სახელმძღვანელოები.

შპს სოტრს სამი ხელშეკრულების ფარგლებში ტექნიკური დოკუმენტაციის მიხედვით უნდა წარმოედგინა ლევან სამხარაულის სასამართლო ექსპერტიზის ბიუროს დასკვნა, რაც მიმწოდებელს არ განუხორციელებია. ამავე ხელშეკრულებების ფარგლებში შემსრულებელს წარმოდგენილ ფორმა 2-ებზე უნდა დაკავებოდა სამუშაოების ღირებულების 10%-ი მანამ სანამ არ უზრუნველყოფდა შესაბამისი მომსახურეობის სრულად და ხარისხიანად მიწოდებას. მიუხედავად იმისა რომ შპს-ს შესრულებულ სამუშაოებზე არ წარმოუდგენია ექსპერტიზის დასკვნები მუნიციპალიტეტმა მას სრულად აუნაზღაურა წარმოდგენილი ფორმა 2-ების ღირებულება. ჯამში სამივე ხელშეკრულების ფარგლებში გამგეობამ შესაბამისი ექსპერტიზის გარეშე ჩაიბარა და აანაზღაურა 236.7 ათასი ლარის ღირებულების სამუშაო, რაზედაც დასკვნის წარმოდგენამდე უნდა დაეკავებინა 23.7 ათასი ლარი.

მუნიციპალიტეტის შპს-ები გამგეობაში არ წარადგენენ წლიურ ანგარიშებს. მათზე დაყრდნობით გამგეობამ უნდა განიხილოს მათი წლიური შედგეგები, გააანალიზოს და შეაფასოს საქმიანობა. აღნიშნული ხარვეზი მიუთითებს მუნიციპალიტეტის მხრიდან კონტროლის მექანიზმების არარსებობაზე. შედეგად, მათ მიერ ფინანსური წელი დასრულებულია ზარალით ან უმნიშვნელო მოგებით (200 ლარამდე).

წლიური ბალანსის დანართი ფორმა N2-ში, ხელფასები ბიუჯეტით დამტკიცებული გეგმიური 240.0 ათასი ლარის ნაცვლად შეტანილია 24.0 ათასი ლარის ოდენობით. თანამდებობრივი სარგო ნაცვლად 209.6 ათასი ლარისა, ნაჩვენებია 229.9 ათასი ლარის ოდენობით. საანგარიშო პერიოდის დაზუსტებული გეგმით არ არის ნაჩვენები პრემიის ოდენობა. ბალანსის დანართი ფორმა N5 -ში 2.2 ,,მანქანა დანადგარები და ინვენტარი“ ნაცვლად 42.4 ათასი ლარისა, შეტანილია 15.2 ათასი ლარი.

შრომითი კანონმდებლობის შეუსაბამოდ, აუდიტის ობიექტის მიერ 2014 წლის განმავლობაში 187 თანამშრომელზე დარიცხულია საშვებულებო ანაზღაურება 93.9 ათასი ლარი, ხოლო 18 თანამშრომელს შვებულებიდან გამოძახების მიუხედავად დაერიცხა 32.6 ათასი ლარი.

ადმინისტრაციაში ბუღალტრული აღრიცხვის ცალკეული მუხლების 2014 წლის საწყისი და საბოლოო ნაშთები არსებითი თანხებით არ შეესაბამება 2014 წლის ბალანსის შესაბამისი მუხლების საწყის და საბოლოო ნაშთებს.

სამედიცინო უნივერსიტეტის კლინიკებს ერიცხებათ საქართველოს შრომის, ჯანმრთელობისა და სოციალური დაცვის სამინისტროს მიმართ 1996-2008 წლებში წარმოშობილი 1,597,894 ლარის დებიტორული დავალიანება, რომლიდანაც დებიტორი აღიარებს მხოლოდ 676,401 ლარს. სამედიცინო უნივერსიტეტს 2014 წლის 31 დეკემბრის მდგომარეობით ბალანსზე აღრიცხული აქვს 901,925 ლარის დებიტორული დავალიანება სს „სამედიცინო დაზღვევის ჯგუფი არქიმედეს გლობალ ჯორჯიას“ მიმართ, რომლის მიმართ მიმდინარეობს გადახდისუუნარობის (გაკოტრების) საქმისწარმოება.

დებიტორების მიმართ ელექტროსისტემას არ გაუტარებია სამართლებრივი ღონისძიებები, რის გამოც გაშვებულია მოთხოვნების ხანდაზმულობის ვადები. შედეგად, დებიტორებს მიეცათ შესაძლებლობა, უარი განაცხადონ 1,320,845 ლარის ანაზღაურებაზე,.

სააგენტომ საკუთარი უფლებამოსილების ფარგლებში, სახელმწიფო დახმარებების შეთანხმების პროცესი და შესაბამისი მონიტორინგი სრულყოფილად ვერ განახორციელა.

იოსელიანისა და რაზიკაშვილის ქუჩების სარეაბილიტაციო სამუშაოებზე, სატენდერო დოკუმენტაციის მიხედვით, შესყიდვის ობიექტის მიღება–ჩაბარება უნდა განხორციელებულიყო ორივე მხარის უფლებამოსილი პირების მიერ ხელმოწერილი მიღება–ჩაბარების აქტის საფუძველზე, მას მერე რაც მიმწოდებელი წარმოადგენს სსიპ ,ლევან სამხარაულის სახელობის სასამართლო ექსპერტიზის ეროვნული ბიუროს’ დასკვნას შესრულებული სამუშაოს ღირებულებისა და ასფალტო ბეტონის საფარის ლაბორატორიული გამოკვლევის შესახებ. მიმწოდებელმა სამხარაულის დასკვნა წარმოადგინა მხოლოდ შესრულებული სამუშაოების ფიზიკურ მოცულობებზე, ხოლო ასფალტის საფარის ლაბორატორიული შემოწმება განახორციელა შპს საინჟინრო ჯგუფი და ხარისხი საქართველოშიმ, რომელიც ჩაიბარა მიმღებმა კომისიამ.

შესაბამისი ხელშეკრულების გაფორმების გარეშე თერჯოლის მუნიციპალიტეტის 4 ადმინისტრაციული ერთეულის შენობაში განთავსებულია კომპიუტერული ცოდნის გამავრცელებელი საზოგადოება, ხოლო 9 ადმინისტრაციულ ერთეულში საბანკო მომსახურებას ახორციელებენ სს „ლიბერთი ბანკის“ წარმომადგენლები. გარდა შენობებით სარგებლობისა, აღნიშნული ორგანიზაციების მიერ მოხმარებული ელექტროენერგიის ღირებულება იფარება გამგეობის ხარჯებიდან.

არაფინანსური აქტივების აღრიცხვის ორგანიზებასა და მოვლა-შენახვაზე არ იყო უზრუნველყოფილი სრული კონტროლი. კერძოდ დადგინდა, რომ სამინისტროს ბალანსზე რიცხულ 165 ერთეულ გრძელვადიან მცირეფასიან აქტივზე არ იყო გახსნილი საინვენტარო ბარათები.

აუდიტის პერიოდში, საზოგადოების მიერ აუდიტის ობიექტში დასაქმებულ თანამშრომლებზე ანაზღაურებულია ზეგანაკვეთური სამუშაო საათების ღირებულება 1 341.0 ათასი ლარის ოდენობით, თუმცა დოკუმენტურად არ ფიქსირდება აღნიშნულ სამუშაოთა სახეები და მათი არასამუშაო საათებში შესრულების აუცილებლობა.

ადმინისტრაციაში 2007 წლიდან 2011 წლამდე პერიოდის მივლინების მუხლით შესრულებულ ოპერაციებთან დაკავშირებული პირველადი დოკუმენტაცია მოუწესრიგებელი, არასისტემატიზირებული და ბუღალტრულად აღურიცხავია.

სააღრიცხვო ჩანაწერების ხასიათიდან გამომდინარე აუდიტის ჯგუფმა ვერ შეძლო საკმარისი და შესაფერისი აუდიტორული მტკიცებულების მოპოვება „ხვა მოკლევადიანი კრედიტორული დავალიანებების“ საწყის და საბოლოო ნაშთის სისწორის შესახებ რწმუნების მიღების მიზნით.

შპს „მეტეხი XXI-ის“ შემთხვევაში, 1,082,437 აშშ დოლარის და 5,000 ლარის ამოღების შესაძლებლობა გაშვებულია ელექტროსისტემის დაგვიანებული ქმედების გამო.

ახატანი ბიწმინდის გზის სარეაბილიტაციო სამუშაოებზე მიმწოდებელმა წარმოადგინა შპს საინჟინრო ჯგუფი და ხარისხი საქართველოში-ის ექსპერტიზის დასკვნა. ლაბორატორიულ დასკვნაში დაგებული ასფალტის საფარი სტანდარტით გათვალისწინებულ ოთხ კომპონენტზე არ შემოწმებულა. მიუხედავად ამისა გამგეობამ მაინც ჩაიბარა სამუშაოები.

თერჯოლის მუნიციპალიტეტში არ არის შემუშავებული სათანადო კონტროლის მექანიზმები სარგებლობის უფლებით გაცემული უძრავი ქონებიდან მისაღებ შემოსავლებზე. შედეგად, 2015 წელს დამქირავებლების მიერ გადაუხდელმა თანხამ, პირგასამტეხლოს ჩათვლით, შეადგინა 2.0 ათასი ლარი.

მინისტრის აპარატში შესაბამისი ბრძანებებისა და ხელშეკრულებების საფუძველზე 2014 წლის მთელი ან გარკვეული პერიოდის განმავლობაში დასაქმებული იყო შტატგარეშე 10 მომუშავე და მათზე ანაზღაურდა სულ 36.6 ათასი ლარი. მოქმედი კანონმდებლობის თანახმად, შტატგარეშე მოსამსახურე არის პირი, რომელიც დანიშვნით ან შრომითი ხელშეკრულებით გარკვეული ვადით მიიღება სამსახურში არამუდმივ ამოცანათა შესასრულებლად; ფაქტობრივად კი წარმოდგენილი ხელშეკრულებების ანალიზით გამოვლინდა, რომ 4 პირი აყვანილი იყო მთელი წლის პერიოდში დებულებით განსაზღვრულ მუდმივ ამოცანათა შესასრულებლად. ჯამში აღნიშნულ შტატგარეშე მოსამსახურეებზე ანაზღაურდა სულ 19.1 ათასი ლარი

შპს ,,ბათუმის წყალში’’ ავტომანქანებზე გახარჯული საწვავის შემოწმებით დგინდება, რომ შედგენილი ,,საგზაო ფურცლების მიხედვით’’ ავტოსატრანსპორტო საშუალებებზე საწვავის გაცემა და ჩამოწერა ხორციელდებოდა გაცემული საწვავის კონკრეტულ კოეფიციენტზე გაყოფით და არა ფაქტობრივი ხარჯვის მიხედვით.

2012 წელს ბუღალტრული ანგარიშები არ იქნა დროულად შედგენილი და მივლინების მუხლით შესრულებულ ოპერაციებზე არ განხორციელდა პირველადი დოკუმენტაციის სისტემატიზირება.

უნივერსიტეტბმა ვერ წარმოგვიდგინა საკმარისი და შესაფერისი სააღრიცხვო ჩანაწერები, რომლის საფუძველზეც შესაძლებელი გახდებოდა არასწორი სააღრიცხვო პოლიტიკის ეფექტის დადგენა ფინანსურ ანგარიშგებაზე, შესაბამისად ჩვენ ვერ ვადასტურებთ თუ რა ოდენობის ფაქტიური შემოსავალი მიიღეს უნივერსიტეტბმა 2014 წელს

ელექტროსისტემა სასამართლო წესით აღიარებული კანონიერი მოთხოვნის გაქვითვას გეგმავს კანონმდებლობის მოთხოვნების დაუცველად აღიარებულ იმ კრედიტორულ დავალიანებაში, რომლის რეალობას შპს „მცირე ენერგოკომპანიის“ უფლებამოსილი წარმომადგენელიც არ ადასტურებს. ყოველივე ზემოაღნიშნულიდან გამომდინარე, არსებობს რისკი, რომ დებიტორული დავალიანება ურთიერთგაქვითვით შემცირდეს რეაბილიტაციის გეგმაში ასახული არარეალური ვალდებულებების გამო.

2014 წელს დუშეთის მუნიციპალიტეტმა, მოახდინა ე.წ. ცხოველთა ბაზრის რეაბილიტაციის სამუშაოები, რაშიდაც ჯამში გადაიხადა 15.9 ათასი ლარი, ობიექტის ადგილზე დათვალიერების შედეგად აღმოჩნდა, რომ ამ ეტაპზე არ ხდება ტერიტორიის დანიშნულებით გამოყენება. ასევე აღსანიშნავია, რომ ხელშეკრულების მიხედვით ცხოველთა ბაზარი უნდა შემოღობილიყო უჟანგავი ფოლადის ბადით, ხოლო ადგილზე დათვალიერების შედეგად აღმოჩნდა რომ ღობე დაჟანგულია.

მუნიციპალიტეტი ახორციელებს დაზიანებული სახლის მფლობელების ფინანსურ დახმარებას, ასევე უკიდურეს გაჭირვებაში მყოფი ბენეფიციარების დახმარებას. აღნიშნული დახმარებები მოსახლეობაზე გაცემულია საკრებულოს მიერ შემუშავებული და დამტკიცებული წესის გარეშე.

საქართველოს ეკონომიკისა და მდგრადი განვითარების სამინისტროდან სარგებლობის უფლებით სამინისტროზე გადმოცემული მიწის ნაკვეთები, სამინისტროს საბუღალტრო რეგისტრებში თანხობრივად არ აღრიცხულა, რის შედეგად არსებითი ცდომილებით შემცირდა რეალურად არსებული არაფინანსური აქტივების ღირებულება.

აუდიტის ობიექტში, არ ხორციელდება ავტონაწილების შეცვლის შედეგად შესაძლო მისაღები მატერიალურ ფასეულობათა მართვა და აღწერა.

2014 წლის 31 დეკემბრის მდგომარეობით, საქართველოს პრეზიდენტის ადმინისტრაციაში მივლინების მუხლით დარიცხული დებიტორული დავალიანებიდან, ვერ ხერხდება ანგარიშვალდებული პირების გამოვლენა.

ანგარიშგების ფორმებს შორის შეუსაბამობა: ფორმა N5-ში წარმოდგენილი ძირითადი კაპიტალის მოხმარების ღირებულება 29,480,911 ლარი 1,073 ლარით ნაკლებია, ფორმა N2-ში წარმოდგენილ ძირითადი კაპიტალის მოხმარების ღირებულების 22,445,965 ლარისა და ფორმა N4-ში წარმოდგენილ ძირითადი კაპიტალის მოხმარების ღირებულების 7,036,019 ლარის ჯამზე. ფორმა N6-ში სატრანსპორტო საშუალებების მიღებები და გასვლები არ შეესაბამება ფორმა N5-ის მონაცემებს, კერძოდ: საანგარიშო პერიოდში სატრანსპორტო საშუალებების მიღება ფორმა N6-ის მიხედვით შეადგენს 704,817 ლარს ხოლო ფორმა N5-ის მიხედვით 763,113 ლარს. ასევე განსხვავდება გასვლებიც, საანგარიშო პერიოდში სატრანსპორტო საშუალებების გასვლა ფორმა N6-ის მიხედვით შეადგენს 774,693 ლარს ხოლო ფორმა N5-ის მიხედვით 385,015 ლარს.

ელექტროსისტემამ ვერ წარმოადგინა ინფორმაცია აღნიშნული მოთხოვნის წარმოშობის პერიოდთან დაკავშირებით, ვერ შეფასდა დებიტორის გაკოტრების საქმის წარმოების გახსნამდე შესაძლებელი იყო თუ არა კომპანიის მიერ დებიტორის მიმართ დროული სამართლებრივი ღონისძიებების გატარება და მოთხოვნის თუნდაც ნაწილობრივ დაკმაყოფილება.

2015 წელს მუნიციპალიტეტმა შეისყიდა დუშეთში საპირფარეშოს მშენებლობის სამუშაოები, რაშიდაც ჯამურად გადაიხადა 17.8 ათასი ლარი. შესრულებული სამუშაოების ადგილზე დათვალიერების შედეგად აღმოჩნდა, რომ საპირფარეშო დაკეტილია და მოსახლეობა ვერ სარგებლობს აღნიშნული ნაგებობით. პასუხისმგებელი პირის განმარტებით დასრულებული მშენებლობა აღმოჩნდა სახელმწიფოს კუთვნილ მიწაზე, რაზედაც დაიწყო შესაბამისი პროცედურები მიწის გადმოცემასთან დაკავშირებით. მიწის რეგისტრაციის დასრულებამდე ვერ მოხერხდა მისი წყლითა და ელექტრო ენერგიით უზრუნველყოფა, შესაბამისად აღნიშნული საკითხის მოგვარებამდე გადაიდო ნაგებობის გახსნა. შედეგად, ნაგებობით რომელშიც მუნიციპალიტეტმა გადაიხადა 17.8 ათასი ლარი აუდიტის მიმდინარეობისას ვერ სარგებლობდა მოსახლეობა.

მედიკამენტებით დახმარების პროგრამის მიხედვით, დაფინანსების მისაღებად საჭირო ერთ-ერთ დოკუმენტს წარმოადგენს ექიმის მიერ გაცემული საბუთი (რეცეპტი). მედიკამენტებით დახმარება მუნიციპალიტეტის მიერ ძირითადად გაცემულია შესაბამისი რეცეპტის გარეშე, მხოლოდ აფთიაქიდან ბენეფიციარის მიერ მოტანილი ამონაწერის მიხედვით.

საჯარო სკოლების გარკვეული რაოდენობა, სხვადასხვა სასწავლო საფეხურებზე, ეროვნული სასწავლო გეგმით განსაზღვრული დაშვების შესაბამისად ერთი სემესტრის მანძილზე ამცირებს სპორტის გაკვეთილების კვირეულ დატვირთვას ერთ საათამდე. შედეგად საჯარო სკოლებში რეგისტირებული 44,529 მოსწავლე მოკლებულია შესაძლებლობას სკოლის ფარგლებში მიიღოს საკმარისი ფიზიკური აქტივობა სპორტის გაკვეთილების სახით.

არაფინანსურ აქტივებთან დაკავშირებით 4.7 ათასი ლარის ღირებულების ფინანსური აღრიცხვა-ანგარიშგების პროგრამული სისტემის განახლების შესყიდვა, რასაც რეალურად გავლენა ჰქონდა არამატერიალურ აქტივზე და იწვევდა მისი ღირებულების ზრდას, არასწორად იყო განხორციელებული წლიური ბიუჯეტით დამტკიცებული „კომპიუტერული პროგრამების შეძენის და განახლების ხაჯები“-ს მუხლიდან და არ მიკუთვნებულა სამინისტროს ბალანსის მუხლში - „სხვა ძირითადი აქტივები“

ქუჩების შეკეთებითი სამუშაოებისათვის ელექტრონული ტენდერის საშუალებით ხელშეკრულება გაფორმდა შპს ,,გზებთან’’, ღირებულებით 475.0 ათასი ლარი, თუმცა შემსყიდველის მიერ ვერ იქნა წარმოდგენილი შესაბამისი ბაზრის კვლევა/სამუშაოების განფასება მისი ღირებულების განსაზღვრასთან დაკავშირებით, ასევე რიგ შემთხვევაში, ვერ ხდება იდენტიფიცირება თუ კონკრეტულად ქუჩის რა მონაკვეთზე იქნა განხორციელებული სამუშაოები.

2014 წლის 31 დეკემბრის მდგომარეობით ვერ ხერხდება მივლინების მუხლით აღრიცხული დებიტორული დავალიანების სისრულისა და სიზუსტის დადგენა.

.სახელმწიფო სასწავლო გრანტი: გამოვლინდნენ ისეთი სტუდენტები, რომლებიც სიაში ორჯერ იყვნენ შეყვანილი (სულ 185 სტუდენტი). შესაბამისად, მოცემული სტუდენტების მიხედვით საქართველოს განათლებისა და მეცნიერების სამინისტრომ უმაღლეს საგანათმლებლო დაწესებულებებს სასაწავლო გრანტის თანხა ჩაურიცხა გაორმაგებული ოდენობით. ზედმეტად ჩარიცხული თანხა 207,338 ათას ლარს შეადგენდა. გამოვლინდა ფაქტები, როდესაც ხდება იმ სტუდენტების დაფინანსება , რომლებიც დამატებით სემესტრში სწავლობდნენ და აღარ ეკუთვნოდათ 2014-2015 სასწავლო წლის შემოდგომის სემესტრში სასაწავლო გრანტის მიღება. 2014 წელს აღნიშნულმა დაფიანანსებამ 90 ათას ლარზე მეტი შეადგინა. პასუხისმგებელი პირების განმარტებით ამ თანხის ნაწილი, დაახლოებით 33 ათასი ლარი წარმოადგენს სასწავლო გრანტის თანხას იმ სტუდენტების მიხედვით, რომელთაც 2011-2012 სასწავლო წლის მიხედვით ჰქონდათ „აქტიური“ სტატუსი და მოცემულ პერიოდში ამ თანხის, სასწავლო დაწესებულებებისათვის ჩარიცხვა არ განხორციელებულა. აღნიშნულის დადასტურება ვერ ხერხდება აუდიტის მაშტაბიდან გამომდინარე.

ვერ შევაფასეთ 8,383,315 ლარის დასაბრუნებლად რამდენად შეეძლო ელექტროსისტემას სამართლებრივი ქმედებების განხორციელება, მოთხოვნის ხანდაზმულობის ვადის დაცვით.

2014-2015 წლებში დუშეთის მუნიციპალიტეტს 62 ხელშეკრულების ფარგლებში შესყიდული აქვს 514.2 ათასი ლარის ღირებულების პროექტები. აღნიშნული პროექტებიდან 2014 წელს არ დაფინანსდა 4.1 ათასი ლარის ღირებულების 6 პროექტი, ხოლო 2015 წელს 142.3 ათასი ლარის ღირებულების 81 პროექტი. აღსანიშნავია, რომ 2015 წელს დაუფინანსებელი პროექტების ნაწილზე ღირებულებით 104.5 ათასი ლარი მოთხოვნა გაგზავნილია რეგიონალური განვითარებისა და ინფრასტრუქტურის სამინისტროში, თუმცა აუდიტის პერიოდში სამინისტროდან არ არის მიღებული თანხმობა აღნიშნული პროექტების დაფინანსებაზე.

2014 წელს თერჯოლის მუნიციპალიტეტის მიერ, სოფლებში ჭებისა და წყალსადენების მოწყობა-რეაბილიტაციის სამუშაოებზე, საპროექტო-სახარჯთაღრიცხვო დოკუმენტაციის გარკვეული ხარვეზებითა და უზუსტობებით შედგენის შედეგად სპს - „თორთლაძე და კომპანიისათვის“, ზედმეტად ანაზღაურებულია 3.1 ათასი ლარი.

საჯარო სკოლებში ეროვნული სასწავლო გეგმით განსაზღვრული სპორტის გაკვეთილების საათობრივი დატვირთვა არ არის საკმარისი ჯანსაღი და ჯანმრთელი მოსწავლეების აღსაზრდელად. აღნიშნულს ადასტურებს სპორტის შესახებ კანონი, სადაც მითითებულია, რომ სასწავლო დაწესებულებებში სპორტის საათი არ უნდა იყოს 4 საათზე ნაკლები, თუმცა ამასთან დაკავშირებით სამინისტროებს შორის შეთანხმება არ მომხდარა. ეროვნული სასწავლო გეგმის და სპორტის შესახებ კანონის ჩანაწერი სასწავლო დაწესებულებებში სპორტის საათების განსაზღვრასთან დაკავშირებით ერთმანეთთან შესაბამისობაში არ მოდის, რაც მიუთითებს, რომ სამინისტროებს შორის არ ხდება სათანადო კოორდინირებული ქმედებები და ხელს უშლის საკითხის დარეგულირებას და საერთო მიზნის მიღწევას.

13.1 ათასი ლარის პირველადი ღირებულების ძირითად აქტივებზე წლის ბოლოს არ დარიცხულა ცვეთა და/ან გაანგარიშებისას გამოყენებული იყო არაშესაბამისი ამორტიზაციის წლიური ნორმა. აღნიშნულის შედეგად 2014 წლის ბოლოს ბალანსის „მანქანა-დანადგარები და ინვენტარის“ და „სხვა ძირითადი აქტივების“ მუხლები ერთ შემთხვევაში არასწორად იქნა შემცირებული 472.00 ლარით, ხოლო 15 შემთხვევაში გაიზარდა 802.40 ლარით

შპს „ბათუმის წყლის“ მიერ განხორციელებული შესყიდვების შესწავლის შედეგად გამოვლინდა 5 შემთხვევა, როდესაც გაფორმებულ ხელშეკრულებებში მიმწოდებლების თხოვნით, სათანადო მტკიცებულებების წარმოუდგენლობის პირობებში, შესაბამისი დასაბუთების გარეშე განხორციელებულია ცვლილებები, სამუშაოების შესრულების/საქონლის მიწოდების ვადის გაგრძელებასთან დაკავშირებით.

2014 წლის 31 დეკემებრის მდგომარეობით „ვალდებულებები მივლინებით ქვეყნის შიგნით“ მუხლზე ირიცხება ანგარიშვალდებული პირების მიხედვით გაუშიფრავი კრედიტორული დავალიანების ნაშთი.

წინასწარ დანიშნული დანამატები: განათლებისა და მეცნიერების სამინისტროში, მინისტრის 2014 წლის 3 ოქტომბრის N1097 ბრძანების საფუძველზე, ბრძანების დანართში გათვალისწინებულ 54 საჯარო მოხელეს 2014 წლის განმავლობაში დაუწესდა დანამატი ამავე დანართით გათვალისწინებული ოდენობით. სსიპ „მასწავლებელთა პროფესიული განვითარების ცენტრის“ დირექტორის 2014 წლის 3 იანვრის N09-01 ბრძანების მიხედვით, ცენტრის 19 თანამშრომელს ყოველთვიურად დაენიშნათ ფიქსირებული დანამატები თვეში სულ 9,095 ლარის ოდენობით.

ვინაიდან კომპანიამ ვერ წარმოადგინა სათანადო განმარტებები და შესაბამისი მტკიცებულებები მოთხოვნების შემცირებასთან დაკავშირებით, შეუძლებელია შეფასება - კანონიერი იყო თუ არა დებიტორ სს „კახეთის ენერგოდისტრიბუციის“ მოთხოვნების რეესტრში მოთხოვნის ჯამურად 6,216,303 ლარით შემცირება.

დუშეთის მუნიიციპალიტეტის მიერ 2014-2015 წლებში შეძენილი საპროექტო სახარჯთაღრიცხვო დოკუმენტაციის შესწავლის შედეგად გამოვლინდა, რომ შესყიდული პროექტები ხშირ შემთხვევაში არის უხარისხო და არსებითად იცვლება. მშენებლობის პროცესში კორექტირება განიცადა ჯამში 5 768.9 ათასი ლარის ღირებულების სამუშაომ. შესაბამისად შეიძლება ითქვას, რომ აღნიშნული სამუშაოების საპროექტო-სახარჯთაღრიცხვო დოკუმენტაცია არ იყო სათანადო ხარისხით შესრულებული. გამოვლენილი გარემოება ნაწილობრივ შესაძლებელია განპირობებული იყოს იმით, რომ შედგენილი პროექტ-ხარჯთაღრიცხვის ექსპერტიზა ხშირ შემთხვევაში ტარდება დაკავშირებული მხარეების მიერ. კერძოდ, 2014-2015 წლებში მუნიციპალიტეტს მიერ შეძენილი 514.2 ათასი ლარის პროექტიდან, 255.9 ათასი ლარის ღირებულების პროექტების ექსპერტიზა ჩაატარა საპროექტო ფირმასთან დაკავშირებულმა მხარემ. შედეგად არსებობს მაღალი რისკი იმისა, რომ შესყიდულ პროექტებს სათანადო ექსპერტიზა არ ჩატარებია, მაშინ როდესაც ხარჯთაღრიცხვის შესყიდვისას მისი ექსპერტიზის ღირებულება ჩადებულია სახელშეკრულებო თანხაში.

2014-2015 წლებში მუნიციპალიტეტში დასაქმებულ შტატგარეშე მოსამსახურეებზე შრომითი გასამრჯელოს სახით გაცემულია 186.0 ათასი ლარი, მათ შორის, პრემიის სახით 22.6 ათასი ლარი. „საჯარო სამსახურის შესახებ“ საქართველოს კანონის თანახმად, შტატგარეშე მოსამსახურე არის პირი, რომელიც დანიშვნით ან შრომითი ხელშეკრულებით, გარკვეული ვადით მიიღება სამსახურში არამუდმივი ამოცანების შესასრულებლად. ფაქტობრივად კი, წარმოდგენილი ხელშეკრულებების ანალიზით გამოვლინდა, რომ მათი აყვანა ხდება მუდმივი ამოცანების შესასრულებლად, სპეციალისტის უფლება-მოვალეობების განსახორციელებლად.

იმ გარემოებაში, როცა მოსახლეობის ფიზიკურ აქტივობაში ჩართულობა შერჩეული მუნიციპალიტეტების ფარგლებში არის დაბალი და მერყეობს 6%-მდე, მუნიციპალიტეტების საკუთრებაში არსებული სპორტული ინფრასტრუქტურა არ არის სრულად დატვირთული სპორტული აქტივობებით, რაც მიუთითებს, რომ მოსახლეობა არ არის სათანადოდ ინფორმირებული ფიზიკური აქტივობების აუცილებლობის თაობაზე და შესაბამისად სახელმწიფოს მიერ განხორციელებული ქმედებები არ არის საკმარისი საზოგადოებაში აღნიშნული მიმართულებით ცნობიერების ასამაღლებლად.

ფინანსური ანგარიშგების ფ N1-ში ,,არაფინანსური აქტივები“ წლის ბოლოს ნაშთების ჯამი შეადგენდა 1 854.3 ათას ლარს, რაც არსებითად ნაკლები იყო ბალანსის დანართი ფ N5-ში წარმოდგენილი არაფინანსური აქტივების ნაშთების ჯამზე - 3 497.9 ლარზე. ამასთან, 1 606.1 ათასი ლარის შეუსაბამობები დაფიქსირდა ფ N1-ში შენობა-ნაგებობების ჯამურ ნაშთებს და ფN5-ში წარმოდგენილ შენობა-ნაგებობების ჯამურ ნაშთებს შორის. აღნიშნული უზუსტობა დადასტურდა სამინისტროს საფინანსო-საბუღალტრო სამსახურის მიერ მოწოდებული წერილობითი ინფორმაციითაც.

აუდიტის ობიექტის მიერ წარმოდგენილი დოკუმენტაციის მიხედვით, ვერ ხდება სრულად დებიტორული და კრედიტორული ვალდებულებების ნაშთების იდენტიფიცირება, ასევე არ არის განხორციელებული შესაბამისი ინვენტარიზაცია, შესაბამისად აუდიტის ჯგუფი ვერ გამოთქვამს მოსაზრებას დებიტორული დავალიანების სისრულესა და სიზუსტესთან დაკავშირებით.

2014 წლის 31 დეკემბრის მდგომაროებით „მანქანა-დანადგარები და ინვენტარის“ მუხლზე დაფიქსირდა სხვაობა ბუღალტრული აღრიცხვისა და ბალანსის მონაცემებს შორის, რაზეც შესაბამისი განმარტება ვერ იქნა წარმოდგენილი. აღნიშნული სხვაობა წარმოშობილია 2011 წლამდე პერიოდში.

საანგარიშგებო წლის ბოლოს თანხების ათვისება: (32 00) „საგანმანათლებლო და სამეცნიერო დაწესებულებათა ინფრასტრუქტურის განვითარება“ ქვეპროგრამის (32 05 02) ფარგლებში ხორციელდება საჯარო სკოლებისა და პროფესიული/უმაღლესი სასწავლებლების რეაბილიტაცია. 2014 წლის ბიუჯეტის კანონით აღნიშნული ქვეპროგრამის ასიგნება 68,704 ათასი ლარის ოდენობით განისაზღვრა, მაშინ როცა დაზუსტებულმა გეგმამ 92,821 ათასი ლარი, ხოლო საკასო შესრულებამ 89,741 ათასი ლარი შეადგინა. 2014 წლის განმავლობაში განხორციელებული ხარჯთაღრიცხვის ცვლილებების ანალიზიდან ჩანს, რომ თანხების უდიდესი ნაწილი (87%) ამ ქვეპროგრამაზე აკუმულირებულ იქნა ნოემბერსა და დეკემბერში იმ პროგრამებიდან, რომელთა ფარგლებშიც უწყების მიერ ვერ მოხერხდა ბიუჯეტის კანონით გამოყოფილი ასიგნებების სრულად ათვისება

სახელმწიფო აუდიტის სამსახურმა შეისწავლა 8,647,776 ლარის კომპენსაციებთან დაკავშირებული დამოუკიდებელი აუდიტორის დასკვნები და სხვა დოკუმენტაცია, საიდანაც 6 შემთხვევაში (1,755,782 ლარის ჯამური კომპენსაცია) შეფასებული შენობა-ნაგებობების და მრავალწლიანი ნარგავების ფოტოდოკუმენტირება არ იძლევა შეფასებული ქონების იმ ღირებულებით აღქმის და იდენტიფიცირების შესაძლებლობას, რა ღირებულებითაც მოხდა მათი შეფასება. ასევე, ზოგიერთ შემთხვევაში ფოტოები არ იძლევა სათანადო რწმუნებას შეფასებული ქონების შესაბამისი რაოდენობით არსებობის შესახებ.

მუნიციპალიტეტს ყველა სამშენებლო სამუშაოსთვის ცალკე შესყიდული აქვს ზედამხედველობის სამუშაოები, ჯამში ამ კუთხით 2014-2015 წლებში გახარჯულია 71,0 ათასი ლარი. ზედამხედველი ფირმების საქმიანობის შესწავლისას გამოვლინდა შემდეგი დარღვევა-ნაკლოვანებები. არც ერთ შესწავლილ შემთხვევაში ზედამხედველის წერილები სრულყოფილად არ ასახავს მშენებლობის მიმდინარეობის პროცესს, ყველა შემთხვევაში დარღვეულია წერილების წარმოდგენის ვადები.

არსებობს საჯარო სკოლები, სადაც სპორტული ინფრასტრუქტურის მდგომარეობა არ აძლევს მათ საშუალებას ჩაატარონ სპორტის გაკვეთილები, რის შედეგადაც მოსწავლეები მოკლებულები არიან ჯანმრთელობისთვის აუცილებელ ფიზიკურ დატვირთვას. ამავდროულად სახელმწიფოს ბალანსზე ირიცხება სპორტული ინფრასტრუქტურა, რომლის სპორტული აქტივობებით სრულად დატვირთვა არ ხდება. საჯარო სკოლების მიერ არ მომხდარა ალტერნატიული საშუალებების გამოყენება როგორც სახელმწიფო სპორტული ინფრასტრუქტურის, ასევე ინფრასტრუქტურულად უკეთეს მდგომარეობაში არსებული სკოლების სპორტული დარბაზების სახით,რომელიც ხელს შეუწყობდა აღნიშნული პრობლემის ნაწილობრვ გამოსწორებას და მეტ მოსწავლეს მისცემდა საშუალებას მიეღო სათანადო ფიზიკური დატვირთვა.

ვალდებულებების სინთეზური აღრიცხვის ანგარიშზე ბუღალტრული მონაცემებით 2014 წლის დასაწყისში სადებეტო ნაშთად აღრიცხულია 125.7 ათასი ლარი, ხოლო საბოლოო ნაშთად 125.5 ათასი ლარი, რითაც დარღვეულია „ბიუჯეტების დაფინანსებაზე მყოფი ორგანიზაციების ბუღალტრული აღრიცხვის შესახებ“ ფინანსთა მინისტრის 2007 წლის 28 დეკემბრის N1321 ბრძანებით დამტკიცებული ინსტრუქციის მოთხოვნები. აღნიშნულ საკითხზე პრეზიდენტის ადმინისტრაციის მიერ შესაბამისი განმარტება წარმოდგენილი ვერ იქნა. აუდიტორული პროცედურების შედეგად ვერ დავრწმუნდით აღნიშნული ნაშთების არსებობაში, სისრულესა და შეფასებაში.

მონიტორინგის სისუსტე: სსიპ საგანმანათლებლო და სამეცნიერო ინფრასტრუქტურის განვითარების სააგენტოს მიერ შესყიდული შესასრულებელი სამშენებლო და სარეაბულიტაციო სამუშაოების დასრულება ხშირ შემთხვევაში ვერ ხორციელდება ხელშეკრულებით განსაზღვრულ ვადებში. გეგმა გრაფიკების არ არსებობა შემსყიდველს უზღუდავს წარმოდგენას თუ რა ეტაპზეა სამუშაოთა მიმდინარეობა და რამდენად საფუძვლიანია ანგარიშსწორება გარკვეულ ეტაპზე შესრულებული სამუშაოს მოცულობის გათვალისწინებით.

2014-2017 წლებში ელექტროსისტემის მიერ გადახდილი სანებართვო მოსაკრებლების და რეგულირების საფასურის ჯამური მოცულობა 886,905 ლარს შეადგენს. კომპანია ცალკეულ შემთხვევებში სამშენებლო სამუშაოებს აწარმოებს მშენებლობის ნებართვის გარეშე, რისთვისაც აუდიტის პერიოდში დაჯარიმებულია 25-ჯერ. გადახდილი ჯარიმების ჯამური მოცულობა შეადგენს 69,400 ლარს, საიდანაც 40,100 ლარი წარმოადგენს განმეორებითი სამშენებლო სამართალდარღვევისათვის დაკისრებულ ჯარიმას.

2014 წელს მუნიციპალიტეტის მიერ მიმწოდებლებზე დარიცხულმა და ამოუღებელმა ჯარიმებმა 7.1 ათასი (სულ მისაღები ჯარიმის 50%), ხოლო 2015 წელს 41.5 ათასი ლარი (სულ მისაღები ჯარიმის 89%) შეადგინა. ბიუჯეტში მიუღებელ პირგასამტეხლოებთან დაკავშირებით მუნიციპალიტეტის ღონისძიებები შემოიფარგლება მხოლოდ წერილის გაგზავნით სადაც, ფირმას ატყობინებენ არსებულ დავალიანებას.

ხელშეკრულებების ვადის გაგრძელების დაუსაბუთებლობა: არის შემთხვევები როდესაც სამშენებლო და სარეაბილიტაციო პროექტების შემსრულებლების თხოვნას, სამუშაოების შესრულების ვადის გაგრძელების შესახებ, სსიპ საგანმანათლებლო და სამეცნიერო ინფრასტრუქტურის განვითარების სააგენტო აკმაყოფილებს მომწოდებლისაგან დამატებითი ვადის მოთხოვნის მიზეზების და მათი საფუძვლიანობის დასაბუთების გარეშე.

ელექტროსისტემას პროექტირებისა და მშენებლობის ხელშეკრულებების გაფორმების მომენტში არ ჰქონდა გაანალიზებული სამუშაოთა შემაფერხებელი გარემოებების დადგომის შესაძლებლობა. ელექტროსისტემამ ამგვარი ხელშეკრულების გაფორმებით მნიშვნელოვანი პასუხისმგებლობა აიღო მის კონტროლს მიღმა არსებულ რისკებზეც. აღნიშნული მიუთითებს არსებული რისკების არასათანადო შეფასებასა და ხელშეკრულებების გაფორმების პროცესში ელექტროსისტემის ინტერესების გაუთვალისწინებლობაზე, რამაც 2016-2017 წლებში 10,220,729 ლარის დამატებითი ხარჯი გამოიწვია. ელექტროსისტემამ დაარღვია ფინანსთა სამინისტროს, ენერგეტიკის სამინისტროსა და კომპანიას შორის დადებული სამმხრივი ხელშეკრულების მოთხოვნა. პროექტების შეფერხებებისთვის ისე გადაიხადა ჯარიმები, რომ ენერგეტიკის და ფინანსთა სამინისტროები ინფორმირებულნი არ იყვნენ. ამასთანავე, საქართველოს მთავრობას არ შეუთანხმა უცხოელ კონტრაჰენტებთან გასაფორმებული ხელშეკრულებების პროექტები, როგორც ეს მოეთხოვებოდა კანონმდებლობით.

სოფ. ანანურში ახალ დასახლებაში წყალმომარაგების შიდა ქსელის მოწყობაის სამუშაოებზე მუნიციპალიტეტმა ხელშეკრულება გააფორმა შპს არაგველთან საერთო ღირებულებით 36.5 ათასი ლარი. წარმოდგენილი სამუშაოების შესრულების აქტებიდან, ირკვევა, რომ მიმწოდებელი მუდმივად არღვევდა სამუშაოების შესრულების გეგმა-გრაფიკს. ხელშეკრულების მიხედვით, გრაფიკის დარღვევისათვის მას უნდა დაკისრებოდა შესაბამისი პირგასამტეხლო. იმის გათვალისწინებით, რომ სამუშაოები მიმდინარეობდა აუდიტის პროცესში და ჯერ არ დასრულებულა ს ასევე ყოველ ვადაგადაცილებულ დღეზე მას დამატებით უნდა დაერიცხოს 36.5 ლარი.

შესყიდვის ობიექტის არასწორი განსაზღვრა: სსიპ საგანმანათლებლო და სამეცნიერო ინფრასტრუქტურის განვითარების სააგენტოს შესაბამისი სამსახურის მიერ არ მოხდა სარეაბილიტაციო შენობის მდგომარეობის ჯეროვანი შესწავლა, რამაც გამოიწვია სახელმწიფო სახსრების არაეფექტურად განკარგვა. შესრულებული სამუშაოების მოცულობა და ღირებულება (10,193 ლარი) დადგინდა მომწოდებელის მიერ წარმოდეგნილი შესრულების ფორმებით და არა საექსპერტო შეფასების საფუძველზე. შესაბამისად, აუდიტის ჯგუფმა ვერ მიიღო რწმუნება 10,193 ლარის ღირებულების სამუშაოების რეალობის თაობაზე.

ელექტროსისტემამ თავდაპირველად მოთხოვნილი სატენდერო პირობების უგულებელყოფით უპირატესობა მიანიჭა კონკრეტულ პრეტენდენტებს და გაუფორმა ჯამურად 5,706,291 ლარის ხელშეკრულებები, რითაც სახელმწიფო შესყიდვების შემთხვევაში დაარღვია კანონმდებლობის მოთხოვნები, ხოლო სპეცწესის საფუძველზე განხორციელებული შესყიდვების შემთხვევაში არ გამოიყენა აღნიშნული სამართლებრივი აქტით გათვალისწინებული დაზუსტებისა და დისკვალიფიკაციის მექანიზმები. სატენდერო პირობების უგულებელყოფით გამარჯვებულად გამოცხადებულმა კონტრაქტორებმა შესაძლოა, ვერ დააკმაყოფილონ ელექტროსისტემის რეალური საჭიროებები და შესაბამისად, ფულადი სახსრები გაიხარჯოს არაეფექტიანად და არაეკონომიურად.

სოფ. ქერიაანთკარში, ხევის კალაპოტის გაწმენდა-დაღრმავების, დამბური ტიპის მიწაყრილის, გაბიონებისა და ხიდბოგირის მოწყობის მიზნით, 2015 წელს დუშეთის მუნიციპალიტეტის მიერ შპს დალა73-თან გაფორმებული ხელშეკრულების ფარგლებში მიმწოდებელი 17 სექტემბრიდან მოყოლებული არღვევდა გეგმა-გრაფიკს. გეგმა გრაფიკის დარღვევაზე მას უნდა დარიცხვოდა პირგასამტეხლო ხელშეკრულების ღირებულების 0.1%-ის ოდენობით ყოველ ვადაგადაცილებულ დღეზე. აუდიტის მიმდინარეობის პროცესში სამუშაოები წარმოებდა და დღემდე არ არის დარულებული, შესაბამისად 17 მაისის მდგომარეობით მიმწოდებელს უნდა დარიცხვოდა პირგასამტეხლო 62.3 ათასი ლარი, ხოლო ყოველ ვადაგადაცილებულ დღეზე მას დამატებით უნდა დაერიცხოს 256.6 ლარი.

2014 წლის 10 ივლისს ხელშეკრულებაში შესული ცვლილებით არსებითად შეიცვალა ხელშეკრულების საგანი და გასაწევი მომსახურების შინაარსი (მესამე დავალების ნაწილში) გახდა იმდენად ზოგადი ხასიათის, რომ აღარ ირკვევა კონსულტანტების კონკრეტული პასუხისმგებლობები და გასაწევი მომსახურების იმ მიზანთან კავშირი, რა მიზნითაც ელექტროსისტემამ 2009 წელს დაასაბუთა აღნიშნული კონსულტანტების მომსახურების შესყიდვის აუცილებლობა. კონსულტანტთან გაფორმებულ ხელშეკრულებაში არ იყო ინდივიდუალურად განსაზღვრული კონკრეტული დავალებების ღირებულებები. ნაწილობრივად შესრულებული მომსახურებისთვის ელექტროსისტემამ კონტრაქტორს აუნაზღაურა 75,000 აშშ დოლარი, რომლის გაანგარიშება ხელშეკრულებიდან გამომდინარე შეუძლებელია, შესაბამისად არ არის დასაბუთებელი.

ჟინვალის ტერიტორიულ ერთეულში სტიქიით დაზიანებული ობიექტების რეაბილიტაციისთვის გაფორმებული ხელშეკრულების ფარგლებში სამუშაოების ვადის გადაწევასთან დაკავშირებით, მიმწოდებლის მიერ წარმოდგენილი არგუმენტები, ვერ ჩაითვლება თარიღის გადაწევის ობიექტურ საფუძვლად. გარდა სონდისველი-ხორხის ხიდისა ყველა ობიექტის დასრულება შესაძლებელი იყო თავდაპირველი ხელშეკრულებით განსაზღვრულ ვადებში. რაც შეეხება უშუალოდ ხიდის ხარჯთაღრიცხვას მისი კორექტირების საჭიროებასთან დაკავშირებით შემსყიდველს ეცნობა მიწოდების ვადის გასვლის შემდეგ, შედეგად არსებითად გაიზარდა აღნიშნული სამუშაოს შესრულების ვადები. სამუშაოების საბოლოო მიღება-ჩაბარება განხორციელდა 2015 წლის 13 მაისს, 183 დღის დაგვიანებით. იმ შემთხვევაში თუ მუნიციპალიტეტი შპს სოტრს არ გაუზრდიდა მიწოდების ვადას მას ხელშეკრულების პირობების თანახმად დაერიცხებოდა პირგასამტეხლო 26.4 ათასი ლარის ოდენობით.

ელექტროსისტემის მიერ შედგენილ შესასყიდი ობიექტის ბუნდოვან აღწერილობას პოტენციურ პრეტენდენტებში შესაძლოა გამოეწვია გაუგებრობა და გამხდარიყო შესყიდვაში მონაწილეობისგან თავის არიდების მიზეზი. ზემოაღნიშნული ფორმულირებები პრეტენდენტს საშუალებას აძლევდა ასევე ელექტროსისტემისთვის შეეთავაზებინა ის საქონელი და მომსახურება, რომლებიც შემსყიდველს არ ჰქონდა განსაზღვრული.

სოფელ ბაგაში მისასვლელი გზის სამუშაოების ტექნიკური ზედამხედველის წერილებიდან ირკვევა, რომ გზის საფარის ნაწილი მუშაობის პროცესში გამოვიდა მწყობრიდან, რომლის შეკეთებაც მიმწოდებელმა მოახდინა ფრაგმენტული შეკეთების გზით. ის გარემოება, რომ ასფალტის საფარის ნაწილზე გაკეთებულია ფრაგმენტული ჩაკერებები აღნიშნულია, ასევე ლევან სამხარაულის სასამართლო ექსპერტიზის ბიუროს დასკვნაში. შედეგად ადგილობრივი ბიუჯეტიდან 570.3 ათასი ლარი გადახდილია გზის კაპიტალური შეკეთების სამუშაოებზე, რომლის ნაწილზეც მიმწოდებელმა შეასრულა ფრაგმენტული შეკეთება.

სოფელ ბაგაში მისასვლელი გზის სარეაბილიტაციო სამუშაოები არ შესრულდა არსებული პროექტის მიხედვით. შედეგად გზის საფარის ნაწილი საბოლოო მიღება-ჩაბარებამდე გამოვიდა მწყობრიდან. მუნიციპალიტეტმა ბაგის გზის თავდაპირველი პროექტის მსგავსად შესრულების მიზნით დამატებით დახარჯა 39.3 ათასი ლარი.

ახატანი-ბიწმინდის გზის სარეაბილიტაციო სამუშაოებზე ხარჯთაღრიცხვის მიხედვით მიმწოდებელს უნდა მოეხდინა დემონტირებული ასფალტის საფარის და კლდის ნაშალის გატანა 7 კმ-ზე ნაყარში, ჯამში 2.9 ათასი ტ. აუდიტის ჯგუფმა გამგეობის წარმომადგენლებთან ერთად დაათვალიერა შესრულებული სამუშაოები. მუნიციპალიტეტის წარმომადგენლებმა ვერ მიუთითეს თუ კონკრეტულად სად იქნა გატანილი აღნიშნული სამშენებლო ნარჩენები. სამუშაოების ადგილზე დათვალიერების შედეგად აღმოჩნდა რომ მოხსნილი კლდის ძირითადი ნაწილი გადაყრილია გზის ნაპირზე, 10-15 მეტრის რადიუსში, ასევე მთელი გზის გასწვრივ შეინიშნება დემონტირებული ასფალტის საფარი და სხვადასხვა სამშენებლო ნარჩენები. შესაბამისად მუნიციპალიტეტმა ჩაიბარა 30.8 ათასი ლარის ისეთი სამუშაოები რომელიც მიმწოდებელს არ შეუსრულებია.

2013-2014წწ. სააღმზრდელო-სასწავლო პერიოდში საბავშვო ბაღში აღსაზრდელთა მიღება არის განხორციელებული შინაგანაწესის დარღვევითა და არაერთგვაროვანი მიდგომით.

სამხედრო მოსამსახურეებისთვის სამედიცინო მომსახურება გეოგრაფიულად ნაკლებად ხელმისაწვდომია. გარკვეულ შემთხვევებში, სამხედრო მოსამსახურე, რომელიც ჩივილებით მიმართავს ქვედანაყოფის სამედიცინო პუნქტს, ქვედანაყოფის კუთვნილი ამბულანსით, ან სხვა სახის ტრანსპორტით, სამედიცინო პუნქტის თანამშრომლის თანხლებით გადაჰყავთ ქ. გორში განთავსებულ სამხედრო ჰოსპიტალში, მიუხედავად მისი ლოკაციისა. ზოგჯერ, სამხედრო მოსამსახურე პრაქტიკულად ჯანმრთელი აღმოჩნდება და ჰოსპიტალში ასეთი დიაგნოზის დასმის შემდეგ, იგი უკან გადაჰყავთ სამხედრო ნაწილში, რომელიც საკმაოდ დიდი მანძილით არის დაშორებული ჰოსპიტალს. შედეგად არაეკონომიურად იხარჯება, როგორც ადამიანური ისე მატერიალური რესურსები (საწვავი, ავტომანქანის ცვეთა, ჰოსპიტალის თანამშრომელთა მოცდენა, მედიკამენტები და ა. შ.).

ახატანი-ბიწმინდის გზის სარეაბილიტაციო სამუშაოების თავდაპირველ ხარჯთაღრიცხვაში გათვალისწინებული იყო ბალასტით გვერდულების მოწყობა, კორექტირებულში კი აღნიშნული მუხლი გაუქმდა და სამაგიეროდ გაიზარდა ასფალტის საფარის ქვეშ მოსაწყობი ხრეშის მოცულობა ფართობისა და სიმაღლის შეუცვლელად. პასუხისმგებელი პირის განმარტებით ხრეშის მოცულობის გაზრდა ასფალტობეტონის საფარის გასწვრივ გზის გვერდულების მოწყობით იყო განპირობებული. ადგილზე დათვალიერების შედეგად აღმოჩნდა, რომ რეაბილიტირებული გზის ძირითად ნაწილზე გვერდულები მოწყობილი არ არის. შედეგად მუნიციპალიტეტმა ჩაიბარა 18.5 ათასი ლარის ისეთი სამუშაო რომლის მნიშვნელოვანი ნაწილის შესრულება სავარაუდოდ არ მომხდარა.

გაცემული კვების პროდუქტების ნორმებთან შესაბამისობის მონიტორინგი განხორციელდა 11 საბავშვო ბაღში, საიდანაც დადგინდა, რომ ზოგიერთ მათგანში მენიუს მიხედვით გაცემული პროდუქტის წონა არ შეესაბამება ფაქტობრივად გაცემულ წონას. რიგ შემთხვევებში ადგილი აქვს პროდუქტების ჯგუფებს შორის არასწორად გადანაწილებას, მენიუში პროდუქტების არასწორად გადანაწილებას. ზოგიერთ შემთხვევაში ადგილი აქვს პროდუქტების წონის შეუსაბამობასა და პროდუქტის მენიუს შეუსაბამოდ დამზადებასთან.

აუდიტით გამოვლინდა, რომ სამხედრო ქვედანაყოფების ნაწილი სრულად არ არის დაკომპლექტებული სამედიცინო პერსონალით, რადგან ექიმის შტატი არის სამხედრო, ხოლო სამხედრო ექიმების მომზადება არ ხდება. ქვეყანაში არ არსებობს სპეციალურად სამხედრო ექიმის განათლების, კვალიფიკაციის, პროფესიული და წოდებრივი ზრდის ჩამოყალიბებული სისტემა, რომელიც ხელს შეუწყობს კვალიფიციური კადრების მომზადებას და შენარჩუნებას თავდაცვის სამინისტროს სისტემაში. სამხედრო ექიმის პროფესიაზე ნაკლებ მოთხოვნას განაპირობებს ის, რომ ახალგაზრდა ექიმებს დაბალი მოტივაცია აქვთ სამხედრო სამსახურში წასასვლელად, რადგან საქართველოს შეიარაღებული ძალები გადაყვანილია ანაზღაურების წოდებრივ ფორმაზე, ხოლო სამხედრო ექიმების უმაღლესი წოდება ბრიგადების დონეზეც კი მხოლოდ მაიორით განისაზღვრება, რომლის თანამდებობრივი სარგოც, მხოლოდ 1,280 ლარია.

მერიისათვის ,,ევროპის ახალგაზრდული ოლიმპიური ფესტივალი ,,თბილისი 2015“-ის 2015 წლის ივლისის თვეში ჩატარების შესახებ ცნობილი იყო 2010 წლის ნოემბერში, შესაბამისად ქ. თბილისში დაგეგმილი ევროპის ახალგაზრდული ოლიმპიური ფესტივალის ფარგლებში სხვადასხვა სამუშაოების 2011-2014 წლებში დაგეგმვითა და ტენდერების საშუალებით შესყიდვების განხორციელების შემთხვევაში, სამუშაოების შეზღუდულ ვადებში გამარტივებული შესყიდვის საშუალებით ჩატარების აუცილებლობა არ დადგებოდა და კონკურენციის პირობებში შესაძლებელი იყო საბიუჯეტო თანხების ეკონომიური ხარჯვა

ა(ა)იპ ,,ბათუმის საბავშვო ბაღების გაერთიანების“ შინაგანაწესის მე-3 მუხლის მე-5 პუნქტის ,,გ“ ქვეპუნქტის მიხედვით, აღსაზრდელის 1 თვეზე მეტი ხნით არასაპატიო მიზეზით გამოუცხადებლობის შემთხვევაში შეწყდება აღსაზრდელის მიღებაზე გაფორმებული ხელშეკრულება. საბავშვო ბაღების მიერ წარმოდგენილი დოკუმენტების (ბავშვთა კვების ყოველდღიური მენიუ) მიხედვით ირკვევა, რომ სულ ჩარიცხული 6 777 აღსაზრდელიდან 2013-2014წწ. სააღმზრდელო-სასწავლო პერიოდში საშუალო გამოცხადება შეადგენს 5 122 ერთეულს, ანუ ჩარიცხული კონტიგენტის 75.6 %. აუდიტის პერიოდში საბავშვო ბაღის გამგეების მიერ სრულყოფილად ვერ იქნა წარმოდგენილი აღსაზრდელების საპატიო მიზეზით გამოუცხადებლობის დამადასტურებელი მტკიცებულება.

სამხედრო ქვედანაყოფების სრულად დასაკომპლექტებლად საჭიროა რამდენიმე ათეული სამედიცინო საევაკუაციო ტექნიკის შესყიდვა, რისი სახსრებიც სამინისტროს ამ ეტაპზე არ გააჩნია, თუმცა ზოგ შემთხვევაში სამინისტრო არსებული ასიგნებების გამოყენებასაც ვერ ახერხებს აღნიშნული ტექნიკის შესაძენად, კერძოდ: წვრთნებისა და სამხედრო განათლების სარდლობის „პოლკოვნიკ ბესიკ ქუთათელაძის სახელობის საჩხერის სამთო მომზადების სკოლას“, „პარტნიორობა მშვიდობისათვის“ კურსების უსაფრთხოდ და ორგანიზებულად ჩატარების მიზნით დასჭირდა მაღალი გამავლობის ამბულანსი, რაზეც 2015 წლის 23 ივლისს შესაბამისი მოთხოვნა გაიგზავნა წვრთნებისა და სამხედრო განათლების სარდლობაში. აღნიშნული ამბულანსის შესყიდვის განსახორციელებლად, შესყიდვების დეპარტამენტმა, 2015 წლის 8 ოქტომბერს გამოაცხადა ელექტრონული ტენდერი სავარაუდო ღირებულებით 69,300 ლარი. აღნიშნული ტენდერი არ შედგა და არც გამარტივებული გზით განხორციელებულა მისი შესყიდვა, რის გამოც ზემოხსენებულ სკოლას, სადაც ხშირად მიმდინარეობს საერთაშორისო სწავლებები, დღემდე ამბულანსი არ გააჩნია. 2016 წლის სახელმწიფო შესყიდვების გეგმაში სამინისტრომ გაითვალისწინა 2 ერთეული ამბულანსის შესყიდვა, რაც ასევე ვერ მოხერხდა. 2016 წლის 1 ნოემბრის მდგომარეობით აღნიშნული შესყიდვის განსახორციელებლად ტენდერიც არ იყო გამოცხადებული.

ოშპიტელის ხიდის პროექტისა და ხარჯთაღრიცხვის კორექტირების პროცესის შესწავლისას გამოვლინდა, რომ ცვლილება სავარაუდოდ გამოწვეული იყო არა ობიექტური საჭიროებით, არამედ იმით, რომ მიმწოდებელ ფირმას არ გააჩნდა არსებული პროექტით ხიდის გაკეთების რესურსი. აღნიშნული გარემოება დასტურდება მიმწოდებლის, შპს ტექსერვისის დირექტორის ახსნა-განმარტებით.

2015 წლის 25 სექტემბრის #1303 ბრძანებით, ინვენტარიზაციის ჩატარების მიზნით, ცენტრალურ აპარატში შექმნილია შესაბამისი კომისია. ინვენტარიზაციის პერიოდი განისაზღვრა 2015 წლის 1 ოქტომბრიდან 2015 წლის 25 დეკემბრამდე. ინვენტარიზაცია მიმდინარეობდა შემოწმების პერიოდშიც (2016 წლის აპრილი). ინვენტარიზაციის დაუსრულებლობის მიზეზად სახელდება ის გარემოება, რომ მიმდინარეობდა წინა წლის ინვენტარიზაციის შედეგად აღმოჩენილი დანაკლისების დაზუსტება, რომელთა უმეტესობა განლაგებულია სამინისტროს სხვადასხვა ორგანიზაციებში. შესაბამისად, ინვენტარიზაციის დასრულებამდე სამინისტროს აპარატზე რიცხული აქტივების ფაქტობრივ არსებობაზე რწმუნება ვერ მოვიპოვეთ.

გაერთიანების დირექტორის 2015 წლის 15 იანვრის N1 ბრძანებით შექმნილი კომისიის მიერ, საბავშვო ბაღებში აღსაზრდელთა ფაქტობრივ დასწრებასა და ყოველდღიურ კვების მენიუში მითითებულ აღსაზრდელთა რაოდენობის მონიტორინგით დადგინდა, რომ სულ 23 საბავშვო ბაღში მონიტორინგის განხორციელების დღისათვის ფაქტობრივად ადგილზე იმყოფებოდა 4 921 აღსაზრდელი, მენიუში კი აღსაზრდელთა რაოდენობა მითითებული იყო 4 965 ერთეული, 44 აღსაზრდელით მეტი.

საჭირო მედიკამენტების შესყიდვისა და გაცემის საკითხი სისტემურად არ არის დარეგულირებული, რაც ხელმისაწვდომობის პრობლემას წარმოშობს. კერძოდ: ბრძანების მიხედვით, სამედიცინო უზრუნველყოფის პუნქტის ექიმი-სპეციალისტი ,,ახორციელებს სამინისტროს სამოქალაქო ოფისის, გენერალური შტაბის სტრუქტურული ქვედანაყოფებისა და სახმელეთო ჯარების სარდლობის მოსამსახურეთა გადაუდებელი პირველადი სამედიცინო დახმარების გაწევისათვის საჭირო ღონისძიებებს“. აქედან გამომდინარე, პუნქტი უნდა მარაგდებოდეს მხოლოდ პირველადი სამედიცინო დახმარების გაწევისათვის საჭირო მედიკამენტებით. რეალურად კი იგი მარაგდება სამინისტროს მიერ შესყიდული ყველანაირი მედიკამენტით, პუნქტის უფროსის მიერ გაკეთებული განაცხადის შესაბამისად. ერთი მხრივ სამინისტრო ცდილობს, რომ გარდა პირველადი დანიშნულების მედიკამენტებისა, სხვა ტიპის მედიკამენტებიც იყოს ხელმისაწვდომი, თუმცა აღნიშნული მედიკამენტების ჩამონათვალი განსაზღვრული არ არის. ამასთან, სამინისტროს თანამშრომელთა გარკვეული ნაწილი საერთოდ არ იყო ინფორმირებული იმის შესახებ, რომ მათ საშუალება ჰქონდათ მედიკამენტები მიეღოთ უსასყიდლოდ, ზემოხსენებული პუნქტის მეშვეობით, რაც იწვევს არათანაბარ და არასისტემურ მიდგომას თანამშრომელთა მიმართ.

2014-2015 წლებში დუშეთის მუნიციპალიტეტის მიერ გამარტივებული შესყიდვის საშუალებით გაფორმებული 382 ხელშეკრულების ფარგლებში შესყიდულია 3533,1 ათასი ლარის ღირებულების სამშენებლო სამუშაოები. საანგარიშგებო პერიოდში მუნიციპალიტეტი არ ითხოვდა მიმწოდებლებისგან ფაქტობრივი დანახარჯების შესახებ დოკუმენტაციას. აღნიშნული წარმოშობს რისკს იმისას, რომ საბიუჯეტო სახსრები ზედმეტად იქნა დახარჯული. მუნიციპალიტეტმა აუდიტის ჯგუფის მოთხოვნის საფუძველზე მიმწოდებლებისგან გამოითხოვა შესრულებული სამუშაოების ფაქტობრივი დანახარჯების შესახებ დოკუმენტაცია, მაგრამ მათ მიერ ის არ იქნა წარმოდგენილი.

2014-2015 წლებში ჩატარებულ ზოგიერთ ტენდერში სატენდერო დოკუმენტაციაში მოთხოვნები რიგ შემთხევევაში ჩამოყალიბებულია იმდაგვარად, რომ შესაძლოა მიანიშნებდეს კონკრეტულ მიმწოდებელზე, რაც ტენდერში მხოლოდ ერთი პრედენდენტის მონაწილეობაში გამოიხატებოდა(კომპიუტერულ მოწყობილობებზე და ავეჯზე ფერის მითითება, სატელევიზიო რგოლის დამზადების შესყიდვაზე-500 ათასი ლარის გამოცდილების მოთხოვნა)

ბალანსის დანართი ფორმა N3 - ში, კაპელის მიერ ბიუჯეტის სახსრებით შეძენილი ლარის არაფინანსური აქტივები შეცდომით იყო ასახული უსასყიდლოდ მიღებული არაფინანსური აქტივების მუხლში

საქართველოს მთავრობის 2014 წლის 15 იანვრის N78 დადგენილებით დამტკიცებული ტექნიკური რეგლამენტის მიხედვით, სკოლამდელ დაწესებულებაში უნდა არსებობდეს 1,5-3 წლამდე ასაკისათვის და 3-6 წლამდე ასაკისათვისს 10 დღიანი ან 2-კვირიანი პერსპექტიული მენიუ, რომლის მიხედვით უნდა შედგეს ყოველდღიური მენიუ. აუდიტის პერიოდში წარმოდგენილი მტკიცებულებებით ირკვევა, რომ 2013-2014წწ. სააღმზრდელო-სასწავლო პერიოდში გაერთიანებაში ჩარიცხულ 2-3 წლამდე ასაკის 97 აღსაზრდელებზე არ არის შედგენილი პერსპექტიული და ყოველდღიური მენიუ.

სამხედრო ჰოსპიტალში არსებული აღრიცხვის სისტემის გაუმართაობის გამო, გაწეული ამბულატორული სამედიცინო მომსახურების ჯამური ღირებულებიდან, სადაზღვევო ხელშეკრულებებით გათვალისწინებული, დაზღვევის პირობებით გაწეული მომსახურების ღირებულების გამოყოფა ვერ ხერხდება. რის გამოც, ვერ დგინდება ჰოსპიტალის მიერ სადაზღვევო ხელშეკრულების ფარგლებში ამბულატორულ მომსახურებაზე გაწეული დანახარჯები. შესაბამისად, არსებობს რისკი, რომ ჰოსპიტალის მიერ ამ მომსახურებაზე გაწეული ხარჯი აღემატება მიღებულ შემოსავლებს. ზემოხსენებული გარემოება ხელს უშლის ჰოსპიტალის საქმიანობის სწორად დაგეგმვის პროცესს და კაპიტაციის ღირებულების სწორ გაანგარიშებას.

2015 წელს მუნიციპალიტეტმა შეისყიდა დუშეთში საჭიდაო მოედნის მიმდებარედ სკვერის სარეაბილიტაციო სამუშაოები ღირებულებით 56,0 ათასი ლარი. ხელშეკრულების მიხედვით მიმწოდებელს ჯახისა და რიყის ქვებით უნდა მოეხდინა სკვერის ბილიკების მოპირკეთება. სამუშაოების ადგილზე დათვალიერების შედეგად აღმოჩნდა, რომ შპს-ს ნაცვლად ხელშეკრულებით გათვალისწინებული მასალისა გამოყენებული ქონდა ბეტონის ფილები მუნიციპალიტეტთან შესაბამისი შეთანხმების გაფორმების გარეშე. აღსანიშნავია, რომ ბილიკების ბეტონის ფილებით მოპირკეთების სამუშაოები დადასტურებული აქვს ზედამხედველს და ჩაბარებული აქვს გამგეობას რაზედაც შედგენილია ფორმა 2 და გადარიცხულია შესაბამისი თანხა. სამუშაოების ზედამხედველის განმარტებით, მიმწოდებელმა მას მიაწოდა კორექტირებული ხარჯთაღრიცხვა, რომლის მიხედვითაც უნდა გაფორმებულიყო დანართ-შეთანხმება. მიუხედავად აღნიშნულისა გამგეობას შემსრულებელთან შეთანხმება არ გაუფორმებია და ჩაიბარა ისეთი სამუშაოები, რომელიც ხარჯთაღრიცხვით გათვალისწინებული არ იყო. აუდიტის მიმდინარეობისას გამგეობის შესაბამისმა სამსახურებმა მიმართა მიმწოდებელს, რათა მას შეეცვალა მოწყობილი ბეტონის ფილები ხარჯთაღრიცხვით გათვალისწინებული მასალით, რაც მიმწოდებელმა შეასრულა.

აუდიტის პერიოდში კაპელა საკუთარ საქმიანობას ახორციელებდა ქ. თბილისში რუსთაველის გამზ. N37-ში მდებარე შენობის მე - 2 სართულზე მდებარე შპს „ მოდერნი 2010“-ის კუთვნილ ფართზე, რომლის გამოყენების რაიმე კანონიერი საფუძვლი ვერ იქნა წარმოდგენილი.

აუდიტის პერიოდში ა(ა)იპ ,,ბათუმის საბავშვო ბაღების გაერთიანების“ მონიტორინგის ჯგუფის, ქალაქ ბათუმის მერიის ჯანმრთელობისა და სოციალური დაცვის სამსახურის და სსიპ ,,სურსათის ეროვნული სააგენტოს“ მიერ 24 საბავშვო ბაღში ჩატარებული მონიტორინგით დადგენილია, რომ ჯგუფებისათვის არასაკმარისია რძისა და ხორცის პროდუქტები, სამაცივრო სისტემაში არაერთგვაროვანი პროდუქტი არ არის განცალკევებული, სამზარეულოში არ არის გამწოვი სავენტილაციო სისტემა, სამარაგო სათავსოში არ არის საკმარისი თაროები, სამედიცინო კაბინეტში არ არის სამედიცინო ტახტი და კარადა, შესაკეთებელია საკანალიზაციო მილი, სამზარეულოში არ არის მოწყობილი ტრაპი, მცირეა ნეიტრალური ანოლიტის რაოდენობა და რძის პროდუქტები, ნედლეულის ნარჩენებისთვის არ არის მყარი გამოყენების თავსახურიანი ჭურჭელი და მწერების წინააღმდეგ დამცავი ბადე, სამზარეულოს შესასვლელთან არ არის მოწყობილი დეზობარიერი, სამაცივრო დანადგარი არ არის აღჭურვილი ტემპერატურისმზომი ხელსაწყოთი, ტუალეტი აღჭურვილი არ არის ჰიგიენური საშუალებებით და სხვა.

ჰოსპიტალში არსებული გარკვეული სტაციონარული მომსახურების ტარიფები ბაზარზე არსებულ ტარიფებთან შედარებით მნიშვნელოვნად დაბალია, რასაც ემატება ისიც, რომ სადაზღვევო ხელშეკრულების ფარგლებში ჰოსპიტალის მიერ სტაციონარულ მომსახურებაზე ვრცელდება დამატებით 20%-იანი ფასდაკლება, რაც ასევე ამცირებს ჰოსპიტალის შემოსავალს.

2014 წლის სექტემბერში დუშეთის მუნიციპალიტეტმა სტიქიის შედეგების სალიკვიდაციოდ, ზემო მლეთაში მდინარის კალაპოტის გაწმენდისა და დაღრმავების სამუშაოების საპროექტო-სახარჯთაღრიხვო დოკუმენტაციის შედგენის მომსახურება შეისყიდა შპს „აისი“-სგან თანხით 2.2 ათასი ლარი. აღნიშნულ პროექტს ტენდერის გამოცხადებამდე ჩაუტარდა საინჟინრო ექსპერტიზა ლევან სამხარაულის სასამართლო ექსპერტიზის ეროვნული ბიუროს მიერ. გაცემული დასკვნის მიხედვით, არ მიეცა რეკომენდაცია რეალიზაციისათვის. მიუხედავად იმისა, რომ გამგეობისთვის ცნობილი იყო პროექტის უხარისხობა, 2015 წლის 16 ივნისს დუშეთის მუნიციპალიტეტმა გამოაცხადა შესყიდვა შპს „აისის“ მიერ შედგენილი და სამხარაულის ბიუროს მიერ უარყოფითად შეფასებული პროექტით. ტენდერის შედეგად ხელშეკრულება გაუფორმდა შპს UNIX თანხით145.3 ათასი ლარი. ხელშეკრულების ვადის ამოწურვამდე მიმწოდებელმა წერილობით რამდენიმეჯერ მიმართა მუნიციპალიტეტს, სადაც იტყობინებოდა, რომ გამგეობის წარმომადგენლებმა მიაწოდეს კორექტირებული პროექტი, თუმცა რაიმე ტიპის ოფიციალური შეთანხმება მასთან არ გაფორმებულა. კომპანიის ცნობით გამგეობის პასუხისმგებელმა პირებმა მას ვერ მიაწოდეს ინფორმაცია თუ რომელი პროექტით გაეგრძელებინა საქმიანობა, რის საფუძველზედაც შეწყვიტა სამუშაოები. შედეგად მუნიციპალიტეტმა მოსამზადებელი სამუშაოების ღირებულების სახით 33.4 ათასი ლარი გადაიხადა იმ სამუშაოებში რომელიც საბოლოოდ არ დასრულებულა. მომდევნო წელს მუნიციპალიტეტმა გააგრძელა სამუშაოები სადაც გაითვალისწინა წინა წელს გადახდილი თანხები და შესყიდვა გამოაცხადა აღნიშნული თანხით უფრო იაფად.

„საბიუჯეტო დეფიციტის მართვის მიზნით გასატარებელი ზოგიერთი ღონისძიების შესახებ“ საქართველოს მთავრობის 2015 წლის 6 მარტის #422 განკარგულებით, საბიუჯეტო ორგანიზაციებს 2015 წლის გასაწევ ხარჯებთან მიმართებაში დაუწესდათ გარკვეული სახის შეზღუდვები წინა საბიუჯეტო წელთან შედარებით. აღნიშნული პრინციპების გათვალისწინების შეუძლებლობის შემთხვევაში, მხარჯავ დაწესებულებას, თითოეულ პროგრამულ კოდთან მიმართებაში, დასაბუთება უნდა წარედგინა საქართველოს ფინანსთა სამინისტროსთვის, რასაც სამინისტროს მხრიდან ადგილი არ ჰქონია. აღნიშნული პრინციპების დაცვის შესაძლებლობის შემთხვევაში დაზოგილი იქნებოდა დაახლოებით 14 მლნ. ლარი (მ.შ: საბიუჯეტო სახსრებიდან -4.5 მლნ, საკუთარი სახსრებიდან -9.5 მლნ )

10 სახელმწიფო შესყიდვის ხელშეკრულებიდან, სახელმწიფო შესყიდვების ელექტრონული სისტემის CMR-ში, არცერთ შემთხვევაში არ იყო დამატებული ინფორმაცია შესაბამისი ხელშეკრულების ღირებულების ყოველი ფაქტობრივი გადახდის შესახებ. ასევე აუდიტის პერიოდში ხელშეკრულების დადებისას 6 შემთხვევაში არ იყო გათვალისწინებული ის, რომ ხელშეკრულების მოქმედების ვადა სულ მცირე 30 დღით უნდა აღემატებოდეს საქონლის მიწოდების, მომსახურების ან/და სამუშაოს შესრულების ხელშეკრულებით გათვალისწინებულ ვადას.

ა(ა)იპ „ბათუმის საბავშვო ბაღების გაერთიანების“ მიერ გამოცხადებულ გამარტივებულ ელექტრონულ ტენდერში გამარჯვებულთან 2014 წლის 29 აპრილს დადებული ხელშეკრულების მიხედვით, მიმწოდებელს ხელშეკრულების გაფორმებიდან 15 კალენდარული დღის ვადაში უნდა მიეწოდებინა 28 ცალი ტელევიზორი და 1 ცალი LED ტელევიზორი, საკიდით და ფლეშმეხსიერებით. 2014 წლის 13 მაისს მიმწოდებლმა ითხოვა როგორც სახელშეკრულებო ვადის გაზრდა, ასევე ტექნიკური მახასიათევლების ცვლილება. შემსყიდველის მიერ მოხდა მოხოლოდ ვადის გახანგრძლივება. მიუხედავად აღნიშნულისა, კონტრაქტორის მიერ მაინც მოხდა განსხვავებული პარამეტრების მქონე საქაონლის მიწოდება. არ არის განხორციელებული სათანადო კონტროლი მიმწოდებლის მიერ ვალდებულებების შესრულებაზე, რაც შიდა კონტროლის არსებით სისუსტეზე მიუთითებს.

სამედიცინო დეპარტამენტს არ გააჩნია სრულყოფილი ინფორმაცია სადაზღვევო კომპანიის მიერ გაწეული მომსახურების შესახებ, შესაბამისად სტატისტიკური ინფორმაციის მიღება და დამუშავება არ ხდება, რომლის გარეშეც შეუძლებელია ჯანდაცვის სწორი პოლიტიკის ჩამოყალიბება და ჰიგიენური ნორმების დარღვევის შედეგად გამოწვეული დაავადებების პრევენცია.

დაბა ფასანაურში ნაპირსამაგრების მოწყობის სამუშაოებთან დაკავშირებით გაფორმებული ხელშეკრულების მიხედვით მიმწოდებელთან ანაზღაურება ხდება შუალედური შესრულების საფუძველზე. სამუშაოების მიმდინარეობისას წარმოდგენილი ფორმა 2-ების საფუძველზე მიმწოდებელს გადაერიცხა 367.3 ათასი ლარი. შესრულებული სამუშაოების მოცულობას ჩაუტარდა ექსპერტიზა რომლის მიხედვითაც შპს გუმბათი-7-ს შესრულებული ქონდა 367.4 ათასი ლარის ღირებულების სამუშაო. შემსყიდველმა მიმწოდებელს მოთხოვა დაედასტურებინა ჩასხმული ბეტონის ხარისხიც და წარმოედგინა შესაბამისი ექსპერტიზის დასკვნა რაც შპს-მ არ განახორციელა. დღეის მდგომარეობით ობიექტის საბოლოო მიღება-ჩაბარება არ მომხდარა. შედეგად მიმწოდებელს მოწყობილი ნაპირსამაგრის ღირებულება აუნაზღაურდა ისე, რომ მას არ წარმოუდგენია ბეტონის მარკიანობის დამადასტურებელი დოკუმენტაცია.

შტატგარეშე მომუშავეებთან გაფორმებული შრომითი ხელშეკრულებების მიხედვით (დანიშვნის ბრძანებებით) ზოგიერთი შტატგარეშე მოსამსახურე მიღებულია/დანიშნულია 2006, 2009, 2013 წლებიდან - სხვადასხვა პოზიციებზე, მაშინ როდესაც, სამინისტროში ვაკანტური ადგილებია. ზემოაღნიშნული შტატგარეშე მოსამსახურეები 2016 წლის 1 იანვრის მდგომარეობითაც ასრულებენ თავიანთ მოვალეობებს.

კაპელის მიერ საგადასახადო ორგანოში 2015 წლის 31 მარტს წარდგენილი იყო 2014 წლის მოგების გადასახადის ნულოვანი დეკლარაცია, თუმცა ფინანსური ანგარიშგების დანართ ფორმა N 4-ში - „ანგარიში ეკონომიკური საქმიანობით მიღებული სახსრების მოძრაობის შესახებ“, ,,სულ საოპერაციო შემოსავლები და შემოსულობები“ ასახული იყო თანხა 19.7 ათასი ლარის ოდენობით, ,,სულ საოპერაციო ხარჯები და გადასახდელები“ ასახული იყო თანხა 19.5 ათსი ლარის ოდენობით, ხოლო ,,ნაშთი წლის ბოლოს“ შეადგენდა - 0.3 ათას ლარს.

სამხედრო ქვედანაყოფების გარკვეულ ნაწილში სასმელი წყალი არ აკმაყოფილებს შესაბამის ნორმებს, რაც სამხედრო მოსამსახურეთა ჯანმრთელობაზე შესაძლოა უარყოფითად აისახოს.

რაზიკაშვილის ქუჩის გზის რეაბილიტაციის სამუშაოებთან დაკავშრებით 2015 წლის 25 დეკემბერს შპს ინჟინერმა გზის ლაბორატორიული შემოწმების შედეგების ამსახველი ექსპერტიზის დასკვნა, წარუდგინა გამგეობას, რომელშიდაც არ იყო ასახული 4 სხვადასხვა კომპონენტზე ჩატარებული გამოცდის შედეგები. კერძოდ, დასკვნაში არ ფიქსირდება, წყალგაჯერების, გაჯირჯვების, სიმტკიცის და წყალმედეგობის მაჩვენებლები. 2016 წლის 28 აპრილს შემსრულებელმა გამგეობას წარუდგინა მეორე ლაბორატორიული კვლევის შედეგები სადაც დასახელებული მონაცემები უკვე შევსებულია. წარმოდგენილი დასკვნებში ასფალტის ნიმუშის აღების ადგილი და თარიღი, ასევე დასკვნების ნომრები და გაცემის თარიღი ერთმანეთს ემთხვევა. აუდიტის ჯგუფმა ვერ მოიპოვა საკმარისი და შესაფერისი მტკიცებულებები იმისა, თუ რომელი ანალიზის შედეგები შეესაბამება დაგებული ასფალტის ფაქტობრივ მახასიათებლებს.

2015 წლის განმავლობაში განხორციელებული ცვლილებებით სამინისტროს აპარატის (26 01) „შრომის ანაზღაურების“ მუხლი შემცირებულია 1,063 ათასი ლარით და დაზუსტდა 4,129 ათას ლარამდე აღნიშნული მიუთითებს „შრომის ანაზღაურების“ ფონდის გაზრდილი ოდენობით დაგეგმვაზე შემდგომში სხვა მუხლებსა და სამინისტროს სისტემის სხვადასხვა ორგანიზაციებზე გადასანაწილებლად; 2015 წლის ბიუჯეტით დამტკიცებული 230 ერთეული საშტატო ნუსხის ფარგლებში, ვაკანსიების საშუალო ოდენობა შეადგენდა 79 ერთეულს. 2014 წელს დამტკიცებული 316 ერთეული საშტატო ნუსხის ფარგლებში, ვაკანსიების საშუალო ოდენობა შეადგენდა 159 ერთეულს.2015 წელს პრემიის საშუალოთვიური ოდენობა შეადგენდა 68 ათას ლარს, ხოლო დანამატის-70 ათას ლარს, მაშინ როდესაც, 2014 წლის ანალოგიური მაჩვენებელი შესაბამისად, 95 ათასი და 39 ათასი ლარის ტოლია. ზემოაღნიშნულმა ანალიზმა გვიჩვენა, რომ მთავრობის 2014 წლის 15 ივლისის #449 დადგენილებით მართალია შეიზღუდა „პრემიის“ ქვემუხლით გაცემული თანხების მოცულობა, თუმცა მკვეთრად გაიზარდა „დანამატის“ ქვემუხლით გაცემული საბიუჯეტო სახსრების ოდენობა. წლის განმავლობაში ერთი და იმავე თანამშრომლებზე სისტემატიურად წესდებოდა ერთი და იგივე ოდენობის დანამატები;

სამხედრო მოსამსახურეთა ავადმყოფობის გამო შვებულებაში გასვლის წესი არ პასუხობს თანამედროვე სტანდარტებს. თითოეულ შემთხვევაში გადაწყვეტილებას იღებს სამხედრო-სამედიცინო კომისია, რის გამოც საჭირო ხდება ავადმყოფის გორის სამხედრო ჰოსპიტალში ტრანსპორტირება, (შორი მანძლით დაშორებული ადგუილებიდან) რადგან სამხედრო ქვედანაყოფის უფროსს ექიმის შუამდგომლობით, მხოლოდ 7 დღით აქვს შვებულების გაცემის უფლება. აღნიშნული ხარვეზები გავლენას ახდენს როგორც მომსახურების ხელმისაწვდომობაზე, ასევე ადამიანური და მატერიალური რესურსის არაეკონომიურ ხარჯვაზე.

რაზიკაშვილის ქუჩის გზის რეაბილიტაციის სამუშაოებთან დაკავშრებით 2014 წლის 8 დეკემბერს ტექნიკურმა ზედამხედველმა მუნიციპალიტეტს მიწერა წერილი, რომლის მიხედვითაც ის უარს ამბობდა მიმწოდებლის მიერ 10 ოქტომბერს შედგენილი ფარული სამუშაოების აქტების დადასტურებაზე. 2014 წლის 9 დეკემბერს კი მიმწოდებელმა მუნიციპალიტეტს წარუდგინა ფარული სამუშაოების დამადასტურებელი დოკუმენტაცია, რომელიც ხელმოწერილია და დადასტურებულია ზედამხედველის მიერ.

„სახელმწიფო შიდა ფინანსური კონტროლის შესახებ“ 2010 წლის 26 მარტს მიღებული საქართველოს კანონით, საქართველოს სამინისტროებს დაევალათ შიდა აუდიტის სუბიექტების შექმნა . „საქართველოს იუსტიციის სამინისტროს დებულების დამტკიცების შესახებ“ საქართველოს მთავრობის 2013 წლის 30 დეკემბრის #389 დადგენილებით, სამინისტროს სტრუქტურულ ქვედანაყოფებს დაემატა შიდა აუდიტის დეპარტამენტი, რომლის დებულება დამტკიცდა საქართველოს იუსტიციის მინისტრის 2014 წლის 28 იანვრის #4 ბრძანებით. მიუხედავად დაგვიანებით მიღებული ზემოაღნიშნული რეგულაციებისა, აუდიტის მიმდინარეობისას (2016 წლის აპრილი) იუსტიციის სამინისტროში, შიდა აუდიტის დეპარტამენტი ფაქტობრივად ცალკე სუბიექტად ჩამოყალიბებული არ ყოფილა(2014 და 2015 წელს დეპარტამენტის დაკომპლექტების მიზნით კონკურსი გამოცხადდა ორჯერ, თუმცა ორივე შემთხვევაში კონკურსი ჩაშლილად გამოცხადდა).

უანგარო დონაციის პრობლემა ერთ-ერთ მნიშვნელოვან მიზეზს წარმოადგენს იმისა, რომ სამხედრო ჰოსპიტალი არ მონაწილეობს „უსაფრთხო სისხლის “ სახელმწიფო პროგრამაში და ვერ იღებს შესაბამის დაფინანსებას. შედეგად, დონაციის თითოეული შემთხვევა და შესაბამისად დამზადებული სისხლიც, მას 22 ლარით მეტი უჯდება, ვიდრე იმ სამედიცინო დაწესებულებებს, რომლებიც მონაწილეობენ ამ პროგრამაში. სამინისტროსა და ჰოსპიტალის ხელმძღვანელობის მიერ არ გატარებულა საჭირო ღონისძიებები აღნიშნული პრობლემის გადასაწყვეტად. უნაგარო დონაცია სამხედრო მოსამსახურეებისთვის დაავადებათა პრევენციის საშუალებასაც წარმოადგენს.

რაზიკაშვილის ქუჩის გზის რეაბილიტაციის საბოლოო მიღება-ჩაბარების აქტში მშენებლობის დასრულების თარიღად მითითებულია 2015 წლის 1 სექტემბერი, აღნიშნულის საფუძველია ტექნიკური ზედამხედველის დასკვნა, რომელიც დგება სამუშაოების დამთავრებისას. ამავე ზედამხედველის 2015 წლის 9 და 11 სექტემბრის წერილებში აღნიშნულია, რომ იოსელიანის ქუჩაზე მითითებული თარიღისთვის გარკვეული სამუშაოები შესრულებულია და მშენებლობა ისევ გრძელდება

მიუხედავად 2015 წლის თავდაპირველად დამტკიცებული საბიუჯეტო ასიგნებების 3,555 ათასი ლარით შემცირებისა, ხშირ შემთხვევებში ადგილი ჰქონდა პროგრამის ფარგლებში აუთვისებელი საბიუჯეტო სახსრების როგორც პროგრამის შიდა, ასევე სხვადასხვა პროგრამებზე გადანაწილებას. რიგ შემთხვევებში, 2014-2015 წლებში გადანაწილების დასაბუთების წერილებში არ არის მითითებული, თუ რომელი აქტივობების (ღონისძიებების) ხარჯზე განხორციელდა საბიუჯეტო სახსრების გადანაწილება . რიგ შემთხვევებში კი გადანაწილებული აქტივობების გათვალისწინება შესაძლებელი იყო დაგეგმვის ეტაპზეც.

რაზიკაშვილის ქუჩის და ბაზრის უკან არსებული მოედნის სარეაბილიტაციო სამუშაოების მშენებლობის ტექნიკური ზედამხედველის წერილობითი ახსნა-განმარტების მიხედვით მიმწოდებელი ხშირად წყვეტდა სამუშაოებს, რის მიზეზადაც ძირითად შემთხვევაში ფირმის უსახსრობა სახელდებოდა. ზედამხედველის 2015 წლის 21 მარტის წერილით ასევე ირკვევა, რომ ამ დროისთვის მშენებლობა გაჩერებული იყო. შპს ინჟინერთან გაფორმებული შეთანხმებით, სამუშაოების მიწოდების ვადა გაიზარდა 2015 წლის 15 აპრილამდე. კომპანიის ფინანსური პრობლემები არ შეიძლებოდა ყოფილიყო მუნიციპალიტეტისთვის სამუშაოების ვადის გადაწევის საფუძველი. ხელშეკრულებაში შეტანილი ცვლილებით მიმწოდებელმა ფაქტობრივად თავი აარიდა შესაბამის დღეებზე პირგასამტეხლოს დარიცხვას. იმ შემთხვევაში თუ მუნიციპალიტეტი შპს-ს არ გადაუწევდა სამუშაოების მიწოდების ვადას მას დაერიცხებოდა პირგასამტეხლო 2015 წლის 1 სექტემბრამდე, როდესაც გაფორმდა ბოლო ფორმა 2, რაც ჯამში შეადგენს 22.8 ათას ლარს.

რაზიკაშვილის ქუჩის და ბაზრის უკან არსებული მოედნის სარეაბილიტაციო სამუშაოებზე 2015 წლის დეკემბერში, შპს ინჟინერმა შემსყიდველს წარუდგინა ლევან სამხარაულის სასამართლო ექსპერტიზის დასკვნა, სადაც აღნიშნულია, რომ შესრულებული სამუშაოს ხარისხი არ აკმაყოფილებს არსებულ სტანდარტს. მიუხედავად ამისა დუშეთის მუნიციპალიტეტის გამგეობამ მაინც ჩაიბარა ობიექტი იმ პირობით, რომ მიმწოდებელი არსებულ ხარვეზებს გამოასწორებდა 2016 წლის მაისამდე. აღსანიშნავია, რომ მიმწოდებელმა მითითებული თარიღისთვის ხარვეზები არ გამოასწორა, შესაბამისად ყოველ ვადაგადაცილებულ დღეზე მას უნდა დარიცხოდა პირგასამტეხლო 239 ლარის ოდენობით.

2016 წლის 1 იანვრის მდგომარეობით, სამინისტროს (26 01) ბალანსზე ირიცხება 8,097.8 ათასი ლარის „დაუმთავრებელი აქტივი“, საიდანაც 7,903.01 ათასი ლარის აქტივი უკავშირდება იუსტიციის სახლების მშენებლობებს, რომლებიც გარდა სამინისტროს აპარატისა, განხორციელებულია სამინისტროს სისტემის სხვადასხვა სუბიექტის მიერ (სსიპ აღსრულების ეროვნული ბიუროს, სამინისტროს ცენტრალური აპარატის, სსიპ საჯარო რეესტის ეროვნული და სსიპ სახელმწიფო სერვისების განვითარების სააგენტოს მიერ). რეალურად სამინისტროს მიერ „დაუმთავრებელ აქტივად“ აღიარებული იუსტიციის სახლებზე გაწეული სამუშაოები არ წარმოადგენს დაუმთავრებელ მშენებლობებს, ვინაიდან ისინი უკვე ფუქციონირებენ სრული დატვირთვით და სახლების უმრავლესობა დარეგისტრირებულია როგორც სახელმწიფო ქონება;

უმაღლესი საბჭოს 2014 წლის ბალანსის დანართი ფორმა N2-ით, ძირითადი კაპიტალის მოხმარება შეადგენს 159.8 ათას ლარს, ხოლო დანართი ფორმა N3-ის თანახმად - 176.4 ათას ლარს. წარმოდგენილი დოკუმენტაციის ანალიზის შედეგად გამოვლინდა, რომ მოქმედი მარეგულირებელი ნორმების გათვალისწინებით, 2014 წლის 31 დეკემბრის მდგომარეობით, ძირითადი კაპიტალის მოხმარება შეადგენს 443.7 ათას ლარს.

იოსელიანის ქუჩის სარეაბილიტაციო სამუშაოებთან დაკავშირებით 2015 წლის 25 დეკემბერს შპს ინჟინერმა გზის ლაბორატორიული შემოწმების შედეგების ამსახველი ექსპერტიზის დასკვნა, წარუდგინა გამგეობას, რომელშიდაც არ იყო ასახული 4 სხვადასხვა კომპონენტზე ჩატარებული გამოცდის შედეგები. კერძოდ, დასკვნაში არ ფიქსირდება, წყალგაჯერების, გაჯირჯვების, სიმტკიცის და წყალმედეგობის მაჩვენებლები. 2016 წლის 28 აპრილს შემსრულებელმა გამგეობას წარუდგინა მეორე ლაბორატორიული კვლევის შედეგები სადაც დასახელებული მონაცემები უკვე შევსებულია. წარმოდგენილი დასკვნებში ასფალტის ნიმუშის აღების ადგილი და თარიღი, ასევე დასკვნების ნომრები და გაცემის თარიღი ერთმანეთს ემთხვევა. აუდიტის ჯგუფმა ვერ მოიპოვა საკმარისი და შესაფერისი მტკიცებულებები იმისა, თუ რომელი ანალიზის შედეგები შეესაბამება დაგებული ასფალტის ფაქტობრივ მახასიათებლებს

2016 წლის 1 იანვრის მდგომარეობით სამინიტროს ბალანსზე ირიცხება 2009 წლის 23 დეკემბერს, უსასყიდლოდ გადაცემული ქ.ხაშურში, კოსტავას ქუჩა #11-ში მდებარე 763 კვ.მ მიწის ნაკვეთი და მასზე განთავსებული შენობა-ნაგებობა #1 სართო ფართით 455 კვ.მ, #2 ავტოფარეხი ფართით 225.39 კვ.მ, #3 საერთო ფართით 54.71 კვ.მ. სულ ღირებულებით- 35,503 ლარი (მიწის(უძრავი ქონების) საკადასტრო კოდი #69.08.58.036). მთლიანი ღირებულებიდან არ არის გამიჯნული მიწისა და შენობის ღირებულებები - შესაბამისად ცვეთა ერიცხება შენობა-ნაგებობას არაწარმოებულ აქტივთან ერთად

უმაღლესი საბჭოს 2014 წლის ბალანსის დანართი ფორმა N5-ის თანახმად, ძირითადი აქტივების გასვლა სხვა ეკონომიკური ნაკადებით შეადგენს 297.4 ათას ლარს. მოქმედი მარეგულირებელი ნორმების გათვალისწინებით, 2014 წლის 31 დეკემბრის მდგომარეობით, აჭარის ავტონომიური რესპუბლიკის უმაღლესი საბჭოს ბალანსზე რიცხული ძირითადი აქტივების გასვლა სხვა ეკონომიკური ნაკადებით, ნაცვლად ზემოაღნიშნულისა, შეადგენს 31.1 ათას ლარს.

2010 წელს დაიწყო სსიპ მდგრადი განვითარების პროექტების განმახორციელებელი სააგენტოს ლიკვიდაციის პროცესი. სამინისტროს ბალანსზე ასახულია აღნიშნული სააგენტოს აქტივები და ვალდებულებები. 2014 წლის 31 დეკემბრის მდგომარეობით ლიკვიდაციის პროცესი დასრულებული არ არის.

იოსელიანის ქუჩის სარეაბილიტაციო სამუშაოებთან დაკავშირებით 2014 წლის 8 დეკემბერს ტექნიკურმა ზედამხედველმა მუნიციპალიტეტს მიწერა წერილი, რომლის მიხედვითაც ის უარს ამბობდა მიმწოდებლის მიერ 10 ოქტომბერს შედგენილი ფარული სამუშაოების აქტების დადასტურებაზე. 2014 წლის 9 დეკემბერს კი მიმწოდებელმა მუნიციპალიტეტს წარუდგინა ფარული სამუშაოების დამადასტურებელი დოკუმენტაცია, რომელიც ხელმოწერილია და დადასტურებულია ზედამხედველის მიერ.

2016 წლის 1 იანვრის მდგომარეობით იუსტიციის სამინისტროს აპარატის ბალანსზე ირიცხება (57.95 ათასი ლარის ნარჩენი საბალანსო ღირებულების) 2009-2010 წლებში გადმოცემული არასაცხოვრებელი შენობა-ნაგებობები ქ. ხაშურსა და ლანჩხუთში, რომლის ფაქტიური მოსარგებლე დაუსაბუთებელია

უმაღლესი საბჭოს აპარატის უფროსი 2014 წლის 6 მაისიდან 31 მაისის ჩათვლით მივლინებით იმყოფებოდა ჩინეთის სახალხო რესპუბლიკაში. შესაბამისი მოწვევის თანახმად, ჩინეთის სახალხო რესპუბლიკის მთავრობა, 2014 წლის 8 მაისიდან 28 მაისამდე პერიოდში, ფარავდა მივლინებული პირის მგზავრობის, კვების, სასტუმროს, დაზღვევის და სხვა ხარჯებს. ზემოაღნიშნულის გათვალისწინებით, მივლინებულ პირზე რესპუბლიკური ბიუჯეტიდან ანაზღაურებას ექვემდებარებოდა 1.5 ათასი ლარი, თუმცა ანაზღაურებული იქნა 1.8 ათასი ლარი.

სამინისტროს აპარატს არ აქვს დანერგილი შესაფერისი კომპიუტერული პროგრამა, რომლის საშუალებითაც მოხდება ბუღალტრული ჩანაწერების წარმოება და შესაბამისი ფინანსური ინფორმაციის მომზადება. აღნიშნული გარემოებიდან გამომდინარე, მექანიკური შეცდომების რისკი უფრო მაღალია, ვიდრე სისტემატიზირებულ პროგრამაში მუშაობისას იქნებოდა.

ბენეფიციართა რეგისტრაციის არსებული პრაქტიკის ნაკლოვანებები- გამოკითხულ ბენეფიციართა თითქმის ნახევარი დარეგისტრირებულია საქართველოს შრომის, ჯანმრთელობისა და სოციალური დაცვის მინისტრის ბრძანებით დადგენილი წესის გაუთვალისწინებლად. კერძოდ, გამოკითხულთა 48%-მა განაცხადა, რომ სამედიცინო მომსახურების განმახორციელებელი (ამბულატორია) არ შეურჩევია საკუთარი სურვილით და მათი დარეგისტრირება მოხდა ავტომატური პრინციპით. კაპიტაციური მეთოდის ფარგლებში, სამედიცინო მომსახურების პაკეტის გათვალისწინებით, ყოველ რეგისტრირებულ ბენეფიციარებზე ყოველთვიურად ხდება თანხის ანაზღაურება, იმის მიუხედავად ისარგებლა თუ არა ბენეფიციარმა სამედიცინო მომსახურებით. შესაბამისად, ბენეფიციართა ზემოთაღნიშნულ რაოდენობაზე სახელმწიფოს მხრიდან ხდება თანხის ანაზღაურება, ხოლო ბენეფიციარების ნაწილს შესაბამისი ინფორმაციის უქონლობის გამო არ უსარგებლიათ სამედიცინო მომსახურებით. მოსარგებლეები მიმართავენ სამედიცინო პუნქტებს გადაუდებელი შემთხვევების დროს, ნაცვლად ჯანმრთელობის გეგმური მონიტორინგისა, რაც გრძელვადიან პერიოდში იწვევს დაავადებათა დაგვიანებულ გამოვლენასა და მომდევნო ეტაპებზე გასაწევი ხარჯების ზრდას როგორც სახელმწიფოს, ასევე, ბენეფიციართა მხრიდან. არსებული ნაკლოვანება უარყოფით გავლენას ახდენს სამედიცინო მომსახურების ბაზარზე კონკურენტული გარემოს ჩამოყალიბებაზე და შესაბამისად ამცირებს მომსახურების ხარისხის გაუმჯობესების მოტივაციას ამბულატორიებისთვის. ბენეფიციართა რეგისტრაციისა და მონაცემთა მართვის პროცესში არსებული ნაკლოვანებების პირობებში, იზრდება ფინანსური რესურსების არაპროდუქტიულად ხარჯვის რისკი.

იოსელიანის ქუჩის გზის რეაბილიტაციის საბოლოო მიღება-ჩაბარების აქტში მშენებლობის დასრულების თარიღად მითითებულია 2015 წლის 21 ივლისი, აღნიშნულის საფუძველია ტექნიკური ზედამხედველის დასკვნა, რომელიც დგება სამუშაოების დამთავრებისას. ამავე ზედამხედველის 2015 წლის 29 ივლისის წერილში აღნიშნულია, რომ იოსელიანის ქუჩაზე მითითებული თარიღისთვის გარკვეული სამუშაოები შესრულებულია და მშენებლობა ისევ გრძელდება.

სამინისრეოს აპარატის (26 01) ბალანსზე რიცხულია 40.9 ათასი ლარის კრედიტორული დავალიანება, რომელიც მომდინარეობს 2001-2011 წლებიდან.

უმაღლესი საბჭოს აპარატის ბალანსზე რიცხულ 20 ერთეულ ავტოსატრანსპორტო საშუალებაზე გაწეულმა სათადარიგო ნაწილების, შეკეთების, ტექნიკური მომსახურებისა და სხვა ხარჯებმა, გარდა საწვავისა, შეადგინა 88.7 ათასი ლარი. გაწეული ხარჯებიდან მნიშვნელოვანი წილი მოდის მაღალი გამავლობის, 2009 წელს გამოშვებული, 20.0 ათასი ლარის ნარჩენი საბალანსო ღირებულების ავტომანქანა TOYOTA PRADO-ს ექსპლუატაციისა და მოვლა-შენახვის ხარჯებზე, რომელმაც, 2014 წლის განმავლობაში, საწვავის ხარჯების გარეშე, შეადგინა 25.4 ათასი ლარი.

გარემოსდაცვითი ზედამხედველობის დეპარტამენტს 2014 წლის 31 დეკემბრის მდგომარეობით არ ჰქონდა დასრულებული ძირითადი აქტივების ინვენტარიზაცია და შესაბამისად, აუდიტის ჯგუფმა ვერ მოვიპოვა საკმარისი აუდიტორული რწმუნება დეპარტამენტის ბალანსზე აღრიცხული ძირითადი აქტივების სისრულესა და არსებობაზე.

2.გეგმური ამბულატორიული მომსახურების ხელმისაწვდომობაში არსებული ნაკლოვანებები: 2.1. დემოგრაფიული ხელმისაწვდომობის პრობლემები- 2014 წელს პროგრამაში მონაწილე ამბულატორიების 23% აჭარბებდა საერთაშორისო პრაქტიკით განსაზღვრულ ლიმიტს-რეგისტრირებული პაციენტები აღემატებოდა 2,000 პირს, რაც აფერხებს სამედიცინო მომსახურების ხელმისაწვდომობასა და დროულობას. 2.2. გეოგრაფიული ხელმისაწვდომობის პრობლემები- მოსახლეობას წვდომა უნდა ჰქონდეს ოჯახის ექიმის მომსახურებაზე სახლთან ახლოს, თუმცა პროგრამაში ჩართული ამბულატორიების ნაწილი ვერ სთავაზობს ბენეფიციარებს სხვადასხვა კვლევების და სპეციალისტების მომსახურებას იმავე ამბულატორიაში, სადაც ოჯახის ექიმია. შესაბამისად, ამბულატორია ხელშეკრულების საფუძველზე ქვე-კონტრაქტორად ირჩევს ბაზარზე არსებულ სხვა ამბულატორიას, რომელიც გარკვეული ანაზღაურების სანაცვლოდ მომსახურებას გაუწევს დარეგისტრირებულ ბენეფიციარებს. პროგრამაში ჩართული ამბულატორიების 15%-ს ქვე-კონტრაქტორი ამბულატორია არ ჰყავს შერჩეული იმავე ქალაქში სადაც ის თავად ფუნქციონირებს. აღნიშნული, ქმნის დაბრკოლებას ბენეფიციართათვის და ნაწილობრივ წარმოშობს ხელმისაწვდომობის პრობლემას.

2015 წლის დეკემბერში, იოსელიანის ქუჩის გზის სარეაბილიტაციო სამუშაოებზე შპს ინჟინერმა შემსყიდველს წარუდგინა ლევან სამხარაულის სასამართლო ექსპერტიზის დასკვნა, სადაც აღნიშნულია, რომ შესრულებული სამუშაოს ხარისხი არ აკმაყოფილებს არსებულ სტანდარტს. მიუხედავად ამისა დუშეთის მუნიციპალიტეტის გამგეობამ მაინც ჩაიბარა ობიექტი, იმპირობით რომ შემსრულებელი არსებულ ხარვეზებს გამოასწორებდა 2016 წლის მაისამდე. აღსანიშნავია, რომ მიმწოდებელმა მითითებული თარიღისთვის ხარვეზები სრულად არ გამოასწორა, შესაბამისად ყოველ ვადაგადაცილებულ დღეზე მას უნდა დარიცხოდა პირგასამტეხლო 180 ლარის ოდენობით

2015 წლის 31 დეკემბრისათვის საბალანსო ანგარიშზე „მოთხოვნები არაფინანსური აქტივების დანაკლისებით“ რიცხულმა ნაშთმა შეადგინა 127.4 ათასი ლარი, საიდანაც 87.5 ათასი ლარის დანაკლისი წარმოადგენს 2014 წლის 27 იანვრის #83 ბრძანების საფუძველზე ჩატარებული ინვენტარიზაციის შედეგს. კერძოდ, გამოვლინდა „სხვა მანქანა-დანადგარები და ინვენტარის“ ანგ. #2120-ზე 87,521 ლარის ღირებულების 557 ცალი აქტივების დანაკლისი, ამავე ანგარიშზე გამოვლინდა ღირებულების გარეშე 57 ერთეულის ბალანსზე აღურიცხაობა. „გრძელვადიანი მცირეფასიანი აქტივების“ ანგ.#2200-ზე იდენტიფიცირებულ იქნა ბუღალტრულ ჩანაწერებში ღირებულების გარეშე აღრიცხული 160 ერთეული მცირეფასიანი აქტივი. ასევე, გამოვლინდა საცნობარო მუხლის ანგ. #10-ზე (ექსპლუატაციაში მყოფი ხარჯებში ჩამოწერილი გრძელვადიანი მცირეფასიანი აქტივები) რიცხული 457 ცალი ერთეულის დანაკლისი.

ავტოსატრანსპორტო საშუალების სახელმწიფო შესყიდვის მიზნით გამოცხადებული გამარტივებული ელექტრონული ტენდერის ტექნიკური პირობის შესაბამისად, შესყიდვის საგანს წარმოადგენდა მსუბუქი მაღალი გამავლობის ავტომობილის შეძენა. ტენდერში გაიმარჯვა შპს „კია მოტორს ჯორჯიამ“, რომლის მიერ წარმოდგენილი ტექნიკური მახასიათებლებით, შემსყიდველისთვის უნდა მიეწოდებინა 2.0 ძრავის მქონე ავტომანქანა KIA SPORTAGE მექანიკური, 6 საფეხურიანი გადაცემათა კოლოფით, რაზეც გაფორმდა შესაბამაისი ხელშეკრულება . დამატებით წარმოდგენილი დოკუმენტაციით დგინდება, რომ უმაღლესი საბჭოსთვის მიწოდებული იქნა 2.0 ძრავის მქონე KIA SPORTAGE ავტომატური გადაცემათა კოლოფით , რაც შეუსაბამოა სატენდერო მოთხოვნებთან.

56 ძირითად აქტივს ცვეთა ერიცხებოდა არასწორი ცვეთის კოეფიციენტებით , რის გამოც 2014 წელს ზედმეტად დარიცხულია 5,025 ლარის ცვეთის ხარჯი.

3.მოსახლეობის არასაკმარისი ინფორმირებულობა- გამოკითხულ ბენეფიციართა ინფორმირებულობა დაბალია პროგრამის ფარგლებში არსებული სამედიცინო მომსახურებებისა და დაფინანსების ოდენობის შესახებ. გამოკითხულ ბენეფიციართა 52% საერთოდ არ ფლობდა ინფორმაციას რა სახის სამედიცინო მომსახურებებით შეეძლოთ ესარგებლათ პროგრამის ფარგლებში. ასევე, გამოკითხულ ბენეფიციართა 55%-ის განცხადებით მათ არასდროს მიუღიათ საინფორმაციო ბროშურა პროგრამის შესახებ. ამბულატორიებში წარმოდგენილი საინფორმაციო ფურცელი არ ასახავს პროგრამის შესახებ არსებულ დეტალურ ინფორმაციას. ინფორმირებულობის არასაკმარისი მაჩვენებელი, იწვევს ამბულატორიული მომსახურების დაბალ უტილიზაციას და შესაბამისად, აფერხებს დაავადებათა ადრეულ ეტაპზე გამოვლენას. ამავდროულად, ბენეფიციარებისთვის არ არის ხელმისაწვდომი დეტალური ინფორმაცია კუთვნილი მომსახურებებისა და დაფინანსების წესის შესახებ, რაც თავის მხრივ ზრდის ბენეფიციართა მხრიდან ამბულატორიებში ე. წ.“ჯიბიდან გადახდილი თანხების“ რისკებს.

რაზიკაშვილის ქუჩის გზის რეაბილიტაციის საბოლოო მიღება-ჩაბარების აქტში მშენებლობის დასრულების თარიღად მითითებულია 2015 წლის 1 სექტემბერი, აღნიშნულის საფუძველია ტექნიკური ზედამხედველის დასკვნა, რომელიც დგება სამუშაოების დამთავრებისას. ამავე ზედამხედველის 2015 წლის 9 და 11 სექტემბრის წერილებში აღნიშნულია, რომ იოსელიანის ქუჩაზე მითითებული თარიღისთვის გარკვეული სამუშაოები შესრულებულია და მშენებლობა ისევ გრძელდება.

სამინისტროს აპარატის ბალანსზე რიცხული 312.9 ათასი ლარის დებიტორული დავალიანებიდან, 2015 წელს წარმოშობილი 163.2 ათასი ლარის დავალიანება, წარმოადგენს წინასწარი გადახდების შედეგს, საიდანაც 127,2 ათასი ლარის დავალიანება სამინისტროსა და სხვადასხვა ა(ა)იპ-ებს/ორგანიზაციებს შორის საგრანტო პროექტების ფარგლებში გაფორმებული ხელშეკრულებებით წარმოქმნილი დავალიანებაა. საგრანტო პროექტების ფარგლებში მონიტორინგსა და მიღება-ჩაბარების აქტების გაფორმებას ახორციელებს სსიპ - დანაშაულის პრევენციის ცენტრი (პროგ. კოდი 26 07). აღნიშნული დავალიანება თავისი შინაარსით არ აკმაყოფილებს აქტივად აღიარების კრიტერიუმს.

მთავრობის აპარატში აუდიტის პერიოდში დასაქმებულია 15 შტატგარეშე მოსამსახურე, რომელთა შრომითი ანაზღაურების სახით გაწეულია 105.9 ათასი ლარი. ხელშეკრულებებში არ არის მითითებული შესასრულებელ სამუშაოთა დასახელებები, აგრეთვე არ არის წარმოდგენილი ხელშეკრულების პირობების შესაბამისად გაწეული საქმიანობის შესახებ წერილობითი დადასტურება. აღნიშნული ნაკლოვანება ასახულია წინა პერიოდის აუდიტის შედეგებშიც.

სსიპ დაცული ტერიტორიების სააგენტოს არაფინანსური აქტივების ინვენტარიზაციის შედეგები არ აქვს გათვალისწინებული და ასახული 2014 წლის 31 დეკემბერის მდგომარეობით შედგენილ ბალანსში. არაფინასური აქტივების რეესტრში ასახული ბრუნვები არ ედრება მემორიალური ორდერების ბრუნვებს. გამომდიანრე იქიდან, რომ სააგენტო არ იყენებს სისტემატიზირებულ ბუღალტრულ პროგრამას, დამატებითი პროცედურების ჩატარება შეუძლებელი გახდა საკმარისი აუდიტორული მტკიცებულებების მოსაპოველბად 2014 წლის 31 დეკემბრის მდგომარეობით მომზადებულ ბალანსში ასახულ არაფინანსურ აქტივებთან მიმართებით.

რაზიკაშვილის ქუჩის სარეაბილიტაციო სამუშაოებზე მიმწოდებელმა მუნიციპალიტეტს წარუდგინა 12,0 ათასი ლარის ღირებულების ხელშეკრულების უზრუნველყოფის საბანკო გარანტია. მიუხედავად იმისა რომ შპს „ინჟინერმა“ ვერ მოახერხა სამუშაოების ჯეროვნად შესრულება ხელშეკრულებით გათვალისწინებულ ვადებში, მუნიციპალიტეტმა არ მოითხოვა გარანტიის ვადის გაგრძელება და შესაბამისად დაკარგა 12,0 ათასი ლარის მიღების შესაძლებლობა.

სამინისტროს აპარატის ბალანსზე რიცხული დავალიანებიდან, 61.4 ათასი ლარის დებიტორული დავალიანება მომდინარეობს 1996-2012 წლებიდან. აღნიშნული ხანდაზმული დავალიანებები წარმოადგენს ძირითადად ბიუჯეტში ზედმეტად გადახდილ გადასახადებს.

მთავრობის აპარატის კუთვნილი ავტოსატრანსპორტო საშუალებებიდან 3 ერთეული, აღრიცხულია როგორც მორიგე ავტოსატრანსპორტო საშუალება. აღნიშნული ავტოსატრანსპორტო საშუალებების, მიერ საანგარიშო პერიოდში გახარჯულია 11 846 ლიტრი საწვავი, რაც მთლიანი საწვავის ხარჯის 29.6%-ია. აღსანიშნავია, რომ აპარატში არ ხდებოდა მორიგე ავტოსატრანსპორტო საშუალებების დანიშნულებისამებრ გამოყენების განმსაზღვრელი დოკუმენტების წარმოება, რითაც დადასტურდებოდა სამეურნეო ოპერაციის მოხდენის ფაქტი, ხოლო ერთ ავტოსატრანსპორტო საშუალებას ჩაუტარდა 1.6 ათასი ლარის ღირებულების სათუნუქე და სამღებრო სამუშაოები, თუმცა არ არის დაფიქსირებული დაზიანების გამომწვევი მიზეზები.

2014 წლის 31 დეკემბრის მდგომარეობით, სააგენტოს ბალანსზე მოთხოვნები აქტივების მიღებაზე წინასწარი გადახდებით და სხვა დანარჩენი მოკლევადიანი მოთხოვნები, ასახულია 4 934.3 ათასი ლარის ოდენობის დებიტორული დავალიანება, რომელიც არ აკმაყოფილებს აქტივად აღიარების კრიტერიუმს, შესაბამისად აღნიშნული თანხით გაზრდილია აქტივები. აღნიშნულთან დაკავშირებით სააგენტოს მიერ მოწოდებული ინფორმაციით, ზემოთაღნიშნული გარემოება განმარტებულია შემდეგნაირად: „ბუნების დაცვის პროგრამა სამხრეთ კავკასია-საქართველო, ჯავახეთის ეროვნული პარკის შექმნა საქართველოში (KFW)“ და „დაცული ტერიტორიებს მხარდაჭერის პროგრამა კავკასიაში-საქართველო“, ფარგლებში გამოიყო გრანტი სახელმწიფო ბიუჯეტის თანადაფინანსებასთან ერთად. ამ ასიგნებებიდან, სააგენტო განკარგავდა მხოლოდ თანადაფინანსების სახსრებს, ხოლო ნაწილი თანხების იხარჯებოდა გერმანიის ფედერალურ რესპუბლიკაში დონორი ორგანიზაციის მიერ, რომლის ასახვაც სახელმწიფო ბიუჯეტში ხორციელდებოდა დონორი ორგანიზაციის მიერ საქართვრელოს ფინანსთა სამინისტროში წარმოდგენილი ჩარიცხვის დოკუმენტების (ე.წ ლოგასი) საფუძველზე. მიუხედავად სააგენტოს მრავლაჯერადი მოთხოვნისა, დონორი ორგანიზაციის მიერ არ იქნა წარმოდგენილი ხარჯების დამადასტურებელი პირველადი დოკუმენტაცია, რის გამოც ვერ მოხერხდა ზემოთაღნიშნული დებიტორული დავალიანების ჩამოწერა.

იოსელიანის ქუჩის გზის სარეაბილიტაციო სამუშაოები მიმწოდებელმა დაიწყო 1 თვის დაგვიანებით, შესაბამისად სამუშაოების ხელშეკრულებით გათვალისწინებულ ვადაში დაუსრულებლობა ძირითადად განპირობებულია შპს „ინჟინერის“ მიზეზით, რაც მიწოდების ვადის გაგრძელების საფუძველი არ შეიძლებოდა ყოფილიყო. იმ შემთხვევაში თუ მუნიციპალიტეტი არ მოახდენდა შემსრულებლისთვის მიწოდების ვადის გადაწევას მას დამატებით დაეკისრებოდა ჯარიმა 19,0 ათასი ლარის ოდენობით. 2014 წლის 22 დეკემბერს სივრცითი მოწყობის, ინფრასტრუქტურის განვითარების, არქიტექტურისა და მშენებლობის სამსახურის უფროსის მოხსენებითი ბარათის საფუძველზე შემსრულებელს მიწოდების ვადა გადაეწია 2015 წლის 15 აპრილამდე. შპს „ინჟინერმა“ მუნიციპალიტეტს ბოლო ფორმა #2 წარუდგინა 2015 წლის 13 აგვისტოს. გამომდინარე აღნიშნულიდან შემსყიდველს მიმწოდებელი უნდა დაეჯარიმებინა 118 დღიანი ვადის გადაცილებისთვის, რაც ჯამში შეადგენს 14.0 ათას ლარს.

სამინისტროს აპარატის მიერ 2015 წლის განმავლობაში შეძენილია რამდენიმე სახის საქონელი(ბრენდირებული მაისურები, ბრენდირებული ნაჭრის ჩანთები, სასაჩუქრე აქსესუარები), რომელთა ფაქტიური გამოყენება წლის განმავლობაში არ შეესაბამება შესყიდვისთვის საჭირო ოდენობას;

მთავრობის აპარატის 2014 წლის დაზუსტებული ბიუჯეტის შესაბამისად წარმომადგელობითი ხარჯების გეგმა 320.0 ათასი ლარით განისაზღვრა. აუდიტის პერიოდში ამ მუხლით გაწეულია 218.2 ათასი ლარის საკასო ხარჯი, ანუ გეგმა შესრულებულია 68.2%-ით. ამასთან აღსანიშნავია, რომ რიგ შემთხვევებში წარმომადგენლობითი ხარჯებიდან გაწეული კვებითი მომსახურებისას, შესაბამის დოკუმენტაციაში არ არის სრულყოფილად მითითებული ინფორმაცია თანმხლებ პირთა სახელის, გვარისა და სტატუსის შესახებ.

სააგენტოს ეკონომიკური საქმიანობით მიღებული სახსრების შესახებ ანგარიშში ასახულ საოპერაციო ხარჯებში ზედმეტად დარიცხულია 25.0 ათასი ლარის ოდენობის ხარჯი.

გზების ხარისხის ანალიზისთვის შეგროვებული ინფორმაცია დაუცველია. ამასთანავე, კომპიუტერულ პროგრამებს შორის ინფორმაციის არაავტომატიზებული გადატანა რისკის მატარებელია. დეპარტამენტს არ აქვს დანერგილი კონტროლის მექანიზმები, რაც უნდა უზრუნველყოფდეს მოპოვებული მონაცემების უსაფრთხო შენახვას; არ არსებობს ადმინისტრირების სამსახურის საქმიანობის, ხელმძღვანელობის მიერ ფორმალურად დამტკიცებული, დეტალურად გაწერილი პროცედურები. შედეგად, სამსახურიდან კადრების დენადობამ შესაძლებელია გეგმების შედგენის პროცესი მნიშვნელოვნად შეაფერხოს; არ არსებობს შესაკეთებელი მონაკვეთების შერჩევის დამტკიცებული მეთოდოლოგია. გზების მართვის თანამედროვე კომპიუტერული პროგრამების მეშვეობით შედგენილი შესაკეთებელი გზების სია საბოლოოდ ზუსტდება სხვადასხვა წყაროებიდან მიღებული ინფორმაციის გაანალიზების საფუძველზე, ისე, რომ ცვლილებები სათანადოდ არ არის დოკუმენტურად დასაბუთებული. შესაბამისად, აუდიტის ჯგუფი ვერ დარწმუნდა რამდენად ოპტიმალური იყო შესაკეთებელი გზების სიის კორექტირებასთან დაკავშირებით, დეპარტამენტის მიერ მიღებული გადაწყვეტილებები. საავტომობილო გზების დეპარტამენტის მიერ ავტოტრანსპორტის მოძრაობის ინტენსივობის გაზომვისათვის უქმე დღეების მონაცემების გათვალისწინება უზრუნველყოფს ინფორმაციის მეტი სიზუსტით მიღებას. გარდა ზემოაღნიშნულისა, ძვირადღირებული ტექნიკის დაზღვევის ხელშეკრულებები დაგვიანებით ფორმდებოდა, რის შედეგადაც რამდენიმე შემთხვევაში დეპარტამენტმა ტექნიკა დაზღვევამდე გამოიყენა. დაზღვევის დაგვიანებამ, შესაძლებელია მომავალში გარკვეული გავლენა მოახდინოს გზების შეკეთების გეგმის შედგენის პროცესზე. გზების მოვლა-შეკეთებასთან დაკავშირებული ტენდერების გამოცხადებისას, სავარაუდო სახელშეკრულებო ღირებულებები დეპარტამენტმა განსაზღვრა, დაახლოებით, 200 მლნ ლარის ოდენობით. სამუშაოები უნდა განხორციელებულიყო 3 წლის განმავლობაში, თუმცა 2 წელიწადში კონტრაქტორებს ზემოაღნიშნული თანხის 86% უკვე ათვისებული ჰქონდათ. აღნიშნული შესაძლოა გამოწვეული იყოს ზედამხედველი კომპანიის და დეპარტამენტის მიერ არასათანადოდ განხორციელებული კონტროლით. შედეგად, საჭირო გახდა 2019 წლისათვის კონტრაქტორების მიერ აღებული ვალდებულებების შესასრულებლად დამატებითი სახსრების მობილიზება. კონტრაქტორების მიერ შესრულებული სამუშაოების ხარისხის კონტროლის მიზნებისთვის საგარანტიო პერიოდში IRI-ის მონაცემების გამოყენებამ შესაძლოა გააუმჯობესოს შესრულებული სამუშაოების ხარისხი. ზამთრის პერიოდში განხორციელებული სამუშაოები ხასიათდებოდა ხარვეზებით. სტანდარტული ხელშეკრულებები, რომლებსაც დეპარტამენტი წლების განმავლობაში კონტრაქტორებთან აფორმებდა, შეიცავდა ზოგად განმარტებებს, რის შედეგად, რთულდებოდა შესრულებული სამუშაოების ხარისხის გადამოწმება. ამასთანავე, დეპარტამენტი 2014−2018 წლებში სისტემატურად არ ახორციელებდა დანერგილი კონტროლის მექანიზმის მონიტორინგს, რაც ზრდიდა სამუშაოების არაჯეროვნად შესრულების რისკს. დეპარტამენტს არ აქვს შესწავლილი ზენორმატიული წონის მექანიკური სატრანსპორტო საშუალებების მოძრაობის საკითხი, რაც მნიშვნელოვნად აზიანებს გზის საფარს. აღნიშნულთან დაკავშირებით სტატისტიკის წარმოება დეპარტამენტს მისცემს საშუალებას გამოავლინოს გზის მონაკვეთები, რომლებიც ყველაზე ხშირად ზიანდება და დაზიანების გამომწვევი მიზეზები (კონკრეტული კარიერი, მშენებლობა, სტიქიური შემთხვევები თუ სხვა ფაქტორები). დეპარტამენტს ასევე მიეცემა შესაძლებლობა მიმართოს შსს-ს, დარღვევების პრევენციული ღონისძიებების ჩასატარებლად. დეპარტამენტი არ ითხოვდა ზედამხედველისგან მათი თანამშრომლების მიერ შემოწმებებზე ყოველდღიური გასვლის დამადასტურებელი მონაცემების წარმოდგენას. შესაბამისად, დეპარტამენტი არ ფლობდა განახლებულ ყოველდღიურ სანდო ინფორმაციას ზედამხედველების მიერ განხორციელებული შემოწმებების შესახებ. მობილური ტელეფონის აპლიკაციით ინფორმაციის გაცვლის პრაქტიკა არ იყო სათანადო კონტროლის მექანიზმი. გარდა ზემოაღნიშნულისა, არსებობს ინტერესთა კონფლიქტის მნიშვნელოვანი რისკი ზედამხედველი კომპანიების საქმიანობასთან მიმართებით, რადგან ზედამხედველების ანაზღაურება პირდაპირ დაკავშირებულია კონტრაქტორი კომპანიებისთვის მათ მიერ დადასტურებული სამუშაოების მოცულობასთან. შესაბამისად, შესრულებული სამუშაოების ზედამხედველობასთან მიმართებით, დეპარტამენტში არსებული კონტროლის გარემო ვერ ქმნის რწმუნების სათანადო დონეს და საჭიროებს მნიშვნელოვან გაუმჯობესებას.

ახატანი-ბიწმინდის გზის სარეაბილიტაციო სამუშაოებზე სამუშაოების მიმდინარეობის პროცესში მიმწოდებლის მხრიდან სისტემატიურად ირღვეოდა გეგმა-გრაფიკი,რომლის დარღვევისთვის ყოველ ვადაგადაცილებულ დღეზე მიმწოდებელს უნდა დარიცხვოდა ჯარიმა ხელშეკრულების ღირებულების 0.1%-ის ოდენობით, რაც ჯამში შეადგენს 18 ათას ლარს. აღსანიშნავია, რომ სამუშაოები საბოლოოდ ჩაბარდა 28 დღის დაგვიანებით რაზედაც მიმწოდებელს დამატებით უნდა დარიცხვოდა 22.9 ათასი ლარის ჯარიმა, სულ შპს „ინჟინერზე“ დასარიცხმა ჯარიმამ შეადგინა 40.9 ათასი ლარი.

მოქმედი კანონმდებლობის შესაბამისად, თანამდებობის პირს უფლება არ აქვს ქონებრივი გარიგება დადოს იმ სახაზინო დაწესებულებასთან, რომელშიც მას თანამდებობა უჭირავს. საკრებულოს თავმჯდომარემ, თავმჯდომარის მოადგილემ და გამგებელმა 2014-2015 წლებში იჯარის ხელშეკრულებები გააფორმეს გამგეობასთან, მათივე საკუთრებაში არსებული ავტომანქანების მომსახურების მიზნით. აღნიშნული სატრანსპორტო საშუალებების ქირავნობასა და მოვლა-შენახვაზე გამგეობამ 2014-2015 წლებში კანონშეუსაბამოდ გასწია სულ 18.4 ათასი ლარის ხარჯი.

სსიპ ,,აჭარის სატყეო სააგენტოს’’ მფლობელობაში არსებულ 5 ერთეულ სპეციალიზირებულ სატრანსპორტო საშუალებაზე წარმოდგენილი საწვავის ხარჯვის დოკუმენტაციის ანალიზით ირკვევა, რომ 34.7 ათასი ლიტრი საწვავის ჩამოწერა არ ხორციელდება ფაქტობრივად ნამუშევარი დროის მიხედვით.

სააგენტოს მიერ წარმოდგენილი დოკუმენტაციით აუდიტის ჯგუფმა ვერ მოიპოვა საკმარისი და შესაფერისი აუდიტორული მტკიცებულებები, მომსახურების მოწოდებით დარიცხული ვალდებულებების შესახებ.

ახატანი-ბიწმინდის გზის სარეაბილიტაციო სამუშაოებზე გამგეობამ აუდიტის ჯგუფს ვერ წარუდგინა 25.6 ათასი ლარის ფარული სამუშაოების შესრულების დამადასტურებელი დოკუმენტები. წარმოდგენილ აქტებში ფიქსირდება 15443 კვ.მ ასფალტის ქვედა ფენის მოწყობა, მაშინ როდესაც ფორმა 2-ების მიხედვით მოეწყო 16599 კვ.მ-ი. აღნიშნული გარემოება დაფიქსირებულია სამხარაულის ექსპერტიზის დასკვნაშიც, რომლის თანახმადაც, ფარული სამუშაოების აქტების სრულყოფილად წარმოუდგენლობის გამო მოცულობების განსაზღვრისას ექსპერტი დაეყრდნო ხარჯთაღრიცხვაში დაფიქსირებულ მონაცემებს.

საქართველოს მთავრობის დადგენილების მიხედვით, 2014-2015 წლებში ამბროლაურის თვითმმართველ ერთეულს მოხელეთა სამსახურებრივი მიმოსვლისათვის უნდა გამოეყენებინა არაუმეტეს 6 ერთეული სამორიგეო ავტომანქანა. მუნიციპალიტეტის მიერ მთავრობის სარეკომენდაციო ხასიათის მოთხოვნა გათვალისწინებული არ არის. კერძოდ, მუნიციპალიტეტი განკარგავდა დასაშვებზე 2 ერთეულით მეტ სამორიგეო ავტომანქანას. 2015 წლის სექტემბრის თვიდან გამგეობა ასევე იყენებდა მუნიციპალიტეტის 100%-იანი წილობრივი მონაწილეობით დაფუძნებული შპს ,,ამბროლაურის კომუნალური-2009“-ის მიერ აგვისტოში შეძენილ 2 ერთეულ ავტომანქანას.

სამმართველოში 2014 წლის სხვადასხვა პერიოდში შტატგარეშე მოსამსახურეებთან გაფორმებულია 14 ხელშეკრულება და გაწეულია 32.1 ათასი ლარის ხარჯები. ამასთან ხელშეკრულებებში არ არის მითითებული დასაქმებულთა კონკრეტული ვალდებულებები და შესასრულებელ სამუშაოთა დასახელებები.

სსიპ დაცული ტერიტორიების სააგენტოს არ აქვს დანერგილი შესაფერისი კომპიუტერული პროგრამა, რომლის საშუალებითაც მოხდება ბუღალტრული ჩანაწერების წარმოება და შესაბამისი ფინანსური ინფორმაციის მომზადება. აღნიშნული გარემოებიდან გამომდინარე, მექანიკური შეცდომების რისკი უფრო მაღალია, ვიდრე სისტემატიზირებულ პროგრამაში მუშაობისას იქნებოდა.

2015 წლის 1 იანვრიდან სხვადასხვა ორგანიზაციებთან გაფორმებულ ხელშეკრულებებში მიმწოდებელი ვალდებული იყო შესრულებულ სამუშაოებზე მიღება-ჩაბარების აქტების გაფორმებამდე წარმოედგინა ექსპერტიზის დასკვნა შესრულებული სამუშაოების ღირებულების ფაქტიურ დანახარჯებთან შესაბამისობის შესახებ. ექსპერტიზის მომსახურების ღირებულებას ანაზღაურებდა მერია, სახელშეკრულებო ხარჯთაღრიცხვებში ამ მიზნით გათვალისწინებული ხარჯების ფარგლებში.2015 წლის განმავლობაში კომპანიებთან გაფორმებულ ხელშეკრულებებში სამშენებლო, სარემონტო ან სარეკონსტრუქციო სამუშაოების ღირებულებების საექსპერტო მომსახურებაზე საქართველოს მთავრობის 2012 წლის 8 მაისის N171 დადგენილების შესაბამისად დამტკიცებული ტარიფების გამოყენების შემთხვევაში ბიუჯეტიდან ფაქტიურად გადახდილი 579.2 ათასი ლარის ნაცვლად გადასახდელი იქნებოდა 347.5 ათასი ლარი.

2015 წელს მუნიციპალიტეტის განკარგვაში არსებულ 4 ავტომანქანაზე, საკრებულოს მიერ დამტკიცებული ლიმიტების გარეშე, გაცემულია 8.8 ათასი ლიტრი საწვავი. გარდა ამისა, დარღვეულია საწვავის გაცემის ყოველთვიური ზღვრული ოდენობები.

გარემოს დაცვისა და ბუნებრივი რესურსების სამმართველოს მიერ ორ შემთხვევაში სახელმწიფო შესყიდვების გზით გაფორმებულ ხელშეკრულებებში შეტანილი ცვლილებების საფუძველზე მიმწოდებლებისათვის განხორციელებულია წინასწარი ანგარიშსწორება, რაც შესაძლო პრეტენდენტთა შეზღუდვის გარემოებას წარმოადგენს, რითაც ხელი ეშლება სახელმწიფო შესყიდვების მიზნების მიღწევის შესაძლებლობას

სსიპ დაცული ტერიტორიების სააგენტოს მიერ გაფორმებულ რამდენიმე სახელმწიფო შესყიდვის ხელშეკრულების მოქმედების ვადა ამოწურულია, თუმცა შესყიდვის პროცესი დასრულებული არ არის და ვადის გაგრძელების თაობაზე დანართი არ გაფორმებულა. აღნიშნულის გათვალისწინებით, სსიპ დაცული ტერიტორიების სააგენტოს პირგასამტეხლოს სახით უნდა მიეღო შემოსავალი, რისი დარიცხვაც არ განხორციელებულა.

სატენდერო კომისიამ, შესყიდვების კანონმდებლობის დარღვევით, არასწორად მოახდინა ერთ-ერთი მონაწილის დისკვალიფიკაცია. კერძოდ, ტექნიკურ დოკუმენტაციის დაზუსტებისას, პრეტენდენტს არ მიუთითა ხარჯთაღრიცხვის ხარვეზის შესახებ. შედეგად, ხელშეკრულება გაფორმდა უფრო მაღალი ფასის მქონე პრეტენდენტთან და სამუშაოს ღირებულება 20.0 ათასი ლარით გაიზარდა.

სსიპ „აჭარის სატყეო სააგენტოს“ მიერ, ტყეების გაშენების მომსახურების შესყიდვის მიზნით, გამოცხადებული გამარტივებული ელექტრონული ტენდერის შედეგად შპს „უნივერსალთან“ გაფორმებული 56.1 ათასი ლარის ღირებულების ხელშეკრულების პირობები არ შეესაბამება სატენდერო დოკუმენტაციას. ასევე ხელშეკრულებით გათვალისწინებული ვალდებულებების შესრულების ვადის გადაწევა განხორცილდა მოქმედი კანონმდებლობის დარღვევით, ასევე მიმწოდებელზე არ არის დარიცხული პირგასამტეხლო 2.8 ლარის ოდენობით.

სსიპ ეროვნული სატყეო სააგენტოს („სატყეო სააგენტო“) ბუღალტრულ ანგარიშგებაში არ აქვს გათვალისწინებული ინვენტარიზაციის შედეგად გამოვლენილი სხვაობების ეფექტი, შესაბამისად ძირითადი აქტივებისა და მატერიალური მარაგების მუხლი არასწორად არის წარმოდგენილი ბალანსში. სატყეო სააგენტოს 2014 წელს სახელმწიფოსგან სარგებლობაში გადმოეცა ქონება. აღნიშნული ქონების ნაწილზე ღირებულების შეფასება არ მომხდარა და ბალანსზე აღრიცხულია ნულოვანი ღირებულებით.

შპს ,,ამბროლაურის კომუნალური-2009"-ს თხოვების უფლებით გადაეცა მუნიციპალიტეტის საკუთრებაში არსებული 4 ერთეული სპეცტექნიკა. 2014 წლის 31 დეკემბრის მდგომარეობით, შპს-ის მიმართ დამქირავებელთა დებიტორული დავალიანება 41.1 ათას ლარს, ხოლო 2015 წლის ბოლოს - 23.1 ათას ლარს შეადგენდა. შპს ფაქტობრივად არ იყენებს ხელშეკრულების პირობებით განსაზღვრულ საჯარიმო სანქციებს. გარდა ამისა, არ არის დანერგილი ანგარიშსწორების საავანსო ფორმა. წარმოდგენილი დოკუმენტაციით ირკვევა, რომ 2015 წელს საწარმომ ქირავნობის ხელშეკრულებები გააფორმა ისეთ სუბიექტებთან, რომელთაც გააჩნდათ წინა წლის დავალიანება.

სააგენტოს მიერ 2014 წელს შესყიდულია 12 ჰექტარზე 4800 ძირი ნერგის დეზინფექციის და სასუქის შეტანის მომსახურება, რომელიც მიმწოდებლის მხრიდან შესრულებულია ერთ დღეში. სამუშაოთა მოცულობის გათვალისწინებით, მისი ერთ დღეში შესრულების რეალობა რისკის შემცველია

სატყეო სააგენტოს მიერ კონტროლირებად ტერიტორიაზე არსებობს სამი ისეთი ანძა, რომელზეც სატყეო სააგენტოს არ აქვს აღნიშნული მესაკუთრესთან, შპს მაგთიკომთან, გაფორმებული ხელშეკრულება და მიუხედავად იმისა, რომ მიმდინარეობს შესაბამისი პროცედურები მათ გასაფორმებლად, სატყეო სააგენტომ ვერ მოახერხა 2014 წლის კუთვნილი შემოსავლების შესაბამის საანგარიშგებო პერიოდში აღრიცხვა და მიღება.

ცესკოში არაფინანსური აქტივების, ფინანსური აქტივებისა და ვალდებულებების ბოლო ინვენტარიზაცია ჩატარებულია 2011 წლის 31 დეკემბრის მდგომარეობით, რითაც დარღვეულია "საქართველოში ბუღალტრული აღრიცხვისა და ანგარიშგების დებულების დამტკიცების შესახებ" საქართველოს პრეზიდენტის 1998 წლის 6 თებერვლის N70 ბრძანებულებით გათალისწინებული მოთხოვნები.

2014-2015 წლებში, მუნიციპალიტეტმა, გადაუდებელი აუცილებლობის მოტივით, განახორციელა 25 გამარტივებული შესყიდვა, ღირებულებით 109.9 ათასი ლარი . მათ შორის, გამგეობამ 3 ხელშეკრულების ფარგლებში შეიძინა საბეჭდი ქაღალდი და ხიდ-ბოგირების მოწყობა-რეაბილიტაციის სამუშაოები, საერთო ღირებულებით 6.8 ათასი ლარი. აღნიშნული შესყიდვები არ წარმოადგენდა გადაუდებელ აუცილებლობას, რადგან შესაძლებელი იყო მათი წინასწარი დაგეგმვა და/ან ტენდერის საშუალებით შესყიდვა.

სააგენტოს 168 შემთხვევაში, სახელმწიფო შესყიდვები განხორციელებული აქვს გამარტივებული შესყიდვის ფორმით, რომლის საფუძველზეც გაფორმებულ ხელშეკრულებში ფიქსირდება არაერთგვაროვანი მიდგომები. კერძოდ, უმეტეს ნაწილში არ არის გათვალისწინებული ვალდებულების შესრულების უზრუნველყოფის დამატებითი საშუალებები.

სატყეო სააგენტოს ბალანსზე აღრიცხული მოთხოვნები დანაკლისით 70.8 ათასი ლარი, წარმოადგენს წინა წლებში ინვენტარიზაციის შედეგად გამოვლენილ დანაკლისებს, რომელთა ამოღებისა და გამოვლენის ალბათობა ძალიან მცირეა.

წარმოდგენილი ძირითადი საშუალებების რეესტრის შესაბამისად 2014 წლის 1 იანვრის მდგომარეობით ცესკოს ბალანსზე ირიცხებოდა 15 ერთეული შენობა-ნაგებობა, რომელთაგან 7 ერთეული შენობა-ნაგებობით და მათზე მიმაგრებული მიწის ნაკვეთებით (საერთო ღირებულება 324.7 ათასი ლარი) ცესკო 2014 წლის 1 იანვრის მდგომარეობით ფაქტიურად არ სარგებლობდა, შესაბამისად შენობა-ნაგებობის მუხლი გაზრდილი თანხით იყო წარმოდგენილი.

ამომრჩევლებთან შეხვედრებისათვის, საკრებულოს სხდომებსა და მის ორგანოთა მუშაობაში მონაწილეობის მიზნით, 2014-2015 წლებში საკრებულოს წევრებზე გაცემულია სულ 87.2 ათასი ლარი. ხარჯის დასადასტურებლად არ არის წარმოდგენილი საკმარისი და შესაფერისი მტკიცებულებები.

საქართველოს მთავრობის 2014 წლის 20 მარტის #476 განკარგულების შესაბამისად, სააგენტომ გააფორმა ხელშეკრულება შპს „AGA BATUMI“-თან მიწის სპეციალური დანიშნულებით ტყითსარგებლობის შესახებ, რომლის საფუძველზეც მხარეები შეთანხმდნენ ბიომრავალფეროვნებისათვის მიყენებული ზემოქმედების კომპენსაციის განხორციელების ღონისძიებებზე, რომელიც უნდა განხორციელეუბილიყო გრაფიკის შესაბამისად, თუმცა მეწარმის მხრიდან ხდებოდა შეთანხმების დარღვევა, რაც საჭიროებდა სააგენტოს მხრიდან დროულ და სათანადო რეაგირებას.

სატყეო სააგენტოს ბალანსზე აღრიცხული სხვა დებიტორული დავალიანებები მოიცავს მოთხოვნებს 50.8 ათასი ლარის ოდენობით, რომელიც წარმოიშვა 2004 წელს შემდეგი გარემოებებიდან გამომდინარე: საქართველოს პრეზიდენტის განკარგულებით ზამთრის პერიოდის დადგომასთან დაკავშირებით სატყეო სააგენტოს დაევალა სახელმწიფო ბიუჯეტიდან დაფინანსებული სკოლების, საბავშვო ბაღების, საავადმყოფოების, სამხედრო ბაზებისა და დევნილი მოსახლეობის სათბობი შეშით მომარაგება. აღნიშნულ პირებზე სატყეო სააგენტოს მიერ მიწოდებულ იქნა სათბობი შეშა. მიწოდებულ რესურსზე ბუნებრივი რესურსის მოსაკრებელი უნდა გადაეხადათ ადგილობრივ გამგეობებს, რაც ბიუჯეტის დეფიციტიდან გამომდინარე ვერ მოხერხდა და საფუძველი გახდა დებიტორული დავალიანების წარმოშობისა. შევნიშნავთ, რომ აღნიშნული დავალიანების ამოღების ალბათობა ძალიან მცირეა.

2014 წლის 31 დეკემბრის მდგომარეობით ცესკოს ბალანსზე რიცხული შენობა-ნაგებობების რაოდენობამ 30 ერთეული შეადგინა, მაშინ როდესაც ცესკოს სარგებლობაში არის 70 ერთეული შენობა-ნაგებობა. დანარჩენი 40 ერთეული ბალანსში არ არის ასახული. ქმედითი ღონისძიებების გატარება ამ მიმართულებით ცესკომ დაიწყო 2015 წლის თებერვალში.

მუნიციპალიტეტმა 2015 წლის 26 იანვარს დააფუძნა ა(ა)იპ „პროექტირებისა და ინფრასტრუქტურული ობიექტების მოვლა შენახვის ცენტრი“. 275.0 ათასი ლარის საბიუჯეტო დაფინანსებიდან, ა(ა)იპ-მა წლის მანძილზე დახარჯა 215.0 ათასი ლარი. შემოწმებით გამოვლინდა, რომ პირის წესდებით განსაზღვრულ ძირითად ფუნქციებს ასრულებს მუნიციპალიტეტის მიერ დაფუძნებული სხვა იურიდიული პირი, გამგეობის სამსახური, ან მომსახურება შეძენილია სახელმწიფო შესყიდვის საშუალებით.

დეპარტამენტის მიერ გამარტივებული შესყიდვის ფორმით, მიმწოდებლისგან შეძენილია სხვადასხვა თემატიკის 12 ერთეული ახალი ვიდეო კლიპი, ღირებულებით 3.5 ათასი ლარი. შეძენილი აქტივები გატარებულია ხარჯებში და არ არის აღრიცხული არამატერიალურ აქტივების ნაშთზე.

სატყეო სააგენტომ 2014 წელს გერმანიის საერთაშორისო თანამშრომლობის ფონდიდან (GIZ) უსასყიდლოდ მიიღო 2008 წელს გამოშვებული ტოიოტა პრადო. აღნიშნული ავტომობილის ისტორიული ღირებულება იყო 70.5 ათასი ლარი. მიღება-ჩაბარების აქტში არ იყო მითითებული ავტომობილის საბალანსო ღირებულება და სააგენტომ ბალანსზე აიყვანა ისტორიული ღირებულებით. აღნიშნული თანხა არ წარმოადგენდა რეალურ ღირებულებას გადმოცემის მომენტში და შესაბამისად ძირითად აქტივებში არასწორი თანხით აისახა.

2008-2014 წლებში ცესკოს მიერ შენობა-ნაგებობების გადმოცემასთან დაკავშირებით უზუფრუქტუარებთან გაფორმებულ ზოგიერთ ხელშეკრულებაში არ არის გამიჯნული შენობების საწყისი და ნარჩენი საბალანსო ღირებულება. შესაბამისად, აკუმულირებული ცვეთის გათვალისწინებით, ცესკოს 2014 წლის ბალანსში არასწორად არის წარმოდგენილი მათი ღირებულება როგორც 2014 წლის 1 იანვრის, ასევე 2015 წლის 1 იანვრის მდგომარეობით.

მუნიციპალიტეტმა დაარღვია თვითმმართველობის კოდექსით დაწესებული ზღვარი, შტატგარეშე მოსამსახურეების რიცხოვნობასთან დაკავშირებით. 2015 წლის განმავლობაში დაქირავებულ შტატგარეშეთა რაოდენობა ერთიდან ოთხამდე ერთეულით აღემატებოდა კანონით დადგენილ ნორმას.

საბალანსო მონაცემებით, 2014 წლის პერიოდში ფორმა N5-ის მიხედვით, უსასყიდლოდ მიღებული აქვს აქტივი - მიწა, ღირებულებით 58.0 ათასი ლარი, თუმცა ფორმა N3-ში აღნიშნული ოპერაცია გატარებულია როგორც სხვა ეკონომიკური ნაკადებით მიღება.

სსიპ ეროვნულ სატყეო სააგენტოს არ აქვს დანერგილი შესაფერისი კომპიუტერული პროგრამა, რომლის საშუალებითაც მოხდება ბუღალტრული ჩანაწერების წარმოება და შესაბამისი ფინანსური ინფორმაციის მომზადება. აღნიშნული გარემოებიდან გამომდინარე, მექანიკური შეცდომების რისკი უფრო მაღალია, ვიდრე სისტემატიზირებულ პროგრამაში მუშაობისას იქნებოდა.

ცესკოს მიერ უზუფრუქტუარებთან გაფორმებული ხელშეკრულებებისა და საჯარო რეესტრის ამონაწერების მიხედვით, ცესკოსთვის გადმოცემული ზოგიერთი შენობა წარმოადგენს მრავალსართულიან ან ერთსართულიან შენობას, ზოგიერთი შენობა-ნაგებობის სართულების შესახებ ინფორმაცია კი არ არის მითითებული. ცესკოს მიერ, ფიზიკური ცვეთის ნორმად ბალანსზე რიცხული ყველა შენობა-ნაგებობის მიმართ გამოყენებულია 1.2%, მაშინ როდესაც „ბიუჯეტების დაფინანსებაზე მყოფი ორგანიზაციების ძირითადი აქტივების ფიზიკური ცვეთის ნორმებისა და მათი ბუღალტრულ აღრიცხვაში ასახვის შესახებ“ ინსტრუქციის დამტკიცების თაობაზე საქართველოს ფინანსთა მინისტრის 2002 წლის 31 დეკემბრის №439 ბრძანების მიხედვით, ერთსართულიან და მრავალსართულიან შენობებზე დარიცხული ფიზიკური ცვეთის ნორმად დადგენილია 1%.

სახელმწიფო პენსიის ადმინისტრირების ინფორმაციული სისტემა („პენსია 2005“) მოძველებულია და ვერ უზრუნველყოფს სააგენტოს სხვა სისტემებთან ინტეგრაციას. სისტემა არ არის ცენტრალიზებული, რაც გულისხმობს, რომ იგი დამოუკიდებლად არის დაინსტალირებული ყველა სამუშაო სადგურზე (პერსონალურ კომპიუტერზე) და ერთმანეთს არ უკავშირდება. სხვადასხვა მომხმარებლის მიერ დამუშავებული მონაცემების ცენტრალიზება ხდება ხელით და საჭიროებს რამდენიმე ნაბიჯს. აღნიშნული მოიცავს როგორც ბაზების გაერთიანებას, ასევე ინფორმაციის გადამოწმებას (ვალიდაციას). შესაბამისად, დეცენტრალიზებული არქიტექტურის გათვალისწინებით, სახელმწიფო პენსიის ადმინისტრირების ბიზნესპროცესი არ არის პროდუქტიული და საჭიროებს ინტენსიურ ხელით შესრულებულ პროცესებს, რაც, თავის მხრივ, ზრდის მონაცემთა დამუშავების სიზუსტისა და სანდოობის რისკებს. ზემოაღნიშნული გამოწვეულია სააგენტოს არაერთგვაროვანი მიდგომით ინფორმაციული სისტემების განვითარების მიმართ. კერძოდ, სააგენტოს სისტემების კომპლექსურობისა და კრიტიკულობის გათვალისწინებით, სააგენტოს არ გააჩნია სტანდარტიზებული მიდგომა ინფორმაციულ სისტემებთან დაკავშირებით. სააგენტოს მფლობელობაში მყოფი ორი მსხვილი სისტემა − სახელმწიფო პენსიის ადმინისტრირების სისტემა („პენსია 2005“) და საარსებო შემწეობის ადმინისტრირების სისტემა (SAESA) მნიშვნელოვანად განსხვავებული შესაძლებლობებისაა. „პენსია 2005“ მნიშვნელოვნად ჩამორჩება სააგენტოს მიერ ადმინისტრირებულ მეორე სისტემას − SAESA-ს, ავტომატიზაციისა და უსაფრთხოების ხარისხით.

საგადასახადო კოდექსის თანახმად, ადგილობრივი თვითმმარველობისათვის დასახლებულ ტერიტორიაზე დაგვა-დასუფთავებისა და ნარჩენების მართვის მომსახურების გაწევა გათავისუფლებულია დღგ-ისგან, ჩათვლის უფლების გარეშე. მუნიციპალიტეტმა 2014 წელს ტერიტორიის დასუფთავებისათვის გამარტივებული ელექტრონული ტენდერები გამოაცხადა დღგ-ის ჩათვლით. გამგეობამ ტენდერში გამარჯვებულ საწარმოს აუნაზღაურა შესრულებული სამუშაოების ღირებულება სულ 103.0 ათასი ლარი, მათ შორის დღგ - 14.3 ათასი ლარი.

წარმოდგენილი დოკუმენეტებით, სააგენტოს მიერ წინა პერიოდში შეძენილი და ნაშთად არსებული 4.1 ათასი ლარის ღირებულების საკანცელარიო საქონელი გახარჯულია აუდიტის პერიოდში, თუმცა ფინანსურ ანგარიშგებაში აღნიშნული ხარჯი არასწორად არის მიკუთვნებული სუბსიდიის ფაქტობრივ ხარჯებზე.

სსიპ ეროვნული სატყეო საბაზისო სანერგე მეურნეობის მიერ მოწოდებულ ბრუნვით უწყისებსა და მემორიალური ორდერების წლიურ ბრუნვებს შორის გამოვლინდა სხვაობები. აუდიტის ჯგუფმა ვერ მიიღო სხვაობების გამოკვლევისთვის საჭირო ინფორმაცია სრულად და შესაბამისად გამოთქვამს მოსაზრებას სამინისტროს ბუღალტრულ ანგარიშგებაში დაკონსოლიდირებული ფინანსური ინფორმაციის სისწორეზე.

2014 წლის საანგარიშო პერიოდში ცესკოს მიერ შეძენილია მის სარგებლობაში არსებული, ბალანსზე აღრიცხული და აღურიცხავი შენობა-ნაგებობის კაპიტალური სარემონტო სამუშაოების მომსახურება. ძირითად აქტივებზე დარიცხული ცვეთის გაანგარიშებისას სარემონტო სამუშაოების ღირებულება 190.8 ათასი ლარი გათვალისწინებული არ არის, რის შედეგადაც ცესკოს ფინანსურ ანგარიშგებაში არასწორად არის წარმოდგენილი როგორც 2014 წლის ცვეთის ხარჯი, ასევე შენობა-ნაგებობების ღირებულება 2014 წლის 31 დეკემბრის მდგომარეობით.

სააგენტო ვერ უზრუნველყოფს ინფორმაციული უსაფრთხოების საკანონმდებლო მოთხოვნების შესრულებას. აუდიტის პერიოდში სააგენტოს არ ჰქონდა შესრულებული „ინფორმაციული უსაფრთხოების შესახებ“ საქართველოს კანონის მოთხოვნები.

მუნიციპალიტეტის მიერ 2014-2015 წლებში 23 ხელშეკრულების ფარგლებში დარიცხულმა პირგასამტეხლომ 231.0 ათასი ლარი შეადგინა. ამასთან, გამგეობამ 19 შემთხვევაში საჯარიმო სანქციები არ გამოიყენა, რის გამოც არ მიუღია 63 ათას ლარზე მეტი შემოსავალი.

სააგენტოს მიერ, აუდიტის პერიოდში, სხვადასხვა უწყებებიდან უსასყიდლოდ მიღებული აქვს 5.0 ათასი ლარის ღირებულების აქტივები, თუმცა ფინანსურ ანგარიშგებაში, ფორმა N3-ში, შემოსავლების ნაწილში, ნაცვლად არაფინანსური აქტივებისა, ასახულია ფინანსურ ვალდებულებებში.

სანერგე მეურნეობამ 2014 წლის 1 ოქტომბრის მდგომარეობით ჩაატარა ბალანსზე აღრიცხული სარეალიზაციოდ ვარგისი ნერგების, ქონების, აქტივების, მოთხოვნებისა და ვალდებულებების, აგრეთვე ბალანსის საცნობარო მუხლებში აღრიცხული ძირითადი აქტივების, პასუხსაგებ შენახვაზე მიღებული მატერიალური ფასეულობების, ექსპლუატაციაში მყოფი მატერიალური მარაგებისა და ამორტიზებული აქტივების ინვენტარიზაცია. განხორციელებული ინვენტარიზაციის შედეგების ამსახველი საინვენტარიზაციო კომისიის ოქმის ინფორმაციით გამოვლინდა, რომ რიგი მატერიალური მარაგები, მცირეფასიანი აქტივები და ძირითადი საშუალებები ამორტიზებულია, გამოყენებისთვის უვარგისია და ექვემდებარება ჩამოწერას. ასევე ჩამოსაწერია ბალანსზე აღრიცხული დიდი რადენობით ნერგები, რომლებიც გადაზრდილია. ინვენტარიზაციის შედეგები 2014 წლის 31 დეკემბრის მდგომარეობით ბუღალტრულ ანგარიშგებაში გათვალისწინებული არ არის. საქართველოს ეკონომიკისა და მდგრადი განვითარების სამინისტროს თანხმობის წერილით , სააგენტოს 2012 წელს სარგებლობაში გადმოეცა სახელმწიფოს საკუთრებაში არსებული 961,151 კვ.მ. მიწის ფართობი და მასზე განლაგებული 11 ერთეული შენობა-ნაგებობა. გადმოცემული მიწა და 4 ერთეული შენობა-ნაგებობა 2014 წლის 31 დეკემბრის მდგომარეობით სააგენტოს ბალანსზე არ არის აყვანილი.

საქართველოს ორგანული კანონის „საქართველოს საარჩევნო კოდექსი“ მე-19 მუხლის 1-ლი პუნქტიდან გამომდინარე, საოლქო საარჩევნო კომისიამ ცესკოში უნდა წარადგინოს დამოუკიდებელი ბალანსი, ხოლო ცესკომ ფინანსური ანგარიშგების შედგენისას უნდა მოახდინოს საოლქო საარჩევნო კომისიების ფინანსური ანგარიშგების კონსოლიდირება, რაც არ არის შესრულებული.

სახელმწიფო პენსიის ადმინისტრირების სისტემის მოძველებული პლატფორმის გათვალისწინებით, სააგენტოს არ აქვს შეფასებული სისტემის უწყვეტობასთან დაკავშირებული რისკები და დანერგილი შესაბამისი კონტროლის მექანიზმები. აღნიშნული კონტროლები სააგენტოს საშუალებას მისცემდა წინასწარ განსაზღვრული გეგმის შესაბამისად ემოქმედა სისტემის ფუნქციონირების წყვეტის შემთხვევაში.

ანგარიშზე N1540 (სხვა გრძელვადიანი მოთხოვნები) 2016 წლის 1 იანვრის მდგომარეობით ირიცხებოდა ნაშთი 3,844.2 ათასი ლარის ოდენობით. აღნიშნული წარმოადგენს ააიპ სოფლის მეურნეობის განვითარების ფონდთან (შემდგომ ააიპ სოფლის მეურნეობის პროექტების მართვის სააგენტო) წილის ნასყიდობის თაობაზე 2012 წლის 25 ივლისს გაფორმებული N01/04-07/12 ხელშეკრულების ფარგლებში შეუსრულებელ ვალდებულებას. კერძოდ, აღნიშნული ხელშეკრულების ფარგლებში დეპარტამენტმა ფონდს მიჰყიდა შპს „გორის სასათბურე მეურნეობის“ 100% წილი, რისთვისაც ფონდს სამი წლის განმავლობაში დეპარტამენტისთვის გადავადებით სამ ეტაპად (2013, 2014 და 2015 წლების ივლისის თვეებში) უნდა გადაეხადა 3,844.2 ათასი ლარი. ფონდს ამ პერიოდის განმავლობაში არ გადაუხდია არცერთი ლარი, რაზეც დეპარტამენტის მიერ ხელშეკრულების მე-5 მუხლის 5.1 პუნქტით განსაზღვრული რეაგირება არ განხორციელებულა. საქართველოს შინაგან საქმეთა სამინისტროსთვის გაგზავნილი 2015 წლის 10 ივლისის N5537/01 წერილით[1] საქართველოს სოფლის მეურნეობის სამინისტრომ მოითხოვა განხილულიყო დავალიანების ჩამოწერის საკითხი იმ მოტივით, რომ ააიპ სოფლის მეურნეობის პროექტების მართვის სააგენტოს არ გააჩნდა ფინანსური საშუალებები და ამასთან ერთად ხელშეკრულების ორივე მხარე წარმოადგენდა სახელმწიფოს კუთვნილებაში მყოფ იურიდიულ პირებს. აღნიშნული წერილი განსახილველად გადაეცა სსიპ დაცვის პოლიციის დეპარტამენტს, რომელმაც 2015 წლის 22 ივლისის N01600620 წერილით შს სამინისტროს აცნობა, რომ თანახმაა მოხდეს დავალიანების ჩამოწერა. აუდიტის მიმდინარეობის პერიოდისთვის აღნიშნული საკითხი ჯერჯერობით გადაწყვეტილი არ იყო. იმ გარემოებების გათვალისწინებით, რომ შპს „გორის სასათბურე მეურნეობა“ დეპარტამენტის მიერ დაფუძნებული იქნა იმ მიზნით, რომ მიღებული შემოსავლები მოხმარებოდა დეპარტამენტისა და სამინისტროს განვითარებას, ასევე ის ფაქტი, რომ მისი გასხვისება განხორციელდა დაუსაბუთებლად[2], მიზანშეწონილი იქნება დავალიანების ჩამოწერაზე უპირობოდ თანხმობის მიცემამდე დეპარტამენტის მიერ შესწავლილი და გაანალიზებული იქნას სასათბურე მეურნეობის უკან დაბრუნების შესაძლებლობა, რის შემდეგაც მიღებული იქნას დასაბუთებული გადაწყვეტილება.

2014-2015 წლებში მუნიციპალიტეტმა, დარიცხული საჯარიმო სანქციებიდან, ვერ მიიღო 172.0 ათასი ლარი: საბოლოო მიღება-ჩაბარების აქტები გაფორმდა და 7 ხელშეკრულების შემთხვევაში ანგარიშსწორება განხორციელდა მიმწოდებლების მხრიდან საჯარიმო თანხების გადახდამდე. ანაზღაურების მიღების შემდეგ მიმწოდებელთა ნაწილმა 31.4 ათასი ლარის პირგასამტეხლო აღარ გადაიხადა. გარდა ამისა, გამგეობამ შპს „არქიკულტურას“ გადაუვადა სულ 140.6 ათასი ლარის ჯარიმის გადახდის ვალდებულება.

სააგენტოს ფინანსური ანგარიშგება არ ასახავს ორგანიზაციის რეალურ ფინანსურ მდგომარეობას კერძოდ, ფორმა N2-ში, ოფისის ხარჯებში, საკასო და ფაქტობრივი ხარჯი ასახულია 12.0 ათასი ლარი. იმის გათვალისწინებით, რომ ფინანსური ანგარიშგების სხვა მატერიალური მარაგები გაზრდილია 32.1 ათასი ლარით, ხოლო გრძელვადიანი მცირეფასიანი აქტივები შემცირებულია 40.2 ათასი ლარით, ოფისის ხარჯებში ასახული საკასო და ფაქტობრივი ხარჯები ურთიერთშეუსაბამოა.

გამომდინარე იქიდან, რომ ნერგების გარკვეულ ნაწილზე რაოდენობა და ღირებულება არ იყო განსაზღვრული და ბალანსზე ასახული, 2014 წლის განმავლობაში ადგილი ჰქონდა რეალიზებული ნერგების ბალანსიდან ნულოვანი ღირებულებით ჩამოწერას.

ცესკოს კრედიტორული დავალიანება 2,959.3 ათასი ლარის ოდენობით, წარმოადგენს 2003 წლის 2 ნოემბერს ჩატარებულ საპარლამენტო არჩევნებთან დაკავშირებულ საარჩევნო საოლქო კომისიის მოსამსახურეთა შრომის ანაზღაურების, დამქირავებლიდან ანარიცხებისა და საადვოკატო მომსახურების დავალიანებას. ჩვენ ვერ დავრწმუნდით ფინანსურ ანგარიშგებაში ასახული აღნიშნული კრედიტორული დავალიანების აღიარების კანონიერებასა და სიზუსტეში.

სახელმწიფო პენსიის მიმღებ უფლებამოსილ პირთა წრის განსაზღვრის პროცესში, სააგენტო ვერ უზრუნველყოფს სპეციალური პენიტენციური სამსახურიდან განსაკუთრებული კატეგორიის პერსონალური მონაცემების მიღებას დაცული საკომუნიკაციო არხის საშუალებით.

ადმინისტრაციული შენობის მე-5 სართულის სარემონტო სამუშაოების შესყიდვის მიზნით დეპარტამენტმა 2014 წლის 8 მაისს გამოაცხადა ელექტრონული ტენდერი (SPA140012287) შესყიდვის სავარაუდო ღირებულებით 335.2 ათასი ლარი. ტენდერში მონაწილეობა მიიღო ექვსმა პრეტენდენტმა. ვაჭრობის შედეგად ყველაზე დაბალი სატენდერო წინადადების ფასი დააფიქსირა შპს-მ „ზურაბი 2008“ - 198.6 ათასი ლარის ოდენობით. 2014 წლის 3 ივნისის სატენდერო კომისიის სხდომის ოქმის (N2) მიხედვით აღნიშნული პრეტენდენტი დისკვალიფიცირებული იქნა დაუსაბუთებლად (სატენდერო დოკუმენტაციაში შემზღუდავი და არააუცილებელი ტექნიკური მოთხოვნების არსებობის გამო). შედეგად ტენდერში გამარჯვებულად გამოცხადდა მომდევნო დაბალი სატენდერო წინადადების ფასის მქონე პრეტენდენტი - შპს „ფორტექსი“ სატენდერო წინადადების ღირებულებით 252.2 ათასი ლარი (სხვაობა 53.6 ათასი ლარი[1]). 2014 წლის 20 ივნისს დეპარტამენტსა და შპს „ფორტექსს“ შორის გაფორმდა ხელეკრულება N01/454/53 ზემოაღნიშნული ღირებულებით.

ამბროლაურის მუნიციპალიტეტის გამგეობამ 2015 წელს ორ შემთხვევაში დაარღვია საბიუჯეტო კოდექსის მოთხოვნა და სახელმწიფო ბიუჯეტიდან გამოყოფილი თანხების ასახვის მიზნით, ბიუჯეტის ცვლილებები ერთი თვის ვადაში არ წარუდგინა საკრებულოს.

ა(ა)იპ ,,ბათუმის ტურისტული სააგენტოს’’ მიერ, 2014 წლის პერიოდში, გაწეულია მომსახურება აჭარა-ბათუმის ტურისტულ რუკებზე რეკლამის განთავსების მიზნით, თუმცა მომსახურების ღირებულება არაერთგვაროვანია და განსხვავებულია დამკვეთების მიხედვით, შესაბამისად არ არის დადგენილი რეკლამის განთავსების კალკულაცია/ღირებულება, რაც შემოსავლების მიღების შიდა კონტროლის სისუსტეზე მიუთითებს.

სსიპ ეროვნულ სატყეო სანერგე მეურნეობას არ აქვს დანერგილი შესაფერისი კომპიუტერული პროგრამა, რომლის საშუალებითაც მოხდება ბუღალტრული ჩანაწერების წარმოება და შესაბამისი ფინანსური ინფორმაციის მომზადება. აღნიშნული გარემოებიდან გამომდინარე, მექანიკური შეცდომების რისკი უფრო მაღალია, ვიდრე სისტემატიზირებულ პროგრამაში მუშაობისას იქნებოდა.

ცესკოს ადმინისტრაციული შენობა, მასზე დარიცხული ცვეთის გათვალისწინებით 2014 წლის დასაწყისისთვის ბალანსზე აღრიცხული იყო 283.5 ათასი ლარით ნაკლები ღირებულებით, რომლის კორექტირება განხორციელდა 2014 წლის 31 დეკემბერს.

სააგენტო ვერ უზრუნველყოფს ქვეყნის მასშტაბით 69 რაიონულ ოფისში არსებული სამუშაო სადგურების უსაფრთხოების მინიმალურად დაცვას. კერძოდ, სამუშაო სადგურების მართვა ცენტრალურად არ ხორციელდება, რაც გულისხმობს მომხმარებლების უფლებების გაწერასა და მართვას, პაროლების პოლიტიკის გატარებას და ანგარიშების მართვას. ასევე, სამუშაო სადგურებზე დაყენებული მავნე კოდისგან დაცვის საშუალებების კონფიგურაცია არასათანადოა.

დაცვის მომსახურების გასაწევად გამიზნული სხვადასხვა სახის დეტექტორების (უსადენო მოძრაობისა, მინის მსხვრევის, მაგნიტურ-კონტაქტური) შესყიდვის მიზნით გამოცხადებულ ელექტრონულ ტენდერებში დაფიქსირდა ტენდენცია, რომ დეპარტამენტი სატენდერო დოკუმენტაციებით ტექნიკურ მოთხოვნებს აწესებდა შპს „ალპა+“-ზე ორიენტირებულად, რის შედეგადაც არაარსებითი მიზეზებით დისკვალიფიცირებას განიცდიდნენ დაბალი სატენდერო წინადადების ფასების მქონე პრეტენდენტები. ასევე დაფიქსირდა ტენდენცია იმასთან დაკავშირებით, რომ შპს „ალპა+“ ტენდერებში იმარჯვებდა სატენდერო წინადადებების ღირებულებებით, რომლებიც ტოლი იყო შესყიდვის სავარაუდო ღირებულების (ან მცირედით განსხვავდებოდა). რაც მიუთითებს, რომ შესყიდვის სავარაუდო ღირებულების განსაზღვრა ხდებოდა შპს „ალპა+“-ს მიერ მიწოდებული ფასებიდან გამომდინარე მაშინ, როდესაც ზუსტად იგივე წარმოშობის და მარკის საქონელზე სხვა მომწოდებლების შეთავაზებები იყო უფრო მისაღები. აღნიშნული მიდგომა მიზანშეუწონელია და იწვევს ფულადი სახსრების არაეკონომიურ ხარჯვას. გარდა ამისა, შპს „ალპა+“-ის მიერ წარმოდგენილი დეტექტორების შესყიდვის დამადასტურებელი დოკუმენტებით (საბაჟო დეკლარაციები C18787, 26.09.2014 და C23004, 20.11.2014 თანდართული ინვოისებით) გაირკვა, რომ მიწოდებული საქონლის ფასნამატი თვითღირებულებაზე ხშირ შემთხვევაში შეადგენდა 72%-დან 169%-მდე, რაც არაგონივრულად მაღალია.

მუნიციპალიტეტმა ვერ წარმოადგინა 2014-2015 წლებში გამგებლის მიერ პრიორიტეტების მოსამზადებლად გამოცემული სამართლებრივი აქტი. 2014-2015 წლების პრიორიტეტების დოკუმენტები არ მოიცავს მიმდინარე წლის ბიუჯეტის გადამუშავებულ პროგნოზებს, საშუალოვადიანი პრიორიტეტების მისაღწევად განსახორციელებელი ძირითადი ღონისძიებების დაფინანსების ოდენობებსა და მიზნებს. აუდიტის ობიექტმა ვერ წარმოადგინა 2014 წლის ბიუჯეტის პროექტისათვის მოსამზადებელი 9 საბიუჯეტო განაცხადიდან 7, ასევე 2015 წლის განაცხადები.

დეპარტამენტის მიერ, სასტუმროებისა და ე.წ. ,,გესთ ჰაუსების’’ შესაბამისი პერსონალის სატრენინგო-გადამზადებითი მომსახურებისათვის სამ შემთხვევაში, გამარტივებული ელქტრონული ტენდერის ფორმით გაფორმებულია ხელშეკრულებები ა(ა)იპ ,,აჭარის ავტონომიური რესპუბლიკის გიდების ასოციაციასთან’’ ჯამური ღირებულებით 25.3 ათასი ლარი. ხელშეკრულებებით განსაზღვრულია კონკრეტულ პირთა ოდენობა და ერთ პირზე მთლიანი სასწავლო კურსის ღირებულება, ხოლო ანგარიშსწორება დადგენილია ფაქტიურად გაწეული მომსახურების შესაბამისად, ტრენინგზე დამსწრეთა რაოდენობაზე გადაანგარიშებით. წარმოდგენილი დოკუმენტაციის ანალიზით, რიგ შემთხვევებში შემსყიდველის მიერ მომზადებული დამსწრეთა აღრიცხვის შესაბამისი ჟურნალები შეუსაბამოა მიმწოდებლის მიერ ნაწარმოები დასწრებისა და ტრენინგის ჩატარების კონტროლის ჟურნალებთან, მაგალითად, შემსყიდველის მიერ წარმოებულ ჟურნალში დაფიქსირებული სამი პირი არ ფიქსირდება მიმწოდებლის აღრიცხვის ჟურნალში და პირიქით. აღნიშნული უზუსტობებიდან გამომდინარე, ვერ ხდება ფაქტობრივად დამსწრე პირთა სრული იდენტიფიცირება, რაც მიმწოდებელთან ანგარიშსწორების საფუძველს წარმოადგენს.

2014 წლის განმავლობაში სსიპ გარემოსდაცვითი ინფორმაციისა და განათლების ცენტრის წარმომადგენლობითმა ხარჯებმა შეადგინა 92.4 ათასი ლარი. ამ ხარჯების დიდი ნაწილი გაწეულია სასწავლო და ინფორმაციული ტრენინგების ორგანიზებისთვის, რომელიც წარმოადგენს განათლების ცენტრის ძირითად საქმიანობას და მასთან დაკავშირებული ხარჯები არ უნდა იქნეს მიჩნეული წარმომადგენლობით ხარჯად. ვინაიდან ეს ხარჯები მიკუთვნებულია წარმომადგენლობით ხარჯებს, შესყიდვები ხორციელდებოდა გამარტივებული შესყიდვის მეშვეობით, მიუხედავად იმისა, რომ სახელშეკრულებო ღირებულება უმეტეს შემთხვევაში აღემატებოდა 5.0 ლარს.

2012 წელს საქართველოს პარლამენტის მიერ ცესკოსთვის გადმოცემის მომენტისათვის უკვე ამორტიზირებული ძირითადი აქტივების ჩამოწერა ცესკოს ძირითადი საშუალებების ანგარიშიდან განხორციელდა 2014 წლის 31 დეკემბრის მდგომარეობით. აღნიშნული აქტივები ცესკოს ბალანსზე აყვანილი იყო 2012 წლის 14 დეკემბრის მიღება-ჩაბარების აქტში მითითებული ისტორიული ღირებულებით (247.1 ათასი ლარი) და მათ 2012-2013 წლებში ერიცხებოდათ ცვეთა, რაც შეუსაბამობაშია მოქმედ კანონმდებლობასთან.

თსუ-ის შესაბამისი სამსახური ბაზრის კვლევებს ძირითადად აწარმოებდა მხოლოდ ფასთა გამოკითხვის საშუალებით, რომელიც იძლევა ძალიან მწირ ინფორმაციას და ქმნის ფასებით მანიპულირების შესაძლებლობას, რაც ვლინდება კვლევაში მონაწილე კომპანიების მხრიდან შეთავაზებულ გაზრდილ ფასებში. ასევე სავარაუდო ღირებულების განსაზღვრის მიზნით, პოტენციური მიმწოდებლების მიერ წარდგენილ შეთავაზებებში არ არის მითითებული ფასწარმოქნის კომერციული და ფინანსური პირობები (მიწოდების ვადები, ანგარიშსწორების პირობები და ვადები, საგარანტიო ვადები და ა.შ.). ყოველივე აღნიშნული განაპირობებს არასაბაზრო, არაადეკვატურად მაღალი სავარაუდო ღირებულებების ჩამოყალიბებას, რაც უკონკურენტო გარემოში ჩატარებული ტენდერების შემთხვევებში იწვევს საჯარო სახსრების არარაციონალურ ხარჯვას. ხოლო იმ შემთხვევებში, თუ კონკურენცია შედგა, ხშირად ფასის კლება 20%-ზე მეტს შეადგენს, რის გამოც პრეტენდენტები იძულებული არიან რეალური საბაზრო ფასების შეთავაზების შემთხვევებშიც კი დაასაბუთონ ფასწარმოქმნის ადეკვატურობა, რაც ზოგჯერ ტენდერებში მათი დისკვალიფიკაციის მიზეზი ხდება და ქმნის სატენდერო წინადადების მაღალი ფასის მქონე პრეტენდენტების გამარჯვების შესაძლებლობას.

სააგენტო ვერ უზრუნველყოფს სახელმწიფო პენსიის ადმინისტრირების პროცესში გამოყენებულ მონაცემებზე ეფექტიან კონტროლს. ქვეყნის მასშტაბით არსებულ რაიონულ ოფისებში სააგენტოს თანამშრომლებს დაშვება აქვთ იმაზე მეტ ინფორმაციაზე, ვიდრე ეს საჭიროა მათი ფუნქცია-მოვალეობების შესასრულებლად. ასევე, სააგენტოს არ გააჩნია ტექნიკური კონტროლები, რომელთა საშუალებითაც მიიღწეოდა არასანქცირებული მოქმედებების აღმოჩენა და პრევენცია. შესაბამისად, პერსონალური და განსაკუთრებული კატეგორიის პერსონალური მონაცემები სათანადო ხარისხით არ არის დაცული.

4 ერთეული სპეციალიზებული (დაჯავშნული) ავტომანქანის (ფურგონი) შესყიდვის მიზნით 2014 წლის 11 მარტს დეპარტამენტმა გამოაცხადა ელექტრონული ტენდერი (SPA140007015) შესყიდვის სავარაუდო ღირებულებით 451.8 ათასი ლარი. ტენდერში მონაწილეობა მიიღო სამმა პრეტენდენტმა, რომლებმაც ვაჭრობის შედეგად დააფიქსირეს შემდეგი სატენდერო წინადადების ფასები: შპს „თბილავიამშენი“ - 445.0 ათასი ლარი, შპს „ელსელემა“ - 368.0 ათასი ლარი და შპს „აიემ კავკასია“ - 315.0 ათასი ლარი. სატენდერო კომისიის გადაწყვეტილებით კანონმდებლობის დარღვევით დისკვალიფიცირებული იქნა შპს „აიემ კავკასია“. ასევე დისკვალიფიცირებული იქნა შემდეგი დაბალი სატენდერო წინადადების მქონე პრეტენდენტიც (შპს „ელსელემა“). შედეგად გამარჯვებულად გამოცხადდა შპს „თბილავიამშენი“, რომელთანაც 2014 წლის 23 მაისს გაფორმდა ხელშეკრულება N01/341/43 ღირებულებით 445.0 ათასი ლარი. 2014 წლის 25 დეკემბრის შეთანხმების (N2) საფუძველზე აღნიშნული ხელშეკრულება (N01/341/43) შეწყდა იმის გამო, რომ შპს „თბილავიამშენი“ ვერ ასრულებდა ხელშეკრულებით გათვალისწინებულ ვალდებულებას, რისთვისაც მას დაეკისრა პირგასამტეხლოს გადახდა 42.1 ათასი ლარის ოდენობით. შედეგად ზემოაღნიშნული 4 ერთეული ავტომანქანის (დაახლოებით იგივე მონაცემების) შესყიდვის მიზნით დეპარტამენტმა გამარტივებული შესყიდვის საშუალებით (ავტომანქანების ჩანაცვლების მოტივით) გააფორმა ხელშეკრულება შპს „აიემ კავკასიასთან“ (იმ კომპანიასთან, რომელიც დისკვალიფიცირებული იქნა ტენდერში) - ღირებულებით 260.0 ათასი აშშ დოლარის ექვივალენტი ლარში (ერთეულის ფასი 65.0 ათასი აშშ დოლარის ექვივალენტი ლარში). დეპარტამენტის მიერ შპს „აიემ კავკასიასთვის“ ეტაპობრივად გადახდილი იქნა ჯამურად 549.3 ათასი ლარი (ჩასანაცვლებელი ავტომანქანების ღირებულების გარდა). ზემოაღნიშნული შესყიდვის განხორციელების პროცესში დეპარტამენტის მიერ არ არის გათვალისწინებული კანონით განსაზღვრული რაციონალური ხარჯვის ვალდებულება, რის შედეგადაც გახარჯული იქნა 214.5 ათასი ლარით მეტი.

2014-2015 წლებში მუნიციპალიტეტმა სახელმწიფო შესყიდვების კანონმდებლობით განსაზღვრული მონეტარული ზღვრების და/ან დამტკიცებული გეგმის დარღვევით განახორციელა 14 სახელმწიფო შესყიდვა, ჯამური სახელშეკრულებო ღირებულებით - 203.2 ათასი ლარი.

ქვეყნის გარეთ სხვადასხვა ღონისძებებში მონაწილეობის მიზნით გაფორმებული ხელშეკრულებების ფარგლებში, დეპარტამენტის მიერ არარეზიდენტ სუბიექტებზე გადახდილია 40.0 ათასი ლარი შესაბამისი საავანსო უზრუნველყოფის გარანტიის წარმოუდგენლობის პირობებში.

სააგენტოს 2014 წლის 31 დეკემბრის მდგომარეობით არ ჰქონდა დასრულებული არაფინანსური აქტივების ინვენტარიზაციის პროცესი. შესაბამისად აუდიტის ჯგუფმა ვერ მიიღო საკამრისი აუდიტორული რწმუნება ბალანსზე აღრიცხული არაფინანსური აქტივების არსებობასა და სისრულეზე.

ცესკოში ადგილი ჰქონდა ხარჯების დაგვიანებით ჩამოწერასთან დაკავშირებულ ხარვეზებს, რომლის შედეგად ფინანსურ ანგარიშგებაში ხარჯები შემცირებულად ან გაზრდილად არის წარმოდგენილი და არაზუსტად ასახავს 2014 წელს ფაქტობრივად გაწეული ხარჯების ოდენობას. ასე მაგალითად, 2014 წელს ჩამოიწერა ცესკოს თანამშრომელთა 2012-2013 წლების ქვეყნის გარეთ და ქვეყნის შიგნით მივლინების მუხლით გაწეული ხარჯები 86.1 ათასი ლარის ოდენობით.

პრინტერების კარტრიჯების შესყიდვის მიზნით გამოცხადებული ელექტრონული ტენდერების უმრავლეს შემთხვევაში, საქონლის სპეციფიკაციით (აღწერილობა) მოთხოვნილი იყო, რომ საქონელი უნდა ყოფილიყო „ორიგინალი“ და ამასთანავე, პრეტენდენტს უნდა წარედგინა შემოთავაზებული ბრენდის მწარმოებლის ავტორიზაციის ფორმა (MAF). აღნიშნული მოთხოვნა კონკურენციის შეზღუდვის მაღალი რისკის მატარებელია, ვინაიდან ის წარმოადგენს არაპირდაპირ მითითებას მწარმოებელზე, ასევე მოდელზე. შესყიდვის ობიექტის აღწერის მიმართ ასეთმა მიდგომამ განაპირობა, რომ ყველა განხილულ ტენდერში მონაწილეობა მიიღო და სავარაუდო ღირებულების ტოლი (ან მასთან მიახლოებული) ფასით გაიმარჯვა კომპანია შპს „ულტრამ“.

700 ცალი ტაქტიკური ცეცხლსასროლი იარაღის ჩასადები ბუდის (კაბურა) შესყიდვის მიზნით დეპარტამენტმა 2014 წლის 19 მაისს გამოაცხადა გამარტივებული ელექტრონული ტენდერი (SPA140012937) შესყიდვის სავარაუდო ღირებულებით 28.0 ათასი ლარი. ტენდერში მონაწილეობა მიიღო ოთხმა პრეტენდენტმა, რომლებმაც დააფიქსირეს შემდეგი სატენდერო წინადადების ფასები: შპს „კავკასია პლიუსი“ - 17.0 ათასი ლარი, შპს „ა.ი.ს.ი.“ - 20.0 ათასი ლარი, შპს „ლემასი“ - 20.0 ათასი ლარი და შპს „აია ტექსტილი“ - 28.0 ათასი ლარი. ყველაზე დაბალი სატენდერო წინადადების ფასის მქონე პრეტენდენტი (შპს „კავკასია პლიუსი“) დისკვალიფიცირებული იქნა იმ მოტივით, რომ მის მიერ წარმოდგენილი საქონლის ნიმუში არ შეესაბამებოდა სატენდერო დოკუმენტაციით გათვალისწინებულ მოთხოვნებს. დისკვალიფიცირებული იქნა ასევე შპს „ა.ი.ს.ი.“ იმ მოტივით, რომ მან უარი განაცხადა ტენდერში შემდგომ მონაწილეობაზე (რადგან არ გააჩნდა სატენდერო დოკუმენტაციით მოთხოვნილი 100.0 ათასი ლარის საქონელბრუნვა უკანასკნელი ორი წლის განმავლობაში). დისკვალიფიცირებული იქნა ასევე მესამე დაბალი სატენდერო წინადადების ფასის მქონე პრეტენდენტიც - შპს „ლემასი“ იმ მოტივით, რომ „პრეტენდენტის აღნიშნულ სფეროში საქმიანობის გამოცდილება და კონტრაქტების მიხედვით მსგავსი ნაწარმის დამზადების ან მიწოდების პრაქტიკა უკანასკნელი ორი წლის განმავლობაში არ შეესაბამება სატენდერო დოკუმენტაციით მოთხოვნილს. შედეგად ტენდერში გამარჯვებულად გამოცხადდა ყველაზე მაღალი სატენდერო წინადადების ფასის მქონე შპს „აია ტექსტილი“, რომელთანაც 2014 წლის 4 ივლისს გაფორმდა ხელშეკრულება N02/358/62 ღირებულებით 28.0 ათასი ლარი. ზემოაღნიშნული შესყიდვის განხორციელების პროცესშიც დეპარტამენტის მიერ არ არის გათვალისწინებული კანონით განსაზღვრული რაციონალური ხარჯვის ვალდებულება შემდეგი გარემოებების გამო: - გაურკვეველია თუ რის საფუძველზე დაასკვნა სატენდერო კომისიამ, რომ შპს „ლემასს“ არ გააჩნდა აღნიშნულ სფეროში საქმიანობის გამოცდილება მაშინ, როცა პრეტენდენტს სისტემაში იმ მომენტისთვის ატვირთული არ ჰქონდა შესაბამისი დოკუმენტები, მაგრამ დეპარტამენტმა კანონმდებლობის შესაბამისად არ მიმართა პრეტენდენტს ტექნიკური დოკუმენტაციის დაზუსტების მოთხოვნით (გამოცდილებასთან და საქონელბრუნვასთან დაკავშირებით). - როგორც შემდგომმა მოვლენებმა დაადასტურა შპს „ლემასს“ გააჩნდა სათანადო გამოცდილება. კერძოდ, ორი თვის შემდეგ დეპარტამენტის მიერ გამოცხადებულ სხვა, ბევრად უფრო დიდი ღირებულების ტენდერში (SPA140019684) მან წარმოადგინა ამის დამადასტურებელი დოკუმენტები და ტენდერშიც გაიმარჯვა. ამასთან ერთად აღსანიშნავია, რომ ზემოაღნიშნულ ორ ტენდერში პრეტენდენტების გამოცდილებასთან დაკავშირებული მოთხოვნები დეპარტამენტის სატენდერო კომისიას დაყენებული ჰქონდა არაადექვატურად. კერძოდ, 28.0 ათასი ლარის ღირებულების ტენდერში (SPA140012937) მოთხოვნილი იყო 100.0 ათასი ლარის საქონელბრუნვა ბოლო ორი წლის განმავლობაში, ხოლო 140.0 ათასი ლარის ღირებულების ტენდერში მოთხოვნილი იყო 100.0 ათასი ლარის საქონელბრუნვა ბოლო სამი წლის და ხუთი თვის განმავლობაში. გარდა ამისა დაახლოებით იგივე ღირებულების (29.9 ათასი ლარის) ტენდერში (SPA140016891) გამოცდილებასთან დაკავშირებით სატენდერო დოკუმენტაციით მოთხოვნილი იყო 25.0 ათასი ლარის საქონელბრუნვა ყოველგვარი ვადების შეზღუდვის გარეშე (აქაც გაიმარჯვა შპს „ლემასმა“).

2015 წელს გამგეობამ აღდგომის დღესასწაულზე დასახმარებლად 88 ბენეფიციარი შეარჩია. სასურსათო პაკეტი არ გადაეცა 8 ბენეფიციარს და დახმარების გარეშე აღმოჩნდა 1000 ქულის მქონე 3- სულიანი, 2140 ქულის მქონე 4- სულიანი ოჯახი და სხვ. მათ ნაცვლად პროდუქტები მიიღო პირებმა, რომლებიც არ იყვნენ სოციალური სამსახურის მიერ შედგენილ სახელობით სიაში.

სააგენტოს მიერ, რიგ შემთხვევებში საკუთარი სახსრებით განხორციელებულ შესყიდვებზე, რომლებზეც არ ვრცელდება სახელმწიფო შესყიდვების შესახებ კანონმდებლობა, არ არის გაფორმებული შესაბამისი წერილობითი ხელშეკრულებები, რაც უზრუნველყოფდა შიდა კონტროლის მექანიზმების მეტ ეფექტურობას.

„საქართველოს გარემოს დაცვის, საქართველოს ენერგეტიკისა და ბუნებრივი რესურსების სამინისტროსა და მათ სისტემაში შემავალი საჯარო სამართლის იურიდიული პირების რეორგანიზაციის, უფლებამონაცვლეობის განსაზღვრისა და სახელწიფო საქვეუწყებო დაწესებულებების შექმნის შესახებ“ საქართველოს მთავრობის დადგენილებით , სსიპ გარემოს ეროვნული სააგენტო ჩაითვალა სსიპ ბუნებრივი რესურსების სააგენტოს უფლებამონაცვლედ იმ მოთხოვნებისა და ვალდებულებების ნაწილში, რომელიც უკავშირდება ბუნებრივი რესურსებით სარგებლობის ლიცენზიასთან დაკავშირებულ ურთიერთობებს და რეგულირების საფასურს. აღნიშნული მოთხოვნების ჯამი 2014 წლის 31 დეკემბრის მდგომარეობით შეადგენს - 1.648.4ლარს, მათ შორის 573.8 ათასი ლარის ოდენობის დავალიანება ერიცხება შპს „აიეტი ჯორჯიას“, რომელსაც გორის რაიონული სასამართლოს დადგენილებით დაეკისრა აღნიშნული თანხის სააგენტოს სასარგებლოად გადახდის ვალდებულება, თუმცა სააგენტოს არ მიუღია შესაბამისი ზომები ამ თანხის ამოღებასთან დაკავშირებით. სხვა დანარჩენი ვადაგადაცილებული დავალიანებების შესახებ სააგენტომ გააგზავნა დასტურის წერილები თუმცა მათი მოთხოვნის მიუხედავად, დებიტორებისგან პასუხები არ მოსულა. საკმარისი რწმუნების მისაღებად დამატებითი აუდიტორული პროცედურების ჩატარება კი შეუძლებელია, შესაბამისად ვერ ვრწმუნდებით აღნიშნული დებიტორული დავალიანებების სიზუსტეში.

ცენტრალური საარჩევნო კომისიის ბალანსზე 2014 წლის 1 იანვრისთვის ირიცხებოდა 2010-2013 წლებში შეძენილი 1 წლის სასარგებლო მომსახურების ვადის მქონე სხვადასხვა დასახელების არამატერიალური აქტივი. ვინაიდან, საქართველოს ფინანსთა მინისტრის 2010 წლის 25 აგვისტოს N672 ბრძანებით დამტკიცებული საქართველოს საბიუჯეტო კლასიფიკაციის თანახმად, ერთწლიანი გამოყენების კომპიუტერული პორგრამების შეძენა-განახლების ხარჯის გაწევა გათვალისწინებულია ოფისის ხარჯების მუხლიდან, ცესკოს თავჯდომარის 2014 წლის 31 დეკემბრის N01-79 ბრძანებით განხორციელდა 22.8 ათასი ღირებულების არამატერიალური აქტივების ჩამოწერა. შესაბამისად, 2014 წლის ბალანსში არამატერიალური აქტივების საწყისი ღირებულება არასწორად არის წარმოდგენილი.

ავტომანქანების ტექნიკური მომსახურების შესყიდვის მიზნით თსუ-ს ჩატარებული აქვს ელექტრონული ტენდერები პრეისკურანტის საფუძველზე. პრეისკურანტის სავარაუდო ღირებულება განისაზღვრებოდა მომსახურების სხვადასხვა სახეობის ერთეულების სავარაუდო ღირებულებების მექანიკური დაჯამებით, ხოლო ვაჭრობის რაუნდებში პრეტენდენტების მიერ სატენდერო წინადადების ფასის კლება ხორციელდებოდა მომსახურების თითოეული პოზიციის მიხედვით პროპორციულად. აღნიშნული მეთოდი ფულადი სახსრების რაციონალური ხარჯვის თვალსაზრისით შეიცავს რისკებს, კერძოდ: პრეისკურანტით გათვალისწინებული მრავალი სახის მომსახურებიდან, მათი სპეციფიკური დანიშნულებების გამო, შემსყიდველს წლის განმავლობაში შეიძლება დასჭირდეს მხოლოდ გარკვეული სახეობები, მათ შორის, ცალკეული სახეობა რამდენჯერმეც (მაგალითად, ძრავის ზეთის ან სამუხრუჭე ხუნდების გამოცვლა). ხოლო მომსახურებების და დეტალების უმრავლესობის საჭიროება მათი რამდენიმეწლიანი მუშაობის უნარის გამო, შესაძლოა საერთოდ არ დადგეს (მაგალითად, ძრავის მუხლა ლილვის ან ჯაჭვის შეცვლა და სხვ.). აქედან გამომდინარე, სატენდერო წინადადების წარდგენისას მომსახურების ერთეულების ფასების პროპორციული კლება მათი საჭიროების დადგომის არათანაბარი შესაძლებლობის შემთხვევაში იძლევა ფიქტიურ ეკონომიას. ვინაიდან იმ მომსახურებების მიხედვით ფასების პროპორციული კლება, რომელთა საჭიროების დადგომის ალბათობა ძალიან მცირეა და ძირითადად, მათი ერთეულების ღირებულებები მაღალია, იძლევა ნომინალურ ეკონომიას.

ელექტრონული ტენდერების გამოცხადების დროს დეპარტამენტის მიერ პრეტენდენტთა გამოცდილების დამადასტურებელი დოკუმენტების მოთხოვნებთან დაკავშირებით ცალკეულ შემთხვევებში წარმოებდა არაერთგვაროვანი, ზოგჯერ დაუსაბუთებელი მიდგომა. რაც კონკრეტულად გამოიხატებოდა პრეტენდენტების გამოცდილებასთან დაკავშირებით მოთხოვნილი საქონელბრუნვის მაჩვენებლების შესყიდვის სავარაუდო ღირებულებასთან შეუსაბამობაში. მაგალითად: (SPA150016360),(SPA150014263), (SPA150001339), (SPA150014254), (SPA150014294), (SPA150012684), (SPA150014211), (SPA140009960), (SPA140012046) და ა.შ. დეპარტამენტის მიერ ტენდერებით სახელმწიფო შესყიდვების განხორციელებისას პრეტენდენტების საკვალიფიკაციო მოთხოვნებთან დაკავშირებით წარმოებდა არამიზანშეწონილი მიდგომა, რაც გამოიხატებოდა იმაში, რომ ყველა ელექტრონულ ტენდერში (მიუხედავად მონეტარული ზღვრისა) სატენდერო დოკუმენტაციით განსაზღვრული იყო საკვალიფიკაციო მონაცემების დამადასტურებელი დოკუმენტების წარმოდგენის მოთხოვნა. სახელმწიფო შესყიდვების მარეგულირებელი კანონმდებლობის მიხედვით სატენდერო დოკუმენტაცია შესაძლებელია არ შეიცავდეს პრეტენდენტის მიერ საკვალიფიკაციო მონაცემების დამადასტურებელი დოკუმენტების წარმოდგენის მოთხოვნას. გამარტივებული ელექტრონული ტენდერის შემთხვევაში კი პრეტენდენტის მიერ წარმოსადგენი საკვალიფიკაციო მონაცემების დამადასტურებელი დოკუმენტების მოთხოვნა ხდება მხოლოდ განსაკუთრებულ შემთხვევებში და უნდა იყოს დასაბუთებული სატენდერო დოკუმენტაციაში . მიუხედავად იმისა, რომ დეპარტამენტის მიერ ხშირ შემთხვევაში 200.0 ათას ლარამდე ღირებულების შესყიდვები წარმოებდა ელექტრონული ტენდერის საშუალებით ნაცვლად გამარტივებული ელექტრონული ტენდერისა (რაც შემსყიდველის კომპეტენციას წარმოადგენს), ხშირ შემთხვევაში შესაძლებელი იყო სატენდერო დოკუმენტაციით საკვალიფიკაციო მოთხოვნები დაყენებული არ ყოფილიყო (ან დაყენებული ყოფილიყო მოქნილი ფორმით ), რაც აღარ გახდებოდა დაბალი სატენდერო წინადადების ფასის მქონე პრეტენდენტების დისკვალიფიკაციის საფუძველი. მაგალითად: (SPA140017818) და (SPA150013562). გამოცდილების დამადასტურებელი დოკუმენტების მოთხოვნისადმი არაერთგვაროვნება დაფიქსირდა აგრეთვე სამუშაო ტანსაცმლის შესყიდვის მიზნით იმავე პერიოდში (2014 წლის 9 ივლისს) გამოცხადებულ ელექტრონულ ტენდერშიც (SPA140017004) შესყიდვის სავარაუდო ღირებულებით 715.0 ათასი ლარი, რომელშიც გამოცდილების დასადასტურებლად მოთხოვნილი იყო სულ მცირე ორწლიანი გამოცდილება და 100.0 ათასი ლარის საქონელბრუნვა უკანასკნელი ორი წლის განმავლობაში. აღნიშნულ ტენდერშიც გაიმარჯვა შპს-მ „SANDIKO“ სატენდერო წინადადების ღირებულებით 693.8 ათასი ლარი, რომელთანაც 2014 წლის 27 აგვისტოს გაფორმდა ხელშეკრულება Nე/01/182/86 ზემოაღნიშნული ღირებულებით. აღსანიშნავია, რომ ამ შემთხვევაში ზემოაღნიშნული ტენდერისგან (SPA140014326) განსხვავებით უგულებელყოფილი იქნა ის ფაქტი რომ შპს „SANDIKO“ დაფუძნებული იყო 2013 წელს და მას ორწლიანი გამოცდილება არ გააჩნდა.

2014-2015 წლებში მუნიციპალიტეტისათვის გადაცემული საშეშე მერქანი მოსახლეობაში განაწილებულია ხარვეზებით. კომისიური წესით დადგენილი სიის 14 ბენეფიციარზე დახმარების გაცემა დოკუმენტებით არ დასტურდება. პასუხისმგებელი პირების განმარტებით, 6 ბენეფიციარი არ იმყოფებოდა სოფელში და შეშა ინახება თემის მიმდებარე ტერიტორიაზე, ხოლო 8 ბენეფიციართან მიღება-ჩაბარების აქტები არ გაფორმებულა.

აჭარის ავტონომიური რესპუბლიკის მთავრობის საქვეუწყებო დაწესებულება - ტურიზმისა და კურორტების დეპარტამენტსა და შპს „მარკას“ შორის არსებულ ხელშეკრულებაში, მიმწოდებლის წერილის საფუძველზე , 2014 წლის 16 დეკემბრის შეთანხმებით ნაკისრი ვალდებულების განხორციელების თარიღი განისაზღვრა 2015 წლის 15 აპრილით. იმის გათვალისწინებით, რომ მიმწოდებელის მიერ ვადის გაგრძელება მოთხოვნილია 31 მარტამდე, დეპარტამენტის მხრიდან დამატებით 15 დღით ვალდებულების შესრულების ვადის გაზრდა არ არის დასაბუთებული.

სააგენტოს შემოსავლების ძირითად წყაროს წარმოადგენს ბუნებრივ რესურსებზე ლიცენზიატების მიერ გადახდილი რეგულირების საფასური, სადაც გამოვლინდა კონტროლის სისუსტე. კერძოდ, ლიცენზიატების გარკვეულ ნაწილს არ აქვს „სასარგებლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკიცების თაობაზე“ დადგენილებით გათვალისწინებული სააგენტოს ხელძღვანელის შესაბამისი ბრძანებით დამტკიცებული სასარგებლო წიაღისეულის ათვისების გეგმები, რის გამოც სააგენტოსთვის შეუძლებელია ლიცენზიატის მიერ ლიცენზიის პირობების (სასარგებლო წიაღისეულით სარგებლობის მოცულობებისა და მათ ასათვისებლად გათვალისწინებული ვადების დაცვა) დაცვის კონტროლი, რაზეც დამოკიდებულია რეგულირების საფასურთან დაკავშირებული შემოსავლის აღრიცხვა. ამ შემთხვევებში ლიცენზიატები სააგენტოს პერიოდულად წარმოუდგენენ წერილს მოპოვებული ბუნებრივი რესურსების რაოდენობაზე. თუმცა, იმის გამო, რომ არ მოწმდება წარმოდგენილი ინფორმაციის სიზუსტე, ვერ მოვიპოვეთ საკმარისი აუდიტორული რწმუნება სააგენტოს ბალანსზე აღრიცხული შემოსავლების სისრულეზე.

თსუ-ის მე-2 კორპუსის სარეაბილიტაციო სამუშაოების განსახორციელებლად შეირჩა პროექტირება-მშენებლობის - ე.წ. Design-Build (DB) მეთოდი. შესყიდვა განხორციელდა ელექტრონული ტენდერით და შესყიდვის სავარაუდო ღირებულებამ შეადგინა 5,829.9 ათასი ლარი. ტენდერში მონაწილეობა მიიღო სამმა კომპანიამ და გამარჯვებულად გამოცხადდა სატენდერო წინადადების უმცირესი ფასის წარმდგენი შპს „დიკა 2010“, რომელთანაც გაფორმდა ხელშეკრულება ღირებულებით − 5,192.0 ათასი ლარი. სამშენებლო პროექტების განხორციელების DB მეთოდის ერთ-ერთ უარყოფით მხარეს წარმოადგენს შესყიდვის საშუალებად ტენდერის გამოყენების სირთულე (გარდა ტიპური პროექტების განხორციელების შემთხვევებისა). იმის გამო, რომ აღნიშნული მეთოდი გულისხმობს საპროექტო მომსახურების და სამშენებლო სამუშაოების ერთი კონტრაქტორისგან შესყიდვას, ტენდერის გამოცხადების ეტაპზე არ არსებობს დეტალური საპროექტო დოკუმენტაცია (ხარჯთაღრიცხვა), რაც, თავის მხრივ, შეუძლებელს ხდის სწორად განფასდეს შესასრულებელი სამუშაოები და შედეგად, ადეკვატურად განისაზღვროს შესყიდვის სავარაუდო ღირებულება. ასეთ შემთხვევაში ტენდერებში ფასების კლებაც მხოლოდ გარკვეულ ფარგლებში შეიძლება დაფიქსირდეს და მაღალი რისკი არსებობს იმისა, რომ რეალურ საბაზრო ღირებულებამდე ვერ ჩამოვიდეს (რადგან თვით პრეტენდენტებსაც არ აქვთ ზუსტი წარმოდგენა ფასის ადეკვატურობაზე და დაზღვევის მიზნით შესაძლოა მაღალ ფასებზე შეაჩერონ შეთავაზება). ამასთანავე, თსუ-ის მე-2 კორპუსის ტექნიკურ მდგომარეობაზე დასკვნის ღირებულების გაანგარიშების დროს არ არის გათვალისწინებული სსიპ − ლევან სამხარაულის სახელობის სასამართლო ექსპერტიზის ეროვნული ბიუროს ტარიფები, ხოლო ნებართვების ღირებულების (რომელიც ასევე გაზრდილია) დადგენას არ ესაჭიროებოდა ბაზრის კვლევა, რადგან გაიცემა მხოლოდ სსიპ − ქალაქ თბილისის მუნიციპალიტეტის არქიტექტურის სამსახურის მიერ და ფასები ფიქსირებულია. შედეგად, თსუ-ის მე-2 კორპუსის სარეაბილიტაციო სამუშაოების შესყიდვის მიზნით გაფორმებული ხელშეკრულების ხარჯთაღრიცხვა გაზრდილია ჯამურად 1,116.3 ათასი ლარით (225.8 ათასი ლარით, მომსახურებების ნაწილში + 890.5 ათასი ლარით, სამუშაოების ნაწილში), რამაც შექმნა საბიუჯეტო სახსრების არარაციონალური და არაეკონომიური ხარჯვის რისკი.

სსიპ დაცვის დაცვის პოლიციის დეპარტამენტს აუდიტის პერიოდში ბალანსზე ერიცხებოდა 600-ზე მეტი სატრანსპორტო საშუალება, მათ შორის ასამდე დაჯავშნული ავტომანქანა, რომლებიც გამოიყენებოდა საინკასაციო მომსახურების გასაწევად. შერჩევით შემოწმებული იქნა დაჯავშნული ავტომანქანების ტექნიკური მომსახურების შესყიდვის მიზნით გამოცხადებული ტენდერები და მათ საფუძველზე გაწეული ხარჯების კანონიერება, რის შედეგადაც გამოვლინდა შემდეგი: - გამოცხადებული ტენდერების სავარაუდო ღირებულებები არ იყო განსაზღვრული ბაზრის კვლევაზე და წინა წლების გამოცდილებაზე დაფუძნებული. - გარდა ამისა, გაურკვეველი მოტივით დეპარტამენტში დამკვიდრებულია „ტრადიცია“ და წელიწადში ორჯერ ტარდება ტენდერები ერთიდაიგივე დაჯავშნული ავტომანქანების მომსახურებაზე. ლოგიკურად სახელშეკრულებო ღირებულებების (ლიმიტების) გაანგარიშება უნდა კეთდებოდეს მთელ ფისკალურ წელზე გათვლით, მაგრამ ასე არ ხდებოდა. შედეგად სახელშეკრულებო ღირებულების ლიმიტების ამოწურვის შემდეგ დეპარტამენტი თავიდან აცხადებდა ტენდერებს იმავე ავტომანქანების ტექნიკური მომსახურების შესყიდვის მიზნით, რის გამოც გარდა იმისა, რომ იხარჯებოდა დამატებითი შრომითი რესურსი, პრეისკურანტის სავარაუდო ღირებულების განსაზღვრისადმი ისევ არასწორი მიდგომის გამო არაეკონომიურ ხარჯვასაც ჰქონდა ადგილი. - გამოვლინდა ასევე ფაქტები, როდესაც ფაქტობრივად გადახდილი თანხები არ შეესაბამება ხელშეკრულების პრეისკურანტით განსაზღვრულ ფასებს. - გამოვლინდა ასევე შემთხვევები, როცა ტენდერში გამარჯვების საფუძველზე გაფორმებულ ხელშეკრულებებში შეტანილი ცვლილებებით გაზრდილია პრეისკურანტის არსებული პოზიციების ფასები, რაც შესყიდვების მარეგულირებელი კანონმდებლობით ნებადართული არ არის (ხელშეკრულების დადების შემდეგ პრეისკურანტში ცვლილების შეტანა დასაშვებია მხოლოდ მასში მომსახურების რომელიმე ერთეულის არარსებობისას ). - გამოვლინდა ასევე შემთხვევები, როდესაც დეპარტამენტი არ სარგებლობდა ტექნიკურ მომსახურებაზე გაფორმებული ხელშეკრულებებით განსაზღვრული საგარანტიო პირობებით და საგარანტიო პერიოდში განმეორებით არის გადახდილი თანხები უფასოდ კუთვნილ მომსახურებაზე. - გარდა ამისა აუდიტის ჯგუფის მიერ „სახელმწიფო შესყიდვების შესახებ“ საქართველოს კანონის 221-ე მუხლის საფუძველზე გადამოწმებული იქნა დეპარტამენტისთვის მიწოდებული ცალკეული ავტონაწილების შესყიდვასთან დაკავშირებული დოკუმენტები. შპს „ავტოტრანსსერვისის“ მიერ წარმოდგენილი დოკუმენტებით გაირკვა, რომ ეს კომპანია არ აწარმოებდა დეპარტამენტზე მიწოდებული ავტონაწილების იმპორტს. ის ადგილობრივ ბაზარზე შეძენილ ავტონაწილებს სპეკულაციურ ფასებად (300-500%-იანი ფასნამატებით) აძლევდა დეპარტამენტს, რაც კიდევ ერთი დამადასტურებელი ფაქტია იმისა, რომ სატენდერო პრეისკურანტების სავარაუდო ღირებულებები (რომელთა ზღვრულ ფარგლებშიც წარდგენილი იყო სატენდერო წინადადებები) არასწორად იყო განსაზღვრული.

2013 წლის მაისში მუნიციპალიტეტმა პირობითი აუქციონი გამოაცხადა სოფელ ნიკორწმინდაში მდებარე 2202 კვ.მ. მიწის ნაკვეთის გასხვისებაზე. გამგეობამ ელექტრონული აუქციონის პირობებში მიუთითა, რომ მიწის ნაკვეთზე ხელმისაწვდომი იქნებოდა ელ. ენერგიით და სასმელი წყლით სარგებლობა. აუქციონში გამარჯვებული პირი ვალდებული იყო ხელშეკრულების გაფორმებიდან 18 თვის ვადაში აეშენებინა და აემოქმედებინა თანამედროვე ტიპის საყოფაცხოვრებო მომსახურების (რესტორანი) ობიექტი. საკუთარი ვალდებულებების შესასრულებლად, კერძოდ ტრანსფორმატორის შეძენისა და შემოღობვისათვის აუდიტის ობიექტმა გასწია 41.5 ათასი ლარის ხარჯი , თუმცა ვერ მიიღო დაგეგმილი შედეგი. აუდიტის მიმდინარეობისას მესაკუთრის ვალდებულებები კვლავ შეუსრულებელი იყო. გამგეობის მხრიდან კანონმდებლობით გათვალისწინებული სანქციები არ არის გამოყენებული, რაც საფუძვლად დაედებოდა აუქციონის შედეგების გაუქმებას.

საარქივო სამმართველოს მიერ მსუბუქი ავტომანქანის შესყიდვზე გამოცხადებულ ტენდერის სატენდერო დოკუმენტაციაში კონკრეტული მახასიათებლების განსაზღვრა ხელს უშლის სახელმწიფო შესყიდვების კანონით გათვალისწინებულ ფულადი სახსრების რაციონალურ ხარჯვასა და ჯანსაღ კონკურენციას.

სსიპ "გარემოს ეროვნული სააგენტოს" ბალანსზე 2015 წლის 1 იანვრის მდგომარეობით ირიცხება უძრავი ქონება, თანხით - 7 165.7 ათასი ლარი, მ.შ შენობები - 649.0 ათასი ლარის და ნაგებობები - 6 516.7 ათასი ლარის, ასევე ნაპირსამაგრი ნაგებობები. აღნიშნულ ქონებაზე სააგენტოს არ აქვს ინფორმაცია, არ არის დაზუსტებული საკუთრების უფლება და მათი არსებობა.

- სახელმწიფო სამეცნიერო გრანტის კონკურსში გამარჯვებული პროექტის („პარკუჭთა ნაადრევი რეპოლარიზაციის სინდრომი - უწყინარი ეკგ თავისებურება, თუ სიცოცხლისათვის საშიში არითმიების პრედიქტორი“) დაფინანსების მიზნით, ერთი მხრივ, სსიპ - შოთა რუსთაველის ეროვნულ სამეცნიერო ფონდსა და მეორე მხრივ, თსუ-ს (როგორც − წამყვანი ორგანიზაცია), ასევე გრანტის მიმღებ ფიზიკურ პირებს შორის 2015 წლის 5 მაისს გაფორმდა საგრანტო ხელშეკრულება FR/547/8-305/14. დაფინანსების მოცულობა შეადგენდა 148.6 ათას ლარს. საგრანტო ხელშეკრულების მიხედვით, პროექტის ამოცანა იყო ეთნიკურად სხვადასხვა წარმომავლობის 20-45 წლის ასაკის 800 პირის (მათ შორის, სპორტსმენების) შერჩევა მათზე სამედიცინო კვლევების ჩატარების, შედეგების შესწავლის და შემდგომ მეცნიერული დასკვნების გაკეთების მიზნით. პროექტის ფარგლებში გამოკვლეულად ნაჩვენები პირების რაოდენობის რეალობის (აქედან გამომდინარე, პროექტის განხორციელების რეალობის) შესწავლის პროცესში მიღებული სიტყვიერი ახსნა-განმარტების მიხედვით, გრანტის მიმღებ პირებს არ გააჩნიათ გამოკვლეულ პირებთან სამართლებრივი ურთიერთობის რაიმე იურიდიული დოკუმენტი (ხელშეკრულება, წერილობითი განცხადება და ა. შ.), მათ არ გააჩნიათ ასევე გამოკვლეული პირების პერსონალური მონაცემები (სახელი, გვარი, პირადი ნომერი, მისამართი, ტელეფონი) და, რომ აღნიშნული მონაცემები მათ არც პროექტის განხორციელების პერიოდში ჰქონდათ. ამასთანავე, პროექტის შესრულების ანგარიშის მიხედვით, პირებს ჩაუტარდათ ასევე ფიზიკური დატვირთვის ეკგ ტესტი. ის გარემოება, რომ აღნიშნული ტესტისთვის საჭირო ტექნიკა - ეკგ სისტემა სტრესტესტებისთვის (ტრედმილით) შეძენილია 2018 წლის იანვარში და აუდიტის მიმდინარეობის პერიოდისთვის იმყოფებოდა უხმარ, ქარხნულად შეფუთულ მდგომარეობაში, ეჭვქვეშ აყენებს ტესტების ჩატარების რეალობას. გარდა ამისა, არ განხორციელებულა პროექტის ხარჯთაღრიცხვით გათვალისწინებული კვლევებისთვის საჭირო ტექნიკის - დეფიბრილატორის შეძენა, რაც ასევე ეჭვქვეშ აყენებს სამედიცინო კვლევების ჩატარების რეალობას.

ახალი ავტომანქანების შეძენისას საგარანტიო პერიოდში გაწეული ტექნიკური მომსახურებების შერჩევითი შემოწმებით გაირკვა შემდეგი: სსიპ დაცვის პოლიციის დეპარტამენტი ახალი დაჯავშნული ავტომანქანების (თურქული წარმოების ფორდ-ტრანზიტები) შეძენას ძირითადად აწარმოებდა შპს „აიემ კავკასიისგან“ ავტომანქანების ჩანაცვლების გზით. შპს „აიემ კავკასია“ თავის მხრივ ავტომანქანების (დაუჯავშნელის) შეძენას ახდენდა შპს „ჯი თი მოტორსისგან“ და შემდგომ უტარებდა დაჯავშნის სამუშაოებს. დეპარტამენტსა და შპს „აიემ კავკასიას“ შორის გაფორმებულ სახელმწიფო შესყიდვებთან დაკავშირებულ ყველა ხელშეკრულებას დანართი N2-ის სახით ახლავს საგარანტიო პირობები, რომლის მიხედვით დეპარტამენტი იღებდა ვალდებულებას, რომ საგარანტიო პერიოდის განმავლობაში ავტომობილს ნებისმიერი სახის ტექნიკურ მომსახურებას ჩაუტარებდა და ნებისმიერ სათადარიგო ნაწილს, გარდა საბურავისა შეიძენდა მხოლოდ შპს „ჯი თი მოტორსის“ სერვის ცენტრებში (იგულისხმება არასაგარანტიო მომსახურებები). აღნიშნული მიზნით დეპარტამენტი დამატებით ხელშეკრულებებს (თანდართული პრეისკურანტით) აფორმებდა შპს „ჯი თი მოტორსთან“ . შპს „ჯი თი მოტორსი“ სარგებლობდა რა არსებულ სიტუაციაში მონოპოლიური მდგომარეობით, დეპარტამენტს მომსახურებას უწევდა არაადექვატურად მაღალი ფასებით (ხუნდების კომპლექტი 252 ლარიდან 647 ლარამდე) . შედარებისთვის: დეპარტამენტი სხვა შემთხვევებში (არასაგარანტიო პერიოდში) სამუხრუჭე ხუნდების გამოცვლის მიზნით ხუნდების შეძენას (მათ შორის დაჯავშნული ავტომანქანებისთვის) აწარმოებდა დამოუკიდებლად (შემდგომი მონტაჟის მიზნით) ელექტრონული ტენდერების საშუალებით, ფასები - კომპლექტი 36 ლარიდან მაქსიმუმ 47 ლარამდე დღგ-ს ჩათვლით (თურქული წარმოების). ტენდერების საშუალებით შეძენილი სამუხრუჭე ხუნდების ფასები 5-10-ჯერ ნაკლებია შპს „ჯი თი მოტორსის“ შეთავაზებულ ფასებზე. გარდა ამისა, როგორც შპს „ჯი თი მოტორსის“ მიერ წარმოდგენილი შესყიდვის (იმპორტის) დამადასტურებელი დოკუმენტებით გაირკვა, დეპარტამენტისთვის მიყიდული ზემოაღნიშნული ხუნდების ერთეულის (კომპლექტის) თვითღირებულებამ შეადგინა დაახლოებით 39.62 ევრო, 39.0 ევრო და 47.0 ევრო დღგ-ს გარეშე (თითოეული საბაჟო დეკლარაციის შესაბამისად). რაც იმ დროისთვის არსებული გაცვლითი კურსის შესაბამისად შეადგენდა 94 ლარს, 92.6 ლარს და 121.75 ლარს დღგ-ს გარეშე. თუ აღნიშნულ მონაცემებს შევადარებთ გასაყიდ ფასებს (548.69 ლარი, 417.31 ლარი, 395.84 ლარი, 267.12 ლარი და ა.შ.), ფასნამატი თვითღირებულებაზე არაგონივრულად მაღალია. სულ 2015 წლის განმავლობაში შპს „ჯი თი მოტორსს“ ზემოაღნიშნული არაადექვატური ფასებით დეპარტამენტისთვის მიყიდული აქვს 195 კომპლექტი სამუხრუჭე ხუნდი (წინა და უკანა) ღირებულებით 60.1 ათასი ლარი დღგ-ს ჩათვლით (50.9 ათასი ლარი დღგ-ს გარეშე).

კანონმდებლობის მოთხოვნის მიუხედავად, მუნიციპალიტეტი 2014-2015 წლებში არ ახორციელებდა ფინანსურ აღრიცხვას; არ ადგენდა პერიოდულ და წლიურ ფინანსურ ანგარიშგებებს; 2015 წლის ბოლოს არ ჩაუტარებია ინვენტარიზაცია.

საარქივო სამმართველოს მიერ მოწოდებული მონაცემებით ირკვევა, რომ სამმართველოს ბალანსზე რიცხულ ავტომანქანაზე ერთჯერადად შევსებულია საწვავის ავზი 75 ლიტრის ოდენობით, მიუხედავად იმისა, რომ ანალოგიური ავტომანქანის საწვავის ავზის მოცულობა შედარებით ნაკლებია.

სააგენტო არ აწარმოებს შესყიდვების რეესტრს. შესაბამისად ვერ ფლობს სრულყოფილ ინფორმაციას შესყიდვების გეგმასთან შესაბამისობის შესახებ. ასევე, არ ხდება წლის ბოლოს შესყიდვების განხორციელების ანალიზი. შესაბამისად, ეს ქმნის პრობლემებს მომდევნო წლის შესყიდვის გეგმის შემუშავებისას და მომავალში საჭიროებს დამატებით ცვლილებებს, როგორც დროის, ასევე სახსრების კუთხით. სააგენტოს მიერ წარმოდგენილი შესყიდვების დოკუმენტაციის შემოწმებისას აღმოჩნდა, რომ მიღება-ჩაბარებების ნაწილზე არ იყო მითითებული თარიღები, რის გამოც ვერ მოხერხდა ბუღალტერიაში აღრიცხვის შესაბამისობის დადგენა და ვერ გამოვლინდა შესაძლო დასარიცხი ჯარიმები.

გამგეობამ ვერ წარმოადგინა შიდა აუდიტის სტრატეგიული და წლიური გეგმები, დამტკიცებული სახით. გარდა ამისა, სამსახურს არ შეუსწავლია გამგეობის სტრუქტურული ერთეულებისა და ტერიტორიული ორგანოების საქმიანობა. გამგეობამ ვერ დაასაბუთა, რატომ არ დაიგეგმა და განხორციელდა აღნიშნული სტრუქტურების შიდა აუდიტორული შემოწმება.

საარქივო სამმართველოს შენობის რემონტის შედეგად მიღებული მასალების სასაქონლო-მატერიალური ფასეულობების შერჩევითი დათვალიერებით დადგინდა, რომ სამმართველოს საწყობში დასაწყობებული 198 ცალი ალუმინის მეორადი გოფრირებული ფურცლები შეუსაბამოა სამმათველოს საინვენტკომისიის დასკვნებში მითითებულ მონაცემებზე.

ბალანსში არ არის სწორად გამიჯნული სხვა გრძელვადიანი მცირეფასიანი აქტივები და სხვა მატერიალური მარაგები. კერძოდ, სხვა მატერიალურ მარაგებში მოქცეულია გრძელვადიანი მცირეფასიანი აქტივები.

მუნიციპალიტეტმა, 2014-2015 წლებში, გამარტივებული შესყიდვის 154 ხელშეკრულებით, შეიძინა 1 006.9 ათასი ლარის სამშენებლო სამუშაოები. 2014 წელს, 3 ხელშეკრულების ფარგლებში, 7.9 ათასი ლარის ღირებულების სამუშაოებზე ფაქტობრივი დანახარჯის დამადასტურებელი დოკუმენტაცია საერთოდ არაა წარმოდგენილი. 59 ხელშეკრულებისათვის არ არის ხელფასის ან ტრანსპორტის ხარჯის დოკუმენტები. მიმწოდებლების მიერ შეძენილი საწვავი რაოდენობრივად არ არის გაწერილი კონკრეტული სამუშაოს მიხედვით.

საანგარიშო პერიოდში 8 შემთხვევაში ქ. თბილისში მივლინებისათვის გაწეულია 0.9 ათასი ლარის საკასო და 1.1 ათასი ლარის ფაქტობრივი ხარჯი. მივლინების მიზანს ყველა შემთხვევაში წარმოადგენდა შპს ,,ლუკოილ ჯორჯიასთან“ საწვავის მიწოდებაზე ხელშეკრულების დამოწმება. იმ პირობებში, როცა სამმართველოს შპს ,,საქართველოს ფოსტასთან“ გაფორმებული აქვს ხელშეკრულება საფოსტო და საკურიერო მომსახურებაზე, საარქივო სამმართველოს თანამშრომლების მივლინება ქ. თბილისში მხოლოდ ხელშეკრულების დამოწმებისათვის, საბიუჯეტო სახსრების არაეკონომიურ ხარჯვაზე მიუთითებს.

სააგენტოს მიერ წარმოდგენილი შესყიდვების დოკუმენტაციის შემოწმებისას აღმოჩნდა, რომ მიღება-ჩაბარებების ნაწილზე არ იყო მითითებული თარიღები, რის გამოც ვერ მოხერხდა ბუღალტერიაში აღრიცხვის შესაბამისობის დადგენა და ვერ გამოვლინდა შესაძლო დასარიცხი ჯარიმები.

საქართველოს მთავრობის განკარგულებით, 2014 წელს სტიქიის შედეგების სალიკვიდაციოდ ამბროლაურის მუნიციპალიტეტს 892.0 ათასი ლარი გამოეყო. საკრებულომ ხელშეკრულების გასაფორმებლად რეკომენდაცია გაუწია შპს „მშენებელი-2006“-ს. შესყიდვის ელექტრონული პორტალის მონაცემების მიხედვით, მიმწოდებელს სამუშაოს შესრულების გამოცდილება არ აქვს. საკრებულომ მიმწოდებლის შერჩევის კრიტერიუმად გამოიყენა 2006 წელში შესრულებული სამუშაოები.

დეპარტამენტის საზოგადოებასთან ურთიერთობის სპეციალისტის პოზიცია, კონტრაქტით გათვალისწინებული სამუშაოს შინაარსის გათვალისწინებით, ვერ იქნება განხილული არამუდმივ ამოცანათა შესრულებად

საქართველოს ენერგეტიკის სამინისტრო და სსიპ საქართველოს ნავთობისა და გაზის სახელმწიფო სააგენტო განთავსებულია ქალაქ თბილისში იუსტიციის სახლის შენობაში. შენობა არ არის მიღებული ექსპლოატაციაში, საჯარო რეესტრის ამონაწერში აღნიშნულ ქონებაზე სამინიტროსა და სააგენტოს სარგებლობის უფლება არ ფიქსირდება. ასევე, შენობის ღირებულება მათ ბალანსებზე ასახული არ არის.

სტიქიის სარეაბილიტაციო სამუშაოების ხარჯთაღრიცხვისათვის, გამგეობამ ვერ დაასაბუთა, რამ განაპირობა სულ 2937 კუბ.მ. ინერტული მასალის ზიდვის დაგეგმვა 22 კმ მანძილიდან. აღსანიშნავია, რომ ექსპერტიზაზე წარდგენილ დოკუმენტებში მიმწოდებელმა ზიდვის მანძილად 9-10 კმ მიუთითა, თუმცა ფორმა #2-ის შესაბამისად ჩარიცხული თანხა და ექსპერტის მიერ დადასტურებული ფაქტობრივი დანახარჯები იდენტურია.

დეპარტამენტის მიერ, ბაზრის სათანადო კვლევის გარეშე, გამარტივებული შესყიდვის საშუალებით გაფორმებული, ქობულეთის მუნიციპალიტეტში, საავტომობილო გზა „ჩაქვი N2 ჩ/ფ - ქვედა აჭყვა კმ2+100 - კმ3+050“ მონაკვეთზე ასფალტბეტონის საფარის მოწყობის სამუშაოების სახელმწიფო შესყიდვის შესახებ ხელშეკრულების ღირებულება, ქობულეთის მუნიციპალიტეტში, საავტომობილო გზა „ჩაქვი-ხალა-ჩაქვისთავი კმ8+000-კმ10+000“ მონაკვეთზე ასფალტბეტონის საფარის მოწყობის სამუშაოების სახელმწიფო შესყიდვის შესახებ ხელშეკრულების ხარჯთაღრიცხვის ერთეულის ფასებით გაფორმების შემთხვევაში, იქნებოდა მინიმუმ 20%-ით ნაკლები

2014 წლის 29 აგვისტოს, სამინისტროს შპს „ქეიჯი ენერჯისაგან“ უსასყიდლოდ გადაეცა ბახვი 1-2 ჰესისა და ბახვი 5 ჰესის პროექტის განხორციელებასთან დაკავშირებული ტექნიკურ-ეკონომიკური კვლევების ამსახველი დოკუმენტაცია, ჯამური ღირებულებით 2 808.6 ათასი ლარი. აღნიშნული დოკუმენტაცია სამინისტროს ბალანსზე აისახა არამატერიალური ძირითადი აქტივის ანგარიშზე ნაცვლად მარაგის ანგარიშისა. შესაბამისად მასზე დარიცხულია ძირითადი კაპიტალის მოხმარება ისტორიული ღირებულების 1%-ის ოდენობით - 28.1 ათასი ლარი.აღნიშნული აქტივის გამოყენება არ ხდება სამინისტროს მიერ და იგი ვერ აკმაყოფილებს ძირითად აქტივად აღიარებისთვის ფინანსთა მინისტრის ბრძანებით დამტკიცებული ინსტრუქციით განსაზღვრულ მოთხოვნებს . შესაბამისად, მას ცვეთა არ უნდა დაერიცხოს. გამომდინარე აქედან, ეკონომიკური კლასიფიკაციის მიხედვით ხარჯების შესახებ ანგარიშში - ფორმა N2-ში ძირითადი კაპიტალის მოხმარება არამართებულად არის გაზრდილი 28.1 ათასი ლარით.

სტიქიის სალიკვიდაციო სამუშაოები 2014 წლის 25 დეკემბრისათვის უნდა დასრულებულიყო. 2014 წლის 26 დეკემბერს შპს „მშენებელი 2006“-მა სამუშაოს დასრულების ვადის გადაწევა მოითხოვა 2015 წლის 30 მაისამდე, ცუდი კლიმატური პირობების, მეწყრული მოვლენებისა და ხიდის დაზიანების გამო. მხარეთა შეთანხმებით, 2014 წლის 25 დეკემბრიდან 2015 წლის 1 აპრილამდე სამუშაოების წარმოება შეჩერდა. აუდიტის ჯგუფის მოსაზრებით, შპს „მშენებელი 2006“-ის მიერ წარმოდგენილი მიზეზები არ შეიძლება ჩათვლილიყო სამუშაოების გადაწევის საფუძვლად და სრულად უნდა გავრცელებულიყო ხელშეკრულებით გათვალისწინებული საჯარიმო სანქციები

დეპარტამენტის მიერ, ქობულეთის მუნიციპალიტეტში, საავტომობილო გზა „ჩაქვი - მე-7 რაიონი კმ0+300 - კმ6+000“ მონაკვეთზე ასფალტბეტონის საფარის მოწყობის სამუშაოების სახელმწიფო შესყიდვის მიზნით გამოცხადებულ ელექტრონულ ტენდერში მონაწილე პრეტენდენტისთვის ფასწარმოქმნის ადეკვატურობისა და მითითებულ ფასად ტენდერით გათვალისწინებული ვალდებულებების შესრულების შესაძლებლობის დამადასტურებელი დოკუმენტის წარმოსადგენად არაგონივრული ვადის განსაზღვრის გამო, პრეტენდეტმა ვერ შეძლო მისი წარმოდგენა. შედეგად, საუკეთესო ფასის მქონე პრეტენდენტს მიეცა დისკვალიფიკაცია, ხოლო ხელშეკრულება გაფორმდა მომდევნო ფასის მქონე პრეტენდენტთან, რომლის ღირებულება 299 000 ლარით აღემატებოდა საუკეთესო ფასის მქონე პრეტენდენტის ფასს

2014 წლის 1 მაისს სამინისტროს სს „საპარტნიორო ფონდისგან“ უსასყიდლოდ გადაეცა ონის ჰიდროელექტროსადგურების კასკადის პროექტის განხორციელებასთან დაკავშირებული დოკუმენტაცია და აქტივები, ჯამური ღირებულებით 3 122.5 ათასი ლარი. აღნიშნული ოპერაცია სამინისტროს ბუღალტრულ ჩანაწერებში ნაცვლად ძირითადი აქტივების შესაბამისი ანგარიშების დებეტსა და გრანტების ან სხვა შემოსავლების ანგარიშების კრედიტში ასახვისა ასახული აქვს პირდაპირ წმინდა ღირებულების და ძირითადი აქტივების ზრდით.

შესყიდვების დამტკიცებული წლიური გეგმის შეუსაბამოდ, მუნიციპალიტეტმა ჩაატარა 363.3 ათასი ლარის ღირებულების 84 სახელმწიფო შესყიდვა.

სახელმწიფო შესყიდვების შესახებ ხელშეკრულებების თანახმად, მიმწოდებელმა სამუშაოები უნდა აწარმოოს გეგმა-გრაფიკის მიხედვით და დროის კონკრეტულ შუალედში შეასრულოს ხელშეკრულებით ჯამური ღირებულების არანაკლებ 50%-ის ოდენობის სამუშაო, ხოლო შეუსრულებლობის შემთხვევაში, მიმწოდებელი კისრულობს ვალდებულებას გადაუხადოს შემსყიდველს პირგასამტეხლო ყოველ ვადაგადაცილებულ დღეზე, თუმცა დეპარტამენტის მხრიდან შესაბამისი ადმინისტრირება განხორციელებული არ არის

2014 წლის განმავლობაში, ენერგეტიკის სამინისტროს საშტატო ნუსხით დამტკიცებულ თანამშრომელთა რიცხოვნობა არ ყოფილა სრულად დაკომპლექტებული და 23 ვაკანტური თანამდებობიდან წლის განმავლობაში არ მომხდარა კონკურსის გამოცხადება არც ერთ მათგანზე, გარდა ერთი პოზიციისა. აღნიშნული გარემოების შედეგად, სამინისტროს წარმოეშვა ეკონომია შრომის ანაზღაურების მუხლში 280.4 ათასი ლარის ოდენობით, რის ხარჯზეც სამინისტრომ გასცა პრემიები და სახელფასო დანამატები.

გამგეობას წარმომადგენლობით ორგანოში 2014 წლის II კვარტლისა და 2015 წლის III კვარტლის ბიუჯეტების შესრულების მიმოხილვა არ წარუდგენია. 2014 წლის ბიუჯეტის შესრულების ანგარიში არ მოიცავს განმარტებებს იმ შემთხვევებისათვის, როდესაც დაზუსტებულ ასიგნებებსა და გადახდილ თანხებს შორის შეუსაბამობა 30%-ს აღემატება.

დამცავი გაბიონების მოწყობის სამუშაოების სახელმწიფო შესყიდვის პროცესში, მიწოდების დოკუმენტაციის აუდიტით დგინდება, რომ მიმწოდებელი კომპანიების ნაწილს არ ჰქონდა ბუნებრივი რესურსებით სარგებლობის ლიცენზია ან/და მათ მიერ ვერ იქნა წარმოდგენილი ბუნებრივი რესურსების შესყიდვის დოკუმენტაცია. ზემოაღნიშნულის გამო არსებობს რისკები, რომ რიგ შემთხვევებში, შესაძლოა, ადგილი ჰქონდეს სასარგებლო წიაღისეულის ლიცენზიის გარეშე მოპოვებას

2014 წელის განმავლობაში, როგორც სამინისტროს ასევე სააგენტოს თანამშრომლები, ყოველთვიურად დამატებით შრომის ანაზღაურებას იღებდნენ პრემიის სახით 2014 წლის ივნისის ჩათვლით. მთავრობის დადგენილებით შეიზღუდა საბიუჯეტო ორგანიზაციებში აღნიშნული პერიოდულობით პრემიების გაცემა. თუმცა, როგორც სამინისტროს ასევე სააგენტოს მიერ 2014 წლის ივლისის თვეშივე გამოიცა ბრძანებები სახელფასო დანამატების დამტკიცების შესახებ, რის შემდეგაც თანამშრომლებზე გაცემულმა დანამატების ოდენობამ დაახლოებით იგივე ციფრი შეადგინა, რაც მანამდე პრემიების სახით გაიცემოდა. 2014 წლის პირველ ორ კვარტალში პრემიის სახით სამინისტროს თანამშრომლებზე გაცემულია 413.0 ათასი ლარი, ხოლო ბოლო ორ კვარტალში დანამატის სახით - 452.0 ათასი ლარი. ანალოგიურად სსიპ საქართველოს ნავთობისა და გაზის სახელმწიფო სააგენტოს თანამშრომლებზე პრემიის სახით პირველ ორ კვარტალში გაცემულია 124.0 ათასი ლარი ხოლო დანამატის სახით ბოლო ორ კვარტალში - 101.0 ათასი ლარი. ასევე ხაზგასასმელია ის ფაქტი, რომ სამინისტროსა და სააგენტოს მიერ ვერ იქნა წარმოდგენილი დოკუმენტი სახელფასო დანამატების დანიშვნის მიზანშეწონილობასთან დაკავშირებით.

2014 წელს გამგეობის მიერ დადებულია 134 გამარტივებული შესყიდვის ხელშეკრულება, რომლებიც შესყიდვების ელექტრონულ სისტემაში არ არის რეგისტრირებული. 2014-2015 წლებში 461 ხელშეკრულებიდან სისტემაში ატვირთულია მხოლოდ 2 ხელშეკრულების შესრულების დამადასტურებელი დოკუმენტაცია. 171 გამარტივებული შესყიდვისა და 123 სატენდერო ხელშეკრულება რეგისტრირებულია დაგვიანებით, გაფორმებიდან 10 დღის ვადის გასვლის შემდეგ.

სამელიორაციო სისტემების რეაბილიტაციის ქვეპროგრამის ფარგლებში, შუახევის მუნიციპალიტეტში, ცეკვა-ვარჯანაულის (ჭვანა) სარწყავი არხის რეკონსტრუქციის სამუშაოების სახელმწიფო შესყიდვის განხორციელების დროს, ფიქსირდება უამინდობის გამო მიწოდების ვადის გაგრძელების შემთხვევა. გადაწყვეტილების მიღების დროს არ არის წარმოდგენილი უფლებამოსილი ორგანოს ინფორმაცია/ ცნობა უამინდობის შესახებ. ამასთან, შესაბამის პერიოდში უამინდობა შუახევის მუნიციპალიტეტის მაღალმთიანი სოფლებისთვის ვერ განიხილება ფორს-მაჟორულ გარემოებად

2014 წლის მარტსა და აპრილის თვეში სააგენტოს შტატგარეშე მომუშავეთა რაოდენობა შეადგენდა 6 თანამშრომელს, რის შედეგადაც დარღვეულია საქართველოს 2014 წლის სახელმწიფო ბიუჯეტის შესახებ კანონი , რომლის მიხედვითაც საბიუჯეტო ორგანიზაციაში შტატგარეშე მომუშავეთა რაოდენობა არ უნდა აღემატებოდეს საშტატო რიცხოვნობის 2%-ს ხოლო იმ ორგანიზაციებში, სადაც საშტატო რიცხოვნობის 2% შეადგენს 5 ერთეულზე ნაკლებს, ხელშეკრულებით დაქირავებულთა რაოდენობა არ უნდა აღემატებოდეს 5 ერთეულს.

2014-2015 წლებში მუნიციპალიტეტში მშენებლობის ნებართვები გაცემულია სულ 17 ობიექტზე. ადგილობრივი ბიუჯეტის დაფინანსებით მუნიციპალიტეტში განხორციელებულ 20-მდე ინფრასტრუქტურულ პროექტზე სანებართვო დოკუმენტაცია არ არის ნაწარმოები (ხიდების, საბავშვო ბაღების შენობების, წყალსადენის სისტემების მშენებლობა, გარე განათების მოწყობა, დემონტაჟის სამუშაოები და სხვ.). აღნიშნული სამუშაოები საჭიროებდა მშენებლობის ნებართვას, დადგენილი წესით.

„საგზაო და სამელიორაციო ინფრასტრუქტურის მოვლა-შენახვის“ ქვეპროგრამის ფარგლებში, შტატგარეშე მოსამსახურეებთან გაფორმებული ხელშეკრულებები სათანადოდ არ იძლევა შესასრულებელი სამუშაოს იდენტიფიცირების საშუალებას, რაც უზრუნველყოფდა მათ მიერ გაწეული საქმიანობის შედეგების შეფასებას

სააგენტოს 2014 წლის 31 დეკემბრის მდგომარეობით არ ჰქონდა დასრულებული არაფინანსური აქტივების ინვენტარიზაციის პროცესი. შესაბამისად აუდიტის ჯგუფმა ვერ მოიპოვა საკამრისი აუდიტორული რწმუნება ბალანსზე აღრიცხული არაფინანსური აქტივების არსებობასა და სისრულეზე.

"საგზაო და სამელიორაციო ინფრასტრუქტურის მოვლა - შენახვის" ქვეპროგრამის ფარგლებში, ავტოსატრანსპორტო საშუალებების და სპეცტექნიკის მოვლა-შენახვის და ექსპლუატაციისათვის გაწეული ხარჯების მარეგულირებელ ნორმებთან და გაწეულ სამუშაოსთან შესაბამისობა წარმოდგენილი დოკუმენტაციით ვერ დგინდება

„საქართველოს გარემოს დაცვის, საქართველოს ენერგეტიკისა და ბუნებრივი რესურსების სამინისტროსა და მათ სისტემაში შემავალი საჯარო სამართლის იურიდიული პირების რეორგანიზაციის, უფლებამონაცვლეობის განსაზღვრისა და სახელწიფო საქვეუწყებო დაწესებულებების შექმნის შესახებ“ საქართველოს მთავრობის დადგენილებით , სსიპ გარემოს ეროვნული სააგენტო ჩაითვალა სსიპ ბუნებრივი რესურსების სააგენტოს უფლებამონაცვლედ იმ მოთხოვნებისა და ვალდებულებების ნაწილში, რომელიც უკავშირდება ბუნებრივი რესურსებით სარგებლობის ლიცენზიასთან დაკავშირებულ ურთიერთობებს და რეგულირების საფასურს. აღნიშნული მოთხოვნების ჯამი 2014 წლის 31 დეკემბრის მდგომარეობით შეადგენს - 1648.4 ლარს, მათ შორის 573.8 ათასი ლარის ოდენობის დავალიანება ერიცხება შპს „აიეტი ჯორჯიას“, რომელსაც გორის რაიონული სასამართლოს დადგენილებით დაეკისრა აღნიშნული თანხის სააგენტოს სასარგებლოად გადახდის ვალდებულება, თუმცა სააგენტოს არ მიუღია შესაბამისი ზომები ამ თანხის ამოღებასთან დაკავშირებით. სხვა დანარჩენი ვადაგადაცილებული დავალიანებების შესახებ სააგენტომ გააგზავნა დასტურის წერილები თუმცა მათი მოთხოვნის მიუხედავად, დებიტორებისგან პასუხები არ მოსულა. საკმარისი რწმუნების მისაღებად დამატებითი აუდიტორული პროცედურების ჩატარება კი შეუძლებელია, შესაბამისად აუდიტის ჯგუფმა ვერმოიპოვა რწმუნება აღნიშნული დებიტორული დავალიანებების სიზუსტესთან დაკავშირებით.

ქონების, მოთხოვნების და ვალდებულებების ინვენტარიზაციის ჩატარების დროს აღინიშნა მარეგულირებელი ნორმების დარღვევის შემთხვევები. კერძოდ, ინვენტარიზაციის შედეგად გამოვლენილი ზედმეტობით არ არის გაზრდილი ორგანიზაციის წმინდა ღირებულება. ასევე, ქონებაზე მატერიალურად პასუხისმგებელ პირებთან არ არის გაფორმებული წერილობითი ხელშეკრულებები სრული მატერიალური პასუხისმგებლობის შესახებ, არ არის განხორციელებული ურთიერთშედარებები დებიტორული/ კრედიტორული დავალიანებების მქონე პირებთან

სააგენტოს შემოსავლების ძირითად წყაროს წარმოადგენს ბუნებრივ რესურსებზე ლიცენზიატების მიერ გადახდილი რეგულირების საფასური, სადაც გამოვლინდა კონტროლის სისუსტე. კერძოდ, ლიცენზიატების გარკვეულ ნაწილს არ აქვს „სასარგებლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკიცების თაობაზე“ დადგენილებით გათვალისწინებული სააგენტოს ხელძღვანელის შესაბამისი ბრძანებით დამტკიცებული სასარგებლო წიაღისეულის ათვისების გეგმები, რის გამოც სააგენტოსთვის შეუძლებელია ლიცენზიატის მიერ ლიცენზიის პირობების დაცვის კონტროლი, რაზეც დამოკიდებულია რეგულირების საფასურთან დაკავშირებული შემოსავლის აღრიცხვა. ამ შემთხვევებში ლიცენზიატები სააგენტოს პერიოდულად წარმოუდგენენ წერილს მოპოვებული ბუნებრივი რესურსების რაოდენობაზე. თუმცა, იმის გამო, რომ არ მოწმდება წარმოდგენილი ინფორმაციის სიზუსტე, აუიდიტის ჯგუფმა ვერ მოიპოვა საკმარისი აუდიტორული რწმუნება სააგენტოს ბალანსზე აღრიცხული შემოსავლების სისრულეზე.

აპარატისა და ცენტრის საბუღალტრო აღრიცხვა აუდიტის პერიოდში არ წარმოებდა „ბიუჯეტების დაფინანსებაზე მყოფი ორგანიზაციების ბუღალტრული აღრიცხვის შესახებ” საქართველოს ფინანსთა მინისტრის 2007 წლის 28 დეკემბერს დამტკიცებული N1321 ინსტრუქციის შესაბამისად.

აჭარის ა/რ რესპუბლიკური ბიუჯეტიდან 2014 წელს პროგრამის ფარგლებში, პალატის შრომის ანაზღაურებისათვის, გამოყოფილი და გახარჯული იქნა 213.8 ათასი ლარი, მთლიანი პროგრამული დაფინანსების 88%. აღსანიშნავია, რომ სსიპ „აჭარის ავტონომიური რესპუბლიკის სავაჭრო-სამრეწველო პალატა“ თავის საქმიანობას ახორციელებს სხვადასხვა დეპარტამენტებისა და სამსახურების საშუალებით, თუმცა პალატის მიერ ვერ იქნა წარმოდგენილი სტრუქტურისა და შესაბამისად სხვადასხვა სტრუქტურული ერთეულის შექმნის და მათ მიერ დაკისრებული ფუნქციების განმსაზღვრელი დოკუმენტი.

სსიპ "გარემოს ეროვნული სააგენტოს" ბალანსზე 2015 წლის 1 იანვრის მდგომარეობით ირიცხება უძრავი ქონება 7 165.7 ათასი ლარის ოდენობით. აღნიშნულ ქონებაზე სააგენტოს არ აქვს ინფორმაცია, არ არის დაზუსტებული საკუთრების უფლება და მათი არსებობა.

2014 წლის 1 აპრილის მდგომარეობით არ იყო დაზუსტებული როგორც საწყისი, ასევე საბოლოო ნაშთები თითოეული საბუღალტრო ანგარიშის მიხედით. სამეურნეო მოვლენის ამსახველი დოკუმენტები უნდა იქნას სისტემატიზირებული ქრონოლოგიური თანმიმდევრობით და შედგენილი იქნას მემორიალური ორდერები .

პალატის ფინანსური ანგარიშგებაში მოქმედი მარეგულირებელი ნორმების შეუსაბამოდ აჭარის ა/რ რესპუბლიკური ბიუჯეტიდან პროგრამული დაფინანსებით გამოყოფილი 242.8 ათასი ლარი, საბიუჯეტო კლასიფიკაციის განსაზღვრული მუხლების ნაცვლად, აღრიცხულია როგორც სუბსიდია. ასევე, არაფინანსური აქტივების ზრდის თავდაპირველი დამტკიცებული გეგმა ნაჩვენებია ნაცვლად 10.0 ათასი ლარისა, 5.0 ათასი ლარი.

სააგენტო არ აწარმოებს შესყიდვების რეესტრს. შესაბამისად ვერ ფლობს სრულყოფილ ინფორმაციას შესყიდვების გეგმასთან შესაბამისობის შესახებ.ასევე არ ხდება წლის ბოლოს შესყიდვების განხორციელების ანალიზი. შესაბამისად, ეს ქმნის პრობლემებს მომდევნო წლის შესყიდვის გეგმის შემუშავებისას და მომავალში საჭიროებს დამატებით ცვლილებებს, როგორც დროის, ასევე სახსრების კუთხით. სააგენტოს მიერ წარმოდგენილი შესყიდვების დოკუმენტაციის შემოწმებისას აღმოჩნდა, რომ მიღება-ჩაბარებების ნაწილზე არ იყო მითითებული თარიღები, რის გამოც ვერ მოხერხდა ბუღალტერიაში აღრიცხვის შესაბამისობის დადგენა და ვერ გამოვლინდა შესაძლო დასარიცხი ჯარიმები.

აუდიტის პერიოდში, შტატით მომუშავე თანამშრომლების უმეტესობაზე პრემიები გაიცემოდა ყოველთვიურად. გარკვეულ შემთხვევებში, როდესაც თვეში გაიცემოდა ერთზე მეტი პრემია. 2014 წლის 3 იანვარს აპარატის ოთხ თანამშრომელზე, სამსახურეობრივი მოვალეობის კეთილსინდისიერად შესრულებისათვის, მათი მოტივაციისა და შრომის ნაყოფიერების ამაღლების მიზნით, არსებული ეკონომიის ხარჯზე, გაიცა პრემია საერთო ჯამში 11.1 ათასი ლარის ოდენობით. აუდიტის ჯგუფისთვის გაუგებარია ბრძანებაში მოყვანილი არგუმენტაცია: „სამსახურეობრივი მოვალეობის კეთილსინდისიერად შესრულება“, მაშინ როცა 3 იანვარი საანგარიშო პერიოდის პირველი სამუშაო დღეა. ასევე გაუგებარია ბრძანებაში ნახსენები ეკონომია, ვინაიდან შეუძლებელია საანგარიშო პერიოდის პირველ სამუშაო დღეს შრომის ანაზღაურების მუხლში წარმოქმნილიყო ეკონომია.

2014 წელს ვერ მოხერხდა, აჭარის ავტონომიურ რესპუბლიკაში მყარი ნარჩენების მართვის პროექტის სამუშაო ვარიანტის შემუშავება და შესაბამისად ევროპის რეკონსტრუქციისა და განვითარების ბანკიდან მიღებული სესხის აუთვისებელ ნაწილზე, ვალდებულების დაფარვის სახით გადახდილია სულ 153.8 ათასი ლარი. აღსანიშნავია, რომ კონსულტანტი კომპანიების მიერ გაწეულ მომსახურებაზე არასათანადო კონტროლის გამო, არასწორად განისაზღვრა გრანტის აუთვისებელი ნაშთი.

ბალანსში არ არის სწორად გამიჯნული სხვა გრძელვადიანი მცირეფასიანი აქტივები და სხვა მატერიალური მარაგები. კერძოდ, სხვა მატერიალურ მარაგებში მოქცეულია გრძელვადიანი მცირეფასიანი აქტივები.

2014 წლის 19 მაისს პირადი განცხადების საფუძველზე განთავისუფლდა ორი თანამშრომელი, რომელთა პრემირებაც განხორციელდა გათავისუფლების დღეს. ერთ-ერთს პრემიის სახით მიეცა თანამდებობრივი სარგოს ოდენობის 182%-ი, ხოლო მეორეს 263%-ი. ასევე, 2014 წლის 22 აპრილს, გათავისუფლებულია დეპარტამენტის უფროსი, რომელსაც გათავისუფლებამდე ერთი კვირით ადრე მიღებული აქვს პრემია და დანამატი საერთო ჯამში თანამდებობრივი სარგოს ოდენობის 277%. საგულისხმოა, რომ საჯარო სამსახურში მოხელეთა პრემირების მიზანს წარმოადგენს საჯარო დაწესებულებაში დასაქმებულ პირთა წახალისების და მოტივაციის გაზრდა, თუმცა აპარატის მხრიდან ზემოაღნიშნულის საპირისპიროდ, თანამშრომელთა პრემირება საგრძნობლად იზრდებოდა მაშინ, როდესაც თანამშრომელთა სხვა სამსახურში გადასვლა ფაქტობრივად გადაწყვეტილი იყო.

მყარი ნარჩენების მართვის პროექტის ფარგლებში საინჟინრო და საზედამხედველო მომსახურების შესყიდვის შესახებ გაფორმებული ახალი ხელშეკრულება დადგენილი გრაფიკის დარღვევით მიმდინარეობს, რისთვისაც 2015 წლის 1 თებერვლის მდგომარეობით პირგასამტეხლოს სახით დარიცხვას ექვემდებარება 99.8 ათასი ევრო.

სააგენტოს მიერ წარმოდგენილი შესყიდვების დოკუმენტაციის შემოწმებისას აღმოჩნდა, რომ მიღება-ჩაბარებების ნაწილზე არ იყო მითითებული თარიღები, რის გამოც ვერ მოხერხდა ბუღალტერიაში აღრიცხვის შესაბამისობის დადგენა და ვერ გამოვლინდა შესაძლო დასარიცხი ჯარიმები.

აუდიტის ჯგუფისთვის გაუგებარია, როგორ მოხდა პირველი ივლისის მდგომარეობით გარკვეულ თანამშრომელთა წრისთვის სახელმწიფო მინისტრის ბრძანებით, მომავალში შესასრულებელი ზეგანაკვეთური და განსაკუთრებით საპასუხისმგებლო ფუნქციური დატვირთვის წინასწარი გაანგარიშება, რომელიც ფაქტიურად ყოველთვიურად თანხვედრაში იყო მათ მიერ გაწეულ ზეგანაკვეთურ შრომასთან. აუდიტის ჯგუფისთვის ვერ იქნა მოწოდებული ვერანაირი დამატებითი დოკუმენტი, რაც თვალსაჩინოს გახდიდა აპარატის იმ თანამშრომლებზე დამატებითი საპასუხისმგებლო ფუნქციების დაკისრებას და მათ ჯეროვნად შესრულებას, რაც გაამართლებდა 2014 წლის 1 ივლისის შემდეგ 770%-ით გაზრდილი დანამატების გაცემის საჭიროებასა და აუცილებლობას.

ქ. ბათუმში, 170 საწოლზე გათვლილი მრავალპროფილური საავადმყოფოს საპროექტო-სახარჯთაღრიცხვო დოკუმენტაციის შესყიდვა სახელმწიფოებრივი და საზოგადოებრივი მნიშვნელობის ღონისძიებათა შეზღუდულ ვადებში შეუფერხებელად ჩატარების მიზნით, აჭარის ა/რ მთავრობის განკარგულების საფუძველზე გამარტივებული შესყიდვის ფორმით განხორციელდა. აღსანიშნავია, რომ არ იკვეთება შეზღუდულ ვადებში შესყიდვის ჩატარების აუცილებლობა.

აპარატის ორ თანამშრომელზე საქართველოს მთავრობის 2014 წლის 15 ივლისის N449 დადგენილების მოთხოვნების უგულებელყოფით განხორციელდა თანამდებობრივ სარგოზე მეტი ოდენობის პრემიის გაცემა.

შპს „სამშენებლო კომერციული კორპორაცია ხიდთან“, ხულოს მუნიციპალიტეტის სოფელ ზედა ვაშლოვანში მრავალბინიანი საცხოვრებელი კომპლექსის სამშენებლო სამუშაოებთან დაკავშირებით გაფორმებულ ხელშეკრულებაში განხორციელებული ცვლილება, საავანსო ანგარიშსწორებასთან დაკავშირებით, არ იყო არგუმენტირებული და შესაბამისად ავანსად საბიუჯეტო სახსრების გაცემის აუცილებლობა არ დასტურდება. ამასთან, აღნიშნული ქმედებით არაკონკურენტული გარემო შეიქმნა იმ პოტენციური პრეტენდენტებისათვის, რომლებმაც ტენდერის გამოცხადების ეტაპზე არ იცოდნენ საავანსო ანგარიშსწორების არსებობისა და რაოდენობის შესახებ.

2014 წლის წარმოდგენილი ნაერთი ფინანსური ანგარიში და ანგარიშები ცალკეული კოდის მიხედვით, არ მოიცავენ ანგარიშს: „ცნობას დებიტორ-კრედიტორების შესახებ“, თუმცა ხარჯის დამადასტურებელი დოკუმენტების შესწავლით დადასტურდა როგორც დებიტორული, ასევე კრედიტორული დავალიანების არსებობა. კერძოდ: ხაზინის მონაცემებიდან გამომდინარე, 2014 წლის 10 იანვარს შპს ,,თრეველინისთვის“, აპარატის მიმდინარე წლის ასიგნებიდან გადარიცხულ იქნა 9.7 ათასი ლარი. გადახდის საფუძვლად მითითებული იყო წინა წლის საგადასახადო ანგარიშფაქტურები . შესაბამისად, გასტუმრებულ იქნა 2013 წლის აღურიცხავი კრედიტორული დავალიანება. 2014 საანგარიშო წელს, მივლინებებზე გადარიცხულია ავანსი სხვადასხვა ანგარიშვალდებულ პირზე. აუდიტის შედეგად დადგინდა, რომ გადარიცხული ავანსებიდან, არ ჰქონდა წარმოდგენილი ხარჯის დამადასტურებელი დოკუმენტები და დახურული საავანსო ანგარიში ერთ ანგარიშვალდებულ პირს თანხით 1.6 ათასი ლარი, თუმცა ბუღალტრული აღრიცხვის ანგარიშზე - „მოთხოვნები მივლინებებით ქვეყნის გარეთ“ დებიტორული დავალიანება ანგარიშვალდებული პირების მიმართ არ ირიცხებოდა.

2. სისტემაში ახალი კადრის შესვლის ნაკლოვანებები -ზოგადსაგანმანათლებლო სისტემაში ახალი კადრის შესვლის მაჩვენებელი დაბალია, რაც განპირობებულია სხვადასხვა ფაქტორით. 2.1. კადრის აყვანის პროცესი სრულიად დამოკიდებულია სკოლაზე და სამინისტროს არ აქვს გადაწყვეტილების მიღების ან მონიტორინგის ბერკეტი. შედეგად, სკოლებში კადრის მიღების პროცესი არ არის საკმარისად ტრანსფარენტული, კერძოდ გამოცხადებულ ვაკანსიებში სწორად არ არის განსაზღვრული საკვალიფიკაციო მოთხოვნები და როგ შემთხვევებში მითითებულია ზოგადი ან პროფესიული განათლების არსებობა და უგულებელყოფილია უმაღლესი განათლების აუცილებლობა. 2.2. ამასთანავე, ანაზღაურების ოდენობა უმეტეს შემთხვევაში განსაზღვრულია გაცილებით ნაკლები ოდენობით, რასაც რეალურად მოცემულ პოზიციაზე მყოფი პირი იღებს. შედეგად, კვალიფიციურ კადრს არ აქვს მოტივაცია დაინტერესდეს მოცემული ვაკანსიით რაც ამცირებს კონკურენციას. 2.3. აუდიტის ჯგუფის მიერ ჩატარებული დაკვირვებით გამოვლინდა, რომ სკოლებში არსებულ ვაკანსიებზე სპეციალურად შექმნილი და გაგზავნილი კვალიფიციური რეზიუმეთი დაინტერესდა მხოლოდ 50%, ხოლო დანარჩენ 50%-ის მხრიდან არ ყოფილა დაინტერესება და მოცემულ პოზიციაზე მიღებულია დაბალკვალიფიციური კადრი.

2008-2012 წლებში პრივატიზებული ქონების იპოთეკით დატვირთვისა და დაყადაღების გამო, ხელშეკრულებით გათვალისწინებული ვალდებულებების შეუსრულებლობის მიუხედავად, ვერ ხერხდება 5 119.8 ათასი აშშ დოლარისა და 2 343.9 ათასი ლარის ღირებულების ქონების ავტონომიური რესპუბლიკის საკუთრებაში დაბრუნება.

2014 წლის განმავლობაში TOYOTA LandCruiser 200-ზე ფაქტიურად გაწეულია 15817 ლიტრი საწვავის ხარჯი, ხოლო 2013 წელს 6166 ლიტრი საწვავის ხარჯი. აღსანიშნავია, რომ აუდიტის პერიოდში აპარატის მიერ ავტომობილების გავლილი მანძილის აღრიცხვა არ წარმოებდა. აუდიტის ჯგუფის მიერ გამოთვლილი იქნა გასავლელი მანძილი, ფაქტიურად მოხმარებული საწვავის ოდენობაზე დაყრდნობით, ტექნიკური პასპორტის მონაცემების გათვალისწინებით და მაქსიმალური წვის კოეფიციენტით დაანგარიშებით დადგინდა, რომ TOYOTA LandCruiser 200-ს 2014 წელს მინიმუმ 83247 კილომეტრი უნდა გაევლო, ხოლო 2013 წელს 32450 კილომეტრი. ზემოხსენებულიდან გამომდინარე საანგარიშო პერიოდის ბოლოს TOYOTA Land Cruiser 200-ის მინიმალური გარბენი უნდა ყოფილიყო 165900 კილომეტრი, თუმცა როგორც სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ მიერ მომზადებული დასკვნით დგინდება, 2015 წლის 18 თებერვალს ხსენებული სატრანსპორტო საშუალების გარბენი შეადგენდა 104500 კილომეტრს. ავტომობილის ოდომეტრის ჩვენების თანახმად, გარბენმა ფაქტობრივად გაწეული საწვავის ხარჯთან მიმართებაში მინიმუმ 61400 ათასი კილომეტრით ნაკლები შეადგინა. აღნიშნული შეუსაბამობის გამომწვევი მიზეზების დადგენის მიზნით, ჩატარდა სხვა ალტერნატიული პროცედუ, რის შედეგადაც დადგინდა, რომ მივლინებული პირის საქართველოს ტერიტორიაზე არ ყოფნისას მასზე, მიმაგრებულ ავტოსატრანსპორტო საშუალებაზე სისტემატიურად ხდებოდა საწვავის შევსება. ხსენებულ პირობებში ჩასხმულია 3616 ლიტრი საწვავი. ანალოგიურ ვითარებაში, ავტომობილ MITSUBISI Pajero სახ. ნომრით XCX 070 -ჩასხმულია 2497 ლიტრი საწვავი, ხოლო ავტომობილში LEXUS LS460 სახ. ნომრით LYL 767 ჩასხმულია 865 ლიტრი საწვავი.

3. კადრების დეფიციტი- კადრების დეფიციტი პრობლემას წარმოადგენს ქვეყნის რეგიონების მნიშვნელოვან ნაწილში. 3.1. რეგიონებში ფიქსირდება სკოლები სადაც მოსწავლეები ვერ იღებენ სრულფასოვან განათლებას, ძირითად საგნებში მასწავლებლის არ არსებობის გამო. 3.2. თბილისსა და სხვა დიდ ქალაქებში არ ფიქსირდება კადრების დეფიციტი, თუმცა მრავლადაა შემთხვევები როდესაც ერთი მასწავლებელი სხვადასხვა არამომიჯნავე საგანს ასწავლის, კვალიფიკაცია კი მხოლოდ 1 საგანში გააჩნია, მაგ: ქართული და ბიოლოგია, გეოგრაფია და ქიმია, ა.შ.

კონტრაქტორის მიერ ხელშეკრულებით განსაზღვრული ვალდებულებების შეუსრულებლობის პირობებში, 17 შემთხვევაში გადაწყვეტილებები არ არის მიღებული. ამასთან, ადგილი აქვს სახელშეკრულებო ვალდებულებების შესრულებაზე არათავისდროულ და არასათანადო კონტროლის დაწესების ფაქტებს.

მთავრობის სარეზერვო ფონდიდან აპარატის მიერ საერთაშორისო კონფერენციის ორგანიზება, აპარატთან ერთად დაევალა ეკონომიკისა და მდგრადი განვითარების და სპორტისა და ახალგაზრდობის სამინისტროებს. წარმოდგენილი საორენტაციო ხარჯთაღრიცხვით ღონისძიების ღირებულებამ შეადგინა 349.8 ათასი ლარი, მათ შორის აპარატის მიერ გასაწევმა ხარჯმა 256.1 ათასი ლარი. ფაქტობრივად აპარატის მიერ ამ ღონისძიების ჩასატარებლად გაწეულმა ხარჯმა 129.2 ათასი ლარი შეადგინა, რაც საორიენტაციო ხარჯთაღრიცხვასთან შედარებით 126.9 ათასი ლარით ნაკლებია, რამაც მთლიანი ხარჯის თითქმის 50% შეადგინა. აღნიშნული მიუთითებს აპარატის მხრიდან საორიენტაციო ხარჯთაღრიცხვით გასაწევი ხარჯების არასწორად, გაზრდილი ოდენობით დაგეგმვაზე. ასე მაგალითად: მთავრობის განკარგულების თანახმად ორგანიზატორებს სტუმართა მიღების განსახორციელებლად დარბაზი სსიპ - საქართველოს მოსწავლე ახალგაზრდობის სასახლის შენობაში უსასყიდლოდ უნდა გადაცემოდა. მიუხედავად ამისა, ფინანსთა სამინისტროში აპარატის მიერ წარდგენილი საორიენტაციო ხარჯთაღრიცხვით დარბაზის გაფორმებისთვის გათვალისწინებული იყო 32.0 ათასი ლარის ხარჯი, რაც არარეალურია, ვინაიდან Radisson Blu Iveria -ში დარბაზის იჯარისთვის აპარატის მიერ გადახდილია 1.8 ათასი ლარი, რაც 18-ჯერ ნაკლებია დარბაზის მოწყობისთვის გათვალისწინებულზე.

ნასყიდობის ხელშეკრულებების პირობების შეუსრულებლობისათვის დარიცხული საჯარიმო სანქციებიდან, 2015 წლის 1 იანვრის მდგომარეობით, ნაშთად ირიცხება 46 303.9 ათასი ლარი, 2 663.1 ათასი აშშ დოლარი და 371.9 ათასი ევრო.

საორიენტაციო ხარჯთაღრიცხვით გაზრდილი იყო სტუმართა გამასპინძლებისთვის გათვალისწინებული ხარჯები. ხარჯთაღრიცხვის თანახმად 250 სტუმრის გამასპინძლებისთვის გათვალისწინებული იყო 58.4 ათასი ლარი. ფაქტიურად, ხელშეკრულების შესწავლის შედეგად დადგინდა, რომ კვებითი მომსახურება განისაზღვრა 320 კაცზე, ნაცვლად 250 სტუმრისა, რითაც ოფიციალური ხარჯთაღრიცხვით განსაზღვრული სტუმართა რაოდენობა, გაიზარდა 70 კაცით, თუმცა მიუხედავად ამისა მთლიანი დანახარჯი შემცირდა და 45.8 ათასი ლარი შეადგინა. ანუ დაგეგმილზე 22%-ით ნაკლები. აუდიტის მიერ ხარჯების დეტალურად შესწავლამ ცხადყო, რომ მიუხედავად დაგეგმილი ხარჯების მნიშვნელოვნად შემცირებისა ერთეულის ღირებულებები არათუ შემცირდა არამედ გაიზარდა.

1. კადრების კვალიფიკაციის ნაკლოვანებები- ზოგადსაგანმანათლებლო სისტემაში არსებული კადრების კვალიფიკაციის ნაკლოვანებები უარყოფით გავლენას ახდენს სწავლების ხარისხზე. მასწავლებლებში აკადემიური ხარისხის არარსებობის ფაქტები და სერტიფიცირების დაბალი მაჩვენებელი ზრდის სწავლა-სწავლების პროცესის არასათანადოდ წარმართვის რისკებს. 2,000 მასწავლებელს არ აქვს მიღებული უმაღლესი განათლება და გააჩნია მხოლოდ ზოგადი ან პროფესიული განათლება. მოცემული კონტიგენტიდან საგნის გამოცდა ჩაბარებული აქვს მხოლოდ 4%-ს. არსებული რეგულაციით 2015 წლიდან სისტემაში ვერ უნდა ხვდებოდნენ ისეთი კადრები, რომელბსაც არ აქვთ უმაღლესი განათლება მიღებული, თუმცა მაინც ფიქსირდება მსგავსი შემთხვევები. ასევე, კადრის მიღების არსებული მექანიზმები ტოვებენ რისკს, რომ არაკვალიფიციური კადრები კვლავ მოხვდებიან სისტემაში.

შპს „მშენებლობა 2011“ისათვის არ მომხდარა საიჯარო ხელშეკრულების პირობების დარღვევისათვის 20.4 ათასი ლარის ოდენობის ჯარიმის დარიცხვა.

2014 წლის 26 მარტს აპარატსა და შპს „ჰორიზონტ ტვ სტუდიოს“ -ს შორის გაფორმდა ხელშეკრულება ორი დღის განმავლობაში სატელევიზიო სპეცტექნიკით (განათებით) მომსახურებაზე, ღირებულებით 1.4 ათასი ლარი. ამავე წლის 10 ივნისს აპარატის ხელმძღვანელობის მიერ ქ. ბათუმში 10-11 ივნისს გამართული XI საერთაშორისო კონფერენციის „საქართველო ევროპული გზა“ ორი დღის განმავლობაში განათებით უზრუნველყოფისთვის ხელშეკრულება გაფორმდა შპს „ალფა სტუდიო“-სთან, ღირებულებით 8.2 ათასი ლარი, რითაც წინა ხელშეკრულებასთან შედარებით მომსახურების ღირებულება გაძვირდა 4.5-ჯერ, მაშინ როდესაც აპარატს ჰქონდა გამოცდილება მსგავსი მომსახურების შესყიდვისა. აუდიტის ჯგუფისთვის მოწოდებული დოკუმენტაციით არ დგინდება აპარატის მხრიდან ჩატარდა თუ არა ფასთა გამოკითხვა, თუნდაც იმ კომპანიასთან ვისთანაც, როგორც უკვე ავღნიშნეთ, სამი თვით ადრე ჰქონდა მიღებული მომსახურება.

ნასყიდობის ხელშეკრულებებით გათვალისწინებული პირობების შეუსრულებლობისათვის დარიცხული საჯარიმო სანქციებისაგან გათავისუფლების შემთხვევებშ გამოვლინდა საკითხისადმი არაერთგვაროვანი მიდგომის ფაქტები;

2014 წლის განმავლობაში აპარატის მიერ სამჯერ განხორციელდა ჟურნალის „საქართველოს ეროვნული გზა“ გამოცემაზე მომსახურების შესყიდვა, აღნიშნული სამი შესყიდვიდან ორი ხელშეკრულება გაფორმებულია შპს „ჯორჯიან თუდეი ჯგუფთან“, ხოლო მესამე ხელშეკრულება გაფორმდა შპს „სეზანთან“. აღსანიშნავია, რომ ყოველი მომდევნო ხელშეკრულების გაფორმებისას ერთეულის ფასი საგრძნობლად იკლებდა და უკანასკნელი ხელშეკრულების ფარგლებში შესყიდული მომსახურების ერთეულის ფასი 160%-ით შემცირდა პირველ ხელშეკრულებასთან შედარებით, გამოცემის ხარისხის გაუარესების გარეშე. აღნიშნული მიუთითებს, რომ პირველი ხელშეკრულების გაფორმებისას არ იყო ჩატარებული ბაზრის კვლევა და ფასთა გამოკითხვა.

აჭარია ა/რ ფინანსთა და ეკონომიკის მინისტრის ბრძანების შედეგად შექმნილი კომისიის მიერ გამოვლენილია, ავტონომიური რესპუბლიკის საკუთრებაში არსებული ქონების არამართლზომიერი გამოყენების 43 შემთხვევა, რის გამოც ქონების სარგებლობის საფასურის სახით დარიცხვას დაექვემდებარა 2 638.8 ათასი ლარი, აღნიშნული თანხები აუდიტის პერიოდისათვის ბიუჯეტის სასარგებლოდ ჩარიცხული არ არის.

„ბიუჯეტის დაფინანსებაზე მყოფი ორგანიზაციების ბუღალტრული აღრიცხვის შესახებ“ ფინანსთა მინისტრის 2007 წლის 28 დეკემბრის №1321 ბრძანებით დამტკიცებული ინსტრუქციის მიხედვით, საბიუჯეტო კლასიფიკაციით განსაზღვრული გადასახდელებით განხორციელებული ხარჯვითი ოპერაციების, აქტივებით და ვალდებულებებით ოპერაციების და ორგანიზაციების შემოსავლების აღრიცხვისთვის გამოიყენება დარიცხვის მეთოდი, ხოლო ადმინისტრაცია საბუღალტრო ჩანაწერებს აწარმოებს როგორც დარიცხვის ასევე, საკასო მეთოდით.

ქვეყნის გარეთ მივლინებების შესწავლის შედეგად გამოვლინდა სხვადასხვა ტიპის დარღვევები, რის შედეგადაც 2014 წლის განმავლობაში აპარატის თანამშრომლებზე ზედმეტად გაცემულმა სამივლინებო თანხამ სულ 5.6 ათასი ლარი შეადგინა.

ზესტაფონის მუნიციპალიტეტში სოფელ ფუთის ყოფილი სკოლის შენობა-ნაგებობების გასაყიდი (საბაზრო) ფასი, აუდიტორული დასკვნის მიხედვით, შეადგენდა 66.2 ათას ლარს. მუნიციპალიტეტმა აუქციონზე ქონების საწყისი საპრივატიზებო ფასი განსაზღვრა 6.2 ათასი ლარით. საბოლოოდ, 2015 წელს შენობა გაიყიდა 52.1 ათას ლარად, აუდიტორის მიერ დადგენილ საწყის საპრივატიზებო საფასურთან შედარებით 14.1 ათასი ლარით უფრო ნაკლებად.

სამინისტროს კუთვნილი ავტოსატრანსპორტო საშუალებები განპიროვნებულია თანამდებობის პირებზე, 4 მათგანი აღრიცხულია როგორც მორიგე ავტოსატრანსპორტო საშუალება, თუმცა სამინისტროში არ ხდებოდა აღნიშნული ავტოსატრანსპორტო საშუალებების დანიშნულებისამებრ გამოყენების განმსაზღვრელი დოკუმენტების წარმოება, რითაც დადასტურდებოდა სამეურნეო ოპერაციის მოხდენის ფაქტი.

ადმინისტრაციის ბალანსზე ირიცხება სხვა დანარჩენი მოკლევადიანი მოთხოვნები 3.8 ათასი ლარის ოდენობით. აუდიტის ჯგუფმა ვერ მოიპოვა აღნიშნული დებოტორული დავალიანების დადასტურება იქიდან გამომდინარე, რომ ადმინისტრაციამ ვერ მოიძია ინფორმაცია დებიტორული დავალიანებების ხანდაზმულობის გამო.

2014 წელს აპარატის ხელმძღვანელობის მიერ შეძენილ იქნა სულ 12.1 ათასი ლარის საჩუქარი, საიდანაც წლის ბოლოს ნაშთად ირიცხებოდა 1.9 ათასი ლარის ღირებულების აქტივი. ხოლო 10.2 ათასი ლარის საჩუქრის ხარჯის დამადასტურებელ საბუთად წარმოდგენილ იქნა კვარტალურად შედგენილი საჩუქრის გადაცემის კრებსითი უწყისი, რომელსაც ამტკიცებდა აპარატის უფროსი და ხელს აწერდა ადმინისტრაციული დეპარტამენტის უფროსი. უნდა აღინიშნოს, რომ ცალმხრივად, შედგენილი უწყისები, ვერ იძლევა საკმარის რწმუნებას 10.2 ათასი ლარის საჩუქრის მიზნობრივად გამოყენებაზე.

2014 წელს ზესტაფონის მუნიციპალიტეტმა ხელშეკრულება გააფორმა შპს „ტობესთან“ სოფელ ტაბაკინში ბეტონის გზის მოწყობის სამუშაოებზე, საერთო ღირებულებით - 930.2 ათასი ლარი. სამუშაოების მიმდინარეობისას ზედამხედველმა წერილობით 4-ჯერ მიმართა მუნიციპალიტეტს, რომ ვიზუალური დათვალიერებით, დაგებული ბეტონის ხარისხი არ იყო დამაკმაყოფილებელი და საჭიროებდა შემოწმებას. შემსყიდველმა არ გაითვალისწინა ზედამხედველის რეკომენდაცია და მიმწოდებელს შუალედური შესრულების საფუძველზე სულ აუნაზღაურა 721.8 ათასი ლარი, მათ შორის, ზედამხედველის მიმართვის შემდეგ - 471.8 ათასი ლარი. სამუშაოების დასრულების შემდეგ ლევან სამხარაულის სახელობის სასამართლო ექსპერტიზის ეროვნულმა ბიურომ ჩაატარა რეაბილიტირებული გზის ექსპერტიზა. დასკვნის მიხედვით, ხელშეკრულების პირობების შესაბამისად, შესრულებულია 374.8 ათასი ლარის სამუშაო, მაშინ როდესაც გამგეობის მიერ ანაზღაურებულია 721.8 ათასი ლარი. შედეგად მუნიციპალიტეტის მიერ 347 ათასი ლარი გადახდილია ისეთ სამუშაოებში, რომელთა ხარისხიც არ აკმაყოფილებს ხელშეკრულებით განსაზღვრულ მოთხოვნებს.

შეუსაბამოა სსიპ „ბათუმის ბულვარის“ საბალანსო და საბუღალტრო აღრიცხვის მონაცემები.

უცხოურ ვალუტაში შესრულებული სამუშაოს ღირებულების კალკულაცია ხდება გადარიცხვის დღეს არსებული ეროვნული ბანკის კურსით, ხოლო წლის ბოლოს ბალანსის შედგენის თარიღისთვის, დებიტორული დავალიანების ნაშთის გადაფასება არ ხდება 31დეკემბრს არსებული ეროვნული ბანკის კურსით. 2014 წლის 31 დეკემბრის მდგომარეობით ადმინისტრაციას უცხოურ ვალუტაში ერიცხებოდა დებიტორული დავალიანება 8.2 ათასი ლარის ექვივალენტის ოდენობით. აღნიშნული ნათში არ არის გადაფასებული წლის ბოლო თარიღისთვის და შესაბამისად სხვაობამ შეადგინა 0.5 ათასი ლარი.

2014 წელს ტაბაკინის გზის სარეაბილიტაციო სამუშაოებზე მიმწოდებელმა მუნიციპალიტეტს წარუდგინა 46.5 ათასი ლარის ღირებულების ხელშეკრულების შესრულების უზრუნველყოფის გარანტია. მიუხედავად იმისა, რომ მიმწოდებელმა ვერ მოახერხა სამუშაოების ჩაბარება ხელშეკრულებით განსაზღვრული პირობების შესაბამისად, მუნიციპალიტეტმა არ მოითხოვა ხელშეკრულების უზრუნველყოფის გარანტიით გათვალისწინებული თანხის ანაზღაურება და შესაბამისად, დაკარგა 46.5 ათასი ლარის მიღების შესაძლებლობა.

სსიპ “ბათუმის ბულვარის“ მიერ მიღებული საიჯარო ქირის გადახდის არსებული ფორმა აქტივების არაეფექტურ გამოყენებაზე მიუთითებს. რადგან იჯარის გადასახდელისა და შესაბამისი ჯარიმის სახით 2014 წელს მიუღებელია 46.1 ათასი ლარი.

2014 წლის 31 დეკემბრის მდგომარეობით ადმინიტრაციის ბალანსზე ირიცხება 8.7 ათასი ლარის ღირებულების ვალდებულებები მოწოდებიდან და მომსახურებიდან. აღნიშნული თანხა წარმოადგენს ხანდაზმულ კრედიტორულ დავალიანებას და შესაბამისად ვერ შევძელით დავრწმუნებულიყავით კრედიტორული დავალიანებების ნაშთის სისწორეში.

2015 წელს სოფელ ზოვრეთის გზის კაპიტალურ შეკეთებაზე დაიხარჯა 189.7 ათასი ლარი. გზის ნაწილი საგარანტიო პერიოდში გამოვიდა მწყობრიდან, რომელიც მიმწოდებელმა შეაკეთა ფრაგმენტული ჩაკერების გზით. აუდიტის ჯგუფმა სამუშაოები ადგილზე დაათვალიერა, რის შედეგადაც გამოვლინდა, რომ დაზიანებული იყო როგორც თავდაპირველად მოწყობილი გზის ასფალტობეტონის საფარის ნაწილი, ასევე საგარანტიო ვადაში მოწყობილი ფრანგმეტული ჩაკერებები. შესაბამისად, ზოვრეთის გზის კაპიტალური შეკეთების სამუშაოები, რაშიც გადახდილია 189.7 ათასი ლარი, შესრულებულია უხარისხოდ.

სსიპ “ბათუმის ბულვარის“ მიერ არ ხდებოდა, ეკონომიკურ საქმიანობაში გამოყენებული აქტივების, ქონების გადასახადით დაბეგვრა და შესაბამისი ბუღალტრული აღრიცხვა.

ინვენტარიზაციების შედეგების მიმოხილვისას გამოვლინდა, რომ ადმინისტრაციას საწყობიდან აქვს გახარჯული 0.4 ათასი ლარის ღირებულების კომპიუტერული აქსესუარები, რაც ბუღალტრულ ჩანაწერებში არ არის ასახული.

2015 წელს სოფელ სასახლეში, ფუთში, ქვედა და ზედა საქარაში, ასევე ქალაქ ზესტაფონში ანჯაფარიძის ქუჩაზე გზის კაპიტალური შეკეთების სამუშაოების დათვალიერების შედეგად გამოვლინდა, რომ 724.8 ათასი ლარის სამუშაოები შესრულებულია უხარისხოდ და გზის საფარი დაზიანებულია. მიუხედავად იმისა, რომ ყველა ობიექტს გააჩნდა მოქმედი საგარანტიო ვადა, მუნიციპალიტეტს არ მიუმართავს მიმწოდებლებისთვის არსებული ხარვეზების აღმოფხვრის მიზნით.

სსიპ "ბათუმის ბულვარის“ მიერ არ არის აღრიცხული საფეხმავლო გზების დემონტაჟის შედეგად მიღებული 230,2 კუბ.მ ვარგისი დეკორატიული ფილები.

ინვენტარიზაციის აქტში არ არის ასახული 0.3 ათასი ლარის ღირებულების 40 ბიდონი სასმელი წყალი.

2015 წელს ზესტაფონის №5 სკოლამდელი აღზრდის დაწესებულების სარემონტო სამუშაოების განხორციელებაზე, ორი ხელშეკრულების ფარგლებში, დაიხარჯა 123.6 ათასი ლარი. აუდიტის ჯგუფის მიერ ობიექტის დათვალიერების შედეგად გამოვლინდა, რომ მიუხედავად ექსპერტის დადებითი შეფასებისა, სამუშაოების ნაწილი შესრულებულია უხარისხოდ და გამოსულია მწყობრიდან. ამასთანავე, სამუშაოების საგარანტიო ვადა გასული არ იყო, თუმცა გამგეობას არ მიუმართავს მიმწოდებლებისათვის დაზიანებების აღმოფხვრის მიზნით.

სსიპ ,,ბათუმის სახელმწიფო მუსიკალური ცენტრის“ მიერ საანგარიშო პერიოდში გაწეული ხარჯების ანალიზით ირკვევა, რომ 34.8 ათასი ლარის ღირებულების შეძენილი და ექსპლუატაციაში გადაცემული აქტივები არ არის ასახული 2014 წლის ფინანსურ ანგარიშგებაში.

ადმინისტრაციის ბალანსზე არსებული ძირითადი საშუალებების აუდიტის დროს გამოვლინდა, აქტივები რომელთა ღირებულება ნაკლებია 500 ლარზე. აღნიშნული აქტივების ჯამურმაღირებულებამ შეადგინა 7.0 ათასი ლარი.

2015 წელს განხორციელდა ქ. ზესტაფონის №2 სკოლამდელი აღზრდის დაწესებულების სარეაბილიტაციო სამუშაოები, ღირებულებით 69 ათასი ლარი. წარმოდგენილი დოკუმენტაციის შესწავლით ირკვევა, რომ ბაღის სახურავი რეაბილიტაციიდან 4 თვეში გამოვიდა მწყობრიდან, რომელიც მიმწოდებელმა საგარანტიო ვადაში რამდენჯერმე შეაკეთა, თუმცა პრობლემის აღმოფხვრა მაინც ვერ მოხერხდა. აუდიტის ჯგუფის მიერ სამუშაოების დათვალიერების შედეგად აღმოჩნდა, რომ გადახურვა შესრულებულია უხარისხოდ და წვიმიან ამინდში ნალექი აღწევს საბავშვო ოთახებში, ასევე დაზიანებულია ხელშეკრულების ფარგლებში მოწყობილი სველი წერტილები. შესაბამისად, მუნიციპალიტეტის მიერ 69 ათასი ლარი გადახდილია სარეაბილიტაციო სამუშაოებში, რომლებიც შესრულებულია უხარისხოდ.

  სსიპ ,,აჭარის ხელოვნების მუზეუმის“ მიერ შესყიდული 16.8 ათასი ლარის ღირებულების ფარდა ჟალუზები, ნაცვლად ფინანსურ ანგარიშგებაში სასაქონლო ნაშთად აღრიცხვისა, ჩამოწერილია და მიკუთვნებულია ოფისის ხარჯებზე.

ცვეთის ხარჯის ანალიზისას გამოვლინდა, რომ 288.3 ათასი ლარის ღირებულების აქტივებს ცვეთა არ აქვთ დარიცხული. დასარიცმა ცვეთის ხარჯმა შეადგინა 27.6 ათასი ლარი.

2015 წელს მუნიციპალიტეტმა ხელშეკრულება გააფორმა შპს „მშენებელი 99“-თან, რომელიც ითვალისწინებდა მუნიციპალიტეტის 11 ადმინისტრაციული ერთეულისთვის 172.4 ათასი ლარის ღირებულების, 1077.5 კუბ.მ მზა ბეტონის მიწოდებას. წარმოდგენილი დოკუმენტების მიხედვით, მიმწოდებელს 87.8 ათასი ლარის ღირებულების 548.5 კუბ.მ ბეტონზე საერთოდ არ წარმოუდგენია ხელშეკრულებით განსაზღვრული ექსპერტიზის დასკვნები. მიუხედავად აღნიშნულისა, გამგეობას სრულად აქვს ანაზღაურებული მიწოდებული მზა ბეტონის ღირებულება.

სსიპ ,,ბათუმის ილია ჭავჭავაძის სახელობის პროფესიულ სახელმწიფო დრამატულ თეატრის'' მიერ გაფორმდა ხელშეკრულება 1.7 ათასი ლარის თეატრის განათების სისტემის შეკეთების სამუშაოებთან დაკავშირებით. წარმოდგენილი მტკიცებულებით ირკვევა, რომ შესასრულებელია განათების აპარატურის კაპიტალური რემონტისა და სპექტაკლის ხარისხიანი განათებისათვის არხების გაყვანის სამუშაოები, თუმცა ხელშეკრულებასა და სამუშაოს შესრულების მიღება-ჩაბარების აქტში არ არის იდენტიფიცირებული შესასრულებელი და ფაქტობრივად შესრულებული სამუშაოების დასახელება და მოცულობა. სახელშეკრულებო თანხა მიმწოდებელზე გადახდილია სრულად, თუმცა ნაცვლად აქტივებში ასახვისა, თანხა ჩამოწერილია ხარჯებში.

აუდიტის შედეგად გამოვლინდა შემთხვევები, როცა გარკვეული ტიპის აქტივები, რომლებსაც ცვეთა ერიცხებოდათ გაურკვეველი ღირებულებების საფუძველზე. აღნიშნული თანხა შეადგენს 0.6 ათას ლარს.

2014-2015 წლებში ზესტაფონის მუნიციპალიტეტმა შეისყიდა მრავალსართულიანი საცხოვრებელი სახლების სახურავის მასალები, საერთო ღირებულებით 148.9 ათასი ლარი. სამუშაოების ადგილზე დათვალიერების შედეგად აღმოჩნდა, რომ 10 საცხოვრებელ კორპუსში, სადაც გადაცემული მასალების საერთო ღირებულება შეადგენს 53.5 ათას ლარს, სამუშაოები შესრულებულია უხარისხოდ და მოსული ნალექი აღწევს საცხოვრებელ სახლებში. სრულად დასაწყობებულია 10.8 ათასი ლარის ღირებულების მასალები და ეს მასალები გადახურვის სამუშაოების შესასრულებლად არ გამოუყენებიათ, ხოლო 5.6 ათასი ლარის ღირებულების საქონელი ზედმეტად არის გადაცემული სხვადასხვა საცხოვრებელი სახლის გადასახურად, რომლის რეალური საჭიროება არ არსებობდა.

  ა(ა)იპ ,,მელიტონ ბალანჩივაძის ხელოვნების სკოლის“ მიერ ეკონომიკური საქმიანობით მიღებული შემოსავლებიდან, სკოლის შენობის სახურავის სარემონტო სამუშაოებისათვის გახარჯული 3.8 ათასი ლარი, ნაცვლად კაპიტალიზაციისა მიკუთვნებულია საოპერაციო ხარჯებზე.

2014 წლის 31 დეკემბრის მდგომარეობით ადმინისტრაციის ბალანსზე ირიცხება 9.4 ათასი ლარის ღირებულების სოციალური დაზღვევის ანარიცხები, ხოლო საგადასახადო ბარათზე 16.0 ათასი ლარი, შესაბამისად საგადასახადო ბარათსა და ადმინისტრაციის ბუღალტრულ ჩანაწერებში ასახული სხვაობა შეადგენს 6.6 ათას ლარს. აღნიშნული სხვაობა გამოწვეულია საგადასახადო ბარათზე ასახული 1996 წლიდან წარმოშობილი გადასახდებით.

2014-2015 წლებში „სოფლის მხარდაჭერის პროგრამის“ ფარგლებში შესყიდულია და გამგებლის წარმომადგენლებისთვის გადაცემულია 53.9 ათასი ლარის ღირებულების მასალა, რომელიც დასაწყობებულია და არ მომხდარა მისი გამოყენება მოსახლეობის საჭიროებების დასაკმაყოფილებლად. შესაბამისად, არ სრულდება „სოფლის მხარდაჭერის პროგრამით“ განსაზღვრული მოთხოვნები და მოსახლეობა ვერ სარგებლობს მიწოდებული მატერიალური სიკეთით.

აჭარის ავტონომიური რესპუბლიკის სპორტისა და ახალგაზრდობის საქმეთა დეპარტამენტს სოციალური დახმარების მუხლით 2014 წელს გაწეული აქვს 62.6 ათასი ლარის საკასო ხარჯი. წარმოდგენილი დოკუმენტებით ირკვევა, რომ აღნიშნული ხარჯები არასწორად არის ასახული სოციალური დახმარების მუხლში, რადგან იგი მოიცავს ,,სპორტის ხელშეწყობის“ მიზნობრივი პროგრამისათვის გათვალისწინებულ ხარჯებს.

2014 წლის 31 დეკემბრის მდგომარეობით ადმინისტრაციის ბალანსზე გადასახდელი საშემოსავლო გადასახადი შეადგენს 5.5 ათას ლარს, ხოლო შემოსავლების სამსახურის ბარათზე არსებული გადასახადი 2.0 ათას ლარს, შესაბამისად საგადასახადო ბარათსა და ადმინისტრაციის ბუღალტრულ ჩანაწერებში ასახული სხვაობა შეადგენს 3.5 ათას ლარს. აღნიშნული სხვაობა გამოწვეულია საგადასახადო ბარათზე ასახული 1996 წლიდან წარმოშობილი გადასახდებით.

2014-2015 წლებში მუნიციპალიტეტმა სახელმწიფო შესყიდვების კანონმდებლობით განსაზღვრული მონეტარული ზღვრების და/ან შესყიდვების გეგმის დარღვევით განახორციელა 52 სახელმწიფო შესყიდვა, ჯამური სახელშეკრულებო ღირებულებით - 2 159.8 ათასი ლარი.

სსიპ ,,ბათუმის სახელმწიფო მუსიკალური ცენტრის“ დირექტორის ბრძანებით შექმნილი საინვენტარიზაციო კომისიის მიერ ჩატარებული მატერიალურ ფასეულობათა ინვენტარიზაციით ირკვევა, რომ 501.9 ათასი ლარის ღირებულების გრძელვადიან მცირეფასიან აქტივებზე და ხარჯებში ჩამოწერილ 143.8 ათასი ლარის ღირებულების მარაგებზე არ არის ჩატარებული ინვენტარიზაცია.

ადმინისტრაციამ დეკემბრის თვეში არასწორად დაარიცხა დღგ გადასარიცხ თანხას, ნაცვლად მიღება-ჩაბარების აქტში არსებული თანხისა, რამაც გამოიწვია 0.9 ათასი ლარით ნაკლები თანხის ასახვა ბუღალტრულ ჩანაწერებში და შესაბამისად დეკლარაციებში.

2014 წელს გამგეობამ 2 შემთხვევაში დაგვიანებით აანაზღაურა შესრულებული სამუშაოების ღირებულება. მიმწოდებლებმა მიმართეს სასამართლოს მუნიციპალიტეტისათვის პირგასამტეხლოს დაკისრების მოთხოვნით. შედეგად, გამგეობას შემსრულებლების სასარგებლოდ დაეკისრა 2 ათასი ლარის გადახდა.

2014-2015 წლებში მუნიციპალიტეტის შტატგარეშე მოსამსახურეებზე გაცემულია დამატებითი ანაზღაურება - პრემია, სულ 2.5 ათასი ლარი. შტატგარეშე მოსამსახურეებზე პრემიები გაცემულია ისე, რომ მათთან გაფორმებული ხელშეკრულებები არ ითვალისწინებდა წახალისებას.

  სსიპ ,,ბათუმის ილია ჭავჭავაძის სახელობის პროფესიული სახელმწიფო დრამატული თეატრის“ ფინანსური ანგარიშგებით 2014 წელს ეკონომიკური საქმიანობიდან მიღებული შემოსავალი შეადგენს 56.0 ათას ლარს. წარმოდგენილი დოკუმენტებით ირკვევა, რომ თეატრის მიერ არ არის შედგენილი დარბაზის მომსახურებასთან დაკავშირებით ფასის განსაზღვრის კალკულაციები, ზოგიერთ შემთხვევაში დამკვეთებზე მიწოდებულია მხოლოდ საბილეთე წიგნი და როგორც სხვა შემთხვევებში, არ არის განსაზღვრული მომსახურების ღირებულება, ხოლო რიგ შემთხვევებში დამკვეთებზე მომსახურების ღირებულება განსაზღვრულია ხასიათდებოდა არაერთგვაროვანი მიდგომით, სხვადასხვა ფასების განსაზღვრით.

2010 წელს 3.8 ათასი ლარის დაკარგული აქტივის ღირებულების ანაზღაურება ადმინისტრაციამ დააკისრა უშუალოდ იმ თანამშრომელს, რომელმაც დაკარგა ეს ნივთი. თუმცა 2014 წლის 31 დეკემბრის მდგომარეობით არ არის დაფარული დებიტორული დავალიანება.

2014-2015 წლებში ზესტაფონის მუნიციპალიტეტში შრომის ანაზღაურების სახით გაცემულია 3 869.9 ათასი ლარი, მათ შორის, პრემიის სახით - 627.2 ათასი ლარი, 2015 წელს გაცემულია დანამატიც, 84.6 ათასი ლარის ოდენობით. შტატგარეშე მოსამსახურეებზე ანაზღაურებულია 118.1 ათასი ლარი, მათ შორის, პრემია 23.2 ათასი ლარი. ამავე პერიოდში მუნიციპალიტეტის როგორც შტატით გათვალისწინებულ, ასევე შტატგარეშე თანამშრომლებზე გაცემულია „საშვებულებო დახმარება“ 203.3 ათასი ლარის ოდენობით. აღსანიშნავია, რომ მოქმედი კანონმდებლობა დაქირავებულებისათვის „საშვებულებო დახმარების“ გაცემას არ ითვალისიწინებს.

2014-2015 წლებში ა(ა)იპ - ების მიერ არ არის წარმოდგენილი მონაცემები სუბსიდიით განსახორციელებელი პროგრამების ფარგლებში შესასრულებელი ღონისძიებების შესახებ. არ არის დასაბუთებული რა სამუშაოები უნდა შეესრულებინათ, რა პერიოდულობითა და მოცულობით. საანგარიშო პერიოდში ა(ა)იპ „კეთილმოწყობის ცენტრის“ მიერ მიღებულმა დაფინანსებამ შეადგინა 787.6 ათასი ლარი

ა(ა)იპ ,,ქ. ბათუმის სასპორტო სკოლის“ 2014 წლის ფინანსური ანგარიშგებით ეკონომიკური საქმიანობიდან მიღებული შემოსავალი შეადგენს 75.3 ათას ლარს, მათ შორის სკოლის შენობაში ღონისძიების ჩატარებისათვის გაწეული მომსახურების ღირებულება შეადგენს 55.4 ათას ლარს. მომსახურებასთან დაკავშირებით გაფორმებულ ხელშეკრულებებში მოსახურების საგნად მითითებულია დროის გარკვეულ მონაკვეთში ტექნიკური და მომსახურე პერსონალით უზრუნველყოფა და შესაბამისი ღირებულება. წარმოდგენილი დოკუმენტების ანალიზით ირკვევა, რომ ადგილი აქვს ხელშეკრულებებში გასაწევი მომსახურების არასრულყოფილად ასახვას, გადასახდელი ფასების განსაზღვრისას არაერთგვაროვან მიდგომას, რომლის შედეგადაც მნიშვნელოვნად განსხვავებულია სხვადასხვა პირების მიერ დარბაზით მომსახურებისათვის გადასახდელი თანხები.

2009 წლის 28 ნოემბერს და 2013 წლის 9 დეკემბერს დაკარგული ლეპტოპის და პლანშეტური კომპიუტერის 2.5 ათასი ლარისა და 0.8 ათასი ლარის ღირებულებების აქტივებთან დაკავშირებით ადმინისტრაციას არ მიუღია არანაირი ზომები.

2014 წელს ზესტაფონის მუნიციპალიტეტმა 3 პირს აუნაზღაურა იძულებითი განაცდური 3 თვის თანამდებობრივი სარგოს ოდენობით, სულ - 6.7 ათასი ლარი. დოკუმენტაციის შესწავლით გამოვლინდა, რომ 2013 წელს გამგებლის მოვალეობის შემსრულებლის ბრძანებებით განთავისუფლებულმა 3-მა პირმა სასამართლოში გაასაჩივრა სამართლებრივი აქტები მათი განთავისუფლების შესახებ. შედეგად, სამივე პირი აღდგენილ იქნა გამგეობის შესაბამის თანამდებობებზე.

2015 წელს 2013 წელთან შედარებით ა(ა)იპ -ების შტატები გაზრდილია 77 ერთეულით. თუმცა დოკუმენტურად არ არის დასაბუთებული კონკრეტულად რა გარემოებებით იყო გამოწვეული შტატების ზრდა.

   სსიპ ,,მელიტონ კუხიანიძის სახელობის სიმღერისა და ცეკვის სახელმწიფო ანსამბლის“ 2014 წლის ფინანსური ანგარიშგებით, ეკონომიკური საქმიანობიდან მიღებული შემოსავალი შეადგენს 55.9 ათას ლარს, რაც წარმოადგენს სახელმწიფო ანსამბლში ფუნქციონირებად 5 სასწავლო სტუდიაში ჩარიცხული ბავშვების სწავლის საფასურს. აუდიტის პერიოდში სახელმწიფო ანსამბლის მიერ ვერ იქნა წარმოდგენილი ინფორმაცია 2014 წლის 1 იანვრის და შემდგომ პერიოდში სტუდიებში ფაქტობრივად რიცხულ მოსწავლეთა რაოდენობისა და მათ მიმართ ცალკეულ პერიოდში რიცხული დავალიანებების შესახებ.

ადმინისტრაციაში არ არსებობს ხელმძღვანელის მიერ მარკეტინგული კამპანიის განხორციელების წესი, რომელშიც განსაზღვრული იქნებოდა დასახული მიმართულებებისა და მიზნების მიღწევის შედეგები თითოეული მარკეტინგული ღონისძიების ფარგლებში.

მუნიციპალიტეტის მიერ წარმოდგენილი ინფორმაციის შესაბამისად, 2014 წლის დასაწყისში ზესტაფონის მუნიციპალიტეტს ანგარიშზე ნაშთის სახით ერიცხებოდა 1 896.4 ათასი ლარი, რომლის ხარჯვაც დაიგეგმა 2014 წლის ბიუჯეტით. მიუხედავად ამისა, 2014 წელს ნაშთის ცვლილებით გამოწვეული ფულადი სახსრების დაგროვებამ (მატებამ) შეადგინა 813.7 ათასი ლარი და წლის ბოლოს დაფიქსირდა ნაშთი 2 710.1 ათასი ლარი (მათ შორის, თავისუფალი ნაშთი 1 876.6 ათასი ლარია), რომლის გამოყენებაც დაიგეგმა მომდევნო წელს. 2015 წელს ნაშთის ცვლილებით გამოწვეული ფულადი სახსრების ზრდამ შეადგინა 903.3 ათასი ლარი, ხოლო წლის ბოლოს არსებულმა ნაშთმა 3 613.4 ათასი ლარი (მათ შორის, თავისუფალი ნაშთი 1 573.8 ათასი ლარია). აღნიშნული მიუთითებს მუნიციპალიტეტის მფლობელობაში არსებული ფინანსური რესურსების არაეფექტიან მართვაზე. შედეგად მოსახლეობა ვერ სარგებლობს იმ სიკეთით, რაც შესაძლოა მიწოდებულ იქნეს ბიუჯეტში მობილიზებული სახსრების დროული და ეფექტიანი გამოყენებით.

2014-2015 წლებში გამარტივებული შესყიდვის საშუალებით შეძენილი 2509.6 ათასი ლარის სამშენებლო სამუშაოები ანაზღაურებულია კანონმდებლობის დარღვევით, ფაქტობრივი დანახარჯის დამადასტურებელი დოკუმენტაციის წარმოდგენის გარეშე.

   სსიპ ,,აჭარის ხალხური ცეკვის სახელმწიფო ანსამბლ ხორუმის“ 2014 წლის ფინანსური ანგარიშგებით, ეკონომიკური საქმიანობიდან მიღებული შემოსავალი შეადგენს 25.6 ათას ლარს, რაც წარმოადგენს სახელმწიფო ანსამბლში ფუნქციონირებად სასწავლო სტუდიაში ჩარიცხული ბავშვების სწავლის საფასურს. აუდიტის პერიოდში, სახელმწიფო ანსამბლის მიერ ვერ იქნა წარმოდგენილი ინფორმაცია 2014 წელს სტუდიებში ფაქტობრივად რიცხულ მოსწავლეთა რაოდენობისა და მათ მიმართ ცალკეულ პერიოდში რიცხული დავალიანებების შესახებ.

ადმინისტრაციის მიერ მარკეტინგული ღონისძიებების ფარგლებში საერთაშორისო ბაზარზე გაწეულია 8 526.7 ათასი ლარის ხარჯები. აღნიშნული ხარჯებით მიღებული შედეგების შუალედურ ან/და საბოლოო შეფასებას ადმინისტრაცია არ ახორციელებს. ადმინისტრაციის მიერ ასევე არ ხდება ანალიზის გაკეთება თუ რა შესაძლო შედეგი შეიძლება მოჰყვეს ამა თუ იმ მარკეტინგული ღონისძიების მოწყობას. კერძოდ, არ არის გამოკვლეული რამდენად მიზნობრივ დროს და რეიტინგულ გადაცემებში გადიოდა ესა თუ ის სარეკლამო რგოლი და შედეგად რამდენად იქნა ადმინისტრაციის მიერ დასახული მიზნები მიღწეული.

2015 წელს გამგეობამ გააფორმა ორი ხელშეკრულება შპს „საპოვნელა+“-თან, რომელიც სხვა სამუშაოებთან ერთად ითვალისწინებდა სოფელ სასახლეში საავტომობილო გზებზე ბეტონის საფარის მოწყობის სამუშაოებს. აუდიტის ჯგუფმა დაათვალიერა შესრულებული სამუშაოები, რის შედეგადაც გამოვლინდა, რომ 100.7 ათასი ლარის ღირებულების, 1348 გრძივი მეტრი შიდა საუბნო გზა რეაბილიტირებულია იმ უბანში რომელშიც დაახლოვებით 4 ოჯახი ცხოვრობს, მნიშვნელოვნადაა დაშორებული სოფლის მჭიდროდ დასახლებული უბნებისაგან და ძირითადად მოწყობილია სასოფლო-სამეურნეო სავარგულების მიმდებარედ. ზესტაფონის მუნიციპალიტეტის გამგეობამ ვერ წარმოადგინა დასაბუთება, რის საფუძველზე განახორციელა გზის კაპიტალური რეაბილიტაცია ღირებულებით 100.7 ათასი ლარი, ისეთ ტერიტორიაზე, რომლის ძირითადი ნაწილი დაუსახლებელია და გადის სასოფლო სამეურნეო-სამეურნეო სავარგულებში, მაშინ როდესაც დაუსრულებელი იყო სოფლის ცენტრამდე მისასვლელი გზა, რომლითაც სოფლის მოსახლეობის ძირითადი ნაწილი სარგებლობს.

2015 წელს საკრებულოს წევრებზე, რომლებიც არ არიან თანამდებობის პირები, შესაბამისი ხარჯების დამადასტურებელი დოკუმენტაციის წარმოდგენის გარეშე გაცემულია 67.9 ათასი ლარი.

   სსიპ ,,ბათუმის სახელმწიფო მუსიკალური ცენტრის“ მიერ გამოცხადდა გამარტივებული ელექტრონული ტენდერი მეორადი ავტოსატრანსპორტო საშუალების შესყიდვის მიზნით, სავარაუდო ღირებულებით 15.5 ათასი ლარი. სატენდერო დოკუმენტაცით, სხვა პარამეტრებთან ერთად, განსაზღვრული იყო შესასყიდი ავტომანქანის კონკრეტული მახასიათებლები, აგრეთვე ხელშეკრულების პროექტში დაფიქსირებული იყო, რომ მიმწოდებელი იძლევა მიწოდებულ საქონელზე არანაკლებ 5 წლიან გარანტიას ულიმიტო გარბენით. ტენდერში მონაწილეობდა ერთი პრეტენდენტი, რომელიც გამოცხადდა გამარჯვებულად და გაუფორმდა სახელმწიფო შესყიდვების შესახებ ხელშეკრულება 15.5 ათას ლარზე, საიდანაც ამოღებული იქნა საქონლის საგარანტიო მოთხოვნები. მიწოდებული ავტოსასტრანსპორტო საშუალების ტექნიკური პასპორტით ირკვევა, რომ ძრავის მოცულობა შეუსაბამობაშია სატენდერო და სახელშეკრულებო მოთხოვნებთან.

ადმინისტრაციას არ გააჩნია პროგრამების და ქვეპროგრამების საბოლოო და შუალედური შედეგების შეფასების კრიტერიუმები და ინდიკატორები შესაბამისად აუდიტის ჯგუფი ვერ დარწმუნდა 8 526.7 ათასი ლარის ოდენობის ხარჯის მიზნობრიობაში.

ბიუჯეტის შესრულების ანგარიშის მიხედვით, 2015 წლის 1 იანვრის მდგომარეობით, მუნიციპალიტეტს ნაშთის სახით ერიცხებოდა 532.1 ათასი ლარი. 2015 წელს მუნიციპალიტეტმა დაგეგმა ნაშთის სრულად გამოყენება, ფაქტობრივად კი მოხდა 558.9 ათასი ლარის ნაშთის დაგროვება. წლის ბოლოს მუნიციპალიტეტს დარჩა 1 091.0 ათასი ლარის ნაშთი, მათ შორის, თავისუფალი - 812.7 ათასი ლარი.

მუნიციპალიტეტის მიერ ბუნებრივი კატასტროფის შედეგად დაზარალებული მოსახლეობის დახმარების პროგრამიდან, 2014 წელს 8 შემთხვევაში გაცემულია 2.3 ათასი ლარის დახმარება ისეთ ბენეფიციარებზე, რომლებიც ვერ აკმაყოფილებდენ პროგრამით განსაზღრული კრიტერიუმის მოთხოვნებს.

სსიპ ,,მელიტონ კუხიანიძის სახელობის სიმღერისა და ცეკვის სახელმწიფო ანსამბლის’’ მიერ გამოცხადდა ელექტრონული ტენდერი შენობის რეაბილიტაციის სამუშაოების შესახებ, სავარაუდო ღირებულებით 736.5 ათასი ლარი,როგორც სატენდერო დოკუმენტაციით, ასევე ხელშეკრულებით განსაზღვრული იყო, რომ საავანსო ანგარიშსწორება განხორციელდებოდა ხელშეკრულების ღირებულების 30%-ის ოდენობით, იმ შემთხვევაში თუ მიმწოდებლის მიერ შესრულებული იქნებოდა ხელშეკრულების ღირებულების 20%-ის სამუშაოები. აღნიშნული სამუშაოების შეუსრულებლობის პირობებში, მიმწოდებლის თხოვნით, მხარეთა შორის გაფორმებული შეთანხმების შედეგად, საავანსო ანგარიშსწორება 30-პროცენტიდან გაზრდილი იქნა 55-პროცენტამდე. ზემოაღნიშნული ხელშეკრულების ფარგლებში 2014 წლის 10 დეკემებერს მიმწოდებლის მიერ წარმოდგენილი იქნა 640.0 ათასი ლარის ღირებულების სამუშაოების დასრულების აქტი, ხოლო სსიპ ,,ლევან სამხარაულის სახელობის სასამართლო ექსპერტიზის ეროვნული ბიუროს’’ დასკვნით დადგენილია, რომ ფაქტობრივად შესრულებულია 10.7 ათასი ლარით ნაკლები, 629.2 ათასი ლარის სამუშაოები. ხელშეკრულების შესაბამისად აღნიშნული განსხვავების დაფიქსირების შემთხვევაში არ უნდა მომხდარიყო სამუშაოების ჩაბარება დეფექტების აღმოფხვრამდე, აღნიშნული გარემოება შემსყიდველის მიერ არ იქნა გათვალისწინებული, მიღებული იქნა სამუშაოები და გადახდილია მიმწოდებელზე 629.2 ათასი ლარი. აქვე უნდა აღინიშნოს, რომ სამუშაოების შეუსრულებლობის პირობებში შემსყიდველის მიერ არ იქნა გამოყენებული საბანკო გარანტია 16.0 ათასი ლარის ოდენობით დაბრუნებულია მიმწოდებელზე, ხელშეკრულება ითავლისწინებდა ითვალისწინებდა, რომ მიმწოდებელი ვალდებული იყო საბოლოო ანგარიშსწორებამდე შემსყიდველის მოთხოვნიდან 5 დღის ვადაში წარედგინა საგარანტიო პერიოდში ნაკისრი ვალდებულებების შესრულების უზრუნველყოფის საბანკო გარანტია 30.0 ათასი ლარის ოდენობით, რაც შემსყიდველის მიერ არ იქნა მოთხოვნილი.

ადმინისტრაციამ თანამშრომლებზე 2014 წელს გასცა პრემიისა და დანამატის სახით სულ 672.2 ათასი ლარი. აქედან, ივლისამდე პრემიის, დანამატის და მატერიალური წახალისების სახით გაცემულია 319.9 ათასი ლარი, ხოლო ივლისის შემდგომ 352.4 ათასი ლარი. დანამატების, ისევე, როგორც პრემიების გაცემის საფუძვლიანი დასაბუთება ადმინისტრაციამ ვერ წარმოადგინა.

2015 წელს თვითმმართველ თემში იურიდიული პირების მიერ გადაუხდელმა დასუფთავების მოსაკრებელმა 76.2 ათასი ლარი შეადგინა. მუნიციპალიტეტს ბიუჯეტით გათვალისწინებული დასუფთავების მოსაკრებლის მისაღებად კანონით გათვალისწინებული ღონისძიებები არ გაუტარებია.

გამგეობის ბუღალტერიის მიერ არ არის ნაწარმოები მემორიალური ორდერები. ბუღალტრული აღრიცხვა არ იძლევა სათანადო და ინფორმაციას ორგანიზაციის ფინანსური მდგომარეობისა და მის საკუთრებაში არსებული აქტივებისა და ვალდებულებების შესახებ. არ არის შედგენილი 2014-2015 წლების ფინანსური ანგარიშგებები.

  ,,საქართველოს მწერალთა კავშირის აჭარის ორგანიზაციის“ 2014 წლის ფინანსური ანგარიშგებით გაწეული ხარჯების ანალიზით ირკვევა, რომ ,,სხვა დანარჩენი საქონელი და მომსახურების“ მუხლით 19 შემთხვევაში 40.9 ათასი ლარით შესყიდული სხვადასხვა ავტორის წიგნის ბეჭდვის მომსახურება განხორციელებულია ერთ პირთან მოლაპარაკების საშუალებით, რითაც დარღვეულია ,,სახელმწიფო შესყიდვების შესახებ“ საქართველოს კანონი.

სსიპ „საქართველოს ტურიზმის ეროვნულ ადმინისტრაციის“ ბალანსზე ირიცხება სამი ავტომანქანა. აღნიშნულ ავტომანქანებზე ყოველთვიურად გაწეული საწვავის ხარჯი არ აღემატება ადმინისტრაციის მიერ დამტკიცებულ ლიმიტებს. თუმცა, საწვავის ხარჯის ანალიზის შედეგად გამოვლინდა, რომ საწვავის ათვისება ლიმიტებთან მიმართებაში შეადგენს 55%-ს, რაც მიუთითებს წინასწარ განსაზღვრული საწვავის ხარჯვის ლიმიტების არაგონივრულ და არარეალურ გაანგარიშებაზე.

მუნიციპალიტეტის საკუთრებაში არსებული ქონებით უსასყიდლოდ სარგებლობდნენ არაუფლებამოსილი პირები. კერძოდ: 2014-2015 წლებში 9649 კვ.მ არასასოფლო-სამეურნეო დანიშნულების მიწას იყენებდნენ კერძო კომპანიები, ხოლო 11 614.3 ჰა სასოფლო-სამეურნეო დანიშნულების მიწას (მათ შორის, 11 598 ჰა საძოვარი) - ფიზიკური პირები. მუნიციპალიტეტი სასოფლო-სამეურნეო დანიშნულების მიწების იჯარით გაცემის შემთხვევაში, წლიურად მიიღებდა 170 ათას ლარზე მეტ შემოსავალს.

2016 წლის 1 იანვრისათვის მუნიციპალიტეტის საკუთრებად საჯარო რეესტრის მიერ რეგისტრირებულია 13011 კვ.მ არასასოფლო-სამეურნეო დანიშნულების მიწის 22 ნაკვეთი. აღნიშნული ქონება მუნიციპალიტეტის მიერ არ არის შეფასებული და შესაბამისად, ასახული ბუღალტრულად რიცხულ ნაშთებში. მუნიციპალიტეტის ბუღალტრულ ნაშთებში (ქონების ჩამონათვალში) ირიცხება ისეთი უძრავი ქონება, რომელიც საჯარო რეესტრში მუნიციპალურ საკუთრებად დარეგისტრირებული არ არის.

  სპორტისა და ახალგაზრდობის საქმეთა დეპარტამენტის მიერ 2014 წლის 16 მაისს გამოცხადდა გამარტივებული ელექტრონული ტენდერი სპორტული ფორმების შესყიდვასთან დაკავშირებით, სავარაუდო ღირებულებით 186.0 ათასი ლარი, სადაც მითითებულია მისაწოდებელი ფორმების დიზაინი და ტექნიკური მახასიათებლები. ვაჭრობის დაწყებამდე, 2014 წლის 19 მაისს სატენდერო დოკუმენტაციაში განხორციელდა ცვლილება და შეიცვალა მისაწოდებელი საქონლის მახასიათებლები, თუმცა მიუხედავად ხარისხობრივი მაჩვენებლების შემცირებისა სავარაუდო ღირებულება არ შეცვლილა. ტენდერში გამარჯვებულად გამოცხადდა პრეტენდენტი, რომელმაც დაასახელა უმცირესი ფასი - 133.0 ათასი ლარი. სატენდერო დოკუმენტაციის მიხედვით, შემსყიდველის მიერ 2014 წლის 28 მაისის ჩათვლით, მოთხოვნილი იქნა ფასწარმოქმნის ადეკვატურობის დასაბუთება რომელიც გაცემული უნდა ყოფილიყო სსიპ ,,ლევან სამხარაულის სახელობის ეროვნული ექსპერტიზის ბიუროს’’ მიერ. 2014 წლის 27 მაისს პრეტენდენტის მიერ წარმოდგენილი იქნა კორესპოდენცია ექსპერტიზის მიმართვასთან დაკავშირებით, სადაც აღნიშნულია, რომ დროის სიმცირის გამო ექსპერტიზის ჩატარება შეუძლებელია, აღნიშნულის საფუძველზე შემსყიდველის მიერ შეწყვეტილი იქნა ტენდერი. 2014 წლის 2 ივნისს, განმეორებით გამოაცხადა გამარტივებული ელექტრონული ტენდერი. პირველ ეტაპზე გამოცხადებულ პირობებთან შედარებით შეცვლილი პარამეტრებისა და შეწყვეტილი სატენდერო ფასების დაფიქსირების მიუხედავად, შესყიდვის სავარაუდო ღირებულება დარჩა უცვლელი 186.0 ათასი ლარი. სატენდერო დოკუმენტაციით განისაზღვრა, რომ შემსყიდველის მოთხოვნის შემთხვევაში, მიმწოდებელი ვალდებულია უზრუნველყოს საექსპერტო დასკვნის წარმოდგენა, რომლითაც დადგინდება მისაწოდებელი საქონლის შესაბამისობა ტექნიკურ მახასიათებლებთან. ტენდერის დასრულების შემდგომ 105.0 ათასი ლარით გამარჯვებულად გამოცხადდა უმცირესი ფასის მქონე პრეტენდენტი. წარმოდგენილი დოკუმენტებით ირკვევა, რომ საქონლის ხარისხთან დაკავშირებით, გამარჯვებული კომპანიის მიერ 2014 წლის 8 და 24 ივლისს წარმოდგენილია ექსპერტიზის დასკვნაში აღნიშნულია რომ,კონკრეტული ტიპის საქონელი ძირითადად შესაბამისობაშია ტექნიკურ მახასიათებლებთან მისი სახეობისა და წონის გათვალისწინების გარეშე, დანარჩენ საქონელზე კი საერთოდ არ იქნა მოთხოვნილი და წარდგენილი ექსპერტიზის დასკვნები, რითაც დადასტურდებოდა მისაწოდებელი და ფაქტობრივად მიწოდებული საქონლის ტექნიკური მახასიათებლების ურთიერთშესაბამისობა.

2014 წლის ადმინისტრაციის ფაქტობრივი ხარჯები 2013 წელთან შედარებით გაიზარდა 6 905.3 ათასი ლარით რაც შეადგენს 125%-იან ზრდას, ხოლო ტურისტების რაოდენობის ზრდის ტემპი იგივე პერიოდში შემცირდა 15%-იდან 7%-მდე.

2014 წელს მუნიციპალიტეტმა გააფორმა საგზაო სამუშაოების შესყიდვის ხელშეკრულება მიმწოდებელთან 1118.3 ათას ლარზე. შემსყიდველმა უამინდობის მოტივით გააგრძელა სამუშაოების დასრულების ვადა, მაშინ როდესაც დოკუმენტური მტკიცებულებებით არ დასტურდება, რომ რაიმე ფორსმაჟორულ სიტუაციას ადგილი ჰქონდა. იმ შემთხვევაში, თუ გამგეობა შემსრულებელს სამუშაოების დასრულების ვადას არ გაუგრძელებდა და აამოქმედებდა ხელშეკრულებით გათვალისწინებულ საჯარიმო სანქციებს, მიმწოდებელს დაეკისრებოდა პირგასამტეხლო 64.9 ათასი ლარის ოდენობით.

მუნიციპალიტეტისა და საფეხბურთო კლუბ შპს „მერანი“-ს მიერ 2013 წელს დაფუძნებულია შპს „მარტვილი ცენტრალ გრუპ“-ი, საზოგადოების კაპიტალში პარტნიორების შენატანები და წილები განისაზღვრა, მუნიციპალიტედტის მხრიდან 600.0 ათასი ლარის, ხოლო კლუბის მხრიდან 152.2 ათასი ლარის ოდენობით. საზოგადოებაში პარტნიორების მხრიდან ფულადი ან ქონებრივი შენატანი არ ფიქსირდება, მაშინ როდესაც მუნციპალიტეტმა 2014-2015 წლებში კლუბის კუთვნილ სტადიონის რესტავრაციაზე დახარჯა 622 ათასი ლარი და მას ექსპლუატაციას უწევს საფეხბურთო კლუბი.

აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს, 2014 წლის 31 დეკემბრით დასრულებული საანგარიშგებო პერიოდის ბუღალტრულ ანგარიშგებაში, არასწორად და არასრულად აქვს წარდგენილი დანართი ფორმა N2, ფორმა N3 და ფორმა N5.

2014 წლის 24 იანვარს სსიპ „ტურიზმის ეროვნულმა ადმინისტრაციამ“ გამოაცხადა ტენდერი აზერბაიჯანის რესპუბლიკაში სარეკლამო კამპანიის ორგანიზების შესყიდვასთან დაკავშირებით. ტენდერის სავარაუდო ღირებულება განისაზღვრა 658.6 ათასი ლარით. გამოცხადებული ტენდერი გულისხმობდა აზერბაიჯანის რესპუბლიკაში სარეკლამო კამპანიის განხორციელებას.ტენდერში გაიმარჯვა შპს „Shvangirdze&partners”-მა, რომელსაც გაუფორმდა ხელშეკრულება 450.0 ათასი ლარის ღირებულების ხელშეკრულება, თუმცა წარმოდგენილი მონაცემები არ შეესებამება სატენდერო მოთხოვნებს ანალოგიური სამუშაოების გამოცდილების შესახებ. -

2014-2015 წლებში მუნიციპალიტეტმა 2 შემთხვევაში, მდინარის ნაპირსამაგრი სამუშაოებისა და საბავშვო ბაღის მშენებლობაზე, შეწყვიტა შესყიდვის ხელშეკრულებები მიმწოდებლებთან, რადგან ისინი არ ასრულებდნენ ხელშეკრულებით ნაკისრ ვალდებულებებს. სამუშაოების შესრულების ვადების დარღვევისათვის დარიცხული პირგასამტეხლო, ჯამში 43.3 ათასი ლარი, მიმწოდებლებმა არ გადაიხადა. აღნიშნული თანხის მისაღებად მუნიციპალიტეტს დამატებითი ღონისძიება არ გაუტარებია.

2013-2014 წლებში სოფელ აბედათში საბავშვო ბაღის მშენებლობა ისე მიმდინარეობდა, რომ მიწა, სადაც შენდებოდა ბაღი, მუნიციპალიტეტის საკუთრებას არ წარმოადგენდა და იგი ირიცხებოდა სახელმწიფო საკუთრებად.სოფელ სერგიეთში ბაღის მშენებლობა 2014 წლიდან ისე მიმდინარეობს, მშენებლობისათვის საჭირო მიწა (1700 კვ.მ) მუნიციპალიტეტის საკუთრებად საჯარო რეესტრში დარეგისტრირებული არ არის.

ავტომობილების შეკეთებისა და ტექნიკური მომსახურების სახელმწიფო შესყიდვის მიზნით გამოცხადებული, გამარტივებული ელექტრონული ტენდერის საშუალებით გაფორმებული ხელშეკრულების საფუძველზე განხორციელებული მიწოდებების დროს აღინიშნა შემთხვევები, როდესაც მიწოდებული მომსახურების ღირებულება პრეისკურანტით არ არის გათვალისწინებული ან/და პრეისკურანტში მითითებულია ერთიდაიგივე სათადარიგო ნაწილის და თანმდევი მომსახურების ღირებულება ორჯერ, სხვადასხვა ფასით, თუმცა შემსყიდველის მიერ ანაზღაურებულია უფრო მაღალი ფასი.

სსიპ „საქართველოს ტურიზმის ეროვნულ ადმინისტრაციას“ 2014 წელს შესყიდული აქვს 5 ერთეული სხვადასხვა სახის სარეკლამო ფილმი, რომლის საერთო ღირებულება შეადგენს 406.3 ათას ლარს. აღნიშნულ შესყიდვებთან დაკავშირებით არ არის წარმოდგენილი კლიპების ხარჯთაღრიცხვები და გაანგარიშების საფუძვლები.

2015 წელს მუნიციპალიტეტმა, სასმელი წყლის სისტემის სარეაბილიტაციო სამუშაოების შესყიდვის 2 ტენდერზე, არასაკმარისი ანალოგიური სამუშაო გამოცდილების მოტივით, დისკვალიფიკაცია მიანიჭა კონკურენტებთან შედარებით 51.8 ათასი ლარით დაბალი სატენდერო ფასის მქონე პრეტენდენტს. მუნიციპალიტეტმა სატენდერო დოკუმენტაციით მოითხოვა 1 მლნ ლარის გამოცდილება, მაშინ როდესაც შესასრულებელი სამუშაოების სავარაუდო ღირებულება შეადგენდა 176.2 ათასს და 99.7 ათასს ლარს. აღსანიშნავია, რომ დისკვალიფიცირებულ პრეტენდენტს ნაცვლად 1 მლნ ლარისა, ჰქონდა 969.5 ათასი ლარის სამუშაო გამოცდილება, მათ შორის, ერთი შესყიდვის ფარგლებში - 190.0 ათას ლარზე მეტი. აღნიშნული გარემოება მუნიციპალიტეტისათვის არ წარმოადგენდა იმის საფუძველს, რომ დისკვალიფიცირებული პრეტენდენტი ვერ შეძლებდა შემსყიდველის მიერ მოთხოვნილი შესაბამისი მოცულობისა და ხარისხის სამუშაოების შესრულებას. შედეგად, მუნიციპალიტეტის მიერ შედგენილმა სატენდერო მოთხოვნებმა ვერ უზრუნველყო სამართლიანი მიდგომა ტენდერში მონაწილე დაბალი ფასის მქონე პრეტენდენტის მიმართ.

მუნიციპალიტეტის მიერ რიგ შემთხვევებში შესყიდვები განხორციელებულია შესაბამისი მომზადების გარეშე. შედეგად: 2014 წელს ხარჯთაღრიცხვის კორექტირებით სახელშეკრულებო ღირებულების გაზრდის გამო შეწყდა ორი ხელშეკრულება თანხით 14.5 ათას ლარი, ხოლო მოსახლეობის მოთხოვნით ორი ხელშეკრულება თანხით - 5.9 ათას ლარი; 2015 წელს პროექტების ჩანაცვლებისა და ტექნიკური პირობების შეცვლის გამო შეწყდა ოთხი ხელშეკრულება ღირებულებით - 63.9 ათასი ლარი.

სსიპ „აჭარის ავტონომიური რესპუბლიკის საზოგადოებრივი ჯანდაცვის ცენტრის“ მიერ, ჯანდაცვის სფეროს მომსახურებების სახელმწიფო შესყიდვის მიზნით გამოცხადებული ცხრა ელექტრონული ტენდერიდან ოთხ შემთხვევაში და სსიპ „აჭარის ავტონომიური რესპუბლიკის დასაქმების სააგენტოს“ მიერ აჭარის ავტონომიური რესპუბლიკის ადმინისტრაციულ ტერიტორიაზე შრომის ბაზრის კვლევის მომსახურების სახელმწიფო შესყიდვის მიზნით გამოცხადებული გამარტივებულ ელექტრონულ ტენდერში დაფიქსირებული საბოლოო ფასები მნიშვნელოვნად დაბალია შემსყიდველი ორგანიზაციის მიერ განსაზღვრულ შესყიდვის სავარაუდო ღირებულებაზე

სახელმწიფო შესყიდვების კანონის თანახმად, გამარტივებული შესყიდვის გზით მიმწოდებლის შერჩევისას აუცილებელია ინტერესთა კონფლიქტის თავიდან აცილება. 2014-2015 წლებში მუნიციპალიტეტის მიერ შპს „ბილდინგთან“ გამარტივებული შესყიდვით გაფორმდა 30 ხელშეკრულება, ჯამური ღირებულებით 447.9 ათასი ლარი. აღნიშნული მეწარმე სუბიექტის დირექტორი და მფლობელი მუნიციპალიტეტის გამგებლის მოადგილის ახლო ნათესავები არიან.

მუნიციპალიტეტის მიერ მიმწოდებლებთან გაფორმებული შესყიდვის ხელშეკრულებების მიხედვით სამუშაოების საბოლოო მიღება-ჩაბარება გათვალისწინებულია ექსპერტიზის დასკვნის წარმოდგენის შემდგომ. სამუშაოების ექსპერტიზის ჩატარება ჭიანურდება, საჭირო ხდება ხელშეკრულების მოქმედების ვადის გადაწევა. აღნიშნულის გამო სამუშაოები, დამთავრების ვადასთან შედარებით 1.5-2 თვის დაგვიანებითაა ჩაბარებული.

გულის ქირურგიის ქვეპროგრამის ხელშეკრულებით განსაზღვრული მომსახურების შესრულების, აღრიცხვის, ანგარიშგებისა და ანაზღაურების წესის თანახმად, პაციენტის მოთხოვნით განსხვავებული სტენტის გამოყენების შემთხვევაში სტენტის ღირებულებას მთლიანად ფარავს პაციენტი. ასეთ შემთხვევაში ანგიოპლასტიკა ფინანსდება ქვეპროგრამით გათვალისწინებული პროპორციის დაცვით სტენტის ღირებულების გამოკლებით. ქვეპროგრამის ფარგლებში გაწეული ხარჯების შერჩევით დგინდება, რომ გამოყენებულია განსხვავებული სტენტი. შესაბამისად, სამედიცინო დაწესებულებას სამინისტროსგან უნდა მოეთხოვა გაწეული მომსახურების ანაზღაურება სტენტის საფასურის გამოკლებით, რაც არ განუხორციელებია.

სამშენებლო სამუშაოების გამარტივებული გზით შესყიდვისას, მიმწოდებლის მიერ შესრულებული სამუშაოების ღირებულება უნდა ანაზღაურდეს ფაქტობრივი დანახარჯების მიხედვით. 2014-2015 წლებში მუნიციპალიტეტს არ მოუთხოვია მიმწოდებლებისგან ფაქტობრივი დანახარჯების შესახებ დოკუმენტაცია. შესაბამისად, სააუდიტო პერიოდში გამარტივებული შესყიდვის ფარგლებში, მუნიციპალიტეტის მიერ 3 622.7 ათასი ლარის ღირებულების სამშენებლო სამუშაოები ანაზღაურებულია კანონმდებლობის დარღვევით.

მუნიციპალიტეტის მიერ გაფორმებული ხელშეკრულებების ფარგლებში, 7 მიმწოდებელზე სამუშაოების დასრულების ვადა გადაწეულია უამინდობის მიზეზით, რომელიც ვერ ჩაითვლება ისეთ გარემოებად, რომლის გათვალისწინება ხელშეკრულების დადების მომენტისათვის შეუძლებელი იყო. აღნიშნულიდან გამომდინარე, საჯარიმო სანქციის ამოქმედება რომ დაწყებულიყო სამუშაოების მიწოდების თავდაპირველი ვადის ამოწურვის შემდეგ, მათ დაერიცხებოდა 5,6 ათასი ლარის ჯარიმა.

აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებულ საჯარო სამართლის იურიდიულ პირებში, დადგენილი წესით, ხელშეკრულებები არ არის გაფორმებული მატერიალურად პასუხისმგებელ პირებთან.

2014-2015 წლებში მუნიციპალიტეტის მიერ „სოფლის მხარდაჭერის პროგრამის“ ფარგლებში 57.1 ათასი ლარი დახარჯულია ისეთ პროექტებზე, რომლებიც არ ფუნქციონირებს. კერძოდ: მინისტადიონის ხელოვნური საფარი დასაწყობებულია ადმინისტრაციული შენობის ეზოში, ასევე შესყიდული ექსკავატორები და თვითმცლელი არ მუშაობს.

მუნიციპალიტეტის მიერ საანგარიშო პერიოდში გამარტივებული შესყიდვის საშუალებით 213.1 ათასი ლარის ღირებულების სამუშაოების შესყიდვის მიზნით, ხელშეკრულება გაფორმებულია 18 ისეთ მიმწოდებელთან, რომლებიც დარეგისტრირებულნი იყვნენ ხელშეკრულების დადებამდე 1- დან 30 დღემდე პერიოდში.

სმენის აპარატების სახელმწიფო შესყიდვის მიზნით გამოცხადებულ ტენდერში გამარჯვებული პრეტენდენტის მიერ წარმოდგენილი სმენის აპარატების ტექნიკური მახასიათებლების ქართული თარგმანის ავთენტურობა აუდიტის ჯგუფის მიერ გადამოწმებული იქნა სატენდერო წინადადებაში მითითებულ მწარმოებელი კომპანიის ვებ-გვერდზე. ვებ-გვერდზე არსებული ინფორმაციის მიხედვით, ტენდერში გამარჯვებული პრეტენდენტის მიერ წარმოდგენილი სასმენი აპარატების ტექნიკური მონაცემები შეუსაბამოა სამინისტროს მიერ განსაზღვრულ ტექნიკური დავალების პარამეტრებთან.

2014 წლის მდგომარეობით აპარატის მიერ საჯარო რეესტრში არ არის დარეგისტრირებული მის სარგებლობაში გადაცემული სახელმწიფო საკუთრებაში არსებული უძრავი ქონება.

2015 წელს თვითმმართველი თემი თელავის მუნიციპალიტეტმა სოფელ აკურაში ჭაბურღილის მოწყობაზე დახარჯა 64.2 ათასი ლარი. ჭაბურღილმა იმუშავა ექსპლუატაციაში შესვლიდან მხოლოდ რამდენიმე დღე. აუდიტის მიმდინარეობის პერიოდში პრობლემა მოუგვარებელი იყო და მოსახლეობა ვერ სარგებლობდა აღნიშნული ობიექტით.

მუნიციპალიტეტის მიერ შესყიდვების განხორციელების დროს დადებულ ხელშეკრულებებში არ არის გათვალისწინებული მიმწოდებლების მიერ ხელშეკრულების შეწყვეტისათვის საჯარიმო სანქცია. 5 მიმწოდებლის მიერ 2015 წელს შეწყვეტილია 65.8 ათასი ლარის ღირებულების ხელშეკრულებები, რაზედაც დაკისრებული არ არის საჯარიმო სანქცია.

ა(ა)იპ ,,აგროსერვის ცენტრის“ დირექტორის 2014 წლის 19 მაისის N85 ბრძანების საფუძველზე, ცენტრის თანამშრომელი 2014 წლის 20 მაისიდან 23 ივნისამდე, გასულია შვებულებაში და გადახდილია 1.7 ათასი ლარი, მათ შორის თანამდებობრივი სარგო 1.0 ათასი ლარი და საშვებულებო ანაზღაურება 0.7 ათასი ლარი. 2014 წლის ივნისის თვეში აღნიშნულ თანამშრომლეზე გაცემულია ივნისის თვის სრული თანამდებობრივი სარგო 1.0 ათასი ლარი. სულ მაისისა და ივნისის თვეში გაცემულია 2.8 ათასი ლარი, ანუ ორი თვის თანამდებობრივ სარგოსთან შედარებით 0.7 ათასი ლარით მეტი, ამასთან აღნიშნული სხვაობა „სხვა მოკლევადიანი მოთხოვნების“ სახით არ არის ასახული 2014 წლის წლიურ ფინანსურ ანგარიშგებაში.

,,საქონელი და მომსახურების" და ,,სხვა ხარჯების" მუხლში გამოწვეული ეკონომიიდან ასიგნებების ,,შრომის ანაზღაურების“ მუხლში გადანაწილებაზე ფინანსთა სამინისტროსთვის წარდგენილი მოთხოვნა აპარატის მიერ დასაბუთებულია თანამშრომლებზე საახალწლო პრემიის გაცემით, თუმცა სახალხო დამცველის 2014 წლის 17 დეკემბრის N244 ბრძანებით, თანამშრომლებზე გაცემულია დანამატი 124.8 ათასი ლარის ოდენობით. ასევე, სახალხო დამცველის 2014 წლის 15 აპრილის N54 ბრძანებით, აღდგომის დღესასწაულთან დაკავშირებით გაცემულია დანამატები 18.5 ათასი ლარის ოდენობით. აღნიშნული არ შეესაბამება ფინანსთა მინისტრის 2010 წლის 25 აგვისტოს N672 ბრძანებით დამტკიცებულ ,,საქართველოს საბიუჯეტო კლასიფიკაციას“.

ადგილობრივი თვითმმართველობის კოდექსის თანახმად, თვითმმართველი თემი თელავის მუნიციპალიტეტში შტატგარეშე მოსამსახურეთა რაოდენობა არ უნდა აღემატებოდეს 18 ერთეულს. 2015 წელს გაფორმებული შრომითი ხელშეკრულებების საფუძველზე, მუნიციპალიტეტის წარმომადგენლობით და აღმასრულებელ ორგანოში თვეების მიხედვით დასაქმებულია სხვადასხვა რაოდენობის შტატგარეშე მოსამსახურე, რომელთა რიცხოვნობა მერყეობს 28-დან 30-მდე.

მარტვილის მუნიციპალიტეტში შიდა აუდიტის სამსახური შეიქმნა კანონმდებლობით გათვალისწინებულ ვადაზე 9 თვის დაგვიანებით. 2014-2015 წლებში სამსახურს არ ჩაუტარებია გამგეობის სტუქტურული ერთეულების (სამსახურების) საქმიანობის აუდიტორული შემოწმება.

ა(ა)იპ ,,აგროსერვის ცენტრის“ მიერ ერთი და იმავე შენობის სახურავის მოწყობა მოხდა როგორც 2013 ასევე 2014 წლებში ხარჯები აღნიშნულ სამუშაოებზე შესაბამისად წარმოადგენდა 10.8 ათას და 8.7 ათას ლარს. შესაბამისად 2013 წელს გაწეული ხარჯი 8.7 ათასი ლარის ოდენობით წარმოადგენს არამიზნობრივ ხარჯს.

სახალხო დამცველის 2014 წლის 11 ივლისის N168 ბრძანებით, ქალაქ მეხიკოში სასწავლო ვიზიტის ფარგლებში მივლინებულ თანამშრომლებზე ზედმეტად ანაზღაურებულმა სამივლინებო თანხამ შეადგინა 2.5 ათასი ლარი, რომელიც გამოწვეულია ,,მოსამსახურეთათვის სამსახურებრივი მივლინების ხარჯების ანაზღაურების შესახებ“ საქრთველოს პრეზიდენტის 2005 წლის N231 ბრძანებულებით გათვალისწინებული სადღეღამისო და დღიური ნორმების არასწორი გამოთვლით.

2014-2015 წლებში თვითმმართველი ერთეულის მიერ 46 შემთხვევაში სარესტორნო მომსახურებაზე გაწეულ წარმომადგენლობით ხარჯზე, მუნიციპალიტეტმა ვერ წარმოადგინა შესაბამისი დოკუმენტური მტკიცებულებები იმისა, თუ რა სახის ღონისძიებებთან დაკავშირებით გახდა საჭირო აღნიშნული ხარჯის გაწევა. ასევე, არ არის იდენტიფიცირებული სტუმრების ვინაობა და რაოდენობა. შედეგად, მუნიციპალიტეტის მიერ შესაბამისი დასაბუთების გარეშე ანაზღაურებულია 18.9 ათასი ლარი.

2014 წელს მუნიციპალიტეტმა სტადიონის რეაბილიტაცის პროექტის ექსპერტიზაში გადაიხადა 6.4 ათასი ლარი. მიუხედავად ექსპერტიზის დადებითი დასკვნისა, სამუშაოების წარმოების პროცესში აღმოჩნდა, რომ პროექტი შეიცავდა არსებით უზუსტობებს, მასში შეტანილი იქნა ცვლილებები და მშენებლობისათვის დამატებით გამოიყო თანხები

დაბა ჩაქვის ციტრუსოვანთა სანერგე მეურნეობის ტერიტორიაზე მდებარე არსებული შენობა-ნაგებობის დაშლის შედეგად არსებული მასალები არ არის ასახული 2014 წლის ფინანსურ ანგარიშგებაში.

ქვეყნის გარეთ მივლინების მუხლით გაწეულმა კავშირგაბმულობის ხარჯმა სულ შეადგინა 7.9 ათასი ლარი. მივლინების შესახებ ბრძანებებით განისაზღვრებოდა მივლინებულ პირებზე მივლინებასთან დაკავშირებული კავშირგაბმულობის ხარჯების ანაზღაურება, დახარჯული თანხის შესაბამისი საშემოსავლო გადასახადის გათვალისწინებით, თუმცა ,,მოსამსახურეთათვის სამსახურებრივი მივლინების ხარჯების ანაზღაურების შესახებ“ საქართველოს პრეზიდენტის 2005 წლის 20 აპრილის N231 ბრძანებულება არ ითვალისწინებს სახალხო დამცველის აპარატის თანამშრომლებისათვის ქვეყნის გარეთ მივლინების პერიოდში კავშირგაბმულობის ხარჯების ანაზღაურებას.

2014-2015 წლებში მუნიციპალიტეტი სამსახურებრივი უფლებამოსილების განსახორციელებლად სარგებლობდა როგორც ბალანსზე რიცხული 7 ერთეული ავტომანქანით, ასევე, სხვადასხვა თანამდებობის პირებისა და თანამშრომლების პირად საკუთრებაში არსებული 42 ერთეული სატრანსპორტო საშუალებით. მუნიციპალიტეტის მიერ სამსახურებრივი უფლებამოსილების განსახორციელებლად გამოყენებული სატრანსპორტო საშუალებების რაოდენობა აღემატება საქართველოს მთავრობის დადგენილებით რეკომენდირებულ ზღვრულ ოდენობას.

მუნიციპალიტეტის მიერ არ ხორციელდება იჯარით გაცემული ქონებიდან მისაღები შემოსავლების სათანადო კონტროლი, 2016 წლის 1 იანვრისათვის გადაუხდელმა საიჯარო ქირამ შეადგინა 7.2 ათასი ლარი, ხოლო მოიჯარეებზე არ არის დარიცხული და მოთხოვნილი 1.7 ათასი ლარის საჯარიმო სანქცია.

,,აგროსერვის ცენტრის’’ სარგებლობაში არსებული ანგარის დემონტაჟის სამუშაოებთან დაკავშირებით, 2014 წლის 8 დეკემბერს გაფორმებულია ხელშეკრულება შპს ,,ENERGO22-თან”, 241.6 ათასი ლარის ღირებულების სამუშაოების შესრულებაზე. სატენდერო წინადადების და ხელშეკრულების მიხედვით, იმ შემთხვევაში თუ სამუშაოების დასრულება არ ესწრება 2014 წლის 20 დეკემბრამდე, მაშინ მიმწოდებელი ვალდებულია ხელშეკრულების ღირებულების ფარგლებში, ამ დროისათვის აუთვისებელ თანხაზე, არაუგვიანეს 2014 წლის 20 დეკემბრისა, წარმოადგინოს საავანსო გადახდის საბანკო გარანტია, რის შემდეგაც განხორციელდება საავანსო ანგარიშსწორება. წარმოდგენილი დოკუმენტებით ირკვევა, რომ მიმწოდებლის მიერ ხელშეკრულებით გათვალისწინებულ ვადაში არა აქვს სამუშაოები შესრულებული, ხოლო საავანსო გადახდის საბანკო გარანტია გაცემულია 2014 წლის 29 დეკემბერს. აქვე უნდა აღინიშნოს, რომ ხელშეკრულების პირობებით სამუშაოები უნდა დასრულებულიყო ხელშეკრულების გაფორმებიდაბ 60 კალენდარული დღის განმავლობაში, 2015 წლის 8 თებერვლამდე, თუმცა აღნიშნულ პერიოდში დასრულებულია სამუშაოების მხოლოდ 33%, ღირებულებით 79 772 ლარი. შესაბამისად, ა(ა)იპ ,,აგროსერვის ცენტრის“ მიერ ხელშეკრულების პირობების დარღვევით, საბანკო გარანტიის დაგვიანებით წარმოდგენის პირობებში, 241 643 ლარის ავანსად გადახდა, შესყიდვების მართვასთან დაკავშირებულ ხარვეზებზე მიუთითებს.

აუდიტის პროცესში მატერიალური მარაგების დათვალიერებისას გამოვლინდა, რომ აპარატის ფინანსურ ანგარიშგებაში ასახული ,,სხვა მატერიალური მარაგები“ 67.8 ათასი ლარის ოდენობით გაზრდილად არის წარმოდგენილი, რადგან ისინი წარმოადგენს ექსპლუატაციაში მყოფ გრძელვადიან მცირეფასიან აქტივებს, რომლებიც უნდა ჩამოიწეროს ხარჯში და გადატანილ იქნეს საცნობარო მუხლში, როგორც ,,ექსპლუატაციაში მყოფი ხარჯებში ჩამოწერილი გრძელვადიანი მცირეფასიანი აქტივები“.

2014-2015 წლებში უფლებამოსილების განსახორციელებლად საკრებულოს არათანამდებობის პირებზე გაიცა 89.1 ათასი ლარი. საკრებულოს სხდომებსა და მის საქმიანობაში მიღებული მონაწილეობის ამსახველი დოკუმენტაცია არ შეიცავს მონაცემებს კონკრეტულად გაწეული დანახარჯების შესახებ და არ არის საკმარისი და შესაფერისი მტკიცებულება ხარჯის დასადასტურებლად.

2014-2015 წლებში მუნიციპალიტეტის განკარგულებაში არსებული გრეიდერი გაქირავებულია მიმწოდებლებზე. 2014 წელს მისი ექსპლუატაციის დროს არასათანადო კონტროლის გამო მუნიციპალიტეტმა შესაძლოა ვერ მიიღო დაახლოებით 5.8 ათასი ლარის შემოსავალი.

სამინისტროს 2014 წლის ნაერთი ბალანსით გაწეული საკასო ხარჯები შეადგენს 5,937.4 ათას ლარს , ფინანსურ ანგარიშგებაში კი ბალანსის ფორმა N3-ში, ბიუჯეტიდან მიღებული დაფინანსება დაფიქსირებულია 5,994.4 ათასი ლარი, ანუ გაწეულ საკასო ხარჯებთან შედარებით 56.9 ათასი ლარით მეტი, რაც გამოწვეულია სსიპ ,,ლაბორატორიული კვლევითი ცენტრის“ 2014 წლის ფინანსურ ანგარიშგებაში არსებული უზუსტობებით, კერძოდ, დამტკიცებული ბიუჯეტით ცენტრის 2014 წლის ასიგნება შეადგენს 410.3 ათას ლარს. გაწეული საკასო ხარჯი შეადგენს 408.3 ათას ლარს . ფინანსურ ანგარიშგებაში კი ბალანსის ფორმა N3-ში, ბიუჯეტიდან მიღებული დაფინანსება დაფიქსირებულია 465.2 ათასი ლარი , ანუ მიღებულ ასიგნებასთან შედარებით 56.9 ათასი ლარით მეტი.

სახალხო დამცველის საინვენტარიზაციო კომისიის მიერ განხორციელბული ინვენტარიზაციის შედეგად ,,მატერიალური მარაგების ინვენტარიზაციის შესახებ“ აქტის საინვენტარიზაციო აღწერებში შეტანილია არასწორი მონაცემები. კერძოდ, მასში ასახულია ის მცირეფასიანი გრძელვადიანი აქტივები, რომლებიც 2014 წლის 31 დეკემბრის მდგომარეობით არ იმყოფებოდა სახალხო დამცველის აპარატის სათავსოში, გადაცემული იყო ექსპლუატაციაში და არ წარმოადგენდა მატერიალურ მარაგს. აგრეთვე, აღსანიშნავია, რომ სახალხო დამცველის აპარატის სათავსოში განლაგებულია გამოსაყენებლად უვარგისი მატერიალური მარაგები, თუმცა, ინვენტარიზაციისას აღნიშნულის შესახებ არ არის შედგენილი აქტი.

მუნიციპალიტეტის შიდა აუდიტის სამსახურს არ განუხორციელებია წინასწარი შესწავლისა და რისკის შეფასების სათანადო პროცედურები. აღნიშნული პროცედურების საფუძველზე უნდა მომხდარიყო გამგეობის საქმიანობაში ძირითადი რისკების იდენტიფიცირება. მუნიციპალიტეტში არსებულმა ფინანსური მართვისა და შიდა კონტროლის სისტემამ ვერ უზრუნველყო გამოევლინა ის არსებითი უზუსტობები, რომლებიც აღნიშნულია სახელმწიფო აუდიტის სამსახურის ანგარიშში.

მუნიციპალიტეტის ტერიტორიული ორგანოების ადმინისტრაციულ შენობებში არსებულ 732 კვ.მ ფართში სხვადასხვა ორგანიზაციები ისეა განთავსებული, რომ მათზე ფართები გადაცემული არ არის, შედეგად მუნიციპალიტეტი ვერ იღებს შემოსავალს.

ა(ა)იპ ,,აგროსერვის ცენტრის“ 2014 წლის 1 იანვრის მდგომარეობით რიცხული დებიტორული დავალიანებებიდან შპს ,,M.A.N project Architecture” დავალიანება შედგენს 9.4 ათას ლარს, რომელიც დაფარულია 2014 წლის 3 თებერვალს და წარმოდგენილია დაბა ჩაქვში სანერგე მეურნეობის მშენებლობისათვის 725.3 ათასი ლარის ღირებულების სამუშაოების შესრულებით, 7 ერთეული ხარჯთაღრიცხვო დოკუმენტაციის მომზადებით. აუდიტის პერიოდში წარმოდგენილი მტკიცებულებებით ირკვევა, რომ აღნიშნული ხარჯთაღიცხვებიდან 5 შემთხვევაში 698.5 ათასი ლარის ღირებულების სამუშაოების ხარჯთაღრიცხვები საერთოდ არ იქნა გამოყენებული, ხოლო ორ შემთხვევაში 26.8 ათასი ლარის ღირებულების სამუშაოების ხარჯთაღრიცხვები შეცვლილია. ,,აგროსერვის ცენტრის’’ ინფორმაციით, ხარჯთაღრიცხვების გამოუყენებლობის მიზეზია მშენებლობისათვის საჭირო არასაკმარისი სახსრები, რის გამოც 2014 წლის 19 მარტს ეთხოვა აჭარის ავტონომიური რესპუბლიკის ფინანსთა და ეკონომიკის სამინისტროს, მის ბალანსზე რიცხული ანაკრები ლითონის კონსტრუქციის (ანგარი) გადმოცემა. აღნიშნული ანგარის უსასყიდლოდ, არსებობის ვადით სარგებლობაში გადმოცემა განხორციელდა 2014 წლის 26 მარტს. უნდა აღინიშნოს რომ ,,აგროსერვის ცენტრის’’ მიერ პროექტის შესყიდვის სავარაუდო ღირებულების განსაზღვრის დროს ცნობილი იყო მშენებლობის სავარაუდო ღირებულება - 500 000 ლარი . შესაბამისად ა(ა)იპ ,,აგროსერვის ცენტრის“ მიერ გამოუყენებელი საპროექტო დოკუმენტაციის შედგენისათვის ხარჯების გაწევა საბიუჯეტო სახსრების არაეფექტიან განკარგვაზე მიუთითებს.

საცნობარო მუხლში - ,,ხარჯებში ჩამოწერილი მარაგები ექსპლუატაციაში“ 126.3 ათასი ლარის ოდენობით არასწორად არის ასახული, რადგან აღნიშნული წარმოადგენს საკუთარი მოხმარებისათვის გადაცემულ გრძელვადიან მცირეფასიან აქტივებს და შესაბამისად უნდა იყოს ასახული საცნობარო მუხლში - ,,ექსპლუატაციაში მყოფი ხარჯებში ჩამოწერილი გრძელვადიანი მცირეფასიანი აქტივები“.

ბიუჯეტის შესრულების ანგარიშის მიხედვით, 2015 წლის 1 იანვრის მდგომარეობით, მუნიციპალიტეტს ნაშთის სახით ერიცხებოდა 891.4 ათასი ლარი. 2015 წელს მუნიციპალიტეტმა დაგეგმა ნაშთის სრულად გამოყენება, ფაქტობრივად კი მოხდა 351.5 ათასი ლარის ნაშთის დაგროვება. შედეგად, წლის ბოლოს ნაშთის ოდენობამ შეადგინა 1242.9 ათასი ლარი, მათ შორის, თავისუფალი ნაშთია - 945.2 ათასი ლარი.

სააგენტოში არსებული პროცედურები და სააგენტოს რესურსები არ არის საკმარისი პოტენციური ეკოლოგიური რისკების კომპლექსური შეფასებისათვის. არ ხდება შეფასება, რა პოტენციურ უარყოფით ზემოქმედებას მოახდენს მოპოვებითი საქმიანობა გარემოს სხვა კომპონენტებსა და ადამიანის ჯანმრთელობაზე: ადგილობრივ მოსახლეობაზე, ატმოსფერულ ჰაერზე, ნიადაგზე, ზედაპირულ და მიწისქვეშა წყლებსა და ადგილობრივ ბიომრავალფეროვნებაზე. შესაბამისად, ლიცენზირების პროცესში ვერ გამოვლინდება რისკები სრულად, რაც თავიდან არიდების ღონისძიებების დანერგვის საშუალებას არ იძლევა.

2014-2015 წლებში მარტვილის მუნიციპალიტეტის მიერ შესყიდულ სამშენებლო სამუშაოებში, მიმწოდებლების მიერ შეძენილი და გამოყენებულია 99.0 ათასი ლარის ღირებულების ხის მასალა, რომელთა დემონტაჟი ხორციელდებოდა სამუშაოების დასრულების შემდეგ. სამუშაოების შესყიდვის დროს ერთჯერადად გამოყენებული ხის მასალა უკან დაბრუნებული და შემოსავალში აღებული არ არის.

ა(ა)იპ ,,აგროსერვის ცენტრის“ მიერ 2014 წლის 10 დეკემბერს გამოცხადებულია გამარტივებული ელექტრონული ტენდერი მეორადი მოხმარების სატვირთო ავტომანქანის შესყიდვასთან დაკავშირებით, სადაც მონაწილეობას იღებდა ერთი პრეტენდენტი შპს ,,ბითი ტრანსი“ , სატენდერო დოკუმენტაციის მიხედვით პრეტენდენტს სხვა ინფორმაციებთან ერთად სატენდერო წინადადებაში უნდა წარედგინა მისაწოდებელი სატვირთო მანქანის ფოტოსურათები, რომელიც იძლევა შესაძლებლობას ავტომანქანის შიდა და გარე ვიზუალური მდგომარეობის შეფასებისათვის. მიუხედავად იმისა, რომ პრეტენდენტს სატვირთო მანქანის სურათები არა აქვს წარმოდგენილი სატენდერო წინადადების განხილვის ეტაპზე , სატენდერო კომისიას არ უმსჯელია აღნიშნულ საკითხზე, 2014 წლის 17 დეკემბერს აღიარებულ იქნა გამარჯვებულად და 2014 წლის 23 დეკემბერს გაუფორმდა N03-10/393 ხელშეკრულება 61.4 ათასი ლარის ღირებულების მეორადი ავტომანქანის მიწოდებასთან დაკავშირებით. აუდიტის პერიოდში მიღებული მტკიცებულებებით ირკვევა, რომ მიმწოდებლის მიერ ავტომანქანის ფაქტობრივად შეძენის დროს სარეალიზაციო ღირებულება შეადგენდა 25.9 ათას ამერიკულ დოლარს, რაც ეროვნული ბანკის კურსით ეროვნულ ვალუტაში შეადგენს (გაცვლითი კურსი 1,89) 49. 0 ლარს, ცენტრის მიერ გადახდილ ფასთან მიმართებაში 20.3 %-ით, 12.5 ათასი ლარით ნაკლებს. შესაბამისად აღნიშნული ავტოსატრანსპორტო საშუალების შეძენასთან დაკავშირებით წარმოდგენილი დოკუმენტაციით, გადახდილ ფასსა და რეალურად გადახდილ ფასს შორის სხვაობა მაღალი რისკის შემცველია.

სახალხო დამცველის აპარატში რიგ შემთხვევებში იკვეთება არსებითი სხვაობა შესყიდვის სავარაუდო ღირებულებასა და სახელშეკრულებო ღირებულებას შორის. კერძოდ, ოფისის დაცვის მომსახურების შესყიდვის სავარაუდო ღირებულება შეადგენს 29.4 ათას ლარს, ხოლო სახელშეკრულებო ღირებულება - 23.6 ათას ლარს (სხვაობა 19.9%), რაც მიუთითებს ორგანიზაციის მიერ ბაზრის კვლევის არასათანადოდ ჩატარებასა და შესყიდვის სავარაუდო ღირებულებად შეუსაბამო ფასის განსაზღვრაზე.

2014-2015 წლებში მუნიციპალიტეტმა ქუჩების საყოფაცხოვრებო ნარჩენების დასუფთავებისა და ნაგავსაყრელზე გატანის სამუშაოების შესასრულებლად, გადაუდებელი აუცილებლობის მოტივით, 5 შემთხვევაში ხელშეკრულება გააფორმა გამარტივებული შესყიდვის გზით. სახელშეკრულებო ღირებულებამ სულ 110.8 ათასი ლარი შეადგინა. აღნიშნული შესყიდვები არ წარმოადგენდა გადაუდებელ აუცილებლობას, რადგან სამუშაოების წინასწარი დაგეგმვა და ელექტრონული ტენდერის გზით შესყიდვა, შესაძლებელი იყო.

სალიცენზიო პირობები ზოგადია და მასში არ არის ასახული ის ძირითადი შემარბილებელი ღონისძიებები, რომელთა გატარებაც საჭიროა ლიცენზიანტის მხრიდან სასარგებლო წიაღისეული მოპოვების პროცესში გარემოზე მიყენებული უარყოფითი ზემოქმედების შემცირებისათვის. სალიცენზიო პირობებში კონკრეტული კანონმდებლობის მითითება არ იძლევა საშუალებას იდენტიფიცირდეს თუ რა გარემოსდაცვით რისკებს ქმნის კონკრეტული მოპოვებითი საქმიანობა და რა ღონისძიებები უნდა გატარდეს აღნიშნული რისკების შესარბილებლად.

ავტომანქანების რაოდენობა, რომლებიც ემსახურება მარტვილის მუნიციპალიტეტს, საქართველოს მთავრობის დადგენილებით რეკომენდირებულ ოდენობას 2014 წელს აღემატებოდა 3 ერთეულით, ხოლო 2015 წელს კი - 2 ერთეულით.

ა(ა)იპ,,აგროსერვის ცენტრმა’’ გამოაცხადა გამარტივებული ელექტრონული ტენდერი ქვანახშირზე მომუშავე წყლის გამათბობელი საქვაბის შესყიდვის მიზნით, სავარუდო ღირებულებით 10.0 ათასი ლარი, სადაც მონაწილეობდა ერთი პრეტენდენტი რომელიც გამოცხადდა გამარჯებულად და გაუფორმდა შესაბამისი ხელშეკრულება .სატენდერო დოკუმენტაციით, შემსყიდველის მიერ მოთხოვნილი იქნა საქვაბე დანადგარის კონკრეტული მოცულობითი პარამეტრები და წონა 600-დან - 640-მდე კგ. თუმცა უნდა აღინიშნოს, რომ ზემოაღნიშნული პარამეტრის მითითება შესაძლოა პრეტენდენტთა სავარაუდო შეზღუდვის გარემოებას წარმოადგენდეს, რაც ზღუდავს სახელმწიფო შესყიდვების მიზნების მიღწევის შესაძლებლობას.

აპარატსა და ი/მ გიორგი ჩიხლაძეს შორის 2014 წლის 3 ნოემბერს დადებულია სახელმწიფო შესყიდვების შესახებ ხელშეკრულება - ქ. გორის ოფისში სარემონტო-სამონტაჟო სამუშაოების შესახებ. ხელშეკრულებაში გათვალისწინებული არ არის შესასრულებელი სამუშაოს საგარანტიო უზრუნველყოფა, რითაც დარღვეულია ,,გამარტივებული შესყიდვის, გამარტივებული ელექტრონული ტენდერისა და ელექტრონული ტენდერის ჩატარების“ შესახებ სახელმწიფო შესყიდვების სააგენტოს თავმჯდომარის ბრძანებით გათვალისწინებული მოთხოვნები. ხელშეკრულების თანახმად, სამუშაოები უნდა შესრულებულიყო ხელშეკრულების გაფორმებიდან 20 კალენდარულ დღეში, მიღება-ჩაბარების აქტი შედგენილია 5 დეკემბერს. ხელშეკრულებით არ არის გათვალისწინებული ვადების გადაცდენის შემთხვევაში გადასახდელი პირგასამტეხლო, როგორც ვალდებულების შესრულების უზრუნველყოფის საშუალება.

2015 წელს ქალაქ თელავის მერიამ შეისყიდა ქალაქ თელავში რუსთაველის გამზირისა და ტაბიძის ქუჩის სარეაბილიტაციო სამუშაოები, სახელშეკრულებო ღირებულებით 644.9 ათასი ლარი. მუნიციპალიტეტის წარმომადგენლებთან ერთად აუდიტის ჯგუფმა დაათვალიერა აღნიშნული ობიექტები. გამოვლინდა, რომ ტაბიძის ქუჩის ერთი მონაკვეთი დაზიანებულია. მუნიციპალიტეტის მიერ დაზიანების აღმოსაფხვრელად შესაბამისი ღონისძიება არ გატარებულა.

სალიცენზიო ფართობის დამუშავების პროექტის მიმართ არსებული რეგულაცია განსაზღვრავს მხოლოდ ზოგად მოთხოვნებს საქმიანობის პროცესში გარემოს დაცვის ღონისძიებების აღწერასთან დაკავშირებით. ამასთანავე, ლიცენზიანტს არ მოეთხოვება აღნიშნული დოკუმენტის შეთანხმება რომელიმე სახელმწიფო უწყებასთან. შესაბამისად, დოკუმენტის ხარისხის შემოწმება არ ხდება არცერთი სახელმწიფო ორგანოს მიერ. ლიცენზირების არსებული პროცედურა და პროექტის შეთანხმების ვალდებულების არარსებობა ქმნის რისკებს, რომ სალიცენზიო ფართობის დამუშავება საპროექტო დოკუმენტაციის გარეშე ან დაბალი ხარისხის საპროექტო დოკუმენტაციაზე დაყრდნობით მოხდება.

2014-2015 წლებში მუნიციპალიტეტის 76 თანამშრომლებზე, საკრებულოს მიერ დამტკიცებული ლიმიტების შესაბამისად, გახარჯულია 142.8 ათასი ლარის საწვავი. საკრებულოს მიერ საწვავის ხარჯვის ლიმიტები დამტკიცებულია შესაბამისი დასაბუთების გარეშე. არ არის არგუმენტირებული იმ პირთა რაოდენობა, რომლებზეც დადგენილია საწვავის ხარჯვის ლიმიტები.

უნივერსიტეტის მიერ არ არის განხორციელებული ბალანსზე რიცხული აქტივების და ვალდებულებების, მატერიალური ფასეულობების, საცნობარო მუხლებში აღრიცხული ძირითადი აქტივების, ხარჯებში ჩამოწერილი ექსპლუატაციაში მყოფი მატერიალური მარაგების და ამორტიზებული ძირითადი აქტივების ინვენტარიზაცია, რითაცდარღვეულია საქართველოს ფინანსთა მინისტრის 2010 წლის 23 ივლისის N605 ბრძანებით დამტკიცებული ,,სააბიუჯეტო ორგანიზაციებში ქონების, მოთხოვნებისა და ვალდებულებების ინვენტარიზაციის ჩატარების წესი“.

აპრატსა და ი/მ გიორგი ჩიხლაძეს შორის 2014 წლის 13 ოქტომბერს დადებულია სახელმწიფო შესყიდვების შესახებხელშეკრულება ქ. თბილისის ოფისში ლითონის კარების აწყობა-მონტაჟზე. ხელშეკრულებით არ არის გათვალისწინებული მომსახურების გაწევის შესრულების ვადა. დარღვეულია ,,გამარტივებული შესყიდვის, გამარტივებული ელექტრონული ტენდერისა და ელექტრონული ტენდერის ჩატარების“ სახელმწიფო შესყიდვების სააგენტოს თავმჯდომარის ბრძანებით გათვალისწინებული მოთხოვნები. ანალოგიური დარღვევები სხვა ხელშეკრულებებშიც.

ადგილობრივი თვითმმართველობის კოდექსის თანახმად, მუნიციპალიტეტში შტატგარეშე მოსამსახურეთა რაოდენობა არ უნდა აღემატებოდეს 9 ერთეულს. 2015 წელს გაფორმებული შრომითი ხელშეკრულებების საფუძველზე, მუნიციპალიტეტის წარმომადგენლობით და აღმასრულებელ ორგანოში 9 თვის განმავლობაში დასაქმებულია სხვადასხვა რაოდენობის შტატგარეშე მოსამსახურე, რომელთა რიცხოვნობა მერყეობს 11-დან 26-მდე.

აუდიტის პერიოდში გარემოსდაცვითი ზედამხედველობის დეპარტამენტის მიერ გამოყენებული პროცედურები ვერ უზრუნველყოფდა მაღალი ეკოლოგიური რისკის ობიექტების შერჩევას, ხოლო არსებული სანქცირების სისტემა გამოვლენილ დარღვევებზე პროპორციულ რეაგირებას.

2015 წელს მუნიციპალიტეტში კანონმდებლობით დადგენილი ზღვრული ოდენობის, 13 ერთეულის, ნაცლად სხვადასხვა პერიოდში დასაქმებული იყო 16-დან 21-მდე შტატგარეშე მოსამსახურე. მათ შორის: 5 თვე ირიცხებოდა 19 , 3 თვე 18 ხოლო 2 თვე 20 პირი.

უნივერსიტეტის მიერ აუდიტის პერიოდში განხორციელებული 317.0ათასი ლარის ღირებულების სარემონტო სამუშაოების ხარისხის, მოცულობის და საპროექტო-სახარჯთაღრიცხვო დოკუმენტაციასთან შესაბამისობის შესახებ დოკუმენტური მტკიცებულება ვერ იქნა წარმოდგენილი

2014-2015 წლებში თვითმმართველი ერთეულის მიერ 39 შემთხვევაში სარესტორნო მომსახურებაზე გაწეულ წარმომადგენლობით ხარჯზე, მუნიციპალიტეტმა ვერ წარმოადგინა შესაბამისი დოკუმენტური მტკიცებულებები იმის შესახებ, თუ რა სახის ღონისძიებებთან დაკავშირებით გახდა საჭირო აღნიშნული ხარჯის გაწევა. ასევე, არ არის იდენტიფიცირებული სტუმრების ვინაობა და რაოდენობა. შედეგად, მუნიციპალიტეტის მიერ შესაბამისი დასაბუთების გარეშე ანაზღაურებულია 14.2 ათასი ლარი.

სალიცენზიო პირობების დარღვევისათვის განსაზღვრული საჯარიმო სანქციები მხოლოდ მინიმალურად ითვალისწინებს პირობის სახეს და არ არის დიფერენცირებული დარღვევის სიმძიმის მიხედვით. სალიცენზიო პირობების დარღვევის შემთხვევაში, საჯარიმო სანქცია დიფერენცირებულია მხოლოდ ორი ტიპის დარღვევის მიხედვით: ლიცენზიანტის მიერ საინფორმაციო ფორმის წარმოუდგენლობა და ნებისმიერი სხვა სალიცენზიო პირობის დარღვევა . შესაბამისად: • სანქცია არ არის დიფერენცირებული დარღვეული სალიცენზიო პირობების რაოდენობასთან მიმართებაში - ერთი პირობის დარღვევა ისჯება იმავე ოდენობით, როგორც რამდენიმე პირობის დარღვევა. • სანქცია არ არის დიფერენცირებული დარღვევის მასშტაბის მიხედვით - სანქციის ზომა არ ითვალისწინებს, რამდენად სერიოზულია პირობის დარღვევა და რა ზომის სალიცენზიო ფართობზე ახდენს გავლენას.

ადგილი ჰქონდა ქ. თბილისის გარეთ მდებარე ავტოგასამრთ სადურებში კომპანიის ბალანსზე რიცხულ და სამსახურის საჭიროებისთვის გამოყენებულ პირად მსუბუქ ავტომანქანებში საწვავის ჩასხმის შემთხვევებს ისეთ დღეებში, როდესაც კომპანიის თანამშრომლები ქალაქის ფარგლებს გარეთ მივლინებულნი არ ყოფილან. აუდირებულ პერიოდში ქალაქგარეთ ჩასხმულია 25,417 ლარის ღირებულების 16,665 ლიტრი ბენზინი, მათ შორის 10,997 ლიტრი კომპანიის კუთვნილ, ხოლო 5,668 ლიტრი საკუთარ ავტომანქანებში;

2014-2015 წლებში მუნიციპალიტეტის მიერ „სოფლის მხარდამჭერის პროგრამის“ ფარგლებში, შესყიდულია 4 საბავშვო ბაღის მშენებლობის, ელექტროწისქვილის მოწყობის, ტრანსფორმატორის შეძენა-მონტაჟის სამუშაოები ღირებულებით 212.0 ათასი ლარი. პროექტები არ არის დასრულებული და შედეგად ვერ სარგებლობს მოსახლეობა.

უნივერსიტეტის ტექნოლოგიური ფაკულტეტის აგრარული მიმართულების კორპუსიის, სპორტდარბაზისა და სტუდენტთა საერთო საცხოვრებლის შენობის დაშლის შედეგად მიღებული 1 224 კვ.მ სახურავის კანონშესაბამისად განკარგვა, წარმოდგენილი დოკუმენტებით ვერ დგინდება, ხოლო შესრულებაში ნაჩვენები სამუშაოს არაიდენტიფიცირების პირობებში გადახდილია 1.0 ათასი ლარი

საკრებულოს წევრებს, რომლებიც არ არიან თანამდებობის პირები, მერია უნაზღაურებს საკრებულოს კომისიებისა და სამუშაო ჯგუფების სხდომებში მონაწილეობისათვის, ასევე საკრებულოსა და საკრებულოს თავმჯდომარის დავალებების შესრულებისათვის ყოველთვიურად გაწეულ ხარჯებს. მერიის მიერ აღნიშნული ხარჯის ანაზღაურება უნდა განხორციელდეს ფაქტობრივად გაწეული ხარჯის დამადასტურებელი დოკუმენტების საფუძველზე. 2014-2015 წლებში უფლებამოსილების განსახორციელებლად საკრებულოს არათანამდებობის პირებზე გაიცა 22.2 ათასი ლარი. საკრებულოს დეპუტატებზე ხარჯები ანაზღაურებულია ისე, რომ არც ერთ შემთხვევაში მათ არ წარმოუდგენიათ ხარჯის გაწევის დამადასტურებელი დოკუმენტები.

გარემოსდაცვითი პასუხისმგებლობის არსებული სისტემა ვერ უზრუნველყოფს დაზიანებული გარემოს აღდგენას. კერძოდ, აუდიტის პერიოდში გარემოზე მიყენებული ზიანის შეფასებიდან გენერირებული თანხები არ მიიმართებოდა მიზნობრივად გარემოს აღდგენის ღონისძიებებისაკენ. შესაბამისად, არსებული პრაქტიკა იწვევს იმას, რომ სასარგებლო წიაღისეული მოპოვების პროცესში გარემოზე მიყენებული ზიანის აღმოფხვრა არ ხდება.

სასაზღვრო პოლიციის აპარატის 2014 წლის შესყიდვების საწყისი გეგმა განისაზღვრა 4,216.7 ათასი ლარის დონეზე. წლის დასაწყისისთვის დაუგეგმავი შესყიდვების შედეგად, წლის განმავლობაში განხორციელდა 383 ცვლილება, რამაც საწყისი გეგმა გაზარდა 4.6-ჯერ და შეადგინა 19,503.2 ათასი ლარი. საწყის გეგმაში ასიგნებები გათვალისწინებული იყო შესყიდვის მხოლოდ 16 კატეგორიისათვის მაშინ, როდესაც წლის განმავლობაში გამოცხადებული ტენდერები მოიცავდა შესყიდვის 40 კატეგორიას.იმის გათვალისწინებით, რომ სასაზღვრო პოლიციის აპარატის 2013 წლის ბიუჯეტის გადასახდელების ჯამური მოცულობა შეადგენდა 25,611 ათას ლარს, ხოლო შესყიდვების კორექტირებული გეგმა განისაზღვრა 16,118 ათასი ლარის ოდენობით - 2014 წლის სახელმწიფო შესყიდვების დაგეგმვა 4,216.7 ათასი ლარის დონეზე არარეალისტური და მიზანშეუწონელია.

უნივერსიტეტის პროფესორ-მასწავლებელთა სააუდიტორო და არასააუდიტორო დატვირთვის ფაქტობრივი მდგომარეობა არ შეესაბამება უნივერსიტეტის აკადემიური საბჭოს 2013 წლის 7 ივნისის N57 დადგენილებით განსაზღვრულ და უნივერსიტეტის წარმომადგენლობითი საბჭოს მიერ დამტკიცებულ სავალდებულო სააუდიტორო და არასააუდიტორო დატვირთვის კომპონენტებს. კერძოდ, სავალდებულო დატვირთვით განსაზღვრული 22 039 საათის ნაცვლად, ფაქტობრივი დატვირთვა შეადგენს 15 659 საათს, 6 380 საათით ნაკლებს

2014-2015 წლებში მუნიციპალიტეტი სამსახურებრივი უფლებამოსილების განსახორციელებლად სარგებლობდა როგორც ბალანსზე რიცხული 7 ერთეული ავტომანქანით, ასევე, სხვადასხვა თანამდებობის პირებისა და თანამშრომლების პირად საკუთრებაში არსებული 15-ზე მეტი სატრანსპორტო საშუალებით. მუნიციპალიტეტის მიერ სამსახურებრივი უფლებამოსილების განსახორციელებლად გამოყენებული სატრანსპორტო საშუალებების რაოდენობა აღემატება მთავრობის დადგენილებით რეკომენდებულ ზღვრულ ოდენობას.

ინსპექტირების პროცესში არ არსებობდა შესაბამისი მეთოდოლოგიური სახელმძღვანელო დოკუმენტები.

2014 წლის 30 დეკემბერს გამოცხადებულ ელექტრონულ ტენდერში (SPA140031222) პრეისკურანტის სავარაუდო ღირებულებით 842 ათასი ლარი, შეწყვეტილ იქნა იმ მოტივით, რომ პრეტენდენტების მიერ სატენდერო დოკუმენტაციის ერთ-ერთი პირობა, გაგებული იქნა ორაზროვნად, ამასთან სატენდერო კომისიის ოქმში არაა დეტალური მსჯელობა აღნიშნულ პრობლემასთან დაკავშირებით. მსგავსი მომსახურების შესყიდვის მიზნით იგივე სატენდერო დოკუმენტაციის პირობით 2015 წლის 30 დეკემბრამდე გამოცხადებულ იქნა 9 ელექტრონული ტენდერი იდენტური პირობით, თუმცა მსგავსი ხასიათის პრობლემა აღნიშნულ ტენდერებში არ დამდგარა.

უნივერსიტეტის წარმომადგენლობითი საბჭოს გადაწყვეტილებით დამტკიცებული დამხმარე პერსონალის სამსახურში მიღების წესის მე- 2 მუხლის მე- 4 პუნქტის შესაბამისად, პერსონალი სამსახურში მიიღება ვადიანი ხელშეკრულების საფუძველზე, დროებით, არამუდმივ ამოცანათა შესასრულებლად, თუმცა წარმოდგენილი დოკუმენტებით ირკვევა, რომ ფაქტობრივი დასაქმება განხორცილებულია 2012, 2013 და 2014 წლებში

2014-2015 წლებში მუნიციპალიტეტში ფუნქციონირებდა ა(ა)იპ „სასპორტო გაერთიანება“. 2015 წელს აღნიშნულ ა(ა)იპ-ს გამოეყო რამდენიმე სპორტული სახეობის წრე, რომელთა საფუძველზეც დაფუძნდა 2 ახალი ა(ა)იპ. 2015 წელს წინა წელთან შედარებით, იურიდიული პირების მატების გამო, 128.8 ათასი ლარით გაზრდილი სუბსიდიური დაფინანსებიდან, მხოლოდ 44.9 ათასი ლარის ხარჯი გამომდინარეობდა ობიექტური საჭიროებიდან, ხოლო 83.9 ათასი ლარის ადმინისტრაციული ხარჯი, შეიძლება მივიჩნიოთ არარაციონალურად.

ნიადაგის საფარის აღდგენის კუთხით არ არის უზრუნველყოფილი სალიცენზიო ფართობის ეტაპობრივი რეკულტივაცია, რაც ნიადაგის თავდაპირველი თვისებების დაბრუნებას გულისხმობს. აგრეთვე, სალიცენზიო ვადის გასვლის შემდგომ არ ხდება აღნიშნული ფართობის მდგომარეობის შემოწმება, რის ძირითად მიზეზსაც რეგულაციის ნაკლოვანებები წარმოადგენს. შედეგად, სახელმწიფოს არ აქვს ინფორმაცია ვადაგასული და მიტოვებული სალიცენზიო ფართობების მდგომარეობის შესახებ.

2015 წლის 6 თებერვალს გამოცხადებულ გამარტივებულ ელექტრონულ ტენდერში (SPA150003985) გამარჯვებულ შპს „აქვა ტერრასთან“ 19 მარტს გაფორმდა ხელშეკრულება #4/3-122 ღირებულებით 14.7 ათასი ლარი. ქვემოთ მოყვანილი გარემოებები ბადებს გონივრულ ეჭვს რომ ტენდერის კრიტერიუმები ჩამოყალიბებული იყო შპს „აქვა ტერრას“ ინტერესების გათვალისწინებით: - შემსყიდველს სატენდერო დოკუმენტაციით გათვალისწინებული ნიმუშის მოთხოვნის უფლებით არ უსარგებლია; - დავების განხილვის საბჭოში აღნიშნული შედეგი გასაჩივრებულია შპს "სმარტ დისტრიბუშენი"-ს მიერ, საჩივარი ეხებოდა გამარჯვებული პრეტენდენტის მიერ წარმოდგენილი პროდუქტის სატენდერო დოკუმენტაციის ტექნიკური მახასიათებლებთან შეუსაბამობას. მტკიცებულების სახით წარდგენილია ეტიკეტი, თუმცა მისი ავთენტურობა დადგენილი ვერ იქნა და ამის გამო საჩივარი არ დაკმაყოფილდა; - აღნიშნული საბჭოს სხდომაზე მოპასუხე მხარე არ გამოცხადებულა; - ანალოგიური პროდუქციის შეძენაზე გამოცხადებულ ტენდერში (SPA150028989 - 29.10.15წ) სისტემის მეშვეობით კითხვა-პასუხის მოდულის გამოყენებით ზემოაღნიშული მომჩივანი - შპს „სმარტ დისტრიბუშენი“ გამოთქვამს გონივრულ ეჭვს, რომ ტენდერი სუბიექტურია და მორგებულია შპს „აქვა ტერრა“-ს ინტერესებს; - აღნიშნული ტენდერი და შემდგომ გამოცხადებული კიდევ ორი ტენდერი დასრულდა უშედეგოდ, რის შემდგომაც 21.12.2015წ. გამოცხადებულ ტენდერში (SPA150035210) შეცვლილი ტექნიკური პირობებით იმარჯვებს შპს „სმარტ დისტრიბუშენი“ სავარაუდო ღირებულების ფასით - 37 ათასი ლარის ოდენობით; - ამავე სახის პროდუქციაზე შს სამინისტროს მიერ 2014 წლის 12 თებერვალს გამოცხადებულ ერთობლივ ტენდერში (SPA140004389), მონაწილეობდა და გაიმარჯვა ერთმა პრეტენდენტმა - შპს „აქვა ტერრა“-მ. ხელშეკრულება გაფორმდა 15 ათას ლარზე

უნივერსიტეტის წესდებისა და უნივერსიტეტის ბიუჯეტით გათვალისწინებული პირობების შეუსაბამოდ გაწეულია 23.3 ათასი ლარის ხარჯი.

მუნიციპალიტეტის შიდა აუდიტის სამსახურს არ განუხორციელებია წინასწარი შესწავლისა და რისკის შეფასების სათანადო პროცედურები. აღნიშნული პროცედურების საფუძველზე უნდა მომხდარიყო მერიის საქმიანობაში ძირითადი რისკების იდენტიფიცირება. მუნიციპალიტეტში არსებულმა ფინანსური მართვისა და შიდა კონტროლის სისტემამ ვერ უზრუნველყო გამოევლინა ის არსებითი უზუსტობები, რომლებიც აღნიშნულია სახელმწიფო აუდიტის სამსახურის ანგარიშში.

სალიცენზიო პირობებით ლიცენზიანტს არ მოეთხოვება წინასწარ განათავსოს ფინანსური რესურსები სალიცენზიო ფართობის აღდგენის მიზნით. შესაბამისად, არსებული მიდგომა ვერ უზრუნველყოფს სალიცენზიო ფართობზე სამუშაოების დასრულების შემდგომ დეგრადირებული გარემოს აღდგენისათვის ფინანსური გარანტიების შექმნას. ლიცენზიის გაუქმების ან ვადის გასვლის შემდგომ, კომპანიის მიერ სალიცენზიო ფართობის მიტოვების შემთხვევაში, სახელმწიფოს აღდგენის ღონისძიებების განხორციელებისათვის მოუწევს საბიუჯეტო რესურსების გამოყენება.

ავტომანქანების ტექმომსახურების შესყიდვის მიზნით, 2014-2015 წლებში გამოცხადებული ტენდერებიდან გამარჯვებულ კომპანიებთან გაფორმებულ ხელშეკრულებებში, განხორციელებულია ხშირი ცვლილებები (8 ცვლილებიდან 39 ცვლილების ჩათვლით), რაც ძირითადად გამოწვეული იყო პრეისკურანტში არარსებული მომსახურების ერთეულების დამატებით. შედეგად, პრეისკურანტში შესაბამისი მომსახურების ერთეულის არარსებობით გამოწვეული შესყიდვის ხვედრითი წილი აღემატება მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს (სხვადასხვა შემთხვევებში - 12.3%-16.0%), რაც ეწინააღმდეგება შესყიდვების მოქმედ კანონმდებლობას.

სასწავლო-სოციალურ პროგრამაში ,,სტუდენტთა შეღავათები სწავლის საფასურში“ მონაწილეობის მსურველთა შერჩევის ყველა კრიტერიუმში არ არის იდენტიფიცირებული სოციალურად დაუცველის სტატუსი, რასაც პროგრამის მიზანი ითვალისწინებს, ხოლო ,,მრავალშვილიანი ოჯახი ექვსი და მეტი შვილის“ შეფასების კრიტერიუმი ურთიერთსაწინააღმდეგო პირობებს მოიცავს

2015 წლის 27 იანვარს გამოაცხადებულ ელექტრონულ ტენდერში (SPA150002494-ავტომნანქანების ტექმომსახურების შესყიდვა) პრეისკურანტის სავარაუდო ღირებულებით 405.8 ათასი ლარი, პრეტენდენტი შპს „YOUR CENTER“ (361.1 ათასი ლარი) დისკვალიფიცირებული იქნა სატენდერო პირობების შეუსრულებლობის გამო. კერძოდ: მითითებულ მისამართზე (ქ. თბილისი კაიროს ქ. #26) განთავსებული ე.წ. „სერვის ცენტრი“ ეკუთვნოდა შპს „ტრანსმშენს“, სადაც მიმდინარეობდა ამავე ფირმაზე რიცხული ავტომანქანების რემონტი, ასევე არ არსებობდა სათანადო პირობები მომსახურების გასაწევად. აღნიშნული მომსახურების შესყიდვის მიზნით, შპს „YOUR CENTER“-ს მონაწილეობა მიღებული ჰქონდა სასაზღვრო პოლიციის მიერ 2014 წელს გამოცხადებულ 5 ტენდერში, საიდანაც 4-ში კონკურენციის გარეშე გაიმარჯვა, თუმცა, შპს „YOUR CENTER“-ის მიერ იგივე მისამართზე განთავსებულ ე.წ. „სერვის ცენტრთან“ მიმართებაში სატენდერო კომისიის მიერ პრეტენზია არ დაფიქსირებულა. შესაბამისად, აღნიშნულ ტენდერში გამარჯვებულად გამოვლინდა შპს „თეგეტა მოტორსი“.

ქალაქ ვენაში, პროექტი ,,გაეროს მოდელირება ვენაში“ მონაწილეობასთან დაკავშირებით, აპლიკანტების მგზავრობისათვის, პროგრამაში მონაწილეობის რეგისტრაციისთვის და ცხოვრებისთვის გაცემული 5.2 ათასი ლარის ხარჯვის დამადასტურებელი მტკიცებულება ვერ იქნა წარმოდგენილი

სხვადასხვა დანიშნულების ავეჯის მიწოდებაზე 2014 წლის 16 ივნისს გამოაცხადებულ გამარტივებულ ელექტრონულ ტენდერში, შესყიდვის სავარაუდო ღირებულებით 86.1 ათასი ლარი, გამარჯვებულად გამოცხადდა ი/მ ვიოლეტა მინაძე, რომელთანაც 2014 წლის 10 ივლისს გაფორმდა ხელშეკრულება #4/3-217 ღირებულებით 67.8 ათასი ლარი. მიწოდების ვადა განისაზღვრა ხელშეკრულების გაფორმებიდან 30 კალენდარული დღე. მიმწოდებლის მიერ ხელშეკრულებით ნაკისრი ვალდებულებების შეუსრულებლობის გამო გადასახდელი საურავების ჯამური ღირებულება შეადგენდა 3,056.99 ლარს, თუმცა შესაბამისი წერილი აღნიშნული თანხის გადახდასთან დაკავშრებით მომწოდებელს წარედგინა მხოლოდ შემოწმების მიმდინარეობისას - 2016 წლის 30 სექტემბერს

ულტრამაღალი წნევის სითხური ქრომატოგრაფის (სხვადასხვა დეტექტორით) შესყიდვასთან დაკავშირებით, ხელშეკრულებით გათვალისწინებული ვალდებულებები, გამარტივებულ დეკლარაციებში ასახული მონაცემები და ფაქტობრივად მიღების მდგომარეობა ურთიერთშეუსაბამობაშია

2 ცალი პლანშეტური კომპიუტერის და 2 ცალი პორტატული კომპიუტერის შეძენის მიზნით, 2014 წლის 6 და 28 ოქტომბერს სასაზღვრო პოლიციამ გამოაცხადა გამარტივებული ელექტრონული ტენდერი. ორივე შემთხვევაში მონაწილეობა მიიღო მხოლოდ ერთმა (სხვადასხვა) პრეტენდენტმა. პირველ შემთხვევაში სატენდერო დოკუმენტაციით შემსყიდველის მოთხოვნის შემთხვევაში საქონლის ნიმუშების წარმოსადგენად პრეტენდენტს განესაზღვრა არაუგვიანეს 5 სამუშაო დღე, ხოლო მეორე შემთხვევაში - 3 სამუშაო დღე. პირველ შემთხვევაში განსაზღვრულ ვადაში ნიმუშების წარმოდგენის შემდგომ გაიმარჯვა შპს „ფორსმა“, ხოლო მეორე შემთხვევში ტენდერი დასრულდა უარყოფითი შედეგით (შპს „ანკომ“ განსაზღვრულ ვადაში ნიმუში ვერ წარმოადგინა), თუმცა ერთგვაროვანი მიდგომის შემთხვევაში არსებობდა შესაძლებლობა, რომ ტენდერი არ დასრულებულიყო უარყოფითი შედეგით. შემდგომ, არც გამარტივებული შესყიდვის და არც ტენდერის ფორმით, აღნიშნული კომპიუტერების შესყიდვა არ განხორციელებულა.

ავტონაწილებისა და სხვა ქიმიური ნივთიერებების სატენდერო წინადადების შესაბამისად, მიწოდება და გადახდილი ფასის საბაზრო/სავაჭრო ფასთან შესაბამისობა წარმოდგენილი დოკუმენტებით ვერ დასტურდება.

,,დაქირავებულისათვის გადახდილი სამივლინებო ხარჯების ნორმების განსაზღვრის შესახებ“ საქართველოს ფინანსთა მინისტრის 2005 წლის 5 აპრილის N220 და საჯარო სამართლის იურიდიული პირის „ბათუმის შოთა რუსთაველის სახელმწიფო უნივერსიტეტის“ რექტორის 2014 წლის 17 ოქტომბრის N02-04/305 ბრძანებებით განსაზღვრული პირობების შეუსაბამოდ, მივლინებისათვის გაწეულია 1.0 ათასი ლარის ხარჯი

კომპიუტერული მოწყობილობებისა და აქსესუარების შესყიდვის მიზნით განხორციელებულ ტენდერებში, რიგ შემთხვევებში სატენდერო დოკუმენტაციაში მოთხოვნები ჩამოყალიბებულია ხარვეზებით (მაგ: მოთხოვნილია ვიდეოადაპტერი, რომლის სტანდარტიც არ არსებობს), რაც „არშემდგარი“ ტენდერებისა და ტენდერებში მხოლოდ ერთი პრეტენდენტის მონაწილეობის საფუძველს ქმნის. მაგ: 11 ცალი პერსონალური კომპიუტერის შესყიდვის მიზნით, 2014 წლის ივლისიდან 2015 წლის 27 მაისამდე გამოცხადებული ტენდერების დინამიკა (სულ 6 ტენდერი - ტენდერებს შორის დროის შუალედები) მიანიშნებს არსებული საჭიროებების სწორად განსაზღვრასთან დაკავშირებულ ხარვეზებზე და ვერ უზრუნველყოფს საბიუჯეტოს სახსრების რაციონალურ ხარჯვას;

საზოგადოების თანამშრომლებზე 42 038 ლარის პრემიის გაცემა, შეუსაბამობაშია შინაგანაწესით განსაზღვრული წახალისების და დისციპლინარული პასუხისმგებლობის ზომების პირობებთან.

ასფალტირებული და არაასფალტირებული ქუჩების მიმდინარე სარემონტო სამუშაოების შესყიდვასთან დაკავშირებით მუნიციპალურ პროგრამაში, სატენდერო წინადადებებში და მიმწოდებლებთან გაფორმებულ ხელშეკრულებებში არ არის იდენტიფიცირებული შესასრულებელი სამუშაოს კონკრეტული ადგილმდებარეობა, ხოლო სატენდერო წინადადებით და ხელშეკრულებით გათვალისწინებული ტექნიკური პირობების შესრულება, სამუშაოს შესრულების აქტებში არ არის ასახული.

დაწესებულების მხრიდან, რიგ შემთხვევებში სათანადოდ არ ხორციელდებოდა შესყიდვის ობიექტის ტექნიკური მახასიათებლების შესწავლა და სატენდერო დოკუმენტაციაში მათი სწორად ჩამოყალიბება, რის შედეგადაც სახეზეა არშემდგარი და კონკურენციის გარეშე განხორციელებული ტენდერები. მაგ.: 26 კომპლექტი პერსონალური კომპიუტერის შესყიდვის მიზნით 2014 წლის 22 აპრილს გამოცხადებულ გამარტივებულ ელექტრონულ ტენდერში (SPA140010541-სავარაუდო ღირებულებით 25.5 ათასი ლარი) მონაწილეობა მიიღო ერთმა პრეტენდენტმა - შ.პ.ს. „ალტამ“, რომელმაც გაიმარჯვა. თუმცა, მის მიერ შემოთავაზებულ კომპიუტერზე მონიტორის კონტრასტულობა (1000 000:1 (დინამიური)) არ შეესაბამება სატენდერო დოკუმენტაციით წარმოდგენილ პირობას (3000 000:1 (დინამიური)). თუ, შემსყიდველისთვის მისაღები იყო ერთადერთი პრეტენდენტის მიერ შემოთავაზებული წინადადება, სატენდერო დოკუმენტაციაში აღნიშნული მახასიათებლის გათვალისწინებით არ გამოირიცხებოდა კონკურენცია.

საზოგადოების მიერ 15 659 ლარის ღირებულების მომსახურების შესყიდვა, ნაცვლად გამარტივებული ელექტრონული ტენდერისა, განხორციელებულია გამარტივებული შესყიდვის საშუალებით.

ასფალტირებული და არაასფალტირებული ქუჩების მიმდინარე სარემონტო სამუშაოების სახელმწიფო შესყიდვის დროს, სატენდერო წინადადებაში სრულყოფილად არ იქნა გათვალისწინებული და შემდგომში შესრულებული ის სამუშაოები, რასაც მუნიციპალური პროგრამა ითვალისწინებდა.

გამოცხადებული ტენდერების ფარგლებში ხშირ შემთხვევებში გამარჯვებული პრეტენდენტის მიერ დაფიქსირებული საბოლოო ფასი 20%-დან 80%-მდე დაბალია შესყიდვის ობიექტის სავარაუდო ღირებულებაზე, რაც შემსყიდველის მხრიდან ბაზრის არასათანადოდ კვლევაზე მიუთითებს; მაღალია კონკურენციის გარეშე განხორციელებული ტენდერების ხვედრითი წილი წლის განმავლობაში განხორციელებული ტენდერების მთლიან რაოდენობაში (2014 წელს-42%, 2015 წელს-32%); რაც განაპირობებს შესყიდვის არაეკონომიურად განხორციელების რისკს;

ხელშეკრულებით გათვალისწინებული მიწოდების ვადის გასვლის შემდეგ პერიოდში, არგუმენტირებული მტკიცებულების გარეშე, შემცირებულია მისაწოდებელი ნაწილების რაოდენობა და სახელშეკრულებო ღირებულება.

ასფალტირებული ქუჩების მიმდინარე სარემონტო სამუშაოების შესრულებასთან დაკავშირებით, შპს ,,გზებთან“ გაფორმებული N270 ხელშეკრულებით, ანგარიშსწორებამდე, მიმწოდებელს საკუთარი სახსრებით უნდა უზრუნველეყო შესრულებულ სამუშაოებზე ექსპერტიზის დასკვნის წარმოდგენა, თუმცა მიმწოდებლის მიერ შესრულებული სამუშაოს აქტის შედგენამდე ერთი დღით ადრე, აღნიშნული პირობა ამოღებულია, რომლის შედეგადაც შესრულებული სამუშაოს საპროექტო-სახარჯთაღრიცხვო და სატენდერო წინადადებით გათვალისწინებულ პირობებთან შესაბამისობის ექსპერტიზა არ იქნა განხორციელებული.

აუდირებულ პერიოდში 201.9 ათასი ლარის ღირებულების 134.9 ათასი ლიტრი ბენზინი და 3,583.9 ათასი ლარის ღირებულების 2,498.9 ათასი ლიტრი დიზელის საწვავი ჩამოწერილია ისეთ სატრანსპორტო საშუალებებზე რომელთაც საერთოდ არ გააჩნდათ ოდომეტრი ან ოდომეტრი გამოსული იყო მწყობრიდან;

წარმოდგენილი დოკუმენტებით ვერ დასტურდება GPR მომსახურების, დამონტაჟების აქტებში და ტექნიკურად გამართულობის შესახებ დოკუმენტში ასახული მონაცემების ურთიერთშესაბამისობა.

  ,,გზების, ქუჩებისა და ტროტუარების კეთილმოწყობის“ ქვეპროგრამით, კოტე აფხაზის ქუჩის ასფალტო-ბეტონის საფარის მოწყობის სამუშაოებთან დაკავშირებით, სატენდერო წინადადებაში, ხელშეკრულებაში და შემდგომში წარმოდგენილ მიღება-ჩაბარების აქტში არ არის მითითებული პროგრამის შესაბამის 242 გრძ.მეტრზე ქუჩის მოასფალტების სამუშაო.

რიგ შემთხვევებში ტენდერებში გამარჯვებულის გამოვლენა ხდებოდა იმის მიუხედავად, რომ პრეტენდენტთა მიერ წარმოდგენილ ნიმუშებზე ვერ ხორციელდება ექსპერტიზის ბიუროს მიერ სრულფასოვანი დასკვნის გაცემა ხელსაწყო-დანადგარების უქონლობის და აგრეთვე რიგ მოთხოვნებთან დაკავშირებით კვლევების არარსებობის გამო. აქედან გამომდინარე, აზრი ეკარგება სატენდერო დოკუმენტაციით გათვალისწინებულ შემსყიდველის უფლებამოსილების გამოყენებას იმის თაობაზე, რომ პრეტენდენტის მიერ წარმოდგენილ ნიმუშებს ჩაუტაროს ექსპერტიზა შესაბამისობის დადგენის მიზნით. ეს პროცედურა ასევე ტენდერის გაჭიანურებას იწვევს. მაგ: • სპეციალური ტანსაცმლისა და აქსესუარების შესყიდვის მიზნით 2015 წლის 10 მარტს გამოცხადებულ ელექტრონულ ტენდერში (SPA150007665), სავარაუდო ღირებულებით-595 ათასი ლარი, გამარჯვებული- შპს „ARMYCO LTD“, ხელშეკრულება გაფორმდა 500 ათას ლარზე; • საძილე ტომრების შესყიდვაზე, 2015 წლის 10 მარტს გამოცხადებული SPA150007676 ტენდერში, სავარაუდო ღირებულებით-121 ათასი ლარი, გამარჯვებული- შპს „დოკუტექს ჯორჯია“ , ხელშეკრულება გაფორმდა 119,394 ათას ლარზე.

,,გზების, ქუჩებისა და ტროტუარების კეთილმოწყობის“ ქვეპროგრამით, ურეხის მიმართულებით შარაშიძის ქუჩის მონაკვეთის მოასფალტების სამუშაოებზე, 2014 წლის 20 იანვარს გამოცხადებულია ელექტრონული ტენდერი, სავარაუდო ღირებულებით 230.0 ათასი ლარით, თუმცა 2014 წლის 31 იანვრამდე, ქვეპროგრამით, აღნიშნული სამუშაოები არ იყო გათვალისწინებული.

კომპანიას არ გააჩნდა სტანდარტი თოვლცვენის დროს ქუჩებსა და მოედნებზე მარილის მოყრაზე. საავტომობილო გზების შეკეთებისა და მოვლა - შენახვის ტექნიკური წესებით (BCH 24-88) ხელმძღვანელობის შემთხვევაში, კომპანიას აუდირებულ პერიოდში ნაცლად 5,424.0 ტონისა უნდა გაეხარჯა 1.084.8 ტონა მარილი, ანუ 4,339.2 ტონით ნაკლები ( 568.8 ათასი ლარის ღირებულების. გარდა აღნიშნულისა, კომპანიას მარილი მოყრილი აქვს იმ დღეებშიც როდესაც გარემოს ეროვნული სააგენტოდან მიღებულ ინფორმაციაში ყინვა და თოვლცვენა არ ფიქსირდება;

,,გზების, ქუჩებისა და ტროტუარების კეთილმოწყობის“ ქვეპროგრამით, ტროტუარებზე, ხეების ირგვლივ ჩამკეტი ბორდიურების მოწყობის სამუშაოებზე შემსყიდველის მიერ შესყიდვის ეტაპზე, არაერთგვაროვანი მიდგომით არის განხორციელებული სახელმწიფო შესყიდვა.

მოთამაშეთა მომზადების ნაწილში სახელშეკრულებო პირობები და კონტროლის მექანიზმები ვერ უზრუნველყოფს:კლუბის ახალგაზრდულ სტრუქტურებში მომზადების მიზნით, მოთამაშეთა შერჩევის პროცესის გამჭვირვალობას და ერთგვაროვან მიდგომას;ფედერაციის მიერ მოცემული პროექტის ფარგლებში კლუბში მომზადებული კალათბურთელების ტრანსფერის ფაქტის დადგენის და შეტანილი ეკონომიკური წვლილის შესაბამისი ფინანსური სარგებლის მიღების სამართლებრივი მექანიზმის არსებობას.მომსახურების ანაზღაურების არსებული მექანიზმი შეიცავს საბიუჯეტო სახსრების არაეფექტიანი ხარჯვის რისკებს და არ ქმნის კლუბის ახალგაზრდულ სტრუქტურებში მომზადების მიზნით ქართველი მოთამაშეების მოზიდვის სტიმულებს.„კალათბურთის სახელმწიფო მხარდაჭერის პროგრამის“ მიზნების შეუსაბამოდ, მოთამაშეთა მომზადებაში ქართული მხარის მიერ შეტანილი წვლილის ძირითადი ნაწილი (63%) მოხმარდა უცხოელი კალათბურთელების მომზადებას. ხელშეკრულებით არ იყო განსაზღვრული მექანიზმები, რომელიც უზუნველყოფდა ტრანსფერის ფაქტის და მისი პირობების შეტყობინება-შეთანხმებას ფედერაციასთან. ფედერაცია არ ფლობს ინფორმაციას მომზადებული უცხოელი კალათბურთელების სატრანსფერო პერსპექტივის და მათი შემდგომი სპორტული განვითარების შესახებ. აღნიშნული კონტროლის მექანიზმების არარსებობა თავის მხრივ წარმოშობს თაღლითობის ჩადენის რისკებს. ხელშეკრულებით და „გარანტიის დაზღვევის სერთიფიკატით“ არ არის განსაზღვრული გარანტიის გამცემი სადაზღვევო კომპანიის მიმართ ფედერაციის მოთხოვნის წარმოშობის კონკრეტული პირობები და გარემოებები, რომელიც საფუძვლად უნდა დაედოს ,,სასკი ბასკონიის“ მიერ ნაკისრი ვალდებულების შეუსრულებლობის შემთხვევაში საგარანტიო ვალდებულების ამოქმედებას. ტექნიკური თანამშრომლობის ფარგლებში გაწეული მომსახურების მიხედვით ,,სასკი ბასკონიასთან“ ანგარიშსწორება განხორციელებულია წარმოდგენილი ინვოისების საფუძველზე, ხარჯვითი ოპერაციების ფაქტიურად შესრულების დადასტურების გარეშე. ხელშეკრულებით არ არის შეთანხმებული ქართულ კემპში მონაწილე ესპანელ სპეციალისტებზე ასანაზღაურებელი ჰონორარის ოდენობა. ფედერაციის მხრიდან ვერ იქნა წარმოდგენილი აღნიშნული ხარჯის განსაზღვრის საფუძველი. ხელშეკრულებით განსახორციელებელი ღონისძიებებისათვის შესასყიდი საქონლის და მომსახურების ოპტიმალური ფასის, ტექნიკური პარამეტრებისა და მიწოდების პირობების დადგენა ბაზრის კვლევის გარეშე, ზრდის საბაზრო პირობებთან შედარებით არაადეკვატური ფასისა და მიწოდების პირობების განსაზღვრის რისკებს, რაც თავის მხრივ იწვევს საბიუჯეტო სახსრების არაეკონომიურ და არაეფექტიან ხარჯვას. ,,სასკი ბასკონიის“ სპორტული სტრუქტურის სათაო ოფისში ქართველი მწვრთნელების მოსამზადებელი პროგრამის შექმნა და შესაბამისად მწვრთნელთა მომზადების მიმართულებით საქმიანობა არ დასტურდება.

მიწოდების ერთი დღის ვადაგადაცილების მიზეზით 7,000 ტონა ტექნიკური მარილის შესყიდვაზე არსებული ხელშეკრულების ცალმხრივად შეწყვეტისა და გადაუდებელი აუცილებლობით ორი ხელშეკრულების უფრო მაღალი ფასით გაფორმების შედეგად შესასყიდი ერთი ტონა ტექნიკური მარილის ღირებულება გაზრდილია 46 ლარით და ფაქტობრივი მიწოდებიდან გამომდინარე გადახდილია 216.6 ათასი ლარით მეტი;

.,,გზების, ქუჩებისა და ტროტუარების კეთილმოწყობის“ სამუშაოების შესრულებასთან დაკავშირებით გამოცხადებული სახელმწიფო შესყიდვების სატენდერო წინადადება და შემდგომში მიმწოდებლებთან გაფორმებული ხელშეკრულება ითვალისწინებს, რომ ანგარიშსწორებამდე მიმწოდებელმა საკუთარი სახსრებით უნდა უზრუნველყოს სსიპ ,,ლევან სამხარაულის სახელობის სასამართლო ექსპერტიზის ეროვნული ბიუროს“ დასკვნის წარმოდგენა, საქონლის მახასიათებლებისა და შესრულებული სამუშაოების საპროექტო-სახარჯთაღრიცხვო და სატენდერო დოკუმენტაციასთან შესაბამისობის შესახებ. მიმწოდებლების მიერ აღნიშნული მოთხოვნები სრულყოფილად არ არის შესრულებული და ექსპერტიზის დასკვნა წარმოდგენილია შესრულებული სამუშაოს მოცულობასთან დაკავშირებით.

შეუსრულებელია კომპანიასა და შპს ,,ნეოტექს“ შორის გაფორმებული ხელშეკრულების პირობები, კერძოდ კომპანიის კუთვნილ ა/მანქანებზე და ნაგვის ურნებზე დამონტაჟებული მონიტორინგის სისტემის მოწყობილობებით კომპანიას დღემდე არ უსარგებლია, თუმცა 994.0 ათასი ლარი სრულადაა ანაზღაურებული. ამასთან, მიწოდებულ საქონელზე ფასნამატი შეადგენს 434.1 ათას ლარს (116%);

საზოგადოება, ძირითადი საქმიანობის ფარგლებში, იჯარით გასცემს მიწის ნაკვეთებს ან კომერციულ ფართებს, შესაბამისი საიჯარო ღირებულების სანაცვლოდ. საიჯარო ღირებულების გადახდა ხორციელდება ყოველთვიურად როგორც ნაღდი ასევე უნაღდო ანგარიშსწორების ფორმით. აუდიტის პერიოდში, რიგ შემთხვევებში ფიქსირდება, რომ კონკრეტული მიმწოდებლების მიერ არ არის გადახდილი დადგენილი საიჯარო თანხები, რის სანაცვლოდაც მხარეებს შორის როგორც ზეპირი, ასევე წერილობითი შეთანხმების საფუძველზე დგება შეთანხმება მოიჯარის საკუთრებაში არსებული ქონების ვალდებულებაში გაქვითვის შესახებ, რომელიც შეიძლება წარმოადგენდეს მოიჯარის საკუთრებაში არსებულ ფოლადის კონსტრუქციას, ეგრეთწოდებულ ,,კონტეინერს’’, ან კონსტრუქციულ ნაგებობას. შესაბამისად სულ კომპანიაზე გადაცემულია 8 840 ლარის ღირებულების ქონება და შესაბამისად გაქვითულია იდენტური ოდენობის ვალდებულებები მოიჯარეებზე, თუმცა ქონების ღირებულებების განსაზღვრა, როგორც უძრავი ასევე მოძრავის შემთხვევაში, საჭიროებს სპეციალური ცოდნის მქონე პირის შეფასებას. აღნიშნულ შემთხვევაში, ქონებების შეფასება არ არის არგუმენტირებული, ვინაიდან უცნობია ვის მიერ, რა მეთოდოლოგიით, როგორ კომპეტენციითა და გამოცდილებით განხორციელდა გადმოსაცემი ქონებების ღირებულების განსაზღვრა და შეფასება.

,,გზების, ქუჩებისა და ტროტუარების კეთილმოწყობის“ ქვეპროგრამით, ძველი ბათუმის ქუჩების გაფართოების სამუშაოებიდან, ექსპერტიზა ვერ იქნა განხორციელებული 0.8 ათასი ლარის ღირებულების გრანიტის ფილების მოწყობის და 4.9 ათასი ლარის ღირებულების გრანიტის ქვაფენილის მოწყობის სამუშაოებზე. დამატებითი მტკიცებულების არარსებობის პირობებში, სახელშეკრულებო ღირებულება მიმწოდებელზე სრულად არის გადახდილი.

ნაგავსაყრელი პოლიგონის მეორე უჯრედის მშენებლობასა და ნაჟური წყლის გამწმენდი დანადგარის მოწყობის გამოცხადებულ ელექტრონულ ტენდერში, კომპანიის მხრიდან პრეტენდენტების მიმართ არ იყო დაცული სამართლიანი მიდგომა. შედეგად, გამარჯვებულია შპს „ჯავამ“, რომლის საბოლოო შემოთავაზებული ფასი 6,450.1 ათასი ლარით ნაკლებია სატენდერო სავარაუდო ღირებულებაზე;

3,400 ლარის ხარჯი არ შეესაბამება გამოყოფილი ასიგნებების ხარჯვის პროგრამულ კოდს, კერძოდ, „სპორტის ინფრასტრუქტურის, რეაბილიტაციისა და სპორტული ინვენტარის განახლების პროგრამის“ (კოდი 39 02 07) ასიგნებიდან შესყიდულია ინვენტარიზაციის პროგრამული პაკეტი.

ქალაქის ქუჩებში ვიდეო-კონტროლის სისტემის დანერგვის მომსახურებასთან დაკავშირებით, მიმწოდებელსა და მერიის ტექნიკური სამსახურის წარმომადგენელს შორის გაფორმებულ მიღება-ჩაბარების აქტში მითითებულია შესრულებული სამუშაოს დასახელება, რაოდენობა და ღირებულება, რომელიც არ წარმოადგენს შესაფერის და საკმარის მტკიცებულებას, დამონტაჟებული მოწყობილობებისა და მასალების, სატენდერო წინადადებით და ხელშეკრულებით გათვალისწინებული პარამეტრების შესაბამისობაზე.

შესასყიდი საქონლის წარმოდგენაზე პრედენდენტებს ეძლეოდა მცირე ვადები (1-3 დღე), რაც ზღუდავდა ტენდერში მონაწილე პირთა რაოდენობას, შესაბამისად მცირდებოდა კონკურენცია და საქონლის შესაძლო დაბალ ფასად შესყიდვის შესაძლებლობა;

რიგი სპორტული ფედერაციების მიერ რიგ შემთხვევებში არ სრულდება “საბიუჯეტო ასიგნებებიდან სპორტის სფეროში ღონისძიებების დაფინანსებისთვის გამოყოფილი თანხების ხარჯვისა და ანგარიშსწორების წესი“-ს მე-6 მუხლის მე-3 პუნქტი, რომლის მიხედვითაც “ფედერაციებმა ამ წესის შესაბამისად მიღებული ნებისმიერი თანხით (მათ შორის ფიზიკური პირებისთვის) ანგარიშსწორება უნდა განახორციელონ მხოლოდ უნაღდო ანგარიშსწორების გზით”. ასევე საგულისხმოა, რომ ნაღდი ანგარიშსწორებით განხორციელებული აღნიშნული შემთხვევებიდან, არც ერთში არ არის დაცული “საბიუჯეტო ასიგნებებიდან სპორტის სფეროში ღონისძიებების დაფინანსებისთვის გამოყოფილი თანხების ხარჯვისა და ანგარიშსწორების წესი“-ს მე-6 მუხლის მე-4 პუნქტი, რომლის მიხედვითაც „ობიექტური მიზეზების გამო უნაღდო ანგარიშსწორების გზით ანაზღაურების შეუძლებლობის შემთხვევაში, ნაღდი ანგარიშსწორება შესაძლებელი იქნება განხორციელდეს გამონაკლისის წესით, რის შესახებაც შესაბამისი დასაბუთება ფედერაციის მიერ სამინისტროში წარმოდგენილი უნდა იყოს წინასწარ დაფინანსების მოთხოვნის თაობაზე წერილში ან ანგარიშის წარდგენის დროს“;

,,სატრანსპორტო ინფრასტრუქტურის მართვა და ექსპლუატაცია“- ქვეპროგრამის განმახორციელებლის მიერ არასრულყოფილად იქნა შესრულებული ქვეპროგრამით გათვალისწინებული ღონისძიებები და ბიუჯეტით გათვალისწინებული 1 921.9 ათასი ლარიდან აუთვისებელია 1 335.7 ათასი ლარი.

საბურავების შეძენის შემთხვევაში გამოვლინდა ტენდერში მონაწილე უმცირესი ფასის მქონე პრეტენდენტისადმი არასამართლიანი მიდგომა;

კომპანიის მიერ წარმოდგენილ საიჯარო ხელშეკრულებებში, დაფიქსირებულია საიჯარო ღირებულება და სექციისა და სავაჭრო ობიექტის შესაბამისი ნომერი, თუმცა ვერ ხდება მათი თანხვედრა კომპანიის დირექტორის მიერ გამოცემულ ბრძანებებთან, რომლებიც განსაზღვრავს საიჯარო ღირებულებებს. კომპანიის დირექტორის მიერ იჯარებთან დაკავშირებით, 2009 წლიდან, სულ გამოცემულია ოთხი ძირითადი ბრძანება, ესენია: N ბრძანების მოიცავს დანართს (კი/არა) წარმოდგენილია დანართი (კი/არა) თარიღი N 1 20.07.2009 5 კი კი 2 12.11.2009 15 კი კი 3 26.02.2010 10 კი არა 4 13.09.2010 27 არა - ცხრილი N1 - დირექტორის ბრძანებების შესახებ აუდიტის პერიოდში, 2014-2015 წლებში მოქმედ ბრძანებას, რომლითაც განისაზღვრება მოიჯარეთა საიჯარო ღირებულებები, წარმოადგენს 2010 წლის 26 თებერვლის ბრძანება, სადაც დანართის სახით დადგენილია სექციის, მაღაზიისა და იჯარის მინიმალური ღირებულება, თუმცა კომპანიის უფლებამოსილი პირების განმარტებით, აღნიშნული დანართის მოძიება ფიზიკურად ვერ ხდება. შესაბამისად, აღნიშული ბრძანების გამოცემამდე არსებული ბრძანებით განსაზღვრული ობიექტების ნუმერაცია არ შეესაბამება საიჯარო ხელშეკრულებებში დაფიქსირებულ ახალ ნუმერაციებს.

რიგი სპორტული ფედერაციების მიერ რიგ შემთხვევებში არ სრულდება “საბიუჯეტო ასიგნებებიდან სპორტის სფეროში ღონისძიებების დაფინანსებისთვის გამოყოფილი თანხების ხარჯვისა და ანგარიშსწორების წესი“-ს მე-7 მუხლის პირველი პუნქტის "ა" ქვეპუნტი, რომლის თანახმად, „ღონისძიების დასრულების შემდგომ ფედერაციამ უნდა წარადგინოს საბიუჯეტო ასიგნებებიდან გამოყოფილი სახსრების ხარჯთაღრიცხვის შესაბამისად მიზნობრივად ხარჯვის დამადასტურებელი დოკუმენტების ასლები“. ასევე, გათვალისწინებულ არ არის ფინანსთა მინისტრის 2005 წლის 5 აპრილის N220 ბრძანებით დამტკიცებული „დაქირავებულისათვის გადახდილი სამივლინებო ხარჯების ნორმების განსაზღვრის შესახებ“ მე-2 მუხლის „ბ“ ქვეპუნქტი, რომლის თანახმად „სამსახურებრივი დავალების შესასრულებლად დამქირავებლის ბრძანებით დაქირავებულის ქვეყნის ფარგლებს გარეთ მივლინებისას მგზავრობის ხარჯების ნორმები განისაზღვრება ფაქტობრივად გაწეული ხარჯების მიხედვით დამადასტურებელი საბუთების წარმოდგენის საფუძველზე“. კერძოდ, ქვეყნის ფარგლებს გარეთ მივლინებების შემდგომ არ არის წარმოდგენილი მგზავრობის დამადასტურებელი „ჩასხდომის ბარათები“, რომელიც ინვოისით მგზავრობისთვის გადახდილი თანხის დოკუმენტთან (რომელიც უნდა შეესაბამებოდეს ჩასხდომის ბარათში აღნიშნულ მარშრუტებს) ერთად წარმოადგენს მგზავრობის ხარჯის დამადასტურებელ დოკუმენტს;

ქალაქ ბათუმის საკრებულოს 2014 წლის 10 ნოემბრის N174 განკარგულების ამოქმედებამდე, ქვეპროგრამის განსახორცილებლად ქალაქ ბათუმის მერიის ეკონომიკური პოლიტიკის/ საფინანსო - ეკონომიკური სამსახურის საქმიანობა განსაზღვრული არ ყოფილა, რითაც დარღვეულია ქალაქ ბათუმის საკრებულოს 2013 წლის 27 დეკემბრის N275 განკარგულება „2014 წლის მუნიციპალური პროგრამის - „ქალაქის კეთილმოწყობა“ დამტკიცების შესახებ“

ქუჩის დასაგველი მინდვრის ცოცხის შესყიდვაზე გამოცხადებულ ტენდერებში, სავარაუდო ღირებულებები განსაზღვრული იყო ბაზრის კვლევის დამადასტურებელი დოკუმენტების გარეშე. ტენდერებში უმეტეს შემთხვევაში მიმწოდებლები იმარჯვებდნენ სატენდერო წინადადების ფასით.

აუდიტის პერიოდში, საზოგადოების ბალანსზე, 2015 წლის 31 დეკემბრის მდგომარეობით, ირიცხება 191 819 ლარის დებიტორული მოთხოვნები , აუდიტის ჯგუფის მიერ, შერჩეული იქნა როგორც წლის ბოლოს რიცხული დებიტორული ვალდებულებები, ასევე 2014-2015 წლების განმავლობაში წარმოშობილი. განხორციელებული ტესტირებების შედეგად გამოვლინდა, რომ დებიტორული მოთხოვნები, მათი წარმოშობის პერიოდის მიხედვით, ყოველწლიურად არ მცირდება. აღნიშნულმა დებიტორულმა ვალდებულებებმა სულ შეადგინა 75 517 ლარი, მათ შორის 42 580 ლარი წარმოადგენს, სავაჭრო ცენტრის ტერიტორიაზე, ხანძრის შედეგად დაზარალებული მოქალაქეების დახლებსა და სავაჭრო ობიექტებს, რომელთა მიმართ კომპანიის მიერ, 2016 წლის ინფორმაციის მიხედვით, მიმდინარეობს მოლაპარაკებები და შესაბამისი შეთანხმებების მომზადება თანხის გადახდასთან დაკავშირებით. ასევე აღსანიშნავია, რომ აღნიშნული მოიჯარეები, აჭარის ავტონომიური რესპუბლიკის მთავრობის გადაწყვეტილებით, შესაბამისი ვადით, უსასყიდლოდ სარგებლობენ ხანძრის შემდგომ გარემონტებული და აღდგენილი ფართებით. ხოლო 32 937 ლარი წარმოადგენს შესაბამისი ფართით მოსარგებლე მოიჯარეებს, რომელთა მიერ არ იქნა გადახდილი საიჯარო თანხები დადგენილ პერიოდში და არც 2016 წლის პერიოდში შემცირებულა.აღნიშნული ვალდებულებები, წარმოშობილია 2010-2015 წლებში, რომელთა დავალიანებაც კომპანიის მიმართ 2016 წლის დეკემბრის თვის ინფორმაციის მიხედვით არ მცირდება. აღნიშნულ მოიჯარეებთან რიგ შემთხვევებში, კომპანიის დირექტორის ბრძანებებით, შეწყვეტილია ხელშეკრულებები, სადაც აღნიშნულია, რომ უნდა განხორციელდეს ქმედითი ღონისძიებები საიჯარო დავალიანებების ამოსაღებად, თუმცა კანონმდებლობით გათვალისწინებული შესაბამისი ღონისძიებები აუდიტის პერიოდისათვის არ არის განხორციელებული.

2014 წელს სამინისტროში შტატით - გეგმით განსაზღვრული რიცხოვნობა შეადგენდა 91, ხოლო ფაქტობრივად საშუალოდ მუშაობდა 81 მოსამსახურე, ე.ი. 10 ერთეულის ვაკანსია მუდმივად არსებობდა. ასეთ პირობებში, ბიუჯეტის დაგეგმვისას 10 ერთეულით ზედმეტი შტატის და მისი შესაბამისი ზედმეტი შრომის ანაზღაურების გათვალისწინება ბიუჯეტში და ასიგნებების გამოყენება პრემიებად არამართლზომიერია;

მოქმედი რეგულაციებით, ქ. ბათუმში, ბაგრატიონის ქუჩაზე გამავალი საავტომობილო გზის გაგრძელება-გაფართოების ღონისძიებების ფარგლებში, მშენებლობის ზოლში მდებარე უძრავი ქონების მესაკუთრეებზე გადაცემული 6 კვ.მ-ის ზემოთ ფართის ღირებულების გადახდა უნდა განხორციელებულიყო ადგილობრივი თვითმმართველი ერთეულების საკუთრებაში არსებული საცხოვრებელი შენობების გაყიდვიდან შემოსულობის ანგარიშზე, თუმცა მშენებლობის ზოლში მდებარე უძრავი ქონების მესაკუთრეებზე გადაცემული 6 კვ.მ-ის ზემოთ ფართის საბაზრო ღირებულების გამოქვითვა განხორციელებულია მუნიციპალიტეტის მიერ გადაცემული საცხოვრებელი ფართების სარემონტო ხარჯების ღირებულებიდან. გამოქვითული თანხის სრულმა მოცულობამ შეადგინა 398.2 ათასი ლარი და ქვეპროგრამის 2014 წლის საკასო შესრულებამ ნაცვლად 4 273.5 ათასი ლარისა, შეადგინა 3 875.3 ათასი ლარი

ცალკეულ შემთხვევებში ტენდერების გამოცხადებისას არასწორად იყო განსაზღვრული შესყიდვის სავარაუდო ღირებულებები, შესაბამისად ტენდერებში გამარჯვებულად ცხადდებოდნენ ისეთი მიმწოდებლები, რომელთა მიერ მიწოდებული საქონლის ღირებულება აღემატებოდა საბაზრო ფასს;

კომპანიის მიერ, მოიჯარეებთან საიჯარო ხელშეკრულებების ნაწილში, დედანი დოკუმენტის სახით, ორ შემთხვევაში ვერ იქნა წარმოდგენილი საიჯარო ხელშეკრულებები. ხოლო ხელშეკრულების შეწყვეტასთან დაკავშირებით, ცხრა შემთხვევაში დირექტორის შესაბამისი ბრძანებები .

„სახელმწიფო ავტოპარკის გადანაწილების, კლასიფიკაციისა და სამსახურებრივი ავტომანქანის შესყიდვის ან ჩანაცვლების წესის დამტკიცების შესახებ“ საქართველოს მთავრობის 2014 წლის 6 თებერვალის N121 დადგენილების მოთხოვნათა დარღვევით დეპარტამენტის უფროსის ან მასთან გათანაბრებული თანამდებობის პირებისათვის 3 შემთხვევაში უფრო მაღალი კლასის მანქანებია განპიროვნებული, ვიდრე გათვალისწინებული იყო;

ქ. ბათუმში, ბაგრატიონის ქუჩაზე გამავალი საავტომობილო გზის გაგრძელება-გაფართოების ღონისძიებების ფარგლებში, ექსპროპრიაციის უფლების მინიჭების გარეშე, მუნიციპალიტეტის მიერ მშენებლობის ზოლში მდებარე უძრავი ქონების მესაკუთრეებისთვის განხორციელებულია მუნიციპალიტეტის საკუთრებაში არსებული უძრავი ქონების გაცვლის ფორმით განკარგვა, რაც შეუსაბამოა მოქმედ კანონმდებლობასთან.

კომპანიას არ ჩაუტარებია მოთხოვნებისა და ვალდებულებების სრულყოფილი ინვენტარიზაცია. ზოგიერთ შემთხვევაში კომპანიაში რიცხული დავალიანების ოდენობა არ შეესაბამება რეალობას.

მაღალია გამარტივებული შესყიდვების ხვედრითი წილი სახელმწიფო შესყიდვების მთლიან მოცულობაში. ამასთან, არამართლზომიერია 2012 წლის მთავრობის განკარგულებებით „სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარების“ მოტივით 2014 წელს ორ შემთხვევაში გამარტივებული შესყიდვის განხორციელება;

ქ. ბათუმში, ბაგრატიონის ქუჩაზე გამავალი საავტომობილო გზის გაგრძელება-გაფართოების მშენებლობის ზოლში მდებარე უძრავი ქონების მესაკუთრეებთან გაფორმებული შეთანხმებებით გათვალისწინებული საკომპენსაციო თანხა, ორ შემთხვევებში, გადახდილია სათანადო მინდობილობის/ ბენეფიციართა წერილობითი თანხმობის გარეშე

დეფექტური აქტების არ არსებობის გამო ვერ იქნა მიღებული სანიაღვრე და სადრენაჟე ქსელის კონკრეტული სარემონტო - საამშენებლო სამუშაოების ჩატარების აუცილებლობისა და მიზანშეწონილობის საკმარისი და შესაფერისი მტკიცებულება. გარდა ამისა, წარმოდგენილი ხარჯთაღიცხვების შესაბამისად ჩამოწერილი მასალების ოდენობები განსხვავდება კომპანიის საბუღალტრო დოკუმენტების მიხედვით ჩამოწერილი მასალების ოდენობებისგან

2014 წლის 31 დეკემბრისთვის რიცხული 2,071,457 ლარის დებიტორული დავალიანების მიმართ არ არის გატარებული საკმარისი ღონისძიებები. სამინისტროს მიერ არ სრულდება თავისივე 2011 წლის 19 დეკემბრის ბრძანებით დადგენილი „საბიუჯეტო ასიგნებებიდან სპორტის სფეროში ღონისძიებების დაფინანსებისათვის გამოყოფილი თანხების ხარჯვისა და ანგარიშსწორების წესის“ მე-7 მუხლის მე-4 პუნქტის მოთხოვნა, რომლის თანახმად მასალები უნდა გადაცემოდა სამართალდამცავ ორგანოებს;

საქართველოს მთავრობის სარეზერვო ფონდიდან გამოყოფილი თანხებიდან, არამიზნობრივად არის გახარჯული 19,0 ათასი ლარი.

კომპანიის შიდა კონტროლის სამსახური სრულყოფილად არ ასრულებდა დებულებით გათვალისწინებულ ფუნქცია - მოვალეობებს. კერძოდ, ვერ იქნა წარმოდგენილი ყოველწლიური სამუშაო გეგმები, ხოლო მათ მიერ შედგენილი ანგარიშები გაწეული საქმიანობის შესახებ კომპანიის საქმისწარმოებისა და საარქივო განყოფილებაში არ ფიქსირდება;

საქართველოს მთავრობის 2014 წლის 14 იანვრის N55 დადგენილებით დამტკიცებული ტექნიკური რეგლამენტის, ,,სამშენებლო სამუშაოების სახელმწიფო შესყიდვისას, ზედნადები ხარჯებისა და გეგმური მოგების განსაზღვრის წესის“ მე-3 პუნქტით გათვალისწინებული, ფაქტობრივი დანახარჯების წარმოუდგენლობის პირობებში, მიმწოდებელზე გადახდილია 124 582 ლარი.

აუდირებულ პერიოდში კომპანიას არ უსარგებლია ენერგოკომპანიებთან დადებული ხელშეკრულებებით მისთვის მინიჭებული უფლებით - მოეხდინა შედარება ენერგოკომპანიების სპეცანგარიშებზე დაგვა-დასუფთავებისათვის და ნარჩენების მართვის მომსახურეობისათვის შემოსული და კომპანიის ანგარიშზე გადარიცხული თანხების შესახებ. ასევე არ განხორციელებულა შედარება ენერგოკომპანიების ანგარიშებზე შემოსული და თბილისის ბიუჯეტში ჩარიცხული თანხების შესახებ. აღსანიშნავია, რომ კომპანიას არ გააჩნია გადამხდელთა საკუთარი ბაზა და ძირითადად ენერგოკომპანიებიდან მიღებულ ინფორმაციას ეყრდნობა. ენერგოკომპანიების ბაზებთან მათი წვდომა კი შემოიფარგლება მხოლოდ სტუმრის სტატუსით;

სამინისტროს ბალანსი არასრულად ასახავს გრძელვადიან არაფინანსურ აქტივებს (ძირითად აქტივებს), რადგან ბალანსში 2014 წლის 1 იანვრისთვის და 2014 წლის 31 დეკემბრისთვის არ არის ასახული, შესაბამისად 5,801,937 ლარის და 3,274,463 ლარის ღირებულების არაფინანსური აქტივები;

აქტივების მართვაში არსებული ხარვეზების შედეგად, ბიუჯეტში მიუმართავი თანხების ოდენობა 32,2 ათას ლარს შეადგენს.

ქ.თბილისის მუნიციპალიტეტის მთავრობის 2014 წლის 31 დეკემბრის განკარგულების შესაბამისად, 2015 წელს ქ. თბილისის ბიუჯეტით დასუფთავების ღონისძიებებისთვის გამოფილი 55 ,900.0 ათასი ლარიდან 52,276.2 ათასი ლარი მიმართულია კომპანიის საწესდებო კაპიტალის გასაზრდელად. შედეგად აღნიშნული სახსრები ვერ აისახა კომპანიის ერთობლივ შემოსავალში და სამეურნეო წელი დასრულებულია 57,580.3 ათასი ლარის ზარალით;

სამინისტროს მიერ დარღვეულია „სახელმწიფო ქონების შესახებ“ საქართველოს კანონის 33-ე მუხლის მე-3 პუნქტი, რომლის თანახმად უძრავი ქონების სარგებლობაში გადაცემა საჯარო რეესტრში უნდა დაარეგისტრიროს იმ სახელმწიფო ორგანომ, რომელსაც სარგებლობაში გადაეცა ეს ქონება;

მუნიციპალიტეტის მიერ, ვალდებულების სახით არ არის აღრიცხული მიმწოდებლების მიერ შესრულებული სამუშაოებისა თუ მომსახურების ღირებულებიდან, ხელშეკრულების შესრულების უზრუნველყოფის მიზნით, მიმწოდებლებზე დაკავებული 345,8 ათასი ლარი.

ხშირ შემთხვევებში დადებულ ხელშეკრულებებში ცვლილებები შესულია საქონლის მიწოდების ვადის ამოწურვის შემდგომ.. მაგალითად: • შპს „კოლხეთი 2012“ -თან 2015 წლის 18 მაისს გაფორმებული ხელშეკრულება #4/3-182. საქონლის მიწოდების ვადა იწურებოდა 2015 წლის 6 ივლისს. ხელშეკრულებაში კი 2015 წლის 20 ივლისს შეტანილი ცვლილებით , მიმწოდებლის თხოვნით მაისურების მწარმოებელი ქვეყანა - თურქეთი შეიცვალა საქართველოში მწარმოებელი გამარჯვებული კომპანია შპს „კოლხეთი 2012“-ით; • შპს „ARMYCO LTD“-სთან 2015 წლის 4 ივნისს გაფორმებული ხელშეკრულება #4/3-199 ღირებულებით 500,0 ათასი ლარი. საქონლის მიწოდების თავდაპირველ ვადად განსაზღვრულ იქნა ხელშეკრულების გაფორმებიდან 90 კალენდარული დღე (2015 წლის 2 სექტემბერი). აღნიშნული ვადის ამოწურვიდან 1 თვის შემდგომ - 2015 წლის 5 ოქტომბრის დამატებითი შეთანხმების საფუძველზე საქონლის მიწოდების ვადა გაზრდილია 30 კალენდარული დღით. ხელშეკრულებაში ჩადებული დაჯარიმების მექანიზმის გამოყენების შემთხვევაში, შესაძლებელი იქნებოდა ბიუჯეტში დაახლოებით 33 ათასი ლარის მიმართვა. საქონელი მიწოდებულია 2015 წლის 26 ოქტომბერს. დაწესებულების მიერ 2016 წლის 8 თებერვალს მიმწოდებელს წარედგინა შესაბამისი წერილი მხოლოდ 25 ათასი ლარის გადახდასთან დაკავშირებით, რომელიც აუდიტის მიმდინარეობისას არ იყო გადახდილი (საქმე გადაცემულია იურიდიული სამსახურისთვის შემდგომი რეაგირებისთვის); • შპს „კარა ჯორჯია“-სთან, 2015 წლის 8 სექტემბერს გაფორმებული ხელშეკრულება #279 -ის (ღირებულებით 124.9 ათასი ლარი) მიხედვით, მიწოდების ვადა- ხელშეკრულების გაფორმებიდან 90 კალენდარული დღე ( 2015 წლის 6 დეკემბერი). მიწოდების ვადის ამოწურვიდან 18 კალენდარული დღის შემდეგ - 2015 წლის 25 დეკემბერს ხელშეკრულებაში შევიდა ცვლილება, რომელიც ითვალისწინებდა საბანკო გარანტიის საფუძველზე 28.6 ათასი ლარის საქონელზე წინასწარ ანგარიშსწორების განხორციელებას და ხელშეკრულების მოქმედების ვადის გადაწევას 2016 წლის 1 მარტამდე. • შპს „VITA“-თან, 2013 წლის 24 დეკემბერს გაფორმებული ხელშეკრულება #4/3–295, ღირებულებით-34.50 საქონლის მიწოდების ვადად განისაზღვრა ხელშეკრულების გაფორმებიდან 30 კალენდარული დღე (2014 წლის 22 იანვარი). ხელშეკრულებაში პირველი ცვლილება განხორციელდა 2014 წლის 4 მარტს (საქონლის მიწოდების ვადის ამოწურვიდან 41 კალენდარული დღის შემდეგ), რომელიც ეხებოდა ხელშეკრულების ვადის გადაწევას 2014 წლის 5 აპრილის ჩათვლით, ხოლო მეორე ცვლილება - 2014 წლის 4 აპრილს ხელშეკრულების მოქმედების ვადის გადაწევას 2014 წლის 30 აპრილამდე. ფაქტობრივად 27 ათასი ლარის ღირებულების საქონელი მიწოდებულია 2014 წლის 3 აპრილს , ვადის ამოწურვიდან 71 დღის შემდეგ, ხოლო 16 აპრილს 7.5 ათასი ლარის საქონელი მიწოდებულია ვადის ამოწურვიდან 81 დღის შემდეგ, რისთვისაც მიმწოდებელი დაჯარიმდა 5,048 ლარით.

საქართველოს სპორტისა და ახალგაზრდობის სამინისტროს (შემდგომში - სამინისტრო) მიერ არ სრულდება საქართველოს ფინანსთა მინისტრის 2010 წლის 23 ივლისის N605 ბრძანებით დამტკიცებული „საბიუჯეტო ორგანიზაციებში ქონების, მოთხოვნებისა და ვალდებულებების ინვენტარიზაციის ჩატარების წესის“ მე-4 მუხლის მოთხოვნა - „ინვენტარიზაციის ჩატარების სარეკომენდაციო ვადები“;

ა(ა)იპ „ქობულეთის მუნიციპალიტეტის საბავშვო ბაღების გაერთიანების“ მიერ, არ არის აღრიცხული სოფელ კვირიკეში საბავშო ბაღის მოწყობის სამუშაოების შედეგად დემონტირებული 247 კვ.მ მოცულობის ლითონის ფურცლოვანა.

რიგ შემთხვევებში ხელშეკრულების უზრუნველყოფის ან საავანსო საბანკო გარანტიები ხელშეკრულების პირობით გათვალისწინებულ ვადაზე ნაკლებია: • 2015 წლის 21 ივლისს, გადაუდებელი აუცილებლობის მოტივით, შპს „მოდელების სახლი მატერიასთან“ გაფორმებულ #4/3-233 ხელშეკრულებაში, 504.0 ათასი ლარზე. ხელშეკრულების პირობით, საავანსო გარანტიის მოქმედების ვადა 1 თვით მეტი უნდა ყოფილიყო ხელშეკრულების მოქმედების ვადაზე. ფაქტობრივად ავანსი გადახდილია 476.0 ათასი ლარის ოდენობით, თუმცა საავანსო გარანტიის მოქმედების ვადად განსაზღვრულია 2015 წლის 30 ნოემბერი, ხოლო ხელშეკრულების მოქმედების ვადაა 2015 წლის 31 დეკემბერი; • შპს „ARMYCO LTD“-სთან 2015 წლის 4 ივნისს გაფორმებული ხელშეკრულება #4/3-199 ღირებულებით 500,0 ათასი ლარი. სატენდერო დოკუმენტაციით მოთხოვნილია, რომ ხელშეკრულების უზრუნველყოფის საბანკო გარანტიის მოქმედების ვადა 30 კალენდარული დღით უნდა აღემატებოდეს ხელშეკრულებით გათვალისწინებული საქონლის მიწოდების ბოლო ვადას (ანუ ცვლილების შესაბამისად 2 ოქტომბერს). წარმოდგენილი საბანკო გარანტიის მიხედვით კი გარანტიის მოქმედების ვადად განსაზღვრულია არაუგვიანეს 2015 წლის 4 ოქტომბერი.

ა(ა)იპ „ ქობულეთის მუნიციპალიტეტის საბავშვო ბაღების გაერთიანების“ 2014 წლის ბალანსში, არასწორად არის აღრიცხული 440,7 ათასი ლარის ღირებულების მატერიალური ფასეულობები.

დაწესებულების მიერ 2015 წლის განმავლობაში საწვავის შეძენაზე გაწეული ხარჯი 2014 წელთან შედარებით შემცირებულია მხოლოდ 238.7 (4.6%) ათასი ლარით, ხოლო რბილი ინვენტარის და უნიფორმის შეძენის და პირად ჰიგიენასთან დაკავშირებული შესყიდვის ხარჯები 2015 წელს 745.8 ათასი ლარით აღემატება წინა წლის ანალოგიურ მაჩვენებელს. აღნიშნული მაჩვენებლები შეუსაბამოა „საბიუჯეტო დეფიციტის მართვის მიზნით გასატარებელი ზოგიერთი ღონისძიების შესახებ“ საქართველოს მთავრობის 2015 წლის 6 მარტის #422 განკარგულებით დაწესებულ შეზღუდვებთან

ა(ა)იპ „ქობულეთის სოფლის წყალში“ ადგილი აქვს ცვეთის არასწორად დარიცხვის ფაქტებს

ზამთრის საცვლების და შალის წინდების შესყიდვის მიზნით 2015 წლის 10 მარტს გამოცხადებულ ელექტრონულ ტენდერის (SPA150007661) შედეგად შპს „კარა ჯორჯია“-სთან 2015 წლის 8 სექტემბერს გაფორმებული #279 ხელშეკრულებაში(ღირებულებით 124.9 ათასი ლარი) 25 დეკემბერს შესული ცვლილებით მოხდა 28.6 ათასი ლარის ავანსად გადარიცხვა მომწოდებლისთვის, მაშინ როცა მაშინ როცა სატენდერო დოკუმენტაციის 3.3.3 პუნქტის თანახმად, წინასწარი ანგარიშსწორება (ავანსი) არ განიხილებოდა.

ა(ა)იპ „ქობულეთის პარკში“ არ ხდებოდა ეკონომიკურ საქმიანობაში გამოყენებული აქტივების, ქონების გადასახადით დაბეგვრა და შესაბამისი ბუღალტრული აღრიცხვა.

2015 წლის 28 აპრილს გამოცხადებულ SPA150012440 ტენდერში (ქამრების, ხელთათმანის და ქუდების შესყიდვა) გამარჯვებულად გამოვლინდა შპს „შტურმი“, რომელთანაც 22 ივლისს ხელშეკრულება გაფორმდა 88.5 ათასი ლარზე. ამავე წლის 15 სექტემბერს (ხელშეკრულების გაფორმებიდან 55 დღის შემდეგ) ხელშეკრულებაში შესული ცვლილებით, ნაცვლად 1000 ერთეული 150 სმ სიგრძის წელის აღჭურვილობის ქამრისა - ერთეულის ღირებულებით 17,50 ლარი, განისაზღვრა 100 ცალი 165 სმ სიგრძის და 900 ცალი 146 სმ სიგრძის ქამრის მიწოდება ერთეულის ღირებულებით 17,00 ლარი. სატენდერო დოკუმენტაციით თავდაპირველად აღნიშნული ქამრის სიგრძე განსაზღვრული იყო არანაკლებ 150 სმ. ამდენად, აღნიშნული სახელშეკრულებო ცვლილება მიზანშეუწონელია.

სახელმწიფო შესყიდვების განხორციელებისას ადგილი აქვს კონკურენციის შეზღუდვის, მონეტარული ზღვრების დაუცველობის, ხარჯთაღრიცხვაში ცვლილებების განხორციელებისას, საავტორო უფლებამოსილების დაუცველობის, სათანადო შეთანხმების გარეშე, გაუთვალისწინებელი ხარჯებისათვის განკუთვნილი თანხების გამოყენების ფაქტებს;

2014-2015 წლებში სასაზღვრო პოლიციასა და სხვადასხვა მომწოდებლებს შორის სახელმწიფო შესყიდვების ფარგლებში გაფორმებული ხელშეკრულებებით ნაკისრი ვალდებულებების შეუსრულებლობასთან დაკავშირებით - საქონლის მიწოდების ვადების დარღვევის გამო გადასახდელი საურავების ჯამური ღირებულება შეადგენდა 59,320.26 ლარს. დაკისრებული საურავები აუდიტის მიმდინარეობისას მიმწოდებლების მიერ არ ყოფილა გადახდილი სახელმწიფო ბიუჯეტში. აღნიშნულთან დაკავშირებით მასალები შემდგომი რეაგირებისთვის გადაცემულია იურიდიული სამსახურისთვის. ხაზგასასმელია ის გარემოება, რომ აუდიტის ობიექტი ბიუჯეტში გადაუხდელი თანხების ბუღალტრულად ასახვას არ აწარმოებდა, რის შედეგადაც ბალანსში აქტივები (სხვა მოკლევადიანი დებიტორული დავალიანებები) წარმოდგენილია ნაკლები ოდენობით.

აუდიტით დადგენილია ქობულეთის მუნიციპალიტეტსა და ი/მ „შალვა მესხიძეს“ შორის, ქალაქ ქობულეთის ტერიტორიაზე არსებული სანიაღვრე არხებისა და სანიაღვრე ჭების მიმდინარე ექსპლუატაციასთან დაკავშირებით გაფორმებული ხელშეკრულებით განსაზღვრული ვალდებულების არასრულად შესრულების ფაქტები;

რიგ შემთხვევებში სატენდერო დოკუმენტაციაშიც და ხელშეკრულებებშიც ჩადებულია შეუსრულებადი მოთხოვნები როგორც მიწოდების ვადებთან (რაც იწვევდა ხელშეკრულებებში ხშირ ცვლილებებს - მიწოდების ვადებთან დაკავშირებული ცვლილებები შესულია აღნიშნული ვადის ამოწურვიდან 1-3 თვის შემდგომ), ასევე ტექნიკურ პირობებთან დაკავშირებით, რაც თვით ექსპერტიზის ბიუროს მიერ ორაზროვნად იქნა გაგებული. მაგ: 2015 წლის 10 მარტს გამოცხადებულ ელექტრონულ ტენდერში (SPA150007659) ტექნიკურ დოკუმენტაციაში საქონლის ძირითად მახასიათებლად მოთხოვნილი იყო „ქსოვილი არანაკლებ 1 მ2 150±3 გრ“. ყველაზე დაბალი ფასის მქონე პრეტენდენტის-შპს "კოლხეთი 2012"-ის მიერ წარმოდგენილ ნიმუშებზე საექსპერტო დასკვნა ორაზროვანია-„იმ შემთხვევაში თუ გათვალისწინებული უნდა იყოს მაჩვენებელი ქსოვილის წონა არანაკლებ 150გრ/მ2 მაისური ჩაითვლება ტექნიკურ პირობასთან შესაბამისად, ხოლო თუ გათვალისწინებული უნდა იყოს 150 ±3 გრ, ამ შემთხვევაში მაისურები ჩაითვლება ტექნიკურ პირობასთან შეუსაბამოდ 1მ2 ქსოვილის წონით“. აღნიშნულ ინტერპრეტაციასთან დაკავშირებით სატენდერო კომისიას არ უმსჯელია და შპს „კოლხეთი 2012“ გამოავლინა გამარჯვებულად.

შპს „სანდასუფთავებასთან“, ქობულეთის მუნიციპალიტეტის ტერიტორიის სანიტარული დასუფთავების მომსახურების შესყიდვის შესახებ გაფორმებული ხელშეკრულების ფარგლებში ადგილი აქვს არასათანადო დოკუმენტაციის საფუძველზე 117,9 ათასი ლარის საბიუჯეტო სახსრების ხარჯვის ფაქტებს.

აუდიტის პერიოდში 14 შემთხვევაში გამოვლინდა მნიშვნელოვანი შეუსაბამობები, შესრულებული სამუშაოების მოცულობების შესახებ სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ მიერ გაცემული დასკვნისა და სატენდერო კომისიის მიერ შედგენილ მიღება-ჩაბარების აქტების მონაცემებს შორის. აღნიშნული შეუსაბამობების საერთო ღირებულება 103,7 ათას ლარს შედგენს. ამასთან ხელშეკრულების მოთხოვნების მიუხედავად, სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ საექსპერტო დასკვნები არ შეიცავაენ ინფორმაციას შესრულებულ სამუშაოთა ხარისხის შესახებ.

ა(ა)იპ „ქობულეთის სოფლის წყალის“ მიერ, 2 ერთეული მაღალი გამავლობის ავტოსატრანსპორტო საშუალებების შესყიდვისას ადგილი აქვს საბიუჯეტო სახსრების არარაციონალური ხარჯვის ფაქტებს;

ქობულეთის მუნიციპალიტეტის გამგეობის მიერ ჩატარებული ინვენტარიზაციის შედეგად, ადგილზე არ აღმოჩნდა 10 დასახელების, 25 ერთეული 32,7 ათასი ლარის საბალანსო ღირებულების ძირითადი საშუალებები. შესაბამისი პასუხისმგებელი პირების განმარტებით, აღნიშნულ ფაქტებთან დაკავშირებით მასალები გადაგზავნილია სამართალდამცავ ორგანოებში, თუმცა აუდიტის პერიოდში შესაბამისი მიმართვები ვერ იქნა წარმოდგენილი.

2014 წლის გადასახდელების საპროგნოზო მოცულობა 36100,6 ათასი ლარით განისაზღვრა. საანგარიშო პერიოდში გადასახდელების სახით გადახდილი თანხების ფაქტიურმა მოცულობამ 29098,2 ათასი ლარი შეადგინა, ანუ საპროგნოზო მაჩვენებლი 80,6 პროცენტით შესრულდა და გეგმის შესრულებას 7002,4 ათასი ლარი დააკლდა.

ფინანსური აუდიტის შედეგად გამოვლინდა, რომ ხელვაჩაურის მუნიციპალიტეტის გამგეობის 2014 წლის ბალანსი არ არის შედგენილი სრულყოფილად, რითაც შეუსრულებელია „ბიუჯეტების დაფინანსებაზე მყოფი ორგანიზაციების ბუღალტრული ანგარიშგების ფორმების დამტკიცების შესახებ“ საქართველოს ფინანსთა მინისტრის 2008 წლის 16 აპრილის N364 ბრძანება, ასევე არასათანადო ყურადღება ეთმობა მუნიციპალიტეტის მიერ დაფუძნებული არასამეწარმეო (არაკომერციული) იურიდიული პირების მიერ ბალანსების შედგენას.

2014 წლის 1 იანვრისთვის 5,801,937 ლარის ბალანსგარეშე ნაშთში არასწორად ირიცხებოდა 2,171,224 ლარის უძრავი ქონება, ხოლო 2014 წლის 31 დეკემბრისთვის 3,274,463 ლარის ბალანსგარეშე ნაშთში - 1,286,859 ლარის უძრავი ქონება, რომლებიც წინა წლებში დარეგისტრირებული აქვთ ადგილობრივ მუნიციპალიტეტებს და სხვა ორგანიზაციებს;

ხელვაჩაურის მუნიციპალიტეტის გამგეობაში საანგარიშო პერიოდში არ არის ჩატარებული ინვენტარიზაცია, რითაც დარღვეულია მოქმედი კანონმდებლობა.

მუნიციპალიტეტის 2014 წლის არაფინანსური აქტივების ზრდის მუხლით გაწეული ხარჯებიდან 11.5 ათასი ლარით არ არის გაზრდილი აქტივების ღირებულება.

გამარტივებული შესყიდვის საშუალებით განხორციელებული სამუშაოების ფაქტობრივი დანახარჯების წარმოუდგენლობის პირობებში, მიმწოდებლებისათვის გადახდილია 58.8 ათასი ლარი.

ხარჯების ნაწილში, შრომის ანაზღაურების მუხლში, არასწორად არის ასახული საჯარო მოსამსახურეთა სამსახურიდან დათხოვნის კომპენსაცია 51.5 ათასი ლარი და ორსულობისა და მშობიარობის გამო ანაზღაურებადი შვებულების ხარჯი 8 574.5 ლარი.

2014-2015 წლებში ჩხოროწყუს მუნიციპალიტეტმა გამარტივებული შესყიდვის საშუალებით, ხელშეკრულებები გაუფორმა საჯარო რეესტრის ეროვნულ სააგენტოში რამდენიმე დღის დარეგისტრირებულ 4 მეწარმე სუბიექტს. აღნიშნულ პირებთან გაფორმებული ხელშეკრულებების ჯამურმა ღირებულებამ 109.2 ათასი ლარი შეადგინა.

„საქართველოს მთავრობის სარეზერვო ფონდიდან აჭარის ავტონომიური რესპუბლიკისათვის თანხის გამოყოფის შესახებ“ საქართველოს მთავრობის 2013 წლის 26 დეკემბრის N2174 განკარგულების შესრულების მიზნით, აჭარის ავტონომიური რესპუბლიკის მთავრობის განკარგულებით ხელვაჩაურის მუნიციპალიტეტს გამოეყო 150 000 ლარი და ქობულეთის მუნიციპალიტეტს - 5 445 7504 ლარი. აღნიშნული თანხების ფარგლებში მუნიციპალიტეტები ვალდებულნი იყვნენ უზრუნველყოთ ციტრუსის შემსყიდველი ფიზიკური ან იურიდიული პირი(ებ)ს მიერ წარმოდგენილი დოკუმენტაციის საფუძველზე, ციტრუსის ჩამბარებელი პირებისათვის, ციტრუსის შემყიდველი პირების მიერ 1 კგ-ზე გადახდილი თანხიდან მიეწოდებინათ 0.15 ლარი.ხელვაჩაურის და ქობულეთის მუნიციპალიტეტებიდან წარმოდგენილი ინფორმაციით ირკვევა, რომ ადგილი ჰქონდა ერთი და იმავე დეკლარაციების საფუძველზე ორივე მუნიციპალიტეტიდან თანხების გაცემას, იმ პირობებში როდესაც საბაჟო დეკლარაციაში მითითებული ციტრუსის წონითი ოდენობა ნაკლებია მათ მიერ ანაზღაურებული ციტრუსის წონის ჯამზე. გამოყოფილი თანხებიდან არამიზნობრივად არის გადახდილი 7.1 ათასი ლარი.

მუნიციპალიტეტმა სხვადასხვა ხელშეკრულების ფარგლებში შეისყიდა 5.5 ათასი ლარის ბეჭდვითი მომსახურება, აღნიშნული ნაცვლად „სუბსიდიის“ მუხლისა, მიეკუთვნება „ოფისის ხარჯების“ მუხლს და ფინანსურ ანგარიშგებაში წარმოდგენილი უნდა იყოს შესაბამის მუხლში.

ხელვაჩაურის მუნიციპალიტეტის ტერიტორიის გარე განათების წერტების ტექნიკური მომსახურების შესყიდვის მიზნით, გამგეობის მიერ გამოცხადებული იქნა გამარტივებული ელექტრონული ტენდერი . შესყიდვაში მონაწილე პრეტენდეტის, შპს „განათების“ მიერ წარმოდგენილი ხარჯთაღრიცხვის თანახმად, რომელიც წარმოადგენს ხელშეკრულების დანართს, 1 120 განათების წერტის ტექნიკური მომსახურების ღირებულება ერთ თვეში შეადგენდა 4.390 ათას ლარს, დღგ-ს ჩათვლით 5.180 ათას ლარს. აუდიტის ობიექტის მიერ წარმოდგენილი დოკუმენტაციით ირკვევა, რომ იანვრის თვეში გადახდილია მთლიანი თვის ანაზღაურება, მიუხედავად იმისა, რომ ხელშეკრულება გაფორმებულია 20 იანვარს და შესაბამისად იანვრის თვეში მომსახურება გაწეული იქნა მხოლოდ 12 დღის განმავლობაში. გამომდინარე აქედან, შემსყიდველის მიერ ზედმეტად არის გადახდილი 3.2 ათასი ლარი.

პროგრამა „კორპუსის“ ფარგლებში, ამხანაგობების თანადაფინანსებით, ქალაქ ქუთაისის მუნიციპალიტეტის მერიამ შეისყიდა 178.8 ათასი ლარის ღირებულების მრავალბინიანი საცხოვრებელი სახლების ეზოების კეთილმოწყობისა და სადარბაზოების შიდა სარემონტო სამუშაოები. საოჯახო მეურნეობებზე გაცემული ფულადი/სასაქონლო ფორმის კაპიტალური ტრანსფერი მიეკუთვნება „სხვადასხვა კაპიტალური ხარჯების“ მუხლს. აღნიშნული ფინანსურ ანგარიშგებაში წარმოდგენილია „სუბსიდიის“ მუხლში, ნაცვლად „სხვადასხვა კაპიტალური ხარჯების“ მუხლისა.

გარე განათების წერტილების ტექნიკური მომსახურების შესყიდვებში გამოვლინდა ბაზრის არასათანადო კვლევის ფაქტები. მუნიციპალიტეტის მიერ სამუშაოთა შესყიდვისას სატენდერო დოკუმენტაციით მოთხოვნილია სამუშაოს შესრულების გეგმა-გრაფიკი, რომლისთვისაც შემდგომში ხელშეკრულებით განსაზღვრულია მისი დარღვევისათვის პირგასამტეხლო. სახელმწიფო შესყიდვების შესახებ ხელშეკრულებების შესრულების გაანალიზებით ირკვევა, რომ შესრულების დროს გეგმა-გრაფიკს არ ექცევა სათანადო ყურადღება და შემსყიდველის მხრიდან არ ხდება მისი მონიტორინგი.

მუნიციპალიტეტმა შეისყიდა საკრებულოსა და მერიისათვის საოფისე სკამები, სავარძლები და სავარძლის ნაწილები, რომელთაგან 3.2 ათასი ლარი მიეკუთვნება გრძელვადიან მცირეფასიან აქტივებს. აღნიშნული მთლიანად წარმოდგენილია „ოფისის ხარჯების“ მუხლში.

მუნიციპალიტეტის ბალანსზე რიცხული აქტივებიდან, 2 382.8 ათასი ლარის ღირებულების აქტივების ინვენტარიზაცია არ არის განხორციელებული.

2015 წელს გაყიდულია 999.8 ათასი ლარის საწყისი ღირებულების შენობა-ნაგებობები და 981.6 ათასი ლარის არაწარმოებული აქტივები, კერძოდ, მიწის ნაკვეთები. არაფინანსური აქტივების მოძრაობა არ არის ასახული ფინანსურ ანგარიშგებაში

    მუნიციპალიტეტის 2014 წლის ფინანსურ ანგარიშგებაში, არაფინანსური აქტივების ზრდის მუხლით გაწეული ხარჯებიდან, 531.0 ათასი ლარით არ არის გაზრდილი აქტივების ღირებულება.

2015 წელს მუნიციპალიტეტმა შეიძინა 1.5 ათასი ლარის სხვადასხვა კომპიუტერული პროგრამა, რომელიც წარმოადგენს არამატერიალურ ძირითად აქტივს. აღნიშნული მონაცემი არ არის ასახული ბალანსის დანართი ფორმა №2-1-ში „ანგარიში არაფინანსური აქტივებით საკასო ოპერაციების შესახებ“.

საბუღალტრო ანგარიშგების ხარჯების ნაწილში, შრომის ანაზღაურების მუხლში, არასწორად არის ასახული ორსულობისა და მშობიარობის გამო ანაზღაურებადი შვებულების ხარჯი 1.1 ათასი ლარი.

2015 წელს მუნიციპალიტეტის მიერ ორი თანამშრომლისათვის არასწორად გადარიცხულია 53.1 ათასი ლარი. აღნიშნული თანხა იმავე თვეს დაუბრუნდა მუნიციპალიტეტს ანგარიშზე, მიუხედავად ამისა, ფინანსურ ანგარიშგებაში წარმოდგენილია „შრომის ანაზღაურების“ მუხლში.

,,საჯარო სამსახურის შესახებ” საქართველოს კანონით გათვალისწინებული მოთხოვნების გაუთვალისწინებლობის გამო, მუნიციპალიტეტის მიერ დამატებით გაწეულია 42.7 ათასი ლარის ხარჯი.

2016 წლის 1 იანვრის მდგომარეობით, მუნიციპალიტეტის მიერ სარგებლობის უფლებით გაცემული ქონებიდან მოიჯარეების მიერ წინასწარ გადახდილმა საიჯარო ქირამ შეადგინა 93.6 ათასი ლარი. მუნიციპალიტეტის მიერ წინასწარ მიღებული თანხას არ არის აღრიცხული და ფინანსურ ანგარიშგებაში წარმოდგენილი „სხვა მოკლევადიანი კრედიტორული დავალიანებები“ მუხლში

საახალწლო-საშობაო ღონისძიების ორგანიზებისათვის მისაწოდებელი ტკბილეულის რაოდენობის გაანგარიშება მოხდა არასწორად. ასევე, მხარეებს შორის გაფორმებულ მიღება-ჩაბარების აქტში არ არის იდენტიფიცირებული 7.1 ათასი ლარის ღირებულების სათამაშოებისა და სხვა ნივთების დასახელება და რაოდენობა, რაც სატენდერო წინადადებით იყო გათვალისწინებული. შესაბამისად, მიმწოდებელზე ზედმეტად არის გადახდილი 7.1 ათასი ლარი.

მუნიციპალიტეტის მიერ წარმოდგენილი მონაცემებით, მუნიციპალიტეტის საკუთრებაში 2015 წელს არსებობდა 470.0 ათას კვ.მ-ზე მეტი არასასოფლო-სამეურნეო დანიშნულების მიწის ნაკვეთები. აღნიშნული აქტივი მუნიციპალიტეტის მიერ არ არის აღრიცხული და წარმოდგენილი ფინანსურ ანგარიშგებაში.

საბაჟო-გამშვები პუნქტების მშენებლობაზე სხვადასხვა სახის სამშენებლო სამუშაოების CPV-კოდის ქვეშ შესყიდულია სხვა კლასიფიკაციის მქონე ძალოვანი დანადგარები, გათბობისა და ვიდეოსამეთვალყურეო სისტემები. აღნიშნული აქტივები ბუღალტრულად მიკუთვნებულია და აღრიცხულია ბალანსის შენობა-ნაგებობების მუხლში და ცვეთის სახით დარიცხულია ღირებულების 1%, მაშინ როცა ისინი თავისი ფუნქციური დანიშნულებისა და მომსახურების ვადებიდან გამომდინარე არ წარმოადგენენ შენობა-ნაგებობების განუყოფელ ნაწილს, ექვემდებარებიან ბალანსის „მანქანა-დანადგარებისა და ინვენტარის“ მუხლში აღრიცხვას და ცვეთის დარიცხვის განსხვავებული ნორმების გამოყენებას.

საქართველოს მთავრობის 2014 წლის 14 იანვრის N55 დადგენილებით დამტკიცებული ტექნიკური რეგლამენტის, ,,სამშენებლო სამუშაოების სახელმწიფო შესყიდვისას, ზედნადები ხარჯებისა და გეგმური მოგების განსაზღვრის წესის“ მე-3 პუნქტით გათვალისწინებული, ფაქტობრივი დანახარჯების წარმოუდგენლობის პირობებში, სხვა ხარჯებისა და არაფინანსური აქტივების ზრდის მუხლით გადახდილია მიმწოდებელზე 124.6 ათასი ლარი.

მერიის ცენტრალურ შესასვლელში პანდუსების მოწყობა, თანხით 22.3 ათასი ლარი, სკვერებში ტრენაჟორების მოწყობა, თანხით 44.7 ათასი ლარი, ასევე 14.2 ათასი ლარის სხვადასხვა საპროექტო სამუშაოები, რომლითაც შეიქმნა მუნიციპალიტეტის ძირითადი აქტივი, ფინანსურ ანგარიშგებაში წარმოდგენილია „სხვადასხვა კაპიტალური“ და „სხვადასხვა მიმდინარე ხარჯების“ მუხლში, ნაცვლად არაფინანსური აქტივების შესაბამისი მუხლისა.

შემოსავლების სამსახურის აუდიტის დეპარტამენტში და სგპ ,,ყაზბეგი"-ში გათბობა-ვენტილაცია-კონდიცირების დამონტაჟების მიზნით შესასყიდი ჩილერების სავარაუდო ღირებულების სწორად განსაზღვრის შემთხვევაში შესაძლებელი იქნებოდა შესაბამისად 45,6 ათასი ლარის და 32.0 ათასი ლარის ეკონომიის მიღწევა.

სამუშაოების ფაქტობრივად შესრულების დამადასტურებელი დოკუმენტების წარმოდგენის გარეშე, შესრულების აქტებში, პროცენტის სახით, ორ შემთხვევაში დამატებულია და გადახდილია მიმწოდებელზე რეზერვი გაუთვალისწინებელი სამუშაოებისათვის 1.9 ათასი ლარი.

2015 წელს შესყიდულია ქალაქის შემოსასვლელის მიმანიშნებელი ფირნიში, თანხით 4.7 ათასი ლარი. აღნიშნული წარმოადგენს მუნიციპალიტეტის აქტივს, ხოლო ფინანსურ ანგარიშგებაში არასწორად წარმოდგენილია „სუბსიდიის“ მუხლში.

სგპ ,,სარფი“-ს სამშენებლო-სამონტაჟო სამუშაოებზე საგარანტიო ვადის განმავლობაში წარმოქმნილი დაზიანებების აღმოფხვრა და შესაბამისი სამუშაოების ჩატარება ევალებოდა გარანტიის გამცემ კომპანიას. საბაჟო გამშვები პუნქტის ადმინისტრაციული შენობის სახურავის მოწყობაზე, კედლების და ჭერის დაზიანებული ნაწილების აღდგენაზე სხვადასხვა კომპანიების მიერ გარანტიის პერიოდში შესრულებულია და შესაბამისად შემოსავლების სამსახურის მიერ დამატებით ანაზღაურებულია სულ 692.2 ათასი ლარის სამუშაოები.

სახანძრო ავტოცისტერნის მიწოდებასთან დაკავშირებით მხარეებს შორის გაფორმებულ მიღება-ჩაბარების აქტში არ არის იდენტიფიცირებული სატენდერო დოკუმენტაციით გათვალისწინებული სხვადასხვა ტიპის ტექნიკური მახასიათებლები.

შუქნიშნის მოწყობის სამუშაოები, თანხით 44.4 ათასი ლარი, წარმოადგენს ორგანიზაციის არაფინანსური აქტივის ზრდის ოპერაციას და უნდა აღირიცხოს „შენობა-ნაგებობების“ შესაბამის მუხლებში, თუმცა ფინანსურ ანგარიშგებაში წარმოდგენილია „სხვა დანარჩენი საქონლისა და მომსახურების“ მუხლში.

ლაგოდეხის საბაჟო გამშვები პუნქტის სამშენებლო სამუშაოების თავისდროულად შეუსრულებლობა და კონსერვაციის პროცესით გაწერილი პირობების გაუთვალისწინებლობა წარმოშობს საბიუჯეტო თანხების არარაციონალურად გახარჯვის რისკს, ხოლო დღეის მდგომარეობით მშენებლობისათვის გახარჯული 1,491.0 ათასი ლარის ხარჯი წარმოადგენს არაეფექტურ ხარჯს.

მუნიციპალიტეტის მიერ კონსოლიდირებული ტენდერის საფუძველზე შეძენილი სტანდარტული პერსონალური კომპიუტერის პარამეტრები, სრულად არ მოიცავს სტანდარტული კომპიუტერების იმ ტექნიკურ სპეციფიკაციებს, რასაც კონსოლიდირებული ტენდერის დოკუმენტაცია ითვალისწინებდა.

ბიუჯეტთან ანგარიშსწორების შედარების აქტის მიხედვით, ქუთაისის მუნიციპალიტეტს 2015 წლის გადასახადების საბოლოო სალდოდ ერიცხება ზედმეტობა 98.8 ათასი ლარის ოდენობით, რაც წარმოდგენილი არ არის "სხვა საგადასახადო აქტივის" მუხლში

ნინოწმინდის ტერიტორიაზე საბაჟო გამშვები პუნქტის მშენებლობაზე გახარჯულია 9,857.5 ათასი ლარი. აღნიშნული სამუშაოების არასწორი დაგეგმვითა და უხარისხოდ შესრულების შედეგად, მისი ექსპლუატაციაში მიღების და შემდგომი ფუნქციონირებისათვის დამატებით გასაწევი ხარჯების ოდენობის შესახებ მტკიცებულებები წარმოდგენილი ვერ იქნა. უხარისხოდ შესრულებული სამუშაოების მიღებისა და ანაზღაურების შედეგად მიყენებული ზარალის და არაეკონომიურად გახარჯული საბიუჯეტო თანხების სრულად დათვლა შესაძლებელი იქნება აღნიშნულ ობიექტზე შემდგომ ეტაპებზე დამატებით შესრულებული სამუშაოებისა და გადახდილი თანხების შესაბამისად. დღეის მდგომარეობით სახურავის მეორედ შეკეთებისა და გამაგრების პროექტის შედგენაზე დამატებით გახარჯულია 333.7 ათასი ლარი.

შუახევის მუნიციპალიტეტის გამგეობის მიერ, „საჯარო სამსახურის შესახებ“ საქართველოს კანონით გათვალისწინებული პროცედურების განუხორციელებლობის გამო, ადგილობრივი ბიუჯეტიდან დამატებით იქნა გაწეული 36.7 ათასი ლარის ხარჯი.

2016 წლის 1-ლი იანვრის მონაცემებით, წინა წლებში დასახლებული ტერიტორიის დასუფთავების მოსაკრებელის სახით მიუღებელია 605,3 ათასი ლარი. თანხა, როგორც მუნიციპალიტეტის კუთვნილი შემოსავლები, მუნიციპალიტეტის მიერ არ არის აღრიცხული და წარმოდგენილი )-„მოთხოვნები ფულად სახსრებსა და მათ ეკვივალენტებზე აქტივების/მომსახურების მიწოდებით“ მუხლში

სახელფასო დანამატების გაცემისას ვერ იქნა წარმოდგენილი შესაბამისი საფუძვლები

შუახევის მუნიციპალიტეტის გამგეობის მიერ, გამარტივებული შესყიდვის საშუალებით განხორციელებული სამშენებლო სამუშაოების სახელმწიფო შესყიდვებზე, 510.7 ათასი ლარის ოდენობის ანგარიშსწორება განხორციელებულია იმ პირობებში, როდესაც მიმწოდებლების მიერ არ არის წარმოდგენილი ინფორმაცია ფაქტობრივი დანახარჯების შესახებ.

წარმოდგენილი ინფორმაციის მიხედვით, 2013 წელს მუნიციპალიტეტის მიერ გაყიდულია არასასოფლო-სამეურნეო დანიშნულების 1511 კვ.მ მიწა, საერთო ღირებულებით - 6.0 ათასი ლარი. აღნიშნული მონაცემი არ არის წარმოდგენილი ფინანსურ ანგარიშგებაში.

2013 წელს ელექტრონულ ტენდერში გამარჯვებულ ი/მ „მორის ყველაძესთან“ დადებულია ხელშეკრულება სახანძრო-სამაშველო ავტოტრანსპორტის მოწოდებაზე, თახით 89.0 ათასი ლარი. იმავე წელს, საბანკო გარანტიის საფუძველზე ი/მ-ის ქვეკონტრაქტორს, ი/მ „ელისო არაბიძეს“, ჩაერიცხა 43.0 ათასი ლარი. პასუხისმგებელი პირის განმარტებით, მიმწოდებელმა ხელშეკრულებით ნაკისრი ვალდებულება ვერ შეასრულა და მიმდინარეობს სასამართლი დავა. 2015 წლის 1 იანვრისათვის მუნიციპალიტეტის დებიტორულ დავალიანებებში ირიცხება ი/მ „ელისო არაბიძე“, თახით 43.0 ათასი ლარი.

სახელმწიფოს მხრიდან სალიცენზიო ფართობის კონტროლის გაუმჯობესების მიუხედავად კონტროლის მექანიზმები არ ატარებს პრევენციულ ხასიათს, არ ხდება რისკის შეფასება და მის საფუძველზე შერჩეული ლიცენზიანტების ყოველწლიური შემოწმება.

„ვალდებულებები მოწოდებიდან და მომსახურებიდან“ მუხლში ირიცხება 292.1 ათასი ლარის საწყისი ნაშთი. აღსანიშნავია, რომ მუნიციპალიტეტმა მიმწოდებლებს თანხა აუნაზღაურა შესრულებული სამუშაოს აქტების მიხედვით. შესაბამისად, სახელშეკრულებო და ფაქტობრივ ღირებულებას შორის სხვაობის ვალდებულებად აღიარება არასწორია.

მუნიციპალიტეტის მიერ 2014 წელს გაცემულია პრემია („წახალისება“) - 185.0 ათასი ლარის ოდენობით, საკრებულოს მიერ პრემიის გაცემასთან დაკავშირებით დებულება შემუშავებული არ არის, იგი გაცემულია საკრებულოს თავმჯდომარის ბრძანების საფუძველზე, როგორც საკრებულოსა და გამგეობის შტატში რიცხულ, ასევე შტატგარეშე (ხელშეკრულებით აყვანილ) თანამშრომლებზე.

აღსანიშნავია, რომ მაკონტროლებელ ორგანოს არ აქვს ბერკეტი, რომლითაც შეძლებს საჭიროების შემთხვევაში ლიცენზიანტის საქმიანობის დროებით შეჩერებას და აირიდებს განმეორებით დარღვევებს.

დასუფთავების მოსაკრებლის ადმინისტრირებას ახდენს შპს „ასპინძის კეთილმოწყობა“. პასუხისმგებელი პირის განმარტებით, ფიზიკური პირებიდან ამოღებული მოსაკრებლის ოდენობამ 2013 წელს შეადგინა 14.4 ათასი ლარი. ადგილობრივ ბიუჯეტში ჩარიცხულია მხოლოდ 3.5 ათასი ლარი, დანარჩენი რჩება შპს „ასპინძის კეთილმოწყობის“ ანგარიშზე. აღნიშნული მოსაკრებელი მთლიანად წარმოადგენს მუნიციპალიტეტის შემოსავალს, 10.9 ათასი ლარი აღიარებული უნდა იყოს მუხლში „სხვა შემოსავლები“.

შტატგარეშე 34 მომუშავე პირზე გაცემულია 8.2 ათასი ლარის პრემია. პრემიები ისეა გაცემული, რომ მათთან გაფორმებულ ხელშეკრულების ანაზღაურების მუხლში წახალისება გათვალისწინებული არ იყო.

თბილისის მერის ბრძანების საფუძველზე ადგილი აქვს კონკრეტულ თანამშრომლებზე წინასწარ, მთელი წლის განმავლობაში დანამატის დანიშვნის ფაქტს, რაც თავისი ყოველთვიური შინაარსიდან გამომდინარე უფრო თანამდებობრივი სარგოს ხასიათს ატარებს ვიდრე დანამატის

2013 წელს ასპინძის მუნიციპალიტეტის საკრებულოს წევრებს, ხარჯის დამადასტურებელი დოკუმენტების წარდგენის გარეშე, სულ მიღებული აქვთ 38.7 ათასი ლარი. აღნიშნული თანხა კლასიფიცირებულია „შრომის ანაზღაურების“ მუხლში. რადგან ხარჯის დამადასტურებელი დოკუმენტაცია არ არის წარმოდგენილი, ვერ დგინდება, რომელი მუხლით უნდა აღირიცხოს გაწეული დანახარჯი.

მუნიციპალიტეტის საკრებულოს თავმჯდომარის ბრძანების საფუძველზე, 10 თანამშრომელზე გაცემულია ხელფასზე დანამატი, სულ თანხით 15.7 ათასი ლარის ოდენობით.

უნებართვო შენობა - ნაგებობების დემონტაჟის სამუშაოებზე სათანადოდ დასაბუთებული გადაწყვეტილების გარეშე, მხოლოდ ფიზიკური პირების მიერ წარმოდგენილი განცხადებების საფუძველზე, შესრულებულია სულ 11.4 ათასი ლარის სადემონტაჟო სამუშაოები. ამასთან, ამ ფიზიკურ პირების მიმართ სამშენებლო სამართალდარღვევის საქმის წარმოება არ დაწყებულა და საქალაქო სამსახურს სამართალდამრღვევისათვის არ მოუთხოვია გაღებული ხარჯების ანაზღაურება

„თანამდებობრივი სარგოს“ მუხლში აღრიცხულია 1 142.8 ათასი ლარი. აღნიშნული, გარდა ხელფასებისა, მოიცავს პრემიას - 67.3 ათას ლარსა და კომპენსაციას - 28.3 ათას ლარს.საბიუჯეტო კლასიფიკაციის მიხედვით, პრემიის სახით გაცემული თანხები უნდა დაკლასიფიცირდეს „პრემიის“ მუხლში, ხოლო თანამშრომლებისათვის სამსახურიდან დათხოვნის კომპენსაციის სახით გადახდილი თანხები „სოციალური უზრუნველყოფის“ მუხლში.

მუნიციპალიტეტის მიერ წარმოდგენილი მონაცემებით, 2014 წელს ტრანსპორტის ხარჯმა შეადგინა 147.5 ათასი ლარი. აქედან, მუნიციპალიტეტის თანამშრომლების პირად საკუთრებაში არსებულ სატრანსპორტო საშუალებებზე გაწეულია 51.9 ათასი ლარის ხარჯი, მათ შორის, საწვავის ხარჯი შეადგენს 46.4 ათას ლარს, რემონტის, სათადარიგო ნაწილებისა და სხვადასხვა ხარჯი კი - 5.5 ათასი ლარია.

2013 – 2014 წლებში ქ. თბილისის მერის ბრძანებებით დამტკიცებული წესის შესაბამისად არ ხდებოდა მკაცრი აღრიცხვის ფორმების გაცემის რეგისტრაციის ჟურნალების წარმოება. ასევე, არ ჩატარებულა მკაცრი აღრიცხვის ფორმების ინვენტარიზაცია , ხოლო 2015 წელს ჩატარებული ინვენტარიზაცია არასრულყოფილია და მისი შედეგები არ გაფორმებულა დადგენილი წესის შესაბამისად. 2011 – 2014 წლებში მიღებული ფორმები ხარჯებში ჩამოწერილია გაცემისთანავე და არა მათი ფაქტიური ხარჯვის შესაბამისად;

მუნიციპალიტეტმა 2013 წელს სახელფასო ფონდიდან სადეკრეტო შვებულებისათვის გასცა 3.4 ათასი ლარი, რაც „სოციალური უზრუნველყოფის“ მუხლს მიეკუთვნება.

ბალანსის მიხედვით, მუნიციპალიტეტს „გადასახდელი საშემოსავლო გადასახადი“ 2014 წლის დასაწყისისა და წლის ბოლოსთვის ერიცხება 19.1 ათასი ლარი. აღნიშნული დავალიანების თანხა არ ედრება საგადასახადო ინსპექციაში მუნიციპალიტეტის პირად ბალანსზე რიცხულ ნაშთებს, რომლებიც წლის დასაწყისისათვის არის 3.2 ათასი ლარი, ხოლო წლის ბოლოს შეადგენს 15.1 ათას ლარს.

2013 წლის 1 იანვრიდან 2015 წლის 1 ივლისამდე პერიოდში, სამშენებლო სამართალდარღვევებზე მიღებული დადგენილებების შესაბამისად, დარიცხული ჯარიმის (საურავის) თანხებზე სააღსრულებლო ფურცლები შედგენილი არ არის და თანხების იძულებით ამოღება - მიქცევის თაობაზე არანაირი რეაგირება არ განხორციელებულა. კერძოდ, ამ პერიოდში იძულებით აღსასრულებლად არ იქნა გადაგზავნილი 50 დადგენილება 468.0 ათასი ლარის საჯარიმო თანხების ამოღებაზე. მიუხედავად ჯარიმის გადაუხდელობის და სამართალდარღვევების ფაქტების აღმოუფხვრელობისა არ იქნა დარიცხული 282.0 ათასი ლარის საურავი და 1,086.0 ათასი ლარის სამმაგი ოდენობის ჯარიმა;

წარმოდგენილი მონაცემების მიხედვით, შტატგარეშე მომუშავეებზე შრომის ანაზღაურების სახით წლის განმავლობაში გაცემულია 53.3 ათასი ლარი. ბალანსის დანართ ფორმა №2-ის „საქონლისა და მომსახურების მუხლში“კი წარმოდგენილია 47.0 ათასი ლარით. სხვაობა - 6.3 ათასი ლარი, არასწორად ასახულია „შრომის ანაზღაურების“ მუხლში.

2012 წელს სახელმწიფო ბიუჯეტიდან გამოყოფილი თანხით მუნიციპალიტეტის მიერ დევნილთა დასახლებაში აშენებულია სახელოვნებო სკოლის შენობა, ღირებულებით 33.3 ათასი ლარი. სკოლა ფუნქციონირებს 2013 წელიდან. ფინანსურ ანგარიშგებაში სახელოვნებო სკოლის შენობა ნაცვლად „შენობა-ნაგებობის“ მუხლისა, აღრიცხულია „დაუმთავრებელი ძირთადი აქტივების“ მუხლში და არ ერიცხება ცვეთა.

ჩადენილი სამშენებლო სამართალდარღვევებისათვის 2013 – 2014 წლებში ამნისტირებულია 160 სუბიექტი. 54 სამართალდამრღვევ სუბიექტს არ აქვს სამშენებლო სამართალდარღვევა გამოსწორებული და მათზე არ არის დარიცხული სამმაგი ოდენობის ჯარიმა - 816.0 ათასი ლარის ოდენობით, მაშინ როდესაც ამნისტირებულ 6 სამართალდამრღვევ სუბიექტზე ზედამხედველობის სამსახურის მიერ დარიცხულია სამმაგი ოდენობის ჯარიმა

ბუღალტრული მონაცემების მიხედვით, მუნიციპალიტეტმა „ოფისის ხარჯების“ მუხლიდან გასწია 20.0 ათასი ლარის ხარჯი, რომლითაც დაფინანსდა ა(ა)იპ „ასპინძის მაცნეს“ მიმდინარე ხარჯი.შესაბამისად, მუნიციპალიტეტის მიერ განხორციელებული ოპერაცია ფინანსურ ანგარიშგებაში წარმოდგენილია არასწორად.

მუნიციპალიტეტის მიერ 2013 წელს შტატგარეშე მომუშავეებზე პრემიის სახით მიცემული ანაზღაურება 5.0 ათასი ლარი „საქონლისა და მომსახურების“ მუხლის ნაცვლად, აღრიცხულია „ხელფასების“ მუხლში. გაცემული პრემიების ოდენობა ნაცვლად 88.0 ათასი ლარისა აღრიცხვულია 83.0 ათასი ლარის ოდენობით, ხოლო შტატგარეშე მომუშავეთა ანაზღაურება 44.2 ათასი ლარის ნაცვლად 39.2 ათასი ლარის ოდენობით.

2013 წლის 1 იანვრიდან 2015 წლის 1 ივლისამდე პერიოდში, 6 - თვიანი ვადის გასვლის შემდეგ, აღსრულების ეროვნულ ბიუროში თანხების იძულებითი წესით ამოღება - მიქცევისათვის გადაგზავნილია სამშენებლო სამართალდარღვევებზე მიღებული 50 დადგენილება თანხით - 427.0 ათასი ლარი

2013 წელს მუნიციპალიტეტმა შეიძინა ბალანსზე რიცხული ავტომანქანების რეცხვის მომსახურება, ღირებულებით 1.3 ათასი ლარი აღნიშნული ნაცვლად „ტრანსპორტის, ტექნიკისა და იარაღის მოვლა-შენახვისა და ექსპლუატაციის ხარჯების“ მუხლისა არასწორად არის წარმოდგენილი "ოფისის ხარჯების" მუხლში.

სსიპ „საქართველოს საკანონმდებლო მაცნესგან“ შეძენილია 3.8 ათასი ლარი ღირებულების მომსახურება, რომელიც გადახდილია „სხვა დანარჩენი საქონელი და მომსახურების“ მუხლიდან, მაშინ, როდესაც ეს ხარჯი მიეკუთნება „ოფისის ხარჯებს“. ანალოგიურად არის აღრიცხული ფინანსურ ანგარიშგებაში ი/მ „მერაბ ბალაშვილისგან შეძენილი ნორმატიული აქტებისა და სხვა ინფორმაციის გაზეთში დაბეჭვდისა და მიწოდების მომსახურება, ღირებულებით 18.0 ათასი ლარი.

ზედამხედველობის საქალაქო სამსახურში სათანადო კონტროლი არ არის დაწესებული განსაკუთრებული სამშენებლო რეგულირების ზონაში განსაზღვრულ ზონებში სამშენებლო სამუშაოების ან მშენებლობის ეტაპის მშენებლობის ნებართვით დადგენილ ვადაში დაუსრულებლობისათვის და ამავე ზონაში(ზონებში) არაფუნქციონირებადი/მიტოვებული შენობა - ნაგებობის განვითარების მიზნით მშენებლობის ნებართვის დადგენილ ვადაში აუღებლობისათვის კანონმდებლობით დადგენილი საჯარიმო სანქციების გამოყენებაზე

2013 წელს მუნიციპალიტეტის მიერ „ოფისის ხარჯების“ მუხლში აღრიცხული არის კომუნალური მომსახურების ღირებულება 5.6 ათასი ლარი. აღნიშნული წარმოადგენს 2012 წლის დეკემბრის ელექტროენერგიის, წყლისა და სხვა მომსახურების ღირებულებას და გადარიცხულია 2013 წელს. შესაბამისად, მისი 2013 წლის ფაქტობრივ ხარჯად აღიარება არასწორია.

შინაგან საქმეთა სამინისტროს ახალგორის რაიონული სამმართველოს მიერ 2012 წლის დეკემბრის თვეში გაწეული ელექტროენერგიისა და ბუნებრივი აირის ხარჯმა შეადგინა 1.1 ათასი ლარი. მუნიციპალიტეტის მიერ აღნიშნული ხარჯი დაფარულია 2013 წელს. შესაბამისად, 2012 წელს გაწეული ფაქტობრივი ხარჯის აღრიცხვა და და ფინანსურ ანგარიშგებაში ასახვა მოხდა 2013 წელს.

2015 წლის დასაწყისიდან 2015 წლის 18 აგვისტომდე პერიოდში ეკოლოგიისა და გამწვანების საქალაქო სამსახური გარემოსათვის მიყენებული ზიანის ოდენობის დადგენას აღარ ახდენდა, რის გამოც ზედამხედველობის საქალაქო სამსახურის მიერ 2015 წელს შედგენილ 22 საველე აქტებით დადგენილ ზიანებზე თანხები დაანგარიშებული არ არის.ზედამხედველობის საქალაქო სამსახურის მიერ 2013 წელს შედგენილი 75 საველე აქტი მხოლოდ აუდიტის მიმდინარეობის პროცესში გადაიგზავნა ეკოლოგიისა და გამწვანების საქალაქო სამსახურში.

ფინანსურ ანგარიშგებაში „ოფისის ხარჯების“ ფაქტობრივ მუხლში არ არის ასახული 5.8 ათასი ლარის ხარჯი. აღნიშნული წარმოადგენს დეკემბრის კომუნალური და სხვა მომსახურების თანხას, რომელიც გადარიცხულია 2014 წელს.

მუნიციპალიტეტის მიერ აღდგომის დღესასწაულზე თანამშრომლებისთვის საჩუქრების შეძენის თანხა 1.3 ათასი ლარის ოდენობით ნაცვლად „სხვა დანარჩენი საქონელი და მომსახურების“ მუხლისა, აღრიცხულია „წარმომადგენლობით ხარჯში“.

მიწის ნაკვეთის უნებართვოდ დაკავებისა ან/და მიწათსარგებლობის უფლების გარეშე სარგებლობისისათვის 5 სამართალდამრღვევ სუბიექტს ადმინისტრაციული სახდელი 10.0 ათასი ლარის ოდენობით დადგენილი ვადის გასვლის შემდგომ განესაზღვრათ. 8.0 ათასი ლარის ოდენობით ჯარიმის გადახდის იძულებით აღსრულების და იმავე ოდენობით საურავის დარიცხვის მიზნით კანონმდებლობის მოთხოვნები სამსახურს არ შეუსრულებია. მითითებულ ფაქტებთან დაკავშირებით სამსახურს 9 შემთხვევაში სამშენებლო სამართალდარღვევის საქმის წარმოება უნდა დაეწყო, რის შედეგადაც თბილისის ბიუჯეტს დამატებით 90.0 ათასი ლარის მიღების საშუალება ექნებოდა;

2013 წლის დეკემბერში მუნიციპალიტეტმა შეისყიდა 4.6 ათასი ლარის საწვავი, რომლის ღირებულება გადარიცხა 2014 წელს. აღნიშნული ფინანსურ ანგარიშგებაში უნდა აღირიცხოს „ტრანსპორტის, ტექნიკისა და იარაღის ექსპლუატაციისა და მოვლა-შენახვის“ ფაქტობრივი ხარჯის მუხლში, რაც მუნიციპალიტეტის მიერ არ განხორციელებულა.

მუნიციპალიტეტის მიერ შეძენილი საწვავი 24.0 ათასი ლარის ოდენობით, ფინანსურ ანგარიშგებაში „სხვა დარჩენილი მატერიალური მარაგების“ ნაცვლად, აღრიცხულია „ფულადი დოკუმენტების“ მუხლში.

მწვანე ნარგავების უკანონოდ გაჩეხვისა და დაზიანების 81 ფაქტზე სამართალდამრღვევის (ვალდებული პირის) და ზიანის ოდენობის დადგენის შემდეგ სამსახურს თვითმმართველობისთვის მიყენებული 229.9 ათასი ლარის ზიანის ანაზღაურების უზრუნველსაყოფად კანონმდებლობის მოთხოვნები არ შეუსრულებია

მუნიციპალიტეტმა წლის მანძილზე შეიძინა მგზავრების გადაყვანის მომსახურება, ღირებულებით 2.9 ათასი ლარი. აღნიშნული ხარჯი ნაცვლად „ტრანსპორტის, ტექნიკისა და იარაღის მოვლა-შენახვისა და ექსპლუატაციის ხარჯების“ მუხლისა არასწორად არის კლასიფიცირებულია „სხვა დანარჩენი საქონლისა და მომსახურების“ მუხლში.

2014 წლის ბოლოს მუნიციპალიტეტს საქართველოს ფინანსთა სამინისტროსაგან გადაეცა 2 კომპიუტერი, ღირებულებით 2.0 ათასი ლარი, რაზედაც შედგენილია მიღება-ჩაბარების აქტი. აქტში არ არის აღნიშნული ქონების გადმოცემის ფორმა. ქონება მუნიციპალიტეტის მიერ აღრიცხულია ბალანსგარეშე საცნობარო მუხლში და არ არის აღრიცხული ბალანსის შესაბამის მუხლში.

თბილისის ტერიტორიაზე ეზოების, სკვერების, ქუჩებისა და მოედნების უნებართვო გადათხრის ფაქტებზე დაჯარიმებული 20 სამართალდამრღვევის მიმართ კანონმდებლობით დადგენილი მოთხოვნების შეუსრულებლობის შედეგად თბილისის ბიუჯეტმა 37.0 ათასი ლარის მიღების შესაძლებლობა დაკარგა. 10 შემთხვევაში სამსახურმა არ გაითვალისწინა ის გარემოება, რომ დარღვევა კულტურული მემკვიდრეობის დაცვის ზონაში იყო ჩადენილი და სამართალსუბიექტებს ადმინისტრაციულ სახდელად 4.0 ათას ლარის ნაცვლად არასწორად 2.0 ათას ლარი განესაზღვრათ. ეს ფაქტორი სამსახურმა ასევე არ გაითვალისწინა თვითმმართველი ერთეულის იერსახის დამახინჯების ფაქტებზე 8 სამართალდარღვევის ოქმის შედგენისას, რამაც სულ 18 შემთხვევაში დადგენილ და კანონის შესაბამისად დასადგენ სახდელის ოდენობებს შორის ჯამში 28.0 ათასი ლარის სხვაობა განაპირობა.

2013 წლის დეკემბერში მუნიციპალიტეტმა შეისყიდა 0.9 ათასი ლარის მომსახურება რომლის ღირებულება გადარიცხა 2014 წელს. აღნიშნული ფინანსურ ანგარიშგებაში უნდა აღირიცხოს „სხვა დანარჩენი საქონლისა და მომსახურების“ ფაქტობრივი ხარჯის მუხლში, რაც მუნიციპალიტეტის მიერ არ განხორციელებულა.

მუნიციპალიტეტის მიერ 2014 წელს შტატგარეშე მომუშავეებზე პრემიის სახით მიცემული ანაზღაურება - 6.3 ათასი ლარი, „საქონლისა და მომსახურების“ მუხლის ნაცვლად, წარმოდგენილია „ხელფასების“ მუხლში . ფინანსურ ანგარიშგებაში გაცემული პრემიები 104.4 ათასი ლარის ნაცვლად წარმოდგენილია 110.7 ათასი ლარი, ხოლო შტატგარეშე მომუშავეთა ანაზღაურება 60.3 ათასი ლარის ნაცვლად - 54.0 ათასი ლარი.

უნებართვო გადათხრისა და სანებართვო პირობების დარღვევის ფაქტებთან დაკავშირებით შედგენილ დათვალიერების 10 ოქმზე სამსახურს სამართალდამრღვევთა მიმართ ადმინისტრაციული წარმოება არ დაუწყია

„ხარჯების ეკონომიკური კლასიფიკაციის მიხედვით“ და „წმინდა ღირებულების შესახებ“ ორგანიზაციის ანგარიშებში „გრანტების“ მუხლში წარმოდგენილია 3 128.9 ათასი ლარი. პასუხისმგებელი პირის განმარტებით, აღნიშნული თანხა არის არაფინანსური აქტივების ზრდის მაჩვენებელი, შესაბამისად, მისი ასახვა „გრანტების“ მუხლში არასწორია.

მუნიციპალიტეტის მიერ 2014 წელს აღდგომის დღესასწაულზე მუნიციპალიტეტის თანამშრომლებისთვის საჩუქრების შეძენისათვის გაწეული ხარჯი 0.7 ათასი ლარის ოდენობით, აღრიცხულია „წარმომადგენლობით ხარჯში“. აღნიშნული თანხის ასახვა უნდა მომხდარიყო „სხვა დანარჩენი საქონელი და მომსახურების“ მუხლში .

სარეზერვო ფონდიდან გამოყოფილი ასიგნებებით დაფინანსებულია არა ახალი ფინანსური ვალდებულებები, არამედ სარეზერვო ფონდიდან თანხის გამოყოფამდე წლის განმავლობაში გაფორმებული ხელშეკრულებებით აღებული ფინანსური ვალდებულებები. სარეზერვო ფონდიდან დამატებით გამოყოფილი ასიგნების გარეშე არსებული ვალდებულებები ვერ დაფინანსდებოდა. აქედან გამომდინარე არასწორი დაგეგმვისა და ასიგნებათა დაუსაბუთებლად გადანაწილებების გამო სარეზერვო ფონდიდან ასიგნების გამოყოფის მომენტამდე არსებული ფინანსური ვალდებულებები აჭარბებდა არსებულ ასიგნებებს, რითაც დარღვეულია კანონმდებლობის მოთხოვნა.

არ შესრულებულა 2013, 2014 წლების და 2015 წლის 6 თვის მერიის ადმინისტრაციის ბიუჯეტის რიგი ხარჯების და პროგრამების მაჩვენებლები;

პასუხისმგებელი პირის განმარტებით, მუნიციპალიტეტს 2014 წელს მისაღები შემოსავლები სასოფლო-სამეურნეო და არასასოფლო-სამეურნეო დანიშნულების მიწების იჯარიდან - 11.4 ათასი ლარი არ მიუღია და არც აღურიცხავს.

მუნიციპალიტეტისათვის ბანერებისა და მოსაწვევების დამზადების, აგრეთვე სხვადასხვა მომსახურების თანხა 0.5 ათასი ლარის ოდენობით, გაწეულია „სხვა დანარჩენი საქონელი და მომსახურებას“ მუხლიდან, მაშინ, როდესაც ისინი მიეკუთნება „ოფისის ხარჯებს“.

შპს „ბათუმის სასწრაფო სამედიცინო დახმარების ცენტრის“ მიერ ადმინისტრაციული შენობისა და მიმდებარე ტერიტორიის, სამშენებლო-სარეაბილიტაციო სამუშაოების შესყიდვის მიზნით, ორ შემთხვევაში, არასრულყოფილი საპროექტო-სახარჯთაღრიცხვო დოკუმენტით გამოცხადებული იქნა გამარტივებული ელექტრონული ტენდერი, საერთო ღირებულებით 80.0 ათასი ლარი. ამავე შესყიდვის პროცესში პრეტენდენტს ფასების ცხრილი წარდგენილი ქონდა 1.5 ათასი ლარით მეტი თანხით. კერძოდ, მის მიერ დაფიქსირებულია, რომ სამუშაოების ღირებულების ჯამი შეადგენს 33.0 ათას ლარს, ხოლო რეალურად, ცალკეულ სამუშაოთა ღირებულების ჯამი შეადგენს 34.5 ათასი ლარს, რომელთან დაკავშირებითაც შემსყიდველის მიერ რეაგირება არ განხორციელებულა.

მთავრობის სარეზერვო ფონდიდან გამოყოფილი თანხიდან ფაქტობრივად არაპირდაპირი გზით 4,500.0 ათასი ლარით დაფინანსებულია არა ინფრასტრუქტურული პროექტები (რისთვისაც თანხა გამოიყო), არამედ „შრომის ანაზღაურების“ მუხლი, ხოლო 700.0 ათასი ლარით - „სოციალური უზრუნველყოფის“ მუხლი, რაც ერთი მხრივ არ შეესაბამება კანონმდებლობით განსაზღვრულ სარეზერვო ფონდების დანიშნულებას (სახელმწიფო ბიუჯეტით გაუთვალისწინებელი გადასახდელების დაფინანსება), ხოლო მეორე მხრივ თანხები გაიხარჯა არადანიშნულებისამებრ.

მერიის ადმინისტრაციაში არასრულყოფილად ხორციელდება არაფინანსური აქტივების ანალიზური აღრიცხვა, არ არის დაცული „ბიუჯეტების დაფინანსებაზე მყოფი ორგანიზაციების ბუღალტრული აღრიცხვის შესახებ“ საქართველოს ფინანსთა მინისტრის 2007 წლის 28 დეკემბერის N1321 ბრძანებით დამტკიცებული ინსტრუქციის მე-5 მუხლის მოთხოვნები, რის გამოც არ არის უზრუნველყოფილი არაფინანსური აქტივების იდენტიფიცირება ბუღალტრულ აღრიცხვასთან. არსრულყოფილად ხორციელდებოდა ქონების, მოთხოვნებისა და ვალდებულებების ინვენტარიზაციები, არ არის დაცული საქართველოს ფინანსთა მინისტრის 2010 წლის 23 ივლისის N605 ბრძანებით დამტკიცებული „საბიუჯეტო ორგანიზაციებში ქონების, მოთხოვნებისა და ვალდებულებების ინვენტარიზაციის ჩატარების წესის“ მოთხოვნები.

მუნიციპალიტეტის მიერ 3.5 ათასი ლარის ღირებულების საგადასახადო აქტივი ბალანსის შესაბამის მუხლში ასახული არ არის.

კერძო აუდიტმა განახორციელა ახალგორის მუნიციპალიტეტის კუთვნილი 3 ავტოსატრანსპორტო საშუალების, სამგზავრო ავტობუსების, შეფასება. აღნიშნული ქონება მუნიციპალიტეტს ერიცხება 2008 წლიდან. კერძო აუდიტის შეფასებით ქონების ღირებულებამ შეადგინა 7.0 ათასი ლარი. ფინანსურ ანგარიშგებაში აღნიშნული ქონების გაფასების თანხა „სხვა მიღებების“ ნაცვლად, ნაჩვენებია „იმავე დონის სახელმწიფო ერთეულებიდან უსასყიდლოდ მიღებულის“ გრაფაში.

შპს „ბათუმის სასწრაფო სამედიცინო დახმარების ცენტრის“ მიერ სასწრაფო დახმარების მაღალი გამავლობის 4 ერთეული სატრანსპორტო საშუალების შესყიდვის მიზნით, გამოცხადებული იქნა გამარტივებული ელექტრონული ტენდერი, სავარაუდო ღირებულებით 180.0 ათასი ლარი. სატენდერო პირობების განსაზღვრა და შემდგომში მასში ცვლილებების შეტანა განხორციელებულია კანონმდებლობის მოთხოვნების შეუსაბამოდ.

მიწის ნაკვეთები ასახული არ იყო სამინისტროს ცენტრალური აპარატის ფინანსურ ანგარიშგებაში 2015 წლის 1 იანვრის მდგომარეობით, რის გამოც ანგარიში N2400 არასწორად იყო წარმოდგენილი.

2013 – 2014 წლებში შესყიდვების სავარაუდო ღირებულებების განსაზღვრისთვის არ ხდებოდა ბაზრის საფუძვლიანი კვლევა, რის გამოც დიდი იყო საბიუჯეტო თანხების არაეკონომიური განკარგვის რისკები. სავარაუდო სატენდერო ღირებულებები ხშირ შემთხვევაში ბევრად აღემატებოდა საბოლოოდ დაფიქსირებულ სატენდერო წინადადების ფასებს.

2014 წელს შესრულებული სამუშაოების ფაქტობრივმა ღირებულებამ ნაცვლად 50.5 ათასი ლარისა, შეადგინა 52.9 ათასი ლარი. სხვაობა 2.4 ათასი ლარი, მუნიციპალიტეტის მიერ აღიარებული უნდა იყოს ვალდებულებად, რაც არ განხორციელებულა.

აუდიტის მიერ განხორციელდა 3 ავტოსატრანსპორტო საშუალების გადაფასება. გადაფასების შედეგად ქონების ღირებულება შემცირებულია 7.0 ათასი ლარით. აღნიშნული თანხა „სხვა ეკონომიკური ნაკადების“ ნაცვლად, ნაჩვენებია „იმავე დონის სახელმწიფო ერთეულებიდან უსასყიდლოდ გაცემის“ გრაფაში.

შპს „ბათუმის სასწრაფო სამედიცინო დახმარების ცენტრს“ 2013 წლის განმავლობაში საკუთრებაში ჰქონდა 23 ერთეული ავტოსატრანსპორტო საშუალება, რომელზედაც წლის განმავლობაში სათადარიგო ნაწილების და შესაბამისი სარემონტო სამუშაოებისათვის გახარჯულია 35.0 ათასი ლარი, მათ შორის ვერ იქნა წარმოდგენილი 6.7 ათასი ლარის ღირებულების საქონლის ხარჯვის დამადასტურებელი დოკუმენტი.

სამინისტროსა და შპს „ნიგი 2009“-ს შორის 2014 წლის 19 მაისს ფართების იჯარებთან დაკავშირებით გაფორმდა 4 ხელშეკრულება. ხელშეკრულებების მოქმედების ვადებად განსაზღვრული იყო 2014 წლის 11 იანვრიდან 31 დეკემბრამდე პერიოდი. შპს „ნიგი 2009“-ს ჯამურად წლის განმავლობაში სახელმწიფო ბიუჯეტში უნდა გადაეხადა 88.5 ათასი ლარი. აღსანიშნავია, რომ კომპანიას აღნიშნული თანხიდან 2015 წლის 1 იანვრის მდგომარეობით ბიუჯეტში გადახდილი არ ჰქონდა არცერთი ლარი. ხელშეკრულებების პირობების მიხედვით ამ თარიღისთვის მას ეკუთვნოდა ასევე საურავის გადახდა 5.4 ათასი ლარის ოდენობით (გადაუხდელი თანხის 0.1% ყოველ ვადაგადაცილებულ დღეზე). დავალიანება შეადგენდა სულ 93.9 ათას ლარს. 2015 წლის 1 სექტემბრის მდგომარეობით დავალიანება საურავის ჩათვლით შეადგენდა 115.4 ათას ლარს. აღნიშნული დავალიანება არც ბუღალტრულად არ იყო აღრიცხული.

2013 წელს თბილისის სატრანსპორტო პარკის განახლებისათვის ავტობუსების შესყიდვაზე გამოცხადებულ ტენდერში არამართლზომიერადაა გამოყენებული პრეტენდენტის მიმართ დისკვალიფიკაციის და ტენდერის შეწყვეტის უფლება.

2013 წელს დადებული ხელშეკრულების ფარგლებში, რომელთა დასრულების ვადაა 2014 წელი, მიმწოდებელმა შეასრულა 1 134.2 ათასი ლარის სამუშაოები. მუნიციპალიტეტმა ფინანსურ ანგარიშგებაში წარმოადგინა მხოლოდ 2014 წელს შესრულებული სამუშაოები, თანხით 956.9 ათასი ლარი.

2014 წელს მუნიციპალიტეტის მიერ შეძენილი 31.3 ათასი ლარი ღირებულების საწვავი, ფინანსურ ანგარიშგებაში „სხვა დარჩენილი მატერიალური მარაგების“ ნაცვლად ნაჩვენებია „ფულადი დოკუმენტების“ მუხლში.

შპს „ბათუმის სასწრაფო სამედიცინო დახმარების ცენტრს“ 2013 წლის საბალანსო მონაცემებით დებიტორად აქვს აღრიცხული შპს „ბიოპოლუსი“, რომლის დავალიანება შეადგენს 4.3 ათას ლარს. ბათუმის სასწრაფოს მხრიდან, გარდა წერილობითი შეტყობინებებისა, არ განხორცილებულა კანონმდებლობით გათვალისწინებული საშუალებების გამოყენება თანხის გადახდის მიზნით.

2013 წლის 16 აგვისტოს სამინისტრომ გამოაცხადა ელექტრონული ტენდერი გარე ტანსაცმლის შესყიდვაზე. შესყიდვის სავარაუდო ღირებულება განისაზღვრა 376.0 ათასი ლარით. სატენდერო კომისიის 2013 წლის 27 სექტემბრის სხდომის N2 ოქმის მიხედვით ყველაზე დაბალი სატენდერო წინადადების მქონე შპს „ანა 2013“ დისკვალიფიცირებული იქნა კანონდარღვევით. სამინისტროს მიერ სატენდერო პროცედურების სრულყოფილად დაცვის შემთხვევაში არსებობდა შესაძლებლობა, რომ დაზოგილი ყოფილიყო საბიუჯეტო სახსრები 46.0 ათასი ლარის ოდენობით.

2013 - 2014 წლებში სატენდერო დოკუმენტაციებში საკვალიფიკაციო მოთხოვნებით ხელოვნურად იზღუდებოდა კონკურენცია და ექმნებოდა უპირატესი მდგომარეობა კონკრეტულ ერთ პრეტენდენტს, რითაც ირღვეოდა „სახელმწიფო შესყიდვების შესახებ“ საქართველოს კანონის მე-2 მუხლის ბ) და გ) პუნქტები.

მუნიციპალიტეტმა 2013 წელს შესრულებული სამუშაოს ღირებულებიდან საგარანტიო ვადის გასვლამდე დააკავა 68.8 ათასი ლარი და გადარიცხა 2014 წელს. აღნიშნული თანხა მიკუთვნებულია 2014 წლის არაფინანსური აქტივის ზრდის ოპერაციას და არასწორად არის წარმოდგენილი „შენობა-ნაგებობების“ მუხლში.

მუნიციპალიტეტის მიერ 2013 წელს ფინანსური ოპერაციების აღრიცხვის მიზნით, სინთეზური და ანალიზური აღრიცხვის დოკუმენტები - მემორიალური ორდერები, ბრუნვათა უწყისები და ე.წ. „მთავარი წიგნი“, ნაწარმოები არ არის. 2013 წლის ფინანსურ ანგარიშგებაში შემოსავლები შეტანილია ბანკიდან მიღებული მონაცემებიდან, ხოლო ფაქტობრივად გაწეული ხარჯები, ბიუჯეტის შესრულების ანგარიშიდან, ძირითადი ქონების ნაშთები აღებულია ჩატარებული ინვენტარიზაციის შედეგებიდან.

შპს „ბათუმის სასწრაფო სამედიცინო დახმარების ცენტრს“, თავისი მიზნების განსახორციელებლად საკუთრებაში გააჩნია ადმინისტრაციული შენობები ქ. ბათუმში, პუშკინის ქუჩა N154 და დასახლება მახინჯაურში. ბათუმის სასწრაფო ასევე სარგებლობს ქ. ბათუმში, ფრიდონ ხალვაშის გამზირი, ჩიხი 16-ე N7-ში მდებარე 165,5 კვ.მ ფართით, რომელიც აჭარის ავტონომიური რესპუბლიკის საკუთრებაა და დღეის მდგომარეობით რაიმე სამართლებრივი ფორმით არ არის გადაცემული ბათუმის სასწრაფოსთვის.

სამინისტრომ ტანსაცმლის შესყიდვის მიზნით 2013 წლის 25 დეკემბერს გამოაცხადა ელექტრონული ტენდერი შესყიდვის სავარაუდო ღირებულებით 583.8 ათასი ლარი. ყველაზე დაბალი სატენდერო წინადადების მქონე შპს „ქოულ გრუპი“ დისკვალიფიცირებული იქნა კანონდარღვევით. სამინისტროს მიერ სატენდერო პროცედურების სრულყოფილად დაცვის შემთხვევაში არსებობდა შესაძლებლობა, რომ დაზოგილი ყოფილიყო საბიუჯეტო სახსრები 75.5 ათასი ლარის ოდენობით.

2013 - 2015 წლებში სახელშეკრულებო მოთხოვნების დარღვევით, შესყიდვებისას არაჯეროვანი ინსპექტირების გამო, გადახდილია ასანაზღაურებელზე მეტი თანხები.

მუნიციპალიტეტის მიერ განხორციელდა 37.1 ათასი ლარის ისეთი საპროექტო მომსახურების შესყიდვა, რომლის საშუალებით შეიქმნა მუნიციპალიტეტის ძირითადი ქონება. აღნიშნული ნაცვლად არაფინანსური აქტივებისა წარმოდგენილია „სხვა დანარჩენი საქონლისა და მომსახურების“ მუხლში.

ფინანსურ ანგარიშგებაში „მიმდინარე ანგარიში ბანკში ეროვნულ ვალუტაში“ მუხლში, ნაშთი 2013 წლის 1 იანვრის მდგომარეობით ნაჩვენებია 375.4 ათასი ლარის ოდენობით. ბანკის ამონაწერებით, ამ პერიოდისათვის საბანკო ანგარიშზე არსებული თანხის ნაშთი შეადგენდა 377.6 ათას ლარს. ნაშთი შემცირებულია და ნაჩვენებია 2012 წლის ბოლოს მიღებული შემოსავლით - 2.2 ათასი ლარით, რომელიც წარმოადგენს მუნიციპალიტეტის ანგარიშის თავისუფალ ნაშთზე ბანკის მიერ დარიცხულ სარგებელს - პროცენტს. აღსანიშნავია, რომ აღნიშნული თანხა მუნიციპალიტეტის ანგარიშზე ჩაირიცხა სახელმწიფო ხაზინის გვერდის ავლით.

2014 წლის 14 ივნისს სამინისტრომ ტანსაცმლის შესყიდვის მიზნით კვლავ გამოაცხადა ელექტრონული ტენდერი შესყიდვის სავარაუდო ღირებულებით 860.0 ათასი ლარი. ყველაზე დაბალი სატენდერო წინადადების მქონე შპს „ოლბერი“ დისკვალიფიცირებული იქნა კანონდარღვევით. სამინისტროს მიერ სატენდერო პროცედურების სრულყოფილად დაცვის შემთხვევაში არსებობდა შესაძლებლობა, რომ დაზოგილი ყოფილიყო საბიუჯეტო სახსრები 134.0 ათასი ლარის ოდენობით.

2013 - 2014 წლებში, სათანადო დასაბუთების გარეშე, მერიის 100%-იანი წილობრივი მონაწილეობით დაფუძნებული ოთხ შპს - ში შექმნილი იყო 11 წევრიანი სამეთვალყურეო საბჭოები, სულ 44 წევრი, თითოეულისთვის თვეში - 2500 ლარიანი ხელფასით, რისთვისაც მერიის ადმინისტრაციის ასიგნებებიდან გახარჯულია 1,272,750 ლარი.

მუნიციპალიტეტმა 9.2 ათასი ლარის ღირებულების გზის მოხრეშვისა და გაწმენდის სამუშაოები ნაცვლად „შენობა-ნაგებობების“ მუხლისა აღრიცხა „სხვა დანარჩენი საქონლისა და მომსახურების“ მუხლში.

მუნიციპალიტეტმა დევნილთა სხვადასხვა დასახლებაში წყალმომარაგების გაუმჯობესების მიზნით შეიძინა წყლის ტუმბოები ღირებულებით - 2.4 ათასი ლარი. აღნიშნული თანხები ფინანსურ ანგარიშგებაში ასახულია „სხვადასხვა ხარჯების“ მუხლში. მუნიციპალიტეტის მიერ შეძენილი ქონება არაფინანსურ აქტივად აღიარება არ მოხდა.

ტენდერების საშუალებით შესყიდვების განხორციელებისას ცალკეულ შემთხვევებში სატენდერო დოკუმენტაციებში შესასყიდი საქონლის აღწერისას მითითებული იყო ისეთი პარამეტრები, რომელთა სიდიდეების მკაცრ ჩარჩოებში მოქცევა, ან საერთოდ არ წარმოადგენდა აუცილებლობას და აკმაყოფილებდა მხოლოდ კონკრეტული პრეტენდენტის ინტერესებს. ასეთ პირობებში ტენდერებში მონაწილეობას ღებულობდა მხოლოდ ერთი პრეტენდენტი, რითაც ავტომატურად გამოირიცხებოდა კონკურენცია და ფასის კლება. აღნიშნული პრეტენდენტი ტენდერებში იმარჯვებდა შესყიდვის სავარაუდო ღირებულების ტოლი სატენდერო წინადადების ღირებულებით, რაც არ უზრუნველყოფს საბიუჯეტო სახსრების რაციონალურ ხარჯვას.

2013 და 2014 წელს პრემიების გაცემისას არ არის დაცული თბილისის მთავრობის 2006 წლის 14 მარტის N05.11.128 დადგენილებით დამტკიცებული “ქ.თბილისის ადგილობრივი თვითმმართველობის ორგანოების საჯარო მოსამსახურეთა პრემირების წესის“ მოთხოვნები.

მუნიციპალიტეტის მიერ ახალციხის ტაო-კლარჯეთის ეპარქიისათვის გადარიცხული 25.0 ათასი ლარი, მიეკუთვნება ხარჯებს და წარმოდგენილია არასწორად „შენობა-ნაგებობების“ მუხლში.

მუნიციპალიტეტის მიერ 2013 წლის დეკემბრის თვეში შპს „ლუკოილ ჯორჯიასაგან“ შეძენილი საწვავის ღირებულება - 2.4 ათასი ლარი, ანაზღაურებულია 2014 წლის იანვარში. ამდენად, 2014 წლის 1 იანვრისათვის აღნიშნული თანხა წარმოდგენილი უნდა იყოს ვალდებულებების სახით, რაც მუნიციპალიტეტის მიერ არ მომხდარა.

ქ. ფოთის იუსტიციის სახლის სამშენებლო სამუშაოების შესყიდვის მიზნით გამოცხადებულ ელექტრონულ ტენდერში სატენდერო დოკუმენტაციით არააუცილებელი, არასაჭირო და შემზღუდავი მოთხოვნების დაწესებით კანონმდებლობის დარღვევით დისკვალიფიცირებული იქნა დაბალი სატენდერო წინადადების ფასის მქონე პრეტენდენტი (შპს „კუნძული“) და გამარჯვებულად გამოცხადდა მაღალი სატენდერო წინადადების ფასის მქონე შპს „პრიზმა“, რის შედეგადაც ზედმეტად გაიხარჯა 267.5 ათასი ლარი.

2013, 2014 წლებში დანამატები გაცემულია „საჯარო სამსახურის შესახებ“ საქართველოს კანონის 37-ე მუხლის პირველი პუნქტის და „საქართველოს 2013 წლის სახელმწიფო ბიუჯეტის შესახებ“ და „საქართველოს 2014 წლის სახელმწიფო ბიუჯეტის შესახებ“ საქართველოს კანონების 22-ე მუხლის მე-4 პუნქტის მოთხოვნების დარღვევით, ასევე 2013, 2014 წლებში და 2015 წლის 6 თვეში დანამატების გაცემისას, საქართველოს ფინანსთა მინისტრის 2010 წლის 25 აგვისტოს N672 ბრძანებით დამტკიცებული “საბიუჯეტო კლასიფიკაციით” განსაზღვრული დანამატის ცნების გაუთვალისწინებლად, დანამატის გაცემის დასაბუთებების გარეშე ადგილი აქვს თანამშრომლებზე წლის დასაწყისში წინასწარ, მთელი წლის განმავლობაში დანამატის დანიშვნის ფაქტებს, რაც თავისი ყოველთვიური შინაარსიდან გამომდინარე უფრო თანამდებობრივი სარგოს ხასიათს ატარებს ვიდრე დანამატისას.

მუნიციპალიტეტმა შეისყიდა ომში დაღუპულ გმირთა მემორიალის დადგმის სამუშაოები, ღირებულებით 2.3 ათასი ლარი და ასახა „სოციალური უზრუნველყოფის“ მუხლში, მიუხედავად იმისა, რომ სამუშაო მიეკუთვნება არაფინანსურ აქტივებს.

მუნიციპალიტეტის მიერ 2013 წელს ხელფასის სახით გაწეულია 1006.8 ათასი ლარის ხარჯი, აქედან, 753.4 ათასი ლარი - თანამდებობრივი სარგო, ხოლო პრემია - 253.4 ათასი ლარი. ფინასურ ანგარიშგებაში პრემიისა და შესაბამისად, ხელფასების ხარჯი 0.5 ათასი ლარით ნაკლებია ნაჩვენები. აღიშნული თანხით გაზრდილია შტატგარეშე მომუშავეთა ანაზღაურება.

შპს "ქ. ბათუმის ინფექციური პათოლოგიის, შიდსისა და ტუბერკულოზის რეგიონალური ცენტრის" მიერ არ არის დაცული საქართველოს შრომის, ჯანმრთელობისა და სოციალური დაცვის მინისტრის ბრძანებით განსაზღვრული სამკურნალო დიეტების, ერთ ავადმყოფზე დღეში დადგენილი პროდუქტების საშუალო მოხმარებისა და სტაციონალური მკურნალობის საწოლდღის ხარჯთაღრიცხვით გათვალისწინებული ნორმები. ნორმებთან შედარებით გახარჯული საკვები პროდუქტების რაოდენობა, მათი მიზნობრივი გამოყენების თვალსაზრისით მნიშვნელოვან რისკზე მიუთითებს.

2012 წლის 2 აგვისტოს სსიპ აღსრულების ეროვნულ ბიუროსა და შპს „ანაგს“ შორის გამარტივებული შესყიდვის საშუალებით სახელმწიფო შესყიდვის მიზნით გაფორმდა ხელშეკრულება N213 ღირებულებით 1,452.1 ათასი ლარი. ხელშეკრულების საგანს წარმოადგენდა ქ. ლაზიკის იუსტიციის სახლის გათბობის, ვენტილაციის, წყალგაყვანილობის, სახანძრო, ელექტროობისა და სუსტი დენების მოწყობის სამუშაოები. ხარჯთაღრიცხვაში არსებული არითმეტიკული შეუსაბამობის და მოგების კანონმდებლობის დარღვევით დარიცხვის შედეგად სამუშაოების ღირებულება გაზრდილია და ზედმეტად გადახდილია 73.3 ათასი ლარი.

2014 წელს მერიის ადმინისტრაციის მიერ ვერ იქნა უზრუნველყოფილი კონკურსის დროულად ჩატარება, რითაც არ იქნა დაცული ,,საჯარო სამსახურის შესახებ“ საქართველოს კანონის 30 მუხლის მე-2 პუნქტით გათვალისწინებული მოთხოვნები. შედეგად, მერიის ადმინისტრაცის 41, კეთილმოწყობის სამსახურის 33 და ზედამხედველობის სამსახურის 59 დროებით მოვალეობის შემსრულებლები დანიშვნისა და კონკურსის გავლის გარეშე მუშაობდნენ თვენახევარის განმავლობაში.

2014 წელს ასპინძის მუნიციპალიტეტს ეკონომიკისა და მდგრადი განვითარების სამინისტრომ გადასცა 27.6 ათასი ლარის ღირებულების შენობა-ნაგებობები, რომელიც ფინანსურ ანგარიშგებაში არ არის წარმოდგენილი.

2013 წლის 10 აპრილს შპს „ულტრასთან“ გაფორმებული ხელშეკრულებით (№24) შეძენილია 3.1 ათასი ლარის ღირებულების კომპიუტერები, რომლებიც წარმოადგენს ძირითად აქტივს. აქედან, 1.8 ათასი ლარის აქტივის შეძენა მუნიციპალიტეტმა განახორციელა ოფისის ხარჯებიდან, მაშინ როცა ის წარმოადგენს არაფინანსური აქტივების ზრდას. კომპიუტერები მთლიანი ღირებულებით აღებულია ძირითად აქტივებში. ამდენად, 1.8 ათასი ლარის კომპიუტერების შეძენა, ნაცვლად „არაფინანსური აქტივების ზრდის“ საკასო ხარჯისა, ასახულია „ოფისის“ საკასო ხარჯში.

შპს „ქ. ბათუმის ინფექციური პათოლოგიის, შიდსისა და ტუბერკულოზის რეგიონალური ცენტრის“ მიერ 2013 წელს ქონების გადასახადით არ არის დაბეგრილი ეკონომიკურ საქმიანობაში გამოყენებული ძირითადი საშუალებები.

2012 წლის 16 მაისს სსიპ აღსრულების ეროვნულ ბიუროსა და შპს „ანაგს“ შორის გამარტივებული შესყიდვის საშუალებით სახელმწიფო შესყიდვის მიზნით გაფორმდა ხელშეკრულება N134 ღირებულებით 7,871.6 ათასი ლარი. ხელშეკრულების საგანს წარმოადგენდა ქ. ლაზიკის იუსტიციის სახლის სამშენებლო-სარემონტო სამუშაოები. ხარჯთაღრიცხვებში მანქანა-მექანიზმების ქირავნობის ღირებულებებზე ზედნადები ხარჯების და მოგების კანონმდებლობის მოთხოვნების დარღვევით დარიცხვის შედეგად სამუშაოების ღირებულება გაზრდილია და ზედმეტად გადახდილია 143.7 ათასი ლარი.

საწვავის ხარჯვის ლიმიტები არ იყო დასაბუთებული

ფინანსურ ანგარიშგებაში წარმოდგენილი არ არის ინფორმაცია მუნიციპალიტეტის საკუთრებაში არსებული სასოფლო-სამეურნეო და არასასოფლო-სამეურნეო დანიშნულების მიწების შესახებ, საერთო ღირებულებით 760.1 ათასი ლარი.

მუნიციპალიტეტის მიერ გაწეული ოფისის ფაქტობრივი ხარჯი შეადგენს 34.4 ათას ლარს, ფინანსურ ანგარიშგებაში ნაჩვენებია 32.9 ათასი ლარი, ანუ 1.5 ათასი ლარით ნაკლები.

ერთობლივი შემოსავლიდან არასწორადაა გამოქვითული 1.0 ათას ლარამდე ღირებულების ძირითადი აქტივები, რის გამოც 2013 წლის გამოქვითვები შესამცირებელია 3.5 ათასი ლარით.

ქ. თბილისის იუსტიციის სახლის ავტოსადგომის მოპირკეთების სამუშაოების შესყიდვის მიზნით 2013 წლის 6 სექტემბერს ბიუროსა და შპს „აგრომშენსერვისს“ შორის გაფორმდა ხელშეკრულება N117 ღირებულებით 989.0 ათასი ლარი. ხარჯთაღრიცხვებში შრომის ანაზღაურების ღირებულების კანონმდებლობის დარღვევით გაზრდის შედეგად სამუშაოების ღირებულება გაზრდილია და ზედმეტად გადახდილია 137.9 ათასი ლარი.

ვალდებულებების მუხლში საწყის ნაშთად ნაცვლად 292.1 ათასი ლარისა, წარმოდგენილი უნდა იყოს 2013 წელს ფაქტობრივად შესრულებული სამუშაოების ღირებულება 80.1 ათასი ლარი, რომელიც მუნიციპალიტეტმა გადარიცხა 2014 წელს.

მუნიციპალიტეტის საკუთრებაში არსებული მსუბუქი ავტომანქანების დაზღვევის ღირებულება - 1.5 ათასი ლარი , ასახულია ტრანსპორტის ხარჯებში, მაშინ, როდესაც ის მიეკუთვნება „სხვა ხარჯებს“ და წარმოადგენს „სხვადასხვა მიმდინარე ხარჯებს“.

ცენტრის მიერ ვერ იქნა წარმოდგენილი შესყიდვის განხორციელების მიზნებისათვის ბაზრის გამოკვლევის ამსახველი რაიმე დოკუმენტური სახის მტკიცებულება.

ქ. თბილისის იუსტიციის სახლის ტერიტორიაზე ავტოსადგომის მოწყობის სამუშაოების შესყიდვის მიზნით ბიუროსა და შპს „ნიუ კონსტრაქშენს“ შორის 2012 წლის 14 თებერვალს გაფორმდა ხელშეკრულება N53 ღირებულებით 9,650.0 ათასი ლარი. ხარჯთაღრიცხვაში არსებული არითმეტიკული შეუსაბამობის შედეგად სამუშაოების ღირებულება გაზრდილია და ზედმეტად გადახდილია 195.4 ათასი ლარი.

ვალდებულებების მუხლის საბოლოო ნაშთში ნაცვლად 403.9 ათასი ლარისა, წარმოდგენილი უნდა იყოს 2014 წელს ფაქტობრივად შესრულებული სამუშაოების ღირებულება 6.1 ათასი ლარი, რომელიც მუნიციპალიტეტმა გადარიცხა 2015 წელს.

სხვადასხვა ღონისძიებებზე მოსახლეობის გადაყვანისათვის ტრანსპორტის დაქირავების ხარჯები 4.3 ათასი ლარის ოდენობით , ნაცვლად ტრანსპორტის ხარჯის მუხლში ასახვისა, წარმოდგენილია „სხვა დანარჩენი საქონელი და მომსახურების“ მუხლში.

წარმოდგენილი ინფორმაციის შესაბამისად, 2013 წელს დასრულებული ხელშეკრულების ამსახველი დოკუმენტაცია არ არის ატვირთული სახელმწიფო შესყიდვების ერთიან ელექტრონულ სისტემაში.

2012 წლის 23 აგვისტოს სსიპ აღსრულების ეროვნულ ბიუროსა და შპს „ანაგი თბილისს“ შორის გაფორმდა ხელშეკრულება N232 ღირებულებით 1,049.2 ათასი ლარი. ხელშეკრულების საგანს წარმოადგენდა ქ. თბილისის იუსტიციის სახლის შიდა მოპირკეთების სამუშაოები. ხარჯთაღრიცხვებში ცალკეული მასალების ღირებულებების და ქვეკონტრაქტორების მიერ შესრულებული სამუშაოების ფაქტობრივ ხარჯებთან შედარებით გაზრდილად წამოდგენის შედეგად სამუშაოების ღირებულება გაზრდილია და ზედმეტად გადახდილია 35.7 ათასი ლარი.

მუნიციპალიტეტის მიერ "სხვა შემოსავლების" მუხლში ასახული არ არის დასუფთავების ადმინისტრირებიდან მიღებული შემოსავალი - 14.6 ათასი ლარის ოდენობით.

მუნიციპალიტეტის საკუთრებაში არსებულ სატრანსპორტო საშუალებებზე გაწეულმა ფაქტობრივმა ხარჯმა შეადგინა 44.6 ათასი ლარი, ფინანსურ ანგარიშგებაში კი ნაჩვენებია 42.1 ათასი ლარი.

აუდიტის პერიოდში წარმოდგენილი დოკუმენტაციით ვერ დგინდება მიმწოდებლის მიერ სატენდერო მოთხოვნით გათვალისწინებული ვალდებულებების დროულად შესრულების მდგომარეობა, რაც ხელშეკრულებების პირობების გათვალისწინებით საჯარიმო სანქციის გამოყენებას განაპირობებს და რომელიც საზოგადოების შემოსავლის კატეგორიას განეკუთვენება.

მუნიციპალიტეტის მიერ „თანამდებობრივი სარგოს“ მუხლში აღრიცხულია კომპენსაცია 38.8 ათას ლარის ოდენობით, რომელიც უნდა აისახოს „სოციალური უზრუნველყოფის“ მუხლში.

მუნიციპალიტეტის მიერ ბანკისათვის გადახდილი მომსახურების თანხა 1.0 ათასი ლარის ოდენობით, აღრიცხულია „პროცენტის“ მუხლში, მაშინ როდესაც იგი მიეკუთნება„სხვა დანარჩენი საქონელი და მომსახურების“ მუხლს.

მედიკამენტებისა და სხვა სამედიცინო საშუალებების მიწოდებაზე გაფორმებული ხელშეკრულებების შესრულების შესახებ წარმოდგენილი დოკუმენტებით, ვერ დადგინდა აღნიშნული ხელშეკრულებების შესრულების მდგომარეობა. კერძოდ, სასაქონლო ზედნადებებში არ არის აღნიშნული იმ ხელშეკრულების ნომერი, რომლის ფარგლებშიც იქნა მიწოდებული საქონელი. ამასთან, საბუღალტრო მონაცემებში პროდუქციის მიღების აღრიცხვა არ ხდება ხელშეკრულებების შესაბამისად, რის გამოც მოპოვებული აუდიტორული მტკიცებულების საფუძველზე, აუდიტის ჯგუფმა ვერ მიიღო სათანადო რწმუნება 2013 წელს მედიკამენტებისა და სხვა სამედიცინო საშუალებების მიწოდების შესახებ გაფორმებული 303.0 ათასი ლარის ღირებულების 16 ხელშეკრულების შესრულების კანონიერებასთან დაკავშირებით.

ასპინძის მუნიციპალიტეტმა 2014 წელს სახელფასო ფონდიდან სადეკრეტო შვებულებისათვის გასცა 0.9 ათასი ლარი, რაც „სოციალური უზრუნველყოფის“ მუხლს მიეკუთვნება.

მუნიციპალიტეტმა 2014 წელს მოხდა დევნილთა დასახლებაში გადახურა სახლების სახურავებით გადახურვა, აგრეთვე სხვადასხვა პროექტების შეძენა, ღირებულებით - 28.7 ათასი ლარი. აღნიშნული თანხები ფინანსურ ანგარიშგებაში ასახულია „სხვადასხვა ხარჯების“ მუხლში. მუნიციპალიტეტს უნდა მოეხდინა შესრულებული სამუშაოების, ქონებისა და პროექტების არაფინანსურ აქტივად აღიარება და შემდეგში მათი გადაცემა საქართველოს კანონმდებლობით განსაზღვრული წესით.

მუნიციპალიტეტის მიერ "ოფისის ხარჯების" მუხლში 2014 წლის ფაქტობრივ ხარჯად არასწორად არის აღრიცხული 2013 წლის დეკემბრის ხარჯი 5.8 ათასი ლარის ოდენობით, რომელიც გადარიცხულია 2014 წელს.

მუნიციპალიტეტმა დევნილთა სხვადასხვა დასახლებაში შეიძინა 2.9 ათასი ლარის ღირებულების წყლის ტუმბოები. აღნიშნული თანხები ფინანსურ ანგარიშგებაში ასახულია „სხვადასხვა ხარჯების“ მუხლში. მუნიციპალიტეტს უნდა მოეხდინა შეძენილი ქონების არაფინანსურ აქტივად აღიარება და შემდეგში მათი გადაცემა საქართველოს კანონმდებლობით განსაზღვრული წესით.

ფინანსურ ანგარიშგებაში „ოფისის ხარჯების“ ფაქტობრივ მუხლში არ არის ასახული 2014 წლის დეკემბრის ხარჯი 3.7 ათასი ლარის ოდენობით, რომელიც გადარიცხულია 2015 წელს.

მუნიციპალიტეტის მიერ შეძენილია ინვენტარი, ავეჯი, სხვადასხვა ტექნიკა, სულ ღირებულებით 7.2 ათასი ლარი. აღნიშნული თანხები ფინანსურ ანგარიშგებაში ასახულია „ოფისის ხარჯების“ მუხლის საკასო ხარჯში, ხოლო ქონება აღებულია შემოსავალში, როგორც ძირითადი აქტივი. აღნიშნული ქონების შეძენა წარმოადგენს არაფინანსური აქტივის ზრდის ოპერაციებს და ეს ხარჯი უნდა გაწეულიყო „არფინანსური აქტივების ზრდის“ მუხლით.

მუნიციპალიტეტის მიერ ბალანსზე რიცხული ავტომანქანების რეცხვის მომსახურების თანხა 1.3 ათასი ლარის ოდენობით, ნაცვლად „ტრანსპორტის, ტექნიკისა და იარაღის მოვლა-შენახვისა და ექსპლუატაციის ხარჯების“ მუხლისა, წარმოდგენილია „ოფისის ხარჯების“ მუხლში.

მუნიციპალიტეტის მიერ 2014 წლის დეკემბრის თვეში შპს „ლუკოილ ჯორჯიასაგან“ შეძენილი 2.0 ათასი ლარის ღირებულების საწვავი ანაზღაურებულია 2015 წლის თებერვალში. ამდენად, 2015 წლის 1 იანვრისათვის აღნიშნული თანხა უნდა აღრიცხულიყო ვალდებულებებში, რაც მუნიციპალიტეტის მიერ არ მომხდარა. ასევე არ არის წარმოდგენილი წლის დასაწყისათვის არსებული კრედიტორული დავალიანების ნაშთი 2.4 ათასი ლარის ოდენობით.

მუნიციპალიტეტის მიერ მგზავრების გადაყვანასთან დაკავშირებით გაწეული ხარჯიდან, 0.9 ათასი ლარი ნაცვლად „ტრანსპორტის, ტექნიკისა და იარაღის მოვლა-შენახვისა და ექსპლუატაციის ხარჯების“ მუხლისა, წარმოდგენილია „წარმომადგენლობითი ხარჯების“ მუხლში.

2014 წელს ფინანსურ ანგარიშგებაში ხელფასების სახით გაწეულია 1 028.4 ათასი ლარის ფაქტობრივი ხარჯი, აქედან, თანამდებობრივი სარგო - 778.5 ათასი ლარი, ხოლო პრემია - 249.9 ათასი ლარი. მუნიციპალიტეტის მიერ წარმოდგენილი ინფორმაციით, თანამდებობრივმა სარგომ შეადგენა 776.8 ათასი ლარი და პრემიამ - 251.6 ათაი ლარი.

2013 წლის დეკემბერში მუნიციპალიტეტმა შეისყიდა 4.6 ათასი ლარის საწვავი, რომლის ღირებულება გადარიცხა 2014 წელს. აღნიშნული ხარჯი არასწორად არის წარმოდგენილი 2014 წლის ფინანსურ ანგარიშგებაში „ტრანსპორტის, ტექნიკისა და იარაღის ექსპლუატაციისა და მოვლა-შენახვის“ ფაქტობრივ მუხლში.

2014 წელს მუნიციპალიტეტის მიერ თანამშრომლებისათვის ანაზღაურებული საავადმყოფო ფურცლის თანხები 7.4 ათასი ლარის ოდენობით, გაცემულია „ხელფასების“ მუხლიდან. აღნიშნული ხარჯები გაწეული უნდა ყოფილიყო „სოციალური უზრუნველყოფის“ მუხლიდან.

2013 წლის დეკემბერში მუნიციპალიტეტმა შეისყიდა 0.9 ათასი ლარის მომსახურება, რომლის ღირებულება გადარიცხა 2014 წელს. აღნიშნული თანხა არასწორად არის წარმოდგენილი ფინანსურ ანგარიშგებაში „სხვა დანარჩენი საქონლისა და მომსახურების“ ფაქტობრივ მუხლში.

მუნიციპალიტეტის საკუთრებაში არსებული მსუბუქი ავტომანქანების დაზღვევის ღირებულება 3.3 ათასი ლარი , ასახულია ტრანსპორტის ხარჯებში, მაშინ როდესაც ის მიეკუთნება „სხვა ხარჯებს“ და წარმოადგენს „სხვადასხვა მიმდინარე ხარჯებს“.

მუნიციპალიტეტის მიერ წლის მანძილზე მგზავრების გადაყვანასთან დაკავშირებით გაწეული ხარჯიდან, 0.5 ათასი ლარი ნაცვლად ტრანსპორტის, ტექნიკისა და იარაღის მოვლა-შენახვისა და ექსპლუატაციის ხარჯების“ მუხლისა კლასიფიცირებულია „სხვა დანარჩენი საქონლისა და მომსახურების“ მუხლში.

2014 წელს სხვადასახვა ღონისძიებებზე მოსახლეობის გადაყვანისათვის ტრანსპორტის დაქირავების ხარჯები - 1.8 ათასი ლარი , ტრანსპოტის ხარჯის ნაცვლად ასახულია „სხვა დანარჩენი საქონელი და მომსახურებაში“.

2014 წელს ასპინძის მუნიციპალიტეტის საკრებულოს წევრებს ხარჯის ანაზღაურების სახით სულ მიღებული აქვთ 43.2 ათასი ლარი. აღნიშნული თანხა კლასიფიცირებულია „სხვა დანარჩენი საქონლისა და მომსახურების“ მუხლში. იმის გათვალისწინებით, რომ ხარჯის დამადასტურებელი დოკუმენტაცია არ არის წარმოდგენილი, ვერ დგინდება, რომელი მუხლით უნდა აღირიცხოს გაწეული დანახარჯი.

2014 წელს მუნიციპალიტეტის საკუთრებაში არსებულ სატრანსპორტო საშუალებებზე გაწეულმა ფაქტობრივმა ხარჯმა შეადგინა 39.9 ათასი ლარი, ფინანსურ ანგარიშგებაში კი ნაჩვენებია - 40.3 ათასი ლარი.

საქართველოს ფინანსთა მინისტრის 2008 წლის 16 აპრილის №364 ბრძანების მიხედვით ორგანიზაცია ვალდებულია მოამზადოს ბალანსი და ბალანსის დანართი ფორმები, მათ შორის ფორმა №2-2 „ორგანიზაციის ანგარიში ფინანსური აქტივებითა და ვალდებულებებით საკასო ოპერაციების შესახებ“, ფორმა №4 „ანგარიში სხვა შემოსავლებიდან მიღებული სახსრების მოძრაობის შესახებ“, ფორმა №4-1 „ანგარიში ფულადი გრანტების შესახებ“. ბალანსის აღნიშნული დანართი ფორმები ასპინძის მუნიციპალიტეტის მიერ 2013-2014 წლებში არ მომზადებულა.

2014 წეელს მუნიციპალიტეტის მიერ ბანკისათვის გადახდილი მომსახურების თანხა - 1.2 ათასი ლარი, აღრიცხულია „პროცენტის“ მუხლში, მაშინ, როდესაც იგი მიეკუთნება „სხვა დანარჩენი საქონელი და მომსახურების“ მუხლს .

ურთიერთშეუსაბამოა შპს „ქ. ბათუმის რესპუბლიკური კლინიკური საავადმყოფოს“ 2012 და 2013 წლების საბალანსო ანგარიშების ნაშთები. კერძოდ, 2012 წლის საბალანსო მონაცემებში, საანგარიშო პერიოდის ბოლოს რიცხული ნაშთები არ შეესაბამება 2013 წლის ბალანსში წლის დასაწყისისათვის დაფიქსირებულ ნაშთებს.

„ხარჯების ეკონომიკური კლასიფიკაციის მიხედვით“ და „წმინდა ღირებულების შესახებ“ ორგანიზაციის ანგარიშებში „გრანტების“ მუხლში წარმოდგენილია 2 898.3 ათასი ლარი. პასუხისმგებელი პირის განმარტებით, აღნიშნული თანხა წარმოადგენს „არაფინანსური აქტივების ზრდის“ მაჩვენებელს. შესაბამისად, იგი არასწორად არის ასახული „გრანტების“ მუხლში.

მთავრობის 2012 წლის 23 ოქტომბრის განკარგულებით, მუნიციპალიტეტს საკუთრებაში გადაეცა ქალაქ გორში, გრიგოლ ფერაძის ქუჩის №5-ში მდებარე ადმინისტრაციულ შენობაში 1635.2 კვ.მ ფართობი, მასზე წილობრივად დამაგრებული არასასოფლო-სამეურნეო დანიშნულების მიწის ნაკვეთით . 2013 წლის 21 აგვისტოს მუნიციპალიტეტმა მიატოვა აღნიშნული ქონება და ის კვლავ დაუბრუნდა სახელმწიფოს. მუნიციპალიტეტის მიერ სახელმწიფოდან მასზე გადაცემული ქონება, ადმინისტრაციული შენობის ნაწილი, გაფასებული, ძირითად ქონებაში აღრიცხული და ფინანსურ ანარიშგებაში ნაჩვენები არ არის.

ადგილი აქვს პაციენტებისა და მომსახურების დამკვეთ იურიდიულ პირებზე სამედიცინო მომსახურების ღირებულებაზე მეტი ოდენობით თანხების მოთხოვნის ფაქტებს. ამასთან, უმეტეს შემთხვევაში სამედიცნო ბარათების მონაცემები არ დასტურდება პაციენტების ხელმოწერებით.

2014 წელს ასპინძის მუნიციპალიტეტში ინვენტარიზაციის დაწყების შესახებ ბრძანება გამოიცა 8 დეკემბერს. გამოვლენილი გარემოების შედეგად, მუნიციპალიტეტის მიერ დაირღვა „საბიუჯეტო ორგანიზაციებში ქონების, მოთხოვნებისა და ვალდებულებების ინვენტარიზაციის ჩატარების წესის“ შესახებ ინსტრუქციის მოთხოვნები. კერძოდ, არ მომხდარა ორგანიზაციის ბალანსზე რიცხული ქონების, მოთხოვნებისა და ვალდებულებების რეალურობის შემოწმება, აქტივებისა და ვალდებულებების შედარება ფაქტობრივ ნაშთებთან. გარდა ამისა, დარღვეულ იქნა ინვენტარიზაციის ჩატარების ვადები.

საბუღალტრო ჩანაწერების შესაბამისად, 2013 წლის 31 დეკემბრის მდგომარეობით, საავადმყოფოს ფიზიკური პირების მიმართ ერიცხება 470.8 ათასი ლარი დებიტორული დავალიანება. პაციენტების მხრიდან გადახდილი თანხების შესახებ წარმოდგენილ სალაროს შემოსავლის ორდერებში, არ არის აღნიშნული სრული ინფორმაცია, გადამხდელისა და გადახდილი თანხების დანიშნულების შესახებ, რის გამოც ვერ დგინდება დებიტორული დავალიანების რეალობა.

2013-2014 წლების ბიუჯეტის შესრულების ანგარიშში კანონმდებლობის დარღვევით არასწორად არის კლასიფიცირებული სხვადასხვა ოპერაციები.

შპს „ქ. ბათუმის რესპუბლიკურ კლინიკურ საავადმყოფოზე“, უსასყიდლო-უზუფრუქტის წესით, დროებით სარგებლობაში გადაცემული აჭარის ავტონომიური რესპუბლიკის საკუთრებაში არსებული ქ. ბათუმში, ტბელ აბუსერიძის N2-ში მდებარე 21247კვ.მ არასასოფლო-სამეურნეო დანიშნულების მიწის ნაკვეთი, მასზე განლაგებული 8439,55 კვ.მ შენობა-ნაგებობა და ქ. ბათუმში, ტბელ აბუსერიძის ქ N2-ში მდებარე 316,5 კვ.მ შენობა-ნაგებობა და 909 ერთეული მოძრავი ძირითადი საშუალება არ არის აღრიცხული საავადმყოფოს ბალანსზე.

2013-2014 წლებში მუნიციპალიტეტის მიერ ჩატარებულ ტენდერებში გამოვლინდა, რომ სატენდერო კომისიას პრეტენდენტების მიმართ გააჩნდა არაერთგვაროვანი მიდგომა. რიგ შემთხვევებში ხდებოდა სატენდერო მოთხოვნებთან შესაბამისი გამოცდილების მქონე პრეტენდენტების არასამართლიანი დისკვალიფიკაცია, ხოლო სხვა შემთხვევაში იმარჯვებდნენ არასაკმარისი გამოცდილების მქონე პრეტენდენტები

  საბუღალტრო აღრიცხვის მონაცემებში არ არის აღრიცხული 1.5 ათასი ლარის უსასყიდლოდ მიღებული მედიკამენტებისა და სხვა სამედიცინო საშუალებების ხარჯვა.

2013 წელს გზების კაპიტალური მოწყობის სამუშაოების შესყიდვაზე მუნიციპალიტეტმა დაკარგა საგარანტიო თანხის მოთხოვნის უფლება და მიმწოდებელს აუნაზღაურა ექსპერტიზით დადასტურებული უხარისხოდ შესრულებული სამუშაოს ღირებულებ.ა

კანონმდებლობის მოთხოვნების შეუსაბამოდ, მატერიალური მარაგების სახით ირიცხება 26.8 ათასი ლარის ღირებულების „ბარო კამერა“ და 25.2 ათასი ლარის ღირებულების 8 დასახელების 14 ერთეული სამედიცინო აპარატურა, რომელიც თავისი ფუნქციური დანიშნულებისა და ფასის გათვალისწინებით წარმოადგენენ ძირითად საშუალებებს.

2013 წელს 2 ხელშეკრულების ფარგლებში ჩატარებული გზების კაპიტალური მოწყობის სამუშაოების დროს წარმოდგენილი მასალების შესწავლით გამოვლინდა, რომ დოკუმენტურად არ დასტურდება დაახლოებით 91.8 ათასი ლარის მასალის გამოყენება.

ძირითადი საშუალებების იჯარით გაცემისას, სააუქციონო განაცხადით გათვალისწინებული თანხა არ არის დამატებული სარგებლობაში გადასაცემი ქონების საწყის ღირებულებაზე, რითაც საავადმყოფოს წლიური შემოსავლები შემცირებულია 100 აშშ დოლარით.

2013 წელს მთავრობის განკარგულებით გამოყოფილი თანხით მუნიციპალიტეტს უნდა დაესრულებინა სპორტდარბაზის მშენებლობა. მიუხედავად იმისა, რომ სრულად დაიხარჯა გამოყოფილი თანხა, ობიექტი დაუსრულებელია და მოსახლეობა ვერ სარგებლობს აღნიშნული აქტივით.

საავადმყოფოს მიერ მოიჯარეებზე განშტოებით მიწოდებული ელექტროენერგიის აღრიცხვა, არ იძლევა რეალურ სურათს მოხმარებულ ელექტროენერგიასთან დაკავშირებით, რაც უარყოფითად აისახება საავდმყოფოს ფინანსურ შედეგებზე.

2013-2014 წლებში სამშენებლო სამუშაოების გამარტივებული გზით შესყიდვის დროს მუნიციპალიტეტის მიერ 316 ხელშეკრულების ფარგლებში სამშენებლო სამუშაოები ანაზღაურებულია კანონმდებლობის დარღვევით.

შპს „ქ. ბათუმის რესპუბლიკური კლინიკურ საავადმყოფოს“ საბუღალტრო აღრიცხვის მონაცემების შესაბამისად, 2013 წლის 31 დეკემემბრის მდგომარეობით ერიცხება 8 954.00 ათასი ლარის დებიტორული და 2 556.00 ათასი ლარის კრედიტორული დავალიანება. ამასთან, 322.8 ათასი ლარის დებიტორული დავალიანება, რომელიც წარმოშობილია 2005-2006 წლებში, საბუღალტრო მონაცემებით არ იშიფრება და შესაბამისად ვერ დგინდა მისი წარმოშობისა და აღრიცხვის რეალობა.

2013-2014 წლებში ხელშეკრულებით გათვალისწინებული ვალდებულებების შეუსრულებლობისათვის გურჯაანის მუნიციპალიტეტის მიერ მიმწოდებლებზე არ მომხდარა პირგასამტეხლოს დარიცხვა.

შპს „ქ. ბათუმის რესპუბლიკური კლინიკური საავადმყოფოს“ მიერ 2010-2013 წლებში, არასწორად წარმოებული სამედიცინო და საფინანსო საქმიანობის შედეგად, სამედიცინო მომსახურების დამკვეთებზე რიცხული მოთხოვნები 868.6 ათასი ლარით შემცირდა.

ტერიტორიული ორგანოს ადმინისტრაციული შენობის სარეაბილიტაციო სამუშაოების მიმდინარეობისას, ხელშეკრულების პირობების დარღვევით, მუნიციპალიტეტის მიერ განხორციელდა დაუსრულებელი ობიექტის მიღება-ჩაბარება.

შპს „ ქ. ბათუმის რესპუბლიკური კლინიკური საავადმყოფოს“ მიერ 2013 წელს ქონების გადასახადით არ არის დაბეგრილი, ეკონომიკურ საქმიანობაში გამოყენებული ძირითადი საშუალებები და მიწა.

2013 წელს გურჯაანის მუნიციპალიტეტში შტატგარეშე მოსამსახურედ დასაქმებული იყო 173, ხოლო 2014 წელს - 245 პირი. მუნიციპალიტეტმა ვერ დაასაბუთა, რამდენად იყო შტატგარეშე მოსამსახურეთა მაღალი რიცხოვნობა ობიექტური საჭიროებით განპირობებული.

შპს „ქ. ბათუმის რესპუბლიკური კლინიკური საავადმყოფოს“ შესაბამისი სტრუქტურული ერთეულებიდან მიღებული ინფორმაციის შესაბამისად, საავადმყოფოს 2013 წლის 1 იანვრის მდგომარეობით ერიცხება 396.1 ათასი ლარის, ხოლო 31 დეკემბრის მდგომარეობით 324.8 ათასი ლარის სასაქონლო-მატერიალური ფასეულობები, რაც შესაბამისად 75.2 ათასი ლარით და 48.7 ათასი ლარით ნაკლებია 2013 წლის მოგების გადასახადის დეკლარაციაში დაფიქსირებულ თანხაზე. აღნიშნული შეუსაბამობა 26.5 ათასი ლარით ამცირებს მოგების გადასახადით დასაბეგრ შემოსავალს.

საანგარიშო პერიოდში საკრებულოს წევრებზე, რომლებიც არ არიან თანამდებობის პირები, გაცემულია თანხები, რომელიც არასწორადაა ჩამოწერილი ხარჯებში, შესაბამისი დამადასტურებელი დოკუმენტების გარეშე.

შპს „ქ. ბათუმის რესპუბლიკური კლინიკური საავადმყოფოს“ შესაბამისი სტრუქტურული ერთეულებიდან მიღებული ინფორმაციის შესაბამისად, 2013 წელს საავადმყოფოს მიღებული აქვს სულ 1 856 ათასი ლარის მატერიალური ფასეულობები, რაც 38.3 ათასი ლარით ნაკლებია 2013 წლის მოგების გადასახადის დეკლარაციაში დაფიქსირებულ, საანგარიშო პერიოდში მიღებულ მატერიალურ ფასეულობათა ღირებულებაზე. აღნიშნული შეუსაბამობა 38.3 ათასთ ლარით ამცირებს მოგების გადასახდით დასაბეგრ შემოსავალს.

სამინისტროზე რიცხული მთლიანი მოთხოვნების 95% მოიცავს სასჯელაღსრულების დეპარტამენტის დებიტორებს. აქედან, 5,315.7 ათასი ლარი წარმოშობილია 2002-2010 წლებში, რომელიც ირიცხება სხვადახვა მომწოდებელზე. დეპარტამენტის მიერ დებიტორ ორგანიზაციებთან ურთიერთშეთანხმების აქტები არ გაფორმებულა და არ გატარებულა სათანადო ღონისძიებები არსებული დავალიანების რეალურობის დასადგენად. ხანდაზმული დავალიანებები არც საცნობარო მუხლშია გადატანილი, რაც შეუსაბამოა კანონმდებლობის მოთხოვნებთან, რომლის მიხედვითაც ხანდაზმული უიმედო დებიტორული დავალიანებები აისახება ბალანსის საცნობარო მუხლში. აღნიშნული ხანდაზმული მოთხოვნები ძირითადად მოიცავს 2005 წელს წარმოშობილ შპს „ნოლა“-ს დავალიანებას 4,299.5 ათასი ლარის ოდენობით, რომლის დოკუმენტაციაც (საფუძველი) სასჯელაღსრულების დეპარტამენტის მიერ ვერ იქნა წარმოდგენილი. დანარჩენი 1,016.2 ათასი ლარის დავალიანების წარმოშობა ვერ დასაბუთდა (მომსახურება, საქონელი, სამუშაო არ იქნა გაწეული, მოწოდებული, შესრულებული, თუ ხარჯვის დოკუმენტები არ იქნა წარმოდგენილი).

2014 წლის 3 ივნისს მუნიციპალიტეტმა ხელშეკრულება გაუფორმა შპს „ძველი სიღნაღის უბნებს“, სოფელ ახაშენში სასმელი წყლის სისტემის რეაბილიტაციაზე, თანხით - 57.9 ათასი ლარი. 2014 წლის 24 ივლისს გაფორმებული შეთანხმებით ხარჯთაღრიცხვაში შევიდა ცვლილება სახელშეკრულებო თანხის ცვლილების გარეშე. კორექტირებულ ხარჯთაღრიცხვასა და ფარული სამუშაოების აქტებში სამუშაოების ღირებულება მითითებულია 57.9 ათასი ლარი, თუმცა ფაქტობრივად, მოცულობებისა და ერთეულის ფასების გადათვლის შედეგად, ეს თანხა შეადგენს 49.7 ათას ლარს.

საავადმყოფოს შესყიდვის დამადასტურებელი დოკუმენტაციის შემოწმებით გაირკვა, რომ 2013 წელს 393.3 ათასი ლარის მატერიალური ფასეულობები მიღებულია კანონმდებლობით განსაზღვრული დოკუმენტაციის გარეშე.

2014 წლის 31 დეკემბრისათვის საბალანსო ანგარიშზე „მოთხოვნები არაფინანსური აქტივების დანაკლისებით“ რიცხულმა ნაშთმა შეადგინა 50.3 ათასი ლარი, რომელიც წარმოადგენს სასჯელაღსრულების დეპარტამენტის 2003 წლამდე წარმოშობილ დანაკლისს. საბუღალტრო ჩანაწერების შესწავლით გამოვლინდა, რომ დანაკლისი შეეხება 5 სხვადასხვა დასახელების ავტოსატრანსპორტო საშუალებას. გარდა ამისა, დეპარტამენტის ბალანსის საცნობარო მუხლში დანაკლისად აღრიცხულია 91.3 ათასი ლარის 29 ერთეული ავტოსატრანსპორტო საშუალება. ასევე გამოვლინდა, რომ 2010 წლის მდგომარეობით მიერ ჩატარებული ინვენტარიზაციის შედეგად ბალანსის ანგარიშზე „მოთხოვნები დანაკლისებით“ ირიცხებოდა 29 ერთეული ავტოსატრანსპორტო საშუალება (2007-2008 წლებში წარმოშობილი), საიდანაც 24 ერთეული მოძებნილი იქნა განკომპლექტებულ მდგომარეობაში. ინვენტარიზაციის შედეგად დანაკლისად აღიარებული სატრანსპორტო საშუალებები, რომლებიც აღმოჩენილ იქნა ჯართის სახით, უნდა ასახულიყო ბალანსში მარაგების სახით ნაცვლად საცნობარო მუხლისა, ხოლო მოქმედი წესების შესაბამისად უნდა გადაცემოდა განსაკარგავად საქართველოს ფინანსთა სამინისტროს სსიპ მომსახურების სააგენტოს შემდგომი რეალიზაციისთვის

მუნიციპალიტეტის მიერ ავტომანქანების შესყიდვისას მიმწოდებლებზე ზედმეტად ანაზღაურებული იქნა დღგ თანხით 3.3 ათასი ლარი. მოქმედი კანონმდებლობის თანახმად, ჩათვლის უფლების გარეშე დამატებითი ღირებულების გადასახადისაგან განთავისუფლებულია ავტომანქანის შეძენა ან იმპორტი.

2013 წლის გამოქვითვების ანალიზით დადგენილია, რომ ხარჯებზე არასწორადაა მიკუთვნებული, სადაზღვევო კომპანიების მიერ დაკორექტირებულ 40.9 ათასი ლარი. შესაბამისად, აღნიშნული თანხით შემცირებულია მოგების გადასახადით დასაბეგრი შემოსავალი.

სამინისტროს ბალანსზე რიცხული მთლიანი კრედიტორული დავალიანების 91% (2,912 ათასი ლარი) მოდის სასჯელაღსრულების დეპარტამენტზე, საიდანაც 496 ათასი ლარის დავალიანება წარმოშობილია 2003 წლამდე, ხოლო 2,235.5 ათასი ლარის დავალიანება წარმოშობილია 2003-2010 წლებში (აქედან 1,521.9 ათასი ლარი-სამშენებლო სამუშაოებზე. მათ შორის: შპს „ინტერნეიშენელ ბილდინგ კომპანის“ მიმართ 1,057.4 ათასი ლარის კრედიტორული დავალიანება წარმოშობილია 2007 წელს, ხოლო შპს „აკსმშენის“ მიმართ 233 ათასი ლარის კ/დ 2008 წელს). ორივე მიმწოდებლის მიმართ დავალიანება უკავშირდება გლდანის #8 საპყრობილის მშენებლობას. პასუხისმგებელი პირების განმარტებით, ორივე კომპანიას პრობლემები ჰქონდა სამართალდამცავ ორგანოებთან. სხვა დამატებითი ინფორმაცია დეპარტამენტის მიერ ვერ იქნა წარმოდგენილი. ამასთან, 2014 წლამდე სასჯელაღსრულების დეპარტამენტზე წარმოქმნილი 2,732.5 ათასი ლარის კრედიტორული დავალიანება არ არის აღრიცხული საცნობარო მუხლში, რაც შეუსაბამოა კანონმდებლობასთან.

საკრებულოს მიერ დამტკიცებული ინსტრუქციის მიუხედავად, საანგარიშგებო პერიოდში მუნიციპალიტეტს დასუფთავების მოსაკრებელი საერთოდ არ მიუღია, რადგან გამგეობის შესაბამისი სამსახურები არ უზრუნველყოფდნენ დასუფთავების მოსაკრებლის ადმინისტრირებას.

გამარტივებული შესყიდვის ფორმით გაფორმებულ ხელშეკრულებებში არ არის მითითებული ხელშეკრულების გაფორმების საფუძველი, რის გამოც შეუსრულებელია საქართველოს შესყიდვების სააგენტოს თავმჯდომარის 2011 წლის 7 აპრილის N9 ბრძანებით დამტკიცებული „გამარტივებული შესყიდვის, გამარტივებული ელექტრონული ტენდერისა და ელექტრონული ტენდერის ჩატარების წესის“ მე-19 მუხლის მე-6 პუნქტის „ზ“ ქვეპუნქტის მოთხოვნები.

„თანამდებობრივი სარგოს“ მუხლით, 2013 წლის ბოლოს სასჯელაღსრულების დეპარტამენტის მიერ 2 პირზე გადარიცხულია 971 ლარი (416.8+554.2), რომლებიც არ წარმოადგენდნენ მოქმედ თანამშრომლებს. აღნიშნული პირების განცხადებების და დაწესებულებების საჟურნალე ჩანაწერების მიხედვით გამოვლინდა, რომ ისინი დეპარტამენტის დაწესებულებებში მუშაობდნენ 1997-2002 წლებში. ფინანსთა სამინისტროს ანგარიშში, სასამართლოს გადაწყვეტილებების აღსრულების ფინანსური უზრუნველყოფის შესახებ, აღნიშნული პირები არ ფიქსირდება. ხარჯების ეკონომიკური კლასიფიკაციის მუხლების მიხედვით „თანამდებობრივი სარგოს“ კატეგორია ითვალისწინებს ნომინალური თვიური ხელფასის ოდენობას, რომელიც დადგენილია მუშაკისათვის მისი დაკავებული თანამდებობის შესაბამისად. ამდენად, „თანამდებობრივი სარგოს“ მუხლიდან აღნიშნული ხარჯის გაწევა ეწინააღმდეგება სამართლებრივ ნორმას

სასაფლაოების მოვლა-პატრონობის მომსახურების მისაღებად, 2014 წელს მუნიციპალიტეტმა ა(ა)იპ-ის სუბსიდიური დაფინანსებით მიიღო არაეკონომიური გადაწყვეტილება, რადგან 2013 წელს მომსახურების ტენდერით შესყიდვისას გადაიხადა უფრო ნაკლები.

„გამარტივებული შესყიდვის, გამარტივებული ელექტრონული ტენდერისა და ელექტრონული ტენდერის ჩატარების წესის“ მე-2 მუხლის პირველი პუნქტის „რ“ –„ტ“ ქვეპუნქტებით გათვალისწინებული სტატუსის მინიჭების შემდეგ, საავადმყოფოს მიერ განხორციელებული შესყიდვებიდან, გადაუდებელი აუცილებლობის მოტივით, გამარტივებული შესყიდვის ფორმით გაფორმებულ ხელშეკრულებებში, არ არის გათვალისწინებული ვალდებულება შესასყიდი საქონლის ხარისხობრივი მახასიათებლების დადასტურების შესახებ, მაშინ როცა ელექტრონული ტენდერის შესაბამის სატენდერო დოკუმენტაციაში მისაწოდებელ საქონელთან მიმართებით განსაზღვრულია ვარგისიანობის ვადისა და სამედიცინო პრაქტიკაში გამოყენებული სერტიფიკატის წარმოდგენის ვალდებულება.

სსიპ – არასაპატიმრო სასჯელთა აღსრულებისა და პრობაციის ეროვნული სააგენტო ძირითად აქტივებზე ცვეთის დარიცხვას აწარმოებდა მათ ნარჩენ ღირებულებაზე. მოქმედი წესების თანახმად კი ძირითად აქტივებს ცვეთა ერიცხებათ წლის ბოლოს სრული კალენდარული წლისათვის და გამოიანგარიშება მათი საწყისი (პირვანდელი) ღირებულების გამრავლებით შესაბამისი ინსტრუქციით გათვალისწინებულ წლიურ ნორმაზე (წრფივი მეთოდით). არასწორი ცვეთის მეთოდის გამოყენების შედეგად, რაოდენობრივი ეფექტი ვერ დადგინდა, ვინაიდან ვერ იქნა წარმოდგენილი საკმარისი მტკიცებულებები ბალანსზე რიცხული ძირითადი აქტივების საწყისი ღირებულებების შესახებ.

მუნიციპალიტეტის დაფუძნებული იურიდიული პირების მიერ გაწეული საქმიანობის შესწავლით გამოვლინდა, რომ საშტატო ერთეულების სიმრავლე და თანამშრომელთა ფუნქცია-მოვალეობები საჭიროებიდან გამომდინარე არ არის სათანადოდ დასაბუთებული.

2013 წელს 2 შემთხვევაში 160 ათასი ლარის სამედიცინო მომსახურების შესყიდვა, „სახელმწიფო შესყიდვების შესახებ“ საქართველოს კანონით განსაზღვრული მონეტარული ზღვრების გაუთვალისწინებლად, განხორციელებულია გამარტივებული შესყიდვის ფორმით.

სამინისტრო ბალანსის საცნობარო მუხლში არასრულად ასახავდა ამორტიზებულ ძირითად აქტივებს, რაც შეუსაბამოა კანონმდებლობასთან

საანგარიშგებო პერიოდში მუნიციპალიტეტს არ ჰქონდა შემუშავებული სოციალური პროგრამების დაფინანსების წესი, აგრეთვე თითოეული პროგრამისა და ბენეფიციართა შეფასების კრიტერიუმები. არ ხდებოდა ბენეფიციართა საერთო ბაზის წარმოება, არ აღირიცხებოდა შემოსული განცხადებები.

მედიკამენტებისა და სხვა სამედიცინო საშუალებების მიწოდების შესახებ გაფორმებული ხელშეკრულებების შესრულების შესახებ წარმოდგენილი დოკუმენტებით, ვერ დადგინდა აღნიშნული ხელშეკრულებების შესრულების მდგომარეობა. კერძოდ, სასაქონლო ზედნადებებში არ არის აღნიშნული იმ ხელშეკრულების ნომერი, რომლის ფარგლებშიც იქნა მიწოდებული საქონელი და ამასთან რიგი მიღება-ჩაბარების აქტები არ არის ხელმოწერილი საქონლის მიმღების მიერ. შესაბამისად, მოპოვებული აუდიტორული მტკიცებულების საფუძველზე, აუდიტის ჯგუფმა ვერ მიიღო სათანადო რწმუნება მედიკამენტებისა და სხვა სამედიცინო საშუალებების მიწოდების შესახებ გაფორმებული ხელშეკრულებების შესრულების კანონიერებასთან დაკავშირებით.

2013-2014 წლებში „ბრალდებულთა და მსჯავრდებულთა უზრუნველყოფა ეკვივალენტური სამედიცინო მომსახურებით“ პროგრამის (27 04) ფარგლებში საბუღალტრო სამსახურის მიერ უსასყიდლოდ მიღებული მედიკამენების შესაბამის პერიოდში აღრიცხვა არ ხორციელდებოდა. აღნიშნული ახსნილია იმ გარემოებით, რომ სამედიცინო დეპარტამენტიდან შესაბამისი დოკუმენტების საბუღალტრო სამსახურში წარმოდგენა ხდებოდა დაგვიანებით. კერძოდ: - 2014 წელს „პატიმრობისა და თავისუფლების აღკვეთის დაწესებულებებში ვირუსული „C“ ჰეპატიტის პრევენციის, დიაგნოსტიკისა და მკურნალობის პროგრამის ფარგლებში მიღებული აქვს 1,030.3 ათასი ლარის ღირებულების 6,493 ერთეული მედიკამენტი. ბუღალტრული მონაცემების მიხედვით აღნიშნული მედიკამენტები შემოსავალში აღებულია მხოლოდ 499.0 ათასი ლარის ოდენობით. შესაბამისად, ფინანსური ანგარიშგების კაპიტალი 2014 წლის ბოლოს წარმოდგენილია 531.3 ათასი ლარით ნაკლები ოდენობით (ბალანსის დანართი ფორმა #3 „ორგანიზაციის ანგარიში წმინდა ღირებულების შესახებ“, შესაბამისად ბალანსის ფორმა #1-ში წმინდა ღირებულების ანგარიში-5100 წარმოდგენილია 531.3 ათასი ლარით ნაკლები ოდენობით. ასევე, ფინანსური შედეგების და ფულადი სახსრების მოძრაობის შესახებ ანგარიშებიც აღნიშნული ოდენობით შეიცავს უზუსტობას). - ტუბერკულოზისა და ფილტვის დაავადების ეროვნული ცენტრიდან გლობალური პროექტების ფარგლებში შედარების აქტების მიხედვით 2014 წლის განმავლობაში მიღებული 153.7ათასი ლარის ღირებულების მედიკამენტებისა და სახარჯი მასალების ნაცვლად ბუღალტრული მონაცემების მიხედვით აღრიცხულია მხოლოდ 143.4 ათასი ლარის ოდენობით (10.3 ათასი ლარით ნაკლები)

მუნიციპალიტეტის ტერიტორიული ერთეულების ადმინისტრაციული ცენტრებისა და მის საკუთრებაში არსებული სხვა შენობა-ნაგებობების ნაწილს, კომერციული საქმიანობისათვის იყენებენ სხვადასხვა ორგანიზაციები და არაუფლებამოსილი პირები, ხოლო ფართით სარგებლობისათვის ბიუჯეტში შესაბამის საფასურს არ იხდიან.

27 04 პროგრამული კოდზე(ბრალდებულთა და მსჯავრდებულთა უზრუნველყოფა ეკვივალენტური სამედიცინო მომსახურებით“) ინფექციური პათოლოგიის, შიდსისა და კლინიკური იმუნოლოგიის ცენტრიდან გლობალური პროექტების ფარგლებში ღირებულების გარეშე უსასყიდლოდ მიღებული მედიკამენტები რაოდენობრივად არის არის აღრიცხული. შედარების აქტების მიხედვით 2014 წელს მიღებული და გახარჯულია 1,039 ერთეული სხვადასხვა დასახელების მედიკამენტები

2013-2014 წლებში მუნიციპალიტეტში ფიზიკური და კერძო სამართლის იურიდიული პირების მფლობელობაში არსებულ მიწის ნაკვეთებზე საკუთრების უფლების აღიარება 2 ობიექტზე განხორციელდა კანონდარღვევით.

2010 წლის შემდგომ სასჯელაღსრულების დეპარტამენტში ქონების და მოთხოვნა- ვალდებულებების ინვენტარიზაცია არ ჩატარებულა. შესაბამისად, არ იყო გადაწყვეტილი საკითხი მოთხოვნა-ვალდებულებების შემდგომი აღრიცხვის/დაფარვის შესახებ. ასევე ვერ დასტურდება ბალანსზე აღრიცხული ქონების არსებობა. ინვენტარიზაციის ჩაუტარებლობით არ არის დაცული კანონმდებლობით დადგენილი მოთხოვნები

აუდიტის ჯგუფის მიერ მუნიციპალიტეტის შესაბამისი პასუხისმგებელი პირების თანდასწრებით განხორციელდა სატრანსპორტო საშუალებების დათვალიერება. გამოვლინდა 1 ერთეული სატრანსპორტო საშუალების დანაკლისი, თუმცა საინვენტარიზაციო კომისიის მასალებში ფაქტობრივ ნაშთებშია აღრიცხული.

სასჯელაღსრულების დეპარტამენტის ბალანსზე რიცხული შენობა-ნაგებობების უმრავლესობა საჭიროებს იდენტიფიკაციას და მათი სახელმწიფო რეგისტრაციასთან დაკავშირებული საკითხების მოგვარებას

2013 წელს მუნიციპალიტეტის მიერ შესყიდული აუდიტორული მომსახურების შესწავლით გამოვლინდა, რომ ანგარიში არ მოიცავს იმ ხარვეზებსა და დარღვევა-ნაკლოვანებებს, რომლებიც სახელმწიფო აუდიტის სამსახურის მიერ იქნა იდენტიფიცირებული.  

სასჯელაღსრულების დეპარტამენტის მიერ წარმოდგენილი რეგისტრაციის დოკუმენტების მიხედვით დეპარტამენტის ბალანსზე რიცხული შენობა- ნაგებობების იდენტიფიცირება ვერ ხერხდება. აღნიშნული მოითხოვს მონაცემების შესაბამისობაში მოყვანას

ლაგოდეხის მუნიციპალიტეტის 2013-2014 წლების პრიორიტეტების დოკუმენტი არ მოიცავდა დასაგეგმი წლის შემდგომი სამი საბიუჯეტო წლისათვის ბიუჯეტის შემოსავლებისა და ხარჯების, ფინანსური და არაფინანსური აქტივებით ოპერაციებისა და ვალდებულებების აგრეგირებულ მაჩვენებლებს.

2013-2014 წლებში სასჯელაღსრულების დეპარტამენტსა და სხვადასხვა მომწოდებლებს შორის სახელმწიფო შესყიდვების ფარგლებში გაფორმებული ხელშეკრულებებით ნაკისრი ვალდებულებების შეუსრულებლობასთან დაკავშირებით, ბიუჯეტში გადაუხდელი თანხა ჯამურად შეადგენს 547.0 ათას ლარს. აღნიშნული თანხები აუდიტის მიმდინარეობისას არ იყო გადახდილი სახელმწიფო ბიუჯეტში და არც ბალანსზე იყო ასახული

2013-2014 წლებში ლაგოდეხის მუნიციპალიტეტის გამგეობის მიერ საბიუჯეტო ორგანიზაციებში არ გადაგზავნილა საბიუჯეტო განაცხადის ფორმები ასიგნებებისა და მომუშავეთა რიცხოვნობის საორიენტაციო ზღვრული მოცულობების მითითებით.

სასჯელაღსრულების დეპარტამენტის მიერ 2013-2014 წლებში შესყიდვის ხელშეკრულებით ნაკისრი ვალდებულებების შეუსრულებლობასთან დაკავშირებით ბიუჯეტში გადაუხდელი თანხები არაა ბალანსზე ასახული

ლაგოდეხის მუნიციპალიტეტის საკრებულოს მიერ 2013 წლის ბიუჯეტი დამტკიცებულია ახალი საბიუჯეტო წლის დაწყების შემდეგ, 2013 წლის 11 იანვარს.

სასჯელაღსრულების დეპარტამენტში 2014 წლის განმავლობაში შპს „G.M.M.“-ის მიერ იჯარის და პირგასამტეხლოს გადაუხდელი თანხა შეადგენდა 240.1 ათას ლარს (იჯარა-194.2 ათასი, პირგასამტეხლო-45.9 ათასი ლარი). აღნიშნული საკითხი განხილულია საიდუმლო ნაწილში.

2014 წლის ბიუჯეტით „შტატგარეშეთა ანაზღაურების“ წლიური დაზუსტებული გეგმა შეადგენდა 348.8 ათასი ლარს, საკასო ხარჯია 340.8 ათასი ლარი. წარმოდგენილი დოკუმენტებით, მუნიციპალიტეტის მიერ 2014 წლის განმავლობაში სულ შტატგარეშე მოსამსახურეებზე დარიცხული შრომის ანაზღაურება შეადგენდა 375.7 ათას ლარს. აღნიშნულიდან გამომდინარე, მუნიციპალიტეტმა ფინანსური ვალდებულება აიღო და ხარჯი გასწია ასიგნების ზევით, თანხით 26.9 ათასი ლარი.

2013-2014 წლებში „ვალდებულების კლების“ მუხლით ასიგნებები დამტკიცებული არ ყოფილა. 2014 წელს ვალდებულებების კლების მუხლით 426.7 ათასი ლარით დაზუსტება გამოწვეულია წინა წლებში აღებულ ვალდებულებებთან დაკავშირებით დაგვიანებით (მიმდინარე წელს) შემოსული ფინანსური დოკუმენტაციით წინა წლებში წარმოქმნილი კრედიტორული დავალიანებების დაფარვით. ამ მიზნით მუხლებს შორის გადანაწილება განხორციელებულია „საქონელი და მომსახურების“, „არაფინანსური აქტივების ზრდის“ და „სხვა ხარჯების“ მუხლების შემცირების ხარჯზე შესაბამისად 414.6 ათასი,10.8 ათასი და 1.3 ათასი ლარის ოდენობით. ანუ, განხორციელებულია მიმდინარე წლის ასიგნებების გამოყენება წინა წლების დავალიანებების დასაფარად. აღნიშნული ტრანზაქციები განხორციელებულია 2013 წელსაც 367.1 ათასი ლარის ოდენობით. 2014 წლის ბოლოს დაგროვილი კრედიტორული დავალიანება შეადგენს 341.2 ათას ლარს. აქედან გამომდინარე, ადგილი ჰქონდა ახალი დავალიანების დაგროვებას, რაც შეუსაბამოა „საქართველოს 2013-2014 წლების სახელმწიფო ბიუჯეტის შესახებ“ საქართველოს კანონთან, რომლის მიხედვითაც წინა წლებში წარმოქმნილი ფაქტობრივი დავალიანებების დასაფარად სახელმწიფო ბიუჯეტის დაფინანსებაზე მყოფმა საბიუჯეტო ორგანიზაციამ შესაძლებელია გამოიყენოს მიმდინარე წელს მათთვის გამოყოფილი ასიგნებები იმ პირობით, რომ არ დაიშვება ახალი დავალიანების დაგროვება.

მუნიციპალიტეტის 2013 წლის ბიუჯეტის შესრულების ანგარიშში `გარე განათების რეაბილიტაციისა და ექსპლუატაციის“ დამტკიცებული ასიგნება იყო 330.0 ათასი ლარი, ხოლო შესრულებამ შეადგინა 6.0 ათასი ლარით მეტი, ანუ 336.0 ათასი ლარი. გადახარჯვა გამოწვეულია საახალწლო ნაძვის ხის მონტაჟის სამუშაოების არასწორი კლასიფიცირების გამო.

სასჯელაღსრულების დეპარტამენტში 2014 წლის 15 ივლისის საქართველოს მთავრობის #449 დადგენილების ამოქმედებიდან საბიუჯეტო სახსრები გაცემულია (აგვისტოდან) არა მარტო „პრემიის“, არამედ „დანამატის“ ქვემუხლიდანაც. შედეგად, 2014 წლის აგვისტომდე საშუალო თვიური პრემია შეადგენდა 382 ათას ლარს, ხოლო აგვისტოდან დეკემბრის ჩათვლით საშუალო თვიური პრემიისა და დანამატის ჯამური ოდენობა - 1,204 ათას ლარს (3-ჯერ მეტს). დაუსაბუთებელია აღნიშნული დანამატების გაცემის მიზნობრიობა, რაც ზრდის საბიუჯეტო სახსრების არაეკონომიურად განკარგვის რისკს.

2013 წლის ბიუჯეტის შესრულების ანგარიშში `სოფლის მხარდაჭერის პროგრამის“ ფარგლებში განხორციელებული ღონისძიებების“ საკასო ხარჯი ნაცვლად 893.3 ათასი ლარისა, შეადგენდა 895.6 ათასი ლარს. სხვაობა - 2.3 ათასი ლარი არასწორად იქნა კლასიფიცირებული, ნაცვლად `წყლის სისტემების რეაბილიტაცია და ექსპლუატაციისა“, აისახა `სოფლის მხარდაჭერის პროგრამის ფარგლებში განხორციელებული ღონისძიებებში“.

2013 წლის დეკემბერში, სასჯელაღსრულების დეპარტამენტში ნოემბერ-დეკემბერში დანიშნულ 23 თანამშრომელს მიღებული აქვს 10,000-27,160 ათას ლარამდე პრემია, რაც დაუსაბუთებელი და მიზანშეუწონელია, ვინაიდან პრემია გაიცემა თანამშრომელზე დაკისრებული უფლებამოსილებების ზედმიწევნით და სანიმუშოდ შესრულებისათვის, ხანგრძლივი და კეთილსინდისიერი სამსახურისათვის, ან/და განსაკუთრებული სირთულის ან მნიშვნელობის დავალების შესრულებისათვის. თუმცა, დეპარტამენტის მხრიდან რაიმე სახის დასაბუთება, თუ რა დამსახურებისთვის გაიცა მათზე პრემია - ვერ იქნა წარმოდგენილი

2013 წლის ბიუჯეტის შესრულების ანგარიშში ხარჯებისა და არაფინანსური აქტივების ფუნქციონალური კლასიფიკაციის „სოციალური დაცვის“ მუხლში - "სხვა არაკლასიფიცირებული საქმიანობა სოციალური დაცვის სფეროში“ ნაჩვენებია გადახარჯვა 20.8 ათასი ლარით. აღნიშნული გამოწვეულია იმით, რომ სტიქიის შედეგად მიყენებული ზარალის სალიკვიდაციო ღონისძიებები დაგეგმილი იყო მუხლით "სოციალური გაუცხოების საკითხები, რომლებიც არ ექვემდებარება კლასიფიკაციას“, ხოლო შესრულებაში არასწორად იქნა კლასიფიცირებული მუხლში "სხვა არაკლასიფიცირებული საქმიანობა სოციალური დაცვის სფეროში“.

2014 წლის ივლისის თვეში, სამინისტროს აპარატში ორ შემთხვევაში ადგილი ჰქონდა თანამდებობრივ სარგოზე მეტი ოდენობით პრემიის და იმავე პირებზე დანამატის დარიცხვის ფაქტს, რაც ჯამურად შეადგენდა 10,615 და 10,380 ლარს. აღნიშნულ შემთხვევაში არ არის დაცული სამართლებრივი აქტის მოთხოვნა, რომლის მიხედვითაც ერთჯერადად გაცემული პრემიის ოდენობა არ უნდა აღემატებოდეს აღნიშნული პირის თანამდებობრივ სარგოს(პრემია დარიცხულია ივლისის თვეში-თითოეულზე 8,250 ლარი)

ლაგოდეხის მუნიციპალიტეტს 2013-2014 წლებში არ შეუდგენია პერიოდული და წლიური ფინანსური ანგარიშგებები.

სასჯელაღსრულების დეპარტამენტში, 2013-2014 წლებში კვებით მომსახურებაზე ჩატარებული ყველა ტენდერის შემთხვევაში, სატენდერო დოკუმენტაციით პრეტენდენტებისათვის განსაზღვრული საკვალიფიკაციო მოთხოვნები ითვალისწინებდა პრეტენდენტი კომპანიის დამფუძნებლის ან მენეჯმენტის მინიმუმ 2 წლიან ინფორმაციას კვების მომსახურების გაწევის გამოცდილების შესახებ. აღნიშნული ინფორმაცია მოიცავდა მმართველის რგოლის/კვების ტექნოლოგის/მთავარი მზარეულის რეზიუმებს და დამატებით ინფორმაციას სამუშაო გამოცდილების შესახებ აღნიშნულ სფეროში. სატენდერო დოკუმენტაციაში მოცემული ცალკეული საკვალიფიკაციო მოთხოვნები არ განსაზღვრავს პრეტენდენტი კომპანიის შესაძლებლობას და მთლიანი ფირმის გამოცდილებას კვების უზრუნველყოფის დარგში.

2013-2014 წლებში ლაგოდეხის მუნიციპალიტეტის გამგეობამ ბიუჯეტის პროექტის შესაბამისი შესყიდვების გეგმა კანონმდებლობით განსაზღვრულ ვადებში წარადგინა შესყიდვების სააგენტოში, რის შემდეგაც შესაძლებელი იყო შესაბამისი ტენდერების ჩატარება ახალი საბიუჯეტო წლის დაწყებამდე. მიუხედავად ამისა, მუნიციპალიტეტმა დაგვა-დასუფთავების, საახალწლო ნაძვის ხის, განათების მოწყობისა და სხვა სამუშაოების შესყიდვაზე დროულად არ გამოაცხადა ტენდერები და გადაუდებელი აუცილებლობით გააფორმა 87.9 ათასი ლარის ღირებულების 7 ხელშეკრულება. აღნიშნული შესყიდვების საჭიროება წინასწარ იყო ცნობილი მუნიციპალიტეტისათვის და არ წარმოადგენდა გადაუდებელ აუცილებლობას. შედეგად, მუნიციპალიტეტმა არ შეასრულა შესყიდვების კანონმდებლობით გათვალისწინებული მოთხოვნები.

სასჯელაღსრულების დეპარტამენტში, 2013 წლის 5 თებერვალს გამოცხადებულ ყველა ტენდერის სატენდერო დოკუმენტაციაში კონტიგენტის რაოდენობასთან დაკავშირებით ბოლო შესწორებები შესულია წინადადების მიღების დაწყებამდე ერთი დღით ადრე, რაც ტენდერში მონაწილე პრეტენდენტებს სირთულეს უქმნის შესაბამისი სატენდერო წინადადების მომზადებისთვის. აღნიშნული უკავშირდება მსჯავრდებულთა/ბრალდებულთა მოსალოდნელი რაოდენობის განსაზღვრის განსაკუთრებულ სპეციფიკას, რაც სისტემის ფუნქციონირების სპეციფიკური აუცილებლობით იყო გამოწვეული (ამნისტია, პატიმართა მნიშვნელოვანი გადინება, რაც ტენდერის გამოცხადების დროს არ იყო გათვლადი).

2014 წელს ლაგოდეხის მუნიციპალიტეტმა გააფორმა ხელშეკრულება გზის საფარის მოწყობის შესყიდვაზე, ღირებულებით 365.1 ათასი ლარი. ხელშეკრულება ითვალისწინებდა 9240 კვ.მ-ზე შემასწორებელი ფენის - სისქით 2.5 სმ და წვრილმარცვლოვანი ფენის, სისქით - 6.5 სმ, მოწყობას. შემსრულებელმა ფაქტობრივად მოაწყო წვრილმარცვლოვანი ასფალტი, სისქით - დაახლოებით 4 სმ, ნაცვლად 6.5 სმ-ისა და შესაბამისად, მუნიციპალიტეტმა ჩაიბარა 303.9 ათასი ლარის ღირებულების სამუშაო, 1 კვ.მ-ის ფასი შეადგენდა 32.9 ლარს. აღსანიშნავია, რომ იმავე წელს მუნიციპალიტეტს 1 კვ.მ წვრილმარცვლოვანი ასფალტის მოწყობა, სისქით - 4 სმ, შესყიდული აქვს მაქსიმუმ - 19.1 ლარად. აღნიშნული ფასით დაანგარიშების შემთხვევაში, შესასრულებელი სამუშაოების ღირებულება შეადგენდა დააახლოებით 176.0 ათას ლარს, ხოლო მუნიციპალიტეტმა გადაიხადა 127.9 ათასი ლარით მეტი, ანუ 303.9 ათასი ლარი.

სასჯელაღსრულების დეპარტამენტის მიერ, ელექტრონულ ტენდერში გამარჯვების შედეგად, 2013 წლის 26 მარტიდან შავ სიაში რეგისტრირებულ შპს „დემეტრე-96“-თან 23 მაისს გაფორმებულია ხელშეკრულება. სატენდერო კომისიის მიერ პრეტენდენტთა დოკუმენტაციის შეფასებების განხილვა დაიწყო 2013 წლის 13 თებერვლიდან, ხოლო ხუთი პრეტენდენტის დისკვალიფიკაციის შემდგომ 24 აპრილს კომისიამ განიხილა და იმსჯელა შპს „დემეტრე-96“-ის წინადადებების შეფასებებზე, მაშინ როცა 26 მარტიდან უკვე შავ სიაში იყო დარეგისტრირებული (ისევ დეპარტამენტის მიერ). კომისიას უნდა ემსჯელა აღნიშნულ საკითხთან დაკავშირებით და შეეწყვიტა ტენდერი.

ტენდერზე მიმწოდებლის მიერ წარდგენილი დაზუსტებული ხარჯთაღრიცხვა მოიცავდა ხარვეზებს, კერძოდ, მასში ასახული იყო სხვადასხვა თანხა, სულ 17.2 ათასი ლარის ოდენობით, თუმცა რა სამუშაოები უნდა ჩაეტარებინა მიმწოდებელს აღნიშნული თანხის ფარგლებში, არაა ცნობილი. მუნიციპალიტეტმა სრულად ჩაიბარა სამუშაოები, მიუხედავად იმისა, რომ პასუხისმგებელი პირები ვერ განმარტავენ, რა სახის სამუშაოები შესრულდა აღნიშნული 17.2 ათასი ლარის ფარგლებში.

ელექტრონულ ტენდერში გამარჯვებულ შპს „მემი“-სა და სასჯელაღსრულების დეპარტამენტს შორის 2014 წლის 5 ივნისს გაფორმდა #192 ხელშეკრულება პატიმრებისათვის საზაფხულო და საზამთრო ფორმების შესყიდვაზე. სახელშეკრულებო ღირებულებამ შეადგინა 55.0 ათასი ლარი, რაც სავარაუდო ღირებულებაზე (205 ათასი ლარი) 24.4%-ით ნაკლებია. აღნიშნული მიუთითებს ბაზრის არასრულფასოვნად მოკვლევაზე. ხელშეკრულებით განისაზღვრა 3,000 ცალი ზაფხულის და 2,000 ცალი ზამთრის ტანსაცმლის მიწოდება. 2014 წლის ივლისში მიწოდებულია მხოლოდ 56.6 ათასი ლარის პატიმრის 1,885 ცალი ზაფხულის ტანსაცმელი. აღნიშნული ტანსაცმელი აუდიტის მიმდინარეობისას ირიცხებოდა საწყობში ნაშთად, რადგან მათი გამოყენების საჭიროება არ დამდგარა აღნიშნული ხელშეკრულება შეწყვეტილი იქნა მიმწოდებლის მხრიდან 2014 წლის 4 აგვისტოს წერილის საფუძველზე. დეპარტამენტის მიერ ხელშეკრულების პირობების არაჯეროვნად შესრულებისათვის პირგასამტეხლო დარიცხული არ ყოფილა (და არც ბუღალტრულად ასახულა მოთხოვნებში). სამინისტროს არც სხვა მომწოდებლის მოძიება განუხორციელებია, რადგან წინა ხელშეკრულებით განსაზღვრული ტანსაცმლის შეძენის საჭიროება არ დამდგარა. დასაჯარიმებელი თანხა შეადგენს 3,099.60 ლარს. აღნიშნულთან დაკავშირებით შემოწმების მიმდინარეობისას , 2015 წლის 4 მარტს შპს „მემის“ წარედგინა შესაბამისი წერილი აღნიშნული თანხის გადახდასთან დაკავშრებით

2014 წელს მუნიციპალიტეტმა ელექტრონული ტენდერის საშუალებით გააფორმა ხელშეკრულება ღირებულებით 179.0 ათასი ლარი, რომელიც ითვალისწინებდა ტყე-პარკის რეაბილიტაციას. პროექტის შესაბამისად დამონტაჟდა ელგანათება, დაიდგა სკამები, მოეწყო ჭიშკარი, ბორდიურები, აშენდა საპირფარეშო და სხვა. წარმოდგენილი დოკუმენტებით, საპირფარეშოს მშენებლობაზე დაიხარჯა 25.1 ათასი ლარი. გამოვლინდა, რომ საპირფარეშო დაკეტილია მისი ექსპლუატაციაში შესვლის დღიდან, რის გამოც შიდა კედლები დანესტიანებული და შესაბამისად, დაზიანებულია. საპირფარეშოს დაშენებული აქვს ფართობი იატაკის გარეშე, რომელსაც აქვს უფუნქციო კარი. აღსანიშნავია, რომ პროექტით გათვალისწინებული არ იყო დაშენებულ ფართობზე კარის მოწყობა.

სასჯელაღსრულების დეპარტამენტის მიერ 2014 წლის განმავლობაში ხშირ შემთხვევებში ტენდერში მონაწილეთათვის მოთხოვნილია საქონლის/მომსახურების მიწოდების 1 ან 2-წლიანი გამოცდილება და არ არის გათვალისწინებული მათ მიერ დადებული ხელშეკრულებების ღირებულება, რაც იწვევს ისეთი პრეტენდენტების დისკვალიფიკაციას, რომელთაც გააჩნიათ მიწოდების მოცულობითი მაღალი, მაგრამ პერიოდით დაბალი გამოცდილება, რაც პრეტენდენტებისთვის შემზღუდავ პირობას წარმოადგენს. მიწოდების გამოცდილების მოთხოვნისას პერიოდის ნაცვლად ღირებულებითი ფაქტორის გათვალისწინების შემთხვევაში არსებობდა შესყიდვის განხორციელების შედარებით დაბალი ღირებულების შესაძლებლობა, რაც ხელს შეუწყობდა ხარჯვის რაციონალურობის ამაღლებას

მუნიციპალიტეტმა ელექტრონული ტენდერით შეისყიდა 26 მაისის ქუჩისა და სკვერის მოწყობა, ღირებულებით 432.7 ათასი ლარი. ობიექტის დათვალიერებისა და წარმოდგენილი დოკუმენტების შესწავლის შედეგად დადგინდა, რომ მიმწოდებელს შესრულებული აქვს დაახლოებით 500 კვ.მ-ით ნაკლები „არსებული გზის ასფალტის საფარის, სკვერის გზა-ბილიკების სადემონტაჟო“ სამუშაოები. სკვერში 91 მრავალწლოვანი სხვადასხვა ჯიშის ხე-მცენარის ნაცვლად არის 77 ერთეული, დაზიანებულია სკვერში არსებული ფილები, შადრევნის ფასადური ზედაპირი, შადრევნის აუზის დეკორატიული ფილები, პოსტამენტის მოპირკეთებული ზედაპირი და პოსტამენტზე მოწყობილი დეკორაცია, არ მუშაობს შადრევანი. აღსანიშნავია, რომ ხელშეკრულების თანახმად, „მიმწოდებელი იძლევა გარანტიას ორი წლის განმავლობაში შესრულებული სამუშაოს სრულფასოვან ფუნქციონირებაზე, გარდა მექანიკური დაზიანებისა.“ მიუხედავად არსებული ხარვეზებისა, აუდიტის დაწყებამდე მუნიციპალიტეტს არ გაუტარებია სათანადო ღონისძიებები.

სასჯელაღსრულების დეპარტამენტში 2010-2014 წლებში წყლის ხარჯვის ტენდენციის შესწავლით გამოვლინდა, რომ წყლის გადასახადი იზრდება ბრალდებულთა/მსჯავრდებულთა რაოდენობის შემცირების მიუხედავად. 2010 წლის განმავლობაში საშუალოდ 22,726 კონტიგენტზე გაწეულია 8,472 ათასი ლარის ხარჯი, ხოლო 2014 წელს კონტიგენტი განახევრდა 10,115 - მდე, ხოლო ხარჯი გაიზარდა 10,754.8 ათას ლარამდე. აღნიშნულიდან გამომდინარე, იგივე ტარიფების პირობებში, პატიმართა რაოდენობის მნიშვნელოვან შემცირებას წყლის ხარჯის მოცულობაზე გავლენა არ მოუხდენია, რაც წყლის არადანიშნულებისამებრ გამოყენების რისკს შეიცავს.

ხელშეკრულების ფარგლებში, პროექტის შესაბამისად, სკვერში დაიდგა არაპროპორციული მასიური ქვა, რომელზეც ამოტვიფრულია მუნიციპალიტეტის გერბი. აღნიშნულისთვის მუნიციპალიტეტმა გადაიხადა 15.1 ათასი ლარი. ქვის დადგმის აუცილებლობა და საჭიროება მასში გადახდილი ფასიდან გამომდინარე, მუნიციპალიტეტის წარმომადგენლების მიერ ვერ იქნა დასაბუთებული.

სამ შემთხვევაში, შვებულებაში მყოფ მუშაკებზე, 2013 წლის მაისის თვეში პრემიის სახით დარიცხული და გაცემულია 1.3 ათასი ლარი. ამასთან აღსანიშნავია, რომ საპრემიო კომისიის სხდომის ოქმებში არ არის მოცემული ინფორმაცია მუშაკების წახალისების კონკრეტული საფუძვლების შესახებ.

პატიმრობისა და თავისუფლების აღკვეთის აღსრულების სისტემის ორგანოთა მოსამსახურეებს სასურსათო ულუფის კომპენსაცია სასჯელაღსრულების დეპარტამენტის მიერ დაბეგრილია საშემოსავლო გადასახადით. სწრაფი რეაგირების მოსამსახურეებს კი ფულადი კომპენსაციის ნაცვლად კვებავენ დღეში სამჯერადად. 2013-2014 წლებში აღნიშნულ მოსამსახურეების კვებით მომსახურებაზე გაწეულია 459.7 ათასი ლარი (2013 წელს-236.9 ათასი და 2014 წელს-222.8 ათასი ლარი), რომელიც მოქმედი კანონმდებლობის შესაბამისად არ არის დაბეგრილი საშემოსავლო გადასახადით

2014 წლის სოფლის პროგრამის ფარგლებში, სოფ. წიფლისწყაროში განხორციელდა არსებული წყლის რეზერვუარის ჭაბურღილზე დაერთება და მაგისტრალში ჩაშვება და სოფ. კართუბანში - ორ ჭაბურღილზე რეზერვუარების მოწყობა და მაგისტრალში ჩაშვება. ორივე ხელშეკრულების ფარგლებში მიმწოდებლებისთვის გადახდილია სულ 36.3 ათასი ლარი, თუმცა მოსახლეობას წყალი არ მიეწოდება და აღნიშნული პროექტით ვერ სარგებლობს.

სამსახურის მიერ არასასოფლო-სამეურნეო დანიშნულების მიწის იჯარით გაცემის მიზნით გამოცხადებულ აუქციონზე ლოტების ჯამურმა ოდენობამ 78 შეადგინა, რომელთაგან 63 ლოტზე განაცხადი არ შესულა. შესაბამისად, არშემდგარ ლოტებზე განთავსებულ ობიექტებს უნდა შეეწყვიტათ ფუნქციონირება, თუმცა როგორც სამსახურის მიერ მოწოდებული ინფორმაციით ირკვევა, აღნიშნული კატეგორიის ობიექტები კვლავ აგრძელებდნენ ფუნქციონირებას და ინფორმაცია მათ მიმართ განხორციელებული რაიმე სახის სამართლებრივი მოქმედების შესახებ აუდიტის პერიოდში ვერ იქნა წარმოდგენილი.

2013 წელს ჩატარებული ტენდერებიდან SPA130003072 ელექტრონულ ტენდერში მონაწილეობა მიიღო სამმა პრეტენდენტმა - შპს „G.M.M.“-მა, შპს „გეო ინვესტმა“ და შპს თელა 2012“-მა. შპს „თელა 2012“-მა წარმოადგინა სავარაუდო ღირებულებასთან შედარებით დაბალი ფასის მქონე სატენდერო წინადადება. სატენდერო დოკუმენტაციის დაზუსტებისთვის მას განესაზღვრა არასრული ერთი დღე, მაშინ როდესაც, მოქმედი წესების თანახმად შესაძლებელი იყო 3 სამუშაო დღის ვადის მიცემაც.

2014 წელს პროგრამის ფარგლებში, სოფ. ჭაბუკიანში ჭაბურღილის მოსაწყობად დაიდო ხელშეკრულება , ღირებულებით - 16.9 ათასი ლარი. სამუშაოების ჩატარების მიუხედავად, ჭაბურღილიდან წყლის ამოღება ვერ ხერხდება.    

გაფორმებული საიჯარო ხელშეკრულებების შესაბამისად გადახდას დაექვემდებარა 82.4 ათასი ლარი, ხოლო საიჯარო ქირის დაგვიანებით გადახდისათვის დარიცხული პირგასამტეხლოს ჩათვლით გადახდილია 78.4 ათასი ლარი. 2014 წლის 31 დეკემბრის მდგომარეობით გადაუხდელად ირიცხება, შპს „ნიმფის“ საიჯარო გადასახადი 5.2 ათასი ლარის ოდენობით, რომელიც დავალიანებად არ არის აღრიცხული.

2013 წელს ჩატარებულ SPA130003076 ელექტრონულ ტენდერში მონაწილეობა მიიღო ოთხმა პრეტენდენტმა - შპს „G.M.M.“-მა, შპს გეო ინვესტმა, შპს „თელა 2012“-მა და შპს KL Group-მა.აქაც, შპს „თელა 2012“-მა წარმოადგინა სავარაუდო ღირებულებასთან შედარებით დაბალი ფასის მქონე სატენდერო წინადადება 1,408.9 ათას ლარზე (სავარაუდო ღირებულება 1,912.2ათასი ლარი). ხოლო მომდევნო დაბალი ფასის სატენდერო წინადადება შპს „G.M.M.“-მა წარმოადგინა – 1,620.0 ათასი ლარის ოდენობით. სატენდერო დოკუმენტაციის დასაზუსტებლად შპს „თელა 2012“-ს განესაზღვრა მინიმალური ვადა. დაზუსტებული ინფორმაციის განსაზღვრულ ვადაში წარმოუდგენლობის გამო შპს „თელა 2012“ დისკვალიფიცირებული იქნა და გამარჯვებულად გამოცხადდა მომდევნო დაბალი ფასის სატენდერო წინადადების მქონე შპს „G.M.M.“. შედეგად, ხელშეკრულება გაფორმდა 211.1 ათასი ლარით მეტი ღირებულების მომსახურებაზე.

2014 წელს სოფ. ზემო გურგენიანში პროგრამის ფარგლებში გამხორციელდა სარიტუალო ფარდულის მშენებლობა, სახელშეკრულებო ღირებულებით - 14.9 ათასი ლარი. სამუშაოების ჩატარების მიუხედავად, ფარდული არ არის ექსპლუატაციაში მიღებული და მოსახლეობა ვერ იყენებს.

ერთ შემთხვევაში ფიზიკური პირის მიმართ არ იქნა გამოყენებული ხელშეკრულებით განსაზღვრული უფლებამოსიულება ვალდებულების შეუსრულებლობისათვის საჯარიმო სანქციის გამოყენების შესახებ, რაც ხელშეკრულების პირობების შესაბამისად 0.3 ათას ლარს შეადგენს.

საქართველოს მთავრობის 2014 წლის 16 იანვრის #66 განკარგულების თანახმად, 2014 წლის ბიუჯეტით გამოყოფილ ასიგნებათა ფარგლებში, გამარტივებული შესყიდვის საშუალებით, დეპარტამენტს მიეცა უფლება განეხორციელებინა პატიმრობის/ თავისუფლების აღკვეთის დაწესებულებებში დასუფთავება/დალაგების, ბრალდებულების/მსჯავრდებულებისათვის განკუთვნილი თეთრეულის რეცხვის, ასევე მათთვის შესაბამისი პროდუქტების მიტანის/დარიგების მომსახურების შესყიდვა. აღნიშნული მომსახურების განსახორციელებლად დეპარტამენტსა და შპს „პერსპექტივას“ შორის 2014 წლის იანვარში, 1,800 ათას ლარზე გაფორმდა #27 ხელშეკრულება. ხსენებული განკარგულების შესაბამისად, ხელშეკრულება ითვალისწინებდა 619 მსჯავრდებულის მომსახურებას, რისთვისაც 2014 წლის განმავლობაში გაწეულ იქნა 1,289.6 ათასი ლარის საკასო ხარჯი. აქედან, 218.2 ათასი ლარი წარმოადგენს შპს „პერსპექტივას“ მოგებას და დღგ–ს, რაც უშუალოდ დეპარტამენტის განხორციელების შემთხვევაში დაიზოგებოდა. შპს „პერსპექტივა“ აღნიშნულ მომსახურეობას ახორციელებდა 2013 წლის ოქტომბრიდან. ამ მიზნით, 2013 წლის ბოლომდე ხელშეკრულების ფარგლებში გაწეულმა საკასო ხარჯმა შეადგინა 293.6 ათასი ლარი, საიდანაც 49.7 ათასი ლარი (მოგებისა და დღგ-ს თანხა) წარმოადგენს არაეკონომიურ ხარჯს. 2013 წლის განმავლობაში შპს „პერსპექტივა“ ქვეკონტრაქტორების მეშვეობით ახორციელებდა სხვადასხვა სამუშაოებს. შუალედური რგოლის ჩართვის საჭიროება დაუსაბუთებელია, მიმწოდებლებთან პირდაპირი წესით ხელშეკრულების გაფორმების შემთხვევაში, შესაძლებელი იქნებოდა საბიუჯეტო სახსრების 27.37 ათასი ლარის დაზოგვა. (საკითხი განხილულია საიდუმლო ნაწილში)

2013-2014 წლებში ლაგოდეხის მუნიციპალიტეტის მიერ გამარტივებული შესყიდვის გზით, 157 ხელშეკრულების ფარგლებში შესყიდულია 1 856.5 ათასი ლარის ღირებულების სამშენებლო სამუშაოები. წარმოდგენილი დოკუმენტების შესწავლით გამოვლინდა, რომ არ იყო დაცული საქართველოს ეკონომიკისა და მდგრადი განვითარების მინისტრის 2012 წლის 12 ივლისის ბრძანების მოთხოვნები. კერძოდ, არც ერთი ხელშეკრულების ფარგლებში სრულყოფილად არ არის წარმოდგენილი ფაქტობრივი დანახარჯების დამადასტურებელი დოკუმენტაცია. შესაბამისად, დაუდგენელია როგორ ასრულებდა მუნიციპალიტეტი აღნიშნული ბრძანების მოთხოვნებს.

სამსახურს 2013 წელს ქონების გადასახადით არ აქვს დაბეგრილი ეკონომიურ საქმიანობაში გამოყენებული ბალანსზე რიცხული ძირითადი საშუალებები და სარგებლობაში არსებული არასასოფლო - სამეურნეო დანიშნულების მიწა.

4 შემთხვევაში - მიმწოდებლებს, რომელთაც სამუშაოების შესასრულებლად დაქირავებული ჰქონდათ მანქანა-მექანიზმები და ინვენტარი, მუნიციპალიტეტმა აუნაზღაურა შესრულებული სამუშაოების აქტებში აღნიშნული მანქანა-მექანიზმების ქირავნობის ღირებულებაზე დარიცხული ზედნადები ხარჯებისა და გეგმური დაგროვების პროცენტი, სულ - 6.5 ათასი ლარის ოდენობით,რაც მუნიციპალიტეტის მიერ ბიუჯეტიდან სავარაუდოდ ზედმეტად იქნა გადახდილი.

სამსახურის მიერ ვერ იქნა წარმოდგენილი 2013 წელს განხორციელებული შესყიდვების მიზნებისათვის ბაზრის კვლევის ამსახველი რაიმე დოკუმენტური სახის მტკიცებულება, რითაც განისაზღვრებოდა სამსახურისთვის მისაღები ხელშეკრულების ოპტიმალური პირობები.

მუნიციპალიტეტის მიერ გაფორმებული 3 ხელშეკრულების ფარგლებში განსაზღვრული იყო გაუთვალისწინებელი სამუშაოები, ხარჯთაღრიცხვით შესასრულებელი სამუშაოების 3%-ის ოდენობით. აუდიტის შედეგად გამოვლინდა, რომ შემსყიდველმა ხელშეკრულებით განსაზღვრული სამუშაოს მიწოდების ვადა მიმწოდებლებს გადაუწია გაუთვალისწინებელი სამუშაოების შესასრულებლად. აღნიშნული მოტივი არ უნდა გამხდარიყო სამუშაოს ვადის გადაწევის მიზეზი და შემსყიდველს ხელშეკრულებების პირობების შესაბამისად შეეძლო დაეკისრებინა პირგასამტეხლო, სამუშაოების შესრულების ვადის დარღვევისათვის, სულ 21.8 ათასი ლარის ოდენობით.

აუდიტის პერიოდში ვერ იქნა წარმოდგენილი დოკუმენტაცია შპს „მწვანე სახლთან“ გაფორმებული ხელშეკრულების შესაბამისად გაკეთებული დაკვეთების შესახებ. შესაბამისად, მოცემულ შემთხვევაში ვერ დგინდება მიმწოდებლის მიერ სატენდერო მოთხოვნით გათვალისწინებული ვალდებულებების დროულად შესრულების მდგომარეობა, რაც ხელშეკრულების პირობების გათვალისწინებით საჯარიმო სანქციის გამოყენებას განაპირობებს

2014 წელს სხვადასხვა მიმწოდებლის მიერ შესრულებული სამუშაოების აქტებში გაშიფრული არ არის, რას მოიცავს ხარჯთაღრიცხვით გაუთვალისწინებელი ხარჯი. მიუხედავად ამისა, მუნიციპალიტეტმა 4 ხელშეკრულების ფარგლებში აანაზღაურა გაუთვალისწინებელი ხარჯები, საერთო ღირებულებით - 1.3 ათასი ლარი.

მიუხედავად იმისა, რომ აფხაზეთის მთავრობის სარეზერვო ფონდი იქმნება ავტონომიური რესპუბლიკის რესპუბლიკურ ბიუჯეტში გაუთვალისწინებელი გადასახდელების დასაფინანსებლად , 2013-2014 წლებში აფხაზეთის მთავრობის თავმჯდომარის 240 ბრძანების საფუძველზე მთავრობის სარეზერვო ფონდიდან მაინც გაიცა 52.8 ათასი ლარი ისეთი გადასახდელებისათვის, რომლებიც გათვალისწინებული იყო 2013-2014 წლების რესპუბლიკურ ბიუჯეტში აფხაზეთის მთავრობის წარმომადგენლობების ასიგნებებში

2013 წელს განხორციელებული შესყიდვებიდან 2 შემთხვევაში, შესყიდვის ობიექტის ტექნიკურ მოთხოვნაში არაარსებითი პარამეტრების გათვალისწინებით, ადგილი აქვს კონკურენციის შეზღუდვის ფაქტებს.

მუნიციპალიტეტმა 2013 წელს ელექტრონული ტენდერის საფუძველზე გააფორმა ხელშეკრულება ღირებულებით - 199.98 ათასი ლარი. ხელშეკრულების თანახმად, წინასწარი ანგარიშსწორებისთვის მიმწოდებელს უნდა წარმოედგინა საბანკო გარანტია, რომლის მოქმედების ვადა 30 დღით მეტი იქნებოდა ხელშეკრულების მოქმედების ვადაზე. მიმწოდებელმა წარმოადგინა სადაზღვევო კომპანია „არდი ჯგუფის“ მიერ გაცემული საბანკო გარანტია, რომლის მოქმედების ვადა არ შეესაბამებოდა ხელშეკრულებით განსაზღვრულს. მიუხედავად ამისა, მას მაინც ჩაერიცხა ავანსი 180.0 ათასი ლარის ოდენობით.მიმწოდებელმა თვითმმართველ ერთეულს ავტოცისტერნა არ მიაწოდა, ასევე არ დააბრუნა მისთვის გადარიცხული ავანსი, ხოლო სადაზღვევო კომპანიამ მუნიციპალიტეტს თანხა ჩაურიცხა დაგვიანებით. აღნიშნული თანხის საბანკო ანგარიშზე არსებობის შემთხვევაში, მუნიციპალიტეტი დაახლოებით 17.0 ათას ლარზე მეტ საპროცენტო შემოსავალს მიიღებდა.

აუდიტის ობიექტს 22 შემთხვევაში არ გააჩნდა სარეზერვო ფონდიდან გამოყოფილი თანხების ხარჯვის დამადასტურებელი დოკუმენტაცია, რიის გამოც აუდიტის ჯგუფს მიმდინარე აუდიტის ფარგლებში არ მიეცა შესაძლებლობა მოეპოვებინა სათანადო რწმუნება 80.3 ათასი ლარის ხარჯვის მიზნობრიობაზე.

სატენდერო დოკუმენტაციით ხელშეკრულების პირობების შეუსრულებლობისათვის განსაზღვრული იყო პირგასამტეხლო 0,5%, ხოლო ხელშეკრულებაში პირგასამტეხლოს ოდენობა შემცირდა და განისაზღვრა 0,1%-ით. შესაბამისად, პირგასამტეხლოს სატენდერო დოკუმენტაციის შესაბამისად, დადგენის შემთხვევაში დასარიცხი სანქციის თანხა 1.9 ათასი ლარის ნაცვლად იქნებოდა, დაახლოებით, 9.0 ათას ლარზე მეტი.

,,სარეზერვო ფონდიდან“ თანხების გამოყოფასთან დაკავშირებით, რომელიც ძირითადად შეეხებოდა აფხაზეთიდან დევნილ მოსახლეობაზე მატერიალური დახმარების გაცემას და სხვადასხვა ღონისძიებების დაფინანსებას, აფხაზეთის მთავრობაში შესაბამისი ბრძანებით შემუშავებული კონტროლის მექანიზმი ზოგადი ხასიათისაა. იმ გარემოების გათვალისწინებით, რომ აღნიშნულ მექანიზმში წარმოდგენილია მხოლოდ აფხაზეთიდან იძულებით გადაადგილებული პირთათვის მატერიალური დახმარების შემთხვევები და არაფერია ნათქვამი სხვადასხვა ღონიძიებების დაფინანსების შემთხვევებზე. ამასთან, სარეზერვო ფონდიდან თანხების გამოყოფასთან დაკავშირებით ცალკე გაწერილი წესის შემუშავება, რისი პრეცენდენტიც არის საქართველოს ცენტრალურ ხელისუფლებაში , უფრო მეტი გამჭვირვალობის, მიზნობრივად ხარჯვისა და სრულყოფილი კონტროლის საფუძველი გახდება.

2013-2014 წლებში ლაგოდეხის მუნიციპალიტეტის მიერ დამატებული ღირებულების გადასახადის სახით, 95.0 ათასი ლარი ანაზღაურებულია იმ შემთხვევებშიც, როდესაც მომსახურების მიწოდება გათავისუფლებული იყო დღგ-ის გადასახადისაგან ან მიმწოდებლები არ იყვნენ რეგისტრირებულნი გადასახადის გადამხდელებად საქონლის/მომსახურების მიწოდების მომენტში.

2013-2014 წლებში ლაგოდეხის მუნიციპალიტეტის მიერ ადგილობრივი ბიუჯეტიდან წარმომადგენლობითი ხარჯების მუხლით დაიხარჯა 54.3 ათასი ლარი. სხვა ქვეყნების დელეგაციების ოფიციალური მიღებების გარდა, მნიშვნელოვანი თანხებია დახარჯული სახელმწიფო უწყებების სხვადასხვა თანამდებობების პირების კვების ორგანიზებისათვის.

2013-2014 წლებში ლაგოდეხის მუნიციპალიტეტს გაფორმებული ჰქონდა ხელშეკრულება საკვების, სასმელების, თამბაქოსა და მონათესავე პროდუქტების მიწოდებასთან დაკავშირებით. აღნიშნული მომსახურების ხარჯი გაწეულია „ოფისის ხარჯების“ მუხლიდან, თანხით - 7.3 ათასი ლარი. ვინაიდან წარმომადგენლობითი ხარჯებიდან ხდებოდა სტუმრების კვებით უზრუნველყოფა, „ოფისის ხარჯებიდან“ ანალოგიური მომსახურების შესყიდვა არასწორად იქნა კლასიფიცირებული.

2013-2014 წლებში ლაგოდეხის მუნიციპალიტეტის მიერ საკრებულოს წევრებზე უფლებამოსილების განხორციელებისათვის გაცემულია 82.9 ათასი ლარი, რაც არასწორადაა ჩამოწერილი ხარჯებში, შესამამისი დამადასტურებელი დოკუმენტების გარეშე.

2013-2014 წლებში ლაგოდეხის მუნიციპალიტეტში შტატგარეშე მოსამსახურეების ანაზღაურებაზე გაწეული ხარჯია 458.1 ათასი ლარი. შრომით ხელშეკრულებებში არ არის სათანადოდ აღწერილი დასაქმებულის ფუნქციები და მოვალეობები, ზოგიერთ შემთხვევაში ხდებოდა ისეთი ფუნქციების განსაზღვრა, რაც მუნიციპალიტეტს არ ესაჭიროებოდა. არასათანადოდ დასაბუთებული შტატგარეშე მოსამსახურეთა საჭიროებისა და აუცილებლობის გამო, მუნიციპალიტეტის მიერ გაწეულია არაგონივრულად მაღალი ხარჯი.

2013-2014 წლებში ლაგოდეხის მუნიციპალიტეტის გამგეობისა და საკრებულოს შტატგარეშე მოსამსახურეებზე პრემიის სახით გაცემულია სულ 85.9 ათასი ლარი, მიუხედავად იმისა, რომ შტატგარეშე მომსამსახურეებთან გაფორმებული ხელშეკრულებები დამატებით ანაზღაურებას და წახალისებას არ ითვალისწინებდა. აგრეთვე საბიუჯეტო კლასიფიკაციის მიხედვით, „საქონლისა და მომსახურების“ მუხლი არ ითვალისწინებს აღნიშნული კატეგორიის თანამშრომელთა პრემიის ხარჯს.

ა(ა)იპ „ლაგოდეხის მუნიციპალიტეტის სპორტისა და ახალგაზრდობის სამსახურზე“ 2013-2014 წლებში გაცემულმა სუბსიდიამ შეადგინა 789.0 ათასი ლარი. 2014 წლის სექტემბერში აღნიშნულმა დაწესებულებამ სუბსიდიის სახით მოითხოვა 64.6 ათასი ლარის ჩარიცხვა და მიუთითა, რომ შრომის ანაზღაურების ხარჯის დასაფარავად ესაჭიროებოდა 26.6 ათასი ლარი, ხოლო დანარჩენი თანხა მოხმარდებოდა სხვა საჭიროებებს. მიუხედავად აღნიშნულისა, სექტემბრის თვეში ა(ა)იპ-ის მიერ შრომის ანაზღაურება გაიცა 41.3 ათასი ლარის ოდენობით, მათ შორის, პრემიების სახით დარიგდა 19.3 ათასი ლარი. აღნიშნული პრემიის თანხიდან 7.5 ათასი ლარი (ხელფასის ათმაგ ოდენობაზე მეტი) ა(ა)იპ-ის დირექტორმა გამოუწერა საკუთარ თავს. მუნიციპალიტეტმა მოგვიანებით აღნიშნული საკითხის დასარეგულირებლად მიმართა სასამართლოს. ა(ა)იპის დირექტორმა მიღებული პრემიიდან 6000 ლარი დააბრუნა უკან.

ლაგოდეხის მუნიციპალიტეტის მიერ 2013-2014 წლებში ა(ა)იპ `ტურიზმის განვითარების ხელშეწყობისა და საერთაშორისო ორგანიზაციებთან ურთიერთობის ცენტრი“ სუბსიდიით დაფინანსდა 152.0 ათასი ლარით. აქედან შრომის ანაზღაურებაზე გაიხარჯა 112.8 ათასი ლარი. ა(ა)იპ-ის მიერ დამზადდა რუკები, ბროშურები და ტრიპლეტები, საერთო ღირებულებით - 7.3 ათასი ლარი. შეიქმნა საინფორმაციო ბაზა სასტუმროებისა და კვების ობიექტების შესახებ, განხორციელდა შეხვედრა ადგილობრივ ტურისტულ ბიზნესში ჩართულ პირებთან, რამდენჯერმე მოეწყო გასვლითი აქცია ტურისტების მოზიდვის კუთხით და სხვა. მუნიციპალიტეტის გამგეობაში არსებობს განათლების, კულტურის, ძეგლთა დაცვის, სპორტისა და ახალგაზრდულ საკითხთა სამსახური, რომლის დებულების თანახმად ერთ-ერთ ფუნქციას წარმოადგენს მუნიციპალიტეტის ტერიტორიაზე ტურიზმის განვითარება და ხელშეწყობა. აღნიშნულიდან გამომდინარე, მუნიციპალიტეტს შეეძლო გამოეცხადებინა ტენდერი რუკებისა და ბუკლეტების შესყიდვაზე, ხოლო ა(ა)იპ-ის მიერ განხორციელებულ სხვა ზემოთ აღნიშნულ საქმიანობას გამგეობის შესაბამისი სამსახური უზრუნველყოფდა თავისი ფუნქციების ფარგლებში.

2013-2014 წლებში ლაგოდეხის მუნიციპალიტეტის მიერ იჯარით გაცემულია არასასოფლო-სამეურნეო და სასოფლო-სამეურნეო დანიშნულების მიწები - 2013 წელს - 41, ხოლო 2014 წელს - 43 ობიექტი, რომელთა საიჯარო ქირა საანგარიშგებო პერიოდში შეადგენდა, სულ 67.9 ათას ლარს. 2015 წლის 1 იანვრისათვის მოიჯარეების მიერ გადაუხდელმა საიჯარო ქირამ 17.0 ათას ლარზე მეტი, ხოლო ქირის დაგვიანებით გადახდაზე ხელშეკრულებით გათვალისწინებულმა საჯარიმო სანქციამ (საურავი) – 8.0 ათას ლარზე მეტი შეადგინა.

ლაგოდეხის მუნიციპალიტეტის მიერ 2013-2014 წლებში „სოციალური უზრუნველყოფის“ მუხლით გახარჯულია სულ 565.3 ათასი ლარი. გამოვლინდა 20-ზე მეტი სხვადასხვა შემთხვევა, როდესაც მუნიციპალიტეტი აფინანსებდა ისეთ სამედიცინო მომსახურებას (თითოეულს 500 ლარით), რომელიც სახელმწიფო ჯანმრთელობის დაცვის პროგრამით ექვემდებარებოდა დაფინანსებას.ზოგიერთ შემთხვევაში ბენეფიციარი იძენს არა იმ მედიკამენტებს, რომელთა დაფინანსებაზეც მუნიციპალიტეტმა გარანტია გასცა, არამედ განსხვავებულ მედიკამენტებს და სამედიცინო საშუალებებს, მათ შორის, წნევის აპარატებს. არ ხორციელდება კონტროლი შესყიდულ და ფორმა N100-ში გაწერილ მედიკამენტებზე.

ინსპექტირების გეგმის შედგენის საფუძველია რისკების ანალიზი, რომელმაც უნდა უზრუნველყოს მნიშვნელოვანი საკითხების იდენტიფიცირება. 2013-2018 წლებში შემოწმების (ინსპექტირების) წლიური გეგმა არ დამტკიცებულა. შესაბამისად, არცერთ ორგანიზაციაში პერსონალური მონაცემების დამუშავების კანონიერების დასადგენად გეგმური შემოწმება არ ჩატარებულა. მიღებული განმარტებით, მიზეზი ის არის, რომ წლის განმავლობაში სავალდებულოდ განსახილველი საჩივრებისა და განცხადებების რაოდენობა წინასწარ არ არის განსაზღვრული. აღსანიშნავია, რომ რამდენიმე შემოწმება განხორციელდა სამსახურის ინიციატივით. სამსახურის საქმიანობა ძირითადად დამოკიდებულია შესულ საჩივრებსა და განცხადებებზე. შედეგად, დაბალია აქტივობა პერსონალურ მონაცემთა კანონშეუსაბამო დამუშავების ფაქტების პროაქტიული გამოვლენისა და დარღვევათა პრევენციის მიმართულებით, რაც, შეზღუდული ადამიანური რესურსის პირობებში, ვერ უზრუნველყოფს ორგანიზაციის ეფექტიან ფუნქციონირებას.

თვითმმართველმა ერთეულმა შეისყიდა ლაგოდეხის მუნიციპალიტეტის 2013 წლის საქმიანობის აუდიტორული შემოწმება. წარმოდგენილი ანგარიშის შესწავლის შედეგად გამოვლინდა, რომ ის ასახავს მუნიციპალიტეტის ბიუჯეტის შესრულების საკითხს, ხოლო აუდიტორმა დასკვნა გასცა და დაადასტურა ფინანსური ანგარიშგების უტყუარობა და სამართლიანობა. აღსანიშნავია, რომ მუნიციპალიტეტს 2013 წელს ფინანსური ანგარიშგება საერთოდ არ შეუდგენია. ამასთანავე, ანგარიში არ მოიცავს იმ ხარვეზებსა და დარღვევა-ნაკლოვანებებს, რომლებიც სახელმწიფო აუდიტის სამსახურის მიერ იქნა იდენტიფიცირებული.

საქმიანობის განხორციელებისას, სამსახური ორიენტირებული უნდა იყოს საჯარო მმართველობის გაუმჯობესებაზე, რაც მიიღწევა სისტემური ხასიათის დარღვევა-ნაკლოვანებების გამოვლენით, შესაბამისი გადაწყვეტილებებისა და რეკომენდაციების შემუშავებით, გაცემით და მათი შესრულების მონიტორინგით. გამოვლინდა, რომ აპარატს გადაწყვეტილებებისა და რეკომენდაციების სისტემატიზებული აღრიცხვის მექანიზმი არ აქვს დანერგილი. ამასთანავე, მიღებული განმარტებით, მხოლოდ გადაწყვეტილებების შესრულებაზე ხორციელდება მონიტორინგი. სისტემატიზებული აღრიცხვის მექანიზმის არსებობა ორგანიზაციას მისცემს შესაძლებლობას, ეფექტიანად შეაფასოს გადაწყვეტილებების და რეკომენდაციების შესრულების მდგომარეობა და მიღებული შედეგები.

ლაგოდეხის მუნიციპალიტეტმა 2013 წლის აგვისტოში გააფორმა ხელშეკრულება სოფელ ჭიაურის გზის პირველი ნაწილის მოწყობის სამუშაოების შესყიდვაზე, ღირებულებით -450.0 ათასი ლარი. მუნიციპალიტეტმა შესრულებული სამუშაო ჩაიბარა 2013 წლის დეკემბერში. ხელშეკრულების თანახმად, მიმწოდებელი იძლეოდა გარანტიას, რომ 2 წლის განმავლობაში საკუთარი ხარჯებით უზრუნველყოფდა წარმოქმნილი წუნის აღმოფხვრას. ადგილზე დათვალიერებით აღმოჩნდა, რომ გზის საფარის ცალკეული მონაკვეთები დაზიანებულია.მიუხედავად ამისა, მუნიციპალიტეტს არ მიუმართავს მიმწოდებლისთვის ხელშეკრულებით ნაკისრი ვალდებულების შესრულების მოთხოვნით. მხოლოდ აუდიტის მსვლელობის დროს დაზიანებების გამოვლენის შემდეგ განხორციელდა გზის საფარის აღდგენა.

2013-2014 წლების განმავლობაში ცვეთა შეეხო ისეთ აქტივებს, რომლის ღირებულება არ აღემატებოდა 500 ლარს. კერძოდ, ცვეთა არასწორად დაერიცხა 2013 წელს 834 ერთეულ მცირეფასიან გრძელვადიან აქტივს 4 249.85 ლარის ოდენობით, ხოლო 2014 წელს 609 ერთეულ მცირეფასიან გრძელვადიან აქტივს 3 829.18 ლარის ოდენობით

როგორც ეროვნული კანონმდებლობით, ისე საერთაშორისო პრაქტიკით, ინფორმაციის თავისუფლება და პერსონალურ მონაცემთა დაცვის უფლება არ წარმოადგენს აბსოლუტურ უფლებას. მათი შეზღუდვა შესაძლებელია შესაბამისი ლეგიტიმური მიზნის არსებობისას, მათ შორის: ინფორმაციის თავისუფლების შეზღუდვის საფუძველია პერსონალური მონაცემების დაცვა, ხოლო პერსონალური მონაცემების დაცვის შეზღუდვის საფუძველი − საჯარო ინტერესი. საჯარო ინტერესის ტესტი მაღალი საზოგადოებრივი ინტერესისა და პერსონალური მონაცემის სენსიტიურობის ანალიზის საფუძველზე პერსონალური მონაცემების გასაჯაროების საკითხის გადაწყვეტას ითვალისწინებს. ამასთანავე, ეროვნულ კანონმდებლობაში არ არის დეტალურად აღწერილი კრიტერიუმები, რომლებიც ამ საკითხზე ადმინისტრაციული ორგანოს მსჯელობისას პირადი ინფორმაციის კონფიდენციალობის დაცვისა და ამ ინფორმაციაზე ხელმისაწვდომობის ინტერესებს შორის გონივრული ბალანსის დაცვას უზრუნველყოფს. საკანონმდებლო რეგულირების ზოგადი ხასიათი წარმოქმნის როგორც პირად საკითხებთან დაკავშირებული სენსიტიური ინფორმაციის ლეგიტიმური მიზნის შეუსაბამოდ გასაჯაროების, ისე მაღალი საზოგადოებრივი ინტერესის მქონე ინფორმაციის ხელმისაწვდომობის უსაფუძვლო შეზღუდვის შესაძლებლობას.

2013 წელს ლაგოდეხის მუნიციპალიტეტმა გააფორმა ხელშეკრულება თანხით 720.0 ათასი ლარი,სოფ. ბოლოკიანი-ნაწისქვილარის დამაკავშირებელი გზის საფარის მოწყობის სამუშაოების შესყიდვაზე. სატენდერო დოკუმენტაციაში ერთ-ერთ პუნქტად მითითებულია თხევადი ბიტუმით დამუშავებულ საფარზე შემასწორებელი ფენის მოსაწყობად ფოროვანი ა/ბეტონი, რაოდენობით - 414.1 ტონა. ტენდერში გამარჯვების შემდეგ ხელშეკრულების გაფორმებამდე, შემსყიდველმა მოითხოვა ფასების ცხრილის დაზუსტება, სადაც ფოროვანი ა/ბეტონის რაოდენობა 301.3 ტონით შეამცირა. აღნიშნული უზუსტობა სატენდერო კომისიის მიერ არ ყოფილა გამოვლენილი და მიმწოდებელს ხელშეკრულება გაუფორმდა 112.8 ტ. ფოროვანი ა/ბეტონის შესყიდვაზე. კანონმდებლობის თანახმად, აღნიშნული ხარვეზის აღმოჩენის შემთხვევაში, პრეტენდენტი ექვემდებარებოდა დისკვალიფიკაციას.

ვაჟა–ფშაველას გამზ. N16-ში მდებარე შენობა ნაგებობის მე - 3 სართულზე არსებული ფართი (180.29მ2), თანხობრივად აღრიცხული არ იყო თეატრის 2013 წლის ბალანსში, რის შედეგად არსებითი ცდომილებით, შემცირდა რეალურად არსებული არაფინანსური აქტივების ღირებულება.

ცესკოს მიერ შესყიდვების დაგეგმვა ხორციელდებოდა არასრულყოფილად მიწოდების ბაზრის კვლევისა და არსებული მარაგების გათვალისწინების გარეშე. ამდენად, შესყიდვების წლიური გეგმები არ ეფუძნება რეალურ მონაცემებს.

აპარატის მიერ ჩატარებული 976 შემოწმებიდან, 205 შემთხვევაში (21%) ადმინისტრაციული პასუხისმგებლობა არ იქნა დაკისრებული ადმინისტრაციული სახდელის დადების ორთვიანი ხანდაზმულობის ვადის გასვლის გამო, რაც დაგვიანებული მომართვებითა და არსებული რესურსების სიმცირის გამო დაგვიანებული რეაგირებითაა გამოწვეული. ასევე აღსანიშნავია, რომ გარკვეული მომართვების კომპლექსურობიდან გამომდინარე, განხილვისთვის საკმაოდ დიდი დროა საჭირო და სახდელის დაკისრება ვერ ესწრება დადგენილ ვადაში.

2014 წელს ლაგოდეხის მუნიციპალიტეტმა მიუსაფართა და მზრუნველობა- მოკლებულთა კვებითი მომსახურების შესყიდვა გამარტივებული ელექტრონული ტენდერის საშუალებით განახორციელა. სახელშეკრულებო ღირებულებამ შეადგინა 36.5 ათასი ლარი, ხოლო მომსახურების პერიოდი განისაზღვრა 14 მარტიდან 31 დეკემბრის ჩათვლით. სატენდერო დოკუმენტაციით გაანგარიშებული იყო 70 ბენეფიციარზე 1-კვირიანი მენიუ, რის შესაბამისად მიმწოდებელმა წარმოადგინა განფასება,რომელშიც კვების ღირებულება დღეების მიხედვით განსხვავებული იყო. სახელშეკრულებო პერიოდის განმავლობაში, არსებული კვირის დღეების მიხედვით დათვლილი მომსახურების ღირებულებამ შეადგინა 24.4 ათასი ლარი. მუნიციპალიტეტის მიერ მიმწოდებელზე წარმოდგენილი შესრულების საფუძველზე ანაზღაურებულია 33.1 ათასი ლარი, ანუ 8.7 ათასი ლარით მეტი. პასუხისმგებელი პირის განმარტებით, აღნიშნული სხვაობა შეადგენს პერსონალის ხელფასს და კერძების მომზადებაზე გასაწევ სხვა ხარჯებს, თუმცა სატენდერო დოკუმენტაციით არ იყო ცალკე გამოყოფილი ხელფასებისა და სხვა ხარჯების მოცულობები.

არ დაკორექტირებულა წინა აუდიტით გამოვლენილი ხარვეზი კერძოდ, ბალანსის საცნობარო მუხლში ,,ხარჯებში ჩამოწერილი მარაგები ექსპლუატაციაში“ არსებული თანხები, რომლებიც შემცირებული იყო 3 279.00 ლარის ოდენობით.

ცესკოს ხელმძღვანელობა არ ატარებდა ქმედით ღონისძიებებს შესყიდვების განხორციელების გაჭიანურების თავიდან ასაცილებლად, რითაც იქმნებოდა საქართველოს საარჩევნო კოდექსის 52-ე მუხლის მე-6-ე პუნქტის გამოყენების ხელოვნური საფუძველი, რაც შეუსაბამობაშია სახელმწიფო შესყიდვების სააგენტოს თავმჯდომარის 2011 წლის 7 აპრილის N9 ბრძანებით დამტკიცებული „გამარტივებული შესყიდვის, გამარტივებული ელექტრონული ტენდერისა და ელექტრონული ტენდერის ჩატარების წესის“ მე-3 მუხლის მე-2 ნაწილის „ბ“ ქვეპუნქტის მოთხოვნებთან.

პერსონალურ მონაცემთა ბაზა ფაილური სისტემაა, სადაც მონაცემები დალაგებული და ხელმისაწვდომია კონკრეტული კრიტერიუმების მიხედვით. მიუხედავად კანონმდებლობის მოთხოვნისა, 2018 წლის მდგომარეობით, საქართველოში რეგისტრირებული 139,488 ერთეული კერძო და საჯარო ორგანიზაციიდან, ფაილური სისტემის კატალოგი სულ წარმოდგენილი აქვს 2,235 სუბიექტს (1.6%). ზემოაღნიშნულიდან გამომდინარე, აპარატში ფაილური სისტემის კატალოგის სრულყოფა არ მიმდინარეობს და შესაბამისად, არც ანალიზი კეთდება, რაც აფერხებს საზედამხედველო ფუნქციების ეფექტიანად განხორციელების შესაძლებლობას. კარგი პრაქტიკის შესწავლით გამოვლინდა, რომ პერსონალურ მონაცემთა დამუშავებზე საზედამხედველო ფუნქციების უზრუნველსაყოფად, ნაწილი ქვეყნებისა, მაგალითად. ხორვატია, სლოვაკეთი, ისლანდია − იყენებს ფაილური სისტემის კატალოგს (ცენტრალიზებული მიდგომა), ხოლო გერმანიაში, ავსტრიაში, ჩეხეთსა და გაერთიანებულ სამეფოში, კანონმდებლობა ავალდებულებს პერსონალურ მონაცემთა დამმუშავებელს, გამოყოს პასუხისმგებელი პირი (დეცენტრალიზებული მიდგომა), რომელიც ვალდებულია უზრუნველყოს მონაცემთა დამუშავება კანონმდებლობის შესაბამისად. აღსანიშნავია, რომ შესაძლოა არსებობდეს კომბინირებული მიდგომაც. აპარატის განმარტებით, მიმდინარეობს მუშაობა საკანონმდებლო ცვლილებებზე, რომელიც მონაცემთა სუბიექტების და საზედამხედველო ორგანოს წინაშე მონაცემთა დამმუშავებელი ორგანიზაციების ანგარიშვალდებულების სხვადასხვა მექანიზმს ითვალისწინებს.

2013-2014 წლებში მუნიციპალიტეტმა ტენდერის გზით შეისყიდა სხვადასხვა სახის საპროექტო მომსახურება, მათ შორის, შესყიდულია მუნიციპალიტეტის ტერიტორიიდან საყოფაცხოვრებო ნარჩენების გატანის ღონისძიებების, ბაღების, სკვერებისა და სასაფლაოების მოვლა-პატრონობის საპროექტო-სახარჯთაღრიცხვო დოკუმენტაცია, რისთვისაც გახარჯა 4.8 ათასი ლარი.აღსანიშნავია, რომ მუნიციპალიტეტმა მიმწოდებლისგან შეიძინა მხოლოდ სავარაუდო ღირებულების დადგენის მომსახურება. მუნიციპალიტეტს შეეძლო თავად შეედგინა პროექტები ისეთი სამუშაოებისათვის, რომელთაც არ სჭირდება რთული აზომვებისა და გაანგარიშების ჩატარება. სავარაუდო ღირებულების განსაზღვრისთვის შესაძლებელი იყო წინა წლების შესყიდვებისა და დასუფთავების ღონისძიებების მიმწოდებლის გამოცდილების გათვალისწინება, რომლის 100%-ანი წილის მფლობელი მუნიციპალიტეტია.

2014 წლის ბალანსის დანართ ფორმა N4-ში არაფინანსური აქტივების შემაჯამებელ მუხლში 9 840.0 ლარის ნაცვლად ნაჩვენებია 10 302.0 ლარი. ამასთან 9 840.0 ლარის ღირებულების არაფინანსური აქტივებიდან ძირითად აქტივებს წარმოადგენს მხოლოდ 1 530.0 ლარის ღირებულების ინვენტარი, ხოლო დანარჩენი 8310.0 ლარის ღირებულების საქონელი წარმოადგენს მატერიალურ მარაგებს (მ.შ მცირეფასიან გრძელვადიან აქტივებს).

ცესკოს შესაბამის სტრუქტურულ ერთეულებს შორის არასაკმარისი კომუნიკაციის არსებობის გამო დროულად ვერ ხდებოდა შესასყიდი საქონლის ტექნიკური სპეციფიკაციების განსაზღვრა, რაც იწვევდა დაგვიანებულ და გადაუდებელ სახემლმწიფო შესყიდვებს. დროული და კვალიფიციური დაგეგმვის შემთხვევაში შესაძლებელი იქნებოდა შესყიდვები განხორციელებულიყო სატენდერო პროცედურებით, რაც უზრუნველყოფდა საბიუჯეტო სახსრების რაციონალურ და ეკონომიურ ხარჯვას.

პერსონალურ მონაცემთა დაცვის მიმართულებით საზოგადოების ცნობიერების დონე არასაკმარისია, რაზეც მეტყველებს ჩატარებული კვლევის შედეგები. მიუხედავად იმისა, რომ მოქალაქეთა ცნობიერების ამაღლების საკითხი ხაზგასმულია სახელმწიფო ინსპექტორის სამსახურის ინსტიტუციური განვითარების სტრატეგიაში, ზუსტად ვერ ხერხდება იმის შეფასება, რამდენად მიაღწია აპარატმა აღნიშნულ მიზანს, ვინაიდან ორგანიზაციის სტრატეგიულ და მოკლევადიან სამოქმედო გეგმებში არ არის განსაზღვრული გაზომვადი კრიტერიუმები და ინდიკატორები, რომელთა მიხედვით შესაძლებელი იქნება მიღწეული შედეგის შეფასება.

2014 წელს მუნიციპალიტეტის მიერ სუბსიდიური დაფინანსებით 30.9 ათასი ლარი, უზრუნველყოფილ იქნა წითელი ჯვრის წარმომადგენლობა ლაგოდეხში. წითელი ჯვრის ოფისის გახსნის შემდეგ მუნიციპალიტეტმა საკუთარი ხარჯებით მოუწყო შიდა საპირფარეშო, თანხით 2.4 ათასი ლარი. რემონტის ხარჯები თანადაფინანსების ხარჯთაღრიცხვით არ იყო გათვალისწინებული.

ინვენტარიზაციის შედეგად გამოვლინდა თეატრის ბალანსზე რიცხული სხვადასხვა მისამართზე განლაგებული აქტივების დანაკლისები და ზედმეტობა. კერძოდ, დაფიქსირდა 22 ერთეული 1324.0 ლარის ღირებულების ინვენტარის დანაკლისი, 7 ერთეული დაუდგენელი ღირებულების ინვენტარის ზედმეტობა. ასევე, გამოვლინდა 21 ერთეული 690.5 ლარის ღირებულების ინვენტარის გაორება;

საარჩევნო ბიულეტენების ბეჭდვის მომსახურების შესყიდვის შემთხვევაში ცესკოს მიერ არ ჩატარებულა სათანადო ღონისძიებები პოტენციური მიმწოდებლების გამოვლენის, ორგანიზაციისათვის მისაღები ხელშეკრულების პირობების განსაზღვრისა და სავარაუდო ღირებულების გამოვლენის მიზნით, რაც უზრუნველყოფდა საბიუჯეტო სახსრების რაციონალურ ხარჯვას.

რიგ შემთხვევებში, დადგენილ საჯარიმო სანქციებს შემაკავებელი ეფექტი არ აქვს და ვერ უზრუნველყოფს პერსონალურ მონაცემთა დაცვის სფეროში კანონდარღვევათა ჩადენის პრევენციას. არსებულ პირობებში მონაცემთა დამმუშავებლისთვის ეკონომიკური თვალსაზრისით უფრო გამართლებულია ერთჯერადად სანქციის გადახდა. აღნიშნულზე მიუთითებს წლის განმავლობაში განმეორებითი დაჯარიმების შემთხვევების სტატისტიკური მონაცემებიც.

2013 წლის 11 თებერვალს ლაგოდეხის მუნიციპალიტეტმა გამოაცხადა ტენდერი ბულდოზერ-ექსკავატორის შესყიდვასთან დაკავშირებით, სავარაუდო ღირებულებით 150.0 ათასი ლარი. ტენდერის გამოცხადებიდან 9 დღეში, 20 თებერვალს, კომისიის გადაწყვეტილებით შეიცვალა შესასყიდი საქონლის ტექნიკური მახასიათებლები. ტენდერში გამარჯვებულ პრეტენდეტთან გაფორმდა ხელშეკრულება - ღირებულებით 140.9 ათასი ლარი. ტექნიკური მახასიათებლების შეუცვლელობის პირობებში აღნიშნული მიმწოდებელი ტენდერში მონაწილეობას ვერ მიიღებდა. მუნიციპალიტეტის მიერ ვერ იქნა დასაბუთებული, რატომ შევიდა სატენდერო დოკუმენტაციაში ცვლილება და რატომ გაუარესდა შემსყიდველის პირობები.

2013 წლის ბალანსის ფორმა N1 -ში არ არის ასახული წლის ბოლოს ნაშთად არსებული მატერიალური მარაგები (გაზის ტალონები) 374.00 ლარის ოდენობით, რომელიც ნაჩვენებია ბალანსის დანართი ფორმა N5-ში როგორც ფულადი დოკუმენტები.

ცესკოს და სწავლების ცენტრს არ გააჩნიათ ერთიანი კანონშესაბამისი პოზიცია ბეჭდვითი მომსახურების შესყიდვისას ხელშეკრულების ფასში დღგ-ის გათვალისწინებასთან დაკავშირებით. მსგავსი/იდენტური სახეობის ნაბეჭდი მასალის ბეჭდვის მომსახურების შესყიდვისას მათ მიერ არ ხდებოდა საგარეო-ეკონომიკური საქმიანობის ეროვნული ნომენკლატურის შესაბამისად სასაქონლო კოდის განსაზღვრა, რაც შესაძლებელს გახდიდა მიმწოდებლისთვის დღგ-ის თანხის დაუსაბუთებლად გადახდის თავიდან აცილებას.

ქალაქ რუსთავის მერიასა და საკრებულოში 2013-2014 წლებსა და 2015 წლის 6 თვის განმავლობაში პრემიის სახით გაიცა 3 682.0 ათასი ლარი. პრემიების გაცემის დოკუმენტაცია არ იძლევა საშუალებას გაირკვეს, რა კონკრეტული დამსახურებისთვის ხდებოდა მოსამსახურეთა პირადი წვლილის შეფასება და პრემირება.

2013-2014 წლების ბილეთები ფინანსურ ანგარიშგებაში (ბალანსში) არ იყო ასახული, როგორც ფულადი დოკუმენტები.

ცესკოს მიერ გამოცხადებულ ტენდერებში პრეტენდენტების მიერ დაფიქსირებული საბოლოო ფასი შესყიდვის ობიექტის სავარაუდო ღირებულების დაახლოებით 60%-ს შეადგენს, რაც მეტყველებს იმაზე, რომ გონივრული სავარაუდო ღირებულების დასადგენად ორგანიზაციის მიერ სათანადოდ არ ხდებოდა მიწოდების ბაზრის შესწავლა.ცესკოს მიერ არაგონივრულად მაღალი ფასნამატით (შესაბამისად 38% და 62%) შესყიდულ იქნა XEROX D110 და XEROX NUVERA288EA-ს საბეჭდი მოწყობილობები.

2014 წლის 22 აგვისტოს საკრებულოს დადგენილებით პრემიის გაცემა საჯარო მოხელეზე შესაძლებელია კვარტალში მხოლოდ ერთჯერ. 2014-2015 წლებში აღნიშნული ნორმის დარღვევით გაცემულია 191.8 ათასი ლარის პრემია.

„ძირითადი კაპიტალის მოხმარება“, 17 342.81 ლარის ნაცვლად შეცდომით იყო დაფიქსირებული თანხა 19 717.68 ლარის ოდენობით

2013-2014 წლებში ცესკოს მიერ საარჩევნო პერიოდში განხორციელებული გამარტივებული შესყიდვებისას, ცალკეულ შემთხვევებში, ხელშეკრულების გაფორმებისას არ ხდებოდა საარჩევნო პერიოდის ხანგრძლივობის გათვალისწინება. აქედან გამომდინარე, ხელშეკრულებები შეუსაბამობაშია საარჩევნო კოდექსის 52-ე მუხლის მე-6 პუნქტით განსაზღვრულ საფუძველთან და ვადებთან.

2015 წლის 6 თვის განმავლობაში გაიცა 92.6 ათასი ლარის დანამატი. ყოველთვიური დანამატის გაცემის შესახებ გადაწყვეტილება წინასწარ არის მიღებული, წლის დასაწყისში. დანამატის გაცემის საფუძველს წარმოადგენს მოხელის ზეგანაკვეთური მუშაობა და განსაკუთრებით მნიშვნელოვანი დავალებების შესრულება. აუდიტის ობიექტმა ვერ წარმოადგინა ინფორმაცია, რის საფუძველზე განისაზღვრა წინასწარ მთელი წლის განმავლობაში, რომელი საჯარო მოხელე იმუშავებდა ზეგანაკვეთურად და შეასრულებდა განსაკუთრებით მნიშვნელოვან დავალებებს.

2013 და 2014 წელს წარდგენილი იქნა მოგების გადასახადის ნულოვანი დეკლარაცია, თუმცა ეკონომიკური საქმიანობით მიღებულმა შემოსავალმა (რაც ასახულია ფინანსურ ანგარიშგებებში - ფN4-ში) შეადგინა 2013 წელს 5932.0 ლარი და 2014 წელს 27 208.0 ლარი.

სწავლების ცენტრის მიერ ცალკეული გამარტივებული შესყიდვები განხორციელებულია ePLAN მოდულში წინასწარი რეგისტრაციის გარეშე, არაგონივრულად მაღალია სავარაუდო და სახელშეკრულებო ღირებულებებს შორის სხვაობა. ვერ იქნა წარმოდგენილი საკმარისი მტკიცებულებები პოტენციური მიმწოდებლების და ხელშეკრულებების პირობების განსაზღვრის მიზნით ბაზრის კვლევის თაობაზე, რაც მიუთითებს სახელმწიფო შესყიდვების დაგეგმვის პროცესში სწავლების ცენტრის საქმიანობაში არსებულ ხარვეზებზე.

კანონის თანახმად, შტატგარეშე მოსამსახურეთა რაოდენობა არ უნდა აღემატებოდეს გამგეობის/ მერიის და საკრებულოს აპარატის საჯარო მოსამსახურეთა საშტატო რაოდენობის 10 პროცენტს. შესაბამისად, მუნიციპალიტეტის წარმომადგენლობით და აღმასრულებელ ორგანოში შტატგარეშე მოსამსახურეთა რაოდენობა არ უნდა აღემატებოდეს 26 ერთეულს. 2015 წლის 6 თვის მანძილზე გაფორმებული შრომითი ხელშეკრულებების საფუძველზე დასაქმებულია სხვადასხვა რაოდენობის შტატგარეშე მოსამსახურე, რომელთა რიცხოვნობა მერყეობს 28-დან 53-მდე.

2013 წელს ჯამში 1106.0 ლარის ოდენობის გაცემულ პრემიებზე 7 შემთხვევაში, ხოლო 2014 წელს ერთ შემთხვევაში 1485.0 ლარის ოდენობის პრემიაზე არ ყოფილა თანხმობა სახელმწიფო კონტროლის განმახორციელებელი ორგანოდან (აფხაზეთის ა/რ განათლებისა და კულტურის სამინისტროდან).

სწავლების ცენტრის მიერ პრინტერის შესყიდვის მიზნით გამოცხადებული ტენდერის სატენდერო დოკუმენტაციაში შესასყიდი საქონლის აღწერილობაში გამოყენებული იქნა ერთი კონკრეტული მოდელის მონაცემები, რაც ეწინააღმდეგება „სახელმწიფო შესყიდვების შესახებ“ საქართველოს კანონის მე-121 მუხლის მე-6 პუნქტის მოთხოვნებს.

ქალაქ რუსთავის მუნიციპალიტეტის წარმომადგენლობით და აღმასრულებელ ორგანოებში 2013 წელს შრომითი ხელშეკრულება გაუფორმდა 219, 2014 წელს - 270, 2015 წლის 6 თვეში - 70 შტატგარეშე მოსამსახურეს, რომელთა შრომის ანაზღაურებამ ჯამში 3 020.9 ათასი ლარი შეადგინა. აუდიტის ობიექტმა ვერ წარმოადგინა საკმარისი და შესაფერისი მტკიცებულებები, შტატგარეშე მოსამსახურეთა მაღალი რიცხოვნობა რამდენად იყო ობიექტური საჭიროებით განპირობებული.

2013 -2014 წლებში დაწესებული სატელეფონო და საწვავის ლიმიტებზე არ ყოფილა თანხმობა სახელმწიფო კონტროლის განმახორციელებელი ორგანოდან (აფხაზეთის ა/რ განათლებისა და კულტურის სამინისტროდან).

2013-2014 წლებში მთავრობის სარეზერვო ფონდიდან ცესკოს-ზე დამატებით გამოყოფილია შესაბამისად 6 388.0 ათასი ლარი და 4 770.2ათასი ლარი. აუდიტის ჯგუფმა ვერ მიიღო საკმარისი რწმუნება აღნიშნული ოდენობით დამატებითი თანხების მოთხოვნისა და გამოყოფის აუცილებლობის თაობაზე.

2013-2014 წლებსა და 2015 წლის 6 თვის განმავლობაში ქალაქ რუსთავის მუნიციპალიტეტმა მოსამსახურეთა ქვეყნის გარეთ მივლინებაზე დახარჯა 191.4 ათასი ლარი. საზღვარგარეთ მივლინებული პირების მიერ არ არის შედგენილი ანგარიში მივლინების შედეგების შესახებ.

ცესკოს შტატგარეშე მოსამსახურეებთან გაფორმებული ჰქონდა ვადიანი ხელშეკრულებები, რომელთა მოქმედების ვადა უწყვეტად გრძელდებოდა მთელი აუდირებული პერიოდის განმავლობაში და ფაქტიურად შტატგარეშე მოსამსახურეები დასაქმებულები იყვნენ მუდმივ ამოცანათა შესასრულებლად.

2013-2014 წლებსა და 2015 წლის 6 თვეში შიდა სატელეფონო ნომრებიდან ქვეყნის შიგნით მობილურ ოპერატორებთან განხორციელებულ საუბრებზე დაიხარჯა 79 ათას ლარზე მეტი, მაშინ როდესაც მუნიციპალიტეტს შესყიდული ჰქონდა კორპორატიული ნომრებით მომსახურება სასაუბრო ლიმიტებით.

საოლქო საარჩევნო კომისიების მიერ ცესკოს წარედგინება ინფორმაცია საანგარიშგებო თვის მიხედვით განაცამებისა და დასაკავებელი გადასახადების შესახებ, რომლის დეკლარირებას ახორციელებს ცესკოს აპარატი. ცესკომ ვერ წარმოადგინა საკმარისი და შესაფერისი მტკიცებულება იმის თაობაზე, რომ ხელფასების დეკლარირება ხდებოდა ზუსტად და სამართლიანად.

2013-2014 წლებსა და 2015 წლის 6 თვის განმავლობაში ქალაქ რუსთავის მუნიციპალიტეტის მერიამ კერძო ტელეკომპანიას სხვადასხვა სარეკლამო მომსახურებისათვის აუნაზღაურა 368.3 ათასი ლარი. აღნიშნულ პერიოდში თვითმმართველი ერთეულისგან მიღებული დაფინანსება ტელეკომპანიის საერთო შემოსავლების მნიშვნელოვან ნაწილს - 57 %-ს შეადგენს.

2013-2014 წლებში გაცემული დანამატების ოდენობა გაუმართლებელია, რამდენადაც საქართველოს ორგანული კანონის „საქართველოს საარჩევნო კოდექსის“ მე-9 მუხლის 1-ლი პუნქტის თანახმად საარჩევნო/ სარეფერენდუმო პერიოდში, ცესკოს და საოლქო საარჩევნო კომისიების წევრებსა და ხელმძღვანელ პირებს, ასევე ცესკოს აპარატის თანამშრომლებს ეძლევათ თანამდებობრივი სარგოს ორმაგი ოდენობა.

2013-2014 წლებსა და 2015 წლის 6 თვის მანძილზე ქალაქ რუსთავის მერიამ სხვადასხვა სარეკლამო მომსახურებისათვის კერძო გაზეთს აუნაზღაურა 143.1 ათასი ლარი. 2015 წელს შესყიდვა განხორციელდა ექსკლუზიური უფლებამოსილების მოტივით, გამარტივებული შესყიდვის გზით, თუმცა აღნიშნული შესყიდვა არ წარმოადგენდა მხოლოდ ერთი პირის ექსკლუზიურ უფლებას.

ცესკოს მიერ ქვეყნის გარეთ მივლინების მუხლით გაწეული ზოგიერთი ხარჯი ხასიათდება შეუსაბამობებით, კერძოდ: არ არის წარმოდგენილი მიწვევები ან/და სხვა შესაბამისი დოკუმენტაცია, სადაც მითითებული იქნება მივლინების მიზნობრიობა და საფუძველი.

2013-2014 წლებსა და 2015 წლის 6 თვის განმავლობაში მერიამ შადრევნის შეიარაღებული დაცვის მომსახურების შესყიდვაზე დახარჯა 162.4 ათასი ლარი. ვინაიდან შადრევანი მდებარეობს მერიის შენობის წინ, ქალაქის ცენტრალურ მოედანზე, აუდიტის ჯგუფმა ვერ მოიპოვა აღნიშნული ობიექტის დაცვის საჭიროების საკმარისი და შესაფერისი რწმუნება.

ცესკოს და სწავლების ცენტრის მიერ წარმომადგენლობითი ხარჯების მუხლით ზოგიერთ შემთხვევაში ცესკოს მიერ ვერ იქნა წარმოდგენილი შესაბამისი ბრძანებები ან/და მოხსენებითი ბარათები კონკრეტული ღონისძიების მოწყობის აუცილებლობის თაობაზე. ამასთან, წარმომადგენლობითი ხარჯების დამადასტურებელი პირველადი დოკუმენტებიდან არ ირკვევა ღონისძიებებზე დამსწრე პირთა ვინაობა.

2015 წლის 9 დეკემბრის მდგომარეობით, საკრებულოს თავმჯდომარე სარგებლობდა 2 ერთეული პლანშეტური კომპიუტერით, 2 ნოუთბუქითა და 1 პერსონალური კომპიუტერით. გარდა ამისა, 4 ერთეული პლანშეტური კომპიუტერი გამოუყენებელია და შენახულია მერიის ადმინისტრაციის სამსახურის სეიფში.

საოლქო კომისიების მიერ არ ხდება განაცხადების წარდგენა და მათი დაფინანსება ეფუძნება „წინა წლების პრაქტიკას“, რაც აუდიტის ჯგუფის შეფასებით დაგეგმვის პროცესის სისუსტეზე მიუთითებს.

საქართველოს პრეზიდენტის ბრძანებულების მიხედვით, 2013 წელს ქ. რუსთავის მუნიციპალიტეტს თანამშრომლების სამსახურებრივი მიმოსვლისათვის უნდა გამოეყენებინა 6 ერთეული მსუბუქი ავტომანქანა. საქართველოს მთავრობის დადგენილებით, 2014 წელს რეკომენდირებული იყო - 9 ერთეული, ხოლო 2015 წელს - 8 ერთეული მსუბუქი ავტომანქანა. თუმცა მუნიციპალიტეტი სარგებლობდა 15 ერთეული ავტომანქანით, რაც აღემატება კანონმდებლობით რეკომენდირებულ ზღვრულ ოდენობას.

საოლქო კომისიების მიერ საარჩვნო პერიოდის დასრულების შემდეგ ცესკოში წარდგენილი ფინანსური ანგარიშგებები შეიცავს ხარვეზებს.

ქალაქ რუსთავის მუნიციპალიტეტის მერიამ ვერ წარმოადგინა ინფორმაცია ორგანიზაციის ბალანსზე რიცხული 5 ერთეული სატრანსპორტო საშუალების ადგილსამყოფელის შესახებ. აუდიტის ობიექტის მიერ არ არის გატარებული შესაბამისი სამართლებრივი ღონისძიებები.

2013-2014 წლებში ცესკოს განკარგულებებით დადგენილია საოლქო კომისიების დამხმარე და ტექნიკური პერსონალის ზღვრული ოდენობა, თუმცა დადგენილებები არ განსაზღვრავდა დაქირავებულ პირთა ხელფასების ოდენობას. შრომის ანაზღაურების განსაზღვრისას არ არსებობდა ერთიანი მიდგომა, განსხვავებული იყო სხვადასხვა საოლქო კომისიების მიერ ერთი და იგივე სამუშაოს შესასრულებლად დაქირავებულ პირთა შრომის ანაზღაურების ოდენობა.

2015 წელს მერის სამსახურებრივი სარგებლობისათვის განკუთვნილი სატრანსპორტო საშუალება ჩანაცვლდა ახალი ავტომანქანით. კანონმდებლობით, შესაბამისი სატრანსპორტო საშუალების ღირებულება არ უნდა აღემატებოდეს 21.0 ათას დოლარს. ჩანაცვლებული ავტომანქანის ღირებულებამ შეადგინა 25.0 ათას დოლარზე მეტი, რაც აღემატება კანონმდებლობით რეკომენდირებულ ნორმას.

ზოგიერთ შემთხვევაში, საოლქო კომისიების მიერ დამხმარე პერსონალთან გაფორმებული შრომითი ხელშეკრულებების ვადა სცდებოდა საარჩევნო პერიოდს. შედეგად, შრომის ანაზღაურება ზედმეტი ოდენობით იყო გაცემული.

2013-2014 წლებში შეიცვალა მერიის ბალანსზე რიცხული ავტომობილების სანომრე ნიშნები. მერიის მიერ არ არის დასაბუთებული სანომრე ნიშნების შეცვლის აუცილებლობა.

საოლქო კომისიის თავმჯდომარეები წარმოადგენენ საჯარო მოხელეებს და მათზე ვრცელდება „საჯარო სამსახურის შესახებ“ საქართველოს კანონი. აუდიტით დადგინდა, რომ უმეტეს შემთხვევაში საოლქო კომისიის თავმჯომარეები იმავდროულად ეწეოდნენ სამეწარმეო საქმიანობას, რაც ეწინააღმდეგება საჯარო სამსახურის შესახებ კანონის მოთხოვნებს.

ქალაქ რუსთავის მერიამ გადაუდებელი აუცილებლობის მოტივით გამარტივებული შესყიდვის საშუალებით, ხელშეკრულება გააფორმა გზების მოწყობის სამუშაოებზე ღირებულებით 1 999.9 ათასი ლარი. აღნიშნული შესყიდვა არ შეიძლება ჩაითვალოს გადაუდებელ აუცილებლობად, რადგან სამუშაოების წინასწარი დაგეგმვა და ელექტრონული ტენდერის გზით შესყიდვა რეალურად შესაძლებელი იყო.

გარკვეულ შემხთვევებიში, საოლქო კომისიების მიერ დამხმარე პერსონალის სახით დაქირავებული იყო საოლქო კომისიის თავმჯდომარის, საოლქო კომისიის მუდმივი წევრების ახლო ნათესავები, ასევე მათ მიერ დაფუძნებული სამეწარმეო სუბიექტების ხელმძღვანელები.

კანონმდებლობის თანახმად, სამშენებლო სამუშაოების გამარტივებული გზით შესყიდვისას, მიმწოდებლის მიერ შესრულებული სამუშაოების ღირებულება უნდა ანაზღაურდეს ფაქტობრივი დანახარჯების მიხედვით. გამარტივებული შესყიდვის ფარგლებში, ქალაქ რუსთავის მუნიციპალიტეტის მიერ 1 973.6 ათასი ლარის ღირებულების გზების მოწყობის სამუშაოები ანაზღაურებულია კანონმდებლობის დარღვევით.

საოლქო კომისიების მიერ სახელმწიფო შესყიდვების განხორციელებისას ადგილი ჰქონდა სახელწმიფო შესყიდვების შესახებ საქართველოს კანონის მოთხოვნებთან შეუსაბამობის ფაქტებს, კერძოდ ინტერესთა კონფლიქტს.

2013 წელს შიდა კვარტალური ეზოების ა/ბეტონის საფარის სარეაბილიტაციო სამუშაოებზე ჩატარდა საინჟინრო და სამშენებლო-ტექნიკური ექსპერტიზა. დასკვნის მიხედვით, 3 ხელშეკრულების ფარგლებში შესრულებული ზოგიერთი სამუშაო იყო უხარისხო. მიუხედავად აღნიშნულისა, მერიას ხარვეზების აღმოსაფხვრელად სათანადო ღონისძიებები არ განუხორციელებია.

საოლქო კომისიების მიერ საწვავის შეძენა ხდებოდა გამარტივებული შესყიდვის გზით და არა კონსოლიდირებული ტენდერის საშუალებით, რითაც დაიზოგებოდა საბიუჯეტო სახსრები. ამასთან, საწვავის ხარჯვის პროცესზე როგორც საოლქო კომისიების, ასევე ცესკოს მიერ არასაკმარისი კონტროლი იყო დაწესებული, რის შედეგადაც ადგილი ჰქონდა საწვავის არაეკონომიურად, არამიზნობრივად და დაუსაბუთებლად ხარჯვის ფაქტებს.

ქალაქ რუსთავის მუნიციპალიტეტმა გზების მოწყობის ტექნიკური ზედამხედველის მომსახურების შესყიდვაზე დახარჯა 101.1 ათასი ლარი. თუმცა მერიაში არსებობს შესაბამისი სამსახური, რომელსაც ევალება საგზაო ინფრასტრუქტურის მოვლა-პატრონობის პროცესების ორგანიზება, მონიტორინგი და ზედამხედველობა.

საოლქო კომისიების მიერ შეძენილი იყო ისეთი ღირებულებისა და დასახელების საქონელი, რომელთა შესყიდვაც აუდიტის ჯგუფის აზრით არ გამომდინარეობდა არჩევნების ჩატარების საჭიროებიდან.

2013 წელს ქალაქ რუსთავის მუნიციპალიტეტის მიერ გზების მოწყობის სარეაბილიტაციო სამუშაოების შესყიდვაზე, მიმწოდებლებზე დაურიცხავი პირგასამტეხლოს სახით მიუღებელმა შემოსავალმა შეადგინა 167.0 ათას ლარზე მეტი.

რიგ შემთხვევებში საოლქო საარჩევნო კომისიების მიერ სახელმწიფო შესყიდვები გამარტივებული შესყიდვის საშუალებით ხორციელდებოდა არასაარჩევნო პერიოდში, რითაც დარღვეულია საარჩევნო კოდექსის და ცესკოს მიერ მიღებული დადგენილებების მოთხოვნები.

სამუშაოების შესასრულებლად შეძენილი საპროექტო-სახარჯთაღრიცხვო დოკუმენტაცია ზოგიერთ შემთხვევაში ხარვეზიანია, რასაც ადასტურებს თავდაპირველ ხარჯთაღრიცხვაში შეტანილი ხშირი ცვლილებები, შესასრულებელი სამუშაოებისა და სახელშეკრულებო ღირებულების გაზრდა (10%-ის ფარგლებში). 7 ხელშეკრულებაში, რომლის ღირებულება შეადგენდა 917.6 ათას ლარს, შეტანილი ცვლილების შედეგად შესყიდვის ღირებულება 80.0 ათასი ლარით გაიზარდა.

სახელწმიფო შესყიდვების განხორციელებისას, ზოგიერთ შემთხვევაში საოლქო საარჩევნო კომისიების მიერ გადახდები განხორციელებული იყო წინასწარი ანგარიშსწორებით მიმწოდებლისგან საბანკო გარანტიის წარმოდგენის გარეშე, რაც შეუსაბამობაშია სახელმწიფო შესყიდვების შესახებ კანონის და შესყიდვების სააგენტოს 2011 წლის 07 აპრილის N9 ბრძანებით დამტკიცებული გამარტივებული შესყიდვის, გამარტივებული ელექტრონული ტენდერისა და ელექტრონული ტენდერის ჩატარების წესის მოთხოვნებთან.

საანგარიშო პერიოდში სამუშაოების ელექტრონული შესყიდვის დროს გამარჯვებულ პრეტენდენტთან ხელშეკრულებები გაფორმებულია კანონმდებლობის დარღვევით, სატენდერო დოკუმენტაციის შეცვლილი პირობებით (სანქციისათვის განსაზღვრული საურავი 0.5-0.3%-ის ნაცვლად ხელშეკრულებაში ჩადებულია 0,1%). დადებულ ხელშეკრულებაში შეტანილი ცვლილებები ან დაუნომრავია, ან არასწორად არის დანომრილი. ზოგიერთი მათგანი არ არის ატვირთული შესყიდვების ერთიან ელექტრონულ სისტემაში.

საოლქო კომისიების მიერ კავშირგაბმულობის მომსახურების შესყიდვა ხორციელდებოდა ე.წ. „მონო-ბარათების“ მეშვეობით, რაც მნიშვნელოვნად ზრდიდა მათი არამიზნობრივად და არაეკონომიურად გამოყენების რისკებს. აუდიტით დადგინდა, რომ ზოგიერთი საოლქო კომისიის მიერ გაწეული იყო არაგონივრულად დიდი ოდენობის კავშირგაბმულობის ხარჯი, რაზეც ვერ იქნა წარმოდგენილი საკმარისი და შესაფერისი მტკიცებულება.

2013 წელს მუნიციპალიტეტის მიერ სამუშაოების შესყიდვა ისე განხორციელდა, რომ მიმწოდებლებთან გაფორმებულ ხელშეკრულებებში არ არის ჩადებული შესრულებული სამუშოების ხარისხის საგარანტიო ვადა. აღნიშნულის გამო შეუძლებელია შესრულებული სამუშაოების ჩაბარების შემდგომ გამოვლენილი ხარვეზების აღმოფხვრის მიმწოდებელზე მოთხოვნა.

ცესკოს დადგენილებები საოლქო კომისიებისთვის არჩევნების ჩატარების მიზნით ფულადი სახსრების გამოყოფის შესახებ ითვალისწინებდა საოლქო კომისიების მიერ გადაზიდვის მომსახურების შესყიდვას, თუმცა უმეტეს შემთხვევაში აუდიტის ჯგუფმა ვერ მიიღო გონივრული რწმუნება გახარჯული თანხების მიზნობრიობაზე.

მუნიციპალიტეტის მიერ საანგარიშო პერიოდში გამარტივებული შესყიდვის საშუალებით 210.3 ათასი ლარის ღირებულების სამუშაოების შესყიდვის მიზნით, ხელშეკრულება გაფორმებულია 14 ისეთ მიმწოდებელთან, რომლებიც დარეგისტრირებულნი იყვნენ ხელშეკრულების დადებამდე 1- დან 30 დღემდე პერიოდში. ასევე, ერთი მიმწოდებელი, კერძოდ, ი/მ ფრიდონ კამკამიძე, მეწარმედ დარეგისტრირებულია ხელშეკრულების გაფორმებიდან ერთი დღის შემდეგ.

საოქლო საარჩევნო კომისიები საარჩევნო უბნის განსათავსებლად შენობა-ნაგებობებს სასყიდლიანი ხელშეკრულების საფუძველზე ქირაობდნენ სხვადასხვა პირებისგან, მაშინ როდესაც მათ უფლება ჰქონდათ ადგილობრივი თვითმმართველობებისგან უსასყიდლოდ მიეღოთ შენობა-ნაგებობები. არსებობს მაღალი რისკი იმისა, რომ საბიუჯეტო სახსრები არაეკონომიურად იქნეს გამოყენებული.

2013-2014 წლებსა და 2015 წლის 6 თვეში გამარტივებული შესყიდვის საშუალებით მუნიციპალიტეტმა გააფორმა 205.5 ათასი ლარის ღირებულების ხელშეკრულება 20 ისეთ მიმწოდებელთან, რომლებიც ბოლო ოთხი წლის განმავლობაში მუნიციპალიტეტის კონტრაქტორები არ ყოფილან.

არასათანადო კონტროლის გამო, საოლქო კომისიებში ადგილი ჰქონდა როგორც მატერიალური მარაგების არაეკონომიურად ხარჯვის, აგრეთვე მათი აღურიცხაობის ფაქტებს.

მუნიციპალიტეტის მიერ სააუდიტე პერიოდში გაფორმებული ხელშეკრულებების ფარგლებში, მიმწოდებლებზე ხშირ შემთხვევაში სამუშაოების დასრულების ვადა გადაწეულია უამინდობის მიზეზით, რომელიც ვერ ჩაითვლება ისეთ გარემოებად, რომლის გათვალისწინება ხელშეკრულების დადების მომენტისათვის შეუძლებელი იყო. აღნიშნულიდან გამომდინარე, საჯარიმო სანქციის ამოქმედება რომ დაწყებულიყო სამუშაოების მიწოდების თავდაპირველი ვადის ამოწურვის შემდეგ, 18 მიმწოდებელს დაერიცხებოდა 158.4 ათასი ლარის ჯარიმა.

2014 წელს მუნიციპალიტეტმა დაბა ხარაგაულში, ჭიპაშვილის ქუჩაზე ქვაფენილის მოწყობის სამუშაოებზე გასწია 73.6 ათასი ლარის არაეფექტური ხარჯი, ვინაიდან გზა მალევე დაზიანდა და საჭირო გახდა დამატებით ბეტონის საფარის გადაგება.

2015 წელს, ბორითი-მარიამწყარო-ღორეშის საავტომობილო გზის მოხრეშვითი სამუშაოების შესყიდვის დროს, მუნიციპალიტეტმა ისე აიღო მიმწოდებლისთვის ინერტული მასალის კარიერით უზრუნველყოფის ვალდებულება, რომ არ გააჩნდა შესაბამისი ნებართვა. ნებართვის მიღება გაჭიანურდა. შედეგად, სამუშაოები დასრულდა ტენდერით განსაზღვრული ვადის გასვლის შემდეგ და მოსახლეობამ დროულად ვერ ისარგებლა აღნიშნული სიკეთით.

2013-2014 წლებში სოფელ მაქათუბანში განხორციელდა ხიდის მშენებლობა, თანხით 151.4 ათასი ლარი. ხიდის პროექტი რამდენჯერმე გადაკეთდა, რამაც გამოიწვია ხიდის ძირითადი პარამეტრების შეცვლა: ერთმალიანიდან გადაკეთდა ორ მალიანად; სიგრძე 15.1 მეტრის ნაცვლად გახდა 30.2 მეტრი; შემცირდა ტვირთამწეობა. ცვლილებების შედეგად საჭირო გახდა ფინანსური რესურსების დამატება. ამასთან გახანგრძლივდა სამუშაოების დასრულების ვადა. ხიდი ექსპლუატაციაში შევიდა ერთი წლის დაგვიანებით.

მუნიციპალიტეტი შესყიდული დიდი მოცულობის სამუშაოების მიღებას ახორციელებდა მიმწოდებლის მიერ დაქირავებული აუდიტორული ფირმების საექსპერტო დასკვნის საფუძველზე. აღნიშნული საექსპერტო მომსახურების თანხა წინასწარ იყო გათვალიწინებული სამუშაოების ხარჯთაღრიცხვით და იხდიდა მუნიციპალიტეტი. მიმწოდებლის მიერ ხდებოდა აგრეთვე საგზაო სამუშაოების შესრულებისას გზის საფარის, ასფალტის ნარევისა და სხვა მასალების ლაბორატორიული კვლევა. სამუშოების მიღებისას შედგენილი დასკვნებით ირკვევა, რომ კონტროლის ჯგუფი ეთანხმებოდა შემსრულებლის მიერ დაქირავებული აუდიტორული ფირმის საექსპერტო დასკვნას და არ ახორციელებდა შესრულებული სამუშაოების მოცულობებისა და ხარისხის შემოწმებას

2015 წლის 1 ივლისის მდგომარეობით, მიმწოდებლებზე ვადაგადაცილებისათვის დარიცხული და ამოუღებელი ჯარიმები შეადგენს 119.6 ათას ლარს, თუმცა შესრულებული სამუშაოების ღირებულება სრულად არის ანაზღაურებული. შემსრულებლებზე დარიცხული ჯარიმების ამოღების მიზნით აუდიტის მიმდინარეობის დროს სასამართლოში შეტანილია სარჩელი, 2-3 წლის დაგვიანებით. ზოგიერთ შემთხვევაში მიმწოდებლისთვის დაჯარიმების შესახებ არ არის ნაცნობები.

2014 წელს ხელშეკრულებით გათვალისწინებული ვადების დარღვევით სამუშაოების ჩაბარებისთვის მიმწოდებლებზე არ არის გავრცელებული 41.7 ათასი ლარის საჯარიმო სანქცია, კერძოდ: შპს „გეკას“ უნდა დარიცხვოდა პირგასამტეხლო -11.5 ათასი ლარი, ხოლო შპს „ჯი-აი-დი“-ს - 30.2 ათასი ლარი; ამასთან მუნიციპალიტეტს შეეძლო დაეჯარიმებია ი/მ გიორგი სამხარაძე, ხელშეკრულებით ნაკისრი ვალდებულების შესრულების ვადის გადაცილებისათვის, აგრეთვე შეეწყვიტა ხელშეკრულება, თუ აღნიშნული თანხა გადააჭარბებდა ხელშეკრულების ღირებულების 10%-ს. მუნიციპალიტეტს რაიმე სახის სანქცია გაუტარებია

ქ. თბილისის მუნიციპალიტეტის საკრებულოსა და ქ. თბილისის მთავრობის სამართლებრივი აქტების შესაბამისად, 2013-2014 წლებისა და 2015 წლის 6 თვის განმავლობაში გლდანის რაიონის გამგეობის მიერ, სახელმწიფო შესყიდვების კანონმდებლობის გამოყენების გარეშე, სხვადასხვა ამხანაგობების განვითარების პროექტების დაფინანსების ფარგლებში შესრულებულია 11 297.3 ათასი ლარის სამუშაო. შესაბამისად, აუდიტის ობიექტმა ვერ ისარგებლა შესყიდვების კანონმდებლობით განსაზღვრული დადებითი მხარეებით.

მუნიციპალიტეტის მიერ სამუშაოების ელექტრონული შესყიდვის დროს სატენდერო დოკუმენტაციით, ხელშეკრულებით ნაკისრი ვალდებულების შესრულების ვადის გადაცილებისათვის, პირგასამტეხლო გათვალისწინებული იყო ყოველ ვადაგადაცილებულ დღეზე - 0,3% ან 0,5%-ის ოდენობით. ტენდერში გამარჯვებულ პრეტენდენტთან, ზოგიერთ შემთხვევაში ხელშეკრულება გაფორმებულია შეცვლილი, შეღავათიანი პირობებით - სანქცია ჩადებულია 0,1%. აღნიშნულის შედეგად, მუნიციპალიტეტის მიერ ხელშეკრულების პირობების დარღვევისათვის მიმწოდებლებს დაერიცხა გაცილებით ნაკლები სანქცია, ვიდრე უნდა დარიცხვოდათ. შპს „რეალმშენს“ არ დარიცხვია ჯარიმა 31.0 ათასი ლარი, ი/მ მევლუდ ძიძიგურს-15.8 ათასი ლარი, შპს „მშვიდობას“-6.8 ათასი ლარი და შპს „ფუგოს“-2.0 ათასი ლარი.

ქ. თბილისის საკრებულოს მიერ დადგენილი წესით, ბინათმესაკუთრეთა ამხანაგობების დაფინანსების პროცესის მართვა ძირითადად დელეგირებულია ამხანაგობებზე. თავის მხრივ ამხანაგობებს არ გააჩნიათ შესყიდვის განხორციელების გამოცდილება. შესაბამისად, მიმწოდებლის შერჩევის, სამუშაოების მოცულობებისა და ღირებულების განსაზღვრის, ხარისხის შეფასებისა და კონტროლის მექანიზმების განსაზღვრის პროცედურები არ არის სათანადოდ გამართული. საკრებულოს მიერ დამტკიცებული დაფინანსების წესი ქმნის საბიუჯეტო სახსრების ხარჯვის შესახებ ამხანაგობების მიერ არამართებული გადაწყვეტილებების მიღების შესაძლებლობას.

სააუდიტე პერიოდში მუნიციპალიტეტის მიერ შესყიდვების განხორციელებისას დაშვებულია სხვადასხვა სახის ტექნიკური ხარვეზი. მაგალითად: 2013 წელს შესყიდულია სოფელ ხევში მდინარე ძირულაზე ხიდის მოწყობის სამუშაოები. ექსპერტიზის ეროვნული ბიუროს დასკვნით სამუშაოები შესრულებულია მდინარე სურამულაზე, რეალურად კი ხიდის მშენებლობა განხორციელდა მდინარე რიკოთულაზე.

ბინათმესაკუთრეთა ამხანაგობა, შესყიდვის პროცედურების გარეშე, ხელშეკრულებას პირდაპირ აფორმებს მიმწოდებელთან. სამუშაოს ღირებულებას ძირითადად მეწარმე სუბიექტი განსაზღვრავს, მის მიერ წარმოდგენილი დეფექტური აქტისა და ხარჯთაღრიცხვის საფუძველზე. სარეაბილიტაციო სამუშაოების ფასი არაკონკურენტულ გარემოში დგინდება. შესყიდვების პროცედურების გამოყენება, არსებული სტატისტიკიდან გამომდინარე, აუდიტის ობიექტს ეკონომიის მიღების შესაძლებლობას მისცემდა.

2013 წლის ბოლოსათვის სოფელ ვარძიაში საბავშვო ბაღის მშენებლობა დაიგეგმა ისეთ ადგილას, სადაც განთავსებული იყო ვარძიის ყოფილი საკრებულოს შენობა. საჭირო გახდა არსებული შენობის დემონტაჟისათვის ახალი ხარჯთაღრიცხვის შედგენა, დამატებით 8.1 ათასი ლარის გამოყოფა და სახელშეკრულებო ღირებულების გაზრდა

მრავალბინიან საცხოვრებელ სახლებში სარეაბილიტაციო სამუშაოების შესასრულებლად, ამხანაგობა თავად არჩევს მიმწოდებელ მეწარმე სუბიექტს. არ არსებობს დოკუმენტური დასაბუთება, თუ რა გარემოებების გათვალისწინებით ხდება მიმწოდებლების განსაზღვრა და მათთან ხელშეკრულებების გაფორმება.

2013 წელს სოფლებში: ვახანში, ლეღვანსა და ვარძიაში საბავშვო ბაღების მშენებლობები ისე დაიწყო, რომ მიწა, სადაც შენდებოდა ბაღები, მუნიციპალიტეტის საკუთრებას არ წარმოადგენდა. მათი მუნიციპალიტეტის საკუთრებად დარეგისტრირება მოხდა ბაღების მშენებლობის დასრულების შემდეგ, 2014 წელს.

საანგარიშო პერიოდში განხორციელებული 767 პროექტი სულ 164-მა მიმწოდებელმა შეასრულა. აქედან 36, როგორც მეწარმე სუბიექტი, დარეგისტრირებულია ამხანაგობის განაცხადის აღრიცხვამდე 3 თვეზე ნაკლებ პერიოდში. ახლადშექმნილ 36 მეწარმე სუბიექტთან გაფორმებულია 73 ხელშეკრულება და შესრულებულია 1 335.7 ათასი ლარის სამუშაოები, რაც პროგრამის ფარგლებში შესრულებული პროექტების 19%-ს შეადგენს. შესყიდვების ელექტრონული სისტემის მონაცემებით, სახელმწიფო შესყიდვებში მონაწილეობა არ მიუღია 164-დან 84 მეწარმეს; 84-დან 37 მიმწოდებელს ამხანაგობების ერთადერთი პროექტის გარდა, სხვა სამუშაო არ შეუსრულებია. 164-დან 163 მიმწოდებელს საანგარიშო პერიოდში გლდანის რაიონის გამგეობასთან სახელშეკრულებო ურთიერთობა არ ჰქონია, რასაც აუდიტის ობიექტიც ადასტურებს.

2014 წელს სოფელ ხიდარში ბაღის მშენებლობა, ხელშეკრულების მიხედვით, დაწყებულია 1 მაისს, მშენებლობისათვის საჭირო მიწა (344 კვ.მ) მუნიციპალიტეტის საკუთრებად საჯარო რეესტრში დარეგისტრირებულია 10 ივნისს.

ინდივიდუალურმა მეწარმეებმა „გივი თევდორაძემ“ და „გიორგი თევდორაძემ“ გლდანის რაიონში შეასრულეს 5 სხვადასხვა ამხანაგობის კუთვნილი კორპუსის სადარბაზოების შიდა რემონტი, ღირებულებით 165.2 ათასი ლარი. ამხანაგობების განცხადებები სამუშაოების შესახებ დარეგისტრირებულია 2014 წლის 10 მარტს. წარმოდგენილ მასალებს თან ერთვის მიმწოდებლის მიერ შედგენილი დეფექტური აქტები და სამუშაოს ხარჯთაღრიცხვები, ასევე ამხანაგობასა და მეწარმეებს შორის 2014 წლის 28 მარტს გაფორმებული ხელშეკრულებები. ყველა ჩამოთვლილი დოკუმენტი დამოწმებულია ინდივიდუალური მეწარმეების ხელმოწერით და ბეჭდით. სამეწარმეო რეესტრის მონაცემებით ირკვევა, რომ ინდივიდუალური მეწარმეები დადგენილი წესით რეესტრში დარეგისტრირდნენ 2014 წლის 10 აპრილს. ამდენად, ამხანაგობების მიერ განაცხადების შემოტანისა და ხელშეკრულებების გაფორმების მომენტში აღნიშნული დასახელების მეწარმე სუბიექტები არ არსებობდნენ და შესაბამისად ვერც მიმწოდებლად იქნებოდნენ შერჩეული. ამასთან, არ უნდა ყოფილიყო დამზადებული და გამოყენებული მეწარმის ბეჭდები. ინდივიდუალურმა მეწარმეებმა გამოიყენეს წინასწარ დამზადებული ბეჭედი ან ამხანაგობებისა და გამგეობის მიერ დოკუმენტაცია გაფორმებულია წინა თარიღით.

2013 წლის ბოლოს, მუნიციპალიტეტმა სოფელ ზვარის საბავშვო ბაღის შენობის შიდა სარემონტო სამუშაოების შესრულებაზე გაუფორმა ხელშეკრულება ი/მ შმაგი გიგაშვილს. მიმწოდებელმა სამუშაოები ვერ შეასრულა, რადგან არ იყო შესაბამისი პირობები (სახურავი იყო დაზიანებული და ჩამოდიოდა წყალი). სახურავის შეკეთებისა და ბაღის სარემონტო სამუშაოები შემდგომში შეასრულეს სხვა მიმწოდებლებმა. პროექტი დასრულდა 2014 წლის ბოლოს. საბავშო ბაღის შენობის სარემონტო სამუშაოების თანმიმდევრულად შესყიდვის შემთხვევაში, დროულად მოხდებოდა სამუშაოების დასრულება.

ინდივიდუალურმა მეწარე „არჩილ ცალქალამანიძეს“ 2013 წელს შესრულებული აქვს 27.6 ათასი ლარის სამუშაო. მეწარმის მიერ დეფექტური აქტისა და ხარჯთაღრიცხვის შედგენის დრო უსწრებს მეწარმეთა რეესტრში რეგისტრაციის პერიოდს. მაღალი რისკის მატარებელია, აგრეთვე, დამატებით 3 ამხანაგობის წარმოდგენილი დოკუმენტაციის კანონმდებლობასთან შესაბამისობა, რომლის ჯამური ღირებულება 76.2 ათასი ლარია. ამ ამხანაგობების განცხადების აღრიცხვის თარიღი ემთხვევა შერჩეული მეწარმის რეგისტრაციის დროს.

2014 წელს შპს „მშენებელი პირველი“ ასრულებდა სოფელ კიცხის კლუბის სარემონტო სამუშაოებს. არასწორად შედგენილი ხარჯთაღრიცხვის გამო საჭირო გახდა დამატებითი სამუშაოების შესრულება, რისთვისაც თანხები არ გამოყოფილა. მიმწოდებელმა შეასრულა სამუშაოს ნაწილი (5.0 ათასი ლარი) და შეწყვიტა ხელშეკრულება. სამუშაოები დაასრულა შპს „ინტელექტმა“2015 წელს ივნისში. ამდენად, კლუბის რემონტი დასრულდა ერთი წლის დაგვიანებით, ვიდრე დაგეგმილი იყო.

ამხანაგობებსა და მიმწოდებლებს შორის გაფორმებული ხელშეკრულებები არ შეიცავს ასეთი ტიპის გარიგებისათვის საჭირო და შესაფერის პირობებს: - ერთი და იმავე ტიპის სამუშაოსათვის ხელშეკრულების პირობებით დაწესებულია სხვადასხვა საგარანტიო ვადები, რომელიც 5 თვიდან 5 წლამდე მერყეობს. ზოგიერთი ხელშეკრულება სამუშაოების საგარანტიო ვადას არ ითვალისწინებს. - როგორც წესი, ხელშეკრულებები არ აწესებს საჯარიმო სანქციებს ხელშეკრულების პირობების დარღვევისათვის. - ხელშეკრულებების ნაწილში არ არის მითითებული გაფორმების თარიღი.

2014 წელს მუნიციპალიტეტმა გამოაცხადა ტენდერი კინოთეატრის სცენის განათების, გახმოვანების, სცენის შეძენისა და გამართვის შესყიდვაზე. მიმწოდებელმა სამუშაოები შეაჩერა. წარმოდგენილი დოკუმენტაციით ირკვევა, რომ მუნიციპალიტეტი არ ფლობდა სამუშაოების შესრულებისათვის საჭირო შესაბამისი სიმძლავრის ელექტროენერგიის წყაროს.სამუშაოები დასრულდა 5 თვის დაგვიანებით. შედეგად, მოსახლეობამ აღნიშნული სიკეთით ისარგებლა დაგვიანებით.

საბოლოო ანგარიშსწორებისას ამხანაგობის თავმჯდომარე წარმოადგენს ცნობას მეწარმე სუბიექტის დღგ-ის გადამხდელად რეგისტრაციის შესახებ. მიუხედავად ამისა, შესრულებული პროექტებიდან 4 შემთხვევაში აღნიშნული გადასახადის სახით ანაზღაურებულია სულ 19.5 ათასი ლარი იმ სუბიექტებისათვის, რომლებიც დღგ-ის გადამხდელად დადგენილი წესით არ იყვნენ რეგისტრირებული.

2013 წელს დაბა ხარაგაულში, გიმნაზიის ეზოს მიმდებარე საყრდენი კედლისა და ღობის მოწყობის სამუშაოების შესრულებაზე ხარჯთაღრიცხვაში არსებული ხარვეზების გამო, საჭირო გახდა მეორე ხელშეკრულების გაფორმება ი/მ სიმონ ვეფხვაძესთან, რის გამოც ადგილობრივი ბიუჯეტიდან დამატებით გამოიყო 6.1 ათასი ლარი.

2013 წლის 28 ოქტომბერს გლდანის რაიონის გამგეობასა და ბინათმესაკუთრეთა ამხანაგობა „მეგობრობას“ შორის ხელშეკრულება გაფორმდა გლდანის I მ/რ-ის #17 კორპუსის 4320 კვ.მ. ფართობის ოთხი სადარბაზოს შიდა რემონტის სამუშაოების დაფინანსებაზე . ხელშეკრულების ღირებულება 57.3 ათასი ლარით განისაზღვრა. აუდიტის ობიექტის მიერ წარმოდგენილი დოკუმენტაციით, შეკეთებულია მხოლოდ კორპუსის I და II სადარბაზოების 2376 კვ.მ. ფართობი, ღირებულებით 31.5 ათასი ლარი. კორპუსის დარჩენილი III და IV სადარბაზოები გარემონტდა 2014 წელს. სამუშაოს ფაქტობრივი შესრულების შესაბამისად, მიმწოდებელ ორგანიზაციას აუნაზღაურდა 28.5 ათასი ლარი და შეკეთდა 2280 კვ.მ. ფართობის სადარბაზოს კედელი და ჭერი. წინა ხელშეკრულების საფუძველზე რეაბილიტირებული I და II სადარბაზოების ფართობის გათვალისწინებით, ორივე ხელშეკრულების მიხედვით სამუშაოები შესრულდა 4656 კვ.მ. ფართობზე, რაც 336 კვ.მ-ით აღემატება თავდაპირველ ხელშეკრულებაში დაფიქსირებულ საერთო ფართობს. სხვაობამ თანხობრივად 3.6 ათასი ლარი შეადგინა .

2013 წლის 13 სექტემბერს, მდინარეებზე ნაპისამაგრი სამუშაოების შესრულების მიზნით, ხელშეკრულება გაუფორმდა შპს „გუმბათი 7-ს“, თანხით 319.9 ათასი ლარი. შეთანხმების საფუძველზე, მუნიციპალიტეტმა სამუშაოების დამთავრების ვადა ისე გაუგრძელა მიმწოდებელს, რომ არ მოუთხოვია ხელშეკრულების შესრულების გარანტიის ვადის გადაწევა.

სადარბაზოების შიდა რემონტის სამუშაოები ერთეული ფართობის ყველაზე მაღალი ღირებულებით (1 კვ.მ - 15.33 ლარი) ორ შემთხვევაში ერთი და იმავე სუბიექტმა შეასრულა. კერძოდ, 2013 წლის #5.1.8/177 და #5.1.8/193 ხელშეკრულებების ფარგლებში მუხიანის II მ/რ-ის #16 და IVა მ/რ-ის #6 კორპუსების შეკეთებაზე დახარჯულია შესაბამისად 24.4 ათასი ლარი და 23.5 ათასი ლარი. ორივე შემთხვევაში მიმწოდებელმა დეფექტური აქტით არასწორად განსაზღვრა სადარბაზოს საერთო ფართობი და ნაცვლად 1820 კვ.მ-სა, ფაქტობრივი შესრულებით თითოეულზე 1230 კვ.მ შეაკეთა. ამასთანავე, #16 კორპუსში დეფექტური აქტით განსაზღვრული კედლების ნაწილობრივი შელესვა გაჯით 144 კვ.მ-დან 395 კვ.მ-მდე, ხოლო #6 კორპუსში - 115 კვ.მ-დან 320 კვ.მ-მდე გაზარდა. აღნიშნული ცვლილებებით მიმწოდებელმა შეამცირა ისეთი სამშენებლო სამუშაოების მოცულობა, რაც ექსპერტის მიერ შედარებით მარტივ დათვლა-გაზომვას ექვემდებარებოდა. სამაგიეროდ გაზრდილია ფარული სამუშაოების მოცულობები, რაზედაც შესაბამისი აქტი არ წარმოდგენილა .

2014 წელსა და 2015 წლის 6 თვის მონაცემებით, მუნიციპალიტეტში ხელშეკრულების პირობების შესაბამისად, სამუშაოსა და მომსახურების ხარისხის დაცვის მიზნით, მიმწოდებელს საგარანტიო ვადის გასვლამდე უკავდებოდა ასანაზღაურებელი თანხის 2.5%. 3 შემთხვევაში არ არის დაკავებული საგარანტიო თანხა, 3.5 ათასი ლარი

2015 წლის 9 თებერვლის #5.1.8/5 ხელშეკრულების საფუძველზე შესრულებულია 38.0 ათასი ლარის ღირებულების სართულშუა ნაპრალების რეაბილიტაციის სამუშაოები. ამხანაგობამ და გამგეობამ სამუშაოები ჩაიბარეს და დააფინანსეს ისე, რომ პროექტს არც ერთ ეტაპზე ექსპერტიზა არ გაუვლია და ტექნიკური ზედამხედველობა არ განხორციელებულა.

2014 წელს მუნიციპალიტეტმა შპს „შოუ ტექნიკის ცენტრიდან“, კინოთეატრის სცენის მოწყობის სამუშაოების მიღება (შესრულებულია 48.9 ათასი ლარის სამუშაო), ისე განახორციელა, რომ მიმწოდებელს არ წარმოუდგენია ხელშეკრულებით გათვალისწინებული ექსპერტიზის დასკვნა.

2013-2014 წლებში ამხანაგობების მიერ წყალსადენის ქსელის მოწყობის სამუშაოები განხორციელდა შესყიდვების კანონმდებლობის შეუსაბამოდ, ამხანაგობების მეშვეობით, რომლებსაც არ ჰქონდათ სამშენებლო სამუშაოების ორგანიზების გამოცდილება. დოკუმენტური მტკიცებულებების შესწავლით გამოვლინდა მნიშვნელოვანი უზუსტობები და მაღალი რისკის მქონე გარემოებები სამუშაოების დაგეგმვის, შესრულების, ზედამხედველობისა და კონტროლის პროცესში.

საანგარიშო პერიოდში მუნიციპალიტეტის მიერ შესყიდულია 92.0 ათასი ლარის სარიტუალო სახლების, წყლის სისტემებისა და წისქვილების სამშენებლო-სარეაბილიტაციო სამუშაოები, რომლებიც არ არის დასრულებული და ვერ სარგებლობს მოსახლეობა.

წყალსადენის სამუშაოების საპროექტო დოკუმენტაცია მოამზადა და სამუშოები შეასრულა შპს „ჯორჯიან უოთერ ენდ ფაუერმა”. დოკუმენტაცია შედგენილია მნიშვნელოვანი ხარვეზებით, რამაც სავარაუდოდ სამუშაოების ღირებულების არასწორი განსაზღვრა განაპირობა.

ხარაგაულის მუნიციპალიტეტში, სოფელ ხიდარში მიმდინარეობდა ბაღის მშენებლობა, რომლის ღირებულებამაც შეადგინა 101.7 ათასი ლარი. მშენებლობა დასრულდა და მუნიციპალიტეტმა სამუშაოები ჩაიბარა სექტემბერში, ხოლო ბაღმა ფუნქციონირება დაიწყო ერთი წლის შემდეგ, 2015 წლის ოქტომბერში. 2014 წელს რეაბილიტაცია ჩაუტარდა ზვარის საბავშვო ბაღს, თანხით 48.5 ათასი ლარი, თუმცა ბაღი გაიხსნა 2015 წლის ბოლოს.

წყალსადენის სამუშაოების საპროექტო დოკუმენტაციასა და ასევე შესრულებული სამუშაოების აქტებში (ფორმა #2-ში) ზოგიერთ შემთხვევაში ერთი და იმავე სამუშაოების ერთეულის ფასი არსებითად განსხვავებულია, რაც საბოლოოდ მნიშვნელოვნად ცვლის სამუშაოების ღირებულებას. პროექტით გათვალისწინებული სამუშაოების მნიშვნელოვანი ნაწილი არ შესრულდა. ამასთანავე, საჭირო გახდა 295.7 ათასი ლარის ისეთი დამატებითი სამუშაოების განხორციელება, რომლებსაც ხარჯთაღრიცხვა არ მოიცავდა. აღნიშნულ კორექტირებებზე მხარეებს შორის შეთანხმებები არ არის წარმოდგენილი;

მუნიციპალიტეტმა 2013 წელს ა(ა)იპ „სათნოების სახლისათვის“ შეიძინა 85 კვ.მ არასაცხოვრებელი ფართი, თანხით 10.0 ათასი ლარი, რომელიც არ არის გამოყენებული, ხოლო ა(ა)იპ-ს ყოველწლიურად ფართის დაქირავებაში გადახდილი აქვს 3.0 ათასი ლარი. 2016 წლის ბიუჯეტით აღნიშნული შენობის რეაბილიტაციისათვის გათვალისწინებულია 10.0 ათასი ლარი.

წყალსადენის მოწყობის სამუშაოებზე, მიმწოდებელს 75.6 ათასი ლარი აუნაზღაურდა ისე, რომ შესრულებული სამუშაოს აქტში სამუშაოების დასახელება არ იყო მითითებული.

საანგარიშო პერიოდში „სოფლის მხარდაჭერის პროგრამის“ ფარგლებში გზების მოხრეშვით სამუშაოებზე გამოყენებული ინერტული მასალები, სავარაუდოდ, მოპოვებულია არალიცენზირებული კარიერებიდან

წყალსადენის მშნებლობის საპროექტო-სახარჯთაღრიცხვო დოკუმენტაციის ექსპერტიზის დასკვნით, III ჯგუფის ყამირში თხრილის დამუშავების ერთეულის ღირებულება 12.5 ლარიდან შემცირდა 5.28 ლარამდე. მიუხედავად ამისა, შესრულებული სამუშაოს აქტებში ერთეულის ფასი არ დაკორექტირდა და შესაბამისად, გაიზარდა სამუშაოს ღირებულება.

2014 წელსა და 2015 წლის 6 თვის მონაცემებით, ავტომანქანების რაოდენობა, რომლებიც ემსახურება ხარაგაულის მუნიციპალიტეტს, საქართველოს მთავრობის მიერ რეკომენდირებულ ოდენობაზე მეტია.

სოციალურ ჭრაში არ მონაწილე სკოლებში მოხმარებული შეშის წარმომავლობა არალეგალურია და სახელმწიფო დაფინასებით საჯარო სკოლებში ხდება არალეგალურად მოპოვებული რესურსის შეძენა/მოხმარება. 2.საჯარო სკოლებში არსებობს შეშის მოხმარების შემცირების პოტენციალი - რაც მდგომარეობს გაზიფიცირებულ სკოლებში შეშის მოხმარების გაზით ჩანაცვლებასა და არაგაზიფიცირებულ სკოლებში შეშის მოხმარების რაციონალური რაოდენობის განსაზღვრაში.

მიმწოდებლის მიერ წარმოდგენილ შესრულებული სამუშაოს აქტებში (ფორმა #2) ასახული ზოგიერთი სამუშაოს მოცულობის ჯამი არსებითად აღემატება ნაზარდ ჯამში (ფორმა #3 ) წარმოდგენილ მონაცემებს. ფორმა #3-ში არსებული პარამეტრები ძირითადად შეესაბამება პროექტით განსაზღვრულს, ხოლო თანხა ანაზღაურდებოდა ფორმა #2-ით წარმოდგენილი მონაცემის შესაბამისად. ძირითად შემთხვევაში ფორმა #2-ში გაზრდილია ფარული სამუშაოების მოცულობები, ხოლო შესაბამისი აქტები არ არის შედგენილი.

2014 წლის ბოლოს, მუნიციპალიტეტის მიერ შპს „ნიუ არტისგან“ შეძენილია მაღალი გამავლობის „ჯიპის“ მარკის ავტომანქანა, თანხით 11.8 ათასი ლარი, რომელიც 2015 წლის იანვარში, თხოვების წესით, სამი წლის ვადით, გადაეცა სახელმწიფო რწმუნებულის - გუბერნატორის ადმინისტრაციას. შეზღუდული ადგილობრივი რესურსების პირობებში სახელმწიფო ორგანოებზე მუნიციპალიტეტის მიერ ხარჯების გაწევის მიზანშეწონილობის შეფასება, სცილდება აუდიტის ჯგუფის მანდატს.

საბიუჯეტო ორგანიზაციები არ ასაბუთებენ რესურსის საჭიროებას. მოთხოვნის დოკუმენტებში მითითებულია მხოლოდ ორგანიზაციის დასახელება და მოთხოვნილი რესურსის რაოდენობა, ხოლო კანონმდებლობით განსაზღვრული რესურსის საჭიროების დასაბუთება არ ხდება საბიუჯეტო ორგანიზაციების მიერ.

მიმწოდებელმა ექსპერტიზის ეროვნულ ბიუროში წარადგინა წყალსადენის მოწყობაზე შესრულებული სამუშაოს აქტები - ღირებულებით 3 389.2 ათასი ლარი. საექსპერტო დასკვნით, სამუშაოების ღირებულება განისაზღვრა 3 501.0 ათასი ლარით. აღსანიშნავია, რომ მიმწოდებლის მიერ ამხანაგობებისათვის ფორმა #2-ებით მოთხოვნილი და ანაზღაურებული სამუშაოს ღირებულება 5031.1 ათასი ლარია. შეუსაბამობა გამოწვეულია იმით, რომ სავარაუდოდ სახელშეკრულებო ღირებულების ათვისების მიზნით, შპს „ჯორჯიან უოთერ ენდ ფაუერი“ ამხანაგობებს წარუდგენდა ფაქტობრივად შესრულებულ სამუშაოებთან შედარებით მნიშვნელოვნად გაზრდილი მოცულობებისა და ღირებულების ფორმა №2-ებს.

სააუდიტე პერიოდში მუნიციპალიტეტში პრემიის და დანამატის სახით სულ გაცემულია 371.3 ათასი ლარი, 2013-2014 წლებში საკრებულოს მიერ პრემიის გაცემასთან დაკავშირებით დებულება შემუშავებული არ არის. შტატგარეშე მოსამსახურეებზე ისეა გაცემული 47.4 ათასი ლარის პრემია და დანამატი, რომ მათთან გაფორმებული ხელშეკრულება არ ითვალისწინებდა დამატებით ანაზღაურებას.

სამინისტროს და სააგენტოს ღონისძიებები ვერ უზრუნველყოფს ტყის შენარჩუნებას და შეშის დეფიციტზე სათანადო რეაგირებას. ხე-ტყის მერქნული რესურსის სოციალური გამოყენების სექტორში არსებული დეფიციტი და მისგან გამოწვეული არალეგალური რეალიზაციის ბაზარი ართულებს ტყის მდგარდი მართვის უზრუნველყოფას და ტყის რესურსის შენარჩუნებისთვის საჭირო ღონისძიებების გატარებას.

აუდიტის ობიექტის მიერ გადახდილსა და ექსპერტიზის დასკვნით დადასტურებულ თანხებს შორის სხვაობამ 1 530.1 ათასი ლარი შეადგინა. აუდიტის მიმდინარეობის პერიოდში შპს „ჯორჯიან უოთერ ენდ ფაუერმა” საბიუჯეტო ანგარიშზე დააბრუნა ზედმეტად ანაზღაურებული 1 477.4 ათასი ლარი. თანხა ერთ წელზე მეტი ვადით ირიცხებოდა მიმწოდებლის ანგარიშზე და ადგილობრივ თვითმმართველობას არ ჰქონდა ფინანსური სარგებლის მიღების შესაძლებლობა.

2013-2014 წლებსა და 2015 წლის 6 თვის მონაცემებით ა(ა)იპ - ების მიერ არ არის წარმოდგენილი სუბსიდიით განსახორციელებელი პროგრამების ფარგლებში შესასრულებელი ღონისძიებები. არ არის დასაბუთებული რა სამუშაოები უნდა შეესრულებინათ, რა პერიოდულობითა და მოცულობით.

სოციალურ ჭრაში არ მონაწილე სკოლებში მოხმარებული შეშის წარმომავლობა არალეგალურია და სახელმწიფო დაფინასებით საჯარო სკოლებში ხდება არალეგალურად მოპოვებული რესურსის შეძენა/მოხმარება. 2. საჯარო სკოლებში არსებობს შეშის მოხმარების შემცირების პოტენციალი - რაც მდგომარეობს გაზიფიცირებულ სკოლებში შეშის მოხმარების გაზით ჩანაცვლებასა და არაგაზიფიცირებულ სკოლებში შეშის მოხმარების რაციონალური რაოდენობის განსაზღვრაში.

2013 წლის უფასო სასადილოების მომსახურების სახელმწიფო შესყიდვისას გამოიკვეთა რისკი, რომ პრეტენდენტები, მეტი ფინანსური სარგებლის მიღების მიზნით, სავარაუდოდ, მოქმედებდნენ ურთიერთშეთანხმებით. კერძოდ, გამარჯვებულმა კომპანიებმა უარი განაცხადეს თავიანთ სატენდერო წინადადებებზე, ხოლო ხელშეკრულებები გაფორმდა უფრო მაღალი ფასის წარმომდგენ სუბიექტებთან. შედეგად, შესყიდვის სახელშეკრულებო ღირებულება ჯამში 51.4 ათასი ლარით გაიზარდა.

2015 წელს 2013 წელთან შედარებით ა(ა)იპ -ების შტატები ისე არის გაზრდილი, რომ დოკუმენტურად არ არის დასაბუთებული კონკრეტულად რა გარემოებებით არის გამოწვეული აღნიშნული ცვლილება. მაგალითად, ა(ა)იპ „სათნოების სახლში“ 2013 წელს დასაქმებული იყო 8 ადამიანი, ბენეფიციარების რაოდენობა შეადგენდა 58-ს, ხოლო 2014 წელს ბენეფიციარების რაოდენობა გაიზარდა 3 ერთეულით, შტატების რაოდენობა კი - 5 - ით

საქართველოში არსებობს ნარჩენი ბიომასის ენერგეტიკული მიზნით გამოყენების პოტენციალი, თუმცა ბიომასის ნარჩენების ათვისების ხელშემწყობი ღონისძიებები სამინისტროში ამ ეტაპზე არ მიმდინარეობს, კერძოდ, სამინისტროს არ აქვს ნარჩენი ბიომასის პოტენციალი შეფასებული და არ ფლობს წარმოების განვითარებისთვის საჭირო მონაცემებს.

გლდანის გამგეობამ 2013-2014 წლებში, გამარტივებული შესყიდვის საშუალებით, 11 ხელშეკრულების ფარგლებში განახორციელა 381.2 ათასი ლარის სამშენებლო სამუშაოების შესყიდვა. ანგარიშსწორება განხორციელებულია კანონმდებლობის დარღვევით, ფაქტობრივი ხარჯის დამადასტურებელი დოკუმენტაციის გარეშე.

2014 წელსა და 2015 წლის 6 თვეში მუნიციპალიტეტის მიერ დაფუძნებულ შპს „ხარაგაული 2011“-ს შესაბამისი დასაბუთების გარეშე გადაეცა 35.8 ათასი ლარის სუბსიდია.

არსებული შეშის დეფიციტის მიუხედავად, ესს-ს მიერ გამოყოფილ ტყეკაფებში არსებული რესურსის ათვისება სრულად ვერ ხერხდება. რესურსის აუთვისებლობის მიზეზებია: ტყეკაფების რთულად მისადგომობა, უგზოობა, სოციალურ ჭრებში მოსახლეობის ნაკლებად ჩართულობა და რეგიონების მიხედვით მოთხოვნა მიწოდებას შორის არსებული განსხვავებები.

გლდანის რაიონის გამგეობაში 2013-2014 წლებსა და 2015 წლის 6 თვეში უკონკურენტო გარემოში ჩატარებული 74 გამარტივებული ელექტრონული ტენდერიდან, 29 შემთხვევაში აუდიტის ობიექტის მიერ სატენდერო დოკუმენტაციის გაცნობის ვადად გამოყენებულია 1 ან 2 დღე. დაბალ კონკურენციას შესაძლებელია ხელს უწყობდეს ის გარემოება, რომ სატენდერო წინადადების გასაცნობად განკუთვნილია დროის მცირე მონაკვეთი.

მუნიციპალიტეტმა 2014 წელს 25.0 ათასი ლარით დააფინანსა „ვაზის სანერგე მეურნეობის განვითარების პროგრამა“, თუმცა დოკუმენტურად ვერ საბუთდება ვაზის სანერგე მეურნეობის არსებობის აუცილებლობა და განვითარების პერსპექტივა, რომელიც ხელს შეუწყობდა პროგრამით გათვალისწინებული მიზნების მიღწევას.

სოციალური ჭრის ფარგლებში ათვისებული საშეშე მერქანი არა-ენერგოეფექტურად მოიხმარება. ტყის მმართველი ორგანოების მიერ არ ტარდება რესურსის დაგეგმვის ღონისძიებები, რომლებმაც უნდა უზრუნველყოს შეშის მოხმარების დროს ენერგოეფექტურობის ამაღლება. კერძოდ, არ არის განსაზღვრული ათვისების ოპტიმალური ვადები, რომლებიც დაეხმარება მოსახელეობას აითვისოს რესურსი სწორ პერიოდში.

2013 წელს გლდანის რაიონის გამგეობამ გამარტივებული ელექტრონული ტენდერის საშუალებით შეისყიდა გარდაცვლილ უმწეო მოქალაქეთა სარიტუალო მომსახურება. ხელშეკრულების ღირებულება შეადგენს 11.5 ათას ლარს. გამგეობის მიერ ტენდერი გამოცხადებულია დამატებული ღირებულების გადასახადის ჩათვლით, თუმცა პასუხისმგებელი პირის განმარტებით, მიწოდების რეალური ღირებულება არ გაზრდილა. საქართველოს კანონის „საქართველოს საგადასახადო კოდექსის“ 168-ე მუხლის მეორე პუნქტის „დ“ ქვეპუნქტის თანახმად, დაკრძალვასთან დაკავშირებული სარიტუალო მომსახურება დღგ-გან გათავისუფლებულია.

2013 წლის 1 იანვრიდან 2015 წლის 1 ივლისამდე გამარტივებული შესყიდვის საშუალებით შეძენილი 1694.8 ათასი ლარის სამშენებლო სამუშაოები ანაზღაურებულია კანონმდებლობის დარღვევით, ფაქტობრივი დანახარჯის დამადასტურებელი დოკუმენტაციის გარეშე.

ფონდის აღმასრულებელი დირექტორის საზღვარგარეთ მივლინების ბრძანება ზოგიერთ შემთხვევაში არ იყო შესაბამისობაში მოწვევის დოკუმენტში დაფიქსირებული ღონისძიებების თარიღებსა და მგზავრობის მარშრუტებთან. მივლინების ბრძანებით მგზავრობა (მიუხედავად ღონისძიების მარშრუტისა) ქ. ბერლინის გავლით არის გათვალისწინებული და ხარჯები ანაზღაურებულია ფაქტიურად გაწეული ხარჯების შესაბამისად. შედეგად, გამოვლინდა არამიზნობრივი ხარჯების გაწევის ფაქტები. კერძოდ: დღიური ხარჯებისათვის - 690 ევროს, ხოლო ავიაბილეთებისათვის - 1,691 ლარის ოდენობით. აღნიშნული თანხა აუდიტის მიმდინარეობისას დაბრუნდა ხაზინის შესაბამის ანგარიშზე (მ.შ 690 ევრო 06.06.2015 წ. კურსით)

გლდანის გამგეობის მიერ 2013-2014 წლებში და 2015 წლის 6 თვის განმავლობაში სოციალური პროგრამის ღონისძიებების ფარგლებში გაცემული თანხის 90% -ით დაფინანსებულია სხვა სოციალური (დახმარების) ღონისძიებების ქვეპროგრამა. დახმარებები გაცემულია ისე, რომ არ არის დადგენილი სათანადო წესი და კრიტერიუმები. არსებული პრაქტიკა მოქალაქეთა სოციალური მდგომარეობის შეფასებისას, შეიცავს სუბიექტური გადაწყვეტილებების მიღების რისკებს.

საანგარიშო პერიოდში მუნიციპალიტეტის მიერ „წარმომადგენლობითი ხარჯების“ მუხლით გახარჯულია 40.4 ათასი ლარი, საიდანაც 2013-2014 წლებში გამგებლისა და საკრებულოს თავმჯდომარის მიერ რესტორნის მომსახურებაზე, დაუსაბუთებლად არის გაწეული 21.5 ათასი ლარის ხარჯი.

2013 წლის 30 სექტემბერს გამოცხადებული ტენდერში (გარდაბანში გზის ორივე მხარეს ტროტუარების მოწყობისა და სოფელ ლემშვენიერაში შიდა გზების მოასფალტების სამუშაოები) გამარჯვებულად მიჩნეული პირი, რომელთანაც გაფორმდა 824,000 ლარის ხელშეკრულება, ექვემდებარებოდა დისკვალიფიკაციას, რაც არ განხორციელებულა.

„სხვა სოციალური ღონისძიებების“ ქვეპროგრამის ფარგლებში გაცემულია ისეთი დახმარებები, რომლებიც, სავარაუდოდ, არ წარმოადგენს პირველი რიგის საჭიროებას. აღნიშნულ შემთხვევებში დახმარების აღმოჩენის აუცილებლობა, პროგრამის მიზნებიდან გამომდინარე, არ არის სათანადოდ დასაბუთებული.

საანგარიშო პერიოდში საკრებულოს წევრებზე, რომლებიც არ არიან თანამდებობის პირები, გაცემულია 182.1 ათასი ლარი, რომლის ხარჯვის დამადასტურებელი დოკუმენტაცია წარმოდგენილი ვერ იქნა. გარდა ამისა, 2013-2014 წლებში საკრებულოს თანამდებობის პირებზე კანონის დარღვევით გაცემულია 33.1 ათასი ლარი

2013 წლის 28 ოქტომბერს გამოცხადებულ გამარტივებული ელექტრონულ ტენდერში (საქართველოს სხვადასხვა რეგიონში 81 ერთეული ამბულატორიის მოწყობაზე) გამარჯვებული პრეტენდენტის მიერ წარმოდგენილი დოკუმენტაცია საჭიროებდა დაზუსტებას, ფონდის მიერ გაგზავნილი დაზუსტების წერილით აღნიშნული შეუსაბამობის გამოსწორება მოთხოვნილი არ არის.

2013-2014 წლებში სხვადასხვა ჯერადობით გლდანის რაიონის გამგეობამ წახალისება გასცა, შესაბამისად, 569 და 528 ამხანაგობის თავმჯდომარეზე. მათ შორის, 2013 წელს დაფინანსებულია და/ან განხილულია მხოლოდ 296, ხოლო 2014 წელს - 368 თავმჯდომარის მიერ მოთხოვნილი პროექტი. შესაბამისად, 273-ს და 160-ს განაცხადი სამუშაოს შესახებ საერთოდ არ წარმოუდგენია. ამხანაგობის თავმჯდომარეებზე წახალისების სახით გაცემულია სულ 665.2 ათასი ლარი, აქედან, 162.4 ათასი ლარი იმ თავმჯდომარეებზე, რომელთაც სამუშაოების შესრულების მოთხოვნით გამგეობისათვის არ მიუმართავს.

2013-2014 წლებსა და 2015 წლის 6 თვეში გამგეობას სახელმწიფოსგან დელეგირებული უფლებამოსილების განსახორციელებლად მიზნობრივი ტრანსფერის გარდა, საკუთარი შემოსავლებიდან მიმართული აქვს 134.5 ათასი ლარი

თელავში შენობების სარეაბილიტაციო სამუშაოების მიმდინარეობისას სტიქიური მოვლენების შედეგად საჭირო გახდა 1,562,104.64 ლარის ღირებულების დამატებითი სარემონტო სამუშაოების ჩატარება, თუმცა ფონდმა დამატებით შესასრულებელ სამუშაოებზე შესაბამისი დეფექტური აქტები ვერ წარმოადგინა.

ლიფტების მოდერნიზაციისათვის ბინათმესაკუთრეთა 63 ამხანაგობაზე სესხად გაცემულია სულ 339.2 ათასი ლარი. აუდიტის მიმდინარეობის პერიოდისათვის გრაფიკის შესაბამისად დაუფარავია 291.6 ათასი ლარის სასესხო ვალდებულება.

ფიზიკური და კერძო სამართლის იურიდიული პირების მფლობელობაში (სარგებლობაში) არსებულ მიწის ნაკვეთებზე საკუთრების უფლების აღიარების კომისიის საქმიანობის შესწავლის შედეგად გამოვლინდა სხვადასხვა სახის ნაკლოვანებები

თბილისში, გორგასლის ქუჩაზე საგზაო გვირაბისა და სარეკრეაციო ზონის მშენებლობის პროექტირებასა და მშენებლობის ზედამხედველობაზე, გაწეულია 530,296 ლარის ხარჯი (მათ შორის, „აზიის განვითარების ბანკიდან“ მიღებულ სესხი - 471,461 ლარი). მშენებლობის განუხორციელებლობის გმო, აღნიშნულ ხარჯს არანაირი ღირებულების შედეგი არ მოჰყოლია.

ქ. თბილისის მერის სამართლებრივი აქტის საფუძველზე, 2015 წლის 6 თვეში გლდანის რაიონის გამგეობაში დანამატის სახით გაცემულია 62.0 ათასი ლარი. აქტი, „ნორმატიული აქტების შესახებ“ საქართველოს კანონის მე-2 მუხლის შესაბამისად, უნდა გამოცემულიყო არა ინდივიდუალური, არამედ ნორმატიული ადმინისტრაციულ-სამართლებრივი აქტის სახით.

2013-2014 წლებში მუნიციპალიტეტის ბალანსზე რიცხული, მის საკუთრებაში არსებული უძრავ-მოძრავი ქონების ინვენტარიზაცია არ ჩატარებულა. ხოლო 2015 წლის მარტში გამგებლის ბრძანებით შეიქმნა ინვენტარიზაციის კომისია. აუდიტის მიმდინარეობისას ინვენტარიზაცია არ დამთავრებულა.

თბილისი-რუსთავის საავტომობილო გზის მოდერნიზაციის პროექტის განსახლების სამოქმედო გეგმის ფარგლებში მოქცეულ მიწის ნაკვეთებზე განთავსებული ქონების მესაკუთრეებს, ბიზნესის შეჩერების გამო კომპენსაცია უნაზღურდებოდათ მესაკუთრეების მიერ წარმოდგენილი დოკუმენტაციის საფუძველზე. აღსანიშნავია, რომ წარმოდგენილი შეფასების მეთოდიკა ზოგიერთ შემთხვევაში არ იძლევა მეწარმე სუბიექტებისათვის გადახდილი კომპენსაციის სრულყოფილი ანალიზის საშუალებას, რადგან კომპენსაცია ეფუძნებოდა მეწარმე სუბიექტების მიერ წარმოდგენილ მოგების ან/და საშემოსავლო გადასახადის დეკლარაციებს და ისეთ დამატებით ფინანსურ ინფორმაციას, რომლებიც დადასტურებულია მხოლოდ მესაკუთრეების მიერ.

2015 წელს შტატგარეშე მოსამსახურეებად დაქირავებულია 2014 წელს შტატში რიცხული 13 ყოფილი საჯარო მოხელე. მათ დაუმთავრდათ თანამდებობაზე მოვალეობის შემსრულებლად დანიშვნის ვადა და ვერ შესძლეს 2014 წელს მოხელის ვაკანტური თანამდებობის დასაკავებლად გამართული საჯარო კონკურსით განსაზღვრული ბარიერის გადალახვა. აქედან 9 პიროვნება, 2015 წლის მარტიდან ივნისამდე პერიოდში, განმეორებით დაინიშა სხვა საჯარო თანამდებობაზე, მოვალეობის შემსრულებლებად. მათ შორის, 3-მა კვლავ ვერ გადალახა 2015 წელს ჩატარებული ანალოგიური კონკურსის ბარიერი. მოხელეთა უმრავლესობას, სახელშეკრულებო და სახელფასო ანაზღაურებასთან ერთად, 2015 წელს მიღებული აქვს საპრემიო თანხებიც.

ხარაგაულის მუნიციპალიტეტში შიდა აუდიტისა და მონიტორინგის სამსახური შეიქმნა კანონმდებლობით გათვალისწინებულ ვადებზე ორი თვის დაგვიანებით. 2014 წელსა და 2015 წლის 6 თვეში სამსახურს არ ჩაუტარებია გამგეობის სტუქტურული ერთეულების (სამსახურების) საქმიანობის აუდიტორული შემოწმება.

თბილისი-რუსთავის საავტომობილო გზის მოდერნიზაციის პროექტის განსახლების სამოქმედო გეგმის ფარგლებში რიგ შემთხვევებში კომპენსაციის ანაზღაურება, დონორთან შეთანხმებით განხორციელებულია, კომერციული და საცხოვრებელი ტიპის დაურეგისტრირებელ შენობა/ნაგებობებზე.

გლდანის გამგეობა 2013 წელს სარგებლობის უფლებით განკარგავდა საქართველოს პრეზიდენტის მიერ რეკომენდებულ ზღვრულ რაოდენობაზე 9 ავტომანქანით მეტს, ხოლო 2014 წელსა და 2015 წლის პირველ ნახევარში საქართველოს მთავრობის მიერ რეკომენდებულზე, შესაბამისად, 8 და 7 ავტომანქანით მეტს.

სახელმწიფო აუდიტის სამსახურის მიერ ხარაგაულის მუნიციპალიტეტის 2009-2012 წლების საფინანსო-სამეურნეო საქმიანობის აუდიტის შედეგად გაცემული რეკომენდაციების შესაბამისი ღონისძიებები მუნიციპალიტეტში არ გატარებულა. გამოვლენილი ძირითადი დარღვევა-ნაკლოვანებები არ არის აღმოფხვრილი და კვლავ მეორდება

აუდიტის ობიექტს 2014 წელს არ აქვს ჩატარებული აქტივებისა და ვალდებულებების ინვენტარიზაცია, რითაც დაირღვა საქართველოს ფინანსთა მინისტრის 2010 წლის 23 ივლისის #605 ბრძანების მოთხოვნები.

2013-2014 წლებში წალკის მუნიციპალიტეტის საკრებულოს არ განუხილავს და არ დაუმტკიცებია ბიუჯეტის შესრულების წლიური ანგარიშები. ასევე არ მომხდარა არც ერთი კვარტლის შესრულების საკითხის განხილვა. შედეგად, დარღვეულია საბიუჯეტო კოდექსის მოთხოვნები.

გლდანის გამგეობა თვის გასვლის შემდეგ არ ახდენს სააღრიცხვო დოკუმენტაციის ქრონოლოგიური თანმიმდევრობით სისტემატიზებას, კანონმდებლობის შესაბამისად . კერძოდ, ეკონომიკური მოვლენის ამსახველი დოკუმენტაცია საერთოდ არ იკინძება და შესაბამისი მემორიალური ორდერების გარეშე ინახება მონაცემების შინაარსისა და თარიღის მიხედვით . გარდა ამისა, გამგეობაში არ იწარმოება მაგროვებელი უწყისები და „მთავარი წიგნი“, რომელიც წარმოადგენს ფინანსური ანგარიშგების შედგენის საფუძველს და მისი მომზადების ვალდებულება კანონმდებლობითაა განსაზღვრული .

 2013-2014 წლებში გამგეობას დაწესებული დასუფთავების მოსაკრებლის ამოღება არ განუხორციელებია. შედეგად არ შესრულდა საკრებულოს მიერ მიღებული გადაწყვეტილების მოთხოვნები და მუნიციპალიტეტმა დაკარგა ბიუჯეტში დამატებით თანხების მობილიზების შესაძლებლობა.

გლდანის რაიონის გამგეობაში დამკვიდრებული პრაქტიკის შესაბამისად, ინფრასტრუქტურული პროექტების, ასევე ბინათმესაკუთრეთა ამხანაგობების სამუშაოების შესრულების პროცესის თანამდევი დოკუმენტაცია (მიღება-ჩაბარებისა და შესრულებული სამუშაოების აქტები, მომართვები, საექსპერტო დასკვნები და სხვა საანგარიშსწორებო მასალები) დაწესებულებაში მოძრაობს უშუალოდ შესაბამისი განყოფილების პასუხისმგებელი პირების კონტროლით, კანცელარიაში რეგისტრაციისა და ხელმძღვანელი პირების ვიზირებების გარეშე. დოკუმენტბრუნვის ამგვარი ფორმა, ძირითადად ბინათმესაკუთრეთა ამხანაგობების შემთხვევაში, შეიცავს საფინანსო დოკუმენტაციაზე არასაკმარისი კონტროლის რისკებს.

მუნიციპალიტეტმა გამარტივებული წესით გააფორმა 85 ხელშეკრულება -საერთო ღირებულებით 919.5 ათასი ლარი. აღნიშნული ხელშეკრულებების ფარგლებში გამგეობას მიმწოდებლებთან ანგარიშსწორება არ მოუხდენია საქართველოს მთავრობის 2014 წლის 14 იანვრის №55 დადგენილების მიხედვით, ფაქტობრივი დანახარჯების დამადასტურებელი დოკუმენტაციის საფუძველზე.

2013-2014 წლებში 14 ხელშეკრულების ფარგლებში, წყლის სისტემის სარეაბილიტაციო სამუშაოებზე, დოკუმენტურად ვერ დასტურდება 3.2 ათასი კბ.მ ქვიშის მიწოდება.

ხელშეკრულებაში შეტანილი ცვლილების შედეგად სოფელ თრიალეთში გრუნტის დამუშავების ღირებულება განისაზღვრა 35.4 ლარით, მაშინ როდესაც იმავე ხარჯთაღრიცხვაში ანალოგიური სამუშაოს ღირებულება შეადგენდა 5.9 ლარს. ცვლილებაში აღნიშნული ფასის გათვალისწინების შემთხვევაში სამუშაოების შესრულება შესაძლებელი იყო 13.3 ათასი ლარით ნაკლები დანახარჯით.

2013 წელს, სოფელ კუშში წყალსადენის ცენტრალური მაგისტრალის რეაბილიტაციისთვის, მიმწოდებელს გრუნტის დამუშავების სამუშაოების ერთეულის ღირებულება გაეზარდა მას შემდეგ, რაც სამუშაოები უკვე ჩაბარებული იყო და შესაბამისი ანაზღაურება მიღებული ქონდა. შედეგად შპს-ს დამატებით აუნაზღაურდა 10.6 ათასი ლარი.

2014 წელს სოფელ საბეჭისში წყლის რეზერვუარისა და შიდა ქსელის მოწყობის სამუშაოებზე დაიხარჯა 47.8 ათასი ლარი. სამუშაოები ჩაბარდა 2014 წლის 29 ოქტომბერს. მოსახლეობისა და პასუხისმგებელი პირის განმარტებით, წყლის სისტემის ჩართვა და სოფელზე წყლის მიწოდება დაიწყო მხოლოდ 2015 წლის მაისიდან, სამუშაოების დასრულებიდან შვიდი თვის შემდეგ.

2014 წლის 17 ივნისს, მუნიციპალიტეტის მიერ გამოცხადებულ გზის სარეაბილიტაციო სამუშაოების ტენდერზე, მიმწოდებლებმა სავარაუდოდ დაარღვიეს აფიდავიტის მოთხოვნები, მეტი სარგებლის მიღების მიზნით.

2014 წელს მუნიციპალიტეტმა შეისყიდა გზის კაპიტალური რემონტის სამუშაოები. ხელშეკრულების ფარგლებში გამგეობამ გზის სამოსის მომზადებაში მიმწოდებელს აუნაზღაურა 340.6 ათასი ლარი, მაშინ, როდესაც იგივე სამუშაოები ქვეკონტრაქტორმა შეასრულა 222.9 ათას ლარად.

2013 წელს შპს - „№2 საგზაო საექსპლოატაციო სამმართველოსთან“ გაფორმებული ხელშეკრულების ფარგლებში მუნიციპალიტეტმა არ გამოიყენა ხელშეკრულების უზრუნველყოფის საბანკო გარანტია, რის შედეგადაც დაკარგა 18.4 ათასი ლარის მიღების შესაძლებლობა.

წალკის მუნიციპალიტეტის შიდა გზების მოხრეშვით სამუშაოებზე ინერტული მასალის შესყიდვა-ტრანსპორტირების დოკუმენტაციის მიხედვით, ტრანსპორტირებული ხრეშის მოცულობა 316 კუბ.მ-ით ნაკლებია მიღება-ჩაბარების აქტებში მითითებულ რაოდენობაზე. შედეგად პირველადი დოკუმენტაციით ვერ დასტურდება 7.9 ათასი ლარის ღირებულების სამუშაოს შესრულება.

„სოფლის მხარდაჭერის პროგრამის“ შესწავლისას გამოვლინდა, რომ 17.6 ათასი ლარის სამუშაოები დაზიანებულია და გამოსულია მწყობრიდან, ხოლო 78.8 ათასი ლარის სამუშაოები დაუსრულებელია.

2013-2014 წლებში გაცემულმა პრემიებმა ჯამში 696.9 ათასი ლარი შეადგინა. აღსანიშნავია, რომ 100%-იანი პრემიები, წელიწადში 6-7-ჯერ, ძირითადად გაცემულია მუნიციპალიტეტის თანამდებობის პირებზე.

2013-2014 წლებში საკრებულოს არაანაზღაურებად დეპუტატებზე მათ საქმიანობასთან დაკავშირებული ხარჯების ანაზღაურების მიზნით, ჯამში გაცემულია 259.5 ათასი ლარი, თუმცა აღნიშნული ხარჯის გაწევის დასადასტურებლად დოკუმენტები არ არის წარმოდგენილი.

2013-2014 წლებში მუნიციპალიტეტს სულ გახარჯული აქვს 94.5 ათასი ლიტრი საწვავი, საერთო ღირებულებით 199.7 ათასი ლარი. საწვავის გამოყენებაზე გამგეობას არ აქვს შემუშავებული სათანადო კონტროლის სისტემა, ასევე განსაზღვრული არ არის სხვადასხვა თანამდებობის პირზე შესაბამისი ლიმიტები.

მუნიციპალიტეტის ბიუჯეტიდან 2013-2014 წლებში 7.9 ათასი ლარი დახარჯულია სხვადასხვა თანამდებობის პირისთვის მობილური ტელეფონების შესაძენად, მათ შორის გამგებლისთვის ტელეფონი შეძენილია ორჯერ საერთო ღირებულებით 2.2 ათასი ლარი, ხოლო საკრებულოს თავმჯდომარისთვის სამჯერ ღირებულებით 2.9 ათასი ლარი. ასევე ამ პერიოდში გამგებელისა და საკრებულოს თავმჯდომარისთვის შეძენილია 2 პლანშეტი, რაზედაც დაიხარჯა 1380 ლარი.

• პრიორიტეტული მიმართულებების განსაზღვრისას, სამინისტროს მიერ შესაფერისი კვლევები არ ჩატარებულა. შესაბამისად, არ არის გამოკვლეული შერჩეული მიმართულებების თავსებადობა ქვეყნის საჭიროებებთან; • ფიქსირდება შემთხვევები, როდესაც პრიორიტეტულ სასწავლო პროგრამებად აღიარებულია ისეთი მიმართულებები, რომლებიც გამოირჩევა სტუდენტების მაღალი რიცხოვნობით, ხოლო ისეთი დარგები, რომლებიც ქვეყნისთვის აქტუალური გამოწვევაა და სტუდენტების დაბალი რიცხოვნობით გამოირჩევა, არ მიიჩნევა პრიორიტეტად, რაც არ არის თავსებადი პროგრამის მიზნებთან;

2013-2014 წლებში თვითმმართველ ერთეულში დარღვეულია საქართველოს პრეზიდენტის ბრძანებულება „სამსახურებრივი ავტომანქანების გამოყენების შესახებ“, რომლის მიხედვით, წალკის მუნიციპალიტეტს ეკუთვნის 3 სამსახურებრივი ავტომანქანა, ხოლო ფაქტობრივად იყენებს 5 ავტომობილს.

2014 წლის 25 დეკემბერს შინაგან საქმეთა სამინისტროსგან უსასყიდლოდ, უვადო სარგებლობის უფლებით სამსახურისთვის გადაცემულია ქ.თბილისში დიდი ხეივნის ქ. N3-ში მდებარე სახელმწიფო საკუთრებაში არსებული 1 101.6 ათასი ლარის ღირებულების არასასოფლო-სამეურნეო დანიშნულების მიწის ნაკვეთი მასზე განთავსებული N1 და N2 შენობა-ნაგებობებით. სამსახურის ბალანსზე ასახულია მხოლოდ მიწის ნაკვეთის ღირებულება, რადგანაც მხარეებს შორის ქონების გადაცემასთან დაკავშირებით გაფორმებულ არცერთ დოკუმენტაციაში მითითებული არ არის შენობა-ნაგებობის ღირებულება. 2015 წლის 17 ივნისს სამსახურს წერილობით მიმართული აქვს სსიპ ლევან სამხარაულის სახელობის სასამართლო ექსპერტიზის ბიუროსთვის შენობა-ნაგებობების ღირებულების დადგენის მიზნით, რაც ამ უკანასკნელის მიერ ვერ იქნა განსაზღვრული მათი ტექნიკური მდგომარეობის შესახებ ინფორმაციის არქონის გამო.

• 2017 წლიდან უნივერსიტეტები თავად არიან უფლებამოსილნი განსაზღვრონ პრიორიტეტული სასწავლო პროგრამები, რომლებსაც დააფინანსებს სახელმწიფო, ხოლო სამინისტროს არ აქვს შემუშავებული მექანიზმი, რომლის მიხედვით შეფასდება უნივერსიტეტის მიერ წარდგენილი პრიორიტეტული პროგრამები, რამდენად შეესაბამება შერჩეული მიმართულება ქვეყნის საჭიროებებს. შედეგად, აღნიშნული ცვლილების შემდეგ, პრიორიტეტული სასწავლო პროგრამების რაოდენობა გაზრდილია 1,5-ჯერ, ხოლო საბაზისო წელთან შედარებით − 3,5-ჯერ, რაც არ არის დასაბუთებული შესაბამისი კვლევებით;

გამგეობამ აუდიტის ჯგუფს ვერ წარმოუდგინა ფინანსური ანგარიშგებები 2013 და 2014 წლების 31 დეკემბრით დასრულებული საანგარიშგებო პერიოდებისათვის, რითაც დარღვეულია მოქმედი კანონმდებლობის მოთხოვნები.

2014 წელს სამორიგეო ავტომობილების გამოყოფაზე მოთხოვნის ინიცირება დოკუმენტურად არ ხდებოდა, ხოლო 2015 წელს სამსახურის მიერ შემუშავებული ფორმა (ელექტრონული) სრულად ვერ აკმაყოფილებს „სახელმწიფო ავტოპარკის გადანაწილების, კლასიფიკაციისა და სამსახურებრივი ავტომანქანის შესყიდვის ან ჩანაცვლების წესის დამტკიცების შესახებ“ საქართველოს მთავრობის 2014 წლის 6 თებერვლის N121 დადგენილების დადგენილების მოთხოვნებს.

• პრიორიტეტული მიმართულებების შერჩევისა და მისაღები სტუდენტების რაოდენობის განსაზღვრის პროცესში სამინისტრო და უსდ-ები არ ითვალისწინებენ შრომის ბაზრის ტენდენციებს, რაც ქმნის სტრუქტურული უმუშევრობის გაზრდის რისკებს. კერძოდ, 2018 წლის ივლისის მდგომარეობით, დასაქმებულია პრიორიტეტული მიმართულებების კურსდამთავრებულთა 41%, მათგან საკუთარი პროფესიით − მხოლოდ ნახევარი; • თითოეული მიმართულების მიხედვით არ არის შეფასებული შრომის ბაზარზე უმაღლესი განათლების ხარისხის მქონე სპეციალისტების საჭიროება, რაც გამოწვეულია პასუხისმგებელ სამინისტროებსა და სხვა დაინტერესებულ მხარეებს შორის არასაკმარისი კოორდინაციით. შედეგად, არ არის გამოკვლეული რამდენად თანხვედრაშია დაფინანსებული სტუდენტების რაოდენობა რეალურ საჭიროებებთან; • უნივერსიტეტებს შორის მისაღები სტუდენტების ლიმიტებს სამინისტრო არაოპტიმალურად ანაწილებს; თითოეული მიმართულების ფარგლებში, დროულად არ ითვალისწინებს წინა სასწავლო წლებში დაფიქსირებული მოთხოვნისა და გამოყოფილი ადგილების ათვისების მაჩვენებელს. შედეგად, გვხდება ისეთი შემთხვევები, როდესაც გარკვეულ დარგებზე კონკრეტულ უნივერსიტეტებში ფიქსირდება აბიტურიენტების დაბალი აქტივობა, ხოლო იმავე დარგზე დანარჩენ უნივერსიტეტებში − ადგილების სრული ათვისება. მიუხედავად ამისა, მომდევნო სასწავლო წლებში დადგენილი ლიმიტები უცვლელი რჩება. აღნიშნული გარემოება დაფინანსების არსებული წესის პირობებში იწვევს სახსრების არაპროდუქტიულ ხარჯვას;

2013-2014 წლებში მუნიციპალიტეტს არ აქვს ჩატარებული ინვენტარიზაცია. რითაც დარღვეულია მოქმედი კანონმდებლობის მოთხოვნები

აუდირებულ პერიოდში უმეტეს შემთხვევებში სამსახური სხვადასხვა ორგანიზაციას უსასყიდლოდ გადასცემდა ქონებას ისე, რომ ქონების უსასყიდლოდ გადაცემასთან დაკავშირებით წარმოდგენილ დოკუმენტაციაში დაფიქსირებულია ქონების მიმღები მხარის მხოლოდ მოთხოვნა და ის არ შეიცავს დასაბუთებას, როგორც ეს განსაზღვრულია საქართველოს მთავრობის 2010 წლის 1 ოქტომბრის N302 დადგენილებით. ამასთან, სამსახურის მიერ როგორც ფინანსთა სამინისტროს, ასევე მის სისტემაში შემავალ სხვადასხვა ორგანიზაციაზე უსასყიდლოდ გადაცემულია ისეთი აქტივები, რომლებიც მათ გადაცემამდე მცირე ხნით ადრე შეძენილია თავად სამსახურის მიერ.

• დაფინანსების მოდელი დაფუძნებულია მხოლოდ ერთ კრიტერიუმზე − სტუდენტების რაოდენობაზე, განსხვავებით საერთაშორისო პრაქტიკისგან, რომელიც ითვალისწინებს ხარისხობრივ ინდიკატორებსაც. ამასთანავე, 2013-2017 წლებში პრიორიტეტული მიმართულებების დასაფინანსებლად გათვალისწინებული იყო დაფინანსების ორმაგი წყარო, როგორც პროგრამული დაფინანსება − 129,534,325 ლარით, ასევე სახელმწიფო სასწავლო გრანტი − 15,960,438 ლარის ოდენობით. აღნიშნულმა მოდელმა 23%-ით გააძვირა ხარჯი ერთეულთან მიმართებაში, რაც მიუთითებს მოდელის არაპროდუქტიულობაზე;

2013 წლის ბიუჯეტის შედგენა-შესრულების აუდიტორულ შემოწმებაზე დაიხარჯა 4.5 ათასი ლარი. კერძო კომპანიის მიერ გაცემულ დასკვნაში წარმოდგენილია ინფორმაცია ბიუჯეტის შესრულების სტატისტიკური მონაცემების შესახებ და მითითებული არაა მუნიციპალიტეტის საქმიანობაში გამოვლენილ ხარვეზებზე.

2013 და 2014 წლების მოგების გადასახადის დეკლარაციების მიხედვით, საფინანსო-ანალიტიკური სამსახურის ერთობლივ შემოსავალში ასახულია კომერციულ ბანკში განთავსებულ დეპოზიტზე შესაბამისი წლების მიხედვით დარიცხული სარგებელი, მაშინ როცა სსკ-ის 131-ე მუხლის მიხედვით, ლიცენზირებული ფინანსური ინსტიტუტიდან მიღებული პროცენტები მიმღები პირის მიერ ერთობლივ შემოსავალში არ ჩაითვლება.

• პრიორიტეტულ საგანმანათლებლო პროგრამებზე სტუდენტების მობილობა წლების მიხედვით შეადგენს საშუალოდ 11%-ს, საიდანაც სტუდენტთა უმრავლესობა გადადის ისეთ პროგრამებზე, სადაც მაღალია სტუდენტების რიცხოვნობა. ასევე 2013 წელს ჩარიცხული სტუდენტების მხოლოდ 53%-მა დაასრულა სწავლა შესაბამის ვადაში. ამასთანავე, პრიორიტეტულ სასწავლო პროგრამებს ეროვნული გამოცდების ჩაბარებისას აბიტურიენტები ირჩევენ საშუალოდ მე-11 რიგის პრიორიტეტად, რაც მიუთითებს იმ ფაქტზე, რომ შერჩეული მიმართულებები ვერ გახდა პოპულარული. იმ სტუდენტების რიცხვი კი, რომელთაც მოპოვებული აქვთ სახელმწიფო სასწავლო გრანტი, ყოველწლიურად მცირდება. მოცემული ფაქტები არ არის თანხვედრაში პროგრამის მიზნებთან და მიუთითებს ეფექტიანობის დაბალ მაჩვენებელზე; • სამინისტროსა და უნივერსიტეტებს არ შეუფასებიათ პროგრამის ფარგლებში მიღწეული შედეგები, რამაც გამოიწვია ის ფაქტი, რომ წლების მანძილზე არ ხორციელდებოდა განსაზღვრული მიმართულებების კორექტირება არსებული გამოწვევების გათვალისწინებით.

2013-2014 წლებში წალკის მუნიციპალიტეტმა ა(ა)იპ „ქვემო ქართლის რეგიონული განვითარების სააგენტოს“ საწევრო შენატანის სახით სულ გადაურიცხა 44.0 ათასი ლარი. წალკის მუნიციპალიტეტის გამგეობამ აუდიტის ჯგუფს ვერ დაუსაბუთა, რამდენად შეესაბამება ა(ა)იპ-ზე გადახდილი თანხა მისგან მიღებულ სარგებელს.

2014 წლის ქონების გადასახადის დეკლარაციის მიხედვით საფინანსო-ანალიტიკური სამსახურის მიერ დაბეგრილია სახელმწიფო საკუთრებაში არსებული არასასოსფლო-სამეურნეო დანიშნულების მიწის ნაკვეთი , რომლის გამოყენება სამსახურის მიერ ეკონომიკურ საქმიანობაში არ მომხდარა. სსკ-ის 206-ე მუხლის პირველი ნაწილის „ზ“ ქვეპუნქტის მიხედვით, ქონების გადასახადისაგან გათავისუფლებულია სახელმწიფო საკუთრებაში არსებული მიწის ნაკვეთის ის ნაწილი, რომელიც გადაცემული აქვს საბიუჯეტო ორგანიზაციას, გარდა ეკონომიკური საქმიანობისათვის გამოყენებული მიწისა. შესაბამისად, ზედმეტად გადახდილმა გადასახადის თანხამ შეადგინა 2.5 ათასი ლარი

გამგეობის მიერ შესყიდული საპროექტო დოკუმენტაციის შესწავლისას აღმოჩნდა, რომ მუნიციპალიტეტი ხშირად ახდენს ისეთი პროექტების შესყიდვას, რომელთა შედგენაც, სავარაუდოდ საკუთარი რესურსით შეუძლია. ასევე მსგავსი სამუშაოების შემთხვევაში, ერთჯერ შესყიდული პროექტი შესაძლებელია გამოყენებულ იქნეს მრავალჯერადად.

2013 წელს კომპანიას სამინისტროდან სუბსიდიის სახით მიღებული აქვს 12,500,000  ლარი, რომლის წერილობითი მოთხოვნა, მის განსაზღვრასთან დაკავშირებული სათანადო ხარჯთაღრიცხვა ან რაიმე სახის გაანგარიშება კომპანიამ ვერ წარმოადგინა;

სამსახურის მიერ კომპიუტერული ტექნიკის შესყიდვის მიზნით 2014 წლის 11 სექტემბერს გამოცხადებული ტენდერის სატენდერო დოკუმენტაციაში შესასყიდი ზოგიერთი საქონლის აღწერილობაში გამოყენებულია კონკრეტული მოდელის მონაცემები, რაც ეწინააღმდეგება „სახელმწიფო შესყიდვების შესახებ“ საქართველოს კანონის მე-121 მუხლის მე-6 პუნქტის მოთხოვნებს . შესყიდვების სააგენტოს რეკომენდაციების მიხედვითაც, სატენდერო დოკუმენტაციაში მითითებული შესყიდვის ობიექტის სპეციფიკაციები არ უნდა იყოს მორგებული ერთი რომელი ბრენდის ან მოდელის პროდუქტზე.

საჩხერის მუნიციპალიტეტის საავტომობილო გზის სავანე არგვეთი მახათაურის გზის რეაბილიტაციის ფარგლებში მუნიციპალიტეტსა და შპს "ჯი აი დი"-ს შორის გაფორმდა ხელშეკრულება ღირებულებით 247.0 ათასი ლარი. აღსანიშნავია, რომ 2012 წლის 21 დეკემბერს მუნიციპალიტეტმა 80.0 ათასი ლარი გადაურიცხა მომწოდებელს მიღება-ჩაბარების აქტის გარეშე . გარდა ამისა, არსებულმა ინპექტირების ჯგუფმა დააფიქსირა მოსაზრება, რომ სამუშაოები არ იყო შესრულებული ხელშეკრულების შესაბამისად და არ ექვემდებარებოდა შემდგომ ექსპლუატაციას. 2013 წლის 22 მარტს შპს „ჯი აი დის“ ხელმძღვანელობას წერილით აცნობა, რომ სამუშაოების უხარისხოდ შესრულების გამო მუნიციპალიტეტი წყვეტს ხელშეკრულებას. იმავე წერილით შემსყიდველმა მოითხოვა პირგასამტეხლოს თანხის - 29.6 ათასი ლარის გადახდა და სამუშაოს შემსრულებლისათვის გაცემული თანხის - 178.8 ათასი ლარის დაბრუნება. აღნიშნული თანხებიდან შპს „ჯი აი დიმ“ გადაიხადა მხოლოდ დაკისრებული პირგასამტეხლოს თანხა - 29.6 ათასი ლარი .

კომპანიას 3,208,567 ლარის ღირებულების მიწა ზედმეტად აქვს ასახული აქტივებში.

სამსახურის მიერ შპს „iphone+“-სგან 2013 წლის 21 იანვრის ხელშეკრულებით გამარტივებული შესყიდვის საშუალებით შესყიდულია 1.9 ათასი ლარის ღირებულების 1 ერთეული პლანშეტური კომპიუტერის კომპლექტი. შესყიდვა განხორციელებულია ფინანსთა სამინისტროს თანხმობით. სამსახურის მიერ სამინისტროსადმი გაგზავნილ წერილში აღნიშნულია, რომ მიზანშეწონილად მიაჩნიათ გამარტივებული შესყიდვის საშუალებით სამსახურეობრივი საჭიროებიდან გამომდინარე, შეძენილი იქნეს პლანშეტური კომპიუტერი. წერილში არ არის მითითებული თუ რა ვითარებები დაედო საფუძვლად გადაუდებელი აუცილებლობის მოტივით ხსენებული შესყიდვის განხორციელებას.

მუნიციპალიტეტს 2013 წლის ბოლოს შენობა-ნაგებობების ნაშთში ერიცხება ქ.გორში მდებარე შენობა. აღნიშნული შენობა 2013 წელს სახელმწიფოს გადაეცა, თუმცა "შენობა-ნაგებობების" მუხლი წლის ბოლოსათვის არ შეცვლილა.

2013 წლის 3 სექტემბერს საჩხერის მუნიციპალიტეტსა და შპს „არნაბი 21“-ს შორის გაფორმდა ხელშეკრულება, რომელიც ითვალისწინებდა ქ. საჩხერის 10 საქალაქო მნიშვნელობის ქუჩის ასფლტობეტონის საფარით მოწყობის სამუშაოებს, ღირებულებით - 1 741.0 ათასი ლარი. სამუშაოები უნდა დასრულებულიყო 2013 წლის 30 ნოემბერს, მაგრამ შპს „არნაბი 21“-ის ხელმძღვანელობის მოთხოვნით, ურთიერთშეთანხმების საფუძველზე, სამუშაოების დასრულების ვადა გაგრძელდა 20 დეკემბრამდე. აღსანიშნავია, რომ ვადის 15-20 დღით გადაწევის შემთხვევაში შემსრულებელი იღებდა ვალდებულებას საკუთარი სახსრებით უზრუნველეყო არსებული ხარვეზების აღმოფხვრა.მიუხედავად ვადის გაგრძელებისა, მუნიციპალიტეტმა 159.8 ათასი ლარის სამუშაო არ ჩათვალა დასრულებულად, ვინაიდან სანაპიროს ქუჩის ტროტუარზე სრულად არ იყო შესრულებული ქვაფენილის დაგებისა და გამწვანების სამუშაოები. შედეგად, 2014 წლის 9 მარტს ხელშეკრულება შეწყდა, ხოლო შპს „არნაბი 21“-ს დაეკისრა პირგასამტეხლო 96.3 ათასი ლარი. მუნიციპალიტეტს საგარანტიო ვადის გაგრძელება არ მოუთხოვია, ხოლო არსებულ გარანტიას მოქმედების ვადა ამოწურული ჰქონდა.შესაბამისად, სამუშაოების დაუსრულებლობით გამოწვეული ზიანის ანაზღაურება ვერ მოხერხდა.

კომპანიის აქტივებში ირიცხება 2010-2013 წლებში დასრულებული 5 საპროექტო სამუშაო, რომლებიც 2016 წლის 31 მარტის მდგომარეობით ჯერ კიდევ არ იყო გამოყენებული. საპროექტო სამუშაოებში ჯამში გადახდილია 350,290 ლარი.

უწყვეტი ელექტრომომარაგების სისტემის სახელმწიფო შესყიდვის მიზნით სამსახურის მიერ 2015 წლის 14 მაისს გამოცხადებულ ელექტრონულ ტენდერში გამარჯვებულად ცნობილი იქნა შპს „იუ-ჯი-თი“, რომელთანაც 2015 წლის 17 ივნისს გაფორმებულია ხელშეკრულება 610.0 ათასი ლარის ღირებულების უწყვეტი ელექტრომომარაგების სისტემის მიწოდებაზე თანმდევი მომსახურებით - მონტაჟით/ინსტალაციით.სამსახურის მხრიდან შესასყიდი ობიექტის სავარაუდო ღირებულება 610.0 ათასი ლარის ოდენობით განსაზღვრულია ისე, რომ არც სატენდერო დოკუმენტაციაში და შესაბამისად მიმწოდებელთან გაფორმებულ ხელშეკრულებაში, განსაზღვრული და მოთხოვნილი არ ყოფილა შესასყიდი ობიექტის ტექნიკური მდგომარეობა. კერძოდ, სატენდერო დოკუმენტაციაში არ არის დაზუსტებული შესასყიდი უწყვეტი ელექტრომომარაგების სისტემა უნდა ყოფილიყო ახალი თუ ექსპლუატაციაში ნამყოფი, რამდენადაც ხსენებული ტექნიკის ფასი მნიშვნელოვნადაა დამოკიდებული მის ტექნიკურ მდგომარეობაზე.

მუნიციპალიტეტის მიერ არ მომხდარა 2013 წლის დეკემბერში გახარჯული 2.6 ათასი ლარის ოდენობის საწვავის ღირებულების ვალდებულებად აღრიცხვა.

2013 წლის დეკემბერში საჩხერის მუნიციპალიტეტის 6 სოფელში საბავშვო ბაღების მშენებლობაზე მიმწოდებლებს სამუშაოების დასრულების ვადა გაუგრძელდათ ორი თვით. მიწოდების ვადის გაგრძელების მიზნით, მიმწოდებლების მიერ მოყვანილი გარემოებები, კერძოდ, სამუშაოების შესრულებისათვის შესაფერისი მეტეოროლოგიური პირობების არარსებობა და მცირე მოცულობის სამუშაოების დამატება ვერ ჩაითვლება განსაკუთრებულ მოვლენად, რომელთა გათვალისწინება ხელშეკრულების დადების მომენტისათვის შეუძლებელი იყო. აღნიშნულიდან გამომდინარე, არსებობს იმის რისკი, რომ შესაძლებელია მუნიციპალიტეტმა მიმწოდებლებს სამუშაოების დასრულების ვადა გადაუწია, რათა არ დაერიცხა პირგასამტეხლოს თანხა. სამუშაოებზე ვადის გაგრძელების ნაცვლად, პირგასამტეხლოს თანხის დარიცხვის შემთხვევაში, მუნიციპალიტეტი სავარაუდოდ მიიღებდა 62.0 ათას ლარზე მეტ სარგებელს.

2013-2014 წლებში კომპანიამ სსიპ „საქართველოს სავაჭრო-სამრეწველო პალატისგან“ 375,063 ლარად შეისყიდა აზომვის მომსახურება, რისი მიზანიც იყო კომპანიის ძველი ქსელების დაზუსტება და საჯარო რეესტრში საკუთრებად რეგისტრაცია. თუმცა ძველი ქსელები საჯარო რეესტრში არ დარეგისტრირებულა. შემდგომ პერიოდში კომპანიის მიერ სსიპ „საქართველოს სავაჭრო-სამრეწველო პალატის“ მიერ შესრულებული სამუშაოების გადამოწმების შედეგად აღმოჩნდა სხვაობები როგორც მიწისქვეშა, ასევე მიწისზედა კომუნიკაციების კოორდინატებს შორის.

აუდიტის მომსახურებისა და შენობის დაცვის საფასური წარმოდგენილია ,,ოფისის ხარჯების" მუხლით ,ნაცვლად ,, სხვა დანარჩენი საქონლისა და მომსახურების" მუხლისა.

2013 წელს საჩხერის მუნიციპალიტეტს სამშენებლო სამუშაოების შესასყიდად გამარტივებული წესით გაფორმებული აქვს 31 ხელშეკრულება, საერთო ღირებულებით 988.1 ათასი ლარი. ანგარიშსწორება განხორციელდა ფაქტობრივი ხარჯის დამადასტურებელი დოკუმენტაციის გარეშე, საქართველოს ეკონომიკისა და მდგრადი განვითარების მინისტრის ბრძანების გვერდის ავლით.

სამინისტროს ბრძანების საფუძველზე, 2014 წელს კომპანიის ბალანსზე რიცხული Toyota Land Cruiser 200 - 120,288 ლარის ღირებულებით შეტანილი იქნა კომპანიის კაპიტალში და იმავე ბრძანების საფუძველზე მოხდა კაპიტალიდან ამოღება. აღნიშნული არ შეესაბამება „მეწარმეთა შესახებ“ საქართველოს კანონის მოთხოვნებს. 

მუნიციპალიტეტის მიერ ბანკის მომსახურეობაზე გადახდილი თანხა 0.6 ათასი ლარის ოდენობით აღრიცხულია,,პროცენტის " მუხლში" ნაცვლად "სხვა დანარჩენი საქონლისა და მომსახურების" მუხლისა.

2014 წელს საჩხერის მუნიციპალიტეტსა და შპს „სამართლებრივი ანალიზისა და ექსპერტიზის ცენტრს“ შორის გაფორმებული ხელშეკრულებების შედეგად, შეძენილია ორი საპროექტო-სახარჯთაღრიცხვო დოკუმენტაცია , კერძოდ :- სოფლების - სარეკისა და ბაჯითის სასმელი წყლის შიდა ქსელის სათავე ნაგებობებისა და სარეგულაციო რეზერვუარების მოწყობის საპროექტო-სახარჯთაღრიცხვო დოკუმენტაცია, ღირებულებით - 18.5 ათასი ლარი. (შესასრულებელი სამუშაოს ღირებულება შეადგენდა 3488.3 ათას ლარს). - სოფელ სავანის სასმელი წყლის რეზერვუარისა და სოფლის შიდა ქსელის სამშენებლო სამუშაოების საპროექტო-სახარჯთაღრიცხვო დოკუმენტაცია, ღირებულებით - 27.2 ათასი ლარი (შესასრულებელი სამუშაოს ღირებულება შეადგენდა 1945.0 ათას ლარს). აღსანიშნავი რომ პროქტების ექსპერტიზისთვის მუნიციპალიტეტმა გადაიხადა 1.6 ათასი ლარი. ჩატარებული ექსპერტიზით, სახარჯთაღრიცხვო დოკუმენტაციაში გამოვლინდა ტექნიკური ხასიათის შეცდომები, რომელთა შედეგად შესასრულებელი სამუშაოების ღირებულება ორივე შემთხვევაში შემცირდა 1780.2 ათასი ლარით . საპროექტო-სახარჯთაღრიცხვო დოკუმენტაციის სრულყოფილად შედგენის შემთხვევაში, მუნიციპალიტეტი ზედმეტად არ გადაიხდიდა მინიმუმ 8.9 ათას ლარს . ხელშეკრულების მიხედვით, შემსყიდველს შეეძლო საპროექტო-სახარჯთაღრიცხვო დოკუმენტაციის შემდგენელისაგან მოეთხოვა უზუსტობით, ან შეცდომით გამოწვეული ნებისმიერი მატერიალური, ან არამატერიალური ზიანის ანაზღაურება, რაც მუნიციპალიტეტის მიერ არ განხორციელებულა.

შპს „GM HIDRO”-ს 379,013 ლარის ღირებულების ხელშეკრულების საფუძველზე უნდა განეხორციელებინა ბაკურიანში ხელოვნური თოვლის საწარმოებლად წყალმომარაგებისათვის  საჭირო სამშენებლო სამუშაოები. კომპანიის მიერ ანაზღაურებულია კონტრაქტორის მიერ წარმოდგენილი შესრულებული სამუშაოების 90%. თუმცა სამხარაულის სახელობის სასამართლო ექსპერტიზის ბიურომ ვერ დაადგინა რამდენად შეესაბამება გადახდილი თანხა ფაქტობრივ დანახარჯებს, რადგან მიმწოდებელმა ექსპერტიზას ვერ წარუდგინა შესრულებული სამუშაოების ანგარიშები ეკონომიკის მინისტრის 12.02.2012 წლის N1-1/1463 ბრძანების შესაბამისად.

მუნიციპალიტეტის მიერ 2013 წელს ძირითად საშუალებებზე დარიცხული ცვეთის თანხა 20.7 ათასი ლარის ოდენობით, არ არის წარმოდგენილი ბალანსის დანართი #2-ში.

2013-2014 წლებში მუნიციპალიტეტში „სოფლის მხარდაჭერის პროგრამის“ განსახორციელებლად სულ გამოყოფილია 1954.2 ათასი ლარი . პროგრამის ფარგლებში გამოყოფილი თანხებიდან, აუდიტის პერიოდში სულ აუთვისებელი იყო 88.9 ათასი ლარი, რომელიც არ მოხმარდა სოფლის მოსახლეობის საჭიროების დაკმაყოფილებას. გარდა ამისა, რიგი პროექტების არ იქნა დასრულებული.

2013 წლის 12 სექტემბერს კომპანიამ 127,866 ლარად შეისყიდა იმავე წელს გამოშვებული მაღალი გამავლობის ავტომანქანა „ტოიოტა ლენდ კრუიზერ 200“, რომელიც 2014 წლის ნოემბერში გადაეცა სამინისტროს. შედეგად, სამინისტროს მიეცა შესაძლებლობა ესარგებლა ისეთი ღირებულების ავტომანქანით, რასაც ზღუდავდა მთავრობის 2014 წლის 6 თებერვლის N121 დადგენილება. 

მუნიციპალიტეტის მიერ 2013 წელს ,,სუბსიდიის"მუხლით გაცემული თანხა 199.2 ათასი ლარის ოდენობით არ არის წარმოდგენილი ბალანსის დანართი #2.

საქართველოს მთავრობის 2010 წლის 13 იანვრის №40 განკარგულებით, საჩხერის მუნიციპალიტეტს საბავშვო ბაღის ასაშენებლად გამოეყო 239.1 ათასი ლარი. სამუშაოს შესასრულებლად 2010 წელს ხელშეკრულება გაფორმდა შპს „კავკაზუს ტაუერთან“, ღირებულებით - 231.6 ათასი ლარი. იმავე პერიოდში მიმწოდებელს ავანსის სახით ჩაერიცხა 77.0 ათასი ლარი. წარმოდგენილი დოკუმენტებისა და პასუხისმგებელი პირების განმარტებით, აღნიშნული სამუშაო არ დასრულებულა, ხოლო ავანსად გაცემული თანხიდან 67.0 ათასი ლარის დაბრუნება მუნიციპალიტეტის ანგარიშზე ვერ მოხერხდა შპს „კავკაზუს ტაუერსის“ გაკოტრებისა და მისი ხელმძღვანელის გარდაცვალების გამო.მთავრობის განკარგულებით გამოყოფილი თანხის დარჩენილი ნაწილი - 172.1 ათასი ლარი, მუნიციპალიტეტის ანგარიშზე ირიცხებოდა 2014 წლამდე, ხოლო 2014 წლის 26 ივნისს, სოფელ მერჯევში საბავშვო ბაღის ასაშენებლად ხელშეკრულება გაფორმდა შპს „ტორეროსთან“ , ღირებულებით - 247.1 ათასი ლარი . ხელშეკრულება, საბანკო გარანტიის წარდგენის საფუძველზე ითვალისწინებდა საავანსო ანგარიშსწორებას 30%-ის ოდენობით. შპს „ტორერომ“ მუნიციპალიტეტს წარუდგინა სს „ლიბერთი ბანკის“ მიერ გაცემული საბანკო გარანტია, რომელიც ძალაში შედიოდა საავანსო თანხის სს „ლიბერთი ბანკის“ შპს „ტორეროს“ ანგარიშზე ჩარიცხვისთანავე. მიმწოდებლის მოთხოვნით, მუნიციპალიტეტმა საავანსო თანხა - 74.1 ათასი ლარი ჩარიცხა ხელშეკრულებაში მითითებულ საბანკო ანგარიშზე (ხელშეკრულებაში დაფიქსირებული იყო სს „საქართველოს ბანკის“ ანგარიში). შედეგად, სს „ლიბერთი ბანკის“ მიერ გაცემული საბანკო გარანტია ძალაში არ შესულა. საავანსო თანხის მიღების შემდეგ, შპს „ტორეროს“ სამშენებლო სამუშაოები არ განუხორციელებია, ხოლო აღნიშნულ საკითხზე აღძრულია სისხლის სამართლის საქმე და მიმდინარეობს საგამოძიებო მოკვლევა.

კომპანიის მიერ 2013-2014 წლებში შესყიდული ტელეფონებისა და კომპიუტერული ტექნიკის ანალიზის შედეგად გამოვლინდა 18 ერთეული ტექნიკის დანაკლისი, რომელთა იდენტიფიცირება, კომპანიის განმარტებით ვერ ხერხდება. შესაბამისად, აუდიტის ჯგუფის მიერ საერთო დანაკლისი განისაზღვრა დაკარგული ტექნიკის სახეობის უმცირესი ფასით და შეადგენს 16,829 ლარს.  

,,სოციალური უზრუნველყოფის" მუხლიდან გაცემული თნხა შემცირებული ოდენობით არის წარმოდგენილი.

2014 წლის 14 აგვისტოს საჩხერის მუნიციპალიტეტსა და შპს „ნიუკონსტრაქშენს“ შორის გაფორმდა ხელშეკრულება, რომელიც ითვალისწინებდა სოფელ სავანის სასმელი წყლის რეზერვუარებისა და სოფლის შიდა ქსელის სისტემების პირველი ეტაპის სამუშაოების შესრულებას, ღირებულებით - 533.0 ათასი ლარი. ხელშეკრულების თანახმად, შპს „ნიუკონსტრაქშენს“ ავანსის სახით ჩაერიცხა 159.9 ათასი ლარი და სამუშაოების დასრულების ვადად განისაზღვრა 2014 წლის 30 ნოემბერი.შუალედური მიღება-ჩაბარების აქტების მიხედვით, შპს „ნიუკონსტრაქშენს“ 2014 წლის 9 დეკემბრის მდგომარეობით შესრულებული ჰქონდა მხოლოდ 129.4 ათასი ლარის სამუშაოები, საიდანაც გადაეცა 90.6 ათასი ლარი, ხოლო 38.8 ათასი ლარი დაუკავდა, როგორც საავანსო თანხის წილი. სხვა დარჩენილი სამუშაოები, დღემდე შეუსრულებელია, ხოლო ხელშეკრულების მოქმედება მუნიციპალიტეტის მიერ 2015 წლის თებერვლიდან შეწყვეტილია. აღსანიშნავია, რომ ავანსად გაცემული თანხიდან 60.4 ათასი ლარი აუდიტის მიმდინარეობისას არ იყო დაბრუნებული.

შპს „ჰაუსარტ პროჯექტისთვის“ კომპანიის ახალი სათაო ოფისის შენობის საპროექტო დოკუმენტაციის შედგენაზე 2012-2015 წლებში კომპანიას გადახდილი აქვს 247,516 ლარი, თუმცა   სამშენებლო სამუშაოები 2015 წლის ბოლოსათვის არ დაწყებულა.

ფინანსურ ანგარიშგებაში ,, მანქანა- დანადგარებისა და ინვენტარის" მუხლის 2013 წლის დასაწყისისათვის ნაშთი შემცირებული ოდენობითა არის წარმოდგენილი.

სტიქიური უბედურების შედეგად დაზარალებული მოსახლეობის დახმარების პროგრამით 2013-2014 წლებში გაცემულია 50.2 ათასი ლარი . ბენეფიციარების მიერ წარმოდგენილი დოკუმენტების შემოწმებით დადგინდა, რომ 172 შემთხვევაში სულ 38.4 ათასი ლარი გაცემულია ისეთ პირებზე, რომლებიც არ აკმაყოფილებდნენ პროგრამით განსაზღვრულ მოთხოვნებს (არ მიეკუთვნებოდნენ პროგრამით განსაზღვრულ სტიქიით დაზარალებულთა კატეგორიებს). ამასთან, 2014 წელს საკრებულოს მიერ დამტკიცებული სოციალური დახმარებისა და გაცემის წესი მოიცავდა სტიქიით დაზარალებული პირის მიერ პირადი საბანკო ანგარიშის წარმოდგენის ვალდებულებას, მაგრამ მიუხედავად აღნიშნულისა, 2014 წლის სექტემბრამდე თანხის გაცემა წარმოებდა ნაღდი ანგარიშსწორებით.

შპს „სტუდიო ლაინის“ მიერ 2014 წლის 30 ივნისის ხელშეკრულების საფუძველზე განხორციელდა კომპანიის საიმიჯო კლიპის გადაღება. რომლის ღირებულებამაც შეადგინა 33,900 ლარი, თუმცა აღნიშნული კლიპი კომპანიის მიერ აუდიტის პერიოდში არ გამოყენებულა.

2013 წლის დასაწყისისათვის ფინანსურ ანგარიშგებაში,, ტრანსპორტის" მუხლის ნაშთი შემცირებული ოდენობითაა წარმოდგენილი.

2013-2014 წლებში ოჯახებისა და ბავშვების სოციალური დაცვის პროგრამით გაცემულია 169.0 ათასი ლარი . 2013 წელს პროგრამის ფარგლებში, კომისიის მიერ განსაკუთრებულად მძიმე სოციალურ-ეკონომიკური მდგომარეობის მქონე ოჯახებზე გაიცემოდა ერთჯერადად, წელიწადში - 200 ლარი, დაბალშემოსავლიან ოჯახებზე - 150 ლარი, გაჭირვებულ ოჯახებზე - 50 ლარი. პროგრამის დებულებით არ არის განსაზღვრული ბენეფიციარის მიერ წარმოსადგენი დოკუმენტი ან რაიმე სხვა კრიტერიუმი, რომლის საფუძველზე კომისიას უნდა ეხელმძღვანელა, ოჯახისათვის „განსაკუთრებულად მძიმე“ ან „გაჭირვებულის“ კატეგორიის მისაკუთვნებლად. აგრეთვე, იმის მიუხედავად, რომ არ იყო განსაზღვრული ოჯახების დაბალშემოსავლიანობის ზღვარი, ბენეფიციარს მოეთხოვებოდა მხოლოდ სახელფასო ცნობა სამუშაო ადგილიდან. 2014 წელს პროგრამას დაემატა, ერთჯერადად - 50 ლარის გაცემა იმ ოჯახებზე, რომელთაც ადმინისტრაციულ ერთეულში გამგებლის წარმომადგენელი მიიჩნევდა გაჭირვებულად.

2013-2014 წლებში კომპანიას სს „ლიბერთი ბანკში“ გახსნილი ქონდა 113 ანგარიში. საიდანაც 16 ანგარიშზე ბრუნვა არ ფიქსირდება. საბანკო ანგარიშების დიდი რაოდენობა რისკის შემცველია კომპანიის შიდა კონტროლის თვალსაზრისით.

მუნიციპალიტეტს არ აქვს ვალდებულებად აღიარებული 2014 წელს გახარჯული საწვავის ღირებულება.

2013-2014 წლებში, საჩხერის მუნიციპალიტეტის მიერ შესყიდულ სამშენებლო სამუშაოებში, ქარგილების მოსაწყობად მიმწოდებლების მიერ საბაზრო ფასებით შეძენილი და გამოყენებულია დაახლოებით 61.6 ათასი ლარის ღირებულების წიწვოვანი ჯიშის ხის მასალა, მათ შორის, 2013 წელს - 30.0 ათასი ლარის და 2014 წელს - 31.6 ათასი ლარის ღირებულების. სამუშაოების დასრულების შემდეგ ხორციელდებოდა აღნიშნული ქარგილების დემონტაჟი. აღსანიშნავია, რომ შეძენილი ხის მასალა წარმოადგენს მუნიციპალიტეტის აქტივს და მისი მხრიდან უნდა განხორციელებულიყო დემონტირებული მასალის დასაწყობება.

შპს „საქართველოს გაერთიანებული წყალმომარაგების კომპანია“ დაფუძნებიდან ყოველ წელს ამთავრებს უარყოფითი ფინანსური შედეგით (სახელმწიფოს მიერ გადაცემული სუბსიდიებისა და ფულადი შენატანების გარეშე), რაც მისი არსებობის 5 წელიწადში 10 მილიონიდან 100 მილიონამდე გაიზარდა.

2014 წელს სადეკერტო შვებულებისათვის თანხა 3.2 ათასი ლარის ოდენობით, ნაცვლად ,,სოციალური უზრუნველყოფის" მუხლისა გაცემულია ,, შრომის ანაზღურების" მუხლიდან.

სააუდიტო პერიოდში საჩხერის მუნიციპალიტეტის მიერ სამუშაოების შემსრულებლებისათვის გადახდილია დღგ იმ შემთხვევებშიც, როდესაც ამას არ ითვალისწინებდა კანონმდებლობა, სულ 131.1 ათასი ლარი

მუნიციპალიტეტს ფინანსურ ანგარიშგებაში,,შტატგარეშე მომუშავეთა ანაზღაურების'' მუხლში წარმოდგენილია ბავშვების ტრანსპორტირების უზრუნველყოფის მიზნით გაწეული ხარჯი ნაცვლად "ტრანსპორტის,,ტექნიკისა და იარაღის ექსპლოტაციის და მოვლა-შენახვის"ხარჯების მუხლისა.

2013-2014 წლებში საჩხერის მუნიციპალიტეტის საკრებულოს წევრებს, ხარჯის დამადასტურებელი დოკუმენტაციის წარმოდგენის გარეშე, კომპენსაციის სახით „შრომის ანაზღაურების“ მუხლიდან სულ მიღებული აქვთ 213.1 ათასი ლარი, მათ შორის, საშემოსავლო გადასახადის სახით სახელმწიფო ბიუჯეტში გადახდილია 44.4 ათასი ლარი.

შენობის დაცვის საფასური ნაცვლად ,, სხვა დანარჩენი საქონლისა და მომსახურების" მუხლისა, წარმოდგენილია ,,ოფისის ხარჯების" მუხლით.

2013-2014 წლებში საჩხერის მუნიციპალიტეტის მიერ გაფორმებულია ხელშეკრულება შპს „დაუ+“-სთან, ღირებულებით 9.6 ათასი ლარი, რომელიც ითვალისწინებდა საბიუჯეტო საკითხებზე საკონსულტაციო მომსახურების გაწევას. აღსანიშნავია, რომ იმ პირობებში, როდესაც საჩხერის მუნიციპალიტეტის საფინანსო-საბიუჯეტო სამსახურში დასაქმებულია 13 თანამშრომელი, რომელთა უფლება-მოვალეობაა საბიუჯეტო კანონმდებლობის ცოდნა და პრაქტიკაში განხორციელება, მიზანშეწონილი არ არის ანალოგიურ საკითხებზე კონსულტანტის მომსახურების შესყიდვა და ხარჯის გაწევა.

2014 წელს მუნიციპალიტეტის მიერ საბუღალტრო-აუდიტის საფასური ნაცვლად ,, სხვა დანარჩენი საქონლისა და მომსახურების" მუხლისა, წარმოდგენილია ,,ოფისის ხარჯების" მუხლით.

საქართველოს იუსტიციის სამინისტროს ეროვნული აღსრულების ბიუროს 2013 წლის 2 ივლისის შეტყობინებების საფუძველზე, საჩხერის მუნიციპალიტეტმა გადაიხადა მის საკუთრებაში არსებულ მანქანაზე პარკირების წესის დარღვევისათვის რიცხული დავალიანება, სულ 160 ლარის ოდენობით.

მუნიციპალიტეტის მიერ 2014 წელს ბანკის მომსახურეობაზე გადახდილი თანხა " ნაცვლად "სხვა დანარჩენი საქონლისა და მომსახურების" მუხლისა, აღრიცხულია ,,პროცენტის " მუხლში

შპს „საჩხერის წყალკანალმა“ მუნიციპალიტეტს ჩუქების წესით გადასცა ერთი ერთეული ავტომობილი - MITSUBISHI MONTERO. 2013 წლის 7 აგვისტოს გაფორმებული მიღება-ჩაბარების აქტის თანახმად, ავტომობილის საბალანსო ღირებულება განისაზღვრა - 16.0 ათასი ლარით, ხოლო მასში დამონტაჟებული ბუნებრივი აირის სისტემის ღირებულება - 2.2 ათასი ლარით. უნდა აღინიშნოს ის გარემოება, რომ ბუნებრივი აირის სისტემის უსაფრთხოდ ექსპლუატაციის პირობებში, მუნიციპალიტეტს შეეძლო ბუნებრივი აირის შესყიდვა, რაც მნიშვნელოვნად დაზოგავდა საწვავზე გაწეულ ხარჯებს. 2013-2014 წლებში საკრებულოს თავმჯდომარის ავტომობილზე გაწეულმა საწვავის ხარჯმა შეადგინა 18.5 ათასი ლარი . ავტომანქანის ვიზუალუარი დათვალიერებით აღმოჩნდა, რომ სისტემაში ჩატუმბული იყო ბუნებრივი აირი. პასუხისმგებელი პირის (მძღოლის) განმარტებით მანქანის ექსპლუატაციისათვის საწვავის სახით გამოიყენება ბენზინი, ხოლო დათვალიერების მომენტში, სისტემაში არსებული ბუნებრივი აირი შეძენილი იყო მძღოლის სახსრებით და გამოყენებულ იქნა მხოლოდ ერთხელ.

მუნიციპალიტეტის მიერ 2014 წელს ძირითად საშუალებებზე დარიცხული თანხა არ არის წარმოდგენილი ბალანსის დანართი #2-ში.

თვითნებურად დაკავებული მიწის ნაკვეთების დაკანონების დოკუმენტების შესწავლით ირკვევა, რომ დაინტრესებული პირის მიერ წარმოდგენილ მოწმეთა ნოტარიალურად დამოწმებულ ჩვენებებს და საჯარო რეესტრის ამონაწერს შორის ფიქსირდება განსხვავებული მონაცემები. აღიარების დოკუმენტაციის შესწავლისას 12 შემთხვევაში მოწმეები ადასტურებენ, რომ თვითნებურად დამკავებელ პირს უფლება აღსაღიარებელი ნაკვეთი მისაკუთრებული აქვს კანონის ამოქმედებამდე, ხოლო საჯარო რეესტრის მონაცემებით საკუთარი ნაკვეთის მესაკუთრეობა დასტურდება შემდგომ პერიოდზე.

მუნიციპალიტეტის მიერ 2014 წელს ,,სუბსიდიის"მუხლით გაცემული თანხა არ არის წარმოდგენილი ბალანსის დანართი #2.

ამხანაგობების ხელშეწყობის პროგრამით, 320 სამეწარმეო სუბიექტის მიერ განხორციელდა 1479 პროექტი. სამეწარმეო რეესტრის მონაცემებით, 320-დან 74 მიმწოდებელი, როგორც მეწარმე სუბიექტი, დარეგისტრირებულია სამუშაოს შესრულების შესახებ დადგენილების მიღებამდე 3 თვის პერიოდში. ახლადშექმნილ 74 სამეწარმეო სუბიექტთან გაფორმებულია 280 ხელშეკრულება, საერთო ღირებულებით - 3 815.9 ათასი ლარი, რაც პროგრამის ფარგლებში გამოყოფილი თანხის 33%-ს შეადგენს.

2014 წლის დასაწყისისათვის ფინანსურ ანგარიშგებაში,, მანქანა-დანადგარებისა და ინვენტარის" მუხლის ნაშთი შემცირებულადაა წარმოდგენილი.

ბინათმესაკუთრეთა ამხანაგობების ხელშეწყობის პროგრამის ფარგლებში, ხარჯთაღრიცხვას და სამუშაოების შესრულებას ამოწმებდა შემსრულებლის მიერ შერჩეული ექსპერტი. უმეტეს შემთხვევაში ექსპერტი აზომვებს ატარებდა ხილულ სამუშაოებზე, ხოლო დანარჩენ სამუშაობს ადასტურებდა შესრულებული სამუშაოების აქტსა და ხარჯთაღრიცხვაზე დაყრდნობით. აღნიშნულიდან გამომდინარე, არსებობს რისკი, რომ დოკუმენტაციაში დაფიქსირებული სამუშაოები შესაბამისი მოცულობითა და ხარისხით არ არის შესრულებული.

საქართველოს მთავრობის განკარგულების საფუძველზე გადმოცემული ტრაქტორები, ღირებულებით 4.0 ათასი ლარი ფინანსურ ანგარიშგებაში წარმოდგენილი არ არის „სატრანსპორტო საშუალებების“ მუხლში.

საკრებულოს მიერ დადგენილი წესის მიხედვით, 2013 წლის 21 ნოემბრიდან ამხანაგობის თავმჯდომარეებს გამგეობაში უნდა წარმოედგინათ ბინათმესაკუთრეთა ამხანაგობების განვითარების ხელშეწყობის აღრიცხვის ბარათი. აღნიშნული დოკუმენტის საფუძველზე, გამგეობა იღებდა გადაწყვეტილებას წახალისებასთან დაკავშირებით. 2013-2014 წლებში აღნიშნული წესის დარღვევით წახალისდა 862 პირი. შედეგად, გამგეობის მიერ დაუსაბუთებლად გაიცა 323.2 ათასი ლარი. 2013-2014 წლებში წახალისების სახით, სულ გაიცა 751.1 ათასი ლარი.

ფინანსთა სამინისტროდან 2014 წელს უსასყიდლოდ მიღბული კომპიუტერული ტექნიკა ბალანსის დანართ #5 ნაცვლად ,,იმავე დონის სახელმწიფო ერთეულებიდან უსასყიდლოდ გადმოცემის" მუხლისა,წარმოდგენილია,,აქტივების შესყიდვის" მუხლში.

შესყიდვების კანონმდებლობის გვერდის ავლით განხორციელდა წყლის სისტემის მოწყობის სამუშაოები, ღირებულებით - 6 566.4 ათასი ლარი. სამუშაოების საპროექტო-სახარჯთაღრიცხვო დოკუმენტაცია, ღირებულებით - 112.8 ათასი ლარი, შედგენილია შპს „ჯორჯიან უოთერ ენდ ფაუერის“ მიერ. მიუხედავად იმისა, რომ ხარჯთაღრიცხვის შემდგენელი და სამუშაოების შემსრულებელი ერთი და იგივე პირია, შესრულებულია 320.6 ათასი ლარის ისეთი სამუშაოები, რომლებიც არ იყო გათვალისწინებული ხარჯთაღრიცხვით.

ფინანსურ ანგარიშგებაში „მიმდინარე ანგარიში ბანკში ეროვნულ ვალუტაში“ მუხლის საწისი და საბოლოო ნაშთები ფინანსურ ანგარიშგებაში გაზრდილი თანხით არის წარმოდგენილი. კერძოდ, საბანკო ამონაწერის მიხედვით 2014 წლის 1 იანვრის მდგომარეობით მუნიციპალიტეტს ნაშთის სახით ერიცხებოდა 218.6 ათასი ლარი, ხოლო ფინანსურ ანგარიშგებაში კი წარმოდგენილია 219.8 ათასი ლარის ოდენობით. 2015 წლის კი 1 იანვრისათვის 198.1 ათასის ნაცვლად აღიცხულია 199.2 ათსი ლარი.

შპს „ჯორჯიან უოთერ ენდ ფაუერთან“ ანგარიშსწორება ნაწარმოებია მიღება-ჩაბარების აქტების საფუძველზე, რომელსაც ხელს აწერდნენ შემსრულებლის წარმომადგენელი და ამხანაგობის თავმჯდომარე. ამხანაგობა „დიდი ლილოს“ თავმჯდომარის წერილობითი განმარტებით, 2014 წლის 20 მაისს გაფორმებულ მიღება-ჩაბარების აქტზე (სამუშაოების ღირებულება - 538.1 ათასი ლარი) მისი სახელით დაფიქსირებული ხელმოწერა მას არ ეკუთვნის და მისთვის უცნობია ხელმომწერის ვინაობა.

მუნიციპალიტეტის მიერ ლტოლვილთა დასახლებისათვის წყლის ტუმბოების შეძენისათვის გაწეული სახრების ასახვა ნაცვლად არაფინანსური აქტივის მუხლისა, მოხდა ,,სხვადასხვა ხარჯების" მუხლში.

აუდიტის ჯგუფის მიერ წყალმომარაგების ქსელის ხილული ნაწილის ვიზუალური დათვალიერებისას გამოვლინდა სხვადასხვა შეუსრულებელი სამუშაოები, საერთო ღირებულებით - 20.2 ათასი ლარი.

2014 წელს მუნიციპალიტეტმა სადეკრეტო შვებულებისათვის თანხა, 2.4 ათასი ლარის ოდენობით, ნაცვლად ,,სოციალური უზრუნველყოფის" მუხლისა გასწია ,, შრომის ანაზღურების" მუხლიდან.

წყალმომარაგების სისტემის მოწყობის სამუშაოებზე ზედამხედველობას აწარმოებდა შემსრულებლის მიერ შერჩეული კომპანია შპს IGPN-ი, ღირებულებით - 42.7 ათასი ლარი. ხელშეკრულების თანახმად, ზედამხედველ კომპანიას ევალებოდა, საექსპერტო დასკვნით დაედასტურებინა შესრულებული სამუშაოს აქტის სისწორე. წარმოდგენილი დოკუმენტაციის შემოწმებით ირკვევა, რომ საექსპერტო დასკვნები არ არის შედგენილი, ხოლო შესრულებული სამუშაოების აქტების სისწორე დადასტურებულია კომპანიის ბეჭდითა და წარმომადგენლის ხელმოწერით

მუნიციპალიტეტის მიერ 2014 წელს ძირითად საშუალებებზე დარიცხული თანხა 10.7 ათასი ლარის ოდენობით არ არის წარმოდგენილი ბალანსის დანართი #2-ში.

წყლის სისტემების მოწყობის დასრულებულ სამუშაოებს 2015 წელს ჩაუტარდა საექსპერტო გამოკვლევა. დასკვნის მიხედვით, წყლის სისტემის მოწყობაზე გაწეული ფაქტობრივი ხარჯი შეადგენს 4312.4 ათას ლარს, ანუ ანაზღაურებულ თანხასთან შედარებით 2254.0 ათასი ლარით ნაკლები. ექპერტიზით დადასტურებული სხვაობების გარდა, წყალმომარაგების სისტემის სრული ექსპერტიზის შემთხვევაში, შესაძლოა გამოვლინდეს დამატებითი სხვაობები.

ფინანსურ ანგარიშგებაში „სხვა ხარჯების“ მუხლი წარმოდგენილია 9.3 ათასი ლარით ნაკლები ოდენობით.

2013-2014 წლებში, ერთეულ შემთხვევებში გამოიკვეთა რისკი, რომ პრეტენდენტები მეტი ფინანსური სარგებლის მიღების მიზნით, სავარაუდოდ, მოქმედებდნენ ურთიერთშეთანხმებით. კერძოდ, გამარჯვებულმა კომპანიებმა უარი განაცხადეს თავიანთ სატენდერო წინადადებებზე, ხოლო გამარჯვებულად გამოცხადდნენ რიგით შემდეგი მაღალი ფასის წარმომდგენი კომპანიები. შედეგად, შესყიდვის სახელშეკრულებო ღირებულება ჯამში გაიზარდა 63.9 ათასი ლარით.

შტატგარეშე მოსამსახურეთა ანაზღაურების თანხა, 46.8 ლარის ოდენობით, ნაცვლად ,,საქონელისა დამომსახურების" მუხლისა წარმოდგენილია ,,მომუშავეთა ანაზღაურების" მუხლში.

სოციალური დახმარებების გაცემაზე გამგეობის მხრიდან არ არის დაწესებული სათანადო კონტროლის მექანიზმები. „სხვა სოციალური ღონისძიებების“ ქვეპროგრამის წესში ზოგადად არის განსაზღვრული თანხის მისაღებად საჭირო დოკუმენტაცია, არ არის გაწერილი თანხის გაცემის კრიტერიუმები. პროგრამის ზოგადი ხასიათის კრიტერიუმები ზრდის სუბიექტური გადაწყვეტილებების მიღების რისკს. აღსანიშნავია, რომ „სოციალური უზრუნველყოფის პროგრამის“ მთლიანი თანხის 70%-ზე მეტი გაცემულია „სხვა სოციალური ღონისძიების პროგრამის“ ფარგლებში.

მიღებული მიზნობრივი ტრანსფერი შემცირებულადაა ასახული ფინანსურ ანგარიშგებაში.

„სხვა სოციალური ღონისძიების“ პროგრამით არ არის გაწერილი გასაცემი თანხების ზღვრების დადგენის კრიტერიუმები. კერძოდ, არ არის დასაბუთებული, მსგავსი პრობლემების მქონე ბენეფიციარებზე გაცემული განსხვავებული ოდენობის თანხების მართებულობა და ობიექტურობა. არსებობს რისკი, რომ არასწორად განისაზღვროს გასაცემი დახმარების მაქსიმალური მოცულობები და შესაბამისად, გამგეობამ ვერ უზრუნველყოს გამოყოფილი თანხების სამართლიანი გადანაწილება (ოპტიმალური ხარჯვა).

ფინანსთა სამინისტროდან 2014 წელს უსასყიდლოდ მიღბული კომპიუტერული ტექნიკა ნაცვლად ,,აქტივების უსასყიდლოდ მიღების" მუხლისა წარმოდგენილია,,გრანტები სასაქონლო ფორმით" მუხლში,

ქ. თბილისის მერის შესაბამისი ბრძანების საფუძველზე 2015 წლის 6 თვეში სამგორის რაიონის გამგეობაში, „ნორმატიული აქტების შესახებ“ საქართველოს კანონის დარღვევით, დანამატის სახით გაცემულია 63.6 ათასი ლარი.

2013-2014 წლების ფინანსურ ანგარიშგებაში არასწორ მუხლში არის კლასიფიცირებული საბანკო ანგარიშზე არსებული ფულადი სახსრების საწყისი და საბოლოო ნაშთები. ნაცვლად მუხლისა - „მიმდინარე ანგარიში ბანკში ეროვნულ ვალუტაში“, წარმოდგენილია „საბიუჯეტო სახსრებით ორგანიზაციის საკასო ხარჯებისთვის“ მუხლში.

სამგორის გამგეობა 2013 წელს სარგებლობის უფლებით განკარგავდა რეკომენდებულ ზღვრულ რაოდენობაზე 9 ავტომანქანით მეტს, ხოლო 2014 წელსა და 2015 წლის პირველ ნახევარში - 8 ავტომანქანით მეტს.

მუნიციპალიტეტს 2013 წლის ბოლოსათვის ერიცხება დებიტორული დავალიანება საქონლისა და მომსახურების მიღებაზე, თანხით 6.0 ათასი ლარი. აღნიშნული წარმოდგენილია არასწორად „სხვა გრძელვადიანი ფინანსური აქტივების“ მუხლში.

2014 წლის 25 დეკემბერს გამგეობის მიერ შეძენილია 35 ცალი ტელევიზორი, ღირებულებით - 15.5 ათასი ლარი, ხოლო ტელევიზიის ექსპლუატაციისთვის შეძენილია ციფრული მაუწყებლობის ქსელის დამონტაჟება-მომსახურება, ღირებულებით - 4.9 ათასი ლარი. სამგორის გამგეობის თანამშრომელთა რაოდენობა, ხარჯის გაწევის პერიოდში შეადგენდა 67 ერთეულს. შესაბამისად, ერთი ტელევიზორი, ფაქტობრივად გათვალისწინებული იყო 2 თანამშრომელზე. ტელევიზორებისა და მაუწყებლობის მომსახურების შეძენის აუცილებლობა გამგეობის მიერ ვერ იქნა დასაბუთებული.

2013 წელს ფაქტობრივად მიღებულია სამუშაო - საკანალიზაციო ჭები, ღირებულებით 10.1 ათასი ლარი, მაგრამ მიმწოდებლის მიერ არ არის წარმოდგენილი მიღება-ჩაბარების აქტი. ასევე, მიმწოდებლისთვის ავანსის სახით გადარიცხულია 114.0 ათასი ლარი. აღნიშნული დებიტორული დავალიანება წარმოდგენილია არასწორად 123.4 ათასი ლარით, „სხვა გრძელვადიანი ფინანსური აქტივების“ მუხლში.

2014-2015 წლებში გამგეობის შენობაში არსებული ოთახების მოსაწყობად, შეძენილია დიზაინერის მომსახურება, საერთო ღირებულებით 3.8 ათასი ლარი.

„ლევან სამხარაულის სახელობის სასამართლო ექსპერტიზის ეროვნულ ბიუროს“ დასკვნის მიხედვით, მუნიციპალიტეტისთვის გადმოცემული ქონების (შენობა-ნაგებობების) ღირებულება შეადგენს 115.7 ათას ლარს, რომელიც მუნიციპალიტეტის მიერ ბალანსზე აყვანილი არ არის.

2013 წელს მიმწოდებლის მიერ განხორციელდა 1176 კვ.მ რკინის კონსტრუქციებისა და მავთულბადის დემონტაჟი. გამგეობის მიერ ვერ იქნა წარმოდგენილი აღნიშნული მასალის დასაწყობების ან სხვაგვარად განკარგვის დოკუმენტაცია.

2013 წელს გაყიდულია ყოფილი ტურბაზის შენობა, ღირებულებით - 60.8 ათასი ლარი.გაყიდული ქონება ფინანსურ ანგარიშგებაში წარმოდგენილი არ არის.

2013-2014 წლებში სამგორის რაიონის ტერიტორიაზე გამგეობის დაკვეთით მოჭრილია 1869 და გადაბელილია 381 ძირი ხე. აღნიშნულ პერიოდში გამგეობის მიერ არ არის ნაწარმოები დოკუმენტური აღრიცხვა მოჭრილი ხეების განკარგვის შესახებ.

სხვადასხვა მიმწოდებელთან გაფორმებული ხელშეკრულებების ფარგლებში შეისყიდა 216.6 ათასი ლარის ღირებულების სამუშაოები, რომლებიც რეალურად წარმოადგენს არაფინანსური აქტივის ზრდის ოპერაციებს. ბუღალტრულ ჩანაწერებსა და ფინანსურ ანგარიშგებაში სამუშაოები არ არის აღიარებული შესაბამის მუხლებში

მუნიციპალიტეტის მიერ 2013 წლის ფინანსურ ანგარიშგებაში არასწორ მუხლში არის კლასიფიცირებული საბანკო ანგარიშზე არსებული ფულადი სახსრების საწყისი და საბოლოო ნაშთები. კერძოდ, საბანკო ამონაწერების მიხედვით, 2013 წლის 1 იანვრისათვის მუნიციპალიტეტს ნაშთის სახით ერიცხებოდა 17.8 ათასი ლარი, ხოლო 2014 წლის 1 იანვრისათვის - 2 244.7 ათასი ლარი. აღნიშნული, ნაცვლად „მიმდინარე ანგარიში ბანკში ეროვნულ ვალუტაში“ მუხლისა წარმოდგენილია „საბიუჯეტო სახსრებით ორგანიზაციის საკასო ხარჯებისთვის“ მუხლში.

მუნიციპალიტეტმა შეისყიდა 8.4 ათასი ლარის ღირებულების საპროექტო მომსახურება, რომლითაც შეიქმნა ძირითადი ქონება. აღნიშნული წარმოდგენილია "სხვა დანარჩენი საქონლისა და მომსახურების" მუხლში, ნაცვლად არაფინანსური აქტივების შესაბამისი მუხლებისა.

მუნიციპალური განვითარების ფონდის მიერ 2010 წელს რეაბილიტაცია ჩაუტარდა რუსთაველისა და სანაპიროs ქუჩებს, ღირებულებით 1360.6 ათასი ლარი. შესრულებული სამუშაოები ჩაიბარა ვანის მუნიციპალიტეტმა. მუნიციპალიტეტის მიერ აღნიშნული სამუშოები 2013-2014 წლებში შემოსავალში აღიარებული და აღრიცხული არ არის.

სხვადასხვა სამუშაოები არ დასრულებულა მიმდინარე წელს და მოხდა მათი მიღება-ჩაბარების თარიღის გადავადება მომდევნო წლისათვის. 2013 წლის 1 იანვრისათვის 222.3 ათასი ლარის ღირებულების სამუშაოები არ არის აღრიცხული და წარმოდგენილი ფინანსურ ანგარიშგებაში.

მუნიციპალიტეტმა სხვადასხვა მიმწოდებელთან გაფორმებული ხელშეკრულებების ფარგლებში შეისყიდა 178.3 ათასი ლარის სხვადასხვა შენობების სარემონტო, აგრეთვე გზების, ხიდების, ბოგირების რეაბილიტაცია-მოწყობისა და სხვადასხვა სამუშაოები . შესრულებული სამუშაოები წარმოადგენს არაფინანსური აქტივის ზრდის ოპერაციებს. ბუღალტრულ ჩანაწერებსა და ფინანსურ ანგარიშგებაში სამუშაოები, ნაცვლად „არაფინანსური აქტივის ზრდისა“, აღიარებულია „ოფისის ხარჯებში“ 35.8 ათასი ლარი და „სხვა დანარჩენი საქონელი და მომსახურების“ მუხლში - 142.5 ათასი ლარი.

მუნიციპალიტეტმა განახორციელა 37.8 ათასი ლარის ისეთი საპროექტო მომსახურების შესყიდვა, რომელთა პროექტით გათვალისწინებული სამუშაოები არ განხორციელდა ან მოხდა სამუშაოების გადავადება, საპროექტო მომსახურების ღირებულება ნაცლად „სხვა დანარჩენი საქონლისა და მომსახურების“ მუხლისა, წარმოდგენილი უნდა იყოს „დაუმთავრებელი ძირითადი აქტივის“ მუხლში.

მუნიციპალიტეტის მიერ ქ. ვანში თავისუფლების ქ.№63 და №65-ს შორის შესასვლელ გზაზე მოეწყო ქვაფენილი, ღირებულებით 24.6 ათასი ლარი. სამუშაოები „გზების“ ნაცვლად აღრიცხულია „სხვა ნაგებობებში“. არასწორი კლასიფიკაციის გამო, ქონებაზე ცვეთა დარიცხულია ნამეტი ოდენობით, ჯერძდ, 3%-ის ნაცვლად 7,5%, რაც შეადგენს 1.1 ათასი ლარის.

მუნიციპალიტეტის ბალანსზე არსებული 221.8 ათასი ლარის ღირებულების მიწები, ფინანსურ ანგარიშგებაში არასწორ მუხლში არის წარმოდგენილი. არაწარმოებული აქტივები აღრიცხულია „სხვა ძირითადი აქტივების“ მუხლში, ნაცვლად „არაწარმოებული აქტივების“ მუხლისა.

მუნიციპალიტეტმა 2013 წელს შპს „ერთიგონისგან“ შეიძინა ბუღალტრული პროგრამა, ღირებულებით 14.0 ათასი ლარი. გარდა ამისა, ბალანსზე ირიცხება 2007 წელს შექმნილი ვებგვერდი - ღირებულებით 7.0 ათასი ლარი. მუნიციპალიტეტის მიერ აღნიშნულ არამატერიალურ აქტივებზე ცვეთა დარიცხული არ არის, რომელიც დადგენილი ნორმით 2013 წელს შეადგენს 2.1 ათას ლარს.

მუნიციპალიტეტს საკუთრებაში გადაეცა სახელმწიფო საკუთრებაში არსებული 26428.0 კვ.მ. არასასოფლო-სამეურნეო დანიშნულების მიწის ნაკვეთი. გადაცემული მიწის ნაკვეთების ღირებულებამ ნორმატიული ფასის გათვალისწინებით სულ შეადგინა 215.9 ათასი ლარი. მიწის ნაკვეთის ბალანსზე აყვანა მუნიციპალიტეტის მხრიდან არ განხორციელებულა.

2013 წელს მუნიციპალიტეტის მიერ თანამშრომლებისათვის ანაზღაურებული საავადმყოფო ფურცლის თანხები - 1.2 ათასი ლარი, გაცემულია „შრომის ანაზღაურების“ მუხლიდან. აღნიშნული ხარჯების გაწევა უნდა მომხდარიყო „სოციალური უზრუნველყოფის“ მუხლიდან.

მუნიციპალიტეტს 2013 წლის ბოლოსათვის ერიცხება მომსახურების მიწოდებით დარიცხული კრედიტორული დავალიანება - 1.3 ათასი ლარი. აღნიშნული წარმოდგენილი არ არის ფინანსურ ანგარიშგებაში.

მუნიციპალიტეტს სასამართლოს გადაწყვეტილებით, ყოფილი გამგებლის სასარგებლოდ დაევალა სამი თვის ხელფასის - 7.4 ათასი ლარის ანაზღაურება. მუნიციპალიტეტის მიერ აღნიშნული თანხა ნაცვლად „სხვა ხარჯების“ მუხლისა, აღიარებულია „შრომის ანაზღაურების“ მუხლში. ხარჯის აღიარება მოხდა 2013 წელს, ხოლო დაიფარვა 2014 წელს.

მუნიციპალიტეტის მიერ 2013 წელს მიმწოდებლისთვის არ არის ანაზღაურებული შესრულებული სამუშაოს ღირებულება - 1.8 ათასი ლარი. აღნიშნული წარმოდგენილი არ არის ფინანსურ ანგარიშგებაში მუხლში "აქტივების მიწოდებით დარიცხული ვალდებულებები"

მუნიციპალიტეტში მომსახურე ქალებისათვის - დედის დღისა და ქალთა საერთაშორისო დღის აღსანიშნავად გაცემულია ფულადი ჯილდო 5.7 ათასი ლარის ოდენობით. აღნიშნული თანხა არ არის ასახული „შრომის ანაზღაურების“ მუხლში და მიკუთვნებულია სოციალურ დახმარებას და ფორმა N2-ში ასახულია „სუბსიდიის“ მუხლს.

2013 წლის განმავლობაში არაფინანსური აქტივის ზრდის ოპერაციები, თანხით 1848.0 ათასი ლარი, მუნიციპალიტეტმა აღრიცხა „წმინდა ღირებულების“ ანგარიშში - „სხვა ეკონომიკური ნაკადების“ მუხლის დებეტში, რაც არასწორია

მუნიციპალიტეტის მიერ „ოფისის ხარჯების“ მუხლიდან გაწეულია სხვადასხვა ავტორების წიგნების ბეჭდვის ხარჯი 3.0 ათასი ლარის ოდენობით. აღნიშნული მომსახურება არ წარმოადგენს ოფისის ხარჯს და იგი მიკუთვნებული უნდა იყოს „სხვა დანარჩენი საქონელი და მომსახურების“ მუხლს.

არაფინანსური აქტივის კლების ოპერაციები, თანხით 65.7 ათასი ლარი, მუნიციპალიტეტმა აღრიცხა „წმინდა ღირებულების“ ანგარიშში - „სხვა ეკონომიკური ნაკადების“ მუხლის კრედიტში, რაც არასწორია

მუნიციპალიტეტის მიერ სახელმწიფო ბიუჯეტში დაბრუნებულია სსიპ „საქართველოს მუნიციპალიტეტის განვითარების ფონდის“ მიერ შესრულებული სამუშაოების დაფინანსებისათვის ზედმეტად ჩარიცხული 2.8 ათასი ლარი. აღნიშნული თანხა ბალანსზე არ იყო აღრიცხული, როგორც ბიუჯეტის მიმართ არსებული ვალდებულებები და გატარებულია „სხვა დანარჩენი საქონელი და მომსახურების“ მუხლში.

მანქანა-დანადგარებისა და ინვენტარის საწყისი ნაშთი 2013 წლის 1 იანვრის მდგომარეობით შეადგენს 329.9 ათას ლარს. აღნიშნული დანართ ფორმა №5-ში წარმოდგენილია 602.0 ათასი ლარით. პასუხისმგებელი პირის განმარტებით, ფორმა №5-ში სატრანსპორტო საშუალებებისა და სხვა ინვენტარის საწყისი ნაშთი წარმოდგენილია საწყისი ღირებულებით, ცვეთის გამოკლების გარეშე.

საქართველოს მთავრობის განკარგულებით , ვანის მუნიციპალიტეტი განთავისუფლდა „სოფლის მხარდაჭერის პროგრამის“ ფარგლებში ინფრასტრუქტული პროექტის განსახორციელებლად სასარგებლო წიაღისეულის ლიცენზიისაგან. დადგინდა მხოლოდ სასარგებლო წიაღისეულის მოპოვების ლიცენზიისაგან განთავისუფლებაზე გადასახდელი განსხვავებული თანხა-1.6 ათასი ლარი, რომელიც მუნიციპალიტეტის მიერ გაწეულია „სხვა დანარჩენი საქონელი და მომსახურების“ მუხლით, მაშინ როდესაც ის წარმოადგენს „სხვადასხვა მიმდინარე ხარჯს“

2013 წელს გადმოეცა სატრანსპორტო საშუალებები, ღირებულებით 21.9 ათასი ლარი. აღნიშნული, ფინანსური ანგარიშგების დანართ ფორმა №3-ში არ არის წარმოდგენილი „აქტივების უსასყიდლოდ მიღების“ მუხლში.

მუნიციპალიტეტის მიერ შეძენილი გრძელვადიანი მცირეფასიანი აქტივები შეძენისთანავე გადაეცემოდა ექსპლუატაციაში და არ ხდებოდა მისი ჩამოწერა ხარჯებში და შემდგომ მისი აღრიცხვა ბალანსის საცნობარო მუხლში - „ექსპლუატაციაში მყოფი ხარჯებში ჩამოწერილი გრძელვადიანი მცირეფასიანი აქტივები“. 2013 წლის 1 იანვრისათვს მუნიციპალიტეტის ბალანსზე ირიცხებოდა 121.9 ათსი ლარის ღირებულების გრძელვადიანი მცირეფასიანი აქტივები, 2013 წელს „სხვა დანარჩენი საქონელი და მომსახურების“ მუხლიდან შეძენილია და გადაცემულია ექსპლუატაციაში 39.3 ათასი ლარის ოდენობით, რომელიც ხარჯებში ჩამოწერილი არ არის.

2013 წელს საქართველოს სპორტისა და ახალგაზრდულ საქმეთა სამინისტროსგან მუნიციპალიტეტს უსასყიდლოდ გადმოეცა ბოქსის რინგი, ღირებულებით 4.1 ათასი ლარი. აღნიშნული, ფინანსური ანგარიშგების დანართ ფორმა №3-ში არ არის წარმოდგენილი „აქტივების უსასყიდლოდ მიღების“ მუხლში.

მუნიციპალიტეტის მიერ რეზერვისტებისა და წვევამდელთა ტრანსპორტირებაზე გაწეული ხარჯი შეადგენს 4.4 ათას ლარს . აღნიშნული მონაცემები ფინანსურ ანგარიშგებაში ასახულია „სხვა დანარჩენი საქონელი და მომსახურების“ მუხლში, ხოლო საბიუჯეტო კლასიფიკაციის მიხედვით, გადაზიდვა-გადაყვანისა და საწვავ-საპოხი მასალების შეძენის ხარჯი მიეკუთვნება „ტრანსპორტის, ტექნიკისა და იარაღის მოვლა-შენახვისა და ექსპლუატაციის ხარჯების“ მუხლს.

2014 წლის ბოლოსათვის ერიცხება დებიტორული დავალიანება საქონლისა და მომსახურების მიღებაზე 5.2 ათასი ლარი. აღნიშნული წარმოდგენილია არასწორად „სხვა გრძელვადიანი ფინანსური აქტივების“ მუხლში.

2013 წელს საკრებულოს დადგენილებით დამტკიცდა ვანის მუნიციპალიტეტის საკრებულოს წევრების უფლებამოსილების განხორციელებასთან დაკავშირებული ხარჯების ანაზღაურების წესი. წარმოდგენილი დოკუმენტაციით, წლის განმავლობაში მუნიციპალიტეტის საკრებულოს წევრებს ხარჯის ანაზღაურების სახი, სულ მიღებული აქვთ 35.5 ათასი ლარი. აღნიშნული თანხა კლასიფიცირებულია „სხვა დანარჩენი საქონელი და მომსახურების“ მუხლში. იმის გათვალისწინებით, რომ ხარჯის დამადასტურებელი დოკუმენტაცია არ არის წარმოდგენილი, ვერ დგინდება, რომელი მუხლით უნდა აღირიცხოს გაწეული დანახარჯი

2014 წელს სხვადასხვა მიმწოდებელთან გაფორმებული ხელშეკრულებების ფარგლებში შეისყიდა 2069.8 ათასი ლარის ღირებულების სამუშაოები, რომლებიც წარმოადგენს არაფინანსური აქტივის ზრდის ოპერაციებს.აღნიშნული არ არის აღიარებული "შენობა-ნაგებობების" შესაბამის მუხლებში.

მუნიციპალიტეტის მიერ წარმოდგენილი მონაცემებით, 2013 წელს სოციალური დახმარების სახით გაწეულია 283.0 ათასი ლარის ხარჯი, რომელიც ფინანსურ ანგარიშგებაში ნაცვლად „სოციალური უზრუნველყოფის“ მუხლისა ასახულია შემდეგ მუხლებში: „სუბსიდიებში“- 263.0 ათასი ლარი, „საქონელსა და მომსახურებაში“ -20.0 ათასი ლარი.

მუნიციპალიტეტმა შეისყიდა 34.8 ათასი ლარის ღირებულების საპროექტო მომსახურება, რომლითაც შეიქმნა ძირითადი ქონება. აღნიშნული წარმოდგენილია "სხვა დანარჩენი საქონლისა და მომსახურების" მუხლში, ნაცვლად არაფინანსური აქტივების შესაბამისი მუხლებისა.

მუნიციპალიტეტის მიერ 2013 წელს გაცემულია პრემია 238.6 ათასი ლარის ოდენობით. საკრებულოს მიერ პრემიის გაცემასთან დაკავშირებით შემუშავებული არ არის დებულება, იგი გაიცემა საკრებულოს თავმჯდომარის ბრძანების საფუძველზე, როგორც საკრებულოსა და გამგეობის შტატში რიცხულ, აგრეთვე შტატგარეშე თანამშრომლებზე.

სხვადასხვა სამუშაოები არ დასრულებულა მიმდინარე წელს და მოხდა მათი მიღება-ჩაბარების თარიღის გადავადება მომდევნო წლისათვის. 2014 წლის 1 იანვრისათვის 790.5 ათასი ლარის ღირებულების სამუშაოები არ არის აღრიცხული და წარმოდგენილი ფინანსურ ანგარიშგებაში.

შტატგარეშე 11 მომუშავე პირზე გაცემულია 5.5 ათასი ლარის პრემია. პრემიები ისეა გაცემული, რომ მათთან გაფორმებული ხელშეკრულების „ანაზღაურების“ მუხლში წახალისება გათვალისწინებული არ იყო.

მუნიციპალიტეტმა განახორციელა 33.9 ათასი ლარის ისეთი საპროექტო მომსახურების შესყიდვა, რომელთა პროექტით გათვალისწინებული სამუშაოები არ განხორციელდა ან მოხდა სამუშაოების გადავადება, საპროექტო მომსახურების ღირებულება ნაცლად „სხვა დანარჩენი საქონლისა და მომსახურების“ მუხლისა, წარმოდგენილი უნდა იყოს „დაუმთავრებელი ძირითადი აქტივის“ მუხლში.

მუნიციპალიტეტის საკრებულოს თავმჯდომარის ბრძანების საფუძველზე, 3 თანამშრომელზე გაცემულია ხელფასზე დანამატი, სულ თანხით 15.5 ათასი ლარი.

მუნიციპალიტეტს 2014 წლის ბოლოსათვის ერიცხება მომსახურების მიწოდებით დარიცხული კრედიტორული დავალიანება - 0.5 ათასი ლარი. აღნიშნული წარმოდგენილი არ არის ფინანსურ ანგარიშგებაში.

მუნიციპალიტეტის მიერ წარმოდგენილი მონაცემებით, 2013 წელს ტრანსპორტის ხარჯმა შეადგინა 140.8 ათასი ლარი. აქედან, მუნიციპალიტეტის თანამშრომლების პირად საკუთრებაში არსებულ სატრანსპორტო საშუალებებზე გაწეულია 75.3 ათასი ლარი, მათ შორის, საწვავის ხარჯი შეადგენს 60.4 ათას ლარს; რემონტის, სათადარიგო ნაწილებისა და სხვასხვა ხარჯი კი - 14.9 ათასი ლარია.

მუნიციპალიტეტის მიერ 2014 წელს მიმწოდებელს საბოლოო ანგარიშსწორებამდე დაუკავდა შესრულებული სამუშაოს ღირებულებიდან 4.9 ათასი ლარი. აღნიშნული წარმოდგენილი არ არის ფინანსურ ანგარიშგებაში „აქტივების მიწოდებით დარიცხული ვალდებულებების“ მუხლში

ბალანსის მიხედვით მუნიციპალიტეტს „გადასახდელი საშემოსავლო გადასახადი“ მუხლში 2013 წლის 1 იანვრისათვის ერიცხება 54.6 ათასი ლარი, ხოლო წლის ბოლოს - 19.1 ათასი ლარი. აღნიშნული დავალიანების შედარება არ ხდება საგადასხადო ინსპექციაში მუნიციპალიტეტის პირად ბალანსზე რიცხულ ნაშთებთან, რომელიც წლის დასაწყისისათვის არის 38.6 ათასი ლარი, ხოლო წლის ბოლოს - 3.2 ათასი ლარი.

2014 წელს მუნიციპალიტეტის მიერ თანამშრომლებისათვის ანაზღაურებულია სამსახურიდან დათხოვნის კომპენსაციები - 15.6 ათასი ლარი. აღნიშნული გაცემულია „ხელფასების“ მუხლიდან, ნაცვლად „სოციალური უზრუნველყოფის“ მუხლისა („დამსაქმებლის მიერ გაწეული სოციალური დახმარება“).

მუნიციპალიტეტის მიერ 2014 წლის ფინანსურ ანგარიშგებაში არასწორ მუხლში არის კლასიფიცირებული საბანკო ანგარიშზე არსებული ფულადი სახსრების საწყისი და საბოლოო ნაშთები. კერძოდ, საბანკო ამონაწერების მიხედვით, 2014 წლის 1 იანვრისათვის მუნიციპალიტეტს ნაშთის სახით ერიცხებოდა - 2 244.7 ათასი ლარი, ხოლო 2015 წლის 1 იანვრისათვის - 1 048.2 ათასი ლარი. აღნიშნული თანხა ნაცვლად „მიმდინარე ანგარიში ბანკში ეროვნულ ვალუტაში“ მუხლისა, წარმოდგენილია „საბიუჯეტო სახსრებით ორგანიზაციის საკასო ხარჯებისთვის“ მუხლში.

თანამშრომლებისათვის ახალ წელთან დაკავშირებით გაცემულია პრემია (დანამატი), თანხით 46.5 ათასი ლარი. საბიუჯეტო კლასიფიკაციის მიხედვით, აღნიშნული წარმოადგენს პრემიას და მისი აღრიცხვა „დანამატის“ მუხლში არასწორია.

მუნიციპალიტეტის მონაცემებით, ფინანსურ ანგარიშგებაში ძირითადი აქტივები 2015 წლის 1 იანვრისათვის წარმოდგენილია არასწორი მაჩვენებლებით: შენობა-ნაგებობების ღირებულება გაზრდილია 39.7 ათასი ლარით, მანქანა-დანადგარებისა და ინვენტარის - 5.0 ათასი ლარით, ხოლო დაუმთავრებელი ძირითადი აქტივები შემცირებულია 31.5 ათასი ლარით. ამდენად, ძირითადი საშუალებები ფინანსურ ანგარიშგებაში წარმოდგენილია 13.2 ათასი ლარით გაზრდილი მაჩვენებლებით.

მუნიციპალიტეტს უსასყიდლოდ გადმოეცა ინვენტარი ღირებულებით 25.2 ათასი ლარი. აღნიშნული, ფინანსური ანგარიშგების დანართ ფორმა №3-ში არ არის წარმოდგენილი „აქტივების უსასყიდლოდ მიღების“ მუხლში.

2014 წელს მუნიციპალიტეტმა წლის მანძილზე სხვადასხვა მიმწოდებელთან გაფორმებული ხელშეკრულებების ფარგლებში შეისყიდა 131.5 ათასი ლარის სხვადასხვა შენობების სარემონტო, აგრეთვე ხიდების, ბოგირების, წყალგამტარი მილების რეაბილიტაცია-მოწყობისა და სხვადასხვა სამუშაოები . შესრულებული სამუშაოები წარმოადგენს არაფინანსური აქტივის ზრდის ოპერაციებს. ფინანსურ ანგარიშგებაში სამუშაოები, ნაცვლად „არაფინანსური აქტივის ზრდისა“, აღიარებულია „ოფისის ხარჯებში“ 15.2 ათასი ლარის და „სხვა დანარჩენი საქონელი და მომსახურების“მუხლშ 116.3 ათასი ლარის ოდენობით.

2014 წელს არაფინანსური აქტივის ზრდის ოპერაციები, ღირებულებით 3736.4 ათასი ლარი, მუნიციპალიტეტმა აღრიცხა „წმინდა ღირებულების“ ანგარიშში „სხვა ეკონომიკური ნაკადების“ მუხლის დებეტში, რაც არასწორია.

2014 წელს მუნიციპალიტეტს სახელმწიფოსგან გადმოეცა ქ. ვანში, სოლომონ მეორის ქუჩა №7-ში მდებარე ყოფილი ქორეოგრაფიული სტუდია. გარდა ამისა, სახელმწიფოსგან გადმოცემულია ქ. ვანში, თამარ მეფის ქუჩა №2-ში მდებარე ყოფილი საჭადრაკო სკოლა. აღნიშნული ქონება მუნიციპალიტეტის მიერ არ არის შეფასებული და შესაბამისად, ასახული ფინანსურ ანგარიშგებაში.

სურსათის უვნებლობის სახელმწიფო კონტროლის უმნიშვნელოვანესი კომპონენტია სურსათის უვნებლობის სასაზღვრო კონტროლი. აღნიშნული კონტროლი ვრცელდება მხოლოდ განსაზღვრული სახის ცხოველური წარმოშობის პროდუქტებზე და არ მოიცავს მცენარეული წარმოშობის პროდუქტებს. საბაჟო დეპარტამენტის მხრიდან განხორციელებული ცვლილებების მიუხედავად გამოვლინდა, რომ ნიმუშების აღება მონიტორინგის გეგმით განსაზღვრული რაოდენობის მიხედვით არ მიმდინარეობს.

არაფინანსური აქტივის კლების ოპერაციები, ღირებულებით 363.0 ათასი ლარი, მუნიციპალიტეტმა აღრიცხა „წმინდა ღირებულების“ ანგარიშში „სხვა ეკონომიკური ნაკადების“ მუხლის კრედიტში, რაც არასწორია.

2014 წელს მუნიციპალიტეტის მიერ თანამშრომლებისათვის ანაზღაურებული საავადმყოფო ფურცლის თანხები - 8.4 ათასი ლარი და სამსახურიდან დათხოვნის კომპენსაციები -19.7 ათასი ლარი, გაცემულია „შრომის ანაზღაურების“ მუხლიდან. აღნიშნული ხარჯები მუნიციპალიტეტის მიერ უნდა გაწეულიყო „სოციალური უზრუნველყოფის“ მუხლიდან.

საზღვარზე ცხოველური წარმოშობის პროდუქტების ნიმუშის აღებისა და ლაბორატორიული კვლევისათვის შემუშავებულია მონიტორინგის გეგმა, სადაც განსაზღვრულია შესამოწმებელი პროდუქტების კატეგორიები, შესამოწმებელი უვნებლობის პარამეტრები და შესაბამისი შემოწმების სიხშირეები. გარდა აღებული ნიმუშების რაოდენობისა, დარღვევები დაფიქსირდა ნიმუშების გემით განსაზღვრულ პარამეტრებზე შემოწმებასთან დაკავშირებითაც. კერძოდ, შერჩეული ნიმუშების ანალიზით გამოვლინდა, რომ აღებული ნიმუშები არ არის შემოწმებული ყველა იმ პარამეტრზე, რომელიც მონიტორინგის გეგმითაა განსაზღვრული.

2013 წელს მოქმედი ხელშეკრულებების მიხედვით, მისაღები შემოსავლები სასოფლო-სამეურნეო და არასასოფლო-სამეურნეო დანიშნულების მიწების იჯარიდან არის 11.4 ათასი ლარი. პასუხისმგებელი პირის განმარტებით, მუნიციპალიტეტს 2013 წელს აღნიშნული შემოსავლი არ მიუღია და არც აღურიცხავს.

მუნიციპალიტეტში მომსახურე ქალებისათვის დედის დღისა და ქალთა საერთაშორისო დღის აღსანიშნავად გაცემულია ფულადი ჯილდო 6.6 ათასი ლარი. აღნიშნული თანხა არ არის ასახული „შრომის ანაზღაურების“ მუხლში. იგი გაცემულია „სოციალური უზრუნველყოფის“ მუხლიდან.

ინსპექტირების პროცესის შესწავლისას გამოვლინდა, რომ აუდიტის პერიოდში, სსიპ სურსათის უვნებლობის სააგენტოს არ გააჩნდა სრული, ზუსტი და დროული ინფორმაცია ქვეყანაში მოქმედ ბიზნესოპერატორებთან დაკავშირებით. აღნიშნულმა გამოიწვია ხარვეზები ბიზნესოპერატორთა რისკის დონის განსაზღვრის პროცესში.

მუნიციპალიტეტს 2013 წლის გადასახადების საწყის და საბოლოო სალდოდ ერიცხება ზედმეტობა 3.4 ათასი ლარის ოდენობით. მუნიციპალიტეტის მიერ აღნიშნული საგადასახადო აქტივი ბალანსის შესაბამის მუხლში ასახული არ არის.

მუნიციპალიტეტის მიერ შეძენილი გრძელვადიანი მცირეფასიანი აქტივები შეძენისთანავე გადაეცემოდა ექსპლუატაციაში და არ ხდებოდა მისი ჩამოწერა ხარჯებში და შემდგომ მისი აღრიცხვა ბალანსის საცნობარო მუხლში - „ექსპლუატაციაში მყოფი ხარჯებში ჩამოწერილი გრძელვადიანი მცირეფასიანი აქტივები“. 2014 წლის 1 იანვრისათვს მუნიციპალიტეტის ბალანსზე ირიცხებოდა 161.2 ათსი ლარის ღირებულების გრძელვადიანი მცირეფასიანი აქტივები, 2014 წელს „ოფისის ხარჯების“ მუხლიდან შეძენილია და ექსპლუატაციაში გადაცემულია 12.5 ათასი ლარის ოდენობით, რომელიც ხარჯებში ჩამოწერილი არ არის.

აუდიტის პერიოდში სსიპ სურსათის უვნებლობის სააგენტოს არ განუსაზღვრავს ბაზარზე მოქმედი ყველა ბიზნესოპერატორის რისკის დონე და შესაბამისად, არ ფლობდა სრულ სურათს მოქმედი ბიზნესოპერატორების მიერ შექმნილი რისკების შესახებ. აღსანიშნავია ასევე, რომ აუდიტის პერიოდში სააგენტოს არ დაუცავს ინსპექტირების დადგენილი პერიოდულობა, რაც ბიზნესოპერატორების შესაბამისი სიხშირით ისნპექტირებას გულისხმობს.

მუნიციპალიტეტმა 2012 წელს შეისყიდა დაბა ასპინძაში საკანალიზაციო სისტემის სარეაბილიტაციო სამუშაო, რომლის დასრულების ვადად განსაზღვრული იყო 2013 წელი. მუნიციპალიტეტმა 2013 წლის არაფინანსური აქტივის ზრდის ოპერაციად, ნაცვლად მთლიანი 30.7 ათასი ლარისა, აღიარა მიმწოდებლების მიერ მხოლოდ 2013 წელს შესრულებული სამუშაოები.

მუნიციპალიტეტის მიერ წარმოდგენილი მონაცემებით, 2014 წელს სარეზერვო ფონდიდან სოციალური დახმარების სახით გაწეულია 47.1 ათასი ლარის ხარჯი, რომელიც ფინანსურ ანგარიშგებაში ნაცვლად „სოციალური უზრუნველყოფის“ მუხლისა, ასახულია „სხვა დანარჩენი საქონელი და მომსახურების“ მუხლში.

აუდიტით გამოვლინდა, რომ დაბალია პროდუქტიულობა ინსპექტირების განხორციელების პროცესში და არსებობს წლის განმავლობაში ჩატარებული ინსპექტირებების რაოდენობის ორჯერ გაზრდის შესაძლებლობა. დაბალი პროდუქტიულობა ძირითადად გამოწვეულია ინსპექტირების გეგმით განსაზღვრული ინსპექტირებების რაოდენობის სიმცირით.

2013 წელს გზის მოასფალტების სამუშაოს 10% - 68.8 ათასი ლარის ოდენობით, მიმწოდებელს ჩაერიცხა 2014 წელს. მუნიციპალიტეტის მიერ „შენობა-ნაგებობების“ მუხლში აღიარებულია 619.1 ათსი ლარის სამუშაოები, ნაცვლად მიმწოდებლის მიერ ფაქტობრივად შესრულებული სამუშაოს ღირებულებისა. ასევე, 68.8 ათასი ლარი მუნიციპალიტეტის მიერ აღიარებული უნდა იყოს ვალდებულებად, რაც არ განხორციელებულა.

მუნიციპალიტეტის მიერ ახალგაზრდულ და სპორტულ ღონისძიებებზე გაცემული ფულადი ჯილდო 5.1 ათასი ლარის ოდენობით, აღრიცხულია „სხვა დანარჩენი საქონლისა და მომსახურების“ მუხლში, მაშინ, როდესაც ის წარმოადგენს „სხვადასხვა მიმდინარე ხარჯს“.

აუდიტის პერიოდში სააგენტოს არ განუხორციელებია რისკების მეცნიერული შეფასება. მიუხედავად იმისა, რომ აღნიშნული სააგენტოს ფუნქციებში შედიოდა, არ მოუწვევია შესაბამისი მეცნიერ-ექსპერტები, ხოლო არსებული ადამიანური რესურსები რისკის შეფასების განხორციელებას ვერ უზრუნველყოფდა.

2012 წელს შესრულებული სამუშაოების ღირებულების ნაწილი 1 322.5 ათასი ლარი მუნიციპალიტეტმა ჩარიცხა და არაფინანსურ აქტივად აღიარა 2013 წელს. მათ შორის, 1 317.5 ათასი ლარის სამუშაოები მიეკუთვნება 2012 წლის ფაქტობრივ შესრულებას, დარჩენილი 5.0 ათასი ლარი არის მუნიციპალიტეტის მიერ გადახდილი ჯარიმა სანებართვო პირობების დარღვევისათვის, რომელიც წარმოდგენილი უნდა იყოს „სხვა ხარჯების“ მუხლში.

მუნიციპალიტეტის მიერ წლის მანძილზე წვევამდელთა ტრანსპორტირებაზე გაწეული ხარჯი შეადგენს 6.0 ათას ლარს . აღნიშნული მონაცემები ფინანსურ ანგარიშგებაში ასახულია „სხვა დანარჩენი საქონლისა და მომსახურების“ მუხლში , ხოლო საბიუჯეტო კლასიფიკაციის მიხედვით, გადაზიდვა-გადაყვანისა და საწვავ-საპოხი მასალების შეძენის ხარჯი მიეკუთვნება „ტრანსპორტის, ტექნიკისა და იარაღის მოვლა-შენახვისა და ექსპლუატაციის ხარჯების“ მუხლს. შესაბამისად, ოპერაცია კლასიფიცირებულია არასწორად.

ხარვეზები გამოვლინდა მონიტორინგის პროცესში შესამოწმებელი ობიექტების შერჩევისა და ტერიტორიული გადანაწილების მიმართულებითაც. კერძოდ, მონიტორინგისთვის ობიექტების შერჩევის არსებულმა პრაქტიკამ აჩვენა, რომ თბილისში მონიტორინგის ფარგლებში ობიექტების შერჩევა ძირითადად ერთსა და იმავე რაიონში ხორციელდება. მაშინ, როდესაც რეგისტრირებული ბიზნესოპერატორების რიცხვი სხვადასხვა რაიონში უფრო მაღალია. აღნიშნულიდან გამომდინარე, მონიტორინგის ფარგლებში ობიექტების შემოწმება ვერ უზრუნველყოფს, რომ რაიონების მიხედვით რეგისტრირებული ბიზნეს- ოპერატორების რაოდენობა პროპორციულად იყოს მოცული.

გზის სარეაბილიტაციო სამუშაოების დასრულების ვადაა 2014 წელი. სამუშაოების ღირებულებამ შეადგინა სულ 1 134.2 ათასი ლარი. მიმწოდებელმა 2013 წელს წარმოადგინა 177.3 ათასი ლარის შესრულებული სამუშაო. აღნიშნული, ნაცვლად „დაუმთავრებელი მშენებლობისა“, ფინანსურ ანგარიშგებაში წარმოდგენილია „შენობა-ნაგებობების“ შესაბამის მუხლში.

2014 წელს საკრებულოს დადგენილებებით დამტკიცდა ვანის მუნიციპალიტეტის საკრებულოს წევრების უფლებამოსილების განხორციელებასთან დაკავშირებული ხარჯების ანაზღაურების წესი. წარმოდგენილი დოკუმენტაციით, წლის განმავლობაში მუნიციპალიტეტის საკრებულოს წევრებს ხარჯის ანაზღაურების სახით სულ მიღებული აქვთ 74.6 ათასი ლარი. აღნიშნული თანხა კლასიფიცირებულია „სხვა დანარჩენი საქონლისა და მომსახურების“ მუხლში. იმის გათვალისწინებით, რომ ხარჯის დამადასტურებელი დოკუმენტაცია არ არის წარმოდგენილი, ვერ დგინდება, რომელი მუხლით უნდა აღირიცხოს გაწეული დანახარჯი.

გამოვლინდა ხარვეზები სააგენტოს მომხმარებლებთან კომუნიკაციის პროცესშიც. კერძოდ, ჩატარებული ანალიზით ირკვევა, რომ სააგენტოში „ცხელი ხაზი“ მხოლოდ სამუშაო დღეებსა და საათებში მოქმედებს და არ არის გამართული „ქოლცენტრის“ სისტემა. სააგენტოში ცხელი ხაზის გაუმართავი მუშაობა გავლენას ახდენს საფრთხის შემცველი ბიზნესოპერატორებისა და შესამოწმებელი სასურსათო პროდუქტების შერჩევაზე. შესაძლებელია სააგენტომ ვერ მიიღოს მნიშვნელოვანი რისკის შემცველი ინფორმაცია მომხმარებლისგან.

მუნიციპალიტეტის მიერ განხორციელდა 33.5 ათასი ლარის ისეთი საპროექტო მომსახურების შესყიდვა, რომელთა საშუალებით შეიქმნა მუნიციპალიტეტის ძირითადი ქონება. საქართველოს ფინანსთა მინისტრის №1321 ბრძანებით დამტკიცებული ინსტრუქციით ოპერაციის ძირითად აქტივად აღიარების დროს ყველა დანახარჯი, რომელიც საჭიროა აქტივის დანიშნულებისამებრ გამოსაყენებლად და სამუშაო მდგომარეობაში მოსაყვანად, ემატება აქტივის ღირებულებას. მიუხედავად ამისა, აღნიშნული თანხა მუნიციპალიტეტის მიერ წარმოდგენილია „სხვა დანარჩენი საქონლისა და მომსახურების“ მუხლში.

მუნიციპალიტეტის მიერ ზოგიერთ შემთხვევაში ცვეთის ნორმები არასწორად არის განსაზღვრული. საერთო ჯამში, 2014 წელს 8.1 ათასი ლარით ნაკლები ცვეთა არის დარიცხული დადგენილ ნორმებთან შედარებით. გარდა ამისა, წარმოდგენილი მონაცემებით მუნიციპალიტეტის მიერ დარიცხული ცვეთა შეადგენს 643.5 ათას ლარს, ხოლო ფინანსურ ანგარიშგებაში ასახული 638.7 ათასი ლარი, 4.8 ათასი ლარით ნაკლები. ამდენად, 2014 წელს დარიცხული ცვეთა ფინანსურ ანგარიშგებაში წარმოდგენილია 12.9 ათასი ლარით ნაკლები ოდენობით.

ხე-ტყის კომერციული რესურსის მოხმარების უმნიშვნელოვანესი კომპონენტია ხე-ტყის დამზადების სპეციალური ლიცენზია, რომელიც გაიცემა ღია, საჯარო აუქციონზე. აუქციონის ოქმების ანალიზით გამოვლინდა, რომ ტყით სარგებლობის ლიცენზიების აუქციონები არაკონკურენტულ გარემოში ჩატარდა. აუქციონებზე არაკონკურენტული გარემოს ერთ - ერთ მიზეზად მიიჩნევა ის ფაქტი, რომ სახელმწიფოს არ ჰქონდა სტრატეგიული ზონირებით განსაზღვრული სალიცენზიო ტყის ფართობი, რის გამოც, არა სახელმწიფოს, არამედ ფიზიკური და იურიდიული პირების მოთხოვნის საფუძველზე გაიცა ლიცენზიები.

სხვადასხვა მიმწოდებლებთან გაფორმებული ხელშეკრულებების ფარგლებში მუნიციპალიტეტმა შეისყიდა 41.8 ათასი ლარის ღირებულების გზის მოხრეშვისა და გაწმენდის სამუშაოები აღნიშნული მიეკუთვნება მიმდინარე ხარჯს და წარმოდგენილი უნდა იყოს „სხვა დანარჩენი საქონლისა და მომსახურების“ მუხლში, ნაცვლად „შენობა-ნაგებობების“ მუხლისა.

მუნიციპალიტეტს სახელმწიფოსგან გადმოეცა შუამთის ყოფილი პროფესიული სასწავლებლის ბალანსზე რიცხული უძრავი ქონება, სულ თანხით, 102.6 ათასი ლარი. ქონების მიღებასთან დაკავშირებით შეიქმნა კომისია. კომისიის მიერ 2014 წლის 13 მარტს შედგა ინვენტარიზაციის აქტი. გადმოცემული ქონებიდან დანაკლისმა შეადგინა 51.6 ათასი ლარის ღირებულების სხვადასხვა ფასეულობა. ინვენტარიზაციის შედეგები გამგეობის მიერ 2014 წლის მარტში გადაიგზავნა საკრებულოში. სახელმწიფოსგან გადმოცემული ქონება მუნიციპალიტეტის მიერ შემოსავალში არ არის აღიარებული და არც დანაკლისზეა გატარებული შესაბამისი ღონისძიება.

აუდიტის ჯგუფის მიერ 2013-2015 წლებზე ჩატარებული ანალიზით გამოვლინდა, რომ აღნიშნულ პერიოდში აუქციონის შემოსავლის და ლიცენზიის მოსაკრებლის ჯამურმა რაოდენობამ 24,240,534 ლარი შეადგინა. აღნიშნული შემოსავალი 125,712,830 ლარით ნაკლებია ამავე პერიოდში ლიცენზიებით მოსაპოვებელი რესურსის საბაზრო ღირებულებაზე. ტყით სარგებლობის ლიცენზიების გასხვისებიდან მიღებული დაბალი სარგებელი გამოწვეულია ლიცენზიების საწყისი ფასის სიმცირითა და დაბალი კონკურენციით.

"ტაო-კლარჯეთის" ეპარქიისა და აგარის მონასტრისთვის გადარიცხულია 26.7 ათასი ლარი, რომელიც აღიარებულია არაფინანსურ აქტივად. აღნიშნული თანხა ნაცვლად ხარჯების მიკუთვნებისა ,წარმოდგენილია „შენობა-ნაგებობების“ მუხლში.

საკრებულოს 2013 წლის 13 ნოემბერს, ვანის მუნიციპალიტეტის საკრებულოსა და გამგეობაში ინვენტარიზაციის ჩატარების მიზნით, შეიქმნა კომისია. გამგეობის მიერ ინვენტარიზაციის მასალები 2014 წლის 12 ივნისს გადაეგზავნა საკრებულოს თავმჯდომარეს. გამოვლინდა სხვადსახვა ფასეულობათა დანაკლისი თანხით 38.3 ათასი ლარი, აგრეთვე ჩამოსაწერი ქონება, რაზედაც შედგენილია შესაბამისი მოხსენებითი ბარათები. საკრებულოს მიერ ჩატარებული ინვენტარიზაციის შედეგებზე რეაგირება არ მომხდარა, გამოვლენილ დანაკლისები შესაბამისად არ არის გატარებული ბუღალტრული ანაწერებში და არ არის შემცირებული არაფინანსური აქტივები.

2008 – 2012 წლებში ტყით სარგებლობასთან დაკავშირებულ კანონმდებლობაში აქტიურად შედიოდა ცვლილებები, რითაც კანონმდებლობით დადგენილი სალიცენზიო პირობები მნიშვნელოვნად იცვლებოდა. მხოლოდ 2011 წელს ტყით სარგებლობის ლიცენზიების გაცემის წესსა და პირობებში 61 მუხლია შეცვლილი, რაც ქმნის შთაბეჭდილებას, რომ ზოგიერთი ცვლილების მორგება ხდებოდა კერძო კომპანიებზე.

მოწოდებული ინფორმაციის თანახმად, ასპინძის მუნიციპალიტეტს 2013 წლის ბოლოს საკუთრებაში აქვს სასოფლო-სამეურნეო დანიშნულების მიწა - 5568 ჰა და არასასოფლო-სამეურნეო დანიშნულების მიწა - 1327კვ.მ, საერთო ღირებულებით 760.1 ათასი ლარი. აღნიშნული მონაცემი ფინანსურ ანგარიშგებაში წარმოდგენილი არ არის.

2014 წლის 1 იანვრისათვის მუნიციპალიტეტს დებიტორულ დავალიანებებში ერიცხება შპს „ტერექსი XXI“-ზე ავანსად ჩარიცხული თანხა 655.0 ათასი ლარი . 2014 წელს შესრულებლმა სამუშაომ შეადგინა 105.6 ათასი ლარი, აღნიშნულმა მომწოდებელმა ვერ შეძლო ხელშეკრულების პირობების შესრულება და შეუწყდა ხელშეკრულება. 2015 წლის 1 იანვრისათვის დებიტორული დავალიანება დარჩა 549.4 ათასი ლარი.აღნიშნული მომწოდებლის მიმართ სამართალდამცავი ორგანოების მიერ აღძრულია საქმე, ჩატარებული ექსპერტიზით მომწოდებლის მიერ სულ შესრულებულმა სამუშაომ შეადგინა 520.5 ათასი ლარი, რომლის დოკუმენტაცია მუნიციპალიტეტს ოფიციალურად ჯერ არ მიუღია. გარდა ამისა, 2015 წლის თებერვალში გარანტორი სადაზღვევო კომპანიის მიერ ჩარიცხულია 50.0 ათასი ლარი. ამდენად, შესაბამისი დოკუმენტაციის მიღების შემდგომ შპს „ტერექსი XXI“-ის დავალიანება დარჩება 84.5 ათასი ლარი.

ლიცენზიის გაცემის შემდეგ ლიცენზიანტი ამზადებს ტყითსარგებლობის გეგმას. აუდიტით გამოვლინდა, რომ ტყით სარგებლობის გეგმებში განსაზღვრულია ტყის დაცვის მხოლოდ ზოგადი მიზნები და არ არის შემუშავებული კონკრეტულად გასატარებელი ტყის მოვლის, დაცვისა და აღდგენის ღონისძიებები. აღნიშნული გამოწვეულია იმით, რომ ლიცენზიანტმა თავად შეადგინა გეგმა და წარმოდგენილ გეგმაში შენიშვნების არსებობის მიუხედავად, არ მოხდა მათი გათვალისწინება.

არასაკმარისი კონკურენტული გარემო 1. 2012-2013 სასწავლო წლის II სემესტრიდან 2014-2015 სასწავლო წლის I სემესტრის ჩათვლით სატრანსპორტო საშუალებების საკუთრების ან იჯარის შესახებ ინფორმაციის მოთხოვნა ფორმალურ ხასიათს ატარებდა და წარმოადგენდა ერთგვარ „დამაბრკოლებელ ფაქტორს“ ტენდერში მონაწილეობის მსურველი სხვა კომპანიებისთვის. 2. კომპანიები, თავიანთი შეთანხმებული მოქმედებით სამინისტროს არ აძლევენ პროგრამის ფარგლებში სატრანსპორტო მომსახურების გაუმჯობესების შესაძლებლობას, ვინაიდან მოთხოვნა, რომელიც „მიუღებელი“ აღმოჩნდა წარმოადგენდა კონტროლის მექანიზმს, რომლის მეშვეობითაც სამინისტროს ჰქონდა შესაძლებლობა შეეფასებინა, რამდენად უზრუნველყოფდა ესა თუ ის კომპანია სატენდერო პირობებით განსაზღვრული მომსახურებით ბენეფიციარების სრულად დაფარვას.

სატრანსპორტო მომსახურების არაეკონომიური ანაზღაურება 1. ანაზღაურებულ მომსახურებაში მძღოლის ხელფასის ელემენტი დაბალი ხვედრითი წილით არის წარმოდგენილი. აღნიშნულს ადასტურებს ის გარემოება, რომ მნიშვნელოვანი სხვაობებია ერთი მხრივ, სამინისტროს მიერ მომსახურების ტარიფით განსაზვრულ „მოგების ნორმასა“ და მოცემული პროგრამის ფარგლებში მომსახურების მიმწოდებელი კომპანიების საგადასახდო დეკლარაციებში დაფიქსირებულ „მოგების ნორმის“ მაჩვენებელს შორის. მოცემული მაჩვენებელი ტარიფით განსაზვრული იყო 10%-ის ფარგლებში, ხოლო საგადასახადო დეკლარაციების მიხედვით ტენდერში მონაწილე ერთ-ერთი კომპანიის მიხედვით „მოგების ნორმამ“ შეადგინა 56%-ი. მოცემული კომპანიის ერთობლივი შემოსავლის მნიშვნელოვან ნაწილს (91%) წარმოადგენს პროგრამის ფარგლებში მომსახურების მიწოდებიდან მიღებული შემოსავლები.

1. ბენეფიციართა დაფარვის მდგომარეობა 813 საჯარო სკოლაში, პროგრამაში ჩართული სატრანსპორტო საშუალებების ტევადობის გათვალისწინებით, ფაქტობრივად გაწეული სატრანსპორტო მომსახურებით შესაძლებელი იყო პროგრამის ბენეფიციარების (მოსწავლეების) მხოლოდ ნაწილის დაფარვა, შედეგად მომსახურების მიღების შესაძლებლობა შეეზღუდა 57.932 მოსწავლეს, რაც მოსწავლეთა ჯამური რაოდენობის 26%-ს შეადგენს. 2. პროგრამაში ჩართული სკოლის მოსწავლეების უსაფრთხო გადაყვანა პროგრამაში ჩართული სატრანსპორტო საშუალებები ტექნიკური აღჭურვილობის მიხედვით არ არიან ადაპტირებული ბავშვების გადასაყვანად და ვერ უზრუნველყოფენ ზამთრის პირობებში მათ უსაფრთხო გადაადგილებას.

2014 წლის 30 დეკემბერს 3 500.0 ათასი ლარი პარლამენტის ხაზინადართა საბჭოსა და პარლამენტის ბიუროს გადაწყვეტილების გარეშე ჩარიცხული იქნა სსიპ „ფინანსთა სამისისტროს მომსახურების სააგენტოს“ ანგარიშზე.

2012 წლის 10 აგვისტოს პარლამენტის აპარატსა და ლიტვის რესპუბლიკის კომპანია ,,ლიეტუვოს მონეტუ კალიკლას“ შორის გამარტივებული შესყიდვის ფორმით გაფორმებული ხელშეკრულების შესაბამისად 2012 წლის 26 სექტემბერს შესყიდულია 20 ცალი 18.3 ათასი ლარის ღირებულების თავისუფლების ორდენი და 50 ცალი 6.6 ათასი ლარის ღირებულების პარლამენტის მედალი. აღნიშნული ორდენების და მედლების შესაბამისი დანიშნულებით გაცემა არ განხორციელებულა და დღეის მდგომარეობით ირიცხება ნაშთად პარლამენტის სხვა დანარჩენი მატერიალური მარაგების შემადგენლობაში.

10 შემთხვევაში 134.1 ათას ლარის შესყიდვაზე დღგ-ის ანგარიშფაქტურის წარმოდგენის გარეშე დღგ-ის სახით გადახდილია სულ 20.5 ათასი ლარი, მაშინ, როცა დღგ-ს გადახდის ვალდებულება არ იყო წარმოქმნილი.

2012-2014 წლებში მორიგი სამივლინებო ხარჯების ავანსად გაცემა ანგარიშვალდებულ პირებზე ზოგიერთ შემთხვევებში განხორციელებულია წინა მივლინებებზე ფაქტიურად გაწეული ხარჯების დამადასტურებელი საბუთების წარმოუდგენლობისა და შესაბამისად ძველი სამივლინებო ანგარიშების დახურვის გარეშე.

გრანტის ფარგლებში საკონსულტაციო მომსახურებაზე, ღირებულებით 42.5 ათასი აშშ დოლარი (ყველა გადასახადის ჩათვლით), 2012 წლის 30 აპრილს პარლამენტსა და ფიზიკურ პირ ოსკარ კატენს შორის გაფორმებული ხელშეკრულების დანართი “C”[2] მიხედვით კონსულტანტს ხელშეკრულების გაფორმებიდან 20 დღეში უნდა წარმოედგინა შესრულებული სამუშაოების ამსახველი საწყისი ანგარიში, 40 დღეში შუალედური ანგარიში, ხოლო 135 დღეში კი საბოლოო ანგარიში. აღნიშნული ანგარიშების პარლამენტში წარმოდგენის შესახებ მტკიცებულებები მოპოვებული ვერ იქნა.

ბიუროებისათვის წარმომადგენლობითი ხარჯების სახით 2012-2014 წლებში გამოყოფილი და გადარიცხული თანხები ბუღალტრულად გადარიცხვისთანავე ფაქტიური ხარჯების დამადასტურებელი პირველადი დოკუმენტების წარმოდგენის გარეშე სრულად გატარებულია და აღრიცხულია პარლამენტის როგორც საკასო, ასევე ფაქტიურ ხარჯებში, მაშინ როდესაც „ბიუჯეტების დაფინანსებაზე მყოფი ორგანიზაციების ბუღალტრული ანგარიშგების ფორმების დამტკიცების შესახებ“ საქართველოს ფინანსთა მინისტრის 2007 წლის 28 დეკემბრის N1321 ბრძანებით დამტკიცებული ინსტრუქციის მე-5 მუხლის მე-2 პუნქტის შესაბამისად საბუღალტრო ანგარიშებზე ჩანაწერების შეტანის საფუძველს წარმოადგენს პირველადი აღრიცხვის დოკუმენტები.

სამედიცინო პერსონალის დემოგრაფიულ განაწილებაში არსებული ნაკლოვანებები- პრობლემას წარმოადგენს ის ტერიტორიული ერთეულები, სადაც ერთ ექიმზე 2500-ზე მეტი მოსახლე მოდის, რაც თავისთავად აღემატება პირველადი ჯანდაცვის არსებულ ზოგად კრიტერიუმს (1000-2000 მოსახლე). აღნიშნული გულისხმობს იმას, რომ ზოგიერთ ტერიტორიულ ერთეულში მომსახურება სხვა ტერიტორიულ ერთეულებთან შედარებით ნაკლებ ხელმისაწვდომია. ასეთი ტერიტორიული ერთეულების რაოდენობა 57-ს, ხოლო მათი მოსახლეობის რაოდენობა მთლიანი სოფლის მოსახლეობის 12.1%-ს შეადგენს. ასევე არსებობს სამედიცინო პერსონალის გეოგრაფიული განაწილების ხარვეზებიც

არსებობს ტერიტორიული ერთეულები, სადაც მოსახლეობის უზრუნველყოფა პირველადი ჯანდაცვის მომსახურებით ნაწილობრივ ხდება. მინისტრის ბრძანების მიხედვით, 10,000-ზე მეტ კაცს მომსახურება არასრულად მიეწოდება, რაც გულისხმობს იმას, რომ ამ ტერიტორიულ ერთეულებში ხელმისაწვდომია მხოლოდ ექთნის მომსახურება.

ინფრასტრუქტურული პრობლემები, ექიმების სამუშაო ადგილები, ამბულატორიები გასარემონტებელ მდგომარეობაშია, ექიმებს უჭირთ სოფლებს შორის ტრანსპორტირება

ექიმების განსხვავებული პროდუქტიულობა -პროგრამის ადმინისტრირების სისტემაში არსებული ნაკლოვანებები: სამედიცინო პერსონალთან გაფორმებული ხელშეკრულებების ნაკლოვანებები

ექიმების განსხვავებული პროდუქტიულობა-სამედიცინო პერსონალის 20% დასაქმებულია სხვა სამსახურში, რაც გავლენას ახდენს მათ სამუშაო დროზე სოფლის ექიმის პროგრამის ფარგლებში.

ექიმების განსხვავებული პროდუქტიულობა -პროგრამის ადმინისტრირების სისტემაში არსებული ნაკლოვანებები: მონიტორინგის არარსებობა- არ ხდება სამედიცინო პერსონალის სამუშაო პროცესის მონიტორინგი

ექიმების განსხვავებული პროდუქტიულობა -ექიმების ანაზღაურების სისტემა შედეგზე ორიენტირებული არ არის : ექიმის მიერ საკუთარი ჯიბიდან გაწეული დანახარჯები მიღებული პაციენტების რაოდენობის პროპორციულად იზრდება. ექიმების ანაზღაურება არ ხდება გარკვეული სტიმულების შესაბამისად.

ექიმების განსხვავებული პროდუქტიულობა- აუდიტის შედეგად გამოვლინდა, რომ სოფლის ექიმების მხოლოდ 60% - ს აქვს ოჯახის ექიმის სერტიფიკატი. დანარჩენი ექიმები ვიწრო სპეციალობის ექიმები არიან. აუდიტის ფარგლებში გამოკითხული 185 ექიმიდან 62% პროფესიული განვითარების პრობლემას უსვამს ხაზს და ტრენინგების საჭიროებაზე მიუთითებს.

დაავადებათა ადრეული გამოვლენისა და სკრინინგის პროგრამაში პირველადი ჯანდაცვის რგოლი - სოფლის ექიმი, როგორც რეფერალის (გადამისამართების) ძირითადი განმახორციელებელი ჩართული არ არის. შესაბამისად კოორდინაცია სოფლის ექიმისა და სკრინიგის პროგრამას შორის სუსტია

სამედიცინო პერსონალის მიერ წარმოდგენილი სტატისტიკური ფორმა მოიცავს ბევრ ინფორმაციას, თუმცა ანგარიშგების დადგენილი (სტატისტიკური) ფორმა არასრულყოფილია: › ანგარიში არ მოიცავს პაციენტის საკონტაქტო ინფორმაციას, რომელიც მნიშვნელოვანია შემდგომ იმის გადასამოწმებლად თუ რამდენად იყო პაციენტი რეალურად ექიმთან ვიზიტზე და ამავდროულად რამდენად კმაყოფილია ის ექიმის მომსახურებით; › ანგარიშში მხოლოდ ზოგადი ინფორმაცია აისახება პაციენტის რეფერალის შესახებ, თუმცა არ აისახება თუ რომელ სპეციალისტთან, რომელ დიაგნოსტიკურ პროცედურაზე განახორციელა ექიმმა პაციენტის რეფერალი; › ანგარიშში არ მოიპოვება ინფორმაცია ექიმის მიერ პაციენტის სკრინინგის პროგრამაში გადამისამართების შესახებ.

ანგარიშგება პროგრამის შესაფასებლად უმნიშვნელოვანესი ბერკეტია, თუმცა აღნიშნული ბერკეტების გამოყენება არ ხდება და შესაბამისად, პროგრამის განმახორციელებლისთვის უცნობია რამდენად აღწევს პროგრამა დასახულ მიზნებს.

აუდიტის შედეგად გამოვლინდა, რომ სპეცდაფინანსებაზე მყოფი დაწესებულებების ლიმიტები განისაზღვრა 2004 წელს, მას შემდეგ (2011-2013 წლებში) ლიმიტების განახლება განხორციელდა რამდენიმე შემთხვევაში, დაწესებულების მოთხოვნის შესაბამისად. 2004 წელს დაწესებულებებისთვის განსაზღვრული ლიმიტის საფუძველი ვერ იქნება მიჩნეული ვალიდურად 2015 წლისთვის.

ადგილი ჰქონდა ისეთი ტიპის ნაკლოვანებებს, როგორიც არის დადებული შესყიდვის ხელშეკრულებების სახელმწიფო შესყიდვების ელექტრონულ სისტემაში აუტვირთაობა (49 შემთხვევა)და ატვირთვის ვადების დაუცველობა (51 შემთხვევა) ასევე 74 შემთხვევაში CMR-ში არ იყო დამატებული ინფორმაცია შესაბამისი ხელშეკრულების ღირებულების ყოველი ფაქტობრივი გადახდის შესახებ; 2012 წელს დადებული 30 სახელმწიფო შესყიდვის ხელშეკრულების სისტემაში ატვირთვა მოხდა დაგვიანებით - ნაცვლად 2013 წლის 30 იანვრისა, 2013 წლის 19 თებერვლისა და 2013 წლის 27 მარტისა; 2013 წელს დადებული 51 ხელშეკრულებიდან სისტემაში 49 ხელშეკრულება არ ატვირთულა, ხოლო დანარჩენ 2014 წლის 7 თებერვალს და 2014 წლის 25 თებერვალს ატვირთულ 2 ხელშეკრულებაზე ფაქტობრივი შესრულება ელექტრონულ სისტემაში არ ფიქსირდებოდა; 2014 წელს დადებული 75 სახელმწიფო შესყიდვის ხელშეკრულებიდან, ელექტრონულ სისტემაში დაგვიანებით ატვირთული იყო 21 ხელშეკრულება, ხოლო ფაქტობრივი გადახდა არ ფიქსირდებოდა 72 შემთხვევაში. გარდა აღნიშნულისა, მოცემულ პერიოდში ხელშეკრულების დადებისას 53 შემთხვევაში არ იყო გათვალისწინებული ის, რომ ხელშეკრულების მოქმედების ვადა სულ მცირე 30 დღით უნდა აღემატებოდეს საქონლის მიწოდების, მომსახურების ან/და სამუშაოს შესრულების ხელშეკრულებით გათვალისწინებულ ვადას

ძირითადი აქტივებისა და გრძელვადიანი მცირეფასიანი აქტივების აღრიცხვის ორგანიზებასა და მოვლა-შენახვაზე არ იყო უზრუნველყოფილი სრული კონტროლი. კერძოდ, აუდიტის პერიოდში არაფინანსური აქტივების მიღებაზე, შენახვასა და გაცემაზე არ იყო დადებული ხელშეკრულება მატერიალური პასუხისმგებელობის შესახებ. ასევე, ინვენტარიზაციის პროცესში გამოვლინდა, რომ არაფინანსურ აქტივივებს არ ჰქონდა მინიჭებული საინვენტარო ნომერი, ხოლო 109 ერთეულ არაფინანსურ აქტივზე (ყველა გრძელვადიან მცირეფასიან ინვენტარზე) არ იყო გახსნილი საინვენტარო ბარათები

წარმომადგენლობის ბალანსზე აუდიტის პერიოდში დადგენილი წესის შეუსაბამოდ ირიცხებოდა სამსახურებრივი მიმოსვლისათვის განკუთვნილი 2 ერთეული ავტოსატრანსპორტო საშუალება.

მოქმედი კანონმდებლობის თანახმად, შტატგარეშე მოსამსახურე არის პირი, რომელიც დანიშვნით ან შრომითი ხელშეკრულებით გარკვეული ვადით მიიღება სამსახურში არამუდმივ ამოცანათა შესასრულებლად; ფაქტობრივად კი წარმოდგენილი ხელშეკრულებების ანალიზით გამოვლინდა, რომ 2012-2014 წლებში12 შემთხვევაში 12 პირი აყვანილი იყო 6-12 თვის განმავლობაში მუდმივ ამოცანათა შესასრულებლად, რომლებზეც ჯამში ანაზღაურდა 61 500. 00ლარი

2012-2014 წლებში წარმომადგენლობა განთავსებული იყო და საქმიანობას ახორციელებდა ქ. ქუთაისში, ირ. აბაშიძის N 27 - ში არსებულ ფართზე, რომლის მოსარგებლედ საჯარო რეესტრში დარეგისტრირდა 2012 წლის 8 მაისს. თუმცა, აღნიშნული ქონების ღირებულების დადგენა და ბალანსზე აყვანა არ მომხდარა. წარმომადგენლობა სარგებლობდა სხვადასხვა საოფისე ფართით, კერძოდ:ქ. წყალტუბოში რუსთაველის ქ. N25 - ში მდებარე წყალტუბოს მუნიციპალიტეტის გამგეობის შენობაში არსებული ფართით, რომელიც წარმომადგენლობას გადმოეცა წყალტუბოს მუნიციპალიტეტის გამგებლის 2015 წლის 08 სექტემბრის N 31 1177 ბრძანებით - უსასყიდლო უზურფრუქტის ფორმით. თუმცა, მისი საჯარო რეესტრში რეგისტრაცია და ბალანსზე აყვანა არ მომხდარა. ასევე, წარმომადგენლობა სარგებლობდა ქ. ქობულეთში, დ. აღმაშენებლის N 141 - ში მდებარე ქობულეთის გამგეობის შენობაში არსებული ფართით და ქ. ბათუმში გორგასლის N 141 მდებარე ქ. ბათუმის მერიის შენობაში არსებული ოთახით N4. აღნიშნულ ფართებზე განთავსებასთან დაკავშირებით იყო მხოლოდ სიტყვიერი შეთანხმება, შესაბამისად ვერ იქნა წარმოდგენილი ფართებით სარგებლობის რაიმე კანონიერი საფუძველი.

ძირითადი აქტივებისა და გრძელვადიანი მცირეფასიანი აქტივების აღრიცხვის ორგანიზებასა და მოვლა-შენახვაზე არ იყო უზრუნველყოფილი სრული კონტროლი.

მოქმედი კანონმდებლობის თანახმად, შტატგარეშე მოსამსახურე არის პირი, რომელიც დანიშვნით ან შრომითი ხელშეკრულებით გარკვეული ვადით მიიღება სამსახურში არამუდმივ ამოცანათა შესასრულებლად; ფაქტობრივად კი წარმოდგენილი ხელშეკრულებების ანალიზით გამოვლინდა, რომ 2012 წელს 4 პირი აყვანილი იყო 12 თვის განმავლობაში მუდმივ ამოცანათა შესასრულებლად, რომლებზეც ჯამში ანაზღაურდა 20.6 ათასი ლარი. 2013 წელს 4 პირი აყვანილი იყო 12 თვე მუდმივ ამოცანათა შესასრულებლად და მათზე ჯამში ანაზღაურდა 19.7 ათასი ლარი, 2014 წელს 4 პირი აყვანილი იყო 6 - 12 თვემდე მუდმივ ამოცანათა შესასრულებლად და მათზე ჯამში ანაზღაურდა 19.4 ათასი ლარი

სახელმწიფო შესყიდვებთან დაკავშირებული დოკუმენტაციის შესწავლით და ორგანიზაციიდან მიღებული ინფორმაციით დადგინდა, რომ 2014 წელს 69 დადებული სახელმწიფო შესყიდვის ხელშეკრულებიდან 53 შემთხვევაში ხელშეკრულების დადებისას არ იყო გათვალისწინებული ის, რომ ხელშეკრულების მოქმედების ვადა სულ მცირე 30 დღით უნდა აღემატებოდეს საქონლის მიწოდების, მომსახურების ან/და სამუშაოს შესრულების ხელშეკრულებით გათვალისწინებულ ვადას

საინფორმაციო ბაზები მუშაობს ავტონომიურად და არ გააჩნია ურთიერთკავშირი. მაგალითად, ხელვაჩაურის ბაზას არ აქვს წვდომა ბათუმის ბაზასთან, ხოლო ბათუმს ქობულეთის ბაზასთან და პირიქით. შესაბამისად, მუნიციპალიტეტების მიხედვით თითოეული საინფორმაციო ბანკი დამოუკიდებელია და შეუძლებელია რეგიონებმა მიიღონ წვდომა ბათუმის დამსაქმებლების, ვაკანსიების და სამუშაოს მაძიებლების შესახებ. ასევე შეუძლებელია ბაზებთან მომხმარებლის წვდომა და ინფორმაციის მიღება on-line (ინტერნეტის საშუალებით), ის არ არის დაკავშირებული ინტერნეტთან და ასევე სააგენტოს ვებ-გვერდთან. ბაზებში აკუმულირებული ინფორმაციის მიღება უმეტესწილად შესაძლებელია რეგიონულ ოფისში გამოცხადების შემთხვევაში.

2012 წელს საკონტროლო მონაცემებით (პირველადი დოკუმენტებით, ბრუნვითი უწყისებით) მოხდა 4,831.00 ლარის საბალანსო ღირებულების მქონე აქტივის ჩამოწერა, თუმცა 2012 წლის ბალანსის ძირითადი საშუალებების მოძრაობის ფორმაში ასახული იქნა 6,581.00 ლარის აქტივის გასვლა (ჩამოწერა). შესაბამისად ბალანსში ძირითადი საშუალებების ნაშთი არასწორად იქნა შემცირებული 1,750.00 ლარით; 2012 წლის ფინანსურ ანგარიშგებაში ძირითადი საშუალებების ამორტიზაცია (ცვეთა) ნაცვლად 5,680.56 ლარისა, წარმოდგენილია 6,927.00 ლარის ოდენობით. 2014 წელს ამორტიზაციის (ცვეთის) თანხა, ნაცვლად 7,099.44 ლარისა, ფინანსურ ანგარიშგებაში ასახულია 7,195.06 ლარის ოდენობით;აუდიტის პროცესში გამოვლინდა 21 სხვადასხვა დასახელების მცირეფასიანი ინვენტარის ზედმეტობა, რომლის ღირებულება ვერ დადგინდა. აღნიშნული ფასეულობები წარმოადგენდა მარაგებს ექსპლუატაციაში, რომლებიც შესაბამისი ხელშეკრულებით იყო გადაცემული მატერიალურად პასუხისმგებელ პირებზე. ისინი ბალანსში არ აღრიცხულა როგორც აქტივები

არსებული ბაზების ტესტირებით, იდენტიფიცირებულია შემთხვევები, რომლებზეც არ არის დაფიქსირებული დაბადების თარიღი, მობილურის, სახლის ტელეფონის ნომერი ან სხვა საკონტაქტო ინფორმაცია. შესაბამისად, აღნიშნული აპლიკანტები მოკლებული არიან შესაძლებლობას სრულად ისარგებლონ დასაქმების სააგენტოს მომსახურებით. მაგალითად, ტესტირებისათვის შეირჩა: ქალაქი ბათუმი, ხელვაჩაურისა და ხულოს მუნიციპალიტეტები, სადაც იდენტიფიცირებულია, რომ ბათუმში 20 აპლიკანტზე არ ფიქსირდება საკონტაქტო ინფორმაცია და დაბადაბის თარიღი, ხელვაჩაურში 113 აპლიკანტზე არ ფიქსირდება საკონტაქტო ინფორმაცია, ხოლო ხულოში -112 აპლიკანტზე. შესაბამისად, აღნიშნულ ბენეფიციარებთან დაკავშირება შესაძლო ვაკანსიებისა ან დაინტერესებული სამუშაოს მაძიებლების შემთხვევაში ვერ მოხერხდება, რაც მიგვითითებს იმაზე, რომ საჭიროა აღნიშნული ბაზების სისტემატური განახლება და ინვენტარიზაცია, რაც არ ხორციელდება.

წლების განმავლობაში შენობაში, რომელშიც ყოველგვარი საფუძვლის, კერძოდ: საკუთრების დამადასტურებელი დოკუმენტის, იჯარის შესახებ ხელშეკრულების, შენობის დროებით გადაცემაზე ბრძანების გარეშე ფაქტობრივად განთავსებული იყო და ფუნქციონირებდა ,,მედიცინის ცენტრი“, ფართის კეთილმოწყობის ხარჯები არასწორად აღირიცხებოდა ბუღალტრულ ანგარიშზე 2190 - ,,იჯარით აღებული ქონების კეთილმოწყობა”. 2012 წლის დასაწყისში გაწეულმა ხარჯებმა შეადგინა 30,875.00 ლარი. მიუხედავად იმისა, რომ ზემოაღნიშნული შენობა (ფართი) არ ირიცხებოდა მედიცინის ცენტრის ბალანსზე, არამედ წარმოადგენდა აფხაზეთის ა/რ ჯანმრთელობისა და სოციალური დაცვის სამინისტროს ბალანსზე რიცხულ აქტივს, 2012 წლის ბოლოს აღნიშნული ხარჯები 30,875.00 ლარის ოდენობით უსაფუძვლოდ იქნა გადატანილი ბუღალტრულ ანგარიშზე 7499 ,,საერთო ადმინისტრაციული ხარჯები“, რამაც გამოიწვია ზარალი. ზარალის დაფარვა კი განხორციელდა მედიცინის ცენტრის სარეზერვო კაპიტალიდან.

.

2012 წელს 6,610.00 ლარის ღირებულების, ხოლო 2013 წელს 2,835.00 ლარის ღირებულების შეძენილ აქტივებზე, პარტნიორს შეძენის ნებართვის მოთხოვნით გაეგზავნა წერილები, რაზეც არანაირი პასუხი და ოფიციალური ნებართვა არ ყოფილა. 2013-2014 წელს შეძენილ 10,937.37 ლარის ღირებულების აქტივებზე ,,მედიცინის ცენტრის“ მიერ მოთხოვნის წერილი არ გაგზავნილა, შესაბამისად შესყიდვის ნებართვა პარტნიორის მიერ არ გაცემულა

პროფესიული გადამზადების პროგრამები ფოკუსირებულია კონკრეტულ ჯგუფებზე, თუმცა პროგრამით გადამზადების შეფასების მთავარი კრიტერიუმი მათ მიერ სასწავლო პროცესის გავლაა და არა შემდგომი დასაქმება. ასევე საკმაოდ დაბალი მაჩვენებელია სასწავლო პროცესის შემდგომ დასაქმებულ პირთა რაოდენობის მიხედვით.

,,მედიცინის ცენტრში“ ყოვეწლიურად დამოუკიდებელი (მოწვეული) აუდიტორების მიერ ტარდებოდა აუდიტები. 2012 წელს აუდიტი ჩაატარა კომპანია “ბლექ სიი აუდიტმა” (მომსახურების ღირებულება 1,800.00 ლარი), 2013 წელს შპს “კაპიტალ ჯგუფმა” (მომსახურების ღირებულება-2,500.00 ლარი), ხოლო 2014 წელს - “აუდიტ კონსალტინგ 2008” (მომსახურების ღირებულება - 2,500.00 ლარი). ჩატარებულ აუდიტებთან დაკავშირებით არ ყოფილა პარტნიორის ბრძანება ან რაიმე სხვა სახის ოფიციალური დოკუმენტი ნებართვის შესახებ.

გაფორმებული ხელშეკრულებით მიმწოდებელს დაევალა ეწარმოებინა სასწავლო ჯგუფების დასწრების ჟურნალი, რომელიც შემსყიდველის მოთხოვნისთანავე უნდა წარედგინა. ანგარიშსწორება მიმწოდებელთან განხორციელდებოდა ეტაპობრივად, ფაქტიურად გაწეული მომსახურების შესაბამისად. გადამზადებაში მონაწილეთა რაოდენობაზე გაანგარიშებით , ხელშეკრულებაზე თანდართული ფასების ცხრილის მიხედვით გაწერილია ერთ კურსზე თვეში ერთი პიროვნების გადამზადების საფასური. წარმოდგენილი დოკუმენტაციის ანალიზით, პროგრამაში მონაწილე სტუდენტების ნაწილი არ ესწრებოდა მოსამზადებელ კურსებს ყოველდღიურად, არის შემთხვევები როდესაც სტუდენტი ესწრება მთლიანი კურსის 40-45% დღეთა რაოდენობას. მიუხედავად იმისა, რომ მას არ უსარგებლია მთლიანი კურსით, გამოცდაზე გასვლის შემდგომ აიღო შესაბამისი სერთიფიკატი, თუმცა სააგენტოს მხრიდან მონიტორინგი, თუ რამდენად იქონია ზეგავლენა გაცდენებმა სასწავლო პროცესზე და რა მიზეზებით იყო აღნიშნული გამოწვეული - არ ხორციელდებოდა.

მოქმედ ვებ-გვერდზე დარეგისტრირებული სამუშაოს მაძიებლები და ვაკანსიები არ ხვდებიან სააგენტოს ბაზაში, რომელსაც სააგენტო ცალკე პროგრამულად (პროგრამა არ არის ინტეგრირებული ვებ-გვერდთან) აწარმოებს და პირიქით ბაზაში დარეგისტრირებული მონაცემები არ ხვდება სააგენტოს ოფიციალურ ვებ-გვერდზე. ანუ თუ პირმა განახორციელა რეგისტრაცია საიტზე ის არ ხვდება სააგენტოს მთავარ საინფორმაციო ბაზაში და პირიქით თუ პირმა გაიარა რეგისტრაცია საინფორმაციო ბაზაში, რომელიც შესაძლებელია მხოლოდ რეგიონულ ოფისში გამოცხადების შემდგომ, აღნიშნული არ მოხვდება სააგენტოს ოფიციალურ ვებ-გვერდზე. მოცემული პრობლემა ვებ-გვერდის მეშვეობით დარეგისტრირებულ სამუშაოს მაძიებლებს არ აძლევს სააგენტოში შემოსული ყველა ვაკანსიის შესახებ ინფორმაციას, რითაც იზღუდება სააგენტოს მომსახურების საჯაროობა.

2014 წლის 31 დეკემბრის მდგომარებით კომპანიას ერიცხებოდა 199,219,311 ლარის ღირებულების ტექნიკა-იმპლემენტები. 2012, 2013 და 2014 წლებში არ ჩატარებულა ბალანსზე რიცხული ძირითადი აქტივებისა და მატერიალური მარაგების ინვენტარიზაცია. საქართველოს პრეზიდენტის 1998 წლის 6 თებერვლის N70 ბრძანებულების შესაბამისად, ინვენტარიზაციის ჩატარება სავალდებულოა სამეურნეო წლის ბოლოს.

კომპანიის გარკვეული ტექნიკა-აგრეგატების უტილიზაცია საკმაოდ დაბალია. კომპანიის ბალანსზე რიცხული 15,067,284 ლარის ღირებულების ტექნიკა-აგრეგატების მომსახურებიდან მიღებულმა შემოსავალმა, მხოლოდ 367,798 ლარი (2.44%) შეადგინა.

- შპს „მექანიზატორი“ შემოსავლების აღრიცხვის მიზნით აწარმოებს სასოფლო-სამეურნეო ტექნიკით გაწეული მომსახურებების რეესტრს, რომელიც არ არის სრულყოფილი. კერძოდ, სახელმწიფო აუდიტის სამსახურისთვის ფაქტობრივად მოწოდებული ხელშეკრულებების ნაწილი საერთოდ არ იყო ასახული აღნიშნულ რეესტრში. - ზოგიერთ შემთხვევაში, ხელშეკრულების ორივე მხარეს (დამკვეთი და შემსრულებელი) ხელს აწერენ ოპერატორები, რომლებიც უშუალოდ ახორციელებენ ამ ხელშეკრულებით განსაზღვრული მომსახურების გაწევას. ასევე რიგ შემთხვევაში, ხელშეკრულების გაფორმებისას ანგარიშსწორება წარმოებს უშუალოდ ოპერატორებზე ხელზე გადახდით. შესაბამისად არსებობს რისკი, რომ ოპერატორებმა ფაქტიურად შესრულებული სამუშაოს ღირებულების ნაცვლად ხელშეკრულებაში ასახონ ნაკლები ღირებულების ოპერაცია და შესაბამისად ნაკლები თანხა შეიტანონ კომპანიის საბანკო ანგარიშზე. - რიგ შემთხვევაში, მიღება-ჩაბარების აქტები კომპანიის მიერ ფორმდება მომსახურების გაწევამდე, რამაც შესაძლებელია განაპირობოს ფაქტობრივად საბოლოოდ შეუსრულებული სამუშაოების დოკუმენტური დადასტურება როგორც შესრულებული სამუშაოებისა. აღნიშნული ხელს უშლის მენეჯმენტის სისტემატიზებულ მუშაობას. კერძოდ, წინასწარ გაფორმებული მიღება-ჩაბარების აქტის შემთხვევაში, მენეჯმენტს გააჩნია მცდარი ინფორმაცია ხელშეკრულებით გათვალისწინებული ვალდებულებების შესრულების შედეგად გამოთავისუფლებული რესურსის სხვა მომსახურებისათვის გამოყენების შესაძლებლობაზე. მითითებული მდგომარეობის შედეგად კი, ვერ განხორციელდება ტექნიკა-იმპლემენტების სწორი მობილიზება და შესაბამისად მისაღები შემოსავლების ზუსტი დაგეგმვა. ასევე შესაძლებელია მიღება-ჩაბარების აქტის წინსწრებით გაფორმების შედეგად ფაქტობრივად შესრულებული სამუშაო იყოს იმაზე მეტი ვიდრე ეს მიღება-ჩაბარების აქტით გაფორმდა. აღნიშნული ფაქტის არსებობის შემთხვევაში კომპანია დაკარგავს მისაღებ შემოსავლებს. ყოველივე ზემოთ ჩამოთვლილი გარემოებებიდან გამომდინარე, კომპანია ვერ აკონტროლებს შემოსავლებთან დაკავშირებულ პროცესებს, რაც იწვევს შემოსავლების არასრულად აღრიცხვას და შემოსავლების დაკარგვის რისკს.

შპს „მექანიზატორის“ სტრუქტურულ ერთეულს წარმოადგენს „უსაფრთხოების სამსახურის კონტროლის განყოფილება“, რომლის საქმიანობის ძირითადი მიზანია შპს „მექანიზატორის“ ტექნიკის საქმიანობის პირდაპირ რეჟიმში GPS-ის საშუალებით შემოწმება. აღნიშნული განყოფილებისთვის არ არის შემუშავებული პოლიტიკა და სამუშაო პროცედურები. სახელმწიფო აუდიტის სამსახურისთვის ვერ იქნა წარმოდგენილი შპს „მექანიზატორის“ 2014 წელს მოქმედი დებულება, სადაც გაწერილი იქნებოდა შესაბამისი სამსახურების ფუნქცია-მოვალეობები. - გამომდინარე იქიდან, რომ კომპანიის მიერ GPS მონიტორინგისთვის არ არის განსაზღვრული პროცედურები და დამკვეთებთან გაფორმებული მომსახურების ხელშეკრულებების აღრიცხვა არ ხორციელდება სისტემატიზებული ელექტრონული ფორმით, მონიტორინგის ჯგუფს არ აქვს საშუალება მიმდინარე რეჟიმში მიიღოს ინფორმაცია ფაქტიურად შესრულებული სამუშაოს შესახებ, რაც ზრდის ოპერატორების მხრიდან კომპანიისთვის მისაღები შემოსავლების მითვისების რისკს. - სასოფლო-სამეურნეო მიწის დამუშავებასთან დაკავშირებული მომსახურების ფარგლებში, კომპანია ვერ ახდენს სისტემატიზებულად დასამუშავებელი მიწის ფართობის ზუსტ განსაზღვრას. ტექნიკას არ გააჩნია შესაბამისი ფუნქცია, ხოლო მონიტორინგი (GPS მოწყობილობით) ხორციელდება ყოველი თვის ბოლოს, რომელიც მოიცავს შესრულებული სამუშაოს მცირე რაოდენობის გადამოწმებას. შესაბამისად, არსებობს რისკი იმისა, რომ კომპანიის რეალურად შესრულებული სამუშაო აღემატებოდეს მიღებულ შემოსავალს. - შპს „მექანიზატორში“ არსებობს რისკი რომ ხელშეკრულება დამკვეთთან გაფორმდეს შედარებით ნაკლებ ფასიან მომსახურებაზე, ხოლო რეალურად განხორციელდეს უფრო მაღალი ფასის მომსახურება. აღნიშნული რისკის შესამცირებლად კომპანიაში არ არის დანერგილი შესაბამისი კონტროლის მექანიზმები. - კომპანია არ აღრიცხავს სერვის-ცენტრებს შორის ტექნიკა-იმპლემენტების მოძრაობას. ასევე არ არსებობს ინფორმაცია მათი ტექნიკური მდგომარეობის შესახებ. - კომპანიის მიერ სასოფლო-სამეურნეო დანიშნულების ტექნიკა-იმპლემენტებით გაწეული მომსახურების მონიტორინგის პოლიტიკისა და პროცედურების არარსებობა განაპირობებს აუდიტის მასშტაბისა და შესაბამისი დასკვნის გამოტანის შესაძლებლობის შეზღუდვას. აგრეთვე, მონიტორინგის ელქტრონული (GPS სისტემა) ბაზის მონაცემები არ იძლევა კომპანიის მიერ განხორცილებული მომსახურების შესაბამისობის სრულყოფილი ანალიზის საშუალებას.

ქვეყნის დონეზე დაგეგმილი და განხორციელებული კაპიტალური პროექტების შესახებ არსებული ინფორმაცია არ არის სრულყოფილი და ზუსტი, რაც ძირითადად გამოწვეულია კაპიტალური პროექტების განმარტებასთან დაკავშირებული ხარვეზებითა და პროექტების არასწორი კლასიფიცირებით. ასევე, არ ხდება რიგი სამინისტროების, მათ დაქვემდებარებაში მყოფი უწყებების, სახელმწიფოს წილობრივი მონაწილეობით შექმნილი საწარმოებისა და მუნიციპალიტეტების მიერ განხორციელებული კაპიტალური ხასიათის პროექტების სრულად ასახვა კაპიტალური პროექტების დანართში. კაპიტალური ინვესტიციების შესახებ არასრულყოფილი ინფორმაციის არსებობის პირობებში, რთულდება ერთი მხრივ, ზუსტად შეფასდეს მათი წვლილი ქვეყნის განვითარებაში, ხოლო მეორე მხრივ, გაანალიზდეს თუ რამდენად მიჰყვება ქვეყანა მის მიერ დასახულ პრიორიტეტებს და რომელი სფეროები საჭიროებს კაპიტალურ ინვესტიციებს შემდგომ პერიოდებში. ყოველივე ზემოაღნიშნული კი ხელს უშლის როგორც მთავრობასა და პარლამენტს, ასევე ინვესტორებს ინფორმირებული საინვესტიციო გადაწყვეტილების მიღებაში.

საქართველოში არ არის შემუშავებული კაპიტალური პროექტების სტრატეგია, რაც ზრდის არაპრიორიტეტული პროექტების დაფინანსების რისკსა და საფრთხეს უქმნის ქვეყნის წინაშე არსებული საჭიროებების დაკმაყოფილებას როგორც მოკლევადიან, ასევე გრძელვადიან პერიოდში.

არ არსებობს კაპიტალური პროექტების განვითარების სტრატეგია სექტორულ დონეზე

არ არსებობს კაპიტალური პროექტების განვითარების სტრატეგია სექტორულ დონეზე

არ არსებობს კაპიტალური პროექტების განვითარების სტრატეგია სექტორულ დონეზე

განმახორციელებელ უწყებებს არ გააჩნიათ პროექტების შერჩევის მეთოდოლოგია, რაც გულისხმობს შერჩევის კრიტერიუმებისა და აღნიშნული პროცესის ცხადად განსაზღვრას. საქართველოში არსებული პროექტების პირველადი შერჩევის არაფორმალური და არასტანდარტიზებული პრაქტიკა ერთი მხრივ, ხელს უშლის პროექტების პირველადი შერჩევის პროცესის გამჭვირვალობასა და გადაწყვეტილებაზე ანგარიშვალდებული პირის/უწყების იდენტიფიცირებას, ხოლო მეორე მხრივ, არ იძლევა რწმუნებას იმის თაობაზე, რომ პროექტები შერჩეულია რეალური საჭიროებიდან გამომდინარე.

შერჩეული კაპიტალური პროექტებისათვის არ ხორციელდება პროექტების წინასწარი შეფასება, რომლის მიზანია პროექტის განხორციელების რამდენიმე ალტერნატივიდან საუკეთესო ვარიანტის შერჩევა. შედეგად, სახელმწიფო ბიუჯეტის დამტკიცების ეტაპზე, პროექტების დაფინანსების შესახებ გადაწყვეტილების მიღებისას, პროექტების წინასწარი შეფასების არარსებობის პირობებში, ჩნდება ისეთი პროექტების დაფინანსების რისკი, რომლებიც წარმოადგენენ არაეკონომიურ და არაეფექტიან ალტერნატივას კონკრეტული პრობლემის აღმოფხვრისათვის.

წინასწარი შეფასების ჩატარების გარეშე, საქართველოს შრომის, ჯანმრთელობისა და სოციალური დაცვის სამინისტრომ 2013 წელს მიიღო გუდაურში ტრავმული ცენტრის შექმნის გადაწყვეტილება, რომლის საპროექტო დოკუმენტაციის მომზადება დაავალა შპს „რეგიონული ჯანდაცვის ცენტრს“. შპს „რეგიონული ჯანდაცვის ცენტრმა“ შეისყიდა გუდაურში ტრავმული ცენტრის კაპიტალური შენობის 4.9 ათასი ლარის ღირებულების საპროექტო დოკუმენტაცია და 2014 წელს უსასყიდლოდ გადასცა სამინისტროს. თუმცა, 2014 წლის ოქტომბერში სამინისტრომ მიზანშეწონილად მიიჩნია, რომ კაპიტალური შენობის ნაცვლად აეგო სენდვიჩ პანელის ტიპის შენობა, რომელიც მისივე განმარტებით, წინანდელ პროექტთან შედარებით ნაკლებ ხარჯს მოითხოვდა და დაბა გუდაურში არსებულ პირობებთან უფრო შესაბამისი იყო. თუმცა, აღნიშნული ანალიზი არ ჩატარებულა არც საპროექტო დოკუმენტაციის მომზადებაზე გადაწყვეტილების მიღებამდე და არც სენდვიჩ პანელის ტიპის შენობის აშენებაზე გადაწყვეტილების მიღებისას.

კაპიტალური პროექტების განმახორციელებლები ფინანსთა სამინისტროდან იღებენ დაფინანსებას კონკრეტული პროექტების იდენტიფიცირებამდე. აღნიშნული კი ვერ უზრუნველყოფს დასაბუთებას, რომ სახსრები მიმართულია, ერთი მხრივ, მხოლოდ რეალური საჭიროების მქონე პროექტებზე და, მეორე მხრივ, კონკრეტული საჭიროების დაკმაყოფილების საუკეთესო ალტერნატივაზე.

ნაკლოვანებებით ხასიათდება, პროექტების დეტალური შესწავლის ეტაპი, რომელიც პრაქტიკულად წარმოადგენს პროექტისათვის აუცილებელი ყველა პარამეტრის განსაზღვრისა და დაზუსტების მნიშვნელოვან საფეხურს. აღნიშნული ეტაპის ყველაზე მთავარ და პრობლემურ საკითხს უშუალოდ მომზადებული დეტალური გეგმის ხარისხი წარმოადგენს, რაც ძირითადად უკავშირდება დაგეგმვის ეტაპზე კონტრაქტორების მიერ არასრულფასოვანი პროცედურების განხორციელებას (არაზუსტი საპროექტო დოკუმენტაცია, საპროექტო დოკუმენტაციის მონაცემების ხარჯთაღრიცხვაში გამოტოვება, გეოლოგიური დასკვნების ცდომილება და ა.შ.).

ნაკლოვანებებით ხასიათდება, პროექტების დეტალური შესწავლის ეტაპი, რომელიც პრაქტიკულად წარმოადგენს პროექტისათვის აუცილებელი ყველა პარამეტრის განსაზღვრისა და დაზუსტების მნიშვნელოვან საფეხურს. აღნიშნული ეტაპის ყველაზე მთავარ და პრობლემურ საკითხს უშუალოდ მომზადებული დეტალური გეგმის ხარისხი წარმოადგენს, რაც ძირითადად უკავშირდება დაგეგმვის ეტაპზე კონტრაქტორების მიერ არასრულფასოვანი პროცედურების განხორციელებას (არაზუსტი საპროექტო დოკუმენტაცია, საპროექტო დოკუმენტაციის მონაცემების ხარჯთაღრიცხვაში გამოტოვება, გეოლოგიური დასკვნების ცდომილება და ა.შ.).

ნაკლოვანებებით ხასიათდება, პროექტების დეტალური შესწავლის ეტაპი, რომელიც პრაქტიკულად წარმოადგენს პროექტისათვის აუცილებელი ყველა პარამეტრის განსაზღვრისა და დაზუსტების მნიშვნელოვან საფეხურს. აღნიშნული ეტაპის ყველაზე მთავარ და პრობლემურ საკითხს უშუალოდ მომზადებული დეტალური გეგმის ხარისხი წარმოადგენს, რაც ძირითადად უკავშირდება დაგეგმვის ეტაპზე კონტრაქტორების მიერ არასრულფასოვანი პროცედურების განხორციელებას (არაზუსტი საპროექტო დოკუმენტაცია, საპროექტო დოკუმენტაციის მონაცემების ხარჯთაღრიცხვაში გამოტოვება, გეოლოგიური დასკვნების ცდომილება და ა.შ.).

2012 წელს ეროვნული სამედიცინო ტრენინგ-ცენტრის მშენებლობა დაიწყო პროექტის ფარგლებში განსახორციელებელი სამუშაოებისა და მთლიანად პროექტის დასრულებისათვის საჭირო რესურსების განსაზღვრის გარეშე, რადგან საპროექტო და სამშენებლო სამუშაოები მიმდინარეობდა ერთდროულად. კერძოდ, საპროექტო კომპანია ეტაპობრივად გადასცემდა სამინისტროს ტრენინგ-ცენტრის შენობის საპროექტო დოკუმენტაციას, სამინისტრო კი საპროექტო დოკუმენტაციის მომდევნო ნაწილის მიღების შემდეგ, დამატებით ხელშეკრულებას აფორმებდა სამშენებლო კომპანიასთან. მაგალითად, სამშენებლო კომპანიასთან ცალ-ცალკე გაფორმდა ხელშეკრულებები ტრენინგ ცენტრის ნულოვანი და ნულს ზედა ციკლის, შიდა ელექტრო-სამონტაჟო და მოპირკეთების სამუშაოებისათვის. სამინისტროს მოხსენებითი ბარათის მიხედვით, ტრენინგ-ცენტრის მშენებლობისა და აღჭურვის სავარაუდო ღირებულება შეადგენდა 4,705.0 ათას ლარს, თუმცა, საპროექტო დოკუმენტაციის მომზადების შემდეგ პროექტის ღირებულება გაიზარდა 6,359.8 ათას ლარამდე .

პათოლოგიების ლაბორატორიის პროექტის შემთხვევაში, სამშენებლო სამუშაოები დაიწყო მთლიანად პროექტის დასრულებისათვის საჭირო რესურსებისა და განსახორციელებელი აქტივობების განსაზღვრის გარეშე. ლაბორატორიის კარკასის მშენებლობის დასრულების შემდგომ კი დასაბუთების გარეშე შეწყდა პროექტის განხორციელება.

2014 წლის დეკემბერში სამინისტრომ პროგრამისათვის „საქართველო C-ჰეპატიტის გარეშე“ შეიძინა ,,C ჰეპატიტის“ სკრინინგის 5 აპარატი. შესყიდვის მომენტისათვის სამინისტროს არ გააჩნდა ინფორმაცია, თუ რომელი სამედიცინო დაწესებულებებისათვის, როდის და რა პირობებით უნდა გადაეცათ შესყიდული აპარატურა. კონტრაქტორმა სამინისტროს აპარატები მიაწოდა 2015 წლის აპრილში, თუმცა, სამედიცინო დაწესებულებისათვის პირველი აპარატის გადაცემა განხორციელდა ივნისში. გამომდინარე იქედან, რომ სამინისტროს არ ჰქონდა განსაზღვრული წინასწარ თუ რომელი სამედიცინო დაწესებულებები ჩაერთვებოდნენ აღნიშნულ პროგრამაში და მათი ჩართვაც პროგრამაში ხდებოდა ეტაპობრივად, აპარატების გადაცემის პროცესი გაგრძელდა ოქტომბრამდე.

პროექტის განხორციელებაში ჩართული მხარეების უფლება-მოვალეობების განსაზღვრის გარეშე მიმდინარე პროექტები: სოფელ რუხსა და დედოფლისწყაროში მრავალპროფილიანი კლინიკების მშენებლობის პროექტების შემთხვევაში, რომლის მშენებლობასაც ახორციელებს შპს „სახელმწიფო სამშენებლო კომპანია“ , სამინისტროს და კომპანიას შორის არ გაფორმებულა შეთანხმება, სადაც გაწერილი იქნებოდა მხარეების უფლება-მოვალეობები, რომელიც უფლებას მისცემდა სამინისტროს, როგორც პროექტის საბოლოო შედეგზე პასუხისმგებელ უწყებას, ნებისმიერი უზუსტობის შემთხვევაში განეხორციელებინა შესაბამისი რეაგირება.აღნიშნულმა გარემოებამ დედოფლისწყაროში კლინიკის მშენებლობის შემთხვევაში გამოიწვია ზემოთ აღნიშნული რისკის რეალიზება, კერძოდ კი შეუძლებელია განსაზღვრა თუ რა პირობებით და რა ვადით მოხდა სამშენებლო სამუშაოების გახანგრძლივება და ვის ეკისრება აღნიშნულზე პასუხისმგებლობა. საპროექტო დოკუმენტაციით დედოფლისწყაროს კლინიკის მშენებლობისათვის გათვალისწინებული იყო 12 თვე და პროექტი უნდა დასრულებულიყო 2015 წლის დეკემბერში. თუმცა, მშენებლობა კვლავ მიმდინარეა და არ არის განსაზღვრული თუ როდის უნდა მოხდეს სამუშაოების დასრულება და თუ რა პასუხისმგებლობა ეკისრება აღნიშნულ მდგომარეობაზე მშენებლობის განმახორციელებელ კომპანიას.

შიდასახელმწიფოებრივი მნიშვნელობის თიანეთი-ჟინვალი-ზარიძეების საავტომობილო გზის კმ10-კმ23 მონაკვეთის სამშენებლო-სარეკონსტრუქციო სამუშაოების მიმდინარეობის პროცესში აღმოჩნდა, რომ საპროექტო ტრასას ჰკვეთს სამი საკმაოდ ღრმა ხევი , რომელთაგან ორი არ იყო დაფიქსირებული საპროექტო დოკუმენტაციაში. შესაბამისად საჭირო გახდა ტრასის გეგმის კორექტირება. ცვლილების შედეგად პროექტიდან ამოღებული სამუშაოების ღირებულებამ შეადგინა 51.2 ათასი ლარი, ხოლო დამატებით შესასრულებელი სამუშაოების ღირებულებამ 18.5 ათასი ლარი.

გუბერნატორის განკარულებების საფუძველზე ადმინისტრაციის თანამშრომლებზე გაიცემოდა დანამატები, რომელიც 2012 - 2013 წლებში ნაცვლად ხარჯების ეკონომიკური კლასიფიკაციის დადგენილი დანამატების მუხლისა აისახებოდა თანამდებობრივი სარგოს მუხლში .

შიდასახელმწიფოებრივი მნიშვნელობის თიანეთი-ჟინვალი-ზარიძეების საავტომობილო გზის კმ10-კმ23 მონაკვეთის სამშენებლო-სარეკონსტრუქციო სამუშაოების მიმდინარეობის მშენებლობის პროცესში აღმოჩნდა, რომ ზედა საყრდენი კედლის მოცულობათა უწყისში დაფიქსირებული საპროექტო მონაცემები არ ემთხვევა საპროექტო ნახაზით განსაზღვრულ მონაცემებს. აღნიშნული უზუსტობის გამო საჭირო გახდა სამუშაოების მოცულობების დაკორექტირება, რამაც გამოიწვია დამატებით 60.7 ათასი ლარის ღირებულების სამუშაოების შესრულება.

2012 წელს საწვავის გაცემა წარმოებდა ტალონების საშუალებით სახელმწიფო რწმუნებულის - გუბერნატორის ყოველთვიური განკარგულებების საფუძველზე. ადმინისტრაციის ყველა თანამშრომელი, ვისზედაც მიმაგრებული იყო სატრანსპორტო საშუალება, გამოყოფილ საწვავის ლიმიტს, როგორც წესი სრულად და ბოლომდე ითვისებდა და შესაბამისად, არ ფიქსირდება გაუხარჯავი ტალონების დაბრუნების არცერთი ფაქტი. 2012-2014 წლებში ცალკეული თვეების მიხედვით აღინიშნება ადიმინისტრაციაზე მიმაგრებული ავტომანქანების მაღალი გარბენი.

შიდასახელმწიფოებრივი მნიშვნელობის თიანეთი-ჟინვალი-ზარიძეების საავტომობილო გზის კმ10-კმ23 მონაკვეთის სამშენებლო-სარეკონსტრუქციო სამუშაოების პროექტის ფარგლებში გათვალისწინებული ხიდის მშენებლობის სამუშაოების მიმდინარეობისას აღმოჩნდა, რომ ფაქტიურად არსებული გრუნტის კატეგორია არ შეესაბამება პროექტში ასახულ გრუნტის კატეგორიას. საჭირო გახდა დამატებითი გეოლოგიური კვლევის ჩატარება, რის საფუძველზეც დაკორექტირდა პროექტით განსაზღვრული სამუშაოები. ცვლილების შედეგად პროექტიდან ამოღებული სამუშაოების ღირებულებამ შეადგინა 23.1 ათასი ლარი, ხოლო დამატებით შესასრულებელი სამუშაოების ღირებულებამ 44.4 ათასი ლარი.

2013 წელს ადგილი აქვს ისეთ შემთხვევებს როდესაც გუბერნატორის ადმინისტრაციის თანამშრომლები შვებულებაში ყოფნის დროს სარგებლობდნენ მათზე მიმაგრებული ავტომობილებით და შესაბამისად ხდებოდა საწვავის ხარჯის გაწევა. კერძოდ: გუბერნატორის მოადგილე 2013 წლის 21 ნოემბრიდან 21 დეკემბრამდე იმყოფებოდა შვებულებაში. საწვავის ჩასხმის ელექტრონული ბარათის მიხედვით ამ პერიოდში მას ჩასხმული აქვს 700 ლიტრი საწვავი, სახელმწიფო ზედამხედველობის სამსახურის უფროსს 2013 წლის 7 მაისიდან 13 მაისამდე და 10 სექტემბრიდან 26 სექტემბრამდე შვებულებაში ყოფნის პერიოდში ჩასხმული აქვს 323 ლიტრი საწვავი.

საერთაშორისო მნიშვნელობის მცხეთა-სტეფანწმინდა-ლარსის საავტომობილო გზის 132კმ-ზე მდინარე თერგზე გველეთის ხიდის მშენებლობის მიმდინარეობისას, ხიდის განაპირა და შუალედური ბურჯებისათვის ქვაბულის ექსკავაციის დროს, აღმოჩნდა, რომ ფაქტიურად არსებული გრუნტის კატეგორია არ შეესაბამება პროექტში ასახულ გრუნტის კატეგორიას. იმის გათვალისწინებით, რომ პროექტით გათვალისწინებული საძირკვლის მოწყობა დაუშვებელი იყო მსგავსი ტიპის გრუნტებზე, საჭირო გახდა დამატებითი სამუშაოების განხორციელება, რისთვისაც გაფორმდა ახალი ხელშეკრულება 931.6 ათასი ლარის ღირებულებით. აღნიშნულმა სამუშაოებმა თავის მხრივ გაახანგრძლივა პროექტის დასრულების ვადა 5 თვით.

არაფინანსური აქტივების ანალიზური აღრიცხვისათვის არ იყო გახსნილი საინვენტარო ბარათები თითოეული საინვენტარო ნომრისა და მატერიალურად პასუხისმგებელი პირის მიხედვით. ასევე, ასეთ პირებთან მოქმედი კანონმდებლობის შესაბამისად არ გაფორმებულა შესაბამისი ხელშეკრულებები სრულ მატერიალურ პასუხისმგებლობაზე, რაც შეუსაბამოა „ბიუჯეტების დაფინანსებაზე მყოფი ორგანიზაციების ბუღალტრული აღრიცხვის შესახებ“ საქართველოს ფინანსთა მინისტრის 2007 წლის 28 დეკემბრის N 1321 ბრძანებით დამტკიცებული ინსტრუქციის მე-18 მუხლის მე-3 და მე-6 პუნქტების მოთხოვნებთან.

სსიპ „საგანმანათლებლო და სამეცნიერო ინფრასტრუქტურის განვითარების სააგენტოს“ მიერ განხორციელებული რიგი სკოლების მშენებლობის შემთხვევაში, საპროექტო დოკუმენტაციაში გეოლოგიურმა უზუსტობებმა და ნიადაგის არასრულყოფილმა შესწავლამ გამოიწვია დამატებითი სახსრების მობილიზება გაუთვალისწინებელი ხარჯების რეზერვიდან, სულ 30.5 ათასი ლარის ოდენობით. ხოლო რიგ შემთხვევაში, განსახორციელებელი სამუშაოების ხარჯთაღრიცხვაში გაუთვალისწინებლობამ გამოიწვია პროექტის ფარგლებში აღნიშნული სამუშაოების განუხორციელებლობა.

გუბერნატორის ადმინისტრაციაში ხელშეკრულებების საფუძველზე მთელი ან გარკვეული პერიოდის განმავლობაში 2012-2014 წლებში დასაქმებული იყო 5 შტატგარეშე მომუშავე და მათზე ანაზღაურებულია 2012 წელს 39.1 ათასი ლარი, 2013 წელს 21.9 ათასი ლარი, ხოლო 2014 წელს 31.4 ათასი ლარი.,,საჯარო სამსახურის შესახებ“ საქართველოს კანონის მე-8 მუხლის თანახმად, შტატგარეშე მოსამსახურე არის პირი, რომელიც დანიშვნით ან შრომითი ხელშეკრულებით გარკვეული ვადით მიიღება სამსახურში არამუდმივ ამოცანათა შესასრულებლად, ფაქტობრივად კი წარმოდგენილი ხელშეკრულებების ანალიზით ირკვევა, რომ შტატგარეშე მომუშავე რეფერენტები 2012-2014 წლებში აყვანილი იყო 11-12 თვის განმავლობაში მუდმივ ამოცანათა შესასრულებლად, რომლებიც მთელი წლის განმავლობაში ასრულებდნენ ერთი და იგივე სამუშაოს. ხელშეკრულებების მიხედვით მათ ფუნქციებში შედიოდა გუბერნატორის ადმინისტრაციაში დებულებით გათვალისწინებულ ამოცანათა შესრულება, რაც შტატით მომუშავე თანამშრომლების მოვალეობაა. ერთ შემთხვევაში კი შტატგარეშე მოსამსახურე 2012 წლის 10 ივლისის შრომითი ხელშკრულებით ოთხი თვის განმავლობაში ასრულებდა გუბერნატორის მოადგილის თანამდებობით გათვალისწინებულ უფლება-მოვალეობებს.

12 საგანმანათლებლო დაწესებულების მშენებლობის პროექტიდან, სამი საჯარო სკოლის შემთხვევაში, მხოლოდ მშენებლობის სამუშაოების დაწყების შემდგომ გაირკვა, რომ მშენებლობისათვის გამოყოფილი ტერიტორიის საზღვრები საჭიროებდა დაზუსტებას, რამაც, თავის მხრივ, გამოიწვია პროექტით გათვალისწინებული სამუშაოების დასრულების თარიღის გადავადება.

2012 წელს ადმინისტრაციის თანამშრომლის ამერიკის შეერთებულ შტატებში მივლინებისათვის მოხდა 1.0 ათასი ლარის ზედმეტად ანაზღაურება.

საქართველოს შრომის, ჯანმრთელობისა და სოციალური დაცვის სამინისტროს მიერ განხორციელებული პროექტების, დედოფლისწყაროსა და რუხში მრავალპროფილიანია სამედიცინო დაწესებულებების მშენებლობის შემთხვევაში, ხშირია პროექტით გათვალისწინებული სამუშაოების ცვლილება საპროექტო დოკუმენტაციებში არსებული უზუსტობებისა და მშენებლობისათვის გათვალისწინებული ტერიტორიის არასრულყოფილად შესწავლის გამო. იმის გათვალისწინებით, რომ ამჟამად, ორივე პროექტი მიმდინარეა და საპროექტო დოკუმენტაცია ოფიციალურად არ დაკორექტირებულა, აღნიშნული ცვლილებების გავლენა პროექტის ბიუჯეტზე აუდიტის პროცესში ვერ მოხერხდა.

წარმომადგენლობითი ხარჯების დაფინანსების მიზნით მთავრობის სარეზერვო ფონდიდან გუბერნატორის სახელზე გახსნილ ანგარიშზე სახაზინო სამსახურიდან 2012 წლის გადარიცხულია 5.9 ათასი ლარი, საიდანაც 2.0 ათასი ლარი გატანილია ბანკომატიდან, თუმცა ხარჯის დამადასტურებელი პირველადი დოკუმენტი(ჩეკი ან მიღება-ჩაბარების აქტი)წარმოდგენილი არ არის. წარმოდგენილი დოკუმენტებით ღონისძიების გამართვის საჭიროება და მიზნობრიობა ვერ დგინდება, არ ჩანს ვის გაეწია მომსახურება. შესაბამისად, შეუძლებელია პერსონების იდენტიფიცირება და გაწეული ხარჯის მიზნობრიობის დადგენა.

სამშენებელო კომპანიის მიზეზით შეწყდა/შეჩერდა 3 პროექტი. მათ შორის შიდა სახელმწიფოებრივი მნიშვნელობის თიანეთი-ზარიძეები-ჟინვალის ს/გზის (კმ10-კმ23) მონაკვეთის სამშენებლო-სარეკონსტრუქციო სამუშაოები და სოფელ ლამბალოს სკოლის მშენებლობა წარმოადგენენ შეწყვეტილ პროექტებს. მშენებელმა კომპანიებმა ვერ შეძლეს სამუშაოების წარმოება და პროექტის დასრულება, რის გამოც შეუჩერდათ ხელშეკრულებები და დაეკისრათ შესაბამისი ჯარიმები. ორივე პროექტის ფარგლებში გაწეული ჯამური ხარჯი შეადგენს 15,658 ათას ლარს. ახალი დიოკნისეს სკოლის მშენებლობის შემთხვევაში კი, პროექტით გათვალისწინებული სამუშაოები შეჩერებული იყო 5 თვის განმავლობაში, რადგან სამშენებლო კომპანიას შეუწყდა ხელშეკრულება დაკისრებული მოვალეობების შეუსრულებლობის გამო. 2015 წლის 3 აგვისტოდან სამუშაოები განაახლა ახალმა სამშენებლო კომპანიამ და ამჟამად, აღნიშნული პროექტი წარმოადგენს მიმდინარე პროექტს.

2012 წელს საწვავი შეძენილი იყო ტალონების სახით. ხდებოდა გამოყოფილი საწვავის ლიმიტის ბოლომდე ათვისება და შესაბამისად, არ ფიქსირდებოდა გაუხარჯავი ტალონების დაბრუნების არცერთი ფაქტი, ასევე არ წარმოებდა ავტომობილების მიერ გავლილი მანძილის (ე.წ. ოდომეტრების) აღრიცხვა. გაცემული საწვავის დამადასტურებელი ხარჯად აღიარება ხდებოდა საწვავის განაწილების უწყისით გაცემული ოდენობის მიხედვით.

რთულმა ბუნებრივმა პირობებმა გამოიწვია თბილისის შემოსავლელი საავტომობილო გზის მშენებლობის პროექტის შეჩერება და გზის ექსპლუატაციაში მიღების შეფერხება. აღნიშნული გარემოებების გათვალისწინება ვერ მოხდა როგორც დაგეგმვის, ასევე სამუშაოების პერიოდში ჩატარებული კვლევების შედეგად. დეპარტამენტმა კომპანიისაგან ჩაიბარა შესრულებული სამუშაოები გარდა დამეწყრილი 360 მეტრიანი მონაკვეთისა. პრემიერ-მინისტრის ბრძანებით, 2014 წელს ჩატარდა გეოლოგიური კვლევები დაზიანებულ მონაკვეთზე, შეფასდა სამუშაოების შესრულების სირთულე და შემოთავაზებულ იქნა პრობლემის გადაჭრის გზები. აღნიშნული კვლევებისათვის სახელმწიფო ბიუჯეტიდან მიიმართა 299,112 ლარი. თუმცა, ამ მომენტამდე პრობლემური მონაკვეთების რეკონსტრუქცია/მშენებლობა არ მომხდარა.

,,ჰიუნდაი სონატა“-ზე სახ. ნომრით PBP-282 მინიმუმ 17372 ლიტრი საწვავი, ხოლო ავტომანქანა ,,ვაზ 21214“ სახელმწიფო ნომრით BHP-877 მინიმუმ 11406 ლიტრი საწვავი ჩამოწერილია ზედმეტად.

2012 წელს საქართველოს შრომის, ჯანმრთელობისა და სოციალური დაცვის სამინისტრომ სენაკში, ლანჩხუთსა და თელავში ფსიქიატრიული კლინიკების მშენებლობისათვის შეისყიდა საპროექტო დოკუმენტაცია ჯამური ღირებულებით 151 ათასი ლარი. თუმცა, იმავე წელს სამინისტრომ შეწყვიტა აღნიშნული პროექტი დასაბუთების გარეშე.

ავტომანქანა ,,ოპელ ვექტრა“სახ. ნომერით KAN-015, 2012 წელს მიმაგრებული იყო სოფლის მეურნეობის განვითარების სამსახურზე. ლიმიტირებული საწვავის განაწილების უწყისების თანახმად, ყოველთვიურად 550 ლიტრი საწვავის ტალონის მიღებაზე ხელს აწერდა აღნიშნული სამსახურის უფროსი, რამაც 2012 წელს სულ შეადგინა 6600 ლიტრი (ბენზინი). აღნიშნულმა პიროვნებამ 2015 წლის 17 ივნისის წერილობით განმარტებაში აღნიშნა, რომ, ის არ სარგებლობდა სამსახურებრივი ავტომანქანით. ბენზინი ეძლეოდა უწყისით, თუმცა ტალონების გამოყენება და ბენზინის ხარჯვა არ განუხორციელებია, ხოლო თუ ვინ გამოიყენა საწვავის ტალონები, მას ამის შესახებ პასუხი არ აქვს. ამდენად, აუდიტის ჯგუფმა ვერ მიიღო სათანადო რწმუნება ხარჯებში ჩამოწერილი 6600 ლიტრი საწვავის ხარჯვის მიზნობრიობაზე.

2012 წლის „სამედიცინო დაწესებულებათა რეაბილიტაციისა და აღჭურვის“ პროგრამით იყო ასევე, განსაზღვრული პათოლოგიების ლაბორატორიის შექმნა, რისთვისაც 2012 წელს სამინისტრომ შეისყიდა საპროექტო დოკუმენტაცია. ლაბორატორიის კარკასის მშენებლობის დასრულების შემდგომ, რომლის საერთო ღირებულება შეადგენს 829.3 ათას ლარს, დასაბუთების გარეშე შეწყდა პროექტი და დღემდე არ არის განსაზღვრული თუ როდის აღდგება სამუშაოები.

აუდიტის ჯგუფმა ვერ მიიღო სათანადო რწმუნება ავტომანქანა ,,მერსედეს ბენცზე“ 2012 წელს ჩამოწერილი 6400 ლიტრი საწვავის რეალობასთან დაკავშირებით.

2012 წელს ჯანმრთელობის დაცვის ერთიანი საინფორმაციო სისტემის ფარგლებში სამინისტრომ დაიწყო ელექტრონული სამედიცინო ჩანაწერების (EMR) სისტემის განვითარება, რომლის დანერგვაც უნდა მომხდარიყო ორ ფაზად. სამინისტრომ 2013 წლის ბოლოს ჩაიბარა 10,949.9 ათასი ლარის ღირებულების პროექტის პირველი ფაზის სრული სამუშაოები. მიუხედავად გაწეული ინვესტიციის მოცულობისა, პირველი ეტაპის სამუშაოების ჩაბარების შემდეგ შეჩერდა პროექტის განხორციელება და მხოლოდ 2015 წლის ივლისიდან სამინისტრომ განაახლა პროექტი. სამინისტროს ინფორმაციით, პროექტის შეჩერება გამოიწვია საყოველთაო ჯანდაცვის პროგრამის დანერგვამ, რისთვისაც საჭირო იყო ელექტრონული მართვის სისტემის შექმნა, რაც ხორციელდებოდა USAID მიერ დაფინანსებული ჯანდაცვის მართვის საინფორმაციო სისტემის (HMIS) განვითარების ფარგლებში. თუმცა, არც პროექტის შეჩერებისა და არც განახლების შესახებ გადაწყვეტილების მიღებისას არ მომხდარა აღნიშნულ გადაწყვეტილებებთან დაკავშირებული ხარჯების, სარგებლისა და რისკების ანალიზი.

გარდა ლიმიტირებული საწვავისა, გუბერნატორის განკარგულებების საფუძველზე, 2012 წლის სექტემბრიდან 2013 წლის 1 იანვრამდე პერიოდში, სამსახურის უფროსებზე და სპეციალისტებზე ქვემო ქართლის მუნიციპალიტეტებში მივლინებისას სხვადასხვა სამსახურებრივ ავტომანქანებზე დამატებით გახარჯულია 9000 ლიტრი საწვავი(ტალონებით). აუდიტით დადგინდა, რომ არცერთ მივლინების განკარგულებაში მითითებული არ არის მივლინების მიზანი, ასევე არ ხდებოდა შესაბამისი ანგარიშების წარმოდგენა მივლინებიდან დაბრუნების შემდეგ. ამასთან, სხვა წლებში(2011, 2013,2014) ქვეყნის შიგნით მივლინებისათვის საწვავის ხარჯი არ გაწეულა. აუდიტის ჯგუფმა ვერ მიიღო სათანადო რწმუნება გახარჯულად ნაჩვენები 9000 ლიტრი საწვავის მიზნობრიობის შესახებ.

პროექტის განხორციელები ეტაპზე არ არის განსაზღვრული მექანიზმი, რომლის მეშვეობით მოხდებოდა პროექტის შესახებ მნიშვნელოვანი ცვლილებების (შეწყვეტა, არსებითი მოდიფიკაცია) დასაბუთება სხვადასხვა ფაქტორების გათვალისწინებით, როგორებიცაა მაგალითად, უკვე გაწეული და სამომავლო ხარჯი, მისაღები სარგებელი და ა.შ., რაც ნეგატიურ გავლენას ახდენს პროექტის მდგრადობაზე და ვერ უზრუნველყოფს მის შესაბამისობას თავდაპირველ მოტივაციასა და მიზნებთან.

ადგილი აქვს ისეთ შემთხვევებს, როდესაც გუბერნატორის ადმინისტრაციის თანამშრომლები შვებულებაში ყოფნის პერიოდში სარგებლობდნენ სამსახურებრივი ავტომანქანებით და შესაბამისად ლიმიტირებული საწვავით.

განსაზღვრული არ არის პროექტების ზედამხედველების მიერ მონიტორინგის შედეგების წარდგენის ფორმა და პერიოდულობა პროექტის განმახორციელებლებისათვის. არ მზადდება სამუშაოების მიმდინარეობის მონიტორინგის ამსახველი ანგარიშები. შედეგად არ ხდება პროექტების მიმდინარეობის შესახებ სრულყოფილი ინფორმაციის აკუმულირება და შესაბამისად, დაინტერესებული მხარეებისათვის გართულებულია კონკრეტული პროექტების მიმდინარეობის შესახებ ინფორმაციის მიღება. მონიტორინგის შედეგების წარმოდგენის არასტანდარტიზებული სახე ართულებს პროექტის შეფასებას როგორც განხორციელების ეტაპზე, ასევე, პროექტის დასრულების შემდგომ.

განსაზღვრული არ არის პროექტების ზედამხედველების მიერ მონიტორინგის შედეგების წარდგენის ფორმა და პერიოდულობა პროექტის განმახორციელებლებისათვის. არ მზადდება სამუშაოების მიმდინარეობის მონიტორინგის ამსახველი ანგარიშები. შედეგად არ ხდება პროექტების მიმდინარეობის შესახებ სრულყოფილი ინფორმაციის აკუმულირება და შესაბამისად, დაინტერესებული მხარეებისათვის გართულებულია კონკრეტული პროექტების მიმდინარეობის შესახებ ინფორმაციის მიღება. მონიტორინგის შედეგების წარმოდგენის არასტანდარტიზებული სახე ართულებს პროექტის შეფასებას როგორც განხორციელების ეტაპზე, ასევე, პროექტის დასრულების შემდგომ.

განსაზღვრული არ არის პროექტების ზედამხედველების მიერ მონიტორინგის შედეგების წარდგენის ფორმა და პერიოდულობა პროექტის განმახორციელებლებისათვის. არ მზადდება სამუშაოების მიმდინარეობის მონიტორინგის ამსახველი ანგარიშები. შედეგად არ ხდება პროექტების მიმდინარეობის შესახებ სრულყოფილი ინფორმაციის აკუმულირება და შესაბამისად, დაინტერესებული მხარეებისათვის გართულებულია კონკრეტული პროექტების მიმდინარეობის შესახებ ინფორმაციის მიღება. მონიტორინგის შედეგების წარმოდგენის არასტანდარტიზებული სახე ართულებს პროექტის შეფასებას როგორც განხორციელების ეტაპზე, ასევე, პროექტის დასრულების შემდგომ.

პროექტის დასრულების შემდგომ არ ხდება მიღწეული შედეგების შეფასება და პროექტის განხორციელების შედეგად დაგროვებული ცოდნისა და გამოცდილების გამოყენება შემდგომი პერიოდების პროექტების დაგეგმვისას. შედეგად არ არსებობს ინფორმაცია პროექტების მიერ მიღწეული შედეგების შესახებ. ამას გარდა, ცოდნისა და გამოცდილების გაუთვალისწინებლობა იწვევს განმეორებითი ხასიათის ხარვეზებს, რასაც საბოლოოდ, მივყავართ საბიუჯეტო სახსრების არაეფექტიან და არაეკონომიურ განკარგვამდე.

შპს "გაერთიანებული სამელიორაციო სისტემების კომპანიის" მიერ საირიგაციო სისტემის არაპროდუქტიული მართვა: საირიგაციო მომსახურების მიწოდება არათანაბარია, არხის დასაწყისში განლაგებული მიწის ფართობები წყალს გადაჭარბებით მოიხმარენ , როდესაც შუაში და ბოლოში წყლის მძაფრი ნაკლებობაა. წყლის თანაბარი მიწოდების შემთხვევაში შესაძლებელი იქნებოდა 641.0 ათასი ლარის ღირებულების დამატებითი შემოსავლის მიღება.

სახელმწიფო ირიგაციის პოლიტიკის ნაკლოვანებები: სახელმწიფო (წარმოდგენილი სამინისტროს სახით)ახორციელებს საირიგაციო მომსახურების მიწოდების სუბსიდირებას სოციალური მოსაზრებებიდან გამომდინარე, როდესაც მის სამოქმედო გეგმაში საუბარია საირიგაციო სფეროს კომერციალიზაციაზე. არ არის განსაზღვრული ამ ორი ურთიერთსაწინააღმდეგო მიზნის მისაღები ფარდობა, რომლის მიხედვითაც შესაძლებელი იქნება მომავალში პოლიტიკის განმახორციელებელთა საქმიანობის შეფასება. სამელიორაციო/საირიგაციო სისტემის ფუნქციონირებისთვის კონკრეტული კანონი, რომელიც განსაზღვრავდა მის მიმართულებებსა და ზოგად მიზნებს შემუშავებული არ არის. ასევე, არ არის მომზადებული ირიგაციის სექტორული სტრატეგია.

წყალმოხმარების ტარიფის ოდენობისა და სტრუქტურის არაადექვატურობა: ტარიფის სტრუქტურა მოუქნელია, ვინაიდან გაიანგარიშება ერთჯერადი გადასახადის სახით 75 ლარის ოდენობით 1 ჰექტარზე, მორწყვის ჯერადობის მიუხედავად და შესაბამისად, არ არის დამოკიდებული მოხმარებული წყლის რაოდენობაზე. აგრეთვე, არსებული სტრუქტურა არ უწყობს ხელს წყლის რაციონალურ მოხმარებას. სისტემისთვის სტრატეგიული მართვის საკითხების გადაწყვეტის შემდეგ შესაძლოა აუცილებელი გახდეს ტარიფის ოდენობის გადახედვა.

ფერმერთა უმნიშვნელო ჩართულობა საირიგაციო სისტემის მოვლა–შენახვასა და მომსახურების მიწოდების პროცესში. აუდიტის პროცესში შესწავლილ სისტემურ სამმართველოებში გასარწყავებული ფართობის დიდი ნაწილი ვერ იღებს წყალს შიდა ქსელის მოუწესრიგებლობის გამო. იმის გათვალისწინებით, რომ შიდა ქსელის მოწესრიგება მხოლოდ კონკრეტულ ფერმერთა პრობლემას არ წარმოადგენს და სახელმწიფოს მიერ შესაბამისი ღონისძიებების ჩატარებასთან ერთად, ფერმერთა ერთობლივ ძალისხმევას მოითხოვს, მნიშვნელოვანია, ადგილობრივი მთავრობები ახდენდნენ ფერმერთა ორგანიზებას.

მყარი ნარჩენების მართვის ლოჯისტიკა: საქართველოს მასშტაბით არ მიმდინარეობს საყოფაცხოვრებო მყარი ნარჩენების რაოდენობაზე დაკვირვება, მათი ზუსტი რაოდენობის დასადგენად. ქ. თბილისში მარშრუტებზე ნაგავმზიდების რაოდენობა არაოპტიმალურადაა განაწილებული, უმეტეს შემთხვევაში დღის განმავლობაში ორ ცვლაში ორი სხვადასხვა ნაგავმზიდი მუშაობს, თითოეულ რაიონში მარშრუტის რაოდენობა ორივე ცვლაში დაახლოებით იმდენივეა, რამდენი ნაგავმზიდიც ემსახურება ამ რაიონს. შპს "თბილსერვის ჯგუფს" მარშუტები არაოპტიმალურად აქვს გადანაწილებული რადგან თითო ცვლაში ნაგავმზიდები დადგენილ მარშრუტზე მინიმუმ 2 შემოვლას ახორციელებენ, ხოლო მეორე შემოვლის დროს მანქანები საშუალოდ 70%-ით ცარიელი ბრუნდებიან. შესაბამისად 77 200.0 ათასი ლარი არაეფექტიანად არის გახარჯული.

ნარჩენების მოსაკრებელი თვითმმართველ ქალაქებსა და მუნიციპალიტეტებში: ჩატარებული ანალიზის საფუძველზე შეიძლება ითქვას, რომ მოსაკრებლის ე.წ ბილინგის სისტემა მუნიციპალიტეტებში არ მუშაობს. მოსაკრებლის შეგროვება ჩამოყალიბებული სისტემით არ მიმდინარეობს, რაც პირდაპირ აისახება მუნიციპალიტეტების ბიუჯეტის შემოსულობებზე. აუდიტის ჯგუფის მიერ ჩატარებული ანალიზიდან ირკვევა, რომ მოსაკრებლიდან მიღებული შემოსავალი ძალზედ დაბალია გაწეულ ხარჯებთან მიმართებაში და ტარიფის დაწესება არანაირ ანალიზს არ ემყარება. 2014 წლის მდგომარეობით გამოკითხული 49 მუნიციპალური ერთეულიდან 8 მუნიციპალიტეტს ტარიფი საერთოდ არ აქვს განსაზღვრული, დარჩენილი 41 მუნიციპალიტეტიდან კი 37-ს ტარიფი მინიმალური ზღვრის მიხედვით აქვს დაგენილი.

პრეზიდენტის ბრძანებულებით 27 მაისი გამოცხადებულია დიასპორის დღედ და 2007 წლიდან იგი ყოველწლიურად აღინიშნება საქართველოში. მთავრობის სარეზერვო ფონდიდან ქართული დიასპორის დღის აღნიშვნასთან დაკავშირებული ღონისძიებების დასაფინანსებლად აპარატისთვის 2012 წელს გამოყოფილია 265.0 ათასი ლარი (ათვისებულ იქნა 206.8 ათასი ლარი), 2013 წელს - 232.3 ათასი ლარი (ათვისებულ იქნა 122.2 ათასი ლარი), ხოლო 2014 წელს - 150.0 ათასი ლარი (ათვისებულ იქნა 135 .5 ათასი ლარი, აუთვისებელი რესურსი 14.5 ათასი ლარის ოდენობით მიმართულია მთავრობის სარეზერვო ფონდში).საბიუჯეტო კოდექსის თანახმად , საქართველოს პრეზიდენტისა და საქართველოს მთავრობის სარეზერვო ფონდებიდან სახსრები გამოიყოფა სახელმწიფო ბიუჯეტით გაუთვალისწინებელი გადასახდელების დასაფინანსებლად, რომელთა გათვალისწინება ობიექტური გარემოებების გამო სახელმწიფო ბიუჯეტის დაგეგმვის ეტაპზე შეუძლებელია. აღნიშნული ღონისძიების ყოველწლიური ხასიათიდან და მნიშვნელობიდან გამომდინარე, იგი არ შეიძლება ჩაითვალოს გაუთვალისწინებელ ხარჯად და შესაბამისად უნდა ასახულიყო „სახელმწიფო ბიუჯეტის შესახებ“ საქართველოს კანონში. აღსანიშნავია, რომ ღონისძიება აპარატის მიერ გათვალისწინებული იყო საშუალოვადიანი სამოქმედო გეგმის და პრიორიტეტების საშუალოვადიანი ბიუჯეტის შესახებ ფინანსთა სამინისტროში წარდგენილ ინფორმაციებში.

ძველი და ახალი ნაგავსაყრელების გარემოზე ზემოქმედება: მიუხედავად კომპანიების მიერ ჩატარებული კეთილმოწყობის ღონისძიებებისა, ძველი ნაგავსაყრელები კვლავ მოუწყობელი რჩება, რაც მუდმივი დაბინძურების წყაროს წარმოადგენს. გარემოს დაცვის სამინისტროს მიერ არ ხდება ჰაერის, წყლისა და ნიადაგის დაბინძურების ნორმების მონიტორინგი პრობლემების აღმოფხვრის და პრევენციის მიზნით. ქ. თბილისის მომსახურე ნაგავსაყრელის გახსნა გარემოზე ზემოქმედების შეფასების პროცედურებისგან გათავისუფლებით განხორციელდა, რაც საკანონმდებლო ხარვეზებზე მიუთითებს. ნაგავსაყრელის მშენებლობა წარიმართა გარემოზე ზემოქმედების ნებართვის არასრული პროცედურების დაცვით. ახალი ნაგავსაყრელები აეროპორტთან საერთაოშორისო სტანდარტების დაცვის დარღვევითაა აშენებული. სტანდარტები არ არის დაცული არც თბილისის სამოქალაქო და არც ვაზიანის სამხედრო აეროპორტის შემთხვევაში

მთავრობის სარეზერვო ფონდიდან საბიუჯეტო სახსრების გამოყოფა ხდება ისეთი ღონისძიებების დასაფინანსებლად, რომლებიც არ ატარებენ სისტემატიურ ხასიათს, თუმცა მათი მნიშვნელობიდან, მასშტაბიდან და ხასიათიდან გამომდინარე არ შეიძლება ჩაითვალოს გაუთვალისწინებელ ხარჯად. შესაბამისად, შესაძლებელია მათი მხარჯავი დაწესებულების ასიგნებებში ბიუჯეტის დაგეგმვის ეტაპზე გათვალისწინება. მთავრობის სარეზერვო ფონდიდან უცხოეთში მცხოვრები თანამემამულეების, დიასპორული ორგანიზაციების, ქართული საკვირაო სკოლებისა და შემოქმედებითი კოლექტივების მხარდამჭერი ღონისძიებების დასაფინანსებლად აპარატისათვის 2012 წელს გამოყოფილია 400.0 ათასი ლარი, 2013 წელს - 400.0 ათასი ლარი, ხოლო 2014 წელს - 128.0 ათასი ლარი.

სტიქიური ნაგავსაყრელების აღმოფხვრა და ახალი კერების პრევენცია: არ არსებობს მომსახურება და ნარჩენების მართვის სისტემა, რასაც საფუძვლად უდევს საკანონმდებლო ხარვეზები. არ არსებობს ერთიანი საკანონმდებლო მიდგომა, რომელიც განსაზღვრავს პასუხისმგებელ ორგანოს, რომელსაც დაეკისრება ვალდებულება სოფლებსა და რაიონულ ცენტრებში ნარჩენების მართვის კუთხით. სოფლებში არ არსებობს ნარჩენების შეგროვების და გატანის მომსახურება, შესაბამისად არ დგას ურნები და მოსახლეობა იძულებულია ნარჩენები განათავსოს მის მიერ შერჩეულ ტერიტორიაზე. არ არსებობს სამშენებლო ნარჩენების რეგულირების წესი ან კანონი, რომლის მიხედვითაც განისაზღვრება მათი განთავსების ადგილი ან განკარგვის წესი. არ ხდება სამშენებლო ნარჩენების გადამუშავება და მეორად მოხმარებაში გამოყენება, რის შედეგადაც შემცირდება სამშენებლო ნარჩენები და მათ მიერ გამოწვეული ზიანის დონე. როგორც პრაქტიკიდან ჩანს, აღნიშნული ცნობიერების ამაღლების ღონისძიებები არასაკმარისია, რადგან არ გააჩნია მასშტაბური ხასიათი და არ ფარავს როგორც ყველა სამიზნე ჯგუფს, ასევე, სრულიად საქართველოს ტერიტორიას.

2013 წელს დამტკიცებული ბიუჯეტით, „შრომის ანაზღაურების“ მუხლი ქ. თბილისის მუნიციპალიტეტის საკრებულოსათვის შეადგენდა 3 922.9 ათას ლარს, რაც წლის განმავლობაში ნაცვლად დასაშვები 326.9 ათასი ლარისა, გაიზარდა 2 465.9 ათასი ლარით და 6 388.8 ათასი ლარი შეადგინა. შედეგად, „შრომის ანაზღაურების“ მუხლი ზედმეტადაა გაზრდილი 2 139.0 ათასი ლარით.

მთავრობის სარეზერვო ფონდიდან აპარატის შეუფერხებელი ფუნქციონირებისათვის საჭირო ხარჯების დასაფინანსებლად 2012 წელს გამოყოფილია 100.0 ლარი (ათვისებულია 86 725 ლარი), ხოლო 2014 წელს - 117 000 ლარი (ათვისებულია 116 894 ლარი).

ფარმაცევტული პროდუქტის წარმოება - სტრატეგიის, სამოქმედო გეგმის განუსაზღვრელობა. სამინისტროში არსებული ტექნოლოგიური რეგლამენტი, რომელიც გარდამავალ პერიოდში მოქმედებს, იურიდიულ საფუძველს მოკლებულია, ამავდროულად მოძველებულია და მნიშვნელოვნად ჩამორჩება საუკეთესო საწარმოო პრაქტიკას. შესაბამისად, ადგილობრივი წარმოების პროცესთან მიმართებით არ არსებობს სტანდარტიზებული ნორმები, ხოლო სტრატეგიული ხედვა და სამოქმედო გეგმა კარგი საწარმოო პრაქტიკის დასანერგად შემუშავებული არ არის.

2014 წელს დამტკიცებული ბიუჯეტით, „შრომის ანაზღაურების“ მუხლი შეადგენდა 6 959.0 ათას ლარს, რაც წლის განმავლობაში დასაშვები 579.9 ათასი ლარის ნაცვლად გაიზარდა 1 379.0 ათასი ლარით და 8 338.0 ათასი ლარი შეადგინა. შედეგად, 2014 წელს „შრომის ანაზღაურების“ მუხლი გაიზარდა დასაშვებზე 799.1 ათასი ლარით მეტი თანხით.

2012-13 წლებში ღონისძიების ფარგლებში სარეზერვო ფონდიდან გამოყოფილი თანხების აუთვისებელი ნაწილი მიიმართებოდა აპარატის შეუფერხებელი ფუნქციონირებისათვის საჭირო ხარჯების დასაფინანსებლად, თუმცა აპარატის მიერ ვერ ხერხდებოდა აღნიშნული რესურსის სრულად ათვისება. აუთვისებელმა თანხამ 2012 წელს შეადგინა 101.0 ათასი ლარი, ხოლო 2013 წელს 6.4 ათასი ლარი. აპარატის შეუფერხებელი ფუნქციონირებისთვის მთავრობის სარეზერვო ფონდიდან გამოყოფილმა თანხებმა დამტკიცებულ ბიუჯეტთან მიმართებით 2012 წელს შეადგინა - 36.6 % 311.5 ათასი ლარი, 2013 წელს - 8.2 % 70.0 ათასი ლარი , ხოლო 2014 წელს - 12.9 % 117.0 ათასი ლარი რაც მიუთითებს ბიუჯეტის დაგეგმვის ხარვეზზე.

კლინიკური კვლევის ნებართვის გაცემის წესის და შემოწმების მეთოდოლოგიური ნაკლოვანება. კლინიკური კვლევების მარეგულირებელი მოქმედი კანონმდებლობა არ არის სრულ შესაბამისობაში აღიარებულ საერთაშორისო სტანდარტთან. ნებართვის გაცემის შემდგომ პერიოდში არ ხდება კლინიკური კვლევის მეთოდოლოგიურად განსაზღვრული, რისკზე და გარკვეული მოცვის უზრუნველყოფაზე დაფუძნებული კონტროლი.

2012 წელს პრემიის სახით გაცემულია 1 095.9 ათასი ლარი, რაც „თანამდებობრივი სარგოს“ მუხლით დახარჯული თანხის 42,7 %-ს შეადგენს. 2013 წელს პრემიის მოცულობა 2 863.2 ათასი ლარია, თანამდებობრივი სარგოს - 81,5%. 2014 წელს საპრემიო თანხა და სახელფასო დანამატი 4 249.8 ათას ლარს შეადგენს, აღემატება თანამდებობრივ სარგოს და ამ მუხლის 106,5%-ია. რიგ შემთხვევაში პრემია გაცემულია თანამდებობრივი სარგოს 200%-300%-ის ოდენობით.

აპარატის ხელმძღვანელობის მიერ, 2014 წლის ფინანსური ანგარიშგების შედგენამდე, ბუღალტრული აღრიცხვისა და ანგარიშგების მონაცემების უტყუარობის უზრუნველყოფის მიზნით ქონების, მოთხოვნებისა და ვალდებულებების ინვენტარიზაცია არ განხორციელებულა.

აფთიაქზე ნებართვის გაცემის წესში არსებული ნაკლოვანებები. მოქმედი კანონმდებლობის შესაბამისად, ავტორიზებული აფთიაქის საქმიანობაზე გაცემული ნებართვები უვადოა, რაც საშუალებას არ აძლევს სააგენტოს მუდმივი მონიტორინგი გაუწიოს სანებართვო პირობებში მოქმედ აფთიაქებს, ფლობდეს ზუსტ და განახლებად ინფორმაციას ფუნქციონირებადი აფთიაქების და სანებართვო პირობების დაცვის მდგომარეობის შესახებ.

საკრებულოს მიერ წარმოდგენილი პრემიების გაცემის დოკუმენტაცია არ იძლევა საშუალებას გაირკვეს, რა კონკრეტული დამსახურებისთვის ხდებოდა მოსამსახურეთა პირადი წვლილის შეფასება და თანხის განსაზღვრა. აღსანიშნავია, რომ არსებული პრაქტიკის მიხედვით, პრემიები გაცემულია იმ თანამშრომლებზეც, რომლებიც იმყოფებოდნენ შვებულებაში და ვერ შეძლებდნენ საერთო შედეგში წვლილის შეტანას.

  2014 წელს არაფინანსური აქტივების ანალიზური აღრიცხვისთვის თითოეული საინვენტარიზაციო ნომრის მიხედვით არ მომხდარა საინვენტარიზაციო ბარათების გახსნა.

დისტრიბუციის სტანდარტის არარსებობა და არარეგულირებული დისტრიბუციასთან დაკავშირებული საკითხები. სამინისტროს არ აქვს შემუშავებული დისტრუბიციის პრქატიკა. აღნიშნულის არარსებობა რისკის ქვეშ აყენებს ქვეყანაში, მიმოქცევაში არსებული სამკურნალო საშუალების ხარისხს. რეგულაციებში არსებული ნაკლოვანებების გათვალისწინებით, ფარმაცევტული საქმიანობის დროს წამლის შენახვის, განთავსების და ტრანსპორტირების პირობები ვერ უზრუნველყოფს წამლის მოძრაობის პრინციპს უსაფრთხო გარემო პირობებში. სანებართვო პირობები და ნორმები ჩამორჩება საერთაშორისო აღიარებულ პრაქტიკას და სტანდარტებს, ამასთან არ იძლევა შემდგომი მონიტორინგის საშუალებას.

საკრებულოს თანამდებობის პირებსა და აპარატის მოხელეებზე დანამატის გაცემის წესი საკრებულოს თავმჯდომარემ გამოსცა ინდივიდუალური ადმინისტრაციულ-სამართლებრივი აქტის - ბრძანების სახით, რითაც დაირღვა „ნორმატიული აქტების შესახებ“ საქართველოს კანონის მოთხოვნები. ბრძანების საფუძველზე, 2014 წლის დეკემბერში თანამდებობის პირებზე დანამატის სახით გაცემულია 36.4 ათასი ლარი.

აპარატში 2014 წელს თანამშრომლებთან არ მომხდარა ხელშეკრულებების გაფორმება სრული პასუხისმგებლობის შესახებ მათზე მინდობილ ორგანიზაციის მატერიალური ფასეულობის შენახვისა და დაცულობის მიზნით.

წამლის რეგისტრაციის მასშტაბი შეზღუდულია, ასევე წამლის ეროვნული რეგისტრაციის პროცესში არ არის უზრუნველყოფილი წამლის ხარისხის, ეფექტიანობისა და უსაფრთხოების შემოწმება ისეთი მნიშვნელოვანი მექანიზმებით, როგორიცაა - გენერიკული სამკურნალო საშუალების გვერდით მოვლენებზე ინფორმაციის წარმოდგენა, წამლის ლაბორატორიული კონტროლი, ბიოექვივალენტობის სწორი მეთოდის გამოყენება, ინფორმაციის წარმოდგენა წამლის ანალიზის მეთოდების ვალიდურობაზე.

საკრებულოს წევრებზე, რომლებიც არ არიან თანამდებობის პირები, ხარჯების ანაზღაურების სახით სულ გაცემულია 1 449.1 ათასი ლარი. ხარჯების დასადასტურებლად აუდიტის ობიექტმა ვერ წარმოადგინა საკმარისი და შესაფერისი მტკიცებულებები.

2014 წლის ბალანსის შედგენის თარიღისთვის აპარატს სარგებლობაში გადმოცემული ფართი არ ჰქონდა შეფასებული და საბალანსო მუხლში - „შენობა-ნაგებობები“ ირიცხებოდა კუთვნილებაში არსებული ფართის ძველი საბალანსო ღირებულებით.

წამლის აღიარებითი რეგისტრაციის დროს - ცალმხრივი აღიარების მექანიზმით არ არის უზრუნველყოფილი ყველა იმ რისკის აღმოფხვრა, რასაც ორმხრივი აღიარების პირობებში ევროკავშირის მარეგულირებლები უზრუნველყოფენ. აღნიშნული განპირობებულია იმ ფაქტით, რომ კომუნიკაცია შესაბამის მარეგულირებელთან არ ხდება.

საკრებულოს მაჟორიტარების ოფისებში დასაქმებულთა რიცხოვნობა ცვალებადია და საანგარშო პერიოდში საშუალოდ 86 თანამშრომელს შეადგენს. საკრებულოსა და დაქირავებულებს შორის გაფორმებული ხელშეკრულებების შესწავლის შედეგად გამოვლინდა, რომ თანამშრომლები, რომლებიც დაქირავებული არიან ერთნაირი სამუშაოების შესასრულებლად, იღებენ არსებითად განსხვავებულ ანაზღაურებას.

მთავრობის 2014 წლის 15 ივლისის N449 დადგენილების ამოქმედების შემდეგ, პრემიების სახით გაწეული დანახარჯები შემცირდა 75 645 ლარით (58%-ით), თუმცა თითქმის იგევე ოდენობით, 75 687 ლარით (465%) გაიზარდა დანამატების ოდენობა. შესაბამისად, რეგულაციის შემოღების მიუხედავად აპარატმა თითქმის იმავე ოდენობის ხარჯი გაწია განაცეიმის სახით.

განსაზღვრული პრიორიტეტის შესაბამისად განხორციელებულ ინსპექტირებას არ აქვს მყისიერი შედეგი, ვინაიდან, სამართალდამრღვევი აფთიაქები საქმიანობის დაწყების სიმარტივიდან გამომდინარე, მუდმივად აგრძელებენ საქმიანობას, შესაბამისად ინსპექტირების სამმართველოს დიდი რესურსი პრიორიტეტის ფარგლებში იხარჯება, ამასთან დარეგისტრირებული წამლების, აფთიაქების, წარმოების, კლინიკური კვლევის რაოდენობა სანებართვო პირობების სიმარტივიდან გამომდინარე დიდია და შესაბამისად, მათი შემდგომი კონტროლი ადამიანურ რესურსებს უკავშირდება, ამასთან სააგენტოს არ ჰყავს რეგიონული ინსპექტორები, ხოლო ინსპექტორის მიერ შესასრულებელი სამუშაო არ არის დიფერენცირებული ფარმაცევტული საქმიანობის ტიპის მიხედვით. კერძოდ წარმოების, ისევე როგორც აფთიაქის, კლინიკური კვლევის, ფარმაცევტული პროდუქტის შერჩევით შესყიდვებს ერთიდაიგივე ინსპექტორები ახორციელებენ.

აუდიტის ობიექტმა ვერ წარმოადგინა საკრებულოს სტუმრებისათვის გადაცემული საჩუქრების დანიშნულებით გაცემის დამადასტურებელი საკმარისი და შესაფერისი მტკიცებულებები.

ა(ა)იპ-პედაგოგთა კავშირს „განათლება და სამყარო“ აპარატში პროექტი „პედაგოგი მშვიდობის რესურსი“ განსახილველად შეტანილი ჰქონდა 2012 წლის 20 მარტს, ხოლო აპარატის ხელმძღვანელობის მიმართვა და პრემიერ-მინისტრის ბრძანება დაფინანსების გამოყოფაზე, გამოცემულია შესაბამისად 15 და 5 დღით ადრე. ზემოაღნიშნული მიუთითებს, რომ აპარატის მიერ პროექტების განხილვა ატარებდა ფორმალურ ხასიათს.

ინსპექტირება სრულად ვერ უზრუნველყოფს მოსახლეობის დაცვას ფალსიფიცირების რისკებისგან - ნაკლოვანებებია მეთოდოლოგიურ პროცესში, გეოგრაფიულ მოცვაში. სააგენტოს არ აქვს სრული წარმოდგენა ფარმაცევტულ პროდუქციის მიმოქცევაში მონაწილე ფუნქციონირებადი პირების შესახებ, დაბალია სააგენტოს ინფორმირებულობა, არ არსებობს ინფორმაციის ურთიერთგაცვლის მექანიზმი სისტემაში ჩართულ სუბიექტებს შორის. აღნიშნული იწვევს ვარაუდს, რომ ბაზარი სრულად არ არის დაცული არსებული ფალსიფიკაციის და არაუსაფრთხო პროდუქციის რისკებისგან.

ქ. თბილისის საკრებულომ 2012 წელს საჩუქრებისათვის შეისყიდა 8 ცალი 2.3 ათასი ლარის ღირებულების საშობაო კალათა, სადაც შედიოდა ტკბილეული და ალკოჰოლური სასმელი, ხოლო 2014 წელს - 4.2 ათასი ლარის ტკბილეული და სასაჩუქრე კალათები. აღნიშნული დანახარჯი, ნაცვლად „წარმომადგენლობითი ხარჯების“ მუხლისა, არასწორად არის კლასიფიცირებული „სხვა ხარჯების“ მუხლში.

პროექტის „ნაბიჯი მშვიდობისაკენ“, რომელსაც ახორციელებდა არასამთავრობო ორგანიზაცია, განხორციელდა 2012 წლის 4-13 მაისს. ფაქტობრივი ხარჯთანუსხით პროექტის ხარჯებმა 10.9 ათასი ლარი შეადგინა, თუმცა წარმოდგენილი დოკუმენტები არ იძლევა საკმარის რწმუნებას იმის თაობაზე, რომ ეს ხარჯები გაწეულია პროექტის ფარგლებში, ხოლო რიგ შემთხვევებში, წარმოდგენილი პირველადი დოკუმენტები და ანგარიშები არ არის ერთმანეთთან შესაბამისობაში, რაც ეჭვს ქვეშ აყენებს პროექტისთვის გამოყოფილი თანხების მიზნობრივად გამოყენებას. ორგანიზატორთა განმარტებით ნაწილი ხარჯებისა, რომელიც არ იყო ასახული ანგარიშში, გაწეული იყო სხვა პროექტისთვის გამოყოფილი ასიგნებების ხარჯზე, ხოლო ნებართვა ასეთი სახის ქმედების განხორციელებაზე, აპარატის მხრიდან, რომელსაც ეკისრებოდა კონტროლი თანხების მიზნობრივად გამოყენებაზე, ვერ იქნა წარმოდგენილი.

საწარმოების მიერ არ არის განსაზღვრული ქვეყნისათვის მნიშვნელოვანი საწარმოების სია და ის საფუძვლები/კრიტერიუმები, თუ რა შემთხვევაში არის მიზანშეწონილი და შესაძლებელი სახელმწიფო საწარმოს, როგორც სამეწარმეო სუბიექტის დაფუძნება; სახელმწიფო საწარმოთა მართვის პრაქტიკა არ არის უნიფიცირებული და აღნიშნულთან დაკავშირებით ყველა სამინისტროს განსხვავებული მიდგომა აქვს.

საკრებულოს კუთვნილ ზოგიერთ ავტომანქანაზე დოკუმენტირებულად გაწერილი საწვავის ხარჯი მნიშვნელოვნად (71% - 89%-ით) აღემატება ექსპერტიზის მიერ დადგენილ ნორმებს.

აუდიტის მიმდინარეობის პერიოდში წარმოდგენილ იქნა პროექტის განმახორციელებელი ა(ა)იპ-„მშვიდობისა და რეინტეგრაციის რეგიონალური ქსელის“ საბანკო ანგარიშის ამონაწერი, რომლის მიხედვით აპარატის მიერ პროექტის განსახორციელებლად ჩარიცხული 49.4 ათასი ლარიდან არასამთავრობო ორგანიზაციის ხელმძღვანელის მიერ ხელზე გატანილმა თანხამ 15.1 ათასი ლარი შეადგინა, რის თაობაზეც სალაროს ოპერაციების ამსახველი დოკუმენტაცია არ არის წარმოდგენილი.

საწარმოთა მართვის პრაქტიკა არ არის უნიფიცირებული, შედეგად სააგენტოსა და სამინისტროებს შორის გართულებულია კოორდინაცია, რაც გადაწყვეტილებების დროულად მიღებას და თანამედროვე კორპორატიულ მმართველობას აფერხებს.

საკრებულოში საწვავის ლიმიტის ათვისების საშუალო მაჩვენებელი ავტომანქანებზე სხვადასხვა მეთოდით გაცემის პირობებში განსხვავებულია. კერძოდ, ტალონური სისტემით საწვავის განაწილებისას ათვისების მაჩვენებლი 100%-ია, ელექტრონული ბარათებით - 90 %, ხოლო „ჩიპებით“ - 74 %. აუდიტის ობიექტმა ვერ წარმოადგინა შესაფერისი მტკიცებულებები, რამ გამოიწვია ათვისების მაჩვენებლის სხვაობა.

2012 წელს სახელმწიფო მინისტრზე მივლინების საავანსო თანხები გაიცემოდა ნორმის ზევით, რომელმაც სულ 73.8 ათასი ლარი შეადგინა.

რეპორტინგის სისტემა დანერგილია მხოლოდ სააგენტოში (ნაწილობრივ), სამინისტროებზე მართვის უფლებით გადაცემული საწარმოები ფინანსურ და საქმიანობის ანგარიშს სააგენტოს არ წარუდგენენ, რის გამოც სააგენტოს არ გააჩნია სრულყოფილი და აგრეგირებული ინფორმაცია საწარმოთა საქმიანობასა და რენტაბელობაზე.

საკრებულომ რიგ შემთხვევებში ვერ წარმოადგინა საკმარისი და შესაფერისი მტკიცებულებები, რომ სამსახურებრივი მივლინების შესახებ გადაწყვეტილებები განპირობებული იყო ობიექტური საჭიროებებით. გარდა ამისა, არ არის დანერგილი მივლინებით მიღწეული შედეგების განხილვისა და მივლინებიდან დაბრუნებულ თანამშრომელთა მიერ საკრებულოსათვის ანგარიშის წარდგენის პრაქტიკა.

სახელმწიფო მინისტრის 2012 წლის 18 იანვრის N2-მ ბრძანებით სახელმწიფო მინისტრი 24 იანვრიდან 7 თებერვლის ჩათვლით მივლინებულ იქნა ეთიოპიასა და აშშ-ში. მივლინების ბრძანებაში განხორციელდა ცვლილებები, კერძოდ ვადაზე ადრე მოხდა ეთიოპიიდან აშშ–ში გამგზავრება, ასევე 2 დღით გაიზარდა მივლინების პერიოდი აშშ–ში, თუმცა რწმუნება აუდიტის ჯგუფის მიერ აღნიშნული ცვლილებების განხორციელების საჭიროებაზე ვერ იქნა მიღებული. ბილეთის გადაცვლა განხორციელდა 4–ჯერ, რამაც 4.9 ათასი ლარით გაზარდა მისი პირვანდელი ღირებულება.

არსებობს 75 საწარმო, თუმცა სამეწარმეო რეესტრის არასრული მოწოდებული მონაცემების გამო, შესაძლებელია, სხვა საწარმოებიც არსებობდეს, რომელზეც ადექვატურ ინფორმაციას სახელმწიფო არ ფლობს), რომლებიც არ შედის სააგენტოს მიერ სახელმწიფო აუდიტის სამსახურისთვის წარდგენილ საწარმოთა სიაში და ამასთანავე წარმოადგენს სახელმწიფო საწარმოს.

2012-2014 წლებში სარევიზიო კომისიის შენახვის ხარჯებმა 1 507.6 ათასი ლარი შეადგინა. საკრებულოს არ მოუსმენია ინფორმაცია სარევიზიო კომისიის არც ერთი შემოწმების შესახებ და არ განუხილავს აქტებში დაფიქსირებული დარღვევა-ნაკლოვანებები. აგრეთვე, სარევიზიო კომისიას წარმომადგენლობით ორგანოში არ წარუდგენია თავისი საქმიანობის ანგარიშები.

2013 წლის 18 მარტის მიღება-ჩაბარების აქტის თანახმად ავტოსატრანსპორტო საშუალბა TOYOTA Land Cruiser 200-ის გარბენი აღნიშნული პერიოდისთვის შეადგენდა 31 708 კმ-ს, მაშინ როცა ავტომობილი შეძენილი იყო 2011 წლის ბოლოს და შეძენიდან 2013 წლის თებერვლის თვის ჩათვლით გახარჯული იყო 14 650 ლიტრი საწვავი. შესაბამისად საწვავის რაოდენობიდან გამომდინარე საპასპორტო მონაცემების მაქსიმალური წვის გათვალისწინებით (19 ლიტრი 100 კმ-ზე, ქალაქის პირობებში) აღნიშნული პერიოდისთვის ავტომობილს გავლილი უნდა ჰქონოდა არანაკლებ 77 105 კმ, ნაცვლად 31 708 კმ-ისა, ანუ 45 400 კმ-ით მეტი.

საწარმოების მერ არ არის შემუშავებული რეგულაცია ან გაიდლაინი, რომლითაც მოხდებოდა საწარმოს მმართველ პირთა შრომის ანაზღაურებისა და წახალისების ოდენობების განსაზღვრის ძირითად პრინციპებისა და კრიტერიუმების განსაზღვრა.

2013 წლის 20 დეკემბერს, კანონმდებლობის დარღვევით, გამარტივებული შესყიდვის საშუალებით, შეძენილია კომპიუტერული ტექნიკა, კერძოდ, iMAC 27, ღირებულებით - 4.4 ათასი ლარი.

საწარმოების მიერ არ არის შემუშავებული პრივატიზების მიზანშეწონილობის განსაზღვრის ძირითადი პრინციპები და კრიტერიუმები, ქონების საპრივატიზებო ღირებულების განსაზღვრა ხდება მხოლოდ აუდიტის და ექსპერტის დაკსვნის მიხედვით. პრივატიზების მიზანშეწონილობისათვის საჭირო კრიტერიუმები არ არსებობს და არ არის უზრუნველყოფილი კონკურენტული გარემო აუქციონების ჩატარების დროს, რაც პრივატიზების ობიექტის არაოპტიმალურ ფასად გაყიდვის რისკს წარმოქმნის.

2013 წლის 4 იანვარს და 2013 წლის 26 აგვისტოს გამოცხადებული ტენდერებით, საკრებულომ შეისყიდა 10 ერთეული სატრანსპორტო საშუალება. ორივე შემთხვევაში სატენდერო დოკუმენტაციით განსაზღვრული ტექნიკური მომსახურების საგარანტიო მოთხოვნები განსხვავდება ხელშეკრულებაში ასახულისაგან. გაფორმებული ხელშეკრულებით, შემსყიდველი ორგანიზაციის პირობები სატენდერო დოკუმენტაციასთან შედარებით გაუარესებულია.

საწარმოების მიერ არ ხდება ინვესტორთა გადახდისუნარიანობის შემოწმება რათა მოხდეს მათ მიერ მომავალში განსახორციელებელი ვალდებულებების შეუსრულებლობის რისკის შემცირება.

კოხლეარული იმპლანტის მორგება-რეგულირების მომსახურების არსებული დაფინანსების მოდელი ვერ უზრუნველყოფს საბიუჯეტო სახსრების რაციონალურ ხარჯვას.

მუნიციპალიტეტის საკრებულოს 2008 წლის 3 ნოემბრის #73 დადგენილების შესაბამისად, საკრებულოს მიერ მიღებულია ცალკეული დადგენილებები და საოქმო გადაწყვეტილებები საკრებულოს ეგიდით და პატრონაჟით გასამართი ღონისძიებების დაფინანსების შესახებ. საანგარიშო პერიოდში ამ მიზნით ბიუჯეტიდან დახარჯულია 85.8 ათასი ლარი და დაფინანსება გაცემულია სახელმწიფო შესყიდვების გეგმაში ასახვის, შესყიდვის პროცედურების ჩატარებისა და ხელშეკრულების გაფორმების გარეშე, რითაც დარღვეულია „სახელმწიფო შესყიდვების შესახებ“ კანონის მოთხოვნები.

სახელმწიფო საწარმოების წმინდა მოგების განაწილების მიზნით შექმნილი კომისიის პასიურობის შედეგად, თანხები, რომელიც შეიძლება მიმართულიყო 2012 წლის სახელმწიფო ბიუჯეტში, სახელმწიფომ შემოსავლის სახით მიიღო მხოლოდ 2013 წელს, რადგანაც 2011 წლის მოგების განაწილებაზე გადაწყვეტილება 2013 წლის სხდომაზე იქნა მიღებული. ამასთანავე, საწარმოებმა, რომლებიც საჭიროებდნენ განვითარებასა და რეინვესტირებას დროულად ვერ გამოიყენეს მათ მიერ აკუმულირებული მოგების ის ნაწილი, რომელიც ფორმალურად მათ განკარგულებაში უნდა დარჩენილიყო. 2013 წლის მოგება კი ჯერაც გაუნაწილებელია და სახელმწიფოს მისგან და არც რეინვესტირება განუხორციელებია. იმ შემთხვევაში, რომცა კომისიის მიერ ხდება გადაწყვეტილების მიღება ბიუჯეტში თანხების ჩარიცხვა ხდება დაგვიანებით და არ არსებობს ქმედითი მექანიზმი ამ პრობლემის თავიდან ასაცილებლად. 2014 წლის 1 სექტემბრის მდგომარეობით, სახელმწიფო საწარმოებს ბიუჯეტში ჩასარიცხი აქვთ 2 756.0 ათასი ლარი.

დამხმარე საშუალებების მარაგების მართვის არსებული პოლიტიკა, სახსრების რაციონალური ხარჯვის თვალსაზრისით არაეფექტურია და არ იძლევა ოპტიმალური მარაგის ფორმირების შესაძლებლობას.

ქ. თბილისის მუნიციპალიტეტის საკრებულოში 2012-2014 წლების საბიუჯეტო სახსრებით განხორციელებული 131 გამარტივებული ელექტრონული ტენდერიდან, 72 ტენდერი (55%) ჩატარდა უკონკურენტო გარემოში, მხოლოდ ერთი პრეტენდენტის მონაწილეობით. დაბალი კონკურენცია შესაძლებელია გამოწვეული იყოს იმითაც, რომ საკრებულოს დაწესებული აქვს საქონლის/მომსახურების მიწოდების შეზღუდული ვადები.

კომისიის მიერ გადაწყვეტილების მიღების შემდგომ არ ხდება თანხების დროულად მობილიზება – ბიუჯეტში თანხების ჩარიცხვა ხდება დაგვიანებით და არ არსებობს ქმედითი მექანიზმი ამ პრობლემის თავიდან ასაცილებლად.

შეზღუდულ ვადებში შეუფერხებლად შესყიდვის განხორციელება წარმოიშვა არა გარემოებათა ობიექტური განვითარებით, არამედ შესყიდვის მოსამზადებელი ეტაპის მართვის ხარვეზებით და სუსტი კონტროლის მექანიზმების არსებობით, რომლებმაც თავის მხრივ განაპირობა შესყიდვის გაჭიანურება და ელექტრონული ტენდერის გამოყენების შესაძლებლობის შეზღუდვა.

საკრებულოს არ შეუდგენია 2012, 2013 და 2014 წლების ფინანსური ანგარიშგებები.

ბაზრის არასრულყოფილი გამოკვლევის საფუძველზე კონტრაქტი გაფორმდა ისეთ მიმწოდებელთან, რომელსაც არავითარი გამოცდილება არ ჰქონდა ბიზნესის მოცემულ სფეროში, უფრო მეტიც, ეკონომიკური საქმიანობა საერთოდ არ ჰქონდა განხორციელებული; აღნიშნულმა და ასევე იმ გარემოებამ, რომ შესყიდვის ერთი ობიექტის ქვეშ გაერთიანებული იყო განსხვავებული ფუნქციონალური დანიშნულების სასაქონლო ნომენკლატურა, განაპირობა მნიშვნელოვანი ხვედრითი წილით წარმოდგენილი ზოგიერთი საქონლის მიხედვით საბაზრო პირობებისადმი შეუსაბამო მაღალი „ფასნამატის“ მაჩვენებლი.

ფიზიკური და კერძო სამართლის იურიდიული პირების მფლობელობაში არსებულ მიწის ნაკვეთებზე საკუთრების უფლების აღიარების კომისიის საქმიანობის შესწავლის შედეგად გამოვლინდა სავარაუდოდ კანონდარღვევით დაკანონებული მიწები.

აუდიტის ჯგუფმა ვერ მიიღო დასაბუთებული რწმუნება 269,900 ლარის ოდენობის ხელმოუწერელი მიღება-ჩაბარების დანართების მიხედვით ბენეფიციარ ოჯახებზე გაცემული/მიღებული პროდუქციის სახეობების და რაოდენობის შესახებ.

ქ. თბილისის ფუნქციური ზონის სტატუსის ცვლილების დროს საკრებულოს მიერ მიღებული გადაწყვეტილებები ზოგჯერ არ ეფუძნება საკმარის დასაბუთებას, არ ჩანს, რამ გამოიწვია ზონირების შეცვლა, მათ შორის, რეკრეაციული დანიშნულების მიწებისათვის.

ზედმეტად გადახდილმა საბიუჯეტო სახსრებმა "მინდობით აღზრდის" ქვეპროგრამის მიხედვით შეადგინა -16,105 ლარი.

ბავშვზე ზრუნვის - მინდობით აღზრდის სერვისისათვის არ იყო დამტკიცებული მომსახურების სტანდარტები, რომელიც დაარეგულირებდა სერვისის მიწოდების სტანდარტებს, ბავშვის ურთიერთობას ბიოლოგიურ ოჯახთან და მის მომზადებას დამოუკიდებელი ცხივრებისათვის, ასევე კონფიდენციალურობის დაცვას და მომსახურებიდან გასვლასან/და მის ცვლილებას.

ზედმეტად გადახდილმა საბიუჯეტო სახსრებმა „მიუსაფარ ბავშვთა თავშესაფრით უზრუნველყოფის“ ქვეპროგრამის მიხედვით შეადგინა - 1,905 ლარი.

ზედმეტად გადახდილმა საბიუჯეტო სახსრებმა „დღის ცენტრების“ ქვეპროგრამის მიხედვით შეადგინა - 7,877 ლარი (მხოლოდ შერჩეული ორგანიზაციების მიხედვით).

მცირე საოჯახო ტიპის სახლებში ბენეფიციარების ოპტიმალურად განაწილების პირობებში, აუდიტის პერიოდში შესაძლებელი იყო 54,920 ლარის საბიუჯეტო თანხების დაზოგვა.

სააგენტო ორ ტრანზიტულ ცენტრში არსებული ადგილების და დატვირთვის გათვალისწინებით, მათი ოპტიმიზაციის შემთხვევაში, მხოლოდ აუდიტის პერიოდში, უზრუნველყოფდა შეუვსებელი ლიმიტის ფარგლებში 82,260 ლარის საბიუჯეტო თანხების დაზოგვას.

სს გაერთიანებულ ენერგეტიკულ სისტემაში „საქრუსენერგო“ ვაკანტური თანამდებობის დასაკავებლად არ ცხადდება რაიმე ტიპის კონკურსი. კონკურსის წესის დანერგვა ვაკანტური თანამდებობების დასაკავებლად გაზრდის კვალიფიციური კადრების შერჩევის შესაძლებლობას.

კომპანიის გენერალურ დირექტორს ჰყავს 6 მრჩეველი და 1 კონსულტანტი, რომელთა ფუნქციები არც დებულებით და არც შრომითი ხელშეკრულებებით განსაზღვრული არ არის. ასევე, არ არსებობს მათ მიერ გაწეული სამუშაოების დამადასტურებელი რაიმე სახის დოკუმენტი.

შესყიდვის სავარაუდო ღირებულებასა და სახელშეკრულებო თანხებს შორის გამოვლინდა მნიშვნელოვანი სხვაობები, რაც მიუთითებს იმაზე, რომ შემსყიდველმა სათანადოდ არ აწარმოა ბაზრის კვლევა.

კომპანიის ცნობადობის ასამაღლებლად და ელექტროგადამცემი ხაზების შეუფერხებელი ფუნქციონირების ხელშესაწყობად საზოგადოების ინფორმირების მიზნით ქ. ბათუმში გამართულ ღონისძიებაზე ჯამურად დაიხარჯა 144,670 ლარი. ხელმძღვანელობის მიერ არ ყოფილა განხილული და დოკუმენტურად ასახული კონკრეტული მიზნის მიღწევის ალტერნატიული გზები, რაც ხელს შეუწყობდა ყველაზე ეფექტიანი და ეკონომიური გადაწყვეტილების მიღებას.

გარკვეულ შემთხვევებში ადგილი ჰქონდა ისეთ შემთხვევებს, როცა შესყიდვებიდან მიღებული ეკონომიების ხარჯზე, თანხების ათვისების მიზნით, საბიუჯეტო წლის ბოლოს, სატენდერო დოკუმენტაციაში ჩადებულია ისეთი მოთხოვნა, როგორიცაა ხელშეკრულების გაფორმებიდან და საბანკო გარანტიის წარმოდგენიდან 10 კალენდარული დღის ვადაში მთლიანი სახელშეკრულებო თანხის წინასწარ, ავანსად გადარიცხვა, რის საფუძველზეც მოხდა ზოგიერთი პრეტენდენტის დისკვალიფიკაცია. ზოგ შემთხვევაში კი სატენდერო დოკუმენტაციაში სარეკლამო პროდუქტის აღწერისას მითითებული იყო ისეთი მინიშნებები, რომელიც ფაქტობრივად მორგებული იყო კონკრეტულ პირზე.

2012 წელს კომპანიამ ერთ პირთან მოლაპარაკების გზით შეისყიდა რამდენიმე სპეციალური ტექნიკა - ბულდოზერი ღირებულებით 771,720 აშშ. დოლარი, თვითმავალი ამწე ღირებულებით 394,200 ევრო და სავახტო ავტობუსები ღირებულებით 344,000 ლარი. კომპანიის პასუხისმგებელი პირების განმარტებით ერთ პირთან მოლაპარაკების გზით შესყიდვის განხორციელება გამომდინარეობდა იქიდან, რომ აღნიშნული ტექნიკა ყველაზე მეტად შეესაბამებოდა კომპანიის საჭიროებებს და იყო ყველაზე ხარისხიანი. თუმცა, არ ყოფილა დეტალურად განსაზღვრული თუ ხარისხის რა კონკრეტული მახასიათებლები აკმაყოფილებდა კომპანიის საჭიროებებს.

ქვეყნის შიგნით მივლინების დროს. საქართველოს სტატისტიკის ეროვნული სამსახურის მხრიდან, ადგილი ჰქონდა სამივლინებო ხარჯების ზედმეტად ანაზღაურების ფაქტს.

2013 წლის 6 აგვისტოს გაფორმდა ხელშეკრულება შპს „თეგეტა თრაქ ენდ ბასთან“ უნაგირი საწევარა MAN TGS 33.480 6X4 და ნახევრად მისაბმელიანი ლაფეტი "FAYMONVILLE 5-axle MULTIMAX“-ის შესყიდვაზე. ხელშეკრულების ღირებულებამ 239,540 ევრო შეადგინა. შესყიდვების განხორციელების დამტკიცებული წესის თანახმად, შესყიდვა უნდა განხორციელებულიყო ფასთა გამოკითხვის მეთოდით, თუმცა იგი განხორციელდა ერთ პირთან მოლაპარაკების საშუალებით. ორგანიზაციის განმარტებით, აღნიშნული ტექნიკა შეირჩა მისი ტექნიკური მახასიათებლების და შემოთავაზებული უმცირესი ფასის მიხედვით, თუმცა ბაზრის შესწავლის დამადასტურებელი დოკუმენტაცია ვერ იქნა წარმოდგენილი.

რიგ შემთხვევებში საქართველოს სტატისტიკის ეროვნული სამსახურის მიერ ხელმძღვანელ პირებზე გაცემული იყო მაღალი პრემიები, რამაც შეადგინა თანამდებობრივი სარგოს 146-200%.

კომპანიამ შუშის იზოლატორები შეუსაბამოდ მაღალ ფასად შეისყიდა. სს „საქართველოს სახელმწიფო ელექტროსისტემის“ მიერ იმავე პერიოდში შეძენილი ანალოგიური იზოლატორების ღირებულების გათვალისწინებით, კომპანია 2014 წელს დაზოგავდა 348,500 ლარს.

რიგ შემთხვევაში გამოვლინდა თანამშრომელთა სამუშაო დროისა და მათზე გადაცემული ქონების არასამსახურებრივი მიზნებისათვის გამოყენების ფაქტები. კერძოდ ავტომანქანებისა და შესაბამისად საწვავი საშუალებების გამოყენება ხდებოდა თანამშრომელთა შვებულებაში ყოფნის დროს. გარდა აღნიშნულისა, სამორიგეო ავტომობილების გამოყოფა ხდებოდა სიტყვიერად და არა წერილობითი ფორმით.

სამშენებლო სამუშაოების წარმოებისთვის აუცილებელი პროექტის მომზადების მიზნით გამოცხადებულ კონკურსში გამარჯვებულად გამოცხადდა ისეთი ორგანიზაცია, რომელსაც არ გააჩნდა სათანადო გამოცდილება.

2014 წელს საქართველოს სტატისტიკის ეროვნული სამსახურის მიერ არ ჩატარებულა ქონების, მოთხოვნებისა და ვალდებულებების ინვენტარიზაცია.

სამშენებლო სამუშაოების შესყიდვებთან დაკავშირებით კომპანიის მხრიდან არასათანადოდ ხორციელდებოდა ბაზრის წინასწარი კვლევა, რაც ქმნიდა რეალურზე მაღალფასიანი შესყიდვების განხორციელების რისკს. ამაზე მეტყველებს ის ფაქტები, რომ სახელშეკრულებო ღირებულებები მნიშვნელოვნად ჩამოუვარდება შესყიდვის სავარაუდო ღირებულებებს.

2012 წლის ბიუჯეტის დაგეგმვისას ბიუროს საპრემიო ფონდის წლიური მოცულობა 2.4 ათასი ლარით აღემატება შტატით გათვალისწინებულ თანამშრომელთა თანამდებობრივი სარგოების წლიური ოდენობის 20%-ს.

რიგ შემთხვევებში კომპანიის მიერ გამოცხადებულ ტენდერებში სატენდერო კომისიის მიერ გამარჯვებულად ცხადდებოდნენ ისეთი პრეტენდენტები, რომელთა სატენდერო წინადადება არ შეესაბამებოდა სატენდერო დოკუმენტაცით მოთხოვნილს.

    2012 წელს დაგეგმვის ეტაპზე საშტატო რიცხოვნობა მომდევნო წლის რეალურ საშტატო რიცხოვნობასთან მიმართებაში განსაზღვრულია მნიშვნელოვნად დიდი ოდენობით (ბიუროში დასაქმებულთა რაოდენობა საშუალოდ შეადგენს 15 ერთეულს, საშტატო ნუსხით დამტკიცებული რაოდენობის 71%-ს). აღნიშნულის გამო, შრომის ანაზღაურების მუხლით გათვალისწინებული გადასახდელები (ეკონომიები) ნაწილდებოდა თანამშრომლებზე პრემიების მუხლით.

საქართველოს სხვადასხვა რეგიონში გაზიფიცირების სამუშაოებზე ტენდერები ცხადდებოდა ისეთი პროექტების განსახორციელებლად, რომელთა ნაწილიც სხვა კომპანიის მიერ უკვე შესრულებული იყო.

  2012 წლის განმავლობაში შტატგარეშე მოსამსახურეებად შრომითი ხელშეკრულებებით მიღებულია თანამშრომლები მუდმივ ამოცანათა შესასრულებლად მაშინ, როდესაც იმავე ფუნქციის შესასრულებლად საშტატო ნუსხით დამტკიცებული თანამდებობები არ არის სრულად დაკომპლექტებული. არ არის გათვალისწინებული ,,საჯარო სამსახურის შესახებ“ საქართველოს კანონის ნორმები.

ზოგ შემთხვევაში სატენდერო დოკუმენტაციაში შესასყიდი საქონლის აღწერისას ფიქსირდებოდა ისეთი სპეციფიკური პარამეტრები, რომელთა მითითება აუცილებელი არ იყო. შედეგად იზღუდებოდა ტენდერში მონაწილეთა რაოდენობა და ხშირად ტენდერში მონაწილეობას ღებულობდა მხოლოდ ერთი პრეტენდენტი, რითაც გამოირიცხებოდა კონკურენცია.

2012 წელს მთავრობის სარეზერვო ფონდიდან 50.0 ათასი ლარი მოთხოვნილია მიმდინარე წელს დაგეგმილი სხვადასხვა პროექტების წარმატებით განსახორციელებლად, ხოლო შემდეგ ბიუროს უფროსის წერილის საფუძველზე აღნიშნული თანხა გაცემულია პრემიებზე ისე, რომ ბრძანებებში არ არის მითითებული პრემიის გაცემის დასაბუთება. აღნიშნული პროექტები ბიუროს მიერ არ განხორციელებულა.

ავტომანქანის ჩანაცვლება განხორციელებულია ფასთა ისეთი თანაფარდობით, რომელიც ფაქტობრივად წარმოადგენდა კომპანიის მიერ შესყიდვების სპეციალური წესით მისთვის განსაზღვრული შესყიდვის საშუალების - ფასთა კოტირებისათვის თავის არიდებას, რაც არ ემსახურება ფულადი სახსრების რაციონალურ ხარჯვას.

2012 წლის განმავლობაში ბიურომ ,,2012 წლის სახელმწიფო ბიუჯეტის შესახებ“ საქართველოს კანონის ნორმების გაუთვალისწინებლად, წლიური საპრემიო ფონდი გაზარდა ,,თანამდებობრივი სარგოს“ მუხლში გამოწვეული ეკონომიიდან შტატით გათვალისწინებულ თანამშრომელთა თანამდებობრივი სარგოების წლიური ოდენობის 49%-მდე (სარეზერვო ფონდის გარეშე).

2012-2013 წლებში გაზსადენის სისტემაში ადგილი ჰქონდა ჭარბი გაზის არსებობას. განმარტების თანახმად, ეს არის გაზის ის მოცულობა რომლის აღრიცხვაც ვერ შეძლეს ვერც კომერციულმა და ვერც საკონტროლო მრიცხველებმა. ჭარბი გაზის არსებობა დასტურდება მხოლოდ მიღებული და ტრანსპორტირებული ბუნებრივი გაზის ბალანსში, სადაც ჭარბი გაზი წარმოადგენს დისბალანსს მიღებულ და გადაცემულ გაზს შორის და შეუძლებელია იმის განსაზღვრა თუ კონკრეტულად რომელი აღრიცხვის კვანძის ცდომილების ხარჯზე გაჩნდა იგი. შექმნილი მდგომარეობა ზრდის კომპანიის მიერ ფაქტობრივად მიღებული გაზის მიღება-ჩაბარების აქტებში არასწორი ოდენობით დაფიქსირების რისკს.

2013 წელს მაღალკვალიფიციური კადრების შენარჩუნების მიზნით, ბიუროს უფროსის მიერ მოთხოვნილია საპრემიო ფონდის წლიური მოცულობის გაზრდა შტატით გათვალისწინებულ თანამშრომელთა თანამდებობრივი სარგოების წლიური ოდენობის 35%-ით. ამ პერიოდში, პრემიის მუხლით გაწეული მთლიანი ხარჯის 72.3% მიღებული აქვს ბიუროს უფროსს 9 თვის განმავლობაში.

საწვავავის ხარჯების შესწავლისას გამოვლინდა რიგი შეუსაბამობებისა, რაც გამოიხატებოდა საგზურის ფურცლებში ცალკეული მარშრუტების სიგრძისა და გავლილი მანძილების არასწორად მითითებაში.

2012 წელს მივლინებასთან დაკავშირებით გაწეული ხარჯის შესახებ ბიუროს მიერ შესაბამისი დოკუმენტაციის წარმოუდგენლობის გამო, აუდიტის ჯგუფმა ვერ მოიპოვა შესაბამისი რწმუნება 3.0 ათასი ლარის ხარჯის მიზნობრიობის შესახებ.

ქ. თბილისსა და რეგიონებში მშენებარე იუსტიციის სახლების ექსპლუატაციაში შესვლის შემდეგ მიღებული ფართიდან არასაცხოვრებელი ფართებისა და მასზე წილობრივად დამაგრებული მიწის ნაკვეთის დროებით, უსასყიდლო სარგებლობაში კომპანიისათვის გადაცემის პირობით, კომპანიამ მთავრობის განკარგულებების საფუძველზე სამოქალაქო რეესტრის სააგენტოსა და იუსტიციის სასწავლო ცენტრს საერთო ჯამში გადაურიცხა 6,809,135 ლარი. მოგვიანებით ზემოხსენებულ უსასყიდლო უზურფრუქტთან დაკავშირებული ხელშეკრულებები გაუქმდა, ხოლო მათ საფუძველზე გადარიცხული თანხები კომპანიას არ დაბრუნებია.

ბიუროს მიერ 2012 -2013 წლებში როუმინგული მომსახურებისთვის გახარჯული 29.0 ათასი ლარი წარმოადგენს არამიზნობრივ ხარჯს, რადგან „დაქირავებულისათვის გადახდილი სამივლინებო ხარჯების ნორმების განსაზღვრის შესახებ“ საქართველოს ფინანსთა მინისტრის 2005 წლის 5 აპრილის N220 ბრძანება არ ითვალისწინებს საჯარო სამსახურის ბიუროს თანამშრომლებისათვის ქვეყნის გარეთ მივლინების პერიოდში კავშირგაბმულობის ხარჯების ანაზღაურებას.

კორპორაციის მიერ 2012 წლის ცალკეულ თვეებში 67 ფიზიკურ პირთან გაფორმებული იყო ხელშეკრულებები და თანამშრომლები დანიშნული იყვნენ ისეთ თნამდებობებზე, რომლებიცა 2013 წლის მარტამდე კორპორაციის მოქმედი სტრუქტურით/დებულებით, საერთოდ არ წარმოადგენდნენ სტრუქტურულ ერთეულებს და შესაბამისად კორპორაციის დებულებაში მათი საქმიანობის ამოცანები ასახული საერთოდ არ ყოფილა.. 2012 წლის განმავლობაში აღნიშნულ პირებზე დარიცხულმა თანხამ 684,721 ლარი შეადგინა.

2012 წელს ბიუროს მიერ საჯარო რეესტრში არ არის დარეგისტრირებული მის სარგებლობაში გადაცემული სახელმწიფო საკუთრებში არსებული უძრავი ქონება, რითაც დაირღვა ,,სახელმწიფო ქონების შესახებ“ საქართველოს კანონის ნორმები.

2012 წლის 1 იანვრის მდგომარეობით კორპორაციის ბალანსზე ირიცხება 3,789,044 ლარის სასაქონლო-მატერიალური მარაგი, რომელიც 2015 წლის 1 იანვრამდე არ გახარჯულა. ასევე 2012 წელს კორპორაციის ბალანსზე მიღებულია 408,072 ლარის სასაქონლო-მატერიალური მარაგი, რომელიც 2015 წლის 1 იანვრამდე არ გახარჯულა. აღსანიშნავია, რომ სასაქონლო მატერილური მარაგების საერთო ნაშთიდან, 2015 წლის 1 იანვრის მდგომარეობით კორპორაციის ბალანსზე ირიცხება 3,430,064 ლარის ღირებულების 8 დასახელების ისეთი სახის მარაგები, რომლებიც არ წარმოადგენენ მაგისტრალური გაზსადენების ნორმალური ფუნქციონირებისათვის აუცილებელ საავარიო მარაგებს.

ბიუროს ბალანსზე 2012-2013 წლებში რიცხული არამატერიალური ძირითადი აქტივის - პროგრამა ,,ორის მენეჯერის“ ექპლუატაციაში მიღების შესახებ აუდიტის ჯგუფმა ვერ მოიპოვა შესაბამისი რწმუნება.

შპს „ნიუ ენერჯის“ სრულად არ ჰქონდა გამოყენებული (დამონტაჟებული) კორპორაციის მიერ გადაცემული მილები და მასალები. კონტრაქტის თანახმად შპს „ნიუ ენერჯი“ ვალდებული იყო კორპორაციისთვის საკუთარი ხარჯით დაებრუნებინა გამოუყენებელი მილები და მასალები, მიუხედავად ამისა, 2015 წლის 1 იანვრის მდგომარეობით გამოუყენებელი მილები და მასალები ჯერ კიდევ არ არის დაბრუნებული, ხოლო კორპორაციას აღრიცხული აქვს მარაგებში ჯამური თანხით 417,574 ლარი

2012 წლის განმავლობაში ბიუროში არ განხორციელებულა ინვენტარიზაცია, რაც ეწინააღმდეგება ,,საბიუჯეტო ორგანიზაციებში ქონების, მოთხოვნებისა და ვალდებულებების ინვენტარიზაციის ჩატარების შესახებ“ საქართველოს ფინანსთა მინისტრის 2010 წლის 23 ივლისის N605 ბრძანებით დამტკიცებულ წესს.

სს „საქართველოს ნავთობისა და გაზის კორპორაციის“ გენერალური დირექტორის ბრძანებით #06-0601/1 (06.01.2012) სასაქონლო მატერიალური მარაგების ინვენტარიზაცია უნდა ჩატარებულიყო ყოველი წლის 30 ივნისის და 31 დეკემბერის მდგომარეობით. მიუხედავათ ამისა, 2013 წლის 31 დეკემბერის მდგომარეობით ინვენტარიზაცია არ ჩატარებულა, რაც არ არის შესაბამისობაში ზემოთ მითითებული ბრძანებით გათვალისწინებულ შიდა სააღრიცხვო პოლიტიკის მოთხოვნებთან.

2012-2013 წლების განმავლობაში ბუღალტრულ აღრიცხვაში გამოყენებული დოკუმენტები არ შეესაბამება საქართველოს ფინანსთა მინისტრის ბრძანებით განსაზღვრულ საბიუჯეტო ორგანიზაციების პირველად საბუღალტრო დოკუმენტებს და სააღრიცხვო რეგისტრებს. არასრულყოფილად არის წარმოებული არაფინანსური აქტივების ანალიზური აღრიცხვა და ფაქტიურად არ არსებობს არაფინანსური აქტივების დაცულობაზე კონტროლი. შესაბამისად, არ არის დაცული „ბიუჯეტების დაფინანსებაზე მყოფი ორგანიზაციების ბუღალტრული აღრიცხვის შესახებ“ ფინანსთა მინისტრის მიერ 2007 წლის 28 დეკემბერს დამტკიცებული N1321 ინსტრუქციის ნორმები

გადაწყვეტილებების მიმღები კომისიის 2011 წლის 21 დეკემბერს N 6 ოქმის და, საქართველოს ფინანსთა სამინისტროსა და საქართველოს ენერგეტიკისა და ბუნებრივი რესურსების სამინისტროს შორის 2011 წლის 21 დეკემბერს გაფორმებულ N17 შეთანხმების მოთხოვნების მიუხედავად,კორპორაციამ, 2012 წელს სახელმწიფო ბიუჯეტში დივიდენდის სახით ნაცვლად 39,500,000 ლარისა, ჩაირიცხა მხოლოდ 15,000,000 ლარი,

ვერ დასტურდება ბიუროს შტატგარეშე თანამშრომლის მიერ შრომითი ხელშეკრულებით დაკისრებული მოვალეობების შესრულება.

კანონის მიხედვით სავალდებულოა ხელშეკრულების შესრულების უზრუნველყოფის გარანტიის წარმოდგენა, თუმცა ასეთი გარანტია არ წარმოუდგენიათ, , 2011 წელს შპს „ნიუ ენერჯის“ სვანეთის რეგიონში ელექტროგადამცემი ხაზებისა და ქვესადგურების მშენებლობაზე გაფორმებულ ხელშეკრულებაზე ღირებულებით 44,455,604 ლარზე, რომლის საგარანტიო თანხა შეადგენდა-2,222,780 ლარს

2013 წელს მომსახურების სააგენტოს მიერ არ განხორციელებულა მოთხოვნების, ვალდებულებების ფულადი დოკუმენტების, სალაროებისა და სათადარიგო ნაწილების ინვენტარიზაცია.

2014 წლის 2 ივლისს შპს „დაზღვევის საერთაშორისო კომპანია ირაოსთან“ ელექტრონულ ტენდერში გამარჯვების საფუძველზე გაფორმდა ხელშეკრულება კორპორაციის კუთვნილი ავტომანქანების დაზღვევაზე თანხით 59,448 ლარი. გამარჯვებულმა პრეტენდენტმა არ წარმოადგინა მოთხოვნილი საკვალიფიკაციო მონაცემები და ამის მიუხედავად მასთან გაფორმდა ხელშეკრულება, თუმცა აღნიშნული მიზეზი კანონის მიხედვით წარმოადგენს დისკვალიფიკაციის საფუძველს.

2013 წლის 1 იანვრის ფულადი დოკუმენტების ნაშთი ბალანსის ფორმა N1-ში წარმოდგენილია 0.8 ათასი ლარის ნაკლებობით.

2012 წელს სს “სადაზღვევო კოპანია ალდაგი ბისიაისთან“ გაფორმებულია ხელშეკრულებები ა/მ დაზღვევაზე გამარტივებული შესყიდვის საშუალებით, სადაც დარღვეულია მონეტარული ზღვრები. აღნიშნულ შესყიდვას კანონშეუსაბამოდ მიკუთვნებული აქვს ექსკლუზიური უფლებამოსილება. კანონით აღნიშნული შესყიდვა უნდა განხორციელებულიყო გამარტივებული ელექტრონული ტენდერის საშუალებით , რადგან ა/მ დაზღვევისა საერთო ჯამური ღირებულება 2012 წლის განმავლობაში შეადგენს 45,785 ლარს.

მომსახურების სააგენტოს 230.9 ათასი ლარის ღირებულების აქტივი აღიარებული ძირითად საშუალებად, მიხედავად იმისა რომ იგი არ აკმაყფილებს ძირითად საშუალებად აღიარების კრიტერიუმებს.

2012 წელს შპს „სერვისკომისგან“ შეძენილია 6 ცალი მობილური ტელეფონი „ბლექბერი“, მთლიანი ღირებულებით 7,062 ლარი. კანონმდებლობის შესაბამისად აღნიშნული შესყიდვა უნდა განხორციელებულიყო გამარტივებული ელექტრონული ტენდერის საშუალებით . შემსყიდველმა აღნიშნული შესყიდვა განახორციელა გამარტივებული შესყიდვის საშუალებით, რასაც საფუძვლად დაუდო მთავრობის განკარგულება , თუმცა ზემოაღნიშნული განკარგულება არ ვრცელდებოდა საქონლის შესყიდვაზე. შესაბამისად დარღვეულია მონეტარული ზღვრები.

მომსახურების სააგენტოში ცვეთის ხარჯი წარმოდგენილია 52.6 ათასი ლარის ზედმეტობით.

ბუნებრივი გაზის მოხმარების ფაქტობრივი მონაცემები არ არის შესაბამისობაში, ენერგეტიკისა და ბუნებრივი რესურსების მინისტრის ბრძანებით დამტკიცებულ ბუნებრივი გაზის ბალანსების მონაცემებთან, კერძოდ 2012-2013 წლებში დარღვეულია საქართველოს ენერგეტიკის მინისტრის , 2006 წლის 29 დეკემბერის ბრძანება №114-ით დამტკიცებული „ბუნებრივი გაზის ბაზრის წესების“ მოთხოვნები. ბაზრის წესების მიხედვით ბუნებრივი გაზის დამტკიცებულ ბალანსში მოცემული პარამეტრები შესასრულებლად სავალდებულოა.

2013 წლის 1 იანვრისა და 31 დეკემბრის მდგომარეობით შესაბამისად 115.0 ათასი ლარი და 23.5 ათასი ლარის ღირებულების აქტივები ნაცლად გრძელვადიანი მცირეფასიანი ინვენტარის ანგარიშისა დაკლასიფიცირებულია მარაგების მუხლში შესაბამისად 2013 წლის 1 იანვრის მარაგების მუხლი ფორმა N1-ში წარმოდგენილია 115.0 ათასი ლარით და 2013 წლის 31 დეკემბრის 23.5 ათასი ლარის ზედმეტობით.

სოკარ გაზ ექსპორტ-იმპორტთან გაფორმებული ხელშეკრულების შესაბამისად მხარეები სოციალურ გაზზე შემდეგი თვის განმავლობაში მოსალოდნელი მოთხოვნის დადგენის მიზნით, კონკრეტული თვის დასრულებამდე წარუდგენს განაცხადებს. სოკარ გაზ ექსპორტ-იმპორტის მიერ წარმოდგენილი განაცხადების ფაქტობრივ მოხმარებასთან შედარებით, გამოვლინდა ისეთი შემთხვევები როდესაც გაზის მოწოდებაზე განაცხადი საერთოდ არ გაკეთებულა ხოლო ფაქტობრივი მოხმარება ფიქსირდება.

მომსახურების სააგენტოს მიერ ვერ იქნა წარმოდგენილი, დაუმთავრებელი აქტივის, საკუთრებაში მიღების დამადასტურებელი დოკუმენტი. შესაბამისად აქტივების მუხლი 2013 წლის 31 დეკემბრის მდგომარეობით ფორმა N1-ში 49.0 ათასი ლარით ზედმეტად არის წარმოდგენილი.

პწგხ-ს ფარგლებში აუდიტის პერიოდში მთლიანად მოპოვებულია 34,055 ათასი მ3 მომყოლი გაზი. სასაქონლო სახე მიცემული აქვს მხოლოდ 21,074 ათას მ3 გაზს დანარჩენი გაფრქვეულია ან/და დამწვარია ჩირაღდანზე. რითაც დარღვეულია საქართველის კანონის „ნავთობისა და გაზის შესახებ“ მოთხოვნები, რომლის შესაბამისად „მოპოვებული ბუნებრივი გაზის ღია ცეცხლით დაწვა განსაკუთრებული პირობების არსებობის და სათანადო დასაბუთების გარეშე მიიჩნევა ბუნებრივი რესურსის ფუჭად ხარჯვად და იკრძალება“.

თავდაპირველ დამტკიცებულ გეგმაში შეტანილი იყო ისეთი ხარჯები, რომლებიც საერთოდ არ გაწეულა, ან გაწეული იქნა გეგმით გათვალისწინებულზე გაცილებით ნაკლები ოდენობით, რაც ბიუჯეტის არასათანადო დაგეგმვაზე მიუთითებს.

ფინანსური პრობლემების გამო, „მსესხებელსა“ და „კორპორაციას“ შორის 2014 წლის 21 მაისს გაფორმდა ხელშეკრულება, რომლითაც მოხდენილია 2013 წლის 11 ოქტომბრის მდგომარეობით ძირითადი ვალის დარჩენილი ნაწილის (26,443,928 აშშ დოლარი) რესტრუქტურიზაცია. თუმცა „მსესხებელის“ მიერ არ შესრულდა რესტრუქტურიზაიის ხელშეკრულებით განსაზღვრული მოთხოვნაც და სარგებლის თანხები გადაუხდელმა ნაწილმა 2013 და 2014 წლებში შეადგინა 689,987 აშშ დოლარი.

სააგენტოს ბალანსზე რიცხული სატრანსპორტო საშუალებების რემონტთან დაკავშირებით შედგენილ დეფექტურ, სამუშაოს შესრულებისა და მიღება-ჩაბარების აქტებს სააგენტოს მხრიდან ხელს აწერდა მხოლოდ სააგენტოს ადმინისტრაციული სამსახურის ლოჯისტიკის განყოფილების უფროსი, რითაც იზრდება სატრანსპორტო საშუალებათა შეკეთების საჭიროებასთან დაკავშირებული რისკები.

სააგენტოს მიერ სარესტორნო მომსახურებაზე გაწეული ხარჯების დამადასტურებელი დოკუმენტების უმრავლესობა მნიშვნელოვანი ხარვეზებით ხასიათდება. კერძოდ წარმოდგენილი დოკუმენტებით შეუძლებელია მოწვეული სტუმრების იდენტიფიცირება და რიგ შემთხვევაში რაოდენობის დადგენა.

მომსახურების სააგენრტოს მიერ ქონების გადაზისვის პროცესი მნიშვნელივანი ხარვეზებით ხასიათდება. კერძოდ, სატანსპორტო მომსახურების ფარგლებში გაფორმებული მიღება-ჩაბარების აქტით გაურკვეველია თუ რომელი დოკუმენტის აღსრულების საფუძველზე განხორციელდა ქონების გადაზიდვა, რომელიც დადასტურებული იქნებოდა შესაბამისი მატერიალურად პასუხისმგებელი პირისგან, ვიზც მოხდა აღნიშნული ქონების ჩაბარება.

ფინანსთა სამინისტროს სახაზინო სამსახურის 2013 წლის 27 ივნისის ბრძანებით მომსახურების სააგენტოს უსასყიდლოდ, უვადოდ, სარგებლობის უფლებით გადმოეცა სახაზინო სამსახურის ბალანსზე რიცხული ავტომანქანა BMW X5 - საწყისი საბალანსო ღირებულებით 42.0 ათასი ლარი, მომსახურების სააგენტოს მოწოდებული ინფორმაციით სახაზინო სამსახურის მიერ გადმოცემულ მანქანაზე არ ყოფილა განსაზღვრული საწვავის ლიმიტი, არ მომხდარა საწვავის გაცემა/ ჩასხმა, ავტომანქანა არ არის მიმაგრებული არც ერთ თანამშრომელზე და დღემდე გაჩერებულ მდგომარეობაში განთავსებულია მუხიანის ბაზის ტერიტორიაზე.

ექსპერტიზის დასკვნით დადგენილ საწვავის ფაქტობრივ ხარჯთან შედარებით, 2012 – 2013 წლებში ზედმეტადაა ჩამოწერილი 920 ლიტრი ბენზინი საშუალო ღირებულებით 2.0 ათასი ლარი და დიზელის საწვავი 32 ლიტრი 59 ლარი.

გამოვლინდა შემთხვევები, როდესაც მივლინების პერიოდში ბრძანებით გაცემული საწვავის ოდენობის გახარჯვა არ ხდებოდა სრულად და დარჩენილი საწვავი ემატებოდა სააგენტოს მიერ დამტკიცებულ ყოველთვიურ ლიმიტს. ცხრა შემთხვევაში ლიმიტს ზემოთ საწვავის გადახარჯვამ შეადგინა 660 ლიტრი ბენზინი - საშუალო ღირებულებით - 1.2 ათასი ლარი.

ქონების რეალიზაციისა და ლიზინგის ფორმით გადაცემის შედეგად ამონაგები თანხების ოდენობაში, სააგენტოს 2012-2013 წლებში სამინისტროში წარდგენილ ანგარიშგებაში, არასწორად - 3 609.5 ათასი ლარით ზედმეტად აქვს ასახული სახელმწიფო საკუთრებაში მიქცეული ნივთმტკიცებები ფულადი კუპიურების სახით.

სააგენტოს 2012-2013 წლების შესყიდვების თავდაპირველ დამტკიცებულ გეგმაში შეტანილი იყო ისეთი საქონლისა და მოსახურების შესყიდვა, რომელიც სააგენტოსათვის აუცილებლობას არ წარმოადგენდა, და გამოთავისუფლებელი თანხები ძირითადად გადატანილ იქნა შრომის ანაზღაურების მუხლში.

აუდიტით დადგინდა, რომ სააგენტოში შესყიდვის სავარაუდო ღირებულების დასადგენად არ ტარდება სათანადო სამუშაოები.

სააგენტოს მიერ 2012 წლის 5 იანვარსა და 6 ივნისს გამოცხადებულ გამარტივებულ ელექტრონულ ტენდერებში, დასუფთავება და სანიტარულ მომსახურებაში გამარჯვებულად გამოვლინდა შესაბამისად შპს „COMFORT SERVISE” - ი და ი/მ „თარაშ ემხვარი“. ორივე შემთხვევაში პრეტენდენტებს სატენდერო წინადადება უნდა წარმოედგინათ დღგ-ს გათვალისწინებით. აუდიტით დადგინდა, რომ ელექტრონულ ტენდერში გამარჯვებული კომპანიები არ იყვნენ დღგ - ს გადამხდელები, შესაბამისად მათ ტენდერში მონაწილე სხვა პრეტენდეტებთან შედარებით ხელოვნურად შეექმნათ უპირატესობა და სააგენტოსგან ზედმეტად მიიღეს 6.0 ათასი ლარი

სააგენტოს საბანკო ანგარიშზე, 2014 წლის მარტიდან წლის ბოლომდე, საპროცენტო სარგებლის გარეშე განთვსებული იყო შპს „რეგიონული განვითარების ფონდის“ მიერ გადმორიცხული თანხები.

სააგენტოს მიერ არ ხდება დებულებით გათვალისწინებული, ფუნქციების სრულყოფილი შესრულება.

მომსახურების სააგენტომ ვერ უზრუნველყო განსაკარგავად გადაცემული მ-100 მარკის 50 000 ტონა მაზუთის შესაძლო მაღალ ფასად რეალიზაცია, რის საფუძველზეც გაიზარდა მაზუთის ხარისხობრივი მაჩვენებლების გაუარესებისა და, შესაბამისად მისი ღირებულების შემცირებასთან დაკავშირებული ფინანსური რისკები.

აუდიტის პერიოდში სათანადო კონტროლო არ იყო დაწესებული სახელმწიფო საკუთრებაში მიქცეული ქონების გადმობარებაზე, განაჩენებისა და გადაწყვეტილებების აღსრულებაზე, ზოგიერთ შემთხვევაში კი საერთოდ რეაგირების გარეშე იყო დატოვებული.

2013 წლის 26 აგვისტოს სახელმწიფო საკუთრებაში მიქცეულია საქართველოს ტერიოტორიაზე უკანონოდ შემოტანილი 80 ცალი მობილური ტელეფონი, რომელთაგან 63 ერთეული უსასყიდლოდ გადაცემულია სხვადასხვა საბიუჯეტო ორგანიზაციებისათვის, ხოლო დარჩენილი 17 ერთეული რეალიზებულია სავაჭრო მაღაზიის მეშვეობით ისე, რომ მობილური ტელეფონები არ გასულა ინტერნეტ-აუქციონზე. ასევე, ინტერნეტ-აუქციონზე გატანის გარეშე, სავაჭრო მაღაზიის მეშვეობით რეალიზებულია ოქროს ნაკეთობები (ძვირფასი ქვებით). საქართველოს ფინანსთა მინისტრის N771 ბრძანებით დამტკიცებული წესის შესაბამისად ქონების განკარგვის შესახებ გადაწყვეტილებას იღებს სააგენტოს გენერალური დირექტორი, მაგრამ აღნიშნულ შემთხვევაში სააგენტოს არ უმსჯელია სათანადოდ იმაზე, თუ განკარგვის რომელი ფორმა იქნებოდა ეკონომიკურად გამართლებული.

მატერიალურად პასუხისმგებელი პირების შეცვლისას არ არის ჩატარებული ინვენტარიზაციები და მათ შორის არ გაფორმებულა შესაბამისი მიღება-ჩაბარების აქტები.

ელექტონულ პროგრამა „ERP“-ში მიქცეული და განსაკარგავად გადმოცემული ქონების ნაშთები არ ასახავს რეალობას, კერძოდ ნაშთებში ირიცხება ისეთი საქონელი, რომლის განკარგვა მომხდარია წინა წლებში.

„ბიუჯეტების დაფინანსებაზე მყოფი ორგანიზაციების ბუღალტრული ანგარიშგების ფორმების დამტკიცების შესახებ“ საქართველოს ფინანსთა მინისტრის 2008 წლის 16 აპრილის N364 ბრძანების მოთხოვნების მიუხედავად ფორმა N6 წარდგენილია არამართებულად. კერძოდ, სატრანპორტო საშუალებების თითოეული ჯგუფის მიხედვით არ არის წარმოდგენილი საანგარიშო პერიოდში გაწეული საკასო და ფაქტიური ხარჯი. უნდა აღინიშნოს, რომ საქართველოს მთავრობის ადმინისტრაციის 2015 წლის 19 ოქტომბრის N67737 წერილის თანახმად აღნიშნული შეუსაბამობა აღმოფხვრილია და ფორმა N6 წარდგენილია დადგენილი ფორმით.

ქ. თბილისში პროგრამის განმახორციელებლების მიერ არ ხდება პროგრამის ფარგლებში მატერიალურ-ტექნიკური ბაზის (ავტომანქანების, კომპიუტერული მოწყობილობების) შესყიდვა ეკონომიურობისა და პროდუქტიულობის პრინციპებიდან გამომდინარე, რაც იწვევს რესურსების არაეფექტიან ხარჯვას. შესაძლებელი იქნებოდა შესყიდვის ღირებულების 950,000 ლარით დაზოგვა და დამატებით დაიზოგებოდა მხოლოდ ერთი წლის განმავლობაში საშუალოდ 220,000 ლარის ღირებულების საწვავი და საგარანტიო მომსახურების ვადის გასვლის შემდეგ, მანქანების მოვლა-შენახვასთან დაკავშირებული ხარჯები.

2014 წელს სოციალური ქსელის „Facebook”-ის მეშვეობით სარეკლამო მომსახურების ხარჯმა შეადგინა - 15.4 ათასი ლარი. „Facebook“-ის სარეკლამო მომსახურება წარმოადგენს არარეზიდენტი საწარმოს მიერ საგადასახადო აგენტისთვის საქართველოს ტერიტორიაზე გაწეულ მომსახურებას და საქართველოს საგადასახადო კოდექსის 176-ე და 166-ე მუხლების მიხედვით ექვემდებარებოდა დღგ-ით უკუდაბეგვრას, რაც არ განხორციელებულა. შესაბამისად, 2014 წლის 31 დეკემბრის მდგომარეობით ფინანსური ანგარიშგებაში არაზუსტად არის წარმოდგენილი საგადასახადო ვალდებულებების მუხლი.

აღსანიშნავია, რომ თბილისის მერიამ სხვასთან ერთად 45 მსუბუქი ავტომანქანა (KIA Picanto), სრულად განაახლა მიკროავტობუსის ტიპის სპეციალურად აღჭურვილი ავტომანქანებით. ამასთან, ავტოპარკის სრული განახლება მიკროავტობუსის ტიპის ავტომანქანებით განხორციელდა დასაბუთებული ანალიზის გარეშე. არსებული პრიორიტეტების სისტემის გათვალისწინებით, სადაც წლის განმავლობაში გამოძახებათა 26%-ს დაბალ პრიორიტეტული, 19%-ს კი საშუალო პრიორიტეტული არაგადაუდებელი შემთხვევები შეადგენს (ჯამში 45%), მსუბუქი ავტომობილების შესყიდვა შესაბამისი პროპორციულობით არ განხორციელებულა.

აუდიტის პერიოდში, სამინისტროს, ისევე როგორც სსიპ „112“-ს, არ გააჩნია შესაბამისი ინსტრუმენტები (რეგულაციები, ტექნიკური ბაზა, მონიტორინგის და ხარისხის კონტროლის მექანიზმები) რეგიონებში სასწრაფო სამედიცინო დახმარების მომსახურების დროული რეაგირების და დამაკმაყოფილებელი ხარისხის მისაღწევად.

მნიშვნელოვანი დარღვევე-ნაკლოვანებებით შედგენილი ფინანსური ანგარიშგება

შიდა ნორმატიული აქტები მოძველებული და არასრულყოფილია

განსაკუთრებით დიდი ოდენობით არსებული დებიტორული დავალიანება

აღურიცხავი კრედიტორული დავალიანება

გადარიცხულია გაურკვეველი წარმომავლობის თანხა

შესყიდვების განხორციელება შესყიდვების ერთიან ელექტრონულ სისტემაში დარეგისტრირების გარეშე და ხელშეკრულებების CMR-ში დარეგისტრირების გარეშე

საბიუჯეტო პროცესის, მათ შორის შრომის ანაზღაურების ფონდის დაგეგმვაში არსებული ნაკლოვანებები

სამინისტროს მაღალჩინოსნების სასწავლო კურსებზე გახარჯული სახსრები

მივლინებაში გაწეული უკანონო ხარჯი

შენატანები საწესდებო კაპიტალში

შესყიდვის საშუალების შერჩევაში არსებული ნაკლოვანებები

ტენდერების ორგანიზებაში არსებული ხარვეზები

არასაიდუმლო შესყიდვების საიდუმლო გრიფით განხორციელების შემთხვევები

სამხედრო მოსამსახურეთა კვების ორგანიზების საკითხში არსებული პრობლემები

სამინისტრო 5 თვის მანძილზე ფუნქციონირებდა სატენდერო კომისიის გარეშე

სამხედრო მოსამსახურეთა დაზღვევის შესყიდვის საკითხში დაშვებული გადაცდომები

მთავარ სამმართველოსა და შპს „ერ-თი-ჯის“ შორის სახელმწიფო შესყიდვაზე გაფორმდა ხელშეკრულება N215 ღირებულებით 0.1 ათასი ლარი. ხელშეკრულების საგანს წარმოადგენდა შსს ქ. თბილისის მთავარი სამმართველოს გლდანი-ნაძალადევის სამმართველოს პოლიციის I განყოფილების ახალი ადმინისტრაციული შენობის სამშენებლო-სარემონტო სამუშაოები. მონოლითური რკინაბეტონის სამუშაოებთან დაკავშირებით მოქმედ სამშენებლო ნორმებთან შედარებით გამოვლინდა სხვაობები 61.0 ათასი ლარის ოდენობით.

მთავარ სამმართველოსა და შპს „დამბას“ შორის სახელმწიფო შესყიდვაზე გაფორმდა ხელშეკრულება N192 ღირებულებით 1,145.0 ათასი ლარი. ხელშეკრულების საგანს წარმოადგენდა შსს ქ. თბილისის მთავარი სამმართველოს ისანი-სამგორის სამმართველოს პოლიციის II განყოფილების ახალი ადმინისტრაციული შენობის სამშენებლო-სარემონტო სამუშაოები. მოქმედ სამშენებლო ნორმებთან შედარებით გამოვლინდა სხვაობები 86.6 ათასი ლარის ოდენობით

მთავარ სამმართველოსა და შპს „დამბას“ შორის სახელმწიფო შესყიდვაზე გაფორმდა ხელშეკრულება N163 ღირებულებით 2,441.6 ათასი ლარი. ხელშეკრულების საგანს წარმოადგენდა შსს ქ. თბილისის მთავარი სამმართველოს დიდუბე-ჩუღურეთის სამმართველოს ახალი ადმინისტრაციული შენობის სამშენებლო-სარემონტო სამუშაოები. მოქმედ სამშენებლო ნორმებთან შედარებით გამოვლინდა სხვაობები 123.4 ათასი ლარის ოდენობით

მთავარ სამმართველოსა და შპს „ბლოკ-ჯორჯიას“ შორის სახელმწიფო შესყიდვაზე გაფორმდა ხელშეკრულება N203 ღირებულებით 2,877.0 ათასი ლარი. ხელშეკრულების საგანს წარმოადგენდა შსს ქ. თბილისის მთავარი სამმართველოს ისანი-სამგორის სამმართველოს ახალი ადმინისტრაციული შენობის სამშენებლო-სარემონტო სამუშაოები. მოქმედ სამშენებლო ნორმებთან შედარებით გამოვლინდა სხვაობები 100.6 ათასი ლარის ოდენობით

გლდანი-ნაძალადევის სამმართველოს პოლიციის IX განყოფილების ახალი ადმინისტრაციული შენობის სამშენებლო-სამონტაჟო სამუშაოების შესყიდვის მიზნით მთავარმა სამმართველომ გამოაცხადა ელექტრონული ტენდერი (SPA120003416) შესყიდვის სავარაუდო ღირებულებით 1,500.0 ათასი ლარი. ტენდერში მონაწილეობა მიიღო ერთმა პრეტენდენტმა - შპს „გრუსიამ“, რომელთანაც ტენდერში გამარჯვების საფუძველზე 2012 წლის 9 მარტს გაფორმდა ხელშეკრულება N51 ღირებულებით 1,493.0 ათასი ლარი. მოქმედ სამშენებლო ნორმებთან შედარებით გამოვლინდა სხვაობები 74.9 ათასი ლარის ოდენობით

2012 წლის 30 იანვარს მთავარმა სამმართველომ გამოაცხადა ელექტრონული ტენდერი შესყიდვის სავარაუდო ღირებულებით 1 400.0 ათასი ლარი. შესყიდვის ობიექტს წარმოადგენდა ქ. თბილისის მთავარი სამმართველოს გლდანი-ნაძალადევის სამმართველოს პოლიციის II განყოფილების ახალი ადმინისტრაციული შენობის სამშენებლო სამონტაჟო სამუშაოები. შპს „მემონტაჟე ნიკა“ ტენდერში გამარჯვებულად გამოცხადდა კანონმდებლობის დარღვევით. რის შედეგადაც ხელშეკრულება გაფორმდა 46.7 ათასი ლარით მაღალი ღირებულებით.

დასუფთავების მომსახურების შესყიდვაზე დაგვიანებით გამოცხადებულ ელექტრონულ ტენდერში გაიმარჯვა შპს „სუფთა სამყარომ“, რომელთანაც 2013 წლის 11 აპრილს გაფორმდა ხელშეკრულება N99 ღირებულებით 388.9 ათასი ლარი. აღნიშნული ხელშეკრულებით განსაზღვრულმა ერთი თვის მომსახურების ფასმა შეადგინა 43.2 ათასი ლარი, რაც 9.0 ათასი ლარით ნაკლებია გამარტივებული შესყიდვის გზით მასთან გაფორმებული ხელშეკრულებებით განსაზღვრულ ფასებთან შედარებით. შესაბამისად, მთავარი სამმართველოს მიერ აღნიშნული შესყიდვის სწორად ორგანიზების შემთხვევაში შესაძლებელი იქნებოდა მიღებულიყო 27.0 ლარის ეკონომია (9.0*3თვე).

აუდიტის პერიოდში გახარჯული საწვავის და გადარიცხული სატელეფონო მომსახურების ლიმიტები არ იყო შეთანხმებული ცენტრის საქმიანობის კონტროლის განმახორციელებელ ორგანოსთან - აფხაზეთის ავტონომიური რესპუბლიკის მთავრობასთან.

ჩატარებული ინვენტარიზაციის შედეგად გამოვლინდა ბალანსზე რიცხული 6 ერთეული 1.0 ათასი ლარის ღირებულების აქტივების დანაკლისი და დაუდგენელი ღირებულების 29 ერთეული აქტივის ზედმეტობა.

2011 წლის წლიური ბალანსის დანართ ფორმა N2 - ში, არ არის ასახული ძირითადი კაპიტალის მოხმარების თანხა, ხოლო დანართებში ფორმა N3 და ფორმა N5 -ში ფიზიკური ცვეთა ნაჩვენებია 2.7 ათასი ლარის ოდენობით; 2014 წლის წლიურ ბალანსის დანართ ფორმა N 5-ში მიმდინარე პერიოდში შესყიდული ჯამში 4. 1 ათასი ლარის ღირებულების აქტივის შეძენა შეცდომით ასახულია, გრაფაში - აქტივების შესყიდვა წინა წლების ავანსების შემცირებით; 2011 – 2014 წლების ბალანსები არ იყო წარდგენილი სახელმწიფო კონტროლის განმახორციელებელი შესაბამისი ორგანოსათვის. აფხაზეთის ავტონომიური რესპუბლიკის მთავრობის მიერ არ იყო დანიშნული დამოუკიდებელი აუდიტორი ორგანიზაციის ბალანსის შესამოწმებლად, შედეგად ფინანსური ანგარიშგების აუდიტი არ განხორციელებულა დადგენილი წესის შესაბამისად.

აუდიტის ჯგუფისთვის ვერ იქნა წარმოდგენილი საორგანიზაციო კომიტეტის 2011- 2015 წლების შესაბამისი პერიოდების ფინანსური ანგარიშგება, ბალანსები და მასთან დაკავშირებული სხვა ანგარიშები. საორგანიზაციო კომიტეტის ბალანსზე 2016 წლის 1 სექტემბრის მდგომარეობით დაუმთავრებელი მშენებლობის სახით ირიცხებოდა 35,349,585 ლარის ღირებულების აქტივები, მათ შორის ახალი ობიექტების მშენებლობა 23,812,553 ლარით, მაშინ როდესაც ეს აქტივები მოცემული თარიღისთვის არ წარმოადგენდა ორგანიზაციის საკუთრებას. საორგანიზაციო კომიტეტის ბუღალტრული ბაზაში არასრულად იყო აღრიცხული ბარტერული ოპერაციები. ზოგიერთი ბარტერული ოპერაციის განხორციელების შესახებ ინფორმაცია აუდიტის ჯგუფისთვის ცნობილი გახდა მხოლოდ ორგანიზაციის პირველადი დოკუმენტაციის მიმოხილვისას

საორგანიზაციო კომიტეტის მიერ რიგ შემთხვევბში არ ხდებოდა „სახელმწიფო შესყიდვების შესახებ“ საქართველოს კანონის 21-ე მუხლის 31 პუნქტის მოთხოვნების დაცვა, რომლის თანახმად ხელშეკრულების შესრულების გარანტიის ან დაზღვევის მოთხოვნა სავალდებულოა, თუ ხელშეკრულების საერთო ღირებულება შეადგენს ან აღემატება 200.0 ათას ლარს

სახელმწიფო შესყიდვებთან დაკავშირებით, აუდიტის ჯგუფმა ვერ მიიღო საკმარისი და შესაფერისი რწმუნება გადაუდებელი აუცილობლების არსებობასთან და სამუშაოების შეზღუდულ ვადებში შეუფერხებლად ჩატარების საჭიროებასთან დაკავშირებით, კერძოდ: მთავრობის განკარგულება გამოცემულია სამუშაოების შეზღუდულ ვადებში შესრულების მიზნით, მაშინ როდესაც განკარგულების ფარგლებში სამშენებლო სამუშაოების და სხვა სახის საქონლისა და მომსახურების შესყიდვაზე ხელშეკრულებები გაფორმებულია მნიშვნელოვანი დაგვიანებებით, როგორც 2-3 თვიანი, ასევე 11-12 თვიანი ინტერვალის შემდეგაც. საორგანიზაციო კომიტეტისთვის შესასრულებელი სამუშაოების (მათ შორის ინფრასტრუქტურული პროექტების) მასშტაბი ცნობილი იყო 2011 წელს. შესაბამისად, დროული დაგეგმვის პირობებში აუდიტის ჯგუფის აზრით, შესაძლებელი იქნებოდა შესყიდვების კანონით დადგენილი პროცედურების დაცვით, კონკურენციის პირობებში ვალდებულებების შესრულების განხორციელება.

მივლინების ფარგლებში ადგილი ჰქონდა დღეღამეში ბინის დაქირავების ხარჯების ანაზღაურების ნორმების დარღვევის ფაქტებს, არ იყო წარმოდგენილი სასტუმროს ინვოისები და ფაქტობრივად გაწეული ხარჯის დამადასტურებელი დოკუმენტაცია, მივლინების ბრძანებებში არ იყო ინფორმაცია თუ რამდენი დღის მიხედვით ხდებოდა სასტუმროს ხარჯის ანაზღაურება. ზოგიერთ შემთხვევაში ბრძანებით არ იკვეთება მივლინების მიზანი და ის ზოგადი ხასიათისაა, ღონისძიებებზე ოფიციალური მოწვევების და მივლინებით მიღწეულ შედეგებზე ინფორმაციის წარმოუდგენლობის გამო, ეკონომიურობის პრინციპების გათვალისწინებით, არ დასტურდება მივლინების ფარგლებში გაწული ხარჯების მიზანშეწონილობა.

ორგანიზაციაში არ არსებობდა სასაწყობე აღრიცხვის სისტემა, შესყიდული ფასეულობების გადაცემა ხდებოდა პასუხისმგებელი პირების მითითების გარეშე. ვერ იქნა წარმოდგენილი მტკიცებულებები 2012-2015 წლებში აქტივების ინვენტარიზაციის ჩატარების თაობაზე. 2016 წლის თებერვალში დანიშნული სალიკვიდაციო კომიტეტის თანამშრომელთა მიერ განხორციელებული ინვენტარიზაციით, გამოვლინდა აქტივების როგორც ზედმეტობა, ასევე 4 ათასზე მეტი დასახელების აქტივების დანაკლისი. ყველა არსებითი ასპექტის გათვალისწინებით, აუდიტის ჯგუფმა ვერ გამოთქვა მოსაზრება 2016 წლის 1 ივლისის მდგომარეობით ბუღალტრულად აღრიცხული 28,214 მლნ ლარის ღირებულების არაფინანსური აქტივების არსებობისა და სისრულის შესახებ

სახელმწიფო შესყიდვების განხორციელებაისას ადგილი ჰქონდა ინტერესთა კონფლიქტს და ხელშეკრებულებების ურთიერთდაკავშირებული მხარეებთან გაფორმების შემთხვევებს. 2014-2015 წლებში საორგანიზაციო კომიტეტსა და შპს „ვილა არტს“ შორის გაფორმებულია 7 ხელშეკრულება საერთო ღირებულებით 8,123.2 ათას ლარი. აღნიშნული კომპანიის თავდაპირველი მესაკუთრეები/მფლობელები შრომითი ხელშეკრულებების საფუძველზე დასაქმებული იყვნენ საორგანიზაციო კომიტეტში. შპს „ვილა არტი“-ს დირექტორი და 100% წილის მფლობელი საორგანიზაციო კომიტეტის საფინანსო დეპარტამენტის შესყიდვების მენეჯერის თანამდებობიდან გათავისუფლებულია სახელმწიფო შესყიდვების შესახებ ხელშეკრულების გაფორმებამდე 6 დღით ადრე

აუდიტის ჯგუფსა და საორგანიზაციო კომიტეტის ზოგიერთ თანამშრომელს შორის, რომლებიც 2016 წლამდე პერიოდში პასუხისმგებელნი იყვნენ მათზე დაკისრებული მოვალეობის შესრულებაზე, ვერ შედგა სრულყოფილი კომუნიკაცია, მაშინ როდესაც უმაღლესი აუდიტორული ორგანოების საერთაშორისო სტანდარტის (ISSAI 4100) მიხედვით კომუნიკაცია აუცილებელი წინაპირობაა იმისათვის, რათა აუდიტორებს მიეწოდოს შესაბამისი მტკიცებულება, რომელიც უზრუნველყოფს აუდიტორების მიერ ამა თუ იმ ოპერაციის ან მოვლენის სწორად აღქმას და „საღი აზრის“ ჩამოყალიბებას. შესაბამისად, არასათანადო კომუნიკაციას აუდიტის ჯგუფი განიხილავს, როგორც მასშტაბის შეზღუდვის ერთ-ერთ გარემოებას.

აუდიტორული პროცედურების აუდიტის საერთაშორისო სტანდარტებით განსაზღვრული კრიტერიუმების გათვალისწინებით დროულად და სათანადოდ ჩატარებისთვის შემაფერხებელ ფაქტორს წარმოადგენდა ის გარემოება, რომ საორგანიზაციო კომიტეტის მიერ სამეურნეო ოპერაციებთან დაკავშირებული დოკუმენტაციის სისტემატიზაცია არ განხორციელებულა მემორიალური ორდერების შექმნისთვის კანონმდებლობით დადგენილი მოთხოვნების დაცვით.

სამშენებლო სამუშაოების შესყიდვისას შუალედური ანგარიშსწორება, გამონაკლისი შემთხვევების გარდა, წარმოებდა მხოლოდ ანგარიშ-ფაქტურის საფუძველზე ხელშეკრულებით მოთხოვნილი შუალედური ფორმა N2-ისა და მიღება-ჩაბარების აქტ(ებ)ის გარეშე

ზოგიერთ შემთხვევაში ადგილი ჰქონდა კანონით დადგენილი მონეტარულ ზღვრების დაუცველად ხელშეკრულებების გამარტივებული შესყიდვის საშულებით გაფორმების შემთხვევებს, ასე მაგალითად: 2014 წლის 25 მარტს გამარტივებული შესყიდვის საშუალებით (CMR 140107106) შპს „იბერია ავტო“-სგან შეძენილია ერთი ერთეული ა/მ Volkswagen Amarok 60.0 ათას ლარად.

ადგილი ჰქონდა „სახელმწიფო შესყიდვების შესახებ“ საქართველოს კანონის მოთხოვნათა დაუცველად ხელშეკრულებების გაფორმებას საორგანიზაციო კომიტეტის თანამშრომლებთან, რომლებიც საქართველოს საგადასახადო კოდექსის თანახმად წარმოადგენდნენ ურთიერთდამოკიდებულ პირებს. 2014 წლის 7 თებერვალს ფ/პ დავით გერსამიასთან, რომელიც ამავე დროს შრომითი ხელშეკრულებით დასაქმებული იყო საორგანიზაციო კომიტეტში, გაფორმებულია ხელშეკრულება საიჯარო მომსახურების გაწევაზე ღირებულებით 23.7 ათას აშშ დოლარი.

აუდიტისთვის შერჩეულ უმაღლეს საგანმანათლებლო დაწესებულებებში საგანმანათლებლო პროგრამების განვითარების პროცესის ანალიზის შედეგად გამოვლინდა, რომ შერჩეული უსდ-ები სრულფასოვნად ვერ იყენებენ დაინტერესებული პირებისგან მიღებულ უკუგებას და ეფექტიანად არ რეაგირებენ გამოვლენილ ნაკლოვანებებზე. შედეგად, საგანმანათლებლო პროგრამების განვითარებას არ აქვს სისტემური და ქმედითი ხასიათი.

სსიპ - ივანე ჯავახიშვილის სახელობის თბილისის სახელმწიფო უნივერსიტეტის ხარისხის უზრუნველყოფის სისტემაში შესაბამისი მექანიზმის არარსებობის გამო, უმაღლესი საგანმანათლებლო დაწესებულება ვერ ახორციელებს საგანმანათლებლო პროგრამის განვითარების პროცესში კურსდამთავრებულთა სისტემატურ და სრულფასოვან ჩართვას, რასაც არსებითი მნიშვნელობა აქვს საგანმანათლებლო პროგრამების მიერ დასახული სწავლების შედეგებისა და კურსდამთავრებულთა კონკურენტუნარიანობის შეფასებისათვის.

აუდიტის შედეგად გამოვლინდა, რომ სსიპ - საქართველოს ტექნიკური უნივერსიტეტის მიერ საგანმანათლებლო პროგრამების შეფასების მიზნით შექმნილი საფაკულტეტო კომისიის საქმიანობას არ ჰქონდა სისტემატური ხასიათი. ამასთანავე, შეფასების პროცესში არ მონაწილეობენ კომისიის შემადგენლობაში მყოფი ლექტორები და სტუდენტები და შესაბამისად, კომისია ვერ უზრუნველყოფს საგანმანათლებლო პროგრამების განვითარებაში დაინტერესებული პირების ჩართვას. შეფასება ხორციელდება კითხვარის მეშვეობით, რომელიც არ ითვალისწინებს სასწავლო კურსის მნიშვნელოვან კომპონენტებს, რომელთა შეფასებაც აუცილებელია საგანმანათლებლო პროგრამის შინაარსობრივი განვითარებისთვის და წარმოადგენს კომისიის ძირითად მიზანს.

სსიპ - საქართველოს ტექნიკური უნივერსიტეტის მიერ საგანმანათლებლო პროგრამების განვითარების მიზნით სტუდენტებისგან მიღებული უკუგება ორიენტირებულია მხოლოდ ლექტორის საქმიანობაზე და არ მოიცავს სტუდენტების შეფასებას აკრედიტაციის სტანდარტებით გათვალისწინებულ სხვა მოთხოვნებზე, როგორიცაა, სწავლების მეთოდები, სასწავლო მასალა, შეფასების მეთოდები და სხვ. ამასთანავე, შესაბამისი მექანიზმების არარსებობის გამო საგანმანათლებლო პროგრამების განვითარების პროცესში საერთოდ არ არიან ჩართულნი კურსდამთავრებულები.

იქიდან გამომდინარე, რომ შერჩეულ უმაღლეს საგანმანათლებლო დაწესებულებებში არ არის დანერგილი სტუდენტთა დახმარების სერვისების შესახებ ინფორმირებულობის ასამაღლებლად საჭირო მექანიზმები, სტუდენტები არ არიან სათანადოდ ინფორმირებული დამატებითი აკადემიური საკონსულტაციო საათებისა და დასაქმების სერვისების არსებობის შესახებ, რომელთაც მათ უმაღლესი საგანმანათლებლო დაწესებულება სთავაზობთ. შესაბამისად, აღნიშნული სერვისები არ არის სტუდენტებისთვის ხელმისაწვდომი და მათ არ ეძლევათ შესაძლებლობა აღნიშნული სერვისების დახმარებით გაიუმჯობესონ აკადემიური მოსწრება და სრულად მიაღწიონ სწავლების შედეგებს.

აუდიტისთვის შერჩეული 3 უმაღლესი საგანმანათლებლო დაწესებულებიდან არც ერთს არ აქვს დანერგილი სისტემური და ქმედითი მექანიზმი, რომელიც საშუალებას მისცემთ სტუდენტების მოსწრებასა და დასწრებაზე დაკვირვების მეშვეობით სწავლების ადრეულ ეტაპზე მოახდინონ სტუდენტების საჭიროებებისა და მოთხოვნების იდენტიფიცირება და მათი აკადემიური მოსწრების გაუმჯობესების მიზნით სტუდენტებისთვის შესაბამისი დახმარების სერვისების შეთავაზება.

იქედან გამომდინარე, რომ არსებული სქემის პირობებში სწავლის დაფინანსების შენარჩუნება სტუდენტებისგან არ მოითხოვს არანაირ დამატებით ძალისხმევას უმაღლეს საგანმანათლებლო დაწესებულებაში სწავლის პროცესში, მათ ნაკლები მოტივაცია აქვთ გაიუმჯობესონ ან/და შეინარჩუნონ თავიანთი აკადემიური მოსწრება.

სამეცნიერო სფეროში პრიორიტეტები განსაზღვრული არ არის, რის შედეგად სამეცნიერო კვლევების დაფინანსება ხდება მხოლოდ მის სამეცნიერო ღირებულებაზე დაყრდნობით. საქართველოს კანონში „მეცნიერების, ტექნოლოგიებისა და მათი განვითარების შესახებ“ მეცნიერების განვითარების პოლიტიკა მთლიანად ქვეყნის სოციალურ–ეკონომიკური განვითარების შემადგენელ ნაწილად არის მიჩნეული. ამდენად, მეცნიერების მართვის სახელმწიფო პოლიტიკის ერთ–ერთი მიზანია ქვეყნის სოციალურ–ეკონომიკური განვითარების პროგნოზებიდან გამომდინარე, მეცნიერების კონკრეტული დარგების პრიორიტეტების დადგენა და მათი განვითარების ხელშეწყობა.

მეცნიერების მართვის ორგანიზაციული სტრუქტურა არ შეესაბამება საერთაშორისო პრაქტიკით მიღებულ მართვის მოდელს. მოქმედი ორგანიზაციული სტრუქტურა ვერ უზრუნველყოფს სამეცნიერო სფეროში საჭირო გადაწყვეტილებების მიღებასა და ეფექტიან აღსრულებას. არ არსებობს ქმედითი სამეცნიერო საბჭო, რომელიც დაკომპლექტებული იქნებოდა შესაბამისი სექტორების (აკადემიური, სამთავრობო და ბიზნესის) წარმომადგენლებისაგან და რეალურად შეასრულებდა სამეცნიერო მიმართულებებისა და პოლიტიკის შესახებ მრჩეველის ფუნქციას.

სამეცნიერო სისტემის შეფასებისა და მონიტორინგის სისტემა ვერ უზრუნველყოფს გადაწყვეტილებების მიღებისთვის საჭირო ინფორმაციის გენერირებას. სამეცნიერო სფეროს მართვის სისტემის ფუნქციონირებისა და სამეცნიერო შედეგების შესაფასებლად საჭიროა მონიტორინგისა და შეფასების ქმედითი სისტემის არსებობა, რომელიც საიმედო ინფორმაციას მიაწვდის აღმასრულებელ ხელისუფლებასა და პარლამენტს სამეცნიერო პოლიტიკის განხორციელებისას გატარებული ღონისძიებების პროდუქტიულობისა და ეფექტიანობის შესახებ.

სამეცნიერო კვლევითი ინსტიტუტებისა და უნივერსიტეტების ინტეგრაციის პროცესის მიზნები განსაზღვრული არ არის, რის შედეგადაც სინერგიის ეფექტი უმნიშვნელოა. სამეცნიერო–კვლევითი და უმაღლესი საგანმანათლებლო სფეროების ინტეგრაციის საჭიროებას რამდენიმე ფაქტორი განაპირობებს. უპირველეს ყოვლისა, ამ ორი კომპონენტის ინტეგრაცია უნდა გახდეს დამაკავშირებელი რგოლი პრაქტიკულ კვლევასა და განათლებას შორის. მეორე მხრივ, ინტეგრაციის პროცესს აქვს პოტენციალი, რომ აქტიურმა მკვლევარებმა მონაწილეობა მიიღონ უნივერსიტეტის ე.წ „ცოდნის სამკუთხედის" ფუნქციონირებაში და გახდნენ უნივერსიტეტის თანამედროვე პრაქტიკაში არსებული ტექნოპარკებისა თუ სხვა ინოვაციური წამოწყების მონაწილეები.

არ არსებობს სამეცნიერო ინფრასტრუქტურის განვითარების ხედვა. სათანადო სამეცნიერო ინფრასტრუქტურის გარეშე კვლევაში ჩართულ მეცნიერს არ ექნება ტექნიკური შესაძლებლობა და მორალური სტიმული, რომ შექმნას ღირებული სამეცნიერო პროდუქტი. რამდენადაც სამეცნიერო ინფრასტრუქტურის შექმნა საკმაოდ დიდ ხარჯებთან არის დაკავშირებული, აღნიშნული პრიორიტეტების თანახმად სახელმწიფო განსაზღვრავს ინფრასტრუქტურის რეაბილიტაციისა და განახლების გეგმას.

კანონით განსაზღვრული სტატუსის მიუხედავად, რეალურად სამეცნიერო საქმიანობა არ წარმოადგენდა მთავრობის პრიორიტეტს,რაც გამოიხატებოდა, სხვათა შორის სამეცნიერო ფონდისთვის გამოყოფილი ასიგნებების ნაწილობრივ ათვისებაში

საქართველოს მთავრობის 2011 წლის 29 დეკემბრის N2600 განკარგულების საფუძველზე კომპანიის კაპიტალი გაიზარდა 800,000 ლარით. განკარგულების მიხედვით კომპანიას დაევალა ყვარლის მუნიციპალიტეტში, ილიას ტბასთან მისასვლელი გზების რეაბილიტაცია, ფაქტობრივმა შესრულებულმა სამუშაოებმა შეადგინა 818,015 ლარი. ასევე, საქართველოს მთავრობის 2011 წლის 19 ოქტომბრის N1898 განკარგულების საფუძველზე კომპანიას დამატებით დაევალა საკუთარი სახსრებით ქ. ყვარელში, ილიას გორაზე მდებარე იუსტიციის სასწავლო ცენტრთან მისასვლელი ს/გზის სარეაბილიტაციო სამუშაოების განხორციელება და ქ. ყვარელში, ილიას ტბის თავზე შესაბამისი წარწერის მოწყობა. აღნიშნულ სამუშაოებზე ფაქტობრივად გაწეულმა ხარჯმა შეადგინა 737,094 ლარი. ყველა ზემოთ ხსენებული სამუშაოს ზედამხედველობა, ინსპექტირება და მიღება-ჩაბარება დაევალა ყვარლის მუნიციპალიტეტს. თუმცა, დასრულებული სამუშაოები ჩაბარებული არ არის.

ხდება საჭიროებების არასწორად იდენტიფიცირება, რაშიც პირველ რიგში, იგულისხმება ისეთი პროდუქტების შეძენა, რომლებიც საჭიროზე მეტად აკმაყოფილებენ შემსყიდველის მოთხოვნებს (მაგალითად, ავტომანქანები, კომპიუტერული ტექნიკა, ავეჯი და ა.შ.) საჭიროებების იდენტიფიცირებისა და მისი დაკმაყოფილების საშუალების შერჩევის ეტაპზე შეიძლება წარმოიშვას მრავალი რისკი და შესაძლოა სახეზე იყოს რიგი არასასურველი შედეგები.

საქართველოს მთავრობის 2012 წლის 23 მარტის N499 განკარგულების საფუძველზე კომპანიის კაპიტალი გაიზარდა 10,490,000 ლარით ზუგდიდის მუნიციპალიტეტში სხვადასხვა ინფრასტრუქტურული პროექტების განხორციელების მიზნით. შესრულებული სამუშაოების ზედამხედველობა, ინსპექტირება და მიღება-ჩაბარება დაევალა ზუგდიდის მუნიციპალიტეტს. სამუშაოების საერთო ღირებულებამ შეადგინა 12,676,076 (დღგ-ს ჩათვლით) ლარი. აქედან 2,186,076 ლარის სამუშაოები კომპანიამ საქართველოს მთავრობის 19 ოქტომბრის N1898 განკარგულების საფუძველზე განახორციელა საკუთარი სახსრებით. სამუშაოების დასრულების შემდეგ ობიექტი არ არის ჩაბარებებული.

ისევე, როგორც საჭიროებათა იდენტიფიცირებას, საჭიროებების ფორმულირებისა და სპეციფიკაციების განსაზღვრის ეტაპთანაც დაკავშირებულია გარკვეული რისკები. კეროდ, საჭიროებების არანეიტრალური, მიკერძოებული განმარტება, ტექნიკური დავალების ერთ მიმწოდებელზე მორგება, რაც იწვევს კონკურენციის შეზღუდვასა და ზრდის კორუფციის რისკებს

საქართველოს მთავრობის 2012 წლის 12 ივნისის N1114 და 27 ივლისის N1453 განკარგულებების საფუძველზე კომპანიის კაპიტალი გაიზარდა 7,366,000 ლარით. აღნიშნული თანხა გამოყოფილი იყო წყალტუბოს მუნიციპალიტეტში სხვადასხვა სახის სამშენებლო სამუშაოების შესყიდვის მიზნით. განკარგულებებში სამუშაოების მიმღები პირი არ იყო განსაზღვრული. შესრულებული სამუშაოების მთლიანმა ღირებულებამ შეადგინა 3,640,517 ლარი. აუდიტის პერიოდისათვის სამუშაოები ჩაბარებული არ არის. კომპანიის ხელმძღვანელობის განმარტებით, მათ არ გააჩნიათ ინფორმაცია თუ ვინ უნდა მოახდინოს ზემოთ აღნიშნულ შესრულებულ სამუშაოსთან დაკავშირებით მიღება-ჩაბარების გაფორმება, რადგან მთავრობის განკარგულებით არ იყო განსაზღვრული.

საჭიროებების ბუნდოვანი, ზოგადი განმაერტება, რაც იწვევს შემსყიდველის მოთხოვნასა და შესრულება შორის შეუსაბამობას, ართულებს სახელშეკრულებო ვალდებულებების შესრულების პროცესს და ზრდის კორუფციის რისკებს

„საქართველოში ბუღალტრული აღრიცხვისა და ანგარიშგების შესახებ დებულების დამტკიცების თაობაზე“ საქართველოს პრეზიდენტის 1998 წლის 6 თებერვლის N70 ბრძანებულების მოთხოვნების მიუხედავად, 2011, 2012 და 2013 წლებში კომპანიას არ ჩაუტარებია მოთხოვნებისა და ვალდებულებების სრული ინვენტარიზაცია.

შესყიდვების გარკვეული პროცესები და დოკუმენტაცია არ არის სტანდარტიზებული, რაც აშკარა შესაბამობაშია საერთაშორისო სტანდარტებთან და პრაქტიკასთან. აღნიშნული იწვევს ადმინისტრაციული დანახარჯების ზრდას, მოთხოვნასა და მიწოდებას შორის შეუსაბამობას და ზრდის უზუსტობების რისკებს.

2011 და 2013 წელს არ არის ჩატარებული სასაქონლო-მატერიალური ფასეულობების და ძირითადი საშუალებების ინვენტარიზაცია.

შემსყიდველი ორგანიზაციები ხშირ შემთხვევებში სათანადოდ არ ახორციელებენ ბაზრის შესწავლას, არ ითვალისწინებენ არც საკუთარ და არც სხვა შემსყიდველ ორგანიზაციათა გამოცდილებას, რაც რიგ შემთხვევებში იწვევს შესყიდვების უჩვეულოდ მაღალ ფასში განხორციელებას

ინფრასტრუქტურის მინისტრის 2011 წლის 8 თებერვალის N11/ო ბრძანების საფუძველზე კომპანიის კაპიტალში შეტანილი იქნა ქ. თბილისში სარაჯიშვილის N116 და სარაჯიშვილის N102- ში მდებარე არასასოფლო-სამეურნეო დანიშნულების მქონე მიწის ნაკვეთები და მასზე დამაგრებული შენობა-ნაგებობები. აუდიტის შედეგად გამოვლინდა, რომ შენობა-ნაგებობების შემთხვევაში, ბუღალტრულ ჩანაწერებსა და დამოუკიდებელი აუდიტორის შეფასებებში ასახული მაჩვენებლები მნიშვნელოვნად განსხვავდებოდა საჯარო რეესტრში დარეგისტრირებული მაჩვენებლებისგან. კომპანიის შესაბამისი წარმომადგენლის განმარტებით, აღნიშნული ხარვეზი ცნობილი იყო მათთვის. თუმცა, შეუსაბამობის აღმოფხვრა არ მომხდარა.

კონსოლიდირებული (მთავრობის დონეზე განხორციელებული შესყიდვები) და ცენტრალიზებული/ერთობლივი შესყიდვების პრაქტიკა ნაკლებად არის დანერგილი, რითაც იკარგება მნიშვნელოვანი ოდენობის თანხების დაზოგვის შესაძლებლობა.

კომპანიაში 2013 წლის 31 დეკემბრის მდგომარეობით, ძირითად საშუალებებად არის აღიარებული 215,976 ლარის ღირებულების ისეთი მატერიალური ფასეულობები, რომელთა მახასიათებლებიც არ შეესაბამება ფასსებით განსაზღვრულ კრიტერიუმებს ძირითად საშუალებებად აღიარებასთან დაკავშირებით. ამასთან, გვხვდება შემთხვევები, როდესაც აქტივი აკმაყოფილებს ძირითად საშუალებად აღიარების კრიტერიუმს, მაგრამ ფინანსურ ანგარიშგებაში ასახულია როგორც სასაქონლო-მატერიალური მარაგი;

საკანონმდებლო ხარვეზების გამო და დაუსაბუთებელი გადაუდებელი აუცილებლობის მდგომარეობების საფუძველზე განხორციელებულმა გამარტივებულმა შესყიდვებმა გამოიწვია კონკურენციის (ტენდერის) გარეშე გაფორმებული კონტრაქტების საერთო ღირებულების მნიშვნელოვანი ზრდა, რამაც საბოლოო ჯამში 2011-2012 წლებისათვის 2 მილიარდზე მეტი ლარი შეადგინა (რაც აღნიშნულ პერიოდში განხორციელებული შესყიდვების 40%-ს შეადგენს).

კომპანიამ ვერ წარმოადგინა 2011 წელს 69,963 ლარის, 2012 წელს 69,603 ლარის და 2013 წელს 4,449 ლარის მარაგის შესყიდვის დოკუმენტაცია.

არსებული კანონმდებლობა აძლევს სახელმწიფო საწარმოებს და მის შვილობილ კომპანიებს (სადაც სახელმწიფო დე-ფაქტო კონტროლს ახორციელებს) შესყიდვები ელექტრონული სისტემის გვერდის ავლით განახორციელონ, რაც ამცირებს კონკურენცისა, ამასთანავე, მნიშვნელოვნად ზრდის კორუფციის რისკებსა და არარაციონალურ/არაეფექტიან ხარჯს.

2011 წელს ბუღალტრულ ჩანაწერებში ფიქსირდება მდინარე ჭოროხზე დაახლოებით 6,533 მ3 წიაღისეულის მოპოვება იმ პერიოდში, როდესაც კომპანიას არ გააჩნდა მოქმედი ლიცენზია, ან ლიცენზიისაგან განთავისუფლების უფლება.

ტენდერის გამოცხადებa ის არარაციონალური წესის გამო, სახელმწიფომ გასულ 2011-1012 წლებში არაეფექტიანად გახარჯა მნიშვნელოვანი ოდენობის თანხები

კომპანიამ გაიმარჯვა ქ. ახალციხეში საგზაო მოძრაობის ორგანიზაციის გაუმჯობესების შესახებ საავტომობილო გზების დეპარტამენტის მიერ გამოცხადებულ ტენდერში, ღირებულებით 1,144,900 ლარი. შემსყიდველთან გაფორმებული ხელშეკრულების თანახმად ქვეკონტრაქტორის მიერ შესასრულებელი სამუშაოების ჯამური მოცულობა არ უნდა ყოფილიყო შესასრულებელი სამუშაოების მთლიანი მოცულობის 40%-ზე მეტი. აღნიშნული მოთხოვნის მიუხედავად, ხელშეკრულებით გათვალისწინებული სამუშაოები სრულად იქნა შესრულებული ქვეკონტრაქტორების მიერ.

გადაუდებელი აუცილებლობის მდგომარეობის ხელოვნურად შექმნის, შემსყიდველისათვის არასასურველ პრეტენდენტთან ხელშეკრულების გაფორმების თავიდან აცილებისა თუ სხვა მიზეზთა გამო ხდება ტენდერების ხელოვნური/უსაფუძვლო შეწყვეტა და პრეტენდენტთა უსაფუძვლო დისკვალიფიკაცია.

ორგანიზაციის ფარგლებში არ მოიძებნება სპეც-ტექნიკით მომსახურების მიღება-ჩაბარების აქტები: 2011 წელს 6 შემთხვევა ჯამური თანხით 88,050 ლარი; 2012 წელს 10 შემთხვევა ჯამური თანხით 349,091 ლარი; 2013 წელს 1 შემთხვევა 5,032 ლარი.

გამოვლინდა ხელშეკრულების ვადის უსაფუძვლო ცვლილების რამდენიმე შემთხვევა. დადგინდა, რომ როდესაც ხელშეკრულების გაფორმების შემდეგ მიმწოდებლების მიერ ვერ ხორციელდება ნაკისრი ვალდებულის შესრულება ხელშეკრულებით დათქმულ ვადაში, ისინი ითხოვენ სახელშეკრულებო ვადის გაგრძელებას საფუძველს მოკლებული მიზეზთა გამო.

2011 წლის განმავლობაში, ორგანიზაციის ფარგლებში ფიქსირდება 5 შემთხვევა, როდესაც მომსახურების გაწევა მოხდა ვადაგასული ხელშეკრულების საფუძველზე.

არ არის დანერგილი მიმწოდებელთა შეფასების ეფექტიანი სისტემა, რაც გაადვილებდა მიმწოდებელთა სწორად შერჩევასა და დადებითად იმოქმედებდა კონკურენციაზე.

2011 წელს ფიქსირდება 2 შემთხვევა, სადაც მომსახურების გაწევის მიღება-ჩაბარებაში წერია ხელშეკრულებისგან განსხვავებული ტექნიკა.

არ მიმდინარეობს შრომის ბაზრის კვლევა, არ ხდება საერთაშორისო ორგანიზაციების კვლევების გათვალისწინება, რის გამოც სამინისტროს მიერ შემუშავებული პრიორიტეტები (რომლის საფუძველზეც ხდება სტუდენტთა დაფინანსება) არ შეესაბამება ბაზრის მოთხოვნებს. არც საქართველოს მთავრობას და არც საქართველოს შრომის, ჯანმრთელობისა და სოციალური დაცვის სამინისტროს არ ჰქონდა შემუშავებული შრომის ბაზრის კვლევის სტრატეგია, რის შედეგადაც 2013 წლამდე არ განხორციელებულა საკმარისი კვლევები შრომის ბაზრის საფუძვლიანად შესწავლის მიზნით. ამიტომაც, სამინისტროს მიერ განსაზღვრული პრიორიტეტები არ ეყრდნობოდა სანდო და უტყუარ ინფორმაციას შრომის ბაზარზე არსებული საჭიროებების შესახებ.

კომპანიის მიერ განხორციელებული ელექტრონული ტენდერების აუდიტის შედეგად გამოვლინდა მოქმედ კანონმდებლობასთან შეუსაბამობები ხელშეკრულების შესრულებისა და წინასწარ გადახდილი თანხის იდენტური ოდენობის გარანტიების წარდგენასთან დაკავშირებით,

გაუმართავია ანაგრიშგებისა და სასწავლებელთა მინიტონინგის სისტემა, შესამუშავებელია შიდა და გარე შეფასების დამატებითი მექანიზმები.

რიგ შემთხვევებში კომპანიის ხელმძღვანელობამ ვერ წარმოადგინა საკმარისი და შესაფერისი მტკიცებულებები სახელშეკრულებო ვადების გახანგრძლივებასთან დაკავშირებით.

პროფესიული სტანდარტები და კურიკულუმები არის ძალიან ზოგადი, რის გამოც რთულია სტუდენტის მიერ მიღებული კვალიფიკაციისა და უნარ-ჩვევების ზუსტად განსაზღვრა; კრედიტების სისტემა არ არის უნიფიცირებული.

კომპანიამ ვერ წარმოადგინა 2011 და 2012 წლებში ქვეყნის საზღვრებს გარეთ მივლინებული თანამშრომლების ოფიციალური მოწვევები, კორესპოდენცია, მივლინების ანგარიშები, ან სხვა სახის დოკუმენტი, რომელიც დაასაბუთებდა მივლინების მიზნობრიობას.

მასწავლებელთა პროფესიული განვითარება მიმდინარეობს უსისტემოდ და არ არის ორიენტირებული პროფესიული უნარ-ჩვევების განვითარებაზე(ტარდება ტრენინგები მხოლოდ ზოგადი უნარების სფეროში)

კომპანიამ ვერ წარმოადგინა 2011 და 2012 წლების ქვეყნის შიდა მივლინებების დამადასტურებელი პირველადი დოკუმენტაცია.

2011 და 2012 წელს სხვადასხვა მიმდინარე ხარჯების სხვა დანარჩენმა მიმდინარე ხარჯებმა სულ შეადგინა შესაბამისად 613.8 ათასი და 125.6 ათასი ლარი, რომელიც მთლიანად წარმოადგენს პრემირ-მინისტრის ბრძანებების საფუძველზე გაცემულ პრემიებსა და ჯილდოებს. მათ შორის პრემიებზე გაცემულია შესაბამისად 567.1 ათასი და 85.0 ათასი ლარი. პრემიებად გაცემული თანხების შემთხვევაში, პრემიერ-მინისტრის ბრძანებებში წარმოდგენილი საფუძვლები არ შეესაბამება ფინანსთა მინისტრის 2010 წლის 25 აგვისტოს N672 ბრძანებით დამტკიცებულ „საქართველოს საბიუჯეტო კლასიფიკაციის“ მიხედვით „სხვადასხვა მიმდინარე ხარჯების სხვა დანარჩენ მიმდინარე ხარჯების“ მუხლით გათვალისწინებულ გაცემებს.

პროფესიული განათლების სფეროში კერძო სუბიექტებისა და სოციალური პარტნიორების ჩართულობა უზრუნველყოფილი არ არის

დირექტორის მიერ გამოცემული ბრძანების საფუძველზე კომპანიაში მოქმედებდა საწვავის ხარჯვის თვიური ლიმიტები კონკრეტული ავტომობილის მიხედვით. 2011, 2012 და 2013 წლების განმავლობაში ადგილი ჰქონდა მნიშვნელოვან გადაცდომებს, რამაც შესაბამისად სულ 19,310 ლიტრი, 9,430 და 1,837 ლიტრი შეადგინა.

2011, 2012 და 2014 წლებში სოციალური ქსელის „Facebook”-ის სარეკლამო კომპანიის დაფინანსების მიზნით გადახდილია შესაბამისად 109.8 ათასი, 60.9 ათასი და 15.4 ათასი ლარი. მთავრობის კანცელარიამ ვერ წარმოადგინა მიღებულ მომსახურებასთან დაკავშირებული პირველადი დოკუმენტაცია: სარეკლამო მომსახურების დამადასტურებელი მასალები. შედეგად, აუდიტის ჯგუფმა ვერ მიიღო შესაფერისი და საკმარისი რწმუნება აღნიშნული ხარჯების გაწევის მიზნობრიობასთან დაკავშირებით. ამასთან, ზემოთ ხსენებული მომსახურების ღირებულება წარმოადგენს არარეზიდენტის მიერ საქართველოში არსებული წყაროდან მიღებულ შემოსავალს. საქართველოს საგადასახადო კოდექსის მოთხოვნების გათვალისწინებით მთავრობის კანცელარიას უნდა დაეკავებინა და სახელმწიფო ბიუჯეტში გადაეხადა გადახდის წყაროსთან საშემოსავლო გადასახადი და უკუდაბეგვრის წესით დამატებული ღირებულების გადასახადი.

გაუმართავია და ფაქტობრივად არ ფუნქციონირებს მონაცემთა ბაზა, რომელიც შექმნილია სამინისტროს მიერ. მიუხედავად იმისა, რომ ბაზა უნდა შეიცავდეს დეტალურ ინფორმაციას შემდეგ საკითხებზე - სტუდენტები, კოლეჯები, პედაგოგები, პერსონალი, პროგრამები, ამ ეტაპზე ბაზა შეიცავს ინფორმაციას მხოლოდ ჩარიცხული სტუდენტების რაოდენობასა და კურსდამთავრებულთა გარკვეულ ნაწილზე.

2011 წელს ადგილი ქონდა ბანკომატების მეშვეობით საბანკო ანგარიშიდან ფულადი სახსრების განაღდებას, რაც ეწინააღმდეგება „სახაზინო სამსახურის მიერ საბიუჯეტო ორგანიზაციების სამივლინებო და წარმომადგენლობითი ხარჯების ანგარიშის გახსნისა და კორპორაციული ბარათების დამზადების თაობაზე“ ფინანსთა მინისტრის 2010 წლის 15 თებერვლის N92 ბრძანების მოთხოვნას.

სასწავლებლები, რომლებიც ახორციელებენ მსგავსი ტიპისა და რაოდენობის პროგრამებს, იღებენ მნიშვნელოვნად განსხვავებულ თანხებს ერთ სტუდენტთან მიმართებაში.

2012 წელს საბიუჯეტო კოდექსის მოთხოვნების მიუხედავად, სახელმწიფო ბიუჯეტით გაუთვალისწინებელი გადასახდელების დასაფინანსებლად, სახელმწიფო ბიუჯეტში, სარეზერვო ფონდების გარდა, შექმნილი იქნა სარეზერვო ფონდის მსგავსი ფონდი, რომლიდანაც პრემიებზე და ჯილდოებზე გაწეულია 4 292.3 ათასი ლარის ხარჯები. აღნიშნული კოდიდან ასიგნებების ფორმალურ განმკარგავ საბიუჯეტო ორგანიზაციას წარმოადგენდა - ფინანსთა სამინისტრო, ხოლო ფაქტობრივ განმკარგავს - მთავრობის კანცელარია. ამასთან, მთავრობის კანცელარიის 2012 წლის ფინანსური ანგარიშგებაში, აღნიშნული კოდით განხორციელებული ხარჯები ასახული არ არის;

სტუდენტები 700 ან 1000 ლარიან ვაუჩერს იღებდნენ განურჩევლად პროგრამის ხანგრძლივობის, ტიპისა და ხასიათისა. სტუდენტის სწავლის დასაფინანსებლად განსხვავებული თანხებია საჭირო, პროგრამის ხანგრძლივობისა და შინაარსიდან გამომდინარე.

2012 წელს მთავრობის კანცელარიის შესაბამისი სამსახურების არაეფექტური მუშაობის შედეგად, ქ.თბილისში, ათონელის ქ. 25-ში მდებარე პრემიერ-მინისტრის ოფისის სამშენებლო სამუშაოების განსახორციელებლად გატარებული ღონისძიებებით, დაგეგმილ ვადაში ვერ დასრულდა სამშენებლო სამუშაოები. შედეგად, 2012 წლის 31 დეკემბრისათვის კანცელარიის ბალანსზე დასრულებული შენობის ნაცვლად ერიცხებოდა: 13 463.6 ათასი ლარის ღირებულების დებიტორული დავალიანება შპს ,,არტესის“ მიმართ და 3 108.5 ათასი ლარის დაუმთავრებელი ძირითადი აქტივი.

გაუმართავია ვაუჩერით სარგებლობის წესი - თანხების ჩარიცხვა რიგ შემთხვევაში ხდებოდა ერთჯერადად, მას შემდეგ რაც სტუდენტი მიღებულ იქნებოდა პროგრამაზე სასწავლებლის მიერ; ზოგჯერ კი - ორ ტრანშად (500-500 ლარი). თუმცა, ამ უკანასკნელ შემთხვევაში არ მოწმდებოდა აქტიურ სტუდენტთა ბაზა, რათა დადგენილიყო, ნამდვილად აგრძელებდა თუ არა სტუდენტი სწავლას შესაბამის პროგრამაზე. შესაბამისად, მნიშვნელოვანი ოდენობის თანხები იხარჯებოდა იმ პერიოდში როდესაც სტუდენტი სასწავლებელში აღარ ირიცხებოდა.

საქართველოს მთავრობის განკარგულებით 2012 წლის 3 სექტემბერს გადარიცხულია 331.4 ათასი ლარი, რომლის საკასო და ფაქტიური ხარჯის მიზნობრივად გამოყენების დოკუმენტები წარმოდგენილი ვერ იქნა.

სასწავლებელთა ინფრასტრუქტურული განვითარება მიმდინარეობს ეკონომიურობისა და პროდუქტიულობის ასპექტების გაუთვალისწინებლად; სასწავლებლებს არ ეძლევათ თანაბარი განვითარების შესაძლებლობა

2012 წლის ივლის-ოქტომბერში კანცელარიის მიერ ადგილი ჰქონდა საწვავის ხარჯვას იმ მოცულობით, რომელიც სცილდება ნორმებისა და გონივრულობის ფარგლებს და წარმოადგენს საბიუჯეტო თანხების არაეფექტურ და არამიზნობრივ ხარჯვას.

ავტორიზებულ კერძო პროფესიულ სასწავლებლებს არ აქვთ უფლება, დაფინანსება მიიღონ სახელმწიფოსაგან მათ მიერ აკრედიტებული პროგრამების განხორციელების შემთხვევაში. პიროვნებას, რომელსაც არა აქვს სწავლის საკუთარი სახსრებით დაფინანსების საშუალება, ეზღუდება შესაძლებლობა ისწავლოს იმ სასწავლებელში, რომლის დამთავრების შემთხვევაში მას შეიძლება უკეთესი კვალიფიკაციის მიღებისა და დასაქმების მეტი პერსპექტივა ჰქონდეს.

2012 წელს კანცელარიის მიერ ავტომანქანის შეძენის საჭიროების არარსებობის პირობებში, ავტომანქანების ჩანაცვლებაზე გამარტივებული შესყიდვის საშუალების გამოყენებით ადგილი ჰქონდა საბიუჯეტო სახსრების არაეფექტურ ხარჯვას. გარდა ამისა, აღნიშნულ საანგარიშგებო პერიოდში ავტომომანქანის შესყიდვისას არ არის გათვალისწინებული „შესყიდვების ობიექტის აღწერასთან დაკავშირებით“ სახელმწიფო შესყიდვების სააგენტოს თავჯდომარის რეკომენდაცია.

ქვეყნის მასშტაბით პრიორიტეტების დისპეჩერიზაციის სისტემა არ არის დანერგილი. საუკეთესო პრაქტიკისა და სტანდარტების გათვალისწინებით, მაღალია დაბალ პრიორიტეტული გამოძახებების რიცხვი, ასევე მაღალია კრიტიკულ მდგომარეობებში სასწრაფოს რეაგირების დრო. აუდიტის ობიექტების მიერ არ ხდება მონაცემთა სისტემატური ანალიზი, ტენდენციების გამოვლენა, დროულ რეაგირებაზე უწყვეტი, წუთობრივი მონიტორინგი და მონიტორინგის ანგარიშების მიხედვით ხარისხის უზრუნველყოფა და კონტროლი.

2011, 2012, 2013 და 2014 წლებში მთავრობის კანცელარიის მიერ არ არის ჩატარებული დებიტორული და კრედიტორული დავალიანებების ინვენტარიზაცია, რითაც დარღვეულია ,,საბიუჯეტო ორგანიზაციებში ქონების, მოთხოვნებისა და ვალდებულებების ინვენტარიზაციის ჩატარების შესახებ“ საქართველოს ფინანსთა მინისტრის ბრძანებით დამტკიცებული წესის მოთხოვნა. შედეგად მთავრობის კანცელარიას ერიცხებოდა წინა წლების დებიტორული დავალიანებები - 14.9 ათასი ლარის, ხოლო კრედიტორული დავალიანებები - 1.3 ათასი ლარის ოდენობით, რომლებსაც დებიტორი და კრედიტორი მხარეები არ ადასტურებენ. შედეგად, ვერ იქნა მოპოვებული საკმარისი და შესაფერისი მტკიცებულებები ნაშთების რეალობის შესახებ.

მუნიციპალიტეტების დაახლოებით 25%–ში მოსახლეობის რაოდენობა ერთ ბრიგადაზე 20 000–ზე მეტია, რაც ამ მუნიციპალიტეტებში ბრიგადების დატვირთვის საგრძნობ ზრდას იწვევს მაშინ, როცა, ზოგიერთ მუნიციპალიტეტში ერთი ბრიგადა გაცილებით ნაკლები რაოდენობის მოსახლეობას ემსახურება. რეგიონებში მომსახურების განხორციელებისას არა არის გათვალისწინებული ოპტიმალური დისტანცია, რაც გავლენას ახდენს გამოძახებაზე რეაგირების დროზე.

2012 წლის 31 დეკემბრისათვის კანცელარიის ფინანსურ ანგარიშგებაში და ბუღალტრულ აღრიცხვაში ასახული არ არის ათონელის ქ. N25-ში მდებარე შენობა-ნაგებობები და მასზე დამაგრებული არასასოფლო სამეურნეო მიწის ფართი. ასევე, 2014 წლის 31 დეკემბრისთვის, მთავრობის კანცელარიის ფინანსურ ანგარიშგებაში, ბალანსში არ არის ასახული ქ.თბილისში გიორგი ლეონიძის ქ.N3-ში მდებარე მიწის ნაკვეთი და მასზე განთავსებული შენობა ნაგებობები, ასევე, ერთი წლის ვადით სარგებლობის უფლებით დარეგისტრირებული ქ.თბილისში თანასაკუთრებაში არასასოფლო სამეურნეო ფართზე მდებარე შენობა ნაგებობები.

თბილისში, გამოძახებათა რიცხვის ზრდასთან ერთად, იზრდება ბრიგადების და ამავდროულად შესყიდული სასწრაფო დახმარების ავტომანქანების რიცხვი, რაც თავის მხრივ დიდ დანახარჯებს უკავშირდება.

2014 წლის ფინანსურ ანგარიშგებაში, ბალანსში არაფინანსური ძირითადი აქტივები ასახულია 42.0 ათასი ლარით გაზრდილი, ხოლო, ხარჯების ეკონომიკური კლასიფიკაციის მიხედვით შედგენილ ფორმა 2-ში პირიქით, ხარჯებში - ძირითადი კაპიტალის მოხმარება შემცირებულია იმავე თანხით. რაც არ შეესაბამება „ბიუჯეტის დაფინანსებაზე მყოფი ორგანიზაციებისა და დაწესებულებების ძირითადი საშუალებების ცვეთის ნორმებისა და მათი ბუღალტრულ აღრიცხვაში ასახვის შესახებ“ ფინანსთა მინისტრის 2002 წლის 31 დეკემბრის N436 ბრძანების მოთხოვნებს.

სასწრაფო დახმარების ექიმებისთვის ჩატარებული ტრენინგები არ ატარებს რეგულარულ ხასიათს და არ უტარდება ყველა ექიმს. განსხვავებულია თბილისისა და რეგიონების მომზადების დონე, ექიმები განსხვავებული სასწავლო პროგრამით გადიან მომზადებას. ექიმების გადამზადება სხვადასხვა კურსის ფარგლებში, მხოლოდ გარკვეულ რეგიონებში ხდება და არ მოიცავს სასწრაფო სამედიცინო დახმარების სისტემაში მომუშავე ყველა ექიმს. ამასთან, სისტემა არ არის სტანდარტიზებული, ქვეყნის მასშტაბით არ არის დანერგილი მკურნალობის პროტოკოლები და სტანდარტები.

2013 და 2014 წლებში მთავრობის კანცელარიის მიერ არ არის ჩატარებული დებიტორული და კრედიტორული დავალიანებების ინვენტარიზაცია, რითაც დარღვეულია ,,საბიუჯეტო ორგანიზაციებში ქონების, მოთხოვნებისა და ვალდებულებების ინვენტარიზაციის ჩატარების შესახებ“ საქართველოს ფინანსთა მინისტრის ბრძანებით დამტკიცებული წესის მოთხოვნა, რომლის თანახმად - ფინანსური მოთხოვნებისა და ვალდებულებების ინვენტარიზაციის ჩატარება რეკომენდებულია - წელიწადში ორჯერ მაინც“.

რიგ შემთხვევებში, ჰოსპიტალიზაციის დროს, ირღვევა პაციენტის უახლოეს კლინიკაში გადაყვანის პრინციპები. ამასთან, მაღალია კლინიკების მიერ პაციენტის მიღებაზე უარების რიცხვი, რამაც შესაძლოა მნიშვნელოვანი გავლენა მოახდინოს ცალკეულ შემთხვევებში მძიმე მდგომარეობაში მყოფი პაციენტის ჯანმრთელობის მდგომარეობაზე და გაზარდოს ლეტალობა.

2014 წლის 31 დეკემბრის მდგომარეობით, მთავრობის კანცელარიის ფინანსურ ანგარიშგებაში არასრულად და არაზუსტად არის წარმოდგენილი ძირითადი აქტივების მუხლი. მოცემული თარიღისათვის ბალანსში არ არის ასახული საქართველოს მთავრობის კანცელარიის და სსიპ - სახელმწიფო ქონების ეროვნული სააგენტოს წერილების შესაბამისად, 2014 წლის 11 თებერვალს საჯარო რეესტრში სარგებლობის უფლებით დარეგისტრირებული ქ.თბილისში გიორგი ლეონიძის ქ. N3-ში მდებარე მიწის ნაკვეთი და მასზე განთავსებული შენობა ნაგებობები. ასევე, არ არის ასახული ერთი წლის ვადით ქ.თბილისში სარგებლობის უფლებით დარეგისტრირებული თანასაკუთრებაში არსებული არასასოფლო სამეურნეო ფართი და მასზე მდებარე შენობა-ნაგებობები. ამასთან, 2014 წლის თებერვალში ქ. თბილისში ლეონიძის N3-ში მდებარე ზემოთ ხსენებული ფართის ნაწილი მთავრობის კანცელარიამ შესაბამისი ბუღალტრული ჩანაწერების გარეშე, დროებით სარგებლობაში უსასყიდლოდ გადასცა სხვადასხვა საბიუჯეტო ორგანიზაციებს.

გამოძახებათა რაოდენობის ზრდა განპირობებულია ისეთი ფაქტორებით, როგორიცაა პირველადი ჯანდაცვის არსებული არადამაკმაყოფილებელი მდგომარეობა, საზოგადოებრივი ცნობიერება, მოსახლეობის ნაკლებ ინფორმირებულობა ჯანდაცვის გარკვეულ მომსახურებებზე ხელმისაწვდომობის შესახებ, ასევე საკონსულტაციო საშუალებების „Hear and Treat” არარსებობა.

2014 წლის 31 დეკემბრის მდგომარეობით ფინანსურ ანგარიშგებაში ძირითადი აქტივები წარმოდგენილია 42.0 ათასი ლარით გაზრდილად, ხოლო, ორგანიზაციის ანგარიშში ხარჯების ეკონომიკური კლასიფიკაციის მიხედვით შედგენილ ფორმა 2-ში პირიქით, ხარჯები - „ძირითადი კაპიტალის მოხმარების“ მუხლით შემცირებულია იმავე თანხით, რაც არ შეესაბამება „ბიუჯეტის დაფინანსებაზე მყოფი ორგანიზაციებისა და დაწესებულებების ძირითადი საშუალებების ცვეთის ნორმებისა და მათი ბუღალტრულ აღრიცხვაში ასახვის შესახებ“ ფინანსთა მინისტრის 2002 წლის 31 დეკემბრის N436 ბრძანების მოთხოვნებს.

2012 წელს, ქ. თბილისის სასწრაფო სამედიცინო დახმარების სახელმწიფო პროგრამაში სადაზღვევო კომპანიების პროგრამაში ჩართვამ 1,420,000 ლარის დაზოგვა განაპირობა. ამასთან, წლების განმავლობაში დაზღვეულთა რაოდენობა მზარდია. კორპორაციული თუ ინდივიდუალურად დაზღვეული პირების სადაზღვევო პაკეტები მოიცავს სასწრაფო სამედიცინო დახმარებას, ხოლო მოქალაქეთა უმეტესი ნაწილი სასწრაფო დახმარების მოთხოვნით ზარს ახორციელებს სსიპ „112“-ში, რომელიც მისამართზე მხოლოდ სახელმწიფოს დაფინანსებაზე მყოფ სასწრაფო დახმარებას აგზავნის. აღნიშნული ზრდის სახელმწიფო ხარჯებს.

შესაბამისი შეფასების კრიტერიუმის ნაკლებპრიორიტეტულობის გამო, გრიფი ენიჭება ისეთ „მოსწავლის წიგნს“, რომელშიც არსებობს ამოსაჭრელ/ჩასაწერ/ჩასახაზი სავარჯიშოები და ამ მიზეზით, მათი უმრავლესობა გამოუსადეგარია მომდევნო სასწავლო წლისათვის.კერძოდ „მოსწავლის წიგნის“ 283 სახეობიდან (236-ქართულენოვანი და 47-ბილინგური), დაახლოებით 160-ში განთავსებულია ამოსაჭრელ/ჩასაწერ/ჩასახაზი სავარჯიშოები ან მინიშნებები სავარჯიშოების „მოსწავლის წიგნში“ შესასრულებლად. არსებული გარემოების გათვალისწინებით, გრიფმინიჭებული სახელმძღვანელოების 57% მაღალი რისკის შემცველია მათი მომდევნო სასაწავლო წლისათვის გამოყენების თვალსაზრისით, რაც 2014-2015 სასწავლო წლისთვის ჩანაცვლებული სახელმძღვანელოების მაღალი პროცენტული მაჩვენებლის ერთ-ერთი საფუძველია.

2010-2011 წლებში პროგრამის ბენეფიციართა შესახებ არასრული მონაცემების წარმოდგენის გამო, აუდიტის ჯგუფმა ვერ მოიპოვა სათანადო რწმუნება როგორც ბენეფიციართა, ისე მათ დასაკმაყოფილებლად შეძენილი სახელმძღვანელოების რაოდენობის სიზუსტის შესახებ. შესაბამისად, აუდიტის ჯგუფი ვერ გამოთქვამს მოსაზრებას პროგრამის პირობების შესრულების შესახებ

ელექტრონულ სისტემაში ასახული მონაცემების არასათანადო მონიტორინგის შედეგად ხდება ზოგადსაგანმანათლებლო დაწესებულებებში სახელმძღვანელოების არაოპტიმალური და დაუსაბუთებელი მარაგების ფორმირება. აუდიტის ჯგუფის მიერ შერჩეული 56 სკოლის მიხედვით, უცხოური ენების (გერმანული, ფრანგული) სახელმძღვანელოების მეტობით შეძენაზე გაწეულმა ხარჯმა შეადგინა 254.6 ათასი ლარი.

სსიპ "მართვის საინფორმაციო სისტემის" მიერ კონტროლირებადი აღრიცხვის ელექტრონული სისტემა ვერ უზრუნველყოფს სკოლებში არსებული ახალი რვეულების ნაშთის თაობაზე ინფორმაციის ასახვას, რაც იწვევს სკოლებში ახალი რვეულების მარაგის ფორმირებას,რომელიც დასტურდება აუდიტის ჯგუფის მიერ სკოლების შერჩევითი შემოწმებით.

სააგენტოს მიერ წარმოდგენილი განმარტებითი ბარათის მიხედვით, 2013-2014 წლებში ელექტრონული ფოსტით დაკავშირება მოხდა 30 კომპანიასთან, აუდიტის ჯგუფისათვის კი წარმოდგენილია 2013 წელს 4 ხოლო 2014 წელს 6 კომპანიასთან კომუნიკაციის დამადასტურებელი დოკუმენტაცია, აუდიტის ობიექტის მიერ დანარჩენ ფირმებთან მიმოწერა დოკუმენტურად არ დასტურდება. შესაბამისად, აუდიტის ჯგუფმა ვერ მიიღო რწმუნება განმარტებით ბარათში მოყვანილ დანარჩენ კომპანიებთან კომუნიკაციის თაობაზე.

გამარტივებული შესყიდვის საშუალების გზით, სააგენტომ 2014 წელს - სახელმძღვანელოების ბეჭვდის მომსახურების შესყიდვის შესახებ ხელშეკრულება გააფორმა გაერთიანებულ ქართულ სტამბასთან, სადაც სახელშეკრულებო ღირებულებამ შეადგინა 7.01 ათასი ლარი.მოცემულ შემთხვევაში სასკოლო სახელმძღვანელოების შეზღუდულ ვადებში შეუფერხებლად შეძენის საჭიროება წარმოიშვა არა გარემოებათა ობიექტური განვითარებით, არამედ შესყიდვის მოსამზადებელი ეტაპის მართვის ხარვეზებით და სახელმძღვანელოების მოძრაობაზე სუსტი კონტროლის მექანიზმების არსებობით, რომლებმაც თავის მხრივ განაპირობა შესყიდვის გაჭიანურება და ელექტრონული ტენდერის გამოყენების შესაძლებლობის შეზღუდვა.

სამინისტრომ 2011 წელს სახელმძღვანელოების სადისტრიბუციო მომსახურების გაწევის მიზნით გამარტივებული შესყიდვის საშუალებით ხელშეკრულება გააფორმა შპს „საქართველოს ფოსტას“-თან ღირებულებით 350.5 ათასი ლარი. 2012 წელს სამინისტრომ მიიღო განსხვავებული გადაწყვეტილება - სახელმძღვანელოების შეძენა და დისტრიბუცია გააერთიანა შესყიდვის ერთ ობიექტად და გამარტივებული შესყიდვის საშუალებით მისი შეძენა განახორციელა შპს „საქართველოს ფოსტის“-სგან. მოცემულ შემთხვევაში მომსახურების ღირებულებამ შეადგინა 1 480.0 ათასი ლარი. აუდიტის ჯგუფმა 2013-2014 წწ. ელექტრონულ ტენდერებზე ვაჭრობის შედეგად სახელმძღვანელოების ერთეულზე ჩამოყალიბებული სადისტრიბუციო მომსახურების საშუალო ფასის საფუძველზე განსაზღვრა მოცემულ მომსახურებაზე საბაზრო ღირებულება. აღნიშნული დაანგარიშებების გათვალისწინებით, 2011-2012 წლებში სახელმძღვანელოების სადისტრიბუციო მომსახურების შესყიდვისას, აუდიტის ობიექტის მხრიდან დისკრეციული უფლებამოსილების ფარგლებში კანონმდებლობით გათვალისწინებული შესყიდვის საშუალებებიდან ყველაზე მისაღები (კანონშესაბამისი) საშუალების (ელ. ტენდერის) გამოყენების თაობაზე გადაწყვეტილების მიღების შემთხვევაში, შესაძლებელი იყო დაახლოებით 1 500.0 ათასი ლარის ოდენობის საბიუჯეტო სახსრების დაზოგვა.

სამინისტროს მიერ რიგ შემთხვევებში არ ხდებოდა ხელშეკრულების პირობების დარღვევისათვის დაწესებული საჯარიმო სანქციების გამოყენება, რამაც ჯამურად შეადგინა დაახლოებით 105.0 ათასი ლარი.

  გადაუდებელი აუცილებლობიდან გამომდინარე, ერთ პირთან მოლაპარაკების საშუალებით სამინისტრომ 2010 წელს საკუთარი ძალებით სახელმძღვანელოების მიწოდების მიზნით განახორციელა 655.0 ათასი ლარის ღირებულების საწვავის შეძენა. წარმოდგენილი მტკიცებულებებით ვერ დასტურდება გადაუდებელი აუცილებლობის საფუძვლით მოცემული შესყიდვის განხორციელების საჭიროება;

   აუდიტის პერიოდში სააგენტოს მხრიდან არ განხორციელებულა სახელმძღვანელოების ინვენტარიზაცია „საბიუჯეტო ორგანიზაციებში ქონების, მოთხოვნებისა და ვალდებულებების ინვენტარიზაციის ჩატარების წესის დამტკიცების შესახებ“ საქართველოს ფინანსთა მინისტრის 2010 წლის 23 ივლისის N605 ბრძანების შესაბამისად. აღნიშნულიდან გამომდინარე, აუდიტის ჯგუფმა ვერ მიიღო რწმუნება მოცემული მატერიალური ფასეულობების არსებობის შესახებ.

აკრედიტაციის სხვადასხვა სტანდარტის დაკმაყოფილება შესაძლებელია იდენტური კრიტერიუმებით. შესაბამისად, სტანდარტებზე დაფუძნებული თვითშეფასების ანგარიშები არ ემსახურებიან ექსპერტთა და საბჭოს წევრების მიერ გადაწყვეტილების მისაღებად საჭირო ინფორმაციის მოპოვების უპირველეს მიზანს.

უსდ–ებისთვის სტანდარტების მოთხოვნების აღქმის გამარტივების მიზნით, არ არსებობს წინასწარ განსაზღვრული, მკაფიოდ ჩამოყალიბებული და ერთობლივი ფორმით გამოქვეყნებული შეფასების კრიტერიუმები და შესაბამისი ინდიკატორები აკრედიტაციის არსებული სტანდარტების თითოეულ მოთხოვნასთან მიმართებაში.

არასათანადოდ ორგანიზებული ექსპერტთა ბაზა წარმოშობს გარკვეულ სირთულეებს განსახილველი პროგრამის შესაბამისი ექსპერტის შერჩევისას. გარდა ამისა, ცენტრი არ არეგულირებს ექსპერტების მიერ საგანმანათლებლო პროგრამის შეფასების ვადას და ექსპერტების რაოდენობას.

ექსპერტთა მოუწესრიგებელი ბაზა და თითოეულ აკრედიტაციის ვიზიტზე ექსპერტთა რაოდენობისა და აკრედიტაციის ვიზიტის ხანგრძლივობის რეგულაციის არარსებობა იწვევს ექსპერტთა შეუსაბამო და არაერთგვაროვან შერჩევას. აკრედიტაციის ვიზიტების 29%-ში პროგრამის შეფასება არ განხორციელდა შესაბამისი ძირითადი მიმართულების ექსპერტის მიერ. აკრედიტაციის ვიზიტების 17.5%-ში ცენტრმა არ გამოყო საკმარისი რესურსები ვიზიტისას განსახილველი პროგრამების რაოდენობის გათვალისწინებით. ვიზიტების 29%-ში ექსპერტებს საშუალო პერიოდზე (5 დღე) ნაკლები ჰქონდათ თვითშეფასების ანგარიშებისა და სხვა დაკავშირებული დოკუმენტების შესასწავლად.

ექსპერტების შეფასების მექანიზმების არარსებობამ გამოიწვია ის, რომ ცენტრი არ არის ინფორმირებული ექსპერტთა პროფესიული განვითარების (სტანდარტები, პროცედურები) საჭიროებების შესახებ. შედეგად, არ განხორციელებულა ექსპერტთა ტრენინგი მათ მიერ შესრულებული სამუშაოს შედეგების გაუმჯობესების მიზნით.

1)საჯარო სკოლების გარკვეული რაოდენობა, სხვადასხვა სასწავლო საფეხურებზე, ეროვნული სასწავლო გეგმით განსაზღვრული დაშვების შესაბამისად ერთი სემესტრის მანძილზე ამცირებს სპორტის გაკვეთილების კვირეულ დატვირთვას ერთ საათამდე. შედეგად საჯარო სკოლებში რეგისტირებული 44,529 მოსწავლე მოკლებულია შესაძლებლობას სკოლის ფარგლებში მიიღოს საკმარისი ფიზიკური აქტივობა სპორტის გაკვეთილების სახით.

აკრედიტაციის პროცედურები არ მოიცავს მექანიზმს, რომელიც საშუალებას მისცემდა უმაღლეს საგანმანათლებლო დაწესებულებებს, ზეპირ მოსმენამდე წარედგინათ საბჭოსთვის ექსპერტთა დასკვნასთან დაკავშირებით საკუთარი არგუმენტები. აღნიშნული პრაქტიკა შეუძლებელს ხდის საბჭოს მიერ უსდ-ების პოზიციის სათანადო გათვალისწინებას.

2)საჯარო სკოლებში ეროვნული სასწავლო გეგმით განსაზღვრული სპორტის გაკვეთილების საათობრივი დატვირთვა არ არის საკმარისი ჯანსაღი და ჯანმრთელი მოსწავლეების აღსაზრდელად. აღნიშნულს ადასტურებს სპორტის შესახებ კანონი, სადაც მითითებულია, რომ სასწავლო დაწესებულებებში სპორტის საათი არ უნდა იყოს 4 საათზე ნაკლები, თუმცა ამასთან დაკავშირებით სამინისტროებს შორის შეთანხმება არ მომხდარა. ეროვნული სასწავლო გეგმის და სპორტის შესახებ კანონის ჩანაწერი სასწავლო დაწესებულებებში სპორტის საათების განსაზღვრასთან დაკავშირებით ერთმანეთთან შესაბამისობაში არ მოდის, რაც მიუთითებს, რომ სამინისტროებს შორის არ ხდება სათანადო კოორდინირებული ქმედებები და ხელს უშლის საკითხის დარეგულირებას და საერთო მიზნის მიღწევას.

ცენტრი საგანმანათლებლო პროგრამებს საბჭოს სხდომებზე თანაბრად არ ანაწილებს - საბჭოს სხდომების საერთო რაოდენობის 18%-ში 40-ზე მეტი პროგრამა იქნა განხილული, მაშინ, როდესაც 22%-ში საბჭომ 1-დან 10-მდე პროგრამის აკრედიტაციის თაობაზე მიიღო გადაწყვეტილება.

3)იმ გარემოებაში, როცა მოსახლეობის ფიზიკურ აქტივობაში ჩართულობა შერჩეული მუნიციპალიტეტების ფარგლებში არის დაბალი და მერყეობს 6%-მდე, მუნიციპალიტეტების საკუთრებაში არსებული სპორტული ინფრასტრუქტურა არ არის სრულად დატვირთული სპორტული აქტივობებით, რაც მიუთითებს, რომ მოსახლეობა არ არის სათანადოდ ინფორმირებული ფიზიკური აქტივობების აუცილებლობის თაობაზე და შესაბამისად სახელმწიფოს მიერ განხორციელებული ქმედებები არ არის საკმარისი საზოგადოებაში აღნიშნული მიმართულებით ცნობიერების ასამაღლებლად.

ცენტრის მიერ დანერგილი პროცედურები ვერ უზრუნველყოფს უმაღლესი საგანმანათლებლო დაწესებულებების საგანმანათლებლო პროგრამების ეფექტიან მონიტორინგს, აკრედიტაციის სრული პერიოდის განმავლობაში ხარისხის შენარჩუნების მიზნით. 2011 წლიდან, ცენტრმა განახორციელა მხოლოდ 28 კონკრეტულ მიზანზე ორიენტირებული მონიტორინგის ვიზიტი, ხოლო თვითშეფასების ყოველწლიურ ანგარიშზე დაყრდნობით, არცერთი ვიზიტი არ განხორციელებულა. აქედან გამომდინარე, ცენტრში არსებული მონიტორინგის სისტემა არ არის ეფექტიანი და არ ემსახურება დასახულ მიზანს.

4) არსებობს საჯარო სკოლები, სადაც სპორტული ინფრასტრუქტურის მდგომარეობა არ აძლევს მათ საშუალებას ჩაატარონ სპორტის გაკვეთილები, რის შედეგადაც მოსწავლეები მოკლებულები არიან ჯანმრთელობისთვის აუცილებელ ფიზიკურ დატვირთვას. ამავდროულად სახელმწიფოს ბალანსზე ირიცხება სპორტული ინფრასტრუქტურა, რომლის სპორტული აქტივობებით სრულად დატვირთვა არ ხდება. საჯარო სკოლების მიერ არ მომხდარა ალტერნატიული საშუალებების გამოყენება როგორც სახელმწიფო სპორტული ინფრასტრუქტურის, ასევე ინფრასტრუქტურულად უკეთეს მდგომარეობაში არსებული სკოლების სპორტული დარბაზების სახით,რომელიც ხელს შეუწყობდა აღნიშნული პრობლემის ნაწილობრვ გამოსწორებას და მეტ მოსწავლეს მისცემდა საშუალებას მიეღო სათანადო ფიზიკური დატვირთვა.

საქართველოს ფინანსთა სამინისტროს არ აქვს შემუშავებული გადასესხების პოლიტიკა, სადაც მსესხებელთა შერჩევის ზოგად კრიტერიუმებთან ერთად მოცემული იქნებოდა, აგრეთვე, გადასესხების პროცესში ჩართული უწყებების ფუნქცია-მოვალეობები.

საქართველოს ფინანსთა სამინისტროს არ აქვს შემუშავებული რისკების შეფასების მეთოდოლოგია და ქვესასესხო ხელშეკრულებით გათვალისწინებული ფინანსური პირობების დადგენისას არ ხდება საკრედიტო რისკების შეფასება. ამასთანავე, ფინანსური სირთულეების მქონე მსესხებელთათვის მიმდინარე გადასახდელის გადავადებისა თუ ახალი ფინანსური რესურსის გამოყოფის შესახებ გადაწყვეტილების მიღება არ ხორციელდება შესაბამისი, დადოკუმენტირებული, ფინანსური ანალიზის შედეგად.

ფინანსთა სამინისტროს მიერ შემუშავებული საქართველოს სახელმწიფო ვალის განმარტება და ანგარიშგების არსებული პრაქტიკა არ შეესაბამება საერთაშორისოდ აღიარებულ მოთხოვნებს და ვერ უზრუნველყოფს სახელმწიფო ვალის შესახებ ინფორმაციის სისრულესა და გამჭვირვალობას. კერძოდ სახელმწიფო ვალის პორტფელში არ არის გათვალისწინებული სახელმწიფოს წილობრივი მონაწილეობით შექმნილი საწარმოების საკრედიტო ვალდებულებები და სრულყოფილად არ არის ასახული ინფორმაცია სახელმწიფოს პირობით ვალდებულებებზე. შედეგად სახელმწიფო სექტორის ვალდებულებების შესახებ ინფორმაცია და მის საფუძველზე დათვლილი ინდიკატორები არ იძლევა რეალური სურათის წარმოჩენის საშუალებას, რაც მოსალოდნელი საფრთხეების დროული პრევენციის დამაბრკოლებელ ფაქტორს წარმოადგენს, ასევე აღნიშნული გარემოება ქმნის რისკს იმისა, რომ არაჯეროვნად იქნება შეფასებული სახელმწიფო ვალის მდგრადობასთან დაკავშირებული შესაძლო საფრთხეები თუ რისკები.

ფინანსთა სამინისტროს მიერ შესაბამისი წლისათვის ვალის საჭიროების განსაზღვრის პროცესი არ მიმდინარეობს წინასწარ განსაზღვრული და ფორმალურად დამტკიცებული წესებისა თუ პროცედურების მიხედვით. ფინანსთა სამინისტროს ფარგლებში პროცესი რეგულირდება სამინისტროს დებულებით. თუმცა, აღნიშნული მიმართულებით, პროცესში ჩართული დეპარტამენტების ფუნქციები, გარდა სახელმწიფო ვალისა და საგარეო დაფინანსების დეპარტამენტისა, განსაზღვრული არ არის და შეუძლებელია იმის დადგენა თუ რომელი დეპარტამენტი რაზეა პასუხისმგებელი. გარდა ამისა, არ არსებობს ფორმალური სახელმძღვანელო ან მეთოდოლოგია, რომელშიც აღწერილი იქნებოდა, თუ როგორ და რა მეთოდით უნდა ხდებოდეს დასაგეგმი წლისათვის სავალო საჭიროების დადგენა, რაც უზრუნველყოფდა პროცესის გამჭვირვალობას.

საერთაშორისო გამოცდილებაზე დაყრდნობით, ქვეყანაში ვალის ეფექტიანი მართვის წინაპირობას წარმოადგენს სახელმწიფო ვალის მართვის სტრატეგიის არსებობა. საქართველოს ფინანსთა სამინისტროს არ აქვს შემუშავებული სახელმწიფო ვალის მართვის სტრატეგია, რაც შესაძლებელს გახდის, ნაკლებად შეღავათიანი დაკრედიტების არსებობის შემთხვევაშიც, მიღწეულ იქნეს საპროცენტო დანახარჯებისა და რისკების მინიმიზაცია.

ბოლო ხუთი წლის მანძილზე საქართველოს მთავრობის მიერ ძირითადად ხდებოდა შეღავათიანი საკრედიტო რესურსის მოზიდვა, თუმცა გარკვეულ შემთხვევებში, ადგილი ჰქონდა სესხების ნაკლებად შეღავათიანი პირობებით აღებას, რაც გამოიხატებოდა მაგალითად, მაღალი საპროცენტო განაკვეთით. საკრედიტო რესურსის მოზიდვის ეტაპზე არ ხორციელდება სხვადასხვა დაფინანსების წყაროების მიერ შემოთავაზებული საკრედიტო პირობების ანალიზის დადოკუმენტირება. აღნიშნული განსაკუთრებით საყურადღებოა იმ სესხების შემთხვევაში, რომელთა გრანტ ელემენტიც ვერ აკმაყოფილებს შეღავათიანი სესხის პირობას ან საპროცენტო განაკვეთები საგრძნობლად აღემატება საშუალო მაჩვენებელს. შედეგად, ვალის აღების ეტაპზე არ ჩანს თუ რამ განაპირობა არაშეღავათიანი პირობებით სესხის აღება, მაშინ როცა, ქვეყნის განვითარების დონე შეღავათიანი პირობებით დაკრედიტების საშუალებას იძლეოდა.

სახელმწიფო ვალის მდგრადობასთან დაკავშირებული რისკების იდენტიფიცირებისა და მათი დროული პრევენციის უზრუნველსაყოფად, მთავრობა რეგულარულად უნდა ატარებდეს ვალის მდგრადობის ანალიზს. ფინანსთა სამინისტროს მიერ კი საანგარიშო პერიოდში, სახელმწიფო ვალის დამახასიათებელი რისკების შეფასებას და ვალის მდგრადობის ანალიზის ჩატარებას არ ჰქონდა სისტემატური ხასიათი. აღნიშნული წარმოშობს რისკს იმისა, რომ ვერ მოხდება მოსალოდნელი საფრთხეების დროული იდენტიფიცირება და მათი პრევენცია. გარდა ამისა, სახელმწიფო ვალის მართვაზე პასუხისმგებელი უწყების მიერ არ ხორციელდება, სესხის შეღავათიანობის დადგენის მიზნით ჩატარებული ანალიზების დადოკუმენტირება.

მოქმედი კანონმდებლობის შესაბამისად საშინაო ვალით მოზიდული ფულადი სახსრების მიზნობრიობას სახელმწიფო ბიუჯეტის დეფიციტის ან/და მოკლევადიანი საკასო სხვაობის დაფინანსება წარმოადგენს, გარდა აღნიშნულისა ფინანსთა სამინისტროს განმარტებით, ფასიანი ქაღალდების ემისიის ერთ-ერთი მიზანი საშინაო ფინანსური ბაზრის განვითარებაა, რისთვისაც ბაზარზე ფასიანი ქაღალდების სტაბილური მიწოდება ხორციელდება. მსოფლიო ბანკის მიერ შემუშავებული სახელმძღვანელოს მიხედვით, სახელმწიფო ფასიან ქაღალდებზე სტაბილური და მყარი მოთხოვნის უზრუნველსაყოფად ერთ-ერთ აუცილებელ წინაპირობას წარმოადგენს დივერსიფიცირებული ინვესტორთა ბაზის შექმნა. ბოლო 5 წლის განმავლობაში საქართველოს ფასიანი ქაღალდების ყოველწლიურ ემისიებზე დაკვირვებით ვლინდება, რომ წლის განმავლობაში ემიტირებული ფასიანი ქაღალდების მოცულობის 90%-ზე მეტის მფლობელები კომერციული ბანკები ხდებოდნენ. დივერსიფიცირებული ინვესტორთა ბაზის არსებობა კი ფინანსური ბაზრის განვითარებისათვის ერთ-ერთ უმნიშვნელოვანეს წინაპირობას წარმოადგენს.

ეკონომიკის გრძელვადიანი რესურსით უზრუნველყოფის ხელშეწყობისათვის ფინანსთა სამინისტრომ 2014 წლიდან დაიწყო დამატებით 2 და 5 წლის ვადის მქონე სახაზინო ობლიგაციების ემისია. თუმცა, არ მომხდარა ფინანსური ინსტრუმენტის შემოღების მიზაშეწონილობის დოკუმენტური დასაბუთება, თუ რამდენად იყო საბანკო სექტორიდან მოთხოვნა აღნიშნულ ინტრუმენტზე, რა იქნებოდა მოსალოდნელი ეფექტი ეკონომიკურ გარემოზე როგორც მოკლევადიან, ასევე საშუალო და გრძელვადიან პერიოდში და რა კრიტერიუმებით უნდა შეფასებულიყო აღნიშნული მექანიზმის წარმატება/წარუმატებლობა.

საყურადღებოა, რომ 2014 წლის მსგავსად, 2015 წელსაც, დაგეგმილი სახაზინო ობლიგაციებით აკუმულირებული სახსრები არ იქნება მიმართული კანონით განსაზღვრული მიზნობრიობების შესაბამისად, ვინაიდან მას გააჩნია კონკრეტული მიზნობრიობა - ეკონომიკის გრძელვადიანი რესურსით უზრუნველყოფის ხელშეწყობა.

სახელმწიფო საგარეო და საშინაო ვალის მართვა არ ხორციელდება ერთიან ინფორმაციულ სისტემაში. კერძოდ, საქართველოს ფინანსთა სამინისტრო სახელმწიფო ვალის მართვისათვის იყენებს სამ სხვადასხვა ინფორმაციულ სისტემას - (1) ვალის მართვისა და ფინანსური ანალიზის სისტემა (DMFAS), რომელიც შემუშავებულია გაეროს ვაჭრობისა და განვითარების კონფერენციის (UNCTAD) მიერ; (2) სახელმწიფო ვალის მართვისა და საინვესტიციო პროექტების მართვის სისტემას (eDMS), რომლის შემუშავება მიმდინარეობს სსიპ საფინანსო-ანალიტიკური სამსახურის მიერ და (3) საინვესტიციო პროექტების მართვის სისტემა (DMNAT), რომელიც შემუშავებული იქნა სახელმწიფო ვალისა და საგარეო დაფინანსების დეპარტამენტის მიერ. სახელმწიფო საგარეო ვალის მართვა ხორციელდება DMFAS-ის საშუალებით, ხოლო საშინაო ვალის მართვა - eDMS-ის საშუალებით. DMFAS-ისა და eDMS-ის მთავარ მიზანს სახელმწიფო საშინაო და საგარეო ვალის ერთ სისტემაში მოქცევა და მართვა წარმოადგენს, თუმცა, აღნიშნული მიზანი ვერ იქნა მიღწეული სამინისტროს მიერ.

საქართველოს ფინანსთა სამინისტროს მიერ DMFAS-ის განახლებული ვერსიის შეძენის ერთ-ერთ ძირითად მიზანს წარმოადგენდა სახელმწიფო ვალთან დაკავშირებული მაღალი დონის ანალიზების ჩატარება. სახელმწიფო ვალის მართვისა და საგარეო დაფინანსების დეპარტამენტის თანამშრომლებმა გაიარეს DMFAS-ის ანალიტიკური მოდულების სამომხმარებლო ტრეინინგები, თუმცა, მიუხედავად აღნიშნულისა, სახელმწიფო ვალის მართვისა და საგარო დაფინანსების დეპარტამენტი პრაქტიკაში არ იყენებს აღნიშნულ ფუნქციონალს. შედეგად, ხელშეკრულებით დასახული მიზნების შესრულება დღემდე არ განხორციელებულა, რაც ნიშნავს, რომ სამინისტროს მიერ აღნიშნული მიმართულებით გადადგმული ნაბიჯები არაეფექტიანია.

სახელმწიფო ვალის მართვის ინფორმაციული სისტემის - eDMS-ის გავითარების ეტაპზე სახეზეა გარკვეული სახის ნაკლოვანებები. არ არსებობს სახელმწიფო ვალის მართვის სისტემის განვითარების გრძელვადიანი ხედვა, რომელიც მოიცავს ფუნქციონალური და ანალიტიკური მოდულების აღწერილობას. ამასთანავე, დეპარტამენტს არ გააჩნია დროში გაიწერილი გეგმა თითოეული მოდულის სისტემაში ჩაშენებისათვის.

სამინისტრო არ ახორციელებს სერვისის მიმწოდებელი ორგანიზაციის - სსიპ საფინანსო-ანალიტიკური სამსახურის მონიტორინგს. კერძოდ, სამინისტროს მხრიდან არ ხდება აუდიტის ჟურნალების (ლოგირების) რეგულარული მონიტორინგი, რომელთა საშუალებითაც შესაძლებელია საფინანსო-ანალიტიკური სამსახურის სისტემური და მონაცემთა ბაზების ადმინისტრატორების საქმიანობის ზედამხედველობა. გარდა ამისა, სერვისის მონიტორინგის ფარგლებში ინფორმაციულ სისტემებში არსებული რისკებისა და ნაკლოვანებების გამოსავლენად, ფინანსთა სამინისტროს არ ჩაუტარებია სერვისის მიმწოდებლის აუდიტი. შესაბამისად, სამინისტროს არ გააჩნია რწმუნება, რომ უზრუნველყოფილია სახელმწიფო ვალის მართვის ინფორმაციულ სისტემებში დაცული ინფორმაციის უსაფრთხოება.

სამინისტროს არ გააჩნია მონიტორინგის მექანიზმები, რომელთა მეშვეობითაც შეაფასებს მისთვის მიწოდებული მომსახურების ხარისხს. კერძოდ, ფინანსთა სამინისტროსა და სსიპ საფინანსო-ანალიტიკურ სამსახურს შორის არ არსებობს სერვისის ხარისხისა და მიწოდების (SLA) ფორმალური დოკუმენტი, რომლის საშუალებითაც სამინისტროს შესაძლებლობა ექნებოდა, სერვისის მიმწოდებელთან შეთანხმებით, განესაზღვრა კრიტერიუმები და შეეფასებინა მიწოდებული სერვისის ხარისხი.

საქართველოს ფინანსთა სამინისტრო და სსიპ საფინანსო-ანალიტიკური სამსახური სრულად ვერ აკმაყოფილებენ საკანონმდებლო მოთხოვნებს ინფორმაციული უსაფრთხოების მიმართულებით. კერძოდ, ორივე სტრუქტურა წარმოადგენს კრიტიკული ინფორმაციული სისტემის სუბიექტებს და კანონმდებლობის მიხედვით ევალებათ ინფორმაციული უსაფრთხოების მინიმალური მოთხოვნების შესრულება. აღნიშნული მოთხოვნების შესრულების მიმართულებით და სახელმწიფო ვალის მართვის ინფორმაციული სისტემების შეუფერხებელი ფუნქციონირებისა და ინფორმაციული უსაფრთხოების უზრუნველსაყოფად, აუცილებელია, აღნიშნულ უწყებებში არსებობდეს ფორმალურად დამტკიცებული ინფორმაციული უსაფრთხოების პოლიტიკის დოკუმენტი. აგრეთვე, პრაქტიკაში აღნიშნული პოლიტიკით განსაზღვრული მიზნების მიღწევისათვის დიდი მნიშვნელობა ენიჭება ორგანიზაციაში ინფორმაციული უსაფრთხოების მენეჯერის არსებობას.

სახელმწიფო ვალის მართვის ინფორმაციულ სისტემებში ლოგიკური წვდომის კონტროლების გარემოს შესწავლის საფუძველზე შესაძლებელია დავასკვნათ, რომ eDMS-ში გამოყენებული ლოგიკური წვდომის კონტროლები და მაკომპენსირებელი მექანიზმები უზრუნველყოფენ სისტემის ტრანზაქციებისა და ოპერაციების აღრიცხვიანობასა და მიკვლევადობას. რაც შეეხება DMFAS-ს, სისტემას გააჩნია ტექნიკური შესაძლებლობა უზრუნველყოს განხორციელებული ოპერაციების აღრიცხვიანობა და მიკვლევადობა, თუმცა აღნიშნული, პრაქტიკაში არ ხორციელდება.

შესყიდვების სააგენტოს არ გააჩნია დამტკიცებული ან სამართლებრივად რეგლამენტირებული პოლიტიკა ან/და პროცედურები ბიზნეს საჭიროებების იდენტიფიცირებისთვის, რომლის საშუალებითაც ეს ბიზნეს საჭიროებები მიტანილი უნდა იქნეს უმაღლესს მენეჯმენტთან გადაწყვეტილების მიღების პროცესში.

სახელმწიფო შესყიდვების სააგენტოს ინიცირებით 2013 წელს შეიქმნა ორგანიზაციის საშუალოვადიანი სტრატეგიული გეგმა. სადაც სახელმწიფო შესყიდვების ელექტრონული სისტემის დაცვისა და მისი მდგრადობის უზრუნველსაყოფად განისაზღვრა 4 ძირითადი ამოცანა: • საგანგებო სიტუაციების მართვის პოლიტიკის დანერგვა; • უსაფრთხოების პროცედურების შემუშავება და დანერგვა; • პროფილაქტიკური შემოწმების ვადების განსაზღვრა და დანერგვა; • შესყიდვების ელექტრონული სისტემების IT აუდიტის განხორციელება. მიუხედავად იმისა, რომ სტრატეგია ითვალისწინებს ინფორმაციულ სისტემებთან დაკავშირებულ რიგ საკითხებს, სააგენტოს მიერ არ მოხდა აღნიშნული მიმართულებით აქტიური ნაბიჯების განხორციელება. კერძოდ, შესყიდვების სააგენტოს, აუდიტის მიმდინარეობისას, არ გააჩნია ზემოთხსენებული პოლიტიკები. შესაბასმისად, იზრდება ინფორმაციულ უსაფრთხოებასთან დაკავშირებული რისკი.

სახელმწიფო შესყიდვების სააგენტოს არ აქვს განსაზღვრული ფორმალური აუთსორსინგის პოლიტიკა, რომლითაც იხელმძღვანელებდა საკუთარი ინფორმაციული ტექნოლოგიების აუთსორსინგის ფარგლებში. კერძოდ, სააგენტოში არ არსებობს აუთსორსინგის პოლიტიკა, რომელიც დამტკიცებული იქნება უმაღლესი მენეჯმენტის მიერ.

შესყიდვების ერთიან ელექტრონულ სისტემასთან დაკავშირებული IT ოპერაციები, პროგრამული კოდის განვითარება და სისტემის მხარდაჭერა ხორციელდება სააგენტოს 2 წარმომადგენელისა და გარე რესურსების, სსიპ საჯარო რეესტრის ეროვნული სააგენტოს დახმარებით. სახელმწიფო შესყიდვების სააგენტოსა და საჯარო რეესტრის ეროვნულ სააგენტოს შორის არ არსებობს ფორმალური, ორმხრივად ხელმოწერილი შეთანხმება, რომელშიც გაწერილი იქნება მხარეების თანმშრომლობის ფარგლები. კერძოდ, ოფიციალური დოკუმენტი, რომელიც არეგულირებს შესყიდვების სააგენტოსათვის მისაწოდებელი მომსახურების მასშტაბსა და ხარისხს. ამასთანავე, არ არსებობს მხარეებს შორის შეთანხმებული არც ფორმალური და არც არაფორმალური სერვისის ხარისხისა და მიწოდების პირობების დოკუმენტი. შესაბამისად სახელმწიფო შესყიდვების სააგენტოს არ გააჩნია ეფექტიანი კონტროლის მექანიზმები სერვისის მიმწოდებელი ორგანიზაცის მიმართ.

საჯარო რეესტრის ეროვნულმა სააგენტომ არ შეასრულა ხელშეკრულების 6.5 პუნქტით განსაღვრული მასზე დაკისრებული ვალდებულება და არ მიაწოდა სახელმწიფო აუდიტის სამსახურის მონაცემთა ბაზის სარეზერვო ასლი

სახელმწიფო შესყიდვების სააგენტო ცალსახად მოკლებულია შესაძლებლობას აკონტროლოს საკუთარი ინფორმაციული სისტემა, ვინაიდან მრავალი მცდელობის მიუხედავად, სააგენტომ ვერ შეძლო სახელმწიფო აუდიტის სამსახურისათვის მიეწოდებინა მონაცემთა ბაზის სარეზერვო ასლი;

სახელმწიფო შესყიდვების სააგენტოს არ გააჩნია აუდიტორული რწმუნება, რომ სერვისის მიმწოდებელი ორგანიზაცია (საჯარო რეესტრის ეროვნული სააგენტო) უზრუნველყოფს სახელმწიფო შესყიდვების ერთიანი ელექტრონული სისტემის ინფორმაციული უსაფრთხოების უზრუნველყოფას;

არსებობს რისკი იმისა, რომ საჭიროების შემთხვევაში, IT დეპარტამენტში არსებული რესურსებით, სახელმწიფო შესყიდვების სააგენტო ვერ შეძლებს სისტემის საკუთარ გარემოში გადატანას.

აუდიტის ჯგუფმა ვერ მოიპოვა საკმარისი და შესაფერისი რწმუნება, რომ შესყიდვების სააგენტოს გააჩნია შესყიდვების ერთიანი ელექტრონული სისტემის შიდა სისტემური სახელმძღვანელო , რომელშიც გაწერილი უნდა იყოს სისტემის მოდულების აღწერა, მონაცემთა ნაკადები, პროგრამული და კონფიგურაციის ცვლილებების რეესტრი.

შესყიდვების სააგენტოს არ აქვს შესრულებული კრიტიკული სისტემის მქონე სუბიექტებისათვის ინფორმაციულ უსაფრთხოებასთან დაკავშირებული სამართლებრივი მოთხოვნებით გათვალისწინებული სავალდებულოდ შესასრულებელი საბაზისო პირობები.

შესყიდვების სააგენტოს არ გააჩნია რისკების შეფასების გეგმა ინფორმაციულ უსაფრთხოებასთან დაკავშირებული რისკების იდენტიფიცირებისთვის. კერძოდ, არ არსებობს ინციდენტების მართვის სისტემა, რომელიც უნდა ახდენდეს ორგანიზაციაში უსაფრთხოებასთან დაკავშირებული ინციდენტების დადოკუმენტირებას. აღნიშნული წარმოადგენს საფუძველს ინფორმაციული რისკების იდენტიფიცირებისა და მათი მართვისათვის. აღნიშნული განსაკუთრებით საყურადღებოა, ვინაიდან, შესყიდვების სააგენტოს საკანონმდებლო დონეზე მოეთხოვება ინფორმაციული უსაფრთხოების მართვის სისტემის ჩამოყალიბება და მართვა. ამასთანავე, სააგენტოს სტრატეგიული გეგმა განსაზღვრავს ინფორმაციული უსაფრთხოების გაუმჯობესების საჭიროებას. შესაბამისად, სახეზეა ინფორმაციული უსაფრთხოების საკანონმდებლო მოთხვნებთან შეუსაბამობა, რაც გამოწვეულია მენეჯმენტის მხრიდან არაეფექტიანი IT მმართველობით.

ბიზნეს პროცესის უწყვეტობის გეგმა საგანგებო სიტუაციის შემთხვევაში ორგანიზაციის საპასუხო გეგმის განუყოფელ ნაწილს წარმოადგენს. შესყიდვების სააგენტოში არ არსებობს ბიზნეს უწყვეტობის პოლიტიკა რომელიც უნდა მოიცავდეს როლების და პასუხისმგებლობების, სფეროს, რესურსების განაწილების, ტრენინგების მოთხოვნების, ტესტირების განრიგის, სარეზერვო ასლების შექმნის გეგმებს. ასევე, შესყიდვების სააგენტოს არ აქვს იდენტიფიცირებული სისტემასთან დაკავშირებული რისკები, შესაძლო საფრთხეები და მათი ზეგავლენა ბიზნეს პროცესზე. გარდა ამისა, სააგენტოს შესყიდვების ელექტრონული სისტემისათვის არ განუხორციელებია აღდგენის დროისა (RTOs) და აღდგენის მიზნების (RPOs) შეფასება. აღნიშნული კი თავის მხრივ ქმნის რისკს იმისა, რომ საგანგებო სიტუაციის შემთხვევაში ორგანიზაცია ვერ უზრუნველყოფს უწყვეტი და სანდო სერვისის (სახელმწიფო შესყიდვების) მიწოდებას.

საჯარო ინფორმაციის ხელმისაწვდომობა, წარმოადგენს საქართველოს კანონის, „სახელმწიფო შესყიდვების შესახებ“, მოთხოვნას, ასევე, სახელმწიფო შესყიდვების ერთიანი ელქტრონული სისტემის მომხმარებლის სახელმძღვანელოს მიხედვით სისტემაში რეგისტრირებულ შემსყიდველს, მიმწოდებელს და სტუმრის სტატუსით ყველა დაინტერესებულ პირს შეუძლია მოიძიოს ნებისმიერ შესყიდვასთან დაკავშრებული ინფორმაცია. აუდიტის ჯგუფის მიერ იდენტიფიცირებული იქნა საქართველოს შინაგან სამინისტროსა და თავდაცვის სამინისტროს გამარტივებული შესყიდვები, რომელიც არ წარმოადგენს სახელმწიფო საიდუმლოს და რომლებიც არ იძებნება სახელმწიფო შესყიდვების ერთიან ელექტრონულ სისტემაში.

შესყიდვების სააგენტოს მიერ არ არის შემოთავაზებული მექანიზმი, რომლითაც შესაძლებელი იქნება მომხმარებლის მიერ, სისტემის გაუმართობასთან დაკავშირებული ხარვეზების გასაჩივრება. შესაბამისად, იმ მდგომარეობის გათვალისწინებით, როდესაც სისტემის კონტროლის გარემოში სახეზეა მმართველობის ხარვეზები, გადაუნაწილებელი პასუხისმგებლობა და დაურეგულირებელი მიმართულებები, სააგენტოს მხრიდან არ არის უზრუნველყოფილი ეფექტიანი მექანიზმები, რომელთა საშუალებითაც უზრუნველყოფილი იქნება სისტემის მომხმარებელთა უფლებები.

სახელმწიფო შესყიდვების სისტემის CMR (გამარტივებული შესყიდვა) მოდულში შესყიდვების ერთიან ელექტრონულ ბაზაში ფიქსირდება 90-მდე შემთხვევა, როდესაც სხვადასხვა შესყიდვას, რომელიც სისტემაში დარეგისტრირდა ერთდროულად, მინიჭებული აქვს ერთი და იგივე CMR კოდი (მაგ:CMR130019454 ნომრით ფიქსირდება 2 სხვადასხვა შესყიდვა, CMR120047514 ნომრით 5 სხვადასხვა შესყიდვა). საყურადღებოა, რომ აღნიშნული ხარვები აღარ ფიქსირდება ბაზაში 2013 წლის შემდგომ.

სისტემაში გვხვდება შემთხვევები, როდესაც კონკრეტული მიმწოდებლისთვის ფიქსირდება საიდენტიფიკაციო კოდისა და დასახელების მრავალი სხვადასახვა ვარიაცია (50-60 ვარიანტიც კი), რაც დაინტერესებული პირთათვის სასურველი ინფორმაციის ძიების პროცესში დაბრკოლებას წარმოადგენს. ამასთანავე, აღნიშნული წარმოადგენს სისტემის აპლიკაციის კონტროლების სისუსტეს.

2012-2013 წლების მონაცემების გაანალიზებისას აღმოჩნდა რომ 2012-2013 წლებში გამართულ ტენდერების გარკვეულ რაოდენობას (14 ტენდერს) არ აქვს მინიჭებული საბოლოო სტატუსი, ამ ტენდერების დღემდე მინიჭებული აქვს მიმდინარეობს ხელშეკრულების მომზადება და შერჩევა/შეფასება სტატუსები. აღნიშნული 14 ტენდერიდან 9-ში არ არის ატვირთული არც ხელშეკრულება და არც ტენდერის შეყვეტის შესახებ ოქმი, შედეგად სისტემის მეშვეობით შეუძლებელია დადგინდეს ტენდერი შეწყდა თუ მოხდა ხელშეკრულების გაფორმება.

სატენდერო წინადადების ელექტრონული გარანტიის არსებული მეთოდი ვერ უზრუნველყოფს სახელმწიფო შესყიდვების განხორციელებისას შესყიდვების მონაწილეთა მიმართ სამართლიანი და არადისკრიმინაციული გარემოს შექმნას. ასევე მაღალი ღირებეულების მქონე შესყიდვებისთვის, რომელიც პრეისკურანტით ხორციელდება, ზემოთაღნიშნული გზით დათვლილი ელექტრონული გარანტიის ოდენობა ვერ იქნება საკმარისი მიმწოდებლის მხრიდან წინადადების უზრუნველყოფისთვის.

„სახელმწიფო შესყიდვების შესახებ“ საქართველოს კანონის თანახმად, გამარტივებული შესყიდვების განხორციელებისათვის შემსყიდველ ორგანიზაციებს შეუძლიათ გამარტივებული შესყიდვით გააფორმონ ხელშეკრულებები თუკი შესყიდვა კანონით დადგენილი ზღვრების ფარგლებში ხორციელდება. კერძოდ, განსაზღვრულია 5 000, 20 000 და 50 000 ლარიანი მონეტარული ზღვრები, შესყიდვის ობიექტის ღირებულებისა და კონკრეტული შემსყიდველი ორგანიზაციების მიხედვით. აღსანიშნავია, რომ მონეტარული ზღვრების დაცვის ზედამხედველობა სახელმწიფო შესყიდვების სააგენტოს ვალდებულებაა. მონეტარული ზღვრის დარღვევის შემთხვევაში, შესყიდვების სააგენტო წერილობით მიმართავს შემსყიდველ ორგანიზაციას და საჭიროების შემთხვევაში ადგენს ადმინისტრაციულ სამართალ დარღვევის აქტს. მონაცემთა ანალიზის სააგენტოს ხელთ არსებული პოსტ ფაქტუმ რეაგირების მექანიზმები ვერ უზრუნველყოფს მონეტარული ზღვრების დაცვას. მონეტარული ზღვრების დარღვევები წლების განმავლობაში მზარდი ხასიათისაა.

სახელმწიფო შესყიდვების მონაცემთა ანალიზის საშუალებით, გამოვლენილი იქნა გამარტივებული შესყიდვების მოდულის კონტროლის სისუსტე. კერძოდ, რიგ შემთხვევებში ჩანაწერები არ არის დარეგისტრირებული მიმდევრობით. შესყიდვების სააგენტოს განმარტებით, აღნიშნული წარმოადგენს სისტემის ხარვეზს, რომელიც ერთჯერადად დაფიქსირდა. თუმცა, აუდიტის ჯგუფის მიერ იდენტიფიცირებულია სხვა გამოტოვებული ჩანაწერებიც. შედეგად, გამოვლენილი გარემოებები და სახელმწიფო შესყიდვების სააგენტოს პოზიცია სისტემურ ხარვეზებთან დაკავშირებით ცალსახად ცხადყოფს, რომ ელექტრონულ სისტემას გააჩნია ჩანაწერების სისრულის კონტროლების სისუსტე. შესაბამისად, სახელმწიფო აუდიტის სამსახურმა ვერ მოიპოვა აუცილებელი და შესაფერისი რწმუნება, რომ სახელმწიფო შესყიდვების ერთიან ელექტრონულ სისტემაში დაცულია გამარტივებული შესყიდვების ჩანაწერების სისრულე.

იმპლემენტაციის პროცესის დაგეგმვას და მასთან დაკავშირებულ აქტივობებს თან ახლდა ნაკლოვანებები. იმპლემენტაციის პროცესი არ იყო სათანადოდ დოკუმენტირებული. 2009 წელს უცხოელი კონსულტანტების დახმარებით მომზადდა დეტალური „სსბასს იმპლემენტაციის საბოლოო სამოქმედო გეგმა“, რომელიც ოფიციალურად დამტკიცების გარეშე სამოქმედოდ მიიღო ფინანსთა სამინისტრომ. სამოქმედო გეგმა 2009 წლის შემდეგ არ განახლებულა, შესაბამისად, დოკუმენტი მოძველებულია და გარკვეულ საკითხებთან დაკავშირებით ვადებს ჩამორჩება. დაგეგმვის მიზნებისთვის ერთადერთ დამტკიცებულ დოკუმენტს წარმოადგენს ფინანსთა მინისტრის 2009 წლის 3 ნოემბრის ბრძანება N701, რომელშიც ეტაპებად იყო გაწერილი სტანდარტების დანერგვის პროცესი. თუმცა, აღნიშნულ ბრძანებასა და მასში შესულ ცვლილებებში ასახული ინფორმაცია არ არის საკმარისად დეტალური.

იმპლემენტაციისათვის საჭირო რესურსები არ იყო სრულად იდენტიფიცირებული და ადეკვატურად დაგეგმილი. სსბასს-ის იმპლემენტაციის პროცესის ეფექტიანი მართვა შესაძლებელია დაგეგმვის ეტაპზე ჩატარებული დეტალური ანალიზით, სტანდარტების დანერგვისათვის საჭირო რესურსებისა და მათი მოძიების წყაროების განსაზღვრით. რესურსების დროული უზრუნველყოფა ხელს უწყობს იმპლემენტაციის შეუფერხებელ წარმართვას. რეფორმის პროცესში რესურსები განისაზღვრებოდა ყოველწლიურად, გასატარებელი ღონისძიებების შესაბამისად, თუმცა პროცესის დაწყებამდე სტანდარტების დანერგვისათვის საჭირო ხარჯების განსაზღვრა არ განხორციელებულა.

იმპლემენტაციის პროცესის საზედამხედველო ღონისძიებები სათანადოდ არ განხორციელებულა. მთავრობის დადგენილების საფუძველზე შეიქმნა საქართველოს საჯარო სექტორის ბუღალტრული აღრიცხვის სტანდარტების საბჭო (შემდგომ − საბჭო). თუმცა, საბჭო მოქმედებდა როგორც დამხმარე ორგანო და კანონმდებლობით არ გააჩნდა საზედამხედველო ფუნქციები. საბჭოს გადაწყვეტილებები დოკუმენტურად არ ფორმდებოდა და აქედან გამომდინარე, რთულია შეფასდეს მისი გავლენა იმპლემენტაციის პროცესზე. ფინანსთა სამინისტროს განმარტებით, რეფორმის ბოლო ეტაპზე იგეგმება საბჭოს ფუნქციების გაუმჯობესება საქმიანობის ეფექტიანობის გაზრდის მიზნით.

სტანდარტების იმპლემენტაციის პროცესის ხელშემწყობი მნიშვნელოვანი სტრატეგიული გადაწყვეტილებები არ არის მიღებული. კერძოდ, არ განხილულა სსბასს 33-ის გამოყენების შესაძლებლობა, რომელიც პირველად დამნერგავ ორგანოს აძლევს საშუალებას, გამოიყენოს სამწლიანი გარდამავალი პერიოდი. არ გაანალიზებულა სტანდარტების იმპლემენტაციის ხელშემშლელი ფაქტორები, არ შექმნილა ერთიანი სააღრიცხვო პოლიტიკები და სსბასს-ის შესაბამისი ანგარიშთა გეგმა, რომლებიც ხელს შეუწყობდა იმპლემენტაციის პროცესს. ფინანსთა სამინისტროს განმარტებით, რეფორმის ბოლო ეტაპზე განისაზღვრა IPSAS-ის დანერგვის ღონისძიებები და შესაბამისი პროექტები ნორმატიულ აქტებში შესატან ცვლილებებზე, რომლებიც ამოქმედდება 2020 წლის 1 იანვრიდან.

სსბასს-ის დანერგვის გადაწყვეტილების მიღებისას არ იყო გათვალისწინებული რეფორმის მოსალოდნელი ხარჯები და სარგებელი. იმპლემენტაციის პროცესის დაწყებამდე აუცილებელია განისაზღვროს დაინტერესებულ მხარეთა მოლოდინები და ის სარგებელი, რომელიც მიიღება რეფორმის შედეგად, საიდანაც უნდა გამომდინარეობდეს გასატარებელი ღონისძიებები, საჭირო ადამიანური, ფინანსური და დროითი რესურსები. ხარჯსარგებლიანობის ანალიზი ერთ-ერთი მნიშვნელოვანი ხელშემწყობი ინსტრუმენტია გადაწყვეტილების მიღების პროცესში. დოკუმენტურად არ დასტურდება, განიხილა თუ არა ფინანსთა სამინისტრომ ბუღალტრული აღრიცხვის სტანდარტებისა და იმპლემენტაციის ალტერნატიული ვარიანტები, რომლებიც შესაძლოა უფრო მეტად ყოფილიყო თანხვედრაში არსებულ რეალობასთან და უზრუნველეყო ფინანსური ანგარიშგების უფრო სამართლიანი და საიმედო წარდგენა. აღსანიშნავია, რომ სსბასს დარიცხვის მეთოდი სრულად დანერგილია მსოფლიოს მხოლოდ რამდენიმე ქვეყანაში. ფინანსთა სამინისტროს არ გააჩნია დასაბუთება, თუ რატომ არის აღნიშნული სტანდარტების დანერგვა საქართველოსთვის პრიორიტეტული. პარლამენტის მიერ მიღებული ფორმალური გადაწყვეტილების არ არსებობის პირობებში არ არსებობს მტკიცებულება რეფორმაში პარლამენტის ჩართულობის თაობაზე.

არ არსებობდა მონიტორინგისა და პროგრესის შეფასების ეფექტიანი ფორმები. იმპლემენტაციის პროგრესზე მცირე ინფორმაცია მოცემულია საჯარო ფინანსების მართვის რეფორმის ყოველწლიურ ანგარიშებში, რომელიც მზადდება ფინანსთა სამინისტროს მიერ. თუმცა, აღნიშნული ანგარიშები მათი პერიოდულობის, პროცესის კომპლექსურობის და სირთულის გათვალისწინებით, არასაკმარისია საზედამხედველო ფუნქციების განსახორციელებლად.

იმპლემენტაციისთვის აუცილებელი ტექნოლოგიური (IT) და ადამიანური რესურსების საჭიროებები არ განსაზღვრულა. რესურსების მოძიება ხდებოდა ფრაგმენტულად, მიუხედავად იმისა, რომ ხორციელდება ფინანსური პერსონალის გადამზადება, კვლავ შეინიშნება სსბასს-თან და დარიცხვის მეთოდთან დაკავშირებული კომპეტენციის ნაკლებობა, რაც ერთ-ერთი მნიშვნელოვანი და ამავე დროს შემაფერხებელი ფაქტორია სტანდარტების ეფექტიანი დანერგვის პროცესში. მიუხედავად სახელმწიფო ხაზინის ფინანსური მართვის ინტეგრირებულ სისტემაში და ერთიანი ბუღალტრული აღრიცხვის მოდულების შექმნის კუთხით პროგრესისა, საჭიროა დიდი ძალისხმევა იმპლემენტაციის პროცესის წარმატებით დასასრულებლად.

სტანდარტების უკეთ აღქმისა და გამოყენებისათვის აუცილებელი სახელმძღვანელოების/ინსტრუქციების ხარისხი არადამაკმაყოფილებელია. სსბასს-ის 40 სტანდარტიდან ქართულ ენაზე ითარგმნა და „საბიუჯეტო ორგანიზაციების ბუღალტრული აღრიცხვის და ფინანსური ანგარიშგების შესახებ ინსტრუქციის დამტკიცების თაობაზე“ ფინანსთა მინისტრის 2014 წლის 31 დეკემბრის N429 ბრძანებაში აისახა 26 სტანდარტი. თუმცა, სტანდარტების სათანადოდ გამოყენებისა და სხვადასხვა ინტერპრეტირების თავიდან ასარიდებლად სახელმძღვანელოები და საილუსტრაციო მაგალითები შემუშავებული არ არის. როგორც აღინიშნა, ასევე არ არის მომზადებული ერთიანი სააღრიცხვო პოლიტიკები. ფინანსთა სამინისტროს განმარტებით, 2020 წლის 1 იანვრიდან დაგეგმილია IPSAS სტანდარტების სრულყოფილად დანერგვა საჯარო სექტორში. პარალელურად შემუშავდება საილუსტრაციო მაგალითები და საბიუჯეტო ორგანიზაციები მას სახელმძღვანელო დოკუმენტად გამოიყენებენ.

2016-2018 წლებში აუდიტის სამსახურმა სახელმწიფო ბიუჯეტის დაფინანსებაზე მყოფ საბიუჯეტო ორგანიზაციებში ჩაატარა 45 ფინანსური ანგარიშგების აუდიტი, რომლებიც მომზადებული იყო N429 ინსტრუქციის საფუძველზე, სადაც სტანდარტების ნაწილი იყო დანერგილი. აღსანიშნავია, რომ მათგან მხოლოდ ერთზე გამოითქვა უპირობო მოსაზრება, ხოლო დანარჩენ 32-ზე (71%) − პირობითი და 12-ზე (27%) უარყოფითი მოსაზრებებია გაცემული. მიუხედავად ამისა, ფინანსთა სამინისტროს არ გადაუდგამს ქმედითი ნაბიჯები დასკვნებში ასახული ხარვეზების აღმოსაფხვრელად. აუდიტის სამსახურის აუდიტორული საქმიანობის პრაქტიკა ადასტურებს, რომ ადგილობრივი ხელისუფლების დონეზე აღრიცხვის მოქმედი წესების შესაბამისად ფინანსური ანგარიშგების ხარისხი შედარებით დაბალია. იმის გათვალისწინებით, რომ ხელისუფლების ყველა დონეზე საჯარო ორგანიზაციების ფინანსური ანგარიშები სრულად არ შეესაბამება აღრიცხვა-ანარიშგების სტანდარტებს, ბუნდოვანია, თუ როგორ შეძლებენ ისინი უფრო მკაცრი სსბასს-ის მოთხოვნების დაკმაყოფილებას მათი ფინანსური ანგარიშგების მომზადების პროცესში. ფინანსთა სამინისტროს არ გამოუკვლევია, რა გავლენა ექნება ფინანსურ ანგარიშგებებში გამოვლენილ სისუსტეებს აღრიცხვა-ანგარიშგების სსბასს-ის მიხედვით წარმოებაზე.

გაურკვეველია, თუ როგორ განხორციელდება სხვადასხვა სამინისტროსა და მათ დაქვემდებარებაში მყოფი ორგანიზაციების ფინანსური ანგარიშგებების კონსოლიდირება. კერძოდ, არ არის განსაზღვრული ქვედა და ზედა დონის კონსოლიდაციის შესაბამისი დონეები და კონსოლიდაციის პროცესში მანუალური და ავტომატური მეთოდების გამოყენების მასშტაბები. საჯარო სექტორში არსებული აღრიცხვის სისტემა ვერ უზრუნველყოფს შიდა ჯგუფური ოპერაციების ელიმინაციას.

საჯარო სექტორში საფინანსო და საბუღალტრო სამსახურების თანამშრომელთა მიერ სტანდარტების ცოდნის დონე საჭიროებს გაუმჯობესებას. მიუხედავად იმისა, რომ იმპლემენტაციის პროცესში პერსონალი გადამზადდა, ჩატარებული ტრენინგების ბოლოს მათ არ ჩატარებიათ ტესტირება, მიღებული ცოდნის შესამოწმებლად და არც შესაბამისი ღონისძიებები გაუტარებიათ პროცესის ეფექტიანობის შესაფასებლად. უნდა აღინიშნოს, რომ ხარისხის დონე იმ ფინანსური ანგარიშგებებისა, რომლებიც მომზადდა უკვე მიღებული სტანდარტების საფუძველზე და აუდირებულ იქნა სახელმწიფო აუდიტის სამსახურის მიერ, იყო არადამაკმაყოფილებელი და მიანიშნებდა საჯარო სექტორში დასაქმებულ მოხელეთა კომპეტენციისა და სტანდარტების ცოდნის გაუმჯობესების აუცილებლობაზე.

სტანდარტების თარგმნისა და მიღების პროცესი კვლავ მიმდინარეობს. 2012 წლამდე გამოქვეყნებული ყველა სტანდარტი ნათარგმნია ქართულ ენაზე, რასაც ადასტურებს ბუღალტერთა საერთაშორისო ფედერაცია. უნდა აღინიშნოს, რომ 2012 წელს ნათარგმნი სტანდარტები არ განახლებულა იმ ცვლილებებით, რომლებიც შემდგომში განხორციელდა. ამასთანავე, არსებული რედაქციის 40 სტანდარტიდან, მხოლოდ 26 სტანდარტია მიღებული მოქმედ ბუღალტრული აღრიცხვის ინსტრუქციაში. ფინანსთა სამინისტროს განმარტებით, IFAC-თან 2019 წელს განახლებული მემორანდუმის ფარგლებში, წლის ბოლომდე განსაზღვრულია დღეისათვის მოქმედი ყველა სტანდარტის განახლება/თარგმნა.

სამინისტროს მიერ არ გატარებულა ღონისძიებები, რომლებმაც სტანდარტებზე გადასვლის თარიღისთვის უნდა უზრუნველყოს სსბასს-ის შესაბამისი საწყისი ნაშთების მომზადება და წარდგენა. მიუხედავად იმისა, რომ სამინისტრო აღნიშნულ საკითხთან დაკავშირებით განიხილავს ყველა საჭირო ზომასა და ღონისძიებას, არსებობს რისკი იმისა, რომ აღნიშნული ღონისძიებების განხორციელება და სსბასს-ის შესაბამისი საწყისი ნაშთების მომზადება 2020 წლის 1 იანვრისათვის ვერ მოესწროს.

აუდიტის სამსახურის მანდატი მთავრობის კონსოლიდირებული ფინანსური ანგარიშგების აუდიტის ჩასატარებლად ჯერ კიდევ დასაზუსტებელია. კონსოლიდირებული ფინანსური ანგარიშგების მომავალ მომხმარებლებს სჭირდებათ რწმუნება მასში წარმოდგენილი ინფორმაციის სანდოობის შესახებ. თუმცა, ამ დროისათვის არ არსებობს კანონი ან რეგულაცია, რომელიც ცალსახად მოითხოვს მთავრობის კონსოლიდირებული ფინანსური ანგარიშგების წარდგენას სახელმწიფო აუდიტის სამსახურისთვის აუდიტორული მოსაზრების გასაცემად. ამჟამად აუდიტის სამსახურის მანდატი შეზღუდულია შემოსავლების შემოწმების კუთხით და კონსოლიდირებული ფინანსური ანგარიშგების აუდიტის ჩატარების შემთხვევაშიც კი, გაურკვეველი რჩება ფინანსური ანგარიშგების სრულად დაფარვის საკითხი. ამ ეტაპზე არ არსებობს საკანონმდებლო წინანადება/ინიციატივა, რომელიც განსაზღვრავს პარლამენტის როლს მთავრობის კონსოლიდირებული ფინანსური ანგარიშგების დამტკიცებასთან დაკავშირებით.