1. დაგეგმილი საბაზისო მაჩვენებელი
მოქმედი გარემოზე ზემოქმედების ნებართვის კანონი ვერ აკმაყოფილებდა საერთაშორისო სტანდარტებს და ევროკავშირთან ასოცირების ხელშეკრულებით ნაკისრი ვალდებულებების შესრულებას, დღეის მდგომარეობით მომზადებულია ,,გარემოსდაცვითი შეფასების კოდექსი", რომელიც სრულად აკმაყოფილებს საერთაშორისო მოთხოვნებს, მიმდინარეობს პარლამენტში კანონპროექტის განხილვა;
დაგეგმილი მიზნობრივი მაჩვენებელი
ახალი კანონის შესაბამისად, დანერგილია გარემოზე ზემოქმედების შეფასებისა და სტრატეგიული გარემოსდაცვითი შეფასების გამჭვირვალე პროცედურები, უზრუნველყოფილია ზემოაღნიშნულ პროცედურებში საზოგადოების მონაწილეობის მაღალი სტანდარტი, შემცირებულია ინვესტორის ფინანსური დანაკარგების ალბათობა და პროექტის განხორციელებისათვის ხელისშემსლელი გარემოებები, გათვალისწინებულია სტრატეგიული დაგეგმარების ახალი ინსტრუმენტი - სტრატეგიული გარემოსდაცვითი შეფასება;
მიღწეული საბოლოო შედეგის შეფასების ინდიკატორი
მიღებულია „გარემოსდაცვითი შეფასების კოდექსი“, რომლის შესაბამისადაც გარემოზე ზემოქმედების შეფასებას დაქვემდებარებული საქმიანობების ჩამონათვალი გაფართოვდა, კოდექსი ითვალისწინებს გარემოსდაცვითი გადაწყვეტილების გამჭვირვალე პროცედურებს, უზრუნველყოფს საჯარო კონსულტაციების ეფექტიან მექანიზმებს, ტრანსსასაზღვრო გარემოსდაცვით შეფასებას, რაც ხელს შეუწყობს საქართველოს ტერიტორიაზე გარემოზე შესაძლო ზიანის მიყენების პრევენციას, რომელიც მოსალოდნელია საქართველოს საზღვრებს გარეთ დაგეგმილი პროექტების შედეგად. კოდექსით დაინერგება სექტორული სტრატეგიული გარემოსდაცვითი შეფასების სისტემა, რომლის მეშვეობით ქვეყნის სივრცითი და ეკონომიკური დაგეგმვისას გათვალისწინებული იქნება გარემოსდაცვითი ინტერესები. კოდექსით გათვალისწინებული ძირითადი ვალდებულებები ამოქმედდა 2018 წლის 1 იანვრიდან. კოდექსის სტრატეგიული გარემოსდაცვითი შეფასების ნაწილი გარემოს დაცვისა და სოფლის მეურნეობის სამინისტროს კომპეტენციის ფარგლებში ამოქმედდება 2018 წლის 1 ივლისიდან, ხოლო საქართველოს შრომის, ჯანმრთელობისა და სოციალური დაცვის სამინისტროს კომპეტენციის ფარგლებში 2018 წლის 31 დეკემბრიდან.
2. დაგეგმილი საბაზისო მაჩვენებელი
მიღებულია ,,ნარჩენების მართვის კოდექსი“ რომელიც მოქმედებს 2015 წლის იანვრიდან. თუმცა, ჯერჯერობით სრულად არ არის შემუშავებული კოდექსის სრული იმპლემენტაციისათვის აუცილებელი მთელი რიგი კანონქვემდებარე აქტები; დღეისათვის საქართველოში არ არის ჩამოყალიბებული ნარჩენების მართვის დაგეგმვის სისტემა და არც ამის სამართლებრივი ვალდებულება არსებობდა კოდექსის მიღებამდე. კოდექსი ადგენს ეროვნული 15 წლიანი სტრატეგიისა და 5 წლიანი ეროვნული გეგმის შემუშავებას, რაც მიღებულ იქნა 29.03.16 მთავრობის მიერ. მუნიციპალიტეტების ვალდებულებაა შეიმუშავონ მუნიციპალური ნარჩენების მართვის 5 წლიანი გეგმები
დაგეგმილი მიზნობრივი მაჩვენებელი
შემუშავებული კოდექსის სრული იმპლემენტაციისათვის აუცილებელი მთელი რიგი კანონქვემდებარე აქტები ნარჩენების მართვის სფეროში; მუნიციპალიტეტების შესაძლებლობების გაძლიერებისათვის ჩატარებული სწავლებები მუნიციპალური ნარჩენების გეგმების შემუშავების ხელშეწყობისათვის; ყველა მუნიციპალიტეტისთვის შემუშვებული და დამტკიცებული ნარჩენების მართვის პირველი ხუთწლიანი გეგმები
მიღწეული საბოლოო შედეგის შეფასების ინდიკატორი
შემუშავებული და დამტკიცებული კანონქვემდებარე აქტები ნარჩენების მართვის სფეროში; საქართველოს ყველა მუნიციპალიტეტისთვის შემუშავებული მუნიციპალური ნარჩენების მართვის 5 წლიანი გეგმების პროექტები, რომელთა უმეტესი ნაწილიც დამტკიცებულია.
3. დაგეგმილი საბაზისო მაჩვენებელი
ატმოსფერულ ჰაერში მავნე ნივთიერებათა გაფრქვევების რეგულირების (ნორმირების), ჰაერის ხარისხის მონიტორინგისა და შეფასების სტანდარტების კუთხით მოქმედი ეროვნული კანონმდებლობა არ შეესაბამება საერთაშორისო თანამედროვე მიდგომებს და ვერ უზრუნველყოფს ჰაერის ხარისხის ეფექტიან მართვას; შიდა წყლის რესურსების მართვის დღეს არსებული პრაქტიკა ვერ უზრუნველყოფს წყლის რესურსების მართვას მდინარის აუზის ფარგლებში არსებული სიტუაციის გათვალისწინებით;
დაგეგმილი მიზნობრივი მაჩვენებელი
ჰაერის დამაბინძურებლებთან მიმართებაში შემოღებული ჰაერის ხარისხის შეფასების ახალი სტანდარტები, 5 ერთეულით გაზრდილი შეფასების კრიტერიუმები. „წყლის რესურსების მართვის შესახებ“ მიღებული კანონი, დაწყებული სააუზო მართვის გეგმების შემუშავების ორგანიზება;
მიღწეული საბოლოო შედეგის შეფასების ინდიკატორი
ზოგიერთ თხევად საწვავში დადგენილი გოგირდის შემცველობის ზღვრული ნორმები. შემუშავებული ატმოსფერული ჰაერის ხარისხის სტანდარტების დადგენის შესახებ ტექნიკური რეგლამენტის პროექტი. შემუშავებული „წყლის რესურსების მართვის შესახებ“ საქართველოს კანონპროექტი, რომელსაც ჩაუტარდა რეგულირების ზემოქმედების შეფასება (RIA); დაწყებული სააუზო მართვის გეგმების შემუშავება ალაზან-იორის და ხრამი-დებედას აუზებისთვის.
ცდომილების მაჩვენებელი (%/აღწერა) და განმარტება დაგეგმილ და მიღწეულ საბოლოო შედეგებს შორის არსებულ განსხვავებებზე
ჰაერის დამაბინძურებლებთან მიმართებაში შემოღებული ჰაერის ხარისხის შეფასების ახალი სტანდარტები, 5 ერთეულით გაზრდილი შეფასების კრიტერიუმები - სამთავრობო სტრუქტურული ცვლილებების გამო გადავადდა ატმოსფერული ჰაერის ხარისხის სტანდარტების დადგენის შესახებ ტექნიკური რეგლამენტის პროექტის მთავრობისთვის წარდგენა, შედეგად არ გაზრდილა ჰაერის ხარისხის შეფასების კრიტერიუმები.
„წყლის რესურსების მართვის შესახებ“ მიღებული კანონი - საქართველოს მთავრობის გადაწყვეტილებით ჩატარდა კანონის პროექტის რეგულირების ზემოქმედების შეფასება (RIA) და კანონის პროექტში აისახა RIA-ს შედეგი. აღნიშნული მიზეზით კანონის მიღება გადაიდო 2018 წლისთვის.
4. დაგეგმილი საბაზისო მაჩვენებელი
გარემოსდაცვით საკითხებზე საზოგადოების ცნობიერების ამაღლების ხელშეწყობის მიზნით ეწყობა სხვადასხვა საინფორმაციო კამპანიები გარემოსდაცვითი თარიღების მიხედვით. გარემოსდაცვითი ცნობიერების ამაღლების მიზნით ეწყობა პრეზენტაციები, კონფერენციები;
დაგეგმილი მიზნობრივი მაჩვენებელი
აღინიშნება ყველა გარემოსდაცვითი მწვანე თარიღი, მოწყობილი 20-მდე თემატური შეხვედრა, მასობრივი ინფორმაციის საშუალებების მაღალი ჩართულობა გარემოსდაცვითი თარიღების აღნიშვნისა და პოპულარიზაციის მიზნით. ყოველწლიურად მომზადებული და გავრცელებული 5-მდე საინფორმაციო მასალა (ვიდეო-რგოლები; პრომო ვიდეოები და სხვა). სამინისტროში მიმდინარე და დაგეგმილი ღონისძიებების აქტუალურობიდან გამომდინარე, ყოველწლიურად გამოყოფილი 3-მდე პრიორიტეტის ფარგლებში მომზადებული საზოგადოების ცნობიერების ასამაღლებელი სხვადასხვა სახის 10-მდე ღონისძიება - საინფორმაციო ეკო და მედია ტურები და პრეზენტაციები;
მიღწეული საბოლოო შედეგის შეფასების ინდიკატორი
აღინიშნა გარემოსდაცვითი მწვანე თარიღები, მოეწყო 50-მდე თემატური შეხვედრა და ინტერვიუ, გარემოსდაცვითი თარიღების პოპულარიზაციის მიზნით განხორციელდა მასობრივი ინფორმაციის საშუალებების ჩართვა გარემოსდაცვითი თარიღების აღნიშვნაში. შეიქმნა 2 ვიდეო-რგოლი. სამინისტროს facebook-გვერდზე განთავსდა სხვადასხვა თემატიკის 50-მდე საინფორმაციო მასალა. სამინისტროში მიმდინარე და დაგეგმილი ღონისძიებების აქტუალურობიდან გამომდინარე, სამინისტრომ მონაწილეობა მიიღო გარემოსდაცვითი მწვანე თარიღებთან დაკავშირებით მოწყობილ 12 ღონისძიებაში.
5. დაგეგმილი საბაზისო მაჩვენებელი
შერჩეული პოპულაციების რეალური მდგომარეობის შესახებ ინფორმაციის არარსებობა; თეთრყვავილას რესურსი შეფასებულია 2014 წელს, თუმცა რესურსის კომერციული მიზნით ყოველწლიურად დიდი ოდენობით მოპოვების გამო საჭიროა დამატებითი მონიტორინგი.
დაგეგმილი მიზნობრივი მაჩვენებელი
თეთრყვავილასთვის შერჩეულ სამონიტორინგო ტერიტორიებზე რესურსის თაობაზე მოპოვებული საბაზისო მონაცემები. შემუშავებული რეკომენდაციები მათი საკონსერვაციო და რესურსით სარგებლობის ქმედებებთან დაკავშირებით.
მიღწეული საბოლოო შედეგის შეფასების ინდიკატორი
ღონისძიება არ განხორციელებულა
ცდომილების მაჩვენებელი (%/აღწერა) და განმარტება დაგეგმილ და მიღწეულ საბოლოო შედეგებს შორის არსებულ განსხვავებებზე
აღნიშნული ქმედების განხორციელება ვერ მოხერხდა, ვინაიდან თეთრყვავილას სამიზნე პოპულაციების განთავსების რეგიონებში (ძირითადად აჭარის ავტონომიური რესპუბლიკის ტერიტორიაზე არსებული პოლულაციები და გურიის პოპულაცია), ვადაზე ადრე უჩვეულო ცხელი ამინდების მიზეზით, მოხდა მცენარეთა მიწისზედა ნაწილების ნაადრევი ხმობა. კვლევის ჩატარების მეთოდი კი სწორედ თეთრყვავილას მიწისზედა ნაწილების აღრიცხვა-შეფასებას ემყარება. აღნიშნულის გათვალისწინებით, კვლევის ჩატარება გადავადდა 2018 წლისათვის.