·         გატარებული ღონისძიებების შედეგად სამომხმარებლო ბაზარზე აღკვეთილ იქნა მავნე სურსათის რეალიზაციის ფაქტები; ·         ცხოველთა ინფექციური დაავადებების საწინააღმდეგოდ განხორციელებული პროფილაქტიკური ვაქცინაციის და დაავადების კერებში გატარებული ღონისძიებების შედეგად ქვეყანაში მიღწეულია სტაბილური ეპიზოოტიური სიტუაცია. შემცირებულია ცხოველებში და ადამიანებში ზოონოზური დაავადებებით გამოწვეული შემთხვევების რაოდენობა. თავიდან იყო აცილებული საერთაშორისო ვაჭრობის შეზღუდვის რისკები (ექსპორტი, ტრანზიტი). ხელსაყრელი გარემოა შექმნილი ცოცხალი ცხოველებისა და მეცხოველეობის ნედლეულის საექსპორტო პოტენციალის გაზრდის თვალსაზრისით. იდენტიფიკაცია-რეგისტრაციის საშუალებით გაადვილებულია მიკვლევადობის პროცესი, მონაცემთა ელექტრონულ ბაზაში რეგისტრირებულია 500.0 ათასა-მდე მსხვილფეხა და წვრილფეხა პირუტყვი; ·         მავნებლის გავრცელების კერებში ჩატარებული ღონისძიებების შედეგად, ბიოლოგიურმა ეფექტმა შეადგინა 80-85%, დამუშავებულ ფართობებზე შენარჩუნდა მოსავალი და მწვანე საფარი. ფიტოსანიტარიული მონიტორინგის შედეგად დროულად განისაზღვრა მავნე ორგანიზმების წინააღმდეგ ბრძოლის ღონისძიებების ვადები და ჩატარების ადგილები; ·         გატარებული ღონისძიებების შედეგად აღკვეთილ იქნა ბაზარზე უხარისხო ვეტერინარული პრეპარატების მიმოქცევის ფაქტები.

·         აღებული იქნა სურსათის (მ.შ. სასმელი წყლის) 4 226 ნიმუში/სინჯი. მონიტორინგი - დოკუმენტური შემოწმება განხორციელდა სურსათის 8 234 ბიზნეს ოპერატორთან. შემოწმებისას 1 240 შემთხვევაში გამოვლინდა სხვადასხვა სახის დარღვევები და დაჯარიმდა 1 240 ბიზნეს-ოპერატორი. განადგურებული იქნა: 39 223 კილოგრამი ხორცი და ხორცპროდუქტები, 45 289 კილოგრამი სხვა მყარი სურსათი, 4 498 ლიტრი თხევადი სურსათი და 11 403 ცალი სასურსათო კვერცხი; ·         გეგმიური ინსპექტირება განხორციელდა სურსათის მწარმოებელ 3 794 საწარმოში, ხოლო არაგეგმური ინსპექტირება - 558 ბიზნესოპერატორთან, აღიარება - 147 ბიზნესოპერატორთან და გადამოწმდა 3 725 ბიზნესოპერატორი. გაიცა 52 199 რეკომენდაცია აღმოჩენილ არაკრიტიკულ შეუსაბამობებზე, შედეგად მიცემული რეკომენდაციების გონივრულ ვადაში შეუსრულებლობის გამო 434 ბიზნესოპერატორი დაჯარიმდა. კრიტიკული შეუსაბამობის გამოვლენის გამო საწარმოო პროცესი შეუჩერდა და დაჯარიმდა 162 ბიზნესოპერატორი. ·         თურქულის დაავადებაზე პროფილაქტიკური მიზნით ვაქცინირებულია 1 541.1 ათასი სული მსხვილფეხა და 865.1 ათასი სული წვრილფეხა პირუტყვი; ·         ჯილეხზე პროფილაქტიკის მიზნით ვაქცინირებულია 451.8 ათასი სული მსხვილფეხა, 380.0 ათასი სული წვრილფეხა პირუტყვი და 5.1 ათასი კენტჩლიქიანი ცხოველი. იძულებით პროფილაქტიკური ვაქცინაცია ჩაუტარდა 19.0 ათას სულ ჯილეხის ამთვისებელ ცხოველს. 2012 წელთან შედარებით, როდესაც არ ხორციელდებოდა ჯილეხის საწინააღმდეგო პროქფილაქტიკური ვაქცინაცია, დაავადების გამოვლინება 25%-ით შემცირდა ცხოველებში, ხოლო ადამიანებში 52%-ით. ·         ცოფზე პროფილაქტიკური მიზნით ვაქცინირებულია 257.5 ათასი სული შინაური ხორცისმჭამელი ცხოველი (ძაღლი, კატა). ცოფით დაავადების კერებში იძულებით პროფილაქტიკური ვაქცინაცია ჩაუტარდა 46.6 ათას სულ ცოფის ამთვისებელ ცხოველს. 2014 წელთან შედარებით დაავადების გამოვლინება 20%-ით შემცირდა შინაურ ხორცისმჭამელ ცხოველებში (ძაღლი, კატა) და ჰიდროფობიის არც ერთი შემთხვევა არ დაფიქსირებულა ადამიანებში (2014 წელს ჰიდროფობიით გარდაცვლილია 4 ადამიანი). ·         ნოდულარული დერმატიტის საწინააღმდეგოდ ვაქცინირებულია 167.8 ათასი სული მსხვილფეხა პირუტყვი, ხოლო თხის და ცხვრის ყვავილის საწინააღმდეგოდ ვაქცინირებულია 1 416.9 ათასი სული ცხვარი და თხა; ·         ბრუცელოზზე გამოკვლეულია 68.2 ათასი სული მსხვილფეხა პირუტყვი მათ შორის დადებითად მორეაგირეა 1.1 ათასი სული (1,7%); ·         ყირიმ-კონგოს ჰემორაგიული ცხელების საწინააღმდეგოდ მაღალი რისკის ზონებში ინსექტოაკარიციდული საშუალებებით დამუშავებულია 12.9 ათასი მსხვილფეხა პირუტყვი, 3.6 ათასი ცხოველის სადგომი და 30 ჰექტარი საძოვარი. 2014 წელთან შედარებით, დაავადების გამოვლინება და ადამიანებში ლეტალური გამოსავალი შემცირებულია 75%-ით. ·         იდენტიფიკაცია ჩაუტარდა 386.2 ათას სულ მსხვილფეხა და 92.4 ათას სულ წვრილფეხა პირუტყვს; ·         ამერიკული თეთრი პეპლის წინააღმდეგ გატარებული ღონისძიებების ფართობმა შეადგინა 498 ჰექტარი, კალიების წინააღმდეგ გასატარებელი ღონისძიებების ფართობმა - 33.4 ათასი ჰექტარი; ·         შემოწმდა პესტიციდების 93 სარეალიზაციო ობიექტი, ლაბორატორიული კვლევებისთვის აღებულ იქნა პესტიციდების 170 ნიმუში. პესტიციდების ხარისხობრივი მაჩვენებლების გამოკვლევებისას უარყოფითი ლაბორატორიული შედეგის საფუძველზე დაჯარიმდა 5, ხოლო სარეალიზაციო ქსელში აღმოჩენილი პესტიციდების მარკირების წესის დარღვევისათვის დაჯარიმდა 3 მეწარმე. ბიზნესოპერატორად რეგისტრაციის უქონლობის გამო დაჯარიმდა 3 მეწარმე. ·         ქვეყნის ტერიტორიაზე 9 საკარანტინო მავნე ორგანიზმების გავრცელების დასადგენად რეგიონებში აღებული იქნა 365 ნიმუში. აჭარის რეგიონში 3 შემთხვევაში გამოვლინდა კარტოფილის საკარანტინო ორგანიზმი - კარტოფილის კიბო; ·         ვეტერინარული პრეპარატების ხარისხის მონიტორინგის მიზნით შეძენილი და გამოკვლეული იქნა ვეტერინარული პრეპარატის 201 ნიმუში. კონტროლქვემდებარე ობიექტების საქმიანობის ინსპექტირების მიზნით შემოწმებული იქნა 230 ობიექტი. მათ შორის: 199 ვეტფთიაქი, 12 ზოომაღაზია-ვეტაფთიაქი, 3 ვეტაფთიაქი-ვეტკლინიკა, 4 ზოომაღაზია, 6 ვეტკლინიკა, 1 ვეტკლინიკა-ვეტაფთიაქი-ზოომაღაზია, 1 ვეტკლინიკა-ზოომაღაზია, 3 საბითუმო ბაზა და 1 პრეპარატების დამამზადებელი საწარმო; ·         განხორციელდა ლაბორატორიული კვლევა 294.1 ათას ვარგის ნიმუშზე.