·         შემუშავდა პროფესიული სტანდარტების დოკუმენტი; ·         დაინერგა ,,მასწავლებლის საქმიანობის დაწყების, პროფესიული განვითარებისა და კარიერული წინსვლის სქემის“ შესაბამისი ეტაპი; ·         ამაღლებულ იქნა სამიზნე ჯგუფების (მასწავლებლები, დირექტორები, პროფესიული განათლების მასწავლებლები) კვალიფიკაცია; ·         გაიზარდა სკოლის შიდა შეფასების ჯგუფებისა და ფასილიტატორების სამუშო პოტენციალი; ·         არაქართულენოვანი სკოლების მასწავლებლების ჩართულობა, როგორც საქართველოს საგანმანათლებლო, ასევე სამუშაო სექტორში.

1.       საბაზისო მაჩვენებელი - მიმდინარეობს მასწავლებელთა პროფესიული სტანდარტის წინასარევიზიო სამუშაოები; მიზნობრივი მაჩვენებელი - 2016 წელს განახლებულია მასწავლებლის პროფესიული სტანდარტი და გასაჯაროვებულია სამიზნე ჯგუფებისთვის; მიღწეული - მომზადებულია პროფესიული სტანდარტების განახლებული დოკუმენტი; ცდომილების მაჩვენებელი (%/აღწერა) და განმარტება დასახულ და მიღწეულ შუალედური შედეგებს შორის არსებულ განსხვავებებზე - პროფესიული სტანდარტების დოკუმენტი ამ ეტაპზე არ არის დამტკიცებული, იგი მომზადებულია და წარდგენილია ყველა შესაბამისი უწყებისათვის განხილვის მიზნით. 2.       საბაზისო მაჩვენებელი - 2015 წელს საპილოტე რეჟიმში ჩაეშვა „მასწავლებლის საქმიანობის დაწყების, პროფესიული განვითარებისა და კარიერული წინსვლის სქემა“. 2015 წლის მონაცემებით 76% პრაქტიკოსი მასწავლებელია დასაქმებული სკოლაში, 23,7 % - უფროსი მასწავლებელი და 0,3 % - წამყვანი მასწავლებელი. შემუშავების პროცესშია მასწავლებელთა მომზადებისა და გადამზადების 5 კრედიტიანი ტრენინგ-კურსი, ეტაპობრივად მიმდინარეობს სამიზნე ჯგუფების ტრენინგები ზოგადპროფესიული და საგნობრივი მიმართულებებით; ეროვნული უმცირესობების წარმომადგენელი მასწავლებლების მხოლოდ მცირე ნაწილია ჩართული მასწავლებელთა პროფესიული განვითარების ღონისძიებებში ენობრივი ბარიერისა და მრავალფეროვანი პროფესიული რესურსების არარსებობის გამო; მიზნობრივი მაჩვენებელი - უფროსი მასწავლებლების ხვედრითი წილი გაზრდილია 10 %-ით; გადამზადებულია იმ პრაქტიკოსი მასწავლებლების 80%, რომელთაც ჩაბარებული აქვთ შესაბამისი საგნის გამოცდა; მასწავლებელთა, დირექტორთა და პროფესიული სასწავლებლების მასწავლებელთა რაოდენობა, ვინც გაიარა ტრენინგები; არაქართულენოვან ზოგადსაგანმანათლებლო სკოლების მასწავლებლების საგნობრივი ტრენინგების მშობლიურ (აზერბაიჯანულ, რუსულ, სომხურ) ენაზე გავლა; მიღწეული - უფროსი მასწავლებლების ხვედრითი წილი გაიზარდა 8%-ით, განხორცილედა 5 კრედიტიანი კურსის ტრენინგები: თანამედროვე მიდგომები სწავლებასა და შეფასებაში (ტრენინგი გაიარა ბენეფიციარების 56%), ინკლუზიური განათლება (ტრენინგი გაიარა ბენეფიციარების 40%), საგნობრივი მიმართულებით ტრენინგი გაიარა ბენეფიციარების 1%; ცდომილების მაჩვენებელი (%/აღწერა) და განმარტება დასახულ და მიღწეულ შუალედური შედეგებს შორის არსებულ განსხვავებებზე - უფროსი მასწავლებლების ხვედრითი წილი გაზრდილია 8%-ით ნაცვლად 10%-ისა, ვინაიდან არ განხორციელდა შიდა შეფასების დაკვირვების რუბრიკის დამტკიცება. 3. საბაზისო მაჩვენებელი - შიდა შეფასების ჯგუფის წევრები და ფასილიტატორები არ ფლობენ სათანადო ცოდნას/გამოცდილებას სქემის ფარგლებში მასწავლებელთა საქმიანობის შეფასებისა და პროფესიული განვითარების გზების შესახებ; მიზნობრივი მაჩვენებელი - სკოლის შიდა შეფასების ჯგუფის ყველა წევრს და ფასილიტატორს გავლილი აქვს ტრენინგი, შესაბამისად. სკოლებში დანერგილია მასწავლებლის შეფასების სისტემა; მიღწეული - გაიზარდა სკოლის როლი მასწავლებელთა პროფესიული განვითარებისა და კარიერულ წინსვლაში და ამაღლდა სკოლაში თანამშრომლბითი კულტურა, შეიქმნა 2 260 მასწავლებლის შიდა შეფასების ჯგუფი, რომელთაგან 3 962 ფასილიტატორია. შეფასდა 9 207 მასწავლებელი. განხორციელდა სქემაში ჩართული სკოლის შეფასების ჯგუფის წევრების გადამზადება: „სკოლის შიდა შეფასების პროცესის მონიტორინგის დაგეგმვა და განხორციელება“ – 1 806 დირექტორი, „პროფესიული საქაღალდის შეფასება“ – 16 888 მონაწილე, „სამოდელო გაკვეთილის დაგეგმვა და შეფასება“ - 14 499 მონაწილე, „პრაქტიკის კვლევის დაგეგმვა, წარმართვა და შეფასება“- 11 082 მონაწილე; 3.       საბაზისო მაჩვენებელი - პროფესიული განათლების მასწავლებლებს არ აქვთ განათლება პროფესიულ პედაგოგიკაში, პროფესიული განათლების მასწავლებელთა განვითარების ტრენინგები პროფესიაში არასისტემური და ფრაგმენტულია; მიზნობრივი მაჩვენებელი - პროფესიული განათლების მასწავლებელთა 15%-ს გავლილი აქვს ზოგადპედაგოგიური კურსი; პროფესიული მასწავლებლების 60%-ს გავლილი აქვს ტრენინგები საწარმოში; პროფესიული მასწავლებელთა რაოდენობა, ვისაც გავლილი აქვს მოდულური სწავლების კურსი; პროფესიული მასწავლებელთა რაოდენობა, ვისაც გავლილი აქვს ინკლუზიური განათლების კურსი; მიღწეული - მასწავლებელთა 15 %-ს გაიარა პედაგოგიური კურსი, საწარმოში დატრენინგდა მასწავლებელთა 60%. მასწავლებლების 38,3%-ს გავლილი აქვთ ტრენინგები ინკლუზიურ განათლებაში, მასწავლებელთა 81,9%-ს - ტრენინგი „კომპეტენციებზე დაფუძნებული შეფასებაში მოდულურ პროფესიულ საგანმანათლებლო პროგრამებში“, მასწავლებელთა 49%-ს - ტრენინგი ,,მოდულური სწავლების საკითხები პროფესიული განათლების მასწავლებლებისათვის“; 4.       საბაზისო მაჩვენებელი - პროგრამის „ქართული ენა მომავალი წარმატებისთვის“ ფარგლებში დასაქმებულია 98 კონსულტანტ-მასწავლებელი და 116 დამხმარე მასწავლებელი; მიზნობრივი მაჩვენებელი - დასაქმებული 100 კონსულტანტ-მასწავლებელი და 200 დამხმარე მასწავლებელი; ადგილობრივი მასწავლებლების რაოდენობა, რომელიც ჩართულია ენის შემსწავლელ კურსებში და იუმჯობესებს ენის ფლობის დონეს; სკოლების რაოდენობა, მოსწავლეების რაოდენობა, რომლებსაც უტარდებათ ქართული ენის კვალიფიციური გაკვეთილები. მიღწეული - სამცხე-ჯავახეთის, ქვემო ქართლის და კახეთის რეგიონების არაქართულენოვანი სკოლების ადგილობრივმა მასწავლებლებმა აიმაღლეს ქართული ენის ცოდნის დონე მინიმუმ ერთი საფეხურით; საქართველოს არაქართულენოვანი ზოგადსაგანმანათლებლო სკოლების/სექტორების მასწავლებლების 1.5% (85) გადამზადებულია საგნობრივ ტრენინგებში მათ მშობლიურ ენებზე; სამცხე-ჯავახეთის, ქვემო ქართლის და კახეთის არაქართულენოვანი სკოლების 80%-ზე მეტში (197) წარმოდგენილია პროგრამის მონაწილე 114 კონსულტანტ-მასწავლებელი და 164 დამხმარე მასწავლებელი (28 ორენოვანი დამხმარე მასწავლებელი).