1. მიზნობრივი მაჩვენებელი
· წარმოებული სასოფლო-სამეურნეო პროდუქციის რაოდენობა;
· სექტორში დასაქმებულ ფერმერთა რაოდენობა;
· სასოფლო-სამეურნეო პროდუქციის ექსპორტის მაჩვენებელი.
მიღწეული მაჩვენებელი
· 2018 წელს (წინასწარი მონაცემებით) აგროსასურსათო პროდუქტების ექსპორტი განხორციელდა 96 ქვეყანაში;
· აგროსასურსათო პროდუქციის ძირითადი საექსპორტო ბაზრებია: რუსეთი - 243.6 მლნ აშშ დოლარი, აზერბაიჯანი - 155.3 მლნ დოლარი, ევროკავშირი - 148.0 მლნ აშშ დოლარი, უკრაინა - 83.1 მლნ აშშ დოლარი, ყაზახეთი - 67.9 მლნ აშშ დოლარი, სომხეთი - 53.6 მლნ აშშ დოლარი და ირანი - 36.6 მლნ აშშ დოლარი;
· 2018 წელს (წინასწარი მონაცემებით) საქართველოდან ევროკავშირის ქვეყნებში ექსპორტირებულია 148 მლნ აშშ დოლარის ღირებულების აგროსასურსათო პროდუქცია, რაც 6%-ით (8 მლნ აშშ დოლარი) აღემატება 2017 წლის ანალოგიურ მაჩვენებელს. 2018 წელს აგროსასურსათო პროდუქციის მთლიან ექსპორტში ევროკავშირის ქვეყნების წილი 15.4%-ს შეადგენს;
· 2018 და 2017 წლებში საქართველოდან ევროკავშირში განხორციელებულ აგროსასურსათო პროდუქციის ექსპორტში თუ მხედველობაში არ მივიღებთ თხილის ექსპორტს, ევროკავშირის ქვეყნებში აგროსასურსათო პროდუქციის ექსპორტი აღნიშნულ პერიოდში 25.6 მლნ აშშ დოლარით (30%-ით) არის გაზრდილი. აღნიშნული ზრდა განსაკუთრებით ესპანეთში, გერმანიაში, საფრანგეთსა და ლიტვაში ფიქსირდება.
2. საბაზისო მაჩვენებელი
· მიღებულია გარემოსდაცვითი შეფასების კოდექსი, რომლიც ამოქმედდება 2018 წლიდან. ტრანსასაზღვრო პროცედურების განხორციელების კუთხით ამჟამად რეგულირება არ არსებობს;
მიზნობრივი მაჩვენებელი
· ახალი კანონის შესაბამისად დანერგილი გარემოზე ზემოქმედების შეფასებისა და სტრატეგიული გარემოსდაცვითი შეფასების გამჭვირვალე პროცედურები, უზრუნველყოფილი ზემოაღნიშნულ პროცედურებში საზოგადოების მონაწილეობის მაღალი სტანდარტი, შემოღებული სტრატეგიული დაგეგმარების ახალი ინსტრუმენტი - სტრატეგიული გარემოსდაცვითი შეფასება;
· ობიექტებზე, რომლებმაც შესაძლოა მოახდინონ ტრანსსასაზღვრო გარემოზე ზემოქმედება, გარემოზე ზემოქმედების შეფასების განხორციელება.
მიღწეული მაჩვენებელი
· ,,გარემოსდაცვითი შეფასების კოდექსის“ გარემოზე ზემოქმედების შეფასების პროცედურა ამოქმედდა 2018 წლის 1 იანვარს;
· გარემოს დაცვისა და სოფლის მეურნეობის სამინისტროს კომპეტენციის ფარგლებში კოდექსის სტრატეგიული გარემოსდაცვითი შეფასების ნაწილი ამოქმედდა 2018 წლის 1 ივლისს;
· ტრანსსასაზაღვრო გარემოზე ზემოქმედების შეფასებისა და ტრანსსასაზღვრო სტრატეგიული გარემოსდაცვითი შეფასების პროცედურები ამოქმედდება „ტრანსსასაზღვრო კონტექსტში გარემოზე ზემოქმედების შეფასების შესახებ“ კონვენციისა და მისი „სტრატეგიული გარემოსდაცვითი შეფასების შესახებ“ ოქმის საქართველოსთვის ძალაში შესვლისთანავე.
3. საბაზისო მაჩვენებელი
· მოქმედი ეროვნული კანონმდებლობა წყლის რესურსების მართვის, წყლისა და ჰაერის ხარისხის რეგულირების, მონიტორინგისა და შეფასების სტანდარტების კუთხით არ შეესაბამება საერთაშორისო სტანდარტებსა და მოთხოვნებს;
· 2017 წელს საქართველო მიუერთდა გაეროს კლიმატის ცვლილების ჩარჩო კონვენციის პარიზის შეთანხმებას. აღნიშნული შეთანხმება ავალდებულებს კონვენციის მხარე ქვეყნებს 2019 წლის ბოლომდე მოამზადონ და კლიმატის ცვლილების გაეროს ჩარჩო კონვენციის სამდივნოს წარუდგინონ „ეროვნულ დონეზე განსაზღვრული წვლილის“ განახლებული დოკუმენტი;
მიზნობრივი მაჩვენებელი
· ახალი კანონის შესაბამისად დანერგილი გარემოზე ზემოქმედების შეფასებისა და სტრატეგიული გარემოსდაცვითი შეფასების გამჭვირვალე პროცედურები, უზრუნველყოფილი ზემოაღნიშნულ პროცედურებში საზოგადოების მონაწილეობის მაღალი სტანდარტი, შემოღებული სტრატეგიული დაგეგმარების ახალი ინსტრუმენტი - სტრატეგიული გარემოსდაცვითი შეფასება; ობიექტებზე, რომლებმაც შესაძლოა მოახდინონ ტრანსსასაზღვრო გარემოზე ზემოქმედება, გარემოზე ზემოქმედების შეფასების განხორციელება;
მიღწეული მაჩვენებელი
· შემუშავებულია „წყლის რესურსების მართვის შესახებ” საქართველოს კანონის პროექტი, რომელიც ქმნის აუცილებელ სამართლებრივ და ინსტიტუციურ საფუძვლებს წყლის რესურსების ინტეგრირებული მართვის პრინციპების დანერგვისათვის. შემუშავებულია „წყლის რესურსების მართვის შესახებ” საქართველოს კანონის პროექტის ქვემდებარე ნორმატიული აქტების პროექტები, რომლებიც ჰარმონიზებულია ევროკავშირის კანონმდებლობასთან;
· ატმოსფერულ ჰაერში მავნე ნივთიერებათა გაფრქვევების რეგულირების მიზნით მომზადდა და საქართველოს მთავრობის 2018 წლის 16 ნოემბრის N550 დადგენილებით ცვლილებები შევიდა „დიზელის საწვავის შემადგენლობის ნორმების, ანალიზის მეთოდებისა და მათი დანერგვის ღონისძიებათა შესახებ“ საქართველოს მთავრობის 2005 წლის 25 დეკემბრის №238 დადგენილებაში. შემუშავდა და საქართველოს მთავრობის 2018 წლის 26 ივნისის N383 დადგენილებით დამტკიცდა “ატმოსფერული ჰაერის ხარისხის სტანდარტების დადგენის შესახებ ტექნიკური რეგლამენტი”;
· ეროვნულ დონეზე განსაზღვრული წვლილის დოკუმენტის შემუშავების მიზნით ეკონომიკის სექტორებისთვის გადაითვალა „სათბურის გაზების“ ემისიის არსებული რაოდენობა და განხორციელდა ემისიის პროგნოზირება 2030 წლისთვის. შემუშავდა ეროვნულ დონეზე განსაზღვრული წვლილის დოკუმენტის სტრუქტურა და შინაარსი. NDC ის განხორციელების მიზნით მომზადდა "კლიმატის ცვლილების სამოქმედო გეგმის 2021- 2030" წინასწარი სამუშაო ვერსია სატრანსპორტო სექტორისთვის.
4. საბაზისო მაჩვენებელი
· მიღებულია ,,ნარჩენების მართვის კოდექსი“ რომელიც მოქმედებს 2015 წლის იანვრიდან. თუმცა, ჯერჯერობით სრულად არ არის შემუშავებული კოდექსის სრული იმპლემენტაციისათვის აუცილებელი მთელი რიგი კანონქვემდებარე აქტები; დღეისათვის საქართველოში არ არის ჩამოყალიბებული ნარჩენების მართვის დაგეგმვის სისტემა და არც ამის სამართლებრივი ვალდებულება არსებობდა კოდექსის მიღებამდე. მუნიციპალიტეტების ვალდებულებაა შეიმუშაონ მუნიციპალური ნარჩენების მართვის 5 წლიანი გეგმები;
მიზნობრივი მაჩვენებელი
· შემუშავებული ნარჩენების კოდექსის სრული იმპლემენტაციისათვის აუცილებელი მთელი რიგი კანონქვემდებარე აქტები ნარჩენების მართვის სფეროში; მუნიციპალიტეტების შესაძლებლობების გაძლიერებისათვის ჩატარებული სწავლებები მუნიციპალური ნარჩენების გეგმების შემუშავების ხელშეწყობისათვის; შეთანხმებული ყველა მუნიციპალიტეტის ნარჩენების მართვის გეგმები;
მიღწეული მაჩვენებელი
· შემუშავებულია და დამტკიცებულია ნარჩენების კოდექსის სრული იმპლემენტაციისათვის აუცილებელი შემდეგი კანონქვემდებარე აქტები („ტექნიკური რეგლამენტი − ნარჩენების ინსინერაციისა და თანაინსინერაციის პირობების დამტკიცების თაობაზე“ (N325 - 08.06.2018) და „ტექნიკური რეგლამენტი − პლასტიკისა და ბიოდეგრადირებადი პარკების რეგულირების წესის დამტკიცების შესახებ“ (N 472 -14.09.2018))
· შემუშავებულია ნარჩენების კოდექსის სრული იმპლემენტაციისათვის აუცილებელი შემდეგი კანონქვემდებარე აქტების პროექტები (6 პროექტი).
· მუნიციპალიტეტების შესაძლებლობების გაძლიერებისათვის ჩატარებულია 16 ტრენინგი მუნიციპალური ნარჩენების გეგმების შემუშავების ხელშეწყობისათვის;
· ყველა მუნიციპალიტეტს (გარდა ქ. თბილისისა) შემუშავებული და დამტკიცებული აქვს მუნიციპალური ნარჩენების მართვის გეგმა, რომელიც შეთანხმებულია გარემოს დაცვისა და სოფლის მეურნეობის სამინისტროსთან. ქ. თბილისისათვის მიმდინარეობს მუნიციპალური ნარჩენების მართვის გეგმის შემუშავება.
5. საბაზისო მაჩვენებელი
· აღინიშნება ყველა გარემოსდაცვითი მწვანე თარიღი, ეწყობა თემატური შეხვედრები, მზადდება და მასობრივი ინფორმაციის საშუალებით ვრცელდება ვიდეო-რგოლები, პრომო ვიდეოები და სხვა. ეწყობა საინფორმაციო ეკო და მედია ტურები და პრეზენტაციები;
მიზნობრივი მაჩვენებელი
· აღინიშნება ყველა გარემოსდაცვითი მწვანე თარიღი, მოწყობილი 20-მდე თემატური შეხვედრა, მასობრივი ინფორმაციის საშუალებების მაღალი ჩართულობა გარემოსდაცვითი თარიღების აღნიშვნისა და პოპულარიზაციის მიზნით. ყოველწლიურად მომზადებული და გავრცელებული 4-5 საინფორმაციო მასალა (ვიდეო-რგოლები;
· პრომო ვიდეოები და სხვა). სამინისტროში მიმდინარე და დაგეგმილი ღონისძიებების აქტუალურობიდან გამომდინარე, ყოველწლიურად გამოყოფილი 3-მდე პრიორიტეტის ფარგლებში მომზადებული საზოგადოების ცნობიერების ასამაღლებელი სხვადასხვა სახის 10-მდე ღონისძიება - საინფორმაციო ეკო და მედია ტურები და პრეზენტაციები;
მიღწეული მაჩვენებელი
· აღინიშნა 11-მდე გარემოსდაცვითი ღონისძიება მწვანე თარიღი, რომელშიც მონაწილეობდნენ 3 არასამთავრობო და 5-მდე სამთავრობო ორგანიზაციის წარმომადგენლები.
· ატმოსფერული ჰაერის მონაცემების მონიტორინგისა და ავტომატური, მობილური და ინდიკატორული გაზომვების, ასევე, ატმოსფერული ჰაერის ხარისხის პორტალის შექმის შესახებ საზოგადოების ინფორმირებულობის მიზნით, დამზადდა 1 ვიდეო-რგოლი;
· მოეწყო 10 - მდე სხვადასხვა სახის ცნობიერების ასამაღლებელი გარემოსდაცვითი ღონისძიება;
· კლიმატის ცვლილებების საკითხებთან დაკავშირებულ გარემოსდაცვით ღონისძიებების შესახებ მოეწყო 1 ბრიფინგი. განხორციელდა 3 შეხვედრა მედიის წარმომადგენლებთან და დაინტერესებულ ჯგუფებთან. სამინისტროს ინიციატივითა და არასამთავრობო ორგანიზაციების ერთობლივი თანამშრომლობით, რეგიონებში მასშტაბური დასუფთავების აქციები მოეწყო, რომელშიც მონაწილეობას სამინისტროს წარმომადგენლებიც იღებდნენ. ნარჩენების მართვის თემატიკასთან და კოდექსის სიახლეების ძალაში შესვლასთან დაკავშირებით მოეწყო საინფორმაციო შეხვედრა მედიის წარმომადგენლებთან. სანერგეში სკოლის მოსწავლეებისთვის მოეწყო 2 ტური, სადაც მათ მნიშვნელოვანი ინფორმაცია მოისმინეს ზოგადად მცენარეების, წითელი ნუსხის სახეობის მცენარეთა, ცხოველთა და ფრინველთა შესახებ. ასევე, მათთვის, აღნიშნულ საკითხთან დაკავშირებით მოეწყო პრეზენტაციები;
· გაიმართა 3 პრეზენტაცა დაინტერესებული პირებისთვის, ატმოსფერული ჰაერის დაცვის საკითხებთან დაკავშირებით.
6. საბაზისო მაჩვენებელი
· ამ ეტაპზე შეუძლებელია ქვეყნის ბიომრავალფეროვნების მდგომარეობის დაზუსტებით შეფასება;
· მონაცემების შეგროვებას სახეობების, ჰაბიტატებისა და ეკოსისტემების შესახებ არ აქვს სისტემატური ხასიათი;
· ირმის (Cervus elaphus maral), როგორც გადაშენების უკიდურესი საფრთხის წინაშე მყოფი სახეობის სრულყოფილი პოპულაციების აღდგენისათვის აღწარმოების ღონისძიებებია გასატარებელი;
მიზნობრივი მაჩვენებელი
· შეფასებული ეკონომიკურად მნიშვნელოვანი მცენარეთა სახეობების პოპულაციები და დადგენილი მდგრადი მოპოვების კვოტები. ირმის ხელოვნური აღწარმოების პროგრამისა და გეგმის მიხედვით შერჩეულ ტერიტორიებზე გაშვებული გამრავლების ცენტრში გამოყვანილი სულ მცირე, 10 ინდივიდი;
მიღწეული მაჩვენებელი
· არსებობს ინფორმაცია თეთრყვავილას ველური პოპულაციების და კერძო ნაკვეთების შესახებ, მათ შორის რესურსის ოდენობა და სიმჭიდროვე.
· დადგენილია თეთრყვავილას მოპოვების 2019 წლის კვოტა, შემუშავებულია რეკომენდაციები მომდევნო წლებში კვოტის დადგენის კუთხით.
· შემუშავებულია სამოქმედო გეგმა სამომავლო აქტივობების და მონიტორინგის განხორციელებისათვის, მათ შორის თეთრყვავილას პოპულაციებზე მოპოვების ზეგავლენის კვლევის კუთხით.