Find program results

თავდაცვა და საზოგადოებრივი წესრიგი 1,476,608,039 c

ინსტიტუციონალური განვითარება 206,008,002 c

კულტურა, რელიგია, სპორტი 290,146,920 c

მაკროეკონომიკური სტაბილურობა 75,040,165 c

რეგიონული განვითარება და ტურიზმი 1,140,656,649 c

სასამართლო სისტემა 3,500,000 c

სოფლის მეურნეობა 180,985,130 c

იძულებით გადაადგილებულ პირთა მხარდაჭერა 110,327,081 c

ჯანდაცვა და სოციალური უზრუნველყოფა 3,326,556,057 c

საერთაშორისო ურთიერთობები 114,428,240 c

დანაშაულის პრევენცია და ინოვაციური პროგრამები (26 07)

Program implementer

სსიპ - დანაშაულის პრევენციის ცენტრი

Program description

პროგრამის მიზანია საქართველოში დანაშაულის პრევენცია, ყოფილ პატიმართა რეაბილიტაცია და რესოციალიზაცია, აგრეთვე მედიაციის ინსტიტუციონალური განვითარება. აღნიშნული მიზნების მისაღწევად პროგრამის ფარგლებში რამდენიმე მიმართულების პროექტი განხორციელდება. ესენია: ყოფილ პატიმართა რეაბილიტაცია და რესოციალიზაცია - მათი საზოგადოების სრულფასოვან წევრებად დაბრუნების ხელშემწყობი ღონისძიებების გატარება, რომლებიც თავის მხრივ სამი ძირითადი ეტაპისგან შედგება. პირველ ეტაპზე აქცენტი კეთდება ბენეფიციარის ფიზიკური და ფსიქიკური ჯანმრთელობის პრობლემების მოგვარებაზე; მეორე ეტაპზე ბენეფიციარი ერთვება პროფესიული გადამზადების კურსებზე, არსებული გამოცდილებისა და განათლების გათვალისწინებით; მესამე ეტაპზე კი, აქცენტი კეთდება ბენეფიციარის დასაქმებაზე. დანაშაულის პირველი დონის პრევენცია, რომელიც გულისხმობს ახალგაზრდების დახმარებას ფიზიკურ, შემეცნებით, გონებრივ და სოციალურ განვითარებაში. აღნიშნული მიმართულების ღონისძიებები აგებულია არაფორმალური განათლების პრინციპზე, რომელიც მიზნად ისახავს ჯანსაღი და კონკურენტუნარიანი საზოგადოების ჩამოყალიბების ხელშეწყობას და ახალგაზრდებში მოხალისეობრივი კულტურის განვითარებას; დანაშაულის მეორე დონის პრევენცია, რომლის მიზანია მოზარდების (დანაშაულის ჩადენის რისკის ქვეშ მყოფი არასრულწლოვნები) ენერგია და პოტენციალი სასარგებლო აქტივობებისკენ მიმართოს. ამ მიმართულების ფოკუსჯგუფებია: ანტისოციალური/დელიქვენტური ქცევის მქონე ახალგაზრდები, განათლების სისტემიდან გასული არასრულწლოვნები, სახელმწიფო ზრუნვიდან გასული ახალგაზრდები, სისხლის სამართლის პასუხისმგებლობის ასაკს მიუღწეველი პირები, რომელთაც კანონსაწინააღმდეგო ქცევა ჩაიდინეს და მსჯავრდებულთა და ყოფილ პატიმართა ოჯახის არასრულწლოვანი წევრები. არასრულწლოვანთა განრიდება და მედიაცია, რომელიც ნაკლებად მძიმე და მძიმე დანაშაულის ჩამდენ არასრულწლოვანს, რომელიც არ არის ნასამართლევი, შესაძლებლობას აძლევს, პროკურორის დისკრეციული უფლებამოსილების საფუძველზე განერიდოს სისხლისსამართლებრივ პასუხისმგებლობას და ჩაერთოს შესაბამის პროგრამაში, რომელიც მის რეაბილიტაციასა და რესოციალიზაციაზე იქნება ორიენტირებული. მედიაციის ინსტიტუციონალური განვითარება, რომლის ფარგლებშიც იგეგმება მედიაციის როლის, მოქმედების არეალის გაზრდა და მისი ინსტიტუციონალური ჩარჩოს გაუმჯობესება. ამ მიმართულებით მუშაობა წარიმართება მედიაციის ფორმებისა და სფეროების გაფართოებაზე, მათ შორის, სისხლის სამართალის სფეროშიც.

Expected outcome

ყოფილი პატიმრების დასაქმების ზრდა; დანაშაულის პირველი და მეორე დონის პრევენციის მიმართულებებში ჩართული ახალგაზრდების ოდენობის ზრდა; განრიდებულ ახალგაზრდებში განმეორებითი დანაშაულის ჩადენის მინიმალური მაჩვენებელი;

Achieved outcomes

· გაიზარდა ყოფილი პატიმრების დასაქმების მაჩვენებელი; · გაიზარდა დანაშაულის პირველი და მეორე დონის პრევენციის მიმართულებებში ჩართული ახალგაზრდების რაოდენობა; · განრიდებულ ახალგაზრდებში განმეორებითი დანაშაულის ჩადენის მაჩვენებელი შემცირდა მიზნობრივ მაჩვენებელზე დაბლა.

Performance indicators

1 საბაზისო მაჩვენებელი - 2015 წლის სექტემბრის მონაცემებით, ცენტრის მხარდაჭერით სულ დასაქმდა 46 ბენეფიციარი და ოჯახის წევრი; მიზნობრივი მაჩვენებელი - ყოველწლიურად იგეგმება აღნიშნული მაჩვენებლის 10 ერთეულით ზრდა; ცდომილების ალბათობა (%/აღწერა) - +/- 5 დასაქმებული ბენეფიციარი და მისი ოჯახის წევრი; შესაძლო რისკები - ბენეფიციარების შესაბამისი უნარ-ჩვევების არქონა; დამსაქმებლების ნაკლებობა 2 საბაზისო მაჩვენებელი - 2015 წლის სექტემბრის მდგომარეობით თბილისსა და გორში გაიმარჯვა და დაფინანსდა 16 ბიზნეს-იდეა; მიზნობრივი მაჩვენებელი - ყოველწლიურად იგეგმება 15-მდე ყოფილ პატიმრის ბიზნეს-იდეის დაფინანსება; ცდომილების ალბათობა (%/აღწერა) - +/-5 დაფინანსებული ბიზნეს-იდეა; შესაძლო რისკები - დაფინანსებული ბიზნეს-იდეების არამდგრადობა 3 საბაზისო მაჩვენებელი - დანაშაულის პირველი დონის პრევენციის ქვეპროგრამის სხვადასხვა მიმართულებით 2015 წლის სექტემბრის მდგომარეობით ჩართულია 1631 მონაწილე; მიზნობრივი მაჩვენებელი - 2019 წლამდე ყოველწლიურად 1500 ახალი მონაწილის ჩართვა; ცდომილების ალბათობა (%/აღწერა) - 5%; შესაძლო რისკები - ქვეპროგრამის განხორციელების ეტაპზე სერვისის უზრუველყოფისათვის საჭირო რესურსების ნაკლებობა 4 საბაზისო მაჩვენებელი - 2015 წლის სექტემბრის მდგომარეობით დანაშაულის მეორე დონის პრევენციის მიმართულების პროექტ „ახალგაზრდულ კლუბში“ ჩართულია 130 ბენეფიციარი; მიზნობრივი მაჩვენებელი - 2016 წელს იგეგმება პროექტში ჩართული ბენეფიციარების 270-მდე ზრდა ; 2017 წელს - 470-მდე; 2018 წელს - 570-მდე; ხოლო 2019 წელს - 670-მდე; ცდომილების ალბათობა (%/აღწერა) - 10%; შესაძლო რისკები - ადამიანური და ინფრასტრუქტურული რესურსების სიმცირე 5 საბაზისო მაჩვენებელი - განრიდებისა და მედიაციის პროგრამაში, 2015 წლის სექტემბრის მდგომარეობით, დადასტურებული განმეორებითი დანაშაულის მაჩვენებელი არ აღემატება 5%-ს; მიზნობრივი მაჩვენებელი - ყოველწლიურად იგეგმება არაუმეტეს 15%-იანი მაჩვენებლის შენარჩუნება (განმეორებითი დანაშაულის პროცენტული მაჩვენებლის არსებულთან მიმართებაში ზრდა განპირობებულია იმით, რომ განრიდებისა და მედიაციის პროგრამაში უკვე შესაძლებელია ჩაერთოს არა მხოლოდ ნაკლებად მძიმე, არამედ მძიმე დანაშაულში მხილებული ახალგაზრდა. ამასთან, 2016 წლის პირველი იანვრიდან, განრდირებას დაექვემდებარებიან, არა მხოლოდ 18 წლამდე, არამედ 21 წლამდე ახალგაზრდები); ცდომილების ალბათობა (%/აღწერა) - 5%; შესაძლო რისკები - განრიდების საქმეების სირთულე; განრიდების გაზრდილი მაჩვენებელი; დამატებულ ასაკობრივ ჯგუფში განმეორებითი დანაშაულის ჩადენის მაღალი ალბათობა

Achieved performance indicators

1. საბაზისო მაჩვენებელი - 2015 წლის სექტემბრის მონაცემებით, ცენტრის მხარდაჭერით სულ დასაქმდა 46 ბენეფიციარი და ოჯახის წევრი; მიზნობრი ვიმაჩვენებელი - ყოველწლიურად იგეგმება აღნიშნული მაჩვენებლის 10 ერთეულით ზრდა; მიღწეული მაჩვენებელი - დასაქმდა 47 ბენეფიციარი; ცდომილების მაჩვენებელი (%/აღწერა) და განმარტება დაგეგმილ და მიღწეულ საბოლოო შედეგებს შორის არსებულ განსხვავებებზე - 2016 წელს დასაქმებულ ბენეფიციართა რაოდენობა დაგეგმილზე 9 ერთეულით ნაკლებია, რაც გამოწვეულია არსებულ ვაკანსიებთან ბენეფიციარების კვალიფიკაციის შეუსაბამობით; 2.საბაზისო მაჩვენებელი - 2015 წლის სექტემბრის მდგომარეობით თბილისსა და გორში გაიმარჯვა და დაფინანსდა 16 ბიზნეს-იდეა; მიზნობრივი მაჩვენებელი - ყოველწლიურად იგეგმება 15-მდე ყოფილ პატიმრის ბიზნეს-იდეის დაფინანსება; მიღწეული მაჩვენებელი - დაფინანსდა 57 ბიზნეს-იდეა; 3.საბაზისო მაჩვენებელი - დანაშაულის პირველი დონის პრევენციის ქვეპროგრამის სხვადასხვა მიმართულებით 2015 წლის სექტემბრის მდგომარეობით ჩართულია 1631 მონაწილე; მიზნობრივი მაჩვენებელი - 2019 წლამდე ყოველწლიურად 1500 ახალი მონაწილის ჩართვა; მიღწეული მაჩვენებელი - დანაშაულის პირველი დონის პრევენციის მიმართულებით პროექტებში 2016 წელს საქართველოს მასშტაბით 1 534 უნიკალური მონაწილე ჩაერთო; 4.საბაზისო მაჩვენებელი - 2015 წლის სექტემბრის მდგომარეობით დანაშაულის მეორე დონის პრევენციის მიმართულების პროექტ „ახალგაზრდულ კლუბში“ ჩართულია 130 ბენეფიციარი; მიზნობრივი მაჩვენებელი - 2016 წელს იგეგმება პროექტში ჩართული ბენეფიციარების 270-მდე ზრდა; 2017 წელს - 470-მდე; 2018 წელს - 570-მდე; ხოლო 2019 წელს - 670-მდე; მიღწეული მაჩვენებელი - დანაშაულის მეორე დონის პრევენციის მიმართულებით ახალგაზრდული კლუბისმიერ ჩატარებულ აქტივობებში ჩაერთო 290 ბენეფიციარი; 5.საბაზისო მაჩვენებელი - განრიდებისა და მედიაციის პროგრამაში, 2015 წლის სექტემბრის მდგომარეობით, დადასტურებული განმეორებითი დანაშაულის მაჩვენებელი არ აღემატება 5%-ს; მიზნობრივი მაჩვენებელი - ყოველწლიურად იგეგმება არაუმეტეს 15%-იანი მაჩვენებლის შენარჩუნება (განმეორებითი დანაშაულის პროცენტული მაჩვენებლის არსებულთან მიმართებაში ზრდა განპირობებულია იმით, რომ განრიდებისა და მედიაციის პროგრამაში უკვე შესაძლებელია ჩაერთოს არა მხოლოდ ნაკლებად მძიმე, არამედ მძიმე დანაშაულში მხილებული ახალგაზრდა. ამასთან, 2016 წლის პირველი იანვრიდან, განრიდებას დაექვემდებარებიან არა მხოლოდ 18 წლამდე, არამედ 21 წლამდე ახალგაზრდები); მიღწეული მაჩვენებელი - 2016 წლის განმავლობაში განრიდების ან განრიდებისა და მედიაციის ხელშეკრულება განმეორებითი დანაშაულის ჩადენის გამო შეწყდა ხუთი არასრულწლოვნის და ერთი 18-დან 21-წლამდე პირის შემთხვევაში (რაც განრიდებულების რაოდენობის 1%-ზე ნაკლებია). ცდომილების მაჩვენებელი (%/აღწერა) და განმარტება დაგეგმილ და მიღწეულ საბოლოო შედეგებს შორის არსებულ განსხვავებებზე - ცდომილების ალბათობის მაჩვენებლის გადაცდომის მიზეზს წარმოადგენს განმეორებითი დანაშაულის დათვლის მეთოდოლოგია. ამ ეტაპზე მოცემულია მხოლოდ 2016 წლის განმავლობაში ხელშეკრულების მიმდინარეობის დროს ჩადენილი განმეორებითი დანაშაულის მაჩვენებელი. მიმდინარეობს საერთაშორისო ექსპერტთან კონსულტაცია ამ საკითხთან დაკავშირებით, რის ფარგლებშიც შემუშავდება განმეორებითი დანაშაულის დათვლის ერთიანი მეთოდოლოგია. სავარაუდოდ, 2017 წლის პირველ ნახევარში საქართველოს პროკურატურასთან ურთიერთთანამშრომლობით დაზუსტდება მონაცემები.