Find program results

თავდაცვა და საზოგადოებრივი წესრიგი 1,476,608,039 c

ინსტიტუციონალური განვითარება 206,008,002 c

კულტურა, რელიგია, სპორტი 290,146,920 c

მაკროეკონომიკური სტაბილურობა 75,040,165 c

რეგიონული განვითარება და ტურიზმი 1,140,656,649 c

სასამართლო სისტემა 3,500,000 c

სოფლის მეურნეობა 180,985,130 c

იძულებით გადაადგილებულ პირთა მხარდაჭერა 110,327,081 c

ჯანდაცვა და სოციალური უზრუნველყოფა 3,326,556,057 c

საერთაშორისო ურთიერთობები 114,428,240 c

სასჯელაღსრულებისა და პრობაციის სისტემისათვის თანამშრომელთა მომზადება და პროფესიული განვითარება (27 03)

Program implementer

სსიპ - სასჯელაღსრულებისა და პრობაციის სასწავლო ცენტრი

Program description

სასჯელაღსრულებისა და პრობაციის სისტემის პერსონალის პროფესიული მომზადება-გადამზადების გზით ქვეყანაში სისხლის სამართლის მართლმსაჯულების სისტემაში მიმდინარე რეფორმების, სასჯელაღსრულების სისტემაში ევროპის საბჭოსა და გაეროს სტანდარტების მოთხოვნათა დანერგვისა და ადამიანის უფლებათა დაცვის ხელშეწყობა; სასჯელაღსრულებისა და პრობაციის სისტემის კვალიფიციური კადრებით უზრუნველყოფა; სტრატეგიული ურთიერთთანამშრომლობის გაღრმავება სხვადასხვა სახელმწიფო სტრუქტურებთან, აკადემიურ ინსტიტუტებთან, არასამთავრობო და საერთაშორისო ორგანიზაციებთან და სხვადასხვა ქვეყნების შესაბამის სასწავლო დაწესებულებებთან; სისტემაში მისაღები და მომუშავე კადრების ტესტირების ინსტიტუტის დანერგვა და მისი ჩატარება მოთხოვნილებისამებრ, სისტემაში კვალიფიციური კადრების მიღებისა და ადგილზე მათი ხარისხის გაუმჯობესების ხელშეწყობა; მოქმედი სასწავლო პროგრამების განახლება და ახალი პროგრამების მომზადება ადგილობრივი რესურსებისა და საერთაშორისო ექსპერტების ჩართულობით, სწავლების ხარისხის სისტემატური გაუმჯობესების უზრუნველყოფა; განათლებისა და პროფესიული განვითარების ხარისხის უზრუნველყოფა და სასწავლო პროგრამების განვითარება; სასჯელაღსრულებისა და პრობაციის სისტემებში ახლად დანერგილი მენტორინგის ინსტიტუტის განვითარება; ახალი სახელმძღვანელოების მომზადება, ბიბლიოთეკის განვითარება;

Expected outcome

სასჯელაღსრულებისა და პრობაციის სისტემის პერსონალის პროფესიული მომზადება-გადამზადების გზით სისხლის სამართლის რეფორმის განხორციელების, ევროპის საბჭოსა და გაეროს სტანდარტების დანერგვის, ადამიანის უფლებათა დაცვის, დანაშაულის პრევენციის, მსჯავრდებულის სოციალური რეაბილიტაციის განხორციელების ხელშეწყობა; სტრატეგიული ურთიერთთანამშრომლობის გაღრმავება სხვადასხვა სახელმწიფო, არასამთავრობო და საერთაშორისო ორგანიზაციებთან, ასევე სხვადასხვა ქვეყნების შესაბამის სასწავლო დაწესებულებებთან; განათლებისა და პროფესიული განვითარების ხარისხის უზრუნველყოფა და სასწავლო პროგრამების განვითარება; სასჯელაღსრულებისა და პრობაციის სისტემებში ახლად დანერგილი მენტორინგის ინსტიტუტის განვითარება; ახალი სახელმძღვანელოების მომზადება, ბიბლიოთეკის განვითარება; სამინისტროს სისტემისათვის საექსპერტო საქმიანობის უზრუნველყოფა.

Achieved outcomes

· სასჯელაღსრულებისა და პრობაციის სასწავლო ცენტრში მოქმედი ყველა ძირითად პროგრამა ხელს უწყობს სისტემის მოსამსახურეებისა და სისტემაში დასაქმების მსურველთა პროფესიულ განვითარების გზით ადამიანის უფლებებზე ორიენტირებული და ეფექტიანი სასჯელაღსრულებისა და პრობაციის სისტემის ჩამოყალიბებას; · განხორციელდა ურთიერთთანამშრომლობა შემდეგ საერთშორისო, დონორ და არასამთავრობო ორგანიზაციებთან: აშშ საელჩო საქართველოში (აშშ სახელმწიფო ანტინარკოტიკული და სამართალდამცავ ორგანოებთან თანამშრომლობის თბილისის ბიურო (INL)), ევროპის საბჭოს ოფისი საქართველოში, გაეროს განვითარების პროგრამა, საერთაშორისო სამართლებრივი თანამშრომლობის გერმანული ფონდი (IRZ), ციხის საერთაშორისო რეფორმა(PRI); · სასჯელაღსრულებისა და პრობაციის სასწავლო ცენტრის მიერ განხორციელდა არსებული სასწავლო პროგრამების განახლება და ახალი სასწავლო პროგრამების შემუშავება. · ახალდანიშნული თანამშრომლების სისტემაში ადაპტირებას მნიშვნელოვნად შეუწყო ხელი მენტორის (გამოცდილი თანამშრომელი) არსებობამ, რომელიც სისტემაში მოსვლის პირველ ეტაპზე დაეხმარა მათ მუშაობის სპეციფიკაში გარკვევასა და შესაბამისი უნარ-ჩვევების გამომუშავებაში. ბრალდებულთა/მსჯავრდებულთა უფლებების დაცვა მენტორინგის პროგრამის ერთ-ერთი განუყოფელი ნაწილია. აღნიშნული პროგრამის ფარგლებში მომზადება გაიარა 289 ახალმა მიღებულმა მოსამსახურემ; · ევროპის საბჭოსგან მიღებულია სახელმძღვანელოები.

Performance indicators

1 საბაზისო მაჩვენებელი - 2015 წელს მომზადება გაიარა სისტემაში მომუშავე და სისტემასთან კავშირში მყოფმა 2277 მსმენელმა და საგამოცდო ბარიერი დაძლეული იქნა 80% ის მიერ. ჩატარდა 80 სასწავლო ღონისძიება; მიზნობრივი მაჩვენებელი - 2016 წელს საბაზისო მაჩვენებელი შენარჩუნებულია. 80 სასწავლო ღონისძიება ჩატარებულია. 5200 კაც./ტრენინგდღე; ცდომილების ალბათობა (%/აღწერა) - 25-30% - 2016 წელს საკანონმდებლო ცვლილებების იმპლემენტაციის მიზნით განსახორციელებელი პენიტენციური დაწესებულებების თანამშრომლეთა კასკადური გადამზადება შესაძლებელია არ გახდეს საჭირო; შესაძლო რისკები - პენიტენციური სისტემის თანამშრომელთა სასწავლო ღონისძიებებზე მოვლინების შეფერხება; დასაქმების მსურველთა დაბალი აქტივობა

Achieved performance indicators

1.საბაზისო მაჩვენებელი - 2015 წელს მომზადება გაიარა სისტემაში მომუშავე და სისტემასთან კავშირში მყოფმა 2 277 მსმენელმა და საგამოცდო ბარიერი დაძლეული იქნა 80% ის მიერ. ჩატარდა 80 სასწავლო ღონისძიება; მიზნობრივი მაჩვენებელი - 2016 წელს საბაზისო მაჩვენებელი შენარჩუნებულია. 80 სასწავლო ღონისძიება ჩატარებულია. 5 200 კაც./ტრენინგდღე; მიღწეული მაჩვენებელი - ჩატარებული სასწავლო ღონისძიების რაოდენობა 171; მომზადება გაიარა სისტემაში მომუშავე და სისტემასთან კავშირში მყოფმა 3 900 მსმენელმა; მინიმალური ქულობრივი ბარიერი გადალახა გამოცდაში/ტესტირებაში მონაწილეთა 93%-მა. ცდომილების მაჩვენებელი (% აღწერა) და განმარტება დაგეგმილ და მიღწეულ საბოლოო შედეგებს შორის არსებულ განსხვავებაზე: · საქართველოს კანონის „სპეციალური პენიტენციური სამსახურის შესახებ“ მოთხოვნების შესაბამისად განხორციელდა სამსახურის ყველა იმ თანამშრომლის მომზადებისა და გადამზადების პროცესი, ვისი თანამდებობისთვისაც სერტიფიკატი მოითხოვება, პროცესი გაგრძელდება 2017 წელს. ასევე, არასრულწლოვანთა მართლმსაჯულების ახალი კოდექსის ამოქმედებამ დღის წესრიგში დააყენა არასრულწლოვან ბრალდებულ/მსჯავრდებულებთან მომუშავე თანამშრომელთა გადამზადების საკითხი. „საქართველოს სახალხო დამცველის, აგრეთვე სპეციალური პრევენციული ჯგუფის წევრის მიერ საქართველოს სასჯელაღსრულებისა და პრობაციის სამინისტროს პენიტენციურ დაწესებულებებში ფოტო გადაღების უფლების განხორციელების წესის“ დამტკიცებასთან დაკავშირებით განხორციელდა სახალხო დამცველის აპარატის, პრევენციული ჯგუფის წევრებისა და სპეციალური პენიტენციური სამსახურის შესაბამის მოსამსახურეთა გადამზადება. „საქართველოს სასჯელაღსრულებისა და პრობაციის სამინისტროს პენიტენციურ დაწესებულებებში შესაძლო წამების და სხვა სასტიკი, არაადამიანური ან დამამცირებელი მოპყრობის შედეგად ბრალდებულ/მსჯავრდებულთა დაზიანების აღრიცხვის წესის“ დამტკიცებასთან დაკავშირებით დაიწყო სისტემის სამედიცინო პერსონალის გადამზადება, პროცესი გაგრძელდება 2017 წელს. ყოველივე ამან და დონორი ორგანიზაციების მიერ დაფინანსებულმა და სხვადასხვა თემაზე ჩატარებულმა ტრენინგებმა, რომელიც დაიგეგმა პენიტენციური და პრობაციის სისტემის სამსახურებთან ურთიერთთანამშრომლობის ფარგლებში - განაპირობა დაგეგმილ და მიღებულ შედეგებს შორის სხვაობა; · მინიმალური ქულობრივი ბარიერის გადალახვის გამოცდაში/ტესტირებაში მონაწილეთა პროცენტული მაჩვენებლის ცვლილება დაგეგმილ და მიღწეულ საბოლოო შედეგს შორის გამოწვეულია მსმენელების მაღალი მოტივაციით, რადგანაც სერთიფიკატის შედეგები გავლენას ახდენდა მათ დასაქმებაზე.