მოძებნე პროგრამის შედეგები

თავდაცვა და საზოგადოებრივი წესრიგი 1,631,117,600 c

ინსტიტუციონალური განვითარება 206,322,901 c

კულტურა, რელიგია, სპორტი 351,848,510 c

მაკროეკონომიკური სტაბილურობა 187,605,460 c

რეგიონული განვითარება და ტურიზმი 1,764,682,250 c

სასამართლო სისტემა 4,199,680 c

სოფლის მეურნეობა 213,737,310 c

იძულებით გადაადგილებულ პირთა მხარდაჭერა 142,258,106 c

ჯანდაცვა და სოციალური უზრუნველყოფა 3,618,273,318 c

საერთაშორისო ურთიერთობები 143,140,777 c

მოსახლეობის ჯანმრთელობის დაცვა (35 03)

პროგრამის განმახორციელებლი

საქართველოს შრომის, ჯანმრთელობისა და სოციალური დაცვის სამინისტრო; სსიპ - სოციალური მომსახურების სააგენტო; სსიპ - ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრი; სსიპ --საგანგებო სიტუაციების კოორდინაციისა და გადაუდებელი დახმრების ცენტრი

პროგრამის აღწერა და მიზანი

ჯანმრთელობის დაცვის სერვისებზე მოსახლეობის ფინანსური და გეოგრაფიული ხელმისაწვდომობის გაზრდა; დაავადებათა პრევენციის, საზოგადოებრივი ჯანმრთელობის დაცვის საფრთხეებისათვის მზადყოფნის და საპასუხო რეაგირების უზრუნველყოფა; გეგმური ამბულატორიული, გადაუდებელი ამბულატორიული და სტაციონარული, გეგმური ქირურგიული მომსახურების, ქიმიო, ჰორმონო და სხივური თერაპიის უზრუნველყოფა; მშობიარობისა და საკეისრო კვეთის სერვისების დაფინანსება. ბენეფიციართა გარკვეული ჯუფების (სოციალურად დაუცველი, საპენსიო ასაკი, ვეტერანები) შესაბამისი მედიკამენტებით უზრუნველყოფა; მოსახლეობის ჯანმრთელობის ხელშეწყობა, ჯანსაღი ცხოვრების წესის დამკვიდრება და გადამდებ და არაგადამდებ დაავადებათა პრევენცია; იმუნიზაცია, დაავადებათა ადრეული გამოვლენისა და სკრინინგის ხელშეწყობა; ისეთი გადამდები დაავადებების, როგორიცაა ტუბერკულოზი, მალარია, ვირუსული ჰეპატიტები, აივ-ინფექცია, სქესობრივი გზით გადამდები ინფექციების გავრცელების კონტროლი; ფსიქიკური ჯანმრთელობის პრობლემების მქონე მოსახლეობის ამბულატორიული და სტციონარული სპეციალიზებული დახმარებით უზრუნველყოფა; დიაბეტით დაავადებული პაციენტების მკურნალობა და მედიკამენტებით უზრუნველყოფა; ბავშვთა ონკოჰემატოლოგიური მომსახურება; თირკმლის ქრონიკული უკმარისობით დაავადებული პაციენტების დიალიზით, თირკმლის ტრანსპლანტაციითა და მედიკამენტებით უზრუნველყოფა; ინკურაბელური პაციენტების მკურნალობა და მედიკამენტებით უზრუნველყოფა; იშვიათი დაავადებების მქონე პაციენტთა მკურნალობითა და მედიკამენტებით უზრუნველყოფა; სასწრაფო სამედიცინო დახმარების, სამედიცინო ტრანსპორტირებისა და სოფლად ამბულატორიული მომსახურებით უზრუნველყოფა; რეფერალური დახმარების უზრუნველყოფა; სამხედრო ძალებში გასაწვევ მოქალაქეთა სამედიცინო შემოწმება; დონორების მიერ დაფინანსებული მიმდინარე პროგრამების ეტაპობრივად სახელმწიფოს ვალდებულებებში ასახვა; საექიმო სპეციალობის მაძიებელთა დიპლომისშემდგომი/სარეზიდენტო მზადების დაფინანსება მაღალმთიანი და საზღვრისპირა მუნიციპალიტეტებისათვის დეფიციტურ და პრიორიტეტულ საექიმო სპეციალობებში.

მოსალოდნელი შედეგები

მოსახლეობის სამედიცინო მომსახურებით უნივერსალური მოცვა;

მიღწეული შედეგები

· მოსახლეობის სამედიცინო მომსახურებით უნივერსალური მოცვა; · დედათა და ბავშვთა სიკვდილიანობის მაჩვენებლების კლების ტენდენცია შენარჩუნებულია; · ინკურაბელური პაციენტები უზრუნველყოფილი არიან სპეციალიზირებული სამედიცინო მომსახურებითა და მედიკამენტებით; · ნარკომანიით დაავადებული პირები უზრუნველყოფილი არიან ადექვატური მკურნალობითა და ჩამანაცვლებელი თერაპიით; · ფსიქიკური ჯანმრთელობის მქონე პირები უზრუნველყოფილი არიან სათემო ამბულატორიული და სტაციონარული მომსახურებით; · დიაბეტის მქონე პროგრამით მოსარგებლე პაციენტები უზრუნველყოფილი არიან სპეციალიზირებული სამედიცინო მომსახურებითა და მედიკამენტებით; · ტუბერკულოზის ინციდენტობა ქვეყანაში ხასიათდება კლების ტენდენციით; · ტუბერკულოზითა და აივ-ინფექცია/შიდსით დაავადებული პირები უზრუნველყოფილნი არიან უფასო ამბულატორიული და სტაციონარული მკურნალობით; · გაუმჯობესებულია იმუნიზაციით მოცვის მაჩვენებელი; · ქვეყანაში გაუმჯობესებულია ინფექციური დაავადებების ეპიდზედამხედველობის სისტემა; · C ჰეპატიტით დაავადებული საქართველოს მოქალაქეები უზრუნველყოფილნი არიან სადიაგნოსტიკო კვლევებითა და C ჰეპატიტის სამკურნალო უახლესი თაობის მედიკამენტებით; · თირკმლის ტერმინალური უკმარისობით დაავადებული საქართველოს მოსახლეობა სრულად მოცულია ადექვატური სამედიცინო მომსახურებით; · იშვიათი დაავადებების მქონე და მუდმივ ჩანაცვლებით მკურნალობას დაქვემდებარებული პაციენტები, რომელებიც ჩართულები არიან პროგრამაში, უზრუნველყოფილნი არიან ადეკვატური სამედიცინო მომსახურებით და მედიკამენტებით; · მოსახლეობა უზრუნველყოფილია სასწრაფო სამედიცინო დახმარებითა და ტრანსპორტირებით; · პირველად/ამბულატორიული მომსახურებაზე გაზრდილია უტილიზაციის მაჩვენებელი; · „სოციალურად დაუცველი ოჯახების მონაცემთა ერთიან ბაზაში“ რეგისტრირებული პირები, რომლებზეც მინიჭებული სარეიტინგო ქულა არ აღემატება 100 000-ს, ასევე, საპენსიო ასაკის მოსახლეობა (ქალი - 60 წლიდან, მამაკაცი - 65 წლიდან), შეზღუდული შესაძლებლობის სტატუსის მქონე ბავშვები და მკვეთრად ან მნიშვნელოვნად გამოხატული შეზღუდული შესაძლებლობის სტატუსის მქონე პირები უზრუნველყოფილი არიან გულ-სისხლძარღვთა, ფილტვის, ფარისებრი ჯირკვლის ქრონიკული დაავადებების, ასევე დიაბეტი ტიპი 2-ის სამკურნალო მედიკამენტებით. შესაბამისი მედიკამენტებით უზრუნველყოფილნი არიან ასევე, პარკინსონითა და ეპილეფსიით დაავადებული პირები.

მოსალოდნელი შედეგების შეფასების ინდიკატორები

1 საბაზისო მაჩვენებელი - ჰოსპიტალიზაციის მაჩვენებელი (100 მოსახლეზე): 13,3; მიზნობრივი მაჩვენებელი - შენარჩუნებულია საბაზისო მაჩვენებელი; ცდომილების ალბათობა (%/აღწერა) - 20%; შესაძლო რისკები - გაუთვალისწინებელი ეპიდემიები და კატასტროფები 2 საბაზისო მაჩვენებელი - 1 წლამდე ასაკის ბავშვთა სიკვდილიანობა 1000 ცოცხლადშობილზე -8.6; მიზნობრივი მაჩვენებელი - სიკვდილიანობის მაჩვენებლის შემცირება 0,5%-ით; ცდომილების ალბათობა (%/აღწერა) - 5%; შესაძლო რისკები - ინფექციური დაავადებების გაუთვალისწინებელი ეპიდემია 3 საბაზისო მაჩვენებელი - დედათა სიკვდილიანობა 100 000 ცოცხლადშობილზე - 32.2; მიზნობრივი მაჩვენებელი - დედათა სიკვდილიანობის მაჩვენებლის შემცირება 5%-ით; ცდომილების ალბათობა (%/აღწერა) - 20%; შესაძლო რისკები - ინფექციური დაავადებების გაუთვალისწინებელი ეპიდემია 4 საბაზისო მაჩვენებელი - ამბულატორიული მიმართვების რაოდენობა: 1 სულ მოსახლეზე მიმართვების რაოდენობა - 3,9; მიზნობრივი მაჩვენებელი - მიმართვიანობის გაზრდა 0,5%-ით; ცდომილების ალბათობა (%/აღწერა) - 20%; შესაძლო რისკები - მოსახლეობის ცნობიერების დაბალი დონე; სამედიცინო დაწესებულებების მხრიდან სერვისის მიწოდების ორგანიზაციული ხარვეზები

მიღწეული შედეგების შეფასების ინდიკატორები

1.დაგეგმილი საბაზისო მაჩვენებელი - ჰოსპიტალიზაციის მაჩვენებელი (100 მოსახლეზე): 13.3 (2017); დაგეგმილი მიზნობრივი მაჩვენებელი - შენარჩუნებულია საბაზისო მაჩვენებელი; მიღწეული საბოლოო შედეგების შეფასების ინდიკატორი - ჰოსპიტალიზაციის მაჩვენებელი (100 მოსახლეზე): 13.3 (2018 წელი); 2.დაგეგმილი საბაზისო მაჩვენებელი - 1 წლამდე ასაკის ბავშვთა სიკვდილიანობა 1000 ცოცხლადშობილზე -8.6 (2015 წელი); დაგეგმილი მიზნობრივი მაჩვენებელი - სიკვდილიანობის მაჩვენებლის შემცირება 0,5%-ით; მიღწეული საბოლოო შედეგების შეფასების ინდიკატორი - 1 წლამდე ასაკის ბავშვთა სიკვდილიანობა 1000 ცოცხლადშობილზე -9.6 (2017 წელი), 9.0 (2016 წელი); ცდომილების მაჩვენებელი (% აღწერა) და განმარტება დაგეგმილ და მიღწეულ საბოლოო შედეგებს შორის არსებულ განსხვავებებზე: წლამდე ბავშვთა სიკვდილიანობის სტრუქტურაში 70.1%-ს პერინატალური პერიოდის ავადმყოფობები შეადგენს, ხოლო პრინატალური სიკვდილიანობის 68.0% მკვდრადშობადობაზე მოდის; 3.დაგეგმილი საბაზისო მაჩვენებელი - დედათა სიკვდილიანობა 100 000 ცოცხლადშობილზე - 32.2 (2015 წელი); დაგეგმილი მიზნობრივი მაჩვენებელი - დედათა სიკვდილიანობის მაჩვენებლის შემცირება 5%-ით; მიღწეული საბოლოო შედეგების შეფასების ინდიკატორი - დედათა სიკვდილიანობა 100 000 ცოცხლადშობილზე - 13.1 (2017 წელი), 23.0 (2016 წელი); 4.დაგეგმილი საბაზისო მაჩვენებელი - ამბულატორიული მიმართვების რაოდენობა: 1 სულ მოსახლეზე მიმართვების რაოდენობა - 3,9 (2015 წელი); დაგეგმილი მიზნობრივი მაჩვენებელი - მიმართვიანობის გაზრდა 0.5%-ით; მიღწეული საბოლოო შედეგების შეფასების ინდიკატორი - ამბულატორიული მიმართვების რაოდენობა: 1 სულ მოსახლეზე მიმართვების რაოდენობა - 3.5 (2017 წელი), 3.9 (2016 წელი). ცდომილების მაჩვენებელი (% აღწერა) და განმარტება დაგეგმილ და მიღწეულ საბოლოო შედეგებს შორის არსებულ განსხვავებებზე: · ჯანმრთელობის მსოფლიო ორგანიზაციის ბოლო ხელმისაწვდომი მონაცემებით, 1 სულ მოსახლეზე ამბულატორიულ-პოლიკლინიკური მომსახურებისთვის მიმართვიანობის საშუალო მაჩვენებელი ევროპის რეგიონის ქვეყნებისთვის 6-ს შეადგენს. საქართველოში ბოლო წლების განმავლობაში მაჩვენებლის მნიშვნელობა 2.2-ს არ აღემატებოდა. საყოველთაო ჯანდაცვის სახელმწიფო პროგრამის ამოქმედების შემდეგ მოსახლეობის მიმართვიანობა როგორც ამბულატორიულ, ასევე სტაციონარულ დაწესებულებებში, მკვეთრად გაიზარდა და 2017 წელს ამბულატორიულ-პოლიკლინიკური მომსახურებისთვის მიმართვათა რაოდენობამ ერთ სულ მოსახლეზე 3.5-ს მიაღწია.

გადაატრიალეთ თქვენი მოწყობილობა!

დიაგრამაზე წარმოდგენილია პროგრამებზე/ქვეპროგრამებზე ბიუჯეტის კანონით დამტკიცებული და ფაქტობრივად დახარჯული თანხების დინამიკა.

მონაცემთა წყარო: საქართველოს ფინანსთა სამინსიტრო

ბოლო განახლება: 15.08.2022

მოცემული ანალიტიკა საშუალებას გაძლევთ მთავრობის პრიორიტეტების მიხედვით იხილოთ პროგრამების/ქვეპროგრამების ფარგლებში დასახული მოსალოდნელი და რეალურად მიღწეული შედეგები.

წყარო: საქართველოს ფინანსთა სამინისტრო - პროგრამული დანართი

ბოლო განახლება: 25.01.2019